Tiv


/1 Kpa Aondo tese se dooshima Na sha ku u Kristu A kpe sha ci wase er se lu
mbaasorabo her la.
Tso er iyange i iniongo i Paseka lu a kuma ga la er Yesu fa shighe Na kuma u
Una due shin tar ne, Una yem hen Ter yo, er ior Nav mba ve lu shin tar ne ve
doo Un ishima yo, ve doo Un ishima zan zan ar sha mkur je.
Man shi hen Yesu Kristu, Orshiada u jighjigh, ka Waniunda u ken mbakpenev man
ka Tor u tamen sha utor mba sha won kpaa; Un u se doo Un ishima man A sagh se
A due a vese ken asorabo ase kera sha awambe a Na.
Gadla tar ne doo Aondo ishima je, nahan A na Wan Na u mom mom la sha er anti
or u nan ne Un jighjigh yo, nana de timin ga kpa nana zua a uma u tsoron.
TER ande her a mo ken ica je, kaa er: Een, u doom ishima sha dooshima u
tsoron je, ka sha ci u naham M udugh we sha erdoo ye.
Or ngu a dooshima u a hembe ngun ga, je u or nana gbihi uma u nan sha ci u
akar a nan.

/2 Mimi je, kwaghmyer u a lu sha mcivir u se civir Aondo la, vese tso; I pase
Un ken iyol i or ken igbar, i na Un isho ken Jijingi, mbatyomov mba Shaav
nenge a Na, i pase kwagh Na ken atoatyev, i na Un jighjigh sha won, i yem a
Na sha ken iengem.