1:1 nasgino anigodiyu tsunanelotanv gvnigesv iyunvnediyi kanohvsgi tsudalenvdv nulistanidolv nasgi udohiyuhiya tsogohiyuha, 2 nasgiya nigogiweselv nasgi didalenisgv nvdagvdalenvdv unvsv unigohidolvhi, ale kanohedv unalitsidonvhi gesvi 3 nasquo ayv osiyu agiyelvnv wigvyowelanediyi osdv agiyeilvsdiyi, nihi etsalvquodi dioquili, agisquaniyedvyeno nigadv hia tsudalenvdv didalenisgv nvdagvwadalenvdv, 4 nasgi tsagadovhisdiyi udohiyuhiya gesv nasgi nahna tsudalenvdv etseyonvi. 5 nahiyu elodv ugvwiyuhi gese tsudiyi, gilo iyusdi ehe atsilvgelohi tsegalaya tsudoidv, nasgi equaya agatinvtanv gela gesei, udaliino elani tsuwetsidvhi gesv udayudalenvhi gesei, ale lisi dudoei. 6 ale itsula duyugodv tsunilvwisdanehi gese unelanvhi dodikanvi, danikahnawadiha nigadv dikahnawadvsdi ale ulinetsv iyadvnelidasdi gesv yihowa tsutseliga, usonv nigetsilanasehvna. 7 ale nehvna gese unetsi, lisiyeno vtla yidalulvvsgei, ale itsula hnaquo anigayvlige gesei. 8 hiano nulistanei, nasgi atsilvgelohi tsulvwisdanedi gesv dulvwisdanehe uhilanvhi agatahvi, nahiyu uliyilolv tsunilvwisdanediyi nahna gelvi, 9 nasgi iyunadvnedi gesv atsilvanelohi, nasgi uwadodi nigalisdisge adla gawasvgi nahiyu wayvha yihowa utseli udvnvdigalawiisdiyi. 10 uniwatino yvwi doyiditlv anadadolisdisge nahiyu adla gawasvgi gvdodiyi usqualvhv. 11 yihowano utseli dikahnawadidohi gvnigesv nudvnele gadoge agatisiditlv gawasvgi gvdodiyi gotlvsvi. 12 tsegalayano ugohv, udeyatanele ale usgalei. 13 aseno dikahnawadidohi hia nuweselei; tsegalaya tlesdi tsasgalvgi; hadadolisdisgvyeno etsadvganelv; ale tsadalii lisi datsananugowiseli tsetsi atsutsa, tsanino dehiyovha. 14 ale haliheligesdi ale osdv tsayelvsesdi; ale unitsati analiheligesdi udenv iyusdi. 15 ale atsilvquodiyu gesesdi yihowa dodikanvi, vtla ale uditasdi yigesesdi gigageaditasdi ale adayvsdesdisgi; ale ukalitsvhi gesesdi galvquodiyu adanvdo, utsi unanvgowisv udagvwadalenvdv. 16 ale unitsati isili tsuwetsi do dvgolvsi yihowa unanelanvhi iditlv dodvgatahvstani. 17 ale igvyi dayuwenveli [ugvwiyuhi] ilaya nasgiya gesesdi udanvdogi ale ulinigidiyu gesvi, tagatahvsdiyi tsuninawi anigayvligei diniyoli iditlv widugatahvsdodiyi, ale nunohiyusvna tsugatahvsdiyi unadanvti anigatahnav iditlv widugatahvsdodiyi; tsudvnvisdodiyi yvwi, ugvwiyuhi tsudvnvisdanediyi. 18 tsegalayano hia nuwesele dikahnawadidohi, gadono aquadolehohisdodi gesesdi nasgi hia? aquadvsonvhiyeno, ale aquadalii hnaquo agayvligei 19 dikahnawadidohino unetsvhia nuweselei; ayv gequili, tsitsidogo unelanvhi agatahvi; ale tsvginvsv gvyalinohedodiyi, ale gvnanugowisediyi hia nasgi osdv kanohedv. 20 ale gvniyuquo tsvgewi gesesdi, ale getsaneisdi nigesvna gesesdi gvni nahiyu iga nasgi hia nigalistanvha, nvdigalisdodiha nitsohiyunvna gesv tsinegvi, nasgi ase iyulisdodi tsigi iyulisdodiyi asqualvhvha. 