1 Hanau waunauthathee hadnedanuu hejadenenau hadjenanuu hauthase vavesee hauthedau hena hayauhuhau nanae hajavaanethauwuthajauthaunin, 2 Hasevenanauau nanaa hehethee jasesee vasesa haenuu nau uejaanuu hanadedaunau; 3 Hasethajaunau hethadee heee nananenau jea, vavesethaugudenau vahee hayauhuhau hehetheejasesee hadnewauthaunauwunathane nedanee, javaanethadee Theauthenus, 4 Hadeaenauwu hethauwuu hena hayauhuhau nesechauhauthehane. 5 Hena hese Herod, naja Judea, jasaa vevethahehe Zacharias haseede, hadauchunanede Abia: nau henene hedaunahene Aarauneau, nau heneseedaunin Ehsabeth. 6 Nau haenesauuthahenauau hathaahenith Hejavaneauthu, thaunaugudethee vahee nanavaavedaunau nau hauchuwudaunau Vahadade dejauthauwuvade. 7 Nau hehauwunesaunenauau, hanau henee hehauwunesaune Ehsabeth; nau wauwu haenesauu vaehahenenauau. 8 Nau hethauwuu, henee daunausuvadanedaude hathaahenith Hejavaneauthu haenauauchaude, 9 Nesedaunethe vevethahehehau, nesedaude hadnejaade yehauthe hevadannauauwunene Vahadahenith. 10 Nau haunauude henanedanede haevevethahedaune jathee nauauchuu jaa. 11 Nau haenauhauva hautheaune Vahadade haetheaugune hejavese jaanaa. 12 Nau haenauhauwaude Zacharias, haejanethajau, nau nathajaude haeedasaa. 13 Hau nuu hautheaune, jevanathajau hathahuk, Zacharias: havevethahede nanedauwuhuu; nau hadasea Ehsabeth hndjanesewaude haau, nau Jaun hadeseau. 14 Nau na lanin hadaunauwuthajau nau hadeneethajau; nau hadnewauthathee neethajauthee haejanesee. 15 Hanau haudvasathaa hathaahenith Vahadahenith, nau haudnehauwuvane daudause dadajevenenaje, wauathe neauthunaje; nau haudnechauchaunaudede Hevadanauwauthauwunene Hejavaneauthu, haa hehethee haejanesee. 16 Nau haudnewauthaa daeyaunenede Israel hadjaechuwauyaaunaude hesee Vahadahenith Henesaunaunenau. 17 Nau haudnedauwaunaude nauguu Yadanauwauthauwu nau neesenaudahenith Ehas hadjaechuwauyaauau vadauhau henesaunaunenau hesee daeyaunauauau nau nejenedauvathee gaugauuthajaudenau hadauethadee; hadnesaanudede henanedanede hesanaa hesee Vahadahenith. 18 Nau Zacharias naudedusaene nuu? wauwu vanaehahenenau nau nadasea wauwu vadavehahenede, hathauhuk hautheaune. 19 Nau hautheaune hanaaauchuhananadethade, Nananenau Gabriel henee theaugudaunauau hathaahede Hejavaneauthau; nau janeautheavanau haudnaedauwunathana, nau hadnauhauthehathana nuu neethajaude waunauyauau. 20 Nau, naune, nananin haudnejanadene nau haudnehauwuneanade, haunaude hese nuu hayauhuhau nauauchaugu hethauwuu, hanau nananin daujethauwaudauwu nadanadede, nuu hadnethauwunauauchuu nauauchaugaune. 21 Nau henanedanede haedauyauhauvanauau Zacharias, nau haegaugauanadauwu henee dauguthetheaugude vadannauauwuu. 22 Nau haejenauahede, haejeneanadetha: nau haeaenauwu daunauhauthade vadannauauwuu: haevathasauwuna nan haejanade. 23 Nau hethauwuu, henee, chauchaunu hese haesevadanedaude haeyehau hesee nehayau hedauauwuu. 24 Nau heee hena hese henene Ehsabeth hanaaenesaunenith, nau haegauduse nehayau hayauthaunenethe hesese heee, hanaaenehede, 25 Hesau Vahadade naasehanau hesee haedaugauhauvanau hadgudanauwunanau naedayahede henanedaa. 26 Nau nanedaudauchuauwaude hesese hautheaun Gabriel haejeautheawau hehethee Hejavaneauthu hesee hedan Gananee haseenaugu Nazareth, 27 Hesahedaeyaun haeenenehauwaune henanin Joseph haenaneeseenith, hehethee hedauauwuu David; nau hesahedaeyaun Mare haenaaseede. 28 Nau hautheaun haeedasaa, nau hanaaenehethade, Haunauwuthajau, nananin vechauthane, Vahadade hanedaudaunane: hauwunaunane hesanaa. 29 Nau haenauhauwaude, haejanethajaude hedanadedaunin, nau haegaugauanade daun hadnesenaunenechuhude nuu hadnesauau. 30 Nau hautheaun, Jevanathajau, hathahuk, Mare: hanau nananin vechauthane Hejavaneauthau. 31 Nau, naune, nananin hadnenesaunin, nau hadneahene, nau JESUS hadeseau. 32 Hadvasathaa, nau Vaa Hejavaa hadethauva: nau Vahadade Hejavaneauthau hadvenaude naja theaugudau henesaunaune David: 33 Nau hadnajawaudauau hededanin Jacob jethauujenee; nau henajanede hadnehauwuthauuvadauaune. 34 Hanaaenehethaude Mare nuu hautheaune, Haddusenesau nuu hanau nahauwaenaunau henane? 35 Nau hautheaun hanaaauchuhananadethade, Hejavaneauthau Hevadanauwauthauwu hadnedasane: nau naunauthauau Hejavaa haddugauyaaunane; henaheee jea henee Naunaudade hadnenesaunewaude Heau Hejavaneauthau hadnethade. 36 Nau, naune, have Ehsabeth, jea wauwu henesaunede hadneahede wauwu dauvadavehahenede: nau nuu nanedaudauchunethe hesese wauwu hehauwunesaune neethade. 37 Hanau Hejavaneauthau vahee neneedede hayauhuhau. 38 Nau naune, Vahadade daununanau hahagu Mare, hadnaasauau nuu hasenehene, nau hautheaun hanaaenauthade. 39 Nau Mare hanaaethauwauthede hena hese, nau hanaaehaude jauaudanenauauwuu nauhauhaunee hesee hedan Juda; 40 Nau hanaejedade hedauauwunene Zacharias, nau haenaunenechautha Ehsabeth. 41 Nau hethauwuu, henee, Ehsabeth haenedauwauthaude daunaunenechuhunith Mare, daeyaunaa haenauauwuja hethauwaudauau; nau Ehsabeth haeechauchaunaude Vadanauwauthauwu: 42 Nau haevasanade, nau hanaaenehede, Hauwunaunane hesanaa, nau hauwunaunade daeyaunaa hethauwaudauau. 43 Nau naudauhuthedasaa nuu, henee henaune Navahadahewaunade hadnedksanau? 44 Hanau, naune, chauchaunu hanadedaunau haunaunenechauhude haenedauwaudauwau naunaudaunuu, daeyaunaa naunauauwujahede naunaudauau heee haunauwuthajaude. 45 Nau hauwunaunade hesa henee hethauwuthajaude: hanau hena hayauhuhau hadnethauwunaasauau neethaedauwunade hehethee Vahadahenith. 46 Nau Mare hanaaenehede, Navadathuwu hauwaunehade Vahadahenith, 47 Nau navadathuwu neethajaudaunaude Hejavaneauthu Nanayauhade. 48 Hanau nedaugauhauwaude hadavenuhuhau hedaununaunau: hanau, naune, hewaunehaa heejasesee vahee henaededaunau hauwunaunade hadnethanau. 49 Hanau hena Naunaudade vanasaunee hayauhuhau hasehanau: nau vadanaunee heneseede. 50 Nau nauwunaunaude henee headaunadaunau henajathee henaedede nau uausunee henaedede. 51 Nenauhauthethade hedaahede hejadenaa; neneasauaunaude hesaethajauhuhau hedahene. 52 Nejananaude naunaudahenethe hehethee hetheaugudaunene, nau nejejenanaude hadavenuhuhau. 53 Negaudauhaude hasenahehau nauguu hethadenee; nau nethauyadaheheh.au negudanaude jessaa. 54 Nenedahewaude heau Israel, nedauyewuwude hedauwuyau; 55 Neesenehethaude havasevaene, Abraham nau hedaeyaunewau jethauujenee. 56 Nau Mare haenedauguva hanaenethe hesese heee, nau hanaaejaehaude nehayau hedauauwuu. 57 Wauha Ehsabeth hanaaevadauaudaude hadneejanesade; nau hanaaeahede. 58 Nau henedaudevadaunau nau henethesauuau haenedauwauthaa hasauwunaunade Vahadahenith haenauhauthehaa vanasaunee hauwunaunadede, nau haenetheneethajauvaa. 59 Nau hethauwuu, henee haenasaudauchunesee haejenauusanauau hadgauguusenith daeyaunauau; nau haeadethanauau Zacharias, thauguu heneseedaunin henesaunaune. 60 Nau henaune hegau, haheyaugaune, Jaun hadnethade, 61 Nau hathauhaugaunee hehauwuseenauau hadauanauau nuu neseede, 62 Nau haevathasauwunanauau henesaunaunin, haadeneseenethe. 63 Nau haenaudede dasewauthaunauha, nau haewauthaunauha, Jaun haseede, hahagu. Nau haunauude haegaugauuthajaudene, 64 Nau haegaunadenanauau, nau henethaune haegauchauunauaune, nau hanaaanadede, nau haevaveenethedauna Hejavaneathu. 65 Nau nathajaude haeedasa haunauude henee hathaeauchaunauthee: nau vahee nuu nehedaunau haegaugauudedaune jedauwuu hathaauau jauaudanenauauwuu Judea. 66 Nau vahee hathaenedauvade haejenanauwu hedahenauau, hauddutha naa daeyaunaa, hahagaunee? Nau hejadenene Vahadanith haeanedaudaunaa. 67 Nau henesaunaune Zacharias haeechauchaunaudene Vadanauwauthauwu, nau haeaeyanautheda, 68 Vaveenethedaunaa Vahadade Hejavaneauthau Israel; hanau haenauujada nau daujauaudaunaudauau hedenanedanede, 69 Nau thauwaudanaude henenese hadnenayauhanauau jedauwuu hedauauwunene hedaununaune David; 70 Dau nausunanadede hedenaa Hevadanaeyahewau neenaedenethe haejeenaedenauau: 71 Henee hadnenanedanenauau hehethe haujauthavene, nau hehethee hejadenaa vahee hathaasanavadaunene; 72 Hethauwuu hauwunaunadede nesayanaedauwunaude havasevaene, nau haduedauj'ewuwude Hevadanenesedauwau; 73 Deneauwauhude yesee havasevaene Abraham, 74 Henee hadvenanauau, jenathajaude hehethee hejadenene haujauthavene hadnenayauhanauau hadnevevethedaunaunauau. 75 Nauguu vadanaunee nau chuwuu hathaahede, vahee hesee hadenaededaunene. 76 Nau nananin, daeyaunaa, haeyahe Hejavaa haudnethane: hanau nananin hadnedauwaudauwu Vahadade hadnesaanudene hevaunaa; 77 Hadvade haeyaude hadnenanedanedaunee hededane hadjaeg-udanauwunaude hewauchudaudenenenau, 78 Hehethee havathee hauwunaunadede Hasaunaunene; nanaa Naugusaje hehethee hejavaa hadnenauujadaunanauau, 79 Hadvenaude hesee hathaetheaugunethe hadauveeyaunee nau hadaudugauyasaa gaujauaudahede, hadnedauwaudauau hauauthene hesee hadaudadauyaunee. 80 Nau daeyaunaa haeesau, nau hevadathuwu haedaeaune, nau haenaadaude hadaunechaudanee haunaude hesee hadneenauhauthethade Israel.
1 Nau hethauwuu hena hese hauchuwude haeneasauau hehethee Caesar Augustus henee vahee henanedanede hadnayaadee. 2 (Nau nuu nayaadede haenedauwunesede deauchuwunaneuede Cyrenius Syria.) 3 Nau vahee haeauachaudene hadnayaadee haunauude hauesade hesee nehayau hededan. 4 Nau Joseph jea haeyehau hehethee Gananee, hehethee hedau Nazareth, jedauwuu Judea, jedauwuu hededan David Bethlehem neseee, (hanau naadahagu hedauauwunene nau nedanee David,) 5 Hadnethenayaade naguu Mareheau heauthehewauthadaune hadnewaune wauwu haeehathane heee henesaune. 6 Nau hethauwuu, henee hajesenausunanedauthee, hese haevadauaunau hadneejanesade. 7 Nau hanaaejanesade henedauwusaune heau. nau haeajetha, nau haeesevana hewauchuhauchave nedau vethehenethe; hanau haeneau vethehedaunauauwuu. 8 Nau hena vavade vedauauwuu haudanajauahehauau haeaudenauau, haeaunaunehanauau haeaunauyauhauvanauau hedajauanenau vegan. 9 Nau, wauha, Vahadade hedautheaune haeedasa, nau havathee haeseenauasaaunauau Vahadanith; nau haevasenathajaunauau. 10 Nau hautheaun jevanathajauau hathahaugaunee: hanau, naune, nauuchaudaunathana hethadee waunauyauau havathee neethajaude, nanaa heee vahee henanedanede. 11 Heee nananena janesee nuu desenee hededan David Henayauthahe, nananede Chris Vahadade. 12 Nau nuu hadneaenauwuna; Nananena hadveehauna daeyaunaa hanajehede, saesee hewauchuhauchave nedauvethehethee. 13 Nau nauhauhaunee hena haewauthanauau hejavaa hautheaunauau nauguu naa hautheau haevaveenethedaunanauau Hejavaneauthu, nan hasenehehaugaunee, 14 Havathee hauwaunede hesee Hejavaneauthau hejavaa, nau dasee vedauauwuu nanethauaunee, hethadee hathanavana henanedanede. 15 Nau hethauwuu, hautheaunauau haejaenautha hesee hejavaa, Wauha hadeehaunau Bethlehem, hanathadagaunee nuu haudanajauahehauau, nau nauhaudauwuu nuu hayewhu javeauau, nanaa Vahadade haaedauwunadaunene. 16 Nau haenauchuhanauusanauau, nau haeveehanauau Mare nau Joseph, nau daeyaunauau haesaeseene hewauchuhauchauwauauwuu henee nedauvethehenethe hewauchuhauchave. 17 Nau haenauhauwauthee, haeneanauthedanauau nuu hathauthedaunahethee heee daeyaunauau. 18 Nau vahee hathaenedauvade haegaugauanadauwu henee hayauhuhau nuu hathauthedaunathee haudanajauahehau. 19 Nau Mare haeaunaunede vahee nuu hayauhuhau, nau haegaugauanade hedahaa. 20 Nau haudanajauahehauau haejaesanauau, haevaveenethedaunanauau nau haevaveenethedaunanauau Hejavaneauthu heee vahee hanathadauvathee nau hathauhauthathee, neethaedauwunahethee. 21 Nau haenasaudauchunesee hadneegauguusede daeyaunaa heneseede Jesus, haseadagu nuu haseede haenaneeseade hautheaunau haunauau deejethasee. 22 Nau hesee haewaudeauchaude hasaunee hedauchuwude Moses haevadauaunee, haeyehauthanauau hesee Dadaunedan hadjenanauwunauthee Vahadahenith; 23 (Hathautbaunauhunee hauchuwudaunaa Yahadade, Dajee haunauahee henee nedauwusau vadade hadnethade hesee Vahadahenith:) 24 Nau hadnausayaudenee neesenehedaunee hauchuwudaunaa Yahadade, Hanesethee vedaenauau, wauathe hanesethee neauthuvedaesaunauau. 25 Nau, naune, hena henane haeanedau Dadaunedan, Simeon haenaneeseede; nau naa henane haechuva nau haeethauwuthajau, haeejauwuwude hadneneethajauthee Israel: nau Vadanauwauthauwu haethasade. 2Q Nau haeeauthedaunaa Vadanauwauthauwu, henee hadjenauhaudauau gaujauaudahede, haunaude hadnauhauwaude Vahadahenith Chris. 27 Nau haejeheenauusa Vadanauwauthauwu jedauwuu Vadannauauwuu: nau haene heneha Hejavaeneauthusau jedanade hadnesehade thauguu hasauau hauchuwude, 28 Hanaaejavethenauanaude hejadenaa, nau haevaveenethedauna Hejavaneauthu nau hanaaenehede, 29 Vahadahene, hewaunehaa nanehaejenanaude hauwauwaunave hadnaudauau nanethauaunee, hasauau hadanadede: 30 Heee nasesa naunauhauwauau havade Henayauthahe, 31 Naa nananin hadnesaanudene hathaahedaunee vahee henanedanede; 32 Hesee hadneesenee Hathaauau henanedanede, nau havathee hadnanedanede Israel. 33 Nau Joseph nau henaune haegaugauanadauwu hena hayauhuhau hanasenehethavathe. 34 Nau Simeon haevevethasa, nau haeaedauwuna Mareheau henaune, Naune, Naa daeyaunaa haneejenanade hadneaunenauaudenenee nau hadneejaegauhadenenee hauwauhuu Israel; nau hanau nauhauthethau hadnevathevade; 35 (Haa, gaugauchu hadneegauchuguhune nehayau havadathuvaa jea;) henee gaugauuthajaudenau hauwauhuu vadauhau hadneauthasuu. 36 Nau hena haenesa Anna, haeyahe, hedaunau Phanuel, hanaadade Aser: haewauthanenau hejajenewau, nau haenethenaedeva hechu nesaudauchu jajene hehethee neeesede; 37 Nau haeenevesane heee nasaudausauau yanenee jajene, nananede haeejethauunaude vadannauauwuu, hau haenesedauna Hejavaeneauthu nauguu naugauyaude nau vevethahede dajaee nau hesee. 38 Nau haejejeda heee haevaveene jea Vahadahenith, nau haeheauthedauna vahee nethaejauwuwudethee jauaudaunauthadede jedauwuu Dadaunedan. 39 Nau haesedauthee vahee hayauhuhau hasauau hauchuwude Vahadade, haejaesanauau hesee Gananee, hadahethee hedan Nazareth. 40 Nau daeyaunaa haeeseau, nau haedaeaune hevadathuwu, haeechauchaunaude haeyaude: nau Hejavaneauthu vadaude haethasade. 41 Nau wauha heneha haeehaunenau hesee Dadaunedan hadauchuvejanenee vasevadanesee Hadavechauthadede. 42 Nau denesenenee hejajenewau, haeehaunauau hesee Dadaunedan hanau nesedaudenee vasevadanesee. 43 Nau hese haevadauaunee, haejaesathee, daeyaunaa Hejavaneauthusau haenasedauusa Dadaunedan; nau Joseph nau henaune haejaenauwu. 44 Hau henanedaa haenehauva hathanauwauhaugaunee, nau haejanaug-udaunee; hanaaenaudehauthee henedauanene nau henedaehahene. 45 Nau haejeveehauthee, haejaesanauau hesee Dadaunedan, daunaudehauthee. 46 Nau hethauwuu haenasese hanaaeveehauthee jedauwuu vadannauauwuu, haetheaugune nahethae hauthedahehau, haejaatheha, nau haenaunaudedauna. 47 Nau vahee hathaenedauwauthathee haegaugauanadauwu hedaeyaunene nau hedauchuhanehedaunene. 48 Nau haenauhauwauthee, haegaugauanavanauau: nau henaune, Na, naudu hanesehaane? hathahuk, naune hasaunau nau nananenau nenaudehane nejeneethajaunee. 49 Nau hathauhuk, naudu haenaudehena? gauhajaene nauchae wauwu hanedaudauwau Nasaunau henesethaude? 50 Nau haejaenauwu hasenehethathee. 51 Nau hanaaenethaunaude, nau haenauusanauau Nazareth, nau haeethauwaudauna: hau henaune haeaunaunedene vahee nuu nehedaunau hedahaa. 52 Nau Hejavaneathusau haeneeuaneaune hedaeyau nau hajedade nau vechauthaude Hejavaneauthu nau henanedanede.
1 Wauha yauthaunenee jajene wauwu neeenajanede Tiberius Caesar, Pontius Pinade nausunajawaudauau Judea, nau Herod nanajawaudauau Gananee, nau henauhauwauau Theneb nanajawaudauau Iturea nau vedanauwuu Trachonitis, nau Lysanias naja Abilene, 2 Annas nau Caiaphas vevethahenajanauau, Hejavaneauthu nanadede haeedasaa Jaun heau Zacharias nauaunee. 3 Nau haeedade vahee vedauauwuu hanathaudanee Jordan, haeauthedaude dusaahede haudneaugauthuu gaugauuthajaudenau hadneegudanee wauchudaudenau; 4 Naathauthaunauhuu wauthaunauhanaa hedanadede Esaias haeyahe, Jasaye haevasenehe nauaunee, Hesaanuu hathaahede Vahadahede, nesedee hevau chwuwuu. 5 Hadauchugauaudayauau hadnechauchaunaa, nau hadauchae hauane nau jauaudane hadjananee, nau jajavae hadchuvanee, nau hadauhauauyauau bau hadneyauthauau; 6 Nau vahee henanedanede hadnauhaudauau Hejavaneathu hedenayauthaunene. 7 Haenaaenehethaude waunauthanee henanedanede henee hedasadaunau haddusaanaude, Hau hedenaededaunenau seseyanauau, hanaa haedauwunadaunenau hatldaugauhudauwuna uauthee hasenaunaude hadnauusanauau? 8 Hethadee nesedee hadeheaenaunee hadnaugauthuu haugaugauuthajaudenenau jevaauthenehee hadahenauau, hasaunaunene Abraham: hanau naedauwunathana, Hejavaneauthau neene nesehaude nuu hauunauganau Abraham hedaeyaunewau. 9 Nau wauha jea hauunauchu janenanee hethajee hauhaudee: vahee hauhaudee jeneeaudehuk vevenaudenau haddauwauhude, nau hadneewaudedaunaunee. 10 Nau henanedanau haenaudedaunaa, hauddusedaune? hathahuk. 11 Hanaaaedauwunaude, Daun nanesevechudaunade, jevena daun janevechudaunenith; nau daun hevethenede jenaasedaude, hahagu. 12 Wauha haenaaenuusathee hauayahehauau haddusaahethee, Hechauhauthethahe hauddusedaune, hathahuk, 13 Nau hathahaugaunee, javaauthaunaudaunathe henee nethautheavane. 14 Nau vanenanenau hanaasedaunethe, hanaasenehethade, Nau haddusedaune, hathahuk? Nau javaauthasenehaa henaneda, hathahaugaunee, javaauthenanedaunevaa henaneda, nau hadnanethauaunahedava haunaudaunadenenau. 15 Nau henanedanau hathanavahuk, nau vahee henanedanede haegaugauanavaa hedahenenau Jaun wauau Chris haenane, nau wauathe hajee; 16 Jaun hanaaauchuhanehethaude, hathauhuk vahee, Hadneedusaanathana heee naje; hau hanesade javaanaudade javaahenau jaunaude hewauhugu hewauaunaa nahauwuneaugunavane, hadneedusaanana heee Hejavaneauthu Vadanauwauthauwu heee heseda. 17 Henaunasahau nanewauunauau, nau hadgaunauhauau heyauthee nedauthauayade, nau hadnauanauau wauchuunethauauhanau nedauthanauau jenayaunau; hau jenethauayaunau hadvadauchauauau hesedaa nedaujesaudaunahee. 18 Nau waunauthanee hanasejaesaunee hayauhuhau hanathauthedaunaude henanedanau. 19 Hau Herod naja haeaunaunewau heee Herodias henauhauwauau Thenebeau henenene, nau vahee hathaewausaunee hanasedaude Herod, 20 Haewauhaunene nuu vahee henee dauaugauhude Jauneau duguhunauauwuu. 21 Wauha haevahesedusaahedaunee henanedanede, hethauwuu henee Hejavaneauthusau haenethedusaa, nau haeevevetha, hejavaa hanaaegaunanenee, 22 Nau Hejavaneauthuvadanauwauthauwu haejejanauhusane hedanayaunaa hedanayau haenaasaunee waude vedaene nau hanadede haejenauusa hehethee hejavaa, hasenehehuk, Nananene vechauthauau Naa, nananene vaveenethedaunathane. 23 Nau Hejavaneauthusau nehayau wauwu wauau hanasauau jajeneva, hanane (hathanavade) heau Joseph, nananenith heau Heh, 24 Nananenith heau Matthat, nananenith heau Levi, nananenith heau Melchi, nananenith heau Janna, nananenith heau Joseph, 25 Nananenith heau Mattathias, nananenith heau Amos, nananenith heau Naum, nananenith heau Esh, nananenith heau Nagge, 26 Nananenith heau Maath, nananenith heau Mattathias, nananenith heau Semei, nananenith heau Joseph, nananenith heau Juda, 21 Nananenith heau Jonanna, nananenith heau Rhesa, nananenith heau Zorobabel, nananenith heau Salathiel, nananenith heau Neri, 28 Nananenith heau Melchi, nananenith heau Addi, nananenith heau Cosam, nananenith heau Elmodam, nananenith heau Er, 29 Nananenith heau Jose, nananenith heau Ehezer, nananenith heau Jorim, nananenith heau Matthat, nananenith heau Levi, 30 Nananenith heau Simeon, nananenith heau Juda, nananenith heau Joseph, nananenith heau Jonan, nananenith heau Ehakim, 31 Nananenith heau Melea, nananenith heau Menan, nananenith heau Matthatha, nananenith heau Nathan, nananenith heau David, 32 Nananenith heau Jesse, nananenith heau Obed, nananenith heau Booz, nananenith heau Salmon, nananenith heau Naason, 33 Nananenith heau Aminadab, nananenith heau Aram, nananenith heau Esrom, nananenith heau Phares, nananenith heau Juda, 34 Nananenith heau Jacob, nananenith heau Isaac, nananenith heau Abraham, nananenith heau Thara, nananenith heau Nachor, 35 Nananenith heau Saruch, nananenith heau Ragau, nananenith heau Phalec, nananenith heau Heber, nananenith heau Sala, 36 Nananenith heau Cainan, nananenith heau Arphaxad, nananenith heau Sem, nananenith heau Noe, nananenith heau Lamech, 37 Nananenith heau Mathusala, nananenith heau Enoch, nananenith heau Jared, nananenith heau Maleleel, nananenith heau Cainan, 38 Nananenith heau Enos, nananenith heau Seth, nananenith heau Adam, nananenith heau Hejavaneauthau.
