/1 Nake Jehova aanyumiriire kuu kuraya akinjira uu: Ti-itheru ngwendete wendo uria utuuraga tene na tene; tondu ucio no ngiririirie gugwika maundu ma utugi. Amu Ngai, tondu wa uria endete kirindi gia guku thi, niaarutire Muru wake wa mumwe, ni getha mundu o wothe umwihokete ndakore, no agie muoyo wa tene na tene. No riri, undu uria Ngai onanitie utwendi wake naguo-ri, ni uyu, ati Kristo aatukuiriire riria twatuire turi o ehia. Na riri, giathi kia Bathaka giatua gukinya, Jesu nioi hingo yake ni nginyu oime guku thi athii gwi Ithe witu, na tondu niendete andu ake mwene aria maari guku thi, ni kumenda aamendaga nginya o kirikiriro. Na kuri Jesu Kristo, muira uria mwihokeku, o we irigithathi ria aria akuu, na nowe mwathi wa athamaki a thi. O we ucio utwenda, na watuohorire na thakame yake tuume mehia-ini maitu.

/2 Na riri, hatiri nganja ati uhoro wa kwiamurira Ngai ni hitho nene ma: naguo ni wake o We, Uria wonanirio e na mwiri, Agituwo muthingu ni Roho, Akionwo ni araika, Ningi ngumo yake ikihunjanirio kuri andu a nduriri ciothe, Agigiitikio ni andu a guku thi, Na akiiyukio riri-ini kuria Iguru.