21 yvwino gvwagatiye tsegalaya, ale unisquanigosge gohidiyu wayav udvnvdigalawiisdiyi. 22 tsunugotsvno vtla digvwalinohedodi yigesei; unadolehoseno unelawiselv wayav udvnvdigalawiisdiyi. danelodaneheno ale nvwasdequo uwagewi gesei. 23 ale hia nulistanei, nasgi hnaquo usquadv aselvhi gesv igohidv tsulvwisdanediyi, uwenvse tsuwenvsvi. 24 onino iyvdv udalii lisi unelitsei, ale udisgalane hisgi iyanvdo, hia nuwesei, 25 hia nasgi naquadvnelv yihowa nahiyu iga deaquakahnanv, agihvediyi udehohisdi vquadanvtediyi yvwi anehvi. 26 sudalineno kalvi dikahnawadidohi gequili unelanvhi udayunvsidv ulutse gaduhv gelili naselidi tsudoidv, 27 ulutsele adv nasgi tsowa tsudoidv asgaya udayvsdi, nasgi dewi unetlvtanvdv nvdayudalenvhi gesei; nasgino adv meli tsudoidv gesei. 28 dikahnawadidohino ulutselv hia nuwesei; gvyoliga nihi etsalvquotanvhi, yihowa widitsakahnawadida; anigeyv anehv nihi wudagonadvdi osiyu itsalisdanedi. 29 ugohvno udeyatanele nasgi nuweselvi, ale udanvtele nusdv uyelvdv hia nasgi uyolilvi. 30 dikahnawadidohino hia nuweselei; meli tlesdi tsasgalvgi; unelanvhiyeno osdv tsayelvdi gesv tsawadvhv. 31 ale gvniyuquo tinelitsi, ale tinanugowisi agutsa, ale tsisa dotiyoi. 32 atsilvquodiyu gesesdi nasgi, ale wasdv galvladiyu ehi uwetsi agosehesdi; yihowano unelanvhi dayuneli udoda dewi uwesgilvi. 33 ale winasdvna ugvwiyuhi gesesdi tsegaqui unetlvtanvdv gesv anehvi; ale nasgi ugvwiyuhi gesv lesditsihisdi nigesvna gesesdi. 34 melino hia nuwesele dikahnawadidohi; gado yigalisdoda nasgi yinigalisda, nitsigatahvnano tsigi asgaya? 35 dikahnawadidohino unetsv hia nuweselei; galvquodiyu adanvdo tsutsalutseli ale ulinigidiyu gesv wasdv galvladiyu ehi datsadawadisdotani; nasgi iyusdi nasquo nasgi galvquodiyu tsvdatsadeneli unelanvhi uwetsi agosehesdi. 36 ale gvniyuquo isditloyi lisi nasgi atsutsa unelitsv hnaquo agayvlige gesvi; ale gohi tsigi hnaquo sudaline kala gvwanelitsvhi nasgi dilulvvsgi nigesvna tsagosehvgi. 37 unelanvhiyeno vtla gohusdi unulvdi yigesesdi. 38 melino hia nuwesei; gvniyuquo aquo unvsidasdi ageyv; yihuwa nasgiya nitsawesv winaqualisdasi. dikahnatsadidohino udanvelei. 39 melino nahiyu dulenei, uwanvtse odali gesv wulosei, tsudiyi gaduhv wulutsei. 40 ale wuyvle tsegalaya ganelvi, ale uyolile lisi 41 hiano nulistanei, nasgi lisi udvganv meli uyolihvi, ayoli ganelisv ulitelvnei; ale lisi ukalitse galvquodiyu adanvdo, 42 ale asdaya unetsei, hia nuwesei; anigeyv anehv nihi wudagonadvdi etsalvquodiyu; ale galvquodiyu nasgi nihi tsvtinanugowisi. 43 gadono dagalisdoda ayv nasgi tsinaqualisdasi, nasgi aquatseli ugvwiyuhi utsi tsagilutsisi? 44 gvniyuquoyeno aquadvganvquo hinegv sgiyolihvi, ayoli tsinelisv ulitelvnv aliheligvi. 45 ale osiyu iyulisdanedi uwohiyunvhi; nasgiyeno nvtsuweselv ohuwa nasgi ase nvdagalistani. 