1/ Thakthabth n-tsejara n-Sidna Aisa elMasih emmi-s n-Daoud, emmi-s n-Ibrahim.
Ibrahim idja-d Ishaq; Ishaq idja-d Yaqoub; Yaqoub idja-d Yahouda d-ouaithma-s. 
Yahouda idja-d Farec d-Zarah g-Thamar; Farec idja-d Hasroun; Hasroun idja-d 
Aram.
Aram idja-d Aminadab; Aminadab idja-d Nahchoun; Nahchoun idja-d Salmoun.
Salmoun idja-d Bouaz g-Rahab; Bouaz idja-d Aoubid g-Raaouth; Aoubid idja-d 
Iassa.
Iassa idja-d Daoud essultan; Daoud essultan idja-d Seliman g-thin illan 
tsemettouth Ouria.
Seliman idja-d Rahbam; Rahbam idja-d Abia; Abia idja-d Asa.
Asa idja-d Ihouchafat; Ihouchafat idja-d Youram; Youram idja-d Azzia.
Azzia idja-d Youtham; Youtham idja-d Ahaz; Ahaz idja-d Heziqia.
Heziqia idja-d Manasa; Manasa idja-d Amoun; Amoun idja-d Youchia.
Youchia idja-d Iakounia d-ouaithma-s g-zeman n-nefou rer Babil.
Bad nefou rer Babil Iakounia idja-d Chaltiil; Chaltiil idja-d Zaroubabel.
Zaroubabel idja-d Abihoud; Abihoud idja-d Aliaqim; Aliaqim idja-d Azour.
Azour idja-d Cadouq; Cadouq idja-d Akhim; Akhim idja-d Alioud.
Alioud idja-d Aliaazar; Aliaazar idja-d Mattan; Mattan idja-d Yaqoub.
Yaqoub idja-d Yousef argaz m-Mariama g-id-iloul Aisa itsousemman elMasih.
Ellan ihi s-ljemla rebatach l-ldjilath g-Ibrahim armi d-Daoud, rebatach 
l-ldjilath g-Daoud armi d-nefou rer Babil, rebatach l-ldjilath g-nefou armi 
d-elMasih.
Ma ella tsalalith n-Sidna Aisa elMasih akka ai thetra: Mariama imma-s 
thtsouakhteb i Yousef, thtsouaf s-thadisth s-Erroh elQouddous qebel ad-ilin 
louahid.
Yousef argaz is, illan d-argaz iselahen, our ibra ra ad-iaoui fell-as lar, 
iaoul as-iberrou s-thouffra.
Netsa mazal itskhemmim f-lhouaidj ayi, imi s-idheher lmelk r-Rebbi g-thargith, 
inna-ias: A Yousef, emmi-s n-Daoud, our tsaggouad ara atsaouit ror-ek Mariama 
tsamettouth ik, alakhater lhamila-s thekka-d g-Erroh elQouddous.
Ad-tsarou emmi-s, as-thsemmit Isoua (Inselemen qaren-as Sidna Aisa); imi 
d-netsa ara-iselleken loumaines g-denoubath ensen.
Ouayi aokith itra akken ara-ikemel ouain id-ikhebber Rebbi s-iles ennebi, imi 
d-inna.
Atsaia thaqchichth atserfed thadisth, ad-tsarou emmi-s as-semmin Ammanouil, 
tseftsir-is (lmana-s): Rebbi did-nar.
Mi-d-idekoul Yousef, ikhedem ain is-inna lmelk r-Rebbi, iououi ror-es 
thamettouth is.
Lakin our tsissin ara, armi d-tsourou emmi-s amenzou, isemma-ias s-isem 
Iasoua.

/2 Mi d-iloul Sidna Aisa g-Bithlham g-themourth l-lHoudia, g-zeman Sultan 
Hiroudous, ousan-d mechiakh gCherq rer Thamdints elQouds.
Ennan: Anida illa ouin id-iloulen d-Sultan Oudaien? Alakhater nezra ithri ines
g-Cherq, nousa-d ansedjed zath-es.