Luvale Mu "KUKAFWA CA KUFUMA MWILU" tunafutwilamo mazu a Kalunga amavulu a kutukafwa ha vihande vyavivulu vya mu Mukanda wa Kalunga. Ami ngwafwelela ngwami, mazu a Kalunga avene, akiko atela kutulumbunwina vya ha Mukanda wa Kalunga. Mazu a Kalunga afuma mwilu kaha eji kukafwanga cikuma vaka-kuwatonda na kuwevwila lipwila lya mucano. Omu mutu mwalumuka na kupihilila, hi mwahunga shili, na kumwitavila Mwata engile na kutwama mu mucima wenyi, na kumufwelela Mwata Yesu Kulishitu kupwa Mulwilo wenyi, Mwata mwalijimbula kuli ikiye na kumuhana cisambo cenyi na kuunda cenyi. Cumeci casolokele kuli yami mu mwaka wa 1937, kaha noholili nguli na Mwata hamwe. Shikaho nguli na kumilembelela na yenu vakwetu ngwami, mulyece kuli Ikiye oholili vene nge kanda mumwitavile, apwenga Mulwilo wenu, apwenga Mwata wenu nawa. - Watson Goodman ZANGI YA KALUNGA Wavaka-Loma 5.8 Oloze Kalunga asolola lyehi zangi yenyIvene yakutuzangetu, mwomwo ximbu haze twapwilenga tucili tuvika-xili, Kulixitu atufwilile. Yowano 13.1 Jino ximbu capwile ciwanyino capaseka cicili kanda, Yesu ha kutacikiza ngwenyi, Lwola lwami lunahete lyehi mangana ngufume hamavu nguyenga kuli Tata, ha kuzanga vatu jenyi vali hamavu avazangile palanga nakusongo. Kusoloka 1.5 Nakuli Yesu Kulixitu, Cinjiho wakuxixika, Twatwa wakuvafu, Muka-kuyula vamyangana vahano hamavu. Kuli Ou atuzanga, Ou atujitula lyehi mumilonga yetu yaxili namanyingenyi. Yelemiya 31.3 Yehova alisolwele kuli ami hakufuma kwakusuku ngwenyi, Ngunakuzange nazangi yahaya myaka yosena. Xikaho ngunakukoko nalikoji. Yowano 3.16 Mukiko vene mwavazangilile Kalunga vaka-mavu, kuvahanyina Mwanenyi umwe kaha lyamunwe, mangana ngwenyi, wose mwamwitavila akazeneke kunonga, oloze ngwenyi, atwamenga nakuyoya cahaya myaka yosena. UKALUNGA WA YESU KULISHITU Mateu 1.22, 23 Jino vyuma vyosenevi vinasoloka mangana muze ahanjikile Yehova muli kapolofweto mulumbunuke ngwenyi, Tala, mwanapwevo ou acili kanda alimone, nalunga mwakemita lijimo, mwakasema mwana walunga, Kaha mwana navakamuluka lijina lyenyi ngwavo, Ikiye Emanwele, kulyalumuna linapu nge ngwavo, Kalunga tuli nenyi hamwe. Yowano 14.9, 10a Yesu amwambile ngwenyi, Ove Fwilipu, kutala ngunaximbula cikuma nayenu myaka yipwaha ngana, kaha kawangutacikizako, kumana? Ou nangumono Ami namumono lyehi Tata, nyi ngacilihi unambe ngwove, Tulweze Iso? Kawetava tahi? ngwove, Ami nguli muli Tata naTata nawa ali muli Amiko? Yowano 1.1 na 14 Hakuputuka Lizu kulyapwilenga, kaha Lizu lyapwilenga, naKalunga hamwe, kaha Lizu lyapwilenga Kalunga... Lizu lyalitengekele kupwa wacisemwa cahamavu. atwaminenga muli etu (kaha upahu wenyi twaumwene, upahu kana waMwana umwe kaha lyamunwe kuli Ise), apwilenga wakuzala nalikoji namucano. YESU, MWANA KALUNGA WaVowano 1, 4.15 Wose mwetava ngwenyi, Yesu Ikiye MwanaKalunga, Kalunga atwama muli ikiye naikiye nawa muli Kalunga. Isaya 9.6 Mwomwo kuli etu kunasemuka mwana, vanatuhane mwana walunga, wangana naukapwanga hacifwiji cenyi, kaha lijina lyenyi navakamuvulukanga ngwavo, Ikiye Wakukomwesa, ngwavo, Ikiye Wakulweza punga, ngwavo, Ikiye Kalunga waundume, ngwavo, Ikiye Sevo yamyaka yosena, ngwavo, Ikiye Mwangana wakuunda. Mateu 17.5 Ximbu apwile acili nakuhanjika, kumana, kwavazengaminyine livwi litoma to, kaha kumana, mulivwi kana mwafumine lizu lyakwamba ngwenyi, Ou you Mwanami, Ou ngwazanga, Ou ngweji kwivwilanga kuwaha, mwivwililenunga Ikiye. Luka 1.35 Uze kangelo amukumbulwile ngwenyi, Xipilitu wajila mweza hali ove, kaha ngolo jayOu alitulaho najitwama hali ove. Xikaho nawa Ou mwakasemuka navakamuvuluka ngwavo, Ikiye wajila, ngwavo, Ikiye MwanaKalunga. YESU IVENE ALYAMBULULA IVENE Yowano 11.25 Yesu amwambile ngwenyi, Ami yami Kusanguka, yami Kuyoya. Ou mwangwitavilAmi, cipwe nafu, mwakayoya. Yowano 13.13 Enu mweji kunguvulukanga ngwenu, Muka-kunangula, ngwenu, Mwata, kaha munahanjika kanawa, mwomwo vene mungwapwa ngoco. Yowano 8.58 Yesu avambile ngwenyi, Camwenemwene, camwenemwene, nangumilweza ngwami, Ximbu apwile Apalahama kanda acisemuke, Ami ngwapwa. Yowano 10.7 Kaha Yesu avambile ceka ngwenyi, Camwenemwene, camwenemwene, nangumilweza ngwami, Ami yami cikolo camikoko. Yowano 6.35 Yesu avambile ngwenyi, Ami yami kulya kana cakuyoya. Ou mweza kuli Ami kexi kukevwa ceka zalako, kahou mwangwitavilAmi kexi kwiza kukevwa ceka lipwilako. Yowano 8.23 Avambile ngwenyi, Enu muvamuxi, Ami nguwamwilu. Enu muvahano hamavu, Ami kangwexi nguwahano hamavuko. VIKOMOKESO VIMWE ALINGILE YESU Mateu 20.30 na 34 Kaha kumana, kutenga yajila kwatwamine tupuputa vavali. 0mu vevwile ngwavo, Yesu ali nakupalika, vatambakanyine ngwavo, Ove Mwata, acituteteleko mwane, ove mwanaNdavici! ... Yesu avevwilile keke, avasalikile livoko hameso avo, kaha linwomu vatonene, kaha vamukavangijile. Mateu 21.19 Omu amwene mukuyu kwakamwihi najila, ayileko. Oloze kawanyineko cuma cekako, xina mafo kaha. Kaha awambile ngwenyi, Kanda ukema ceka mihakoko nahaya myaka yosena. Kaha linwomu vene uze mukuyu womine cau. Mateu 14.19-21 Avalwezele aze mayongomena kusendavala hamwila, jize jimbolo jitanu navaze vaixi vavali avitambwile, kaha atalile kwilu, aviwahixile, apuzwile jize jimbolo, ajihanyine kuli tumbaji twenyi, kaha tumbaji twenyi vajihanyinehanyine kumayongomena. Vosena valile, vekucile. Kaha vihanda vize vasezeleho vavikungulwile, jimbango likumi najivali jato. Vaze valile vapwile malunga lika kafwe makombakaji atanu, namapwevo navanyike nawa. YESU KULISHITU IKIYE TENGI, IKIYE MWATA Yowano 1.3 Vyuma vyosena vavitengelele muli Ikiye, kaha kakwexi cuma cakutenga nacimwe pimbi vatengele cakuzeneka Ikiyeko. Wavaka-Kolinde 1, 1.9 Kalunga napu Kavita-kamwambalimwe, Ou Ikiye Uze amisanyikila mukulikata caMwanenyi Yesu Kulixitu