The Old Testament of the Holy Bible
1 Ogwedh ng’at maok lu pach joma richo kata chung’ e yor joricho kata bedo e kom joma jaro ji. 2 Tochik Jehova ema more, kendo osiko oparo kuom chikene odiechieng’ gotieno. 3 Ochalo gi yien mopidhi e bath aora, manyago olembe e kinde molemo chieke kendo ma pote ok ner. Gimoro amora motimo dhi maber. 4 Joma timbegi richo to ok chal kamano kata matin! Gin gichalo gi mihudhi ma yamo tero. 5 Kuom mano joma timbegi richo ok nolo bura, adier, joricho ok nobedi e kanyakla mar joma kare, 6 nikech Jehova rango yor joma kare maber, to yor joma richo to biro kethore.
1 Ang’o momiyo ogendini chano timo marach kendo ji chano timo gik manono? 2 Ruodhi mag piny onyono piny matek kendo joloch pimo wach kaachiel mondo giked gi Jehova kendo gi ked gi ng’ate mowir. 3 “Giwacho ni, wachoduru nyorochegi; kendo wawit ratekegi kucha." 4 To jal mobetekom lo ch e polo to nyierogi anyiera, Ruoth goyonegi siboi. 5 Eka okwerogi kokecho kendo obwogogi kopong’ gi mirima mager, kowacho ni, 6 "Aseketo ruoth ma adwaro e Zayun, goda maler." 7 Abiro hulo chenro maok lokre mag Jehova: Nowachona ni, "In wuoda; kawuono asedoko wuoru. 8 Omiyo kwaya gima idwaro mondo aket ogendini duto obed girkeni mari, mondo piny ngima obed mwanduni. 9 Iniritgi gi ludh nyinyo; initogi matindo tindo ka agulu." 10 Kuom mano, un ruodhi, beduru mariek; tang’uru un joloch mag piny. 11 Tiuru ne Jehova gi luoro kendo moruru e nyime gi luoro. 12 Bolreuru e nyim Wuowi, nono to dipo kokecho kodu mi dong’ad ndalou, motieku, nimar iye nyalo wang’ kodu kadiemo wang’. Ji duto mogeno kuome gin joma ogwedhi.
Zaburi mar Daudi. Kane Oringo Oa Ir Wuode Abisalom
1 YAYE JEHOVA, mano kaka wasika thoth! Mano kaka joma lawa ng’eny asasa! 2 Ji mang’eny wuoyo kuoma, ka giwacho ni, "Nyasaye ok bi rese." Sela 3 To In e okumba mogeng’a, YAYE JEHOVA; In e duong’na, kendo iseting’o wiya malo. 4 Aywak matek ne Jehova, kendo odwoka gie gode maler. Sela 5 Ariera piny mondo anindi; kendo achiew achako achiew, nikech Jehova orita. 6 Ok abi luoro ji gana gi gana mochokorena molwora mondo otimna marach. 7 Aa malo, YAYE JEHOVA! Resa, Yaye Nyasacha! Thal lemb wasika duto; Muk leke joma timbegi richo 8 Wa rruok aa kuom Jehova. Mad gwethni obed kuom jogi. Sela
Is Ne Jatend Wer. Miwero Gi Gig Wer Man-gi Tondegi. Zaburi mar Daudi.
1 Ka alwongi to yie idwoka, Yaye Nyasacha makare. Konya e lit momako chunya; yie ikecha kendo iwinj lamona. 2 Yaye ji, ubiro chayo duong’na kukuodo wiya nyaka karang’o? Ubiro hero gik manono kendo ubiro luwo nyiseche manono nyaka karang’o? 3 Ng’euru ni Jehova oseketo joma oluore tenge ne en owuon; omiyo Jehova biro dwoka ka aluonge. 4 Ka iu owang’ to kik utim richo; seche ma uyueyo mos e otendiniu, to paruru matut kuom wachno, kuketo chunyu mos. 5 Chiwuru misengini mow injore kendo genuru kuom Jehova. 6 Ji mang’eny penjo ni, "En ng’a manyalo timonwa gimoro maber?" Mad ler moa e lela wang’i rieny kuomwa, YAYE JEHOVA. 7 Isepong’o chunya gi mor maduong’ moloyo mor ma gin-go kinde ma gin-gi cham kod divai mang’eny. 8 Abiro riera piny mi anind gi kuwe, nikech in kendi, YAYE JEHOVA ema imiyo adak gi kuwe.
Ne Jatend Wende Miwero Gi Asili. Zaburi Mar Daudi
1 Chik iti iwinj wechena, Yaye Jehova, para kuom pek manie chunya. 2 Winj ywakna mar dwaro kony, Yaye Ruodha kendo Nyasacha, nikech in ema alami 3 Yie iwinj duonda gokinyi, Yaye Jehova; aketo kwayoga e nyimi gokinyi kendo arito dwoko ka an gi geno. 4 Ok in Nyasaye mamor gi timbe maricho. Joma richo ok nyal dak kodi kanyachiel. 5 Josunga ok nyal chung’ e nyimi; imon gi ji duto matimo gik maricho. 6 Itieko joma wacho miriambo; Jehova ok mor gi joma rich chwero remo omako kod jomiriambo. 7 Anto, nikech kechni maduong’, abiro donjo e odi; abiro kulora gi luor ka achomo hekalu mari maler. 8 Telna, Yaye Jehova, kuom adiera mari, nikech wasika-riena yori tir e nyima. 9 Kata wach achiel mowuok e dho jogi ok nyal gen; chunygi opong’ gi kethruok. Dwondgi chalo gi liel mapok oum; gipiago lewgi ne wacho miriambo. 10 Kwan-gi kaka joketho, Yaye Nyasaye! Ket obadho ma giketo ne ji ogajgi gin giwegi. Riembgi nikech richogi mathoth, nimar giseng’aanyoni. 11 We ji duto moketi kar pondo margi obed mamor; we gisik ka giwer gimor. Umgi gi rit mari, mondo joma ohero nyingi omor kodi. 12 Nikech igwedho joma kare adier, Yaye Jehova; igeng’ogi gi hapi mana ka okumba.
Ne Jatend Wer Miwero Gi Gig Wer Man-gi Tondegi. Kaluwore Gi Sheminith. Zaburi Mar Daudi
1 Kik ikwe ra, Yaye Jehova, ka iyi owang’ kata kum kik ikuma ka mirima omaki. 2 Kecha, Yaye Jehova, nikech aol; changa, Yaye Jehova, nikech chokena rama malit. 3 Chunya winjo malit. Nyaka karang’o, Yaye Jehova, nyaka karang’o? 4 Wichri, Yaye Jehova, mondo iresa; wara nikech herani maok rem. 5 Onge ng’ama nyalo pari ka osetho. En ng’a madi paki gie i liel? 6 Chur ma achurgo ojonya otieno duto, abudo otandana gi ywak kendo pi wang’a olwoko piendena. 7 Wengena ool nikech lit ma an-go; ok ginen maber nikech wasika duto. 8 Ayiuru buta, un duto mutimo richo, nikech Jehova osewinjo ywakna. 9 Jehova osewinjo ywak mar kwayo kech; Jehova orwako lamo mara. 10 Wasika duto wigi biro kuot kendo biro hum nono; gibiro dok chien apoya nono gi wichkuot.
Shiggaion Mar Daudi, Mane Owero Ne Jehova Kuom Kush ja-Benjamin.
1 Yaye Jehova Nyasacha, in e kar pondona; Resa kendo igola e lwet joma lawa duto, 2 nono to gibiro kidha kaka sibuor kidho gik moko. Kendo gibiro yiecha matindo tindo maonge ng’ama diresa e lwetgi. 3 Yaye Jehova Nyasacha, kaponi asetimo ma adier kendo lwetena osetimo gima rach- 4 Kaponi asetimo marach ne ng’ama onge koda gi wach kata kapo ni asemayo jasika ka onge gima omiyo- 5 to yiene jasika olawa mi ojuka; wegi ginyon ngimana piny e lo mi gimi anind ei lo piny. Sela 6 Aa malo, Yaye Jehova, ka iyi owang’ aa malo irad gi gero mar wasika. Chiew, Nyasacha; chiew inyis adiera makora. 7 We chokruoge mag ogendini olwori koni gi koni. Ng’ad negi bura gie kom loch mari man malo; 8 Jehova mondo ong’ad bura ne ogendini. Yala, Yaye Jehova, kaluwore gi ngimana makare, kaluwore gi ngimana moriere tir, Yaye Jal man malo mogik. 9 Yaye Nyasaye makare, manono pach ji gi chunje ji, tiek timbe mamono mag joma richo mondo imi joma kare odag gi kuwe. 10 Okumbana en Nyasaye Man Malo Mogik, ma waro joma chunygi oriere tir. 11 Nyasaye en jang’ad bura makare; en Nyasaye ma toyo mirimbe pile ka pile. 12 Ka ok oloko pache to obiro piago liganglane; obiro dolo okumbane mi otwe tondege. 13 Oseiko gige mag lweny mager; oiko asernige makakni ka mach. 14 Ng’ama iye okuot gi gik maricho kendo mayach gi chandruok nyuolo yamo nono. 15 Ng’ama loso bur kendo kunye maber podho e bure mokunyono. 16 Chandruok mokelo gaje en owuon; maundu mare duogo ne wiye owuon. 17 Abiro goyo erokamano ne Jehova nikech en ng’ama kare kendo abiro wero wend pak ne nying Jehova man malo mogik.
Ne Jatend Wer Kaluwore Gi Gittith. Zaburi Mar Daudi
1 Yaye Jehova Nyasachwa mano kaka nyingi nigi duong’ e piny duto! Iseguro duong’ni moyombo polo. 2 Dho rawere matindo gi nyithindo mayom pod paki nikech wasiki mondo imi jasigu kod jachul kuor ling’ kik wuo. 3 Kaparo polo magi ma gin tich lweti, kaparo dwe gi sulwe miseketo keregi, 4 to awuoro ni dhano adhana to en ang’o momiyo isiko ipare, Wuod dhano to en ang’o momiyo iketo pachi kuome? 5 Ne ichwe ye gi duong’ machiegni rom gi duong’ Mar chwech mag polo kendo isesidhone duong’ gi luor. 6 Isekete jatelo ewi tich lweti duto; iseketo gik moko duto e bwo tiende: 7 Jamni gi kweth duto kod le mager mag bungu, 8 Winy duto mahuyo e kor yamo, kod rech manie nam, le duto mamol kaluwo yore manie nembe. 9 Yaye Jehova, Ruodhwa, mano kaka nyingi nigi duong’ e piny duto!
Ne jatend wer. E dwol mar"Tho mar wuowi, "Zaburi mar Daudi.
1 Abiro paki gi chunya duto, Yaye Jehova; abiro nyiso timbegi madongo duto. 2 Abiro bedo mamor kendo abiro il kodi; abiro pako nyingi gi wer, Yaye Jal Mamalo Mogik. 3 Wasika ogomo dok; gichwanyore kendo gilal e nyimi. 4 Nikech isechung’na matek ka ichwaka isebetekom duong’ mari, kiyalo bura kare. 5 Isekwero ogendini kendo isetieko joma richo; iserucho nyinggi oko nyaka chieng’ kendo nyaka chieng’. 6 Kethruok mosiko osejuko jasigu, isemuko miechgi madongo; mi kodaka kitgi oselal e pach ji. 7 Jehova olocho nyaka chieng’, oseguro kom loch mare mar ng’ado bura. 8 Obiro rito ogendini gi adiera 9 Jehova en kar pondo ne joma idiyo, en e kar pondo e kinde mag chandruok. 10 Joma ong’eyo nyingi biro geno kuomi, nikech in, Yaye Jehova, ne pok ijwang’o joma manyi. 11 Wer wende pak ne Jehova, mobet e kom lochne e Zayun; hulne ogendini gik mosetimo. 12 Nikech ng’at machulo kuor kuom remo mochwer siko kaparo; ok owe mak odewo ywak joma hinyore. 13 Neye kaka wasika sanda, Yaye Jehova! Kecha kendo ting’a igola e dhorangeye mag tho, 14 mondo anyis pakni e dhorangeye mag nyi Jerusalem kendo abed mamor kuno nikech warruokni. 15 Ogendini oselutore e buche ma gikunyo; tiendegi ogajore e tondegi ma gichokogo ji. 16 Jehova ong’ere nikech adierane; joma timbegi richo omoko e gik ma giloso gi lwetgi. Higgain. Sela 17 Joma timbegi richo dok e bur matut, nyaka ogendini duto ma wigi wil gi Nyasaye. 18 To jochan wi ji ok sik kowilgo kendo geno mar joma hinyore ok rum. 19 Aa malo, Yaye Jehova, kik iyie mondo dhano olochi; ne ni ogendini ong’ad negi bura e nyimi. 20 Gogi gi luoro, Yaye Jehova; mi ogendini ong’e ni gin mana dhano. Sela.
1 Ang’o momiyo ichung’ gichien, Yaye Jehova? Ang’o momiyo ipondo ne ji kinde mag chandruok? 2 Ng’at ma timbene richo pedho joma onge nyalo kendo omakogi e otego mage mosechiko. 3 Dwache maricho mopando e chunye omiyo osungore; jowuoche ema ogwedho to Jehova to ochayo. 4 Sunga omake maok onyal manye; onge thuolo kata matin moweyone Nyasaye e pache 5 Yorene dhi maber kinde duto, okawore omiyo chikeni ni mabor moyombe; ojaro wasike duto. 6 Owacho ne en owuon ni, "Onge gima nyalo yienga; abiro dak gi kuwe kinde duto ka onge gima thaga." 7 Dhoge opong’ gi miriambo kod weche mabw ogo ji; chandruokgi gi chenro maricho nie bwo lewe. 8 Okiyo ji e bath yore mag gweng’, onego ji apoya koa kuonde moponde, osiko ong’icho mondo wang’e omaki joma onge ketho mondo ohiny. 9 Okiyo ji kokichore ka sibuor mopondo; okichore mar mako joma ok nyal mondo ohinygi, omako joma ok nyal kendo oywayogi oko gi tonde mar meko. 10 Joma hapgi rach momako otieko kendo podho chuth, gipodho e bwo tekone. 11 Owachone en owuon ni, "Nyasaye wiye osewil; opando wang’e kendo onge gima oneno." 12 Aa malo Yaye Jehova! Ting’ badi malo, Yaye Nyasaye. Kik wiyi wil gi joma ok nyal. 13 Ang’o momiyo ng’ama timbe g e richo jaro Nyasaye? Ang’o momiyo owacho e chunye ni, "Ok obi keta piny mopenja gima asetimo?" 14 To in, Yaye Nyasaye, ineno chand ruok gi kuyo, ikaw ogi kaka mari kendo iting’ogi e lweti. Ng’at maok nya; chiwore ne in; In e jakony mar joma onge wuonegi. 15 Tur bad ng’ama rach ma timbene richo; luonge mondo onyis ji gik maricho mosetimo ling’ling’ ma ji ok nyal fwenyo mi ng’e. 16 Jehova en Ruoth nyaka chieng’ ma nyaka chieng’; ogendini biro lal nono e pinye. 17 Yaye Ruoth Nyasaye, in iwinjo kwayo mar joma chandore; ijiwogi, kendo ichiko iti ne ywakgi, 18 Ichwako joma onge gi wuonegi kod joma isando, mondo eka dhano, ma ochwe gi lo, kik dhi nyime gi bwogo ji.
Ne Jatend Wer. Zaburi Mar Daudi
1 Jehova ema ageno kuome. Koro ere kaka duwachna ni: "Hu kaka winyo nyaka wi got mari. 2 Nikech joma timbegi richo osechako ywayo atungegi; gisechano asernigi e tonde mag atung’ mondo gichielgo joma oriere gie chunygi; e mudho. 3 Ka mise mar ngima osekethi, to en ang’o ma ng’at makare ditim?" 4 Jehova nie Hekalu mare maler; Jehova nie kom duong’ mare manie polo. Orango timbe yawuot ji; wengene nonogi matut. 5 Jehova nono joma kare, to joma timbegi richo kod joma ohero maundu to chunye ochayo. 6 Obiro chwero makaa maliel mager kod salfa kuom joma timbegi richo; yamo maliet ha matwoyo gik moko, biro kudhogi. 7 Nikech Jehova en Ng’ama Kare, kendo ohero adiera; joma timbegi oriere biro neno wang’e.
Ne Jatend Wer. Kaluwore Gi Sheminith. Zaburi Mar Daudi.
1 Kony ji Yaye Jehova, nikech joma oluoro Nyasaye koro onge; joma jo adiera oserumo pep e dier ji. 2 Ng’ato ka ng’ato riambo ne nyawadgi; dhogi mohero charo ji wuoyo gi wuond. 3 Mad Jehova ng’ad oko dhok duto macharo ji kod lep duto masungore; 4 ma wacho ni, "Wabiro locho gi lewwa; lew-wa e rapurwa ma wapurogo koso en ng’a ma disindwa timo kamano?" 5 "Nikech dich modigo joma ok nyal kod chur ma joma ochando churgo, koro abiro aa malo, "Jehova owacho. "Abiro ritogi e lwet joma sandogi." 6 Weche Jehova liw, giliw ka fedha moleny e lo mowang’ maliet ha, mopwodhi ndalo abiriyo 7 Yaye Jehova, yie iritwa maber kik gimoro ohinywa kendo reswa e lwet joma kamago nyaka chieng’. 8 Joma timbegi richo wuotho koni gi koni ka ng’anjo e kinde ma ipako rach e dier ji.
Ne Jatend Wer, Zaburi Mar Daudi
1 Nyaka karang’o, Yaye Jehova? Wiyi biro wil koda nyaka chieng’ koso? Ibiro pandona wang’i nyaka karang’o? 2 Abiro dhi nyime ka ai gi pek manie pacha kod kuyo manie chunya odiechieng’ kodiechieng’ nyaka karang’o? 3 Para kendo idwoka, Yaye Jehova Nyasacha. Chiw ler ne wengena, nono to dipo ka nindo otera mi atho; 4 nikech mano nyalo miyo jasika wach ni, "Aseloye, "kendo wasika biro bedo mamor ka apodho. 5 Anto ageno kuom herani mosiko; chunya oil kuom warruok mari. 6 Abiro wer ne Jehova, nikech osebedo ka otimona maber.
Ne Jatend Wer. Zaburi Mar Daudi
1 Ng’ama ofuwo wacho e chunye ni, "Nyasaye onge." Gin joma okethore. Timbegi richo mokalo tong’, onge kata ng’ato achiel matimo maber. 2 Jehova ng’iyo piny mwalo gie polo, ong’iyo yawuot ji mondo oneye ka be nitie kata ng’at achiel kuomgi ma nigi winjo, ng’ato kata achiel ma manyo Nyasaye. 3 Giduto giseleng’ore giweyo, giduto kaachiel gisebedo joma okethore; onge kata achiel. 4 Be joma timo gik maricho biro puonjore adier- joma ngamo joga kaka ji chamo makati kendo maok lam Jehova? 5 N egie kaka luoro dwa negog i, nikech Nyasaye nitie e chokruok mar joma kare. 6 Un joma timo gik maricho, uketho chenro joma odhier, to Jehova e kar bwok margi. 7 Yaye, mad warruok mar Israel wuog Sayun! Kinde ma Jehova duogo ne joge mwandugi, onego Jakobo obed moil kendo Israel obed mamor!
Zaburi Mar Daudi
1 Jehova, EN NG’A manyalo siko kari maler milamie? En ng’a manyalo dak e godi maler? 2 En ng’at ma wuodhe obidhore kendo matimo gima kare, ng’at ma wacho adiera gie chunye 3 kendo maok tim ne wadgi gimoro amora marach kendo ok dir weche makuodo wi dhano wadgi, 4 Ng’at machayo ng’ama timbene richo mokalo tong’, to miyo joma oluoro Jehova duong’, Ng’at ma rito singruok motimo kata bed ni timo kamano hinye, 5 Ng’at ma holo ji pesane maok odwaro ni oduokne gi gimoro e wiye kendo maok yie kaw asoya kuom joma onge ketho. Ng’at ma timo gigi eki ok gimoro nyal yiengo.
Miktam Mar Daudi
1 RITA MABER, Yaye Nyasaye nikech in e kar pondona. 2 Ne awacho ne Jehova ni, "In e Ruodha; onge gima ber machielo ma an go makmana in." 3 To jomaler manie piny, to gin kaka joma nigi duong’ ma ahero gi chunya duto. 4 Joma lawo nyiseche mamoko kuyo margi biro medore. Misengini magi mag remo ok abi olo oko kendo kata nyinggi ok abi hulo gi dhoga. 5 Jehova, isemiya pok mako ra kod okombena; iserita maber gi giga duto. 6 Kiepe mag tong’ maga moro okwako kuonde mabeyo beyo; adier, girkeni maga moro wang’ adier. 7 Abiro pako Jehova ma ng’adona rieko; kata gotieno chunya puonja. 8 Asiko aketo Jehova e nyima ndalo duto. Nikech entie e lweta korachwich, onge gima nyalo buoga. 9 Emomiyo chunya mor kendo lewa yot; ringra bende biro yweyo gi kuwe, 10 nikech ok ibi jwang’a ei liel, kendo ok ibi yie mondo Ng’ati Maler otow. 11 Isenyisa yor ngima; ibiro pong’a gi ilo e nyimi, kendo gi mor mosiko e badi korachwich.
Lamo Mar Daudi
1 Yaye Jehova, yie iwinj kwayo n a makare; chik iti ne ywakna, chik iti ne lemona- lamona ok aa e dhok mawuondo ji. 2 Mad chwak michwakago oa kuomi; mad wengeni ne gima kare. 3 Kata obedo ni inono chunya kendo itema gotieno, kata ka itema to ok ibi yudo gimoro kuoma; aseng’ado pacha mogik ni dhoga ok bi timo richo. 4 To kuom gik ma joma moko timo, kaluwore gi wach mowuok e dhogi, an awuon asepogora gi yore jomaundu. 5 Okengega osesiko e yoreni; tiendena pok okier. 6 Aluongi, Yaye Nyasaye, nikech ibiro dwoka; chikna iti kendo winj lamona. 7 Nyisie teko mar herani maduong’, in ma ireso ji gi lweti ma korachwich, joma pondo ne wasikgi kuomi. 8 Rita adimba kaka tong wang’i, panda e bwo tipo mar bwombi, 9 mondo atony e lwet joma richo ma lawa, mondo atony e lwet wasika ma dhano molwora. 10 Gidino chunjegi matek ta, kendo dhogi wuoyo gi wich teko. 11 Giselawa kuonde duto, mi koro gilwora, ka wengegi ochiek, mondo gidira piny. 12 Gichalo sibuor ma nigi kech mar mako le, mana ka sibuor maduong’ mopondo kokichore. 13 Aa malo, Yaye Jehova, chomgi tir, mi igogi piny; resa e lwet joma richo gi liganglani. 14 Yaye Jehova, resa e lwet joma kamago gi lweti, resa e lwet jopinyni ma pokgi nie pinyni. Itieko kech ma joma ihero nigo; yawuotgi nigi chiemo mang’eny kendo gikano mwandu ne nyithindgi. 15 To an, anane wang’i ka ngimana nikare; ka anachiew, abiro romo ka anane kiti kaka ichal.
Ne Jatend Wer. Zaburi Mar Daudi Jatich Jehova. Ne Owero Ne Jehova Weche Mag Wendni Kinde Mane Jehova Orese E Lwet Wasike Duto Kendo E Lwet Saulo. Nowacho Niya:
1 Aheri, Yaye Jehova, in e tekra. 2 Jehova en lwandana, en kar pondo mara kendo en jawarna; Nyasacha en lwandana ma apondo kuome. En okumbana, en tung’ mar warruokna, kendo en ohingana. 3 Aluongo Jehova, en mowinjore gi pak, kendo oresa e lwet wasika. 4 Tonde mag tho ne orida matek; kendo ohula mang’ongo mar tho nouma. 5 Tonde mag liel ne orida kendo odhoga matek; gogni mag tho ne ochoma tir. 6 E chandruok ne aluongo Jehova; ne aywak ne Nyasaye mondo okonya. Ne owinjo duonda gie Hekalu mare; ywakna nochopo e nyime, modonjo e ite. 7 Piny notetni kendo oyiengni; kendo mise mag gode noyukni; ne gikirni nikech ne okecho. 8 Iro nodum koa e otuchi mag ume; mach mang’ang’ni nodhuolore kawuok e dhoge, kendo makaa maliel mager nobebni kaa kuome. 9 Notiaro kor polo molor piny; rumbi molil ti ne nie bwo pat tiende. 10 Noidho kerubi eka ofuyo; ne ofuyo matek komoko e bwomb yamo. 11 Noloko mudho raum mare, moume koni gi koni- boche molil ti mag koth manie kor polo. 12 Boche nowuok e ler marieny mane aa kuome, kaachiel gi pe madongo dongo kod mil polo ma piatore. 13 Jehova nomor gie polo; dwond Jal Mamalo Mogik nowinjore. 14 Nochielo asernige mi okeyo wasike mel, nojukogi gi mil polo madongo ma piatore. 15 Holni manie bwo nembe noelore kendo mise mag piny nowe nono kane ikwerogi, Yaye JEHOVA, kane teko mar muya mowuok e otuchi mag umi ogoyogi. 16 Nochopo ira piny koa malo mi okawa; ne ogola oko e kude mag pi matut. 17 Ne oresa e lwet wasika ma roteke, kuom joma ok dwara,mane ohinga gi teko. 18 Ne gimonja e kinde mane an gi masira to JEHOVA nobedo siro mara. 19 Ne okela moketa kama lach; ne oresa nikech chunye ne mor koda. 20 JEHOVA osetimona maber ka oluwore gi timna makare; osechiwona ka oluwore gi ler mar lwetena. 21 Nikech aserito yore JEHOVA; pok atimo marach kuom loko ra weyo Nyasacha. 22 Chikene duto nie nyima; pok alokora aweyo buchene. 23 Asebedo ka aonge ketho e nyime kendo aseritora mondo kik atim richo. 24 JEHOVA osechiwona kaluwore gi timna makare, osechiwona kaluwore gi ler mar lwetena e nyime. 25 Ne joma jo adiera, inyisori kaka jaadiera, kendo ne joma long’o, inyisori kaka ng’ama long’o, 26 ne joma ler, inyisori kaka ng’ama ler, to ne joma yoregi obam, inyisori kaka ng’ama rach. 27 Ireso joma muol to joma wengegi tek idwoko piny. 28 In ema imiyo tacha siko ka liel, Yaye JEHOVA; Nyasacha loko mudho mouma doko ler. 29 Ka ikonya to anyalo monjo mony mar jokedo; ka an gi Nyasacha to anyalo lwenyo ohinga. 30 Nyasaye to yore long’o chuth; wach JEHOVA onge rem moro amora. En okumba ne ji duto ma pondo kuome. 31 Nikech en Nyasaye mane minyalo pimo gi JEHOVA? Koso en ng’a ma en Lwanda, ka ok Nyasachwa? 32 Nyasaye mane osira gi teko kendo oloso yora obedo mokuwe. 33 Nomiyo tiendena ochalo gi tiende mwanda kendo nochunga gi kuwe ewi gode kuonde moting’ore. 34 Otiego lwetena ne lweny; momiyo bedena nyalo dolo atung nyinyo. 35 Isemiya okumba mar warruokni, kendo lweti korachwich osesira; kony mari osemiyo abedo gi duong’. 36 Ne imiya lach ne okangega ma agoyo kendo tiendena ok okier. 37 Ne alawo wasika mi ajukogi; kendo ne ok aloko ra aweyogo nyaka ne atiekogi pep. 38 Ne agoyogi piny maok ne ginyal chung’ aa malo; ne gipodho e bwo tiendena. 39 Nikech ne isira gi teko mar kedo lweny; ne imiyo joma goya onimo e bwoya. 40 Ne imiyo wasika oloko dieng’egi ne an, kendo joma ne ochaya ne atieko. 41 Ne giywak mondo okonygi to onge ng’ama ne nyalo konyogi; ne giywak ne Jehova to ne ok odwokogi. 42 Ne agoyogi adunya kaburu ma yamo tero, ne achodhogi oko ka chuodho mag yore mag dala. 43 Ne iresa e ywaruok gi ji. Ne iketa jatend ogendini; joma ne ok ang’eyo chon notiyona. 44 Sanosano mane giwinjoe humba, ne giwinja; jo pinje maoko nobiro motwere kuoma. 45 Jo pinje maoko chunygi noa kendo ne gibiro ka gitetni ka gia kuonde pondo mag-gi. 46 JEHOVA ngima! Lwandana mondo og wedhi. Kendo Nyasaye mar Warruokna mondo oting’ malo! 47 Nyasaye mane ochulo kuor kara kendo oloyo- ogendini e bwoya; 48 mane oresa e lwet wasika; ne iresa e lwet joma rori. 49 Nikech mano, abiro dendi e dier ogendini YAYE JEHOVA, kendo abiro wero wende pak ne nyingi. 50 Loch maduong’ omiyo ruoth mare, kendo onyiso hera mosiko ne ng’at mowir, ne Daudi kod kothe nyaka chieng’.
Ne Jatend Wer. Zaburi Mar Daudi
1 Polo hulo duong’ mar Nyasaye; kor polo nyiso tich mar lwete. 2 Odiechieng’ kodiechieng’ gikeyo wach; otieno kotieno ginyiso rieko 3 Gionge dhok kata weche kata dwondgi ok winji. 4 Kata kamano dwondgi dhi kuonde duto e piny, wechegi osechopo nyaka e giko piny. Osechungo hema e kor polo ne wang’ chieng’, 5 machalo gi wuon kisera mothinyore oko kawuok e kiwanja kendo mana ka jang’wech mongirore moil moikore ni chako ng’wech. 6 Owuok gie tung’ polo konchiel, kendo olworore nyaka koma chielo; onge gima opondo ne liet mare. 7 Chik Jehova long’o chuth, oduogo chuny; buche mag Jehova inyalo geno, gimiyo joma riekogi tin bedo mariek. 8 Chike mag Jehova nikare, gichiwo mor ne chuny. Chike mag Jehova rieny, gichiwo ler ne wang’. 9 Luoro Jehova liw osiko nyaka chieng’. Buche mag Jehova gin adier kendo gin kare kargi gi duto. 10 Gibeyo moloyo dhahabu, moloyo dhahabu malerie moloyo; gimit moloyo mor kich moa e pedni. 11 Gin ema ritogi kelo pok maduong’. 12 En ng’a manyalo ng’eyo kethoge mopondo? Wena kethoga mopondo. 13 Bende geng’ jatichni kuom richo mag wich teko; mad kik gibed gi loch kuoma. Eka anabed maonge ketho, anabed ka aonge gi ketho chik moro maduong’. 14 Mad weche mawuok e dhoga, kod paro manie chunya, obed malong’o e nyimi, Yaye Jehova, Lwandana kendo Jawarna.
Ne jatend Wer. Zaburi Mar Daudi
1 Mad Nyasaye duoki ka inie chandruok; mad nying Nyasach Jakobo riti. 2 Mad oorni kony moa kare maler kendo omiyi kony moa Sayun. 3 Mad opar misengni magi duto kendo oyie gi chiwo magi miwang’o pep. 4 Mad omiyi gima chunyi go mbo kendo omi chenro magi duto dhi maber. 5 Wabiro kok gimor ka ilocho kendo wabiro ting’o bendechwa malo e nying Nyasachwa. Mad Jehova chiw gik moko duto mikwaye. 6 Koro ang’eyo ni Jehova reso ng’ate mowir; odwoke gie polo mare maler gi teko ma waro ji mar lwete korachwich. 7 Jomoko ogeno kuom gechegi to jomoko kuom faresegi, to wanto wageno kuom nying Jehova Nysachwa. 8 Gibiro lwar e chonggi mi gipodhi, to wan wabiro aa malo mi wachung’ motegno. 9 Yaye Jehova, res ruoth! Dwokwa ka waluongi!
Ne Jatend Wer. Zaburi Mar Daudi
1 Yaye Jehova, ruoth oil nikech teko mimiye. Mano kaka en gi mor maduong’ nikech isemiyo olocho! 2 Isemiye gima chunye gombo kendo pok idagi timone kwayo moa e dhoge. Sela 3 Ne irwake gi gweth momew kendo nisidho osimbo mar dhahabu maliw e wiye. 4 Ne okwayi ngima kendo ne imiyegone imede ndalo nyaka chieng’ manyaka chieng’. 5 Kuom loch mane ichiwo, duong’ mare duong’; isemiye huma gi luor. 6 Adier, isemiye gweth mochwere kendo isemiyo obedo mamor gi mor moa e nyimi. 7 Nikech ruoth ogeno kuom Jehova; kuom hera maok rum mar Jal Mamalo Mogik, ok obi yiengni. 8 Lweteni biro mako wasiki duto; lweti ma korachwich biro ndhiyo joma kedo kodi. 9 E sama ibiro thinyorie nii to ibiro miyo gichal gi kendo ma mach lielie mager. Jehova biro mwonyogi ngili kuom mirimbe mager, kendo mach mare biro tiekogi. 10 Ibiro tieko kothgi mi rum e piny, kendo nyithindgi biro rumo edier ji. 11 Kata obedo ni gichano timoni marach kendo giloso chenro maricho, to ok ginyal loyo; 12 nikech ibiro miyo gilok dierng’egi ka ibiro dimbogi gi atung’ moywa. 13 Yud duong’, Yaye Jehova, kuom tekoni maduong’! Wabiro wer kendo pako nyalo mari.
Ne jatend Wer. E Dwol Mar"Akuru Mar Okinyi" Zaburi Mar Daudi
1 Nyasacha, Nyasacha, iweya nang’o? Ang’o momiyo in mabor koda maok inyal resa? In mabor ma ok inyal winjo weche mag churna? 2 Yaye Nyasacha, aywagora odiechieng’ duto to ok idwoka, aywagora gotieno bende maok aling’. 3 To eka ibetekom duong’ kaka Ng’ama Ler; in e pak mar jo-Israel. 4 Kuomi ema wuonewa noketoe genogi; ne gigeni kendo ne iresogi. 5 Ne giywakni kendo ne iwarogi; ne gigeno kuomi mi ne ok gineno wichkuot. 6 An to an mana kudni maok dhano, ng’ama ji duto jaro kendo ma ji ochayo. 7 Ji duto monena jara; gidiro ayany ka gikino wigi. 8 "Ogeno kuom Jehova; koro mondo Jehova okonye ane. Koro mondo orese ane, nikech chunye mor kode." 9 To eka in ema ne igola e ich; ne ichweya mondo agen kuomi kata kane pod adhodho thund mama. 10 Ne oriwa kodi chakre chieng’ mane onyuolae; isebedo Nyasacha aa kinde mane an ei mama. 11 Kik ibed mabor koda, nikech chandruok ni koda machiegni kendo onge ng’ama nyalo konya. 12 Ruodhi mang’eny olwora; ruodhi maroteke moa Bashan olwora koni gi koni. 13 Sibuoche maruto makidho le ma gisemako ong’amo dhogi malach kadwaro ngama. 14 Ipuka oko kaka pi, kendo chokega duto osewil. Chunya olokore odok; oseleny morumo e iya. 15 Tekona osetwo ka balatago, kendo lewa omoko e danda; isepiela e lop tho. 16 Guogi oselwora; oganda mar joma richo oseketa diere, gisetucho lwetena gi tiendena. 17 A n yalo kwano chokena duto; ji ranga aming’a kendo jara. 18 Gipogore lepa e kindgi giwegi kendo gigoyo ombulu ne nangana. 19 To in, Yaye Jehova, kik ibed mabor koda; Yaye, tekra, bi piyo mondo ikonya. 20 Res ngimana kuom ligangla, res ngimana e teko guogi. 21 Resa e dho sibuoche; resa e tunge ruedhi mager. 22 Abiro hulo nyingi ne owetena; abiro paki e nyim chokruok. 23 Un muluoro Jehova, pakeuru! Un nyikwa Jakobo duto, miyeuru duong’. Luoreuru, un koth jo-Israel duto! 24 Nikech pok ochayo kata ojaro sandruok mar joma winjo malit; pok opandone wang’e to osewinjo ywakne mar dwaro kony. 25 Kuomi ema thorro mara mar pak e chokruok maduong’ aye; abiro chopo singruok maga e nyim joma oluori. 26 Joma odhier biro chiemo mi yieng’; joma manyo Jehova biro pake- mad chunjeu bed mangima nyaka chieng’! 27 Tunge piny duto biro paro miduog ir Jehova, kendo dhout ogendini duto biro kulore e nyime, 28 Nikech loch en mar Jehova kendo en ema olocho ewi ogendini. 29 Jomwandu duto manie piny biro chiemo kendo lemo; ji duto madhi piny e lowo biro kulore e nyime- jogo maok nyal siko kangima. 30 Pon mabiro ibiro nyis kuom Ruoth. 31 Gibiro hulo timne makare ne ji mapok onyuol- nikech osetime.
Zaburi Mar Daudi
1 Jehova e jakwadha, ok anachand gimoro. 2 Omiyo anindo e lum mang’ich, otelona e geng pige mokuwe, 3 oduogo chunya. Otaya e yore mag tim makare mondo nyinge oyud duong’. 4 Kata bed ni awuotho e holo mar tipo mar tho, to ok analuor gimoro marach, nimar in koda; ludhi gi mikwachi- gin ema gihoya. 5 Iiko mesa e nyima ka wasika neno. Iwiro wiya gi mo; okombena opong’ moo oko. 6 Adier, ber gi hera biro siko ka luwo bang’a ndalo duto mag ngimana, kendo abiro dak e od Jehova nyaka chieng’.
Mar Daudi. Zaburi
1 Piny en mar Jehova, kaachiel gi gik moko duto manie iye, piny kod ji duto modakie; 2 nikech ne omiye obetie ewi nembe kendo nogure ewi pige. 3 En ng’a manyalo idho god Jehova? En ng’a manyalo chung’ kare maler? 4 Ng’at man gi lwedo maler gi chuny maler, maok ting’ chunye ne nyasaye ma dhano oloso kata kuong’re gi miriambo. 5 Obiro yudo gweth kuom Jehova kod ber moa kuom Nyasaye ma Jawarne. 6 Kamano e kaka tieng’ mar joma dware chalo, ma manyo wang’i, Yaye Nyasach Jakobo. 7 Ting’uru wiyeu malo, Yaye un dhorangeye; ting’reuru malo, Yaye dhoudi machon, mondo Ruodh duong’ odonji. 8 Ruodh Duong’ni to en ng’a? Jehova Maratego kendo manyalo, Jehova maloyo lweny. 9 Ting’uru wiyeu malo, Yaye un dhora ngeye; ting’giuru malo, un dhoudi machon, mondo Ruodh duong’ odonji. 10 Ruodh duong’ni en ng’a? Jehova Manyalo Gik Moko Duto- En e Ruodh Duong’.
Mar Daudi
1 Ating’o chunya malo ne in, Yaye Jehova; 2 In ema ageno kuomi, Yaye Nyasacha. Kik iwe ane wichkuot, kata iyie wasika loya. 3 Onge ng’ama genone nikuomi manyalo neno wichkuot, to joma timo timbe ma achach kayiem ema biro neno wichkuot. 4 Nyisa yoreni, Yaye Jehova, puonja rodegi; 5 taya e adierani, kendo puonja, nikech in Nyasaye ma Jawarna, kendo genona nikuomi odiechieng’ duto. 6 Par, Yaye Jehova, kechni maduong’ gi herani, nikech gisebedo ka gintie nyaka aa chon. 7 Kik ipar richo mane atimo kapod atin kod yorega mag ng’anyo; para kaluwore gi herani, nikech iber, Yaye Jehova. 8 Jehova ber kendo yorege oriere tir; mano emomiyo opuonjo joricho e yorege. 9 Otayo joma muol e gima nikare kendo opuonjogi yore. 10 Yore duto mag Jehova opong’ gi hera kod adiera ne joma rito dwaro duto mag singruokne. 11 Nikech nyingi, Yaye Jehova, wena kethona kata obedo ni oduong’ ahinya. 12 Koro en ng’a moluoro Jehova? Obiro puonje luwo yo moyierne. 13 Obiro dak e nyima momew, kendo nyikwaye nokaw piny kaka girkeni margi. 14 Jehova en osiep joma oluore; omiyo singruok mare ng’ere negi. 15 Wengena osiko kuom Jehova, nikech en kende ema obiro golo tiendena mamoko e obadho. 16 Lokri ira kendo bedna mang’won, nikech adong’ kenda kendo awinjo marach. 17 Chandruok manie chunya osemedore; resa kuom rem ma an go. 18 Rang pek manie chunya kod rem ma an go, kendo gol richona duto. 19 Neye kaka wasika osemedore kendo kaka gichaya gi gero! 20 Rit ngimana kendo iresa; kik iwe ane wichkuot, nikech in ema apondo kuomi. 21 Mad bidhruok gi ngima moriere rita nikech genona nikuomi. 22 War Israel, Yaye Nyasaye kuom chandruok mage duto!
Mar Daudi
1 Ng’adna bura kare, Yaye Jehova, nikech e ngimana duto asedak ka aonge ketho; asedak ka ageno kuom Jehova maok adigni. 2 Nona, Yaye Jehova, tema, non chunya gi pacha; 3 nikech herani osiko kanie nyima seche duto, kendo asiko awuotho e adierani. 4 Ok abed piny gi joma wuondore bende ok ariwra gi joma ketore. 5 Achayo chokruok mar joma timo gik maricho kendo atamora mar bet piny gi joricho. 6 Aluoko lwetena kaka ng’ama onge ketho, eka amulo tijegi e hekalu mari, Yaye Jehova, 7 ka alando pakni gi duol maduong’, kendo anyiso timbeni duto miwuoro. 8 Ahero ot kama idakie, Yaye Jehova, kama duong’ni nitie. 9 Kik ikaw chunya kaachiel gi joricho, kik ikaw ngimana kod joma rich chwero remo omako, 10 joma lwetegi oting’o chenro maricho ma lwetegi makorachwich asoya opong’o. 11 To an adak e ngima maonge ketho; yie iwara kendo ikecha. 12 Tiendena onyono kama opie; e chokruok mang’ongo abiro pako Jehova.
Mar Daudi
1 Jehova e lerna kendo en e warruokna; en ng’a ma daluor? Jehova e kama ngimana oponde. En ng’a ma dibuoga? 2 Ka joma richo lawa mondo gingam ringra, ka wasika kod joma kedo koda monja, to gibiro kier mi gipodhi. 3 Kata ka jolweny ogoyona ageng’a, to chunya ok bi luor; kata ka lweny otu - gorena, to pod abiro mana bedo gi chir. 4 Gimoro achiel ema akwayo Jehova, ma e gima adwaro moloyo; ni mondo adag e od Jehova ndalo duto mag ngimana, mondo achom wang’a kuom ber mar Jehova kendo amanye e hekalu mare. 5 Nikech chieng’ ma chandruok omaka obiro kana maber e kar dakne; obiro panda e kar pondo mar hembe maler kendo obiro keta piny malo ewi lwanda. 6 Eka wiya biro bedo matin ka ayombo wasigu duto molwora; abiro timo misango mar pak ka akok gimor e hembe maler. Abiro wer kendo abiro loso wende mamit ne Jehova. 7 Winj duonda ka aluongo, Yaye Jehova; kecha kendo idwoka. 8 Chunya wuoyo kuomi kawacho ni, "Many wang’e!" Wang’i, Yaye Jehova, ema abiro manyo. 9 Kik ipandna wang’i, kik iriemb jatichni ka mirima omaki, in ema isebedo jakonyna. Kik idaga kata ijwang’a, Yaye Nyasaye Jawarna. 10 Kata obedo ni wuonwa gi minwa ojwang’a to Jehova biro rwaka. 11 Puonja yori, Yaye Jehova; telna eyo moriere tir nikech joma sanda. 12 Kik ijwang’a ne dwach wasika, nikech joneno mag miriambo oramona matek, ka giyueyona hinyruok. 13 To pod aramo e wachni: pod abiro neno ber Jehova e piny joma ngima. 14 Rit Jehova; bed motegno kendo jiw chunyi kendo rit Jehova.
Mar Daudi
1 In ema aluongi, Yaye Jehova Lwandana; kik idinna iti. Nikech ka isiko iling’ aling’a, to abiro chalo gi joma osedhi e bur. 2 Winj ywakna mondo ikecha e sama aluongi modo ikonya, e sama ating’o bedena malo kochomo kari Maler Mogik. 3 Kik iywaya oko gi joma richo, gi joma timo gik maricho, ma wuoyo gi kuwe gi jowetegi to opando sigu e chunygi. 4 Chulgi kuom timbegi maricho kendo kuom tijegi maricho; chulgi kuom gik ma lwetegi osetimo kendo dwok kuomgi gik mowinjore gi timbegi. 5 Nikech ok gidew tije mag Jehova kod gik ma lwetene osetimo, obiro mukogi mi ogogi piny kendo ok nochak ogergi mi gichung’ kendo. 6 Jehova mondo opaki nikech osewinjo ywakna ma akwayogo kony. 7 Jehova e tekra kendo en e okumbana; chunya ogeno kuome kendo ayudo kony kuome. Chunya gwecho gi mor kendo abiro goyone erokamano gi wer. 8 Jehova e tekre joge, en ohinga mar resruok ne ng’ate mowir. 9 Res jogi kendo gwedh girkeni mari; bed jakwadhgi kendo ting’gi malo nyaka chieng’.
Zaburi Mar Daudi
1 Chiwneuru Jehova, Yaye un joroteke, chiwneuru Jehova duong’ gi teko. 2 Chiwneuru Jehova duong’ mowinjore gi nyinge; lamuru Jehova e dier lerne mang’ang’ni. 3 Dwond Jehova nie wi pige; Nyasaye mar duong’ mor kaka mor polo, Jehova mor ewi pige madongo. 4 Dwond Jehova nigi teko, dwond Jehova nigi duong’. 5 Dwond Jehova muko bepe mag sida, Jehova chodo bepe mag sida mag Lebanon matindo tindo. 6 Omiyo Lebanon chikore ka nyaroya, Got Hemon leng’ore ka rwadh bungu mapod tin. 7 Dwond Jehova chweto, ochweto gi ler mager mar mil polo 8 Dwond Jehova yiengo piny motimo ongoro; Jehova yiengo ongoro mar Kadesh. 9 Dwond Jehova dolo bepe mag dubu kendo pielo bungu piny mi dong’ nono kendo ei hekalu mare ji duto kok ni, " Duong’!" 10 Jehova obetekom loch mare ewi ataro; Jehova obetekom loch kaka Ruoth nyaka chieng’. 11 Jehova miyo joge teko; Jehova gwedho joge gi kuwe.
Zaburi. Wer Mar Gwedho Hekalu Mar Daudi.
1 Abiro dhiali, Yaye Jehova, nikech ne igola oko e bur matut kendo ne ok iyiene wasika mondo obed mamor kuoma. 2 Yaye Jehova Nyasacha, ne aluongi mondo ikonya kendo ne ichanga. 3 Yaye Jehova, ne igola oko e liel, ne iresa ka noyudo aridora piny e bur matut. 4 Werneuru Jehova, un joge maler; pakuru nyinge maler. 5 Nikech mirimbe bedo mana kuom kinde matin kende, to ng’wonone to siko nyaka chieng’. 6 Kane agalo ni adhi maber, ne awacho ni, "Onge gima biro bwoga." 7 Yaye Jehova, kane itimona ng’wono, ne imiyo goda ochung’ motegno; to kane ipando wang’i, to piny nochama. 8 In emane aluongi, Yaye Jehova; Jehova emane aywakne mondo okecha. 9 "Ohala mane ma thona biro kelo, dhi mara e liel biro konyi gang’o? Lo bende nyalo paki adier? Be dohul adierani adier? 10 Winja, Yaye Jehova, kendo kecha; Yaye Jehova bed konyruok mara." 11 Ne iloko nduru mane agoyo olokore miel; ne igolo lawa mar kuyo mi irwakona mor, 12 mondo chunya owerni kendo kik oling’. Yaye Jehova Nyasacha, abiro goyoni erokamano nyaka chieng’.
Ne Jatend Wer. Zaburi Mar Daudi
1 Kuomi, Yaye Jehova, ema aponde, kik iwe mondo ane wichkuot; resa kuom tim makare mari. 2 Lok iti ira, bi piyo mondo ikonya; bed lwandana ma aponde, ohinga motegno manyalo resa. 3 Kaka in lwandana kendo ohingana, telna kendo itaya nikech nyingi. 4 Gola oko e obadho mochikna nikech in e kar pondona. 5 Achiwo chunya e lweti; resa, Yaye Jehova, Nyasaye mar adiera. 6 Asin gi joma otwere gi nyiseche manono ma dhano oloso; ageno kuom Jehova. 7 Abiro bedo mamor kendo moil kuom herani, nikech ne ineno chandruokna, kendo ne ing’eyo lit mar chunya. 8 Ok iseketa e lwet jasigu to iseguro tiendena kama lach. 9 Kecha, Yaye Jehova, nikech chunya winjo marach; wengena kuyo kendo chunya gi ringra bende nigi lit. 10 Ngimana rem chamo kendo higni maga opong’ gi chur; tekona rumo nikech pek ma an go kendo chokena doko mayomyom. 11 Nikech wasigu olwora mang’eny, jobuta koro ochaya gi chunygi; alich koda ka ne osiepena kendo joma onena e wang’ yo ringa. 12 Wigi owil koda mana kagima ne asetho chon koro achalo mana gi agulu motore. 13 Nikech awinjo ayany mang’eny ma ji yanyago, nitie bwok e alworana koni gi koni; gikuodho kaka digitimna marach kendo gichano mar kawo ngimana. 14 To ageno kuomi, Yaye Jehova; awacho ni, "In e Nyasacha." 15 Ndalona nie lweti; resa e lwet wasika kendo kuom joma lawa. 16 Mad wang’i rieny kuom jatichni; resa gi herani maok rem. 17 Kik iwe wiya kuodi, Yaye Jehova, nikech aywagorani; to we joma timbegi richo one wichkuot kendo ginindi ka giling’ thi ei liel. 18 Mi dhogi mariambo mondo oling’; nikech sungagi kod chuny marach ma gin go omiyo giwuoyo gi wichteko kuom joma kare. 19 Mano kaka berni duong’, ber mikano ne joma oluori, mimiyo joma opondo kuomi ka ji duto neno. 20 Ipandogi ne chenro maricho mag ji ka in iwuon ibedo butgi kaka kar pondo margi; iritogi maber e kar dak mari kuom lep mahangogi. 21 Pak odog ne Jehova, nikech ne onyisa herane maduong’ kane an e dala ma wasigu ogoyona ageng’a. 22 Kane achiedhnade omaka to ne awacho ni, "Opoga kodi!" Kata kamano ne iwinja ka ayuakni mondo ikecha kane aluongi mondo ikonya. 23 Heruru Jehova un joge maler duto! Jehova rito ngima joma jo adiera, to josunga to ochulo moromo chuth. 24 Beduru motegno kendo jiwuru chunyu, un duto mugeno kuom Jehova.
Mar Daudi Maskil
1 Ogwedh ng’at ma kethone owene, ma richone oum. 2 Ogwedh ng’at ma richone Jehova ok kwan ni mage kendo ma wuondruok onge chunye. 3 Kane aling’ to chokena ne ochiyore kane achur odiechieng’ duto ma ok ayue. 4 Nikech odiechieng’ gotieno lweti ne pek kuoma; tekrena ne oduono mana kaka timorega e liet mar ndalo oro. Sela 5 Eka ne anyisi richona kendo ne ok apando ketho chik maga. Ne awacho ni, "Abiro hulo ketho chik maga ne Jehova"- kendo ne iweyona ketho mane richona okelo. Sela 6 Kuom mano, owinjore ji duto moluoro Nyasaye olami kapod inyalo yudi; adier, ka pige madongo otugore, to ok gibi chopo ire, 7 In e kar pondona; ibiro rita e chandruok kendo ibiro lwora gi wende mag loch. Sela 8 Abiro tiegi kendo puonji e yo mon- ego ilu; abiro ng’adoni rieko kendo abiro rangi maber. 9 Kik ichal gi farese kata gi nyumbu, maonge gi rieko manyaka chiki mana ka otwe dhoge kendo iywayo gi kamba, nono to ok gibi buti. 10 Lit mochomo joma timbegi richo ng’eny, to hera maok rem mar Jehova olworo ng’at mogeno kuome. 11 Beduru moil kuom Jehova, kendo beduru mamor, un joma kare; weruru, un duto ma urieru tir gie chunyu!
1 Weruru gimor ne Jehova, un joma kare; en gima owinjore mondo joma oriere tir opake. 2 Pakuru Jehova gi nyatiti; losneuru wer mamit e gir wer man gi tonde apar. 3 Werneuru wer manyien; nditneuru wer kugoyone gig wer mong’ith kendo gouru koko nikech umor. 4 Nikech wach Jehova nikare kendo en adier; en jaadiera e gik moko duto motimo. 5 Jehova ohero tim makare kod ratiro; piny duto opong’ gi herane ma ok rem. 6 Polo ne olosi gi wach Jehova, chwech mang’ang’ni mathoth mokalo akwana manie igi much dhoge ema noloso. 7 Ochoko pige mag nembe madongo e tawo; oketo kut e dere. 8 Piny duto mondo oluor Jehova; ji duto manie e piny mondo okulrene 9 Nikech ne owuoyo mipiny obetie, nogolo chik mi ochung’ mongirore. 10 Jehova miyo chenro mag pinje bedo nono; othiro thorro ma ogendini nigo. 11 To chenro mag Jehova to siko kochung’ nyaka chieng’; ochopo thorro duto manie chunye e tienge duto. 12 Ogwedh piny ma Nyasache en Jehova, oganda mane oyiero kaka girkeni mare. 13 Jehova ng’iyo piny gie polo kendo oneno dhano duto; 14 ong’iyo ji duto modak e piny gie kar dakne e polo- 15 en magero chunje ji duto, kendo manono gik moko duto ma gitimo. 16 Onge ker minyalo reso nikech en gi jolweny mang’eny; bende onge jakedo manyalo tony nikech tekone ng’eny. 17 Geno yudo resruok kuom faras en gima nono kata obedo ni en giteko mang’eny to ok onyal reso ng’ato. 18 To wenge Jehova nikuom joma oluore, kuom joma geno margi ni kuom herane maok rem, 19 mondo oresgi e tho kendo oritgi gibed mangima e kech. 20 Warito Jehova gi geno; en e konyruokwa kendo okumbawa. 21 Chunywa mor kuome, nikech wageno kuom nyinge maler. 22 Mad herani maok rem bed kuomwa, Yaye Jehova, mana kaka waketo genowa kuomi.
Mar Daudi. Kane Owuondore Ni En Janeko E Nyim Abimelek, Mane Oriembe Mi Oa Odhi
1 Abiro dhialo Jehova kinde duto; pakne biro siko e dhoga. 2 Chunya biro sungore kuom Jehova, joma winjo marach mondo owinji kendo obed mamor. 3 Miuru Nyasaye duong’ kaachiel koda; wating’uru nyinge malo kaachiel. 4 Ne amanyo Jehova, kendo nodwoka; ne oresa e luoro maga duto. 5 Joma oketo genogi kuome rieny; onge sa moro amora ma lela wengegi nyiso ni wigi okuot. 6 Ng’at ma jadhierni noluong o, kendo Jehova nowinje; ne orese mogole e chandruok mage duto. 7 Malaika mar Jehova oumo alwora mar joma oluore kendo oresogi. 8 Bil mi ine ni Jehova ber; ng’at mapondo kuome ogwedhi. 9 Luor Jehova, un joge maler, nikech joma oluore ok chand gimoro amora. 10 Sibuoche nyalo ol kendo kech nyalo kayogi, to joma manyo Jehova ok ochando gima ber moro amora. 11 Biuru nyithinda winjauru. Abiro puonjou luoro Jehova. 12 Ng’ato ang’ata kuomu mohero ngima kendo magombo neno ndalo mang’eny mabeyo, 13 mondo ogeng’ lewe kik tim gima rach kendo otam dhoge kik wach miriambo. 14 Lokri iwe richo kendo itim maber; many kuwe kendo ilawe matek. 15 Wenge Jehova ni kuom joma kare kendo itene winjo ywakgi; 16 wang’ Jehova ger gi joma timo gima rach, kendo omiyo wich wil kodgi e piny. 17 Joma kare ywagore kendo Nyasaye winjogi; oresogi e chandruokgi duto. 18 Jehova ni machiegni gi joma chunygi otur kendo owaro joma chunygi muol. 19 Ng’at makare nyalo bedo gi chandruok mang’eny, to Jehova rese kuom - gi duto; 20 orito chokene duto, ma kata achiel kuomgi ok notur. 21 Timbe maricho biro nego ng’ama timbene richo, to joma kedo gi joma kare bura biro loyo. 22 Jehova reso jotichne; onge ng’ato kata achiel mopondo kuome ma bura biro loyo.
Mar Daudi
1 Kedi, Yaye Jehova, gi joma kedo koda; gori gi joma goya. 2 Kaw kuot gi okumba; aa malo mondo ibi ikonya. 3 Mil tong’ gi chuma madhoge bith mar kedo ibuoggo joma lawa. Wach ne chunya ni, "An e warruokni." 4 Mad joma dwaro kawo ngimana ne wichkuot gi achaya. Mad joma chanona hinyruok, chunygi aa mi gigom gidogi. 5 Mad gichal gi mihudhwe ma yamo tero, ka malaika mar Jehova riembogi mabor; 6 mad yore ma giluwo lil ti kendo bed makier-kier ka malaika mar Jehova lawogi. 7 Nikech gichikona gogo margi kayiem kendo gikunyona bur kayiem; 8 mad kethruok jukgi apoya ka gikiamad gogo ma gisechiko gajgi; mad gilwar ei bur ma kargi lal nono. 9 Eka chunya noil kuom Jehova kendo nomor kuom warruokne. 10 An duto, ringra gi chunya, anahul ni, "En ng’a machalo kodi, Yaye Jehova." Ireso jodhier e lwet joma nigi teko moloyogi, Adier, ikonyo jodhier gi jochan kuom joma mayogi. 11 Joneno ma wengegi tek sudo nyime; gipenja kuom gik ma akiya gimoro amora kuomgi. 12 Gichula rach kar ber, kendo giweyo chunya kochwanyore. 13 To eka ginto kane gituo gihewore to ne arwako law ywak kendo ne abolora atweyo chiemo. Ka lamona noduogona maok oduoki, 14 ne awuotho koni gi koni ka chunya lit mana kagima aywago osiepna kata owadwa. 15 To kane achwanyora, ne gichokore kaachiel gi mor; jomonjo nochokorena sama akiya ne gisiko ka giketho nyinga. 16 Kaka ne ok giluoro Nyasaye, ne gijara ka gichano timona marach, ne gikayona lekegi. 17 Yaye Ruoth, ibiro siko kineno gigi nyaka karang’o? Res ngimana kuom kethruok duto mag-gi. Akwayi ni ires ngimana ma nengone tek e lwet sibuochegi. 18 Abiro goyoni erokamano e chokruok maduong’; abiro paki e dier oganda maduong’mochokore kaachiel. 19 Kik iyiene jogo osungre ni gisenyala, joma obedo wasika maonge gima omiyo; kik iyie joma ochaya maonge gimoro sigre gi wengegi mar timona marach. 20 Ok giwuo gi kuwe, to gichano neno mag miriambo kuom joma odak mos e piny. 21 Giyawona dhogi maduong’ kendo giwacho ni, "Haa! Haa! Wasenene gi wengewa wawegi." 22 Yaye Jehova, iseneno gini; kik iling’. Kik ibed koda mabor, Yaye Jehova. 23 Aa malo, kendo chungi mondo ikonya! Kedna, Yaye Nyasacha kendo Ruodha. 24 Yala kichwaka kuom timni makare, Yaye Jehova Nyasacha; kik iyienegi gisungre ni gisenyala. 25 Kik iwe giwach e chunygi ni, "Ero, otimorene mana kaka ne wadwaro." Kata giwach ni, "koro wasemuonye ngili." 26 Mad ji duto mamor nikech chandruokna one wichkuot kendo pachgi olal; mad joma kaworena orwaknegi wichkuot gi achaya. 27 Mad joma mor kuom chwak michwakago okog gi ilo kod mor; mad gisik ka giwacho kinde duto ni, "Jehova mondo oting’ malo en ma omor gi dhi maber mar jatichne." 28 Lewa biro loso kuom timni makare kendo kuom pakni duto odiechieng’ duto.
Ne Jatend Wer. Daudi Jatich Jehova
1 Ote moro nie chunya kuom richo ma ng’ama timbene richo timo: Ok oluoro Nyasaye; wang’e tek. 2 Nikech chunye wuonde kendo owuondore kende, chunye wuonde asasa maok onyal neno kata chayo richone. 3 Weche mawuok e dhoge richo kendo gin wuond; oseweyo bedo mariek kod timo maber. 4 Kata e otandane ochano timo gima rach; oketore mar luwo yor richo kendo ok otamre gima rach. 5 Herani chopo e polo, Yaye Nyasaye; adierani chopo nyaka ewi lwasi 6 Timni makare chalo gi gode madongo, ratiro mari chalo gi kut mang’ongo. Yaye Jehova, in ema irito ngima dhano gi le 7 Mano kaka herani maok rem nengone duong’! Joma idewo kaachiel gi ji ajia yudo kar pondo margi e bwo tipo mar buombeni. 8 Gichamo chiemo modhur e udi ka gimor; imiyogi math moa e aochi mar mor. 9 Nimar in ema in gi soko mar ngima; e lerni ema wanenoe ler. 10 Med hero joma ong’eyi, med nyiso timni makare ne joma oriere tir gie chunygi. 11 Mad tiend joma sungore kik nyona, kata lwet joma timbegi richo gola kama antie. 12 Neye kaka joma timo gik maricho oriere piny kopodho osebogi piny maok ginyal aa malo!
Mar Daudi
1 Kik chunyi chandre nikech joma richo kata chunyi gomb joma timo gik mariccho; 2 nikech gibiro ner mapiyo mana kaka lum; gibiro tho mi gilal nono mapiyo mana kaka yiende mang’ich. 3 Gen kuom Jehova kendo tim maber. Eka inidag e piny kendo inichiem gi mor e lek maber. 4 Bed mamor asasa kuom Jehova eka obiro miyi gik moko duto ma chunyi gombo. 5 Ket yori ne Jehova; gene eka obiro timo kama. 6 Obiro miyo timni makare rieny ka ler mar okinyi, ratiro makori bende biro chalo gi wang’ chieng’ ma rieny odiechieng’ tir. 7 Bed mos e nyim Jehova, kendo rite kihori mos; kik chunyi chandre ka ji dhi maber, ka gichopo chenrogi maricho. 8 Geng’ mirima kendo lokri iwe ich wang’ kik chunyi chandre- okelo mana rach. 9 Nikech joma richo ibiro ng’ad kargi oko, to joma ogeno kuom Jehova piny biro bedo margi. 10 Kinde matin nono to joma timbegi richo ok bi betie; kata ibi imanygi to ok ibi yudogi. 11 To joma muol piny biro bedo margi kendo gibiro winjo maber ka gin gi kuwe maduong’. 12 Joma timbegi richo chano timo marach ni joma kare kendo gikayo negi lekegi; 13 to Ruoth nyiero joma timbegi richo, nimar ong’eyo ni odiechieng’-gi biro. 14 Joma timbegi richo wuodho liganglagi kendo gidolo atungegi mondo gichiel jodhier gi jochan piny, mondo gineg joma yoregi oriere tir. 15 To ligengnigi biro chwoyo adundogi giwegi, kendo atungegi biro tur. 16 Gima tin ma ng’at makare nigo ber moloyo mwandu mathoth mag joma timbegi richo; 17 nikech teko mar joma timbegi richo ibiro kethi, to Jehova ting’o ng’at makare malo. 18 Ndalo mag joma onge ketho ong’ere ne Jehova, kendo gir keni margi biro siko nyaka chieng’. 19 E kinde mag masira mopore ok gibi ne r, kendo gibiro bedo gi chiemo mathoth ndalo kech. 20 To joma timbegi richo biro lal nono: Wasik Jehova biro chalo gi ber mar thiepee manie pap, gibiro lal nono gibiro lal nono kaka iro. 21 Joma timbegi richo holo ji gik moko to ok chul, to joma kare to chiwo gi ng’wono; 22 joma Jehova og wedho piny biro bedo margi, to joma okuong’o ibiro ng’ad kargi oko. 23 Ka Jehova mor gi yor ng’ato, to omiyo okangege bedo mojing’; 24 Kata ka ochwanyore to ok obi podho nikech Jehova ting’e malo gi lwete. 25 Nyaka aa e tin-na mi koro adoko ng’ama duong’ pok aneno ka joma kare ojwang’ kata ka nyithindgi kwayo ji kuon. 26 Kinde duto ging’won kendo giholo ji gigegi nono; nyithindgi ibiro gwedhi. 27 Lokri iwe rach mondo itim maber; eka inidag e piny nyaka chieng’. 28 Nikech Jehova ohero joma jo ratiro, kendo ok obi jwang’o joge ma jo adiera. Ibiro ritgi maber nyaka chieng’, to koth joma timbegi richo ibiro ng’ad kargi oko; 29 joma kaare piny biro bedo margi kendo gibiro dak e iye nyaka chieng’. 30 Dho ng’at makare hulo rieko kendo lewe wacho gima ratiro. 31 Chik mar Nyasaye nie chunye; omiyo tiendene ok kier. 32 Joma timbegi richo nindo piny karito joma kare ka gidwa tieko ngimagi; 33 to Jehova ok bi weyogi e lwetgi kata yie bura logi sama iyalogi. 34 Rit Jehova kendo lu yore. Obiro ting’i malo mi omi piny bed mari; ka joma richo ong’ad kargi oko to ibiro neno gi wang’i. 35 Aseneno ng’ama timbene richo kendo ma kwiny kadhi maber mana ka yien mang’ich moti e lo mowinjore kode. 36 To ne okalo kamano piyo piyo nono kendo ne ok ochak onene, kata ne omanye to ne ok nyal yude. 37 Par kit ngima joma onge ketho, som chal joma ngimagi oriere, ng’ama ohero kuwe nigi geno mar dak aming’a. 38 To joricho duto ibiro tieki, joma timbegi richo ibiro ng’ad ndalog i mabiro. 39 Warruok mar joma kare aa kuom Jehova; en e kar pondo margi e ndalo mar chandruok. 40 Jehova konyogi kendo resogi oresogi e lwet joma timbegi richo kendo owarogi, nikech gipondo kuome.
Zaburi Mar Daudi. Kwayo
1 Yaye Jehova, kik ikwe ra ka iyi owang’ kata ikuma ka mirima mager omaki. 2 Nikech aserni magi osechwoy a, kendo lweti oselwar kuoma. 3 Mirimbi mager osemiyo ringra obedo maonge ngima maber; chokena ok winj maber nikech richona. 4 Ketho ma asekethogo obara ndas mana ka misigo mapek mohinga ting’o. 5 Adhondena otimo tutu kendo dung’ marach nikech fupa mar timo richo. 6 Adolora kendo adwokora piny chuth odiechieng’ duto, awuotho koni gi koni, ka akuyo. 7 Onding’a rama gi rem machicho; ringra onge gi ngima maber. 8 Denda ool kendo tekra orumo chuth; achur nikech chunya lit. 9 Gik ma chunya gombo duto ong’ereni maber, Yaye Jehova; chur ma achurgo ok opondoni. 10 Chunya gwecho, tekra orumo; wengena otimo mudho. 11 Osiepena gi anyuolana badhorena nikech adhondena; jobuta otang’ koda. 12 Joma dwa kawo ngimana ochiko otegogi, joma dwa hinya chano kaka ginyalo tieka chuth. Gichano miriambo odiechieng’ duto. 13 Achalo ng’ama ite odino, maok nyal winjo wach, mana ka momo ma ok nyal yawo dhoge; 14 Aselokora koro achalo ng’at ma ok winj wach, ma dhoge ok nyal dwoko wach. 15 To in ema ariti, Yaye Jehova, kendo ang’eyo ni ibiro dwoko, Yaye Ruoth Nyasacha. 16 Nimar ne awacho ni, "Kik iyienegi gisungre ni gisenyala kata gikawrena ka tienda okier." 17 Nimar achiegni podho, kendo rem ma an-go osiko koda. 18 Ahulo kethona; richona chando chunya 19 Wasika moramona ng’eny ndi; joma ochaya maonge gima omiyo thoth mokalo akwana. 20 Joma chulo rach kuom ber ma asetimonegi ketho nyinga ka an to alawo gima ber. 21 Yaye Jehova, kik ijwang’a; kik ibed mabor koda, Yaye Nyasacha. 22 Bi piyo mondo ikonya, Yaye Ruoth Jawarna.
Ne Jatend Wer. Ne Jeduthun. Zaburi Mar Daudi
1 NE AWACHO ni, "Abiro ritora e yorena, kendo abiro rito lewa kik otim richo; abiro tweyo dhoga gi waya seche duto ma joma timbegi richo ni buta." 2 To e seche mane ok awuo kendo aling’ mos, kane ok awach gimoro amora maber, pek manie chunya nomedore. 3 Chunya nodoko maliet e iya kendo kane amedo paro, mach noliel; eka ne ating’o dhoga mi awuoyo: 4 "Yaye Jehova, nyisa giko mar ngimana kod kar romb ndalona; mi ang’e kaka ngimana rumo piyo. 5 Iseketo ndalona obedo machiek ka bad dhano; kar romb higni maga ok gimoro e nyimi, ngima dhano ka dhano en mana muya nono. 6 Dhano odich ka wuotho koni gi koni to en mana tipo nono, orikni gi tijene mapile kayiem; ochoko mwandu mathoth ka ok ong’eyo ng’ama obiro weyonegi. 7 "To koro, Yaye Ruoth, en ang’o ma amanyo? Genona ni kuomi. 8 Resa kuom ketho maga duto; kik imi abedi ng’ama joma ofuwo jaro. 9 Ne aling’ thi, kendo ne ok anyal yawo dhoga, nikech in ema isetimo ma. 10 Gol chwatni kuoma; goch ma lweti goyago ohinga. 11 Ikwero kendo ikumo ji nikech richogi; itieko mwandugi mana ka thuth- dhano ka dhano en mana muya nono. 12 "Winj lamona, Yaye Jehova, chik iti ne lamona ma adwarogo kony; kik idin iti ne ywakna, nikech adak kodi mana ka jadak, an mana wendo kaka kwerena duto ne gin. 13 We ng’iya, mondo achak abed moil kendo kapok adar aweyo pinyni mi alal e wang’ ji.
Ne Jatend Wer. Mar Daudi. Zaburi
1 Ne arito Jehova ka ahora mos; ne olokore ira mi owinjo ywakna. 2 Ne oywaya oko e bur motimo otodo, ne ogola e chuodho gi thidhya. Ne oguro tiendena e lwanda kendo nomiya kama otegno mondo achungie. 3 Ne oketo wer manyien e dhoga, wer mipakogo Nyasachwa. Ji mang’eny biro neno mi bed maluor kendo gibiro keto genogi kuom Jehova. 4 Ng’at moketo Jehova geno mare en ng’at mog wedhi, ng’at maok many kony kuom josunga, kata kuom joma lokore mondo olam nyiseche mag miriambo 5 Ranyisi misetimo thoth, Yaye Jehova Nyasacha. 6 Misengni gi chiwo ne ok ihero to ita ema iseyawo; misengni miwang’o pep kod chiwo migo l ogo richo ne ok idwaro. 7 Eka ne awacho ni, "Era e, asebiroondiki kuoma e Ndiko modol. 8 A gombo timo dwarono, Yaye Nyasacha; chikni ni ei chunya." 9 Alando tim makare e chokru o k maduong’, ok aumo dhoga, mana kaka ing’eyo, Yaye JEHOVA. 10 Ok apando timni makare e chunya; awuoyo kuom adierani gi warruokni. Ok apando herani gi adierani ne chokruok maduong’. 11 Kik itamri kecha, Yaye Jehova; mad herani gi adierani osik ka rita. 12 Nikech chandruok mokalo akwana olwora; richoga osejuka kendo ok anyal neno. Ging’eny moloyo yie wiya, kendo chunya onyosore gie iya. 13 Bed mamor, Yaye Jehova, mondo iwara. Bi piyo, Yaye Jehova, mondo ikonya. 14 Mad ji duto madwaro kawo ngimana wigi okuodi kendo pachgi olal; mad ji duto ma chunygi gombona tho oriemb odogi ka wigi okuot. 15 Mad joma nyiera ni, "Haa! Haa!" ng’eng’ ka gineno wichkuot. 16 To mad ji duto ma manyi bed moil kendo mamor kuomi; mad joma ohero warruok mari sik kawacho ni, "Jehova mondo oting’ malo!" 17 Anto adhier kendo achando, mad Ruoth para e. In e jakonyna kendo jawarna; Yaye Nyasacha, kik ideki.
Ne Jatend Wer. Zaburi Mar Daudi
1 Ng’ama paro joma ok nyal en jahawi; Jehova rese ka chandruok omake. 2 Jehova biro rite kendo biro miyo obed mangima; obiro gwedhe e piny kendo ok obi jwang’e e lwet wasike. 3 Jehova biro rite e otandane mar tuo kendo obiro miyo oa malo e kitandane ka ohewore. 4 Ne awacho ni, "Yaye Jehova, kecha; changa, nikech asekethoni." 5 Wasika wuoyo kuoma ka chunygi rach koda, ka giwacho ni, "Obiro tho karang’o mondo nyinge olal chuth?" 6 Saa asaya ma ng’ato obiro nena, to owuondore ni owuoyo kuoma maber, to ei chunye to ofwambo weche mondo okethgo nyinga eka oa odhi kendo okeyo wechego ne ji. 7 Wasika duto kuotho kaachiel kaka digihinya, chunygi paro gik maricho mogik mondo ohinya, ka giwacho ni, 8 "Tuo marach osekete piny; ok obi aa malo kendo koa kama oninde." 9 Koda ka osiepna mangita gi del, mane ageno kuome, en mane apogone kuona bende osethirona. 10 To in, Yaye Jehova, yie ikecha; chunga malo, mondo achulgi. 11 Ang’eyo ni chunyi mor koda, nimar jasika ok loya. 12 Iting’a malo nikech timna makare kendo ichunga e nyimi nyaka chieng’. 13 Opak Jehova, Nyasach Israel, nyaka chieng’ kendo nyaka chieng’. Amin kendo Amin.
Ne Jatend Wer. Maskil Mar Yawuot Kora.
1 Mana kaka mwanda gamo yueyo kamanyo kuonde ma pi nitie, e kaka chunya gami, Yaye Nyasaye. 2 Chunya riyo oloyo mar dwaro Nyasaye. Riyo mar dwaro Nyasaye mangima. Sa mane ma anyalo wuok adhi arom gi Nyasaye? 3 Aseywak mi pi wang’a ochalo chiemba odiechieng’ gotieno, ka ji to wachona odiechieng’ duto ni, "Ere Nyasachi?" 4 Aparo gigi duto sama chunya gombi: kaka ne ajadhiga gi oganda maduong’ ka atelone ji moruowo kadhi e od Nyasaye. Ka akok gimor kendo agoyo erokamano E dier oganda maduong’ matimo nyasi gi mor. 5 Ang’o momiyo inyosori, Yaye chunya? Ang’o momiyo ibuok gie iya? Ket geno mari kuom Nyasaye, Nikech pod abiro pake, kaka Jaw a rna kendo Nyasacha. 6 Chunya onyosore gie iya; Omiyo abiro pari gie piny mar Jordan, gie kuonde moting’ore mar Harmon, gie wi got Mizar. 7 Kut luongore gi kut ei aburu ru mamor; apaka magi duto gi ahiti mager oseywera motera. 8 Nyasaye chiko herane godiechieng’ to gotieno to wende nie iya; lamo ma alamogo Nyasach ngimana. 9 Awacho ne Nyasaye ma lwandana ni, "Ang’o momiyowiyi osewil koda Ang’o momiyo asiko gi kuyo Ka jasigu sanda?" 10 Chokena tho omako kendo rama malit seche ma joma kedo koda yanya kochaya, ka giwachona odiechieng’ duto ni, "Ere Nyasachi?" 11 Ang’o momiyo inyosori, Yaye chunya? Ang’o momiyo ibuok gie iya? Ket genoni kuom Nyasaye, nikech pod abiro pake, ni Jawarna kendo Nyasacha.
1 Ng’adna bura kare, Yaye Nyasaye, kendo chwaka e piny mokia Nyasaye; resa e lwet joma wuondore kod joma timbegi richo. 2 In Nyasaye ma apondo kuome. Koro to ijwang’a nang’o? Ang’o momiyo nyaka asik ka akuyo, ka jasigu sanda? 3 Or ler mari kod adierani, ornagi mondo gitaya; yie mondo gikela nyaka godi maler, nyaka kama idakie. 4 Eka anadhi kama ler mar Nyasaye, nyaka ir Nyasaye, ma en ilo mara kendo mor mara. Abiro paki gi nyatiti, Yaye Nyasaye kendo Nyasacha. 5 Ang’o momiyo inyosori, Yaye chunya? Ang’o momiyo ibuok gie iya? Ket geno mari kuom Nyasaye, nikech pod abiro pake ni Jawarna kendo Nyasacha.
Ne Jatend Wer. Mar Yawuot Kora. Maskil
1 Yaye Nyasaye, wasewinjo gi itwa; kendo wuonewa osenyisowa gik mane itimo e ndalogi, ndalo machon gilala. 2 Ne iriembo ogendini gi lweti iwuon kendo ne iguro kwe r ewa kargi; ne itieko ogendini mi imiyo kwerewa okar. 3 Ne ok giloyo piny gi liganglagi kendo kata bedegi bende ne ok okelo negi loch; to lweti makorachwich, badi iwuon, kod ler mar wang’i ema nomiyo gilocho nimar ne iherogi. 4 In e Ruodha kendo Nyasacha, magolo chik mondo Jakobo olochi. 5 Wasiro wasikwa nikech in, wanyono joma kedo kodwa kuom nyingi. 6 Atung’ mara ok ageno kuome, liganglana be ok mi alochi; 7 to in ema imiyowa loch ewi wasikwa, imiyo joma kedo ko dwa neno wichkuot. 8 Sungawa ni kuom Nyasaye odiechieng’ duto kendo wabiro pako nyingi nyaka chieng’. Sela 9 To koro isedagiwa kendo isedwokowa piny; tinde ok idhi e kedo gi jolwenjwa. 10 Ne imiyo wang’wel e nyim wasigu kendo joma kedo kodwa oseyakowa. 11 Ne ijwang’owa mondo ongamwa ka rombe kendo isekeyowa e dier pinje. 12 Ne iuso jogi nono li, maonge ohala mane iyudo kuom usogi. 13 Isemiyo wadoko joma iyanyo e dier joma odak butwa, wan joma inyiero kendo ma ocha gi joma olworowa 14 Isemiyo olokwa ngero e dier ogendini, kendo ogendini kino wigi konenowa. 15 Wichkuot mara osiko neno e wang’a odiechieng’ duto, kendo lela wang’a wichkuot oumo. 16 Seche ma joma ochaya kendo yanya dirona weche, nikech jasigu oramo ni nyaka ochul kuor. 17 Magi duto notimorena, kata obedo ni wiwa ne pok owil kodi, kata riambo ne singruok mari. 18 Chunywa ne pok oa moweyi; kendo tiendewa ne pok okier moweyo yori. 19 To podne igoyowa agoya mimiyo o n d i eg bungu olaw owa kendo ne iumowa gi mudho mandiwa. 20 Ka dipo ni wiwa nosewil gi Nyasachwa kata ni ne waseyaro lwetwa ne nyasaye moro mawendo, 21 donge Nyasaye dine ofwenyo wachn o, nikech ong’eyo gik maling’ling’ manie chuny? 22 To eka tho ochomowa tir odiechieng’ duto nikech in; kendo ikwanowa kaka rombo midwa yang’o. 23 Chiew, Yaye Ruoth! Inindo nang’o? Yaw wang’i inen! Kik ikwedwa nyaka chieng’ 24 Ipando wang’i nang’o koso wiyi owil gi pekwa kod dich modiwago nang’o? 25 Osedwokwa piny nyaka e buru, dendwa omoko piny e lo. 26 Aa malo mondo ikonywa; reswa nikech herani maok rem.
Ne Jatend Wer. Gidwol Mar "Ondanyo." Mar Yawuot Kora Maskil. Wend Arus
1 CHUNYA thoro bedo mamor gi thorro ma jaber gido sama aolo Zabur maga ne Ruoth; lewa chalo kalamb jandiko mong’ith. 2 In ema iber mogik e dier chwo kendo dhogi owir gi ng’wono, nikech Nyasaye osegwedhi nyaka chieng’ 3 Twe liganglani e bathi, Yaye ng’at maratego; rwakri gi ler kod duong’. 4 E duong’ni nyisri aya n ga kaka jaloyo mochung’ ne adiera gi muolo kod tim makare; we lweti makorachwich onyis timbeni miwuoro. 5 Atungegi mabitho mondo ochwo chunje mag wasik ruoth; ogendini mondo opodh piny e bwoyi. 6 Yaye Nyasaye, kom duong’ni biro siko nyaka chieng’; manyaka chieng’ osimbo mar adiera ema biro bedo osimbo mar pinyruodhi. 7 Ihero tim makare kendo ok idwar timbe maricho; emomiyo Nyasaye, ma Nyasachi, oseketi malo moyo mbo joweteni kuom wiri gi mo mar mor. 8 Lepi maboyo duto dung’ tik manemane gi poda kod dalasini; moa e ute ruodhi molichi gi lak liech. Wende mindito gi gig wer miyi mor. 9 Nyi ruodhi nie kanyakla mag mondi moluor; mikach ruoth nie bathi ko rachich korwa kore gi dhahabu mogol Ofir. 10 Winji nyar wegi, bed mos, kendo chik iti: Gol pachi kuom jou kaachiel gi jood wuoru monywoli. 11 Berni otoyo ruoth; miye duong’, nikech en ruodhi. 12 Nyar Turo biro biro gi mich, joma nigi mwandu biro dwaro kony kuomi. 13 Duong’ olworo ruoth madhako koni gi koni e kar dakne; law abola mare oton- oton gi dhahabu. 14 Omake itere ne ruoth gi law mochue gi usi; nyiri masilili man kode luwo bang’e kendo ikelonigi. 15 Irwakogi e ot gi ilo kod mor maduong’; gidonjo e dala ruoth. 16 Yawuoti biro kawo kar wuonegi; ibiro ketogi ruodhi e piny duto koni gi koni. 17 Abiro miyo ji pari e tienge duto nyaka chieng’; kuom mano ogendini biro paki nyaka chieng’ ma nyaka chieng’.
Ne Jatend Wer. Mar Yawuot Kora. Kaluwore Gi dwond ‘alamoth’. Wer
1 Nyasaye e kar opondowa kod tekowa, en konyruok man kodwa seche tee. 2 Emomiyo ok wabi luor, kata bed ni piny okethore kendo gode mukore e chuny nam, 3 Kata bed ni pige manie nam wuo kendo golo buoyo kendo gode yiengni kendo dhuolore. Sela 4 Nitie aora moro mapigege kelo mor e dala Nyasaye, e dala maler kama En Man Malo Mogik odakie. 5 Nyasaye odak e iye omiyo ok obi podho; Nyasaye biro konye ka piny oyawore. 6 Ogendini nigi chandruok, kendo pinje ruodhi podho; oting’o duonde mi piny leny nono. 7 Jehova Manyalo Gik Moko Duto ni kodwa; Nyasach Jakobo e ohingawa. 8 Biuru uneye tije Jehova, bi uneye kethruok mosekelo e piny. 9 Omiyo lwenje rumo e tung’ piny koni gi koni; oturo atung’ kendo ochodo tong’ matindo-tindo, bende owang’o kuodi gi mach. 10 "Bed mos, kendo ng’e ni an Nyasaye; ogendini biro miya duong’; piny duto biro miya duong’." 11 Jehova Manyalo Gik Moko Duto ni kodwa; Nyasach Jakobo e ohingawa.
Ne Jatend Wer. Mar Yawuot Kora. Zaburi
1 Pamuru lweteu, un ogendini duto gouru koko ne Nyasaye gi ywagruok manyiso ni umor 2 Mano kaka Jehova Man Malo Mogik lich en Ruoth Maduong’ man gi loch e piny duto! 3 Ne oloyonwa ogendini mi gibet e bwowa, ji nopodho piny e tiendewa. 4 Ne oyieronwa girkeni marwa, gik mabeyo mogik ne Jakobo mane ohero. Sela 5 Nyasaye oseidho malo ka ji kokne gi mor. Jehova oseting’ malo ka dwond turumbete ywak. 6 Weruru wende pak ne Nyasaye, weruru wende pak; weruru wende pak ne Ruodhwa, weruru wende pak. 7 Nikech Nyasaye en Ruodh piny duto, werneuru zaburi mar pak. 8 Nyasaye nigi loch ewi ogendini; Nyasaye obet piny e kom lochne maler. 9 Jotend ogendini ochokore kaachiel kaka jo Nyasach Ibrahim, nikech ruodhi mag piny gin mag Nyasaye;
Ne Jatend Wer. Mar Yawuot Kora. Zaburi
1 Jehova duong’ adier, kendo owinjore chuth gi pak, e dala maduong’ mar Nyasachwa, ma en gode maler. 2 Oting’ore malo kendo ober neno omiyo piny duto bedo mamor. Got Sayun chalo gi kama oting’ore malo mar Zafon, ma en dala maduong’ mar Ruoth Maduong’. 3 Nyasaye nitiere e dalane mochiel motegno kendo osenyisore ni en e ohingane. 4 Ka ruodhi noriwo tekregi kanyakla, kane giwuokne oko kaachiel, 5 ne gineno mi gibuok; kendo ne giringo gia ka luoro omakogi 6 Dendgi nochako tetni kanyo kendo ne gibedo gi rem machalo gi muoch ma kayo dhako. 7 Ne iturogi matindo tindo ka mende mag Tarsis ma yamb ugwe ong’injo. 8 Mana kaka wasewinjo e kaka waseneno gi wengewa e dala maduong’ mar Jehova Manyalo Duto, e dala mar Nyasachwa: Nyasaye oselose kama dak berie nyaka chieng’. 9 Ei hekalu mari, Yaye Nyasaye, ema wabetie ka waparo kuom herani ma ok rem. 10 Mana kaka nyingi, Yaye Nyasaye, e kaka pakni bende chopo nyaka tung’ piny; lweti makorachwich opong’ gi tim makare. 11 Got Sayun oil, kendo mier mag Juda nigi mor nikech iyalo ji maber. 12 Wuothi ei Sayun, luorri e iye koni gi koni, kwan osuche duto, 13 par maber kuom ohinga mage, ng’i ute ruodhi mage aming’a, mondo ibi inyis tienge mabiro kuomgi. 14 Nikech Nyasaye en Nyasachwa nyaka chieng’ ma nyaka chieng’ obiro bedo jatichwa nyaka chop giko ndalowa e piny.
Ne Jatend Wer. Mar Yawuot Kora. Zaburi
1 Winjuru wachni, un ji duto: chikuru itu, un duto mudak e pinyni, 2 un ji ajia kod joma idew, jomwandu gi jodhier machalre: 3 Dhoga biro wacho weche mag rieko, weche moa e chunya biro miyo ji winjo tiend weche. 4 Abiro chiko ita ne ngero moro; abiro nyiso tiend midhiero mara ka andito nyatitina: 5 En ng’a monego aluor ka ndalo mag richo obiro, ka jo miriambo ma timbegi richo olwora- 6 Joma ogeno mwandugi kendo masungore kuom mwandugi mathoth? 7 Onge ng’ama nyalo waro ngima nyawadgi kata manyalo chulo Nyasaye nengo moromo ware. 8 Nikech yor waro dhano tek sidang’, ma onge nengo madichul marom- 9 ma dimi odag nyaka chieng’ kendo kik odhi e liel. 10 Nikech ong’ere ne ji duto ni joma riek tho, mana kaka joma ofuwo gi joma oming’ bende tho mi giwe mwandugi ne joma moko. 11 Lietegi ema biro siko kaka utegi nyaka chieng’ kendo ema gibiro dakie higni gi higni maok rum, kata obedo ni ne gimako lope mathoth koni gi koni. 12 To ong’ere ni dhano ok siki e piny, kata obed gi mwandu mathoth machal nade, to otho mana kaka le bende tho. 13 Mano e gima biro timore ne joma ogenore kendgi giwegi, kendo ne joma luwogi, moluwo wechegi. 14 Gichomo liete mokunynegi ka rombe kendo tho biro lokogi chiembe. Joma ngimagi oriere tir biro loyogi ka piny oru, to dendgi biro top e liel, ka gin mabor gi utegi madongo machalo ute ruodhi. 15 Anto Nyasaye biro reso chunya mi ogola e liel adier, obiro kawa mi odhi koda ire. 16 Kik chunyi thagre ka ng’ato mwandune medore, kata ka duong’ mar ode medore; 17 nikech onge gima obiro kawo odhigo ka otho, duong’ ma en go ok bi dhi kode e liel, 18 kata obedo ni ne okawore kaka ng’ama og wedhi kane pod ongima- nikech ji nyaka paki ka mwanduni medore- 19 to obiro dhi mi oriwre gi tieng’ machon mar kwerene, maok nyal neno ler mar wang’ chieng’ kendo. 20 Ng’at man- gi mwandu mathoth to onge winjo, chalo gi le matho.
Zaburi Mar Asaf.
1 Jal Manyalo Duto, Nyasaye ma en Jehova, wuoyo kendo luongo ji duto modak e piny mondo ochokrene kaachiel, chakre koma chieng’ wuokie nyaka kuma opodhoe. 2 Nyasaye rieny gie Sayun, dala ma berne long’o chuth. 3 Nyasachwa owuok biro kendo ok obi ling’ mach nie nyime mawang’o gik moko pep, kendo ahiti mager olwore. 4 Oluongo joma odak e polo malo kaachiel kod joma odak e piny, mondo oyal joge: 5 "Choknauru joga maler, mane otimo koda singruok e yor misango." 6 Kendo polo hulo timne makare, nikech Nyasaye owuon e jang’ad bura. Sela 7 "Winjuru, Yaye joga, mondo awuo kodu, Yaye jo Israel, chiknauru itu mondo atim neno ma akwedougo: An Nyasaye ma Nyasachu. 8 Ok akweru nikech wach misengni mutimona, kata nikech chiwo miwang’o, mosiko ka nitie e nyima. 9 Ok agomb ruath moro amora moa e kundeu kata diek moa e abilniu, 10 nikech le moro amora manie bungu en mara, kaachiel gi jamni makwayo e wi thuche gana achiel. 11 Ang’eyo nying winyo ka winyo manie wi gode, kendo gik mochwe duto manie pewe gin maga. 12 Ka da bed ni kech kaya to ok dak anyisu, nikech piny en mara, kaachiel gi gik moko duto manie iye. 13 Uparo ni achamo ring ruedhi kata amadho remb diek? 14 Chiwuru misango mar goyo erokamano ne Nyasaye, chopuru singruok mau ne Jal Man Malo Mogik. 15 kendo luongauru sama un e chandruok; to abiro golou e chandruogno, kendo ubiro miya duong’. 16 Joma timbegi richo to Nyasaye wacho negi ni: "Ng’a momiyou thuolo mar olo chikena kata mondo ukaw singruok maga kaka mau? 17 Ere kaka dutim kamano to uchayo puonjna kendo udiro wechena katoku! 18 Ka uneno jakuo to uriworu kode kendo uchodo mana kaka joma moko timo. 19 Utiyo gi dhou kuom timo richo kendo lewu oikore ne wuond. 20 Usiko uwuoyo marach kuom joweteu kendo ukuodho koda ka oweteu mahie ma uago e ich achiel. 21 Gigi duto usetimo ka an to aling’; useparo ni an bende achalo kodu. To koro akwerou kendo anyisou e wang’u ni useketho kuom timo gigo duto. 22 Paruru matut kuom wachni, un joma wigi wil gi Nyasaye, nono to abiro kidhou matindo tindo, ma onge nga’ma diresu: 23 Ng’at ma timona misango mar erokamano miya duong’ kendo obedo moikore mondo anyise kaka warruok mar Nyasaye chalo."
Ne Jatend Wer. Zaburi Mar Daudi. Kane Janabi Nathan Obiro Ire Bang’ ka Daudi Noseterore Gi Bathsheba.
1 Kecha, Yaye Nyasaye, kaluwore gi herani maok rem; ruch kethona duto oko kuom ng’wononi maduong’. 2 Lwok rochruokna duto oko kendo puodha kuom richona. 3 Nikech ang’eyo ketho maga kendo richona osiko ka neno e wang’a 4 In iwuon ema asekethoni kendo asetimo gima rach e nyim wang’i, mano omiyo in kare ka iwuoyo kuoma kendo iwacho adiera kiyala. 5 En adier chuth nine onyuola e richo asebedo ka an jaricho chakre chieng’ mane mama omake ichna. 6 Adier, idwaro ni dhano obed ja adiera gie chunye iye emomiyo ipuonja rieko gie chunya maiye mogik. 7 Rudha maler gi sabun eka abiro bedo maler; lwoka mondo abed rachar moloyo pe. 8 We awinjie ilo kod mor; mi choke misetoyo ochak obedie mamor. 9 Pand wang’i ne richoga kendo ruch rochruokna duto oko. 10 Chwe chuny maler e iya, Yaye Nyasaye, kendo los chuny motegno mosiko koluori iket e iya. 11 Kik iriemba buti kata igol Roho Maler mari kuoma. 12 Duogna mor ma warruokni kelo kendo mi abed gi chuny mohero timo dwaroni, mondo chuny makamano orita. 13 Kisetimo kamano eka abiro puonjo joketho yoreni kendo joricho biro lokore duogo iri. 14 Resa e ketho mar chwero remo, Yaye Nyasaye, tim kamano, Yaye Nyasaye ma wara, eka lewa biro wer kuom timni makare. 15 Yaye Ruoth yaw pien dhoga, eka dhoga biro hulo pakni. 16 Ok imor gi misango mitimoni, nikech da achiwonigo; chiwo miwang’o pep ok miyi mor. 17 Misango mar Nyasaye en chuny motur, adundo motur kendo mamuol, ok itamri, Yaye Nyasaye. 18 Mi Sayun odhi maber kuom herani; chak iger ohinga mag Jerusalem kendo. 19 Eka misengni makare biro betie kendo, mana chiwo miwang’o duto mondo omiyi mor, eka ibiro chiw ruedhi e kendoni mar misango.
Ne Jatend Wer. Maskil Mar Daudi. Ka Doeg Ja Edom noyudo Osedhi Ir Saulo Kendo Onyise Ni, "Daudi Osedhi E Od Ahimelek."
1 ANG’O MOMIYO isungori kuom tim marach, Yaye ng’at maratego? Ang’o momiyo isungori odiechieng’ duto, in ma in gir wichkuot e nyim Nyasaye? 2 Lewi chano kelo kethruok; ochalo gi wembe mabith, in michano yor wuondo ji ni. 3 Ihero rach moloyo ber, miriambo mitni moloyo wacho adiera. Sela 4 Ihero weche duto machwanyo ji, Yaye in lep mohero wuondni! 5 To Nyasaye biro tieli piny motieki chuth nyaka chieng’; obiro yudhi mi oyiechi oko e hembi; obiro pudhi mi ogoli e piny joma ngima. Sela 6 Joma kare biro neno mano mi gibed maluor; gibiro nyiere ka giwacho ni, 7 "Koro neye uru ng’atno, mane ok okawo Nyasaye obedo kar pondo mare to nogeno mana kuom mwandune mathoth kendo notieko joma moko mondo eka omed bedo gi teko!" 8 An to achalo yiend mzabibu madongo kodhukno maber e od Nyasaye; ageno kuom hera maok rem mar Nyasaye nyaka chieng’ kendo nyaka chieng’. 9 Abiro paki nyaka chieng’ kuom gima isetimo; nyingi ema abiro ketoe geno mara, nikech nyingi ber. Abiro paki e nyim jogi maler.
Ne Jatend Wer. Koluwore Gi Dwond ‘Mahaloth’ Maskil Mar Daudi
1 Ng’at mofuwo wacho e chunye ni, "Nyasaye ongee." Gin joma okethore, kendo yoregi obam; onge kata ng’ato achiel matimo maber. 2 Nyasaye ng’iyo piny gie polo; orango yawuot ji mondo oneye ka be nitie moro kuomgi ma wachi donjone, ka be nitie moro kuomgi mamanyo Nyasaye. 3 Giduto gisebaro giweyo yo; giduto gisekethore; onge kata ng’ato achiel matimo maber, onge kata achiel. 4 Joma timo gik maricho donge dipuonjree- jogo ma ngamo joga kaka ji chamo kuon kendo maok luong Nyasaye mondo okonygi? 5 To ero, koro kihondko maduong’ omakogi, kihondko omakogi kama onge gima onego giluor. Nyasaye osekeyo choke joma nomonji; isemiyogi wichkuot, nikech Nyasaye nodagigi. 6 Yaye, mad warruok mar Israel obi koa Sayun! Ka Nyasaye duogo ne joge mwandugi, to joka Jakobo mondo obed moil kendo Israel obed mamor!
Ne Jatend Wer. Wer Miwero Gi Thumbe Man Gi Waya. Maskil Mar Daudi. Kane Jo Zifiti Odhi Ir Saulo Kendo Onyise Ni, "Daudi Mimanyo Opondo E Gweng’wa."
1 Resa gi nyingi, Yaye Nyasaye; ng’adna bura kare gi tekoni. 2 Winj lamona, Yaye Nyasaye; chik iti ne weche mawuok e dhoga. 3 Mwache monja; acheje dwa kawo ngimana- joma ok dew Nyasaye. 4 Adier, Nyasaye e jakonyna; Ruoth owuon ema rita. 5 Mad chandruok lwor joma ketho nyinga mi ketgi diere; tiekgi, nikech in jaadiera. 6 Abiro timoni misango gi chiwo ma achiwo kuom herona; abiro pako nyingi, Yaye Jehova, nikech nyingi ber. 7 Nikech oseresa kuom gik mathaga duto, mi omiyo wengena ong’iyo wasi - ka tir bang’ loyogi.
Ne Jatend Wer. Wer Gi Thumbe Man Gi Waya. Maskil Mar Daudi.
1 Winj lamona, Yaye Nyasaye, kik itamri winjo ywakna; 2 Winja kendo iduoka. Pacha chanda kendo chunya onge gi kuwe 3 Ka awinjo duond wasika, kendo ka joma timbegi richo okwarona wengegi nikech gimiyo abedo gi thagruok kendo giyanya ka gin gi mirima. 4 Chunya winjo malit e iya kendo luoro mar tho osemaka. 5 Aluor kendo denda tetni; kibaji ogoya matek. 6 Ne awacho ni, "yaye mad ne bed ni an gi buombe akuru! dine afuyo aa ka mi ayudo yweyo- 7 Dine aringo adhi mabor mi adhi adak e piny ongoro; 8 dine areto adhi nyaka kara mar pondo, kuma ni mabor gi apaka kod ahiti." 9 Lal pach joma timbegi richo, Yaye Ruoth, mi lewgi moki e dandgi, nikech aneno ka maundu gi dhaw opong’o dala maduong’. 10 Odiechieng’ gotieno gilwenyo kor ohinga mare; himruok gi ayany ni e iye. 11 Teko mar kethruok chopo tijgi ei dala maduong’, mecho gi wound osiko e yorege. 12 Ka dine ok obedo malichna ka dine ng’at ma ok dwara ema ogarna, to dine apondone. 13 To en mana in, dichwo kaka an in jawuodhakendo osiepna mangita gi del, 14 mane wan-go gi lalruok matut chon kane wawuotho e dier oganda maduong’ e od Nyasaye. 15 Mad tho neg wasika apoya, mad liel mwonygi ngili kapod gingima, nikech richo olokogi kar dakne. 16 Anto aluongo Nyasaye, kendo Jehova resa. 17 Odhiambo gi okinyi kod odiechieng’ ayuagora ka chunya lit, kendo owinjo duonda. 18 Owara kapok gimoro ohinya kuom lweny ma ji goyago, kata obedo ni ji mang’eny kweda. 19 Nyasaye mobetekom loch nyaka chieng’, biro winjogi kendo biro goyogi- Sela jogo motamore loko yoregi kendo maok mi Nyasaye luor. 20 Jawuodha monjo osiepene; oseweyo rito singruokne mane otimo kodgi. 21 Weche mowacho to yom ka mo mabuo, to lweny to nie chunye; wechege yomo del moloyo mor wirruok, to kara gin mana ligangla mosewuodh oko. 22 Ket pek manie chunyi ne Jehova to obiro riti; ok obi weyo ng’at makare podhi. 23 To in, Yaye Nyasaye, ibiro dwoko joma timbegi richo piny nyaka ei bur mar top; joma rich chwero remo omako gi joma wuondo ji ok bi bet mangima kata moromo nus ndalogi. An to ageno kuomi.
Ne Jatend Wer. E Dwol Mar"Akuru Mopiyo E Onera Man Mabor." Mar Daudi. Miktam. Kane Jo Filistia Osemake Gath.
1 Kecha, Yaye Nyasaye, nikech ji lawa dwa mwonya; odiechieng’ duto gidiya ti maok ayue. 2 Joketh nyinga lawa odiechieng’ duto; ji mang’eny monja ka sunga omakogi. 3 Ka luoro omaka to abiro geno kuomi. 4 Kuom Nyasaye ma apako wachne, kuom Nyasaye ema agenoe omiyo ok abi bedo maluor. Dhano adhana to nyalo timona ang’o? 5 Odiechieng’ duto gimino koda wach; kinde duto gichano kaka digihinya. 6 Gikuotho kendo gijimbo wach, ginono okang’ ka okang’ ma agoyo ka gidwa kawo ngimana. 7 Kik iyie gitony kata matin, dwok ogendini piny, Yaye Nyasaye, gi mirimbi; 8 Ndik piny ywak ma aywakgo kwan pi wang’a machwer e ndikoni modoldonge iketogi e rekod mari? 9 Eka wasika biro gomo dok ka aluongo kony moa kuomi. Mano ema abiro ng’eyogo ni Nyasaye en jakora. 10 Kuom Nyasaye ma apako wachne, kuom Jehova ma apako wachne- 11 kuom Nyasaye ema agenoe; omiyo ok abi bedo maluor. Dhano adhana to nyalo timona ang’o. 12 Asetimo kodi muma, Yaye Nyasaye; abiro chiwoni chiwo maga mag erokamano 13 Nikech iseresa e tho kendo isegeng’o tienda mi ok ochwanyore, mondo mi awuothi e nyim Nyasaye ma en e ler mar ngima.
Ne jatend Wer. E dwond"kik iketh Gik Moko." Mar Daudi Miktam. Kane oringone Saulo mi opondo e rogo.
1 Kecha, Yaye Nyasaye, yie ikecha nikech kuomi ema chunya yudoe kar pondo. Abiro pondo e bwo tipo mar bwombeni nyaka chop apaka mager rum. 2 Aywagora ne Nyasaye Man Malo Mogik, Nyasaye machopona chenroge ema ayuakne. 3 Ooro wach gie polo kendo oresa, kokwero joma lawa gi tekregi duto; sela Nyasaye oro herane gi adiera mare. 4 An e dier sibuoche; anindo e dier le mager mangemo- joma lekegi chalo tonge gi aserni, ma lewgi chalo ligangla mabitho. 5 Nyingi mondo oting’ malo moyombo polo, Yaye Nyasaye; mad duong’ mari pong’ piny duto. 6 Ne giyaro jogo mondo omak tiendena- kane chuny lit odola. Ne gikunyo bugo e yora- to kata kamano gin giwegi ema giselutore e iye. Sela 7 Chunya otegno, Yaye Nyasaye, chunya otegno; abiro wer kendo abiro loso wer mamit. 8 Chiew, in chunya! Chiew u ru un orutu gi nyatiti Abiro chiewo osirawende 9 Abiro paki e dier ogendni, Yaye Ruoth. Abiro weri e dier ji. 10 Nikech herani duong’ kendo chopo nyaka polo; adiera mari ochop nyaka ewi lwasi. 11 Nyingi mondo oting’ malo moyombo polo, Yaye Nyasaye; mad duong’ mari pong’ piny duto.
Ne Jatend Wer. E Dwol Mar"Kik iketh Gik Moko." Mar Daudi. Miktan
1 Un jotelo, be uwuoyo gi adiera? Be ung’ado bura moriere tir e dier ji? 2 Ooyo, uchano mayo ji ratiro magi e chunyu, kendo lweteu chano tulu e piny. 3 Joma timbegi richo chako lal aa nyuolgi; gin jendeke kendo gin jomriambo aa nyuolggi 4 Kwiri margi chalo gi kwich thuol, chalo gi kwich thuond rachier ma tege oyienyo, 5 ma kata jabochne wuone to ok winji, kata bed ni jabochneno olony machal nadi. 6 Muk lekegi ei dhogi, Yaye Nyasaye, yiech kwiri mag sibuoche oko, Yaye Jehova! 7 Mi gilal nono ka pi mamol dhi; ka giywayo atungegi to mi asernigi obed madik. 8 Mana kaka ndach kamnie ma leny nono, kendo mana kaka nyath i monyuol kosetho, mad kik gine wang’ chieng’. 9 Kapok agulni magi ochako winjo liet mach, bed ni en mach mabebni kata maliel mos, to joma timbegi richo ibiro ywe oko. 10 Joma kare biro bedo mamor kichulo negi kuor, ka giniluok tiendegi e remb joma timbegi richo. 11 Eka ji nowach ni, "Kara en adier ni joma kare pod yudo pok; kara nitie Nyasaye mang’ado bura ne piny."
Ne Jatend Wer. E Dwol Mar"Kik Iketh Gik Moko." Mar Daudi. Miktam. Kane Saulo Ooro Ji Mondo Ocher Od Daudi Mondo Onege
1 Resa e lwet wasika, Yaye Nyasaye; Rit ngimana kuom joma ogar koda 2 Gola e lwet joma timo gik maricho kendo resa kuom joma rich chwero remo omako. 3 Neye kaka gibutona ka girita e yo! Joma kwiny chano kaka digihinya, to an onge gima rach kata richo masetimo, Yaye Jehova. 4 Onge gima asetimo marach, to kata kamano gin to giikore monja. Aa malo ikonya; ne chandruokna. 5 Yaye Jehova Nyasaye Manyalo Duto, Nyasach Israel, aa malo ikum ogendini duto; kik ikech andhoke ma timbegi richo. Sela 6 Giduogo ka piny chiegni imore, ka ging’ur ka guogi kendo giwuotho koni gi koni e dala ka ging’anjo. 7 Neye gik ma ging’udho koa e dhogi, ging’udho ligengni gi dhogi, kendo giwacho ni, "En ng’a manyalo winjowa?" 8 To in nyiergi, Yaye Jehova, go siboyi ne ogandanigo duto. 9 Yaye tekrena, in ema ang’iyi, in e kar pondona, Yaye Nyasaye, 10 Yaye Nyasacha ma jahera. Nyasaye biro telona kendo obiro miyo asungra ne joma ketho nyinga. 11 To kik uneggi, Yaye Ruoth ma okumbana nikech joga dipoka wigi owil. Mi giba abaya koni gi koni gi tekoni, kendo mi gidog piny. 12 Nikech richo ma gitimo gi dhogi, nikech weche mawuok e dhogi, wegi mondo sungagi ogajgi. Nikech gikuong’o ji kendo gi wuondo ji, 13 tiekgi gi mirimbi mager tiekgi mi kargi lal nono eka biro ng’ere e tung’ piny koni gi koni ni Nyasaye nigi loch kuom joka Jakobo. Sela 14 Giduogo ka piny chiegni imore ka ging’ur ka guogi, kendo giwuotho koni gi koni e dala ka ging’anjo. 15 Gibayo koni gi koni ka gidwaro chiemo kendo ka ok giyieng’ to ging’ur. 16 Anto abiro wero tekreni abiro wero herani gokinyi; nikech in e ohingana, in e kar pondona e kinde mag tha gruok. 17 Yaye Tekrena, abiro weroni wend pak; in e ohingana, Yaye Nyasaye, Nyasacha majahera.
Ne Jatend Wer. E Dwol Mar"Ondanyo Mar Singruok" Miktam Mar Daudi. Mar Puonj. Kane Okedo Gi Aram Naharaim Kod Aram Zoba, Kendo Kane Joab Oduogo Mi Onego Jo Edom Alufu Apar Gariyo E Holo Mar Chumbi.
1 Yaye Nyasaye, isedagiwa mi imuomori kuomwa; isebedo ka ikecho kodwa, to koro loswa! 2 Iseyiengo piny mi ibare diere ariyo, Los kuondege mosebarore, nikech oyiengni. 3 Isenyiso jogi kinde mag chandruok; isemiywa kong’o mamiyo wakwang’. 4 To isechungo bandech loch ne joma oluori mondo oumgi ka oywanegi atung’. Sela 5 Re swa kendo ikonywa gi lweti makor achich mondo joma ihero ogol e chandruo. 6 Nyasaye osewuoyo gi e kare maler: "Abiro pogo ji shekem kendo abiro pimo ne ji Holo mar Sukoth. 7 Gilead en mara, kendo Manase bende mara; Efraim en oguta mar lweny, to Juda to en osimbona mar loch. 8 Moab en besen mara mar luok to Edom ema ang’we okanda; kendo e piny Filistia ema akoke ka aselocho." 9 En ng’a mabiro kela e dala maduong’ mochiel? Ng’a mabiro telona katera Edom? 10 Donge en ema isedagiwa, Yaye Nyasaye, kendo tinde ok idhi gi jolwenjwa e lweny? 11 Miwa kony mondo walo wasikwa, nikech kony mar dhano onge tich. 12 Ka wan-gi Nyasaye to wabiro yudo loch, kendo obiro nyono wasikwa piny.
Ne Jatend Wer. Gi Gig Wer Man-gi Tondegi. Mar Daudi
1 Winj ywakna, Yaye Nyasaye; chik iti ne lamona. 2 Aluongi gie tung’ piny, aluongi ka chunya ool; telna nyaka lwanda mohinga gi bor. 3 Nikech in ema isebedo kar pondona, isebedona ohinga motegno maponde ne jasigu. 4 Agombo dak e hembi nyaka chieng’ mondo apondie e raum mar bwombeni. Sela 5 Nikech isewinjo singruokna kodi, Yaye Nyasaye; isemiya gweth mikano ne joma oluoro nyingi. 6 Med ndalo mar ngima ruoth, mede higni e tienge mang’eny. 7 Mi obed e kom loch e nyim Nyasaye nyaka chieng’; ket herani kod adierani mondo orite. 8 Eka anasik ka apako nyingi gi wer kendo abiro chopo singruokna kodi odiechieng’ kodiechieng’.
Ne Jatend Wer. Mar Jeduthun. Zaburi Mar Daudi
1 CHUNYA yudo yweyo kuom Nyasaye kende; warruokna aa kuome. 2 En kende ema en lwandana kendo warruokna; en e ohingana, onge gima biro buoga. 3 Ubiro siko kugoyo ng’atni nang’o? Ang’o momiyo unywakone ugoye piny- Ng’at machalo chiel momukore mayiengnini? 4 Giramo ni nyaka to gigole kama entie e duong’ne; miriambo ema morogi. Dhogi gigwedhogo ji, to gie i chunygi to gikuong’o ji. Sela 5 Yud yueyo, Yaye chunya, kuom Nyasaye kende; genona aa kuome. 6 En kende ema en lwandana kendo warruokna; en e ohingana; onge gima biro buoga. 7 Warruok mara gi luor ma ayudo aa kuom Nyasaye; en e lwandana manyalo duto, en e kar pondona. 8 Un ji, genuru kuome kinde duto; olneuru oko gik manie chunyu, nikech Nyasaye e kar pondo marwa. Sela 9 Joma nipiny gin mana muya nono; joma ni malo gin mana miriambo; ka opimgi e ratil, to gin nono; gin duto gin mana muya nono. 10 Kik igen kuom gik moma ji kata isungri kuom gik mokwal; kata bed ni mwandugi medore to kik iket chunyi kuomgi. 11 Nitie gimoro achiel ma Nyasaye osewacho, chutho nitie gik moko ariyo ma asewinjo gi ita: ni in, Yaye Nyasaye, in ratego, kendo ni in, Yaye Ruoth, ihero ji. 12 Kuom adier, ibiro chiwo pok ne ng’ato ka ng’ato kaluwore gi gima osetimo.
Zaburi Mar Daudi. Kane En E Thim Mar Juda.
1 YAYE NYASAYE, in e Nyasacha, adwari gi tekra duto; chunya riyo mar neni oloyo denda duto gombi, e piny motwo kendo maliet, 2 Aseneni ei kari maler kendo aseng’eyo tekoni gi duong’ni. 3 Nikech herani ber moloyo ngima, dhoga biro miyi duong’. 4 Abiro paki kapod angima, kendo abiro ting’o bedena malo e nyingi. 5 Chunya biro romo mana ka ng’ama oromo gi chiemo mabeyo mogik; abiro yawo dhoga ka apaki gi wer. 6 Ka an e kitandana to apari; pacha osiko pari seche duto mag otieno. 7 Nikech in e konyruokna, awer ka an e bwo tipo mar bwombeni. 8 Chunya omoko kuomi; lweti makorachwich orita. 9 Joma dwa kawo ngimana ibiro tieki; gibiro dhi piny nyaka ei bur kama tut. 10 Ibiro chiwgi ne ligangla kendo gibiro doko chiemb ondiegi mag bungu. 11 To ruoth to biro bedo moil kuom Nyasaye; ji duto ma singore e nying Nyasaye biro pake, to dho jomiriambo ibiro um mi ling’.
Ne Jatend Wer. Zaburi Mar Daudi
1 WINJA, Yaye Nyasaye sama ating’o duonda ka anyisi chandruokna; rit ngimana kuom jasigu ma bwoga. 2 Panda ne chenro maricho mag joma richo, panda ne koko ma oganda ma timo marach goyo. 3 Gipiago lewgi ka ligangla kendo gilingo wechegi ka asere motimo sum. 4 Gidiro asere kama giponde mondo gichwogo ng’ama onge ketho; gibaye gi asere apoya ka gionge luoro. 5 Gijiwore ng’ato gi ng’ato kuom chenrogi maricho, giloso wach kaka digipand obadhogi ka giwacho ni, "En ng’a mabiro nenogi?" 6 Gichano timo ne ji marach ka giwacho ni, "Waseloso chenro malong’o chuth!" Kuom adier, pach dhano gi chunye opando riekni maricho miwuoro. 7 To Nyasaye biro bayogi gi aserni; apoya nono, ibiro puodgi piny. 8 Obiro loko lewgi mi gogi gin giwegi mi otiekgi chuth; ji duto monenogi biro kino wigi gi wuoro. 9 Ji duto biro bedo maluor, gibiro hulo tije Nyasaye kendo gibiro paro mos kuom gima osetimo. 10 Joma kare mondo obed moil kuom Jehova kendo mondo gipond kuome; ji duto moriere tir gie chunygi mondo opake!
Ne Jatend Wer. Zaburi Mar Daudi. Wer
1 PAK ORITI e Sayun, Yaye Nyasaye Wabiro choponi singruokwa duto. 2 Yaye in miwinjo lamo, in ema ji duto biro biro iri. 3 Kane richowa obarowa ndas ne iweyonwa kethowa. 4 Joma iyiero gin joma ogwedhi, jogo ma ikelo machiegni mondo odag e agolni magi! Gik mabeyo mowuok e odi oromowa chuth, mana gigo moa e hekalu mari maler. 5 Idwokowa gi timbe madongo makare, Yaye Nyasaye ma Jawarwa, Yaye geno mar piny koni gi koni kendo mar nembe man maboyo mogik, 6 in mane iloso gode gi tekoni iwuon kane imanori gi teko, 7 in mane imiyo nembe oling’ oweyo wuo, wuo mar apaka margi, kod koko mag ogendini. 8 Joma odak kuonde maboyo oluoro timbeni miwuoro, kuma okinyi yaworee kendo odhiambo rumoe imiyo ji wernie gimor. 9 Irito piny kendo iolone pi, imiyo obedo momew moromo chuth. Aoche Nyasaye opong’ gi pi mamiyo ji bedo gi cham, nimar kamano e kaka ne ichano chon. 10 Imiyo parage bedo mang’ich kendo igwedhe gi cham. 11 Igwedho higa gi cham mogundho, kendo gechegi mwandu opong’o thich. 12 Pewe motimo lum mag piny ongoro ng’ich oromo; kendo gode opong’ gi mor. 13 Lek duto jamni kwae ka giwinjo maber kendo holni cham mochiek odhure; gikok gimor kendo giwer.
Ne Jatend Wer. Zaburi
1 Go koko gi mor ne Nyasaye, in piny duto! 2 Wer kipako duong’ mar nyinge; mi pakne obed gi duong’! 3 Wachne Nyasaye ni, "Mano kaka timbe mitimo dongo! Tekoni duong’ manade momiyo wasiki duto leny nono koneni. 4 Piny duto kuloreni; giweroni wende pak; giwero wende pak ka gipako nyingi." Sela 5 Biuru uneye gik ma Nyasaye osetimo; bi uneye kaka gik motimo ne dhano dongo! 6 Ne oloko nam lo motwo, mi ne gikalo pige ka giwuotho gi tiendegi- biuru mondo wabed moil kuome. 7 Olocho nyaka chieng’ gi teko ne, wengene ema rito ogendini- omiyo kik jong’ang’o hedhre mar kedo kode. Sela 8 Pakuru Nyasachwa, Yaye ogendini, neuru ni pak mipakego ji duto owinjo; 9 oserito ngimawa kendo osegeng’o tiendewa ni kik kier. 10 Nikech in, Yaye Nyasaye, ne itemowa; ne ipuodhowa ka dhahabu. 11 Ne iterowa e jela kendo ne iketo misigo mapek e dier ng’ewa. 12 Ne imiyo ji onyono wiyewa; kendo ne wakadho mach gi pi, kata kamano ne ikelowa nyaka kama omew. 13 Abiro biro e hekalu mari gi chiwo miwang’o kendo abiro chopo kuong’ruok masetimo kodi- 14 Kuong’ruok mane asingoni e chunya kendo awacho gi dhoga. Kane an e thagruok. 15 Abiro timoni misango gi jamni machwe kendo abiro miyi chiwo mar imbe; bende abiro chiwoni ruedhi gi diek. Sela 16 Biuru uchik itu, un duto muluoro Nyasaye; we anyisue gik mosetimona. 17 Ne aywakne gi dhoga; pakne ne nie lewa. 18 Ka dine bed ni amor gi richo manie chunya, to Ruoth dine ok ochikona ite, 19 to kuom adier, Nyasaye osechikona ite kendo osewinjo duonda ka alame. 20 Pak obed ne Nyasaye, maok osedagi lamona kata golo herane kuoma.
Ne Jatend Wer. Gi Gig Wer Man-gi Tondegi. Zaburi. Wer
1 Mad Nyasaye timnwa ng’wono kendo owinjwa; mad omi wang’e rienynwa maber, Sela 2 mondo yoregi ong’ere e piny, kendo ogendini duto oyud warruokne. 3 Mad ji paki, Yaye Nyasaye; mad ji duto opaki. 4 Mad ogendini obed mamor kendo ower gi ilo, nikech irito ji gi ratiro kendo itayo ogendini mag piny. Sela 5 Mad ji paki, Yaye Nyasaye; mad ji duto opaki. 6 Eka piny biro chiego cham kaka owinjore kendo Nyasaye, ma Nyasachwa, biro gwedhowa. 7 Nyasaye biro gwedhowa, kendo piny duto koni gi koni biro luore.
Ne Jatend Wer. Mar Daudi Zaburi. Wer.
1 Mad Nyasaye aa malo, mad wasike ke; mad joma kedo kode ring konene. 2 Mad iriembgi gi dhi mabor, mana kaka yamo riembo iro tero mabor; mad joma timbegi richo lal nono e nyim Nyasaye mana kaka odok leny kowinjo mach. 3 To jomakare to mad bed mamor kendo moil e nyim Nyasaye; mad gibed mamor kendo gibed mamor chuth. 4 Weruru ne Nyasaye, weruru wende pak ne nyinge, miyeuru duong’, En moriembo gechene e boche polonyinge en Jehova- beduru moil e nyime. 5 Nyasaye modak kare kama ler. En wuoro ne joma onge gi wuonegi kendo en jachwak mond liete. 6 Nyasaye keto joma odong’ kendgi hach e udi kendo otelone joma otue kower; to joma ohero ng’anyo to dak e piny ma chieng’ otwoyo kururu. 7 Kane iwuok idhi kitelo ne jogi, Yaye Nyasaye, kane iwuotho e piny mokethore maonge tich, Sela 8 piny noyiengni kendo polo noolo koth e piny, e nyim Nyasaye, Jal man Sinai, e nyim Nyasaye ma Nyasach Israel. 9 Ne ichiwo koth mogundho, Yaye Nyasaye; ne iduogo chuny girkeni mari mane ojony. 10 Jogi nokawo pinyno modakie kendo nichiwo ne joma odhier gik ma gilando, kigolo kuom mwanduni mogundho, Yaye Nyasaye. 11 Ruoth nolando wach kendo oganda mane okawo wachno mi oke ye ne duong’ mokalo: 12 "Ruodhi gi jolweny dar gi ng’wech; ji pogo gik moyaki e kambi. 13 Kata mana sama inindo but mach kama liet, to buombe mag akuchega oum gi dhahabu, kendo yierege oum gi fedha maleny." 14 Kane Jal Manyalo Duto okeyo ruodhi manie piny, to ne ochal mana gi pee molwar koa e kama oting’ore gi malo mar Zalmon. 15 Gode mag Bashan gin gode madongo miwuoro; go d ego mag Bashan ojuothore adier. 16 Ang’o momiyo ung’icho gi nyiego, Yaye gode mojuothore, ang’o momiyo nyiego omakou gi got kama Nyasaye oyiero mondo ogurie lochne, kama Jehova owuon biro dakie nyaka chieng’? 17 Geche mag lweny mag Nyasaye gin tara gi tara; ging’eny mokalo akwana; Ruoth osebiro koa Sinai mondo odonji kare maler. 18 Kane iidho idhi malo to ne itelone joma imako motue; kendo ne ikawo mich mane ji omiyi, koda ka mich mane jong’anyo omiyi- mondo in Jehova Nyasaye, idag kanyo. 19 Pak odog ne Ruoth, ma en Nyasaye ma Jawarwa, Nyasaye mating’onwa pekwa ndalo duto. Sela 20 Nyasachwa en Nyasaye mawaro ji; tony e tho aa kuom Jehova ma Wuon Loch. 21 Kuom adier, Nyasaye biro toyo wiye wasike, obiro mayo joma dhi nyime gi timo richo osimbo motimo yier ma girwako. 22 Ruoth wacho ni, "Abiro gologi oko Bashan; abiro gologi oko kama tut mar nam, 23 mondo unyum tiendeu e remb joma kedo kodu, seche ma guogiu olodho lewgi ka gichamo makorgi." 24 Wuodhi koro nenore maler, Yaye Nyasaye, wuodh Nyasacha kendo Ruodha nenore maler kodonjo kare maler. 25 Joma wer gi dhogi otelo eka joma wer kagoyo thumbe luwogi, nyiri magoyo oyieke be nikodgi machiegni. 26 Pakuru Nyasaye e dier chokruok maduong’; pakuru Jehova e dier chokruok mar jo Isarael. 27 Dhoot matin mar joka Benjamin otelonegi, oganda maduong’ mar ruoddhi moa e dhood Juda be ni kodgi eka nitie bende ruodhi moa e dhout Zebulun gi Naftali. 28 Chok tekoni kaachiel, Yaye Nyasaye; nyiswa tekoni, Yaye Nyasaye; kaka isebedo kitimo nyaka aa chon. 29 Nikech hekalu mari man Jerusalem ruodhi biro keloni mich. 30 Kwer ondiek manie dier togo, kwer kweth mag ruedhi manie dier nyiroye mag ogendini. Mi okel miti mang’eny mag dhahabu ka wiye okuot. Ke ogendini mohero lweny. 31 Joote biro biro koa Misiri; Kus bende biro bolore ne Nyasaye. 32 Weruru ne Nyasaye, Yaye pinjeruodhi mag piny, weruru wende pak ne Ruoth, Sela 33 Werneuru Jal mariembo gechege e kor polo malo manyaka nene, Jal ma mor gi duol maduong’. 34 Landuru teko mar Nyasaye ma nigi duong’ kuom Israel kendo ma nigi teko e kor polo. 35 Ilich miwuoro ka in kari maler, Yaye Nyasaye, Nyasach Israel chiwo teko gi nyalo ne joge. Pak mondo obed ne Nyasaye!
Ne Jatend Wer. E dwol Mar"Ondanyo." Mar Daudi.
1 Resa, Yaye Nyasaye, nikech pi oseima nyaka e ng’uta. 2 Asechako nimo e chuodho matut, kama onge lowo motegno ma ng’ato nyalo chung’ie. Asechopo e chuny pi kama tut, kendo apaka olwora oketa diere. 3 Koro aseywak mondo okonya mi aol; dwonda rewni. Wengena oore, ka amanyo Nyasacha. 4 Joma ochaya maonge gima omiyo ng’eny moloyo yie wiya; joma olokore wasika kayiem thoth adier, jogogo madwaro mondo otieka. Ichuna mondo adwok gima ne ok akwalo. 5 Ing’eyo fupa, Yaye Nyasaye; kethona ok opondoni. 6 Mad joma ogeno kuomi kik ne wichkuot nikech an, Yaye Ruoth, Jehova Manyalo Gik Moko Duto; mad joma manyi kik ne wichkuot nikech an, Yaye Nyasach Israel. 7 Nimar ji ya n ya to aling’ aling’a nikech in, kendo wichkuot obako lela wang’a. 8 Achalo wendo ne owetena an kaka jamwa ne yawuot minwa; 9 nikech hera matut ma aherogo odi tieka, kendo ayenje mag joma yanyi lwar kuoma. 10 Ka aywak kendo atweyo chiemo to pod nyaka ayud ayany; 11 ka arwako law ywak, to ji oloka ngero. 12 Joma obet e rangach jara, kendo alokora wer ma jokong’o wero. 13 To alami, Yaye Jehova, e sama iikori mar konya; kuom herani maduong’, Yaye Nyasaye, dwoka gi resruok mari mar adier. 14 Gola oko e chuodho, kik iyie anim; resa e lwet joma ochaya, gola e chuny pi kama tut. 15 Kik iwe ohula ywera mi tera kata kut mwonya duto kata bur matut um dhoge ka an e iye. 16 Dwoka, Yaye Jehova, dwoka, nikech he rani ber; lokri ira kuom kechni maduong’. 17 Kik ipand wang’i ne jatichni; dwoka piyo, nikech anie chandruok. 18 Bi machiegni mondo ikonya, resa nikech joma kedo koda. 19 Ing’eyo kaka ijara, kaka ikuodo wiya kendo kaka aneno wichkuot; wasika duto ochoma tir. 20 Ajara osechodo chunya kendo oweya ka aonge teko; ne agombo yudo kech, to ne ok ayudo, kendo ne amanyo joma hoya, to ne ok ayudo kata achiel. 21 Ne giketo kedhno e chiemba kendo ne gimiya kong andwayo mondo otiekna riyo. 22 Mad mesa mochan e nyimgi lokre obadho; kendo mad olokrenegi gir chulo kuor kod otegu. 23 Mad wengegi lokre mudho mondo kik ginen kendo oguchgi odolre nyaka chieng’. 24 Ol mirimbi kuomgi; we mirimbi mager omakgi. 25 Mad miechgi olokre gundni; kendo kik iyiene ng’ato ang’ata dag e hembgi 26 Nimar gisando joma ihinyo kendo giwuoyo kuom lit mag joma ihinyo. 27 Ket ketho e wigi kuom ketho ka ketho ma gitimo; kendo kik iyie giyud warruok mari. 28 Mad ruch kargi oko e bug joma ngima kendo kik kwan-gi kaachiel gi joma kare. 29 An-gi rem kendo awinjo marach e chuyna; mad warruokni rita, Yaye Nyasaye. 30 Abiro pako nying Nyasaye gi wer kendo abiro miyo nyinge duong’ gi erokamano. 31 Mano biro miyo Jehova mor moloyo ruadh pur, moloyo ruath mabuoch man-gi tungene kod ombong’-ge 32 Joma odhier biro neno mi gibed mamor, un ma udwaro Nyasaye mad chunyu bed mangima! 33 Jehova winjo joma ochando kendo ok olok ng’eye ne joge motue. 34 Piny gi polo mondo opake, kaachiel kod nembe kod gik moko duto mawuothoe igi, 35 nikech Nyasaye biro reso Sayun kendo obiro gero taonde mag Juda kendo. Eka ji nodag kanyo kendo gini kawe kaka margi; 36 enobed girkeni mar koth jotichne, kendo joma ohero nyinge nodag kanyo.
Ne Jatend Wer. Mar Daudi. Kwayo
1 Ret piyo mondo iresa, Yaye Nyasaye; bi piyo mondo ikonya, Yaye Jehova. 2 Mad joma dwaro ngimana yud wichkuot kendo pachgi lal; mad ji duto ma gombona hinyruok gom dog kuma giaye ka giyudo achaya. 3 Mad joma wachona ni, "Haa! Haa!" dog kuma giaye ka wichkuot omakogi. 4 To mad ji duto ma manyi il kendo bed mamor kuomi; mad joma ohero wa rruok mari wach kinde duto ni, "Nyasaye mondo oyud duong’!" 5 Anto adhier kendo achando; bi ira piyo, Yaye Nyasaye. In e konyruokna kendo jaresna; kik ideki, Yaye Jehova.
1 E iyi ema aponde, Yaye Jehova; kik iwe ane wichkuot. 2 Ko n ya kendo gola e chandruok, nikech timni makare; chikna iti mondo iwara. 3 Bedna lwanda mar pondo, ma anyalo ringo adhiye seche duto; gol chik mondo iwara, nimar in e lwandana kendo ohingana. 4 Resa e lwet joma timbegi richo, Yaye Nyasacha, yudha kuom richo gi joma kwiny momaka matek. 5 Nimar in ema isebedo genona, Yaye Ruoth Nyasaye, in ema isebedo kimiya chir nyaka ae tinna. 6 Asebedo ka ayiengora kuomi nyaka ne nyuola; in ema ne igola ei minwa. Abiro siko ka apaki nyaka chieng’. 7 Alokora gima buogo ji mang’eny to kata kamano in e kar pondo mara motegno. 8 Dhoga opong’ gi pakni, kendo asiko ahulo duong’ni maler odiechieng’ duto. 9 Kik ijog koda ka koro ati; kikijwang’a ka tekra orumo. 10 Nimar wasika wuoyo marach kuoma; jogo marita mondo onega loso wach kaachiel. 11 Giwacho ni, "Nyasaye osewe ye, " omiyo laweuru umake, nimar onge ng’ama biro konye." 12 Kik ibed mabor koda, Yaye Nyasaye; bi piyo mondo ikonya, Yaye Nyasacha. 13 Mad joma donjona lal nono ka wigi okuot; mad joma dwa hinya olwor gi achaya kod wichkuot koni gi koni. 14 An-to abiro siko ka an gi geno; abiro paki kendo abiro medo paki. 15 Dhoga biro hulo timni makare, kod warruokni odiechieng’ duto, kata obedo ni ging’eny mohinga ng’eyo. 16 Abiro biro mondo anyis ji timbeni madongo, Yaye Ruoth Nyasaye Manyalo Gik Moko Duto; abiro nyiso ji timni makare, timni makare in kendi. 17 Isepuonja nyaka aa e nyathi, Yaye Nyasaye, kendo nyaka kawuono pod ahulo timbegi miwuoro. 18 Kata ka ochopo kinde ma ati kendo wiya oti lwar, to kik iwe ya, Yaye Nyasaye. 19 Timni makare ochopo nyaka ei kor polo, Yaye Nyasaye, in misetimo gik madongo. En ng’a ma dipim kodi, Yaye Nyasaye? 20 Kata obedo ni isemiyo aneno chandruok mathoth kendo malit, to pod ibiro miyo abed mangima kendo. 21 Ibiro miyo duong’ ma an-go medore kendo ibiro chako ihoya kendo. 22 Abiro paki gi nyatiti nikech adiera mari, Yaye Nyasaye; abiro weroni wend pak gi orutu, Yaye Jaler mar Israel. 23 Dhoga biro kok gi mor ka aweroni wend pak- An ng’at misewaro. 24 Lewa biro nyiso ji kuom timbegi makare odiechieng’ duto, nimar joma ne dwaro hinya oseneno wichkuot kendo oseng’eng’.
Mar Solomon
1 Sidh ne ruoth adiera mari, Yaye Nyasaye, sidh ne wuod loch timni makare. 2 Obiro ng’ado ne jou bura makare. Obiro kelo adiera ne jou masandore. 3 Gode biro kelo mwandu ne ji, kendo thuche biro kelo olemb tim makare. 4 Obiro chwako joma odhier manie dier ji kendo obiro reso nyithind joma ochando, to jadi ji to obiro tieko pe p. 5 Obiro siko ka wang’ chieng’, obiro siko ka dwe e tienge duto. 6 Obiro chalo gi koth machue e lum mong’adi maber kendo gi kodh ajiki mamiyo piny ng’ich. 7 E ndalone joma kare biro dhi maber, kendo kuwe biro bedo mogundho nyaka chop dwe lal nono. 8 Obiro bedo gi loch chakre nam nyaka nam kendo kochakore Aora maduong’ nyaka kuma piny ogikie. 9 Ogendini modak e piny ongoro biro kulorene kendo wasike biro nang’o lowo gi dhogi. 10 Ruodhi mag Tarshish kod mag dho nembe man mab oyo biro miye gik moko kendo ruodhi mag Sheba gi mag Seba biro kelone mich. 11 Ruodhi duto biro kulorene kendo ogendini duto biro tiyone. 12 Nimar obiro konyo joma ochando maywagore, jogo modhier ma onge gi jakony. 13 Obiro kecho joma ok nyal gi joma ochando kendo obiro reso ngima joma ochando. 14 Obiro gologi e dich modigigo kendo e timbe mahundu, nimar okwano rembgi ka gima nengone tek. 15 Mad odag aming’a! Mad kelne dhahabu moa Sheba. Mad ji duto sik ka lamone kendo ka gwedhe odiechieng’ duto. 16 Mad cham bed mang’eny kuonde duto e piny, kendo gikwak koda ka kuonde moting’ore gi malo mag thuche. Mad olembene ol mathoth ka Lebanon, kendo mad onyagi ka lum manie pap. 17 Mad nyinge sik nyaka chieng’ kendo mad odhi nyime ka wang’ chieng’. Ogendini duto ibiro gwedhi gi nyinge, kendo gibiro luonge ni ng’ama ogwedhi. 18 Jehova Nyasaye, ma Nyasach Israel, mondo opaki. En kende ema otimo gik miwuoro. 19 Nyinge man-gi duong’ mondo opaki nyaka chieng’ kendo mad piny duto pong’ gi duong’ne. Amin kendo Amin. 20 Ma e giko mag lamo mag Daudi Wuod Jesse.
Zaburi Mar Asaf
1 Nyasaye timo maber adier ne jo Israel, otimo maber ne jogo maler gie i chunygi. 2 An to tiendena nodwa kier. Ne achiegni aa kama ne anyono. 3 Nimar ne agombo timbe joma ochayo ji kane aneno kaka joma timbegi richo dhi maber. 4 Gionge pek moro amora kendo dendgi ber kendo otegno. 5 Chandruok ma mako ji gin ok yudgi kendo ok githagre kaka ji mamoko thagore. 6 Emomiyo sunga chalonegi thiwni mar ng’ut, kendo girwako maundu ka law. 7 Wengegi onyiedhore gi bor kendo miriambo maricho mopong’o pachgi onge gikogi. 8 Ji jaro ji kendo giwuoyo ka gihimo ji nikech gichayo ji, gisiko gibuogo ji ni ji biro wuoro. 9 Giwacho weche polo gi dhogi to lewgi to gimakogo mwandu mag piny. 10 Emomiyo jog egi doknegi kendo pa kogi kendo ok giyud rach moro amora kuomgi. 11 Giwacho ni, "Ere kaka Nyasaye nyalo ng’eyo? Nyasaye Mamalo Mogik to ong’eyo ang’o?" 12 Kama e kaka joma timbegi richo chalo: ok gidew gimoro amora kendo mwandugi osiko medore ameda. 13 Kare asetemo ritora mondo chunya osik kaler kayiem, kendo asetemo geng’o lwetena ni kik omul richo kayiem. 14 Nimar asiko achandora seche te, kendo ayudo kum okinyi kokinyi. 15 Ka dine bed ni awacho ni, "Abiro wacho kama, "to dine andhogo nyithindi. 16 To kane atemo winjo tiend gigi duto, to ne opek mohinga; 17 nyaka ne adonjo kama ler mar Nyasaye; eka nawinjo kaka gikog i nobedi. 18 Chutho iket ogi kama pothpoth, kendo ibologi piny mi githo. 19 Mano kaka itiekogi apoya nono, mi masiche malich lal kodgi nono! 20 Gilal nono ka lek ma ng’ato oleko gokinyi, omiyo sama ichiew, Yaye Ruoth, to ok ibi dewogi mana ka kido maonge. 21 Kane iya owang’, kendo chunya winjo lit, 22 to pacha nolal kendo ne ab e d o mofuwo, ne achalo le maonge rieko e nyimi. 23 Kata kamano an kodi ndalo duto, kendo imaka gi bada korachwich. 24 Itaya gi rieko ming’adona kendo bang’e ibiro tera kar duong’. 25 En ng’a ma an-go e polo mak mana in? Piny bende onge gi gimoro amora madwaro moloyi. 26 R i n gra gi chunya nyalo doko manyap, to Nyasaye ema miyo chunya teko, kendo en e girkeni mara nyaka chieng’. 27 Joma ni mabor kodi biro lal nono kendo ibiro tieko ji duto maok jo adiera ne in. 28 An to berna ka an but Nyasaye. Aseketo Ruoth Nyasaye kar pondona, kendo abiro lando gima moko duto mitimo.
Maskil mar Asaf
1 Ang’o momiyo isedagiwa nyaka chieng’, Yaye Nyasaye? Ang’o momiyo mirimbi dhuolore ka iro ko c h o m o rombe mag lek mari iwuon? 2 Par jogi mane ing’iewo chon gi lala, oganda ma gin girkeni mari, kendo mane iwaro- Got Sayun, kama in iwuon idakie. 3 Chak goyo okangegi ichom kuonde mosebedo ko kethore nyaka nenegi, lokri ichom kethruok maduong’ ma jasigu osekelo e kari maler. 4 Wasiki noruto kamane ijaromega kodwa; kendo ne gichungo bendechegi mochung’ kar timbegi maricho. 5 Ne gitimore marach mana ka ji mang’awo leyegi malo ka gidwaro tong’o yiende madongo dongo modongo modhigore. 6 Ne gituro chumbe modol odol gi tindogi kod nyundogi. 7 Ne giwang’o kari maler molokore buru, kendo ne gidwanyo kama nyingi dakie. 8 Ne giwacho e chunygi ni, "Wabiro tiekogi chuth!" Ne giwang’o kuonde duto e piny mane ilame Nyasaye. 9 Tinde ok miwa honni kaka ranyisi, kendo onge jonabi modong’ kata achiel, to onge kata ng’ato achiel kuomwa mong’eyo, ni mano biro bedo kamano nyaka karang’o. 10 N yaka karang’o ma jasigu biro jarie, Yaye Nyasaye? Ibiro yiene jasigu mondo oyany nyingi nyaka chieng’ koso? 11 Ang’o momiyo itamo lweti tiyo tichne, mana lweti mako rachwich? Gole oko kama isoye ei lepi mondo itiekgi! 12 To in e Ruodha nyaka chakre chon, Yaye Nyasaye, kendo isebedo kikelo resruok e piny. 13 In emane ipogo nam diere ariyo gi tekoni, kendo ne itoyo wiye ondiek marach ei pi. 14 In emane itoyo wiye Leviathan, mi ichiwe kaka chiemo ne le modak e thim. 15 In emane iyawo sokni gi aoche, kendo ne imiyo aoche madongo ma ok duon otwo 16 Odiechieng’ en mari, kendo otieno bende mari, bende ne iguro wang’ chieng’ gi dwe keregi. 17 In emane iketo tong’ duto mag piny kende ne iguro chwiri gi opon. 18 Parie kaka jasigu osejari, Yaye Jehova. Parie kaka joma onge rieko osechayo nyingi. 19 Kik iyie ichiw ngima mar akuchi ne le mager mag bungu; kik wiyi wil gi ngima jogi mathagore nyaka chieng’. 20 Par singruok mari nikech timbe maundu opong’o kuonde luto motimo mudho e piny. 21 Kik iyie mondo joma idiyo ringa ka wigi okuot, to mad joma odhier gi joma ochando opak nyingi. 22 Aa malo mondo isir tichni, Yaye Nyasaye; parie kaka joma ofuwo jari odiechieng’ duto. 23 Kik wiyi wil gi sibuoch wasiki, chom tir sigich wasiki mosiko medore ameda.
Ne Jatend Wer. E Duol Mar"Kik Iketh Gik moko". Zaburi mar Asaf. Wer
1 Wagoyoni erokamano, Yaye Nyasaye, wagoyoni erokamano nimar Nyingi ni machiegni, kendo ji lando timbeni miwuoro. 2 Iwacho ni, "An ema ayiero ndalo mowinjore, kendo an ema ang’ado bura kare. 3 Ka piny kaachiel gi ji duto modakie yiengni, to an ema amako sirnige motegno. Sela 4 Joma ochecho akwero ni, "Weuru sungoru; to joma timbegi richo to okwero ni, "Weuru ting’o tungeu malo." 5 Weuru bwogo polo gi tungeu, kendo kikuwuo ka ududo ng’uteu.’" 6 Nimar duong’ ok nyal medore ne ng’ato koa wuok chieng’ kata podho chieng’ kata e thim. 7 To Nyasaye ma jang’ad bura ema dwoko ng’ato piny, kendo ting’o ng’at machielo malo. 8 E lwet Jehova nitiere okombe moro mopong’ gi divai mochiek moriw gi gik makech-kech ka oole oko, to joma timbegi richo duto manie piny madhe duto pep nyaka ng’iende. 9 An to abiro siko ka alando wachni nyaka chieng’ kendo abiro wero wende pak ne Nyasach Jakobo. 10 Abiro ng’ado oko tunge joma timbegi richo duto, to tunge joma kare to ibiro ting’ malo.
Ne Jatend Wer. Gi Gig Wer Man-gi Tondegi. Mar Daudi Zaburi Mar Asaf. Wer
1 Nyasaye en rahuma e piny Juda, kendo nyinge duong’ e piny Israel. 2 Hembe nitie Salem kar dakni ni Sayun. 3 Kanyo ema nature aserni makakni, kaachiel gi okumbni gi ligengni, ma gin gig lweny 4 Duong’ mari ler okwako kendo iyombo gode momew gi kit le mayoreyore. 5 Yawuowi madongo mojing’ osema gik mane giyako koro ginindo nindogi mogik; kendo onge jokedogo kata achiel, manyalo ting’o kata mana bade. 6 Nikech kwer misekwerogigo, Yaye Nyasach Jakobo omiyo faras gi gari moywayo ochung’ kar tiendegi. 7 In kendi ema onego oluori. Koso en ng’a manyalo chung’ e nyimi ka mirima omaki? 8 Ne ing’ado bura gie polo, mi piny ne luoro omako moling’ thi- 9 Kane ia malo mondo ing’ad bura, Yaye Nyasaye, mondo ikony ji duto ma winjo marach e piny. Sela 10 Kuom adier, mirima ma in-go gi ji, keloni pak, kendo miyo joma otony ne mirimbi ritore. 11 Singri ne Jehova Nyasachi, kendo ne ni ichopogi; bende ne ni pinje duto man machiegni kelo mich ne Jal monego ji luor. 12 Ochodo chuny jotelo, kendo ruodhi duto mag piny oluore.
Ne jatend wer. Mar Jeduthun. Mar asaf. Zaburi.
1 Ne aywakne Nyasaye mondo okonya, kendo ne aywakne Nyasaye mondo owinja. 2 Kane an e chandruok, ne amanyo Ruoth; otieno duto ne arieyo bedena malo maok aol, kendo chunya nodagi hoch. 3 Ne apari mine ahum, Yaye Nyasaye, ne aol kendo chunya nonyosore. 4 Ne imako wengena mi ok oimore, kendo ne an gi pek maok anyal wuoyo. 5 Ne aparo kuom ndalo machon, higni machon gi lala; 6 ne aparo wendega mag otieno. Ne aloso gi pacha awuon, kendo chunya nopenjo kama: 7 "Be Ruoth nyalo dagi ng’ato chuth? Be en adier ni ok obi ochak ong’uon kendo? 8 Be herane maok rem dirum chuth adier? Singruokne be nyalo bare mak ochopo nyaka chieng’? 9 Mitki Nyasaye wiye osewil gi kecho ji?" Sela 10 Eka naparo ni, "Ma e kama abiro kwayoe kony: higni ma lwet Jal Mamalo Mogik mako rachwich osetieko." 11 Abiro siko kaparo timbe Jehova; ee, abiro paro kuom honni magi machon gilala. 12 Abiro paro mos kuom tijegi duto, kendo abiro paro matut kuom timbegi madongo duto. 13 Yoreni ler, Yaye Nyasaye. En nyasaye mane maduong’ kaka Nyasachwa? 14 In e Nyasaye matimo honni, kendo inyiso tekoni e dier ji mopogore opogore. 15 Ne iwaro jogi gi badi maratego, jogi ma nyikwa Jakobo gi Josef. Sela 16 Pige noneni, Yaye Nyasaye, pige noneni mi luoro omakogi, kendo kude matut notetni. 17 Boche polo ne oolo pi piny, kendo polo nomor e kor polo, ka asernigi mil koni gi koni. 18 Mor polo mari nowinji ei yamo mager, mil polo mari nomenyo piny duto, kendo piny notetni kendo oyiengni. 19 Yori nong’ado dier nam, yo miluwo nokadho e dier pige maringo matek, kata obedo ni kuonde mane tiendeni onyono ne ok nyal ne gi wang’. 20 Ne itelo ne jogi ka jakwath ka gin e lwet Musa gi Harun.
Maskil mar Asaf
1 Chiknauru itu, Yaye un joga, winjuru weche mawuok e dhoga. 2 Abiro yawo dhoga ka agoyo ngeche, ee, abiro wacho weche mopondo mawuoyo kuom gik mane otimore chon gilala- 3 Gik ma wasewinjo kendo ma wang’eyo, mane wuonewa onyisowa. 4 Ok wabi pandogi ne nyithindgi; to wabiro hulogi ne tieng’ mabiro timbe mipako mag Jehova gi tekone kod gik miwuoro mosetimo. 5 Ne ogolo chike ne joka Jakobo kendo noguro chik e piny Israel, chike mane omiyo kwe r ewa mondo opuonj nyithindgi, 6 mondo tieng’ mabiro ong’egi, koda ka nyithindo mapok onyuol, kendo gin bende ginyis nyithindgi. 7 Eka mondo mi giket genogi kuom Nyasaye kendo kik wigi wil gi gik mosetimo to ni mondo girit chikene. 8 Bende mondo kik ne gichal gi kweregi- mane gin tieng’ ma tokgi tek kendo ma jong’anyo, ma chunjegi ne ok ochiwore ne Nyasaye kendo ne ok luwe gi adiera. 9 Jo Efraim nogomo odok chieng’ kedo, kata obedo ni negimanore gi atunge. 10 Ne ok girito singruok mar Nyasaye kendo ne gidagi dak ka giluwo chik Nyasaye. 11 Wigi nowil gi gik mane osetimo, ranyisi mane osenyisogi. 12 Ne otimo honni ka wuonegi neno e gweng’ mar Zoan, e piny Misiri. 13 Ne omiyo nam opogore diere ariy o mi nomiyo gikadho kendo nomiyo pi ochung’ moling’ thi ka ohinga. 14 Ne otayogi kod bor polo godiechieng’ kendo giler moa e mach otieno duto. 15 Ne otucho lwanda e thim kendo nomiyogi pi mogundho ka nembe; 16 bende nomiyo aoche obu b n i kawuok e lwanda kama obarore mi pi nomol piny mana ka aora. 17 To eka pod ne gidhi mana nyime ka gitimo richo e nyime ka ging’anyo e thim ne Jal Mamalo Mogik. 18 Ne gitemo Nyasaye ka ging’eyo, kuom kete mondo omigi chiemo mane gigombo. 19 Ne giwuoyo marach kuom Nyasaye ka giwacho ni, "Nyasaye be nyalo chano mesa e nyimwa e thim ka? 20 Kane ogoyo lwanda to pi nothinyore oko kendo aoche nochako mol mogundho. To chiemo be domiwa adier? Ring’o be onyalo kelo mi opog ne joge adier?" 21 Kane Jehova owinjo gi ite, iye nowang’ ahinya, mi mach mare notuk kuom joka Jakobo, kendo mirimbe mager nobiro kuom jo Israel, 22 nimar ne ok giyie kuom Nyasaye kata geno kuom resruok mare. 23 To eka pod nogolo chik ne kor polo malo kendo noyawo dhoudi mag polo; 24 ne oolo mana piny ka koth mondo ji ocham, adier, nomiyogi chamb polo. 25 Ji nochamo makati mar malaike, kendo nooro negi kit chiemo duto mane ginyalo chamo. 26 Ne ogonyo yamb ugwe moa e polo, kendo nogolo yamb milambo gi tekone. 27 Nolwaro ring’o piny kuomgi ka buru, adier, winy mahuyo nolwar kuomgi ka kwoyo manie dho nam. 28 Nomiyo winjego olwar piny nyaka ei kambi mi ne gilworo hembegi duto koni gi koni. 29 Ne gichiemo mi chiemo otamogi tieko, nimar nomiyogi gima ne chunygi gombo. 30 To kane pok gitieko chiembgi mar gombono, chutho, ka chiemo ne pod opong’o dhogi, 31 mirima mager mar Nyasaye nogore kuomgi, mi nomiyo jogegi maroteke otho, kendo nopielo yawuot Israel mapod tindo piny. 32 To kata obedo ni magi duto nosetimore, pod ne gidhi mana nyime gitimo richo; pod ne ok giyie kuome, kata obedo ni ne osetimo ranyisi mathoth e diergi. 33 Omiyo nomiyo ngimagi orumo ka onge ber kendo higni mag-gi nopong’ gi masiche ma bwogo ji. 34 E kinde moro amora mane Nyasaye okumogie, to ne gimanye kendo ne gilokore mi gichak gidware gi siso. 35 Ne giparo ni Nyasaye ema ne en lwanda margi, kendo ni Nyasaye Mamalo Mogik ema ne en Jawargi. 36 To kata kamano ne gichare achara gi dhogi, ka giwuonde gi lewgi. 37 nimar chunygi ne ok omoko kuome, kendo ne ok gilu singruokne kuom adier. 38 To en, kaka en ng’ama kecho ji, noweyo negi kethogi, kendo ne ok otiekogi. Kinde ka kinde nogeng’o mirimbe kendo ne ok otoyo mirimbe duto kuomgi. 39 Noparo kaka ne gin mana dhano adhana machalo yamo makalo kendo ok chak duogi. 40 Mano kaka ne ging’anyone e thim di mang’eny kendo ne gimiye chuny lit e piny motwo! 41 Ne gitemo Nyasaye anuoya anuoya, kendo ne gisindo Jal Maler mar Israel. 42 Ne ok giparo tekone- ne ok giparo odiechieng’ mane owarogi e lwet jasigu, 43 odiechieng’ mane onyiso e lela honni mage e piny Misri kane otimo ranyisige e gweng’ mar Zoan. 44 Noloko aochegi remo mi koro ne ok ginyal modho pi moa e aochegi. 45 Ne ooro pumbi mag lwang’ni mane omwonyogi, gi ogwende mane oketho pinygi. 46 Ne ochiwo chambgi ne ongogo, chambgi mosechiek ne bonyo. 47 Ne oketho olembegi mag mzabibu gi pe, kod yiendegi mag ng’owu gi yamo mang’ich. 48 Ne ochiwo jambgi ne pe, kendo nomiyo dhogegi polo ogoyo. 49 Ne oolo kuomgi mirimbe maliet, kokecho kendo iye owang’ kendo ogeroganda malaike ma jonek. 50 Ne olosone mirimbe yo maluwo, kendo ne ok okechogi e tho to ne ojwang’ogi mondo tho otiekgi. 51 Ne onego kach jo Misri duto, mana olemo mokuongo chiek mag dhano e hembe mag Ham. 52 To joge to nogolo oko mana ka kweth, kendo notelo negi ka rombe koyoro kodgi thim. 53 Ne otayogi maber omiyo ne gionge gi luoro, to wasikgi to ne nam omwonyo. 54 Kamano e kaka ne okelogi nyaka e tong’ mar pinje maler, nyaka ne gitundo e piny motimo thuche, ma lwete makorachwich nosekawo. 55 Ne oriembo ogendini e nyimgi kendo nomiyogi lopgi kaka girkeni margi, mi nomiyo dhout Israel odak e miechgi giwegi. 56 To kata kamano ne gitemo Nyasaye, kendo ne ging’anyone En Mamalo Mogik; ka gidagi rito chikene. 57 Mana kaka wuonegi ne ok giwinje kendo ne ok gin jo adiera kendo ne gichalo atung’ mobam ma ok nyal gen. 58 Ne giwang’o iye gi kuondegi moting’ore malo, kendo ne gichiewo nyieke gi nyisechegi mane giloso. 59 Kane Nyasaye owinjogi, iye nowang’ ahinya, kendo nodagi jo Israel chuth. 60 Ne ojwang’o hemb romo mane ni Shilo, mane en hema mane oguro owuon e dier ji. 61 Nooro Sandug Muma e twech, mi duong’ne maler nodhi e lwet wasigu. 62 Nochiwo joge ne ligangla, kendo nokecho ahinya gi girkeni mare. 63 Mach notieko yawuotgi matindo, kendo nyigi ne ok ower negi wende arus; 64 jodologi ne onegi, kendo mondegi ne ywak otamo. 65 Eka Ruoth nochiew ka gima oa e nindo, mana kaka ng’ato chiewo, bang’ madho divai mang’eny. 66 Ne oriembo wasike gi goch, kendo nomiyo giyudo wichkuot mosiko. 67 Ne odagi hembe mag Josef, bende ne ok oyiero dhood joka Efraim, 68 to dhood joka Juda emane oyiero, ee, noyiero mana Got Sayun, mane ohero. 69 Ne ogero kare maler, ka go d e maboyo, kendo mana ka piny mane oguro nyaka chieng’. 70 Ne oyiero Daudi jatichne, kendo nogole e abich rombe; 71 nogole e tij rito rombe moke l e mondo okwa joge ma Jakobo mondo okwa Israel girkeni mare. 72 Kuom mano Daudi nokwayogi gi chuny makare kendo notelo negi, gi lwedo mong’ith.
Zaburi Mar Asaf
1 Yaye Nyasaye, Ogendini osemonjo girkeni mari; gisedwanyo Hekalu mari maler, kendo giseketho Jerusalem modong’ pidhe-pidhe. 2 Gisechiwo ringre jogi motho mondo obed chiemb winy manie kor polo, ring jogi maler gisechiwo ne ondiegi mag piny. 3 Giseolo remo e alwora mar Jerusam ka pi, kendo koro onge ng’ama nyalo iko joma otho. 4 Waselo kore gima kuodo wich ne jobutwa, joma ijaro kendo inyiero gi joma olworowa. 5 Nyaka karang’o, Yaye Jehova? Ibiro kecho nyaka chieng’ koso? Nyaka karang’o ma nyiego mari biro lielie ka mach? 6 Ol mirimbi kuom pinje ruodhi, maok luong nyingi; 7 nimar gisengamo Jakobo mi giketho gweng’e. 8 Kik ikwanwa kaka joketho, nikech richo mag wuonewa; mad kechni bi romnwa piyo, nimar osedwokwa piny marach. 9 Konywa, Yaye Nyasaye ma Jawarwa, nikech duong’ mar nyingi; reswa kendo wenwa richowa, mondo nyingi oyud duong’. 10 Ang’o momiyo ogendini onego owach ni, "Nyasachgino to ere?" Mi ogendini ong’e, ka waneno gi wang’wa, ni ichulo kuor nikech remb jog i mosechwer. 11 Mad chur ma joma otwe churgo chopi e nyimi; rit ngima joma oseng’adnegi buch tho gi teko mar badi. 12 Chul kuor ne jobutwa nyadibiriyo ki goyo bembegi. Kuom ayany ma gisediro kuomi, Yaye Jehova. 13 Eka jogi, ma gin rombegi mikwayo, biro paki nyaka chieng’, kendo wabiro nyiso pakni, koa e tieng’ moro nyaka tieng’ machielo.
Ne Jatend Wer. E dwol mar"Ondanyo Mar Singruok." Mar Asaf. Zaburi
1 Chiknwa iti, Yaye Jakwadh jo Israel, in mitelo ne Josef ka kweth mar dhok; in mibetekom loch e kind kerubi, koro rieny ane 2 e nyim Efraim, gi Benjamin gi Manase. Nyis tekri kendo bi mondo ireswa. 3 Dwogwa iri, Yaye Nyasaye; mi wang’i orienynwa, eka mondo wayud warruok 4 Yaye Jehova Nyasaye Manyalo Gik Moko Duto, mirimbi biro siko koyienyo gi lamo mar jogi nyaka karang’o? 5 Isemiyo gichamo pi wang’ ka kuon kendo isemiyo gimodho pi wang’ agwetni modhuro. 6 Isemiyo wadoko rachwany ne jobutwa, kendo wasikwa jarowa. 7 Dwogwa iri, Yaye Nyasaye Manyalo Gik Moko Duto; mi wang’i orienynwa, eka mondo wayud warruok. 8 Ne igolo mzabibu moro e piny Misri, kendo ne iriembo ogendini mi ipidhe kargi. 9 Ne ilosone lowo maber, kendo nochwoyo tiendene piny mi opong’o piny. 10 Tipone noimo gode duto, mana ka yiende sida ma odonge ma bedene olak. 11 Noyaro bedene madongo nyaka e nam kendo noloth mochweyo nyaka e aora. 12 Koro ang’o momiyo isemuko ohinga mag e, momiyo ji duto makadho pone ka olemo. 13 Mbithe moa e bungu kethe, kendo le mag bungu chame. 14 Duog irwa, Yaye Nyasaye Manyalo Gik Moko Duto! Ng’i piny gie polo mondo ine! Ng’i mzabibu maber, 15 yien ma lweti makorachwich ema nopidho gi tiende ma en wuodi misepidho in iwuon. 16 Mzabibu mari osetong’ mi owang’ gi mach, jogi lal nono nikech isekwerogi. 17 Mad lweti bed kuom Jal mobet e bathi korachwich, ma en Wuod Dhano misechungo ne in iwuon. 18 Eka ok wanachak walokre waweyi; dwogwa iri eka wanaluong nyingi. 19 Duogwa iri, Yaye Jehova Nyasaye Manyalo Gik Moko Duto mi wang’ orienynwa, eka mondo wayud warruok.
Ne Jatend Wer. Kaluwore Gi Gittith. Mar Asaf
1 Weruru matek gi mor ne Nyasaye ma miyowa teko, gouru koko matek ne Nyasach Jakobo! 2 Chakuru wer, yiekuru oyie ke; gweluru nyatiti gi asili mamit. 3 Gouru tung im ka Dwe Manyien ochakore, ma en ka dwe osetegno, e odiechieng’ mar Nyasiwa mogen. 4 Ma en gima ochuno jo Israel; chik ma Nyasach Jakobo nogolo. 5 Ne ogure kaka chik ne Josef, kane owuok gi mirima koa Misri, kuma ne wawinje dhok mane wakia. 6 Owacho ni, "Ne agolo misigo mapek e gokgi, mi lwetgi nogony e ting’o atonge. 7 Ne iluongo ka in e chandruok mi akonyi, ne aduoki gie ii boche polo, kendo ne atemi e tie pige mag Meriba. Sela 8 Winjuru wach, Yaye joga, to abiro siemou, abiro siemou ka uikoru mar winja, Yaye Israel. 9 Kik ubed gi nyasaye ma wendo e dieru, kendo kik ukulru ne nyasaye ma ukia. 10 An Jehova Nyasachu, mane ogolou Misri. Ng’amuru dhou malach mondo apong’e. 11 "To joga nodagi winjo duonda kendo Israel nodagi timo kaka achikogi. 12 Omiyo ne aweyogi nikech chunygi ne tek, kendo negiluwo yoregi giwegi. 13 "Ka dine joga yie winja, ka dine Israel yie lu yorena, 14 mano kaka dine atieko wasikgi piyo piyo kendo dine agoyo joma kedo kodgi gi lweta! 15 Joma ochayo Jehova dine okulorene gi luoro, kendo kum margi dosiko nyaka chieng’. 16 To un dine apidhou gi ngano maber mogik, kendo dine aromou gi mor kich ma athodho e lwanda.
Zaburi mar Asaf
1 Nyasaye osekawo kare e dier chokruok maduong’, koro ong’ado bura e kind"nyiseche." 2 “Nyaka karang’o ma ubiro dhi nyime ka udewo wang’ joma ok timbegi nikare kendo kudewo wang’ joma timbegi richo? Sela 3 Siruru joma ok nyal kod mago manyithi kiye, rituru ratiro mago ma jodhier kod joma idiyo. 4 Resuru joma ok nyal kod joma ochando; golgiuru e lwet joma timbegi richo. 5 "To gisesiko ka gimemore kendo onge gima ging’eyo. Giwuotho koni gi koni e mudho; kendo gimiyo mise duto mag piny yiengni. 6 "Asenyisou ni, ‘un nyiseche, "kendo ni un duto un yawuot Jal Mamalo Mogik.’ 7 To ubiro tho ka ji ajia; adier ubiro podho mana kaka jatelo moro amora maok otang’. 8 Aa malo, Yaye Nyasaye, ng’adne piny bura, nimar ogendini duto gin girkeni magi.
Wer. Zaburi Mar Asaf
1 Kik iling’, Yaye Nyasaye; kik iywe, Yaye Nyasaye, bende kik ibed mos. 2 Neye kaka wasiki piem kodi gi koko maduong’. Neye kaka joma kedo kodi ng’anyoni. 3 Gichano timo ne jogi marach ling’ling’; giloso chenro maricho ne joma chunyi ohero. 4 Giwacho ni, "Biuru watiekgi mi girum pep kaka oganda, mondo nying mar Israel kik chak par kendo." 5 Giloso chenro ka giriwo pachgi bedo achiel, gilosoni riwruok mondo gibed kodi. 6 Gin hembe jo Edom gi jo Ishmael, jo Moab gi jo Hagri, 7 Jo Gebal, jo Amon kod jo Amalek, jo Filistia kaachiel gi joma odak Turo. 8 Koda ka jo Asuria be oseriwore kodgi mondo oriw lwetgi ne nyikwa Lut. Sela 9 Timnegi kaka ne itimo ne Midian, mana kaka nitimo ne Sisera gi Jabin e Aora Kishon, 10 mane jotho Endor modoko manyiwa e lo. 11 Mi jogi momew ochal gi Oreb kod Zeab mi ruodhigi duto chal gi Zeba kod Zalmuna, 12 mane jowacho ni, "Wakawuru pewe mag kwath mag Nyasaye mondo obed marwa." 13 Mi gichal gi buya mayot-yot, Yaye Nyasacha, mi gichal gi mihudhwe ma yamo tero. 14 Mana kaka mach wang’o bungu maduong’ kata kaka mach wang’o wi got, 15 e kaka in bende ilawgi gi ahiti maduong’ kendo ibu oggi gi yambi makudho matek. 16 Pong’ wengegi gi wichkuot mondo ji omany nyingi, Yaye Jehova. 17 Mad wigi kuodi nyaka chieng’ kendo gisik ka luoro omakogi; mad gilal nono ka gin gi wichkuot. 18 Mi ging’e ni in, ma nyingi Jehovani in kendi e Jal Man Malo Mogik kendo ni iloyo piny duto.
Ne jatend wer. Kaluwore gi gitith. Mar Yawuot Kora. Zaburi
1 Mano kaka kar dakni ber miwuoro, Yaye Jehova Manyalo Gik Moko Duto! 2 Chunya gombo kendo nyawni ka agombo laro mag Jehova; adundona gi denda duto wer gimor ne Nyasaye mangima. 3 Nyaka winj abang’ chieth oseloso kar dakne, kendo opija bende osegero ode, kama onyalo nyuole nyithindebut kendoni mar misango, Yaye Jehova Manyalo Gik Moko Duto, ma Ruodha kendo Nyasacha. 4 Ogwedh joma odak e odi; mosiko ka paki. Sela 5 Ogwedh joma tekregi ni kuomi jogo moketo chunygi e luwo yori maler. 6 Ka gikadho e Holo mar Beka to gimiyo obedo kama opong’ gi sokni; kendo kodh opon bende pong’e gi yewni. 7 Tekregi osiko medore ameda, nyaka chop moro ka moro kuomgi chop Sayun e nyim Nyasaye. 8 Yie iwinj lemona, Yaye Jehova Nyasaye Manyalo Gik Moko Duto; chikna iti, Yaye Nyasach Jakobo. 9 Chom wang’i ine kuodwa, Yaye Nyasaye; rang ng’ati miwiro gi ng’- wono. 10 Bet e laru magi kuom odiechieng’ achiel ber moloyo bet kama chielo kuom higni alufu achiel; daher bedo jarit dhoot e od Nyasacha, moloyo dak e hembe joma timbegi richo. 11 Nimar Jehova Nyasaye en chieng’ kendo en okumba; Jehova chiwo ng’uono gi luor; ok otuon joma wuodhgi oriere tir gimoro amora maber. 12 Yaye Jehova Manyalo Gik Moko Duto, ng’ama ogeno kuomi oguedhi.
Ne Jatend wer. Mar Yawuot Kora. Zaburi
1 Ne itimo maber ne piny, Yaye Jehova; ne iduogone Jakobo mwandune. 2 Ne iweyone jogi kethogi kendo ne iumo richogi duto. Sela 3 Mirimbi duto ne iketo tenge, kendo ne ilokori iweyo mirimbi mager. 4 Duogwa iri kendo, Yaye Nyasaye Jawarwa, kendo gol kecho mikechogo kodwa iter mabor. 5 Ibiro kecho ko dwa nyaka chieng’ koso? Koso ibiro choro mirimbi e tienge duto? 6 Ang’o mamoni duogowa iri kendo, mondo eka jogi obed mamor kuomi? 7 Nyiswa herani maok rem, Yaye Jehova, kendo mi wayud resruok mari. 8 Abiro chiko ita ne gima Nyasaye ma Jehova biro wacho; osingo kuwe ne joge maler, to nyaka gine ni ok gidok e timbe mofuwo. 9 Adier, resruokne ni machiegni gi joma oluore, kendo duong’ne biro bet e pinywa. 10 Hera gi adiera biro riwore kanyakla, kendo tim makare gi kuwe biro nyodhore. 11 Adiera biro aa piny kochomo malo, kendo tim makare biro ng’iyo piny gie polo. 12 Jehova biro miyowa gima ber adier kendo pinywa biro chiego chambe. 13 Tim makare biro telo nyime kendo biro loso yo ne okangege.
Lamo Daudi
1 Winj lamona, Yaye Jehova, kendo duoka, nimar adhier kendo achando. 2 Rit ngimana, nikech achiworani. In e Nyasacha, omiyo res ngima jatichni mogeno kuomi. 3 Kecha, Yaye Ruoth, nimar aywakni odiechieng’ duto. 4 Mi jatichni obed mamor nimar in ema arangi gi geno. 5 Nikech in iber kendo iweyone ji richogi, Yaye Jehova, ichiwo hera mogundho ne ji duto ma luongi mondo ikonygi. 6 Winj lamona, Yaye Jehova; chik iti ne ywakna ma akwayigo kech. 7 Chieng’ ma chandruok omaka to abiro luongi mondo ikonya, nimar ibiro duoka. 8 Onge nyasaye moro amora e dier nyiseche machalo kodi, Yaye Ruoth. onge timbe minyalo pimo gi magi. 9 Ogendini duto misechueyo biro biro mi podhi e nyimi kalami, Yaye Ruoth, adier, gibiro miyo nyingi duong’. 10 Nimar iduong’ kendo itimo timbe miwuoro; in e Nyasaye kende. 11 Puonja yoreni, Yaye Jehova, mondo eka awuothi e adierani; miya chuny maonge hubagabaga, mondo eka aluor nyingi. 12 Abiro paki gi chunya duto, Yaye Ruoth Nyasacha, abiro miyo nyingi duong’ nyaka chieng’. 13 Nimar hera ma iherago duong’, kendo isegola ei chuny bur matut. 14 Josunga ma wengegi tek monja, Yaye Nyasaye; kidieny mar joma ok kech ng’ato dwa tieko ngimana- joma ok dew kata in. 15 Into in Nyasaye ma kecho kendo ng’won, Yaye Jehova, iyi ok wang’ piyo, ipong’ gi hera kendo in ja adiera. 16 Duog ira mondo ikecha; med jatichni tekoni kendo res jatichni mogeni. 17 Miyae ranyisi mar berni, mondo wasika one mi wigi okuodi, nimar in ema isebedo ka ikonya kendo ihoya, Yaye Jehova.
Mar Yawuot Kora. Zaburi. Wer
1 Oseguro mise mare ewi got maler; 2 Jehova ohero rangeye mag Sayun moloyo kuonde dak duto mag Jakobo. 3 Ji wacho gik madongo kuomi, Yaye dala maduong’ mar Nyasaye: Sela 4 "Abiro kwano Rahab gi Bablon e kanyakla mar joma ong’eya- koda ka Filistia bende, kod Turo, kaachiel gi Kush - kendo abiro wacho ni, ‘Jali nonyuol ei Sayun.’" 5 Adier, nowachi kuom Sayun ni, "Jali gi jalcha bende nonyuol kuome, kendo Jal Mamalo Mogik owuon biro chunge." 6 Jehova biro ndiko e kitabu mindikoe nying ogendini kama: "Jali nonyuol ei Sayun." Sela 7 Sama gihugo wer to giniwer ni, "Sokoga duto nie iyi."
Wer. Zaburi Mar Yawuot Korah. Ne Jatend Wer. Kaluwore Gi Mahalath leonoth. Maskil mar Heman ja Ezrahi
1 Yaye Jehova Nyasaye ma resa, ayuagora e nyimi odiechieng’ gotieno. 2 Mad lamona chop e nyimi; yie ilok iti ne kwayona. 3 Nimar chandruok opong’o chunya kendo ngimana sudo machiegni gi liel. 4 Ikwana kaachiel gi joma ridore piny ei bur matut; achalo ng’ama onge teko. 5 Ojwang’a kaachiel gi joma otho, mana kaka joma onegi monindo e bur, ma koro ok ipar kuomgi kendo, joma ong’ad kargi oko e ritni. 6 Iseketa ei bur matut mogik, e iye piny mogik, kama olil ti. 7 Mirimbi mager ogore kuoma mapek; isebara ndas gi apaka magi duto. 8 Isemiyo osiepena mane nimachiegni koda mogik oringa, kendo isemiyo koro achalonegi koko. Odinna maok anyal tony; 9 wengena ok nen maber nikech kuyo ma an-go. Aluongi odiechieng’ kodiechieng’, Yaye Jehova; achiko n i lwetena. 10 Be itimo honni magi ne joma otho? Joma otho be nyalo chier kendo mi paki? Sela 11 Herani be inyiso joma nie i liel; adier, koso adierani be yudore e Abadon? 12 Timbeni miwuoro be ong’ere kama otimo mudhono, kata timbeni makare e piny ma ilalieno? 13 Anto aywakni mondo ikonya, Yaye Jehova; lamona chopo e nyimi gokinyi. 14 Yaye Jehova, idaga nang’o momiyo ipandona wang’i? 15 Aseneno chandruok chakre tinna mi adwatho; asewinjo malit ndi nikech thagruok misekelona, kendo chunya oseol. 16 Mirimbi mager oseywaya; thagruok mimiya osetieka. 17 Gilwora ka ataro odiechieng’ duto; gisedinona chuth koni gi koni. 18 Isemaya osiepena gi joherana; mudho mandiwa ema koro odong’ machiegni koda kaka osiepna.
Maskil Mar Ethan Ja Ezrahi
1 Abiro wer nyaka chieng’ kuom hera maduong’ mar Jehova; abiro nyiso ji gi dhoga mi ging’e kuom adierani e tienge duto. 2 Abiro nyiso ratiro ni herani ogurore motegno nyaka chieng’; kendo ni ne iguro adierani e polo owuon. 3 Ne iwacho ni, "Asetimo muma gi ng’ata ma ayiero, asesingora ne Daudi jatichna, ni, 4 ‘Anachung’ kothi nyaka chieng’ kendo anagur lochni motegno e tienge duto.’" Sela 5 Polo pako timbeni miwuoro kod adierani, Yaye Jehova, e dier chokruok mar joma ler. 6 Koso en ng’a e kor polo minyalo pimo gi Jehova? En ng’a e dier chuech mag polo machalo gi Jehova? 7 E buch joma ler Nyasaye oluor gi luor maduong’; olich moloyo chuech duto molwore. 8 Yaye Jehova Nyasaye Manyalo Gik Moko Duto en ng’a machalo kodi? In ratego kendo adierani olwori, Yaye Jehova. 9 In-gi teko e wi nam magingore; ka apakage dhuolore malo, to ikueyogi. 10 Ne ing’inyo Rahab mana ka kitundu, kendo ne ikeyo wasiki gi badi maratego. 11 Polo gin magi, kendo piny bende en mari. In ema ne imiyo piny obetie kaachiel gi gik moko duto manie iye. 12 Ne ichueyo nyandwat gi milambo; Tabor gi Hermon pako nyingi gi wer gi mor. 13 In-gi bat maratego, lweti bende otegno, kendo lweti makorachwich nigi duong’. 14 Tim makare gi adiera e mise mag lochni; hera gi ber otelo e nyimi. 15 Oguedh joma osepuonjore goyoni sigio mar mor, jogo ma wuotho buti e lerni, Yaye Jehova. 16 Giil odiechieng’ duto nikech nyingi; gidhialo timni makare. 17 Nimar in e duong’gi gi tekog i, kendo isedhialo tungwa kuom ng’uononi. 18 Adier, kuodwa en mar Jehova, ruodhwa en mar Jal Maler mar Israel 19 Kinde moko ne iwuoyo e yor fweny, mine iwacho ne jogi ma jo adiera ni, ‘Asesidho teko kuom jalweny, asemiyo wuowi moro matin duong’ e dier ji. 20 Aseyudo Daudi jatichna; asewire gi mora maler. 21 Lweta biro sire, adier, bada biro miye teko. 22 Onge ng’ama timbene richo moro amora mane ochune mondo ogolne osuru; onge ng’ama timbene richo moro amora ma nosande. 23 Abiro tieko chuth joma kedo kode koneno gi wang’e, kendo abiro goyo wasike duto piny. 24 Herana mar adier nobed kode, kendo tungene nomi duong’ nikech nyinga. 25 Abiro keyo lwete mi kwak nam, kendo lwete makorachwich biro kwako aore. 26 Obiro luonga ni, ‘In Wuonwa kendo in Nyasacha, lwandana ma Jawarna.’ 27 Bende abiro ketone nyathina makayo, ma en Jal moting’ malo moloyo ruodhi duto mag piny. 28 Abiro siko ka ahere nyaka chieng’, kendo winjruok ma atimo kode ok norem mak ochopo ngang’. 29 Abiro guro kothe nyaka chieng’, kendo lochne nosiki mana kaka polo siko. 30 "Kata ka yawuote nowe chikna maok giluwo yorena, 31 ka ok girito buchena kendo ka chikena otamogi luwo, 32 to anakum richogi gi luth, kendo anago kethogi gi chwat. 33 Kata kamano ok anagol herana kuome, bende ok anatimne gima opogore gi adierana. 34 Ok anawe mak achopo winjruokna kode kata loko gima asewacho gi dhoga. 35 Asesingo ra dichiel kendo mogik kuom ler mara, kendo ok abi riambo ne Daudi, 36 ni kothe nodhi nyime nyaka chieng’ kendo lochne nosiki e nyima ka wang’ chieng’; 37 nogure mi osiki nyaka chieng’ kaka dwe, ma en ranyisi madier e kor polo." Sela 38 To in isekwedo, kendo isechayo, iyi osewang’ matek gi ng’ati mowir. 39 Iselokori iweyo muma mane itimo gi jatichni, kendo isechido osimbone ei buru. 40 Isegoyo ohingage duto piny kendo isemuko kuondege mochiel motegno mi olokore gunda. 41 Ji duto makalo bute oseyake; osedoko ng’ama jobute nyiero. 42 Iseting’o lwedo makorachwich mar wasike malo; isemiyo wasike duto oil. 43 Bende isemiyo dho liganglane obedo madik kendo ok isekonye e kedo. 44 Isemiyo duong’ne orumo kendo isewito lochne piny. 45 Iseng’ado ndalo mag tinne odoko machiek; isemiyo oneno wichkuot maduong’. 46 Nyaka karang’o, Yaye Jehova? Ibiro pando wang’i nyaka chieng’ koso? Mirimbi biro liel ka mach nyaka karang’o? 47 Parie kaka ngimana rumo piyo. Neye kaka ne ichueyo dhano duto kayiem! 48 En ng’a manyalo bedo mangima nyakachieng’ mak oneno tho? Koso en ng’a manyalo resore owuon e teko mar liel? Sela 49 Yaye Jehova, tinde ere hera n i maduong’ machon, hera mane isingori kuom adierani, ni initim ne Daudi? 50 Ruoth, parie kaka ji osechayo jatichni, parie kaka ating’o e chunya ayenje mag ogendini duto, 51 ayenje ma wasiki osejerogo, Yaye Jehova, ayenje ma gisejarogo okang’ kokang’ mar jatichni mowir. 52 Opak Jehova nyaka chieng’! Amin kendo Amin.
Lamo Mar Musa Ng’at Nyasaye
1 Yaye Jehova, isebedo kar dak marwa nyaka nene e tienge duto. 2 Kane pok gode obetie kata kane pok ichueyo piny gi ji modak e iye, to isebedo ka in Nyasaye nyaka nene kendo manyaka chieng’. 3 Idwoko dhano e lo, kiwacho ni, "Doguru e lo un koth dhano." 4 Nimar higni alufu achiel e nyimi chalo gi odiechieng’ manyoro mosekalo, kata gi saa mar otieno. 5 Iywoyo dhano ilalgo nono ka nindo mar tho terogi; gichalo gi lum mang’ich mar okinyi- 6 ma kata obedo ni loth ka ng’ich gokinyi to godhiambo to ner kendo two. 7 Mirimbi tiekowa kendo kecho mikechogo kodwa bwogowa. 8 Iseketo richowa e nyimi, ee, richowa mwatimo ling’ling’ ineno seche tee. 9 Ndalowa kadho piyo nikech mirimbi; hikwa rumo piyo gi chir. 10 Ndalowa en piero abiriyo kata piero aboro, ka ringrewa otegno; to kata kamano ndalogo duto opong’ gi chandruok kod kuyo, nimar gikalo piyo, kendo gilal nono. 11 En ng’a mong’eyo teko mar mirimbi? Nimar gero mari nigi teko machalo gi teko ma luori kelo. 12 Omiyo puonjwa kwano ndalow a kare, mondo wabed gi chuny mariek. 13 Ibiro siko kikecho nyaka karang’o, Yaye Jehova? Lokri, kech jatichni. 14 Romwa gokinyi gi herani maok rem, mondo wawer gi ilo kendo wabed mamor ndalowa duto. 15 Mi wabed mamor aming’a mana kaka isemiyo waneno malit, marom gi higni ma wasenene chandruok. 16 Mad tijeni nere gi jotichni, mad duong’ni nyisre ne nyithindi. 17 Mad ng’wono mar Ruoth Nyasachwa obed kodwa; yie igurnwa tich mar lwetwa- ee gurnwa tich mar lwetwa.
1 Ng’at modak ei kar pondo mar Jal Man Malo Mogik biro yudo yueyo e bwo tipo mar Nyasaye Manyalo Gik Moko Duto. 2 Ng’at ma kamano nyalo wacho kuom Jehova ni, "En e kar pondona kendo en e ohingana, en e Nyasacha ma ageno kuome." 3 Jehova biro resi adier kuom gik mochikigo mondo ohinyi kendo kuom tuoche maricho maneko. 4 Obiro umi gi buombene, kendo ibiro yudo konyruok e bwo buombene; adierane biro bedoni ka okumba kendo ka siro. 5 Ok iniluor masira mar otieno, kata asere machielore godiechieng’, 6 kata tuoche maricho maneko mang’anjo e mudho, kata tho matieko ngima ji e dier odiechieng’ tir. 7 Ji alufu achiel nyalo podho e bathi, ee, ji alufu apar nyalo riere e badi ko rachwich to in onge moro ma nochop buti. 8 Ining’igi ang’iya gi wengeni kendo inine kikumo joma timbegi richo. 9 Ka iketo Jal Man malo Mogik kar dakni, adier, kiketo Jehova ma en kar pondowa obedo kar konyruok mari, 10 to onge gimoro amora marach ma notimreni, onge masira ma nosud machiegni gi odi. 11 Nimar enochik malaikege konyisogi wachni mondo giriti e yoreni duto; 12 giniting’i malo e lwetgi, mondo kik ichwany tiendi e kidi. 13 Ininyon sibuor gi thuond fu; adier i n i n yon sibuor maratego gi thuol maduong’ man-gi kwiri marach. 14 Jehova wacho ni, "Abiro rese nikech ohera; abiro rite nikech ohulo nyinga. 15 E n o l u o n ga, kendo anaduoke; a n abed kode e chandruok, adier, anakonye kendo anamiye duong’. 16 Anami odag aming’a kendo ananyise warruokna."
Zaburi. Wer. Mar Chieng’ Sabato
1 Pako Jehova en gima ber kendo wero wende mapako nyingi bende ber, Yaye Jal Man Malo Mogik, 2 hulo herani gokinyi kod adierani gotieno, 3 kindito wer gi nyatiti matin ma tondege aboro ka wer ridore gi nyatiti maduong’ ber adier. 4 Nimar timbeni miya mor, Yaye Jehova; awer gi mor nikech tije ma lweteni otimo. 5 Mano kaka tijeni dongo, Yaye Jehova, mano kaka pachi tut miwuoro! 6 Ng’ama oming’ ok nyal ng’eyo, joma ofuwo ok winj tiend wachno, 7 ni kata obedo ni joma timbegi richo nyalo loth kaka lum kendo joma timo richo nyalo dhi maber, to ibiro tiekgi chuth nyaka chieng’. 8 To in, Yaye Jehova, ibiro siko kimiyi duong’ nyaka chieng’. 9 Nikech ka kuom adier, Yaye Jehova, ka kuom adier to wasiki duto biro lal nono; joma timo richo duto ibiro ke mel. 10 Isemiyo tungena odoko ma roboche ka tunge ruadh bungu; oseol kuoma modhi maliw. 11 Aseneno gi wengena ka iloyo wasika kendo asewinjo gi itena ka joma oramona ma timbegi richo itieko. 12 Joma kare biro loth maber ka yiend othith, gibiro dongo ka yiend sida mar Lebanon; 13 nikech opidhgi e od Jehova, gibiro loth e agolni mag Nyasachwa. 14 Kata hikgi oniang’ to pod gininyag mana olemo, kendo ginisik ka ginyien kendo ging’ich, 15 ka gilando ni, "Jehova oriere tir; en e lwandana, kendo onge richo moro amora kuome.
1 Jehova olocho kendo orwakore gi duong’, Jehova orwakore gi duong’ kendo omanore gi teko. Piny ochung’ mongirore; onge ng’ama nyalo yienge. 2 Lochni nogur chon gi lala; ionge chakruokni kata gikoni. 3 Nembe ting’ore malo, Yaye Jehova, nembe dhuolore malo ka giwuo; nembe ting’ore ka apaka gore matek. 4 Jehova nigi teko maduong’ moloyo mor mar pige maroteke, en gi teko maduong’ moloyo apaka ma tekregi ng’eny, adier Jehova man malo nigi teko maduong’. 5 Bucheni ochung’ mongirore; kendo ler opong’o odi nyaka chieng’, Yaye Jehova.
1 Yaye Jehova Nyasaye ma jachul kuor, Yaye Nyasaye ma jachul kuor, nyis lerni. 2 Aa malo, Yaye Jang’ad bura mar piny; chul josunga gima owinjore kodgi. 3 Yaye Jehova, nyaka karang’o ma joma timbegi richo, nyaka karang’o ma joma timbegi richo biro goyo siboi? 4 Gidiro weche mag wichteko; joma timbegi richo duto opong’ gi sunga. 5 Gikidho jogi, Yaye Jehova; gidiyo girkeni mari. 6 Ginego chi liel gi jadak; gideyo ng’ama onge gi wuon. 7 Giwacho ni, "Jehova ok ne; Nyasach Jakobo ok dew gik mwatimo." 8 To winjuru, un joma oming’ e dier ji; un joma ofuwogi, ubiro bedo mariek karang’o? 9 Donge ng’ama nochomo it winjo wach? Donge ng’at ma noloso wang’ neno? 10 Donge ng’at ma rieyo ogendini kumo ji? Be ng’at ma puonjo dhano dibed maonge rieko? 11 Jehova ong’eyo gik ma dhano paro; ong’eyo ni gin nono. 12 Oguedh ng’at mikumo, Yaye Jehova, ma en ng’ama ipuonjo koa e chikeni; 13 imiyo ng’ama kamano resruok e ndalo chandruok, nyaka chop kuny bur ne joma richo. 14 Nimar Jehova ok bi dagi joge; ok obi jwang’o girkeni mare. 15 Yor adiera biro yudore kendo ne joma kare, kendo joma oriere gie chunygi biro luwe. 16 En ng’a mabiro radona gi joma timb egi richo? Ng’ano mabiro chwaka kakedo gi joma timo richo? 17 Ka dine Jehova ok omiya kony, to dikoro asedhi dak e piny ma ji oling’e thi. 18 Kane awacho ni, "Tienda kier"to herani nojola, Yaye Jehova. 19 Ka achiedh nade nopong’o chunya, to hochni noduogo mor e ngimana. 20 Sirkal marach be inyalo riworigo adier, loch mamiyo ji chandore malit nikech chikene maricho? 21 Ginywako ne joma kare kendo ging’adone joma onge ketho buch tho. 22 To Jehova osebedo ohingana, kendo Nyasacha en lwanda ma aponde. 23 Obiro chulogi nikech richogi kendo obiro tiekogi nikech timbegi maricho; Jehova Nyasachwa biro tiekogi.
1 Biuru wawer gimor ne Jehova; wagouru koko matek ne lwanda mar warruokwa. 2 Wabiuru e nyime gi erokamano kendo wami nyinge duong’ ka wawer kendo wakok gi mor. 3 Nimar Jehova e Nyasaye maduong’, en e Ruoth maduong’ moloyo nyiseche duto. 4 Oting’o kuonde matut duto mag piny e lwete, kendo wi gode maroboche bende mage. 5 Nam mare, nimar en ema nolose, kendo lwetene ema noloso lo motuo. 6 Biuru wakulrene ka walame, biuru wago chongwa e nyim Jehova ma Jachwechwa; 7 nimar en e Nyasachwa kendo wan e joge mokwayo, wan e jambe morito. Kawuono ka uwinjo dwonde, 8 to kik chunyu dok matek kaka ne utimo Meriba, kata kaka ne utimo chieng’ cha Massa manie thim, 9 kama wuoneu notemoae kendo oyaloe, kata obedo ni ne giseneno gima ne atimo. 10 Kuom higni piero ang’wen iya nowang’ gi tieng’no; kendo nawacho ni, "Gin joma chunygi ohero ruenyo, kendo pok ging’eyo yorena." 11 Emomiyo mirima nomaka kodgi mine akuong’ora ka aramo ni, "Ok ginidonji e yueyona ngang’."
1 Weruru wer manyien ne Jehova; piny duto mondo ower ne Jehova. 2 Weruru ne Jehova, pakuru nyinge; nyisuru ji kuom warruokne odiechieng’ kodiechieng’. 3 Huluru duong’ne e dier ogendini, landuru tijene miwuoro ne ji duto. 4 Nimar Jehova duong’ kendo owinjore gi pak; onego oluore moloyo nyiseche duto. 5 Nikech nysiseche duto mag ogendini gin mana gik ma dhano oloso to Jehova ema nochueyo polo gi piny. 6 Luor gi duong’ oume; nyalo gi long’o nie ode maler. 7 Un dhoudi mag ogendni, miuru Jehova, miuru Jehova duong’ gi teko. 8 Miuru Jehova duong’ mowinjore gi nyinge; kelneuru mich kendo biuru e laru mage. 9 Lamuru Jehova kaka Ng’ama Ler man-gi duong’ mang’ongo; beduru maluor ahinya e nyime, un piny duto. 10 Wachuru e dier ogendini ni, "Jehova olocho." Piny ochung’ mongirore, ok nyal yienge; obiro ng’ado ne ji bura maonge dewo wang’. 11 Polo mondo obed moil, piny mondo obed mamor; nam mondo owuo kaachiel gi gik moko duto manie iye; 12 pewe mondo okog gi mor, kod gik moko duto manie igi. Eka yiende duto manie bungu nower gi mor; 13 giniwer e nyim Jehova, nimar obiro, obiro mondo ong’ad ne piny bura. Obiro ng’ado ne piny bura e yo makare, ee, obiro yalo ji gi adierane.
1 Jehova olocho piny mondo obed mamor; dho nembe man mabor mondo obed moil. 2 Boche polo gi mudho mandiwa oume; tim makare gi adiera e mise mar lochne. 3 Mach liel e nyime kendo wang’o wasike e alworane duto. 4 Mil polo mare menyo piny; piny neno kendo yiengni. 5 Gode leny nono ka odok e nyim Jehova, gileny nono e nyim Ruoth piny duto. 6 Polo hulo timne makare, kendo ji duto neno duong’ne. 7 Ji duto ma lamo gik mokedi wigi okuot; jogo gin joma sungore kuom nyiseche mopa- nyiseche duto mondo olame! 8 Sayun nowinjo wachno mi obedo moil, miech Juda bende nobedo mamor nikech bucheni, Yaye Jehova. 9 Nimar in e Jal Man Malo Mogik moloyo piny duto, Yaye Jehova; iduong’ kendo iyombo nyiseche mamoko duto mabor. 10 Joma ohero Nyasaye mondo osin gi gik maricho nimar orito ngima joge ma joadiera kendo oresogi e lwet joma richo. 11 Joma kare imenyonegi ler; joma oriere gie chunygi imiyo mor. 12 Moruru kuom Jehova un joma kare, kendo pakuru nyinge maler.
Zaburi
1 Weruru ne Jehova wer manyien, nimar osetimo gik miwuoro; lwet e korachwich gi bade maler osekelone warruok. 2 Jehova osemiyo warruokne ong’ere kendo osefwe n yone ogendiini timne makare. 3 Oseparo herane kod adierane ne dhood Israel; kuonde duto ma piny ogikie oseneno warruok mar jawarwa. 4 Gouru koko gi mor, un piny duto, bukreuru gi wer mamor kuwer gi duol mamit; 5 weruru mamit ne Jehova kugoyo nyatiti; werneuru mamit kugoyo nyatiti gi dwond wer molungi, 6 werneuru gi turumbete kod tung im maywak matek- koguru gi mor e nyim Jehova ma Ruoth. 7 Nam mondo owuo, kaachiel gi gik moko duto manie iye, kod piny duto, gi ji duto modak e iye. 8 Aoche mondo opam lwetgi, gode mondo ower kaachiel ka gimor; 9 onego giwer e nyim Jehova, nimar obiro mondo ong’ad bura ne piny. Obiro ng’ado bura ne piny e yo makare kendo obiro yalo ji maonge dew o wang’.
Mar Daudi. Zaburi
1 Jehova olocho, ogendini mondo okirni; obetekom lochne e kind kerubi, piny mondo oyiengni. 2 Jehova duong’ miwuoro e Sayun; oting’e malo moyombo ogendini duto. 3 Owinjore gipak nyingi maduong’ kendo miwuoro- nyinge ler. 4 Ruoth nyalo, ohero bura makarei sechungo adiera; isetimo ne joka Jakobo gima adier kendo makare. 5 Dhialuru Jehova Nyasachwa kendo lameuru e tie kome mobetie nikech oler. 6 Musa gi Harun ne gin jodolo mage e dier jodolo mamoko, Samuel ne en achiel kuom joma ne luongo nyinge; ne giluongo Jehova kendo noduokogi. 7 Ne owuoyo kodgi e siro mar bor polo; ne girito chikene gi buche mane omiyogi. 8 Yaye Jehova Nyasachwa, ne iduokogi; ne in Nyasaye ma weyo richo ne jo Israel, kata obedo ni ne ikumo timbegi mobam. 9 Dhialuru Jehova Nyasachwa kendo lamuru e gode maler, nimar Jehova Nyasachwa ler.
