Oinima ine oyo Kalunga a hala u i shiive OVE WA PUMBWA EXUPIFO Osheshi aveshe ova nyona, nove he noshinge shaKalunga. Roma 3:23 Omutima wovene ou nomakoto u dule ashishe nowa nyonauka. Olyelye ta dulu oku u shiiva? Jeremia 17:9 Ndelenee fye atushe otwa li ngaashi ovanyatekwa, nouyuki wetu aushe owa kala ngaashi oshikutu sha kaka. Jesaja 64:6 Fye atushe otwa pukile ngaashi eedi, twe liyukila, keshe umwe nondjila yaye mwene. Jesaja 53:6 Omunhu ngenge ina dalululwa, ita dulu okumona ouhamba waKalunga. Johannes 3:3 OVE WA NYENGWA OKULIXUPIFA Oku nondjila ya yuka momesho omunhu, ndelenee exulilo layo eendjila defyo. Omayeletumbulo 14:12 Osheshi ou ta wanifa omhango aishe, ndele ta nyono shimwe, oye oku netimba laaishe. Jakob 2:10 Osheshi kape na nande ombelela imwe tai yukipalifwa koilonga yomhango. Galati 2:16 Jesus okwe mu nyamukula: Aame ondjila noshili nomwenyo; kape na ou te uya kuTate, ngenge hamuame ta pitile. Johannes 14:6 Ndele kaku namukwao, exupifo la kala muye, osheshi kaku nedina Umwe lilili koshi yeulu, la yandjelwa ovanhu omo tu nokuxupifilwa mo. Oilonga 4:12 OMWENE JESUS OKWE KU LONGEKIDILA EXUPIFO OVE WA PUMBWA EXUPIFO Osheshi osho Kalunga a kala e hole ounyuni, Oye a yandja Omona waye Ewifa, opo keshe ou te mu itavele a ha kane, ndelenee a kale e nomwenyo waalushe. Johannes 3:16 Fye atushe otwa pukile ngaashi eedi, twe liyukila, keshe umwe nondjila yaye mwene. Ndelenee Omwene okwa twika kombada yaye omatauluko etu atushe. Jesaja 53:6 Oye ou ina shiiva nande oulunde, okwe mu ninga oulunde molwetu, opo tu ninge ouyuki waKalunga muye. 2 Korinto 5:21 Osheshi naKristus okwa fila yo omatimba lumwe aluke, omuyuki ponhele yovalunde, opo e tu twale kuKalunga. 1 Petrus 3:18 OMWENE JESUS OTA DULU OKUXUPIFA NOKWAAMENA Osho ngaha Omwene e shii kuxupifa ovayuki momahongaulo nokukwatelela ovalunde va ka handukilwe efiku letokolo. 2 Petrus 2:9 Osheshi Oye mwene, eshi a yahamekwa nokwa hongaulwa, ota dulu okukwafa ava tava hongaulwa. Heberi 2:18 Onghee hano ota dulu yo okuxupifa shili ava tava ehene kuKalunga mokweendela muye, shaashi oku nomwenyo alushe, e va ilikanene. Heberi 7:25 Ndelenee Oye ou ta dulu oku mu amena, mu ha punduke note mu kaleke mehafo koshipala shoshinge shaye, mu he noshipo. Judas 24 ONGHEE HANO: Lidilulula! Ndele ngenge itamu lidilulula, osho nanye yo tamu ka nyonauka po amushe. Lukas 13:3 Itavelai Itavela Omwene Jesus Kristus, opo to ka xupifwa neumbo loye alishe. Oilonga 16:31 Hepauluia omatimba oye! Osheshi Kalunga Oye umwe nopokati kaKalunga novanhu oumwe, omunhu Kristus Jesus. 1 Timoteus 2:5 Kala ondombwedi yOmwene movanhu! Osheshi ngenge to hepaulula nokanya nokutya, Jesus Oye Omwene, ndele to itavele momutima woye, kutya Kalunga e mu nyumuna movafi, oto xupifwa; osheshi okwiitavela nomutima otaku yukipalifa, nokuhepaulula nokanya otaku xupifa. Roma 10:9,10