Ta kumkajir
1 Lo yaþoodat ta i nõ, ta i nat kï Luwah, na ta i Luwah. 2 Ta'n non i lo yaþoodat nat kï Luwah. 3 Kïtakula la Luwah ðan nyag tube ye, kam nyagt'n Luwah ða ye, ða nya mad kïða kïkanJã al. 4 Kamat kumkajir i tit, na kumkajir i kunj lo deg. 5 Kunj ndï unj kam tilt, na til ut døa al. 6 Luwah la de mad kï tøa i Jã. 7 De'n non ðe, i ngemanaj, kïtakad manaj dø kunjt, kad deg tube adïn kamd Luwah kïtakulïn. 8 Î kïþe kï døn i kunj'n non al, na ðe kïtakad'n manaj dø kunjt. 9 Kunj'n non la i kunj kï rota ye, lon ðe døningt ne ndï unj dekïðen. 10 Ta i døningt. Luwah ða døning kïtakula, na deg kï døningt gerïna al. 11 Ta'n non ðe ro degt lon, na deg loa høna kï rodt al. 12 Na deg tube'n høna kï rodt, na adïna kamd tø ye, ad'd tøg kï î ngan Luwah. 13 Îgïn non oojïnd kïtakul mosï al, ke kïtakul ndig lo dãro de, ke kïtakul ndig lo de, na în kï kooj kïtakul ndig lo Luwah tã. 14 Ta tel dãro de, hølondï rojt, j'oo maj loa kï tøitøi kï tit kïmaj kï tøitøi lo ngon kï kooj kïðabe, kï ðe koro bøwt, ðoosï kï kamkë kï rota tø. 15 Jã maanaj, ða ko an: În ðan la, i de'n m'elta loa m'an: De'n ndï ðe gomt ye, i kïbo tøim kïta i nõ maði nõ koojïmt. 16 Jî tube kï ngah kamkë kokam nyamajgt loa kï ngãi ad maj urrj kï døtdøt. 17 Luwah ad mberkïnda kïtakul Moij, na kamkë kï rota ðen kïtakul Jeju Krist. 18 De mad kï oo Luwah nja kïða goto bat, na ngon kï kooj kïðabe'n i Luwah, în i kad bøwt la ad deg gerïna ye.
Manaj lo Jã ngeða deg baptem
19 Juipg kï þebo Jerusalemt lan ngéjamosï kadkarig kï Lebiag kad ndïjen Jã anan: Î nõ a? 20 Najkïma lo Jã la ten: Jã maj ta al, na tø tant an: Mî Krist al. 21 Deg'n non ndïjena anan: I titbãi a? Î Eli a? Jã tur an: Mî Eli al. Ndïjena anan: Î ngekelta kï ta Luwaht'n non a? Jã tur an: Ãã. 22 Ndïjena tø anan: Ta ye, î nõ a? Kad kï tel kï ta mad kï tur j'ad ngélaj. Î kïbe ye, ta ðï i ndï el dø roit? 23 El an: Mî ndï de kï ngeko kam dïlalot kan: I ðan go ðob lo Bïraþe ad asïna jerer. Tit'n Esai ngekelta kï ta Luwaht elïn. 24 Parisïg în ku degt'n hã land. 25 Ða ndïjena ta þaitø anan: Îla î Krist al, ke Eli, ke ngekelta kï ta Luwah'n non al, a ne kïtøði i ða i ðan deg baptem a? 26 Jã turd an: Mî taa, m'ða deg baptem kam mant, na de mad ða densït ne, în i gerïna al; 27 de'n non ndï ðe gomt, na mî m'asï kad m'tut kïla sanja loa al. 28 Nyag'n non ðan nya Betanit, gid bah Jurdët, lot'n Jã ða ða deg baptemt.
Jeju i ngon bat lo Luwah
29 Loti got Jã oo Jeju a ðe kï dønt, na el an: Oon Ngon Bat lo Luwah kï Nge kun majal lo deg kï døningt kø. 30 Îla i de'n m'elta loa kete m'an: De mad a ðe gomt nõ, na tøim kïta i kete nõ koojïmt. 31 Mî kïþe kaa m'gera kete al, na i kïtakad Israel geran la m'ðe m'ðan deg baptem kam mant ye. 32 Jã manaj 'nten: M'oo Ndil ðisï ko dørãt tit derr be, na ndï døat. 33 M'gera kete al, na Luwah'n lam ða deg baptem kam mant la elïm an de'n a oo Ndil ðisï na ndï døat nõ la i de'n a ða deg baptem kam Ndil kïkunjðangt ye. 34 M'oo, na m'manaja kad i Ngon Luwah.
Ngéndoog kïdasa lo Jeju
35 Loti got Jã i nõbe þaitø, nat kï ngéndoog lon joo 36 na lon oo Jeju a tøi ye, el an: Oon Ngon Bat lo Luwah. 37 Ngéndoog kïjoo lo Jã oon dø ta'n el, na ndulon go Jeju. 38 Jeju mbel kï gog, na ood a ndulon gon, eld an: A i sahn ði a? Turïna anan: Rabi, ad i ngendoodeg, i ndï ðen a? 39 Eld an: I ðe oon. Awïn oon londïa, na ndïn sia ndøt'n non mbã lo kïsøle. 40 Kï kïða ku kï joogt'n oon døta lo Jã, na ndulon go Jeju ye, tøa i Andre ngon kõ Simõ Pierr. 41 Dasabang, Andre ngah ngonkõ Simõ, ela an: Kï ngah Mesi ad i Krist. 42 Ðe sia ro Jejut, Jeju ooa, na ela an: î Simõ, ngon Jonas; a kuniïn Kepas (ad i mbal).
Jeju kun Pilip kï Natanael
43 Loti got Jeju ndig kï n'aw Galilet, na ngah Pilip: Ela an: I ndulo gom. 44 Pilip i de kï Besaidat; Besaida i þe lo Andre kï Pierr. 45 Pilip ngah Natanael, ela an: Kï ngah de kan Moij ndang ta loa kam Mberkïndat, ngékelta kï ta Luwaht ndangïn ta loa kam maktubgt ho ad i Jeju kï Najaret't, i ngon Jojep. 46 Natanael el Pilip an: Nya mad kïmaj asï tee ko kam þet kï Najaret't e? Pilip tura an: I ðe oo. 47 Lon Jeju oo Natanael a ðe kï roat ye elta loa an: Oon Israel kï rota, kï ndando goto roat. 48 Natanael ela an: I gerïm ko ða? Jeju tura an: kete lon Pilip kuni al þaitø, lon i ndïn ndil kag mbaiþoodt la m'ooi ye. 49 Natanael tura an: Rabi, î ngon Luwah, î Ngar lo Israel. 50 Jeju tura an: Gïrra kel'n m'eli m'an m'ooi ndil kag mbaiþoodt la admïn kami yo? A oo nyag kïbo tøi îgïn non. 51 Jeju ela tø an: Rota, rota la m'ndï m'elsï ye, a oon dørã ða tag, na malaikag lo Luwah a alïn kï dõ ho, a ðisïn kï ber ho kï dø Ngon det.
Taana kï Kanaat
1 Ndø mïta got deg ðan nah taana kam þet kï Kana kam døning Galilet. Kõ Jeju i tit nõ. 2 Kunïn Jeju kï ngéndoog loa kad awïn lo nah taanat ho. 3 Lon kasïnduu tïga ye, kõ Jeju ela an: Kasï nduu lod goto. 4 Na Jeju tura an: Dekïdë ði goi nat sem a? Kaglo lom asï al þaitø. 5 Kõ Jeju el ngan ngéðakïla an: Nya kï ði'n a elsï a ne i ðan. 6 Jo mbalg kïkïbojidet ndïn nõbe kad juipg tugon ne rod kïgo nyabelþet lod. Kam jo kï ða asï kün man litirr døjijoo ke þu kï døjoo kari. 7 Jeju el ngan ngékïlag an: Urïn man kam jogt'n ndïn adïn ðoosï. Na ton man kï jogt mbã ndï tad njirr. 8 Jeju eld an: Tajigla ødïn man aw ne adïn bïradø ngekoogo nyasa. Na ngan ngékïlag awïn kï man adïn bïradø ngékoogo nyasa. 9 Bïradø ngekoogo nyasa ød man kï tel kasïnduu tant oo, na ger lon ngahnt al, na ngan ngékïla taa gerïn þet. Bïradø ngekoogo nyasa kun ngetaadekïdë kij kï ront, 10 na ela an: A adïn kasï kïmaj kete ad deg ãin ndenïn, kamla a adïn kï masï njørr ko gog ye. Na titbãi i ngom kasï kïmaj mbã mbã, na be tã i ndï ad a? 11 'Nten i nyakøj kï ya kïdasa'n Jeju ða kam Kanaat kï døning Galilet, øjïn tøg'n titbe, na ngéndoog loa adïna kamd. 12 Gog go nyat'n ða Kanaat, Jeju awïn Kaparrnawm, nat kï kõn, kï ngankõn kï ngéndoog lon; na ndïn nõbe ndø ngãi al.
Jeju tuþa ngéðagat kø kamkuj kawnat
13 Ndø ða nah lo juipg kï tøa i Pakï i nderrbe, ad Jeju þai aw Jerusalem. 14 Lon tee Jerusalemt ud kuj kawnat lo juipg, ngah deg tit ndï ðawïn mangg, batg, kï derrg, na kïmadg ndï mbelïn nar dø tablegt. 15 Lon Jeju oo titbe ye, nda kïla ndet, na tuþad tube kø kam kuj kawnat, kï mangg kï batg lod, na tïnda nar lo ngémbel nar tîkø, kamla tøsï tableg lod tïla. 16 Na el ngéðawderg an: I teen kï derrg losï kø labe, ot telïn kuj lo Bøwm kuj ða gat losï. 17 Kam ngéndoog loa gah dø tat 'nten kï ndang kam pagt an: Bïraþe, jang tølïm søkïrr kïta kuj loi. 18 Juipg unïn ta, elïna anan: Nyakøj kï ya kï ði a i ða kad øj'jïn kad kï ger kad aw kï tøg, kad i ðan kïla kï titbe? 19 Jeju turd an: I tøn kuj kawna'n ðan kï ber, na kam ndøt kïmïta, m'a m'ðaa gog. 20 Kamla Juipg elïna anan: Þal døsøø gidaikïkïbojidet ha ðan ne kuj kawna'n ðan ye la, î tã an: A i ðaa kam ndøt kïmïta be yo? 21 Na Jeju elta kï terr dø kuj kawnat dan dø dãron. 22 Kïtø 'nten lon Jeju þai ku ngékoit ye, ngéndoog loa gan kamd dø tat'n eld, ad adïn kamd ta kïndang kam maktubt, kï ta'n Jeju el nõ tø.
Jeju ger ngarkam deg tube
23 Lon Jeju ndï þebo Jerusalemt kaglo ða nah Pakït ye, deg ngãibe oon nyakøjg kï yaya'n ða ye adïna kamd. 24 Na Jeju ad'd kamïn al kïta gerd tube. 25 Jeju ndig kad de elïn ta lo de mad al, kïta î kïþe ger nya kï ngarkam degt þet.
Jeju dan na ta kï Nikodem
1 De mad i nõ ku Parisïgt, tøa i Nikodem, i kïkïða ku kïbogt lo juipg. 2 De'n non ðe ro Jejut ndø ela an: Rabi, ad i ngeem, kï ger kad î ngendoodeg kï þai kokïro Luwaht, kïta de mad kï asï ða nyakøjg kï yaya'n i ndï i ða nõ goto, na Luwah i nat sia tã. 3 Jeju tura an: Rota, rota la m'ndï m'eli nõ; îla oojïn de kooj kï kij al a ne, a asï ko kõþe lo Luwah al. 4 Nikodem ela an: titbãi a oojïn de gog lon telïn ngatøg a? Asï kad and kam kont gog kad ooja kooj kï kõ joo'oo? 5 Jeju tura an: Rota, rota la m'ndï m'eli nõ: Îla oojïn de kam mant kï kam ndilt al a ne, a asï kand kam kõþet lo Luwah al. 6 De'n de ooja i dãro, na de'n oojïna kam tøg Ndilt kïkunjðang i Ndil. 7 Ot kad ta'n m'eli m'an: A oojsïn ko kïdõ nõ yai. 8 Nel ndï la kï lot'n gee, i ndï oo kaa, na i ger lon þait ke lon ndï awt nõ al, titbe ho la i kooj de'n oojïna kam tøg Ndilt kïkunjðang ye. 9 Nikodem ela an: Nya 'nten a i root e? 10 Jeju tura an: Î ngendoo Israel yela i ger nyag 'nten al yo? 11 Rota, rota la m'ndï m'eli ye; kï ndï kï j'elta nyag'n kï ger, kï ndï kï manaj dø nyagt kï j'oo kï kumj, na be kaa ne, i ndig taan najkïma loj al. 12 Îla m'elsï ta dø nyagt kï ndï ðan nya døningt la na adïn kamsï taa al ye, titbãi a k'admïn kamsï îla m'elsï ta dø nyagt'n a ðan nya dørãt a? 13 Kïtø de mad kï aw dørãt goto, na Ngon de kï ðisï ko kï dørãt tã. 14 Tit'n maði dïlalot Moij dø li ningakasï ta kagt unan kï dõ ye, titbe ho la a døn ne Ngon de dø kagt unïn na ne kï dø ho ye, 15 kad dekïðen ada kamïn a ne, kï ngah kumkajir kï mbãkïnõt. 16 Kïtø Luwah tar deg kï døningt kï tar kï tøitakøl mbã ad ngonïn kï kooj kïðabe kad dekïðen ada kamïn a ne kï nuj kø al, na kï ngah kumkajir kï mbãkïnõt. 17 Kïtø Luwah la Ngonïn døningt kïtakad'n gangïnta dø degt kï døningt al, na kïtakad deg kï døningt ngahn kaj kïtakula. 18 De'n ndï adkamïn Ngon a ne Luwah gangta døat al bat, na de'n ndï ada kamïn al a ne, Luwah gangta døat woi, kïta adkamïn Ngon Luwah kï kooj kïðabe al. 19 Takïgang la ten: Kunj ðe døningt ne, na deg ndigïn til tøi kunj kïta kïlaðad i kïmajal. 20 De'n ndï ða majal a ne, ndï øsïta kunj, ndï ðe ro kunjt al, na beta kunj kïja kïlaðang kï tïga wang ta kum degt. 21 De'n ndï ða kïgo rotat a ne, ndï ðe ro kunjt kïtakad kunj tee kïlaðang kïgo ndigt lo Luwah kï tïga wang ta kum degt.
Jã ngeða baptem manaj dø Jejut þaitø
22 Go nyagt 'nten, Jeju aw døning Judet, nat kï ngéndoog lon. Ndit nu, na ða ða deg baptem. 23 Jã kaa ne, ða ða deg baptem lot kï tøa i A'n non, nderrbe kï Salim, kïta man i ngãi nõbe; deg ðent kad Jã ðad baptem. 24 Kaglot'n non høn Jã dangãit al þaitø. 25 Na ngéndoog lo Jã majïn na ta kï Juip mad dø kar ro dø nya kïyerrt. 26 Ngéndoog lo Jã awïn ro Jãt elïna anan: Rabi, de'n ndï sei maði gid bah Jurdët, de ka'n i mãanaj nõ ye, oo, ða ða deg baptem, na deg ndï awïn roat. 27 Jã turd ta an: De mad asï ngah nya mad kï døn al na îla Luwah ada tã. 28 În kïþeg oon dø kï mbisï, m'an mî Krist al, na mî de'n Luwah lam nõat kad kï m'ða goðob loa tã. 29 De'n taa dekïdë kij la i ngaw dekïdë ye, na madkïðaa'n ndï kadat i ngawdekïdë al, na roa ndï nela ngãi lon ndï oo dø ndi ngetaa dekïdëkij. Lom i titbe ho, mî tit madkïða ngetaa dekïdëkij be, ad rom nelïm kï dum bit. 30 Maj kad tøa ko ngãi kïtai, na kï lom tel kï ber.
Jeju Krist Ngeðisï ko kï dørãt
31 De'n ðisï ko dørãt i dø nyagt tube; na de'n i kï døningt la i kï lo døning, ndï elta nyag kï døningt tube; 32 ndï manaj dø nyagt'n oo kï kumïn, kï nyag'n oo dø kï mbin, na de kï oo najkïma loa goto. 33 Na de'n oo najkïma loa a ne, so go najkïmat kad Luwah el rota. 34 De'n Luwah laa ye, ndï elta kï ta Luwaht, kïta Luwah þaakot kï ndilïn. 35 Bøw tar ngonïn, ad la nyag tube jiat. 36 De'n ndï adkamïn Ngon a ne, ngah kumkajir kï mbãkïnõt, na de'n adkamïn Ngon al a ne, a ngah kumkajir al bat, na wong lo Luwah i døat.