Mwata wetu. Wavaka-Kolose 1.16 Mwomwo muli Ikiye mukiko vene vavitengelele vyuma vyosena, navize vyamumelu, navyevi vyahamavu, navyuma vamona, navyuma vahona kumona, cipwe matanda amawangana, cipwe mawata, cipwe mawangana, cipwe vaka-ngolo, vyuma vyosena vavitanga muli Ikiye nahali Ikiye. Vilinga 2.36 Xikaho vaka-tanga yaIsalele vosena vatacikize kanawa ngwavo, Ou Yesu, Uze mwasukikixilenu kukulusu, Kalunga namulingisa lyehi kupwa Ikiye Mwata, Ikiye Kulixitu. WavaHepeleu 1.2 Kalungga... hakukumisa camakumbi ano nahanjika kuli etu muli Mwanenyi, Ou atongwele kupwa Ikiye swana wakuswana vyuma vyosena, muli Ikiye nawa mukiko vene atengelele myaka. YESU KULISHITU IKIYE MUKA-KUSOPESA VOSENA Mateu 25.32 Vaka-mafuci osena navakavakungulwila kumeso enyi, kaha mwakavahandununa vamwe oku vamwe oku, nganomu eji kuhandununanga kafunga mikoko navapembe. Yowano 5.22 Mwomwo cipwe kusopa, Ise kexi kusopesa mutuko, oloze kusopesa cosena nacihane lyehi kuli Mwanenyi. Wavaka-Loma 14.10 Oloze ove ikaze weji kumuhanyinanga ndumbwove mulonga? Kaha ceka nawa, ove ikaze weji kumulumbilixilanga ndumbwove? Mwomwo tuvosena natukemana kulutwe lwacitwamo caKalunga cakusopela. WaCimoteu 2, 4.1 Xikaho nangukulweza kumeso aKalunga naKulixitu Yesu, Ou mwakasopesa vavatonyi navafu, nahakusoloka cenyi nawangana wenyi. Vilinga 10.42 Kaha atulwezele nawa ngwenyi, tuvambulilenga vatu mazu nakuvalweza unjiho ngwetu, Ikiye vene Uze vatongola lyehi kuli Kalunga kupwa Muka-kusopesa navavatonyi navafu. KUSOKOKA MULI KULISHITU KAHA Yowano 10.9 Ami yami cikolo, kaci nge mutu mwengilila muli Ami navamulwila, kaha mwengila mwalovoka mwawana kuulilo. Yowano 14.6 Yesu amwambile ngwenyi, Ami yami Jila, yami Mucano, yami Kuyoya. Mutu naumwe pimbi mweza kuli Tata kuvanga hali Ami kaha. Yowano 8.24 Xikaho ngwamyambanga ngwami, Namukafwa mumilonga yenu yaxili, mwomwo kuvanga munetava ngwenu, yami vene, mokomoko namukafwa mumilonga yenu yaxili. WavaHepeleu 5.9 Kaha hakulinga kupwa wakukupuka mwosena alingile kupwa Muka-kuneha ulwilo wahaya myaka yosena kuli vaka-kumwononoka vosena. WavaHepeleu 7.25 Xikaho ava navapandama kuli Kalunga hali Ikiye nahase nawa kuvalwila palanga nakusongo, mwomwo ayoya nahaya myaka yosena mangana avahakwilenga, xikaho. Vilinga 4.12 Kaha ulwilo kawexi muli weka naumweko, kaha nawa hano hamavu kahexi lijina lyeka vanahane muli vatu vatulwile nalyoko. KUSUKOKA MULI KULISHITU KAHA Wavaka-Kolose 1.12-14 Mumusakwililenga Setu, Ou natulingisa lyehi kupwa twatela kutambwila hamwe kuuswana wavakakujila mumusana. Ikiye Ou atuyowele mungolo jamilima, kaha natunungulwila muwangana waMwanenyi Ou azanga. Muli Ikiye mukiko, vene tuli nakusokoka cetu, cikiko kutukonekela milonga yetu yaxili. Wavaka-Kolinde 1, 1.30 Oloze muli Ikiye mukiko vene muli enu muli Kulixitu Yesu, Ou vanalingisa kupwa Ikiye mangana akuli Kalunga kuli etu, Ikiye kwoloka, Ikiye kujila, Ikiye kusokoka. WaCituse 2.14 Ou alyecele Ivene hali etu mangana ngwenyi, atusokole kuupapwoki wosena, ngwenyi, alitomesele vatu vamwe vapwenga venyi aheta, vaka-kufwila vilinga vyamwaza. Kusoloka 5.9 Kaha hinavemba mwaso wauhya ngwavo, Ove watela kutambula mukanda kana nakulamuna tutacikijilo twawo, mwomwo vakujihile, kaha wamulanjilile Kalunga vatu vaka-miyaci yosena namanyingove, vaka-malimi osena, vaka-mafuci osena, vakuli vatu veka naveka vosena. KUTUWANYISA NA KALUNGA HA MANYINGA A KULISHITU Wavaka-Loma 5.9 Xikaho, mwomwo, vanatuvulukila lyehi kwoloka hamanyingenyi, nacihambakana cikumanyi jino kutulwila nawa kundombo muli Ikiye. Wavaka-Efwesu 1.7 Muli Ikiye mukiko vene tuli nakusokoka cetu hamanyingenyi, cikiko kutukonekela vilinga vyetu vyakuhingika, nge kutesa naluheto lwalikoji lyenyi. WaYowano 1, 1.7 Oloze kael nge tweji kutambukilanga mumusana nganomu apwa Ikiye mumusana, kaha tuli nakulikata cetu umwe naumwe, kaha manyinga aYesu Kulixitu Mwanenyi nawatutomesa kuxili yosena. WaPetulu 1, 1.18, 19 Mwomwo munatacikiza ngwenu, hakumisokola mukutwama cenu cakulixina tuhu cize vamiselelele vakakuluka jenu, kavamisokwele navyuma vyakuya nakupola, naulu napalatako, oloze namanyinga amalemu nge amwanamukoko wakuzeneka katenga cipwe lipenga, manyinga aKulixitu. ULWILO HA KUFWELELA MULI KULISHITU Wavaka-Efwesu 2.8, 9 Mwomwo kulikoji lyenyi, kukiko vene vanamilwili lyehi hakufwelela, kahoco kacexi cakuli enu vaveneko, cinapu wana waKalunga. kacexi cakuvilingako, kucina mutu umwe mwakalisasa. Wavaka-Loma 5.1 Ngoco mwomwo vanatuvulukila lyehi kwoloka hakufwelela, xikaho kuli etu naKalunga kuli keke muli Mwata wetu Yesu Kulixitu. Yowano 6.28, 29 Kaha vamwihwile ngwavo, Natulinganga ika mangana tuzatenga milimo yaKalunga? Yesu avakumbulwile ngwenyi, Milimo yaKalunga yeyi vene, yakwitavenu kuli Ou atumine Ikiye. Wavaka-Fwilipi 3.9 Mangana ngwami, vakanguwane nguli muli Ikiye, kexi nge nakwoloka cayami iveneko, eci cakuJiximbi, kuvanga naceci camukumufwelela Kulixitu kaha, cikiko kwoloka cakuli Kalunga cahakufwelela. Yowano 20.31 Oloze evi vanavisoneka mangana muketave ngwenu, Yesu Ikiye Kulixitu MwanaKalunga, kaha mangana hakwitava mutwamenga nakuyoya halijina lyenyi. KUTETELA CA KALUNGA Jisamu 103.17 Oloze likoji lyaYehova lili hali ava vamwivwa woma, kufumisa kumyaka yosena nakutwala kumyaka yosena, Nakwoloka cenyi nawa caheta kuli vana vavana vavo. Lungungu 3.22, 23 Omu vanazeneka kutumanununa, mwomwo halikoji lyaYehova lyalivulu, mwomwo vilinga vyenyi vyakeke kavyahwileko, xikaho. Vinapu vyavihya hacimene hacimene, kuzaminyina cove cinapu cacinene. WaCituse 3.5 Kexi havilinga vyamukwoloka twazaciletu vaveneko, oloze nge omu caya kutetela caIvene, mukiko vene atulwilile, mukusanyisa kana cakutusema ceka, hakutulingisa kupwa tuvahya