1 Te nhinkaƋ na, ma Zhiklè a zhè. Ma'a a zhè a sam Zhiklè. Zhiklè, nenga'a ma'a. 2 Nenga'a a zhè a sam Zhiklè te nhinkaƋ na. 3 Skwi tèlèba n'nga a nenga'a; ko skwi staƋ azɓai, man n'nga'a a vna ɓai. 4 Te nenga'a nshèffè a zhè, nshèffè skwi nhél sam nƋohai. 5 Skwi nhél sam a hél ruva, aman ruva a nca ɓai. 6 Ndo ngiƋè a zhè, nzlembaƋ na Jean, man Zhiklè a zlündokoƋai. 7 Nenga'a a mshkè, aman a gi malwuƋai, a ngréƋè skwi nhél sam, aman ndohi tèlèba tacè'a a ndav a géƋ nenga'a. 8 Jean, skwi nhél sam ka ɓai; aman nenga'a ndo malwuƋi skwi nhél sam. 9 Skwi nhél sam, skwi nhél sam nzura'a, man a shkè a herkeda, a hela ta sam a ndohi tèlèba. 10 Na zhè t'herkeda. A herkeda n'nga a nenga'a, aman herkeda a sun nenga'a ɓai. 11 Nenga'a a mshkè a sam skwi na, aman ndohi nenga'a ta ca ɓai. 12 Aman ko wawa man a nco, a mva ta wuƌai, aman ta ndi a wudahi Zhiklè. Tenga'a man ta co nzlembaƋ na a ndav ta, 13 ara man Zhiklè a yeka ta, ara ndo ka ɓai. 14 A ma Zhiklè a n'nde na a ndo, a n'nza a sam nga, a nga rka n'njèl nenga'a. N'njèlè Bab Zhiklè, man a mva na kra nenga'a staƌgenè, n'ndha a pombai a ma nzura'a. 15 Jean a ngu malwuƌi nenga'a, a mboho: Nenga'a ndo, man i gaƌa kinè: Ndo ngiƌè a shkè te deɓ ga, man zlèzlèa a zhè, daga man i az di ɓai. 16 Te skwi nenga'a man ndev ɓai, nga tèlèba nga ngots pombai, a va, a va'a. 17 Zhiklè a mbezdekona ma kita a ri a Moise. Aman ma pombai, a ma nzura'a, a mbezdekona a ri a Yèsu Kristi. 18 Ko ndo staƌ a nrka Zhiklè di ɓai. Kra nenga'a staƌgenè, man a nzi a sam Bab na, nenga'a n'ngreƋa nga. 19 Na haha, ma malwuƋi Jean, man ndohi Juif ta zlinde ta ndohi mvi skwi a Zhiklè a ndohi Lévi a sam na, aman ta jhèƋè'a: Kawa? 20 A nenga'a a n'ngreda, a ngaƋa ta tsaraya'a: lyè, i Kristi ka ɓai. 21 A ta dzhoƋo: Ka wa, ka Elie Ƌè? A ngaƋa ta: I Elie ka ɓai. Ka ndo nhadka ma Ƌè? A ngaƋa ta: I nenga ka ɓai. 22 A ta gaƋa na: Ka wa? Aman a nga menda ta ma a deɓa a ndohi man ta zlindeka nga. Ka gaƋa, i wa? 23 A ngaƋa: I ndo man a bèhè t'hèshèkèƋ: Vaga civèƋ Bi Zhiklè sara'a, ara man Esaie, ndo nhadka ma, a gaƋa. 24 Ndohi man to do a sam Jean, ta te va ndohi pharisie. 25 A ta gaƋa na: Aman ka Kristi ka ɓai, ka Elie ka ɓai, ka ndo nhadka ma ka ɓai, ka gi baptême èhèmè? 26 Jean a m'mbeƋa ta a ma: l gi baptême te iyam. Aman ndo man kin sun nenga ɓai, ani na zhè te ndev kinè ma! 27 Nenga'a ndo man a shkè te deɓ ga. I gi huyokoko'a, i slaha a i gshè kotokoroh nenga'a a ri ɓai. 28 Skwi haha a gu te kokwar Béthanie, te wud woyam Jourdain, a sam man Jean a gu baptême. 29 Te mangoslèma'a Jean a rka, Yèsu a shkè a sam na, a ngaƋa: Na haha, kra tambak Zhiklè, man a cè mali herkeda! 30 Nenga'a ndo man i gaƋa kinè: Ndo ngiƋè a shkè te deɓ ga, man zlèzlèa a zhè, daga man i az di ɓai. 31 Te va nasa i sun nenga'a ɓai. Aman i shkè, a i gi baptême te iyam, aman ndohi lsrael a ta shinè'a. 32 A Jean a n'ngreda, a ngaƋa: I rka Mè zhèɓ a shkèhai te zhiklè ara nkuƋhom, a n'nza a géƋ nenga'a. 33 Te va nasa i sun nenga'a ɓai. Aman nenga'a man a zlindekayè a ngi baptême te iyam, a ngaƋayè: Ndo man ka rka Mèzhèɓ a shkèhai te zhiklè, a nzi a géƋ nenga'a, nenga'a ndo man a gi baptême te Mèzhèɓ Zhiklè nkezla'a. 34 A i rka'a, a i gi malwuƋai, nenga'a kra Zhiklè. 35 Te mangoslèma'a, Jean a golahi nenga'a cèw, ta zhè za'a. 36 Aman a rka Yèsu man a shèwèlè, a ngaƋa: Na haha, kra tambak Zhiklè! 37 A golahi nenga'a cèw ta tsena ngèƋè nenga'a, a ta dzodzor Yèsu. 38 A Yèsu a mpu di a deɓa, a nrka ara man ta jèjèrè'a, a ngaƋa ta: Kin war mè? Aman ta gaƋa na: Rabbi, (ara ngèƋè: Ndo njèngè ma), gi ngaya tema? 39 A nenga'a a ngaƋa ta: Vowashkè, a kin da rka'a! A to do, a ta rka'a. A ta nza a sam na a pats nasa, pats dakwaƌ. 40 StaƋ te va tengahi cèw, aman ta tsena ma Jean, a ta dzodzor Yèsu, nenga'a André, kramam Simon Pierre. 41 Nenga'a a n'ngots Simon, kramam na, nshèlèkura'a, a ngaƋa na: Nga ngots Messie (ara ngèƋè, ndo man ta baƋa na mbar a gèƋ). 42 A nda'a a sam Yèsu. Aman Yèsu a rka'a, a ngaƋa na: Ka Simon, kra Jonas; sèi ta baba ka Céphas (ara ngèƋè, kwa). 43 Te mangoslèma'a Yèsu a woya man a Ƌè a kokwar Galilée, a n'ngots Philippe, a ngaƋa na: Dzadzarkayè! 44 Philippe, ndo Bethsaida, te kokwar André a Pierre. 45 A Philippe a n'ngots Nathanael, a ngaƋa na: Nga ngots ndo, nenga'a man Moise a ndohi nhadka ma ta windo te Ƌèlèwèr Zhiklè: Yèsu, kra Joseph, te Nazareth! 46 Nathanael a ngaƋa na: Skwi mbela'a a shkè te kokwar Nazareth Ƌè? A Philippe a ngaƋa na: Washkè, ka da rka'a! 47 A Yèsu a nrka Nathanael a shkè a sam na, a ngoƋ a géƋ nenga'a: Na haha, ndo Israel tas! 48 Nathanael a ngaƋa na: Ka senkay tema? A Yèsu a m'mbeƋa na a ma: Ga Philippe a baba ka, aman ka nza te verzi wof kslor, i rka ka. 49 Nathanael a m'mbeƋa na a ma: Rabbi, ka kra Zhiklè, ka Bi Israel! 50 A Yèsu a m'mbeƋa na a ma: A géƋ man i gaƋa ka: i rka ka te verzi wof kslor, ka co a ndav ngaya Ƌè? Ka da rka skwi mbia'a, man a fena'a. 51 A ngaƋa na: A vava, a vava, i gaƋa kinè: Kin da rka giƋfèk mwinèa, a golahi Zhiklè ta Ƌè a pa, a ta shkèhai a géƋ a Kra-ndo.
1 Te m'mèn mamakara'a ta gu ngolala nfi ngwoz a gai te kokwar Cana, te Galilée. 2 A mam Yèsu a zhè a pa. A ta baba na Yèsu a golahi nenga'a ba a ngolala. 3 A barassa a ndeva ta gèƌ, a mam Yèsu a ngaƌa na Yèsu: 4 Barassa a n'ndev na. A Yèsu a ngaƌa na: Ma ngaya ƌè, ngwoz! Pats man a ga a mshkè di ɓai. 5 A mam na a ngaƌa ta ndohi mizlinè: Skwi mèmè man a da gaƌa kinè, vagau! 6 Kreblomhi 6 a pa. Ta peda a pa, a ndohi Juif ta pèn va a vna. Kreblom staƌ, duzlakhi te pa 5 . 7 A Yèsu a ngaƌa ta: Vandha kreblomhi a iyam! A ta ndheda. 8 Yèsu a ngaƌa ta: Vangela'a, vada a sam bi skwi n'ndai! A ta da'a. 9 Aman bi skwi n'ndai a ntor barassa man a matsa iyam (a sun sam man a shkè te pa ɓai, sèi ndohi mizlinè man ta ɓol iyam, ta suna), bi skwi n'ndai a mbaba na baki ngwoz sa, a ngaƌa na: 10 Ndohi tèlèba ta vi barassa man a jèn nshèlèkura'a; te deɓa'a man a keƌ ta ndohi ma, ta sa na njénɓia'a a gèƌ. Aman ka ngheda barassa njéna'a, a ka ckoƌ a deɓa. 11 Nasa nrkedi nshèlèkura'a, man Yèsu a gau, te kokwar Cana, te Galilée, a n'ngreda n'njèl nenga'a auda. A golahi nenga'a ta co a ndav. 12 Te deɓ skwi haha, Yèsu a mam na, a kramamhi na, a golahi na, to do a kokwar Capemaum, aman ta nza A pa a vata ɓai. 13 Ndul ndul ar ngolala Pâque ndohi Juif. A Yèsu a mdo a kokwar Jérusalem. 14 A n'ngots ndohi mpre zlè, ndohi mpre tambakhai, ndohi mpre nkudhomhai, a ndohi nhumbèƋè sulai te gi Zhiklè, man ta nza te pa. 15 A Yèsu a ntsaffa mènèwèƋ teɓa, a ndzar ta tèlèba auda te gi Zhiklè, a tambakihi ba, a zlèhi ba. A wusheda suli ndohi nhumbèƋè suli aussa, a nzukda table aussa, a ngaƋa ta ndohi mpre nkuƋhomhai: 16 Vahelda skwi kinè auda, kin ngwoda gi Bab ga a gi luma ɓai! 17 A golahi nenga'a ta hur ma haha, ara man a windo te Ƌèlèwèr Zhiklè: Srak a keƋyè a hai a géƋ gi ngaya. 18 A ndohi Juif ta mbeda na a ma: Ka nga skwi ga nga nrkedi mè aman a ka gi a haha? 19 Yèsu a m'mbeƌa ta a ma: Vambeƌda gi Zhiklè nkezla'a haha aussa, te m'mèn makar i ƌizlè'a. 20 A ndohi Juif ta gaƌa: Ta rom gi Zhiklè nkezla'a haha mvi 46 . Ka, ka woy a ka ƌizlè'a te m'mèn makar genè ƌè? 21 Aman Yèsu a ngaƌa ta a gèƌ gi Zhiklè nkezla'a, a géƌ va na. 22 Aman a nslambaƋkaƋauda te ndev ndohi m'metsa'a ma, golahi nenga'a ta hur ma haha, ara man a gaƋa ta. A ta co ma Ƌèlèwèr Zhiklè a ndav ta, a ma man Yèsu a gaƋa ta. 23 Aman Yèsu a zhè te kokwar Jèrusalem, te ngolala Pâque, ndohi kumba ta rka nrkedi man a gau, a ta co nzlembaƋ na a ndav. 24 Aman Yèsu, nenga'a a nfa gèƋ a tenga"a ɓai. Aman nenga'a a sen ta tèlèba. 25 Ko ndo ngiƋè a n'ngra na ɓai, a sun skwi man a zhè te ndav ndo.
1 Ndo ngiƋè a zhè, te va ndohi pharisie, nzlembaƋ na NicoƋème, ndo mbia'a a sam ndohi Juif. 2 Nenga'a a mshkè a sam Yèsu a vaƋ, a ngaƋa na: Rabbi, nga suna, ka ndo man Bi Zhiklè a zlindka ka aman ka jèngè nga. Nrkedi man ka gia'a, ndo ngiƋè a slaha ɓai, sèi man Zhiklè a zhè a sam na kla. 3 Yèsu a m'mbeƋa na a ma: A vava, a vava i gaƋa ka: Aman ndo a yákaƋi mɓua'a te Zhiklè ka ɓai, a slaha man a nrka kokwar-Bi-Zhiklè ɓai. 4 A NicoƋème a ngaƋa na: Ndo man nhala ma, a nyakaƋi mɓua'a Ƌè? A slaha a m'minè a deɓa a hwad mam na, a yi macecèwa'a za äe? 5 A Yèsu a ngaƋa na: A vava, a vava i gaƋa ka: Sèi ndo a yakadi a iyam a Mèzhèɓ Zhiklè, man ɓai aslahaa nƋèa kokwar-Bi-Zhiklè azɓai. 6 Skwi man a yaka te va ndo, ndo. Skwi man a yaka te Mézhèɓ Zhiklè, Mèzhèɓ. 7 Gar haha ka hur gèƌ ɓai, aman i gaƌa ka, sèi kin yakaƌi mɓua'a te Zhiklè te géƋè'a. 8 Kozlar a gi a sam man a woya'a. Ka tsena kuƋ nenga'a. Aman sam man a shkè te pa, ka sun ɓai, sam man a Ƌè a pa, ka sun ɓai. Lèmèlèmè ndo man a ya te Mèzhèɓ Zhiklè. 9 A NicoƋème a m'mbeƋa na a ma: Skwi haha a gi a nkèkèkè? 10 A Yèsu a m'mbeƋa na a ma: Ka ndo njèngè ma te kokwar lsrael, a ka sun ɓi Ƌè? 11 A vava, a vava i gaƋa ka, nga gèƋè skwi man nga suna, a nga ngrèƋè skwi man nga rka"a, a kin cè malwuƋi nga azɓai. 12 Kin cè a ndav azɓai, aman i ngreda kinè skwi nte herkeda haha, te deɓa'a aman i senda kinè skwi nte zhiklè, kin slaha kin cè a ndav Ƌè? 13 Ndo ngiƋè a Ƌè zhiklè azɓai, sèi ndo man a shkè te zhiklè, nenga'a Kra-ndo man a zhè te zhiklè. 14 Ara Moise a nzlatseda zhüzhok t'hèshèked, ta da zlècèƋè Kra-ndo. 15 Ko wawa man a cè nenga'a a ndav na, a ngècè nshèffè a mèƋèp. 16 Gar haha Zhiklè a woy herkeda a ndav na, a mva ta kra nenga'a, kra nenga'a staƋgenè, aman ko wawa man a nco nenga'a a ndav na, a zi azɓai, a n'ngotso nshèffè a mèƋèp. 17 Zhiklè a nzlündko kra nenga'a a herkeda, a ngi kita herkeda ka ɓai. A nzlündo, aman herkeda a mbèl na a gèƋ nenga'a. 18 Ko wawa man a nco a ndav na, ta ga na kita a gèƋ azɓai. Aman ko wawa man a nca a ndav ɓai, kita a zhè a gèƋ nenga'a ma, te man a nca nzlembaƋ kra Zhiklè, kra Zhiklè staƋgenè, a ndav na ɓai. 19 Na haha kita: skwi nhél. Sam a mshkè a herkeda, a ndohi ta woya ruva a fena skwi nhél sam, te man skwi man ta gau, ambaɓai. 20 Ndo man a gi skwi man ambaɓai, a woy skwi nhél sam ɓai, a Ƌè a sam nhela'a azɓai; man ɓai skwi man a gia'a a ngréƋè auda. 21 Aman ndo man a gi skwi nzura'a, nenga'a a Ƌè a sam nhela"a, a skwi man a gia'a, a shinè auda, te man a gau ara man Zhiklè a woya'a. 22 Te deɓ nasa Yèsu a golahi nenga'a to do a kokwar JuƋèe, a ta nza a pa, a nenga'a a ngu baptême. 23 Jean ba a ngu baptème te kokwar Enon, ndul ndul a kokwar Salim, aman te pa iyam kumba. A to Ƌo a pa, a Jean a n'nga ta baptême. 24 Ta gsa Jean a Ƌangi di ɓai. 25 Te va golahi Jean ngiƋè ta hüno a ta verslè a ndo Juif ngiƌè, a géƌ mpèn va. 26 A to do a sam Jean, a ta gaƋa na: Rabbi, ndo man a n'nza a sam ngaya te wud woyam Jourdain, nenga'a man ka ngra nga, anai a gi baptême, a ndohi tèlèba ta Ƌè a sam na. 27 Jean a m'mbeƋa ta a ma: Ndo a slaha a ngècè skwi azɓai, man Zhiklè a nva na ɓai. 28 Kinè a ri kinè ndohi malwuƋihi ga, aman i gaƋa kinè, i Kristi ka ɓai, ta zlindekayè a ma nenga'a genè. 29 Ndo man a ngots medemai, nenga'a ntsim na. Mandal ntsima a wuffè a vata, aman a tsena da'ai ntsima. Mwuffè ga aranta a zhè ma. 30 Sèi nenga'a da gra a gi a mbia'a a ma ma, iyè sèi i minèhi a hai a i gi a nkèshèa. 31 Nenga'a man a shkè te géƋè'a, a fena tèlèba. Ndo man a shkè t'herkeda, ndo herkeda, a gèƌè skwi nt'herkeda. Nenga'a man a shkè te zhiklè, a zhè a géƋ skwi tèlèba. 32 A ngreda skwi man a rka'a, a tsena'a; aman ndohi ta cè skwi malwuƋi nenga'a azɓai. 33 Aman ndo man a nco, a gi malwuƋai, Zhiklè nzura'a a vava. 34 Ndo man Zhiklè a zlündo, a gèƋè ma Zhiklè. Zhiklè a vi Mèzhèɓ na a livè azɓai. 35 Bab kra a woy kra na a ndav na, a mva na skwi tèlèba a ri nenga'a. 36 Ndo man a nco kra Zhiklè a ndav na, a n'ngotso nshèffè a mèƋèp. Ndo man a fí gèƋ a kra Zhiklè azɓai, a rkè nshèffè a di azɓai, aman Zhiklè a gi ndav a gèƌ nenga'a.