1 Nau Hejavaneauthusau wauwu haeechauchaunaude Vadanauwauthauwu haejeehedesa hehethee Jordan, nau haeyehauthaa Vadanauwauthauwu nauaunee, 2 Yayauau hese hananeedauchunesee haenayathehaa Haujaune, nau hena hesee haeheejevethe: nau haevathenesee, haenaaasenade waunee. 3 Nau Haujaune hathahuk, hith nananene Haathauwuavaa Hejavaneauthau haedauwunene naa hauunauga hadejauaujaunenede. 4 Nau Hejavaneauthusau haeauchuhanehe hathauhuk, Wauthaunauhuu henane hehauwuunaede jauaujaunau jasaa, hau heee haunauude hedanadedaunene Hejavaneauthu. 5 Nau Haujaune haenauauhuchauhaa hauanee hadaujauudanenee, nau haenauhauthehaa vahee najanede hathaauauvaa henanedanede chauchaunu. 6 Nau vahee nuu najawaude hadvenathane, nau hauwaunede, hathahuk Haujaun: hanau henee nananenau devenanau; nau daun navadauvenau hadevenauau. 7 Hith nauanene henaheee hevevethedaunenagu, vahee hadnehanahene. 8 Nau Hejavaneauthusaun hanaaauchuhananadethade nau hathahuk, Hedehau naugauvaa, Haujau haugau hathauthaunauhuu, Nananene hadevevethedaunaude Yahadade Hasaunau, nau hanesade haudnevevethedaunaude. 9 Nau hanaaehauthade Dadaunedan, nau haejenanaa naunauchuu vadannauauwuu, nau hith Haathauwuavaa Hejavaneauthau hauwujanauau hede hehethee, hathahuk: 10 Haug-au hathauthaunauhuu, Hadaedauwunaude hedautheaunau haddunanaune: 11 Nau hejadenenau hadeejedunanaune, havaaugugauusene heaudaa dasee hauunaugae. 12 Nau Hejavaneauthusaun hanaaauchuhananadethade nau hathahuk, Hasenehee, Nananene jevanayathehene Yahadade Hasaunau. 13 Nau haevathenayathedaude vahee, hanaaejathaaude haujau najee, 14 Nau Hejavaneauthusau hanaaejaenaudahede Yadanauwauthauwu haduu Gananee: nau hanaaauthedaunenede hanaaeneasanaunee vahee hathaauau Gananee nauanee. 15 Nau haeechauhautheha vevethahenauauwuu, nau vahee haevaveeneha. 16 Nau haenauusa Nazareth, needaunauuchauhade: nau dajauaunee nesedaude haeyehau vevethahenauauwuu vadanesee, nau haetheaugu dasauhaudauau wauthaunauha. 17 Nau haevenau hewauthaunauhanene haeyahew Esaias. Nau haegaunanauau wauthaunauha, haeveede hadauwauthaunauhunee, 18 Yahadade Hedauwauthauwu nanadeaunanau, hanau dehedusaananau javeda hadnauthedaunu hethadenee waunauyaunee hadavenuhunethee: hanejevade haudnenayauhu naudauwuthajauthee, hadnauthedanau Iiaudjaejenanathee wauwaunauau, nau hadnejanauhauthathee nanenauguthee, haud-jaejenanathee hasenethaunauau, 19 Haudnauthedaudauwau hethadee jaunaunauau jaje Vahadade. 20 Nau haeauauvane wauthaunauha nau haejaevena vevethahehew, nau hanaaejanaugude. Nau vasesa vahee hathaanedauthee vevethahenauauwuu haenaauhauvauauau. 21 Nau hanaaejasesenehethaude, nuu desenee nuu hathauthaunauhuu hethauvaa haunaudaununenau. 22 Nau vahee haesegaugauudedaunene, nau haegaugauanadauwu hethadenee hedanadedaunene hethaenehethaunene. Nau gaunuu jee heau Joseph? hahagaunee, 23 Nau hanaaenehethaude, Nananena hadethauwunehesena nuu heeejegausudede, Naudaunehahe, nehanenayauhade: henee nanathadauwaunee nanasedaunee Capernaum nanehasedaunee nechau hede nehayau havedauauwuvaa. 24 Nau hathauhuk hethauwuu nehethathana, Hegau haeyahe hehauwuvechauthau nehayau hevedauauwuvaa. 25 Hau hadauthedaunathava hethauwuu, waunauthathee henevesanauau neanedauthee Israel, hesee deanedaude Ehas, hejavaa denausunaugauhuu nasau jajene nau nedaudauchu hesese, devasauau hasenaude denanadesanauau vedauauwuu; 26 Hau hehauwunesahene hejevadaunene Ehas, vavade Sarepta, hedan Sidon, hesa nananede henevesa. 21 Nau newauthathee naugaugauwuhuhauau neanedauthee Israel deanedaude Ehseus haeyahe; nau hehauwunesa henayauhade vavade Naaman Syrian. 28 Nau vahee hathaetheauguthee vevethahenauauwuu, haenedauwauduu nuu hayauhuhau, haeechauchaunaudenenau hasenaunaude, 29 Nau haegauhanauau, nau haenunanatheguthanauau hedan, nau haeehauthanauau hauchauguu jauaudanee haduunee hededanenau needaunesehenee neaudnedauauwuguthauthee hauthedaunaanee. 30 Han haejavechautha hehethee nahethae, haejathaau, 31 Nau haenauusa Capernaum, hedan Gananee, nau haeauthedauna vadanesenenee, 32 Nau haegaugauanadauwunenau hasechauhauthehaude hedanadedaunau, hanau hedanadedaunau haenauthaunenau. 33 Nau vevethahenauauwuu henane haeanedau hevadathuwu haewauchahene haujaun, nau haevasanade, 34 Jenehaaa; hathahuk, haudduseha nananene Jesus Nazareth? gauhaejau haudnauauhaane? Haenaunathane hadahene; Vadanauau Hejavaneauthau. 35 Nau Hejavaneauthusau haeneuva, dadaunauguu, hathauhuk, nau jenauchune. Nau haujau haeg-auusewaude nahethae hanaaejenauthaude nau haejaseneha. 36 Nau vahee haegaugauanavaa, nau haeanadethadenenau jaee, nuu hayew hanadede; hathahuk, hethauwuu nauguu haenauthenehetha haenesedauwauna wauchahenethe haujaunau, nau hanaaejenauahethee. 37 Hanaaauthedaunenede nanadee jasesee gauanee vedauauwuu, 38 Nau haegauha haenaua. vevethahenauauwuu, nau haejeda Simon hedauauwuu. Nau Simon henene henaunene haenaudauwauvahene; nau haeautheawaunauthasanauau. 39 Nau haetheaugudauna, nau haeneude hasauwauvahede; nau haenauthaa: nau nauhauhaunee haegauha nau haedauyauhauvanauau. 40 Wauha hesese haenaesade vahee hathaenethenauthee hasauwauvahehehau hanasejaechauwauvahenethe haenauuchaudaunau; nau haedajevasana nau haeenayauha. 41 Nau haujaunauau nauguu haevanauusanauau haewauthanauau, haeneanadenauau, nau haenehenauau, Nananene Chris Heau Hejavaneauthau. Nau haeneneuva haejechuwauanadeha: dauhaenauwunethe dau Chris denede. 42 Nau haesenenee, hanaaejathaaude hesee hadaimechaudanee, nau henanedanau haenaudehaa, nau haeedasaa, nau haedauduvaa, haudjenauthaude. 43 Nau hanaaaedauwunaude, haudnauthedaudauwau najanede Hejavaneauthau gauchuhunee hedanau nauguu: haugaunaasejejenananau. 44 Nau haeautheda vevethahenauauwuu Gananee.
1 Nau hethauwuu, henanedanede haeneenavadaunedauwaudauwu hedanadedaunene Hejavaneauthu, haetheaugu sasethauwu neajee Gennesaret, 2 Nau haenauhaude hanesanenee thewaunau haetheaugunenau sasethauwu neajee: hau naunauyahehauau haeeyauhaudesanauau, nau haeanahesadenauau henauyaudenenau. 3 Nau haejeda jasaa hethewaunene, Simon, nau haenehetha hadwauauwuhudede vanehaa hehethee vachuwauauwuu vedauauwuu. Nau haejanaug-u, nau haeechauhautheha henanedanau hehethee thewaunaa. 4 Wauha haevadauthedade, hanaaenehethaude Simon, wauauwuhude hadaudavee, nau henauwunau haunauyaude hadjathane. 5 Nau Simon hanaaauchuhananadethaude, Hechauhauthethahe, naunaugaunenesethanauau, nau nahauwuthauujathava: hau hegaugaunauau hadnaaenauwuaudenau nauyaude haugau hasenehene. 6 Nau haesedauthee nuu haewauthanenau hejathaunenau, nau haethauwunauaune henauyaudenenau. 7 Nau haeadethanauau henedaehahenau danachaugunethe jasaa thewaunaa, haudjaunethe, nau haudnedahevathee. Nau haenauusanenau, nau haeechauchaunaudenauau hanesanenee thewaunau hanaaenauwuuu. 8 Haenauhaudauau Simon Peda, haechauagujanaugu hejaedayanene Hejavaneauthusaun, nauchu, hathahuk; haugauhauhauganenau, Hau Vahadahene. 9 Haejenaunethajau, nau vahee hethaenethaunadaunau daunauanauthee nauwu hejathaunenau. 10 Nau nauguu James, nau Jaun, heauhau Zebedee, henedaehauhau Simon. Nau Hejavaneauthusau hanaaaedauwunaude Simon, Jevanathajau, hewaunehaa heee nananene haudnesedanaude henanenauau. 11 Nau haenauuchaudethee hethewaunenau vedauauwuu, hanaaenauduu vahee, nau hanaaenethauguhauthee. 12 Nau hethauwuu, haanedaude jasaa hedan, naune henaue haeechauchaunaude naunaujaunee haugauwude; haenauhauwaude Hejavaneauthusaun haeuaneseve, nau haeautheava, Vahadahene, vathehanenagu, hadeneeyaudanene hathauhuk. 13 Nau haeyethauha, nau haevasana, vanathehanau: heyaudahe, hathaukuk. Nau nauhauhaunee naunaujaunee haugauwude haenauthaa. 14 Nau haenesedauwauna haudjaedauwunaunith henanedane: hau najesa hadnauhauthehau hadanayau vevethahevahe, nau hadva dauhenayauhane, Mosase neesedauvade, haudneaenuu. 15 Hau haeneenanauthedaunene neanee: nau havathee haewautha henanedanede haeauanauuchaudene daujewaunejaathededaunee, nau haudnenayauhathee hedasauwauvahedaunenau. 16 Nau haejathaau hesee nauaunee, nau haevevetha. 17 Nau hethauwuu jasaa hesee, hajesechauhauthethade, Nesethajauhuhauau nau hechauhaudauwauhuhauau nanavaavede haetheaugunauau heJava, haejeehedesanauau hadauchae hauwauhauauwudan Gananee, nau Judea, nau Dadaunedan: nau naunaudade Vahadade haetheaugu hadnenayauhaude. 18 Nau, naune, henanenauau haenauuchauhanauau henanene heee hedauwune haeesevahene nau haenayathejedananauau, nau hadjenanauwunauthee hathaajenith, 19 Nau haejeveedethee haudnethejedanauthee hanau dauwauthaa henanedanede, hanaaenauauhusathee dasee hauauwuu, nau haejanauhaujananauau, hehethee dasee hejavaa hauauwuu nauguu hedauwune nahethae hathaajenith Hejavaneauthusaun. 20 Nau haenauhaudauwunith hedethauwuthajaudenenau, hanaaaedauwunaude, Henane, hauwauchudaude gaunudanauwunane. 21 Nau wauthaunauhahehan.au Nau Nesethajauhuhauau hanaaejasesegaugauuthajauthee, Hanaa naa hananadede nehedaduhude Hejavaneauthu? hathahuk. Hanaa haudgudanauau wauchudaude, vavade Hejavaneauthau, naanesade? 22 Hau haaenauwunith Hejavaneauthusaun hegaugauuthajaudenenau, Haudusethajauva hadahenauau? hathahaugaunee, 23 Hayew gauchauaa, nehehagu, Hauwauchudaude gaunudanauwunana; nau wauathe gauha, nau javesa heheagu? 24 Hau hadaenauwu henee Heau henaue naunaudade dasee hathaauauvadee negudanauau wauchudaude, (naasenehethauhaugu neasauwauvahedauwunith hesevahedej Haedauwunathane, Gauha, nau hedanau hauddau nau najesa nananene haudauauwuu. 25 Nau nauhauhaunee haethauwauthe hathaajenethe nau haeedane heaugusenadenau nau hanaaejathaaude hedauauwuu haevaveenethedauna Hejavaneauthu. 26 Nau vahee haegaugauuthajaudene nau haevaveenethedaunanauau Hejavaneauthu, nau haeechauchaunaudenauau nathajaude, Naunaudauhauthanauau nuu desene, haheagu. 27 Nau haevathedaude haejathaau nau haenauhauva hauayahe Levi hanaaseenith, haetheaugune nedauudanauau hauayaunau. nau jethauguhu hathauhuk. 28 Nau haevanautha, haegauha, nau haethauguha. 29 Nau Levi haevasevetheheha nehayau hedauauwuu, nau haewauthanauau hauayahehauau nau hauthauau haenedauguva. 30 Hau wauthaunauhahehau nau Nesethajauhuhauau haeauneva hethauguhadaunau, naudu haenethevethehewauna nan haenedaveyawauna hauayahehauau nan wauchudauhuhauau, hathahaugaunee? 31 Nau Hejavaneauthusaun hanaaauchuhananadethathee, hathaedaenaedethee hehauwuvatheha naudaunehahew; hau hathaasauwauvahethee. 32 Nahauwujenauusa haudnadethu hethahethee hau wauchudauhuhauau hadnaugaudanenee hegaugauuthajaudenenau. 33 Nau hathahuk naudu hethauguhadaunau Jaun denauaunenaugauyanethe, nau devevethahethee, nau naasedauthee hethauguhadaunenau Nesethajauhuhauau; hau hanethenaunauau havethehethee nau havaveyathee? 34 Nau hathahaugaunee, Gauhajeneenesehauva daeyaunauauau nedauenenedaunee hauauwuu naugauyaude hajesanedaudaunathee waunenenehew? 35 Hau hese haudnauauchuu, haudneedanauwunana waunenenehe, nau heee hadnaaenaugauyathee hena hese. 36 Nau hanaaanadethaude jea jegausauhanee; Henane hehauwu jenane waunauyaunee neauthayew hadaugauthayaunee, hith hesedauhuk, nau hadauwauyaunee needaudenauuu, nau jasaa needanee hadau wauyaunee hehauwuneauchauna gauthayaunee. 37 Nau hegau henane hehauwujenane waunauyaunee vasevenenaje gauthanenevajaunaa; nau wauathe wauyaugu vasevenenaje haddaudeauau nevajaunau, nau hadgusenauauau, nau nevajaunau haddenanaunauuu. 38 Hau waunauyauau vasevenenaje hadedaunee hadauwauyauau nevajau, nau nanesauuthadee. 39 Nau hegau henane hesevanaagu gauthanevasevenenaje nauhauhaunee haevathehaa waunauyaunee; hanau gauthayauau hethadee, hathauhuk.
1 Nau hethauwuu naneseauwauau vadanesee, haeehedesa jenayauuaa; nau hethauguhadaunau haegaugauunauwu wauchuunethauauhanau, nau haevethenauau, haegauneegudenauau hejadenenau. 2 Nau hauthauauau Nesethajauhuhau, Naudu hanesedauna waujaa nanavanau nesedaude vadanesee hathauhaugaunee? 3 Nau Hejavaneauthusau hanaaauchuhananadethaude, Gauhajethaunauhaude nuu hasauau David neesedaude, nehayau deasenade, nau neethaenethaunade. 4 Neesejedade Hejavaneauthu hedauauwunene, nau needanauau nau nevethee nauhauthethajauaujau, nau haevena heethaenethaunaunau; waujaa nanavanau veyagu hau jasaa vevethahevahehauau? 5 Nau hanaaaedauwunathee, Heau henane nanethadade vadanesee. 6 Nau hethauwuu jea jasaa vadanesee haejeda vevethahenauauwuu nau haeautheda: nau henane haeanedau hejavese hejadenaa haeesevane, 7 Nau wauthaunauhahehau nau Nesethajauhuhau haeaunauyauhauvaa, wauau haadeuenayautha vadanesee; hadnejauaudaunauthee dauhanajauwauaunauthee. 8 Hau haeaenauwu hegaugauuthajaudenenau nau hanaaanadethaude henanene hesevenasanith, Grauha nau yethaagu nahethae. Nau haegauha nau haeyethaagu. 9 Hejavaneauthusau hanaaaedauwunaude, haudnaudedaunathana nananena hanesadee; Gaujenanavanau vadanesee hethadagu hasedaunee, nau wauathe wauchudauneagu? henayauhagu henaedede, nau wauathe nanaunehagu? 10 Nau hanaaenaunauanede vahee, hanaaaedauwunaude henanene, Segauha hajade. Nau hanaasedaude: nau hejade haeenayauhune jasaa hasaunee. 11 Nau haeechauchaunaudenauau hasenaunaude: nau hanaaaunauchuwuhadethee daun haudnesehauthee Hejavaneauthusaun. 12 Hethauwuu hena hese, haeehau hauanee haudnevevethahede, nau haunaude naugaunee haevevethedauna Hejavaneauthu. 13 Nau haesenee, hanaaadethaude hethauguhadaunau; nau haeedana vadadauchunesenee, hanaaeneseaude vadauhanauau. 14 Simoneau (jea haeaugauthea Peda haseauhuk), nau Andwheau henauhauwauau, James nau Jaun, Thenib, nau Bathaunaumew, 15 Matthew, nau Taumis, James heau Atheas, nau Simon Zenautes haseadagu, 16 Nau Judas James henauhauwauau, nau Judas Iskariot, hanane jea neheaudaunade Hejavaneauthusaun. 17 Nau haejenauunethauna nau haetheaugunauau hethauauwuu, nau hadauchunanenethe hethauguhadaunau, nau haevasenauthenanedau henanedanede hehethee vahee Judea nau Dadaunedan, nau hehethee sasethauwu hadajee Tyre nau Sidon hethaejenauujaathehadaunau, nau haudnenayauhathee hedasauwauvahedaunenau; 18 Nau hathaenaunauthauwauvahethee wauchahenethe haujaunau: nau haeenayauhaunauau, 19 Nau haunauude hadauchaa haevadauvasanau hanau daunudesanaunee hevadaude nau haevahenayauha. 20 Nau hanaaenaauhauwaude hethauguhadaunau, Hauwunaunana nananena hadavenuhunena; hanau nananena najanede Hejavaneauthau, hathauhuk. 21 Hauwunaunana nananena hathaasenana hewaunehaa: hanau nananena hadnegaudana. Hauwunaunana nananena hathaevewauhuna hewaunehaa, hanau nananena hadnauchaunena. 22 Hauwunaunana nananena, henaneda hasanavana, nau jaasauaunana, nau naunaunauthevana, nau hausagudenauthe haneseedaunenau hadauwausaunee, haugau Henane Heahene heee. 23 Haunauwuthajauau henee hesee heee, nau jajanauauau heee haunauwuthajaude: hanau, naune, hanavanasauau hadaugautheavadenenau hejavaa: hanau naneesedauyaugaune henesaunaunenau naneesehauhaugaunee haeyahehau. 24 Hau naunauthauau hadnauauchaudaune hathaeveaunauaune; haugau hanesedanauwuna hauwauthenaedede. 25 Naunauthauau hadnauauchaudauna hathaegaudana; haudnasenana. Naunauthauau hadnauauchaudauna hathaauchaunena hewaunehaa, hadnaudauwuthajauna nau hadvewauhuna. 26 Naunauthauau hadnauauchaudauna, daunhaene vahee henaneda haethadenee hasenehethana, hanau henesaunaunenau naneesehauyaugaune jayaudauwaeyahehau. 27 Hau hadaedauwunathava nananena hathaenedauvana, Vechauthaa nananena haujauthavenau, heneehaa hasanavadaunenau, 28 Hauwunaunaa hawauwauchuvadaunenau, nau hevevethasaa hawauwauchuhadaunenau nananena. 29 Nau henee haudauauvade hajaeaunaa nau naugautha venene; nau hedanauaugu nananene hauddu jevaedanau jea naudauguvechude jevaethaa. 30 Hevenaa daun henaneda hanedauwunadaunenau nananene; nau jeva jaenedauwunaa hedanauwunanagu daun hanetheyaunenau. 31 Daun hasevathehanaune henaneda hesehanenagu, nechau jenaasehaude. 32 Hith nananena vechauthaunagu daun havechauthadaunenau nananena, haddusevaveeneva nananena? haugau wauwauchudauhuhauau nechau nevechauthauthee hethaevec hauthadaunenau. 33 Nau hith nananena hethadagu hasehauna daun haneneehadaunenau, haddusevaveeneva nananena? hanau naneesedauhaugaunee wauwauchudauhuhauau. 34 Nau hith nananena hehaunagu daun haneejauaunaudaunadaunenau, haddusevaveeneva? hanau wauwauchudauhuhauau nechau neehauhaugaunee wauwauchudauhuhau, hadnejanaasesedanuu. 35 Hau vechauthaa nananena haujauthavenau, nau hethadeha hasedauna, nau hehanagu, jevajavathehae; nau nananena haudaugautheavadenenau hadvasauau, nau nananena hadnaaedaeyaunenena Javaajauuthee: nau neneneehaude nethaejevaveenenethe nau hauhauganau. 36 Hedauwuyaunee nananena, nananena Hasaunaunenau jea hasedauwuyaunede. 37 Jevaauchuwuu, nau nananene hadnaajauchuwuhane: nau jevaduguthae nau nananena hadnehauwuduguhuva: hejaegudanauwuyae nau hadnejaegudanauwunane nananene: 38 Vae, nau hadnevenana nananene, vavesethajauauthae, daayae, nau daesathae, nau haunauwauauthae, hauchauva, henane hadvenana. Nechau hadnaasethajauaudaunana hasethajauauthana hadnanesethajauaudaunana. 39 Nau hanaaanadethaude haejejegausuhu, Gaunanenauguhu jenenauajetha nanenauguhu? Gauhaudjenesauujanesenauau gauuhanaa? 40 Thauguthahe hehauwujavaahe hechauhauthehadaune: hau haunauude hanesade daun haunauudaunade hathahenith hechauhauthehadaune. 41 Nau naudu hanauhaudauwu nananene hahavaa hejaheede hesesae, hau haajevesehau havadauhaude hathasewau hasesae? 42 Wauathe hauddusenehethau nananene hahavaa. Jaedaa, hadaugauhauwunathe hajaheede hasesae, hau daujenauhauwaude havadauhaude hathasewau nehayau hasesae? Nananene jayaudauwunaedehe, nedauau haugauhune havadauhaude hathasewau nehayau hasesae. nau hadenaaeneauvane hadenaaeneaugauhauwu jaheede hethasathau hahavaa hesesae. 43 Hanau hauhaude hethahagu hehauwuseaude wausaunee vevenaudenau; nau wauathe wauchahagu hauhaude hehauwuseaude hethadenee vevenaudenau. 44 Hanau hadauchude hauhaude neaenaunede hanasaunee hevevenaudenau. Hanau hauchahevesee henanenauau hehauwunaadauhauanuu hauu3rauchuwunau nau dauchuuwusee hehauwunaadauguunee dadajevenau. 45 Henane hethade hehethee hethadenee heda nenauu•chaudede hethadenee; hau wauchahede henane wausaunee heda nenauuchaudede wausaunee: hanau waunauthaa hehethee hedahaa hede nanadenaunee. 46 Nau naudu, Vahadahene, Vahadahene, haesena, hau nejesedauna hayauhuhau hasenehethathana? 47 Daun nadasade nau nedaunanaugu hasenehenauuauau, nau hesedauhuk, haudnauhauthehathana haudnethade: 48 Henanene henee nenesedenethe hauauwu naathade, nau henee nejayauchauhuu, nau naneejenanauau hauauwuu dasee hauunaugae: nau nauunauuu naje neje naunauthuu jaathasae henee hauauwuu, nau hehauwunauauvathaau: hanau daunaaudaa hauunaugae. 49 Hau jaathedehe, nau janenaasedauthe, naathade henanenau henee nedasauauvanethe vedauauwuu; nau neje jaathasae naunauthuu, nau nauhauhaunee naunenauauau; nau thauwusae henee hauauwuu nevasauau.