cakuli Xipilitu wajila. Jisamu 103.11 Mwomwo nganomu ajindama melu helu lyamavu, Ngoco mulyatohwela likoji lyenyi hali ava vamwivwa woma. Mika 7.18 Iyaze napu Kalunga nge muwapwOve, ou eji kukonekelanga kuhenga nakuzomboka milonga yavava vanasaleho hauswana wenyi? Kexi kuyiyanga utenu wenyi haya myaka yosenako, mwomwo nevu kuwaha kulikoji, xikaho. KALUNGA ATULEMBELELA TWIZE KULI IKIYE Mateu 11.28 Twayenu kuli Ami enu muvosena muli nakukilikita nakumbata vyavilemu, kahAmi nanguminokesa. Yowano 7.37 Jino halikumbi lyakukuminyina, lize vene lyaciwanyino lyalinene, Yesu emanyine, atambakanyine ngwenyi, Kaci nge kuli mutu nevu lipwila, eze kuli Ami anwe. Isaya 55.1 Enu muvosena muli nalipwila, twayenu kumeya, nenu nawa munahono jimbongo, twayenu, landenu, lyenu. Mwomwo vene, twayenu, landenu vinyo namavele cakuzeneka jimbongo, cakuzeneka kweca ndando. Isaya 1.18 Yehova nambe ngwenyi, Twayenu uno tulivwasanenu. Cipwe milonga yenu yaxili yinacilana cikuma, nayitoma to nge vula yacixika. Cipwe yinapu yicila ngengu, nayipwa nge mangona amikoko. Kusoloka 22.17 NaXipilitu namwenga veji kwambanga ngwavo, Twaya! Nou mwevwako nawa ambe ngwenyi, Twaya! On mwevwa lipwila eze, kaha wose mwasaka atambule meya akuyoya awana. KESHINGE VATU VOSENA VAPWA VANA VA KALUNGAKO WaYowano 1, 3.10 Hakiko vene huvasolokela vana vaKalunga navana valiyavolo. Wose azeneka kulinga mwakwoloka kexi wakuli Kalungako, cipwe uze azeneka kuzanga ndumbwenyi. Yowano 1.12 Oloze vexovo vamwitavilile avahanyine ngolo jakupwa vana vaKalunga, vaze vene vaka-kwitava kulijina lyenyi. Wavaka-Loma 8.14, 15 Mwomwo vexovo veji kutwaminyinangako kuli Xipilitu yaKalunga, vakivo vene vana vaKalunga. Mwomwo kamwatambwile ceka xipilitu yaundungo yakuneha womako, oloze mwatambwile xipilitu yakumitavila muvana, mukiko vene mutweji kutambakanyinanga ngwetu, Apa, Ove Tata. Wavaka-Kolinde 2, 6.17, 18 Xikaho Yebova nambe ngwenyi, Lovokenu muli vakivo, lihandununenumo, Kanda mukwata kucuma cacipi cimweko, KahAmi nangumitambula, Kuli enu nangupwanga nguSenu, Kaha kuli Ami enu namupwanga muvana vami vamalunga, muvana vani vamapwevo. Mukiko mwanambe Yehova, Ukweci ugolo josena. MWANAMBE KALUNGA HA KUVULUKA WALA WAUSASU Wavaka-Loma 13.13, 14 Tutambukenunga mwamwenemwene nge mumusana, kexi mukukinakina jingoma namukupendapenda walako, kexi mumaujila namukuzungwomako, kexi muvikokojola namulisunguko. 0loze muvwalenu Mwata Yesu Kulixitu, kaha kanda mukalyanukila cisemwa cahamavu nakukava kufwila cacoko. Wavaka-Ngalexa 5.19-21 Jino vilinga vyacisemwa cahamavu vinalumbunuka, vikiko vene evi: ujila, namajilo, nakuzunguma, nakulemesa makombelo, nakupanda, najikole, navikokojola, namasungu, namatoto, nakulikindwojokela, nakuhelangana, namikana namikana, naluxiuxiu, nakupendapenda, nakukinakina, navyuma nganevi. Kuvyumevi nguli nakumihuhumuna nganomu ngwamihuhumwine ceka ngwami, Vaka-kulinga vyuma vyangana kavexi kukaswana wangana waKalungako. Isaya 5.11 Mama lelo kuli ava navameneka cimenemene mangana vakavangizenga wala wausasu, ava navatwalaho nahakajimbavenyi, palanga nomu navaseketela navinyo! KWITAVILA TUHU VYUMA KACATAMOKO Mako 10.17-22 ... Ove muka-kunangula wamwenemwene, nangulinga muka mangana ngukaswane kuyoya cahaya myaka yosena? ... Jiximbi unajitacikiza, omu ngwavo, Kanda ukalinga ujilako, ngwavo, Kanda ukalinga ujilako, ngwavo, Kanda ukevako, ngwavo, Kanda ukambulula unjiho wakwongako, ngwavo, Kanda ukalyapula mukwenuko, ngwavo, Vumbikanga iso nanoko. Amwambile ngwenyi, Ove mukakunangula, vyosenevi ngwavilama lyehi kufumisa kuunyike wami. Yesu hakumutala amuzangile, kaha amwambile ngwenyi, Kuli ove kucinasale cuma cimwe kaha. Yako ukalanjise vyexovyo uli navyo, ukavipangile kuli vaka-kuhutwa, kaha naukatwamanga naluheto mwilu. Kaha twaya ungukavangizenga. Oloze ikiye hakwivwa lizu eli kumeso enyi kwahombele zwe, kaba ayile nakunyengetela, mwomwo apwile naluheto lwalunene, xikaho. Mateu 22.37, 318 Amwambile ngwenyi, Elu vene ngwavo, Muzangenga Yehova Kalunga kove namucima wove wosena, namwono wove wosena, namanganove osena. Elu lukiko luximbi lwalulemu lwatete. KANDA WITAVA VAKWONGEKO Wavaka-Efwesu 5.6 Kanda vakamitangisa namazu amokomoko kuli mutu umweko, mwomwo havyumevi hakiko vene nayijila ndombo yaKalunga hali vana vakulikanga. Wavaka-Kolinde 1, 6.9, 10 Nyi kamwatacikijileko tahi? Vaka-kuhenga kavexi kukaswana wangana waKalungako. Kanda muhungumukako. Cipwe vaka-ujila, cipwe vaka-makombelo, cipwe vaka-ukoji, cipwe vaka-kulitenga nge mapwevo, cipwe malunga vaka-kulipihisa navakwavo malunga. cipwe veji, cipwe vakalukamakama, cipwe vaka kupenda wala, cipwe vaka-kutukana, cipwe vaka-lulami, kavexi kukaswana wangana waKalungako. WaYakova 1.22 Oloze pwenunga muvaka-kulinga mwaya mazu, kanda mupwa muvakakwivwa kaha nakulitangisenu vaveneko. WaYowano 1, 3.7, 8a Enu vana vami vavandende, kanda vakamihungumwisa kuli mutu umweko. Ou eji kulinganga mwakwoloka napu wakwoloka, nganomu apwa Uze nawa wakwoloka. Ou eji kulinganga vyuma vyaxili napu wakuli liyavolo, mwomwo kufumisa kukuputuka liyavolo eji kuvulumunanga lika. SHILI YAKOKA KUFWA WaYakova 1.15 Jino kufwila kana hakukumisa kwimita, hinacisema xili, kaha xili hakukula hinayisema kufwa. Wavaka-Loma 8.6 Mwomwo kujina cacisemwa cahamavu cikiko kufwa, oloze kujina caXipilitu cikiko kuyoya nakuunda. Ezekele 18.20 Mwonou nauvulumuna ukiko naukafwa. Mwanenyi kexi kukambata kuhengesa caiseko, kaha ise kexi kukambata kuhengesa camwanenyiko. Kwoloka camuka-kwoloka nacipwanga hali ikiye, kaha kuhuka camuka-kuhuka nacipwanga hali ikiye. Wavaka-Loma 5.12 Xikaho nge muze yejile xili hano hamavu hali mutu umwe, nakufwa nawa calondolokele haxili, kaha ngoco kufwa cinahete kuti