Zaburi Mar Goyo Erokamano
1 Gouru koko gi mor ne Jehova, un piny duto. 2 Lamuru Jehova ka umor; biuru e nyime kuwero wende mamor. 3 Ng’euru ni Jehova en Nyasaye. En ema nochueyowa, kendo wan mage; wan jog e, kendo wan rombeg e mokuayo. 4 Donjuru e rangeyene kugoyo erokamano kod laru mage kupake. Goneuru erokamano kendo pakuru nyinge. 5 Nimar Jehova ber kendo herane osiko nyaka chieng’; adierane ochwere e tienge duto.
1 Abiro wer nikech herani gi berni; in ema abiro weroni wend pak, Yaye Jehova. 2 Abiro neno ni aritora mondo ngimana obed malong’o chuth- ibiro biro ira karang’o? Abiro dak e oda gi chuny malong’o chuth. 3 Ok abi yie neno gimoro amora mochido gi wengena. 4 Achayo timbe joma chunygi richo; gik maricho ok adwar winjo kata gi ita. 5 Ng’ato ang’ata makuodho nyawadgi ling’ling’ abiro kwero mi ling’; ng’ato ang’ata ma wang’e tek kendo ma sungore gie chunye, ok anyal betgo aming’a. 6 Joma beyo ema abiro keto wengena kuomgi; gin ema abiro yie dak kodgi; ng’at ma wuodhe oriere tir ema biro tiyona. 7 Ok abi yiene ng’ama ohero miriambo mondo odag e oda; ng’at moro amora mawacho miriambo ok nochung’ e nyima. 8 Okinyi kokinyi abiro tieko joma timbegi richo modak e piny. Abiro nego ng’ato ang’ata matimo richo ka agologi e dala mar Jehova.
Lamo Mar Ng’at Mawinjo Marach. Sama Chunye Ool Kendo Oketo Pekne E Nyim Jehova.
1 Winj lamona, Yaye Jehova; yie irwak lamona ma akwayigo kony. 2 Kik ipandna wang’i sama chunya lit. Chikna iti; ka aluongi to duoka mapiyo. 3 Nimar ndalona rumo piyo ka iro; chokena rewni ka kit kendo maliet. 4 Chunya orewore kendo oner ka lum; wiya wil kodaka gi chamo chiemba. 5 Chur ma achurgo matek omiyo adhero alokora choke lilo. 6 Achalo gi tula mar bungu, achalo gi tula modak e gunda. 7 Asiko aneno anena, achalo gi winyo man kende ewi osuri. 8 Odiechieng’ duto wasika kinya ka gijara; joma dhawna konyore gi nyinga kaka gir kuong’ruok. 9 Nimar achamo buch kendo kaka chiemba kendo ariwo mathna gi pi wang’a 10 nikech mirimbi maduong’, nimar isekawa mi iwita gichien. 11 Ndalona chalo gi tipo modhiambo; aner adwa two ka lum. 12 Into ibetekomlochni nyaka chieng’, Yaye Jehova; humbi osiko e tienge duto. 13 Ibiro aa malo mi ikech Sayun, nimar saa osechopo monego ong’wonnee; saa mochanne osechopo. 14 Nimar kitege beyo gilala ne jotichni, kata mana buru madum kuome miyo ji keche. 15 Ogendini biro luoro nying Jehova, ruodhi duto mag piny biro luoro duong’ni. 16 Nimar Jehova biro gero Sayun kendo kendo obiro thinyore e lela e duong’ne. 17 Obiro dwoko lamo mar ng’ama ok nyal kendo ok obi chayo lamogi. 18 Wachni mondo ondik piny ne tieng’ mabiro, mondo joma pok onyuol opak Jehova: 19 "Jehova nong’iyo piny gie kar dakne maler man malo, nong’iyo piny gie polo, 20 mondo owinj ywak joma otwe kendo ogony joma ong’adnegi buch tho." 21 Kuom mano nying Jehova ibiro hul e Sayun, ibiro pake e Jerusalem 22 ka joma odak e pinje ruodhi ochokore mondo olam Jehova. 23 Ka noyudo ngimana dhi maber to nomiyo tekona odok chien kendo nong’ado ngimana odoko machiek. 24 Omiyo ne awacho ni;"Kik ikaw ngimana, Yaye Nyasacha, kapod an e chuny ngima; to into isiko ingima nyaka tienge duto. 25 Ne iketo mise mag piny kar chakruok, kendo polo bende gin tij lweti. 26 Gin gibiro lal nono to into isiko nyaka chieng’; gibiro ti ka nanga. Ibiro lokogi kaka iloko law kendo ibiro witgi. 27 Into isiko ichalri, kendo hiki ok rum. 28 Nyithind jotichni biro dak buti machiegni; nyikwagi nodhi maber e nyimi.’
Mar Daudi
1 Pak Jehova, Yaye chunya; dhanda maiye duto mondo opak nyinge maler. 2 Pak Jehova, Yaye chunya, kendo kik wiyi wil gi konyruok mochiwo- 3 en ema oweyoni richoni duto kendo ochango tuocheni duto, 4 oreso ngimani kogolo e bur matut kendo osidhi gi hera kod kech, 5 oromo chunyi gi gik mabeyo momiyo tinni osiko nyien ka mar ongo. 6 Jehova timo gik makare kendo otimo maber ne joma isando duto. 7 Nonyiso Musa yorene, noyango ne jo Israel timbene. 8 Jehova kecho ji kendo ong’uon, iye ok wang’ piyo kendo opong’ gi ng’uono. 9 Ok osik komanyo ketho kuom ji, bende ok okan mirimbe nyaka chieng’; 10 ok otimnwa mowinjore gi richowa bende ok ochulwa kaluwore gi kethowa. 11 Nimar mana kaka polo ni malo moyombo piny e kaka herane duong’ ne joma oluore; 12 mana kaka wuok chieng’ bor gi podho chieng’, e kaka osep ogow a mabor gi kethowa. 13 Mana kaka wuoro kecho nyithinde e kaka Jehova kecho joma oluore; 14 nimar ong’eyo kaka ochue w a, ong’eyo e pache ni wan mana buch lo. 15 Dhano to ndalone chalo gi lum, oloth piyo ka mafua mopidhi; 16 to ka yamo okudhe matin nono to kare orumo kendo ok chak pare. 17 Hera ma Jehova oherogo joma oluore to osiko nyaka chieng’ manyaka chieng’ kendo osiko otimo maber ne nyithind nyithindgi- 18 ma gin joma orito singruokne kendo jogo maparo mondo orit chikene. 19 Jehova osechungo lochne e polo kendo lochne orito ji duto. 20 Pakuru Jehova, un malaikege, un joge maroteke matimo kaka odwaro kendo matimo kaka owacho. 21 Pakuru Jehova, un oganda ne maduong’ manie polo, un jotichne matimo dwarone. 22 Pakuru Jehova, un gik moko duto mochueyo, manie bwo lochne kuonde duto. Pak Jehova, Yaye chunya.
1 Pak Jehova, Yaye chunya. Yaye Jehova Nyasacha, mano kaka iduong’, irwakori gi luor kod duong’. 2 Oumore gi ler mana kaka nanga; oyaro polo mana kaka hema 3 kendo ogero ode moluore aluora e wi pi. Oidho boche polo kaka gache mar lweny kendo yamo e ndike moriembo. 4 Ooro yamo kaka jootene, kendo mach maliel mager e jotichne. 5 Iseguro piny e mise mage; maok onyal yiengni kata matin 6 Ne iume gi kut mana kaka nanga mi pige obiwore moyombo gode. 7 To kane ikwero pigego to ne gileny nono, kane giwinji kimor to ne giwalore gia; 8 ne gimol ewi gode, ka giridore gidhi e holni, kuonde mane ochan negi. 9 Ne iketonegi tong’ maok ginyal kadho; mondo kik gichak giim piny kendo. 10 Jehova miyo sokni olo pi e bugni ka gimol e kind gode. 11 Gichiwo pi ne le mag bungu duto; kanyna mag bungu tieko riyo ma gingo. 12 Winy mahuyo e kor polo ogero utegi e bath pigego, kendo giwer e wi yiende. 13 Omiyo koth chue e wi gode koa e dalane manie polo; piny nyago olembe moromo nikech tijene. 14 Omiyo lum loth ne jamni, kod cham ma dhano doyo mamiyo chiemo bet e piny; 15 kaachiel gi divai mamoro chuny dhano, gi mo mamiyo lenda wang’e leny kod makati molerogo chunye. 16 Yiende Jehova yudo pi moromogi, yiendego gin sida mag Lebanon mane opidho. 17 Winy gero utegi e bedegi, winj nyamnaha nigi ode ewi yiende mag obudo. 18 Diek mag bungu odake go d e mab oyo, to lwendni morokore gin kuonde buok mag apwoche. 19 Dwe pogo kinde mag chwiri gi kinde mag opon kendo wang’ chieng’ ong’eyo saa monego opodhie. 20 Ikelo mudho mi piny lolkre otieno, kendo le mag bungu duto lak oko. 21 Sibuoche ruto ka gimanyo chiemo; gimanyo chiembgi kuom Jehova. 22 To ka chieng’ wuok to gidok e bungu; gidok kendo ginindo e gondegi. 23 Eka dhano wuok oko chako tijene, kendo nyagore gi tich nyaka odhiambo. 24 Mano kaka gik michueyo ng’eny, Yaye Jehova! Ne ichueyogi duto gi rieko miwuoro; piny opong’ gi gik michueyo. 25 Isechueyo nam maduong’ kendo malach’ mopong’ gi le mamol mathoth mokalo akwana- gik mangima madongo gi matindo. 26 Kuno ema mende kwang’ie koni gi koni, kendo ondieg nam mane ichueyo miluongo ni Leviathan tuge. 27 In ema gigo duto ng’iyi mondo imigi chiembgi e kinde mowinjore. 28 Ka imiyogi chiemo, to gichamo; ka iyawonegi lweti, to giyieng’ gi gik mabeyo; 29 ka ipando wang’i, to githagore; ka igolo muchi kuomgi, to githo kendo gidok e lowo. 30 Ka ioro Roho mari, to gibedo mangima; kendo imiyo piny bedo gi ngima manyien. 31 Mad duong’ mar Jehova sik nyaka chieng’; mad Jehova bed mamor gi gik mane ochueyo- 32 En ma kong’iyo piny to piny yiengni, kendo komulo gode to gode dhuolo iro. 33 Abiro wer ne Jehova e ngimana duto, adier, abiro wero wende pak ne Nyasacha e kinde duto mapod angima. 34 Mad gik ma aparo e chunya omiye mor, seche duto ma amor kuom Jehova. 35 Joricho to owinjore orum e piny; joma timbegi richo ok onego obedie piny kata achiel. Pak Jehova, Yaye chunya. Haleluya!
1 Gouru erokamano ne Jehova, lameuru kuluongo nyinge; miuru ogendini ong’e gik mosetimo. 2 Werneuru, werneuru wende pak; nyisuru kuom tijene duto miwuoro. 3 Nyinge maler nigi duong’; chunje joma manyo Jehova mondo obed moil. 4 Ranguru Jehova kod tekre; manyuru wang’e kinde duto. 5 Paruru gik miwuoro mosetimo, honni mage kod buche moseng’ado, 6 Yaye koth Ibrahim jatichne, Yaye yawuot Jakobo joge moyiero. 7 En e Jehova Nyasachwa; buchene nie piny duto. 8 Oparo winjruokne motimo gi joge nyaka chieng’, kod wach mane ochiko e tienge tara, 9 winjruok mane otimo gi Ibrahim, gi Muma mane okuong’orego gi Isaka. 10 Ne ogure ne Jakobo kaka gima ok kethre, ee, ne Israel kaka winjru ok mosiko, kowacho ni, 11 "Anamiyi piny Kanan kaka girkeni ma kori." 12 Kane pod gin ji matin nono, ee, kane pod ginok ruok kendo ne pod gin welo e iye, 13 ne gibayo e piny ka piny, e pinyruoth ka pinyruoth. 14 To ne ok oyie mondo ng’ato ochandgi; nikech gin, nokwero ruodhi, kowacho ni, 15 "Kik umul joga ma awiro; kik utim gimoro amora marach ne jonabi maga. 16 Ne okelo kech e piny kendo noketho yore duto mane giyudogo chiemo; 17 kendo nooro ng’ato otelone g i, ng’atno ne en Joseph mane oloki kaka misumba. 18 Ne giridho tiendene gi arungu mochuoye chuma, kendo ne giridho ng’ute gi chumbe, 19 nyaka nochopo kinde ma gik mane okoro notimoree, nyaka wach Jehova nochopo kare. 20 Ruodh Misri nooro wach mi nogonye, jatend ji nogonye thuolo. 21 Nokete ruodh ode, ma norito gik moko duto mane en-go, 22 mondo en ema ne otieg jotende kaka ohero kendo opuonj jodonge rieko. 23 Bang’e Israel duto nobiro Misri; Jakobo nodoko jadak e piny Ham. 24 Jehova nomiyo joge onya ahinya; nomiyo gibedo mathoth ma wasikgi ne ok nyal nyalogi, 25 wasikgi ma noloko chunygi mondo ocha joge, kendo mondo oram mar timone jotichne marach. 26 Nooro Musa jatichne, gi Harun, jal mane oseyiero. 27 Ne gitimo ranyisi mag honni e diergi, ee, ne gitimo timbene miwuoro e piny Ham. 28 Nooro mudho mi nomiyo piny olil ti- nimar donge ne giseng’anyo ne wechene? 29 Noloko pigegi remo, mi nomiyo rechgi otho. 30 Ogwende nosieko mopong’o pinygi, kendo ne gidonjo nyaka ei ute nindo mag ruodhigi. 31 Nowuoyo, mi pumbi mag lwang’ni nosieko, kendo kikun nopong’o pinygi. 32 Nomiyo kodhgi olokore pe kendo mil polo nokwako pinygi; 33 nogoyo yiendegi mag mzabibu gi ng’owu piny kendo nolwero yiende mane nie pinygi. 34 Nowuoyo, mi bonyo nosieko, det bonyo mokalo akwana; 35 ne gichamo gimoro amora mane loth e pinygi koda ka chambgi mane gipidho e puothegi. 36 Bang’e nonego nyithindo makayo duto mane nie pinygi, kodhi mokuongo duto mane gihango nyuolo. 37 Nogolo Israel, kogangore gi fedha kod dhahabu, kendo onge ng’ama nodong’ chien kuom dhout Israel duto. 38 Misri ne mor kane giwuok nikech mbi mar jo Israel nosegore kuomgi. 39 Noumogi gi boche polo kaka raum, kendo mach nochiwonegi ler gotieno. 40 Kane gikwaye, to nokelonegi awendo kendo noyieng’ogi gi makati mar polo. 41 Noyawo lwanda, mi pi nowuok gi teko; kendo pigno nomol ka aora mamol e piny motwo. 42 Nimar noparo singruokne maler mane omiyo Ibrahim jatichne. 43 Nogolo joge gi ilo, adier, nomiyo joge moyier owuok ka kok gi mor; 44 nomiyogi pinje mag ogendini, kendo gik ma jomoko nono nochandore ka loso nodoko girkeni magi- 45 mondo gilu yorene kendo girit chikene. Haleluya!
1 Haleluya! Gouru erokamano ne Jehova, nimar ober; herane osiko nyaka chieng’. 2 En ng’a manyalo hulo gik madongo ma Jehova osetimo kata manyalo nyiso pakne duto? 3 Ogwedh joma osiko koluwo adiera, joma osiko katimo gima kare. 4 An bende parae, Yaye Jehova, parae ka itimo ng’wono ne jogi, bi ikonya ka iresogi, 5 mondo an bende awinjie maber gi mwandu mimiyo jogi miyiero, mondo ayudie mor mar ogandani kendo amiyi duong’ kaachiel gi girkeni mari. 6 Wasetimo richo mana kaka kwerewa bende notimo; wasetimo marach kendo wasetimo gik mamono. 7 Kane kwe r ewa ni Misri, ne ok giparo matut kuom honni magi; bende ne wigi owil gi kechni mathoth, ne ging’anyoni e dho nam, ma en Nam Makwar. 8 Kata kamano noresogi nikech nyinge, mondo omi tekone maduong’ ong’ere. 9 Nokwero Nam Makwar, mi Nam Makwar notwo; kendo nomiyo gikalo kama tut mana kagima ne giwuotho kama otwo. 10 Noresogi e lwet joma ne kedo kodgi, adier, nowarogi e lwet wasigu. 11 Pi noimo wasikgi; ma kata achiel kuomgi ne ok otony. 12 Eka ne giyie gi singruok mag e kendo ne gipake gi wer. 13 To maok odeko wigi nowil gi gik mane osetimo kendo ne ok girite mondo ong’adnegi rieko. 14 Wuoro mokalo tong’ nomakogi e thim, kendo ne gitemo Nyasaye e piny motwo. 15 Omiyo ne omiyogi gima ne gidwaro, to kata kamano nooronegi tuo machiyo del. 16 Nyiego nomakogi gi Musa e kambi, kendo gi Harun, jatich mowal ne Jehova. 17 Piny ne oyawore mi nomuonyo Dothan; piny noiko oganda joka Abiram. 18 Mach nomuoch kuom joma ne luwogi mach maliel mager nowang’o joma timbegi richogo motiekogi pep. 19 Ne giloso nyaroya Horeb, mi ne gilamo kido molos gi chuma. 20 Ne giwilo Duong’ margi gi kido mar ruath machamo lum. 21 Wigi nowil gi Nyasaye mane oresogi, Nyasaye mane osetimo gik madongo e piny Misri, 22 Nyasaye mane osetimo honni e piny Ham kod timbe miwuoro e dho Nam Makwar. 23 Emomiyo nowacho ni nobiro tiekogi- ka dine Musa, ng’ate moyiero, we chung’ ka ywagore e nyime mondo ogeng’ mirimbe kik otiekgi. 24 Bang’e ne gichayo pinye ma jabber; nikech ne ok giyie singruokne ni en adier. 25 Ne ging’ur ei hembegi kendo ne ok gitimo gik ma Jehova nochikogi. 26 Emomiyo ne osingo renegi kosiemogi gi lwete ni ne obiro miyo gipodhi e thim, 27 nonyisogi ni ne obiro miyo nyikwagi podhi e kind ogendini, kendo ni ne obiro keyogi e pinje duto. 28 Ne giriwore kaachiel e lamo Baal mar jo Peor, kendo ne gichamo chiemo michiwo ne nyiseche motho; 29 omiyo ne giwang’o i Jehova gi timb egi marichogo, mi tuo marach manego ji mang’eny dichiel nogore kuomgi. 30 Kata kamano Finehas nochung’ kargi kendo noywagore ne Nyasaye, mi tuo marachno ne ok otiekogi. 31 Nyasaye nokwane kaka ng’ama kare nikech timneno, kendo ibiro kwane kamano nyaka tienge mabiro. 32 Ne giwang’o i Jehova, e dho sokni mag Meriba, mi timgino nokelone Musa chandruok; 33 nimar ne giketho chunye mi weche maricho nowuok e dhoge. 34 Ne ok gitieko ogendini chuth kaka Jehova nosechikogi, 35 to ne giriwore kodgi kendo ne giluwo timbegi. 36 Ne gilamo kido mag nyisechegi, ma bang’e nolokorenegi obadho. 37 Ne gichiwo yawuotgi gi nyigi kaka misango, kendo ne gichiwogi ne jochiende. 38 Ne gichuero remo maonge ketho, remb yawuotgi gi nyigi, mane gichiwo kaka misango ne kido mag nyiseche mag Kanan, mi piny nogak nikech rembgi. 39 Ne gidoko mogak nikech gik mane gitimo; ne gibedo joma odwanyore nikech timbegigo. 40 Emomiyo Jehova nokecho gi joge kendo chunye noa kuom girkeni mare. 41 Nochiwogi e lwet ogendini, mi ne gibet e bwo loch joma ne mon kodgi. 42 Wasikgi nothirogi kendo ne giketogi e bwo tekogi. 43 Ne oresogi dimang’eny to kata kamano joge noketo chunygi ne ng’anyo mi richogi nochiwogi mi girumo. 44 Kata kamano nokechogi e chandruokgi kane owinjo ywakgi; 45 nikech noparo mumbe mane otimo kodgi kendo noloko chunye nikech herane maduong’. 46 Nochuno ji duto mane oketogi wasumbni mondo okechgi. 47 Re swa, Yaye Jehova Nyasachwa, kendo chokwa igolwa e dier ogendni, mondo wago erokamano ne nyingi maler kendo wabed mamor ka wapaki. 48 Pakuru Jehova, ma Nyasach Israel, nyaka chieng’ kendo nyaka chieng’. Ji duto mondo owach ni, "Amin!" Haleluya.
1 Gouru erokamano ne Jehova, nimar ober; herane osiko nyaka chieng’. 2 Joma owar mag Jehova mondo owach kama- joma ne owaro e lwet jasigu, 3 mane ochoko kogolo e pinje, kochakore wuok chieng’ gi podho chieng’, nyaka nyandwat gi milambo. 4 Joge moko nobayo ab aya e thim motwo nikech ne gionge yo mar chopo e dala mane ginyalo dakie gi kuwe. 5 Ne gidenyo kendo riyo noloyogi, mi chunygi noa. 6 Eka ne giywak ne Jehova mondo okonygi e chandruokgino mi nogologi e pekgino. 7 Ne otelonegi e yo moriere tir, nyaka ne gichopo e dala, mane ginyalo dakie. 8 Onego gigo ne Jehova erokamano kuom herane maok rem kendo kuom timbene miwuoro, motimo ne ji, 9 nimar otieko riyo mar joma riyo oloyo kendo omiyo joma odenyo yieng’ gi gik mabeyo. 10 Moko kuomgi nobet e mudho, kendo e tipo mar tho, ne gin joma thagore motue gi nyoroche mag chuma, 11 nimar ne ging’anyo giweyo weche Nyasaye kendo ne gichayo rieko mar Jal Man Malo Mogik. 12 Omiyo noketogi gi tich matek mohewogi mi ne gigore piny kendo onge ng’ama ne nyalo konyogi. 13 Eka ne giywak ne Jehova mondo okonygi e chandruokgino, mi noresogi e pekgino. 14 Nogologi e mudho kendo e tipo mar tho kendo noturo nyoroche mane otuegigo. 15 Onego gigo ne Jehova erokamano kuom herane maok rem, kendo kuom timbene miwuoro motimo ne ji, 16 nimar omuko rangeye mag mula, kendo ong’ado lodi mag nyinyo. 17 Moko kuomgi nobedo joma ofuwo nikech yoregi mobam kendo ne gineno thagruok nikech timbegi mamono. 18 Dhogi ne rach maok ginyal chamo chiemo moro amora, kendo ne gichiegni tho. 19 Eka ne giywak ne Jehova mondo okonygi e chandruokgino mi noresogi e pekgino. 20 Ne ooro wachne mi nochangogi kendo noresogi e lak tho. 21 Onego gigo ne Jehova erokamano kuom herane maok rem kendo kuom timbene miwuoro motimo ne ji. 22 Onego gichiwne misango mar goyo erokamano kendo ginyis kuom gik mosetimo ka giwer gi mor. 23 Moko kuomgi nodhi kwang’ e nam gi mende; ne gin jo ohala ma yoro nembe madongo-dongo. 24 Ne gineno tije Jehova, ne gineno tijene malich miwuoro manie kude. 25 Nimar ne owuoyo, mi notugo ahiti mang’ongo ma nomiyo apaka ogingore. 26 Apaka nodirogi malo e kor yamo, kendo nonyumogi kuonde matut mogik; mi chir mane gin-go noleny nono kane ginie masira ma kamano. 27 Ne gipuore kendo gitagore ka joma omer; kendo pachgi nolalnegi. 28 Eka ne giywak ne Jehova mondo okonygi e chandruokgino mi noresogi e pekgino; 29 ne okueyo ahiti mobet mos; kendo apaka noling’ thi. 30 Ne gidoko mamor ka nam nokuwe, kendo notelonegi nyaka ne gitundo e dho wath maber, kama ne gidwaro tunde. 31 Onego gigo ne Jehova erokamano kuom herane maok rem kendo kuom timbene miwuoro motimo ne ji. 32 Onego giting’ nyinge malo e chokruok mar joge kendo gidende e buch jodongo. 33 Ne omiyo aoche olokore kuonde motwo, sokni mamol nolokore ongoro, 34 kendo lowo manyak maber nodoko lowo motimo chumbi, maonge tich nikech timbe mamono mag joma nodak kuondego. 35 To bende nomiyo piny ongo r o odoko yewni mag pi, kendo lowo motwo nolokore sokni mamol; 36 nokelo joma odenyo mondo odag kuondego, kendo ne gigero dala kama ne ginyalo dakie. 37 Ne gipuro puothe kendo ne gipidho puothe mzabibu mane ochiego cham maber; 38 ne ogwedhogi, kendo ne gidoko ji mang’eny ahinya, bende ne ok oyie mondo jambgi odog piny. 39 Bang’e achien kwan-gi nodok matin kendo ne odwokgi piny nikech sand gi masiche kod kuyo; 40 Jal ma olo mirimbe kuom ruodhi nomiyo gibayo koni gi koni e thim tangalare. 41 To jochan to noreso e thagruokgi kendo nomiyo utegi onya ka dhok. 42 Ka gima kamano otiore, to jomakare doko mamor; joma timbegi richo duto to dhogi moko. 43 Ng’ama riek mondo omak wechegi maber, kendo opar matut kuom hera maduong’ mar Jehova.
Wer. Zaburi mar Daudi
1 Chunya ochung’ mongirore, Yaye Nyasaye; abiro paki ka awerni mamit gi chunya duto. 2 Chiewuru, un nyatiti gi thum lwedo! An bende abiro romone ru piny gi wer. 3 Abiro paki e dier ogendini, Yaye Jehova, abiro werni e dier jopiny. 4 Nimar herani duong’ kendo bor moyombo polo; kendo adierani ochopo nyaka e kor polo. 5 Yud duong’, Yaye Nyasaye, yud duong’ moyombo polo, kendo mi duong’ni okwak piny duto. 6 Reswa kendo konywa gi lweti makorachwich, mondo joma ihero oyud konyruok. 7 Nyasaye osewuoyo gie kar dakne maler, osewuoyo kowacho ni, "Abiro pogo Shekem ne joga, ka alocho, kendo abiro pimonegi Holo mar Sukoth. 8 Giliad en mara, Manase bende mara, Efraim en oguta mar lweny, to Juda en oguta mar loch. 9 Moab en besenda mar luok, to Edom en kama amoe wuochena; Filistia to agoe siboi bang’ loyo lweny. 10 En ng’a mabiro tera e dala mochiel motegno? En ng’a mabiro telona nyaka Edom? 11 Donge en in, Yaye Nyasaye, donge isedagiwa kendo tinde ok idhi gi jolwenjwa mondo okednwa? 12 Yie imiwa kony mar kedo gi wasikwa, nimar kony mar dhano ok nyal gimoro. 13 Wabiro loyo lweny ka Nyasaye nikodwa, kendo obiro nyononwa wasikwa piny.
Ne Jatend Wer. Zaburi Mar Daudi.
1 Yaye Nyasaye ma apako, kik iling’, 2 nimar joma timbegi richo gi jo miriambo osemonja gi dhogi; gisewuoyo kuomwa marach gi lewgi mopiagi ne miriambo. 3 Gilwora koni gi koni gi weche mag achaya; gibuka maonge gima omiyo. 4 An aherogi to gin to gimon koda. Gitimona kamano kata obedo ni an to alemonegi. 5 Gichula rach kar ber, kod achaya kar osiep. 6 Giwacho ni, "Ket ng’at marach mondo oked kode; we jadonj ne ji mondo ochung’ kode e bura. 7 Kiyale to mi mondo oyude gi ketho, kendo kata lemo molamo onego onyis kethone. 8 Mad ng’ad ndalone dok manok; kendo mad ng’at machielo kaw tende. 9 Mad nyithinde dong’ kiye kendo chiege dong’ chi liel. 10 Mad nyithinde lokre jokwecho mabayo abaya; mad riembgi gia koda ka e miechgi mosekethore. 11 Mad jagope moro mak gige duto ma en-go kendo mad jomawelo oyak mwandu duto moseloso. 12 Onego ng’ato kik timne ng’wono kata kecho nyithinde modong’ kiye. 13 Kothe duto mondo kargi olal nono, kendo nying-gi oruchi kik bedi e tieng’ mabiro. 14 Mad Jehova sik kaparo richo mane wuonegi otimo; kendo mad richo min kik ruchi. 15 Richogi mondo osiki e nyim Jehova, eka mondo ong’ad kargi oko chuth e piny. 16 Nimar kane ongima to ne ok odewo timo ng’wono, kar timo kamano to nosando jodhier, kaachiel gi joma ochando gi joma chunygi lit; nosandogi malit nyaka ne githo. 17 Nohero kuong’o ji- to koro mad kuong’neno dogne; ne ok ohero gwedho ji- omiyo koro mad gweth bed mabor kode. 18 Ne orwako kuong’ ka nangane; mad kuong’no koro donji e dende ka pi, mad gibud chokene ka mo. 19 Mad ochal nanga moumogo dende duto, kata kamba motweyego nyaka chieng’. 20 Mano ema mondo obed chudo, ma Jehova chulo joma donjona; mano e kaka onego otim ne joma wuoyo marach kuoma." 21 To in, Yaye Ruoth Nyasaye, timna maber nikech nyingi; konya nikech ber mar herani. 22 Nimar adhier kendo achando, kendo chunya winjo marach e iya. 23 Ndalona rumo mos mos ka tipo mar odhiambo kendo yamo uka ka det bonyo. 24 Chongena onyosore nikech onge gima acham, kendo adhero aloko ra choke lilo. 25 Alokora gima ijaro ne joma donjona; ka ginena to gitwenyona umgi ka gigoyona siboi. 26 Konya, Yaye Jehova Nyasacha, resa kaluwore gi herani. 27 Mi mondo ging’e ni achal kama nikech lweti, mi ging’e ni lweti ema osetime, Yaye Jehova. 28 Gin ginyalo kuong’a to ang’eyo ni in ibiro gwedha; ka gimonja to ibiro kuodo wigi, to jatichni to biro bedo mamor. 29 Wichkuot maduong’ biro mako joma donjona kendo gibiro rwako wichkuot ka kandho. 30 Abiro dhialo Jehova malich gi dhoga; abiro pake e dier oganda maduong’. 31 Nimar ochung’ e bat korachwich mar ng’at mochando, mondo ores ngimane kuom joma ng’adone buch tho.
Zaburi Mar Daudi
1 Jehova nowacho ne Ruodha kama: "Bed e bada korachwich nyaka chop aket wasiki obed situl miyieye tiendeni." 2 Jehova biro yaro lochni chakre Sayun; ibiro bedo gi loch e dier wasiki. 3 Jo kedo magi biro bedo gi chuny moikore; gibiro riedo gokinyi kogwen gi duong’ mamalo, kendo tekri nomedre odiechieng’ kodiechieng’ mana ka tho momoko e lum gokinyi. 4 Jehova osesingore kendo ok obi loko pache: osesingore ni, "In jadolo nyaka chieng’, e kit dolo mar Melkizedek." 5 Jehova nie badi makorachwich obiro ng’inyo ruodhi chieng’ ma mirimbe otuk. 6 Obiro ng’ado bura ne ogendini, mi opiel joma otho achana-achana kong’inyo jotelo duto mag piny. 7 Obiro modho e aora matin manie bath yo, emomiyo noyud teko mi oting’ wiye.
1 Haleluya! Abiro miyo Jehova duong’ gi chunya duto, abiro miye duong’ e buch joma kare, kendo e dier chokruok. 2 Tije Jehova dongo adier; joma mor kodgi osiko ka paro kuomgi. 3 Timbene nigi duong’ kod luor, kendo timne makare osiko nyaka chieng’. 4 Omiyo waparo kuom honni mage; nikech Jehova ng’won kendo okecho ji. 5 Ochiwo chiemo ne joma oluore, kendo oparo singruok mare nyaka chieng’. 6 Osenyiso joge tekre kuom gik motimo komiyogi lope mag ogendini moko. 7 Tije motimo gi lwetene nikare kendo beyo kendo buchene duto inyalo geno. 8 Gingirore kendo ok gilokre nyaka chieng’ manyaka chieng’, nikech osetimgi gi adiera kendo moriere. 9 Ne ochiwo warruok ne joge, kendo ne oguro singruokne mosiko; nyinge ler kendo lich miwuoro. 10 Luoro Jehova e chakruok mar rieko; ji duto moluwo buchene nigi winjo maber. En kende ema owinjore yudo pak manyaka chieng’.
1 Haleluya! Ogwedh ng’ama oluoro Jehova, Ogwedh ng’ama chikene miyo mor. 2 Nyithinde nobed joma roteke e piny; ee, koth joma ngimagi oriere ibiro gwedhi. 3 Pith gi mwandu yudore e ode, kendo timne makare osiko nyaka chieng’. 4 Ng’ama ngimane oriere ler rienyne kata gotieno- ng’at ma ng’uon, ma kecho ji kendo makare. 5 Ng’ama ng’uon ma holo ji gige gi chuny maler biro neno ber- ng’at ma tiyo tijene gi adiera. 6 Adier, onge gima nyalo yiengeng’at makare ibiro par nyaka chieng’. 7 Ok oluoro weche makelo kuyo nikech chunye otegno kendo ogeno kuom Jehova. 8 Chunye ok chandre kendo oonge gi luoro moro amora; ong’eyo ni obiro neno ka olo wasike ka ento olocho. 9 Opogo gige ne joma odhier, berne osiko nyaka chieng’; duong’ne gi luor ma ji oluorego biro siko nyaka chieng’. 10 Ng’ama timbene richo biro nene mi iye wang’, obiro muodo lekene kendo obiro chiyore morum; gik ma ng’ama timbene richo gombo ni otimrene ok bi timorene ngang’.
1 Haleluya! Pakuru Jehova, Yaye un jotichne, pakuru nying Jehova. 2 Nying Jehova mondo opaki, sani kendo nyaka chieng’. 3 Nying Jehova onego opaki, chakre kuma chieng’ wuokie nyaka kuma opodhoe. 4 Jehova nigi duong’ moyombo ogendini duto, kendo duong’ne maler oyombo polo. 5 En ng’a machalo gi Jehova Nyasachwa, Jal mobetekom loch kuma bor, 6 kendo ma kulore piny mondo orang polo gi piny? 7 Oting’o joma odhier malo kogolo piny e lowo; adier, ogolo joma ochando e pidh buru, 8 kendo oketogi gibet kaachiel gi ruodhi, mi kwan-gi kaachiel gi jotend jogi. 9 Omiyo dhako ma migumba bedo gi ode mi obed miyo mamor man-gi nyithinde. Haleluya!
1 Kane jo Israel owuok Misri, ee, kane Joka Jakobo owuok e kind joma wacho dhok mayore, 2 Juda nodoko kama ler mar Nyasaye, kendo Israel nobedo mwandune owuon. 3 Nam nonenogi mi oa gi ng’wech, kendo Jordan ne odar oweyonegi piny, 4 gode noleng’ore ka imbe, to thuche to nochikore ka nyirombe. 5 Ang’o momiyo ne ia gi ng’wech, Yaye nam? Yaye Jordan, ne idar iweyonegi piny nang’o? 6 to un gode to ne uleng’oru ka imbe nang’o? Koso thuche to nochikore ka nyirombe nikech ang’o? 7 Yaye piny, yiengni ka Ruoth ni machiegni kodi, yiengni e nyim Nyasach Jakobo, 8 Nyasaye mane omiyo lwanda olokore pi mogudore, kendo mane omiyo lwanda matek olokore sokni mag pi.
1 Ok wan, ok wan, Yaye Jehova- to In ema nyingi oyud duong’, nikech herani kod adierani. 2 Ang’o momiyo ogendini penjo ni, "Nyasachgino ere?" 3 Nyasachwa nie polo; otimo gimoro amora mohero. 4 To kido mag nyisechegi to gin fedha gi dhahabu, ma lwet dhano ema oloso. 5 Gin-gi dhogi to kata kamano ok ginyal wuoyo, gin-gi wenge to ok ginyal neno; 6 gin-gi itegi to ok ginyal winjo wach, kendo gin-gi umgi to ok ginyal ng’wecho; 7 gin-gi lwetegi to ok ginyal mulo, kendo gin-gi tiende to ok ginyal wuotho bende ok ginyal kata temo loso gi duondgi. 8 Joma losogi biro chalo kodgi, kendo joma ogenogi bende biro chalo kodgi. 9 Yaye dhood jo Israel, genuru kuom Jehova- En e konyruokgi kendo okumbagi. 10 Yaye dhood joka Harun, genuru kuom Jehova- En e konyruokgi kendo okumbagi. 11 Un joma oluore, genuru kuom Jehova- En e konyruokgi kendo okumbagi. 12 Jehova parowa kendo obiro gwedh owa; obiro gwedho dhood Isreal, obiro gwedho dhood joka Harun, 13 obiro gwedho joma oluoro Jehovaji ajia kod joma igeno. 14 Mad Jehova mi imedri, in kaachiel gi nyithindi. 15 Mad iyud gweth moa kuom Jehova, jachwech polo gi piny. 16 Polo malo mogik en mar Jehova, to piny to osechiwo ne dhano. 17 Joma osetho ok ema pak Jehova, joma oseiki moling’ thi e bur ok pake; 18 en wan ema wadendo Jehova sani kendo nyaka chieng’. Haleluya!
1 Ahero Jehova nikech nowinjo duon - da; nowinjo ywakna kane adwaro kech. 2 Nikech ne ochikona ite, abiro luonge kinde duto ma angima. 3 Tonde mag tho norida, lit mar liel nochopona, kendo chandruok gi chuny lit noloya. 4 Eka naluongo nying Jehova, ne aywakne ni, "Resa, Yaye Jehova!" 5 Jehova ng’won kendo timo maber; Nyasachwa opong’ gi kech. 6 Jehova rito joma chunygi obolore; kane an-gi chando maduong’ to ne oresa. 7 Bed abeda mos, Yaye chunya, nimar Jehova osebedo ka timoni maber ndalo duto. 8 Nimar in ema isegolo chunya e tho, Yaye Jehova, wengena bende isereso e ywak, kendo tiendena isegeng’o mondo kik okier, 9 isetimo kamano mondo awuothi e nyim Jehova, e piny joma ngima. 10 Ne ayie; emomiyo ne awacho ni, "Sand oromo chunya." 11 Kendo kane achiedhnade omaka, to ne awacho ni, "Dhano duto riambo." 12 Ere kaka dachul Jehova kuom berne duto mosetimona? 13 Abiro ting’o okumba mar warruok malo kendo abiro luongo nying Ruoth. 14 Abiro chopo singruokga ma asetimo ne Jehova e nyim ji duto. 15 Tho mar joge maler en gimaber miwuoro e nyim Jehova. 16 Yaye Jehova, an jatichni adier; an jatichni, ma wuod jatichni manyako; isegonya mi igola e nyorochega. 17 Abiro timoni misango mar erokamano kendo abiro luongo nying Jehova. 18 Abiro chopo singruokga ma asetimo ne Jehova e nyim ji duto, 19 abiro chopogi e lache mag od Jehova abiro timogi e iyi, Yaye Jerusalem. Haleluya!
1 Pakuru Jehova, un ogendini duto; dendeuru, un ji duto manie piny. 2 Nimar hera moherow ago duong’, kendo adierane osiko nyaka chieng’. Haleluya.
1 Gouru erokamano ne Jehova, nimar ober; kendo herane osiko nyaka chieng’. 2 Jo Israel mondo owach ni, "Herane osiko nyaka chieng’." 3 Jo dhood Harun mondo owach ni, "Herane osiko nyaka chieng’." 4 Joma oluoro Jehova mondo owach ni, "Herane osiko nyaka chieng’." 5 Ne aywak ne Jehova kane chunya lit, kendo ne oduoka mine ogonya thuolo. 6 Jehova nikoda, omiyo ok analuor. En ang’o ma dhano ditimna? 7 Jehova nikoda; en e Jakonyna. Abiro neno gi wang’a ka olo wasika. 8 Ber pondo kuom Jehova moloyo geno kuom dhano. 9 Ber pondo kuom Jehova moloyo geno kuom ruodhi. 10 Ogendini duto nolw o ra koni gi koni, to ne atiekogi e nying Jehova. 11 Ne gilw o ra koni gi koni, to ne atiekogi e nying Jehova 12 Ne ginur kuoma ka kich, to ne githo ka kudho maliel; ne atiekogi e nying Jehova. 13 Ne gidhira gichien kendo ne achiegni podho, to Jehova nokonya. 14 Jehova e tekra kendo en e wenda; osedoko warruok mara. 15 Koko mag mor gi mag loch winjore ei hembe mag joma kare kama: "Lwet Jehova mako rachwich osetimo gik madongo! 16 Lwet Jehova makorachwich oting’ malo; lwet Jehova makorachwich osetimo gik madongo!" 17 Ok abi tho, abiro bedo mangima; abiro bedo mangima modo ahul gik ma Jehova osetimo. 18 Jehova osegoya modwa nega, to kata kamano pok oweyo tho onega. 19 Yawna rangeye mag tim makare; mondo adonji kendo ago erokamano ne Jehova. 20 Mano e dhoranga Jehova ma joma kare nyalo donjogo. 21 Abiro goyoni erokamano, nikech ne iduoka; mi idoko warruokna. 22 Kidi mane jogedo odagi koro odoko kidi moriwo kor ot; 23 Ruoth ema osetimo mano kendo en gima lichnwa miwuoro. 24 Ma en odiechieng’ ma Jehova oseloso; wamoruru kendo wail e iye. 25 Yaye Jehova, reswa Yaye Jehova, mi walochi. 26 Ogwedh ng’at mabiro gi nying Jehova. Wagwedhi gie od Jehova. 27 Jehova en ber, kendo osemiyo lerne mondo orieny kuomwa. Riwreuru gi oganda moruowo ka timo nyasi, kuting’o bede yien wuothuru kodgi nyaka uchopi e tunge mag kendo mar misango. 28 In Nyasacha, omiyo abiro goyoni erokamano; in Nyasacha omiyo abiro miyi duong’. 29 Gouru erokamano ne Jehova, nimar ober; herane osiko nyaka chieng’.
Alef
1 Ogwedh joma yoregi ler, ma wuotho koluwore gi chik Jehova. 2 Ogwedh joma orito chikene kendo ma manye gi chunygi duto. 3 Gin joma ok tim gimoro amora marach, to gisiko ka giwuotho e yorene. 4 Iseguro chikeni mochuno ni nyaka lu kaka gin. 5 Yaye, mad ne bed ni yorena ogurore e luwo chikeni! 6 Dine ok aneno wichkuot nikech aketo chunya e chikeni duto. 7 Kaka amedo puonjora chikeni makare e kaka abiro dhi nyime gi paki gi chuny moriere. 8 Abiro rito chikeni; omiyo kik ijwang’a chuth.
Beth
9 Ere kaka ng’ama pod tin nyalo rito ngimane mondo osik kaler? Onyalo rito mana kodak moluwore gi wachni. 10 Amanyi gi chunya duto; omiyo kik iwe abar awe chikeni. 11 Asekano wachni ei chunya mondo kik akethi e nyimi. 12 Yaye Jehova, mad iyud pak; yie ipuonja chikeni. 13 Aolo gi dhoga chike duto mowuok e dhogi. 14 Luwo chikeni mora mana kaka ng’ato bedo mamor kuom mwandu duto. 15 Abiro paro matut kuom chikeni kendo abiro tego wengena e yoreni. 16 Amor ahinya gi chikeni; ok abi jwang’o wachni.
Gimel
17 Tim maber ne jatichni, eka abiro bedo mangima kendo abiro rito chikeni. 18 Yaw wengena mondo eka ane gik mabeyo miwuoro manie chikeni. 19 An mana wendo e piny omiyo kik ipandna chikeni. 20 Chunya opong’ kod siso mar chikeni kinde duto. 21 Ikwero joma ochayo joma okuong’ kendo joma osebaro oweyo chikeni. 22 Gol kuoma ajara gi achaya nimar arito chikeni. 23 Kata obedo ni jotelo chokorena kendo giyanya, to jatichni pod biro mana paro matut kuom chikeni. 24 Chikeni e morna; gin e jong’ad rieko maga.
Daleth
25 Osepiela ei lowo piny; omiyo rit ngimama kaluwore gi wachni. 26 Kane ahulo yorena to ne idwoka; puonja chikeni. 27 Mi awinj tiend gik ma chikeg i puonjo; eka abiro paro matut kuom timbegi miwuoro. 28 Kuyo onyoso chunya, omiyo meda teko kaluwore gi wachni. 29 Geng’a kik adonji e yore mag miria mbo, kendo ng’wonna ka ipuonja chikni. 30 Aseyiero yor adiera; kendo aseketo chunya e chikeni. 31 Amako chikeni matek, Yaye Jehova, omiyo kik iwe ane wichkuot. 32 Yor chikeni ema aringe, nimar isegonyo chunya.
He
33 Puonja mondo alu yoreni, Yaye Jehova, eka abiro ritogi nyaka giko. 34 Miya rieko mondo eka arit chikeni kendo atim kaka owacho gi chunya duto. 35 Taya e yo mar chikeni, nimar kanyo ema ayudoe mor. 36 Ket chunya mondo oher chikeni, to ok dwaro maga mag wuoro. 37 Gol wang’a oko kuom gik manono; rit ngimana kaluwore gi wachni. 38 Chop singruok mari ne jatichni, mondo ji oluori. 39 Golna achaya ma aluoro, nimar chikeni beyo. 40 Mano kaka ahero yoreni! Rit ngimana e timni makare.
Waw
41 Mad herani maok rem bina, Yaye Jehova, mad warruokni bina kaluwore gi singruokni. 42 Eka abiro dwokora gi ng’at ma timona anyali, nimar ageno kuom wachni. 43 Kik igol wach mar adiera e dhoga chuth, nimar aseketo genona e chikeni. 44 Abiro rito chikeni ndalo duto, manyaka chieng’. 45 Abiro wuotho ka an thuolo, nimar chikeni ema asebedo ka amanyo. 46 Abiro wuoyo kuom chikeni e nyim ruodhi kendo wiya ok bi kuot, 47 nimar amor gi chikeni nikech aherogi. 48 Ating’o bedena malo ne chikeni ma ahero kendo asiko aparo matut kuom yoreni.
Zayin
49 Par wachni mane iwacho ne jatichni, nimar isemiya geno. 50 Gima hoya e chandruokna en ma: ni singruokni rito ngimana. 51 Joma ochayo ji jara maok obadhogi to kata kamano ok alokra awe chikeni. 52 Asiko aparo chikeni mosebedo ka nitie nyaka nene, Yaye Jehova, kendo ayudo hoch kuomgi. 53 Mirima mager omaka nikech joma timbegi richo, mosejwang’o chikeni. 54 Chikeni e thorro mar wenda, kamoro amora ma abwore. 55 Aparo nyingi gotieno, Yaye Jehova, kendo abiro rito chikni. 56 Ma osebedo timna, nimar asebedo ka arito yoreni.
Heth
57 In e pokna, Yaye Jehova; asesingora ni abiro rito chikeni. 58 Asemanyo wang’i gi chunya duto; ng’won-na kaluwore gi singruok mari. 59 Asenono yorena kendo asechiko okangega mondo olu yoreni. 60 Abiro reto kendo ok abi deko mar rito chikeni. 61 Kata obedo ni joma timbegi richo orida gi tonde, to wiya ok bi wil gi chikeni. 62 Achiewo dier otieno mondo agoni erokamano kuom chikegi makare. 63 An osiep ji duto moluori, jogo duto moluwo yoreni. 64 Piny opong’ gi herani, Yaye Jehova; yie ipuonja chikeni.
Teth
65 Tim maber ne jatichni kaluwore gi wachni, Yaye Jehova. 66 Puonja ng’eyo gi paro maber, nimar ayie kuom chikeni. 67 Kane pok ayudo masira to ne abayo yo, to sani koro atimo gima wachni owacho. 68 Iber, kendo gima itimo ber; omiyo puonja chikeni. 69 Kata obedo ni joma ochayo ji osemiena gi miriambo, to pod arito yoreni gi chunya duto. 70 Chunygi tek kendo ok dew gimoro amora; to an to chikni miya mor. 71 Ne en gima ber mondo ayud chandruok mondo eka apuonjra chikeni. 72 Chik moa e dhogi berna moloyo ng’injo gana gi gana mag fedha gi dhahabu.
Yodh
73 Lweteni ema nolosa kendo ochueya; miya ng’eyo mondo apuonjra chikeni. 74 Mad joma oluori bed mamor ka ginena, nimar aseketo genona e wachni. 75 Ang’eyo, Yaye Jehova, ni chikeni nikare, kendo ang’eyo ni chwat misechwadago nikare. 76 Mad ihoya gi herani maok rem, kaluwore gi singruok mane imiyo jatichni. 77 Orna kechni mondo abed mangima, nimar chikni e morna. 78 Mad joma ochayo ji ne wichkuot kuom kwinya maonge gima omiyo, an to abiro paro matut kuom yoreni. 79 Mad joma oluori dog joko ra, kaachiel gi joma ong’eyo bucheni. 80 Mad chunya bed maonge ketho, kuom rito chikeni, mondo kik ane wichkuot.
Kaf
81 Riyo mar dwaro warruokni oloyo chunya, kata kamano aseketo genona e wachni. 82 Wengena ool kamanyo singruokni; apuonjora ni, "Ibiro hoya karang’o?" 83 Kata obedo ni achalo pien ting’o divai molier e iro, to wiya pok owil gi chikeni. 84 Jatichni biro rito nyaka karang’o? Ibiro kumo joma sanda karang’o? 85 Joma ochayo ji osekunyona buche mondo apodhie, gitimo gima chikni okwedo. 86 Chikeni duto inyalo geno; omiyo yie ikonya, nikech ji sanda maonge gima omiyo. 87 Ne gichiegni yweya oko e piny, to kata kamano pok aweyo chikeni. 88 Rit ngimana kaluwore gi herani, mondo alu chike mowuok e dhogi.
Lamedh
89 Wachni ochwere, Yaye Jehova; ochung’ mogurore e polo. 90 Adiera mari ochwere e tienge duto; mana kaka ne iguro piny mi piny osiko. 91 Chikeni osiko nyaka kawuono, nimar gik moko duto tiyoni. 92 Ka dine bed ni chikeni ok ema miya mor, to dikoro aselal nono nikech masichega. 93 Wiya ok bi wil gi bucheni, nimar gin ema iseritogo ngimana. 94 Resa nimar an mari; nikech asiko amanyo chikeni ndalo duto. 95 Joma timbegi richo obutona mondo gitieka, to abiro bet mos ka aparo kuom chikeni. 96 Ang’eyo ni koda ka gik malong’o chuth nigi gikogi, to chikeni onge gikogi.
Mem
97 Yaye, mano kaka ahero chikni! Aparo kuome odiechieng’ duto. 98 Chikeni miyo abedo mariek moloyo wasika, nimar gisiko gin koda seche duto. 99 An gi winjo moloyo jopuonjna duto, nimar arito chikeni. 100 Wach donjona moloyo jodongo machon nimar arito chikeni. 101 Asetamo tiendena ni kik wuothi e yore maricho, mondo eka atim gima wachni ochiko. 102 Pok abaro aweyo chikeni, nimar in iwuon ema isepuonja. 103 Mano kaka wechegi mit ka abilogi, gimit e dhoga moloyo mor kich! 104 Chikeni miyo abedo gi winjo; e momiyo achayo yo moro amora marach.
Nun
105 Wachni e taya mar tienda kendo en ler mamenyona yo. 106 Asekuong’ora mi aketo sei ni abiro siko kaluwo chikeni makare. 107 Asechandora moloyo; omiyo rit ngimana, Yaye Jehova, kaluwore gi wachni. 108 Rwak pak ma achiwoni gi dhoga ka ahero, Yaye Nyasaye, kendo puonja chikeni. 109 Kata obedo ni ating’o ngimana e lweta kinde duto, to wiya ok bi wil gi chikeni. 110 Joma timbegi richo osechikona obadho; to kata kamano pok abaro aweyo bucheni. 111 Chikeni e girkeni mara manyaka chieng’; gin e mor mar chunya. 112 Aketo chunya kuom rito chikeni maok aweyo nyaka giko.
Samek
113 Achayo joma pachgi ariyo, to ahero chikni. 114 In e ohingana kendo okumbana; omiyo aseketo genona e wachni. 115 Ayiuru buta, un joma timo richogi, mondo arit chike mag Nyasacha! 116 Maka motegno kaluwore gi singruokni, eka anabed mangima; kik iwe geno ma an-go lalna. 117 Sira eka ananwang’ konyruok; abiro siko ka ahero chikeni. 118 Idagi ji duto mabaro weyo chikeni, nimar wuondruok ma giwuondorego en kayiem. 119 Joma timbegi richo duto modak e piny ipuko oko ka yugi; emomiyo ahero chikeni. 120 Denda tetni nikech oluori, kihondhko omaka nikech chikeni.
Ayin
121 Asetimo gima kare kendo madier, omiyo kik iweya e lwet joma sanda. 122 Ne ni jatichni dhi maber, kendo kik iyie joma ochayo ji osanda. 123 Wengena ool karango resruok mikelo, kendo kamanyo gima kare mane isingona. 124 Timne jatichni kaluwore gi herani, kendo puonja chikeni. 125 An jatichni, omiyo yie imiya nyalo mar ng’eyo gik mopondo eka awinj tiend chikeni. 126 Saa oromo mondo koro itim gimoro, Yaye Jehova, nikech iketho chikni. 127 Nikech ahero chikeni moloyo dhah abu, kendo moloyo dhahabu maler mogik, 128 kendo nikech akawo bucheni duto ni nikare, omiyo achayo yo moro amora marach.
Pe
129 Chikeni lich miwuoro; emomiyo aritogi. 130 Wachni koler tiende to kelo ler, omiyo joma ok riek bedo gi winjo. 131 Ayawo dhoga kendo agamo yueyo, ka agombo chikeni. 132 Lokri iranga mondo ikecha, kaka ijatimo ndalo duto ne joma ohero nyingi. 133 Ta okangega mondo gilure gi wachni; kik iwe richo moro amora loya. 134 Gola e dicho ma ji diyogo jowetegi, mondo eka arit bucheni. 135 Ng’i jatichni gi wang’ maber kendo puonja chikeni. 136 Pi wang’ bubni kawuok e wengena, nimar chikni ok ji orito.
Tsadhe
137 In ng’at makare, Yaye Jehova, kendo chikeni nikare. 138 Chike mise ndiko piny nikare, inyalo genogi chuth. 139 Hera ma aherogo wachni tieka, nimar wasika ok dew wachni. 140 Singruok magi osetem maber chuth, omiyo jatichni oherogi. 141 Kata obedo ni an chien kendo ji ochaya, to wiya ok nyal wil gi bucheni. 142 Timni makare osiko kendo chikni en adier, 143 Chandruok kod malit osebirona, kata kamano chikeni e morna. 144 Chikeni nikare nyaka chieng’, omiyo miya ng’eyo mondo eka abed mangima.
Kof
145 Yie iduoka, Yaye Jehova, nikech aywakni gi chunya duto kendo abiro timo kaka chikni dwaro. 146 Aywakni, yie ikonya, eka abiro rito chikeni. 147 Achiewo kogwen ka piny pok oya- wore kendo aywagora mondo ayud kony; aseketo genona e wachni. 148 Wengena neno otieno duto, mondo omi apar matut kuom sing ruok magi. 149 Winj duonda kaluwore gi herani; rit ngimana, Yaye Jehova, kaluwore gi chikeni. 150 Joma chanona gik maricho ni koda machiegni, kata kamano gin mabor gi chikni. 151 In to in machiegni, Yaye Jehova, kendo chikeni duto gin adier. 152 Ne apuonjora kuom chikeni chon gilala, ni ne igurogi mondo gisik nyaka chieng’.
Resh
153 Ne chandruokna mondo ikonya, nimar pok wiya owil gi chikni. 154 Dog jakora mondo iresa, rit ngimana kaluwore gi singruokni. 155 Warruok ni mabor gi joma timbegi richo, nimar ok giket chunygi kuom dwaro chikeni. 156 Ng’wononi duong’, Yaye Jehova; rit ngimana kaluwore gi chikeni. 157 Wasigu masanda thoth adier, to kata kamano pok abaro aweyo chikeni. 158 Arango joma onge yie ka chunya ochido kodgi, nimar ok girit chikni. 159 Neye kaka ahero bucheni; omiyo rit ngimana, Yaye Jehova, kaluwore gi herani. 160 Wechegi duto gin adier; kendo chikegi makare duto ochwere.
Sin gi Shin
161 Jotelo sanda maonge gima omiyo, to kata kamano chunya oluoro wachni. 162 Singruokni mora, mana ka ng’ama oyudo mwandu maduong’ ma wasigu oringo oweyo. 163 Asin kendo ajok gi miriambo, to ahero chikni. 164 Apaki ndalo abiriyo e odiechieng’ achiel kuom chikegi makare. 165 Joma ohero chikeni nigi kuwe maduong’ kendo onge gima nyalo miyo gichwanyre. 166 Arito warruokni, Yaye Jehova, kendo aluwo chikeni. 167 Atimo gima chikeni dwaro, nimar aherogi gi hera maduong’. 168 Arito bucheni gi chikeni, nimar yorega duto ong’ereni maber.
Taw
169 Mad ywakna chopi e nyimi, Yaye Jehova; mi abed gi winjo kaluwore gi wachni. 170 Mad kwayona chopi e nyimi, resa kaluwore gi singruokni. 171 Mad dhoga pong’ gi pak, nimar isepuonja chikeni. 172 Mad lewa wer kuom wachni, nimar chikegi duto nikare. 173 Mad lweti ikre mar konya, nimar aseyiero bucheni. 174 Asedwaro resruok mari matek, Yaye Jehova; kendo chikni e morna. 175 We amed bedo mangima mondo apaki, kendo mad chikeni okonya. 176 Aseruenyo ka rombo molal, omiyo yie imany jatichni, nimar wiya pok owil gi chikeni.
Wend Yong’o
1 Ka an e chandruok to aluongo Jehova, kendo oduoka, 2 Resa, Yaya Jehova, kuom dho joma riambo kendo kuom lew joma wuondore. 3 Be ing’eyo gima Nyasaye biro timo - ni, be ing’eyo gik mochomi adier, Yaye lep mawuondore? 4 Obiro kumi gi aserni mabitho mag jakedo, ee, obiro wang’i gi maka maliel mager, mowang’ gi yiend adugo. 5 Malit ochoma adier nikech adak Mesek, hapa rach nikech adak e dier hembe mag Kedar! 6 Asedak aming’a ahinya, e dier joma ok dwar kuwe. 7 An an ng’at kuwe; to ka awuoyo, to giikore ne lweny.
Wend Yong’o
1 Ating’o wengena ka arango godeere kuma konyruokna biro aye? 2 Konyruokna aa kuom Jehova, Jachuech polo gi piny. 3 Ok obi weyo tiendi kier- Jal ma riti ok bi nur; 4 adier, Jal marito Israel ok nur kendo ok nindi. 5 Jehova riti- Jehova e tipo moumi manie badi korachwich; 6 omiyo chieng’ ok nochomi godiechieng’ kendo dwe ok notimi gimoro gotieno. 7 Jehova biro riti mondo gimoro amora kik ohinyi- 8 Jehova biro riti kidonjo kendo kiwuok, obiro timo kamano sani kendo nyaka chieng’.
Wend Yong’o. Mar Daudi
1 Ne amor gi joma nowachona ni, "Wadhiuru e od Jehova." 2 Tiendewa ochung’ e dhorangeyeni, Yaye Jerusalem. 3 Jerusalem oger ka dala ma ji odakie machiegni- machiegni. 4 Kanyo e kama ogendini idho dhiye, ogendini mag Jehova dhi kuno mondo opak nying Jehova ka giluwo chike mane omi Israel. 5 Kanyo ema kombe loch mag ng’ado bura nitie kombe loch mag jood Daudi. 6 Lamuru mondo Jerusalem obed gi kuwe. Lamuru ni: "Mad joma oheri bed gi kuwe. 7 Mad kuwe yudre ei alworani, adier kuwe mondo obedi ei ohinga mochieli." 8 Nikech owetena gi osiepena modak e iyi, awacho ni, "Jerusalem mondo obed gi kuwe." 9 Nikech wach od Jehova Nyasachwa, adwaro ni idhi maber.
Wend Yong’o
1 In ema arangi, in ma kom lochni nie polo ema arangi. 2 Mana kaka wenge wasumbni rango lwet ruodhgi, kendo kaka wenge jatich manyako mar ot rango lwet min-odgi, e kaka we n g ewa rango Jehova Nyasachwa nyaka chop okechwa. 3 Yie ikechwa Yaye Jehova, yie ikechwa, nikech osechawa gikinda. 4 Josunga osejarowa moromo kendo acheje osechayowa moromo.
Wend Yong’o. Mar Daudi
1 Ka dine bed ni Jehova ok jakorwa- jo Israel mondo owach kamano- 2 ka dine bed ni Jehova ok jakorwa kane ji omonjowa, 3 e kinde mane mirima mabebni ka mach omakogi kodwa, to dine gimwonyowa ngili; 4 ataro dine odinonwa, ee, kodh yamo dine oywerowa, 5 kendo pi maringo matek dine odhi kodwa. 6 To pak odog ne Jehova maok oseyie mondo lekegi okidhwa. 7 Wasetony mana ka winyo mowuok e wino mar jachik winy; wino osechodi, to wan wasetony. 8 Ko n y ruokwa nie nying Jehova Jachuech polo gi piny.
Wend Yong’o
1 Joma ogeno kuom Jehova chalo gi Got Sayun, maok nyal yiengi to osiko nyaka chieng’. 2 Mana kaka gode olworo Jerusalem, e kaka Jehova olworo joge chakre sani kendo nyaka chieng’. 3 Ludh loch mar joma timbegi richo ok bi siko korito piny mopog ne joma kare, nimar ka mano otimore to joma kare nyalo tiyo gi lwetgi kuom timo marach. 4 Tim maber, Yaye Jehova, tim maber ne joma beyo, tim maber ne joma ngimagi oriere gie chunygi. 5 To joma lokore luwo yore mobam Jehova biro kumo kaachiel gi joma timo timbe maricho. Israel mondo obed gi kuwe!
Wend Yong’o
1 Kane Jehova oduogo joma otue Sayun, to ne ochalonwa mana lek. 2 Ne wathung’ gi nyiero kendo dhowa nopong’ gi wende mor. Eka nowachore e dier ogendini ni, "Jehova osetimonegi gik madongo." 3 Adier, Jehova osetimonwa gik madongo, omiyo wamor mokalo. 4 Duognwa gigewa, Yaye Jehova, mondo wachal gi aoche man Negev. 5 Joma komo kodhi ka pi wengegi chuer biro keyo ka wero wende mor. 6 Ng’at madhi oko ka ywak, koting’o kodhi mikomo, biro duogo ka wero wende mor, koting’o cham mosechiek.
Wend Yong’o. Mar Solomon
1 Ka Jehova ok ema ger ot, to joma gere nyagore gi tich matek kayiem. Ka Jehova ok ema orito dala, to jorito ochung’ karito kayiem. 2 In be imondo chiew chon kendo ineno nyaka saa molewo, kinyagori gi tich matek mondo iyud chiemo minyalo chamo; nimar Nyasaye miyo joge mohero nindo mokuwe. 3 Yaw u owi gin gweth moa kuom Jehova, adier, nyithindo gin mich moa kuome. 4 Yawuowi ma ng’ato onyuolo kapod otin, chalo gi asere manie lwet jakedo. 5 Ng’at ma ofukune opong’ kodgi en ng’ama ogwedhi. Ok ginine wichkuot ka gikedo gi wasikgi e dhorangach.
Wend Yong’o
1 Ji duto moluoro Jehova, kendo mawuotho e yorene gin joma ogwedhi. 2 Ibiro chamo olemb luchi; iniyud gweth kendo inidhi maber. 3 Chiegi nochal gi yiend mzabibu manyak maber e odi; yawuoti nochal gi chuny mzabibu maloth sama giluoro mesa ka gichiemo. 4 Kamano e kaka ng’ama oluoro Jehova ogwedhi. 5 Jehova mondo ogwedhi gie Sayun, ndalo duto mag ngimani; mad ineye gi wang’i ka Jerusalem dhi maber, 6 kendo mad idag aming’a nyaka ine nyithind nyithindi Israel mondo obed gi kuwe!
Wend Yong’o
1 Jogi osesanda malit nyaka aa e tinna- Israel mondo owach ni: 2 gisesanda malit nyaka aa e tinna, to kata kamano pok gibedo gi loch kuoma. 3 Jopur osepuro dieng’eya kendo gisegore para maroboche, 4 to kata kamano Jehova en ng’ama kare; osechoda oko mi adong’ thuolo e tonde joma richo. 5 Ji duto mochayo Sayun lo mi dog chien gi wichkuot. 6 Mad gichal gi lum moti ewi tado ma ner kata kapok odongo maber. 7 Ok onyal nyago gimoro mapong’o lwet jakeyo, kata ma jachoko nyalo ting’o e bade. 8 Mad joma kalo bute kik wachnegi ni, "Jehova mondo ogwedhi, kata ni, wagwedhi e nying Jehova."
Wend Yong’o
1 Aywakni ka an e chuny bur matut, Yaye Jehova, 2 Yaye Jehova, yie iwinj dwonda. Chik iti ne ywakna ma aywaknigo mondo ikecha. 3 Yaye Ruoth Nyasaye, ka dine bed ni isiko iparo richo, ma ji timo, Yaye Ruoth Nyasaye to en ng’a ma dichung’ e nyimi ka ok bura oloyo? 4 To kata kamano kuomi nitiere weyo richo; emomiyo ji oluori. 5 Arito Jehova, chunya rite kendo aketo genona kuom wachne. 6 Chunya rito Ruoth Nyasaye, moloyo kaka jorito rito ru piny. 7 Yaye jo- Israel, keturu genou kuom Jehova, nimar Jehova ema nigi hera maok rem kendo en ema owaro ji chuth. 8 En owuon ema obiro waro jo Israel kuom richogi duto.
Wend Yong’o. Mar Daudi
1 Ng’ayi onge e chunya, Yaye Jehova, wang’a bende ok tek; chunya ok chandre gi gik madongo, kata gi weche matek modhiera ng’eyo. 2 To abet mos kendo chunya okuwe; mana ka nyathi mapod dhoth moling’ mos e bad min, ee, kaka nyathi ma kamano ling’ mos, e kaka chunya bende oling’ mos e iya. 3 Yaye jo Israel, keturu genou kuom Jehova chakre sani kendo nyaka chieng’.
Wend Yong’o
1 Parie Daudi, Yaye Jehova, parie Daudi gi chandruok duto moseneno. 2 Ne okuong’ore kane osingore ne Jehova, kendo ne okuong’ore ne Jal Maratego mar Jakobo kama: 3 "Ok anadonji e oda, kata dhi e kitandana- 4 Ok anayie nindo tera, kata ayula wang’ lo wengena, 5 kapok aloso ne Jehova kare, kapok ayudo ne Jal Maratego mar Jakobo kar dak." 6 Ne wawinjo wachno Efratha, ee, ne wayude e puothe mag Jaar: 7 "Wadhiuru kare modake; wadhiuru mondo walame e nyim komduong’ne- 8 aa malo, Yaye Jehova, aa malo ibi kari mar yweyo, in kaachiel gi Sandug Muma ma en kido mar tekoni. 9 Mad jodolo magi rwakre gi tim makare, kendo mad jogi maler wer gi mor." 10 Nikech Daudi jatichni, kik idag i ng’ati miseyiero. 11 Jehova nokuong’ore kendo osingore ne Daudi, kendo ne en kuong’ruok maok enoloki ngang’; nokuong’orene ni, "Abiro keto achiel kuom kothi e lochni- 12 ka yawuoti orito singruokna kod chike ma apuonjogi, eka yawuotgi nobedi e lochni nyaka chieng’ kendo nyaka chieng’." 13 Nimar Jehova oseyiero Sayun, osehere kaka kar dakne, osewacho ni, 14 "Ma e kar yweyona nyaka chieng’ ma nyaka chieng’, kae ema abiro betie kom lochna, nimar asehere- 15 abiro gwedhe gi gik moko mogundho, kendo joge modhier abiro romo gi chiemo. 16 Abiro rwako jodolo mage gi warruok kendo joma ler modak e iye biro siko ka wero wende mor. 17 "Ka eni ema abiro miyo tung moro donge ne Daudi kendo abiro chungo taya ne ng’ata mowir. 18 Abiro bako wasike gi wichkuot, to en osimbo manie wiye biro medo rieny.
Wend Yong’o. Mar Daudi
1 Mano kaka en gima ber kendo malong’o, ka jowete odak kanyakla gi kuwe! 2 Dak ma kamano chalo gi mo manengone tek mool e wich kendo mamol piny nyaka e tik, ma mol piny koluwo tik Harun ka mol piny mosmos nyaka e ng’ut kandhoge. 3 Ochalo bende gi thoo momoko e Got Hermon maridore e wi Got Sayun. Nimar kanyo ema Jehova chiwe gwethne, ma en ngima manyaka chieng’.
Wend Yong’o
1 Pakuru Jehova, un jotichne duto, matiyo gotieno e od Jehova. 2 Ting’uru bedeu malo e kare maler kendo upak Jehova. 3 Mad Jehova ma jachwech polo gi piny, ogwedhu gie Sayun.
1 Haleluya! Pakuru nying Jehova; pakeuru, un jotich Jehova, 2 Un mutiyo e od Jehova, e laru mag od Nyasachwa. 3 Pakuru Jehova, nimar Jehova ber; pakuru nyinge gi wende pak nimar timo kamano en gima ber. 4 Nimar Jehova oseyiero Jakobo, mondo obed gire owuon; oseyiero Israel, mondo obed mwandune mogeno. 5 Ang’eyo ni Nyasaye duong’, ang’eyo adier ni Ruodhwa duong’ moloyo nyiseche duto. 6 Jehova timo gimoro amora mohero, e polo kendo e piny ei nembe kendo e kudegi. 7 Omiyo boche wuok koa e tung’ piny koni gi koni, kendo ooro milpolo ka koth chue bende okelo yamo kogolo e utege mokanogie. 8 Ne ogoyo nyithindo makayo mag Misri, nyithindo makayo mag dhano kod le. 9 Ne ooro ranyisi gi honni mage e dieru, Yaye Misri, noorogi kuom Farao kaachiel gi jotichne duto. 10 Ne ogoyo pinje mang’eny piny, kendo ne onego ruodhi ma roteke- 11 kaka Sihon ruodh jo Amor, gi Og ruodh Basan kod ruodhi duto mag Kanan- 12 kendo nomiyogi piny jogo kaka girkeni, kaka girkeni ne joge ma gin jo Israel. 13 Yaye Jehova, nyingi osiko nyaka chieng’, Yaye Jehova, humbi ochwere e tienge duto. 14 Nimar Jehova biro chwako joge, kendo obiro kecho jotichne. 15 Nyiseche mopa mag ogendini gin fedha gi dhahabu, molos gi lwet dhano. 16 Gin-gi dhok, to ok ginyal wuoyo, kendo gin-gi wenge to ok ginyal neno. 17 Bende gin-gi it, to ok ginyal winjo wach, kendo kata mana muya onge e dhogi. 18 Joma losogi nobed machal kodgi, kendo ji duto mogenogi be biro chalo kodgi. 19 Yaye dhood jo Israel, pakuru Jehova; Yaye dhood joka Harun, pakuru Jehova; 20 Yaye dhood joka Lawi, pakuru Jehova; pakuru Jehova, un ji duto moluore. 21 Jehova mondo opaki gie Sayun, Jal modak Jerusalem mondo opaki. Haleluya!
1 Gouru erokamano ne Jehova, nimar ober. Herane osiko nyaka chieng’. 2 Gouru erokamano ne Nyasach nyiseche: Herane osiko nyaka chieng’. 3 Gouru erokamano ne Ruodh ruodhi: Herane osiko nyaka chieng’. 4 ne En kendo ma timo honni madongo, Herane osiko nyaka chieng’. 5 Jal mane oloso polo gi riekone, Herane osiko nyaka chieng’. 6 Jal mane oyaro piny ewi pige, Herane osiko nyaka chieng’. 7 Jal mane oloso rameny madongodongo- Herane osiko nyaka chieng’. 8 nochweyo wang’ chieng’ mondo orit odiechieng’, Herane osiko nyaka chieng’. 9 kod dwe gi sulwe mondo orit otieno; Herane osiko nyaka chieng’. 10 ne En mane onego nyithindo makayo mag Misri, Herane osiko nyaka chieng’. 11 kendo mane ogolo jo Israel oko kuomgi, Herane osiko nyaka chieng’. 12 nogologi gi lwedo motegno kod bat morie; Herane osiko nyaka chieng’. 13 ne En mane obaro Nam Makwar diere ariyo; Herane osiko nyaka chieng’. 14 mi nogolo jo Israel koluwo diere tir, Herane osiko nyaka chieng’. 15 to Farao gi jolwenje to nomiyo Nam Makwar oywero; Herane osiko nyaka chieng’. 16 ne En mane otelone joge e thim, Herane osiko nyaka chieng’. 17 ne En mane ogoyo ruodhi madongo piny, Herane osiko nyaka chieng’. 18 kendo mane onego ruodhi ma roteke Herane osiko nyaka chieng’. 19 Kaka Sihon ruodh jo Amor- Herane osiko nyaka chieng’. 20 gi Og ruodh Basan- Herane osiko nyaka chieng’. 21 mi nochiwo pinygi kaka girkeni, Herane osiko nyaka chieng’. 22 Kaka girkeni ne Israel jatichne; Herane osiko nyaka chieng’. 23 ne En mane oparowa ka piny ochamowa, Herane osiko nyaka chieng’. 24 kendo mane o gonyowa e lwet wasikwa, Herane osiko nyaka chieng’. 25 machiwo chiemo ne chwech duto, Herane osiko nyaka chieng’. 26 Gouru erokamano ne Nyasach polo, Herane osiko nyaka chieng’.
1 E bath aoche mag Babulon ne wabet piny kendo ne waywak kane waparo Sayun. 2 Ne wang’awo thumbewa ewi yiend onera mane nikanyo, 3 nimar joma ne omakowa nokwayowa wende kane wan kanyo, josandwa nochunowa ni wawernegi wende mor; ne giwachonwa ni, "Wernwae uru achiel kuom wende Sayun!" 4 Ere kaka di wawer wende Jehova kapod wan e piny mawendo? 5 Ka dipo ni wiya owil kodi, Yaye Jerusalem, to mad lweta makorachwich wiye wil gi tichne. 6 Mad lewa moki e danda ka dipo ni ok apari, ka dipo ni ok aketo chunya kuomi, Yaye Jerusalem morna maduong’ mogik. 7 Parie gima ne jo Edom otimo, Yaye Jehova, parie gimane gitimo chieng’ mane Jerusalem opodho. Ne gikok matek ni, "Muke u ru ogoye piny. Mukeuru ogore piny gi mise mare duto!" 8 Yaye nyar Babulon, in mochanni kethruok, ng’ama nochuli kuom gima isetimonwa en jahawi- 9 ng’at ma nomak nyithindi mayom mi chudgi piny e lwendni en jahawi.
Mar Daudi
1 Abiro paki gi chunya duto, Yaye Jehova; abiro paki gi wer e nyim nyiseche. 2 Abiro kulora piny ka achomo Hekalu mari maler kendo abiro pako nyingi nikech herani kod adierani, nimar iseting’o nyingi kod Wachni malo moyombo gik moko duto. 3 Kane aluongo to ne iduoka, kendo ne imiyo abedo gi chir kod chuny motegno. 4 Mad ruodhi duto mag piny paki, Yaye Jehova, e sama giwinjo weche mowuok e dhogi. 5 Mad giwer kuom yore mag Jehova, nimar duong’ mar Jehova ng’ongo. 6 Jehova rango joma obolore kata obedo ni en malo to josunga to ong’eyo kata kapod gin gichien. 7 Kata obedo ni awuotho e dier chandruok, to irito ngimana; irieyo lweti kuom mirimb joma kedo koda, kendo iresa gi lweti makorachwich. 8 Jehova biro chopona chenroge; Yaye Jehova, herani osiko nyaka chieng’- kik ijwang’ tije ma iloso gi lweteni.
Ne Jatend Wer. Mar Daudi. Zaburi
1 Yaye Jehova, isenona kendo ing’eya. 2 Ing’eya sama abet piny nyaka sama aa malo; adier, ing’eyo parona gi kuma bor. 3 Bende ing’eyo yorega ma aluwo kod kuonde ma ayweyoe; yorena duto oyangoreni maber. 4 Kata kapok wach moro owuok e dhoga to ing’eye malong’o, Yaye Jehova. 5 Ilwora koni gi koni mi iketa diere; adier, iseuma duto gi lweti. 6 Ng’ech ma kamano lichna miwuoro, kendo otutna moyombo pacha. 7 Dadhi kure eka apond ne Roho mari? Koso kanye ma daring adhiye mondo apondni? 8 Ka aidho e polo, to in kuno; ka aloso otandana e bur matut, to in kuno. 9 Ka aidho yamb kogwen mondo otera e tok nam komachielo, 10 to kata kuno bende lweti biro telona e, kendo lweti mako rachwich biro maka motegno. 11 Ka awacho ni, "Mudho biro ima adier kendo ler biro lokorena otieno, " 12 to in mudho ok timni mudho kendo otieno rienyni ka odiechieng’, nimar mudho chaloni ler. 13 In ema ne ichweyo dhanda maiye, adier, ne ing’ina maber gie i mama. 14 Apaki nikech ne ichweya mong’ith kendo malich miwuoro; tijeno misetimo lich, kendo ang’eyo mano maber. 15 Fuonde mag ringra ne ok opondoni, chieng’ mane ilosa kama opondo. Chieng’ mane iriwo fuondega kaachiel e chuny piny, 16 wengeni ne oneno ringra kane pok olosore maber. Ndalo mane ochanna duto ne ondiki chon gilala e bugi kane pok kata achiel kuomgi obetie. 17 Mano kaka pachi tutna, Yaye Nyasaye! Mano kaka ging’eny mokalo akwana kargi duto! 18 Ka da bed ni anyalo kwanogi, to da giloyo kuoyo gi ng’eny. Sama achiew to ayudo ni pod an mana kodi. 19 Yaye Jehova, mad iyie ineg joma timbegi richo! Ayiuru buta, un joma rich chwero remb ji omakogi! 20 Giwuoyo kuomi gi paro marach; adier, wasiki tiyo gi nyingi e yo marach. 21 Donge amon gi joma mon kodi, Yaye Jehova, koso donge ok awinjra gi joma chung’ mondo oked kodi? 22 Achayogi kendo aonge kodgi gi tich adier akwanogi kaka wasika. 23 Nona, Yaye Jehova, mondo ing’e chunya; tema, mondo ing’e pacha. 24 Tim kamano mondo ine ane ka nitie gimoro marach kuoma, mondo itera e yor ngima manyaka chieng’.
Ne Jatend Wer. Zaburi Mar Daudi
1 Resa, Yaye Jehova, kuom joma richo, konya e lwet jomahundu, 2 joma chano chenro maricho e chunygi kendo gitugo lweny pilepile. 3 Gipiago lewgi mabith ka lew thuol kendo kwiri mar thuond fu nie lewgi. Sela 4 Rita, Yaye Jehova, rita e lwet joma timbegi richo; konya e lwet jomahundu machano gajo tiendena. 5 Josunga chikona obadho; giseyarona gogo mondo amokie kendo gisechikona otego e yorega ma aluwo. Sela 6 Yaye Jehova, Sela awachoni ni, "In Nyasacha." omiyo yie iwinja, Yaye Jehova, winj ywak ma aywaknigo mondo ikecha. 7 Yaye Ruoth Nyasaye, ma jakonyna motegno, in migeng’ona wiya sama lweny ger- 8 Kik iyie mondo joma timbegi richo oyud gik ma chunygi go mbo, Yaye Jehova; kik iyie mondo chenrogi otimre. Sela 9 Mi mondo chandruok ma joma olwora buogago, odog e wiyegi. 10 Mi mondo makaa maliel mager oolre kuomgi, ee, ne ni odirgi e mach, kata e thidhya ma nimo ji, maok ginyal wuokie kendo. 11 Mi mondo joma ketho nying jowetegi kik dhi maber e piny, ee, ne ni masira olawo jomahundu mi ojukogi. 12 Ang’eyo ni Jehova miyo jodhier yudo adieragi, kendo oneno ni ong’ad bura kare ne joma ochando. 13 Joma kare biro pako nyingi adier kendo joma ngimagi oriere tir biro dak ka ngima e nyimi.
Zaburi Mar Daudi
1 Aluongi, Yaye Jehova, yie ibi ira piyo. Yie iwinj dwonda ka aluongi. 2 Mad lamona osiki e nyimi mana ka ubani miwang’o, kendo bedena osik koriere kochomo malo mana ka misango mitimoni godhiambo. 3 Yaye Nyasaye, ket jarit e dhoga; ketna jarit mondo okonya umo dhoga. 4 Kik iyie gimoro amora marach ywa chunya, ma dimi an be atim timbe maricho kaachiel gi joma timbegi richo; rita mondo kik acham chiembgi mabeyonegi. 5 Onego ng’at makare ema ogoya, nikech mano chalo tim ng’wono motimona; onego en ema okwera, nikech mano chalo mo mool e wiya; ok anyal dagi mondo ng’ama kare otimna kamano. To kata kamano obiro kwedo timbe joma richo e lemona; 6 chieng’ ma nowit ruodhigi piny koa e wi got mabor, eka joma timbegi richo nong’e ni kare wechega ne gin adier. 7 Giniwach ni, "Mana kaka ng’ato puro kendo toyo lo, e kaka chokewa osekere e dho bur liel." 8 Anto at ego wang’a kuomi, Yaye Jehova; In e kar pondona, omiyo kik iwe atho. 9 Rita kuom obadho ma gisechikona, ee, rita kuom otego ma joma timbegi richo ochikona. 10 Mad joma timbegi richogo moki e gokegi giwegi ka anto akadho maber mak gimoro otima.
Maskil Mar Daudi Kane En Ei Bur. Lamo
1 Aywak matek ne Jehova; ating’o duonda ne Jehova mondo okecha. 2 Ahulone gik mathaga duto; anyise chandruokna duto ka abet e nyime. 3 Sama chunya chandore e iya, to in ema ing’eyo yor konyruokna. 4 Rang batha korachwich mondo ineonge ng’ama dewa. Aonge ng’ama rito ngimana. 5 Aywakni, Yaye Jehova; akoni ni, "In e kar pondona, kendo in e pokna e piny joma ngima." 6 Yie iwinj ywakna, nimar an-gi chandruok maduong’; resa e lwet joma lawa nimar gitek moloya mabor. 7 Gonya e twech ma antie, mondo apak nyingi. Eka joma kare biro chokore buta nikech ber misetimona.
Zaburi Mar Daudi
1 Winj lamona, Yaye Jehova, chik iti ne ywakna mar kech; bi mondo ikonya nikech in jaadiera kendo itimo maber. 2 Kik imi jatichni yud kum nimar onge kata ng’ato achiel ma timo maber e nyimi. 3 Jasigu lawa matek, oserodha piny nyaka e lo; ochuna ni nyaka adag kama otimo mudho mana ka joma notho chon gilala. 4 Omiyo chunya chandore e iya, ee, chunya obuok. 5 Aparo higni machon mosekalo; a keto pacha mos kuom tijeni duto kendo ageno gik ma lweti osetimo. 6 Ayaroni lwetena; chunya gombi mana kaka lowo motwo gombo koth. Sela 7 Dwoka piyo, Yaye Jehova, nimar chunya ool. Kik ipandna wang’i nono to dipoka achalo gi joma ridore e bur matut. 8 Mi mondo okinyi oromna gi herani maok rem, nimar aketo genona kuomi. Nyisa yo monego alu nimar aketo chunya duto kuomi. 9 Resa e lwet wasika, Yaye Jehova, nimar in e jaritna. 10 Puonja timo dwaroni, nimar in e Nyasacha; mi mondo Roho mari maber, otelna e yo mopie. 11 Yaye Jehova, kony ngimana nikech nyingi iwuon; gola oko e chandruok nikech timni maber. 12 Mi wasika oling’ thi, nikech herani maok rem; tiek joma kedo koda duto nimar an jatichni.
Mar Daudi
1 Pakne Jehova ma en lwandana, pakeuru en motiego lwetena ne lweny, kendo en momiyo lith lwetena bedo mong’ith e kedo. 2 En Nyasacha ma jahera kendo en ohingana, bende en kar pondona kendo en jakonyna. En okumbana ma ageng’orago, kendo en ema oloyona joma nie bwoya. 3 Dhano to en ang’o, Yaye Jehova, momiyo iketo chunyi kuome, koso wuod dhano to en ang’o, momiyo isiko ipare? 4 Dhano chalo gi muya nono kendo ndalone chalo gi tipo makadho piyo. 5 Wuogi e polo, Yaye Jehova, wuogi mondo ilor piny; lor piny imul gode, mondo gidhuol iro. 6 Or mil polo, mondo ike wasigu; dir aserni magi, mondo itiekgi. 7 Rie lweti koa e polo nyaka piny, mondo ikonya, kendo igola, e pige ma tekregi ng’eny, kendo e lwet jo pinje mamoko, 8 ma dhogi opong’ gi miriambo kendo ma lwetgi mako rachwich opong’ gi wuondruok. 9 Abiro weroni wer manyien, Yaye Nyasaye; abiro weroni wer mamit ka agoyoni thum man-gi tonde apar, 10 abiro werne Jal mamiyo ruodhi locho, kendo ma konyo Daudi jatichne e dho ligangla mager. 11 Konya kendo gola e lwet jo pinje mamoko ma dhogi opong’ gi miriambo kendo ma lwetgi makorachwich opong’ gi wuondruok. 12 Eka yawuotwa biro chalo gi yiende mayudo pi maber, kendo nyiwa biro chalo gi sirni modol maber mondo olich dala ruoth. 13 Dechewa biro pong’ gi kit mwandu duto. Rombewa biro medore gana gi gana, ee, gibiro bedo gana mathoth e lek magwa, 14 kendo ruedhi magwa biro ywayo misike mapek. Jokuoge ok nodonj e kundewa, bende ok noterwa e twech kendo ‘yore yore’ ok nogo e gweng’wa. 15 Ogwedh joma gigi gin adier kuomgi; kendo ogwedh jogo ma Nyasachgi en Jehova.
Zaburi Mar Pak. Mar Daudi
1 Abiro ting’o nyingi malo, Yaye Nyasacha ma Ruoth; abiro pako nyingi nyaka chieng’ kendo nyaka chieng’. 2 Abiro paki pile ka pile kendo abiro ting’o nyingi malo nyaka chieng’ ma nyaka chieng’. 3 Jehova duong’ miwuoro kendo owinjore gi pak, onge ng’ama nyalo yango duong’ne. 4 Tieng’ achiel biro pako tijeni ne tieng’ machielo; ee, gibiro nyiso ji kuom tijeni madongo. 5 Gibiro wuoyo kuom duong’ni mang’ongo kendo marieny, to an abiro paro mos kuom tijeni miwuoro. 6 Gibiro nyiso kuom tekoni mitimogo gik malich miwuoro, to an abiro hulo kuom tijeni madongo. 7 Gibiro loso nyasi mar berni mogundho kendo gibiro wer gi mor kuom timbeni makare. 8 Jehova ng’won kendo kecho ji, iye ok wang’ piyo kendo en gi hera mang’eny. 9 Jehova timo maber ne ji duto; okecho ji duto mosechweyo. 10 Ji duto ma isechweyo biro paki, Yaye Jehova; jogi maler duto biro dhiali. 11 Gibiro nyiso ji kuom duong’ mar pinyruodhi kendo gibiro wuoyo kuom nyaloni, 12 mondo ji duto ong’e gik madongo mitimo kod duong’ mang’ongo mar pinyruodhi. 13 Pinyruodhi en pinyruoth mochwere, kendo lochni osiko nyaka tienge duto. Jehova chopo singruok mage duto kendo ohero ji duto mosechweyo. 14 Jehova chungo ji duto mopodho kendo omiyo joma piny otaro aa malo. 15 In ema wenge ji duto ng’iyi, kendo imiyogi chiembgi e kinde mowinjore. 16 Ka iyawo lweti to gik mangima duto yudo konyruokgi duto. 17 Jehova nikare e yorege duto kendo ohero ji duto mosechweyo. 18 Jehova ni machiegni gi ji duto maluongo nyinge, to mana joma luongo nyinge e adiera. 19 Ochopo dwaro mag joma oluore; adier, owinjo ywakgi kendo oresogi. 20 Jehova rito maber ji duto mohere, to ji duto ma timbegi richo obiro tieko. 21 Dhoga biro wacho pak ne Jehova. Gik mangima duto mondo opak nyinge maler nyaka chieng’ kendo nyaka chieng’.
1 Haleluya! Pak Jehova, Yaye chunya. 2 Abiro pako Jehova e ngimana duto; abiro wero wende pak ne Nyasacha kinde duto ma angima. 3 Kik iket genoni kuom ruodhi mag piny, kata kuom dhano matho maok nyal waro ng’ato, 4 nikech ka chunygi ochot to gidok e lowo; kendo chieng’ onogono chenrogi ogik gikanyono. 5 Ogwedh ng’at ma konyruokne en Nyasach Jakobo, ng’at ma genone nikuom Jehova Nyasache, 6 ma jachwech polo gi piny, gi nam kod gik moko duto manie igi- Jehova mosiko ka en ja adiera nyaka chieng’. 7 Ochwako ng’at misando kendo ochiwo chiemo ne joma odenyo. Jehova gonyo joma otue mi gibed thuolo, 8 kendo omiyo muofni neno. Jehova miyo joma piny otaro aa malo, kendo ohero joma kare. 9 Jehova rito jadak kendo okonyo nyathi kich gi chi liel, to yore mag ng’ama timbene richo to orocho. 10 Jehova olocho nyaka chieng’ Yaye Sayun, Nyasachi olocho nyaka tienge duto mabiro. Haleluya!
1 Haleluya! Mano kaka en gima ber wero wende pak ne Nyasachwa, mano kaka en gima long’o kendo mowinjore mondo ji opake! 2 Jehova gero Jerusalem kendo; ochoko jo Israel mane otue. 3 Ochango joma chunygi tuo kendo othiedho adhondegi. 4 Osekwano kendo ong’eyo kar romb sulwe duto kendo oluongo moro ka moro kuomgi gi nyinge. 5 Ruodhwa duong’ kendo en gi teko kendo nyalo; ng’eyone onge gikone. 6 Jehova ting’o joma obolore malo to joma timbegi richo to ochwado piny e lowo. 7 Weruru ne Jehova kugoyone erokamano, weruru wer mamit ne Nyasachwa kugoyo nyatiti. 8 Oumo kor polo gi boche polo, kendo oromo piny gi koth bende omiyo lum twi ewi thuche. 9 Ochiwo chiemo ne dhok kendo ne agege ka giywakne. 10 Morne ok nikuom teko farase kata kuom ogwand dhano; 11 to Jehova mor gi joma oluore; joma oketo genogi kuom herane ma ok rem. 12 Dhial Jehova, Yaye Jerusalem; pak Nyasachi, Yaye Sayun, 13 nimar omedo sirni manie dho rangeyeni teko, kendo ogwedho jogi modak e iyi. 14 Omiyo kuwe bedo e tong’ pinyu kendo oromou gi ngano mabeyo e mogik. 15 Ooro chike e piny, kendo wachne ringo matek ka diemo wang’. 16 Oyaro pe ka yie rombo kendo okeyo ong’weng’o ka buru. 17 Odiro pe mage e piny ka kit ombo. En ng’a manyalo ngino sama odiro pe kamano? 18 Ooro wachne kendo pego leny nono; ee, otugo yembene mi pego lokre pi mamol. 19 Osenyiso Jakobo wachne, ee, osenyiso Israel chikene gi buchene. 20 Onge oganda moro machielo mosetimone kamano kendo gin ok ging’eyo chikene. Haleluya!
1 Haleluya! Pakuru Jehova gie polo, ee, pakeuru malo kuma bor. 2 Pakeuru, un malaikege duto, pakeuru, un ogandane mag lweny duto manie polo. 3 Wang’ chieng’ gi dwe bende mondo opake, kaachiel gi sulwe duto marieny. 4 Un polo man malo mogik, pakeuru, kaachiel gi un, pige manie bwo polo. 5 Onego gipak nying Jehova kargi duto nimar nogolo chik mine gibetie. 6 Ne ogurogi kuondegi nyaka chieng’ kendo nyaka chieng’ kaluwore gi chikne mochwere. 7 Pakuru Jehova gie piny, un chwech marodonge manie nam kod kude matut duto mag ataro, 8 kaachiel gi mil polo gi pe gi theluji gi boche, kod yembe maringo matek mawinjo wachne; 9 kod un gode gi thuche gi yiende manyago olembe gi yiende mag sida duto; 10 kod le mager gi jamni duto gi le matindo gi winy mahuyo, 11 kod ruodhi mag piny gi ogendini duto; kod un jotelo gi joloch duto mag piny, 12 kod un yawuowi matindo gi nyiri matindo, gi jodongo kod nyithindo. 13 Onego gipak nying Jehova gin duto, nimar nyinge kende ema nigi duong’; kendo duong’ne maler oyombo piny gi polo. 14 O sechungo tung ne joge- tung mosekelo pak ne joge maler duto, joge ma jo Israel, ma gin joma nimachiegni gi chunye. Haleluya!
1 Haleluya! Werneuru Jehova wer manyien, kendo dendeuru e chokruok mar joma ler. 2 Jo Israel mondo obed mamor gi jachwechgi; ee, jo Sayun mondo obed mamor gi Ruodhgi. 3 Onego gi pak nyinge gi miel kendo gi werne mamit ka gigoyo oyieke gi nyatiti. 4 Nimar chuny Jehova mor gi joge kendo osidho joma obolore gi warruok. 5 Jomaler mondo oil ka miye duong’ kendo giwer gimor ka gibet e otandagi. 6 Onego pak mar Nyasaye obed e dhogi kendo giting’ ligangla ma dhoge ariyo e lwetgi, 7 mondo gichulgo kuor ne ogendini, 8 kendo gitue ruodhigi gi nyoroche, kod jotendgi gi opingo mag chuma, 9 ka gichopo kum mane ondik kuomgi chon. Ma e duong’ mar joge maler duto. Haleluya!
1 Haleluya! Pakuru Nyasaye e kare maler; pakeuru ei polo mare mar nyalo. 2 Pakeuru nikech tijene mosetimo kuom tekone maduong’; kendo nikech duong’ne moyombo duto. 3 Pakeuru kugoyo turumbete, kendo kugoyo nyatiti gi asili, 4 pakeuru kugoyo oyieke kendo umiel, ee, pakeuru gi gita kod oporo, 5 pakeuru kudiemo ongeng’o gi nyawadgi, ee, pakeuru ka ongeng’o gore. 6 Gimoro amora ma yweyo mondo opak Jehova. Haleluya.
The New Testament of our Lord and Saviour Jesus Christ
Nonro Mar Anywola Mar Yesu
1 Ma e kaka anywola mar Yesu Kristo ma wuod Daudi kendo wuod Ibrahim chalo: 2 Ibrahim ne en wuon Isaka, Isaka ne en wuon Jakobo, to Jakobo ne en wuon Juda gi owetene. 3 Juda ne en wuon Perez gi Zera, ma min-gi ne en Tamar, Perez ne en wuon Hezron, Hezron ne en wuon Ram, 4 to Ram ne en wuon Aminadab. Aminadab ne en wuon Nashon, Nashon ne en wuon Salmon, 5 Salmon ne en wuon Boaz, ma min-gi ne Rahab. Boaz ne en wuon Obed ma min-gi ne Ruth, Obed, ne en wuon Jese, 6 to Jese ne en wuon Ruoth Daudi. Daudi ne en wuon Solomon, ma min-gi, kane pok Daudi okawe, ne en chi Uria, 7 Solomon ne en wuon Rehoboam, Rehoboam ne en wuon Abija, to Abija ne ne wuon Asa. 8 Asa ne en wuon Jehoshafat, Jehoshafat ne en wuon Jehoram, Jehoram ne en wuon Uzia, 9 to Uzia ne en wuon Jotham, Jotham ne en wuon Ahaz, Ahaz ne en wuon Hezekia 10 to Hezekia ne en wuon Manase. Manase ne en wuon Amon, Amon ne en wuon Josia, 11 to Josia ne en wuon Jekonia gi owetene, e kinde mag twech e piny Bablon. 12 Bang' twech e Bablon: Jekonia ne en wuon Seltiel, Seltiel ne en wuon Zerubabel, 13 Zerubabel ne en wuon Abiud to Abiud ne en wuon Eliakim. Eliakim ne en wuon Azor, 14 Azor ne en wuon Zadok, Zadok ne en wuon Akim, to Akim ne en wuon Eliud. 15 Eliud ne en wuon Eleazar, Eleazar ne en wuon Mathan, Mathan ne en wuon Jakobo, 16 to Jakobo ne en wuon Josef mane en chwor Maria mane onywolo Yesu, miluongo ni Kristo. 17 Kamano tienge duto mane nitie chakre Ibrahim nyaka Daudi gin apar gang'wen; chakre Daudi nyaka ndalo twech e Bablon, tienge apar gang'wen, kendo chakre ndalo twech nyaka kinde mag Kristo bende tienge apar gang'wen.
Nywol Mar Yesu Kristo
18 Kama e kaka nywol mar Yesu Kristo notimore: Noyudo min mare ma Maria osesingi ne Josef mondo ofende, to kane pok gibedo kaachiel, noyude ka en gi nyathi kuom Roho Maler. 19 Nikech Josef chwore ne en ng'ama kare, kendo ne ok odwar miyo ji kuod wiye, nochano e pache mar weyo kende ling' ling'. 20 To bang' paro mar timo kamano, Malaika mar Ruoth nofwenyorene e lek mowacho ni, "Josef wuod Daudi, kik iluor dhi gi Maria dala kaka chiegi, nikech gima oting'o e iye oa kuom Roho Maler. 21 Obiro nywolo wuowi, kendo nyaka imiye nying ni Yesu, nikech obiro 'waro joge kogolo e richogi. 22 Magi duto notimore mondo ochop gimane Ruoth owacho gi dho janabi ni, 23 "Nyako ngili, nomak ich mi nonywol wuowi, kendo giniluonge ni Imanuel"-ma tiende ni, "Nyasaye kodwa." 24 Kane Josef ochiew, notimo gima malaika mar Ruoth nochike mondo otim, kendo nokawo Maria odhigo dala mobedo chiege. 25 To ne ok oriwore kode nyaka bang' kane osenyuolo nyathi ma wuowi kendo nomiye nying ni Yesu.
Limbe Mar Joma Riek
1 Bang' kane osenywol Yesu Bethlehem e piny Judea, e ndalo mag Ruoth Herode, Joma Riek moa Yo wuokchieng' nobiro Jerusalem, 2 mi open-jo ni, "Ere jal mosenywol mondo obed Ruodh jo- Yahudi? Ne waneno sulwe mare yo wuokchieng' kendo wasebiro mondo walame." 3 Kane Ruoth Herode owinjo wachno, chunye nochandore, en kaachiel gi ji duto modak Jerusalem. 4 Kane oseluongo jodolo madongo gi jopuonj chik duto mane otelo ne ji, nopenjogi kama nowin-jore nywolie Kristo. 5 To gin ne gidwoke ni, "E Bethlehem manie piny Judea, nikech janabi nondiko kama: 6 "To in, Bethlehem, manie piny Judea, ok itin ngang' e dier joloch mag Juda; nikech kuomi ema jaloch biro ae, mabiro kwayo joga majo-Israel" 7 Eka Herode noluongo joma riekgo ling'ling', kendo ne ononogi, mi neginyise saa nogono mane sulwe onenoree. 8 Ne oorogi Bethlehem, kowacho ni, "Dhiuru kendo umany nyathino maber. E sama uyudeno to duognauru wach mondo an bende adhi alame." 9 Kane gisewinjo wach ruoth, ne gimako wuodhgi gidhi, kendo sulwe mane oyudo giseneno yo wuok cheing' notelo nigi nyaka nochopo mi ochung' e wi kamane nyathi nitie. 10 Kane gineno sulweno, ne gibedo moil mokalo. 11 To kane gichopo ei ot, ne gineno nyathino kod Maria min mare, kendo ne gikulore piny ka gilame. Bang'e ne giyawo mwandugi kendo ne gimiye mich mag dhahabu, gi ubani gi manemane. 12 To kaka nosesiem-gi e lek ni kik gidog ir Herode, ne gidok thurgi gi yo machielo.
Tony Dhi Misiri
13 Bang' kane gisedhi, malaika mar Ruoth nofwenyore ne Josef e lek. Nowachone ni, "A malo ikaw nyathi gi min mare mondo itony idhi Misiri. Dag kuno nyaka aduogni wach, nikech Herode biro manyo nyathini mondo onege." 14 Omiyo noa malo gotieno mi okawo nyathi gi min mare kendo nowuok modhi Misri, 15 kuma nodakie nyaka chop tho mar Herode. Kamano gima Ruoth nowacho chon gidho janabi ni, "Ne aluongo wuoda ka agolo Misri," nochopo kare. 16 Ka Herode nofwenyo ni joma Riekgo nosewuonde, iye nowang' asasa, kendo nogolo chik mondo onegi nyithindo ma yawuowi duto modak Jerusalem gi mier molwore, mane hikgi ariyo kadok chien, kaluwore gi saa mane Joma Riek onyise. 17 Eka gima Nyasaye nomiyo janabi Jeremia owacho nochopo kare: 18 "Duol winjore Rama, en ywak gi nduru maduong' Rael ywago nyithinde kendo odagi ni ok hoye, nikech gisetho."
Dok Nazareth
19 Bang' ka Herode nosetho, malaika mar Ruoth nofwenyore ne Josef e lek ka en Misri kuno, 20 kendo nowachone ni, 'Aa malo ikaw nyathi kod min mare mondo idhi e piny Israel, nikech joma netemo kawo ngima nyathi osedhi." 21 Omiyo noa malo, mokawo nyathi gi min mare, kendo nodhi e piny Israel. 22 To kane owinjo ni Arkelao nobet e loch e piny Judea kar wuon-gi ma Herode, nolu-oro dhi kuno. Kaka nosesieme e lek, noloko wuoth modhi e gweng' mar Galili, 23 endo nodhi modak e taon miluongo ni Nazareth. Kamano gima nowachi gi dho janabi ni,"Enoluonge ni ja Nazareth," nochopo kare.
Johana Ja-Batiso Oloso Yo
1 E ndalogo Johana ja Batiso nobiro, koyalo e Thim mar Judea, 2 kendo owacho ni, "Lokreuru, nikech Loch polo ni machiegni." 3 Ma e jalo mane owuo kuome gidho janabi Isaya ni: "Dwond ng'at makok e thim ni, 'Losuru yo ne Ruoth, losneuru yore moriere tir.'" 4 Lep Johana nochwe gi yie ngamia, kendo notweyo kamba mar pien e nungone. Chiembe ne gin bonyo gi mor kich mag bungu. 5 Ji nowuok odhine koa Jerusalem gi Judea duto koda ka gweng' Jordan duto. 6 Kane gihulo richogi, ne obatisogi e Aora Jordan. 7 To kane oneno jo Farisai gi jo Sadukai ka biro kama ne obatise ji, nowacho negi ni: "Un koth thuondegi! En ng'a mane osiemou mondo uring utony ne mirima mager mabiro? 8 Nyaguru olemo manyiso ni uselokoru adier. 9 Kendo kik upar ni unyalo wacho ne un uwegi ni, Wan-gi Ibrahim kaka wuonwa.' Anyisou ratiro ni Nyasaye nyalo loso ne Ibrahim nyithindo kogolo e kitegi. 10 Le koro oseketi e tie yiende, kendo yien ka yien ma ok nyag olemo ibiro tong' mi go piny kendo witi e mach. 11 An abatisou gi pi mar lokruok.To ng'ato biro biro bang'a ma tekre ng'eny moloya, ma kata akande ok awinjora tingo. En obiro batisou gi Roho Maler kod mach. 12 Odheche mar pietho nie lwete, kendo obiro yweyo kare mar dino cham, lochoko ngano mage okano e dero, to mihudhi to owang'o gi mach maok nyal negi."
Batiso Mar Yesu
13 Eka Yesu nobiro koa Galili nyaka Jordan mondo Johana obatise. 14 To Johana notemo tame, kawacho ni, "Ikelo biro ira nade to an ema adwaro mondo ibatisa?" 15 Yesu nodwoko ni, "We otimre kamano sani; en gima ber ne wan kodi mondo watim ma, eka wachop tim makare duto." Eka Johana noyie. 16 Kane osebatis Yesu nii to nowuok oa ei pi. To sanosano polo noyawore kendo noneno Roho mar Nyasaye, ka lor kaka akuru, kendo piyo kuome. 17 To duol moro moa e polo nowacho ni, "Ma en wuoda, ma ahero, kendo chunya mor kode."
Tem Mar Yesu
1 Eka Roho notelone Yesu nyaka e thim mondo Jachien oteme. 2 Bang' tweyo chiemo kuom odiechienge piero ang'wen gi otieno piero ang'wen, kech nochako kaye. 3 Jatem nobiro ire kendo owacho ni, "Ka in Wuod Nyasaye to nyis kitegi mondo gilokre kuon." 4 Yesu nodwoko ni, "Ondiki ni: 'Dhano ok bed mangima nikech kuon kende, to nikech wach ka wach moa e dho Nyasaye.'" 5 Eka jachien nokawe motere nyaka Dala Maduong' Maler, kendo nochunge e osuch Hekalu malo-malo mogik. 6 Nowachone ni, "Dirri piny, nikech ondiki ni, "Obiro chiko malaikege kuomi, kendo gibiro ting'i malo e lwetgi, mondo kik ichwany tiendi e kidi.'" 7 Yesu nodwoke ni, "Ondiki bende ni, 'Kik iket Ruoth Nyasachi e tem'" 8 Jachien nokawe kendo, motere nyaka ewi got moro ma rabora ahinya, kendo nonyise pinje ruodhi mag piny gi duong' mane gin-go. 9 Nowacho ni, "Magi duto abiro miyi ka ikulorina piny kendo ilama." 10 Yesu nowachone ni, "Dhi kucha, Satan! Nikech ondiki ni, 'Ruoth Nyasachi kende ema nyaka ilam kendo itine.'" 11 Eka Jachien noweye, kendo malaike nobiro mokonye.
Yesu Ochako Yalo
12 Ka Yesu nowinjo ni Johana nosetwe e jela, nodok Galili. 13 Nodar Nazareth modhi odak Kapernaum, mane nie dho nam e gweng' mar Zebulun gi Naftali, 14 mondo ochop gima nowachi gi dho janabi Isaya ni: 15 "Piny Zebulun gi piny Naftali, yo moluwo tie Jordan kochomo nam, Galili mar ogendini 16 joma odak e mudho oseneno ler maduong'; joma odak e piny ma tipo mar tho oumo, ler osechopo negi" 17 Chakre kindeno kadhi nyime, Yesu nochako yalo ni, "Lokreuru nikech pinyruodh polo ni machiegni."
Luong Mar Jopuonjre Mokwongo
18 Kane oyudo Yesu wuotho e gweng' Nam Galili, noneno owete ariyo, Simon milwongo ni Petro gi owadgi ma Andrea. Noyudo gibolo gokgi e nam, nimar ne gin jolupo. 19 Yesu nowachonegi ni, "Biuru uluwa mondo ami ubed joywa ji." 20 Ne giweyo gokegi sanosano mi giluwe. 21 Kane ochwalore nyime koa kanyo, noneno owete ariyo mamoko, Jakobo wuod Zebedi gi owadgi ma Johana. Ne gin e yie kaachiel gi wuon-gi ma Zebedi, ka giiko gokegi. Yesu nolwongogi, 22 kendo ne giweyo yie kod wuon-gi sanosano mi giluwe.
Yesu Ochango Joma Tuo
23 Yesu nodhi e gweng' Galili duto, kopuonjo e sunagokegi, koyalo Wach Maber mar pinyruoth kendo kochango kit tuoche gi midekre duto e dier ji. 24 Humbe nolandore e piny Siria duto, kendo ji nokelone joma ne tuo gi kit tuoche mayore yore gi joma ne nigi rem mapek gi joma ne nigi jochiende gi joma ne chunygi yudhore kod joma ne nigi athany, kendo nochangogi. 25 Oganda makwar moa Galili gi gweng' mar Dekapoli gi Jerusalem gi Judea kod gweng' man loka Jordan ne luwe.
Kit Joma Ogwedhi
1 Koro kane oneno oganda maduong' mar ji, nodhi e bath got mi obet piny. Jopuonjrene nobiro ire, 2 endo nochako puonjogi, kowacho niya 3 "Joma odhier gie chunygi gin joma ogwedhi, nimar pinyruodh polo en margi. 4 Joma ywak gin joma ogwedhi, nimar ibiro hoyogi. 5 Joma muol gin joma ogwedhi nimar piny nobed girkeni margi. 6 Joma kech kayo kendo riyo oloyo nikech gidwaro tim makare gin joma ogwedhi, nimar gibiro yieng'. 7 Joma kecho ji gin joma ogwedhi, nimar ibiro kechgi. 8 Joma ler gie chunygi gin joma ogwedhi, nimar ginine Nyasaye. 9 Jokel kuwe gin joma ogwedhi, nimar noluong-gi ni yawuot Nyasaye. 10 Joma isando nikech tim makare gin joma ogwedhi nimar pinyruodh polo en margi. 11 "Ka ji yanyou kendo sandou kendo hangonu wach ni usetimo kit gik maricho duto nikech an, to un joma ogwedhi. 12 Beduru moil kendo mamor, nikech mich maru duong' e polo, nimar jonabi mane okuongonu bende ne gisando mana kamano.
Chumbi Gi Ler
13 "Un e chumbi mar piny. To chumbi ka ndhathe orumo, to ere kaka dochak obed gi ndhath chumbi kendo? Koro onge konyruok mokelo, makmana ni ipuke oko kendo ji nyone piny gi tiendegi. 14 "Un e ler mar piny. Taon moger ewi thur ok nyal pandi. 15 Kamano bende, ji ok mok taya kaeto gikete e bwo sufuria. Kar timo kamano to giliere malo e yiende modhi malo monego ong'awe, eka ochiwo ler ne ji duto manie i ot. 16 Un bende timuru kamano. Neuru ni ler maru rieny e dier ji, mondo gine timbeu mabeyo kendo gipak Wuonu manie polo.
Chopo Chik
17 "Kik upar ni asebiro mondo atiek Chik kata Jonabi. Ok asebiro mondo atiek-gi, to asebiro mar chopogi. 18 Awachonu adier ni nyaka chop chieng' ma polo gi piny nolal nono, onge nukta matin mogik kata alama moro amora mar kalam ma nolal kuom Chik, nyaka chop gik moko duto chop kargi. 19 Ng'ato ang'ata moketho achiel kuom chike matindoe mogik kuom Chikegi, kendo mopuonjo joma moko mondo otim kamano, nokaw kaka ng'ama nichien mogik e pinyruodh polo, to ng'ato ang'ata maluwo kendo puonjo ji chikegi nokaw kaka ng'ama duong' e pinyruodh polo. 20 Nimar alonu ni ka ok ber maru oyombo mano mar jo Farisai gi mar jopuonj chik to ok unudon-ji e pinyruodh polo ngang'.
Nek
21 'Usewinjo ni ne o wachne joma chon ni, 'Kik ineki, kendo ng'ato ang'ata mon-eko ibiro ng'adne bura. 22 Anto anyisou ni ng'ato ang'ata ma mirima omako gi nyawadgi ibiro ng'adne bura. Bende, ng'ato ang'ata mowacho ne nyawadgi ni, 'Raka' nyaka yal e buch jo Sanhedrin. To ng'ato ang'ata mowacho ni, 'Ifuwo nade,' biro neno chandruok mar mach mar Gehena. 23 "Kuom mano, ka ichiwo michni e dho kendo mar misango to iparo ka in kanyo ni nyawadu nikodi gi wach, 24 to we michnino piny kanyo e nyim kendo mar misango. Kwong idhi ilos kindi gi nyawadu; eka ibi ichiw michni. 25 "Los weche piyopiyo gi jasiki madwa teri e od bura. Tim kamano kapod un kode e yo, nono to onyalo keti e lwet jang'ad bura kendo jang'ad bura nyalo boli e lwet polis, kendo inyalo rwaki e jela. 26 Awachoni adier ni kuno koserwakie to ok ibi wuokie nyaka chop ichul faini duto monego ichul ma ok orem kata nduru.
Terruok
27 "Usewinjo ni nowachi ni, 'Kik iterri,' 28 Anto anyisou ni ng'ato ang'ata moran-go ng'ama dhako ka ogombe oseterore kode gie i chunye. 29 Ka wang'i ma korachwich miyo itimo richo to lodhe oko kendo iwite kucha. Ber moloyo ka iwito fuonni achiel mar ringri moloyo ka ringri duto owiti e gehena. 30 Kamano bende ka lweti makor kachwich miyo itimo richo, to ng'ade oko iwite kucha. Ber moloyo ka iwito fuonni achiel moloyo ka ringri duto odhi e gehena.
Ketho Keny
31 "Osewachi ni, ng'ato ang'ata moketho keny gi chiege nyaka miye sati-fiket mar ketho keny. 32 Anto awachonu ni ng'ato ang'ata moketho keny gi chiege makmana kuom wach mar miganga mar kend, to omiyo chiege be terore, kendo ng'ato ang'ata mokendo dhako makamano bende oterore.
Kuong'ruok
33 "Usewinjo bende ni nowachi ne joma chon ni, "Kik iketh kuong'ruok, to riti kuong'ruok moro amora misetimo ne Ruoth Nyasaye.' 34 Anto anyisou ni kik ukwong'ru kata matin: Kik ukuong'ru gi polo ni mar en e kom loch mar Nyasaye; 35 kata gi piny, nimar en e kome moyieye tiende; kata gi Jerusalem, nikech en e dala mar Ruoth Maduong' 36 Kendo kik ukuong'ru gi wiu, nikech ok unyal loko yie wich achiel rachar kata rateng'. 37 Neuru ni 'Ee' maru obedo 'Ee', kendo boyo' obedo boyo'. Gimoro amora mokalo mano en gima oa kuom Ng'ama Rach.
Wang' Kar Wang'
38 "Usewinjo ni nowachi ni, Wang' kar wang' kendo lak kar lak'. 39 Anto anyisou ni kik ubed gi ng'ama rach. Ka ng'ato othalo lembi makorachwich to lokne komachielo bende, 40 kendo ka ng'ato dwa yalo kodi mi okawo lawi mar akor to wene jakedi bende. 41 Ka ng'ato ochuni mondo ikowe mael achiel to dhi kode mael ariyo. 42 Ka ng'ato okwayou gimoro to miyeuru, kendo kik ulok kitu ne ng'at madwaro ni uhole gimoro.
Hero Wasigu
43 "Usewinjo ni nowachi ni, Her owadu to jasiki to isin-go 44 Anto awachonu ni: Heruru wasiku kendo lamuru ne joma sandou, 45 mondo eka ubed yawuot Wuonu manie polo. En omiyo chieng' mare wuok ne joma richo gi joma beyo machalre, kendo ooro koth ne joma kare gi joma ok kare. 46 Ka uhero mana joma oherou kende to pok mane muyudo? Donge kata josol osuru bende timo mano? 47 Koso ka umoso mana oweteu kende to en ang'o mutimo moloyo joma moko? Donge kata joma ok lem be timo mano? 48 Kuom mano, beduru malong'o chuth mana kaka Wuonu manie polo longo chuth.
Chiwone Joma Ochando
1 'Beduru motang' mondo kik utim 'timbeu makare' e nyim ji, mondo eka gineu. Kutimo kamano to ok ubi yudo pok moa kuom Wuonu manie polo. 2 "Kuom mano kuchiwo kony ne joma ochando to kik uland gima utimo gi tung', kaka joma wuondore timo ei sunagoke kendo e yore manie kind mier, mondo ji omigi luor. Anyisou adier ni gin giseyudo pokgi duto. 3 To in, kichiwo kony ne joma ochando to kik iyie lweti makor acham ng'e gima lweti makorachwich timo, 4 mondo chiwo mari obed malingling'. Eka Wuonu maneno gima ochiw ling'ling' nomiyi pokni.
Lamo
5 "Bende kulamo to kik uchal gi joma wuondore, nimar gihero lamo ka gichung' ei sunag)ke, kendo e akek yore mondo ji onegi. Awachonu adier ni giseyudo pokgi duto. 6 To in, kilamo to donji e odi maiye, kaeto ilor dhoot eka ilam Wuonu ma ok ne. Eka Wuonu maneno gima otim ling'ling' nomiyi pokni. 7 To kulamo to kik usik kunuoyo weche kayiem kaka jopiny, nimar giparo ni ibiro winjgi nikech wechegi mathoth. 8 Kik uchal kodgi, nikech Wuonu ong'eyo gik muchando kata kapok ukwaye. 9 "Koro kama e kaka onego ulam: 'Wuonwa manie polo, nyingi mondo omi luor, 10 Pinyruodhi mondo obi, dwaroni mondo otimre e piny kaka timore e polo. 11 Yie imiwa kawuono chiembwa mapile pile. 12 Wenwae gopewa, kaka wan bende waseweyo ne jogopwa. 13 Bende kik iterwa e tem, to reswa e lwet Ng'ama Rach.' 14 Nimar ka uweyo ne ji ka gikethonu eka Wuonu manie polo biro weyonu. 15 To ka ok uwene ji richogi to wuonu manie polo ok bi weyonu richou.
Tweyo Chiemo
16 "Ka utweyo chiemo to kik unen malich kaka joma wuondore timo, nimar gimieno wengegi mondo ginyis ni gitweyo chiemo. Awachonu adier ni giseyudo pokgi duto. 17 To in, kitueyo chiemo to ket mo e wiyi kendo lwok wang'i, 18 mondo kik obed gima ong'ere ne ji ni itweyo chiemo, to Wuonu ma ok ne kende ema ong'e. Eka Wuonu maneno gima otim ling'ling' nomiyi pokni.
Mwandu Manie Polo
19 "Kik ukan mwandu ne un uwegi e piny kama olwenda gi nyal kethoe gik moko, kendo kama jokuoge turoe kendo kweloe. 20 To kanuru mwandu ne un uwegi e polo kama olwenda kata nyal ok kethie gik moko kendo jokuoge ok turie ma kwelie, 21 mimar kama mwanduni nitie e kama chunyi be biro betie. 22 "Wang' e taya mar del. Ka wengeni neno maber to dendi duto biro pong' gi ler. 23 To ka wengeni richo to dendi duto biro pong'gi mudho. Omiyo ka ler manie iyi en mudho, to mano kaka en mudho maduong' miwuoro! 24 "Onge ng'ama nyalo tiyo ne ruodhi ariyo. Ka ng'ato otimo kamano to obiro chayo achiel to ohero machielo, kata onyalo chiwore ne achiel moloyo to machielo to ok odew. Ok unyal tiyo ne Nyasaye kendo utiyo ne pesa.
Kik Uluor
25 "Emomiyo anyisou ni, kik uparru kuom ngimau, kuom gik mubiro chamo kata madho; kata kuom dendu, korka gik mubiro rwako. Donge ngima duong' moloyo chiemo, koso del donge duong' moloyo lewni? 26 Ranguru ane winy ma huyo e kor polo.Ok gikom kata gike kata giken e dere, to eka Wuonu manie polo pod pidhogi apidha. To un donge un gi nengo mamalo moloyogi? 27 En ng'a kuomu ma parruok moparorego nyalo miyo omed bedo mangima kata mana kuom saa achiel kende? 28 "Koso uparoru ne wach lewni nang'o? Neyeuru kaka ondanyo mag pap dongo. Ok ginyagre gi tich kata gi chwe-cho. 29 To anyisou ni kata mana Solomon e duong'ne duto ne ok orwakore ka achiel kuomgi. 30 Ka kamano e kaka Nyasaye rwako lum aluma manie pap, ma kawuono nitie to kiny to iwito e mach, donge obiro rwakou maber moloyo, yaye un joma yiegi tin-gi? 31 Omiyo kik uparru kuwacho ni, Wabiro chamo ang'o?' kata ni, wabiro rwako ang'o? 32 Nimar jo-piny ema chan-dore ka lawo gigi duto; to bende Wuonu manie polo ong'eyo ni udwaro gigi duto. 33 To mokwongo, dwaruru pinyruodhe kod timne makare eka gigi duto bende nomiu kaachiel gi mago. 34 Kuom mano, kik uparru kuom kiny, nikech kiny noparre kuome owuon. Odiechieng' kodiechieng' nigi chandruokne morome.
Ng'ado Ne Ji Bura.
1 "Kik ung'ad ne ji bura, nono to un be ibiro ng'adnu bura. 2 Nimar kaka ung'ado ne ji mamoko bura e kaka ibiro ng'adnu bura un bende, kendo rapim mupimogo ema ibiro pimnugo un bende. 3 "Ang'o momiyo ing'iyo ng'injo mar buch bao manie wang' owadu to pilni maduong' mar bao manie wang'i iwuon to ok idew? 4 Ere kaka inyalo wacho ne owadu ni, 'We agolni ng'injo mar buch bao manie wang'i, ka into pilni maduong' mar bao osiko ngolni e wang'i iwuon? 5 In ng'ama wuondoreni, kuong igol oko pilni maduong' mar bao manie wang'i iwuon, eka ibiro neno maber mar golo oko ng'injo mar buch bao manie wang' owadu. 6 "Kik umi guogi gima ber; bende kik udirne anguro kiteu ma nengogi tek. Kutimo kamano to ginyalo nyonogi piny e bwo tiendegi mi gilokre kodu kendo gikidhu matindo tindo.
Kwa, Dwar, Dwong'
7 "Kwauru eka gima ukwayono nomiu; dwaruru eka unuyud gima udwaro; dwong'uru eka noyawnu dhoot. 8 Nimar ng'ato ka ng'ato makwayo imiyo; ng'at madwaro yudo; kendo dhoot ibiro yaw ne ng'at madwong'o. 9 "En ng'a kuomu ma kawuode okwayo kuon to onyalo miye kidi? 10 Kata ka okwayo rech to omiye thuol? 11 Koro, ka un, ma un joma richo, ung'eyo miyo nyithindu mich mabeyo, Wuonu manie polo donge nyalo chiwo ne joma kwaye mich mabeyo dimang'e-ny! 12 Omiyo, e gik moko duto, timuru ne joweteu gik ma duher mondo gin bende gitimnu, nikech mano e tiend Chik gi Jonabi.
Dho Rangach Madiny Kod Dho Rangach Malach
13 "Donjuru gi e dho rangach madiny. Nimar rangajno oyarore kendo yorno lach madhi e kethruok, kendo ji mathoth donjo koluwe. 14 To rangajno tin kendo yorno diny matero ji e ngima, kendo mana joma nok kende ema yude.
Yien Kod Olembege
15 "Tang'uru gi jonabi mag miriambo. Gibiro iru ka girwako lep rombe, to gi e igi to gin ondiegi mangemo. 16 To kit olemo ma ginyago ema ubiro ng'eyo gigo. Beji pono olemb mzabibu e yiend kudho, kata olemb ng'owo kuom oriang'? 17 Kamano bende e kaka yien maber nyago olemo maber, to yien marach nyago olemo marach. 18 Yien maber ok nyal nyago olemo marach, kendo yien marach ok nyal nyago olemo maber. 19 Yien ka yien maok nyag olemo maber itong'o igoyo piny kendo iwito e mach. 20 Omiyo kit olemo ma ginyago ema ubiro ng'eyo-gigo. 21 "Ji duto ma wachona ni, 'Ruoth, Ruoth,' ok nodonji e polo, to mana ng'ama timo dwaro mar Wuora manie polo ema nodonji. 22 Ji mang'eny nowachna e odiechiengno ni, 'Ruoth, Ruoth, donge ne wakoro wach e nyingi, kendo e nyingi donge emane wariembogo jochiende kendo watimogo honni mang'eny?' 23 To ana nyisgi e wang'gi ni, 'Akiau nyaka aa chakruok, ayiuru e nyima, un joma timo richogi!'
Jogedo Mariek Gi Jogedo Mofuwo
24 "Emomiyo ng'ato ang'ata mawinjo wechenagi kendo timo kaka giwacho chalo gi ng'ama riek mane ogero ode e lwanda. 25 Koth nochwe maduong', aoche nopong' motak, kendo yamo nokudho matek mogoyo odno; to kata kamano ne ok opodho, nikech mise mare ne nie lwanda. 26 To ng'ato ang'ata mawinjo wechenagi to ok tim kaka giwacho chalo gi ng'at mane ogero ode e kwoyo. 27 Koth nochwe maduong', aoche nopong' motak kendo yamo nokudho matek mogoyo odno, mi noruombore piny gi ruombruok matek." 28 Kane Yesu osetieko wacho gigi, oganda nowuoro puonjne, 29 nikech nop-uonjo kaka ng'ama ne nigi teko, to ok kaka jopuonjgi mapile mag chik.
Ng'at Man-gi Dhoho
1 Kane olor piny koa e bath got malo, oganda maduong' ne luwo bang'e. 2 Ng'at moro man-gi dhoho nobiro mogoyo chonge piny e nyime, kendo nowachone ni, "Ruoth, kiyie to inyalo pwodha." 3 Yesu norieyo bade kendo nomulo ng'atno. Nowacho ni, "Ayie, pwodhri!" Sanosano, nochange kuom dhohone. 4 Eka Yesu nowachone ni, "Ne ni ok inyiso ng'ato wachni. To dhiyo mondo inyisri ne jodolo, kendo ichiw mich mane Musa ochiko, mondo mano obed negi kaka neno."
Yie Mar Ja-Kenturo
5 Ka Yesu nosedonjo ei Kapernaum, ja Kenturo moro nobiro ire, kakwaye kony. 6 Nowacho ni, "Ruoth, jatichna aweyo koriere piny dala, ka ok onyal chuth, kendo kowinjo marach moloyo." 7 Yesu nowachone ni, "Abiro dhi mi achange." 8 Ja-Kenturo nodwoko kawacho ni, "Ruoth, ok awinjora dhi kodi e bwo tat oda. To wach mana wach mowinjore kende, to jatichna biro chango. 9 Nimar an bende an ng'ama nie bwo teko mar joten-da, kendo an-gi jolweny manie bwoya. Ka akone moro ni, 'Dhiyo', to odhi; kendo ka akone machielo ni, 'Bi, to obiro. Bende, ka anyiso misumbana ni, 'Tim ma', to otime." 10 Kane Yesu owinjo wach ng'atno, nohum nono kendo nowacho ne joma ne luwo bang'e ni, "Awachonu adier ni pok ayudo kata ng'at achiel e piny Israel ma nigi yie maduong' machal kama. 11 Awachonu niji mang'eny biro biro koa wuok chieng' gi podho chieng' kendo gini kaw keregi kaachiel gi Ibrahim, Isaka gi Jakobo e nyasi mar chiemo manobed e pinyruodh polo. 12 To jokanyo mag pinyruoth to nodir oko e mudho mandi-wa, kama ji noywagre malich ka gimuodo lekegi." 13 Eka Yesu nowachone ja-Kenturo ni, "Dhiyo! Dhi timoreni mana kaka iseyie ni notimreno." Kendo jatichne nochango' e saa nogmo.
Yesu Ochango Ji Mang'eny
14 Ka Yesu nobiro ei od Petro, noneno maar Petro konindo e otanda, ka en-gi midhusi. 15 Nomulo lwete mi midhusi noweye, kendo noa malo mochako pidho- 16 Ka nochopo odhiambo, nokelne ji mathoth mane nigi jochiende, kendo noriembo chunjego oko gi wach, kendo nochango ji duto mane tuo. 17 Mano notimore mondo ochop gima nowachi gi dho Janabi Isaya ni: "Nokawo nyosruok marwa kendo noting'o tuochewa."
Nengo Mar Luwo Yesu
18 Ka Yesu noneno oganda maduong' kolwore, nogolo chik mondo ging'ad nam gidhi bathe koma chielo. 19 Eka japuonj chik nobiro ire mowachone ni, "Japuonj, abiro luwi kamoro amora midhiye." 20 To Yesu nodwoke ni, "Bweche nigi buche kendo winy mahuyo e kor yamo nigi utegi, to Wuod Dhano onge gi kamoro amora monyalo kete wiye." 21 Jalupne machielo nowachone ni, "Ruoth, yiena adhi ayik wuonwa mondi." 22 To Yesu nokone ni, "In luwa, kendo we joma otho oik jogegi motho gin giwegi."
Yesu Okweyo Ahiti
23 Eka nodonjo e yie kendo jopuonjrene noluwe. 24 To ka gir kirage, kodh yamo mager nobukore e nam, mi apaka noyuoyo yie. To Yesu noyudo nindo otero. 25 Jopuonjre nodhi mochiewe, ka giwa-chone ni, "Ruoth, reswa! Wadhi nimo!" 26 Nodwokogi ni, Uluor kamano nang'o, yaye un joma nigi yie matin? Eka noa malo mokwero yembe gi apaka, mi nam noling' thi. 27 Jogo nohum nono, kendo ne gipenjore ni, "Ma en ng'ama nade? Koda ka yembe gi apaka bende winje!"
Chang Mar Ji Ariyo Man-gi Jochiende
28 Kane ochopo loka komachielo e gweng' mar Gadarena, chwo ariyo mane nigi jochiende nowuokne e gunda mar liete moromo kode. Ne giger asasa ma onge ng'ama nenyalo kalo kanyo. 29 Ne gikok matek ni, "Idwaro ang'o irwa ka, Wuod Nyasaye? Mit kise biro ka mondo isandwa ka ndalo moketi pok ochopo?" 30 To mochwalore matin koa kama negintie, kweth maduong' mar anguro ne chieme. 31 Jochiendego nosayo Yesu ni, "Kigolowa kuom ji ariyogi to orwa wadonji ei kweth mag anguroka." 32 Nowachonegi ni, "Dhiuru!" Omiyo ne gia kuom ji ariyogo mi gidhi nyaka ei anguro, kendo kweth duto kar rombgi noridore piny matek koluwo geng nam kama ridore nyaka ei nam mi negitho ei pi. 33 Joma nerito angurogo noringo oa mi negidhi e taon mi ginyiso ji gima noti-moreno, kaachiel gi gima noyudo oseti-more ne joma ne nigi jochiende. 34 Eka ji duto ma nodak e taondno nowuok oko mondo girom gi Yesu. To kane ginene, negiywagorene mondo oa e gweng'gi.
Yesu Ochango Ng'ama Nigi Athany
1 Yesu noidho yie mi ong'ado nam nyaka loka komachielo, mi nochopo e taon madalagi. 2 Jomoko nokelone ng'ama nigi athany, konindo e pien. Ka Yesu noneno yie mane gin-go, nowacho ne ng'amane nigi athanyno ni, "Wuoda, bed gi kuwe e chunyi, richoni oweni." 3 To mano nomiyo moko kuom jopuonj chik owacho kendgi giwegi ni,"Ng'atni eri yanyo Nyasaye!" 4 Kaka Yesu nong'eyo pachgi, nowacho ni, "Ang'o momiyo uyie mondo paro maricho obed e chunyu? 5 Ere mayot moloyo: Wacho ni, 'Richoni oweni,' koso wacho ni, 'Aa malo mondo iwuothi?' 6 To mondo ung'e ni Wuod Dhano nigi teko e piny mar weyo richo...." Eka nowachone ng'ama ne nigi athanyno ni, "Aa malo kaw pieni mondo idhi dala." 7 Mi ng'atno noa malo kendo odhi dala. 8 Ka oganda noneno gima notimore, ne gipong' gi luoro; kendo ne gipako Nyasaye, ma nosechiwo teko machal kamano ne ji.
Luong Mar Mathayo
9 Kane oyudo Yesu dhi nyime koa kanyo noneno ng'ato manyinge Mathayo kobet e kiru mar jasol osuru. Nowachone ni, "Luwa," mi Mathayo noa malo kendo oluwe. 10 E seche mane Yesu nie mesa e od Mathayo, josol osuru mang'eny gi "joricho" nobiro mochiemo kode kaachiel gi jopuonjrene bende. 11 Kajo-Farisai noneno mano, negi penjo jopuonjrene ni, "Ang'o momiyo japuonju chiemo gi josol osuru kod joricho?" 12 Kane Yesu owinjo mano, nowa-chonegi ni, "Joma ngima ok ema dwar daktar, to joma tuo ema dwaro. 13 To dhi-uru upuonjru tiend wachni: 'Gima adwaro en ni ukech joweteu, to ok ni uchiwna misango.' Nimar joricho ema asebiro mondo aluongi, to ok joma kare."
Openj Yesu wach kuom Tweyo Chiemo
14 Eka jopuonjre Johana nobiro ire mopenje ni, "Ang'o momiyo wan kod jo Farisai watweyo chiemo to jopuonjreni to ok twe chiemo?" 15 Yesu nodwokogi ni, "Ere kaka wend wuon kisera nyalo kuyo kapod en kodgi? Kata kamano ndalo nobi ma wuon kisera nogol kuomgi; eka ginitwe chiemo e kindeno. 16 "Onge ng'ama bawo karaka manyien e law moti, nimar karakano biro mich mi ywa nangano, kendo mano biro miyo okidhore moloyo. 17 Machalre gi mano bende, ji ok thor olo divai manyien ei piende moti mag tingo divai. Ka gitimo kamano to piendego biro barore, divai biro pukore oko, kendo piende mag tingo divai biro kethore. Ooyo, giolo divai manyien e piende mag ting'o divai manyien, eka iritogi maber giduto kargi ariyo."
Nyako Motho Gi Dhako Matuo
18 Kane oyudo owacho wechegi, jatelo moro nobiro mokulore nyime kawacho ni, "Nyara oatho machiegni. To yie ibi iket lweti kuome mondo obed mangima." 19 Yesu noa malo kendo nodhi kode, kaachiel gi jopuonjrene bende. 20 To apoya nono, dhako moro mane iye osebedo ka chwer kuom higni apar gariyo nopore gi yo katoke kendo nomulo lawe. 21 Notimo kamano nimar nowacho gie chunye ni, "Ka anyalo mulo mana riak lawe kende to abiro chango." 22 Kane Yesu olokore monene, nowachone ni, "Bed motegno nyara, nikech yieni osechangi". Kendo dhakono nochango chakre sano. 23 Ka Yesu nodonjo e od jatelono, moneno jogo asili kod oganda mane goyo koko, 24 nowacho ni,"Ayiuru kae; nimar nyakoni nindo ema otero, ok otho." To gin ne ginyiere anyiera. 25 Kane oseriemb ogandano oko, nodonjo mi okawo nyakono gi bade, kendo noa malo. 26 Wach gima noti-moreno nolandore e gweng'no duto.
Yesu Ochango Muoiu Gi Momo
27 Kane oyudo Yesu medo dhi nyime koa kanyo, muofni ariyo ne luwo bang'e, ka kwarore kendo wacho ni, "Yie ikechwa wuod Daudi!" 28 Kane osedonjo ei ot, muofni ariyogo nobiro nyaka ire, kendo nopenjogi ni, "Be uyie ni anyalo timo ma?" Ne giyiene ni, "Ee, wayie Ruoth." 29 Eka nomulo wengegi kowacho ni, "Biro timorenu kuom yie ma un-go;" 30 kendo ne gichako neno kendo.Yesu nosiemogi matek ni, "Neuru ni ng'ato ok ong'eyo wachni." 31 To gin ne gidhi mi gikeyo wach kuome e gweng'no duto. 32 Ka noyudo giwuok gia, nokelne Yesu ng'at moro mane nigi jochiende kendo mane ok nyal wuoyo. 33 To kane oseriemb jachiendno kuome, ng'at mane momono nowuoyo. Oganda nohum mowacho ni, "Gima chalo kama pok ne one e Israel nyaka nene." Tojo Farisai to nowacho ni, "Teko mar ruodh jochiende ema og)logo jochiende." 34 To jo Farisai to nowacho ni, "Oriembo jochiende gi teko mar ruodh jochiende."
Jotich Nok
35 Yesu nodhi kuonde duto e taonde gi mier duto, kopuonjo e sunagokegi, koyalo Wach Maber mar pinyruoth, kendo kochango kit midekre gi tuoche duto. 36 Kane oneno oganda maduong' mane olwore, nokechogi,nikech ne ichandogi kendo gionge gi kony, mana ka rombe maonge gi jakwath. 37 Eka nowachone jopuonjrene ni, "Cham monego oka ng'e-ny to jotich nok. 38 Kuom mano, kwauru Ruodh keyo mondo oor jotich e puothe monego oka."
Yesu Ooro Jopuonjre Apar Gariyo
1 Noluongo jopuonjrene apar gariyo ire, mi omiyogi teko mondo giriemb chunje maricho kuom ji, kendo gichang kit midekre gi tuoche duto. 2 Magi e nying jopuonjre apar gariyogo: Mokwongo ne en Simon (miluongo ni Petro), gi owadgi ma Andrea; kod Jakobo wuod Zebedi gi owadgi ma Johana; 3 Filipo gi Bathlomeo; Thoma gi Mathayo ma jasol osuru; Jakobo wuod Alfayo, gi Thadayo; 4 Simon ma ne en achiel kuom oganda jo-Zilote gi Juda ja-Iskariot mane ondhoge. 5 Ji apar gariyogi Yesu nooro gi ote machal kama: "Kik udhi e dier ogendini maok jo-Yahudi, kendo kik udonj e taon moro amora mar jo Samaria. 6 To dhiuru ir rombe molal mag jo-Israel kende. 7 Ka un e wuoth udhi to yaluru wach kama: 'Pinyruodh polo ni machiegni.' 8 Changuru joma tuo, chieruru joma otho, pwodhuru joma nigi dhoho, riemburu jochiende. Kaka useyudo nono, un bende chiwuru nono. 9 Kik uting' kit pesa moro amora, kaka dhahabu kata fedha kata muia, e okandau mutweyo; 10 bende kik uting' mifuko mar wuoth, kata kode ariyo, kata pat-pat, kata ludh wuoth; nikech jatich owinjore yud chiembe kuom ng'ama otiyone. 11 Taon kata gweng' moro amora mudonje to manyuru ng'ato mowinjore modak kanyo, kendo daguru e ode nyaka chop chieng' ma ua. 12 Ka udonjo e dala to moseuru. 13 Ka dala mudonjeno en dala mowinjore, to kuwe maru nodong'ne, to ka ok owinjore, to kuwe maru noduognu. 14 Ka onge ng'ama oyie rwakou kata winjo wecheu, to teng'uru buru momoko e tien-deu sama uwuok e dalano kata e taondno. 15 Awachonu adier ni nobed maberber ne Sodom gi Gomora chieng' bura moloyo taondno. 16 Aorou udhi oko mana kaka rombe madhi e dier ondiegi. Kuom mano, beduru mariek ka thuonde, kendo ma onge wach ka akuche. 17 "To beduru motang' neji, nimar gibiro ketou e lwet buche gweng', kendo gibiro rodhou e sunagokegi. 18 Nikech nyinga, ibiro terou e nyim jotelo gi ruodhi kaka joneno mag-gi,kendo e nyim ogendini ma ok jo Yahudi. 19 To ka gimak-ou to kik uparru kuom gima duwachi, kata kaka di uwuo kodgi. Nomiu gima uwacho e sechego, 20 nimar un uwegi ok ema unuwuo, to Roho mar Wuonu ema nowuo kokalo kuomu. 21 "Owadgi ng'ato owuon nondhog owadgi mondo onegi, kendo wuoro nondhog nyathine; nyithindo nong'any ne jonywolgi kendo nomi neg-gi. 22 Ji duto nochau nikech an, to ng'ama ochung' motegno nyaka giko noresi. 23 Ka isandou kamoro, to daruru kanyo udhi kama chielo. Awachonu adier ni ok unutiek dhi e taonde duto mag Israel kapok Wuod Dhano obiro. 24 "Japuonjre ok oloyo japuonjne, kata jatich bende ok oloyo ng'ama ruodhe motiyone. 25 Ber moromo mondo japuonjre obed machal gi japuonjne, kendo ka jatich obedo machal gi ruodhe. Ka oselu-ong jatend ot ni Belzebub, koro jokanyo mag ode to ibiro luong kamano marom nade! 26 "Omiyo kik uluorgi. Onge gima opandi maok nong'ere achien, kata mopondo ma ok nomi ji ng'e. 27 Gima anyisou kama opondo, wuouru kuome e ler; kendo gima okuodhnu e tie itu, huluru matek gie wi tat udi. 28 Kik uluor joma nego ringruok to ok nyal nego chuny. To ng'ama onego uluor en Jal manyalo tieko chuny kaachiel gi ringruok e gehena. 29 Oyundi ariyo donge ing'iew otonglo achiel? To kata kamano kata achiel kuomgi ok nyal lwar piny e lowo ka ok Wuonu ema oyie. 30 Bende, koda ka yier duto manie wiu osekwan mong'e kar rombgi. 31 Omiyo kik uluor, nikech uloyo oyundi di mang'eny 32 "Ng'ato ang'ata mohulo ni ong'eya e nyim ji, an bende abiro hulo ni ang'eye e nyim Wuora manie polo. 33 To ng'ato ang'ata mokweda e nyim ji an bende abiro kwede e nyim Wuora manie polo. 34 "Kik upar ni asebiro mondo akel kuwe e piny. Ne ok abiro mondo akel kuwe, to nabiro mondo akel ligangla. 35 Nikech asebiro mondo aketh kind "ng'ato gi wuon mare, nyako gi min mare, chi wuowi gi min chwore, 36 wasik ng'ato nobed jokanyo mag joode owuon.'" 37 "Ng'ato ang'ata mohero wuon kata min moloya ok owinjore koda. Kamano bende, ng'ato ang'ata mohero wuode kata nyare moloya ok owinjore koda; 38 kendo ng'ato ang'ata ma ok kaw msalape kendo oluwa ok owinjore koda. 39 Ng'at momako ngimane matek, biro wito ngimane; to ng'at mowito ngimane, nikech an, biro yude. 40 "Ng'at morwakou orwaka, kendo ng'ama orwaka, orwako Ng'ama noora. 41 Ng'ato ang'ata morwako janabi, nikech en janabi, noyud pok ma janabi yudo, kendo ng'ato ang'ata morwako ng'ama kare, nikech en ng'ama kare, noyud pok ma ng'ama kare yudo. 42 Bende ka ng'ato omiyo achiel kuom joma tindogi kata mana pi mang'ich gi okombe, nikech en japuonj rena, to awachonu adier ni pokne ok nobaye ngang'."
Yesu Gi Johana Jabatiso
1 Bang' ka Yesu nosetieko tiego jop-± uonjrene apar gariyo, nomedo dhi nyime koa kanyo mondo opuonj kendo oyal e taonde mag Galili. 2 Ka Johana nowinjo e jela gik ma Kristo ne timo, nooro jopuonjrene 3 mondo openje ni, "in e ng'at mane onego obi, koso wagen ng'at machielo?" 4 Yesu nodwokogi ni, "Doguru kendo udwok wach ne Johana gik musewinjo kendo useneno: 5 Muofni neno, rang'onde wuotho, joma nigi dhoho ichango, joma itgi odino winjo wach, joma otho ichiero, kendo Wach Maber iyalo ne joma odhier. 6 To ogwedh ng'at maok ochwanyore nikech an." 7 Ka noyudo jopuonjre Johana wuok dok, Yesu nochako loso gi oganda kuom Johana kama: "Ang'o mane udhi mondo une e thim? Ne udhi neno odundu ma yamo tero koso? 8 Ka ok en mano to en ang'o mane udhi neno? Nudhi neno ng'ama orwakore gi lewni mabeyo koso? Ooyo, joma rwakore gi lewni mabeyo iyudo mana e ute ruodhi. 9 To kara en ang'o mane uwuokne mondo une? Janabi? Ee, anyisou ni ne udhi neno ng'at moloyo janabi gi duong'. 10 Ma eni e ng'atono mane ondiki kuome ni: "Abiro oro jaotena mondo otel nyimi, jaote manoik yori kapok ibiro." 11 Anyisou ni e dier joma mon onywo-lo duto, onge ng'ama osewuok e dier ji maduong' moloyo Johana Ja Batiso; mak mana ng'ama tin mogik e pinyruodh polo ema oloye gi duong'. 12 Chakre ndalo mag Johana Ja Batiso nyaka sani, pinyruodh polo osebedo ka donjo gi thuon, kendo joma thuondi ema kawe. 13 Nimar ndiko mag jonabi gi mag chik nokoro nyaka ndalo Johana. 14 Kendo kaponi uhero mar rwako wachni to ng'euru ni en Elija mane onego obi. 15 Ng'at man gi itene mondo owinji. 16 "En ang'o ma anyalo pimogo tieng'ni? Gichalo nyithindo mobet e chirni kendo maluongo jo wetegi ni: 17 "'ne wagoyonu asili, to ne ok umiel; Ne wadengo ka wawero wend tho, to ne ok uywak.' 18 Nikech Johana Ja-Batiso nobiro ka ok chiem kata methi, to giwacho ni, 'Jachien ni kode.' 19 Wuod Dhano ma nobiro ka chiemo kendo metho, to negi-wacho kuome ni, 'Neyeuru jawuoro kendo jamer mosiep josol osuru gi "jorichoni." To rieko ng'ere ratiro kuom timbene."
Malit Ma Taonde Modagi Lokore Biro Neno
20 Eka Yesu nochako kwedo taonde mane thoth honnige osetimoree, nikech ne gitamore lokore. 21 "Mano kaka ibiro neno malit, in Korazin! Mano kaka ibiro neno malit, in Bethsaida! Ka dine bed ni honni mane otim e iyi notim Turo gi Sidon to dine giselokore chon ka girwako lep ywak kendo ka gibukore gi buru. 22 To akonu ni chieng' bura weche nobed maber ber ne Turo gi Sidon moloyo ne un. 23 To in Kapernaum, iparo ni ibiro ting'i malo nyaka boche polo adier? Ooyo, ibiro boli piny nyaka Gehena. Ka dine bed ni honni mane otim e iyi ne otim ei Sodom to diko-ro pod entie nyaka kawuono. 24 To alonu ni chieng' bura weche nobed maber ber ne Sodom moloyo ne in."
Yweyo Ne Joma Qjony
25 E sechego Yesu nowacho ni, 'Apaki Wuora, Ruodh polo gi piny, nikech isepa-ndo gigi ne joma riek gi joma osomo, to isefwenyogi ne nyithindo matindo. 26 En kamano Wuora, nimar mano emane berni kotimore. 27 "Wuora oseketo gik moko duto e lweta. To onge ng'ama ong'eyo Wuowi makmana Wuoro kende, kendo onge ng'ama ong'eyo Wuoro makmana Wuowi kende, kod joma Wuowi oyiero mondo ofwenynegigo. 28 "Biuru ira, un duto mujony kendo uting'o misigo mapek, mondo amiu yweyo. 29 Kawuru lodina mondo uting' kendo puonjreuru kuoma, nimar chunya muol kendo ahora mos, eka unuyud yweyo ne chunyu. 30 Nimar lodina ok pek kendo misika yot."
Ruodh Sabato
1 E kindeno Yesu nokadho e dier puothe mag cham chieng' Sabato: To jopuonjrene nodenyo, omiyo ne gichako jako wiye cham moko kendo gichamo. 2 Ka jo Farisai noneno mano, ne giwachone ni, "Neye! Jopuonjreni timo gima chik odagi chieng' Sabato." 3 To en nodwokogi ni, "Donge useso-mo gima Daudi notimo, ka en kaachiel gi joma ne nikode ne gidenyo? 4 Donge nodonjo e od Nyasaye, kendo en kaachiel gi joma ne ni kode, ne gichamo makati moketi tenge- ma en gima chik ne ok oyienegi mondo gitim, makmana jodolo kende 5 Koso pok usomo e Chik ni chieng' Sabato, jodolo manie Hekalu chido odiechieng'no, to ok kwan-gi kaka joketho? 6 To akonu ni nitie ng'ato ka maduong' moloyo Hekalu. 7 Ka dine bed ni useng'eyo tiend wach mawachoni, "Gima adwaro en ni ukech joweteu to ok ni uchi-wna misango," to dine ok ung'ado bura ne joma onge ketho. 8 Nikech Wuod Dhano e Ruodh Sabato." 9 Kane omedo dhi nyime koa kanyo, nodhi nyaka ei sunagokgi, 10 to kanyo ne nitie ng'ato ma lwete otal. Ne gipenjo Yesu, ka gimanyo yo ma digiyudgo ketho kuome, ni, "Be chik oyie mondo ochang' ng'ato chieng' Sabato?" 11 kowacho negi ni, "Ka ng'ato kuomu nigi rombo kendo rombono olwar ei bur chieng' Sabato, donge umake mi uywaye oko? 12 To dhano donge lich moloyo rombo di mang'eny! Kuom mano, chik oyie mondo otim maber chieng' Sabato." 13 Eka nowacho ne ng'atno ni, "Rie lweti," mi norieye, kendo lwete nodoko kare chuth, mana kaka komachielo. 14 To jo Farisai nowuok odhi kendo ne gichano kaka digineg Yesu.
Jatich Nyasaye Moyier
15 Kaka Yesu nong'eyo chenrogino, nodar kanyo. Ji mang'eny noluwe, kendo nochango ji duto mane tuo, 16 kosiemogi ni kik ginyis ng'ato ni ne en ng'a. 17 Mano notimore mondo gima nowachi gi dho Janabi Isaya, ni: 18 "Eri jatichna ma aseyiero, Jal ma ahero ma chunya morgo; abiro keto Roho mara kuome, kendo obiro lando adiera ne ogendini. 19 Ok obi dhawo kata kok; bende onge ng'ama biro winjo dwonde e wang' yore. 20 Odundu machiegni chot ok obi turo, kendo kitambi maliel marach rach ok obi nego nyaka chop ota adiera mi lochi. 21 E nyinge ema ogendini biro keto e genogi"
Yesu Gi Belzebub
22 Eka negi kelone ng'ama nigi jachien kendo ma muofu kendo momo; kendo Yesu nochange mi koro nonyalo wuoyo kendo neno. 23 Ji duto nohum kendo nowacho ni, "Mit ki ma e Wuod Daudi?" 24 To ka jo Farisai nowinjo mano, ne giwacho ni, "Ng'ani riembo mana jochiende gi teko mar Belzebub, ruodh jochiende." 25 Yesu nong'eyo gima giparo mi nowacho negi ni, "Pinyruoth moro amora mopogore kende biro rumo, kendo taon moro amora kata ot mopogore kende ok nyal chung'. 26 Ka Satan riembo Satan to mano nyiso ni opogore kende owuon. Koro ere kaka pinyruodhe dichungi? 27 Ka diponi ariembo jochiende gi teko mar Belzebub, to jou to riembogi gi yo mane? Omiyo koro gibiro bedo joma ng'adonu bura. 28 To ka ariembo jochiende gi teko mar Roho Maler to kara pinyruoth Nyasaye osebironu. 29 "Koso, ere kaka ng'ato nyalo donjo e od ng'ama ratego mi omaye gige odhigo, ka ok okuongo otweyo ng'ama rategono?
Kosetimo kamano eka dohedhre mar yako gik moko e odno.
30 "Ng'at maok ni koda kedo koda, kendo ng'ama ok konya choko ji keyo ji. 31 Emomiyo akonu ni richo gi ayany moy-anygo Nyasaye duto nowe ne ji, to ayany moyanygo Roho ok nowene ng'ato. 32 Ng'ato ang'ata mowacho wach moro marach kuom Wuod Dhano nowene, to ng'ato ang'ata mowuoyo marach kuom Roho Maler ok nowene, e tieng'ni kata e tieng' mabiro. 33 "Los yien obed maber eka olembe biro bedo maber, kata ket yien obed marach kendo olembege biro bedo marach, nimar yien ing'eyo gi kit olemo monyago. 34 Un koth thuonde fu-gi, ere kaka unyalo wacho gimaber ka uricho kamano? Nimar gik manie chuny ng'ato iye ema miyo owuoyo gi dhoge kaka owuoyo. 35 Ng'at maber golo oko gik mabeyo mawuok kuom ber mokano e iye, to ng'ama rach golo oko gik maricho mawuok kuom rach mokano e iye. 36 To akonu ni ochuno niji nyaka bi hui korgi chieng' bura kuom wach moro amora ma gisewacho ka ok giparo matut. 37 Nimar kuom wechegi iwuon miwacho ema iweyigo thuolo kendo kuom wechegi iwuon miwacho ema ibiro nga'adnigo bura."
Ranyisi Mar Jona
38 Eka jo Farisai moko gi jopuonj chik nowachone ni, "Japuonj wadwaro neno hono kuomi kaka ranyisi." 39 To nodwokogi ni, "Tieng' ma tim-bene richo kendo ma teroreni eri kwayo hono kaka ranyisi! To ok bi miye moro amora makmana ranyisi mar janabi Jona. 40 Nimar mana kaka Jona ne ni ei rech marang'ongo kuom odiechienge adek gi otieno adek, e kaka Wuod Dhano bende biro bedo ei chuny lowo kuom odiechienge adek gi otieno adek. 41 Jo Nineve biro chung' e bura gi tieng'ni kendo biro kwane kaka jaketho; nimar gin ne gilokore kane giwinjo yalo mar Jona, to sani koro nitie ng'ato ka maduong' moloyo Jona. 42 Ruoth madhako mar mil-ambo bende biro chung' e bura gi tieng'ni kendo biro kwane kaka jaketho, nimar nobiro koa e tung' piny kuma bor mondo owinj rieko Solomon, to sani koro nitie ng'ato ka maduong' moloyo Solomon. 43 "Ka jachien marach owuok kuom ng'ato, owuotho kuonde motuo koni gi koni, komanyo kama doyudie yweyo, to ok oyudi. 44 Eka owacho ni, 'Abiro dok e ot mane aaye.' Ka ochopo to oyudo ka odno iye ni nono, koyweye maler kendo oike maber. 45 Eka odok okelo chunje abiriyo mamoko maricho moloye, kendo gidhi gidonjo kanyo mi gidagie. Bang'e achien ng'atno bedo marach moloyo kaka nochal mokwongo. Kamano e kaka biro timore ne tieng' marachni."
Min Yesu Gi Owetene
46 Ka Yesu nepod wuoyo ne oganda, min-gi gi owetene nochung' oko ka gid-waro loso kode. 47 Ng'at moro nonyiso Yesu ni, "Mamau gi oweteni ochung' oko dwa wuoyo kodi." 48 Nodwoko ng'atno ni, "Mamawa to en ng'a, koso owetena to gin ng'a gini?" 49 Eka nosiemo jopuonjrene kowacho ni, "Magi e mamawa gi owetena. 50 Nimar ng'ato ang'ata matimo dwaro mar Wuora manie polo en owadwa gi nyaminwa kod minwa.
Ngech Jakomo
1 q Odiechieng' nogono Yesu nowuok kJ e ot mi nobet e dho nam. 2 Nikech oganda maratipo nochokore molwore, nodonjo e yie mobet e yie,ka ji duto to nochung' e dho nam oko. 3 Eka nonyisogi gik mang'eny e yor ngeche, kowacho ni, "Japur moro nodhi komo kothe. 4 Kane oyudo okiro kodhi, moko nolwar e dir yo, kendo winy nobiro mochamogi. 5 Moko nolwar kuonde motimo lwendni- kuonde mane lowo onge moromo- mine giti piyo piyo nikech lowo ne thanythany. 6 To ka chieng' nobiro, chamgo norewore kendo ne giner, nikech ne gionge tiendegi. 7 Kodhi ma moko nolwar e dier kuthe, kendo kuthego nodongo mo thung'o chamgo. 8 To kodhi moko to nolwar e lowo maber, mine giti kendo gichiego cham; mang'eny mohingo kodhi mane okomgo nyadi mia, nyadi piero auchiel kata nyadi piero adek. 9 Ng'at man gi ite to mondo owinj i." 10 Jopuonjre nobiro ire mopenje ni, "Ang'o momiyo iwuoyo gi ji gi ngeche?" 11 Nodwokogi ni, "Un osemiu rieko mar ng'eyo maling'ling' mag pinymodh polo, to gin ok osemigi. 12 Ng'at ma nigo ibiro medi mang'eny moloyo mi obed gi gik mogundho. To ng'ama ongego to ibiro kaw kuome koda ka matin ma en-go. 13 Gimomiyo awuoyo kamano kodgi gi ngeche en mondo: "Kik ginee kata obedo ni gineno; kik giwinji kata ging'e tiend wach kata obedo ni giwinjo. 14 Kuomgi ema wach mokor mar Isaya chopo kare: "ubiro siko kuwinjo awinja to ok unung'e tiend gik muwinjo; Ubiro siko kuneno to ok unuyang gik muneno. 15 Nikech chuny jogi osedinore; winjo gi itgi otamogi chuth kendo gisedino wengegi. Ka dine ok en kamano to dine gineno gi wengegi, dine giwinjo gi itgi; kendo dine ging'eyo tiend wach gi chunygi mi gilokore; mi dine achangogi'. 16 Un to wengeu ogwedhi nikech gineno, gi itu bende nikech giwinjo wach. 17 Nimar anyisou adier ni jonabi gi joma kare mang'eny nogombo neno gima koro uneno, to ne ok ginene, kendo winjo gima koro uwinjo, to ne ok giwinje. p 18 "Koro winjuru tiend ngero mar jakomo: 19 Ka ng'ato owinjo wach kuom pinyruoth to ok owinjo tiende, ng'ama rach biro kendo yudho gima okom e chunye mi dhigo. Mano e kodhi mane okom e dir yo. 20 To kodhi mane okom kuonde motimo lwanda ochung' kar ng'ama winjo wach kendo rwake sanosano gi mor. 21 To nikech oonge gi tiendene, obet kuom kinde machwok kende. Ka chandruok gi sand obiro nikech Wach, to opodho piyo maok odeko. 22 Kodhi mane olwar e kind kudho to ochung' kar ng'at ma winjo wach, to parruok kuom ngima mar pinyni kod gal-ruok ma mwandu kelo thung'o wachno kendo mone nyak. 23 To kodhi mane olwar e lowo maber ochung' kar ng'at ma winjo wach kendo make, mi ochieg cham mang'eny mohingo kodhi mane okomgo nyadi mia, nyadi piero auchiel kata nyadi piero adek."
Ngech Buya
24 Yesu nogoyo negi ngero machielo kama: "Pinyruodh polo chalogi ng'ama nokomo kodhi maber e puothe. 25 To ka noyudo ji duto nindo, jasike nobiro mopidho buya e dier ngano, ka aye to oa odhi. 26 Ka ngano nodongo moiko wiyegi to buya bende nochako limbo. 27 "Jotich wuon puodho nobiro ire mowachone ni, 'Jaduong', donge ne ikomo kodhi mabeyo lilo e puothi? Ka kamano to buya to oa kure?' 28 Nodwoko ni, 'Jasigu ema notimo ma "Jotich nopenje ni, "Diher mondo wadhi wapudhgi oko?" 29 To nodwoko ni, '"Ooyo, kik utim kamano nikech seche ma upudho buyago unyalo pudho ngano bende kaachiel kodgi. 30 Wegiuru giti kaachiel giduto nyaka chieng' keyo. Ka kindeno ochopo to ananyis jokeyo mondo okwong ochok buya kendo otwegi pidhe pidhe mondo owang'gi; eka bang'e gichok ngano kendo gikel gikan e decha.'"
Ngech Koth Karadali Gi Ngech Thowi
31 nogoyo negi ngero machielo kama: "Pinyruodh polo chalo gi koth karadali ma ng'ato nokawo mopidho e puothe. 32 Kata obedo ni en e kodhi matinie mogik kuom kotheu duto, to ka odongo to odoko yiend puodho maduong' moloyo mamoko duto, kendo obedo yien marahiri ma winy mahuyo e kor polo biro kendo piyo e bedene." 33 Nochako ogoyo negi ngero machielo kama: "Pinyruodh polo chalo gi thowi mane dhako moro okawo kendo oriwo gi mogo mang'eny nyaka nokuodo mogono chuth." 34 Yesu nowacho gigi duto ne oganda gi ngeche; ne ok owacho negi gimoro amora ma ok olonyore gi ngero. 35 Mano nochopo gimane o wach gidho janabi ni, "Abiro yawo dhoga mondo awuo gi ngeche, abiro hulo gik mosebedo kopondo nyaka aa chakruok piny"
Onyis Tiend Ngech Buya
36 Eka no weyo oganda mi odonjo e ot. Jopuonjrene nobiro ire kawacho ni, "Nyiswae tiend ngech buya manie puodho." 37 Nodwoko ni, "Ng'ama nokomo kodhi mabeyo en Wuod Dhano. 38 Puodho en piny, to kodhi maber ochung' kar yawuot pinyruoth. Buya gin yawuot Ng'ama Rach, 39 to jasigu ma komogi en Jachien. Keyo en giko piny, to jokeyo gin malaike. 40 Mana kaka ipudho buya kendo iwang'o e mach, e kaka biro bedo chieng' giko piny. 41 Wuod Dhano biro oro malaikege, kendo gibiro golo gimoro amora manie pinyruodhe makelo richo kod ji duto matimo gik maricho. 42 Eka joma kare norieny kaka wang'chieng' ei pinyruoth mar Wuon-gi. Ng'at man-gi ite to mondo owinj i. Gibiro witogi e mach makakni, kama ywagruok gi muodo lak nobedie. 43 Eka joma kare norieny kaka wang' chieng' ei pinyruoth mar Wuon-gi. Ng'at man-gi ite to mondo owinj i.
Ngech Mwandu Mopandi Kod Kidi Ma Nengone Tek
44 "Pinyruodh polo chalo gi mwandu mopandi e puodho. Ka ng'ato noyude mi ochako opande kendo, eka noa kanyo kopong'gi mor kendo nodhi mouso gige duto mane en-go moduogo ong'iewogo puodhono. 45 "Bende pinyruodh polo chalo gi ja ohala mamanyo kite ma nengogi tek mondo owar. 46 Kane oyudo achiel moro ma nengone tek ahinya to noa modhi kendo nouso gige mane en-go duto mong'iewego.
Ngech Gogo
47 "Bende pinyruodh polo chalo gi gogo mane ochiki e nam momako kit rech duto mopogore opogore. 48 Kane osepong' to joywecho noywaye nyaka e dho nam. Eka ne gibedo piny mi gichoko rech mabeyo duto giketo ei okepni, to maricho to giwito. 49 Kamano e kaka nobedi chieng' giko piny. Malaike nobi kendo nopog joma timbegi richo gi joma kare, 50 kendo nowitgi ei mach maliel mager, kama ywagruok gi muodo lak nobedie. 51 Yesu nopenjogi ni, "Be usewinjo tiend gigi duto?"Ne giyiene ni, "Ee." 52 Nowacho negi ni, "Kuom mano japuonj chik moro ka moro mosetiegi kuom wach pinyruodh polo chalo gi wuon ot magolo kuom gik mokano e deche, mwandu machon gi manyien."
Janabi Maok Oluor
53 Ka Yesu nosetieko goyo ngechegi, nowuok kanyo odhi nyime. 54 Ka nochopo e taon madalagi, nochako puonjo ji e sunagokegi, kendo ne giwuoro, ka gipenjore ni, "Rieko gi teko mar timo honni ma ng'atni nigogi oyudo kure?" 55 "Ma donge e wuod fundi baocha? Min-gi donge nyinge Maria, koso owetene donge gin Jakobo gi Josef gi Simon kod Juda? 56 Donge nyiminene duto ni kodwa ka? Ka kamano to ng'ani ogolo gigi duto kure?" 57 Kendo ne gichwanyore nikech en. To Yesu nowacho negi ni, "Janabi onge gi duong' mana e taon ma dalagi kendo e ode owuon." 58 Omiyo ne ok otimo honni mang'eny kanyo nikech ne gionge gi yie.
Ong'ad Wi Johana Ja- Batiso
1 E kindeno Ruoth Herode nowinjo JO humb Yesu, 2 mi nowachone joritne ni, "Ng'atno nyaka bed Johana ja-Batiso. Nyaka bedni osechier oa kuom joma otho! Mano emomiyo teko mar timo honni tiyo kuome." 3 Noyudo Herode osemako Johana mi otweye kendo orwake e jela nikech wach Herodia ma chi owadgi miluongo ni Filipo, 4 nimar Johana nosebedo ka nyisega ni, "Chik ok oyieni mondo ibed kode." 5 Herode ne dwaro nego Johana, to noluoro oganda nikech ne gikawe kaka janabi. 6 To chieng' nyasi mar nyuol Herode, nyar Herodia nomiel negi aduwa, kendo nomoro Herode asasa, 7 mi nosingorene, e yor kuong'ruok ni, enomiye gimoro amora mokwaye. 8 To en, kane min oseji-we motelo, nowacho ni, "Miya kaeni wi Johana ja-Batiso e sanni." 9 Ruoth ne chunye ochandore, to nikech wach kuong'ruok mare, kendo nikech wende mane nie nyasineno, nogolo chik mondo dwach nyano otim, 10 mi nong'ad wi Johana e jela. 11 Wiye nokel kanie san kendo nomi nyakono, mane oting'e otere ne min. 12 Jopuonj re Johana nobiro mokawo ringre kendo ne giike. Eka ne gidhi giny-iso Yesu.
Yesu Opidho Ji Alufu Abich.
13 Ka Yesu nowinjo gima nosetimore, nowuok kanyo gi yie, ka en kende, modhi kama opondo. To kane oganda owinjo wachno, ne gia e taonde machiegni mi giluwe ka giwuotho gi tiendegi. 14 Kane Yesu ogowo loka moneno oganda maduong'no, nokechogi kendo nochango jogi duto mane tuo. 15 Ka koro piny ne chiegni imore, jopuonjre nobiro ire mowachone ni, "Ka en thim, kendo saa koro olewo. Nyis oganda oa odogi mondo gidhi e mier kendo ging'iew chiemo ne gin giwegi. 16 To Yesu nodwokogi ni, "Onge tiende mondo gia. Migiuru gimoro gicham un uwegi." 17 To ne gidwoke ni, 'Wan gima wan-go ka en mana makati abich gi rech ariyo kende. 18 Nowacho ni, "Kelnagiuru ane ka." 19 Eka nochiko mondo ji obed piny e lum. Bang' kane osekawo makati abich gi rech ariyogo, kendo bang' kane oseng'iyo malo e polo, nogoyo erokamano kaeto opogo makatino matindo tindo. Eka nomiyogi jopuonjre kendo jopuonjre nomiyogi ji. 20 Ne gichiemo giduto mi giyieng', kendo jopuonjre nokwanyo ng'injo mane ji ochamo oweyo moromo aditni apar gariyo. 21 kar romb joma nochiemo duto ne gin chwo alufu abich, ka ok okwan mon gi nyithindo.
Yesu Owuotho Ewi Pi
22 Gi sanosano bang' mano, Yesu nochiko jopuonjre mondo odonji e yie kendo otel nyime kadhi loka machielo, ka en to ne pod odong' chien kogonyo oganda. 23 Kane osegonyogi, noidho modhi e bath got malo, mobet kar kende mondo olem. Kane piny chiegni imore, ne en kanyo kende, 24 to yie to koro nosechopo kama ochwalore koa e dho nam, kendo apaka ne tage koni gi koni, nikech yamo nowuoknegi ataro. 25 Kar saa apar otieno, ka piny chiegni ru, Yesu nowuok odhi irgi, kowuotho ewi 26 Kane jopuonjre onene kowuotho ewi pi, ne gibuok motamore nono. Luoro nomakogi matek, kendo ne giwuok ka giwacho ni, "En jachien!" 27 To Yesu nowachonegi mapiyo ni, "Jiwuru chunyu! En An. Weuru luor" 28 Petro nodwoke mowacho ni, "Ruoth, ka en in adier to nyisa mondo abi iri ka awuotho ewi pi." 29 Nowachone ni, "Bi." Eka Petro nowuok e yie kendo nochako wuotho ewi pi kochomo ir Yesu. 30 To ka noneno yamo to luoro nomake, kendo kane koro ochako nimo, noywak matek ni, "Ruoth, resa!" 31 Yesu norieyo bade sano sano momake. Nowachone ni, "Ne iriwo gi kiawa nang'o, yaye ng'ama nigi yie matin-ni?" 32 To kane giseidho yie mi gidonjo e iye, yamo nokuwe mos. 33 Omiyojoma neni ei yie nolame, ka giwacho ni, "In Wuod Nyasaye adier." 34 Kane gisechopo loka komachielo, ne gitundo Genesaret. 35 To ka jo gweng'no noyango Yesu, ne gioro wach e gwenge molworo kanyo duto. Ji nokelone jogegi mane tuo duto 36 kendo ne gisaye mondo oyie joma ne tuogo omulie kata mana riak lawe kende, kendo ji duto mane omule nochango.
Gik Maler Kod Gik Mogak
1 Eka jo Farisai gi Jopuonj chik kJ nobiro ir Yesu koa Jerusalem mi openje ni, 2 "Ang'o momiyo jopuonjreni ketho kido gi timbe mag jodongo? Ok giluok lwetgi kapok gichiemo!" 3 Yesu nodwokogi ni, "Ang'o momiyo uketho chik Nyasaye nikech wach kitu gi timbeu" 4 Nimar Nyasaye nowacho ni, 'Luor Wuoru gi meru' kendo ni, 'Ng'ato ang'ata mokuongo wuon kata min nyaka negi.' 5 To un uwacho ni ka ng'ato owacho ne wuon kata ne min ni, 'Kony moro amora ma dine uyudo koa kuoma en mich ma aketo tenge ne Nyasaye', 6 to ng'ama kamano koro ogony kuom 'Luoro wuon gi min' gi michneno. Kamano umiyo wach Nyasaye bedo maonge teko nikech wach kitu gi timbeu. 7 Un joma wuondoregi! Isaya ne nikare kane okoro wach kuomu kama: 8 "Jogi paka gi dhogi, to chunygi ni mabor koda. 9 Gilama kayiem; nikech gipuonjo chike dhano ka gima gin puonj Nyasaye." 10 Yesu noluongo oganda ire kendo owacho negi ni, "Chikuru itu mondo uwinj tiend wach. 11 Gima donjo e dho ng'ato ok mi odok 'mogak,' to mana gima wuok koa e dhoge ema miyo odoko 'mogak'." 12 Eka jopuonjre nobiro ire mopenje ni, "Be ing'eyo ni jo Farisai ne ochwany-ore kane giwinjo wachni?" 13 Nodwoko ni, "Gimoro amora ma Wuonwa manie polo ok opidho ibiro pudh oko gi tiendene. 14 Wegiuru aweya; gin jotecho ma muofni. Ong'ere ni ka ng'ama muofu otelone muofu wadgi to nyaka gipodhi e bugo giduto kargi ji ariyogo." 15 Petro nowacho ni, "Nyiswae tiend ngerono." 16 To Yesu nopenjogi ni, "Kare un bende wach pod ok donjnu? 17 Donge ung'eyo ni gimoro amora madonjo e dhok dhi nyaka e ich kaeto owuok oko del? 18 To gik mawuok e dhok aa e chuny, kendo gin ema gimiyo ng'ato doko "mogak." 19 Nikech chuny ema gik maricho kaka; paro maricho, nek, terruok, chode, kuo, hango wach, gi ketho nying ji wuokie. 20 Magi e gik ma miyo ng'ato bedo 'mogak', to chiemo gi lwedo maok olwoki ok mi odok "mogak."'
Yie Mar Chi Kanaan
21 Bang' aa kanyo, Yesu nodhi nyaka gweng' Turo gi Sidon. 22 Chi Kanaan moro mane odak machiegni gi kanyo nobiro ire kaywagore ni, "Ruoth, Wuod Daudi, kecha! Nyara nigi jachien marach kendo osandore malit." 23 To Yesu ne ok odwoke kata wach achiel. Omiyo jopuonjre nobiro ire moji-we ni, "Riembe odhi, nikech osiko kogoyo koko bang'wa." 24 Nodwoko ni, "Ne oora mana ne rombe molal mag Israel kende." 25 To dhakono nobiro mogoyo chonge piny e nyime, kawacho ni, "Ruoth, yie ikonya." 26 To nodwoko ni, "Ok en gima ber kawo chiemb nyithindo mondo idir ne guogi." 27 Dhakono nodwoke ni, "Mano en adier Ruoth, to kata guogi bende chamo ng'injo molwar piny koa e mesa ruodhgi." 28 Eka Yesu nodwoko ni, "Dhako, in gi yie maduong' ndi! Kwayoni osechopi." Kendo nyare nochango kochakore sano.
Yesu Opidho Ji Alufu Ang'wen
29 Yesu noa kanyo kendo noluwo tie Nam Galili. Eka noidho malo mobet piny e bath got. 30 Oganda maduong' nobiro ire, kendo ne gikelone rong'onde, muofni, pudhe, momni gi ji matuo mamoko mang'eny mi ne giketogi e tiende; kendo nochangogi. 31 Dho ji nomoko kane gineno ka momni wuoyo, pudhe ngima, rang'onde wuotho, kendo muofni neno, kendo ne gipako Nyasach Israel. 32 Yesu noluongo jopuonjrene ire mowacho ni, 'Akecho jogi nikech koro gisebedo koda kuom ndalo adek to gionge gi gima digicham. Ok adwar mondo agonygi gidhi ka gidenyo, nono to kech nyalo goyogi piny e yo." 33 Jopuonjrene nodwoke ni, "Ere kuma dwayudie makati e chuny pinyka manyalo pidho oganda makwar machal kama?" 34 Yesu nopenjogi ni, "Un-gi makati adi?" Ne gidwoke ni, 'Abiriyo kende gi rech matindo-tindo manok." 35 Eka nochiko mondo ji obed piny e lowo. 36 Kendo nokawo makati abiriyogo gi rechgo, kendo kane osegoyo erokamano, ne opogogi matindo- tindo kendo nochiwogi ne jopuonjre, ma bende nomiyogi ji. 37 Ne gichiemo giduto mi giyieng'. Bang' chiemo jopuonjre nok-wanyo ng'injo mane ji ochamo oweyo moromo aditni abiriyo. 38 Kar romb joma nochiemo duto ne gin alufu ang'wen, ka ok okwan mon gi nyithindo. 39 Bang' ka Yesu nosegonyo oganda odhi, nodonjo e yie mi odhi e gweng' mar Magadan.
Kwayo Mar Ranyisi
1 Jo Farisai gi Jo Sadukai ± O nobiro ir Yesu mi oteme kapenje mondo onyisgie ranyisi moa e polo. 2 Nodwokogi ni, "Kochopo odhiambo to uwacho ni piny kiny nolendi nikech polo marmar,' 3 to gokinyi to uwacho ni, kodh yamo maduong' wang'nochwe nikech polo marmar kendo dudo.' Ulony e somo kit polo, to somo ranyisi mag kit ndalo to otamou. 4 Tieng' ma timbene richo kendo materoreni manyo ranyisi mar hono, to ok bi miye moro amora mak mana ranyisi mar Jona." Eka Yesu nowuok odhi oweyogi.
Thowi Mar Jo Farisai Gi Jo Sadukai
5 Bang' kane giseng'ado loka nam, jopuonjre wigi nowil maok oting'o makati. 6 Yesu nowacho negi ni, "Beduru motang' kendo ritreuru ne thop jo Farisai gi jo Sadukai." 7 Ne giloso kendgi kuom wachni, ka giwacho ni, "Owuoyo kamano nikech ne ok wating'o makati kata achiel." 8 To kaka nong'eyo gimane giwacho kendgi, Yesu nopenjogi ni, "Un joma nigi yie matin-gi, ang'o momiyo uloso kendu kuom wach makati ma uongego? 9 Kare wach pok odonjonu? Donge uparo makati abich mane opidho ji alufu abich, kod kar romb aditni mane uchoko? 10 Kata makati abiriyo mane opidho ji alufu ang'wen, kod kar romb aditni mane uchoko? 11 Ere kaka wach pok odonjonu ni ne ok awuo kodu kuom makati? To ritreuru kuom thop jo Farisai gijo Sadukai. 12 Eka negiwinjo tiend wach ni kare ne ok owachnegi ni giritre kuom thowi mitedogo makati, to ni mondo giritre kuom puonj jo Farisai gijo Sadukai.
Petro Ohulo Ni Yesu En Ng'a
13 Ka Yesu nodonjo e gweng' mar Kaisari man Filipi, nopenjo jopuonjrene ni, 'Ji wacho ni Wuod Dhano en ng'a?" 14 Ne gidwoke ni, "Jomoko wacho ni en Johana ja Batiso, to jomoko ni en Elija, to jomoko bende ni en Jeremia, kata achiel kuom jonabi." 15 Nopenjogi ni, "To un to uwacho ni An ng'a?" 16 Simon Petro nodwoke ni, "In e Kristo, Wuod Nyasaye Mangima." 17 Yesu nodwoke ni, "Ogwedhi adier, Simon wuod Jona, nimar dhano ok ema osefwenyoni tiend wachni, to Wuora manie polo ema osefwenyonigo. 18 Kendo anyisi ni in Petro, kendo e lwandani ema abiro gere kanisana, kendo dhorangeye mag Gehena ok noloye ngang'.' 19 Abiro miyi kifungni mag pinyruodh polo; kendo gimoro amora mitweyo e pinyka notwe e polo, to gimoro amora migonyo e piny nogony e polo." 20 Eka nosiemo jopuonjrene ni kik ginyis ng'ato ang'ata ni ne en Kristo.
Yesu Okoro Thone
21 Chakre kindeno kadhi nyime Yesu nochako nyiso jopuonjrene ni ne ochuno ni nyaka odhi Jerusalem kendo osandre e yore mang'eny e lwet jodong oganda gi jodolo madongo kod jopuonj chik, kendo ni ne nyaka bi nege kendo ochier obed mangima chieng' mar adek. 22 Petro nokawe okete tenge kendo nokwere. Nowachone ni, "Ruoth, we wuoyo kamano. Gima kamano ok nyal timoreni ngang'!" 23 Yesu nolokore mowacho ne Petro ni, "Dog chien kang'eya, Satandni! In kidi mar chwanyruok ne an; nikech iketo pachi kuom gig dhano to ok kuom gig Nyasaye" 24 Eka Yesu nowachone jopuonjrene ni, "Ka ng'ato dwaro luwo bang'a to nyaka okwedre owuon kendo oting' msalape kendo oluwa. 25 Nimar ng'ato ang'ata madwaro reso ngimane, ngimane biro lalne, to ng'ato ang'ata mowito ngimane nikech an biro yude. 26 Koso en ber mane ma dhano nyalo yudo ka piny duto obedo mare to ngimane to oiame? 27 Nimar Wuod Dhano noduogi e duong' mar Wuon mare kaachiel gi malaikege, kendo chieng'no enomi ng'ato ka ng'ato pokne kaluwore gi gima osetimo. 28 Awachonu adier ni nitie jomoko mochung' ka sani ma ok nobil tho kapok gineno Wuod Dhano kabiro gi pinyruodhe."
Kit Yesu Olokore
1 Bang' ndalo auchiel, Yesu nokawo i kaachiel kode Petro, Jakobo, gi Johana owadgi Jakobo mi notelo negi nyaka e wi got malo kar kendgi. 2 Kuno kite nolokore e nyimgi. Lenda wang'e norieny ka chieng', kendo lepe nolokore rachar marieny ka ler. 3 Apoya nono Musa gi Elija nothinyore e nyimgi kanyo, ka giwuoyo gi Yesu. 4 Petro nowacho ne Yesu ni, "Ruoth, bedowa ka en gima ber. Ka iyiena to abiro gero abilni adek kae; achiel mari, achiel mar Musa kendo machielo mar Elija." 5 Ka noyudo pod owuoyo, boche marieny noimogi, kendo dwol noa e bocheno kawacho ni, "Ma en Wuoda mahero kendo amor kode, winjeuru!" 6 Kane jopuonjre owinjo wachno, luoro nomakogi mi gipodho piny ka giku-lo wiyegi piny. 7 Yesu nobiro irgi momulo-gi, kowacho ni, "Auru malo, kendo weuru bedo maluor." 8 Kane giting'o wengegi, ne ok gineno ng'ato mak mana Yesu kende. 9 Kane oyudo gilor gia e wi got, Yesu nowuoyo negi kowacho ni, "Kik unyis ng'ato gima useneno, nyaka chop chieng' ma Wuod Dhano nochier koa e tho." 10 Jopuonjre nopenje ni, "Kare ang'o momiyo jopuonj chik wacho ni Elija nyaka bi mokwongo?" 11 Yesu nodwoko ni, "Kuom adier, Elija nyaka bi mondo oket gik moko duto kare. 12 To akonu ni Elija koro osebiro, to kata kamano ne ok giyange, to ne gitimone gimoro amora ma gihero. Wuod dhano bende ibiro sandi e lwetgi e yo machalre. 13 Eka jopuonjre noyango ni nowuoyo kodgi kuom Johana ja Batiso.
Ochang Wuowi Mane Nigi Jachien
14 Kane giduogo ir oganda, ng'at moro nobiro ir Yesu mogoyo chonge piny e nyime. 15 Nowachone ni, "Ruoth, yie ikech wuoda, nikech en-gi ndulme kendo osan-dore malit. Ojapodhoga piny e mach kata e ipi. 16 Ne akele ne jopuonjreni mondo gichange, to ne otamogi." 17 Yesu nodwokogi ka wacho ni, "Yaye tieng' motamore yie kendo mokethoreni, abiro bedo kodu marom nadi? Abiro dak e dieru marom nadi? Kelnauru wuowino ka." 18 Yesu nokwero jachiendno, mi nowuok oa kuom wuowino, kendo nochango kochakore sano. 19 Eka jopuonjre nobiro ir Yesu ling'ling' mi openje ni, "Ang'o momiyo wan nende ok wanyal riembe?" 20 Nowachonegi ni, "Nikech un-gi yie matin nono. Anyisou adier ni ka un-gi yie matin marom gi koth karadali to unyalo wacho ne godni ni, "Wuogi ia ka idhi kacha, kendo dowuogi modhi. Onge gima dibednu matek. 21 To jachien ma kama ok nyal riembi ka ok ng'ato olamo matek kendo otweyo chiemo." 22 Kane gichokore kaachiel Galili, nowacho negi ni, "Wuod Dhano ibiro ndhogi mi keti e lwet ji. 23 Gibiro nege, to chieng' mar adek ibiro chiere mobed mangima kendo. Kendo jopuonjre kuyo nomako maduong'.
Osuru Mar Hekalu
24 Bang' ka Yesu gi jopuonjrene nochopo Kapernaum, jochok osuch dirachma ariyo-ariyo nobiro ir Petro mopenjo ni, "Donge Japuonju chulo osuch Hekalu?" 25 Nodwoke ni, "Ee, ochulo." Ka Petro nochopo e ot, Yesu ema nok-wongo wuoyo kode kapenje ni, "Iparo nade kuom wachni, Simon? Ruodhi mag piny choko osuru mopogore opogore kuom nyithindgi koso kuom jomamoko?" 26 Petro nodwoko ni, "Kuom jomamoko." Yesu nowachone ni, "Ka kamano to kare nyithindo ni thuolo. 27 To mondo kik wachwanygi, dhi e nam mondo ichik olopi; kaw rech mimako mokwongo; yaw dhoge, kendo ibiro yudo pesa moromo shekel achiel. Kawe imiye jogo kaka osucha kod mari." Ng'at Maduong' Moloyo E
Pinyruodh Polo
1 E kindeno jopuonjre nobiro ir o Yesu mopenje ni, "En ng'a maduong' moloyo e pinyruodh polo?" 2 To noluongo nyathi moro matin mi okete ochung' e diergi. 3 Eka nowacho ni, "Anyisou adier ni ka ok ulokoru muchalo gi nyithindo matindo to ok ubi donjo e pinyruodh polo ngang'. 4 Emomiyo ng'ato ang'ata mobolore kaka nyathini chaloni e ng'at maduong' moloyo e pinyruodh polo. 5 "Kendo ng'ato ang'ata morwako nyathi machal kama e nyinga to an ema orwaka. 6 To ka ng'ato omiyo achiel kuom joma tindo moyie kuomagi otimo richo to dibed maber ka otwene nyapong' maduong' e ng'ute kaeto onyumego e chuny nam. 7 "Piny none malit nikech gik mamiyo ji donjo e richo! Ochuno ni gik makamagi nyaka bedie, to ng'at mamiyo gibiro biro wuoro! 8 Ka lweti kata tiendi miyo itimo richo to ng'ade oko kendo iwite mabor. Ber moloyo ne in kidonjo e ngima king'ol kata ka in puth moloyo bedo gi lwedo ariyo kata tiende ariyo to owiti e mach mochwere. 9 Kamano bende ka wang'i miyo itimo richo to lodhe oko kendo iwite mabor. Ber moloyo ne in kidonjo e ngima gi wang' achiel moloyo bedo gi wenge ariyo to owiti e mach mar Gehena.
Ngech Rombo Molal
10 "Neuru ni ok uchayo achiel kuom joma tindogi. Nimar anyisou ni malaikegi manie polo osiko ka ng'iyo wang' Wuora manie polo. 11 Nikech Wuod Dhano ose-biro mondo o war joma olal. 12 "Uparo nade? Ka ng'ato nigi rombe mia achiel, to achiel kuomgi olal, donge ng'atno diwe piero ochiko gochikogo mi odhi omany achiel molalno? 13 To awachonu adier ni koyude to obedo mamor kuom rombo achielno, moloyo kuom piero ochiko gochiko mane ok olal. 14 Machalre gi mano, wuonu manie polo ok dwar ni kata achiel kuom joma tindogi olal.
Owadu Mokethoni
15 "Ka owadu ochwanyi to dhi kendo inyise kethone, mana e kindu kode ji ariyo. Ka ochikoni ite mowinjo to mano iseloso kindi gi owaduno. 16 To ka otamore winji to kaw ng'ato achiel kata ji ariyo idhi iwuogo kode, mondo, "winjruok marach duto mantie olosi ka joneno ariyo kata adek nitie.' 17 Kodagi winjogi, to nyis kanisa wachno; to kodagi winjo nyaka kanisa, to kawe kaka dikaw ng'at ma japiny kata jasol osuru. 18 "Anyisou adier ni gimoro amora mutweyo e pinyka notwe e polo bende, kendo gimoro amora mugonyo e pinyka nogony e polo bende. 19 "A nyisou bende ni ka ji ariyo kuomu e pinyka owinjore kuom gimoro amora mukwayo to Wuora manie polo notimnugo. 20 Nimar kama ji ariyo kata adek ochokoree e nyinga to an kodgi kanyo."
Ngech Jatich Maonge Kech
21 Eka Petro nobiro ir Yesu mopenje ni, "Ruoth, owinjore awene owadwa ndalo adi kokethona? Nyaka ndalo abiriyo koso?" 22 Yesu nodwoke ni, 'Akoni ni ok dibiriyo to di piero abiriyo nyadibiriyo." 23 "Mano emomiyo pinyruodh polo chalgi ruoth mane dwaro nono kaka jotichne osetiyo gi pesane. 24 Kane ochako timo nonrono, ng'at moro mane nigi gope moromo talanta alufu apar ne okel e nyime. 25 To kaka ne ok onyal chulo gopeno, ruodhe nogolo chik mondo en kaachiel gi chiege gi nyithinde, kod gik moko duto mane en-go ousi mondo ochul gowino. 26 "To jatijno nogoyo chonge piny e nyime, moywagorene ni, "Yie ihorina mos, abiro chuli gopino duto tee.' 27 Ruodh jatijno nokeche mi o wene gopeno fendo ogonye odhi. 28 "To bang' ka jatich nogono nosea odhi, noyudo achiel kuom jotich wetene mane nigi gope moromo dinari mia achiel. Nomake matek mochako deye, kowacho ni, "Chula gopa ma in-go sani!' 29 "Jatich wadgino nogoyo chonge piny e nyime moywagorene ni, "Yie ihorina mos, abiro chuli gopi.' 30 "To nodagi. Kar timo kamano to noa kanyo mi oloso wach mondo orwak ng'atno e jela nyaka chop ochul gowino. 31 Ka jotich mamoko noneno gima noti-moreno, chunygi nodoko malit ahinya kendo ne gidhi mi ginyiso ruodhgi gik moko duto mane osetimore. 32 "Eka ruodhno noluongo jatichneno ire, mowachone ni, 'An ne aweni gopa mane in-go duto nikech ne iywagorina mondo atim kamano. 33 Ang'o momiyo into ne itamori kecho jatich wadu kaka an bende ne akonyi?' 34 Ruodhe ne mirima omako kode mi nochiwe e lwet jojela mondo orodhe maonge kech, nyaka chop ochul gowi duto mane en-go. 35 "Kamano e kaka Wuora manie polo biro timone ng'at ka ng'ato ka ok oweyo ne nyawadgi gie chunye."
Ketho Keny
1 Kane Yesu osetieko wacho gigi, noa Galili kendo nodhi nyaka e gweng' mar Judea loka Aora Jordan komachielo. 2 Oganda maduong' noluwe, kendo nochangogi kuno. 3 Jo Farisai moko nobiro ire mondo oteme. Ne gipenje ni, "Be en gima kare mondo ng'ato oketh keny gi chiege nikech wach moro amora?" 4 To nodwokogi ni, "Donge usesomo ni kar chakruok Jachwech 'nochweyogi dichwo gi dhako,' 5 nomedo wacho ni, 'Nikech wachni dichwo nowe wuon gi min kendo nopadre gi chiege, mi ji ariyo-go nobed ringruok achiel? 6 Omiyo koro ok gin ji ariyo, to gin achiel. Kuom mano, gima Nyasaye oseriwo kaachiel kik dhano moro amora pogi." 7 Ne giwachone ni, "Ka en kamano to marang'o Musa nochiko ni dichwo mondo omi chiege satifiket mar ketho keny eka oriembe?" 8 Yesu nowacho negi ni, "Musa noyieneu mondo uketh keny gi mondu nikech chunjeu ne tek. To ok ne en kamano nyaka aa chakruok. 9 Anyisou ni dichwo moro amora moketho keny gi chiege, mak mana ne wach chode, mi onyuomo dhako machielo, to otimo richo mar terruok." 10 Jopuonjre nowachone ni, "Ka kamano e kaka wach chalo e kind dichwo gi dhako to kara ber moloyo ka ng'ato ok okendo." 11 To Yesu nokonegi ni, "Ji duto ok nyal rwako wachno, to makmana joma osemi nyalo mar timo kamano. 12 Nimar jomoko gin buoch nikech ne onywolgi kamano, joma moko ji ema oroyo eka odoko buoch, to mamoko to oseweyo kend nikech wach pinyruodh polo. Ng'at mohero rwako wachni to mondo orwake."
Nyithindo Matindo Kod Yesu
13 Eka ji nokelone Yesu nyithindo matindo, mondo oket lwete kuomgi, kendo olem negi. To jopuonjre nokwero joma nokelo gigo. 14 To Yesu nowacho ni, "Weuru nyithindo matindo obi ira, kendo kik utamgi, nikech pinyruodh polo en mar joma chalo kamagi. 15 Kane oseketo lwete kuomgi, nomedo dhi nyime koa kanyo.
Wuowi Ma Jamoko
16 Eka ng'at moro nobiro ir Yesu mopenje ni, "Japuonj, en ang'o maber monego atim mondo eka ayud ngima mochwere?" 17 To Yesu nokone ni, "Ang'o momiyo ipenja kuom gima ber? Nitie mana Ng'at achiel kende maber. Ka idwaro donjo e ngima to rit chike." 18 Ng'atno nopenje ni, "Chike mage?" Yesu nodwoko ni, "'Kik ineki, kik ichodi, kik ikwal, kik tim nend miriambo, 19 Luor wuoru gi meru, kendo iher nyawadu kaka iherori iwuon.'" 20 Wuowi matinno nowachone ni, "Mago duto aserito. En ang'o machielo mapod aremo?" 21 Yesu nodwoke ni, "Kidwa doko malong'o chuth to dhiyo ius gigi duto mondo imi joma odhier eka inibed gi mwandu e polo. To bang' timo kamano to bi iluwa." 22 Ka wuowi matin-no nowinjo mano, noa odhi ka chunye lit, nikech ne en-gi mwandu mathoth ahinya. 23 Eka Yesu nowachone jopuonjrene ni, "Anyisou adier ni en gima tek mondo jamoko odonji e pinyruodh polo. 24 Bende anyisou ni yot mondo ngamia okal e wang' sandan moloyo mondo jamoko odonji e pinyruodh polo." 25 Kane jopuonjre owinjo wachni, ne gidhier nono kendo ne gipenjore ni, "Ka en kamano to be inyalo war ng'ato adier?" 26 To Yesu nong'iyogi tir mi owacho negi ni, "Mano en gima ok nyalre ne dhano, to ne Nyasaye to gik moko duto ny alore." 27 Petro nodwoke ni, 'Wan waseweyo gik moko duto mondo waluwi! Kara en ang'o mwabiro yudo?" 28 Yesu nowachonegi ni, 'Anyisou adier ni chieng' ma nolokie gik moko duto manyien, ka Wuod Dhano nobed e kom lochne man-gi duong', un musebedo ka uluwa bende unubed e kombe mag loch apar gariyo, kuyalo dhout Israel apar gariyo. 29 Kendo ng'ato ka ng'ato moseweyo udi, kata owete kata nyimine, kata wuoro kata miyo, kata nyithindo, kata puothe nikech an, noyud gigo nyadi mia, kendo nocham ngima mochwere. 30 To ji mang'eny ma sani ni nyime nobed chien mogik, kendo joma sani ni chien mogik, nobed nyime.
