Ebira


/1 Ama Ohomorihi oni oo si zu yi ka oni oo si ireyi ayi pataki; Eyi me yi
daka vi onivi, d'Ikristi ve su yi eyi ni.
O si vo ka uhuoo aa ri Eche Oyiparahu ni; Ijeesu oo ye ka ume o si tu on'oni
aa sii huuni ehe, d'oni o no ida Ada ani; Oo si ireyi aza ani ene hi ini ehe;
Booro aani, o si tu ka o si zu wa iz'o si ireyi enini na za.
Ayi nyi ireyi oza oyisi ene huna osoni ka oza o su aguvi ota ani.
Ijeesu Kristi an'a zu si ayi tura, o re me oyiza wu nini! Oni o vi onipaapa
ana ha huuni isu ni, oni o re vi ohiresu ohinoyi anehe ni.
Oo si ireyi ayi; Ini oze anya on'o che se ete o me su, oo nyina ivi ayi
kuooze.
Ohomorihi oo vavoo si ireyi anehe pooro, ne tu ka oo si Ozi ani ikonya
gene-gene yi anehe; ka oza tura oza ana aa si ayi turaa, as'o kuku vuete, ama
d'o zu yara ida Ohomorihi pooro zina-zina.
Oza ene eyi si ireyi oza, oyi ye Ohomorihi, aguvika Ohomorihi vi enee si
ireyi oza.
Aani Ohomorihi meme si zu yi gedebee ka oni oo si ireyi ayi ni: Oo tu Ozi ani
ikonya gene-gene ve ehe, aguvi di ya nyengu yara ini oze ani.

/2 Avaba aza ee do ka aheke ayi ononi, o ka hiin, iruvo ani oo nyine
eteetere: Ikristi oo si engu ani zu anka oza r'eyi iresu; Uhue Onini oo si zu
ka onizeyiza o vi ni, anggeeri-nini e re ree; Aa ka ireyi ani yi anehe, anehe
ee si ayi turaa, d'a sioo no ebeeba ini igirima ni.