Ijo


/1 Nte Ayiba o barana tari mi eki wa prite, animi, wa pa sei-mie ongu suo timi 
ifiemi re gho, Kraist bo fi eki wa pri.
Woku anitere bo saba-bogo olali mi la mi, Jisos o mi segboru mi wori sou bogo 
eki Dau bei dugo mu nyu ifiemi bo wo late barami wo nimi, or'ongu ne segboru 
mi gho emi ongu mein, o wo tarite ifiemi, o ein tari mu kunemo mi la.
Duba mimi nengi tari kumo wo nyana gha, animi, kumo emini numo mi koromo eki 
emini na mondi ongu mein pri nyu yomi.
Bari Jisos Kraist ka gho, ori kuku-bai onya-bo bei, fi ongu mein gho titari di 
bo bei, bari segboru mi amanyana-ongu mein gho tibida nimi bo bei. Ori ne wa 
tarite or'oduaima dugo tolu gho, wa sei ma gho, wa kpukpote bo bei.
Ayiba mi-bara eki segboru mi tari eresine, anine o emini kpokpo gbori Yai bei 
eki pri, anire tubo tubo tene o gho meremu bo bo, la fa mokufa, nte befie 
befie numo nyana nyu.
Inye, befie befie tari a weki i tarite: animi-eresine tari-ebi-mie a weki i 
nunute.

/2 Nte igbania fa bara gho, Ayiba-nimi-barami sogoi yemi duba nimi; Ori ne bo 
imeni ngho mie barainmote bo bei teme mi gho, bara-gho-ebi nyanate bo bei, 
enjel ongu pri erite bo bei, sema ogbo mi gho gbate bo bei, segboru mi bio 
ngho meremute bo bei, bomo gho daneki iwomote bo bei.
Titari koro ifiemi re gho Egberi mi timi, nte Egberi mi Ayiba na timi, nte 
Egberi mi Ayiba na timi, nte Egberi mi Ayiba.
Nte Egberi bo imeni suo, wa ogbo mi anga, papa-priye na kukubai-ye na bein 
nimi.
Woku mama yema-bise bo paga mi, anire Ayiba ye-eri-biribo bei gho fie wori 
yemi bo bein mokune, begha-mine, Digi, ikarain-iyoro-togu-ma togu furate, 
gbori Yai-bo di nyu, Nte ein Imanuel eki o tin nyu: Animi tugu mi, Ayiba wa na 
emi.
Eri na, Dau bei na gbori bara.
Jisos webe eki o begha-mine, Mibara timi ala ifie a weki i na timite, nte i 
mani i nimi gha nimi an, Filip? Kumo ne in'eri bomi, Dau bei ka erite; tei ne 
Dau bei gho emi, Dau bei ka bari i gho emi barami, i wo meremu gha an?

/3 Tubo tubo tene Jisos Ayiba Yai bei ebe barami eki paga-bo paga-bo, Ayiba 
ibo gho emi, nte ibo ka bari Ayiba gho emi.
Nte enjel-bo bei webe eki a begha-mine, Tonton Teme bei bo i gho gbana nyu, 
nte Kpomo Sogiotein bo bei kuro mi bo i teri nyu; animi-eresine ani ne di nyu 
yemi, tonton me webe tin nyu, Ayiba Yai bei.
Animi gbori togu wo di eki wa prite, gbori yaibo eki wa prite eresine; nte 
ama-digi-kuro mi or'opinda mi gho sai timi nyu; nte o ire mi, Gelegu-gelegu 
nimi-bo, Telimo-pogo-eki-priyo-bo, Kuro-Nyana worio m'Ayiba, Befie befie 
Dau-bo, Domo Amanyanabo-Togu-e webe tin nyu.
O fieyo barami na, digia, nyenre-nyenre nimi ene-eke bo ein kigimo: nte digia, 
ene-eke mi bio gho gbori pogo fie paga bote, begha-mine, Bei ini tari Yai bei, 
ori ne a kpomo bubele worio bo bei: or'o nan.
Jisos beghamine, I or'erite (Ayiba Yai bei), nte ori bu re bari ina fie-yo.
Animi, odu mi barami (Kraist Jisos) gho o gho Ayiba bein mi ayema bise emi 
eresine.

/4 Nte o webe eki ein begha-mine, Omini kiri-bio dugo bo; eri ogono gho bo: 
omini mi segboru mi ongu; eri mi segboru mi bo gha.
Jisos webe eki ein begha-mine, Kesiye, kesiye, a gba eki o priyo, Ani-tere 
Ebraham paga mi, Eri emi.
Iyoro-ma webe o begha-mine, Mesaia boyo mebe barami a wo nimi worio, (Ori ne 
Kraist-ye webe tin bo bei): o bo bo-a, ori yema-bise gba eki wa pri nyu. Jisos 
webe eki a begha-mine, E ri ne i na fieyo bo bei, eri bu ori.
Jisos webe eki ein begha-mine, E ri numo fitoru mi: kumo ne i dugomo bo bomi, 
bari omoun kori mbara fa, nte kumo ne bari i gho meremu bomi, bari ele mbara 
fa.
Jisos animi-eresine bari webe eki ein begha-mine, Kesiye, kesiye, a gba eki o 
priyo, Eri onana ma bugo mi.
Jisos webe eki a begha-mine, Eri bu fi-gho-sou mi na, bari numo mi na: kumo ne 
i gho meremu bomi ibo fi mebeka, ibo pa numo nyu.
O Telimo bo na Nyanabo na eki i tin; o fie koriamo worio: anibarambu a emi 
bara eresine.

/5 Nte o kimi a-itu ma be osunga ma gho kiri gho timi; nte fitoru a-sono 
a-ikpoun ma na, ma indi ma na o weki, nte o sogio ogono digite, tari eki a 
pri, nte o fitoru ma painte eki tugu-dugo ongu mein bari ar'eki kimi a-itu ma 
pri.
Nte ein bise fi furo beinmo; nte ein fi konmo puru-puru-yaima ein wo tan oyi 
ma kana findi beinmo.
Nte Saimon meremute, begha-mine, Nyanabo, bebe noin-mbise gho wa mondi timi 
me-e, wa ye gen kalie ka ba-gha: anibu-ebeka i fiete mi eresine a igboma 
koromo nyu. Nte ein ani-bara mie ifiemi, ein indi opu itu eki bio gbanmo; nte 
einya igboma ka kan timi.
Nte digia, ma manga ongu eteli mi anga ngho timite, Jisos bo bogoyo bara ein 
wo nan ifiemi, ilogu paga-mote, begha-mene, Nyanabo wa digi eneni, eri Devid 
yai.
Nte Jisos, begha-mine, A tei mie eki o pri mbara o wo dogeyo? Ein webe eki o 
begha-mine, Nyanabo, wa toruma findi nyu bara wa wo dogiyo. Nte Jisos ein digi 
toru-kuru-kuru eresine, einya toruma gbolo: nte ein kirina kirina ye-erite, o 
dugo.

/6