Jeju kï dekïdë kï Samarit
1 Parisïg oon hoi Jeju kad aw kï ngéndoog ngãi ho, ða deg baptem tøi kï lo Jã ngeða baptem ho. 2 Na rota, i Jeju hã ða deg baptem al, na ngéndoog loa la ðan deg baptem ye. 3 Lon Jeju oo dø takel Parisïg titbe ye, þai døning Judet, tel aw Galilet gog. 4 Na kad aw tee Galilet, sumba kad ndah døning Samari gang. 5 Aw tee þe madt kï døning Samarit kï tøa i Sikar, nderrbe kï kad ndøøt'n Jakob ad ngonïn Jojep. 6 Nõbe bulo man lo Jojep ða tit nõ maði nu, kør ndia asï Jeju nakï, ad ndï ber ta bulo mant'n non, kï kàd kï ða dan þet ad i midi. 7 Dekïdë mad kï Samarit ðe ga mant, na Jeju ela an: Adïm mant m'ãi. 8 Kaglot'n non, ngéndoog loa awïn kam þet kï'n ndugon nyasa. 9 Dekïdë'n non el Jeju an: Î Juip ale? Ye titbãi hã i køm man kãi mî'n mî de kï Samarit a? Dekïdë'n non elta titbe kïta juipg høn nooj kï deg kï Samarit dø nyat mad al. 10 Jeju tura an: Neni i ger kadkari lo Luwah, na i ger de'n ða køøi man a ne, ni îla a i ndïjea man kãi ye, na î a adi man kumkajir. 11 Dekïdë ela an: Bïraþe, kini goto jiit, kamla bulo wo kïþing, ye titbãi a i gan man kumkajir'n hã i ða i eltaa nõ a? 12 Î ye, î kïbo tøi kaaj Jakob'n adj bulo man'n ðan, î kïþe kï døn ãi mana kï nganïn kï þut nyakulg lon nõ yo? 13 Jeju tura an: Dekïðen a ãi man bulo'n ðan a ne, kïnda a õa gog tø. 14 Na dekïðen a ãi man'n m'a m'ada a ne, kïnda a õa gog al bat, na man'n m'a m'ada a tel man kï þa kamat tit mankïþa nü bulbul be, na a ada kumkajir kï mbãkïnõt. 15 Dekïdë el an: Bïraþe adïm man'n i ndï eltaa nõ kadkïnda õm gog al, kad m'tel m'ðe m'ga man al ta. 16 Jeju ela an: Aw i kun ngawi, na i ðen sia. 17 Dekïdë tura an: Ngawm goto, Na Jeju ela an: Elta kï rota la an: Ngawi goto ye; 18 Kïtø i taa ngawg kete asï mi, na dekïdïngã'n i ndï sia tajigla ye, i ngawi al, ad i ta kï rota la el ye. 19 Taa ne, dekïdë ela an: Bïraþe, m'ger, î ngekelta kï ta Luwaht. 20 Kaaj Samariag øsïn død nõ Luwaht dø mbalt'n ðan, na în Juipg elïn anan: Lon sumba kad deg øsïn død nõ Luwaht tit i Jerusalem. 21 Jeju tura an: Dekïdë oo dø ta lom maj. Kaglo mad a ðe nõ, a øsïn død ber nõ Luwaht dø mbalbot'n ðan, ke Jerusalemt al. 22 În Samariag i gerïn nya'n i ndï øsïn døsï ber nõat nõ al, na jî Juipg taa ne, kï ger nya'n kï ndï j'øsï døj ber nõat nõ. Kïtø ngekaj deg a tee ko kï girr Juipgt. 23 Na kaglo ndï ðe nõ, tajigla ðe woi, i kaglo'n, ngékøsïdød ber nõ Luwaht kï Bøw a øsïn død ber kam Ndilt, kï kam rotat, kïta ngékøsïdødber nõ Luwaht kï jeje titbe, nõ la Bøw ndï sahd kad øsïn død ber nõat ye. 24 Luwah i Ndil, ad maj kad ngékøsïdødber nõat, kï øsïn død ber nõat kam Ndilt kï kam rotat. 25 Dekïdë ela an: M'ger kad Mesi: Ad i Krist a ðe, na lon a ðe woi a ne, a ørrj girr nyag tube. 26 Jeju tura an: mî'n m'ða m'eli ta la mî Krist ye. 27 Kaglot'n non ngéndoog lo Jeju tel ðen, na oona ða elta kï dekïdë ad ta yad. Na de mad kï ndïjea ta an: ði i gee roat a? A ke kïtøði i ða elta kï dekïdë'n ðan goto? 28 Taa ne, dekïdë nya þir man lon nõbe, na tel aw kam þet el deg an: 29 I ðen oon de mad ða ta bulo mant nõ, dam kïlag tube'n m'ða ye, de'n non i Krist ale? 30 Tala deg kïjan butbut kam þet kï tïga awïn ro Jejut. 31 Kaglot'n non, ngéndoog lo Jeju ndeena kad sanya, elïna anan: I sanya ngon sî. 32 Na Jeju turd an: M'aw kï nyasa mad la, kad m'sa, na i gerïn al. 33 Go tat 'nten, ngéndoog loa ndïjen na ta kïnadt anan: De mad ðe kï nyasa ada a? 34 Jeju eld an nyasam laten: Kï m'ðago ndigt lo ngelam, kï m'tøl kon kïla loa tø. 35 I ndï anan nãi nah søø kamla þal a ndø ale? Oon maj m'ndï m'elsï, unïn kumsï kï dõ oon ne ndøøg. Nyako tut asï ja woi. 36 Ngeja nyako ndï taa nyabajin, na ndï mbõ nyako kïta kumkajir kï mbãkïnõt, titbe ngeduw nyako kï ngeja nyako ndï ðan ronel nat. 37 Kïtø ta'n terrta el ten ye, i rota: De mad ða duw nya, na kïmad ða ja. 38 M'lasï m'ad i jan nyako kam ndøøt kï i ðan kïla tit ørïn al, madg la ørïn kamt kete ye, na în i þan maj kï kand kørd. 39 Samariag ngãibe kï kam þet'n non adïn kamd Jeju kïta ta'n dekïdë eld an: Dam nya ðam tube. 40 Titbe lon Samariag ðen ro Jejut ye, ndïjena kad ndï sed, na Jeju ndï kam þet'n non ndø joo. 41 Samari madg ngãibe adïn kamd Jeju kïta tag'n Jeju î kïþe eld. 42 Na tel elïn dekïdë'n non anan: Tajigla j'ad kamj Jeju kïta ta'n i elj nõ al, na kïta jî kïþe j'oo dø ta loa kï mbij, na kï ger kad î ngekaj deg kï døningt jeje.
Jeju yoot ngon kooj ngekïla kïbo lo ngékõþeg
43 Go ndøt kï joo'n ða Samarit, Jeju þai nõbe aw døning Galilet; 44 kïta Jeju kï døn manaj kete woi an: Ngekelta kï ta Luwaht a ngah køsïgon þekoojïnt al. 45 Lon aw tee Galilet ye, deg høna kï rodt maj maj, kïta în kaa ne awïn lo ða nah Pakït Jerusalem; ad oon nyag tube'n Jeju ðat nõ. 46 Jeju tel aw Kanaat døning Galilet, ad i lot'n mbel mant ad tel kasïnduu; de mad ndï þebo Kapernawmt nõ, i ngeðakïla lo ngekõþeg, ngona kïdïngã i mõi. 47 Lon oo hoi Jeju kad þai døning Judet aw døning Galilet ye, aw roat, ndïjea kï aw Kapernawmt kï yoot ngonïn kïdïngã'n to ta koit. 48 Jeju ela an: Asïn kad kamsï Luwah al; îla oon nyakøjg kï nya madg kï yaya al. 49 Ngekïla lo ngékõþeg tura an: Bïraþe aw kam kujt lom kete kamtã la kad ngonïm oi. 50 Jeju ela an: Aw þe loi ngoni yoot woi. Ngekïla lo ngékõþeg adkamïn ta'n Jeju ela nõ, ad tel ndï aw þe. 51 I dø ðobt þaitø la ngan ngékïlag loa lan ta, na elïna anan: Ngoni yoot woi. 52 Na ndïjed døkàd kï bãî ro ngonïn ton soot a? La turïna anan: Tagbe lokïsøle la, døga tørrïn jîn roat ye. 53 Nõbe la, bøw ngon gerïn kad i døkàd'n Jeju elïn'n ta an: Ngoni yoot woi. Na î kï ngékïþe lon adïn kamd Jeju. 54 'Nten la, i nyakøj kï ya kõjoo'n Jeju ða lon þain døning Judet aw døning Galilet ye.
Jeju yoot de kï ngerokoinjør
1 Go nyagt'n non, juipg awïn þebo Jerusalemt kï n'ðan nah lod mad. Jeju awt ho. 2 Kam þebo Jerusalemt, nderrbe kï tabit batgt, mankaar mad kï tøa i Betesda kï ta Hebre to tit; kuj girr gang mi ðan tit nõ. 3 Girr kujgt'n non, ngémõig ngãi be ton tit, ta mankaart: Mundog, mootg, kï ngérokoinjørg to ngoon yee man. 4 Kïtø malaika lo Bïraþe mad, kaglo mad a ðisï, and kam mankaart, bur mana. Ngemõi'n a ud kam mant'n non dasa go yeeat a ne, a yoot; ke neni în mõi kï titbãi. 5 Ku ngémõigt'n ton ta mankaart nõ ye, de mad kï mõi ðaa þal dømïta gidaijijoo tot nõ. 6 Lon Jeju ooa to ber kï køtïn, na ger kad mõi ðaa kaglo ngãibe ye, ndïjea an: I ndig kad i yoot e? 7 Ngemõi tura an: Bïraþe, de lom kï kad un lam kam mankaart lon man yeen goto na lon m'ndï m'ag þaitø a ne, de mad and nõmt. 8 Jeju ela an: I þai dõ un nyatoi, na i þaning. 9 Kïtajigt, de'n non yoot, ad þai dõ un nyaton, na þaning. Na tit kan hã nya'n non ða nya kï ndø taakò ye, 10 kïbog lo juipg elïn de'n Jeju yoota anan: Ndø 'nten i ndø taakò, i goðobat al kad un nyatoi. 11 De'n non turd an: De'n yootïm nõ la elïm an: Un nyatoi, na i þaning. 12 Deg'n non ndïjena anan: De'n eli an: Un nyatoi na i þaning ye, i nõ a? 13 Na de'n yoot ye, ger de'n yootïn nõ al, kïta Jeju tee kø ku degt'n ðan lot'n non. 14 Ndø madt, Jeju ndøda kam kuj ndub Luwaht, na ela an: Oo dø maj. Tajigla î kï yoot, ot ða majal gog ta, na þeta kõ kï tøi în ðai ye, tel ðai gog tø. 15 De'n non aw el kïbog lo juipg kad i Jeju la yootïn ye. 16 Kïtø 'nten, kïbog lo juipg awïn ne kï ta kï Jeju, kïta yoot de'n non kï ndøø taakò. 17 Na Jeju turd an: Bøwm ndï ða kïla mbã tajigla, mî kaa m'ndï m'ða kïla ho. 18 Lon juipg oon dø ta 'nten ye, kïbog lod sahn ðob tøla, i kïta tøi'n tøi dø ndøø taakò hã kïðabe al, na i kïta kel'n ndï el an: Luwah i Bøw koojïn, ho oo ron asï na derir kï Luwah.
Tøg Ngon Luwah
19 Jeju tee tan eldïn ta 'nten an: M'elsï kï tïga wakïsï i rota. Ngon asï ða nya mad kï døn al. Na a ða nya'n oo Bøwïn lo ðat tã, nyag tube'n Bøw ndï ða ye, Ngon kaa ne, ða titbe ho. 20 Kïtø Bøw tar ngon, ad øja nyag tube'n ndï ða; a øja kïlag kïbobo'n oo nõ, kad ða. Na ta a yasï biw. 21 Tit'n Bøw ndï ad ngékoig bain lo koit, na ad'd kumkajir ye, titbe tø ho la Ngon ndï adïn kumkajir îgïn hã ndig kad'd ho ye. 22 Bøw ndï gangta dø det mad al, na la takïgang tube ji Ngont. 23 Kïtøkad deg tube øsïngon Ngon, tit'n ndï øsïn ne gon Bøw ye be. Bøw la, la Ngon ye, de'n ndï øsïgon Ngon al a ne, ndï øsïgon Bøw kï Ngelaa al tø. 24 M'ndï m'elsï kï tïga wakïsï, rota, de'n ndï oo dø ta lom, na ndï adkamïn ngelam a ne, ngah kumkajir kï mbãkïnõt; a gangïn ta døat al, na tee ta koit kï kumkajirt. 25 M'elsï kï tïga wakïsï i rota, dø kàd a ðe nõ, na tajigla ðe woi, ngékoig a oon dø ndï Ngon Luwah, na îgïn oon dø ndïa ye, a þain ndïn kï død dõ. 26 Tit kan Bøw în kï tøg kad deg kumkajir ye, titbe tø la ad ngonïn tøg kad deg kumkajir ho ye, 27 na ad ngonïn tøg gangta dø degt kïta i ngon de. 28 Adïn nyag 'nten yasï al, kïta kaglo ndï ðe nõ, lon ngékoig'n dubïnd a oon dø ndia, 29 a teen kam døþadgt, îgïn ðan maj a þain lo koit kïta kumkajir, na îgïn ðan majal ye, a þain lo koit kad gangïn ta dødt.
Deg man naj kïmaj dø Jejut
30 Jeju el tø an: Mî m'asï ða nya mad kï døm al, m'ndï m'gangta kïgo tat'n m'oo dø ta Bøwt, na ta kï m'gang i goðobat, kïta m'ndï m'ða kïgo ndigt lom al, na kïgo ndigt lo ngelam tã. 31 Îla m'ndï m'manaj dø romt mî kïþe a ne, titbãi deg a gerïn kad ta lom i rota a? 32 Na de mad i nõ, ndï manaj dømt, na m'ger manaj loa kï ma dømt i rota. 33 Na în, i lan deg ro Jãt, na Jã manaj dø rotat. 34 Na mî taa ne, m'sah kad de tã mam naj al, na m'ndï m'elta titbe kad i ngahn ne kaj. 35 Jã i tit horr døg kï unj njoinjoi, na i ndigïn ða ronel dø kunjat kaglot kï sîbe. 36 Na mî taa, m'ndï kï naj kï mã kïbo tøi lo Jã'n mã dømt kïta kïlag'n m'ða, Bøwm la adïm tøg kad m'ðadïn ye, kad deg gerïn kad i Bøw la lam ye. 37 Bøw, în hã lam, mamnaj tø, i în oon dø ndia nja kïða al ho, oon takuma nja kïða al ho. 38 I ngomïn tag loa kamsït al, kïta adïn kamsï ngona'n la nõ al. 39 I ndï oon tag kïndang lo Luwah kïta oo anan a i ngahn kumkajir kï mbãkïnõt kamt. Na i rotag kï ndang lo Luwah'n non la ndï mamïn naj ye. 40 Be kaa ne, i ndigïn ðe romt kad i ngahn kumkajir kï jeje al. 41 M'ndï m'sah køsïgon kokïro degt al. 42 Na m'gersï, tar Luwah goto kamsït. 43 M'ðe kam tø Bøwmt, na i hømïn kï rosït al, na îla de mad kïðang ðe kam tønt kï køsïdøn a ne, a i høna kï rosït, 44 Titbãi a asïn kad kamsï Luwah îgïn i ndï ndigïn ngah køsïgon kokïro degt, na i sahn køsïgon kï þai kokïro Luwaht kïðabe al a? 45 Ot gaan kan, mî m'a m'lata døsït nõ Bøwmt. Na i Moij în i ndan kamsï døat nõ la a la ta døsït ye, 46 Ni adïn kamsï Moij jeje a ne, ni a admïn kamsï ho, kïta Moij ndangta kam maktubt dan døm. 47 Na tit kan i taan tag kï ndang lo Moij al ye, titbe ho la, i taan tag lom al ho ye.