1 Aman Bai Yèsu a suna, ndohi pharisie ta gaƋa, golahi Yèsu ta zhè a vata, a n'nga ta baptême, a fena man a Jean. 2 Yèsu a ri na a n'nga baptême a ndo ɓai, sèi golahi nenga'a. 3 A Yèsu a njèkeda kokwar Judée, a m'men na a deɓa a kokwar Galilée. 4 CivèƋè'a a mbezda a ndev kokwar Samarie. 5 A mshkè a kokwar ngiƋè, nzlembaƋ na Sychar, te Samarie, ndul ndul a sam gi dau, man Jacob a va na Joseph, kra na. 6 Thal iyam Jacob a zhè. A Yèsu a n'ngeza a nshèwèlè, a n'nza a ma thal iyam, a géƋ pats. 7 A ngwoz ngiƋè a mshkè te kokwar Samarie, a mɓèl iyam. A Yèsu a ngaƋa na: Ɓedzay iyam, a i sia'a! 8 Golahi nenga'a ta kal ta a kokwar, a ta da shum skwi n'ndai. 9 A ngwoz Samarie a ngaƋa na: Ka dzhoƋo iyam te ri ga èhèmè? Ka ndo Juif, iyè, i ngwoz Samarie? (ndohi Juif ta humƋè a ndohi Samarie azɓai). 10 A Yèsu a m'mbeƋa na a ma: Aman agassa ka sun skwi man Zhiklè a vi a ndohai, a ka sun nenga'a man a gaƋa ka: Ɓedzay iyam a i sia'a, ar ka jhèƋè nenga'a, a nenga'a a nva ka iyam nshèffè. 11 A ngwoz a ngaƋa na: Bai, skwi man a ka kèl iyam a vna, azɓai; thal iyam nra a vata. Ka ngècè iyam nshèffè tema? 12 Ka fena Jacob, bab nga, man a va nga thal iyam haha Ƌè? Nenga'a a wudahi nenga'a, a skwi nenga'a, ta sau te pa. 13 A Yèsu a m'mbeƋa na a ma: Ndo man a si iyam haha, iyam a da dza na te deɓa'a za'a. 14 Aman ndo man a si iyam man i va na, iyam a da dza na te deɓa'a asaɓai a mèƋèp. Aman iyam man i via'a, a da gi te ndav nenga'a ara nlèlè iyam nshèffè man ahi a mèƋèp. 15 A ngwoz a ngaƋa na: Bai, vay iyama'a, aman iyam a da dzayè te deɓa'a asaɓai, a i shkè a deɓa asaɓai, aman i da ɓéj iyam. 16 A Yesu a ngaƋa na: Do, baba na baki ngaya, a kin shkè! 17 A ngwoz a m'mbeƌa na a ma: Baki ga azɓai! A Yèsu a ngaƌa na: Ka goƌ zura'a, baki ngaya azɓai. 18 Ko do a gi bakihi zlam, a nenga'a man ka te pa antanta, baki ngaya ka ɓai. Narsa, a vava. 19 A ngwoz a ngaƋa na: Bai, i rka, ka, ka ndo nhadka ma. 20 Babhi nga ta tsu ri a Zhiklè a géƋ za haha, a kinè, kin gaƋa sam ntsi ri Zhiklè a zhè te kokwar Jérusalem. 21 Yèsu a ngaƋa na: Ngwoz, co ma ga! Patsa'a a di a shkè, aman kin da tsi ri a Bab Zhiklè a géƌ za ka ɓai, te kokwar Jérusalem ka ɓai. 22 Kin tsi ri a skwi man kin sun ɓai. Aman nga, nga tsi ri a skwi man nga suna: skwi m'mbel ndo a shkè te ndohi Juif. 23 Aman patsa'a a shkè, ani a zhè ma, aman ndohi man ta tsi ri Zhiklè zura'a, ta tsi ri a Bab Zhiklè te Mèzhèɓ Zhiklè, a nzura'a. Aman Bab ga a woya a ta tsi ri arsa. 24 Zhiklè, Mèzhèɓ, a ndohi man ta woya a ta tsi ria'a, sèi ta tsi ria'a te Mèzhèɓ, a nzura'a. 25 Ngwoz a ngaƋa na: I suna, Messie a di a shkè, ta baba na Kristi. Aman nenga'a a da shkè ma, a da senda nga skwi tèlèba. 26 Yèsu a ngaƋa na: Nenga'a iyè, man nga gèƋè a ka, haha. 27 Teva man tagèƋè, golahi nenga'a ta shkè, a ta rzl ta: ta gaƌa ma mè a ngwoz haha? Aman ko staƋ a ndzhaƋa ɓai: ka njè na ma mè? 28 A ngwoz a njèkeda duzlak nenga'a, a ndo a kokwar, a ngaƋa ta ndohai: 29 Vowashkè, varka ndo ngiƋè man a gaƋayè skwi tèlèba man i gau. Nenga'a Kristi ka ɓi Ƌè? 30 A to do a sam na. 31 A golahi nenga'a ta tétika na skwi n'ndi a gèƋ a Yèsu, a ta tsa na rai: Rabbi, ndau! 32 Aman Yèsu a ngaƋa ta: I ngots skwi n'ndi man kin sun ɓai. 33 A golahi Yèsu ta goƌ a va ta: Ndo ngiƌè a ncko na skwi n'ndi Ƌè? 34 A Yèsu a ngaƋa ta: Na haha, skwi n'ndi ga, aman i gi skwi man ndo nzlindekayè a woya i gia'a, a i ndivè mizlinè nenga'a. 35 Kin gèƋè azɓi Ƌè? Na haha, njèkè ki faƋ, a ta da ɓicè skwai. Na haha, i gaƋa kinè: Vangul dai, a kin rka gi dau. Skwi n'nga ma, aman ta ɓicè'a antanta. 36 A ndo man a tsi dau, a ngècè skwi ntul na, a ɓicè skwi a nshèffè a mèƋèp. A ndo nzlekai, a ndo ntsi dau, ta wuffè a géƋè'a cèw ta ba. 37 Na haha ma nzura'a: Ndo ngiƋè a zlekia'a, ndo ngiƋè a ɓicè'a. 38 l zlinde kinè aman kin ɓicè skwai a sam man kin ga mizlinè a pa ɓai; ndohi ngiƋè ta gu mizlinè, a kin kèlè a géƋè'a. 39 A ndohi Samarie kumba te kokwar ta co Yèsu a ndav, a géƋ ma man ngwoz a gaƋa ta, man a n'ngreda ta: A ngaƋayè skwi tèlèba man i gau. 40 Aman ndohi Samarie ta shkè, ta tsu ria'a, aman a nzi a sam ta. A Yèsu a n'nza a sam ta m'mèn cèw. 41 A ndohi kumba ta co a ndav, a géƋ njèma nenga'a, a ta gaƋa na ngwoz: 42 Anai nga co Yèsu a ndav a géƋ ma ngaya genè ka ɓai. Aman nga ba, nga tsena, a nga suna a ri nga, nenga'a ndo m'mbel herkeda a vava. 43 Te deɓ m'mèn cèw a njèkeda kokwar, a ndo a kokwar Galilée. 44 Aman Yèsu a n'ngreda a ri na, a ngaƋa: Ta cè ma ndo nhadka ma te kokwar bab na azɓai. 45 Aman a mdo a kokwar Galilée, ndohi Galilée ta feda Yèsu a gai, aman ta rka skwi tèlèba man a gu te kokwar Jérusalem te ngolala. Tenga'a ba to do ngolala. 46 A Yèsu a mshkè a deɓa a kokwar Cana te Galilée, a sam man a ngwoda iyam a barassa. 47 Bigol bi ngiƋè a zhè, kra nenga'a mbelakaɓai te kokwar Capemaum. Nenga'a a ntsena'a, Yèsu a mshkè te kokwar Judée, a nƋè a kokwar Galilée, a ndo a sam na, a ntsu ria'a, aman a shkè, a ntakaha kra na. Skwa a ndza na a vata, a woy m'metsai. 48 A Yèsu a ngaƋa na: Aman kin rka skwi malwuƌi a nrkedi ɓai, kin cè a ndav azɓai! 49 A bigol bai a ngaƋa na: Bai, washkè, ga kra ga a metsai! 50 A Yèsu a ngaƋa na: Do, kra ngaya a zhè a nshèffè. A ndo matsa a nco ma Yèsu a ndav, a ndo. 51 Aman a ndo, a ta zli gèƋ a ɓèlèlihi nenga'a, a ta ngra na: Kra ngaya a zhè a nshèffè! 52 A nenga'a a ndzhoƋo: N'nga na dara a sam tèkè? A ta gaƋa na: Adatsa a géƌ pats, vogwa a va a ndal na. 53 A bab kra a suna, nasa sam man Yèsu a ngaƌa na: Kra ngaya a nzi a nshèffè. A nenga'a, a gi nenga'a tèlèba, ta co Yèsu a ndav. 54 Nasa nrkedi macecèwa'a, man Yèsu a gau, aman a shkè te kokwar Judée, a ndo a kokwar Galilée.
1 Te deɓa'a ndohi Juif ta gu ngolala. A Yèsu a ndo Jérusalem. 2 A ntamagi kokwar Jérusalem, man ta baba na ntamagi tambakhai, nhèyèva iyam a zhè a pa. Ta baba na a ma Hébreu, Béthesda. Ntamagi zlam a pa, 3 a ndohi matakwan kumba, ndohi mandazlai, ndohi vedal, ndohi man ta gwora ta zhèr aman iyam a giƋè va. 4 A pats ngiƌè, pats ngiƌè, gol Bi Zhiklè a shkèhai a sam nhèyèva iyam, a ngeda iyam. Aman iyam a giƋè va, ndo man a Ƌè a pa nshèlèkura'a, a mbél na, ko matakwan mèmè a n'nga na. 5 Ndo ngiƋè a zhè a pa, m'mana t'hai a matakwan, mvi 38 . 6 Aman Yesu a nrka'a, a ntsena'a, a m'mana t'hai n'nzi a zhè, a ngaƋa na: Ka woy a ka mbél ngaya te matakwan Ƌè? 7 Ndo matakwan a ngaƋa na: Bai, i ngatsa ndo man a ndyè a iyam ɓai. Aman iyam a Ƌè giƋè va, a i shkè, ndo ngiƋè n'ngelamay ma. 8 A Yèsu a ngaƋa na: SlambaƋa, co sam m'mènè ngaya, a ko do! 9 A nasa nasa ndo matsa m'mbela, a nco sam m'mènè na, a ndo. A pats nasa, pats nshèk va. 10 A ndohi Juif ta gaƋa na ndo man a mbel na: A patsna pats nshèk va, ambaɓai aman ka zhüɓ sam m'mènè ngaya. 11 A ndo matsa a ngaƋa ta: Nenga'a man a mbelyè, a ngaƋayè: Co sam m'mènè ngaya, a ko do! 12 A ta dzhoƋo: NgaƋa ka wa, ngaƋa ka, co sam m'mènè ngaya, a ko do, wa? 13 Aman ndo man m'mbela a sun ndo m'mbulo ɓai. A n'ngatsa Yèsu ɓai, a géƋ man ndohi kumba a sama'a. 14 Te deɓa'a Yèsu a n'ngots ndo matsa te gi Zhiklè, a ngaƋa na: Na haha, ka mbela ma, anai ka gu mali asaɓai! Man ka da gau, skwi mwuƋitpa holhola'a a da ga ka. 15 A ndo matsa a mdo, a n'ngreda ta ndohi Juif: Ndo man a mbelyè sa, nenga'a Yèsu. 16 A ndohi Juif ta pi va a Yèsu, a géƋ man a gu skwi ar haha a pats nshèk va. 17 A Yèsu a ngaƋa ta: Bab ga a gi mizlinè ani haha ba, a i ba i gi mizlinè. 18 A ndohi Juif ta woy maya aman ta keƋa'a holhola'a, a géƋ man a ngu mizlinè a pats nshèk va genè ka ɓai, aman a géƋ man a baba na Zhiklè Bab ga, a lèmƋè va na a Zhiklè. 19 A Yèsu a m'mbeƋa ta a ma: A vava, a vava, i gaƋa kinè: Kra a slaha man a gi skwi a ri na azɓai, ko staƋ. Sèi skwi man a rka, Bab na a gia'a. A skwi man nenga'a a gia'a, kra nenga'a ba, a gia'a. 20 A bab kra a woy kra nenga'a, a n'ngra na skwi tèlèba man a gia'a. A di a ngra na skwi mbia'a holhola'a, a kin da rzl kinè a pa. 21 Ara man Zhiklè a slèmbèƋƋè ndohi m'metsa'a, a va ta nshèffè, lèmèlèmè kra nenga'a, a vi nshèffè a ndo man a woya'a. 22 Zhiklè a gi kita a ndo azɓai. Aman kita tèlèba a fèda a ri kra, 23 aman ndohi tèlèba ta da slébèrƋè kra, ara man ta slébèrƋè Bab na. Ndo man a slébèrƋè kra azɓai, a slébèrƋè Bab na man a zlindkoƋa azɓai lèmèlèmè arsa. 24 A vava, a vava, i gaƋa kinè: Ndo man a tsena ma ga, a nco ma nenga'a man a zlindekayè a ndav na, a n'ngotso nshèffè a mèƋèp, a ngècè kita a gèƋ na azɓai, aman a ntsoko gèƋ na auda te m'mets'ai, a n'ndo a nshèffè. 25 A vava, a vava, i gaƋa kinè: Patsa a di a shkè, ani a zhè ma, aman ndohi m'metsa'a ta tsena da'ai kra Zhiklè. A tengahi man ta tsena'a, ta da nzi a nshèffè. 26 Ara man nshèffè a zhè te ri Baba'a, lèmèlèmè a mva na kra nenga'a, a nshèffè a zhè te ri na. 27 A mva na wuƋibai, aman a slaha a ngi kita, te man nenga'a Kra-ndo. 28 Kin hur gèƋ ɓai! Pats ngiƋè ndohi dzavihai tèlèba ta da tsena da'ai nenga'a. 29 A ta da shkè auda. Ndohi man ta gu skwi man amba, ta slambaƋkaƋauda a nshèffè. A ndohi man ta gu skwi man ambaɓai, ta slèmbèƋè a kita. 30 I slaha a i gi skwi a géƋ ga ɓai; i bèzlè kita, ara man i tsena'a. Kita ga nzura'a. I woy skwi ara man iyè i woya ka ɓai, aman skwi man nenga'a man a zlindekayè a woya'a. 31 Aman i goƋ a géƋ va ga, ar skwi man i ngreda kinè, skwi nzura ka ɓai. 32 Aman ndo ngiƋè a hodko kinè malwuƋi ga, a i suna, skwi man a ngreda kinè a géƋ ga, zura'a. 33 Kin zlündo ndo a sam Jean, a nenga'a a n'ngreda kinè ma zura'a. 34 I ngreda kinè ma ndo ka ɓai, aman i gaƋa kinè ma haha, a kin mbél kinè. 35 Nenga'a skwi nhél sam ndayndaya'a. A kin woy a kin wuffè n'nzi kètè a sam man a hela'a. 36 Aman ma malwuƋi ga a fena ma malwuƋi Jean. A mizlinè man Bab ga a mvayè man i gia'a, aman i ndeva'a, mizlinè sa a ngredyè a sam kinè, ara man Bab ga a nzlindekayè. 37 A Bab ga man a zlindekayè, a ngredyè a sam kinè. Kin tsena da'ai nenga'a ɓai, kin rka va nenga'a ɓai. 38 A ma nenga'a a nzi te ndav kinè azɓai, te man kin cè nenga'a man a zlündo, a ndav kinè ɓai. 39 Vawar te Ƌèlèwèr Zhiklè! Kin hur, kin ngècè nshèffè a mèƋèp te nenga'a. Nenga'a a ngredyè a sam kinè. 40 Kin woy a kin shkè a sam ga a kin ngècè nshèffè ɓai. 41 I woy aman ndohi ta slebardyè ɓai. 42 Aman i sen kinè, mwoy-ndo Zhiklè a te ndav kinè ɓai. 43 I shkè a nzlembaƋ Bab ga, a kin cyè ɓai. Aman ndo ngiƋè a shkè a nzlembaƋ na, kin da cè nenga'a. 44 Aman kin woy aman ndohi ta sle barde kinè, kin woya man a Zhiklè ka ɓai, ncè-a-ndav kinè mè? 45 Kin hur ɓai, i da pin kinè a sam Bab ga. Ndo ngiƌè a pin kinè, nenga'a Moise, man ndav kinè a zhèr skwi te ri nenga'a. 46 Aman kin co ma Moise a ndav kinè, ar agassa kin cyè ba; aman nenga'a a windo a géƌ ga. 47 Aman kin ca ƌèlèwèr nenga'a a ndav ɓai, kin cè ma ga a ndav kinè ƌè?