1 Wauha haevathanadede vahee hanasenehede daujajaathehade henanedanede, haejeda Capernaum. 2 Nau jasaa vanenenaja hewauwauue haevechautha haeaugauwune, nau haeyanajane. 3 Nau haenedauwauthaude Hejavaueauthusaun, haeautheava vachaugananenau Jews, haeadetha hadjaunith nau hadnenayauhaunith hewauwaune. 4 Nau haedauchauthee Hejavaneauthusaun, haeautheauwaunauthasanauau haugaunaunee, hanau hethade naa henane naa haudneenesedaude, hathauhaugaunee: 5 Hanau vechaudauau nadedanenau, nau nenesedaunanauau vevethahenauauwuu. 6 Heee Hejavaneauthusau hanaaejasesenethaunade. Nau haeauchauau hauauwu, vanenenaja haejajedauauuanenau henedaehauhau, Vahadahene, jevawauchuthajau Nananene: haugau wauchahenau hadjedane naudauauwuu, hathauhuk: 7 Nanaa naejewauchanavadede dauudasathane: hau vavade nehedau hanadede, nau naudautheau hadeenanedanede. 8 Hanau nananeuau nanethenanenenau naunaudahenau, uanethenu vanenanenauau, nau naaaedauwunauau hanesade yehau nau naaejathaaude; nau jasaa, Nahaje. hathauau nau jaunaude; nau naudautheau, Nesede, hathauau, nau nanesedaude. 9 Hejavaneauthusau haenedauwaudauau mm hayauhuhau, haegaugauanava, nau haenauthegauthaagu, nau hanaaaedauwunaude henanedanau hethaethauguhadaunau, Hadaedauwunathava, Haunauau nahauwuveehau vasee hethauwuthajuhu (naa hathade henane), hegau. hehauwuu haduu Israel. 10 Nau henee hathaautheavathee, haejaenuusathee hauauwuu, haeveehanauau wauwaune haeenanedanene henee neasauwauvahenith. 11 Nau hethauwuu jasaa hesee, hanaaehaude hedan Nain haseenauyagu; nau haewauthanenau hethauguhadaunau henethaunadaunau, nau hauwauhuu henanedanede. 12 Wauha haayanauusade hejavaaa dajanaunaa hedan, naune, naa najaa henane naunudanade, jasasau henaune, nau haeenevesanene: nau haewauthane henanedanede hehethee hedan haenethaunaa. 13 Nau haenauhauwaude Vahadade haeauwunauna. Najenaudave, hathauhuk. 14 Nau haeedasa nau haevasane nauaunechauthau: nau hethaenauaunechauhadaunau haedadauyaugunenau. Haunaua, haedauwunathane, Thauwauthe, hathauhuk. 15 Nau henee nenajaa haethauwaudaugu, nau haenaaejasesanadede, nau hanaaevenaude henaunene. 16 Nau nathajaude haeedasa vahee: nau haevaveenethedaunanauau Hejavaneauthu, Havathee haeyahe hanejauaude hadedanene; nau, Hejavaneauthau haenauujadauna henesaunau, hahagaunee. 17 Nau nuu dauauthedaunenede haenanadesanaune vahee Judea, nau nanadee gauanee vedauauwuu. 18 Nau hethauguhadaunau Jaim haeauthedaunaa vahee nuu hayauhuhau. 19 Nau Jaim haeadetha hanesenethe hethauguhadaunau haeyethautheava Hejavaneauthusaun, Gauhanane henee waudaudjaude? nau wauathe gauhadnaudenauhauwau jasaa? 20 Haedauchauthee henanenauau, Jaun Dusaayahe janadautheavanauau Nananene, hathauhaugaunee, hanaaenaudedaunauthee, Gauhanane henee waudaudjaude? nau wauathe gauhadnaudenauhauwau jasaa. 21 Nau vavade haauchauau haeenayauha haewauthanenau vavavaauhuhau nau havathee haugauwude, nau wauchahenith haujaun; nau haewauthanenau nanenauguhuhau haevena nauhauthau. 22 Hejavaneathusaun hanaaaedauwunathee, Najajathaauau, nau hadaedauwunauva Jaun hathahaugaunee, hayewhu hanathauhauthana nau hathadauvana; hasejaenauhauthade nanenauguhu, jeneejavesahe daujavesade, naunaujaunee hedaugauwudaunenau dauuyaudahethee, hayajadahe daunedauvade, gaujauaudahehe daujaethauwauthede, hadavenuhu hethadenee waunauyaunee dauauthedaunade. 23 Nau hauwunaunade daun najewauchuthajaudaunilde. 24 Nau haejathaaunethe Jaun hedautheaunau, hanaaejasesanadedauau henanedanede hasenaedenethe Jauneau, Hayew nananena haewaunenauhauthaunenau nauaunee? gaugauguyase daunauauvasee? 25 Hau hayew nananena haewaunenauhauthaunenau? Gauhenane hedachaunau hejajehaunenau hedachaunau? Naune, nethaeneenuhuthee, nau neneenaedethee thanasee nenauchuwunethe hedauauwunenenau. 26 Hau hayew haewaunenauhauthaunenau? Gauhaeyahe? Haa, hadaedauwunathava nananena, nau javaasee haeyahehau. 27 Naa nananene, wauthaunesee, Naune, hadjejenanauau Naudautheau hathaaguna, hadnesedaunana hauyaunenau sayanee Nananena. 28 Hanau naedauwunathana, hadedanenau nethaenesaunevana hesanauau hehauwujavaase haeyahe hathade Jaun Dusaayahe: hau hena haugajehede hanedauhuk henajanedaunene Hejavaneauthu javaahehuk. 29 Nau vahee henanedanede hathaenedaunade, nau hauayahehauau, hanaaechuwauthethajaudaunauthee Hejavaneauthu, haenethedusaana dusaayahew Jauneau. 30 Hau Nesethajauhuhauau nau nanavaavehehau yesee nehayau haeausagudenauau hevathehadaunene Hejavaneauthu, haejenethedusaana (Jauneau). 31 Nau Vahadade hahagu, Hayew naudneedajenehethau henanedanede nuu henaedede? nau haethahenauthe? 32 Waude daeyaunauauau hathahethee theaug-unauthe haudaunanauauwuu, nau danadethadethee, nau nanahethee, Nevadauhana, hau nananena nejevadana; naudauwuthajaudauwunana nananena, hau nejevewauhuna. 33 Hanau denauusade Jaun Dusaayahe dejevethee jauaujaunau nau deejevanaa vasevenenaje; nau nananena nanethenaude haujaun, nethauna. 34 Heau henane daunauusade dauvethede nau dauvanaa; Nauhauvaa naa henane naudaudahe, nau vaseveuenajevanehe, henedaehauhau hauayahehau nau wauwauchudauhuhau, nethauna. 35 Hau haeyaude chaunuwuthajaudaunaude vahee hedaeyaunewau. 36 Nau hanesade Nesethajuhu haeadetha haudjewaunenethevethehevade, nau haeyehau haejeda Nesethajauhu hedauauwunene, nau haejanaugu hadvethede. 37 Nau, naune, hesa hedan, haeauhaugane, haaenaunaude Hejavaneauthusaun daujanaugunith hadvethehenith Nesethajauhu hedauauwunene, haejachaude jaavasaa chauayau, 38 Nau haetheaugu hegauwune heauthene haevewau, nau hanaaejasesahesadede heauthene heee hedejee nau haeheahenauwu heee henethaanene, nau haenedane heauthene, nau haechauane heee chauayau. 39 Wauha Nesethajuhu haadethaude haenauhauwaude, haejaevenanadethade, Naa Henane, haeyaheyaugu, hanaenaunaude daunhadahenith nau daunhathahenith nuu hesane hevasanadaune: hanau wauwauchuduhu, hahagu. 40 Nau Hejavaneauthusau hanaaaedauwunaude, Simon, haudnaedauwunathane nananene. Nau hanaaenehethaude, Hechauhauthethahe, nanehe. 41 Hena jasaa sayanedanauwuyau haenesenenau hesayanedanauwunadaunau: hanesahenith yauthaunevadadausauau vaejetha, nau jasaa yauthauyauau. 42 Nau haeyauhuunee haunaudauhudaunene, haenanethauaunegudanauwuna nesauuu Jeaedauwune, hanaane hevediauthadaune javaanee? 43 Simon hanaaejaaedauwunaude, Nauchae nananenith heneehejavaagudanauwunaune. Nau hanaaaedauwunaude, Nananene neaenauwu. 44 Nau hanaaeyethaagude hesane, nau hanaaaedauwunaude Simoneau, Grauhaunauhauwau nananene naa hesa? Nananenau nejedanau haudauauwuu, nananene haehauwuvene naje heee nauaudau: hau neheahesadede nauaudau heee hedejee, nau neheahenauau henethaa. 45 Nananene haehauwunedane hau naa hesa haenauusanaunauau hehauwuthauujenenedane nauaudau. 46 Naudauguhua nauguu javeda nananene hajechauusanene hau naa hesa nechauanauau nauaudau heee chauayau. 47 Naa haedauwunathane nananene hewauchudaudenau waunauthanee gaunudanauwunade; hanau dauvechauthade javaanee hau daun vanehaa gaunudanauwunade vavade hasevechauthade vanehaa. 48 Nau hanaaaedauwunaude hesane, nananene hauwauchudaudenau jaegudanauwunane. 49 Nau hethaenedauguvadaunau dauvethehethee hanaaejasesanadethee hegaugauuthajaudenenauau hanaa naa negudanauau wauchudaudenau jea? 50 Nau hanaaaedauwunaude hesane, Nananene hadethauwaudaude henayauhane nananene; najesa hadnauwauthenesane.
1 Nau hethauwuu waunee haejathaau nanadee hadauchanenee hedan nau hajaseehedan, dauaunauthedade nau daunaunauhauthethade neethajaude waunauyaunee hasaunee henajanedaunene Hejavaneauthu: nau vadadauchunesenee haenethaunaa, 2 Nau jasaa hesanauau, haeenayauhau dewauchahenethe haujaunau nau vavavaauhuhauau, Mare haseadagu Magdalene, naunudanavathe nesaudauchu wauchahenethe haujaunau, 3 Nau Joanna henene Chuza Herod hadahevahe, nau Susanna, nau haewauthanauau hauthauauau, hevenadaunau hethaenetheyaunenenau. 4 Nau haeneenawauthaa henanedanede dauauachaudenee, nau haeedasaa hehethee nanadee hedane, hanaaeanadede jegausauhanee: 5 Jenayahe haewauneneagude hejenayaunau: hauthauau haejajanesanau vaunaa; nau haeauguhudaunene, nau neahehauau hejavaa haeaudauvanauau. 6 Nau hauthauau haedasegaugauusanau hauunagae; nau chauchaunu haeveseuu, haenadadanau, hanau daujenajenee. 7 Nau hauthauau haejajanesanau hegauau dauchuuwusee; nau dauchuuwuse haenauguveseaunau, nau haeajedaunana. 8 Nau hauthauau haegaugauusanau dasee hadauuthadee vedauauwuu, nau haeveseaunau, nau haeneeaunau vadadausauau jenayaude. Nau haenehedauau nuu hayauhuhau, haevasenehe, Daun henaudaununede, nanehanedauvade. 9 Nau hethauguhadaunau haenaudedaunaa, duthanau nuu jegausudede, hathahuk? 10 Nau hahagu, Nananena vanenana haudnaenauwuna jaeyaunau henajanede Hejavaneauthau: hau hauthauauau janegausauhuthee; hadnenauhauthathee havajenauhaudauwu, nedauvahehauau havajaenauwu. 11 Wauha heyew hasauau jegausudede: Jenayaunau hedenehede Hejavaneauthau. 12 Henee vaunaa nanathee nenedauvathee; hanaaenauusade haujau, nau nedanauwunathee hanadede hedahenauau, naseduhuu hethauwuthajauau, nau hadenanedanena. 13 Henee hauunaugae nanathee, nanedauvanauthe nesedanuu hanadedaunau nauguu haunauwuthajaude; nau nuu hehauwuthajenenauau, vanehaa nethauwauduu, nau nauauchaudaunauthe vasehadede naneenaunegauhuthee. 14 Nau henee nejajanesae thauhauthauchauyauau dauchuuwusee nanathee, hanesenedauvanauthe, naneejathaauthee, nau neenadejethathee heee haunaunethaude nau nethauyadahede nau haunauwudaude, heee nuu henaedede, nau hehauwunauuchaudenauau vevenaudenau hadauuyauthaunee. 15 Hau henee hadauuthadenee vedauauwuu nanathee, hethauvahethee nau hethadenee hedahenau nenedauwauduu hanadedaunau, naunaunedethee, nau nenauuchaudethee vevenaudenau heee jenauwauaunee. 16 Hegau henane, haesedeauchauuu nauauuthayau, hehauwaugau heee vasenau, nau wauathe hehauwujenane thanee hauvaa; hau nethanauau nauauuthayau neetheaugunee daun janedade hadenauhaudauau nauauuthayagu. 17 Hayewhu hehauwuyauthesa, haudjauthasenesehee; wauathe hayewhu hehauwuyau hadjaenaunee nau hadnejaunauau hauthasauau. 18 Haunauyauhaudauwuu hanathadauvana: daun nanethenaude, nananede haudnevenade; nau daunjanenethenaude, nananede haudnedanauwunade daun henetheyaunau. 19 Hanaaedasade henaune nau henethesaunau, nau haejeneedasaa heee dauneethenadedaunenee. 20 Nau haeaedauwunaa jachau hathahuk, Hanau nau hathesaunauau theauguthee jathee, vanadaunauhauvanaune. 21 Nau hanaaauchuhananadede nau hanaaaedauwunaude, Nanau nau nathesaunauau nuu nanathee nanedauwauduu hedanadedaunene Hejavaneauthu, nau naasedauthee. 22 Wauha hethauwuu jasaa hesee, haejeda thewaunaa nauguu hethauguhadaunau: nau hanaaaedauwunaude, hadeyehaunau hauchaunau neajee: nau hanaaejathethuauthee. 23 Hau hajechuauthee haenaugau: nau hanaaenauasaa neajee haenaudasa; nau haeechauchaunane naje, nau haeanedaudauwugaujauaudahede. 24 Nau hanaaedauchauthee, nau haeauwaudananauau, Hechauhauthethahe, Hechauhauthethae, gaujauaudahenauau, hathauhaugaunee Hanaaethauwauthede, nau hanaaeneudauau hasase nau dasenaunanauneenaje: nau hanaaedauunauuu, nau hanaaedadauyauau. 25 Nau hanaaenehethaude, daude hadethauwaudadenenau? Nau haenathajaunauau haejenaunethajaunauau, Dauhuthenane naa, hanathadagaunee; haauchuwudede hasase nau naje, nau hanaaethauwaudaunade. 26 Nau hanaaenuusathee vedauauwuu Gadarenes, hauchaunau Gananee. 21 Nau haeyehaude vedauauwuu, hena haenuchaunaa jathee hedan jachau henanene, haenethena haujaun dajechauau, nau haevedauauchauna, haejenaede hauauwuu, hau nedauthanavathe gaujauaudahehehau. 28 Haenauhauwaude Hejavaneauthusaun haevasanade, nau haechaagujanaugudauna, nau hanaaevasanadethaude, Hauddusehathe, Hejavaneauthusau, Nananene Heau Hejavaneauthau javaajauuthee? Nenedauwunathane Nananene jevanaunauchauthehe. 29 (Hanau haenesedauwauna wauchahenith haujaun hadjenauahenith hehethee henanene. Hanau nauaunee dauhusedanade: nau naunaunehade neduguhude heee vaejethaduguthaunau nau nesaunajethaunau; nau haegaugauchauagude heeduguhudaunau, nau haejathethasauaunaa haujaun hesee nauaunee.) 30 Nau Hejavaneauthusaun haenaudedaunaa, Haudusee? hathahuk, Nau hanaaaedauwunaude, Waunauthade: hnnau dewauthanethe haujaunau hethachaudaunadaunaa. 31 Nau haenedauwunanauau hadjenesedauwaunathee hadjeyehauthee hethauvaa. 32 Nau hena haewauthanauau neauthuwauchu nevethehethee hauanee: nau haenedauwunanauau hadjenanathee wauhaunee. Nau haejenana. 33 Hanaaenauahethee haujaunauau hehethee henanene, nau haewauhaunesanauau neauthuwauchuu: nau vahee neauthuwauchu haejathegauhunauau neenanee janahuu yesee neajee, nau haevanadeavenauau. 34 Haene henee nauchauwauthee daunauhauduu hasedaudenenee, haedaugauhunauau, nau haejathaaunauau nau haeaunauthedanauau hedan nau vedauauwuu. 35 Hanaaeyehaudenee hadnauhauwuu daun hasedaudenee; nau haeedauchau Hejavaneauthusau, nau haeveehau henane, heneenenauthade haujaunau, haetheaugu heauthene Hejavaneauthusaun, haeedachaunene, nau haechuwuthajaune: nau haenathajaudene. 36 Henee nenauhauwauthee haeauthedanauau neesenayauhade nenethenaude haujaunau. 37 Hadauchaa hathaauauvaa Gadarenes gauanee haejathethajenahenauau; hanau dauusahede: nau hanaaeyehaude nauauhuu jethee thewaunaa, nau hanaaejaesade. 38 Wauha henane nenauthade haujaunau haenehethaa hadnenethaunade: hau Hejavaneauthusau haejathethajenahe, hathauhuk, 39 Jaeyehau haudauauwuu, nau hadnauhauthetha hathaenavasauau hayewhu Hejavaneauthau hasehane nananene. Nau hanaaejathaaude, nau haeautheda nanadee hathaaunee hedan hathaenavasaunee hayewhu Hejavaneauthusaun hasehade. 40 Nau hethauwuu haejaenauusade Hejavaneauthusau, henanedanede haeneethajaudaunaa: hanau haevadauyauhauwau. 41 Nau, naune, haejenauusa henane Jairus haseagu, nau hadahevahe vevethahenauauwuu: nau haeuaneseve Hejavaueauthusaun heauthene, nau haeadetha hadjewaunejedanith hedauauwuu: 42 Hanau haenesahene hedaunau wauau hanesenee jajenevahe, nau haeayanajane. Hau hajesesade henanedanede haevauhaunaa. 43 Nau hesa haeevathaude nesenee jajene heee, haevathede haunauude hevaejethawau heee naudaunehahehau, hau haejenayauhau, 44 Haeedasa hegauwune, nau haevasane naunauchuu heduwune: nau chauchauau haejenevathaude. 45 Nau Hejavaneauthusau hanaa navasanade hahagu? Haevahethedauwaudenee, Peda, nau hathaenethaunade, Hechauhauthethahe, henanedanede vauhaunane nau naneethenane, nau hanaa navasanade, nesehene? hathauhaugaunee. 46 Nau Hejavaneauthusau, hanaadee vasananau, hahagu: haenauwau daujasesenauauau vadaude hehethee nananenau, hahagu. 47 Nau haenauhaudauau naa hesa daujeyauthesee haejeyehau haeahenauau, nau hanaaechauagujanaugudaunaude, haeauthedauna hauthasee vahee henanedanede hathavasanaude, nau hasenayauhade chauchaunu. 48 Nau hanaaaedauwunaude, Nauddau, nanehaauwauthenaedene: nananene hadethauwuthajaude henayauhane nananene; najesa haunauwuthajau. 49 Hajesanadede, hena haejau hanesade hehethee hadahevahew vevethahenauauwuu, haeaedauwuna, Haudauna najaa; jevajenaunevene Hechauhauthethahe. 50 Hau haenedaunade Hejavaneauthusaun, haenaaaedauwunade, jevanathajau: hethauwuthajau vavade, nau haudnenayauhade, hathahuk. 51 Nau haejedade hauauwuu, henanedane haejevadaujedane, vavade Peda, nau James, nau Jaun, nau henesaunaune nau hehaune hesahedaeyaune. 52 Nau vahee haevewauhudaune, nau haeaudauwuthajauha: hau hanaaenehede, Jevavewauhuu; hehauwunaja, nauthe naugauhude. 53 Nau haeauchauthanauau haevachunaunanauau, dauaenaunauthee daunajanethe. 54 Nau haevanudana, nau hanaaedanaude hejadenene, nau hanaaanadethaude, Hesahee, thauwauthe, hathauhuk. 55 Nau hevadathuwu haejaedasaa, nau haethauwauthe chauchaunu nau hanaaenehede hadnauchauvavathe. 56 Nau heneha haegaudauwuthajaunenau: hau haeaedauwuna hadjaedauvanethe henanedaa hasedaude.