Jeju ad nyasa deg ðub mi
1 Gog go nyag 'nten Jeju þai aw gid bahbo Galilet ko mad, ad i bahbo kï a kunïna Tiberiad. 2 Bahbo koosïdeg ndulon goa kï n'oon nyakøj kï ya'n hã ða yootïn mõig. 3 Jeju al dø mbalt, na ndï døt ber nat kï ngéndoog lon. 4 Na kaglo ða nah lo Juipg'n a kunïna Pakï ye i nderrbe. 5 Lon Jeju un kumïn kï dõ taa, oo bahbo koosïdeg ndï ðen kï ront ad ndïje ta Pilip an: Pilip lokïðah ja kï ndugo nyasat kï asï kad j'ad deg tube'n ðan ðan kad san a? 6 Jeju ndïje ta Pilip titbe kad n'oon ta ga loa ta ko, kïta ger nya'n î kïþe a ða nõ þet. 7 Pilip tura an: Ke neni j'aw kï nar dub kaa ne, a asï kad dekïðen kudt ngah ngon gaj nyasa sî sa al. 8 Ngendoo loa mad kï tøa i Andre kï ngonkõ Simõ Pierr ela an: 9 Basa mad i ne, kï bïnã kï løi mi ho kï ngan kanj joo jint; na i tëbe kïta koosïdeg kï kasï be. 10 Taa Jeju el ngéndoog lon an: Adïn deg ye ndïn ber dø müt kïmbool kï þa tukïtukï'n non, deg ndïn ber, kør dekïdïngãg koon i dub mi. 11 Jeju øi bïnã kï løi'n non kï jint, ða mersi Luwah, kamla luþo koosïdeg'n ndin ber nõ. Luþod kanj titbe tø, ad'd kï asï tøl þo dekïðen. 12 Lon san ad ndenïn woi ye, Jeju eld an: I kawïn bud bïnã kï løi ye kï nat lo kïða, kad tuj al. 13 Kawïn ndeg bïnã kï løi kïmi kïkanj kïjoo kï nat, ad ðoosï jàng kïlah gidaijoo. 14 Lon deg oon nyakøj kï ya'n Jeju ða ye, elïn anan: Kï ger jeje de'n ðan i ngekelta kï ta Luwaht kan elïn ta ðea døningt ka la ðan. 15 Jeju oo takad deg a sahn kï'n ndanïn ngart kï lo ngetøgt ye, tel al gog dø mbalt aw ndït kïkïðanbe.
Jeju ndia dø mant
16 Lokïsøle, ngéndoog loa awïn ta bahbot. 17 Þain kam toot mad kï'n gangïn bahbo kï Kapernawm. Lo diw til woi, na Jeju ðisï dø mbalt ngad al þaitø. 18 Taa nel kïbo la kï tøgïn ad man øsï pïkapïka 19 Ngéndoog nelïn too teen þul bahbot asï kïlometïr mi, lon oon Jeju a ndia dø bahbot a ðe nderrbe kï dø toot ye, þoolïn, 20 na Jeju eld an ot þoolïn: I mî. 21 Ngéndoog loa ndigïn kuna kam toot, na tentenbe too tee takumkat kï Kapernawmt.
Bahbo koosïg sahn Jeju
22 Loti got bahbo koosïg'n naïn gid baht ko mad ye oon kad too i kïðabe la tag nõbe ye, na gerïn kad Jeju þai toot'n non nat kï ngéndoog lon al, na ngéndoog loa død la awïn ye. 23 Na too madg ðen ko Teberiadt nderrbe kï kad lot'n Bïraþe ðat ða mersi Luwah kïta bïnã'n deg san. 24 Lon bahbo koosïg oon Jeju, kï ngéndoog loa nõbe al ye, în kïþeg kï død andïn kam toogt'n non, na awïn Kapernawmt sahn go Jeju.
Jeju i nyasa'n a ad kumkajir
25 Lon ngahna gid bahbot ye, elïna anan: Ngendoo deg, ðingãt hã i ðe nëbe a? 26 Jeju turd an: Rota rota la m'ndï m'elsï ye, i ða i sahmïn kïta koon oon nyakøjg kï yaya'n m'ða nõ al, na kïta bïnã'n i san ndensï. 27 Ot ðan kïla kïta nyasa kï a ndum, na i ðan kïla kïta nyasa kï a tokïnõt na a ad kumkajir kï mbãkïnõt, nyasa'n non Ngon de la a adsï ye, kïta îla Luwah kï bøw ja kïrra tøgïn roat ye. 28 Taa deg ndïjena anan: Ði ka kï ða kad kï tølïn kon kïlag'n Luwah ndig a? 29 Jeju turd an: Kïla'n Luwah gee ko rosït la ten: Kï adïn kamsï ngona'n laa kï rosït. 30 Tel elïna anan: Nyakøj kï ði kï ya hã a i ða ad j'oo kad j'adïn kamj a? Ði i ndï i ða? 31 Kaajg san nyasa kï tøa i mane kam dïlalot tit'n ndangïn kam maktubt anan: Ad'd nyasa kï ðe ko dõ dørãt. 32 Jeju turd an: M'elsï kï tïga wakïsï i rota. Moij hã adsï nyasa kï ðisï ko dørãt al, na i Bøwm la adsï nyasa kï jeje kï ðisï ko dørãt ye. 33 Kïtø nyasa'n Luwah ad, i nyasa kï ðisï ko dørãt, na ad kumkajir deg kï døningt. 34 Kïtø 'nten elïna anan: Bïraþe adj nyasa'n non kïndøgndøg. 35 Jeju eld an: Mî la mî nyasa kï ngekad kumkajir deg. De'n ndï ðe romt þo a õa gog al bat, na de'n ndï adïm kamïn tø a ne, kïnda a õa gog al bat tø. 36 Na m'elsï, ke oomïn kaa ne, admïn kamsï al. 37 Deg tube'n Bøwm lad jimt a ðen romt, na de'n ndï ðe romt a ne, m'a m'laa kø al. 38 Kïtø m'ðisï ko dørãt kad m'ða ndig lom al, na kad m'ða ndig lo ngelam tã. 39 'Nten la i ndig lo Ngelam, kad kïkïða ku îgt'n adïmd tee jimt so al, na kï m'ada þai lo koit ndøt kïdøboit. 40 Titbe la i ndig lo Bøwm ye, kï deg tube'n oon Ngon, na adïna kamd ye, a ngahn kumkajir kï mbãkïnõt, na m'a m'ad'd þain lo koit ndø kï døboit. 41 Kïtajigt, juipg nyurïn kïta kelïn Jeju el an: Mî nyasa kï ðisï ko dørãt nõ. 42 Elïn tø anan i Jeju ngon Jojep'n hã kï ger bøwa kï kõa ye ale? Titbãi hã tajigla ndï el an: M'ðisï ko dørãt a? 43 Jeju turd an: Ot nyurïn ta kïnasït. 44 De kï asï ðe romt kï døn goto, na îla Bøwm kï ngelam laa kï romt tã, na mî m'a m'ada þai lo koit ndø kï døboit. 45 Ngékelta kï ta Luwaht ndangïn anan: Deg tube a în ngéndoo nya ro Luwaht, dekïðen nel mbin kï ro Bøwt, na taa nyandoo loa a ne, ndï ðe romt. 46 De mad kï oo Bøw kï kumïn be goto, na în hã þai ko ro Luwaht kïðabe la oo Bøw kï kumïn ye. 47 M'tø tamt wakïsï kï tïga m'an de'n adïm kamïn a ne, ngah kumkajir kï mbãkïnõt. 48 Mî nyasa kï kad kumkajir. 49 Kaasïg san nyasa kï tøa i ma ne, kam dïlalot, be kaa ne oin. 50 Nyasa kï ðisï ko kï dørãt ye, de'n a sa a ne, a oi al. 51 Mî la mî nyasa kumkajir kï ðisï ko dørãt ye. Îla de mad sa nyasa'n non a ne, a ndï kï døn dõ mbãkïnõt, na nyasa'n m'a m'ad deg i dãrom'n m'a m'ad deg kï døningt kad ngahn ne kumkajir. 52 Kïtø ta'n el ten la juipg majïn ne ta kïnadt ngãi anan: Titbãi hã de'n ðan a adj dãron kad kï sa a? 53 Jeju eld an: M'elsï kï tïga wakïsï, i rota, îla i san dãro Ngon de, na ãin mosa al tø a ne, kumkajir goto kamsït. 54 De'n sa dãrom, na ãi mosïm tø a ne, ngah kumkajir kï mbãkïnõt, na m'a m'ada þai lo koit ndø kï døboit. 55 Kïtø dãrom i nyasa kï jeje, na mosïm i nyakãi kï jeje tø. 56 De'n sa dãrom, na ãi mosïm tø a ne, ndï kï kammt, na mî m'ndï kï kamat ho. 57 Tit'n Bøwm kï ngelam i kumkajir, na m'ndï kï døm dõ kïtakula ye, titbe tø la de'n sa dãrom a ne, a ndï kï døn dõ kïtakulïm ho ye. 58 'Nten i nyasa kï ðisï ko dørãt i tit nyasa'n kaasïg san, na oin al, de'n sanya 'nten a ne, a ndi kï kumkajir kï mbãkïnõt. 59 Jeju eltag 'nten lon ða ndoon deg kam kuj kawnat lo juipg kam þebot kï Kapernawm.
Tag kï ad de kumkajir
60 Lon oon dø ta 'nten ye, ngéndoog loa ngãibe anan: ta ði kïngang titbe a? Nõ asï nel mbin koon dø a? 61 Jeju ger kamïnt kad ngéndoog lon ndï nyurïn dø tat lon ad eld an: Ta'n m'el ye, gasï gigt e? 62 Na îla oon Ngon de tel aw gog dõ lon ndït kete dørãt ye, ka a anan ði? 63 I Ndil Luwah la ndï ad kumkajir ye, na dãro asï ða nya mad al. Tag'n m'elsï i Ndil, na i kumkajir ho. 64 Na deg madg kusït adïn kamd al, lo mbagirrat nu, Jeju elta titbe kïta ger îgïn adïn kamd al, kï de'n þet a laa ji madngétaagt. 65 El tø an: Kïtø 'nten la m'elsïn m'an: De kï asï ðe romt goto, na de'n Luwah ada ta ðob tã. 66 Dø ndøt'n non, ngéndoog loa ngãibe tørrïn rod kï gog, na nyan ta ndulo goa. 67 Taa Jeju el ngéndoog lon kïkïlah gidaijoo an: Na îng ye, i ndigïn kaw al nyasï e? 68 Simõ Pierr tura an: Bïraþe kaa j'aw ða a? Î la i ndï kï tag kï kad deg kumkajir kï mbãkïnõt ye. 69 Na j'adi kamj kïta kï ger kad î la î Krist, kïjaþat lo Luwah. 70 Jeju turd an: În kïkïlah gidaijoo, i mî hã m'køtsï ale? Na kïkïða kusït i ngon ngekïla lo Sitan. 71 Elta øjïn dø Judas ngon Simõ, de kï Iskariot't. Kïtø îla a la Jeju ji madngétaagt, na i kïkïða ku ngendoogt loa kïkïlah gidaijoo.
Ngankõ Jeju adïna kamd al
1 Go nyagt 'nten Jeju a lago log kam døning Galilet, ndig lago log kï kam døning Judet al kïta juipg sahn ðob tøla. 2 Nah lo juipg ad i nah kujkám i nderrbe. 3 Ngankõag elïna anan: I þai nëbe aw døning Judet kad ngéndoog loi oon kïlag'n i ndï i ða. 4 Kïtø de'n ndig kad deg gernïn a ne, a ða nyag kï tïga wakïsï: Tit'n i ðan nyag kï yaya 'nten ye, øj roi kï tïga, ad deg kï døningt ne oon. 5 Kïtø ke ngankõa kaa ne, adïna kamd al. 6 Jeju eld an: Kaglo lom asï al þaitø, na în taa ne, kaglo losï asï kïndøgndøg be. 7 Deg kï døningt ne asï køsïsïn ta al, na mî taa ndï øsïmïn ta, kïta m'ndï manaj dø kïlaðadt kïmajal. 8 I ndï awïn lo ða naht, na mî m'ndï m'aw al þaitø, kïta kaglo lom asï al. 9 Lon Jeju eld ta 'nten ye, ndï kï døning Galilet.
Jeju aw lo ða naht kam þebot kï Jerusalem
10 Na lon ngankõ Jeju awïn lo ða naht woi, kamla î kïþe aw godt ho ye. Na øj ron kï tïga al, na i gid tilt. 11 Juipg sahna lo ða naht anan: I ða a? 12 Nyur ngutngut þai ku koosïdegt kï dø Jejut; kïmadg anan i de kïmaj, kïmadg tø anan: Be al, na ndï ü koosïdeg mut ta kü. 13 Titbe kaa de mad kï ire kamïn elïn ta loa kïtïga wakïsï goto, kïta deg ngãi þoolïn juipg. 14 Lon ten ngawden nah kujkámt ye, Jeju aw kam kuj ndub Luwaht, ða ndoo deg. 15 Taa ya Juipg ad anan: De'n ndïn ndoo mberkïnda lo Juipg nja kïða al ye, titbãi hã ða ørrj girr mberkïndag a? 16 Jeju turd an: Nyandoo kï m'ndï m'ndoo deg ye, i lom al, na i lo Luwah kï Ngelam. 17 Îla de mad ndig ða kïgo ndigt lo Luwah a ne, a ger ke nyandoo lom'n m'ndï m'ndoo deg i kokïro Luwaht, a ke m'ndï m'un kïdøm la m'el. 18 De'n un ta el kï døn a ne, ndï sah køsïgon kï køsï døn; na de'n ndig kad ngelan ngah køsïgon a ne, i de kïro, nya mad kïdenesew al goto roat. 19 Moij adsï Mberkïnda ale? Na de kïða kusït kï tel ron go Mberkïndat goto. Kïtøði i ndï sahn ne ðob tølïm a? 20 Deg koosïg turïna anan: Ndil kïmajal i kamit; nõ sah ðob tøli a? 21 Jeju turd an: Kïla kïkïða'n m'ða, la taa ndï yasï tube ye. 22 Gajkïja i kokïro Moij al, na i kokïro bïra bøwgt tã, na Moij ndasï mber kad i jan gaj ngan kïdïngãg kïta 'nten la i ndï i jan ne gaj ngan kïdïngãg ke kï ndø taakò ye. 23 Îla i jan gaj de kï ndø taakò kïtakad tøi dø Mberkïnda lo Moij al a ne, kïtøði i ndï ðan ne wong dømt, kïtakad kï m'ad de lapia kïtaagbe kï ndø taakò a? 24 Ot gangïn ta kïgo koo takum det, na i gangïn ta kïgoðobat, ad i ta kïgang kïdenesew.
Jeju i Krist
25 Deg madg ku ngendï þebo Jerusalemt elïn anan: În ndïn i de'n sahn ðob tøla ye ale? 26 Oon ndï elta kï kam kï misïmisï kï tïga wakïsï, na elïna ta mad al. Rota ngékõþeg loj gerïn kad i Krist wan? 27 Na jî kïger lon de'n ndïn teet, na lon Krist a ðe a ne, de kï a ger koo lon a teet goto. 28 Lon Jeju ndï ndoo deg kam kuj ndub Luwaht ye, ko kï ndïn kïbo an: I germïn na i gerïn ko lo'n m'teet ye ho? M'ðe kï døm al, na Ngelam i ngerota; i gerïna al. 29 Mî m'gera, kïta m'tee ko roat, îla lam ye. 30 Kïtø 'nten sahn ne ðob høa, na de kï nda jin døat goto, kïta døkàd loa asï al þaitø. 31 Na deg ngãibe ku koosïgt adïn kamd Jeju anan: Lon Krist a ðe a ne, a ða nyakøjg kï yaya tøi îgïn de'n ðan ða yo?
Parisïg lan ngéðøøg kad høn Jeju
32 Parisïg oon dø kosïdeg ndï nyurïn ta nyag'n non kï dø Jejut; ad ngéjamosïkadkari kïbog, kï Parisïg lan ngéðøøg kad høna. 33 Kïtø 'nten Jeju elïn an: Nãi kaglo tëbe kad m'ndï nat sesï þaitø, kamla m'a m'aw ro ngelamt ye. 34 A i sahmïn na a i ngahmïn al, kïta lon m'ndït ye, asïn kawt al. 35 Kïtø 'nten juipg elïn na kï nadt anan: De'n ndïn a aw ða hã j'a kï ngah al a? Ke a aw ro juipgt kï tîn na ku Grekgt, kï'n ndoo Grekg e? 36 Girr ta 'nten ye i ði el an: A i sahmïn, na a i ngahmïn al; lon mît, a asïn kawt al a?
Ta dø man kumkarjirt
37 Ndø kï døboit, ad i ndø ða nah kujkám i ndø kïbo. Jeju þai ða dõ, ko kï ndïn kïbo an: Îla kïnda õ de mad a ne kï ðe romt kï ãi. 38 De'n ndï adïm kamïn a ne, kokamat la bahg, kï man kumkajir a nunt ye tit'n ta kï kam Maktubt elïn. 39 Jeju elta 'nten dan dø Ndil kïkunjðang'n ngékada kamd a ngahn; kïta ad Ndil al þaitø, kïta Jeju aw dõ ta køsïgon al þaitø ho.
Koosïdeg gangïn na joo dø tat lo Jeju
40 Kïtø 'nten deg madg ngãibe ku koosïgt'n oon dø ta 'nten elïn anan: rota, de'n ðan i ngekelta kï ta Luwaht kaa nõ. 41 Kïmadg anan: De'n non i Krist. Krist a ðe ko døning Galilet e? 42 Ta kï kam Maktubt an Krist a tee kokam ngaka Dabidt kï þe Betlehem tø, ad i ngon þe kï Dabid ndït maði ye ale? 43 Kïtø 'nten deg koosïg gangïn na joo dø tat loa. 44 Kïmadg kudt ndigïn høa, na de kï nda jin døat goto.