vatu vosena, mwomwo vosena vavulumwine. Viximo 11.19 Ou mwalikolezeza mukwoloka mwaheta kuyoya, Kaha ou mwakavangizanga kupihya ali nakuya kukufwa cenyi. Luka 15.32 Oloze cinatela kusehelela nakuwahilila, mwomwou songo yove napunga wakufwa, kaha nayoyo ceka, napunga wakujimbala, kaha tunamuwane ceka, xikaho. I KULISHITU AFUNGULWILE KUFWA Yowano 11.43, 44 Hakutulisa kuhanjika ngoco, atambakanyine nalizu lyakukanguka ngwenyi, Ove Lazalu, lovokamo! Uze apwile mufu alovokelemo, hanga vamukaxilanga kumavoko nakumahinji mahinaze vamujingilile, nakumeso enyi nawn hanga vamujicikilanga lilesu. Yesu himwavamba ngwenyi, Mukasununenu mangana ayenga kwenyi. Kusoloka 1.18 Vami Muka-kuyoya, ngwafwile, kaha tala, nguMuka-kuyoya nahaya myaka namyaka, kaha nguli najisapi jakufwa najeji jaHetese. Luka 7.14, 15a Aswenyeleko, asalikile livoko lyenyi kumusela, kaha vaze vaukulikile vemanyine kwavo. Ambile ngwenyi, Ove mwanalunga, nangukwamba ngwami, Hinduka. Kahou afwile akondomokele, aputukile kuhanjika. Yowano 10.17, 18 Hakiko vene anguzangila Tata, mwomwo Ami nangweca mwono wami, mangana ngukautambule ceka. Naumwe pimbi mwakangutambulawo, oloze Ami lyavene nangulyecelawo. Nguli nangolo jakuweca, kaha nguli nangolo jakuutambula ceka. Luximbi elu ngwalutambwile kuli Tata. JISHIMBI A KALUNGA Luximbi lwamucivali 5.7-21 Kanda mukatwama natulunga veka kumeso amiko. Kanda mukalisongela likombelo lyakusongako, cipwe cuma cakufwanyisa cuma cili mwilu, cipwe cuma cili hamavu, cipwe cuma cili mumeya muxi yamavu. Kanda mukalifukula kuvikikoko, cipwe kuvizacila... Kanda mukavuluka lijina lyaYehova Kalunga kenu hamakuliko, mwomwo Yebova kexi kukasambisou mwavuluka lijina lyenyi hamakuliko. Lamenu likumbi lyasambata mulijilile, nge omu amilwezele Yehova Kalunga kenu. Zatenunga mulingenga milimo yenu yosena hamakumbi atanu nalimwe. Oloze likumbi lyamucitanu naavali likiko sambata kuli Yehova Kalunga kenu.. . Vumbikenunga masenu namanenu, age omu amilwezele Yehova Kalunga kenu. . . Kanda mukajiha mutuko. Kanda mukalinga ujilako. Kanda mukevako. Kanda mukambulula unjiho wakwonga wakupayisa minenuko. Kanda mukevwa lwiso lwapwevo lyaminenuko, kanda mukafwila zuvo yaminenuko, cipwe wande wenyi, cipwe ndungo yenyi walunga, cipwe ndungo yenyi wapwevo, cipwe ngombe yenyi, cipwe cimbulu cenyi, cipwe cuma cimwe cinapu caminenu. KAWESHI KUHASA KUMUCINA KALUNGAKO Jisamu 139.8 na 12 Kaci nge nanguya namwilu, kaha muze muuli. Kaci nge nangwala kahela kami muXeyole, kaha tala, muuli nawa... Kaha namilima nawa kayexi kwilavisa uhone kumonako, Oloze ufuku weji kumunyikanga nge musana, Nganomu wapwa musana, ngoco muyapwa namilima nawa. Yopa 34.21, 22 Mwomwo meso enyi eji kutalanga jijila jamutu, Namono jitambo jenyi josena. Kakwexi milima, cipwe muvwimbimbi wakufwa, Oku navahasa vaka-kuzata mwakuhenga kuswamako. Yelemiya 23.24 Mutu mwahasa kaswama mwakuvumbama numbami nguhone kumumona? Mukiko mwanehula Yehova. Kangwasulisa lilu namavuko numba? Mukiko mwanehula Yehova. Luka 8.17 Mwomwo kakwexi cuma cakuvumbama cimwe navakahona kusololako, cipwe cuma cakusweka cimwe navakahona kutacikiza nakulowela kumusanako. KUZANGAMISA CA HAYA MYAKA HALI VAKA-SHILI Mateu 18.8 Xikaho kaci nge livoko lyove, cipwe nge lihinji lyove lyeji kukulimbwisanga, livatulelyo, mbilalyo. Cinawahe kuli ove kwingila kukuyoya ucitonji, nalihinji limwe kaha, kuhambakana kutwama namavoko avali namahinji avali nakukumbila mukakahya kahaya myaka yosena. Mateu 13.41, 42 Mwanamutu mwakavatuma vangelo jenyi, kaha vyuma vyakulimbwisa vyosena, navaze nawa veji kulinganga vyaupapwoki, navakavakungulamo muwangana wenyi nakuvambila mulilungu lyakakahya. Mwamuze vene munavakapwanga nakulila nakulingenjunga kumazo. Mateu 25.46 Vaze hinavakafumako nakwingila mukuvazangamisa cahaya myaka yosena, oloze vaka-kwoloka navakengila mukuyoya cahaya myaka yosena. WaPetulu 2, 3.7 Oloze melu awa aliho makumbi ano, namavu nawa, halizu lyolimwe hakiko vene vaviswekela kakahya, nakuvilamina likumbi lyakuvasopesa nakuvanongesa vaka-kumuzamukila Kalunga. KUSOPESA CHILI KULUTWE WavaHepeleu 9.27 Kaha nganomu vavatongwela vatu kufwa kamwe kaha, kaha kulutwe numba vakavasopese. WaYowano 1, 4.17 Mukiko vene mwakupukila zangi kuli etu, mangana tukomike halikumbi lyakusopa, mwomwo nganomu apwa Ikiye, ngoco mutwapwa nayetu nawa hano hamavu. Wavaka-Kolinde 2, 5.10 Mwomwo etu tuvosena kuvanga vakatulumbunune kulutwe lwacitwamo caKulixitu cakusopela, mangana mutu himutu akatambule vyuma kana azacilenga mumujimba wenyi, nge kutesa nomu alingilenga, cipwe mwamwenemwene, cipwe mwamupi. WaPetulu 2, 2.9 Ngwetu, kaha Yehova natacikiza mwakuvayowela vaka-kumukomoka, kuvayovola muluyando lwakuveseka, nakuvalama vakakuhengesa mukuvazangamisanga nakulikumbi lyakuvasopesa. Vilinga 17.31 Mwomwo nasakula lyehi likumbi, halikiko mwakavasopesa vakamavu mwakwoloka, muli lunga uze atongola lyehi. Navahane lyehi vatu vosena hakucitacikijila kanawa, hakumusangula kuvafu. LIKOJI LYA YESU KULISHITU Wavaka-Loma 5.15 Oloze wana walikoji kawalyeseka nakuhingika kanako. Mwomwo kaci nge kukuhingika cayauze mutu umwe vavavulu vafwile, oloze likoji lyaKalunga nawana wahalikoji lyayauze Mutu umwe, Ivene Yesu Kulixitu, vinambwambumukila hali vatu vavavulu. WaPetulu 1, 5.5b ... Mwomwo vaka-kutangalala Kalungeji kuvemanyinanga nakole, oloze eji kuhananga likoji kuli vaka-kulinyisa. Wavaka-Kolinde 2, 8.9 Mwomwo munatacikiza likoji lyaMwata wetu Yesu Kulixitu, mwomwo cipwe apwilenga Ikiye Mukaluheto, oloze hali enu hakiko vene alilingixilile kupwa Ikiye Mukakuhutwa, mangana ngwenyi, hakuhutwa cenyi enu mupwenga muvakaluheto. Wavaka-Loma 9.16 Xikaho kacexi cakuli ou mwasaka, cipwe cakuli ou mwalahilako, x1na