1 Hanaaadethaude vadadauchu nesenee hethauguhadaunau hauanee, nau haejaanauwuna naudahede nau hadvaheneedauthee nanadee vahee haujaunaa, nau hadnenayaudethee haugauwude. 2 Nau haejenana hadnauthedaudauwunethe henajanedaunene Hejavaneauthu, nau hadnenayauhaunethe hasauwauvahehehau. 3 Nau hanaaaedauwunaude, Jevaedanauwuu hayewhu heee hajavechaudenenau, daudause haugaudauhunau, daudause newaugusajaanauthau, daudause jauaujau, daudause vaejetha; daudause jevanesauguvechudaunaa. 4 Nau daun hauauwuu hadaujedana jenaadauna, nau jenaathejathaauna. 5 Nau daun hajethauhauvadaunenau, haenauahena hena hedane, hadegauyaejaheva naudauuyagu hadneaenaunathee. 6 Nau hanaaejathaauthee, nau haeehedesanauau hauauwudan, haeauthedaudauwu hethadenee waunauyaunee, nau haevahenayauthanauau nanadee. 7 Wauha Herod naja haenedauva vahee hanasedaudenenee heee: nau haejaene, hanau haenaasenehedaunee gauuu, henee Jaun jaegauhade hehethee denajaa; 8 Nau gauuu, henee Ehas naunauhauthethade hedanayau; nau hauthauauau, hanesade dajechauau haeyahehauau jaegauhade. 9 Nau Herod haenehe, Jaun nedavaasauau: hau hanaa naa, nanedauwauthau? Nau haevadaunauhauva. 10 Nau vadauhanauau, haejaenuusathee, haevahauthedaunaa hanasedaunethe. Nau hanaaedanaude, nau hanaaejathaauthee hevenanee hesee hadaunechaudanee hathauau hedan Bethsaida haseagu. 11 Nau henanedanede haaenuu, hanaaethauguhauthee: nau haeesedana, nau haeauthedauna hasaunee henajanedaunene Hejavaneauthu, nau haeenayauha hathaevadauunayauhathee. 12 Nau haayanaesade, hanaaejenuusathee nesenee, nau hanaaenehethade, Nanehaejathaaudenee henanedanede, hadeehaudenee hauauwudan nau vedauauwuu nauanee, nau hadenethee, nau hadejasedauthee vethewau: daunechaudaa hadaunauau. 13 Hau, Venaa nananena hadevethehedaunee, hathauhuk. Nau hanaaaedauwunauthee, Hau nanethenauwunauau hehauwujavaanee hayauthaunae jauaujaunau nau hanesethee nauwu; hanayehaunee nau haunaudaunauhuu vethewau heee vahee nuu henanedanede. 14 Hanau wauau haeyauthaune vasevadadausauau henanenauau hanaadauchuthee. Nau hanaaaedauwunaude hethauguhadaunau, Janauguhaa yauyauthauyauaugunauha. 15 Nau hanaasedauthee, nau haevajanauguhanauau. 16 Hanaaedanauau hayauthaunanenee jauaujaunau nau hanesenethe nauwu, nau hanaaejenaauguaude hejavaa, haevevethasa, nau haenaaejeanauau, nau hanaaevenaude thauguthahehau haudjenanauwunethe hathaajedaunenee henanedanede. 17 Nau haevethehedaune, nau haevahegaudaudene; nau haeauanenau jeyauwaunau hathaenathaudae nesenee hanaadauchae hanechauchaunae nenethaudanee. 18 Nau hethauwuu, haenesenane, dauvevethahede, Hethauguhadaunau haenethaunaa: nau hanaaenaudedaunaude, Hanaa nenehede henaneda daunanenau? hathauhuk; 19 Hanaaauchuhananadethauthee, Dusaaya Jaun; hauhauthauauau nethee Ehas; nau jasae uethee hanesade dajechauau haeyahehauau jaegauhade. 20 Hanaaenehethaude, hau hanaa nenehede nananena daunanenau? Peda hanaaauchuhanaedauwunaude, Chris Hejavaneauthau. 21 Nau haeneenadauduva, nau haenesedauwauna hadjaedauwunaunethe henanedanau henee; 22 Heau henane hadnasenede wauthanee heee hayewhu, nau hadnausaguthade vachaugananenau nau naja vevethahevahehauau nau wauthaunauhahehauau, nau hadnaade, nau hadjaegauhasanade nasese, hanathauhuk. 23 Nau hanaaevahaedauwunaude, Hith henaneda jethauguhanaugu nanehanaunauchauthehadede, nau jeedane henaugauchu hayauwusenenee, nau najeethauguhaa. 24 Daun haunaugaunayaudede hedenaedede hadnanadede: hau daun hanadede hedenaedede heee nadanayau, nananede hadnenayauhadede. 25 Hauddusedau henane, vahesedanauaugu hathaauauvadenee, nau hanahadagu, nauwauathe hausaguthadagu? 26 Daun naudauthedaunade nau nadanadedaunau, nananenith Heau Henane haudnaudauthedaunaunith, haenauusathe nehayau hadauvasathanith, nau Henesaunaune hadauvasathanith, nau vadanee hautheaunauau hadauvasathanethe. 27 Hau hadethauwauthedaunathava hauthauauau theauguthee hede, haudnehauwuvajadauwu gaujauaudahede, haunaude haudnauhauduu henajanedaunene Hejavaneauthu. 28 Nau hethauwuu wauau hanasaudauchuse haesenehede, Hanaaedanaude Peda nau Jauneau nau Jameseau, nau hanaaenauauhusathee hauanee hadnevevethahethee. 29 Nau hajesevevethahede haenauasaaune hedauchaveau haeanathadene, nau hedachaunau haenaujaunenau nau haenaunauaugausauaunenau. 30 Nau naune haeanadethaa hanesenethe henanenau, haenanenenau Mosaseau nau Ehaseau; 31 Daunauhauthethade hedanayau haenausaaune, nau haeauthedaude haudgaujauaudade hadvathechauchaunaudede hehethee Dadaunedan. 32 Hau Peda nau hethaenethaunadaunau haenauwaunanenau: nau haauwaudauaunethe, haenauhaudauwunenau henauasaaude, nau hanesenethe henanenau haenethauguvaa. 33 Nau hethauwuu, haenauthade, Peda hanaaanadethaude Hejavaneauthusaun, Hechauhauthethahe, hethadee hasanedaunee hede: nau hadenesedauna hanasae nenaunau; hanesadee Nananene, nau hanesadenee Mosese, nau hanesadenee Ehas; haejaene daunhasenehede. 34 Hajesanadede, haejenauusanau henaunauade, nau haeduguauna: nau haenathajaunaunauau daujedathee henaunauadee. 35 Nau haejeanadedaune hehethee henaunauadee, Naa nananede Navechauthau Naa: nedaunaa, haheagu. 36 Nau haesanadedaunee, Hejavaneauthusau haenesenane. Nau haeyaudenauau, nau haejaedauwunanauau henanedane hena hesee neanathauhauduu. 37 Nau hethauwuu, dauauthesenenee, haejejanauhusathee hehethee jauaudanee, haegauahenenau henanedanau hejajedauaunadaunenau. 38 Nau, naune, henane hehethee henanedaa haevasanade, Hechauhauthethahe, nenedauwunathane Nananene, daugauhauwune naa: vavadenaanesade nadaeyauneve, hathauhuk. 39 Nau, naune, haujaun hedanade, nau chauchaunu haedauyanade; nau haethauwuguthaa haevevechauchaunaude jeda, nau haeasenehaa haejechuwauthenauthaa. 40 Nau nananenau neautheawu hathauguhadaunauau hadnausaguthauthee; nau nejeneedauthee. 41 Nau Hejavaneauthusau hanaaauchuhananadethaude, Hau hahauwuthauwuthajau nau daujechuwauthenaedene, haudedauhujesenedauguvathe, nau haddauhujesenethauguvathe? Jasene uananene haa hede. 42 Nau hajesejaude, haujaun haeauneguthaa, uau haethauwuguthaa. Nau Hejavaneauthusau haeneneuva wauchahenith haujaun, nau haeenayauha daeyaunauau, nau haejaevena henesaunaunene. 43 Nau haevagaugauanadauwu hasevasenaudahenith Hejavaneauthu, Hau hajesegaugauanaduu haunauude vahee hayauhuhau Hejavaneauthusaun hanasedaunith, Haeaedauwuna hethauguhadaunau, 44 Chuwauthee nuu hanadedaunau jedanauha haunaudaununenau; hanau heau henane hadvenavathe hejadenene henanenau. 45 Hau haejaenauwu nuu hasenehenith, nau haeyaudaunaunauau, haejaenauwu: nau haeeadaunaudedaunanauau hasenehenith. 46 Hanaaegaugauudedaunee, hanaadee haudvasathaa. 47 Nau Hejavaneauthusaun, haeaenauwu hanasethajauthee hedahenauau, haeedana daeyaunauau, nau haeauyejanauguna, 48 Nau hanaaaedauwunaude daun hanesedanaude nuu daeyaunauau naneseedaunaa hadnesedananau: nau daun nasedanade haudnesedanaude najejenanadaune; daun javaanadavenuhunede haunauude nananena vahee nananede hadnaasevasathaa. 49 Nau Jaun hanaaauchuhanaedauwunaude, Hechauhauthethahe, neenauhauwaunauau hanesade nenuguthaude haujaunau heee haneseede; nau needauduwaunauau, hanau dauhujenethaunanauau. 50 Nau Hejavaneauthusaun hanaaaedauwunade, Jevadauduvaa hahauwasanavane nanesevanauau. 51 Nau hethauwuu, haenauauchaunee hadneejejanauhudana. de, haechuwuyethaane hadnehaude Dadaunedan, 52 Nau haeautheava sayanee: nau hanaaejathaaunethe, nau haejedathee hajasee hauauwudan Samaritans, hadnesaanudaunade. 53 Nau haejesedanaa, hanau dauyethaasade Dadaunedan. 54 Nau haene hethauguhadaunau James nau Jaun daunauhaudauwunethe nuu, hanaaenehenethe, Vahadahene, gaujevadaunedauwaune heseda hadjejanauhusanauau hehethee hejavaa, nau hadnevadauchauuthee, neesedaude Ehas? 55 Hau hanaaeyethaadauusade, nau haeneneuva, Nananena hahauwaenava daun vadathau nananena hadahena, hathauhuk. 56 Hanau Heau henane hehauwuujau hadnenauaudede henanedanau hedenaededaunenenau, hau hadnenayauhaude. Nau hanaaeyehauthee jasaa hajasee hauauwudan. 57 Nau hethauwuu, hajesethaugudethee vau, jachau henanene hathakuk, Vahadahene, nananenau hadnethauguhathane nananene daun nananene hanasesanaune. 58 Nau Hejavaneauthusau hathauhuk, Gauauwuauau neyaethee, nau neaheauau hejavaa nenauhuchaunethee; hau Heau henane heyauhuunee nedauusevaanede. 59 Nau hanaaenehethaude jachau, Jethauguhu, hau hathahuk, Vahadahene, nedauau nawaunejenanau nasaunau. 60 Hejavaneauthusaun hanaaaedauwunade, Nanehajenanauthee gaujauaudahehehauau negaujauaudahenethee: hau jathaau nananene nau haddauthedaude henajanede Hejavaneauthau. 61 Nau jachau jee, hathahuk, Vahadahene, hadnethauguhathane nananene; hau jechuwauthehe nedauau nawaunenaunenechauthaunauau, hanedauthee nayaenau naudauauwuu. 62 Nau Hejavaneauthusaun hanaaaedauwunade, Hegau henane, dunauaugu thauauauwujethau, nau jaaayaugu, hehauwunaatha henajanedaunene Hejavaneauthu.
1 Nuu heee Vahadade haeautheava hauthauau nesaudausauau jee, nau haeyeyethautheava hanenesenethe sayanee haunauude hedan nau vedauauwuu, haudnanadaunauusade. 2 Henaheee hanaaenehethaude, Jenayaunau hethauwuwauthae haneseuu, hau nesethahehauau hajewauthathee: vevethahee nananena heee Vahadade deseuujenayaunau, hadejejenanaude nesethahehau hejenayaunaa. 3 Jathaauau nananena hathaasana; naune nananenau janenanathana neanee waude haudasaunauau hejee hauchahee. 4 Jevanewuunauwuu nesevaejethawaunau, newaugusajaanauthau, nau wauaunau: nau jevanaunenathedaunaa henane hauvaunenau. 5 Nau daun hauauwuu nananena hadaujedana, Dadauyauha nuu hauauwuu, nedauau hadeva. 6 Nau hith heau dadaunee hanedauyaugaune, nananena hadadaunahedaunenau hadnaadaudauyanusaa: hau jene hadjaegauusedaunana. 7 Nau vavade hauauwuu hadanedauva, hadevetheva nau hadevanava daun hayauhuhau hauchauvadenenau: hanau nesethahe naunaudaunade. Jevaenejedae hauauwuu. 8 Nau daun hedan nananena hadaujedana, nau hesedananagu, hadevetheva daun hayauhuhau hajenanauwunadaunenau: 9 Nau hadenayauhauva hasauwauvahehe daun hanedaude, nau hesau jeenanethaedauwunauna, Henajanede Hejavaneauthau hayaedasana. 10 Nau daun hedan nananena hadaujedana, nau jesedananagu hadjajathaauva hasesana hehethee hadaugauchaudae hauauwudan, nau hesau jeenanesenehethauna, 11 Daudause nauthejahathaugu nananena hadedanaunenau, heejahadaheagu, neyesegaunuhudee nananena: hau nananena hadethauwaenava nuu, henajanede Hejavaneauthau hayaedasana. 12 Hau hadaedauwunathava, hadjavaananethauauyauau hena hesee heee Sodom, javaanee heee hena hedan. 13 Naunauthauau hadnauauchaudauna, Chorazin; naunauthauau hadnauauchaudauna, Bethsaida; hanau havathenayauthau heheenesedaudeneagu jedauwuu Tyre nau Sidon, nuu hasehana nananena, dajechauau neaunaunevethajauduuhewauchudaudenenau, needanaugudaunee neauchuwaudenee naujuwau nau jaetha. 14 Hau hadjavaananethauauyauau heee Tyre nau Sidon haenaudedaunadedaunee, javaanee nananena. 15 Nau nananena, Capernaum, hanejanana yesee hejavaa, hadjaejanauhanee yesee hadauveeyauau. 16 Daun hajaathehadaunenau nananena hadjaathehanau; nau daun hauwauchanavadaunenau nananena haudwauchanavanau; nau daun nauwauchanavade hadwauchanauwaude najejenanadaune. 17 Nau nesaudausauau haejaenauusanauau nauguu neethajaude, hanaaaedauwunauthee, Vahadahene, daudause haujaunauau hanechauwauaunaunauau heee nananene haneseede. 18 Nau hanaaaedauwunathee, Nenauhauwauau Haujau waude jahagude hasejanesaa hehethee hejavaa. 19 Naune, Nananenau vanenathana nananena naudahede hadnauguhudaunauna seseyanauau nau hauwauhaudathee, nau nanadee vahee henaudahede haujau: nau hegau hadneaseneva. 20 Hau vahee nuu jevaneethajaudauwuu, haujaunauau dauuchauwauaunauna; hau henauthauneneethajauau hanau nananena haneseedaunenau dauwauthaunauhuu hejavaa. 21 Hena haauchauau Hejavaneauthusau haeneethajaune hevadathuwu, nau hanaaenehede, Nananenau vaveenethedaunathane Nananene, Hau Nachau, Vahadahene hejavaa nau vedauauwuu, hanau Nananene dauyaudaunaude nuu hayauhuhau hehethee nadaunahehehauau nau hathauwunanenauau, nau hadnauhauthehauva daeyaunauauau: hethauwuu, Nasaunau; waude hethadee nananena hasesanenau. 22 Vahee hayauhuhau vanenanau Nasaunau: nau hegau henane haenauna hanaadane Heahene, vavade Vasaunau; nau hanaadane Vasaunau, vavade Vaa, nau nananede hanaadane Heawaune hadnenauhauthehade. 23 Nau hanaaejaedaugauhauwaude hethauguhadaunau, nau hanaaanadethaude hevenanee, Haunauwuthajaunauha hasesanenau dauhunauhaudauwuna hayauhuhau hanauhauthaunenau: 24 Hanau nananenau haedauwunathana, waunauthathee haeyahehauau nau nenauchuwuthee nevadaunauhauduu hena hayauhuhau hanauhauthaunenau, hau hehauwuthauunauhaudauwu; nau devadaunedauwauduu hena hayauhuhau hanedauwauthaunenau, hau hehauwunedauwaudauwu. 25 Nau, naune, jasaa nanavaavehe haetheaugu, nau haenaudayadauna, Hechauhauthethahe, nauddusesedane jethauujenee henaedede? hathauhuk, 26 Hanaaaedauwunade, Hayew wauthaunesaa nanavaavedaunaa? Hadusasauhaude nananene? 27 Nau hanaaaedauwunaude, Nananene hadvechauthau Vahadade nananene Hejavaneauthau nauguu vahee nananene hadahaa, nau nauguu vahee nananene hadathuvaa, nau nauguu vahee nananene hadaahedaunaa, nau nauguu vahee nananene haugaugauuthajaudenaa; nau nananene hanedaudewau waude nehayau nananene. 28 Nau hanaaaedauwunaude, Nananene hethauvane: nanehasedaune, nau nananene hadnenaedene. 29 Hau nananede, vanadauchuvanadede, hanaaenehethaude Hejavaneauthusaun, Nau hanaa nanedaudewau? hathauhuk, 30 Nau Hejavaneauthusau hanaaauchuhanaedauwunaude, Jasaa henane haejathaau hehethee Dadaunedan hesee Jericho, nau haeesedanaa havedehehau, haethauwujedaunaa hedachaunau, nau haeenesenehaa, nau haejathaaunenau, haenauthaa dauhayanajaa. 31 Nau haejathedasaa jachau vevethahevahew hehethee: nau haenauhauvade, haejavechauthaa gauchuhunee. 32 Nau vavade Levite, haedadauau hadaunith, haeeda sa nau haenaauhauva, nau haejavechautha gauchuhunee. 33 Nau jasaa Samaritan, daujadade, haeedasa hadaunith: nau haenauhauwaude haeauwunauna, 34 Nau haeyehau, nau haedugudauna hadauunesenenith, haeedaunauwuna javeda nau vasevenenaje, nau haedasana nehayau hedauneau, nau haenauuchauha vethehedaunauauwuu, nau haeaunauneha. 35 Nau daunauganenee haejathaaude, haeadane hanesanenee hevaejethawau, nau haevena hadahevahew, nau hadaunaunehau, hathauhuk; nau daun hasegaujauauthedananaune jee, haejaenauusanaune nananenau hadaunaudaunathane nananene. 36 Hayewnau nuu hanasae, hadeanathaunau, henedaudevadaune henee neesedanade havedehehau? 37 Nau hanaaaedauwunaude henee heauwunaunadaune. Hanaaenehethaude Hejavaneauthusau, nau jenaenesedaune nananene. 38 Wauha hethauwuu, daunausujavesathee, haenauusanauau jasaa hajaseehauauwudan: nau jasaa hesa haseagu Martha haejedana hedauauwunin. 39 Nau haeenahavae Mare haseeyaugaune, jea haejanaugude Hejavaneauthusaun heauthene, nau haenedauwaude hedanadedaunene. 40 Hau Martha haeedauwauchune dauwauthanee hasedaude, nau haejeedasa, nau hanaaenehethaude, Vahadahene, gauhajegaudauvanade daujenauthanau nahavaa daunesenesethanau? haedauwunene hadenedahevanau. 41 Nau Hejavaneauthusau hanaaauchuhanehethaude, Martha, Martha, nananene haunaunahene nau dejanethajaudauwu waunauthae hayauhuhau: 42 Hau hanesadeehayewhu chaunauguauau: nau Mare hayachauhauau henee hethadenee hadade, hehauwuneejathechauhau nauthee.
1 Nau hethauwuu, henee, daunausuvevethahede haedaunanenee, haejenedaude, hanesahenith hethauguhadaune hathahuk, Vahadahene, jeechauhauthehaa hadnesevevethahee, waude Jaun jea neesechauhauthehaude hethauguhadaunau. 2 Nau hanaaaedauwunaude, haene nananena vanevethahena jeenanesenehena, Hasaunaunene Nananede hanedaude hejavaa, Vadanauha Nananene haneseede. Nananene hanajanede hanajaunauau. Nananene hathanavaane hadnaasedaunee hasauau hejavaa, nau jee nuu vedauauwuu. 3 Hejevenaa hadauchusenee hayauwusenee vethewau. 4 Nau jejaegudanauwunaa hewauchudaudenedaunau hanau nechau nejaegudanauwunade haunauude hanesade nethaesayanedanauwunaade. Nau jevaechauhaa nedauvasehadee; hau haugaunayauhaa hehethee hadau wausauau. 5 Nau hanaaaedauwunaude, hanaa nananena hadnenedaehahede, nau hadneyehaude thaudajaa, nau hadethaude, Va, jeehe hanasae jauaujaunau; 6 Hanau nadae daunauujadaunanau, nau nananenau haeyauhuunee nauchauwaude? 7 Nau hehethee jedauwuu hadnauchuhanehede nau hadnenehede, Jevajanethajuhu: dajanau wauwu haugauhude, nau nanesaunauau nanejauwu naudauvaa; nananenau nahauwuneethauwauthe nau hajeneevenathane. 8 Nananenau haedauwunathana, hadnehauwuthauwauthene nau hadvenade hanau dauhunedaehawaude, auhanau dauneenahede hadthauwauthenith nau hadvenade daun hadauchuvathehathe. 9 Nau nananenau haedauwunathana, Henedauwauau, nau hadnevenana; henaudethae, nau hadneveedena; hewaudahee (dajanau), nau hadnegaunedanauwunana. 10 Hanau haunauude hanesade nethaenedauwaude neneaudauwaude; nau henee nenaudethade neveenauau; nau henee newaudahaude (dajanaune) hadgaunanauwunade. 11 Hith haahenau nedauwunanagu jauaujaunau jasaa nananena henesaunaune, gauhadvenaa hauunaugane? wauathe nedauwunahuk nauwu, gauhadvena hauchuhanee gauhadnanene nauwunenith seseyane? 12 Wauathe nedauwimahuk naunau, gauhadvena hauwauhaudanethe? 13 Hith nananena, hauhauganenagu, hadaenava hadnesevenauna hethadenee venadedaunau nananena hadaeyaunevenau: duthaee nananena hejavaa Hasaunaunenau hadvenava Vadanauwauthauwu nethaenedauwunauna 14 Nau neausaguthaude haujaun, nau heehauwanadene. Nau hethauwuu haejathaaude haujau, hanaaejaanadede; nau henanedanede haegaugauuthajaudene. 15 Hau jasaa hahagu, Nausaguthaude haujaunau heee Beelzebub najane haujaunaa. 16 Nau hauthauau, haenaudayadaunaa, haenehethaa hadnauhauthaudenenee hehethee hejavaa. 17 Hau haeaene hedenethajaudenene, haeaedauwuna, Hadauchaa najanede nanayasenauaugu nehayau hadneyauhuu; nau hauauwuu hasanavadenaugu hauauwuu hadjanesaa. 18 Hith, Haujau jea hasanavadagu, hauddusetheaugune henajanede? hanau nananena denehena nananenau deausaguthaugaunee haujaunauau hehethee Beelzebub. 19 Nau hith nananenau hausaguthaugaunee hehethee Beelzebub haujaunauau, hanaa haahenau hadnausaguthaude? hadedauchuwuwuna. 20 Hau hith nananenau hejadenethedaunaugu Hejavaneauthau hausaguthaugaunee haujaunauau, hethauwuu henajanede Hejavaneauthau hedasana. 21 Henane danaahethe hedauchuaunau haunaunedehuk hedauauwuu, hevatheyaunau nedadauyaunee: 22 Hau haejavaadaahenethe javaahehuk hedasahuk, nau veavehahaugu, hadnedanauwunade vahee hedauchuaunau heaanadauwaudenau, nau hadjaanenee hesehaudenau. 23 Daun najenethaunade hasanavanau: nau daun najenethauayavade naneasauauwaude. 24 Haenauthauthe wauchade haujau henanene, nehedesade hadaujenajenenee, denaudedede dauyanusenade; nau janeveedethe, naneenehede, nananenau hadjaesanau naudauauwuu needaujenauahenau. 25 Nau jaenauusathe, neveedede nesewaudeauhunee nau neyaudauthaunenee. 26 Naeneejathaaude, nau naneedanauwaude hanesaudauchunethe hauthauau haujaunau javaanauhauganenethe javaahede; nau naneejedathee, nau nanejanauguthee: nau waunee henee henane naeneejavaanauhauganede nedauaunejeethade. 27 Nau hethauwuu, hajeseanadede nuu hayauhuhau, jasaa hesa hehethee henanedaa haevasanade, nau hathauhuk, Hauwunaunade henesaunehe hajanesauthade Nananene, nau hethanau nedaunenane. 28 Hau hahagu, Haa, nausunee, nauwunaunath.ee nethaejaathededuu hedanadedaunene Hejavaneauthu, nau naunaunedethee. 29 Nau henanedanede haeneenanauthenanedauhuu, hanaaejasesenehede, Nuu nanaa wausauau henaedede: nevadaunauhauthathee; nau hegau nauhauthaude hadvenaunauau, hau vavade nauhauthau nananede Jonas haeyahe. 30 Hanau Jonas neesenauhauthehaude Ninevites, nechau jea Heau henane hadnaathade nuu henaedede. 31 Nenauchuwusa janauhuu hadjaegauhade naudedaunadenesee nauguu henanenau nuu henaedede, nau hadnauthauwuvana: hanau dejewaunejaathehaude hehethee haauauvadenee naunaudahenith Solomon; nau naune, hejavaahedaune Solomon hanedaunith. 32 Henanenauau hehethee Nineveh hadjaegauhathee naudedaunadenesee nauguu nuu henaedede, nau hadnauthauwuvana: hanau dauaugauthethajauduu hedauthedaunene Jonas; nau, naune, hejavaahedaune Jonas hanedaunith. 33 Hegau henane, haesedeauchauuu nauauuthayau, hehauwujenane yauthee, daudause hehauwugaudauyauvasenaunaa, hau dasee nauauuthayauneetheaugunee, nethaejedathee hadnenauhauduu naunauasadanee. 34 Hanesenee vadanayannaa nanaa nevasesanee: nanaa haenesadee hasesanenau nananena, nananene hadnaunauudauyauau hadanayau jea hanechauchaunaa hesee; hau haene nananene hasesa wausuu, hadanayau jea hadnechauchaunaudene vaneeyauau. 35 Haunauyauhaudauwauau hanau henee hesee hathasadaude nananene jeva veeyauha. 36 Hith nananene haunauudauyaugu hadanayau hanau hadnechauchaunaudene hesee, hadnehauwugauuveeyau haunauude hadnechauchaunaa hesee, waude naunauasadae nauauuthayau nevenana hesee. 37 Nau hajesanadede, jachau Nesethajauhu haeadethaa hadnethevethehewaude: nau haewaunejeda, nau haejanaugu dauvethede. 38 Nau haene Nesethajauhu nauhaudauau, haegaudauvanava daujaheseuhunith nedauau hajesejevethehenith. 39 Nau Vahadahenith hathahuk, Hewaunehaa nananena Nesethajauhuhauau neyauthahenauwuna jathee vaenaunau nau saenaunau; hau nananena hethauvaa hanechauchaunaudena vahedayaude nau hauhauganede. 40 Nananena janethauvahena, gaujenane Hejavaneauthau nenesedede jathee gaujee henesede jedauwuu? 41 Hau hevae hauwuyau daun hanetheyaunenau; nau, naune, vahee hayauhuhau hadnesewaudeanauwunana? 42 Hau naunauthauau hadnedasana nananena Nesethajauhuhauau, hanau nananena hadvana vadadauchu wauhaunauau nau naneujaudevejechau nau vahee hathaejajaesuu vejechau, nau hadjavechaudauwuna vavesauchuwude nau devechauthade Hejavaneauthau; nuu havachunaasedauna, nau hananejenaudauwuna hauthauau nejesehee. 43 Naunauthauau hadnedasana nananena Nesethajauhuhauau, hanau nananena devechaudauwuna najatheaugudaunau jedauwuu vevethahenauauwuu, nau dejachauthana nedauaudaunauvadee. 44 Naunauthauau hadnedasana nananena, wauthaunauhahehauau nau Nesethajauhuhauau, nanadaunahena, hanau nananena waude nedaugaudauyauhudaunee dejenauhauwuu, nau henanenauau nedasejavesathee hehauwaenauna. 45 Hanaaauchuhananadede hanesade nanavaavehe, nau hathauhuk, Hechauhauthethahe, nuu dauhanadene nananene naunaunauthevaana jea. 46 Nau hathahuk naunauthauau hadnedasana nananena jea, nananena nanavaavehehauau, hanau nananena henenauchuna henanenauau nauguu henenauchude hehayaudee javechauhunee, nau nananena nehayau jevavasanauwuu henenauchudaunau heee hanesadee nananena hajadenenau. 47 Naunauthauau hadnedasana nananena, hanau nananena denesedaunauna gaujauaudahenauauwu haeyahehauau, nau hasaunaunenau denauauthee. 48 Hethauwuu nananena haeyana henee nananena wauhaunee nanasedauthee hasaunaunenau: hanau denauauthee, nau nananena nenesedena hegaujauaudahenauauwunenau, 49 Naasauau jea hahagu hedaeyaude Hejavaneauthau, Hadjenanu haeyahehauau nau vadauhanauau, nau hauthauau hadnenaathee nau hadnenaunaunauchauthehathee: 50 Henee hevaevenau vahee haeyahehauau, hanedaunee hehethee davadeesehee vedauauwuu, hadneenaudedauwuhuu nuu henaedede; 51 Hehethee hevaevaa Abel nauuu hevaevaa Zacharias henee nenajaa nahethae jaanaa nau vadannauauwuu: hethauwuu nananenau nehethathana nananena, hadneenaudedauwuhuu nuu heee henaedede. 52 Naunauthauau hadnedasana nananena nanavaavehehauau, hanau nananena dauhudanauwuna gaunaudauauha haeyaude: nananena hadnehauwujedava nehayau, nau henee hathaejedathee nananena najauaunauna. 53 Nau daunenehedauau nuu hayauhuhau fesee, wauthaunauhahehau nau Nesethajauhuhauau hanaaejaseseneenanaudedaunade, nau haeneenadaunanauau hadnauthedaudauwunith hauwauhuu hayauhuhau; 54 Haeaudenauthaa, nau hadnesedanauwunethe hayewhu hehethee hedenene, hadnaedauwauthauthee.