Ngékõþeg lo juipg mbetïn kad kamd ta lo Jeju
45 Asïgarg tel ðen ro ngejamosï kadkari kïbogt, kï Parïsg. În tø elïnd anan: Kïtøði i ðen sia al a? 46 Asgarg turïn anan: J'oo de kï ngekelta kï titbe nja kïða al? 47 Parisïg turïn anan: Mbã în tø i son mut e? 48 Kïmadg ndin nõ ku ngekõþegt ke ku Parisïgt îgïn adïna kamd a? 49 Na deg koosïg'n ndïn, ngékadakamd'n gerïn mberkïnda al ye, ndøl i dødt. 50 Nikodem, în aw ro Jejut ndø maði i kïkïða kudt ye, eld an: 51 Mberkïnda loj ndï gangta dø det kete kanj koo ta kï taat, kanj ger nya'n ndï ða a? 52 Turïna anan: Î tø i de kï døning Galilet e? I ndio kam Maktub oo, ngekelta kïta Luwaht kï ðe ko døning Galilet goto. 53 Nõbe dekïðen, un ðob kïþe lon.
Ta lo dekïdë kï ngeða ngaw
1 Jeju aw dø mbalbo birgt. 2 Kisî ritit tel ðe and kam kuj ndub Luwaht gog, na deg tube ðen roat. Jeju ndï ber ndï ndood. 3 Ngéndang maktub kï Parisïg ðen kï dekïdë mad'n høna kï ngaw ndana dan degt. 4 Kamla elïn Jeju anan: Ngendoodeg, dekïdë'n ndïn høna kï ngaw. 5 Moij ndaj mber kam mberkïndat lon kad kï tïla dekïdë kï titbe kï mbal; na î ye, ta loi i ði? 6 Elïn ta 'nten ndï nána ne kïtakad'n ngahn ne lo kun døa. Na Jeju ned kïber, ndï ndang nyamad kï ngon jin døningt. 7 Na lon ndï ndïjena ta kï døtdøt ye, sïra ron kïdõ na eld an: De'n ða majal nja kïða al kusït a ne kï laa kï mbal dasa. 8 Tel ned kïber ndang nya døning kï ngon jin gog þaitø. 9 Lon oon dø ta 'nten ye, deg'n non telïn kïða, kïða, mba girra dø kïbogt mbã teen dø degt kï dødug, na nyan Jeju kïkïðabe, kï dekïdë'n non kï lot'n ndanat dan degt. 10 Kamla Jeju sïra ron kïdõ, ela an: Ngékundøi în ða a? De kï høi kï ta goto a? 11 Dekïdë tur an: Gotø Bïraþe. Jeju ela an: Mî tø m'høi kïta al aw, na ot ða majal gog ta.
Jeju i kunj kïta deg kï døningt
12 Jeju tel eld ta an: Mî la mî kunj kïta deg kï døningt ne ye. De'n ndï ndulo gom a ne, a ndia kam tilt al bat, na a ngah kunj kumkajir. 13 Kïtø 'nten Parisïg elïna anan: I ndï i manaj dø roit, najkïma loi i rota al. 14 Jeju turd an: Ke m'ndï manaj dø romt kaa ne, najkïma lom i rota. Kïtø m'ger lon m'teet kï lon m'ndï m'awt tø, na i gerïn lon m'teet al ke lon m'ndï m'awt. 15 I ndï i gangïn ta kïgo tagahdet, na mî m'ndï m'gangta dø det mad al. 16 Ke m'ndï m'gangta kaa ne, takïgang lom i rota kïta mî kïkïðam al; na Bøwïn lam i nat sem. 17 Ndangïn kam mberkïndat losï an: Najkïma lo deg joo i rota. 18 Mî m'ndï m'manaj dø romt, na Bøwm în hã lam ndï mãmnaj ho. 19 Kïtø 'nten ndïjena anan: Bøwi i ða a. Jeju tur an: I germïn mî ke Bøwm al. Ni i germïn a ne i gerïn Bøwm ho. 20 Jeju eltag'n non lon ndï ndoon deg kam kuj ndub Luwaht, lot'n sundï nar ndït. Na de kï høa goto kïta døkàd loa asï al þaitø.
Jeju elta kawïn dõ ro Bøwïnt
21 Jeju eld tø an: M'ndï m'aw na a i sahmïn na a oin kam majalt losï; lon m'ndï m'awt asïn teet al. 22 Kïtø ta non juipg elïn ne anan: A tøl ron e? Kïtø el an lon m'ndï m'awt asïn teet al; 23 Jeju eld an: În kï ber, mî kï dõ: În kï døningt'n ðan, na mî kï døningt al. 24 I kïta 'nten la m'elsïn m'an a oin kam majalgt losï. 25 Ndïjena anan: Î nõ a? Jeju eld an: Mî dagïro'n non m'elsï lo yaþoodat nu. 26 M'aw kï tag ngãibe kad m'el døsït, kï tag ngãibe kad m'gang døsït tø, na ngelam i ngerota; nyag'n m'oo taat koon la m'ndï m'el deg kï døningt ne ye. 27 Juipg oon kad i ta lo Bøw hã el al. 28 Kïtø 'nten Jeju eldïn an: Lon a i gan ngon de dõ, kamla a i gerïn køi køi kad mî la i mî ye, na m'ndï m'ða nya mad kï døm al, na m'ndï m'elta tit'n Bøwm ndoomïn. 29 Ngelam i nat sem, nyam kïkïðam al, kïta m'ndï m'ða nyag kï nela kïndøgndøg. 30 Lon ða eltag'n non þaitø ye, deg ngãibe taan ta loa.
Ta kï rota ðe kokïro Luwaht
31 Kamla Jeju el Juipg îgïn adïna kamd an: Îla i ndïn kï kamtat lom a ne, în ngéndoog lom kïrota, 32 a i gerïn rota, rota tø a taa nyasï dõ. 33 Turïna anan: Jî ngaka Abraham, kï ða þer lo de mad nja kïða al; titibãi i ndï el an: A taa nyasïn dõ a? 34 Jeju turd an: Rota, rota la m'ndï m'elsï ye, dekïðen'n hø ða majal a ne, i þer lo majal. 35 Þer a ndï kï kam kujt lo ngen mbãkïnõt al, ngon la a ndit mbãkïnõt ye. 36 Titbe tø la, îla Ngon a ta nyasï dõ a ne, a i ndïn kï ta nyandõ kï jeje. 37 M'ger în ngaka Abraham, na i ndï sahn ðob tølïm, kïta ta lom ngah lo kamsït al. 38 M'elta nya'n m'oo ro Bøwmt; na în i ndï ðan nya'n oon dø kokïro Bøwsït. 39 Turïna anan: Bøwj i Abraham; Jeju eld an: Neni în ngan Abraham a ne, a i ðan kïlag lo Abraham. 40 Na tajigla i ndï sahn ðob tølïm, kïta m'elsï rota'n m'ndoo koro Luwaht. Abraham ða beal. 41 I ndï ðan kïlag lo Bøwsï. Elïna anan: Jî ngan'g kï oojïnj kïgo ða ngawt kï sah dekïdët kï nõbe al, na j'aw kï Bøwj kïðabe, ad i Luwah. 42 Jeju eld an: Neni Luwah i bøwsï a ne, ni a i tarmïn kïta m'tee ko kam Luwaht la m'ðe ye. 43 Kïtøði i gerïn ne girr takelïm al a? Kïtø asï koon dø ta lom al. 44 I ndïn kï bøwsï ad i sitan i go ndigt losï kad i ðan kïgo nyurkõgt lo bøwsï. I ngetøl deg lo yaþoodat nu, ða do rotat al. Lon ndï eltakïbal a ne, ndï un kï døn, kïta i ngetakïbal. 45 Na mî m'ndï m'el rota, na admïn kamsï al. 46 Nõ kusït la asï høm kïta dø majalt a? Î la m'ndï m'el rota a ne kïtøði admïn ne kamsï al a? 47 De'n i lo Luwah a ne, ndï oo dø ta lo Luwah. Na în taa ne, i oon dø ta lom al, kïta în lo Luwah al.
Jeju i kïbo tøi Abraham
48 Juipg turïna anan: J'el got hã j'an î de kï Samarit, na ndil kïmajal i kamit ale? 49 Jeju tur an: Ndil kïmajal goto kammt, na m'ndï m'øsïgon Bøw ta køsï, na în i ndï øsïn gonïm al. 50 Mî m'ndï sah kad tøm mî kïbe ko al, ngesaha ndï nõ ndï gangta tø. 51 Rota rota la m'ndï m'elsï ye, îla de mad ngomgo ta lom a ne, a oo koi kï njakïða al bat. 52 Juipg elïna anan: Tajigla kï ger jeje ndil kïmajal i kamit. Abraham oi, ngékelta kï ta Luwaht kaa oin; na i ndï el an: Îla de mad ngomgo ta lom a ne a oo koi kï nja kïða al bat. 53 Ad î kïbo tøi Abraham kï Bøwj'n oi yo? Ngékelta kï Luwaht kaa oin. Î ye î nyai nõ a? 54 Jeju turd an: Îla mî kïþe m'ndï m'ad tøm ko a ne, tø ko lom i nya kï kari. Bøw la ndï ad tøm ko ye. Bøwïn i ndï kunïna Luwah losï. 55 I gerïna al, na mî m'gera maj. Îla m'an m'gera maj al a ne, ma mî ngetakïbal titsï, na m'gera maj, m'ndï m'ngom go ta loa tø. 56 Bøwsï Abraham þakul koo ndø ðe'm, na ooa, ða ronel tø. 57 Juipg elïna anan: I ða þal dømi al þaitø yela oo Abraham yo. 58 Jeju turd an: Rota rota la m'ndï m'elsï ye, lon oojïn Abraham al þaitø mî nõ. 59 Kïtø 'nten øin mbalg kï'n tïlana ne, na Jeju yaron, tee kam kuj ndub Luwaht kø.
Jeju ad mundo oo lo
1 Jeju ndï tøi, oo de mad kï i mundo kï teen kam kont. 2 Ngéndoog loa ndïjena anan: Ngendoodeg nõ ða majal, ad ooj'n ne de'n ndïn kï mundo, i î ke ngékoojag a? 3 Jeju turd an: De'n ndïn hã ða majal al, ke ngékoojag, na i mundo kïtakad Luwah øjïn tøg kïla lon ko kamat ad deg oon. 4 Lon kàd ða dõ þaitø ye, maj kad m'ða kïlag lo ngelam, lo kï dïw ndï ðe, na de a asï ða kïlat al. 5 Lon mî døningt þaitø ye, mî kunj kïta deg kï døningt. 6 Lon elta 'nten ye, tiw horr tan døningt, løin børr, kamla ørr borr'n non kum mundot ye, 7 ela an: Aw, i tugo kumi kam mant kïtaa i Siloe: Girr tø Siloe i titbe: Î kï la ta la. Mundo aw tugo kumïn kam mant, na lon tel a ne, oo lo ar nyang. 8 Madþeag kï îgïn hã oona maði i ngekønya ye anan: Î kan ndï ber ndï kønya ye al a? 9 Kïmadg anan: I roa kï roa. Kïmadg tø anan: Ãã i de kï taa ta ta. Na î kïþe el an i mî. 10 Kïtø 'nten elïna anan: Titbãi teen ne kumi a? 11 Tur an: De kan a kunïna Jeju nõ la, løi børr, ørr kummt, na elïm an: Aw Siloet i tugo kumi. Taa ne, m'aw Siloet, m'tugo kumm, na m'oo lo. 12 Dea ye i ða a? Tur an: M'ger al.
Parisïg nderïn girr ta lo mundon oo lo
13 Ðen kï mundo kan ngah koo lo nõ ro Parisïgt. 14 Ndø'n Jeju løi børr kum det'n non ad kuma tee ye, i ndø taakò. 15 Kïtø 'nten Parisïg ndïjena ne titbãi ngahn koo lo. Mundo eld an: Ørr børr kummt, m'tugo a ne m'oo lo. 16 Dø tat'n non kïmadg ku Parisïgt anan: De'n non i de kï þai kokïro Luwaht al. Kïtø ngom ndø taakò al, na kïmadg anan: Titbãi de kï ngeðamajal asï ða nyakøjg kï yaya tit'n non a? Kïtø 'nten la gangïn ne na joo ye. 17 Kamla tel ndïjen mundo anan: Î ye, ta loi i ði døat tit kan ten kumi ye a? Turd an: I ngekelta kï ta Luwaht. 18 Titbe kaa ne, Juipg adïn kamd kad i mundo kï maði ngah koo lo al, ad kunïn ngékooja þaitø. 19 Ndïjend anan: De'n ðan i ngonsï kan oojïna kï mundo yo. Titbãi ndï oo lo tajigla a? 20 Ngékoojag turïnd anan: Jî kï ger køikøi i ngonj, j'ooja kï mundo tø, 21 na titbãi ndï oo lo tajigla taa, kï ger al. I ndïjen kïþe kï døa, i de kï tøg gang, asï kelta dønt. 22 Ngékooj mundo elïn tag'n non kïta þoolïn; Juipg ndan tad nat kete woi, îla de mad elta kïtïga wakïsï an: Jeju i Krist a ne, kï'n tuþana kø kam kuj kawnat lod. 23 Kïtø 'nten ngékoojag anan: I de kï tøg gang i ndïjena ta î kïþe oon. 24 Parisïg tel kunïn de'n i mundo maði kïrodt gog þaitø, elïna anan: ad køsïgon Luwah. Jî kï ger de'n non i ngeðamajal. 25 Turd an: Ke i ngeðamajal kaa ne, m'ger al; nya kïða la m'ger ye, mî mundo, na tajigla m'oo lo. 26 Elïna anan: Ða ði sei? Titbãi teen kumi a? 27 Turd an: M'elsï woi, na oon dø al; kïtøði i ndig koon ne dø gog tø a? I ndigïn tel ngéndoog loa ho a? 28 Tajïna hoho anan: Î la i ngendoo lo de'n non ye, jî taa ne, jî ngéndoog lo Moij. 29 Kï ger Luwah elta kï Moij, na de'n non taa, kï ger lon teet al. 30 De'n non turd an: Ã 'nten i nya kïya kad i gerïn lon de'n non teet, î tø tee kumm. 31 Kï ger Luwah a oo dø kø lo ngéðamajalg al; na de'n nyaðaa i kïgo lo Luwaht, na ndï ðago ndigt loa tø a ne, îla Luwah ndï oo dø kø loa tø ye. 32 Lo mba girr duniat nu de kï oo kad de tee kum de'n i mundoo kï teen kam kõnt goto. 33 Îla de'n non i kokïro Luwaht al a ne, asï ða nya mad kï ya titbe al. 34 Turïna anan: Oojïn kïtaagbe kam majalgt, yela i ndï i ndooj yo? Tuþana kø.
Mundo kïgo Ndilt
35 Jeju oo hoi mundo'n tuþana kø. Lon ndøda ye, ela an: I ad kami Ngon de a? 36 De'n non tur an: Bïraþe i nõ kad m'ada kam a? 37 Jeju ela an: Ooa de'n ða eli ta nõ i î. 38 De'n non tur an: Bïraþe mad kamm, na øsï døn ber nõat. 39 Kamla Jeju el an: Kïtø takïgang la m'ðen døningt ye, kad îgïn oon lo al a ne, kï oon lo, kad îgïn ndï oon lo tø a ne, kï telïn mundo 40 Parisïg madg'n în nat sia ye, oon dø ta 'nten, elïna anan: Jî ye, jî mundog tø ho? 41 Jeju turd an: Neni în mundog a ne, majalg losï goto, na tajigla i ndï anan I ndï oon lo, kïta 'nten majal losï ton lo tont.
Terrta dø ngéngombatgt
1 Rota rota la m'ndï m'elsï ye: De'n ndï and kïnga batgt kï tabit al, na ndï and kï ta ðob kïðang a ne, i ngéþoog, kï ngekumðob tø. 2 Na de'n ndï and kï tabit a ne, i ngéngombatg. 3 Ngengom tabit ndï tee ada; batg oon dø ndia, ndï kun bat lon kïðen kï tøa. Ndï ørrd ta ðob kïtïga. 4 Lon tee kï kïlong kïtïga tube woi ye, so nõdt, batg a ndulon goa kïta gerïn dø ndia. 5 A ndulon go de kï mbah al, na kãi la a ãina kïta gerïn ndi de kï mbah al. 6 Jeju eld terrta 'nten, na gerïn girr ta'n eld nõ al.
