/1 Rubanga ite'de ana le ama ruga rii olure driso enzi'ba ri sa, Kristo a
draka ama si si.
Esu itu ogboro Alika dri andra, Yesu oni saa ana vu e'bejo ani ni ngwijo Ata
dri rii eca ra ni ote. Ole 'ba anidri vu dri rii saa cidru si sa ndro.
Ana le ni ite'de ai iru ndi ana vu e'bejo ri inga.
Le retu ma'di a ite'dele ana lidri ni azijo ozi ti ni 'dii nde'dira a ni iyo.
Ziniga engai' Yesu Kristo dri, ani sadini loku ri 'i. Ani Ngwapi ni tile kayo
ri'i, ana inzile dra ga ri 'i, vua ani Opi opi vu dri ri dri 'i. Ole ama
ndro, vua dra anidri si iyi ama enzi amadri i 'a pi.
Rubanga a 'ba vu dri ri leka ndro si, eze ana Ngwapi ni alu tende rii, ausi
ni 'ba cidru ani a'ika rii kudra dru ku, kesuki dru lidri olure tadru ri 'i.
Rubanga itederu andrani eze mani o'jo, Oo alenyi le oludi tadru ri si;
disidru le kiza tro ri si mese nyi ra.
'Dii le ma 'jole ri a ehwi 'i: le ama Rubanga lejo rii ku, ki Rubanga a le
amairu ri si eze ana Ngwapi ni azi dru enzi amadri 'dule.

/2 Lokuloku le'jo ruzu'di di ama dini ni ga rii duwi: O'ba ondre ani ru si,
Endri ite'de ana anda ni ni, malaika ondre ra, onze Ofu Loso rii kafiri ni
ra, 'ba vu dri rii a'i ra, onzi ani oru 'bu 'a eku tro.