Ngech Jotich Manie Puoth Mzabibu
1 Nimar pinyruodh polo chalo gi ¿ \J wuon puodho mane owuok gokinyi kogwen, mondo ondik ji mane biro tiyone e puothe mar mzabibu. 2 Nowinjore kodgi ni nobiro chulogi dinari achiel ng'ato ka ng'ato kuom odiechieng'no, eka noorogi e puothe mar mzabibu. 3 "Kar saa adek nowuok oko mi noneno joma moko kochung' e chiro ka gibudho abudha. 4 Nokonegi ni, 'Un be dhiuru uti e puotha mar mzabibu, kendo abiro chulou gimoro amora mowinjore.' 5 Omiyo ne gidhi. "Nochako owuok oko kar saa auchiel kod saa ochiko kendo notimo kaka notimo mokwongo. 6 Kar saa apar gachiel bende nowuok oko, kendo nochako oyudo mana ka jomoko pod ochung' achung'a kanyo. Nopenjogi ni, 'Ang'o momiyo usebedo ka uchung' achung'a ka odiechieng' duto maonge gima utim?' 7 Ne gidwoke ni,"'Nikech onge ng'ama osemiyowa tich nyaka chakre okinyi.' "Nowachonegi ni, 'Un be dhiuru uti e puotha mar mzabibu.' 8 "Kane ochopo odhiambo, wuon puoth mzabibu nowacho ne nyapache ni, "Luong jotich mondo ichulgi misachgi, kichako gi joma ne ondiki achien mogik, eka idok ir joma nondiki mokwongo.' 9 "Jotich mane ondiki kar saa apar gachiel odhiambo nobiro kendo moro ka moro kuomgi noyudo dinari achiel. 10 Omiyo ka joma nondiki mokwongo nobiro, ne gigeno yudo mang'eny. To moro ka moro kuomgi be noyudo mana dinari achiel. 11 Kane giyude, ne gichalo ng'ur gi wuon puodho, 12 ka giwacho ni, 'Joma ne ondiki achien mogikgi osetiyo kuom saa achiel kende, to isemiyo gidoko marom kodwa, wan mwaset-ing'o pek tich ka watiyo odiechieng' duto gi chieng' makech.' 13 "To nodwoko achiel kuomgi ni, 'Osiepna, onge gima rach ma asetimoni. Donge ne iyie ni itiyo ne dinari achiel? 14 Kaw chudoni mondo idhi. An awuon ema ayiero mondo ami ng'at mane ondiki achien mogik chudo maromre gi mari. 15 Donge an gi ratiro mar timo gima adwaro gi pesana? Koso nyiego omaki koda nikech ang'won?' 16 "Kuom mano joma ni chien mogik nobed mokwongo, to joma okwongo nobed chien mogik."
Yesu Ochako Okoro Thone Kendo
17 Kane oyudo Yesu idho dhi Jerusalem, nokawo jopuonjre apar gariyo oketo tenge kendo nowachonegi ni, 18 "Eri waidho wadhi Jerusalem, kendo Wuod Dhano ibiro ndhogi mi chiw e lwet jodolo madongo gi jopuonj chik. Gibiro ng'adone buch tho, 19 kendo gibiro chiwe ne ogendini maok jo Yahudi mondo ojare, orodhe kendo ogure. To chieng' mar adek nochier mobed mangima kendo!"
Kwayo Mar Miyo
20 Eka min yawuot Zebedi nobiro ir Yesu kaachiel gi yawuote, kendo bang' goyo chonggi piny e nyime, ne gikwaye ni otimnegie ng'wono. 21 Yesu nopenjogi ni, "En ang'o mid-waro?" Nowachone ni, "Gol chik mondo moro ka moro kuom yawuota ariyogi obi obed kodi e lochni, moro e badi korachwich to machielo e badi koracham." 22 To Yesu nowachonegi ni, "Ok ung'eyo gima ukwayo. Be unyalo madho okombe ma adhi madhoni?" Ne gidwoke ni, "Wanyalo." 23 Yesu nowachenegi ni, "Kikombena to en adier ni ubiro methoe, to bedo e bada kora kata koracham an ok achiw. Kuondego gin mag joma Wuora noiko negi chon." 24 Ka jopuonjre apar mamoko nowinjo wachno, ne gikecho gi owete ariyogo. 25 To Yesu noluongogi kaachiel mowa-chonegi ni, "Ung'eyo ni joloch mag jopiny rito jogegi gi ang'enge, kendo jotendgi madongo tiyogi gi thuon, 26 un to ok un kamano. Kar timo kamano to ng'ato ang'ata madwaro bedo maduong' e dieru nyaka bedi jatichu, 27 kendo ng'ato ang'ata madwaro bedo ng'at mokwongo nyaka bed misumbau, 28 mana kaka Wuod Dhano ne ok obiro mondo ji otine, to mondo otine ji, kendo mondo ochiw ngimane obed gima iwarogo ji mang'eny."
Muofni Ariyo Oneno
29 Ka noyudo Yesu gi jopuonjrene koro wuok Jeriko, oganda maduong' noluwe. 30 To muofni ariyo mane oyudo obet e bath yo kane owinjo ni Yesu ne kadho machiegni kanyo, nokok matek ni, "Ruoth, Wuod Daudi, yie ikechwa!" 31 Oganda nokwerogi monyisogi ni giling', to gin koro eka ne gimedo kok matek moloyo ni "Ruoth, Wuod Daudi, yie ikechwa!" 32 Omiyo Yesu nochung' kendo nolu-ongogi ire, mopenjogi ni, "Udwaro ni atimnu ango? 33 Ne gidwoke ni, "Ruoth, wadwaro ni wanen." 34 Yesu nokechogi, mino mulo wengegi. Gikanyono wengegi noyawore, kendo ne giluwe.
Yesu Odonjo Jerusalem Gi Rwak Maduong'
1 Ka koro ne gichiegni chopo ± Jerusalem, bang' tundo Bethfage manie Got Zeituni, Yesu nooro jopuonjrene ariyo, 2 kowacho ni, "Dhiuru e mier man nyimu kendo udhi yudo kanyna moro motwe kuno gi nyathine ka nibute kanyo; gonygiuru mondo ukelnagi. 3 Ka ng'ato owachonu gimoro amora to unyise ni Ruoth dwarogi, kendo gikanyono obiro miyougi mondo ukelnagi." 4 Mano notimore mondo ochop gima nowachi gi dho janabi ni: 5 "Nyisuru nyar Sayun ni, Ne 'Ruodhi echa biro iri, obiro komuol, kendo koidho wi kanyna; koidho kanyna mapod tin nono" 6 Jopuonjre nodhi motimo kaka Yesu nochikogi. 7 Ne gikelone kanyna gi nyathi kanyna, kendo negiketo kodegi e ng'egi, mi Yesu nobet kuomgi.8 Oganda maratipo nopedho kodegi e ndara, to jomoko to nongado bede yiende, kendo gin be negi pedhogi e ndara. 9 Oganda mane otelo nyime kod mago mane odong' chien nokok ni, "Hosana ne Wuod Daudi!" "Ogwedh ng'at mabiro e nying Ruoth!" "Hosana man malo mogik!" 10 Kane Yesu odonjo Jerusalem to taon duto ne iye osakni kendo ji nopenjore kendgi ni, "Ma to ng'a?" 11 To oganda nodwokogi ni, "Ma en Yesu, janabi moa Nazareth, e piny Galili."
Yesu Odonjo E Hekalu
12 Yesu nodonjo ei Hekalu mi noriem-bo oko joma ne ng'iewo kendo uso kanyo. Noloko mesni mag joma ne wilo pesa ataro kod kombe malach mag joma ne uso akuche, kendo 13 nowacho ne ji ni, "Ondiki ni, 'Oda noluongi ni od lamo,' to un to uloke 'kar pondo mar jomecho.'" 14 Muofni gi rong'onde nobiro ire e Hekalu kendo nochangogi. 15 To ka jodolo madongo gi jopuonj chik noneno gik miwuoro mane otimo, kendo ka nyithindo kok ei Helalu ni, "Hosana ne Wuod Daudi, chunygi nokethore. 16 Ne gipenje ni, "Be iwinjo gima nyithindogi wacho?" Yesu nodwokogi ni, "Ee, awinjo. Kare pok usomo kama wacho ni, "Ne isechano chon mondo pak owuogi, e dho nyithindo kod nyithindo mayom.'" 17 Omiyo noweyogi, mowuok odhi e taon mar Bethani, kuma oninde otienono.
Yiend Ng'owo Oner
18 Kinyne kogwen ka noyudo en e yo odok Jerusalem, kech ne kaye. 19 Ka noneno yiend ng'owo moro e bath ndara, nobaro odhi ire, to ne ok oyudo gimoro amora kuome, makmana pote. Eka nowachone ni, "Kik ichak inyag olemo kendo!" Gikanyono yienno noner. 20 Ka jopuonjre noneno gima noti-moreno, ne giwuoro, ka gipenjore ni, "Ere kaka yadh ng'owoni ne oner mapiyo kamano?" 21 To Yesu nodwokogi ni, "Anyisou adier ni ka un-gi yie kendo uonge gi kiawa, to ok unyal mana timo gima ne otim ne ng'owoni, to unyalo bende wacho ne godni ni, 'Dhiyo mondo inyumri e nam,' kendo otim kamano. 22 Ka uyie to unuyud gimoro amora mukwayo e lamo."
Opingi Teko Yesu
23 Yesu nodonjo ei agola mar Hekalu, kendo ka noyudo opuonjo, jodolo madongo gi jodong oganda nobiro ire. Ne gipenje ni, "Itimo gigi gi teko mane, koso ng'a momiyi teko ma in-goni?" 24 Yesu nodwokogi ni, "An be abiro penjou penjo achiel, kendo ka udwoka, to abiro nyisou teko ma atimogo gigi. 25 Nyisae uru kuma batiso mar Johana noaye. Noa e polo, koso noa kuom dhano?" Ne giwuoyo kuom wachni e kindgi giwegi ka giwacho ni, "Ka wawacho ni, 'Noa e polo,' to obiro penjowa ni, 'ka en kamano to ang'o momiyo ne udagi yie kuome?' 26 To ka wawacho ni, 'Noa kuom dhano,' to waluoro ji ni mar giduto gika-wo ni Johana ne en janabi." 27 Omiyo ne gidwoko Yesu ni, "Wakia." Eka nowacho negi ni, "An be ok abi nyisou kuma agole teko ma atimogo gigi."
Ngech Yawuowi Ariyo
28 "Uparo nade? Ne nitie ng'ato moro mane nigi yawuowi ariyo. Nodhi ir mokwongo mokone ni, 'Kawuono dhi iti e puoth mzabibu.' 29 "To nodwoko ni, 'Ok abi dhi.' Kata kamano bang'e achien noloko pache mi odhi. 30 "Eka wuon-gino nodhi ir wuowi machielo monyise gima nonyiso wuowi mokuongo. To en nodwoko ni, 'Abiro dhi, jaduong', to ne ok odhi. 31 Yesu nopenjogi ni, "Kuom yawuowi ariyogi, mane ma notimo gima wuon-gi ne dwaro?" Ne giduoke ni, 'Wuowi mokwongo.' Yesu nowacho negi ni, "Anyisou adier ni josol osuru gi ochode kuongonu donjo e pinyruodh polo. 32 Nimar Johana nobiro iru mondo onyisu yor tim makare, to ne ok uyie kuome, kata obedo ni josol osuru gi ochode to noyie kuome. Kendo kata bang' neno mano, pod ne udagi lokoru mondo uyie kuome.
Ngech Jorit Puodho
33 "Eri winjuru ngero machielo. Ne nitie wuon puodho moro mane opidho mzabibu e puothe. Nochiele gi ohinga, mi okunyo bur biyo mzabibu e iye, kendo ogerone osuch ng'icho. Eka ne oketo puothe mar mzabibuno e lwet jopur moko, kaeto owuok odhi e wuoth. 34 Kane kinde keyo koro chiegni, nooro jotichne ir jorit puothego mondo oomne olembe mowuok e puothe. 35 "To jorit puothego nomako jotich-nego mi ogoyo achiel, onego moro kendo ogoyo machielo gi kite. 36 Eka nochako ooro jotich mamoko irgi; jotich mang'eny moloyo mago mane ooro mokwongo, kendo gin bende ne gitimo negi machalre. 37 Mogik tik nooro negi wuode, koparo ni, Wuoda to gibiro miyo luor.' 38 "To ka jorit puodhogo noneno wuod wuon puodho, ne giwacho e kindgi giwegi ni, 'Ma e jacham girkeni. Biuru wanege mondo girkeni odong'nwa'. 39 Omiyo ne gimake mi gidire oko mar puoth mzabibu kendo ne ginege. 40 "Koro, uparo ni ka wuon puoth mzabibu obiro to ang'o mobiro timo ne jorit puothego? 41 Ne gidwoke ni, "Obiro nego joma achachgo gi nek marach kaeto oketo puothe mar mzabibuno e lwet jorito mamoko, ma nyalo miye olembege, ka kinde keyo ogik." 42 Yesu nowachonegi ni, "Donge usesomo e Ndiko ni: "Kidi mane jogedo odagi osedoko kit gero konde ot, Ruoth ema osetimo mano, kendo en gima lich ma wawuoro 43 Emomiyo anyisou ni pinyruodh Nyasaye ibiro gol kuomu mi mi oganda machielo ma biro nyago olemo mare. 44 Ng'ato ang'ata molwar e kidino biro tur matindo-tindo, to ng'ama kidino ema olwar kuome to biro regore ka buru." 45 Ka jodolo madongo gi jo Farisai nowinjo ngeche Yesugo, ne ging'eyo ni gin ema nowuoyo kuomgi. 46 Ne gichako manyo yo ma digimakego, to ne giluoro oganda, nikech ji nokawe ni en janabi.
Ngech Nyasi Mar Arus
1 Yesu nowuoyo kodgi kendo gi ngeche, kowacho ni, 2 "Pinyruodh polo chalo gi ruoth moro mane oloso nyasi mar arus ne wuode. 3 Eka nooro jotichne ir joma ne oluongi e nyasi mondo odhi oluonggi gibi. To ne gidagi biro. 4 "Nochako ooro jotich mamoko, kowacho ni, "Dhiuru unyis joma noluongi ni aseiko chiemba: rwetha gi jamba machwe osenegi, kendo gik moko duto oikore. Omiyo biuru e nyasi mar arus.' 5 "To ne ok gidewe, kendo moro ka moro kuomgi nowuok oweye odhi, moro e puothe, to machielo e ohande. 6 Mamoko modong' to nomako jotichne mi osandogi kendo onegogi. 7 Ruoth ne mirima omako matek. Nooro jolweny mage mi ne gidhi gitieko jotich ma jonekgo kendo giwang'o taondgi. 8 "Eka nowacho ne jotije ni, "Nyasi mar arus koro oikore, to joma naluongo ne ok owinjore gi luong mane aluongogi-go. 9 Kuom Mano dhiuru e yore madongo mag dala uluong ng'ato ang'ata muyudo mondo obi e nyasina. 10 Omiyo jotich nowuok odhi e yore madongo mag dala mi ne gichoko ji duto mane ginyalo yudo, joma beyo gi joma richo, mi joma nobiro e arus nopong'o od budho 11 "To kane ruoth obiro mondo one welo, wang'e norado gi ng'at moro kanyo mane ok orwako lep arus. 12 Nopenje ni, 'Osiepna, ne idonjo e iye ka nade kionge gi lep arus?' To dho ng'atno nomoko. 13 "Eka ruoth nonyiso joma ne rite ni, 'Tweuru bedene mondo udire oko ei mudho mandiwa, kama ywagruok gi muodo lak biro betie.' 14 "Nimar joma iluongo ng'eny, to joma iyiero to tin."
Golo Osuru Ne Kaisar
15 Eka jo Farisai nowuok odhi mondo gilos wach kaka ginyalo gaje gi wechene owuon. 16 Ne gioro jopuonjregi ire, kaachiel gi jolup Herode, mi negipenje ni, 'Japuonj, wang'eyo ni in ng'ama ja ratiro kendo ni ipuonjo yor Nyasaye koluwore gi adiera. Dhano odhana ok obadhi, nikech ok idew wang' ng'ato, bed ni en ng'ama nade. 17 Koro nyiswa ane, iparo nade? Be en gima kare mondo ochiw osuru ne Kaisar, koso ok owinjore?" 18 To kaka Yesu nong'eyo chenro marach mane gin-go, nowacho ni, "Un joma wuondoregi, ang'o momiyo utema? 19 Nyisae uru pesa ma mingli mitiyogo kuom golo osuru." Ne gikelone dinari, 20 eka nomedo penjogi ni, "Man kuomeni en picha ng'a, koso kidoni en mar ng'a?" 21 Ne gidwoke ni, "En mar Kaisar." Eka nowachonegi ni, "Miuru Kaisar gig Kaisar, to Nyasaye miuru gig Nyasaye" 22 Ka negiwinjo mano, to ne giwuoro. Omiyo ne giweye mi gia gidhi.
Wach Kend Chieng' Chier
23 Odiechieng' onogono jo Sadukai, ma wacho ni chier onge, nobirone gi penjo moro. 24 Ne gipenje ni, "Japuonj, Musa nonyisowa ni ka ng'ato otho ka oonge gi nyithindo to owadgi nyaka kaw chiege moweyono, kendo onywolnegi nyithindo. 25 Koro ne nitie owete abiriyo e dierwa. Mokwongo kuomgi nokendo to bang'e notho, to kaka ne oonge gi nyithindo, noweyo chiege ne owadgi. 26 Gima chai kamano notimore ne owadgi mar ariyo gi mar adek, kendo nomakogi duto nyaka mar abiriyo. 27 Achien mogik dhakono be notho. 28 Koro, chieng' chier dhakono nobed chi ng'a kuom ji abiriyogi, nikech ne gibet kode giduto?" 29 Yesu nodwoko gi ka wacho ni, "Uketho nikech ukia ndiko kata teko Nyasaye. 30 Chieng' chier ji ok nokendi, kendo ok nokendgi. Ginichal gi malaike manie polo. 31 To kuom chier mar joma otho, donge usesomo gima Nyasaye nowachonu, ni, 32 'An Nyasach Ibrahim, Nyasach Isaka kendo Nyasach Jakobo.'? Nyasaye ok en Nyasach joma otho, to en Nyasach joma ngima." 33 Ka oganda nowinjo wachneno, ne gihum gi puonjne.
Chik Maduong' Mogik
34 Kane jo Farisai owinjo ni Yesu osen-g'eng'o jo Sadukai, ne gichokorene kaachiel. 35 Achiel kuomgi, mane en jabura molony ahinya, noteme gi penjoni: 36 "Japuonj, chik maduong' mogik kuom chikewa en mane?" 37 Yesu nowachone ni, "'Her Ruoth Nyasachi gi chunyi duto, kendo gi tekri duto kendo gi pachi duto. 38 Ma e chik mokwongo kendo maduong' mogik. 39 To mar ariyo be chai kode kamano, ni 'Her nyawadu kaka iherori iwuon.' 40 Kitepe chik duto kod Jonabi omoko e chike ariyo-gi"
Kristo En Wuod Ng'a?
41 Ka noyudo jo Farisai ochokore kaachiel, Yesu nopenjogi ni, 42 "Uparo nade kuom Kristo? En Wuod ng'a? Ne giduoke ni, "En Wuod Daudi." 43 Nowachonegi ni, "Ka en kamano to ang'o momiyo ka Daudi wuoyo ka en ei Roho to oluonge ni 'Ruoth'? Nimar owacho ni, 44 "'Ruoth nowacho ne Ruodha ni, "bed e bada lorachwich nyaka chop aket wasiki e bwo tiendeni." 45 Koro ka Daudi ema luonge ni, 'Ruoth' to ere kaka onyalo bedo Wuode?" 46 To onge ng'ato kata achiel mane nyalo dwoke kata wach achiel, kendo chakre chieng'no kadhi nyime, onge ng'ama nohedhore medo penje penjo mamoko.
Chandruok Abiriyo
1 Eka Yesu nowachone oganda kod jopuonjrene ni, 2 "Jopuonj chik gi jo Farisai bet e kom Musa. 3 Omiyo nyaka uwinjgi kendo utim gik moko duto ma ginyisou. Kata kamano kik utim gik ma giyalo nikech ok gitim gik ma giyalo. 4 Gitweyo misigo mapek kendo giyieyo e goke ji, to gin giwegi to ok giikore kata mar mulo misigogo gi lith lwetgi. 5 "Gimoro amora ma gitimo gitimo mondo ji one. Kuom ranyisi, giloso boksi maggi moting'o kwan mag ndiko mimako gi wich madongo dongo, kendo gikado riak lepgi maboyo boyo. 6 Bende gihero bet e mesni mamolo kuonde chiemo kendo e kombe moyiedhi e sunagoke. 7 Gihero bende mondo omosgi e chirni, kendo mondo ji oluonggi ni, 'Rabi.' 8 "To un kik uyie oluongu ni, 'Rabi,' nimar un gi Ruoth achiel kende, to un duto un owete. 9 Be kik uluong ng'ato ang'ata e pinyka ni 'Baba,' nimar un gi Wuoro achiel kende, kendo en e polo. 10 Kik luongu kata ni,'Japuonj,' nimar un gi Japuonj achiel, ma en Kristo. 11 Ng'ama duong' mogik e dieru nobed jatichu. 12 Nimar ng'ato ang'ata mating'ore malo kende noduok piny, to ng'ama duokore piny noting' malo. 13 "Malit ochomou, un jopuonj chik gi jo Farisai mawuondoregi! Uloro pinyruodh polo ka ji neno gi wang'gi kama. Un uwegi ok udonj i, to joma temo mondo odonji be ugeng'onegi. 14 Malit ochomou, un jopuonj Chik gi jo Farisai, un muwuondorugi! Uyako ute mond liete, kendo ulamo lemo moyware, nikech udwaro mondo ji oneu. Emomiyo ibiro kumou malit moloyo. 15 "Malit ochomou, un jopuonj chik gi jo Farisai mawuondoregi! Uwuotho alan-da, kung'ado piny gi nembe mondo ulok-ie kata ng'ato achiel, to koselokore to umiyo obedo koth Gehena moloyou nyadiriyo. 16 "Malit ochomou, jotecho ma muofnigi! Uwacho ni, 'Ka ng'ato okuong'ore gi nying Hekalu to onge wach, to ni ka ng'ato okuong'ore gi nying dhahabu mar Hekalu to kuong'ruokneno otweye.' 17 Un muofni mofuwogi! Mane maduong? Dhahabu koso Hekalu mamiyo dhahabu bedo gima owal? 18 Bende uwacho ni, 'Ka ng'ato okuong'ore gi nying kama ler to onge wach, to ni ka nga'to okuong'ore gi chiwo moket kuome to ni kuong'ruokneno otweye.' 19 Un joma muofnigi! Mane maduong'? Chiwo loso kama ler mamiyo chiwo bedo gima owal? 20 Kuom mano, ng'ama kuong'ore gi nying kama ler ok kuong're mana gi kama ler kende, to okuong'ore koda ka gi gik moko duto manie iye. 21 Kendo ng'ama kuong'ore gi nying Hekalu kuong'ore kode kaachiel gi Jal modak e iye. 22 Kamano bende, ng'ama okuong'ore gi nying polo okuong'ore bende gi kom loch mar Nyasaye, kaachiel gi Ng'ama obet e komno. 23 "Malit ochomou, un jopuonj chik gi jo Farisai mawuondoregi! Uchiwo achiel kuom apar mar gik ma mili mili kaka kado gi apoth kod onyulo. To ok usedewo gik madongo moloyo ma chik dwaro, kaka adiera gi kech kod yie. Ok onego uwe timo mutimogo, to magi bende nyaka utim. 24 Un jotecho ma muofnigi! Ung'udho kikun to ngamia to umuonyo! 25 "Malit ochomou, un jopuonj chik gi jo Farisai mawuondoregi! Uluoko kang'e agwata gi dis, to e igi to gipong' gi wuoro kod mer. 26 Jo Farisai ma muofnigi! Kuong uluok i agwata gi dis, eka ng'egi oko be biro bedo maler. 27 "Malit ochomou, un jopuonj chik gi jo Farisai mawuondoregi! Uchalo liete mowir marachar, manenore maber gi oko, to gie iyegi to gipong' gi choke joma otho kod gimoro amora mogak. 28 Kamano e kaka un bende unenoru ne ji ni un joma beyo gioko, to gie iu to upong' gi wuon-druok kod timbe maricho. 29 "Malit ochomou, un jopuonj chik gi jo Farisai mawuondoregi! Ugero liete jonabi kendo ogoro maber liete joma kare. 30 Bende uwacho ni, 'Ka dine bed ni wangima e ndalo mag kwerewa, dine ok wachwero remb jonabi.' 31 Kuom mano ung'ado buchu uwegi ni un nyikwa joma nonego jonabi. 32 Kara koro dhiuru mana nyime gi chopo okang' mar richo mane kwereu ochako! 33 "Thuondegi! Kothe thuondfu-gi! Ubiro tony nade mak ong'adnu buch Gehena? 34 Emomiyo eri koro aoronu jonabi gi joma riek kod jopuonj. Moko kuomgi ubiro nego kendo ubiro guro; moko ubiro rodho e sunag)keu kendo ubiro lawogi e taon. 35 Kuom mano, remo makare duto mosebedo kichwero e piny, chakre remb Abel nyaka remb Zakaria wuod Berakia, mane unego marach e kind Hekalu gi kama ler, ibiro keti e wiu. 36 Awachonu ni adier magi duto biro timore ne tieng'ni. 37 "Yaye Jerusalem- Jerusalem, in minego jonabi kendo ichielo joma oorni gi kite! Mano kaka asegombo aming'a mondo achok nyithindi kaachiel, kaka gweno choko nyithinde e bwo buombene, to isetamori. 38 To koro, ne, odi oweni kodong' gunda. 39 Nimar awachoni ni, ok ibi ichak inena kendo nyaka chop chieng' ma iniwachie ni, 'Ogwedh ng'at mabiro e nying Ruoth."
Ranyisi Mag Ndalo Giko
1 Yesu noa e Hekalu kendo ka noyudo owuotho odhi, jopuonjrene nobiro ire mondo onyise kaka gedo mag Hekalu lich. 2 To nopenjogi ni, "Be uneno gigi duto? Anyisou adier ni kata kidi achiel kuom munenogi ok nodong' ewi wadgi, to moro ka moro kuomgi nodir piny." 3 Ka noyudo Yesu obet ewi Got Zeituni Jopuonjre nobiro ire kar kende mowachone ni, "Nyiswae. gigi biro timo-re karang'o, kendo ang'o mabiro bedo ranyisi mar bironi kod mar giko mar ndalo?" 4 Yesu nodwokogi ni, "Beduru motang' mondo ng'ato kik wuondu. 5 Nimar ji mang'eny nobi e nyinga ka hedhore ni, 'An e Kristo,' kendo giniwuond ji mang'eny 6 Unuwinj kuom lwenje ma gore koni gi koni kod humbe mag lwenje, to neuru ni ok ubuok. Gik ma kamago nyaka timre, to giko to pod nobed nyime. 7 Oganda nowuog ne oganda machielo, kendo pinyruoth gi pinyruoth wadgi. Kech nobedi kuonde mang'eny kendo piny noyiengni kuonde mopogore opogore. 8 Magi duto nobed mana chakruok mar muoch makecho. 9 "Eka nochiwu mondo osandu kendo onegu, kendo ogendini duto nochau nikech an. 10 E kindeno ji mang'eny nolokre miwe yie kendo ginindhogre kendo gichare kendgi, nbende joma wuondore ni gin jonabi to ok gin nobi mang'eny kendo giniwuond ji mang'eny. 12 Nikech timbe maricho nomedre, hera marji mang'eny nodok mang'ich, 13 to ng'ama ochung' motegno nyaka giko noresi. 14 Kendo Injili ni mar pinyruoth noyal e piny duto mondo ong'ad bura ne ogendini duto, eka giko nobi. 15 "Omiyo ka uneno 'gima kwero makelo kethruok,' mane owuo kuome gi dho Daniel, kochung' kama ler (dwarore ni jasomo owinj tiend wachni maber) 16 to eka joma ni Judea odar odhi ewi gode. 17 To ng'at manie wi ode kik lor piny mondo okaw gimoro amora manie ot mondo oago. 18 Ng'at manie puodho bende kik dog dala mondo okaw kode. 19 Mano kaka mon ma yach kod mago madhodho nyithindo none malit e ndalogo! 20 Lamuru Nyasaye mondo dar maru kik timre ndalo chwiri kata chieng' Sabato. 21 Nimar kindego chandruok maduong' nobedi maonge machielo minyalo pimogo aa chakruok piny nyaka sani, kendo onge moro mabiro romo kode kata ndalo mabiro. 22 Ka dine bed ni ok ong'ad ndalogo machiek to ok ng'ato dotony to nikech wach joma oluongi, ndalogo ibiro ng'ado machiek. 23 E kindeno ka ng'ato owachonu ni, 'Ne, Kristo ni ka!' kata ni, 'Echago cha!' to kik uyie wachno. 24 Nimar joma wuondore ni gin Kristo to ok gin kod joma wuondore ni gin jonabi to ok gin nothinyre kendo ginitim ranyisi gi honni madongo mondo giwuondgo koda ka joma oyier, ka dipo mano ditimre. 25 Ero, asenyisou chon kapok kindeno ochopo. 26 "Omiyo ka ng'ato nowachnu kindego ni, 'Echago cha en e thim', to kik uwuogi udhi; kata ni, 'Erigo en ei ot maiye,' to kik uyie wachno. 27 Nimar mana kaka mil polo ji duto neno chakre wuok chieng' nyaka podho cheing' Dhano be nobedi. 28 Kama gimoro othoe ema achud-he nochokree. 29 "Gikanyono bang' chandruok maduong' mag ndalono "Wang' chieng' noimre, kendo dwe ok norieny: Sulwe nolwar piny koa e polo, kendo chwech mag polo noyiengni, 30 "Eka ranyisi mar Wuod Dhano nothinyre e kor polo, kendo ogendini duto mag piny noywagi. Ginine Wuod Dhano ka lor biro e boche polo, ka en gi teko kod duong' mang'ongo. 31 Kendo enoor malaikege, koluongogi matek gi tarum-bete, kendo ginichok joge moyier koa kuonde duto e piny, chakre giko polo konchiel nyaka komachielo. 32 "To puonjreuru wachni kuom yiend ng'owo: Ka bedene chako mich kendo pote chot xwar, to ung'eyo ni oro chiegni. 33 Kamano bende, ka unune gigi duto, to unung'e ni kindeno chiegni, kendo ose-chopo mana e dhoot. 34 Akonu adier ni tieng'ni ok norum ngang' kapok gigi duto otimore. 35 Polo gi piny norum, to Wechena ok norum ngang'.
Odiechieng' Gi Saa Ok Ong'ere
36 "Onge ng'ato ang'ata mong'eyo odiechieng no kata sano, obed malaike manie polo kata Wuowi, mak mana Wuoro kende. 37 Mana kaka notimore e ndalo Noa e kaka nobedi chieng' ma Wuod Dhano nobi. 38 Nimar e ndalo mane pok pi opongo piny, ji ne chiemo kendo metho, bende negi kendo kendo ikendogi, nyaka nochopo odiechieng' mane Noa odonjo e meli, 39 kendo onge gima ne ging'eyo kuom gima ne biro timore nyaka pi nobiro moywerogi duto te. Kamano e kaka nobedi e biro Wuod Dhano. 40 Chwo ariyo nobedi e puodho, achiel nokaw to machielo nowe. 41 Mon ariyo noyudi ka rego e pong' lwedo; achiel nokaw to machielo nowe. 42 "Emomiyo nenuru nikech ukia chieng' ma Ruodhu nobie. 43 To winjuru tiend wachni: Ka dine bed ni wuon ot nong'eyo ni saa adi mar otieno ma jakuo biroe, dine osiko korito, kendo dogeng'o jokuoge turo dhode mi donji e ode. 44 Kamano bende e kaka un bende onego ubed moitore, nikech Wuod Dhano biro biro e sama ok upar ni dobie. 45 "Kare jatich ma jaadiera kendo mariek en ng'a, ma ruodhe oseketo nya-para mar jotichne morito ode, mondo omigi chiembgi e saa mowinjore? 46 Ogwedh jatich ma kamano, ma ka ruodhe oduogo to noyude kotimo gima now-eye notim. 47 Anyisou adier ni, obiro kete jarit gige duto. 48 To ka po ni jatijno tim-bene richo, mit owacho e chunye ni, 'Ruodha odeko oko ahinya,' 49 kaeto obukre gi goyo jotich wetene, kendo owere ne chiemo gi metho kaachiel gi jomer, 50 to ruodh jatijno nobi e odiechieng' ma ok ogen ni dobie, kendo e saa mokia. 51 Enong'ade matindo tindo mi okete kaachiel gi joma wuondore, kama ywagruok gi muodo lak nobedie.
Ngech Nyiri Apar
1 E kindeno pinyruodh polo nopim gi nyiri apar ma nokawo techegi kaeto owuok odhi romo ne wuon kisera. 2 Abich kuomgi nofuwo, to abich ne riek. 3 Mago mofuwo nokawo techegi to ne ok giting'o mafuta kata matin gidhigo. 4 To mago mariek to noting'o mafuta e kubni kaachiel gi techegi. 5 Wuon Kisera nokawo saa mathoth kapok obiro, omiyo wengegi nobedo mapek kargi duto mi nindo noterogi. 6 "To e chuny otieno koko moro nogore matek ni, Wuon kisera eri odonjo! Wuoguru oko mondo uromne!' 7 "Eka nyiri duto nochiew kendo ne giiko techegi. 8 Nyiri mofuwo nowacho ne mago mariek ni, Tognwauru mafuta matin, nikech techewa dwa tho.' 9 "To ne gikwerogi ni, 'Ooyo,' samoro mafuta ma wan-go ok nyal romowa kaachiel kodu. Gima ber en ni dhiuru ir joma uso mafuta mondo ung'iew maru kuomgi.' 10 "To ka noyudo gin e yo gidhi ng'iewo mafuta, wuon kisera nochopo. Nyiri mane oikore nodonjo kode e nyasi mar arus; kendo nolor dhoot. 11 "Bang'e achien nyiri mamokoka be nobiro. Ne gidwong'o ka giwacho ni, 'Jaduong'! Jaduong'! Yawnwa dhoot!' 12 "To noduokogi ni, 'Anyisou adier ni akiau.' 13 "Emomiyo nenuru, nikech ok ung'eyo odiechieng' kata saa
Ngech Talanta
14 "Enochal bende gi ng'at moro ma ka ne owuok odhi e wuoth to nolwongo jotichne mi oketo mwandune e lwetgi. 15 Achiel kuomgi nomiyo pesa moromo talanta abich, to machielo nomiyo talanta ariyo, kendo machielo talanta achiel; komiyo moro ka moro kuomgi pesa maromre gi nyalone. Eka nodhi e wuodhe. 16 Ng'ama nomi talanta abich nodhi sano sano moketo pesane e tich, kendo noyudo talanta abich mamoko kaka ohande. 17 Kamano bende, ng'at mane omi talanta ariyo noyudo ariyo ewi mane omiye. 18 To ng'at mane oyudo talanta achiel nowuok odhi mokunyo bur ei lo, kendo oiko pesa ruodhe kanyo. 19 "Bang' kinde marabora ruodh jotij-go noduogo kendo nogoyo kodgi kwano. 20 Ng'at ma noyudo talanta abich nokelo talanta abich mamoko ewi mane omiye, kendo nowacho ne ruodhe ni, 'Ruoth, ne imiya talanta abich, to neye, aseloso abich mamoko e wiye.' 21 "Ruodhe nodwoke ni, 'Isetimo maber ahinya. In jatich maber kendo ma jaadiera! Isebedo jaadiera gi gik matin nono omiyo koro abiro keti jarit gik mang'eny Bi idonji e mor mar ruodhi!' 22 "Ng'at manenigi talanta ariyo bende nobiro, mowacho ni, 'Ruodha, ne imiya talanta ariyo, to neye, aseloso ariyo mamoko.' 23 "Ruodhe nodwoke ni, 'Isetimo maber ahinya. In jatich maber kendo maja adiera! Isebedo ja adiera gi gik matin nono, omiyo koro abiro keti jarit gik mang'eny Bi idonji e mor mar ruodhi!' 24 "Eka ng'at ma noyudo talanta achiel nobiro, mowacho ni, 'Ruoth, Ne ang'eyo ni in ng'ama tiyogo tek, ma keyo kama ne ok ikome, kendo ma choko kama ne ok aludoe kodhi. 25 Omiyo ne aluor mi ne adhi kendo ne apando talantani ei lo. Girino eri kawe.' 26 To ruodhe nodwoke ni, 'In jatich ma kite rach kendo ma jasamuoyoni.' Kare ne ing'eyo ni akeyo kama ne ok akome kendo ni achoko kama ne ok aludoe kodhi? 27 Ka kamano to mad ne iket pesana gijo bengi kama nonyalo medoree kende, mondo ka ne aduogo to ayude gi ohande. 28 "Omiyo mayeuru talantano mondo umi ng'at ma nigi talanta apar. 29 Nimar ng'at ma nigo ema nomedi, mi nobed gi gik mogundho; to ng'at ma ongego ibiro ma koda ka gima en-go. 30 Koro kawuru jatich manonono udhir oko e mudho, kama ywagruok gi muodo lak nobedie.'
Rombe Gi Diek
31 "Ka Wuod Dhano nobi e duong'ne, kaachiel gi malaike duto, enobed e kom lochne, man gi duong' mar polo. 32 Ogendini duto nochokre e nyime, kendo enopog ji, kopogo ng'ato ka ng'ato gi wadgi, mana kaka jakwath pogo rombe kogolo e dier diek. 33 Enoket rombe e bade korachwich, to diek e bade koracham. 34 "Eka Ruoth nowachne joma nie bade lorachich ni, 'Biuru, un joma ogwedhi mag Wuora; Kawuru girkeni maru, pinyruoth mane oiknu nyaka aa chwech piny. 35 Nimar ne adenyo kendo numiya gimoro achamo; riyo noloya, kendo numiya gimoro amodho; ne an wendo; kendo nurwaka ei ot; 36 ne achando lewni, kendo nurwaka; ne atuo kendo nurita; ne an e jela, kendo nubiro lima.' 37 "Eka jomakarego nodwoke ni, 'Ruoth, karang'o mane wanenie kidenyo mi wamiyi chiemo, kata ka riyo oloyi, mi wamiyi gimoro imodho? 38 Karang'o mane wanenie ka in wendo mi warwaki ei ot, kata kichando lewni mi warwaki? 39 Ne waneni karang'o kituo kata ka in jela mi walimi ?' 40 "To Ruoth nodwokgi ni, Anyisou adier ni, gimoro amora mane utimo ne achiel kuom owetenagi matinie mogik, ne utimona.' 41 "Eka enowach ne joma nie bade koracham ni, "Ayiuru buta, un joma okuong'gi, mondo udonj i ei mach mosiko mane olosi ne Jachien gi malaikege. 42 Nimar ne adenyo, to onge gima numiya mondo acham; riyo noloya, to onge gima numiya mondo amodhi; 43 ne an wendo, to ne ok urwaka ei ot; ne achando lewni, to ne ok urwaka; ne atuo kendo ne an e jela, to ne ok ulima?' 44 "To gin bende ginidwok ni, 'Ruoth, ne waneni karang'o kidenyo, kata ka riyo oloyi, kata ka in wendo, kata kichando lewni, kata kituo, kata ka in e jela, to ne ok wakonyi?' 45 "To enodwokgi ni, 'Anyisou adier ni, gimoro amora mane ok utimo ne achiel kuom joma tindogi, ne ok utimo ne an.' 46 "Eka gini aa kanyo mi gidonji e kum mochwere, to joma kare e ngima mochwere."
Chenro Mar Nego Yesu
1 Ka Yesu nosetieko wacho wechegi duto, nowacho ne jopuonjrene ni, 2 "Kaka ung'eyo, odong' ndalo ariyo kende mondo chieng' Pasaka ochopi, kendo Wuod Dhano ibiro chiwo mondo ogur." 3 Eka jodolo madongo gi jodong oganda nochokore e dala jadolo maduong', mane nyinge Kaifa, 4 kendo ne gichano mondo gimak Yesu e yo mobam ginege. 5 To ne giwacho ni, "Kik watim kamano kinde nyasi, nono to ji ogomo."
Owir Yesu Bethani
6 Kane Yesu ni Bethani e dala ng'at moro miluongo ni Simon ja dhoho, 7 dhako moro nobiro ire gi chupa mar alabasta, mopong' gi mo madung' mamit kendo ma nengone tek, kendo noole duto e wiye sama nobet kochiemo e mesa. 8 Ka jopuonjre noneno mano, ne gisin, mi giwacho ni, "Morni iketho malit kama nang'o? 9 Donge morni ne inyalo uso e nengo mamalo mondo omi jodhier pesa-go." 10 To kaka Yesu nong'eyo pachgino, nowacho negi ni, "Uchando dhakoni nang'o? Osetimona gima jaber. nJodhier ubiro siko ka un-go ndalo duto to an ok ubi siko ka un koda ndalo duto. 12 Ka dhani noolo mo madung' mamitni e denda, notimo kamano mondo oikago ne ik. 13 Anyisou adier ni kamoro amora ma noyalie Injilini e piny duto to gima oseti-moni bende nohul, kiparego."
Judas Oyie Ndhogo Yesu
14 Eka achiel kuom ji apar gariyogo, mano mane iluongo ni Judas Iskariot, nodhi ir jodolo madongo, 15 mopenjogi ni, "Ang'o mubiro miya ka achiwe e lwetu?" Omiyo ne gikwanone pesa mamingli mag fedha piero adek. 16 Chakre chieng'no kadhi nyime Judas nochako manyo thuolo mar chiwenegi.
Pasaka Mar Ruoth
17 Odiechieng' mokwongo mar nyasi mar makati maonge thowi, jopuonjre nobiro ir Yesu mopenje ni, "Kanye mid-waro ni waikni mondo ichamie Pasaka?" 18 Nodwoko ni, "Dhiuru nyaka ei dala ir ng'at moro kendo uwachne ni, 'Japuonj wacho kama: sana mane ochanna chiegni chopo, omiyo abiro timo nyasi mar Pasaka gi jopuonjrena e odi.' 19 Omiyo jopuonjre notimo kaka Yesu nochikogi kendo ne giiko Pasaka. 20 Ka odhiambo nochopo, Yesu nobet kachiemo e mesa kaachiel gi ji apar gariyogo. 21 To ka noyudo gichiemo, nowacho ni, "Anyisou adier ni achiel kuomu biro ndhoga." 22 Chunygi nodoko malit ahinya, kendo ne gichako wachone moro ka moro ni, "Ruoth, dobed an koso?" 23 Yesu nodwoko ni, "Ng'at ma oa luto lwete koda e bakul biro ndhoga. 24 Wuod Dhano biro dhi mana kaka nondiki kuome. To chandruok ochomo ng'at mandhogo Wuod Dhano! Dine ok ony-wole dobedone maber moloyo. 25 Eka Judas, jal mane biro ndhoge nowacho ni, "Japuonj, dobed an koso? Yesu nodwoko ni, "Ee, en in." 26 Ka noyudo gichiemo, Yesu nokawo makati kendo nogwedhe kendo opoge, kaeto omiyo jopuonjrene, kowacho ni, "Kawuru, chamuru; ma en ringra." 27 Eka nokawo okombe kendo nogwedhe kaeto omiyogi kowacho ni, "Madhuru gima nie iye, un duto. 28 Ma en remba mar winjruok, ma ool oko ne ji mang'eny mondo okel werruok mar richo. 29 Anyisou ni ok anachak amadh olemb msabibuni kendo, chakre kawuono nyaka chop odiechiengno ma anamadhe manyien, kaachiel kodu, e pinyruoth mar Wuora." 30 Kane gisewero wer moro, ne giwuok gidhi nyaka Got Zeituni.
Yesu Okoro Ni Petro Biro Kwede
31 Eka Yesu nonyisogi ni, "Otienoni un duto wang' unupodhi nikech an, nimar ondiki ni, "'Abiro goyo jakwath, kendo kweth mag rombe biro ke.' 32 To bang' ka asechier anadhi ka atelo nyimu nyaka Galili." 33 Petro nodwoko ni, "Kata ka ji duto opodho nikech in to an ok anapodhi ngang'." 34 Yesu nodwoko ni, "Awachoni adier ni otienoni, kapok thuon gweno okok, wang' inikweda nyadidek" 35 To Petro nowacho koramo ni, "Kata ka ochuno ni nyaka atho kodi, to ok abi kwedi ng'ang', kendo jopuonjre mamoko duto bende nowacho machalre kamano.
Gethsemane
36 Eka Yesu nodhi gi jopuonjrene nyaka kama iluongo ni Gethsemane, kendo nowachonegi ni, "Beduru ka kapod adhi nyime kucho mondo alam." 37 Nokawo Petro kod yawuot Zebedi ariyo odhigo, kendo kuyo gi chuny lit nochako make. 38 Eka nowachonegi ni, "Kuyo ohewo chunya kendo chiegni nega. Beduru ka kendo nenuru kaachiel koda." 39 Ne ochwalore nyime matin kaeto opodho piny gi yoka lenda wang'e eka olemo ni, "Wuora, kanyalore to yie mondo kikombeni ogol kuoma. To ok kaka an ema adwaro to mana kaka in ema id waro." 40 Nodok ir jopuonjrene moyudo ka ginindo. Nopenjo Petro ni, "Joka ma, ne ok unyal rito koda kata kuom saa achiel kende? 41 Nenuru kendo lamuru mondo kik upodhi e tem. Chuny oikore to ringruok to nyap." 42 Ne owuok odhi kendo, mar ariyo, kendo nolamo ni, "Wuora, ka ok nyalre mondo ogol okombeni makmana ka amadhe to dwaroni otimre." 43 Kane oduogo, nochako oyudogi ka ginindo, nikech wengegi ne pek. 44 Omiyo ne oweyogi, kendo nochako owuok modok mi olemo mar adek, kowacho gima chaire. 45 Eka noduogo ir jopuonjrene mowacho negi ni, "Pod unindo aninda kendo uyweyo? Neuru, saa osechopo, kendo wuod dhano koro indhogo e lwet joricho. 46 Chunguru wadhiuru. Jandhokna eri biro e!"
Yesu Omaki
47 Ka noyudo pod owuoyo, Judas, mane en achiel kuom ji apar gariyo, nochopo. Ne en gi oganda maduong' momanore gi ligangla gi arunge, mane oor koa ir jodolo madongo gij odong oganda. 48 To noyudo jandhok osechano kodgi motelo ranyisi mane obiro tiyogo: "Ng'at ma wang' ananyodhi e en; makeuru." 49 Judas nopu-sore piyo piyo nyaka ir Yesu, kaeto owacho ni, "Misawa Rabi!" kendo ne onyodhe. 50 To Yesu nodwoko ni "Osiepna, tim gima nokeli. Eka jogo nochorore nyime mi ond-hiyo Yesu, kendo ne gimake. 51 Gikanyono achiel kuom joma ne nigi Yesu nowuodho liganglane oko, kendo notong'o jatij jadolo maduong', mi ochodo ite oko. 52 Yesu nowachone ni, "Dwok lig-anglani e ode, nimar ji duto ma wuodho ligangla notho gi ligangla. 53 Iparo ni ok anyal kwayo Wuora mi oketna tenge kidi-enje apar gariyo mag malaike mondo okedna sanisani? 54 To ka otimo kamano to Ndiko dichop kare nade mawacho ni gik moko nyaka timre kaka gitimore sani-ni?" 55 E sechego Yesu nowacho ne ogan-dano ni, "Uwuokna oko gi ligengni kod arunge kagima akelo tulu kamano nang'o? Pilepile asebedo ka abet kodu piny e agolni mag Hekalu ka apuonjo, to ne ok umaka. 56 To gima timoreni oseti-more kama mondo Ndiko mag jonabi ochopi." Eka jopuonjre duto nong'wel moringo oweye.
Yesu E Nyim Sanhedrin
57 Joma nomako Yesugo nokawe motere nyaka ir Kaifas jadolo maduong', kuma jopuonj chik kod jodongo noyudo osechokoree. 58 To Petro noluwe gichien, nyaka notundo e laro mar jadolo maduong'. Nodonjo kendo nobet piny kod jorito mondo one ane gima nebiro timore. 59 Jodolo madongo gi jo Sanhedrin duto ne manyo nend miriambo moro mane ginyalo donjonego Yesu mondo eka ginege. 60 To ne ok giyudo moro amora, kata obedo ni jonend miriambo mang'eny nosuosore nyime. Achien mogik, ariyo nobiro nyime, 61 kendo ne giwacho ka giramo ni, "Ng'atni nowacho ni, Anyalo muko Hekalu mar Nyasayeni mi achak agere kendo bang' ndalo adek.'" 62 Eka jadolo maduong' noa malo mowacho ne Yesu ni, "Dak iduok wachno? Neno ma jogi timo kuomini manade?" 63 To Yesu noling' aling'a thi. Jadolo maduong' nowachone ni, "Achiki ka akuong'ore gi nying Nyasaye Mangima: Nyiswa ka in e Kristo ma Wuod Nyasaye." 64 Yesu nodwoke ni, "E en kaka iwa-chono. To awachonu un duto ni e ndalo mabiro unune Wuod Dhano kobet e bat korachwich mar Jal Maratego kendo kobiro kobet e boche polo." 65 Eka jadolo maduong' noyiecho lepe, kowacho ni, "Oseyenyo! Ere gimomiyo pod wadwaro joneno mamoko? Neuru, koro wasewinjo gi itwa ayanjeno. 66 Unu paro nade?" Ne gidwoko ni, "Owinjore gi tho." 67 Eka ne ging'ulo olawo e lenda wang'e, kendo ne gigoye ngum. Jomoko to nopame, 68 ka giwacho ni, "Kornwae wach ane, Kristo, En ng'a mopadi?"
Petro Okwedo Yesu
69 Sama noyudo Petro obet oko e laro, jatich manyako moro nobiro ire mowachone ni, "In bende ne in gi Yesu ja Galili." 70 To nodagi wachno e nyimgi duto, kowacho ni, 'Akiya gima iwachono." 71 Eka nong'wel odhi e dho rangach, to kuno bende nyako machielo nonene mi owachone joma ne nikanyo ni, "Ng'atni ne jonigi Yesu ja Nazareth." 72 To nodagi wachno kendo nokuong'ore kowacho ni, 'Akiya ng'atno!" 73 Bang' saa matin, joma nochung' kanyo nodhi nyaka but Petro mowachone ni, "Ka iwacho adier, to in achiel kuomgi, nikech yo miwuoyogo huli e iro." 74 Eka nochako luongo kuong' kuome owuon loramo ni, 'Akiya ng'atno adier!" Sanosano thuon gweno moro nokok. 75 Eka Petro noparo wach ma Yesu noyudo osewachone ni, "Kapok thuon gweno okok, to wang' inikweda ndalo adek." Kendo nowuok odhi oko mi oywak malit.
Judas Odere Owuon
1 Okinyi kogwen, jodolo madongo duto gi jodong oganda noporo wach ni mondo gineg Yesu. 2 Ne gitweye kendo ne giwuok kode mi gikete e lwet Pilato, mane en ruoth. 3 Ka Judas, jal mane ondhoge oneno kose ng'adne Yesu buch tho, achiedhnade nomake mi nodwoko pesa mamingli mag fedha piero adek ne jodolo madongo gi jodongo, 4 kowacho ni, "Aseketho, nimar asendhogo remo maonge ketho." To ne gidwoke ni, "Mano obadhowa e ang'o? Mano en wachni iwuon." 5 Omiyo Judas nowito pesago ei Hekalu kaeto oa odhi. Eka nodhi modere. 6 Jodolo madongo nokwanyo ng'injo mag fedha go kendo giwacho ni, "Chik ok oyie mondo okan gini kar keno, nikech en pesa remo." 7 Omiyo ne giporo wach mondo giti gi pesago kuom ng'iewo puoth jachwe agulini mondo obed kama iike jodak. 8 Mano emomiyo osebedo kiluongo kanyo ni puoth remo nyaka kawuono. 9 Eka gima Jeremia janabi nowacho ni, "Ne gikawo pesa mamingli mag fedha, mane en nengo mane jo Israel oketone, 10 kendo ne gitiyo kodgi kuom ng'iewo puoth jachwe agulni, kaka Ruoth nochika," nochopo kare.
Yesu E Nyim Pilato
11 E thuolono Yesu nochung' e nyim ruoth, kendo ruoth nopenje ni, "In e ruodh jo Yahudi koso?" Yesu nodwoke ni, "Ee, en kaka iwa-chono." 12 Kane jodolo madongo gi jodongo odonjone, ne ok odwoko gimoro amora. 13 Eka Pilato nopenje ni, "Donge iwinjo neno ma jogi donjonigogi?" 14 To Yesu ne ok odwoko kata wach achiel mane odon-jnego, kendo mano nomiyo ruoth owuoro ahinya. 15 To ruoth noheroga gonyo ne oganda ng'at achiel motwe e kinde mag sawo. 16 E ndalono ne gin gi ng'at motwe ma achach mane iluongo ni Barabas. 17 Omiyo ka oganda nosechokore kaachiel, Pilato nopenjogi ni, "En ng'awa mudwaro mondo agonynu: Barabas koso Yesu miluongo ni Kristo?" 18 Nimar nong'eyo ni ich lit ema nomiyo giketo Yesu e lwete. 19 Ka noyudo Pilato obet e kom jong'ad bura, chiege nokowone wach ni, "Walri iayi e wach ng'at maonge kethono, nimar wachne nochanda ahinya kawuono e lek mane aleko kuome." 20 To jodolo madongo gi jodongo nowako oganda mondo Barabas ema gikwa ogonynegi to Yesu to mondo onegi. 21 Ruoth nopenjogi ni, "Kuom ji ariyo-gi, en ng'a mudwaro mondo agonynu?" Ne gidwoke ni, "Barabas." 22 Pilato nopenjogi ni, "To Yesu miluongo ni Kristoni to atimgo ang'o?" Ne giduoke riat ni, "Gure!" 23 Pilato nopenjo ni, "Nang'o? En ang'o marach mosetimo?" To gin ne gimedo goyo koko matek moloyo ni, "Gure!" 24 Ka Pilato noneno ni onge gima nonyalo timo, to ni mahu ema koro ne chali ore, nokawo pi mi ologo e nyim ogan-dano, kowacho ni, An aler kuom remb ng'atni, en wachu!" 25 To ji duto nodwoko riat ni, "Rembe mondo obed e wiwa gi nyithindwa!" 26 Eka nogonyonegi Barabas, to Yesu to nokwongo orodho, eka oketo e lwetgi mondo ogur.
Askeche Ojaro Yesu
27 Eka askeche ruoth nokawo Yesu motere nyaka ei od chokruok, kendo ne gichokone oganda askeche duto mi gilwore gikete diere. 28 Ne gilonyo lepe kendo ne girwakone kandho makwar, 29 eka ne gikado ligisa mar kudho kendo gisidho e wiye. Ne giketo odundu e lwete kor achich, eka gigoyo chonggi piny e nyime, kendo ne ginyiere ka giwacho ni, "Misawa, ruodh jo-Yahudi!" 30 Ne ging'ulo olawo kuome kendo ne gikawo odundu gigoyogo wiye anuoya anuoya. 31 Bang' ka negisejare kamano, ne gilonyo kandho no oko kaeto girwakone lepe owuon. Eka ne giwuok gidhi kode mondo gidhi gigure.
Gur Mar Yesu
32 Kane gin e yo gidhi, ne giromo gi ja-Kurene moro miluongo ni Simon, kendo ne gichune mondo oting' msalaba. 33 Eka ne gichopo kama iluongo ni Golgotha (ma tiende en kar Hanga Wich). 34 Kanyo ne gimiyo Yesu divai moru gi kedhno mondo omadhi, to bang' bile, nodagi madhe. 35 Ka negise-gure, ne gipogore lepe ka gigoyo ombulu. 36 Bang'e ne gibet piny kanyo ka girite. 37 Gimalo yoka wiye, ne giguroe ndiko mar weche mane odonjnego, mane wacho kama: MA EN YESU, RUODH JO YAHUDI. 38 Jomecho ariyo be nogur kode, moro e bathe korachwich to machielo koracham. 39 Joma ne kadho machiegni nodirone ayenje, ka gikino wiyegi, 40 kendo giwacho ni, "In ma yande iwacho ni inyalo ketho Hekalu mi ichak igere bang' ndalo adekni, koro resri kendi ane! Ka in wuod Nyasaye to wuog ane e msalaba ilor piny!" 41 Machalre kamano bende, jodolo madongo gi jopuonj chik kod jodongo bende noyanye, ka giwacho ni, 42 "Ne oreso jomoko, to en to ok onyal resore owuon! Donge en ruodh Israel? Dak koro oa e wi msalaba olor piny ka sani mondo wayie kuome. 43 Ogeno kuom Nyasaye; Nyasaye koro okonye ane sani ka odware adier, nimar ne owachcga ni, An Wuod Nyasaye,'" 44 Kamano bende e kaka jomecho mane ogur kode bende nodirone ayenje.
Tho Mar Yesu
45 Chakre saa auchiel nyaka saa ochiko, mudho noimo piny duto. 46 To kar saa ochiko, Yesu noywak gi duol maduong' ni "Eloi, Eloi, lama sabak-thani?- ma tiende en ni, "Nyasacha, Nyasacha, ang'o momiyo iseweya kenda?" 47 Kane moko kuom joma nochung' kanyo owinjo mano, ne giwacho ni, "Oluongo Elija." 48 Gikanyono achiel kuomgi noringo okawo siponj. Nonyume e kong'o makech, kendo nochome ewi odundu mabor, kaeto omiye Yesu mondo omad-hi. 49 Joma moko nowacho ni, "Koro warit wane ane ka Elija biro mondo orese." 50 To bang' ka Yesu noseywak kendo matek gi duol maduong', nogonyo chunye mondo oa. 51 Sanosano katen mar Hekalu noyiech e diere tir, chakre malo nyaka piny. Piny noyiengni kendo lwendni nobarore. 52 Liete nomuoch moyawore kendo ringre jomaler mang'eny mane osetho nochier modoko mangima. 53 Ne giwuok e liete, kendo bang' chier mar Yesu, ne gidonjo ei Dala Maler kendo ne gifwenyore ne ji mang'eny. 54 Ka ja-Kenturo gi joma ne nikode mane rito Yesu noneno yiengni mar piny kod gik moko duto mane oyudo osetimore, luoro nomakogi matek, kendo ne giwacho ka giwuoro ni, "Adier, ng'ani ne en Wuod Nyasaye!" 55 Mon mang'eny bende ne nikanyo: 56 Moko kuomgi ne gin, Maria Magdala, Maria min Jakobo gi Josef, kod min yawuot Zebedi.
Ik Mar Yesu
57 Ka nochopo odhiambo, jamwandu moro maja Arimathea, ma nyinge Josef nobiro. En bende nosedoko japuonjre Yesu. 58 Nodhi nyaka ir Pilato mi okwaye ringre Yesu, kendo Pilato nogolo chik mondo omiyego. 59 Josef nokawo ringre Yesu moume gi nanga maler marep-rep, 60 kendo nokete e liende owuon manyien mane oseroko ei lwanda, eka nong'ielo kidi maduong' mi olorogo dho liendno kaeto owuok odhi. 61 Maria Magdala gi Maria machielo to noweyo kobet piny kama omanyore kod liel.
Jarito Mane Nie Liel
62 Kinyne, mane en odiechieng' maluwo Chieng'Ikruok, jodolo madongo gi jo Farisai nodhi ir Pilato. 63 Ne giwachone ni, "Jaduong', wanyalo paro ni ka ja miriamboni ne pod ngima to nowacho ni, 'Bang' ndalo adek to abiro chier kendo.' 64 Omiyo gol chik mondo orit liel nyaka chieng' mar adek. Nono to jopuonjrene nyalo biro mi kwal ringre mi giwach ne ji ni osechier oa kuom joma otho. Miriambo machien-ni dibed marach moloyo mokwongo." 65 Pilato nodwokogi ni, "Kawuru jarito mondo udhi urit liel kaka un ema ung'eyo uwegi." 66 Omiyo ne gidhi mi ne girito liel ka giketo kido e kidi kendo ne giketo jarito mondo orite.
Chier Mar Yesu
1 Bang' Sabato, kogwen mar chieng' mokwongo mar juma, Maria Magdala gi Maria machielo nodhi limo liel. 2 To piny noyiengni matek, nimar malaika mar Ruoth nolor piny koa e polo, mi nodhi nyaka e liel mong'ielo kidi kendo obetie. 3 Kite ne chalo gi mil polo, kendo lepe ne tar ka pe. 4 Jorito ne luoro omako ahinya konene, mi ne gikirni, kendo ne gidoko machal gi joma otho. 5 Malaika nowachone mon-go ni, 'Weuru luor, nikech ang'eyo ni umanyo Yesu mane ogur. 6 Oonge ka; osechier, mana kaka nowacho. Biuru une kama noninde. 7 Eka mondo udhi mapiyo unyis jopuonjrene ni, 'Osechier oa kuom joma otho kendo otelo e nyimu odhi Galili. Kuno ema ubiro nenee.' Ero koro asenyisou." 8 Omiyo mon-go noa e liel ka gireto, ka giluor to bende ka gipong' gi mor, kendo ne giringo gidhi mondo ginyis jopuonjrene. 9 To apoya nono Yesu norado kodgi, mowachonegi ni, "Misawauru." Kendo ne gisudo bute mi gimoko e tiendene, kendo gilame. 10 Eka Yesu nowachonegi ni, "Weuru luor. Dhiuru unyis owetena mondo gidhi Galili; kuno ema gibiro nenae."
Milome Mar Jorito
11 Ka noyudo mon-go nie wuodhgi dhi, moko kuom jorito nodhi e dala monyiso jodolo madongo gik moko duto mane osetimore. 12 Ka jodolo madongo noseromo gi jodongo mi gichano gima ne gidwa timo, ne gimiyo askeche pesa mang'eny, 13 ka giwa-chonegi ni, "Wachuru ni, 'Jopuonjrene nobiro gotieno mi okwale saa mane wanindo.' 14 Kapo ni wachni ochopo e it ruoth, to wang'eyo gima wabiro timo-ne, mondo kik uyud chandruok moro amora." 15 Omiyo askeche nokawo pesago, kendo ne gitimo kaka nonyisgi. Kendo wachni koro oselandore kuonde mathoth e dier jo- Yahudi nyaka odiechiengni.
Ote Maduong'
16 Eka jopuonjre apar gachielgo nodhi Galili, e wi got kama Yesu nony-isogi ni gidhiye. 17 Kane ginene to ne gilame; to moko kuomgi noriwo gi kiawa. 18 Eka Yesu nobiro irgi mowachonegi ni, "Teko duto manie polo kod manie piny osemiya. 19 Kuom mano, dhiuru ulos jopuonjre e ogendini duto, kubatisogi e nying Wuoro gi nying Wuowi kod nying Roho Maler, 20 kendo kupuonjogi mondo gitim gik moko duto ma asechikou. To akonu adier ni abiro bedo ka an kodu seche te, nyaka giko mar ndalo."
Johana Jabatiso Oiko Yor Yesu
1 Ma e chakruok mar Wach Maber Mar Yesu Kristo Wuod Nyasaye. 2 En mana kaka ondiki e kitap Janabi Isaya niya, "Abiro oro jaotena notel nyimi mondo olosni yo." 3 "Duond ng'at moro kok e thim ni, 'Ikuru ne Ruoth yore, losneuru yo moriere tir." 4 Kamano e kaka Johana ne owuok e thim kopuonjo ji ni nyaka gilok chunygi eka obatisgi kaka ranyisi ni Nyasaye ose weyo nigi richogi. 5 Kuom mano jo piny Judea duto kod ji duto moa Jerusalem nowuok odhi ire. Ne gihulo richogi mi Johana nobatisogi e aora Jordan. 6 Johana norwakore gi lewni molos gi yie ngamia kendo notweyo kamba mar pien e nungone. Nochamo bonyo kod mor kich manie thim. 7 Wach mane Johana yalo ne chai kama: "Ng'at moro biro bang'a moloya gi duong'. Oduong' maok awinjora gonyo kata mana tond wuochene. 8 An abatisou gi pi, to en obiro tisou gi Roho Maler."
Yesu Otisi Kendo Otem
9 E kindeno Yesu nobiro koa Nazareth, e piny Galilie mi Johana nobatise e aora Jordan. 10 Ka noyudo Yesu wuok aa e pi, noneno polo kayawore kendo ka Roho Maler lor mondo opi kuome e kido mar akuru. nTo dwol maduong' noa e polo kawacho niya, "In e Wuoda mahero. Chunya mor kodi." 12 Gikanyono Roho Maler nokaso Yesu motere e thim, 13 kendo nodak e thim kuno ndalo piero ang'wen, ka Satan teme. E thim kuno Yesu nodak e kind le mag thim, to malaike ne tiyone.
Luong Mar Jopuonjre Mokwongo
14 Ka nosetwe Johana e od twech, Yesu nodhiyo Galili, koyalo Wach Maber mar Nyasaye. 15 Noyalo niya, "Saa osechopo kendo Pinyruodh Nyasaye osekayo machiegni. Lokreuru kendo yieuru Wach Maber." 16 Ka noyudo Yesu wuotho e bath Nam Galili, noneno Simon gi owadgi ma Andrea ka jobolo gokgi e nam, nikech ne gin jolupo. 17 Yesu nowachonigi ni, "Biuru mondo uluwa, mondo kar ywayo rech to aketu ubed joywa ji." 18 Ne giweyo gokegi sanosano mi giluwe. 19 Yesu nomedo chwalore nyime matin mi noneno Jakobo wuod Zebedi gi omin mare ma Johana ka jobet e yie kendo loso gokegi. 20 Maok odeko Yesu nolwongogi, kendo ne giweyo wuon-gi ma Zebedi e yie, kaachiel gi jotich mondiki mane konyogi, mi giluwoe.
Yesu Oriembo Jachien Marach
21 Ne gidhi Kapernaum, to kane Sabato ochopo, Yesu nodonjo e od lemo mi ochako puonjo. 22 Ji nowuoro puonjne, nikech nopuonjo ka ng'at man gi teko, to ok ka Jopuonj Chik. 23 To kanyono ei od lemo ne nitie ng'at moro mane nigi jachien marach. Ng'atni noywak matek kawacho ni, 24 "Idwaro ang'o irwa ka, Yesu ja Nazareth? Ibiro mondo itiekwa koso? Ang'eyo ng'ama in, in Ng'ama Ler mar Nyasaye!" 25 To Yesu nokwere gi duol matek ni, "Ling' thi! Aa kuome!" 26 Jachien marach-no noyuko ng'atno mi ogoyo koko gi dwol maliyore, bang'e oa oweye. 27 Jogo duto nowuoro ahinya, magipenjore ni, "Ma to ang'oni? Puonj manyien kendo man-gi teko! Ng'atni chiko koda ka jochiende kendo giwinje" 28 Humb Yesu nolandore piyopiyo e gwenge molworo Galili.
Yesu Ochando Ji Mathoth
29 Mapiyo piyo bang' ka gia e od lemo ne gidhi kaachiel gi Jakobo kod Johana e dalagi Simon gi Andrea. 30 To maar Petro nonindo e kitanda, ka midhusi onure. Jomane nikanyo nonyiso Yesu wachno piyopiyo. 31 Omiyo Yesu nodhi ire, momako lwete kokonye mondo oa malo. Midhusi noweyo dhakono mi otiyonigi. 32 Odhiambono, ka piny noseyuso, ji nokelo ni Yesu jotuo duto kaachiel gi joma nigi jochiende. 33 Jodalano duto nochokore e dhoot kama ne Yesu nitie, 34 to Yesu nochango ji mathoth mane nigi kit tuoche mayoreyore. Bende noriembo jochiende oa kuom ji, to ne ok oyiene jochiendego mondo owuo nikech ne ging'eyo ni En ng'a.
Yesu Olemo Kar Kende
35 Kinyne kogwen ka piny pod olil, Yesu noa malo moweyo ot kama noninde. Nowuok modhi kama ochwalore mopondo, mi nolemo kuno. 36 Simon gi joge ne jodhi manye, 37 Kendo kane giyude to ne giwachone ni, "Ji duto manyi." 38 To Yesu nodwokogi kawacho ni, "Wadhiuru kamachielo e gwenge man machiegni, mondo kuno bende ayalie." Mano emomiyo asebiro. 39 Omiyo nowuotho e Galili duto, koyalo e utegi mag lemo kendo koriembo jochiende kuom ji.
Ng'at Man-gi Dhoho
40 Jadhoho moro nobiro mogoyo chonge piny e nyim Yesu kosaye ni, "Kiyie to inyalo puodha." 41 Yesu nokecho ng'atno morieyo bade omule, kowacho ni, "Ayie, puodhri!" 42 Gikanyono dhoho norumo kuom ng'atno mochango 43 Yesu nogonyo ng'atno piyopiyo mondo odhi kochike matek ni, 44 "Ne ni ok inyiso ng'ato wachni. To dhiyo mondo ikuong inyisri e nyim jadolo kendo ichiw misengini mane Musa ochiko joma opuodhi mondo otim, eka ji ong'e ni koro iler." 45 Kar timo kamano to ng'atni nochako lando wachno e saa nogo mane oa ir Yesu. Kuom mano Yesu koro ne ok nyal donjo ayanga e dala moro amora, to nodak mana oko kuonde ma ji ongee. To kata kamano ji ne pod biro ire koa kuonde duto.
Yesu Ochango Ja Athauy
1 Bang' ndalo manok Yesu nochako oduogo e dala mar Kapernaum, kendo ji nowinjo ni osebiro dala. 2 Kuom mano ji mang'eny nochokore mopong'o ot mane entie thich maonge kama odong', koda ka dhoot oko, to Yesu nopuonjogi Wach. 3 Jomoko nobiro mi gikelone ja athany ka ji ang'wen oting'e. 4 To kane jogo oyudo ka chopo ir Yesu tek nikech oganda makwar mane nikode, ne gitucho wi tat ot mochomore gi kama Yesu ne nitie tir mi giloro ja athanyno konindo e par nyaka nochopo e nyim Yesu, %a Yesu noneno yie ma jogo ne nigo, nowacho ni ja athanyno niya, "Wuoda, richoni oweni." 6 To jopuonj Chik moko ma noyudo obet ei ot kanyo nochako penjore e chunygi ni, 7 "Ng'atni wuoyo nadi? Oyanyo Nyasaye! Ere kaka onyalo nyiso jali ni richone owene to wang'eyo ni Nyasaye kende ema weyo niji richogi? 8 Sano sano Yesu nong'eyo e chunye gima jopuonj Chik neparo e chunygi, omiyo nowachonigi niya, "Ang'o momiyo uparo gik muparogo? 9 Mane mayot wacho ni ja athany kuom weche ariyogi: ni 'richoni oweni', koso ni, chung' malo ikaw pieni mondo iwuoth'? 10 To atimo ma mondo ung'e ni Wuod Dhano nigi teko e pinyni mar weyo richo" Bang' loso kamano Yesu nowacho ni ja athanyno niya, n"Winji omera, aa malo iting' pieni mondo idhi dala". 12 Ng'atno noa malo mokawo piene mi nowuotho ang'ienga ka ji duto nene. Timni nomako dho ji duto mane nikanyo mi ne gidendo Nyasaye ka giwacho ni, "Nyaka ne nywolwa pok waneno gima kama."
Luong Mar Lawi
13 Yesu nochako wuoth kendo koluwo tie Nam to oganda maduong' nobiro ire mi opuonjogi. 14 Ka noyudo owuotho e tie Nam, noneno Lawi wuod Alfayo kobet piny e od solo osuru. Yesu nowachone Lawi ni, "Luwa", mi Lawi noa malo mi oluwe. 15 Ka noyudo Yesu chiemo e od Lawi, Josol osuru kod "joricho" mang'eny ne jochiemo kode e mesa kaachiel gi jopuonjrene, nimar jogo mane luwo bang'e ne ng'eny 16 To ka jopuonj Chik ma jo Farisai nonene kochiemo gi "joricho" gi josol osuru, ne gipenjo jopuonjre Yesu niya, "Ang'o momiyo ochiemo gi josol osuru gi joricho'?" 17 Ka Yesu nowinjo wachno to nowachonigi ni, "Joma ngima ok dwar jathieth mak mana joma tuo. Ok ne abiro mondo aluong joma kare, to nobiro mondo alu-ong joricho."
Openj Yesu Wach Tweyo Chiemo
18 Nochopo kinde ma jopuonjre Johana kod jo Farisai jotweyo e chiemo. Jomoko nobiro mopenjo Yesu: "Ere kaka Jopuonjre mag Johana kod jopuojre mag jo Farisai jotweyo chiemo to jopuonjreni to chiemo achiema?" 19 To Yesu nodwokogi kapenjogi ni, "Be wend wuon kisera ditwe chiemo adier ka pod en kodgi"Chutho, ok ginyal tweyo kapod gin kode. 20 To ndalo biro ma wuon kisera nogol e kindgi, kendo ndalono ema ginitwe chiemo. 21 Ng'ato ok nyal twang'o karaka mar law manyien kuom law moti. Kotimo kamano to karaka mar law manyienno nyalo jowo law machonno mi omed yiech moloyo. 22 Bende ng'ato ok nyal olo divai manyien e piend divai machon. Kotimo kamano to divai nyalo baro piend divaino mi divaino kethre. Ooyo, divai manyien nyaka ol mana e piende divai manyien."
Ruodh Sabato
23 Chieng' Sabato moro Yesu noyudo kadho e kind puothe mag ngano mochiek, to jopuonjrene nochako jako wi ngano mondo gicham. 24 To jo Farisai nochako ng'ur ka giwacho ne Yesu ni, "Neye, ang'o momiyo jopuonjreni timo gima kwero chieng' Sabato?" 25 Yesu nodwokogi ni, "Donge useso-mo gima Daudi notimo chieng' ma en kaachiel gi joma ne nikode ne gidenyo kendo gichando? 26 E kinde mag Abiathar Jadolo Maduong', wang'eyo kaka Daudi nodonjo e od Nyasaye mi ochamo makati ma nosepuodhi moket tenge ma Chik ok oyiene ng'ato ang'ata mondo ocham , makmana jodolo. Daudi nochamo makatino mi opogone nyaka joma ne nikode mi gin bende ne gichamo." 27 Yesu nodhi nyime mowachonigi ni, "Sabato noketi nikech dhano, to dhano ne ok ochwe nikech Sabato. 28 Omiyo Wuod Dhano en Ruoth koda ka mar Sabato."
1 Chieng' moro Yesu nochako odonjo e od lemo, to ne nitie ng'ato kanyo ma lwete notal. 2 Ji moko ne jokiyo Yesu kanyo ka gidwaro yo ma ginyalo don-jonego kaka jaketho. Kuom mano ne gichomo wang'gi kuome mondo gine ane ka mit dochang ng'atno chieng' Sabato. 3 Yesu nowachone ng'at ma lwete otalno niya, "Chungi ane e nyim ji duto ka." 4 Bang'e Yesu nopenjo jogo ni, "Ere gima chikwa oyie mondo otim chieng' Sabato? Timo maber koso timo marach, reso ngima koso nek)?" To jogo noling' thi. 5 Yesu nogawo jogo gi mirima kendo ka chunye lit ahinya nikech chunygi ne tek. Nowacho ni jal ma lwete otalno ni, "Rie lweti", mi ng'atno norieyo lwete kendo lwete nochango chuth. 6 Bang'eno jo Farisai nowuok oko mochako chano kaachiel gi jo Herode kaka diginege.
Oganda Maduong' Oluwo Yesu
7 Yesu kaachiel gi jopuonjrene nowuok oa kanyo mi gidhi e dho nam, to oganda maduong' moa Galili noluwo bang'e. 8 Ji mamoko mane osewinjo humbe kuom gik madongo mane otimo bende nobiro ire moa kuonde mopogore opogore kaka: Judea, Jerusalem, Idumea, kod gwenge molworo Turo gi Sidon. 9 To nikech oganda ne opoto but Yesu maok onyal yweyo, nonyiso jopuonjrene mondo oikne yie moro matin mondo okonyrego maok ji othung'e. 10 Dhano nodiyo Yesu kamano nikech nosechango ji mathoth kendo mani nomiyo joma tuo mamoko bende ne riyore nyime mondo gimul Yesu. nE saa asaya mane jochiende oneno Yesu, ne gipodho piny e nyime ka giywagore ni, "In e Wuod Nyasaye." 12 To Yesu nochikogi matek ni kik gihul gima En.
Walo Joote Apar Gariyo
13 Yesu noidho modhi malo e bath got kendo nogwelo jo mane odwaro mondo odhi kode, mi jogo nodhi kode. 14 Ne oyiero ji apar gariyo, mane oketo tenge kaka joote, mondo gibed kode eka mondo oorgi gidhi giyal Wach Maber 15 kendo gibed gi teko mar golo jochiende kuom ji. 16 Magi e joote apar gariyo mane oyier: Simon (mane omiyo nying machielo ni Petro); 17 Jakobo wuod Zebedi, kod owadgi miluongo ni Johana (owetegi Yesu neluongo ni Boanerges, tiende ni yawuot Mor Polo); 18 gi Andrea, Filipo, Batholomayo, Mathayo; gi Thoma, Jakobo wuod Alfayo, Thadayo, Simon ma ja-Zelote, 19 kod Judas ja Iskariot, jal ma nondhoge
Yesu Kod Belzebub
20 Bang'e Yesu nodonjo e ot moro to oganda maduong' nochokore kanyo kendo makata mana thuolo mar chiemo gi jopuonjrene ne ok onyal yudo. 21 To ka joodgi Yesu nowinjo wachni, ne gidhi ire mondo gigole kanyo githuon, ka giwacho niya, "Wiye obiro marach". 22 Jopuonj Chik mane obiro kanyo koa Jerusalem to nowacho kuom Yesu ni, "Opong' gi teko mar Belzebub! Ogolo jochiende gi teko mar ruodh jochiende." 23 To Yesu nolwongogi ire mowuoyo kodgi gi ngeche kowacho niya, "Ere kaka Satan digol Satan? 24 Ka pinyruoth moro opogore kendo joge gore kendgi to pinyruodhno ok nyal chung'. 25 Bende ka joot achiel opogore to odno nyaka podhi. 26 E kaka ka Satan diked gi pinyruodhe owuon, kata ka dopogre owuon to ok dochung', to mano ema dibed giko lochne. 27 Chutho onge ng'at manyalo monjo od ng'at moloye mi maye gige ka ok otweyo ng'atno mokwongo eka bang'e omaye gige. 28 Anyisou adier ni richo ma dhano osetimo gi ayany ma giseyanyogo Nyasaye nowenegi. 29 To ng'ato ang'ata mowuoyo marach kuom Roho Maler ok nowene richone, nikech oseketho ketho mochwere. 30 Nowacho kamano nikech jogi ne wuoyo kawacho ni, "En gi jachien marach."
Min Yesu Gi Owetene
31 Bang'eno min Yesu gi owetene nobiro ire. Ne gioro ng'ato mondo olu-ong nigi Yesu ka gin to gidong' gioko. 32 Oganda manobet kolworo Yesu nowachone niya, "Minu gi oweteni jo nioko ka gidwari." 33 To Yesu nopenjogi ni, "Minwa gi owetena to gin ng'a gini?" 34 Kosewacho kamano to nong'iyo joma ne obet kolwore kaeto owacho niya, "Eri, magi e minwa gi owetena! 35 Ng'ato ang'ata matimo dwaro Nyasaye e owadwa gi nyamera kod minwa."
Ngech Jachuoyo
1 Kendo Yesu nochako puojo e dho nam. To oganda mane olwore ne duong' omiyo nodonjo ei yie mi obetie ka ji duto to ochung' oko e dho nam. 2 Yesu nopuonjogi gik mang'eny kokonyore gi ngeche. E puonjne nowacho niya, 3 "Winjauru! Japur moro nowuok modhi chwoyo kodhi, 4 to ka noyudo ochwoyo, kodhi moko nolwar e dir yo, mi winy nobiro mochamogi tee. 5 To kodhi moko nolwar kuonde motimo lwendni, ma lo operoree. Kodhigo notwi piyo piyo, nikech lowo ne ok tut. 6 To ka chieng' nowuok, chamgo nowang', kendo nikech ne gionge tiendegi, ne gitwo. 7 Kodhi moko nolwar e kind kudho, to ka kud-hogo nodongo, ne githung'o chamgo mi gimonogi nyak. 8 To moko nolwar e lowo maber, mi ne gitwi kendo gidongo. Ne ginyago cham, moko nyadi piero adek, moko nyadi piero auchiel, kendo moko nyadi mia achiel." 9 Bang'e Yesu nomedo wacho niya, "Ng'at man gi it mar winjo wach mondo owinji." 10 Ka odong' kende, jopuonjrene apar gariyo gi jomoko mane nibute nopenje tiend ngechego. 11 Nonyisogi ni, "Un oyienu ng'eyo tiend gik mopondo mag Pinyruodh Nyasaye. To kuom jogo man oko gimoro amora iwacho nigi gi ngeche 12 mondo, "'Ginen anena to kik ginyal ng'eyo, kendo giwinj awinja to kik ging'e tiend wach; nikech dipo ka gilokore mi owenigi richogi!'" 13 Yesu nomedo loso kodgi kowacho ni, "Ere kaka ok unyal winjo tiend ngeroni? Ka kamano to be ubiro winjo tiend ngero moro amora. 14 Japur chwoyo Wach. 15 Jomoko chalo gi kodhi mol war e dier yo, kama ichwoyoe Wach. E saa nogo ma jogi owinjoe Wach to Satan biro mi magi Wach ma giwinjono. 16 Jomoko to chai mana kaka kodhi mochwo e lowo moper-ore e wi lwanda. Gin giwinjo Wach kendo girwake gi ilo sanosano. 17 To nikech gionge tiendegi Wach ok bedi e igi aming'a. Ka chandruok kata sand obiro nigi nikech Wach Nyasaye to gipodho piyopiyo nono. 18 Moko kaka kodhi mol-war e kind kudho. 19 To achien parruok mag ngima pinyni gi wuond ma mwandu kelo kaachiel gi gombo ma gigombogo gik mathoth, kendo thung'o Wach mi obed maonge konyruok. 20 Moko to chai mana gi kodhi mochuo e lowo maber. giwinjo Wach mi girwaki. Kendo ginyak maber mana ka kodhi manyak nyadi piero adek, nyadi piero auchiel, nyaka nyadi mia achiel."
Taya Man Kama Oting'ore
21 kowacho nigi niya, "Be ng'ato kuomu nyalo moko taya kaeto oumo gi atonga kata oketo e bwo otanda? Donge ikete kama oting'ore mondo omeny ot duto? 22 Ng'euru ni onge gimoro mopan-di maok nong'ere achien, to bende onge gimoro amora mitimo ling'ling' maok nong'e ratiro. 23 Ka ng'ato nigi it mar winjo wach to mondo owinj i." 24 Yesu nodhi nyime kaluwonigi ni, "Chikuru itu maber mondo uwinj weche miwachonu, nikech rapim mupimoe ema nopimnue, kendo moloyo kanyo. 25 Nikech ng'at man-go ema nomedi; to ng'at maonge go to noma koda ka matin ma en-gono."
Ngech Kodhi Madongo
26 Nowacho bende ni, "Pinyruoth Nyasaye chai gi ng'at ma chuoyo kodhi e lowo. 27 Kata bed otieno kata odiechieng', ka ng'atno nindo kata oneno, to kodhigo twi atwiya mi dongi, ka jachuoyo ok ong'eyo kaka mano timore. 28 Lowo owuon ema golo kodhi; mokwongo tiendene wuok, eka wiye guio oko aye bang'e kodhi dongo mi chieg cham. 29 Ka cham osechiek to gikanyono wuon puodho kawo pand teyo mondo oke.
Ngech Koth Karadali
30 Nowacho kendo niya, "Yo mane ma dwaporgo Pinyruodh Polo kaka chai, kata en ngero mane manyalo nyisowa kite? 31 Ochal gi koth karadali ma en e kodhi matinie mogik mikomo e puodho. 32 To kata otin kamano to kosekome to odongo mi obed maduong' moloyo yiend puodho duto. Bedene yarore madongo mi winy mahuyo e kor polo bi pi mi ywe e tipone. 33 Yesu nomedo wuoyonigi gi ngeche machal gi mago e thuolo moro amora mane ginyalo winje. 34 Ne ok owachonigi wach moro amora maok okonyore gi ngero. To ka thuolo noyudore mi odong' gi jopuonjrene kendgi to nonyisogi tiend weche duto.
Yesu Okweyo Ahiti
35 Chieng'no godhiambo Yesu nowacho ni jopuonjrene ni, "Wadhiuru loka nam." 36 Omiyo ne giwuok giweyo oganda, mi gikawe mana kaka ne En-no, mi gichako kwang' kode ei yie. Ne nitie yiedhi mamoko bende mane kwang' kodgi e nam. 37 Eka ahiti maduong' nosieko mi apaka nochako tago yie koni gi koni mi pi ochako pong'e. 38 Sechego noyudo Yesu nindo e wi raten man kapier yie. Jopuonjre nochiewe ka kone ni, "Japuonj, donge litni ka watho?" 39 Yesu nochiew mokwero yamo. Nochiko apaka kowachone ni, "Kue! Ling' thi!" Gikanyono yamo nokue mi piny oling' thi. 40 Bang' mano Yesu nowachone jopuonjrene niya, "Ang'o momiyo uluor kamano? Pod uonge mana gi yie?" 41 Luoro nomakogi mi gipenjore kendgi niya, "Ma ang'o matimore ni? Koda ka yamo gi apaka bende winje?"
Ng'at Ma Jachien Sando Ochangi
1 Ne ging'ado nam nyaka loka e gweng' miluongo ni Gerasi. 2 To Ka Yesu nowuok e yie nii to ng'at moro man gi jachien marach ma nodak e kar liete noromone. 3 Ng'atni nodak kama iikoe ji, kendo onge ng'at mane nyalo ronye mi tweye kata mana gi nyororo. 4 Nikech nosebedo ka itweyo lwetene gi tiendene to nyoroche mane itweyego nochodo achoda mi ong'iny matindo tindo chumbe mane iridogo tiendene. Koro ne onge ng'ato ma tekre ng'eny mane nyalo ronye. 5 Otieno gi odiechieng' duto ng'atni ne fwayore e kind liete kendo e gode man machiegni koywagore matek kendo kong'adore gi kite. 6 Kane oneno Yesu kabiro gi kuma bor, noringo odhi ire mogore piny e nyime. 7 Nogoyo koko gi dwol maduong' mogik ni, "lomo ang'o ira ka, Yesu Wuod Nyasaye Mamalo chutho? Kuong'ri ni Nyasaye ni ok ibi sanda!" 8 Noyudo Yesu wachone ni, "Aa kuom ng'atni, jachien marachni!" 9 Eka Yesu nopenje ni, "Nyingi ng'a?" To en nodwoke ni, "Nyinga Lejo, nikech wang'eny" 10 Eka nochako sayo Yesu mondo kik oriembgi gia e gweng'no 11 To noyudo kweth mag nguruwe moko kwayo e bath got mane ni machiegni. 12 Jochiendego nosayo Yesu kawacho ni, "Orwa ir nguruwe ka mondo wadhi wadonj e igi." 13 Yesu nomiyogi thuolo mi jochiendego nowuok modhi odonjo ei nguruwego. Kwethgo duto kar rombgi mane nyalo romo alufu ariyo, noringo matek kaluwo aridiridi mochomo nam mi giduto ne githo e pi. 14 Jokwadh nguruwego noringo oa modhi onyiso ji duto modak e taon gi gweng'no gima nosetimore, omiyo jogo duto nobiro mondo gin bende gineye gi wang'gi. 15 Kane gibiro ir Yesu, ne gineno ng'at ma yande jochiende mag Lejo san-dono kobet piny kanyo korwakore maber kendo pache nikare mi luoro nomakogi. 16 To jogo mane oneno kaka Yesu golo jachien kuom ng'atno nonyiso ji gik moko duto mane osetimore ni ng'atno kendo ni nguruwe. 17 Kuom mano jogo nosayo Yesu mondo oa e gweng'gi. 18 Ka noyudo Yesu donjo e yie, ng'at mane jachien sando mane oyudo osechangono nosaye mondo oyie odhi kode. 19 To Yesu notame kawachone ni, "Dog dala ir joodi mondo inyisgi gik madongo ma Ruoth osetimoni, kendo kaka osekechi gi kech maduong'". 20 Omiyo ng'atno noa modhi mi nochako lando e gwenge mag Dekapoli konyiso ji gik ma Yesu nosetimone. Ji duto nowuoro wechego.
Nyako Motho Kod Dhako Matuo
21 Kane Yesu oseng'ado nam gi yie mi odok loka machielo, oganda maduong' nolwore. 22 To kane pod en e tie nam, jatend od lemo moro manyinge Jairo nobiro kanyo. Kane oneno Yesu nogoyo chonge piny e nyime 23 kohombe ni, "Nyara matin tuo dwa tho, yie ibi mondo iket lweti kuome mondo ochangi odok mangima." 24 Omiyo Yesu nowuok modhi kode. Oganda maduong' ne luwo bang' Yesu kodiye koni gi koni. 25 To dhako moro ne ni ei oganda kanyo mane osebedo ka iye chwer kuom higini apar gariyo. 26 Dhakoni nosechandore miwuoro e lwet jothieth mathoth kendo nosetieko mwandu duto mane en-go to ne ok oyudo resruok. Kar chango to koreka tuone nomedore. 27 Kane owinjo humb Yesu, nobiro kang'eye ei oganda mi omulo riak nangane, 28 koparo e chunye ni, "Kata ka amulo mana lawe to abiro chango." 29 Oo mar rembe nochung' gikanyono mi nowinjo e dende ni chandruokne orumo. 30 Sanosano Yesu nong'eyo ni teko oa kuome. Nolokore mi ochomo oganda, kopenjogi ni, "En ng'a momulo lepa?" 31 To jopuonjrene nodwoke ni, "Ineno ka ji olwori oketi diere to pod ipenjo apenja ni, en ng'a momulo lepa?' 32 Yesu nomedo ng'icho ei oganda mondo one ng'at mane omule. 33 To kaka dhakono nong'eyo e chunye gima noseti-morene, nobiro mopodho e nyim Yesu kotetni gi luoro kendo nonyise adier man kuome duto. 34 Yesu nowachone ni, "Nyara yieni ema omiyo ichango. Dhi gi kuwe kendo chandruokni mondo orum chuth." 35 Ka noyudo Yesu pod wuoyo, jomoko nobiro moa e od Jairo ma jatend od lemo. Ne giwachone Jairo niya, "Nyari osetho, ang'o momiyo pod ichando Japuonj?" 36 Ka ok osedewo wach jogo, Yesu nowachone jatend lemono ni, "We luor, yie ayiea." 37 Yesu koro ne ok oyie mondo ng'at moro oluwe mak mana Petro gi Jakobo kod Johana owadgi Jakobo. 38 Kane gichopo e dala jatend od lemo, Yesu noyudo ka dala otimo koko; ka ji ywak kendo goyo nduru matek. 39 Nodonjo ei ot mopenjogi niya, "Koko gi nduru ni mana-di? Nyathi ok otho, onindo aninda." 40 To jogo nonyiere anyiera. Kane osegologi oko duto, nokawo wuon nyathi gi min-gi kaachiel gi jopuonjre mane nikode, mi odonjo kodgi nyaka iye kuma nyathi ne nitie. 41 Yesu nomako lwet nyathi manyakono mi owa-choni ni, "Talitha koum(tienae ni, "nyako matin, anyisi ni aa malo!") 42 Sano sano nyakono nochung' malo mochako wuotho e dier ot (ne en jahigini apar gariyo). Ji duto nohum nono kuom gima notimoreno. 43 To Yesu nosiemogi matek ni kik ginyis ng'ato wachni, bang'e nony-isogi ni mondo gimi nyano gimoro ocham.
Janabi Maonge Luor
1 Yesu noa kanyo modhi dalagi kaachiel gi jopuonjrene. 2 To ka Sabato nochopo nochako puonjo ei od lemo. Ji mang'eny mane owinje nohum nono, ka gipenjore ni, "Ng'atni ogolo gigi kure, koso rieko manade mosemiyeni, momiyo otimo koda ka honni! 3 Donge en e japa bao ma wuod Maria kendo ma owetene gin Jakobo gi Jose kod Juda gi Simon? Nyiminene donge nikodwa ka?" Kamano ne gisin kode. 4 To Yesu nowachonigi niya, "Janabi imiyo duong' kuonde moko, makmana jogweng'gi gi wedene kod joode ema ochave." 5 Omiyo Yesu koro ne ok nyal timo honni kanyo, makmana ni noketo lwete kuom joma tuo manok mi ochang-ogi. 6 To nowuoro kaka jogo ne onge gi yie.
Yesu Ooro Ji Apar Gariyo
Bang' mano Yesu nomedo dhi nyime gi puonjo e gweng' ka gweng' 7 Kindeno noluongo ire Ji apar gariyo, mi oorogi ji ariyo ariyo, kendo omiyogi teko kuom jochiende maricho. 8 Nomiyogi chik machal kama: "Kik ukaw gimoro mar wuoth makmana ludh wuoth. Makati, kata ofuku kata pesa mikano e ofuku mar kamba kik uting'. 9 Pat pat ema urwaki, to kik uting' sati machielo miloko. 10 Ot moro amora mudonje to dagieuru nyaka udar e taon-no. 11 Kaponi udhi e dala moro to ok orwaku kata ka jadalono otamore winjo wachu, to mondo uteng' buch tiendeu kaeto ua kanyo. Mano nobednigi ranyisi ni bura oseloyogi." 12 Negi wuok magidhi yalo niji mondo olokre owe richo. 13 Bende ne gigolo jochiende mathoth kuom ji kendo ne giolo mo kuom joma tuo mathoth mi gichangogi.
Ong'ad Wi Johana Jabatiso
14 Ruoth Herode nowinjo wechegi, nikech nying Yesu koro noselandore mong'ere malach. Jomoko ne wacho kuom Yesu ni, "Johana Jabatiso osechier oa kuom joma otho, kendo mano emomiyo teko mar timo honni nie ngimane." 15 Jomamoko to ne wacho ni, "En Elija", to mamoko bende noramo ni, "En janabi machal gi jonabi machon gilala." 16 Ka ruoth Herode nowinjo wechegi, nowacho ni, "Johana mane anego osechier oa kuom joma otho!" 17 Herode ne chunye chandore nikech en owuon ema nogolo chik mondo omak Johana, kendo kuom chikneno askechege notweyo Johana moketo e jela. Notimo kamano nikech wach Herodia mane en chi owadgi ma nyinge Filipo. Herode nomayo owadgino dhako mi oloko chiege owuon. 18 To Johana nosebedo ka kwere ka wachone niya, "Chik ok oyieni mar mayo owadu chiege mondo ibedgo." 19 Kuom mano dhako ma Herodiano nomako sadha gi Johana, kendo nodwaro mondo onege. To kata kamno ne ok onyal, 20 nikech Herode ne oluoro Johana kendo ne ok odwar ni ng'ato ohinye, nikech nokawe kaka ng'ama kare kendo maler. Kinde ka kinde ka Herode nowinjo yalo Johana to dhoge ne moko; to pod nogombo mana mondo omed winjo yalone. 21 Achien thuolo nochopo mondo Herodia otim dwarone. Chieng' nywol Herode nochopo, kendo ne oloso chiemo moyiedhi ni jotend ogandane madongo gi jotend jolweny mage kod jok midewo duto moa Galili. 22 To kane budho dhi nyime, nyar Herodia nobiro momiel e nyim Herode mi miendeno nomoro ruoth gi wende. Ruoth nowachone nyakono niya, "Kwaya gimoro amora ma chunyi dwaro mondo amiyi." 23 Herode nosingore ni nyano e yor kuong'ruok ni, "Gimoro amora mikwaya anamiyi, kata obed mana nus pinyruodha." 24 Nyano nowuok odhi openjo min gima dokwa ruoth kowacho ni, "Akwa ang'o?" To min nodwoke ni, "Wi Johana Jabatiso." 25 Gikanyono nyano nodok ir ruoth koreto mi okwaye kowacho ni, "Adwaro ni mondo imiya wi Johana jabatiso sani sani e san." 26 Herode chunye nochandore ahinya ka nowinjo kwayono. To nikech noyudo osesingore e yor kuong'ruok, kendo nikech wende, ne ok odwar tuono nyano gima nosekwayo. 27 Kuom mano nooro janek piyopiyo kendo nomiyo janekno chik mondo odhi okelne wi Johana Jabatiso. Ng'atno nodhi mong'ado wi Johana e jela kama ne entie, 28 bang'e nokelo wich moseng'adi koketo e san. Ne omiyo nyako ma miende nolombo ji cha, mi nyakono nochiwe ni min mare. 29 Kane jopuonjre Johana owinjo wachni, ne gibiro mi gikawo ringre mi gipielo e bur mar yik.
Yesu Opidho Ji Alufu Abich
30 Joote noduogo onyiso Yesu gik moko duto mane gitimo kendo gipuonjo. 31 To nikech ji mathoth ne biro irgi kendo aa maok giwenigi thuolo kata mar chiemo, Yesu nowacho ni jopuonjrene niya, "Wawuoguru ka mondo wadhi kamoro mopondo ma ji ongee mondo wayue kuno. 32 Kuom mano ne ging'ado nam, gi yie, gin kendgi, mondo gidwar kar yweyo mokuwe. 33 Kata kamano ji mang'eny ma nonenogi ka giwuok nofwenyo sanosano ni en Yesu gi lange, omiyo ne giwuok e taonde mokiewo machiegni duto ka giringo e yor tielo ma gikuongo ni Yesu gi jopuonjrene loka kuma ne gidhiye. 34 Ka Yesu nolor oa ei yie, noneno oganda maduong' miwuoro, kendo nokechogi nikech ne gichal kaka rombe maonge gi jakwath. Omiyo nockako puonjogi gik mang'eny. 35 To ka saa koro ne oniang', jopuonjrene nobiro ire mowachone ni, "Saa koro osedeko ahinya to koreka wan kama bor gi mier. 36 Gony jogi mondo gidhi e gwenge kod mier molworowa mondo ging'iew gima digichan." 37 To Yesu nodwokogi kowacho ni, "Un uwegi migiuru gimoro gicham." Gin to ne gidwoke ka gipenje ni, "Ere kaka dwadhi mwang'iew makati ma nengone oromo misach ng'ato mar dweche aboro mondo wapidhgo oganda machal kama? 38 Eka Yesu nopenjogi ni, "Un gi makati adi?" Kane gisekwano kar romb makati mane gin-go ne ginyiso Yesu ni, "Abich, gi rech ariyo." 39 Eka Yesu nochiko jopuonjrene mondo ochan ji e sidienje matindo tindo, ka gibet e lum mang'ich. 40 Kuom mano ji nobedo piny e laini, ka sidienje moko oting'o ji mia achiel to moko oting'o ji piero abich. 41 Ka ji nosebet kamano, Yesu nokawo makati abichgi rech ariyogo mong'iyo malo, kogoyone Nyasaye erokamano. Nong'ingo makatigo mi omiyo jopuonjrene mondo opog ji. Rech ariyo ka bende nopogo matindo tindo niji duto. 42 Ji duto nochiemo moyieng' chuth, 43 endo bang' chiemo jopuonjre nochoko chiemo mopong'o atonge apar gariyo kuom makati gi rech mane ji ochamo odong'. 44 Kar romb chwo mane ochiemo ne gin ji alufu abich.
Yesu Owuotho E Wi Pi
45 Sanosano Yesu nochiko jopuonjrene mondo gitel nyime gi yie mondo ging'ad gidhi loka nam e dala mar Bethsaida, ka En to ne pod odong' chien ogonyo oganda bang' chiemo. 46 Bang' goyo ni oganda oriti, Yesu nodhi e bath got mondo olem. 47 To ka piny koro nochako yuso, yie koro ne nie chuny nam to Yesu to ne nikende oko e lowo motwo kuma ne odong'ie. 48 Yesu noneno kaka jopuonjrene ne chandore gi chiko yie, nikech yamo ne kedo kodgi. To kar saa apar kogwen Yesu nobiro irgi, kowuotho e wi pi. Kochopo irgi to nochalo kagima odwa kalo akala odhi, 49 to kane ginene kowuotho e wi pi kamano, ne giparo ni En jachien. Omiyo ne gibuok mi gikok matek, 50 nikech giduto ne ginene mi gidoko maluor. To Yesu noloso kodgi sanosano kowa-chonigi niya, "Chunyu kik aa En mana An! Kik uluor" 51 Eka nodonjo e yie mobet kodgi, kendo yamo noduono mochung! Jopuyonjrene nohum nono, 52 nikech tiend hond makati ne pok odon-jonigi. Pachgi ne pod odinore. 53 Ka koro ne giseng'ado loka machielo ne gichopo Genesaret, mi gigowo kanyo. 54 To saa nogono mane giwuok gilor e yie, ji nong'eyo ni Yesu osedonjo. 55 Ne giringo gidhi e mier machiegni man e alworano duto mi giting'o joma tuo konindo e pere. Jotuogi ne gikelone kamora amora mane giwinjo ni Entie. 56 Kamoro amora mane Yesu odhiye; e mier kata e taonde kata e gwenge, ji ne kelo joma tuo e chirni kendo ne gisaye mondo oyie jotuogo omul kata mana riak nangane. Ji duto mane otimo kamano nochango.
Gik Maler Gi Gik Mochido.
1 Jo Farisai gi jopuonj Chik moko ma noa Jerusalem nochokore but Yesu 2 mi gineno ka jopuonjrene moko chiemo gi lwedo "mochido", tiende ni lwedo maok olwoki e yor puodhruok. 3 Jo Farisai gi jo Yahudi duto ok chiem kapok gilwoko lwetgi e yor puodhruok, kaluwore gi kit jodong-gi machon. 4 Ka gia e chiro to ok ginyal chamo gimoro kapok gilwokore. Girito timbegi moko machon mathoth: kaka lwoko okombe gi agulni, gi bakunde mag lowo gi birike. 5 Kuom mano jo Farisai gi jopuonj Chik nopenjo Yesu ni, "Ang'o momiyo jopunjreni ok lu timbe kwerewa machon, to kar timo kamano to gichiemo gi lwedo mochido"? 6 Nodwoko niya, Isaya nokoro kare kuomu, un Un joma wuondore, mana kaka ondiki ni, 'Jogi paka mana gi dhogi kende, to chunygi bor koda. 7 Gilama kayiem nono nikech gipuonjo chike ma dhano oloso mana kagima gin Chike Nyasaye.' 8 Useweyo Chike Nyasaye mi koro umako mana puonj ma kwereu machon noweyonu." 9 Nowachonigi ni, "Un-gi lony mathoth mar keto Chike Nyasaye tenge mondo urit puonju uwegi! 10 Nikech Musa nowacho ni, 'Luor wuoru gi meru; kendo ni, 'Ng'ato ang'ata mokuong'o wuon kata min nyaka negi'! 11 Un to uwacho ni ka ng'ato onyiso wuon kata min ni, 'kony moro amora ma dine amiyi koro en Koban (tiende ni, mich mowal ni Nyasaye) 12 to ng'at makamano koro ok uyiene mondo okony wuon kata min. 13 Kuom mano uketho teko Wach Nyasaye gi puonj u mane kwereu omiyou. Bende utimo gik mamoko mathoth maket gi mano. 14 Bang'eno Yesu nochako oluongo oganda ire kendo mowachonigi niya, 'Winjauru, un duto, mondo uwinj wachni. 15 Onge gimoro man oko mar dhano ma kodonjo e iye to nyalo miyo odoko "mochido". Adiera en ni gik mawuok ei dhano ema miyo odoko 'mochido'. 16 Ng'at man-gi it mar winjo wach mondo owinji." 17 Kane oseweyo oganda mi odonjo e ot, jopuonjrene nopenje tiend ngerono mane owuoyonegigo. 18 To nopenjogi ni, "Un bende kara pachu odinore? Donge uneno ni gima ni oko kodonjo ei dhano ok nyal mi odok "mochido"? 19 Nikech ok odonji e chunye, to odonjo mana e iye aye bang'e igole oko."(Ka Yesu nowacho ma, ne opuodho chiemo duto ni "ler"). 20 Nomedo wuoyo kowacho niya, "Gima wuok koa ei dhano ema miyo odoko jaketho. 21 Nikech koa ei dhano, kendo kowuok e chunye, ema richo kaka: paro maricho, chode, kuo, nek, terruok, 22 kod wuoro; kaachiel gi timbe maricho, wuond, anjawo, ketho nying, sunga kod fuwo wuokie. 23 Gik marichogi duto wuok e chuny dhano kendo ketho dhano.
Yie Mar Dhako Ma Ja Grik-Foinike
24 Yesu noa kanyo modhi e gweng' mar Turo. Nodonjo e ot moro kendo ne ok odwar mondo ng'ato ong'e ni en kanyo, kata kamano, bedone kanyo ne ok nyal tamo ji ng'eyo. 25 Dhako moro manyare matin ne nigi jachien marach ka nowinjo ni En kanyo nodhi ire sanosano mi ogoyo chonge piny e nyime. 26 Dhakoni ne en nyar jo Grik monywol Foinike e piny Siria. Nobiro ir Yesu mohombe mondo oriemb jachien oa kuom nyare. 27 Nokone ni, "We nyithindo ema okuong ocham kuon mayieng', nikech ok ber kawo kuon nyithindo mondo odir ni guogi." 28 Dhakono nodwoke kowacho ni, "Iwacho kare, Ruoth, to kata mana guogi man e bwo mesa be chamo nginjo ma nyithindo olwaro piny" 29 Eka Yesu nowachone niya, "Nikech dwokonino koro inyalo dhi. Jachien osewuok oweyo nyari." 30 Dhakono nodhi dala moyudo nyathi-neno konindo e kitanda kendo ka jachien osea
Ochang Ng'ama Ite Odino Kendo Mamomo
31 Yesu nowuok e gweng' mar Turo kaluwo Sidon, mi nolor nyaka nam Galili mondo eka ochopi e gweng' mar Dakapoli. 32 Kuno, jomoko nokelone ng'at moro mane ite odino kendo mane ok nyal wuoyo kata matin. Jogi nohombo Yesu mondo oket lwete kuom ng'atno. 33 Ka Yesu nosetero ng'atno tenge, kogole oko e kind oganda, nosoyo lith lwetene e ite. Eka nong'ulo olawo mi omulo lew ng'atno. 34 Nong'iyo malo e polo, kendo noomo chunye kowacho ni, "Efatha", tiende ni, "Yawri." 35 Kar dhogeno it ng'atno noyawore kendo lewe nogonyore mochako wuoyo maler. 36 Yesu nochiko joma nenikanyo ni kik ginyis ng'ato wachni. To kaka nomedo kwerogino e kaka gin bende ne gimedo lando wachno. 37 Ji duto mane owinjo wachno nodhier nono ka giwacho ni, "Osetimo gik moko duto maber, koda ka joma itgi odino omiyo winjo wach, kendo momni bende omiyo wuoyo."
Yesu Opidho Ji Alufu Ang'wen
1 E kindego oganda maduong' machielo nochokore. To nikech ne gionge gi gima digicham, Yesu noluongo jopuonjrene ire mowachonigi niya, 2 "Akecho jogi nikech koro gisebedo koda kaa kuom ndalo adek to gionge gima ginyalo chamo. 3 Ka agonyogi gidhi thuchegi ka gidenyo kama to ginyalo podho e yo, nikech moko kuomgi oa mabor." 4 Jopuonjrene nodwoke ni, "Ere kaka ng'ato diyud makati moromo jogi e dier thim machal kama?" 5 Yesu nopenjogi ni, "Un-gi makati adi?" Ne gidwoke ni, 'Abiriyo." 6 Eka nochiko oganda mondo obed piny e lum. Bang' mano nokawo makati abiriyogo, to ka nosegoyo erokamano, nongingogi kaaye to omiyogi jopuonjrene mondo opog ji, mine gitimo kamano. 7 To ne gin gi rech moko manok bende. Rechgi bende Yesu nogwedho momiyo jopuonjrene mondo opog niji. 8 Ji nochiemo moyieng'. Bang' chiemo jopuonjre nochoko ng'injo mag chiemo mane ji ochamo oweyo moromo atonge abiriyo. 9 Kar romb joma chwo mane nikanyo ne dirom alufu ang'wen. To ka nosegonyo gi, 10 nodonjo e yie, kaachiel gi jopuonjrene, mi gidhi e gweng' mar Dalmanutha. 11 Jo Farisai nobiro mochako mino wach gi Yesu. Ne gikone mondo omigi ranyisi moa e polo, ka giteme. 12 Yesu noomo chunye aming'a kaeto owacho niya, "Tieng'ni dwaro kuoma honni gi ranyisi nang'o? Anyisou adier ni onge ranyisi moro amora mibiro migi." 13 Yesu noweyogi mi odok odonjo e yie mong'ado nam odok loka machielo.
Thop Jo Farisai Gi Mar Herode
14 Jopuonjrene wigi nowil kendo mi ok giting'o makati, makmana makati achiel kende emane gin-go e yie. 15 Yesu nosiemogi kawachonigi ni, "Neuru, ritreuru maber kuom thop jo Farisai gi mar Herode. 16 Jopuonjre nowuoyo e wachni e kindgi gi-wegi migi wacho ni, "Owuoyo kamano nikech waonge gi makati." 17 To kaka Yesu nonge'yo gima giwacho, nopenjogi ni, "Ang'o momiyo uwuoyo kuom makati ma uongego? Pod ok unyal neno kata winjo tiend wach? Mitki chunyu odinore? 18 Marang'o un-gi wengeu to ok unyal neno, kendo un-gi it to ok unyal winjo? Ok unyal kata paro gik masetimo? 19 Kane ang'ingo makati abich mondo ji alufu abich ocham, ne uchoko ng'injo mopong'o atonge adi?" Ne gidwoke ni, "Apar gariyo." 20 "To kane ang'ingo makati abiriyo ni ji alufu ang'wen, nuchoko atonge adi mag ng'injo?" Ne gidwoke ni, 'Abiriyo". 21 Eka Yesu nowachonigi ni, "Tiend wach pod otamou winjo?"
Chang Mar Muofu E Bethsaida
22 Ne gichopo Bethsaida, kendo jomoko nokelo ni Yesu muofu moro mi gihombe mondo omule. 23 Yesu nomako lwet ng'atno mi otere oko mar dalano. Ka nosen-g'ulo olawo e wang' muofuno noketo lwete kuome, eka openje, "Be ineno gimoro?" 24 Ng'atno noting'o wiye, mongi'cho kaeto owachoni Yesu ni, "Aneno ji, gichalo gi yiende mawuotho koni gi koni." 25 Yesu nochako oketo lwetene e wenge ng'atno kendo, mi wengene noyawore mi koro nonyalo neno gik moko duto maler. 26 Bang' mano Yesu nochike mondo odhi pacho maok ochako orawo e dala mar Bethsaida.
Petro Ohulo Ni Yesu E Kristo
27 Bang'e Yesu gi jopuonjrene ne jowuok modhi e gwenge mag Kaisari Filipi. To kane gin e yo gidhi, nopenjogi ni, "Uwinjo ji wacho ni An ng'a?" 28 Ne gidwoke ni, "Jomoko wacho ni in Johana Jabatiso, to jomoko wacho ni in Elija, to jomoko bende okawi ni in achiel kuom jonabi machon." 29 Yesu nomedo penjogi ni, "Un to? Uwacho ni An ng'a? Petro nodwoke ni, "In e Kristo". 30 Bang' mano Yesu nokwerogi ni kik ginyis ng'ato kuome.
Yeus Okoro Tho Mare
31 Koa kanyo Yesu nochako puonjo gi kaka Wuod Dhano nyaka ne yud sand e yore mang'eny kendo kaka ne ibiro kwede gi jodongo gi jodolo madongo kod jopuonj Chik. Nonyisogi bende ni ne nyaka bi nege to chieng' mar adek ne obiro chier. 32 Wechegi nowacho ayanga, mi Petro nokawe otere tenge mi okwere ni owe wuoyo kamano. 33 To Yesu nolokore mong'iyo jopuonjrene, bang'e to okwero Petro kowacho ni, "Ayi e nyima Satan! Pachi opong' mana gi dwaro dhano, to ok gi dwach Nyasaye" 34 Bang'e Yesu noluongo oganda ire, kaachiel gi jopuonjrene mi owachonigi ni, "Ka ng'ato dwaro luwo bang'a to nyaka okwedre kende owuon mi okaw msalape oting' eka oluwa. 35 Nikech ng'ato ang'ata madwaro reso ngimane, nowit, to ng'ato ang'ata mowito ngimane nikech An to kendo nikech Injili nores ngimane. 36 Ere ber ma ng'ato to yudo ka piny ngima obedo mare to ngimane to oiame? 37 Koso en ang'o ma ng'ato dichiw mondo owil gi ngimane? 38 Ka ng'ato wiye kuot koda kod wechena e kind tieng' kendo matimo richo to wi Wuod Dhano bende nokuod kode chieng' ma enoduogie gi duong' mar Wuoro, kaachiel gi Malaike maler."
1 Bang' mano Yesu nowachonigi ni, "Awachonu adier ni jomoko manok mochung' buta ka ok nobil tho kapok gineno pinyruodh Nyasaye ka biro gi teko."
Kit Yesu Olokore
2 Bang' ndalo auchiel, Yesu nokawo Petro, gi Jakobo kod Johana motelonigi gidhi e wi got moro marabora, kama ne ginie kendgi maonge ng'ato. Kane gin kuno, kite nolokore ka gineno, 3 mi lepe nodoko marachar marieny macharo wang', nodoko rachar therrr maonge ng'ato ang'ata e piny mangima mane nyalo luoko law mi rieny maler kamano. 4 Kanyono, e nyimgi giduto, Elija gi Musa ne jothinyore, kendo ne giwuoyo gi Yesu. 5 Petro nowacho ni Yesu niya, "Japuonj, bedowa kaeni en gima ber. We mondo wager kiche adek: achiel mari, achiel mar Musa, to machielo mar Elija." 6 (Ne okiya gima dowachi nikech luoro nogoyogi nyang'eng'.) 7 Bang' mano bor polo nosieko moumogi, kendo dwol moro nowuoyo e bor polono kawacho ni, "Jali En Wuoda mahero. Winjeuru!" 8 Apoya nono kane pod ging'icho, ne ok gichako gineno ng'ato ka nikod gi makmana Yesu kende. 9 Ka noyudo gilor gia e got, Yesu nochikogi matek ni kik ginyis ng'ato ang'ata gima negi seneno nyaka chop kinde ma Wuod Dhano nosechier aa kuom joma otho. 10 Jopuonjre nokano wachni e chunygi, ka gipenjore e chunygi tiend chier aa kuom joma otho'. 11 Bang'e ne gipenje ni, "Ang'o momiyo jopuonj Chik wacho ni Elija nyaka bi mokwongo?" 12 Yesu nodwokogi ni, "Kuom adiera, Elija nyaka kwong bi mondo oios gik moko duto odok kare. Koro to ere gimomiyo ondiki ni Wuod Dhano nyaka yud sand mathoth mi ji kwede? 13 To awachonu ni Elija koro osebiro, kendo giseti-mone gik moko duto mane gigombo mana kaka ondiki kuome."
Chang Mar Wuowi Man-gi Jachien Marach
14 Kane giduogo ir jopuonjre mamoko, ne gineno oganda maduong' kolworogi kendo ka jopunj Chik mino kodgi wach, 15 To sano sano ka ji duto noneno Yesu negi yil kendo mi giringo ire mondo gimose. 16 Yesu nopenjogi ni, "Ang'o ma umi-noe wach lodgi?" 17 Ng'at achiel noting'o duonde ei oganda modwoke ni, "Japuonj, ne akeloni wuoda ma jachien marach opongo kendo oloko momo. 18 E saa ma jachiendno donjo kuome to goye piny, buoyo wuok e dhoge, kendo omuodo lake mi dende tal. Nende akwayo jopuonj reni mondo oriemb jachiendni oa kuom wuoda to ne otamogi." 19 Yesu nodwoko kawacho ni, "Yaye, tieng' maonge gi yie ni, anabed kodu nyaka karang'o? Kelnauru rawerano ka." 20 Ne gikele to ka jachiendno noneno Yesu, nomiyo rawerano opodho ka ja ndulme mi ngong'ielore e lowo aming'a ka dhoge wuok buoyo. 21 Yesu nopenjo wuon rawerano ni, "Osebedo kochal kama kinde maromo nade?" To en nodwoke ni, "Osebedo kamano nyaka oa e tinne. 22 Kendo kinde moko jachiendno osebedo ka chumbe ei mach kata e pi, mondo onege. Omiyo kinyalo timo gimoro to yie ikechwa kendo ikony-wa. 23 Yesu nowachone ni, "Kuom yie" "Gik moko duto nyalo timore ni ng'at moyie." 24 Gikanyono wuon wuowino noywag-ore kawacho ni, "An gi yie, to konya mondo alo rem mar yiena." 25 Ka Yesu noneno ka ji moko ringo biro kama gintie, nokwero jachien marachno kowacho ni, "In jachien ma ite odino kendo ma momoni, achiki ni aa kuome kendo kik ichak idonj kuome kendo." 26 Jachiendno nokok gi dwol ma liyore mi nogoye piny kogwecho matek, bang'e noa kuome. Noweyo wuowino mana kagima otho, mi ji mang'eny owacho ni, "Otho." 27 To Yesu nomako bad wuowino mokonye aa malo mochung'. 28 Ka Yesu nosedonjo e ot, jopuonjrene nopenje kar kende ni, "Ang'o momiyo wan ne ok wanyal golo jachiendno?" 29 Nodwoko ni, "Jachien machal kama inyalo golo mana kuom lamo kod tweyo chiemo." 30 Ne gia kanyo mi gikadho e dier Galili, to Yesu ne ok dwar mondo ng'ato ong'e kuma ne gintie, 31 nikech nopuonjo jopuonjrene. Nowachonigi niya, "Wuod Dhano idhi ndhogi mi keti e lwet ji. Gibiro nege, to bang' ndalo adek obiro chier." 32 To jopuonjrene ne ok owinjo tiend gimane onyisogi, to bende ne giluor mar penje mondo ging'e tiende.
En Ng'ano Maduong' Moloyo
33 Ne gichopo Kapernaum, kendo ka koro ne En e ot, nopenjogi ni, "Wach ang'o mane ugoyoe mbaka e yo?" 34 To jopuonjrene noling' ok odwoke nikech e yo ne oyudo gipingore kuom ng'ama duong' moloyo e diergi. 35 Ka koro Yesu ne obedo piny nolwon-go jopuonjrene apar gariyo ire mowachonigi ni, "Ka ng'ato dwaro ni mondo otel to nyaka odwokre chien mogik, mi obed jatij ji duto." 36 Kosewacho kamano to nokawo nyathi matin mokete ochung' e nyim ji duto. Nomako lwet nyathino, kowachone-gi kama, 37 "Ng'ato ang'ata morwako achiel kuom nyithindo matindogi e nyinga, orwaka An awuon, to bende ng'ato ang'ata moruaka ok An ema orwaka, to orwako Jal mane oora."
Ng'at Maok Ked Kodwa En Jakorwa
38 Johana nowachone ni, "Japuonj, ne waneno ng'ato ka golo jochiende e nyin-gi, to ne watame mondo owe timo kamano nikech ne ok en achiel kuomwa." 39 To Yesu nowacho ni, "Kik itame nikech onge ng'at manyalo timo hono e nyinga manyalo loko pache bang' thuolo manok mi owach gimoro marach kuoma, 40 nikech ng'ato anga'ta maok ked kodwa en jakorwa. 41 Awachonu adier ni ng'ato ang'ata mamiyou pi e okombe e nyinga, nikech un jo Kristo ok michne nolalne kata matin.
Rwako Nyawadu E Richo
42 "To bende ka nga'to omiyo joma tindo moyie kuomagi odonjo e richo, to dibed maber ka nga't motimo tim ma kamano oluti e nam kotuene pong' marang'ongo e ng'ute. 43 Ka lweti miyo idonjo e richo to ng'ade oko. Ber moloyo kidonjo e ngima ka ionge lweti moloyo kidhi gi lwetegi ariyo e Gehena 44 Kuno kudni machamo ji kod mach ok thoe. 45 To kapo en tiendi ema teri e richo to ng'ade oko. Ber moloyo kidon-jo e ngima kirang'ol kar donjo e Gehena gi tiende ariyo. 46 Kama kudni machomo ji kod mach ok thoe. 47 To ka en wang'i ema teri e richo to lodhe oko. Ber moloyo kidonjo e pinyruodh Nyasaye gi wang' achiel kar diri e Gehena, 48 kama, "kutegi ok thoe to mach bende, ok negie'" 49 Ng'ato ka ng'ato ibiro puodho gi mach. 50 Chumbi ber, to ka ndhathe orumo to ere kaka dichak imi obed gi ndhathe kendo? Beduru gi ndhath chumbi e kindu uwegi, kendo beduru gi kuwe ng'ato gi ng'ato."
Ketho Keny
1 Yesu noa kanyo modhi e gweng' mar Judea man loka Jordan. Ji mathoth nochako obiro ire, kendo nop-uonjogi kaka nojatimo kinde duto. 2 Jo Farisai nobiro moteme kapenje ni, "Be Chik oyie mondo dichwo oriemb chiege?" 3 Nodwokogi ni, "Ang'o mane Musa ochikou mondo utim?" 4 Ne giwacho ni, "Musa noyie mondo dichwo ondik barup werruok ni chiege bang'e oriembe." 5 Yesu nodwokogi ni, "Chunyu matek ema omiyo Musa nondikonu Chikni. 6 To chakre chwech piny, Nyasaye nochweyogi dichwo gi dhako. 7 'Emomiyo dichwo nodar owe wuon gi min mi opadore gi chiege, 8 kendo ji ariyogo nodok ringruok achiel'. Omiyo koro ok gin ji ariyo, to gin ringruok achiel. 9 Kuom mano, kik ng'ato pogi joma Nyasaye oseriwo." 10 Kane koro gin e ot kendo, jopuonjre Yesu nopenje kuom wachni. 11 To En nodwokogi ni, "Ng'ato ang'ata mowere gi chiege mokendo dhako machielo odonjo e terruok nikech chiege moriembono. 12 To kata dhako ema owere gi chwore mokendore gi dichwo machielo to otimo richo mar terruok."
Nyithindo Matindo Kod Yesu
13 Ji ne kelo nyithindo matindo ir Yesu mondo omulgi, to jopuonjrene nokwero-gi. 14 Ka Yesu noneno gima jopuonjre timo, nokecho kodgi, mi owachonigi ni, "Weuru nyithindo matindo obi ira, kik utamgi, nikech Pinyruodh Nyasaye en mar ji machal kaka gichalni. 15 Awachonu adier ni ng'ama ok orwako Pinyruodh Nyasaye kaka nyathi matin ok nodonji ngang'. 16 Nokawo nyithindogo moting'o e bade, eka noketo lwete kuomgi, mi ogwedhogi.
Rawera Ma Jamoko
17 Ka Yesu nochako wuoth dhi, ng'at moro noringo obiro ire mogoyo chonge piny e nyime. Ng'atni noloso kode kapenje ni, "Ng'at maber, en ang'o monego atim mondo eka ayud ngima manyaka chieng' kaka girkeni mara?" 18 Yesu nodwoke kapenje ni, 'Ang'o momiyo iluonga ni japuonj maber? Onge ng'ama ber makmana Nyasaye kende. 19 Ing'eyo Chike, kaka mawacho ni, 'kik ineki, kik iterri, kik ikwal, kik ichiw neno mar miriambo, kik imechi, luor wuoru gi meru." 20 Notimo neno ni, "Japuonj, magi aser-ito nyaka ne nywola." 21 Yesu nong'iyo wuowino mohere, eka owachone ni, "Gimoro achiel ema oremi Aa ka idhi ilok mwanduni duto pesa mondo imi joma odhier, eka iniyudi mwandu mokan e polo. Kisetimo kamano to iduogi mondo iluwa." 22 Ka ng'atno nowinjo wachno, nomieno wang'e, moa kanyo ka chunye lit, nikech ne en-gi mwandu mathoth. 23 To Yesu nong'icho koni gi koni, eka owacho ni jopuonjrene niya, "Mano kaka donjo e piny ruodh Nyasaye nobed matek ni joma nigi mwandu!" 24 Jopuonjrene ne dhogi omoko kuom wechegego. To Yesu nomedo wuoyo kodgi kawacho ni, "Nyithindo, mano kaka en gima tek mondo ng'ato odonji e Pinyruodh Nyasaye! 25 Yot mondo ngamia okadhi e wang' sandan moloyo ka jamwandu odonjo e Pinyruodh Nyasaye." 26 Jopuonjrene dhogi nomedo moko, mi giwacho kendgi ni "Ere ng'ano ma nyalo kwo? 27 To Yesu nong'iyogi tir kaeto owacho ni, "Ka kuom dhano to ok nyalre, to ok kuom Nyasaye, nikech gik moko duto nyalore kuom Nyasaye." 28 Petro nowachone ni, "Wan waseyo gik moko duto mondo waluwi." 29 To Yesu nodwoke kawacho ni, "Awachonu adier ni onge ng'ama oseweyo dala, kata owete, kata nyimine, kata miyo, kata wuoro, kata nyithindo, kata puothe, nikech An kendo nikech Injili, 30 ma nobare mak oyudo nyadi mia: mier, owete, nyimine, mine, nyithindo, kod puothe, kaachiel gi sand bende, e piny masani kata e piny mabiro ngima manya-ka chieng'. 31 To ji mang'eny makoro otelo nodong' chien, to joma koro odong' chien notel."
Yesu Okoro Kendo Thone
32 Koro ne gin e yo gidhi Jerusalem, ka Yesu otelo nyimgi kendo jopuonjrene noyudo ohum nono, to joma neluwogi ne luoro omako. Yesu nochako okawo jopuonjrene otero tenge monyisogi gima nedhi timorene. 33 Nowachonigi ni, "Sani wadhi nyaka Jerusalem, kendo Wuod Dhano ibiro ndhogi michiw e lwet jodolo madongo gi jopuonj chik. Gibiro ng'adone buch tho mi gichiwe ni Joma ok jo Yahudi, 34 ma biro chare, mi ng'udh olawo kuome kendo chwade mi nyaka gi nege. To bang' ndalo adek obiro chier.
Kwayo Mar Jakobo Gi Yohana
35 Bang'e Jakobo gi Johana, mane gin yawuot Zebedi, nobiro ire mowachone ni, "Japuonj, wadwaro mondo itimnwa gimoro amora mwakwayi." 36 Yesu nopenjogi ni udwaro ni atimnu ang'o? 37 Ne gidwoke ni, "Yie mondo kiduogo e duong'ni maler to iket achiel kuomwa obed e bathi korachwich to machielo e bathi kor acham." 38 Yesu nowachonigi ni, "Ukiya gima ukwayo. Be unyalo metho e kikombe ma amethoe kata yudo batiso machal gi miti-sago?" 39 Ne gidwoke ni, "Wanyalo." Yesu nowachonigi ni, "En adier ni ubiro metho e kikombe ma amethoe mi tisu gi batiso mitisago, 40 to korka wach mar bedo e batha korachwich kata koracham to an ok ema achiw. Kuondego oiki ni jogo mane ochan nigi chon." 41 Kane jopuonjre apar mamoko owinjo mano to ne gisin gi Jakobo gi Johana. 42 To Yesu noluongogi duto kaachiel mi o wachonigi ni, "Ung'eyo ni jo mikwano kaka jotelo e kind ogendini nigi teko kuom joma gitelonegi, kendo jotend gi madongo tiyo joma nie buogi kod teko miwuoro. 43 Unto ok un kamano. Kar timo mano, to ng'at madwaro mondo obed maduong' e kindu nyaka dok jatichu. 44 kendo ng'ama dwaro notel nyaka dok misumba ji duto. 45 Nikech kata mana Wuod Dhano ne ok obiro mondo ji otine, to nobiro mondo oti ni ji kendo mondo ochiw ngimane kaka misango niji mang'eny."
Bartiman Ma Muofu Oneno
46 Bang'e ne gibiro Jericho, to ka noyudo Yesu gi jopuonjrene kaachiel gi oganda maduong' aa e dalano, muofu moro miluongo ni Bartimau, tiende ni wuod Timau nobet e bath yo kokwecho. 47 Ka nowinjo ni, en Yesu ja Nazareth nochako kok ni, "Yesu Wuod Daudi, yie ikecha!" 48 Thoth ji mane nikanyo nokwere kanyise mondo oling'. to en koreka nomedo kok matek moloyo ni, "Wuod Daudi, techa!" 49 Yesu nochung' mowacho ni, "Luongeuru obi ira ka." Omiyo ne giluongo muofuno ka giko-neni "Bed gichir! Aa malo! Oluongi." 50 Ng'atno nodiro suka mane obakorego kucha, mi ochikore ochung' gi tiende modhi ir Yesu. 51 Yesu nopenjo ng'atno ni, "Idwaro ni atimni ang'o?" To muofuno nodwoke ni, "Japuonj, adwaro ni mondo anen." 52 Eka Yesu nowachone ni, "Dhi"Yieni osechangi." Gikanyono ng'atno wang'e noyawore mochako neno, kendo moluwao bang' Yesu kowuotho eyo.
Donjo E Dala Gi Loch
1 Kane koro gichomo Jerusalem, ne gichopo e miech Bethfage kod Bethania but Got Zeituni. Yesu nooro jopuonjrene ariyo 2 kowachonigi ni, "Dhiuru e dala man e nyimu cha, to ka udonjo e iye to ubiro nwang'o nyathi kanyna mapok ng'ato oidho nyaka nene kotwe kanyo. Gonyeuru mondo ukelnago ka. 3 Kapo ng'ato openjou ni, Ang'o momiyo utimo timni?' to udwoke ni, 'Ruoth dware, kendo obiro duoge bang' seche manok!' 4 Ne gidhi mi giyudo kanyna oko e yo matin kotweye e rangach. To ka noyudo gigonye, 5 jomoko mane ochung' kanyo nopenjogi ni, "utimo ang'ono, ugonyo nyathi kanynano nang'o?" 6 To ne gid-wokogi kaka Yesu nonyisogi mondo gid-wokgi mi jogo noweyogi gidhi. 7 Kane gikelo ni Yesu nyathi kanynano ne gidiro lepgi e ng'eye mi Yesu nobetie. 8 Ji mang'eny mamoko bende nopedho lepgi e yo, to jomoko nopedho oboke mag yiende mane ging'ado e puothe. 9 Jogo mane oteloni Yesu gi jopuonjrene, gi mago mane ni chien, ne goyo koko ni, "Hosanna!" "Ogwedh ng'at mabiro e nying Ruoth" 10 "Ogwedh pinyruoth mabiro mar Daudi Kwarwa." Hosanna en ma malo ahinya! 11 Yesu nodonjo Jerusalem mi odhi nyaka ei hekalu. Nowuotho e iye monono gik moko duto motimore, to nikech saa ne koro olewo, nowuok gi jopuonjrene apar gariyo mi odhi Bethania.
Yesu Oriembo Ji Ei Hekalu
12 Kinyne kane oyudo gia Bethania, kech ne kayo Yesu. 13 Kane pod en gichien, noneno yadh ng'owo moro ma pote odhukno mi odhi machiegni kode mondo oyudie olemo kuome ocham. Ka nochopo but yadhno ne ok oyudo gimoro kuome mak pote kende, nikech ne ok en kinde ma ng'owo chiekie. 14 Eka Yesu nowacho ni yadhno ni, "Ng'ato kik chak cham olemo mowuok kuomi kendo." Jopuonjrene no winje kowacho kamano 15 Kane gichopo Jerusalem, Yesu nodonjo ei Hekalu mi ochako riembo jomane ng'iewo kendo uso gik moko kanyo. Noloko mesni mag jowil pesa ataro kod kombe mag joma ne uso akuche, 16 kendo ne ok oyiene ng'ato mondo oting' misigo mar ohala moro amora kakalogo e dier agola mar Hekalu. 17 Yesu nochako puonjogi kowachonigi ni, "Donge ondiki ni: "Oda noluongi ni od lamo mar ogendini duto?"To un useloke 'kar chokruok mar jomecho'" 18 Jodolo madongo gi jopuonj Chik nowinjo wachni mochako chano yo mar nege, nimar ne giluore nikech oganda duto nowuoro puonjne. 19 Ka piny koro noyuso, ne gia dala maduong' gidhi oko e gweng.
Yiend Ng'owo Motwo
20 Kinyne gokinyi kanoyudo giwuotho ne gineno yiend ng'owo mane Yesu okuong'o cha kosetwo, chakre tiendene. 21 Petro noparo mowachoni Yesu ni, "Neye, Japuonj! Yiend ng'ow manyo ikuong'o osetwo!" 22 To Yesu nodwoko kowacho ni, "Beduru gi yie kuom Nyasaye. 23 "Awachonu adier ni ka ng'ato owacho ni godni ni, Aa ka idhi ichumbri e nam,' maok obedo gi kiawa e chunye kata matin, to oyie ni gima owachono biro timore, to gima odwarono notimre. 24 Kuom mano anyisou ni gimoro amora mukwayo kulamo, beduru gi yie ni useyude mi nobed maru adier. 25 To bende ka ichung' ilemo, to in-gi wach moro e kindi gi ng'ato, to nyaka iwene richone, eka mondo Wuonu manie polo bende oyie weyoni richoni."
Openj Teko Ma Yesu Nigo
27 Ne gichako gichopo Jerusalem kendo, to ka noyudo Yesu wuotho e agol-ni mag Hekalu, jodolo madongo gi jopuonj Chik, kaachiel gi jodongo nobiro ire. 28 Ne gipenje ni, "Teko mane mitimogo gik mitimogi, to ng'a momiyi teko mar timogi?" 29 Yesu nodwokogi ni, "Abiro penjou penjo achiel mondo udwoka mokwongo eka anyisu kuma agole teko matimogo gik matimogi. 30 Uparo ni batiso Johana noa kanye; e polo koso kuom ji? Nyisa ane uru! 31 Negitwak kuom wachni e kindgi giwegi kaeto giwacho ni, "Ka wawacho ni, 'Noa e polo', to obiro ng'eng'owa ni, 'Ka kamano to ang'o momiyo nutamoru yie kuome?' 32 To ka wawacho ni 'Noa kuom dhano' ..." (Ne giluoro oganda, nikech ji duto nokawo Johana kaka Janabi adiera.) 33 Kuom mano ne gidwoko Yesu ni, 'Wakia." Yesu nowachonigi ni, "An bende ok anyisu kuma agole teko ma atimogo gik matimogi."
Ngech Jorit Puodho
1 Bang' mano Yesu nochako wuoyo kodgi gi ngeche mopogore opogore: "Ng'at moro nop-uro puoth mzabibu. Nochiele gi okuta, mi okunyo bugo molwore mibiyoe olemo mochiek, kendo ogero ohinga moting'ore gi malo kama jarito betie. Bang'e ng'atni nochiwo puotheno ni jopur moko kaeto odhi e wuoth moro mabor. 2 Kane saa keyo ochopo, ng'atno nooro jatichne moro ir jorit puodho mondo oomne olembe moko mane ochiek e puothe. 3 To jorit puodho nomake, mogoye, moriembe gi lwete nono. 4 Bang'e achien wuon puodho nooro jatichne machielo irgi, to en bende ne gindayo wiye mi gidwanye. 5 Ng'atno nonano, mochako ooro ng'at machielo, to en ne ginege. Nomedo oro joote mamoko, ma moko kuomgi ne gigoyo to moko ginego. 6 "Ne pod odong' gi ng'at achiel mane koro onyalo oro: wuode owuon mane ohero gilala. Ne oore achien mogik koparo ni, "Wuoda awuon to gibiro miyo luor." 7 "To jorit puodho nowacho e kindgi giwegi ni, 'Ma e ng'at ma mwandu duto biro dong'ne, biuru mondo wanege mondo girkeni odong'nwa. 8 Omiyo ne gi make mi gi nege eka bang'e to gi-dire oko mar puoth mzabibu. 9 "Uparo ni ka wuon puodho noduogi to notim ang'o? Obiro biro moneg jorit puodhogo mi ogol puodho oko e lwetgi mi enomi jomamoko. 10 Donge use somo Ndiko mawacho ni, "Kidi mane jogedo odagi osedoko kidi machungo ot." nRuoth osetimo ma, kendo en gima iwuoro ka waneno'" 12 Koro jodolo madongo gi jopuonj Chik nochako manyo yo mane gi nyalo makego nikech ne gi ng'eyo ni ogetogi kod ngeroni. To ne giluoro oganda, omiyo ne gi weye mi ging'wel gia kanyo.
Chulo Osuru Ni Kaisari
13 Bang'ejogo nooro jo Farisai gijo Herode ir Yesu mondo odwar wach mawuok e dhoge mondo gimakego. 14 Ne gibiro ire mi giwachone ni, "Japuonj wang'eyo ni in ng'at ma ngimane ler kendo majaadiera. Ji ok nyal ywayi maloki nikech ok iluoro wang' ng'ato, to ipuonjo mana yor Nyasaye kaluwore gi adierane. Koro nyiswa ane ka en gima ber mondo wagol osuru ni Kaisari. 15 Wagol koso kik wagol?" To kaka Yesu nong'eyo wuondruok-gi, nopenjogi ni, "Utema nang'o? Kelanauru ane dinari ka mondo anone maber." 16 Ne gikelone pesa mamingli, kaeto openjogi ni, "Goro man e ng'e pesani mar ng'a? To ndikogi to?" Ne gidwoke ni, "Gin mag Kaisari." 17 Eka Yesu nowachonigi ni, "Miuru Kaisari gige, to gig Nyasaye miuru Nyasaye". Jogo ne dhogi omoko.
Wach Kuom Kendruok Bang' Chier
18 Bang'e jo-Farisai ma ok oyie ni chier nitie nobiro ire gi penjo. 19 Ne gikone ni, "Japuonj, Musa nondikonwa ni ka ng'ato owadgi otho moweyo dhako mapod onge gi nyithindo, to ng'atno nyaka kend chi owadgi modong' chi lielno mondo ony-wolnego nyithindo. 20 Koro ne nitie owete moko abiriyo, Wuowi mokwongo nok-endo mochwe otho ka oonge nyithindo. 21 Wuowi mar ariyo nokendo chi owadgi mane owadgi oweyono, to en bende notho kapok onywolo nyathi. Notimore kamano ni wuowi mar adek bende 22 chutho, e gikone, yawuowi abiroyogo duto notho maok onywol gi chigino. Bang'e achien dhakono bende ne otho. 23 Koro nyiswae ni chieng' chier dhakoni nobed chi ng'a kuom chwo abiriyo mane okende dutogi? 24 Yesu nodwokogi ni, "Urwenyo nikech ukiya Ndiko kata teko Nyasaye? 25 Ka joma otho chier to ok ginikendi kata kendgi, to ginichal gi malaike mag polo. 26 To kuom chier mar joma otho, donge usesomo e bug Musa kama ondikie wach bungu maliel, kaka Nyasaye nowachone ni, 'An Nyasach Ibrahim, Nyasach Isaka kendo Nyasach Jakobo?'27 Ok en Nyasach joma otho, to en Nyasach joma ngima. Urwenyo mabor!"
Chik Maduong' Moloyo
28 Achiel kuom jopuonj Chik nobiro moyudo ka gimino wach. Kowinjo ka Yesu odwokogi kare, nopenje ni, "Kuom Chike duto mag Nyasaye, en mane maduong' moloyo moko duto?" 29 Yesu nodwoke kawacho ni, "Chik achiel maduong' moloyo en ma: Winjuru, yaye jo Israel, Ruoth Nyasaye ma Nyasachwa en Ruoth achiel. 30 Heruru Ruoth Nyasachu gi chunyu duto kendo gi pachu duto, kendo gi riek-ou duto, kendo gi tekou duto. 31 Chik maduong' mar ariyo en ni: 'Her wadu kaka iherori iwuon'. Onge chik maduong' moloyo magi." 32 Ng'atno nodwoke ni, "Iwacho kare, Japuonj. In kare kiwacho ni Nyasaye en achiel maonge more machielo makmana En. 33 Ka ng'ato ohero Nyasaye gi chunye duto gi winjone duto gi tekone duto, kendo kohero wadgi kaka oherore owuon to mano duong' moloyo chiwo miwang'o gi misengini mitimo duto. 34 Ka Yesu noneno ni ng'atno odwoke gi rieko, nowacho ni, "Ok in mabor gi Pinyruodh Nyasaye" Chakre kanyo onge ng'ama nohedhore penje penjo moro amora.
Kristo En Wuod Ng'a
35 Ka Yesu ne pod puonjo ei Hekalu, nopenjo ni, "Ere kaka Jopuonj Chik nyalo puonjo ni Kristo en wuod Daudi? 36 Ka Daudi owuon owuoyo e bwo teko mar Roho Maler kolero ni, "'Ruoth nowacho ni Ruodha ni, "Bedi e batha lorachwich nyaka aket wasiki duto e bwo pat tiendi"' 37 Ka Daudi owuon luonge ni 'Ruoth', ere kaka dochak obed wuode kendo?" Oganda maduong' ma newinje nopong' gi mor. 38 Yesu nomedo puonjogi kowacho ni, "Nonuru maber kuom jopuonj Chik. Gihero wuotho koni gi koni ka girwako lewni maboyo mayware piny, kendo kimosogi e chirni. 39 E sunagoke giyiero kombe moyiedhi, to kuonde molosie budho michieme gilaro kuonde mag jo dongo. 40 Gikidho ute mond liete kendo gilamo lamo moyware mond ginyisrego niji kaka gilony e lamo. Jok makamagi ibiro kum malit mokalo."
Chiwo Mar Chi Liel
41 Yesu nobedo piny kama omanyore gi kama ne ji boloe sadakagi mi nonono kaka ji ne keto pesagi e kar keno mar Hekalu. Jomwandu mang'eny ne diro pesa mojuol ojuol. 42 To chi liel moro modhier bende nobiro moketo pesa mamingli moko ariyo matindo tindo, pesa matinie mogik ma koriw eka dirom senti achiel. 43 Yesu nogwelo jopuonjerene ire mokonegi ni, "Awachonu adier ni chi liel modhierni osegolo pesa mang'eny e keno moloyo ji mamoko duto. 44 Gin gisegolo mana matin nono kuom mwandu mathoth ma gin-go, to en, kuom dhierne, ogolo mwandune duto. Ogolo gimoro amora ma nonyalo konyorego."
Ranyisi Mag Ndalo Giko
1 Ka noyudo oa e Hekalu, achiel kuom jopuonjrene nokone ni, "Neye, Japuonj! Kitegi dongo manadi! Magi gedo malich manadi! 2 Yesu nodwoko ni, "Ineno ute madongo malichgi? Onge kidi kata achiel mabiro dong' ewi wadgi; gibiro redhore piny tee". 3 Ka Yesu nobedo piny e Got Zeituni, momanyore gi Hekalu, Petro gi Jakobo, gi Johana kod Andrea nopenje ling'ling' ni, 4 "Yie inyiswae ni gigi biro timore karang'o, koso en ranyisi mane manotim-re ma nonyis ni gigi duto chiegni chopo?" 5 Yesu nowachonigi ni, "Tang'uru maok uyiene ng'ato mondo owuondu. 6 Ji mang'eny nobi e nyinga ka hedhore ni, 'An e en', kendo giniwuond ji mathoth. 7 Ka uwinjo ka lwenje timore kendo ka humbe lwenje timore to kik kibaji gou. Gik makamago nyaka timre, to giko piny to pod ni nyime. 8 Ogendini noked gi ogendini wetegi, kendo pinyruoth gi pinyruoth machielo. Piny noyiengni kuonde mopogore opogore kendo kech nobedie. Magi e chakruok mar rem mar muoch ma nobedie. 9 "Nyaka uritru un uwegi, nikech nochiwu e lwet buche mag gweng' kendo norodhu gi del e ute lemo. Unuchung' kiyalou e nyim jotelo gi ruodhi nikech An, kendo nubednigi kaka joneno kuoma. 10 To Injili nyaka kuong landi e pinje duto. nE saa saya momakue moteru e bura, kik uparru motelo kuom gima ubiro wacho. Wachuru awacha gima omiu mondo uwachi e saa nogono, nikech Roho Maler ema nobed ka wuoyo kuomu, to ok un uwegi. 12 "Owete nondhogre kendgi mi gi negre, kendo koda ka wuoro notim kamano ni nyathine. Nyithindo nong'any mi jonywolgi chan yore ma dineg gigo. 13 Ji duto nochau nikech An, to ng'at mochung' motegno nyaka giko ema nokwo. 14 "To ka uneno 'gima kuero mar kethruok' kochung' kama ok onego obe-die, jasomo mondo owinj tiend wachni to kik joma odak Judea ring dhi ewi gode. 15 Ng'at manie tat ode bende kik lor piny kata donji ei ot mondo ogol gik moko oago. 16 Kata ng'at manie puodho kik dog dala mondo oom sukane. 17 Mano kaka nodok malit ni mon mayach kod mago madhodho nyithindo e ndalogo! 18 Lamuru mondo gino kik timre e ndalo koyo, 19 nikech ndalogo nobed kinde mag chandruok maok nyal pim gi moro nyaka aa chakruok, chieng' mane Nyasaye ochweyoe piny, nyaka sani; kendo onge chandruok moro mibiro pimo kode kendo. 20 Kapo ni Ruoth ne ok ong'ado ndalogo machiek, onge ng'ama dine otony; to nikech joma oyie, joge owuon ma osewalo, oseng'ado ndalogo odoko machiek. 21 "E kindeno ka ng'ato onyisou ni, 'Ne, Kristo e! Kata ni, 'Ne, En kucha!' to kik uyie kode. 22 Nikech joma wuondore ni gin Kristo kendo ni gin jonabi nothinyre mi tim ranyisi kod honni mondo giwitgo joma oyier, kapo mano ditimre. 23 Emomiyo ritreuru un uwegi; asenyisou gik moko duto motelo kapok kindego ochopo. 24 "To e ndalono, bang' masirano wuon wuon, "Wang' chieng' noimre, kendo dwe ok norieny; 25 Sulwe nolwar, koa e polo, kendo chwech mag polo noyiengni! 26 "E sechego ji none Wuod Dhano kabiro e boche polo gi teko mang'ongo kendo gi duong'.27 Kendo noor malaikege mi ochoki joge moyiero moa e tunge piny nyaka chop giko polo. 28 "To puonjreuru wachni kuom yieng ng'owo. Mapiyo ka bedene Chako loth kendo itgi chako wuok to ung'eyo ni Chwiri osechakore. kendo ite chako wuok to ung'eyo ni wan e ndalo chwiri 29 Kata kamano, ka uneno ka gigi timore to ng'euru ni ndalono chiegni, kendo mana kagima en e dhoot. 30 Awachonu adier ni tieng'ni ok norum ngang' kapok gigi duto otimore. 31 Polo gi piny nokadhi to wechena to ok nokadhi kata matin.
Odiechieng' Kod Saa Ok Ong'ere
32 "Onge ng'ama ong'eyo odiechieng'no kata sano, kata mana malaike mag polo, kata Wuowi, maka-mana Wuoro kende. 33 Ritreuru kendo nenuru, nikech ukiya saa manotimre. 34 Nobed mana machal gi ng'at mowuok dalane odhi e wuoth moro mabor, moweyo jotichne e tich mar rito gige, kosemiyo moro ka moro kuomgi gima onego otim, kendo koseketoj arito mondo orit dhoot. 35 Omiyo ritreuru nikech ok ung'eyo saa ma wuon ot nyalo biroe: kata nobi odhiambo kata chuny otieno, kata okinyi kcgwen, kata ka piny yawore. 36 Kaponi obiro apoya nono to kik oyudi kinindo. 37 Gima awachonu ema awacho niji duto ni, 'Nenuru!'"
Owir Yesu Gi Mo Bethania
1 Kodong' ndalo ariyo mondo Sap Pasaka michamoe Makati maonge thowi ochopi jodolo madongo gi jopuonj chik ne manyo yo maling'ling' mane ginyalo makogo Yesu mondo ginege. 2 To ne giwinjore kendgi ni, "Kik watim kamano ka sawo pod dhi nyime, nono to ji ogomonwa." 3 Ka noyudo Yesu ni Bethania, kochiemo ewi mesa e dala ng'at moro miluongi ni Simon Ja Dhoho, dhako moro nobiro gi chupa moting'o mo madung' tik mamit ma nengone tek. Notoyo ngu't chupano mi oolo morno duto e wi Yesu. 4 Moko kuom joma ne nikanyo nyiego nomako mi gikuotho e kindgi giwegi ni, "Morni okethi kayiem kama nang'o! 5 Donge ne inyalo use pesa mang'eny moloyo misach ng'ato kuom higa achiel mi pesago pogi ni joma odhier?" Ne gik-wero mamano gi dwol ma kwiny. 6 To Yesu nodwokogi ni, "Weuru nyano mos. Uthage nang'o? Otimo gima jaber miwuoro ni An. 7 Joma odhier ubiro bedogo kinde duto, kendo unyalo konyo-gi saa asaya muhero. An to ok ubi bedo koda ndalo duto. 8 Otimo monyalo. Oseolo mo mang'we ng'arno e ringra chon mondo aikra ni ikna. 9 Awachonu adier ni kamoro amora ma noyalie Injili e kind ogendini duto mag piny, gima nyani otimo nohul, kiparego." 10 Eka Juda Ja Iskariot, mane en achiel kuom jopuonjrene apar gariyo, noa e kindgi modhi ir jodolo madongo mondo ondhog Yesu oket e lwetgi. 11 Ne gimor gi wachno, mi gisingore ni gibiro miyogo pesa. Omiyo nochako manyo kinde maber mar keto Yesu e lwetgi.
Pasaka Mar Ruoth
12 Chieng' mokwongo mar Sap Makati maonge thowi, chieng' mane ochuno jo Yahudi mondo oyang' nyarombo mar Pasaka, jopuonjre Yesu nopenje ni, "Idwani wadhi waikni kanye mondo ichamie Fasaka?" 13 Kuom mano Yesu nooro jopuonjrene ariyo kowachonigi ni, "Dhiuru ei dala maduong' mondo urom gi ng'ato moting'o dapi. Luwuru ng'atno nyaka ot modhiye. 14 Nyisuru wuon ot modonjeno ni, 'Japuonj penjo kama: ere oda mar welo mondo achamie Pasaka gi jopuonjrena?' 15 Obiro nyisou ot malach molos malo, kama osechanie kombe kendo oseiki; maber, kanyo ema uiknwa." 16 Jopuonjrego noa modhi Dala maduong' moyudo gik moko mana kaka Yesu nosewachonigi. Omiyo ne giiko Pasaka. 17 Ka piny ne koro ochido, Yesu nochopo, kaen kod jopuonjrene apar gariyo. 18 To ka noyudo koro gilworo mesa gichiemo, nowachonigi ni, "Awachonu adier ni achiel kuomu biro ndhoga, en ng'at machiemo koda." 19 Chuny jopuonjrene nodoko malit, mi achiel ka achiel gichako wacho ni, "Dobed an koso?" 20 To Yesu nodwokogi ni, "En achiel kuomu ji apar gariyo, jal ma chiemo koda e dis achiel. 21 Wuod Dhano biro dhi mana adier kaka nondiki kuome. To ng'at mandhogo Wuod Dhano none malit! Dine obedo maber moloyo ka ne ok ony-wole." 22 Ka noyudo gichiemo, Yesu nokawo makati, kendo bang' goyo erokamano, nong'inge momiyo jopuonjrene kowacho ni, "Kaweuru, ma e ringra." 23 Bang'e nokawo kikombe, mi ogoyo erokamano ni ochiwonigi eka ne gi madho kikombeno gi duto 24 "Ma en remba mar Muma, mool oko ni ji mang'eny. 25 Anyisou adier ni ok nachak amadh olemb mzabibu kendo nyaka chop odiechieng'no ma anamadhee kendo manyien e Piny Nyasaye." 26 Kane gisewero wend pak, ne gia gidhi e Got Zeituni.
Yesu Ohulo Ni Petro Biro Kwede
27 Yesu nonyiso jopuonjrene ni, "Un duto ubiro ringo uweya, nikech ondiki ni, "Abiro goyo jokwath mi rombe noke' 28 To bang' ka asechier to anatelnu adhi Galili." 29 To Petro nonyiso Yesu ni, "An ok abi weyi kata ka ji duto oringo oweyi." 30 Yesu nodwoko Petro ni, "Awachoni adier otieno makawuononi, kapok thuon gweno okok diriyo in iwuon wang' nikweda didek." 31 To Petro nosingore koramo ni, "Kata kochuno ni nyaka atho kodi, to ok abi kwedi kata matin." Jopuonjre mamoko bende nowuoyo machalre gi Petro.
Yesu Olemo Gethsemane
32 Ne gidhi kama iluongo ni Gethsemane. Yesu nowacho ni Jopuonjrene ni, "Beduru kae seche ma alamo." 33 Nokawo Petro gi Jakobo kod Johana modhigo, eka chunye nochako chandore kopong' gi paro mang'eny. 34 Nokone jopuonjrene ni, "Chunya opong' gi midhiero gi lit nyaka kar tho. Beduru ka kendo nenuru." 35 Nochwalore nyime matin aye to ogoyo chonge piny mi olamo ni kanyalore to saa mar masirano okadhe. 36 Nolemo kowacho ni, "Aba, Wuora gik moko duto nyaloreni. Gol okombeni kuoma. To kik itim dwarona, to tim mana dwaroni." 37 Bang'e nodok ir jopuonjrene mon-wang'o ka ginindo. Nowachone Petro ni, "Inindo? Neno otami kata kuom saa achiel kende? 38 Nen kendo ilam mondo kik idonji e tem. Chuny to oikore makmana ringruok ema nyap." 39 Nochako odok kendo molemo machalre. 40 To kane oduogo ir jopuon-jrene, noyudo ka gi nindo, nikech wengegi ne pek. Ne ok ging'eyo gima diginyise. 41 Ka noduogo irgi kendo mar adek, nowachonigi ni, "Pod unindo aninda kendo uyueyo? Oromo! Sa osechopo. Neyeuru kaka indhogo Wuod Dhano kendo kaka ikete e lwet joricho. 42 Auru malo! Wadhi, Jandhokna ero biro!"
Omak Yesu
43 Kane pod owuoyo, Judas, mane en achiel kuom jopuonjrene apar gariyo nothinyore gi oganda mane omanore gi gilweny kaka ligangla gi arunge. Ne oorgi kod Jodolo madongo jopuonj chik kod jodong lemo. 44 Noyudo jandhok osechano signol mane gibiro makego: "Ng'at ma anyodho e En, makeuru mondo udhi kode kurite maok onyal ringo otony." 45 Judas nochomo Yesu tir sanosano, mowachone ni, "Japuonj," aye to oyodhe. 46 Jogo nond-hiyo Yesu kamake apoya. 47 To achiel kuom joma nochung' machiegni nogolo liganglane mong'adogo it jatich Jadolo maduong' mochodo oko. 48 Yesu nowacho ni joma nobiro makego ni, "Uwuokna oko mondo umaka ka uting'o ligengni gi arunge mana ka gima an jachand piny nang'o? 49 Asebedo kodu kinde duto, ka apuonjo e Hekalu, to ne ok umaka. To koro ndiko nyaka chop kare." 50 Eka ji duto noweye moringo odhi. 51 Wuowi moro matin mane ni duk, mana suka ema nobolo kuome, noyudo luwo bang' Yesu. Kane gi liwe mi gi ndhiye, nopusore nigi. 52 moringo otony ka en duk, moweyo koda ka sukane kanyo.
Oter Yesu E Nyim Sanhedrin
53 Ne gikawo Yesu gitero ir jadolo maduong' mi jodolo madongo duto gi jodongo kaachiel gi jopuonj Chik nochokore kaachiel. 54 Petro noluwo bang'e gichien, modonjo kode nyaka e laru mar jadolo maduong'. Kanyo nobetie piny kaachiel gi jorito, kooyo mach e duol. 55 Jodolo madongo gi jobuch Sanhedrin duto ne manyo ketho mane ginyalo donjonego Yesu mondo gingadne buch tho, to ne ok giyudo ketho moro amora kuome. 56 Ji mang'eny bende ne jimbone wach ka giketo ketho mag miriambo e wiye, to wechegi nee kwedore akweda. 57 Bang'e jomoko nochung' modonjone gi miriambo kawacho ni, 58 "Ne wawinjo jali kawacho ni, Abiro muko Hekalu ma dhano ogeroni eka bang' ndalo adek to asegero machielo ma ok oloso gidhano. 59 To kata mana gin bende nendgi ne kwedore. 60 Eka jadolo maduong' nochung' malo e nyimgi mopenjo Yesu ni, "Be ibiro dwoko? Ma neno manade ma jogi don-jonigoni?" 61 To Yesu noling' aling'a ok odwoke. Jadolo maduong' nochako openje ni, "In e Kristo Wuod Nyasaye mangima koso?" 62 Yesu nodwoke ni, "Ee, An. To unune Wuod Dhano kobet e bat korachwich mar Jal Maratego kendo kolor oa e boche polo." 63 Jadolo maduong' noyiecho lepe kopenjo ni, "Pod wadwaro neno mamoko nang'o? 64 Un uwegi usewinjo koyanyo Nyasaye. Uparo nade?" Giduto ne gikwede kaka ng'at mowinjore onegi. 65 Eka jomoko nochako ng'ulo olawo kuome. Ne giumo wang'e mi gigoye ngum, ka giwacho ni, "Hui ane ng'ama ogoyi."Askeche to nong'wane ka girodhe.
Petro Okwedo Yesu
66 Ka noyudo Petro ni mwalo e laru, achiel kuom nyiri matiyo ni jadolo maduong' nobiro machiegni. 67 Ka noneno Petro ka oyo mach, nodhi machiegni kode morange matut, kaeto owachone ni, "In bende ne in gi ja Nazareth miluongo ni Yesuni." 68 To Petro nokwere kawacho ni, 'Akiya kendo kata winjo ok awinj tiend gima Iwuoyeno." Bang'e noa kanyo odhi e dhorangach. 69 Ka nyano, majatich noneno kuno, nochako owacho ni joma ochung' kanyo ni, "Ng'atni en achiel kuomgi." 70 To Petro nochako okwer kendo. Bang' kinde matin joma nochung' machiegni nowacho ni Petro ni, "Ka kuom adiera to in achiel kuomgi, nikech in ja Galili." 71 To en nochako kuong'ore mowachonigi kor amo ni, "Akiya ng'at muwuoyo kuomeni." 72 Gikanyono thuon gweno nokok kendo mar ariyo. Eka Petro noparo wach ma Yesu nosewachone ni, "Nikweda ndalo adek ka thuon gweno pok okok nyadiriyo." Wachno nodokone malit mi nochako ywak.
Oter Yesu E Nyim Pilato
1 Kinyne kar kogwen, jodolo madongo gi jodongo kod jopuonj Chik, kaachiel gi jo buch Sanhedrin ne joriwo paro kuom gima nowinjore gitim. Ne gitweyo Yesu mi gi tere nyaka ne gichiwe e lwet Pilato. 2 Pilato nopenjo Yesu ni, "In e ruodh jo Yahudi?" To Yesu nodwoke ni, "Ee, en kaka iwa-chono." 3 Jodolo madongo nodonjone gi weche mathoth. 4 Omiyo Pilato nochako openje ni, "Dwokawa, donge ineno kaka gidon-joni gi ketho mang'eny." 5 To Yesu noling' aling'a kendo maok odwoke, mi Pilato nohum nono. 6 Ne en chik ni mondo ogony jatwech achiel e kinde mag Pasaka kaluwore gi kwayo mar jopiny. 7 To e ndalono ja kira-gi moro manyinge Baraba, ne nie jela, kaachiel gi jojiemo mamoko manotwe kuom wach nek kod pingo sirkal. 8 Ogandano nobiro mokwayo Pilato mondo otim nigi kaka noj atimo higa ka higa. 9 To Pilato nopenjogi ni, "Udwaro ni agonynu Ruodh jo Yahudi. 10 Nopenjogi kamano kong'eyo ni nyiego ema nomiyo jodolo madongo oketo Yesu e lwete. nTo jodolo madongo nojiwo oganda mondo oyie gi dwarogi ni Pilato ogony mana Baraba. 12 Pilato nopenjogi ni, "To koro atim ang'o gi Jal muluongo ni Ruodh jo Yahudini?" 13 Ne gikok matek ni, "Gure!" 14 Pilato nopenjogi ni, "Nang'o, en ketho mane mosetimo madimi gure?" To ne gimedo kok matek moloyo ka giwacho ni, "Gure!" 15 Nikech Pilato ne dwaro mondo omor oganda, nogonyo nigi Baraba. Yesu to nogolo chik mondo ochwade bang'e ochi-we nigi mondo gi gure.
Askeche Ocharo Yesu
16 Askeche nokawo Yesu motero e laru mar od ruoth, kama ne ji romee, mi negiluongo oganda mar askeche duto irgi. 17 Ne gibolo kuom Yesu kandhu makwar, kaeto gisidhone osimbo mar kudho e wiye. 18 Eka negichako chare ni "Ber Ruodh Jo-Yahudi. 19 Kinde ka kinde ne gigoyo wiye gi luth, kendo ka gi ng'u-lo kuome olawo, bende ne gikulore e nyime ka gigoyo chong gi piny kendo gi lame. 20 To kane gisechare ne gigolo oko nanga makwar mane girwakone mi gir-wake gi lepe owuon. Bang'e ne gitere oko mondo gigure.
Ogur Yesu E Msalaba
21 Ng'at moro maja Kurene miluongo ni Simon, mane wuon Aleksanda gi Rufus, noyudo kadho kanyo koa e gweng' moro. Ne gichune mondo oting' msalaba. 22 Koro ne gitero Yesu kama iluongo ni Golgotha (tiende ni, Hanga Wich). 23 Kanyo ne gimiye divai moru gi yath makweyo rem miluongo ni manemane mondo omadhi, to nodagi. 24 Eka ne gigure. Lepe to ne giyiecho mi gipogore ng'ato gi ng'ato, ka gigoyo ombulu mondo ging'e gima ng'ato ka ng'ato onego okaw. 25 Ne gigure saa adek okinyi. 26 Milome mane ondiki mi ogur e msalaba ma nyiso kethone. Nondike ni: "RUODH JO YAHUDI'. 27 Jokuoge ariyo moko bende ne giguro kode, achiel e bade korachwich to machielo e bade koracham. 28 Mano nochopo ndiko ma nondiki chon ni, "Nokwane e oganda joma richo." 29 Joma kadho kanyo nochare ka giyanye kendo ka gikino wigi. Ne giwachone ni, "Aha! In manyocha inyalo ketho Hekalu mi igere kendo gi ndalo adekni, 30 koro resri ane, lor piny ia ewi msalaba!" 31 Jodolo madongo gi jopuonj chik e kindgi giwegi bende nochare mana machalre. Ne giwacho ni, "Nokonyo jomoko to en koro ok onyal konyore owuon! 32 Jawar ma Ruodh Israelni loro olor ane oa e wi msalaba mondo wane, eka wayie kuome." Jok mane ogur kode bende nodhuole gi ayany
Yesu Otho
33 Kar saa auchiel, mudho noimo piny duto nyaka saa ochiko. 34 Ka saa ochiko noromo Yesu noywak gi dwol maduong' kowacho ni, "Eloi, Eloi, lama sabak-thani?", ma tiende ni, "Nyasacha, Nyasacha, iweya nang'o?" 35 Ka moko kuomgi manochungo machiegni nowinjo ma negi wacho ni, 'Winjuru, oluongo Elija." 36 Nga'to achiel noringo mopong'o siponj gi kong awayo, mondo omadhi. Kowacho ni,"Koro weyeuru mos wane ka Elija biro mondo okawe odhi kode." 37 Yesu noywak matek bang'e chunye nochot. 38 Pasia mar Hekalu notierore nyadiriyo aa malo nyaka piny. 39 To jatend askeche mane oyudo ochung' e nyime kane owinjo kaka oyuak bang'e oneno kaka otho, nowacho ni, "En adier chuth ni jali ne En Wuod Nyasaye!" 40 Ne nitie mon moko mane ng'icho gichien. Moko kuomgi ne gin Maria Magdala gi Maria min Jakobo matin, mabende min Jose, kod Salome. 41 Mon-gi ema neluwo Yesu kendo nepidhe kane En Galili. Mon mamoko mathoth ma noluwe koa kode Jerusalem bende ne nikanyo.
Oiki Yesu
42 Ne en Chieng' Ikruok (ma en odiechieng' motelo ni Sabato), omiyo ka nochopo seche mag odhiambo, 43 Josef ja Arimathaya, mane en ng'at mogen e Buch Jodongo, kendo ma en owuon norito neno Loch Nyasaye, nodhi ir Pilato gi chir mokwaye ringre Yesu. 44 Pilato nowuoro ka nowinjo ni Yesu osetho, omiyo noluong jatend askeche mopenje kapo Yesu nosetho adier. 45 To kane owinjo nowinjo kuom jatend lweny ni ne en kamano, nochiw ringre Yesu ni Josef. 46 Eka Josef nong'iewo nanga marep rep manengone tek, mi noloro ringre Yesu oboye ginanga mareprep eka okete ei bur mane okuny ei lwanda. Bang'e nong'ielo kidi mi oumogo dho liel. 47 Maria Magdala kod Maria min Jose noneno kama nopiele Yesu.
Yesu Ochier
1 Bang' ka Sabato oserumo, Maria Magdala gi Maria min Jakobo kod Salome nokelo modhi mang'ue ng'ar mondo giwirgo ringre Yesu. 2 Okinyi mang'ich, odiechieng' mokwongo mar Juma ka chieng' osewuok, ne gichako wuoth mar dhi kar liel, 3 kendo ne gi penjore ng'ato gi ng'ato ni, "Ng'ano mawang' nong'ielnwa kidi oko e dho liel?" 4 To kane giting'o wang'gi, ne gineno ka kidi mang'ongono noseng'iel oko. 5 Kane gidonjo ei bur, ne gineno wuowi moro matim morwako kandhu marachar kobet e bath bur korachwich, kendo ne gibuok ahinya. 6 Wuowino nokwerogi ni, "Weuru buok. Umanyo Yesu ja Nazareth, mane ogur. Osechier! Oonge ka, neuru kamane gipiele. 7 To auru ka udhi unyis jopuonjrene, kaachiel gi Petro, ni, 'Otelo nyimu odhi Galili. Kuno ema ubiro nenee mana kaka nosenyisou motelo." 8 Mon-go nowuok moringo oa e liel kanyo ka gi tetni kendo dhogi omoko, ne ok giwacho ne ng'ato gimoro amora e yo nikech ne giluor. 9 Kane Yesu ochier kogwen, chieng' mokwongo mar juma, nofwenyore mokwongo ni Maria Magdala, mane ogolo jochiende abiriyo kuome. 10 Maria nodhi monyiso jogo mane ni kode, jogo mane ywak kendo jogo mane dengo. nKane giwinjo ni Yesu ngima, kendo ni Mariam nosenene ne ok giyie. 12 Bang'e Yesu nofwenyore niji ariyo kuomgi kinde machielo, kagiwuotho e gweng'. 13 Jogi noduogo monyiso wachni ni jomamoko; to ne ok giyie kodgi kata kamano. 14 Achien Yesu nofwenyore ni joote apar gachiel ka noyudo gi chiemo. Koseyogi nikech yie mane giongego, kendo nikech tamruok margi maok negi yie jogo mane osenene bang' kane osechier. 15 Nowachonigi ni, "Dhiuru e piny duto mondo uyal Injili ne chwech duto." 16 Ng'ato ang'ata moyie kendo obatisi nokwo, to ng'at maok oyie nong'adne bura. 17 To ranyisigi nolu joma oyie: E nyiga giniriemb jochiende; gini wuo gi dhok manyien; 18 ginimak thuonde gi lwetgi, kendo gini modhi kwiri mager, to ok ginihinyre ngang'; giniket lwetgi kuom jomatuo, to jotuo nobed mangima." 19 Bang' ka Ruoth Yesu nosewuoy-onigi nokawe motere malo e polo, mobedo e bat korachwich mar Nyasaye. 20 Eka jopuonjre nowuok odhi oko kendo oyalo kuonde duto, to Ruoth notiyo kodgi kendo nosiro wachne gi honni mane oluwore kod yalo.
1 Ji mang'eny osebedo ka chano weche mane otimore e dierwa, 2 Mana kaka nochiwgi ne wan kod jogo motelo mane joneno wang'giwang kendo jotich wach. 3 Kuom mano, an bende kaka asenono tiend wechegi malong'o nyaka a chakruok, en gimaber bende mondo andik ni e yo mochanore maler, in mulour Theofilo. 4 Mondo ing'e adier mar gik mosepwonji.
Nyuol Johana Jabatiso Onyis Motelo
5 E ndalo ma Herode ruodh Judea, ne nitie jadolo ma nyinge Zakaria, ma ne en achiel kuom oganda jodolo mag Abija; chiege Elizabeth bende ne nyar dhood Harun. 6 Gi duto jariyo ne gin joma kare nyim Nyasaye, ne girito chike madongo gi matindo mag Ruoth Nyasaye, maonge ketho. 7 To ne gi onge gi nyithindo, nikech Elizabeth ne migumba, kendo gin jariyo-go hikgi: nose niang' 8 Chieng' moro kane oganda gi Zakaria ne ni e tich to notiyo kaka jadolo e nyim Nyasaye, 9 Noyiere gi ombulu kaka chik mar jodolo, mondo odonji ei hekalu mar Ruoth kendo owang ubani. 10 To ka sa mar wang'o ubani ochopo, jolemo duto nochokore oko kendo negilamo. 11 Eka malaika mar Ruoth Nyasaye nofwenyorene, kochungo bath kendo mar ubani korachwich. 12 Kane Zakaria onene, ne obwok kendo luoro nomake. 13 To malaika nowachone ni kik ibed maluor, Zakaria; lamoni osewinji chiegi Elizabeth biro nyuoloni wuowi, kendo inichake Johana. 14 Obiro bedo ni mor kod ilo, to ji mang'eny nomor nikech nyuolne, 15 Nimar enobed ng'at maduong' enyim Ruoth. Ok nomadh kong'o kata math moro makech, to enopong'gi Roho maler chakre nynolne. 16 Obiro kelo jo Israel mang'eny ir Ruoth Nyasachgi. 17 Kendo notel nyim Ruoth, gi chuny kod teko mar Elijah, koduogo chunje wuone ir nyithindgi, kendo koloko joma wigi tek mondo oluw rieko mar ji makare- loiko oganda mowinjore ni Ruoth. 18 Zakaria nopenjo malaika niya," Ere kaka" dang'e "ni wachni en adier? An ng'at moti kendo chiega bende hike oni-ang'." 19 Malaika nodwoko ni, "An Gabriel, achungo e nyim Nyasaye, kendo oseora mondo awuo kodi kendo nyisi wach maberni. 20 To koro ibiro bedo momo kendo ok iniwinj nyaka ndalo ma gini notimre, nikech ne ok iyie wechena, mabiro bedo adiera e kindegi mowinjore. 21 E kindeno, ji nerito Zakaria kendo negiwuoro ni ang'o momiyo osebedo aming'a ei Hekalu. 22 Kane owuok oko, ne ok nyal wuoyo kodgi. Neging'eyo ni nose-neno fweny ei Hekalu, nimar nosiko konyisogi gik moko gi lwete to neok onyal wuoyo. 23 Ka kindene mar tich norumo, nodok dala. 24 Bang' mani chiege Elizabeth nomako ich to kuom dweche abich neok owuok oko. 25 Nowacho ni "Ruoth Nyasaye osetimona ma," E ndalogi osenyiso ng'wonone kuoma kendo ogolana wichkuot e kind ji."
Nyuol Yesu Onyis Motelo.
26 E dwe mar auchiel, Nyasaye nooro malaika Gabriel odhi Nazareth, taon manie Galili. 27 Ir nyako moro mane pok ong'eyo dichwo, mane osesingore mondo okende gi ng'ato ma nyinge Josef ma nyakwar Daudi. Nying nyakono mapok ong'eyo dichuo ne en Mariam. 28 Malaika nodhiyo ire momoseni "Amosi, in jal mokechi moloyo! Ruoth ni kodi." 29 Wechego nochando chuny Mariam ahinya, to nowuoro mos mane omosegono, ni tiende ang'o. 30 To malaika nowachone ni " Kik iluor Mariam, nikech Nyasaye osetimoni ng'wono. 31 Ibiro bedo gi nyathi kendo ininyuol wuowi, to inimiye nying ni Yesu. 32 Obiro bedo maduong' kendo noluonge Wuod Ngat Mamalo Moloyo, Ruoth Nyasaye biro miye kom loch mar kwar mare, Daudi. 33 To enobed gi loch kuom od Jakobo nyakachieng' lochne ok anarum ngang'." 34 Mariam nopenjo malaika ni; " Mani biro bedo nadi," "to pod an nyako mapok ong'eyo dichwo?" 35 Malaika nodwokoni, "Roho Maler biro, biro kuomi, kendo teko mar Ng'at ma malo moloyo biro umoi. Kuom mano jal maler monego nyuol ibiro luongo ni Wuod Nyasaye. 36 Bende ng'eni Elizabeth ma watni biro bedo gi nyathi e hike moni-ang, to jalo mane iluongo ni migumba no, koro en gi ich mar dweche auchiel. 37 Nimar onge gima nyalo tamo Nyasaye." 38 Mariam nodwoko ni, "An jatich Ruoth, onego timre kaka iwacho." Eka malaika noweye.
Mariam Olimo Elizabeth.
39 E kindeno Mariam noikore mowuok mapiyo kodhi e piny motimo gode mar Judea, 40 Kama nodonjo e dala Zakaria kendo nomoso Elizabeth. 41 Ka Elizabeth nowinjo mos mar Mariam nyathi notugo e iye kendo Elizabeth nopongi' Roho Maler. 42 Gi duol maduong nomor kowa-choni, "In jal moguedhi kuom mon, kendo oguedhi nyathi ma ibiro nyuolo! 43 To ango momiyo obed manguon koda; momiyo min Ruodha dibi ira? 44 Piyo piyo nono ka mosni ochopo e ita, nyathi manie iya notugo gi mor. 45 Oguedhi jal no moseyie ni gima Ruoth osewachone ibiro timo."
Wende Mariam
46 To Mariam nowacho niya, "chunya opako Ruoth 47 Kendo chunya oil kuom Nyasaye Jawarna, 48 Nimar oseparo dhier mar jatichne chakre kawuounoni tienge duto biro luonga ni mogwedhi. 49 Nimar Jal Maratego osetimona gik madongo Nyinge ler. 50 Kechne, chopo kuom jogo moluore a tieng' ka tieng'. 51 Osetimo timbe madongo gi bade, okeyo jogo masungore e parogi maiye. 52 Osegolo ruodhi e kombegi to oset-ing'o malo jomamuol 53 Oseyiengo jokech gi gik mabeyo to oseriembo jomwandu gi lwetgi nono. 54 Osekonyo jatichne Israel, koparo bedo mang'won. 55 Ne Abraham kod nyikwaye nyakachieng', mana kaka nowacho ni kwerewa." 56 Mariam nobet gi Elizabeth kuom dweche madirom adek to eka nodok thurgi.
Nyuol Mar Johana Jaabatiso
57 Kane en kinde mane Elizabeth onego yudie nyathi, nonyuolo nyathi ma wuowi. 58 Jcgweng' kod wedene nowinjo ni Ruoth Nyasaye osetimone kech maduong' mi gimor lode. 59 Chieng' mar aboro negibiro mondo gi ter nyathi nyangu kendo ne gidwaro chake nying wuon-gi Zakaria, 60 to min-gi nowuoyo kendo wacho ni, "Ooyo! Ibiro luonge ni Johana." 61 Ne giwachone ni, "Onge ng'ato moro kuom wedeni man-gi nyingni." 62 Eka ne giwuoyo gi woun mare gi lwetgi, mondo giyud ni en nying mane madoher luong nyathi. 63 Nokwayo bao mar ndiko kendo ji duto no wuoro ka nondiko ni, "Nyinge en Johana." 64 Gikanyono dhoge noyawore kendo lewe nogonyore, to nochako wuoyo, kopako Nyasaye. 65 Luoro nomako jog-weng' duto, kendo ji duto manie piny gode Judea ne loso kuom gigi duto. 66 Ng'ato ka ng'ato manowinjo mani newuoro mani, kapenjo ni, "Nyathini biro bedo machal nadi?" Nimar lwet Ruoth ne ni kode.
Wend Zakaria
67 Wuon mare Zakaria nopong' gi Roho Maler kendo nokoro wach kama: 68 Pak obed ni Ruoth Nyasach Isarel; nikech osebiro kendo osereso joge. 69 Osechungonwa tung' mar warruok marwa, e od jatichne Daudi. 70 (kaka nowacho gi dho jonabige maler mag ndalo machon). 71 Warruok ae lwet wasikwa, kendo ae lwet jogo duto mamon kodwa- 72 onyis kech ni kwerewa, kendo opar singruokne maler, 73 singruok mane okwong'orego ni kwarwa Ibrahim: 74 mondo oreswa e lwet wasikwa kendo miyo watine maonge luoro, 75 e ler kod tim makare e nyime ndalowa duto. 76 To in, nyathina, ibiro luongi ni janabi mar Ng'at Man Malo Moloyo, nimar ibiro telo nyim Ruoth mondo iik ne yo, 77 kendo imi joge ng'eyo mar warruok kuom weruok mar richogi, 78 nikech ng'wono mamuol mar Nyasachwa, ma chieng' mawuok biro go irwa koa e polo. 79 mondo orieny kuom jogo modake mudho, kendo nie tipo mar tho, mondo otel ni tiendwa e yor kuwe." 80 To nyathi nodongo kendo nobedo motegno e chuny; to nodak e thim nyaka nonyisore ratiro e nyim Israel.
Nyuol Mar Yesu
1 E ndalogo, Kaisar Agusto nogolo chik mondo okwan ji e piny Rumi duto. 2 Ma ne en kweno mokwongo mano timore ka Kwirinio ne en ruodh Siria. 3 To ng'ato ka ng'ato nodhi e taondgi owuon mondo ondik nyinge. 4 Kuom mano, Josef bende noa taon mar Nazareth, Galili modhiyo Judea nyaka Bethlehem taon mar Daudi, nikech ne en achiel kuom joodgi kendo anyuola gi Daudi. 5 Nodhiyo kuno mondo okwane kod Mariam, mane osingore mondo okendi, kendo nogeno yudo nyathi. 6 Kane gin kuno, kinde mar nyuolo nyathi nochopo, 7 to nonyuolo nyathine makayo, ma wuowi. Ne o boye gi nanga kendo nokete e sanduk mar chiemb dhok, nikech neonge od welo.
Jokwadh Rombe Kod Malaike
8 To ne nitie jokwadh rombe manodak oko e lek machiegini kanyo, kagirito jam-bgi gotieno. 9 Malaika mar Ruoth nobiro irgi kendo duong' mar Ruoth Nyasaye norieny molworogi, mi negi luor. 10 To malaika nowachonigi niya "Kik uluor. Akelonu wach maber mar ilo maduong' mabiro bedo niji duto. nKawuononi e taon mar Daudi, Jawar osenyuolnu; en Kristo Ruoth. 12 Mani nobednu ranyisi: Ubiro yudo nyathi ma obo gi nengni ka onindo ei sanduk mar chiemb dhok. 13 Apoya nono oganda maduong' mar jopolo nothinyore kod malaika kagipako Nyasaye kendo wachoni, 14 Duong' ni Nyasaye man e polo kendo e piny, kuwe niji ma ng'wonone ni kuom gi." 15 Kane malaika noseweyo jogi kendo dhiyo e polo jokwath nowacho kendgi ni, wadhiuru Bethlehem mondo wane gima osetimore, ma Ruoth osenyisowa kuome ni." 16 Kuom mano ne gidhiyo mapiyo kendo negiyudo Mariam gi Josef kod nyathi konindo e sanduk mar chiemb dhok. 17 Kane gisenene, negilando wach mar gima ne owachnigi kuom nyathini, 18 Kendo ji duto manowinjo wachni, no wuoro gima jokwath nowachonigi. 19 To Mariam nokano gigi duto kendo parogi e chunye. 20 Jokwath nodok, kagi pako Nyasaye kendo miyo Nyasaye duong' kuom gik moko duto manegisewinjo kendo neno, mane obed mana kaka nosenyisgi.
Oter Yesu E Hekalu
21 Chieng' ndalo mar aboro kane kinde monego otere nyangu ochopo nomiye nying ni Yesu, nyingno mane malaika osemiye kapok omak ichne. 22 Kane kinde ochopo ma pwodhruok kaka Chik mar Musa nochopo, Josef gi Mairam notere Jerusalem mondo gichiwe ni Ruoth. 23 Mana kaka ondiki e chik mar Ruoth ni, "Nyathi ka nyathi makayo ma wuowi nyaka wal ni Ruoth." 24 Kendo kitimo misango koluwore gi gima owachi e Chik mar Ruoth ni mondo ochiw: akuche ariyo kod akuche odugla matindo ariyo." 25 E kindeno ne nitiere ng'ato Jerusalem miluongo ni Simeon, ne en ng'at makare kendo moluoro Nyasaye, norito loch mar Israel, kendo Roho Maler neni kuome. 26 Nosefwenyne gi Roho Maler ni ok obi tho kapok oneno Kristo mar Ruoth. 27 Kotere gi Roho, nodhiyo ei agolni mag Hekalu. Kane jonyuol okelo nyathi, Yesu, mondo otimne gino ma Chik dwaro, 28 Simeon nokawe moriwe e bade kendo nopako Nyasaye, kowacho niya: 29 "Ruoth majaloch, kaka ne isesingo, koromi igony misumbani gi kuwe, 30 Nimar wengena oseneno warruokni, 31 miseiko e nyim ji duto, 32 ler mar fweny ni Ogendini ma ok jo Yahudi, to mar duong' ni jogi Israel. 33 Wuon gi min nyathi no wuoro kuom gima ne owach kuome. 34 Eka Simeon noguedhogi kendo nowacho ni Miriam, min mare niya; " Nyathini oketi mondo okel podho gi chung' mar ji mang'eny e Israel, kendo obed ranyisi mibiro wuoyo kuome kikwedo. 35 Kuom mano paro mag chunje mang'eny ibiro fwenyo. To ligangla biro chuoyo chunyi in iwuon bende." 36 Ne nitie janabi madhako bende, Ana, nyar Fanuel ma ja-dhood Asher. Ne oti ahinya bende noyudo osedak gi chuore higini abiriyo bang' kendne, 37 Eka nobedo chi liel nyaka koro ne en jahigni piero aboro gang'wen. Ne ok oa e Hekalu to nolemo otieno gi odiechieng', koriyo kech kendo olamo. 38 Kobiro irgi gie kindeno, nogoyo erokamano ni Nyasaye kendo nowuoyo kuom nyathi ni ji duto mane ogeno kuom resruok mar Jerusalem. 39 Kane Josef gi Mariam jo setimo duto manedwarore koluwore gi chik mar Ruoth, negidok Galili e taon margi Nazareth. 40 To nyathi nodongo kendo nobedo motegno; nopong' kod rieko, kendo ng'wono mar Nyasaye ne ni kuome
Wuowi Yesu Ni E Hekalu
41 Higa ka higa jonyuolne nedhiyo Jerusalem e Sawo mar Pasaka. 42 Kane en jahigini apar gariyo, negidhiyo e Sawono koluwore kod timgi. 43 Bang' ka sawono norumo, ka jonyuolne nedok dala, wuowi Yesu nodong' chien e Jerusalem, to neok ging'eyo mani. 44 Kagiparo ni ne en ei oganda margi, negiwuotho moromo ndalo achiel eka negichako manye e dier wedegi kod osiepe. 45 Kane ok giyude, negidok Jerusalem mondo gimanye. 46 Bang' ndalo adek negiyude ei agolni mag hekalu, kobedo e kind jopuonj, kow-injogi kendo penjogi penjo. 47 Ng'ato ka ng'ato manowinje nowuoro ng'eyone kod dwokoge. 48 Kane jonyuolne nonene, negi hum. Min mare nowachone ni, "Wuowi, ang'o momiyo isetimonwa kamani? Wuonu kod an wasedwaroi gi luoro." 49 Nopenjogi ni, "Ang'o momiyo neu-manya?" "Ok ung'eyo ni onego abed e od wuora?" 50 To neok ging'eyo gima ne owachonigi. 51 Eka nodhiyo nyaka Nazareth kodgi kendo nomiyogi luor kowinjogi. To min mare nokano gigi duto e chunye. 52 To Yesu nodongo gi rieko kod medruok e ringruok, kendo e ng'wono gi Nyasaye kod ji.
Johana Jabatiso Loso Yo
1 E higa mar apar ga abich mar loch Kaisar Teberio- kane Pontias ne jaloch mar Judea, Herode ruodh Galili, mowadgi Filipo ruodh Iturea gi mar pinje mag Trakoniti, to Lusania ne ruodh Abilene, 2 E kinde ma dolo maduong' ma Anas gi Kaifa wach Nyasaye ne obiro ni Johana woud Zakaria e thim. 3 Nodhiyo e piny duto moluoro Jordan, noyalo batiso mar lokruok mar weyruok mar richo. 4 Kaka nondiki e kitabu mar weche mag Isaya janabi ni: "Duol mar nga'to kok e thim kowacho, 'Ikuru yor Ruoth, rieuru tir yorege. 5 Hoho ka hoho nobugi mapong', gode modongo gi matindo nodok piny, yore mobam biro bedo moriere, yore motimo gogni nobed mayom 6 Kendo ji duto biro neno warruok mar Nyasaye'" 7 Yohana nowacho ni oganda mane biro mondo obatisgi ni, "Un nyithind thuonde! Ng'ano mane osiemou mondo uring ua kuom mirima mabiro? 8 Nyaguru olemo momanyore gi lokruok. To kik uchak uwach kendu uwegi ni, "Wan-gi Ibrahim kaka wuonwa." Nimar awachonu ni kata mana kuom kitegi Nyasaye nyalo loko nyithind Ibrahim. 9 Le oseketi e tiend yiende, to yien moro amora maok nyag olemo mabeyo ibiro ng'olo igo piny kendo iwito e mach." 10 Oganda nopenje ni, "Kara En ang'o monego watim?" 11 Johana nodwoko ni, "Ng'at man-gi sede ariyo owinjore chiw achiel okonygo nyawadgi ma ongego, kendo jamo man kod chiemo bende onego tim kamano." 12 Josol osuru bende nobiro ire mondo obatisgi. Negipenjeni, "Japounj. En ang'o mowinjore watim?" 13 Nonyiso ni, "Kik usol osuru moloyo kaka id waro ni mondo usol." 14 Eka askeche moko nopenje ni, "To en ang'o mowinjore watim." Nodwokogi ni," Kik urna ng'ato pesa gi thuon kata donjo ne ji gi miriambo to misara maru muyudo mondo oromu." 15 Ji ne pod rito gi geno ahinya kendo giduto ne giwuoro kagiparo e chunjegi ni nyalo bedo ni Johana e Kristo. 16 Johana nodwokogi duto ni, "An abatisou gi pi. To ng'ato man-gi teko maloya biro biro, ma tond wuochege ok awinjora gonyo. En obiro batisou gi Roho Maler to kod mach. 17 Rapiedhi nie lwete mondo opiedhgo cham duto maler e kar dino cham, kendo ochok cham koketo e deche, to obiro wang'o mihudhi gi mach maok rum." 18 To gi weche moko mang'eny Johana nojiwo ji kendo noy alo wach maber niji. 19 To ka Johana nokwero Herode ma ruoth nikeh wach Herodia, ma chi owadgi, kendo kuom gik mamoko maricho mane osetimo, 20 Herode nomedo timo gima rachie moloyo kendo nomako Johana kendo tweye e jela.
Batiso Gi Anywola Mar Yesu
21 Kane ibatiso ji duto, Yesu bende ne obatisi. To ka nolamo, polo noyawore 22 kendo Roho Maler nolor mopiyo kuome machal gi akuru to dwol noa e polo mawacho niya, "In e Wuoda, ma ahero; chunya mor kodi." 23 Koro ka Yesu owuon ne romo kar higni piero adek, eka nochako tichne. Ne iparo nine en wuod Josef, wuod Eli 24 wuod Mathat, wuod Lawi, wuod Melki, wuod Janai, wuod Josef 25 wuod Matathia, wuod Amos, wuod Nahum, wuod Esli, wuod Nagai 26 wuod Maath, wuod Matathia, wuod Semein, wuod Josek, wuod Joda, 27 Wuod Joanan, wuod Resa, wuod Zerubabel, wuod Shaltiel, wuod Ner, 28 wuod Melki, wuod Adi, wuod Kosam, wuod Elmada, wuod Er, 29 wuod Joshua, wuod Eliezer, wuod Jorim, wuod Mathat, wuod Lawi. 30 Wuod Simeon, wuod Juda, wuod Josef, wuod Jonam, wuod Eliakim, 31 wuod Melea, wuod Mena, wuod Matatha, wuod Nathan, wuod Daudi. 32 Wuod Jesse, wuod Obel, wuod Boaz, wuod Solmon, wuod Nashon. 33 Wuod Aminadab, wuod Admin, wuod Amir, wuod Hezron, wuod Perez, wuod Juda. 34 Wuod Jakobo, wuod Isaka, wuod Ibrahim, wuod Tera, wuod Nahor, 35 wuod Senrg, wuod Renu, wuod Peleg, wuod Eber, wuod Shela, 36 wuod Kainan, wuod Arfaksad, wuod Shern, wuod Nowa, wuod Lamek, 37 wuod Methusela, wuod Enoka, wuod Jared, wuod Mahalalel, wuod Kenan, 38 wuod Enos, wuod Seth, wuod Adam, wuod Nyasaye.
Tem Mar Yesu
1 Yesu, kopong' gi Roho Maler, noa Jordan, kendo notelne gi Roho e thim. 2 Kuom ndalo piero ang'wen ne ok ochamo gimoro e ndalogo duto, to bang' ndalogo koserumo kech nekaye. 3 Satan nowachone ni, "Ka in Wuod Nyasaye, nyis kidini olokre kuon." 4 Yesu nodwokoni, "Ondiki ni, 'Dhano ok bed mangima nikech kuon kende." 5 Eka Satan notere kama oting'ore malo kendo ka diemo wang' nono nonyise pinje ruodhi duto mag piny. 6 To nowachone niya, "Abiro miyi lochgi duto gi duong'gi, nimar osemiyagi, kendo anyalo chiwogi ni ng'ato ang'ata, madwaro. 7 Emomiyo ka igoyo chongi nyima maila-ma, magi duto biro bedo magi. 8 Yesu nodwoke ni, "Ondiki ni, Lam Ruoth Nyasaye kendo en kende ema itine. 9 Eka satan notere Jerusalem kendo nomiyo ochungo e osuch kama bor malo mar Hekalu. Eka nowachone ni, "Ka in Wuod Nyasaye, dirri piny kia ka. 10 Nimar ondiki ni, "Obiro chiko malaikage nikech in mondo oriti maber, 11 giniting'i e bedegi, mondo kik ichwany tiendi e kidi," 12 Yesu nodwoko ni, "Owachi ni, kik item Ruoth Nyasachi. 13 Kane Satan osetieko temgi duto, noweye nyaka thuolo moro machielo.
Yesu Okwedi E Nazareth
14 Yesu nodok Galili e teko mar Roho, kendo wachne nolandore e gwenge duto mar piny. 15 Nopuojo e sunagokegi, fendo ji duto nopake. 16 Nodhiyo Nazareth kuma nopidhee modongoe, kendo chieng Sabato nodhiyo e sunagogi, kaka nobedo kite kendo nochungo mondo osom. 17 Nomiye kitap Isaya janabi ka oelogo, noyudo kama nondikie ni: 18 "Roho mar Ruoth ni kuoma, nikech osewira moyiera mondo ayal wach maber ne joma odhier. Oseora mondo aland ni joma otwe ni gin thuolo kendo ni muofni ni oyaw wengegi, mondo ogony jogo misando 19 Kendo lando higano mar ng'wono mar Ruoth." 20 Eka noumo kitabuno, minochiwe ni jatich, kendo nobedo piny wenge ji duto e sunagogi neng'iye matek, 21 To nochako kowachonigi niya, "kawuono ndikoni chopo kare ka uwinjo." 22 Ji duto nowuoyo maber kuome kendo negiwuoro ahinya weche mag ng'wono manowuok e dhoge. Negipenjo " Mani donge e wuod Josef?" 23 Yesu nowachonigi ni, "Adier chutho ubiro wachona ngero ni in Jathieth, changri iwuon! Tim e dalau ka gigo mawasewinjo ni ne itimo Kapernaum." 24 Nodhiyo nyime kowacho, "Awachonu adiera, onge janabi mirwako e dalagi owuon. 25 Adier awachonu ni netie mond liete mang'eny e Isarel e kinde mar Elija, kane polo olor kuom higini adek ginus kendo ne nitie kech mager e piny kuonde duto. 26 To kata kamano ne ok oor Elija ir moro kata achiel kuomgi, to makmana chi liel e dala mar Zarefath e gweng' Sidon. 27 Bende ne nitie ji mang'eny e Israel manenigi dhoho e kinde mar Elisha janabi to onge kata achiel mane opwodhi mak mana Naaman kende, ja-Siria." 28 Ji duto mane nie Sunagogi mirima mager nomakogi kane giwinjo wechegi. 29 Ne gia malo minegiriembe gigole oko mar taon kendo tere e geng got kama nogerie taon-no mondo gidhire piny: kathirathira, 30 Kata kamano nowuotho awuo tha kokadho e kind oganda kendo odhiyo kuma nodhiyoe.