Jeju i Ngengombatg kïmaj
7 Jeju tel eld an: Rota rota la m'ndï m'elsï ye, mî la mî tabit batg ye. 8 Tubeg'n hã ðen nõmt în ngéþoog kï ngékumðob tø. Na batg oon dø ta lod al. 9 Mî la mî tabit ye, îla de mad and kïtakulïm a ne, a aj, a and ho, a tee ho, na a ngah lo kulïn. 10 Ngeþoog a ðe kïndang al, na mba þoog, kï ja kø kï nuj kø tã, na m'ðe kïtakad batg ngahn kumkajir, kï ngahn kumkajir kï to mbuj tø. 11 Mî ngéngombatg kïmaj; ngéngombatg kïmaj ndï ad ron kïta batg. 12 Na ngeðakïla kï lo nart, kï i ngéngombatg al, kï batg în loa al ye, îla oo bisïkolo a ðe a ne, tî nya batg na ãi, ad bisïkolo ðe urr dødt hød, na tïnda tînd tø. 13 Ngeðakïla kïlo nart a ãi, kïta i ngeðakïla nar ad ta õ kama kïta batg al. 14 Mî ngengombatg kïmaj. M'ger kï lomg, kï lomg tø germïn. 15 Tit'n Bøw germïn, mî tø m'ger Bøw ho m'ndï mad rom kïta batg tø. 16 M'aw kï bat madg nõ tø sumba kad m'ðe sed, a nelïn mbid kïdø tat lom, a în þut kïða, ngengomd a i kïða tø. 17 M'ndï m'ad rom kad m'tel m'ta, kïta 'nten la Bøw ndï tarmïn ye. 18 De mad kï asï tølïm goto, na mî kïþe la m'ndï m'ad rom kï kamndig ye. M'asï kad mad, m'asï kad m'tel m'ta gog tø. Îla i nya'n Bøw elïm kad m'ða ye. 19 Lon Jeju elta ye, kø Juipg so gonat al. 20 Kïmadg ngãibe kudt anan: Aw kï ndil kïmajal, kur døa oi kïtøði i ndï oon ne dø ta loa a? 21 Kïmadg anan: Tag'n non i takel de kï ngekaw kï ndil kïmajalg e? Ndil kïmajal asï tee kum mundog e?
Juipg ndigïn ta lo Jeju al
22 I dønah kult, i kaglo ða nah kïtaa i nah nda kuj ndub køtkokïða kad Luwah kam þebo Jerusalemt. 23 Jeju a ndia kam kuj ndub Luwaht girr dawt lo Salomõ. 24 Juipg lan na gugïn døa, elna anan: Mbã ðïngãt a ad kï nyata kam kïða sekïrre a? Îla î Krist a ne el i ørrj nat ad j'oo. 25 Jeju turd an: M'elsï woi, na admïn kamsï al. Kïlag'n m'ndï m'ða kam tø Bøwmt la ndï mamïn naj ye. 26 Na admïn kamsï al kïta în ku batg lom al. 27 Batg lom ndï oon dø ndïm, m'gerd, ndï ndulon gom tø. 28 M'ndï m'ad'd kumkajir kï mbãkïnõt, a nujïn kø kï nja kïða al bat, de kï asï tad jimt goto. 29 Bøwm'n adïmd i kïbo tøid tube, de kï asï tad ji Bøwt goto. 30 Mî kï Bøw jî kïða. 31 Kïtø 'nten juipg tel øin ne mbalg kï n'tïlana ne. 32 Jeju turd an: M'øjsï kïlag ngãibe kïmaj kokïro Bøwt, na kïla ði kudt la hã i ndï tïlamïn ne kï mbal a? 33 Juipg turïna anan: Kïtø kïla mad kïmaj hã kï ndï kï tïlain al, na kïta i ndï elta kïmal dø Luwaht; kïta î kï de i ndï tel roi Luwaht; 34 Jeju turd an: Ndangïn kam mberkïndat losï; m'el m'an în luwahg ale? 35 Kï gerïn maj ta'n ndangïn kam maktubt kïkunjðang ye a to lo tont mbãkïnõt. Kïtø Luwah elta kï ngékelta kï tant maði an: În luwahg. 36 Kïtøði i ndï elïn anan m'ndï m'elta kïmal dø Luwaht lon m'el m'an mî Ngon Luwah? Mî taa ne, Luwah køtïm, ndam køtko kïða ho lam døningt tø ho. 37 Îla m'ndï m'ða kïlag lo Bøw al a ne, ot kadmïn kamsï. 38 Na îla m'ndï ða kïlag loa a ne, ke admïn kamsï al kaa ne, adïn kamsï kïlag'n non, kïtakad i gerïn køikøi tø, Bøw ndï kammt, mî tø m'ndï kam Bøwt. 39 Kïtø 'nten sahna kï n'høna, na tee jidt kø. 40 Jeju tel aw gog gid bah Jurdët, lot'n Jã ða ðaa deg baptemt dasa. Jeju ndït nu. 41 Deg ngãibe ðen roat anan: Jã ða nyakøj kï ya mad al, na nyag tube'n Jã el dan dø de'n ðan ye i rota. 42 Deg ngãibe taan ta loa lot'n non.
Lajarr oi
1 Mõi ða de mad'n tøa i Lajarr; þe loa i Betanit, i þe lo Maði kï Ngonkõa Mart. 2 I Mari'n wur Bïraþe kï yib kï kootmbî, na børr njaa kï bïsï døn nõ la mõi ða ngonkõa Lajarr ye. 3 Kïtø 'nten ngankõã kïdëg kïjoo'n non la elïn Jeju anan: Bïraþe, de kan i tara ye i mõi. 4 Lon Jeju oo dø ta 'nten ye el an: Mõi 'nten a tee koi al, na i kïtakad tø Luwah ngahn køsïgon, kad Ngon Luwah ngah køsïgon kïta kulaa. 5 Jeju tar Mart kï ngonkõa kïdë, kï Lajarr. 6 Lon oo hoi mõi kï ða Lajarr ye, ða ndø joo døt kï lot'n non. 7 Kamla el ngéndoog lon: Ad kï tel j'awïn døning Judet gog. 8 Ngéndoog loa elïna anan: Ngendoo deg, ða ndø ngãi al þãitø la juipg sahn tïlai kï mbal ye la i ndig tel gog yo? 9 Jeju tur an: dø kàd i kïlah gidaijoo kam ndøt kïða ale? Îla de a ndia kàda a ne, a ga njan gigt al kïta a oo kunj kï døningt'n ðen. 10 Na îla de ndia ndøø a ne, a ga njan gigt kïta kunj goto kamat. 11 Jeju eltag 'nten kamla eld an: Namj Lajarr to þî na m'a m'aw m'ndoola dø þit. 12 Ngéndoog loa elïna anan: Bïraþe îla to þî a ne, a yoot. 13 Jeju elta koi Lajarr, na ngéndoog loa oon anan ndï elta taakò kï lo þit. 14 Kïtø 'nten Jeju eld kï tïga wakïsï an: Lajarr oi; 15 na m'ða ronel kïtatøsï dø goto'n m'goto nu kad adïn ne kamsï; be kaa ne ad kï j'awïn roat. 16 Dø tat 'nten Tomas, în a kunïna Dydim, ad i ndingãg ye, el ngendoo namïng an: Ad kï j'awïn tø ho kad j'oi nat kï Bïraþe.
Jeju i ngeþai kï deg lo koit
17 Lon Jeju ðe ye, ngah Lajarr ða ndøsøø kam þadt woi. 18 Þe Betani taa, ða kad þebo Jerusalemt nderrbe, asï kïlometïr mïta. 19 Juipg ngãibe ðen kete ro Mart't kï Mari kad kï'n ton sed dø ndubat lo ngon kõnd. 20 Lon Mart oo hoi Jeju a ðe ye, aw la taa, na Mari taa ne, ndï ber kuju. 21 Mart el Jeju an: Bïraþe nî i ndï la a ne ngonkom a oi al. 22 Na m'ger tajigla kaa nya ði a i kø Luwah a ne Luwah a ad. 23 Jeju ela an: Ngonkõi a þai lo koit. 24 Mart ela an: M'ger a þai ndø þai ngékoit kam ndøt kï døboit. 25 Jeju ela an: Mî ngekad ngékoig þain, mî kumkajir, de'n ndï adïm kamïn, îla oi kaa ne a tel kumkajir. 26 Na dekïðen'n ndï kï døn dõ, na ndï adïm kamïn a ne a oi al mbãkïnõt. I ta ta 'nten e? 27 Mart ela an: Ã Bïraþe m'ger kammt î Krist, Ngon Luwah kï ngeðe døningt.
Jeju nõ
28 Lon Mart elta 'nten kamla aw kun Mari kï ngonkõ gid tilt, ela an: Ngendoodeg ða ne na ða kuni. 29 Lon Mari oo dø ta 'nten ye þai kanangbe aw ro Jejut. 30 Kïtø Jeju and kam þet al þaitø, na ða lot'n Mart ndødat nõ. 31 Kïtø 'nten juipg ton sia dø ndubat, ndïn sia kam kujt, lon oon Mari þai kanangbe, tee kïtïga ye, ndulon goa. Oon a anan ndï aw døþat kï n'nõ. 32 Lon Mari tee lot'n Jeju ða tit ye oa, so kï njat, ela an: Ni i ndï la a ne, ngonkom a oi al. 33 Lon Jeju ooa to nõ, kï Juipg'n ðen sia nat ða non ho ye, ða kamkil, ta õ kama tø. 34 Jeju el an: I lan na ðaa? Elïna anan: Bïraþe i ðe oo. 35 Jeju mbel nõ þitit. 36 Kïtø 'nten juipg anan: Oon tarïn tara ye. 37 Na kïmadg kudt anan: De'n tee kum mundo ye, asï kad øg dø Lajarr kad oi al ale?
Jeju ad Lajarr þai lo koit
38 Kïtø 'nten Jeju ða kamkil gog tø, aw dø þadt. Døþad'n non i bulo mbal, na mbal mad ut taa. 39 Jeju el an: Unïn mbal kø. Mart ngonkõ ngekoi ela an: Bïraþe tajigla, ot gã kïta ða ndøsøø woi. 40 Jeju ela an: M'eli m'an îla i taa ta lom a ne, a oo tøg lo Luwah ale? 41 Kïtø 'nten unïn mbal kø. Kamla Jeju un kumïn kïdõ, na el an: Oo Bøw m'ðai mersi kïta koo'n oo dø kø lom. 42 Mî taa maði m'ger i ndï oo dø kog lom kïndøgbe na m'elta 'nten kïta koosïdeg'n ða gugïn døm ðan, kïtakad gerïn ne jeje î la i lam ye. 43 Lon elta 'nten ye, kun nya kï ndïn kïbobe an: Lajarr i tee so. 44 Ngekoi tee, jiag kï njag în kïdø kï kïla kub, na takuma i kï dulo kïtakub. Jeju eld an: I tutïn na, na i nyana ad aw.
Mbaiþeg øjïn na ta kad'n høn Jeju
45 Kïtø 'nten deg ngãibe ku Juipgt'n ðen ro Marit, na oon nya'n Jeju ða ye adïna kamd. 46 Na kïmadg kudt awïn ro Parisïgt elïnd ta nya'n Jeju ða nõ? 47 Taa ne, ngéjamosïkadkari kïbog kï Parisïg kawïn ngékoogotag kï nat anan: De'n non ndï ða nyakøjg kï yaya ngãibe, ka kï ða ði a? 48 Îla kï nyàa kad ða titbe a ne, deg tube a adïna kamd; Romag tø a ðe tan lo kïjaþat loj kï girrdeg loj tube. 49 Na kïmad kudt nõ tøa i Kaip, in hã i bïra ngejamosï kadkari þalt'n non ye eld an: Î gerïn nya mad kïða al bat; 50 maj kïtakad de kïða oi kïta deg kad girrdeg kïtaagbe nujïn kø al. I gaan maj oon. 51 Ta 'nten un kïdøn hã el al, na kïta i bïra ngejamosï kadkari kïbo þalt'n non la ndø'n ndil an: Jeju a oi kïta girrdeg lod ye. 52 Na kïta girrdeg lod hã kïðabe al, na kïtakad kawïn ngan Luwah kï kam dãrot kïkïða, ngan Luwah, îgïn tîn na kø kï log. 53 Ndøt'n non øjïn na ta kad'n tølïn Jeju. 54 Kïtø 'nten Jeju ndian ku juipgt kï tïga wakïsï gog al; na þai lot'n non kø, aw kam døningt kï nderrbe kï kad dïlalot, and kam þet mad'n a kunïna Epraim, nõbe la ndï tit kï ngéndoog lon ye. 55 Pakï lo juipg i nderrbe ad deg ngãibe kï ngan þegt awïn þebo Jerusalemt kete nõ Pakït kad kï n'arïn rod. 56 Ða sahn Jeju, ða elïn na ta kam kuj ndub Luwaht anan: Oon ðia? A ðe lo ða naht ale? 57 Ngéjamosïkadkari kïbog kï Parisïg ndan mber kete kad de mad ger lo ndia a ne, kï tee njaat kad høna.
Mari urr yib kï kootmbî nja Jejut
1 Ndø kïkïbojidet kete nõ Pakït Jeju ðe Betanit, þe lo Lajarr ka'n Jeju ada þai ku ngékoit. 2 Nõbe ðan nyasa kïlosøle kï tøa; Mart ða ad'd nyasa, na Lajarr i ku îgtïn ndïn ta nyasat kï Jeju. 3 Maði un yib nard kïjanjoi kï kootmbî, kï gata i ngãi asï gaj litïrr kïða, wurïn nja Jeju, na bør njaa kï bisïdøn ad sé yib kï kootmbî asï kam kuj nakï. 4 Na Judas Iskariot ngon Simõ kïkïða ku ngéndoogt loa, kan a laa ji degt ye, el an: 5 Kïtøði ndugon ne yib kï kootmbî'n non tan ne gurrsï kï de a ngah lon ða kïla ndø þumïta, kad adïn ngéndog al a? 6 Judas elta 'nten kïta ta þai hã õ kama kïta ngéndog al, na ngong nar i jiat ad a un tit kïta i ngeþoog la elïn ta ye. 7 Na Jeju an: I nyana jen, kïta yib kï kootmbî'n wurïn njam ye ðan go rom kïta dubïm. 8 Ngéndog ndïn rosït la kï ndøgbe, na mî, mî rosït kï ndøg al. 9 Koosï juipg oon hoi Jeju ndï Betanit, ad ðen kïta Jeju hã kïðabe al, na kïta koo Lajarr'n Jeju ada þai ku ngékoigt. 10 Ngéjamosïkadkari kïbog, øjïn na ta tøl Lajarr ho 11 kïta juipg ngãibe nyand kïta tøa, na aw adïn kamd Jeju.
Jeju ðe Jerusalemt
12 Loti got, koosïdeg'n ðen naht lon oon hoi Jeju ndï ðe þebo Jerusalemt ye, 13 øin dø jikag tumbur tee ne kïta la taa kï ko tadt anan: Hosana. Majkurr i kï dø ngeðe kam tø Bïraþet, kï Ngar lo Israelag. 14 Jeju ngah ngon korro ndï døat, kïgo tat'n ndangïn kam Maktubt anan: 15 Deg kï þebo Siõt, ot þoolïn. Oon, Ngar losï ndï ðe, ndï dø ngon korrot. 16 Dasa ngéndoog loa gerïn girr nyag 'nten al, na lon Jeju ngah køsïgon woi ye, kamla kamd ga dø kad ndangïn nyag 'nten kam maktubt dan ne døa, na tølïn ta nyag 'nten døat. 17 Koosïdeg'n ðan ro Jejut lon kunïn Lajarr kï tee kam þadt, na ada þai ku ngékoit ye mana naj. 18 Koosïdeg tee lan taa kïta oon hoi nyakøj kï ya'n ða. 19 Kïtø 'nten Parisïg elïna ne ta anan: I gan døsï set i ngahn nya mad al, oon deg kï døningt tube ndulon goa woi.
Grekï madg sahn koo Jeju
20 Grekï madg ku îgt'n ðen kïta køsï død ber nõ Luwaht lo ða naht ye, 21 ðen ro Pilipt, de kï Besaidat kam døning Galilet, elïna kïtagd anan: Ngej, kï gee koo Jeju. 22 Pilip aw el Andre, kamla Andre kï Pilip aw elïn Jeju. 23 Jeju turd an: Døkàd asï woi kad Ngon de ngah køsïgon. 24 Rota, rota la m'ndï m'elsï ye. Îla kum nyako so døningt na oi al a ne, to kïkïðan na îla oi a ne, a and kandïn ngãi. 25 De'n ndï ða ta ron a ne, a laa kø, na în hã ndï tar Luwah tøi ron døningt la a ne, a ngom ron na a ndï kumkajir mbãkïnõt. 26 Îla de mad ndig ða kïlaþer lom a ne, kï ndulo gom; lon mî tit la ngekïlaþer lom a i tit ho ye; îla de mad ndï ða kïlaþer lom a ne, Bøwm a øsïgona.