1 Te deɓa`a Yèsu a mdo a wud woyam mbia"a Tibériade, te Galilée. 2 A ndohi rèƋèƋèa ta dzodzora, te man ta rka nrkedai man a gu a sam ndohi matakwan. 3 Aman Yèsu a golahi nenga"a to do a géƋ za, a ta nzahi a pa. 4 Ndul ndul Pâque, ngolala ndohi Juif. 5 A Yèsu a n"ngul dai, a nrka ndohi ta haya a sam na, a ngaƋa na Philippe: Nga da shum skwi n"ndi ndohi haha tema? 6 Ma haha a goƋa, a woya a njkéƋè"a. Yèsu a sun skwi man a woya a ngia"a. 7 A Philippe a ngaƋa na: Ko skwi te di gozhèm cèw a ga ta ma azɓai. 8 StaƋ te va golahi nenga"a, nzlembaƋ na Andrè, kramam Simon Pierre, a ngaƋa na: 9 Kra ngiƋèazhèahaha, movarzlam aklèfcèw te rai. Aman a sam ndohi kumba, kala mè? 10 A Yèsu a ngaƋa ta: VagaƋa ta ndohi aman ta nzahai! Kuza kumba a sama"a. A ndohi 5 .000 ta nzahai. 11 Yèsu a nco movar, a nshüd gèƋ, a nkezla ta ndohi man ta nza t"hai. Lèmèlèmè klèf ba, a ta ndau a ta ngeza. 12 Aman a ngeza ía ma, Yèsu a ngaƋa ta golahi nenga'a: Vaɓica njèkèƋia'a, da ksar na ɓai! 13 A ta ɓica'a njekèƋi movar zlam, man ta ndaha, gaƋagar 12 . 14 Aman ndohi ta rka nrkedi haha, man Yèsu a gau, ta gaƋa: Nenga'a ndo nhadka ma, man ta gaƋa, a di a shkè a herkeda, a vava. 15 Aman Yèsu a rka, ta woy a ta shkè a ta gshè'a, a ta woy a ta fi a bai, a ndo na a deɓa a za za'a. Nenga'a a gèƋ na. 16 Adakwad golahi Yèsu to do a ma woyam, a to do ta a wurom, a ta shkè a wud woyam mbia'a a kokwar Capemaum. 17 VaƋ ma; Yèsu a mshkè a sam ta di ɓai. 18 A kozlar a ngai, a nslambaƌda iyam te woyam mbia'a. 19 A ta wurr wurom, a gi km 5 , a ta rka Yesu, man a shkè a gèƋ iyam, ndul ndul a ma wurom, a ta gu zlau. 20 A Yèsu a ngaƋa ta: I zhè! Kin gu zlau ɓai! 21 A ta woy a ta cè a wurom, a nasa nasa wurom a ndikè a dzah. 22 Te mangoslèma`a, ndohi nhaya'a te wud woyam, a dzah, ta rka wurom ngiƌè ɓai, sèi man a golahi Yèsu, man ta shkè a vna. Ta suna, a ta gaƌa. Yèsu to do te pa a golahi nenga'a ɓai. Sèi golahi nenga'a man to do a vna. 23 Te deɓa'a wuromhi ngiƋè ta shkè te kokwar Tibèriade, ndul ndul a sam man ta ndau movar, te deɓ nshid gèƋ Bai Yèsu. 24 Aman ndohi ta rka'a, Yèsu azɓai, a golahi nenga'a t'azɓai, tenga'a ba to do a wuromhai, a ta shkè a kokwar Capemaum, a ta hèsh Yèsu. 25 Aman ta ngotso t'wud woyam mbia"a, tagaƋa na: Rabbi, ka shkè haha a ngèmè? 26 A Yèsu a m"mbeda ta a ma: A vava a vava i gaƋa kinè, kin woy iyè a gèƋ man kin rka nrkedi ka ɓai, aman a géƋ man kin ndau movar man a ngeza kinè. 27 Kin gu mizlinè a gèƋ skwi n"ndi man a di a géƌèsh na ɓai, aman a gèƋ skwi man a va kinè nshèffè a mèƋèp, nenga'a man Kra-ndo a di a va kinè, Kra-ndo man Zhiklè, Bab na, a tsoko na va, 28 A ta gaƋa na: Nga da gi be kè, aman nga gi mizlinè Zhiklè? 29 A Yèsu a m'mbeƋa ta a ma: Na haha mizlinè Zhiklè, aman kin cè nenga'a man Zhiklè a zlündkoda, a ndav kinè. 30 A ta gaƋa na: Ka ngra nga nrkedi mè, a nga ce ka a ndav? Ka gi mè? 31 Bababhi nga ta ndau manna t'hèshèkèƌ, ara man ta windo te ƌèlèwèr Zhiklè: A mva ta movar te zhiklè. 32 Yèsu a ngaƋa ta: A vava, a vava, i gaƋa kinè, Moise a mva kinè movar te zhiklè ka ɓai. Aman Bab ga a va kinè skwi n'ndi zura'a te zhiklè. 33 Nasa movar Zhiklè, man a shkèhi te zhiklè, a va ta nshéffè a ndohi herkeda. 34 Ta gaƋa na: Bai, vanga movar haha pèc pècèk! 35 Yèsu a ngaƋa ta: Iyè movar nshèffè. Ko wawa man a shkè a sam ga, mi a da keƋa'a te deɓa'a azɓai; ko wawa man a cyè a ndav na, iyam a da dza na te deɓa'a azɓai. 36 Aman i gaƋa kinè, kin rkayè, aman kin cyè a ndav ɓai. 37 Ndohi tèlèba man Bab ga a payè, ta shkè a sam ga. Ko wawa man a shkè a sam ga, i ckoƋauda azɓai. 38 I shkè te zhiklè, a i gi skwi ara ndav ga man a woya ka ɓai. I shkè, aman i gi skwi man nenga'a man a zlindekayè a woya'a. 39 Nasa skwi man nenga'a man a zlindekayè a woya'a: aman te va ndohi tèlèba man a payè, ko staƋ i zhiƋè azɓai, aman i slambaƋde ta a pats n'ndikèma skwai. 40 Aman nasa skwi man nenga'a man a zlindekayè a woya'a. Aman ko wawa man a rka kra na, a cè nenga'a a ndav na, a ngècè nshèffè a mèƋèp, a i slambaƋda a pats n'ndikèma skwai. 41 A ndohi Juif ta gu ma a géƋ ma nenga'a, man a gaƋa: Iyè movar man a shkèhai te zhiklè. A ta gaƋa: 42 Nenga'a Yèsu, kra Joseph, man nga sun bab na, a mam na, ka ɓi Ƌè? A gaƋ haha mè, man a gaƋa: I shkèhai te zhiklè? 43 A Yèsu a m'mbeƋa ta a ma: Kin gu ma a va kinè ɓai! 44 Ndo ngiƋè a slaha a nshkè a sam ga azɓai, sèi man Bab ga man a zlindekayè a vütkoƋa, a i slèmbèƋè nenga'a a pats n'ndikèma skwai. 45 Ta windo te Ƌèlèwèr ndohi nhadka ma: Zhiklè a slebda ta tèlèba. Ndo man a tsena ma Zhiklè, a shinƋè ma nenga'a, nenga'a a shkè a sam ga. 46 A géƌ man ndo a rka Bab ga a di ɓai. Sèi nenga'a man a shkè te Bi Zhiklè, nenga'a a rka Bab na a di na. 47 A vava, a vava, i gaƋa kinè: Ko wawa man a co a ndav na, a n'ngotso nshèffè a mèƋèp. 48 Iyè movar nshèffè. 49 Bababhi kinè ta ndau manna t'hèshèkèd, a ta bazl ta. 50 Na haha movar man a shkèhai te zhiklè. Ndo man a ndia'a, a metsi azɓai. 51 Iyè movar a nshèffè te pa, man a shkèhai te zhiklè. Ndo man a ndi movar haha, a nzi a nshèffè a mèƋèp. A movar man i va na, zluèƋ va ga, man i vi a géƋ nshèffè ndohi herkeda. 52 A ndohi Juif ta gu ndzoan a va ta, a ta gaƋa: Nenga'a a slaha a va nga zluèƋ va na, aman nga ndia'a Ƌè? 53 A Yèsu a ngaƋa ta: A vava, a vava, i gaƋa kinè: Aman kin ndi zluèƋ va Kra-ndo azɓai, kin si pombaz va nenga'a azɓai, kin ngècè nshèffè te ndav kinè azɓai. 54 Ndo man a ndi zluèƋ va ga, a si pombaz va ga, a n'ngotso nshèffè a mèƋèp, a i da slambaƋdeko nenga'a auda a pats n'ndikè ma skwai. 55 Zluèd va ga, skwi n'ndi nzura'a; pombaz va ga, skwi nsi nzura'a. 56 Ndo man a ndi zluèƋ va ga, a si pombaz va ga, a nzi te iyè, a iyè i nzi te nenga'a. 57 Ara man Bab ga, man a zhè a nshèffè, a zlindekayè, a i nzi a nshèffè man a Bab ga, lèmèlèmè ko wawa man a ndi zluèƋ va ga, a nzi a nshèffè a géƋ ga. 58 Na haha movar man a shkèhai te zhiklè. Ara man a bababhi kinè ka ɓai, man ta ndau, a ta bazl ta. Ndo man a ndi movar haha, a nzi a nshèffè a mèƋèp. 59 Ma haha a njè ta te gi njèngè ma Zhiklè te kokwar Capemaum. 60 Golahi nenga'a kumba, man ta tsena'a, ta gaƋa: Na haha ma mwuƋitpa, nslaha man a ncinè'a wa? 61 Aman Yèsu a sun te ndav na, golahi nenga'a ta gu ma a géƋ ma haha, a ngaƋa ta: Ma haha a slafaƋama kinè sak Ƌè? 62 Aman te deɓa'a kin da rka Kra-ndo, man a Ƌè deɓa a sam man a shkè te pa, kè? 63 Sèi Mèzhèɓ Zhiklè a vi nshèffè. Zluèd-va-ndo, skwi ambalai. Ma man i gèƋè'a, nenga'a Mèzhèɓ Zhiklè a nshèffè. 64 Aman ndohi tsaƋ tsaƋ ta zhè te ndev kinè, ta cè a ndav azɓai. Te nhinkaƋ na Yèsu a sen ta ndohi man ta da cè a ndav azɓai, a ndo man a da ga na ri a gèƋ. 65 A ngaƋa ta: Gar haha i gaƋa kinè: Ndo ngiƋè a slaha a nshkè a sam ga azɓai, sèi Bab ga a va na civèƋ. 66 Te deɓ nasa golahi nenga'a kumba ta men ta a deɓa, a ta dzadzara te deɓa asaɓai. 67 A Yèsu a ngaƋa ta 12 : Kinè ba, kin woy a kin min kinè a deɓa Ƌè? 68 A Simon Pierre a ngaƋa na: Bai, nga Ƌè a sam ngè? Ka ngots ma nshèffè a mèƋèp. 69 A nga co a ndav nga, a nga suna, ka, ka ndo nkezla'a man a shkè te Bi Zhiklè. 70 Yèsu a ngaƋa ta: I par kinè 12 ka ɓi Ƌè? StaƋ te va kinè, nenga'a ndo madzagai. 71 A ngoƋ ma a géƌ Judas Iscariot, kra Simon, nenga'a man te deɓa a n'nga na ri a gèƋ. Nenga'a staƋ te va 12 .
1 Te deɓa'a Yèsu a nsawala, a nsawala te kokwar Galilée, a woya a nshèwèlè te kokwar Judée ɓai. A gèƌ man ndohi Juif ta woy a ta keƌa'a. 2 Ndul ndul ar ngolala ndohi Juif, ngolala man ta gia te goƋzovok. 3 A kramamhi nenga'a ta gaƋa na: SlambaƋa, a ko do a kokwar Judée, a golahi ngaya ba ta rka mizlinè man ka gia'a. 4 Ndo a nghéƋè skwi na azɓai man a woy ndohi ta shinè'a. Aman ka gu ar haha, ngreda va ngaya auda a sam ndohi herkeda! 5 Aman kramamhi nenga'a ba, ta ca a ndav ɓai. 6 A Yèsu a ngaƌa ta: Tiƌè sam man a ga di ka ɓai; aman a kinè tiƌè sama ma. 7 Herkeda a slaha a ngi shèwa a kinè ɓai, aman nenga'a a gi shèwa a iyè, te man i ngreda mizlinè nenga'a man ambaɓai, auda. 8 Vodo ngolala sa ar kinè! Iyè, i woy a i Ƌè ɓai; tiƌè sam man a ga di ka ɓai. 9 Aman a ngaƌa ta ma haha, a n'nze na a deɓa a kokwar Galilée. 10 Aman kramamni nenga'a to do a pa ma, nenga'a ba a mdo. Aman a sam di ndohi ka ɓai, a mdo a metsar. 11 A ndohi Juif ta woya'a a sam ngolala, a ta gaƋa: Na tema? 12 A ta goƋ ma a metsar ruɓruɓruɓa'a te ndev nhèyè ndo. Matrhia'a ta gaƋa: Nenga'a ndo man amba; ndohi ngiƋe ta gaƋa: Azɓai, nenga'a ndo nzlèkèƋè ndo. 13 Aman ko staƋ a ngadka ma a géƋ nenga'a auda zura bai. Ta gu zlau ndohi Juif. 14 Te ndev ngolala, Yèsu a mdo a gi Zhiklè, a nsenda ta. 15 A ndohi Juif ta rzl ta, a ta gaƌa: Nenga'a a sunko ƌèlèwèr Zhiklè tema? Ta jènga na ɓai. 16 A Yèsu a m'mbeƋa ta a ma: Njèma haha, a ga ka ɓai, aman a nenga'a man a zlindekayè. 17 Ndo man a woya a ngi skwi ara man nenga'a a woya'a, a slaha a nƋèlè'a: Njèma haha a shkè te Zhiklè Ƌè, Ƌè i goƋ te ma ga Ƌè? 18 Ndo man a gèƋ ma a gèƋ va na, a woya a njégèr va na. Aman ndo man a woya n'njèl nenga'a man a zlindekayè, nenga'a ndo nzura'a, ncèkèlma a te nenga'a ɓai. 19 Moise a mva kinè ma kita Zhiklè ɓi ƌè? Aman ko staƌ te ndev kinè a gi ara man ma kita Zhiklè a goƌo ɓai. Kin woy a kin keƌyè èhèmè? 20 A ndohi ta gaƌa: Madzagi a ga ka. A woya a nkeƌ ka wa? 21 A Yèsu a m'mbeƌa ta a ma: I gu nrkedi staƌ, a kin rzl kinè a géƌé'a tèlèba. 22 Gar haha Moise a mva kinè ma n'ngèl ngwon. Ma n'ngél ngwon a shkè te Moise ka ɓai, aman te bababhai. A kin ngel ngwon ndo a pats nshèk va. 23 Aman ndo a cè n'ngél ngwon a pats nshèk va, a gi a géƌ man a jèjèr ma kita Moise—kin gi ndav a géƌ ga, aman i mbela ndo dzafdzafa'a a pats nshèk va èhèmè? 24 Vagu kita, a nƌèl ndo te di ka ɓai; aman vagu kita zura'a! 25 Ndohi tsaƋ tsaƋ te kokwar Jérusalem ta gaƋa: Ndo haha ndo man ta woy a ta keƋa'a ka ɓi Ƌè? 26 Na haha, a njè ma a sam di ndohai, a ta gaƋa na ɓai. Ndohi nga mbibihia'a ta sun antanta a vava, nenga'a Kristi Ƌè? 27 Aman nga sun sam man nenga'a a shkè te pa. Aman Kristi a shkè, ndo a sun sam man a shkè te pa ɓai. 28 A Yèsu a mboho a wuƋai te gi Zhiklè, a njè ta, a ngaƋa: A vava, kin senyè, a kin sun sam man i shkè te pa. I shkè a ri ga ka ɓai. Nenga'a man a zlindekayè, nenga'a nzura'a; aman kin sun nenga'a ɓai. 29 Aman iyè, i sun nenga'a, te man i shkè te nenga'a. Nenga'a a nzlindekayè. 30 A ta woy a ta gshè'a. Aman ndo a nlama na ɓai. Tiƌè sam man a nenga'a di ka ɓai. 31 Aman ndohi te va nhèyè ndo kumba ta co a ndav, a ta gaƋa: Aman Kristi a shkè, a slaha a ngi skwi malwuƋihi a fena na haha Ƌè? 32 A ndohi pharisie ta tsena'a, aman ndohi ta goƋ ruɓruɓruɓa'a a géƋ nenga'a. A ndohi pharisie a ndohi mvi skwi a Zhiklè mbibihia'a ta zlinde ta golahi tenga'a, aman ta gshè' a. 33 A Yèsu a ngaƋa ta: I nzi a sam kine kètè dai; te deɓa'a i Ƌè a sam nenga'a man a zlindekayè. 34 Kin da woyè, aman kin da ngatsyè azɓai. A sam man iyè, i zhè a pa, kin slaha kin Ƌè a pa ɓai. 35 A ndohi Juif ta goƋ a va ta: Nenga'a a da Ƌè ma, a nga ngècè azɓai? A woya man a Ƌè a sam ndohi man ta venda gèƋ ta, a sam ndohi Grec, a njè ta ndohi Grec Ƌè? 36 Naha ma mè, aman a gaƋa: Kin da woyè, a kin da ngatsyè azɓai, a sam man iyè, i zhè a pa, kinè, kin slaha kin Ƌè a pa ɓai? 37 A pats ndiv ngolala n'nƋuzo'a, Yèsu a nzlatsa, a mboho, a ngaƋa: Ko wawa man iyam a dza na, da shkè a sam ga, a nsia'a! 38 Ko wawa man a cyè a ndav na, ara Ƌèlèwèr Zhiklè a gaƋa, te va nenga'a woyamhi a iyam nshèffè a ta hai. 39 Ma haha a goƋ a géƋ Mèzhèɓ Zhiklè, man ndohi man ta co a ndav, a di ta ngècè'a. Aman Mèzhèɓ Zhiklè nkezla'a a nshkè di ɓai, te man n'njèl Yèsu n'ngreda audc, di ɓai. 40 Ta kumba te ndev ndohai, aman ta tsena ma haha, ta gaƋa: Nenga'a ndo nhadka ma a vava. 41 Ndohi ngiƋè ta gaƋa: Nenga'a Kristi. Ndohi ngiƋè ta gaƋa: Kristi a shkè te kokwar Galilée Ƌè? 42 Ɗèlèwèr Zhiklè a ngaƋa ɓi Ƌè, Kristi a shkè te tser David, te Bethléhem, kokwar man David a nza a pa? 43 Gar haha ndohi ta kezla'a, a géƌ nenga'a. 44 Aman ndohi tsaƌ tsaƌ ta woy a ta gshè'a. Aman ndo a nlama na ɓai. 45 A golahi ndohi mvi skwi a Zhiklè mbibihia'a a ndohi pharisie ta shkè, a tenga'a ta gaƋa ta: Kin ckoƋa azɓi èhèmè? 46 A golahi ta gaƋa: Ndo ngiƋè a ngoƌ ma ara nenga'a ɓai, ko hala'a. 47 A ndohi pharisie ta gaƋa ta: Kinè ba kin zlak kinè Ƌè? 48 Ndo mbia'a te va ndohi pharisie, man a nco a ndav, ngiƋè a zhi Ƌè? 49 Sèi ndohi man ta sun ma kita Zhiklè ɓai, ta phoma. 50 A NicoƋème, man a shkè a sam Yèsu a vaƋ, staƋ te va tenga'a, a ngaƌa ta: 51 Ma kita nga a ga na kita a gèƌ ndo ƌè, man ta tsena ma nenga'a, a ta rka mizlinè nenga'a ɓai. 52 A ta mbeƋa na a ma: Ka ba, ka ndo Galilée Ƌè? Ndo nhadka ma a mshkè auda te kokwar Galilée ɓai, ko staƋ. 53 Te deɓa'a ndo staƋ staƋ a ndo na ngwai.