Yesu Oriembo Jachien Oko
31 Eka nodhiyo Kapernaum, taon manie Galili, kendo chieng' Sabato nochako puonjo ji. 32 Negiwuoro puonjne, nikech wechene ne nigi teko. 33 To e sunagogi ne nitie ng'ato moro mane nigi jachien. Noywak kogoyo koko matek niya, 34 "En ang'o midwaro timo kodwa, Yesu Ja Nazareth? Isebiro mondo itiekwa? Ang'eyo in ng'a, ng'at Maler mar Nyasaye!" 35 Yesu nokwere matek niya, "Ling' thi, wuogi ia kuome". Eka jachien nogoyo ng'atno piny e nyimgi duto kendo nowuok maok ohinye. 36 To ji duto nowuoro kendo wacho ni ng'ato ka ng'ato ni, "Ma puonj ma nade? Giteko maduong kod loch ochiko chunje maricho kendo gi wuok gi aa. 37 To wachne ne olandore e aluora duto kuonde mokiewo gi gweng' mane entie.
Yesu Chango Ji Mang'eny
38 Yesu noa e sunagogi kendo nodhiyo e dala Simon. Koro maar Simon netuo tuo mar midhusi matek, kendo negikwayo Yesu mondo okonye. 39 Omiyo nodhiyo mokulore bute kendo nochiko midhusi, mondo oa kendo midhusi noweye. Nochungo mapiyo kendo nochako miyogi chiemo. 40 Kane chieng' podho, ji nokelo ni Yesu ji duto mane nigi tuoche kido mayoreyore, kendo noketo lwetene kuom moro kamoro, mochangogi. 41 Moloyo mano, jochiende nowuok oaa kuom ji mang'eny, kagoyo koko ni, "In e Wuod Nyasaye!" To nokwerogi kendo ne ok oyienigi mondo giwuo, nikech neging'eyo ni en e Kristo. 42 Kane piny oru, Yesu nodhiyo kar kende. Ji ne manye to kane gibiro kama ne entie, negitemo tame mondo kik owegi. 43 To nowacho niya," Nyaka ayal wach maberni mar Pinyruoth Nyasaye e taonde moko bende, nikech ma e momiyo noora." 44 To nodhiyo nyime koyalo e sun-agoge mag Judea.
Luong Mar Jopuonjre Mokwongo
1 Chieng' moro achiel, ka Yesu nochungo but nam mar Genesaret, kendo ji kochokore moluore kendo winjo wach Nyasaye 2 Noneno yiedhi ariyo e dho wath, mane owe kanyo gi jolupo mane lwoko tondegi. 3 Nodonjo ei achiel mag yiedhigo, achiel mane mar Simon, mi nokwaye mondo okwang'e matin oa e dho wath. Eka nobedo piny kendo puonjo ji ka enie yie. 4 Kane osetieko wuoyo, nowachone Simon ni, "Kiew yie odhi e chuny pi ka matut, mondo uchik tondeu omak rech." 5 Simon nodwoke, "Ruoth, wasetiyo matek otieno mangima to ok wasemako gimoro. To nikech iwacho kamano, abiro chiko tonde." 6 Kane gisetimo kamano, ne gimako rech mang'eny ma koro tonde ne chako yiech. 7 Kuom mano, ne gigwelo joweti-gi mane nie yie machielo mondo obi okonygi, to kane gibiro tone gipong'o yiedhi ariyogo mopong' thich ma koro ne gichako nimo. 8 Kane Simon Petro oneno mani, nopodho e tiend Yesu, mowacho niya, "Dhiyo iaa kuoma Ruoth, An ng'at ma jaricho! 9 Nimar en kaachiel gi joma ne en-go duto nowuoro nikech rech mane -gimako, 10 Kamano, Jakobo gi Johana ma yawuot Zebedi mane jotiyo gi Simon bende nowuoro Eka Yesu nowacho ni Simon niya, "Kik iluor; chakre tinendeni ibiro bedo jaywa-ji." 11 Kuom mano negiketo yiegi oko e dho wath, negiweyo gik moko duto kendo ne giluwe.
Ng'at Man-gi Dhoho
12 Kane Yesu ne nie e taon achiel moro, ng'ato nobiro ma dhoho omako dende duto, kane oneno Yesu, nopodho piny ka okulore e lowo kendo nosaye ni, "Ruoth, ka iyie, inyalo miyo abed maler." 13 Yesu norieyo lwete momulo ng'atno. Nowachone niya, "Ayie. Bed maler! Gikanyono dhoho noa kuome. 14 Eka Yesu nochike ni, "Kik inyis ng'ato to dhiyo, mondo inyisri iwuon e nyim jadolo kendo ichiw misengini ma Musa nochiko nikech puodhruokni, mondo obed ranyisi ne gin. 15 To kata kamano humbe nomedo lan-doree moloyo, momiyo oganda mag ji nobiro winje kendo mondo ochang tuochegi. 16 To Yesu ne thoro dhiyo kuonde machil ma en kende mondo olem.
Yesu Ochango Jathany
17 Chieng' moro kane opuonjo, Jo-Farisai gi Jopuonj mag chik, mane oa e mier duto mag Galili gi Judea kod Jerusalem, nobedo kanyono, To teko mar Ruoth ne nikode mondo ochang jotuo. 18 Ji moko nobiro kotingo jadhoho e par kendo negitemo mondo gitere ei ot mondo gikele e nyim Yesu. 19 To kan ok ginyal yudo yo mar timo kamauno nikech oganda, negiidho e witado kendo powo witado, eka negilore e pare e dier oganda e nyim Yesu. 20 Kane Yesu oneno yiegi, nowa-choniya, "Osiepa, richoni oweni." 21 Jofarisai gi Jopunj mag Chik nochako paro kendgi giwegi ni, "Mani to ngano ma wacho, wach marach kuom Nyasaye? Ng'ano manyalo weyo richo mak mana Nyasaye kende? 22 Yesu nong'eyo gima giparo kendo nopenjogi ni, "Ang'o momiyo uparo gigi e chunyu?" 23 Ere mayot wacho, 'Richoni oweni, koso wacho ni, 'Chung kendo iwuothi? 24 To mondo omi ung'e ni Wuod Dhano ni gi teko e piny mar weyo richo... Nowacho ni jathany ni, "Awacho ni, chung, kaw pari kendo idhi dala." 25 Gikanyono nochungo nodhiyo dala kopako Nyasaye. 26 Ji duto nowuoro kendo negichiwo pak ni Nyasaye. Negiwuoro ahinya kendo negiwacho ni, "Waseneno gik malich kawuono."
Luong Mar Lawi
27 Bang' mani, Yesu nowuok odhi oko kendo noneno jasol osuru ma nyinge Lawi kobedo kar choko Osuru. Yesu nowachone ni, "Luwa". 28 To Lawi noa malo, moweyo gik moko duto kendo noluwe. 29 Eka Lawi noloso nyasi mar rwak ni Yesu e ode, oganda maduong' mar josol osuru kaachiel gi ji mamoko nechiemo kodgi. 30 To Jofarisai gi Jopuonj mag Chik mag dini margi neng'ur ni jopuonjrene ni, "Ang'o momiyo uchiemo kendo metho gi josol osuru kod joricho? 31 Yesu nodwokogi ni, "Ok jomangima ema dwaro jathieth, to jomatuo. 32 Ok asebiro mondo aluong jomakare, to mana joricho mondo gilokre."
Yesu Openji Kuom Wach Tueyo Chiemo
33 Negiwachone ni, "Jopuonjre Johana ne thoro tueyo chiemo kendo lamo, to bende jopuonjre mag Jofarisai timo kamano, to magi dhiyo mana nyime gi chiemo kendo metho." 34 Yesu nodwoko ni, "Bende inyalo miyo wend wuon kisera otwe chiemo ka en kodgi?" 35 To ndalo biro biro ma wuon kisera nogol kuomgi, e ndalogo gibiro tueyo chiemo. 36 Eka nogoyonigi ngeroni ni; " Onge ng'ama nyalo yiecho dir law manyien kendo otwang'e kuom mano moti. Ka otimo kamano, obiro bedo ni oyiecho law manyien, to dir law matin mar law manyien ok bi winjore kod machon. 37 Bende onge ng'ama olo divai manyien e ndede moti. Ka otimo kamano, divai manyien biro yiecho ndede go, divai biro pukore kendo ndede biro kethore. 38 Ooyo, divai manyien nyaka oliee ndede manyien. 39 To onge ng'ama bang' madho divai machon dwaro divai manyien, owacho ni " machon ber moloyo."
Ruodh Sabato
1 Chieng' Sabato moro, Yesu nowoutho e puothe mag ngano, kendo jopuonjrene nochako jako wi ngano, negidunyogi e lwetegi mi, gi chamo ngano. 2 Jofarisai moko nopenjo ni, "Ang'o momiyo utimo gima chik okwero chieng' Sabato"? 3 Yesu nodwokogi niya, "Pok ne usomo gima Daudi notimo kaachiel gi jogo mane nikode ka kech nekayogi? 4 Nodonjo e od Nyasaye, kendo nokawo makati miketo e nyim Nyasaye, nochamo gima chik oyie ni jodolo kende ema chamo. Kendo nochiwo moko ne jogo mane ni kode." 5 Eka Yesu nowachonigi niya, "Wuod Dhano en Ruodh Sabato." 6 Chieng' Sabato machielo nodhiyo ei sunagogi kendo nopwonjo, to ng'ato neni kanyo ma lwete korachwich notal. 7 Jofarisai kod Jopuonj mag Chik ne dwaro gimoro ma dimi gidonjnego Yesu, omiyo ne ging'iyogo machiegni, mondo gine ka dochang' chieng' Sabato. 8 To Yesu nong'eyo gima negiparo eka nowacho ni ng'atno mane lwete otal ni, "Aa malo kendo chungi e nyim ji duto." Kamano noa malo mi ochungo kanyono. 9 Eka Yesu nowachonigi niya, "Apenjou, ere gima owinjore gi chik chieng' Sabato, timo maber koso timo marach, reso ngima koso kethe"? 10 Norangogi duto, to eka nowachoni ng'atno niya, Rie lweti oko." Notimo kamano, to lwete nochango chutho. 11 To negikecho kendo negichako wuoyo ng'ato gi ng'ato kuom gino ma digitim ni Yesu.
Jopuonjre Apar Gariyo
12 Chieng' moro achiel Yesu nowuok modhi mo kare gi got mondo olem kendo nobedo otieno mangima kolamo Nyasaye. 13 Kane okinyi ochopo, noluongo jopuonjre ire kendo noyiero apar gariyo kuomgi, mane owalo obedo joote. 14 Simon (mane omiyo nying ni Petro); gi owadgi Andrea, Jakobo, Johana, Filipo, Bathlomayo, 15 Mathayo, Thoma, Jakobo wuod Alfayo, Simon mane iluongo ni Jakedo ni piny, 16 Juda wuod Jakobo, gi Juda Ja Iskariot, mane obedo jandhok.
Gweth Gi Kuong'
17 Nolor kodgi piny kendo nochungo kama opie. Oganda maduong' mar jopuonjrene ne nikanyo to kod ji mang'eny moa kuonde duto mag Judea, moa Jerusalem, kendo moa e dho nam mar Turo gi Sidon, 18 mano biro mondo giwinje kendo ochang midekregi. Jogo mane jochiende thago nochangi, 19 To ji duto notemo mondo omule, nikech teko ne aa kuome kendo changogi duto, 20 Kong'iyo jopuonjrene, nowacho niya, "Un Joma ogwedh jogo modhier, nimar piny Ruoth Nyasaye en maru. 21 Un joma ogwedhi joma kech kayo koroni, nimar ubiro yieng'. 22 Un jogo mogwedhi ka ji himou, ka gik-wedou kendo jarou kendo gidagi nyingu ka rach, nikech Wuod Dhano. 23 "Beduru mamor e ndalono kendo chikreuru ka uil, nikech poku duong' e polo. Nimar mano e kaka kweregi notimo ni jonabi. 24 "To okuong'u un jomwandu nimar useyudo poku 25 "Okuong'u un jomayieng' maber e kindeni, nimar ubiro bedo modenyo, Okuong'u un jogo manyiero koroni, nimar ubiro kuyo kendo ywak. 26 Okuong'u ka ji duto wuoyo maber kuomu, nimar mano e kaka kweregi notimoni jonabi ma jomiriambo.
Hera Ni Wasigu
27 To owachonu un joma mawinja ni: Heruru wasiku, timuru maber ni joma mamon kodu. 28 Guedhuru joma kuong'ou lamuru ni joma sandou. 29 Ka ng'ato othalo lembi konchiel, to lokne komachielo bende. Ka ng'ato okawo koti-ni, kik itame kawo sadi. 30 Miuru ji duto makwayou, to ka ng'ato okawo gimoro mari, kik idwar ni mondo oduoknigo. 31 Timuru niji mamoko mana kaka duher mondo gin bende gitimnu. 32 Ka uhero joma oherou, en ohala manadi kuomu? Mana, kaka joricho ohero mana joma oherogi. 33 To ka utimo maber ni joma timonu maber, en ohala manadi kuomu? Kata mana joricho' timo kamano. 34 To ka uholo mana joma un gi adier ni biro dwokonu, en ohala manadi kuomu? Kata mana joricho' holo mana joricho' kagigeno ni ibiro chulogi duto. 35 To heruru wasiku, tim negiuru maber, kendo holgiuru ka ok ugeno ni ubiro yudo gimoro bang'e. Eka poku biro bedo maduong' kendo ubiro bedo yawuot Ng'ama Malo moloyo, nikech ong'won ni jogo ma ok go erokamano kendo jomari-cho. 36 Beduru mang'won, mana kaka Wuoru ng'won
Ng'ado Bura Ni Joma Moko
37 Kik ung'ad, bura kendo bi ok ng'ad-nu bura. Kik ukuong' ji, to ok bi kuong'u. Weuru ni ji richogi, to ibiro weyonu richou. 38 Chiwuru, to ibiro chiwonu. Ubiro yudo rapim maber, moiki kendo motiel mapong' thich, kendo oo oko. Nimar rapim ma utiyogo, mano bende ema nopimnugo." 39 Nogoyo nigi ngeroni bende ni: " Ng'at mamuofu bende nyalo telo ni ng'ama muofu"? Donge gi duto ji ariyogo dil-ing're ei bugo? 40 Japuonjre ok duong' moloyo japuonjne, to ng'ato ka ng'ato motiegi chuth biro bedo machal gi japuonjne. 41 En ang'o momiyo ineno mana pilni yath mamie wang' owadu. To yath mane wang'i iwuon to ok idewo? 42 Ere kaka diwach ni owadu ni; owadwa, yie mondo agol pil yath manie wang'i, ka in iwuon ok inyal neno yath manie wang'i iwuon? In jawuondre, mokwongo gol yadhono oko manie wang'i, to eka ibiro neno maler mondo igol pil yadhno manie wang' owadu.
Yath Gi Olembene
43 "Onge yath maber manyago olemo maricho, kata yath marach manyago olemo maber. 44 Yath ka yath ing'eyo kod olembe owuon, Ji ok pon ng'ou kuom yiende mag kudho, kata mzabibu bende ok pon kuom otonglo. 45 Ng'at maber golo gik mabeyo mawuok e keno maber ei chunye, to ng'at marach golo gik maricho mawuok e keno marach manie chunye. Nimar gik mopong'o chunye dhoge wacho.
Jagedo Mariek Kod Mofuwo
46 Ang'o momiyo uluonga ni, Ruoth, Ruoth, to ok utim gima awacho? 47 Abiro nyisou kaka ng'atno chalo jamo mabiro ira kendo winjo wachna, kendo otimogi. 48 Ochalo gi ng'at magero ot, manokunyo bur matut nyaka e lwanda kendo noketoe mise, kane koth ochue ma pi opongo piny, apaka mogingore nogoyo odno to ne ok onyal yienge, nikech nogere maber. 49 To jal mawinjo wechena to ok otimgi chalo gi ng'at manogero ot e wi lowo maonge gi mise. E kindeno ma apaka mogingore nogoyo odno, nogore piny kendo nokethore chuth."
Yie Mar Jaduong' Lweny
1 Kane Yesu nosetieko wacho magi duto ka ji winjo, nodhiyo odonjo Kapernaum. 2 Kanyo ne nitie jatich jaduong' lweny, mane ruodhe ogeno ahinya, netuo kendo nochiegni gi tho. 3 Jaduong' lweny nowinjo humb Yesu, momiyo nooro jodongo mag Joyahudi ire, mondo gikwaye obi ochang jatichne. 4 Kane gibiro ir Yesu negisaye chutho ni, "Ng'atni owinjore mondo itimne mani, 5 Nikech ohero pinywa kendo osegeronwa sunagogi." 6 Kuom mano, Yesu nodhiyo kodgi. Ne ok en mabor gi ot kane jadoung' lweny nooro osiepene mondo owachne ni: "Ruoth, kik ichandri, nikech ok awinjora ibi idonji e bwo tat oda. 7 Mani e momiyo ok asekwanora ni awinjora biro iri. To wach wach to jatichna biro chango. 8 Nimar awuon an ng'at manie bwo loch kod askache manie bwoya. Ka awacho ni moro ni,' Dhi' to odhiyo, kendo machielo ni 'Bi' to obiro. Awacho ni jatichna ni, Tim ma, to otime." 9 Kane Yesu owinjo ma nowuore, kendo kane olokore ir oganda maluwe, nowacho ni "Awachonu, pok ayudo yie maduong' kama kata e Israel. 10 Eka jogo maneoro nodok e ot to negiyudo jatich kangima.
Yesu Ochiero Wuod Chi Liel
11 Mapiyo bang' mano, Yesu nodhiyo e taon miluongo ni Nain, to jopuonjrene gi oganda maduong' bende nodhi kode. 12 Kaka nosudo machiegni gi dhoranga taon ng'at motho noting' igolo oko-wuowi achiel kende wuod min, to en dhako ma chi liel. To oganda maduong' moa e taon neni kode. 13 Kane Ruoth onene, chunye nokeche kendo nowacho ni, "Kik iywagi." 14 Eka nodhiyo machiegni kendo nomulo sanduku mane oting'e wuowi manotho, to jogo mane oting'e nochungo. Nowacho ni, "Wuowi matin, awachoni, chungi aa malo!" 15 Ng'at mothono nobedo piny kendo nochako wuoyo, to Yesu nodwoke momiye min. 16 Gin duto luoro nomakogi kendo negipako Nyasaye. Negiwachoni, "Janabi maduong' osewuok e dierwa." Kendo ni, "Nyasaye osebiro konyo joge." 17 Wach maber ni mar Yesu nolandore e Judea mangima kod piny molwore.
Yesu Kod Johana Jabatiso
18 Jopuonjre Johana nonyise gigi duto. Noluongo ji ariyo kuomgi, 19 ne oorogi ir Ruoth mondo gipenje ni, "In e jamo mane biro koso onego wagen ng'at moro machielo"? 20 Ka jogo nobiro ir Yesu, negiwachoni, "Johana Jabatiso noorowa iri mondo wapenj ni, "In e jal mane biro, koso wagen ng'ato moro machielo?" 21 E saa nogono Yesu nochango ji mang'eny manenigi tuoche, midekre kod chunje maricho, kendo nomiyo muofni mang'eny mondo onen. 22 Kamano nowacho ni jogo manoor ni, "Doguru kendo unyis Johana gik mauseneno kendo winjo: muofni neno, rong'onde wuotho, jogo man gi dhoho ichango, joma itgi odinore winjo, jomatho ichiero, kendo wach maber iyalo ni jochan. 23 En ng'at mog-wedhi jal maok chwanyre mabar nitech an," 24 Bang'e ka jopuonjre Johana nosea odhi, Yesu nochako wuoyo ni oganda kuom Johana ni: "Ang'o mane udhiyo e thim mondo une? Odundu ma yamo yiengo? 25 Ka ok mano, en ang'o mane udhi mondo une? Ng'at morwakore gi lewni mabeyo? Ooyo, jogo marwako lewni manengogi tek kendo madhialore gi gik mabeyo nie ute ruodhi. 26 To un nudhi mondo une ang'o? Janabi? Ee, Awachonu, kendo mana moloyo janabi. 27 Mani e jal mane ondik kuome ni: "Abiro oro jaotena motelo nyimi, mabiro loso yori motelo ni. 28 Awachonu, kuom jogo ma mon onyuolo onge ng'ato maduong' moloyo Johana; kata kamano jalo matinie moloyo e piny Ruoth Nyasaye doung' moloye. 29 Ji duto, kata mana jasol osuru, kane giwinjo weche Yesu, negiyie ni yor Nyasaye ni kare, nikech nosebatisgi gi Johana. 30 To Jofarisai kod jogo molonye chik nodagi dwaro mar Nyasaye kuomgi giwegi, nikech nepok obatisgi gi Johana. 31 " Koro ere gima dapimgo ji mar tieng' ma kawuononi Gichalo gi ang'o? 32 Gi chalo nyithindo mobedo e chiro kendo luongore kendgi moro ka moro ni: "Nende wagoyonu thum, to ok ne umiel; bende ka wagoyonu nduru, to ne ok uywak." 33 Nimar Johana Jabatiso ne obiro maok ocham makati kata madho divai, to uwacho ni, "En gi jachien. 34 Wuod Dhano nobiro kachiemo kendo metho, to uwacho ni, Ma eri jawuoro kendo jamer, osiep josol osuru duto kendo joricho. 35 To rieko ofweny adimba gi nyithindo.
Yesu Owir Gi Mo Kod Dhako Majaricho
36 Koroni Jafarisai achiel, moro noluongo Yesu mondo ochiem kode nodhiyo e od Jafarisai mobedo but mesa. 37 Kane dhako mane osedak e ngima mar richo e taond-no (dalano) nowinjo ni Yesu ne chiemo e od Jafarisai, nokelo chupa mar alabasta mar mo mangue ng'ar, 38 kendo nochungo e toke, but tiende, pi wang'e nolwar e tiendege ma gitimo pi eka noyueyogi gi yie wiye, monyodhogi kendo noolo mo kuomgi. 39 Kane Jafarisai mane oluonge oneno ma, nowacho owuon ni, "Ka da ng'atni en janabi, da ong'eyo jal ma muleni kendo ni en dhako machalo nadi- ni en jaricho." 40 Yesu nodwoke ni, "Simon, an-gi gima adwaro wachoni," Nowachone ni, wachna, Japuonj." 41 "Ji ariyo ne nigi gop jahol pesa, moro. Achiel negigope mar siling' mia abich, to machielo piero abich. 42 Giduto ji ariyogi ne gionge gi pesa magichulego, omiyo noweyonigi g)pegi. Koro en mane kuom-gi mabiro here moloyoe?" 43 Simon nodwokoni, "Aparo ni jamo mane nigi gowi maduong' mowene." Yesu nowacho ni, "Isedwoko kare." 44 Eka nolokore mong'iyo dhakono mowacho ni Simon, niya, "Ineno dhakoni? Nabiro odi. Ne ok imiya pi moro amora mondo alwok go tiendena, to nol-woko tiendena gi pi wang'e kendo noyueyogi gi yie wiye. 45 To in ne ok iny-odha, to dhakoni chakre saa mane adonjo, ne ok oweyo nyodho tiendena. 46 Ne ok iolo mo e wiya, to oseolo mo mang'ue ng'ar e tiendena. 47 Emomiyo, awachoni, richone mathoth owene - nikech nohero mathoth. To jal mowene manok, ohero matin." 48 Eka Yesu nowachone, "richoni oweni." 49 Welo mamoko nochako wacho kend-gi giwegi ni, "Mani en ng'a ma weyo niji richogi?" 50 Yesu nowacho ni dhakono ni, "Yieni oseresi; dhi gi kuwe."
Ngech Ja Chuoyo
1 Bang' ma, Yesu newuotho koa e taon ka taon kod gweng' ka gweng' ka olando wach maber mar Piny Ruoth Nyasaye. Jopuonjrene apar gariyo ne ni kode, 2 kaachiel gi mine moko mane osegol kuomgi jochiende kendo ochang tuochegi kaka Mariam (mane iluongoni Magdala) mane jochiende abiriyo osewuok kuome; 3 Joana chi Chuza, mane jatelo e od Herode gi Susana kod mon mamoko mathoth. Mon-gi nekonyogi kagichiwonegi gigegi giwegi. 4 Ka noyudo oganda maduong' chokore kendo ji ne biro ir Yesu moa e taon ka taon nogoyo negi ngeroni: 5 "Japur nodhiyo chuoyo kothe. Ka noyudo nokiro kothe, moko nolwar e yo mi nonyon-gi kendo winy nochamogi. 6 Moko nolwar ewi lwanda mine giti kendo neginer nikech negi onge kod ng'ich. 7 Kothe moko nolwar e dier kudho, mane odongo kode kendo nothung' cham. 8 Bende lodhi moro nolwar e lowo maber. No ti kendo nonyago cham, nyadi mia moloyo kaka nochuoye. Ka nowacho ma, nogoyo koko ni, "Ng'at man-gi ite mawinjo, mondo owinji." 9 Jopuonj re nopenje gima ngerono nyiso. 10 Nowacho ni, "Ng'eyo mar gik mopondo mag Piny ruoth Nyasaye osemiu, to ji ma moko awuoyo nigi gi ngerini, omiyo, "kata ging'icho, to ok ginyal neno, kata giwinjo, to ok nyal donjonigi." 11 Ma e gima ngeroni nyiso: Kodhi en wach Nyasaye. 12 Molwar e yo gin jogo mawinjo, to jachien biro kendo golo wach ei chunygi, mondo kik giyie ma wargi. 13 Molwar e lwanda gin jogo ma rwako wach gi mor ka giwinje, to gionge gi tiende. Giyie kuom kinde moromo, to e kinde mag tem gipodho giaa. 14 Kodhi molwar e dier kudho ochungo kar jogo mawinjo, to ka gidhiyo e yoregi, to par-ruok mar ngima, mwandu kod mor mar piny thungogi, ma ok gidong motegno. 15 To kodhi manie low maber, ochungo kar jogo man gi chuny malongo' kendo maber, mawinjo wach, okane, kendo bedo modhil onyago cham.
Taya E Rachungi
i6 "Onge ng'ato mamoko taya kendo pande ei sufuria kata kete e bwo otan-da. Kar timo kamano, to okete ewi rachungi taya, mondo jogo madonjo one ler. 17 Nimar onge gimoro mopandi maok bi elore, kendo onge gima oum maok nong'ere kata bedo e lela. 18 Emomiyo paruru ahinya maber kaka uwinjo. Ng'at man-go nomedne moko; ng'at maongego, kata mano moparo ni en-go ibiro maye."
Min Yesu Gi Owetene
19 Koro min Yesu gi owetene nobiro mondo ginene, to ne ok ginyal sudo machiegni kode nikech oganda. 20 Ng'at moro nowachone ni, "Meru gi oweteni ochungo oko, gidwaro neni." 21 Nodwoko ni, "Mamana kod owetena gin jogo mawinjo wach Nyasaye kendo timo."
Yesu Okweyo Apaka
22 Chieng' moro Yesu nowacho ni jopuonjrene ni, "Wadhiuru loka nam kocha." Omiyo negidonjo ei yie kendo giwuok gidhi. 23 Kane gikwang',nindo notere. Eka ahiti mangongo notugore e nam, koro yieno ne pong gi pi kendo ne gin e chandruok maduong'. 24 Jopuonjre nodhiyo ire mochiewe, ka giwacho ni, "Ruoth, Ruoth, wabiro nimo!" Nochungo oa malo kendo nokwero yamo gi apaka mager mi ahiti nopie kendo gik moko duto nokuwe. 25 Nopenjo jopuojrene ni, "Ere yieu?" Luoro nomakogi kendo negiwuoro mine gipenjore giwegi ni, "Ma en ng'a? Ochiko yamo koda pi, to giwenje."
Chango Mar Ng'at Man Gi Jachien
26 Ne gikwang' gichopo e piny jo-Gerasani, man loka nam Galili. 27 Kane Yesu owuok oko e dho wath, ng'at moro man-gi jochiende moa e taondno, noromo kode, kuom kinde mang'eny ng'at ni ne pok orwako law kata dak ei ot, to nodak e dier liete. 28 Kane oneno Yesu, noywak matek kendo nopodho e tiende, kogoyo koko gi duol mamalo niya, "Ang'o mid-waro timo koda, Yesu, Wuod Nyasaye Ma Malo Moloyo? Asayi, kik isanda!" 29 Nimar noyudo Yesu osechiko jachien marachno mondo owuog oa kuom nga't-no. Kuom kinde mang'eny nomake, to kata nosetwe lwete, tiende gi nyororo, kendo okete e bwo jarit, nosebedo kocho-do nyororo kendo jochiende ne riembe nyaka e thim. 30 Yesu nopenje ni, "Nyingi ng'a? Nodwoko ni " Oganda", nikech jochiende mang'eny nosedonjo kuome. 31 To ne gik-waye monuore mondo kik ochikgi gid-hiyo e Bur Matut Maonge Gikone. 32 To kueth maduong' mar ngurue ne kwayo e bath got kanyo. Jochiende nosayo Yesu mondo gidonji e igi, mi nomiyogi thuolono. 33 Kane jochiende nowuok oa ei ng'atno, ne gidhiyo gidonjo ei ngurue, to kueth noringo kamuomore kalor mwalo kama ne giridore nyaka nam. 34 Kane jogo makwayo ngurue oneno gima nosetimore, negiringo gidhiyo gitero wach e taon kendo e gweng' duto. 35 Mi ji nowuok mondo gine gino moseti-more. Kane gichopo ir Yesu, negiyudo ng'atno ma jochiende nosewuok kuome, kobedo piny e tiend Yesu, korwakore kendo ka parone ni kare; luoro nomakogi. 36 Jogo mane oneno gima notimore nony-iso ji kaka ng'at mane nigi jochiende nochangi 37 Eka ji duto manie gweng' Gersani duto nokwayo Yesu mondo odar odhi owegi, nikech luoro maduong' nomakogi. Omiyo nodonjo ei yie kendo noa kanyo 38 Ng'at mane jochiende owuok kuome, nosaye mondo odhi kode, to Yesu notame, ka wachone ni 39 "Dogi dala kendo inyis ji gik mang'eny ma Nyasaye osetimoni. Omiyo ng'at no nowuok odhi kendo monyiso taon duto mang'eny ma Yesu nosetimone.
Nyako Motho Gi Dhako Matuo
40 Koro ka Yesu oduogo, oganda nor-wake nimar negirite giduto. 41 Eka ng'ato moro miluongo ni Jairo, jatich Sunagogi, nobiro nopodho e tiend Yesu, kosaye mondo odhi ode, 42 nikech nyare achiel kende, nyako madirom ja higni apar gariyo, ne tho. Ka Yesu ne nie yo, oganda nothunge madihinye. 43 To dhako moro ne ni kanyo mane osebedo ka iye chuer kuom higni apar gariyo to onge ng'at ma ne nyalo change. 44 Nobiro gi yo ka dier ng'eye kendo nomulo riak nangane, kendo iye machuer nochok gikanyono. 45 Yesu nopenjo ni, "Ng'ano momula?" kane gi duto gikwer, Petro nowacho ni, "Ruoth, ok neye kaka olwuori kendo oth-ungi. 46 To Yesu nowachoni, "Ngato moro nomula; Ange'yo nikech teko oswuok kuoma" 47 Eka kane dhakono oneno ni ok onyal dhi ma ok onene, nobiro ka otetni kendo nopodho e tiende. Nohulo e nyim ji duto gimomiyo nomule kendo kaka nochango sano sano. 48 Eko nowachone ni, "Nyara, yieni ochangi. Dhi gi kue." 49 Kane Yesu pod wuoyo ngato moro nobiro moa eod Jairo, jatelo mar Sunagogi, nowachoni, "Nyari osetho." omiyo " kik ichand japounj kendo." 50 Kanowinjo ma, Yesu nowacho ne Jairo ni " kik iluor, yie ayieya kendo obiro chango." 51 Kane ochopo e od Jairo, ne ok oyie ni ng'ato moro amora mondo odonj kode mak man Petro, Johana gi Jakobo kod woun nyathi gi min mare. 52 Gie kendino, ji duto ne goyo nduru kendo Yesu nowachonigi ni," Weuru ywak" nimar "ok otho to onindo." 53 Negi nyiere, nikech ne ging'eyo ni osetho. 54 To nomake gi lwete kendo nowacho ni, "Nyathina, chungi ia malo. 55 Chunye nodwogo, kendo nochung' oa malo sanosano. Eka Yesu nowachonigi mondo gimiye gimoro ocham. 56 Jonyuolne nohum, to nomiyo gi chik ni kik ginyis ng'ato moro amora gima nose-timore.
Yesu Ooro Jopuonjre Apar Gariyo
1 Kane Yesu noseluongo ji apar gariyo-go kaachiel, nomiyogi teko kod nyalo mar golo jochiende duto kendo chango tuoche, 2 kendo noorogi oko mondo giyal Piny ruoth Nyasaye kendo chango jomatuo. 3 Nowachonegi ni, "Kik uting' gimoro ka udhi e wuoth: luth kata dende kata chiemo, kata pesa, kata sede moko 4 Ot mor amoro mudonje, ubed kanyono nyaka ua e taondno. 5 Ka ji ok orwakou, uteng' buch tiendeu sama uwuok e taond-gi kaka siem ne gin." 6 Kamano ne giwuok magi dhiyo e gweng' ka gweng', ka giya-lo injili kendo gichango ji kuonde duto. 7 Koro Herode ma ruoth nowinjo gik moko duto matimore, to noparore, nikech ji moko ne wacho ni Johana osechier oa kuom jomotho. 8 Jomoko to ni Elija osefwenyore, to bende moko to ni achiel kuom jonabi machon osebedo mangima kendo. 9 To Herode nowacho niya," Johana ne asenga'do wiye, koro ma, to nga ma awinjo gik maka magi kuome? Kendo notemo mondo onene
Yesu Opidho Ji Alufu Abich
10 Kane joote oduogo ne ginyiso Yesu gima ne gisetimo. Eka nokawogi modhi kodgi kaachiel kar kendgi e taon miluongo ni Bethsaida, 11 to oganda nowinjo mano kendo ne giluwe. Norwakogi kendo nowuoyo kodgi kuom loch mar Piny ruoth Nyasaye, kendo nochango jogo mane dwaro chang. 12 Kar seche moko mag odhiambo Jopuonjre apar gariyo nobiro ire kendo negiwacho ni "We oganda ji odogi mondo gidhi e mier machieigni kod gwenge mondo giyud chiemo kod kwonde nindo, nikech wan oko kuma bor. 13 Nodwoko ni, "Un, migiuru gima di gi cham." Negidwoko niya, "Wan mana gi makati abich gi rech ariyo kende- makmana ka wadhi wangiewo chiemo ne ogandani duto," 14 Ne nitie ji ma chwo kanyo ma dirom alufu abich. To nowacho ni jopuonjrene niya, "Nyisgiuru gibed piny e girube mag ji madirom piero abich, moro ka moro. 15 Jopuonjre notimo kamano kendo giduto negibedo piny. 16 Nokawo makati abich kod rech ariyogo eka nong'i yo malo, mogoyo erokamano kendo nong'ingogi. Eka nomiyogi jopuonjre mondo giketgi e nyim ji. 17 Gi duto negichiemo mi giyieng', to jopuonjre nochoko ng'injo mag chiemo mane ji ochamo oweyo aditi-ni apar gariyo mopong'.
Petro Ohulo Kristo
18 Chieng' moro kane Yesu lemo kama opondo, to jopuonjre neni kode, nopenjo-gi ni, "Oganda wacho ni an ng'a?" 19 Negidwoko ni, "Jomoko wacho ni Johana Jabitiso, to mamoko wacho ni Elija to bende jomamoko, ni achiel kuom jonabi machon osebedo mangima kendo." 20 Nopenjogi ni, "Un to uwacho ni an ng'a?" Petro nodwoko ni, "Kristo mar Nyasaye." 21 Yesu nokwerogi matek mondo kik ginyis, ng'ato ang'ata wachni. 22 Kendo nowacho ni, "Wuod Dhano nyaka yud sand malit mang'eny, kendo okwede gi jodongo, madongo kod jopuonj chik, bende nyaka nonege kendo chieng' mar adek nochiere.' 23 Eka nowachonigi duto ni, "Ka ng'ato moro dwaro luwa, nyaka okwedre owuon kendo oting' msalape ndalo duto eka oluwa. 24 Nimar ng'atno madwaro reso ngimane ngimane nolane, to ng'at mow-ito, ngimane ne an abiro rese. 25 Ere ber ma ng'ato nyalo yudo ka onuang'o piny duto, to oialo kata owiti ngimane. 26 Ka ng'ato wiye kuot koda kod wechena, Wuod Dhano bende wiye biro kuot kode ka obiro duogo gi duong'ne kendo e duong' mar Wuoro kod mar malaike maler. 27 Awachonu adier ni ntie jomoko mochungo ka maok nobil tho kapok gineno Piny ruoth Nyasaye.
Kit Yesu Olokore
28 Kar ndalo ma dirom aboro bang' ka Yesu nosewacho mani, nokawo Petro, Johana gi Jakobo kaachiel kode kendo negidhiyo malo e wi got mondo gilam. 29 To kane olamo, kit wang'e nolokore, kendo lepe nolokore marieny ka ler mar mil polo. 30 Ji ariyo, Musa gi Elija, 31 nofwenyore e duong' maler, ka giwuoyo gi Yesu negiwuoyo kuom thone, mane koro ochiegni miyo ochopi e Jerusalem. 32 Petro kaachiel gi jowadgi ne nindo oingo ahinya, to kane gichiewo maber, ne gineno duong'ne kod ji ariyo kochungo kode. 33 Kane jogo weyo Yesu, Petro nowachone niya, "Jaduong' en gima ber mondo wabed ka eri. We mondo wager kiche achiel mari, achiel mar Musa to machielo mar Elija." Ne ok ong'eyo gino mane owacho. 34 Kane pod owuoyo, bor polo nobiro apoya moimogi, kendo ne giluor kane bor polono noumogi. 35 Eka duol moro noa e bor polo, kawacho niya. "Ma e Wuoda, maseyiero; winjeuru." 36 Kane duol osewuoyo, ne giyudo ni Yesu ni kende. Jopuonjre nokano wachni e kindgi gie kindeno kuom gino mane giseneno.
Ochang Wuowi Man-Gi Jachien Marach
37 Kinyne, kane gibiro gilor gia got, oganda maduong noromone 38 Ngat moro e dier oganda noluongo matek niya. "Japounj akwayoi, rang e wuodani, nikech en nyathina achiel kende. 39 Ndalo duto jachien make kendo ogoyo koko koyuak, ogoye piny koguecho oriere, kendo dhoge wuok buoyo. 40 Nende akwayo jopuonjre magi mondo giriembe oko, to ne ok ginyal. 41 Yesu nodwoko ni. "Yaye, tieng' maonge yie kendo mobam to, nyaka karang'o ma dabed kodu kendo chandra kodu." Kel ane wuodi ka. 42 Kata e kindeno mane wuowino ne biro, jachien nogoye piny mi noguecho marach. To Yesu nokwero jachien marachno mi nochango wuowino, kendo no chiwene wuon mare. 43 Kendo gi duto ne giwuoro duong' mar Nyasaye, kane ji duto wuoro kuom gigo duto ma Yesu notimo, nowacho ni jopuonjrene ni. 44 "Chikuru itu maber ni gino madwaro nyisou: Wuod Dhano ibiro ndhogo e lwet ji." 45 To ne ok giwinjo tiend wachni. Ne opandorenegi, momiyo ne ok ging'eyo tiende, kendo ne giluor penje kuom wachno.
Ng'ano Mabiro Bedo Maduong' Moloyo
46 Mbaka nowuok e kind jopuonjre ni en ng'ano kuomgi mane duong moloyo. 47 Kaka Yesu nong'e yo parogi, nokawo nyathi matin kendo nokete ochungo bute. 48 Eka nowachonegi niya, "Ng'ato ang'ata morwako nyathi matinni e nyinga orwaka to ng'ama orwakoa, orwako jal man oora. Nimar ng'at matin mogik kuomu duto en ng'ama duong' moloyo." 49 Johana nowacho niya," Jaduong', ne waneno ng'ato kariembo jochiende e nyingi kendo ne watemo tame, nikech ok en achiel kodwa," 50 Yesu nowacho ni. "Kik utame to "nimar ng'at maok mon kodu en jakoru."
Akweda Mar Jo Samaria
51 Kane kinde ochopo monego terego malo e polo, Yesu noketo chunye motegno mondo odhi Jerusalem.52 Eka nooro joote mondo otel nyime odhi e dala jo- Samaria mondo oikne gik moko. 53 To ji man kanyo ne ok orwake, nikech nodhiyo Jerusalem. 54 Kane jopuonjre, Jakobo gi Johana ne oneno mani, ne gipenjo ni, "Ruoth idwaro ni mondo waluong mach oa e- polo obi otiekgi koso? 55 To Yesu nolokore, mokwerogi, 56 eka ne gidhi e dala machielo.
Nengo Mar Luwo Yesu.
57 Kane oyudo giwuotho e yo, ng'at moro nowachone niya, "Abiro luwi kamoro amora mi idhiye." 58 Yesu nodwoko niya, "Bwe nigi buchegi kendo winy map polo nigi utegi, to Wuod Dhano onge gi kama oketie wiye." 59 Nowacho ni ng'at machielo ni, "Luwa." To ng'atno nodwoko niya, "Ruoth, mokwongo yiena mondo adog ayik wuora." 60 Yesu nowacho ni, "We joma otho oyik jogi motho, to in dhiyo kendo iland wach Loch Nyasaye." 61 To pod ng'at machielo moro nowacho ni, "Abiro luwi, Ruoth, to mokwongo, yiena adogi mondo adhi goyo oriti ni joodwa." 62 Yesu nodwoko ni, "Ng'ama osemako kwer dhok to pod ng'iyo chien ok owinjore ni tich mar Loch Nyasaye.
Yesu Ooro Ji Piero Abiriyo Gariyo
1 Bang' mani, Ruoth noyiero ji piero abiriyo gariyo ma moko, kendo noorogi ariyo, ariyo mondo otel nyime e taonde duto kod kamoro amora mane obiro dhipe. 2 Nowachonegi ni, "Cham ochiek mathoth, to jotich nok kuom mano kwauru Ruodh keyo mondo oor jotich odhi e puothe mar keyo. 3 Dhiuru! Aorou oko mana ka rombe e dier ondiegi. 4 Kik uting' ofuk pesa, kata sandug wuoth, kata mana opato, kendo kik umos ng'ato e yo. 5 Ka udonjo e ot to wachuru mokuongo ni, kuwe obedi e odni." 6 Ka ng'at kuwe ni kanyo to kuwe maru nobed kuome; to ka ok kamano, to kuweuno noduognu. 7 Beduru e odno, ka uchamo kendo umad-ho gimoro amora ma gimiyou, nimar jatich owinjore gi pokne. Kik uring ka ua e ot ka ot. 8 Ka udonjo e taon mi orwaku to chamuru gino ma oket e nyimu. 9 Changuru jomatuo man kanyo kendo wachnegiuru ni, "Loch Nyasaye chiegni kodu," 10 To ka udonjo e taon moro to ok orwaku, dhiuru e yoregi matindo kendo uwach ni, 11 "Kata mana buch taondu momoko e tiendewa wateng'o kuomu. To beduru kung'eyo maler ni, 'Loch Piny ruoth Nyasaye chiengini." 12 Awachonu ni, nobed maber berie ni Sodom maloyo taondno. 13 "Yaye mano kaka unune malit un jo Korazin! Yaye, mano kaka unune malit un jo Bethsaida! Nimar ka dine honni mutimnugi dinetim ni Turo gi Sidon to dine giselokre chon ka giruakore gi lep gugru, kendo gibet e buru. 14 To enobed maber berie ne Turo gi Sidon e ndalo mar ng'ado bura moloyo ne un. 15 To in Kapernaun bende ibiro ting'oi malo nyaka polo koso? Ooyo, ibiro boloi piny nyaka piny joma otho. 16 "Ng'at ma winjou, winja, ng'at modagiu odaga, kendo ng'at modaga odagi Jal ma noora." 17 Ji piero abiriyogo noduogo kod ilo mi giwacho ni, "Ruoth koda ka jochiende be winjowa e nyingi," 18 Nodwoko niya; "Ne oneno Satan kalor aa e polo mana kamil polo. 19 Asemiyou loch mondo unyon thuonde gi thomoni kendo ulo teko duto mag jasigu bende onge gima nohinyu. 20 To kik uil ni jochiende winjou, to iluru ni nyingu ondiki e polo. 21 E saa nogo, ka Roho Maler nomiyo Yesu opong' gi ilo, nowacho niya, "Apakoi, Wuoro, Ruodh polo gi piny, nikech isepando gigi ne joma riek gi joma osomo, to ise fwenyogi ne nyithindo matindo. Ee, Wuoro, nimar mano e gima ne berni timo. 22 " Wuora osemiya gik moko duto, onge ng'ama ong'eyo Wuowi makmana Wuoro, kendo one ng'ama ong'eyo Wuoro mak mana Wuoi kaachiel gi joma wuowi oyiero mondo ofwenynegi." 23 Eka nolokore ir jopuonjrene kendo nowachonegi kar kendgi ni, "Ogwedhi wenge maneno gik munenogi. 24 Nimar awachonu ni jonabi mang'eny kod ruodhi negombo neno gik muneno to ne ok gineno kendo winjo gik muwinjo gi to ne ok giwinjo,"
Ngech Ja Samaria Maber
25 Chieng' moro achiel, ng'at moro molony e chik nochung mondo otem Yesu nopenjo ni, "Japuonj, ang'o ma nyaka atim eka acham ngima mochwere?" 26 Nodwoko ni, "'Ang'o mondiki e chik? Isome nade?" 27 Nomedo dwoke ni, "Her Ruoth Nyasachi gi chunyi duto gi dhandi duto, gi tekoni duto kendo gi pachi duto, bende her nyawadu kaka iherori iwuon," 28 Yesu nodwoke ni, "Isedwoko kare, tim kamano, eka inibed mangima." 29 To kaka nodwaro pwoyore kendo nomedo penjo Yesu ni, "Nyawadwa to en ng'a? 30 Koro Yesu nodwoke niya, Ng'at moro nolor koa Jerusalem kadhi Jeriko kendo nopo kopodho e lwet jomecho. Ne gi lonyo lepe, gigoye, kendo, giweye kochiegni tho. 31 To noyudo Jadolo moro lor loluwo, yorno, to kane oneno ng'atno, nobaro moluwo bath yo komachielo. 32 Kamano bende, ja - Lawi moro kane ochopo kanyo monene nokadho gi koma chielo. 33 To ja-Samaria moro kane ni e wuoth nochopo kama ne ng'atno nitie, kendo ka nonene, nokeche. 34 Nodhiyo ire motweyo adhondene kooloe mo kod divai. Eka noketo ng'atno e ng'e pundane owuon kendo notere e od buoro kendo norite maber. 35 Kinyne nogolo pesa mamingli mag fedha ariyo nomiyo jarit odno. Nowacho ne niya " Rite' to ka aduogo abiro chuli nengo ma imedo ritego! 36 "Kuom ji adekgi ere miparo ni ne en wadgi ng'at mane opodho e lwet jome-chogo? 37 Ng'at molony gi chik nodwoko ni en "Jal mane okeche." Eka Yesu nowachone ni, "Dhi kendo itim kamano."
Yesu E Od Maritha Gi Mariam
38 Kanoyudo Yesu gi jopuonjrene nie yo, nochopo gweng' kama dhako miluongo ni Maritha norwake e ode. 39 Ne en gi nyamin mane iluongo ni Mariam, mane obet piny, e tiend Ruoth kowinjo gima owacho. 40 To Maritha nodich gi tich mang'eny mane nyaka tim. Nodhiyo ire mopenjo ni, "Ruoth, ok idewo ni nyamera oweya atiyo mana kenda nyise mondo okonya!" 41 Ruoth nodowoke ni, "Maritha, Maritha, iparori kendo ithagori kuom gik mang'eny kayiem, 42 to gimoro achiel kende ema dwarore. Mariam oseyiero gima ber moloyo kendo ok nomaye ngang'.
Puonj Mar Yesu Kuom Lamo
1 Chieng' moro Yesu ne lamo kamoro. Kane otieko, achiel kuom jopuonjrene nowachone ni, "Ruoth, puonj a lamo, kaka Johana bende nopuon-jo jopuonjrene." 2 Nowachone " Ka ulamo to wachuru ni, "Wuonwa, nyingi mondo omi luor, pinyruok man obi. 3 Miwa odiechieng' kodiechieng' chiembwa mapile. 4 Wenwa richowa nimar wan bende waweyo niji duto mati-monwa marach. Kendo kik iterwa e tem." 5 Eka nowachonegi ni, "Ka dipo ng'ato kuomu nigi osiepene to odhi dier otieno mi owachone ni, "Osiepna holae makati adek, 6 nikech osiepna moro mane, nie wuoth osebiro lima to aonge gimoro ma anyalo keto e nyime. 7 Eka jal mane nie ot nodwoke ni, "We chanda. Dhoot oselor, kendo nyithinda ni koda e otande. Ok anyal chungo kendo miyi gimora amora. 8 Akonu ni kata obedi ni ok onyal aa malo mondo omiye makati kaka osiepne, to nikech kinde ma ng'atno obiro oa malo mi miye moromo kaka odwaro. 9 "Omiyo awachonu ni, "Kwauru to nomiu; dwaruru to unuyudi kendo duong'uru to noyawnu. 10 Nimar ng'ato ka ng'ato makwayo imiyo, ng'ato madwaro nwang'o. kendo ng'ama duong'o, noyawne dhoot. 11 En ng'a kuomu, wuone, ma ka wuodi okwai rech, to imiye mana thuol? 12 Kata kokwayoi tong' gweno, imiye mana okela? 13 Ka un, ma un joricho kamano, ung'eyo kaka duchiw mich mabeyo ne nyithindu, koro Wuoro manie polo biro chiwo Roho Maler maromo nade ni joma nokwaye.
Yesu Gi Belzebub
14 Chieng' moro Yesu neriembo jachien ma momo. Kane jachien oa, ng'atno ma momo no wuoyo, kendo oganda nohum nono. 15 To moko kuomgi nowacho ni, "Beelezebub ruodh jochiende, ema ogolo-go jochiende oko." 16 Jomoko to noteme ka kwaye ranyisi moa e polo. 17 Yesu nong'eyo parogi mi nowacho negi ni, "Pinyruoth mora amora mopogore owuon nyaka kethre, to ot mopogore kende biro gore piny. 18 Ka Satan opogore owuon, ere kaka pinyruod-he nyalo chungo? Awacho mani nikech uwacho ni ariembo jochiende oko gi teko Beelzebub. 19 Koro ka ariembo jochiende oko gi teko Beelzebub joma luwou to kara gologi gi teko mar ng'a? Emomiyo, ginibed jong'adnu bura. 20 To ka ariembo jochiende oko gi lwet Nyasaye to kare loch Nyasaye osebironu. 21 Ka ng'at maratego, momanore gii lweny orito ode owuon to gige duto ritore maber. 22 To ka ng'at maratego moloye omonje mi oloye to omayo ng'atno gii lweny mane okete e genone, kendo oyako gige odhigo. 23 "Ng'at maok ni koda mon koda, kendo maok chok koda, keyo giga 24 "Ka jachien marach osewuok oa kuom ng'ato odhiyo kuonde motwo komanyo kar yweyo to ok oyudi. Eka owacho niya, 'Abiro dok e oda mane aweyo.' 25 Ka ochopo, to oyudo ka ot oywe maler kendo ochan maber. 26 Eka odhiyo kendo oomo jochiende abiriyo moko maricho moloyo, kendo gibiro gidak kanyo. To giko enni ngima ng'atno bedo marach moloyo, kaka nochalo mokwongo." 27 Ka noyudo Yesu wacho wechegi dhako moro maneni ei ogandano nowacho matek ni, "Miyo mane onyuoli kendo odhodhi oguedhi," 28 Nodwoko niya, "Jogo moguedhi gin mana joma winjo wach Nyasaye kendo time."
Ranyisi Mar Jona
29 Ka noyudo oganda medore, Yesu nowacho ni "Ma en tieng' marach. Okwayo ranyisi mar honni, to onge ma ibiro miye makmana ranyisi mar Jona. 30 To mana kaka Jona ne en ranyisi ne jo-Nineye e kaka Wuod Dhano biro bedo ni tieng'ni. 31 Ruoth ma dhako mar piny mil-ambo nochung' chieng' bura kaachiel gi tieng'ni kendo enong'adnegi bura, ni mar noa e tung' piny mondo owinj rieko Solomon, to koro nitie ng'ato ka maduong' moloyo Solomon. 32 Jo Nineve biro chung' e bura kaachiel tieng'ni kendo nongadnegi bura; nikech ka Jona ne oyalonegi to ne gilokore, to koro nitie ng'ato ka maduong' maloyo Jona.
Taya Mar Ringruok
33 "Onge ng'ato mamoko taya to okete kama obiro pondoe, kata e bwo sufuria. Kar timo kamano to okete ewi rachungi taya mondo jogo madonjo one ler. 34 Wang'i e taya mar ringri, ka wengegi ber, ringri duto opong' gi ler. To ka gi richo, ringri bende mudho opong'o. 35 Omiyo, neuru, ni ler manie iu ok en mudho. 36 Emomiyo, ka ringri duto opong' gi ler, kendo ka onge mudho kuome kamora amora to obedo maler chutho, mana ka gima ler mar taya rieny kuomi,"
Masirni Auchiel
37 Kane Yesu osetieko wuoyo, Jafarisai moro norwake mondo gichiem kode, omiyo nodonjo iye kendo nobedo kodgi e mesa. 38 To jafarisai kanoneno ni Yesu ne ok okuongo ologo motelo ni chiemo, nowuoro. 39 Eka Ruoth nowachone niya, "Koro un Jafarisi ulwoko ng'e kikombe gidis to, gie chunyu to upong' gi wuoro kod timbe maricho. 40 Un joma ofuwo gi! Donge Jal mane ochueyo ng'e gik moko, ema nochueyo koda igi bende? 41 To chiwuru gima nie idis ne joma odhier, eka gik moko duto biro bedunu maler. 42 Chandruok ochomou un Jo — Farisai, nikech uchiwo ni Nyasaye mich mar achiel kuom apar mar apoth gi odielo, kod alode mamoko mag puodho, to ujwang'o ng'ado bura kare kod hero Nyasaye. Owinjore utim gik machien-go, ka ok uweyo mak utimo mokwongogo. 43 "Chandruok ochomou un Jo —Farisai, nikech uhero kombe madongo moloyo e sunagoke kod mos e chirni. 44 "Chandruok ochomou nikech uchalo gi liete moumore ma ji wuotho kuomgi ka ok ging'eyo. 45 Achiel kuom jal molony e chik nodwoke ni, "Japuonj, ka iwuoyo kamano wan bende iyanyowa. 46 Yesu nodwoko ni "Un joma olony e chik, bende chandruok ochomou nikech umiyoji ting' mapek maok ting'o yot ngang', to un uwegi ok unyal konyogi ting'ogi kata mana gi lith lwetu. 47 "Chandruok ochomou, nikech ugero, kendo umwono liete jonabi, to kwereu ema nonegogi.48 Omiyo ka utimo kamano to koro unyiso ni uyie gi gima kwereu notimo, ma neginegogo jonabi, to un to koro umwono lietegi. 49 Kuom mano Nyasaye e riekone nowacho ni, "Abiro oronegi jonabi gi joote, kendo moko kuomgi negi to moko ginisandi! 50 Emomiyo ibiro keto remb jonabi mosechuer duto e wi tieng'ni nyaka aa remb jonabi mosechwer aa chakruok piny. 51 Chakre remb Habil nyaka remb Zakaria, mane onegi e kind kendo mar misango kod kama ler. Ee awachonu ni tieng'ni ibiro kumo nikech mago duto. 52 "Chandruok ochomou un joma olony e chik, nikech usemayo ji kifungu mar rieko. Un uwegi pok udonjo kendo joma donjo be usegeng'onegi. 53 Ka Yesu noa kanyo, jo — Farisai gi Jopuonj Chik nochako kwede gi gero kendo ne gichande gi penjo mang'eny. 54 Ka girito mondo gimake gimoro amora mane onyalo wacho.
Siem Kod Jip
1 E kindeno, kane oganda mar ji w mang'eny moromo alufe ne ose-chokore, makoro ginyonore giwegi Yesu nochako wuoyo mokwongo, gi jopuonjrene kowacho niya, "Ritreuru ka utang' ni thowi mar jo- Farisai, ma en wuon-druok. 2 Onge gimoro mopandi maok bi fwenyore, kata maling'ling' ma ok nong'ere. 3 Gima usewacho e mudho biro winjore e odichieng' e lela, kendo gima usekwodho eitu ei ot maiye nolandi e wi tat ot. 4 Awachonu osiepna, kik uluor jogo manego ringruok to bang'e ok ginyal timo gimoro moloyo. 5 To abiro nyisou jalo monego uluor: Luoruru jalno ma, bang' nego ringruok, to en gi teko mar witou e ataro mar mach. Ee, awachonu, luoreuru. 6 Oyundi abich donge ing'iewo otonglo ariyo kende? To kata acheiel kuomgi wi Nyasaye ok wilgo. 7 Chutho, kata mana yie wiu duto okwan. Kik uluor, nikech uloyo oyundi mang'eny. 8 "Awachonu, ng'ato ang'ata mahula e nyim ji, Wuod Dhano biro hule e nyim malaike mag Nyasaye. 9 To ng'ato ang'ata mokweda e nyim ji en bende nokwede e nyim malaike mag Nyasaye. 10 Kendo ng'at ang'ata mowacho wach marach kuom Wuoud Dhano nowene, to ng'at mowach wach mar achaye kuom Roho Maler ok nowene. 11 "Kokelu e sunagogi, e nyim jodongo gi jotelo, to kik uparru kuom kaka dud-wok weche ma odonjnugo, kata gima duwachi, 12 nikech Roho Maler biro puon-jou e sano gima onego uwach.
Ngech Jomoko Mofuwo
13 Ng'at moro mane ni ei oganda nowachone ni, "Japuonj nyis owadwa mondo opogna gikeniwa. 14 Yesu noduoko ni, "Omera ng'ama oketa jang'ad bura kata jathek e kindu?" 15 Eka nowacho nigi ni, "Ritreuru! Beduru motang' ni kit wuoro duto; ngima mar dhano ok bedi ni mwandu mathoth ma en-go. 16 Kendo nowachonigi ngero ni: puodh ng'at moro ma jamoko nochiek maber. 17 Noparo e chunye ni, 'Ang'o monego atim? Aonge kama dakanie chamba.' 18 "Mi nowacho, 'Ma e gima abiro timo. Abiro muko dechena kendo gero moko madongo, kendo abiro kano chamba duto gi gigega kanyo. 19 Eka anawach gie chunya ni "In-gi gigi mang'eny maber misekano moromi kuom higni mang'eny. Koro ywe, chiem, methi kendo bed mamor. 20 "To Nyasaye nowachone ni, 'In ng'ama ofuwoni! Kawuono gotieno ni ang' nokaw ngimani. Eka ng'ano mabiro kawo mago mise loso ni in iwuon?' 21 "Mano e kaka nobed gi ng'ato ang'ata mokano gik moko ni en owuon to ok omew e yor Nyasaye.
Kik Iparri
22 Eka Yesu nowacho ni Jopuonjrene, "Emomiyo awachonu ni kik uparru kuom ngimau, kuom gima ubiro chamo, kata kuom dendu, kuom gima durwak. 23 Ngima duong' moloyo chiemo, dendi bende loyo lewni. 24 Paruru ane winy: Maok chwo bende ok gi kee, gionge gi kuonde keno kata dere; to Nyasaye pidho-gi. To un donge uber moloyo winy. 25 To ng'ano kuomu manyalo medo saa achiel e ngimane nikech oparorore? 26 To kaka ok unyal timo mani matin-ni ang'o momiyo uparori kuom gik mamoko? 27 Paruru ane kaka odanyo dongo. Ok giti kata chwecho. To kata kamano awachonu ni kata mana Solomon e rwakruokne malich ok rom kodgi. 28 Ka kamano e kaka Nyasaye rwako lum man e pap, ma kawuono en tie to kiny iwite e mach, to koro un dorwaku, machal nade, yaye un man-gi yie matin. 29 Kendo kik uket chunyu kuom gima dicham kata madi madhi, kik uparru kuom mago. 30 Nikech joma ok oyie man e piny ringo kalawo gik ma kamago, Wuonu ong'eyo ni uchando gigo. 31 To dwaruru piny ruodhe, eka magi bende biro medorenu. 32 Kik uluor un kweth matin, nikech Wuonu mor mar miyou piny ruoth. 33 Lok gigi iyudgo pesa mondo imi joma odhier. Dwaruru okepe maok yiechi, mwandu manie polo maok rum kuma jakuo ok chopie kata olwende ok keth. 34 Nikech kama mwanduni nitie ema chunyi bende nitie. Rito 35 "Rwakreuru kendo ikreuru ni tich bende techeu obed ka liel, 36 ka joma rito ruodhgi maduogo koa e nyasi mar arus, mondo kobiro kendo oduong'o to giya-wone dhoot piyo. 37 Nobed maber ni jotich ma ruodhgi noyud karito e kinde moduo-go. Awachonu adiera ni norwakre gi lawe mondo omigi chiemo, nomi gibed e mesa mi nobi mopognigi chiemo. 38 Nobed maber ni jotije ma ruodhgi noyud ka oikore kata ka obiro e arita mar ariyo kata mar adek gotieno. 39 To ng'euru ma maber ni kadine wuon ot ng'e saa ma jakuo biroe to dine ok oweyo ode otur gi jakuo. 40 Omiyo nyaka uikru, nikech Wuod Dhano biro biro saa ma ok ung'eyo." 41 Petro nopenje, "Ruoth iwacho ngeroni ni wan koso niji duto?" 42 To Ruoth noduoko, "En ng'a maja adier kendo maj atelo mariek ma ruodhe miyo tich mar rito jotije miyogi chiembgi e saa mowinjore? 43 Jatrjno none ber ka ruodhe oduogo moyude ka otimo kamano. 44 Awachonu adieri ni nokete mondo orit mwandune duto. 45 To ka jatich owacho e chunye owuon ni, 'Ruodha, okawo ndalo mathoth kapok oduogo', mi ochako goyo jotich machuo gi mon kendo ochako chiemo kendo gi metho, kod mer. 46 Ruodh jati-jno nobi e odiechieng' maok opar ni dobie kendo e saa maok ong'eyo, obiro ng'ade matindo tindo mi nokete gi joma ok oyie. 47 Jatijno mong'eyo dwaro mar ruodhe to ok otem timo gima ruodhe dwaro nochwad mang'eny. 48 To mano maok ong'eyo to otimo gik mowinjore gi kum, to nochwad manok. Ng'ato ka ng'ato mose mi mang'eny nodwar kuome gik mang'eny, to jal mose mi mang'eny mondo oriti, enopenje mang'eny moloyo.
Ok Kuwe To Pogruok
49 "Asebiro mondo amok mach e- piny to mano kaka agombo ni mad ne bed ni osemoke! 50 Nitie batiso monego ayudi. To mano kaka chunya chandore nyaka chop otimre! 51 Uparo ni ne abiro mondo akel kuwe e piny? Ooyo to awachonu ni ne akelo mana pogruok. 52 Chakre kawuono kadhi nyime ji abich ma joot achiel biro pogore, ji adek odok kon achiel to ji ariyo bende ni koma chielo. 53 Gibiro pogore, wuoro pogore gi wuode kendo wuowi bende pogore gi wuon, miyo nopogre gi nyare to nyako bende nopogre gi min, dayo nopogre gi chi wuode, chi wuowi bende nopogre gi damare.
Ng'eyo Hend Kinde Mabiro
54 Nowacho ni oganda ni " Kuneno ka boche polo chokore yo podho chieng' to piyo piyo uwacho ni koth biro chwe, to timore kamano! 55 Kendo ka yamb milam-bo kudho to uwacho ni oro biro to kamano e kaka timore. 56 Andhokegi! Ka ulony kuom rango chai mar piny gi polo to ang'o momiyo ok unyal ng'eyo gik matimore ndalogi? 57 Nikech ang'o ok unyal ng'eyo ngima kare? 58 Ka idhi gi ng'ama odonjoni e nyim jang'ad bura, tem matek mondo iwuo kode kendo uwinjru kapod un eyo, ka ok kamano to obiro ywayi koteri ir jang'ad bura, to jang'ad bura biro keti e lwet askari to askari biro boli e jela. 59 Awachoni ni ok niwuog oko nyaka ichul pesa duto.
Lokreuru Kata Ulal
1 Koro ne nitie jomoko mane nitie e kindeno mane owacho ni Yesu wach kuom Jo- Galili ma rembgi Pilato noruwo gi misenginigi. 2 Yesu nodwoko ni, "Uparo ni Jo Galili-gi ne joricho moloyo Jo- Galili mamoko nikech negisandore kamano? 3 Awachonu ni, "Ooyo! To ka ok ulokoru uweyo richou, un bende duto unu tho kamano. 4 Kata japar gaboro ka manotho kane ohinga e Silaom nopodho kuomgi- uparo ni negin joketho moloyo ji mamoko duto madak e Jerusalem? 5 Awachonu ni, Ooyo! To ka ok ulokoru uweyo richou un bende ubiro manatho." 6 Eka nogoyo ngeroni ni, "Ng'at moro ne nigi yadh ng'owo mopidho e puothe, to nodhiyo mondo orang olemo kuome, to ok noyudo mora amora. 7 Omiyo nowacho ni ng'at mane rito puodho ni, "Kuom higni adek asebedo kabiro kae kadwaro olemo e ng'owoni to ok aseyudo moro amora. Ng'ole igoye piny. Ere gima dimi ocham lowo?" 8 Ng'atno nodwoke ni, "Jaduong', yie iweye higani kende bang'e to abiro pure kendo medo ketone owuoyo. 9 Ka onyago olemo higa mabiro, manober, to, ka ok onyago, to nong'ole oko."
Dhako Mong'ol Ochang Chieng' Sabato
10 Chieng' Sabato moro Yesu ne puonjo e achiel kuom sunagoke, 11 to dhako moro ne nikanyo mane jachien osemiyo obedo mongol kuom higini apar gaboro. Midekre nodole maok nonyal riere tir kata matin. 12 Kane Yesu onene, nolu-onge obi nyime kendo nowachone ni, "Dhako ogonyi ibed thuolo ichangi e midekreni." 13 Eka noketo lwetene kuome, to gikanyono noriere tir kendo nopako Nyasaye. 14 Jaduong' od lemo, mirima nomako nikech Yesu nochango dhakono chieng' Sabato, nowacho niji niya, "Nitie ndalo auchiel mitiyoe. Omiyo biuru mondo ochangu e ndalogo, to ok chieng' Sabato." 15 Ruoth nodwoke ni, "Un joma wuon-dore! Donge ng'ato ka ng'ato kuomu gonyo rwadhe kata pundane e kul kotere oko mondo omiye pi? 16 Koro dhakoni, ma nyakwar Ibrahim, ma Satan oseketo kotweyo higini apar gaborogi mabor kama donge ber kogmye obed thuolo chieng' Sabato oa e gima notweye?" 17 Kane owacho mani, jogo duto mane pinge wigi nokuot. To ji mamoko nomor kod gik moko duto miwuoro mane otimo.
Ngero Mar Koth Karadali Kod Thowe
18 Eka Yesu nopenjo, niya, "Ere kaka loch pinyruodh Nyasaye chalo? Ang'o madapimego? 19 Ochalo kod koth karadali, ma ng'ato nokawo kendo opidho e puothe. Nodongo mobed yien, to winy mag polo nogedo e bedene." 20 Nopenjo kendo ni, "Ang'o ma dapim-go loch pinyruodh polo mar Nyasaye? Ochalo thowi ma dhako 21 kawo kendo oruwo ei mogo mang'eny, mi bang'e okuot.
Dhoot Madiny
22 Eka Yesu nodhiyo e taonde kod gwenge kopuonjo ji ka odhiyo Jerusalem. 23 Ng'ato moro nopenjo niya, "Ruoth, en mana ji manok emabiro kwo?" Nowacho nigi 24 "niya Temuru matek mondo udonj e dhoot madiny, nikech awachonu ni, ji mang'eny biro temo mondo odonj to ok gibi nyalo ngang'. 25 Ka wuon ot nochung' kendo lor dhoot ubiro chungo oko ka uduong'o kendo sayo ni, 'Jaduong', yawnwa dhoot. "To obiro dwokou ni, 'Ok ang'eyou kata kuma uae akia!' 26 "Eka ubiro wacho ni, "Ne wachiemo kendo metho kodi, bende ne ipuonjoe yorewa matindo.' 27 "To obiro dwoko ni, 'Ok ang'eyou, kata kuma uae akia. Ayeuru kuoma un jomatimo maricho!" 28 "Ywagruok biro bedo kanyono, kod muodo lak, ka uneno Ibrahim, Isaka gi Jakobo gi jonabi duto manie Pinyruoth Nyasaye to un uwegi nowitu oko. 29 Ji, biro biro koa yo wuok chieng' kod yo podho chieng', gi nyadwat kod milambo, kendo gi bed e keregi e kar nyasi mar chiemo e Pinyruoth Nyasaye. 30 Adiera chutho nitie jomoko makoro nichien mabiro telo, to jomotelo mabiro dong' chien."
Chuny Malit Mar Yesu Ni Jerusalem
31 Gi e kindeno Jofarisai moko nobiro ir Yesu kendo nowachone ni, "Ai ka kendo dhiyo kamachielo nikech Herode dwaro negoi." 32 Nodwoko ni, "Dhiuru uwachne kib-weno, 'Abiro golo jochiende kendo chango ji kawuononi gi kiny, to chieng' mar adek abiro chopo dwarona. 33 To kata kamano nyaka adhi nyime kawuononi, gi kiny kod orucha nikech adiera onge, janabi ma nyalo tho oko mar Jerusalem! 34 "Yaye, Jerasalem, Jerusalem, biro nego jonabi kendo chielo gi kite jogo moor iri, didi, masedwaroe mondo achok nyithindi kaachiel, mana kaka gweno choko nyithinde e bwombe, to ok useyie. 35 Ne, odi odong' gunda. Awachoni, ok ini-nena kendo nyaka iniwach ni, "Ogwedh ng'ama biro e nying Ruoth.' "
Yesu E Od Jafarisai.
1 a Chieng' Sabato moro, kane Yssu JO odhiyo chiemo e od Jafarisai marahuma moro, nobedo ka ne ing'iye ahinya. 2 To e nyime kanyo netie ng'ato mane mbunda ohingo. 3 Yesu nopenjo Ja-Farsai kod jomolony e chik ni, "En gima owinjore gi chik mondo ochang ng'ato chieng' Sabato koso? 4 To ne giling' thi. Eka nokawo ng'atno, nochange kendo noweye odhi. 5 Eka nopenjogi ni, "Ka ng'ato kuomu nigi wuode kata rwadhe mopodho e soko chieng' Sabato, donge diywaye igole oko mana gikanyono? 6 To negionge gima digiwachi. 7 Kane oneno kaka welo yiero kuon-degi mag bet moyiedhi, e kar mesa, nogoyo nigi ngeroni ni, 8 "Ka ng'ato oluongou e nyasi mar kisera to kik ibed e kom moyiedhi, nimar dipo ka ng'ato moro mogen moloyoi oluongi bende. 9 Eka ka ng'ama oluongou ji ariyogi ka obiro mowachoni ni, 'Mi jali komi.' Kamano eka wiyi nokuodi nyaka inidhi ikaw kom kar bet man chien moloyo. 10 To ka oluongi e nyasi moro mar kisera kamoro to bed mana e kom man chien moloyo, mondo ka ng'at molu-ongino obiro to obiro wachoni ni, 'Osiepa, sudi malo nyime kama berni! Kamano iniyud luor e nyim welo weti-ni duto." nNimar ng'ato ang'ata mat-ing'ore malo nodwok piny, to jalo mad-wokore piny noting' malo." 12 Eka Yesu nowacho ni ng'at mane oluongeno ni, "Ka ichiwo chiemb odiechieng' kata chiemb otieno, kik ilu-ong mana osiepeni, oweteni kata wedeni, kata jogweng'u momew, nimar ka itimo kamano, kamoro giniluongi chieng' moro, mi gichuli kar luong mane iluongigmo. 13 To ka iloso nyasi, iluong joma odhier, rang'onde gi pudhe kod muofni, 14 eka ibiro gwedhoi kata obedo ni ok ginyal chuloi, to nochuli chieng' chier mar jomakare."
Ngero Mar Nyasi Maduong'
15 Ka achiel kuom jogo mane ni kode e mesa nowinjo ma, nowacho ni Yesu ni, "Ogwedhi nga'tono mabiro chiemo e nyasi mar Pinyruoth Nyasaye." 16 Yesu nodwoke ni, "Ng'at moro ne oloso nyasi maduong' kendo noluongo welo mang'eny. 17 Gi e kindeno mar nyasi nooro jotichne mondo onyisi jogo mane oluongi, 'Biuru, nikech gik moko duto koro oseikore. 18 "To giduto machalre ne gichako wacho weche ma ginyisogo wuon nyasi gimomiyo ok ginyal biro. Jal mokwongo nowacho ni, 'Koro eka aseng'iewo puodho moro, to nyaka adhi mondo anene. Yie ing'wonna. 19 Jal machielo nowacho ni, "Koro eka ang'iewo joge abich mag rweth pur, to adhiyo mondo atemgi, yie mondo ing'wonna. 20 Jal machielo pod nowacho bende ni, 'Eka aa fendo, omiyo ok anyal biro.' 21 "Jatich nodwogo kendo nowacho kamano ni ruodhe. Eka wuon ot nobedo mager kendo nowacho ni jatichne niya, Wuogi idhi mapiyo e yore matindo kod e kuonde mopondo mag taon mondo ikel joma odhier gi rang'onde, muofni kod pudhe.' 22 Jatich nowacho ni, 'Jaduong' gima nende ichokowa osetim, to pod thuolo nitie.' 23 "Eka jaduong' nowacho ni jatichne ni, 'Wuogi idhiyo oko e yore madongo kod yore mag gweng' kendo ikel gibi gidonji, mondo oda opong'. 24 Awachonu ni, onge kata ng'ato achiel kuom jogo mane oluongi manobil chiemba.' "
Nengo Mar Bedo Japuonjre Yesu
25 Ka ji mang'eny ne wuotho kod Yesu, eka nolokore irgi mowachonigi niya: 26 "Ka ng'ato obiro ira, to ok okwedo wuon gi min kod chiege gi nyithinde, owete gi nyiminene ee, kata ngimane owuon- ok onyal bedo japuonjrena. 27 To ng'ato maok oting'o msalape owuon mi oluwa ok onyal bedo japuonj rena. 28 "Ka dibed ni achiel kuomu dwaro gero ohinga. Donge obiro bedo piny mokwongo mondo okwan nengone mondo one ka en gi pesa moromo mar tieke? 29 Nimar ka oketo mise to ok onyal tieke, ji duto manene biro nyiere, 30 ka giwacho ni, "Jali nochako gedo to ok onyal tieko." 31 "Kata ka dibed ni ruoth moro dwaro dhiyo e lweny e kinde gi ruoth machielo. Donge mokwongo dobed piny mondo opar anena ka ji alufu apar ma en-go bende onyalo kedogo gi jal mabiro monje man-gi ji alufu piero ariyo? 32 Ka ok donyal, to obiro oro joote ka pod jal machielo pod ni kuma bor, mondo onyise ni odwaro mondo giwinjre e yor kuwe. 33 Machalre kamano bende, ng'ato kuomu maok oweyo gige duto ok onyal bedo japuonj rena. 34 "Chumbi ber, to ka ndhathe orumo, ere kaka dimiye obed gi ndhadhu kendo? 35 Ok owinjore ne tich lowo kata mana pidh owuoyo, omiyo ipuke oko. "Ng'at man gi it mar winjo, mondo owinji."
Ngero Mar Rombo Molal
1 Koro josol osuru gi "joricho" nochokore machiegni mondo giwinje. 2 To jo- Farisai gi Jopuonj Chik neng'ur kawacho ni, "Ng'atni rwako joricho kendo ochiemo kodgi." 3 Eka Yesu nogoyo nigi ngero ni: 4 "Ka ng'ato kuomu dibedi ni nigi rombe mia achiel, to oialo achiel kuomgi. Donge dowe piero ochiko gochiko e pap kama ler kendo odhi omany rombo molal nyaka oyude? 5 To ka oyude, okete e goke lomor. 6 kendo odhiyo dala. Eka oluongo osiepene gi jogweng'gi kaachiel, kowacho ni, "Moruru koda, Aseyudo nyarombona mayandi olal. 7 Awachonu ni kamano e kaka mor nobedi e polo kuom jaricho achiel mololore, moloyo mor kuom ji piero ochiko gochiko mabeyo maok dwar lokruok.
Ngero Mar Pesa Molal
8 "Kata ka dibed ni nitie dhako man-gi silinge mamingli apar, to achiel olalne. Donge domok taya, kendo yweyo ot to omany maber ahinya mondo oyude? 9 To ka oyude, oluongo osiepene gi jogweng'gi kaachiel, kowacho ni, 'Moruru koda, aseyudo pesana manolal.' 10 Mana kamano, awachonu e kaka mor e nyim malaika mag Nyasaye nobedie kuom jaricho achiel molokore."
Ngero Mar Wuowi Molal
11 Yesu nomedo wacho niya, "Ne nitie ng'ato moro mane nigi yawuowi ariyo. 12 Wuowi machogo nowacho ni wuon mare ni, 'Wuora, pogna mwanduna ma mara, kuom mano nopogo yawuote ariyo-go mwandune. 13 "Bang' ndalo manok ne mano, wuowi machogo nokawo gige duto, eka nowuok modhiyo e piny mabor to kuro notiyo gi mwandune e yor dak e ngima mar anjawo. 14 Kane osetieko gik moko duto, kech mager nowuok e pinyno duto, eka nochako bedo gi chando. 15 Eka nodhiyo kochiwore owuon mondo oti ni japinyno, mane oore e lawe mondo opidh ne ngurue. 16 Nogombo mondo ocham opong'go iye opokla ma ngurue chamo, to bende onge ng'ato mane omiye gimoro. 17 "Kane parone oduogme, nowacho niya, 'Gin ji adi mondiki mag wuora man-gi chiemo moromogi, madong'. To an ka eri kech chama mar tho! 18 Abiro wuok kendo adog ir wuora mi anawache ni: Wuora, asetimo richo e nyim polo kendo e nyimi. 19 Ok awinjora koro oluonga ni wuodi; keta abed kaka achiel kuom jotich-ni. 20 Omiyo noa malo kendo nodhiyo ir wuon mare. "To kane pod en kuma bor, wuon mare nonene kendo kopong' gi kech kuome, noringo kodhiyo ir wuode, nokwake gi bade kendo nonyodhe. 21 "Wuowino nowachone niya, Wuora, asetimo richo e nyim polo kendo e nyimi. Ok awinjora koro mondo oluonga ni wuodi.' 22 "To wuon mare nowacho ni jotichne niya, 'Piyo piyo, keluru law maberie moloyo mondo urwakne. Ketneuru tere e lith lwete kendo wuoche mondo urwakne e tiendene. 23 Keluru nyarwath machwe uyang'. Wachamuru wabed mamor. 24 Nikech wuodani yande otho, to koro onwang'e.' Kamano negichako timo nyasi ka gimor. 25 "E kindeno, noyudo ka wuowi maduong' nie puodho. Kane obiro machiegni gi ot nowinjo wer gi miel. 26 Omiyo noluongo achiel kuom jotich kendo nopenje ni en ang'o matimore. 27 Nodwoke ni, 'Owadu oseduogo, to wuoru osenego nyarwath machwe nikech oseduogo kongima kendo maber.' 28 "To wuowi maduong' mirima nomako, kendo notamore donjo e ot. Omiyo wuon mare nowuok oko odhiyo ire kendo nosaye mondo odonji. 29 To nodwoko wuon mare niya, 'Neye, higini gi duto asebedo katiyoni ka misumba kendo aserito katimo chikeni. To eka pok imiyoa kata mana nyadiel mondo ayang', abedgo mamor kod osiepena.' 30 To ka wuodi ni, moseketho gigegi gi mon ma jochode ka obiro dala, to inegone nyarwath machwe!' 31 "Wuon mare nowacho niya, 'Wuoda, in koda ndalo duto, kendo gik moko duto ma an-go' gin magi. 32 To nyaka ne wabed mamor kendo bed moil, nikech owaduni yande otho to koro ongima, kendo yande olal to koro oyude!'
Ngero Mar Wuon Tich Mariek
1 Yesu nowacho ne Jopuonjrene D niya. "Ne nitie jamoko moro, ma ng'at mane rito mwandune ne odonjne ni ketho gige. 2 Omiyo noluonge ire kendo nopenje ni, 'En ang'o mawinjo kuomi ni? Chiw ane kwan kuom gigo duto mirito, nikech ok inyal bedo jarit giga kendo ngang'!' 3 "Jarit nowachone en owuon ni, Abiro timo ang'o koro? Ruodha koro maya tija. Ok an ratego moromo ma dapur, to wiya kuot mondo akwechi. 4 Ang'eyo gima abiro timo, ma ka aweyo tich ka to ji biro rwakae utegü' 5 "Omiyo noluongo jogope ruodhe achiel achiel. Nopenjo mokwongo ni, 'In-gi gop ruodha maromo nadi? 6 "Nodwoke ni, 'Galande mia aboro mag mo. Jarit tich nowachone ni, 'Bed piny piyo piyo, ikaw kitapi indikie ni, mia ang'wen.' 7 "Eka nopenjo jal mar ariyo ni, 'In to, gopi oromo adi?' Nodwoke ni, 'Gunde alufu mag ngano.' "Nowachone ni, 'Kaw kitapini, indike ni mia aboro.' 8 "Ruoth nopako Jarit gige maok kareno nikech notiyo gi rieke. Nimar jopinyni ong'eyo tiyo mariek gi jowadgi moloyo jogo mag chieng'. 9 Awachonu ni, tiuru gi mwandu mag piny mondo umak-go osiepe ne un uwegi, mondo ka orumo, norwaku e kar dak manyaka chieng'. 10 "Ng'at minyalo geno gima tin inyal gene bende gi gik mang'eny ma to ngat ma ok jadiera gi gima tin bende ok nyal gadiera gi gik mang'eny. 11 Emomiyo ka ok usebedo joadiera e tiyo gi mwandu mar pinyni, ngano mabiro genou gi mwandu madier? 12 To ka ok usebedo joadiera gi mwandu ng'at machielo, ng'ano madimiu mwandu ma maru-uwegi? 13 "Onge jatich manyalo tiyo ni ruodhi ariyo. Nimar obiro sin gi achiel to ohero machielo, kata obiro chiwore ni achiel to ochayo machielo. Ok inyal tiyo ni Nyasaye kendo ni Pesa." 14 Jo- Farisai mane ohero pesa nowinjo magi duto kendo neginyiero kagijaro Yesu. 15 Nowachonigi ni, "Un ema uke-toru kare uwegi e wang' ji, to Nyasaye ong'eyo chunyu. Gima okaw ni ber ahinya gi ji, kuom Nyasaye en gima ichayo.
Puonj Mamoko
16 "Chik kod Jonabi nolandi nyaka chop ndalo mar Johana. Chakre kanyo, wach maber mar Pinyruodh Nyasaye osebedo kilando, kendo ng'ato ka ng'ato riyore mondo odonjie. 17 To yot mondo polo gi piny orum, moloyo ka nukta achiel matinie moloyo mar chik ok lal. 18 "Ng'ato moriembo chiege kendo okendo dhako machielo, otimo tim chode, to ng'at mokendo dhako ma chwore oriembo, to en bende otimo tim chode.
Jamoko Kod Lazaro
19 "Ne nitie jamoko moro mane rwako lewni mokikore kendo mareprep mabeyo ma nengogi tek, kendo nodak e ngima mamalo mar mor ndalo duto. 20 E dho-rangaye noketie jakwecho miluongmi Lazaro, ma adhonde nopong'o dende 21 kendo nogombo chamo ng'injo molwar e bwo mesa jamolono. Kata mana guogi bende nobiro minang' adhondege. 22 "Saa nochopo ma jakwecho notho kendo malaika noting'e, otere e bath Ibrahim. Jamoko bende notho kendo noike. 23 Kane en e Piny Joma otho kisande malit, nong'yo malo to noneno Ibrahim gi kuma mabor kod Lazaro e bathe. 24 Omiyo noluonge kowacho niya, Wuora Ibrahim kecha kendo or Lazaro olut lith lwete e pi mondo okwena lewa, nikech an-gi rem malit e ligegani.' 25 "To Ibrahim nodwwoke ni, Wuoda, parie ni e ndalo mar ngimani ne iyudo gik mabeyo, ka Lazaro to ne yudo gik maricho, to koroni oneno maber ka eri, to in inie rem malit. 26 To bende moloyo ne mano duto, e kindwa kodi nitie hoho mang'ongo moseketi, mondo otam jogo madwaro aa ka obi iru kata ng'ato ok nyal ng'ado oa koru obi irwa koni. 27 "Nodwoko ni, 'Koro akwayoi, wuora, or Lazaro odhi od wuora, 28 nimar an-gi owetena abich. Odhiyo osiemgi, mondo kik gin bende gibi e kar sand malitni.' 29 "Ibrahim nodwoke ni, 'Gin kod Musa gi Jonabi, owinjore gi winjgi.' 30 "Nowacho ni, 'Ooyo wuonwa Ibrahim, to ka ng'ato oa kuom joma otho modhi ir gi, ginyalo lokore.' 31 "Nowachone ni, 'Ka ok ginyal winjo Musa gi Jonabi, ok ginyal yie winjo kata ng'ato chier aa kuom joma otho.'"
Richo, Yie, Tich
1 Yesu nowacho ni jopuonjrene niya, "Gik mamiyo ji timo richo ochunore ni nyaka bedie, to okuong' jalo makelo gigo. 2 Da obedo maber ka otwene pong' e ng'ute, mi onyumego e nam moloyo komiyo achiel kuom jomatindogi otim richo. 3 Omiyo ritreuru uwegi, "Ka owadu otimo richo, kwere, to ka olokore, wene. 4 Ka otimoni richo nyadibiriyo odiechieng' achiel to obiro iri nyadibiriyo kendo owacho ni, 'Alokora, wene.' 5 Joote nowacho ni Ruoth niya, "Med yiewa." 6 Nodwoko ni, "Ka un gi yie matinie kaka koth karadali, unyalo wacho ni yadh ng'owoni ni pudhri i mondo ipithri e nam' to da owinjou motimo kamano. 7 "Ka dibed ni nitie achiel kuomu man-gi jatich mapurone kata makwayo rombe. Dowachne jatichne koa e puodho ni, "Bi koroni kendo ibed piny mondo ichiem? 8 Donge dowachne mana ni, losna chiem-ba mar otieno, ikri mondo imiya acham kendo madho, eka bang'e inyalo chiemo kendo metho? 9 Dogo ni jatichneno erokamano nikech notimo gima nowachone notim? 10 Omiyo un bende, ka usetimo gik moko duto maneonyisu mondo utim, onego uwach ni, wan mana jotich aticha ma ok owinjore wasetimo mana tichwa."
Jodhoho Apar Ochangi
11 Koro e yo kane odhiyo Jerusalem, Yesu nowuotho e kind Samaria gi Galili. 12 Ka noyudo odonjo e dala moro, ji apar man-gi dhoho noromo kode. Negichungo mabor 13 kendo negiluongo gi duol maduong' ni, "Yesu, Ruoth! Kechwa!" 14 Ka nonenogi, nowacho niya, "Dhiuru, unyisru uwegi ni jodolo." To kane gidhi, negipuodhore. 15 Achiel kuomgi, kane oneno ni osechange, nodok ir Yesu, kopako Nyasaye gi duol maduong'. 16 Nogore piny e tiend Yesu kendo nogoyone erokamano- to ne en ja Samaria. 17 Yesu nopenjo ni, "Donge ji apar duto nopuodhi? Ere ji ochiko mamoko? 18 Onge ng'ato madineyudre kuomgi monego duogi mondo omi N)asaye pak, mana japiny moro nononi kendo ema oduogo? 19 Eka nowachone niya, "Chungi kendo idhi, yieni osemiyo ibedo mangima."
Biro Mar Pinyruoth Nyasaye
20 Chieng' moro, kane openje gi jo-Farisai kinde ma pinyruodh Nyasaye nobiye, Yesu nodwokogi ni, "Pinyruodh Nyasaye ok bi mana kaka uparoe ka uneno, 21 kata ji ok no wach ni, Eri go, kata ni, Ee cha go cha, nikech pinyruodh Nyasaye nie eiu." 22 Eka nowacho ni jopuonjre ni, "Ndalo biro ma unugomb nenoe chieng' achiel kuom ndalo mag Wuod Dhano, to ok ununene. 23 Ji biro wachonu ni, En kucha! Kata ni, En ka, kik uring udhi bang'gi. 24 Nikech ndalo mar Wuod Dhano nobed machalo ka mil polo ma piatore e kor polo koa konchiel nyaka komacheilo. 25 To mokwongo nyaka one masiche mang'eny, kendo tieng'ni nodage. 26 "Mana kaka ne en e ndalo mag Nowa, e kaka biro bedo bende e ndalo mag Wuod Dhano. 27 Ji ne chiemo kendo metho, chwo ne kendo bende nyiri ne ikendo nyaka nochopo chieng' ma Nowa nodonjo e yie. Eka pi mar ataro nobiro motieko ji duto. 28 "Kamano e kaka nechalre e ndalo mag Lut, ji ne chiemo, kendo metho, ne gingiewo kendo negiloko ohala, bende negipitho kendo gedo. 29 To chieng' mane Lut oa Sodom, mach kod kite maliel mager nolwar koa e polo kendo notiekogi duto. 30 "Kamano kaka obiro bedo e ndalo ma Wuod Dhano nofwenyre. 31 Odiechieng'no onge ng'ato manobe-die e wi tat ot, man-gi gige ei ot, manolor mondo ogolgi. Machalre gi mano, onge ng'ato manie puodho man-odog dala ne gi moro amora. 32 Paruru chi Lut! 33 Ng'ato materno reso ngimane, ngimane biro lame, to ng'atno ma ojwang'o ngimane, nores ngimane. 34 Awachonu ni, otienono ji ariyo nobed e otanda achiel: achiel ibiro kawo to machielo nowe. 35 Mon ariyo biro bedo karego cham kaachiel, achiel nokaw, to machielo nowe. 36 Chwo ariyo nobed e puodho, achiel ibiro kawo, to machielo nowe." 37 Eka negipenje niya, "Mano notimre kanye, Ruoth?" Nodwokogi ni, "Kama ringruok motho nitie, ema achudhe chokore."
Ngech Chi Liel Mamien.
1 Eka Yesu nogoyo ngero ni jopuonjrene mondo onyisgi gibed ka gilamo kinde duto kendo kik chuny gi aa. 2 Nowachonigi niya, "E taon moro ne nitie jang'ad bura mane ok oluoro Nyasaye kata ok odewo ji. 3 To ne nitie chi liel moro e taondno mano bedo kadhiyo ire pile gi ywakne kakwaye ni, 'Yie ing'ad-na bura e kinda gi jal mahinyani! 4 Kuom kinde moko moromo nodagi, to bang'e mogik nowacho kende owuon ni, kata obedo ni ok aluoro Nyasaye kendo ok adewo ji kamano 5 to nikech chi lielni osiko chanda, abiro neno ni ang'adone bura kare, mondo kik ojoga oola gi birone ira pile!" 6 To Ruoth nowacho niya, "Winjeuru gima ne jang'ad bura maok kareno owacho! 7 To donge Nyasaye biro ng'ado bura kare ni joge moyier, maywakne odiechieng' gi otieno? Obiro tamore maok owinj gi koso? 8 Awachonu ni, obiro neno ni ong'adnigi bura kare kendo mapiyo. Kata kamano, ka Wuod Dhano biro, bende obiro yudo yie e piny?
Ngero Mar Ja Farisai Gi Jasol Usuru
9 Ni joma nogenore giwegi ni gin jomakare kendo mane ochayo ji mamoko duto, Yesu nogoyo nigi ngeroni ni: 10 "Ji ariyo nodhiyo lemo ei hekalu, achiel ne en ja- Farisai to machielo ne jasol osuru.11 Ja Farisai nochungo kendo lamo kuome owuon niya: "Nyasaye, agoyoni erokamano ni ok an kaka ji mamoko - ma jomecho, jomatimo maricho, jochode-kata mana kaka jasol osuruni. 12 Ariyo kech maok achiem diriyo e juma ka juma, kendo achiwo achiel kuom apar mar gigo duto manwang'o. 13 To jasol osuru nochungo mabor. Ne ok onyal kata mana ng'iyo polo malo, to nogoyo kore kendo nowachoni, Nyasaye, kecha an jaricho. 14 Awachonu ni ng'atni, maok ng'at machielono, nodhiyo dala ka en kare e nyim Nyasaye. Nikech ng'ato ka ng'ato mating'ore malo owuon nodwoke piny, to ng'at madwokore piny noting' malo.
Nyithindo Matindo Gi Yesu
15 Ji nekelo nyithindo matindo ir Yesu, mondo omulgi. Kane jopuonjrene noneno mano negikwerogi. 16 To Yesu noluongo nyithindo ire kendo nowacho ni, "Weuru nyithindo matindo obi ira, to kik utamgi, nikech pinyruodh Nyasaye en mar jo-machal ka magi. 17 Awachonu adiera ni, ng'ato ma ok orwako pinyruodh Nyasaye kaka nyathi matin ok onyal donjoe."
Jamoko Ma Ruoth
18 Ruoth moro nopenje ni, "Japuonj maber, en ang'o manyaka atim mondo acham ngima manyaka chieng'?" 19 Yesu nodwoke ni, "Ang'o momiyo iluonga ni ng'ama ber? Onge ng'ama ber-makmana Nyasaye fende. 20 Ing'eyo chike ni, ' Kik iterri, kik ineki, kik ikwal, kik ihang wach kendo ni luor wuoru gi meru." 21 Nodwoke ni, "Magi duto ne aserito nyaka aa rawera." 22 Ka Yesu nowinjo ma, nowachone ni, "Pod irem gimoro achiel. Lok gigi duto ma in-go pesa, mondo ipog joma odhier, eka inibed gi mwandu e polo. Eka iduog iluwa." 23 Kane owinjo ma, nobedo mokuyo ahinya, nikech ne en ng'at ma jamoko maduong'. 24 Yesu nong'iye kendo nowachone ni, "Mano kaka tek ni joma nigi mwandu donjo e pinyruoth Nyasaye. 25 Chutho, yot ni ngamia kadho e wang' sandan, moloyo jamoko donjo e pinyruoth N)asaye. 26 Jogo manowinjo mani nopenjo ni, "En ng'ano kare manyalo kwo? 27 Yesu nodwokogi ni, "Gino maok nyalre gi dhano, nyalore gi Nyasaye. 28 Petro nowachone ni, "Waseweyo gik moko duto, ni nyaka waluwi!" 29 Yesu nowachonigi ni, "Awachonu adier ni, onge ng'ato moseweyo dalane kata jaode gi owetene, kata jonyuolne, kata nyithinde nikech piny ruoth Nyasaye 30 ok norem mak oyudo nyadi mang'eny marome e tieng'ni kendo e tieng' mabiro, noyud ngima manyaka chieng'.
Yesu Ochako Okoro Kendo Kuom Thone
31 Yesu nokawo Jiapar gariyo tenge kendo nowachonigi niya, "Wadhiyouru nyaka Jerusalem, to gigo duto maneondi-ki gi jonabi kuom Wuod Dhano ibiro timogi. 32 Ibiro chiwe ni joma ok jo-Yahudi. Gibiro jare, giniyanye, ka ging'u-lo olaw kuome, kendo ginichwade ma gininege. 33 To enochier kendo chieng' mar adek," 34 Jopuonjre ne ok owinjo tiend wechegi moro amora. Tiende nopandnigi, kendo ok ne ging'eyo gima ne owuoyo kuome.
Jakwecho Ma Muofu Oneno
35 Ka Yesu nesudo machiegni gi Jeriko, ng'at moro mamwofu nobedo piny e bath yo ka okwecho. 36 Kane owinjo ka oganda kadho, nopenjo ni en ang'o matimore. 37 Negidwoke ni, "Yesu ja- Nazareth ema kadho." 38 Noluongo matek ni, "Yesu, Wuod Daudi, kecha!" 39 To jogo manotelo e yo nokwere kendo nowachone ni ling' thi, to nomedo goyo koko ni, "Wuod Daudi, kecha!" 40 Yesu nochungo kendo nochiko mondo okel ng'atno ire. Kane obiro machiegni, Yesu nopenje ni, 41 "Ang'o midwaroa mondo atimni?" Nodwoko ni, "Ruoth, adwaro mondo anen." 42 Yesu nowachone ni, "Nen! Yieni ema ochangi." 43 Gikanyono wang'e noyepo moneno kendo noluwo Yesu, kopako Nyasaye. Ka ji duto noneno mano, ne gipako Nyasaye.
Zakayo Jasol Osuru
1 Yesu nodonjo Jeriko kendo nowuotho kokadho. 2 Ng'ato ne nitie kanyo ma nyinge Zakayo; ne en jasol osuru maduong' kendo ne en jamwandu 3 Ne odwaro neno ni Yesu en ng'a, to nikech ne en nyadundo ne ok onyal, nikech oganda. 4 Omiyo noringo dhiyo motelo kendo noidho yadh ng'owu mondo onene, nikech Yesu ne biro kuro. 5 Ka Yesu nochopo kanyono, nongiyo malo kendo nowachone ni, "Zakayo, lor piny piyo. Tinendeni nyaka abed e odi." 6 Omiyo Zakayo nolor mapiyo kendo nor-wake gi mor. 7 Ji duto noneno ma to kendo negichako ng'ur, kagiwacho ni, "Osedhi bedo wendo jaricho!" 8 To Zakayo nochungo malo kendo nowacho ni Ruoth niya, "Ne Ruoth! Sani kendo koroni nus mar giga ni jochan, to kapo ne asewuondo ng'ato e gimoro amora, abiro chule kaduokone maromo nyadi ng'wen." 9 Yesu nowachone niya, "Kawuono warruok osebiro e odni, nikech jali bende en nyakwar Ibrahim. 10 Nikech Wuod Dhano nobiro mondo omany kendo owar mano manolal."
Ngech Siling' Alufu Achiel, Achiel
11 Kane pod giwinjo mani, nodhiyo nyime kogoyonigi ngero, nikech nochiegini gi Jerusalem, kendo ji neparo ni pinyruoth Nyasaye biro betie mapiyo. 12 Nowacho niya, "Ng'at moro marahuma nodhiyo e piny maber mondo oyiere ruoth kendo eka oduogi. 13 Omiyo noluongo jotichge moko apar kendo ne omiyogi siling' alufu achiel, achiel. Nowachonigi niya, "Keturu pesagi e tich, nyaka aduogi." 14 To joge nosin kode kendo negioro joote modhiyo ire mondo giwach ni, "Ok wadwar ng'atni mondo obed ruodhwa. 15 Kata kamano, ne okete ruoth, kendo nodok dala. Kendo noluongo jotichne mane omiyo pesa, mondo oyud ni en ohala manade magise yudo. 16 Ng'at mokwongo nobiro kendo nowacho niya, "Jaduong siling' alufu achiel, osenywolo silinge alufu apar moko. 17 Ruoth nodwoko niya, "Otimore maber, jatichna maber! 'Nikech isebedo ng'at mogen e gima matin ahinya, koro bed ruodh mier madongo apar. 18 "Ng'at mar ariyo nobiro kendo nowacho niya, 'Jaduong', siling' alufu achiel osenywolo silinge alufu abich moko. 19 Ruodhe nodwoke niya, 'Bed ruodh mier madongo abich. 20 Eka jatich machielo nobiro kendo wacho niya, 'Jaduong', siling' alufu achiel eri, nasekane kapande aboyogo gi nanga. 21 Ne aluori, nikech in ng'at makoch. In ikawo gino mane ok ikano, kendo ikayo mano mane ok ichwoyo. 22 "Ruodhe nodwoke niya, 'Abiro ng'adoni bura koluwore kod wachni, in jatich marach! Kara in ne ing'eyo ni an nga't makoch, kendo ni akawo gima ne ok akano, bende akayo gima ne ok achwoyo! 23 Marang'o ne ok iketo pesanano e bengi, mondo kane aduogo, to ne anyalo kawe kod ohala. 24 "Eka nowacho ni jogo manochungo kanyo niya, "Kawuru silinge alufu achiel ugol kuome kendo umi jamo man-gi siling' alufu apar." 25 "Negiwacho niya, 'Jaduong' donge en-gi siling' alufu apar.' 26 " Nodwoko niya, "Awachonu ni ng'ato ka ng'ato man-go, ibiro medo mathoth, to jalo ma onge go, kata mano ma en-go nomaye. 27 To wasikago mane ok dwar mondo abed ruodhi gi - kelgiuru ka kendo neggiuru e nyima.' "
Donjo Gi Loch Marahuma
28 Bang' ka Yesu nosewacho mani, nodhiyo nyime, kodhiyo malo e Jerusalem. 29 Ka nosudo machiegini gi Bethfage kod Bethania e got miluongo ni Got Zeituni, nooro Jopuonjrene ariyo, nowachonigi niya, 30 " Dhiuru e dala man nyimu cha, to kaka udonjo e iye, ubiro yudo nyathi kanyna motue. Gonyeuru kendo ukele ka. 31 Ka ng'ato moro openjou ni, 'Ang'o momiyo ugonye ? Uwachne ni, Ruoth dware." 32 Jogo maneoor motelo nodhiyo kendo negiyude mana kaka nosenyisogi 33 Kane oyudo gigonyo nyathi kanynano, wuon nopenjogi, "Ang'o momiyo ugonyo nyathi kanyna?" 34 To jopuonjre noduoke mayot ni, 'Ruoth dware," 35 Negikele ir Yesu, negipedho lepgi e dieng'e nyathi kanyna kendo negiketo Yesu kuome. 36 Kane owuotho odhi, ji nopedho lepgi e yo. 37 Kane ochopo machiegni gi kama yo lorgo piny dhi Got Zeituni, oganda mangima mar jopuonjre nochako pako Nyasaye gi ilo kod duonde man malo kuom honni duto mane giseneno niya: 38 "Ogwedh Ruoth mabiro e nying Ruoth Nyasaye! Kuwe obedi e polo. kendo duong obedi malo chutho." 39 Jofarisai moko ei oganda nowacho ni Yesu ni, "Japuonj, kwer jopuonjreni." 40 Nodwoko niya, "Awachonu ni; kata ka di giling', to kitegi biro goyo koko." 41 To kane osudo machiegni gi Jerusalem kendo noneno dalano maduong' noywage, 42 to nowacho niya, "Ka da in iwuon bed mana ni ing'eyo tinendeni gima nyalo kelo ni kuwe-to koro ogeng'ore ne wang'i. 43 Ndalo biro bironi ma wasiki biro chielo ohinga mogeng'oi kendo moluoroi, kendo okun-yoni bur koni gi koni 44 Ginigoyi piny, in gi nyithindi ei ohingani ok giniwe kidi moro e wi wadgi, nikech ne ok ing'eyo kinde ma Nyasaye biroe iri."
Yesu E Hekalu
45 Eka nodonjo e hekalu kendo nochako riembo oko jogo mane loko ohala. 46 Nowachonigi niya, "Ondiki ni, "Oda nobed od lamo; to un to useloke od jomecho. 47 Ndalo ka ndalo nopuonjo e hekalu. To jodolo madongo, jopuonj chik kod jotelo mag ji netemo mondo ginege. 48 To ne ok ginyal yudo yo mar timo kamano, nikech ji duto norwako wachne.
Openj Teko Mar Yesu
1 Chieng' moro achiel kane opuonjo ji ei agoch hekalu, kendo noya-lo injili, jodolo madongo gi jopuonj chik, kaachiel kod jodongo nobiro ire. 2 Negiwachone niya, "Nyiswae, en teko mane ma itimogo gigi. Ng'ano momiyoi teko ni?" 3 Nodwoko niya, "An bende abiro pen-jou penjo. Nyisauru, 4 batiso mar Johana — ne oa e polo koso noa kuom ji?" 5 Negiwuoyo e kindgi giwegi kendo wacho niya, "Ka wawacho ni, 'Noa e polo, obiro penjo ni, 'Ang'o momiyo ok ne uyi-eye?" 6 To ka wacho ni, 'Oa kuom ji, ji duto biro chielowa gi kite, nikech negiyie ni Johana ne en janabi." 7 Omiyo negi dwoko niya, "Ok wang'eyo kuma ne oaye." 8 Yesu nowacho niya, "Kata an ok abi nyisou ni giteko mane ma atimogo gigi."
Ngech Jopur
9 Nodhiyo nyime kogoyo nigi ngero ni, "Ng'ato nopidho puoth mzabibu, noweye ne jopur moko kendo nodhiyo kumoro kuom ndalo mang'eny 10 E kinde mar keyo nooro jatich ir jopur mondo gimiye olemo moko mar puoth mzabibu. To jopur nogoye kendo noriembe gi lwete nono. nNochako ooro jatich machielo, to jali bende negigoyo kendo timone tim wichkuot, kagiriembe gi lwete nono. 12 Nooro kendo ng'at mar adek, to negi-hinye magimiyo obedo gi adhonde kendo giriembe oko. 13 "Eka wuon puoth mzabibu nowacho niya, 'Abiro timo ang'o? Abiro oro wuoda mahero, kamoro dipo ginyalo winje!' 14 To ka jopur nonene, ne giwacho wach ni 'Jali e wuod wuon lowo, kendo negiwacho, 'wanegeuru, to mwandu mar girkeni nodong'nwa! 15 Omiyo negidhire gigole oko mar puoth mzabibu kendo neginege. "Ang'o ma wuon puoth mzabibu notim negi?" 16 Obiro biro mondo oneg jopurgo kendo chiwo puoth mzabibuno ni jomoko." Kaji nowinjo mani, ne giwacho niya, "Gima kama kik timre!" 17 Yesu nong'iyogi kochomo wang'e kuomgi kendo nopenjo niya, "Kara ere tiend gino mondiki: "Kidi mane jogedo okwedo osedoko rariw mar ot. 18 Ng'ato ka ng'ato mopodho kuom kidino notur matindo tindo, to jalo ma ogore kuome noregre ka buru." 19 Jopuonj chik kod jodolo madongo ne manyo yo mondo gimake mapiyo, nikech neging'eyo nosegoyo ngeroni kuomgi. To negiluoro ji.
Golo Osuru Ni Kaisari.
20 Ka giritogo maok giweyone thuolo, negioro jombetre, mane wuondore ni gin joadiera maonge wach marach. Negigeno ni digi mak Yesu e gimoro mowacho mondo omi gimake gitere e loch kod teko mar ruoth. 21 Omiyo jombetrego nopenje niya, "Japuonj wange'yo ni iwacho kendo ipuonjo yo mar Nyasaye koluwore kod adiera. 22 En kare mondo wagol osuru ni Kaisari koso ok kare? 23 Noneno obadho mane gichikone to nowachonigi niya, 24 "Nyisauru siling' kidoni kod nying' man kuome gin mag ng'a?" 25 Negiduoko ni, "mag Kaisari." Nowachonigi ni, "Kara, chiwuru ni Kaisari gi kaisari, to ni Nyasaye gi Nyasaye." 26 Ne ok ginyal make kuom gima nosewacho kanyo e nyim ji kendo ka giwuoro duokone, negiling' thi.
Chier Kod Kend
27 Jo- Sadukai moko, ma wacho ni chier onge, nobiro ir Yesu kod penj 28 Negiwacho niya, "Japuonj, Musa nondikonwa ni ka owadgi ng'ato otho kendo oweyo chiege ma onge nyithindo, owadgi nyaka kend chi lielno mondo ony-wolgo nyithindo, ni owadgi. 29 Koro ne nitie owete abiriyo. Wuowi makayo nok-endo dhako, to notho ka ok onywolo nyathi. 30 Wuowi mar ariyo 31 kendo bang'e wuowi mar adek ne jokende, to machalre kamano wuowi mar abiriyo notho, maok ginywolo nyithindo. 32 Gikone, dhakoni bende notho. 33 Koro, chieng' chier obiro bedo chi ng'a, nimar jiabiriyogo nokende? 34 Yesu noduoko niya. "Ji me piny e kindeni kendo kendo ikendo. 35 To jogo mowal ni owinjore mondo obedie e piny mar tieng mabiro kendo e chier aa e tho ok bi kendo kata ok nokendi ngang', 36 to bende ok ginitho kendo ngang'; nimar gichalo gi malaike. Gin nyithind Nyasaye, nikech gin nyithind chier. 37 To kuom bungu maliel, Musa nonyiso bende ni jomotho chier, nimar noluongo Ruoth Nyasaye, ni, Nyasach Abraham, kendo Nyasach Isaka kod Nyasach Jakobo. 38 Ok en Nyasach jomotho, to mar joma-ngima, nikech kuome ji duto ngima." 39 Jopuonj chik moko nodwoko ni, "Iwachao maber, japuonj." 40 To onge ng'ato madihedhre penje penj moro kendo.
Kristo Wuod Ng'a?
41 Eka Yesu nowachonigi niya, "Ere kaka giwacho ni Kristo en Wuod Daudi? 42 Daudi owuon wacho maler e kitap Zaburi niya "Ruoth Nyasaye nowacho ni Ruodha ni, "Bed e bada kora chwich, 43 Nyaka aket wasiki obed raten tiendeni." 44 Daudi luonge ni "Ruoth". Ere kaka onyalo bedo wuode. 45 Kane ji duto winjo, Yesu nowacho ni jopuonjrene niya, 46 "Beduru motang' ni jopuonj chik. Gihero wuotho gi lewni maboyo kendo gihero bedo gi kuonde bet madongo e sunagoke kod kinde ma imiy-oe ji duong' e sewni. 47 Giyako ut mond liete kendo kuom nyisruok gilamo lamo maroboche. Joma kamano ibiro kumo malit moloyo.
Chiwo Mar Chi Liel
2 Ka nong'iyo malo, Yesu noneno ka jo mwandu keto chiwo gi ei kar keno mar Hekalu. 2 Noneno bende chi liel moro ka keto pesa ariyo matindo ahinya. 3 Nowacho niya, "Awachonu adiera, chi liel modhierni oseketo moloy-oe ji duto mamoko 4 Ji dutogi nochiwo chiwogi ma gigolo kuom mwandugi, to en e dhierne oketo duto manyaka nokonyorego."
Ranyisi Mag Giko Mar Ndalo
5 Jopuonjrene moko newuoyo kuom Hekalu kawuoro kaka olose gi kite mabeyo to kod mich mochiw ni Nyasaye. To Yesu nowacho niya, 6 "To kuom mano ma uneno kani, ndalo biro biro ma onge kidi kata achiel manodong' kochung' e wi wadgi, moro ka moro kuomgi nowit Piny" 7 Negipenje niya, "Japuonj, karang'o ma gigi biro timoree? To ang'o mabiro bedo ranyisi ni gichiegni timore?" 8 Nodwoko ni, "Beduru motang' mondo kik wuondu. Nikech ji mang'eny nobi e nyinga kagiwacho ni, 'An e en. Kendo ni, 'Saa chiegni, kik uluwgi. 9 Ka uwinjo humb lwenje gi koko, kik ubed maluor. Gigi nyaka timre mokwongo, to giko ok bi biro mana kanyono." 10 Eka nowachonigi niya, "Oganda noked gi oganda machielo, kendo loch ruoth noked gi loch ruoth machielo. nYiengni piny biro bedoe matek, kech kod tuoche nobedie kuonde mopogore opogore, kendo gik malich mabwogo ji gi honni madongo notimre maa e polo. 12 "To kapok magi duto, gibiro makou kendo sandou. Giniteru e sunagoge kod jende, kendo nokelu e nyim ruodhi gi joloch, to mago duto notim nikech nyinga. 13 Mano biro bedo thuolo mondo ubed nigi joneno. 14 To beduru gi paro maok yiengini mondo kik uparru motelo ni ere kaka ubiro dwoko wach. 15 Nimar abiro miyou weche gi rieko maonge wasiku kata achiel manyalo tamo kata kwero. 16 Ibiro ndhogu kata mana gi jonyuolu kod oweteu, wedeu gi osiepeu, kendo gibiro chiwo jomoko kuomu e tho. 17 Ji duto biro sin kodu nikech an. 18 To kata man yie wiu achiel onge ma nolal. 19 Ka uchungo motegno to ubiro reso ngimau. 20 Ka uneno Jerusalem oluor kod ogend lweny ubiro nge'yo ni kindene mar kethruok chiegni. 21 Koro eka joma ni Judea nyaka ring dhi e gode, kendo joma nie dala maduong' nyaka wuog oko, to jogo man oko ei piny kik donjie dala maduong'. 22 Nimar ma e kinde ma kum bedoe mar gigo duto mane ondiki. 23 Mano kaka obiro bedo malit e ndalogo ni mon mayach gi mine madhodho! Chandruok malit maduong' biro bedoe e piny gi mirima kuom jogi. 24 Ibiro negogi gi ligangla kendo notergi kaka jomotue e pinje duto. Jerusalem ibiro nyono piny gi Ogendini nyaka chop kinde mar Ogendini orom. 25 "Ranyisi biro bedo e chieng' gi dwe kod sulweche. E piny, ogendini nobed kodhier kendo kong'eng, nikech nam mawuo kendo apaka magore. 26 Ji biro podho nikech gik malich matimore, gi luoro mar gima biro e piny, nimar gik manie polo biro yiengni. 27 To gie kindeno gibiro neno Wuod Dhano kabiro oa e boche polo kod teko gi duong' malich. 28 Ka gigi chako timore, chunguru kendo ting'uru wiwu malo, nikech resruoku sudo machiegni." 29 Nogoyo nigi ngeroni ni: Neuru yadh ng'owu kod yien duto; 30 Ka gichako lodho itegi, unyalo neno uwegi kendo ng'eyo ni ndalo koth chiegini. 31 Kamano bende, ka uneno gigi timore, ung'eyo ni loch mar Nyasaye ni machiegni. 32 Awachonu adiera ni, tieng'ni ok nokadh adiera ngang' nyaka gigi duto timre. 33 Polo gi Piny nokadhi, to wechena ok nolal ngang'. 34 Beduru motang' nono chunyu biro bedo monyosore gi pek, mer kod parruok mar ngima to ndalo no nochopnu apoyo kaka obadho. 35 Nimar obiro biro niji duto modak e wang' piny mangima. 36 Beduru kurito kinde duto, kendo lemuru mondo unyal tony ni gigo duto mabiro timore, kendo mondo unyal chungo e nyim Wuod Dhano." 37 Odiechieng' ka odiechieng' Yesu nepuonjo e hekalu, kendo odhiambo kod-hiambo nodhiyo oko monindo otieno e Got miluongo ni Zeituni. 38 To ji duto nobiro e hekalu chon gokinyi mondo giwinje.
Judas Oyie Mondo Ondhog Yesu
1 Koro Sawo mar makati maok jL¿ £ ketie Thowi, miluongo ni Pasaka, ne chiegini, 2 to jodolo madongo gi jopuonj mag chik ne manyo yo moro ma dig-ineggo Yesu, ling'ling', nikech negiluoro ji. 3 Eka Satan nodonjo kuom Judas, miluongo ni Iskariot, achiel kuom Jiapar gariyo. 4 To Judas nodhiyo ir jodolo madongo kod jotend jorit hekalu kendo noloso kodgi kaka onyalo ndhogo Ysu. 5 Negimor kendo negiyie miye pesa. 6 Ne oyie, kendo nong'iyo korito thwolo mochiwgo nigi Yesu ka oganda onge.
Sap Ruoth
7 Eka nochopo chieng' Makati ma ok ketie Thowi, ma nyarombo mar Pasaka onego negie. 8 Yesu nooro Petro gi Johana, kowacho niya, "Dhiuru mondo ulosnwa Pasaka mondo wabi wacham." 9 Negipenje ni, "Kanye ma idwaro ni mondo walosee." 10 Nodwoko niya, "Ka udonjo e dala maduong', ng'ato moting'o pi e dapi norom kodu. Luweuru nyaka kama odon-joe,. nto uwachne wuon ot niya, 'Japuonj penjo ni Ere od welo, monego achamie Sap Pasaka kod jopuonjrena? 12 Obiro nyisou ot malach man malo e gorofa, moseiki. Kanyo ema ulosie ikruok duto." 13 Negidhiyo kendo negiyudo gik moko mana kaka Yesu nende osenyisogi. Omiyo negiiko Sap Fasaka. 14 Kane saa ochopo, Yesu kod joote ne nobet e mesa. 15 To nowachonigi niya, "Asedwaro ahinya mondo acham Sap Pasakani kodu kapok osanda. 16 Nimar awachonu, ok anachame kendo ngang', nyaka chop time e pinyruodh Nyasaye." 17 Bang' kosekawo kikombe, nogoyo erokamano kendo wacho niya, "Kawuru ma kendo upcgeru uwegi. 18 Nimar awachonu, ok anamadh divaini kendo nyaka chop piny Ruodh Nyasaye." 19 Kendo nokawo makati, nogoyo erokamano kendo nong'inge, nomiyo gi kowacho niya, "Ma e ringra mochiw nikech un, timuru ma ka uparogo." 20 Kamano bende, bang' chiemo nokawo kikombe mo wacho niya, "Kikombe ni en e singruok manyien, ene remba, mochuer nikech un. 21 To lwet ng'at ma biro ndhoga ni koda e mesa. 22 Wuod Dhano biro dhi mana kaka ne osechiki, to okwong' ng'atno mandhoge." 23 To negichako penjoree gin giwegi ni en ng'ano kuomgi manyalo biro timo ma. 24 Bende mbaka, nowuok e kindgi ni en ng'ano kuomgi mikwano ni duong' moloyo. 25 Yesu nowachonigi ni, "Ruodhi mag Ogendini nigi teko kuom ongendini kendo jogi man-gi loch kuomgi luongore giwegi ni johawi. 26 To un ok onego ubed machal kodgi. Kar bedo kamano, jal maduong' moloyo e dieru onego obed kaka jal matinie moloyo, to jal motelo obed machal gi jalo matiyo. 27 Ni mar en ng'ano maduong', jalo mobedo e mesa koso jalo machiwo chiemo? Ok en jalo manie mesa koso? To an anie dieru kaka jalo matiyo. 28 Un e jogo mosesiko kochungo koda e masichena. 29 Achiwonu loch, mana kaka Wuora nochiwona achiel moro. 30 Kamano mondo uchiem kendo umethi e mesana e pinyruodha kendo ubedi e kombe mag loch, kung'ado bura ni ogendini apar gariyo mag Israel. 31 "Simon, Simon, Satan osekwayo thuolo mondo opiedhi kaka cham mipied-ho. 32 To aselamoni, Simon, ni mondo yieni kik olal. To ka iselokori ma idwogo, ijiw joweteni. 33 To nodwoke niya, "Ruoth, aikora dhiyo kodi e jela kendo e tho." 34 Yesu nodwoko niya, "Awachoni, Petro, kapoki Thuon gweno okok kawuono, ibiro kweda didek ni ok ing'eya." 35 Eka Yesu nopenjogi ni, "Kane aorou maonge ofuko mar pesa, kata sanduk lewni kod wuoche, ne uchando gimoro koso? Negidwoko ni, "Onge." 36 Nowachonigi niya, "To koroni ka uonge gi ofuko mar pesa kaweuru, kendo sanduk bende, to ka uonge ligangla us koti mondo ing'iewgo lingangla. 37 Osendiki ni; To jal mane okwan kod joketho; kendo awachonu ni ma nyaka chop timre kuoma. Ee, gino mondik kuoma koro chiegni timore." 38 Jopuonjre nowacho niya, "Ne, Ruoth, ligengni ariyo eki ni ka." Nodwokoni, "Mano oromo."
Yesu Lemo E Wi Got Zeituni
39 Yesu nowuok modhiyo e Got Zeituni kaka otimo pile, kendo jopuonjrene noluwe. 40 Ka nochopo kanyono, nowachonigi niya, "Lamuru mondo kik udonj e temruok" 41 Noweyogi modhiyo mochwalore mabor madirom diro kidi, mine ogoyo chonge piny kendo nolamo niya, 42 Wuora, ka iyie, gol kikombeni oa kuoma, to ok dwarona, to mari ema otim-re." 43 Malaika noa e polo nofwenyorene kendo nomiye teko. 44 To kaka ne en gi chuny malit kochandore, nolemo matek ahinya, kendo luya ne chotne katon piny mana ka remo. 45 Kane ochungo oa e lamo kendo nodhiyo ir jopuonjre, noyudogi kaginindo, giol nikech chunygi nelit. 46 Nopenjogi ni, "Ango momiyo unindo? Auru malo kendo ulam mondo kik udonj e temruok."
Yesu Omaki
47 Kane pod owuoyo oganda nobiro, to ng'atno mane iluongo ni Judas, achiel kuom Ji apar gariyo, notelonigi, nosudo ir Yesu mondo onyodhe, 48 To Yesu nopenje ni, Judas, indhogo Wuod Dhano gi nyoth? 49 Kane jolup Yesu noneno gima nedhi timore, negiwacho ni, "Ruoth, owinjore waked gi ligengniwa koso? 50 To achiel kuomgi nobeto jatich mar jadolo maduong' mong'ado ite korachwich mol-war piny. 51 To Yesu nodwoko niya. "Ok kamano ngang!" Eka nomulo it nga'tno kendo nochange. 52 Eka Yesu nowacho ni jadolo maduong', jotelo mag jorit hekalu, kod jodongo, mane obiro ire, niya, "An jatend koko mar jendeke, momiyo ubiro ira gi ligengni kod arunge? 53 Pile ka pile an kodu e agolni mag hekalu, to ne ok uketo lwedo kuoma. To mani en sau - sama mudho olocho."
Petro Okwedo Yesu
54 Eka kane gimake, negidhiyo kode ka gitere ei od jadolo maduong.' Petro nolu-wogi kuma bor. 55 To kane gisemoko mach e chuny laro kendo negisebedo piny kaachiel, Petro nobedo kodgi. 56 Nyako ma jatich nonene kobedo kanyo kama mach lielie. Nong'iye machiegni kode kendo nowacho ni, "Ng'atni ne ni kode." 57 To nokwerogo, kowacho ni, "Dhako ok ang'eye! 58 Achien bang'e matin, ng'at moro nonene kendo nowacho ni, "In bende in achiel kuomgi." Petro nodwoko niya, "Omera, ok an." 59 Achien bang'e madirom saa achiel, ng'at machielo nojiwo kowacho matek ni, "Adier chutho jali ne ni kode, nimar en Ja- Galili." 60 Petro nodwoko ni, "Omera, ok ang'eyo gima iwuoyo kuome! "Mana kaka nowuoyono, thuon gweno nokok. 61 Ruoth nolokore kendo nong'iyo Petro tir. Noparo wachno ma Ruoth nosewa-chone ni, "Kapok thuon gweno nokok tinendeni, ibiro kweda nyadidek." 62 To nowuok odhiyo oko kendo noywak malit.
Askeche Marito Ojaro Yesu
63 Jogo manerito Yesu nochako jare kendo goye. 64 Negitweyo wang'e kendo negiwachone gi thuon ni, "Korie! Ng'ano mogoyoi?" 65 To negiwachone gik moko maricho ma wang'o ich.
Yesu E Nyim Pilato Gi Herode.
66 Kar yawruok piny, bura mar jodong ji kaachiel gijodong jodolo gi jopuonj mag chik, nochokore kaachiel, kendo Yesu nokel irgi. 67 Negiwacho niya, "Ka in e Kristo, to nyiswae." Yesu nodwoko ni, "Ka awachonu, ok ubi yieya." 68 to ka apenjou, bende ok ubi dwoko. 69 To chakre kawuono kadhiyo nyime, Wuod Dhano biro bet e bat korachwich mar Nyasaye Manyalo Gik Moko Duto!" 70 Gi duto negipenjo ni, "Kara in e Wuod Nyasaye?" Nodwoko ni, "Un kare kowacho ni An e en!" 71 Eka negiwacho ni, "Ang'o momiyo pod wadwaro neno moko kendo? Wasewinjo mano koa e dhoge owuon."
1 Eka chokruok mangima duto j¿¿ kJ nochungo kendo negitere ir Pilato. 2 Eka negichako donjone kagiwa-cho ni, "Waseyudo ng'atni kokelo tulo e pinywa. Okwedo golo osuru ni Kaisar kendo owacho owuon ni en Kristo, ma Ruoth. 3 Omiyo Pilato nopenjo Yesu niya, "In ruodh Joyahudi koso?" Yesu nodwoko ni, "Ee, en kaka iwacho." 4 Eka Pilato nowachoni jodongo, jodolo gi oganda ni, "Ok aseyudo gima oketho madidonjne go." 5 To negimedo wach kagiramo ni, "Omiyo ji tungni kuonde duto e Judea koluwore gi puonjne. Nochako e Galili to osebiro mochopo ka." 6 Ka nowinjo mano, Pilato nopenjo ka ng'atni ne en ja — Galili. 7 Kane oyudo ni Yesu nie bwo loch mar Herode, noore ir Herode, ma bende neni Jerusalem e kindeno. 8 Herode kane oneno Yesu, nodoko mamor ahinya, nikech kuom kinde mabor nose- dwaro mondo onene. Kuom gik mane owinjo kuome, nogeno nene kotimo honni moko. 9 Nopenje penjo mang'eny, to Yesu ok nodwoko. 10 Jodolo madongo gi jopuonj mag chik nochungo kanpno, kagidonjone mager ahinya. 11 Eka Herode gi asekechene nojare kendo nyiere. Negirwake gi kandhu marakido maber, ne gidwoke ir Pilato. 12 Chieng' onogono, Herode gi Pilato ne obedo osiepe- motelo ne odiechiengni ne gin wasigu. 13 Pilato noluongo jodolo madongo kaachiel, jotelo kod ji duto, 14 to nowachonigi ni, "Ne ukelo ng'atni ira kaka jal mamiyo ji goyo koko ka gidagi, winjo chik. Asenone e nyimu to ok aseyudo gima dimi odonjne. 15 Kata mana Herode bende ok oyude gi ketho, nimar nodwoke irwa; unyalo neno, ni ok osetimo gimoro mowinjore kod tho. 16 Emomiyo abiro mana kume to bang'e aweye odhi." 17 Koro nochune ni nyaka ogonynigi ng'ato achiel motue higa ka higa chieng' Sawo mar Pasaka. 18 Negigoyo koko gi duol achiel kagi-wachoni, "Neg ng'atni! To gonynwa Baraba!" 19 (Baraba noket e jela nikech wach koko mane otimore e dala maduong', kendo nikech nek.) 20 Pilato kaka nedwaro gonyo Yesu, omiyo nochako owuoyo kosayogi kendo 21 To negidhiyo nyime kagikok ni, "Gure! Gure!" 22 Eka nowuoyo kodgi mar adek kowacho ni, "Nang'o? Ere gima rach ma ng'atni osetimo? Onge gima aseyudo kuome moromo gi kum mar tho. Omiyo abiro kume kendo bang'e agonye odhi." 23 To gi koko maduong' negiramo kagidwaro ni nyaka gure, to loko margi nobedo mapek. 24 Kuom mano Pilato nongado bura mondo dwarogi otimnegi. 25 Nogonyo ng'atno mane oketi e jela nikech koko gi nek, jalno no mane gik-wayo, to Yesu noketo e dwarogi.
Gur E Msalaba
26 Eka kane gigole oko, ne gimako Simon manoa Kurene, mane obiro ka oa e gweng' moro, kendo negiyieyo msalaba kuome mondo oting'e koluwo bang' Yesu. 27 Ji, kwan mang'eny noluwe, moting'o mon bende mane ywak ka goyo nduru nikech en. 28 Yesu nolokore mowachonigi ni, "Nyi Jerusalem, kik uywagna, ywagu-ru ne un uwegi kendo nikech nyithindu. 29 Nikech kinde biro ma ubiro wacho ni, "Gin johawi mon maok onywol, ije maok nonywol, kendo thunde maok nodhodhi! 30 Eka "'giniwach ni gode ni, "Kendo ni!" gode matindo bende ni, "Umwauru!"' 31 Nimar ka ji timo gigi ka yath numu, ang'o mabiro timore ka otuo? 32 Ji ariyo moko, ma joketho, bende negigolo oko kode mondo ogurgi. 33 Kane gichopo kama iluongo ni Hanga Wich, ne gigure kanpno, kaachiel gi joketho kaachiel e bade korachwich, to machielo e bade koracham. 34 Yesu nowacho ni, "Wuora, wenigi, nikech gikia gima giti-mo." To ne gipogo lepe gi goyo ombulu. 35 Ji nochungo kendo ng'icho, to jodongo bende nenyiere. Negiwacho niya, "En maneoreso jomoko, kare oresree owuon ka en e Kristo mar Nyasaye, Jalno Moyier." 36 Askeche bende nobiro mojare. Negimiye kong awayo 37 kendo wacho ni, "Ka in e ruodh Jo- Yahudi, to kara resri iwuon." 38 Ne nitie ndiko mondik e wiye malo, misomo ni, JALI E RUODH JO- YAHUDI. 39 Achiel kuom joketho mane ogur moliero kanyo nogone siboi kowachoni, "Ok in e Kristo? Resri iwuon koda wan!" 40 To ng'at ma jaketho machielo nok-were ni, "Ok iluoro Nyasaye, nomedo wachoni, nimar in e bwo kum achielno? 41 Wan okumwa kare, nimar wayudo gima owinjore gitimbewa. To jali onge gimarach mosetimo." 42 Eka nowacho ni, "Yesu, para chieng' mibire e loch ni." 43 Yesu nodwoke ni, "Awachoni adiera, tinendeni ibiro bedo koda e Paradis."
Tho Yesu
44 Koro ne en machiegni saa auchiel mar odiechieng' mudho nobiro moimo piny duto nyaka saa ochiko. 45 nikech chieng' ne ok rieny. To nanga mar hekalu noriedore diere tir ariyo. 46 Eka Yesu noluongo gi duol maduong' ni, "Wuora, aketo chunya e lweteni." Kane osewacho mani, noyweyo muche mogik. 47 Jaduong' lweny koneno gima notimore, nomiyo opako Nyasaye kendo wacho ni, "Adier chutho, jali ne en ng'at makare!" 48 Kane ji duto mane ochokore kanyo mondo obed joneno mar wachno noneno gima notimore, negigoyo korgi kendo negidok miechgi. 49 To jogo duto mane ong'eye, moriwo koda mon mane oluwe koa Galili, nochungo mochwalore kagineno gigi.
Ik Mar Yesu
50 Koro ne nitie ng'ato ma nyinge Josef, ng'at maber kendo makare, 51 jal mane ok oyie kod dwaro gi timbegi. Noa e taon mar Judea mar Arimathaya kendo norito pinyruoth Nyasaye. 52 Nodhiyo ir Pilato, mokwayo ringre Yesu. 53 Eka noloro ringre piny, noboye gi nanga mareprep maber kendo nokete e bur ei lwanda, mano ma mane pok oyikie ng'ato 54 Ne en Chieng' Ikruok, to Sabato ne chiegni chakore. 55 Mon mane obiro kod Yesu koa Galili noluwo Josef kendo negineno burno bende ka ringre ne oketi e iye. 56 Eka negidok dala kendo negiloso yath madum mamit gi mo mang'ue ng'ar. To ne giyueyo Chieng' Sabato kaluwore kod luoro chik.
Chier Mar Yesu
1 Chieng' mokwongo mar juma, okinyi mang'ich, mon-go not-ing'o gik mang'ue ng'ar mane giseloso, ma gidhiyo e liel. 2 Negiyudo ka kidi mane odin-go dho bur koseng'iel oko, 3 to kane gidonjo e iye, ne ok giyudo ringre Ruoth Yesu. 4 Kane pod giwuoro wachni, apoyo nono ji ariyo morwakore gi lewni mang'ang'ni ka mil polo nochungo but gi. 5 Mon-go nobwok kendo negikulore ka wigi ochomo piny, to nowachonigi ni, "Ang'o momiyo umanyo ng'at mangima e kind joma otho? 6 Oonge ka ; osechier! Paruru gima ne owachonu, kane pod en kodu e Galili: 7 Wuod Dhano nyaka ket e lwete joricho, kendo nogure to chieng' mar adek nochiere kendo.' 8 Eka negiparo wechene. 9 Kane giduogo giaa e liel, neginyiso Ji-apar gachiel kod ji duto mamoko gigi duto. 10 Ne gin Mariam nyar Magdala, gi Joana kod Maria min Jakobo, gi mon moko mane ni kodgi, ema nonyiso joote wachni. nTo ne ok gi yie weche mon-go, nikech wechegi ne nenore koyuma. 12 Petro, kata kamano, noa malo kendo noringo odhi e liel. Kokulore e liel, noneno lewni kopielore kanyo kendgi, noa modok, kowuoro owuon gima oseti-more.
E Yo Madhiyo Emau
13 Koro e odiechieng' nogono ji ariyo kuomgi ne dhiyo e dala miluongo ni Emau, kama dirom kilomita apar gang'wen Jerusalem. 14 Negiwuoyo kendgi kuom gik moko duto mosetimore. 15 Ka negiwuoyo kendo goyo mbaka kuom gigi e kindgi giwegi, Yesu owuon nobiro kendo nowuotho kodgi; 16 to ne ok ginyal ng'eye. 17 Nopenjogi ni, "Ang'o ma uwuoyoe kendu ka — uwuotho ni?" Ne gichung' kar tiendgi, ka gi jowo wang'gi gikuyo. 18 Achiel kuom gi, ma nyinge Kleopa, nopenje ni, "In mana wendo e Jerusalem ka kendo ok ing'eyo gigi mosetimore kuno e ndalogi koso?" 19 Nopenjo ni, "Gik mage?" Negidwoko ni, "Kuom Yesu ma ja-Nazareth. Ne en janabi, maratego e wach gi tim e nyim Nyasaye kod ji duto. 20 Jodolo madongo gi Jodongwa nochiwo mondo ong'adne buch tho, kendo negig-ure; 21 to ne wan gi geno ni en e jal mane biro reso Israel. To moloyo bende, tinde en ndalo adek nyaka ma notimoree. 22 Momedore ni mano, mon moko man kodwa nende obwogowa gi wach. Negidhiyo e liel okinyi mang'ich 23 to ok negiyudo ringre. Negiduogo kendo nyisowa ni negineno malaike moko manofwenyore nigi, manowacho ni ongi-ma. 24 Eka jowa moko nodhiyo e liel to negiyudo mana kaka mon-go ne owacho, to en ok ne ginene." 25 Nowachonigi niya, "Ufuwo nadi to mano kaka chunyu kawo kinde mondo uyie duto mane jonabi osewacho! 26 Donge ne Kristo nyaka yud masiche gi to eka bang'e nodonji e duong?" 27 To chakre kod Musa gi Jonabi duto, noleronigi lonyisogi gino mane owachi kuome e ndiko duto. 28 Kaka negisudo machiegni gi dala mane gidhiyoe, Yesu notimore kagima pod odwaro dhiyo nyime. 29 To ne gigeng'e matek kagiwacho ni, "Bed kodwa, nimar koro odhiambo chiegni, odiechieng' koro dhi rumo." Omiyo nodhiyo mondo obed kodgi. 30 Kane en kodgi e mesa, nokawo makati, nogoyo erokamano, nong'ige kendo nochako miyogi. 31 Eka wengegi noyawore kendo neging'eye, to nolal mowuok oa e wang'gi. 32 Negipenjore ng'ato gi ng'ato ni, "Donge ne chunywa mor kane owuoyo kodwa e yo kendo konyisowa tiend Ndiko?" 33 Negia malo kendo negidok piyo Jerusalem. Kuro negiyudo Ji- apar gachiel go gi jogo mane ni kodgi, ka gichokore kaachiel. 34 kagiwacho ni, "En adier! Ruoth osechier kendo osefwenyore ni Simon." 35 Eka jiariyogo nowacho, gino mane otimore e yo, kendo kaka neg-ing'eyo Yesu ka nong'igo makati.
Yesu Ofwenyore Ni Jopuonjre
36 Kane pod giwuoyoe e wachni, Yesu owuon nochungo e diergi kendo wachonigi ni, "Kuwe obed kodu." 37 Negi bwok kendo negiluor, kagi-paro ni gineno jachien. 38 Nowachonigi ni, "Ang'o momiyo uchandoru, kendo ang'o momiyo chich nie e parou? 39 Neuru lwetena gitiendena. En an awuon! Mulauru kendo neuru; jachien onge ringruok kata choke, kaka uneno ang'o." 40 Kane osewacho ma, nonyisogi lwetene gi tiendene, 41 To kane pod ok negiyie nikech mor kod wuoro, nopenjogi ni, "Bende un gi gimoro amora ka eri madicham?" 42 Negimiye rech matin moro motedi 43 nokawe kendo nochame e nyim gi. 44 Nowachonigi ni, "Mano e gino mane awachonu kane pod an kodu: Giko moko manondiki kuoma e Chik Musa gi Jonabi kod Zaburi, nyaka timre." 45 Eka noyawo parogi mondo giwinj Ndiko. 46 Nowachonigi ni, "Mani e gima ondiki: Kristo nyaka ne masira kendo chieng' mar adek enochier oa kuom joma otho. 47 kendo lokruok gi weyo niji richogi ibiro yalo e nyinge ni ogendini duto, chakre Jerusalem. 48 Un joneno mag gigi, 49 Abiro oronu gima Wuora osesingo, to beduru ei dala ka nyaka oserwaku gi teko moa malo."
Dhiyo E Polo
50 Kane osetelonigi mogologi oko magidhiyo machiegni gi Bethania, not-ing'o lwetene kendo nogwedhogi. 51 Kane ogwedhogi, noweyogi to nokawe oting'e otere e polo. 52 Eka negilame kendo negidok Jerusalem kod mor maduong'. 53 To ne gimedo bedo kinde duto ei hekalu, kagipako Nyasaye.
Wach Nobedo Ringruok
1 Kar chakruok Wach ne nitie, kendo Wach ne nikod Nyasaye, kendo Wach ne en Nyasaye. 2 Ne en gi Nyasaye kar chakruok. 3 Gik moko duto nochwe kuome, kendo ka dine oonge to onge gima dine ochwe mosechwe. 4 Ngima ne ni kuome, kendo ngimano ne en ler mar ji. 5 Lerno rieny ei mudho, to odhiero mudho winjo. 6 Ng'at moro nobiro ma Nyasaye nooro, mane nyinge Johana. 7 Nobiro kaka janeno mondo otim nend lerno, mondo kanyalore to ji duto oyie. 8 En owuon ne ok en ler nogo, to nobiro mana kaka janeno mar ler. 9 Ler mar adier machiwo ler ne ji duto ne biro e piny. 10 Ne en e piny, kendo kata obedo ni en ema nomiyo piny obetie, to piny ne ok ong'eye. 11 Nobiro ir joge owuon, to joge ne ok orwake. 12 To ji duto mane orwake, ma gin joma noyie kuom nyinge, nomiyogi teko mar bedo nyithind Nyasaye- 13 nyithindo maok nonywol koa e koth dhano, kata kuom pach dhano kata kuom dwach dichwo, to kuom Nyasaye. 14 Wach nodoko ringruok kendo nodak kodwa. Waseneno duong'ne, ma en duong' mar Jal Makende, ma noa ka Wuoro kopong' gi ng'wono kod adiera. 15 Johana notimo neno kuome. Noywagore kowacho ni, "Mani e Jal mane aloso kuome ka nawacho ni, 'Ng'at mabiro bang'a oloya mabor nikech ne entie kane pok abetie.'" 16 Waduto waseyudo gweth monuore onuore koa kuom gwethne mogundho. 17 Nimar Chik nochiw kokalo kuom Musa, to ng'wono kod adiera to Yesu Kristo ema nokelo. 18 Onge ng'ama oseneno Nyasaye, to Nyasaye Achiel Makende ma nibut Wuoro ema osemiyo ong'eye.
Johana Ja Batiso Okwer Ni Ok En Kristo
19 Koro ma eni e neno mane Johana otimo kane jo-Yahudi modak Jerusalem nooro jodolo gi jo-Lawi mondo openje ni ne en ng'a. 20 Ne ok odagi hulo negi, to nohulo negi ka en thuolo ni, "Ok an Kristo." 21 Ne gipenje ni, "Kare in ng'a? In Elija koso?" To nowacho ni, "Ok an." "In e janabi?" Nodwoko ni, "Ooyo." 22 Eka ne giwa-chone mogik ni, "In ng'a? Miwa dwoko mondo water ne joma ne oorowa. Iwacho ang'o kuomi iwuon?" 23 Johana noduoko gi weche mag Isaya Janabi ni,"An duond ng'at ma luongo e thim ni, 'Losuru yo moriere tir ne Ruoth.'" 24 To jo-Farisai moko ma noor, 25 nopenje ni, "Ka ok in Kristo kata Elija kata janabi to ang'o momiyo ibatiso ji?" 26 Johana nodwokogi ni, "An abatisou gi pi, to nitie ng'ato e dieru ma ukia. 27 En e Jal mabiro bang'a, ma ok awinjora gonyo tond wuochege." 28 Magi duto notimore Bethani, loka aora Jordan, kuma Johana ne batisoe ji.
Yesu Nyarombo Nyasaye
29 Kinyne Johana noneno Yesu kabiro ire, mi nowacho ni,"Ne)euru Nyarombo mar Nyasaye, magolo richo mar piny! 30 Ma e ng'ama ne awuoyo kuome kane awacho ni, 'Ng'ato biro bang'a moloya, nikech ne entie kapok ne abetie.' 31 An awuon ne ok ang'eye, to gimomiyo ne abiro ka abatisoji gi pi ne en mondo ofwenyre ne Israel." 32 Eka Johana notimo nenoni: "Ne aneno Roho kalor piny koa e polo e kit akuru kendo kapiyo kuome. 33 Ka dine Jal ma noora mondo abatis ji gi pi we nyisa, to dine ok ang'eye. Nonyisa ni, 'ng'ama ineno ka Roho olor mi opiyo kuome e Jal mabiro batiso jigi Roho Maler.' 34 An awuon aseneno omiyo atimo neno ni En Wuod Nyasaye."
Jopuonjre Yesu Mokwongo
35 Kinyne Johana ne ni kanyo gi jop-uonjrene ariyo. 36 Kane gineno Yesu kaka-lo machiegni, nowacho ni, "Neyeuru Nyarombo mar Nyasaye!" 37 Ka jopuon-jrene ariyogo nowinjo kowacho mano, ne giluwo Yesu. 38 Yesu nolokore monenogi ka giluwe, mi nopenjogi ni, "Ang'o mud-waro?" Ne giwachone ni, "Rabi (matiende ni japuonj), idak kanye?" 39 Nodwokogi ni, "Biuru mondo udhi une." Omiyo ne gidhi mi ne gineno kama ne odakie, kendo ne gibet kode kanyo odiechiengno. Ne en kar sa apar. 40 Andrea mowadgi Simon Petro ne en achiel kuom ji ariyo mane owinjo gima Johana nowacho kendo ma noluwo Yesu. 41 Gima Andrea notimo mokwongo tik ne en manyo owadgi ma Simon kendo nyise ni, "Waseyudo Mesia."(tiende ni Kristo). 42 Kendo nokele ir Yesu. Yesu norange tir kaeto owacho ni, 'In Simon wuod Johana, koro ibiro luongi ni Kefa" (ma koloki to en Petro).
Yesu Oluongo Filipo Gi Nathaniel
43 Kinyne Yesu nong'ado e pache mondo oa odhi Galili. Ka noyudo Filipo, nowachone ni, "Luwa." 44 Filipo, mana kaka Andrea gi Petro, ne aa e dala mar Bethsaida. 45 Filipo noyudo Nathaniel mi nonyise ni, "Waseyudo ng'at ma Musa nondiko kuome e kitap Chik, kendo ma jonabi be nondiko kuome- Yesu ja-Nazareth, ma wuod Josef." 46 Nathaniel nowachone ni, "Nazareth! Be gima ber moro amora nyalo aa kuno adier?" Filipo nokone ni, "Bi idhi ine." 47 Ka Yesu noneno Nathaniel ka biro kochomo ire, no wuoyo kuome kowacho ni, "Neyeuru ja Israel gitiende, ma onge miriambo moro amora kuome." 48 Nathaniel nopenje ni, "Ing'eya nade?" Yesu nodwoke ni, "Ne aneni sama ne in e tie ng'owu, kane pok Filipo oluongi." 49 Eka Nathaniel nod-woko ni, "Rabi, in Wuod Nyasaye adier; in Ruodh Israel." 50 Yesu nowachone ni, "Iyie mana nikech aa wachoni ni nende aneni e tie yiend ng'owu. To ibiro neno gik madongo moingo mano." 51 Eka nomedo wacho ni, "Anyisou adier ni ubiro neno ka polo oyawore, kendo ka malaike mag Nyasaye idho kendo lor kuom Wuod dhano."
Yesu Oloko Pi Divai
1 Chieng' mar adek, arus moro ne nitie Kana e piny Galili. Min Yesu ne nikanyo, 2 kendo Yesu gi jopuonjrene be noluongi e arusno. 3 Ka divai noremo ji, min Yesu nowachone ni, "Divai oserumo negi." 4 Yesu nowachone ni, "Mama, irwa-ka e wachni nango ? Sana pok ochopo." 5 Min-gi nowachone jotich ni, "Timuru gimoro amora monyisou." 6 To machiegni kanyo ne nitie degi auchiel mag pi, mane gin kaka degi majo- Yahudi ne tiyogo korka logo mar puodhruok, ma moro ka moro ne tingo pi maromo kar galan piero ariyo kata piero adek. 7 Yesu nowachone jotich ni, "Pong'uru degi gi pi," mine gipong'ogi thich. 8 Eka nonyisogi ni, "Koro tuomuru moko oko mondo ukaw uter ne jatend budho." Ne gitimo kamano, 9 kendo jatend budho nobilo pi mane koro oselokore divai. Ne ok ofwenyo kuma ne ogolee, kata obedo ni jotich mane otuomo pi to nong'eyo. Eka noluongo wuon kisera tenge, 10 kendo nowacho ne ni, "Ji duto thoroga kelo divai maber mogik mokuongo eka bang'e gichiwo divai mothechore bang' ka welo osemetho momer to in to ne ikano divai maber mogik nyaka sani." 11 Ranyisi mar hono mokwongoni Yesu notimo Kana e piny Galili. Nonyiso duong'ne kuom time, kendo jopuonjrene noyie kuome.
Yesu Opuodho Hekalu
12 Bang' mano nolor mwalo nyaka Kapernaum kaachiel gi min-gi gi owetene kod jopuonjrene. Kuno ne gibetie kuom ndalo manok. 13 Ka kinde mag Pasaka mar jo Yahudi ne chiegni chopo, Yesu nodhi Jerusalem. 14 To ei agola mag Hekalu, noyudo ka ji hono dhok gi rombe kod akuche, kendo ka jomoko to obet olworo mesni ka giwilo pesa. 15 Omiyo noloso del gi piende molir olir, kendo noriembo ji duto oko ei Hekalu, kod rombe gi dhok bende. Nokeyo ng'injo mag pesa mag jowil pesa, kendo nogoyo mesnigipiny. 16 To joma nehono akuche to nowacho negi ni, "Goluru gigi oko kae! Ng'a monyisou mondo ulok od Wuora chiro!" 17 Jopuonjrene noparo ni nondiki ni, "Hera matut ma aherogo odi tieka." 18 Eka jo Yahudi nowachone ni, "Ranyisi mar hono mane minyalo nyisowa mondo osir teko mitimogo gigi?" 19 Yesu nod-wokogi ni, "Kethuru Hekaluni to abiro gere kendo gi ndalo adek." 20 Jo Yahudi nodwoko ni, "Gero Hekaluni osekawo higni piero ang'wen gauchiel to in to ibiro gere gi ndalo adek ?" 21 To hekalu mane owuoyo kuome ne en ringre. 22 Bang' ka nosechier oa kuom joma otho, jopuonjrene noparo gima nowachono. Omiyo ne giyie kuom Ndiko kod weche mane Yesu osewacho. 23 Koro kane pod en Jerusalem e Sap Pasaka, ji mang'eny noneno ranyisi mag honni mane otimo mi ne giyie kuom nyinge. 24 To Yesu ne ok ochiwore e lwet-gi, nimar nong'eyo ji duto. 25 Ne ok odwar neno ma dhano timo kuom dhano wadgi nimar nong'eyo gima ne ni ei dhano.
Yesu Opuonjo Nikodemo
1 Ne nitie ng'at moro maja Farisai ma nyinge Nikodemo, mane en achiel kuom jobuch jo Yahudi mane nie loch. 2 Nikodemo nobiro ir Yesu gotieno mowa-chone ni, "Rabi, wang'eyo ni in japuonj moa kuom Nyasaye, nimar onge ng'ama nyalo timo ranyisi mag honni mitimogi ka Nyasaye ok nikode." 3 Yesu nodwoke ka wachone ni, "Awachoni adier ni onge ng'ama nyalo neno pinyruodh Nyasaye ka ok onywole manyien. 4 Nikodemo nokone ni, "Ere kaka inyalo nywolo ng'ato kosebedo ng'ama duong'. Adier ok dodonji ei min mare kendo mar ariyo mi chak nywole!" 5 Yesu nodwoko ni, "Awachoni adier ni onge ng'ama nyalo donjo e pinyruodh Nyasaye ka ok onywole gi pi kod Roho. 6 Ringruok nywolo mana ringruok, to Roho nyuolo roho. 7 Ok onego ibuogi kuom gima awachoni, 'Nyaka nywoli manyien.' 8 Yamo ringo kochomo kuma ohero, kendo inyalo winje kofuto, to ok inyal nyiso kuma oaye kata kuma odhiye. Mano bende e gima timore ne ng'ato ka ng'ato monywol kuom Roho." 9 Nikodemo nopenjo ni, "Gigo nyalo timore kamano nade ?" 10 Yesu nodwoke ni, "Ere kaka ok iwinj tiend wechegi to in japuonj jo Israel? 11 Anyisi adier ni wawuoyo kuom gik mwang'eyo, kendo watimo neno kuom gik mwaseneno. To eka un pod utamoru rwako neno marwa. 12 Ase wuoyo kodu mana kuom gig pinyni to utamoru yie; koro ubiro yie nade ka awuoyo kuom gig polo? 13 Onge ng'ato ang'ata mosedhi e polo makmana Jal ma noa e polo, ma en Wuod Dhano. 14 Mana kaka Musa noliero thuol e thim e kaka Wuod Dhano bende nyaka bi lier malo, 15 mondo ng'ato ka ng'ato moyie kuome obed gi ngima manyaka chieng'. 16 "Nikech Nyasaye nohero piny ahinya, omiyo nochiwo Wuode achiel makende, mondo ng'ato ang'ata moyie kuome kik lal, to obed gi ngima manyaka chieng'. 17 Nimar Nyasaye ne ok ooro Wuode e piny mondo ong'ad ne piny bura, to noore mondo owar kode piny. 18 Ng'ato ang'ata moyie kuome ok nobed gi bura. To ng'at ma ok oyie kuome bura oseloyo, nifech pok oyie kuom nying Wuoyi achiel makende mar Nyasaye. 19 Ma e gima bura oseng'ado: Ler osebiro e piny, to ji nohero mudho kar hero ler, nikech timbegi ne richo. 20 Ng'ato ka ng'ato matimo richo ok dwar ler, kendo ok odwar donjo ei ler, nikech oluor ni dipo ka timbege ong'ere. 21 To ng'ato ang'ata ma wuotho e adiera donjo e ler, mondo onere maler ne ji duto ni gik motimo duto gin gik ma Nyasaye oyiego.
Nend Johana Ja Batiso Kuom Yesu
22 Bang' mano, Yesu gi jopuonjrene nodhi nyaka e dier piny Judea, kendo nokawo kinde mogwarore kodgi kuno, kobatiso ji. 23 To Johana bende ne batiso ji Aenon, but Salim, nikech pi ne thoth kuno, kendo ji nosiko ka biro ire mondo obatisgi. 24 (Ma notimore ka Johana ne pok otwe e jela). 25 Mino wach nochakore e kind jopuonj re Johana moko gi ja Yahudi moro kuom wach luokruok mar puodhruok. 26 Ne gibiro ir Johana mi giwachone ni, "Rabi, ng'at ma nyocha ni kodi loka Jordan, Jal mane itimo nende cha, parie ni en bende tinde obatiso ji, kendo ji te dhi ire." 27 Johana nodwokogi ni, "Onge gima ng'ato nyalo yudo makmana mano momiye koa e polo. 28 Un uwegi unyalo timo neno ni ne anyisou ni, 'An ok an Kristo, to an ng'at moor mondo otel nyime.' 29 Miaha en mar wuon kisera, kendo jachung' mar wuon kisera nyaka rite kendo winje; opong' gi mor bende kowinjo duond wuon kisera. An ema an gi mor machal kamano, kendo mornano koro oromo chuth. 30 En ema nyaka omed yudo duong' moloyo, to an nyaka adog matin. 31 "Jal moa malo ni ewi gik moko duto to jal moa e piny en mar piny, kendo owuoyo kaka ng'ama oa e piny. Jal moa e polo oyombo duto. 32 Otimo neno kuom gik moseneno kendo owinjo, to onge ng'ama orwako nende. 33 Ng'at moser-wake to osesiro adiera ni Nyasaye en jaadiera. 34 Nimar Jal ma Nyasaye oseoro wacho weche Nyasaye, nikech Nyasaye chiwo Rohone mogundho. 35 Wuoro ohero Wuowi, kendo oseketo gik moko duto e lwete. 36 Ng'ato moyie kuom Wuowi nigi ngima manyaka chieng' to ng'at modagi Wuowi ok bi neno ngima, nimar Nyasaye osiko kuome."
Yesu Owuoyo Gi Chi Samaria
1 Jo Farisai nowinjo ni Yesu ne koro yudo kendo batiso jopuonj re mang'eny moloyo Johana, 2 kata obedo ni Yesu owuon to ne ok batis ji, to jopuonjrene ema ne timo kamano. 3 Ka Ruoth nowinjo wachni, noa Judea mochako odok Galili kendo. 4 To nochune ni nyaka nong'ad dier piny Samaria. 5 Kuom mano, nochopo e dala moro e piny Samaria miluongo ni Saika, mane ni machiegni gi puodho mane Jakobo omiyo Josef wuode. 6 To soko Jakobo ne nikanyo, kendo Yesu, ka koro nool gi wuoth, nobet piny e dir sokono. Ne en kar saa auchiel. 7 Ka chi Samaria moro nobiro tuomo pi, Yesu nowachone ni, "Miyae pi amodhi." 8 (Noyudo jopuonjrene osedhi ei taon mondo ong'iew chiemo.) 9 Chi Samaria nowachone ni, "In ja Yahudi, to an to an chi Samaria. Obet nade ka ikwaya pi ?" (Nimar jo Yahudi ok lalre gi jo Samaria.) 10 Yesu nodwoke ni, "Ka dine ing'e mich Nyasaye kendo ni en ng'a makwayi math, dine ikwaye kendo dine omiyi pi mangima." 11 dhakono nowachone ni, "Jaduong', ionge gi gima inyalo tuombo-go, kendo soko bende tut. Pi ngimano to inyalo yud kanye?" 12 Iparo ni iduong' moloyo wuonwa Jakobo ma nomiyowa sokoni, kendo nomodho pige en owuon kaachiel gi yawuote gi jambe kod kwethge?" 13 Yesu nodwoko ni, "Ng'ato ka ng'ato ma modho pigni riyo biro loyo kendo, 14 to ng'ato ang'ata momodho pi mamiye ok nochak owinj riyo. Chutho, pi ma anamiye nodok soko mar pi e iye, mosiko ka bubni nyaka chop e ngima manyaka chieng'." 15 Dhakono nowachone ni, "Jaduong, yie imiyae pigno mondo riyo kik chak loya, kendo kik asik ka achando-ra gi biro ka pile pile mondo aom pi." 16 Yesu nokone ni, "Dhi iluong chwori eka iduogi." 17 Nodwoke ni, "Aonge gi dichwo." Yesu nowachone ni, "In kare kuom wacho ni ionge gi dichwo. 18 Adiera en ni isebedo gi chwo abich, kendo ng'at makoro in-go sani ok chwori. Gima isewa-chono en adier chuth." 19 Dhakono nowacho ni, "Jaduong', nenorena ni in janabi. 20 Wuonewa nolamo e godni, tounjo Yahudi to uwacho ka uramo ni Jerusalem ema nyaka walamie." 21 Yesu nowachone ratiro ni, "Mama, yie koda; ndalo biro ma unulamie Wuoro ok ewi godni kata ei Jerusalem. —Unjo Samaria ulamo gima ukia, nimar warruok aa kuom jo -Yahudi. 23 Kata kamano kinde biro, kendo ose-chopo, maj olemo madier nolam Wuoro ei chunygi kendo kuom adiera, nimar joma kamago e kit jolamo ma Wuoro dwaro. 24 Nyasaye en chuny, omiyo joma lame nyaka lem gie chunygi kendo gi adiera." 25 Dhakono nowacho ni, "Ang'eyo ni Mesia (Miluongo ni Kristo) biro. Ka enobi to enonyiswa tiend weche duto." 26 Eka Yesu nonyise ratiro ni, "An ma awuoyo kodini An en."
Jopuonjre Oduogo Ir Yesu
27 E sechego jopuonjrene noduogo, kendo ne giwuoro kane giyude kowuoyo gi ng'ama dhako. To onge ng'ama nopen-jo ni, "Ang'o midwaro kuom dhakoni?" kata ni, "Iwuoyo kode nango?" 28 Eka dhakono noweyo dapige kanyo, kendo nowuok odok ei taon mi onyiso ji ni, 29 "Biuru uneye ng'ama oa nyisa gik moko duto ma asetimo. Donge ng'atni dibed Kristo?" 30 Joma odak e taondno duto nomako wuoth kochomo ire. 31 To e sechego jopuonjrene nosiko kajiwe ni, "Japuonj, bilie gimoro." 32 To nowacho negi ni, "An gi chiemo ma achamo ma ukia gimoro amora kuome." 33 Eka jopuonjrene nowacho kendgi ni, "Mitki ng'ato oa kelone chiemo?" 34 Yesu nowachone-gi ni, "Chiemba en timo dwach Jal mane oora kendo tieko tichne. 35 Donge uwacho ni, 'Odong' dweche ang'wen to keyo chopo?' To winjuru gima awachonu, "Ting'uru wengeu urang puothe! Gisechiek giromo keyo. 36 Kata mana sani ng'at mafeyo ichulo pokne, kendo ochoko olembe mochiek ne ngima manyaka chieng', mondo jakomo, kaachiel gi jakeyo, obed mamor kaachiel. 37 Kendo mano siro adiera mawacho ni, "Ng'at achiel komo to ng'at machielo kayo." 38 Ne aorou mondo uka gima ne ok utiyone. Jomoko nono osetiyo tich matek moloyo to un useyudo konyruok kuom tichgi matek."
Jo Samaria Mang'eny Oyie
39 Jo Samaria mang'eny moa e taondno noyie kuome nikech neno mane dhakono otimo ni, "Nende onyisa gik moko duto ma asetimo." 40 Omiyo ka jo-Samaria nobiro ire, ne gisaye mondo omed bet kodgi, mi nobet kodgi kuom ndalo ariyo. 41 Kendo ji mamoko mang'eny nodoko joma oyie nikech weche mane owachone-gi- 42 Ne giwacho ne dhakono ni, "Koro ok wayie nikech weche mane iwacho kende; koro wasewinjo gi itwa, kendo wang'eyo gadier ni ng'atni en Jawar mar piny."
Yesu Ochango Wuod Jatelo
43 Bang' ndalo ariyogo, nowuok odhi Galili. 44 (To Yesu owuon noyudo osewacho ni janabi onge gi luor e gweng'gi owuon.) 45 Ka nochopo Galili, jo Galili norwake. Ne giseneno gik moko duto mane osetimo Jerusalem chieng' Sap Pasaka, nimar gin bende ne gin kuno. 46 Nochako olimo dala mar Kana, manie piny Galili, kama ne oloke pi divai. To ne nitie jatelo moro maka ruoth ma wuode ne tuo kendo nie pien Kapernaum. 47 Ka ng'atni nowinjo ni Yesu osechopo Galili koa Judea, nodhi ire mosaye mondo odhi ochang wuode mane chiegni tho. 48 Eka Yesu nowachone ni, "Ka ok uneno honni gi ranyisi to ok ubi yie ngang' 49 Jatelo maka ruodhno nowachone ni, "Jaduong, yie idhi koda mwalo kapok nyathina otho." 50 Yesu nodwoke ni, "Chak wuoth idhi, wuodi biro bedo mangima." Ng'atno norwako wach mane Yesu owachone, mi noa odhi. 51 Ka noyudo en e yo olor mwalo, jotichne noromone gi wach ni wuode ne koro ngima. 52 Kane ononogi kuom saa mane wuode ochake winjo maber, ne giwachone ni, "Midusi nyo weye nyoro saa abiriyo." 53 Eka wuon nong'eyo ni mano e saa onogono mane Yesu owachone ni, "Wuodi biro bedo mangima." Omiyo noyie, en kaachiel gi joode duto. 54 Ma e tim hono mar ariyo ma Yesu notimo, ka nodonjo Galili koa Judea.
Yesu Ochango Ja- Songa E Dho Yawo
1 Bang' kinde moko, Yesu noidho odhi Jerusalem e sawo moro mar jo Yahudi. 2 To ei Jerusalem kanyo, but ranga Rombe, miluongo ni Bethesda gi dho jo-Aramia, ne nitiere yawo moro ma nigi raidhi midonjogo abich. 3 Kar kani ji mong'ol mathoth ahinya noheroga riye - muofni, rong'onde, joma nigi athany - kendo ne girito mondo pi otugre. 4 Kinde ka kinde malaika mar Ruoth ne jalorga piny mi tug pi. Ng'ama nokwongo donjo e pigno sama otugoreno ne chango kuom kit tuo moro amora mane en g). 5 To ne nitie ng'ato kanyo mane osebedo ka tuo osiko kuom higini piero adek gaboro. 6 Ka Yesu nonene koriere piny kanyo, kendo kane onyise ni osebedo kochal kamano kuom kinde marabora, nopen-je ni, "Be idwaro ni ochangi?" 7 Ja songano nodwoke ni, "Jaduong', aonge gi ng'ama nyalo konya donjo ei yawo sama pi otugore. Sama atemo ni adonji to ng'at machielo donjo kuongona." 8 Eka Yesu nowachone ni, "Aa malo! Kaw pieni mondo iwuothi." 9 Gikanyono ng'atno nochango, kendo nokawo piene mowuotho Odiechieng' mane gini otimoree ne en chieng' Sabato, 10 omiyo jo Yahudi nowacho ne ng'ama nochangino ni, "Kawuono en chieng' Sabato, kendo chik ok oyieni ting'o pieni." nTo nodwokogi ni, "Ng'at ma nochanga ema nowachona ni, "Kaw pieni mondo iwuothi." 12 Omiyo ne gipenje ni, "Mano to en ng'ama nade ma nowachoni ni ikawe kendo iwuothi?" 13 To ng'ama nochangino ne ok ong'eyo ni ng'ama ne ochange ne en ng'a, nimar noyudo Yesu oseleny oa e dier oganda mane nikanyo. 14 Bang'e Yesu noyude e Hekalu mowachone ni, "Winji, koro isedoko mangima kendo. We richo,nono to gimoro marach moloyo biro timoreni." 15 Ng'atno noa odhi monyiso jo Yahudi ni Yesu ema nochange.
Ngima Miyudo Kuom Wuowi
16 Kuom mano, nikech Yesu ne chango ji chieng' Sabato, jo-Yahudi nosande. 17 To Yesu nowacho negi ni, "Wuora osiko katiyo tichne nyaka kawuono, kendo an bende asiko atiyo." 18 Nikech wachni, jo-Yahudi nomedo temo matek moloyo mondo ginege, nimar ne gineno ni ok Sabato kende ema noketho, to bende ni noluongo Nyasaye ni wuon-gi, manyiso ni ne oketore ni orom gi Nyasaye. 19 To Yesu nomiyogi dwoko ni: "Awachonu adier ni, Wuod Dhano ok nyal timo gimoro kende owuon; onyalo mana timo gima oneno ka Wuoro timo, nikech gimoro amora ma Wuoro timo ema Wuowi bende timo. 20 Nimar Wuoro ohero Wuowi, kendo onyise gik moko duto motimo. Ee, obiro medo nyise koda ka gik madongo moloyo magi mi uwuor. 21 Nimar mana kaka Wuoro chiero joma otho, kendo miyogi ngima, e kaka Wuowi chiwo ngima ne ng'ato ang'ata mohero mondo omi. 22 To bende, Wuoro ok y al ng'ato, to oseketo tich ng'ado bura duto e lwet Wuowi, 23 mondo eka ji duto omi Wuowi duong' mana kaka gimiyo Wuoro duong'. Ng'at maok mi Wuowi duong' ok mi Wuoro mane oore duong'. 24 Awachonu adier ni ng'ato ang'ata mawinjo wachna, kendo moyie kuom Jal mane oora, nigi ngima manyaka chieng', kendo ok bi ng'adne buch tho; oseng'ado oa e tho modonjo e ngima. 25 Awachonu adier ni ndalo biro, kendo koro osechopo, ma joma otho biro winjo duond Wuod Nyasaye, kendo joma owinjo biro doko mangima. 26 Nimar mana kaka Wuoro nigi ngima e iye e kaka osemiyo Wuowi mondo obed gi ngima e iye. 27 To bende osemiye teko mondo ong'ad bura, nikech en e Wuod Dhano. 28 "Wachni kik buogu, nimar ndalo biro ma ji duto manie i liete-gi nowinj duonde 29 mi giwuog oko; joma osetimo maber nochier mondo obed mangima, to joma osetimo gik maricho nochier mondo ong'adnegi buch tho. 30 An onge gima anyalo timo kenda; ayalo ji mana koluwore gi gima awinjo, kendo bura ma ang'ado nikare, nimar ok atim kamano mondo atim dwarona awuon to mondo atim dwaro Jal ma noora.
Neno Kuom Yesu
31 "Kapo ni atimo nenda awuon to nenda ok nikare. 32 To nitie ng'ama chielo ma timo neno ma chwaka, kendo ang'eyo ni neno motimo kuoma nikare. 33 "Ne uoro joote ne Johana kendo osetimo neno kuom adiera. 34 Ok awach kamano nikech ayie gi nend dhano, to awache mondo uyud warruok. 35 Johana ne en taya mane oliel mochiwo ler, kendo nuyiero mar bedo mamor gi lerneno kuom kinde moko. 36 "To an gi neno mapek moloyo mar Johana. Nimar tich onogono ma Wuora osemiya mondo achopi, kendo ma koro atimo sani, timo neno ni Wuora ose-ora. 37 Kendo Wuoro moseora nogo osetimo neno kuoma en owuon. Pok uwinjo duonde nyaka nene kendo pok uneno kite, 38 Wachne bende onge e iu, nimar udagi yie kuom Jal ma nooro. 39 Uketo chunyu kuom nono Ndiko nikech uparo ni unyalo yudo ngima manyaka chieng' kuomgi. Magi e Ndiko gogo ma timo neno kuoma, 40 to kata kamano utamoru biro ira mondo uyud ngima. 41 "An dhano ok ema miya duong'; 42 ang'eyou maber. Ang'eyo ni uonge gi hera mar Nyasaye ei chunyu. 43 Asebiro e nying Wuora, to utamoru rwaka; to ka ng'at machielo nobi e nyinge owuon to ubiro rwake. 44 Ere kaka unyalo yie ka urwako pak ma joweteu pakougo, to ok utem matek mondo uyud pak moa kuom Nyasaye makende? 45 "Kik upar ni abiro donjonu e nyim Wuoro. Jal madon-jonu en Musa, kama ukete genouno. 46 To ka dine bed ni uyie kuom Musa, to An bende da uyie kuoma, nimar nondiko kuoma. 47 To kaka ok uyie kuom gik mane ondiko, ere kaka ubiro yie kuom gik ma awacho?"
Yesu Opidho Ji Alufu Abich
1 Bang' kinde moko bang' mano, Yesu nong'ado nyaka loka machielo mar Nam Galili (Ma bende iluongo ni Nam Tiberia), 2 kendo oganda maduong' noluwe nikech ne giseneno honni mane osetimone jotuo. 3 Eka Yesu nodhi e bath got kamoro mi nobet piny kanyo gi jopuonjrene. 4 Sap jo Yahudi mar Pasaka koro nokayo machiegni. 5 Ka Yesu noting'o wang'e moneno oganda maduong' kabiro ire, nowacho ne Filipo ni, "Ere kuma wanyalo ng'iewe makati ne jogi mondo gicham?" 6 Nopenjo ma mana mondo ote-mego, nimar nong'eyo gima nobiro timo. 7 Filipo nodwoke ni, "Kata misach dweche aboro ok ding'iewgo makati moromo, ma ng'ato ka ng'ato kuom jogi duto nyalo kata mana bilo matin nono!" 8 Japuonjrene machielo, ma Andrea, mane en owadgi Simon Petro nokone ni, 9 "Wuowi moro eri nika ma nigi makati matindo abich motedi gi shairi, kod rech matindo ariyo, to magi dikony ang'o kuom pidho oganda machal kama?" 10 Yesu nowacho ni, "Nyisuru ji obed piny." To ne nitie lum mang'eny kar kanyo, omiyo ji nobedo piny, joma chwo kuomgi madirom alufu abich. 11 Eka Yesu nokawo makatigo mi nogwedhogi, kaeto opogone joma nobedo piny, kaka moro ka moro kuomgi ne dwaro. Kamano bende e kaka notimo gi redigo. 12 Kane gisechiemo giduto mi giyieng', nowachone jopuonjrene ni, "Chokuru ng'injo duto ma ji ochamo oweyo. Kik uwe gimoro dhi nono." 13 Omiyo ne gichokogi, kendo ne gipong'o aditni apar gariyo gi ng'injo ma noa e makati matindo abich, mane joma nosechiemo oweyo. 14 Ka ji noneno tim hono ma Yesu notimono, ne gichako wacho ni, "Ka kuom adier to ma e janabi mane onego obi e piny." 15 To kaka Yesu nong'eyo ni ne gichano biro make mondo gikete ruoth githuon, noa kanyo kendo modhi ewi got moro kar kende.
Yesu Owuotho Ewi Pi
16 Ka nochopo odhiambo, jopuonjre nolor mwalo nyaka e dho nam, 17 kuma ne gidonjo ei yie, kendo ne gisiaye mi ging'a-do nam nyaka Kapernaum. Sechego koro piny noselil, to Yesu ne pok obiro irgi. 18 Yamo ma tekre ng'eny ne kudho, kendo pi nam ne gingore matek. 19 Ka koro ne gise kiewo ngai kama nyalo romo kilomi-ta abich kata auchiel. Ne gineno Yesu kawuotho ewi pi kochiko irgi; mi luoro nomakogi. 20 To nowacho negi ni, "En An, weuru luor." 21 Ka nosewacho mano eka koro ne giyie mar rwake ei yie. Kendo gikanyono yie nochopo e dho nam kama negidhiye. 22 Kinyne, oganda mane nikode loka nam noyudo ni yie achiel kende ema ne nikanyo, kendo ni Yesu gi jopuonjrene ne ok jodonjo ei yie, to ni ne gidhi adhiya kendgi. 23 Eka yiedhi moko moa Tiberia nogowo but kama ne ji ochame makati, bang' ka Ruoth nosegoyo erokamano. 24 Ka ogandano nofwenyo ni Yesu gi jopuonjrene ne onge kanyo, ne gidonjo e yiedhigo, mi gidhi Kapernaum, mondo gimany Yesu kuno.
Yesu E Makati Mar Ngima
25 Kane giyude loka nam koma chielo, ne gipenje ni, "Rabi, nende ichopo ka karang'o?" 26 Yesu nodwokogi kawacho ni, "Anyisou adier ni umanya ok nikech nyo uneno timbe hono, to mana nikech nyo uchamo makati mi uyieng'. 27 Weuru tiyo ne chiemo marumo, to tiuru ne chiemo masiko nyaka chop uyud ngima manyaka chieng', ma Wuod Dhano biro miyou. Nyasaye oseketo kido mare kuome manyiso ni oyie kode." 28 Eka negipenje ni, "Ang'o mowinjore watim eka mondo wati tije ma Nyasaye dwaro?" 29 Yesu nodwoko ni, "Tij Nyasaye en ma: Ni mondo uyie kuom Jal moseoro." 30 Kuom mano ne gipenje ni, "Kara tim hono mane mibiro nyisowa mondo wane eka wayie kuomi? Ang'o mibiro timonwa? 31 Kwerewa nochamo manna e thim; mana kaka ondiki ni, 'Nomiyogi makati moa e polo mondo gicham.' 32 Yesu nowacho negi ni, "Anyisou adier ni Musa ok ema osemiyou makati moa e polo, to Wuora ema miyou makati maradier moa e polo. 33 Nimar makati mar Nyasaye en Jal malor piny koa e polo kendo chiwo ngima ne piny." 34 Ne giwachone ni, "Jaduong', miwae makatino pile pile kochakore kawuono." 35 Eka Yesu nony-isogi ratiro ni, An e makati mar ngima. Ng'ama obiro ira kech ok noka, kendo ng'ama oyie kuoma riyo ok nolo ngang'. 36 To mana kaka nyocha anyisou, usenena to pod udagi yie. 37 Joma Wuoro omiya duto biro ira, kendo ng'ato ang'ata mobiro ira ok anariembi ngang'. 38 Nimar asebiro e piny ka aa e polo ok mondo atim dwacha, to mondo atim dwach Jal ma noora. 39 To dwach Jal mane oora en ma: Ni mondo kik awit kata achiel kuom ji duto mosemiya, to ni mondo achiergi chieng' giko. 40 Nikech dwach Wuora en ni ji duto mageno kuom Wuowi, kendo moyie kuome obed gi ngima manyaka chieng', kendo abiro chiere chieng' giko." 41 Jo Yahudi nochako ng'ur kode nikech nowacho ni, "An e makati ma nolor e piny koa e polo." 42 Ne giwacho ni, 'Ma donge en Yesu, ma wuod Josef, ma wang'eyo wuon gi min? Ere kaka dobukre kowacho sani ni, 'Ne abiro e piny ka aa e polo?" 43 Kuom mano, Yesu nokwerogi ni, "Weuru ng'ur e kindu uwegi. 44 Onge ng'ama nyalo biro ira ka Wuora mane oora ok ema oyuaye, kendo anachiere chieng' giko. 45 Ondiki e kitepe Jbnabi ni, 'Nyasaye nopuonjgi gin duto. Ji duto ma winjo wach Wuoro, kendo mapuonjore kuome, biro ira. 46 Onge ng'ama oseneno Wuoro makmana Jal ma noa ka Nyasaye; En kende ema oseneno Wuoro. 47 Anyisou adier ni ng'ama oyie nigi ngima manyaka chieng'. 48 An e makati mar ngima. 49 Kwereu nochamo manna e thim, to kata kamano ne githo. 50 To makati moa e polo eri ni ka, ma ng'ato nyalo chamo mondo kik otho. 51 An e makati mangima ma nobiro e piny koa e polo. Ka ng'at moro amora ochamo makatini, to obiro bet mangima nyaka chieng'. Makatini en ringra, ma abiro chiwo mondo eka piny obed mangima." 52 Eka jo Yahudi nochako goyo mbaka ma iye tek e kindgi giwegi, ka giwacho ni, "Ere kaka ng'atni nyalo miyowa ringre mondo wacham?" 53 Eka Yesu nowacho negi ni, "Anyisou adier ni, ka ok uchamo ringre Wuod Dhano kendo umadho rembe to uonge gi ngima e iu. 54 Ng'ato ang'ata machamo ringra kendo madho remba nigi ngima manyaka chieng', kendo abiro chiere chieng' giko. 55 nimar ringra en chiemo adier kendo remba en math adier. 56 Ng'ato ang'ata machamo ringra kendo madho remba siko kuoma, to an bende asiko kuome. 57 Mana kaka Wuoro Mangima noora, kendo angima nikech Wuoro, e kaka ng'ama chama biro bedo mangima nikech an. 58 Ma e makati ma nolor piny koa e polo. Kwereu nochamo manna to ne githo, to ng'ama chamo makatini biro bedo mangima nyaka chieng'." 59 Nowacho wechegi Kapernaum ka noyudo opuonjo ei Sunagogi.
Jopuonjre Mang'eny Oweyo Yesu
60 Kane giwinjo wachno, thoth jopuonjrene nowacho ni, "Ma en puonj matek manade. En ng'a manyalo yie kode?" 61 Kaka Yesu nong'eyo ni jopuonjrene ne ng'ur kuom wachni, nowacho negi ni, "Mitki wachni ochwanyou? 62 Ka kamano to ubiro timoru nade ka unune Wuod Dhano ka idho dok kuma ne entie mokwongo! 63 Roho ema chiwo ngima; ringruok ok kony gimoro.Weche ma asewachonu gin chuny kendo gin ngima. 64 To eka nitie jomoko kuomu maok oyie." Nimar Yesu noseng'eyo nyaka aa chakruok ni ne en ng'a kuomgi mane ok oyie, kendo mane biro ndhoge. 65 Nomedo wuoyo kowacho ni, "Mano emomiyo ne anyisou ni onge ng'ama nyalo biro ira ka ok Wuora ema omiye nyalo mar timo kamano." 66 Chakre kindeno thoth jopuonjrene nolokore oweye, kendo ne giweyo luwe. 67 Yesu nopenj o jopuonj re apar gariyo ni, "Mitki un bende udwaro aa?" 68 Simon Petro noduoko ni, "Ruoth, en ng'a madwadhi ire? In ema in gi weche mag ngima manyaka chieng'. 69 Wayie kendo wang'eyo ni in e Ng'ama Ler mar Nyasaye." 70 Eka Yesu nodwokogi ni, "Donge aseyierou duto karu ji apar gariyo? To ng'at achiel kuomu en jachien!" 71 (Nowuoyo kuom Judas ma wuod Simon Iskariot ma nebiro ndhoge bang'e, kata obedo ni ne en achiel kuom ji apar gariyo.)
Yesu Odhi E Sap Kiche
1 Bang' mago Yesu nodhi koni gi koni e piny Galili, kotemo bedo mabor gi ne Judea nikech jo Yahudi ne rite kuno mondo ginege. 2 To ka Sap jo Yahudi mar Kiche ne chiegni chopo, 3 owete Yesu nowachone ni, "Wuog ka idhi Judea mondo jopuonjreni one honni mitimo. 4 Ka ng'ato dwaro mondo obed rahuma to ok otim gik motimo ling'ling'. Omiyo kaka isebedo ka itimo honnigi, koro nyenyri e lela mondo piny oneni." 5 Nimar kata owetene owuon ne ok oyie kuome. 6 Emomiyo Yesu nowachonegi ni, "An sechega pok ochopo, un to unyalo timo gigeu samoro amora. 7 Piny ok nyal chay-ou, to an to piny ochaya nikech ahulo ni gik motimo richo. 8 Un dhiuru adhiya e sawo. An pod ok adhi e sawono mondi nikech saa mowinjore adhi kuno pok ochopo." 9 Bang' wacho mano nodong' Galili. 10 Kata kamano bang' ka owetene nosewuok odhi e sawo, en bende nodhi, to nodhi ling'ling' ka ji ok ong'eyo ni odhi. 11 To e sawono jo Yahudi ne manye ka gipenjore ni,"Ng'atcha ni kure?" 12 To e dier ogandano, ji mathoth ne kuotho kuome ka giwacho gik mopogore opogore. Moko ne wacho ni, "En ng'ama ber." To moko nodwoko ka giwacho ni, "Ooyo, owuondo ji." 13 To onge ng'ama ne nyalo wuoyo kuome e lela nikech ne gilu-oro jo Yahudi.
Yesu Opuonjo E Sawo
14 Ka koro Sawo ne nie diere tir, Yesu noidho malo modhi nyaka e laro mag Hekalu, kendo nochako puonjo. 15 To jo Yahudi no wuoro kendo negipenjo ni, "Rieko machalo kama ng'atni oyudo kure to ok osomo?" 16 Yesu nodwokogi ni, "Gik ma apuonjo ok gin maga awuon. Gin mag Jal mane oora. 17 Ka ng'ato oyiero mar timo dwach Nyasaye, to obiro ng'eyo ka bende puonjna oa kuom Nyasaye adier, kata ka awacho wechena awuon. 18 Ng'at ma wuoyo kuome owuon timo kamano mondo oyud duong' en owuon, to ng'at ma tiyo mondo Jal mane oore ema oyud duong' en ja adiera, kendo onge miriambo moro amora kuome. 19 Musa donge nomiyou chik? Ka kamano to udwa nega nang'o ?" 20 Ogandano nodwoko ni, "Jachien ni kodi! En ng'a madwa negi?" 21 Yesu nowacho negi ni, "Hono achiel kende ema atimo kendo mano omiyo chunyu chandore uduto. 22 To nikech Musa nomiyou tim mar tero nyangu (to chutho Musa ok ema nomiyou tim mar tero nyangu, to noa kuom kwereu), omiyo utero ji nyangu nyaka chieng' Sabato. 23 Koro ka inyalo ter ji nyangu chieng' Sabato, mondo eka Chik Musa kik kethi, anto iu wang' koda nang'o ka achango ringre dhano duto chieng' Sabato? 24 Weuru ng'ado bura kuom gik muneno gioko, to ng'aduru bura makare.
Bende Yesu En Kristo Adier?
25 Gi kar dhogeno jo Jerusalem moko nochako penjo ni, "Ma donge e ng'at ma gidwaro mondo ginegi? 26 Ende e, owuoyo e lela to giling' aling'a. Dipo jote-lo oseyie kode ni en e Kristo? 27 To wang'eyo kuma ng'atni oaye; Kristo to kobiro to onge ng'ama nong'e kuma oaye." 28 Ka noyudo Yesu pod puonjo ei laro mag Hekalu, noywagore matek kowacho ni, "Ee, ung'eya, kendo ung'eyo kuma aaye. Ok an ka gi dwarona awuon, to Jal ma noora en jaadiera. Un ukiaye, 29 to an to ang'eye nikech ne aa ire, kendo en ema noora." 30 Kane giwinjo mano, ne gitemo mondo gimake, to onge ng'ama notemo mule gi lwete, nikech sane ne pok ochopo. 31 Ji mathoth e dier ogandano pod noyie mana kuome. Ne giwacho ni, "Ka Kristo miwachono obiro, be enotim timbe hono mang'eny moloyo ng'atni adier?" 32 Jo Farisai nowinjo ka oganda kuodho gik ma kamago kuome, omiyo jodolo madongo gi jo Farisai nooro askeche mag Hekalu mondo omake. 33 Yesu nowacho negi ni, "An kodu mana kuom ndalo matin kende eka abiro dok ir Jal ma noora. 34 Ubiro manya, to ok ubi yuda, kendo kama antie ok unyal bire." 35 Jo Yahudi nowacho e kindgi giwegi ni, "Ng'atni dwadhi kune maok wanyal yudee? Mitki odwa dhi kuma jowa odakie ka gikere e dier jo Grik mondo opuonj jo Grik? 36 Tiend gima nowacho ni, Ubiro manya to ok ubi yuda' kendo ni, 'kama antie ok unyal bire' en ang'o?" 37 Odiechieng' mogik mar Sawo, mane en odiechieng' maduong' mogik, Yesu nochung' mowa-cho gi duol maduong' ni, "Ka ng'ato nigi riyo to mondo obi ira omodhi. 38 Ng'ato ang'ata moyie kuoma pi ngima nobubni koa e iye, mana kaka Ndiko owacho." 39 Gima ne owuoyo kuome ne en Roho, mane joma oyie kuome biro yudo bang'e. Nyaka thuolono Roho ne pok ochiw, nikech Yesu ne pok omi duong'. 40 Kane giwinjo wachno, moko kuom joma ne nikanyo nowacho ni, "Ng'atni en janabi adier." 41 To jomoko to nowacho ni, "En e Kristo." Joma moko to nopenjo ni, "Ere kaka Kristo nyalo aa Galili? 42 Ndiko donge wacho ni Kristo biro aa e anyuola joka Daudi, kendo ni obiro aa Bethlehem, taon mane Daudi odakie?" 43 Omiyoji nopogore nikech Yesu. 44 Jomoko ne dwa make, to onge ng'ama nomule gi lwete.
Jotend Jo Yahudi Otamore Yie
45 Eka askeche mag Hekalu nodok ir jodolo madongo gi jo Farisai, kendo ne gipenjogi ni, "Dak ukele?" 46 Askeche nodwoko ni, "Onge ng'ama osewuoyo kaka ng'atni nyaka nene." 47 To jo Farisai nodwokogi ni, "Kare un bende osewuon-dou. 48 Be usenene jotend jo Farisai kata achiel moyie kuome? 49 Onge ng'ama luwo ng'atni makmana oganda moming' mokia chikgi, joma okuong' chuth!" 50 Nikodemo, jal ma noyudo osegadhi ir Yesu motelo, kendo mane en achiel kuomgi, nopenjo ni, 51 "Be chikwa oyie adier mondo ong'adne ng'ato bura kapok onone mokwongo mondo ong'e gima otimo?" 52 Ne gidwoke ni, "Encha in be ia Galili? Many maber, to ibiro yudo ni onge janabi manyalo aa Galili." 53 Eka moro ka moro kuomgi nowuok odhi dalane.
1 Yesu to nodhi e Got Zeituni. 2 To okinyi kogwen nodok e Hekalu kendo, kama ji duto nochokore kolwore, kendo nobet piny mopuonjogi. 3 Jopuonj Chik kod jo Farisai nokelo e iye kanyo dhako moro mane ojuki ka terore. Ne gikete ochung' e nyim joma ne nikanyo duto, 4 kaeto giwacho ne Yesu ni, "Japuonj, dhakoni nende omaki rando ka terore. 5 To Musa nomiyowa chik mondo wachiel mon ma kamago gi kite. In to iwacho ang'o kuom wachni?" 6 Ne giketo wachno e nyim Yesu kaka ragaji, mondo giyud yo mane ginyalo donjonego. To Yesu nokulore piny kendo nochako ndiko e lo gi lith lwete. 7 Kane gimedo dhi nyime gi penje, noting'ore mowacho negi ni, "Kaponi nitie ng'ato e dieru maonge gi richo to mondo en ema obed ng'ama diro kidi mokuongo migoyego." 8 Eka nochako okulore piny kendo mondiko e lo. 9 Gi kar dhogeno, joma nowinjo gima nowachono nochako ng'wel achiel ka achiel, kochako-re gi joma dongo, nyaka Yesu kende ema nodong' gi dhakono kochung' kanyo. 10 Yesu noting'ore kendo nopenje ni, "Mama, eregi? Onge ng'ama odong' ma donjoni?" 11 Nowacho ni, "Onge, Jaduong'." Yesu nokone ni, "An bende ok ang'adni bura. Wuogi idhi, to kik ichak itim richo kendo kochakore sani.
Gimomiyo Nend Yesu En Adier
12 Yesu nochako owuoyo kodgi kendo, kowacho ni, "An e ler mar piny, ng'ato ang'ata ma luwa ok nyal wuotho e mudho, to enobed gi ler mar ngima. 13 Omiyo jo Farisai nopinge ka giwacho ni, "Ero itimo nendi iwuon, manyiso ni nendino ok nyal kaw ni en adier." 14 Yesu nodwokogi ni, "Kata obedo ni atimo nenda awuon to nenda pod en mana adier nimar ang'eyo kuma ne aaye gi kuma adhiye. Un to ukia kuma aaye gi kuma adhiye. 15 Ung'ado bura gi koru, to an to ok ang'adne ng'ato bura. 16 To ka ang'ado bura to paro ma ang'ado duto nikare nikech ok ang'ad bura kenda, to ang'ado kaachiel gi Wuora ma noora. 17 Ondiki e chiku ni nend ji ariyo inyalo yiego. 18 An atimo nenda awuon, to ng'ama timo nenda en Wuoro mane oora.to ng'ama chielo matimo nenda en Wuoro mane oora 19 Eka ne gipenje ni, "Wuonuno nikanye?" Yesu nodwokogi ni, "Ukiaya kendo Wuora bende ukia. Ka dine bed ni ung'eya to dine ung'eyo Wuora bende." 20 Ne owacho wechegi ka noyudo opuonjo e alwora mar Hekalu, but kama ji ne kete sadaka. To onge ng'ama nomake, nikech sechege ne pok ochopo. 21 Yesu nochako owacho negi ni, "Abiro dhi aweyou, kendo ubiro manya ndi, to unutho e richou. Kuma adhiye ok unyal bire." 22 Wachneno nomiyo jo Yahudi openjore ni, "Mitki ng'atni dwa dere? Dipo mano emomiyo owacho ni, 'Kuma adhiye ok unyal bire?'" 23 To nomedo wacho negi ni, "Un jo mwalo, to an aa malo. Un jo pinyni to an ok an ja pinyni. 24 Ne asenyisou ni ubiro tho e richou. Ka utamoru yie ni an ng'ama asebedo ka awachonu ni an to ubiro tho e richou maonge kiawa. 25 Ne gipenje ni, "In ng'a?" Yesu nodwokogi ni, "An ng'ama asebedo ka awacho ni an nyaka aa chakruok. 26 An gi gik mang'eny monego awachnu mondo ang'adnugo bura. To Jal ma noora en ng'ama igeno, kendo anyiso piny gik ma asewinjo kuome. 27 Ne ok ging'eyo ni ne owuoyonegi kuom Wuoro. 28 Omiyo Yesu nowacho negi ni, "Bang ka useliero Wuod Dhano malo eka unung'e ni an ng'ama asebedo ka anyisou ni an, kendo ni onge gima atimo kenda to awacho mana gik ma Wuora opuonja. 29 Jal ma noora nikoda kendo pok oweya kenda, nimar atimo gik mamore kinde duto. 30 Ji mang'eny noyie kuome seche ma nowuoyono.
Nyithind Ibrahim
31 Yesu nowacho nejo Yahudi ma noyie kuome ni, "Ka usiko kumako puonjna eka un jopuonjrena adier. 32 Kutimo kamano to ubiro ng'eyo adiera kendo adiera nomi ubed thuolo." 33 To ne gidwoke ni, "Wan wan koth Ibrahim kendo pok ne wabedo wasumbini ng'ato nyaka nene. Ere kaka inyalo wachonwa ni ibiro gonywa wabedo thuolo." 34 Yesu nodwokogi ni, "Awachonu adier ni ng'ato ka ng'ato ma timo richo en misumba richo. 35 To ong'ere ni misumba onge gi kare ei ot, to wuod ot to en jakanyo nyaka chieng'. 36 Omiyo ka Wuowi ema omiyou thuolo, to ubiro bedo thuolo chuth. 37 Ang'eyo ni un koth Ibrahim, kata kamano udwa nega, nikech udagi miyo Wachna thuolo e chunyu. 38 Awachonu gik ma aseneno kuom Wuora wang' gi wang', to un usiko utimo gik muse neno kuom wuoru. 39 Ne gidwoke ni, "Wan Ibrahim e Wuonwa." Yesu nowacho negi ni, "Ka dine bed ni un nyithind Ibrahim adier to dine utimo gik ma Ibrahim notimo. 40 To kaka en sani, uramo mar nega, An ng'at mosenyisou adiera ma nawinjo kuom Nyasaye. Ibrahim ne ok otimo gik ma kamago. 41 Un timbe wuonu ema utimo." Ne gikone ka gikwere ni, "Wan ok wan kimirwa. Wuoro ma wan go achiel makende en Nyasaye owuon."
Nyithind Jachien
42 Yesu nowacho negi ni, "Ka dine bed ni Nyasaye en Wuoru, dine uhera, nimar ne aa ir Nyasaye kendo koro eri an ka, ok asebiro kenda awuon, to en ema noora. 43 Ang'o momiyo wechena ok donjnu? En nikech udagi winjo wachna. 44 Un jo jachien ma wuoru, kendo dwach wuoru nogo ema uhero timo. Ne en janek nyaka aa chakruok, kendo ok olu adiera nikech adiera onge kuome. Koriambo to otimo gima ong'iyogo, nimar en jamiriambo, kendo en e wuon miriambo. 45 To an ok uyie kuoma nikech awacho adiera! 46 Be ng'ato kuomu ka nyalo ng'eng'a ni aseketho kuom timo richo moro amora? To ka awachonu adier to ang'o momiyo udagi yie kuoma? 47 Ng'at Nyasaye winjo weche Nyasaye. Omiyo gimomiyo un ok uwinjgi en nikech ok unjo Nyasaye.