Jeju elta koin
27 Tajigla ta ndï õ kamm ngãi kaa man ði a? Ka man oo Bøwm ajïm døkàdt 'nten ne? Be al, kïta 'nten la m'ðen mbã døkàt 'nten ye. 28 M'a m'el m'an: Oo Bøw ad tøi kø. Ndi ta mad tee ko dõ dørãt an: M'ad tøm ko woi, na m'am m'ad tøm ko kïdøt þaitø. 29 Koosïdeg'n ðan nõbe, lon oon dø ndi ta'n non ye anan: Ndii la ndáng ye; kïmadg anan: Malaika la ela ta ye. 30 Jeju tur an: Ndita'n non ko kïtatøm al, na kïtatøsï. 31 Takïgang dø duniat'n ðan i tajigtla, tajigla Luwah a tuþa ngekõþe kï duniat'n ðan kø. 32 Mî taa, lon a unmïn kï dø døningt a ne, m'a m'ørr deg tube kïromt. 33 Elta 'nten dan go koin þet n'a n'oi. 34 Koosïdeg turïna anan: J'oo kam Mberkïndat Krist a ndï kï nont ye, titbãi i ndï el an: Sumba kad a unïn Ngon de kï dõ a? Ngon de'n non i nõ a? 35 Jeju eld an: Kunj ndï kusït la ngonsî þaitø. I ndian lon i ndïn ne kï kunj þaitø kïtakad til hursï yedeng al. De'n a ndia kam tilt ger lon ndï awt al. 36 Lon i ndïn kï kunj þaitø ye, adïn kamsï kunj kïtakad i telïn ne deg ngendïa kam kunjt. Jeju elta 'nten kamla þai rodt aw yaron.
Juipg adïn kamd Jeju al
37 Na ke Jeju ða nyakøjg kï yaya ngãi nodt titbe kaa ne, adïna kamd al; 38 kïtakad tølïn ne ta ta'n Esai ngekelta kï ta Luwaht el an: Bïraþe nõ taa tan oon dø rojt a? Nõ oo tøg ji Bïraþe a? 39 Asïn kad kamd Luwah al kïta Esai el tø an: 40 Luwah ut kumd mbukï; ad kamd kongkong na þeta a oon kï kumd; na þeta gerïn girra ngarkamdt kad telïn kïromt ad m'yootd. 41 Esai elta 'nten kïta oo kunj Jeju kïðangereng la elïn ta loa ye. 42 Na be kaa ne, deg madg ngãi ku mbaiþegt taan ta loa, na tøn tad døt kï tïga wakïsï al, na þeta Parisïg tuþand kø kam kuj kawnat lo juipg. 43 Kïtø tarïn køsïgon lo deg tøi lo Luwah.
Jeju i kunj kïta deg
44 Jeju un ndïn kïdõ kon an: De'n ndï adïm kamïn a ne, mî kïkïðambe hã ndï adïm kamïn al, na ndï adkamïn ngelam ho. 45 De'n ndï oom a ne, ndï oo Ngelam ho. 46 Mî kunj m'ðe døningt ne kïtakad dekïðen ndï adïm kamïn a ne, kï ndï kam tilt al. 47 Îla de mad ndï oo dø tag lom na ngom god al a ne, i mî hã m'ndï m'gangta døat al, kïta m'ðe kï m'gangta dø degt al na kïmaj deg kï døningt. 48 De'n ndï mbetïm ndï ta tag lom al tø a ne, ngegangta døat i nõ, ad i ta'n m'la mbera nõ la a gangta døat ndøt kï døboit ye. 49 Kïtø m'un ta kïdøm m'el al, na Bøw kï ngelam la ndam mber dø nyat'n sumba kad m'el, na m'la mbera deg. 50 M'ger, mberkïnda loa i kumkajir kï mbãkïnõt. Kïtø 'nten, tag'n m'ndï m'el ye, m'ndï m'el tit'n Bøw elmïn.
Jeju tugo nja ngéndoog lon
1 Kete nõ ða nah Pakït, Jeju ger kad kaglo lon asï kad'n tee kam duniat'n ðan kø, kï n'aw ro Bøwt, na Jeju tar kï long'n ndïn døningt mbã ad tard kï tar kï tøitakøl. 2 Jeju kï ngéndoog lon ndïn ta nyasat kï lokïsøle þaitø la, sitan ndah ngarkam Judas Iskariot't kï ngon Simõ woi kad laa ji mad ngétaagt. 3 Na Jeju'n ger kad Bøw la nyag tube jint, ger kad n'tee kokïro Luwaht, ndïn tel n'aw ro Luwaht gog ye, 4 þai ta nyasat tørr kubg lon ü, na un ta kub mad døøn þon. 5 Got gog urr man tasat, na mba girr tugo nja ngéndoog lon, na børrd kï ta kub'n døøn þon. 6 Kamla tee dø Simõ Pierrt na Pierr ela an: Bïraþe kï i tugo njam a? 7 Jeju tura an: Nyan m'ndï m'ða ye, i ger tajigla al, na a i ger kamþai. 8 Pierr ela an: A i tugo njam kï njakïða al bat. Jeju tura an: Îla m'tugoi al a ne, nya mad kï goi nat sem goto. 9 Simõ Pierr ela an: Bïraþe i tugo njam hã kïðabe al, na jim kï døm tø ho. 10 Jeju ela an: De'n ndog man woi a ne, a gee kï'n tugo njan la koon, kïta i kï kar nyang kïtaagbe woi. Na în taa ne, în kïkar nyang, na în tube al. 11 Jeju ger de kï ngelan ji madngétaangt køi. Kïtø 'nten la elïn an: în kïkar nyang tube al ye. 12 Lon tugo nja ngéndoog lon woi ye, øi kubg lon la ront gog, kamla tel aw ndï ta nyasat gog, eld an: I gerïn nya'n m'ða sesï yo? 13 I ndï i kunmïn ngendoo deg kï Bïraþe; i ndï elïn goðobat kïta mî titbe. 14 Îla mî kï Bïraþe kï ngendoo deg m'tugo njasï a ne, maj kad i tugon njana ho. 15 M'adsï nyandaj kïtakad i ðan tit'n m'ðan sesï ye be. 16 Rota, rota la m'ndï m'elsï ye. Þer i kïbo tøi ngen al, ngombangkïla i kïbo tøi ngelan al ho. 17 Îla i gerïn nyag 'nten, na i høn ða got a ne, în ngeronel. 18 M'ndï m'elta losï tube al, m'ger îgïn m'mbed'd, na kïtakad tølïn ne ta ta kïndang kam Maktubt: De'n ndï sa sem bïnã la tel ngendorïm. 19 Labekïnõt m'ndï m'elsï kete lon nya ðan nya al þaitø kïtakad lon ða nya woi a ne i gerïn køikøi mî la i mî. 20 Rota rota la m'ndï m'elsï ye, dekïðen ndï hø de'n m'laa kï ront a ne, ndï høm mî kïþe la kïront ye; de'n ndï høm kï ront a ne ndï hø ngelam la kï ront ye.
Judas a la Jeju ji degt
21 Lon Jeju elta 'nten ye, kama gang ngalang ad elta kï tïga an: Rota rota la m'ndï m'elsï ye, kïkïða kusït a lam ji degt. 22 Ngéndoog oon kumna mbet't kïta gerïn de'n Jeju ndï elta loa al. 23 Kïkïða ku ngéndoogt loa, în Jeju tara ngãi ndïna ron kad Jejut. 24 Simõ Pierr la jin kïdø ngendïna ron kad Jejut kad ndïjea ke nõ Jeju ndï elta loa a? 25 Ngendoo'n non norr kï dø Jejut ndïjea an: Bïraþe i nõ a? 26 Jeju tur an: Îla i de'n þet m'a m'la ngon gaj bïnã kam tãt m'ada ye. Titbe lon la ngon gaj bïnã kam tãt woi ye ad Judas ngon Simõ Iskariot. 27 Go ngon gaj bïnãt'n non la sitan and kam Judast. Jeju ela an: Nya'n i ndï ða, i ða kanangbe. 28 Ku ngéndoogt'n ndïn ta nyasat, de mad kï ger kïtøði Jeju elïn ta 'nten goto. 29 Þølnar i ji Judast kïta 'nten kïmadg oon a anan Jeju ela kï aw ndugo nyag'n gee kïta ða nah, ke kï ad nya mad ngéndog. 30 Lon Judas ta ngon gaj bïnã woi ye tee kanangbe, lo diw.
Mberkïnda kï kij lo Jeju
31 Lon Judas tee woi ye, Jeju el an: Tajigla Ngon de ngah køsïgon, Luwah tø ngah køsïgon kamat. 32 Îla Luwah ngah køsïgon kamat a ne, Luwah tø a ada køsïgon kamïnt î kïþe kïdøn; na tentenbe a ada køsïgon tø. 33 Nganïm, mî sesï nat ngonsî þaitø. A i sahmïn, na tit'n m'elïn juipg m'an: lon m'a m'awt a asïn kawt al, titbe tø la m'ndï m'elsïn tajigla ho ye. 34 M'adsï mberkïnda kïkij, sumba kad i tarïn na, tit'n m'tarsïn ye be, 35 kï i tarïn na titbe tø. Kïgot 'nten deg tube a gerïn ne în ngéndoog lom, ad i dø tart kï i ndï tarïn na.
Jeju elta maj'n Pierr a maj ta gerïn
36 Simõ Pierr ela an: Bïraþe I ndï aw ða. Jeju tura an: Lon m'ndï m'awt, asï ndulo gom tajigla al, na a i ndulo gom þai. 37 Pierr ela an: Bïraþe kïtøði m'asï ndulon goi tajigla al a? Mî nderrbe kad m'ad rom kïtai. 38 Jeju tur an: A ad roi kï tøm a? Rota rota la m'ndï m'eli ye, kïnja a ko al þaitø, na a i maj ta gerïm nja mïta.
Jeju i ðob kaw ro Luwaht kï Bøw
1 Ot kadïn kamsï dasï ta paa. I ndï adïn kamsï Luwah a ne, admïn kamsï tø. 2 Kam þet lo Bøwm kujg în tit. Îla titbe al a ne, neni m'elsï ta 'nten al, kïta m'ndï m'aw kï m'ðago lo kïtasï. 3 Îla m'aw m'ðago lo kïtasï a ne, m'am m'tel m'ðe m'øisï kï romt, kïtakad lon m'ndït a ne, i ndïnt tø. 4 I gerïn lo în m'ndï m'awt, i gerïn ðoba tø. 5 Tomas ela an: Bïraþe, kï ger lo'n, i ndï awt al, titbãi hã j'asï ger ðoba a? 6 Jeju ela an: Mî ðob, mî rota, mî kumkajin de mad kï asï ðe ro Bøwt goto, na kïtakulïm tã. 7 Kan ila i germïn a ne, a gerïn Bøwm ho. Na tajigla i gerïna, oona tø. 8 Pilip ela an: Bïraþe øj'j Bøw ðang a asïj. 9 Jeju ela an: M'ndï nat sesï maði nu ye la Pilip i gerïm al yo? De'n oom a ne, oo Bøw; titbãi i ndï el an: M'øjsï Bøw a? 10 I ger køikøi kad m'ndï kam Bøwt, na Bøw ndï kammt ale? Tag'n m'ndï m'elsï ye, m'un kïdøm hã m'elsï al, na Bøwïn ndï kammt la ndï ða kïla lon ye. 11 I taan ta lom lon m'el m'an: Mî kam Bøwt, na Bøw i kammt ho, na îla i be al a ne adïn kamsï kïlag'n m'ða. 12 Rota rota la m'ndï m'elsï ye, de'n ndï adïm kamïn a ne, a ðakïlag'n m'ndï ða nõ ho a ðakïlag kïbo tøi îgïn non kïta m'ndï m'aw ro Bøwt. 13 Nya ði a i køn Bøw kam tømt a ne, m'a m'ða nyàa nõ, kïtakad Bøw ngahn køsïgon kam ngont. 14 Îla i køn nya mad kam tømt a ne, m'a m'ða nyàa nõ.
Jeju an: N'an la kï Ndil kïkunjðang kad ða kï ngéndoog lon
15 Îla i tarmïn a ne i ngomïn go Mberkïndag lom. 16 Na mî m'am kø Bøw, na a la kï Ngesølkam mad adsï kïtakad ndï sesï nat mbãkïnõt, 17 i Ndil rota în deg kï døningt asïn høa kï rodt al, kïta oona al, gerïna al ho, na în i gerïna, ndï nat sesï, i kamsït tø. 18 M'am nyasï nganhalgt al, na m'am tel m'ðe rosït. 19 Nãi kaglo sî baitø kad deg kï døningt oomïn al, na în a oomïn kïta, m'ndï kumkajir na a i ndïn kumkajir ho. 20 Ndøt'n non a i gerïn køikøi, m'ndï kam Bøwmt, i ndïn kammt, mî tø m'ndï kamsït. 21 De'n ndï kï mberkïndag lom, ndï ngomgod tø a ne, î la ndï tarïm ye. De'n ndï tarïm a ne, a i ngetar lo Bøwm, m'a m'tara, na m'a m'ada gerïm. 22 Judas, i Judas Iskariot al, ela an: Bïraþe ði ða nya ad kï geri na deg kï døningt gerïn al a? 23 Jeju tura an: Îla de mad ndï tarïm a ne, a ngomgo ta lom na Bøw a tara; mî kï Bøwm j'a kï ðe roat, j'a kï hø lo ndïj roat. 24 De'n ndï tarïm al a ne, ndï ngom gotag lom al. Na ta'n i ndï oon dø i lom al, na i lo Bøw kï ngelam. 25 Tag'n non m'elsï lon m'ndïn nat sesï þaitø. 26 Na ngesølkam ad i Ndil kïkunjðang'n Bøw a lan kam tømt, îla a ndoosï nyag tube, a ga kamsï dø nyagt tube'n m'elsï ye. 27 Kamsøl lom la m'ndï nya m'adsï ye, m'adsï kamsøllomlom, m'ndï m'adsï tit'n dunia ndï adsïn al. Ot kadïn kamsï dasï ta paa, ot kadïn kamsï gang man. 28 Oon dø ta'n m'elsï m'an: M'ndï m'aw na m'am m'tel m'ðe rosït nõ. Îla i tarmïn a ne, ni a i ðan ronel kïta m'ndï m'aw ro Bøwt. I kïbo tøim. 29 Na tajigla m'elsï nyag 'nten kete tã kad nyag'n non ðen, kïtakad lon a ðan nya a ne a i gerïn ne køikøi. 30 M'a m'elsï ta mad gog al ta, kïta ngekõþe kï døningt'n ðan ndï ðe na aw kï tøg dømt al; 31 na kïtakad deg kï døningt gerïn kad m'ndï m'tar Bøw na m'ndï m'ða kïgo Mberkïndat'n Bøw adïm ye, i þain dõ ad kï j'awïn nu.
Jeju i dî nduu kï jeje
1 Mî dî nduu kï jeje. Bøw i ngendøø nduu. 2 Døji kïðen kï þa kadïmt, na ndï tee kï kandïn al a ne, a ga ganga kø; na døji kïden'n ndï tee kï kandïn a ne, a ja takõna kïtakad tee kï kandïn kï tøi kï døt. 3 În kïkar woi kïtakul ta'n m'elsï. 4 I ndïn kï kammt. Na mî m'a m'ndï kï kamsït ho. Tit'n døji nduu asï kand kï dø'n al, na ða kï dø dî nduut tã ye, titbe în kaa asïn tee kï kand al, îla i ndïn kï kammt al. 5 Mî dî nduu, în døjiag. De'n ndï kï kammt, na mî m'ndï kï kamat ho a ne, ndï tee kï kandïn ngãi, kïta kïkanjïm asïn ða nya mad al. 6 Îla de mad ndï kï kammt al a ne, a lana kï tïga, tit døji kag kï gang be, ad tut; kamla øin døji kagg, ün horro ad õ rion. 7 Îla i ndïn kï kammt, na tag lom ton kï kamsït ho a ne, i køn nya'n i geen, na Luwah a adsï. 8 Îla i teen kï kand ngãi a ne, i titbe la Bøwm a ngahn tøko, na a în ne ngéndoog lom ho ye. 9 Tit'n Bøwm tarmïn ye, m'tarsï titbe ho. I ndïn kï kam tart lom. 10 Îla i ndï i ngomïn go Mberkïndag lom a ne, a i ndïn kï kam tart lom, tit'n m'ngomïn go Mberkïndag lo Bøwm, na m'ndïn kï kam tart loa ye be. 11 M'elsï tag 'nten kad ronel lom ndïn kï kamsït, kad ronel losï asïnatap. 12 Mberkïnda lom la ten: I tarïn na, tit'n m'tarsïn nõ. 13 Tar kïbo tøi 'nten goto: Kad de ad ron kïta namïng. 14 În nammg îla i ðan nya'n m'ndasï mbera. 15 M'ndï m'kunsï þerg al ta, kïta þer ger nya'n ngea ndï ða al; na m'kunsï nammg kïta m'ad i gerïn nyag tube'n m'oo dø ro Bøwmt. 16 În hã i køtïmïn al: Na mî la m'køtsï, na m'ndasï kad awïn, kï andïn, na kï kandsï tokïnõt, kïtakad nya'n a i kø'n Bøw kam tømt a ne, kï adsï. 17 Nya'n m'ndï m'ndasï mbera la ten: Kï i tarïn na.
