Urhobo


/1 Ekevuovo Oghene dje eguono roye ke avbare ne, oke re avbare vbo e 
oruimwemwu na, Kristi de rhi whu ke avbare.
Tavbe ore re Pasova na ki ri te, ri Jesu vbo rie ne awa ro vbo n'akpo nana bre 
Ose ra rhere, ro vbo guono erobo royi vb'akpo na, oda guono ayi ri t'oba.
Ji kugbe Jesu Kristi re iseri re uyota na, ohwo re esosuo ro ke whu varhe, 
kugbe osu re ivie re akpo na ejobi. Oye ohwo ro guono avbare, o da vbe obara 
roye ta avbare ne ovie re imwemwu.
Ohwo ro vbo eguono-o yo rie Oghene-e; fikiridie Oghene ye eguono. Etine koye 
eguono re Oghene vbo vhia vbe oma re avbare, ne Oghene ji Omo roye ovuovo na 
rhe akpo na, rere avbare vbo rho fiki roye.
Otioyi Oghene guono akpo na te, O de siobo n'Omo royi na vuovo rhe, rere, 
okuko royi, otu ri se or'oyi gbuyota vbo j'ewhro, ekevuovo ayi vb'arho ri 
bede.

/2 Vbe enena, enana eje re vhia, rere emu na eje vbo gba, re Orovbohwo tare 
vbe unu re emraro roye ne, Nighe omotobe tsa mre evu, o tse vbie omoshare, ke 
se ode roye Emmanuel, oto roye Oghene ve avbare hero.
O rha dia obo ra vhra-a, iku re ega re avbare na, igbunu; Ohwo re vbieri vbe o 
re ugboma, re Erhi Ofuafo na ru vhiho ovbata, re emakashe na mrere, re 
whowhori ke irere ri Keferi na ejobi, re de segbuyota vbe akpo na, ra ke reyo 
vbo kpo odjuvbu.
Jesu da kpahe ta ke ne, Filip, ode re mav'owe vbo hero na, dayi wo be rie 
ovbe? ohwo ro mre ovbe yo o mre Ose na re; kidie jabo re wo be vbo ta ne, dje 
Ose na k'avbari? Wo bi segbuyota ne, me h'evu r'Ose na, kugbe Ose na h'evu 
me-e?
Notorhe y'Ota na vbo hero, Ota na v'Oghene be hero, Ota na y'Oghene.
Ota na ke rhoma die ohwo, O v'avbari nana da dia vb'omoke, (koyi avbari vbo 
mre uriri royi, otie uriri r'Ose vbo ke Omo royi ovuovo na) o vore v'eserovhe, 
kugbe uyota.

/3 Fikiridie erhuvbu ve ovovo re Oghene ejobi vo rue oma roye re.
Kohwo kohwo ro rhovbere ni Jesu Omo re Oghene, Oghene ko dia evu roye, 
okpuyovbi roye ko dia evu re Oghene.
Ro je vbo tota na, egho de rhi rhurhu aye: urhuru de ne evu re egho na rhe ta 
ne, Onana omo me ro je vbe na, re ivu roye vberha ovbe na; we nyo ota roye.
Amakashe na da kpahe ta ke ne, Erhi Ofuafo na tse bru we rhe, ogaga re 
Orokpenu na ko tse rhurhu we: fiki re eriyi na, omo ru wo tse vbie na kese 
ofuafo, Omo re Oghene.
Re aye vbo mre, aye de kperi ta ne, Die avbare ve owe bi ru, we Omo re Oghene? 
Wo rhe vbe oja rie avbare besie oke re avbare vbo te?
Ovban je t'ota kpah-ohwo r'Ose na ruru fon nu, ro de jo vbo rhie akpo na, ne, 
o t'eta re blasfimi; ne, fikiridie me tare ne, Mevbe h'Omo r'Oghene na? O be 
dia ne iruo r'Ose me na mi rue-e, ovban se ome gbuyota-a.

/4 Jesu da kpahe k'ayi ne, Uyota, r'uyota me ta k'ovban na, Tavbe Ebraham ke 
hero, ye me hero re.
Jesu da ta ke ne, Mevbe h'evrenushi na, kugbe arho na: o ro se ome gbuyota, o 
wene o whu nu, o tsa rho.
Ovban se ovbe Oga kugbe Orovbohwo; ovban rie se; kidie eriyi me vha.
O ke be ta k'ayi ne, Ob'evu r'oto na, oyi ovban nurhe; ob'enu mi nurhe: ovban 
h'otu r'akpo nana, me die or'akpo nana-a.
Vb'oke re me vbo h'evu r'akpo na, mevbe h'urhukpe r'akpo na.
Tavbe Jesu kibi rhivbi ta k'ayi ne, Uyota, r'uyota, me ta k'ovban na, Mevbe 
h'unuetse r'ogba r'igegede na.
Jesu da ta k'ayi ne, Mevbe h'e bredi r'arho na: ohwo ro br'uvbe rhe nu, 
owevben bi hw'e ofa-a; kugbe o ro se ome gbuyota nu, urhuru r'ame bi hw'e 
ofa-a.

/5 Nighe irhuero ive de tidia orhoma re idjede, re aye vbo nyo ni Jesu tsa wa 
vre, aye de kperi ta ne, Orovbohwo ne aruedo re avbare, we Omo ri Devid.
Ero da do gaga, oda vbe obo te ero re aye, sievuovo na aye da mrore, aye de 
nene.
Oda ta ke ihwo na ne, ovba tidia toto vbe enu re odi; oda reyo ikara iyori na 
kugbe imiyeri ive na, ro vbo ni odjuvbu, oda ne erhovbo, ode bru ikara na vbo 
ke idibo roye ne a vbo ke aye. Aye eje da re evu da vo aye, aye de gbeje 
ivbuvbu na koko, eda vo ibere ihwive. Ihwo re rie emu na da dia uri uje gbe 
iyori, eya ve imitete kugbe aye-e.
Oke ro vbo yono ihwo na nu, oda ta ki Simon ne, bi oko we na obaro, re wo fa 
ariri we na ho. Simon da kpahe ke ne, Oyono, avbare naghoma vbe aso na gaga, 
yi me hwe emuovo-o: ekevuovo vbe ota we na me fa vhiho. Oke re aye vbo fa 
vhiho nu, iyeri buebu de muo; ariri na ko bere.

/6