1 Gaunauwuu, haene hena hauachaudenee hauanee haejedaguu hadauchaa henanedanede, dauwauthaa haeaunauguhudaunadenauau, hanaaejasesaedauwunaude hethauguhadaunau nedauau vahee, Haunauyauhaudauwauau nananena gauhaujau Nesethajauhuhauau, nenadaunahethee. 2 Hanau hehauwuyauthesa, hathaeyauthesaa, daudause hehauwuyauthesa, nethaejaenaunee. 3 Hanau daun nananena hasanadena veeyaugu hadnedauwuhuu hesenee; nau henee nananena hasenehena waunaudaunuu jedauwuu hadnauchunana dasee hauauwuu. 4 Nau nananena haedauwunathana Nadaehauhauau, Jevaesaa henee nenadethee henanedayahau, nau heee hehauwauthesedaunauau. 5 Hau nananena haedauwunathana daun nananena hachaunenau: Hesaa Naa, heee hesenaanagu naunaudade hadgauusevana hadaugauhauchanee; haa, Nananenau haedauwunathana nananena, Hesaa. 6 Hayauthaunethee hajaseaheauau gujeaudaunaune heee hanesaenee nevaahenee, nau hanesade hehauwunauneethedauna Hejavaneauthu? 7 Hau daudausee hadauchae hathaanenau hsfudauguhuanenau vahenayaee. Jevanathajauau henaheee: nananena javaanauwauhuana hadauchuthee hajaseaheauau. 8 Jea Nananenau haedauwunathana, Daun naujaudauthehade hesee henanedaa, nananede Heahene henanene jea hadnehauwaudauthehaa hesee hautheaunau Hejavaneauthuu. 9 Hau henee nauyauhade hesee henanedaa hadneyauhade hathaahenethe hautheaunau Hejavaneauthuu. 10 Nau daun hayadaunaude Heahene henanene, hadjaegudanauwunade: hau nananede henee hauhauganedauau Vadanauwauthauwu hadnehauwujaegudanauwunau. 11 Nau haejedanana vevethahenauauwuu, nau hauchuwunanenauau, nau najanauau, jevagaugauanadauwuu wauathe daunhayewhu nananena hadnesauchuhanehena, wauathe daun nananena hadnesenehena: 12 Hanau Vadanauwauthauwu hadnaedauwunana nauauchaugu daun nananena hadnesenehena. 13 Nau hanesade hehethee hananedaa hathauhuk, Hechauthethahe, hanadesene nasaa, hadegaugauanauwaunauau vatheyaunau. 14 Nau hathahuk, Henane, hanaa nanesehade hadnauchuwuhathane nau hadjaanauwunathane nananene? 15 Nau hasenehethauhuk, Haunauyauhaudauwauau, nau naseduhuu jevavathehae: hanau henane hedenaedede hehauwunedahevaa wauthayagaune hevatheyaunau henetheyaunau. 16 Nau haeanadetha haejegausudenanadetha, Vedauauwuu jasaa nethauyasenane haenautheautha: 17 Nau hasethajauhuk nehayau, hewauau hauaudnesedaunaune, hanau hajenethenauwau jedauwuu hadnedauthanauwau navethenau, hahagu? 18 Nau hanaaenehede, nuu hadnaasedaunau: hadthauwunauwau nathayanauauwuu, nau hadnesedenau hadjavaavasauau; nau hadnaadauthanauwau vahee navethenau nau navatheyaunau. 19 Nau hadnaaenehethauau navadathuwu, Vadathau, nananene nanethenauwu waunauthae hanetheyaunau janenanee hadwauthae jajene; hedanau nanethauaunenaedede, hevethehe, hevaveya, nau haunauwunaede. 20 Hau Hejavaneauthu hathahuk, Nananene Hauhauga, nuu dauveeyauau nananene havadathuwu hadnedauwunane: heee hanaa hadnethenauau hajenayaunau? 21 Nananede haenathaunau heveaunauauderiau, nau hehauwuveaunauau hesee Hejavaneauthu. 22 Nau hathauhuk hethauguhadaunau, Naa nehethathana, Jevaegaugauanadauwuu hadenaededaunenau, daun hadnevethedaunenau; daudause heee hadanayaunenau, daun hadnasaunenau. 23 Henaedede javaasaa vethevaa, nau vadanayau javaasaa hachaunaa. 24 Gaugauanavaa huunauau: hanau dejejenayathee nau dejegauausauhathee; hehauwunethenauwu thayanauauwu nau vethewau nedauthasauenee; nau Hejavaneauthau nauchauwaude: gauhajavaaneenaedeva neahenaa 25 Nau hanaa nananena vanadauanade heee neejahehee? 26 Hith nananena wauha jeneenesedaunagu henee haugajuhuu, naudu hajanethajaudauwunahauthauau? 27 Gaugauanadauwuu nenaugaanuu nejajaesaanuu neseveseuu: hehauwunesethanaunau, hehauwunethaudayanaunau; nau nausunee naedauwunathana, henee Solomon vahee hevasathade heehauwunaasenu hasaunee nuu. 28 Hith wauha Hejavaneauthau heneenudehuk wauchuunau, nuu desenee nauau, nau naugaagu hadneewaudedaunaunee; haduthaejavaavenava hachaunau, Hau nananena vanehaa hethauwuthajauna? 29 Nau jevanaudedee nananena daun nananena hadnevethedaunenau, wauathe daun hadnevaveyadaunenau, jevaauwaugaugauuthajauau. 30 Hanau vahee nuu neauthudan hathaauauvaa nenaudethathee: nau nananena Hasaunaunenau haenauau henee nananena havathehadaunenau nuu hayauhuhau. 31 Hau henaudedee nananena henajanede Hejavaneauthau; nau vahee nuu hayauhuhau hadnethedaunanauwunana nananena. 32 Jevanathajauau, hahauwuwauthaheva; hanau nananena Hasaunaunenau hayethanadauwunadaunenau hadvenana henajanede. 33 Heaudaunaa henee hanetheyaunenau, nau hauwunaunaa hadavenuhuhauau; jasedauau nesevaejethawaunau henee nejethauuthauauehusae, haenathaude haneduu hejavaa henee nejethauuyauhuu, nedaujavedadenee, hehauwujuudenauau nuvanauauau. 34 Hanau haduu hadaenathaunenau, hena hadahenau jea hadnaaduuu. 35 Duujehee, nau haunauauuthayaunenau gauhauchanauha; 36 Nau nanehathahena henanenauau henee nedauyauhauwauthee hanau Hadahethedaunadaunenau, haejejaesathe hehethee gauwuhaude; henee haejenauusathe nau hadwaudahaude, hadgaunanauwunade nauhauhaunee. 37 Hauwunaunaa henee nesethahehauau nananenethe, Vahadade haejenauusathe hadveenaude hadnaunauyauhauthanethe: hethauwaedauwunathana, hadduujede nehayau, nau hadjanauguhaude hadvethehenethe, nau hadjeedauchaude nau hadnaunauchauwaude. 38 Nau hith jenauusahek naneseauwaude haunauyauhauthahe, wauathe jenauusahek nanaseauwaude haunauyauhauthahe, nau hadveenaude hadnesaanunethe, hauwunaunaa henee nesethahehauau. 39 Nau nuu haenauwuu, henee hith henane hedauauwuu haenauaugu daun haauchaunee havedehew neeenauusanith, haunaunauyauhauwaude, nau hanajechuwauthedaunenauhunee hedauauwuu. 40 Nananena hadnaaesaanuna jea, hanau Heau henane hadnauusade daun haauchaunee haejenauanauwauna. 41 Peda hanaaanadethaude, Vahadahene, gauhanadethaa Nananene nuu heee jegausudede wauathe vahee? 42 Nau Vahadade hahagu, Hanaa henee chuvahagu nau hesenaedehuk hadahevahe, nananede hadahewaunadaune, hadnevenaude gauuu vethewau nauauchaunee? 43 Hauwunaunaa henee nesethahe, nananenith hadahewaunadaune haedasathe hadveehade hadnaasehade. 44 Hethauvaa hathaedauwunathana, henee hadnesehade hadahewaude vahee hethaenetheyaunau. 45 Hau nau hith henee nesethahe hesethajauhuk, Nadahewaunade jeguthenauusahek; nau henenesegauhahek henanenau nesethahehau nau hesanau, nau hevethehagaunee nau hevaveyahaugaunee, nau henaunauneseavagaunee; 46 Hadahevahe heuee nesethahe hadnauusanith hajesesenenee haejejauwuwuhauthe, nau, neeejaenauau, nau hadgudanade nau hadjenanaude jethauwaudahehau. 47 Nau henee nesethahe haenauaugu hadahewaunadaune hathanavade, nau jesaanuhuk, daudaus dejeesedaude hathanavathe hadnenenesegauhude dejauaunee. 48 Hau henee jaenauaugu, nau hesedauhauk neseneneseguhededaunenee hanajauwaunenesegauhude, hanau daun hauwauhuvenade nananede hadnauwaunedauwunade; nau nananede henane hauwauhauhauthade, nananede hadnauwaunedauwunade. 49 Hadjejenanauwau heseda dasee vedauauwuu; nau hayew navathehade wauwu gauhauchagu? 50 Hau nanetheuauwau dusaahede hadneedusaahedaunee; nau hanahauwaudauaunanau haunaude hesedaudeyagu. 51 Haneejaude hadjenanauau dadaunee vedauauwuu haathanaveva? hadaedauwunathava, Hegau; hau wauathe hanagauanauwau: 52 Hanau hehethee heee yauthaunenanedauneagu hanesadee hauauwuu hadgauanee, hadnasaunauthee hanesenethe, nau hadnesaunauthee hanaenethe. 53 Henesaunaun hadgauanathee hadnasanauwaude heau, nau heau hadnasanavade; hesa hadnasanauwaude hedaunau, nau hedaunau hadnasanavade, hesa hesave hadnasanauwaude, nau hesave hadnasanavade. 54 Nau hanaaanadedauau jea henanedanede, haenauhaudauwuna henaunauade jevechauuchaugu hehethee nesenaesade, chauchaunu nananena, Hadnauchuhajauwausauau; nau naenesauau. 55 Nau haenauhaudauwuna jenauhuu hanehedasae, nananena, hadnasedaa; nau naenesauau. 56 Nananena nanadaunahena, nananena naenauwuna hedauchaveau haunauau nau vedauauwuu; hau dusaudee haejaenauwuna nuu hewaunehaa? 57 Haa, nau naudu daudause nananena haejaenauwuna hasethadee? 58 Haeyehauthana hasanavadaunenau hauchuwunanenau, nausujavesanagu, nayatheneneevaa hadeenayauhana; havaehauthava najanauchuwunanee, nau najanauchuwunane havavena duguthahew, nau duguthahe havathanava duguthanauauwuu. 59 Haedauwunathana havajeneenauthauva, haunaude vathaunaudauhunagu havaejethavenau.
1 Hena hethaa heee jachau haeauthedaunaa Gananeans, hevaewu Pinade haewauhaunauwuaunenau nedauausayathee. 2 Nau Hejavaneauthusaun haeauchuhananadetha, Nauchae nananena henee nuu Gananeans heauhaugayaugauuee javaanee vahee Gananeans, hanau daujeneethajauduu hayauhuhau? 3 Nananenau naedauwunathana, Hegau: hau, vavade nananena jaaugauthethajaunagu, nananena hadnavahethahena gaujauaudahede. 4 Wauathe hena nasaudauchunee, dasee hayauauwuu jedauwuu Siloam dethauwunauauau, nau haenanaa, gaugauanadauwuu henee gauhujavaanauhauganenauau vahee henanedanede henee theaugude jedawuu Dadaunedan? 5 Nananenau naedauwunathana, Hegau, hau vavade nananena jeneethajauhadede, nananena hadnavahethahena gaujauaudahede. 6 Haeheanade jea nuu dajenehede; Jasaa henane haenethena hauuyauchunauhaudene haejenana jedauwuu dadajevenevese nethauchayaunaa; nau haejenauusa nau haenaunaudede vevenaudenau hanavenee, hau haejeveede. 7 Hanaaenehethaude nesethahew hedadajevenevese nethauchayaunaa, Naune, nuu hanasaa jajene nananenau hanejaunau daujenaudedenau vevenaudenau nuu hauuyauchunauhaudee, hau hajeveedenau: dauwauhune; hadevachunauthauyauau vedauauwuu? 8 Nau hanaaauchuhanadethade, Vahadahene, hauwaa nanehasene nuu heee jaje jea, nadeesenenesede, nau vehethe hadjenanauwau. 9 Nau hith havagaune vevenaudenau neee: nauhith jene, hadnaaedauwauhade. 10 Nau haeechauhauthetha jasaa vevethahenauauwuu vadanesee. 11 Nau, naune hena hesa haujaunehaeheaugauwu nasaudauchunee jajenee, nau haevajana hauanee, nau haejeneechuwuwauthe nehayau. 12 Nau haene Hajavaneauthusau nauhauwaude, Haeadetha, nau hanaaaedauwunaude, Hesa, nananene haunaugunane hehethee hadaugauwudaunaa. 13 Nau hanaaevasanaude: nau chauchaunu hanaaechuvade, nau haevaveenethedauna Hejavaneauthu. 14 Nau hauchuwunane vevethahenauauwuu haeauchuhananade nauguu hasenaunaude, hanau henee Hejavaneauthusaun denayauthanith vadanesee, nau haeautheda henanedaa, Hena nanedaudauchae hese henane heenesethadaunau hanananeejauna nau hanananeenayauhana, hau hegau vadanesee. 15 Vahadade hanaaauchuhananadethaude, nau hathauhuk, Nananene nanadaunahene, gauhajene dajee hanesahena vadanesee haugunauva hauwaugajevenau wauathe naugauchaudaheauau hehethee hewauchuhauchauwauauwuu, nau gayethaajethauva devanauhauna? 16 Nau gaujenaasaunee naa hesa, hedaunau Abraham, henee Haujau heduguthaune, naune, nuu nasaudauchunee jajene, haaugunade hehethee nuu deduguhude vada- 17 Nau haenehedauau nuu hayauhuhau, vahee hejauthauwau haeaudaudahenenau: nau vahee henanedanede haeneethaujaudene heee vahee havathee hayauhuhau henee hesethaunau. 18 Hanaaenehede, dusaune henajanede Hejavaneauthau? nau hayew naudnenehethau? 19 Waudenejenaneneemausdaude, henane nedanauau, nau neneagudede hejenayaunaa; nau neveseaudede, nau hahe haeavadauhaudene; nau neahehauau hejavaa negauusee hedanaa. 20 Nau jea hanaaenehede, Hayew naudneedajenehethau henajanede Hejavaneauthau? 21 Waude nesaunauchaa henee hesa- nedanauau nau nejenanauau nasau dejenauhunee thauauhanau haunaude devahenesaunadae. 22 Nau haeehedesa hauwauhauauwudane nau hajasedan, dechauhauthethade, nau haejada hesee Dadaunedan. 23 Hanaaanadethade hanesahenith, Vahadahene, gaujewauthanauau henee henayauhathee? Nau hanaaaedauwunaude, 24 Neaunedauwauau hadejedana hadaugaugunesade dajanau: newauthana, Nananenau daedauwunathana, hadnenaudedena hadnedaujedana, hau hadnehauwuneedauva. 25 Haene hechauhauthethahe hauauwuu thauwauthehuk, nau haugauhahagu dajanaune, nau nananena hananaaetheauguna jathee, nau hananaaewaudahauna dajanau, hananaaenehethauna, Vahadahene, Vahadahene, jegaunanauwunaa, nau hananaaauchuhanehethana nau hananaasenehethana, Hahauwaenaunathe daun hadesane: 26 Hananaaenehethauna, Nevethehenauau nau nevaveyanauau hathaahene, hau nananene dauthedaunaanehadaugauchaudee. 21 Hau hadnaasenehede, Haedauwunathane, Hahauwaenaunathe daun hadesane; nayasesave vahee nananena nesethahehauau wauwauchudaude. 28 Hena hadnevewauhudaunee nau hadnegaugauchaugudasenana, haenauhauwauna Abraham, nau Isaac, nau Jacob, nau vahee haeyahehauau, Jedauwuu henajanede Hejavaneauthau, hau nananena nehayau nenuguthadena. 29 Nau hadjenauuchaudenee hehethee nejeethevesesanith, nau hehethee nesenaesanith, nau hehethe nanavee, nau hehethee janauhuu, nau hadjanauguduu henajanedaunene Hejavaneauthu. 30 Nau, naune, hena hedauaude hadnedauvade, nau hena nanedauvade hadnedauchude. 31 Hajesesenee hena haejenauusa jasaa Nesethajauhuhauau, hasenehethahuk, Nauahe, nau jathaau, hanau Herod hadnaane. 32 Nau hanaaaedauwunathee, Najesaa, nau hadaedauwunauva hena vachuhuu, Naune, nenuguthu haujaunauau, nau nenayauthanau nuu desenee nau naugaagu, nau nanaseauwauau hesee hadnaaesedaunau. 33 Hau hadnenesanau nuu desenee, nau naugaagu, nau jea hathavenaugaagu: hanau hehauwunaasau henee haeyahe denaade Dadaunedan. 34 Hau Dadaunedan, Dadaunedan, nanathee nenauauthee haeyahehau, nau nenauchauwahathee hauunaugae henee hejejenanauwunaudenenau; dauhudauchu naudnauachauhaunauau nananena hadaeyaunewauau hauanee waude neauthuneahee dauanaude henesaunau hethauvaa hethaenaa, hau hahauwuvathehava. 35 Naune haudauauwunenau, naunaudauwunana hadnadauyewu: nau hethauwuu naedauwunathana, Nananena hadnehauwunauhauwuva haunaude nauauchaugu hadneenehena, Hauwunaunaa henee jaunaude heee heneseedaunene Vahadahenith.
1 Nau hethauwuu, daujedade hedauauwunene hanesahenith najane Nesethajauhuhau hadvethee jauaujau vadanesee, henee haeaunauyauhauvaa. 2 Nau, naune, hena jasaa henane hathaahede haenenesaunenauau. 3 Nau Hejavaneauthusau haeauchuhananadetha nanavaavehehau nau Nesethajauhuhau, gaujenanavanau henayauthaude vadanesee? hathauhuk. 4 Nau haedadaunaugunauau. Nau hanaaedanaunith nau haeenayauha, nau haejenana; 5 Nau haeauchuhananadetha, Hanaa hedauneau naugauchaudahehau wauath waugaje janesenayaugaune hadaudaunaudenee, nau gauchauchaunu gauhadnauuguthauva vadanesee? hathauhuk. 6 Nau haeeyauhuune nesenehethauthee jea nuu hayauhuhau. 7 Nau haedadajenehetha henee hathaadethavathee, haenauhauwaude hasayachauhauwunethe najatheaugudaunau; hanaaaedauwunaude, 8 Haene nananena hadethauna henanenauau gauwuhaudeneagu, jevajauauguu najatheaugudaunaa; havajavaanetha, henane havajavaaheva henee hadethade; 9 Nau henee hadethade nau nananede hadjaude nau hadnethane, Venene naa henane hadehedaugu; nau nananene haddayahene janaugunenagu hesaudavaa. 10 Hau haene nananene hadethanenagu, haddeyehau nau hadjanaugu hesaudavaa henee haene hadethade hadjaude, hadethane, Va javesa; hadnaaene nananene vechauthanaune henee hanethevethehevadaunauau. 11 Hanau daun nanajathajaude nehayau hadnausadauaude; nau henee nausadauauadede nehayau hadnajanede. 12 Hanaaenehethaude jea henee hadethadaune, Haene nananene gauusevanenagu wauathe hethunevethehevanenagu, jevaadesene hadaehauhauau, wauathe hathesaunauau, daudause hadauanauau, wauathe nethauyadahagu hanedaudewau; havaadethaa jea, nau havaaunaudauna. 13 Hau haene nananene vethehevanenagu, hadadethaunauau hadavenuhuhauau, henesenehehauau, jeneejavesahehauau, nanenauguhuhauau; 14 Nau nananene hadnauwunaunane; hanau daujeneaunaudaunanaune: hanau nananene hadnaunaudaunane jaegauhadeneagu hathaethadee. 15 Haene hanesade henee henethevethehevadaune daunedauwaudauwunith nuu hayauhuhau, Hauwunaunade henee hadvethee jauaujau henajanedaunene Hejavaneauthu, hathahuk. 16 Hanaaaedauwunaude, jasaa henane haeavathethunevetheheva, nau haeauwauhadethananena; 17 Nau haejenana hewauwauue dauethunevethehedaunee hadnaedauwunaunith henee hadethavathe, Jenajesaa; vahee hayauhuhau wauwu hanesejenanee. 18 Nau vahee haenesadene hathauchuwuhadethee hadnudanathee. Nanedauwauaude hasenehethauhuk, Neaudaunaudauwau vedauauwuu, nau hadneyehaunau nau hadnauhaudauwau: Nehethathane hadnudanene. 19 Nau jasaa ahagu, Neaudaunauthu yauthauyauna hedauhuwaugaje, nau hadneyehaunau hadnayaduuhuu: nenehethathane hadnudanene. 20 Nau jasaa hahagu, hedauwunenenau, nau naajeneejaunau. 21 Hanaaejenauusade henee wauwau, nau hanaaenauhauthehaude hadahewaunadaune nuu hayauhuhau. Wauha hechauhauthethahe hauauwuu hanaaasenaunade hanaaaedauwunaude hewauwaune, Yegauhu nauhauhaunee hadaug-auchaudae nau hadaugauchauchanee hedane, nau hadjathaunauau hede hathaadavenuhunethee, nau henesenehehauau, nau jeneejavesahehauau, nau nanenauguhuhauau. 22 Nau wauwau hasenehethauhuk, Vahadahene, naasedaunau hasenehesene nau nausunauthauyauau, hathahuk. 23 Nau Vahadahede haeaedauwuna wauwaune, Yehau hathenavaunaa nau nethauchayaunaa nau hadjadasauaunaunauau hadejejedathee, henee naudauauwuu hadeechauchaunaa. 24 Hanau naedauwunathane, henee hegau hena henanenauau neadethathee hadnehauwuvajadauwu nadethunevethehewau. 25 Nau hena haenethaunau havathenanedanede: nau hanaaejaaagude, nau hanaaaedauwunaude, 26 Hith daun henane hedasanaugu, hau jasanauwauhuk henesaunaune, nau henaune, nau henene, nau daeyaunauau, nau henethesaunau, nau hedasawau, haa nau nehayau hedenaedede jea, nahauwuneethauguhaa. 27 Nau daun janenevaa henaugauchu, nau thauguhanaugu, nahauwuneethauguhaa. 28 Hanaa nananena vanadaunesedede hayauauwun gauhadjejanaugu nedauau hadnayadede hadauchuunee, wauau hanaadauchanenee hesehenee? 29 Havaene hesejenanauhuk hauunauganau, nau hanajeneesedede, vahee henee hathaenauhaudauau hadneevavavayaudenenee. 30 Naa henane nenesedede, hau hajeneesedede, hanathade. 31 Wauathe daun naja, vadauvauthauhuk jachau najane, hanajanaugude nedauau, nau hanagaugauanadauau wauau haneene nauguu vadadauchu vasevadadausauau hadnenuchaunaude henee hejevenahedaunau nauguu nesauau vasevadadausauau? 32 Wauathe, hajesenausujechaugunethe, hanayethautheavede, nau hananayathenedauawaunaude. 33 Nau naasauau, daun nananena henee janenaunaudauau vahee henetheyaunau, nahauwuneethauguhaa. 34 Nejauauwuu hethadee: hau hith nejauauwuu jevanujaudagu, hayew hadneenejauauwujauau? 35 Daudause hehauwuuthade vedauauwuu, wauathe heee vehethe; hau henanenauau hananeagudede. Daun henaudaununede heenedauvahek jaathedeha.