cakuli Kalunga kaha, Ou Muka-kutetela. Vilinga 4.33 Kaha unjiho wavo wakuvuluka kusanguka caMwata Yesu vaposetolo vawambulwilenga nangolo jajivulu, kaha hali vakivo vosena hapwilenga likoji lyalinene. KWALUMUKA NA KUPIHILILA Vilinga 3.19 Xikaho pihililenu nakwalumuka, kindulukenu ceka, mangana milonga yenu yaxili vakayijimbangane, mangana kwizenga myaka yakuhizumuna yakuli Yehova. Vilinga 17.30 Kaha myaka kana yakuhona kutacikiza Kalunga ayihombwanyixile, oloze makumbi ano ali nakuvalweza vatu vosena vali kwosena ngwenyi, Vapihilile nakwalumuka. Luka 13.3 Nangumilweza ngwami, Nduma, oloze kuvanga namupihilila nakwalumuka, mokomoko nayenu muvosena nawa namukanonga ngacize. Vilinga 2.38 Petulu avambile ngwenyi, Alumukenu, vamimbapacise mutu himutu mulijina lyaYesu Kulixitu cakuneha kumikonekela milonga yenu yaxili, kaha namutambula wana waXipilitu wajila. Wavaka-Kolinde 2, 7.10 Mwomwo kunyengetela cakuya mwatwala Kalunga ceji kuzatanga kwalumuka cakutwala kuulwilo, cakuzeneka kuneha kupihilila, oloze kunyengetela cavaka-mavu ceji kunehanga kufwa. KUKONEKELA JISHILI Isaya 55.7 Muka-kuhuka aseze jila yenyi, mutu wakuhenga aseze vixinganyeka vyenyi, akinduluke kuli Yehova, kaha mwamutetela, akinduluke kuli Kalunga ketu, mwomwo mwavulisa kukonekela, xikaho. Mateu 6.14 Mwomwo kaci nge namuvakonekela vakwenu vatu havilinga vyavo vyakuhingika, kaha Senu wamwilu mwamikonekela nayenu nawa. Ezekele 18.21 Oloze nge muka-kuhuka mwakalumuka kumilonga yenyi yoseneyi navulumuna, nge mwakalamanga vilika vyami vyosena nakulinganga mwaciyulo mwakwoloka, mwakayoya cakuyoya, kexi kukafwako. Mako 2.5 Yesu hakumona kufwelela cavo himwamwamba uze muka-kalepa ngwenyi, Ove mwanami, milonga yove yaxili vanakukonekelayo lyehi. Kusoloka 3.20 Tala, ngunemana kucikolo nguli nakungongomwezako. Kaci nge mutu mwevwa lizu lyami nakusokolola kucikolo, kaha nangwingila muli ikiye nakulya nenyi hamwe, naikiye nawa nayAmi. KUHANDUNUKA KU VYUMA VYA HAMAVU Wavaka-Kolose 3.2 Jikenu micima yenu kuvyuma vili mwilu, kexi kuvyuma vili hamavuko. Isaya 1.16 Sanenu, litomesenu, lifumisenu kupibya cavilinga vyenu kumeso ami, litwaminenu kupihisa. WaYowano 1, 2.15, 16 Kanda muzanganga lifuci lyahamavuko, cipwe vyuma vili hano hamavu. Kaci nge mutu mwazanga lifuci lyahamavu, kaha zangi yakumuzanga Setu kayatwama mufi ikiyeko. Mwomwo vyosenevi vili hano, hamavu, nakufwila cacisemwa cahamavu, nakufwila cameso, nakulitukwojola cahano hakaye, kavyexi vyakuli Setuko, oloze vyahano hamavu kaha. Wavaka-Efwesu 5.11 Kanda mulikatanga navilinga vyamilima, vyakuhona namihakoko, olozenyi vihanjikilenunga kaha. WaCituse 2.11, 12 Mwomwo likoji lyaKalunga linasoloka lyehi nakuneha ulwilo kuli vatu vosena, nakutunangula ngwenyi, hakukana kuzamukila Kalunga nakukana kufwila vyuma vyahamavu, tutwamenga mukuliunjika, mukwoloka, mukumukomoka Kalunga, hamyaka yino. KUSEMUKA CACIHYA Ezekele 36.26 Nangukamihana. mucima wauhya nawa, kaha nangukahaka xipilitu yayihya muli enu. Micima yamalolwa nangukayifumisa mumijimba yenu, kaha nangukamihana micima yanyama. Wavaka-Kolinde 2, 5.17 Xikaho kaci nge mutu ali muli Kulixitu, kuli kutenga cacihya, vyuma vize vyamwaka vinahici lyehi, tala, kuneza lyehi vyavihya jino. WaPetulu 1, 1.23 Mwomwo munasemuka ceka, kexi nge kutanga yakuya nakupolako, oloze kutanga yakuzeneka kupola, hamazu aKalunga akuyoya akwilila nahaya myaka yosena. WaVowano 1, 2.29 Kaci nge munatacikiza ngwenu, Ikiye wakwoloka, kaha munatacikiza nawa ngwenu, wose eji kulinganga mwakwoloka nasemuwa kuli Ikiye. Yowano 3.3 Yesu amukumbulwile ngwenyi, Camwenemwene, camwenemwene, nangukulweza ngwami, Xina kuvanga mutu mwasemuwa cacihya, mokomoko wangana waKalunga kexi kuhasa kuumonako. KUHANDUNUKA KU SHILI HA KUFWA - NA KUSANGUKILA MULI KULISHITU WaPetulu 1, 2.24 Milonga yayetu yaxili Ivene ayimbacile mumujimba wenyi kucitondo, manganetu hakuhandunuka kumilonga yaxili hakufwa, tuyoyelenga kukwoloka, kumikiki yenyi kukiko vene vanamihindwila. Wavaka-Kolose 3.1 Xikaho kaci nge vamisangula lyehi naKulixitu hamwe, sakenunga vyuma vize vili mwilu, muze muli Kulixitu, natwame kulivoko lyaKalunga lyacilyo. Wavaka-Efwesu 2.1 na 6 Kaha nayenu nawa amiyoyesele, omu mwapwilenga muvafu, muvilinga vyenu vyakuhingika namilonga yenu yaxili... Kaha atusangwile naIkiye hamwe, atutwamixile naIkiye hamwe mumelu muli Kulixitu Yesu. Wavaka-Loma 6.2 na 11 Eta twahandunukile kuxili hakufwa natutwamangamo ceka ngacilihi? ... Ngoco vene nayenu nawa, limonenungenu vavene ngwenu, Twahandunuka lyehi kuxili hakufwa, oloze twayoyela kuli Kalunga muli Kulixitu Yesu. KUYOYA CA HAYA MYAKA YOSENA Yowano 3.14, 15 Kaha nge muze azezwile Mose uze linoka helu mupambo, ngacize nawa kuvanga vamuzezule Mwanamutu nawa helu, mangana wose mwetava akatwamenga nakuyoya cahaya myaka yosena muli Ikiye. Wavaka-Loma 6.23 Mwomwo fweto yaxili kufwa, oloze wana waKalunga walikoji cikiko vene kuyoya cahaya myaka yosena muli Kulixitu Yesu Mwata wetu. Yowano 17.3 Kaheci cikiko kuyoya cahaya myaka yosena, mangana vakutacikizengOve, uka wove uKalunga wamucano, nayOu nawa watumine, Ivene Yesu Kulixitu. Vowano 5.24 Camwenemwene, camwenemwene, nangumilweza ngwami, Ou mwevwa mazu ami nakumwitava Uze angutumine ali nakuyoya cahaya myaka yosena, kaha kexi kukaheta kwakumupayisako, oloze nafumu lyehi mukufwa, nengila lyehi mukuyoya. Yowano 3.36 Ou mwamwitavila MwanaKalunga ali nakuyoya cahaya myaka yosena, oloze ou mwalikanga kuli MwanaKalunga kexi kukamona kuyoyako, oloze ndombo yaKalunga yatwama hali ikiye. MWAKUUTACIKIJILA ULWILO WETU Wavaka-Ngalexa 4.6 Kaha mwomwo munapu muvana, xikaho Kalunga amutuma lyehi Xipilitu yaMwanenyi mumicima yetu, eji kwambangamo ngwenyi, Apa, Ove