1 A Yèsu a mdo a za oliviers. 2 A prèk te gai a mshkè a deɓa a gi Zhiklè, a ndohi tèlèba ta shkè a sam na. A Yèsu a n'nzahai, a nsenda ta. 3 A ndohi malamhai, a ndohi pharisie, ta cko ngwoz ngiƋè a sam na, man ta gso a géƋ mphömè, a ta fèda a ndev nhèyè ndo, 4 a ta gaƋa na Yèsu: Ngwoz haha, nga gskoƋai a géƋ mphömè antanta. 5 Moise a ngaƋa nga te ma kita Zhiklè, ndo man a gu aranta, nga keƋa'a a kwa. Ka gaƋ ar ka kè? 6 Ma haha ta gaƋa na, aman ta jkeda'a. Ta woy maya aman ta pinè'a. A Yèsu a nguɓda deɓa a hai, a mwinƋè t'herkeda a rai. 7 Aman ndohi ta jhèƋè genè, ta jèka ɓai. A nenga'a a nslambaƋda deɓa, a ngaƋa ta: Ndo man a zhè te ndev kinè, man mali na azɓai, da co kwa, da kolo nshèlèkura'a. 8 A Yèsu a nguɓda deɓa a hi za'a, a mwinƋè t'herkeda. 9 A ndohi man ta tsena ma nenga'a, to do ta, ngiƌè a jèjèr ngiƌè te deɓa, ngiƌè a jejèr ngiƌè te deɓa, a hüno te ndohi nhala'a. A ta jèkeda Yèsu a ngwoz matsa a pa a géƌ ta. 10 A Yèsu a nslambaƌda deɓa, aman a rka ndo ngiƌè ɓai, a ngaƌa na ngwoz: Ngwoz, ta tema? Ko ndo staƋ a ga ka kita a gèƋ azɓi Ƌè? 11 A ngwoz a ngaƋa na: Bai, ko staƋ ba. A Yèsu a ngaƋa na: Anai ko iyè, i ga ka kita a gèƌ azɓai. Do ngaya! Aman te deɓ nta ka da gu mali asaɓai! 12 A Yèsu a ngaƋa ta za'a: Iyè, skwi nhél sam herkeda. Ko wawa man a dzadzarkayè, a Ƌè te ruva azɓai, aman a ngècè skwi nhèl sam nshèffè. 13 A ndohi pharisie ta gaƋa na: Ka ngreda va ngaya auda a ri ngaya. MalwuƋi ngaya haha nzura ka ɓai. 14 A Yèsu a m'mbeƋa ta a ma: Aman i ngreda va ga auda a ri ga, malwuƋi ga nzura'a. Aman i sun sam man i shkè te pa, a i sun sam man i Ƌè a pa. Kinè, kin sun sam man i shkè te pa a sam man i Ƌè a pa ɓai. 15 Kin gi kita ara ndohi herkeda; iyè i gi kita a ndo azɓai. 16 Aman agassa i gi kita, kita ga nzura'a. Aman iyè a géƌ ga ka ɓai. Aman nga a Bab ga, man a zlindekayè. 17 Te ma kita kinè, ta windo. Aman malwuƋi ndohi cèw, malwuƋr nzura'a. 18 Iyè, i gi malwuƋi va ga a ri ga, a Bab ga man a zlindekayè a gi malwuƌi ba. 19 A ta gaƋa na: Bab ngaya tema? A Yèsu a ngaƋa ta: Kin senyè ɓai, kin sun Bab ga ɓai. Aman agassa kin senyè, ar kin sun Bab ga ba. 20 Ma haha Yèsu a ngaƋa ta a sam koti sulai, man ta cèkèlè suli a Zhiklè. A njè ta ma te gi Zhiklè, aman ta gsa ɓai, ko staƋ, te man tiƋè sam man a nenga'a di ka ɓai. 21 A Yèsu a ngaƋa ta za'a: A di i Ƌè ga, a kin hassyè te deɓa'a, a kin metsi kinè te mali kinè. A sam man i Ƌè a pa, kin slaha kin Ƌè a pa ɓai. 22 A ndohi Juif ta gaƋa: A woya a nkeƌa va na a ri na ƌè? Aman a gaƋa: A sam man i Ƌè a pa, kin slaha kin Ƌè a pa ɓai. 23 A Yèsu a ngaƋa ta: Kinè, kin shkè te goƋok; aman iyé, i shkè te géƌè'a. Kin shkè t'herkeda haha; iyè, i shkè t'herkeda haha ka ɓai. 24 Gar haha i gaƋa kinè, kin da metsi kinè te mali kinè. Aman kin cè a ndav kinè ɓai, i nenga'a, kin da metsi kinè te mali kinè. 25 A ta gaƋa na: Ka wa? A Yèsu a ngaƋa ta: l nenga'a man i gaƋa kinè ma. 26 Ma ga a zhè kumba, man i gèƋè a gèƋ kinè, a kita a zhè man i bazla kinè a gèƋ. Aman nenga'a man a zlindekayè, nenga'a nzura'a, a skwi man i tsena te nenga'a, i gaƋa ta ndohi herkeda. 27 Aman nenga'a a njè ta ma Bab na, ta sun ɓai. 28 A Yèsu a ngaƋa ta: Aman kin da zlatseda Kra-ndo ma, kin da senyè; a kin da suna, i gi skwi a ri ga azɓai, sèi i gèƋè'a ara man Bab ga a sendayè. 29 A nenga'a man a zlindekayè a zhè a sam ga. A jèkyè a pa a géƋ ga azɓai, te man i gi skwi man ambaba pèc pècèk. 30 Aman a goƋ ma haha, ndohi kumba ta co a ndav. 31 A Yèsu a ngaƋa ta ndohi Juif, man ta co a ndav: Aman kin nzi te ma ga, kinè golahi ga a vava. 32 A di kin da shin ma nzura'a, a ma nzura'a a da pra kinè auda. 33 A ta gaƋa na: Nga verzi Abraham, nga ɓèl ndo ka ɓai, ko hala'a. Ka gaƌ kè, a da pre kinè auda? 34 A Yèsu a ngaƋa ta: A vava, a vava, i gaƋa kinè. Ndo man a gi malai, nenga'a ɓèl malai. 35 Ɓèlè a nzi te gi a mèƋèp azɓai. Kra ngwai a nzi a mèƋèp. 36 Aman kra Zhiklè a pre kinè auda, kin pra'a a vava. 37 í suna, kinè verzi Abraham. Aman kin woy maya a kin kedyè, a gèƋ man ma ga ambaba kinè ɓai. 38 l gèƋè ara man i rka skwi a sam Bab ga. Lèmèlèmè kinè gi skwi ara man kin tsena te ma bab kinè. 39 Ta mbeda na a ma: Abraham bab nga. A Yèsu a m'mbeƋa ta a ma: Aman kinè wudahi Abraham, kin gi mizlinè Abraham ba. 40 Aman antanta kin woy a kin kedye, i ndo njè kinè ma nzura'a, ma nzura'a man i tsena a sam Zhiklè. Abraham a n'nga ar haha ɓai. 41 Kin gi mizlinè bab kinè. A ta gaƋa na: Nga wud ndo a dala ambali ka ɓai. Bab nga staƋgenè, Zhiklè. 42 A Yesu a ngaƋa ta: Aman agassa Zhiklè Bab kinè, ar kin woy iyè a ndav kinè. I shkè te Bab Zhiklè, i shkè a ri ga ka ɓai. Aman nenga'a a nzlindekayè. 43 Kin tsena ngèƋè ga ɓi èhèmè? Aman kin slaha kin tsena ma ga ɓai. 44 Kinè wudahi bi madzagai, bab kinè, a kin jèjèr ntètèkè nenga'a. Nenga'a ndo nkede ndo te nhinkaƋ na, a nzi te ma nzura'a azɓai, a ma nzura'a a te ndav na ɓai. Aman a cèkèlma, di man a na. Nenga'a ndo ncèkelma, bab ncèkèlma. 45 Aman iyè, aman i gaƋa kinè ma nzura'a, kin cè ma ga azɓai. 46 Ndo wa te ndev kinè, man a slaha a ngray mali ga? Aman i gaƋa kinè ma nzura'a, kin ciyè a ndav kinè azɓai èhèmè? 47 Ndo man ndo Zhiklè, a tsena ma Zhiklè. Gar haha kin tsena ɓai, te man kinè ndohi Zhiklè ka ɓai. 48 A ndohi Juif ta mbeƋa na a ma: Nga goƋ a vava ka ɓi Ƌè, ka ndo Samarie, madzagi a ga ka! 49 A Yèsu a ngaƋa ta: Madzagi a gay azɓai; aman i slébèrƋè Bab ga, a kin derƋyè. 50 l woya n'njèl ga ka ɓai. Aman ngiƋè a zhè man a woya'a, a nenga'a a gi kita. 51 A vava, a vava, i gaƋa kinè: Ndo man a fi gèƋ a ma ga, a rkè m'metsi a di azɓai a mèƋèp. 52 A ndohi Juif ta gaƋa na: Antanta nga suna, madzagi a ga ka. Abraham a m'mets na, ndohi nhadka ma ta bazl ta; a ka gaƋa: Ndo man a fí gèƋ a ma ga, a di a tèr m'metsi azɓai a mèƋèp. 53 Ka fena Abraham, bab nga, man a mets na Ƌè? A ndohi nhadka ma ba ta bazl ta. Ka fu va ngaya a wa? 54 A Yèsu a ngaƋa ta: Aman i nzala va ga a ri ga, n'njèl ga skwi ambalai. Aman Bab ga a nzalyè, nenga'a man kin baba na Zhiklè kinè. 55 Kin sun nenga'a ɓai. Aman iyè, i sun nenga'a. Aman i gaƋa: I sun nenga'a ɓai, i ndo ncèkèlma, lèmèlèmè ara kinè. Aman i sun nenga'a, a i fí gèƋ a ma nenga'a. 56 Abraham bab kinè a wuffè a vata, a géƋ man a di a rka pats ga. A nenga'a a nrka ma, a wuffè ma. 57 A ndohi Juif ta gaƋa na: Mvi ngaya az 50 di ɓai, a ka rka Abraham ma Ƌè? 58 A Yèsu a ngaƋa ta: A vava, a vava, i gaƋa kinè: Aman Abraham az di ɓai, i zhè ar iyè ma. 59 A ta por kwa, a ta kèlè'a. Aman Yèsu a ngheda va na, a mdo auda te gi Zhiklè.
1 Aman Yèsu a Ƌè a civèƋ, a rka ndo mandazlai, daga nyakaƋ na. 2 A golahi nenga'a ta dzhoƋo, a ta gaƋa: Rabbi, ngu mali haha wa, aman ta yu nenga'a mandazlai: Nenga'a Ƌè, bab na Ƌè, mam na Ƌè? 3 A Yèsu a ngaƋa: Ko nenga'a, ko mam na, ko bab na, ta ga mali ɓai. Nenga'a mandazlai, a skwi man Zhiklè a gia'a, a ngréƋè auda a sam na. 4 Sèi nga gi mizlinè nenga'a man a zlindekayè, aman pats ani a zhè dai. VaƋ a shkè, aman ko ndo staƋ a slaha a ngi mizlinè ɓai. 5 Aman i zhè t'herkeda, i skwi nhél sam herkeda. 6 Aman a goƌ ma haha, a njfeda slèslèɓ a herkeda, a mbsoma'a, a míaƌa na a di mandazlai ara madzaf, 7 a ngaƌa na: Do a sam nhèyè va iyam Siloé (ara ngèƋè: ta zlündo) a ka pana di ngaya! A nenga'a a mdo, a mpana di na, a mshkè a deɓa, a rka di ma. 8 A nslamagihi nenga'a, a ndohi man ta rka'a hala'a ndo njhèƌè skwai, ta gaƌa: Na haha ndo man hala'a a nza t'hai, a jhèƌ skwi ka ɓi ƌè? 9 Ndohi ngiƌè ta gaƌa: Nenga'a. Ndohi ngiƌè: A'ai, ngal ta va. Aman nenga'a a ri na a ngaƌa: I nenga'a. 10 A ta gaƌa na: Di ngaya a mwin na nkèkè? 11 A nenga'a a ngaƋa: Ndo ngiƋè, nzlembaƋ na Yèsu, a mbsoma herkeda, a mfaƋay a di ga, a ngaƋa: Do a sam nhèyè va iyam Siloé, a ka pana di ngaya! 12 A i do, a i pana di ga, a i rka di ma. A ta gaƋa na: Nenga'a tema? A ngaƋa: I sun ɓai. 13 A ta da ndo man a matsa mandazlai, a sam ndohi pharisie. 14 A pats man Yèsu a mbsoma herkeda, man a winè di ndo mandazlai, pats nshèk va. 15 A ndohi pharisie ta dzhoƌo za'a: Di ngaya mwin na nkèkè? A nenga'a a ngaƌa ta: A mbsoma herkeda, a mfaƌay a di ga, a i pana di ga, a i rka di ma. 16 A ndohi pharisie tsaƌ tsaƌ ta gaƌa: Ndo sa a shkè te Zhiklè ka ɓai, aman a hèr pats nshèk va azɓai. Tenga'á ngiƌè ta gaƌa: Ndo malai a slaha a ngi nrkedi arsa ƌè? A ta kezla'a. 17 A ta gaƌa na ndo mandazlai: Ka gaƌ kè, a gèƌ ndo mwinè di ngaya? A nenga'a a ngaƌa: Nenga'a ndo nhadka ma. 18 A ndohi Juif ta ca ɓai, a ta gaƌa: Nenga'a man antanta a rka dai, hala'a ndo mandazlai ka ɓai. A ta baba na mam na a bab na. 19 A ta dzhoƋo, a ta gaƋa: Na haha kra kinè, man kin gaƋa ndo mandazlai te nyakaƌ na ƌè? A gu kè aman a rka dai? 20 A bab na a mam na ta mbèƌa ta a ma: Nga suna, nenga'a kra nga, te nyakaƌ na mandazlai. 21 A gèƌ man a rka di antanta a haha, a ndo man a wina na di haha, nga sun ɓai. Aman nenga'a ngra ma, vodzhoƋo a sam na! Sèi nenga'a da ngra kinè! 22 Bab a mam na ta goƋ arsa, a gèƌ man ta gi zlau ndohi Juif. Aman ndohi Juif ta tsomma, ko wawa man a gaƌa: nenga'a Kristi, ta dzomkodauda te gi njèngè ma Zhiklè tenga'a. 23 A géƌ nasa bab na a mam na ta gaƋa: Nenga'a ngra ma, vodzhoƋo a sam na! 24 A ta baba na ndo man a matsa mandazlai za'a, a ta gaƋa na: GoƋ skwi zura'a a sam di Zhiklè! Nga suna, ndo sa ndo malai. 25 A nenga'a a m'mbeƋa ta a ma, a ngaƋa: Gar nenga'a ndo malai, i sun ɓai. Skwi staƋ i sun a vava: Adatsuta i mandazlai, anai i rka di ma. 26 A ta gaƋa na za'a: A ga ka mè? A mwina ka di ngaya kè? 27 A nenga'a a ngaƌa: I gaƌa kinè antanta ma, kin tsena ɓi ƌè? Kin woy a kin cinè za'a èhèmè? Kinè ba, kin woy a kin ndi a golahi nenga'a Ƌè? 28 A ta ga na ndzoan a vata, a ta gaƋa na: Ka gol nenga'a! Aman nga, nga golahi Moise. 29 Nga suna, Zhiklè a ngaƋa na Moise. Aman sam man ndo haha a shkè te pa, nga sun ɓai. 30 A ndo mandazli a matsa a m'mbeƋa ta a ma: Nenga'a a mwinay di ga. N'nga kinè mè, aman kin sun sam man a shkè te pa ɓai? 31 Aman nga suna, Zhiklè a tsena ndohi malihi azɓai, aman a tsena ndo man a pi ndav a Zhiklè, a gi skwi man nenga'a a woya'a. 32 Daga zlèzlèa ba, nga tsena ma ndo man a winè di ndo man mandazlai daga nyakad na ɓai. 33 Aman nenga'a a shkè te Zhiklè ka ɓai, a slaha a ngi ar haha ɓai. 34 A ta gaƌa na: Ta yeka ka t'hwaƌ malai, a ka senda nga ƌè? A ta dzardauda. 35 A Yèsu a ntsena'a, ta dzardauda ma. Aman a ngotso, a ngaƋa na: Ka co Kra-ndo a ndav ngaya Ƌè? 36 A nenga'a a m'mbeƋa na a ma: Bai, nenga'a wa, man i cè'a a ndav ga. 37 A Yèsu a ngaƋa na: Ka rka nenga'a. Nenga'a man kin gèƋè a vna. 38 A nenga'a a ngaƋa: Bai, i co a ndav ga. A nkalahai a deɓ sak nenga'a. 39 A Yèsu a ngaƋa: I shkè a herkeda haha, aman i gi kita, a tenga'a man ta rka di ɓai, ta rka dai; a ndohi man ta rka dai, ta ndi a ndohi mandazlai. 40 Ma haha, ndohi pharisie tsaƋ tsaƋ man ta zhè a sam na, ta tsena'a, a ta gaƋa na: Nga ba, nga ndohi mandazli Ƌè? 41 Yèsu a ngaƋa ta: Aman agassa kinè ndohi mandazlai, ar mali kinè azɓai. Aman anai kin gaƋa: Nga rka dai, mali kinè a nzi dai.
