Igala


/1 Ojo muda d'ufedo e-wn dago pee nw a, kakini, egba k'a ch'amenadure ta, 
Kraisti leku todu wa.
On ogba tak ujeju ucholo Elaloji le wane, abu ku Jisus chema ka k'awa-wn todu 
k'i kwo b'ef ile te k'i ny'ugbo Ata lewa me; alu k'i tetafedo abo e-wn ku ma 
j'ef ile, i fedo ma gbogbo t'ukpoji.
Kpai kw'ugbo Jisusi Kraist Enibenu k'i achubi one, k'i ch'Omogba e-abo ki ku, 
k'i no ch'Agboji amonu ane ile-i. Ojima kp'ugbinmi t'ogbegbele nyilewa ki 
t'ugbo ene k'i afedo wa k'i no m'uwa tutane kwef adure-wa ef ebiewn.
Todu, abu k'Ojo fedo ile le de, todabele i m'Oma-wn okpono duchele, todu k'ene 
du ki akedon'o ki we elenyo, k'i muda n'inmi ogbegbele.
Jihofa kwotejugede nw mi kw' onajiji. I kakini, I-i omi teten'ufedo ogbegbele 
afedo we; todule on u n'ufedenyo afa we wa.
Ufedo ki t'e-le le ene du ne n, own ch'utodu k'one ki m'oji olawn du tinyo tod 
amonuku-wn.

/2 I la n'inwa n, afili ekpedor'Ojo tabale: Own ki kwotejugede ef orela, ma 
f'ale da nw u ef afu, amonuche Ojo f'u li, ma f'akoya-wn ta ef abo ucheichi, 
ma kedon'own ef ile, ma m'u gba t'ate ef ojima.
On ogbo ewn-i du wa che todu k'ewn k'Ondu ka lef akache le ki che kakini, Me 
go, igbele ki ma m'enekele n le adefu, i la abi oma enekele, on ma ad'odu-wn 
ko Imaniuel; ku ma j'omudechi-wn kakini, Ojo kpai awa.
Ichewn ku me ma ma mi, me ma ma Ata-mi ge. Akwegba kide me chem'own, me la f'u 
li me. Filip ka nw u kakini, Ondu, d' Ata na wa, tak i ab'uwa jo. Jisus ka nw 
u kakini, U kpokpe ugbo me abe-i, e la ma mi ta n, Filip? Ene ki f'umi li 
f'Ata li me; abile k'uwe akakini, D'Ata na wa? E kedono ka k'omi d'ef Ata, 
k'Ata, la d'ef umi n? Ola alu-mi e-k'omi aka nwu me-i, i ch' ibe efu-mi on 
naka-i n; Ata k'i muda gugu efu mi ach'ukolo e-wn le.
Egba abakwane ejodudu ola k'a ka-i domo. On ola le d'ugbo Ojo Ola le la 
ch'Ojo.
Ola k'a ka-i la mud orela on i gene ef uwa, i ch'eko nw ufedenyo kp'ochochi.

/3 Ene du ki agbalu kakini, Jisus ch'Oma Ojo, mak Ojo gugu ef ene le, on ene 
le gugu ef Ojo.
Todu ukefu onugo Ojo duu, dodo ef uwn ef anola.
Todu ma f'oma bi nw a, ma la m'omenekele du nw a; oda du aj'ojika-wn, ma la 
ad'odu-wn ko Awuwu, Enohiala, Ojo ki gbiti, Ata ogbegbele le, Onu Uredo.
Tak onuche le dohi nw u kakini, Afu Kiafo awa b'e ma, on ukpahiu Ojo 
Chamachala ach' ojiji b'e ma: lef e-le on ma ado ewn kiafo k'uwe abi le ko Oma 
Ojo.
Abu k'in n'ola le aka ta, go, akpa k'i afane debono ma; me la go, omukola kwef 
akpa le kakini, Own-i ch'Oma ufedo-mi k'u f'uyo-mi li ef uwn; me gb-ola-wn.
U la m'o n; ene ki muda kpe mi wa ache baptism ef omiofo, own le ka nwu mi 
kakini, Ene k'uwe ali abu k'Afu agworu awa k'i la kwogugu oji-wn, ene le 
ch'ene ki ach'one baptism ef Afu Kiafo. Omi la f'u li me. U lano f'ibenu-wn 
gba kakini, Ene-i ch'Oma e-Ojo.

/4 Tak i ka nwu ma kakini, Ame ch'abo ogane, omi ch'abo ate; ame ch'abo ile-i, 
omi ch'abo ile-i n.
Jisus ka nw u kakini, Omi ch'udajikwane kpai inmi: dagba ene ki akedono mi 
chaka leku, i adeju chuu.
Ame do mi ko Akonewn kpai Ondu, omemele me la ka-i, todu abele u de.
Egba k'u d'ef ile u ch'ugane ile.
Jisus ka nwu ma kakini, Omi ch'ujewn e-inmi; i nugbo du k'ebi akp' ene ki 
aw'ugbo mi n; i la nugbo du k' olugbe akp'ene ki akedon'omi ogbegbele n.
Jisus ka nwu ma kakini, Ami, ami, naka nwu me, omi domo taku ma bi Ebraham.
Todule Jisus no dabi ka nwu ma kakini, Ami, ami, naka nwu me, ka k' omi 
ch'alugbana amala.
Onobule le ka nw u kakini, U chema ka ku Mesaya awa (e-ku ma do Kraisti le); 
egba k'ene le lewa, i aka ewn du nwu wa. Jisus ka nw u kakini, Omi, ki akola 
nw e-i, omi le de.

/5 Tak i nwa nw owo amone le ku ma chekukane oj egbe on i m' akala melu kp'eja 
meji le gba, i m'eju kor'ojale, i f'aduwa-wn che; tak i f' akala le guche, on 
amakoche m'u ko nw owo amone le. Tak ochaka-ma je on efu-ma ko. Ma la m'ajebo 
k'i ku ma bo ko, i ch'eko aligada megweji. On abo ku ma je la dab abokele 
icham ny'ogwoko melu, abobule kp' abimoto la d'o n.
Taku Saimon dohi kakini, Odafe, a ch'akanya gbogbo nw ojo, a la mu ewn du n! 
ama tod ola k'e ka nak'iga ny' omi. Tak abu ku ma f'e-le che, ma f'eja bunyi 
eko; on iga-ma akoda.
E la go, abu k'amafeju meji ku ma gugu et ona gbo ka ku Jisus alale, ma kwa 
kakini, Ondu, Oma Defid, li uwa ejumomi!
On abu k'ejumomi-ma ma je nw u n, Jisus dowokad'eju-ma, tak ababale ma 
kwogane, on ma r'o ubi.
On abu k'i f'oli ogbaikolo'ka li eti ona, i lewa ofe-wn, i la li ewn du oji-wn 
n, chai enmi kate. Tak i ka nw u kakini, I n'ugbo du k'e ro ogbegbele ge n. 
Tak erere le oli ogbaikolo le gbe.

/6