Gik Ma Yesu Nowacho Kuome Owuon
48 Jo Yahudi nodwoke ni, "Donge wan kare ka wawacho ni in ja Samaria kendo ni in gi jachien?" 49 Yesu nodwoko ni, "Aonge gi jachien. Wuora ema amiyo duong' to un to uchaya. 50 Ok adwar duong' ne an awuon, to nitie ng'ama chielo madware, kendo en e jang'ad bura. 51 Anyisou adier ni ka ng'ato orito wachna to ok enone tho giwang'e." 52 Ka jo Yahudi nowinjo wachno, ne gikone ni, "Koro wang'eyo maonge kiawa ni in gi jachien! Ibrahim notho, kendo jonabi bende notho, to in to iwacho ni ka ng'ato orito wachni to ok none tho gi wang'e. 53 Iparo ni iduong' moloyo wuonwa Ibrahim? Ka en notho, kendo jonabi bende notho. In to iparo ni in ng'a ?" 54 Yesu nodwokogi ni, "Ka dipo ni amiyo-ra duong' kenda to duong'na onge tiende. To Wuora, ma un be uramo ni en Wuoru, ema miya duong'. 55 To kata obedo ni ok ung'eye to an to ang'eye kendo arito wachne. 56 Ibrahim wuonu nogombo neno ndalona gimor, kendo nonene mi nopong' gimor." 57 Jo Yahudi nowachone ni, "Pok iromo kata higini piero abich to iseneno Ibrahim!" 58 Yesu nowacho negi ni, "Anyisou adier ni kane pok onywol Ibrahim to ne Antie!" 59 Gi kar dhogeno ne gikwanyo kite mondo gichielego to Yesu nopondonegi, mopusore oa e alwora mar Hekalu.
Yesu Ochango Ng'ama Nonywol Ka Muofu
1 Ka noyudo owuotho odhi, noneno ng'at moro mane en muofu nyaka aa nywolne. 2 Jopuonjre nopenje ni, "Rabi, en ng'a ma notimo richo; ng'atni koso jony-wolne, momiyo nonywole muofu?" 3 Yesu noduoko ni, "Ng'atni kata jonywolne ne ok otimo richo, to ma notimore mondo tich N)asaye onyisre e ngimane. 4 Ka pod en odiechieng' to nyaka wati tich Jal ma noora. Otieno biro ma onge ng'ama nyalo tiyo. 5 Ka an e piny to an e ler mar piny" 6 Ka nosewacho kamano, nong'udho olawo e lo, eka noloso chuodho gi olawo, kaeto oketo e wang' ng'atno. 7 Eka nowacho ne ng'atno ni, "Dhiyo ilwok wang'i e soko mar Siloam" (tiend wachni en "Ote"). Omiyo ng'atno nodhi molwoko wang'e, kendo noduogo dala koneno. 8 Jo gweng'gi gi joma nosega nene motelo kokwecho nopenjo ni, "Ma donge e ng'at onogo mane jabedoga piny kakwe-chocha?" 9 Moko kuomgi nowacho ni ne en. To moko to nowacho ni, "Ooyo, ng'ani chai mana tode." To en owuon to nowacho koramo ni, "An e en." 10 Ne gimedo penje ni, "Ka kamano to wengegi nokelo yawore nade?" nNodwokogi ni, "Ng'at miluongo ni Yesu noloso chuodho moro kaeto oketo chuodhono e wengena. Nonyisa ni adhi Siloam alwok wang'a, kendo nadhi mi aluoko. Eka naneno." 12 Ne gipenje ni, "Ere ng'atno?" To nokonegi ni, "Akia."
Jo Farisai Onono Kaka Muofu Okelo Chango
13 Ne gitero ng'at ma chon ne muofuno nejo Farisai. 14 To chieng' ma Yesu nolose chuodho kendo oyawo wang' ng'atno ne en chieng' Sabato. 15 Omiyo jo Farisai nopenje kaka wang'e nokelo neno. To ng'atno nodwokogi ni, "Nende oketo chuodho e wengena kaeto alwoko mi koro aneno." 16 Moko kuom jo Farisaigo nowacho ni, "Ng'atni ok oa kuom Nyasaye, nimar ok orito Sabato." To moko to nopenjo ni, "Ere kaka ng'ama jaricho nyalo timo tim hono machal kama?" Omiyo ne gipogore e kindgi giwegi. 17 Eka ne gichako gidonjore gi muofuno, mi gipenje ni, "In ma nende oyaw wang'i to iwacho ang'o kuome?" Ng'atno nodwokogi ni, "En janabi." 18 To jo Yahudi ne pod ok oyie ni nonyuole muofu, kendo ni wengege noseyawore, nyaka ne gioro wach mondo oluong jonyuol ng'atno. 19 Ne gipenjogi ni, "Ma be e wuodu muwacho ni nonywol muofu? Obet nade ni koro onyalo neno?" 20 Jonywolgo nodwokogi ni, "Wang'eyo ni ma en wuodwa, kendo wang'eyo ni nonywole muofu. 21 To kaka koro onyalo neno sani, kata ng'ama noyawo wengene to wakia. Penjeuru, tinde oduong'. Obiro wacho wach kuome owuon." 22 Jonywolne nowacho kamano nikech ne giluoro jo Yahudi, nimar noyudo jo Yahudi oseng'ado wach ni ng'ato ang'ata ma nohulo ni Yesu en Kristo ne ibiro riembi e Sunagogi. 23 Mano emomiyo jonywolne nowacho ni, "Tinde oduong', penjeuru." 24 Ne gichako giluongo ng'at ma nonywol muofuno, e thuolo mar ariyo, mi gikone ni, "Mi Nyasaye duong'! Wan wang'eyo ni ng'atni en jaricho." 25 Nodwokogi ni, "An akia kata en jaricho kata ok en. Gimoro achiel kende ema ang'eyo: Ni chon ne an muofu to sani koro aneno!" 26 Eka ne gipenje ni," Ang'o ma notimoni? Nende oyawo wang'i nade?" 27 Nodwokogi ni, "Donge ne asenyisou to ok uchiko itu. Udwa winje kendo nang'o? Koso un be udwa doko jopuonjrene?" 28 Eka ne gidhoge gi ayenje ka giwacho ni, "In e japuonjrene! Wan wan jopuonjre Musa. 29 Wang'eyo ni Nyasaye nowuoyo gi Musa, to ng'atni to wakia kata mana kuma oaye." 30 Ng'atno nodwokogi ni "Kare awuorou adier! Ukia kuma oaye to en ema noyawo wengena? 31 Wang'eyo ni Nyasaye ok winj ja richo. Owinjo mana ng'ate matimo dwarone. 32 Pok nowinji nyaka ne piny chakre ni ng'ato nosega yawo wang' ng'ama nonywol ka muofu. 33 Ka dine bed ni ng'atni ok noa kuom Nyasaye, to ok dine otimo gimoro." 34 Koro ne giduoke ni," In nony-woli e chuny richo, ere kaka koro di ibukri ni ipuonjowa !" Kendo i ne gidire oko.
Bedo Muofu E Chuny
35 Yesu nowinjo ni nosedire oko, omiyo ka noyude to nowachone ni, "Be iyie kuom Wuod Dhano?" 36 Ng'atno nopenjo ni, "Jaduong', Wuod Dhano en ng'a? Nyisago mondo ayie kuome." 37 Yesu nowachone ni, "Eri koro isenene; en ema owuoyo kodini." 38 Ng'atno nowacho ni,"Ruoth, Ayie," kendo nolame. 39 Eka Yesu nowacho ni, "Ne abiro e pinyni mondo ang'adne bura, eka muofni onen to joma neno olokre muofni." 40 Jo Farisai moko mane ni kode nowinje kowacho kamano mi nopenje ni, "Iwacho ang'ono? Kare wan be wan muofni?" 41 Yesu nowacho negi ni, "Ka dine bed ni un muofni to dine ok ubedo joketho nikech richo; to nikech ufetoru ni uneno, kethou osiko.
Jakwath Gi Rombege
1 Awachonu adier ni ng'ama ok donji e abich rombe koluwo rangach, to maidho kendo donjo koluwo yo machielo, en jakuo kendo jamecho. 2 Ng'at madonjo koluwo rangach e jakwadh rombege. 3 Jarito yawone rangach kendo rombe winjo duonde. Oluongo rombege owuon gi nyinggi kendo otelonigi ka giwok. 4 Ka osegolo rombege duto oko, to odhi e nyimgi, kendo rombege luwo bang'e nikech ging'eyo kit duonde. 5 To ok ginyal luwo bang' ng'ama wendo. Adier, giringo gia bute nikech ok ging'eyo duond ng'ama wendo. 6 Yesu notiyo gi ngeroni to ne ok giwinjo tiend gima nonyisogi. 7 Kuom mano, Yesu nochako owacho negi ni, "Awachonu adier ni an e ranga rombe. 8 Ji duto mane obiro motelona ne gin jokuoge kendo jomecho, to rombe ne ok owinjogi. 9 An e rangach. ng'ato ang'ata madonjo kakadho kuoma ibiro resi. Enodonj iye kendo owuog oko, mi oyud lek. 10 Jakuo biro mana mondo okwel kendo oneki kendo oketh gik moko, An to asebiro mondo giyud ngima, kendo giyude mogundho. 11 An e jakwath maber. Jakwath maber chiwo ngimane ne rombe. 12 Ng'ama ondiki ok en jakwath ma wuon rombe. Omiyo koneno otoyo kabiro to oringo oweyo rombe kanyo. Eka otoyo monjo rombe kendo keyogi. 13 Ng'atno ringo tony nikech en ng'ama ondiki kendo ngima rombe ok obadhe. 14 "An e jakwath maber; ang'eyo rombega kendo rombega bende ong'eya. 15 Ging'eya mana kaka Wuora ong'eya kendo ang'eyo Wuoro, kendo achiwo ngimana ne rombe. 16 An gi rombe moko maok nie abich rombegi. Gin be nyaka akelgi.Gin be gibiro winjo duonda, eka ginibed kweth achiel ma nigi jakwath achiel. 17 Gimomiyo Wuora ohera en nikech achiwo ngimana, eka achako akawe kendo. 18 Onge ng'ama nyalo kawe kuoma, to achiwe nikech ahero. An gi teko mar chiwe kendo an gi teko mar kawe kendo. Tekoni ne ayudo kuom Wuora." 19 Wechegi nomiyo jo Yahudi ochako opogore fendo. 20 Thothgi nowacho ni, "Ng'ama nigi jachien kendo ma neko riembo wiye matekni to uchikone itu nang'o?" 21 To moko to nowacho ni, "Magi ok gin weche ma ng'ama nigi jachien nyalo wacho. Jachien be nyalo yawo wang' muofu adier?"
Tamraok Yie Mar Jo Yahudi
22 Eka Sawo mar Walo Hekalu nochopo Jerusalem. Ne en ndalo chwiri 23 kendo noyudo Yesu nitie e alwora mar Hekalu, kowuotho e agola mar Solomon. 24 Jo Yahudi nochokore mokvore, kendo ne giwachone ni, "Pod ibiro weyowa e mudho nyaka karang'o? Ka in e Kristo to nyiswa maler." 25 Yesu nodwokogi ni, "Asenyisou to utamoru yie. Honni ma atimo e nying Wuora bende nyiso gima An, 26 to udagi yie nikech ok un rombega. 27 Rombega winjo duonda, bende ang'eyogi kendo giluwo bang'a. 28 Amiyogi ngima manyaka chieng', kendo ok ginilal ngang', bende onge ng'ama nyalo yudhogi kagologi e lweta. 29 Wuora mosemiyagi duong' moloyo duto, kendo onge ng'ama nyalo yudhogi mi golgi e lwet Wuora. 30 An kod Wuora wan achiel." 31 Jo Yahudi nochako okwanyo kite kendo mondo gichielego, 32 to Yesu nowacho negi ni, "Asenyisou honni madongo mang'eny moa ka Wuora. Kuom honnigi duto, en mane kuomgi mugoyane gi kite?" 33 Jo Yahudi nodwoke ni, "Ok wagoyi gi kite nikech moro amora kuomgi.Wagoyi nikech iseyenyo marach, ka in dhano adhana inyalo ketori ni in Nyasaye." 34 Yesu nodwokogi ni, "Donge ondiki e chik maru ni, 'Ne awacho ni un nyiseche'. 35 Ka noluon-go joma wach Nyasaye nobiro negi ni 'nyiseche', to ong'ere ni Ndiko ok nyal kethi- 36 koro Jal ma Wuoro nowalo kaka Ng'ate owuon mi ooro e piny to? Ka kamano to ang'o momiyo udonjona gi ketho mar ayany marach, nikech nende awacho ni, 'An Wuod Nyasaye'? 37 Ka dipo ni ok atim gik ma Wuora timo to kik uyie kuoma. 38 To ka atimogi, to yieuru kuom honnigo, kata ka an ok udwar yie kuoma, mondo ung'e maber ni Wuoro nie iya kendo an ei Wuoro." 39 Ne gichako gitemo make kendo to nopusore e lwetgi. 40 Eka Yesu nong'ado Jordan modok kama Johana ne batisoe ji kinde motelo. Nodak kanyo, 41 kendo ji mang'eny nobiro ire. Ne giwacho ni, "Kata obedo ni Johana ne ok otimo tim hono moro amora, to gik moko duto ma nowacho kuom ng'atni ne gin adier." 42 Kendo ji mang'eny noyie kuom Yesu kanyo.
Tho Mar Lazaro
1 To ng'at moro ma nyinge Lazaro ne tuo. Ne en ja Bethani, dala gi Maria gi Maritha. 2 Maria ma owadgi ma Lazaro tuo noketo piny, e Maria onogo ma noolo mo madung' mamit kuom Ruoth kaeto oyweyo tiendene gi yie wiye. 3 Omiyo nyiminegi nooro wach ne Yesu ni, "Ruoth, jal mihero tuo." 4 Ka Yesu nowinjo mano, nowacho ni "Tuoneno ok bi nege. Otimore mana mondo Nyasaye oyud duong', kendo mondo Wuod Nyasaye oyud duong' kuome." 5 Yesu nohero Maritha gi nyamin mare kod Lazaro. 6 To kata kamano ka nowinjo ni Lazaro tuo to nomedo bedo kama ne entie kuom ndalo ariyo. 7 Eka bang' ndalo ariyogo nowacho ne jopuonjrene ni, "Wadoguru Judea." 8 To ne giwachone ni, "To Rabi, ere kaka didog kuno to npro nyoroni eka jo Yahudi nyocha dwa chiel gi kite ?" 9 Yesu nodwoko ni, "Donge nitie seche apar gariyo e odiechieng'? Ng'at mawuotho godiechieng' ok chwanyre, nimar ler mar piny miyo oneno. 10 Kowuotho gotieno eka ochwany)re, nikech oonge gi ler." nBang' ka nosewa-cho kamano to nomedo loso kodgi kowacho ni, "Osiepwa ma Lazaro nindo otero, to adwa dhi kuno mondo achiewe." 12 Jopuonj rene nodwoko ni, "Ruoth, konindo aninda to obiro dhi maber." 13 Yesu ne wuoyo kuom tho Lazaro to jopuonjrene to neparo ni oloso mana kuom nindo mapile. 14 Omiyo koro nonyisogi ratiro ni, "Lazaro otho, 15 to nikech un, amor ni nyocha otho ka aonge kuno, mondo eka uyie. Kata kamano, wawuog wadhiuru ire." 16 Eka Thoma, miluongo ni Didimas, nowachone jopuonjre mamoko ni, "Wan be wadhiuru mondo kata ka en tho to watho kode."
Yesu Ohoyo Maritha Gi Nyamin
17 Ka Yesu nochopo to noyudo ka Lazaro noseriyo ei bur kuom ndalo ang'wen. To 18 Bethani ne ok bor ruok gi Jerusalem; kar kilomita adek, 19 kendo jo Yahudi mang'eny noyudo osebiro ir Maritha gi Maria mondo ohogi e kuyo margi kuom tho mar owadgi. 20 Ka Maritha nowinjo ni Yesu biro, nowuok oko mondo oromne, ka Mariam to nodong' ei ot. 21 Maritha nowacho ne Yesu ni, "Ruoth, ka dinyocha in kodwa ka to owadwa dine ok otho. 22 To ang'eyo ni kata sani Nyasaye biro miyi gimoro amora mikwaye." 23 Yesu nowachone ni, "Owadu biro chier." 24 Maritha nodwoke ni, "Ang'eyo ni obiro chier kendo chieng' chier, chieng' giko piny." 25 Yesu nowachone ni, "An e chier kendo An e ngima. Ng'at moyie kuoma kata otho to nodok mangima, 26 kendo ng'ama ngima moyie kuoma ok notho ngang'. Be iyie mano?" 27 Nokone ni, "Ee, Ruoth, ayie ni in e Kristo ma Wuod Nyasaye, ma nonego obi e piny." 28 Kendo kane osewacho mano to nodok oluongo Maria nyamin-gi tenge, mowachone ni, "Japuonj nika, kendo odwa neni." 29 Ka Maria nowinjo mano, noa malo piyo piyo mi nodhi ire. 30 To noyudo Yesu pok odonjo ei dalano; ne pod ochung' oko kama Maritha noromonee. 31 Ka jo Yahudi ma noyudo nigi Maria ei ot, kahoye, nonene kochung' girikni modhi oko, ne giluwo bang'e, ka giparo ni nodhi e liel mondo oywagi kuno. 32 Ka Mariam nochopo kama Yesu nenitie monene gi wang'e, nopodho e tiende mowachone ni, "Ruoth, ka dinyocha bed ni in ka to owadwa dine ok otho." 33 Ka Yesu nonene koywak, kendo ka jo Yahudi mane gibirogo ire be nejoywak, chunye nodoko malit kendo nochandore. 34 Nopenjo ni, "Ne ukete kanye?" Ne gidwoke ni, "Ruoth, bi wadhi wanyisi." 35 Yesu noywak. 36 Eka jo Yahudi nowacho ni "Neyeuru kaka nohere!" 37 To moko kuomgi to nowacho ni, "Ng'at ma yande oyawo wenge ng'ama muofuni donge nyocha nyalo geng'o tho ng'atni?"
Yesu Ochiero Lazaro
38 Yesu nochopo kar liel ka chunye nigi kuyo maduong' moloyo. Ne en rogo, kendo noyie kidi e dhoge. 39 Yesu nowacho ni, "Goluru kidi oko." To Maritha nyamin jal ma nothono nokwer ni "Ruoth, sani koro en gi tik marach, nimar osebedo ka otho kuom ndalo ang'wen. 40 Yesu nowachone ni, "Donge nende any-isi ni kiyie to ibiro neno duong' mar Nyasaye?" 41 Omiyo ne gigolo kidi. Eka Yesu nong'iyo malo kaeto owacho ni, "Wuora, agoyoni erokamano nikech isewinja. 42 Ang'eyo bende ni isebedo kiwinja seche duto, to ase wacho ma mondo joma ochung' kagi okonyre, kendo mondo giyie ni ne iora adier." 43 Bang' wacho mano, Yesu noluongo gi duol maduong' ni, "Lazaro, wuog oko!" 44 Mi ng'ama othono nowuok oko, ka bedene gi tiendene onal gi lewni molir-olir, kendo ka lenda wang'e bende otwe gi nanga alwora. Yesu nowacho negi ni, "Goluru lep liel oko kuome mondo uweye odhi."
Jotelo Ochano Nego Yesu
45 Nikech mano, jo Yahudi mang'eny ma noyudo obiro limo Mariam, kendo ma noneno gima Yesu notimo, noyie kuome. 46 To moko kuomgi nodhi ir jo Farisai monyisogi gima Yesu nosetimo. 47 Eka jodolo madongo gi jo Farisai nochoko buch jo Sanhedrin. Kendo ne gipenjore ni, "Watim ang'o? Ng'atni eri medo timo timbe honni mang'eny moloyo. 48 Ka waweye odhi nyime kama, to ji duto bito yie kuome, kendo ka mano otimore tojo Rumi, biro biro mi kaw karwa ka, kaachiel gi pinywa bende." 49 To achiel kuomgi, mane nyinge Kaifas, ma ne en jadolo maduong' e higano noloso kowacho ni, "Un joma ok riek kata matin! 50 Ok unyal fwenyo ni en gima ber moloyo mondo ng'ato achiel otho ne ji, moloyo ka oganda duto otho." 51 Ne ok owacho wachni gi pache owuon, to kaka ne en jadolo maduong' higano, nokoro wach ni Yesu ne biro tho ne piny jo Yahudi, 52 to ok ne pinyno kende, to ne nyithind Nyasaye duto mokere, mondo ochokgi kaachiel, kendo omi gibed gimoro achiel. 53 Omiyo chakre chieng'no kadhi nyime ne gichano yo ma diginegego. 54 Kuom mano, Yesu koro ne ok wuothi e dier jo Yahudi ka ji nene. To nopondo modhi e gweng' ma nibut thim, e dala miluongo ni Efraim, kendo nobet kuno gi jopuonjrene. 55 Ka kinde mag Pasaka mar jo Yahudi ne chiegni chopo, ji mang'eny noa e gwenge modhi Jerusalem mondo gipuodhre ka pok Pasaka ochopo. 56 Ne gisiko ka gimanyo Yesu, kendo ne gipenjore ng'ato gi ng'ato, ka noyudo gichung' ei alwora mar Hekalu, ni, "Uparo nade? Donge obiro biro e sawoni koso ok obi biro?" 57 To noyudo jodolo madongo gi jo Farisai o segolo chik ni ng'ato ang'ata mane ong'eyo kuma Yesu nitie nyaka ne ternegi wach mondo gidhi gimake.
Owir Yesu Gi Mo Bethani
1 Ndalo auchiel kane pok Pasaka w ochopo, Yesu notundo Bethani, kama Lazaro nodakie, jagono ma Yesu yande nochiero oa kuom joma otho. 2 Ne gitedone Yesu chiemo mang'eny kuno mondo gimiye duong'. Maritha ne miyo welo chiemo, to Lazaro to nobet kachiemo kaachiel gi joma nobet kolworo mesa. 3 Eka Mariam nokawo mo madung' mamit kendo ma nengone tek, manyalo romo nus lita, mowirogo tiende Yesu, kaeto oyweyo tiendene gi yie wiye. Mi ot nopong' gi tik mamit mar morno. 4 To achiel kuom jopuonjrene, Judas Iskariot, ma nebiro ndhoge bang'e, nopingo tim mane dhakono otimo, kowacho ni, 5 "Ang'o ma nomono hono mo madung' mamitni mondo pesa moyudi omi joma odhier? Onge tiende ketho mo ma nengone tek kama, moromo chulo misach ng'at achiel kuom higa ngima." 6 Ne ok owacho kamano nikech nohero jodhier, to nikech ne en jakuo. Kaka jakan ofuk pesa, noheroga konyore gi pesa ma nokanogo. 7 Yesu nodwoko ni, "Weri gi dhakono. Ne ochan chon ni owinjore okan mo madung' mamitni nyaka chieng' ikna. 8 Jodhier ubiro bedogo e dieru kinde duto, to an ok ubi bedo koda kinde duto." 9 To e thuolono, Oganda maduong' mar jo Yahudi nofwenyo ni Yesu ne nitie kanyo mi negibiro, ok nikech en, to nikech ne gidwa neno Lazaro, ma noyudo osechiero oa kuom joma otho. 10 Omiyo jodolo madongo noloso chenro kaka digineg Lazaro kaachiel kode, 11 mimar wachne nomiyo jo Yahudi mang'eny koro nedhi ir Yesu kendo yie kuome. Yesu Odonjo Jerusalem Gi Rwak Maduong' 12 Kinyne, oganda maratipo ma noyudo obiro e Sawo nowinjo ni Yesu nie yo biro Jerusalem. 13 Ne gikawo bede othidhe mi giwuok oko mondo giromne, ka gikok ni, "Hosana !" "Ogwedh ng'at mabiro e nying Ruoth! "Ogwedh Ruodh Israel!" 14 Yesu noyudo nyathi kanyna moro moidho obetie, mana kaka ondiki ni, 15 "We luor, yaye Nyar Sayun; Ruodhi eri biro, kobet ewi nyathi kanyna" 16 Mokwongo jopuonjrene ne ok owinjo tiend gigi duto, to achien, bang' ka Yesu nosemi duong' eka negifwenyo ni wechegi nosendiki kuome chon, kendo ni gigo notimore nikech en. 17 To oganda mane nikode chieng' mane oluongo Lazaro oa e liel, ka nochiere oa kuom joma otho, nomedo lando wachno. 18 Omiyo ji mang'eny nowuok mondo giromne, nikech negisewinjo ni yande otimo tim honono. 19 Kuom mano, jo Farisai nowacho e kindgi ng'ato gi ng'ato ni, "Uneno ka wachni e muomowa. Neyeuru kaka piny duto osewuok luwo bang'e!"
Yesu Okoro Thone
20 To ne nitie jo Grik moko ma nobiro e Sawono mondo gilam. 21 Ne gibiro ir Filipo, ma nea Bethseida, e piny Galili, mi gikwaye ni,"Jaduong wadwa neno Yesu." 22 Filipo nodhi monyiso Andrea wachno; to Andrea gi Filipo ne jodhi monyiso Yesu. 23 Yesu nodwokogi ni, "Saa ose-chopo mondo Wuod Dhano omi duong'. 24 Anyisou adier ni ka koth ngano ok olwar e lowo motho, to osiko mana kodhi achiel kende. To ka otho, to onywolo kothe mang'eny. 25 Ng'ama ohero ngi-mane biro wite, to ng'ama ochayo ngi-mane e pinyni biro rite nyaka chop oyud ngima manyaka chieng' 26 Ng'ato ang'ata matiyona nyaka luwa, kendo kama antie ema jatichna bende nobedie, bende Wuora biro miyo ng'ama tiyona duong'. 27 "Koro chunya chandore, to ang'o ma dawachi? Dawach ni, Wuora, res a e sa marachni'? Ooyo, ok anyal timo kamano nikech ma e gimomiyo ne abiro nyaka sechegi. 28 Wuora, mi nyingi duong'! Eka duol moro noa e polo, kawacho ni, "Asemiye duong' kendo abiro miye duong' kendo." 29 Oganda mane nikanyo ma nowinjo duolno nowacho ni polo ema nomor, to joma moko to nowacho ni malaika ema nowuoyo kode. 30 Yesu nokonegi ni, "Duolni nobiro mondo okonyu, to ok nikech an. 31 Sani ema ing'adone piny bura, kendo sani ema ibiro riembie ruodh pinyni oko. 32 To an, bang' koseting'a malo mogola e pinyni, to anay-wa ji duto ira." 33 Nowacho mano mondo onyisgo kit tho ma nobiro thogo. 34 Ogandano nodwoke ni, "Wasewinjo e chik ni Kristo biro siko nyaka chieng', ka en kamano to ikelo wacho nade ni, Wuod Dhano nyaka bi ting' malo?' Wuod Dhano' miwuoyo kuomeno to en ng'a ?" 35 Eka Yesu nonyisogi ni, "Pod ubiro bedo gi ler kuom ndalo manok. Wuothuru kapod un-gi ler; kapok mudho ojukou. Ng'ama wuotho e mudho okia kuma odhiye. 36 Keturu genou kuom ler kapod un k>de, mondo eka ubed yawuot ler." Ka Yesu nosetieko loso to nowuok owegi kendo nopondo negi. Jo Yahudi Osiko E Tamruok Yie Margi 37 To kata bang' ka Yesu nosetimo timbe honogo duto ka gineno gi wang'gi, pod ne gidagi mana yie kuome. 38 Mano notimore mondo ochop wach Isaya janabi, ni, "Ruoth, en ng'a moseyie wach mwa-lando koso en ng'a mosefwenyo kaka Ruoth tiyo? 39 Ne ok ginyal yie nikech wachni, kendo nikech, mana kaka Isaya nowacho kamachielo ni, 40 "Osedino wengegi kendo osemiyo chunygi odoko matek, mondo kik gine gimoro gi wengegi, kendo kik giwinj tiend weche gi chunygi, mi gilokre, mondo ochanggi." 41 Isaya nowacho kamano nikech noneno duong' mar Yesu kendo nowuoyo kuome. 42 Kata kamano, e kindeno, koda ka jotelo mang'eny be noyie kuome. To nikech jo Farisai, ne ok ginyal hulo yie margi e lela nimar ne giluor ni dipo ka oriembgi e Sunagogi. 43 Nimar ne gihero pak moa kuom dhano moloyo pak moa kuom Nyasaye. 44 Eka Yesu nokok matek ni, "Ka ng'ato oyie kuoma to an ok ema oyie kuoma kenda, to oyie kuom Jal ma noora bende. 45 Ka ong'iya to oneno Jal ma noora. 46 Asebiro e piny kaka ler, mondo ng'ato ang'ata moyie kuoma kik bed e mudho. 47 "To ng'at ma winjo wechena to ok riti to an ok ang'adne bura, nikech ne ok abiro mondo ang'adne piny bura, to nabiro mondo aware. 48 Nitie Ng'at mang'ado bura ne ng'ama odaga kendo maok oyie wechena. Ng'ama kamano wachna mane awacho ema biro ng'adone bura marach chieng' giko piny. 49 Nimar ne ok awuoyo gi dwacha awuon, to Wuoro ma noora ema nochi-ka mondo awachi gik ma asebedo ka awacho kendo kaka onego awachgi. 50 Ang'eyo ni chikne kelo ngima manya-ka chieng'. Kuom mano, gimoro amora ma awacho en mana gima Wuora ony-isa mondo awachi."
Yesu Oluoko Tiende Jopuonjrene
1 Koro kane oyudo Sap Pasaka okayo machiegni ahinya. Yesu nong'eyo ni sane mar weyo pinyni mondo odhi ir Wuoro nosechopo. Kaka nosehero joge owuon mane ni e pinyni, koro noiko-re nyisogi herane matut mogik. 2 Seche mane itoko chiemb odhiambo, noyudo Jachien osechako jiwo Judas Iskariot, ma wuod Simon, mondo ondhog Yesu. 3 Yesu nong'eyo ni Wuoro noseketo gik moko duto e bwo tekone, kendo ni noa ka Nyasaye kendo nobiro dok ir Nyasaye; 4 omiyo noa malo oweyo chiemo, kendo nogolo lepe maoko kaeto otweyo taulo e nungone. 5 Bang' timo kamano, noolo pi e besen kaeto ochako luoko tiende jopuonjrene, kendo noyweyogi gi taulo ma notweyo e nungone mondo gitwo. 6 Ka nobiro ir Petro mondo oluok tiendene, Petro nowachone ni, "Ruoth, idwa luoko tienda adier?" 7 Yesu nodwoke ni, "Ok inyal winjo tiend gima atimo, to ibiro winjo bang'e." 8 Petro nonyise koramo ni, "Ooyo, Ruoth, ok inyal luoko tiendena ngang'. Yesu nodwoke ni, "Ka ok aluoki to ok iwinjori bedo koda e achiel." 9 Petro nodwoke ni, "Ruoth, ka kamano to kik iluok mana tienda kende, to luok koda ka bedena gi wiya bende!" 10 Yesu noduoke ni, "Ng'at moseluokore onego oluok mana tiendene kende, nimar dende duto ler." Un usedoko maler, makmana ng'at achiel kuomu kende ema ok ler." 11 Nowacho ni ne ok giler giduto nikech nong'eyo ng'ama ne biro ndhoge. 12 Ka nosetieko luoko tiendegi, norwako lepe kaeto obet kama nobetie. Nopenjogi ni, "Be ung'eyo tiend gima asetimonuno? 13 Uluonga kare ni 'Japuonj' kendo ni 'Ruoth', kendo utimo kare, nikech mano e ng'ama an. 14 Koro kaka an ma an Ruodhu kendo Nyasachu, aseluoko tiendeu, un bende nyaka uluok tiendeu ng'ato gi ng'ato. 15 Aseketonu ranyisi mondo utim kaka asetimonu. 16 Anyisou adier ni onge misumba maduong' moloyo ruodhe motiyone, kata jaote ok duong' moloyo ng'ama oore. 17 Koro kaka ung'eyo gigi, ibiro gwedhu ka utimogi.
Yesu Okoro Ni Ibiro Ndhoge
18 Ok awuo kuomu un uduto, ang'eyo joma aseyiero. To ma osetimore mondo ochop Ndiko mawacho ni, 'Ng'at ma apogone kuona, ema koro gweya.' 19 "Eri anyisou wachni chon kapok otimore mondo kotimore to ubi uyie ni An e En. 20 Anyisou adier ni ng'ato ang'ata mor-wako ng'ama aoro, orwaka, kendo ng'ama orwaka orwako Jal ma noora." 21 Bang' ka nosewacho mano, Yesu nochandore gie chunye mi nohulonegi ni, "Anyisou adier ni ng'at achiel kuomu biro ndhoga." 22 Jopuonj rene dhogi nomoko, kendo ne ging'iyore kendgi ka giwuoro ni ne en ng'a kuomgi ma no wuoyo kuome. 23 To achiel kuomgi ma ne en japuonjre ma Yesu nohero, ne chiemo kobet bute machiegni. 24 Simon Petro nogwelo japuonjreno kawacho ni, "Penje ane ng'ama owuoyo kuome." 25 Nolokore ir Yesu mopenje ni, "Ruoth, en ng'a ?" 26 Yesu nodwoko ni, "En ng'ama abiro miyo makatini bang' ka aselute e kado." Eka, bang' luto makati mondusino e kado, nomiye Judas Iskariot wuod Simon. 27 Gikanyono ma Judas nokawo makatino ema Satan nodonjo e iye.Yesu nokone ni, "Gima idwa timono tim piyo," 28 to onge ng'ama ne chiemo kanyo ma nong'eyo gimomiyo nowachone kamano. 29 To kaka Judas ne en jarit pesa, jomoko ne paro ni Yesu nonyise mondo odhi ong'iew gik ma nedwarore e sawo, kata nimondo ochiw gimoro ne jodhier. 30 Mapiyo bang' ka Judas nosekawo makatino, nowuok oweyogi, kendo otieno nochopo.
Yesu Okoro Ni Petro Biro Kwede
31 Ka nosedhi, Yesu nowacho ni, "Wuod Dhano koro imiyo duong' sani kendo Nyasaye bende yudo duong' kuome. 32 Ka Nyasaye oyudo duong' kuome, eka Wuowi bende biro yudo duong' kuome, kendo obiro miye duong' sani sani. 33 "Nyithinda, pod abiro bedo kodu kuom thuolo matin. Ubiro manya, to mana kaka ne anyiso jo Yahudi e kaka anyisou sani ni, kama adhiye un ok unyal bire. 34 "Amiyou chik manyien ni, Herreuru ng'ato gi ng'ato. Mana kaka aseherou e kaka nyaka uherru ng'ato gi ng'ato. 35 Mano ema biro miyo ji duto ng'eyo ni un jopuonjrena adier, ka uheroru ng'ato gi ng'ato." 36 Simon Ferro nopenje ni, "Ruoth, idhi kanye?" Yesu nodwoke ni, "Kuma adhiye ok unyal luwae sani, to ubiro luwa kuno bang'e" 37 Petro nopenje ni, "Ruoth, ang'o momiyo ok anyal luwi sani? Aikora chiwo ngimana nikech in." 38 Eka Yesu nodwoko ni, "Be inyalo chiwo ngimani nikech an adier? Anyisi ni kapok thuon gweno okok, wang' inikweda nyadidek!
Yesu Ojiwo Jopuonjrene
1 a Kik we chunyu ochandre. Yieuru J¿ kuom Nyasaye, kendo an be yieuru kuoma. 2 E od Wuora nitie kuonde dak mang'eny, kendo ka dine bed ni ok en kamano to dikoro asenyisou. Adhi kuno mondo alosnu kar dak. 3 To ka adhi mi alosonu kar dak, eka abiro duogo kawou ubed koda, mondo un be ubed kama antie. 4 Ageno ni ung'eyo yo madhi kuma adhiye.
Yesu E Yo Madhi Ka Wuoro
5 Thoma nowachone ni, "Ruoth wakia kuma idhiye, koro ere kaka dwang'e yo?" 6 Yesu nokone ni, "An e yo kendo An e adiera kendo An e ngima. Onge ng'ama nyalo biro ir Wuora ka ok okadho kuoma. 7 Ka dine ung'eya adier, dine ung'eyo Wuora bende. Chakre sani ung'eye kendo usenene." 8 Filipo nowachone ni, "Ruoth, nyiswa Wuoro mondo kik wachak wachandi kendo." 9 Yesu nokone ni, "Filipo, donge ing'eya? Ng'ato ka ng'ato mosenena oseneno Wuoro. Ere kaka ikelo wacho ni, 'Nyiswa Wuoro?' 10 Donge iyie ni an ei Wuoro kendo ni Wuoro ni e iya? Weche ma awachonu ok gin mana wechega awuon. Chutho, Wuoro modak e iya ema timo tichne. 11 Yie koda ka awacho ni an ei Wuoro kendo Wuoro nie iya; to ka ok kamano, to yie kuom ranyisi mag honni ma asebedo ka atimo. 12 Anyisi adier ni ng'ato ka ng'ato ma nigi yie kuoma biro timo gik ma asebedo ka atimo. Be obiro timo gik madongo moloyo magi, nikech adhi ka Wuoro. 13 Kendo abiro timo gimoro amora muk-wayo e nyinga, mondo eka Wuowi omi Wuoro duong'. 14 Unyalo kwaya gimoro amora e nyinga kendo abiro time.
Yesu Osingo Roho Maler
15 "Ka uhera' to ubiro timo gima achiko. 16 Kendo anakwa Wuoro mi enomiu Jakony machielo mondo obed kodu nyaka chieng' 17 Jakonyno en Roho mar adier, Piny ok nyal yie kode, nikech ok ginyal nene kendo gikiaye. Un to ung'-eye, nimar odak kodu kendo obiro bet e iu. 18 Ok abi weyou ka nyithi kiye; abiro biro iru. 19 Odong' kinde matin to piny ok bi nena fendo. Un to pod ubiro nena, kendo ubiro bedo mangima nikech angima. 20 Odiechieng'no unung'e ni an ei Wuoro; kendo ni un e iya, kendo an e iu. 21 Ng'ato ang'ata ma nigi chikega kendo matimo gima giwacho e ng'ama ohera. Ng'at mohera Wuora biro hero, kendo an bende abiro here, mi anyisrane." 22 Eka Judas (Ok Judas Iskariot) nowachone ni, "To Ruoth, ang'o momiyo wan ema idwany-isorinwa to ok ne piny?" 23 Yesu nodwoke ni, "Ka ng'ato ohera to obiro rito wechena, Wuora biro here, kendo wabiro biro ire mi walos kar dakwa kode. 24 Ng'ama ok ohera ok nyal timo gima apuonjo. Weche muwinjogi ok gin maga awuon, gin mag Wuoro ma noora. 25 "Gigi duto asenyisou kapod an kodu. 26 To Jakony, ma en Roho Maler, ma Wuoro biro oro e nyinga, biro puonjou weche duto, kendo obiro paronu gik moko duto ma asenyisou. 27 Aweyonu kuwe; kuwe mara ema amiyou. Ok amiu kaka piny miyou. Kik uyie chunyu chandre kendo kik ubed maluor. 28 "Ne uwinjo ka awacho ni, 'Adhi to abiro duogo iru kendo.' Ka dine bed ni uhera to dine ubedo mamor ni adhi ka Wuoro, nimar Wuoro duong' moloya. 29 Ero asenyisou chon kapok mano otimore, mondo ka oti-more to uyie. 30 Koro ok abi wuoyo kodu aming'a nimar ruodh pinyni biro, to oonge gi teko kuoma. 31 Kata kamano piny nyaka ng'e ni ahero Wuoro kendo ni atimo mana ginono ma Wuora ochika. "Biuru koro; wadhiuru."
Mzabibu Gi Bedene
1 An e mzabibu madier, kendo Wuora e japur mzabibu. 2 Bedena duto maok nyag olemo ong'ado oko, to bede duto manyago olemo oloso mondo omed nyak moloyo. 3 Un usedoko maler nikech wach ma asewachonu. 4 Sikuru kuoma kaka an be asiko kuomu. Onge bad yien manyalo nyago olemo kende owuon ka ok osiko e mzabibu. Un bende ok unyal nyago olemo ka ok usiko kuoma. 5 "An e mzabibu, to un e bede. Ka ng'ato osiko kuoma kendo an be asiko kuome, to obiro nyago olemo mang'eny, nimar onge gima unyalo timo ka upogoru koda. 6 Ka ng'ato ok osiko kuoma to ochalo gi bad yien motong' oko ma ner. Bad yiende machal kamano ichoko kendo idiro e mach mi wang'. 7 Ka usiko e iya kendo wechena osiko e iu to unyalo kwayo gimoro amora ma chunyu gombo mi miu gino. 8 Ka unyago olemo mang'eny eka Wuora yudo duong', kendo eka unyisoru kaka jopuon-jrena adier. 9 "Mana kaka Wuoro osehera, e kaka an bende aseherou. Koro sikuru e herana. 10 Ka urito chikena to ubiro siko e herana, mana kaka an bende aserito chike Wuora kendo asiko e herane. 11 Asenyisou wachni mondo morna obed e iu kendo mondo mor maru obed moromo chuth. 12 Chikna en ma: Herreuru ng'ato ka ng'ato, kaka an bende aseherou. 13 Onge ng'ama nigi hera maduong' maloyo ma: Ni ng'ato chiwo ngimane ne osiepene. 14 Un osiepega mana kutimo gik ma achikou. 15 Koro ok aluongu ni wasumbini nikech misumba okia gima ruodhe timo. To alu-ongou ni osiepena nimar asenyisou gik moko duto mane apuonjora kuom Wuora. 16 Un ne ok uyiera. An ema nayierou kendo aketou mondo udhi unyag olemo- olemo masiko. Eka Wuoro nomiu gimoro amora mukwayo e nyinga. 17 Ma e chikna: Herreuru ng'ato ka ng'ato.
Piny Ochayo Jopuonjre
18 "Ka piny ochayou to ng'euru ni an ema nochaya mokwongo. 19 Ka dine bed ni un jo piny to piny dine oherou kaka joge owuon. To kaka en, ok unjo pinyni to aseyierou mi agolou e piny. Mano emomiyo piny ochayou. 20 Paruru weche ma nawachonu ni, 'Onge misumba maduong' moloyo ruodhe motiyone.' Omiyo ka an ema gisesanda to un be gibiro sandou, kendo ka gimako puonjna to puonj u be gibiro mako. 21 Gibiro timo-nu kamano nikech nyinga, nimar gikia Jal ma noora. 22 Ka dine bed ni ne ok abiro mi awuoyo kodgi, da ok buch richo oloyogi. To koro, ok ginyal badhore ne richogi. 23 Ng'ama ochaya ochayo Wuora bende. 24 Ka dine bed ni ne pok atimo gik maonge ng'ato ang'ata mo setimo e diergi, to buch richo da ok oloyogi, to sani koro giseneno honnigi duto, to eka pod gichaya kaachiel gi Wuora bende. 25 To mano osetimore mana mondo ochop gima ondiki e chikgi ni, 'Ne gichaya maonge gimomiyo.' 26 "Ka Jakony ma abiro oronu koa ka Wuoro, ma en Roho mar adier maa kuom Wuoro nobi, to enotim neno kuoma. 27 To un bende nyaka utim nenda, nimar usebedo koda nyaka aa chakruok.
1 "Asenyisou gigi duto mondo kik o urweny. 2 Giniriembu e sunagogi; chutho ndalo biro ma ng'ama nonegu notim kamano kaparo ni otiyo ne Nyasaye. 3 Ginitim kamano nikech ok ging'eyo Wuoro kata an. 4 Asenyisou ma mondo ka ndalo ochopo to upar ni nas-esiemou motelo. Ne ok anyisou wechegi chon nikech ne pod an kodu.
Tij Roho Maler
5 "Koro adhi ir Jal ma noora, to onge ng'ato kuomu mapenja ni, 'Idhi kanye?' 6 Gik ma asewachonu omiyo upong' gi kuyo. 7 To anyisou adier ni dhi ma adhigo biro kelonu ber. Ka ok adhi, to Jakony ok bi bironu; to ka adhi eka abiro oronugo. 8 Ka enobi, to enomi ketho mar piny ng'ere korka richo gi tim makare kod kum mabiro: 9 Korka richo nikech ji ok oyie kuoma; 10 Korka tim makare nikech adhi ka Wuoro, kuma ok unyal nenae kendo; 11 kendo korka kum mabiro, nikech ruodh pinyni koro bura oseloyo. 12 "An gi mang'eny mamoko monego awachnu, to ok unyal ting'ogi duto sani. 13 To ka En, ma en Roho mar adier, nobi, to enotau e adiera duto. Ok enowuo kende owuon; enowach mana gima owinj o, kendo enonyisu gik mabiro timore nyime. 14 Enomiya duong', kokawo kuom gigena kaeto omiyo ung'eye. 15 Gig Wuora duto gin maga. Mano emomiyo nawachonu ni Roho nokaw kuom gigena kaeto omiyo ung'eye. 16 "Odong' ndalo matin to ok ubi nena, to bang'e matin achien ubiro nena kendo."
Kuyo Mar Jopuonjre Biro Lokore Mor
17 Moko kuom jopuonjrene nowacho e kindgi giwegi ni, "Kowacho ni, 'Odong' ndalo matin to ok ubi nena, to bang'e matin achien ubiro nena,' kendo ni/Nikech adhi ka Wuoro' to tiende ang'o? 18 Ne gimedo penjore kendgi ni, "Kowacho ni, 'Kinde matin' to tiende ang'o? Ok wawinj tiend gima owacho." 19 Yesu noneno ka gidwa penje tiend wachno, omiyo nowacho negi ni, "Mit ki upenjoru e kindu tiend gima nawacho ka nawacho ni, 'Odong' ndalo matin to ok ubi nena, to bang'e matin achien ubiro nena? 20 Anyisou adier ni ubiro goyo nduru kendo ubiro ywak ka piny to winjo maber. Kuyo to ubiro kuyo, to kata kamano kuyo maru biro lokore mor achien. 21 Dhako madwa nywolo nyathi nyaka muoch kaa nikech sane ochopo; to bang' nywolo nyathine, wiye wil gi muoch, nikech omor ni osenywolo dhano mangima e piny. 22 Kamano un bende sani en sau mar kuyo, to ubiro bedo mamor ka ananeu bang'e, kendo onge ng'ama nomau mor maru. 23 Chieng'no ok unuk-waya gimoro amora. Anyisou adier ni Wuora biro miyou gimoro amora muk-wayo e nyinga. 24 Nyaka sani pok ukwayo gimoro amora e nyinga. Kwauru mondo omiu, eka nubed mamor chuth. 25 "Kata obedo ni asebedo ka awuoyonu gi ngeche, to ndalo biro maok nawuo kodu kamano, to ananyisu maler kuom Wuora. 26 Chieng'no unukwa Wuoro e nyinga. Ok awach ni an ema nakwa Wuoro karu. 27 Ooyo, Wuoro owuon oherou nikech usehera kendo useyie ni ne aa ka Nyasaye. 28 Ne aa ka Wuoro mi adonjo e piny, to sani koro aweyo piny kendo adok ka Wuoro." 29 Eka jopuonjre Yesu nowachone ni, "Ero koro iwuoyo kodwa maler ma ok itiyo gi ngeche. 30 Koro wayie ni ing'eyo gik moko duto kendo ni onge tiende mondo ng'ato ochandi gi penjo mathoth. Mano omiyo wayie ni ne ia ka Nyasaye." 31 Yesu nodwokogi ni, "Kare ber ka koro uyie! 32 To ndalo biro kendo osechopo ma unukerue, ka ng'ato ka ng'ato kuomu ringo dok dalane.Unuweya mi adong' kenda, kata kamano ok an kenda, nimar Wuora nikoda. 33 "Asenyisou gigi mondo uyud kuwe moa kuoma. E pinyni ubiro bedo gi chandruok. To beduru gi chuny motegno! Aseloyo piny."
Yesu Olamo Ne En Owuon
1 Ka Yesu nosetieko wacho weche gi, nong'iyo polo kaeto olamo kama: "Wuora, saa osechopo. Mi Wuodi duong' mondo Wuodi bende omiyi duong'. 2 Nimar isemiye loch ewi ji duto mondo omi ji duto misemiye ngima manyaka chieng'. 3 To ngima manyaka chieng' en ma: ni mondo ging'eyi in Nyasaye makende maradier, kod Yesu Kristo, Jal miseoro. 4 Asemiyi duong' e piny kuom tieko tich mane imiya mondo atim. 5 To koro, Wuoro, miya duong' e nyimi machal gi duong' mane an-go kodi ka piny nepok ochakore.
Yesu Olamo Ne Jopuonjrene
6 "Asehulo nyingi ne joma ne imiya e piny. Ne gin jogi, to ne imiyagi, kendo koro girito wachni. 7 Koro ging'eyo ni gik moko duto misemiya oa kuomi. 8 Nimar ne amiyogi weche mane imiya kendo ne girwakogi. Giseng'eyo gadier ni ne aa iri, kendo giseyie ni ne iora. 9 Koro alamone-gi. Ok alam ne piny, to alamo ne joma isemiya, nimar gin magi. 10 Giga duto gin magi, kendo gigi duto gin maga, kendo aseyudo duong' kuomgi. 11 Koro ndalona mag bet e piny orumo, nimar abiro iri, to gin pod gin e piny. Wuoro Maler, ritgi gi teko mar nying mane imiya, mondo eka gibed achiel kaka wan achiel. 12 Ka pod an kodgi to nachielogi kendo naritogi maber gi nying mane imiya. Onge kata achiel kuomgi moselal, mak mana jagono ma nochanne kethruok mondo eka Ndiko ochopi. 13 "Koro abiro iri, to awacho gigi kapod an e piny, mondo eka gibed gi morna e igi mogundho. 14 Asemiyogi wachni, kendo piny ochayogi, nimar ok gin mag pinyni, mana kaka an bende ok an mar pinyni. 15 Ok alam mondo igolgi oko e piny, to alamo ni iritgi mondo kik Ng'ama Rach timnegi marach. 16 Ok gin mag pinyni, mana kaka an bende ok an mar pinyni. 17 Pwodhgi gi adierani-ma en Wachni. 18 Kaka ne iora e piny e kaka an be aseorogi e piny. 19 Kendo koro achi-woranegi, mondo eka gin bende gichiwre adier.
Yesu Olamo Ne Ji Duto Moyie
20 "Ok alam ne gin kendgi, to alamo bende ne jogo mabiro yie kuoma bang'e ka giyalonegi, 21 mondo gibed achiel gin duto, yaye Wuoro, mana kaka in e iya kendo an e iyi. Mad gin bende gibed e iwa, mondo eka piny oyie ni iseora. 22 Asemiyogi duong' ma nimiya, mondo gibed achiel kaka wan achiel:2 23 Ka an e igi kendo in e iya. Mad giriwre gibed gimoro achiel mondo piny ong'e ni ne iora, kendo ni aseherogi mana kaka isehera. 24 "Wuora, adwaro ni joma isemiya obed koda kama antie, kendo ni gine duong'na - duong'no misemiya nikech ne ihera kapok nochwe piny. 25 "Wuoro Makare, kata obedo ni piny ok ong'eyi, to an to ang'eyi, kendo ging'eyo ni ne iora. 26 Asehulo negi nyingi, kendo pod abiro medo nyiso ji ng'ama in, mondo gibed gi hera miseherago, kendo an awuon abed e igi."
Yesu Omaki
1 Ka nosetieko lemo, Yesu nowuok gi jopuonjrene, mi ne ging'ado holo mar Kidron. Loka mar holono ne nitie puodho moro ma yiende mag Zeituni notiye, kendo Yesu nodonjo kanyo kaachiel gi jopuonjrene. 2 To Judas, jal ma nondhoge, nong'eyo kanyo, nikech Yesu ne jaromoga gi jopuonjrene kanyo. 3 Omiyo Judas nobiro e puodhono, kotelone kidieny mar jolweny kod jotelo moko ma noa ir jodolo madongo gi jo Farisai. Ne giting'o toje gi teyni kod gig lweny 4 To kaka Yesu nong'eyo gik moko duto ma nebiro timorene, nowuok oko mopenjogi ni, "En ng'a mudwaro?" 5 Ne gidwoko ni, "Wadwaro Yesu ja Nazareth." Yesu nowachonegi ni, "An e en." (To jandhok ma Judas nochung' kodgi kanyo). 6 Ka Yesu nowacho ni, "An e en," ne gigoyo okang' gidok chien mi gipodho piny. 7 Nochako openjogi ni, "En ng'a mudwaro?" Kendo ne ginwoyone ni, "Wadwaro Yesu ja Nazareth." 8 Yesu nodwokogi ni, "Donge asenyiou ni an e en. Ka an ema umanya to weuru jogi odhi mondi." 9 Mano notimore mondo weche ma noyudo osewacho ni, "Pok awito joma nimiya kata achiel ochopi." 10 Eka Simon Petro, ma noyudo nigi ligangla, nowuod-ho liganglane kendo notong'o kode jatij jadolo maduong', mong'ado ite ma korachwich oko. (Nying jatijno ne Malkus) 11 Yesu nochiko Petro kawacho ni, "Duok liganglani e ode! Idwa mona metho gi okombe ma Wuoro osemiya nang'o?"
Oter Yesu Ir Anas
12 Eka kidieny mar jolweny gi jatendgi kod jotend jo Yahudi nomako Yesu. Ne gitweye 13 mi gitere ne Anas, mane en wuon chi Kaifa, mane en jadolo maduong' higano. 14 Kaifas e ng'ama noyudo osen-g'ado rieko nejo Yahudi ni ne ber ka ng'at achiel otho ne ji.
Petro Okwedo Yesu Mokwongo
15 Simon Petro gi japuonjre machielo noluwo bang' Yesu. To nikech japuonjre machielono ne jadolo maduong' ong'eyo, nodonjo gi Yesu nyaka ei laro mar jadolo maduong', 16 to Petro to nodong' karito e dhoot oko. Japuonjre machielo ma jadolo maduong' nong'eyono noduogo mowuoyo gi nyako ma nerito welo madonjo mi nokawo Petro gidonjogo iye. 17 Nyako ma nenie dhootno nopenjo Petro ni, "Donge in be in achiel kuom jopuonjre ng'atni, koso ariambo?" Nodwoko ni, "Ok an." 18 To nikech piny ne ng'ich, jotich gi jotelo nochung' kolworo mach ma noyudo gisemoko mondo gio. Petro bende nochung' kodgi kanyo kooyo mach.
Jadolo Maduong' Omiyo Yesu Penjo
19 E thuolono jadolo maduong' nomiyo Yesu penjo kuom wach jopuonjrene kod puonjne. 20 Yesu nodwoke ni, "Asebedo ka awuoyo e lela ne piny, kendo asebedo ka apuonjo ei Sunagoke gi Hekalu, kuonde ma jo Yahudi duto chokoree. Onge gimoro amora masewacho ling'ling'. 21 En ang'o momiyo umiya penjo? Penjuru joma osebedo ka winja. Gin ging'eyo maber gima nawacho." 22 Ka Yesu nowacho kamano, achiel kuom jotelo ma nochung bute nothalo lembe kawacho ni, "Kamano e kaka inyalo duoko jadolo maduong' adier?" 23 To Yesu nodwoke ni, "Ka poni awachone gimoro amora marach to hui ane gino. To kapo nawacho adier to ithala nang'o?" 24 Eka Anas nochiwe mondo otere ne Kaifa jadolo maduong', kotweye kamano.
Petro Okwedo Yesu Nyadiriyo Kendo Nyadidek
25 Ka noyudo Petro pod ochung' oyo mach, negipenje ni, "Idagi ni ok in achiel kuom jopuonjrene, koso iyie?" Nodagi kowacho ni "Ok an." 26 Achiel kuom jotich jadolo maduong' mane en wat ng'at ma Petro nong'ado ite cha, nochome tir, kapenje ni, "Donge nende aneni kode e puoth Zeituni?" 27 To Petro nochako okwer kendo, kendo gi kanyono thuon gweno nochako kok.
Yesu E Nyim Pilato
28 Eka jo Yahudi nogolo Yesu leplep motere ka Pilato. Sechego koro piny nosechako yawore, omiyo jo Yahudi ne ok odonjo ei dala ruoth, mondo kik gidok mogak. Ne gidwaro ni gicham Pasaka ka giler. 29 Omiyo Pilato nowuoknegi oko mopenjogi ni, "Ng'atni udonjone gi ketho mage?"30 Ne gidwoke ni, "Ka da bed ni ok en jaketho to dine ok wakele e nyimi ka." 31 Pilato nowacho ni, "Kaweuru un uwegi udhi ung'adne bura gi chiku uwegi." To jo Yahudi nodagi, ka giwacho ni, "Wan waonge gi teko mar ng'ado ne ng'ato buch tho." 32 Mano notimore mondo weche Yesu ma noyudo osewacho kuom tho ma nobiro thogo ochopi. 33 Eka Pilato nodok ei laro mar ng'ado bura, kendo nogwelo Yesu ire mopenje ni, "In e Ruodh jo Yahudi ?" 34 Yesu nopenje ni, "Gima ipenjano oa e pachi iwuon koso jomoko nono emowachonigo kuoma ?" 35 Pilato nodwoke ni, "Iparo ni an be an ja Yahudi? Jou iwuon gi jodolou madongo ema oketi e lweta. Nyisa, en ang'o miseti-mo?" 36 Yesu nodwoko ni, "Pinyruodha ok en mar pinyni. Ka da bed ni en, to jotich-na dine ogore mi gitamo jo Yahudi maka. To koroni, pinyruodha oa kamachielo." 37 Pilato nowacho ni, "Kare in ruoth?" Yesu noduoko ni, "In kare kuom wacho ni an ruoth. Chutho mano e gimomiyo nonywola, kendo mano emomiyo ne abiro e pinyni, mondo atim neno kuom adiera. Ng'ato ka ng'ato ma jakora adiera winja." 38 " Pilato nopenje ni, "Adiera en ang'o?" Bang' penjo kamano to nochako odok oko ir jo Yahudi, mi owacho negi ni, "Ok ayudo ketho kata achiel kuom ng'atni minyalo ng'adnego bura. 39 To kaka en kitu mondo agonynu achiel kuom joma otwe e kinde mag Pasaka, duher mondo agonynu 'ruodh jo Yahudi' koso?" 40 To ne gikokne matek, ka giwacho riat ni, "Ooyo, ok en! Baraba ema imiwa!" To Baraba ne en jajimb tulo.
Ong'adne Yesu Bura Mondo Ogure
1 Eka Pilato nokawo Yesu mokete mondo orodhe. 2 Jolweny nokado osimbo mar kuthe kendo ne giketo e wiye. Ne girwakone kandho makwar, 3 kendo ne gisiko ka gidhi ire saa ka saa ka giwa-chone ni, "Ruoth jo Yahudi, misawa!" Kendo ne githalo lembe. 4 Pilato nochako owuok oko kendo mo wacho nejo Yahudi ni, "Neuru, eri akele e nyimu mondo ung'e ni ok ayudo ketho kata achiel kuome minyalo ng'adnego bura." 5 Ka Yesu nowuok oko korwako osimbo mar kudho gi kandho makwar, Pilato nowacho negi ni, "Ng'atno eri!" 6 Ka jodolo madongo gi jotendgi nonene, ne gikok matek ni, "Gure! Gure!" To Pilato nowacho negi ni, "Kaweuru un uwegi udhi unege. An ok ayudo ketho moro amora kuome minyalo ng'adonego bura." 7 To jo Yahudi nokone koramo ni, "Wan gi chik, kendo kaluwore gi chikwano, nyaka otho, nikech noketore ni en Wuod Nyasaye." 8 Ka Pilato nowinjo mano, luoro nomedo make moloyo, 9 omiyo nochako odok e pare kendo, mopenjo Yesu ni, "In jakanye?" To Yesu ne ok oduoke. 10 Pilato nowachone ni, "Idagi wuoyo koda nang'o? Be ing'eyo ni an gi teko ma anyalo gonyigo kata gurigo?" 11 Yesu nodwoko ni, "Ok dine ibedo gi teko moro amora kuoma ka da bed ni ok omiyigo koa malo. Kuom mano ng'ama noketa e lweti nigi ketho maduong' moloyo richo misetimo." 12 Kochakore sechego, Pilato notemo gonyo Yesu, kata kamano jo Yahudi nomedo kok matek ka giwacho ni, "Kiweyo ng'atni thuolo modhi to ok in osiep Kaisar. Ng'ato ka ng'ato ma ketore ni en ruoth kedo gi Kaisar." 13 Ka Pilato nowinjo mano, nogolo Yesu oko kendo nobet piny e kome mar ng'ado bura kama iluongo ni Laro moting'ore malo mar kidi (miluongo gi dho Aramia ni Gabatha). 14 Ne en chieng' ikruok mar jumb Pasaka, kar saa auchiel. Pilato nowacho ne jo Yahudi ni, "Neyeuru Ruodhu e !" 15 To ne gikok ni, "Gole e wang'wa! Gole e wang'wa! Gure !" Pilato nopenjogi ni,"Udwaro ni agur ruodhu?" Jodolo madongo nodwoko ni, "Wan waonge gi ruoth machielo mak mana Kaisar kende. 16 Eka Pilato nochiwe negi mondo gigure.
Ogur Yesu
Omiyo jolweny nokawo Yesu odhigo. 17 Yesu nowuok kanyo koting'o msalape owuon nyaka kar Hanga Wich (miluongo gi dho Aramia ni Golgotha). 18 Ne gigure kanyo, kaachiel gi jomoko ariyo, ka moro nie bathe koni to moro ni kocha, to Yesu giketo e diere. 19 Pilato ne nigi milome moro ma nondiko kaeto oguro ewi msalaba gimalo. Nondike ni "YESU JA NAZARETH, RUODH JO YAHUDI," 20 Jo Yahudi mang'eny nosomo ndikoni, nimar kama nogure Yesu ne ni machiegni gi dala maduong', kendo milomeno nondiki e dho Aramia, gi Latin kod Grik. 21 To jodolo madongo mag jo Yahudi nokwedo gima ne Pilato ondikono ka giwacho ni, "We ndiko ni 'Ruodh jo Yahudi,' ndik ni, ng'atni noketore ni en ruodh jo Yahudi." 22 Pilato nowacho ni, "Gima asendiko, asendiko." 23 Ka jolweny noguro Yesu, ne gikawo lepe mi gipoge ding'wen, kaeto gipogore moro ka moro, kargi ji ang'wen. Lawe mar abola kende ema ne giweyo. En ne oonge gi wang' usi, to not-wang'e machalre, chakre malo nyaka piny 24 Ne giwacho e kindgi giwegi ni, "En kik wayieche. Wag)uru ombulu mondo wang'e ng'ama kawe e dierwa." Mano notimore mondo Ndiko ochopi ma nowacho ni, Ne gipogore lepa e kindgi giwegi kendo ne gigoyo ombulu ne nangana." Koro mano e gima ne jolweny otimo. 25 Min Yesu gi nyamin min-gi ma Maria ma chi Kiliopa kod Maria Magdala jo nenikanyo. 26 Ka Yesu noneno mamane gi japuonjre ma nohero kochung' machiegni kanyo, nowachone mamane ni, "Mama, neye wuodi!" 27 Nowacho bende ne japuonjreno ni, "Neye meru!" Chakre chieng'no Japuonjreno nokawe odhi kode dalane owuon.
Tho Mar Yesu
28 Bang'e, ka koro nong'eyo ni gik moko duto osetimore kaka dwarore, mondo Ndiko ochop kare, Yesu nowacho ni, 'Riyo oloya." 29 To ne nitie puk kong andwayo kanyo, omiyo ne gibudo siponj e iye kaeto gichuoyo sipanjno ewi ket yiend sawo sawo, kendo ne gichore nyaka dho Yesu. 30 Yesu nobilo gino kaeto owacho ni, "Orumo." Eka nolung'o wiye kendo noweyo chunye oa odhi. 31 To chieng'no ne en chieng' ikruok, kendo kinyne nonego obedi chieng' mowal ma en Sabato. Nikech jo Yahudi ne ok dwar mondo owe ringruoge koliero e msalaba chieng' Sabato, ne gikwayo Pilato mondo one ni otur tiende joma nogur, kendo ni olor ringmogego piny. 32 Omiyo jolweny nobiro moturo tiend ng'at mokwongo ma nogur gi Yesu, kod tiende ng'at machielo bende. 33 To kane gibiro ir Yesu mi giyu-do ni nosetho, ne ok gituro tiendene. 34 Kar timo kamano to achiel kuom jol-wenygo nochuoyo ng'et Yesu gi tong', mi remo gi pi obubni kaa kanyo. 35 Ng'ama noneno ka gigo timore ema ochiwo nenoni kendo nende en adier. Ong'eyo ni owacho adiera, kendo ohulo wechegi mondo un bende uyie. 36 Gigi notimore mondo Ndiko ochop kare, ni, "Onge kata chokene achiel ma notur." 37 Ndiko machielo be wacho ni, "Ginichom wengegi kuom Jal mane gichuowo gi tong'."
Ik Mar Yesu
38 Bang'e Josef ja Arimathea nokwayo Pilato ringre Yesu. Josef ne en japuonjre Yesu to nobedo kamano ling'ling' nikech noluoro jo Yahudi. Ka Pilato nosemiye thuolo to nobiro mokawo ringrene odhi-go. 39 Ne gin gi Nikodemo, jal ma nose-galimo Yesu gotieno. Nikodemo nokelo manemane moru gi subili manyalo romo kilo piero adek gang'wen. 40 Ne gikawo ringre Yesu mi giwiro gi modhigo kaeto giboye gi lewni mayom molir olir, kaka chik jo Yahudi mar ik ne dwaro. 41 To kama ne gigure Yesuno ne nitie puodho moro, kendo ei puodhono ne nitie bur-ik mapod nyien, ma nepok opielie ng'ato. 42 Nikech ne en odiechieng jo Yahudi mar ikruok, kendo nikech bur-ik ne ni machiegni, ne gipielo Yesu kanyo.
Bur-ik Modong' Nono
1 Odiechieng' mokwongo mar Juma, kogwen, ka piny ne pod olil, Maria Magdala nodhi e bur-ik, mi noneno ka kidi nosegol oko e dho bur. 2 Omiyo noringo modhi ir Simon Petro kod japuonjre machielo ma Yesu nohero, kendo nowachone gi ni, "Gisekawo Ruoth gigole e bur-ik, kendo wakia kama gike-tee!" 3 Kuom mano, Petro gi japuonjre machielono nowuok ochiko kuma bur-ik ne nitie. 4 Ne giringo giduto, to japuonjre machielono noyombo Petro, mi nokuon-gone chopo e bur-ik. 5 Nokulore mong'i-cho, kendo noneno lewni mayom molir olir kod law ik ma nonalgo wi Yesu ka nie i bur kanyo.To kata kamano ne ok odonjo eiye. 6 Eka Simon Petro, ma nelawe chien, be notundo. En to nodonjo nyaka ei bur-ik, mi noneno lewni mayom molir-olir ka nikanyo, 7 kaachiel gi law ik ma nonalgo wi Yesu. Nangano noban maber, kendo ne en kar kende, mopogore gi kama lewni mayom molir olir ne nitie. 8 Mogik, japuonjre machielo, ma nokuongo chopo e bur ikno, be nodonjo ei bur mi noneno kendo noyie. 9 (Nyaka e thuolono ne pok ging'eyo, koa e Ndiko, ni nochuno ni Yesu nyaka ne chier mi aa kuom joma otho.)
Yesu Ofwenyore Ne Mariam Magdala
10 Eka jopuonjrego nodok e miechgi, nto Mariam to nochung' oko but bur-ik kaywak. Ka noyudo oywak, nokulore mong'iyo i bur- ik, 12 kendo noneno malaike ariyo morwakore marachar, kobet piny kama ringre Yesu nopielie, ka moro ni yo kawiye, to machielo ni yo ka tiende. 13 Ne gipenje ni, "Mama, iywago ang'o?" Nowacho negi ni, "Gisekawo Ruodha gidhigo, to akia kama giketee." 14 Bang' wacho kamano, nolokore ong'iyo ng'eye, kendo noneno Yesu kochung' kanyo, to ne ok ong'eyo ni en Yesu. 15 Yesu nowachone ni "Mama, iywago ang'o? Imanyo ng'a?" To en ka noparo ni jarit puodhono ema loso kode, nowachone ni, "Jaduong, ka dipo ni in ema ne ikawe idhi kode to nyisa kama iseketee, mondo adhi akawe." 16 Yesu noluonge ni, "Maria!" Nolokore ire kendo noluongo matek gi dho jo Aram ni, "Raboni!" (ma tiende en Japuonj). 17 Yesu nowachone ni, "Kik imula, nimar pok adok ka Wuora. To dhi ir owetena mondo inyisgi ni, "Adok ir Wuora ma en Wuoru un bende, kendo Nyasacha ma en Nyasachu." 18 Maria Magdala nodhi ir jopuonjre monyisogi wach maber ni: "Aseneno Ruoth!" Kendo nowacho negi ni nosenyise wechegi.
Yesu Ofwenyore Ne Jopuonjrene
19 Odhiambo mar odiechieng' mok-wongono, ka noyudo jopuuonj re ochoko-re kanyachiel, kendo ne giloro dhoudi nikech ne giluoro jo Yahudi, Yesu nobiro mochung' e diergi kendo nowacho negi ni, "Okweuru!" 20 Bang' wacho mano, nonyisogi bedene gi ng'etne. Jopuonjre ne mor mokalo ka negineno Ruoth. 21 Yesu nochako owacho negi kendo ni, "Beduru gi kuwe! Mana kaka Wuora oseora ekaka an bende aorou." 22 Bang' wacho negi mano to noyweyo kuomgi, kaeto owacho negi ni, "Nwang'uru Roho Maler. 23 Ng'ato ang'ata muweyone richone nowenegi, to ka ok uweyo negi to ok nowenegi."
Yesu Ofwenyore Ne Thomas
24 Sama Yesu nobirono noyudo ka Thomas (Ma niluongo ni Didimas) ma en achiel kuom ji apar gariyo, ne onge kod jopuonjre. 25 Omiyo jopuonjre mamoko nokone ni, "Waseneno Ruoth!" To nowacho negi ni, "Ka ok aneno kuonde ma musmal nochuowo e bedene mi aketo lith lweta e buche mag musmandego, fendo asoyo lweta e ng'etne, to ok abi yie wachno." 26 Bang'juma achiel, jopuonjre ne nie i ot kendo, to chieng'no Thoma ne nikod-gi. Kata obedo ni dhoudi nolor, Yesu nobiro mochung' e diergi mowacho ni, "Okweuru!" 27 Eka nowachone Thoma ni, "Ket lith lweti kae kendo nee bedena. Chor badi kuoma kae iketi e ng'etna. We bedo ng'ama riwo gi kiawa, bed ng'ama yie!" 28 Thoma nowachone ni, "Nyasacha kendo Ruodha!" 29 To Yesu nonyise ni, "Inena emomiyo iyie, to ogwedh joma pok onena to oseyie." 30 Yesu notimo timbe hono mamoko mang'eny ka jopuonjrene neno, ma ok ondiki e bugni. 31 To magi ondiki mondo uyie ni Yesu e Kristo ma Wuod Nyasaye, kendo mondo ka uyie kamano to ubed gi ngima e nyinge.
Yesu Omiyo Jopuonjrene Omako Rech Mang'eny
1 Bang' ka gigo nosetimore, Yesu nochako onenore kendo ne jopuonjrene e tie Nam Tiberia. To nen-ruokne kodgi nobet kama: 2 Simon Petro, Thoma (ma niluongo ni Didimas), Nathaniel mane aa Kana e piny Galili, yawuot Zebedi, kod jopuonjre mamoko ariyo, noyudo ochokore kaachiel. 3 Simon Petro nowacho negi ni, "Adhi lupo", kendo ne giwachone ni, "Wan be wadhi kodi." Omiyo negiwuok gidhi kendo ne gidonjo ei yie. To otienono duto onge gima negimako. 4 Okinyi kogwen, Yesu nochung' e dho nam. To ok neging'eyo ni ne en Yesu. 5 Noluongogi ni, "Osiepe, be unie gi rech moro?" Ne giduoke ni, "Ooyo." 6 Nowacho negi ni, "Boluru gogo mau yo bat korachwich mar yie to ubiro yudo moko." Ka negitimo kamano,ywayo gogo nyaka ei yie notamogi, nikech rech ne ng'eny mohewogi ywayo. 7 Eka japuonjre ma Yesu nohero nowacho ne Petro ni, "En Ruoth!" Saa nogono ma Simon Petro nowinje kowacho ni, "En Ruoth," notweyo lawe mar abola e nungone (nimar noyudo osegole oko) mi nochikore ei pi. 8 Jopuonjre mamoko to ne luwo bang'e ka gin ei yie, kendo ka giy-wayo gogo ma rech opong'o, nimar ne koro ok gin mabor gi dho nam, (nodong' negi mita piero ochiko kende to gichopi.) 9 Ka negigowo, ne gineno maj makaa maliel ka nikanyo gi rech e wiye, kod makati moko. 10 Yesu nowachonegi ni, "Kelie uru moko kuom rech ma ua mako-go." 11 Simon Petro nodonjo ei pi, mi noy-wayo gogo nyaka dho wath. Nopong' gi rech 153 madongodongo, to kata neging'e-ny kamano to gogo ne ok oyiech. 12 Yesu nowacho negi ni, "Suduru machiegni ugagi." Onge japuonjre kata achiel ma nohedhore penje ni, "In ng'a?" Ne ging'eyo ni ne en Ruoth. 13 Yesu nobiro mokawo makati omiyogi, kendo rech bende nomiyogi kamano. 14 Ma koro ne en kinde mar adek ma Yesu nofwenyore ne jopuonjrene bang' ka nosechiere oa kuom joma otho.
Yesu Ochako Oguro Petro
15 Ka negisetieko chiemo, Yesu nowacho ne Simon Petro ni, "Simon wuod Johana, be ihera adier moloyo magi?" Nowachone ni, "Ee, Ruoth, ing'eyo ni aheri." Yesu nowachone ni, "Kare pidh nyiromba." 16 Nochako openje kendo mar ariyo ni, "Simon wuod Johana, be ihera adier?" Nowachone ni, "Ee, Ruoth, ing'eyo ni aheri." Yesu nokone, "Kare rit romba." 17 Nowachone mar adek ni, "Simon wuod Johana, be ihera adier?" Petro nokuyo nikech Yesu nopenje mar adek ni, "Be ihera adier:" Nowachone ni, "Ruoth, in ing'eyo gik moko duto. Ing'eyo ni aheri" Yesu nokone ni, "Kare pidh romba. 18 Anyisi adier ni ka nepod itin to nir-wakori kendi kendo ini idhi kamoro amora minero; to kibiro doko moti to ibiro rieyo bedeni ne ng'ama chielo ma biro rwakoni lepi mi teri kuma ok idwa dhiye." 19 Yesu nowacho mano mondo onyisgo kit tho ma Petro nebiro miyo-go Nyasaye duong'. Eka nowachone ni, "Luwa!" 20 Petro nolokore moneno japuonjre ma Yesu nohero kaluwogi. (En e jal ma noyiengore e kor Yesu kane gilworo mesa gichamo ohiu, kendo ma nowacho ni, "Ruoth, en ng'a madwa ndhogi?" 21 Ka Petro nonene, nopenjo ni, "Ruoth, to ng'atni to?" 22 Yesu nodwoke ni, "Ka adwaro ni osik kongima nyaka aduogi to mano chandi nang'o? ne ni iluwa!" 23 Nikech wachni, wach nolandore ni japuonjreno ne ok bi tho ngang', to en nowacho mana ni, "Ka adwaro ni osik kongima nyaka aduogi, to mano chandi nang'o?" 24 Ma e japuonjre ma koro timo neno kuom gigi kendo en bende ema nondikogi piny. Wang'eyo ni nende en adier. 25 Yesu notimo gik mang'eny mamoko. Ka dine ndik piny moro ka moro kuomgi, to an gi ratiro ni kata piny duto ok doromo kano buge duto ma dine ondiki.
Oter Yesu Malo E Polo
1 Kuom Theofilo: E kitapa mokwongo ne andikoe gik moko duto mane Yesu ochako timo kendo puonjo 2 nyaka chop odiechieng' mane okawe odhi e polo, bang' chiwo chike kuom teko mar Roho Maler, ne joote mane oseyiero. 3 Bang' sandne, nonyisore en owuon ne jogi, kendo nochiwo ranyisi mang'eny masiro ni ne ongima. Ne ofwenyore negi kuom ndalo madirom piero ang'wen ka owuoyo kuom pinyruodh Nyasaye. 4 Kane oyudo ochiemo kodgi chieng' moro achiel, nomiyogi chik ni, "Kik ua Jerusalem, to rituru mich mane Wuora osingore ni nomiu, ma usewinja ka awuoyo kuome. 5 Nimar Johana nobatiso ji gi pi, to un ibiro batisou gi Roho Maler, kapok ndalo mang'eny okadho." 6 Omiyo kane gisechokore kaachiel, ne gipenje ni, "Ruoth, kindeni ema ibiro dwogoe loch e lwet jo Israel koso?" 7 En to nowachonegi ni, "Ok en tiju mar ng'eyo ndalo kata kinde ma Wuoro oseketo gi tekone owuon. 8 To ubiro yudo teko ka Roho Maler obiro kuomu; kendo unubed joneno maga ei Jerusalem kendo ei Judea duto gi Samaria, kod tung' piny gi tung' piny." 9 Bang' wacho mano, ne okawe odhi malo, mana ka ginene gi wengegi, to kendo polo noime mi nogeng'ore, ma koro ne ok ginyal nene. 10 Kane oyudo pod gichomo wengegi e polo, ka ging'iyo kaka odhi, apoya nono, ne gipo ka ji ariyo morwako lewni marachere ochung' bathgi. 11 Jogi nowachonegi ni, "Jo Galili, ang'o momiyo uchung' ka ung'iyo polo? Yesu owuonni, ma koro osegol kuomu oter e polo, biro duogo kendo, mana kaka usenene kodhi e polo."
Oyier Mathias Kar Judas
12 Bang'e ne gidok Jerusalem, ka gia e wi got miluongo ni Zeituni. Got Zeituni ne chiegni gi Jerusalem, kar wuoth moromo wuodh chieng' Sabato achiel, kia dala maduong'. 13 Kane gichopo, ne gidhi nyaka kama ne gidake, ei ot man malo ewi gorofa. Joma ne ni kanyo ne gin Petro gi Johana, Jakobo kod Andrea; Filipo gi Thoma, Batholomeo gi Mathayo, Jakobo wuod Alfayo, gi Simon Jakedo ne piny, kod Judas wuod Jakobo. 14 Giduto kaachiel, ne gin e achiel ka ginano e lamo, kaachiel gi mon moko, kod Maria min Yesu gi owetene. 15 E kindeno Petro nochung' e kind joma oyie (mane nyalo romo kar ji mia gi piero ariyo), 16 mi nowacho niya, "Owete, Ndiko nyaka ne chop kare, mana kaka Roho Maler nohulo chon gi lala, gi dho Daudi, kuom Judas mane otelo ne joma nomako Yesu. 17 Chutho, Judas ne en achiel kuomwa, kendo en bende ne en-gi kare e tichwani." 18 (Judas nong'iewo low gi pesa mane oyudo kuom richone, to kanyono ema noruomboree piny, kendo bund iye nobarore mi nyimbi iye opukore oko. 19 Ji duto man Jerusalem nowinjo wachni, mi ne gichako puodhono nying e dhogi ni, Akeldama', tiende ni, 'Puoth Remo'.) 20 Petro nomedo wuoyo kowacho ni, "Nimar ondiki e kitap Zaburi ni, 'Mad kar dakne dong' nono, ng'ato kik chak dag e iye kendo', kendo ni, 'Mad ng'at machielo kaw tije.' 21 Kuom mano, ber mondo wayier ng'at achiel e kind joma osebedo kodwa chakre kinde mane Ruoth Yesu ochako bedo kodwa nyaka chop kinde manyocha ogole e dierwa, 22 kochakore kinde mane Johana batisoe ji nyaka odiechieng' mane okaw Yesu ogol e dierwa. Nimar achiel kuom jogi nyaka bed janeno kuom chieme kaachiel kodwa." 23 Eka ne gichiwo nying ji ariyo: Josef miluongo ni Barsaba, (ma bende niluongo ni Justo), kod Mathia. 24 Bang'e ne gilamo ni, "Ruoth, ing'eyo chuny ji duto. Nyiswae kuom ji ariyogi ng'at miseyiero 25 mondo okaw tij bedo jaote mane Judas ojwang'o oweyo kane odhi kare mane ocharme." 26 Eka ne gigoyo ombulu, kendo ombulu nolwar kuom Mathia. Omiyo nomede kuom joote apar gachiel mamoko.
Roho Maler Obiro Chieng' Pentekost
1 Ka chieng' Pentekost nochopo, noyudo ka gichokore kanyachiel gi duto. 2 Apoya nono, koko machalo gi yamb kalausi makudho matek noa e polo mopong'o ot mane gibetie. 3 Ne gineno gik machalo gi lep kata ligek mach, mane opiyo ewi ng'ato ka ng'ato kuomgi. 4 Giduto kar rombgi ne gipong' gi Roho Maler, mi gichako wuoyo gi dhok mayoreyore kaka Roho nomiyogi nyalo. 5 Noyudo jo Yahudi mathoth moluoro Nyasaye ni Jerusalem. Jogi noa e pinje duto manie bwo polo. 6 Kane giwinjo kit kokoni, oganda maduong' nochokore kaachiel, ka gihum nono, nikech ng'ato ka ng'ato kuomgi ne winjo ka joma oyie loso gi dhogi. 7 Ne gihum kendo giwuoro, mi gipenjo ni, "Jok mawuoyogi duto donge gin jo Galili? 8 Ka kamano, to ere kaka ng'ato ka ng'ato kuomwa winjogi mana e dhowa wawegi? 9 Wan kaeri jo Parthia gi Media, gi Elam; joma oa Mesopotamia gi Judea kod Kapadokia; gi Ponto kod Asia, 10 Frigia kod Pamfilia, Misri kod gwenge mag Libya mokiewo gi Kurene; kaachiel gi welo moa Rumi (mano oting'o jo-Yahudi kod joma moko molokore mondo oluw din jo Yahudi). To moko bende gin jo Krete gijo Warabu. Ere kaka wawinjo-gi ka gihulo gik madongo ma Nyasaye osetimo e dhowa wawegi!" 12 Ne gipenjore ka gihum kendo gidhier nono ni, "Gima timoreni tiende ang'o?" 13 To jomoko kuomgi nocharogi kawacho ni, "Jogi osemadho kong'o mang'eny momerogi."
Petro Owuoyo Gi Oganda
14 Eka Petro nochung' malo, kaachiel gi jopuonjre apar gachiel mamoko, moting'o dwonde kowuoyo gi ogandano kama; "Jo Yahudi wetena, kaachiel kod un duto ma un Jerusalem, weuru anyisu tiend wachni. Chikuru itu maber mondo uwinj gima awacho. 15 Jogi ok omer kaka uparono. Saa adek okinyi sani ok ng'ato nyal merie! 16 Ooyo, gima timoreni en mana gima Janabi Joel nokoro chon kowacho ni, 17 "Nyasaye wacho ni kinde nochopi e ndalo giko, ma anaolie Rohona kuom ji duto. Yawuotu gi nyiu nokor wach, to jou matindo none fwenje jou madongo nolek lek. 18 Ee, koda ka jotichna machwo gi mamon, anaol kuomgi Rohona, anaol kuomgi Rohona e ndalono mi ginikor wach. 19 Bende ananyis honni madongo e kor polo malo kod ranyisi mathoth e piny mwalo, remo gi mach kod iro mad-huolore. 20 Wang' chieng' nolokre mudho kendo dwe nochal gi remo kapok odiechieng' mar Ruoth man-gi duong' mang'ongo ochopo.21 To ng'ato ang'ata ma noluong nying Ruoth nokwo! 22 "Un Jo Israel, winjuru wachni; Yesu ja Nazareth ne Nyasaye ochungo e dieru kaka ng'at mowinjore luor. Nyasaye notimo honni gi gik malich miwuoro kod ranyisi madongo e dieru kuome, mana kaka un uwegi ung'eyo maber. 23 Yesuni ne ochiw e lwetu kaluwore gi chenro Nyasaye kod ng'eyone mongirore. To un, gi kony moa kuom joma richo, ne unege ka ugure gi musmal e msalaba. 24 Kata kamano Nyasaye nochiere oa kuom joma otho, kane ogonye oa e rem malit mar tho, nikech tho ne ok nyal loye piny. 25 Daudi be nowuoyo kuome kama: Ne aneno Ruodha e nyima ndalo duto. Nikech en e bada korachwich gimoro ok noyienga. 26 Emomiyo chunya mor kendo lewa yot; ringra bende nodag gi geno, 27 nikech ok nijwang'a miweya ei liel, to bende ok niyie Ng'ati Maler ringre tow. 28 Isenyisa yore mag ngima; kendo inipong'a gi mor mogundho, ka an e nyimi 29 "Owetena, anyalo wachonu ka an-gi chir ni Daudi kwarwa notho mi noike, kendo liende ni kodwa nyaka kawuono. 30 To kaka ne en janabi, nong'eyo ni Nyasaye nosesingore e yor kuong'ruok ni enoket achiel kuom nyikwaye e lochne. 31 Kaka noneno gik manyime, ne owuoyo kuom chier mar Kristo, kowacho ni ok ne bi weye ei liel mi ringre tow. 32 Yesuni ema Nyasaye osechiero oa kuom joma otho, kendo wan wawegi wan joneno kuom wachno. 33 Kaka koro en gi duong', kobet e bad Nyasaye korachwich, Wuoro osemiye Roho Maler mane osingore ni nochiw, kendo oseolo gima koro uneno kendo uwinjoni. 34 Nikech Daudi ne ok oidho odhi e polo, to eka en owuon ema nowacho ni, "Ruoth nonyiso Ruodha ni" "Bed e bada korachwich 35 nyaka chop ami wasiki duto bed raten tiendi." 36 "Emomiyo nyaka ung'e wachni malong'o, unjo Israel duto ni Nyasaye oseke-to Yesu mane uguro Ruoth kendo Kristo." 37 Kane ji owinjo wachno, chunygi nongado negi bura, mine giwacho ni Petro kod joote mamoko ni, "Owetewa , watim ang'o?" 38 Petro nodwokogi ni, "Lokreuru mondo obatisu, ng'ato ka ng'ato kuomu, e nying Yesu Kristo, mondo eka owenu richou. Kamano otimore to ubiro nwang'o Roho Maler kaka mich. 39 Nikech singruokni en maru kaachiel gi nyithindu; kendo en mar ji duto modak kuma bor, jogo duto ma Ruoth Nyasachwa noluong ire." 40 Petro nomedo siemogi gi weche mamoko mathoth; komedo jiwogi kowacho ni, "Tonyuru ua kuom tieng' mokethoreni." 41 Joma norwako weche Petro ne obatisi, kendo chieng'no kar ji alufu adek nomedore e kwan joma oyie.
Lalruok Mar Joma Oyie
42 Joma oyie noketo chunygi kuom puonj joote, kendo kuom lalruok, gi ng'ingo makati kod lamo.43 Ji duto nopong' gi luoro ka joote netimo ranyisi mang'eny gi honni. 44 Joma oyie duto ne nie achiel, kendo ne gikonyore gi mwandugi duto kaachiel. 45 Ne giloko gigegi gi mwandugi pesa kae to gilonyorego e kindgi giwegi, kaluwore gi dwaro mar ng'ato ka ng'ato kuomgi. 46 Ne gisiko giromo pile ka pile e laru mar Hekalu, kendo ne ging'ingo makati e miechgi, ka gichiemo kaachiel gi chuny mamor. 47 Ne gisiko gipako Nyasaye, kendo ji duto ne mor kodgi. To Ruoth ne medo joma owar manyien e ogandagi pilepile.
Petro Ochango Puth Ma Jakwecho
1 Chieng' moro achiel, Petro gi Johana ne jodhi e Hekalu, kar saa ochiko odhiambo, mane en saa mar lemo. 2 To sechego noyudo oting' ng'at moro maputh kitero e ranga Hekalu miluongo ni Jaber, kama ne ojaketee pilepile, mondo okwa kony kuom joma donjo ei Hekalu. 3 Kane ng'atno oneno Petro gi Johana ka jodwaro donjo ei Hekalu, nokwayogi kony. 4 To Petro gi Johana ne jong'iyo wang'e tir, kae to Petro owacho ni, "Ng'iwa ane!" 5 Ng'atno nong'iyogi, kogeno yudo gimoro kuomgi. 6 Eka Petro nowacho ni, "Aonge gi fedha kata dhahabu, to gima an-go ema amiyi. E nying Yesu Kristo ja Nazareth, wuothi." 7 Nomako bad ng'atno, mi okonye aa malo, kendo gikanyono tiend ng'atno gi ombong'ne noyudo teko. 8 Ng'atno noleng'ore malo mi ochako wuoth. Bang'e nodhi kodgi ei laru mar Hekalu, kowuotho kendo kochikore kendo kopako Nyasaye. 9 Ka ji duto nonene kowuotho kendo kopako Nyasaye, 10 ne giyange ni ne en jagono mane jabet kakwecho e dho ranga Hekalu miluongi ni Jaber, omiyo ne giwuoro kendo dhogi nomoko kuom gima notimore ne ng'atno.
Petro Olero Ne Ji Wach
11 Kane jakwechono pod otwere kuom Petro gi Johana, ji duto nohum nono. Ne gibiro ging'wech ir jootego nyaka kama iluongo ni Agoch Solomon. 12 Kane Petro onenogi, nowachonegi ni, "Ang'o momiyo gima otimoreni obwogou, un Jo-Israel? Ang'o momiyo uchomo wang'u ung'iyowa mana kagima tekowa wawegi kata long'owa ema osemiyo jali owuotho? 13 Nyasach Ibrahim gi Isaka gi Jakobo, ma en Nyasach kwerewa, ema osemiyo Yesu jatichne duong'. Un to ne uchiwe mondo onege, kendo ne ukwede e nyim Pilato, kata obedo ni Pilato ne dwa gonye thuolo. 14 Ne ukwedo Ng'ama Ler kendo makare, to ukwayo mondo ogonynu janek. 15 Ne unego wuon ngima, to Nyasaye nochiere oa kuom joma otho. Wan wawegi wan joneno kuom wachni. 16 Kuom yie e nying Yesu, ema ng'at muneno kendo ung'eyoni oseyudoe teko. En mana nying Yesu, kaachiel kod yie maa kuome, ema osemiyo ng'atni resruok moromo chuth, mana kaka un duto unenoni. 17 "To koro, Owetena, ang'eyo ni ne utimo gigo e kia, mana kaka jotendu bende notiyo e kia. 18 To ma e yo ma Nyasaye nochopogo chenrone mane osenyiso chon gi dho jonabi duto, kowacho ni Kristone none sand. 19 Koro lokreuru uwe richou, udog ir Nyasaye, mondo richou owenu, eka Ruoth noduog chunyu mi uyud kuwe, 20 kendo eka enoornu ma en Yesu Kristo, Jal mane owalnu. 21 To pod nyaka obedie e polo nyaka chop kinde ma Nyasaye ketoe gik moko duto kare, mana kaka nosesingore chon gilala gi dho jonabi mage maler. 22 Nikech Musa nowacho ni, 'Ruoth Nyasaye ma Nyasachu nopuodhnu janabi machal koda koa e dier ogandau, to un bende nyaka uwinj gimoro amora mowa-chonu. 23 Ng'ato ang'ata maok nowinje to nong'ad kare oko chuth e kind ogandane. 24 "Chutho, jonabi duto, kochakore gi Samuel kadhi nyime, kar romb jonabi duto mosewuoyo, nokoro weche kuom ndalowagi. 25 To un e nyikwa jonabigo, kendo un e weg singruok ma Nyasaye notimo gi kwereu. Nonyiso Ibrahim ni, 'Ogendini duto mag piny noyud gweth koa kuom kothi.' 26 Ka Nyasaye nooro Jatichne to noore mokwongo ne un, mondo ogwedhu, ka oloko ng'ato ka ng'ato weyo yorene maricho."
Petro Gi Johana E Nyim Sanhedrin
1 Kane Petro gi Johana pod wuoyo gi ji, jodolo gi jatend jorit Hekalu kod jo Sadukai nobiro irgi. 2 Igi nowang' kendo ne gin gachiedh nade mang'eny ka Petro gini puonjo ji kendo yalo ni Yesu osechier kendo ni joma osetho biro chier kuom Yesu. 3 Ne gimako Petro gi Johana, to kaka piny koro ne dwa yuso, ne giketogi e jela nyaka kinyne. 4 To ji mang'eny mane owinjo wach mane oyal noyie, kendo kar romb joma oyie duto nomedore moromo chwo alufu abich. 5 Kinyne, jotend jo Yahudi gi jodongo kod jopuonj Chik noromo Jerusalem. 6 Anas, jadolo maduong', bende ne nikanyo, kaachiel gi Kaifa, Johana, Aleksanda, kod jood jadolo maduong' mamoko. 7 Ne gigolo chik mondo okel Petro gi Johana e nyimgi, eka gichako penjogi ni, "Teko mane, kata nying mane, ma nutimogo gima utimoni?" 8 Eka Petro mane oyudo opong' gi Roho Maler nowachonegi ni, "Jotelo gi jodongo mag oganda! 9 Ka dipo ni uluon-gowa e nyimu ka mondo waler gimomiyo otim tim maber ne puth, kendo mondo upenjwa kaka nende oyudo chang, 10 to ng'euru wachni un kaachiel gijo Israel duto: ni kuom nying Yesu Kristo ja Nazareth mane uguro un uwegi to Nyasaye nochiero oa kuom joma otho ema omiyo ng'atni ochung' e dieru ka kangima chuth. 11 Yesu ema Ndiko owuoyo kuome kawacho ni, 'Kidi ma un jogedo nudagi ema koro osedoko kidi motegno moriwo kor ot 12 Warruok ok nyal yud kuom ng'at moro machielo; nikech onge nying moro machielo e bwo polo mosechiw ne ji mondo wayud warruok kuome." 13 Kane gineno chir mane Petro gi Johana nigo, kendo ka ne ginwang'o ni gin ji ajia maok osomo, ne giwuoro ahinya, omiyo ne ging'eyo gadiera ni jogi yande nigi Yesu. 14 To nikech ne pod gineno ka ng'at mane osechangi ochung' e diergi kanyo, onge gima ne ginyalo wacho mondo gikwed gima noseti-moreno. 15 Kuom mano ne giriembogi oko mar Buch Sanhedrin, eka bang'e ne gikuotho e kindgi giwegi ni, 16 "Ang'o mwanyalo timo ne jogi? Ji duto modak Jerusalem ong'eyo maber ni gisetimo hono mong'ong'ore, kendo ok wanyal kwedo mano. 17 To mondo wageng' wachni kik landre malach e dier ji, nyaka wasiem jogi ni kik gichak giwuo kuom nyingni ne ng'ato ang'ata." 18 Eka ne giluongo Petro gini irgi kendo mi gimiyogi chik ni kik gichak giwuo kata gipuonji kata matin e nying Yesu. 19 To Petro gi Johana nodwokogi ni, "Ng'aduru bura un ka bende en gima ber ne Nyasaye mondo un ema wawinju to wawe mak wawinjo Nyasaye. 20 Nikech ok wanyal ling' maok wawuoyo kuom gik ma waseneno kendo wawinjo." 21 Bang' medo siemo jootego, ne giweyogi gidhi. Ne ok ginyal yudo yor hinyogi nikech ji duto ne miyo Nyasaye duong' kuom gima nosetimore. 22 Nikech jal mane ochangi e yor honono ne hike oloyo piero ang'wen.
Joma Oyie Olamo Nyasaye
23 Kane osegony Petro gi Johana, ne gidok ir joma oyie wetegi mi ginyisogi gik moko duto ma jodolo madongo gi jodong oganda nosewacho nigi. 24 To kane joma oyie owinjo wachgino, ne git-ing'o dwondgi malo riat ka gilamo Nyasaye ni, "Aa Ruoth Nyasaye Manyalo Gik Moko Duto, In ema nichweyo polo gi piny gi nam koda ka gik moko duto manie igi. 25 Ne iwuoyo kuom Roho Maler gi dho jatichni, ma en kwarwa Daudi, kiwa-cho ni, 'Ang'o momiyo jopinje maoko mirima omako? Koso ji chano jiemo kayiem nono nang'o? 26 Ruodhi mag piny ony-ono piny motegno kendo jotelo choko-re kaachiel mondo giked gi Ruoth kendo gi Ng'ate mowiro.' 27 "Chutho, Herode gi Pontio Pilato noromo e dalani kod ogendini kaachiel gi jo Israel mondo gilos yor hinyo Jatichni Maler ma isewiro, ma en Yesu. 28 Ne gitimo gima in iwuon ne isechano chon gi tekoni kod ng'eyoni ni nyaka timre. 29 To koro Ruoth, winj siem ma gisiemowago, kendo mi jotichni teko mondo ohul wachni gi teko moloyo. 30 Rie lweti mondo ichangi jotuo kendo itim honni kod ranyisi madongo e nying Yesu, Jatichni Maler." 31 Kane giselamo, kama ne gichoko-reno noyiengni, kendo Roho Maler nopong'ogi giduto, mi giyalo Wach Nyasaye gi chir. Joma Oyie Opogo Mwandugi Gi Jowetegi 32 Joma oyie duto ne timo gik moko gi chuny achiel kod paro achiel. Onge ng'ato kuomgi kata achiel mane okawo mwandune kaka gige owuon, to ng'ato ka ng'ato ne pogo gige duto ne nyawadgi, ka gikonyore ng'ato gi ng'ato. 33 Joote nodhi nyime gi hulo wach kuom chier mar Ruoth Yesu gi teko mang'ongo, kendo ng'wono maduong' ne nikodgi duto. 34 Onge ng'ato kuomgi mane ochando gimoro, nikech kinde ka kinde jogo mane nigi puothe kata udi neuso gigegigo, kendo ne gikelo pesa mane ong'iewgigo mi 35 giketo e lwet joote eka joote nopogo pesago ni ng'ato ang'ata mane ochando gimoro. 36 Kamano bende e kaka Josef ma Ja-lawi modak Saipras, mane joote ochako ni Barnaba (ma tiende ni Jal ma Jiwo Jal ma jiwo ji,) 37 noloko puothe pesa mi okelo oketo e lwet joote.
Anania Gi Safira
1 To ng'at moro miluongo ni Anania, kaachiel gi chiege Safira, bende noloko girgi moro pesa. 2 To Anania nodong' gi bath pesa moko ling'ling mondo okonyrego, ka chiege bende nong'eyo wachno maber. Pesa modong' to nokelo oketo e lwet joote. 3 Eka Petro nowacho ni, "Anania, ere kaka Satan osepong'o chunyi momiyo isewuondo Roho Maler, ka idong' gi bath pesa mane iyudo kuom puodho? 4 Donge puodho ne en mari kane pok ongiewe? Kata ka ne iseuse, donge ne inyalo kony-ori gi pesago kaka ihero? En ang'o ma nomiyo iparo mondo itim gima kamano? Nyasaye ema isewuondo, to ok dhano!" 5 Ka Anania nowinjo wachno, nogore piny motho. Ji duto mane owinjo gima notimoreno ne luoro omako. 6 Eka yawuowi nobiro mokawe, kendo kane gis-erwako ringre, ne giting'e gitere oko mi giike. 7 Bang' seche adek, chiege bende nobiro kanyo, kokia gima nosetimore ne chwore. 8 Petro nopenje ni, "Nyisa ane wachni, ma eni e nengo mane Anania oyudo kuom puodho manende ouso?" Safira nodwoke ni, "Ee, mano e nengone." 9 To Petro nowachone ni, "Ere kaka nunyalo winjoru mondo utem Roho mar Ruoth? Ne! Tiend joma ne oiko chwori pod ni e dhoot, in bende gibiro ting'i giteri oko." 10 Gikanyono Safira nogore piny e tie Petro mi otho. Eka yawuari nobiro mod-onjo, to kane giyude ka osetho, ne giting'e gitere oko mi giike e bath chwore. 11 Luoro maduong' nomako kanisa ngima, kod ji duto mane owinjo gik mane oti-more.
Joote Ochando Ji Mang'eny
12 Joote notimo honni gi ranyisi mathoth e dier ji. To joma oyie duto ne romoga e Agoch Solomon. 13 Onge ng'ato ang'ata mane nyalo hedhore mondo ori-wre kodgi, kata obedo niji ne omiyogi luor malich kamano. 14 To kata kamano, chwo gi mon mang'eny nomedo yie kuom Ruoth, kendo mago ma noyie nomedi e kwan joma oyie. 15 Kuom mano ji notelo joma tuo mi oketogi e bath yore ka gipiel-ogi e kitendni kod pere, mondo kata mana tipo mar Petro oum moko kuomgi kokalo butgi. 16 Oganda mag ji mathoth moa e mier mokiewo gi Jerusalem bende nokelo jogi matuo gi joma jochiende sando, kendo jogo duto nochangi.
Osand Joote
17 Jadolo maduong' gi joge mane win-jore kode duto, mane gin jokanyo mar buch jo Sadukai, nyiego nomako. 18 Ne gimako joote mi giketogi e jend ji ajia. 19 To kane ochopo otieno malaika mar Ruoth noyawo dhoudi duto mag jela mogologi oko. 20 Malaikano nowachonegi ni, "Dhiuru uchung' ei Hekalu mondo unyis ji weche duto kuom ngima manyi-enni." 21 Kane piny oyawore, ne gidonjo e Hekalu mana kaka nonyisgi, mi gichako puonjo ji. To ka jadolo maduong' gi joge nochopo, ne gichoko jobuch Sanhedrin, mane en chokruok mar jodong Israel duto, mi gioro wach mondo ogol joote e jela okel e nyimgi. 22 To kane askeche ochopo e jela, ne ok giyudo jopuonjre kuno. Kuom mano ne gidwoko wach ni, 23 "Ne wayudo ka dhout jela olor matek gi kiful, kendo ka jorito ochung' e dho udi; to kane wayawo dhoudigo to ok wayudo ng'ato ei jela." 24 Kane jatend jorit Hekalu gi jodolo madongo owinjo wachni ne gid-hier nono, ka giparore kuom gima wachni ne nyalo kelo. 25 Eka ng'at moro nobiro mowachone-gi ni, "Winjieuru! Joma ne uketo e jela ero ochung' e Hekalu puonjo ji." 26 Kane jatend jorit Hekalu owinjo wachno, nowuok sanosano gi askechege mi gidhi giomo joote gikelo. Ne ok gitiyo gi thuon, nikech ne giluor niji biro chielogi gi kite. 27 Kane gisekelo joote, ne giketogi e nyim jobura mondo jadolo maduong' openjgi weche. 28 Jadolo maduong' nowachonegi ni, "Ne wasiemou matek mondo kik uchak upuonj ji e nyingni, to eka koro usepong'o Jerusalem duto gi puonj u, kendo uramo ni nyaka bura lowa ni remb ng'atni nie wiwa." 29 Petro gi joote mamoko nodwokogi ni, "Nyaka wawinj mana Nyasaye, to ok dhano! 30 Nyasach kwerewa nochiero Yesu oa kuom joma otho, en e Yesu mane unego ka uliere e yath. 31 To Nyasaye oseting'e malo mokete e bade owuon ma korachwich, kaka Ruoth kendo Jawar, mondo eka omi jo Israel lokruok kod weruok mar richo. 32 Wan joneno kuom wechegi, mana kaka Roho Maler, ma Nyasaye osechiwo ne joma winjo wachne, bende en janeno." 33 Kane giwinjo wachni, mirima mager nomakogi, kendo ne gidwaro nego joote. 34 To ja Farisai moro ma nyinge Gamaliel, mane en japuonj chik ma ji duto ogeno, nochung' e nyim buch Sanhedrin mi ogolo chik mondo ogol joote oko matin. 35 Bang'e nowuoyonegi kama: "Jo Israel, paruru matut kuom gima udwa timo ni jogi. 36 Pok odeko ka Theuda nyocha osieko ka, kowacho ni en ng'at moro malich, kendo kar ji mia ang'wen noluwe. Ne onege, kendo jolupne ne oke, mi wachno orumo kamano. 37 Bang'e achien Juda ja Galili nothinyore e kinde mane ikwa-noe ji, mi notelo ne oganda moro matin mane kwedo loch. En bende ne onege, mi jolupne oleny nono. 38 Kuom mano weuru jogi mos! Gonygiuru gidhi! Nikech kapo ni chenrogi kata timbegigi oa kuom dhano to ok gibi dhi nyime. 39 To ka oa kuom Nyasaye to ok ubi nyalo geng'ogi, nono to dipo ka unwang'o ni ukedo mana gi Nyasaye owuon!" 40 Weche Gamaliel nosemogi. Kuom mano ne giluongo joote irgi mi gichiko mondo orodhgi gi del. Eka negisiemogi matek ni kik giwuo kuom nying Yesu, aye giweyogi gidhi. 41 Joote ne oa e nyim Buch Sanhedrin kamor sidang' nikech ne ginwang'o thuolo mar yudo sand nikech Nyingno. 42 Odiechieng' kodiechieng' ei agolini mag hekalu kendo ot ne ok giling' mak gipuonjo kendo gihulo Wach Maber ni Yesu e Kristo,
Yiero Mar Jokony Abiriyo
1 E kindeno kar kwan mar jopuonjre ne medore jo Yahudi mane wacho dho Grik nochako ng'ur gijo Yahudi wetegi mane wacho dho Hibrania. Jo Yahudi mane wacho dho Grik ne ywak ni mond lietegi ne ojwang' kaluwore gi kony mar chiemo mane ipogo mond liete. 2 Wachno nomiyo joote apar gariyo ochoko jopuonjre duto kanyachiel, mi giwachonegi ni, "Ok ber mondo wajwang' tij yalo Wach Nyasaye mondo wapog chiemo. 3 Kuom mano, owetewa, yieruru ji abiriyo e dieru ka; joma ong'ere ni opong' gi Roho Maler kod rieko mondo waket tijni e lwetgi, 4 eka wan waketre chuth ne tijwa mar lamo gi yalo Wach. 5 Paroni nomoro joma oyie duto kanyakla, omiyo ne giyiero Stefano, ng'at mopong' gi yie kendo gi Roho Maler, gi Filipo, kod Prokoro, gi Nikanor, gi Timon, gi Parmenas, kod Nikolao ja Antiok, ng'at mane olokore oluwo din jo Yahudi. 6 Ne gikelo jogi mi joote oyieyo lwetgi kuomgi kendo olamonegi. 7 Koro Wach Nyasaye nomedo landore. Kwan jopuonjre man Jerusalem nimedore piyo piyo, kendo Jo-Yahudi mang'eny ma jodolo nolokore moluwo yieno.
Omak Stefano
8 To Stefano ma ne en ng'at mopong' gi ng'wono kod teko mar Nyasaye, notimo ranyisi madongo miwuoro kod honni e dier ji. 9 Kata kamano jomoko nochako kedo kode. Jogi ne gin jokanyo mar oganda mane iluongo ni Sunagogi mar "Jorieko Mogony." Ne gin jo Yahudi modak Kurene gi Aleksandria kod gwenge mag Kilikia kod Asia. Jogi nochako mino wach gi Stefano, 10 to ne ok ginyal loyo riekone kod teko mar Roho mane owuoyogo. 11 Bang'e ne gisemo jomoko mane nikanyo, ka giwacho ni, "Ne wawinjo Stefano ka wacho weche mag ayany kuom Musa gi Nyasaye." 12 Omiyo ne gitugo mirimb ji kaachiel gi jodong oganda kod jopuonj chik. Ne gimako Stefano mi gikele e nyim Buch Sanhedrin. 13 Eka ne gichiwojoneno mag miriambo, mane ojimbo wach kuome kawacho ni, "Ng'atni osiko wuoyo marach kuom kama ler, kendo kuom Chik. 14 Nikech ne wawinje gi itwa kowacho ni Yesu maja Nazarethni biro ketho Hekaluni mi olok kitwa gi timbewa omiy-owa." 15 Ji duto mane obedo e Buch Sanhedrin ne ng'iyo Stefano ma wengegi ok diemre, kendo ne gineno ka lenda wang'e chai gi lend wang' malaika.
Stefano Owuoyo Ni Buch Sanhedrin
1 Bang'e jadolo maduong' nopenjo Stefano ni, "Weche modonjnigogi bende gin adier?" 2 To en nodwoko ni, "Owetena kod wuonega, winjauru! Nyasach duong' nofwenyore ne wuonwa Ibrahim kane pod odak e piny Mesopotamia, kane pok odar odhi odak Haran. 3 Nyasaye nowachone ni, "Dar iwe pinyu gi jou mondo idhi e piny ma abiro nyisi! 4 "Omiyo Ibrahim nodar oweyo piny jo Kaldea mi odhi odak e piny Haran. Bang' tho wuon-gi, Nyasaye nooro Ibrahim e piny ma koro udakieni. 5 To ne ok omiye girkeni moro e pinyni, kata lo matin moromo tielo nyono. Nyasaye nosin-gorene ni en kaachiel gi nyikwaye mane biro aa bang'e ne gi biro kawo lopni, kata obedo ni Ibrahim ne onge gi nyathi e kindeno. 6 Nyasaye nowuoyo kode kawacho ni, "Nyikwayi nobed jodak e piny moro mawendo, kendo kuno nolokgie wasumbni, ka jopinyno sandogi malit kuom higini mia ang'wen. 7 To anakum piny ma noketgi wasumbinino!' Nyasaye nowacho bende ni, 'Bang'e giniwuog gia e pinyno mi gilama kaeri 8 Bang'e Nyasaye notimo gi Ibrahim singruok e yor tero nyangu. Ka Ibrahim nonywolo wuode ma Isaka, notere nyangu bang' ndalo aboro kosenywole. Achien Isaka nonywolo Jakobo, kendo Jakobo bendo nodoko wuon kwerewa apar gariyo. 9 "Nikech kwerewago ne nyiego omako gi Josef, ne giuse kaka misumba nejo Misri. To kaka Nyasaye ne nikode, 10 nokonye e chandruok duto mane oyudo. Ne omiyo Josef rieko mi kinde gi Farao ruodh Misri obedo maber. Omiyo Farao nokete jatelo maduong' morito piny Misri duto, nyaka od ruoth bende. 11 "Eka kech maduong' nomako piny Misri gi Kanaan mi nokelo chandruok maduong' e piny ma kata kwerewa ne ok nyal yudo chiemo. 12 Ka Jakobo nowinjo ni cham ne nitie Misri, nooro kwerewa kuno e otene mokwongo. 13 To e otegi mar ariyo, Josef nohulore ne owetene, mi Farao koro nong'eyo jodalagi Josef. 14 Bang' mano Josef nooro wach mondo okelne Jakobo wuon mare kaachiel gi wedene duto, kar kwan ji piero abiriyo gabich. 15 Koro Jakobo nolor mwalo nyaka Misri, kuma en kaachiel gi kwerewa duto nothoe. 16 Ringregi to ne oting' okel nyaka Shekem mi ne oketgi e bur ma Ibrahim noseng'iewo shekem chon kuom yawuot Hamor gi nengo moromo. 17 "Ka ndalo koro nochopo machiegni mondo Nyasaye ochop singruok mane otimo gi Ibrahim, noyudo ka kar kwan jowa mane odak Misri ne koro oseme-dore. 18 Achien ruoth moro mane okia wach moro amora kuom Josef nokawo loch mar piny Misri. 19 En ne ogajo jowa mi osando kwerewa malit, ka ochunogi mondo giwit nyithindegi mondo otho. 20 "Kindeno ema nonywolie Musa, nyathi mane jaber gilala e nyim Nyasaye. Kuom dweche adek, ne opidhe e od wuon mare. 21 To kane opande oko, nyar Farao ne okawe mi opidhe mana kaka nyathine owuon. 22 Musa ne oyudo puonjruok e kit rieko duto mag jo Misri, kendo ne en rat-ego e kit wuoyone kod timbene. 23 "Ka Musa koro ne jahigini piero ang'wen, noparo e chunye mondo odhi olimie jo Israel wetene. 24 Noneno ka achiel kuomgi itimone marach gi ja Misri moro, omiyo ne odhi okonye mi nogoyo ja Misrino monego. 25 Musa noparo ni jo Israel wetene ne nyalo neno ni Nyasaye ema notiyo kode mondo ogolgi e twech, to ne ok gi neno kamano. 26 Kinyne Musa noyudo jo Israel ariyo ka jogore. Notemo thegogi kowacho ni, 'Joka ma, un Jowete; ang'o momiyo udwa hinyoru kayiem?' 27 "To ng'at mane sando nyawadgino nodhiro Musa gichien kowacho ni, Werikoda, ng'a moketi jatelo kata jathek e kindwa? 28 Idwa nega kaka nyo inego ja Misri cha koso?' Ka Musa nowinjo wachni, noringo odhi Midian, kama nodakie kaka japiny moro mi onywolo yawuowi ariyo. 30 "Bang' ka higini piero ang'wen nosekalo, malaika moro nothinyore ni Musa ei ligek mach mane wuok e bungu maliel, ei thim man but Got Sinai. 31 Ka Musa noneno kit majno, nodoko maluor. To ka nosudo machiegni mondo onene maber, nowinjo dwond Ruoth Nyasaye kawacho ni, 32 'An e Nyasach kwereni; Nyasach Ibrahim gi Isaka gi Jakobo; Musa notetni ka luoro omake, kendo ne ok ohedhore ng'icho kendo. 33 "Eka Ruoth Nyasaye nowachone ni, 'Gol patpat mirwakono oko, nikech kama ichung'eni en kama ler! 34 Aseneno gi wang'a kaka joga chandore malit e piny Misri. Ase winjo churgi omiyo asebiro mondo agonygi gibed thuolo. Koro bi ane mondo aori idogi Misri!' 35 Ma e Musa nogo mane oyudo gisekwedo ka giwacho ni, 'Ng'ama noketi jatelo kata jathek e kindwa?' Nyasaye owuon ne oore mondo obed jatendgi kendo jares margi, ka nofwenyorene e kit malaika mane oneno e bungu. 36 Ne otelonegi kogolo-gi gia Misri, kendo notimo ranyisi gi honni madongo e piny Misri, gi Nam Makwar, kendo nomedo timo mamoko mang'eny kuom higni piero ang'wen e thim. 37 Ma e Musa nogo mane onyiso jo Israel ni, 'Nyasaye noornu janabi machal koda kogolo e dier ogandau! 38 En owuon ne entie ei chokruok mane nie thim, kaachiel gi kwerewa kod malaika mane owuoyo kode e Got Sinai; kendo ne omiye weche mangima makoro wawinjogi. 39 "To kwerewa notamore winjo wachne. Kar timo mano to ne gikwede mi ne gidok Misri gie chunygi maiye. 40 Ne ginyiso Harun ni, 'Losnwa nyiseche mondo ema koro otelnwa, nikech ng'at miluongo ni Musa mane ogolowa Misrini wakia gima oseti-morene!' 41 Mano e kindeno mane gilosoe kido milamo machalo nyaroya. Ne gitimone misango, mi gilosone sawo ka gimiyo gima lwetgi ema ne oloso duong'! 42 To Nyasaye nogolo pache kuomgi moweyogi mondo gilam chwech mag polo kaka nyiseche gi, mana kaka ondiki e kitap jonabi ni: 'Be nukelona misango kata chiwo higini piero ang'wen mane un e thim, Yaye jo Israel? 43 Ooyo, hemb Molek ema nuting'o malo kod sulwe mar nyasachu ma Refan ma gin nyiseche mane uloso mondo ulam. Emomiyo abiro terou e twech, tok Babulon, kuma bor'. 44 "Kane kwerewa pod wuotho e thim, ne gin kod Hekalu miwuothogo miluongo ni Hemb Rapar. Hemano nolosi mana kaka Nyasaye nonyiso Musa mondo olose, koluwo ranyisi mane omiye. 45 Ka kwerewa noyudo Hemani, ne giting'e ka Joshua otelonegi, nyaka ne gichopo kode e piny mane giyako kuom jo pinje mamoko mane Nyasaye oriembo mi oweyonegi piny Hemani ne gibedo go nyaka chop kinde mag Daudi, 46 mane Nyasaye otimone ng'wono kane okwayo Nyasaye mondo ogerne Nyasach Jakobo kar dak. 47 To Solomon emane ogerone odno. 48 "Kata kamano Ng'at Mamalo Chutho ok dagi e udi ma dhano ogero, mana kaka janabi owacho niya, 49 "Ruoth Nyasaye owacho ni, polo e koma mar duong' to piny ema raten tienda. Koro en ot machal nadi ma dugerna? Koso ere kama dilosna mondo ayweye? 50 Donge lweta ema oseloso gigi duto?' 51 "Un joma tokgi tek, chunyu bor gi Nyasaye kendo udagi winjo wachne! Uchal mana gi kwereu. Usiko utamo Roho Maler tiyo! 52 Be nitie janabi kata achiel ma kwereu ne ok osando? Ne ginego koda ka jonabi mane okoro biro mar Ng'ama Kare. To koro usendhoge mi unege, 53 Un e joma noyudo chik mane okel gi malaike to usetamoru rite".
Ochiel Stefano Gi Kite
54 Kane jobura owinjo weche Stefanogo, igi nong'ondore mi gikayone lekegi. 55 To Stefano, kopong' gi Roho Maler, nong'iyo malo e polo mi oneno duong' mar Nyasaye, kod Yesu kochung' e bad Nyasaye korachwich. 56 Nowachonegi ni, "Neuru, aneno polo koyawore kendo ka Wuod Dhano ochung' e bad Nyasaye korachwich." 57 Kane giwinjo mano, ne gidino itgi mi giringo matek ire rat. 58 Ne giywaye mi gigole oko mar dala mi gichako goye gi kite. Jogo mane ohangone wach noketo lepgi e tie wuowi moro ma nyinge Saulo. 59 Kane noyudo gigoye gi kite, Stefano nolamo kowacho ni, "Ruoth Yesu, kaw chunya." 60 Eka nogoyo chonge piny mokok matek ni, "Ruoth, kik ikwan richoni e wigi." Ka nosewacho kamano to chunye nochot.
1 To Saulo noyie gi nek mar Stefano.
Osand Kanisa Mi Joma Oyie Oke.
E odiechiengno kanisa man Jerusalem nochako yudo sand malit kendo joma oyie duto noringo mokere e pinje mag Judea gi Samaria, mak joote emane odong' Jerusalem. 2 Joma oluoro Nyasaye noiko Stefano kendo ne giywage malit. 3 To Saulo nochako ketho kanisa. Nodhi e ot ka ot komako chwo gi mon mondo otergi e jela.
Filipo Ka Ni Samaria
4 Joma nokere e pinje maokogo noyalo Wach kamoro amora mane gidhiye. 5 Filipo nodhi nyaka dala moro mar Samaria mi noyalo Wach kuom Kristo kuno. 6 Kane oganda owinjo yalo mar Filipo, kendo kane gineno honni mane otimo, ne gimedo chiko itgi mondo giwinj wechene. 7 Jochiende nowuok kuom ji mang'eny ka giywak gi dwol maliyore, kendo jo athany kod pudhe nochangi. 8 Omiyo dalano nopong' gi mor maduong'.
Simon Ma Jandagla
9 Ne nitie ng'at moro miluongo ni Simon. Ng'atni nosebedo katimo timbe juok e dala mar Samaria, kendo timbene nomako dho ji duto. Nosungore ni en ng'ama lich, 10 kendo jo Samaria duto, joma tindo gi joma dongo, noyie kode. Ne giluwo bang'e ka gikok ni, "Ng'atni e teko Nyasaye miluongo ni Teko Maduong'". 11 Ji ne luwe nikech kinde mathoth nose-mako dho ji gi timbege mag juok. 12 To ka jogo koro noyie wach Filipo, kane oyalo Wach Maber mar Loch Nyasaye, kendo kane oyalo nying Yesu Kristo ne giyudo batiso giduto, chwo gi mon. 13 Simon owuon bende noyie, bange' noyudo batiso, kendo nosiko koluwo bang' Filipo kamoro amora mane odhiye, kowuoro ranyisi madongo kod honni ma noneno ka Filipo timo. 14 Ka joote mane ni Jerusalem nowinjo ni jo Samaria noserwako wach Nyasaye, ne gioro Petro gi Johana irgi. 15 Kane gichopo, ne gilamonegi mondo giyud Roho Maler, 16 nikech Roho Maler ne pok obiro kuom ng'ato ang'ata kuomgi, to nosebatisgi mana e nying Ruoth Yesu. 17 Bang'e Petro nej oketo lwetgi kuomgi mi giyudo Roho Maler. 18 Ka Simon noneno ni ji ne yudo Roho Maler ka joote oketo lwetgi kuomgi, nomiyogi pesa kowacho ni, 19 "An bende miyaeuru teko ma un-goni mondo ng'ato ang'ata ma aketo lweta kuome oyud Roho Maler." 20 To Petro nodwoke ni, "Mad pesagi-go lal kodi nono, nikech chunyi wuondi ni inyalo ng'iewo mich Nyasaye gi pesa! 21 Oweyi oko e tijwani chuth, kendo kwanni onge e iye, nikech chunyi ok nikare e nyim Nyasaye. 22 Omiyo lokri iwe timni marachni, kendo ilam Nyasaye, dipo ka oweyoni richoni kuom bedo gi paro marachno e chunyi. 23 Nikech aneno ni kit nyiego makech opongo chunyi, kendo richo oloki misumbane chuth." 24 Eka Simon nodwoko ni, "Lamna Ruoth Nyasaye mondo gima rach mis-ewachono kik timrena." 25 Kane gisetimo neno kendo giyalo wach Ruoth, Petro gi Johana nodok Jerusalem, ka giyalo Injili e miech Samaria mange'ny.
Filipo Gi Ja Ethiopia
26 To malaika mar Ruoth nowacho ne Filipo niya, 'A malo idhi yo milambo, kilu-wo ndara mong'ado i thim, moa Jerusalem kadhi Gaza." 27 Kuom mano Filipo nochako wuoth, to ka noyudo odhi, noromo gi ja Ethiopia mabuoch, mane en jatelo maduong' morito mwandu duto mag Kandes, ruoth madhako mar jo Ethiopia. Ng'atni noa lemo Jerusalem, 28 to koro nodok dala, kobet e gache kendo kosomo kitap Janabi Isaya. 29 Malaika nowacho ne Filipo ni, "Dhiyo mondo ichung' machiegni gi gari cha." 30 Eka Filipo noringo odhi nyaka but gari mi owinjo ka ng'atno somo kitap Janabi Isaya. Filipo nopenje ni, "Be iwinjo tiend gima isomono?" 31 Ja Ethiopia nodwoko Filipo ni, "Dawinje nade ka ng'ato ok olerona tiende?" Omiyo norwako Filipo mondo oidh obed kode ei gari. 32 Noyudo ng'atno somo Ndiko mawacho ni, "Ne otere kar thone ka rombo midhi yang'o, to mana kaka nyarombo ling' thi e lwet jobusne, e kaka en bende ne ok oyawo dhoge. 33 Ne oyale ang'aya kimiye wich kuot, En ng'a ma diwuo kuom kothe? Nikech ngimane nogol oko e piny." 34 Jatelono nopenjo Filipo ni, "Yie iny-isae ni Janabi wuoyo kuom ng'a e Ndikoni? Owuoyo kuome owuon koso owuoyo kuom ng'at machielo?" 35 Eka Filipo nochako gi Ndiko kama ne ja Ethiopia somono, mi odhi nyime gi yalone Injili mar Yesu. 36 Kane gimedo dhi nyime, ne gichopo kama pi moro ne nitie. Ja Ethiopia nowachone Filipo ni, "Ne pi ee. Ang'o ma dimona yudo batiso?" 37 Filipo nodwoke ni, "Inyalo yudo batiso, kiyie gi chunyi duto." Nodwoke ni, "Ee, ayie ni Yesu Kristo en Wuod Nyasaye." 38 Omiyo nochiwo chik mondo gari ochung'. Eka ne gilor gidhi e pi mi Filipo nobatise. 39 To kane giwuok e pi, Roho mar Ruoth nokawo Filipo apoya, mi jatelono ne ok ochako onene kendo to nodhi e wuodhe kopong' gi mor. 40 Filipo to nothinyore e dala mar Azoto, kendo nowuotho koni gi koni, koyalo Injili e mier duto nyaka nochopo Kaisaria.
Lokruok Mar Saulo
1 Kindeno Saulo nepod siemo jopuonjre mag Ruoth, kochano mar negogi. Nodhi ir Jadolo maduong' 2 mi okwaye barupe mane nyalo miye teko mar donjo e ute lemo man Damaski, mondo kane onyalo yudo ng'ato kuno moluwo YOR RUOTH, joma chwo kata ma mon, to omakgi otergi Jerusalem kaka joma otwe. 3 Kane oyudo owuotho ka ochiegni chopo Damaski, nopo ka ler moa e polo omenye molwore. 4 Nogore piny, mi owinjo dwol moro kawachone ni, "Saulo, Saulo, isanda nang'o?" 5 Saulo nopenjo ni, "In ng'a, Ruoth?" Nodwoke ni, "An e Yesu ema isando. 6 "Koro aa malo idhi Damaski to ninyisi gima nyaka itim." 7 Joma newuotho gi Saulo nochung' moling' thi, ne giwinjo dwol to ok ne gineno ng'ato. 8 Saulo nochung' oa malo, to ka noyawo wengene to ne ok onyal neno gimoro. Omiyo ne gimako bade ka gitelone gitere Damaski. 9 Nobedo muofu kuom ndalo adek, kendo ne ok ochiemo kata madho gimoro. 10 E dala Damaski ne nitie japuonjre moro miluongo ni Anania. Ruoth nowuoyo kode e fweny, kaluonge ni, "Anania!" Nodwoko ni, "Antie, Ruoth." 11 Ruoth nowachone ni, "Wuogi idhi e od Judas, moger e Yo Matir, mondo ipen-jgi ng'at moro maja Tarso, miluongo ni Saulo. 12 Nikech olamo kuno, kendo oseneno fweny ka ng'at miluongo ni Anania odhi ire moketo lwete kuome mondo omi ochak onen kendo." 13 To Anania nodwoko ni, "Ruoth, asewinjo mang'eny kuom ng'atno, gi hinyruok mosekelo ne jogi maler modak Jerusalem. 14 Kata ka bende osebire ka jodolo madongo omiye teko mar mako ji duto maluongo nyingi." 15 To Ruoth nonyiso Anania ni, "Dhiyo! Ng'atni en gir tichna ma aseyiero mondo oter nyinga e dier Ogendini maok jo Yahudi kaachiel gi ruodhigi; kendo e dier jo Israel. 16 Abiro nyise kaka onego one malit nikech nyinga." 17 Eka Anania nodhi e odno modonjo nyaka e iye. Noketo lwete kuom Saulo kowachone ni, "Owadwa Saulo, Ruoth, ma en Yesu manyocha ofwenyoreni ka in e yo ibiro Damaski, oora iri mondo ichak inen, kendo mondo ipong' gi Roho Maler." 18 Gikanyono gima chalo gi kala-gakla nolwar oa e wenge Saulo mi koro nonyalo neno. Noa malo mi nobatise, 19 kendo kane ose chiemo matin to tekre noduogo.
Saulo Oyalo Injili Damaski Gi Jerusalem
Saulo nodak Damaski kuom ndalo mogwarore, 20 kendo nochako yalo gikanyono e ute lemo, kowacho ni "Yesu en Wuod Nyasaye." 21 Ji duto mane owin-je nowuoro ka gipenjore ni, "Jali ok e ng'at ma yandi sando joma luongo Nyingni Jerusalem? Donge osebiro ka mana mondo okawgi kaka joma otwe mondo otergi ne Jodolo madongo?" 22 Kata kamano Saulo nomedo gerore e yie kendo nomedo bedo gi teko mang'eny, kendo twak mane ochiwo konyisogo ni Yesu e Kristo nodhiero jo Yahudi mane odak Damaski nono. 23 Ka ndalo mang'eny nosekalo, jo Yahudi nochano mondo oneg Saulo, 24 to Saulo nofwenyo wachno. Odiechieng' gotieno ne gibutone e rangeye mag dala mondo gimake apoya ginege, 25 to jolupne nokawe mokete e okapu, eka gilore piny kokalo e otuchi moro mane nie ohinga mar dala. 26 Kane obiro Jerusalem, notemo mondo odonji e kanyakla mar jopuonjre, to giduto ne giluore, nikech ne gichich kode ni samoro pok nolokore adier. 27 To Barnaba nokawe motere ir joote. Nonyisogi kaka Saulo noseromo gi Ruoth ka noyudo en e wuodhe, kendo kaka Ruoth noseloso kode, kendo kaka Saulo noseyalo gi chir kuom nying Yesu e dala Damaski. 28 Kuom mano Saulo nodak kodgi, kowuotho ei Jerusalem koni gi koni maonge ng'ama geng'e, kendo kowuoyo gi chir kuom nying Ruoth. 29 Noloso kendo nogoyo mbaka gijo Yahudi molu-wo timbe jo Grik, to jogo notemo nege. 30 To ka owete nofwenyo wachni, ne gigole kanyo mi gichweyo kode nyaka Kaisaria, bang'e gitere nyaka Tarso. 31 Bang' lokruok Saulo, kanisa duto man Judea gi Galili kod Samaria nobedo mokuwe maonge sand. Kanisa nogurore motegno, ka oyudo jip moa kuom Roho Maler, kendo ka kwan joma oyie medore pile. Joma oyie nodak koluoro Nyasaye.
Ainea Gi Dorka
32 Kane Petro wuotho ei piny koni gi koni, nodhi limo jomaler ma nodak Lida. 33 Kuno nonwang'oe ng'at moro miluongo ni Ainea, ma nosebedo kosiko onindo e kitandane kuom higini aboro, ka tuo athany onure. 34 Petro nowachone ni, "Ainea, Yesu Kristo ochangi; aa malo iban gigi mag nindo." Ainea noa malo sanosano. 35 Ji duto ma nodak Lida gi Sharon nonene molokore ne Ruoth. 36 E dala mar Jopa ne nitie japuonjre moro miluongo ni Tabitha (ma e dhok machielo en Dorka mane osiko katimo maber ne ji kendo nolonyo joma odhier. 37 E kindeno tuo nogoye mi otho, mi ne olwok ringre ka oketi e ot man ewi goro-fa. 38 Kanyo ne chiegni gi Jopa, omiyo ka jopuonjre nowinjo ni Petro ni Lida, ne giorone ji ariyo, ka gikwaye ni, "Yie ibi irwa piyo mak odeko!" 39 Petro nodhi kodgi, kendo kane ochopo to ne gitere nyaka ei ot man e gorofa kama ne ringre Tabitha nitie. Mond liete duto mane nikanyo nochung' olwore, ka giywak kendo ginyise lep kandhu kod lewni mamoko mane Tabitha otwang'o kapod ongima. 40 Petro nogologi duto oko, bang'e nogoyo chonge piny molamo. Eka nowi-chore mochomo dhako mothono, kowacho ni, "Tabitha, aa malo!" Dhakono noyawo wengene, kendo kane oneno Petro to nobet piny. 41 Petro nomako bade mi okonye chung' gi tiende. Bang'e noluongo jopuonjre kod mond liete mane ni oko mi ochiwe negi kongima. 42 Wachni nolandore e Jopa duto mi ji mang'eny noyie kuom Ruoth. 43 Petro nomedo dak Jopa e odjanyong' piende moro miluongo ni Simon kuom kinde mogwarore.
Kornelio Oluongo Petro
1 Ne nitie jatend jolweny moro e W dala mar Kaisaria mane nyinge Kornelio. Ng'atni norito oganda lweny moro mar jo Rumi miluongo ni, 'Oganda Italia'. 2 En kaachiel gi joode duto negilu-oro Nyasaye. Ne okonyo joma odhier kendo olamo Nyasaye pile. 3 Chieng' moro achiel noneno fweny kar saa ochiko odhiambo. E fwenyno nonenoe ayanga malaika mar Ruoth, mane obiro ire moluonge ni, "Kornelio!" 4 Kornelio norango malaikano ka luoro omake, eka noyiene ni, "Iwacho nang'o, Ruoth?" Malaika nodwoke ni, "Nyasaye osepari nikech lemoni kod timbe ng'wono mikonyogo joma ochando osechopo e nyime. 5 Koro or jomoko Jopa mondo odhi oom ng'at moro ma nyinge Simon, miluongo bende ni Petro. 6 Odak gi Simon Janyong' piende ma ode nie dhonam." 7 Kane malaika mane wuoyo kodeno osedhi, Kornelio noluongo jotichne ariyo kod achiel kuom jolweny mane rite, ma bende noluoro Nyasaye, 8 mi onyisogi gik moko duto mane osetimore, eka noorogi nyaka Jopa.
Petro Oneno Fweny
9 Kinyne kar odiechieng' tir, kane jootego chiegni chopo Jopa, Petro noidho e wi tado malo mondo olem. 10 Kech ne kaye kendo nogombo chiemo mondo ocham, to ka nepod iloso chiemo, ayula wang' notere. 11 Noneno polo koyawore, kendo ka gimoro machalo gi suka malach moyar iloro piny ka omake gi bethene ang'wen. 12 Sukano noting'o kit le man gi tiende ang'wen duto, kod le mamol duto mag piny kod koth winy duto mahuyo e kor polo duto. 13 Eka dwol moro noloso kode kakone ni, "Aa malo, Petro. Negi kendo icham." 14 Petro nodwoko ni, "Ooyo Ruoth! Ne pok achamo gimoro amora makwero kata mochido nyaka nene." 15 Eka dwolno nowuoyo kode kendo mar ariyo ni, "Kik iluong gimoro amora ma Nyasaye osepwodho ni ok ler." 16 Gima kama notimore didek eka sukano nokaw piyo piyo moter e polo. 17 Kane Petro pod wuoro kuom tiend fweny mane onenono, joote mane Kornelio ooro nochopo e od Simon, mi gichung' e dhorangach oko. 18 Ne gipenjo ka Simon miluongo ni Petro nodak kanyo. 19 Kane Petro pod paro kuom fweny mane oneno, Roho nowachone ni, "Simon, welo moko adek dwari. 20 Omiyo aa malo ilor piny idhi irgi, mondo idhi kodgi mak ideko nikech an ema aorogi." 21 Petro nolor piny ir jogo monyisogi ni, "An e jal mudwaro. Ang'o mud-warane?" 22 Ne gidwoke ni, "Waa ir Kornelio ma jatend jolweny. En ng'at makare moluoro Nyasaye, kendo majo Yahudi duto omiyo luor. Malaika maler nonyise mondo oluongi idhi ire e ode mondo owinj gima inyalo wachone." 23 Eka Petro norwako jootego kaka wende.
Petro E Od Kornelio
Kinyne Petro nowuok gi jootego, kendo owete moko moa Jopa bende nodhi kodgi. 24 Odiechieng' moluwo mano ne gichopo Kaisaria, kuma Kornelio ne jorite kaachiel gi wedene kod osiepene mane oluongo. 25 Ka Petro ne donjo e ot, Kornelio noromone mi opodho e tiende kamiye duong'. 26 To Petro nokone ni, "Aa malo, an mana dhano kaka in." 27 Petro nowuotho kochomo ot kod Kornelio, ka giwuoyo, to kane ochopo ei ot, nonwang'o ka ji mang'eny ochokore rite. 28 Nowachonegi ni, "Ung'eyo maber ni chikwa ok oyie mondo ja Yahudi obed e achiel kata mondo olim ng'at moro maok ja Yahudi. To Nyasaye osenyisa ni kik aluong ng'ato ni ogak kata ni ok ler. 29 Emomiyo kane uluonga to abiro ma ok adagi. To koro nyisaneuru gimomiyo ne uluonga?" 30 Kornelio nodwoke ni, "Ndalo ang'wen mosekalo ne alamo Nyasaye e oda kar sechegi, saa ochiko odhiambo. To napo ka ng'at moro morwako lewni marieny ochung' buta mowachona ni, 31 'Kornelio, Nyasaye osewinjo lamoni, kendo oserwako michgi mikonyogo jod-hier. 32 Koro or wach Jopa mondo oomni Simon miluongo ni Petro. En wendo e od Simon ma janyong' piende, modak e tie nam.' 33 Emomiyo ne aoroni wach piyopiyo mondo ibi, kendo isetimo maber kuom biro. Koro ee wan ka waduto e nyim Nyasaye, mondo wawinji weche duto ma Ruoth osechiki mondo inyiswa." 34 Eka Petro nochako wuoyo kowacho ni, "Sani koro ayie adier ni Nyasaye timo ne ji duto mana machalre." 35 Orwako japiny moro amora moluore kendo timo dwarone, maok odewo oganda moaye! 36 Mani e wach ma Nyasaye nooro nejo Israel, konyisogi Wach Maber mar kuwe kuom Kristo, ma en Ruodh ji duto. 37 Ung'eyo gima osetimore e piny Judea duto, kochakore Galili, bang' batiso mane Johana oyalo; 38 kaka Nyasaye nowiro Yesu ja Nazareth gi Roho Maler kod teko, kendo kaka nowuotho koni gi koni kotimo maber kendo lochango ji duto mane nie bwo loch mar Jachien, nikech Nyasaye ne ni kode. 39 "Wan joneno kuom gik moko duto mane otimo e piny jo Yahudi kendo ei Jerusalem. Ne ginege ka giliere ewi yath, 40 to Nyasaye nochiere oa kuom joma otho chieng' mar adek, mi onyise ji mondo onene. 41 Ne ok onene gi ji duto, to mana gi joneno ma Nyasaye noseyiero, ma gin wan mane wachiemo kendo wametho kode bang' kane osechier oa kuom joma otho. 42 Nochikowa mondo wayal ne ji kendo mondo watim nende ni en ema Nyasaye oseyiere kaka jang'ad bura mar joma ngima gi joma otho. 43 Jonabi duto owuoyo kuome ni ng'ato ang'ata moyie kuome yudo weruok mar richo e nyinge." 44 Ka Petro ne pod wacho wechegi, Roho Maler nobiro kuom ji duto ma noyudo winjo wachne. 45 Joma oyie moter nyangu, mane obiro gi Petro, nowuoro ka Roho Maler nobiro nyaka kuom joma ok jo Yahudi, 46 nikech ne gi winjogi ka giwuoyo gi dhok mayoreyore kendo ka gipako Nyasaye. Eka Petro nowuoyo kowacho ni, 47 "Ere ng'ama koro digeng' jogi mondo kik obatis gi pi, ka gin bende giseyudo Roho Maler mana kaka waseyude?" 48 Kuom mano nogolo chik mondo obatis-gi e nying Yesu Kristo. Bang' mano ne gikwayo Petro mondo omed bet kodgi kuom ndalo ma buora.
Petro Olero Tiend Gik Motimo
1 Joote kod owete modak Judea duto nowinjo ni joma ok jo Yahudi bende noserwako Wach Nyasaye. 2 Omiyo kane Petro odhi Jerusalem to joma oyie moter nyangu nokwere 3 kawacho ni, "Nyocha idhi e od joma ok oter nyangu mi ichiemo kodgi." 4 To Petro nochako lero negi tiend gik moko duto ma nosetimore, e yo mawin-jore maler, kowacho ni, 5 "Ne antie e dala mar Jopa ka alemo, to ka ayula wang' notera, naneno fweny. Ne aneno gima chalo suka maduong' kiloro piny koa e polo, komake e bethene ang'wen. Nolor sukano nyaka kama ne antie. 6 Ne arango iye mi aneno kit le mopidhi mangi tiende-gi ang'wen, gi le mager mag bungu, kod le mamol, gi winy mahuyo e kor polo. 7 Bang'e ne awinjo dwol moro kawachona ni, 'Aa malo, Petro. Negi kendo icham" 8 "An to nad woko ni, 'Ok anyal timo mano Ruoth! Onge gima kwero kata mochido mosedonja e dhogani nyaka nene'. 9 "Dwolno nowuoyo koda kendo nyadiriyo mowachona ni, 'Kik iluong gimoro amora ma Nyasaye osepuodho ni ok ler. 10 Gima kamano notimore didek, eka sukano nokaw modwoki e polo kendo. 11 "E saa nogono ji adek mane oor ira koa Kaisaria nochung' e dho ot kama ne antie. 12 Roho nonyisa ni kik adeki mak adhi kodgi. Owete auchielgi bende nodhi koda, mi ne wadonjo e od ng'atno. 13 Nonyisowa kaka ne oneno malaika ma nopo kochung' e ode mokone ni, 'Or ji Jopa mondo oluongni Simon miluongo ni Petro. 14 Obiro keloni wach mabiro miyo iyud warruok, in kaachiel gi joodi duto biro yudo warruok 15 "To e sama ne achako wuoyo ema Roho Maler nolor kuomgi, mana kaka wan bende noselor kuomwa mokwongo. 16 Eka naparo kaka Ruoth nosewacho motelo ni, 'Johana nobatiso ji gi pi, to an abiro batisou gi Roho Maler.' 17 Emomiyo ka Nyasaye nomiyogi mana mich achielno ma wan bende nomiyowa kane wayie kuom Ruoth Yesu Kristo, koro an to an ng'a ma dine ageng' tich Nyasaye!" 18 Kane giwinjo wachno, ne giweyo Petro mos mi gipako Nyasaye, ka giwacho ni, "Kara en adier ni Nyasaye osemiyo joma ok jo Yahudi thuolo mondo gin bende gilokre giyud ngima.
Kanisa Man Antiokia
19 Joma sand nokeyo nikech wach tho Stefano nowuotho nyaka Foinike gi Saipras nyaka Antiokia, ka guando wach ne jo Yahudi kende. 20 To jomoko kuomgi ma noa Saipras kod Kurene, nochako loso gi jo Grik bende, ka ginyisogi kuom Wach Maber mawuoyo kuom Ruoth Yesu. 21 Teko Nyasaye ne nikodgi, omiyo ji mathoth noyie kendo olokore ne Ruoth. 22 Wachni nolandore mochopo e it kanisa mane ni Jerusalem, omiyo ne gioro Barnaba e dala Antiokia. 23 Kane ochopo mi oneno kaka ng'wono Nyasaye ne tiyo kuom jogo, nomor gilala, kendo nojiwogi duto mondo gisiki kuom Ruoth gadiera kendo gi chunygi duto. 24 Barnaba ne en ng'at maber, mopong' gi Roho Maler kod yie kendo ji ma kwan-gi thoth ahinya nolokore obiro ir Ruoth. 25 Bang'e Barnaba nodhi Tarso mondo omany Saulo, 26 to ka noyude, nodok kode Antiokia. Kuom higa achiel mangima, Barnaba gi Saulo ne chokore gi kanisa ka gipuonjo ji ma kwan-gi ng'eny ahinya. Antiokia kuno emane okuong luongoe jopuonjre ni jo Kristo. 27 E kindeno jonabi moko nobiro Antiokia ka gia Jerusalem. 28 Achiel kuomgi, mane iluongo ni Agaba nochung' mokoro wach kuom Roho, ni kech marach ne biro landore mi kwak piny Rumi duto. (Kejni nobet e kinde loch Klaudio.) 29 Kuom mano jopuonjre nowin-jore mar oro kony kaluwore gi nyalo margi, ne Jowete mane odak Judea. 30 Ne gitimo mano mi gioro Barnaba gi Saulo jotero konygigo ne jodong kanisa man Jerusalem.
Malaika Ogolo Petro E Jela
1 E kindeno ruoth Herode j¿¿ nomako jo Kristo moko, kendo nochano mar negogi. 2 Nonego Jakobo owadgi Johana. 3 Ka noneno ka timneno nomoro jo Yahudi, nodhi nyime momako Petro bende. Mano notimore e ndalo Sap Makati maonge Thowe. 4 Ka nosemake, nokete e jela, kendo noketo kidienje ang'wen mag askeche, ma moro ka moro oting'o jorit ang'wen, mondo orite. Herode ne chano mondo ogole oko bang' Pasaka mondo oyale e nyim oganda. 5 Kuom mano Petro nokan e jela, to kanisa to ne lamone Nyasaye ahinya. 6 Otieno ma kinyne ne onego Herode ogolie Petro oko mondo oyale, Petro ne nindo e kind askeche ariyo, ka otweye gi nyoroche ariyo, kendo ka askeche mamoko bende rito kochung' e dhood jela. 7 Apoya nono malaika mar Ruoth nothinyore, mi ler norieny ei od jela. Nopamo bath Petro mochiewe kowacho ni, "Aa malo piyo". Nyoroche ma notwego Petro nolwar piny. 8 Malaika nomedo wachone ni, "Rwak lepi gi pat-patgi." Mi Petro notimo kamano. Malaika nochako okone ni, "Koro rwak kodi mondo iluwa! 9 Petro noluwo bang'e kowuok e jela, to kata kamano pache ne pok oduogo moyie ni gima malaika ne timono ne timore adier, to noparo mana noleko. 10 Ne gikalo jorit mokwongo gi mar ariyo mi gichopo e ranga chuma mane iwuokgo e jela, kidonjo Jerusalem. Rangano noy-awrenegi kende mine gikadho. Kane gisewuotho mabor mochwalore gi jela to nopo ka malaika oseweye. 11 Bang'e Petro pache noduogo mi nowacho ni, "Koro ang'eyo maonge kiawa ni Ruoth nooro malaikane mi oresa e twech Herode, kendo osemiyo atony e gimoro amora marach majo Yahudi ne chano timona." 12 Ka noseng'eyo gima notimorene, nodhi nyaka od Maria min Johana, ma niluongo bende ni Mariko, kendo kanyo ji nochokore mang'eny ka gil-amo Nyasaye. 13 Ka Petro nodwong'o dhoot maoko, nyako moro ma jatich miluongo ni Roda nobiro mondo oyaw rangach. 14 To ka nochamo dwond Petro, nodoko mamor ahinya mi noringo odok ei ot kapok oyawo rangach. Nonyiso joma ne nie ot kapong' gimor "Petro nie dhoot!" 15 To jogo nokwere kawacho ni, "Wiyi rach!" Ka nyano nomedo ramo ni Petro ne nie dhoot adier, koro ne giwacho ni, "Mano nyaka bedi mana malaikane!" 16 To Petro nomedo dwong'o dhoot, kendo kane giyawo dhoot mi ginene to dhogi nomoko. 17 Petro noting'onegi bade mondo giling' eka nonyisogi yo mane Ruoth ogolego e jela. Bang'e nowachonegi mondo ginyis Jakobo gi Jowete mamoko gima nosetimore kaeto noa kanyo odhi kamachielo. 18 Kinyne gokinyi kihondko maduong' nomako jolweny mane oket mondo orite e jela. Ne gipenjore ni, "Ang'o ma dibed nosetimore ne Petro?" 19 Herode nogolo chik mondo omany Petro, to ne ok ginyal yude. Kuom mano, nonono jorit jela mondo ginyise kuma Petro odhiye, eka nogolo chik mondo oneggi.
Tho Herode
Kindeno Herode nodar Judea odhi odak Kaisaria kuom ndalo manok. 20 Noyudo en-gi mirima kod jo Turo gi jo Sidon. Kuom mano jo Turo kod jo Sidon ne joriwore mi giloso thuolo mar romo gi Herode. Ne gitudore gi Blasto, mane en jatich ruoth mogeno, eka negiyudo yo mar loso kuwe gi ruoth, nikech chiembgi ne wuok e piny Herode. 21 Odiechieng' mane onego giromieno Herode ne orwako lepe mag ruoth mi obet e kome mar loch mi ochako wuoyo gi ji. 22 To jogo nogoyo koko ka wacho ni, "Mano duond Nyasaye, ok en duond dhano!" 23 Gikanyono malaika mar Ruoth nogoyo Herode piny, nikech ne ok omiyo Nyasaye duong' kendo kute nochamo ringre, mi otho. 24 Wach Nyasaye to nomedo dhi nyime kendo nomedo landore. 25 Kane Barnaba gi Saulo josetieko tijgi, ne giduogo ka gia Jerusalem ka gin gi Johana miluongo ni Mariko.
Owal Barnaba Gi Saulo E Tich Makende
1 Kanisa mane ni Antiokia noting'o jonabi gi jopuonj kaka: Barnaba gi Simeon, miluongo ni Rateng', gi Lukia ja Kurene, gi Manaen, mane odongo kaachiel gi ruoth Herode) kod Saulo. 2 Kane oyudo gilamo Nyasaye ka gi tweyo chiemo, Roho Maler nowacho ni, "Walna-uru Barnaba gi Saulo mondo gitina tich mane aluongogi mondo gitim." 3 Omiyo kane gise tweyo chiemo mi gilamo, ne giketo lwetgi kuomgi mi giweyogi gidhi.
Oyal Wach Saipras
4 Ji ariyogo nomako wuoth ka Roho Maler otelo gnegi. Ne gilor nyaka Seleukia, bang'e gikwang' ka gia kanyo nyaka Saipras. 5 To kane gichopo Salamis, ne giyalo Wach Nyasaye e ute lemo mag jo Yahudi. Johana ne nikodgi kaka jakonygi. 6 Ne giwuotho e chulano duto mi gichopo Pafo, kendo kanyo ne giyude ja Yahudi moro ma ajuoga kendo mane wuondore ni janabi, ma nyinge Bar-Yesu. 7 Ajuagani ne otwere but ruodh chulano miluongo ni Sergio Paulo, mane en ng'at mariek, kendo kaka nod-waro winjo Wach Nyasaye ,nooro wach mondo oluongne Barnaba gi Saulo. 8 To ajuoga no ma ne iluongo ni Elima (nikech mano e tiend nyingeno) nota-mogi, kotemo geng'o ruoth mondo kik olokre ne Ruoth. 9 Eka Saulo, ma bende niluongo ni Paulo, nopong' gi Roho Maler, mi norango wang' Elima tir, kaeto owacho ni, 10 "In nyathi Satan, kendo ikedo gi gik mabeyo duto! Ipong' gi kit wuondruok duto gi yore mag wito ji. Iniwe timni mar loko adiera Nyasaye doko miriamboni karang'o? 11 To winji, lwet Nyasaye koro kedo kodi. Ibiro bedo mwofu, kendo kuom kinde moromo ok ibi neno ler mar chieng' gi wang'i." Gikanyono mudho mandiwa nobiro moimo wang' Elima, mi nochako tang-ni komulo gik moko gi lwete ka gi kacha, mondo oyudie ng'ato mane nyalo mako bade kataye. 12 Kane ruodhno oneno gima notimoreno, noyie kuom Yesu, kendo nohum nono kuom gik mane owinjo kuom Ruoth.
Paulo Gi Barnaba Jochopo Antiokia E Piny Pisidia
13 Kane gia Pafo, Paulo gi lange ne jok-wang' nyaka Perga, e piny Pamfilia, kendo kanyo ema Johana noweyogie modok Jerusalem. 14 Ka gia Perga to ne gimedo dhi nyaka ne gichopo Antiokia manie piny Pisidia. Chieng' Sabato ne gidonjo e od lemo mi gibet piny. 15 To bang' kane osesom Ndiko moko mowuok e Chike Musa gi Jonabi, jotend od lemo nooro wach ni Paulo gini ka giwacho ni, "Owetewa, ka un-gi wach ma di ujiwgo ji to un thuolo mar timo mano." 16 Kuom mano Paulo nochung' mofwayo ne ji bade, eka nochako loso kowacho ni, "Unjo Israel kod ogendini mamoko moluoro Nyasaye, miyauru itu! 17 Nyasach jo Israel noyiero kwerewa kendo nomiyo ginya e thuolo mane gidak Misri. Nyasaye notelonegi kagologi Misri kuno gi tekone maduong'; 18 kendo nonano kodgi e thim kuom higni piero ang'wen, kata obedo ni timbegi ne richo kamano. 19 Nokedo gi pinje abiriyo mag jo Kanaan moloyogi, mi opogo lopgi ne joge ka girkeni. 20 Magi duto nokawo kar higini mia ang'wen gi piero abich. "Bang' mano Nyasaye nomiyo joge jong'ad bura ma noritogi nyaka kinde mag Samuel janabi. 21 To achien jo Israel nokwayo mondo omigi ruoth, mi Nyasaye nomiyogi Saulo wuod Kish, ma jadhood Benjamin. Saulo norito piny kuom higini piero ang'wen, 22 eka bang'e Nyasaye noketo Daudi obedo ruodhgi, kendo kuom Daudi ema ne Nyasaye olose kowacho ni, "Aseyudo Daudi wuod Jesse, ng'at ma chunye timo dwaro mara, obiro timo gik moko duto ma adwaro mondo otim 23 "Nyasaye osekelo nejo Israel Jawar ma en Yesu, koa e koth Daudi, mana kaka nosingore ni notim. 24 Ka Yesu ne pok obiro to Johana noyalo wach mondo ji olokre owe richogi mondo giduto giyud batiso, 25 kendo kane oyudo Johana loro tieko tije, nowacho ni, 'Uparo ni an ng'a? An ok an En ngang'. Ooyo, en obiro bang'a, kendo ok awinjora gonyo kata mana tond wuochene 26 "Owetena ma nyikwa Ibrahim, kod un ogendini mamoko moluoro Nyasaye, wan ema oseornwa wach warruokni. 27 Jo Jerusalem gi jotendgi ne ok ong'eyo ni Yesu e Jawar, to kata kamano, kane ging'adone buch tho to ne gichopo mana weche Jonabi misomo pile chieng' Sabato. 28 Kata obedo ni ne ok giyudo ketho moro kuome ma dine mi nege, ne gikwayo Pilato mondo ochiwe mondo onege. 29 Kane gisechopo weche duto mondiki kuome, ne gigole ewi yath mi gikete e liel. 30 To Nyasaye nochiere oa kuom joma otho, 31 kendo kuom ndalo mang'eny, joma ne wuotho kode koa Galili nyaka Jerusalem nonene. Jogogo ema koro odoko joneno mag wechegi ne jowa. 32 Wanyisou Wach Maber ni: Gima Nyasaye nosingo ne kwerewa 33 oseti-monwa, wan nyithindgi, kuom chieronwa yesu aa kuom joma otho. Mana kaka ondiki e Zaburi mar ariyo ni: In Wuoda; kawuono asebedo Wuoru'. 34 To kuom chier mane Nyasaye ochierego oa kuom joma otho, mondo kik otow, to ondikie kama: "Anamiu gweth maler kendo madier, ma nasingora ni nami Daudi 35 Kamoro machielo bende ondikie ni, 'Ok iniwe ringre Ng'at Maler tow 36 "Nimar ka Daudi nochopo dwaro Nyasaye e kinde mag ndalone to notho moike kama noikie kwerene, mi ringre notop, 37 to Jalo ma Nyasaye nochiero oa kuom joma otho to ringre ne ok otop. 38 Emomiyo adwaro mondo ung'e malong'o, owetena, ni kuom Yesu ema iyalonue yor weyo richo. 39 Kuome ema ng'ato ang'ata moyie iketo kare mi gony kuom gimoro amora ma Chik Musa ne ok nyal gonyoe ng'ato. 40 Omiyo tang'uru, mondo gik mane jonabi okoro kik tim-renu. Ne gikoro ni: 41 "Neuru, un joma obwono jigi, mem-reuru amema nyaka thou, nikech abiro timo gimoro e ndalou ma ok ubi yiego kata ka ng'ato oleronu tiende." 42 Ka noyudo Paulo gi Barnaba wuok e od lemo, ji nokwayogi mondo gimed loso kuom wechegi chieng' Sabato moluwo mano. 43 To ka nosegony chokruok mondo odhiyo, jo Yahudi mang'eny gi ji ma nolokore oluwo din jo Yahudi noluwo Paulo gi Barnaba, kendo Paulo gini nomedo loso kodgi, ka gijiwogi mondo gimed dhi nyime e ng'wono mar Nyasaye. 44 Chieng' Sabato moluwo mano, chiegni ji duto modak Antiokia nochokore mondo owinj wach Ruoth. 45 To ka jo Yahudi noneno ogandano, nyiego nomakogi mi gichako wuoyo marach kuom gik mane Paulo wacho. 46 Eka Paulo gi Barnaba nomedo wuoyo gi chir ka giwacho ni, "Ne bernwa mondo un ema wayalnu Wach Nyasaye mokwongo. To nikech udage kendo nikech ok ukwanoru ka joma owinjore yudo ngima manyaka chieng', koro waweyou mondo wayal wachni ne joma ok jo Yahudi, 47 nikech Nyasaye osechikowa mondo watim mano, kama owachoe ni: "Asemiyo udoko ler ni joma ok jo Israel, mondo uland warruok e tung' piny gi tung' piny 48 Kane joma ok jo Yahudi owinjo wachno, ne gimor kendo ne girwako wach Ruoth, kendo joma nochannegi yudo ngima manyaka chieng' noyie kuom Yesu. 49 Wach Ruoth nolandore e gweng'no duto. 50 To jo Yahudi noketho chuny mon man gi nying moluoro Nyasaye kod joma chwo midewo ma nodak e dalano, mi jogi nojiwo ji mondo osandi Paulo gi Barnaba, mi negiriembogi e gweng'no. 51 Kuom mano Paulo gini noteng'o buch tiendgi, ka gikwedo tim jodalano, eka ne gia mi gidhi Ikonio. 52 To jopuonjre nopong' gi mor kendo gi Roho Maler.
Paulo Gi Barnaba Ochopo Ikonio
1 E Ikonio bende Paulo gi Barnaba ne jodhi e od lemo mar jo Yahudi kaka ne gij atimo. Kanyo ne giyale gi teko, mi jo Yahudi gi joma ok jo Yahudi mathoth noyie kuom Yesu. 2 To jo Yahudi moko ma notamore yie noketho chuny joma ok jo Yahudi, kendo ne giketo kwiri marach e chunygi, mondo giked gi owete. 3 Paulo gi Barnaba nobedo kuno kuom ndalo mogwarore, ka giwuoyo gi chir kuom Ruoth, kendo Nyasaye nojiwo wachne mar ng'wono, komiyo joote timo honni gi ranyisi. 4 Jo dalano nopogore diriyo: moko nodok kor jo Yahudi, to moko nodok kor joote. 5 Eka joma ok jo Yahudi kod jo Yahudi, kaachiel gi jotendgi nochano ling'ling' mondo gisand joote kendo mondo gichielgi gi kite. 6 To joote nofwenyo gima negichano timo, omiyo negiringo gidhi Lustra gi Derbe, mier mag Lukaonia, kendo e mier molworogi, 7 mi ne giyalo Wach Maber kuno.
Paulo Gi Barnaba Ochopo Lustra, Gi Derbe
8 E dala mar Lustra ng'at moro ma tiende ne ong'ol nobetie. Ng'atni nong'ol nyaka aa nywolne kendo ne pok owuotho nyaka nene. 9 Nochike ite kowinjo ka Paulo wuoyo. Paulo nong'iye tir moneno ka en-gi yie mane nyalo miyo ochangi, 10 mi nowachone giduol maduong' ni, "Chung malo gi tiendi!" Gikanyono ng'atno nochikore malo mochako wuoth. 11 Kane oganda mane nikanyo oneno gima Paulo otimo, ne gikok gi dho jo Lukaonia ni, "Nyiseche oselor piny irwa e kit dhano!" 12 Ne gimiyo Barnaba nying ni Zeu, to Paulo ne gichako ni Herme, nikech en emane en jayalo maduong'. 13 Jadolo mar Zeu, mane hekalune oger machiegni gi dalano, nokelo rwedhi kod maua mi giketo e dhoranga dalano mondo en, kaachiel gi oganda, gitim ne Paulo gini misango. 14 To ka Paulo gi Barnaba nowinjo wachno, ne giyiecho lepgi mi giringo matek ka gichomo ogandano, ka gikok ni, 15 "Jowadwa, utimonwa kamano nikech ang'o? Wan bende wan mana dhano kaka un. Wakelonu Wach Maber manyisou mondo ua e gik manonogi mondo kendo, ung'e Nyasaye Mangima, ma nochweyo polo gi piny gi nam kod gik moko duto man e igi. 16 Kinde mokalo Nyasaye noweyo ogendini duto mondo olu yoregi giwegi. 17 To kata kamano ok oseweyowa maonge yo ma dwang'eyego. Osenyisou ng'wonone komiyou koth moa e polo, kendo komiyo cham chieknu e kinde mowinjore; osebedo komiyou chiemo mathoth kendo opongo chunyu gi mor." 18 To kata negisewuoyo kamano, jogo ne pod dwaro mana timonegi misango. 19 Bang'e jo Yahudi moko nobiro koa Antiokia kod Ikonio mi gisemo ji odokne-gi. Ne gigoyo Paulo gi kite mi giywaye e lowo nyaka oko mar dala, ka giparo ni osetho. 20 To ka jopuonjre nobiro mol-wore kama noninde, noa malo modok ei dalano. Kinyne ne giwuok gi Barnaba mi gidhi Derbe.
Paulo Jodok Antiokia E Piny Siria
21 Paulo gi Barnaba ne joyalo Injili e dala mar Derbe mi giloko jopuonjre mang'eny. Bang'e ne gidok Lustra, gi Ikonio kod Antiokia, 22 ka gitego chuny jopuonjre kendo gijiwogi mondo gisiki e yie. Ne gipuonjogi ka giwacho ni, "Wan duto nyaka wane sand mathoth eka wadonji e piny Ruoth Nyasaye." 23 Kane giseketo jodongo e kanisa ka kanisa, mi gilamo negi ka gitweyo chiemo, ne giketogi e lwet Ruoth Yesu mane giseyie kuome. 24 Ne giluwo piny Pisidia mi gichopo Pamfulia, 25 to bang' yalo Injili Perga, ne gilor mwalo nyaka Atalia. 26 Ka gia Atalia, ne gikwang' mi gidok Antiokia, kuma noyudo noseket-gi e bwo ng'wono mar Nyasaye mondo gitim tich ma koro ne gisetieko. 27 Kane gichopo kuno, ne gichoko kanisa duto kanyachiel mi ginyisogi gik moko duto ma Nyasaye nosetimo ka otiyo kodgi, kendo kaka noseyawo dhoot mar yie mondo joma ok jo Yahudi oyud warruok. 28 Ne gibet gi jopuonjre kuno kuom ndalo mang'eny.
Oket Bura Jerusalem
1 Jomoko moa Judea nobiro Antiokia kendo ne gipuonjo Jowete ka giwacho ni, "Ka ok oteru nyangu kaluwore gi chik mane Musa opuonjo to ok nyal waru." 2 Wachni nomiyo Paulo gi Bar naba jodonjo e mbaka matek gi jogo, ka gikwedo puonjgino. Omiyo noyi-er Paulo gi Barnaba, kaachiel gi joma oyie mamoko, mondo gidhi nyaka Jerusalem gine joote gi jodongo kuom wachni. 3 Kanisa nokowogi, kendo ka noyudo gidhi, ka gikadho e dier Foinike kod Samaria, ne ginyiso ji kaka joma ok jo Yahudi bende ne yudo warruok. Wachni nomiyo owete odoko mamor. 4 Kane gichopo Jerusalem, kanisa duto kaachiel gi joote kod jodongo, norwakogi, kendo ne ginyisogi gik moko duto ma Nyasaye nosetimo, kotiyo kodgi. 5 To jo Farisai moko moyie nochung' mowacho ni, "Joma ok jo Yahudi nyaka ter nyangu kendo nyaka gilu Chike Musa." 6 Joote gi jodongo noketo bura mondo giwuo kuom wachni, 7 kendo bang' kane gisetwak aming'a, Petro nochung' malo mowuoyo negi kama: "Owetewa, ung'eyo kaka kinde mosekalo Nyasaye noketo wach e dieru, mondo joma ok jo Yahudi owinj wach maber mi giyie kuom Yesu, ka an awuon ema ayalonegi. 8 Nyasaye owuon mong'eyo chunje ji, nonyiso ni oyie kodgi, ka nomiyogi Roho Maler, mana kaka wan bende nomiyowa. 9 Ne ok otimonegi gima opogore gi ma notimon-wa, nikech gin bende nopwodho chunygi kuom yie. 10 Ka en kamano to koro marang'o udwa temo Nyasaye, kuketo jok mapek e ng'ut jopuonjre ma wan kata kwerewa ne ok wanyal tingo? 11 Mano ok nyal timore! Wayie ni wayudo warruok kuom ng'wono mar Ruodhwa Yesu, mana kaka gin bende." 12 Chokruok duto noling' thi ka Faulo gi Barnaba ne nyisogi kuom honni gi ranyisi ma Nyasaye nosetimo e kind joma ok jo Yahudi, kotiyo kodgi. 13 Kane gisetieko wuoyo, Jakobo nochung' mowuoyo kowacho ni, "Wmjauru, owetena, 14 Simon osenyisowa kaka Nyasaye nokuongo olimo joma ok jo Yahudi, koka-wo joge owuon e diergi. 15 Weche jonabi oyie gi wachni, nikech ondiki ni, 16 'Bang' mano anaduogi kendo, mi achung od Daudi mosepodho. Anager kendo kuonde momukore mi alose obed maber 17 mondo eka piny duto omany Ruoth, kaachiel gi joma ok jo Yahudi duto miluongo gi nyinga. 18 Ruoth Nyasaye mane omiyo wechegi ong'ere chon, ema owacho kamano.' 19 "Kuom mano aneno ni ok owinjore waket chik matek ne joma ok jo Yahudi makoro lokore ne Nyasaye. 20 To owinjore wandiknegi mondo wanyisgi kik gicham chiemo motimgo misango ne nyiseche manono kendo kik gichodi, kendo kik gicham ring jamni mode kendo kik gicham remo. 21 nikech weche Musa osebedo kiyalo nyaka nene e mier duto, kendo kisomo e ute lemo Sabato ka Sabato."
Bura Ondiko Barua Ne Joma Oyie Ma Ok Jo Yahudi
22 Bang' mano joote gi jodongo kod kanisa duto, nongado wach mondo giyi-er jomoko kuomgi gior Antiokia kaachiel gi Paulo kod Barnaba. Ne giyiero Juda ma niluongo ni Barsaba gi Sila, mane gin jotelo e dier owete. 23 Jogi noor gi barua mondikie ni: Wan joote gi jodongo, ma wan oweteu kuom Ruoth, Ne un Ogendini moyie man Antiokia gi Siria kod Kilikia: Wamosou, 24 Wasewinjo kaka jomoko noa kuomwa ka wan to ne ok waorogi, mi gichandou ka githago chunyu gi weche mane giwacho. 25 Kuom mano ne waw-injore waduto mondo wayier jomoko waor iru kod osiepewa mwageno, Barnaba gi Paulo 26 ma gin joma osechiwo ngimagi ni Ruodhwa Yesu Kristo. 27 Kaluwore gi mano, waoro bende Juda gi Sila mondo onyisu gi dhogi weche mwandikonu e barua. 28 Nikech nonenore maber ne Roho Maler, kendo ne wan bende, mondo kik wamiu ting' mapek moloyo chike mwamiyou e baruani: 29 Kik ucham chiemo mochiw ne nyiseche mamoko kaka misango, kik ucham remo; kik ucham ring jamni mode; kendo kik uchodi. Ka uritoru kuom gik mwak-wanogi to ubiro timo maber. Oritu. 30 Ne gigonyo joma ne oorgo, mi negidhi nyaka Antiokia. Bang' chopo, ne gichoko kanisa duto kaachiel mi gimiyogi baruano. 31 Ka ji nosomo baruano ne gidoko mamor nikech weche man e iye nojiwogi maber. 32 Juda gi Sila, mane gin jonabi, nomedo wuoyo gi owete ka gijiwcgi kendo gitegogi e yie. 33 Kane gisebet kodgi kuom ndalo moromo, owete nokowogi gi gueth mar kuwe, mondo gidogi ir joma noorogi. 34 Sila to noneno ni ber mondo odong' kuno. 35 To Paulo gi Barnaba ne jodong' Antiokia, ka gin kaachiel gi ji mamoko, ne gipuonjo kendo giyalo wach Ruoth.
Pogruok Obet E Kind Paulo Gi Barnaba
36 Bang' ndalo moko Paulo nowachone Barnaba ni, "Wadogi mondo walim Jowete e mier duto kuonde mwaseyale wach Ruoth, mondo wane kaka gidhi." 37 "Barnaba ne dwaro mondo Johana miluongo ni Mariko odhi kodgi, 38 to Paulo ne paro ni ne ok en gima ber mondo gidhi kode, nikech noseweyogi Pamfilia mi ok odhi kodgi nyime e tich. 39 Wachni nokelo mbaka matek e kind Paulo gi Barnaba, mi ne gipogore. Barnaba nokawo Mariko mi gikwang' gidhi Saipras, 40 to Paulo noyiero Sila gidhig o, ka owete oketogi e bwo ng'wono mar Nyasaye. 41 Nowuotho e piny Siria gi Kilikia koji-wo jo Kristo.
Timotheo Odhi Gi Paulo Gi Sila
1 Paulo nowuotho mochopo Derbe D gi Listra, kama japuonjre moro nodakie miluongo ni Timotheo. Min Timotheo neja Yahudi moyie kuom Yesu, to wuon-gi neja Grik. 2 Owete man Listra gi Ikonio ne wuoyo maber kuom Timotheo. 3 Paulo ne dwa kawe dhi kode e wuodhe mar yalo Injili, omiyo ne otere nyangu, nikech jo Yahudi mane odak kanyo nong'eyo ni wuon-gi en ja Grik. 4 Kane giwuotho e dala ka dala, ne ginyiso ji mondo olu gima buch joote gi jodongo nong'ado Jerusalem. 5 Omiyo kanise nobedo motegno e yie, kendo kwan joma oyie nomedore pile.
Paulo Oneno Fweny Mar Ja Makedonia
6 Kaka Roho Maler nosegeng'ogi ni kik giyal wach Maber e piny Asia, Paulo gi lange nowuotho e gweng' Frigia gi Galatia. 7 Kane gichopo e tong' piny Musia, ne gitemo mondo gidonj e piny Bithinia, to Roho mar Yesu ne ok oyiene-gi timo mano. 8 Omiyo ne gidhi nyaka Troa, ka giluwo Musia. 9 Otienono Paulo noneno fweny mar ja Makedonia kochung' kendo saye ni, "Bi loka Makedonia mondo ikonywa." 10 Bang' ka Paulo noseneno fwenyno, ne waikore piyopiyo mondo wadhi Makedonia, nikech ne wang'eyo ni Nyasaye dwarowa loka kono mondo wayalnegi Injili.
Lidia Oyudo Warruok Filipi
11 Bang' aa Troa, ne wasiayo yie kwachomo Samothraki: kendo kinyne ne wadhi nyime nyaka Neapolo. 12 Ka waa kanyo, ne wadhi ei piny nyaka Filipi, mane en dala maduong' e bath piny Makedonia ma kono, kendo joma odakie ne nie bwo rit mar jo Rumi. Kanyo ne wadakie kuom ndalo mog-warore. 13 Chieng' Sabato ne wadhi oko mar dalano mi wachopi e dho aora, kuma ne waparo ni diwayudie kar lemo. Ne wabet piny kanyo mi wawuoyo gi mon moko mane oyudo osechokore kanyo. 14 Achiel kuom joma nochiko itgi mow-injowa kwaloso ne en dhako moro moa Thuatira, ma nyinge Ludia. Ludia ne loko lewni makwar ma nengogi tek, kendo noluoro Nyasaye. Ruoth noyawo chunye mondo orwak puonj Paulo. 15 Bang' ka nosebatise, en kaachiel gi joode duto, norwakowa ode kowacho ni, "Ka ukwana kaka ng'at moyie kuom Ruoth Yesu to biuru mondo udag e oda." Nomedo sayowa kamano mi ne wadhi!
Otwe Paulo Gi Sila E Jela
16 Chieng' moro kane wadhi kar lemo, nyako moro ma misumba, kendo man-gi jachien marach mane omiyo en gi teko mar koro gik mabiro timore, noromo kodwa. Nyakono ne kelo ne ruodhi mage pesa mang'eny, kohulo niji gik mabiro timogi. 17 Ne ojaluwo bang' Paulo kod wan duto, kokok ni, "Jogi gin jotich Ruoth Nyasaye Mamalo Chutho, kendo ginyisou yor yudo warruok." 18 Notimo kamano kuom ndalo mogwarore, to achien Paulo no sin, mi nolokore ochiko jachiendno ni, "Achiki e nying Yesu Kristo ni aa kuome! Jachiendno noa kuom nyakono sanosano. 19 Kane ruodhi mag nyako ma misum-bano oneno kaka ohandgi mane giyudogo pesa orumo, ne gimako Paulo gi Sila mi giywayogi oko nyaka chuny chiro mondo jotelo oyalgi. 20 Ne giterogi e nyim jong'ad bura, mi giwacho ni, "Jogi gin jo Yahudi, to gisekelo koko e dalawaka. 21 ka gipuonjo ji mondo olu timbe magalagala ma chikwa odagi mondo wan jo Rumi wayiego kata walu. 22 Ji mane nikanyo duto nonywako ne Paulo gi Sila ka gidonj onegi, omiyo jong'ad bura nochiko mondo ogony lepgi mondo ochwadgi. 23 Kane osechwadgi marach, nobolgi e jela mi omi jarit jela chik mondo oritgi motegno. 24 Jarit jela nokawo chikno matek mi nofetogi ei od jela maiye, lotweyo tiendegi e kind lodi mag yien. 25 To kar odiwuor otieno, ka noyudo Paulo gi Sila jolemo kendo pako Nyasaye gi wende, ka jomotwe mamoko olworogi kendo winjogi, 26 piny noyiengni matek apoya nono, mi mise mag jela noyiengni. Gikanyono dhoudi duto mag jela noya-wore kendgi, mi nyoroche ma notwego jotwech nogonyore duto. 27 Ka jarit jela nochiew monwang'o ka dhout jela duto oyawore, nowuodho liganglane mondo onegrego, koparo ni joma otwe duto noseringo otony. 28 To Paulo nokokne ni, "Kik ihinyri! Wantie waduto!" 29 Jarit jela nokwayo taya, mi noringo ir Paulo gi Sila, mopodho e nyimgi kokirni gi luoro. 30 Bang'e nogologi oko eka open-jogi ni, "Joler, atim ang'o mondo owara?" 31 Ne gidwoke ni, "Yie kuom Ruoth Yesu eka nowari, in kaachiel gi joodi." 32 Eka ne giwachone Wach Ruoth, kod ji duto mane nie ode. 33 E saa nogono mar otieno, jarit jela nokawogi modhi olwokonegi adhondegi, bang'e gikanyono nobatisgi, en kaachiel gi joode duto. 34 Eka jarit jela noterogi e ode momiyogi chiemo. Joodno duto nopong' gi mor, nikech koro ne giseyie kuom Nyasaye. 35 Kane piny oyawore, jang'ad bura nooro askechene ir jarit jela gi chik machal kama: "We jogo thuolo oa odhi." 36 Omiyo jarit jela nowacho ne Paulo ni, "Jang'ad bura osegolo chik ni mondo ogonyu, in kod Sila. Koro unyalo aa udhi. Dhiuru gi kuwe." 37 To Paulo nowacho ne askechego ni, "Ne girodhowa e lela ka ok gikwongo giyalowa, mi gibolowa e jela kata obedo ni wan jo Rumi. To koro sani gidwaro golowa e jela ling'ling'? Ok timre! Dhi uwachnegi mondo gibi gin giwegi mondo gikowwa oko." 38 Askechego nodwoko wachno ne jong'ad bura, to kane giwinjo ni Paulo gi Sila ne gin jo Rumi, luoro nomakogi. 39 Ne gibiro mi giywagore negi, eka ne gikowo-gi gia e jela, ka gisayogi mondo gia e dalano. 40 Ka Paulo gi Sila nosewuok e jela, ne gidhi e od Ludia, kendo kuno ne girome gi owete mi gijiwogi. Bang'e ne gia gidhi.
Injili Ochopo Thesalonika
1 Kane gisekalo Ampifoli gi Apolonia, ne gitundo Thesalonika, kuma ne nitie od lemo mar jo Yahudi. 2 Kaka Paulo ne jatimo pile, ne odonjo e od lemo, kendo kuom Sabato adek moluwore, nopimo kodgi wach kuom weche mondiki e Ndiko Maler. 3 Noleronegi tiendgi kendo nomiyo ging'eyo gadiera ni Kristo ne nyaka sandi eka bang'e ochier oa kuom joma otho. Nowachonigi ni, "Yesu ma ayalonuni e Kristo." 4 Moko kuom jo Yahudi ne wach oywayo kendo ne giyie mi giluwo Paulo gi Sila, mana kaka jo Grik moluoro Nyasaye mathoth kaachiel gi mon moko mongere bende noyie. 5 To jo Yahudi ne nyiego omako, omiyo ne gidhi giwako jonjore moko mane bayo e chiro kanyo, eka ne gichoko kidieny mar joma achach, kendo ne gichako lweny e dalano. Ne gimwomore e od Jason, ka gimanyo Paulo gi Sila, mondo gikelgi oko ne oganda. 6 To kane ok giyudogi, ne giy-wayo Jason kod owete moko e nyim jotend dalano.Ne gigoyo koko ka giwacho ni, "Jok mosekelo chandruok e piny ngimagi eri koro osechopoka, 7 kendo Jason oseruakogi e ode. Giduto gidagi luwo chike Kaisar, ka giwacho ni nitie ruoth machielo, miluongo ni Yesu." 8 Kane giwinjo wechegi, oganda mane osechokore kanyo kod jotelo mag dalano nobedo gi koko maduong'. 9 Jotelogo noketo Jason gi Jowete mamoko ochulo pesa mitweyo kargi, eka ne giweyogi gidhi.
Injili Ochopo Berea
10 Kane piny oyuso, owete nooro Paulo gi Sila Berea. Kane gichopo, ne gidonjo e od lemo mar jo Yahudi. 11 To jo Berea ne nigi kido maber moloyo jo Thesalonika, nikech ne girwako wach gi chuny mamor, kendo ne ginono Ndiko pile ka pile, mondo gine ane ka gik mane Paulo wacho gin adier. 12 Jo-Yahudi mathoth noyie, kaachiel gi mon buora ma jo-Grik mong'ere, kod Jo-Grik mang'eny mach-wo. 13 Ka jo-Yahudi ma nodak Thesalonika nowinjo ni Paulo ne yalo wach Nyasaye Berea, ne gidhi kuno bende, kendo ne giwako oganda mondo ochak koko, ka giketho chunygi. 14 Owete nooro Paulo e dho nam maok odeko, ka Sila gi Timotheo to jodong' Berea. 15 Jok ma nodhi gi Paulo notere nyaka Athene, bang'e ne gidok Berea mi ginyiso Sila gi Timotheo yo mane ginyalo chopogo ir Paulo piyopiyo.
Injili Ochopo Athens
16 Ka Paulo ne pod rito Sila gi Timotheo Athens, chunye nochandore ka noneno kaka dalano opong' gi gik maket milamo. 17 Omiyo nomino wach pilepile gi jo Yahudi kod jo Grik moluoro Nyasaye e od lemo. Bende pilepile nowuoyo gi ji mane budho e chiro e dalano. 18 Jorieko moko mag Epikurio kod Stoiko nochako mino kode wach. Moko kuomgi nopenjo ni, "Ang'o ma jawach thoreni temo wacho?" To moko nowacho ni, "Chai kagima oyalo kuom nyiseche moko ma welo." Ne giwacho kamano nikech Paulo ne yalo kuom Yesu kendo kuom chier. 19 Eka ne gikawe mi gidhi kode kar romo margi miluongo ni Areopago, kaeto gipenje niya, "Donge dinyiswae tiend puonj manyien mikelo kani? 20 Isako itwa gi puonj manyien mapok wawinjo, omiyo wadwang'eyo tiendgi." 21 (Jo Athens duto kod jopinje mamoko ma nodak kanyo nohero ketho sechegi kanyo ka gigoyo mbaka kendo giwinjo paro gi rieko manyien. 22 Eka Paulo nochung' e nyim chokruok mane ni ei Areopago mochako wuoyo kowacho kama: "Un Jo- Athene, ayudo ni un joma ohero lemo e ngimau duto. 23 Nikech kane awuotho kalworara ka ka anono malongo' giu mulamo to nende ayudo koda ka kar kendo mar misango mondikie ni, "MAR NYASAYE MA OK ONG'E". Koro gima ulamo kaka gima ok ong'e ema adwa yalonu. 24 "Nyasaye ma nochweyo piny kaachiel gi gik moko duto manie iye en Ruodh polo gi piny, kendo ok odagie hekalu ma oger gi lwet dhano, 25 bende ok tine gi lwet dhano kagima odwaro gimoro kuom dhano nikech en owuon ema ochiwo ne dhano ngima gi muya mi yweyo kod gik moko duto. 26 Koa kuom dhano achiel, nochweyo ogendini duto mag ji, mondo gipong' piny duto, kendo En ema oketo ne ng'ato ka ng'ato kar romb higini monego odag-go e piny, kod kuonde hie monego gidagie 27 Nyasaye notimo ma mondo ji obed gi chuny mad-ware kendo mondo kanyalore to gichop kuma entie, mi giyude, kata obedo ni ok en mabor kodwa. 28 Wangima nikech En, kendo wawuotho nikech En, kendo wantie nikech En. En mana kaka jowen-du moko osewacho ni, 'Wan bende wan kothe. 29 Ka wan koth Nyasaye kamano to koro ok onego wagal ni Nyasaye chalo gi dhahabu kata gi fedha kata kidi, ma gin mana kido ma dhano oloso kendo oketo gi pache. 30 E kinde mokalo Nyasaye ne ok odewo fuwo machal kamano, to koro sani osegolo chik ne ji duto kamoro amora mondo olokre. 31 Nikech oseketo chieng' mobiro ng'adoe bura ne piny duto gadiera, kowuok kuom ng'at moseyiero. Bende osenyiso ji malong'o ni obiro timo mano niji duto, nikech nochiere oa kuom joma otho." 32 Kane jogo owinjo ka Paulo wuoyo kuom wach chier aa kuom joma otho, moko kuomgi nojare, to moko to nowacho ni, "Wabiro dwaro mondo ilosnwae kendo e thorroni." 33 Eka Paulo nowuok moweyo joburago. 34 Ji moko manok nodok kor Paulo, mi giyie. Achiel kuom joma noyie ne en Dionusio, mane en jabuch Areopago, gi dhako moro manyinge Damaris, kod ji manok mamoko.
Injili Ochopo Korintho
1 Bang' mano Paulo noa Athene modhi Korintho. 2 Kuno noromoe gi ja Yahudi moro ma nonywol Ponto miluongo ni Akula. Jali noyudo odar oa Italia gi chiege Priskila, nikech ruoth Klaudio nosegolo chik mondo jo Yahudi duto odar oa Rumi. Paulo nodhi mondo olimgi, 3 kendo kaka ne en jatwang' hema kaka gin, nodak kodgi motiyo kodgi. 4 To Sabato ka Sabato notwak kod ji e od lemo, kotemo loko jo-Yahudi gijo Grik. 5 Ka Sila gi Timotheo nobiro ka gia Makedonia, Paulo nochiwore ni tij lando Injili kende maok oriwo gi gimachielo; kotimo neno ne jo-Yahudi ni Yesu e Kristo. 6 To ka jo Yahudi nokwedo wachne mi ochako yanye, Paulo noteng'one gi lepe ka siemogi ni, "Rembu mondo odong' e wiu uwegi! An asetimo tichna kaka dwarore. Chakre kawuono abiro dhi yalo ni joma ok jo Yahudi." 7 Eka Paulo noa e od lemo modhi e ot moro mane omakore gi od lemo machiegni. Wuon odno ne iluongo ni Titio Justo, kendo ne en ng'at moluoro Nyasaye. 8 To Krispo, mane en jatend od lemo, kod joode duto, noyie kuom Ruoth kendo jo Korintho mamoko mang'eny bende nowinjo Paulo moyie kendo obatisi. 9 Otieno moro achiel Nyasaye nowuoyo gi Paulo e yor fweny kawachone ni, "Kik iluor. Dhi adhiya nyime gi wuoyo mak iling'. 10 Nikech an kodi, kendo onge ng'ato mabiro buki mi hinyi, nikech an gi ji mang'eny e dalani." nKuom mano Paulo nobedo kanyo kuom higa achiel gi nus, kopuonjogi wach Nyasaye. 12 Kane noyudo Galio ne en ruodh Akaya, jo Yahudi nonywako ne Paulo mi negimake gitere e od bura, 13 Ne gidon-jone ka giwacho ni,"Ng'atni loko ji mondo olam Nyasaye e yo ma chik ok oyie." 14 To ka Paulo ne oikore mondo owuo, Galio nowacho ni jo Yahudi ni, "Da bed ni ywaku nikuom wach ketho chik kata tim achach ma ng'atni osetimo, to da awinjou. 15 To kaka chandruoku otenore gi weche gi nyinge kod chikeu uwegi, koro unyalo loso wecheugo kendu. Adagi bedo jang'ad bura e weche makamago." 16 Bang' mano noriembogi gia e od bura. 17 Eka jo Grik duto nochako toyo mirimbgi kuom Sosthene, jaduong' od lemo, mi gichako goye e nyim jobura. To Galio ne ok ode-wogi kata matin.
Priskila Gi Akula Kod Apolo
18 Paulo noweyo owete e dala mar Korintho, kendo nokwang' kodhi Siria ka gin kaachiel gi Priskila kod Akula. Kane pok giwuok, ne oliel wi Paulo Kenkrea, nikech singruok moro mane osetimo. 19 Ne gichopo Efeso, kendo Paulo noweyo Priskila gi Akula. Nodhi kende en owuon ei od lemo mi owuoyo kod jo Yahudi mane ni kanyo. 20 Jo Yahudigo nokwaye mondo omed bedo kodgi kanyo to nota-more. 21 To kane owuok odhi to nowachonegi ni, "Ka en dwaro Nyasaye to abiro duogo." Bang'e nokwang' oa Efeso. 22 Ka nochopo Kaisaria, noidho odhi Jerusalem mi omoso kanisa mokwongo, eka bang'e nolor odhi Antiokia. 23 Kane osebedo Antiokia kuom ndalo mog-warore, Paulo nowuok oa kanyo, mi nowuotho e gwenge duto mag piny Galatia gi Frugia, lotego chuny jopuonjre duto. 24 E kindeno ja Yahudi moro monywol Aleksandria, ma nyinge Apolo, nobiro Efeso. Ne en ng'at mosomo, man-gi lony malach e Ndiko. 25 Ne osepuonje kuom Yor Ruoth, kendo noloso kongino ahinya. Bende nopuonjo kuom Yesu e yo makare chutho, kata obedo ni nong'eyo mana batiso mar Johana kende. 26 Nochako wuoyo gi chir e od lemo, to ka Priskila gi Akula nowinje, ne giluonge e dalagi mine gimedo lerone tiend weche moko kuom yor Nyasaye. 27 Ka Apolo ne dwaro mondo odhi Akaya, owete nojiwe mine gi ndikone jopuonjre ma kuno mondo orwake maber. Kane ochopo kuno, nokelo konyruok mang'eny ni joma noseyie kuom ng'wono mar Ruoth Nyasaye, 28 Nimar nong'engo Jo Yahudi e twak moketi e lela mar nyiso ratiro ni Yesu e Kristo.
Paulo E Dala Mar Efeso
1 Kane Apolo ni Korintho, Paulo yj nomako wuoth kong'ado chuny piny tir, nyaka nochopo Efeso. Kuno noyude jopuonjre, 2 mi nopenjogi ni, "Be ne uyudo Roho Maler chieng' mane uyie kuom Yesu?" Ne gidwoko ni, "Ooyo, kata mana winjo pok wawinjo ni nitie gimoro ni Roho Maler." 3 Paulo nomedo penjogi ni, "Ka kamano to batiso mane mane uyudo?" Ne gidwoko ni, "Batiso mar Johana." 4 Paulo nowachonigi ni, "Batiso mar Johana ne en mar lokruok. Nonyiso ji mondo oyie kuom Jal mane biro biro bang'e, ma en Yesu." 5 Bang' winjo mano, nobatisgi e nying Ruoth Yesu. 6 Kane Paulo oketo lwete kuomgi, Roho Maler nolor kuomgi, mi ne giwuoyo gi dhok mayoreyore kendo gikoro wach. 7 Jogo duto ne diromo chwo apar gariyo. 8 Paulo nodonjo e od lemo mi owuoyo gi ji gi chir kuom dweche adek. Notemo sayogi konyisogi adiera man kuom Loch Polo. 9 To jomoko kuomgi chunygi nodoko matek, ne gidagi yie kendo ne gichako wuoyo marach kuom Yor Ruoth e lela. Omiyo Paulo noweyogi, mi okawo jopuonjre odhigo nyaka od puonjruok mar Turano, kuma ne gitwakie pile. 10 Paulo notimo mano kuom higini ariyo, mijo Yahudi duto gijo Grik ma nodak e piny Asia koro nowinjo wach Ruoth. 11 Nyasaye nomiyo Paulo otimo honni madongo. 12 kata mana kitembini mag lwedo kod lep tich ma nosegeyore kuome noter ne jotuo, mi tuochegi nochango kendo jochiende noa kuomgi. 13 To jo Yahudi moko mane wuotho koni gi koni ka golo jochiende notemo tiyo gi nying Yesu mondo giriemb jochiende kuom ji. Ne gijawacho ga ni, "E nying Yesu ma Paulo yalo, wachiki mondo iwuog oko!" 14 Yawuowi abiriyogi mag jadolo maduong' mar jo-Yahudi miluongoni Skeva netimo kamano. 15 To jachien noduokogi ni, "Yesu ang'eyo, kendo Paulo bende ang'eyo, to into in ng'a?" 16 Eka ng'at mane nigi jachien marachno nopor kuomgi mohewogi duto. Nogoyogi goch marach mi giringo gia e od ng'atno ka dendgi chwer remo. 17 Kajo Yahudi gijo Grik mane odak Efeso nowinjo wachno luoro nomakogi, kendo nying Ruoth Yesu noyudo duong'. 18 Joma noyie kuom Yesu mang'eny nobiro mohulo richogi e lela. 19 Jomoko kuomgi ma nosebedo ka timo timbe juok nokelo kitepegi mag juok mi nowang'gi ka ji duto neno. Kane gigoyo bech buge duto mane giwang'o, ne ginwang'o ka nengogi oromo pesa moromo drakma alufu piero abich. 20 Kuom mano ,Wach Ruoth nomedo landore kendo nomedo bedo motegno. 21 Ka magi duto nosetimore, Paulo nong'ado e chunye mondo odhi Jerusalem, kokadho Makedonia gi Akaya. Nowacho e chunye ni, "Bang' dhi Jerusalem to nyaka alim Rumi bende." 22 Nooro jokonyne moko ariyo, Timotheo gi Erasta, nyaka Makedonia, ka en to ne pod odong' e piny Asia kuom kinde manok.
Tulo Maduong' Owuok Efeso
23 Kendo e kindeno koko maduong' kuom Wach luwo Yor Ruoth. 24 Ng'at moro manyinge Dimetrio, mane jathedh kido mag fedha miketo e hekalu mar nyasaye madhako miluongo ni Artemi, ne kelo ohala maduong' ne jotheth wetene. 25 Dimetrio noluongo jotheth wetene duto, kod jotich mamoko mane otenore kodgi, mi owachonegi ni, "Yawa, ung'eyo ni tijwani kelonwa ohala maduong'. 26 To koro uneno kendo uwinjo kaka ng'at miluongo ni Pauloni oseloko ji mathoth Efesoka, koda ka piny Asia duto. Owacho ni nyiseche ma dhano oloso ok gin nyiseche madier. 27 Koro wan gi chandruok, ok mana nikech ji biro chayo tijwani mi ohandwani podhi, to bende nikech hekalu mar nyasaye madhako marahuma, ma en Artemi owuon, ibiro chayo, mi Artemi owuon, ma ji lamo e piny Asia, nyaka e piny duto, ok bi ng'e duong'ne kaka nyasaye!" 28 Kane giwinjo wachno, mirima mager nomakogi, mi gichako kok ni, "Artemi mar jo Efeso duong'!" 29 Maok odeko i dalano duto nonjawni. Ogandano nomako jo wuodh Paulo, ma gin Gayo gi Aristarko, ma ne oago Makedonia mi gimwomore kodgi ka gichiko pawgi mar tugo. 30 Paulo ne dwadhi e dier oganda mondo oios kodgi to jopuonjre notame. 31 Kata jotend pinyno moko mane osiepene, bende noorone wach kasaye mondo kik onyon paw tugono gi tiende. 32 To chokruogno nonjawni. Ne gikok ka giwacho gik mopogore opogore. Thoth ji ne ok ong'eyo kata gimomiyo ne gin kanyo. 33 Jo Yahudi noyiero Aleksanda e dier oganda mondo ochung' negi, mi Aleksanda noting'o bade mondo ji oling' eka oios kodgi. 34 To ka ogandano nofwenyo nine en ja Yahudi, ne gikok gi dwol achiel kuom seche ariyo ni, "Artemi mar jo Efeso duong!" 35 Bang'e achien jagoro morito dalano nopieyo ji kawacho ni " Jo-Efeso! Donge piny ngima ong'eyo ni dala mar Efeso ema orito hekalu mar nyasaye marahuma ma Artemi. kaachiel gi kidone ma nolwar koa e polo? 36 Kuom mano, kaka wechegi gin adier chuth ma ng'ato ok nyal dagi, weuru goyo koko kendo kid utim tim achach moro amora. 37 Usekelo jogi ka, kata obedo ni ok gisekwalo gimoro e hekalu, kata yanyo nyasachwa madhako pok giyanyo. 38 Ka dipo ni Demetrio gi jotheth wetene jonigi wach gi ng'ato kuomgi to ute yalo bura oyaw dhogi, kendo joyal bura bende nitie. Kuno ema ginyalo dhi donjoe ni joma okethonegi e nyim jong'ad bura. 39 To Kaponi nitie wach moro ma udwaro nolosi to nyaka lose mana e chokruok ma chik oyiego. 40 To kaka weche chai sani, gik mutimogi chiegni ketowa e chandruok, nikech ibiro ng'adnwa bura kaka joma kelo koko. Onge yo moro amora mwanyalo tonygo e wachni, nikech wasegoyo koko maonge tiende, kendo kopenjwa kuome to dhowa nyalo moko." 41 Bang' wacho wechegi, nogonyo chokruok.