1 A vava, a vava, i gaƋa kinè: Ndo man a bizhè a pa a ntamagi kuƋom tambakihi azɓai, aman a bizhè a pa a sam ngiƋè, nenga'a ndo metsar, ndo nzlinè gai. 2 Aman ndo man a bizhè a pa a ntamagai, nenga'a ndo mɓer tambakihai. 3 Ndo mber ntamagai a winè na, a tambakihi ta tsena da'ai nenga'a. A nenga'a a baba ta tambakihi a nzlembaƌ ta staƌ staƌ, a lè ta auda. 4 Aman a lè tambakihi nenga'a tèlèba auda ma, a nƋè a ma, a tambakihi ta jèjèrè'a, te man ta sun da'ai nenga'a. 5 Aman ndo mbrok ngiƌè ta jejèrè'a azɓai, a ta hi ta a pa, a gèƌ man ta sun da'ai ndo mbrok ɓai. 6 Yèsu a ngaƋa ta ngèlègèƋ ma haha. Aman ta tsena skwi man a gaƋa ta ɓai. 7 A Yèsu a ngaƋa ta za'a: A vava, a vava, i gaƋa kinè: lyè ntamagi tambakihai. 8 Ndohi tèlèba man ta shkè ga iyè, metsarhai, ndohi nzlinè gai, tambakihi ta tsena da'ai tenga'a ɓai. 9 Iyè ntamagai. Aman ndo a bizhè a iyè, a mbel na, a Ƌè auda, a shkè a deɓa, a ngècè skwi n'ndi na. 10 Ndo metsar a shkè sèi man a gi metsar, a gshè'a, a kèƌè'a. Iyè i shkè aman tambakihai ta ngècè nshèffè, a ta tèkwènè skwi azɓai. 11 I ndo mɓer skwi man amba. Ndo mɓer skwi man amba a vi nshèffè na a géƋ tambakhi na. 12 Aman ndo man ta fèda a tambakhai, bab skwi ka ɓai, tambakhi nenga'a ka ɓai. Aman a rka kokoya a shkè, a hi na, a jèka ta tambakhi a pa, a kokoya a kala ta a va, a tambakhi ta ngezl ta. 13 Ndo man ta fèda a tambakhai, a hi na, a géƋ man nenga'a ndo mizlinè; a hér tambakhi ara bab tambakhi ka ɓai, a ngaƋa: A ga ga a pa mè? 14 Iyè ndo mɓer skwi man amba, i sun skwi ga, a skwi ga ta senyè, 15 ara Bab ga a senyè, a i sun Bab ga. A i vi nshèffè ga a géƋ tambakhai. 16 A i ngots tambakhi ngiƋè, ta t'hwaƌ zlazlar haha di ɓai. Tenga'a sèi i lèka ta a haha, a ta tsena da'ai ga, a ta gi a rèwè staƋ, a ndo mɓer ta staƋgenè. 17 Gar haha Bab ga a woy iyè a ndav na, a géƋ man i vi nshèffè ga. Aman i cè'a te deɓa'a za'a. 18 Ndo ngiƋè a cè nshèffè ga azɓai; aman i via a ri ga. WuƋi ga a zhè, aman i jèkeda; wuƋi ga a zhè, aman i cè a deɓa. Ma nkwèr haha i ngotso a sam Bab ga. 19 A ndohi Juif ta kezla te va a géƋ ma nenga'a. 20 Ta kumba te va tenga'a ta gaƋa: Madzagi a ga na, a n'nde na a ndo madzagi ma; kin cinè ma nenga'a èhèmè? 21 Ndohi ngiƋè ta gaƋa: Ma haha, ma ndo madzagi ka ɓai. Madzagi a slaha a mwinè di ndo mandazli Ƌè? 22 Ta gu ngolala te kokwar Jérusalem a ngwar. 23 A Yèsu a nsawala te gi Zhiklè, te gi Salomon. 24 A ndohi Juif ta tèuda Yèsu a pa, a ta gaƋa na: Ka pa nga géƋ cèw tè ngèmè? Man ka Kristi, ngreda nga! 25 A Yèsu a ngaƌa ta: I gaƌa kinè, a kin cè a ndav azɓi genè. Mizlinè man i gi a nzlembaƌ Bab ga a gi malwuƌi ga a sam kinè. 26 Aman kin ca a ndav ɓai, te man kinè te va tambakhi ga ɓai, ara man i gaƋa kinè. 27 Tambakhi ga ta tsena da'ai ga, a i sen ta, a ta dzadzarkayè, 28 a i va ta nshèfíè a mèƋèp, ta zi azɓai a mèƋèp, ndo azɓai man a ngezl ta te ri ga. 29 Bab ga man a mpe ta a ri a iyè, a fena skwi ngiƋè tèlèba. Ndo a slaha man a ngezl ta te ri Bab ga azɓai. 30 Nga a Bab ga, nga staƋgenè. 31 A ndohi Juif ta porko kwa za'a, aman ta kèlè'a. 32 A Yèsu a ngaƋa ta: I ngreda kinè skwi man Bab ga a gia kumba. Kin kalyè a kwa a géƌ mè? 33 A ndohi Juif ta gaƌa na: Nga kal ka a géƌ skwi man amba man ka gia ka ɓai, aman a géƌ man ka derƌe Zhiklè. A géƌ man ka, ndo ambalai, ka fi va ngaya a Zhiklè. 34 A Yèsu a ngaƌa ta: Te ma kita kinè, ta windo ɓi ƌè: I gaƌa kinè, kinè zhiklèhai. 35 Tenga'a man a baba ta zhiklèhai, a géƌ man ma Zhiklè a ngoƌa. Ma ƌèlèwèr Zhiklè a cèkèlma azɓai. 36 A kin gaƌa na ndo man Zhiklè a nkezla'a, man a zlündkoƌa a herkeda: Ka derƌe Zhiklè! A gèƌ man i gaƌa: I kra Zhiklè. 37 Aman i gi mizlinè Bab ga azɓai, kin ciyè a ndav ɓai! 38 Aman i gi mizlinè Bab ga, a kin woy a kin ciyè a ndav ɓai, voco mizlinè a ndav mènè, a kin da suna, a kin cè a ndav kinè, Bab ga a zhè te iyè, a iyè, i zhè te Bab ga. 39 A ta woy maya za'a, aman ta gshè'a. Aman nenga'a a mbèl na te ri ta. 40 A ndo a deɓa a wud woyam Jourdain, a sam man Jean a gu baptême hala'a, a n'nza a pa. 41 Ndohi kumba ta shkè a sam na, a ta gaƋa: Jean a n'nga nrkedi ar haha ɓai. Aman ma tèlèba man Jean a goƋ a géƋ ndo haha, a ngoƋ zura'a a vava. 42 A ndohi kumba te pa ta co a ndav ta.
1 Ndo ngiƋè, nzlembaƋ na Lazare, te kokwar Béthanie, m'mana t'hai, mbelakaɓai, a sam Marie a Marthe, demamhi na. 2 Marie, nenga'a man a mfaƌa na mbar a va Bai, a ntokwola na sak a gwots gèƌ na. Lazare, kramam na, mbelakaɓai. 3 A ta zlündo ndo a sam Yèsu, a ta gaƋa na: Bai, na haha, ndo man ka woya'a, nenga'a mbelakaɓai. 4 Aman Yèsu a ntsena'a, a ngaƋa: Matakwan nenga'a a géƋ a m'metsi ka ɓai. A gu aman ta shin n'njèl Zhiklè, a ta slébèrƋè kra Zhiklè. 5 Yèsu a woy Marthe a demam na, a Lazare, a ndav na. 6 Aman a ntsena'a, Lazare mbelakaɓai, a n'nza te deɓa m'mèn cèw. 7 Te deɓa'a a ngaƋa ta golahi nenga'a: Ngodokoya a deɓa a kokwar-Bi Judée! 8 A golahi nenga'a ta gaƋa na: Rabbi, aƋatsuta ndohi Juifta woy a ta kal ka a kwa, a ka woy a ka minè a deɓa a sama'a Ƌè? 9 A Yèsu a ngaƋa: Te pats staƋ, l'heure 12 ka ɓi Ƌè? Ndo man a shèwèlè a pats, kwa a tsama na sak azɓai, te man a rka skwi nhél sam herkeda. 10 Ndo man a Ƌè a vaƋ, kwa a tsama na sak, te man skwi nhèl sam az a sam na ɓai. 11 A ngaƋa ta ma haha. Te deɓa'a a ngaƋa ta: Lazare, mandal nga, a nzhuna. Aman i Ƌè a i da piƋèkwuda. 12 A golahi nenga'a ta gaƋa: Bai, aman a nzhuna, dara'a. 13 Aman Yèsu a goƋ a géƋ m'metsi nenga'a. A tenga'a ta huro, a goƌ a gèƌ nzhunè ambalai. 14 A Yèsu a ngreda ta tsaraya'a. Lazare a m'mets na ma! 15 I wuffè a géƌ kinè, te man iyè az a pa ɓai, a i do tsam tsam ɓai, aman kin Ƌè cè a ndav kinè. Aman ngoƋokoya a sam nenga'a! 16 A Thomas, man ta baba na tsakalai, a ngaƌa ta golahi Yèsu: Ngodokoya, a nga da metsi a va nenga'a! 17 A Yèsu a mshkè, a n'ngots Lazare, m'mèn faƋ te vèvèƋ. 18 Kokwar Béthanie ndul ndul a ma kokwar Jérusalem, a gi km 3 . 19 A ndohi Juifkumba kumba ta shkè a sam Marthe a Marie, aman ta ga ta cèka a géƌ kramam ta. 20 Aman Marthe a ntsena'a, Yèsu a mshkè, a mdo man ta zli gèƋ a vna. Aman Marie a n'nza te ngwai. 21 Marthe a ngaƋa na Yèsu: Bai, aman a matsa ka zhè, ar kramam ga m'metsa ɓai. 22 Aman antanta ba i suna, skwi ko mèmè ka jheƋè te ri Zhiklè, Zhiklè a da va ka. 23 Yèsu a ngaƋa na: Kramam ngaya a di a slambaƋkaäauda. 24 A Marthe a ngaƋa na: I suna, a da slambaƋkaƋauda a sam nslambaƋkaƋ ndohi auda te m'metsai, a pats n'ndikèma skwai. 25 A Yèsu a ngaƋa na: lyè, nslambaƋkaƋ ndo, a nshèffè. Ko wawa man a ciyè a ndav na, a nzi a nshèffè, ko a m'mets na. 26 Ko wawa man a nzi a nshèffè, a ciyè a ndav na, a da metsi azɓai a mèƋèp. Ka co a ndav ngaya arsa Ƌè? 27 A nenga'a a ngaƋa na: Halau, a Bai, i co a ndav ga, ka Kristi, kra Zhiklè, man a shkè a herkeda. 28 Aman a ngoƋ ma haha, a mdo, a mbaha na Marie, demam na, a metsar, a ngaƌa: Ndo njèngè a zhè, a baba ka. 29 A nenga'a man a ntsena'a, a nslambaƋa tsam tsam, a ndo a sam na. 30 Aman Yèsu a mshkè a kokwar di ɓai, aman a zhè a sam man ta zlü gèƋ a Marthe. 31 Ndohi Juif te gi nenga'a, aman ta shkè a ta ga na cèka, ta rka ara man a slambaƋa tsam tsam, a n'ndo auda, a ta dzodzor te deɓa, a ta gaƌa: Marie a Ƌè a gi dzavai, man a da kuƌi a pa. 32 Aman Marie a ndikè a sam Yèsu, a nrka'a, a nkalahai a deɓ sak nenga'a, a ngaƋa na: Bai, aman a matsa ka zhè, ar kramam ga m'metsa ɓai. 33 A Yèsu, a nrka'a ara man a kuƋai, a ndohi Juif man ta shkè a verzi nenga'a ta kuƋai, a kuƋa a nckoƋai, 34 a ngaƋa: Kin rda a ma? A ta gaƋa na: Bai, washkè a ka da rka'a. 35 A Yesu a nkudau, kuƋa a dai. 36 A ndohi Juif ta gaƋa: Na haha, a woya'a kumba! 37 Matrhia'a te ndev ta, ta gaƋa: Nenga'a man a va na di a ndo mandazlai, wuƋi na azɓi Ƌe, aman Lazare a m'metsi ɓai? 38 A Yèsu a kuƋi te ndav, a shke a ma gi dzavai a vèvèd te za, a ngezlambar mbia'a mpizlè te ma gi dzavai. 39 A Yèsu a ngaƋa: Vaca na ngezlambar auda! A Marthe, demam ndo m'metsa'a, a ngaƋa na: Bai, nckondo a zhkè ani ma! M'mèn faƋ te pa! 40 A Yèsu a ngaƋa na: l gaƋa ka ɓi Ƌè, aman ka co a ndav, a di ka rka n'njèl Zhiklè? 41 A ta cama na ngezlam bar auda te ma gi dzavai. A Yèsu a mpu di a zhiklè, a ngaƋa: Bab ga, i shida ka gèƋ, aman ka co ma ga. 42 Aman i suna, ka cè ma ga pèc pècèk. Aman a géƋ ndohi man ta zlatsa haha, i gèƋè ma ar haha; aman ta cè a ndav ta, ka, ka nzlindekayè. 43 Aman a ngoƋ ma ar haha, a mboho a wuƋai: Lazare, washkè auda! 44 A ndo m'metsa'a a mshkè auda, mbè te maslaka ara nckondo, a mberzledai. Yèsu a ngaƋa ta: Vapra na maslaka auda a va, aman a Ƌè. 45 Ndohi Juif kumba man to do a sam Marie, ta rka skwi man Yèsu a gau, a ta co a ndav ta. 46 Aman matrhia'a ngiƋè to do a sam ndohi pharisie, a ta ngreda ta skwi teleba man Yèsu a gau. 47 A ndohi mvi skwi a Zhiklè mbibihia'a a ndohi pharisie ta ɓica va, a ta cèmma, a ta gaƌa: Nga da gi ma kè? Ndo haha a gi nrkedi kumba. 48 Aman nga jèkeda arsa, ndohi tèlèba ta da cè a ndav, a ngomnahi te Rome ta da shkè, a ta duma sam nga nkezla'a, a ndohi tèlèba. 49 Aman staƌ te va tenga'a, Caiphe, man a vi sa bi ndohi mvi skwi a Zhiklè, a ngaƌa ta: Kin sun skwa ɓai! 50 Dara a sam kinè, aman ndo staƌ a metsi na, te di man a ndohai, dara nenga'a a géƋ ndohi tèlèba man ta géƌèsh ta. 51 Ma haha a goƋ te gèƋ na ka ɓai. Aman a hodko ma haha, te man nenga'a bi ndohi mvi skwi a Zhiklè a vi sa, ara man Yèsu sèi a metsi nƋèzl a géƋ ndohi Juif, 52 a géƋ ndohi Juif genè ka ɓai; aman a da ɓic ta ndohi Zhiklè tèlèba man ta venda gèƋ ta. 53 A ta hüno a pats nasa, a ta woy maya ara man ta kéƋe'a. 54 A Yèsu a shèwèlè ambali a sam di ndohi Juif azɓai. A ndo a ma, a kokwar ngiƌè, a ma hèshèkèƌ, nzlembaƌ na Ephraim, a n'nza a pa, a nda golahi nenga'a. 55 Ngolala Pâque ndohi Juif ndul ndul, a ndohi kumba a sama'a ta slambatla, a to do Jérusalem, aman ta til ndav ta nga ngolala Pâque. 56 Ta zhè, a ta woy Yèsu te pa, a ta goƌ a va ta te gi Zhiklè: Kin hur ké: a da shkè a sam ngolala azɓi ƌè? 57 A ndohi mvi skwi a Zhiklè mhibihia'a a ndohi pharisie ta fa ta ma a gèƌ a ndohi kokwar: Aman ndo ngiƌè a sun sam man a nzi a pa, da ngreda, aman nga gshè'a.
1 M'mèn mokwa, ga ngolala Pâque, Yèsu a mshkè a kokwar Béthanie, man Lazare te pa, ndo man Yèsu a nslambaƌdekaƌauda te va ndohi m'metsa'a. 2 Te pa ta tila skwi n'ndai. Marthe a ntakaha ta. Lazare te va tenga'a, man ta ndau skwi a vna. 3 A Marie a nco ɓurdi, gani nenga'a kumba, a gi nƋèlèk staƌ, a nfaƌa na a sak a Yèsu, a ntokwolama na sak a gwots gèƌ nenga'a. A gi n'ndhe na a nzhkè ɓurdi. 4 A Judas Iscariot, kra Simon, staƌ te va golahi Yèsu, nenga'a man te deɓa'a a n'nga na ri a gèƌ Yèsu, a ngaƌa: 5 Ta preda ɓurdi haha a ma a suli 3 .000 , a ta va ta ndohi ntawassa'a ɓi èhèmè? 6 Ma haha a goƋ a géƋ man a woya a ntakaha ta ndohi ntawassa'a ka ɓai, aman a géƌ man nenga'a ndo metsar, gozhèm suli te ri na, a ɓer skwi man ta ngotso. 7 A Yèsu a ngaƋa na: Jèkeda! Skwi arsa a gu, aman a hér pats man ta da riyè a vèvèd. 8 Ndohi ntawassa'a ta zhè a sam kinè pèc pècèk; aman iyè, i nzi a sam kinè pèc pècèk azɓai. 9 Ndohi kumba te ndev ndohi Juif ta tsena'a, a zhè te pa. A ta shkè a sam Yèsu genè ka ɓai. Aman ta woy a ta rka Lazare ba, ndo man Yèsu a nslambaƌdekaƌauda te ndev ndohi m'metsa'a. 10 Aman ndohi mvi skwi a Zhiklè mbibihia'a ta woy maya, a ta woy a ta kéƌè Lazare ba. 11 A géƌ Lazare ndohi Juifs kumba ta jèke ta, ta co Yèsu a ndav ta. 12 Te mangoslèma'a, aman ndohi kumba ta Ƌè ngolala, ta tsena'a, Yèsu a Ƌè Jérusalem. 13 A ta burzl vah gangar, a to do aman ta zli gèƌ a vna, a ta goƌ a wuƌai: Vanzala'a! Nga slèbèrƋè nenga'a man a shkè a nzlembaƋ Bi Zhiklè, bi Israel! 14 A Yèsu a n'ngots gol kƋèh, a n'nza a deɓa'a, ara man ta windo: 15 Ka gu zlau ɓai, kokwar Sion! Na haha, bi ngaya a shkè a deɓ gol kƋèh. 16 Nshèlèkura'a, golahi Yèsu ta tsena verzi ma haha di ɓai. Aman a pats man Yèsu a ngots n'njèlè ma, ta huro, ma haha a windo a géƋ nenga'a, a ta ga na ar naha. 17 Aman ndohi man ta zhè a sam man a baba na Lazare auda te dzavi na, a nslambaƌdekaƌauda te ndev ndohi m'metsa'a, ta gu malwuƋai. 18 Gar haha ndohi kumba to do, aman ta zli gèƋ a vna, te man ta tsena skwi malwuƋi man a gau. 19 A ndohi pharisie ta goƋ a va ta: Kin rka'a, kin slaha nenga'a ɓai! Ndohi tèlèba ta Ƌè a verzi nenga'a. 20 Te va ndohi man to do ngolala, aman ta tsi rai, ndohi Grec kètè ta zhè. 21 A ta shkè a sam Philippe, te kokwar Béthsaida te Galilée, a ta gaƋa na: Bi ga, nga woy a nga rka Yèsu. 22 A Philippe a mshkè, a ngaƋa na Andrè, a nda Philippe a Andrè ta menda na a Yèsu. 23 Aman Yèsu a m'mbeƋa ta a ma: TiƋè sama ma, aman Kra-ndo a ngècè n'njèl na. 24 A vava, a vava, i gaƋa kinè: Sèi tser dau a kèlèhi a herkeda, a verzi na a nhusl na, man ɓai a nzi a géƌ na. Aman a husl na, a yi wuda kumba. 25 Ndo man a woy nshèffè na, nshèffè nenga'a a zi na. Ndo man a woya nshèffè na man a gèƌ herkeda haha ɓai, a ɓer nshèffè man a nzi a mèƋèp. 26 Ndo man a woya a ntakahayè, sèi a dzadzarkayè. A sam man iyè a pa, ndo ntakahayè ba a pa. Ndo man a takahayè, Bab ga a slébèrƋè'a. 27 Antanta ndav ga a kudai, a i gèƋè ma kè? Bab ga, mbelkay auda te sam nta! Aman i shkè a sam nta a gèƌ nenga'a. 28 Bab ga, nzala nzlembaö ngaya! A ngèƋè staƋ a ntsenkaƋi te zhiklè: I nzala'a ma, a i woya man a i nzala'a a va'a. 29 A ndohi man ta zlatsa a pa, ta tsena'a, a ta gaƋa: Ntsiiyam! Ndohi ngiƋè ta gaƋa: Ta goƋ a gol Bi Zhiklè! 30 A Yèsu a 'mbeƋa ta a ma: NgèƋè haha a gu a géƋ ga ka ɓai, aman a géƋ kinè. 31 Aman antanta kita a gi a géƋ herkeda haha. Antanta ta da jèr bi herkeda haha. 32 A iyè, man ta zlatsedyè a géƋ herkeda, i woy man i vitka ta ndohi tèlèba a sam ga. 33 Ma haha a goƋo, a ngréƋè m'metsi nenga'a, ara man a da metsi na. 34 A ndohi ta gaƋa na: Nga tsena te ma kita Zhiklè, Kristi a nzi a mèƋèp. Ka, ka gad kè: Sèi ta zlècèƋè Kra-ndo. Kra-ndo haha wa? 35 A Yèsu a ngaƋa ta: Skwi nhél sam a zhè a sam kinè kètèdai. Vodo, manskwi nhél samazhè a sam kinè dai, ruva da ga kinè a gèƋ ɓai! Ndo man a Ƌè te ndev ruva, a sun sam mah a Ƌè a pa ɓai. 36 Voco skwi nhél sam a ndav kinè, a pats man ani a zhè a sam kinè, a kin ndi a wudahi skwi nhél sam! A Yèsu a ngoƋ ma ar haha, a mdo na, a n'ngheda va na a sam di ta. 37 Ko a ngu nrkedi arsa kumba, a sam di ta, taca a ndav ta ɓai. 38 A ngu ara man Esaie, ndo nhadka ma, a gaƋa: Bai, nco ma man nga njè'a, wa? WuƋi Ndo nzi pèc pècèk a ngudoko na va a di a wa? 39 Gar haha ta slaha a ta ca a ndav ɓai, aman a sam ngiƋè Esaie a gaƋa: 40 Nenga'a a nƋèma ta dai, a nsassaya ndav ta, a ta rka di ɓai, a ta da menkaƋa deɓa asaɓai, aman i mbel ta azɓai. 41 Ma haha Esaie a goƋ a géä man a rka n'njèl nenga'a, a ngoƋ a géƌè'a. 42 Ko ndohi mbibihia'a kumba ta co a ndav ta. Aman a géƌ ndohi pharisie ta ngreda auda ɓai, ta gu zlau, ta da dzar ta auda te gi njèngè ma Zhiklè. 43 Ta woy n'njèlè a sam ndohai, a fena man a Zhiklè. 44 A Yèsu a mboho, a ngaƋa: Ndo man a ciyè a ndav na, a ciyè ka ɓai, aman nenga'a man a zlindekayè. 45 A ndo man a rkayè, a rka nenga'a man a zlindekayè. 46 I shkè a herkeda, i skwi nhél sam. Aman ko wawa man a ciyè a ndav na, a nzi te ruva azɓai. 47 Ndo man a tsena ma ga, aman a cè azɓai, iyè a ngi kita nenga'a ka ɓai. I shkè ɓai, aman i gi kita herkeda; aman i shkè, aman i mbel herkeda. 48 Ndo man a kwolyè, a ce ma ga azɓai, kita nenga'a a zhè ma. Ma man i gèƋè'a, nenga'a a gi a kita na, a pats n'ndikèma skwai. 49 I goƌ ma te gèƌ ga ka ɓai. Aman Bab ga man a zlindekayè, nenga'a a mvayè ma nkwèrè man i gèƌè'a. 50 A i suna, ma nkwèr nenga'a, nshèffè a mèƋèp. Anai, skwi man i gèƋè, i gèƋè'a ara man Bab ga a ngrayè.