Deg kï døningt a øsïnta ngéndoog lo Jeju
18 Îla deg kï døningt ndï øsïsïn taa ne, kï i gerïn øsïmïn ta kete nõsït. 19 Ni în lo deg kï døningt a ne, deg kï døningt a tarïn kïlodg, na kïta în lo deg kï døningt al, na m'køtsï ku degt kï døningt, kïta 'nten la deg kï døningt ndï øsïsïn ne ta. 20 I gan kamsï dø tat'n m'elsï m'an þer i kïbo tøi ngeen al nõ. Îla dan rom ndo a ne, a dan rosï ndo ho îla ngomïn go ta lom a ne, a ngomïn go losï ho. 21 Na a ðan sesï nyag'n non tube kïtatøm, kïta gerïn ngelam al. 22 Neni m'ðe al, ad m'eld ta al a ne, a ndïn kï majal dødt al; na tajigla taa a nya'n go majal lod al. 23 De'n ndï øsïmta a ne, ndï øsï ta Bøwm ho. 24 Neni m'ðakïlag'n de kïðang mad ða kudt al a ne, majal lod goto. Na tajigla, oon kïlag lom na øsijïn ta, mî kï Bøwm tu. 25 Nya 'nten ða nya kad tølïn ne ta ta'n ndangïn kam Mberkïndat lod anan: Øsïmïn ta kïkanj ta. 26 Na lon ngesølkam'n m'a m'laa kïrosït kokïro Bøwt, ad i Ndil rota'n ndï tee kokïro Bøwt ye, ðe woi a ne, a manaj dømt. 27 Na în kaa a i mamïn naj, kïta în nat sem lo yaþoodat nu.
Jeju el kïlong kete kad deg a ndorïnd
1 M'elsï nyag 'nten kete kad lon ndoorsïn a ne i nyan ta kadm kamsï kø al. 2 A tuþasïn kø kam kuj kawnat lo juipg. Kaglon a ðe nõ, dekïðen a tølsï a ne, a oo an: N'ndï n'ða kïla n'ad Luwah. 3 A ðan titbe kïta gerïn Bøw al ho, germïn al ho. 4 M'elsï nyag 'nten, kad lon døkàda asï a ne, i gan kamsï dø tat'n m'elsï kete nõ. M'elsï tag 'nten lo yaþoodat nu al, kïta mî nat sesï.
Ndil Luwah ða kïla kïta deg kï døningt
5 Tajigla m'ndï m'aw ro Ngelamt. Na de mad kusït kï ndïjem ke m'ndï m'aw ðah kaa goto. 6 Na kamkil ðoosï kamsï kïta kelïn m'elsï tag 'nten. 7 M'ndï m'elsï rota, maj kï tøsï kad m'aw; na îla m'aw al a ne, Ngesølkam a ðe rosït al; na îla m'aw a ne, m'a m'laa kïrosït. 8 Lon a ðe a ne, a hø deg kï døningt kï ta dø majalt lod, dø ðadenesewt, dø takïgangt tø. 9 A hød kïta dø majalt kïta ndï admïn kamd al. 10 Dø ða da ne, sewt kïta m'ndï m'aw ro Bøwt na a oomïn gog al. 11 Dø takïgangt tø kïta Luwah gangta dø ngekõþet kï døningt'n ðan woi. 12 M'ndï kï ta madg la ngãibe kad m'elsï þaitø na asïn kund døsït tajigla al. 13 Na lon Ndil rota a ðe a ne, a ørrsï ta ðob kï kam rotat tube kïta a un ta kï døn el al, na a el nyag tube'n a oo dø, a øjsï nyag'n ndï ðen. 14 Ndil rota'n non a ad tøm ko, kïta a øi kam lomt la a øjsï ye. 15 Nyag tube'n în lo Bøw în lom, kïta 'nten la m'elïn m'an: Ndï øi kam kïlomt la øjsï ye.
Jeju elta dø kamkilt kï ronel
16 Nãi kaglo tëbe a ne, a i lan kumsï dømt gog al; kamla kaglo tëbe gog tø a oomïn. 17 Kïtø 'nten kïmadg ku ngéndoogt loa elïna anan ta ði ndï elj an: Nãi kaglo tëbe a ne, j'a kï la kumj dønt gog al kamla kaglo tëbe gog tø a ne, j'a j'oon kïta ndï n'aw ro Bøwt a? 18 Elïn anan: Ta'n el an: Nãi kaglo tëbe ye girra i ði a? Kï ger ta'n el nõ al. 19 Jeju ger kad ngéndoog lon ndigïn ndïjea ta kïta 'nten eldïn an: I ndï ndïjen na ta dø tat'n m'elsï m'an: Nãi kaglo tëbe a ne, a i lan kumsï dømt gog al; kamla kaglo tëbe tø a oomïn yo? 20 Rota rota la m'ndï m'elsï ye, a i non, a i ton ðusï ðusï na dunia a ða ronel, a i ðan kamkil, na kamkil losï a tel ronel. 21 Lon dekïdë ndï tõ ngon a ne, ndï kï kamkil kïta ndøa asï, na lon ooj ngon woi ye, kama woi dø kamkil loa kïta ronel kïbo ðaa dø koojt'n ooj ngon kï døningt. 22 În tø, tajigla i ndïn kï kamkil na m'a m'oosï gog, kamla rosï a nelsï, de mad kï a ta ronel losï goto. 23 Ndøt'n non a i ndïjemïn ta mad al. Rota rota la m'ndï m'elsï ye, nya ði kï a i køn Bøw kam tømt a ne, a adsï. 24 Mbã tajigla i køn nya mad kam tømt al. I køn, na a i ngahn kad ronel losï asïn na tap.
Jeju tetðøø dunia
25 M'elsï ta nyag 'nten kï terrtag. Døkàd ndï ðe nõ, în m'a m'elsï ta kï terrtag gog al, na m'a m'elsï ta lo Bøw kï tïga wakïsï. 26 Ndøt'n non a i køn kam tømt, na m'elsï m'an: M'am kø Bøw kïtasï al. 27 Kïtø Bøw kïdøn ndï tarsï, kïta i tarmïn, na i gerïn køikøi m'tee kam Bøwt. 28 M'tee kam Bøwt, m'ðe døningt, tajigla m'ndï m'nyà døning, na m'ndï m'aw ro Bøwt. 29 Ngéndoog loa elïna anan: Oo tajigla kï ger i ndï elta kï tïga wakïsï, i kï terrta hã i ndï elïn ta al ta. 30 Tajigla kï ger, i ger nyag tube, i gee kad de mad ndïjei ta al kïta 'nten kï gerïn køikøi i tee kokïro Luwaht. 31 Jeju turd an: Tajigla adïn kamsï a? 32 Døkàd ndï ðe, tajigla ðe woi, a i tîn na, dekïðen a aw lo lon, a i nyàmïn kïkïðambe do, na mî kïkïðam al, kïta Bøw i nat sem. 33 M'elsï tag 'nten kad i ngahn ne kamsøllom kammt. Kam døningt ne a i ndïn kï kamkøl, na iren kamsï ndang, m'tetðøø dunia.
Jeju elta kï Luwah kïta ngéndoog lon
1 Lon Jeju eltag'n non ye, un kumïn kïdõ el an: Bøw døkàd asï woi, ad tø ngoni ko kïtakad ngoni ad tøi ko tø. 2 Kïgo tøgt'n ada dø ngékumkajirgt tube, kïtakad ad kumkajir kïmbãkïnõt deg tube'n ada. 3 'Nten la i kumkajir kï mbãkïnõt, kad deg gerïn î Luwah kï ngerota kïðabe, kï Jeju Krist'n i laa tø. 4 M'ndï m'ad tøi ko døningt ne, kï lo tølkon kïlat'n adïm kï m'ða. 5 Tajigla Bøw adïm tøko'n m'ndïn sei nat lon ndahn ne døning al þaitø. 6 Deg kï adïmd kokam degt kï døningt ye, m'ad'd gerïn tøi. În loi îla adïmd ye, ngomïn go ta loi tø. 7 Tajigla gerïn kad nyag tube'n adïmd ye ðen ko roit. 8 Kïtø m'ad'd tag kï adïm, în tø tan, gerïn m'tee kokïroit jeje ad gerïn køikøi î la i lam ye. 9 M'ndï m'kø kïtad. M'ndï m'kø kïta deg kï døningt al, na kïta deg'n adïmd în loi. 10 Nyag loi tube în lom, kï loig tø în lom, na m'ngah køsïgon kamdt tø. 11 M'ndï døningt gog al ta, na îg'n non ndïn døningt, mî tø m'ndï m'aw roit. Bøw kïkunjðang m'køi kï i ngom deg'n adïmd kam tøit, ad i tø'n adïm, kïtakad în kïða tit'n jîn kïða. 12 Lon mî sed nat þãitø ye, îgïn adïmd, m'ngomd kam tøg tøit, ad i tø'n adïm; m'ngomd maj ad kïkïða kudt kaa nuj kø al na ngon kï ngenujkø'n non kïðabe tã. Kïtøkad tølïn ne ta ta kï ndang kam maktubt. 13 Na tajigla m'ndï m'aw roit, nyag 'nten tø m'ndï m'el døningt kïtakad deg'n adïmd ngahn ronel lom kï asïnatap kamdt. 14 M'ad'd ta loi, deg kï døningt tø øsïnd ta kïta în kï lo døning al, tit'n mî lo døningt al. 15 M'ndï m'køi kï øid ku degt kï døningt kø al, na kad i ngom ngemajal dødt. 16 În lo døning al tit'n mîn lo døning al tø. 17 I teld kïjaþat't kam rotat, ta loi la i rota ye, 18 tit'n i lamïn ku degt kï døningt ye, titbe tø la m'ladïn ku degt kï døningt ho ye. 19 M'tel rom kïjaþat't kïtatød, în kïþe kï død telïn rod kïjaþat't kam rotat. 20 Kïtø ngéndoog lom kïðabe hã m'ndï m'køn al, na kïta îgïn a taan ta lom kïta ta lod. 21 M'kø kïtakad în tube în kïða tit'n î Bøw în kamt, mî tø, mî kamit, kad deg kï døningt gerïn ne køikøi î la i lam ye. 22 M'ad'd tøko'n adïm, kïtakad în kïða tit'n jîn kïða. 23 Mî kamdt, î kammt tø ho, kïtakad în kïkasïnatap kam kïðat, kad deg kï døningt gerïn îla i lam ye i tard, tit'n i tarmïn be ho. 24 Bøw, îgïn adïmd ye m'ndig kï ndïn sem nat lot'n mî tit kïtakad oon tøko lom'n adïm kïta i tarïm kete lon lan ne girr døning al þaitø. 25 Bøw kïdenesew, deg kï døningt gerïn al, na mî m'geri, ngéndoog tø gerïn kad i lam. 26 M'ad'd gerïn tøi m'a m'ad'd gerïna tø kïtakad tar'n i tarïm i kamdt, mî tø, kï mî kamdt.
Judas la Jeju ji madngétaagt ad høna
1 Lo'n Jeju eltag 'nten woi ye, tee tïga nat kï ngéndoog lon, aw gid man yasït kï tøa i Sedron lon ndøø mad tot. Jeju kï ngéndoog lon andïn kamt. 2 Judas ngelaa ji madngétaagt ger lo'n non þet. Jeju kï ngéndoog lon a kawïn na tit kï nja natnatbe. 3 Kïtø 'nten Judas ngah þut ngéðøøg kï ngéngom kuj ndub Luwah ðen kokïro kïbogt lo ngéjamosïkadkari, kï Parisïg ðen kam ndøøt'n non kï horrdøgg kï lambag kï nyakatg. 4 Jeju ger nyag tube'n ndï ðen dønt, ad tee tïga eld an: A i sahn nõ a? 5 Turïna anan: Jeju kï Najaret. Jeju eld an: I mî. Judas ngelaa ji madngétaagt, ða nat sed. 6 Lon Jeju eld an: I mî ye, telïn kï gid'd tuson døningt. 7 Jeju tel ndïjed gog tø an: A i sahn nõ a? Elïna anan: Jeju kï Najaret. 8 Jeju tur an: M'elsï, m'an: i mî. Îla i mî la i ða i sahmïn a ne i nyan deg'n ðan ad awïn. 9 Jeju elta 'nten kïtakad tølïn ta ta'n el an: Ku îgt'n adïmd ye kïkïða nãi jimt al. 10 Simõ Pierr'n aw kï kiya kï ngal puþub ye, hø tui gan mbi þer lo ngejamosïkadikari ko kõa gang. Tø þer'n non i Malkus. 11 Jeju el Pierr an: I la kiya loi hawat gog m'a m'ai kam kop daiyot'n Bøw adïm kï m'ai ye ale?
Jeju ða nõ Hant
12 Þut ngéðøøg kï bïradød kï ngéðøøg lo juipg høn Jeju, døna, 13 awïn sia kete ro Hant, kï Kaip'n i bïra ngejamosï kadkari þalat'n non. 14 Kaip kan hã øj juipg ta an: maj kad de kïða oi kïta deg.
Pierr maj ta ger Jeju
15 Simõ Pierr kï ngendoo mad ndulon go Jeju. Bïra ngejamosï kadkari ger ngendoo'n non, nyàa ad and nat kï Jeju natþet lo ngejamosï kadkari. 16 Na Pierr ða tabit't tïga, ngendoo'n non, în bïra ngejamosï kadkari gera ye, tee tïga, elta kï ngon kïdë kï ngengom tabit, na ørr Pierr and sia. 17 Ngon kïdë kï ngengom tabit el Pierr an: Î tø î ku ngendoogt lo de'n non ale? Pierr an mî kudt al. 18 Þerg kï ngéðøøg'n ðan dõ lot'n non ye, ðan horr kï muî kete woi; kïta kul õ; ða tiwïn horr; Pierr tø ða tiþ horr sed.
Bïra ngejamosï kadkari ndïje ta Jeju
19 Bïra ngejamosï kadkari ndïje Jeju ta dø ngéndoogt loa kï nyandoo loa tø. 20 Jeju turd an: M'elta dan degt kï tïga wakïsï, m'ndoo deg kï ndøgbe kam kuj kawnat lo juipg kï kam kuj ndub Luwaht, lon juipg tube a kawïn na kïtit, m'elta mad gid tilt al. 21 Kïtøði i ndï i ndïjemïn ta a? I ndïje îgïn oon dø ta lom ta ði m'eld. Îgïn non gerïn tan m'el nõ þet. 22 Dø tat'n non kïkïða ku ngéðøøgt'n ðan lot'n non nda køt Jeju el an: I ða i turta Bïra ngejamosï kadkari titbe e? 23 Jeju tur an: Îla m'elta kïmajal a ne, i damïn nya'n m'el kïgoot al na îla m'elta kïmaj a ne, kïtøði i ða i ndam'n a? 24 Lot'n non Han la kï Jeju kï ro Kaipt kï bïra ngejamosï kadkari. Jeju i kï døø kï kïla.
Pierr tel maj ta ger Jeju gog þaitø
25 Simõ Pierr ða nõ, ða tib horr. Deg madg elïna anan: Î ku ngéndoogt loa tø ale? 26 Kïkïða ku þergt lo ngejamosï kadkari ad i nooj þer'n Pierr gang mbia nõ, el an: În i ðan m'ooi nat sia kam ndøøt ale? 27 Pierr tel maj gog tø, tentenbe kïnja mad kø.
Jeju ða nõ Pilat't
28 Ørrïn Jeju awïn sia ro Kaipt kam kujt lo ngekõþe, lo ar yoror, în kïþeg kïdød andïn kam kujt lo ngekõþe al, na þeta n'telïn kïyerr ad øgïnd sanya Pakï. 29 Kïtø 'nten Pilat tee ðe rodt, el an: Ta ði i ndï unïn ne dø de'n ðan a? 30 Turïna anan: Îla de'n ðan i ngeðamajal al a ne, ni j'a kï laa jiit al. 31 Dø tat 'nten Pilat eld an: În kïþeg kï døsï unïn na, i gangïn ta døat kïgo mberkïndat losï. Juipg elïna anan: J'asï kad kï gangta koi dø det mad al. 32 Nya 'nten ða nya titbe kïtakad tølïn ne ta ta'n Jeju el dan dø koi'n n'a koi. 33 Pilat tel and kam kuj kõþet gog, kun Jeju kï ront ela an: Î ngar lo juipg e? 34 Jeju tura an: Un ta 'nten kï døi la el yo, ke deg madg la elïn ta 'nten dan ne døm a? 35 Pilat tur an: Mî Juip a? Girrdeg loi kï ngéjamosï kadkarig la lain jimt ye; i ða ði a? 36 Jeju tur an: Kõþe lom i kï døningt'n ðan al; neni kõþe lom i kï døningt a ne, ni ngékïlag lom a ðøn kïtam, kïtakad lamïn ji juipgt al; na tajigla kõþe lom i kï døningt ne al. 37 Kïtø 'nten Pilat el an: Ad i ngar a? Jeju tur an: Î el titbe, mî Ngar. Kïtø 'nten la oojmïn ne, na m'ðen døningt tø kad m'man naj dø rotat ye. Dekïðen i lo rota a ne, ndï nel mbïn kï romt. 38 Pilat ela an rota i ði a?