Paulo Okadho Makedonia Gi Gris
1 Ka kokono noserumo, Paulo noluongo jopuonjre ire moji-wogi, eka bang'e ogoyonegi oriti, mi ochako wuodhe mar Makedonia. 2 Nowuotho e gweng'no kojiwo ji gi weche mang'eny, eka bang'e achien nochopo Gris, 3 kuma nobetie kuom dweche adek. To nikech jo Yahudi ne chano timone marach ka noyudo oikore mar dhi Siria, noloko pache mondo odog chien, koluwo Makedonia. 4 Joma nodhi kode ne gin ji kaka Sopata wuod Puro ja Berea; gi Aristarko kod Sekundo, maja Thesalonika, gi Gayo ja Derbe, kod Timotheo bende, gi Tukiko kod Trofimo mane gin jo Asia. 5 Jogi notelo nyimwa mondo oritwa Troa. 6 Wan to newakwang' ka waa Filipi, bang' Sap Makati maok ketie Thowi, kendo bang' ndalo adek ne wachopo irgi Troa. Kuno ne wabetie kuom ndalo abiriyo.
Paulo Ochiero Yutiko E Gweng' Troa
7 To Chieng' mokwongo mar juma ne wachokore mondo wacham Sap Ruoth. Paulo noyalo ne ji gaming'a nyaka odi-wuor nikech nochano mar aa kinyne gokinyi. 8 Teche mang'eny ne liel e od gorofa malo kuma ne wachokore. 9 To rawera moro miluongo ni Yutiko nobet e dho dirisa, kendo nindo nonure ka Paulo ne pod yalo moyware. Kane koro en e chuny nindo, nolwar gie dirisa koa e gorofa mar adek mi nokwanye piny mwalo kosetho. 10 Paulo nolor piny mi nokwako wuowino. Bang'e nowacho niji ni, "Kik uluor. Ongima!" nEka nodok malo kuma ne entie mi onduso makati mochamo. Bang'e nodhi nyime gi wuoyo nyaka piny oru, kaeto owuok. 12 Ji nokawo wuowino motere, dala kongima kendo chunygi noyudo hoch maduong'.
Paulo Ogoyo Qriti Ne Jodong Efeso
13 Wan to ne watelo nyime nyaka e yie, mi wakwang' nyaka Asos, kuma ne wadhi yudore gi Paulo. Nosechano kamano nikech ne odwaro ni en odhi kuno kowuotho gi tiende. 14 Kane oyudowa Asos, nodonjo kodwa e yie, mi wadhi kode nyaka Mitulene. 15 Kane waa kanyo, ne wakwang' nyaka watundo machiegni gi Kios, to kinyne ne wang'ado nam nyaka Samos. Odiechieng' maluwo mano ne wachopo Mileto. 16 Paulo noseng'ado wach e pache mondo okwang' kodhi maok oluwo Efeso, nikech ne ok odwar kawo thuolo malach e piny Asia. Nodwaro mondo ochop Jerusalem piyo, kapok chieng' Pentekost ochopo. 17 Kane wan Mileto, Paulo nooro wach Efeso mondo oluongne jodong kanisa. 18 Kane gisebiro, nowachonegi ni, "Ung'eyo maber kaka ngimana ne chalo e kinde mane an kodu ka, kochakore odiechieng' mokwongo mane adonjo e piny Asia. 19 Ne atiyo ne Nyasaye gi chuny mamuol, kendo gi pi wang', kata obedo ni naneno masiche madongo ka jo Yahudi chano mondo ohinya. 20 Ung'eyo bende kaka ne ok aweyo mak anyisou wach moro amora mane nyalo konyou, to napuonjou e lela kendo e uteu, ka adonjo e ot ka ot. 21 Asenyiso jo Yahudi kaachiel gijo Grik ni nyaka gilokre giduog ir Nyasaye kendo giyie kuom Ruodhwa Yesu. 22 "To sani koro Roho ochuna ni nyaka adhi Jerusalem, ka ok ang'eyo gima dhi timorena kuno. 23 Gima ang'eyo en mana gima Roho Maler nyisa e chunya ni ni sand kod twech orita e dala ka dala ma adhiye. 24 To kata obedo kamano, ok akwan ngimana kagima lichna; gima obadha maduong' en mana tieko ng'weya kendo chopo tich ma Ruoth Yesu osemiya mondo atim, ma en tich mar nyiso Injili mar ng'wono mar Nyasaye. 25 "To winjuru, ang'eyo maber ni un duto ma aseyalo Loch mar Pinyruoth Nyasaye e dieru, koro ok ubi nena kendo. 26 Emomiyo awachonu kawuono ni koro remb ng'ato ok nie wiya, 27 nikech ne ok aweyo mak anyisou gik moko duto ma Nyasaye dwaro ni utim. 28 Koro ritreuru, kaachiel gi kweth duto ma Roho Maler oketo e lwetu mondo uriti. Beduru jorit mag Kanisa Nyasaye ma nong'iewo gi rembe owuon. 29 Ang'eyo maber ni bang' ka asea, ondiegi mangemo biro monjou, kendo ok ginikech kweth Nyasaye ngang'. 30 Kata mana e dieru ka, jomoko biro wuokie kendo gibiro puonjo weche mobam ma gichuogo kendgi giwegi mondo giywago jopuonjre irgi. 31 Emomiyo beduru motang'! Paruru kaka kuom higini adek ne ok aweyo mak asiemo ng'ato ka ng'ato kuomu odiechieng' gotieno, ka pi wang'a chwer. 32 "Koro aketou e lwet Nyasaye, kendo kuom wach ng'wonone, manyalo gerou, kendo manyalo miyo uyud gweth mosekannu kaachiel gi joma ler duto. 33 Pok agombo fedha kata dhahabu kata law ng'ato. 34 Un uwegi ung'eyo ni lwete-gagi osetiyo matek mi ochopo dwarona duto, koda ka dwaro mag jowadwa mwayalogo Injili. 35 Asenyisou gi yore duto ni nyaka wati matek wan wawegi mondo wakonygo joma chandore, ka waparo wach mane Ruoth Yesu owachon-wa ni, Chiwo kelo gweth mangeny moloyo kawo!" 36 Bang' wacho wechegi, nogoyo chonge piny kaachiel kodgi duto mi nolemo. 37 Jiduto ne oywak, ka gipodho kuome kendo ginyodhe. 38 Gima ne litnegi ahinya ne en gima nowacho ni ne ok gibi neno wang'e kendo. Bang' mano ne gikowe e yie.
Wuodh Paulo Kodhi Jerusalem
1 Bang' kane waseweyore kodgi, ne wasiayo yie mi wakwang' e dier nam tir nyaka chula mar Kos. Kinyne ne watundo chula mar Rodos, kendo kane aa kanyo to ne wachopo e dala mar Patara. 2 Kuno newanwang'e yie madhi Foinike, mi newadonje. 3 Kane wasechopo kama koro ne wanyalo neno go Saipras, ka wa luwo yo modok milambo mare, ne wakwang' kwachomo Siria, mine wagowo Turo kama ne idhi lorie misike mane yiewa oting'o. 4 Kane wayudo jopuonjre kuno, ne wabet kodgi kuom ndalo abiriyo. Kaka Roho Maler notelonigi, neginyiso Paulo ni kik odhi Jerusalem. 5 Kata kamano ka sawa nochopo to ne waa, mi wadhi nyime gi wuodhwa. Jopuonjre duto, kaachiel gi mondegi kod nyithindgi, ne jokowowa nyaka oko mar dalano, kendo kane wachopo e dho nam to newagoyo chongwa piny mi walamo. 6 Eka newagoyore oriti, kaeto to wadonjo e yie, ka gin to gidok miechgi. 7 Ne wadhi nyime gi wuodhwa ka waa Turo, nyaka ne wagowo Potolomai, kuma ne wamosoe owete, kendo ne wabet kodgi kuom odiechieng' achiel. 8 Kinyne ne wawuok kanyo mi wachopo Kaisaria, kendo ne wabet e od Filipo ja-Injili, mane en achiel kuom jokony abiriyo. 9 Filipo ne nigi nyiri ang'wen mapok okendi mane gin Jokoro. 10 Kane wasebet kodgi kuom ndalo moko, ja-kor wach moro manyinge Agaba nobiro irwa koa Judea. 11 Ng'atni nobiro nyaka butwa mi okawo kamba Paulo kendo otweyogo bedene gi tiendene owuon, kaeto to owacho ni, "Roho Maler owacho kama: 'Mana kaka atwey-orani e kaka jo Yahudi man Jerusalem biro tweyo wuon kambani mi gichiwe e lwet joma ok jo Yahudi." 12 Kane wawinjo wachno, wan kaachiel gi ji duto, ne wasayo Paulo mondo kik odhi Jerusalem. 13 To nodwoko wa kowacho ni, "Ang'o momiyo uywak kendo unego chunya? An aikora ok mana ne twech kende, to kata ne tho e Jerusalem kuno, nikech nying Ruoth Yesu." 14 Kane wayudo ni ok wanyal miyo olok pache, ne waweyo wachno, mi wawacho ni, "Nyasaye mondo otim dwarone." 15 Bang' mano ne waikore mi wadhi nyaka Jerusalem. 16 Jopuonjre moko moa Kaisaria bende nodhi kodwa nyaka dala Mnason, kama nonego wadagie. Mnason ne en ja Saipras, kendo ne en achiel kuom jopuonjre ma nokwongo yie kuom Ruoth.
Paulo Ochopo Jerusalem
17 Kane wachopo Jerusalem, owete norwakowa gi mor. 18 Kinyne Paulo kod wan duto newadhi mondo wane Jakobo. kendo jodongo duto nochokore kodwa. 19 Paulo nomosogi, eka nonyisogi weche duto kuom gik mane Nyasaye osetimo e kind joma ok jo Yahudi e tichne mar lando Injili. 20 Kane giwinjo mano, ne gipako Nyasaye, eka giwacho ne Paulo ni, "Owadwa Paulo, inyalo neno kaka jo Yahudi gana gi gana oseyie kuom Ruoth Yesu, kendo kargi giduto giketo chunygi kuom luwo Chik. 21 Osenyisgi ni ipuonjo jo Yahudi modak e kind joma ok jo Yahudi duto mondo kik gilu Chike Musa, kisemogi mondo kik giter nyithindgi nyangu kata kik gilu timbewa. 22 Koro wanyalo timo ang'o? Wang'eyo ni gibiro ng'eyo maonge kiawa ni isechopo ka, 23 omiyo yie kodwa mondo itim kaka wanyisi. Nitie chwo ang'wen e dierwa ka mosetimo singruok. 24 Kaw jogi mondo idhi ipwodhri kaachiel kodgi, kaeto ichul-negi nengo mar misengini monego gichul bang' pwodhruok, mondo eka oliel yie wigi. Kitimo kamano to ji duto biro kawo weche duto ma ji wacho kuomi kaka miriambo, to kendo gibiro kawi kaka ng'at moluwo Chik Musa adimba. 25 To kuom joma ok jo Yahudi moyie, wasendiko negi kuom gimane buchwa ong'ado ni mondo kik gicham chiemo motimgo misango ni nyiseche manono, gi remo, gi ring jamni mode, kendo ni kik gichodi." 26 Kinyne Paulo nokawo jogo mi nop-wodhore kaachiel kodgi, eka bang'e nodonjo e hekalu mondo onyis kinde ma noket ne pwodhruokno norumie, kod odiechieng' ma notimnie moro ka moro misango.
Omak Paulo
27 Kane ndalo abiriyo mag pwodhruok chiegni mino, jo Yahudi moko moa e piny Asia noneno Paulo ei Hekalu. Ne githuwo ji duto kode mi gimake, 28 ka gikok ni, "Ma e ng'at ma puonjo ji duto kamoro amora modhiye mondo gibed mamon kod jowa, gi chikewa kod hekaluwani. Kata sani osekelo koda ka jo Grik nyaka ei Hekalu ka, mi odwanyo kama lerni." 29 (Noyudo giseneno Trofimo ja Efeso ka jonigi Paulo e Jerusalem mi giparo ni ose-donjo kode nyaka ei hekalu.) 30 Wachno nomiyo koko ochakore ei Jerusalem duto, kendo ji moa koni gi koni nobiro ka ringo. Ne gimako Paulo mi giywaye gigole ei Hekalu kaeto giloro dho rangeye duto. 31 Kane gichako goye mondo ginege, wach nochopo e it jatend jolweny mar jo Rumi, ni dala Jerusalem duto notimo koko. 32 Kuom mano nokawo jotelo moko gi jolweny mi oringo odhi kodgi nyaka kuma ne oganda ochokore. Kane jokokogo oneno jatend jolweny gi jolweny mane ni kode, ne giweyo goyo Paulo. 33 Jatelono nobiro momako Paulo, kendo nogolo chik mondo otweye gi nyoroche ariyo, bang'e nopenjo ni en nga' kod gi gima nosetimo. 34 Jomoko e ogandano nokok kawacho gimoro achiel to moko bende wacho gimachielo ma koro jatend jolweny ne ok nyal ng'eyo malongo' gima notimore nikech koko, omiyo nochiko mondo oter Paulo kama askeche odakie. 35 Kane Paulo ochopo e ndiri midonjogo ka jolweny, jogo koro ne ger marach mi nochuno askeche mondo oting'e. 36 Ogandano mane oluwogi nosiko ka gikok ni, "Tiekeuru".
Paulo Owuoyo Gi Oganda
37 Ka jolweny ne koro chiegni donjo gi Paulo kama gidakie, nokwayo jatendgi kowacho ni, "Yienae mondo awachni gimoro". Jatend jolweny nodwoke kapenje ni, "Kare ing'eyo dho Grik? 38 Donge' aparo ni in e ja Misri manyocha ochako koko e dalani kotelo ne jo mahundu alufu ang'wen momanore gi gilweny, nyaka e thim?" 39 Paulo nodwoke ni, "An ja Yahudi monyuol Tarso, e piny Kilikia. Kuom mano, ok an ja dala moro matin minyalo chayo. Kiyie to miya thuolo alos gi jogi." 40 Ka jatend jolweny nosemiye thuolo mondo olosi, Paulo nochung' ewi ndiri, moting'o ne ji bade mondo giling' Kane giseling' nowuoyo kodgi gi dho Aramia kowacho niya:
1 "Owetena gi wuonena, koro winjuru wechena manyisougo ni aonge fetho." 2 Kane giwinjo kowuoyonegi gi dho Aramia kamano to ne giling' thi. Eka Paulo nowacho ni, 3 "An ja Yahudi monywol Tarso, e piny Kilikia, to ne adongo Jerusalem ka. Ne ayudo tiegruok matut e chike mag kwerewa e bwo Gamaliel, kendo ne achiwora ne Nyasaye mana kaka koro un bende uchaloni. 4 Ne asando joma oluwo YORNI nyaka ane ni githo, ka mako chwo gi mon kendo abologi e jela, 5 ok jadolo maduong' gi jobura duto nyalo yie koda. Ne gimiya bende barupe mane miya thuolo mar orno owetegi man Damaski, kendo nadhi kuno mondo aom joma oyie kaka joma otwe nyaka Jerusalem mondo okumgi. 6 "Kar dier odiechieng' tir kane oyudo achiegni chopo Damaski, napo ka ler maduong' moa e polo omenya. 7 Nagora piny kendo nawinjo dwol moro kawa-chona ni, "Saulo, Saulo! Isanda nang'o?" 8 "Napenje ni, 'In ng'a, Ruoth?" "To nodwoka ni, 'An e Yesu ma isan-do'" 9 Jomane wan-go bende noneno lerno, to ne ok giwinjo dwond ng'at mane wuoyo lodano. 10 "Eka napenjo ni, 'Atim ang'o, Ruoth. "To Ruoth nodwoka ni, 'Aa malo mondo idonji Damaski. Kuno ema idhi nyisie gik moko duto mosechanni mondo itim.' 11 Jogo mane awuothogo nomako bada kendo ne gitaya kwachomo Damaski, nikech ler mang'ang'ni ma noserieny cha noseloka muofu. 12 "Ng'at moro miluongo ni Anania nobiro mondo onena. Ne en ng'at morito Chik Nyasaye gi chunye duto, kendo ma jo Yahudi duto modak e dalano omiyo luor maduong'. 13 Nochung' batha mowa-chona ni, "Owadwa Saulo, nen!" Kendo gikanyono ne koro anyalo neno. 14 "Eka nowachona ni, 'Nyasach kwerewa oseyieri mondo ing'e dwarone kendo mondo ine Ng'at Makare kendo iwinj weche moa e dhoge. 15 Ibiro bedo janenone ne ji duto, kuom gima iseneno kendo isewinjo. 16 Koro pod irito ang'o? Aa malo mondo obatisi, mondo oluokni richoni, kiluongo nying Ruoth Yesu. 17 "Kane aseduogo Jerusalem kendo ka noyudo alemo ei Hekalu, ayula wang' notera, 18 kendo naneno Ruoth kawuoyo. Nowachona ni," Wuogi ia Jerusalem ka sanisani nikech ok gibi yie gi neno mitimo kuoma. 19 To an nadwoke ni, 'Ruoth, jogi ong'eyo kaka nawuotho e od lemo ka od lemo mondo atwe kendo ago joma oyie kuomi. 20 Kendo kane ichwero remb jatichni Stefano, to nachung' kanyo ka ariwo joma ne nege lwedo, kendo ka arito lep joma ne nege 21 "Eka Ruoth nowachona ni, 'Wuogi idhiyo, nikech abiro ori kuma bor ir joma okjo Yahudi.'"
Paulo Japiny Rumi
22 Ogandano nochiko itgi ka winjo Paulo nyaka nowacho mano, eka ne gichako kok gi duondgi duto ni, "Tiekuru ng'ani! Ok owinjore obed mangima!" 23 Kane pod gikok ka gifwayo kodegi kendo gidiro buru e wi yamo, 24 jaduong' jolweny nogolo chik mondo oter Paulo ei dala jolweny. Nochiko mondo ochwade kendo onone mondo onyis ane gimomiyo ji ne goyone koko kamano. 25 To kane oyudo gipiele mondo gichwade, Paulo nowacho ni jatend jolweny ma noyudo ochung' kanyo ni, "Be chik oyie mondo uchwad ng'at maja Rumi kapok oyale mi oyudi ni ojaketho?" 26 Kane jatelono owinjo mano, nodhi ir jatend Jolweny maduong' monyise wachno. Nowachone ni, wach e muomi e! Ng'atni en ja Rumi. 27 Jatend jolweny maduong' nodhi ir Paulo mopenje ni "Huma ane! In ja Rumi? Paulo nodwoke ni, "Ee, an." 28 Eka jatend jolweny maduong' nowacho ni, "An awuon ne achulo pesa mang'eny mondo eka abed ja Rumi." Paulo nowacho ni, "An to nonywola ja Rumi." 29 Joma ne dwa none nong'wel oa sano sano. Jatend jolweny maduong' bende ne luoro omako, ka nofwenyo ni nosetweyo Paulo gi nyororo to kara ne en ja Rumi.
Paulo E Nyim Buch Jodong Sanhedrin
30 Kinyne jatend jolweny maduong' ne dwaro ng'eyo gimomiyo jo Yahudi nodonjo ne Paulo, omiyo nogonye mochiko mondo jodolo madongo duto gi buch jodong Jo-Yahudi orom. Eka nokelo Paulo mi ochunge e nyimgi mondo owuo.
1 Paulo norango jo buch jodong Jo-Yahudi tir eka nochako wuoyo kodgi kowacho ni, "Owetena, asetimo tich mane Nyasaye omiya mondo atim gi chuny maler maonge ketho nyaka koroni." 2 Ka nowacho kamano to Anania jadolo maduong' nochiko joma nochung' bute mondo ogo dhoge. 3 Eka Paulo nowachone ni, "Nyasaye biro goyi, in ma ichalo gi kor ot mowir maracharni! Owinjore ing'adna bura kaluwore gi Chik, to in iwuon ema iketho chik nogo kichiko ji mondo ogoya!" 4 Joma nochung' but Paulo nowachone ni, "Wang'i tek manade minyalo yanyo jadolo maduong' mar Nyasaye?" 5 To Paulo nodwoko ni, "Owetena, ne ok ang'eyo ni en jadolo maduong', nikech ondiki ni, 'Kik iwuo marach kuom jatend jou'. 6 Kaka Paulo nong'eyo ni moko kuom jogo ne gin jo Sadukai to moko jo-Farisai, nokok ne burano kowacho ni, "Owetena, an ja-Farisai kendo an wuod ja-Farisai. Achung' ka-kawuono mondo ayal nikech geno ma an-go kuom chier mar joma otho!" 7 Bang' wacho mano, pogruok nowuok e kind joburago, ka jo Farisai kwedore gi jo Sadukai. 8 (Jo Sadukai wacho ni chier onge , kata Malaike kata Roho, to Farisai to oyie gi puonj gi duto). 9 Koko maduong' nowuok, kendo jopuonj Chik moko, mane gin jo Farisai, nochung' malo mochako goyo mbaka matek ka giwacho ni, "Ok waneno gima rach ma ng'atni osetimo. Donge nyalo bet ni roho moro kata malaika moro oseloso kode?" 10 Pogruokno nomedo kelo dhawo gi dwokruok makwiny, mi jaduong'jolweny nodoko maluor ni jogo ne nyalo kidho Paulo matindo tindo. Omiyo nochiko jolweny mondo olor piny oyudh Paulo oko githwon e nyim bura, mondo odwoke ei kama jolweny nodakie. 11 Otieno moluwo mano Ruoth Yesu nochung' but Paulo mowachone ni, "Bed mana gi chir! Mana kaka isetimo nenda ei Jerusalem, e kaka nyaka itime kuoma e Rumi bende."
Jo Yahudi Ochano Nego Paulo
12 Kinyne gokinyi jo Yahudi nolo so wach e kindgi giwegi kendo ne gisingore e yor kuong'ruok ni ok ginichiem kata madho gimoro amora ka pok ginego Paulo. 13 Joma notimo kuong'ruokni noloyo ji piero ang'wen. 14 Ne gidhi ir jodolo madongo gi jodongo mi giwachonegi ni, "Wasekuong'ore waduto ni ok wanacham kata wamadh gimoro kapok wanego Paulo. 15 Kuom mano, un kod buch Sanhedrin kwauru jatend jolweny maduong' mondo okelnugo e nyimu, kuwuondoru ni udwa medo nono wachne maber. Waikore mar nege kapok ochopo ka." 16 To ka wuod nyamin Paulo nofwenyo gima jogo ne chano timo, nodhi nyaka kama jolweny odakie monyiso Paulo wachno. 17 Eka Paulo noluongo achiel kuom jotend jolweny, mowachone ni, "Kaw rawerani idhigo nyaka ir jatend jolweny maduong' nimar en-gi wach moro monego owachne." 18 Omiyo notere ir jatend jolweny maduong'. Jatend jolweny nowachone jatend jolweny maduong'ni, "Jatwech ma nyinge Paulo ne oluonga mi okwaya mondo akel rawerani iri nikech en-gi wach moro modwaro nyisi." 19 Jatend jolweny maduong' nokawo wuowine komako bade, mi notere tenge kaeto openje ni, "En ang'o midwa nyisa?" 20 Wuowino nokone ni, "Jo Yahudi osewinjore mondo okwayi kiny iternigi Paulo e nyim Buch Sanhedrin ka giwuon-dore ni gidwa medo nono wachne maber. 21 Kik iyie gi kwayogino nikech ji moloyo piero ang'wen kuomgi osebutone. Gisekuong'ore ni ok ginichiem kata gimethi kapok ginege. Kata sani giseiko-re, girito mana mondo iyie gi kwayogino." 22 Jatend jolweny maduong' nogonyo wuowino mondo odhiyo, kosieme ni, "Kik inyis ng'ato ni isenyisa wachni."
Oter Paulo Kaisaria
23 Eka noluongo jotend askeche ariyo momiyogi chik ni, "Ikuru jolweny mia ariyo, gi mamoko piero abiriyo moidho farese kod mia ariyo moting'o tonge mondo oikre mar dhi Kaisaria kawuono saa adek otieno. 24 Paulo bende ikneuru farese mondo obi oidhi otere nyaka ir ruoth Feliks, ma ok gimoro otime eyo." 25 Bang'e nondiko barua machalo kama: 26 "Claudio Lusio, Ne Moluor ruoth Feliks, "Amosi ahinya! 27 Ahero nyisi ni nga'tni jo Yahudi nomako kendo ne gigoye gidwa nege, eka naoro jolweny mondo okonye, nikech nayudo wach ni en ja Rumi. 28 Bang'e natere e nyim buchgi mondo atem ng'eyo kethone. 29 Ne ayudo ni ne odonjne kaluwore gi weche moko mag chikegi, to ne ayudo ka onge ketho moro mosetimo manyalo miyo nege kata tweye e jela. 30 To ka nonyisa ni jo Yahudi ochano mondo onege ling'ling' ne aore iri sanosano. Bende ne agolo chik mondo joma odonjone obi iri mondo gihulni gimomiyo gidonjone." 31 Jolweny notimo kaka nochikgi. Ne gikawo Paulo gotieno, mi gidhi kode nyaka Antipatra. 32 Kinyne ne gikete e lwet jolweny moidho farese mondo odhi kode, to gin ne giduogo kama jolweny odakie. 33 Kane joidh farese ochopo Kaisaria, ne gimiyo ruoth barua mane jatend jolweny maduong' ondiko, eka ne giketo Paulo e lwete. 34 Ruoth Feliks noso-mo baruano eka nopenjo Paulo ni en japiny mane. Bang' ng'eyo ni ne en ja piny Kilikia, 35 nowachone ni, "Kiny nawinj wachni ka joma odonjoni kiny ochopo ka." Eka nogolo chik mondo okan Paulo maber e od bura mane nie dala Herode.
Oyal Paulo E Nyim Feliks
1 Bang' ndalo abich jadolo maduong' miluongi ni Anania nodhi nyaka Kaisaria, kaachiel gi jodongo moko, kod jang'ad bura mane iluongo ni Tertulo, mi ne gikelo weche mane gidon-jonego Paulo e nyim ruoth. 2 Kane oselu-ong Paulo odonjo iye, Tertulo nochako donjone e nyim Feliks kama, "Wasebedo kawadak gi kuwe e bwoi kuom kinde mang'eny, kendo paroni matut osekelo dongruok mathoth e pinywani. 3 Wamor kodi, moluor Feliks, nikech ber duto, mis-ekelonwa osemiyo wadak maber kuonde duto kendo e yore duto. 4 Koro yienwa mondo wawach gima okelowa iri, kapok wakethoni seche mang'eny. 5 "Wasenwang'o ni ng'atni en jakel koko, kendo okelo dhaw e kind jo Yahudi duto modak e pinyni. En jatend kanyakla moro mar din mar jo Nazareth, 6 kendo nyocha osetemo mondo odwany Hekalu, omiyo nyocha wamake mondo wang'adne bura kaluwore gi chikwa. 7 To jaduong' jolweny ma Lusio nobiro mogole e lwet-wa gi thuon, 8 kendo nochiko joma nodon-jone mondo okele iri. Koro ka ibiro none in iwuon to wang' ning'e adiera kuom gik mwadonjonego duto. 9 Jo Yahudi duto mane nikanyo noriwo dhogi ka donjone, ka giramo ni gik mane odonjnego ne gin adier. 10 Ka ruoth nomiyo Paulo thuolo mondo owach kore, Paulo nodwoko ni, "Ang'eyo ni kuom higini mang'eny isebedo jang'ad bura e pinywani, omiyo amor mar wuoyo e nyimi kuom wechegi. 11 Ibiro yudo ni nyocha adhi Jerusalem mondo alem kar ndalo apar gariyo mosekalo. 12 Joma odonjonagi ne ok oyuda ka amino wach gi ng'ato ang'ata e Hekalu, kata ka aketho chuny ji mondo okel loko ei sunagogi kata kamoro amora ei Jerusalem. 13 Kata mana sani ok ginyal nyisi maler kuom ketho ma gidonjonago iri sani. 14 Kata kamano ayie ni alamo Nyasach kwerewa, kendo an achiel kuom joma oluwo YOR RUOTH, ma yawagi wacho ni en din mobam. Ayie gi gik moko duto mowinjore gi Chik Musa kod gik mane Jonabi ondiko, 15 kendo an-gi geno kuom Nyasaye machalre gi jogi, ni nitie chier moikne joma beyo kod joma richo. 16 Omiyo atemo matek ndalo duto mondo kinda gi Nyasaye kod ji duto obed maber maonge bura. 17 "Bang' bedo maonge kuom higni mang'eny, ne abiro Jerusalem mondo akelne jowa mich ne joma odhier kendo mondo atim ni Nyasaye misango. 18 Kane giyuda e Hekalu ka adhi timo mano, ne giyudo ka asepwodhora kendo aler. Onge chokruok mar ji mane nikoda, kata tim koko moro mane asechako. 19 To nitie jo Yahudi moko moa e piny Asia monego ne bedi e nyimi ka, kadipo ni giseneno ketho moro kuoma ma dimi gidonj na. 20 Ka ok kamano to jok mochung' nyimigi ema ohul ane ketho mane giyudago, kane oyala e nyim Buch Sanhedrin. 21 Kata kapo en wach achiel mane akokgo e nyimgi ni, ' En wach chier. Kuom joma otho ema okelane mondo oyala e nyimu kawuono!'" 22 Kaka Feliks nong'eyo weche mang'eny kuom YOR RUOTH, noloro bura, kowachonigi ni, "Ka Lusio ma jaduong' jolweny obiro eka abiro ng'ado buchini." 23 Bang'e nogolo chik ne jatend jolweny mondo orit Paulo, ka omiye thuolo moromo, kendo mondo kik otam osiepene miye kony moro amora ma nonyalo dwaro. 24 Bang' ndalo moko, Feliks nobiro gi chiege Drusila, mane en nyar jo Yahudi. Nooro wach mondo oluongne Paulo, mi Paulo noyalone kuom wach yie kuom Yesu Kristo koling' mos owinje. 25 To Ka Paulo nodhi nyime kawuoyo kuom ngima maler gi ritruok kod chieng' bura mabiro, Feliks nobedo maluor mowacho ni, "Mano oromo! Koro inyalo aa. Ka adwari kendo to abiro luongi." 26 To kaka noparo bende ni Paulo ne nyalo miye asoya, nomedo orone wach kinde ka kinde mondo owuo kode, kogeno yudo gimoro. 27 Bang' ka higni ariyo nosekalo, tend Feliks norumo mi Porkio Festo nokawo kare. To nikech Feliks ne dwaro mondo jo Yahudi one ni en ng'ama ber, noweyo Paulo e jela.
Oyal Paulo E Nyim Festo.
1 Ndalo adek bang' ka Festo nosechako tich kar Feliks, noa Kaisaria modhi nyaka Jerusalem, 2 kendo kuno jodolo madongo gi jotend jo Yahudi nokel e nyime mi giwacho ketho mane gidonj onego Paulo. 3 Ne gitemo saye mondo otimnegi ng'wono owe Paulo odogi Jerusalem nikech ne gichano butone mondo ginege gie yo kodhi 4 Festo nodwokogi ni, "Paulo otwe Kaisaria, kendo an awuon abiro dhi ire kuno mapiyo, %uom mano, or uru jotendu moko adhigo mondo gidhi gidonj ne kuno, kaponi osetimo gimoro marach." 6 Bang' ka nosebet kodgi kuom ndalo aboro kata apar, nolor odhi Kaisaria, kendo kinyne nochoko bura mogolo chik mondo okel Paulo e nyime. 7 Kane Paulo odonjo, jo Yahudi mane oyudo obiro koa Jerusalem nochung' olwore, ka gidonj one gi weche maricho ahinya, to ne ok ginyal nyiso ni wechego gin adier. 8 Eka Paulo nowacho kore, kodwokogi ni, "Onge gima aseketho kuom chik jo Yahudi, kata kuom Hekalu, kata kuom Kaisar." 9 To Festo mane dwaro mondo omor jo Yahudi nowacho ne Paulo ni, "Bende inyalo yie mondo idhi Jerusalem mondo kuno ema adhi ayalie kuom wechegi?" 10 Paulo nodwoke ni, "Sani achung' iyala gi Buch Kaisar, kendo ka ema owinjore ong'adnae bura. Onge gima rach ma asetimo ne jo Yahudi, kendo kata in ing'eyo mano maber. 11 Ka dipo ni asetimo gimoro mowinjore gi tho, to ok atamora mondo kik nega. To ka nyalo bet ni ketho majo Yahudigi odonjonago gin miriambo to onge ng'ato man gi teko mar chiwa e lwetgi. Kuom mano akwayo mondo otera e nyim Kaisar." 12 Kane Festo osekuotho gijo buche, nong'ado wach kowacho ni, "Isekwayo mondo oteri e nyim Kaisar omiyo e nyim Kaisar ema ibiro terie!"
Festo Onyiso Ruoth Agripa Wach Paulo
13 Bang' ndalo manok, ruoth Agripa kod Bernis nobiro Kaisaria mondo omos Festo. 14 Limbegi noyware, omiyo Festo notwak gi ruoth Agripa kuom wach Paulo. Nowuoyo kode kama: "Nitie ng'at moro ka ma Feliks noweyo kotwe e jela. 15 Ka nyocha adhi Jerusalem, jodolo madongo gi jodong jo Yahudi nodonjone ka gidwaro mondo ang'adne buch tho. 16 "Ne anyisogi ni ok en kit jo Rumi mondo ochiw ng'ato ang'ata ne joma odonjone, kapok omiye thuolo mar wacho kore kuom weche modonjnego. 17 Ka nyocha gibiro kaeri to ok adeko mak ayalogi, to kinyne ne achwowo koma piny mi achiko mondo okelna ng'atno. 18 To ka joma nodonjone nochung' mondo owuo, ne ok gihulo gima oketho kata mahundu moro ma notimo kaka naparo ni ginyalo hulo. 19 Kar timo mano to nyocha giwuoyo mana kuom timbe ma gin mopogore opogore, kuom kit lemo margi, kendo kuom ng'at moro miluongo ni Yesu, ma Paulo wacho ni ngima. 20 Kane amedo nono tiend wachni to notamo wang'a omiyo napenje ka doyie odhi Jerusalem mondo oyale kuno kuom wechegi. 21 Eka Paulo nokwayo mondo buche oter e nyim Kaisar! Omiyo nyocha achiko mondo odwoke e jela nyaka chop aore ir Kaisar." 22 Eka Agripa nowacho ne Festo ni, "Daher mondo awinje weche ng'atno an bende." Nodwoke ni, "Kiny niwinje." 23 Kinyne Agripa kod Bernis nowuotho kochomo od bura gi nyisruok maduong'. Ne gidonjo kaachiel gi jodong jolweny madongo kod jodong dalano mamoko mogen. Eka Festo nogolo chik mondo okel Paulo e nyimgi, mi nokele. 24 Bang'e Festo nowacho ni, "Ruoth Agripa kaachiel gi ji duto man kodwa ka, uneno ng'atni! Jo Yahudi duto osediya e Jerusalem nyaka Kaisaria ka gikok ni ok owinjore oweye obed mangima. 25 An to nyocha ayudo ka onge gima osetimo mowinjore githo, to nikech odwaro mondo Kaisar ema oyale, aseng'ado mondo otere Rumi. 26 To kata kamano, aonge gi wach malong'o ma anyalo ndiko ne Moluor mogik kuome. Emomiyo asekele e nyimu uduto ka, to moloyo e nyimi, Ruoth Agripa, mondo kuom nono mibiro nonego ayudie gimoro ma anyalo ndiko. 27 Nikech nenorena ni onge tiende oro ng'at motwe ka ok oyang maler kethone mokwongo."
1 Eka Agripa nowacho ne Paulo ni, "In thuolo mondo iwuo kuomi iwuon." Eka Paulo noting'o bade kaeto ochako wuoyo kowacho kama: 2 "Akwanora kaka jahawi, Ruoth Agripa, kuom yudo thuolo mondo achung' e nyimi ka, ka anyiso kora kuom weche duto majo Yahudi oseketo kuoma. 3 Moloyo mano amor, nikech in ng'at molony e chike jo Yahudi duto kod mbakagi maok rum, kendo makelo miero. Kuom mano, akwayi mondo iyie iwinj wechena koroni, maok ijok: 4 "Jo Yahudi duto ong'eyo kit ngimana nyaka aa e nyathi; kinde mane adongo kapod atin e pinywa, nyaka kinde ma nadak Jerusalem. 5 Gisebedo ka ging'eya kuom higini mang'eny, kendo ginyalo timo nenda, ka gihero, ni kaluwore gi chike ma tiendgi tek mag dinwa, naluwo kit jo Farisai. 6 To koro sani iyala nikech geno ma an-go kuom singruok mane Nyasaye otimo ne kwerewa. 7 Mano e singruok ma dhoutwa apar gariyo geno mondo one kachopo kare, ka gisiko gitiyo ni Nyasaye odiechieng' gotieno. En mana wach genoni, Moluor Agripa, emomiyo jo Yahudi kwana kaka jaketho. 8 Ere gima teknu winjo, unjo Yahudi, ka Nyasaye nyalo chiero joma otho? 9 "Kata mana an awuon naketo chunya mar timo duto manyalo mondo aked kak-wedo nying Yesu ja Nazareth. 10 Chutho mano e gima natimo Jerusalem, kuma nayudoe teko koa kuom jodolo madongo, mi naketo jomaler mathoth e jela; kendo kane inegogi to nagoyo ombucha, ka ayie gi nekgi. 11 Kuom kinde mang'eny nadhi e od lemo ka od lemo mondo akawgi akum-gi, kendo natemo chunogi mondo giyany Nyasaye. Nikech chunya ne rach kodgi ni nyaka atiekgi, nadhi nyaka e mier maoko mondo asandgi. 12 "E wuodha moro achiel, kadhiyo Damaski, ne an gi chik kod teko mane omiya gi jodolo madongo. 13 Kane oyudo awuotho e ndara kar dier odiechieng' tir, moluor Agripa, naneno ler karieny maler moloyo wang' chieng' kendo nomenya kaachiel gi joma nawuothogo. 14 Ne wapodho piny waduto, eka nawinjo duol moro kaloso koda gi dho Hibrania ni, "Saulo, Saulo, isanda nang'o? Riwi mabith migweyono biro mana hinyi in iwuon." 15 Eka napenjo ni, 'In ng'a, Ruoth?' Ruoth to nodwoka ni, 'An Yesu ema isando.' 16 'To koro aa malo ichung' gi tiendi. Asefwenyorani mondo aketi kaka jatich kendo janeno kuom gik miseneno kuoma kendo kuom gik mamoko ma abiro nyisi. 17 Abiro resi e lwet jou kendo kuom ogendini 18 mondo iyaw wengegi, kendo mondo ilokgi gia e mudho, giduogi e ler, kendo gia e teko Satan, giduogi ir Nyasaye; Ka gitimo kamano eka giniyudi weruok mar richo, kendo gibedi e achiel gi ji duto mosepuodhi, nikech giyie kuoma. 19 Kuom mano, Ruoth Agripa, ne ok atamora timo kaka fweny moa e polo nonyisa. 20 Mokwongo nejo Damaski, eka ne jo Jerusalem nyaka ei Judea duto, eka achien nejo ogendini, ne ayalo mondo gilokre giduog ir Nyasaye, kendo mondo ginyis ni giselokore adier gi kit ngimagi. 21 Mano e gima nomiyo jo Yahudi omaka e laru mar hekalu kendo negitemo mondo ginega. 22 To Nyasaye osekonya e kindego duto, omiyo koro ahulo wechegi machalre, ne ji ajia kod joma ogen. Onge gima awacho mopogore gi mago mane jonabi kod Musa jowacho ni notimre; 23 Ne giwacho ni Kristo nosandi, kendo kaka ng'ama nokuong ochier oa kuom joma otho, enokel ler ne joge owuon kaachiel gijo ogendini." 24 Kane Paulo dhi nyime gi wuoyo kamano, Festo nokok matek ni, "Wiyi okethore, Paulo! Somo misomo mang'eny ero lokijaneko!" 25 To Paulo nodwoke ni, "Ok an janeko, Moluor Mogik, Festo. Gima awacho en adier kendo winjore maber. 26 Kata Ruoth Agripa ong'eyo wechegi maler, omiyo anyalo wuoyo kode ka an thuolo. Ang'eyo maonge kiawa ni wechegi duto ok opon-done, nikech ok osetimgi kama opondo. 27 Ruoth Agripa, be iyie kuom jonabi? Ang'eyo ni iyie kuomgi." 28 Eka Agripa nowacho ni Paulo ni, "Iparo ni e saa machwokni inyalo hoya mondo alokra abed ja-Kristo?" 29 Paulo nodwoke ni, "Kata obed saa machwok kata malach to alamo Nyasaye ok mana ne in fende, to nyaka ne ji duto ma winjo wachna kawuono, mondo gichal koda, mak mana nyoroche motweyagcgi ema kik tweugo un bende." 30 Eka Ruoth Agripa gi Ruoth Festo, nochung' kaachiel gi Bernis gi ji duto ma nobet kodgi. 31 Ne gia e odno, kendo sama ne gidhi negiloso kendgi ka giwacho ni, onge "gima ng'atni timo mowinjore negene kata tweye e jela." 32 Bang'e Agripa nowacho ne Festo ni, "Ng'atni dine wagonyo thuolo ka da bed ni pok okwayo mondo otere e nyim Kaisar."
Paulo Okwang' Kadhi Rumi
1 Kane oseng'ad wach ni onego okwang'wa wadhi Italia, Paulo kod joma otwe mamoko noketi e lwet jatend jolweny moro manyinge Julias. Jali ema ne jatend oganda lweny mane iluongo ni Jorit Dala Ruoth . 2 Ne waidho yie moro moa Adramutio mane onego ogow e mier mamoko manie dho nam molworo piny Asia. Bange' ne wasiayo yie mi wawuok. Aristarko ja Makedonia moa Thesalonika bende ne nikodwa. 3 Kinyne ne wagowo Sidon, kendo kanyo Julias notimo ng'wono ne Paulo kendo nomiye thuolo mar dhi ir osiepene mondo gimiye gik ma nochando. 4 Ka waa kanyo to ne wasiayo yie e nam kendo, to nikech yamo mager ne kudho kochomowa tir, ne waluwo bath chula mar Saipras koma ogeng'ore gi yamo. 5 Kane wasekwang' wang'ado thangalare mar chuny nam, machiegni kod Kilikia gi Pamfulia, ne wagowo e dhowadh Mura, e piny Lukia. 6 Kanyo jatend jolweny non-wang'o yie jo Aleksandria moro madhi Italia, mi noketowa e iye. 7 Ne wakwang' mos gi thagruok kuom ndalo mang'eny nikech kwang' ne rach, eka achien newa-chopo machiegni gi dho wadh Kanido. Kaka yamo koro nomedore maok wanyal chome tir, ne wakwang' kwageng'ore e bath chula mar Krete, machiegni gi Sori mar Salmone. 8 Ne wamedo kwang' gi thagruok kwaluwo bath nam mi ne wachopo kamoro miluongo ni Mbita Mokuwe, but dala mar Lasea. 9 Kaka koro ne waseketho seche mathoth, to kwang' bende nosemedo bedo marach, kendo kinde mag Sap Tweyo Chiemo bende nosekadho, Paulo nongado rieko nejokwang' kowacho ni, 10 "Jawadwa, aneno ni kwang'wani dhi kelonwa masira mi kel kethruok maduong' ne yie gi gik mwating'o kod ngimawa bende." 11 To jatend jolweny ne ok ochiko kata mana ite mondo owinj gima Paulo wacho. Kar timo kamano to nowinjo mana pach wuon yie kod jachik yie. 12 Nikech dho wath kama newag-owoeni ne ok ber betie ndalo chwiri, thoth ji mane wan-go nongado wach mondo wadhi nyime gi kwang', ka giparo ni ne wanyalo chopo Foiniks mondo wabedie ndalo chwiri. Foiniks ne en dho wadh Krete, momanyore gi milambo ma yo podho chieng' kod nyandwat ma yo podho chieng'.
Yamo Mager
13 Ka yamb milambo makudho mos nochako kudho, ne giparo nine ginwango gima ne gidwaro kendo kara wuodhgi korone ber, omiyo ne gigolo nanga e pi mi ne gichako kwang' ka giluwo tie dhonam mar Krete. 14 To ka pok odhi mabor, yamb kalausi moro miluongo ni kor Ugwe", nochako kudho matek koa e chulano. 15 Ahitino nomako yie motame muomo yamono, omiyo ne waweyore e tekone, mondo owichwa oterwa kuma ohero. 16 Ka koro noyudo wakalo e tie chula moro matin miluongo ni Kauda, ne wanyagore mi waketo yiewa matin mar resruok kama ber, mondo kik okethre. 17 Kane chwo mane wan-go osekete ei yie maduong' mane wantie, ne gitweyo yie gi tonde alwora mondo kik obarre. To nikech ne giluor ni yie ne nyalo terogi kuonde mathany -thany motimo kuoyo, man e dhonam mar Libia, ne giloro tanga mar nam eka giweye mondo yamo okwange'. 18 Ahiti nomedo goyo yie matek mi kinyne ne gichako wito gik mane yie oting'o e nam. 19 Odiechieng' mar adek, ne gichako wito ei nam gilwet gi giwegi gik mamoko mitiyogo. 20 Kuom ndalo mang'eny, ne ok wanyal neno wang' chieng' kata sulwe, kendo yamo nomedo kudho matek kendo geno duto mane oyudo wan go ni dipo koreswa norumo chuth. 21 Kane ji koro oseriyo kech kuom ndalo mang'eny, Paulo nochung' malo e nyimgi mowachonegi ni, "Jowadwa ka dinyocha uti gi rieko ma nang'adonu mondo kik wadhi nyime gi kwang' ka waa Krete, dine utony mi ok uneno chandruok gi lal maduong' kama. 22 To koro akwayou ni umed bedo gi chir, nikech kata ng'at achiel kuomu ok bi lal, mak mana yie kende ema biro kethore. 23 Otieno mokalo, malaika mar Nyasaye, ma an ng'ate, kendo ma atiyone, nochung' batha, 24 mowachona ni, "Kik iluor Paulo, ibiro chopo nyaka nyim Kaisar mi yali kuno, nikech Nyasaye osemiyi kuom ng'wonone, ngima ji duto makwang' kodi. 25 Kuom mano beduru gi chir, jowadwa nikech ayie ni Nyasaye biro timo mana kaka nonyisa. 26 To ochunore ni nyaka wabi watuom lowo e chula moro."
Yie Obarore
27 Otieno mar apar gang'wen ne pod watangni mana e dier nam mang'ongo mar Adria. To ka nochopo odiwuor jok-wang' nogalo ni gichomo lowo motwo. 28 Omiyo ne giluto tol motwe kidi e pi, mondo ging'e kar tut pi, mi ne giyudo ni tutne oromo fut mia gi piero ariyo. Bang'e matin ne gichako gipime kendo mi gin-wang' ni en fut piero ochiko. 29 Luoro nomakowa ni dipo ka watuomo lwanda. Omiyo ne gibolo rachungni ang'wen yoka bang' yie, eka gilemo mondo piny oyawre. 30 To jokwang' notemo mondo gitony gia e yie, kendo negitemo mondo giket yie matin mar resruok e pi, ka giriasore ni gid-waro bolo rachungni moko yoka wi yie. 31 Eka Paulo nowacho ne jatend jolweny kod jolweny duto ni, "Ka jogi ok osiko kodwa ei yie ka, to ok ubi tony." 32 Omiyo jolweny nongado tonde ma notwego yie matin mar reso ngima, mi giweyo yieno mokwang' modhi. 33 Ka piny ne chiegni yawore, Paulo nosayo jokwang' duto mondo ochiem, kowacho ni, "Kuom ndalo apar gangwen mosekadho, usebedo ka unie kind akuru gi asumbi ma ok nunyal chiemo. 34 Koro yieu-ru koda mondo uchamie gimoro matin mondo ubed mangima. Akonu ni onge ng'ato kata achiel kuomu mabiro wito kata mana yie wiye achiel." 35 Ka nosewacho mano, nokawo makati mi ogoyo ne Nyasaye erokamano e nyimgi giduto. Eka nong'ingo makatino mochako chiemo. 36 Jogo chunygi noduogo, mi ng'ato ka ng'ato kuomgi nokawo chiemo matin mondo ocham. 37 Kar romb ji duto mane nie yie ne gin mia ariyo gi piero abiriyo gauchiel. 38 Ka ji duto nosechiemo moyieng', ne gibolo cham duto modong' e nam mondo yie odong' mayot. 39 Kane piny oseyawore, jokwang' nokia piny mane gintie, to ne gineno mbita moro motimo kwoyo: mi giparo mondo gichom yie kuno mondo kanyalore to gimoki bute. 40 Koro ne ging'ado tonde motwego rachungni mi gibolo e nam eka bang'e ging'ado tonde mane omakgo ngai. Bang' mano ne gichungo tanga yoka wi yie, kaeto gisiayo yie ka gichomo dho wath. 41 To Gikanyo yie notuomo kuoyo math-anythany momoko ti. Eka apaka nogoyo yo ka bang' yie mi obarore matindo tindo. 42 Jolweny nochano mondo oneg joma otwe mondo ogeng' gi kik gigo abal mi giring gitony. 43 To nikech jatendgi ne dwaro reso ngima Paulo, notamogi ni kik gineggi. Nochiko mondo ng'ato ang'ata mane nyalo goyo abal nyaka dho wath okuong ochikre e pi mondo odhiyo. 44 Eka jomaodong' nebiro luwo bang'gi ka jomoko omako mberni to moko omako bepe mane owuok e yie ma nosebarore. Kamano e kaka ne wachopo e lowo motwo waduto kawangima.
Paulo Ochopo Malta.
1 Kane wasechopo e lowo motwo ka wangima, ne wayudo ni chulano iluongo ni Malta. 2 Joma nodak e chulano norwakowa gi ng'wono mokalo wacho. Ne girwakowa mi gikudhonwa mach mondo wao, nikech koth ne chwe kendo piny ne ng'ich. 3 Paulo nodondo yien moko mokelo mondo omedi e mach, to ka noyudo oketo yien-go e kendo, thuond fu ne liet mar mach ogolo momoko e lwete. 4 Ka jo chulano noneno ka thuol oliero e lwet Paulo, ne gi wuoyo kendgi ka giwacho ni, "Ng'atni nyaka bed janek, mano e momiyo kata obedo ni osetony e nam, to pod muma oluwe nyaka ka mondo onege." 5 To Paulo noteng'o thuondno oko molwar e mach, kendo onge gima notime. 6 Jogo ne geno ni lwete biro kuot, kata ni nobiro gore piny apoya mi otho, to ne girito gaming'a mi ok gineno gimotime. Eka ne giloko pachgi mi giwacho ni Paulo en nyasaye. 7 But kama newantieno ne nitie puothe madongo mag ruodh chulano miluongo ni Publio. Ruodhno norwakowa, mori-towa maber kaka wende kuom ndalo adek. 8 To wuon-gi ne nie kitanda nikech notuo, ka en gi midhusi, kendo nodiewo. Paulo nodonjo kama noninde mondo onene, to bang' koselamone, noketo lwetene kuome mochange. 9 Ka mano nosetimore, joma tuo duto mane nie chulano nobiro moyudo chang. 10 Joma nodak e chulano nomiyowa luor e yore mang'eny kendo kane koro wadwa aa, ne gikowowa gi gii konyruok duto mane wachando.
Paulo Jochopo Rumi
11 Bang' ka dweche adek nosekalo, ne waidho yie moro mane osebedo karito kanyo e ndalo chwiri. Ne en yie jo Aleksandria mane oketne alama mag nyiseche ariyo marude, miluongo ni, Kasta gi Poluks. 12 Ne wakwang' waa kanyo nyaka wachopo Sirakusa, kendo kuno newabede ndalo adek. 13 Ka waa Sirakusa, ne wakwang' miwachopo Resio, to kinyne, ka yamb milambo nochako kudho, newad-hi nyime nyaka newachopo Puteoli, bang' kwang' kuom ndalo ariyo. 14 Puteoli kanyo newayude owete moko ma norwakowa mondo wadag kodgi kuom juma achiel. Eka bang'e newamedo kwang' nyaka Rumi. 15 Owete ma kuno no se winjo wach birowa, omiyo ne giwuotho mi gichweyo nyaka chiro mar Apio, to moko noromon-wa kama iluongo ni Tres Tabernae, tiende ni ute adek mag buoro. Kane Paulo oneno jogi to nogoyo ne Nyasaye erokamano, kendo noyudo jip mi chunye noduogo. 16 Kane wachopo Rumi, Paulo noyudo thuolo mar dak e ode kende gi askari marite.
Paulo Oyalo Injili Rumi Ka Irite
17 Bang' bedo Rumi kuom ndalo adek, Paulo noluongo jotend jo Yahudi ma nodak kanyo. To kane gisechokore, nowachonigi ni, "Owetena, kata obedo ni ok asetimo gimoro marach ne jowa kata ne timbe machon mag kwerewa, to nomaka Jerusalem moketa e lwet jo Rumi. 18 To Bang' yala ne gidwa weya, nikech ne giyudo ni onge gima nasetimo marach mowinjore gi tho. 19 To ka jo Yahudi nodagi wachno, ne ochuna ni nyaka akwa thuolo mondo abi oyala e buch Kaisar. To ne ok atimo mano nikech an gi wach moro gijo Yahudi wetena. 20 Mano emomiyo asekwayo mondo ubi alosie kodu matin. En mana nikech geno mar jo Israel emomiyo otweya gi nyororo." 21 Ne gidwoke ni, "Wan pok wayudo barua moro amora moa Judea ma loso kuomi, kendo kata mana owete manyocha oa kuno machiegni pok okelonwa wach moro, kata wacho pok giwachonwa gimoro misetimo marach. 22 Kata kamano wadwaro winjo wecheni, nikech wang'eyo niji wuoyo kuom dinni marach kuonde duto." 23 Ne gichano mondo girom gi Paulo odiechieng' moro achiel, kendo ji koro ne medo biro mang'eny ir Paulo kama nodakie. Chakre okinyi nyaka imruok piny, noleronegi tie wach, koyalonigi wach Loch Nyasaye. Notimo kamano kotemo loko paro mane gin go kuom Yesu, kokonyore gi weche mondiki e Chik Musa kod jonabi. 24 Moko kuomgi norwako wechene, to moko notamore yie. 25 Ne gipogore e kindgi giwegi mi gichako aa bang' ka Paulo nowachonegi wachne mogik ni, "Roho Maler nowacho adier ne kwereu, ka nowuoyo gi dho Isaya Janabi, kowacho ni: 26 "'Dhi ir jogo mondo iwachnegi ni, ubiro siko kuwinjo weche to wach ok nodonjnu ngang'; Ubiro 'siko kung'icho, to ok unune gimoro. 27 Nikech chuny jogi osedinore; gisedino itgi, kendo gisemiyo wengegi. Ka ok kamano to diginen gi wengegi, kendo giwinj gi itgi, mi chunygi rwak wach kendo giduog ira mi achanggü' 28 Paulo notieko ka wachonigi ni, "Emomiyo adwaro ni ung'e ni warruok mar Nyasaye oseter ne joma okjo Yahudi, kendo gibiro rwake!" 29 (Bang' wacho mano, jo Yahudi mane winje nowuok odhi, ka gigoyo mbaka matek e kindgi giwegi.) 30 Kuom higni ariyo mangima, Paulo nodak e ode owuon mochulo, kendo norwako ji duto mane obiro ire mondo onene. 31 Royalo Loch Nyasaye gichir maok ng'ato ogeng'e, kopuonjo ji kuom Ruoth Yesu Kristo.
1 An Paulo, misumba Yesu Kristo, mane oluongi mondo obed jaote, kendo mane owal ne Wach Maber mar Nyasaye, 2 Wach Maber mane osingo chon e Ndiko Maler kotiyo gi Jonabi mage e mawuoyo 3 kuom Wuode, mane en nyakwar Daudi kuom ringruok, 4 kendo mane onyis ratiro gi teko ni en Wuod Nyasaye kuom chuny mar ler, nikech chier mare koa kuom joma otho: Yesu Kristo Ruodhwa. 5 Kuome kendo e nyinge ema waseyudoe ng'wono gi teko mar bedo joote, mondo wami Ogendini duto obed gi winjo wach mar yie. 6 To un bende un e kanyakla achiel gi jogo moseluongi mondo ubed jo Yesu Kristo. 7 Ne ji duto man Rumi, ma Nyasaye ohero kendo oluongo mondo obed jomaler, ng'wono gi kuwe moa kuom Nyasaye Wuonwa kod Ruoth Yesu Kristo mondo obed kodu:
Paulo Ogombo Limo Rumi
8 Mokuongo, aduoko erokamano ne Nyasacha, kuom Yesu Kristo nikech un duto, nimar yie maru ihulo e pinje duto. 9 Nyasaye ma atiyone gi chunya duto, ka alando Injili mar Wuode, en janeno mara kaka asiko aparou kinde duto 10 e lamo maga kendo alamo ni kaber to koro yo oyawrena mondo abi iru, ka Nyasaye oyie. 11 Agombo nenou ahinya mondo apognue mich moko mag chuny mondo ategugo. 12 tiende ni, mondo un kod an wajiwre ng'ato gi ng'ato e yie marwa, ka ajiwou to un bende ujiwa. 13 Ok adwar ni ukiya, jowetena, ni asechano kuom ndalo mang'eny mondo abi iru (to osetama timo kamano nyaka koroni), mondo un bende aka cham e dieru mana kaka aseyudo e dier ogendni mamoko. 14 An jagop jo Grik gi joma ok jo-Grik, kendo mar joma riek kod joma ofuwo. 15 Mano emomiyo aketo chunya ni nyaka un bende ayalnu Wach Maber, un ma un Rumi. 16 Aonge wichkuot gi Wach Maber, nikech en teko mar Nyasaye ma waro ng'ato ang'ata moyie, mokuongo ni jo-Yahudi, eka bang'e ne Ogendni bende. 17 Nikech kuom Wach Maber nogo ema Nyasaye ketoe dhano kare kuom yie kende ma ok omedie gimoro machielo, mana kaka ondiki ni, "Ng'at makare nobed mangima kuom yie."
Mirimb Nyasaye Kuom Dhano
18 Mirimb Nyasaye koro fwenyore koa e polo kuom ji duto motamore lame, kendo matimo richo ka gigeng'o adiera gi timbe-gi maricho. 19 Nikech gima dhano nyalo ng'eyo kuom Nyasaye oyangore negi maler, nikech Nyasaye oseele negi. 20 Nikech nyaka chakruok piny, gii Nyasaye maok nenre kaka tekone mochwere kod kite, osenenore malong'o ka gifwenyore e gik mosechweyo, mondo omi dhano kik riasre kuom weche machalo kamagi. 21 Kata obedo ni ne ging'eyo Nyasaye, to ne ok gimiye duong' kaka Nyasaye, kendo ne ok giduokone erokamano, to pachgi nobedo manono kendo chunygi mofuyo nodinore. 22 Kata obedo ni ne giwacho ni giriek, to ne gibedo joma ofuwo, 23 kendo ne giloko duong' mar Nyasaye maok tho e kido machalo gi dhano matho, gi winy, gi le ma tiende gi ang'wen, gi le mamol. 24 Mano emomiyo Nyasaye noweyogi mondo gidhi adhiya nyime gi kit chode duto ma chunygi ne gombo timo, ka giketho dendgi e kindgi ng'ato gi ng'ato. 25 Ne giloko adiera mar Nyasaye odoko miriambo kendo ne gil-amo kendo gitiyone gik mochwe kar tiyo ne Jachwech, mipako nyaka chieng' Amin. 26 Kuom mano, Nyasaye noweyogi ne owruok gi kit gombo maricho duto make-lo kethruok. Koda ka mondgi bende no weyo riwore gi chwogi e yo mowinjore to negichako riwore gi mon wetegi. 27 Chwo bende noluwo mana yo machalre; kar riwruok gi mon e yo mowinjore to dendgi noowore gigombo chwo wetegi. Chwo notimo timbe dwanyruok gi chwo wetegi, ka gionge wichkuot, kendo timgi-no nomiyo giyudo kum e dendgi giwegi mowinjore gi kethogino. 28 To bende, kaka ne giparoni ng'eyo Nyasaye ok lich, Nyasaye noweyogi mondo gidhi adhiya nyime ka pachgi obam, mondo gitim, gik ma ok onego otim. 29 Gipong' gi kit timbe mamono duto gi richo gi wuoro kod timbe mobam. Bende gipong' gi ich lit, gi nek, dhawo, wuond, kod himruok. Gin jokuoth, 30 joketh nying ji, joma ochayo Nyasaye, jokwinyojorna wigi tek, lendo josunga giloso yore manyien mag timo richo; kendo ok giwinj jonywolgi; 31 gionge paro gionge yie, gionge chuny, kendo gionge kech. 32 Kata obedo ni ging'eyo chik makare mar Nyasaye ni joma timo gik makamago onego otho, to gidhiyo adhiya nyime gi timogi, kendo bende gipwoyo joma timogi
Nyasaye Ng'ado Bura Makare
1 Omiyo in bende ok initony, in ming'a-do Dura ne ng'at machielo, nikech gima ing'adonego ng'at machielo burano ema bura loyigo iwuon, nikech in ming'a-do bura bende itimo gik machalre gi gima otimo. 2 To koro wang'eyo ni buch Nyasaye ne joma timo gik makamago olu-wore gi adiera. 3 Omiyo in dhano adhana ing'ado bura ne joma timo gik ma kamago, iparo ni N)asaye biro ng'ado ne jogo bura to in, ma bende itimo gigo, to initony? 4 Koso ichayo mwandu mar ng'-wonone kod hooruokne gi kindane? Donge ing'eyo ni Nyasaye ng'wononi mondo oweni thuolo mar lokruok? 5 To kuom tamruok mari kod chunyi midagi loko, ikuno mirima mager, ne in iwuon ne odiechieng mirimb Nyasaye, ma buche makare noelie. 6 Chieng'no Nyasaye "nochul ng'ato ka ng'ato kaluwore gi tim-bene." 7 Ne joma osetimo kinda kuom timo maber, ka gidwaro duong' kod luor, kod gik maok tho, enomi ngima mochwere. 8 To joma dwaro margi kendgi, kendo maok lu adiera, to luwo mana timbe maok kare, norom gi mirima mager kod gero. 9 Masira gi chandruok malit nobedi ne ji duto matimo richo, mokuongo ne jo-Yahudi eka bang'e ne Ogendini bende; 10 to duong' gi luor kod kuwe nobed ni ji duto matimo maber, mokuongo ni jo-Yahudi, kendo ni Ogendini bende. nNikech Nyasaye ok dew wang' ji. 12 Ji duto matimo richo, ka gionge gi Chik, nolal bende ka gionge chik, to ji duto matimo richo ka gin e bwo Chik nong'adne bura gi Chik nogo. 13 Nimar ok joma winjo Chik gi itgi ema nikare e nyim Nyasaye, to mana jogo, matimo gima Chik owacho, ema ibiro keto kare. 14 (Chutho ka Ogendini maonge gi Chik, timo gik ma Chik dwaro, kata obedo ni gikia Chik, to gidoko chik negin giwegi kata obedo ni gionge gi chik kamano. 15 nikech ginyiso ni gima Chik dwaro ondiki e chunygi, kendo kata chunygi giwegi bende bedo joneno ni mano en adier, kendo pachgi seche moko ng'adonegi bura kaka joketho, to seche moko pwoyogi.) 16 Mano notimre e odiechieng' ma Nyasaye nong'ad bura ne maling' ling' mag dhano kuom Kristo Yesu kaka Injili ma ayalo wacho.
Jo-Yahudi Kod Chik
17 Koro in ka in iluongori ni ja Yahudi; ka iyiengori kuom Chik, kendo ipakori kuom winjruok ma in-go kod Nyasaye; 18 ka ing'eyo dwarone, kendo inyalo pogo gima ber moloyo nikech isepounjori chik, 19 Ka ing'eyo chuth ni in jatelo ne muofni, kendo ni in ler ne joma nie mudho; 20 bende ni in jatecho mar joma ofuwo, kendo ni in japuonj mar nyithindo mayom nikech Chik ma in go oting'o ng'eyo kod adiera 21 koro, in mipuonjo joma moko, donge ipuonjrie in iwuon? In miyalo ni kuo rach, mit ki into ikwelo? 22 In miwa-cho ni ji kik terre, mit into iterori? In ma ichayo nyiseche manono, mit ki iyako ute milemoe? 23 In ma isungori nikech Chik ma in-go, dipo ikelo achaya ne Nyasaye kuom ketho Chik? 24 Mana kaka ondiki ni, "Nying Nyasaye iyanyo e dier Ogendini nikech un." 25 Tero nyangu nigi ohala mana ka imako Chik, to ka iketho Chik to ichalo ng'at mane ok oter nyangu. 26 Omiyo ka joma ok oter nyangu timo gik ma Chik dwaro to donge inyalo bi kwan-gi kaka joma oter nyangu? 27 Koro ng'at ma ok oter nyangu e yor ringruok, to oluwo chik, biro ng'adoni bura, in ma in-gi Ndiko mar Chik kendo oteri nyangu to in jaketh chik. 28 Nikech ng'ato ok en ja-Yahudi mana kuom nenruokne maoko kata nikech otere nyangu e ringre maoko. 29 Ooyo, ng'ato en ja-Yahudi ka en kamano gi e chunye kendo tero nyangu mar adier en mar chuny, kuom Roho to ok mar chike mondiki. Ng'at ma kamano ok yud pak kuom ji, to oyudo pak kuom Nyasaye.
Adiera Mar Nyasaye
1 Kare ere oh and bedo ja-Yahudi kata ber tero nyangu? 2 Nitie ber mang'eny! Mokuongo, gin emane omigi wechegi mag Nyasaye. 3 To kapo ni moko kuomgi neonge gi yie to? Bende bedogi maonge yie nyalo ketho adiera mar Nyasaye? 4 Mano ok nyalre kata matin! Nyasaye nyaka sik jaadiera, to dhano ka dhano ja-miriambo. Mana kaka ondiki ni, "Mondo ibedi kare ka iwuoyo kendo ilochi kiyalo bura." 5 To ka timbe wa maricho konyo kuom guro tim makare mar Nyasaye, to dwawach ang'o? Dwawach ni Nyasaye timo marach kokumowa gi mir-imbe mager? (Awuoyo kaka dhano.) 6 Ok kamano ngang'! Nikech ka en kamano to Nyasaye ding'ad bura ne piny nade? 7 Ng'ato nyalo penjo ni, "Ka miriambona nyalo miyo adiera mar Nyasaye medore, kendo duong'ne bende medo nyisore to marang'o pod ing'adona bura kaka jaricho?" 8 Kare ang'o mono wacho (kaka osebed kiyanyowa ni wawacho, kendo kaka jomoko osiko ni wawacho) ni "Watimuru atima richo mondo eka ber obedie?" Joma kamago owinjore kumgi!
Onge Ng'ama Jaadiera
9 Koro dwawach nang'o mogik? Bende waber adier? Ok kamano ngang'! Waseng'ado bura ni jo- Yahudi gi Ogendini joricho machalre. 10 Mana kaka ondiki ni, "Onge ng'ama kare, bende onge kata achiel; 11 Onge ng'ama wach donjone, onge ng'ama dwaro Nyasaye. 12 Ji duto oseruenyo, giduto gisedoko joma nono; onge ng'ama timo maber, onge kata achiel." 13 "Dwondgi chalo liete moya-wore; lewgi olony e wacho miriambo. "Sum mar timonel fu nie pien dhogi." 14 "Dhogi opong' gi kuong' kod weche makech." 15 "Tiendegi leng'ore ka dhi chuero remo; 16 kethruok kod masira nie yore ma giluwo, 17 kendo yor kuwe ok ging'eyo." 18 "Luoro Nyasaye onge e wang'gi." 19 To koro wang'eyo ni gimoro amora ma Chik wacho, owacho ne joma nie bwo chik, mondo dhok duto oling' thi, kendo buch Nyasaye olo piny duto. 20 Kuom mano, onge ng'ama noket kare e nyime kuom timo gik ma Chik owacho, to kuom Chik ema dhano ng'eyoe kethone.
Bedo Makare E Yor Yie
21 To koro yor ngima makare mar Nyasaye, maok otenore kuom chik, oseelore, mana kaka Ndiko mag Musa gi Jonabi nyiso. 22 Ngima makareni mar Nyasaye, yudore e yor yie kuom Yesu Kristo ne ji duto moyie. Onge pogruok; 23 nimar ji duto oseketho kendo girem kuom duong' mar Nyasaye, 24 to iketogi kare nono kuom ng'wonone, nikech warruok ma nobiro kuom Kristo Yesu, 25 Nyasaye nochiwe kaka misango magolo richo, nikech yie kuom rembe. Ne otimo ma mondo onyis timne makare, nikech e kinde motelo, Nyasaye noweyo mak okumo richo mane ji osetimo nikech kechne. 26 Notimo kamano mondo onyis ratiro e ndalogi ni en owuon en kare, kendo ni oketo kare joma nigi yie kuom Yesu. 27 To kare koro ng'aruok nikune? Ong'ad kare oko chuth. ogole gi yo mane? E yor timo gima chik dwaro? Ooyo, gi yor yie. 28 Nikech gima wang'eyo en ni ng'ato iketo kare kuom yie to ok kuom timo gik ma Chik dwaro. 29 Koso dibed ni Nyasaye en Nyasach jo-Yahudi kendgi? Donge en Nyasach Ogendini bende? Ee, en mar Ogendini bende, 30 nikech Nyasaye en achiel kende kendo obiro keto kare joma oter nyangu kuom yie, mana kaka otimo ne joma ok oter nyangu bende e yor yie achielno. 31 Koro Chik bedo maonge tich nikech wach yie mwaloseni koso? Ok kamano ngang'! Kata kamano warito Chik.
Ibrahim Obedo Jaadiera Kuom Yie
1 To koro dwawach ang'o kuom Ibrahim ma kwarwa kuom ringruok; en to nowinjo tiend wachni nade? 2 Nikech kaponi Ibrahim noket kare kuom tijene to dine obedo gi gima onyalo pakorego, to ok e nyim Nyasaye. 3 Ndiko to wacho nang'o? Ibrahim noyie kuom Nyasaye, kendo mano nomiyo okwane ng'ama kare." 4 To ong'ere malong'o ni chudo mimiyo ng'ato bang' tich ok miye kaka mich; to imiye kaka gir luche mosetiyone. 5 To kuom ng'at maok ti gimoro to oketo mana genone kuom Jal maketo jomaricho kare, yie ma kamano ikwano kaka tim makare. 6 Daudi bende wuoyo kuom wachni koloso kuom hawi ma ng'ama Nyasaye kwano kaka ng'ama kare maok ti gimoro nigo 7 "Gin johawi jogo ma richogi owenegi, kendo ma richogi oum. 8 En jahawi jamo ma Ruoth ok nokwanne richoge." 9 To hawi miwuoyeni dobed mana mar joma oter nyangu kende, koso en mar joma ok oter nyangu bende? Wawacho ni yie mar Ibrahim nokwanne kaka tim makare" 10 Ere kaka nokwan nego? Ne en kosetere nyangu koso ka podi? Ok ne en bang'e, to ne en kapok otere nyangu. 11 Ne oyudo kido mar nyangu achien kaka ranyisi mar bedo ng'ama kare, ma noseyudo motelo kuom yie kapok otere nyangu. Kuom mano en kwar ji duto moyie to ok oter nyangu, mondo joma kamago be oketgi kare. 12 To bende en kwar joma oter nyangu, maok oter mana nyangu kende, to maluwo kit yie ma kwarwa Ibrahim ne nigo kane pok otere nyangu. 13 Nikech singruok mane omi Ibrahim ni piny nobed mare, ne ok obirone kata ne kothe kuom chik, to nobiro kuom tim makare mar yie. 14 Kapo ni joma oluwo Chik ema bedo jocham gikeni to yie obedo kayiem nono, kendo singruok onge tiende, 15 nikech Chik kelo mirima. To kama Chik onge, ketho chik bende onge. 16 Kuom mano, singruok biro kuom yie eka obedo kuom ng'wono, kendo nyikwa Ibrahim duto oyud singruokno, to ok ne joma rito chik kende to nyaka joma nigi yie machal gi mar Ibrahim. En e wuonwa waduto. 17 Mana kaka ondiki ni, "Aseketi wuon ogendini mang'eny." En wuonwa e nyim wang' Nyasaye mane oyie kuome, Nyasaye machiwo ngima ni joma otho kendo maluongo gik maonge mana kagima gintie. 18 Kata obedo ni gima dine mi Ibrahim bed gi geno ne onge, ne pod oyie ayiea ni nobiro bedo "wuon ogendini mang'eny," mana kaka nosewachne ni, "kamano e kaka kothi nobed". 19 Ne ok odok chien e yie, kata obedo ni ringre owuon ne chai gima otho (nikech hike ne romo kar mia achiel), kendo kata ni Sara ne migumba ma kinde minyuoloe nyithindo osekalo. 20 Kiawa moro amora ne ok omiyo okier oweyo singruok Nyasaye, to nomedo bedo motegno e yie mare komiyo Nyasaye duong', 21 kendo noyie chutho ni Nyasaye ne nigi nyalo mar timo gima nosesingore ni notim. 22 Emomiyo yiene "ne okwan-ne kaka tim makare." 23 To weche mawacho ni, "ne okwan nego, "ne ondiki ok ni en kende, 24 to ne wan bende, ma Nyasaye biro ketonwa tim makare, wan mwayie kuom Jal mane ochiero Yesu Ruodhwa oa kuom joma otho. 25 En mane ochiwe mondo otho nikech richowa kendo nochiere mondo oketwa kare.
Kuwe Kod Mor
1 Emomiyo, kaka koro oseketwa kare kuom yie, wan gi kuwe gi Nyasaye kuom Ruodhwa Yesu Kristo, 2 ma kuome waseyude kuom yie yor chopo e ng'wono makoro wachungoe. Bende wail kuom geno mar duong' mar Nyasaye. 3 To ok mano kende, to wail bende kuom chandruok mwayudo, nikech wang'eyo ni chandruok kelo kinda, 4 to kinda kelo kido maber to kido maber kelo geno. 5 To geno ok kuod wiwa, nikech Nyasaye oseolo her-ane ei chunywa kuom Roho Maler, ma osemiyowa. 6 Nikech, e kinde mowinjore, kane pod ok wanyal, to Kristo nothone wan joma richo. 7 Ok en gima yot mondo ng'ato otho ni ng'at makare; dipo nono ng'ato ditho ni ng'at maber. 8 To Nyasaye nyiso herane moherowago kama: Kane pod wan joricho to Kristo nothonwa. 9 Kaka koro oseketwa kare kuom rembe, donge ibiro reswa chuth kendo moloyo e mirimb Nyasaye nikech En! 10 Nikech kane pod wan wasik Nyasaye to ne oke-towa osiepene kuom tho mar Wuode koro kaka osetimwa osiepene donge ibiro reswa moloyo nikech ngimane! 11 To ok mano kende, wail bende kuom Nyasaye, nikech Ruodhwa Yesu Kristo, ma kuome oseketwa wabedo osiepe Nyasaye.
Tho Kuom Adam, Ngima Kuom Kristo
12 Emomiyo mana kaka richo nodonjo e piny nikech ng'at achiel, kendo richono nokelo tho; e kaka tho nobiro kuom ji duto, nikech ji duto noketho, 13 chutho richo ne nie piny kane pok Chik obetie. To richo ok kwan kaka richo ka Chik onge. 14 Kata kamano tho nolocho chakre ndalo Adam nyaka ndalo Musa, kendo noloyo nyaka joma ne ok oketho kaka Adam, mane en kido mar Jal mane onego obi. 15 To mich michiwo nono opogore gi bayo yo. Nikech ka ji mang'eny notho nikech bayo yo mar ng'at achiel, to nobedo maber manade ka ng'wono mar Nyasaye kod mich manobiro kuom ng'wono mar ng'at achielno, ma en Yesu Kristo, nochiw mogundho ni ji mang'eny. 16 To bende mich Nyasaye opogore gi gima richo mar ng'at achiel nokelo. Nikech bura noluwo richo achiel mokelo kum, to mich ma nobiro bang' bayo yo kinde mang'eny nomiyo oketowa kare. 17 Nikech ka bayo yo mar ng'at achiel nomiyo tho olocho kuom ng'at achiel nogo, koro joma yudo ng'wono mogundho kod mich mar ngima makare donge biro bedo gi loch mar ngima maduong' moloyo kuom ng'at achielno, ma en Yesu Kristo. 18 Emomiyo mana kaka bayo yo mar ng'ato achiel nokelo kum ne ji duto, e kaka tim makare mar ng'at achielno miyo ji duto bedo makare kendo yudo ngima. 19 Nikech kaka tamruok winjo wach mar ng'at achiel nomiyo ji mang'eny odoko joricho, e kaka winjo wach mar ng'at achielno biro miyo iketo ji mang'eny kare. 20 To Chik nomedi mondo bayo yo omedre. To kama richo nomedoree, ng'wono nomedoree moloyo, 21 mondo kaka richo nobedo gi loch mokelo tho, e kaka ng'wono bende obedie gi loch kuom tim makare, makelo ngima mochwere kuom Yesu Kristo Ruodhwa.
Tho Ne Richo, Bedo Mang'ima Ei Kristo
1 En ang'o ma koro wanyalo wacho? Dwadhi nyime ka watimo richo mondo eka ng'wono omedre? 2 Gima kamano kik timre! Ne watho e richo; ere kaka wanyalo dhi nyime kwadak e iye? 3 Koso donge ung'eyo ni wan duto mane obatiswa kuom Kristo Yesu, nobatiswa e thone? 4 Omiyo noikwa kode e tho kuom batiso, mondo kaka Kristo nochier oa kuom joma otho kuom duong' mar Wuoro, e kaka wan bende onego wadagi e ngima manyien. 5 Koseriwwa kode kamano e thone, to ochuno ni ibiro riwwa kode bende e chierne. 6 Nimar wang'eyo ni dhandwa machon nogur kode mondo ringruok mar richo okethi, kendo kik koro wabed wasumbni mag richo. 7 nikech ng'ato ang'ata mosetho osegony kuom richo. 8 Koro ka wasetho gi Kristo, wan gi yie ni wabiro bedo mangima kode bende. 9 Nimar wang'eyo ni kaka Kristo nochier oa kuom joma otho, ok onyal tho lendo, nikech tho koro onge gi loch kuome. 10 Tho ma nothogo notho ne richo dichiel kendo mogik; to ngima ma ongimago, ongima ne Nyasaye. 11 E kaka un bende nyaka ukwanru ni utho ne richo, to ungi-ma ne Nyasaye ei Kristo Yesu. 12 Emomiyo koro kik uyie mondo richo obed gi loch e ringreu matho ka uchopo gombone maricho. 13 Kik uchiw fuonde ringreu ni richo kaka gik mikethogo, to chiwreuru ne Nyasaye kaka joma osegol e tho moter e ngima; kendo chiwneuru fuonde ringreu kaka gik mitimogo timbe makare. 14 Nimar richo koro ok nobed gi loch kuomu, nikech koro ok un e bwo chik, to un e bwo ng'wono.
Wasumbini Ne Tim Makare
15 To ang'o kendo? Dwatim atima richo nikech ok wan e bwo chik, to wan e bwo ng'wono? Gima kamano kik timre! 16 Donge ung'eyo ni ka uchiworu ne ng'ato mondo uwinje kaka wasumbini to un wasumbini mag jal muwinjono, bed ni un wasumbini mag richo, makelo tho, kata mag winjo wach, makelo ngima makare. 17 To erokamano ne Nyasaye nikech kata obedo ni yande ne un wasumbini mag richo, to ne umako kit puonj mane omiu gi chunyu duto. 18 Osegonyu e richo mi koro udoko wasumbini ne tim makare. 19 Awacho ma e winjo mar dhano nilech uyomyom kaka dhano. Mana kaka yande chon ne uchiwo fuonde ringreu madoko wasumb timbe mochido, kendo ne richo mosiko medore ameda, e kaka koro owinjore uchiw fuonde ringreu obed wasumbini mag timbe makare makelo ngima maler. 20 Kane un wasumbini mag richo, ne un thuolo korka tim makare. 21 En ohala mane mane uyudo e kindeno kuom gik makoro miyou wichkuotgi? Giko mar gigo en tho! 22 To ka koro osegonyu kuom richo mi ubedo wasumbini mag Nyasaye, ohala muyudo kelo ngima maler ma gikone en ngima mochwere. 23 Nikech misach richo en tho, to mich ma Nyasaye chiwo en ngima mochwere kuom Kristo Yesu Ruodhwa.
Puonj Kuom Kend
1 Koso ukia, owetena, (nikech awuoyo gi joma ong'eyo chik), ni chik otweyo ng'ato mana ka pod ng'atno ngima? 2 Kuom ranyisi, dhako mokendi Chik otweyo gi chwore mana ka chwore pod ngima; to ka chwore otho, to ogonye e chik moriwe gi chwore. 3 Kamano bende, ibiro luong dhakono ni ochot ka odak gi dichwo machielo ka chwore pod ngima. To ka chwore otho, to ogonye kuom chi-kno kendo ka dichwo machielo okende to ok kwane kaka ochot. 4 Kamano owetena, un bende, usetho korka chik kuom ringre Kristo, mondo koro ubed jo ng'at machielo, ma en Jal mosechier oa kuom joma otho, mondo eka wanyag olemo ne Nyasaye. 5 Nimar kane pod ringruok chikowa, chik ne chiewo gombowa maricho, kendo ne gitiyoe dendwa, omiyo ne wanyago olemo makelo tho. 6 To sani nikech wasetho ne gima notweyowa chon, mondo wabed wasumbini, ok manie bwo chik machon mondiki, to manie ngima manyien.
Nyagrouk Gi Richo
7 Kare koro dwawach ang'o? Chik en richo koso? Ok kamano ngang'! Adiera dine ok ang'eyo gima richo en kane onge chik. Nimar bende dine ok ang'eyo gima chik en kane ok owacho ni, "Kik igombi gir wadu." 8 To richo nokawo thuolo manie i chik mopidho kit gombo mayoreyore kuoma nimar ka chik onge to richo otho. 9 Mokuongo kane chik onge, to ne angima angima, to ka Chik nobiro, to richo nochier, kuoma mi atho. 10 Nanwang'o ni chik onogono, mane onego okel ngima, nolokore mokelo tho. 11 Nimar richo nokawo thuolo manie i chik, mowuonda, kendo okonyore gi chik nogo mondo onega. 12 Omiyo Chik en gima ler, kendo buche Nyasaye bende ler, kendo ni kare, kendo ber. 13 To dibed ni gima ber ema nolokrena tho? Ok kamano kata matin! To mondo richo ong'ere kaka richo, nokonyore gi gima ber mokelo tho kuoma, mondo eka onyisre kaka gima rach mokalo kare. 14 Wang'eyo ni Chik en gir chuny; to an ng'at ringruok, kendo richo oseng'iewa moloka misumbane. 15 Gik ma atimo odhiera ng'eyo. Nimar ok atim gik ma adwaro, to atimo mana gik ma achayo. 16 Koro ka atimo gik maok adwar, to mano nyiso ni Chik ber. 17 Chutho, an ok ema atim gino, to richo manie iya ema time. 18 Ang'eyo ni onge gimoro kata achiel maber manie iya, tiende ni, kita mar richo. Nimar an-gi gombo mar timo gimaber to ok anyal time. 19 Nimar ok atim gima ber ma adwaro mondo atim to asiko atimo mana gima rach, 20 Koro ka atimo gima ok adwar timo, to koro an ok ema atime, to richo modak e iya ema time. 21 Omiyo uyudo chikni ka tiyo: ni ka adwaro timo gima ber, to apo ka rach bende osieko ni koda 22 Nimar gie chunya maiye amor gi chik Nyasaye; 23 to aneno chik machielo e fuonde mag ringra makedo gi chik manie pacha, mamiyo abedo misumba Chik mar richo manie fuondega. 24 Mano kaka an ng'ama chandore! En ng'a mabiro resa kuom ringruokni mar tho? 25 Erokamano ne Nyasaye kuom Yesu Kristo Ruodhwa! Kuom mano, an awuon gie i pacha an misumba mar chik Nyasaye, to kuom kita mar richo ringra, an misumba mar chik mar richo.
Ngima Kuom Roho
1 Emomiyo koro onge bura kuom joma ni ei Kristo Yesu, 2 nikech kuom Kristo Yesu Chik mar Roho mar ngima osegonya kuom Chik mar richo kod tho. 3 Nimar gima Chik ne ok nyal timo, nikech ringruok nomiye nyawo, Nyasaye notimo kuom oro Wuode owuon, e kit dhano ma jaricho mondo obed misango magolo richo. Osetimo kamano kuom ng'ado ne richo bura e ringruok, 4 mondo eka dwaro makare mar Chik ochopi kare chuth kuomwa, wan ma wadak kaka Roho dwaro to ok kaka ringruok dwaro. 5 Joma odak kaka ringruok dwaro oketo pachgi kuom gik ma ringruok dwaro to joma odak kaka Roho dwaro, oketo pachgi kuom Roho. 6 Paro mar jaricho en tho, to paro ma Roho chiko kelo ngima kod kuwe 7 Kuom mano, paro moket kuom ringruok mon-gi Nyasaye. Ok oyie bet e bwo loch mar chik Nyasaye, kendo ok onyal timo kamano. 8 Joma kido mar richo chiko ok nyal moro Nyasaye. 9 To kata kamano, un ok chiku gi kido mar richo, to Roho ema chikou, ka en adier ni Roho mar Nyasaye odak e iu. Kendo ka ng'ato onge gi Roho mar Kristo ok en ng'at Kristo. 10 To ka Kristo nie iu, to kata obedo ni ringruok otho nikech richo, to chuny ngima nikech tim makare. 11 Ka Roho mar Jal mane ochiero Yesu oa kuom joma otho odak e iu, to En onogo mane ochiero Kristo oa kuom joma otho obiro chiwo ngima ni ringreu matho, bende kuom Roho modak e iu. 12 Emomiyo wan jogo wi, owetena, ok ne kido mar richo to ni, mondo wadag kaka odwaro, 13 Nimar ka idak kaka kido mar richo dwaro to ibiro tho; to ka kuom Roho, inego timbe maricho mag ringruok, to ibiro bedo mangima. 14 nikech ji michiko gi Roho mar Nyasaye gin nyithind Nyasaye. 15 Nimar ne ok uyudo chuny mamiyo udoko misumba mag luoro kendo, to ne uyudo chuny maketou nyithind ot. To Kuome waywak ni "Abba! Wuora!" 16 To Roho owuon timo neno kaachiel gi chunywa ni wan nyithind Nyasaye. 17 To ka wan nyithind ot, to mano nyiso ni wan jocham gikeni. Wan jocham gikeni mar Nyasaye kendo wan jocham gikeni kaachiel kod Kristo, ka dipo en adier ni wariwore kode e malit mage mondo eka wan bende obi omiwa duong' lode.
Duong' Mabiro Achien
18 To aneno ni malit mwaneno ndalogi tin maok dipim gi duong' mabiro fwenyore kuomwa. 19 Chwech duto rito gi geno chieng' ma nyithind Nyasaye nofwenyre. 20 Nimar chwech nodonjo e kethruok, ok nikech dwarone, to kuom dwaro mar Ng'at mane okete kamano, ka en gi geno 21 ni, chwech bende ibiro gony e twech mar kethruok ma entie, mi kete e thuolo man gi duong' mar nyithind Nyasaye. —Wang'eyo ni chwech Nyasaye duto osebedo ka chur nyaka sani gi rem machal gi muoch matecho. 23 To ok mano kende, to kata wan wawegi ma wan gi olemo mokuongo mag Roho, wachur gie iwa ka pod warito gi siso maduong' mondo olok-wa yawuot od Nyasaye, chieng' ma ringruok nowar. 24 Nimar geno machal kama emane oreswae. To geno mineno ok en geno ngang'. Koso en ng'a manyalo geno gima osebedogo? 25 To ka wageno gima pod waongego to warito gino gi kinda. 26 Kamano bende e kaka Roho konyowa e nyawowa. Wakia gima owinjore wakwa sama walamo to Roho owuon ema kwayonwa gi chur matut mokalo awacha. 27 To En monono chunjewa, ong'eyo gima pach Roho en, nikech Roho kwayo ne joma ler kaluwore gi dwaro Nyasaye.
Joloch Maloyo Joloch
28 Bende wang'eyo ni e gik moko duto tiyo maber ne jogo mohere, jogo moselu-ongi kaluwore gi dwarone. 29 Nimar joma ne Nyasaye ong'eyo chon ema bende ne owalo mondo okaw kit Wuode, eka mondo odok nyathi makayo e kind jowetene mang'eny. 30 To joma nowalogo bende ema noluongo; kendo joma noluon-go noketo kare to joma noketo kare nomiyo duong' bende. 31 Kare en ang'o ma dwawach kuom wachni? Ka Nyasaye ni korwa, en ng'a ma diked kodwa mi lowa? 32 Ka Wuode owuon ema ne ok okecho, to nochiwonwago wan duto, koro en ang'o ma dimone miyowa gik moko duto, kaachiel kode kuom ng'wonone? 33 En ng'a ma di ng'ad bura moro amora ne joma Nyasaye oseyiero? Nyasaye owuon ema keto ji kare. 34 En ng'a ma di ng'ad-nwa bura marach? Kristo Yesu emane otho, to bende ne ochiere odoko mangima mi koro obet e bat korachwich mar Nyasaye, kendo okwayonwa. 35 En ng'a manyalo pogowa gi hera mar Kristo? Dobed masira, koso chandruok, koso sand, koso kech, koso duk, koso gima rach, koso ligangla? 36 Mana kaka ondiki ni, "Nikech in, tho ochomowa odiechieng' duto" ikwanowa kaka rombe midwa yang'o. 37 Ooyo, e gigi duto wan joloch ewi joloch nikech En ma noherowa. 38 Nimar an gi ratiro chuth ni tho kata ngima, kata malaike, kata jochiende, kata masani, kata gik mabiro, kata weg teko, 39 kata bor, kata tut, kata gima ochwe moro amora, ok nyal pogowa gi hera mar Nyasaye mane ei Kristo Yesu Ruodhwa.
Yier Nyasaye Makende
1 Awacho adiera kuom Kristo kendo ok ariambi. chunya bende siro wach ma awachoni en adier kuom Roho Maler. 2 An gi kuyo maduong' kod lit ma ok rum e chunya. 3 Nimar daher mondo an awuon ema okuong'a kendo ong'ad kara oko kuom Kristo, nikech wach owetena awuon, kendo ogandana korka ringruok, 4 ma gin jo Israel. Gin ema noketgi yawuot Nyasaye; gin ema nomigi duong' mar Nyasaye ma gin jood Nyasaye, mane omiyo duong', gi muma, gi chik, gi lemo, kod singruok. 5 Gin bende ema kwerewa madongo noa kuomgi, kendo kata mana Kristo, kuom anyuolane kaka dhano, bende oa kuomgi; En ma en Nyasaye kuom duto, kendo mipako nyaka chieng'! Amin. 6 Mano ok onyiso ni wach Nyasaye orem mak ochopo chenrone. Nimar jo-Israel duto ok gin jo-Israel madier. 7 To bende, nyikwa Ibrahim duto ok gin kothe madier. To en mana kaka Nyasaye nony-iso Ibrahim ni, "kuom Isaka ema kothi ma hie nowuogie." 8 Ma nyiso ni nyithind ringruok ok ema nyithind Nyasaye, to mana nyithind singruok ema ikwano kaka koth Ibrahim. 9 Nimar kama e kaka singruok nowacho, "Ka kinde moketi ochopo to anaduogi kendo Sara noyud wuowi." 10 To ok mano kende; nyithind Rebeka bende ne nigi wuoro achiel machlre ma wuonwa Isaka. 11 To kapok nonyuolgi, kendo kapok ne gitimo gimoro maber kata marach, (mondo eka chenro Nyasaye mar yiero ochung' 12 ok kuom tim, to kuom jal ma luongo ji ne onyise ni, "Wuowi maduong' noti ne wuowi matin." 13 Mana kaka ondiki ni, "Jakobo nahero to Esau nachayo." 14 Koro dwawach ang'o? Ni Nyasaye ok ni kare koso? Ok nyal bet kamano! 15 Nimar owacho ne Musa ni, "Anakech ng'ama adwaro kecho, kendo anang'uon ne ng'ama adwaro ng'uonone." 16 Omiyo ok otenore kuom dwaro kata tich mar ng'ato, to en kuom kech mar Nyasaye. 17 Nimar Ndiko wacho ni Farao ni, "Aseting'i malo mana ne wachni, ni mondo anyis tekona kuomi kendo mondo nyinga olandi e piny duto. 18 kuom mano, wayudo ni ka Nyasaye dwaro kecho ng'a- to to okeche kendo ka odwaro miyo chuny ng'ato doko matek to otimo kamano. 19 To nga'to kuomu nyalo nyisa ni, "Ka kamano to Nyasaye pod kwanowa kaka joketho nang'o? Koso en ng'a ma ditam dwarone timore? 20 To in, in ng'a yaye dhano, ma didwokri gi Nyasaye? Gima ochwe be diwachne ng'at mochweye ni, "Ang'o momiyo ne ichweya machal kama?" 21 Donge jachue agulu nigi ratiro mar tiyo gi lop chuecho kaka ohero; kochueyo kode agulni moko ne tich mogen, to moko ne tich aticha mapile? 22 To ere rachne ka Nyasaye noyiere mar nyiso mirimbe, kendo mar nyiso ji tekone to osetimo kinda, kohore mos aming'a mak otoyo mirimbe kuom joma owinjore okum, ma gin joma noik netho? 23 Donge dibed ni notimo kamano mondo omi mwandu mar duong'ne ong'e gi jogo modwaro kecho mane osechano chon ne duong'. 24 ma oriwo wan bende, wan moseluongowa, ok kuom jo-Yahudi kende, to kuom Ogendini bende? 25 Mana kaka owacho e Hosea ni, "Joma ne ok joga, abiro luongo ni jahere-na kendo jal mane ok oher abiro luongo ni 'moher'" 26 "kendo ni, "Biro bedo ni kany-ono mane owachnegie, 'Ok un joga, ema noluong gie ni yawuot Nyasaye mangima. 27 Isaya bende noywagore kuom wach Israel kawacho ni, "Kata bed ni nyithind Israel ng'eny ka kwoyo mag nam, to mana joma odong' kuomgi kende ema nokuo. 28 Nimar Ruoth biro ng'ado bura ne piny ngima piyopiyo dichiel kendo mogik." 29 En mana kaka Isaya nowacho motelo ni "Ka dine Ruoth Manyalo Gik Moko Duto ok oweyonwa kodhi to dine wachalo gi jo-Sodom, adier, dikoro wan kaka jo-Gomora."
Tamruok Yie Mar Israel
30 Koro dwawach ang'o? Ni Ogendini ma ok Jo-Israel mane ok otemo matek mondo oyud ngima ema koro oseyudo ngima makare nogo miyudo kuom yie; 31 to Israel mane otemo matek mondo oyud ngima makare motenore kuom Chik to pok oyude. 32 Kamano nang'o? Nikech ne gidware ok kuom yie, to kuom yo machielo, ka giparo ni iyude kuom tich. Negichwanyore e kidi mar chwanyruok. 33 Mana kaka ondiki ni, "Ne, ayieyo kidi e Sayun mamiyo ji chwanyore, gi lwanda mamiyo gigore piny, to ng'at mogeno kuome wiye ok nokuod ng'ang.
1 Jowetena, gombo mar chunya gi gima alamoe Nyasaye nejo Israel en ni mondo giyud warruok. 2 Nimar anyalo timo nendgi ni giketo chunygi ne Nyasaye, to kata kamano chunygi ok giketo kuom ng'eyo. 3 Nikech ne gikia ngima makare ma aa kuom Nyasaye, gisetemo keto margi giwegi, ka gidagi rwako yor Nyasaye moketogo ji kare. 4 Kristo e giko mar Chik kendo en ema okelo ngima makare ne ji duto moyie. 5 Musa lero kuom ngima makare maa kuom Chik kama: "Ng'at matimo gigi nobed mangima kuomgi." 6 To ngima makare maa kuom yie to wacho ni, "Kik iwach e chun-yi ni, En ng'a mabiro idho ei polo" (tiende ni, mondo olor Kristo piny), 7 "kata ni 'En ng'a mabiro lor ei bur? (tiende ni, mondo ogol Kristo oko oa kuom joma otho). 8 To owacho nang'o? Wach ni machiegni kodi, en e dhogi kendo e chunyi, (mano e wach yie mwalando; 9 Ni ka ihulo gi dhogi ni "Yesu en Ruoth" kendo iyie ei chunyi ni Nyasaye nochiere oa kuom joma otho, to nowari. 10 Nimar chunyi ema iyiego mi keti kare kendo dhogi ema ihulogo mi wari. 11 Mana kaka Ndiko wacho ni, "Ng'ato ang'ata mogeno kuome ok nokuod wiye ngang'. 12 Nimar onge pogruok e kind jo-Yahudi gi Ogendini; Ruoth en Ruoth machalre ne ji duto, kendo en gi mwandu mogundho mopogo ni ji duto maluongo nyinge, 13 nimar, "Ng'ato ang'ata maluongo nying Ruoth nowar." 14 To ere kaka digiluong Ng'at ma pok giyie kuome? Koso digiyie nadi kuom Ng'at mapok giwinjo kuome? To giniwinj kuome nadi kaonge ng'ama oyalonegi? 15 To ere kaka digiyal wach kuome ka ok oorgi? Mana kaka ondiki ni, "Mano kaka tiende joma kelo Wach Maber long'o!" 16 To jo Israel duto ok oserwako Wach Maberni. Nimar Isaya nowacho ni, "Ruoth, en ng'a moseyie wach mwalan-do?" 17 Kuom mano yie aa kuom wach miwinjo kendo wach miwinjono en wach Kristo. 18 To apenjo kama: Donge gisewinjo wach? Chutho, gisewinjo, nikech, "Dwondgi osedhi e piny duto, kendo wechegi osetundo e tung' piny." 19 Apenjo kendo kama; Be Israel nowinjo tiend wach? Mokuongo, Musa wacho ni "Anami nyiego maku gi joma ok owinjore kwan ka oganda; anami mirima maku gi oganda maonge rieko." 20 Isaya to loso gi chir ni, "Ne oyuda gi joma ne ok dwara. Ne afwenyorane joma ne ok penja." 21 To kuom Israel to owacho ni, "Odiechieng' duto narieyo bedena ni joma ok winj wach kendo ma wigi tek. "
Jo-Israel Mane Otony
1 Koro apenjo ni, Ne Nyasaye okwedo jogo koso? Ooyo, ok kamano ngang! An awuon an ja Israel ma nyakwar Ibrahim, kendo ma ja dhood Benjamin. 2 Nyasaye ne ok okwedo joge mane ong'eyo chakre chon. Donge ung'eyo gima Ndiko wacho kuom Elija, kaka noyuagore ni Nyasaye nikech wach jo-Israel: 3 "Ruoth, gisenego jonabi magi kendo gisemuko kendegi mag misango mi an kenda ema adong', to an bende gichano mar nega"? 4 To Nyasaye nodwoke nang'o? "Asekano ne an awuon ji alufu abiriyo mapok ogoyo chonggi piny ne Baal." 5 Kuom mano, kata sani bende pod nitie jomodong', moyier kuom ng'wono. 6 To ka en kuom ng'wono, to mano nyiso ni koro ok yude kuom tich, nono to ng'wono koro ok dibed ng'wono. 7 To nadi? Gima Israel ne manyo gi tekrene duto ne ok onwang'o to joma oyier ema noyude. Jomamoko duto chunygi nodoko matek, 8 mana kaka ondiki ni, "Nyasaye nomiyogi chuny mar nindo matut gi wenge mondo kik ginen kod it mondo kik giwinj wach nyaka sani." 9 Daudi bende wacho ni : "Mad mesagi olokre negi rachwany gi ragaji, mad obednegi kidi mar chwanyruok kendo gima ichulogo kuor kuom timbegi maricho. 10 Mad wengegi dinre mondo kik ginen, kendo dieng'egi osik kodolore nyaka chieng'."
Bede Yien Maok Ochwogi
11 Apenjo kendo ni: Dibed ni ne gipod-ho mokalo akonya koso? Ok kamano ngang'! To nikech ketho mag-gi, warruok koro osebiro ne Ogendini mondo omi Israel obed gi nyiego. 12 To ka kethogi kelo mwandu ne piny kamano kendo ka rem margi kelo mwandu ne Ogendini, to mano kaka warruok margi nobed mwandu maduong' moloyo manadi? 13 To loro awuoyo kodu un Ogendini. Kaka an Jaote ne Ogendini, amiyo tichna duong', 14 ka an gi genoni di ami ogandana awuon nyiego maki mi awar moko kuomgi. 15 Nimar ka dagi mane Nyasaye odagigigo ema omiyo koro osiep obetie kind Nyasaye gi piny duto, donge rwakgi to nokel mana chier aa kuom joma otho? 16 Ka bath mogo modwal ochiw kaka olemo mokuongo ler, to mano nyiso ni mogo modwal duto ler; kendo ka tiend yath ler, to bede yath bende ler. 17 To ka bede yath moko nolwer oko, mondo un, ma un kaka yadh bungu, ochomu kargi, eka omi un bende ucham mwandu kaachiel kodgi koa e kor yadh Zeituni maduong', 18 to kik usungru ne bede yathgo. Paraneuru wachni ni: "Un ok ema uchungo tiend yath, tiend yath ema ochungou. 19 Inyalo wacho ni, "To donge nolwer bede yath moko oko mondo ochoma kargi?" 20 Mano en adier. To ng'eni nolwergi oko nikech ne gidagi yie, to un be uchung', mana kuom yie. Omiyo weuru pakoru, to ubed moluor. 21 Nimar ka Nyasaye ne ok okecho bede madier, to kata un ok obi weyou bende. 22 Kuom mano neye ng'wono kod gero mar Nyasaye: oger gi joma ne opodho, to onyiso ng'wonone ne un, to mana ka usiko e ng'wonone; nono to un bende ibiro ng'adou oko. 23 To gin bende, ka ok gisiko e tamruok yie, to ibiro chomogi kendo, nimar Nyasaye nigi teko mar chomogi kendo. 24 To bende kata kane ong'adu kuom yiend Zeituni moti e bungu, ochomu e kor yadh Zeituni mopidhi, ma en gima ok timre pile e yo mayot to donge en gima yot moloyo mondo gin bede yath hie odog ochomgi e kor yadh Zeituni ma margi giwegi.
Jo Israel Duto Ibiro War
25 Owetena ok adwar ni ukia tiend wach mopondoni, adwaro ni uwinj tiend wach mopondoni mondo kik ukawru ni uriek moloyo kaka uchal: Jo Israel moko konchiel osemi chunygi odoko matek nyaka chop kar kwan mowinjore mar Ogendini odonji. 26 Kamano Israel duto ibiro war, mana kaka ondiki ni, "Jawar nobi koa Sayun; enoriemb richo kuom Jakobo." 27 "Kendo ma e singruokna kodgi, ka anagol richogi." 28 Korka Injili gin wasik Nyasaye, nikech un, to korka yiero to ohergi nikech kweregi 29 nimar mich Nyasaye kod luongne ok lokre. 30 Mana kaka un makinde moko ne ok ulu-oro Nyasaye to koro osekechu nikech tamruok yie margi, 31 e kaka gin bende sani ging'anyo, mondo kuom kech mosekechugo, gin bende koro okechgi. 32 Nimar Nyasaye osemiyo ji duto obedo joma otamore winje mondo eka okech ji duto.
Wend Pak
33 Yaye mano kaka mwandu gi rieko gi ng'eyo mar Nyasaye tut miwuoro! Mano kaka buchene oyombo parowa, kendo yorene fwenyo tek! 34 "E en ng'a mosen-g'eyo pach Ruoth? Kata en ng'a mosebedonejang'adne rieko? 35 "En ng'a mosemiyo Nyasaye gimoro ma dobandh Nyasaye mondo ochule? 36 Nimar gik moko duto oa kuome, kendo gintie nikech en, kendo gin mage duto. Duong' obed mare nyaka chieng'! Amina.
Misango Mangima
1 Emomiyo, jowetena, ajiwou kuom w ng'wono mar Nyasaye, mondo uchiw ringreu kaka misango mangima maler kendo ma Nyasaye morgo, nikech mano e yor lemo makare 2 Kik koro ulu kit ngima pinyni, to lokreuru ka parou doko manyien pile, eka unubed gi nyalo mar pimo kendo ng'eyo dwach Nyasaye — dwache maber, mowinjore kendo malong'o chuth. 3 Nimar kuom ng'wono mosemiya, awacho ni ng'ato ka ng'ato kuomu ni: Kik ipar ni iduong' moloyo kaka ichal to ket pachi kare eka ing'ad buchi kaluwore gi kar rom yie ma Nyasaye osepogoni. 4 Nikech mana kaka ng'ato ka ng'ato kuomwa nigi ringruok achiel man-gi fuonde mang'eny, to kendo fuondegi duto ok tim tich machalre, 5 e kaka ei Kristo, waloso ringruok achiel, kata obedo ni wang'eny, kendo ng'ato ka ng'ato kuomwa nie achiel gi jowetene mamoko duto. 6 Wan gi mich mopogore opogore kaluwore gi ng'wono momiwa. Ka mich ng'ato en koro wach to mondo oti kode kaluwore gi yie mare. 7 Ka en tiy-one ji to mondo oti, ka en puonj to mondo opuonji. 8 Ka en jipo, to mondo ojipi; ka en chiwo ne joma ochando, to mondo ochiw gi ng'wono; ka en telo, to mondo orit ji gi kinda; ka en kecho ji, to mondo otime komor.
Hera
9 Hera nyaka bed madier. Sinuru gi timbe maricho; padreuru kuom gik mabeyo. 10 Genreuru ng'ato gi ng'ato gi hera mar owete. Ng'ato ka ng'ato mondo odhial nyawadgi moloyo kaka odhialore. nKik uyie samuoyo nyosu, to neuru ni chunyu osiko kotegno, kutiyo ne Ruoth. 12 Beduru mamor kuom geno, kutimo sinani e sand muyudo, kendo ulamo ma ok uywe. 13 Poguru giu gi jo Nyasaye mochando. Beduru joma rwako welo. 14 Gwedhuru joma sandou; gwedhgiuru agwedha, kik ukuong'gi. 15 Moruru gi joma mor, kendo ywaguru gi joma ywak. 16 Daguru gi winjruok e kindu. Kik usun-gru, to beduru gi chuny mohero riwore gi joma nie ngima mapiny. Kik ng'ato ketre ni oriek moloyo ji mamoko. 17 Kik uchul ng'ato ang'ata rach kar rach. Neuru ni utimo gima ji duto oyiego ni ber. 18 Ka nyalore, to temuru mondo udag gi kwe gi ji duto. 19 Osiepena, kik uchul kuor, to weuru thuolo ne mirimb N)asaye, nimar ondiki ni, "Chulo kuor en mara; abiro chulo, "Ruoth owacho. 20 Ooyo, kar timo kamano "Ka jasiki odenyo, to miye chiemo; ka riyo oloye, to miye gimoro omodhi, kuom timo ma, ibiro olo makaa maliel e wiye." 21 Kik uyie richo lou, to louru richo gi ber.
Winjo Jorit Loch
1 Ng'ato ka ng'ato nyaka winj joma nigi teko marito loch, nimar onge loch mantie, makmana mano ma Nyasaye ema oketo. Loch mantie duto Nyasaye ema oleto. 2 Kuom mano, ng'ama otamore winjo jorit loch to otamore winjo gima Nyasaye ema oketo, kendo joma timo kamano biro yudo kum kuomgi giwegi. 3 Nimar joloch ok ked gi joma timo maber makmana gi joma timo marach. Donge idwaro ni kik iluor joma orito loch? Kara tim gima kare to obiro pwoyi 4 Nimar en jatich N)asaye moketo mondo okonyi. To ka itimo marach to bed abeda maluor nikech ok oting' ligangla kayiem! En jatich Nyasaye machulo kuor gi mirima kokumo ng'ama timo marach. 5 Kuom mano, owinjore mondo ng'ato ka ng'ato owinj jorit loch, ok mana nikech inyalo yudo kum kende, to bende nikech chunyi ok ne ni mano ber. 6 Mano bende emomiyo uchulo osuru, nikech jorit loch gin jotich Nyasaye, kendo gichiwore ne tijno seche duto. 7 Miuru ji duto gik makorgi monego umigi, joma onego uchul osuru; chuluru osuru; joma juogo chuluru pesa juok; joma onego uluor miuru, luor, kendo joma onego umi duong' miuru duong'.
Herruru, Giko Chiegni
8 Kik ubed gi gop ng'ato, makmana gowi mar hera, nimar ng'ama ohero wadgi osechopo Chik.9 Chike mawacho ni, "kik iterri, kik ineki, kik ikwal, kik igombi, kaachiel gi chike mamoko duto, oriw e chik achielni, ""Her wadu kaka iherori iwuon." 10 Hera ok tim marach ne wadgi Kuom mano, hera e chopo chik. 11 To timuru kamano ka uwinjo tiend gik matimore ndalogi. Saa osechopo mondo uchiew ua e nindo maru, nikech warruok marwa koro okayo machiegni moloyo chieng' mane wayie mokuongo. 12 Otieno chiegni rumo ru piny chiegni. Omiyo waweuru timbe mag mudho, to wamanreuru gi gige lweny mag ler. 13 Wadaguru e ngima mobidhore kaka joma ni e ler mar odiechieng', ka waweyo kit richo duto kaka, tugo e thum, mer, chode, anjawo, dhaw kod nyiego. 14 Kar timo kamano to rwakreuru gi Ruoth Yesu Kristo, kendo kik uchan e pachu kaka unyalo timo gik ma ringruok gombo.
Joma Yom Yom Gi Joma Otegno
1 Rwakuru ng'ama yie mare yom yom maok umino kode wach kuom weche matindo ma paro opogoree. 2 Ng'ato nyalo bedo gi yie mar chamo chiemo moro amora, to ng'at machielo ma yiene yom yom chamo mana alot kende. 3 Kik ng'at machamo gik moko duto buon ng'at maok cham, kendo ng'at maok cham gik moko duto bende kik ng'ad bura ne ng'at machamo, nikech Nyasaye oserwake. 4 In to in ng'a ma inyalo ng'ado bura ne jatich ng'at machielo? Kochung' kata kopodho to obadho mana ruodhe owuon. To obiro mi ochung' nimar Ruoth nigi nyalo mar miyo ochung'. 5 Ng'at achiel neno ni odiechieng' moro ler mohingo machielo; ng'at machielo to okaw odiechienge duto ni romre. Ng'ato ka ng'ato mondo obed gi ratiro e pache owuon. 6 Ng'at mokawo odiechieng' moro ni duong' moloyo machielo timo kamano mondo omi Ruoth duong'. Ng'at machamo ring'o bende chiemo kamiyo Ruoth duong', nikech ogoyo erokamano ne Nyasaye. Kamano bende, ng'at maok chiem be ok chiem kuom duong' mar Ruoth, kendo ogoyo erokamano ne Nyasaye. 7 Nimar onge ng'ato kuomwa ma ngimane en mare owuon, kendo onge ng'ato kuomwa matho ne en owuon. 8 Ka wangima to wangima ni Ruoth; kendo ka watho to bende watho ne Ruoth. 9 Ma emomiyo Kristo notho mochako odoko mangima kendo mondo obed Ruodh joma ngima gi joma otho duto kaachiel. 10 Koro ang'o momiyo in ing'ado bura ni nyawadu? Koso in ijaro nyawadu nang'o? Nimar wan duto wabiro chung' e nyim kom bura mar Nyasaye. 11 Nikech ondiki ni, "Kaka angima, Ruoth owacho, chonge duto nogona piny kendo lep duto nowuo kuom Nyasaye." 12 Omiyo ng'ato ka ng'ato kuomwa nodwok wach kuome owuon ne Nyasaye. 13 Kuom mano, waweuru ng'ado ne jowetewa bura. Kar timo kamano to temuru matek mondo kik ng'ato kuomu oket rachwany kata rageng' e yor nyawadgi. 14 Kaka ng'ama nie i Ruoth Yesu, ang'eyo malong'o ni onge chiemo maok ler kende owuon. To ka ng'ato okawo gimoro ni ok ler, to gino dok one maok ler ne en owuon. 15 Kapo ni gima ichamo miyo nyawadu hinyore, to mano nyiso ni iseweyo wuotho e hera. Kik iyie gima ichamo keth ng'at mane Kristo oth-one. 16 Omiyo kik iyie mondo gima ikawo ni ber, ji wuoe kaka gima rach. 17 Nimar pinyruodh Nyasaye ok en chiemo gi metho, to en ngima makare gi kuwe k>d mor ei Roho Maler, 18 nikech ng'ama tiyo ne Kristo e yo machal kama ema long'o ne Nyasaye, kendo ng'at ma kamano ema ji oyiego. 19 Kuom mano, watemuru matek mondo watim kuwe kod gik mwanyalo gerorego ng'ato gi ng'ato. 20 Kik iketh tich Nyasaye nikech wach chiemo. Chiemo duto ler, ok ber mondo ng'ato ocham gimoro amora mamiyo ng'at machielo podho. 21 Ok ber mondo icham ring'o kata imadh divai, kata itim gimoro amora machielo manyalo miyo nyawadu podhi. 22 Omiyo gimoro amora ma iyie e chunyi ni ber kuom wechegi keti obedni maling'ling' e kindi gi Nyasaye. En jahawi, jalno ma chunye ok ng'adne bura kuom gima oparo ni ber. 23 To ng'at machiemo ka nigi kiawa e chunye bura oloyo kapo ochiemo nikech ok ochiem kuom yie; to gik moko duto motim ka ok oa kuom yie en richo.
1 Wan joma otegno onego wating' nyawo mar joma yomyom maok watimo mana gik mamorowa wan wawegi. 2 Ng'ato ka ng'ato kuomwa nyaka tim gik mamoro nyawadgi, ka en gi thorro maber mar gere. 3 Nimar kata Kristo bende ne ok otimo gik mamore en owuon, to mana kaka ondiki: "Ayany duto mag joma yanyi nolwar kuoma." 4 Nimar weche duto ma nondiki e ndalo machon, nondiki mondo opuonjwa, mondo kwachung' motegno kendo ka wajiwore gi Ndiko, to wanyalo bedo gi geno. 5 Mad Nyasaye mamiyo ji kinda kendo majiwo ji, omi ubed gi chuny achiel e kindu uwegi, kendo kuluwo Kristo Yesu, 6 mondo ka un gi chuny achiel kendo uwacho gi chuny achiel kamano to umi Nyasaye ma wuon Ruodhwa Yesu Kristo duong'. 7 Kuom mano, rwakuru joweteu mana kaka Kristo bende norwakou mondo eka Nyasaye oyud pak. 8 Nimar anyisou ni Kristo osedoko jatich Jo-Yahudi mondo ochop adiera mar Nyasaye, ma en mondo omi singruok mane omi kwerewa otimre, 9 kendo Ogendini omi Nyasaye duong' kuom kechne, mana kaka ondiki ni, "Emomiyo anapaki e kind Ogendini, kendo anawer wende mapako nyingi." 10 Owacho kendo ni "Moruru un Ogendini, kaachiel gi joge, " 11 Kendo ni; "Pakuru Ruoth un Ogendini duto, ee ji duto mondo owerne wende pak," 12 Isaya bende wacho ni: "Tiend yath maka Jesse nowuogi mondo otel ni Ogendini duto, en ema Ogendini nogen kuome." 13 Mad Nyasach geno opong'u gi mor kod kuwe mogundho ka ugeno kuome, mondo eka upong' gi geno motiak kuom teko mar Roho Maler.
Paulo Jatich E Kind Ogendini
14 Jowetena, ang'eyo chuth ni un joma chuth opong' gi ber gi ng'eyo kendo ng'ato ka ng'ato kuomu nyalo puonjo nyawadgi. 15 Kata kamano asendikonu kuom weche moko ka an gi chir mana mondo aparnugi, kendo kuom ng'wono ma Nyasaye omiya, 16 mar bedo Jatich Kristo Yesu e kind Ogendini, ka atiyo tich dolo mar lando Injili Maber mar Nyasaye mondo eka ogendini obed misango maler ma Nyasaye oyiego kendo ma Roho Maler opwodho. 17 Emomiyo ei Kristo Yesu anyalo sungora kuom tichna matiyo ni Nyasaye. 18 To ok anyal hedhora mar wacho gimoro amora, makmana gigo ma Kristo osetimo kotiyo koda kuom loko Ogendini mondo oluor Nyasaye, kuom wechena gi timbena, 19 kotiyo gi teko mar honni gi ranyisi kuom teko mar Roho Maler. Kamano aselworora e piny Jerusalem nyaka Iliriko, kalando Injili mar Kristo adimba. 20 Aseketo chunya mondo ayal Injili kuonde ma ji pok ong'eyje Kristo, mondo kik agedi e wi mise ma ng'at machielo ema nochako.2 !To mana kaka ondiki ni: "Jok mane pok onyis wach kuome none kendo jogo mapok owinjo kuome nowinj tiend wach." 22 Ma emomiyo asetemo dimang'eny mar biro iru to osetama.
Paulo Ochano Limo Rumi
23 To kaka koro onge kuonde modong' ma anyalo tiye e gwengegi, kendo nikech asebedo ka agombo nenou kuom higni mang'eny, 24 achano mar timo kamano kadhi Spania. Ageno mar limou ka abiro kadho gweng'u kanyo, mondo bang' bedo kodu moromo to ukonya e wuodhano. 25 Sani to pod an e wuodha adhi Jerusalem mondo adhi akony jo maler man kuno. 26 Nimar jo Makedonia gi jo Akaya osechi-wo kony gimor ne jomaler modhier man Jerusalem. 27 Ne gimor mar timo ma, to bende gisetimo mana gima owinjore gitim. Nimar owinjore mondo Ogendini, moseyudo lonyruok mar chuny mar jo-Yahudi opog negie mwandu mag pinyni. 28 Omiyo ka asechopo wuodhani, kendo ka aseneno ni giyudo olemoni to abiro dhi Spania, kendo ka akadho e wuodhano to naraw alimu. 29 Ang'eyo ni ka abiro iru to anabi ka apong' gi gweth mar Kristo. 30 Owetena, ajiwou kuom Ruodhwa Yesu Kristo, kendo kuom hera mar Roho, mondo uriwru koda e nyagruokna, kula-mona Nyasaye. 31 Lamnauru mondo Nyasaye oresa e lwet joma odagi yie man Judea, kendo mondo jo maler man Jerusalem orwak tich ma atimo e diergi, 32 mondo ka Nyasaye oyie to abi iru ka amor kendo mondo ka an kodu to uduog chunya, to an bende aduog chunyu. 33 Nyasach kuwe mondo obed kodu uduto. Amin!
Mos Mag Ji Giwegi
1 Apwoyonu nyaminwa Fibi, ma en jatich e kanisa man Kenkrea. 2 Akwayou mondo urwake kuom Ruoth, kaka jomaler onego otim, kendo mondo umiye gimoro amora ma dodwar kuomu, nimar osebedo kokonyo ji mang'eny, nyaka an bende. 3 Mosnauru Priska gi Akula, ma jotich koda kaachiel e Kristo Yesu. 4 Ne giketo ngimagi e chandruok nikech an. Ok an kenda, to kanise duto mag Ogendini, bende pako timgino. 5 Kanisa machokore e odgi bende mosnau-ru. Mosnauru Epaineto, osiepna mageno, ma en ema nokuongo bedo ja- Kristo e piny Asia. 6 Mosnauru Maria, mosebedo katiyonwa matek ahinya e dieru. 7 Androniko kod Junias, ma wedena, kendo mane ni koda e jela, bende mosnauru. Ji ariyogi ochung' moyangore e kind Joote, kendo ne gikwongona yie kuom Kristo. 8 Mosnauru Ampliato ma jaherana kuom Ruoth. 9 Urbano, ma en jatich Kristo wadwa, kod Stakis ma osiepna mageno bende mosnauru. 10 Mosnauru Apele, ng'at mosetem moyud ni ja Kristo maradier. Jood Aristobulo bende mosnauru. nMosnauru watna ma Herodian, kod jood Narkiso, mohero Ruoth. 12 Mosnauru Turfena gi Turfosa, ma gin joma tiyo matek ne Ruoth; kod Per si, joherana mosetiyo matek ahinya ne Ruoth, bende mosnauru. 13 Mosnauru Rufus, ng'at ma Ruoth oyiero kod min-gi mosebedona kaka minwa an bende. 14 Mosnauru bende Asunkrito, Flegon, Herme, Patroba, Herma, kod Jowete duto man kodgi. 15 Filologo gi Julia gi Nerea kod nyamin mare; gi Olumpa kod jomaler duto man kodgi, be mosnauru. 16 Mosreuru, uduto ng'ato gi ng'ato, gi yogruok maler. Kanise duto mag Kristo omosou. 17 Ajiwou, owetena, mondo ung'i maber joma kelo pogruok, kendo keto chwanyruok e yoreu maok oluwore gi puonj museyudo. Wereuru kodgi. 18 Nimar joma kamago ok ti ne Kristo Ruodhwa, to gitiyo mana ne igi giwegi. Giwuoyo gi weche mayom ka giolo ji mondo giwuond chunje joma pachgi thany thany. 19 Ji duto osewinjo kaka uwinjo wach kendo mano omiyo chunya opong' gi mor kuomu, to adwaro mondo ubed mariek korka timo gima ber, kendo ubed maonge wach korka timo gima rach. -°Piyopiyo nono Nyasach kuwe biro toyo Satan e bwo tiendu. Mad ng'wono mar Ruodhwa Yesu Kristo obed kodu. 21 Timotheo, mwatiyogo kaachiel okowonu mos; Lukio gi Jason kod Sosipatro ma wedena bende jomosou. 22 An Tertio, ma jandiko mar baruwani, bende amosou kuom Ruoth. 23 Gayo, moserwaka e ode, kaachiel gi kanisa duto, omosou. Erasto, jakeno maduong' mar dalani, kod o wadwa Kwarto bende kowonu mos. 24 Mad ng'wono mar Ruodhwa Yesu Kristo obed kodu uduto. Amin. 25 Mad ne en manyalo miyo uchung motegno kaluwore gi Injili mara kod lando Yesu Kristo kendo kaluwore gi fweny mar gik mosepandi kuom higini mang'eny mosekalo, 26 to koro oseelgi kendo osemi ji ong'eyogi kaluwore gi Ndiko mag Jonabi, mana kaka Nyasaye mochwere nochiko, mondo Ogendini duto oyie kuome kendo owinj e. 27 Duong' obed ne Nyasaye achiel kende mariek nyaka chieng' kuom Yesu Kristo! Amin.
1 An Paulo, moluongi mondo obed mamoko man kamoro amora maluongo jaote mar Kristo Yesu kaluwore gi nying Ruodhwa Yesu Kristo, ma en dwaro mar Nyasaye kaachiel kod owadwa Sostheno. 2 Wandikonu un Kanisa mar Nyasaye man Korintho, ma un joma osepwodhi ei Kristo Yesu, kendo moseluongi mondo obed joma ler kaachiel gi ji duto mamoko man kamoro amora maluongo nying Ruodhwa Yesu Kristo, ma en Ruodhgi kendo Ruodhwa: 3 Ng’wono gi kuwe moa kuom Nyasaye Wuonwa kod Ruoth Yesu Kristo obed kodu.
Dwoko Ero kamano
4 Adwoko ni Nyasacha erokamano kinde duto kuomu, nikech ng'wonone mosemiyou kuom Kristo Yesu. 5 Nimar kuome usebedo momew e yore duto kaka wuoyo duto kod ng'eyo duto, 6 nikech nendwa kuom Kristo nosir e dieru. 7 Kuom mano ok uremo mich moro amora mar Roho kuritogo odiechieng' ma Ruodhwa Yesu Kristo nofwenyree. 8 En bende obiro ritou mondo ubed motegno nyaka giko, kuonge bura chieng' mar Ruodhwa Yesu Kristo. 9 Nyasaye moselu-ongou mondo ubedie lalruok gi Wuode Yesu Kristo Ruodhwa en jaadiera.
Pogruok Ei Kanisa
10 Asayou e nying Ruodhwa Yesu Kristo, Jowetena, mondo un duto uwinjru ng'ato gi ng'ato. Kik pogruok moro amora bedi e kindu, to beduru kuriworu maok pogu, ka un gi dwaro kod paro machalre. 11 Jowetena, jood Kloe moko osekelona wach ni nitie dhawo e dieru. 12 Tiend gima awacho chai kama: Ng'at moro kuomu wacho ni, "An jakor Paulo;" to ng'at machielo to wacho ni, "An jakor Apolo;" machielo bende oramo ni, "Ajakor Kefa;" to moro to ni, "Ajakor Kristo." 13 Kristo opogore e sidienje koso? Paulo be nogur e msalaba nikech un? Koso nuyudo batiso e nying Paulo? 14 Adwoko erokamano ni ne ok abatiso ng'ato kuomu kata achiel makmana Krispo gi Gayo, 15 omiyo ng'ato ok nyal wacho ni nuyudo batiso e nyinga. 16 (Ee, jood Stefano bende ne abatiso, to ok apar ni nabatiso ng'at machielo mokalo mano.) 17 Nikech Kristo ne ok oora mondo abatis ji, to noora mondo ayal Injili, ok gi weche mamit mag rieko dhano, nono to dipo ka msalap Kristo orna tekone.
Kristo En Rieko Gi Teko Nyasaye
18 Nikech wach msalaba en fuwo ni joma lal, to ni wan joma iwaro, en teko Nyasaye. 19 Nikech ondiki ni, Abiro ketho rieko joma riek; kendo ng'eyo mar joma ong'eyo abiro keyo nono." 20 Ere ng'ama jarieko? Ere ng'at moso-mo moloyo ji? Ere jatwak molony moloyo e pinyni? Donge Nyasaye osemiyo rieko mar pinyni odoko fuwo? 21 Nikech Nyasaye nochano gi riekone ni piny ok nyal ng'eyo Kristo gi riekone owuon, to nochano mana ni kuom fuwo mar wach mwalando ema owargo joma oyie. 22 Jo-Yahudi dwaro ni nyaka timnigi honni, to Jo-Grik to manyo rieko, 23 to wan wa)alo Kristo ma nogur, ma en kidi machwanyo jo Yahudi kendo fuwo ni Ogendini. 24 To kuom ji duto ma Nyasaye oseluongo, bed ni gin jo Yahudi kata jo Grik, Kristo en teko Nyasaye kendo en rieko Nyasaye. 25 Nikech fup Nyasaye riek moloyo rieko dhano, kendo nyawo mare otegno moloyo teko dhano. 26 Jowetena, parieuru kaka nuchal kane Nyasaye oluongou. Ji mathoth kuomu ne ok joma riek, kipimou gi rieko dhano, bende ji mathoth kuomu ne ok joma rahu-ma kata joma oa e koth ruodhi. 27 To Nyasaye noyiero gima ofuwo mag piny mondo okuodgo wi joma riek. Nyasaye noyiero bende gik manyap mag piny mondo okuodgo wi joma rateke. 28 Nyasaye noyiero gik ma piny ochayo kendo manono mondo ong'ad oko gik ma jopiny kwano ni lich. 29 Notimo kamano mondo kik ng'ato osungre e nyime. 30 En e chakruok mar ngimau ei Kristo Yesu, mane obedonwa rieko moa kuom Nyasaye, tiende ni tim makare gi pwodhruok, kod resruok, 31 Emomiyo mana kaka ondiki ni, "ng'ama sungore osungre mana ei Ruoth."
1 Kuom mano Jowetena, kane abiro iru tone ok abiro gi weche mamit kata gi rieko kayalonu matut wach maling' ling' mar Nyasaye. 2 Nikech nang'ado wach e chunya ni kik ang'e gimoro amora machielo mak mana Yesu Kristo kod gur mare. 3 Ne abiro iru gi nyawo kod luoro, kendo ka denda duto tetni. 4 Kane awuoyo kodu kendo ayalonu, to ne ok akonyora gi weche mamit kata mariek, to ne en kuom nyisruok mar teko mar Roho 5 mondo yieu kik gurre kuom rieko dhano, to ogurre mana kuom teko Nyasaye.
Rieko Moa Kuom Roho
6 To wayalo rieko ni joma otegno, to ok rieko mar ndalogi, kata mag ruodhi man-dalogi, mabiro lal nono 7 Ooyo, wawuoyo kuom rieko mopondo mar Nyasaye, ma en rieko mosebedo kopandi kendo mane Nyasaye oikonwa nyaka aa chakruok piny mondo wayud duong'. 8 Jotend pinyni kata achiel ok nowinjo tiend rieko mwayaloni, nikech ka dine giwinje to ok dine giguro Ruodh Duong'. 9 To en mana kaka ondiki ni, "Onge wang' moseneno, kata it mosewinjo, onge chuny moserwako gima Nyasaye oseiko ni joma ohere." 10 Wan to Nyasaye oseelonwa tiend wachne mopondo kuom teko mar Rohone, Roho elo gik moko duto, koda ka weche matut mag Nyasaye. 11 Koso nitie ng'ato manyalo ng'eyo pach ng'at machielo? Donge chuny ng'ato owuon ema ong'eyo gima ni eiye? Kamano bende e kaka onge ng'at mong'eyo pach Nyasaye makmana Roho mar Nyasaye. 12 Roho mwaseyudo ok en roho mar piny, to en Roho moa kuom Nyasaye, mamiyo wang'eyo mich ma Nyasaye osemiyowa. 13 Mago e weche mwawuoyo kuomgi, ka ok wakonyre gi weche mopuonjwa gi rieko dhano, to wakonyore gi weche ma Roho ema opuonjo, kwalero adiera mag chuny gi weche mag chuny. 14 To ng'at ringruok ok nyal rwako gik moa kuom Roho mar Nyasaye, nikech onenogi kaka fuwo kendo ok onyal winjo tiendgi, nikech iwinjogi kuom roho. 15 Ng'at man gi roho to nono gik moko duto, to en to onge ng'ama none. 16 "Koso en ng'a mong'eyo pach Ruoth ma ding'adne rieko?" Wan to wan-gi pach Kristo.
Wach Kuom Pogruok E Kanisa
1 Jowetena, ne ok anyal loso kodu kaka joma nigi roho, to mana kaka jopiny mapod mana nyithindo mayom kuom Kristo. 2 Napidhou gi chak to ok gi chiemo motegno nikech ne pok ubedo moikore ni chiemo motegno. Kata sani pok uikorune. 3 Pod un mana jopiny. Nikech ka nyiego kod dhawo nie kindu to donge mano nyiso ni unjo piny kendo utimo timbe machalre gi timbe mag dhano. 4 Nikech ka ng'ato wacho ni, "An jakor Paulo, "to ng'at machielo to oramo ni, "An jakor Apolo," donge koro un ji ajia? 5 Uparo ni Apolono to ang'o? Koso Paulo to en ang'o? Gin mana jotich ma nomiyo uyie mana kaka Ruoth nomiyo ng'ato ka ng'ato tichne mondo otim. 6 An ne akomo, to Apolo noolo pi to Nyasaye ema nomiyo gidongo. 7 Omiyo ng'at mokomo kata ng'at moolo pi ok en gimoro, makmana Nyasaye, momiyo gik moko odongo. 8 Jakomo gi jaool pi jonigi thorro machalre, kendo ng'ato ka ng'ato kuomgi noyud pokne kaluwore gi tichne. 9 Nikech waduto wan jotich Nyasaye, matiyo kaachiel to un puoth Nyasaye, kendo od Nyasaye. 10 Kuom ng'wono ma Nyasaye osemiya, ne agero mise kaka jagedo mong'ith, kendo koro ng'at machielo gedo e miseno. To ng'ato ka ng'ato nyaka ged kotang'. 11 Nikech onge ng'ama nyalo keto mise machielo mopogore gi mano moseketi, ma en Yesu Kristo. 12 Ka ng'ato ogedo e mis-eni lotiyo gi dhahabu kata gi fedha kata gi kite ma nengogi tek; kata gi bao, kata gi lum, kata gi odundu, 13 to tich jagedo ka jagedo nonenre kaka chai, nikech Odiechieng Ng'ado Bura nonyis tichne e lela. Nofweny chai tich ng'ato ka ng'ato gi mach, nikech mach ema notemgo chai mar tich ng'ato. 14 Ka gima ogero notony mak owang' e mach, to noyud michne. 15 To ka tich ng'ato owang' e mach to no dhi asara. En owuon to norese, to norese mana ka ng'at matony aa e mach maliel. 16 Donge ung'eyo ni un uwegi un hekalu mar Nyasaye, kendo ni Roho mar Nyasaye odak e iu? 17 Ka ng'ato oketho hekalu mar Nyasaye to Nyasaye biro kethe, nikech hekalu mar Nyasaye oler, to un e hekaluno. 18 Kik uwuondru kendu. Ka ng'ato kuomu paro ni oriek, e tiengni, to onego olokre ng'ama "ofuwo" mondo eka odok mariek. 19 Nikech rieko mar pinyni en fuwo e nyim Nyasaye. Nikech ondiki ni, "Omako jorieko gi riekogi giwegi, " 20 to bende ondiki ni, "Ruoth ong'eyo pach joma riek ni onge tich." 21 Kuom mano, kik ng'ato sungre nikech dhano! Nikech gik moko duto gin mau. 22 Kata obed Paulo kata Apolo kata Kefa kata piny kata ngima kata tho kata ndalogi kata ndalo mabiro. Giduto gin mau, 23 un to un mag Kristo, to Kristo en mar Nyasaye.
Joote Mag Kristo
1 Kuom mano ji onego okawwa kaka jotich Kristo, kendo kaka jorit weche mopondo mag Nyasaye. 2 To ong'ere ni joma omi tich mar rito nyaka bed jo adiera. 3 An awuon ok lichna ka uyala kata ka oyala e od bura moro amora mar dhano. Chutho kata an ok ayalra kenda. 4 Chunya nikare, kendo ok onyisa ni bura oloya, to mano ok nyis ni aonge ketho. To Ruoth ema ng'ado na bura. 5 Kuom mano kik ung'ad bura ka pok kinde ochopo, to rituru mondi nyaka Ruoth bi. En owuon noel e lela gik masani opondo e mudho, kendo enonyis paro duto mopondo e chuny dhano. E kindeno ema ng'ato ka ng'ato noyud pak moa kuom Nyasaye. 6 Koro, Jowetena, aseloso ka akonyora gi nyinga kod nying Apolo mondo ukonyru, kupuonjoru kuomwa tiend wach mawacho ni, "Kik ukal weche mondiki, "Mano biro miyo ok udhial ng'ato moloyo nyawadgi. 7 Nikech en ng'a momiyo iparo ni iber moloyo ng'at machielo? Ang'o ma in-go mane ok omiyi? To ka gima in-gono nomiyi to ang'o momiyo isungori mana kagima ne ok omiyigo? 8 Un ero un-gi gik moko duto mud-waro! Ero usedoko jomwandu! Usebedo ruodhi, kendo udak kata waonge! Mano kaka agombo ni ne ubed ruodhi adier mondo wan bende wabed ruodhi kaachiel kodu! 9 Nikech nenorena ni Nyasaye oseketowa joote mawuotho bang'ji, mana kaka joma oseng'adnigi buch tho mondo onegi e dier pap. Osemi wabedo joma piny duto rango: joma lichne malaike kaachiel gi ji. 10 Wan wafuwo nikech Kristo, to un to uriek ndi ei Kristo! Wan wanyap, to un to uroteke! Un imiyou duong' to wan ochawa! 11 Kata sani kech chamowa kendo riyo oloyowa. Warwako lewni mokidhore okidhore, kendo isandowa malit, ka waonge mier mwadagie. 12 Watiyo matek gi lwete-wa, kendo kokuong'wa to wagwedho joma okuong'owa; kisandowa, to wayie isandowa asanda; 13 bende ka iyanyowa to wadwoko gi weche mang'won. Nyaka koroni wasedoko mach al gi yugi mag piny; wachalo gik mowiti ni onge tich! 14 Ok andiknu wechegi mondo akuodgo wiu, to andikonugi mondo ajiwu, kaka nyithinda mageno 15 Kata obedo ni un-gi ji alufu apar maritou e Kristo, to uonge gi wuone mang'eny, nikech kuom Kristo Yesu, an emane abedo kaka wuonu kane ayalonu Injili. 16 Kuom mano akwapu mondo ulu timna. 17 Kendo mano emomiyo aoronu Timotheo, ma en wuoda mahero, kendo ma jaadiera ei Ruoth. Obiro paronu kit ngimana ei Kristo Yesu, ma ok opogore gi gik mapuonjo kuonde duto e kanisa ka kanisa. 18 Ero jomoko kuomu sunga omako, mana kagima ok abi biro iru. 19 To abiro biro mapiyo ka Nyasaye oyie, kendo kabiro to nadwar ng'eyo ok mana kaka josungago wuoyo kende, to bende napen-jgi teko ma gin-go. 20 Nikech Loch Nyasaye ok otenore mana kuom weche miwacho gidhok, to otenore kuom teko. 21 Yieruru achiel kuom gik moko ariyogi: Abi iru kating'o boka, koso abi gi hera kod chuny mamuol?
Riemburu Owadwa Materore
1 Wachore e lela ni nitie chode e dieru, kendo ni en kit chode makata jopiny ok tim: Ni ng'ato okawo chi wuon 2 To kendo usungDru asunga! Donge onego bed ni upong' gi kuyo mondo ugol ng'at motimo kamano oko mar lalruoku? 3 Kata obedo ni aonge kodu kuno e ringruok, to ng'euru ni an kodu kuom chuny. An asen-g'ado ni ng'at motimo tim marachno aseng'adone bura, mana kagima an kodu kuno, 4 Ka uchokoru e nying Ruodhwa Yesu to an kodu kuom chuny, kendo teko mar Ruodhwa Yesu bende ni kodu, %etu-ru ng'atni e lwet Satan mondo ringre mohero richo okethi, to chunye to mondo oresi chieng' Ruoth. 6 Sungau ok ber. Donge ung'eyo ni thowi matin kende oromo kuodo mogo modwal duto? 7 Goluru thowi machonno oko e dieru mondo ubed mogo modwal manyien maonge thowi, mana kaka un gadier. Nikech Kristo, ma en nyarombowa mar Pasaka, osetimgo misango. 8 Emomiyo koro watimuru sawo, ok gi thowi machon mar himruok kod timbe maricho, to watime gi makati maonge thowi, ma en makati mar wuotho e ler kod adiera. 9 Ne asendikonu e barupa motelo ni kik ubedi e achiel gi jochode. 10 Ok awuo kuom jopiny mapok oyie ma jochode kata ma jo wuoro kata ma jomecho kata malamo nyiseche manono. Mano to dichunwa ni wadar e pinyni. 11 Tokoro andikonu ni mondo kik ubedi e achiel gi ng'ato ang'ata maluongore ni owadu kuom Ruoth, to ochodo, kata ojawuoro, kata olamo nyiseche manono, kata ojaketh nying ji, kata ojamer, kata ojamecho. Ng'at ma kamano kata chiemo kik uchiemgo. 12 Koso uparo ni nitie gima datim kuom ng'ado bura ni joma pok obedo jo kanisa? Donge joma osedonjo e kanisa ema onego ung'adnigi bura? 13 Nyasaye biro ng'ado bura ni joma ni oko "Riemburu jarichono oa e dieru."
Joma Oyie Kik Donj Ni Jowetegi Od Bura.
1 Ka ng'ato moro kuomu nigi wach moro gi wadgi, ere kaka doter wach-no e nyim joma okia Nyasaye mondo oyal bucheno, kar kelo wachno e nyim joma-ler? 2 Donge ung'eyo ni jo Maler ema biro yalo piny? Ka un ema onego uyal piny to donge mano nyiso ni unyalo ng'ado bura kuom weche matindo man e kind ji? 3 Donge ung'eyo ni wan ema wana)al malaike? Koro gii pinyni to donge wanya-lo yalo moloyo! 4 Ka kamano to ang'o momiyo ka un-gi wach e dieru to uyiero jong'ad bura ma jopiny ma kwan-gi onge ei kanisa. 5 Awacho mano mondo akuodgo wiu. Be dibed ni onge ng'ato e dieru kata achiel mariek manyalo yalo weche man e kind joma oyie? 6 Kar timo kamano to yudore ni ja Kristo donjo ni ja Kristo wadgi e od bura kendo utimo mano e buch jopiny! 7 Kaka un-gi buche e kindu kamano nyiso ni un joma oserem chuth. Kar donjo ne wadu e buch jopiny to ok iyie otimni atima marach? Ok iweye owuondi awuon-da? 8 Kar timo kamano to un ema uwuon-do joweteu kendo utimonigi marach, kendo utimo kamano mana ni joweteu kuom yie. 9 Donge ung'eyo ni joma timo timbe maricho ok noyud gweth mar loch Nyasaye? Kik ng'ato wuondu! Ng'euru ni jochode kata joma lamo nyiseche manono, kata joma terore, kata ochode machwo, kata chwo materore gi chwo wetegi, 10 kata jokuoge, kata jowuoro, katajomer, katajoketh nying ji, kata jomecho, ok noyud gikeni mar Loch Nyasaye. 11 Kamano e kakajomoko kuomu ne chalo. To ne olwoku mi opwodhu, mi oketu udoko joma kare e nying Ruoth Yesu Kristo, kendo kuom Roho mar Nyasachwa.
Richo Mar Chode
12 "Oyiena timo gimoro amora madwaro." To gik moko duto ok kelnwa konyruok. Inyalo wacho ni "Oyiena timo gimora amora madwaro", to kik awe gimoro loka misumbane. 13 "Chiemo en mar ich, to ich en mar chiemo." To Nyasaye biro kethogi duto. Ringruok ok en mar timo chode, to en mar miyo Ruoth duong', mana kaka Ruoth bende en mar ringruok. 14 Nyasaye nochiero Ruoth oa kuom joma otho kendo bende obiro chierowa. 15 Donge ung'eyo ni ringreu gin fuonde Kristo owuon? Be dakaw fuonde Kristo mondo ariwi gi ochot? Mano ok nyal timore ngang'! 16 Koso ukia ni ng'at moriwore gi ochot bedo kode e achiel e ringruok? Nikech owach ni, "Ji ariyogo nodok ringruok achiel." 17 To ng'at moriwore gi Ruoth bedo kode e achiel e chun- 18 Ringuru utony ni chode. Richo duto ma ng'ato timo otimo oko mar ringre, to ng'at machodo timo richo ni ringre owuon. 19 Donge ung'eyo ni ringreu en hekalu mar Roho Maler modak e iu kendo ma Nyasaye osechiwonu? Ok un mau uwegi; 20 nong'iewu gi nengo. Omiyo miuru Nyasaye duong' gi ringreu.
Weche Kend
1 Koro kuom weche mane upenja e barupu, anyalo wacho ni ber mondo ng'ato kik okendi. 2 To nikech chode ng'e-ny, ng'ato ka ng'ato nyaka bed gi chiege owuon kendo dhako ka dhako obed gi chwore owuon. 3 Dichwo nyaka chop dwach chiege kaka joma okendore, kendo dhako bende nyaka tim kamano ni chwore. 4 Nikech dhako mokendi onge gi teko kuom ringre owuon, to en mar chwore. Kamano bende, dichwo mokendo onge gi teko kuom ringre owuon, to en mar chiege bende. 5 Kik utuonru mak mana ka uwinjoru e kindu mar timo mano kuom kinde machwok mondo uchiwru ni lamo. To bang' chiwruok ni lamo, to uchak uriwru kendo mondo kik Satan temu, nikech ok unyal ritoru. 6 Awacho wachni kaka pacha awuon, to ok kaka chik. 7 Dibed maberna moloyo ka ji duto obedo kaka an. To ng'ato ka ng'ato nigi michne ma Nyasaye omiye, ng'at moro ni gi michni, to ng'at machielo bende nigi michne mopogore. 8 To joma pok okendi gi joma pok okendo, kod mond liete to awachonigi kama. En gima ber moloyo ka gisiko maok gikendo kata okendgi, mana kaka an. 9 To ka ok ginyal ritore giwegi, to onego gikendi, kata kendni nikech kend ber moloyo ka gombo wang'o ng'ato ka mach. 10 To ni joma osekendo kendo osekendi to achiwonigi chikni (chutho ok an, to Ruoth): Dhako kik were gi chwore. 11 To kapo otimo kamano to ochune ni nyaka osik maonge dichwo, to ka ok kamano to odog ir chwore, kendo. Dichwo bende kik riemb chiege. 12 Ji mamoko duto to akonigi kama (an ema a wacho, ok Ruoth): Ni ka owadwa moro maja Kristo nigi dhako maok oyie, to oyie dak kode, to kik oriembe. 13 Bende ka dhako nigi dichwo maok oyie to dich-wono oyie dak kode kaka chiege, to kik oweye. 14 Nikech dichwo mapok oyie inyalo pwodho nikech chiege, to dhako mapok oyie bende inyalo pwodho nikech chwore moyie. Ka ok kamano to nyithindu dibed mogak, to kaka ong'ere sani, giler. 15 To ka ng'at ma ok oyie ojok noa, to weye aweya odhi. Dichwo moyie kata dhako moyie ok otwe e weche makamago, nikech Nyasaye oseluongowa mondo wadag gi kuwe. 16 Ing'eyo nadi, in dhako, kata inyalo waro chwori? Koso, ing'eyo nadi, in dichwo, ni chiegi inyalo waro nikech in? 17 Kuom mano, ng'ato ka ng'ato kuomu mondo odag ngimano kendo orit gima Ruoth osemiye mane Nyasaye oluongene. 18 Dibed ni ng'ato noluongi koseter nyan-gu? Kik ogomb ni ne ok otere nyangu. Dibed ni ng'ato noluongi kapok oter nyangu? Ng'at ma kamano kik ter nyangu. 19 Bedo ni ng'ato oter nyangu kata ok oter nyangu ok en gimoro. Gimaduong' en rito Chike Nyasaye. 20 Omiyo ng'ato ka ng'ato mondo obed mana kaka ne en kane Nyasaye oluonge. 21 Mit ki ne in misumba kane Nyasaye oluongi? Kik mano chandi, makmana ni kapo inyalo yudo yor bedo thuolo to tim kamano moloyo. —Nikech ng'at mane Ruoth oluongo ka misumba koro bedo ng'at man thuolo kuom Ruoth, to bende ng'at mane ni thuolo kane Ruoth oluongo doko misumba Kristo. 23 Nong'iewu gi nengo, omiyo kik ubed wasumbini mag ji. 24 Jowetena, ng'ato ka ng'ato nigi ting' e nyim Nyasaye mondo osik mana kaka Nyasaye noluongeno. 25 Kuom wach nyiri maok okendi to awacho kama: Aonge gi Chik moa kuomRuoth, to achiwo pacha kaka ng'at ma wechene inyalo geno kuom ng'wono mar Ruoth. 26 Nikech chandruok mantie sani, aparo ni ber mondo usik kaka uchal. 27 Mitki ng'ato osekendi? Ka kamano to kik idwar mondo uweru gi chwori. Mitki pok ikendo? Kichal kamano to kik imany dhako mondo ikendi. 28 To ka ikendo to ok itimo richo; kata ka nyako okendi bende ok otimo richo. To jok mokendo gi mok-endi biro neno chandruok mathoth e ngi-mani, to adwa ni akonyu mondo kik une chandruokni. 29 Gima awacho, Jowetena, en ni saa odong' matin. Chakre sani koro joma nigi mon onego odag kagima giongego; 30 joma ywak onego bedi kagima ok giy-wagi; joma mor onego odag kagima ok gimor; joma ng'iewo gimoro onego odag ka gima gik ma ging'iewogo ok maggi, 31 joma lonyore gi gipiny be kik yie chun-ygi gedi e gigo. Nikech kaka kit piny obedo sani, okadho piyo. 32 Adwaro ni mondo ubed maonge gi kit parruok duto. Dichwo maok okendo, weche Ruoth ema omako, kaka onyalo siko kotimo gik mamoro Ruoth, 33 to ng'ama osekendo to pache omoko e weche pinyni, kaka onyalo timo gik mamiyo chiege mor. 34 Kendo dwarone bende opogore diriyo. Dhako maok okendi, kata nyako ngili, paro kuom weche Ruoth: Thorrogi maduong' en mondo gibed maler e ringregi gi chunygi. To dhako mokendi to pache ni kuom gipiny, kaka onyalo miyo chwore mor. 35 Awacho wechegi mondo uyud konyruok kuomgi, to ok mondo aketnu chik manyaka ulu. Adwaro ni udagi e yo maber, ka chi-wruoku ni Ruoth ok opogore. 36 Ka ng'ato paro ni ok otimne osiepne manyako mosemakogo keny maber, kendo ka nyako no hike kalo ndalo kendo ka odwaro ni mondo okende, to onego otim gima ohero. Ok otimo richo kotimo kamano. Onego gikendre. 37 To dichwo moseng'ado wach e pache owuon, maonge gima ochuno, kendo manyalo chiko dwache, koseng'ado wach chuth ni ok odwa kendo nyakono, en bende otimo maber. 38 Kuom mano, ng'at mokendo nyako mangilino timo maber, to ng'at maok okende otimo maber moloyo. 39 Chik otweyo dhako gi chwore ndalo duto ma chwore ngima. To ka chwore otho to en thuolo mondo okende gi dichwo moro amora mohero, makmana ni nyaka kende kuom Ruoth. 40 An to pacha neno ni dhako ma chwore otho nyalo neno maber moloyo ka ok ochak okende kendo, kendo awacho mano ka aparo ni an-gi Roho mar Nyasaye.
Chiemo Motimgo Msango Ni Nyiseche Manono
1 Kuom wach chiemo motimgo misan-go ni nyiseche manono to awachoe kama: Wang'eyo ni "waduto wan gi rieko. Rieko miyo dhano kawore, to hera to gero ji. 2 Ng'at ma kawore ni ong'eyo gimoro kik par ni oseng'eyo moromo kaka dwarore. 3 To ng'at mohero Nyasaye to Nyasaye ong'eyo ng'atno. 4 Koro korka wach chamo chiemo motimgo misango ni nyiseche manono to awachoe kama: Wang'eyo ni nyasaye manono en gima nono e pinyka, kendo wang'eyo ni onge Nyasaye moro makmana achiel. 5 Nikech kata bed ni gik miluongo ni nyisechego nitie, kata gibed e polo kata e piny (mana kaka nitie nyiseche' kod ruodhi' mang'eny), 6 wan to wang'eyo ni nitie Nyasaye achiel kende, ma en Wuoro. En ema gik moko duto oa kuome, kendo momiyo wangima. Bende nitie Ruoth achiel kende ma en Yesu Kristo. En ema nomiyo gik moko duto obetie kendo en ema omiyo wangima. 7 To ji duto ok ong'eyo wachni. Jomoko pod ong'iyo gi nyiseche manono ma kagichamo chiemo makamano to giparo mana ni en motimnigo nyasaye manono misango; to nikech chunygi mar ng'eyo ber gi rach yomyom, gidoko mochido. 8 To chiemo ok kelwa machiegni gi Nyasaye. Ok wan marach kwachiemo to bende ok wabed maber kwachamogi. 9 Kata kamano, bed motang' mondo thuolo ma in-go mar chiemo kata mar weyo chiemo kik lokre kidi mar chwanyruok ni joma yomyom. 10 Nikech ka ng'at ma chunye nyap oneni, in miwa-cho ni in gi riekono, kichiemo e hekalu mar nyiseche manono, donge mano nyalo ywaye mi ocham chiemo motimgo misango ni nyiseche manono? 11 Kuom mano owadwani mapmyom ma Kristo notho-neno koro kethore mana nikech rieko miwachogo ni iriek. 12 Sama itimo richo ni Joweteni e yo makama, kihinyo chunygi mayomyom, ng'eni itimo richo ni Kristo. 13 Kuom mano ka gima achamo miyo owadwa donjo e richo, to abiro weyo chamo ring'o chuth mondo kik ami opod-hi.
Ratiro Mag Jaote
1 To donge an thuolo? Donge an jaote? Donge ne aneno Yesu Ruodhwa? Koso donge un olemo mar tichna kuom Ruoth? 2 Kata ka jomoko ok okawa kaka jaote, to un owinjore ukawa kamano, nikech un e ranyisi mar bedona jaote kuom Ruoth. 3 Ma e kaka apwodhora ka ji koro obedo ng'adona bura kama: 4 Donge wan gi ratiro mondo omiwa chiemo gi math? 5 Donge wan gi ratiro mar wuotho gi nyimine majoutewa e wuodhewa mag Injili kaka joote mamoko, kendo kaka Jowete Ruoth kod Petro johero timo? 6 Koso an kod Barnaba ema nyaka wati eka wachiem? 7 En jalueny mane machulo msache kende ka en e lweny? En japur mane ma ok cham olemo mowuok e puothe? Koso jakwath mane makwayo jamni to ok omadhi cha jamnigo? 8 Koso awuoyo awuoya ka dhano? Donge Chik bende jiwo wachni? 9 Nikech ondiki e chik Musa ni "Kik itue dho rwath kodiemo cham." Uparoni wach rwedhi ema ne chando chuny Nyasaye koso? 10 Donge wan ema ne owuoyo kuomwa kowacho wachni? Ee, wachni ne ondiknwa, nikech ka japur puro kendo ka jakeyo keyo, to gitimo kamano ka gigeno ni ibiro pognigi cham moko. 11 Ka wasepidho kodhi mar chuny e dieru, to ere rachne ka wakayo kuomu gik mwakonyorego. 12 Ka joma moko to nigi ratironi mar yudo konyruokgi koa kuomu, donge wan onego wabed gi ratiro makamano moloyogi? Wan ok wasekmyore gi ratironi. Kar timo kamano to wasetuonore yuto mawa mondo kik waket obadho moro amora manyalo geng'o Injili mar Kristo. 13 Donge ung'eyo ni joma tiyo e hekalu yudo chiembgi koa e hekalu, kendo ni joma chiwo misango e wi altari ipogonigi misango-go? 14 Kamano bende e kaka Nyasaye nochiko mondo joma lando Injili oyud konyruok duto mag ngimagi koa kuom Injili ma giyalo. 15 An to pok akonyora gi ratiro mawan-gogi kata achiel, kendo kata sani ok andiknu baruani mondo akwau kony monego ayudi koa kuomu. Diberna ka atho moloyo ka ayiene ng'ato oketho sun-ganani: 16 Kata kamano, ka ayalo Injili to ok onego asungra, nikech ochuna ni nyaka ayal. Mano kaka dibed malitna kaok ayalo Injili ! 17 Ka ayalo kuom dwarona to ayudo mich, to ka ok kuom dwarona to mano nyiso ni achopo ote mano mane omiya. 18 To kara michna en ang'o? En ma, ni mondo ayal Injili maonge msara, mondo kik akonyra gi ratiro maga e tij yalo Injili. 19 Nikech kata obedo ni an thuolo kendo ok an misumba ng'ato, to aselokora misumba ji duto mondo eka alok ji mang'eny kuomgi. 20 Ka atiyo e dier jo-Yahudi, to adoko machal kodgi mondo alokgi. Ka atiyo e dier joma luwo chik, to achalo ng'ama luwo chik (Kata obedo ni an awuon ok an e bwo chik), mondo eka alok joma luwo chik. 21 Ka atiyo e dier joma onge chik, ne adoko machal kodgi, (Kata obedo ni chik Nyasaye ok oweya oko nikech an e bwo chik Kristo), mondo eka alok Jo-ma onge chik. 22 Joma nyap ne adokonigi manyap mondo eka alokgi. Asetimora gimoro amora ni ji duto mondo atem reso moko kuomgi e yomoro amora manyalore. 23 Magi duto atimo nikech wach Injili, mondo an bende ayud gweth kuom Injili nogo. 24 Donge ung'eyo ni e piem mar ng'wech jong'wech duto ringo, to ng'ato achiel kende ema yudo mich? Omiyo ringuru, e yoo madimi uyud mich. 25 Jang'wech ka jang'wech madhi e piem ritore e yore duto. Gitimo kamano mondo giyud osimbo ma ok siki; wanto waritore mondo wayud osimbo mabiro siko nyaka chieng'. 26 Emomiyo an ok aringi ka ng'ama okia kuma itieke ng'wech, bende ok ago ngum ka gima agoyo yamo nono. 27 Ooyo, aboyo ringra gi goch mondo owinj wachna, mondo kik yud ni an awuon ok ayudo osimb loch, bang' yalo ni ji mamoko.
Siem Miyudo E Sigand Israel
1 Jowetena, ok adwar ni mondo kJ ukia kaka kwerewa nowuotho e bwo bor polo to kendo giduto ne ging'ado Nam. 2 Ne giyudo batiso mar Musa gi duto e bor polo kendo ei Nam. 3 Kendo giduto ne gichamo chiemb chuny machalre 4 Bende giduto ne gimadho math mar chuny ma chaire. Nikech ne gimetho koa e lwanda mar chuny mane luwo gi; to lwandano ne en Kristo. 5 To kata kamano, Nyasaye ne ok mor kod thothgi, kendo ringregi motho nodong' e thim. 6 Gigi duto notimore mondo obednwa ranyisi masiemowa mondo kik wagomb gik maricho kaka ne gigombo, 7 Kik ulam nyiseche manono kaka moko kuomgi notimo, mana kaka ondiki ni, "Ji nobet piny mondo ochiem kendo omethi, kendo ne gia malo mondo gimiel." 8 Kik waterre kaka moko kuomgi notimo, mi ji alufu piero oriyo gadek kuomgi notho odiechieng' achiel. 9 Kik watem Ruoth, kaka moko kuomgi notimo, mi thuonde nonegogi. 10 Bende kik wang'ur, kaka moko kuomgi notimo, mi malaika mar tho nonegogi. 11 Gigi duto notimore nigi kaka ranyisi ni joma moko, kendo nondiknwagi mondo gibednwa siem: wan mwadak e ndalo ma giko piny chiegnini. 12 Omiyo, ka iparo ni ichun'g motegno to bed motang; nono to ipodho! 13 Onge tem museneno mopogore gi ma ji duto neno. Nyasaye rito sin-gruokne, ok obi yie mondo otemu mohin-go tekreu. To es ama itemoueno, o biro miyou yo munyalo tonygo mondo ubed gi teko mar timo sinani.
Nyasi Mag Nyiseche Manono Kod Sawo Mar Ruoth
14 Kuom mano, osiepena mageno ringuru ua kuom nyiseche manono. 15 Awuoyo kodu kaka joma parogi nikare omiyo paruru matut tiend wach ma awa-chonuno. 16 Donge okombe mar gweth mwagoye erokamano ketowa e lalruok achiel e remb Kristo? Koso makati ma wang'injo donge ketowa e lalruok achiel, e ringre Kristo? 17 Nikech nitie makati achiel, koro wan ringruok achiel, kata obedo ni wang'eny, nikech wan duto wachamo makati achielno. 18 Ka wakawo jo Israel kaka ranyisi: Donge joma chamo gii misango bet e lalruok achiel gi kendo mar misango? 19 Diponi awacho ni misango mochiwne nyiseche manono en gimoro kata ni nyasaye manono nigi tiende? 20 Ooyo! Awacho ni misango majoma kia Nyasaye timo, gitimo ni jochiende, to ok ni Nyasaye. To ok adwar mondo ubedi e lalruok achiel gi jochiende 21 Ok unyal madho kikombe Ruoth kaachiel gi kikombe jochiende bende; ok unyal chiemo e mesa Ruoth ka uchiemo e mesa jochiende bende. 22 Koso watemo nyiego mar Ruoth? Waparoni watek moloye?
Thuolo Mar Joma Oyie
23 "Wan thuolo timo gimoro amora mwahero" to ng'euru ni gik moko duto mwatimo ok kelnwa konyruok. "Wan thuolo timo gimoro amora", to gik moko duto ok kelnwa dongruok 24 Kik ng'ato dwar mana gik makonye en owuon, to ng'ato mondo odwar gima konyo jowadgi 25 Un thuolo mar chamo ring'o mong'iew e chiro maok ubedo gi penjo mathoth e chunyu 26 nikech, "Piny kaachiel, gi gik moko duto manie iye, gin mag Ruoth." 27 Ka japiny mokia Nyasaye ogweli e chiemo, midwaro dhiye, to cham gimoro amora moketi e nyimi maok ichich gi penjo mathoth e chunyi. 28 To ka ng'ato onyisi ni, "Chiemoni ne olosi mondo otimgo misango ne nyiseche manono, "to kik icham chiemono, nikech wach ng'at monyisi wachno, kendo nikech wach chich. 29 Tim kamano mar konyo chuny jagono to ok nikech konyruokni. Ang'o ma dimi thuolo mara ding'ad ne bura nikech chich mar ng'ama chielo. 30 Ka achamo chiemo gi erokaman, to ang'o momiyo ikwana ka jaketho ne gima agoyonee Nyasaye erokamano? 31 Omiya, gimoro amora mutimo, bed ni uchiemo kata umetho, to timgiuru duto mondo Nyasaye oyud duong' 32 Kik ubed rachwany ni jo -Yahudi kata Ogendini kata ni jo-kanisa Nyasaye, 33 mana kaka an awuon atemo moro ji duto e gik moko duto matimo, ka ok amany mana gik makonya an awuon, to atimo gik makonyo ji mangeny, mondo kanyalore to giyud warruok.
1 Luwuru kit ngimana, mana kaka an bende aluwo kit ngima Kristo.
Gik Madwarore E Lemo
2 Apwoyou nikech usiko upara e yore duto, kendo nikech umako puonj duto mana kaka amiyou. 3 To adwaro mondo unge ni Kristo e wi dichwo ka dichwo, kendo ni dichwo ewi dhako, kendo ni Nyasaye e wi Kristo. 4 Kuom mano dichwo malemo kata mako-ro e chokruok koumo wiye ochayo Kristo. 5 Kamano bende dhako malemo kata makoro e chokruok, ka ok otweyo kitam-ba okuodo wi chwore (onge pogruok e kinde gi dhako moliel yie wiye). 6 Ka dhako ok dwar tweyo kitamba to kata ber oliel yie wiye. To kaka en wichkuot ka dhako olielo yie wiye mapoth to ber otwe kitamba. 7 Dichwo to ok owinjore oum wiye nikech en e kit Nyasaye gi duong'ne; dhako to en duong' mar dichwo. 8 Dichwo ne ok oa kuom dhako to dhako emane oa kuom dichwo. 9 To bende dichwo ne ok ochwe ne dhako to dhako ema ne ochwe ne dichwo. 10 Nikech wachni kendo nikech malaike, dhako mondo oum wiye kaka ranyisi ni en e bwo loch. 11 Kata kamano, kuom Ruoth, dhako ok nyal dak maonge dichwo mana kaka dichwo bende ok nyal dak maonge dhako. 12 Nimar, mana kaka dhako nochwe koa kuom dichwo, e kaka dichwo bende iny-wolo gi dhako, to gik moko duto aa kuom Nyasaye. 13 Penjreuru un uwegi ni: Bende en gima kare mondo dhako olam Nyasaye ka wiye ninono? 14 Donge kit chwech puonjou ni yie wich maboyo en wichkuot ni dichwo? 15 To ka ng'ama dhako yie wiye boyo to en duong' mare, nikech yie wich maboyo omiye kaka raum. 16 Ka ng'ato kuomu dwaro kwedo maa, to ong'e ni waongegi tim mopogore gi mwapuonjoni, kendo kata kanise duto mag Nyasaye ongego.
Sawo Mar Ruoth
17 Puonj makoro amiyou sani to ok anyal pakoue, nikech kinde duto ma uchokoru kaachiel to chokruoku kelo mana rach kar kelo ber. 18 Mokuongo awinjo ni ka uchokoru kaachiel kaka kanisa, to nitie pogruok e kindu, kendo anyalo yie ni wachno en adier. 19 Kare emomiyo nitiere pogruok e kindu mondo joma Nyasaye oyiego ong'ere maler. 20 Ka uchokoru kanyakla to nenore ni ok ucham Sap Ruoth; 21 nikech ka uchiemo to ng'ato ka ng'ato rikni gi chamo chiembe owuon, ma ok orito Jowetene. Kuom mano, ng'ato denyo, to ng'at machielo to mer. 22 Donge un gi miechu munyalo chiemoe kendo methoe? Koso uchayo kanisa Nyasaye, momiyo ukuodo wi joma ochando? Dawachnu ango'? Uparo ni dapaku kuom wachni? Ok kamano ngang! 23 Nikech puonj mane ayudo kuom Ruoth mi amiyou en ma: Ni Ruoth Yesu nokawo makati e otienonogo mane ond-hogee, 24 kendo bang' goyo erokamano nong'inje, kowacho ni, "ma en ringra mochiwnu. Timuru ma ka uparago." 25 Kamano bende nokawo kikombe bang' chiemo, mi owacho ni, "Kikombeni en sin-gruok manyien motim gi remba; timuru ma, kinde duto mumadhee, mondo uparago." 26 Nikech ka usiko uchamo makatini kendo umadho kikombeni, to unyiso tho mar Ruoth nyaka chieng' ma enoduogie. 27 Emomiyo ng'ama ochamo makatini kata ometho e kikombeni e yo maok owin-jore, bura biro loyo kodoko jaketho kuom ringre Ruoth gi rembe. 28 ng'ato ka ng'ato nyaka nonre mokuongo, kapok ochamo makati kata ometho e kilombe. 29 Nikech ng'ato ang'ata mochiemo kendo ometho, ma ok odewo ringre Ruoth, kelo bura kuome owuon. 30 Mano emomiyo ji mathoth kuomu ool kendo tuo; kendo moko kuomu osetho. 31 To kadewanonore wawegi mokuongo, to bura ok dilowa. 32 To ka Ruoth ng'adonwa bura to oriey-owa mondo kik bura lowa gi jopiny. 33 Kuom mano, Jowetena, ka uchokoru kaachiel mondo uchiem, to ng'ato ka ng'ato mondo orit nyawadgi. 34 To ka ng'ato odenyo, to ber mondo ochiem dala, mondo kik chokruok ma ubedogo kelnu kum. Weche mamoko nalos kodu ka abiro.
Mich Mag Roho
1 Jowetena, daher mondo ung'e adiera kuom mich mag Roho mondo kik ubed maonge ng'eyo. 2 Ung'eyo ni kane pod un jopiny, mokia Nyasaye nechalo ne oywau gi nyiseche manono maok wuo mi ulal. 3 Omiyo, adwaro mondo ung'eni ng'ama Roho mar Nyasaye otelone ok nyal wacho ni, "Okuong' Yesu", to bende onge ng'ama nyalo wacho ni, "Yesu en Ruoth", ka Roho maler ok otelone. 4 Nitie mich mag Roho mopogore, to Roho achiel ema chiwogi. 5 Nitie tije mopogore opogore, to Ruoth en achiel. 6 Nitie yore mathoth mitiyogo tich to Nyasaye achiel ema chiwone ng'ato ka ng'ato teko mar tiyogi. 7 Roho nyisore e ngima ng'ato ka ng'ato e yo mopogore opogore, mondo okel konyruok ni ji duto. 8 Ng'at moro Roho omiyo nyalo mar wuoyo gi rieko, ng'at machielo Rohonogo omiyo tiend ng'eyo matut. 9 ng'ato Rohonogo miyo yie, to ng'at machielo omiyo mich mar chango ji; 10 Ng'at moro omiyo teko mar timo honni, moro omiyo teko mar hulo weche moa kuom Nyasaye, moro omiyo rieko mar fwenyo maling' ling' mag chunje mopogore opogore, moro omiyo nyalo mar wuoyo gi dhok mayore, eka ng'at moro to omiyo mich mar loko dhok mayore. 11 Magi duto gin tij Roho achiel kendo ma chaire, kendo ochiwogi ni ng'ato ka ng ato kaka ohero.
Ringruok Achiel Gi Fuonde Mang'eny
12 Kata obedo ni ringre dhano en achiel to en gi fuonde mathoth, to bende kata obedo ni en gi fuonde mathoh pod en mana ringruok achiel. Ma e kaka Kristo bende obedo. 13 Kamano bende e kaka wan duto, bed ni wan jo-Yahudi kata jo-Grik, kata wasumbini, kata joma nithuolo, nobatiswa kuom Roho achielnogo mi wadoko ringruok achiel, kendo osemiwa Roho achielno mondo wamodhi waduto. 14 Nikech ringruok ok oios gi fuon achiel, to olose gi fuonde mang'eny. 15 Ka tielo nyalo wacho ni, "Kaka ok an lwedo, ok an achiel kuom fuonde ringruok," to mano ok nyal mone bedo achiel kuom fuonde ringruok. 16 Kata, ka it nyalo wacho ni, "Kaka ok an wang' ok an achiel kuom fuonde ringruok," to mano ok nyal mone bedo achiel kuom fuonde ringruok. 17 Da bed ni ringruok duto en mana wang' kende, dowinj wach nadi? Kata ka da ringruok duto bed mana it kende, dwang'wech nadi? 18 To kata kamano, Nyasaye noketo fuon ka fuon e ringruok mana kaka nodwaro ni mondo gibedi. 19 Kane bed ni gin fuon achiel to ringruok dibed nadi? 20 E kaka ubedo ni nitie fuonde mang'eny, to ringruok en achiel. 21 Kuom mano wang' ok nyal wachone lwedo ni, "Ok adwari!" kata wich bende ok nyal wachone tielo ni, "Ok adwari." 22 To adier en ni ok wanyal bedo maonge gi fuonde ringruok manenorenwa ni nyap. 23 Fuonde matindo wamiyo rit mamalo moloyo, kendo fuonde ma wakawo ni richo warwako maber moloyo. 24 Fuonde mabeyo moloyo to ok dwar rit ma kamano. Nyasaye owuon oseriwo fuonde mopogore opogore moloso ringruok, kendo osemiyo fuonde mwachayo duong' 25 mondo kik winjruok bed maonge e ringruok; to mondo fuon ka fuon orit nyawadgi kaka dwarore. 26 Ka fuon achiel mar ringruok winjo lit, to fuonde ringruok mamoko duto winjo kode; ka fuon moro yudo pak, to mamoko duto bedo mamor kaachiel kode. 27 E kaka un duto un ringre Kristo, fendo ng'ato ka ng'ato kuomu en fuond ringruo-kno. 28 To ei kanisa, Nyasaye oseketo ji man gi mich mopogore opogore e tichne: Mokwongo, joote, mar ariyo jokor wach to mar adek jopuonj, eka joma timo honni, ka aye to joma omi teko mar chango joma tuo, kod jokonyji, kod jochik tich, to mogik, joma wuoyo gi dhok mayoreyore. 29 Be ji duto gin joote? Be ji duto jokoro? Beji duto gin jopuonj? Be ji duto timo honni? 30 Be ji duto nigi mich mar chango joma tuo? Beji duto wuoyo gi dhok mayore? Beji dutojolok dhok mayore yore midhumo? 31 Owinjore uket chunyu kuom mich madongo.
Hera
Koro abiro nyisou yoo maberie moloyo.
1 Kata bed ni awuoyo gi dho dhano, kata gi dho malaike, to aonge hera to achalo mana ongeng'o maywak kata olang' migoyo. 2 Ka an gi mich mar koro, kendo ka ang'eyo tiend weche matek duto modhiero ji ng'eyo, kendo an gi rieko duto kata ka an gi yie maduong' manyalo golo godekuonde magin tie, - to ka aonge hera to ok an gimoro. 3 Kata bed ni achiwo giga duto ma an-go ne jodhier, mi achiw ringra mondo owang' - to ka aonge hera to onge ohala mayudo. 4 Hera timo kinda to bende ong'won. Oonge nyiego gi gir ng'ato, kendo ok osungre kata opakre. 5 Wiye ok tek, bende ok odwar gik makonye en kende, iye ok wang' piyo kendo ok okan gik maricho motimne. 6 Hera ok mor gi gik maricho, to omor gi adiera. 7 Hera umo weche duto, osiko oyie ayieya, osiko ogeno agena, kendo osiko odhil adhila 8 Hera ok rum. To kama nitiere weche mikoro, weche mikoro norum; kama nitiere wuoyo gi dhok mayoreyore, dhok may-oreyore norum; kama nitiere ng'eyo; ng'eyo bende nokadhi. 9 E thuoloni weche mwang'eyotin to bende wakoro bath wach ma mago mabiro chopo kare tin, 10 to ka weche duto nochop kare to mago morem nogiki. 11 Kane an nyathi, naloso ka nyathi, ne aparo ka nyathi, kendo naneno ka nyathi, to kaka koro an ng'ama duong', yore mag nyithindo aseweyo katoka. 12 Gima waneno sani chai mana gi kido matiptip mineno e rang'i, to chieng'ono wananene wang' gi wang'. Gima ang'eyo sani en mana bath adiera, to chieng'no anang'e malong'o chuth, mana kaka ong'eya chuth. 13 To nitie gik moko adek mosiko, ma gin: yie, geno, kod hera, to maduong' moloyo kuomgi en hera.
Mich Mag Koro Wach Kod Wuoyo Gi Dhok Mayoreyore
1 a Luwuru hera, kendo dwaruru J¿ mondo ubed gi mich mag chuny, to moloyo mondo ubed johul wach. 2 Nikech ng'at ma wuoyo gi dhok mayore ok wuo gi ji, to owuoyo gi Nyasaye, nikech onge ng'ama winjo tiend gima owacho. Owacho weche mopondo modhiero ng'eyo gi teko mar Roho. 3 To ng'at ma hulo wach, loso gi ji mondo ogergi, ojiw-gi kendo ohoogi. 4 Ng'at ma wuoyo gi dhok ma yoreyore gerore kende owuon, to ng'at ma hulo wach moa kuom Nyasaye gero kanisa duto. 5 Daher mondo uwuo gi dhok mayore yore uduto, to moloyo mano, ni mondo uhul wach. Ng'at ma hulo wach duong' moloyo ng'at ma wuoyo gi dhok mayoreyore makmana ka nitie ng'at manyalo loko tiend wach modhumono, mondo kanisa duto oyud konyruok. 6 Paruru ane, Jowetena, uparo ni ka abiro iru mit awuoyonu gi dhok mayore, en konyruok mane ma duyudi, ka ok akelonu fweny moro kata ng'eyo, kata wach mihulo kata puonj? 7 Kata mana gik maonge ngima kuomgi magoyo thum, kaka asili kata nyatiti ding'e ywakgi nadi ka ok ipogo dwondgi? 8 To bende, ka turumbete ogo gi duol mong'ere, ng'ama diikre ni lweny? 9 Chal kamano kuomu bende: Ka ok ukonyoru gi weche maliw ma ji duto winjo to ng'ama biro ng'eyo tiend gima uwacho? Wecheu biro lal nono mana e yamo! 10 Ong'ere ni nitie duol mopogore opogore e piny, to onge kata achiel kuomgi maonge gi tiendgi. 11 To ka ok apogo duond ng'ato to adokone jamwa, kendo en bende odokona jamwa. 12 Emomiyo un bende kaka udwaro mondo ubed gi mich mag Roho, temuru matek moloyo mondo unwang' mich mago magero kanisa. 13 Kuom mano, ng'at ma wuoyo gi dhok moro amora ma ji okia olem mondo obed gi nyalo mar loko tiend gik mowacho. 14 Nikech ka alamo gi dhok mayoreyore to chunya ema alamogo to pacha ok ti. 15 To koro kara atim ang'o? Abiro lamo gi chunya, to bende abiro lamo gi pacha, abiro wer gi chunya, to bende abiro wer gi pacha. 16 Ka upako Nyasaye gi chunyu, to ere kaka ng'ato manie dieru maok winji dhougo digo ni, "Amin" ne erokamano mugoyo, nikech okia gima uwacho? 17 Nyalo bet ni igoyo erokamano maber chuth, to ng'at machielo ok gerre. 18 Adwokone Nyasaye erokamano nikech awuoyo gi dhok mayoreyore moloyo un duto. 19 To ei kanisa to daher wacho weche kata abich kende gi dhok ma ji winjo mondo apuonj moloyo weche alufu apar gi dhok mayoreyore ma ji ok winji. 20 Jowetena, kik ubed nyithindo e pachu, to chaluru nyithindo mayom mana kuom gima rach kende, to e pachu beduru joma dongo. 21 Ondiki e kitap chik ni, "Anakonyra gi joma wacho dhok mayoreyore kendo gi dho joma welo, abiro wuoyo gi jogi to kata kamano ok giniwin-ja," Ruoth Owacho. 22 Kuom mano mich mar wuoyo gi dhok mayoreyore en ranyisi miywayogo joma pok oyie, to ok joma oseyie. Mich mar hulo wach to en mar joma oseyie ok joma pok oyie. 23 Omiyo ka kanisa duto ochokore kaachiel, to ji duto wuoyo gi dhok mayoreyore to ka nitie jomoko maok winj dhogino, kata ka joma ok oyie moko odonjo e chokruogno, donge digiwach ni wiu okethore? 24 To ka ng'at maok oyie, kata ng'at moro ma jaoko moro odonjo e chokruoku, to oyudo ka ji duto hulo wach, weche mowinjo nyalo loye gi bura, mi olokre, 25 kendo paro maling'ling' mopondo e chunye elore e lela, enopodh auma kolamo Nyasaye, kowacho "Yawa, Nyasaye nie dieru ka adier!"
Chenro Mar Lemo E Kanisa
26 Jowetena, koro dwawach ang'o? Ka uchokoru e lemo to yudore ni ng'at moro nigi wer, to ng'at machielo nigi puonj, to moro nigi fweny, to machielo dwaro dhum gi dhok mayoreyore kata loko tiend wach midhumono. To gigi duto nyaka tim e yo mochanore kendo ma diger kanisa 27 Ka nitie joma dhum gi dhok mayoreyore to ji ariyo kata adek ka ng'eny kende ema mondo owuo to mana e yo mochanore maber, ka moro ka moro loso bang', wadgi, kendo ng'ato nyaka lok tiend weche ma gidhumo. 28 To ka onge ng'ato manyalo loko tiend wechego, to ng'at madhum gi dhok mayoreyore mondo oling' e kanisa. Wuoyo to owuo mana gi Nyasaye e chunye maiye. 29 Joma hulo wach kik kadh ariyo kata adek, kendo ka giwuoyo to ji mamoko onon mos ka bende weche magiwacho owinjore. 30 To ka ng'ato moro manie chokruokno omi wach moro mopondo mondo owachi, ng'at mane oyudo dhi nyime gi loso nyaka ling' mondi, eka owuo. 31 Nikech un duto unyalo hulo wach, ka ng'ato ka ng'ato koro bang' nyawadgi, mondo ji duto oyud puonj kod jip. 32 Jahul wach nigi nyalo mar geng'o wach mabirone, 33 nikech Nyasaye ok en Nyasach loko, to En Nyasach kuwe. To mana kaka timore ei kanyakla mar joma oyie duto, 34 joma mon onego oling' e kanise. Ok oyienigi loso, nyaka giwinj wach ka giling' kaka chik owacho. 35 Ka gidwaro mondo olernigi tiend wach moro, to gipenj chwogi giwegi dala, nikech en wichkuot ka ng'ama dhako wuoyo e kanisa. 36 Mit kuparo ni un emane wach Nyasaye ochakore kuomu? Koso ugalo ni un kendu ema wach ose-choponu? 37 Ka ng'ato okawore ni en jahul wach kata ni en ng'at chuny, to nyaka oyie ni wach mandikonuni en chik Ruoth. 38 Ka ng'ato ok orwako puonjnani to en bende ok norwake. 39 Kuom mano, Jowetena, gomburu bedo johul wach, to kik utam ji dhum gi dhok mayoreyore. 40 Timuru gik moko duto e yo mowinjore kendo mochanore.
Chier Mar Kristo
1 Koro Jowetena, adwaro paronu wach Injili mane ayalonu, mi urwako kendo koro uchungoe motegno. 2 Injilini ema kelonu warruok, ka umako matek wach mane ayalonu mokwongo. Ka ok kamano to kara ne uyie kayiem nono. 3 Nikech puonj maduong' mogik mane ayudo kuom Ruoth mi amiyou en ma: ni Kristo notho nikech richowa kaluwore gi Ndiko, 4 kendo ni ne oyike, kendo ni ne ochiere oa kuom joma otho chieng' mar adek kaluwore gi Ndiko, %endo ni ne ofwenyore mokwongo ni Petro, eka bang'e nofwenyore ni joote apar gariyo. 6 Bang' mano nofwenyore ni Jowete moloyo mia abich, ka gin kanyachiel, kendo thothgi pod ngima nyaka sani, kata obedo ni moko osenindo. 7 Achien nofwenyore ni Jakobo; bang'e nofwenyore ni Joote duto, 8 eka achien mogik, nine ofwenyore ni an bende, kata obedoni achal gi ng'at mane onyuol bogno. 9 Nikech an e jaote matinie mogik to bende ok awinjora mondo oluonga ni jaote, nikech ne asando kanisa Nyasaye. 10 To koro, kuom ng'wono mar Nyasaye, an gima an, kendo ng'wono mane omiya ne ok orem mak ochopo tichne. Kar bedo kamano to asetiyo matek moloyo joote mamoko duto, to ok asetimo mago duto gi tekra awuon, to kuom ng'wono mar Nyasaye matiyo koda. 11 Omiyo kata bed ni an ema ne ayalonu Injili kata gin emane giyalonu, to ma e gima wayalo kendo ma e gima neuketoe yieu.
Chier Mar Joma Otho
12 To ka iyalo ni Kristo osechier oa kuom joma otho, to ang'o momiyo jomoko kuomu wacho ni joma otho ok bi chier? 13 Ka en adier ni joma otho ok chier to mano nyiso ni kata Kristo bende pok ochi-er. 14 To ka Kristo pok ochier to wayalo kayiem, kendo yie maru bende onge tiende. 15 To moloyo mano, wadoko joneno mariambo kuom Nyasaye nikech wasebedo ka wanyiso ji ni Nyasaye ema osechiero Kristo oa kuom joma otho. To kara ne ok ochiere ka en adier ni joma otho ok chier. 16 Nikech ka joma otho ok chier to kata Kristo bende pok ochier. 17 To ka Kristo pok ochier, to yie maru en nono; kendo pod ulal alala e richou. 18 Mano nyiso bende ni jo Kristo mos-enindo bende olal. 19 Ka genowa kuom Kristo nigi tiende mana e ngimani kende, to wan joma odhierie moloyo ji duto. 20 To adiera en ni Kristo osechier oa kuom joma otho. Chierneno en kaka gir singo manyiso ni joma onindo e liel bende ibiro chiero. 21 Nikech kaka tho noa kuom ng'at achiel e kaka chier mar joma otho bende osebiro koa kuom ng'at achiel. 22 Nikech mana kaka ji duto tho nikech Adam, ji duto nobed mangima nikech Kristo. 23 To gigi nyaka timre e yo mochanore: Kristo ema kwongo chier kaka olemo mokwongo chiek, eka bang'e joma ni kuome bende nochier chieng' ma enobi. 24 Eka giko nochopi, mi Kristo nolo joloch duto, nolo teko duto kendo nolo nyalo duto, eka nodwok pinyruoth ni Nyasaye Wuoro. 25 Nikech Kristo nyaka bed gi loch nyaka chop Nyasaye lo wasigu duto, mi oketgi e bwo pat tiende. 26 Jasigu manotieki achien mogik en tho. 27 Nikech Ndiko wacho ni, "Nyasaye, oseketo gik moko duto e bwo tiende". To ka ndiko wuoyo kuom "gik moko duto", to ong'ere ni mano ok oriwo Nyasaye owuon nikech Nyasaye ema keto gik moko duto e bwo loch Kristo. 28 To ka gik moko duto oseketi e bwo loch Kristo, eka Wuowi owuon noketi e bwo loch Nyasaye, ma bende noketo gik moko duto e bwoye eka Nyasaye nobed gi loch ewi gik moko duto 29 To ka poni chier onge, to ere tiende batiso ji ewi joma osetho? Ka joma otho ok chier, to ibatiso ji e wigi nango? 30 To kata mana wan, ang'o ma dimi wachom masira seche duto? 31 Jowetena, kaka un e sungana kuom Yesu Kristo Ruodhwa awachonu ka aramo, ni tho ochoma pile! 32 Ka dipo ni ne akedo gi le makwiny e dala Efeso mana nikech dwach dhano to ohala mane ma ayudo? Ka joma otho ok chier to kara "Wadhi adhiya nyime gi chiemo kendo gi metho, nikech kiny wanatho." 33 Kik ng'ato wuondu, "Bedo e lalruok kod joma richo ketho timbe mabeyo." 34 Duoguru e pachu maliw, daguru ngima makare kendo weuru timo richo, nikech nitie jomoko kuomu mokia Nyasaye. Awacho kamano mondo akuodgo wiu.
Ringruok Mochier
35 To ng'ato nyalo penjo ni, "Joma otho ichiero nadi? Ginibed gi ringruok machalo nadi?" 36 To mano penjo mofuwo man-adi! Ka ukomo kodhi to nyaka okwong otho eka bang'e otwi. 37 Ka ukomo, to ukomo mana kodhi kende. Onyalo bedo koth ngano kata koth gimachielo. 38 To Nyasaye miye kido mana kaka en ema osechano, kendo kodhi ka kodhi omiyo kite owuon. 39 Ringruok duto ok chaire: Dhano nigi kit ringruok mamargi, le nigi machielo, winy nigi machielo, kendo rech bende nigi machielo. 40 Nitie bende chwech mag polo gi chwech mag piny, kendo kit duong mar chwech mag polo opogore gi kit duong' mar chwech mag piny 41 Wang' chieng' nigi kit ler ma mare owuon, to dwe be nigi machielo, kendo sulwe bende nigi mare. Sulwe ka sulwe chiwo ler mopogore gi nyawadgi. 42 Kamano bende e kaka chier mar joma otho biro chalo. Ringruok ma iyiko en gimatow, to ichiere ka en gima ok tow. 43 Ka iyike to oonge gi duong' to ichiere ka en gi duong, to bende iyike ka oonge teko, to ichiere ka en gi teko, 44 kendo iyike kaka ringruok mar pinyni, to ichiere kaka ringruok mar polo. Ka nitiere ringruok mar piny to nitiere bende ringruok mar polo. 45 Emomiyo ondiki ni, "Adam maen dhano mokuongo, nodoko gima ngima" to Adam mogik nodoko chuny machiwo ngima. 46 To mano mar chuny ok ema kuongi, to mar ringruok ema kuongo, eka bang'e mar chuny, 47 Dhano mokuongo nochwe gi lop piny, to dhano mar ariyo noa e polo. 48 Jal mane ochwe gi lowo ema ji duto oa kuome, to kamano bende jopolo duto oa kuom Jal mane oa e polo. 49 Mana kaka warwakore gi kit dhand lowo e kaka wabiro rwakore gi kit dhand polo. 50 Jowetena, tiend gima awacho en ma: Ringruok gi remo ok nyal chamo girkeni mar pinyruodh Nyasaye kendo gima tow ok nyal rwakore gi gima ok tow, 51 Winjuru anena midhieroni: Ok wanatho waduto to nolokwa wan duto kadiemo wang' 52 apoya nono, kadiemo wang' ka tung' mogik noywagi. Nikech ka tung' noywagi to jomane osetho nochier gi ringruok maok tow to wan nolokwa. 53 Nikech ringruok matow nyaka ruakre gi gima ok tow, kendo ringruok mathoni nyaka ruakre gi gima ok tho. 54 Eka bang'e ka ringruok matop oserwakore gi mano ma ok tow, kendo mano matho oserwakore gi mano ma ok tho, eka wach mondiki nochop kare, ni, "Tho oselo motiek chuth." 55 "In tho, koro ere lochni? In tho, lit mikelo ni kanye? 56 Lit mar tho en richo, to teko mar richo en chik 57 To Nyasaye mondo opaki, nikech osemiyowa loch kuom Ruodhwa Yesu Kristo! 58 Emomiyo, Jowetena mageno, chun-guru motegno. Kik uyie gimoro oyiengu. Chiwreuru chuth kinde duto ni tich Ruoth, nikech ung'eyo ni tich mutiyo matek ni Ruoth ok obedo kayiem nono.
Chiwo Michoko Ni Jo Nyasaye
1 Koro kuom wach choko chiwo ni jo-Nyasaye: Timuru gima ne akone jo-kanisa ma Galatia mondo otim. 2 ng'ato ka ng'ato kuomu nyaka ket mich moko tenge Juma Pil ka Juma Pil, kaluwore gi yuto mare mondo ka abiro to onge mich mibiro chok kendo. 3 Ka achopo, to anaor joma upwodho, gi barupe manyiso chalgi mondo giter michugo Jerusalem. 4 Ka ber mondo an bende adhi, to ginidhi koda.
Kwayo Mag Paulo Owuon
5 Abiro biro iru bang' kadho Makedonia, nikech abiro luwo kuno. 6 Samoro anyalo bedo kodu kuom ndalo mogwarore to samoro anyalo tieko mana ndalo koyo duto, mondo ukonya e wuod-ha kamoro amora ma abiro dhiye. 7 Ok adwar mondo aneu mana ayuka ka akad-ho, to ageno mar bedo kodu aming'a, ka Ruoth oyie. 8 To pod abiro dak Efeso ka nyaka chieng' Pentekost, 9 nikech dhoot oyaworena malach mar tiyo tich manyago olemo to wasigu makedo koda bende ng'eny. 10 Ka Timotheo obiro iru, neuru ni onge gima oluoro ka en e dieru, nikech otiyo ne Ruoth, mana kaka an. 11 Kuom mano, kik ng'ato ang'ato otamre maok orwake to konyeuru mondo odhi nyime e wuodhe gi kuwe, mondo oyud yo mar duogo ira nikech arite en kaachiel gi Jowete mamoko. 12 Koro kuom owadwa Apolo. Ne ajiwe matek mondo olimu kod Jowete mamoko, to pok oyie chuth ni onego obi iru sani ka oyudo thuolo to obiro biro achien. 13 Ritreuru, kendo chunguru motegno e yie maru, beduru jochir kendo beduru motegno. 14 Timuru gik moko duto gi hera. 15 Ung'eyo ni jood Stefano e joma nok-wongo yie kuom Kristo e piny Akaya, kendo gisechiwore mar tiyo ni jo Maler. Ajiwou, Jowetena, 16 mondo uyie bet e bwo joma kamago, kendo ebwo jomatiyo kaachiel kodgi. 17 Ne adoko mamor kane Stefano, gi Fortunato kod Akaiko ne jobiro ira, nikech ne gichopona rem mane onego uchopi tone ok uchopo. 18 Ne gikonyo chunya, kaachiel gi maru bende. Joma kamago onego omi duong'
Mos Mogik
19 Kanise manie gweng' mar Asia ooronu mos. Akula gi Priska, kaachiel gi kanisa machokore e odgi, jomosou gimor kuom Ruoth. 20 Jowete duto man ka ooronu mos. Mosreuru duto ng'ato gi ng'ato gi yogruok maler. 21 An Paulo awuon ema andikonu mosni gi lweta awuon. 22 Ka ng'ato ok ohero Ruoth to mondo okuong'e! Bi, Yaye Ruoth. 23 Ng'wono mar Ruoth Yesu obed kodu. 24 Herana obed kodu un duto ei Kristo Yesu. Amin.
1 An Paulo, jaote mar Kristo Yesu kuom dwaro mar Nyasaye; kod owadwa Timotheo, Ne kanisa mar Nyasaye man Korintho, kaachiel gi jomaler duto man Akaya: 2 Mad Ng'wono gi kuwe moa kuom Nyasaye Wuonwa gi Ruoth Yesu Kristo obed kodu.