1 Ga ngolala Pâque, Yèsu a suna, tiƋè sam man a nenga'a a mshkè ma, a da jèkeda herkeda haha, a nƋè a sam Bab na. A woy ndohi na, man ta zhè t'herkeda, a ndav na, a woy ta, ha a ndeva skwi tèlèba. 2 A sam skwi n'ndi dakwaƋ, bi madzagai a nfa na a ma Judas Iscariot, kra Simon, aman a ga na ri a gèƋ a Yèsu. 3 Yèsu a suna, Bab na a mva na skwi tèlèba a rai, a suna, a shkè te Zhiklè, a nƋè a sam Zhiklè, 4 a nslambaƋa a sam skwi n'ndai, a nsuƌa na dawar auda a va, a m'manda maslaka mizlinè a ma, 5 a mɓedza iyam a kokwai, a hüno man a penè sak golahi nenga'a, a ntokwola ta a maslaka mizlinè man a manda a ma. 6 A Yèsu a mshkè a sam Simon Pierre, a Pierre a ngaƋa na: Bai, ka mpènè sak ga de? 7 A Yèsu a m'mbeƋa na a ma: Skwi man i gia, ka sun di ɓai. Ka da shinè te deɓa'a. 8 A Pierre a ngaƋa na: Ka panay sak ga ɓi fèt! Yèsu a ngaƌa na: Aman i pana ka azɓai, nga humƋè va a kaazɓai. 9 A Simon Pierre a ngaƋa na: Bai, anai ka panay sak genè ɓai, aman ri ga a gèƋ ga tèlèba! 10 A Yèsu a ngaƋa na: Ndo man mpana va na ma, sèi a pènè sak mènè. Kinè, kin pana, aman kin tèlè ka ɓai. 11 Yèsu a sun ndo n'nga na ri a gèƋ. Gar haha a ngaƋa: Kinè, kin pana, aman tèlè ka ɓai. 12 Aman a mpana sak ta ma, a mfèda maslaka na a va, a n'nzahai a tsagi tenga'a za, a, a ngaƋa ta: Kin sun skwi man i ga kinè Ƌè? 13 Kin babayè 'ndo njèngè ma', a 'Bai', a kin goƋ amba. I nenga'a. 14 Aman iyè, bi kinè a ndo njèngè ma kinè, i pana sak kinè, sèi kin gi lèmèlèmè te ndev kinè, ngiƋè a pènè sak a ngiƋè, ngiƋè a ngiƋè. 15 Skwi man i ngreda kinè, i va kinè, aman kin gia lèmèlèmè ara man i gu a sam kinè. 16 A vava, a vava, i gaƋa kinè: 'Bèlè a fena bab na azɓai. Ndo sak a fena ndo nzlinƋè'a azɓai. 17 Aman kin sun ar haha, mwuffè a sam kinè, aman kin gia'a! 18 I goƋ a gèƋ kinè tèlèba ka ɓai. I sun tengahi man i par ta. Aman a gi ara ma te Ƌèlèwèr Zhiklè man a gaƋa: Ndo man a ndi movar ga, a da ngwodyè. 19 I gaƋa kinè ma haha antanta, aman n'nga di ɓai. Aman a da gai, kin cè a ndav kinè, i zhè. 20 A vava, a vava, i gaƋa kinè: Ndo man a cè ndo man i zlündo, a ciyè. A ndo man a ciyè, a cè nenga'a man a zlindekayè. 21 Aman Yèsu a goƋ ma haha, ndav nenga'a a m'mbèƌè, a n'ngreda, a ngaƌa: A vava, a vava: StaƋ te ndev kinè a da gay ri a gèƋ. 22 A golahi nenga'a ta pu di a va ta, a ta gu zlau: Yèsu a goƋ ma haha a géƋ ngè? 23 Aman staƋ te va golahi a zhè a sam skwi n'ndai, a dingèƋè va a Yèsu, nenga'a man Yèsu a woya'a a ndav na. 24 A Simon Pierre a ngaƋa na: DzhoƋo! A goƋ a geƋ ngè? 25 A nenga'a man a dungoƋ va a Yèsu a ngaƋa na: Bai, nenga'a wa? 26 A Yèsu a ngaƋa na: Nenga'a man i gaha lak a movar, a i va na. A ngaha lak a movar, a mva na Judas, kra Simon Iscariot. 27 Nenga, a a mco, a SaƋan a ndo a ndav na. A Yèsu a ngaƋa na: Skwi man ka gia, a, gu tsam tsam! 28 Ndohi man a sam skwi n'ndai, ta sun ɓai, aman a ngaƋa na ar haha. 29 NgiƋèhi ta huro: gozhèm te ri Judas, Yesu a woya man a shum skwi ngolala tenga'a, a va ta skwi a ndohi ntawassà'a. 30 Aman Judas a nco movar, tsam tsam a nde na. VaƋ ma. 31 Aman a n'ndo auda ma, Yèsu a ngaƋa: Antanta Kra-ndo n'nzala'a, a n'njèlè Zhiklè a gudoko na va a di te nenga'a. 32 Aman Zhiklè n'nzala te nenga'a, Zhiklè ba a da njèl Yèsu a ri na ndul ndul. 33 Wudahi ga! I nzi a sam kinè kètè dai. Te deɓa'a kin da hassyè, aman ara man i gaƋa ta ndohi Juif, i gaƋa kinè lèmèlèmè. A sam man i Ƌè a pa, kin slaha kin Ƌè a pa azɓai. 34 I va kinè ma nkwèr mɓua'a: Vawoy va kinè, ngiƋè da woy ngiƋè, lèmelemè ara man i woy kinè a ndav ga. Aman kinè ba, vawoy va kinè, ngiƋè da woy ngiƋe, ngiƋe da woy ngiƋe a ndav na. 35 Aman kin gi ar haha, ndohi tèlèba ta suna, kinè golahi ga, te man ngiƋe a woy ngiƋè, ngiƋè a woy ngiƋè. 36 Simon Pierre a ngaƌa na: Bai, ka Ƌè ma? A Yèsu a m'mbeƋa na a ma: A sam man i Ƌè a pa, ka slaha ka dzadzarkayè antanta azɓai. Aman te deɓa'a ka da dzadzarkayè. 37 A Pierre a ngaƋa na: Bai, i slaha a i dzadzarka antanta azɓai èhèmè? Ar i vi nshèffè ga a géƋ ngaya! 38 A Yèsu a m'mbeƋa na a ma: Ka vi nshèffè ngaya a géƋ ga Ƌè? A vava, a vava, i gaƋa ka: Ga ngarah a tsi da'ai, ka cèkèlma a géƋ ga sak makar.
1 Kin gu zlau te ndav kinè ɓai'. Voco Zhiklè a ndav kinè, vaciyè a ndav kinè ba! 2 Te gi Bab ga, sam a zhè kumba. Man az arsa ɓai, ar i gaƌa kinè. I woy a i Ƌè a i tila kinè sam a hai. 3 Aman i da tila kinè sam a hai, a di i shkè a deɓa, a i hil kinè a sam ga. Aman a sam man iyè a pa, kinè ba a pa. 4 Kin sun sam man i Ƌè a pa, a kin sun civèƌ. 5 Thomas a ngaƋa na: Bai, nga sun sam man ka Ƌè a pa ɓai, a nga slaha nga shin civèƋ Ƌè? 6 A Yèsu a ngaƋa na: Iyè civèƋ, a ma nzura'a, a nshèffè; ndo ngiƋè a shkè a sam Bab ga azɓai, sèi a bezkaƋ a iyè. 7 Aman kin senyè, kin sun Bab ga ba. A hinè antanta kin sun nenga'a, a kin rka nenga'a ma. 8 Philippe a ngaƋa na: Bai, ngra nga Bab-Zhiklè, te deɓa'a Ƌè'a. 9 Yèsu a ngaƋa na: N'nzi ga a sam kinè kumba, a ka senyè ɓi Ƌè, Philippe? Ndo man a rkayè, a rka Bab ga ma, a ka gaƋ kè: Ngra nga Bab nga? 10 Ka co a ndav ngaya ɓi Ƌè? I te Bab ga, Bab ga te iyè? Ma man i gaƋa kinè, i goƋ te gèƋ ga ka ɓai. Skwi man i gau, Bab ga man a zhè te ndav ga, a ngau. 11 Voco ma ga, man i gaƋa: Iyè te Bab ga, Bab ga te iyè. Man ɓai, voco ma ga a géƌ skwi man i gau. 12 A vava, a vava, i gaƋa kinè: Ndo man a ciyè a ndav na, a gi skwi lèmèlèmè ara ga, a fena ba. Aman iyè, i Ƌè a sam Bab ga. 13 A skwi ko mèmè kin jhèƋè a nzlembaƋ ga, i gia'a, a ta slebèrƋè Bab ga te kra na. 14 Aman kin jhèƋè skwi te ri ga a nzlembaƋ ga, i woya man i gia'a. 15 Aman kin woy iyè a ndav kinè, vafu gèƋ a ma nkwèr ga, 16 A i woy a i tsi ri a Bab ga, a va kinè ndo n'nzaka kinè a deɓa, man a nzi a sam kinè a mèƋèp, 17 Mèzhèɓ nzura'a, man herkeda a slaha a ncè ɓai, te man a rka ɓai, a sun ɓai. Aman kinè, kin sun nenga'a, te man nenga'a a nzi a sam kinè, a zhè te ndav kinè. 18 I jèkè kinè ara wud diki ka ɓai. I da shkè a sam kinè. 19 Te deɓa kètè, herkeda a di a rkayè azɓai. Aman kinè, kin da rkayè. A géƌ man i nzi a nshèffè, kinè ba kin nzi a nshèffè. 20 A pats nasa kin da suna, i te Bab ga, a kinè te iyè, a iyè te kinè. 21 Ndo man a ngots a ma nkwèr ga a fi gèƌè'a, nenga'a ndo man a woy iyè a ndav na. Ndo man a woy iyè a ndav na, Bab ga ba a woy nenga'a a ndav na, a i woya'a a ndav ga, a i da ngreda na va ga. 22 A Judas, Judas Iscariot ka ɓai, a ngaƋa na: Bai, aman ka woy a ka ngreda nga va ngaya, a ka ngreda ta ndohi herkeda azɓai, èhèmè? 23 A Yèsu a m'mbeƋa na a ma: Ndo man a woy iyè a ndav na, a fi gèƋ a ma ga. Bab ga a da woya'a a ndav na. A nga da shkè a sam na, a nga da nzi a sam na. 24 Ndo man a woy iyè a ndav na ɓai, a fi gèƋ a ma ga azɓai. Ma man kin tsena'a, ma ga ka ɓai, aman ma Bab ga man a zlindekayè. 25 Ma haha i gaƋa kinè, man i zhè a sam kinè dai. 26 Ndo n'nza kinè a deɓa, Mèzhèɓ Zhiklè nkezla'a, man Bab ga a da zlündkodai a nzlembaƋ ga, nenga'a a da senda kinè skwi tèlèba. Ma man i gaƋa kinè, a da hodko kinè tèlèba a gèƋ. 27 l jèka kinè gumi ga. Gumi ga i va kinè. I va kinè, ara man herkeda a va kinè ka ɓai. Kin gu zlau te ndav kinè ɓai, kin gudzu ɓai! 28 Kin tsena'a, ara man i gaƋa kinè: I Ƌè; aman i shkè a deɓa a sam kinè. Aman kin woy iyè a ndav kinè, kin wuffè, aman i Ƌè a sam Bab ga, te man Bab ga a fènyè. 29 A i gaƋa kinè te ma haha antanta ma, aman n'nga di ɓai, aman a da gai, kin da cè a ndav. 30 Anai i gèƋè ma kumba a sam kinè azɓai. Bi herkeda a da shkè, a ngècè skwi a sam ga azɓai. 31 Aman ndohi herkeda da suna, i woy Bab ga a ndav ga, a i gi ara ma nkwèr Bab ga. VaslambaƋa, ngodokoya!
1 Iyè, wof barassa nzura'a. Bab ga, ndo mɓer wof barassa. 2 Ri wof ga staƋ staƋ tèlèba man a yi wuda azɓai, a ngeldaussa. StaƋ staƋ tèlèba man a yi wuda, a sliƋè'a, aman a yi wuda holhola'a. 3 Antanta kin tila ma, a géƋ ma ga man i njè kinè. Vanza te iyè, a i nzi te kinè. 4 Lèmèlèmè ara ri wof a slaha a nyi wuda a ri na azɓai, sèi man na goƋozlom wof, lèmèlèmè kinè ba, sèi kin nzi te iyè. 5 Iyè, wof barassa, kinè ri wof ga. Ndo man a nzi íe iyè, a i te nenga'a, ara wof man a yi wuda kumba. Aman kinè dra a sam ga, kin slaha a kin gi skwi ɓai. 6 Aman ndo a nzi te iyè ka ɓai, ta kaldaussa ara ri wof, a gwèr na, a ta ɓiceda vogwa, a vogwa a n'ndeda ma. 7 Aman kin nzi te iyè, a ma ga a nzi a sam kinè, skwi ko mèmè kin jhèƋè'a, a gi a sam kinè. 8 Gar haha n'njèl Bab ga, aman nyi nshèffè kinè a zhè kumba, a kin ndi a golahi ga. 9 Lèmèlèmè ara Bab ga a woy iyè a ndav na, i ba i woy kinè a ndav ga. Vanza te mwoy-ndoga! 10 Aman kin fi gèƋa ma nkwèr ga, kin nzi te mwoy-ndo ga, lèmèlèmè ara man i fi gèƋ a ma nkwèr Bab ga, a i nzi te mwoy-ndo nenga'a. 11 Ma haha i gaƋa kinè, aman mwuffè ga a zhè a sam kinè, a mwuffè kinè a gi jèlèlè'a. 12 Na haha ma nkwèr man i va kinè: Vawoy va kinè, ngiƋè da woy ngiƋè, ngiƋè da woy ngiƋè a ndav na, lèmèlèmè ara man i woy kinè a ndav ga. 13 Sèi ndo man a vi nshèffè na a géƌ mandalahi na, ndo ngiƋè a fena mwoy-ndo nenga'a azɓai. 14 Kinè mandalahi ga, aman kin gi skwi tèlèba man i gaƋa kinè. 15 Anai i baba kinè bèlèlihi ka ɓai. Aman ɓèlè a sun skwi man bab nenga'a a gia ɓai. Aman i baba kinè mandalahi ga, aman skwi tèleba man i tsena te ma Bab ga, i ngreda kinè. 16 Kinè n'ngatskayè auda ka ɓai. Aman i par kinè, a i ge kinè, aman nyi nshèffè kinè da zhè, a nyi nshèffè kinè a nzi dai, a skwi ko mèmè kin jhèƋè te ri Bab ga a nzlembaƋ ga, a da va kinè. 17 Ma nkwèr haha i va kinè: vawoy va kinè, ngiƋè da woy ngiƋè, ngiƋè da woy ngiƋè a ndav na. 18 Aman ndohi herkeda ta gi shèwa a kinè, vasuna, ta gu shèwa a iyè, ga ta gi shèwa a kinè. 19 Man kinè a herkeda, ar ndohi herkeda ta woy skwi ta. Aman kinè a herkeda ka ɓai. I par kinè auda te va ndohi herkeda. Gar haha ndohi herkeda ta gi shèwa a kinè. 20 Vahur ma man i gaƋa kinè: Bèlè a fena babgi na azɓai. Aman ta parahayè, ta da paraha kinè lèmèlèmè. Aman ta cè ma ga, ta da cè ma kinè lèmèlèmè. 21 Aman skwi haha tèlèba, ta da ga kinè a géƌ nzlembaƋ ga, a géƋ man ta sun nenga'a man a zlindekayè ɓai. 22 Man a matsa i shkè ɓai, a i gaƋa ta ma ga ɓai, ar mali ta azɓai. Aman antanta ta slaha ta nghéƋè mali ta azɓai. 23 Ndo man a gi shèwa a iyè, a gi shèwa a Bab ga lèmèlèmè. 24 I ga skwi a sam ta, man ndo ngiƋè a slaha a ngia ɓai. Man a matsa i da gu ɓai, ar mali ta azɓai; aman antanta ta rka'a, ta gi shèwa a iyè, a Bab ga lèmèlèmè. 25 Aman skwi haha a gi ara man ta windo te ma kita Zhiklè: Ta gu shèwa a iyè ambalai. 26 Aman nenga'a man a nzaka kinè a deɓa a shkè ma, nenga'a man i woy a i zlinda kinè te Bab ga, Mèzhèɓ nzura'a, man a shkè te Bab ga, a da gi malwuƋi a sam kinè a géƋ ga. 27 Aman kinè ba, kin ndi a ndohi malwuƋihai, a géƋ man kin nza a sam ga te nhinkad na.