Tata. Yowano 14.21 Ou atwama najiximbi jami, ou eji kujilamanga, ikiye vene on anguzanga, kahou anguzanga navamuzanga kuli Tata, nayAmi nawa nangumuzanga nangulisolola kuli Ikiye. WaYowano 1, 3.18,19 Enu vana vami vavandende, kanda tuzanganga cakuhanjika kahako, cipwe calilimi kahako, oloze xina navilinga vyetu namumucano. Hakiko vene tunatacikijila ngwetu, tunapu tuvaka-mucano, kaha natukunyukisa micima yetu kumeso enyi. WaYowano 1, 4.13 Hakiko vene tunatacikijila ngwetu, twatwama muli Ikiye, naIkiye nawa muli etu, mwomwo natuhaneko lyehi kuli Xipilitu yenyi, xikaho. Wavaka-Loma 8.16 Ivene Xipilitu eji kwambululanga unjiho najixipilitu jetu hamwe ngwenyi, tuvana vaKalunga. KUTWAMA NA KULISHITU MULI YETU CA TUHANA CISAMBO Yowano 17.13 Oloze oholili nguli nakwiza kuli Ove, vyumevi nguli nakuvihanjika hamavu, mangana vatwamenga nakuwahilila cami cakutamo muli vakivo. Wavaka-Ngalexa 2.20 Vangusukika lyehi naKulixitu hamwe kukulusu, kaha kexi ceka yami ngunayoyoko, oloze Kulixitu Ikiye venyOu ayoya inuli ami. Kaha kuyoya kaneci nguli nakuyoya jino mumujimba, nguli nakuyoyela hakufwelela, eci kufwelela kana cakumufwelela MwanaKalunga, Ou anguzangile alyecele Ivene hali ami. Yowano 15.11 Vyumevi ngunavihanjika kuli enu mangana kuwahilila cami cipwenga muli enu, kaha kuwahilila cenu citemo. Jisamu 16.11 Naungulweza jila yakuyoya, Kumeso ove kuli kuwahilila cakusuulwisa, Mulivoko lyove lyacilyo muli vyakuwivwisa kuwaha haya myaka yosena. Wavaka-Loma 14.17 Mwomwo wangana waKalunga kawexi kulya nakunwako, oloze ukiko kwoloka nakuunda nakuwahilila muli Xipilitu wajila. CACILEMU CIKUMA KWONONOKA KULI MWATA Wavaka-Loma 6.16 Kamwatacikijileko tahi? ou vene namulyeca kupwa muvandungo nakumwononoka, munapu vene mavandungo jayou namwononoka, cipwe vaxili cakutwala kukufwa, cipwe vakwononoka cakutwala kukwoloka. Wavaka-Tesolonyika 2, 1.7-9 Nakumihanenu muli nakuyanda kunoka nayetu hamwe hakusoloka caMwata Yesu hakufuma mwilu navangelo jenyi vangolo hamwe, namilangi yakakahya, nakuvazangamisa vaze vazeneka kutacikiza Kalunga, vaze vanakane kwononoka kumujimbu waMwata wetu Yesu wamwaza. Vakivo navakavazangamisa nakunongesa cahaya myaka yosena, cakufuma kumeso aMwata nakuupahu waundume wenyi. Luximbi lwamucivali 11.26-28a Ivwenu, likumbi lyalelo nguli nakuhaka kukisula nakwangula kumeso enu. Kuli kukisula, kaci nge namwivwililanga mujiximbi jaYehova Kalunga kenu, eji nguli nakumilweza likumbi lyalelo. Kuli kwangula, kaci nge namukakana kwivwilila mujiximbi jaYehova Kalunga kenu... KUMWITAVILA KULISHITU CAPWA CUMA CACILEMU WaYowano 1, 2.23 Wose mwahamika MwanaKalunga, cipwe Ise nawa kexi nenyiko. Ou mwamwitavila MwanaKalunga ali naIse nawa. Luka 9.26 Mwomwo wose mwangwivwila sonyi Ami namazu ami, Mwanamutu nawa mwakamwivwila ikiye sonyi nawa, omu mwakeza muupahu wenyi nou waIse nou wavangelo vajila. Maten 10.32, 33 Xikaho wexowo mwangwitavila kumeso avatu, nayAmi nawa nangukamwitavila ikiye nawa kumeso aTata ali mwilu. 01oze wexowo mwanguhamikila kumeso avatu, nayAmi nawa nangukamuhamikila ikiye nawa kumeso aTata ali mwilu. Wavaka-Loma 10.9, 10 Mwomwo kaci nge naumwitavila Yesu nakanwa kove ngwove, Ikiye Mwata, kaha nge nawitava mumucima wove ngwove, Kalunga amusangula lyehi kuvafu, navakulwila. Mwomwo mutu mwetava namucima wenyi nakuwana kwoloka, kaha mwakundwiza nakanwa kenyi nakuwana ulwilo. SATANA IKIYE MUKA KOLE WETU WAMUNENE Mateu 4.1 na 10, 11 Haze vene vamutwalile Yesu mupambo kuli Xipilitu, mangana vakamweseke kuli liyavolo... Yesu himwamwamba ngwenyi, Ove Satana, fumako, mwomwo vasoneka ngwavo, Mulemesenga Yehova Kalunga kove, muzacilenga Ikiye kaha. Liyavolo, himwamuseza, kaha kumana, kwejile vangelo nakumukafwako. Wavaka-Kolinde 2, 2.11 Kucina kutukumba kuli Satana, mwomwo vixinganyeka vyenyi katwahona kuvitacikizako. WaPetulu 1, 5.8 Pwenunga muvakuunda mumeso, tonenunga. Muka-kole wenu liyavolo, eji kukulijizanga nge ndumba wakutahwoka, nakutonda wose mwawana amulye. Wavaka-Efwesu 6.11 Vwalenu vyuma vyajita vyakuli Kalunga vyosena, mangana muhasenga kwimanyina kulunguluka caliyavolo. Vilinga 26.18 Mangana ukavatonese kumeso avo, mangana vakalumuke kufuma kumilima nakwalumukila kumusana, nakufuma kungolo, jaSatana nakwalumukila kuli Kalunga, mangana vakawane kuvakonekela milonga yavo yaxili, vakaswane uswana muli vaze vajilika lyehi hakufwelela kuli Ami. KUFUNGULULA SATANA WaYakova 4.7, 8a Xikaho luukenu kuli Kalunga, oloze mwimanyinenu liyavolo, kaha mwamicina. Pandamenu kuli Kalunga, kaha mwapandama kuli enu... Wavaka-Tesolonyika 2, 2.8 Kaha haze vene numba uze cipapwoki akasoloke, uze navakajiha kuli Mwata Yesu kukuhwima camunkanwa kenyi, uze mwakenyeka hakusoloka cakwiza cenyi. Wavaka-Loma 8.35 na 37 Nyi iyaze mwatuhandununa kuzangi yaKulixitu? Malwa tahi? nyi vihuli tahi? nyi kutayanjisa tahi? nyi zala yakalombolombo tahi? nyi uvu taki? nyi kulimona meso nakufwa tahi? nyi jipoko jamikwale tahi?... Nduma, muvyuma vyosenevi tunahambakana kufungulula, muli Ou atuzangile. WaYowano 1, 3.8 Ou eji kulinganga vyuma vyaxili napu wakuli liyavolo, mwomwo kufumisa kukuputuka liyavolo eji kuvulumunanga lika. Hakiko vene asolokelele MwanaKalunga, mangana ngwenyi, milimo yaliyavolo ayenyeke. ZANGI, YEJI KWESEKANGA KWONONOKA CETU WaYowano 1, 4.20 Kaci nge mutu mwamba ngwenyi, Ngwamuzanga Kalunga, oloze nge mwahunga ndumbwenyi, ikiye muka-kwonga. Mwomwou azeneka kuzanga ndumbwenyi ou amona, kexi kuhasa kumuzanga KalungOu acili kanda amumoneko. Wavaka-Ngalexa 5.22, 23a Oloze mihako yaXipilitu eyi, zangi, nakuwahilila, nakuunda, nakutalilila vakwavo cikoki, nakeke, nakukokweza, nakuxixika, nakuvova, nakulyononona... Yowano 21.16 Amwihwile ceka kamucivali ngwenyi, Ove Ximona