Nyasach Hoch Duto
3 Pak ni Nyasaye ma Wuon Ruodhwa Yesu Kristo, kendo ma Wuon ng'wono kendo Nyasach Loch duto, 4 en moloyowa e chandruok duto rnarnakowa, mondo wabed gi nyalo mar hoyo jomamoko manie chandruok, ka wahoyogi gi hoch ma Nyasaye osehoyowago wan wawegi. 5 Nikech, mana kaka wan e achiel gi Kristo e chandruokge duto mane oneno, e kaka wan kode e hoch mochiwo. 6 Ka waneno malit, to mano timorenwa nikech hoch kod warruok maru; to ka wayudo hoch, to en mondo un bende uyud hoch. Hoch makamano miyou kinda kod dhil e chandruok ma wan bende wayudo. 7 Emomiyo geno ma wan go kuomu ok yiengni, nikech wang'eyo ni kaka un kodwa e achiel e chandruok mwaneno, e kaka un e achiel bende e hoch machal gi mano mihoyowago. 8 Ok wadwar mondo ubed ka ukia, Jowete, kaka ne waneno masiche mapek e piny Asia. Ne oyie kuomwa masiche madongo kendo mapek moingowa ting'o mi ne wajok gi bedo mangima. 9 Chutho, ne wawinjo e chunywa kagima nosen-g'adnwa buch tho. To magi notimorenwa mondo waket genowa kuom Nyasaye ma chiero joma otho, to ok kuomwa wawegi. 10 En mane oseresowa e dho tho malich kamano kendo obiro resowa. Kuome waseketoe genowa ni pod obiro resowa, 11 ka umedo konyowa gi lemo maru. Mano nomi ji mang'eny nodwokone Nyasaye erokamano kuom gweth momiyowa, kodwoko lamo mar ji mang'eny.
Paulo Oloko Chenro Mage
12 Koro ma e sunga marwa: chunywa miyowa ratiro ni wasedak e pinyni, to moloyo e winjruok marwa kodu, ka walu-oro Nyasaye kendo ka wawuotho e ler mar adier. Ok wasedak kamano nikech waluwo rieko mar pinyni, to nikech ng'wono mar Nyasaye. 13 Nikech ok wandiknu gik matek maok unyal somo mi uwinj tiendgi. Omiyo ageno ni, 14 mana kaka koro useng'eyowa moromo, e kaka ubiro medo ng'eyowa chuth, mondo uchop e okang' munyalo sungoru nikech wan, mana kaka wan bende wabiro sun-gore nikech un e odiechieng Ruoth Yesu. 15 Nikech ne an-gi ratiro kuom wachni, ne achano mar limou mokwongo mondo ne uyudi gweth manyadiriyo. 16 Ne achano mondo alimu kane anie wuodha adhi Makedonia, kendo ne achano rawo iru ka aa kuno, mondo ayud kony kuomu e wuodha madhi Judea. 17 Kane achano kamano, uparo nine atimo kamano ka atugo? Koso uparo ni aloso chenroga ka japiny ma anyalo kiko wach ka ayie ni, "Eee, Eee" kendo achako akwer ni "Ooyo, Ooyo?" 18 Kaka Nyasachwa en jaadiera, wach ma wesebedo ka wawacho kodu ok en "Eee" gi "Ooyo." 19 Nikech Yesu Kristo, Wuod Nyasaye, mane wayalonu wachne, wan gi Sila gi Timotheo, ne ok en "ee" gi "ooyo", to osebedo "ee" kinde duto. 20 Nikech singruok ma Nyasaye o setimo kodwa duto kar rombgi gin "Ee kuom Kristo." Mano emomiyo kwalamo e nying Kristo to wagoyo ni "Amin", kwamiyo Nyasaye duong'. 21 To Nyasaye owuon ema osemiyo un kod wan wachung' motegno kuom Kristo. En ema osewirowa, 22 mi oketo kido kuomwa manyiso ni wan joge bende oseketo Roho mare e chunywa kaka singo mar gima biro. 23 Aluongo Nyasaye mondo obed janeno mara, ka anyisou ni ne ok aduo-go Korintho mana mondo kik akelnu kuyo. 24 Ok wawach kamano nikech watemo bedo gi teko kuom yie maru, to watiyo kodu kaachiel mondo uchung' motegno e yie maru ka umor.
1 Omiyo ne ang'ado e pacha kuom wachni, ni ok nachak alimu kendo ka limbena dikelnu kuyo. 2 Nikech ka an ema amiyo ubedo mokuyo, to en ng'awa ma dimiya mor, ka ok mana un ma amiyou chuny lit? 3 Mano emomiyo ne andikonu kamano, mondo kane abiro iru to kik umiya kuyo un monego umiya mor. Nikech ang'eyo malong'o chuth ni ka amor to eka un duto bende umor. 4 Ne andikonu ka chunya chandore kendo lit; kendo pi wang'a ne chwer mang'eny, nikech ne ok adwar mondo ami ubed mokuyo, to ne adwaro mondo ung'e kaka aherou, un duto, gi hera matut.
Weyo Ni Jaricho Richone
5 Ponono ng'ato osekelo chuny lit, an ok ema osekelona chuny litno, to osekele mana ni un, ka ok adwar jimbo wachno. 6 To kum ma osemi ng'atni gi ji mathoth kuomu koro oromo. 7 Sani koro nyaka uwene richone kendo uhoye, mondo kik kuyo mare dhiere nono. 8 Omiyo akwayou mondo unyise ni koro eka uhere moloyo. 9 Gimomiyo ne andikonu ne en mondo atemu ane kendo ang'e ka bende un joma nigi luor e gik moko duto. 10 Ng'ato ang'ata muweyone richone an bende aweyone. Nikech ka aweyone ng'ato richone (ka dipo an bende onego awene ng'ato e wach moro amora) to atimo kamano kuom Kristo, nikech un,11 mondo kik satan lowa gi riekone, nikech wang'eyo chenro mage.
Jotich Mag Singruok Manyien
12 Kane abiro Troa mondo ayal Injili mar Kristo kendo nayudo ka Ruoth noseyawona dhoot, 13 to ne pod aonge gi kuwe e chunya nikech ne ok ayudo owad-wa Tito kuno. Omiyo ne agoyo oriti ne jogo, mi adhi Makedonia. 14 To erokamano ni Nyasaye, ma kinde duto telonwa kaka joma oselocho kuom Kristo, kendo ma konyore kodwa kuom keyo tik mamit mar ng'eyo Kristo. 15 Nikech Nyasaye tiyo kodwa kaka tik mamit mar Kristo e kind joma iwaro kod joma lal. 16 Ni joma lal wadum tik tho to ni joma iwaro to wadum negi tik ngima. Koro en ng'a mowinjore gi tich machal kamano? 17 Nikech wan ok wachal gi ji mathoth mamoko, magajo wach Nyasaye mondo giyudie ohala. Wanto wan joma Nyasaye oseoro kendo wawacho adiera e nyime kuom Kristo.
1 Dibed ni wachako pwoyorenu kendo? Koso wachako dwaro bar upe mag pwoch moa kuomu, kata mwabirogo iru, kaka jomoko ohero timo? 2 Un e barupe-wa, mondiki e chunywa, kendo ma ji duto ong'eyo, kendo somo. 3 Unyiso ni un barupe moa kuom Kristo, matijwa okelo, ma ok ondiki gi wino, to mondiki gi Roho Maler mar Nyasaye mangima, bende ok ma ondiki e kite mopa, to mondiki e chun-je mag dhano. 4 Mano e chir ma wan go kuom Nyasaye nikech Kristo. 5 Ok ni wan-gi nyalo moro kuomwa wawegi mar tiyo tijni, to nyalo wa aa kuom Nyasaye. 6 Osemiyowa nyalo mar bedo jotich mag singruok manyien, ma ok otenore kuom chik mondiki, to motenore kuom chuny, nikech chik mondiki neko, to Roho chiwo ngima.
Duong' Mar Singruok Manyien
7 Koro ka tich mane okelo tho, mane ondike kite mopa, mane obiro gi duong' mondo omi jo-Israel kik ng'i wang' Musa tir nikech duong'ne kata obedo ni duong'no nedhi ka rumo, 8 to donge dibed ni tich mar Roho biro bedo gi duong' mang'ongo moloyo? 9 Ka tich ma ing'adonego ji bura nigi duong' kamano, to tich, ma keto ji kare, nyaka bed gi duong' moloyo! 10 Nikech gimane nigi duong' kindecha koro onge gi duong' minyalo pimo gi mano maduong' moloye. nTo ka mano marumo nobiro gi duong' kamano to kare koro mano masiko nyaka bed gi duong' mang'ongo moloyo! 12 Emomiyo ka koro wan-gi geno machal kama, wawuoyo gi chir mathoth. 13 Ok wachal gi Musa mane umo wang'e mondo kik jo-Israel ne ka ler manie pat wang'e rumo. 14 To pachgi nosiko kodi-nore, nikech nyaka koroni raumno pod oumo chunjegi ka isomo singrouk machon. Pod ok ogole nikech raumno igolo mana ka ng'ato ni kuom Kristo. 15 Kata mana sani kisomo chik Musa to raum geng'o chunygi. 16 To saa asaya ma ng'ato olokore odhi ir Ruoth to raumno igolo oko. 17 Koro Ruoth e Rohonogo; kendo kama Roho mar Ruoth nitie, thuolo nitie. 18 Koro wan duto mwanyiso picha mar duong' Ruoth, ka ok waumo wenge-wa, imedo lokowa mondo wamed bedo machal lode, ka duong' mawan-go medo medore ma wuok kuom Ruoth, ma en Roho.
Mwandu Manie Agulini Mag Lowo
1 Emomiyo, ka koro Nyasaye oseke-chowa momiyo wa tijni mondo watim, chunywa ok nyosre. 2 Wasekwedo timbe maling'ling' mag miriambo ma kuodo wich, ok wakonyre gi wuond, bende ok wagaj wach Nyasaye, to wawuotho e ler mar adiera kendo wachi-wore ni ji duto, mondo chunygi orwakwa e nyim Nyasaye. 3 Nikech ka poni Injili mwayalo ogeng'ore, to ogeng'ore mana ni joma lal. 4 Joma kamago otamore yie nikech nyasach pinyni osedino pachgi mondo kik gine ler mar Injili manyiso duong' mar Kristo, ma en e kido mar Nyasaye. 5 Nikech ok wayal wach kuomwa wawegi, to wayalo Yesu Kristo kaka Ruoth, to wan wawegi wan jotichu kuom Yesu. 6 Nikech Nyasaye mane owacho ni, "Ler mondo orieny koa e mudho" ema osemiyo lerne omenyo chunywa, momiy-owa ler mar ng'eyo duong' Nyasaye mineno e lenda wang' Yesu Kristo. 7 To mwandu mawan-goni wating'o e agulni mag lowo, mondo oyangre ni teko maduong' mawan-goni oa kuom Nyasaye, to ok oa kuomwa wawegi. 8 Pile idiyowa matek e yore duto, to ok dinwa; wadhier nono, to ok wajogi; 9 isandowa, to ok jwang'wa; igoyowa piny, to ok tiekwa. 10 Kinde duto wawuotho ka wating'o tho mar Yesu e ringrewa, mondo eka ngima mar Yesu onere e ringrewa.11 Nikech wan mwangima ochomwa gi tho kinde duto nikech wach Yesu, mondo ngima mar Yesu onere e ringrewa matho. 12 Omiyo koro wan tho tiyo kuomwa, to un, ngima tiyo kuomu. 13 Ondik ni: "Ne ayie emomiyo ne awuoyo". Gi chuny mar yie machalre, wan bende wayie kendo wawuoyo, 14 nikech wang'eyo ni Jal mane ochiero Ruoth Yesu oa kuom joma otho biro chierowa wan bende gi Yesu, kendo obiro kelowa kaachiel gi un, e nyime. 15 Magi duto timore mondo okonyu, mondo kaka ng'wono medo chopo ni ji mang'eny moloyo, ji odwok erokamano ni Nyasaye, mondo Nyasaye oyud duong'. 16 Emomiyo chunywa ok nyosre. Kata obedo ni ringrewa maoko rumo kamano, to chunywa iloko manyien odiechieng' kodiechieng'. 17 Nikech chandruok mwayudo matindo kendo makadho piyo biro kelonwa duong' mosiko kendo moloyo chandruokgo duto. 18 Omiyo ok wachom wengewa kuom gik mineno, to kuom gik maok ne. Nikech gik mineno gi wang' rumo, to gik maok ne siko nyaka chieng'.
Kar Dakwa Manie Polo
1 Nikech wang'eyo ni ka kiru mwadakieni okethi, to wan gi ot ma Nyasaye osegeronwa e polo, ma en ot mosiko, ma lwet dhano ok ogero. 2 Kapod wan e kiruni to wachur ka wagombo mondo orwakwa gi odwa mar polo 3 nikech ka waserwakore kode, to ok bi yudwa duk. 4 Nikech kapod wadak e kiruni, to wachur gi pek modiyowa, to mano ok onyiso ni wadwaro weyo ringruok mawan-goni, to wagombo rwakore gi ringruok manyien mar polo, mondo gima ok tho omwony mano matho. 5 Nyasaye ema oseikonwa chenro machalo kama, kendo osemiyowa Roho kaka singo, ma singo gima biro. 6 Kuom mano, wan-gi chir pile, kendo wang'eyo ni ka pod wadak e ringr uokni to wan mabor gi Ruoth. 7 Wadak kuom yie to ok kuom gik mwaneno. 8 Wawacho ni wan-gi chir kendo dwaher moloyo weyo dak e ringruokni mondo wadag kanyachiel gi Ruoth. 9 Omiyo thorro marwa maduong' en mondo watim dwarone, bed ni pod wadak e ringruokni kata ka wase aa. 10 Nikech nyaka wan duto wabi wachung' e nyim kom bura mar Kristo, mondo ng'ato ka ng'ato oyud gima owinjore gi gik mane otimo kapod en ringruok kata gin gik mabeyo, kata maricho.
Tich Mar Kelo Winjruok
11 nikech koro wang'eyo gima luoro Ruoth en, watemo ywayo ji. Wan to Nyasaye ong'eyowa malong'o, kendo ageno ni un bende ung'eyowa malong'o chuth e chunyu maiye. 12 Ok watem pwoyorenu kendo, to wamiyou gima unyalo sungorugo kuomwa, mondo uyud gima unyalo dwokogo joma sungore nikech timbegi maoko mineno to ok nikech gima ni e chunygi. 13 Kapo mano nyalo miyo wachal joneko, to obedo nikech Nyasaye; to ka pachwa ni kare, to en kamano nikech un. 14 Nikech hera mar Kristo chunowa mondo watim gik mwa-timo, nikech wan-gi ratiro ni ng'ato achiel notho ne ji duto; omiyo ji duto notho. 15 To notho ni ji duto mondo joma ngima koro kik bed mangima mana ni gin giwe-gi, to mondo gibed mangima ni Jal ma notho mochako ochier nikech gin. 16 Omiyo chakre sani koro ok wang'e ng'ato e yo mapiny ng'eyogo ji. Kata obedo ni kinde moko ne wang'eyo Kristo e yo makamano, tinde ok watim kamano kendo. 17 Emomiyo ka ng'ato ni kuom Kristo to en chwech manyien; gik machon osekadho, neuru, gik manyien osechopo! 18 Magi duto oa kuom Nyasaye, mane ogolo sigu mane nie kindwa kode kotimowa osiepene kuom Kristo, kendo omiyowa tich mar loko wasike osiepene: 19 tiende ni Nyasaye ne timo winjruok gi piny kuom Kristo, ka ok okwano richo ji e wigi. To wan ema osemiyowa wach manyiso ji kaka digibed e winjruok gi Nyasaye. 20 Kuom mano, wan e jombetre mag Kristo, wachalo kagima Nyasaye konyore kodwa kuom ywayo ji ire. Wahombou ka wachung' kar Kristo, mondo uwinjru kod Nyasaye. 21 Nyasaye noketo Jal mane onge richo obedo richo mondo kuome wabed joma kare mag Nyasaye.
1 Kaka Jotich kaachiel gi Nyasaye wakwayou mondo kik ukaw ng'wono Nyasaye museyudo ka gir tugo. 2 Nikech owacho ni, "Ne awinji e saa mowinjore; chutho ne akonyi e odiechieng' mar warruok. Awachonu ni, ma e saa mar Nyasaye mowinjore, ma e odiechieng warruok.
Pek Ma Paulo Oyudo
3 Ok wadwar ni ng'ato oyud ketho moro amora e tichwa, omiyo watemo mondo kik wachwany ng'ato. 4 Wan kaka jotich Nyasaye wanyisore e yore mang'eny kaka: dhil maduong', sandruok, chandruok kod e masiche; 5 e goch, e tuech, e koko, e tich matek, e fuwo nindo otieno mang'eny, gi riyo kech; 6 kuom ritruok maler, kuom ng'eyo, kuom kinda, kuom ng'wono, kuom Roho Maler gi hera mar adier; 7 kuom wacho adier, kendo kuom teko mar Nyasaye. Watimo gigi duto ka wating'o gilweny mag ngima makare e lwetwa korachwich gi koracham; 8 ka imiyowa duong' kendo ichayowa; iletho nyingwa kendo ipwoyowa, joma odim-bore to ikawowa ka joma ketore; 9 joma ong'ere to wachal joma ok ong'e, kendo wachalo joma chiegni tho, to pod ineno mana ka wangima angima, igoyowa to ok negwa; 10 wakuyo, to wasiko wamor amora, wadhier, to wamiyo ji mathoth doko jo mwandu, wanenore ka gima waonge gimoro, to kare wan ema wan gi gik moko duto tee. 11 Yaye jo Korintho, wawuoyonu ka wan kodu thuolo kendo ka chunywa oya-worenu malach. 12 Wan ok wapandonu herawa, to un ema upandonwa. 13 Ka anyalo wuoyonu kaka nyithinda, to awachonu ni, un bende yawnwauru chunyu malach!
Kik Uriwru Gi Jopiny
14 "Kik uriwru gi jopiny. Nimar en winjruok mane ma ber gi rach dibedgo e achiel? Koso ere kaka ler gi mudho didag kanyachiel? 15 Winjruok mane ma Kristo nigo gi O bel? En ang'o madiriw ng'ama oyie gi ng'ama pok oyie? 16 Winjruok mane ma Hekalu mar Nyasaye nigo gi nyiseche manono? Nikech wan e Hekalu mar Nyasaye mangima! Mana kaka Nyasaye owuon osewacho ni: "Abiro dak e igi kendo abiro wuotho e diergi kendo abiro bedo Nyasachgi to ginibed joga." 17 "Emomiyo auru kuomgi kendo pogreuru kodgi, Ruoth owacho. Kik umul gima ochido, eka narwaku." 18 Anabed Wuonu to unubed yawuota gi nyiga, Ruoth Manyalo Gik Moko Duto owacho."
1 Koro osiepena mageno kaka wan-gi singruokgi, wapwodhreuru kuom gik moko duto machido ringruok gi chuny mondo wadok jomaler chuth nikech waluoro Nyasaye.
Mor Ma Paulo Nigo
2 Yawnwauru chunyu. Pok watimo ni ng'ato marach kendo pok waketho ne ng'ato, bende pok wamayo ng'ato gire kwakonyore gi wuond. 3 Ok awach wechegi mondo ang'adnu bura kaka joketho, nikech, kaka nasewachonu motelo, wagenou gi genruok maduong' e chunywa, kendo waikore tho kodu kendo bedo mangima kodu. 4 An gi chir maduong' kuomu; asungora matek nikech un! Kaparou to chunya yudo jip mathoth kendo e chandruokwa duto, chunya opong' gi mor motiak. 5 Nikech, kata kane wabiro Makedonia, ringrewa ne ok oyweyo mak oneno sand mak rum; dhawo nolworowa gi oko to chunywa nopong' gi luoro. 6 To Nyasaye, majiwo joma chunygi onyosore, noji-wowa kane Tito obiro irwa, 7 to ok birone kende ema nojiwowa, to hoch mane uhoyego bende nojiwowa. Nonyisowa kaka un-gi siso mar nena, kendo kaka chunyu otur, kendo kaka uikoru mar chwaka ma mago duto nomiya amor moloyo. 8 Nikech kata ka barupa mane andikonu nomiyo ukuyo, to ok anyal timonu mos. Kata kamano ne atimo mos, nikech aneno ni barupano nomiyou chuny lit, to mana matin nono. 9 To koro amor, ok nikech ne uyudo chuny lit, to nikech chuny litno nokelonu lokruok. Nikech nubedo gi chuny lit mar Nyasaye, kendo ne ok uhinyoru e yo moro amora nikech wan. 10 Nikech kuyo mar Nyasaye kelo lokruok, makelo warruok kendo ok mi waywag ang'e, to kuyo mar piny kelo tho. 11 Neuru gima kit kuyo mar Nyasaye osenyago e ngimau: osemiyo udoko joma otang' mak badhre ni loso weche manie dieru. Koro usin gi timbe mamono; uluoro donjo e richo kendo; uhera kendo ugombo mondo amed konyou e wachno kendo uikoru kumo joma oketho. Koro usepwodhoru udoko maler e wach mane otimore e dieru. 12 Omiyo kata kane andikonu to ne ok en nikech wach ng'at mane otimo marach, kata nikech joma notimnigi marach, to ne andikonu mondo, e nyim Nyasaye, uneye kaka ugenowa. 13 Magi duto osejiwowa. Kaachiel gi jip mane wayudo koa kuomwa wawegi, moloyo to ne wamor kane waneno mor mane Tito nigo, nikech dhial mane umiye. 14 Noyudo asesun-gorene nikech un, kendo koro ok usekuo-do wiya. To mana gik moko duto mwasebedo ka wawachonu gin adiera e kaka sunga mane wasungorego ni Tito kuomu bende osedoko gima adier. 15 Omiyo koro hera moherougo oseme-dore moloyo, koparo kaka un duto ne uwinjo wachwa, kendo kaka ne urwake gi luoro kod kibaji. 16 Amor sidang' ni anyalo bedo gi geno kuomu chuth.
Jip Kuom Chiwo
1 To koro Jowetewa wadwaro ni ung'e gima ng'wono mar Nyasaye osetimo ni kanise man Makedonia. 2 Kata obedo ni giseneno malit mokalo pimo, kendo gid-hier ahinya kamano, to mago osemiyo gimedo bedo mamor moloyo, kendo chi-wogi mar ng'wono osemedore mokalo pimo. 3 Anyisou adier ni ne gichiwore mar chiwo kaka ginyalo, kendo moloyo nyalo-gi. Ka onge ng'ama ochunogi, 4 ne gisay-owa ka giramo ni gin bende nyaka gichiw makorgi kuom konyo jo Nyasaye. 5 Ne gichiwo mathoth moloyo kaka ne waparo! Mokuongo ne gichiwore ni Ruoth; eka bang'e gichiwore ni wan bende, kaka Nyasaye dwaro. 6 Omiyo ne wajiwo Tito, kaka en ema nochako tijni e dieru, mondo odhi kode nyime nyaka chop otiek tij ng'wonono. 7 To ka umewo mokalo e gik moko duto ma un-go, kaka: yie maru, gi losou, gi ng'eyou, gi ikruok maru mar konyo, kod hera muherowago wadwaro ni tij ng'wononi mar chiwo bende utimie maber moloyo. 8 Ok amiu chik kuom wachni, to any-isou kaka joma oikore konyo tich Nyasaye mondo atemgo herau ka bende en hera madier. 9 Nikech ung'eyo ng'wono mar Ruodhwa Yesu Kristo kaka chai, ni kata obedo ni ne en gi mwandu, to nodoko modhier, nikech un, mondo un ubed jomwandu nikech dhierneno. 10 Koro ma e pacha kuom wachni: Sani koro ber mondo utiek tich mane uchako higa mokalo. Un emane uchako tijni mokuongo, ok nukuongo chako choko kende, to nukuongo bedo gi dwaro mar chiwo giu bende. 11 Omiyo koro dhiuru nyime gi tijno nyaka utieke! Beduru gi ikruok mar tieke mana kaka nubedo gi chenro mar chake, to timuru kamano mana gi giu maun-go. 12 Nikech un gid-waro mar chiwo, to Nyasaye biro rwako chiwono kaluwore gi gik maun-go mun-yalo chiwo, to ok gik muongego. 13 Dwarowa ok en mondo jomoko odong' gi ting' mayot to un wamiu ting' mapek, to dwarowa en ni ji duto ochiw maromre. 14 To sani ma un-go mogundho biro konyo dwaro ma gin-go, mondo un bende achien ma gin-go mogudho biro konyo dwaro ma un-go. Kamano otimore to ubiro bedo gi konyruok maromre, 15 mana kaka ondiki ni, "Ng'at mane ochoko mang'eny ne ok obedo gi mathoth ahinya kendo ng'at mane ochoko manok, ne ok obedo gi matin mohingo".
Oor Tito Korintho
16 Adwoko erokamano ni Nyasaye moseketo, e chuny Tito, dwaro mar kony-ou, mana kaka an bende an-go. 17 Ne ok orwako mana kwayowa kende, to ne ochiwore kende en owuon mar konyou, mi koro ero obiro iru kuom dwarone owuon. 18 To bende waoro owadwa moro kode, mong'ere e kanise duto ne tije mar Injili. 19 To ok mano kende, kanise ne oyiere mondo odhi kodwa e wuodhwa mar tero chiwo. Tijno watimo mondo wami Ruoth owuon duong' kendo mondo ji ong'e ni waikore konyo. 20 Wadwaro mondo ji kik ne rach moro e yo mwatiye tij mich mar ng'wononi. 21 nikech watemo matek mondo watim maber, ok e wang' Ruoth kende, to e wang' dhano bende. 22 Jal machielo mwaoro kodgi en owadwa mwasetemo mwaneno ni en ng'ama ochiwore ni tije mangeny, to sani koro ochiwore moloyo nikech gen mogenou. 23 Tito to anyalo loso kuome kaka nyi-wuodha kendo jatich mwatiyogo kaachiel e dieru, to jowetewa mamokogo to gin joma kanise Ooro, mondo omi Kristo duong. 24 Omiyo nyisuru jootewago ni un joma ohero ji, mondo kanise duto oyie ni sungawa kuomu ok en mar oyuma.
1 Onge tiende mondo andiknu kendo kuom kony monego oor ni joma ler, 2 Ang'eyo ni uikoru konyo, kendo asesungou ni jo Makedonia, ka anyiso-gi ni owete man Akaya osebedo moikore konyo chakre higa mokalo kendo ramo maru osejiwo thothgi. 3 Koro ee aoro owetegi mondo sungawa kuomu kuom wachni kik lokre mana weche manono; to mondo giyudu kuikoru mana kaka ne asewachonigi. 4 Nono to, ka jo Makedoniagi obiro koda moyudo ka ok uikoru, wiwa dikuodi, (ka ok aloso e wichkuot ma un bende duyudi) nikech geno maduong' mwaseketo kuomu. 5 Kuom mano ne aneno ni ber mondo ajiw owetegi mondo olimu chon mondo utiek chenro duto mag chip ng'wono mane usesingoru mar chiwo. Kamano, ka abiro to anayud ka chiwo maru mar ng'wono oikore, kendo mano nonyis ni uchiwe gi ng'wono, to ok kuom achuna.
Chiwo Migolo Kuom Ng'wono
6 Paruru wachni: Ng'at mokomo kodhi manok kayo cham manok, to ng'at mokomo kothe mang'eny kayo cham mang'eny. 7 Ng'ato ka ng'ato mondo ochiw kaka chunye oyiero, ma ok oywago ang'e, kata nikech ochune, nimar Nyasaye ohero ng'at ma chiwone ka mor. 8 To Nyasaye nyalo miyo ubed gi gweth mogundho, mondo kinde duto ubed gi gik moko duto munyalo konyorugo un uwegi, kod mamoko malang' munyalo konyogo jomamoko. 9 Kaka ondiki ni, "Ochiwo gige ni joma odhier gi ng'wono, ber mare osiko nyaka chieng'." 10 Koro Jal machiwo kodhi ni jalomo, kendo mamiyo jachiemo makati biro chi-wonu kendo medonu dimang'eny kodhi mikomo kendo obiro miyo timu makare medore. nObiro miyo udok jomwandu e yore duto, mondo ubed mang'won kinde duto, kendo mondo ji mang'eny odwok erokamano ni Nyasaye kuom mich mane wateronigi koa kuomu. 12 Nikech tich mutimoni ok chop mana dwaro jomaler fende, to bende omiyo ji dwoko erokamano ni Nyasaye nikech kony ma giyudo. 13 Kuom nyiso ni uchung' kodwa e tijni, umiyo Nyasaye duong' nikech mano nyiso ni umako chik mar Injili mwahulo, kuom ng'wono mane omiyo uyie pogo kodgi giu, kaachiel gi jomoko bende. 14 Omiyo gibiro lamonu Nyasaye, ka chunygi otwere kodu, kuom ng'wono mogundho ma Nyasaye osemiy-ou. 15 Wagouru erokamano ni Nyasaye kuom michne maduong' mokalo apima!
Paulo Osiro Tije Kaka Jaote
1 Koro an Paulo awuon akwayou kuom muolo kod ng'wono mar Kristo — ma ji wacho ni amuol ka aloso kodu wang' gi wang' to ni akwiny ka an mabor kodu! 2 Asayou ni kik umi abi iru ka ager, kaka ajabedoga ni jomoko maparo ni wadak e pinyni kwaluwo dwaro jopiny. 3 Nikech kata obedo ni wadak e pinyni, to ok wakedi kaka jopiny kedo. 4 Nikech gilweny mwafedogo ok gin mag pinyni, to gin gilweny mager mag Nyasaye, mwakonyorego kuom muko kuonde mochiel motegno. 5 Waketho mbekni kod riekni mag wuondruok duto mag sunga dhano, ma dino ni ji yor ng'eyo Nyasaye, kendo watweyo paro ka paro mobam, mi wami owinj Kristo. 6 Adier, wabiro kumo kit ng'anjo moro amora e dieru, nyaka chop un duto ubed joma obolore chuth. 7 Ung'iyo gik moko mana mothanyore gi oko. Ka ng'ato ang'ata paro ni en ng'at Kristo, to kik gimoro wuonde ni en ng'at Kristo moloyo wa! 8 Nikech kata ka dipo ni asesungora mokalo kare kuom teko ma wan-go ma Ruoth osemiyowa mar gerou, to ok mar kethou, to wiya ok kuodi kata matin. 9 Ok adwar mondo anenra kagima abwogou gi barupena. 10 Nikech jomoko kuomu wacho ni, "Barupege pek kendo kwiny ka en kodwa e ringruok to onenore ng'ama yomyom, kendo koyalo to wechene onge tich." 11 Joma wuoyo kamano nyaka ng'e ni weche mwawa-chonu e barupewa mwandikonu ka waonge, ema bende watimo ka wan kodu. 12 Chutho, ok dwahedhre mar ketore, kata pimore gi jogogo mating'ore malo, kaka joma lich mokalo. Joma kamago ofuwo, kuom pimore gi rapim magin giwegi ema giketo, kendo kuom ng'ado buchgi kendgi, kaka joma lich. 13 Wan to ok dwasungre mokalo kiewo moketnwa, to wabiro keto sungawa kama onego ogikie, kaluwore gi kar tich ma Nyasaye osechanonwa, ma okwako nyaka koru kono. 14 Omiyo ka wasungore ni tendwa okwako nyaka koru kono, to ok wakal tong'wa nikech wan emane wakuongo chopo iru gi Injili mar Kristo bang' wuotho wuoth marabora. 15 To bende, ok dwasungre mokalo tong'wa kuom tich ma jomoko nono ema timo. To genowa en ni, kaka yie maru medo gerore, e kaka tong'wa mar Injili biro medo yarore, 16 mondo eka wayal Injili e pinje mabor moyombou. Nikech ok wadwar sungore kuom tich ma ng'at machielo ema otimo e kare mar tich. 17 To "Ng'at madwaro sungore, mondo osungre kuom Ruoth." 18 Nikech ng'at mapwoyore kende ok ema ji yiego, to mana ng'at ma Ruoth pwoyo.
Paulo Kod Jo-ote Mag Miriambo
1 Ageno ni ubiro bedo mang'won koda kuom fupa madundoni, ma bende usebedo ka uyiego. 2 Nyiego omaka kodu machalo gi nyiek Nyasaye. Ne asin-gou ne dichwo achiel kende, ma en Kristo mondo omi achiwu kaka nyako masili ni en. 3 To aluor ni dipo ka pachu okethore, mi uwe hera matut kendo maler muhero-go Kristo, mana kaka Hawa ne thuol owuondo gi miriambone mariek. 4 Nikech ka ng'ato obiro e dieru ka yalonu Yesu mopogore gi mano mane wayalonu, kendo kata uyudo Roho machielo gi mano mane uyudo, kendo uyie gi Injili moro amora mopogore gi mane uyudo, kendo uchikone itu gimor. 5 To ok apar ni an piny ahinya moloyo "joote" mamoko mukwano ni dongo malichgo! 6 Nyalo bedo ni ok ang'ith e wuoyona, kata kamano, an gi ng'eyo kuom gik ma apuonjo. Wasebedo ka waleronu wechegi kinde ka kinde. 7 Mitka ukwana jaketho nikech ne adwokora piny, mondo eka ating'u malo, kane ayalonu Injili mar Nyasaye maok adwaro chudo koa kuomu? 8 Ne amayo kanise moko e yor yudo kony eka mondo atinu. 9 Kendo kane atiyo e dieru, to ne ok amiyo ng'ato ang'ata ting' mapek e kinde mane an gi dwaro moro amora, nikech owete moa Makedonia nokelona gik moko duto mag konyruok. Asetemo matek mondo kik abednu misigo e yo moro amora, kendo pod abiro medo timo kamano. 10 Chutho, ka pod adiera mar Kristo nikuoma, onge ng'ama biro chungo sunganani e gwenge mag Akaya. 11 Nang'o? Nikech ok aherou koso? Ngang'. Nyasaye ong'eyo ni aherou. 12 To abiro dhi nyime katimo gima atimoni mondo ageng' "joote" mamoko masun-gore kendo wacho ni gitiyo tich machalre gi marwa. 13 Josungago ok gin joote madier. Gin joote mag miriambo, kendo giriambo kuom tich magitimo, ka gike-tore mondo gichal gi joote madier mag Kristo. 14 To maok nyal kawowa gi wuoro nikech kata Satan bende wuondore koke-tore kaka malaika mar ler. 15 Kuom mano wachni ok wendo kuomwa, ka jotich satan bende oriedo mondo okwan kaka jotich mag tim makare. To e giko gibiro yudo kum mowinjore gi timbegi.
Sunga Paulo E Chandruok
16 Anuoyo: Kik ng'ato kawa ni afuwo. To ka uhero, to kawauru kaka ng'at mofu-wo, mondo an bende asungrae matin. 17 Gima koro adwaro wachoni ok Ruoth ema oyiena mondo awachi, to awache e yor fuwo. 18 Nikech ji mathoth sungore kaka jopiny sungore, an bende weuru asungrae matin. 19 Un uwegi ukaworu niuriek, to pod urwako joma ofuwo gi riekougo tee! 20 Chutho urwako koda ka joma lokou wasumbini mag-gi, kata ma kawo giu e yor mecho, kata ma gajou, kata ma tiyou githuon, kata ma diyou piny kendo thalo lembu! 21 Ayie kawo wichkuot muketo kuomano; nikech wan ne ok wanyal timo gik majogo timo, nikech wanyap! To ka ng'ato nyalo hedhore mar sungore kuom gimoro amora - awuoyo kaka ng'ama ofuwo - to an bende anyalo sun-gora mana kaka gin. 22 Di gibed jo Hibrania? An bende an. Di gibed jo Israel? An bende an. Digibed nyikwa Ibrahim? An bende an. 23 Di gibed jotich Kristo? (Ka awuoyo kama to achalo janeko) An awuon an jatich maber moloyo! Asetiyo matek moloyo; osetweya e od twech kinde mang'eny moloyo; oserodha gi del kinde mang'eny moloyo; kendo asebedo machiegni gi tho kinde mang'eny moloyo. 24 Jo-Yahudi ne ochwa-da del piero adek gochiko nyadibich. 25 Bende jo-rumi norodha nyadidek gi ludhe, kendo ne ochiela gi kite dichiel. Yie ne obarore koda e nam nyadidek, kendo chieng' moro ne ariyo e dier nam otieno kod odiechieng 26 E wuodhega mathoth, aseneno masiche e aore mopong; asethagora e lwet jomecho, e dier jo Yahudi wetena kod joma ok jo-Yahudi. Masiche ne olwora e mier madongo, e thimbe, e ataro, kendo e dier 'Jowete' ma wuondore. 27 Asetiyo matek gi lwetena, kendo asechandora malit, ka afuwo nindo n dalo mang'eny. Kech osechama, kendo riyo oseloya; kinde mathoth asebedo ka aonge gi chiemo moromo, asewuotho duk. 28 To ewi mago duto, an gi ting' machielo modiya mar paro kuom kanise duto. 29 Ka ng'ato nyap, to donge an bende adoko manyap kode? Koso ka ng'ato odonjo e richo, to donge litna? 30 Ka ochuna ni nyaka asungra, to abiro sungora, kuom gik manyiso nyawona. 31 Nyasaye ma Wuon Ruoth Yesu ma ipako nyaka chieng', ong'eyo ni ok ari-ambi. 32 Ka an Damaski, jatelo manie bwo ruoth Areta noketo jorit e ranga dala mar jo-Damaski mondo omaka. 33 To ne atony kane oketa ei okapu, mi olora piny kakad-ho e otuchi manie kor ohinga.
Fweny Ma Paulo Noneno Kod Kudho Manie Ngimane
1 Nyaka asungra kata obedo ni w sunga masungorago ok kony gimoro. To koro awuoyo kuom lek gi fweny mane Ruoth omiya. 2 Ang'eyo ja Kristo moro mane oyudhi moter e polo mar adek, higni apar gang'wen mokalo (Akia kata notere kuno e ringruok kata nodhi gi chunye - Nyasaye ema ong'eyo) 3 Kendo ang'eyo ni ng'atni kata e ringruok kata ok e ringrouk nodhiyo kuro, (ok ange'yo - Nyasaye ema ong'eyo) 4 motere nyaka e paradiso. Kuno nowinjoe weche malich ma ok oyiene dhano losoe. 5 Abiro mana sungora kuom ng'at machalo kamano, to ok anyal sungora kuoma awuon - makmana ka asungora kuom gigo manyiso nyawona 6 To kata ka daher mar sungora, to ok dikawa ni afuwo, nikech gik ma dimi asungra gin adier. To ok abi sungora, nikech ok adwar ni ng'ato okawa ni an ng'ama lich moloyo gik mosene ka atimo, kendo mosewinj ka awacho. 7 To mondo geng'a kik asungra kuom gik malich miwuoro mane aneno e fweny, ne omiya kudho machwoyo ringra. Kudhono ne en jaote mar Satan, ma noor mondo osanda eka otama kik asungra. 8 Ne alamo Ruoth nyadidek kuom wachni, ka asaye mondo ogolna kudhono; 9 to ne odwoka ni, "Ng'wonona mamiyi oromi, nikech kama nyawo nitie ema tekona tiyoe moloyo" Emomiyo, abiro medo sungora gi ilo kuom nyawoga, mondo eka teko mar Kristo osik kuoma. 10 Mano omiyo nikech Kristo awinjo maber e nyawo maga, kata ayany, kata chandruok, kata sand, kata midhiero, nikech ka anyap koreka atek.
Gima Paulo Paro Kuom Jo-Korintho
11 Un ema umiyo atimora kaka ng'ama ofuwo. To joma onego opwoya gin un, nikech kata ka achalo ng'ama nono kamano, to 'joote' mudhialo ni lichgo ok oloya kata matin. 12 Gik manyiso ni ng'ato jaote mar adier, magin ranyisi gi honni kod gik madong-dongo miwuoro, ne atimo e dieru ka ahora mos ahinya. 13 En ang'o mane atimo ni kanisa mamoko ma un ne ok atimonu, makmana ni un ne ok amiyou ting' mapek mar konya? Kapo mano ne rachnu to mondo uwena! 14 Koro ailora biro limou e limbena mar adek. Ka abiro to ok abi miyou ting' mapek, nikech un ema adwarou, to ok gigeu. Mano en gima ong'ere, nikech nyithindo ok ema onego okan mwandu ni jonyuolgi, to jonyuol ema onego oken ni nyithindgi. 15 Emomiyo ailora mar miyou gik moko duto ma an go, koda ka ngi-mana bende, mondo eka akonyu. Ka an aherou malach kamano, koro un onego uhera matin adier? 16 Koro unyalo yie koda nine ok abedonu ting' mapek. To pod unyalo wacho ni ne akonyora gi rieka maricho mondo amau ling'ling'. 17 To be dine amayoue giru moro kuom joma ne aoro iru? 18 Ne ajiwo Tito mondo obi iru, kendo ne aoro owadwa machielo mondo obi kode. Mitki Tito owuon nomayou giu? Donge en kod an ne watiyo e dieru ka wan gi chuny machalre kendo ka walu-wo yo machalre? 19 Samoro nyalo bet ni uparo ni wate-mo pwoyorenu kuom wuoyonu kama. Ngang'! Wawuoyo e nyim Nyasaye mana kaka jo Kristo. Osiepewa mwageno, ng'euru ni gik moko duto mwatimo watimo mondo wageru. 20 Aluor ni ka abiro iru kuno to anyalo yudou ka ok uchal kaka adwaro ni uchal, kendo un bende unyalo yudo ka apog^ra gi kaka udwaro ni abedi. Aluor ni anyalo yudo ka nitie dhawo gi nyiego, gi mirima, gi ichlit, gi ajara, gi kuoth, gi sunga kod koko e dieru. 21 Aluor bende ni ka achako alimou kendo to timbeu nyalo miyo Nyasacha kuod wiya e nyimu, mi aywagi nikech ji mathoth kuomu o setimo richo kendo pok olokore oweyo dwanyruok, terruok kod anjawo magisetimo.
Siem Mogik
1 Ma koro dhi bedo limbena mar adek malimo ugo. To mana kaka Ndiko wacho, "Adiera mar wach nyaka losi e nyim joneno ariyo kata adek." 2 Kaka ne asiemou e limbena mar ariyo, e kaka amedo siemou sani ka aonge kodu ni ka abiro to ok nawe mak akumo jogo mane otimo richo motelo kod joricho mamoko duto 3 nikech uwacho ni udwaro mondo ubed gi ratiro ka Kristo ema miya teko mar wuoyo adier. En ok onyap kotiyo kodu, to otiyo gi teko e dieru. 4 Nikech, kuom adier, ne oyie doko manyap kane igure, to koro ongima kuom teko Nyasaye. Mano e kaka wan bende wanyap ka wan kuome, to kuom teko Nyasaye wan roteke kwatiyo kodu. 5 Nonreuru mondo une ane ka bende un gi yie. Adier, temreuru ane! Be un gi ratiro adier ni Kristo nie iu, makmana ka userem chuth? 6 Ageno ni ubiro yudo ni pok warem e penj. 7 Koro walamo Nyasaye ni ok ubi timo gimoro amora marach, ok mondo eka ji onewa kaka joma oselocho, to mondo un utim timbe mabeyo, kata kapo ni wanto wanenorenu kaka joma oserem. 8 Nikech ok wanyal timo gimoro amora makedo gi adiera, to mana ma adiera. 9 Nikech wan wamor ka wanyap, to un utek. Omiyo walamonu mondo udok malong'o chuth. 10 Ma e gima omiyo andikonu gigi ka aonge kodu, mondo ka achopo iru to kik akonyra gi gero etekona - teko ma Ruoth omiya en mar gerou to ok mar kethou.
Mos Mogik
11 Koro mogik Jowetena, oritiuru, losu-ru yoreu mobam, winjuru wechena, beduru gi winjruok e kindu, kendo daguru gi kuwe. Eka Nyasach hera kod kuwe nobed kodu. 12 Mosreuru un duto ng'ato gi ng'ato gi yogruok maler. 13 Joma ler duto omosou. 14 Mad ng'wono mar Ruoth Yesu Kristo, gi hera mar Nyasaye, gi lalruok mar Roho Maler obed kodu un duto.
1 An Paulo, ma jaote, maok oor gi dhano kata gi lwet dhano to noor gi Yesu Kristo kod Nyasaye Wuoro, ma nochiere oa kuom joma otho 2 kaachiel gi jowete duto man koda, Ne kanise man Galatia: 3 Ng'wono kod kuwe mondo obednu koa kuom Nyasaye Wuonwa, kod Ruoth Yesu Kristo, 4 ma nochiwore nikech richowa mondo ogonywa waa e kethruok mag ndalogi, kaluwore gi dwaro Nyasachwa kendo Wuonwa, 5 en ema mondo oyud duong' mochwere nyaka chieng'. Amin.
Onge Injili Machielo
6 Awuoro ahinya ka uselokoru piyopiyo nono, mi uweyo Jal mane oluongou kuom ng'wono mar Kristo, kendo koro uluwo Injili mopogore gi mane opuonju, 7 ma chutho ok en Injili kata matin. Kuom adiera nitie jomoko marundo pachu ka gitemo mondo gilok Injili mar Kristo obed magalagala. 8 To ka ng'ato dipuonju Wach Maber machielo mopogore gi mano mane wapuonjou, bed ni en wan, kata malaika moro moa e polo, to mondo okuong'e nyaka chieng'. 9 Mana kaka wasewacho e kaka achako awacho kendo: ka ng'ato koro yalonu Injili ma opogore gi mane urwako to Nyasaye mondo okuong'e nyaka chieng'! 10 Uparo ni koro adwaro puoch mar dhano? Ooyo, adwaro puoch mar Nyasaye. Koso uparo ni atemo moro dhano? Kane bed ni pod ne adwaro moro dhano, to dine ok abedo jatich Kristo.
Paulo Oluong Gi Nyasaye
11 Jowetena, adwaro ni mondo ung'e ni Injili mane ayalonu ok en gimoro ma dhano ema ochuogo. 12 Ne ok ayude kuom dhano moro amora, to bende ne ok opuonjago. Yesu Kristo owuon ema nofwenyona wachno. 13 Nimar usewinjo kaka ne achal ka ne pod aluwo kit lemo mar jo-Yahudi, kaka ne asando kanisa mar Nyasaye gi gero mokalo apima, kendo ne atemo mondo akethe chuth. 14 Jo-Yahudi mang'eny ma mbesena ne aloyo kuom lony e kit lemo marwa, kendo ne aketo chunya mar rito chike duto mag kwerena. 15 To ka Nyasaye, mane owala mi oketa tenge kaka gir tichne kane pok onyuola, kendo mane oluonga kuom ng'wonone, nohero 16 mondo oiwenyna Wuode, mondo ayal kuome e kind joma ok jo-Israel to ne ok apenjo ng'ato ang'ata, 17 kendo ne ok adhi Jerusalem mondo ane jogo mane okuong-ona bedo joote, to ne adhi moriere tir nyaka e piny Arabia eka bang'e naduogo Damaski. 18 To bang' higini adek ne adhi nyaka Jerusalem mondo ang'era gi Petro, kendo ne adak kode kuom ndalo apar gabich. 19 Ne ok aneno kata achiel kuom joote mamoko, makmana Jakobo ma owadgi Ruoth. 20 Akuong'ora e nyim Nyasaye ni gima andikonuni ok en miriambo. 21 Bang'e achien ne adhi Siria kod Silisia. 22 E kindeno kanise Kristo man Judea ne pok oyanga malong'o ni an ng'a. 23 Ne gisewinjo mana ripot ni, "Jal ma yande sandowa cha be tinde yalo kuom yie ma notemo ketho e kinde mosekalo." 24 Kendo mano nomiyo gimiyo Nyasaye duong' nikech an.
Joote Mamoko Orwako Paulo
1 Bang' higini apar gang'wen ne achako adok Jerusalem, e thuoloni ka wan gi Barnaba. Tito bende ne akawo adhigo. 2 Ne adhi nikech fweny mane ayudo, kendo ne aketo negi ler kuom Injili mane ayalo ne Ogendini. To ne atimo maye kiling'ling' ne jogo mane chalo jotelo, nimar ne aluor ni dipo tija mar lando Injili obet kayiem nono. 3 To kata Tito, mane nikoda, ne ochuno mondo oter nyangu, kata obedo ni ne oa e dhout Ogendini kamano. 4 Nobet kamano, nikech owete moko mawuondore ne odonjo e dierwa mondo ocher ane thuolo ma wan go kuom Kristo Yesu, kendo mondo gichak gilokwa wasumbini. 5 To ne ok waweyo negi thuolo kata matin, mondo eka adiera mar Injili osik kodu. 6 To jogo kuomgi mane nenore ni lich, lichgi ne ok obadha nikech Nyasaye ok ng'ad bura kuom nenruok maoko, jogo neok omedo gimoro amora e puonjna. 7 Kar timo kamano to ne gineno ni Nyasaye ne osemiya tich mar yalo Injili ne ogendini maok oter nyangu, mana kaka Petro bende nosemi tich mar yalo ne joma oter nyangu. 8 Nikech Nyasaye achiel mane tiyo gi Petro e yalone kaka jaote e kind joma oter nyangu ema bende ne tiyo koda kaka jaote ne joma ok oter nyangu. 9 Jogo mane okaw kaka sirni -Jakobo, Petro kod Johana — noriwowa lwedo, an kod Bamaba kane gineno ng'wono mane omiya. Ne giyie mondo wadhi wayal ne joma ok Ogendini, ka gin to gidhi ir jo-Yahudi 10 Gimoro achiel mane gikwayowa mondo kik wiwa wilgo ne en ni mondo wadhi nyime gi konyo joma odhier, gima an awuon ne aikora timo.
Paulo Okwero Petro
11 Kane Petro obiro Antiokia, ne akwere e wang'e nikech kethone ne nenore ratiro. 12 Ka jo-Israel moko ne pod ok obiro koa ir Jakobo, Petro ne thoro chiemo gi joma ok oter nyangu. To ka jogo nochopo, Petro nochako ng'anyo kendo opogore gi joma ok oter nyangu nikech ne oluoro joma oter nyangu. 13 Jo-Yahudi mamoko bende nodonjo kode e wuondruokneno, mi nyaka Barnaba bende nolal e wuondruokno. 14 Kane aneno ni wuondruokgino opogore gi adiera mar Injili ne awacho ne Petro ang'ienga e nyimgi duto ni, "Ka in iwuon in ja-Yahudi, to itimo timbe Ogendini, koro marang'o ichuno Ogendini mondo olu timbe jo-Yahudi?" 15 Wan wawegi mane onyuolwa jo-Yahudi to ok Ogendini ma joricho, 16 wang'eyo ni dhano ok nyal ket kare kuom mako Chik, to mana kuom yie kuom Yesu Kristo. Omiyo kata mana wan bende waseketo yiewa kuom Kristo Yesu, mondo eka oketwa kare kuom yie kuom Kristo, to ok kuom mako chik, nikech onge ng'ama ibiro ket kare nikech mako chik. 17 "Kapo ni wan mwaseyie kuom Kristo mondo oketwa kare ema pod yudore ni wan joricho, to mano dinyis ni Kristo jiwo richo e ngimawa koso? Ok kamano ngang'! 18 Ka achako agero kendo gik mayande amuko, to mano nyiso malong'o ni an jaketh chik. 19 Nikech korka Chik to ne asetho kuom Chik mondo eka abed mangima ne Nyasaye. 20 Osegura kaachiel gi Kristo, kendo an koro ok ema angima, to Kristo ema ngima kuoma. Ngima ma koro angimago e ringra an-go mana kuom yie ma ayiego kuom Wuod Nyasaye, mane ohera kendo ochiwore owuon ne an. 21 Ok anyal kawo ng'wono Nyasaye ka gir tugo, nikech ka dipo ni ngima makare inyalo yudo kuom mako Chik to kara Kristo notho kanyiem!"
Yie Koso Rito Chik
1 Yaye jo-Galatia, mofuwogi! En ng'a moseirou? Un mane onyisu wach tho mar Yesu Kristo maler mana kagima ne unene gi wang'u kigure! 2 Adwaro ni uny-isa wach achielni kende: Bende ne uyudo Roho Maler kuom rito Chik koso nikech nuyie wach ma nuwinjo? 3 Be en adier ni ufuwo kamano? Bang' chako gi Roho, ere kaka koro unyagoru mar chopo thorrou e yor ringruok? 4 Usesandoru malich kamano mana kayiem adier - kaponi dobed kayiem? 5 Be Nyasaye dimiu Rohone mi otim honnige e dieru nikech urito Chik, koso nikech uyie kuom gik mane uwinjo? 6 Paruru ane kuom Ibrahim: "Ibrahim noyie Nyasaye kendo kuom yieneno Nyasaye nokwane kaka ng'ama kare" 7 Wachni puonjo ni joma oyie gin nyithind Ibrahim. 8 Ndiko noseneno motelo ni Nyasaye noket Ogendini kare kuom yie kendo nolando Injili motelo ne Ibrahim, "Jo pinje duto noguedhi nikech in." 9 Omiyo joma nigi yie yudo gueth, kaachiel gi Ibrahim ng'at yie. 10 Jogo duto motenore kuom rito Chik nie bwo kuong', nikech ondiki ni, "okwong' ng'ato ang'ata maok osiko ka chopo chike duto mondiki e kitap Chik" 11 Nenore malong'o ni onge ng'ama inyalo keto kare e nyim Nyasaye nikech omako Chik, "nikech Nga't makare nobed mangima kuom yie." 12 To Chik owuon ok otenore kuom yie, nikech Muma wacho ni, "Chik nomi ng'ato ngima mana ka ng'ato ochopo chike duto ma Chik dwaro." 13 Kristo to noresowa kuom kuong' ma Chik kelo, ka en owuon nobedonwa kaka ng'ama okuong' nikech wan, mana kaka ondiki ni, "Okuong' ng'at ang'ata molier e yath." 14 Noresowa mondo eka gweth mane Nyasaye omiyo Ibrahim ochop ne ogendini kuom Kristo Yesu, mondo kuom yie wan duto wanwang' singo Nyasaye, ma en Roho Maler.
Chik Kod Singruok
15 Jowetena, we koro alernu tiend wachni ka akonyora gi gima timore e ngimawa ma ndalo duto. Mana kaka ka ji osedonjo e winjruok moro to ok oyiene ng'ato badhore ne chopo winjruokno kata mondo ng'ato omedie wach moro manyien, e kaka wach ma wapimoni bende obet. 16 Singruokgi notimne Ibrahim kendo ne kothe achiel. Ndiko ok owacho ni singruokno ne ibiro timo gi "kothe" mang'eny, manyiso ni ji mang'eny, to mana ni notime gi "kothe" achiel kende ma en ng'at achiel, ma en Kristo. 17 Tiend gima awacho en ma: Chik mane Nyasaye ochiwo higni bang'e ok nyal ketho winjruok ma Nyasaye nokuongo timo ma mi oketh singruok mane otimo motelo. 18 Nimar ka Nyasaye miyowa girkeni mana kuom mako Chik to mano nyiso ni ok wayudgi kuom singruok. To wayudo ni Nyasaye, kuom ng'wonone, nochiwo gwethne ni Ibrahim kuom singruok. 19 To koro ere tij Chik? Chik nomedi mondo onyis dhano kaka en jaketho, nyaka chop kinde ma kodhi mane osingi nobi. Chik notiyo ka konyore gi malaike, kokalo kuom jagach. 20 To jagach ok chung' kar ng'at achiel; to Nyasaye to en achiel. 21 Dwawach ni Chik mane Nyasaye ochiwo cgwenyore gi singruok ma notimo gi joge koso? Ngang'! Ok nyal bet kamano. Nimar kapo ni Chik mane ochi-wno ne nyalo chiwo ngima to mano nyiso ni Chik ne nyalo miyo dhano bedo kare. 22 To Ndiko hulo ratiro ni piny duto nie twech mar richo omiyo joma oyie kuom Yesu Kristo kende ema yudo gino mane Nyasaye osingo. 23 Ka yieni ne pok obiro, Chik notwey-owa waduto, kendo noloronwa yor konyruok, nyaka kinde ma yor yie nofwenyore. 24 Omiyo Chik nomi teko mondo oritwa nyaka chop Kristo bi, mondo eka ketwa kare kuom yie. 25 To Kaka koro yie osebiro, chik koro ok ritwa.
Nyithind Nyasaye
26 Un duto un nyithind Nyasaye nifech uyie kuom Kristo Yesu, 27 nimar kane uyie kuome to ne uriworu gi Kristo mi uruakoru kode kuom batiso mane uyudo. 28 Koro onge ja-Yahudi, kata Ogendini; bende onge pogruok e kind wasumbini gi joma ni thuolo, kata e kind chwo gi mon. Un duto koro un gimoro achiel ei Kristo Yesu. 29 Omiyo ka un jo-Kristo, to mano nyiso ni un koth Ibrahim, kendo un jocham girkeni ma nosingi.
1 Gima atemo leronu tiende chai kama: ka jacham girkeni pod en nyathi to oonge pogruok gi misumba, kata obedo ni mwandu duto mar wuon dala osedong' ne. 2 Ka pod otin, to chune ni nyaka otim gik ma joritne gi jorit mwandu wuon dwaro mondo otim, korito kinde mane wuon-gi ochano mondo jotijego oket mwandu duto e lwete. 3 Kamano bende e kaka ne wachal ka Kristo ne pok obiro: Piny nomwonyowa kendo ne waluwo timbe piny. 4 To ka kinde mane Nyasaye ochano nochopo, to nooronwa Wuode mane dhako onywolo, kendo mane ony-wol e bwo Chik, 5 mondo ores joma Chik otweyo, eka mondo wadok nyithind Nyasaye ma chamo mwandune. 6 Nikech koro un nyithind Nyasaye, Nyasaye ose-oro bende Roho mar Wuode e chunywa. Roho maywak ne Nyasaye ni, "Abba! Wuora." 7 Omiyo koro ok un wasumbini, to un nyithind ot, to nikech un nyithind ot, Nyasaye osemiyo wadoko jocham girkeni.
Paulo Okecho Jo Galatia
8 Chon ka ne pod ukia Nyasaye, ne un wasumbini mag gik maok onego kwan kaka nyiseche. 9 To ka koro useng'eyo Nyasaye, kata kawacho e yo machielo maber moloyo ka koro Nyasaye oseng'ey-ou, ere kaka udok e timbe machon mag piny manyap kod chunje maricho modhier? Udwaro ni timbegi ochak oketu wasumbini kendo? 10 Uketo chunyu mar rito odiechienge moyiedhi, kod dweye gi ndalo kod higni! 11 Ulitna ahinya, kendo timbeu miyo aparo ni dipo ne ayalonu Injili kayiem. 12 Jowetena, akwayou ni mondo uchal koda, mana kaka an bende ne atimo kane an kodu. Pok uchwanya e yo moro amora. 13 Ung'eyo kaka tuo mane atuogo ema nomiyo ayudo thuolo mar yalonu Injili. 14 To kata obedo ni ne atuo kamano to ne ok uchaya, kendo ne ok ujara. Kar timo kamano, to ne urwaka gi luor mana kagima ne urwako malaika mar Nyasaye; chutho nurwaka mana ka gima ne an Kristo Yesu owuon. 15 To koro ang'o moseketho moru mokwongo? Anyalo wacho ni kane alimou mokwongo to nurwaka gi mor maratipo ma kata mana wengeu nunyalo puko oko mi umiya. 16 Mit kikoro asedoko jasiku nikech awa-chonu adiera? 17 Jogo to ero temo ywayou korgi, to ng'euru ni gitimo kamano mana mar kethou. Gima gitemo timo en mana mondo gipogu kodwa, mondo gin ema umigi duong' moloyo wan. 18 To ok rach, pong' gi sirimo ber abera, mak mana ni nyaka utim kamano kuom timo gima ber. To da ber moloyo kutimo kamano kinde duto, kata antie kata aonge. 19 Nyithinda mahero, muoch kaya nikech un, nyaka ane ni Kristo o nyuol e iu, 20 to da ber ka an kodu sani mondo awuo kodu wang' gi wang' eka uwinj duonda maber, nikech chunya chandore ahinya nikech un.
Hagar Gi Sara
21 Nyisauru un joma dwaro bedo e bwo chik, donge ung'eyo gima chik dwarao? 22 Ung'eyo ni ondiki ni Ibrahim ne nigi yawuowi ariyo, ma achiel kuomgi nony-wol gi dhako ma misumba to machielo to nonywol gi dhako ma thuolo. 23 Wuod dhako ma misumbano nonywol kuom dwaro mar dhano, to wuod dhako ma thuolo nonywol kuom singruok. 24 Tiend wechegi opondo, nikech mon ariyogi ochung' kar singruok ariyo. Singruok achiel oa Got Sinai, kendo onyuolo nyithindo monego obed wasumbini: ma en Hagar. 25 Hagar ochung' kar Got Sinai man Arabia, kendo godno chalo gi dala maduong' mar Jerusalem ma kawuononi pod osiko e tich misumba gi nyithinde. 26 To Jerusalem man malo to nithuolo, kendo en e minwa, 27 mana kaka ondiki ni: "Bed mamor, in dhako ma migumba, in maok inywol nyithindo; ting' duondi kendo ikog matek, in mane muoch ok okayi; nikech nyithind dhako maok ony-wol ng'eny, moloyo dhako man gi dichwo. 28 Kuom mano jowetena, un koro un nyithind singruok mana kaka Isaka. 29 To mana kaka e kindeno wuowi mane ony-wol kuom dwaro mar dhano nosando wuoi mane onywol gi teko mar Roho Maler, e kaka chai kindeni. 30 Ndiko to wacho ang'o kuom wachni? Owacho ni "Riemb dhako ma misumba kaachiel gi wuode nimar wuod dhako ma misumba ok bi chamo girkeni gi wuod dhako ma nithuolo." 31 Kuom mano owetena, ok wan koth dhako ma misumba, to wan koth dhako mathuolo.
Thuolo Ei Kristo
1 Kristo nogonyowa mondo wabed joma ni thuolo. Omiyo chung'uru motegno, kendo kik uyie ting' mapek kur-wako jok mar wasumbini kendo. 2 Winjuru gima awachonu maber! An Paulo asiemou ni ka uyie mondo oteru nyangu to Kristo ok nokonyu kata matin. 3 To bende anyiso ng'ato ang'ata moyie mondo otere nyangu ni kotimo kamano to odoko jagowi mar chopo Chike Musa mamoko duto te. 4 In mitemo bet e winjruok gi Nyasaye kuom mako chik, ng'eni isepogori gi Kristo; iselwar iae ng'wono mar N)asaye. 5 Kuom yie, ka wan ei Roho to warito gi ilo ngima makare ma wageno yudo. 6 Nikech kuom Kristo Yesu onge pogruok kata ka ng'ato oter nyangu kata ka ok otere. Gimoro achiel kende ma dwarore en yie matiyo kuom hera. 7 Jo-Galatia, yande uringo ng'wech maber, en ng'a moseduodou motamou luwo adiera? 8 Gima otimorenuno ok oa kuom Jal mane oluongou. 9 Ung'eyo ngero mawacho ni, "Thowi matin ema kuodo mogo modwal maduong'." 10 An gi geno kuom Ruoth ni ok ubi yie ruako paro moro mopogore moa kuom ng'at machielo. To ng'atno mose-witou gi puonj mobamno nyaka Nyasaye bi kume, kata bed ni en ng'a manadi. 11 Jowetena, kaponi pod ayalo wach tero nyangu to ang'o momiyo pod isanda kama? Ka kamano to kare puonj ma apuonjo mar msalaba da ok oketo chwanyruok. 12 Ne joma chando chun-yugo, daher mondo gidhi nyime ka giti-mo mano nyaka gihinyre kendgi giwe-gi! 13 Jowetena Nyasaye noluongou mondo ubed thuolo. To thuolo ma un-gono ok nyis ni koro unyalo timo gimoro amora mudwaro, kata gik maricho ma ringreu gombo timo. Kar timo kamano to ng'ato ka ng'ato konyo nyawadgi kuom hera. 14 Nikech Chik duto ichopo mana gi chik achiel mawacho ni, "Her wadu kaka iherori iwuon." 15 To ka kar hero kendo konyo joweteu to usiko ukaru akaya kendo ukidhoru akidha to tang'uru nikech ubiro tiekoru.
Ngima Kuom Roho
16 Omiyo akwayou ni mondo udag ei Roho, nikech kutimo kamano eka gombo maricho mag ringreu ok bi chopo. 17 Nikech ringruok osiko kadwaro timo mana gik ma Roho ok dwar, to Roho bende dwaro chopo gik ma ringruok ok dwar. Gik moko ariyogi osiko ka gimonre, kendo mano ema miyo ok utim gik mabeyo mugombo timo. 18 To ka Roho ema otelonu, to koro ok un e bwo Chik. 19 Timbe mag ringruok oyangore, gin kaka; chode, timbe mochido, anjawo, 20 lamo nyiseche manono, jwok, sigu, dhaw, nyiego, mirima, ichlit, miero; pogruok e kanyakla, 21 kod gombo; mer, dwanyruok, gi timbe mamoko mobam machal gi mago. Asiemou kaka nasiemou kinde motelo, ni joma timo timbe ma ka magi ok noyud gweth mar Pinyruoth Nyasaye. 22 To nyak mar Roho en hera, mor, kuwe, horuok, ng'wono, ber, bedo jaadiera, 23 dimbruok kod ritruok. Onge chik moro amora makwedo gik ma kamago. 24 Jo-Kristo Yesu madier duto oseguro kit ngima mar dhano machon gi gombone duto kod dwarone. 25 Nikech wadak kuom Roho, wasikuru mana kwawuotho kuom Roho. 26 Kik wawuondre kendwa wawegi, ka wasiko mana ka wakwinyore kendo wagombo gige jowadwa.
Timo Maber Ne Ji Duto
1 Jowetena, ka ojuk ng'ato rando e richo moro amora to un joma nigi Roho onego ukonye oduogi e yo. To nyaka urieye gi chuny mamuol ka uritoru uwegi, nono to un bende tem dilou. 2 Ng'ato ka ng'ato nyaka ting' ting' nyawadgi, nikech kutimo kamano eka uchopo chik Kristo. 3 To ka ng'ato oka-wore moketore e duong' ma oongego, to ng'atno wuondore owuon. 4 Ng'ato ka ng'ato nyaka non mana wuodhe owuon. Kotimo kamano eka dodhialre en owuon, maok opiem gi ng'at machielo, 5 nimar ng'ato ka ng'ato nyaka ting' ting'ne owuon. 6 Jal mipuonjo Wach nyaka pogne japuonjne gik moko duto mabeyo. 7 Kik uwuondru kendu, Nyasaye ok nyal wuondi. Ng'euru ni dhano kayo mana gima ochwoyo. 8 Ng'at ma ochwoyo kuom ringruok, kuom ringruok noka kethruok, to ng'at ma ochwoyo kuom Roho, to kuom Roho noka ngima mochwere. 9 Omiyo kik waol gi timo timbe mabeyo, nikech ka ok wanyosore to wabiro keyo, ka kinde mag keyo ochopo. 10 Emomiyo, e kinde duto mwayudoe thuolo, to ber mondo watim maber ni ji duto, to moloyo ne anywola mar joma oyie.
Ok Tero Ji Nyangu To Chwech Manyien
11 Neyeuru kaka lweta awuon ema ondikonu baruani gi nukta madongo-dongo! 12 Jogo ma dwaro nyisore kuom gik maokogo to temo chunou ni nyaka teru nyangu. To gimomiyo gitimo ma en mana ni mondo gitony e sand mochomogi nikech wach msalap Kristo. 13 Parieuru ni kata mana joma chunou gi nyangugo bende ok rit Chik. Un to gichunou mondo giyud thuolo mar sungore nikech ringreu mong'adi. 14 An to ok anyal sungora e ringruok ngang'. Gima dimi asungra en mana msalap Ruodhwa Yesu Kristo, mosemiyo piny kod dwarone ogur e ngimana, kendo mosemiya teko mar loyo piny. 15 Nikech kata bed ni ng'ato oter nyangu kata ok otere ok lich, to gima dwarore en ni ochwe ng'ato chwech manyien. 16 Kuwe kod kech obedne ji duto moyie luwo chikni, kendo kata ne Israel mar Nyasaye. 17 Mogik, kik ng'ato ang'ata koro kelna chandruok, nimar ringra opong' gi mbel-ni ma aseyudo kaka jaote Yesu. 18 Jowetena, mad ng'wono mar Ruodhwa Yesu Kristo orit chunyu. Amin.
1 An Paulo jaote mar Kristo Yesu kuom dwaro mar Nyasaye, andikonu un joma ler man Efeso jogo ma luwo Yesu gi chuny achiel: 2 Ng'wono gi kuwe moa kuom Nyasaye Wuonwa kod Ruodhwa Yesu Kristo obed kodu.
Gweth Mag Chuny Man Kuom Kristo
3 Pak obed ni Nyasaye ma wuon Ruodhwa Yesu Kristo, moseguedhowa kod gueth duto mag chuny koa e polo kuom Kristo 4 Kane pok ochue piny, noyierowa kuom Kristo mondo wabed maler maonge mbala e nyime. 5 Nikech herane nowalowa chon mondo wabed yawuote kuom Yesu Kristo kaluwore gi chenrone kod dwarone 6 notimo kamano mondo ng'wonone man gi duong' mane ochiwo nono oyud pak, ma osemiyowa nono kuom Jalno mohero. 7 Kuome nikech rembe ema waseyudoe warruok kod werruok mar richo, kaluwore gi ng'wono mar Nyasaye mogundho, 8 mane oolonwa mogundho kaluwore gi riekone kod ng'eyone. 9 Ose elonwa maling'ling' mar dwarone, mana kaka nochano chon ni notimrenwa kuom Kristo, 10 ka kindeno nochopi nochano mondo oket gik moko duto manie polo gi piny e bwo loch achiel, maen Kristo. 11 Kuome bende ema noyiero wae mondo wabed jocham girkeni; kaluwore gi chenrone motimogo gik moko duto moluwore gi dwarone, 12 mondo mi wan mane wakuongo geno kuom Kristo, wadag ngima mamiyo ipako duong'ne maler. 13 To un bende nokwanu kaka Jo-Kristo kane uwinjo wach mar adier ma en Injili mar warruok. Kane useyie kuome noketonu kido mar Roho Maler mane osingi, 14 ma en singo manyiso ni wanayud girkeni nyaka chopi kinde mar warruok mar Jo-Nyasaye, kuom pak mar duong'ne.
Duoko Erokamano Kod Lamo
15 Mano emomiyo, nyaka ne awinj wach yie ma un-go kuom Ruoth Yesu kendo kuom hera ma uherogo jomaler duto, 16 pok aweyo duoko erokamano nikech un, ka aparou e lemona. 17 Asiko kakwayo mondo Nyasach Ruodhwa Yesu Kristo, Wuon duong' duto omiu Roho mamiyou rieko kendo mafweny-onu tiend gik mopondo mondo ung'eye maber. 18 Bende alamonu mondo chunyu maiye oyawre mondo ung'e tiend geno ma oseluongoue, ma gin girkeni mogundho mokano ni jomaler, 19 kod tekone maduong' mokalo apima mosemiyowa wan joma oyie. Tekoneno nyiso tich mar tekre maduong', 20 ma nonyiso kuom Kristo kane ochiere oa kuom joma otho, mi omiyo obedo e bade korachwich e polo, 21 kuma oyombo loch duto, gi teko gi telo gi nyalo kod duong' kod nyinge duto minyalo chiw, ok e ndaloni kende to kata e ndalo mabiro. 22 To Nyasaye noketo gik moko duto e bwo tiende, kendo nowale odok Wich moriwo gik moko duto ne kanisa, 23 ma en ringre, Jal ma opong'o kendo romo gik moko duto.
Bedo Mangima Ei Kristo
1 To un ne utho e timbeu maok kare kod richo, 2 mane udakie ka uluwo timbe piny, kendo ruodh pinyni man-gi loch e kor polo, ma bende tekone tiyo e chuny joma ok winj wach. 3 Chutho chon waduto ne wachal kodgi, ka e ngimawa ne watimo gik ma ngima mar dhano dwaro, kendo waluwo gombo kod paro mag ringruok. Wan bende, e kitwa, mana kaka ji mamoko , ne wan e bwo mirima. 4 To kuom hera maduong' mane Nyasaye oherowago kod kechne mogundho, 5 nomiyo wabedo mangima kuom Kristo, kata obedo ni ne watho nikech kethowa, osewaru kuom ng'wono. 6 Kendo Nyasaye nochierowa gi Kristo, momiyo wabet kode e duong' mar polo ei Kristo Yesu, 7 mondo eka onyisgo tienge duto mabiro mwandu mar ng'wonone mokalo apima, ma wabiro yudo kuom kech mosekechowago kuom Kristo Yesu. 8 Nikech kuom ng'wono useyudo warruok kuom yie, to ok nikech tim maber moro amora musetimo. En mich ma Nyasaye chiwo nono, 9 ok kuom tich ng'ato maber, mondo mi ng'ato kik sungre. 10 Mano timore nikech wan chuech Nyasaye, ma nochueyo kuom Kristo Yesu mondo otim timbe mabeyo, ma Nyasaye owuon ema nosechano chon mondo watim.
Achiel E Kristo
11 Kuom mano paruru ni chon ne un Ogendini kuom nyuol kendo ne iluongou ni "joma ok oter nyangu" gi jogo malu-ongore ni "oter nyangu" (mano motim e ringruok gi lwet ji) 12 paruru bende ni kindeno ne upogoru gi Kristo, kendo ne uonge e kanyakla mar jo-Israel, bende ne un welo kuom singruok mar winjruok, ne uonge geno kata Nyasaye e pinyni. 13 To koro kuom Kristo Yesu, un ma chon ne un mabor, koro osekelu machiegni kuom remb Kristo. 14 Nikech owuon e kuwe marwa, moseriwowa mwabedo gimoro achiel, komuko oinga mar sigu mane opogowa, kendo 15 kochiwo ringre owuon, osetieko chike duto, gi wechege duto. Notimo kamano mondo ochwe dhano achiel manyien, kar ariyogo, eka okel kuwe, 16 kendo kuom ringruok achielni ema oseriwe ogendini ariyogi gi Nyasaye kuom msalaba, mi oketho sigu mane nie kind ogendinigi. 17 Nobiro moyalo kuwe ne un mane un mabor, kendo oyalo kuwe ni jogo mane ni machiegini. 18 Nikech kuome waduto koro wan-gi yo mwacho-pogo ir Wuoro, kuom Roho achiel. 19 Emomiyo koro ok un welo kata jodak, to un oganda achiel gi joma ler duto, kendo jood Nyasaye, 20 moger e mise achiel mar joote gi jonabi; ka Kristo Yesu owuon e rariw. 21 Kuome ema gedo duto oriwore kaachiel kendo dongo mibed hekalu maler man kuom Ruoth. 22 Kendo kuome ema un bende igeroue kaachiel mondo udok kar dak mar Nyasaye kuom Rohone.
Paulo Jayalo Mar Ogendini
1 Mano emomiyo an Paulo asedoko misumba Kristo Yesu nikech un Ogendini. 2 Adier chutho usewinjo kaka Nyasaye nomiya tijni mar ng'owono nikech un, 3 tiende ni, chenro mopondono nolerna tiende kaka obet, mana kaka asendikonu gi weche manok. 4 Kusomo barupano to ubiro medo ng'eyo kaka winjona chai korka weche mopondo mag Kristo, 5 e kinde machon Nyasaye ne ok oelo tiend wachni ne ji, to koro oseele kuom Roho, kokonyore gi jootene maler kod jonabi. 6 Wach mopondoni en ni kaluwore gi wach md)er, Ogendini bende koro osebedo jocham girkeni kaachiel gi Israel, kagin kaachiel kaka ringruok achiel, kendo giriwore kodwa e singruokni kuom Kristo Yesu. 7 Ne abedo misumba mar wach maber ni kuom mich mar ng'wono mane Nyasaye omiya kaluwore gi tekone matiyo kuoma. 8 Kata obedo ni an e ng'ama tinie moloyo jo- Nyasaye duto to ng'wononi nomiya mondo ayal ne Ogendini mwandu maok rum mar Kristo; 9 kendo mondo anyis ji duto ong'e maler tichna kuom wach mopondoni, mosebedo kopandi kuom Nyasaye mane ochueyo gik moko duto e higini mokalo. 10 Dwaro mare ne en ni koro onyis kit rieko mar Nyasaye ni joloch gi weg teko manie polo, kokonyore gi Kanisa, 11 motimo ma kuom Kristo Yesu Ruodhwa, kaluwore gi dwarone mane osechano chakre chon ni notim. 12 En ema ka wanie iye kendo ka wayie kuome to wanyalo dhiyo e nyim Nyasaye ka wan thuolo chutho kendo ka wan gi chir. 13 Emomiyo akwayou ni kik chunyu nyosre nikech sand ma ayudo nikech un, ng'euru ni sandruokga, e duong' maru.
Lamo Ni Jo-Efeso
14 Nikech ma, ago chonga piny e nyim Wuoro, 15 nikech kuome ema dhoudi mag joma oyie duto manie polo gi piny yudoe nyingegi madier. 16 Alamo Nyasaye mondo kuom duong'ne mosiko omiu teko e ngimau maiye kuom teko mar Roho mare, 17 mondo eka Kristo osiki e chunyu kuom yie. Alamo bende ni ka usiko kuome kendo udongo e herane, 18 mondo eka ubed gi teko un kaachiel gi joma ler duto kuyango malong'o hera mar Kristo, ma lachne, gi borne, aa piny nyaka malo kod tutne okalo apima, 19 chutho mondo ung'e hera modhiero ng'eyo gi rieko duto, eka upong' gi kit Nyasaye duto. 20 Mad Jal maka wakwayo gimoro amora to chiwo mathoth moloyo kaka wakwaye kata kaka waparo, kuom tekone matiyo kuomwa, 21 oyud duong' e kanisa kendo kuom Kristo Yesu e tienge duto manyaka chieng'. Amin.
Bedo E Achiel Kuom Kristo
1 Emomiyo akwayou, an ng'at motue nikech tich Ruoth, mondo udag dak mowinjore gi luong ma Nyasaye noluon-goue. 2 Kinde duto beduru joma muol chutho, modimbore, kendo ma hore mos ka ukawo ting' joweteu kuom hera. 3 Temuru duto munyalo mondo urit achiel mar Roho kusiko e kuwe mori-wowa kaachiel. 4 Nitie ringruok achiel kod Roho achiel, mana kaka ne oluongu e geno achiel kane oluongu 5 bende wan-gi Ruoth achiel, yie achiel, gi batiso achiel; 6 Nyasaye achiel kendo Wuon ji duto, En moloyo duto kendo en ema otiyo kuom duto. 7 Ng'ato ka ng'ato kuomwa Kristo osemiyo ng'wono kaluwore gi dwarone. 8 Mano emomiyo owacho ni, "Kane oidho malo to ne omako jotwech motweyo mi nomiyo ji mich." 9 To ere tiend wachni, "Nine oidho?" Donge onyiso ni nolor bende mwalo e bwo piny? 10 Omiyo Jalno mane olor bende ema noidho malo kuma bor moy-ombo polo duto, mondo eka opong' piny duto gi duong'ne. 11 En bende ema nochiwo mich ni ji koyiero jomoko mondo obedi joote, to jomoko jonabi, to moko joland Injili, to jomoko jokwath gi jopuonj. 12 mondo gitieg jo-Nyasaye duto mondo obed molony kuom tiyo tich Kristo, eka ringre Kristo ogerre, 13 nyaka chop wan duto wabed achiel e yie mawan-go kuom Wuod Nyasaye kendo wamed ng'eye chuth. Kamano otimore eka wanabed joma otegno chutho, kendo wana chop e rang'iny mogik kuom Kristo. 14 Koro ok wanachak wabed kaka nyithindo mapmyom, ma bagni koni gi koni nikech yamb puonj mayoreyore, ma dhano molal siekogo mondo giwuond-wago kendo gipudhwago oko wawe yie madiera 15 To wana siki ka wawacho adiera e hera kendo kawa dongo e yore duto kuom en ma en Jatelo, tiende ni Kristo. 16 Kuome ema ringruok duto ochomore, leche omakore gi fuon ka fuon, kendo ka fuon moro ka moro tiyo tichne kaka dwarore. Kuom mano ringruok dongo kendo gerore kuom hera.
Dak Kaka Nyithind Ler
17 Kuom mano awachonu kendo ka aramo kuom Ruoth, neuru ni ok uwuotho kaka jopiny mokiya Nyasaye wuotho ka pachgi modinore wuondogi. 18 Gin mudho odino pachgi, momiyo gipogore gi ngima mar Nyasaye nikech kia margi mawuok e chunygi matek. 19 Kaka pachgi mar pogo ber gi rach oselal, koro gichiwore ni anjawo kod timo gik moko duto mochido magisiko gi-gombo timo mang'eny 20 Un to, ne ok ung'eyo Kristo e yo machal kamano. 21 Adier, nuwinjo kuome, kendo nopuonju wachne, kaluwore gadiera man kuom Yesu. 22 Nopuonju mondo uwe kit ngimau machon kendo ulony dhano machon maketo kethruok nikech gombone maricho mag wuond 23 eka mondo chunyu maiye mar parou oloki obed manyien 24 kendo mondo uru-akru gi dhano manyien, mochue mondo ochal gi Nyasaye kuom ngima makare mar adier kendo maler. 25 Emomiyo ng'ato ka ng'ato kuomu nyaka we miriambo duto kendo wach adiera ni nyawadgi, nikech wan duto wan fuond ringruok achiel. 26 "Kaponi mirima oloyi to kik itim richo." Kik iwe chieng' podhi ka pod in-gi mirima 27 kendo kik imi jachien thuolo mar loyi. 28 Ng'ato ma yandi kwelo nyaka koro we kuo chuth to nyaka oti tich gi lwetene owuon mondo okonyrego kendo okony bende joma moko mochando. 29 Kik uyie weche maricho wuogi e dhou, to mana weche manyalo, konyo kuom gero ji kaluwore gi dwaro gi mondo wecheu okony joma winjo. 30 Bende kik umi Roho Maler mar Nyasaye chuny lit nikech en ema Nyasaye osemiyougo kaka kido ni noresu chieng' resruok. 31 Weuru chuth kecho, gi mirima, gi ich wang', gi gwandruok, gi ayany kod himruok duto. 32 Beduru mang'won kendo gi kech ni joweteu, ka ng'ato ka ng'ato weyo ni nyawadgi kethone, mana kaka un bende
Nyasaye noweyonu kuom Kristo.
1 Kaka un nyithind Nyasaye mohero temuru mondo ubed machal kode, 2 kendo udag e ngima mar hera kaka Kristo ne oherowa mi ochiworenwa kaka chiwo kendo misango madung' tik mamit ni Nyasaye. 3 To e dieru kik winjre ni nitie terruok kata kit dwanyruok moro amora, kata wuoro, nikech gik ma kamago ok owinjore jomaler maluwo Nyasaye otim. 4 Bende, tim moro amora makuodo wich, kata wach mochido, kata angera mag oyuma ok owinjore kodu, makmana duoko ni Nyasaye erokamano. 5 Ng'euru malong'o ni onge ng'at maja chode, kata ma ngimane odwanyore, kata maja wuoro (Ng'at ma kamano lamo nyiseche manono) manoyud gueth mar loch Kristo gi Nyasaye. 6 Kik uyie ng'ato wuondu gi weche manono, nikech gik ma kamago ema miyo Nyasaye olo mirimbe kuom joma ok winj wachne. 7 Omiyo kik ubed e achiel gi joma kamago. 8 Nikech chon ne un jomudho to sani koro un joler kuom Ruoth. Daguru kaka nyithind ler, 9 (nikech gima olemo mar ler nyago oting'o gik mabeyo duto, gi gik makare kod gik ma adier.) 10 kendo temuru mondo unge' gima miyo Ruoth mor. 11 Kwedreuru chuth gi timbe mag mudho, maonge ohala kendo hulgiuru e lela. 12 Nikech en wichkuot kata mana mar nyiso gik majoma richo timo ling' ling'. 13 To ka gik moko duto ohul e lela to gi yangore maler 14 nikech ler ema miyo ineno gik moko duto. Mano emomiyo iwacho ni: "Chiew in manindo, chung' ia kuom joma otho, to Kristo norieny kuomi". 15 Omiyo tang'uru ahinya kaka udak, kik udagi ka joma ofuwo, to daguru ka joma riek, 16 tiuru gi thuolo ma un-go maber, nikech timbe maricho opong'o piny 17 Kuom mano weuru bedo mofuwo, to ng'euru gima Ruoth dwaro. 18 Weuru mer gi kong'o nikech mano kelo anjawo. Kar timo kamano to upong' gi Roho. 19 Wuouru ng'ato ka ng'ato kod weche mag zaburi kuwero wende kitabu kod wende chuny. Weruru kendo den-duru Ruoth e chunyu 20 ka uduoko erokamano kinde duto ni Nyasaye Wuoro kuom gik moko duto e nying Ruodhwa Yesu Kristo. 21 Beduru gi winjruok ng'ato gi ng'ato, mondo umi Kristo duong'.
Mon Kod Chwo
22 Un mon winjuru chwou mana kaka de uluoro Ruoth. 23 Nikech dichwo ewi dhako mana kaka Kristo en wi Kanisa, ma en ringre to en ema en Jawarne. 24 Mon bende onego owinj chwogi e weche duto, mana kaka Kanisa bende winjo Kristo. 25 Un chwo, heruru mondu, mana kaka Kristo bende nohero Kanisa, mochiwore nikech en 26 mondo opwodhe maler, kolu-oke gi pi kuom wach 27 kendo eka ochiw Kanisa ne en owuon ka opichni maler kendo maonge chilo moro, kata jowruok, kata mbala moro amora kuome. 28 Kamano bende, chwo onego oher mondgi mana kaka gihero dendgi giwegi. Nga't mohero chiege oherore owuon. 29 To bende onge ng'ama ochayo dende owuon. Ng'ato ka ng'ato pidho dende kendo rite maber, mana kaka Kristo bende timo ne Kanisa 30 nikech wan fuonde mag ringre. 31 "Emomiyo dichwo nowe wuon gi min, to nopadre gi chiege, kendo kargi ji ariyogo nobed ringruok achiel." 32 Wachni oting'o puonj maduong' mopondo to kata kamano awuoyo kuom Kristo gi Kanisa. 33 Kata kamano en ni ng'ato ka ng'ato kuomu nyaka her chiege mana kaka oherore owuon kendo dhako nyaka luor chwore.
Nyithindo Kod Jonyuol
1 Nyithindo, winjuru jonyuolu kuom Ruoth nikech timo kamano en gima kare. 2 Chik mokuongo man gi singmok wacho ni "Mi wuoru gi minu luor 3 eka mondo ngimani odhi maber, kendo idag aming'a e piny." 4 Wuone kik umi nyithindu bedo gi mirima; to ritgiuru maber, kurieyogi kendo upuonjogi kuom Ruoth
Wasumbini Kod Ruodhi
5 Wasumbini, winjuru ruodhiu mondikou e pinyka kumiyogi duong' gi luor, kendo kutiyo gi chuny mathuolo, mana ka gima uwinjo Kristo. 6 Kik uwinj-gi mana mondo umor wang'gi seche ma girangou, to mana ka wasumb Kristo timuru dwaro Nyasaye koa e chunyu. 7 Tiuru gi chunyu duto, mana kagima utiyo ni Ruoth, to ok ni dhano, 8 nikech ung'eyo ni Ruoth biro chulo ng'ato ka ng'ato kuom gimoro amora maber ma ng'ato timo, bed ni en misumba kata ng'ama ni thuolo. 9 Un Ruodhi timneuru wasumbniu machalre. Kik ubuog-gi, nikech ung'eyo ni Ruoth motelonegi, kaachiel kodu nie polo, kendo ok odew wang' ng'ato.
Gii Lweny Mag Nyasaye
10 Mogik, beduru motegno kuom Ruoth, kendo kuom tekone maduong'. nManreuru gi gii lweny duto mag Nyasaye, mondo eka uchung' motegno kutang' ne wuond mar Jachien. 12 Nikech lweny mwakedo ok en mar ringruok gi remo, to wakedo gijotelo, kod ruodhi mag piny motimo mudhoni, kaachiel gi lang chuny maricho modak e kor polo. 13 Omiyo manreuru mogik gi gii lweny mag Nyasaye, mondo ka kinde mag richo ochopo to uyud teko mar chung' kar tiendu kendo kusetimo madwarore duto to mondo uchung'. 14 Emomiyo nyonuru piny motegno, kutweyo nungou gi kamba mar adiera, kendo kurwako tim makare ka gii lweny mag akor, 15 rwakreuru gi ikruok mar lando Injili makelo kuwe kaka wuoche e tiendu. 16 Ewi mago duto ting'uru yie maru ka okumba mugeng'ogo aserni makakni ka mach moa kuom ng'at marach. 17 Kawuru ogudu motegno mar warruok kod ligangla mar Roho ma en wach Nyasaye. 18 To lamuru kuom Roho kinde duto gi kit lamo duto, kendo ka ukwayo. Beduru gima e paro, beduru mokichore kusiko ukwayo kinde duto ni joma ler duto. 19 An bende lamnauru mondo saa moro amora ma ayawo dhoga to omiya weche mondo ayal gichir wach mopondo mar Injili, 20 momiyo an jambetre motue. Lamuru mondo awuo kuome gi chir kaka owinjore atim.
Mos Mogik
21 Tukiko, ma en owadwa mwageno kendo matiyo ni Ruoth gi adiera duto biro nyisou weche duto, kaka achal to gi gima atimo. 22 Gima omiyo aore iru en mana ni mondo onyisu chalwa, kendo mondo ojiw chunyu. 23 Mad Nyasaye Wuoro kod Ruodhwa Yesu Kristo omi jowete duto man kuom Kristo kuwe, gi hera kod yie. 24 Ng'wono obed kod jogo duto mohero Ruoth Yesu Kristo gi hera maok rum.
1 Paulo gi Timotheo wasumb Kristo Yesu ne joma ler duto mag Kristo Yesu man Filipi, kaachiel gijokwadh jo Kristo duto gi jokony gi. 2 Ng'wono kod kuwe Mar Nyasaye Wuoro kod Ruoth Yesu Kristo, obed kodu.
Duoko Erokamano Kod Lemo
3 Aduoko ni Nyasacha erokamano e seche duto ma aparou. 4 Pile alemonu gi mor e lemona duto, 5 nikech riwruok maru koda e tij Injili chakre odiechieng' mokuongo nyaka koroni, 6 omiyo koro an-gi chir malong'o ni Jal ma nochako tich maberno e chunyu biro dhi kode nyime nyaka chop orum e odiechieng Kristo Yesu. 7 En gima kare mondo apar kamano kuomu uduto nikech agenou e chunya; kata ka an e twech kata ka asiro adiera mar Wach Maber kendo ajiwe to un uduto usebedo koda e achiel kuom ng'wono mar Nyasaye. 8 Nyasaye owuon nyalo timo nenda kaka chunya gombou duto ka an-gi hera matut mar Kristo Yesu. 9 Kendo ma e lamona mondo herau omedre motiak, e ng'eyo matut kod chuny matut, 10 mondo ubed gi rieko mar yiero kendo timo gima ber kende, mondo ngimau obed maler kendo maonge bura, nyaka chop odiechieng Kristo, 11 ka ngimau opong' gi olemo mag timbe makare maa kuom Yesu Kristo mondo Nyasaye oyud duong' kod pak.
Twech Paulo Medo Keyo Injili
12 Koro adwaro ni ung'e, jowetena, ni gik mosetimorena osemiyo Wach Maber omedo landore. 13 Kuom mano, koro oseng'ere malong'o ni askeche dala ruoth duto, kod ji mamoko duto ne otueya nikech Kristo. 14 Bedona e twech osemiyo jowete mathoth odoko thuondi kuom Ruoth, mi giyalo Wach Nyasaye gi chir maonge luoro. 15 En adier ni jomoko lando wach Kristo ka nigi ich lit kod miero, to jomoko to lande ka chunygi ni kare. 16 Joma lando Wach Maber gi chuny man karego lendo gi hera, ka ging'eyo ni oketa e twech mondo aked matek ni Wach Maber. 17 Joma lando Kristo ka nigi ichlit gi miero to timo kamano mondo oyud duong', ka giparo ni ginyalo medona chandruok ka pod an e od twech. 18 To onge wach! Gima duong' en ni wach Kristo ilando e yore duto; kata gi chuny marach, kata maber, kendo mano medo miya mor moloyo. Ee, kendo pod abiro medo bedo mamor, 19 nikech ang'eyo ni kuom lemo mulemonago kod kony ma ayudo kuom Roho mar Yesu Kristo, gik mosetimore-nago ema bende biro kelona resruok. 20 Dwarona maduong' kod genona en ni ok anane wichkuot, to ni abiro bedo gi teko moromo mondo Kristo osik ka yudo duong' e ringra kaka pile, bed ni angima kata atho. 21 Nikech an aneno ni ka angima, to angima nikech Kristo, to ka atho to en ohala. 22 Ka ne anyalo medo bedo mangima e ringruok to mano nyiso ni abiro medo tiyo tich makelo ohala. To koro dayier ang'o? Ok ang'eyo gima dayier! 23 Yiero otama e kind gik mabeyo ariyogi: Chunya gombo ni atho mondo adhi abed gi Kristo, kendo mano en gima ber moloyo, 24 to dwarore moloyo bende mondo amed bedo mangima e ringruok nikech un. 25 Nikech chunya nigi ratiro chutho ni pod onego akonyu, kendo ang'eyo chutho ni pod abiro bet kodu uduto mondo ami umed geroru kendo ubed mamor e yie maru, 26 mondo omi bedona kodu kendo, omedu mor moloyo kuom Kristo Yesu nikech an. 27 To kata obedo ni ang'o motimore to udag kit ngimau mapile mowinjore gi Wach Maber mar Kristo. Kamano otimore, eka kata abiro mondo aneu, kata ka awinjo mana kuomu ka aonge, to abiro ng'eyo ni uchung' motegno gi chuny achiel, ka ukedo ka un e achiel, e yie mar Injili 28 maok obwogu e yo moro amora, gi joma kwedou. Mano biro bedonigi ranyisi ni ibiro tiekgi, to un ibiro resu kendo Nyasaye ema biro timo mano. 29 Nikech dhial museyudo kuom Kristo ok en mana mondo uyie kuome kende, to oseluongu bende mondo une masiche nikech en 30 Nikech ukedo lweny onogo mane unena kakedo e kinde mokalo, kendo mapod uwinjo ni akedo.
Kaw Muolo Machal Gi Mar Kristo
1 Kaun gi jip kuom riwruok gi Kristo, kanitie Loch mar herane, kanitie lalruok kuom chuny, kanitie dembruok gi miwafu, 2 kare koro miuru chunya opong' gi mor kubedo gi paro machalre gi hera machalre kendo ka chunyu kod pachu oriwore e gimoro achiel. 3 Kik utim gimoro amora mondo upiem gi ji kata mondo unyisru ni ji, to beduru mobolore, ka kinde duto ukwano jomamoko kaka joma beyo moloyou. 4 Ng'ato ka ng'ato kuomu kik par mana kuom gik makonye en owuon, to nyaka upar bende kuom gik makonyo joweteu. 5 Paro manie chunyu nyaka bed machal gi paro mane Kristo Yesu nigo: 6 ma kite ne kit Nyasaye nyaka aa chakruok, to ne ok okwano bedo marom gi Nyasaye ka gima nyaka lar. 7 to notimore gima nono mi okawo kit misumba, ka ochweye e kido machal mar dhano. 8 Kendo kane en gi kit dhano kamano, to nobolore, ka owinjo Nyasaye nyaka kar tho, kata mana tho e msalaba! 9 Emomiyo Nyasaye bende noting'e malo moloyo, kendo omiye nying' moloyo nying' duto, 10 mondo kuom nying' Yesu chong duto ogo piny, e polo kendo e piny kendo e bwo piny, 11 kendo lep duto ohul ni Yesu Kristo en Ruoth, mondo Nyasaye Wuoro oyud duong'.
Ngima Marieny Ka Sulwe
12 Kuom mano, osiepena mageno, mana kaka usebedo kuwinjo wachna kinde duto, ok mana ka antie kodu to koro moloyo ka aonge, dhiuru nyime ka uloso warruoku ochop kare, kupong' gi luoro kod kibaji, 13 nikech Nyasaye owuon ema tiyo e chunyu mondo omi udwar kendo utim dwarone maber. 14 Gimoro amora mutimo to timuru maok ung'ur kata mino wach, 15 mondo eka ubed joma ler kendo maonge wach gi ng'ato. Mano nomi ubed nyithind Nyasaye ma wach moro amora marach ok ogajo kudak e kind tieng' mobam kendo matimo richo. Edier tieng'ni nyaka ler maru rieny ka sulwe manie kor polo, 16 kuwachonigi wach Ngima, mondo ka chieng' ma Kristo obiroe to abed mamor ni kara ne ok aringo kata tiyo matek e dieru kayiem nono. 17 Kata obedo ni remba iolo oko kaka remb chi-aye mitimogo misango kuom chiwruok kod tich maru kuom yie, to pod amor amora kendo ail kaachiel kodu un duto. 18 Omiyo un bende beduru abeda mamor mana kaka an bende amor.
Timotheo Gi Epafrodito
19 Ageno kuom Ruoth Yesu mar oro Timotheo iru machiegni, mondo omi chunya oduogi ka ayudo wach moa kuomu. 20 Aonge gi ng'ato machielo machal kode, ma oikore konyou gi chunye duto e pek moro amora ma un-go. 21 Nikech ji duto koro paro mana kuom gik makonyogi gin giwegi, to ok mag Yesu Kristo. 22 Un uwegi to ung'eyo kaka Timotheo osenyiso ber mare malong'o, nikech wasetiyo kode kaachiel mana kaka wuowi gi wuon mare, kawachiwore ni tich mar Wach Maber. 23 Kuom mano ageno mar ore iru mapiyo bang' kaseng'eyo gima biro timorena ka. 24 Kata mana an awuon an-gi adiera kuom Ruoth ni abiro biro iru machiegni. 25 To aneno ni owinjore mondo akwong aor owadwa Epafrodito mondo oduog oneu. En jatich Kristo wadwa mawakedogo lweny mar Wach Maber, kendo en jaoteu ma neuoro mondo okonya e rem mane an-go. 26 Osegombo mondo oneu ahinya, kendo chunye chandore nikech nuwinjo ni notuo ahinya. 27 Chutho notuo marach, mi poth notho. To Nyasaye nokeche, kendo kuom kech mane okechego, an bende nokecha, mondo kik abed gi kuyo manyadiriyo. 28 Kuom mano, chunya medo jiwa mondo aore, mondo ka unene kendo kongima to ubed mamor, mondo an bende parruok ma an-go odog chien. 29 Kobiro to rwakeuru, gi mor maratipo kuom Ruoth, kendo neuru ni umiyo joma chalo kode kamano duong', 30 nikech nochiwo ngi-mane mi poth otho nikech tich Kristo, koketo ngimane e chandruok mondo nokonya gi kony ma un uwegi ne ok unyal konyago.
Onge Geno Kuom Ringruok
1 Mogik jowetena, beduru mamor kuom Ruoth! Ok tekna mondo anwonu weche mane asendikonu motelo, nikech wechegi obedonu ohinga mar konyruok. 2 Beduru motang' ni guogigo ma gin joma timo timbe mamono kendo moramo ni ji nyaka ter nyangu. 3 Nikech wan wawegi ema waseyudo nyangu madiera, nikech walemo ka wan ei Roho mar Nyasaye, sungawa ni kuom Kristo Yesu, kendo ok waketo genowa kuom ringruok, 4 kata obedo ni an awuon an-gi gimomiyo anyalo bedo gi genono Kapo ni ng'ato nyalo bedo gi gimomiyo dodhialre e ringruok, an awuon dalo ye: 5 Notera nyangu chieng' mar aboro bang' nyuolna kendo an ja Israel gitiende monyuol e dhood Benjamin, bende an Ja Hibrania ma wuod jo-Hibrania. Korka luwo Chik jo-Yahudi to ne an ja-Farisai, 6 kuom timo kinda, naketo chunya mar sando kanisa, kuom rito chik ne an ng'ama ler, maonge ketho. 7 To kata kamano gigo duto mane akwano chon ka ohala tinde akwano ka gik manono nikech Kristo. 8 To moloyo mano, koro akwano gik moko duto ka gik maonge tich nikech aseyudo ni ng'eyo Kristo Yesu Ruodha nigi ohala maduong' moloyo, nikech en, koro ase-wito gigo duto, kendo akwanogi mana kaka yugi, mondo eka ayud Kristo kaka pokna, %endo oyuda kuome, mondo kik anenra ni aloso yora awuon mar bet makare e nyim Nyasaye nikech mako Chik, to adwaro ni mano otimrena mana nikech ayie kuom Kristo. Bedo kare e yo makama aa kuom Nyasaye kendo wayude kuom yie. 10 Adwaro ng'eyo Kristo kende kod teko miyudo kuom chierne, ka an bende isanda kaka nosande, kendo ka amedo bedo machal kode pile kuom thone, 11 kanyalore to en ni an bende nochiera aa kuom joma otho.
Paulo Ringo ka Hawo Thorro
12 Mano ok nyis ni aselocho kata ni asebedo kare chuth, to pod anyagora matek mondo eka amak gino momiyo Kristo Yesu nomaka. 13 Jowetena, pod ok akwanra kaka ng'at moseyudo gino, to gimoro achiel matimo en ni wiya wil gi gik mosekadho, to ahawo gik many-ime, 14 anyagora ging'wech matek kalu-wo yor polo mondo ayombi mi ayud pokna mane Nyasaye oluongane kuom Kristo Yesu. 15 Wan duto man gi yie motegno onego wapar kuom gigi. To ka pachu opogore gi mano e yo moro, to Nyasaye biro leronu. 16 Kata kamano wadhiuru nyime kod ngima mawasenwang'o. 17 Jowetena, riwreuru gi ji mamoko kungi'yo maber joma kit wuodh ngima-gi chai gi ranyisi mane uneno kuomwa. 18 Nikech mana kaka asebedo ka any-isou motelo kendo koro anyisou ka pi wang'a chwer, ji mang'eny ngimagi omiyo gibedo jowasik msalap Kristo. 19 To giko joma kamago en kethruok nikech igi e nyasachgi, kendo gik makelonigi wichkuot ema gisungorego, ka pachgi otwere e gi pinyni. 20 To wan to wan jopolo kendo polo en thurwa. Kendo warito gi kichruok Jawar ma ae polo, Ruoth Yesu Kristo, 21 obiro loko ringrewa manyap kendo matho mi omi odok machal gi ringre man-gi duong', kotiyo gi teko maduong' mamiyo oketo gik moko duto e bwo lochne.
1 Kuom mano, jowetena, un ma aherou kendo chunya gombou; kendo ma un morna kod osimbona, kamano e kaka onego uchung' motegno, ka un kuom Ruoth, yaye osiepena mageno!
Puonj Moko Machien
2 Asayo Yuodia gi Suntuke mondo giwinjre kuom Ruoth. 3 Ee, in bende akwai, jatich wadwa, mondo ikony mon-go e wachni. Gisetiyo koda ka gikedo matek ni Wach Maber, kaachiel gi Klement kod jotich wetena mamoko ma nyinggi ondiki e kitap ngima. 4 Beduru mamor pile kuom Ruoth. Anyisou kendo ni, moruru! 5 Muolo maru mondo onenre ni ji duto. Ruoth chiegni. 6 Kik uparru kuom gimoro amora, to kwauru Nyasaye gik moko duto muchando, kulamo, kendo kugoy-one erokamano, kuketo kwayou mondo ong'ere ni Nyasaye. 7 Eka kuwe mar Nyasaye moloyo ng'eyo duto norit chunyu gi pachu ka un kuom Kristo Yesu. 8 To mogik, jowetena, en ni keturu pachu kuom gik moko duto madiera kendo mowinjore kaka weche malong'o kod weche maler, gi weche makare, gi weche mabeyo, gi weche mang'uon kod weche mipuoyo. 9 Gimoro amora ma nupuonjoru kata uyudo kata uwinjo kata uneno kuoma to keturu e tich. Kamano Nyasach kuwe nobed kodu.
Erokamano Kuom Michgi
10 Amor ahinya kuom Ruoth ni apoya nono to koro uchako upara kendo. Chutho, usebedo kupara makmana ni nyocha pok uyudo thuolo mar timona gimoro. 11 Ok awach kamano nikech achando gimoro, nikech asepuonjora dak ka gik ma an-go oroma; 12 Aseng'eyo dak ka achando gimoro kendo ka an-gi gik mathoth. Asepuonjora maling'ling mar dak ka aromo, omiyo anyalo bedo modhil kata ka ayieng' kata ka adenyo kata ka an gi gik mathoth kata ka an gi gik manok. 13 Anyalo timo gik moko duto kuom En ma omiya teko. 14 To kata kamano nutimo maber kuom konya e chandruokna. 15 Un jo-Filipi uwegi ung'eyo ni kane aa Makedonia e ndalo mane ayaloe Wach Maber mokuongo, to ne onge kanisa moro amora ma nokonya e wach chi-woni kod kawo, mak mana un kendu; 16 nikech kata kinde mane an Thesalonika ne uorona kony di mang'eny e kinde mane an gi dwaro. 17 Ok awuo kamano nikech adwaro mich, to gima duong' madwaro ni chiwo maru obed ohala maru. 18 Kaka koro Epafrodito osekelona kony manyocha uorego, koro aseyudo mich moroma, kendo mokalo dwarona. Mich mumiya-gi dung' tik mamit mana ka misango ma Nyasaye oyiego kendo ma more. 19 To Nyasacha biro miyou gik moko duto muchando, kogolo kuom mwan-dune ma duong' manie Kristo Yesu. 20 Duong' obed ni Nyasachwa kendo Wuonwa manyaka chieng' Amin.
Mos Mogik
21 Mosna jomaler duto man kuom Kristo Yesu. Jowete man koda ka ooronu mos. 22 Jomaler duto ooronu mos, moloyo to jood Kaisar. 23 Ng'wono mar Ruoth Yesu Kristo obed kod chunyu. Amin.
1 An Paulo Jaote mar Kristo Yesu kuom dwaro mar Nyasaye kaachiel gi Timotheo owadwa, 2 andikonu un owetewa man Kolosai, ma jomaler kendo majaadiera kuom Kristo. Ng'wono gi kuwe moa kuom Nyasaye Wuonwa obed kodu.
Erokamano Kod Lamo
3 Ka walemonu to waduoko erokamano pile ni Nyasaye ma en Wuon Ruodhwa Yesu Kristo, 4 watimo kamano nikech wasewinjo yie ma un-go kuom Kristo Yesu, kendo hera musenyiso jomaler duto. 5 Yie kod hera moa kuom geno mokannu e polo, mane uwinjo kuom wach maradier, ma en Wach Maber, 6 mane okelnu. E piny duto Injilini koro nyago olemo kendo landore, mana kaka osetimo e dieru nyaka chakre odiechieng' ma nuwinjoe ng'wono mar Nyasaye e adiera duto kendo ng'eyoe. 7 Nupuonjoru wachni kuom Epafra ma en misumba Kristo wadwa mwageno, kendo ma jatich Kristo majaadiera matiyo karwa, 8 ma Dencle nonyisowa kuom hera maru moa kuom Roho. 9 Kuom mano, chakre odiechieng' mane wawinjo wachu pok waweyo mak walam-onu kendo kwayo Nyasaye mondo opong'u kod rieko mar ng'eyo dwarone, ka un-kxl rieko mar chuny kod winjo ma Roho chiwo. 10 Bende walamo kamano mondo udag ngima ma Ruoth morgo, kumiye mor e yore duto, ka unyago olemo mag timbe mabeyo kendo kuom medo ng'eyo Nyasaye, 11 ka imiyou bedo motegno gi teko duto mar duong'ne mang'ongo, mondo eka ubed joma odhil matimo kinda e yore duto, fendo 12 ma goyo erokamano ni Wuoro gi ilo. En ema oseketou e rang'iny mar yudo gweth mag jomaler e piny ler. 13 Nikech oseresowa waa e loch mar mudho mi okelowa e loch mar Wuode mohero, 14 ma kuome wanie gi resruok, noresowa mokelonwa warruok mar richo.
Kristo Duong' Moloyo Duto
15 Kristo e kido mineno mar Nyasaye maok ne, kendo en e kayo ne chwech duto. 16 Nikech kuome gik moko duto nochwe; gik manie polo gi piny; mineno kod maok ne; kata gibed duong' kata teko, kata ruodhi kata loch. En ema nochweyo gik moko duto, kendo gik moko duto nochwene. 17 Ne entie kapok gimoro amora nobetie, kendo kuome ema gik moko duto oriwore. 18 En e wi ringruok, ma en kanisa, kendo en e ma nokuongo chier oa kuom joma otho, mondo obed gi loch kuom gik moko duto. 19 Nikech Nyasaye ne mor mondo duong'ne duto obed kuom Wuode, 20 kendo kuome Nyasaye nomiyo gik moko duto obedo gi winjruok kode, kata gibed gik manie piny kata manie polo, kokelo kuwe kuom remb Wuode manochwer e msalaba. 21 Chon nupogoru gi N)asaye, kendo ne un wasike e pachu nikech timbe maricho ma nutimo. 22 To koro osetimonu winjruok e kindu kode kuom tho Kristo e ringruok, mondo oteru e nyime kuler ka uonge gi mbala mar richo kendo ka uonge ketho. 23 Mano biro timore mana ka udhi nyime e yieu, kendo kuchung' motegno ma ok uyiengni uweyo geno mar Wach Maber. Ma e Wach Maber ma nuwinjo, kendo ma koro oseyal ni chwech duto e bwo polo, kendo ma an Paulo awuon an jatichne.
Tij Paulo Ma Otiyo Ni Kanisa
24 Koro amor kuom masiche maseyudo nikech un, nikech apongo' e ringra gik morem kuom masiche mane Kristo oneno, nikech ringle, ma en kanisa. 25 Asedoko jatich kanisa kaluwore gi ote mane Nyasaye oorago iru mondo ayalnu wachege duto, 26 ma en wach maling'ling' manopandi kuom higini gi tienge mang'eny to koro oseel tiende ni jomaler. 27 Gin ema Nyasaye oseyiero mondo onyis ogendini mwandu gi duong' man kuom wach maling'ling manopandino, en Kristo modak e chunyu kendo ma en e geno mar duong' 28 Kristono e mwalando ne ji duto ka wasiemo kendo wapuonjo ji gi rieko duto, mondo water ji duto e nyim Kristo ka ler chutho. 29 Mano emomiyo anyagora ka atiyo matek, gi teko maduong' ma Kristo nomiya, matiyo matek e ngimana.
1 Adwaro mondo ung'e kaka akedonu matek, kendo ni joma ni Laodikia, kaachiel gi ji mamoko duto mapok onena gi wang'gi. 2 Thorro mara en ni mondo gibed gi chuny motegno kendo giriwre e hera, eka ginibed gi mwandu mar ng'eyo tiend weche maradier. Ka gitimo kama to gin-ing'e maling'ling' mar Nyasaye ma en Kristo, 3 jal ma mwandu duto mag rieko kod ng'eyo Nyasaye opand kuome. 4 Anyisou ma mondo kik ng'ato owuondu gi weche manono milungo kendo maywayo ji. 5 Nikech kata obedo ni aonge kodu kuom ringruok, to an kodu kuom chuny, kendo amor mar neno kaka uchanoru maber kendo kaka yieu ochung' motegno kuom Kristo.
Bedo Thuolo Kuom Chike Dhano Kaluore Gi Ngima Kuom Kristo
6 Koro kaka nurwako Kristo Yesu ka Ruoth, dhiuru nyime ka udak kuome, 7 ka uguroru motegno kendo ugeroru kuome, kumedo bedo motegno e yie kaka nopuonju, kendo kupong' gi goyo erokamano. 8 Kik uyie mondo ng'ato ang'ata omak pachu gi riekni manono mag piny gi wuond manono ma wito ji, ma gin rieko ma aa kuom puonj dhano gi timbe mag piny, to ok kuom Kristo. 9 Nikech kit Nyasaye duto e ringruok odak ei Kristo, 10 un to koro useyudo ngima moromo chutho kuom Kristo, ma e jatelo mar telo duto, kendo en teko moloyo teko gi loch duto. 11 Kuome ema noterue nyangu, ka igilo kit dhano machon maok nyangu motim lwet gi dhano, to nyangu motim gi Kristo. 12 Kane obatisu, to noiku kode kendo nochieru kode nikech yie ma un-go kuom teko mar Nyasaye ma nochiere oa kuom joma otho. 13 Kane utho e richou, kod kit ngimau mar richo maok nyangu, Nyasaye ne omiyo udoko mangima kuom Kristo. Noweyonwa richowa duto, 14 korucho chike mane ondiki kod kuergi duto mane okwedowa kendo opogowa, kogologi oko duto mi ogurogi e Msalaba. 15 Kendo kane oseketho teko gi lochgi momiyogi wichkuot e lela moriem-bogi Moyogi gi teko mar msalaba. 16 Kuom mano, kik uwe ng'ato ong'adnu bura kuom gik muchamo kata mumadho, kata kuom weche mag sewni mag lemo, kata sewni mitimo ka dwe manyien owuok, kata chieng' Sabato. 17 Magi duto gin mana tipo mag gik mane onego obi, to adiera wuon yudore kuom Kristo. 18 Kik uwe ng'ato ang'ata mamor kuom dembruok mar miriambo kod malamo malaike omi ubed maonge pok. Ng'at makamano wacho mathoth konyiso ji kuom fweny moseneno, kendo pache mar dhano miyo oting'ore malo nono kowuoyo kuom gik mokiya tiendgi. 19 Ng'atno oseweya tudruok gi wich ma en e kama ringruok duto otude kendo omoke ka omake gi fuonini kod leche kaachiel, kendo gidongo kaka Nyasaye dwaro ni gidongi. 20 Ka usetho gi Kristo mi ogonyou kuom timbe machon mag pinyni, to koro ere gima omiyo pod uwuotho ka jopiny? Ang'o momiyo pod umako chikegegi ni, 21 "Kik imak gini," kata ni, "Kik ibil gini," kata ni, "Kik imul gini"? 22 Gi duto gin gik ma lal nono, nikech gin mana chike gi puonj mag dhano. 23 Ginyalo nenore gioko ni rieko nie igi ka gilemo gi lamo mar paro mar dhano, kendo kuom dembruok maoko, kod sando ringruok, to chutho gionge ohala nikech ok ginyal konyo ng'ato geng'o gombo mag ringruok.
Chike Mag Ngima Maler
1 Ka osechieru gi Kristo, keturu chunyu kuom gik manie polo, kuma Kristo obetie e bat korachwich mar Nyasaye. 2 Keturu pachu kuom gik man malo to ok kuom gii piny. 3 Nikech ne utho kendo ngimau koro opandi ei Kristo, kuom Nyasaye. 4 Ka Kristo, ma en ngimau nofwenyre to un bende unubi kode e duong'ne maler. 5 Emomiyo neguru dwaro duto mag ringruok ma nie ngimau, kaka: chode, dwanyruok, gombo, dwaro maricho, kod wuoro, ma en lamo nyiseche manono. 6 Nikech gigi Nyasaye biro olo mirimbe kuom joma ok winj wachne. 7 Un bende ne uwuotho e yoregi e ngimau machon mane udakie 8 To koro nyaka ulony oko kit richo duto kaka: ich wang mirima, himruok, ketho nying ji, kod dwanyo wach ma wuok e dhou. 9 Kik ng'ato kuomu wuond wadgi, nikech uselonyo kit dhano machon kod timbene duto, 10 mi urwakoru gi dhano manyien mamedo bedo manyien pile mondo obed machal gi kit ja chuechne. 11 E ngima manyi-enni koro onge Ogendini kata ja-Yahudi, onge ng'ama oter nyangu kata ng'at maok oter nyangu, bende onge jamwa kata jama-randa, misumba kata ng'ama ni thuolo, to Kristo e moromo kendo en duto kuom duto. 12 Kuom mano, kaka un jo Nyasaye moyiero, maler kendo mogeno, rwakreuru gi kech, gi miwafu, gi bolruok, gi muolo, kod kinda. 13 Beduru joma oyie kawo nyawo mar jowadgi kendo ka weyo ni nyawadgi kethone. Weneuru ji richogi kaka Ruoth bende noweyonu richou. 14 To moloyo ni mago duto, rwakreuru gi hera, mariwo wechegi duto mi giwinjre kaka gimoro achiel. 15 Weuru mondo kuwe mar Kristo obed jaloch e chunyu kaka fuondi mag ringruok achiel, noluongu e kuwe, kendo gouru erokamano. 16 Wach Kristo mondo odagi e chunyu gi nyak duto mokelo, kupuonjoru kendo usiemoru ng'ato gi ng'ato gi rieko duto, kendo kupako Nyasaye gi wende Muma, gi wende madendo Yesu, kod wende ma Roho ochiwo, ka chunyu pako Nyasaye. 17 Gimoro amora mutimo kata muwacho, to timuru e nying Ruoth Yesu, kugoyo erokamano ni Nyasaye Wuoro e nying Yesu.
Chike Momi Jo Kristo Kaka Owinjore Gidagu
18 Un mon, winjuru chwou mana kaka owinj oreni Ruoth. 19 Un Chwo heruru mondu, kendo kik ubed negi mager. 20 Nyithindo, luoruru jonyuolu e gik moko duto, nikech mano e mamiyo Ruoth mor. 21 Wuone, kik umi nyithindu chuny lit, nono to chunygi biro jok 22 Wasumbini, luoruru ruodhiu mag pinyni e weche duto: kendo kik utim kamano mana sama gichung' butu ka ging'iyou kutiyo, ka gima udwaro morogi, to timuru kamano gi chuny mathuolo kendo kuluoro Ruoth. 23 Gimoro amora mutimo to timuru gi chunyu duto kagima utimo ni Ruoth to ok ni dhano, 24 kung'eyo ni obiro miyou mich chieng' ma nobi mondo opog ni joge girkeni kaka pokgi mokano nigi. En Ruoth Kristo ema utiyone. 25 Ng'euru ni ng'ato ang'ata matimo marach, noyud pokne kuom rach moseti-mo, kendo onge dewo wang'nilech Nyasaye ok dew wang' ng'ato.
1 Un ruodhi mag pinyni, daguru gi wasumbini magu kuritogi maber kendo mowinjore nikech ung'eyo ni un bende un gi Ruodhu e polo.
Weche Mag Puonj Mamoko
2 Timuru kinda kuom lemo, kurito gi paro moyawore, kendo kugoyo erokamano ni Nyasaye. 3 Wan bende lemnwauru mondo Nyasaye oyawnwa dhoot mar yalo Injili, kendo lando wach modhiero ji ng'eyo mar Kristo momiyo koro otweya gi nyororo. 4 Lemnauru mondo omiya ayale e yo maler kaka owinjore atim. 5 Daguru gi rieko e dier joma pok oyie, kutiyo gi thuolo muyudo e yo maber. 6 Neuru ni wecheu obed mang'won man gi ndhadhu kinde duto, mondo ung'e kaka dudwoki ng'ato ang'ata wach e yo mowinjore.
Mos Mogik
7 Tukiko biro nyisou gik moko duto matimorena. En owadwa mageno, jatich majaadiera kendo jatich Ruoth kaachiel koda. 8 Aore iru mondo ung'e kaka wachal, kendo mondo ojiw chunyu. 9 Obiro biro gi Onesimo owadwa maj adiera ma en achiel kuomu. Gibiro nyisou weche duto mati-more ka. 10 Aristarko motweyago e od twech ooronu mos, kaachiel gi Mariko ma owadgi Barnaba. (Usewinjo wachne, omiyo kobiro to urwake.) 11 Yesu, ma nyinge machielo en Justo, bende ooronu mos. Magi kende e jo-Yahudi wetena matiyo koda ni wach Piny Ruoth N)asaye, kendo gisehoyo chunya e yore mang'eny. 12 Epafra maen achiel kuomu kendo misumba Kristo Yesu be omosou. Osiko olemonu matek maok oyue, mondo omi uchung' motegno, e dwaro Nyasaye duto kendo ka un-gi adiera chutho. 13 Anyalo timo nende kaka otiyonu matek, un kachiel gi jo Laodikia kod jo Hieropoli. 14 Osiepwa mwageno ma Luka, ma laktar, kod Dema jomosou. 15 Kowuru mosna ni jowete man Laodikia, kendo ni Numfa gi kanisa man e ode. 16 Ka osesomnu baruani to neuru ni osome ni kanisa mar jo Laodikia bende. To Un bende ukaw barupgi mondo usom. 17 Nyisuru Arkipo kama: "Ne ni itieko tich Ruoth mane omiyi 18 An Paulo, andikonu mosni gi lweta awuon. Kik wiu wil kod twechna e od twech. Ng'wono obed kodu.
1 Paulo, Sila gi Timotheo, Ne kanisa mar jo-Thesalonika, mantie kuom Nyasaye Wuoro kod Ruoth Yesu Kristo: Ng'wono gi kuwe obednu.
Paulo Opako Yie Mar Jo-Thesalonika
2 Pile waduokone Nyasaye erokamano nikech un duto, kwaluongo nyingu e lemo magwa. 3 E nyim Nyasachwa kendo Wuonwa, wasiko kwaparo yie ma un-go mosemiyo utimo timbe mabeyo gi herau momiyo utiyo ne Nyasaye matek, kod geno ma un-go kuom Ruoth Yesu Kristo, momiyo uchung'motegno kutimo kinda. 4 Nimar wang'eyo, owetewa ma Nyasaye ohero, ni oseyierou, 5 nikech Injili marwa ne ok obironu gi wach miwacho gi dhok fende, to nobironu gi teko kendo gi Roho Maler, kod yie motegno. Ung'eyo kaka ne wachalo ka wadak e dieru, ne wadak kamano nikech un. 6 Ne uluwo kitwa kod kit Ruoth; kendo kata obedo ni ne usandoru malit, to nurwako wach mane oyalnu gi mor ma Roho Maler kelo. 7 Omiyo nudoko ranyisi maber ne joma oyie duto man Makedonia gi Akaya. 8 Wach Ruoth nolandore koa kuomu mochopo ok mana Makedonia gi Akaya kende: Sani koro yie ma un-go kuom Nyasaye oselandore mong'ere kuonde duto. Omiyo wan koro onge gima wanya-lo wacho kuome, 9 nikech gin giwegi giwuoyo kuom kit rwak mane urwakowa-go. Ginyiso ji kaka nulokoru ubedo jo Nyasaye, kuweyo nyiseche manono, mondo uti ne Nyasaye mangima kendo madiera; 10 kendo mondo urit biro mar Wuode koa e polo. Wuodeno mane ochiero oa kuom joma otho en Yesu, Jal ma resowa e mirimb Nyasaye mabiro.
Tij Paulo Ei Thesalonika
1 Un uwegi ung'eyo, owetewa, ni limbe mane walimougo ne ok obedo kayiem nono. 2 Mana kaka ung'eyo, noyudo osesandwa kendo oyanywa e dala mar Filipi to kata kamano Nyasaye nomiyowa chir mar nyisou wachne maber e dier lweny gi akweda mager. 3 Chutho, ok wahomb ji gi weche mag miriambo kata gi weche mowuok e paro mochido. Bende ok wan gi paro maling'ling' mar wito ji. 4 To wawuoyo kaka joma Nyasaye owuon ema opwodho kendo oyiego kaka jorit Injili. Ok watem mondo wabed malong'o ne dhano, to wadwaro ni wabed malong'o mana ne Nyasaye-ma nono chunjewa. 5 Ung'eyo maber ni kane wayalonu to ne ok wakonyore gi weche malombou mondo wawuondgo wang'u, kendo Nyasaye en janeno marwa ni ne ok wapando gombo maling'ling' e chunywa mondo wamau gigeu! 6 Ne ok wadwar pak moa kuom dhano, bed ni gin un kata joma nadi. Kaka joote mag Kristo, ne wanyalo miyou ting' mapek, 7 to kar timo mano to ne wadoko mamuol e dieru mana kaka min nyithindo rito nyithinde mapod tindo. 8 Ne waherou gi hera matut momiyo ne wamor, ok mana mar pogo kodu Injili mar Nyasaye kende, to koda ka ngimawa bende, nikech ne wagenou gi genruok maduong'. 9 Adier unyalo paro, jowetewa, kaka ne wanyagore kendo watiyo matek, ne watiyo odiechieng' gotieno mondo kik wami ng'ato ang'ata ting' mapek e kinde mane wadak ka wayalonu Injili mar Nyasaye. 10 Un uwegi un joneno, kaachiel gi Nyasaye bende, kaka ne wadak e dieru ka ngimawa ler kendo nikare, kendo ka waonge ketho e kindu un joma oyie. 11 Ung'eyo kaka ne wakonyo ng'ato ka ng'ato kuomu mana kaka wuoro konyo nyithinde owuon, 12 kwajiwou kendo wahoyou kendo wasiemou mondo kit ngimau mapile obed malong'o ne Nyasaye moseluongou e lochne kod duong' mare. 13 Bende waduokone Nyasaye erokamano kinde duto nikech kane wakelonu Wach Nyasaye, to nuwinje murwake, ok ka wach dhano, to nurwake ka Wach Nyasaye adier mana kaka en. Wachno koro chopo tich Nyasaye e ngimau, un joma oyie. 14 Nimar en adier, jowetena, nine ukawo kit kanise Nyasaye man Judea manie Kristo Yesu. Kaka jou uwegi nosandou e kaka kanise man Judea bende jo-Yahudi wetegi nosando, 15 jo-Yahudigo ema nonego Ruoth Yesu kod jonabi maggi, kendo gin ema ne giriembowa oko. Ok gilong'o ne Nyasaye kendo giger gi ji duto, 16 ka gitemo gi tekregi duto mondo gigeng'wa wuoyo ne Ogendini mondo oyud warruok. Kuom tim ma gitimoni, gimedo mana biwo richogi mondo opong'. Mirimb Nyasaye koro osejukogi!
Paulo Gombo Limo Jo Thesalonika Kendo
17 Jowetewa, kane ochunowa ni nyaka wawere kodu kuom kinde machwok, (ne wapogore mana e ringruok to ok kuom chuny), gomb mane wagombougo matek osemiyo watemo gi yore duto mondo waneu wang' gi wang'. 18 Ne wasedwaro gaming'a mondo wabi walimu, to moloyo an Paulo ne atemo kendo atemo to Satan ne omona. 19 Koso uparo ni gin ng'a gini mwakwano kaka genowa gi morwa, kata kaka osimbo marwa ma wanasungrego e nyim Ruoth Yesu Kristo koduogo? Donge en un? 20 Chutho, un e duong'wa gi morwa!
1 Emomiyo ka chunywa mane chan-dore ne onge kuwe ne waparo ni ber mondo wadong' kendwa Athen. 2 Ne waoro Timotheo, ma en owadwa kendo jatich Nyasaye kaachiel kodwa e tij lando Injili mar Kristo, mondo ojiw chunyu ubed motegno e yie maru, 3 kendo mondo kik sand mwayudo michunyu aa. Unge'yo maber ni kaka jo Kristo nyaka wayud sand. 4 Chutho, kane wan kodu to ne wasiko ka wanyisou ni ne nyaka sandwa, kendo mano e gima osetimorenwa, mana kaka ung'eyo. 5 Ma emomiyo kane koro ok anyal dhi nyime ka abet mos, ne aoro jaote mondo ang'e kaka yieu chai. Ne aluor ni dipo ka jatem osedonjore kodu mi omiyo tich mane watiyo matek e dieru obedo kayiem.
Ripod Timotheo Kuom Chai Jo Thesalonika
6 To koro Timotheo osebiro irwa koa iru, kendo osekelonwa weche mabeyo kuom yieu kod herau. Osenyisowa ni usiko uparowa gi paro mabeyo kendo ni un bende ugombo nenowa mana kaka wan bende wagombo nenou. 7 Kuom mano, jowetewa, yie ma un-go osejiwowa e dier achiedh nade duto kaachiel gi malit ma waneno. 8 Sani koro chunywa oduogo nikech uchung' motegno kuom Ruoth. 9 Ere kaka dwagone Nyasaye erokamano nikech un ma dirom gi mor mawan godo e nyim Nyasaye nikech un? 10 Odiechieng' gotieno walamo Nyasaye gi chunywa duto mondo olosnwa thuolo mar nenou kendo wang' gi wang', mondo wabi wapong'nu kuonde morem e yie maru. 11 Mad Nyasachwa kendo Wuonwa owuon, kod Ruodhwa Yesu, losnwa yo mwanyalo birogo iru. 12 Mad Ruoth mi herau omedre mi olandre e kindu ng'ato gi ng'ato, kendo ni ji duto, mana kaka hera mwaherougo bende otiak. 13 Mad omi chunyu obed motegno mondo ubed joma onge ketho kendo joma ler e nyim Nyasaye Wuonwa chieng' ma Ruoth Yesu biroe kaachiel gi joge maler duto.
Ngima Mamiyo Nyasaye Mor
1 Mogik, jowetewa, ne wapuonjou kaka onego udagi malong'o ne Nyasaye, mana kaka ngimau chalo sani. To koro wakwayou kendo wajiwou kuom Ruoth Yesu mondo umed timo kamano moloyo. 2 Nikech ung'eyo puonj mane wamiyou kuom teko mar Ruoth Yesu. 3 En dwaro Nyasaye mondo ubed joma ler. Nyasaye dwaro ni ubed mabor gi richo mar chode, kendo 4 mondo ng'ato ka ng'ato nyaka puonj re rito ringre e yo maler kendo man-gi luor, 5 maok oyie mondo ringre oore gi gombo mathoth kaka jopiny makia Nyasaye timo. 6 Kuom wachni, ng'ato kik ochwany nyawadgi kata wuonde.Ruoth biro kumo joma timo timbe makamago mana kaka ne waseny-isou kendo siemou. 7 Nimar Nyasaye ne ok oluongowa mondo wadag e ngima mar dwanyruok, to ne oluongowa mondo wadag e ngima maler. 8 Omiyo ng'ato ang'ata motamore winjo puonj ni ok ota-more winjo dhano, to otamore winjo Nyasaye owuon mamiyou Rohone Maler. 9 To kuom hera ma jowete kuom Kristo onego oherrego to ok wane tiende ndikonue, nikech un uwegi Nyasaye osepuonjou mondo uherru ng'ato gi ng'ato. 10 Mana kaka kuom adier uhero jowete duto man e mieche Makedonia duto. Kata kamano wakwayou, jowetewa, mondo umed timo kamano moloyo kanyo. 11 Dwaro maduong' mar ngimau onego obed ni mondo udag e ngima mokuwe, ka urango mana tijeu kende, kendo kutiyo matek gi lwetu mana kaka ne wachikou, 12 mondo kit ngimau mapile oywa chuny joma pok oyie mi gimiu luor, kendo mondo kik uyiengru kuom ng'ato ang'ata e dwarou mapile.
Biro Mar Ruoth
13 Jowetewa, ok wadwar mondo ukia gima timore ne joma osetho, kata mondo ubed gi kuyo ka joma moko, maonge gi geno. 14 Wayie ni Yesu notho mochier oa kuom joma otho, omiyo wayie ni Nyasaye biro chiero jomoyie duto mosetho kaachiel kode. 15 Kaluwore gi wach Ruoth owuon, wanyisou ni wan ma Ruoth noyudwa ka pod wangima chieng' ma nobie, ok wanakwong dhi kapok okaw joma osetho. 16 Nikech Ruoth owuon nolor e piny koa e polo, mi nogol chik gi dwol maduong', ka malaika maduong' kok, kendo ka tung' mar Nyasaye luongo matek; eka joma nosetho ka ni kuom Kristo nochier mokuongo. 17 Bang' mano, wan ma pod wadong' kendo pod wangima noyudhwa kaachiel kodgi mi terwa malo e boche polo mondo warom gi Ruoth ei polo. Omiyo wanabed gi Ruoth nyaka chieng'. 18 Emomiyo jiwreuru gi wechegi e kindu ng'ato gi ng'ato.
1 Koro owetena, onge tiende ndilonu kuom ndalo kata saa ma gigo notim-re, 2 nikech un uwegi ung'eyo malong'o ni chieng' Ruoth nopore mana kaka jakuo poyo ji gotieno. 3 E saa ma ji wachoe ni, "Piny okuwe kendo weche beyo," ema masira nopogie kadiemo wang', mana kaka muoch poyo dhako ma yach, kendo ok ginitony. 4 To un, jowetena, ok un e mudho ma dimi odiechieng'no pou apoya kaka jakuo poyo ji. 5 Un duto un yawuot ler, kendo un yawuot odiechieng'. Ok wan jo otieno kata jo mudho. 6 Kuom mano kik wachal gi ji mamoko ma nindo, to wanenuru kendo waritreuru. 7 Nikech joma nindo nindo gotieno, kendo joma mer bende mer gotieno. 8 To nikech wan jo odiechieng', waritreuru ka waruakore gi yie kod hera kaka law akor mar lweny; kendo gi geno mar warruok kaka ogut lweny. 9 Nikech Nyasaye ne ok oyierowa mondo wayud kum mar mirimbe mager, to noyierowa mondo wayud warruok mar Ruodhwa Yesu Kristo. 10 Nothonwa mondo kata ka wangima kata watho to wadag kode. 11 Omiyo jiwreuru ng'ato gi ng'ato kendo gerreuru, mana kaka utimono.
Weche Mogik
12 Koro wakwayou, jowetewa, mondo umi joma tiyo tich Ruoth matek e dieru luor, ma gin jotendu kendo jopuonju kuom Ruoth. 13 Migiuru duong' ahinya kendo hergiuru moloyo nikech tich ma gitimo. Daguru gi kuwe e kindu. 14 Bende wakwayou, jowetewa, mondo usiemjoma budho abudha, kendo mondo ujiw joma luor, kendo ukony joma yomyom. Horeuru mos gi ji duto. 15 Neuru ni onge ng'ama chulo rach kuom rach motimne, to temuru mondo kinde duto utim maber ne joweteu kendo ne ji mamoko bende. 16 Beduru mamor pile; 17 lemuru kinde duto; 18 gouru erokamano kata piny ber kata rach, nikech mano ema Nyasaye dwaro ni utim ei Kristo Yesu. 19 Kik utam Roho tiyo e dieru, 20 kendo kik ucha weche mokor. 21 Temuru gik moko duto, kumako matek weche mabeyo. 22 Pogreuru gi gimoro amora marach. 23 Mad Nyasaye owuon, ma en Wuon kuwe, pwodhou mi udok maler chuth e yore duto. Mad orit ngimau gi chunyu gi ringreu duto mi ubed maonge ketho moro amora chieng' ma Ruodhwa Yesu Kristo noduogie. 24 Jal moluongou biro chopo mano nikech en jaadiera. 25 Jowetewa, lemnwauru. 26 Mosuru jowete duto gi yogruok mar jomaler. 27 Achikou e nying Ruoth mondo une ni osom baruani ne jowete duto. 28 Ng'wono mar Ruodhwa Yesu Kristo obed kodu.
1 Paulo, Sila, gi Timotheo Ne kanisa mar jo-Thesalonika, mantie kuom Nyasaye Wuonwa kod Ruoth Yesu Kristo. 2 Ng'wono gi kuwe moa kuom Nyasaye Wuoro kod Ruoth Yesu Kristo obed kodu.
Duoko Erokamano kod lemo
3 Nyaka waduokne Nyasaye erokamano kinde duto nikech un jowetewa kendo owinjore watim kamano nikech yie ma ungo medo bedo motegno, kendo hera muherorugo ng'ato gi ng'ato bende medore. 4 Kuom mano wasebedo ka wap-woyou e kind kanise Nyasaye, kawanyiso-gi kuom kindau kod yieu motegno momiyo udhil e dier sand kod tem duto muyudo. 5 Magi duto nyiso ni buch Nyasaye nikare, nikech bang' neno sand kod tem to e giko nokwanu kaka joma owinjore yudo gweth mar Pinyruoth. 6 Nyasaye en ng'ama kare omiyo obiro sando joma sandou mana kaka gin bende gisandou, 7 to un muyudo sand sani obiro miyou yueyo, kaachiel gi wan bende. Mano notimre chieng' ma Ruoth Yesu nofwenyre e mach makakni kolor oa e polo, kaachiel gi malaika mage maroteke. 8 Enokumjoma okia Nyasaye kendo maok orito puonj mar Injili mar Ruodhwa Yesu. 9 Giniyud kum ma en lal manyaka chieng', koriem-bogi oko mabor e nyim Ruoth kendo mabor gi tekone man gi duong' mar nyalone 10 e odiechieng'no ma noduogie mondo joge maler omiye duong' kendo joma oyie duto orange kawuoro. Ma oriwo nyaka un, nikech ne uyie gi wach mane wakelonu. 11 Ka un-gi gima chalo kama e pachu, to mano emomiyo walomonu pile, mondo omi Nyasach wa okwanu kaka joma owinjore gi gima oluongoue, kendo gi telone ochop dwaro mabeyo duto ma un-go kod tije duto mutimo nikech yie ma un-go. 12 Walemo kama mondo nying Ruodhwa Yesu Kristo oyud duong' e dieru, lendo mondo un bende uyud duong' kuome. Mano mondo otimrenu kuom ng'wono mar Nyasachwa gi Ruoth Yesu Kristo.
Ng'at Mochayo Chik
1 Kuom wach biro mar Ruodhwa Yesu Kristo kendo kaka ibiro chokowa kanyakla kuome wakwayou, jowetewa, 2 ni kik uyie ng'ato ochand pachu kata obwogu gi wach mokor, kata milome, kata barua moro miwacho ni oa irwa, mawacho ni odiechieng' mar Ruoth ose-chopo. 3 Kik uwe ng'ato wuondu e yo moro amora, nikech odiechieng'no ok nobi nyaka ng'anyo maduong* chopi, kendo nyaka ng'at mochayo chik fwenyre, ma en jal mochanne tho e mach manyaka chieng'. 4 Obiro kwedo kendo miyore duong' moloyo gimomoro amora miluon-goni Nyasaye kata milamo mondo en owuon obedi ei hekalu mar Nyasaye kolando owuon ni en Nyasaye. 5 Donge unyalo paro ni ne anyisou gigi kane an kodu? 6 To koro ung'eyo gima pod omone fwenyore, mondo obi mana e kinde moketne. 7 Teko mopondo mar tij chayo chik koro osechako tich, to jal matame nodhi nyime katame nyaka kinde manogole oko. 8 Bang'e jal mochayo Chik nofwenyre, to Ruoth Yesu kobiro gi duong'ne duto miwuoro, nonege gi muya moa e dhoge kendo notiek tekone duto. 9 Jal mochayo Chikno nobi kaka gir tich mar Satan ka en gi teko duto mar timo honni gi ranyisi mag miriambo, 10 bende kokonyore gi kit wuond maricho duto mondo owitgo joma lal. Jogo lal nikech ne gitamore hero adiera mondo eka giyud warruok. 11 Kuom mano Nyasaye oronigi teko maduong' marundo pachgi mi giyie gi weche mag miriambo, 12 omiyo Ruoth nong'ad bura ni ji duto motamore yie adiera, ka gihero mana timo richo.
Chung Motegno
13 To nyaka waduokne Nyasaye erokamano ndalo duto nikech un, jowetewa ma Ruoth ohero, nikech Nyasaye noyierou nyaka aa chakruok mondo owaru kendo mondo omi ngimau odok maler kuom teko mar Roho Maler kendo kuom yie muyiego kuom adiera. 14 Mano emomiyo noluongou kane urwako Wach Maber mane wayalonu mondo un bende uyud duong' mar Ruodhwa Yesu Kristo. 15 Kuom mano, jowetewa, chunguru motegno, kendo makuru matek puonj mane wapuonjou gi dhowa kata gi baru-pewa. 16 Mad Ruodhwa Yesu Kristo owuon kod Nyasaye Wuonwa, ma noherowa momiyowa jip mosiko kod geno maber, kuom ng'wonone, 17 ojiw chunyu kendo omiu teko mar timo kendo wacho weche mabeyo.
Paulo Okwayo Lamo
1 Mogik, Jowetewa, lemnwauru mondo Wach mar Ruoth olandre piyopiyo kendo mondo ji omi wachno duong', mana kaka notimore e dieru. 2 Lemnwauru bende mondo Nyasaye oreswa e lwet joma timbegi mono kendo ma chunygi rach, nikech ji duto ok nigi yie, motegno. 3 To Ruoth en jaadiera, omiyo obiro miyou teko kendo obiro ritou e lwet Ng'ama Rach. 4 Wan gi chir kuom Ruoth ni utimo kendo ubiro medo timo gik mawachikou. 5 Mad Ruoth ta chunyu mi uchopi e hera mar Nyasaye kod kinda mar Kristo.
Siem Kuom Budho Abudha
6 E nying Ruoth Yesu Kristo, wachik-ou, jowetewa, mondo upogru gi jowete ma budho abudha kendo ok lu puonj mane uyudo kuomwa. 7 Nikech un uwegi ung'eyo ni onego ulu ranyisi mar kit ngimawa. Ne ok wabudh abudha kane wan kodu, 8 kendo kata chiemb ng'ato ne ok wachamo maok wachulo. To ne watiyo odiechieng' gotieno, kawatiyo gi lwetwa kendo wanyagore gi tich matek mondo kik wami ng'ato moro amora kuomu ting' mapek. 9 Ne watimo kamano ok nikech ne waonge gi ratiro mar yudo kony moa kuomu, to ne wad-waro mondo wadoknu ranyisi maber munyalo luwo. 10 Nikech kata e kinde mane wan kodu ne wamiyou chik ni, "Ka ng'ato budho abudha maok odwar tiyo to kik ochiem." 11 Wawinjo ni jomoko kuomu budho abudha. Ok giti, tije jowetegi ema gikeloe weche manono. 12 E nying Ruoth Yesu Kristo, wachiko kendo wasiemo joma kamago mondo gibed mos kendo giti matek mondo giyud yo ma gikonyorego. 13 To un, jowetena, kik uol gi timo maber. 14 Ka ng'ato ang'ata otamore luwo weche mawandikonu e baruwani to ng'iu-ru ng'atno maber. Kik uriwru kode, mondo eka wiye okuodi kuom timne mobam. 15 Kik ukawe kaka jasigu, to siemeuru asiema kaka owadu kuom Ruoth.
Mos Mogik
16 Koro mad Ruodh kuwe owuon miu kuwe kinde duto kendo e yore duto. Ruoth obed kodu uduto. 17 An Paulo awuon ema andikonu mosni gi lweta awuon, ma en kaka sei ma atiyogo e barupena duto. Kamano e kaka andiko. 18 Ng'wono mar Ruodhwa Yesu Kristo obed kodu uduto.
1 An Paulo Jaote Kristo Yesu kaluwore gi Chik Nyasaye ma Jawarwa, kod Kristo Yesu, ma en genowa, 2 andikoni in Timotheo wuoda mar adier kuom yie. Ng'wono gi kech kod kuwe moa kuom Nyasaye Wuoro gi Kristo Yesu Ruodhwa.
Siem Kuom Jopuonj Mag Miriambo Mag Chik
3 Kakane anyisi mondo itim kane an e wuodha madhiyo Makedonia, adwaro mondo imed bedo Efeso nikech jomoko ni kuno mapuonjo puonj mag miriambo manyaka ikwergi mondo giwe timo kamano. 4 Bende giwe keto chunygi e sigendni manono gi sigendni mag nonro mag anywola maok rum. Gik ma kamagi medo mana mbaka makelo miero kar gero tich Nyasaye, ma gerore kuom yie. 5 To thorro mar Chikni en hera, ma wuok e chuny maler gi chuny ma onge bura lod yie maradier. 6 Jomoko osebaro oweyo magi mi gi donjoe mbekni mag oyuma maonge tiendgi. 7 Gi gombo mondo gibed jopuonj Chik to gikia tiend gik ma giwacho kata gik ma giwuoyo kuomgi ka giramo. 8 Wang'eyo ni Chik ber mana ka ng'ato konyore kode e yo mowinjore. 9 Wang'eyo bende ni Chik ok ni joma kare, to okete ni joketh Chik gi jonjore; gi joma okia Nyasaye, kod joricho, gi joma timbegi ochido, kod joma odagi lemo; bende ni joma nego wuonegi kata minegi, kendo ni jonek 10 ni jochode, kod chwo materore gi chwo wetegi gi joma timo ohand wasumbini gi jo miriambo, kod joma kuong'ore gi miriambo mondo gigweny adiera, kaachiel gi gimoro amora mopogore gi puonj maradier, nmowin-jore gi Wach Maber man gi duong' mar Nyasaye mogwedhi, mane oket e lweta.
Ng'wono Mar Ruoth Kuom Paulo
12 Agoyo erokamano ni Kristo Yesu Ruodhwa mosemiya teko bende nikech ne okwana kaka jaadiera mi oyiera e tichne. 13 Kata obedo ni chon ne awuoyo marach kuom Nyasaye kendo ne asando joma oyie ka akwiny mokalo tong', to nokecha nikech natimo gigo kuom kia kendo kuom bedo maonge yie. 14 Ng'wono mar Ruodhwa ne ool kuoma mogundho, kaachiel gi yie kod hera mayudore kuom Kristo Yesu. 15 Wachni en wach madier mowinjore ruaki chuth: Ni Kristo Yesu nobiro e piny mondo owar joricho, ma an awuon arach moloyogi duto. 16 To nikech kuom wach-no emamomiyo miyo nokecha mondo omi kuoma, an mane an jaricho ewi joricho duto, mondo mi Kristo Yesu onyisie hooruokne maonge giko kaka ranyisi ne joma biro yie kuome mondo giyud ngima mochwere. 17 Koro ne Ruodh mochwere, kendo maok tho, kendo maok ne, ma en Nyasaye makende, mondo omi luor kendo duong' nyaka chieng'. Amin. 18 Timotheo wuoda, amiyi Chikni kaluwore gi weche mane okor kuomi kinde mokalo, mondo iti kodgi eka iked lweny maber, 19 kisiko e yie motegno gi chuny maok ng'adni bura kaka jaketho. Jomoko osedagi winjo bura ma chunygi ng'adoni-gi kuom gik maricho ma gitimo, omiyo koro yiegi osenimo. 20 Moko kuom jogo gin Humenayo gi Aleksanda, ma aseketo e lwet Satan mondo opuonjre ni kik giyany Nyasaye.
Puonj Kuom Lemo
1 Mokuongo tik tik ajiwo ni, kwayo, lamo, sayo kod goyo erokamano mondo otim ni ji duto, 2 ni ruodhi gi jote-lo duto mondo eka wadag gi kuwe maonge tungni, ka waluoro Nyasaye kendo ka wan jomaler chuth. 3 Mani ber kendo moro Nyasaye Jawarwa, 4 ma dwaro ni ji duto oyud warruok kendo ni ji duto ong'e adiera. 5 Nikech nitie N)asaye achiel gi ng'at achiel ma jakel winjruok e kind Nyasaye gi dhano, ma en Kristo Yesu, 6 ochiwore mi ochulo nengo mar waro ji duto, omiyo mano ne ranyisi mane ochiw e kinde mowinjore. 7 Mano emomiyo ne oyiera kaka jahul wach kendo kaka jaote. Awacho adier, ok ari-ambi, kendo an japuonj wach yie madier ni Ogendini. 8 Adwaro ni chwo e kuonde duto oting' lwetegi maler malo ka gilemo, maonge mirima kata goyo mbaka. 9 Adwaro bende ni mon orwakre gi lewni mowinjore ka gibidhore kendo gir-itore maber, kendo kik gibed gi wich mokadi kata gi rwakruok gi dhahabu gi tigo kata lewni ma nengogi tek, 10 to gibed gi timbe mabeyo mowinjore gi mon ma wacho ni lamo Nyasaye. 11 Ng'ama dhako nyaka puonjre mos koling' kendo koboch chuth. 12 Ok ayie mondo ng'ama dhako opuonji kata obed gi teko ewi ng'ama dichwo; nyaka oling' mos, 1 nikech Adam ema nokuong chwe eka bang'e Hawa. 14 To bende Adam ok emane owuondi, to dhako emane owuon-di, mi odoko jaketho. 15 Kata kamano mon ibiro reso e saa nyuolo nyithindo, ka gisiko e yie kod hera gi ngima maler kendo modimbore.
Jotend Kanisa Gi Jokonygi
1 Ma en wach madiera: Ka ng'ato ang'ata oketo chunye mondo obed jakwadh kanisa to odwaro tich mogen. 2 Jatend kanyakla mar jo-Kristo nyaka bed ng'at ma wach moro amora marach onge kuome chwor dhako achiel kende, ng'at mobidhore, moritore, kendo modimbore, ng'at moluor, mohero rwako welo kendo japuonj molony, 3 ng'at maok ohero kong'o, ng'at maok ger, to owinjore obed ng'at mamuol, ma ok ohero dhawo kendo ma ok ohero pesa. 4 Nyaka obed ng'at morito ode maber kendo nyaka one ni nyithinde winjo wachne gi luor mowinjore. 5 (Ka ng'ato ok nyal rito ode to ere kaka dorit kanisa Nyasaye?) 6 Kik obed ng'at molokore machiegni nono to sunga nyalo make mi opodhi kendo bura loye kaka noloyo jachien. 7 Bende nyaka obed ng'at majoma ok oyie loso kuome maber, mondo kik obadho mar jachien gaje mi opodhi kendo one wichkuot. 8 Kamano bende Jokony kanisa bende nyaka bed joma imiyo luor, joma odim-bore ma ok jomath kongo' kendo joma ok oore gi yudo ohala e yo maok nikare. 9 Nyaka gimak adiera matut mar yie gi chuny maler maonge richo moro amora. 10 Nyaka temgi mokuongo, to ka oyudni onge wach moro marach kuomgi eka mondo yienigi bedo jokony 11 Kamano bende, mondegi nyaka bed joma inyalo miyo luor, kik gibed joma wuoyo marach kuom ji, to owinjore gibed mon moritore kendo majo adiera e weche duto. 12 Jokony kanisa nyaka bed chwor dhako achiel kende kendo nyaka orit nyithinde gi ode maber. 13 Joma osetiyo maber yudo nying maber kendo gibedo gi chir e yie margi kuom Kristo Yesu. 14 Kata obedo ni ageno biro iri mapiyo to andikoni wechegi mag puonj' mondo; 15 kaponi adeko to ing'e kaka ji onego owuothi e dier kanyakla mar jo Nyasaye, ma en Kanisa mar Nyasaye mangima, ma en e siro kendo mise mar adiera. 16 Chutho, mano kaka gii Nyasaye odhiero ng'eyo kendo nigi duong' miwuoro. Nobiro e ringruok, Roho nonyiso ratiro ni oonge ketho, ne onene gi malaike ne oyal wachne e kind ogendini ji ne oyie kuome e piny ngima kendo ne otere malo e duong'.
Puonj Momi Timotheo
1 Roho Maler wacho maler ni jomoko nowe yie e ndalo giko mi ginilu chun-je mawuondo ji kod puonj mayoreyore mag jochiende. 2 Puonj ma kamago aa kuom jomiriambo ma ketore ni gin joma beyo to ok gin, jogo ma chunygi manyiso ni gin joketho osetho, mana ka gima owang' gi nyinyo maliet. 3 Gitamo ji ni kik okendi kendo gichiko ni ji kik cham chiemo moko, ma Nyasaye nochweyo mondo joma oyie kendo ong'eyo adiera okaw gi erokamano. 4 Nikech gik moko duto mane Nyasaye ochweyo beyo, kendo ok owinjore wakwer chiemo moro amora ka wakawe gi erokamano, 5 nikech osepuodhe maler giwach Nyasaye gi lamo. 6 Ka ilero ni Jowete wechegi to ibiro bedo jatich maber mar Kristo Yesu, ka idongori e adiera mar yie gi puonj mabeyo miseluwo. 7 Bed mabor chuth gi sigendni manono mag piny maonge tich kod sigend mon motii; to moloyo tiegri ibed molony e luoro Nyasaye. 8 Nikech kata obedo ni tuke mag rieyo ringruok nigi tiendgi, to luoro Nyasaye nigi gweth mathoth moloyo, e ngima masani kendo e ngima mabiro bende. 9 Ma en wach madiera mowinjore orua-ki chuth, 10 Nikech mano emomiyo wanyagore gi tich matek kendo waledo, mondo waket genowa kuom Nyasaye mangima, ma en Jawar mar ji duto, to moloyo ni joma oyie. 11 Chik kendo puonj gigi. 12 Kik iyie ng'ato ang'ata chayi nikech pod itin, to bed ranyisi ni joma oyie kuom weche miwacho, gi gik mitimo, kod hera kendo kuom yie kod ngima maler. 13 Ket chunyi kuom somo ni ji Ndiko, kendo kuom jiwo ji kendo puonjo ji nyaka chopi abi. 14 Kik ijwang' michni mane omiyi kaka nokor kuomi chieng' mane jodongo oketo lwet-gi kuomi. 15 Tim gigi gi chunyi duto, kichiwori chuth mar neno ni gitimore mondo ji duto one kaka imedo dhiyo nyime e yore duto. 16 Rit ngimani gi puonj ni maber. Tim sinani kodgi mak iweyo, nikech ka itimo kamano eka inires ngimani iwuon kaachiel gi joma winji.
Ng'ado Rieko Kuom Mond Liete, Jodongo Gi Wasumbini
1 Kik ikwer ng'ama duong' gi dwol makwiny, to wuo kode mamuol gilu-or mana kaka wuonu monywoli. Kaw yawuowi matindo kaka omineni, 2 to mon madongo kaw kaka mineni, kendo mon matindo kaw kaka nyimineni, e yo maler chutho. 3 Nyaka ipar mond liete modong' kend-gi ma adiera dwaro tony. 4 To ka chi liel nigi nyithindo kata nyikwayo to mondo gipuonjre keto lemogi e tich kuom rito jo-odgi ka gikonyo jonyuolgi gi kweregi kod deyegi, nikech timo kamano long'o ni Nyasaye. 5 Chi liel madwaro kony adier kendo man kende keto genone duto kuom Nyasaye, kendo osiko olamo odiechieng' gotieno kokwayo Nyasaye mondo okonye. 6 To chi liel mohero raha, osetho kata obedo ni pod ongima. 7 Puonj ji puonjgi bende, mondo kik ng'ato obed gi achaya. 8 Ka ng'ato ok orito wedene, to moloyo ka ok orito joode owuon, to osekwedo yie marwa, kendo orach moloyo japiny. 9 Chi liel moro amora ok nyal ndik nyinge kama indike nying mond liete ka hike ok oloyo higini piero auchiel, to bende nyaka obed nine osekende gi dichwo achiel kende, 10 kendo ong'eye kuom timbege mabeyo kaka oserito nyithindo e yo mowinjore kendo osebedo kohero rwako welo e ode, kendo osebedo ka olwoko tiend jomaler kendo ka okonyo joma nie chandrouk, kochiwore chuth ni timo gik mabeyo duto. 11 Mond liete mapod tindo kik indik nyinggi e kwenono. Nikech ka ringregi oewogi gi gombo to giweyo Kristo ka gimanyo chwo mondo okendgi. 12 Kuom mano gikelo kum kuomgi giwegi, nikech giseketho singruokgi mokuongo. 13 To bende, githoro bedo gi ngima mar samuoyo, ka gibayo abaya e ute ji koni gi koni. Ok gibed mana jo samuoyo kende, to jokuoth bende kagi chuogore e weche ji mamoko kendo ka giwuoyo e weche maok onego giwuoye. 14 Kuom mano daher mondo mond liete matindo okendi, mondo ginywol nyithindo, kendo mondo girit utegi mondo kik gimii jasigu thuolo mar ketho nying joma oyie. 15 Chutho, moko odok chien mi koro giluwo Satan. 16 To ka dhako moyie nigi mond liete e ode, onego okonygi en owuon mondo kik kanisa bed gi ting' mapek mar ritogi, mondo omi kanisa okony mond liete mamoko man kendgi chuth maonge ng'ama nyalo konyogi. 17 Jodong kanisa morito weche mag kanisa onego par nyadiriyo, moloyo to mago ma tichgi en yalo kod puonjo. 18 Nikech Ndiko owacho ni, "Kik itwe dho dhiang' kayuayo lodi ma idinogo cham," kendo ni, "Jatich ber gi misache." 19 Kik iyie gi ketho modonjnego jaduong' kanisa ka onge joneno ariyo kata adek. 20 Joma osiko timo richo nyaka kwer ratiro e nyim ji mondo eka jomamoko obed maluor. 21 Achiki e nyim Nyasaye kendo e nyim Kristo Yesu, kaachiel gi malaika moyier, ni mondo ilu puonjgi adimba ma ok idewo wang' ng'ato kendo ma ok idok kor ng'ato kayiem. 22 Kik irikni yieyo lwedo kuom ji, kendo kik iriwri e richo ji mamoko. Ritri mondo ngimani osik kaler. 23 We modho pi kende, to konyri gi divai matin nikech iyi kod tuochegi mosiko. 24 Richo mag jomoko ong'ong'ore kendo otelo nyimgi ka terogi e bura to richo jomoko to opondo kendo luwo bang'gi. 25 Mano bende e kaka tim ng'ato makare bende ong'ong'ore, kendo kata mana mago motimo mopondo ok nyal pondo.
1 Jogo duto manie bwo loch mar misumba onego omi jotendgi luor mowinjore kodgi mondo eka nying Nyasaye kod puonj mwapuonjo kik yany. 2 Jogo man gi ruodhi moyie bende kik nyisgi kit achaya moro amora nikech gin jowete kuom Kristo. Kar timo kamano to owinjore giti nigi maber moloyo, nikech jogo ma yudo ohala e tich-gi gin owete kuom Kristo ma gihero. Magi e gik manyaka ipuonj ji kijiwogi matek.
Hero Pesa
3 Ka ng'ato ang'ata opuonjou gima opogore kendo ok winjre gi puonj matir mag Ruodhwa Yesu Kristo kendo mamiyo ji luoro Nyasaye, 4 to ng'euru ni ng'at ma kamano wuondore kende owuon kendo onge gima ong'eyo. Ng'at ma kamano oore gi mino wach kendo gi goyo mbaka manono makelo nyiego, gi dhawo, gi kuoth, kod chich maricho; %od miero ma ok rum e kind joma pachgi osekethore kendo ma adiera oselalnigi. Giparo ni lamo Nyasaye kata bedo jadin en yor yudo mwandu. 6 To geno Nyasaye gi chuny modhil en ohala maduong'. 7 Nimar onge gima ne wakelo e pinyni kendo onge gima wabiro kawo waago. 8 Omiyo ka wan-gi chiemo kod lewni to mago mondo oromwa. 9 Joma gombo mondo obed gi mwandu thoro nwango' tem kendo gimoko e obad-ho kuom gik mofuwo mange'ny kod gombo mathoth mahinyo kendo tieko dhano chuth. 10 Nikech hero pesa e chakruok mar kit richo duto. Jomoko ma chunygi osegedo e yore mag yudo pesa oseweyo yie mi gichwowo chunygi giwe-gi gi masiche mathoth.
Jip Mar Paulo Ni Timotheo
11 To in, ng'at Nyasaye, pogri gi mago duto kendo tim kinda kiwuotho e ngima makare kendo moluoro Nyasaye, e yie kod hera kendo kitimo kinda gi bedo mamuol. 12 Ked lweny maber mar yie, kendo mak matek wach ngima mochwere mane oluongine chieng' mane itimo neno maber e nyim joneno mathoth. 13 E nyim Nyasaye ma miyo gik moko duto ngima, kendo e nyim Kristo Yesu ma notimo neno maber ka ne owuoyo e nyim Pontio Pilato, achiki ni 14 mondo irit Chik ni ma ok iketho kata rem nyaka chop Ruodhwa Yesu Kristo fwenyre 15 ma Nyasaye nokel e kinde mochano owuon; Nyasaye mipako, ma en wuon Loch makende, kendo ma en Jaloch mar joloch kendo Ruoth mar ruodhi; 16 Jal ma ok tho kendo modak e ler ma dhano ok nyal ng'iyo tir; kendo Jal ma onge ng'ama oseneno kata manyalo neno. Duong' gi loch duto odogne nyaka chieng'. Amin. 17 Nyis joma nigi mwandu e pinyni mondo kik gibed jong'ayi kendo mondo kik giket genogi kuom mwandu mabiro leny nono to mondo giket genogi kuom Nyasaye mamiyowa gik moko duto mabup mondo wabedgo mamor. 18 Chikgi mondo gitim maber, ka gipong' gi timbe mabeyo kendo mondo gibed mang'won ka giikore pogo ni ji mochando gik ma gin-go. 19 Ka gitimo kamano to gibiro kano mwandu ni gin giwegi, kendo mano nodoknigi mise motegno e ndalo mabiro, mondo eka gibed gi ngima madiera man gi tiende. 20 Timotheo, rit maber gima oseketi e lweti mondo iriti. Pogri gi mbekni manono mag piny gi gwenyo wach ma ji okawo ni rieko to ok gin rieko. 21 jomoko osekaworego ni gin gi rieko kendo kuom timo mano gise bayo gia kuom yie. Ng'wono obed kodu.
1 An Paulo jaote mar Kristo Yesu kuom dwaro mar Nyasaye, kaluwore gi singo mar ngima man kuom Kristo Yesu, 2 ni Timotheo nyathina mahero, Ng'wono gi kech kod kuwe moa kuom Nyasaye Wuoro kod Kristo Yesu Ruodhwa.
Jip Mondo Obed Jadiera
3 Agoyo erokamano ni Nyasaye ma atiyone gi chuny maler maonge bura, mana kaka kwerena bende notiyone, ka apari odiechieng' gotieno e lemona mapile. 4 An ka aparo kaka pi wang'i ne chwer to agombo neni ahinya mondo abed gi mor mogundho. 5 Oseparna kuom yieni maratiro, mane okuongo ne ni ei Lois dani gi Yunis minu. Ang'eyo kendo aonge kiawa ni in bende yieno ni e iyi bende. 6 Mano emomiyo ajiwi mondo ichier mich main-go mane Nyasaye omiyi chieng' mane aketo lweta kuomi. 7 Nikech Nyasaye ne ok omiyowa chuny mar bedo ngoche to nomiyowa chuny mar bedo gi teko, gi hera kod ritruok. 8 Kuom mano kik wiyi kuodi kuom timo nend Ruodhwa kata nenda an ng'ate motue. Kar timo kamano to yie mondo osandi koda nikech Wach Maber, kuom teko mar Nyasaye, 9 ma nowarowa kendo noluongowa mondo wadag e ngima maler. Mani ok nikech wasetimone gimoro maber to nikech dwarone owuon kendo kuom ng'wonone. Ne omiyowa ng'wononi kuom Kristo Yesu kane piny pok obetie, 10 to sani koro ose-fwenynwago kuom biro mar Jawarwa, Kristo Yesu. En ema osetieko tho mi okelo ngima kod ngima mak rum e ler kuom wach maber. 11 Ne oyiera mondo abed jalendo kendo jaote gi japuonj mar Wach Maberni. 12 Mano emomiyo isanda kama. To wiya ok kuodi, nikech ang'eyo Jal ma aseyie kuome, kendo ang'eyo chutho ni onyalo rito ngimana gi chunya ma asechiwone nyaka ndalo nogono. 13 Mano mane i winjo kuoma, ritgi kaka ranyisi mar puonj maber, kod yie gi hera manie Kristo Yesu. 14 Rit mwandu maber mosemiyi, kirite gi teko mar Roho Maler modak e iwa. 15 Ing'eyo ni ji duto ma noa e piny Asia oseweya, koda ka Fugelo gi Hermogene. 16 Mad Nyasaye kech jood Onesiforo nikech nosiko kokonyo chunya kendo wiye ne ok okuot kod nyoroche-ga. 17 To ne omanya matek nyaka onwang'a kane obiro Rumi ka. 18 Alamo mondo Ruoth okeche e odiechieng'no mar Ruoth. Ing'eyo maber kaka nokonya e yore mang'eny e Efeso kuno.
1 To in, Wuoda, bed motegno kuom ng'wono manie Kristo Yesu. 2 Gigo mane iwinjo ka apuonjo e nyim joneno mathoth keti e lwet joma inyalo geno, manyalo puonjo jomamoko bende. 3 Bed modhil e chandruok kaachiel kodwa kaka jalweny maber mar Kristo Yesu. 4 Onge jalweny ma duodore gi weche mag dala nimar odwaro mondo obed malong'o kowinjo jatende ma chike. 5 Kamano bende e kaka jang'wech mapiem e ng'wech ok nyal yudo mich mar jaloch ka ok oringo ka-luwore gi chike moketi. 6 Japur matiyo matek bende ema owinjore okuong obil nyak mar cham. 7 Par matut kuom gima awacho. Ruoth biro miyi rieko mar winjo tiend weche duto. 8 Par Yesu Kristo mane ochier oa kuom joma otho kendo mane oa e anyuo-la mar Daudi. Ma e wach Maber mayalo, 9 momiyo isanda kendo momiyo orida gi nyororo ka gima an jamahundu. To wach Nyasaye ok otwe gi nyororo. 10 Omiyo adhil kuom duto nikech adwaro ni joma Nyasaye oyiero bende oyudie warruok miyudo kuom Kristo Yesu, kendo makelo duong' mochwere. 11 Ma eri e wach madier ka wasetho kode, to wanabed mangima kode bende; 12 ka watimo kinda, to wana loch kode bende, ka wakwede, to nokwedwa en bende; 13 ka waonge gi yie to pod en mana jaadiera nikech ok onyal kwedore owuon.
Jatich Ma Nyasaye Oyiego
14 Med paro nigi kisiemogi e nyim Nyasaye ni giwe dhawo kuom weche maonge ohala ma ketho mana chuny joma winjogi. 15 Tem matek kaka inyalo mondo, ichiwri ni Nyasaye kaka jal miyiego kaka jatich ma wiye ok kuodi, ma puonjo kare Wach mar adiera. 16 Pogri kod mbekni mag oyuma manono mag piny nikech jok moketo chunygi e gik makamago medo bedo mabor moloyo gi Nyasaye. 17 Puonj jogo biro landore ka adhola ma landore. Achiel kuomgi gin Humenayo gi Fileto, 18 ma osebayo yoo moweyo adiera. Giseweyo adiera ka gipuonjo ni chier osetimore, kendo giketho yie mar ji moko. 19 Kata kamano mise mongirore mar Nyasaye ochung' motegno kendo ondikie ndiko ma ok ruchre mawacho ni, "Ruoth ong'eyo joge", kendo ni, "Ng'ato ka ng'ato maluongo nying Ruoth nyaka pogre gi timbe maricho." 20 E ot maduong' ok nitie gige tedo molos gi dhahabu kata kende, to moko bende olosi gi bao kata lowo. Moko itiyogo tije mogen, to moko itiyogo tije atija. 21 Ka ng'ato opwodhore oa e puonj mochido to enobed kaka gir tich mitiyogo tije mogen. 22 Enodok ng'at maler ma Ruoth oyiego kaka jatichne makare kendo moikore tiyo tich moro amora maber. —Ring iwe gombo maricho mag jomatindo. Ket chunyi mar luwo ngima maler, gi yie, gi hera, kod kwe, ka achiel gi joma lamo Nyasaye gi chuny maler. 23 Pogri chuth gi mino wach mofuwo maonge rieko, king'eyo ni gikelo dhawo. 24 To jatich Ruoth ok owinjore bed jad-haw, to onego obed mang'won gi ji duto kendo onego obed japuonj molony mahore mos. 25 Joma dagi puonjne nyaka orie gi muolo, ka en gi geno ni Nyasaye nyalo miyogi thuolo mar lokruok mi ging'e adiera, 26 kendo kogeno ni pachgi nyalo yawore mi gitony gia e obadho mar Jachien moseketogi e twech mar timo dwarone.
Rem Luoro Nyasaye E Ndalo Giko
1 To ng'e malong'o ni kinde mag chandruok nobedie e ndalo giko. 2 Ji nobed koherore kendgi kendo kohero pesa. Ginibed josunga, jong'ayi, jomayanyo ji, joma ok winj jonywolgi, joma ok go erokamano, kendo joma ok ler, 3 jogi nobed joma onge hera maok we ni ji richogi, ma ketho nying ji; maok ritre, jomahundu, kendo joma ok ohero ber, 4 ginibed andhoke, joma mwomore, joma okuot gi sunga, joma ohero mor moloyo Nyasaye, 5 gi nenore ka joma olu-oro Nyasaye to ngimagi kwedo teko mare. Pogri chuth gi joma kamago. 6 Joma kamago ema thurore e miech ji kendo gihoyo mon ma pachgi yomyom mogangore gi kit richo mayoreyore kendo ma gombo maricho rundo pachgi koni gi koni, 7 mon makamagi oikore mar winjo puonj to kata kamano ok ginyal chopo e okang' mar rwako adiera. 8 Mana kaka Janes gi Jambres nokedo gi Musa e kaka jogi bende kedo gi adiera, joma pachgi osekethore kendo jogo ma osek-wedi kaluwore gi yie. 9 To ok ginidhi mabor nikech fupgi biro nenore ni ji duto mana kaka notimore ni jogo.
Chik Ma Paulo Omiyo Timotheo
10 In, to kata kamano ing'eyo puonj na duto, gi kit ngimana, kod gik machano timo e ngimana; gi yie mara, gi kindana, kod herana, gi dhilna, 11 kod sand gi chandruok mara, gik moko duto mane otimorena Antiokia gi Ikonio kod Lustra, kaka ne adhil e sand mager! To Ruoth noresa kuom sandgo duto. 12 Chutho, ochunore ni ng'ato ang'ata madwaro dak e ngima maler moluoro Nyasaye ka en e achiel gi Kristo Yesu, nyaka ne sand, 13 kata kamano, joma richo kod joma keto korgi to biro medo bedo joma richo moloyo, ka gidhi nyime gi wuondo ji kendo ji bende wuondogi. 14 In to nyaka idhi nyime kimako gik misepuonjori kendo ming'eyo ni adier chuth, nikech ing'eyo kit ngima joma nopuonji, 15 bende nikech nyaka a e tinni isebedo king'eyo weche manie Muma Maler ma nyalo miyo ibed mariek e warruok kuom yie kuom Kristo Yesu. 16 Weche duto manie Muma oa kuom much N)asaye kendo konyo kuom puonjo ji, kendo kuom kwero gik maricho, kendo kuom rieyo ji, kendo kuom tiego ji mondo obed joma kare, 17 mondo ng'at Nyasaye obed molony chuth ni tich moro amora maber.
1 E nyim Nyasaye kendo e nyim Kristo Yesu mabiro ng'ado bura ni joma ngima gi joma otho, kendo nikech obiro duogo, gi Pinyruodhe, amiyi chik ni: 2 Yal Wach. Ikri mar timo mano kinde duto, kata piny rach kata piny ber, kuom rieyo ji, kuom kwero ji, kendo kuom jiwo ji gi kinda duto, kilero ni ji tiend weche adimba. 3 Nikech ndalo biro chopo ma ji ok nodwar chiko itgi ni puonj madier. Makmana giniluw puonj mamit mar dwachgi giwegi kendo ginichok to jopuonj mathoth mondo onyisgi gik ma itgi masakni gombo winjo. 4 Ginitamre winjo adiera ka gi chiko itgi ni sigendini manono. 5 In to nyaka ine ni iritori kinde duto; kidhil e chandruok kendo kitimo tiji kaka jaland wach. Tim tijegi duto monego itim kaka jatich Nyasaye. 6 An to sana osechopo michiwae kaka misango miolo oko, sana mar ae pinyni osechopo. 7 Asekedo lweny maber, aseringo mi atieko ng'wech, aserito yie 8 Sani koro okanna osimbo mar ngima makare, ma Ruoth, ma en jang'ad bura makare, biro sidhona e odiechieng'no. Ok an kenda ema nomiyago, to nomi ji duto mosebedo ka geno duoke.
Weche Paulo Owuon
9 Tem matek mondo ibi ira piyo, 10 nikech Demas oseringo oweya kenda, nikech nohero piny masani, modhi Thesalonika. Kreske to osedhi Galatia, kendo Tito osedhi Dalmatia. nLuka kende ema nikoda ka. Many Mariko mondo ibi kode ira, nikech okonya e tija mar Wach Maber. 12 Tukiko to aseoro Efeso. 13 Ka ibiro to ikelna koda mane aweyo ir Karpo e dala mar Troa, kod kitepega, to moloyo mago molos gi pien. 14 Aleksanda ma jatheth muia noti-mona malit ndi. Ruoth owuon nochule kuom gik mosetimo. 15 In bende tang'ne, nikech okwedo puonjwa gi tekre duto. 16 Kane oyala mokuongo, onge ng'ama nodok jakora, to ji duto noweya. Mad Nyasaye kik ket richoni e wigi! 17 To Ruoth nochung' batha momiya teko, mi ne ayudo teko mar dhi nyime gi lando wach nyaka chop ogendini duto winje. Noresa bende e dho sibuor. 18 Omiyo ang'eyo ni Ruoth pod biro resa kuom gimoro amora marach mad-waro hinya nyaka chop atundi e Pinyruodhe mar polo. En ema mondo oyud duong' mosiko nyaka chieng'. Amin.
Mos Mogik
19 Mosna Priskila gi Akula, kod jood Onesiforo. 20 Erasto nodong' Korintho to Trofimo to naweyo ka tuo Mileto. 21 Tem matek mondo ichop ira ku kapok ndalo ng'ich ochopo. Yubulo omosi. Pude gi Lino kod Klaudia, kaachiel gi jowete duto bende jomosi. 22 Mad Ruoth rit chunyi. Ng'wono mondo obed kodi.
1 An Paulo ma jatich Nyasaye kendo ma jaote Yesu Kristo nikech yie mar joma Nyasaye oyiero kod ng'eyo mar adieri makelo luoro Nyasaye, 2 yie kod ng'eyo ma otenore kuom geno mar yudo ngima mochwere, ma Nyasaye maok riambi nosingo kapok ndalo obetie, 3 bende ka kinde mane ochano ochopo nomiyo wachne ofwenyore e ler kuom tij lando wach mane oket e lwete kuom chik mane Nyasaye ma Jawarwa ogolo. 4 Ne Tito wuoda maradier kuom yie moriwowa e achiel, ng'wono gi kuwe moa kuom Nyasaye Wuoro kod Kristo Yesu Jawarwa obed kodi
Tich Momi Tito
5 Gimomiyo ne aweyi Krete ne en ni mondo irie gik moko mane odong' kapok atieko, kendo mondo iyier jodong kanisa e dala ka dala, kaka ne achiki ni itim. 6 Jaduong' kanisa nyaka bed ng'at ma wach moro amora marach onge kuome, kendo ma jadhako achiel, kendo ma nyithinde oyie kendo maok nyal kwan kaka nyithindo ma achach kendo ma wigi tek. 7 Nikech Jatend Kanyakla mar jo-Kristo en jarit tich Nyasaye, nyaka obed ng'at ma wach moro amora marach onge kuome. Kik obed ng'at ma ochayo ji kata ma mirimbe liet, kata ma ohero kong'o, kata ma ohero goruok, kata ma yudo mwandu e yor miriambo. 8 To nyaka obed ng'at mohero rwako welo kendo mohero gigo mabeyo, nyaka obed ng'at ma pache ler, mohero adiera kendo moluoro Nyasaye; kendo moritore. 9 Nyaka omak motegno puonj migeno, mana kaka osepuonje e kinde motelo, mondo eka jiw joma moko gi puonj madier kendo okwer joma kwedo puonjno. 10 Nikech nitie ji mang'eny ma jong'anyo, ma gin mana jothor wach kendo jo wuond ji, to moloyo jogo moter nyangu ma gin jo-Yahudi moyie. 11 Jogi nyaka kwer mondo oling', nikech giketho mier mang'eny ka gipuonjo gik maok owinjore gipuonji; kendo gitimo kamano mana mondo giyudie ohala maok nikare. 12 Kata mana janabi moro ma margi owuon osewacho niya, jo-krete riambo kinde duto, ondiegi malich ma timbegi richo kendo gin jowuoro mabudho abudha." 13 Wach janabigini en adier. Omiyo kwergi matek mondo eka gibed gi yie maradier, 14 kendo mondo kik gichik itgi ni sigendni mag jo-Yahudi kata ni chike mag joma odagi adiera. 15 Gik moko duto ler mana ni joma ler, to kuom joma okethore maok oyie to onge gima ler. Chutho, pachgi kaachiel gi chunygi monego onyisgi kethogi osetho. 16 Giwacho ni ging'eyo Nyasaye to gikwedo Nyasaye nogo gi timbegi manono. Gin acheje ma wigi tek kendo ok ginyal timo gimoro amora maber.
Gik Monego Puonji Ne Kidienje Mopogore Pogore
1 Nyaka ipuonj weche mowinjore gi puonj ma adiera. 2 Puonj joma chwo madongo mondo obed joma obidhore, maok ohero oyuma, kendo moritore, bende man-gi yie madier kendo gi hera kod kinda. 3 Kamano bende puonj mon madongo mondo odag e ngima mar luor to ok joma ketho nying ji, kata joma madho kong'o orundo, to nyaka gipuonj gik mabeyo. 4 Bang'e eka ginyalo tiego mon matindo kaka onego giher chwogi gi nyithindgi; %endo eka ginyalo ritore ka gidak e ngima maler kendo ka gidich e utegi. Nyaka gibed mon mang'won kendo ka gin e bwo loch mar chwogi, mondo eka ng'ato kik yud thuolo mar chayo wach Nyasaye. 6 Kamano bende onego ijiw yawuowi bende mondo oritre. 7 Bednigi ranyisi e yore duto kitimo gik mabeyo. Kipuonjo to nyis ni in ng'ama ngimane oriere tir kendo ma ok dwar oyuma, 8 wecheni obed weche mowinjore ma ng'ato ok nyal chayo, mondo joma ok oyie kodi wigi okuodi nikech gionge gimoro amora marach ma ginyalo wacho kuomwa. 9 Puonj wasumbini mondo owinj ruodhi maggi e weche duto, kendo gitem tim-onigi mana gik malong'o maok gid-wokere kodgi, 10 kata kik gikwal gigegi, to ginyisre ni gin joma inyalo geno e weche duto mondo omi e yore duto ginimi puonj mar Nyasaye Jawarwa oywa ji. 11 Nikech ng'wono mar Nyasaye makelo warruok osefwenyore ni ji duto. 12 Ng'wonono puonjowa mondo wawach ni "Wadagi" ne timbe maricho kod gombo maricho mag piny, kendo mondo wadagi e ngima moritore, e ngima makare kendo mamiyo Nyasaye duong' e kindeni, 13 kapod warito geno mogwedhi ma en fwenyruok man gi duong' mar Nyasacha maduong' kod Jawarwa, Yesu Kristo, 14 mane ochiworenwa mondo oreswa wawe timbe maricho kendo mondo opwodh ni en owuon joma owinjore bedo joge, moikore timo gik mabeyo. 15 Koro magi e gik monego ipuonji. Jiw ji kendo ikwergi gi teko duto. Kik iwene ng'ato thuolo mondo ochayi.
Timo Timbe Mabeyo
1 Par niji mondo obed moboch e bwo joma nigi loch kod joma nigi teko. Nyisgi mondo giwinj chik kendo mondo gibed moikore ni timo gimoro amora maber, 2 kik giketh nying ng'ato ang'ata, gibed joma ohero kuwe, kendo ma paro mar konyo jowetegi, ka ginyiso muolo madier niji duto. 3 Nikech kata wan bende chon ne wan joma ofuwo maok winj wach kendo ne wan joma owuondi mane nie twech mar kit gombo gi mor ma yoreyore mag ringruok. Ngimawa mapile nopong' gi ichlit gi nyiego; ne gimon kodwa to wan bende wamon e kindwa. 4 To ka kech kod hera mar Nyasaye ma Jawarwa nofwenyore to nowarowa, 5 ok nikech tim moro makare mane wasetimo, to nikech kechne. Nowarowa kane olwokowa gi lwok mar nyuol manyien, kendo kane Roho Maler olokowa joma nyien, 6 Roho manoolonwa mogundho, kuom Yesu Kristo ma Jawarwa, 7 mondo ka oseketwa kare kuom ng'wonone to wabed jocham mwandune, ka wan gi geno mar yudo ngima mochwere. 8 Ma en wach madiera. Kendo adwaro ni ijiw wechegi mondo joma oseketo genogi kuom Nyasaye otang' mondo gichiwre mar timo gik mabeyo. Gigi gin gik malong'o chuth, kendo kelo konyruok niji duto. 9 To pogri gi mbekni mofuwo gi sigendni mag nonro anywola, gi mino wach kod dhawo kuom weche mag chike, nikech gik ma kamago ok kel konyruok kendo gionge tich. 10 Siem ng'at makelo pogruok dichiel, kendo tim kamano mar ariyo. Bang' sieme diriyo to pogri kode chuth. 11 Bed king'eyo gadiera ni ng'ama kamano en Jaricho ma pache okethore. En ng'ama ketho kong'eyo.
Weche Mogik
12 Kaka aseoro Artema kata Tukiko iri, to item matek mondo ibi ira piyo Nikopoli, nikech asechano mar bet kuno kinde koyo. 13 Tim duto minyalo mondo ikony Zena ma okil kod Apolo e wuodhgi, kendo ne ni giyudo gik moko duto ma girdwaro. 14 Jowa nyaka puonj re keto chunygi kuom timo gik mabeyo, mondo eka giyud gik ma gikonyorego e ngimagi mapile kendo kik gidag ngima maok kel konyruok. 15 Ji duto man koda ooroni mos. Mosnwa joma oherowa kuom yie. Ng'wono obed kodu uduto.
1 An Paulo ng'at rnotuc nikech Kristo Yesu kod Timotheo owadwa, ne in osiepwa ma wageno kendo jatich wadwa Filemon, 2 kaachiel gi nyamin-wa Ana gi Arkipo jalweny wadwa, kod Kanisa malemo e odi. 3 Ng'wono kod kuwe moa kuom Nyasaye Wuonwa kod Ruoth Yesu Kristo obed kodu.
Erokamano Kod Lamo
4 Agoyo ni Nyasacha erokamano pile ka aluongo nyingi e lemona, 5 nikech awinjo kuom yie ma in-go kuom Ruoth Yesu, kendo kuom hera miherogo jomaler duto. 6 Alemoni ni mondo iland yie ma in-go motegno, mondo eka ibed gi ng'eyo matut kuom gik mabeyo duto ma wan-go ei Kristo. 7 Hera ma in-go osemiya mor maduong' kendo osejiwa, nikech in, owadwa mahero, iseduogo chunje jomaler .
Paulo Kwayo Ne Onesimo
8 Kuom mano, kata obedo ni kuom Kristo ne anyalo bedo gi chir mar chiki mondo itim gima onego itim, 9 to koro asayi mondo itim kamano nikech hera. Koro an Paulo awuon, jaduong' moti, kendo motue nikech wach Kristo Yesu, 10 akwayi kuom wach wuoda Onesimo mane odoko wuoda ka an e twech. 11 Onesimo yandi chon onge ohala kuomi to sani koro okelo konyruok maduong' ne in kaachiel kod an bende. 12 Aduoge iri kendo, kata obedo ni chunya ogene ahinya. 13 Dahero bedo kode ka mondo okonya kari ka pod otueya gi nyororo nikech Wach Maber. 14 To ne ok adwar timo kode gimoro amora ka ok in ema iyie, mondo tim ng'wono moro amora mitimo kik bed gima ochun, to obed gima itimo nikech ihero. 15 Nyalo bet ni Onesimo nowuok iri kuom kinde machwok mondo eka iyud thuolo mar kawe chuth bang'e, 16 ok kaka misumba to kaka owadu migeno ma en ng'at moloyo misumba. En ohala ne an, to ang'eyo ni en ohala moloyo ne in bende, ok mana kaka ng'ato ang'ata, to kaka owadu kuom Ruoth. 17 Omiyo ka inyalo kwana kaka ng'ama ni kodi e achiel to rwake mana kaka dirwaka. 18 Kapo ni osetimoni marach, kata ka en-gi gopi moro to kwan-gi e wiya. 19 Andikoni baruani gi lweta awuon an Paulo, ka anyisi ni abiro chuli, kata ka ok aparoni in kod gopa ma en ngimani owuon. 20 Gima agombo maduong', owadwa, en ni mondo iyie itimna ng'wono kuom Ruoth, kiduogo chunya kuom Kristo. 21 Nikech ang'eyo maber ni iwinjo wach, andikoni ka an gadiera ni ibiro timona maber moloyo kaka akwayi. 22 Kwayo machielo ma an-go en ni mondo ilosna kar nindo, nikech an-gi geno ni ibiro gonya mana kaka usebedo kulamo. 23 Epafras motue koda kaachiel nikech wach Kristo Yesu ooronu mos. 24 Mariko bende omosou kaachiel gi Aristako gi Demas kod Luka, ma gin jotich wetena. 25 Ng'wono mar Ruoth Yesu Kristo mondo obed kod chunyi.
Wuowi Duong' Moloyo Malaike
1 Kinde machon N)asaye nowuoyo gi kwerewa e yore mang'eny kendo mopogore opogDre, kokonyore gi jonabi, 2 to e ndalo mogikgi osewuoyo kodwa kokonyore gi Wuode owuon. Wuodeno ema oseketo mwandune duto e lwete, kendo en ema nochweyo gik moko duto kuome. 3 Wuowi ema rieny gi duong' maler mar Nyasaye, kendo en e kit Nyasaye hie, momako gik moko duto gi wachne man gi teko. Kane oseloso yor pwodhruok e richo to nobet piny e polo, e bat korachwich mar N)asaye Maduong', moloyo duto. 4 Kuom mano, nobedo gi duong' moloyo malaike mana kaka nying mane omiye bende nigi duong' moloyo margi. 5 Koso gin malaike mage mane Nyasaye onyiso ni, "In Wuoda; kawuono asedoko Wuoru? Kata ni, "Anabed Wuon-gi to en nobed Wuoda? 6 To bende, ka Nyasaye kelo Wuode makayo e piny to owacho ni, "Malaike duto mag Nyasaye mondo oiame." 7 Kowuoyo kuom malaike to owacho ni, "Oloko malaikene doko yembe, jotichne oloko ligek mach." 8 To kuom Wuowi to owuoye ni, "Lochni nosik nyaka chieng', Aa Nyasaye, kendo tim makare ema noting' malo e Pinyruodhi. 9 Isehero tim makare to imon gi timbe maricho; emomiyo Nyasaye ma Nyasachi oseting'i malo moyombo jowadu duto nikech osewiri gi mo mamiyi mor. 10 Kamachielo bende owachoe ni, "Aa Ruoth, in ema nichweyo piny kar chakruok kendo polo bende en tij lweteni. 11 Gin ginilal, to In isiko, giduto giniti kaka law ti. 12 Iniban-gi giduto kaka ibano kandho, kendo nolokgi mana kaka iloko nanga. In to isiko ichalri mana kaka in. Kendo hiki ok norum." 13 Koso gin malaike mage ma Nyasaye nonyiso ni, "Bed e bada ma korachwich, nyaka chop aket wasiki duto obed e raten tien-di?" 14 Donge malaike duto gin chunje ma Nyasaye oketo mondo oti ne joma Nyasaye biro reso?
Siem Kuom Keto Chuny
1 Mano emomiyo nyaka wamak matek adiera duto mwasewinjo mondo kik waba yo. 2 Nikech ka weche mane malaike owuoyoe ne gin weche migeno, kendo ng'ato ang'ata mane ok oluwo kata orito-gi noyudo kum mowinjore gi timne, 3 koro wan to dwatony nade ka wajwang'o warruok maduong' kama? Wach war-ruokni Ruoth owuon ema nokuongo olando eka bang'e joma nowinjo wach warruokno nosironwa wechego ni gin adier. 4 Nyasaye bende notimo nende kuom wachno kotimo ranyisi gi timbe miwuro kod honni mopogore opogore, kendo kuom chiwo mich mag Roho Maler mane opogo ne ji kaka en owuon odwaro.
Yesu Ochalo Gi Owetene
5 Malaike ok ema Nyasaye osemiyo teko mar bedo gi loch e piny mabiro. 6 To en mana kaka ng'ato ose wuoyo kamoro ni: "Dhano to en ang'o momiyo iketo pachi kuome, koso wuod dhano to en ng'a momiyo isiko idewe? 7 "Ne idwoke piny moloyo malaike to koro isesidhone osimbo mar duong' kod luor; 8 kendo iseketo gik moko duto e bwo tiende." Ka Nyasaye noketo gik moko duto e bwo lochne to onge gima noweyo oko. To kata kamano sani pod ok wane ka gik moko duto nie bwo lochne. 9 To waneno mana Yesu mane odwok piny moloyo malaike, ma koro sani osidhne osimbo mar duong' kod luor, nikech noneno lit mar tho. Yesu nobilo tho ne wan duto kuom ng'wono mar Nyasaye. 10 Ne en gima kare mondo Nyasaye ma nochweyo kendo morito gik moko duto oket jachak warruok margi kare chuth e yor sandruok, mondo eka okel nyithi Nyasaye duto oyud pok mar duong'ne. 11 Jal mamiyo ji bedo maler, kaachiel giji duto moseloki odoko joma ler, gin joot achiel. Kuom mano Yesu ok oluor mar luongogi ni jowetene, 12 owacho ni, "Abiro hulo nyingi ne owetena; abiro paki gi wer e dier chokruok. 13 Owacho kendo ni, "Abiro keto genona kuome." To bende owacho ni, "Eri an ka, kaachiel gi nyithindo ma Nyasaye osemiya." 14 To kaka nyithindo nigi ringruok gi remo e kaka en bende nokawo kidono, mondo kuom thone oketh teko marjal man-gi teko mar tho, ma en Jachien, 15 eka mondo ogony ji duto ma luoro mar tho oloko wasumbini. 16 Nikech, ka kuom adier, ok okony malaike, to nyikwa Ibrahim ema okonyo. 17 Mano emomiyo ne nyaka kete ochal gij owetene e yore duto, mondo eka obed jadolo maduong' ma jakech kendo ma jaadiera matiyo e nyim Nyasaye, kotimo misango migologo richo mag ji. 18 Kaka en owuon nosande kendo nokadho e bwo tembe, en gi teko mar lonyo joma itemo.
Yesu Duong' Moloyo Musa
1 Emomiyo, owetena maler kendo ma oseluongi gi luong mar polo, keturu pachu duto kuom Yesu, ma en Jaote kendo jadolo Maduong' mar yie mwahu-lo. 2 Notiyo tich mane okete mondo otim gadiera, mana kaka Musa bende notiyo tichne gadiera e od Nyasaye duto. 3 To mana kaka jager ot nigi duong' moloyo duong' mar ot mogero, e kaka Yesu onego omi duong' moloyo Musa. 4 Nikech ot ka ot nigi ng'at mogere, to Nyasaye ema ogero gik moko duto. 5 Musa notiyo gi adiera e od Nyasaye duto, kobedoj aneno kuom gik mane ibiro ler tiendgi achien. 6 To Kristo en jaadiera kaka jatend od Wuon mare. To wan e jood Nyasaye, ka wamako matek chir kod geno ma wan-go.
Siem Kuom Tamruok Yie
7 Kuom mano, mana kaka Roho Maler wacho ni, "Kuwinjo dwonde kawuono, 8 to kik chunyu bed matek kaka nutimo e ndalo ma nung'anyone e kinde mag tem e thim, 9 kuma kwereu notemae mi ne gineno gima natimonegi kuom higini piero ang'wen. 10 Mano emomiyo iya nowang' gi tieng'no mi nasing)ra ni, "Chuny jogi osiko koruenyo, kendo pok ging'eyo yore-na.' 11 Omiyo mirima nomaka, mi nasingo-ra ka akuong'ora ni, 'Ok ginidonji e yweyona ngang'. 12 Owetena beduru motang' mondo kik ng'ato kuomu bed gi chuny marach mota-more yie ma miyo oweyo N)asaye mangima. 13 To ng'ato ka ng'ato mondo ojiw nyawadgi pile pile kapod wan gi kinde miluongo ni Kawuono, mondo kik richo gal ng'ato kuomu mi chunye bed matek. 14 Nikech ka wamako geno mane wachakogo matek nyaka giko to eka wari-wore e achiel gi Kristo e tichne. 15 Mano emomiyo owachi ni, "Kuwinjo duonde kawuono, to kik chunyu bed matek kaka nutimo e ndalo ma nung'anyoe." 16 To gin jomage ma nowinjo mi ong'anyone? Donge ne gin ji duto mane Musa otelonegi kogolo Misri? 17 Koso gin jomage mane okechogo kuom higni piero ang'wen? Donge nokecho gi joma notimo richo ma ringregi nolwar e thim kosetho? 18 Gin jomage ma nokuong'orenegi ni ok ginidonji e yweyo mare, ka ok gin joma notamore winjo wachne? 19 Omiyo waneno ni ne ok ginyal donjo nikech ne gitamore yie.
