/1 Dantse godeyaada' nlini, an daadesiits'aanii, nohwinaa bee daahiit'iinii,
daahihiiltsaanii, nohwigan bee nabik'idaadenlniihii, an Yati' be'ihi'nahi,
Christ nlii.
Ihi'naahii ch'i'nah alzaa, an daahihiiltsaa, baa nadaagohiilni', ihi'naa doo
ngonel'aa dahii, nohwiTaa yil nlini, nohwich'i' ch'i'nah alzaahii nohwil baa
nadaagohiilni.
Daahihiiltsaanii la'ii daadesiits'aanii nohwil baa nadaagohiilni', nohwii
aldo' nohwil lil daanjoo doleelhii bigha: nohwiTaa la'ii biYe', Jesus Christ,
bil da'anii lil daandlii.
Dazho nohwil daagozhoo doleelhii bigha dii nohwich'i' baa k'eda'iilchii.
Diinko Christ bits'a'di' daadesiits'aa, aik'ehgo nohwil nadaagohiilni',
gadaanohwiln'niigo, Bik'ehgo'ihi'nan idindlaadii nlii, godilhilii dazho doo
la' biyi' golii da.
Godilhilii biyi' nahiikaida', bil lil daandlii daan'niiyugo leda'ilchoo,
da'anii agot'eehii doo bikisk'eh adaant'ee da.
Aida' Bik'ehgo'ihi'nan idindlaadii yiyi' nliihii k'ehgo nee aldo' idindlaadii
biyi' nahiikaiyugo, lil daanjoo, aik'ehgo biYe' Jesus Christ bidilii
nohwincho'ii dawa nohwa yidilkooh.
Nohwincho'ii da'adih daan'niiyugo, ich'i' nadaahiich'aa, aik'ehgo da'anii
agot'eehii nohwiyi' da'adih.
Nohwincho'ii baa nanadaagohiilni'yugo, Bik'ehgo'ihi'nan nohwincho'hii bigha
nohwaa nagode'aah, an da'aniiyu at'ee, dabik'ehyu at'ee, aik'ehgo doo
bik'ehyu adaasiidzaa dahii dawa nohwa nail'eel.
Doo hak'i ncho'go adaahiidzaa da daan'niiyugo, Bik'ehgo'ihi'nan le'ilchohi
nliigo adaahiidle', aik'ehgo biyati'ii doo nohwiyi' golii da.

/2 Shichaghashe, dii nohwich'i' k'e'eshchii, doo hak'i ncho'go adaaht'ii da
doleelhii bigha; Ndi dahadin ncho'go adzaayugo, nohwiTaa yich'i' nohwa
yalti'ii golii, Jesus Christ, dabik'ehyu at'ehi.