Gangïn ta koi dø Jejut
Lon elta 'nten ye, Pilat tee aw ro Juipgt gog eld an: M'ngah ta mad dø det'n ðan al. 39 Na awïn kï nyabelþe losï kad m'ørr de dangãi kïða m'adsï kï ndø Pakï ye, i ndigïn kï m'ørr ngar lo Juipg m'adsï e? 40 Tel kon mbïting gog anan: De'n ðan al, na Barrabas tã. Barrabas taa i ngekumðob.
1 Kamla Pilat ad'd Jeju ad ndana kï ndeh. 2 Asïgarg ðan jøg kon lan døat, na lan kub kïkïrre gania roat. 3 Kamla ðen roat anan: Lapia Ngar lo juipg. Ða tïndana kï dajid. 4 Pilat tee tïga gog el juipg an: Oon maj. M'ndï m'ðe sia tïga rosït, kïtakad i gerïn m'ngah ta mad døat al. 5 Kamla Jeju tee kï jøg kon dønt kï kub kï kïðe gania ront. Pilat eld an: Oon dekïdïngã ta. 6 Lon ngéjamosïkadkari kï ngéðøøg oona ye, unïn ndïd kon ne, anan: I gaa kagdosït, i gaa kagdosït. Pilat eld an: În kïþeg kïdøsï awïn sia i gana kagdosït. Kïtø m'ngah ta mad døat al. 7 Juipg turïna anan: Jî kï ndï kï mberkïndag loj, na kïgo mberkïndat loj, sumba kad oi kø kïta tel ron ngon Luwaht. 8 Lon Pilat oo dø tan 'nten ye, tel þool kïtai. 9 Tel and kuj kõþet gog, el Jeju an: I þai ko ða a? Na Jeju laat al. 10 Kïtø 'nten Pilat ela an: I lam tat ale? I ger, m'asï kad m'ørrï, m'asï kad m'gai kagdosït ale? 11 Jeju tura an: I ndï kï tøg dømt al bat, na îla adïn ko dõ tã. Kïtø 'nten de kïngelam jiit ða majal kïbo tøi. 12 Dø tat'n non Pilat sah kï n'ørra, na Juipg kon mbiting, anan: Îla ørr de'n ðan a ne i nam Sejar al. Ke dekïðen tel ron ngart a ne, ndï ndoor Sejar. 13 Lon Pilat oo dø ta 'nten ye, ðe kï Jeju tïga ndï ber dø pong gangtat kam lot mad kï a kunïna Dingïrlo, na kï ta Juip i Gabata. 14 I ndø ðago nyag kïta Pakï. Nãi nderrbe kad kàd ða dan þet. Pilat el juipg an: Oon ngar losï. 15 Na kon mbiting anan: I tøla, i tøla. I gaa kagdosït. Pilat eld an: Kï m'ga ngar losï kagdosït e? Ngéjamosïkadkari kïbog turïn anan: Ngar loj mad goto, na Sejar tã. 16 Kamla Pilat la Jeju jidt kad gana kagdosït. Kïtø 'nten ørrïn Jeju awïn sia.
Gan Jeju kagdosït
17 Jeju un kagdosï lon tee awïn lot mad kï tøa i lo kadø, na a kunïna Golgota kï ta Hebre. 18 Nu la gana kagdosït kï deg madg joo. Kïða ko mad, kïða ko mad, na Jeju i dandt. 19 Pilat ndang maktub ad lan dõ dø kagdosït. Ta kï ndang la ten: Jeju kï Najaret ngar lo Juipg. 20 Juipg ngãibe dan ta kïndang'n non kïta lon gan Jeju kagdosït ye i nderrbe kad þet. Ta kïndang'n non i kï ta Hebre, kï ta Latin, kï ta Grek tø. 21 Ngéjamosïkadkari kïbog lo Juipg elïn Pilat anan: Ot ndang, ngar lo juipg, na maj kad i ndang titbe: El an: Mî ngar lo juipg. 22 Pilat tur an: Nya kï m'ndang woi, m'ndang, a to titbe. 23 Lon ngéðøøg gan Jeju kagdosït woi ye, øin kubg loa kegïn girr søø, girr kïða kïta asïgar kïðen. Na nãi kubji loa, kubji'n non i kïkanj kur, i kï jo ta jo kïtaagbe køat mbã ü kïber. 24 Kïtø 'nten elïn na anan: Ot kad kï tilïna, na ad kï yan yuk døt kad j'oon de'n a un. Nya 'nten ða nya kïtakad tølïn ne ta ta kï kam Maktubt: Kegïn na kubg lom kïnadt yan yuk dø kubjit lom tø. Asïgarg ðan nyag'non titbe. 25 Na kad kagdosït lo Jeju kõa, kï ngonkõ kõa kïdë, Maði kï në Kleopasï, kï Maði Madelen tø ðant. 26 Lon Jeju oo kon kï ngendoo lon'n tara ða lot'n non ye, el kon an: Dekïdë oo Ngoni. 27 Kamla el ngendoo lon an: Oo kõi. Kaglot'n non ngendoo'n non una kïþe lon.
Jeju oi kagdosït
28 Go nyagt 'nten Jeju ger kad nyag tube tïgan woi ye, el an: Kïnda õm. El titbe kïtakad tølïn ne ta ta kïkam Maktubt. 29 Lot'n non ndan þir mad kï kasïnduu kï masï ðoosa tit. Asïgarg lan ndøkørø kam kasïnduut unïn ne. Kamla lan ndøkørø'n non ta kon kadnyat lan ta Jejut kad ãi. 30 Lon Jeju ød man kï masï tant ye, el an: Nyag tube tïgan woi. Kamla ga døn kïber, na nya ndilïn ad tee.
Asïgar mad øsï kad Jeju kï ninga
31 Juipg køn Pilat kad tetïn njad kï ørrïnd kø. Ðan titbe kïta i ndø ðago nyag kïta Pakï na ndigïn kad dãro deg ðan kïdõ kagdosït ndø taakòt al, kïta ndø taakò'n non i ndø kïbo. 32 Asïgarg ðen kï ro degt'n gand nat kï Jeju kagdosït, tetïn nja kïdasa kï kïmad. 33 Na lon ten dø Jejut ye oon oi kete ad tetïn njaa al. 34 Na kïkïða ku ngéðøøgt øsï kada kï ninga; tentenbe mosï kï man ãint. 35 De'n oo ye ma naja, najkïma loa i rota tø. Kïtøkad în tø adïn ne kamsï. 36 Kïtø nyag 'nten ðan nya kïtakad tølïn ne ta ta kïkam Maktubt: A tetïn kïngaa kïða al bat. 37 Ta mad kïðang kïkam maktub tø el an: A oon în hã øsïna kï ninga.
Duwïn Jeju bulombalt
38 Go nyagt 'nten Jojep kï þe loa i Arimatet kï i ngendoo lo Jeju, na ya døn kïta þool juipg ye, ndïje Pilat kad n'un dãro Jeju. Pilat nya ada. Taa ne Jojep ðe un dãro Jeju. 39 Nikodem'n maði aw ro Jejut ndø ye, ðe kï myrrh, kï aloes kï burnat. Køid i nderrbe kad asï kïlo dømïta. 40 Unïn dãro Jeju dulona kï kub kïnda kï nyag kï kootmbî, kïgo nyabelþe dub nint lo juipg. 41 Ndøø mad i lot'n gan Jeju tit kagdosït. Bulo kïkij i kam ndøøt'n non. Nin de tot nja kïða al. 42 Lot'n non la lan Jejut, kïta i ndø ðago nyag kïta Pakï lo Juipg, na bulo mbal'n non i nderrbe kïtit.
Jeju þai lo koit
1 Go ndøt kïdasabang lo ndøg kïtanãimïta kïsî ritit, Mari Madelen aw døþadt lon lo ar al þaitø. Oo unïn mbal kø ta bulombalt. 2 Kïtø 'nten la ørr kï ngød, ðe ro Simõ Pierrt, kï ngendoon Jeju tara; eld an: Unïn Bïraþe kø kam bulo mbalt na kï ger lon lanat al. 3 Pierr kï ngendoo'n non tee awïn døþadt. 4 Øsïn ngød ørrïn nat na ngendoo kïmad ãi ngød tøi Pierr tee døþadt kete. 5 Ned kïber oo lo kïkamt, na oo kub nin to kïber, na and kamt al. 6 Kamla Simõ Pierr'n ðe ko goat and bulombalt, oo kub nin to kïber. 7 Kï mindil tø în to dø Jejut, to nat kï kub nin al, na i kï tet kam nat to kïdang. 8 Kamla ngendoo kïmad'n non în tee døþadt kete ye, and oo, na ad kamïn. 9 Kïtø gerïn ta kïkam Maktubt al þaitø'n an: Kari na Jeju a þai ku ngékoit. 10 Kïtø 'nten ngéndoog tel awïn ne þe lod gog.
Jeju tee høi kï ro Mari Madelent
11 Mari ða tïga ta bulombalt ða nõ. Lon ða nõ ye ned kï noo lo kïkam bulombalt. 12 Oo malaikag joo kï kubg kïndà ngung rodt ndïn lot'n dãro Jeju tot, kïkïða i ko døt, kïða i ko njat. 13 Ndïjena anan: Dekïdë, kïtøði i ða i nõ a? Turd an: Kïta kunïn unïn Bïraþe lom awïn sia, na m'ger lon lanat al. 14 Lon elta 'nten woi ye, mbel gidïn oo Jeju ða dõ, na ger ta kîa Jeju al. 15 Jeju ndïjea an: Dekïdë, i ða i nõ kïtøði a? I ða i sah nõ a? Mari oo an i ngendøø ad ndïjea ta an: Dekïdïngã îla una i laa lot mad a ne, i øjïm lon i laat nõ, kad m'aw m'una. 16 Jeju ela an: Mari, Mari mbel ela ta kïta Hebre an: Raboni. (Girra i titbe Ngendoo deg). 17 Jeju ela an: Ot høm, kïta m'aw dõ ro Bøwmt al þaitø na aw ro ngankomt. Eld an: m'ndï m'aw dõ ro Bøwmt kï Bøwsï, m'aw dõ ro Luwaht lom kï Luwah losï. 18 Taa ne Mari Madelen aw ørr hoia ngéndoog an: M'oo Bïraþe elïm tag 'nten tø.
Jeju tee høi kïro ngéndoogt lon
19 Go ndøt kï dasabang lo ndø tanãimïta, ngéndoog utïn tabit lot'n kawïna kïtit kïta þool kï þoolïn Juipg. Jeju de lokïsøle ða dandt, eld an: Lapia kï døsït. 20 Lon elta 'nten woi ye, øjd jin kï kadïn, ngéndoog ðan ronel dø koot'n oon Bïraþe. 21 Jeju tel eld gog tø an: Lapia kïdøsït. Tit'n Bøw lamïn ye, titbe tø m'ndï m'lasïn. 22 Lon eld ta 'nten woi ye, to ko kamdt, na eld an: I taan Ndil kïkunjðang. 23 Îgïn i nyan go majalg lod kø a ne, în kï nyàgo kø, na îgïn adïn majalg lod hød sem a ne, a hønd sem tø ho.
Jeju tee høi kï ro Tomast
24 Na lon Jeju ðe ye, kïkïða ku ngéndoogt kï kïla gidaijoo ad i Tomas'n a kunïna ndïngag i nat sed al. 25 Kïtø 'nten ndeg ngéndoo madg elïna anan. J'oo Bïraþe. Tomas eld an: Îla m'oo got doo ngawg kï kam jiat, m'la ngon jim got doo ngawgt al a ne, m'am m'ad kamm al bat. 26 Go ndøgt kïjijoo ngéndoog lo Jeju kawïna kam kujt kïkïða nõ gog tø, na tabitg în kï kut. Tomas i nat sed, kamla Jeju ðe ða dandt el an: Lapia kïdøsït. 27 Kamla el Tomas an: I la ngon jii ne, oo jim. I la jii ne ta bulo døt kïkadmt. Ot þad, na ad kami. 28 Tomas tura an: Bïraþe lom kï Luwah lom. 29 Jeju ela an: Kïta koo kï oom la adïn kami ye. Ngéronelg la i îgïn oon al na adïn kamd ye.
Jã ndang maktub 'nten kad deg adïn ne kamd Jeju i Ngon Luwah
30 Jeju ða nyakøj madg kï yaya ngãibe nõ ngéndoogt lon, na în kï ndang kam maktubt 'nten al. 31 Nyakøjg kï yaya 'nten în kïndang kïtakad adïn ne kamsï Jeju i Krist kï Ngon Luwah, na kam kad kamt'n ndï adïn ye kï i ngahn ne kumkajir kam tøat.
Jeju tee høi kï ro ngéndoogt lon kïtanãimïta
1 Got gog Jeju tee høi kïro ngéndoogt lon ta bahbot kï tøa i Teberiad. Tee høi kï rodt kï ðob kï titbe: 2 Simõ Pierr kï Tomas'n a kunïna ndingãg, kï Natanael de kï þet kï Kana kam døningt kï Galile, kï ngan Jebede, kï ngéndoo madg joo, ndïn nat lo kïða. 3 Simõ Pierr eld an: M'a m'aw kanj, elïna anan: Jî tø, j'a kï j'aw sei. Teen andïn kam toot, kam ndøt'n non høn nya mad al. 4 Lon lo ndï tïja ye, Jeju ða ta bahbot, na ngéndoog gerïn takîa Jeju al. 5 Jeju eld an: Ngang i høn kanj ale? Turïna anan: ãã. 6 Eld an: I lan bandbïra kokõ toot, na a i ngahn. Lan band na kanj kï høn nõ i ngãi dum korr kï gog. 7 Kamla ngendoon Jeju tara, el Pierr an: I Bïraþe. Lon Simõ Pierr oo dø kad i Bïraþe ye la kub ront, kïta roa i kari. Kïla so kam bahbot. 8 Na ndeg ngéndoog ðen kam toot kïta i sãi al kï døning, na i nderrbe asï metïr þu, ða ndørïn bandbïra'n kanj ðoosa. 9 Lon ðe udïn døningt ye oon horr muî kanj to døt kï bïnã tø. 10 Kamla Jeju eld an: øin kanj madg'n i hønd nõ i ðen ne. 11 Simõ Pierr þai kam toot ndør bandbïra kï døningt. Kanj kïbobo ðoosïn bandbïra kord asï þu kï dømi gidaimïta, na ke în ngãi kaa bandbïra gang al. 12 Jeju eld an: I ðe i san nya. Ku ngéndoogt'n non kïmad kï asï kad ndïjea kan i nõ a? Goto, kïta gerïn i Bïraþe. 13 Jeju ndøt kïrodt, un bïnã kïkanj ad'd. 14 In non i tee kïkõmïta'n Jeju tee høi kïro ngéndoogt lon, go þaia ku ngékoit.
Jeju ndïje ta Pierr nja mïta
15 Lon san nya ye, Jeju ndïje Simõ Pierr an: Simõ ngon Jonas i tarïm tøi îgïn non e? Tura an: Ã Bïraþe, i ger m'tari. Jeju ela an: Ul ngan batg lom. 16 Jeju tel ndïje kïkõjoo an: Simõ ngon Jonas i tarïm a? Pierr tura an: Ã Bïraþe, i ger m'tari. Jeju ela an: I ngom batg lom. 17 Jeju ndïjea ndïje kïkõmïta an: Simõ ngon Jonas i ndigïm a? Pierr ða kamkil kïta kel'n ela kïkõmïta an: Ke i ndigïn a? Tura an: Bïraþe i ger nyag tube, i ger m'ndigi. Jeju ela an: Ul batg lom. 18 Rota rota la m'ndï m'elï ye lon i basa ye, î kïþe i døboi na aw lot kï kami ndig, na lon i tel bïga a ne, a i sïra ji ad dekïðang døboi, na aw sei lot kï i ndigal. 19 Jeju elta 'nten dan dø koi'n Pierr a oi kad tø Luwah kon. Lon elta 'nten woi ye ela an: I ndulo gom.
Ta lo ngendoo'n Jeju tara
20 Pierr mbel kïgog oo ngendoo'n Jeju tara a ndulo god, în tag maði ndïna ron kad Jejut lo nyasat, na ndïje Bïraþe ke nõ a laa ji madngétaagt a? 21 Lon Pierr ooa ye ndïje Jeju an: Bïraþe de'n ðan ði a ðaa? 22 Jeju tura an: Îla m'ndig kï ndï mbã m'ðe a ne ði a to roi tit a? Î i ndulo gom. 23 Kïtø 'nten ta'n non aw ku ngankõgt, kï kan ngendoo'n non a oi al. Na Jeju el Pierr an a oi al, na an: îla m'ndig kï ndï mbã m'ðe a ne, ði a to roi tit a? 24 Îla i ngendoo'n manaj dõ nyagt 'nten ye, ndang nyag 'nten tø. Kï ger najkïma loa i rota tø.
Døboita
25 Jeju ða nya madg ngãibe tø. Îla ndangïnd kïða kïða kam maktubgt a ne, m'gah dømt, m'oo maktubg'n a ndangïn ke døning kïtaagbe kaa asï kund al.