Yweyo Mar Sabato Ne Jo Nyasaye
1 Kuom mano, kaka singruok mar donjo e yweyone pod nitie, wabeduru motang' mondo kik yud ng'ato kuomu ma nigi rem moro ma dimone donjo e ywey-ono. 2 Nikech wan bende oseyalnwa Injili mana kaka gin bende noyalnegi, to kata kamano wach mane giwinjo ne ok okelonegi konyruok, nikech ne ok gir-wake kuom yie. 3 Koro wan mwaseyie wadonjo e yweyono, mana kaka Nyasaye osewacho ni, "omiyo mirima nomaka, mi nasingora ka akuong'ora ni, vOk ginidonji e yweyona ngang'." Nyasaye nowuoyo kama kata obedo ni nosetieko tije chon chakre kinde ma nochweyo piny. 4 Nikech owuoyo kuom odiechieng' mar abiriyo kamachielo kowacho ni, "To e odiechieng' mar abiriyo Nyasaye noyweyo kuom tijene duto." 5 To waseneno bende e Ndiko motelo ka Nyasaye wacho ni, "Ok ginidonji e yweyona ngang'." 6 Kata obedo ni joma noyalnegi Injili mokwongo ne ok odonjo e yweyo mar Nyasaye nikech tok teko, thuolo pod nitie mondo jomoko odonji e yweyono. 7 Omiyo osechano thuolo machielo molu-ongo ni v Kawuono, ma en e odiechien-gono mane owuoyo kuome bang'e achien gi dho Daudi, mana kaka waseneno motelo, ni: "Kuwinjo dwonde kawuono to kik chunyu bed matek." 8 Nikech ka dinebed ni Joshua ne nyalo miyogi yweyo, to Nyasaye ok dine owuoyo bang'e kuom odiechieng' machielo. 9 Kuom mano, odiechieng ywero mar Sabato pod nitie ne jo Nyasaye; 10 nikech ng'ato ang'ata madonjo e yweyo mar Nyasaye nyaka ywe e tijene, mana kaka Nyasaye bende noyweyo e tijege. nKuom mano, watemuru matek kaka wanyalo mondo wadonji e yweyono, mondo kik ng'ato podhi kuom luwo rany-isigi marach mar wich teko. 11 Nimar wach Nyasaye ngima kendo tiyo. Obith moloyo ligangla ma dhoge ariyo, kendo opowo chuny dhano nyaka iye mogik, nyaka kuma pach dhano gi chunye jorome, kaachiel gi fuon gi ond-hudho. Kuno ema oketoe bura ne paro kod dwaro maling'ling' manie chuny dhano. 13 Onge gimoro kata achiel, kuom gik moko duto mane Nyasaye ochweyo, mopondone. Gik moko duto oyawore kendo oelore e nyim tong wang' Jal ma wan duto, ng'ato ka ng'ato, nyaka wabi wachung' e nyime kwahulo gik moko duto mwasetimo.
Yesu En Jadolo Maduong' Moloyo
14 Kaka koro wan gi Jadolo Maduong' Moloyo mosedhi nyaka e polo, ma en Yesu Wuod Nyasaye, wamakuru yie mwahulo matek. 15 Nikech ok wan gi jadolo maduong' maok nyal kechowa e nyawowa, to wan-gi mano manyalo kechowa, to nikech en bende noteme gi kit tembe duto mwayudo, makmana ni en noonge gi richo. 16 Kuom mano, wasudu-ru but kom duong' mar ng'wono ka wan gi chir, mondo eka wayud kech gi ng'wono e saa mwadware kony.
1 Jadolo maduong' moro amora iyiero e dier ji kendo iwale obedo jachung' mar ji kuom weche mawuoyo kuom Nyasaye, mondo ochiw mich gi misengini migologo richo. 2 Onyalo dembo joma kia gi joma obayo yo, nikech en owuon bende nyawo obembe. 3 Mano emomiyo en bende ochune ni nyaka otim misango ni richone owuon, kaachiel gi richo mag ji bende. 4 Ng'ato ok ketre e duong' mar bedo jadolo kende owuon, to Nyasaye ema nyaka luonge mana kaka noluongo Harun bende. 5 Omiyo Kristo bende ne ok okawo duong' mar bedo jadolo maduong' kende owuon. To Nyasaye nonyise ni, "In Wuoda, kendo kawuono asebedo Wuoru." 6 Owacho bende kamachielo ni, "In Jadolo nyaka chieng', e kit dolo mar Melkizedek." 7 E ndalo mane Yesu ngima e piny, nolamo losayo Nyasaye mane nyalo rese e tho, koywak matek kendo ka pi wang'e chwer, mi Nyasaye nowinjo ywakne nikech dembruokne. 8 Kata obedo ni ne en Wuod Nyasaye to nopuonjore winjo chik Nyasaye nikech sandruok ma noneno, 9 kendo bang' ka nosekete kare chuth to nodoko wuon warruok mochwere ma ji duto mawinjo wachne yudo. 10 Bende Nyasaye nokete Jadolo maduong', molu-wo kit dolo mar Melkizedek.
Siem Kuom Bayo Yo
11 Wan gi weche mathoth mwanyalo wacho kuom wach ma tiende tekni, to winjo maru ni chien. 12 Chutho, kata obedo ni sani koro onego bed ni un jopuonj, to pod udwaro ng'at machielo mondo ochak opuonju nonro michako ng'eyogo adiera mar wach N)asaye. Pod unyalo mana madho chak kende ok unyal chamo chiemo motegno! 13 To ng'ato ang'ata ma madho chak kende pod en nyathi mayom, omiyo oonge gi lony kuom puonj mar tim makare. 14 Joma otegno to nyalo chamo chiemo motegno, nikech gisetiyo kodgi gaming'a mi gibedo gi lony mar ng'eyo pogruok man e kind ber gi rach.
1 Kuom mano koro waweuru puonj michakogo ng'eyo wach Kristo, to wadhiuru nyime mondo wadok joma otegno. Ok owinjore mondo wachak puonjou manyien weche michakogo bedo ja-Kristo, kaka lokruok weyo timbe matero ji e tho to gi yie kuom Nyasaye; 2 kod puonj kuom kit batiso mopogDre opogore, kata kuom keto lwedo e wi ji, kata kuom wach chier aa kuom joma otho, kata Bura mabiro. 3 To wabiro timo kamano, ka Nyasaye oyie. 4 Nikech joma ler mar Nyasaye ose-rienynegi mi obilo mich mar polo fendo obedo e lalruok achiel gi Roho Maler; 5 joma osebilo ber mar Wach Nyasaye, mi ong'eyo teko mar piny mabiro, 6 kopodho oweyo yie margi, to ok nyal konygi mi gilokre kendo, nikech gikelo chandruok kuomgi giwegi kuom guro Wuod Nyasaye e msalaba nyadiriyo, ka gimiyo ji chaye ratiro. 7 Lowo ma mwonyo pi koth mochwe kuome, mi chwe chieg cham manyalo konyo joma opure, ema yudo gweth Nyasaye. 8 To ka bang' yudo koth maber to ochiego mana kuthe gi buya to oonge tich, kendo ochiegni yudo kuong'. Giko ibiro wang'e e mach. 9 Kata wawuoyo kama, osiepewa mwageno, kuomu to wan gi ratiro kuom gik mabeyo moloyo, ma gin olembe mabeyo ma warruok nyago. 10 Nyasaye ok kite rach, omiyo wiye ok nyal wil gi tich maru kaachiel gi hera musenyiso kukonyo Joge, kendo ma pod udhi nyime kutimo. 11 Wadwaro ni ng'ato ka ng'ato kuomu odhi nyime katimo maber nyaka giko, mondo eka ubed gi ratiro mar yudo gik mugeno yudo. 12 Ok wadwar ni ubed jo samuoyo to wadwaro ni ulu kit joma yudo gik mosingi nikech giyie kendo giti-mo kinda.
Adiera Mar Singruok Nyasaye
13 Ka Nyasaye notimo singruok gi Ibrahim to nokuong'ore gi nyinge owuon, nikech ne onge ng'at maduong' mohinge monyalo kuong'ore gi nyinge, 14 nowacho ni, "Abiro gwedhi adier, kendo abiro miyi nyikwayo mang'eny." 15 Omiyo bang'e achien Ibrahim noyudo gima Nyasaye nosingore ni nomiye bang' rito gi kinda. 16 Joma timo singruok thoro kuong'ore gi nying joma oloyogi gi duong', kendo kuong'ruok ma gitimo golo kiawa moro amora e kind joma otimo winjruokgo. 17 Emomiyo ka Nyasaye ne dwa lero tiend chenroge maok lokre ne joma yudo gweth mag singruok mage, noguro sin-gruokneno gi kuong'ruok. 18 Notimo kamano mondo, kuom gik moko ariyo, (tiende ni singruok gi kuong'ruok), maok nyal lokore kendo maok nyal miyo Nyasaye bet jamriambo, wayud gweth mogundho, wan mwasetony mi wamako matek geno ma wan-go. 19 Genowano osiro chunywa ka loch mogur motegno maok yiengni kendo ma gimoro ok nyal donje mi kethi. Odonjo nyaka ei Hekalu iye iye, ei kama Ler moloyo tok pasia, 20 kuma Yesu ma mosetelonwa, osedonje karwa. Osedoko jadolo maduong' manya-ka chieng', moluwo kit dolo mar Melkizedek.
Melkizedek Jadolo
1 Melkizedek mwawuoyo kuomeni ne en ruodh Salem kendo ne en jadolo mar Nyasaye Mamalo Mogik. Noromo gi Ibrahim ka Ibrahim noa e lweny mane oseloyoe ruodhi, mi nogwedhe. 2 Ibrahim nomiye achiel kuom apar mar gik moko duto. Mokwongo tiend nyingeno en "ruoth makare, "eka kendo "ruodh Salem" tiende ni "ruodh kuwe." 3 Kaka Melkizedek ne onge gi wuon kata min, kata chakruokne kata gikone, ochalo Wuod Nyasaye, kendo tij dolo mare osiko nyaka chieng' 4 Inyalo neno kaka noduong' ahinya. Kata mana Ibrahim ne nyalo miye achiel kuom apar mar gik ma nopeyo! 5 Wang'eyo ni chik dwaro ni mondo nyik-wa Lawi mokawo tich dolo ema ochoki achiel kuom apar kuom ji, ma gin owetegi, kata obedo ni owetegigo bende gin nyikwa Ibrahim. 6 Ng'atni to wayudo ni ne ok en nyakwar Lawi, to kata kamano nochoko achiel kuom apar kuom Ibrahim, jal mane Nyasaye omiyo singruok, kendo nogwedhe. 7 En gima ong'ere ni ng'at matin igwedho gi ng'at maduong'. 8 Korka jodolo mag jo Lawi wayudo ni achiel kuom apar ichoko gi dhano matho; to kuom Melkizedek to wayudo ni achiel kuom apar nochoki gi jal ma ikwano ni ngima, mana kaka Ndiko wacho. 9 Omiyo wanyalo wacho ni ka Ibrahim nochiwo achiel kuom apar to mano nyiso ni Lawi (ma nyikwaye choko achiel kuom apar) bende nochiwe. 10 Nikech kindeno noyudo ka Lawi pok onyuol, to kata kamano wanyalo wacho ni ne en ei ringre Ibrahim kane Melkizedek oromo kode.
Yesu Chalo Melkizedek
11 Kapo ni tich dolo mar Jo Lawi (nikech chik mane omi jo Israel notenore kuome) ne nyalo miyo dhano doko makare chuth, to koro ere gimomiyo ne pod nitie dwaro mondo oyud jadolo machielo machalo gi Melkizedek? Ang'o momiyo ne nyaka jadolo mopogore gi Harun yudre? 12 Nikech wang'eyo ni ka olok tich dolo to chik bende nyaka loki. 13 To ng'at miwacho wechegi kuomeni to noa e dhoot machielo ma ng'ato ne pok otiyo e nyim kendo mar misango koa e dhoodno nyaka nene. 14 Nikech ong'ere malong'o ni Ruodhwa noa e dhood Juda, ma en dhoot ma Musa ne ok owacho gimoro kuom jodolo. 15 Gima wasewacho medo winjore ka jadolo machielo machal gi Melkizedek ochako obiro, 16 en ne ok okete Jadolo kaluwore gi chike dhano kata anyuolane, to nokete nikech teko mar ngima maok nyal rumo. 17 Nikech Ndiko timo neno kuome ni, "In Jadolo nyaka chieng' mana kaka Melkizedek." 18 Chik machonno koro osegol oko nikech onyap kendo oonge tich 19 (nikech Chik ne ok nyal keto gimoro kare chuth). Koro osekelnwa geno manyien maber moloyo chik machonno, kendo kuom genono wanyalo sudo but Nyasaye. 20 To ne ok otim kamano maonge kuong'ruok! Jomoko nobedo jodolo maonge kuong'ruok, 21 to en to nobedo Jadolo gi kuong'ruok ka Nyasaye nowachone ni: "Ruoth osekuong'ore kendo ok nolok pache; In Jadolo nyaka chieng'." 22 Nikech kuong'ruokni, Yesu koro osedoko kido mar winjruok manyien gi Nyasaye, ma en winjruok maber moloyo machon. 23 Pogruok machielo mwaneno en ni e kit dolo machon, jodolo ne thoth nikech tho nomonogi dhi nyime gi tich dolo; 24 to nikech Yesu ngima nyaka chieng' dolo mare osiko. 25 Kuom mano onyalo waro chuth joma kadho kuome kasudo ir Nyasaye, nikech ongima nyaka chieng' mondo okwanegi Nyasaye. 26 Jadolo maduong' ma kamano ema nyalo konyowa nikech oler, oonge ketho, kendo chilo moro onge kuome. Bende Nyasaye oseting'e mokete kar kende kopoge gi joricho, kendo osekete malo kuma bor moyombo polo. 27 En ok ochune ni nyaka otim misango pile pile kaka jodolo mamoko timo, kokuongo gi mare eka otimo mar jomamoko. Notimo misango ni richogi dichiel kendo mogik, kane ochiwo ringre owuon. 28 Nikech chik keto joma nyap mondo obed jodolo madongo, to kuong'ruok mane obiro bang' chik, noketo Wuowi makoro oseket kare chuth nyaka chieng'.
Jadolo Maduong' Mar Singruok Manyien
1 Gima wasebedo ka watemo wacho en ma: Wan gi Jadolo Maduong' mobet piny e bat korachwich mar Kom Duong' manie polo, 2 en ema otiyo kaka Jadolo Maduong' Kama Ler Moloyo, ma en hema ma Ruoth ema oguro, to ok dhano. 3 Jadolo Maduong' moro ka moro iyiero mondo ochiw mich kaachiel gi misango, omiyo kata jadolowani bende ne nyaka chiw gimoro. 4 Ka dibed ni pod en e piny, to dine ok obedo jadolo, nikech nitie jodolo moromo machiwo mich duto kaka chik dwaro. 5 Tich ma jodologo tiyo en mana kido gi tipo mar tij dolo manie polo. Mano emomiyo ka Musa ne dwa chako gero Hemb Romo to Nyasaye nosieme kawachone ni, "Ne ni igero gik moko duto machal gi kit hema mane onyisi e got". 6 To tich mar Yesu oseyudo duong' moyombo margino mana kaka winjruok mokelo, ma en e jagachne, bende oyombo winjruok machon, nikech otenore kuom singruok mabeyo moloyo. 7 Nikech ka dine bed ni onge gima orem kuom winjruok machon, to winjruok manyien ok dokawo kare. 8 To Nyasaye noyudo ketho kuomgi mi owacho ni: "Ruoth Nyasaye owacho ni ndalo biro ma anatimie singruok manyien gi dhood jo Israel kendo gi dhood Juda. 9 Singruokno ok nochal gi mano mane atimo gi kweregi kane akawogi gi lweta mi atelonegi kagologi Misri, nikech ne ok giluwo singruokna ma natimo kodgi omiyo an bende ne alokora aweyogi Ruoth owacho. 10 Ma e singruok mabiro timo gi dhood Israel bang' ndalogo, Ruoth owacho. Anaket Chikena e pachgi kendo anadikgi e chunygi. Anabed Nyasachgi, kendo ginibed joga. 11 Koro ng'ato ok nochak opuonj jag-weng'gi kata owadgi, kowacho ni, vNg'e Nyasaye', nikech giduto gining'eya kochakore gi ji ajia nyaka joma ogen. 12 Nimar anawenegi kuom timbegi maricho, kendo ok anachak apar richogi kendo." 13 Ka Nyasaye luongo singruokni ni "manyien" to mano nyiso ni osemiyo singruok machon odoko maonge tich; to kaka oonge tich kendo oti, obiro lal nono machiegni.
Lemo E Hemb Romo Mar Piny
1 Singruok mokwongo ne nigi chike matayo lemo kaachiel gi kar lemo e pinyka. 2 Ne oios hema ma ong'ad iye ariyo. Kama ikwongo donjoe ne iluongo ni Kama Ler, kendo kanyo noketie rachung taya gi mesa moketie makati miketo e nyim Nyasaye pile. 3 E tok nanga mar rageng' mar ariyo ne nitie hema miluongo ni Kama Ler Moloyo, 4 kendo kanyo noketie kendo mar misango molos gi dhahabu miwang'oe ubani, kod Sandug Muma mowir gi dhahabu gi Ludh Harun ma nechako loth, kod kite mopa mondikie singruok. 5 Ewi Sandug Muma ne nitie kido mag malaika miluongo ni Kerubi mar Duong', kendo buombegi noumo kama igoloe richo. To sani ok wanyal wuoyo matut kuom gigo duto. 6 Ka gik moko duto nosechan kamano, jodolo ne donjoga e hema maoko pile mondo giti tichgi mar lemo. 7 To jadolo maduong' kende ema noyiene donjo e hema maiye dichiel kende e higa, to nochune ni nyaka odonj iye kuno gi remo mane otimogo misango ne richone mokwongo eka bang'e otimonego ji duto bende, mondo owenegi richo mane giti-mo ka gikia. 8 Roho Maler ne nyiso, kuom kit dolo makama, ni yo midonjogo Kama Ler Moloyo ne pok ofwenyore, e kinde duto ma hema machon ne pod ochung'! 9 Ma en ngero manyiso kinde ma wadakieni, kendo ginyiso ni mich kod misango mane ichiwo ne ok nyal lwoko chuny joma ne lemo e hemano mi gidok joma kare. 10 Gin mana chiemo gi math kod tim lwok mopogore opogore - to magi gin mana tim maoko matiyo mana nyaka ndalo ma chik manyien nochak tich. Ne itiyo kodgi mana ka Nyasaye ne pok oloko gik moko odoko manyien.
Remb Kristo
11 To ka Kristo nobiro kaka Jadolo maduong' mar gik mabeyo moloyo makoro wan-go sani, nodonjo e hema maduong' kendo malong'o chuth. En hema ma lwet dhano ok oloso ma tiende en ni ok en chwech mar pinyni. 12 Nodonjo iye nyaka Kama Ler Moloyo, to ne ok odhi gi remb diek gi nyiruedhi. Notimo misango dichiel kendo mogik gi rembe owuon ma nokelonwago warruok mosiko. 13 Nikech ka remb diek gi ruedhi gi buch nyiroye mane ikiro ne nyalo pwodho joma ogak, migibed maler gi oko, 14 koro remb Kristo to nyalo pwodho ji e yo malich machal nade! Nochiwore ne Nyasaye kuom Roho mosiko kaka misango maonge mbala, omiyo rembe biro lwoko chunywa maiye mi wawe timbe motho, mondo eka wati ne Nyasaye mangima! 15 Kuom mano, Kristo e jagach mar singruok manyien, mamiyo joma oluongi yudo girkeni mosiko mosesingnegi, nikech koro osetho kargi kaka misango mamiyo gibedo thuolo kuom kethogi e bwo singruok mokuongo. 16 Ka ng'at motho oweyo ne ng'ato gige e yor singruok to dwarore ni nyaka ng'at mowene gik mokono nyis malong'o ni ng'at mane oweyone gik mokogo notho adier, 17 nikech singruok ma kamano tiyo mana ka ng'ato osetho, to ok ka ng'at ma notime pod ngima. 18 Mano emomiyo kata mana singruok mokuongo ne ok nyal ket e tich ka onge remo. 19 Ka Musa noseny-iso weche mag chik duto mi ji duto owin-jo, nokawo remb nyiroye gi diek, kaachiel gi pi, mi okiro e Kitap Chik, kendo okiro kuom ji duto, kokirogi gi yie rombo malando gi obino. 20 Nowacho ni, "Ma e remo mar singruok ma Nyasaye osechik-ou mondo uriti." 21 Nokiro remono kuom Hemb Romo kendo kuom gimoro amora mane itiyogo e lemo machalore kamano. 22 Chutho, chik dwaro ni gik moko duto opwodh gi remo, kendo ka remo ok ochw-er to golo richo onge. 23 Emomiyo ne dwarore mondo kido mag gig polo opwodhi gi misengini machalo kamago, to kata kamano gig polo hie to dwaro misengini mabeyo moloyo magi. 24 Nikech Kristo ne ok odonjo kama ler ma lwet dhano ema oloso, ma en mana kido mar Kama Ler hie, to nodonjo e polo wuon, kama koro ochung'nwa e nyim Nyasaye. 25 To bende ne ok odonjo e polo mondo ochiwre kaka misango higa ka higa, kaka jadolo maduong' donjo Kama Ler higa ka higa mondo otim misango gi remo maok mare owuon. 26 Ka Kristo ne nyalo timo kamano, to mano ne nyalo chune ni otho di mang'eny nyaka a chakruok piny. To koro osefwenyore dichiel kendo mogik e ndalo mogikni mondo ochiw ringre owuon kaka misango ma golo richo. 27 Mana kaka ochano ni dhano nyaka tho dichiel kendo bang' mano yale, 28 e kaka Kristo bende notimgo misango dichiel kende mondo ogol richo mag ji mang'eny. To obiro thiny-ore kendo mar ariyo, ok mondo ochak oting' richo ji kendo, to mondo okel warruok ne joma rite gi geno.
Misango Kristo Notim Dichiel Mogik
1 Chik en mana tipo mar gik mabeyo mabiro to ok en gigo hie. Kuom mano ok nyalre, mondo misengini machalre minuoyo higa ka higa omi joma sudo ir Nyasaye mondo oiame obed makare chuth. 2 Ka dine bed ni ginyalo miyo ji doko makare, donge dine oseweti-mogi chon? Nikech jolemogo dine osepuodhi dichiel kende, kendo mogik, mi ok gibedo joketho ma bura oloyo kendo. 3 To misengini gin mana gik maparo ne ji richogi higa ka higa, 4 nikech remb ruedhi gi diek ok nyal golo richo kata matin. 5 Emomiyo ka Kristo nobiro e piny to nowacho ni: "Misengini kod chiwo ok ema idwar, to ringruok ema iseikona; 6 Misengini miwang'o pep gi chiwo mag golo richo ne ok imorgo. 7 Eka nawacho ni, vEra e, Yaye Nyasaye, asebiro timo dwaroni, mana kaka ondiki kuoma e bug Chik'." 8 Mokwongo nowacho ni, "Misengini kod chiwo, kata misengini miwang'o pep kod chiwo migologo richo ne ok idwar kendo ne ok imor kodgi." (Kata obedo ni chik ne dwaro ni otimgi kamano) 9 To eka nowacho kendo ni, "Era e, asebiro mondo atim dwaroni." Omiyo waneno kaka oketho yo machon mar chiwo chiayo ka misango to okelo yo manyien ma ng'ato chiwoe ngimane owuon. 10 Nikech Yesu notimo gima Nyasaye ne dwaro ni otim, koro osepwodhwa e richo kuom ringre mane ochiwo kaka misango dichiel kendo mogik. 11 Jodolo mag jo Yahudi duto chung' odiechieng' kodiechieng' mondo otim tich dolo, ka ginuoyo mana misango machalre maok nyal golo richo. 12 Kristo to notimo misango mar golo richo dichiel kende, mi obet piny e bat korachwich mar Nyasaye. 13 Chakre chieng' mane obetie piny, orito odiechieng' mibiro ket jowasike duto raten tiende 14 nikech kuom misango achiel kende, oseketo joma iloko doko jomaler mi gibedo makare chuth. 15 Roho Maler bende wuoyonwa kuom wechegi. Mokwongo owacho ni: 16 "Ma e singruok ma anatim kodgi bang' ndalogo, Ruoth owacho. Anaket chikena e chunygi, mi andikgi e pachgi." 17 Omedo wacho bende ni, "Richogi kod timbegi mamono ok anachak apar kendo." 18 To kama oseweye richo, koro misango mar golo richo onge.
Jip Kuom limo Kinda
19 Kuom mano, owetena, koro wan gi chir mar donjo Kama Ler Moloyo kuom remb Yesu, 20 noyawonwa yo manyien kendo mangima madonjo makadhi nanga mar rageng', (ma en ringre owuon) 21 ka koro wan-gi Jadolo mang'ongo morito od Nyasaye kamano, 22 wasuduru but Nyasaye gi chuny ma nikare, ka wan gi yie maok wariwo gi kiawa, kendo ka chunywa osekwoe pi mondo opwodhwa kik wabed gi chuny ma bura oloyo, kendo ringrewa olwoki gi pi maliw. 23 Wamakuru motegno geno ma wan-go maok wamindni, nikech Jal mosemiyowa singruok en jaadier. 24 Ng'ato ka ng'ato mondo opar kaka dojiw nyawadgi omed bedo gi hera kod timbe mabeyo. 25 Kik wawe mak wachoko-re kaachiel, kaka jomoko ose weyo timo, to wajiwreuru ng'ato gi ng'ato, kendo umed timo kamano kaka uneno ka Chieng' Ruoth medo sudo machiegni. 26 Ka wadhi nyime gi timo richo mana mar ayiem bang' ng'eyo adiera to onge misango moro mapod odong' 27 gima odong' en mana kibaji, kwang'eyo ni wachomo kum gi mirima mar mach, mabiro tieko chuth joma kedo gi Nyasaye. 28 Ng'ato ang'ata ma otamore rito Chik Musa inego maok okechi e nyim joneno ariyo kata adek. 29 Koro iparo ni ng'at monyono Wuod Nyasaye piny gi tiende, ma kawo remo mar singruok mane opwodhego ka gima nono, kendo ma yanyo Roho mar ng'wono, to biro yudo kum malich machal nade? 30 Nikech wang'eyo Jal ma nowacho ni, "An awuon ema nachul kuor. Adier abiro chulo kuor maonge kiawa, "kendo ni, "Ruoth biro yalo joge." 31 En gima lich miwuoro ka ng'ato olwar e lwet Nyasaye mangima! 32 Parieuru ndalo mokwongo mane uyudo ler mar Nyasaye. E kindeno nuny-ono piny motegno kukedo matek e dier sand mathoth. 33 Seche moko ne iyanyou kendo isandou ang'ienga e dier ji, to seche moko nuchung' kaachiel kod joma ne iti-monegi kamano. 34 Chunyu ne sandore kaachiel gi joma otue nikech Kristo, kendo numor kimayou giu githwon nikech nung'eyo ni un uwegi un gi mwandu mabeyo moloyo kendo mosiko. 35 Kuom mano, kik koro uyie chir mane un-go lalnu. Obiro kelonu pok maduong'. 36 Dwarore ni umed timo kinda kuom timo dwaro Nyasaye, mondo eka unun-wang' gik mosesingore. 37 Nikech odong' mana kinde matin kende eka "Jal mabiro nobi kendo maok olewo. 38 To ng'ata makare nobed mangima kuom yie. To kodok chien, to ok nabed mamor kode." 39 To wan ok wan jogo madok chien kendo lal, to wan jogo moyie kendo ma ireso.
Kuom Yie
1 Yie en bedo gi adiera kuom gima wageno yudo kendo en bedo gi ratiro kuom gik maok wane. 2 Kwerewa ne nigi yie machal kamano omiyo Nyasaye noyie kodgi. 3 Yie ema miyo wayango ni Wach Nyasaye ema nochweyo gik moko duto manie polo gi piny, mi nomiyo gik mantie mineno gi wang' owuok kuom gik maok ne. 4 Yie ema nomiyo Habil otimo misango maber ne Nyasaye moloyo misango mar Kain. Yieneno nomiyo Nyasaye oyie kode kaka ng'ama kare, nikech Nyasaye owuon norwako michneno. Habil pod wuoyo nyaka sani nikech yie mane en-gono, kata obedo ni nosetho. 5 Kuom yie Enoka nokaw ka ngima omiyo ne ok oneno tho, nolal nono e wang' ji nikech Nyasaye nosekawe. Nyasaye nopake kaka ng'at mamiye mor kane pok okawe. 6 Onge ng'at ma Nyasaye nyalo yiego ka onge gi yie, nikech ng'ato ang'ata madwaro sudo but Nyasaye nyaka yie ni entie kendo ni en-gi mich momiyo joma oketo chunygi kadware. 7 Yie ema nomiyo Noa owinjo siem mane Nyasaye osiemego kanyise gik mane biro timore mane pok oneno gi wang'e. Noa nowinjo wach Nyasaye, kopong' gi luor, mi nohondho yie mondo otony kaachiel gi joode. Kuom yieneno, nong'ado ne piny bura, kendo nodoko achiel kuom joma Nyasaye oketo kare kuom yie. 8 Yie ema nomiyo Ibrahim owinjo luong Nyasaye mi owuok odhi e piny mokia, mane biro bedo mare bang'e achien. Nowuok awuoka modhi kata obedo ni nokia kuma nodhiye kamano. 9 Yie mane en-gono ema nomiyo odhi odak e piny mawendo, mane osingne. Nodak e hema mana kaka Isaka kod Jakobo bende ne jodak, mi gidoko weg singruok kaachiel kode. 10 Nikech nong'iyo nyime kogeno dala machielo man gi mise motegno, ma jachenone gi jagedone en Nyasaye owuon. 11 Yie ema nomiyo Ibrahim obedo wuoro, kata obedo ni noseti ahinya, kendo chiege ma Sara bende ne migum-ba nomiye teko mar bedo wuoro nikech nogeno ni ng'at mane omiye singruok ne en jaadiera. 12 Kata obedo ni Ibrahim ne chalo ng'ama osetho kamano, to kothe nodoko magalamoro mana ka sulwe manie polo kendo mana ka kwoyo mang'eny mak kwanre manie dho nam. 13 Jogi duto notho ka nigi yie. Ne ok giyudo gik mane Nyasaye osingore ni nomigi, to ne ginenogi kendo girwakogi mana gichien, kendo ne gikwanore kaka welo gi jo wuoth makadho akadha e pinyni. 14 Joma wacho weche ma kamagi nyiso malong'o ni gigeno yudo pinygi giwegi. 15 Ka dine bed ni pod giketo pachgi kuom piny mane giseweyo, to dine giyudo thuolo mar dok chien kuma ne giaye. 16 To kar timo kamano, ne gigombo piny maber moloyo mano mane giseweyo. Ne gigombo polo. Emomiyo Nyasaye wiye ok kuodi kiluonge ni Nyasachgi, nikech oseikonegi dala. 17 Yie ema nomiyo Ibrahim ochiwo wuode ma Isaka kaka misango kane Nyasaye oteme mondo otim kamano. Jal mane oyudo singruokno noikore mar chiwo wuode achiel makende, 18 kata obedo ni Nyasaye nosewachone motelo ni, "Isaka ema kothi duto nochakre kuome." 19 Ibrahim nong'eyo e chunye ni Nyasaye ne nyalo chiero joma otho, omiyo kangero norwako Isaka mana ka ng'a mochier oa kuom joma otho. 20 Yie ema nomiyo Isaka ogwedho Jakobo gi Esau konyiso kaka ngimagi mabiro ne biro chalo. 21 Yie ema nomiyo Jakobo ogwedho yawuot Josef, moro ka moro, sama nochiegni tho. Nolamonegi gweth koyiengore e mikwache mar wuoth. 22 Yie ema nomiyo Josef, ka koro nochiegni tho, nowuoyo kuom wuok mar jo Israel ka gia Misri, mi nochano gima nonego otim gi chokene. 23 Yie ema nomiyo jonyuol Musa opande kuom dweche adek bang' nywolne, nikech ne gineno ka kite ber moloyo kit nyithindo minyuolo pile; kendo ne gitimo kamano ka ok giluoro siem mar ruodh Misri. 24 Yie ema nomiyo ka Musa nosedoko ng'ama duong' to nodagi ni kik luonge ni wuod nyar Farao. 25 Noyiero mondo osandre gi jo Nyasaye moloyo dak e mor mar richo marumo piyo nono. 26 Nokwano achaya miyudo nikech Kristo kaka gima nigi tiende moloyo mwandu mag Misri, nikech nogeno yudo pokne achien. 27 Nodar Misri kuom yie, ka ok oluoro mirimb ruoth, kendo nodhi nyime gichir nikech noneno Jal maok ne. 28 Yie bende ema nomiyo oloso Sap Ruoth, mi okiro remo e dhout jo Israel mondo Malaika mane nego nyithindo makayo e Misri kik mui nyithi jo Israel, makayo. 29 Yie ema nomiyo jo Israel okalo Nam Makwar mana kagima gikalo lowo motwo. Jo Misri to ka notemo timo kamano to ne ginimo. 30 Yie ema nomiyo ohinga mag Jeriko oruombore piny, bang' ka jo Israel nosewuotho ka lworogi kuom ndalo abiriyo. 31 Yie ema nomiyo jachode ma Rahab, nikech norwako jo mbetre mag Israel gi ng'wono, ok nonegi ka ne inego joma ok winj wach Nyasaye. 32 Ang'o kendo ma damed wacho? Thuolo ditama mar wuoyo kuom Gidion, gi Barak, gi Samson, gi Jeftha, gi Daudi, gi Samuel, kod jonabi mamoko, 33 yie nomiyo jogi omako pinje ruodhi kendo girito ji gi bura makare, mi giyudo gik ma Nyasaye nosingo. Ne giumo dho sibuoche, 34 kendo ne ginego gero mar mach; bende ne gitony e lak lingangla. Nyawo margi nolokore teko mi gidoko joma ger e lweny, ka gikeyo mel jolwenj pinje mamoko duto mane kedo kodgi. 35 Mon mane nigi yie nochier negi jogi ma nosetho mi gikawo kangima. Jomoko kuomgi kata ne isando malich to nodagi ni kik wegi thuolo, nikech ne gigeno ni nochiergi e ngima maber moloyo. 36 Moko ne ojar kendo orodhi gi del, to moko bende notwe gi nyororo mi oketi e jela. 37 Nogogi gi kite, nong'adgi gi musmeno nyadiriyo noneggi gi ligangla. Ne giwuotho ka gi kacha, ka girwako piende rombe gi piende diek, kagidhier kisando-gi kendo kichandogi malit 38 jogi ne joma beyo gilala mane ok giwinjore dak e pinyni, Ne gibayo abaya e thimbe gi gode ka gidak e bwo lwendni gi buche. 39 Giduto Nyasaye noyie kodgi nikech yie mane gin-go. Kata kamano onge ng'ato kata achiel kuomgi ma noyudo gima Nyasaye nose singo negi. 40 Nikech Nyasaye nochanonwa gima ber moloy); mondo oketwa kare mana ka wan kaachiel kodgi.
Nyasaye Rieyo Nyithinde
1 Nikech oganda maduong' mar w joneno opie molworowa ka ng'iy-owa, wawituru gimoro amora mwating'o manyalo duodowae wuoth, kod richo mora amora e ngimawa manyalo gajowa, kendo waringuru matek maok waol e ng'wech moketwae. 2 Wachomuru wang'wa kuom Yesu, ma en jachak kendo jachop yie marwa. Nikech nogeno yudo mor mane oikne ni nonwang' achien, nochayo tho malit mar msalaba ka ok odewo wichkuot ma tho ma kamano kelo, kendo koro obet piny e bat korachwich mar kom duong' mar Nyasaye. 3 Paruru kuome, en ma notimo kinda ka joricho kedo kode, mondo kik ujogi mi chunyu aa. 4 E lweny mukedoe mondo ulo richo, pok ukedo mi rembu ool oko. 5 Koso wiu osewil gi weche mag jip ma Nyasaye loso-go kodu kaka wuoda ni: "Nyathina kik ikaw kum ma Ruoth kumigo kagima nono, kendo kik chunyi jogi kokweri, 6 nikech joma Ruoth ohero ema okumo, kendo nyathine mohero ema ochwado." 7 Ka uyudo chandruok to beduru mod-hil nikech mano e yo ma Nyasaye puon-jougo kaka nyithinde. Be nitie nyathi ma wuon ok nyal kumo? 8 Kapo ni un ok wuonu kumu kaka okumo nyithinde mamoko duto to mano nyiso ni un kimir-wa kendo ok un nyithinde ma hie. 9 Waduto wan-gi wuonewa e piny ka ma kumowa to eka pod wamiyogi mana luor. Koro donge onego wawinj Wuon chunje-wa moloyo, mondo eka wabed mangima? 10 Wuonewa mag pinyka ne kumowa mana kuom kinde matin e sama gihero, to Nyasaye to kumowa mondo okonywa, kodwaro ni mondo wadok maler kaka oler. 11 Sama ng'ato yudo kum to ok onyal winjo maber nikech owinjo rem. To bang' kosekum ng'ato to opuonjore mi ngimane nyag olemo mar tim makare kod kuwe. 12 Kuom mano jing'uru bedeu mobengore gi chongeu monyosore. 13 "Losuru yore muluwo mondo oriere tir," mondo omi joma tiendegi ong'ol kik wil to mondo gichangi.
Siem Kuom Tamruok Winjo Nyasaye
14 Temuru matek mondo udag gi ji duto gi kuwe, kendo mondo ngimau obed maler, nikech ka ng'ato onge gi ngima maler to ok none Ruoth. 15 Neuru mondo une ni onge ng'ato kuomu ma ng'wono mar Nyasaye obayo, kendo kik uwe mondo sigu moro onyagi e kindu manyalo ketho ji mang'eny. 16 Neuru ni onge ng'ato kuomu ma jachode, kata ng'ama ochayo Nyasaye ka Esau ma wach chiemo michamo dichiel nomiyo owilo duong'ne kaka wuoyi makayo. 17 Ung'eyo ni bang'e achien ka nodwaro mondo wuon mare ogwedhe to ne okwede. Noyuak malit gi pi wang'e mondo oyud gwethni to mano ok nyal loko paro kata matin. 18 Ng'euru ni uchung' kama opogore gi kama jo-Israel nochung'ie. Ok uchung' e tie got minyalo mulo; kata kama mach kaknie kendo ma mudho mandiwa oumo, gi ong'ueng'o, 19 ooyo, karu ok en kama iwinjoe koko mar turumbete maywak, kod dwol ma wuoyo to ok ne, ma joma nowinjo wechene noywagore ni kik ochak owuo kodgi kendo, 20 nikech ne ok ginyal winjo chik mane Nyasaye omiyogi ni, "Ka chiayo moro oreree e godni to nyaka chiele gi kite mi nege." 21 Gima ne Jo Israel oneno ne lich mokadho mi Musa nowacho ni, "Luoro teta." 22 Un usebiro e Got Sayun, e Jerusalem manie polo, ma en dala Nyasaye mangima. Useriworu gi malaike gana gi gana mochokore e nyasi mar mor 23 e kanisa mar kayo, ma nyingegi ondik e polo. Usebiro ir Nyasaye, ma en jang'ad bura ne ji duto; kendo ir chunje mag joma kare, makoro ok osedoko malong'o chutho, 24 usebiro ir Yesu ma en jagach mar singruok manyien, gi remo mokir ma wuoyo kuom gik mabeyo moloyo remb Habil. 25 Neuru ni ok utamoru winjo Jal mawuoyo kodu. Nikech ka gin bende ne ok gitony kane gidagi winjo jal mane osiemogi e pinyka, wan to koro dwatony nade ka wadagi winjo Jal masiemowa gie polo? 26 E kindeno duonde noyiengo piny, to sani to en mana kaka osesingore ni, "Abiro chako ayiengo piny kendo. To ok anayieng piny kende, to polo bende." 27 Wach mar "kendo" nyiso ni Nyasaye biro golo oko gik mayiengni manyalo wuok, ma gin gik mochwe mondo gik maok nyal yiengni ema odong' osiki. 28 Emomiyo wagouru erokamano ne Nyasaye nikech wasenwang'o piny manyien maok nyal yiengi. Chunywa mondo omi Nyasaye duong' kod luor, kendo walame e yo modwaro, ka wapong' gi kibaji, 29 nikech "Nyasachwa en mach matieko chuth gik mowang'o."
Jip Mogik
1 Sikuru kuheroru kaka owete. 2 Kik uwe mak uruako welo e uteu, nikech jomoko kuom timo kamano oseruako koda ka malaike ka ok ging'eyo. 3 Paruru joma otwe e jela mana kagima un bende otweu kodgi kuno. Joma isando bende paruru mana kagima un bende isandou kodgi. 4 Ji duto nyaka kaw kend kaka gima duong', kendo joma okendore kik dwany otandagi mar kendruok. Nikech Nyasaye biro kumo ng'ato ang'ata ma jachode, gi joma timo timbe dwanyruok duto. 5 Kik ubed joma ohero pesa, to gik ma ungo mondo oromu, nikech Nyasaye osewacho ni, "Ok anaweu kata jwang' ok ana-jwang'u" 6 Omiyo wanyalo wacho gi chir ni, "Ruoth Nyasaye e jakonyna; omiyo ok analuor; dhano adhana to ditima nade?" 7 Paruru jotendu ma nokwongo yalonu Wach Nyasaye. Paruru kaka kit ngimagi ne chalo mondo ulu kit yie margi. 8 Yesu Kristo chaire nyoro, gi kawuono kendo nyaka chieng'. 9 Kik ulu kit puonj moro amora magala-gala manyalo golou e yor adiera, nikech ng'wono Nyasaye ema onego ojiw chunywa to ok puonj motenore kuom weche mag chiemo maok kel kony moro amora ni joma chamogi. 10 Wan gi kendo mar misango ma jodolo ma pod tiyo e Hema Maler ok oyienegi chamo misengini motimie. 11 Jadolo maduong' tero remb jamni nyaka Kama Ler Moloyo mondo ochiw kaka misango mar golo richo, ka ringre mag jamnigo to iwang'o oko mar kambi. 12 Mano emomiyo Yesu bende nonegi oko mar dala mondo opwodh joge odok maler gi rembe owuon. 13 Omiyo wan bende wawuoguru wadhi ire oko mar kambi mondo wane achaya ma en bende noneno. 14 Nikech e pinyni waonge gi dala mosiko, to warito dala machielo mwabiro nwang'o achien. 15 Kuom mano, watimuru ne Nyasaye misango mar pak ndalo duto ka wan kuom Yesu. Pak makamano en olemo mawuok e dhowa ka hulo nyinge. 16 To bende wiu kik wil gi timo timbe mabeyo kendo gi pogo ne ji giu, nikech mago e kit misango ma Nyasaye morgo. 17 Winjuru weche jotendu kendo beduru e bwo lochgi. Girito chunyu odiechieng' gotieno kaka joma nyaka nyis Nyasaye kaka uchal. Wmjgiuru, eka tich ma gitiyo okelnigi mor to ok pek, nikech ka umiyo tich obedonegi mapek to un ema uhinyoru. 18 Lemnwauru. Wang'eyo malong'o ni waonge wach gi ng'ato kendo wadwaro ni ngimawa obed mobidhore e yore duto. 19 Moloyo an awuon, akwayou mondo ulamna mondo aduog iru mapiyo. 20 Mad Nyasach kuwe ma nochiero Ruodhwa Yesu, ma en Jakwath Maduong' mar rombe, kuom remo mar singruok mosiko, 21 olosu udok kare chuth, kutimo timbe mabeyo duto mondo eka utim dwarone. Mad oloswa mi wachal kaka odwaro, kuom Yesu Kristo, monego oyud duong' nyaka chieng'! Amin. 22 Jowetena, akwayou mondo uyie gi wach ma ajiwougoni nikech andilonu mana barua machwok kende. 23 Adwaro ni mondo ung'e ni owadwa Timotheo osegony, kendo ka ochopo piyo to anabi kode mondo waneu. 24 Mosuru jotendu duto kaachiel gi jo Nyasaye duto. Owete moa Italia ooronu mosgi. 25 Ng'wono mondo obed kodu uduto.
1 An Jakobo, ma jatich Nyasaye kendo jatich Ruoth Yesu Kristo, Andikonu, un dhoudi apar gariyo mokere e pinje mamoko.
Amosou Tembe Mopogore Opogore
2 Jowetena, kaweuru gi mor mar adier, ka uneno tembe mopogore opogore, 3 nikech ung'eyo ni ka yie maru otem to okelo kinda. 4 To kinda nyaka chop kare chuth eka unyalo doko motegno chuth maok uremo gimoro. 5 Ka ng'ato kuomu ochando rieko to okwa Nyasaye, ma jachiwo maber ne ji duto kendo nomiye maonge geruok. 6 To ka okwayo to nyaka obed gi yie maok oriwo gi kiawa, nikech ng'at ma riwo gi kiawa chalo gi apaka mar nam ma yamo riembo kendo tago. 7 Ng'at ma kamano kik par ni onyalo kwayo Ruoth gimoro mi oyudi, 8 nikech en ng'at ma pache nyadiriyo kendo ma timbege duto yom yom. 9 Owadwa modhier onego obed mamor ka oting'e malo. 10 To ng'at man gi mwandu onego obed mamor ka odwoke piny, nikech obiro lal nono, mana ka mafua moti e thim. 11 Nikech ka chieng' owuok gi liet marewni, to yien no two, maupe ge lwar piny kendo berne rumo. Kamano bende e kaka jamwandu biro lal nono, kata mana kodich e ohande mapile. 12 Ng'at ma nano kiteme en jahawi nikech kochung' motegno mi oloyo temno, to obiro oyudo osimbo mar ngima, ma Nyasaye osesingore ni nomi joma ohere. 13 To ka itemo ng'ato to kik o wach ni, "Nyasaye tema." Nikech Nyasaye ok nyal tem gi gik maricho, to en bende owuon ok otem ji 14 makmana ng'ato ka ng'ato itemo mana ka gombone owuon maricho oywaye mogaje. 15 Bang'e ka gombo maricho osemako ich to onyuolo richo; to richo kosedoko motegno to onyuolo tho. 16 Kik ng'ato wuondu, jowetena mageno. 17 Mich moro amora maber kendo malong'o aa malo e polo, koa kuom Wuoro ma nochweyo ler marieny e polo, kendo maok lokre ka tipo ma osiko kalokore. 18 En ema noyiero owuon mondo onyuolwa kokonyore gi wach mar adiera, mondo wabed kaka olemo mokuongo chiek e kind chwechne duto.
Winjo Wach Kendo Timo
19 Jowetena mageno, winjuru wachni malong'o ni: Ji duto onego bed mapiyo e winjo wach, kik urikni e wuoyo kendo kik ubed joma igi wang' piyo, 20 nikech ich wang' ok mi wabed joma kare kaka Nyasaye dwaro ni wabedi. 21 Kuom mano, lonyuru oko kit kethruok gi richo duto, ma kindegi opong'o piny kendo bolreuru kurwako wach mopidhi e chunyu, manyalo konyo u. 22 To kik uchik mana itu ni winjo wach, kende nono to uwuondoru kendu uwegi. Timuru gima Wach puonjo. 23 Ng'ato ang'ata ma winjo awinja wach to ok tim gima wach owacho, chalo gi ng'ama ng'iyo lenda wang'e e rang'i, 24 to bang' koseng'iyore maber to owuok odhi adhiya mi wiye wil gi kite sanosano. 25 To ng'at manono adimba Chik malong'o mar Nyasaye mamiyo dhano bedo thuolo, komedo timo kamano kinde ka kinde, maok wiye owil gi gima osewinjo, to osiko otimo gima Chik owacho, ibiro gwedhe e gimoro amora motimo. 26 Ka ng'ato ang'ata okawore ni en jalenlo, to ok orito lewe motegno to owuon-dore kende, kendo lemone onge tiende. 27 Kit lemo ma Nyasaye Wuonwa oyiego ni ler kendo onge ketho en mondo wakony nyithi kiye gi mond liete e chan-druokgi, kendo mondo ng'ato ka ng'ato oritre kik timbe maricho mag piny duwe.
Okwer Dewo Wang'
1 Jowetena, kaka un joma oyie kuom Ruodhwa Yesu Kristo ma en Ruodh duong', kik udew wang'ji. 2 Wakaw ni ng'ato odonjo e chokruok maru korwako bangli mar dhahabu gi lewni mabeyo, to ng'at moro modhier morwako lewni mokidhore okidhore bende odonjo kode. 3 Kapo ni ng'at morwakore gi lewni mabeyo ema umiyo luor, kuwachone ni, "Eri, kaw kom maberni ema ibedie," to ng'at modhier to unyiso ni, "In chung' chien kucha," kata ni, "Bedi piny e lowo e tienda ka," 4 donge mano nyiso ni useketo kiewo e dieru un uwegi, ka ubedo jong'ad bura ma pachgi richo? 5 Winjuru wachni jowetena mageno: Donge Nyasaye oseyiero joma piny kwano ni odhier mondo obed joma omew e yie margi kendo mondo ocham mwandu mag Pinyruoth mosesingo ni joma ohere? 6 Un to usechayo joma odhier! Donge gin jomwandu ema mayou giu kendo materou e ute mag ng'ado bura mondo okumu? 7 Donge gin ema gijaro Nying moluor mar Jal muyie kuome? 8 Ka en adier ni umako Chik mar Pinyruoth Polo mawacho ni, "Her owadu kaka iherori iwuon," to utimo maber. 9 To ka udewo wang'j i to utimo richo kendo bura oseloyou kaka joketh Chik . 10 Nikech ka ng'ato orito Chik duto to opodho e Chik moro achiel kende to odoko jaketho mana kagima oketho Chik duto. 11 Nikech Jal mane owacho ni, "Kik iterri," ema nowacho bende ni, "Kik ineki. Kapo ni ok iterri to nek to ineko to isedoko jaketh Chik . 12 Wuouru kendo timuru gik mutimo kaka joma ibiro ng'adnigi bura gi Chik achielno mamiyo ji bedo thuolo, 13 nikech nong'ad bura maonge kech ni ng'ato ang'ata maonge kech. To kech loyo ng'ado bura.
Yie gi Trm
14 Jowetena, ere konyruok ma ng'ato yudo ka owacho ni en gi yie to oonge gi tim? Be yie machal kamano nyalo rese 15 Wakaw ane kaka ranyisi ni owadwa kata nyaminwa kuom Kristo moro wuotho duk kendo oonge gi chiemo monyalo chamo. 16 Ka ng'ato achiel kuomu nyalo wachone ni, "Dhi gi kuwe, Nyasaye mondo ogwedhi, kendo koyo kik chami, kendo ichiem maber," to ok otimo gimoro mokonyo ringruokne, to ere berne? 17 Mano e kaka yie bende chalo: ka oonge gi tim to en yie motho. 18 To ng'ato nyalo wacho ni, "In to in-gi yie, to an to an-gi tim." Ng'at ma wuoyo kamano mondo ony-isa ane yie ma en-go maonge tim, mondo eka anyise yie ma an-go kuom timbe ma atimo. 19 Iyie ni nitiere Nyasaye achiel. Mano ber ahinya! To ng'e ni kata jochiende bende oyie mano, 20 In ng'at mofuwoni idwaro mondo omed nyisi kaka yie maonge tim en gima nono? 21 Donge Ibrahim kwarwa ne Nyasaye okwano kaka ng'ama kare kuom gima notimo kane ochiwo wuode ma Isaka e wi kendo mar Misango. 22 Inyalo neno kaka yie mane en-go kod timne ne tiyo kaachiel, mi yiene nobedo kare chuth kuom gima notimo. 23 Omiyo Ndiko nochopo kare, mawacho ni, "Ibrahim noyie Nyasaye, kendo yieneno nomiyo Nyasaye orwake kaka ng'at makare" Kuom mano Ibrahim ne iluongo ni osiep Nyasaye. 24 Koro nenore malong'o ni ng'ato doko ng'at makare kuom gima otimo, to ok kuom yie kende. 25 Kamano bende donge Rahab ma jarit kar rwako welo nokwan kaka ng'ama kare kuom gima notimo kane orwako okwach kich ka kendo mi nokonyogi tony gi yo machielo. 26 Mana kaka ringruok maonge chuny otho, e kaka yie maonge tim bende otho.
Boyo Lep
1 Jowetena, kik joma thoth kuomu hedhre mar bedo jopuonj, nikech ung'eyo ni wan mwapuonjo nong'adnwa bura malit moloyo ji mamoko. 2 Wan duto wachwanyore e yore mang'eny. Ka weche ma ng'ato wacho ok mi obed jaketho to en ng'at malong'o kendo onyalo chiko ringre duto mondo owinje. 3 Ka waketo ratege e dho farase mondo omi giwinjwa, to wanyalo chiko ringregi kamoro amora ma wadwaro. 4 Kata wanyalo kawo yiedhi madongo kaka ranyisi. Kata obedo ni gidongo miwuoro; kendo iriembogi gi yembe man gi teko madongo, to pod ichikogi mana gi ngayi matin nono mi gichom kamoro amora ma jakwang' yie dwaro ni gidhiye. 5 E kaka lep bende en fuon matin nono e dend dhano, to onyalo sungore miwuoro. Parie kaka pilni mach matin nono nyalo moko mach mi wang' bungu maduong'! 6 Lep bende en mach kendo piny mopong' gi richo e kind fuonde duto mag ringruok. Oketho ringruok duto, ka ochinyo mach mawang'o ngima dhano duto mi chop en owuon bende wang'e e Gehena. 7 Kit le duto gi winy mahuyo, gi gik mamol kaachiel gi chwech Nyasaye duto manie nam, dhano nyalo boyo kendo ose-boyo, 8 to onge ng'ama nyalo boyo lep. En gima rach maok yue, mopong' gi kwiri marach. 9 Lep achielni ema wapakogo Ruodhwa kendo Wuonwa, en bende ema wak-wong'o kode ji mochwe e kit Nyasaye. 10 Pak kod kuong' wuok e dhok achielno! Jowetena, gima kamano ok onego otimre. 11 Bende pi mamit gi pi makech nyalo wuok e soko achiel? 12 Jowetena, bende yiend ng'owu nyalo nyago zeituni? Koso mzabibu be nyalo nyago ng'owu? Kamano bende e kaka pi makech ok nyal lokore pi mamit.
Kit Rieko Ariyo
13 En ng'a e dieru mikwano ni riek kendo ni winjo tiend weche? Ng'at ma kamano mondo onyis riekone kuom kit ngimane maber kendo kuom timbe motimo gi muolo mawuok kuom rieko ma en-go. 14 To kapo ni upando nyiego mopong' gi mirima, gi gombo maricho mag chopo ichlit ma un-go e chunyu, to kik usungru kuom dwarou marichogo kukwedo adiera. 15 "Rieko" machal kamano ok oa e polo, to en mar piny kendo ok okony chuny dhano. En rieko Jachien. 16 Nikech kama nyiego gi piem nitie e kama njawni gi kit richo duto yudoree. 17 To rieko moa e polo ok chai kamano. Mokuongo oler, kendo ohero kuwe, odembore, owinj o wach, opong' gi kech kod olembe mabeyo; ok odew wang', kendo oonge miganga. 18 Jokel kuwe machuoyo koth kuwe kayo tim makare.
Bolreuru Ni Nyasaye
1 Ang'o makelo goruok gi dhawo e kindu? Donge gia kuom gombou makedo matek e chunyu? 2 Udwaro ni ubed gi gik moko, to ok uyudgi. Uneko kendo ugombo gige ji, to ok unyal yudo gik mudwarogo. Udhawo kendo ugoru e kindu ng'ato gi ng'ato. Ok uyud gik mud-waro nikech ok ukwa Nyasaye. 3 To kata ka ukwayo Nyasaye, to ok uyud gik muk-wayo nikech ukwayo gi paro maricho mondo utimgo dwarou uwegi. 4 Un jomaterore! Donge ung'eyo ni hero piny en chayo Nyasaye? Ng'ato ang'ata moyiero e chunye mondo obed osiep piny doko jasik Nyasaye. 5 Koso uparo ni Ndiko wacho kayiem, ni chuny moketo mondo odag e iwa nigi nyiego mager. 6 Makmana omiyowa ng'wono maduong' moloyo, mano emomiyo Ndiko wacho ni, "Nyasaye odagi josunga, to ochiwo ng'wonone ni joma muol." 7 Omiyo bolreuru e bwo Loch Nyasaye. Kweduru Jachien, eka noringu. 8 Suduru but Nyasaye, eka nosud butu. Lwokuru lweteu, un jorichogi, kendo pwodhuru chunyu, un joma nigi paro ariyogi. 9 Owinjore ubed mokuyo, kendo uywagi, kendo ugo nduru. Nyiero munyierogo onego olokre ywak, kendo mor mumorgo onego olokre kuyo. 10 Beduru mamuol e nyim Nyasaye, mondo eka obi oting'u malo. 11 Jowetena, kik uketh nying joweteu. Ng'ato ang'ata ma wuoyo marach kuom ng'at machielo, kata ma ng'ado ni ng'at machielo bura nyaka ng'e ni Chik ema owuoyo kuome marach kendo ong'adone bura. To ng'at ma ng'ado ni Chik bura ok orito Chik nogo nikech osedoko ng'ama ng'adone bura.12 Wuon Chik ma bende en Jang'ad bura en achiel kende. En ema onyalo reso kata nego ng'ato. In to in ng'a mondo ing'ad ni nyawadu bura?
Sungruok Kuom Kiny
13 Chikuru itu uwinja, un mu wacho ni, "Kawuono kata kiny wanadhi e dala ni, kata e dala cha, mondo wadag kuno higa achiel, mondo walok ohala kuno eka walos pesa." 14 Ere kaka uloso kamano to ukiya gima kiny notimre. Uparo ni ngimau en ang'o? Ngimau chalo mana ong'weng'o mineno saa matin kende to bang'e lal nono. 15 Kar wacho kamano to onego uwach mana ni, "Ka Ruoth oyie to wabiro medo bedo mangima mi watim ma kata macha." 16 Un to usungoru kendo upakoru! Ng'euru ni sunga ma kamano en richo. 17 Kuom mano, ng'ato ang'ata mong'eyo gima ber monego otim, to ok otimo, timo richo.
Siem Ne Jomwandu Mathiro Ji
1 Chik uru itu uwinja, un jomwandu! Ywaguru kendo gouru nduru nikech masiche mathoth ochomou. 2 Mwandu ma un-go osetop, kendo olwenda osechamo lepu otieko. 3 Dhahabu gi fedha ma un-go nyal osechamo, kendo nyal mochamogigo ema biro bedo joneno makwedou kaka joketho, kendo gibiro chamo ringreu ka mach. Usechoko mwandu e ndalo giko. 4 Neuru! Misach jotich mane otiyonu e puotheu ma utwerue ywagorenu. Kendo ywak mar jokeyo mane okayo chambu bende osechopo e it Ruoth Manyalo Gik Moko Duto. 5 Usedak e piny e ngima mamalo kuchamo raha. Usebedo machwe e odiechieng' mar nyasi. 6 Useng'ado bura mi unego joma kare, mane ok ked kodu e yo moro amora.
Bedo Jakinda E Sand
7 Emomiyo horeuru mos, jowetena, nyaka chop Ruoth duogi. Parieuru kaka japur rito puothe mondo onyagne cham mokonyorego, kendo kaka ohore mos korito kodh komo gi kodh Chwiri. 8 Un bende horeuru mos, kendo jiwuru chunyu, nikech Ruoth chiegni duogo. 9 Kik ng'ato kuomu ng'ur gi nyawadgi, jowetena, nono to ibiro ng'adnu bura kaka joketho. Neuru ni Jang'ad bura ochung' e dhoot! 10 Jowetena, kawuru Jonabi mane owuoyo e nying Ruoth kaka ranyisi mar bedo jokinda e kinde chandruok. 11 Kaka ung'eyo maber ni joma otimo kinda e chandruok ema ikwano ni ogwedhi. Usewinjo bende kuom kinda mar Ayub, kendo ung'eyo gima Ruoth notimone achien. Ruoth nigi kech kod ng'wono mathoth. 12 To moloyo mago duto, jowetena, kik ukuong'ru. Kik ukuong'ru gi polo kata gi piny kata gi gimoro amora machielo. Kar timo kamano to "Ee" maru mondo obed mana ee, kendo "Ooyo" maru bende obed mana ooyo, nono to bura biro oloyou.
Lamo Mar Yie
13 Mit ki ng'ato kuomu nigi chandruok? Onego olem. Mit ka ng'ato mor? Onego ower wende pak. 14 Mit ka ng'ato kuomu tuo? Onego oluong jodong kanisa mondo olamne kendo owire gi mo e nying Ruoth. 15 Nikech lamo molam kuom yie biro kelo chango ni jatuo, mi Ruoth mi oa malo. Kapo dipo ni osetimo richo to nowene. 16 Emomiyo ng'ato ka ng'ato mondo ohul richone kendo olam ni nyawadgi, mondo eka uyud chang. Lamo mar ng'ama kare nigi teko kendo timo tich. 17 Elija ne en dhano mana kaka wan. Nolemo koketo chunye mondo kik koth chue, mi koth ne ok ochue e piny kuom higni adek gi dweche auchiel. 18 Eka bang'e nolemo kendo, mi polo noyawore mi koth ochue kendo mi piny nochiego cham. 19 Jowetena, ka ng'ato kuomu obaro oweyo adiera, mi ng'ato oduoge e yo, 20 to ng'euru ni ng'at moduogo jaricho e yo biro reso chunye kuom tho, kendo noum richone mathoth.
1 Petro, ma jaote Yesu Kristo, Ne joma Nyasaye oyiero ma gin welo e piny Peter, kendo mokere kuonde duto mag Ponto, gi Galatia. 2 Moseyier, chon kaluwore gi dwaro mar Nyasaye Wuoro, kuom tich mar pwoth mar Roho, winjo chik mar Yesu Kristo gi lwok kuom chwer mar rembe: Ng'wono kod kuwe obednu mogundho.
Pak Ni Nyasaye Kuom Geno Mangrina
3 Pak ni Nyasachwa ma en Wuon Ruodhwa Yesu Kristo! Kuom kechne maduong', osenyuolwa manyien mi wayudo geno mangima kuom chier mane Yesu Kristo ochiergo oa kuom joma otho, 4 kendo e mwandu mosiko ma okanonu e polo maok nyal lal bende ok nyal kethore kata lolore. 5 Jogo morit kuom yie gi teko mar N)asaye nyaka chop warruok mosei-ki mondo oel e chieng' giko. 6 Umor mathoth kuom wachni, kata obedo ni sani pod uneno sand mopogore opogore kuom kinde matin. 7 Magi osetimorenu mondo yie maru man gi nengo moloyo dhahabu ma kethore kata obedo ni ipuodhe e mach mondo ong'e ka un-gi yie maradier mondo mi okel pak gi duong' kod luor chieng' ma Yesu Kristo ofwenyore. 8 Kata obedo ni pok unene to pod uhere ahera; kendo kata obedo ni ok unene kata sani to pod uyie ayiea kuome kendo upong' gi mor maduong' mokadho wacho. 9 Nikech koro uyudo thorro mar yie maru, ma en warruok mar chunjeu. 10 Kuom wach warruokni jonabi mane owuoyo kuom wach ng'wono mane biro bironu ne jonono matut kendo manyo matek. 11 Ka gidwaro mondo ging'e kinde kod gigo manotimore mane Roho mar Kristo mane nikuomgi ne nyiso kanokoro kuom masiche mane Kristo biro yudo kod duong' mane biro luwo masichego. 12 Nofweny nigi ni tich mane gitiyo ne ok giti nigin giwegi, tone gitiyo mana neun kane giwuoyo kuom gik ma koro oseny-isu gi joma oseyalonu Wach Maber kuom teko mar Roho Maler moa e polo. Koda ka Malaike bende gombo mondo onee.
Beduru Maler
13 Emomiyo ikuru pachu ni tich. Ritreuru, kendo keturu genou duto kuom ng'wono mibiro miu ka Yesu Kristo ofwenyore. 14 Kaka nyithindo mawinjo wach, kik ulu kit gombo maricho mane uluwo chon kane pod udak e kia. 15 To mana kaka Jal moluongou ler, beduru maler e gimoro amora mutimo. 16 nikech ondiki ni, "Beduru maler nikech aler." 17 Kaka uluongo nying Wuoro ma ng'ado bura ne tich ng'ato ka ng'ato machalre ka ok odew wang' ng'ato, dagu-ru ngimau kaka welo e piny-ka, kod luor mowinjore. 18 Nikech ung'eyo ni ne ok owaru gi gik ma kethore, kaka fedha kata dhahabu, mondo uwe kit ngimau manono mane kwereu machon oweyonu mondo ulu, 19 to gi remo ma nengone tek mar Kristo, ma en Nyarombo maonge mbala kata songa. 20 Ne oyiere kapok ochwe piny, to ne ofwenynwago e ndalo gi mogik nikech un. 21 Nikech En, koro uyie kuom Nyasaye, mane ochiere oa kuom joma otho mi omiye duong' mondo yie maru kod geno maru obed kuom Nyasaye. 22 Kaka koro usepwodhuru uwegi kuom luwo adiera, mondo eka uher joweteu, koro herreuru ng'ato gi ng'ato gi hera matut, kendo timuru kamano gi chunyu duto. 23 Nikech osenyuolu nyuol manyien, ok gi kodhi ma top, to gi kodhi ma ok tow, gi wach Nyasaye mangima kendo mochwere. 24 Nikech Ndiko wacho ni, "Dhano duto chalo gi lum kendo duong' ma gin-go chalo mana gi mafua mar bungu. Lum ner kendo mafua two mi lwar piny, 25 to wach Ruoth osiko nyaka chieng'". To mae e Wach Maber mane oyalnu.
1 Emomiyo weuru timbe maricho duto kod wuondruok duto, kod ndogruok, gi nyiego kod kuoth eyo moro amora. 2 Mana kaka nyithindo mayom, beduru gi siso gi chak mayom mar chuny mondo kumadhe to omi udongi e yor warruok, 3 nikech koro usebilo Ruoth mi uyudo ni ober.
Kidi Mangima Kod Joma Oyier
4 Kaka ubiro ire, Kidi mangima mane ji odagi to ma Nyasaye oseyiero man-gi ohala kuome. 5 Un bende kaka kite mangima, igerou e ot mar chuny mondo ubed jodolo maler machiwo misango mag chuny ma Nyasaye oyiego kuom Yesu Kristo. 6 Kaka e Ndiko owacho, ni, "Neuru, achungo kidi e Zayun, en kidi moyier kendo ma nengone tek moriwo kor ot, to ng'at moyie kuome ok none wichkuot." 7 Kidini nigi nengo matek mana ni un joma oyie. To kuom joma ok oyie to, "Kidi mane jogedo odagi koro ose-doko kidi moriwo kor ot" 8 kendo, "En kidi machwanyo ji kendo en lwanda mamiyo gipodho." Gichwanyore nikech gitamore winjo wach, mabende mano ema ne oiknegi. 9 Un to un oganda moyier. Un jodolo ma joka Ruoth kendo un oganda maler mar Nyasaye mane oyiero mondo ohul tijege miwuoro, kane oluongou mi ua e mudho kendo udonjo e lerne miwuoro. 10 Chon ne ok un ji, to koro unjo Nyasaye, chon ne pok okechu, to koro osekechu. 11 Joherana, ajiwou, kaka jowuoth kendo kaka welo e pinyni, mondo uwe gombo maricho mag ringruok makedo gi chunyu. 12 Daguru ngima mabeyo e kind jopiny makia Nyasaye mondo kata ka gihangou ni un joketho to gine mana tim-beu mabeyo mi gimi Nyasaye duong' chieng' ma enolimwae.
Winjo Joloch Kod Ruodhi
13 Ng'ato ka ng'ato kuomu nyaka winji joloch duto moketi mondo orit ji, nikech Ruoth ema dwaro ni utim kamano, kata en ker man-gi teko e wi ji duto, 14 kata en jatelo ma ker oketo mondo okum joketho to opwo joma timo maber. 15 Nikech en dwaro Nyasaye mondo utam weche manono mag joma ofuwo gi timbeu mabeyo mutimo. 16 Daguru ka joma ni thuolo, to kik ukonyru gi thuolo ma un-go kaka rageng' mar timo richo, daguru kaka jotich Nyasaye. 17 Chiwuru luor mowinjore ni ji duto. Heruru jowete duto mowar. Luoruru N)asaye. Miuru ker mar piny luor. 18 Wasumbini winjuru ruodhiu gi luor duto. Kik uluor mana ruodhi mabeyo kendo maok kwiny kodu, to luoruru koda mago makwiny kodu. 19 Nikech en gima ber ka dhano oyie ting'o rem mar chandruok moyudo kayiem nikech ong'eyo ni Nyasaye nilode. 20 Ere kaka ng'ato diyud pak ka oyudo goch mikumego nikech ojaketho? To ka isandi nikech tim maber mitimo, kendo ka inano e bwo sand ma kamano, to Nyasaye pwoyi. 21 Mano e kit ngima mane oluongu nikech Kristo nosandi nikech un, mi ne oweyonu ranyisi mondo un bende uluw ndache. 22 Ne ok otimo richo kata achiel, kendo onge ng'ama no winjo miriambo manowuok e dhoge. 23 Kane oyanye to ne ok oduoko jomane yanye gi ayany, kane osandore to ne ok okuong'o joma ne sande. Kar timo kamano to noketo genone kuom jal ma jang'ad bura ma kare. 24 En owuon not-ing'o richowa e ringre kane otho e yath mondo eka wan wadok joma otho ne richo, to wabed mangima ni timbe makare; gi adhondene ema osechangu. 25 Ne uchalo mana rombe moruenyo, to koro oseduogu e yo mondo ulu Jakwath kendo Jarit mar chunjeu.
Mon Gi Chwo
1 Kamano bende un mon luoruru chwou, mondo kaponi moko kuomgi pok oyie wach to gilokre, ok nikech weche to nikech timbe mondegi, 2 kagineno bidhruok gi luor e ngimau. 3 Ber maru ok onego onenre mana kuom gik mulichogo dendu maoko: kaka wich mokadi gi ruako bangli mag dhahabu kod lewni mabeyo. 4 Chutho moloyo, ber maru onego obed mano maiye, e chunyu ber madier mar chuny mamuol kendo mokuwe ma en gima duong' moloyo e wang' Nyasaye. 5 Nikech kamano e kaka mon maler machon mane oketo genogi kuom Nyasaye ne loso bergi maiye. Ne giwinjo wach chwogi giwegi, 6 mana kaka Sara, mane winjo Ibrahim kendo luonge ni ruodhe. Un udoko nyige ka utimo gik mabeyo gi chir maok uluoro gimoro. 7 Un chwo bende nyaka udag gi mondu kuweyonigi korgi. Migiuru luor kaka chwech mang'aw kendo kaka jouteu muchamogo mich mar ngima momiu kuom ng'wono. Kutimo kamano to onge gima biro mono lemou chopo e nyim Nyasaye.
Neno Sand Kuom Timo Maber
8 Mogik, neuru ni un duto un gi chuny achiel. Beduru gi miwafu e kindu kuheroru kaka owete, kendo kukechoru, ng'ato gi ng'ato, kubedo joma muol. 9 Kik uchul richo kar richo, kata ayany kar ayany. To gi gweth, nikech mano ema omi noluongu, mondo uyud gweth un bende. 10 Nikech "Ng'ama diher ngima maber kendo neno ndalo maber nyaka geng' lewe kuom richo kendo dhoge, kuom wacho miriambo. 11 Nyaka olokre owe richone mi otim maber; nyaka omany kuwe kendo oluwe. 12 Nikech wenge Ruoth osiko kang'iyo joma timbegi beyo kendo ochiko ite mar winjo lamogi, to wang' Ruoth mon gi joma timo richo" 13 Ere ng'ama dihinyi ka iikori mar timo gima ber? 14 To kata ka ochuno ni nyaka ine sand kuom gima kare mitimo, to in ng'ama ogwedhi. Kik uluor gik ma giluoro, kendo kata bwok kik gibuogu. 15 To miuru Kristo duong' ei chunyu kaka Ruoth Maler. Beduru moikore kinde duto mar duoko ng'ato mopenjou gimomiyo un gi geno ma un-gono. To timuru kamano gi muolo kod luor. 16 Rituru chunyu maler maonge bura, mondo joma wuoyo kuomu marach kuom timbeu mabeyo kuom Kristo, ong'eng' kendo one wichkuot. 17 En gima ber ka en dwaro Nyasaye, mondo osand ng'ato kuom timo maber moloyo ka ng'ato yudo sand kuom timo richo. 18 Nikech Kristo notho ni richo dichiel mogik, Ng'at makare notho kar joma richo mondo okelu ir Nyasaye. Ne oneg ringre, to kata kamano nomiye bedo mangima e chuny. 19 Kuom chuny nogo bende ema notere moyalo ni chunje manie tuech, 20 mane otamore winjo Nyasaye chon gilala kane Nyasaye orito aming'a e kinde mane Noa hondhoe yie. E yieno ji manok kende maromo ji aboro, ema ne okwo kakalo e pi. 21 Pigni ochung' kar batiso makoro warou un bende, ok kuom golo chilo e del, to kuom keto ranyisi mar paro molokore odok kor Nyasaye. Owarou kuom chier mar Yesu Kristo, 22 moseidho e polo kendo koro obet a bat korachwich mar Nyasaye, ka malaike duto gi loch kod teko duto winjo chikne.
Dak Ni Nyasaye
1 Emomiyo, kaka Kristo noneno sand e ringruok, un bende nyaka umanru gi paro machal gi mare, nikech ng'at mane oneno sand e dende koro oseloyo richo. 2 Kuom mano,un koro ok udak e ngima maru mar pinyni mondo uchop gombo maricho mag dhano, to odak mar timo dwaro Nyasaye. 3 Nikech usekawo thuolo malach kinde mokalo kutimo gik ma jopiny ohero timo, kaka: dwanyruok, gombo, mer, tugo e thum, metho mar anjawo kod lamo nyiseche manono. 4 Jopiny tinde wuoro niok urip kodgi e timbe mag anjawo makamago omiyo koro giyanyou. 5 To ochunore ni ginihul wach man kuomgi giwegi ni Jal moikore mar ng'ado bura ni joma ngima gi joma otho. 6 Nikech mano emomiyo ne oyal Wach Maber koda ka ni joma koro osetho, mondo eka obi ong'adnegi bura, kaka nong'ad ni ji duto manie ringruok, to chunygi mondo obed mangima kaluwore gi dwaro Nyasaye. 7 Giko gik moko duto chiegni. Emomiyo beduru gi paro maler kendo ritreuru mondo ulam. 8 To moloyo mago duto, herreuru gi hera matut ng'ato gi ng'ato, nikech hera umo richo mang'eny. 9 Ruakuru joweteu maok ung'ur. 10 Ng'ato ka ng'ato mondo oti kod mich moro amora mosemiye mondo okonygo jomoko. Ka utiyo gi kinda kaka jorit mag ng'wono mopogore opogore ma Nyasaye omiyo kuom lonyo ji. 11 Ka ng'ato wuoyo to mondo owuo mana ka ng'ama hulo weche mowuok e dho Nyasaye owuon. Ka ng'ato tiyo ni ji, to onego otim kamano gi teko ma Nyasaye chiwo, mondo kuom gik moko duto ji opak Nyasaye kuom Yesu Kristo. Duong' gi teko mondo obed mare chieng' manyaka chieng'. Amin.
Sand Kuom Bedo Ja Kristo
12 Osiepena mahero, kik ubuogi ka uyudo sand mawang'ou ka mach kuparo ni gimoro magalagala ema timorenu. 13 To beduru mamor nikech oriwu kod Kristo e sandne, mondo unudok moil chuth chieng' ma duong'ne nofwenyre. 14 Ka iyanyou nikech nying Kristo to un joma ogwedhi, nikech Roho mar duong' kendo mar Nyasaye ni kuomu. 15 Ka ng'ato kuomu neno sand to kik bed nikech ojanek kata ojakuo, kata jamahundu, kata jaketre e weche ji. 16 To ka ineno sand nikech in ja Kristo to kik wiyi kuodi, to gone Nyasaye erokamano nikech iluongi gi nyingno. 17 Nikech saa koro osechopo ming'adoe bura ni jood Nyasaye. To ka wan ema ochakore kodwa kamano to uparo ni joma ok luw Wach Maber mar Nyasaye to biro neno malit machal nadi? 18 To "Ka en gima tek mondo owar joma timbegi beyo, koro joma kia Nyasaye gi joricho to nobed machalo nadi?" 19 Kuom mano joma neno sand kaluwore gi dwaro Nyasaye onego ochiw chunygi e lwet Jachuech ma jaadiera kendo onego gidhi nyime gi timo timbe mabeyo.
Ni Jodongo Gi Jomatindo
1 Akwayo jodong kanisa man e dieru, kaka jaduong' wadu mane oneno gi wang'e kaka Kristo sandore, kendo kaka achiel kuom joma biro yudo duong' mabiro fwenyore achien: 2 Beduru jok-wath mag romb Nyasaye moseketo e lwetu mondo urit. Tiuru nigi kaka jorit, ok nikech ng'ato ochunou, to nikech chunyu ohero, kaka Nyasaye dwaro ni utim. Kik ubed jokwath nikech wuoch pesa omakou, to timuru kamano nikech tij konyo ji bernu. 3 Kik utimru ruodhi ewi joma oketi elwetu mondo uriti, to bed ne giuru ranyisi. 4 Eka ka Jakwath Maduong' nofwenyre to unuyudi osimbo mar duong' ma nosik ka rieny nyaka chieng'. 5 Un jomatindo bende winjuru joma dongo. Ruakreuru gi muolo e kindu ng'ato gi ng'ato, nikech Ndiko wacho ni, "Nyasaye osin gi josunga to ochiwo ng'wono ni joma muol." 6 Emomiyo belreuru e bwo bad Nyasaye maratego, mondo eka oting'u malo e kinde mowinjore. 7 Keturu dwachu duto kuome nikech oherou. 8 Bed kuritoru kendo motang'. Jasiku, ma en Jachien, bayo ka gi kacha mana ka sibuor maruto, komanyo ng'ama dongam. 9 Chunguru motegno e yie maru kendo tameuru, nikech ung'eyo ni joweteu moyie piny ngima bende neno chandruok machalre kodu. 10 Ka useneno chandruok kuom kinde moromo, Nyasach ng'wono duto, mane oluongou e duong'ne mochwere kuom Kristo, nomi ubed maler chuth, kogurou udoko motegno kendo mojing'; e misingi maok yiengni. 11 Teko obedne chieng' ma nyaka chieng'." Amin.
Mos Mogik
12 Andikonu barua machwokni ka Silfano, ma akwano kaka owadwa madier kuom Kristo, konya. Ajiwou kendo atimo neno ni ma e kaka ng'wono madier mar Nyasaye chalo, omiyo chunguru motegno kuom ng'wonono. 13 Kanisa man Babulon, ma Nyasaye oyiero kaachiel kodu, okowonu mos. Wuoda Mariko bende omosou. 14 Mosreuru ng'ato gi ng'ato gi yogruok mar hera. Kuwe mondo obednu un duto ma un kuom Kristo.
1 An Simon Petro, jatich kendo jaote mar Yesu Kristo, Andikonu un joma oseyudo yie ma nengone tek kaka marwa, kuom tim makare mar Nyasachwa kod Jawarwa Yesu Kristo. 2 Ng'wono kod kuwe mogundho obed kodu kumedo ng'eyo Nyasaye kod Yesu Ruodhwa.
Miyo Luong Mar Ng'ato Kod Yierone Bedo Adiera
3 Tekone maduong' osemiyowa gik moko duto ma wadwaro mar ngima, kendo luoro Nyasaye, kuom ng'eyowa mar Jal mane oluongowa kuom duong'ne owuon kod berne. 4 Kuom magi osemiyowa singruokge madongo kendo ma nengogi tek, mondo e kuom gigi unyalo kawo kit Nyasaye kendo mondo utony ua e kethruok ma gombo maricho mag pinyni Mo. 5 Kuom mano, temuru matek kaka unyalo mondo umed yieu gi ber, ber to meduru gi ng'eyo; 6 ng'eyo to meduru gi ritruok, to ritruok meduru gi kinda, kinda meduru gi luoro Nyasaye, 7 luoro Nyasaye meduru gi ng'wono mar owete; to ng'wono mar owete to meduru gi hera. 8 Nikech ka un-gi kit timbego mogundho, to gibiro geng'ou mondo kik ubed joma nono maok nyag olemo e ng'eyo ma ungo kuom Ruodhwa Yesu Kristo. 9 To ka ng'ato onge gi kidogi e ngimane to en ng'ama neno machiegni kendo ma muofu nimar wiye osewil ni ne osepuodhe oweyo richoge machon. 10 Emomiyo, jowetena, meduru bedo gi siso mar loso luongu kod yiero maru kare. Nikech ka utimo gigi to ok unupodhi, 11 kendo unuyud rwak maratipo ei Pinyruoth mochwere mar Ruodhwa kendo Jawarwa Yesu Kristo.
Koro Mar Ndiko
12 Omiyo pod abiro mana medo paronu wechegi, kata obedo ni ung'eyo kendo uguroru motegno e adiera ma koro un-go. 13 Aparo ni en gima ber mondo achiew pachu ka pod anie kiru mar ringruokni, 14 nikech ang'eyo ni achiegni weyo kiruni mana kaka Ruodhwa Yesu Kristo oseny-isa maler. 15 Kendo abiro temo matek mondo ane ni ka aseweyou to ubiro siko kuparo gigi. 16 Ne ok waluwo sigendini ma dhano oloso gi riekone kane wanyisou kuom teko kod biro mar Ruodhwa Yesu Kristo, to wawegi ne wan joneno mar duong'ne. 17 Nikech ne oyudo luor kod duong' kuom Nyasaye Wuoro kane duol obirone moa e Duong' Mamalo Moloyo, ni, "Ma e Wuoda mahero ma chunya morgo!" 18 Wan wawegi ne wawinjo duolni mane oa e poloni, kane wan kode ewi got maler. 19 Omiyo wan-gi weche jonabi ma osel-ernwa tiendgi. Ka uchiko itu ne wechegi to ubiro konyoru, nikech gichalo gi ler marieny ka aa e mudho, nyaka chop odiechieng'no yawre mi ler mar sulwe mokinyi meny chunjeu. 20 To moloyo mago duto, nyaka ung'e ni onge wach mokor mag Muma ma janabi nyalo loko tiendgi gi pache owuon. 21 Nikech weche mokor manie muma ne ok owuok e pach dhano, to Nyasaye ema nomiyo ji owuoyo, ka gin e bwo teko mar Roho Maler.
Jopuonj Mag Miriambo Kod Kethruokgi
1 To jonabi mag miriambo bende ne nitie e kind ji kinde machon, mana kaka jopuonj mag miriambo bende biro bedo e dieru. Gibiro kelo akwala puonj mag miriambo maketho ji, kagikwedo nyaka Ruoth mane ochweyogi (to mano nomi gitiekre kendgi piyo piyo nono!) 2 Ji mathoth nolu kit ngimagi mobam makelo wichkuot, kendo ginimi ji nocha yo mar adiera. 3 Nikech wuochgi mar dwaro gik malang'jopuonj gi nopiag dhogi gi sigendini magiseloso miriambo malombo ji; mondo gimau mwandu. To kum margi mane oiknegi chakre chon oliero e wigi, kendo lethruokgi ok nindi. 4 Ka Nyasaye ne ok oweyo kata mana malaike mane otimo richo, to ne owitogi e gehena, koketogi e mudho mandiwa ka girito kumgi; %a nokumo koda ka piny machon, e kinde mane omiyo pi oyueyo joma ochayo Nyasaye, to Noa mane yalo mondo ji otim timbe makare kaachiel gi ji abiriyo mamoko, to ne oreso; 6 ka Nyasaye nong'ado bura ni Sodom gi Gomora mine owang'o joma odakie miergo molokore buru, kendo mi oketogi ranyisi mar gima biro timore ni joma ochayo Nyasaye; 7 ka Nyasaye noreso Lut, ng'at makare, mane chunye chandore malit nikech ngima mochido mar joma ne ochayo chik, 8 (nikech ne en ng'at makare, chunye ne chande malit kane oneno kendo owinjo timbe maricho ma tieng' mane odakgo timo pile ka pile); 9 ka en kamano, to kare Ruoth ong'eyo kaka dores joma oluore kuom tembe ma giyudo kendo ong'eyo kaka okano joma richo ni kum chieng' Bura, ka gidhi nyime kod kumgi. 10 Mani en adiera kuom jogo machopo dwaro mochido mag ringregi kendo mochayo loch. 11 Jogi wengegi tek kendo opong' gi achaya, kendo ok giluoro kata mana wuoyo marach kuom joloch mag polo, nma kata mana malaike man-gi teko gi duong' moloyogi ok nyal wuoyo marach kuom chwechgo e nyim Ruoth Nyasaye. 12 To jogi wuoyo marach ka gi yanyo nyaka gik maok giwinj tiendgi. Gichalo le maonge rieko, mager, maonge paro, mane ochwe mana mondo omaki onegi. Jogi biro lal nono mana ka le mag bungu. 13 Ibiro chulgi chandruok kar chandruok ma gisekelo. Giwinjo maber ka gichopo gombo duto mag ringregi ratiro e nyim ji. Ka gidwanyore kendo gichopo gombogi maricho e chokruogeu mag sawo to gichalo mbelni kod gik motop. 14 Wengegi ochiek ni terruok kendo richo mitnegi maok giwe. Giywayo mon may-omyom mondo gitimgo richo, kendo gilony e wuoro. Jogi okuong' adier! 15 Gisebaro giweyo yo matir mi girwenyo ka giluwo yor Balaam wuod Beor, mane ohero misach richo. 16 To pundane ne okwere kuom timne marachno, (kata obedo ni en le maok wuo kamano, to ne owuoyo gi dwond dhano mi ogeng'o neko janabino). 17 Jogi gin sokni ma pi ongee kendo gin ong'weng'o ma yamo tero. Okan nigi mudho mandiwa molil ti. 18 Nikech dhcgi golo weche manono mag sunga mopong' gi gombo maricho mag kit dhano mohero richo, mondo gimi joma tinde eka tony aa kuom joma olal tim richo. 19 Gisingo ni jogi thuolo to gin giwegi gin wasumbini mag richo makelo kethruok (nikech dhano en misumba gimoro amora moloyo ngimane). 20 Nikech ka ji osetony oweyo kethruok mar piny, kuom ng'eyo Ruodhwa kendo Jawarwa Yesu Kristo, eka bang'e gichako gidok e piny mi giga-jore kode kendo oloyogi, to achien gidoko maricho moloyo kaka ne gichalo mokuongo. 21 Dine obedo maber moloyo mondo kik ging'e yor ngima makare moloyo ng'eye eka bang'e achien giloko ng'egi ni chike mopwodhi mane omigi. 22 Gima osetimorenigi chopo adiera mar ngero mawacho ni, "Guok odok nang'o ng'okne moseng'ogo", kendo ni, "Nguruwe moselwoki ochako odok dwanyore e chuodho."
Odiechieng Ruoth
1 Osiepena mageno, maa koro en baru-pa mar ariyo ma asendikonu. Asendikonugi giduto kargi ariyo mondo aparnu kendo achiew pachu obed moyawore. 2 Adwaro ni mondo upar weche mane jonabi maler okoro chon kod chik mane omiu koa kuom Ruodhwa kendo Jawarwa kokadho kuom joote magu. 3 Mokuongo tik tik, nyaka ung'e ni e ndalo mogik jomoko ma charo ji nobi ka gicharou kendo ka giluwo gombogi maricho. 4 Ka gipenjou ni "Ruodhu mane onego oduogino to ere? Donge nyaka ne kwerewa tho gik moko osebedo mana machalre nyaka aa chakruok piny!" 5 To jogi wigi wil mar oyiem ni chon gilala wach Nyasaye nomiyo polo obedo kendo piny ne ochwe koa kuom pi kendo ei pi. 6 Kendo pi nogo bende ema Nyasaye nopong'ogo piny machon mokethego. 7 Kuom wach nogo ema omiyo polo gi piny masani nitie, kendo okan ni mach. Okan-gi nyaka chop odiechieng'no ma joma ochayo Nyasaye nong'adnigi bura mi notiekgi chuth. 8 To wiu kik wil gi gimoro achielni osiepena mageno: Ni kuom Ruoth odiechieng' achiel chaire gi higini alufu achiel, kendo higini alufu achiel chaire gi odiechieng' achiel. 9 Ruoth ok dhi mos kuom chopo singruokne, kaka jomoko paro. Un ema oweyonu thuolo mondo ulokru, nikech ok odwar ni ng'ato olal kata achiel, to odwaro mondo ji duto olokre owe richogi. 10 To odiechieng Ruoth nobi ka jakuo. E odiechieng'no polo noleny nono gi mor ma dino it, kendo gik mochue manie kor polo nowang' mi keth chuth, to piny gi gik moko duto manie iye nolal nono. 11 Ka gigi duto ibiro kethi kama, loro onego ubed joma chalo nadi? Onego udag ngima maler kendo moluoro Nyasaye, 12 ka urito odiechieng' mar Nyasaye, kendo ka utemo beru mondo ochop piyo. Odiechieng'no polo nowang' kendo nokethe kendo chuech mag polo noleny kawang'. 13 Wan to warito gik ma Nyasaye osesingonwa, ma gin polo manyien gi piny manyien, kama timbe makare lilo ema noyudre. 14 Emomiyo, osiepena mageno, ka pod urito odiechieng'no to temuru matek kaka unyalo mondo ubed joma ler maonge ketho e nyim Nyasaye, kendo beduru gi kuwe kode. 15 Beduru kung'eyo ni deko mar Ruodhwa oweyo mana thuolo mar yudo warruok, mana kaka Paulo owadwa mwageno be osendikonu gi rieko mane Nyasaye omiye. 16 Barupege duto ondiko machalre, kowuoyo e igi kuom wechegi. Barupege oting'o weche moko ma tiendgi tek ma joma kia gi jo hubagabaga gwenyo, mana kaka gig-wenyo Ndiko mamoko bende, to timgino biro kelo nigi chandruok. 17 Emomiyo, osiepena mageno, kaka koro useng'eyo wachni, ritreuru mondo kik ywau gi kethruok mag jomaricho mi uluar ua kama ber muchung'ie. 18 To dhi-uru nyime kudongo e ng'wono kod ng'eyo ma un-go kuom Ruodhwa kendo Jawarwa Yesu Kristo. En ema oyud duong' sani kendo nyaka chieng'! Amin.
Is Wach Mar Ngima
1 Wandikonu kuom Wach mar ngima, mane nitie nyaka aa chakruok, ma wasewinjo kendo waseneno gi wengewa, kendo waserange maber mi wamule gi lwetewa. 2 Ngimani nofwenyore mi ne wanene omiyo wawuoyo kuome, kendo wanyisou wach ngima mochwere mane nigi Wuoro kendo mane onyiswa. 3 Wahulonu gima waseneno kendo winjo, mondo un bende ubed e achiel kodwa e lalruok. To lalruok marwa nie kindwa gi Wuoro kod Wuode, Yesu Kristo. 4 Wandikonu wachni mondo morwa obed mogundho kendo moromo chuth.
Wuotho E Ler
5 Puonj mane wayudo kuom Kristo kendo koro wanyisou ema: Nyasaye en ler, kendo mudho onge kuome chutho. 6 Omiyo ka wawacho ni wan e lalruok kode to pod wawuotho e mudho to wariambo kendo ok wawuothi e adiera. 7 To ka wawuotho e ler, kaka en bende enie ler to wan e lalruok ng'ato gi ng'ato, kendo remb Yesu Wuode pwodhowa e richo duto. 8 Ka wawacho ni waonge richo, to wawoundore kendwa, kendo adiera onge e iwa. 9 To ka wahulo richowa, en jaadiera kendo ng'ama kare kendo obiro weyonwa richowa mi opuodhwa kuom timbe duto maok odhi kare. 10 Ka wawacho ni pok watimo richo to wamiyo odoko ja miriambo kendo wachne onge gi thuolo e ngimawa.
1 Nyithinda mahero, andikonu wachni mondo kik utim richo. To kapo ng'ato otimo richo, to wan gi Jabura maloson-wa kendo kwayonwa Wuoro; Jali en Yesu Kristo, Ng'at Makare. 2 En e misango magolo richowa, to ok marwa kende, to nyaka richo mar piny ngima. 3 Ka wamako kendo watimo chike Nyasaye eka wabedo gi ratiro ni wang'-eye. 4 To ng'at mawacho ni "Ang'eye" to ok tim gima ochiko en jamiriambo kendo adiera onge e iye. 5 To ka ng'ato ang'ata momako kendo orito chik Nyasaye to hera mar Nyasaye nenore kuome ratiro. Yo mwanyalo bedogo gadiera ni wan ei Nyasaye ema: 6 Ng'at mawacho ni en ei Nyasaye nyaka kit ngimane mapile chai gi mar Yesu. 7 Joherana, chik ma andikonuni ok nyien. En chik onogono machon musebedogo nyaka chakruok. Chik machonno en e wach ma usewinjo. 8 To kata kamano, andikonu chik manyien kendo adierane nenore kuom Kristo kendo e ngimau, nikech mudho aa to ler maradier koro rieny. 9 Ng'ato ang'ata ma wacho ni wuotho e ler to osin gi owadgi pod osiko e mudho. 10 Ng'at mohero owadgi to odak e ler, kendo ng'ama kamano onge obadho kuome manyalo miyo ochwanyre. 11 Ng'at mosin gi owadgi to nie mudho, kendo mudho nogo ema owuothoe, kokia kuma odhiye, nikech mudho odino wang'e. 12 Andikonu un nyithinda mageno nikech osewenu richou, kuom nyinge. 13 Andikonu un wuone nikech ung'eyo Jalo mane nitie nyaka aa chakruok. Andikonu, joma tindo, nikech useloyo ng'ama rach. Andikonu un nyithindo mageno nikech ung'eyo Wuoro. 14 Andikonu un wuone, nikech ung'eyo Jalo mane nitie nyaka aa chakruok. Andikonu un yawuowi ma tindo, nikech utegno, kendo wach Nyasaye odak e iwu kendo useloyo ng'ama rach.
Kik Uher Piny
15 Kik uher piny kata gimoro amora manie pinyni. Ka ng'ato ang'ata ohero piny, to hera mar Wuoro onge e iye. 16 Nimar gik moko duto manie piny, kaka gik maricho ma waneno kendo wagombo kod sunga ma ji sungorego kuom gik ma gin go, ok aa kuom Wuoro, to gia e piny. 17 Piny gi gombo duto mag piny nokadhi, to ng'at ma timo dwach Nyasaye nobed mangima nyaka chieng'.
Siem Kuom Wasik Kristo
18 Nyithinda mageno, giko chiegni kendo kaka usewinjo ni jasik Kristo biro, koro wasik Kristo mathoth osefwenyore: Ma e kaka wang'eyo ni giko chiegni. 19 Chutho, jogi ne oa irwa to ne ok gin jowa. Nikech ka dine gin jowa to dine gisiko kodwa, nimar dhigino nyiso ayan-ga maler ni onge kata ng'ata achiel kuom-gi mane ng'atwa. 20 Unto Roho Maler owirou omiyo ung'eyo adiera. 21 Omiyo koro andikonu ok nikech ukia adiera, to nikech ung'eye, kendo nikech ung'eyo ni onge miriambo mawuok e adiera. 22 Ja miriambo to kara en ng'a? En ng'ama wacho ni Yesu ok en Kristo. Jalno e Jasik Kristo, nikech odagi Wuoro kaachiel gi Wuowi. 23 Ng'ama odagi Wuowi odagi Wuoro bende, to ng'ama orwake nigi Wuoro bende. 24 Kuom mano, neuru ni urito gima ne ukuongo winjo e chunyu. Ka usiko ukano gimane uwinjo mokwongo e chunyu, to ubiro siko e winjruok gi Wuowi kod Wuoro. 25 To ma e gima Kristo owuon nosingore ni nomiwa, ma en ngima mochwere. 26 Andikonu wechegi kuom jogo materno mondo owuondu. 27 To ne un, ma Roho Maler owirou kendo odak e iwu, ng'ato ok onego puonju. To kaka Roho museyudono puonjou kuom gik moko duto, kendo dak ma Roho odak godo e iwu en adiera maok miriambo mana kaka osepuonjouno, sikuru kuome.
Nyithind Nyasaye
28 Omiyo koro nyithinda mageno, sikuru kuome mondo ka ofwenyore to wabed gi chir kendo maonge wichkuot e nyime ka obiro. 29 Ka ung'eyo ni Kristo en ng'ama kare to onego ung'e bende ni ng'ato ka ng'ato matimo gima kare en nyathi Nyasaye.
1 Mano kaka hera ma Wuoro oherowago duong' mondo oluongwa ni nyithind Nyasaye. Kendo mano e gima wan! Gimomiyo piny, ok ong'eyowa en nikech piny ne ok ong'eye. 2 Osiepena mageno koro wan nythind Nyasaye, to kaka wabiro bedo achien pok onyiswa. To wang'eyo ni ka Kristo nofwenyre, to wan-abed machal kode, nikech wananene kaka ochal. 3 Ng'ato ang'ata man- gi genoni pwodhore owuon mondo osik koler mana kaka en bende oler. 4 Ji matimo richo ketho chik; chutho, richo en ketho chik 5 To ung'eyo ni Kristo nofwenyore mondo ogol richowa. Ung'eyo bende ni richo onge kuome. 6 Ng'at man kuom Kristo ok sik katimo richo. Ng'at mosiko timo richo pok onene kendo okiaye. 7 Nyithinda mageno , kik uyie ng'ato owitu. Ng'at matimo gima kare en ng'ama kare, mana kaka En bende en Ng'ama kare. 8 Ng'at mosiko timo richo en ng'at Jachien, nikech Jachien osebedo ka timo richo nyaka a chakruok. Gimomiyo Wuod Nyasaye nobiro ne en ni mondo oketh tich Jachien. 9 Ng'ama Nyasaye onyuolo ok nyal dhi nyime katimo richo, nikech kit Nyasaye osiko kuome. Ok onyal timo richo nikech Nyasaye ema onyuole. 10 Kaka wanyalo ng'eyo pogruok manie kind nyithind Nyasaye gi nyithind Jachien e magi: Ng'at ma ok tim gima kare ok en nyathi Nyasaye, kata ng'ama ok ohero owadgi.
Herreuru Ng'ato Gi Ng'ato
11 Wach mane uwinjo nyaka aa mokuongo ema: Nyaka waherre ng'ato gi ng'ato. 12 Kik wachal gi Kain mane en koth Ng'ama Rach, omiyo nonego owadgi ma hie. To nonego owadgi nang'o? Nikech timbene ne richo, to timbe owadgi ne kare. 13 Kuom mano, owetena kik ubwogi ka jopiny sin kodu. 14 Wang'eyo ni wasekalo waa e tho mi wadonjo e ngima, nikech wahero owetewa. Ng'ama ok ohero owadgi osiko e tho. 15 Ng'ama osin gi owadgi en janek, to ung'eyo ni janek onge gi ngima mochwere 16 Ma e kaka wang'eyo gima hera en; Kristo nochiwonwa ngimane. Wan bende onego wachiw ngimawa ni owetewa. 17 Ka ng'ato jamoko to oneno owadgi kochando to ok okeche, ere kaka ng'ama kamano nyalo wacho ni en gi hera mar Nyasaye? 18 Nyithinda mageno kik wawach mana gi dhowa ni wahero j i, to waher ji gi tim kendo gi adiera. 19 Mano e yo mwa ng'eyogo ni wachung' e adiera, kendo mabiro miyo chunywa bed gi chir e nyim Nyasaye 20 saa moro amor a ma chunywa ng'adonwa bura. Nimar Nyasaye duong' moloyo chunywa, kendo ong'eyo gik moko duto. 21 Omiyo, osiepega mageno, ka chunywa ok ng'adnwa bura to wan gi chir e nyim Nyasaye. 22 To wayudo koa kuome, gimoro amora mwakwaye nikech wamako chikene kendo watimo gik mamore. 23 To ma e chikne: ni mondo wayie e nying Wuode Yesu Kristo kendo mondo waherre ng'ato gi ng'ato, mana kaka Kristo nochikowa. 24 Joma omako kendo orito chike Nyasaye ni kuome to en bende en kuomgi. To ma e kaka wang'eyo ni Nyasaye odak e iwa: Wang'eyo nikech Roho ma osemiyowa.
Pim Chunje
1 Osiepega mageno kik uyie roho duto, to temgiuru mondo ufweny ka bende gia kuom Nyasaye nikech jonabi mag miriambo mathoth osetuch e piny koni gi koni. 2 Ma e kaka unyalo ng'eyo Roho mar Nyasaye: Roho ma hulo ni Yesu Kristo nobiro e ringruok en roho moa kuom Nyasaye. 3 to roho moro amor a makwedo Yesu ok en roho mar Nyasaye. Chuny ma kama en mar Jasik Kristo ma usewinjo ni biro kendo makoro nie piny kata sani. 4 Ne un nyithinda mageno, unto un nyithind Nyasaye kendo useloyo jonabi mag miriambogo, nikech jal manie iu duong' moloyo jal manie piny. 5 Gin jopiny, omiyo giwuoyo kuom gipinyni kendo piny winjogi. 6 Wan to wan jo Nyasaye omiyo joma ongeyo Nyasaye winjowa, to ng'at ma ok ng'at Nyasaye ok winjwa. Mani e yo mwang'eyogo Roho mar adier gi roho mar miriambo.
Hera Mar Nyasaye Kod Marwa
7 Osiepega mageno waherreuru ng'ato gi ng'ato nikech hera aa kuom Nyasaye. Ng'at mohero ji en nyathi Nyasaye kendo ong'eyo Nyasaye. 8 Ng'at ma ok ohero ji kia Nyasaye, nikech Nyasaye en hera. 9 Nyasaye nonyiso hera moherowago kama: Ne ooro Wuode ma miderma e piny mondo wabed mangima kuome. 10 Ma e gima hera en: ok ni wan ema ne wahero Nyasaye, to ni Nyasaye ema noherowa mi nooro Wuode kaka misan-go mar richowa. 11 Osiepega mageno, ka Nyasaye noherowa matut kamano to wan bende waherre ng'ato gi ng'ato. 12 Onge ng'ama oseneno Nyasaye, to ka waherore ng'ato gi ng'ato to Nyasaye odak e iwa, kendo herane ipuodho chuth e iwa. 13 Wange'eyo ni wadok ei Nyasaye kendo en bende en eiwa, nikech osemiy-owa Rohone. 14 Waseneno kendo wanyiso ji ni Wuoro oseoro Wuode mondo obed Jawar mar piny. 15 Ka ng'ato ang'ata ohulo ni Yesu en wuod Nyasaye, to Nyasaye odak e iye kendo en bende odak ei Nyasaye. 16 Omiyo koro wang'eyo kendo wageno kuom hera ma Nyasaye oherowa-go. Nyasaye en hera. Kendo ng'ato ang'ata mosiko e hera osiko kuom Nyasaye, kendo Nyasaye bende odak kuome. 17 E yo maka ma herawa nyaka nyisre chuth e ngi-mawa mondo chieng' ng'ado bura wabed gi chir nikech e ngima mar pinyni wachal kode. 18 Onge luoro e hera; hera maradier riembo luoro oko nikech luoro ema kelo kum. Jal man-gi luoro ok puodhre ei Hera. 19 Wahero nikech Nyasaye noherowa mokuongo. 20 Ka ng'ato wacho ni, "Ahero Nyasaye", to osin gi wadgi to en jamiri-ambo; nikech ng'ama ok ohero wadgi, moseneno gi wang'e, ok nyal hero Nyasaye mapok oneno. 21 Chik ma osemiyowa en ma: Ng'at mohero Nyasaye nyaka her wadgi bende.
Yie Kuom Wuod Nyasaye
1 Ng'ato ang'ata moyie ni Yesu e Kristo en nyathi Nyasaye, kendo ng'ama ohero Wuoro hero nyathine bende. 2 Ma e kaka wang'eyo ni wahero nyithind Nyasaye: Ka wahero Nyasaye kendo wamako chikene. 3 Ma e kaka ihero Nyasaye: luor chikene. To chikene ok gin ting' mapek 4 nikech ng'at ma Nyasaye onyuolo loyo piny. Ma e locho ma waloyogo piny ma en yiewa. 5 En ng'a moloyo piny? Mana jalo moyie ni Yesu en Wuod Nyasaye 6 Yesu Kristo e Jal manobiro gi pi kod remo. Nobiro,ok gipi kende, to nobiro gi pi kod remo. Nenoni Roho Maler ema timo, nikech Roho en e adiera. 7 Nimar nitie joneno adek, ma gin: 8 Roho, pi kod remo, kendo jonenogi winjore kuom wachni. 9 Wayie gi nend dhano, to nend Nyasaye ema duong' moloyo nikech en neno ma Nyasaye owuon osewacho kuom Wuode. 10 Ng'at moyie kuom Wuod Nyasaye nigi nenoni e chunye, to ng'ama ok oyie kuom Nyasaye miye odoko jamiri-ambo, nikech odagi yie gima Nyasaye osewacho kaka janeno kuom Wuode. 11 To ma e neno nogo: Nyasaye osemiyowa ngima mochwere; kendo ngimani nikuom wuode. 12 Ng'at man gi Wuowi nigi ngima; to ng'at ma onge gi Wuod Nyasaye onge gi ngimani.
Weche Mogik
13 Andikonu wechegi, un joma oyie kuom nying wuod Nyasaye, mondo ung'e ni un-gi ngima mochwere. 14 Ma e chir ma wan-go kawadhi e nyim Nyasaye ni ka wakwaye gimoro amora mowinjore gi dwache to owinjowa. 15 To ka wang'eyo ni owinjowa kwakwaye gimoro amora, to wang'eyo ni waseyudo gima wakwayono. 16 Ka ng'ato oneno wadgi katimo richo maok tere e tho, to owinjore olamne mondo Nyasaye omi jalno ngima. Awuoyo kuom joma richogi ok tergi e tho. To nitie richo matero ji e tho; ma ok awach ni olamie Nyasaye. 17 Ketho duto gin richo, to nitie richo maok ter ji e tho. 18 Wang'eyo ni ng'ama Nyasaye onyuolo ok sik katimo richo,nikech Wuod Nyasaye orite kendo Ng'ama Rach ok nyal mule. 19 Wang'eyo ni wan nyithind Nyasaye, kendo ni piny duto nie bwo loch mar Ng'ama Rach. 20 Wang'eyo bende ni Wuod Nyasaye osebiro kendo osemiyowa rieko mar winjo tiend wach, mondo wang'e Jalo ma jaadiera; Jal makoro wanie iye, ma en wuode Yesu Kristo. En e Nyasaye madier kendo ngima mochwere. 21 Nyithinda mageno tang'uru ni nyiseche madhano oloso.
An Jaduong',
1 Ne miyo moyier kod nyithinde mahero gadiera, to ok an kenda, to bende ji duto mong'eyo adiera 2 nikech adiera manie iwa nosiki kodwa nyaka chieng'. 3 Ng'wono gi kech kod kuwe, moa kuom Wuoro kod Yesu Kristo, ma Wuod Wuoro, biro bedo kodwa e adiera kod hera. 4 Asebedo mamor sidang' kuom ng'eyo ni nyithindi moko oluwo adiera kaka Wuoro chikowa. 5 Koro miyo mahero, akwayi ni mondo waherre ng'ato gi ng'ato; Chik ma andikonini ok nyien; en mana chik nogo mwasebedogo nyaka aa chakruok. Akwayo ni mondo waherre ng'ato ka ng'ato. 6 To ma e hera: ni mondo wawuoth ka wamako chikene. Mana kaka nuse winjo nyaka aa chakruok, chikne en ni mondo uwuothie e hera. 7 Jomiriambo mathoth, modagi yie ni Yesu Kristo ne obiro e ringruok, osebiro e piny. Ng'at ma kamano en jawuond ji, kendo en e Jasik Kristo. 8 Omiyo ritreuru mondo gima usetiyone kik lalnu, eka unuyud mich magu duto. 9 Ng'ato ang'ata mokadho kare, maok sik e puonj Kristo, oonge gi Nyasaye, to ng'at mosiko gi puonj nigi Wuoro kaachiel gi Wuowi. 10 Omiyo ka ng'ato obironu mapuonjo gima opogore gi puonj ni to kik oyiene odonj e odi kata rwake. 11 Ng'ato ang'ata morwake doko jakore e timbene maricho. 12 An gi mang'eny monego andiknu, to ok daher timo kamano gi kalatas kod wino. Kar timo kamano to agombo mondo alimu kendo alos kodu wang' gi wang' mondo eka mor-wa norom chuth. 13 Nyithind nyaminu moyier okowonu mosgi.
An Jaduong',
1 Ne osiepna mahero Gaius kendo ma gadiera. 2 Jaherana alamo ni mondo ibed gi ngima ma)er, kendo ni mondo gik moko duto odhini maber, mana kaka chunyi dhi maber. 3 Ne abedo mamor ahinya ka jowete moko nobiro kendo mowachona kaka isiko kiwuotho e adieranogo. 4 Onge gima mora moloyo winjo ni nyithinda wuotho e adiera. 5 Jaherana in jaadiera kuom gik mitimo ni jowete kata obedo ni gin joma ikia kamano. 6 Gisenyiso kanisa hera ma in-go. Ini tim maber kikowogi e wuodhgi e yo mowinjore ni Nyasaye . 7 Nikech Nyingno ema nomiyo giwuok gidhi, ka ok giyie kawo mich moro amora kuom joma ok oyie. 8 Omiyo nyaka wakony joma kamago, mondo eka wati kaachiel kodgi e tij adiera. 9 Ne andiko ni kanisa, to Diotrefe, mohero ketore mondo obed jatelo, ok oyie kodwa. 10 Omiyo ka abiro to abiro nyiso ji e lela gik motimo; kaka okidhowa gi weche maricho. To ewi mano otamore ruako jowete mobiro, kendo otamo joma dwaro timo kamano, kendo oriembo jogo mondo oa e kanisa. 11 Jaherana, kik iluw timbe maricho, to luw tim maber. Ng'at matimo gima ber en ng'at Nyasaye, to ng'at matimo gima rach pok oneno Nyasaye. 12 Ji duto wuoyo maber kuom Demetrio, kata adiera wuon wuoyo kuome maber. Wan bende wawuoyo kuome maber, kendo ung'eyoni nendwa en adier. 13 An kod gik mang'eny monego andikni, to ok adwar ndikonigi kakonyora gi kalam gi wino. 14 To ageno nenoi mapiyo, eka wanawuo wang' gi wang.' Kuwe mondo obedni. Osiepe man ka ooroni mos. Mosnwa osiepe man kuno gi nyingegi.
1 An Juda ma jatich Yesu Kristo, kendo ma owadgi Jakobo, Ne joma oseluongi, ma Nyasaye Wuoro ohero, kendo ma Yesu Kristo orito. 2 Mad kech gi kuwe kod hera mogundho obed kodu.
Richo Gi Kum Mar Joma Kia Nyasaye
3 Osiepena mageno, kata obedo ni ne aikora ahinya mondo andiknu kuom wach warruok ma wan duto wan-go, naneno ni ber koro andiknu mondo ajiwu uked matek kuom wach yie mane ochiwne jomaler dichiel kendo mogik mondo oriti. 4 Nikech jomoko mane osendik kuomgi chon ni bura oloyo osedonjo e dieru ling'ling'. Gin joma kia Nyasaye, ma loko ng'wono mar Nyasachwa doko negi thuolo mar timo richo, kendo madagi Yesu Kristo, ma en kende e Ruodhwa mamalo chutho. 5 Kata obedo ni useng'eyo wechegi duto to pod nyaka aparnu ni Ruoth nore-so joge mogologi Misiri, to bang'e achien nokumo joma ne ok oyie. 6 Kata mana malaike mane ok obedo kuondegi mag loch mane omigi, mago mane owuok oweyo keregi mane oketgie, gin bende osekanogi e mudho mandiwa, kotwegi gi nyoroche maok chodi nyaka chieng,' ka girito kum e odiechieng' maduong'. 7 Kamano bende Sodom gi Gomora, kaachiel gi mier moluorogi nej ochiwore ne chode gi anjawo. Gin gibedo kaka ranyisi mar joma ikumo kiwang'o e mach manyaka chieng'. 8 Kamano bende e kaka jolekogi bende duwo ringregi giwegi kendo kwedo loch kendo wuoyo marach kuom chwech man giduong' e polo. 9 To kata mana Mikael malaika maduong' kane gilaro gi Jachien ringre Musa, ne ok ohedhore wuoyo kuome marach ka hangone wach, to nowacho mana ni, "Ruoth mondo okw-eri!" 10 Jogi to wuoyo marach gi ayany kuom gimoro amora kata mana gik ma gikia tiendgi, kendo gik ma giketore ni ging'eyo, ka le maonge rieko, magi e gik matiekogi. 11 Ginine malit! Giseluwo tim Kain, kendo gisemwomore e ketho mar Balaam nikech gidwaro mich, omiyo osetiekgi kaachiel gi Kora nikech giseng'anyo kaka Kora nong'anyo. 12 Jogi gin mbelni e nyasi mau mag hera, ma gichiemo kodu ka wengegi tek, gin jokwath mapidhore kendgi! Gichalo rumbi ma yamo tero to ok kel koth kendo gichalo olemo mopidhi kinde opon bende gichalo gi yien maok nyag olemo e ndalo molemo rumoe kendo mopudh gi tiendegi, gionge tich nyandiriyo. 13 Gin apaka mager mar nam, madhuolo buoch fupgi kendo gichalo sulwe mabayo mosekan negi kum mar mudho mandiwa mosiko. 14 Enoka, mane odak e tieng' mar abiriyo bang' Adam, nokoro wach kuom jogi ni, "Neuru Ruoth biro gi joge maler tara gi gana kuom tara gi gana 15 mondo oyal ji duto kendo mondo okum joma richo duto kuom timbegi maricho ma gisetimo e yo maok mi Nyasaye duong' kendo kuom weche maricho duto ma joricho mochayo Nyasaye oseyanyego. 16 Jogi gin jong'ur kendo gin jomany ketho kuom ji; giluwo dwachgi giwegi maricho, bende giwuoyo gi sunga mathoth kuomgi giwegi. Kendo giwuondo ji gi weche mamit mondo giyud gik magidwaro.
Rit Ne Luong
17 To un osiepena mageno, paruru gik mane joote mag Ruodhwa Yesu Kristo okoro chon. 18 Ne giwachonu ni, "E ndalo giko jo jar ji nobedie ma nolu gombogi giwegi maricho." 19 Magi e joma kelo pogruok e kindu, kendo gombogi mag ringruok ema chikogi, gionge Roho. 20 To un, osiepena mageno, gerreuru e yie maru maler, kendo lemuru ka un ei Roho Maler. 21 Sikuru e hera Nyasaye ka urito kech mar Ruodhwa Yesu Kristo mondo okelu e ngima mochwere. 22 Kechuru joma riwogi kiawa, 23 yud-huru jomoko kuomgi ugol e mach mondo ures ngimagi,to moko kuomgi to kechuru kutang' kendo kuluor, ka usin koda ka gi lepgi ma ringregi motop osemieno.
Pak
24 Ne En manyalo ritou mondo kik upodhi e richo, kendo manyalo kelou e nyim duong'ne ka uonge ketho kendo ka un gimor maduong' 25 mad duong' makende, gi loch gi teko, kod nyalo odogne Nyasaye Jawarwa kuom Yesu Kristo Ruodhwa, e tienge duto, sani kendo nyaka chieng! Amin.
Weche Motelo
1 Fweny ma Nyasaye nomiyo Yesu Kristo mondo onyisgo jotichne gigo manyaka timre mapiyo. Kristo nomiyo fwenyni ong'ere ka nooro malaikane mondo onyis Johana jatichne, 2 manyiso gik moko duto manoneno ma en wach Nyasaye kod weche duto mane Yesu Kristo owacho. 3 Nga'tno masomo weche mokorgi kendo gin johawi jogo mawinjo wachni kendo kano weche mondiki e chunye; nikech kinde chiegni.
Mos Kod Pak
4 An Johana ni kanise abiriyo manie piny Asia, Ng'wono kod kuwe moa kuom jamo mantie, mane nitie kendo mabiro betie, kendo moa kuom Roho abiriyo manie nyim kom duong'ne, 5 kendo moa kuom Yesu Kristo, ma janeno maradier maok lokre, jal mane okwongo chier oa kuom jomotho, jaloch mar ruodhi manie piny. Ne en moherowa kendo ogonyowa kuom richowa gi rembe, 6 mi omiyo wadoko oganda ruodhi, matiyone kaka jodolo mag Nyasache kendo Wuon mare -Duong' gi loch obedne manyaka chieng'! Amin. 7 Neuru, obiro gi boche polo, kendo wenge duto nonene koda jogo mane ogure kendo Ogendini duto manie piny noywagre nikech en. Mano e kaka enobed! Amin. 8 Ruoth Nyasaye wacho niya, "An e Chakruok kendo Giko," "Jal mantie, Jal mane nitie kendo mabiro betie, Jal Manyalo Gik Moko Duto."
Ng'at Machalo Gi Wuod Dhano
9 An Johana ma owadu, kendo ma achiel kodu e sand gi Pinyruoth kod dhil e kinda marwa kuom Yesu, ne an e chula mar Fatimo nikech wach Nyasaye, kendo wuoyo katimo neno e lela kuom Yesu. 10 E odiechieng Ruoth, Roho nopong'a kendo ne awinjo duol maduong' maywak ka tung' e yo ka ng'eya. nKowacho niya: 11 "Ndik gik moko duto mineno e kitabu kendo orgi ne kanise abiriyogi: Efeso, gi Smurna, gi Pergamo, gi Thiatiro, Sarde gi Filadelfia kod Laodikia." 12 Eka nalokora mondo ane ni en ng'ano mane loso koda: Kane alokora naneno Rachungi teyini abiriyo mag dha-habu, 13 to e dier rachung teynigo ne nitie ng'ato machalo gi wuod dhano" mor-wakore gi kandhu mochopo nyakae tiende piny, Kendo kotueyo kore gi kamba mar dhahabu. 14 Wiye kod yie wiye ne rachar ka yie rombo, Kendo rachar ka pe, to wen-gene ne chalo gi mach makakni. 15 To tien-dene ne pakni ka muia mopuodhi gi mach; dwonde to ne mor ka pi mopong' mawuo. 16 E lwete korachwich noting'o sulwe abiriyo, kendo ligangla mabith ma dhoge ariyo newuok e dhoge. To lend wang'e ne rieny ka chieng' marieny mang'ang'ni. 17 Kane anene, napodho e tiende ka ng'at motho. Eka noyieyo lwete ma korachwich kuoma mowachona niya, "Kik iluor. An e Jal Mokuongo kendo Mogik. 18 An e Jal Mangima; Ne atho, to koro angi-ma nyaka chieng'! An-gi kifungu mag Tho kod mag piny joma otho. 19 Emomiyo, ndik gigo miseneno, gigo mantie kod gigo mabiro timore e kindego machien. 20 Tiend wach mopandi mar sulwe abiriyo mane ineno e lweta ma korachwich, kod rachung teyni abiriyogo mag dhahabu e mani: Sulwe abiriyogo e malaike mag kanise abiriyo, to rachung teyini abiriyo gin e kanise abiriyogo.
Ne Kanisa Man Efeso
1 Ne malaika morito Efeso ndikne: Magi e weche jalo moting'o sulwe abiriyo e lwete korachwich kendo mawuotho e kind rachung teyni abiriyo mag dhahabu: 2 Ang'eyo timbegi, tij i matek, kod kindani. Ang'eyo ni isetiyo matek kendo isetimo kinda. Ang'eyo ni ok iwinjri gi joma richo. Ang'eyo ni isetemo joma luongore ni joote, to ok gin joote, ma iyudo ni gin jomiriambo. 3 Isetimo kinda kendo isebedo gi horuok e tembe nikech nyinga to ok iseol. 4 To kata kamano an kod wach achiel maok kare kuomi, iseweyo herani mokuongo. 5 Omiyo par kuma iae kipodho! Lokri mondo itim gik mane itimo mokuongo. To ka ok ilokori to abiro biro mi agol rachung-tachi kare. 6 To kata kamano nitie tim maber mapuoyigo en ni isin gi timbe jo Nikolao ma an bende asin- 7 Ng'at man gi it mondo owinj gima Roho wacho ni kanise. Ng'a molocho anami ratiro mar chamo olemb yadh ngima man e paradiso mar Nyasaye.
Ne Kanisa Man Smurna
8 Ne malaika morito kanisa man Smurna ndikne: Magi e weche mag Jal Mokuongo kendo Mogik, Jal mane otho kendo ochako obet mangima. 9 Ang'eyo chandruok miyudo kod dhier mari - Chutho to in jamoko. Bende ang'eyo ayany majoma wuondore ni jo-Yahudi yanyigo to chutho mana oganda malamo Satan. 10 Kik iluor kuom sand ma ibiro yudo machiegni. Adier, anyisou ni Jachien biro tweyo jomoko kuomu e jela mondo otemugo kendo ubiro yudo sandruok kuom ndalo apar. Bed Jadiera nyaka kar tho to abiro miyi osimbo mar ngima. 11 Ng'at man-gi it mondo owinj gima Roho wacho ni kanise. Ng'a molocho to tho mar ariyo ok notime gimoro kata matin.
Ne Kanisa Man Pergamo
12 Kuom malaika morito kanisa man Pergamo ndikne: Magi e weche Jalo man-gi ligangla mabith ma dhoge ariyo: 13 Ang'eyo kama idakie, kama kom duong' mar Satan nitie to kata kamano isebedo kirito nyinga. Bende ne ok ikwedo yie miyiego kuoma, kata mana e kinde mane Antipa janenona maradier mane onegi e dalau kama Satan odakie. 14 To kata kamano an kod weche matin kuomi: In kod jomoko kanyo maluwo puonj mar Balaam mane opuonjo Balak kaka onyalo ywayo jo-Israel mondo otim richo ka gichamo chiemo motimgo misango ni nyiseche manono kendo kuom richo mar chode. 15 To bende in kod jomoko maluwo puonj mag jo-Nikolao. 16 Emomiyo lok chunyi gi pachi! Nikech ka ok ilokori to abiro biro mapiyo mondo aked kodgi gi ligangla mawuok e dhoga. 17 Ng'at man-gi it mondo owinj gima Roho wacho ni kanise. Ng'a molocho abiro miyo manna moko mopandi. Bende abiro miye kidi marachar mondikie nying' manyien maonge ng'ama ong'eyo makmana ng'at monwang'e.
Ne Kanisa Man Thiatira
18 Ne malaika morito kanisa man Thiatira ndikne: Magi e weche mag Wuod Nyasaye ma wengene chalo gi mach makakni to tien-dene chai ka muia mapakni. 19 Ang'eyo timbeni, herani kod yie mari, tij i mar konyo ji, kod kindani. Kendo imedo tiyo maber moloyo kaka nitiyo mokuongo. 20 Kata kamano, an kodi gi wach moro maok ber kuomi, iyie gi dhako miluongo ni Jezebel maluongore ni janabi madhako. Owuondo jotichna kuom puonjne mondo otim chode kendo chamo chiemo motimgo misango ni nyiseche manono. 21 Ne amiye kinde mondo olokre owe timo richo kod chode to notamore. 22 Omiyo abiro bole e kitanda mar thagruok bende abiro miyo joma terore kode biro yudo thagruok malich ka ok giyie loko chunygi mi giweyo yorene. 23 Nyithinde bende abiro nego mi kanise biro ng'eyo ni An ema ang'eyo chunje gi paro mag ji kendo ni anapog ng'ato ka ng'ato kaka tichne chalo. 24 Koro awuoyo gi joma moko modong' man Thiatira ne un maok umako puonjne kendo maok usepuonjoru puonj Satan miluongo ni maling' ling' maiye. Ok abi miyou ting' moro amora 25 makmana any-isou ni makuru gima un-go nyaka abi. 26 To jal molocho kendo otimo dwarona nyaka giko, abiro miyo teko mar locho kuom ogendini. 27 Jal molochono noti tich loch gi odunga mar nyinyo, kendo noto ogendini matindo tindo ka ng'ama toyo agulu,' mana kaka Wuora osemiya teko mar loch. 28 Abiro miye sulwe mar okinyi. 29 Ng'at man-gi it mondo owinj gima Roho wacho ni kanise.
Ne Kanisa Man Sarde
1 Ne malaika morito kanisa man Sarde ndikne: Magi e weche mag jalo moting'o Roho abiriyo mag Nyasaye kod sulwe abiriyo. Ang'eyo tichni; kendo kaka igenoni in gi nying ni ingima to adiera isetho. 2 Omiyo chiew! Jiw gima pod odong'no kendo chiegni tho, nimar timbeni ayudo korem e nyim Nyasaye. 3 Emomiyo par gik mane iseyudo kendo isewinjo, makgi, kendo lokri. Ka ok ichiew to abiro biro apoya ka-jakuo maok ibi ng'eyo saa ma anabiye iri. 4 Kata kamano nitie jomoko manok e Sarde maok osechido lepgi. Gin to gini wuothi koda ka girwakore gi lewni marachere nikech gin joma owinjore. 5 Ng'ama olocho bende norwakre gi lewni marachere kaka gin, bende ok naruch nyinge e kitap ngima, to abiro hulo nyinge e nyim Wuora gi malaikene. 6 Ng'at man-gi it mondo owinj gima Roho wacho ni kanise.
Ne Kanisa Man Filadelfia
7 Ne Malaika morito kanisa man Filadelfia ndikne: Magi e weche mag jamo maler kendo jaadier, moting'o kifungu mar Daudi. Gima oyawo to onge ng'ama nyalo loro; kendo gima oloro to onge ng'ama nyalo yawo. 8 Ang'eyo timbeni. Omiyo ase yawoni dhoot kendo onge ng'ama nyalo lore. Ang'eyo ni in-gi teko matin to kata kamano iserito wachna kendo ok ise kweda. 9 Abiro miyo jogo malamo Satan, maluongore ni ok gin Jo-Yahudi kata obedo ni gin to giriambo ariamba. Abiro chunogi mondo gibi kendo gipodhi e tien-du mondo ging'e ni aherou. 10 Nikech iserito chikna ka ihoyori kuom tembe, abiro riti maber e kinde mar masira mabiro yudo piny ngima mondo otem ji modak e piny. 11 Abiro piyo. Omiyo mak gino main-go matek mondo kik ng'ato mayi osimboni. 12 Jal molocho anami obed siro e Hekalu mar Nyasacha. Ok nochak owuog kanyo nyaka chieng'. Abiro ndiko kuome nying Nyasacha kod nying dala mar Nyasacha ma en Jerusalem manyien, mabiro aa e polo kuom Nyasacha kendo abiro ndiko kuome nyinga manyien. 13 Ng'at man-gi it mondo owinj gima Roho wacho ni kanise.
Ne Kanisa Man Laudikia
14 Ne Malaika morito kanisa man Laudikia ndikne: Magi e weche moa kuom jal miluongo ni Amin ma jaadiera kendo janeno ma jaratiro, jalno ma jaloch kuom chuech duto mag Nyasaye. 15 Ang'eyo timbeni, ni ok ing'ich bende ok iliet. Dine berna kibedo kiliet kata ka ing'ich! 16 To nikech koro indhemndhem: ok iliet kata ok ing'ich, achiegni ng'ogi oko. 17 Iwacho ni, 'an jamoko, kendo aseyudo mwandu mathoth bende onge gima aremo to ok ing'eyo ni in ng'at mathagore mogik; idhi-er, in ng'at monego okechi; bende in muofu kendo in duk. 18 To ang'adoni rieko mondo ibi ing'iew kuoma dhahabu mop-uodhi gi mach mondo ibed jamoko. Ng'iew lewni marachere kuoma mondo irwaki oumni dugi. Ng'iew yath kuoma mondo ithiedh go wang'i mondo inen. 19 Joma ahero ema akwero kendo akumo. Omiyo bed jadiera kendo ilok chunyi iwe timo richo. 20 Ne! achung' e dhoot kendo aduong'o, ka ng'ato ang'ata owinj o duonda mi oyawona dhoot to abiro donjo ire mi achiem kode to en bende ochiem koda. 21 Ng'ama olocho nami thuolo mar bedo koda e kom duong'na mana kaka an bende kane aselocho ne abedo gi wuora e kom duong'ne 22 Ng'at man-gi it mondo owinj gima Roho wacho ni kanise.
Kom Duong' Man E Polo
1 Bang'e ne ang'icho mi aneno dhoot moyaw e polo. To duol machalo gi tung' mane ase winjo mokuongo kawuoyo koda nowachoni, "Bi malo ka mondo any-isi gik mabiro timore bang'e". 2 Gi e sano ne Roho Opong'a mi aneno kom duong' e polo ka ng'ato obetie. 3 Ng'ama ne obetie komno ne kite nenore ka kite manengogi tek miluongo ni Jasper gi Sardus. Ndanya mar koth machalo Zumaridi ne oluoro kom duong'no koni gi koni. 4 Kom duong'no ne oluor gi kombe moko piero ariyo gi ang'wen ma jodongo piero ariyo gang'wen obedoe. Ne girwakore gi lewni marachere to e wigi ne girwake osimbo mar dhahabu. 5 Koa e kom duong'no, polo ne mil, kendo moor kendo riadore. E nyim kom duong'no ne nitie teyni abiriyo maliel. Magi e roho e abiriyo mag Nyasaye. 6 Bende e nyim komno ne nitie gimoro manenore ka nam ma rangine chalo gi glas to orieny ka pi. E dier komno tir kod alworane ne nitie gik moko ang'wen mangima man-gi wenge mang'eny yo ka nyimgi kod yoka dier ng'egi. 7 Gima ngima mokuongo ne chalo gi sibuor, mar ariyo ne chalo gi ruadh bwoch, mar adek ne lend wang'e chalo gi mar dhano to mar ang'wen ne chalo gi ongo mafuyo. 8 Moro ka moro kuom gik mangimago ne nigi buombe auchiel kendo ne gin gi wenge mathoth moluoro dendgi nyaka e buo buombegi. Odiechieng' gi otieno duto ne gi siko ka giwacho ni, "Maler, maler en Ruoth Nyasaye Manyalo Gik Moko Duto. En mane nitie to bende entie kawuono, to pod obiro betie." 9 E seche duto ka gik mangima-go ne chiwo pak, gi puoch kod erokamano ne Jal mane obedo e kom duong' kendo mangima nyaka chieng'; 10 Jodongo piero ariyo gang'wen-go to ne podho e nyim ng'at mobet e kom duong' ka gilamo jal mangima nyaka chieng'. Ne gibolo osimbo mag-gi e nyim kom duong' ka giwacho niya: 11 "Aa Ruodhwa kendo Nyasachwa iwinjori yudo duong' gi pak kod teko, nimar ichweyo gik moko duto, kendo kuom dwaroni ne ochwe gi kendo gibedo mangima."
Kitabu Kod Nyarombo
1 Eka ne aneno kitabu majal mane obet oting'o e lwete ma korachwich, kitabuno ne ondiki koni gi koni kendo ne odine gi kido abiriyo motweye. 2 Eka ne aneno malaika maratego ka penjo gi duol maduong' niya: "Ere ng'ama owinjore gonyo kidogi mondo kitabuni?" 3 To ne ok oyudi ng'ato ang'ata e polo kata e piny mane nyalo elo kitabuno, kata mane nyalo rango iye. 4 Kuom mano ne aywak malit nikech ne onge ng'ama nyalo elo kitabuno mondo onyiswa gima ondiki e iye. 5 To achiel kuom Jodongogo nowachona ni, "We ywak! Ne, Sibuor moa e dhood Juda ma Nyakwar Daudi oselocho kendo en ema, owinjore yawo kitabu modin gi kido abiriyogo." 6 Eka ne aneno Nyarombo machalo ka gima ne osenegi kochungo e dier kom duong' kolwore gi gik mangima ang'wen kod jodongo. Ne en gi tunge abiriyo gi wenge abiriyo mochung' kar Roho abiriyo mag Nyasaye moseor e piny mangima. 7 Nobiro mi okawo kitabuno e lwedo korachwich mar jamo manobedo e kom duong'. 8 E saa mane okawoe kitabuno gik mangima ang'wenka gi Jodongo Piero ariyo gang'wen-go ne opodho auma e nyim Nyarombo. Moro ka moro ne nigi thum kod tewni mag dhahabu ma ubani opong'o, magin lemo mag jo-maler. 9 Kendo ne giwero wer manyien miwero ni: "In ema iwinjori kawo kitabuni, kendo g)nyo kido molorego nikech in ema nonegi kendo rembi ne ing'iewogo ji ni Nyasaye, ji moa e dhoudi duto, kendo mawacho dhok duto gi ji duto kod pinje duto. 10 Isemiyo gibedo oganda joka ruoth kendo jodolo mondo gitine Nyasachwa, kendo ginibed joloch e piny." 11 Eka ne ang'icho, kendo nawinjo dwond malaike mang'eny makwan-gi ne romo gana gi gana, tara gi gana kuom tara gi gana. Ne gilworo kom duong' kaachiel gi gik mangimago kod Jodongo. 12 Ne giwer gi dwol maduong' kama: "Duong' odokne Nyarombo manonegi, mondo oyud loch gi mwandu, gi rieko gi luor gi duong' kod pak." 13 Eka nawinjo ka gik mangima duto manie polo kendo e piny kod e bwo piny kendo e nam, kendo gigo duto mochwe modak e igi, kawer niya: "Ne en mobet e kom duong' to gi Nyarombo, Pak gi luor, duong' kod loch obedne manyaka chieng'!" 14 Kendo gik mangima ang'wen-go nowacho niya "Amin" eka jodongogo nopodho piny mi gidende.
Kido
1 Eka naneno Nyarombo ka elo achiel kuom kido abiriyogo. Eka nawinjo duond achiel kuom gik mangima ang'wen-go kaluongo gi duol machalo ka mor polo, kawacho, "Bi!" 2 Ne ang'icho mi aneno e nyima faras marachar. Ng'ama oidhe ne oting'o atung', kendo ne osidhne osimbo, ne owuok gi farase ka jaloch madhi mondo olochi. 3 Kane Nyarombo ne oyawo kido mar ariyo. Ne awinjo gima ng'ima mar ariyo kaluongo ni bi! 4 Eka faras machielo ma sifwal nobiro, ng'ama noidhe ne omi teko mondo ogol kwe e piny, mondo ji ochinjre kendgi. Ng'atno ne omi ligangla maduong! 5 Kane Nyarombo oyawo kido mar adek, ne awinjo gima ngima mar adek kawacho ni, bi. Ne ang'icho to e nyima kanyo ne nitiere faras marateng'! Ng'amo oidhe ne oting'o ratil e luete 6 Ne awinjo gima chalo gi duol e dier gik mangima angwen-go kawacho ni, "Koro gorogoro mar ngano ibiro ng'iew gi nengo maromre gi chudo michulo jatich e odiechieng' achiel kendo nengo mar thowe gorogoro adek bende chai gi mar ngano, to nengo mo gi divai kik medi." 7 Ka Nyarombo noyawo kido mar ang'wen, nawinjo duond gima ngima mar ang'wen kaluongo ni, "Bi!" 8 Nang'icho to naneno faras ma rabuor e nyima! Ng'at mane oidhe niluongoni Tho, to Kar Jo motho ne luwo bang'e machiegni. Ne omigi teko kuom bath piny moromo achiel kuom angw'en mondo gineg gi ligangla kod kech gi dera kod le maricho mag bungu. 9 Kane oyawo kido mar abich, naneno e bwo kendo mar misango chunje jomoko mane osenegi nikech Wach Nyasaye, kendo nikech neno mane gisiko gihulo. 10 Eka negi ywak gi dwol maduong' niya, "Nyaka karang'o, Yaye Ruoth Maratego, Maler kendo Maradier, ma ibiro ng'ado bura ni joma odak e piny. Ka ichulo kuor kuom rembwa?" 11 To nomigi kandho marachar ng'ato ka ng'ato, kendo nowach-nigi ni mondo girit kuom kinde matin moromo, nyaka kwan mar jotich wetegi, kod jowetegi mibiro nego kaka gin, orom. 12 Ne ang'icho kane oyawo kido mar auchiel. Piny noyiengni matek. Mi chieng' nolokore marateng' ti, machal gi ogunia mirwako e kuyo molos gi yie diel, due bende nolokore makwar ka remo; 13 kendo sulwe manie polo nolwar e piny mana kaka olemo machien mag ng'owu lwar koa kuom yadhe ka yamo mager kudho mauko yath. 14 Polo nolal nono ka kalatas mibano kendo gode duto gi chulni duto nogol oa kuonde mane gintie. 15 Eka ruodhi mag piny, gi ji madongo, kod jotelo mag lweny, gi jo mwandu, kod jomaroteke, kaachiel gi ji duto ma wasumbini, gi joma ni thuolo, giduto ne gipondo e rogo kendo e bwo lwendni mag gode. 16 Negilwongo kagi-wacho ni gode gi lwendinigo ni, "Podhuru kuomwa mondo uumwa kupandowa ni wang' Jal mobet e kom duong'no, kendo ne mirimb Nyarombo! 17 Nikech chieng' maduong' mitoyo negi mirima osechopo, to en ng'ama nyalo chung' mondo osire.
Ji 144,000 Moyier
1 Bang'e ne aneno malaike ang'wen kochung' e tunge ang'wen mag piny, ka gimako yembe ang'wen mag piny, mondo gigeng' yamo kik kudhi e piny kata e nam kata e yath moro amora. 2 Eka naneno malaika machielo kalor koa obiro piny kowuok e yor wuok chieng', koting'o kido mar Nyasaye mangima. Noluongo gi duol maduong' malaike ang'wen mane osemi teko mondo ohiny piny kod nam. 3 Nowacho nigi, "Kik uhiny piny, kata nam, kata yiende nyaka chop waket kido e lend wang'jotich Nyasachwa." 4 Bang'e nawinjo kar kwan joma ne oketnigi kido ne gin ji 144,000 mowuok e dhout Israel duto, 5 Koa e dhood Juda nowal ji 12,000, koa e dhood Ruben ji 12,000, Koa e dhood Gad ji 12,000, 6 Koa e dhood Manase ji 12,000, Koa dhood Naftali ji 12,000, Koa dhood Manase ji 12,000, 7 Koa dhood Simeon ji 12,000, Koa dhood Lawi ji 12,000, Koa dhood Isakar ji 12,000, 8 Koa dhood Zebulunji 12,000, Koa dhood Josef ji 12,000, kendo dhood Benjamin ji 12,000.
Oganda Maduong' Morwakore Gi Kandho Marachere
9 Bang' mani ne ang'icho, mi naneno oganda mar ji mang'eny ma ok kwanre moa e pinje duto gi dhoudi kod ogendini kod dhok duto kochungo e nyim kom duong', kendo e nyim Nyarombo. Ne gir-wako kandhe marachere kendo giting'o othidhe e lwetgi. 10 Kendo negiywak gid-uol maduong' ka giwacho niya: "Warruok en mar Nyasachwa mobedo e kom duong' mar loch kendo ne Nyarombo." 11 Malaike duto nochung' kolworo lom duong' kendo kolworo jodongo kod gik mangima ang'wen. Ne gikulore piny e nyim kom duong' mi negi dendo Nyasaye. 12 Ka giwacho niya, "Amin! Pak gi duong' kod rieko gi erokamano gi luor kod teko gi nyalo obedni Nyasachwa, nyaka chieng'. Amin! 13 Eka achiel kuom jodongogo nopenja niya, "Jogi morwakore gi lewni marachere gin ng'a gini, to bende gia kanye?" 14 An to nadwoke ni, "Jaduong' in e ma ing'eyo, an akiya." Eka nowacho ni, "Jogi e joma owuok koa e sand mager; giselwoko kandhe gi matar gi remb Nyarombo. 15 Ma, "emomiyo koro gin e nyim kom duong' mar Nyasaye, ka gitiyone odiechieng' gi otieno ei Hekalune; to Jalno mobet e kom duong' noumgi korieyo hema mare kuomgi. 16 Kech ok nokagi ngang' kendo; kata riyo ok nomak gi kendo. Chieng' ok norieny kuomgi kata liet moro mager ok nowang'gi. 17 Nimar Nyarombo mobedo e kom loch mar Nyasaye nobed jakwadhgi; notelnigi koterogi e sokni mag pi ngima. To Nyasaye noywe pi wang' gi duto."
Alama Mar Abiriyo Gi Tap Wang'o Ubani Molos Gi Dhahabu
1 Kane oyawo kido mar abiriyo, polo noling' thi kuom kinde ma dirom nus saa. 2 Eka naneno malaike abiriyo mochun-go e nyim Nyasaye, kendo nomigi tunge abiriyo. 3 Malaika moro machielo, nobiro mochungo but kendo mar misango, lot-ing'o tap ubani mar dhahabu. Nomiye ubani mang'eny mondo ochiw, magin jomaler duto e wi kendo mar misango molos gi dhahabu manie nyim kom duong'. 4 Iro mar ubani moting'o lemo mag jomaler nodum kadhi malo e nyim Nyasaye koa e lwet malaika. 5 Bang'e malaika nokawo tap ubani, mi opong'e gi mach moa e kendo mar misango, eka nobole e piny. Bang' mano polo noriadore matek, kendo omoor komil malich, kendo piny noyiengini.
Turumbeta
6 Eka malaike abiriyo mane nigi turumbeta abiriyogo ne oikore goyo turumbeta-go. 7 Malaika mokwongo nogoyo turumbe-tane, to pe gi mach mokikore gi remo e manowuok, kendo nowitgi e piny. To bath piny moromo achiel kuom adek nowang', yien bende marom kamano nowang' gi lum mang'ich duto nowang'. 8 Malaika mar ariyo nogoyo turumbe-tane, mi gima chalo got maduong', ma liel gi mach, nowiti e nam. To bath nam moromo achiel kuom adek nolokore remo, 9 momiyo achiel kuom adek mar gik mangima manie nam notho, kendo achiel kuom adek mar yiedhi manie nam nokethi. 10 Eka malaika mar adek nogoyo turumbetane mi sulwe maduong' maliel ka toch nolwar oa e polo, nolwar kuom achiel mar adek mag aore, kendo kuom sokni duto. 11 Nying sulweno en, "Gima Kech," kamano bende achiel kuom adek mar pi nolokore makech, kendo pige makechgo nomiyo ji mang'eny notho. 12 Kendo malaika mar ang'wen nogoyo turumbetane, mi achiel kuom adek mar chieng' gi achiel kuom adek mar due, kod mar sulwe bende, notimo mudho, to achiel kuom adek mar odiechieng' gi otieno notimo mudho. 13 Bang'e nang'icho mi awinjo ongo mahuyo e kor polo kaywak matek niya, "Lit! Lit! Lit ni joma odak e piny, nikech turumbeta modong' ma malaike adek biro goyo.
1 Eka malaika mar abich nogoyo turumbeta, mi naneno sulwe moro mane oselwar e piny koa e polo. Sulweno ne omi kifungu mar Bur matut Maonge gikone. 2 Kane oyawo Burno, yiro nowuokie machalo gi ich mach maduong'. Yirono moa e burno noimo chieng' kod boche polo molokore marateng'. 3 Kendo bonyo nowuok e yirono mopiyo e piny, to nomigi teko machalo gi teko thomoni manie piny. 4 To nokwergi ni kik giketh lum manie piny kata gimoro mang'ich kata yien, to ginyalo mana hinyo jogo maonge gi kido mar Nyasage e lenda wengegi. 5 Ne ok omigi teko mar negogi to nomigi thuolo mar sandogi kuom dweche abich. To rem mane jogo oyudo ne chalgi mano miyudo ka thomoni okayo dhano. 6 E ndalogo ji nodwar tho, to ok giniyude; ginigomb mondo githo to tho noring-gi. 7 Bonyogo ne chalo gi farese moikore ni lweny E wigi negirwako gik machalo gi osimbo mag dhahabu, to lend wang'gi ne chalo gi lend wang' dhano. 8 Yie wigi ne chalo gi yie wi mon, kendo lekegi ne chalo gi leke sibuoche. 9 Ne girwako gilweny mag akor machalo gi akor mar nyinyo, to buombegi ne goyo koko mana ka farese mang'eny kendo ka geche miywayo kad-hiyo e lweny 10 Negin gi yiwgi makecho kaka thomoni kecho, to e yiwgigo negin gi teko mar sando kagikayogo ji kuom dueye abich. 11 Ruodh-gi motelo nigi en malaika mar Bur Matut Maonge gikone manyinge miluongego gi dho Hibrania en Abadon, to gi dho Grik en Apolion. 12 Masira mokwongo osekadho, to masiche ariyo mamoko pod biro. 13 Bang' mano malaika mar auchiel nogoyo turumbetane, mi nawinjo dwol moa e tunge mag kendo mar misango mar dhahabu manie nyim Nyasaye. 14 Eka duolno nowacho ni malaika mar auchiel man gi turumbeta niya, "Gony malaike ang'wen motue gibed thuolo gia e aora maduong' mar Yufrate." 15 To nogony malaike ang'wen-go mane oseiki ni saa-no gi odiechiengno kod dueno gi higano, mondo gineg achiel kuom adek mar ji duto. 16 Kwan mar jolweny moidho farese ne oromo tara mia ariyo. Ne awinjo kar kwan-gi. 17 To farese gi joithgi mane aneno e fwenynano ne chalo kama: joma noidhogi norwako akor mag nyinyo makwar kamach, kendo mambulu molil, kod ratong' gweno. Wi faresego ne chalo gi wi sibuoche, to mach gi yiro kod pilni mach ne wuok e dhogi. 18 Masiche adekgo mag mach, yiro kod pilni mag mach manewuok e dho faresego nonego achiel kuom adek mar kwan ji duto. 19 Teko mane faresego nigo ne nie dhogi kendo e iwgi nikech iwgi ne chalo gi thuonde, man gi wiye ma gike-chogo ka gihinyogo ji. 20 To joma odong' mane masichego ok onego, pod ne ok oloko chunygi oa kuom gik mane giloso kendo gichueyo gi lwetgi; kendo ok giweyo lamo jochiende gi nyiseche manono molos gi dhahabu gi fedha kod muia gi kidi kod bao, ma gin gik maok nen kata winj wach, kata wuotho. 21 Bende ne ok giloko chunygi ka giweyo nek, kata timbe juok kata terruok kata kuo mane gibedo ka gitimo.
Malaika Gi Kitabu Matin
1 Eka naneno malaika machielo maratego, kabiro kolor oa e polo. Ne orwakore gi boch polo ka ndanya oumo wiye; wang'e nechal gi chieng', kendo tiendene ne chalo gi sirni makakni ka mach. 2 Ne oting'o kitabu matin moel e lwete. Nonyono nam gitiende korachwich, to tiende ma koracham nonyonogo piny, 3 kendo nokok gi dwol maduong' machalo ka sibuor maruto. Bang' losekok kamano to duonde mor polo abiriyo nowuoyo. 4 To kane mor polo abiriyogo osewuoyo kamano, ne adwaro ndiko gima giwacho, eka nawinjo dwol moro moa e polo mawa-chona niya, "Kik indik gima polo abiriyogo osewacho to ling'go ei chunyi." 5 Eka malaika mane aneno konyono nam kod piny cha noting'o bade korachwich kochomo polo. 6 Kendo nokuong'ore gi nying' Jal mangima nyaka chieng', jal manochueyo polo gi gigo duto manie iye, gi piny gi gik moko duto manie iye, kod nam gi gik moko duto manie iye kowacho niya, "Deko moro ok nochak obedie ngang'! 7 To e ndalono, ma malaika mar abiriyono nogo turumbetane, eka wach mopondo mar Nyasaye nochopi, mana kaka nonyiso jotichne ma jonabi." 8 Bang' mano dwol mane awinjo ka wuoyo koa e polo cha ne ochako wuoyo koda kendo kowacho niya: "Dhiyo, ikaw kitabu moel manie lwet malaika monyono nam kod piny." 9 Omiyo ne adhiyo ir malaikano, kendo makwaye mondo omiya kitabu matinno. To nowachona ni, "Kawe, mondo ichame. Obiro bedo makech e iyi, to e dhogi nobed mamit ka mor kich." 10 Eka nakawo kitabu matinno manie lwet malaikano, mi achame, ne omit e dhoga ka mor kich to kane asechame nobedo makech e iya. 11 Bang'e ne owachna kendo niya, "Nyaka ichak ikor wach kuom ogendini mang'eny, gi pinje kod dhok ma ji wacho gi ruodhi."
Joneno Ariyo
1 Eka nomiya modi machalo gi luth mar pimo; kendo nowachna niya, "Aa malo idhiyo ipim Hekalu mar Nyasaye kod kendo mar misango, kendo ikwan joma lemo kanyono! 2 To iwe laru maoko manie nyim Hekalu kik ipime, nikech osemiye Ogendini, kendo gibiro nyone gi tiendegi kagiketho Dala Maler kuom dueye piero ang'wen gariyo. 3 To abiro miyo jonenona ariyo morwakore gi gunia teko, kendo ginihul wach Nyasaye kuom ndalo alufu achiel gi mia ariyo kod piero auchiel. 4 Magi gin e yiende ariyo mag Zeituni, kod rachung teyni ariyo mochung' e nyim kom Ruodh piny. 5 Ka ng'ato moro amora dwaro hinyogi, to mach wuok e dhogi matieko wasikgi. Mano e kaka ng'ato moro amora mad-waro hinyogi notho. 6 Jogi nigi teko mar loro polo mondo koth kik chue e ndalo ma gihuloe wach. To bende gin gi teko mar loko pi obed remo kendo kelo tuoche yembe mopogore opogore e piny e kinde mora amora magidwaro. 7 To ka gisetieko hulo wach gi, ondiek mawuok Bur Matut maonge gikone noked kodgi, mi nologi kendo negogi. 8 Ringregi noriere koriyo e yo mar dala maduong'no, ma iluongo gi ngero Sodom kod Misri, dalano e kama nogurie Ruodhgi. 9 To ji moa e ogendini duto gi dhoudi, kod dhok duto ma ji wacho gi pinje duto, norang ringregi kuom ndalo adek gi nus, kendo ok giniyie mondo oyik-gi. 10 Ji duto modak e piny nogo siboi kuom thogi, ka gimor kendo gimiyore chiwo, nikech jonabi ariyogo nosebedo kasando ji modak e piny. 11 To bang' ndalo adek gi nus much ngima mar Nyasaye nodonjo e igi, mi ne gichung' gi tiendegi, kendo luoro maduong' nomako joma ne onenogi. 12 Bang' mano negiwinjo dwol maduong' koa e polo kawachonigi niya, "Biuru malo ka!" Mi ne gidhiyo e polo malo ei bor polo moumogi, ka wasikgi nenogi. 13 Gi e saa nogo piny noyiengni matek, mi bath dalano achiel kuom apar nomuko-re mogore piny, kendo ji alufu abiriyo notho e yiengni mar pinyno to joma nodong' nobwok malich, kendo negimiyo Nyasach Polo duong'! 14 Masira mar ariyo osekadho, neuru, masirano mar adek biro biro piyo.
Turumbeta Mar Abiriyo
15 Eka malaika mar abiriyo nogoyo turumbetane, to dwonde moko nokok matek ei polo, kagiwacho niya: "Loch mar pinyni koro osedoko mar Ruodhwa kendo mar Kristo, kendo enolochi nyaka chieng'." 16 To jodongogo piero ariyo gang'wen mane obedo e kombegi mag duong' e nyim Nyasaye, nokulore piny auma kendo ne gidendo Nyasaye, 17 Ka giwacho niya: "Wagoyoni erokamano, aa Ruoth Nyasaye Manyalo Gik Moko Duto! In Mantie, kendo mane nitie, nikech isekawo teko mari maduong', mi koro ichako locho. 18 Nyiego nomako pinje mag ogendini, to koro mirimbi osechopo. Kinde osechopo mar ng'ado bura neorno tho, kendo chiwo mich ni jotichni ma jonabi, gi jogi maler kod jogo moluoro nyingi, jomatindo gi jomadongo. Kendo tieko jogo maketho piny." 19 Eka Hekalu mar Nyasaye noyaw e polo, kendo Sandug Muma nonenore ei Hekalu; to mil polo marieny mager gi riadruok, koko kod mor polo gi yiengni mar piny nobetie kod pe nochue mang'eny.
Dhako Kod Thuol Malich
1 Bang' mano ranyisi malich nonenore ei polo: ne en dhako morwakore gi chieng', to due onyono e tiende, kendo wiye nosidhie osimb sulwe apar gariyo. 2 Ne en-gi ich, kendo noywak ka en girem nikech muoch ne kaye kod-waro nyuol. 3 Eka ranyisi machielo bende nonenore ei polo: ne en thuol mang'ongo, makwar man-gi wiye abiriyo kod tunge apar gi osimbo ±>iriyo mosidhi e wiyege 4 Iwe noyweyo achiel kuom adek mar sulwe manie polo mi opudho kendo owito-gi e piny. Thuol malichno nochungo nyim dhakono mane chiegni nyuol, mondo ocham nyathine kosenywole. 5 Dhakono nonywolo nyathi ma wuowi, nyathi madichwo mabiro locho korito ogendni gi ludh nyinyo. To nyathineno noyudhi moter malo ir Nyasaye e kom duong'ne. 6 Dhakono noringo modhiyo e thim kuma ne Nyasaye oselosone kama nibiro ritee kuom ndalo alufu achiel gi mia ariyo kod piero auchiel. 7 Eka lweny nochakore e polo. Mikael gi malaike mage nokedo gi thuol malichno, to thuondno gi malaike mage bende nokedo kodgi. 8 To thuol ne onge teko moromo, mi nologi kendo ne oriembgi kargi e polo. 9 Eka thuol malichno nowit modire mwalo e piny, thuol mang'ongo machon miluongo ni Jachien kata Satan, mawuondo piny ngima. Nowite modire e piny, kaachiel kod malaike mage bende. 10 Eka ne awinjo duol maduong' moa e polo, kawacho niya, "Koro warruok giteko kod pinyruodh Nyasachwa, gi loch mar Kristo osechopo. Nikech Jahang jowetewa, mahangonegi e nyim Nyasachwa odiechieng' gi otieno, osewit modir e piny. 11 To ne giloye gi remb Nyarombo kendo gi Wach Nyasaye mane gihulo, bende ne ok gihero ngimagi ahinya mane nyalo miyo giluor tho. 12 Emomiyo moru-ru un polo, kod joma odak eiye! To mano kaka nobed malit ne piny gi nam, nikech Jachien oselor obiro iru! En gi mirima mager nikech ong'eyo ni odong'ne mana ndalo matin kende." 13 To kane thuol malichno oneno ni ose-wite modire e piny, ne olawo dhako mane onywolo nyathi ma wuowi cha. 14 Dhakono nomi fcuombe ariyo mag ongo maduong' mondo ohugo ochopgo kama nolosne thim, kuma ne idhi ritee kuom higni adek gi nus kama thuol ok nenyal chopoe ire. 15 Eka thuol nong'ogo pi moa e dhoge mamol ka aora mondo oyuogo dhakono gi apaka mamol. 16 To piny noyawo dhoge, momodho pi duto mane thuol ong'ogono, mi nokonyo dhakono. 17 Eka thuol mang'ongono ne okecho gi dhakono, nod-hiyo mondo oked gi nyithind dhalono modong', morito chike Nyasaye kendo osiko motegno kahulo wach Yesu. Kendo thuol nochung' e dho nam.
Ondiegi Magalagala Owuok E Nam
1 Eka naneno ondiek moro magalagala kawuok aa e nam. Ne en gi tunge apar kod wiye abiriyo. To nosidho osimbo apar e tungegego, kendo wich ka wich nondikie nying marach mayanyo Nyasaye. 2 Ondiek mane aneno ne chalo gi kwach, to tiendege ne chalo tiende dubu, kendo dhoge ne chalo gi dho sibuor. To thuol mang'ongono nomiyo ondiegino tekone gi kome mar duong' gi lochne duto. 3 Achiel kuom wiye ondiek magala-galano mar tho ne nenore ka gima ne nigi adhola malich to adholano malich mar tho nosechango. Jopiny mangima nohum nono, kendo negiluwo bang' ondiegino. 4 To ji nolamo thuol mang'ongono nikech nosemiyo ondiek malichno tekone owuon kendo negilamo ondiek malichno ka gipenjo niya. "En ng'ano machal gi Ondiek malich?" Ere ng'ato ma nyalo kedo kode?" 5 Ondiegi malichno nomi dhok mar wacho weche mag sungruok kod ayany, kendo ne oyiene bedo gi loch kuom dueye piero ang'wen gariyo. 6 Eka nochako wuoyo koyanyo Nyasaye kendo koketho nyinge kod kar dakne, kaachiel gi joma odakie polo. 7 Bende nomiye teko mondo oked gi jomaler mag Nyasaye kendo ologi bende nomiye loch kuom dhoudi duto, gi ogendini kod dhok duto miwacho gi pinje duto. 8 Ji duto modak e piny biro lamo ondiek malichno, jogo ma nyinggi ok ondiki e kitabu mar ngima mar Nyarombo manoyang' chakre chwech piny. 9 Ng'at man-gi it, mondo owinji! 10 Ka ng'ato onego otue to tuejno ema nodhiye. Kendo ka ng'ato onego negi gi ligangla, liganglano ema nonegego. Ma dwaro bedo jakinda modhil kod yie motegno kuom jotich Nyasaye moyiedhi.
Ondiek Malich Moa E Piny
11 Eka naneno ondiek malich machielo kawuok ei piny. Ne en gi tunge ariyo machalo gi mar nyarombo, to nowuoyo kaka thuol mang'ongo. 12 Notiyo gi teko duto mar ondiek malich mokwongo ka en e nyim ondiegino. Eka nomiyo piny gi ji duto modak eiye olamo ondiek malich mok-wongono, ma wiye ne nigi adhola malich manogo lero mar tho nosechango. 13 Notimo honni madongo ma kata mana mach nomiyo lor a e polo, kabiro e piny ka ji duto neno. 14 To nowuondo ji modakie piny, nikech honni mane omiye teko mondo otim e nyim ondiek malich mokwongo. Ne ogolo chik mondo gilosi gima ket ma imiyogo duong' ondiek malich mokuongo mane ohiny gi ligangla to ok otho. 15 Nomiye teko mondo omi gima ket mar ondiek malich mokwongo muya, mondo owuo kendo oneni jogo duto mane otamore lamo gima ketno onegi. 16 Bende nochuno ji duto, jomatindo gi jomadongo jomwandu kod jochan, wasumbini gi joma ni thoulo, mondo oket alama e rwetegi ma korachwich kata e lenda wengegi. 17 Mondo omi ng'ato ang'ata kik ng'iew kata uso gimoro amora, makmana ka en gi alamano ma en nying ondiek malichno kata kwan mar nyinge. 18 To ng'eyo tiend wachni dwaro rieko, Ng'at man gi ng'eyo matut, mondo okwan namba mar ondiek, nikech nambano en mar nying dhano. Nambano en mia auchiel gi piero auchiel gauchiel.
Nyarombo Gi Ji Alufu Mia Achiel Piero Ang'wen Gang'wen (144,000)
1 a Eka ne ang'icho kendo naneno J¿ Nyarombo kochung' e wi Got Sayun. To ne en kod ji alufu mia achiel gi piero ang'wen gang'wen kendo nyinge owuon gi nying Wuon mare nondik e lenda wengegi. 2 Kendo ne awinjo dwol moro moa e polo ka mor ka mor pi aora maringo matek kendo ka mor mar polo. Dwolno mane awinjo ne chalo gi jo thumbe mag nyatiti magoyo nyatiti. 3 To ne giwero wer manyien ka gichungo e nyim kom duong', kendo e nyim gik mangima ang'wen kod jodongogo. Bende ne onge ng'ato mane nyalo puonj ore wero wendni makmana ji alufu mia achiel gi piero ang'wen gang'wen (144 ,000 ) mane gin joma nores koa e piny. 4 Jogi e joma ne ok odwanyore gi mon, to ne giritore maler. Giluwo bang' Nyarombo kamoro amora modhiye. Nong'iewgi koa kuom ji kendo mobedo kaka olembe mokwongo chiek michiwo ni Nyasaye kod Nyarombo. 5 Miriambo ne ok owuok e dhogi, gionge gi ketho moro amora.
Malaike Adek
6 Eka ne aneno malaika moro ka huyo e kor polo. Ne en gi Wach Maber mochwere ma olando ni ji duto modak e piny ne pinje duto, gi dhoudi duto kod dhok duto gi ogendini duto. 7 Nokok gi dwol maduong' kowacho niya, "Luoruru Nyasaye kendo miyeuru duong', nikech saa ma ong'adoe bura osechopo! Lamuru Jal mane ochueyo polo gi piny, kod nam gi sokni mag pi." 8 Eka malaika mar ariyo nobiro kowacho niya, "Yaye! Babulon Dala Maduong' osepodho piny! Osepodho Piny! En e dhako cha mane omiyo ogendini duto omadho divai mar mer mar terruokne. 9 Bang' mano, malaika mar adek nobiro bang'gi kowacho gi duol maduong' niya, "Ka ng'ato ang'ata olamo ondiek malich kod gima ket kode, kendo ondikne alama e lenda wang'e kata e lwete, 10 ng'atno, bende, nyaka nomadh divai mar mirimb Nyasaye, moseol mopong' thich giteko moo ei kikombe mar mirimbe. Noyud sand ei mach makakni e nyim malaika maler, kendo e nyim Nyarombo. 11 To yich mach mar sandgino dhi malo nyaka chieng'. Jogo malamo ondiek malich kod gima ket kode, kata jogo mondiknegi alama mar nyinge, ok noyud yueyo odiechieng' kata otieno. 12 Ka eri ema kinda kod dhil mar jomaler, mag Nyasaye dwarore, jogo marito chike mag Nyasaye, kendo osiko koyie kuom Yesu. 13 Eka nawinjo dwol moa e polo kawacho niya, "Ndik ni, Chakre kawuononi, jogo gin johawi matho ka gin ei Ruoth!" Roho bende wacho ni, "Ee, gin johawi adier, nikech giniyue kuom tichgi matek, nimar timbegi noluwgi."
Keyo Mar Piny
14 To ne ang'icho, mi naneno e nyima bor polo marachar, to ewi bor polono ne nitie ng'ama obetie "machalo gi wuod dhano." Nosidho osimbo mar dhahabu e wiye, kendo ne oting'o pala mabith mar keyo e lwete. 15 Eka malaika machielo nowuok oa e Hekalu kaluongo gi duol maduong' jal mobedo e bor polono niya, "Kaw pandi mar keyo mondo ike, nikech saa mar keyo osechopo, nimar cham manie piny osechiek." 16 Omiyo jal mane obet e bor polo notiyo gi pande mar keyo e piny, mi nokayo piny ka cham. 17 To malaika machielo nowuok oa e Hekalu manie polo, en bende ne en gi pala mabith mar keyo. 18 Eka malaika moro machielo, mane nigi teko kuom mach, nobiro kowuok e kar kendo mar misango kendo norwongo gi dwol maduong' jamo mane nigi pala mabich mar keyo no wachone niya, "Kaw pandi mabithno mar keyo mondo ikago olemb mzabibu mag piny, nikech olembege ochiek ahinya!" 19 Omiyo malaikano notiyo gi pande mar keyo e piny, ne okayo olembe mzabibu kendo noketogi kar biyo mzabibu maduong' mar mirimb Nyasaye. 20 Olembego ne obi kinyonogi gi tielo e kar bichono e pap oko mar dala, to remo nochuer kamol kawuok kar bichono, mochopo mabor moromo kilomita mia adek koa e dala, to tut remono ne nyalo romo mita achiel gi nus.
Malaike Abiriyo Makelo Masiche Abiriyo
1 Eka ne aneno ei polo ranyisi machielo malich ahinya: Ne aneno Malaike, abiriyo, moting'o masiche abiriyo mogik nikech kuomgi mirimb Nyasaye ochopo kare. 2 Ne aneno gima chalo nam mar glas moru gi mach to e bathe kanyo ne aneno joma oseloyo ondiek malichno kod kido machalo kode to gi namba mar nyinge ko-chung'. Ne giting'o nyatiti mane omigi gi Nyasaye, 3 ka giwero wend Musa jatich Nyasaye gi wend Nyarombo kama: "Yaye; mano kaka tijeni dongo kendo lich aa Ruoth Nyasaye Manyalo Gik Moko Duto. Yoreni ni kare kendo gin adiera, Aa Ruodh ogendini manyaka nene. 4 En ng'a maok nyal luori aa Ruoth, maok nyal miyo nyingi duong? Nikech in kendi ema iler, ogendini duto nobi nyimi mondo olami, nimar timbeni makare osefwenyore ratiro." 5 Eka-ne ang'iyo mi aneno ka Hekalu mar Hemb Rapar oyawore e polo. 6 Malaike abiriyo moting'o masiche abiriyo nowuok e hekalu. Ne giruakore gi lewni maler mapakni kendo manyilni to ne gitweyo kamba mar dhahabu e korgi. 7 Achiel kuom gik mangima ang'wen ka ne omiyo malaike abiriyogo tewni abiriyo mag dhahabu mopong', gi mirimb Nyasaye, Nyasaye mosiko nyaka chieng'. 8 Hekalu ne iye opong' gi iro moa e duong' maler mar N)asaye kod tekone. To onge ng'ama ne nyalo donjo ei hekalu kapok masiche abiriyo mag malaike abiriyogo orumo.
Tewni Abiriyo Mag Mirimb Nyasaye
1 Eka ne awinjo duol maduong' kakok koa ei hekalu ka wuoyo gi malaike abiriyogo kawachonigi niya "Koro dhiuru, mondo upuk tewni abiriyo mopong' gi mirimb Nyasaye e piny." 2 Malaika mokuongo nodhi mopuko tape e piny, mi adhonde malich mang'ue marach ne omako ji duto mane nigi alama mar ondiek malich kendo mane lamo gima ket lode. 3 Malaika mar ariyo noolo tape e nembe mi pi nembegi nolokore machal remb ng'at motho, kendo gik mangima duto modak e nembego ne otho. 4 Malaika mar adek noolo tape e aore gi sokni mag pi kendo pigegi ne olokore remo. 5 Bang'e ne awinjo malaika mochung'ne pige kawacho niya: "In kare kuom kelo kumgi, Aa Ng'ama ler mantie bende mane nitie, nikech iseng'ado bura kare; 6 nimar jogi ne osechwero remb jogi maler, gi jonabi, mane onegi to koro isemiyo gimadho remo mana kaka owinjore kodgi." 7 Eka ne awinjo duol kawuok e kendo mar misango kawacho niya, "Ee Ruoth Nyasaye Manyalo Gik Moko Duto kumni nikare kendo gin adieri." 8 Malaika mar ang'wen noolo tape e wang' chieng' mi chieng' nomi teko mar wang'o ji gi mach mager. 9 Liet mager mar chieng' nowang'ogi to ne gidhi nyime mana giyanyo nying Nyasaye man giteko mar geng'o masichego, kendo ne gitamore hulo richogi mondo gimiye duong'. 10 Eka malaika mar abich noolo tape e wi kom duong' mar ondiek malichno, to piny ruodhe nolokore mudho. Ji nokayo lewgi nikech rem malit mane gin-go 11 kendo ne giyanyo Nyasach polo nikech rem mane gin-go gi adhondegi; to kata kamano ne gitamore lokore kuom richo mane gisetimo. 12 Bang'e malaika mar auchiel noolo tape e aora maduong' mar Yufret, mi pige noduono mondo yo olosre ni ruodhi mane biro koa yo wuok chieng'. 13 Eka naneno jochiende adek machalo ogwende, ne giwuok e dho Thuol maduong' kendo e dho ondiek malich kendo e dho Janabi mar miriambo. 14 Gin chunje mag jochiende matimo timbe honni kendo gidhi ir ruodhi duto mag piny ngima mondo gichokgi ni lweny ma nobedie chieng' maduong'
Mar Nyasaye Manyalo Gik Moko Duto
15 "Neuru! Abiro ka jakuo! Ng'atno en jahawi ma nonwang' kaneno kendo ma orwako lepe mondo wiye kik kuodi ka oyude duk. 16 Bang' mano chunjego nochoko ruod-higo kanyakla kama iluongo gi dho Hibrania ni Armagedon. 17 Kendo malaika mar abiriyo bende noolo tape e yamo; eka duol maduong' nowuok koa ei Hekalu e nyim kom maduong' mar loch kawacho niya, "Osetimore!" 18 Bang' mano, ne nitie mil polo makakni, koriadore kod mor polo gi yiengni malich mar piny. Piny noyiengni matek mapok oyiengni kamano nyaka aa chuech dhano. Adiera chutho ne en yiengni mar piny marachie moloyo. 19 Dala maduong' nobarore mopogore didek kendo mier madongo mag pinje ogendini nomukore mogore piny. Nyasaye noparo Babulon dala maduong', mi ne omiye kikombe mopong' gi divai mar mirimbe mager. 20 Chula ka chula nolal nono kendo gode duto bende nolal kamano. 21 Pe madongo dongo ma pek moro ka moro dirom kilo piero abich, noa e polo mogoyo ji. To ne giyango Nyasaye nikech masich peno, nimar ne en masira marach, moloyo!
Dhako Mobet Kuom Ondiek Malich
1 Eka achiel kuom malaike abiriyo mane nigi tewni abiriyo nobiro ira, mowachona niya; "Bi mondo anyisi kum mar jachode maduong' mobet ewi pige mang'eny. 2 En ema ruodhi mag piny noterore kode, kendo ji duto modak e piny bende osemadho divai mar terruokne mi omer." 3 Bang'e malaika nokawa kapong' gi Roho kendo otera e thim. Ekanyono naneno dhako moro koidho ondiek malich makwar, ma dende duto nochadhore gi nyinge mag ayany, kendo ne en gi wiye abiriyo kod tunge apar. 4 Dhakono nor-wakore gi lewni maralik gi makwar, kendo nolichore gi dhahabu kod kite mabeyo manengogi tek gi Mu. To noting'o e lwete kikombe mar dhahabu, mopong' gi gik modwanyore kod timbe mochido mag ter-ruokne. 5 Kendo nyingni nondik e lenda wang'e niya: "HONO, BABULON MADUONG' MIN JOCHODE DUTO, KENDO MIN GIK MODWANYORE MAG PINY." 6 Bende ne aneno dhakono komer gi remb jo-maler mag Nyasaye, remb jogo mane ohulo ni Yesu e Ruoth. Kane Anene Ne Awuoro Ahinya. 7 Eka malaika cha nopenja ni, "Ere gima omiyo iwuoro kamano? Abiro nyisi tiend wach mopondo mar dhakono kod mar ondiek malich moidho gi wiye abiriyo kod tunge apar. 8 Ondiek malich mane ineno, yande nitie, to tinde oonge kendo obiro wuok oa e Bur Matut Maonge Gikone ka odhiyo e kar tethruokne. Ji duto modak e piny, ma nyingegi ok ondiki e kitap ngima nyaka aa chakruok mar piny nowuor ka gineno ondiek malichno, nikech yande entie to tinde oonge, to nochak oduogi-kendo. 9 "Ng'eyo tiend wachni dwaro paro matut man-gi rieko. Wiye abiriyogo gin gode abiriyo ma dhakono obetie. 10 To bende gin ruodhi abiriyo. Ma abich kuomgi osepodho, to achiel pod nitie, to machielo pod ok obiro; to kapo ni obiro to nobedi kuom thuolo mabor matin. 11 Ondiek malichno ma yande nitie, to tinde oonge, en ruoth mar aboro. Bende en achiel kuom ruodhi abiriyogo, kendo odhiyo e kar kethruokne. 12 Tunge apargo mane ineno, gin ruodhi apar ma pok oyudo pinyruoth to ibiro miyogi teko mar locho kuom saa achiel kende, kaka ruodhi kaachiel gi ondiek malichno. 13 Gin duto gin gi paro achiel kendo ginichiw tekogi kod lochgi ni ondiek malichno. 14 Giniked gi Nyarombo, to Nyarombo nologi nikech en e Jaduong' mar jodongo, kendo Ruodh ruodhi, to jogo manobed kode, gin joge moluongi, jomoyier gi jogo maluwe gadiera." 15 Eka malaikano nowachona niya, "Pigego mane ineno ma dhako ma jachode obedoe, gin ji gi ogendini mang'eny k>d dhout pinje gi joma wacho dhok mopogore opogore. 16 To ondiek malichno gi tunge apargo mane ineno biro bedo mager kod dhakono ma jachode. Ginihinye kagitieke kendo weye duk; ginicham ringe, ma giniwang'e te gi mach. 17 Nimar Nyasaye oseketo e chunygi mondo gitim gima odwaro ka gimiyo ondiek lochgi mondo olochi, nyaka wach Nyasaye ochopi. 18 Dhakono mane ineno en e dala maduong' man gi loch kuom ruodhi mag piny."
Babulon Opodho
1 Bang' mani ne aneno malaika machielo kalor piny aa e polo. Ne en gi teko maduong', kendo lerne ne menyo piny. 2 Nokok gi dwol maduong' kowacho niya, "Yaye! Babulon dala maduong' osepodho! Osepodho! Osedoko kar dak mar jochiende, kendo odoko gunda ma chuny duto mochido odakie, kaachiel gi winy duto makelo luoro gi mago maok ler makuero. 3 Mano osetimore nikech ogendini e pinje duto osemadho divai mar neko mag terruokne, Ruodhi mag piny oseterore kode, kendo jo-ohala mag piny bende osedoko jomwandu nikech ohala ma ngimane oyombore mane odhialorego." 4 Eka nawinjo dwol moro machielo moa e polo kawacho niya: "Un joga, wuoguru ua kuome, mondo kik ubed achiel kode e richone, mondo omi kik un wang' masichene, 5 nikech richone osebi-wore mochopo e polo malo, kendo Nyasaye koro o separo timbene mamonogo. 6 Timneuru kaka oseti-mono! Medneuru nyadiriyo kuom gik ma osetimo! Losneuru mathne mane omiyo ji e kikombene nyadiriyo. 7 Miyeuru sand kod ywa-gruok mang'eny marom gi duong' kod dhialruok mar ngima moyom-bore manodakie kendo manomiyore owuon. Nosungore kowacho e chunye niya, 'Abedo kaka ruoth madhako, ok an chie liel kendo ok ane gima dimi aywag ngang'. 8 Emomiyo masichege chieng' moro achiel noloye: masichego gin tho gi ywa-gruok kod kech. Mach nowang'e kendo tieke duto, nikech Ruoth Nyasaye mang'adone bura, nigi teko maduong' moloyo!' 9 "To ruodhi mag piny mane oterore kode, kendo bedo kode e ngima moyom-bore noywage kendo sedo kod nyinge ka gineno yiro madum ka owang'. 10 Ginichung' mabor ka giluoro sandne kendo ka giywak niya, "To mano kaka lit! To mano kaka lit!" Yaye dala maduong'. Yaye Babulon; dala maduong' man-gi teko! Kethruokni osechoponi kuom saa achiel kende!" 11 "Johala mag piny noywage ka giden-go, nikech onge ng'at ma nochak ong'iew mwandugi kendo. 12 Mwandugigo gin: dhahabu gi fedha kod kite mabeyo manen-gogi tek gi lulu kod lewni mabeyo, gi lewni maralik, lewni mareprep kod lewni makwar gi yien duto madum tik mamit, gi gik moko duto molos gi lak liech, gi yien ma neng'ogi tek kod molos gi nyinyo, kod muia kendo molos gi kite mabeyo, 13 kod gik moko kaka dalasini gi gik mang'ue ng'ar; kaka ubani gi mor wir madum tik mamit kod uvumba gi divai kod mor mzabibu gi mogo mayom gi ngano kod dhok gi rombe gi farese gi geche lweny kod ringruok gi chunje ji bende. 14 "Giniwach niya, 'Olembe ma yande igombo oserumoni. Mwandugi duto kod gik mabeyo malombo wang' oselal chutho, ok nibed kodgi kendo ngang'.' 15 Jo-ohala mane ouso gigegi kendo obedo momewo nikech gigege nochung' mabor, ka giluor nikech sandruokne. Giniywagi kagidengo, 16 kendo goyo nduru ka giwacho niya: "Mano kaka lit! Mano kaka lit, Yaye dala maduong' morwakore gi lewni mabeyo kod lewni mareprep gi makwar, mapakni gi dhahabu gi kite mabeyo manengogi tek kod lulu! 17 Mano kaka mwandu mathoth kama osekethi motieki kuom saa achiel kende!' "Jotend yiedhi duto, gi jowuoth duto mawuotho gi yiedhi kod jokwang' yiedhi gi jogo duto ma loko ohala e nam, ginichung' gichien. 18 Ka gineno yiche dum kowang' gini wach niya: 'Bende ne nitie dala moro machalo gi dala maduong'ni? 19 Giniket buru e wigi kendo goyo nduru ka giywak niya: "Mano kaka lit! Mano kaka lit, Yaye dala maduong' Kama ji duto mane nigi Yiedhi e nam, nobedo joma omewo nikech mwandune. Mano kaka osekethe kendo otieke chutho mana kuom saa achiel kende. 20 Yaye polo bed maraor kuom kethne. Un jomaler mag Nyasaye gi joote kod jonabi, beduru mamor! Nyasaye oseng'adone bura kendo kume nikech timbe mane otimonu. 21 Eka malaika maratego nokawo kidi machalo gi pong' rego maduong', noting'e kendo nobologo e nam, kowacho niya: "Mana gi gero malich kama, e kaka Babulon dala maduong' nomuki kendo ok nonene ngang'. 22 Wende jogo thum nyatiti gi jower, kod jogo asili gi jogo tung', ok nowinji e iyi kendo ngang'. Kata johala moro amora ok noyud e iyi kendo ngang', bende dwond pong' marego ok now-inj kendo e iyi ngang'. 23 Ler mar taya ok norieny kendo e iyi chutho. Dwond wuon kisera gi dwond miaha bende ok nowinj eiyi kendo ngang'. Jolok ohala magi ne gin ji madongo e piny. To pinje duto nobaro mokethore nikech wuondni kod timbeni mayore mag juok. 24 Ne oyud kuome remb jonabi gi remb jomaler, kod remb ji duto mane osene-giepiny.
Haleluya!
1 Bang' mani, nawinjo gima chalo kJ gi koko maduong' mar oganda ei polo kawacho niya: "Haleluya! Warruok gi duong' kod teko odok ne Nyasachwa, 2 nikech buchene gin adiera kendo kare. Oseng'ado bura ni jachodeno maduong' mane oketho piny gi ter-ruokne. Adier Nyasaye osekume nikech nonego jotich Nyasaye.' 3 Eka ne gigoyo koko kendo niya: "Haleluya! Iro moa kuome kowang' nodum mochuere manyaka chieng'." 4 To jodongo piero ariyo gang'wen gi gik mangima ang'wen kande, nopodho piny auma kendo ma gi dendo Nyasaye mane obedo e kom duong' mar loch. Negiywak niya: Amin! Haleluya!" 5 Eka dwol noa e kom duong' mar loch, kawacho niya: "Pakuru Nyasachwa, un jotichne duto, un joge moluore, jomatindo kod jo madongo!" 6 Bang'e ne awinjo gima chalo gi koko oganda mang'eny machalo gi koko mar pige maringo matek, bende machalo gi polo mamor matek, kawacho niya: "Ruoth omi duong'! Haleluya! Nimar Ruoth Nyasaye Manyalo Gik Moko Duto, olocho. 7 Wabed moil kendo mamor ahinya kendo wamiyeuru duong'! Nikech kinde mar arus mar Nyarombo osechopo, to miahane oseikore. 8 Osemiye law maber mareprep, mapichni kendo maler, mondo orwaki. (Law maberno ochungo kar timbe makare mag jomaler.) 9 Eka malaikano nowachona ni, Ndik kama: Jogo gin johawi moluongi e chiemb arus mar Nyarombo!' Eka nomedo wacho niya, "Magi gin weche ma adier mag Nyasaye." 10 Eka napodho piny e tiende mondo alame. To nowachona niya, "Ngang'! Kik itim kamano! An bende an mana jatich wadu kaachiel gi joweteni mohulo gichir wach kuom Yesu. Nyasaye kende ema owinjore ilam! Wach adierano mar Yesu e ma kelo koro wach mar jonabi."
Jaith Faras Marachar
11 Eka naneno polo koyawore kendo naneno faras marachar kochungo e nyima ma jaithne iluongo ni Jaratiro, kendo Jaadiera. Ong'ado buchege e yo makare kendo okedo lwenjege gi ratiro. 12 Wengene chalo mach makakni to osimbe mang'eny ni e wiye. En gi nying' mondik kuome, maonge ng'ama ong'eyo, makmana en owuon. 13 Kendo orwakore gi kandho moling' e remo, to nyinge en Wach Nyasaye. 14 Ogend lweny mag polo neluwe, ka giidho farese marachere kendo ka girwakore gi lewni mabeyo mareprep marochere kendo maler. 15 To ligangla mabith wuok e dhoge ma ochwowogo ogendini manie pinje. Obiro locho korito-gi gi ludh nyinyo. To enonyon-gi ka jabi-cho mar divai kotoyo mirimb Nyasaye Manyalo Gik Moko Duto kuom-gi. 16 En gi nying mondik e kandhone kendo e bamne ni: RUODH RUODHI, KENDO JADUONG' MAR JODONGO. 17 To bang'e ne aneno malaika moro kochung'e wang' chieng'; nogoyo koko gi dwol maduong' ne winy duto mane huyo e kor polo niya, "Biuru, uchokru kaachiel e kar chiemo maduong' mar Nyasaye, 18 mondo ucham ringre ruodhi, gi ringre jotend lweny kod ringre joma rateke, gi ringre farese kod joithgi kaachiel gi ringre ji duto, joma ni thuolo gi wasumbini, joma tindo gi joma dongo. 19 Eka naneno ondiek malichno gi ruodhi mag piny kod cgen-dinigi mag lweny kochokore kaachiel mondo giked gi Jalno moidho faras kod ogandane mar lweny. 20 To ne omak ondiek malichno kaachiel gi janabi mar miriambo, mane o setimo timbe honni e nyinge. Honnigo ema ne osewuondogo joma ne oketinigi alama mar ondiek malichno kendo negilamo gima ket kode. Kargi gik moko ariyogi ne owitgi kagingi-ma e ataro mar mach maliel mager. 21 To jogegi mane odong' noneg gi ligangla mane owuok e dho jaidh faras, kendo winy duto nokidho ringregi.
Higni Alufu Achiel
1 Eka naneno malaika kalor oa e polo, koting'o e lwete kifungu mar Bur Matut Maonge gikone kod nyororo maduong'. 2 Ne omako matek Thuol maduong'no, thuol machon cha, ma en Jachien kata Satan, kendo notueye kuom higni alufu achiel. 3 Ne owite e Bur Matut Maonge gikone, kendo nolorone modi-none e iye, mondo kik ochak owuond ogendini mag pinje ngang' nyaka higni alufu achielgo rum. To bang'e nogonye mondo obed thuolo kuom kinde matin. 4 Bang' mano, ne aneno kombe mag loch, majoma ne obet e kombego nosemi teko mar ng'ado bura. Bende ne aneno chunje joma ne ong'ad wiyegi nikech wach yie margi motegno mane gihulo kuom Yesu kendo wach Nyasaye mane guando. Jogi ne ok olamo ondiek malichno kata gima ket kode kendo alama mare ne ok oket e lenda wengegi kata lwetegi. Ne gidoko mangima kendo negilocho gi Kristo kuom higni alufu achiel. 5 Ma e chier mokwongo. (To jo motho man-odong' mane ok ochier e chierni, ne ok odoko mangima nyaka higni alufu achielgo nommo.) 6 Gin johawi kendo mopuod-hi jogo mochier e chier mokwongo. Tho mar ariyo onge gi teko kuomgi, to ginibed jodolo mag Nyasaye kendo mag Kristo kendo giniloch kode kuom higini alufu achiel.
Oloo Satan
7 To bang' ka higni alufu achiel oseru-mo, Satan nogony mobed thuolo koa e bur mane otueye, 8 kendo nowuog oko kodhiyo mondo owuond ogendini duto mag tunge ang'wen mag piny, ma gin Gog gi Magog, kendo nochokgi kaachiel mondo gidhi e lweny To kar kwan-gi romre gi kuoyo manie dho nam. 9 Ne giwuotho mi gik-wako piny te, kendo ne gilworo kar jot mar jo-Nyasaye, dala maduong' ma ohero. To mach ne oa e polo mobiro e piny kendo nowang'ogi motiekogi. 10 To Jachien, mane owuondogi ne owit e ataro mar mach maliel mager, kama ondiek malichno gi janabi majawuondno nowitie. Kanyono nosandgie odiechieng' gi otieno nyaka chieng'.
Jomotho Ing'ado Nigi Bura
11 Eka naneno kom mar loch maduong' marachar kaachiel gi jal manobedo e komno. Piny gi polo noringo oa e nyime kendo ne gilal maok nonegi kendo. 12 To ne aneno jo motho, jotelo madongo gi jomatindo, ne gichungo e nyim kom maduong' mar loch, kendo kitepe noyaw. Kitabu moro noyaw, ma en kitap ngima. Jomothogo nong'ad nigi bura koluwore kod gik mane gisetimo kaka ondiki e kite-pego. 13 Nam nogolo oko jomotho manie iye, to Tho gi Piny Joma otho nogolo oko jomotho manie igi, kendo ng'ato ka ng'ato nong'adne bura koluwore kod gik mane osetimo. 14 Eka tho gi Piny Joma otho nowiti e ataro mar mach. Ataro mar machno e tho mar ariyo. 15 Ng'ato ang'ata ma nyinge ne ok onwang' kondiki e kitap ngima, nowit e ataro mar mach.
Jerusalem Manyien
1 Eka ne aneno polo manyien gi piny manyien. Polo mokwongo gi piny mokwongo noselal, to nam bende noselal kamano. 2 Bang'e naneno Dalano Maler, ma en Jerusalem manyien kalor piny oa e polo ir Nyasaye, ka oikore ka miaha morwakore maber ni chuore. 3 To ne awinjo dwol maduong' moa e kom duong' mar loch mawacho niya, "Koro kar dak mar Nyasaye ni kod ji kendo enodag kodgi, ginibed joge, to Nyasaye owuon enobed kodgi kendo nobed Nyasachgi. 4 Enoywe pi wengegi duto. Tho kata ywak gi nduru kod rem ok nochak obedie kendo ngang', nikech gik machon oserumo'. 5 Jal manobed e kom duong' mar loch nowacho niya, 'Neuru! Aloso gik moko duto bedo manyien! "Eka nowacho kendo niya, "Ndik mani, nikech wechegi gin migeno kendo gin adiera." 6 Bang' mano nowachona niya: "Osetimore. An e Alfa gi Omega, Chakruok gi Giko, Ng'at ma riyo oloyo anami modho pi soko mar ngima, nono ma onge nengo. 7 Ng'at molocho noyud gigi duto kaka gir keni, kendo anabed Nyasache, to en obed wuoda. 8 To jomalu-or, gi joma ok oyie kod jokoko gi jonek kod jomaterore, gi jojuogi gi jomalamo nyiseche manono kod jomiriambo duto, kargi nobed mana ataro mar mach maliel mager, ma en tho mar ariyo! 9 Eka achiel kuom malaike abiriyogo mane nigi tewni abiriyo moting'o masiche abiriyo mogik nobiro ira mowachona niya, "Bi, mondo anyisi miaha ma en chi Nyarombo." 10 To malaikano noting'a kapong' gi roho motera malo e wi got maduong' kendo mabor, mi nonyisa Jerusalem, Dala Maler, kalor piny aa e polo ir Nyasaye. 11 Ne orieny gi ler mar duong' Nyasaye, to lerne ne rieny ka kidi ma nengone tek, kaka jaspa maler ahinya. 12 Ne en gi ohinga maduong' kendo mabor man gi dhorangeye apar gariyo kendo man gi malaike apar-gariyo e dhor-angeyego. E dhorangeyego nondikie nying ogendini apar gariyo mag Israel. 13 Dhorangeye adek ne ni yo wuok chieng', to adek yo nyandwat, kendo adek yo mil-ambo gi adek mamoko yo podho chieng'. 14 To ohinga mar dalano ne nigi misingi apar gariyo, mane ondikie nying joote apar gariyo mag Nyarombo. 15 Malaikano mane owuoyo koda, ne nigi luth mar rapim molos gi dhahabu mipimogo dalano, gi dhorangeyene kod ohingane. 16 Dalano noger ma bethene ang'wen romore, borne rom gi lachne. Nopimo dala gi luth kendo noyudo ni borne gi lachne kod kaka oidho malo ne romo kilo-mita alufu ariyo gi mia ariyo maromore. 17 Ne opimo ohingane bende, mi oyudo ni pek mar kore oromo bede mia achiel gi piero ang'wen gang'wen, kipimo gi bat mar dhano, ma en rapim mane malaika otiyogo. 18 Ohingano noger gi jaspa, to dala hie ne dhahabu lilo marieny ka glas maler. 19 Misingi mar ohinga mar dala nokedi gi kite mabeyo duto ma nengogi tek. Misingi mokwongo nolos gi jaspa, to mar ariyo ne safir, eka mar adek ne kalke-do kendo mar ang'wen ne zumaridi, 20 to mar abich ne sardonikso, mar auchiel ne sardius, eka mar abiriyo ne krusolith, to mar aboro ne berul, mar ochiko ne topaz, to mar apar ne kruskopraso, kendo mar apar gachiel ne huakintho, to mar apar gariyo ne amethusto. 21 Dhorangeye apar gariyogo ne gin kite mag lulu ma nengogi tek, kendo dhorangach ka dhorangach nolos gi lulu achiel achiel moriwore. Yor dalano ne dhahabu lilo marieny maler ka glas. 22 To ne ok aneno Hekalu ie dalano, nikech Ruoth Nyasaye Manyalo Gik Moko Duto kod Nyarombo ema obedo Hekalu mare. 23 Dalano ok dwar chieng' kata due mondo orienyne, nimar dwong' Nyasaye ema miye ler, kendo Nyarombo e tache. 24 Ogendini mag pinje nowuothi e lerne, kendo ruodhi mag pinje nokel bergi e iye. 25 Dhorangeyene ok nolor odiechieng' moro amora, to otieno bende ok nobedie ngang' kuro. 26 Duong' gi mwandu mag ogendini mag pinje nokel e iye. 27 To gimoro amora ma ok ler, kata ng'ato matimo gik mamono, kata mariambo, ok nodonjie, makmana jogo ma nying-gi ondiki e kitap Nyarombo mar ngima kende.
Aora Mar Ngima
1 Bang'e eka malaika nonyisa aora mar pi mar ngima, marieny maler ahinya, kendo mamol kaa e kom duong' mar loch mar Nyasaye gi mar Nyarombo, 2 ne omol e dier yo maduong' mar dalano. To bath aora koni gi koni ne nitie yath mar ngima konyago olembe apar gariyo kendo ne onyago olem-begego due ka due, bende ite yadhno ema ithiedhogo ogendini mag pinje. 3 Kuong' moro amora ok nobedie kendo. Kom duong' mar loch Nyasaye gi mar Nyarombo ema nobedie ei dalano, to jotichne notine. 4 Gininene wang' gi wang' kendo nyinge nobed e lenda wengegi. 5 Otieno ok nobedie kendo ngang'. Ok ginidwar ler mar taya kata ler mar chieng', nikech Ruoth Nyasaye ema nomigi ler. To ginilochi nyaka chieng'. 6 Eka malaikano nowachona niya, "Wechegi gin weche migeno kendo ma adiera. To Ruoth ma Nyasach chunje mag jonabi, nooro malaikane mondo onyis jotichne gik mabiro timore mapiyo."
Yesu Biro
7 "Neuru abiro mapiyo! Ng'atno en jahawi momako weche mokor manie kitabuni!" 8 An, Johana ema nawinjo gigi kendo ne anenogi. To kane asewinjogi kendo neno-gi, napodho piny e tiend malaikano mane nyisagi. 9 To nowachona niya, "Kik itim kamano. An bende an jatich wadu matiyo kodi kaachiel gi joweteni ma jonabi gi jogo duto morito weche manie kitabuni. Mi Nyasaye duong'!" 10 Bang' mano nowachona niya, "Kik iling' mak ihulo weche mokor manie kitabuni, nikech kindeno ma gigo onego timre chiegni. 11 We ng'at matimo richo odhi nyime kod timo richo; kendo ng'at ma chunye ochido odhi nyime timo timbe mochido; to ng'at matimo makare bende odhi nyime gi timo makare, to ng'at maler odhi nyime gi bedo maler." 12 "Ne, abiro piyo! Ating'o michna, to abiro miyo ng'ato ka ng'ato koluwore kod gima osetimo. 13 An Alfa gi Omega, Jal Mwokongo kendo Mogik kendo An e Chakruok gi Giko. 14 "Johawi gin jogo ma lwoko kand-hogi maler, mondo omi gibed gi ratiro mar chamo olemb yath mar ngimano kendo gikadh ka gidonjo e dhorangeye mag dalano. 15 To guogi, gi jojuogi, gi jomaterore kod jonek, gi joma lamo nyiseche manono kod ji duto ma ohero miriambo kendo matimo gik maok adiera, duto nobed oko." 16 "An, Yesu aseoro malaikana mondo ohulni wechegi ilonygo kanise. An Tiend anyuola kendo Koth Daudi, to bende an Sulwe Maler mar Okinyi." 17 Roho gi miaha wacho ni, "Bi!" To ng'ato mawinjo, bende owach niya, "Bi!" Ng'ama riyo oloyo, mondo obi, kendo ng'at mohero, mondo obi oyud pi ngima mochiw nono. 18 An Johana asiemo ng'ato ka ng'ato mawinjo wechegi mokor mag kitabuni kama: Ka ng'ato moro nomed gimoro amora e wechegi, Nyasaye nomedne ng'atno masiche mondik e kitabuni. 19 To bende ka ng'ato moro nogol oko weche manie kitabuni mar koro, Nyasaye nogol oko kamaye pokne manie yath mar ngima kendo manie dala maler, mondiki e kitabuni. 20 Jal mawacho wechegi wacho kendo niya, "Ee, Abiro mapiyo." Amin! Bi, Ruoth Yesu. 21 Ng'wono mar Ruodhwa Yesu obed gi jo-Nyasaye. Amin.