Lango /1 Ento Kricito oto pirwa a nwang wan obalo; mannono nyuto kite mar ame Obanga tye kede bangwa. Ame pe ru ecuban me Kato otuno, Yecu onwongo ngeo ni caa mere dong oromo me weko lobo man pi dok bang Papo; En rik omaro jo mere ame tye i lobo man, omarogi tuno i agikki. Mom tye ngattoro ame tye kede mar adwong ame kato man, dano ijalo kwo mere pi awottere. Kede a ya dang i bang Yecu Kricito, acaden a genne, atin kao i akina jo oto, kede aloc obakki me wi lobo lung; Kwogo bed bang ngat a marowa, dok dang ogonyowa i twec me balwa kede remo mere. Pien Obanga rik omaro lobo amannono, omio Wode acel keken, me dano acel acel ame ye en kur rweny odoco, ento bed kede kwo a perakino nakanaka. Rwot rik con onyutte banga kun kobo ni: Eyo, an rik amro-wu ki mar me aperakino nakanaka; pi manono omiyo rik aywao-wu kede mar opong kede kica. /2 Mung me ngeo obanga abonge anyobanyoba moro, pire dit meicel; Rik en onyutte i kom, okwane ni kite atir pi Cuny Acil, omalaika te nene, orabo pire bang Orok, oye en i wi podo lung; ote tere malo i kwogo.