1 Hanaaeauchaunade vahee hauayahehau nau wauwauchudauhuhau heee hadjaathehade. 2 Nau Nesethajauhuhau nau Wauthaunauhahehau haeneneedenenau, Naa henane hanesedanaude wauwauchudauhuhau, nau nanethevethehewaude, hathahuk. 3 Nau haeauthaunanadetha, hasenehethauhuk, 4 Hanaa henane nananena hedauneede vadadausauau jauaunawauda, hith hanauhauhuk hanesahenilh, gauhadnautha theaudausauau nau theaudauchunee nauaunee, nau gauhadnaudeha henee naunethauaunith gauhaunaude hadveeha? 5 Nau haeveehauthe hadthaegauhaude hejaanaunaa, hadneneethajaude. 6 Nau haenauajegauhuthe, hadnadethaude hauanee henedaehauhau nau henedaudevadaunau, netheneethajaudauwunee hanau daujaveehauau naudauave nenaunethauaude, hathauhuk. 7 Nananenau haedauwunathana, nuu hadnaasauau neethajaude hayaene haene hanesade wauwauchuduhu haunaunevethajauhuk javaanee theaudausauau nau theaudauchunee hathauwunane janenethenauau haunevethajaude. 8 Daudause daun hesa nethenauaugu vadadauchu gauneevaejetha, hith hanadeh.uk hanesadenee gauneee, gauhadjedeauchauau nauauuthayau, nau gauhadwaudeau hauauwuu, nau gauhadvavesenaudene haunaude gauhadveede. 9 Nau daun haeveenuu hanadethaude henedaehauhau, nau henedaudevadaunau hauanee netheneethajauwuu, hanau daujaeveenauwau hanesadee naanathau, hanathaude. 10 Naasauau, Nananenau naedauwunathana, haneduu neethajaude hathaahethee hautheaunauau Hejavaneauthuu hanesade wauwauchuduhu haunaunevethajauhuk. 11 Nau hasenehehuk, jasaa henane neseyaugaune heauhau: 12 Nau hajauchaugade haenehetha henesaunaune, Nachau jevene gauuu vatheyaunau henee naudnedadahedaunau. Nau hanaagauuvenaude hethaenetheyaunau. 13 Nau haunauauhaejewauthanenau hese hajauchaugade haesauanauau vahee hauanee, nauhanaaejathaaude hesee vavaaune vedauauwuu, nau hena hanaaevadauthedede hethaenetheyaunau heee hauhauganenaedede. 14 Nau haevathedede vahee, hena hanaaenauauchauau naunauthauau hasenaude hena vedauauwuu; nau hanaaadavenuhunede. 15 Nau hanaaeyehaude nau hanaaewauhaunesade nehayau hauwauhauauwunanenau henee vedauauwuu; nau haejenanaa hethauauwuu hadnauchauwaude neauthuwauchu. 16 Nau hananeanadauau hanachauchaunaudede henaude heee jeyauwaunau henee neauthuwauchu hevethedaunenenau: hau hegau henanene hevenaa. 17 Nau haaenaudede hanaaenehede, Waunauthanethe hedautheaunau nasaunau nenethenauau jauaujaunau naenedauchanenee nau nejeesesanenee, hau hadnenadaugauyanau? 18 Hadgauhanau nau hadeyehaunau nasaunau, nau hadnaasenehethauau, Nachau, nananenau nanethenauwau wauchudaude hesee hayaene, nau yesee nananene, 19 Nau nananenau hegau heee hahauwautheave: jenesehe waude haudautheaunauau. 20 Nau hanaaegauhade, nau hanaaedauchaude henesaunaune. Hau hajesejedauchaude, henesaunaune haenauhauvaa, nau haeauwunaunaa, nau haeyeseneegau, nau haeanaethesaunaunagutha, nau haenenedana. 21 Nau heau hathahuk, Nachau, nananenau nanethenauwau wauchudaude yesee hayaene, nau nananene, nau nananenau hegau hahauwautheneeave. 22 Hau henesaunaune hathauyaugaune hedautheaunene, Jadee chaunauguuthadee hu, nau hauyauunaa; nau thanauwunaa nechaunathathau hejadenaa, nau jedauaunenaa: 23 Nau hadjathauva hede daun gauchujade wauuu, nau hadnauauva; nau hadvethehenauau, nau hadeaunauwuthajaunauau: 24 Hanau naa naa nenajaa, nau jaenaedede; nenaunethauaude, nau jaeveenade; nau hanaaejasesaunauwuthajauthee: 25 Wauha vanachauganith heau haeanedaune nauau: nau daunausujaude nau haayanauusade hedauauwunenau, haenedauwaude haenevaudenene nau haevadaudenene. 26 Nau haeadetha hanesanith haunauaheau, nau haesnaudedauna dusedaudene hathauhuk. 27 Nau haeaedauwunaa, Nananene hahavaa nauusade; nau nananene hasaunau naunauaude gauchujanith wauuau, hanau daujaesedanaude nanethauaunee. 28 Nau haeasenauna, nau haejejeda: hanaaejenauahenith henesaunaune, nau haedadadasevaa. 29 Nau haeauchuhananadetha henesaunaune, Naune, nuu hawauthae jajenee haenesedaunathadenau, daudause hahauwujethauwaudaunathe hanaene hanathauchuwuhunaune: hau haunauau nananene hahauwuthauuvene haudasau, henee hananesedenau haunauwuthajaude nauguu nadaehauhauau: 30 Hau chauchaunu hasenauusade naa haa, hagaujauauthedaunadaunau haheenaededaunau heee henesahehau hesanau, nananene hanadaunaudegauchujanith wauuau. 31 Nau hanaaaedauwunaude, na, nananene nanethenaedevene, nau vahee henee nathaenetheyaunau nanehanahene. 32 Dauudasadee henee haneenesehee haunauwuthajaude, nau hadneethajaunee: heee naa hahavaa denajaa, nau jaenaedede; nau denaunethauaude, nau jaeveenade.
1 Nau hanaaaedauwunaude jea hethauguhadaunau, hena jasaa haenethauyada henane, haenethena hadahevahew; nau haenanene haeauthauwuvaa henee daunethauyadauchudede hevatheyaunau. 2 Nau haeadetha, nau hanaaenaudedaunaude, Duthanee henee daunedaunathane nananene? nayade haadahevadenau hanau nananene hadnehauwuguthadaheva. 3 Hadahevahe, Hewauau hauaudnesedaunaune? hasethaujauhuk, hanau navahadahewaunade haedanauwunanau nadadahewau: hajeneenauchauhanau; thaununedauwauhunenau. 4 Haenauwau hadnesedaunau, henee haenudananaune hadahewaude hadjedanethee hedauauwunenau. 5 Hanaaadethaude haunauude hadahewaunadaune hethaesayanedanauwunadaunene, nau hanaaaedauwunaude nanedauwauaunith, Dauhudauchanau hasayanedanauwunaudenau nananene nadahewaunade? 6 Nau haheyaugaune vadadausauau dejenauhuu javeda. Nau hanaaaedauwunaude Hedanau hauwauthaunauha, nau janaugu nauhauhaunee, nau hadwauthaunau yauthauyauau. 7 Hanaaaedauwunaude jachau, nau dauhudauchanau hasayanedayaunau nananene? Nau hanaaaedauwunade, Vadadausauau dejenauhunee thauauhanewauchuunau. Nau hanaaaedauwunaude, Hedanau hauwauthaunauha, nau hadwauthaunau nasaudausauau. 8 Nau vahadade haevaveenethedauna janechuvahenith hadahevahew, hanau dauhaenauau hasedaude: hanau daeyauuauauau nuu hathaauauvaa hedenaededaunenau haenuu javaanee hesenedaeyaunauauau. 9 Nau nananenau haedauwunathana nesedee nehayau henedaehavadede heee nethauyadahede hehauwulhade; henee haejenenaedena hadeesedanana nedaujethauujenenaededaunenee. 10 Henane henee chaunuvade heee haugajuhuyagu haneechuvade jea vasee: nau heuane henee janechuvade vanehaa hehauwuuchuva jea vanasaunee. 11 Hith naaheene nananena jechuvahena hahauwuuthaheva nethauyadahede hanaa hadvenade nananene hadanethaude hethauwuu veaunauaude? 12 Nau hith nananena hejechuvahenagu heee henehanahede jasaa henane hanaa hadvenade nananena henee hanehanahede. 13 Hegau nesethahe hehauwuneenesedauna hanesenethe hechauhauthethahehau: jachau hanaasanauwaude hanesahenith, nau hanavechauthaude jachau; wauathe hanadudevede hanesanith, nau hanathauchaunauhauwaude jachau. Nananena hahauwuneenesedaunauva Hejavaneauthau nau nethauyadahehehauau. 14 Nau Nesethajauhuhauau jea, haeveenauwu vaejetha, haenedauwaudauwu vahee nuu hayauhuhau: nau haeauchaudanavanauau. 15 Nau hanaaaedauwunaude nananena nethadee hasehadena hathaahethee henanenauau; hau Hejavaneauthau naenauau hadahenau: hanau henee nechauguanavadethee henanedaa newauchanavathee hathaahenethe Hejavaneauthu. 16 Nanavaavedaunau nau haeyahehauau haunaude nauuu Jaun: heee hena henajanede Hejavaneauthau deheauthedaunee, nau haunauude henanenauau neheeneethenadethee. 17 Nau hehauwunauthau hejavaa nau vedauauwuu heyauhuagaune javaanee hanesadee haugajuhuu nanavaavede hadneeyauhuu. 18 Daun hausanaude henene, nau heneyaugu gauchuhunee, wauchudaudehaugauthenenede: nau daun hausayaune nanewaude wauchudaude. 19 Hena jasaa nethauyasenane, haeneenu haevejayaunenau nau haegaugunesaunenau, nau haeneechauna hadauchusenenee: 20 Nau hena jasaa nedauwuhu Lazarus haseagu, haesaese hedajanaunaa haevahaseva, 21 Haevadauugaudaude heee jeyauwaunau nejanesanenee hehethee nethauyasenanene hevethehedaunene: jea hathave haeedasaa nau haenenesaudauwu hedasewaunau. 22 Nau hethauwuu, henee nedauwuhu haenaja, nau haenauaunechauhaa hautheaunau yesee Abraham haenedauguva: nethauyasenane jea haenaje, nau haejenanau; 23 Nau hadauveeyaunee haeejenaauguau, haeaudauwuthajau, nau haenauhauva Abraham vavaaune, nau Lazarus haenedauguvane. 24 Nau haeneduva nau hathauhuk, Nachau Abraham, jeauwunaune, nau jeautheavene Lazarus, henee hadejegunauhade naunauchuu hejadenaa najee, nau hadedauyauvanauau nathaune; hanau nananenau hanavachuunau nuu hesedaa. 25 Hau Abraham hahagu, Na, haenau henee nananene deenaedene neesedanauwu neethadee hayauhuhau, nau neesaunee Lazarus neewausaunee hayauhuhau, hau hewaunehaa hauwauthenaedede, hau nananene naunauchauthenaedene. 26 Nau jea vahee nuu, nahethae nananee nau nananene haneduu vanasauau vanethaunauau janenanee: hadnejeneehedechaudenee hehethee hede hesee nananene hehauwuneau; daudause hehauwuneejeauchusanauau hadaunee, henee nevadaujauthee hehethee hethaa. 27 Hanaaenehethaude, Vanevethedaunathane hena heee, Nachau, henee nananene hadejejenanaude nasaunau hedauauwuu: 28 Hanau yaunauthaunethee nauhauwauauau henee hadeaedauwunaude, jea havajaunenau nuu haduu naunauchauthauau. 29 Abraham hanaaaedauwunaude nanethenauthee Mosaseau nau haeyahehau; jaathehaunauha. 30 Nau, hegau, nachau Abraham: hau hith hanesade jaeyehauhuk hehethee degaujauaudade, haunaunaunevethajauthee, hathahuk. 31 Nau hanaaaedauwunade, Hith jenedaunauhaugaunee Mosaseau nau haeyahehau, daudause hahauwuneenadauwaunauau, daudause hanesahenethe jaegauhayaugaune hehethee degaujauaudahenith.
1 Hanaaaedauwunaude hethauguhadaunau, Hahauwuneene hau henee dauusenadenau hadnauauchuu: hau naunauthauau hadnauauchaudaude daunjaunaude. 2 Hananeene henee thauayanauunaugane henauanauyaugu, nau seaguthadagu hadaje, hauhanaheejegaudauvahenethe henee haneedauusenanethe jachau nuu hajasedaeyaunauau. 3 Haunauyauhaudauwauau nehayau nananena: Hith hahavaenau havawauchuhava, hadanadethauva; nau hith haunaunevethajauhuk, hadjaegudanauwunauva. 4 Nau hith wauwauchuhanagu nesaudauchu hajesesenenee, nau nesaudauchu hajesesenenee naujaeyethaagudaunanagu, haunaunaunevethajaunau, hethanagu: nananena hadjaegudanauwunauva. 5 Nau vadauhanauau, Vahadahene, hethedaunanauwunaa hedethauwaudaudenede, hatbauhaugaunee. 6 Nau Vahadahenith hathiLhaugaunee, Hith nananena hethauwaudauwunagu hethaee hethauu mausdaude jenayaunau, nananena hanana nuu segaumau hunauhaudene, Hanagauchauhana hethajee, nau hanajenanauna hadajee; nau hanathauwaudaunana. 7 Hau hanaa nananena, hanawauwaunavede hanathauauauwujethanith wauathe hananajauanith, hanathauna waunee haenauusathe hehethee nauau, Najese nau hadjanaugu nau hadvethe? 8 Hau hanajenaasenehethauna, Hesetheva nayaudenee hadnevetheheuau, nau duujehe nehayau, nau hadjeenechaudaune haunaude hesevethehenaugu nau hesaveyanaugu; nau heauhauwune jenaevethehene nau hadevaveya? 9 Gauhadvaveene henee wauwau hanau dauhunaasedaude henee hanasenehethathe? Haunauchae hegau. 10 Naathahena, haene nananena vahesedaunagu hena hayauhuhau hathauchuwuhana, Hahauwuneejavaajasethanau wauwaunauau; vavade nanesedaunauau hadnesedaunuu, hadeva. 11 Nau hethauwuu, daunausuyehaude Dadaunedan, haeehedesa nahethae Samaria nau Gananee. 12 Nau haewaudasade jasaa hauauwudan, haenuchaunaa vadadauchu henanenau haenaujaune hedaugauwudaunenau, haetheaugunenau vavaaune: 13 Nau haeneduvanauau, nau hanaaenehethauthee, Hejavaneauthusau, Hecauhauthethabe, jeauwunauaa. 14 Nau haenauhauwaude hanaaaedauwunaude, Waunenauhauthehaa hadanayaunenau vevethahevahehauau. Nau hethauwuu, henee daunausuyehauthee, haejegaudauvahenauau. 15 Nau hanesade, haenauhaudauau henee dauunayauhade, haejaaagu, nau haevasenehe dauvaveenethedaunaude Hejavaneauthu, 16 Nau haeuaneseve heauthene, haevaveenethedauna: nau haenaadade Samaritan. 17 Nau Hejavaneauthusaun haeauchuhananadetha, gaujenayauhaunauau vadadauchu? hau daude theaudauchu? 18 Hajenauhauvathee hajejaeyehauthee hadvaveenethedaunauthee Hejavaneauthu, vavade naa henewauuhu. 19 Nau haeaedauwuna, Gauha, najesa: nananene hadethauwaudaude henayauhane. 20 Nau haenaudedaunade Nesethajauhuhau, daun henajanedaunene Hejavaneauthu hadneenauauchaunee, Haeaedauwuna, Henajanede Hejavaneauthau hadnehauwunauauchaune nausujauwuwuhadagu: 21 Daudause hehedauneagu, Nauhaudauwuu hede, wauathe, nauhaudauwuu hena, hanau, naune, henajanede Hejavaneauthau thanasadena, 22 Nau hanaaaedauwunaude hethauguhadaunau, Hese hadnauauchuu, haene nananena vadaunauhaudauwuna jasae hese Heau henane, nau hadnehauwunauhaudava. 23 Nau hadnanethana, Nauhaudau hede; wauathe nauhaudau hena; jevayehauau, wauathe jevathaug-uhaa, 24 Waude hasauau jahagude, henee naunauasanauuu hehethee naugauthanee naugauauwuu hejavaa neenauasadaa jasaa naugauthanee naugauauwuu hejavaa; hadnaasauau jea Heau henane hadnaasaunee hedeseve. 25 Hau nedauau hadnanasenedauau wauthanee, nau hadnausaguthade nuu henaedede. 26 Nau waudeneesaunee deenaedede Noe, hadnaasaunee jea hedeseve Heau henane. 27 Neauwauthevethehedaune, neauwauthevaveyaudenee, neauwauthenenedaunee, neenenehathee, haunaude nauuu henee Noe dejedade havathee thewaunaa, nau haenaaenanadauwuauau, nau haenauauha vahee. 28 Waudenaasauau jea deenaedede Lot; neauwauthevethehedaunee, neauwauthevaveyaudenee, neauwauthaudaunaudenee, neheaudaunaudenee hayauhuhau, neauwauthejenayaudenee, neauauvadenee; 29 Hau hajesesenenee henee Lot haenaude Sodom haeesedanausaude nau haegauhauchanauauhauunauganauau hehethee hejavaa, nau haenauauha vahee. 30 Hadnaasauau hesee haene Heau henane haenauhauthethathe. 31 Henee hesee, haanedauthe dasee hauauwuu, nau hevatheyaunau jedauwuu hauauwuu, nanehajejeauwusade hadejedanauau: nau henee hanedaude nauau, nanehajejejaejaude. 32 Dauyuuwuu Lot henene. 33 Daun vanadauunayaudede hedenaedede hadnanadede; nau daun hadnanadede hedenaedede hadnenayaudede. 34 Nananenau naedauwunathana, henee veeyaugu hadnesethee henanenauau hanesadenee hauau; hanesade hadnedanade, nau jasaa hadnathauaude, 35 Hanesethee hesanauau hadthauayathee wauhaunee; hanesade hadnedanade, nau jasaa hadnathauaude. 36 Hanesethee henanenauau hadnanedauthee nauau; hanesade hadnedanade nau jasaa hadnathauaude. 37 Nau haeauchuhananadethanauau, Daude, Vahadahene? Nau haeaedauwuna haduu vadanayau, hanaadauhauaneauhuthee neahehauau hauanee.
1 Nau haeanadetha hauthaunauhanee nuu heee, hena henane havachudajauaunevevetha, nau hajethauujesevenauau; 2 Hahagu haeanedau hedan hauchuwunane, haeejesa Hejavaneauthu, daudause hathauwunanenau: 3 Nau haeanedau henevesa hena hedan; nau haejeedasa, Jeaugaunayewhu naujauthavaa, hathauhuk. 4 Nau haejevadaunaasedau: hau waunee hasethajauhuk, hewauathe nejechauau Hejavaneauthau, nau hathauwunanenau; 5 Hau nausunee hanau naa henevesa hajanauchuhanau, hadenayauhauau havaedajauaunejau navanadauchuhaa. 6 Nau Vahadade hasenehehuk, Jaathehaa hasenehede janechuvahede hauchuwunane. 7 Nau gauhujavaneauthau gauhadnenayauha nehayau hanayasanaunau, hauwauaudaunadaunau hesee nau dajaee, hau negudauchuhaude? 8 Nananenau nananena naedauwunathana henee hadnauchuhanenayauhaude, Hau haejautbe Heau henane, gauhadveede hethauwaudaude nuu hathaauauvaa. 9 Nau haeauthaunanadetha jachau nethauwaudaunadenethe nehayau henee dauchuvahethee, nau newauchanauwauthee hauthauau: 10 Hanesethee henanenauau haeyehaunauau vevethahenauauwuu hadvevethahethee; hanesade Nesethajuhu, nau jasaa hauayahe. 11 Nesethajuhu haetheaugu nau haevevetha waude heee nehayau, Hejavaneauthau, nananenau vaveenethedaunathane, henee nahauwunaatha hauthauau henanenauau hathahethee, hedanauwuyahehauau, janechuvahethee, jatheaudauwuyahehauau, daudause naa hathade hauayahe. 12 Nananenau nenaugauyanau nese hanesadee hauchauvadede, Nevanau vadadauchu vahee henee nathaenetheyaunau. 13 Nau hauayahe haetheaugu vavaaune, daudause haejejenaauguau hejavaa, hau haeanadesejahede, Hejavaneauthau jeauwunaune wauchudaunau, hathauhuk. 14 Nananenau naedauwunathana, naa henane haejaeyehau hedauauwuu haeauwunaunau haejavaahe jachau: hanau dathajee hanesade henee nevadaujavaanajanethee nehayau hadnauwujenanade; nau henee nenehanethaunadede hadnejanade. 15 Nau haejadaunanauau jea hajasedaeyaunauau, hadnevasanaude; hau haenauhaudauwunethe hethauguhadaunau, haeneneuvanauau. 16 Hau Hejavaneauthusau haeadetha, nau hahagu, Nanehajauthee hajasedaeyaunauauau, nau jevadauduvaa: naathahenethe henehanahedaunau henajanede Hejavaneauthau. 17 Hethauwuu naedauwunathana, Daun hadjesedanauau henajanedaunene Hejavaneauthu hasenaedenethe hajasedaeyaunauau hadnehauwuneejeda. 18 Nau jachau hauchuwunanene haenaudedaunaa, Hethahene Hechauhauthethahe, nauddusedau hadnedanauwau jethauujenenaedede? hathauhuk. 19 Nau Hejavaneauthsaun haeaedauwunaa, Naudu hethade haesene? henaneda hehauwutha, vavade hanesade, nananede, Hejavaneauthau. 20 Nananene haenauwu nanavaavedaunau, Jevawauchudauau heee haugauthenenede, Jevanaa, Jevaaveda, Jevajayaudauwaedauwautbadee, Vechauchune nananene hasaunau nau hanau. 21 Nau hanaaenehede, Vahee nuu haunaunedenau heee daujeeseaunau. 22 Wauha Hejavaneauthusau haenedauwaudauau nuu, Hanaaaedauwunaude, Hanesadee hahauwusenethene: Vaheaudauna henee hathaenetheyaunau, nau hadjaanauwunaunauau hadavenuhuhauau, nau nananene hadnethenauwu haenathau hejavaa, nau hadejau hadjethaugu. 23 Nau haenedauwaudauau nuu, haeaudauwuthajau: hanau deethauwunethauya dade. 24 Nau Hejavaneauthausaun haenauhaudauwunith henee dauaudauwuthajaude, Duthaenanauthaune henee nanethenuu veaunauaude hadnesejedathee henajanedaunene Hejavaneauthu, hathauhuk. 25 Hanau hehauwujajathaune heee camel hehedesahagaunee hajasevahau nedaudaunaudenee, javaaneenauthaunee nethauyasenane hadnesejedade henajanedaunene Hejavaneauthu. 26 Nau hathaenedauwauduu, Hanaa hadnenanedanede? hahagaunee. 27 Nau hanaaenehenith, hayauhuhau hejethauuneethaunenau henanenauau neneedede Hejavaneauthau. 28 Hanaaenehede Peda, Naune, naunaudauwunauau vahee, nau thaunauguhane. 29 Nau haeaedauwuna, Hethauwuu naedauwunathana, hena haunauude henane henee hehauwunaude hedauauwuu, wauathe heneha, wauathe henauhauwauau, wauathe henene wauathe henesaunau, heee henajanedaunene Hejavaneauthu hedenaededaunene, 30 Nananede hadjavaanesedanauau nuu hewaunehaa, nau hathaauauvaa hadnauusanauau henaedede hadnejethauuvadauauau. 31 Hanaaedanaude nesenee, nau hanaaaedauwunaude, Naune, hadneyehaunauau Dadaunedan, nau vahee hayauhuhau hathaewauthaunauhuu haeyahehauau heee Heau henane hethauwunauauchauau. 32 Hanau hadvenavathe Neauthu, nau hadvavavanauchuhade, nau hadnaunaunauchaudauchuhade, nau hadneguthahayauthade. 33 Nau hadnenesegauhude, nau hadnaade: nau nasese hadnaaejaegauhade. 34 Nau haejaenauwu nuu: nau nuu hauthedau haeyaudaunaunauau, daudause haejaenauwu hathauthedaunathee. 35 Nau hethauwuu, haayaedadauau Jericho, jasaa haenanenaugu henane haetheaugu nedechaudenenee dauhunedauwaude: 36 Nau haenedauwaude henanedanede dadavechaudenenee, haenaudedauva haesedaudenenee. 37 Nau haeaedauwunau, henee Jesus Nazareth hanehedesade. 38 Nau hanaaevasanadede, Hejavaneauthusau, nananene Heau David, jeauwunaune, hathauhuk. 39 Nau henee nanedauvathee haeneneuvanauau haddadaunaugunith: hau haevasanade haugauthe, Nananene Heau David, jeauwunaune. 40 Nau Hejavaneauthusau haedauusa, nau haeautheave hadjadaunade: nau haayajenauusanith, haenaudedauna, 41 Hauddusehathe henee hadenaasehathane? hathauhuk. Nau hanaaaedauwunaude, Vahadahene, nanaa hadeesedanauwau nauhaudauwaude. 42 Nau Hejavaneauthusau haenehetha, hanesedanauwu nananene nauhaudauwaude: hadethauwaudaude henayauhane. 43 Nau chauchaunu haeesedane henauhaudauwaude, nau haethauguha, haevaveenethedauna Hejavaneauthu: nau vahee henanedanede, haenauhauduu, haevaveenethedaunanauau Hejavaneauthu.
