Ngo mi chi age tugul eng' Kristo, ko kigeyai inendet koek chito ne leel:
kagosiirto tuguk che bo keny; ogeero, kagoek che leelach.
Kimwa Jesu kole: Kianyo si kobiit konyor sobondo, ak kotepto sobonato inne.
Kimwa Jesu kole: Abagakwok kalyet; agonok kalyennyu: magonok ko u ye konu
ng'ony. Amongoiimgei mugulelwekwok, anan koiyweis.
Kimwa Paulo kole: Ribei kalyetab Jehovah, ne siirei kaguiyet tugul,
mugulelwekwok ak kabwatutikwok eng' Kristo Jesu.
Kimwa Jesu kole: Ngot otebye okwek eng' ng'olyondennyu, ko o alamalyennyu
iman; ak onai imanda, ak kotiachak imanda. Ngotiachak anyun Werit, ko
otiagotin iman.
Kimwa Paulo kole: Kiitiachech Kristo eng' katiaget.
Kimwa Paulo kole: Amuchi ayai tuguk tugul eng' inendet ne igimita. Oegu che
kimen eng' Kiptaiyat, ak eng' kimnatetab kamugennyi. Olaach karikab luget
komugul che bo Jehovah, si kobiit omuch ogirinde kaberberisiosiekab oindet.
Icheget che bo Kristo Jesu ko kigogartat borto koboto magutikyik ak kasetab
miat che bo choto. Ngot kesoptosi eng' Tamirmiriet, ko ongebendoti anyun eng'
Tamirmiriet. Logoiyotab Tamirmiriet ko chamnyet, boiboiyet, kalyet, muitaet,
talasiet, mieindo, atepto ne kiyani, kaming'inetab ge, ribetab ge.
Kimwa Paulo kole: Kiboiboi agachek eng' Jehovah eng' Kiptaiyandennyo Jesu
Kristo, amu kigenyoru eng' inendet katuiyet.
Kimwa Jesu kole: Tom osom kiy eng' kainennyu: osom, si onyoru, si kobiit
kosulda boiboiyeng'wong'.

Ogeero, chamnyet ne u nee ne kichamenech Kwanda, kot keguurenech lagokab
Jehovah! Ago ki choto achek.
Tugul che indochin Tamirmirietab Jehovah, ko werikab Jehovah choto.
Tamirmiriet ne kigiyaenak oegu lagok, eng' noto anyun kerire kele, Aba Kwanda.
Baoriani Tamirmiriet inendet ak tamirmirikyok kole ki lagokab Jehovah.
Kima konech Jehovah tamirmirietab nyogoriet, ago ne bo kamuget ak chamnyet ak
ribetab ge.
Malilani; amu angen inendet ne kiayan, ak ayani komie ale imuchi korib noto ne
kiagochi inendet agoi betunoto.
Kimwa Jesu kole: Mitei gorik che chang' eng' gotab Baba; awendi achobwok
koret. Ye awe achobwok koret, anyone kogeny amutok; si ole ami omite ak okwek.

Kimwa Paulo kole: Sobondo ne asobe nguno eng' borto asobe eng' kayanet ne
mitei eng' Weritab Jehovah, ne kichama, ak kiigoitogei agobo ane.
Kigesoruok eng' mieindo eng' kayanet; ago mabunwok nito: konunetab Jehovah;
ama bo boisionik, si mailosgei chi. Amu ki boisiennyi achek, ne kigiyaech
eng' Kristo Jesu agobo boisionik che miachen, che kisib kochob Jehovah si
kebendate ichek.
Kigigoito Jesu Kiptaiyandennyo amu bistautikyok, ak kiging'eet si kobiit
kiityech imanda.
Nging'any eng' kuting'ung' ile Jesu ko Kiptaiyat, ak iyani eng'
muguleldang'ung' ile kiing'eet Jehovah inendet komong'une che kibek,
kesorun.
Kimwa Jesu kole: A... sobondo.
Obwanja, okwek tugul che oiimige, ak che olae tuguk che nyigisen, si
amuung'wok. Otiiny kaat choginnyu ak onetenage; amu a tala ak aming'inige eng'
muguleldo: si osich kamuung'et eng' sobonwekwok. Amu nyamnyum choginnyu, ak
wisis milennyu.
Otinye nyalilda eng' ng'ony: ago onyiganitu; amu kaaterter ng'ony.
Amwawok, iman, iman, ale, Inendet ne iyani, kotinyei sobondab koigeny.