1 Ma haha i gaƋa kinè, skwa da slafaƋama kinè sak ɓai! 2 Ta da dzar kinè auda te gihi njèngè ma Zhiklè tenga'a. Patsa'a a di a shkè, aman ndo staƋ staƋ tèlèba man a kede kinè, a hérè te ndav na, a ngu skwi man ambaba Zhiklè. 3 Skwi ar haha ta da gia'a, te man ta sun Bab ga ɓai, a ta senyè ɓai, cèw ba. 4 Aman ma haha i gaƋa kinè; te deɓa'a man a da gai, a haka kinè a gèƌ, a gu ara man i gaƌa kinè. I gaƌa kinè ma haha te va nasa ɓai, te man nga nza a nda kinè. 5 Aman antanta i Ƌè a sam nenga'a man a zlindekayè, ko ndo staƋ te ndev kinè a dzhadyè azɓai: Ka Ƌè ma? 6 Ndav kinè a kudai, a géƌ man i gaƋa kinè ma haha. 7 Aman i gaƋa kinè skwi nzura'a a vava: Dara man i Ƌè ga! Man i Ƌè ga azɓai, ar nenga'a man a nzaka kinè a deɓa a shkè a sam kinè azɓai. Aman i Ƌè, i da zlindkoƌi a sam kinè. 8 A nenga'a a shkè, a ngreda ta mali ta a ndohi herkeda, a ngizura'a, a kita. 9 Mali ta sa, aman ta da ciyè a ndav ɓai. 10 Ngizura'a sa, aman i Ƌè a sam Bab ga, a kin rkayè azɓai, 11 Kita sa, aman ta ga na kita a géƌ a madzagai. 12 Njèkèdi ma ga man i woy a i gaƋa kinè a zhè a vata. Aman antanta kin slaha kin cè di ɓai. 13 Aman nenga'a, Mèzhèɓ nzura'a nda shkè ma, a ngreda kinè ma nzura'a tèlèba. Aman nenga'a a gèƋè ma te gèƋ na azɓai. Aman ma man a tsena'a, a gèƋè'a; a ngreda kinè skwi man a di a shkè. 14 Nenga'a a da nzalyè, a skwi tèlèba a da cè a sam ga, a da ngreda kinè. 15 Skwi tèlèba man Bab ga a ngotso, skwi ga. Gar Haha i gaƋa, a cè te skwi ga, a da ngreda kinè. 16 A n'nzi kètè, kin da rkayè azɓai; te deɓa kètè kin da rkayè. 17 Te va golahi nenga'a ngiƌè ta goƌ a va ta: Ma mè, man a gaƌa nga: A n'nzi kètè, kin da rkayè azɓai. Te deɓa kètè, kin da rkayè, a i Ƌè a sam Bab ga? 18 A ta gaƌa: Naha mè, man a gaƌa: A n'nzi kètè? Nga sun ma man a gèƌè ɓai. 19 Yèsu a suna, ta woy a ta jhèƌè'a, a ngaƌa ta: Kin verslè a gèƌ man i gaƌa kinè: A n'nzi kètè, kin da rkayè azɓai. Te deɓa kètè, kin da rkayè, ƌè? 20 A vava, a vava, i gaƌa kinè, kin da kuƌai, kin da gi wobau. Aman ndohi herkeda ta da wuffè. Kin da lèyè; aman nlèyè kinè a da ngwèƋè na a mwuffè. 21 Ngwoz man a yi kra, a si matakwan a gèƌè'a, te man pats nyi kra na ma. Aman te deɓa'a man a ye kra ma, a hér matakwan na asaɓai, aman a wuffè a géƌ kra man a yokoƌai. 22 Kinè ba, antanta kin lèyè te ndav kinè. Aman nga da ngècè va za'a, a ndav kinè a da wuffè, ndo ngiƌè a da cè mwuffè auda te ndav kinè azɓai. 23 A pats nasa kin da jhèƌè ma ngiƌè a sam ga azɓai. A vava, a vava, i gaƌa kinè: Skwi ko mèmè kin jhèƌè te ri Bab ga, a da va kinè a nzlembaƌ ga. 24 Ha nshkè na ma a mpatsna, kin dzhaƌa skwi a nzlembaƌ ga ɓai. Vodzhoƌo, a kin ngècè'a, a mwuffè kinè agijèlèlè'a. 25 Ma haha i gaƋa kinè ara ngèlègèƋma. Patsa a di a shkè, aman i gaƌa kinè a ngèlègèƌma azɓai, aman i ngrèƌè ma a géƌ Bab ga auda tsaraya tèlèba. 26 A pats nasa kin tsi ri a Zhiklè a nzlembaƌ ga, a i da gaƌa kinè: i tsi ri a Bab ga a géƌ kinè — asakaɓai. 27 Aman Bab ga a ri na a woy kinè, a géƌ man kin woy iyè, a kin co a ndav kinè, i shkè te Bi Zhiklè. 28 I shkè a sam Bab ga, a i shkèhi a herkeda. Anai i jèkeda herkeda za'a, a i Ƌè a sam Bab ga. 29 A golahi Yèsu ta gaƋa na: Na haha, antanta ka pa a ma asaɓai, ka goƋ a ngèlègèƋma asaɓai. 30 Antanta nga suna, ka sun skwi tèlèba, ko ndo ngiƋè a ndzhaƋ ka ɓai. Gar haha nga co a ndav nga, ka shkè te Bi Zhiklè. 31 Yèsu a ngaƋa ta: Antanta kin co a ndav kinè Ƌè? 32 Na haha patsa a di a shkè, ani a zhè ma, aman ta venda kinè gèƋ staƋ staƋ tèlèba, a kin jèkyè a géƋ ga. Aman iyè a géƋ ga ka ɓai. Nga a Bab ga. 33 Na haha i gaƋa kinè. A kin gumi te iye. T'herkeda matakwan a ga kinè. Aman vagsa ndav kinè, i ngul herkeda.
1 Aman Yèsu a n'ndeva ma haha, a mpu di a zhiklè, a ngaƌa: Bab ga, tiƌè sama ma! Nzala kra ngaya, aman kra ngaya ba da nzal ka! 2 Ka va na wuƌibai a géƌ ndohi tèlèba, a skwi tèlè man ka va na, a va ta ndohi ba, a nshèffè a mèƋèp ba. 3 Na haha nshèffè a mèƋèp, aman ta sen ka, ka Zhiklè nzura'a staƌgenè, a nenga'a man ka zlündo, Yèsu Kristi. 4 I nzal ka a géƌ herkeda, a i ndeva mizlinè ngaya, man ka vayè a i gia'a. 5 Antanta nzalyè, Bab ga, a n'njèlè man i ngotso, man herkeda n'nga di ɓai. 6 I ngreda ta nzlembaƋ ngaya a ndohi man ka vayè t'herkeda. Tenga'a a ngaya, a ka pay a iyè, a ta fu gèƋ a ma ngaya. 7 Antanta ta suna, skwi tèlèba man ka vayè, a shkè te ka. 8 Aman ma man ka vayè, i va ta ma, a ta co. Ta sun a vava, i shkè te ka, a ta co a ndav, ka, ka nzlindekayè. 9 I tsi ri a géƌ tenga'a. I tsi ri a géƋ ndohi herkeda ka ɓai, aman a géƌ tenga'a man ka payè, tenga'a a ngaya. 10 Aman skwi ga tèlèba, skwi ngaya. Skwi ngaya, a ga ga, a n'njèl ga n'ngreda auda a sam tenga'a. 11 Anai iyè az t'herkeda ɓai; aman tenga'a ta zhè t'herkeda. Iyè, i Ƌè a sam ngaya. Bab ga nkezla'a, ɓer ta ndohi man ka payè, a nzlembaƋ ngaya, a ta gi a nstaƋ, lèmèlèmè ara nga. 12 Aman i nza a sam tenga'a, i ɓer ta ndohi man ka payè, a nzlembaƋ ngaya. A i war ta, ko staƋ te va tenga'a a nze ɓai, sèi man a nzi ba, ngedassa ma, nenga'a a nze na, ara Ƌèlèwèr Zhiklè a gaƋa. 13 Aman antanta i Ƌè a sam ngaya; aman ma haha i gèƋè t'herkeda, a ndav tenga'a da ndha a mwuffè ga. 14 A i va ta ma ngaya; a ndohi herkeda ta ga ta shèwa, te man tenga'a ta a herkeda ka ɓai, lèmèlèmè ara iyè a herkeda ka ɓai. 15 I tsi ri azɓai, aman ka helka ta auda t'herkeda. Aman i tsi rai, aman ka ɓer ta te ri nenga'a man ambaɓai. 16 Tenga'a ta a herkeda ka ɓai, lèmèlèmè ara iyè man iyè a herkeda ka ɓai. 17 Kezla ndav ta a ma nzura'a. Ma ngaya, ma nzura'a. 18 Lèmèlèmè ara man ka zlindekayè a herkeda, i zlinde ta a herkeda ba. 19 I kezla ndav ga a ri ga a gèƋ tenga'a, aman ndav tenga'a ba, nkezla te ma nzura'a. 20 Aman i tsi rai a géƌ tenga'a genè ka ɓai, aman a géƌ tenga'a ba, man ta ciyè a ndav ta, a géƋ malwuƋi tenga'a. 21 Aman ta tèlèba ta gi a nstaƋ, lèmèlèmè ara nga, ka Bab ga, te iyè, a iyè te ka, a tenga'a ba, ta te nga; a herkeda da co a ndav na, ka nzlindekayè. 22 A n'njèlè man ka vokoyè, i va ta tenga'a, aman ta gi a nstaƋ, lèmèlèmè ara nga, nga gi a nstaƋ. 23 lyè te tenga'a, ka te iyè, aman ta gi a nstaƋ, jèlèlè'a; a herkeda da suna, ka nzlindekayè, ka woy ta a ndav ngaya, lèmèlèmè ara man ka woy iyè a ndav ngaya. 24 Bab ga, i woya aman tenga'a man ka pokoyè, ta zhè a sam ga, a ta rka n'njèl ga man ka vokoyè, a géƌ man ka woy iyè a ndav ngaya, aman herkeda n'nga di ɓai. 25 Bab nzura'a! Herkeda a sen ka ɓai; aman iyè i sen ka, a tenga'a ba ta suna, ka nzlindekayè. 26 A i ngreda ta nzlembaƋ ngaya; a i ngréƋè'a dai. Aman mwoy-ndo ngaya man ka woy iyè a vna, da zhè a sam ta, a iyè te tenga'a.
1 Aman Yèsu a n'ndeva ma haha, to do a golahi nenga'a a wud woyam Cédron. Gi lak te pa. A to do a pa a golahi nenga'a. 2 Aman Judas ba, man a nga na ri a gèƋ Yèsu, a sun sama'a, te man pats ngiƋè pats ngiƋè Yèsu a nda golahi nenga'a ta ɓicaƋa va a pa. 3 Aman Judas a mbaba ta golahi bihi ndohi mvi skwi a Zhiklè, a ndohi pharisie, a ta shkè a pa, a pitirla, a skwi ntiv vogwa, a skwi var. 4 Yesu a sun skwi tèlèba, man a da ga na, a nda ta ma, a ngaƋa ta: Kin woy wa? 5 A ta gaƋa na: Yèsu, ndo Nazareth. Yèsu a ngaƋa ta: Na iyè! A Judas ba, man a nga na ri a gèƋ, a nzlatsa a sam tenga'a. 6 Aman Yèsu a ngaƋa ta: Na iyè! to do a deɓa a deɓa a ta wush ta hai. 7 A Yèsu a ndzhaƋ ta za'a: Kin woy wa? A ta gaƋa na: Yèsu, ndo Nazareth. 8 A Yèsu a m'mbeƋa ta a ma: I gaƋa kinè, iyè, i nenga'a! Aman kin woy iyè, vajèke ta ndohi haha! 9 Aman a gi ara ma nenga'a man a gaƋa: te va ndohi man ka payè, ko staƋ i zede ɓai. 10 Simon Pierre, kafahi gwèsh na a zhè, a mphekoƋauda, a ntsahama na zlembaƋ civèƋ ri mandai a ɓèl bi ndohi mvi skwi a Zhiklè. NzlembaƋ ɓèl matsa Malchus. 11 A Yèsu a ngaƋa na Pierre: Ciɓda kafahi gwèsh a gi na! Kokwi man Bab ga a vayè, a i sia'a, i sia'a azɓi Ƌè? 12 Nhèyè ndo a bi sojè a golahi ndohi Juif ta gso Yèsu, a ta dzawa'a, 13 a ta da'a nshèlèkura'a a sam Anne. Caiphe, baki dem na, a vi sa, bi ndohi mvi skwi a Zhiklè. 14 Nenga'a ndo man a ngaƋa ta ndohi Juif: Dara ndo staƋ a metsi na te di man a ndohi tèlèba. 15 A Simon Pierre a ndzodzor Yèsu, ta a gol ngiƋè. A bi ndohi mvi skwi a Zhiklè a sun gol ngiƋè, a nenga'a a ndo a gala bi ndohi mvi skwi a Zhiklè a nda Yèsu. 16 A Pierre a nzlatsa a dalmagai. A gol ngiƋè, man bi ndohi mvi skwi a Zhiklè a suna, a n'ndo auda, a ta goƋa a ngwoz mɓer ntamagai, te deɓa'a a n'nda Pierre a gai. 17 A ngwoz mɓer ntamagai, a ngaƋa na Pierre: Ka ba ka te va golahi ndo haha ka ɓi Ƌè? A Pierre a ngaƋa: I a te va ɓai. 18 A sojè a ɓèlèlihi ta vatsa vogwa a vovar, mtasl a gai, a ta dzi vogwa. A Pierre ba nzlatsa a nda tenga'a, a dzi vogwa. 19 A bi ndohi mvi skwi a Zhiklè a ndzhoƋo Yèsu a géƌ golahi nenga'a, a géƋ njèma nenga'a. 20 A Yèsu a ngaƋa na: I goƌ ma'a a sam di ndohi tèlèba, pec pècèk. I senda ta te gi njèngè ma Zhiklè, te gi Zhiklè, a sam man ndohi Juiftèlèba ta ɓica va, i goƋ a metsar ka ɓai. Ka dzhaƋyè èhèmè? 21 DzhaƋ ta, man ta tsena ma man i gaƋa ta. Na haha, tenga'a ta sun skwi man i njè ta. 22 Aman a ngoƋ ma arsa, bigol ngiƌè man nzlatsa a pa, a ntsama na bazlazlam, a ngaƋa na Yèsu: Ta mbeƋa na a ma a bi ndohi mvi skwi a Zhiklè ar haha Ƌè? 23 A Yèsu a m'mbeƋa na a ma: Aman i goƋ ambaɓai, ngreday skwi ambaɓia man i goƋ mènè! Aman i goƋ zura'a, ka tsyè èhèmè? 24 Anne, nenga'a man a dzawa'a, a nzlinda a sam Caiphe, bi ndohi mvi skwi a Zhiklè. 25 A Simon Pierre nzlatsa, a dzi vogwa. A ta gaƋa na: Ka ba ka staƋ te va golahi nenga'a ka ɓi Ƌè? A Pierre a ntsokol ma, a ngaƋa: I ka ɓai. 26 StaƋ te va ɓèlèlihi bi ndohi mvi skwi a Zhiklè, gwoli ndo man Pierre a ntsahama na zlembaƋ, a ngaƋa: I rka ka a sam gi lak a tsagi nenga'a ka ɓi Ƌè? 27 A Pierre a ntsokol ma za'a. A nasa nasa ngarah a ntsu da'ai. 28 A ta da Yèsu te gi Caiphe, a gi ngomna, a sam prèk. To do a gi kita ɓai. Ta woy a ta lizhè ndav ta ɓai, a géƌ man ta da ndi ngolala Pâque. 29 A Pilate a ndo auda a sam ta, a ngaƌa ta: 30 Kin pün ndo haha a gèƌ mè? A ta mbeƌa na a ma: Aman ndo haha ndo ambaɓia ka ɓai, ar nga gskodi a kita Ƌè? 31 A Pilate a ngaƋa ta: Voco ar kinè, vagu kita nenga'a ara Ƌèlèwèr ma kita kinè a ngreda kinè! A ndohi Juif ta gaƋa na: Nga síaha a nga keƌe ndo ɓai. 32 A ngu ara ma Yèsu man a gaƌa; a ngreda m'metsi nenga'a man a da metsi a gèƌè'a. 33 A Pilate a mdo a deɓa a gala na, a mbaba na Yèsu, a ngaƋa na: Ka bi ndohi Juif Ƌè? 34 A Yèsu a m'mbeƋa na a ma: Ka goƋ ma haha te gèƋ ngaya Ƌè, Ƌè ndohi ngiƋè a ngaƋa ka a gèƋ ga Ƌè? 35 A Pilate a ngaƋa na: l ndo Juif Ƌè? Ndohi ngaya a ndohi mvi skwi a Zhiklè mbibihia"a ta ncka ka a kita a sam ga. Ka ga mè? 36 A Yèsu a ngaƋa na: Kokwar-Bi ga az t"herkeda haha ɓai. Aman agassa kokwar-Bi ga t"herkeda haha, ar golahi ga ta gi var, aman ta viyè a kita ndohi Juif azɓai. Aman antanta kokwar-Bi ga az t"herkeda ɓai. 37 A Pilate a ngaƋa na: Kos man ar haha, ka bi Ƌè? A Yèsu a ngaƋa na: Ara ngèƋè ngaya; i bai. I shkè a herkeda, aman i gi a ndo malwuƋi ma nzura"a. Ndo staƋ staƋ tèlèba, man ndo nzura"a, a tsena da"ai ga. 38 A Pilate a ngaƋa na: Ma nzura'a, na mè? Aman a goƋ ma haha, a ndo auda za'a a sam ndohi Juif, a ngaƋa ta: I ngatsa mali m"metsi a sam na ɓai. 39 Aman ara man kin gia pèc pècèk a sam ngolala Pâque, i pra kinè ndo staƋ. Kin woy a i pra kinè bi Juif Ƌè? 40 A ndohi tèlèba ta boho a wuƋai: Nenga"a ka ɓai, sèi Barabbas! Aman Barabbas ndo nked ndo.