1 Nau Hejavaneauthusau haewaudasa nau haechaugusa Jericho. 2 Nau, naune, haeanedau henane Zacchaeus haseagu, haenajawauna hauayahehau, nau haeveaunauau. 3 Nau haeneenavadaunauhauva Hejavaneauthusaun baedahenethe; nau haejeneene daunauthethenadedaunenee, heee daujaahede. 4 Nau haesayagau, nau haenauauhu sycomore hunauhaudee hadnauhauwaude: hanau hadnehedesanith. 5 Nau Hejavaneauthusau haejeedadauau, haeejaane, nau haenauhauva, nau hathauhuk, Zacchaeus, nauhauhuhu, nau jeauwusa, hanau nuu desenee hadnanedaunau haudauauwuu. 6 Nau haenauhauhu, nau haejeauwusa, nau haeedasa nauguu neethajaude. 7 Nau haenauhauvahede, vahee haeneanaune, Henee hadneejadavenethe henanene henee wauwauchudauhu, hathahuk. 8 Nau Zacchaeus haetheaugn, nau haeaedauwuna Vahadahenith; Naune, Vahadahene, vayaugauuu naudaununaunau vanenu hadavenuhuhauau; nau hith hedanavanaugu hayewhu hehethee daun henane hanajayaudauvaedauwauthauau, hanajavaavenauau yayaunanee. 9 Nau Hejavaneauthusaun haeaedauwunaa, Nuu desenee henayauthahe hedadauau nuu hauauwuu, hanau nechau haneavade Abrahamvene. 10 Hanau Heau henane nauusade hadnaudethade nau hadnenayauhaude daun naunethauaunith. 11 Nau hajesenedauwauduu nuu hayauhuhau, haeethedaunane nau haeauthaunauhananadetha, hanau dauhuauchauau wauwu Dadaunedan, nau hanau daunauanaduu henee henajanedaunene Hejavaneauthu chauchautiu wauauhaadenauhauwu. 12 Hanaaenehede henaheee Jasaa naja haeehau vavaaune vedauauwuu hadnesedanauau heee nehayau najanede, nau hadjaejaude. 13 Nau haeadetha vadadauchu hewauwaunauwau, nau haejaanauwuna vadadausauna vaejetha, nau haeaedauwuna, Hadeaudaunava haunaude jaenauusanaugu. 14 Hau hauauwunanenau haeasanavaa, nau haeyethautheavedaunene thauguu, Nahauwuvadaunethenauva naa henane nahauwuvadaunajawaunava, hathahuk. 15 Nau hethauwuu, henee haejaenauusade, haeesedane najanede, hanaaauchuwuhaude nuu wauwaunau hadnadethaude, hevenaunau vaejetha, henee hadnaenauau haedauchu dathajee henane haedauchujavaajasedethe heee hedaudaunaunau. 16 Hanaaejenauusade nanedauvade, Vahadahene, havaejethawau javaajasedede vadadausauna vaejetha, hathahuk. 17 Nau hanaaaedauwunaude, Hethadee, nananene hethahene wauwau; hanau nananene nethauwaudauwu heee naugajuhuhuu hadnajawaudauwu vadadausauna hedan. 18 Nau naneseauwaude haejenauusa, Vahadahene, havaejethawau javaajasedethee yauthauyauna vaejetha, hathahuk. 19 Nau vavade hanaasenehethaude, Hadnehanahene yauthauyauna hedan jea. 20 Nau jasaa haejenauusa, Vahadahene, Naune, heyewnau havaejethawau, neaunaunedenau nejenanauwau haheahaunaa, hathahuk: 21 Heee dauhusathane, hanau nananene daugaugaunauauwunanenene: nananene hedanau henee hajejenayaunau, nau hadegauuchu henee hajejenayaunau. 22 Nau haeaedauwuna, hehethee nehayau hadenaa hadauchuwuhathane, nananene hauhauganene wauwau. Haenauwu henee daugaugaunauauwunanenenau, hedanauwau henee najejenayaunau, nau hadgauuchauwau henee najejenayaunau: 23 Naudu gauhajeva navaejethawau nedauhaenaeevaejetha, henee haejaenauusanaune hadeesedanauwau nehayau javaanee? 24 Nau haeaedauwuna henee daunauthetheaugunethe, Hedanauwunaa vaejetha, nau hadevenau henee vadadauchuvaejethavade. 25 (Nau hathahuk, Vahadahene, nanethenauau vadadauchuvaejetha.) 26 Hanau haedauwunathane, Henee dathajee hanesade nanethenauau hadnevenade; nau henee janejasedede. daudause henee henetheyaunau hadnedanauwunade. 27 Hau hena naujauthauwauau, henee najevadaunajawaunaunauau, hadjathauva hede, nau hadnaunauauva hathaajenau. 28 Nau haesanasenehede nuu, haenedauva, haenauauhuyehaunauau Dadaunedan. 29 Nau hethauwuu, haayanauusade Bethphage nau Bethany, haua Olives haseagu, Haesayanautheava hanesenethe hethauguhadaunau. 30 Najesaa nananena hesee hajasee hauauwudan hathaasana, hathauhuk; nanaa waudasanagu hadveehauna datheveehauchavesau hadduguhude, hehauwuthauune henane dachaugu: hadaugunauva, nau hadjachaudauneva hede, hathauhuk. 31 Nau hith daun henane naudedaunanagu, Naudu hauaugunauna hethanagu? hesau jenaasenehethauna, hanau Vahadade haddaununaude. 32 Nau henee hautheavathee hanaaejathaauthee, nau haeveehanauau neesenehethaude. 33 Nau daunausunaugunauthee datheveehauchavesaune, hedauneenith, Naudu haaugunauna datheveehauchavesau? hathahaugaunee, 34 Nau hanaaaedauwunauthee, Vahadade haddaununaude. 35 Nau haenauuchaudaunanauau Hejavaneauthusaun: nau haedadasanauwunanauau hedachaunenau dasee datheveehauchavesaun, nau haeaugaugunaunanauau Hejavaneauthusaun dasee. 36 Nau daunausuyehaude, haesasaanauwu hedachaunenau vaunaa. 37 Nau haayanauusade, wauwu haeauwusa hauanee Ohves, haunauude hadauchude hethauguhadaunau hanaaaunauwuthajauthee nau haevaveenethedaunanauau Hejavaneauthu nauguu haevasanadedaune heee vahee hathaenauthaunee henesethaunene henee henauhauthaunenau; 38 Haunauwuthajauau Naja henee jaunaude haneneseede Vahadahenith: danadauyauau hejavaa, nau vaveenethedauwuu javaajauudaa, haheagu. 39 Nau hauthauau Nesethajauhuhau hehethee henanedaa, Hechauhauthethahe, neuwune hathauguhadaunauau, hathahuk. 40 Nau haeauchuhanaedauwuna nau hasenehethauhuk, Nananenau naedauwunathana henee, hith nuu dadaunaugagaunee, hauunauganauau chauchaunu hadneduhuthee. 41 Hau haayanauusade, haenauhaudauau hedan, nau haevewau, 42 Hanaaenehede, hith heaenauwunagu, ha nananene, ha nuu hadeseve, hayauhuhau naathuu hadadaunahedaunaa, hau hewaunehaa yaunaudaunane hasesae. 43 Hanau hese hadnedasana henee haujauthauwauau hadnesedethee havathegauuha heee nananene, nau hadnechauchuaunana nauanee, nau hadnaunaunehana daudauna hehethee, 44 Nau hadnanaunauvaenana, nau hadaeyaunewauau hanedauchaunawaunauau; nau hadnehauwunaudanauwuna hanesahenith hauunaugane hanathaugunethe; hanau nananene daujaenauwu haenauujadaunathana. 45 Nau hanaaeyehaude vadanedaunauauwuu, nau hanaaenudanaude henee neaudaunanethe jedauwuu, nau henee naudaunanethe; 46 Hanaaaedauwunaude, Wauthaunauhuu, Naudauauwuu haneauauwunee hadnevevethahedaunee: hau nananena haesedena nedaunaudee heyaenau havedehehauau. 47 Nau haeautheda hayauwusenenee vadanedaunauauwuu. Hau najanauau vevethahevahehauau nau wauthaunauhahehauau nau najavahehauau henanedanede haeneenanaudehaa hadnaade, 48 Nau haeeyauhuune nesenehade hanau vahee henanedanede haenaedevenenau dauhujaathehade.
1 Nau hethauwuu, henee jasaa hena hesee, denausunauthedade henanedanede vadanedaunauauwuu, nau haeauthedaude waunauyaunee hethadenee, najanauau vevethahevahehauau nau wauthaunauhahehau haeedasaa nauguu vachaugananenau, 2 Nau hanaa-anadethauthee, Jeauthedaunaa, hayew haenaudahede haenesedaude nuu hayauhuhau? wauathe hanaa henee haveniLde nuu haenaudahede? 3 Nau hanaaauchuhananaedauwunaude, Nechau hadnaudedaunathana hanesadee hayewhu; nau hadjeaedauwuneva: 4 Heedusaayade Jaun, gauhuhuthaune hejavaa, wauathe hehethee henanedaa? hathauhuk. 5 Nau haeeegaugaugauudenauau, hith hesauhesenehethaunauaugu, hehethee hejavaa; hahagaunee, Naudu haejethauwaudaunauna? hanathanauau. 6 Hau hethaunauaugu, hehethee henanedaa; Vahee henanedanede hanaedaudauauvanauau hauunaugae, hanau hethauwaenaunauthee henee Jauneau dauhaeyanith. 7 Nau haeaedauwunanauau, daujeneauthedaunautb.ee daunathaunee. 8 Nau Hejavaneauthusau hanaaaedauwunaude, Daudause gauhaudnauthedaunathava daun naenaudahede naenesedaude nuu hayauhuhau. 9 Hanaaejasesanadedauau henanedanede heee dajenehede; Jasaa henane haejenane dadajeveneveseuethauchayau, nau haeehathauauauwujethahehau, nau haejathaau hesee vavaaune vedauauwuu haegudauna. 10 Haenauauchaunee haeyethautheava wauwaune hesee thauauauwujethahehau, henee hadjevenade vevenaudenau hehethee dadajevenevesenethauchayaunaa: hau haeneneseguhuu, nau haejathethajenahee jessaa. 11 Nau jea haeyethautheava jachau wauwaune; nau haeneneseguhunauau jea, haedadayanauchuhanauau, nau haejathethajenahee jessaa. 12 Nau jea haeyethautheave nanaseauwaunee: nau haeanasenehanauau jea, nau haenuguthanauau. 13 Hanaaenehede hadahevahe dadajevenevesaa, Hewauaujeesedaunaune? Hadautheawauau navechauthau naa: Nauchae hadeneehauthee haenauhauwaunauthe. 14 Hau thauauauwujethahehauau haenauhauwauthee, haegaugaugauudenauau, Naa nananede hadvanehanade: nahajauau hadenauaune, henee headevanehanahedaunau hadenehanahenauau. 15 Hanaaenuguthauthee dadajevenevesenethauchayaunaa, nau haenaanauau. Haudneduseha hadahevahe dadajevenevesenethauchayaunaa? 16 Hadejaude nau hadnauauhaude nun thauauauwujethahehau, nau hadgauchuhuva.de dadajevenevesenethauchayau, hathauhuk, Nau haenedauwauduu, hadnehauwunaasau, hahagaunee. 17 Nau haenaauhauva, nau hanaaaedauwunaude, Dusau nuu henee wauthaunauhuu, Hauunauganau hauauvahehauau hausaguthaunenau, hanananenith hahe hanadade nedautheaunee? 18 Daun janesee dasee nuu hauunaugane hadthauusee, hau dasejaneseagu hananauchauwuthauathaaunaude. 19 Nau najanauau vevethahehehaaau nau wauthaunauhahehauau chauchaunu haegaugauanavanauau hadnesedanauthee; nau haeedauwu henanedanede heee dauhaenuu henee dauhuanadede nuu dajenehede heee. 20 Nau haeaunauyauhauvanauau, nau haeautheavanauau haunauyauhauthahehau, hadnanadaunethanethe hadchuvahevathe henanenau, henee hadnesedanauwunethe hedanadedaunau, henee hadenauuchaudaunauthee hejadenenau nau naunaudahenethe hauchuwunanene. 21 Nau haenaunaudedaunanauau, Hechauhauthethahe, haenaunee henee hasenehenaune nau nethauwuchauhauthethane, daudause hahauwujavedaugauhauwaunauau henanedanauau hegau, hau hanechauhauthethane hesee Hejavaneauthuu hethauwuu: 22 Gaunaasauau heee nananee hadnevenade hauayaunau Caesar, gauwauathe hegau? 23 Hau haeaenauwu henadaunedaudenenau, nau hanaaaedauwunaude, Naudu haevadauvasehena? 24 Jenauhauthehee vaejethae. Hanaa hewauthaunenauaudene, nau hanaa hewauthaunauhanede? Haeauchuhanaedauwunanauau, Caesar. 25 Nau hanaaaedauwunaude, Jauaunaudaunaa heee Caesar hayauhuhau henetheyaunau Caesar, nau Hejavaneauthau hayauhuhau henetheyaunau Hejavaneauthau. 26 Nau haejeneesedanauwu hedanadedaunene hathaajedauneuee henanedanede: nau haegaugauanadauwu hedauchuhanehedaunene, nau hanaaedadaunauguthee. 21 Hanaaejeedauchauthee jasae Sadducees, hayathajauhuhau henee hadjejaegauhadenenee: nau haenaudedaunanauau, 28 Hechauhauthethahe, Moses hathauthaunauwunanauau, Hith daun henane henauhauwauau gaujauaudaheyaugaune, heneneyaugaune, nau gaujauaudaheyaugaune jedaeyauneveyaugaune, henee henauhauwauau hanadanaude henenene, nau hananesaunede heee henauhauwauau, hathauhaugaunee. 29 Hena heee haenesaudauchunauau henahavaevadehehauau: nau jasaa nedauau haeenene, nau haenaja haejedaeyauneve. 30 Nau naneseauwaude haeneva, nau haenaja haejedaeyauneve. 31 Nau nanaseauwaude haeneva; nau vavade hanaasene nanesaudauchuauwaude jea, nau haejenauthanauau daeyaunauau, nau haegaujauaudahenauau. 32 Waunee vahee hesa haegaujauauda jea. 33 Henaheee jaegauhadeneyagu hanaane hadnevadaune? heee hanesaudauchimethe daunevade. 34 Nau Hejavaneathusau haeauchuhanaedauwuna, daeyaunauauau uuu hathaauauvaa nenevadedaunee, nau nenenehaudenee: 35 Hau daun naunauguathee hadnenaededuu hena henaedede, nau jaegauhadeneagu hehethee gaujauaudahede, hadnehauwunevadedaune, hegau hadnenenehadedaune: 36 Daudause hadnehauwauthenajadene: hadnaathahedaunee hautheaunauau; nau hadnenesaunevathee Hejavaneauthu, naathedaeyaunenedaunee jaegauhade. 37 Wauha henee gaujauaudahehehauau hadjaegauhathee, Moses denauhauthehade jauauadee, deadethade Vahadahenith Hejavaneauthu Abraham, nau Hejavaneauthu Isaac, nau Hejavaneauthu Jacob. 38 Hehauwuujavaneauthune heyauhaudade, hau henaedede: hanau vahee haneenaededaunenee. 39 Hanaaene jasaa wauthaunauhahe haeauchuhananadetha, Hechauhauthethahe. Nananene hethade hasenehene. 40 Nau heee haejauthenaudedaunanauau. 41 Nau hanaaaedauwunaude, Naudu haena hanee Chris David dauhuawaude? 42 Nau David nehayau hasenehede wauthaunauhanaa Psalms, Vahadade hasenehethaude Navahadahewaunadaune, Hadjejanaugudaune hejavesanee, 43 Haunaude nadeesehaunauau haujauthauwauau hadnedaugaaugunene. 44 David henaheee haeheenesea Vahadahenith, dusee heau? 45 Nau vahee henanedanede haenedaunau hanaaaedauwunaude hethauguhadaunau, 46 Waudauau wauthaunauhahehauau, neneanaduu javesanee sauaunausachaude, nau vechauduu jachauthadede nedauaudaunauvadedaunenee, nau najatheaugudaunau vevethahenauauwuu, nau najanau nedaugunethe vanethehedaunenee; 47 Naudauvae henevesanau hedauauwunene, nau hanau denauhauthethathee deguthevevethahethee: hadnathee hanesedanuu vanasaunee gudanadede.
1 Nau haeejaane, nau haenauhauva nethauyasenanene haejenanauwu hevaudenenau haenathaunaa. 2 Nau haenauhauva jea jachau hadavenuhu henevesane haethagudene hanesaenee nevaahenee vaejethaau. 3 Nau hanaaenehede, hethauwuu nananenau naedauwunathana henee naa hadavenuhunede henevesa javaajenanauau vahee; 4 Hanau vahee nuu nauethauyadahethee dejenanuu dejenanauwunauthee Hejavaneathu: hau hadavenuhunede hajenanauau vahee heenaededaunau hathaenethenauau. 5 Nau haehegaugaugauudenauau vadannauauwuu, haseneehenee nauguu hethahenethe hauunauganau nau hausayaunau, hanaaenehede, 6 Nuu hayauhuhau hanauhauthaunenau, hesee hadnauauchuu, hadnehauwunathauau hanesade hauunauga hanathaugude hadvajanesee. 7 Nau hanaaenaudedaunauthee, Hechauhauthethahe, hau hadduunaasau nuu? nau hayew hadnauhauwuu hadnesauau haene nuu hayauhuhau hadneenauauchuu? hathauhaugaunee. 8 Nau hanaaenehede, haunauyauhaudauwauau henee nananena hadejenanedaunehana: hanau hadnewauthathee hadjauthee Naneseedaunaa, Hanejavaneauthusaunenenau, hadnethee; nau hayanauauchauau: jevathauguhaa. 9 Hau haenedauwaudauwuna vauthadede nau jajayauthadede, jeva nathajauau, hanau nuu hayauhuhau hadnedauunauauchuu; hau hadneevadauauau hadguthauau. 10 Hanaaaedauwunaude, jajaesenanedanedede hadnevauthadee jajaesenanedaa, nau najanede hadnevaudauau najanede: 11 Nau hadnavathethauthauwunauauau vedauauawuu, nau hasenaude, nau havathaugauwude, nau naunaunauchaudauhauthaude nau hadvasauau naunauhauwuu hadnauauchauau hehethee hejavaa. 12 Hau hadnejesejenauauchuu vahee nuu, hadnedanana, nau hadnaunaunauchauthehana, nau hadnevaudenee nananena hauachaude, nau duguhunauauwuu, nau hadnenauuchauhana hathaajethee nenauchuwuthee nau hauchuwunanenauau hanau Naneseede heee. 13 Nau hadnaasejenanauwunana heee haenathau. 14 Haenauwuu heeehena nananena hadahenauau, jevagaugauuthajauau nedauau daun hadnesenehena: 15 Hanau hadvenathana vade nau haeyaude, vahee hasanavadaunenau haduehauwuneayadaunava hegau hayethaagudaunadaunenau. 16 Nau nananena hadnavethevathee nesauuu hanehanenau, nau hathesaunenau, nau hadauanenau, nau hadaehahenau; nau jasae nanaena hadneenaana. 17 Nau hadneevahasanavahena vahee henanedaa hanau naneseede heee. 18 Hau hegau hathaanenau haudauguhuanenauau haudnehauwugaujauaudahenaunau. 19 Hanaedevedaunenau hadnaunaunehaudde havadathuwunau. 20 Nau haenauhaudauwuna Dadaunedan hadnechauchuaunana vanenanenauau, nanehaaenauwuna henee nauauhadede wauwu hadneaudaa, 21 Nanehadaugauhuthee hesee hauanee hathaanedauthee Judaea; nau henee hathaanedauthee nahethae nanehanauahethee; nau jevajejedanauha henee hathaanedauthee gauchuhunee vedauauwuu. 22 Hanau nuu hesee hadneauthedaudenee henee vahee hayauhuhau hathaewauthaunauhuu hadnethauwunaasauau. 23 Hau naunauthaunee hadnethauauvahethee hathaenesaunethee, nau hathaeneaunauhuthee hena hesee, hanau hena hadnavathasenaudenee vedauauwuu, nau hasenaimaudaunahenauau nuu henanedanede. 24 Nau hadneaunathahethee gaugauthau, nau hadnejathechauhathee hadwauwaunenethee vahee jajaesenanedanede: nau Dadaunedan hadnauguhethee Neauthu, haunaude Neauthu nauauchaudauhaugaunee. 25 Nau hadnauhauthaunee hesesee, nau vegusesee, nau hauthuuu; nau nanadee hathaauauvaa hadnaunauadaugauhudaunee jajaesenanedanede, hadnehauwaenauwu; hadaje nau hadnaunaudanaunee; 26 Henanenauau hedahenau hadnadenathajaunee, nau hanau naunauyauhauduu hena hayauhuhau hadnauauchaunee dasee hathaauauvaa, hanau hathaenauthauau hejavaa hadnauauwunauauau. 27 Nau hadnaaenauhauwauna Heau henane hadnenauusade henaunauade nauguu naunauthaunee nau hadnavathenauasaauau. 28 Nau haene nuu hayauhuhau haenauauchuu, nauhadnaaenaunauanena; nau hadnejenaauguauna heee hadneejaenauthana hadnaaeaudaa. 29 Nau hanaaedadajenehethaude: Nauhauvaa hauuyauchunauhaude, nau vahee hahaudenauau; 30 Haeguugauahenauthe, hadnauhauwauna nau hadnaenauwuna nehayau henee veja dauhuaudaa. 31 Hadnaasauau nananena haenauhaudauwuna nuu hayauhuhau hadnethauwunaasauau, haenauwuu henee henajanede Hejavaneauthau haneaudanee. 32 Hethauwuu naedauwunathana, nuu henaedede hadnehauwuvadauau, haunaude vahee hadnethauvae. 33 Hejavaa nau vedauauwuu hadneyauhuu; hau Nadanadedaunau hadnehau wuthauuyauhuunau. 34 Nau haunauyauhaudauwauau nehayau, naseduhuu daunaene hadahenau havaehayaudenau heee haudauhauganedaunenau, nau havanadenenau, nau haunaunethaunenau nuu henaedede, nau henee hesee hadgauduaunana hau hadnehauwaenava. 35 Hanau waude nauyaudenau hadnauauchauau vahee hathaetheaugude dasee hathaauauvaa. 36 Haunauyauhaudauwauau henaheee, nau hevevethahee dajauaunee, henee nananena hadeheenauguana hadegaucbuhuauwuna vahee nuu hayauhuhau henee haduauauchuu, nau haddetheauguna hathaahede Heau henane. 37 Nau hesenee haeechauhauthetha vadanauauwuu; nau haeveeyaunee haenaua, nau haeadane hauanee henee neseeyagu hauanee Olives. 38 Nau vahee henanedanede haejevanauuchaudene naugusaje daunauganenee hadaude vadannauauwuu, heee dauhujaathehade.