mwanaYowano unanguzange tahi? Amwambile ngwenyi, Mwomwo vene Mwata, Ove unatacikiza ngwove, ngunakuzange. Yesu himwamwamba ngwenyi, Funganga mikoko jami. Wavaka-Kolinde 1, 13.1 Kaci nge ngunahanjika malimi avatu nawawa avangelo, oloze nge kangwexi nazangiko, kaha ngunapu nge nguunengu wakuvuma, mokomoko nge ngucifwoyo cakuhumuna. Yowano 13.35 Hakiko vene navakatacikijila vatu vosena ngwavo, enu mwapwa mutumbaji twami, kaci nge muli nakulizanga navakwenu. KUSANGUKA CA YESU KULISHITU Vilinga 10.39.41 Kahetu tuvinjiho kuvyuma vyosena vize alingilenga nakulifuci lyavaYuleya nakuYelusalema, Uze vene vajihile nawa hakumusukika kucitondo. Ikiye vamusangwile kuli Kalulga halikumbi lyamucitatu, amuhanyine kusoloka kexi kuli vatu vosenako, oloze kuli vinjiho vavangilile kutongola kuli Kalunga, kuli etu vene, etu twalile nenyi twanwine nenyi omu alingile hanasanguka lyehi kuvafu. Vowano 20.26.28 Omu mwahicile makumbi atanu naatatu, tumbaji twenyi vapwile ceka muzuvo naTomase hamwe. Kaha Yesu ejile, omu vyapwile vijilo vyakusokasoka, emanyine mukaci avambile ngwenyi, Kuli enu kupwenga kuunda. Kaha himwamwamba Tomase ngwenyi, Neha munwe wove kuno utale mavoko ami, kaha neha livoko lyove kuno ulingise kuluhaci lwami, kaha kanda upwanga umuka-kukana kwitavako, oloze upwenga umukakwitava. Tomase amukumbulwile ngwenyi, Ove Mwata wami, Ove Kalunga kami! Wavaka-Loma 4.25 Uze vecele havilinga vyetu vyakuhingika, Uze vasangwile nawa mangana vatuvulukile kwoloka. KUSANGUKA, CIKIKO LUTALILILO LWETU LWA UPAHU Mateu 16.21 Kufuma haze Yesu aputukile kuvalweza tumbaji twenyi ngwenyi, Kuvanga nguye kuYelusalema, ngukayande navyuma vyavivulu kuli vakulwane navapilixitu vavalemu navaka-kusoneka, vakangujihe, kaha vakangusangule ceka kuli Kalunga halikumbi lyamucitatu. Yowano 5.25 na 28,29 Camwenemwene, camwenemwene, nangumliweza ngwami, kuli nakwiza Iwola, noholili kululi omu navevwa vafu lizu lyaMwanaKalunga, kaha vaze navevwa navayoya... Kanda mulikomokelanga kucuma kanako, mwomwo kuli nakwiza lwola halukiko vosena vaze vali muvimbumbe navakevwa lizu lyenyi, navakalovokamo, ava valingile mwamwaza navakasangukila kukuyoya, oloze ava valingilenga mwamupi navakasangukila kukuvapayisa. Wavaka-Loma 1.4 Kaha vamutengulwile ngwavo, Ikiye MwanaKalunga mwaya xipilitu yenyi wajila, hangolo, hakusanguka kuvafu, Ikiye vene Yesu Kulixitu Mwata wetu. KUMUJILILA MWATA Luka 1.74, 75 Kutwitavila mangana hakutuyovola kumavoko avaka-kole jetu Tukamuzacilenga cakuzeneka woma, Nakumuzakamanga nakwolokanga kumeso enyi hamakumbi etu osena. Wavaka-Kolinde 2, 7.1 Xikaho, enu vakwetu ngwazanga, hamono tuli najixiko eji, tulitomesenu kuvyuma vyakupihisa vyosena, nevi vyamujimba nevi vyaxipilitu, tutesenungamo mukujila muwoma waKalunga. WaCimoteu 2, 2.21 Xikaho kaci nge mutu mwalitomesa kuvyumevi, mwapwa nge cuma caulemu, cajila, cakutela kucizacisa kuli mwata wazuvo, cakulongesela lyehi milimo yamwenemwene yosena. WaPetulu 1, 1.15 Oloze nganomu apwOu amisanyikile ajila, ngoco nayenu nawa pwenunga mwajila muvilinga vyenu vyosena. WaPetulu 1, 1.2 Enu vasakula nge mwaya kutacikiza caKalunga Setu cakutacikiza vyuma kanda vicisoloke, mukujilika cakuli Xipilitu, kutwala kukwononoka nakukumisapwila manyinga aYesu Kulixitu. Kuli enu kuvulilenga likoji nakuunda. KUMUJILILA MWATA Isaya 35.8 Kuze nakukapwanga likulakula, jila, kaha navakayivuluka ngwavo, Jila yakujila. Vavapi kavexi kukahitamoko, oloze nayikapwa yavava vasokola. Vaka-kutambuka jila, cipwe viheu, kavexi kukahungumukamoko. WayaHepeleu 13-12 Ngoco naYesu nawa, hakukava ngwenyi, avajilike vatu namanyingenyivene, xikaho ayanjiwilile kusali yacikolo. WaYowano 1, 1.9 Kaci nge natwitavila milonga yetu yaxili, kaha Ikiye napu Kavitakamwamba-limwe, apwa wakwoloka mangana atukonekele milonga yetu yaxili, atutomese kukuhenga cosena. Mateu 3.11 Aminyi nguli nakumimbapacisa vene mumeya, hakwalumuka cakupihilila. Oloze Ou mweza munyima yami nanguhambakanami ngolo, Ikiye mendelo enyi kangwatelamo kuwambatako. Ikiye mwakamimbapacisanga muli Xipilitu wajila namukakahya. Wavaka-Ffwesu 1.4 Nganomu atusakwile muli Ikiye ximbu capwile cihela camavu cicili kanda, mangana ngwenyi, tukapwenga tuvaka-kujila, tuvakuzeneka cuma cakutuhanyina mulonga kumeso enyi muzangi. VATU VA KUZALA NA SHIPILITU Luka 11.13 Xikaho nge enu, cipwe muvapi, oloze munatacikiza mwakuhanyina mawana amwenemwene kuli vana venu, kaha Senu wamwilu mwahambakana cikuma nyi, kuhana Xipilitu wajila kuli ava veji kumulombangayo? Vilinga 1.8a Oloze namukatambula ngolo hakwiza Xipilitu wajila hali enu, kaha namukapwanga muvinjiho jami ... Ezekele 36.27 Nangukamuhaka Xipilitu yami muli enu, nangukalinga mangana mutambukenga mwaya vilika vyami, kaha namukalamanga mazu ami akuyula nakuwalinganga. Vilinga 4.31 Vakivo hakukumisa kulomba, muze vakungulukilile mwandendele, kaha vakivo vosena vazalile naXipilitu wajila, kaha mazu aKalunga vawambulwilenga nakumika. Wavaka-Loma 8.9 Oloze kaci nge Xipilitu yaKalunga atwama vene muli enu, kahenu kamwexi ceka mucisemwa cahamavuko, oloze muli muli Xipilitu. Oloze kaci nge mutu kexi naXipilitu yaKulixituko, kaha mutu kana kexi wenyiko. JISHIKO JA KUKOMWESA HALI VAKA-KULISHITU Jisamu 34.18 Yehova ali hakamwihimwihi navava vahokoka micima, Kaheji kulwilanga vakweci jixipilitu jakucikika. Kusoloka 21.4 Mwahunda masoji osena kumeso avo. Kufwa kacexi kukapwako cekako, kaha nawa kakwexi kukapwa ceka kulixonako, cipwe miteto, cipwe kukola, mwomwo vyuma vyakulivanga vinafumuko lyehi, xikaho. Isaya 66.2 Mwomwo vyuma vyosenevi mavoko ami anavitenge, ngoco vyuma vyosenevi vyaputukile kupwa. Mukiko mwanambe Yehova. Ngwenyi, Oloze you vene mutu nangutala, ou vene napu wakulinyisa ukweci