Efik 1st John


/1 Se okodude toto ke eritono, se nyin ikokopde, se nyin ikokutde ke enyin, se 
nyin ikesede, ubok nyin ekenyun etukde, kabana iko uwem.
Ndien ekeyarare uwem oro, nyin ikonyun ikut, inyun itin iko ntiense, inyun 
isian mbufo Uwem oro, nsinsi Uwem oro, emi okodude ye Ete, ekenyun eyararede 
eno nyin.
Se nyin ikokutde inyun ikopde ke nyin isian mbufo nde, man mbufo nko enyene 
eribuana ye nyin: ndien eribuana nyin edi ye Ete, ye Eyen Esie Jesus Christ.
Ndien nyin iwet nkpo emi, man idara nyin oyoho.
Ndien emi edi iko oro nyin ikokopde Enye etinde, inyun isiande mbufo, ite, 
Abasi edi unwana, baba ekim inyun iduhe Enye kesit.
Nyin ima idoho ite, nyin imenyene eribuana ye Enye, ndien isana ke ekim, nyin 
isu nsu inyun inamke akpaniko.
Edi nyin ima isana ke unwana, nte Enye odude ke unwana, nyin imenyene eribuana 
kiet ye eken, ndien iyip Jesus Eyen Esie eyet nyin isana ke kpukpru midionkpo.
Nyin ima idoho ite, nyin inyeneke idionkpo, nyin ibabiana idemnyin, akpaniko 
inyun iduhe kesit nyin.
Nyin ima iyarare midionkpo nyin, Enye edi akpaniko ye edinen ndifen midionkpo 
nyin, ndinyun nyet nyin isana ke kpukpru muquankpo.
Nyin ima idoho ite, nyin inamke idionkpo, nyin inam Enye edi osu-nsu, iko Esie 
inyun iduhe kesit nyin.

/2 Nkpri ndito mi, ami nwet nkpo emi 'no mbufo, man mbufo ekunam idionkpo; 
Ndien owo ekededi ama anam idionkpo, nyin imenyene Andikpe Ete ubok 'no nyin, 
kpa Jesus Christ, Andinen.