1 Wauha hadneevasevenee janenesaunauchauanauhuu jauaujaunau haeayanauauchau, Hadavechaude neseagu. 2 Nau najanau vevethahevahehau nau wauthaunauhahehauau haegaugauanadauwunenau hadnesenaade; hau haeedauwu henanedanede. 3 Hanaaejedade Haujau Judas hejaveede Iscariot, haenethanedau vadadauchunesenee. 4 Nau hanaaejathaaude, nau haeanadetha najanau vevethahevahehau nau haunauyauhauthahehau, hadneseavedaudaunauwaude. 5 Nau haeneethajaunauau, nau dechauchuwuhadethee hadvenade vaejetha. 6 Nau haesayanehetha, nau haeaunauyauhaudauwu hadneeneavedaudaunauwaude henanedanede. 7 Hanaaenauauchauau hesee janenesaunauchauanauhuu jauaujaunau nanaa hadavechauthau hadnaede. 8 Nau hanaaautheawaude Pedaheau nau Jauneau, Najesaa hadesaanudeva hadavechauthadede, hadevethenauau, hathahaugaunee. 9 Nau hanaaaedauwunauthee, Daudu hadauvathehane hadnedauusaanuu? 10 Nau hanaaaedauwunaude, Naune, haejedana hedan, hena henane hadnuchaunana, hadnewauunauau hauanau hadjaasanenee naje; hadethauguhauva hauauwuu hadnedaujedade. 11 Nau hadethauva henane hedauauwunede, Hechauhauthethahe nejeethane, daudu jadanauauwuu hadnedauvethenauau hadavechauthadede nauguu nathauguhadaunauau? 12 Nau hadnauhauthehana vanasaunee dachauauwuu hadnesewaudeanee: hadnesaanuhuu. 13 Nau hanaaeyehauthee, nau haeveedenauau neethaedauwunaude: nau hanailesaanudethee hadavechauthadede. 14 Nau haenauauchaunee, hanaaejanaugude nauguu vadadauchunesenee hevadauhanau. 15 Nau hanaaaedauwunaude, hethauwuvadauvethenau nuu hadavechauthadede naugu nananena hajesejasauwauwuthanau: 16 Hanau naedauwunathana, Nadnehauwauthevethe nuu, haunaude hadnauauchauau henajanede Hejavaneauthau. 17 Nau hanaaedanauau vaenau, nau hanaaevade vaveenede, nau hanaaenehede, Hedanauwuu nuu, nau hadjaanauwauva nehayau: 18 Hanau naedauwunathana, Naudnehauwuvanethede dadajevenenaje, hanaude henajanede Hejavaneauthau nauauchauyagu. 19 Nau hanaaedanauau jauaujau, nau hanaaevade vaveenede, nau haejeane, nau haevena, Nuu nanaa nadanayau havenadenenau: nuu hadneejenauneethedaunena. hathauhuk. 20 Naasauau jea vaenau haesethunevethehedaunee, Nuu vaenau waunauyauau hesanaavede Navaevaa, hanedaunauwunana, hathauhuk. 21 Hau nauhauvaa, hejadenaa henee haneavedaudaunade nananenauau nanedauguvanauau vethehedaunaa. 22 Nau hethauwuu Heau henane hadjathaaude, neesedauwaunade: hau naunauthaunee henee henane haneavedaudaunaudenenee. 23 Nau hanaaenaunaudedaunadethee nehayau, hanaadee hadnesedaude nim. 24 Nau hena jea haeneenayaudenauau, hanaadee hadjavaavasathaa. 25 Nau hanaaaedauwunaude, Nenauchuwuthee Neauthuu haevahadahethedauwu; nau henee nanethenuu naudahede nanadee hesenaedehehauau neseadagaunee. 26 Hau jevanaathahee: hau henee havasathawaunadaunenau, hadenahavaewauva; nau henee naja waude henee henechauthahehau. 21 Hanaa vanasathaa, henee vanethede, wauathe henee henechauthahe? gaujenane henee vanethede? hau hanedaudaunathana waude henee henechauthahe. 28 Nananena daudajauaunenethaunena denaunaunauchauthehanau. 29 Nau janenanauwunathana tiajanede, waude Nasaunau nejeesejenanauwunanau; 30 Hadevethehena nau hadevaveyana navethehedaunaa Nanajanedaunaa, nau hadetheaugudauwuna najatheaugudaunau hadnauchuwuhauna vadadauchunesenee jajaesenanedanede Israel. 31 Nau Vahadade hanaaenehede, Simon, Simon, nauhauwune, Haujau nevadaunethenane, hadvachuuguthane waude thauauhanewauchuunau: 32 Hau nevevethasathane, henee hadethauwuthajaude hadejenadegaudenauau: nau haejauaugauthethajaunaune hadedaewaunauau hahauwauauau. 33 Nau haenehetha, Vahadahene, Nananenau hanesaanunau hadnenenethaunathane, nesauna duguhunauauwuu, nau gaujauaudahedaunaa. 34 Nau haeaedauwuna, haedauwunathane, Peda, neauthuneahe hadnehauwunedu nuu desenenee, hajesejenehenaune nasau hadnethedauwaune henee nananene daujaenaunene. 35 Nau hanaaaedauwunaude, Deathavejenanathana haehauwunewauunava nesevaejethawau, nau newaugusajaanauchu, nau wauaunau, gauhajevathehava hayewhu? Hegau, hathauhaugaunee. 36 Hanaaaedauwunaude, hau hewaunehaa henee nanethenauau nesevaejethawau nanehaedanauau, nau jea henewaugusajaanauchu; nau henee janenethenauau gaugauchu, nanehaeaudaunade heddu, nau jeaudaunaude gaugauchu. 37 Hanau naedauwunathana, henee nuu wauthaunauhuu hethauwunaathauthaunauhunau, Nau haewauhaunuau wauwauchudauhuhau: hanau nethauthedauthanau hethauvaa. 38 Nau hathauhaugaunee, Vahadahene, nauhaudau, heyewnau hanesae gaugauthau. Nau haeaedauwuna, Naadauchae. 39 Nau haejenaua, nau haejathaau, nesedaude, haua nee Ohves; nau hethauguhadaunau jea haethauguhaa. 40 Nau haanauusade, haeaedauwuna hevevethahee henee hadejejedana vasehadede. 41 Nau haejavesa hehejese nejechauthaunenee, nau haechagujanaugu, nau haevevetha, 42 Nachau, hith Nananene vadauusedaunenagu, jegudanauwune nuu vaenau hehethee Nananenau: hau nahauwuvathehaa, hau Nananene, hadnaasauau, hathauhuk. 43 Nau haenauhauva hautheaune hehethee hejavaa, haedadaevaa. 44 Nau haeneenajeneethajau haeneenavevetha: nau heguwauaude waude davathejajaneauthee vaewauau dejanesee vedauauwuu. 45 Nau haegauhade hehethee devevethahede, nau haejeedasa hethauguhadaunau, Haeveena haeseenaugauhunenau heee haudauwuthajaude, 46 Nau haeaedauwuna, Naudu haenaugauhuna? gauhae nau vevethahee, hadejejedana vasehadede. 47 Nau hajesanadede, haenauhauwu havathenanedanede, nau henee Judas neseade, jasaa vadadauchunesenee, haenedauva, nau haeayaedasa Hejavaneauthusaun hadnedanaude. 48 Hau Hejavaneauthusaun hathahuk, Judas, gauhaavedaudauna Heau henane gauhadneenedanau? 49 Haene henethauguvadaunau daunauhaudauwunethe hadnesehade, Vahadahene, gauhadjedauauwaunauau heee gaugauchu? hathauhaugaunee. 50 Nau hanesade haedauauva hewauwaunavene vasnajane vevethahevahew, nau haegauadathahe hejavese. 51 Nau Hejavaneauthusau haeauchuhananadetha, Hauwaa nanesedau nuu. Nau haevasane henaudaununene, nau haeenayauha. 52 Hejavaneauthusau hanaaenehethaude najavevethahevahehau, nau haunauyauhauthahehau vadannauauwuu, nau vachaugananenau, hejewaunedasadaunau, Gauhaejauva, waude heee havedehe, nauguu gaugauthau nau vachau? 53 Denethenaedevathana hayauwusenee vadannauauwuu, nananena haehauwudaneva: hau nuu nauauchaudauna, nau naunauthauau vaneeyauau. 54 Hanaaedanauthee, nau haejathechauhanauau, nau haejedananauau Vasenajane vevethahevahew hedauauwunene. Nau Peda haejesedauchu. 55 Nau haesewaudedaunathee nahethae hadauvasenejesauau, nau haeauajanaugunauau, Peda haejanaugudauna. 56 Hau jasae hesahedaeyaune haenauhauvaa daujanaugudaunaudehejava hesedaa, nau haenaunauchaudauhauvaa, nau hathahuk, Naa henane jea nanethenaedewaude. 57 Nau haeethedauwautha, Hesa, nahauwaenaunau, hathauhuk. 58 Nau naunade jachau haenauhauvaa, nau hathahuk, Nananene jea hanehedahene. Nau Peda hahagu, Henane, nananenau hegau. 59 Nau heee jasaye denauachauau waunee jachau haeethauwunehene, hathahuk, hethauwuu naa jea nanethenaedewaude; hanau nananede Gananaean. 60 Nau Peda hahagu, Henane, Nahauwaene daun nesenehene. Nau chauchaunu, daunausunanadede, neauthuneahe haenedu. 61 Nau Vahadade haejaaagu, nau haenaauhauva Pedaheau. Nau Peda haethauchuthajaude hedanadedaunene Vahadahenith, neesenehethade, Hajesejeneduhude neauthuneahe, nananene hadnethedauwauchune nasauna. 62 Nau Peda haenaua, nau haeneenavewau. 63 Nau henanenauau henee dauuunauthee Hejavaneauthusaun haevavavanauchuhanauau, nau haedaudauauvaa. 64 Nau haesajeajethauthee, haeanadeahenauau, nau haenaunaudedaunanauau, Haeyahe, hanaa henee haudauauvade? netbahuk, 65 Nau wauthanee haeewauwauchuvaa nanasanadethade. 66 Nau chauchaunu hasenaugusajenee, vachaugananenauau henanedanede nau najanauau vevethahehehauau nau wautbaunaubahehauau haeauachaudaunanauau, nau haejedananauau hadauhanadethee, 67 Gauhanane Chris? jeaedauwunaa, hathauhaugaunee. Nau haeaedauwuna, Hith Nananenau haedauwunathanagu, nananena hanajethauwaudaunena: 68 Nau hith nananenau jea naudedaunathanagu, nananena hanajauchuhananadesena, wauathe hanajejenanena. 69 Hewaunehaa heee Heau henane hadtheaugude hejavese naunaudahenith Hejavaneauthu. 70 Hanaaenehethee vahee, Gauhanane Heau Hejavaneauthau? Nau haeaedauwuna, Hasenehena Nananenau. 71 Nauhahagaunee, Hehauwauthevathehaanauau naudedauyaunauau? hanau nehayau nanedaunaunauau Nehayau hedenaa.
1 Nau haunauude henanedanede haegauhadene, nau haeyehaudaunanauau Pinade. 2 Nau hanaaevavasevade, Vaneenaunauau naa gauchuhuchaudede jajaesenanedanede, nau nedauduwaude hadjevenauthee hauayaunau Caesar, daunahagu Chris Nenauchuwude, nethadede, hathauhaugaunee. 3 Nau Pinade haenaudedauna, Gauhanane Dauhunauchuwuhunene Jews? hathauhuk, Nau haeauchuhanaedauwunaa, Hethauvane. 4 Hanaaaedauwunaude Pinade najanau vevethahehehau nau henanedanede, Nahauwuveedenaune wausaunee naa Henane. 5 Nau haenaunauchauthedauhaudene, wauwauyauchudede henanedanede, hanechauhauthethade hehethee vahee Jewsevedauauwuu, jejasesee hehethee Gananane nauuu nuu vedauauwuu, hathauhaugaunee. 6 Haene Pinade nedauwauthaude Ganane, haenaudedauva wauau hagananenanene. 7 Nau chauchaunu haesaenauau henee daunaadade Herod hadaunajavanethe, haeathavenane Herod, jea haeanedau Dadaunedan hena hesee. 8 Nau haene Herod nauhauwaude Hejavaneauthusaun haevaseneethajau: heee devadaunauhauwaude dajauaunee hanau dauhuwauthanedauwauthaude; nau haevadaunauhaudauwu jasaa venauneguthau hadnesedaunith. 9 Haenaunaudedauna hauwauhuu hanadedaunau; hau haejauchuhananadethaa. 10 Nau najanau vevethahehehau nau wauthaunauhahehau haetheaugunenau nau haenaunaunauchauthevaa. 11 Nau Herod nauguu vauananenau haejenananauaugaugauyaune, nau haevavavanauchuhanauau, nau haeneenuhanauau neaudahenenee hu, nau haevenanauau jea Pinade. 12 Nau hajesesenenee Pinade nau Herod haeenedaehavadenauau nesauuu: hanau nedauwuu haeasanavadenauau nehayau. 13 Nau Pinade, haesauanadethaude najanau vevethahehehau nau hauchuwunanenau nau henanedanede, 14 Haeaedauwuna, Nananena nauuchaudaunena naa Henane, nanahagu henee gauchuhuchaudede henanedanede: nau, naune, nananenau, haunauchuwuhauau hathaahena, nahauwuveedenaune wausaunee naa henane heee henee hayauhuhau nanasevasewauna: 15 Hegau, hehauwune Herod: hanau neathavejenauauwunathane; nau naune, hehauwuneenauau hehauwugaudauwudau. 16 Hadnenesegauhaa, nau hadjenanauau. 17 (Hanau hadnaugauhusenaasedaude hadjenanaude hanesahenethe vasevethehedauneagu.) 18 Nau haunauude haevasanadenauau jasanee, Hausaguthaa naa, nau jejenanauwunaaa Barabbas, hahagaune: 19 (Nananede hanau jasaa nejaevauade hedan, nau hanau nenaade, nethanade duguhunauauwuu.) 20 Pinade henaheee, haevadaujenana Hejavaneauthusaun, haeanadetha jea. 21 Hau haeneanaune, Saethechuhuu, Saethechuhuu, hahagaunee. 22 Nau haeaedauwuna nanaseauwaunee, Dusee, dusewauchudau? Nahauwuveedenaune hadneegaujauauthehaude: Hadnaasedaunau hadnenesegauhaa, nau hadnaaejenanauau. 23 Nau haeneenavasanadenauau, haeneenavadausaethechuhunauau. Nau haeneanadenauau nau najanau vevethahehehauau haeechauwauauwaunauau. 21 Nau Pinade haechuwauda henee hadnaasaunee hasevathehathee. 25 Nau haejenanauwuna nananede henee hanau nejaevauade nau nenaade haethanau duguhunauauwuu; nananede heenedauwaudenenau; hau haeva Hejavaneauthusaun hathanauwauthee. 26 Nau haejathechauhauthee, haeedananauau hanesahenith Simoneau, hehethee Cyrenene, hananeedesade vedauauwuu, nau hananene haenehanauwunanauau naugauchu, henee hadnanewauunauwunith thauguu Hejavaneauthusaun. 27 Nau hena haethauguhaa havathenanedanede, nau hesanau, haeaudauwuthajauha nau haevewauhunauau heee. 28 Hau Hejavaneauthusau haejaaane haeaedauwuna, Dadaunedan hedaunauhau, jevahevewauhuu heee Nanauenau, hau heevewauhuu nehayau, nau heee hadaeyaunevenau. 29 Hanau, naune, hese janadauuu, hadneenehedaunee. Haunauwuthajauau jenesaimehehauau, nau henaudaunenau henee nejethauujanesathee, nau hethanenau hehauwunethuaunenau. 30 Heee hadnaaejaseseneheduu hauane, Gauduaunanauau; naa jauaudane, gaudauyauhunauau. 31 Hanau hith heenesedauhaugaunee nun hayauhuhau janadanegauaheyaugaune hauhaudene, haudneedusedaune wautheyaugu? 32 Nau hena haenesenauau gauchuhunee jea, wauwauchudauhuhau, haenethaunaa hadnaugunaade. 33 Nau haene haedaduu, Calvary hanaaseenee, hena haesaethechuhunauau, nau wauwauchudauhuhau, hanesahenith hejavese, nau jachau nauwauthe. 34 Haenaaenehede Hejavaneauthusau, Nachau jaegudanauwunene; hanau daujaenuu hasedauthee. Nau haejaanauwaunenau, hedachaunene, nau haeheedaudauusadaunenau. 35 Nau henanedanede haetheaugudaune dauhasauhauvade. Nau hauchuwunanenau jea nauguu haeauchaudanavaa, haseneheyaugaune, Nenayauhaude hauthauau; Nanehanehanenayauhadede hethauwuu Chrisdeyaugu, Neayasanade Hejavaneauthu. 36 Nau vanenanenau jea haenaunaugauthedaunaa, haeedasaa, nau haevenaa naneujaudenee dadajevenenaje, 37 Nau hathahuk, Hethauwunajawaunaudagaunee Jews, henayauhade nehayau. 38 Nau haewauthauuau jea haewauthaunauhune hejavaa hedanadedaunene Greek, nau Latin, nau Hebrew, Naa Nanajawaunaude Jews. 39 Nau jachau wauwauchudauhu chaunaunauaunith haewauwauchuvaa, Hethauwuu Chrisdenagu, henayauhade Nehayau nau nananee, hathahuk. 40 Hau jachau haeauchuhananadene haedauduva, Gauhajeadaunau Hejavaneauthau, hanau nananene nanesadee hathauchuwuhane? hathauhuk, 41 Nau neehanauau; hanau hanesedanauwunauau nanasedaunauau: hau Naa hehauwuwauchudau. 42 Nau hanaaenehethaude Hejaneauthusaun, Vahadahene, dauyewuwuthedaune haanauusanaune Hanajanede. 43 Nau Hejavaneauthusaun hathahuk. Hethauwuu haedauwunathane, Nuu desenee hadnethenaedevene Paradise. 44 Nau haethauthaunesade, nau hanaaeveeyauau nanadee vahee hathaauauvaa haunaude nanasuusee haenauauchauau. 45 Nau hesese haeveenenauau, nau hauguthau Vadannauauwuu haethauwunauau nahethae. 46 Nau Hejavaneauthusau haevasanadede, Nachau, hajadenaa hadaunaunehau Navadathuwu, hahagu: nau haesenehede nuu, haevadauwauthauwu. 47 Wauha vanenenaja haenauhaudauau hasedaudenenee, Haeauwauaudauna Hejavaneauthu, Hethauwuu naa chaunuvade Henane, hahagu. 48 Nau vahee henanedanede henee hathaejeauanuusathee hadnauhauwauthee, haenauhaudauwu hanasedaudenenee, haeanadesejahedenauau, nau haejaajegauhudaune. 49 Nau vahee henedaehauhau, nau hesanau hethaethauguhadaunau hehethee Gananee, haetheaugunenau vavaaune, haenauhaudauwu nuu. 50 Nau, naune, henane Joseph haeesee, najananadehe; nau haeetha, nau haechuva: 51 (Naa haejechuwauda hasenehedaunenee nau hasedaunethe;) haenaadade Arimathaea, hedan Jews: nananede jea nehayau haeejauwuwude henajanedaunene Hejavaneauthu. 52 Naa haeyehau Pinade, nau haenedauwaude hedanayaunene Hejavaneauthusaun. 53 Nau haejanana, nau haeauyauuna naunaujanaunee, nau kaejenana nedauthanavathe gaujauaudahehehau hauunaugae, haunauau henane haejethauujenanau. 54 Nau hena hesee haeesaanudaune, nau vadanesee dayanauauchauau. 55 Nau hesanau jea, hejenauunethaunadaunau hehethee Gananee, haethauguhaa, nau haenauhaudauwu hadausaesenanethe, nau hedanayaunene hathaudanee. 56 Nau haejaenauthau, nau haeesaanudenauau hathaeneevaudenee nau chauayaunau; nau haedauyanusenauau vadanesee hasauau nanavaavede.
1 Wauha nanedauwaudaa hesee hauchauvadede, hajesejevesesanith haejeedadauwu hadausaesenanith, haenauuchaudenauau hathaeneevaudenee heesaanuthaunenau, nau jasae hauthauau nauguu. 2 Nau haenauhauvanauau hauunaugane haeausanene hehethee hadausaesee. 3 Nau haejedanauau, nau haejeveedenauau hedanayaunene Vahadahenith Hejavaneauthusaun. 4 Nau hethauwuu daugaudauwuthajauthee heee, naxine, hanesenethe henanenau haetheaugudauna haenauasaaunenau hedachaunene: 5 Nau daunathajauthee, nau haenaunauagunauau vedauauwuu, haeaedauwuna, Naudu nananena haenaudehauna hanenaededaunaude nethee gaujauaudahehehau? 6 Hehauwanedau hede, hau jaegauhade: dauyewuwuu neethaedauwunana denausunanedaude Gananee, 7 Neesenehede, Heau henane hadvenavathe hejadenene wauwauchudaunanenau, nau hadsaethechauhude, nau nasese hadjaegauhade. 8 Nau haedauyewuwunauau hedanadedaunene, 9 Nau haenaudauwu hehethee needausaesenanith, nau haeauthedaunanauau vahee nuu hayauhuhau jaSanee, nau vahee hauthauau. 10 Haenane Mare Magdalene, nau Joanna, nau Mare henaune James, nau hauthauauau hesanauavi henee henethaunadaunenau, neauthedaunauthee nuu hayauhuhau vadauhanau. 11 Nau hedanadedaunenau hathanadauwuyaugaune gaugauyaune, nau haejethauwaudaunaunauau. 12 Hanaaegauhade Peda, nau haeyeseneegau hadausae senanith, nau haeewauguau, haenauhaude naunaujanaunee haeanaudanenau jessaa, nau haenaude, haegaugauanade hasaunee. 13 Nau, naune, hanesenethe haeyehaunenau henee hajesesenee hajasee hauauwudan Emmaus haseagu, hehethee Dadaimedan wauau nesaudauchu nau gauuu daugauha. 14 Nau haeanadenauau wauhaunee vahee nuu hayauhuhau hasaunee. 15 Nau hethauwuu, henee, dauanadethee wauhaunee nau haenaunaudedaunadenauau, Hejavaneauthusau Nehayau haeeauchauna, nau haenethauna. 16 Hau hesesanenau haedunenenau henee hadjaenaunauthee. 17 Nau haeaedauwuna, Hayewnau hadanadedaunenau nuu henee nananena hanegudaudenenau, daujajawauaunadena, nau daudaneaauna? 18 Nau jasaa hanaaseede Cleopas, haeauchuhananadethaa, Gauhanane vavade dauhadavesane nuu Dadaunedan, nau gauhajaene hayauhuhau hasedaudenee hena nuu hesee? 19 Nau haeaedauwuna, Hayewnau? Nau haeaedauwunaa, Heee Hejavaneauthusau Nazareth, nananede Haeyahe naunaudade hanasedaude nau hedanadede hathaahenith Hejavaneauthu nau vahee henanedanede: 20 Nau najanauau vevethahevahehauau nau hadauchuwunanevene neesevanethe gaujauaudahede hadneauchuwuhade, nau nesaethechauhude. 21 Hau nejauwuwuhaunauau Nananede hadnenayaudede Israel: nau nauguu vahee nuu, desenee nanasae hesee haesenesedaudenee. 22 Haa, nau jasae hesanauau jea hadahenauau nenavanauau, naugusage neanedauthee hadausaesenanith; 23 Nau dejeveedethee hedanayaunene, nejenuusathee, neauthedathee, henee jea haenauhauvanauau hautheaunau neethahaugaunee henee daujaenaedeyaugaune. 24 Nau hauthauauau hanethaunadaunene deyehaunauau hadausaesee, nau haeveedenauau vavade hesanauau neesenehenethe: hau haejenauhauvanauau. 25 Hanaaaedauwunaude, Hau hahauwaenava nau gaunauanuu hadahenau helhauwaudanee vahee henee haeyahehauau nethauthedathee: 26 Naasauau Chris hadnasenede nuu, nau hadjedade hadnedauvasathaa. 27 Nau jeeejasesee Mosese nau vahee haeyahehauau, neevavesaedauwunaude heee vahee hanathauthaunauhunee hayauhuhau hadnesenaedede Nehayau. 28 Nau haeeauchauwu hajasee hauauwudan hasesathee: nau nehayau haenanedauneha hadjavesade. 29 Hau haeneenadaunanauau, hathauhaugaunee, Hanedaudaunaa: hayanaesade, nau hesee hayaenauwusanauau. Nau haejeda hadnanedaudaunaude. 30 Nau hethauwuu, daujanaugude haenethevetheheva, Haeedane jauaujau, nau haevaveene, nau haejeane, nau haevena. 31 Nau hesesanenau haegaunanenenau, nau hanaaaenauuauthee; nau haeeyauhaudenauau. 32 Nau hadahene gauhauchae hethauvaa, hanathadagaunee jaee, deanadethanauau jathee, nau haegaunanauwunanauau wauthaunauhanau? 33 Nau haegauhanauau chauchaunu nau haejaeyehaunauau Dadaunedan, nau haeveehanauau jasanee haeaunauudaunahenenau, nau hauthauau henee hanedaudaunadaunenau, 34 Vahadade gauhade hethauwuu, nau haenauhautheha Simon, hathahaugaunee. 35 Nau haeauthedanauau hayauhuhau hanasedaunith hadesathee, nau hasaenaunade daujeanauau jauaujau. 36 Nau daunausunanadethee, Hejavaneauthusau Nehayau haetheaugu nahethae hadauthee, nau hathahaugaunee, Danadauyauau vanenathana. 37 Hau haenanauaunauau nau haenathajaunauau. nan hasethajauhaugaunee henee haenauhauvanauau vadathu. 38 Nau hathauhuk, Naudu nananena haenathajauna, nau naudu haegaugauuthajauna gauhanauha hadahenau? 39 Nauhaudauwuu Najadenau nau Nauaudau, henee Nananenau nehayau: Vasanee, nau nauhauwuu; hanau vadathau hehauwudausanune nau hehauwudechaunave, hathauhauwuna. 40 Nau dauhanadede, haenauhautheha hejadenau nau heaudau. 41 Nau haejethauwuthajaunauau heee haunauwuthajaude, nau 'haegaugauuthajaunauau, Haeaedauwuna, Gauhajevetheneva hede? 42 Nau haevenanauau hanesahenith nauwu haeaujaunene, nau gauhauaugunaugauye. 43 Nau haeedane, nau haevethe hathaajenethe. 44 Nau haeaedauwuna, Nuu nanae hanadedaunau haauthedaunathadenenau, denausunethenaedevathana, henee vahee hayauhuhau hadnethauwunauauchuu, hanathauthaunauhuu henanavaavede Mosese, nau haeyahehauau, nau psalms heee Nananenau. 45 Hanaaegaunauauwunaude hadnaenauwunethe, henee hadnaenauwunethe wauthaunauhanau, 46 Nau haeaedauwuna, Hathauthaunauhuu, nau naasauau Chris hadnasenede, nau hadjaegauhade hehethee gaujauaudahede nasese: 47 Nau henee haugauthegaugauuthajaude nau hadjaegudanee wauchudaudenau hadnautheduhunee heee Heneseede nanadee jajaesenanedanede, hehethee Dadaunedan. 48 Nau nananena haenauwuna nuu hayauhuhau. 49 Nau, naune, Nananenau vanenathana sayanee Nasaunau hau theauguu hedan Dadaunedan, haunaude uananena hachauwunagu nauguu naudahede hehethee hejavaa. no Nau haejasesenedauwauna hajechaudanee Bethany, nau haeegfauha, nau haevevethasa. 51 Nau hethauwuu, daunausuvevethauchaude, Haenautha, nau haeejechauhau jethee hejavaa. 52 Nau haevevethedaunanauau, nau haejaeyehaunauau Dadaunedan nauguu vaseneethajaude: 53 Nau dajauaunee haeanedaunauau jedauwuu Vadannauauwuu, hauwaunede nau haevevethedaunanauau Hejavaneauthu. Hethauvaa.