1 Te deɓa'a Pilate a nco Yèsu, a ta ndoho a mènèwèd. 2 A sojèhi la tsaffa vatak, a ta paƋa na gèƋ, a ta va na maslaka vèvèzh a va, a ta shkè a sam na, a ta gaƋa na: 3 Mbalai, bi ndohi Juif! A ta tsu a bazlazlam. 4 A Pilate a ndo auda za"a, a ngaƋa ta: Na haha, i da"a a sam kinè; aman kin suna, i ngatsa mali m"metsi a sam na ɓai. 5 A Yèsu a mdo auda, gèƋ mpaƋa a vatak, a maslaka vèvèzh a va. A Pilate a ngaƋa ta: Ndo'a, a naha! 6 Aman bihi ndohi mvi skwi a Zhiklè, a bigolahi tenga'a, ta rka'a, ta boho a wuƌai: Gezlala'a, gezlala'a! A Pilate a ngaƋa ta: Voco ar kinè, a kin gezlala'a! Aman iyè, i ngatsa mali m'metsi a sam na ɓai. 7 A ndohi Juif ta mbeda na ma: Nga ngots ma kita. Ma kita nga a gaƌa, sèi a metsi na, te man a fu va na a kra Zhiklè. 8 Aman Pilate a ntsena ma haha, a ngu zlau holhola'a. 9 A ndo a deɓa a gala na, a ngaƋa na Yèsu: Ka shkè tema? A Yèsu a m'mbeƋa na a ma ɓai. 10 A Pilate a ngaƋa na: Ka mbeday a ma azɓi Ƌè? Ka sun ɓi Ƌè, wuƋi ga a zhè, man i pre ka auda, wuƋi ga a zhè, man i gezlal ka? 11 A Yèsu a ngaƋa na: WuƋi ngaya a shkè te gèƋè'a, man ɓai ar wuƋi ngaya azɓai. Gar haha, mali ndo mviyè a ri ngaya, mbia'a holhola'a. 12 Te deɓa'a Pilate a woya man a pra'a. Aman ndohi Juif ta boho: Aman ka da pra nenga'a, ka mandal bi Cèsar ka ɓai! Ko wawa man a fi va na a bai, nenga'a ndo mayam Cèsar. 13 Aman Pilate a ntsena ma haha, a nda Yèsu auda, a n'nzahai agèƋsam n'nzi kita, asam man ta baba na a gèƋ pra, a ma Hèbreu Gabbatha. 14 A pats nasa pats ntil ngolala Paque, géƌ pats. A ngaƋa ta ndohi Juif: Na haha bi kinè! 15 Aman tenga'a ta goƋ a wuƋai: Gezlala'a! A Pilate a ngaƋa ta: l gézlèlè bi kinè Ƌè? Bihi ndohi mvi skwi a Zhiklè ta gaƋa na: Bi nga ngiƋè azɓai, sèi Cèsar. 16 Te deɓa'a a mva ta a rai, aman ta gezlala'a. A tenga'a ta co Yèsu, a ta da'a. 17 A Yèsu a nzuɓ wof ngèzlèl na a ri na, a n'ndo auda a sam man ta baba na vatasl gèƋ', a ma Hèbreu Golgotha. A pa, ta gezlala'a, a ndohi cèw a nda nenga'a, 18 ngiƋè te ri mandai, ngiƋè te ri guìa nenga'a, Yèsu te ndeva'a. 19 A Pilate a mwindo a géƌ wof ngèzlèlè: Yèsu, ndo Nazareth, bi ndohi Juif. 20 Ma haha ndohi Juif kumba ta jongo, te man sam man ta gezlala Yèsu apaa zhè ndul ndul a ma kokwar mbia'a. A ma haha ta windo a ma hébreu, a ma latin, a ma grèc. 21 A bihi ndohi mvi skwi a Zhiklè, a ndohi Juif, ta gaƋa na Pilate: Ka windo ‘Bi ndohi Juif ɓai; aman windo: 'I bi ndohi Juif, ara ngèƌè nenga'a. 22 Aman Pilate a ngaƌa ta: Skwi man i windo, i mwinƋè'a klèng ma. 23 Aman ta gezlala Yèsu ma, sojèhi ta co maslaka neiiga'a, a ta kezla te va faƋ, a ngiƋè staƋ, a ngiƋè staƋ, a suƋkova, dia'a azɓai. 24 A ta goƋ a va ta: Nga woy a nga kuratsa nenga'a ɓai, sèi ngogokoy jimèr, a nga rka ndo man a da ngècè'a. A ngu ara man Ƌèlèwèr Zhiklè a gaƋa: Ta kezla maslaka ga a va ta, a ta gu jimèr a géƌ suƋkova ga. A sojèhi ta gu arsa. 25 A mam na, a demam mam na, Ma rie, ngwoz Cléophas, a Marie Magdala, ta zlatsa a sam wof ngézlèl Yèsu. 26 Aman Yèsu a rka mam na, a gol nenga'a man a woya a ndav na, a tsagi na, a ngaƋa na mam na: Ngwoz, na haha, kra ngaya! 27 Te deɓa'a a ngaƋa na gol nenga'a: Na haha, mam ngaya! A pats nasa gol matsa a nceda a tsagai. 28 Te deɓa'a, aman Yèsu a suna, skwi tèlèba n'ndeva ma, a ngaƌa, ara man äèlèwèr Zhiklè a gaƋa: Iyam a dzayè! 29 Duzlak staƋ a zhè a pa, a iyam mbertéktéka'a. A ta co maslaka, a ta fèda a gaƋa, a ta tsuloɓda a iyam matsa, a ta va na. 30 Aman Yèsu a tor iyam, a ngaƌa: Nrufa ma! A nkalda gèƌ na hai, a m'mets na. 31 A ndohi Juif, a géƌ man pats ntil ngolala Pâques, ta dzhoƋ Pilate, ta woya nckondohi ta nzi a wof ngèzlèl ta azɓai a pats nshèk va (pats nshèk va sa mbia'a). Ta woya ta paslama ta sak, a ta helka ta hai a deɓ wof. 32 A sojèhi ta shkè, a ta paslama na sak a ndo nshèlèkura'a, a sak a ndo ngiƋè, man ta gezlala a nda Yèsu. 33 Aman ta shkè a sam Yèsu, ta rka, m'metsa ma, ta paslama na sak ɓai; 34 aman sojè staƋ a ntuzo zlazlar nenga'a a tsakwal. A nasa nasa pombaz a iyam ta hakaƋauda te pa. 35 A ndo man a rka'a, a ngreda, ma malwuƋi nenga'a nzura'a. Nenga'a a suna, skwi man a gaƋa, zura'a, aman kinè ba kin cè a ndav kinè. 36 Skwi haha a gu ara man ta windo te ƌèlèwèr Zhiklè. Ta paslama na ko vatasl staƌ ɓai. 37 A sam ngiƋè Ƌèlèwèr Zhiklè a gaƋa: Ta da pi di a nenga'a man ta tuzo. 38 Te deɓ nenga'a, Joseph te Arimathée, gol Yèsu ngiƋè man a gi zlau ndohi Juif, a ngu a gol nenga'a a metsar, a ndzhoƋo Pilate, a woya a ckoƌi va Yèsu a hai a wof A Pilate a mva na civèƌ. A nenga'a a mshkè, a nco ckondo Yèsu. 39 A NicoƋème ba a mshkè, ndo man a shkè a sam Yèsu a vaƌ, a ncko mbar ɓurdi kilo 30 . 40 A ta co ckondo Yèsu, ta paƌa'a a maslaka gogumai a ta geda ɓurdi a pa, ara tsuf ndohi Juif, aman ta til ndohi man ta pe ta a gi dzavai. 41 Aman a sam man ta gezlala'a, sam mbela'a a zhè, gi dzavi mɓua'a, man ta fa ndo a pa di ɓai. 42 A gèƌ man pats ntil ngolala Pâque ndohi Juif, a géƌ man gi dzavi sa ndul ndul, a ta feda Yèsu a pa.
1 A pats nshèlèkura'a te pats luma, Marie Magdala a mdo, a prèk vaƋ, a sam gi dzavai, a nrka ngezlambar kwa ngudumbela auda a ma gi dzavi ma. 2 A nenga'a a mhu a sam Simon Pierre, ta a gol ngiƌè, man Yèsu a woya'a, a ngaƋa ta: Ta ceda Bi nga auda te gi dzavai, a nga sun sam man ta fèda a pa ɓai. 3 A Pierre a mdo, ta a gol ngiƋè, a to do a sam gi dzavai. 4 Ta cèw man ta hu a vna; a ngiƋè n'ngelda Pierre a pa, a n'ndika a sam gi dzavi nshèlèkura'a, 5 a mpu di a pa, a nrka maslaka gogumi t'hi te pa. 6 Aman a nda a pa ɓai. A Simon Pierre a mshkè, a ndzodzora, a mdo a gi dzavai, 7 a nrka mberzlèdai az a sam maslaka gogumi ɓai, mpaƋa'a a géƋ na, a sam tsaƌ. 8 Te deɓa'a gol matsa a mdo a pa, nenga'a man a ndika a sam gi dzavi nshèlèkura'a. Nrke na, a nco a ndav na. 9 Aman ta sun Ƌèlèwèr Zhiklè di ɓai, ara man a gaƋa: Sèi a slèmbèƋè te ndev ndohi m'metsa'a. 10 A golahi to do ta a ngwai. 11 Aman Marie nzlatsa a sam gi dzavai, t'uda, a kuƋai. Aman a kuƋai, a nzerƋda di a gi dzavai. 12 A nrka golahi Zhiklè cèw, a maslaka nslekaƋa'a, ta nza a ma gi dzavai man va Yèsu te pa, staƋ te géƋè'a, staƋ a sam sak na. 13 Tenga'a ta gaƋa na: Ngwoz, ka kuƋ mè? A nenga'a a ngaƋa ta: Ta ceda Bi ga a ma, a i sun sam man ta feda a pa ɓai. 14 Aman a ngoƋ ma haha, a mpu di a deɓa, a nrka Yèsu, nzlatsa a pa, aman nenga'a a sun a ngaƋa Yèsu ɓai. A Yèsu a ngaƋa na: 15 Ngwoz, ka kuƋ mè? Ka woy wa? A nenga'a a nhuro, ndo mɓer gi lak, a ngaƌa: Bai, aman ka zuɓda a sam ngiƌè, ngredayè sam man ka feda a pa, aman i da ckoƌa deɓa. 16 A Yèsu a ngaƌa na: Marie! A nenga'a a n'ngwoda ma a deɓa, a ngaƌa na a ma hèbreu: Rabbuni! Ara ngèƌè: Ndo njèngè ma! 17 A Yèsu a ngaƌa na: Ka gsiyè a ri ɓai, aman i da a deɓa a sam Bab ga di ɓai! Aman do a sam kramamhi ga, a ka gaƌa ta: Na haha, i Ƌè a sam Bab ga, a sam Bab kinè, a sam Zhiklè ga, a sam Zhiklè kinè. 18 A Marie Magdala a ndo, a njè ta ma haha a golahi Yèsu: I rka Bai, a nenga'a a ngaƌay kata kata! 19 A pats nasa, dakwad ma, pats nshèlèkura'a te pats luma; gi man golahi Yèsu te pa, mpizlè'a. Ta gu zlau ndohi Juif. A Yèsu a mshkè, nzlatsa a ndev tenga'a, a ngaƋa ta: Gumi a nda kinè! 20 Aman a ngoƋ ma haha, a n'ngreda ta ri na, a zlazlar na. A golahi nenga'a ta wuffè a vata, aman ta rka Bi ta. 21 A Yèsu a ngaƋa ta za'a: Gumi a nda kinè! Lèmèlèmè ara man Bab ga a nzlindekayè, i ba i zlinde kinè. 22 Aman a ngaƋa ta ma haha, a nfte ta, a ngaƋa ta: Voco., Mèzhèɓ Zhiklè nkezla'a! 23 Ndohi man kin pra ta malai, mali tenga'a mpra'a. Ndohi man kin pra ta mali azɓai, mali tenga'a ta nza. 24 Thomas, staƋ te va I 2 , man ta baba na tsakalai, az a sam ta ɓai, a pats man Yèsu a mshkè. 25 A golahi ngiƋè ta gaƋa na: Nga rka Bai! Aman nenga'a a ngaƋa ta: Sèi i rka vovi züdo a ri nenga'a, a i taraha vovi züdo a ri ga, a i lama na zlazlar na a ri ga, man ɓai i cè a ndav azɓai. 26 Te deɓ m'mèn tsamakad, golahi nenga'a ta zhè te gi za'a; Thomas a nda tenga'a. Gi mpizlè'a. A Yèsu a mshkè, nzlatsa a ndev tenga'a, a ngaƋa: Gumi a nda kinè! 27 Te deɓa'a a ngaƋa na Thomas: Cko krari ngaya! Taraha rihi ga! Torko ri ngaya, a ka lama na zlazlar ga! Ambaɓai aman ka ca a ndav ɓai. Co a ndav! 28 A Thomas a m'mbeƋa na a ma: Bi ga, Zhiklè ga! 29 A Yèsu a ngaƋa na: Ka co a ndav ngaya, a géƌ man ka rkayè ma. Mwuffè a sam ndohi man ta co a ndav ta, ko ta rka'a a di ɓai. 30 Yèsu a ngu skwi malwuƋi tsaƋ tsaƋ a sam di golahi nenga'a, aman ta windeda Ƌèlèwèr haha ɓai. 31 Aman skwi malwuƋihi haha ta windo, aman kin cè a ndav, Yèsu, nenga'a Kristi, kra Zhiklè. A géƌ ncè-a-ndav kinè kin da ngècè nshèffè a nzlembaƋ na.
1 Te deɓ nenga'a, Yèsu a n'ngreda ta va na a golahi nenga'a a ma woyam Tibériade, a n'ngreda ta va na arsa: 2 Simon Pierre, a Thomas, man ta baba na tsakalai, a Nathanael, man a shkè te kokwar Cana te Galilée, a wudahi Zébédée, a golahi nenga'a ngiƋè cèw, ta nza a vna. 3 A Simon Pierre a ngaƋa ta: I Ƌè pèr klèf di mènè! A ta gaƋa na: Nga ba, nga Ƌè a verzi ngaya. A to do, a to do a wurom. A vaƋ pats nasa ta ngatsa skwa ɓai. 4 A prèk te gai, Yèsu nzlatsa a ma woyam. A golahi nenga'a ta suna, ta gaƋa nenga'a Yèsu ɓai. 5 A Yèsu a ngaƋa ta: Wujdahai, kin ngatsa skwa ɓi Ƌè? A ta gaƋa na: A'ai! 6 A nenga'a a ngaƋa ta: Vawusheda lata te wurom, a civèƋ ri mandai, a kin ngècè'a. A ta wusheda lata, a ta slaha ta ngozlkoda deɓa ɓai, n'ndha a klèf. 7 A gol matsa, man Yèsu a woya'a a ndav na, a ngaƌa na Pierre: Nenga'a Bai! A Simon Pierre, man a ntsena'a, nenga'a Bai, a mfeda maslaka a va, aman nenga'a aƋai, a nkalda va na a iyam. 8 A golahi ngiƋè ta shkè a wurom (ta dra a ma dzah ka ɓai a tsi ri 200 ), a ta ngozlkodi lata a klèfte pa. 9 Aman ta shkè auda a dzah, ta rka ndazli vogwa, a klèfa movar a géƌè'a. 10 A Yèsu a ngaƋa ta: Vahelka te va klèf man kin porkoƋi antanta! 11 A Simon Pierre a mdo, a ngozlkoƋi lata man n'ndha a klèfmbia'a, 153 , a herkeda. Ko klèfkumba te pa, lata nkuratsa ɓai. 12 A Yèsu a ngaƌa ta: Vowashkè, vandau skwi n'ndai! A golahi ta gu zlau aman ta jhèƋè'a: Ka wa? Aman ta suna, nenga'a Bi Yèsu. 13 A Yèsu a mshkè, a nco movar, a mva ta. Lèmèlèmè klèf. 14 Arsa Yèsu a ngudoko ta va a di a golahi nenga'a mamakara'a, te deɓ man a slambaƋkaƋauda te m'metsi ma. 15 Aman ta ndau skwi n'ndi ma, Yèsu a ngaƋa na Simon Pierre: Simon, kra Jonas, ka woy iyè a ndav ngaya, a fena ndohi haha Ƌè? A nenga'aa ngaƋa na: Halau, Bai, ka suna, i woy ka. 16 A Yèsu a ngaƋa na: War wud tambakihi ga! A ngaƌa na macecèwa'a: Simon, kra Jonas, ka woy iyè a ndav ngaya Ƌè? A nenga'a a ngaƋa na: Halau, Bai, ka suna, i woy ka. A ngaƌa na: War tambakihi ga! 17 A ngaƌa na mamakara'a: Simon, kra Jonas, ka woy iyè Ƌè? A Pierre a kuƋi te ndav na, a géƋ man a ndzhoƋo mamakara'a: Ka woy iyè Ƌè? A ngaƋa na: Bai, ka sun skwi tèlèba, ka suna, i woy ka. A Yèsu a ngaƋa na: War tamɓakihi ga! 18 A vava, a vava, i gaƋa ka: Te va man ka gola dai, ka mana skwi deɓ ngaya a ri ngaya, a ko do a sam man ndav ngaya a woya a nƋè a pa. Aman ka hala ma, ka da pelaha ri ngaya, a ndo ngiƋè a da mana ka skwi deɓ ngaya, a de ka a sam man ka woya a ka Ƌè a pa ɓai. 19 Ma haha a ngaƋa na, aman a ngreda na m'metsi na, man a di a sléɓèrƋè Zhiklè a vna. Te deɓ nenga'a a ngaƋa na: Dzadzarkayè! 20 A Pierre a mpu di a deɓa, a nrka gol ngiƋè, man a dzodzora, gol man Yèsu a woya a ndav na, man ta ndi skwi dakwad a ndüngoƋo va a va Yèsu, man a ngaƋa na: Bai, nda ga ka ri a gèƋ wa? 21 Aman Pierre a nrka nenga'a, a ngaƋa na Yèsu: Bai, aman nenga'a kè? 22 A Yèsu a ngaƋa: Aman i woya a n'nzai, ha pats man i shkè a deɓa, ma ngaya Ƌè? Sèi ka dzadzarkayè! 23 A kramamhi ta zlèzlèmè ma haha: Gol matsa a da metsi azɓai. Yèsu a ngaƋa na, a da metsi azɓi, ɓai. Aman a ngaƋa: Aman i woya a n'nzai, ha pats man i shkè a deɓa, ma ngaya Ƌè? 24 Nenga'a gol Yèsu, man a ngreda skwi haha tèlèha, nenga'a man a windo ma haha. A nga suna, malwuƋi nenga'a nzura'a. 25 Aman skwi ngiƋè tsaƋ tsaƋ a zhè, man Yèsu a gau. Aman ta woy a ta winƋè staƋ staƋ tèlèba, i huro, a gi kumba; herkeda sata tèlèba a slra man a ta mpi ƌèlèwèra'a a pa ɓai.