xipilito yenyi yakuliveta, ou eji kucikimanga mazu ami. WaPetulu 19 4.12, 13 Enu ngwazanga, hakumonoco kweseka kana cakakahya cili muli enu, oco naciza hali enu nakumyeseka, kanda mukalikomokula nge ngwenu, kunamiwane cuma cekako, oloze omu muli nakutamb lako kuvihuli vyaKulixitu, wahililen nga, inangans nahakusoloka upahu wenyi nawa mukawahililenga nakukinyinyina. JISHIKO KULI VAZE VAMONA KUVESEKA Jisamu 34.19 Lupi elu mwamona muka-kwoloka lunapu lwaluvulu, Oloze Yehova mwamupululula mulukiko lwosena. Isaya 43.2 Omu nauhita muvimeya nangupwanga nayove hamwe, omu nauhita mutulwiji nawa, kavexi kukakupapako. Omu nautambuka mukakahya, kawexi kukawemako kaha mulangi kawexi kukakwata hali oveko. Wavaka-Loma 8.28 Kaha tunatacikiza ngwetu, kuli vaka-kumuzanga Kalunga vyuma vyosena vyeji kuzacilanga hamwe nakuneha kuwaha, kuli ava vene asanyika nge kutesa nomu akava mumucima wenyi. WavaHepeleu 2.18 Mwomwomu ayanjile Ivene hakumweseka, nahase kuvakafwangako ava vali nakumona vyakuveseka. Wavaka-Kolinde 1, 10.13 Kakwamiwanyine kweseka cekako xinoco kaha navahasa vatu. Oloze Kalunga napu Kavitakamwamba-limwe, Ikiye kexi kwitava vamyeseke kuhambakanomu munahaxila, o1oze hamwe nakweseka kana mwamisela kuulovokelo mangana mucihase. JISHIKO KULI VAKA-KUFUNGULULA Kusoloka 3.12 Ou mwahasa vize vyakumuhungumwisa nangukamulingisa kupwa panda muzuvo yaKalunga kami yajila. Kexi kwiza kukalovokamo cekako, kaha nangukamusoneka lijina lyaKalunga kami, nalijina lyanganda yaKalunga kami, yikiko Yelusalema yayihya yakufuma mwilu muli Kalunga kami, nalijina lyami lyalihya nawa. Kusoloka 3.21 Ou mwahasa vize vyakimuhungumwisa nangukamuhana kutwama nayAmi hamwe halitanda lyami lyawangana, nganomu ngwahaxile nayAmi nawa, kaha ngunatwame naTata hamwe halitanda lyenyi lyawangana. Kusoloka 2.7 Ou ali namatwitwi evwilile omu mwahanjika Xipilitu kumauka. Ou mwahasa vize vyakumuhungumwisa nangumuhana kulya kumutondo wakuyoya, ou ali muPalacise yaKalunga. Kusoloka 3.5 Ou mwahasa vize vyakumuhungumwisa, Ikiye navakamuvwika ngoco mahina atoma, lijina lyenyi kangwexi kukalijimbangana hamukanda wakuyoyako, kaha nanguketavila lijina lyenyi kumeso aTata nakumeso avangelo jenyi. KALUNGA ATUKANDA KUJIHA MALO Mateu 5.32 Oloze Ami nangumilweza ngwami, Wose mwatumbika pwevo lyenyi cakuzeneka mulonga waujila, mwamulingisa kupwa muka-ujila. Kaha wose mwambata pwevo vanatumbika lyehi mwalinga ujila. Wavaka-Loma 7.2, 3 Mwomwo pwevo ukweci lunga lyenyi, Jiximbi jinamukaxila hali lunga lyenyi ximbu acili lunga lyenyi wamutonyi. Oloze kaci nge lunga lyenyi mwafwa, kaha uze pwevo nakasunuka jino kuluximbi lwakuvuluka lunga lyenyi. Xikaho jino, ximbu acili lunga lyenyi wamutonyi, kaci nge uze pwevo mwasomboka kuli lunga weka, kaha navamuvuluka ngwavo, muka-ujila. Oloze kaci nge lunga lyenyi nafu lyehi, nalihehwa lyehi kuluximbi kana, kaha cipwe nge mwasomboka kuli lunga weka, oloze kexi muka-ujilako. Wavaka-Kolinde 1, 7.10, 11 Oloze vaze vali kumalo nanguvalweza (oloze kexi yamiko, xina Ivene Mwata ngwenyi), Pwevo kanda akafuma kuli lunga lyenyiko. Oloze kaci nge mwafuma, kaha atwamenga lika muujike, mokomoko akaliwane ceka nalunga lyenyi. Kaha ngwenyi, lunga kanda akaseza puwenyiko. KWIZA CA KULISHITU KAMUCIVALI Mateu 24.27 Mwomwo, nge omu weji kuvesanga muveso hakufuma kumusamuko nakuvesa mbwe nakumulauko, ngoco munacikapwa kwiza caMwanamutu. WaYakova 5.8 Nayenu nawa undenunga, zamisenunga micima yenu mbe, mwomwo kwiza caMwata cili kwakamwihi xikaho. Mateu 24.30 Numbanyi cinjikizo caMwanamutu cikasoloke mwilu, kaha miyaci yahamavu yosena hinavakayengayenga. Kaha navakamumona Mwanamutu ali nakwiza hamavwi amwilu nangolo naupahu waunene. Yowano 4.3 Kahomu naguya nakumilongesela cihela cenu, hinangwiza ceka nakumitambula, mwize kuli Ami lyavene, mangana kuze ngwatwamAmi nayenu nawa mukatwamengako. Mako 8.38 Mwomwo wexowo mwangwivwila sonyi Ami namazu ami muli vaka-tanga yino yaujila naxili, naMwanamutu nawa mwakamwivwila ikiye sonyi nawa, omu mwakeza muupahu waIse navangelo vajila hamwe. KWIZA CA KULISHITU KAMUCIVALI Luka 12.40 Nayenu nawa pwenunga mwalizanga lyehi, mwomwo halwola munazenekenu kuhaka kumicima, lukiko vene mwakeza Mwanamutu. WaVowano 1, 3.2 Enu ngwazanga, oholili vene tunapu tuvana vaKalunga, kahomu natukapwanga kanda musoloke. Oloze tunatacikiza ngwetu, cosena mwasoloka Ikiye, natulifwananga nenyi, mwomwo natumumona nomu apwa, xikaho. Vilinga 1.11 Vakivo vavambile nawa ngwavo, Enu malunga vakuNgalileya, munemanyina nakutali1a ika mwilu? On Yesu, On vanafumisa kuli enu vanatambula mwilu, Ikiye mwakeza ceka nganomu munamumono hakuya mwilu. Mateu 16.27 Mwomwo Mwanamutu mwakeza muupahu waIse navangelo jenyi hamwe, kaha numba akaxixixilemo mutu himutu nge kutesa navilinga vyenyi. Kusoloka 16.15 Ivwenu, nangwiza nge mwiji. Atokwou mwatonanga, ou mwalamanga kuvwala cenyi, kucina mwakatambukanga uselesele, kucina navakamonanga sonyi yenyi. LIZU LYA KALUNGA Jisamu 119.105 Mazu ove anapu linongo kumahinji ami, Anapu mumunyi mujila yami. Jisamu 119.11 Vihande vyove ngunavisweke mumucima wami Kucina nangukuvulumuna mulonga. Mateu 22.29 Oloze Yesu avakumbulwile ngwenyi, Munahungumuka, mwomwo Mazu-vasoneka kamwawatacikizako, cipwe ngolo jaKalunga. WaCimoteu 2, 3.16 Mazu-vasonekosena vawahwima kuli Kalunga, kaha anawahila kunangula, nakuhuhumuna, nakwolola, nakulongesa kana cili mukwoloka. Jisamu 119.89 Ove Yehova, mazu ove anemana mbe mwilu Haya myaka yosena. WaPetulu 2, 1.21 Mwomwo kumyaka yosena kakwapwile upolofweto wejile wakufuma mumucima wamutuko, oloze vatu vahanjikile vyakuli Kalunga hakuvahanjikisa kuli Xipilitu wajila. Luka 21.33 Nalilu namavu navikahita, oloze mazu ami kawexi kukahitako.