46 melino hia nuwesei, aquadanvdo utsati galvquodiha ohuwa, 47 ale aquadanvdo ulihelitselv unelanvhi agisdelisgi. 48 deukahnanvyeno uyo nudvhnadegv ageyv unvsidasdi; gvniyuquoyeno gohi iyudalenvdv nanadanetliyvsisv yvwi galvquodiyu gvquosehesdi. 49 ulinigidvyeno tsigi nasgi usquanigodiyu naquadvnelv; ale galvquodiyu nasgi deudovi. 50 ale udadolisdi gesv degananugowiseha gvwanayesgi nanadanetliyvsisvi. 51 kanogeni uwvtanv unanugowisv ulinigidv gesvi; unatlvquodi dotsunadanvdv dudigaleyastanv. 52 tsunalinigidv duwekahvsv unanvdiyi, ale uyo iyunadvhnadegi dusaladanv. 53 agonu tsuniyosisgi osdv gesv dukaliistanv, tsunehnaino asvha dounenvsdiyi niduwanelvgi. 54 isili unvsidasdi usdelvhv anvdadisgv udadolitsadvi, 55 nasgiya niduweselv digigayvligei, equahami, ale nasgi tsunetlvtanvdv gesv nigohilvi. 56 melino tsoi iyanvdo iyvdv lisiyi udenei, gilano uwasv tsuwenvsv wiulosei. 57 lisino hnaquo usqualvele udediyi ayoli, ale unanugowise atsutsa. 58 navno iyunadala ale gohusdi tsuwahna unadvgane unelanvhi utsati uwedolitsvi, ale itsulaha unalihelitsei. 59 hiano nulistanei, nasgi tsuneline iga unihusdeselvha ayoli, ale tsegalaya dunoei, udoda dudov dunostanei. 60 utsino unetsv hia nuwesei; vtlesdi; tsanisgini agosehesdi. 61 hiano nigvwaweselei; vtla gilo itsitloyi gesv nasgi yinusdi yidudov. 62 udodano dananelodanehv unadvdvne nusdv usulisgv tsagosdiyi. 63 utayoleno digowelodiyi ale uwowelane hia nigawesgei; tsani dudov. nigadvno unisquanigosei. 64 gilaquono iyvdv ahuli ulisduisei, ganogono udelisadesei, ale uwonise ulvquotane unelanvhi. 65 nahnano gvwaduwidv dininelv nigadv uninayesei; ale nigadv nasgi hia nulistanidolv dunotsalotse nigvnadv odali gesv tsudiyi. 66 nanivno nasgi unadvganvhi tsunadvganvhi tsuninawiyi unisquanigotanei, hia naniwesgei; gado usdesdi hia ayoli? yihowano usdelvhidohei. 67 udodano tsegalaya ukalitsvhi gese galvquodiyu adanvdo, ale udolehose hia nuwesei; 68 galvquodiyu gesesdi yihowa unelanvhi isili unatseliga; duwadvholvyeno ale dudayvhv tsutseliga yvwi. 69 ale iginanugowiselv uyonv igalisdelvdodi, dewi unvsidasdi unetlvtanvdv gesv anehv unanugotsv. 70 nasgiya nuwesv degvdisgv tsutseli getsilvquodi anadolehosgi unadenvhi tsigi didalenisgv nvdagvwadalenvdv; 71 nasgi didadudalaediyi gegisgagi, ale asdaya nigegvnv didadudalaediyi nigadiyu geginiquatihi; 72 iyudvnediyi duduisdanelv digigayvlige tsuwedolisdiyi, ale unvdadisdiyi utseli galvquodiyu kanohedv datlohisdvi, 73 nasgi tsuselitane tsuduisdanele igigayvligeequahami, 74 nasgi gedadudataelvhi gesv gegisgagi igalisgolvdanediyi nidinayesgvna edadadolisdanediyi, 75 nidisganvna ale duyugodv igedasdiyi agatahv nigohilv idalenidohvi. 76 nihino hiyoli, wasdv galvladiyu ehi utseli adolehosgi etsosehesdi, nihiyeno igvyi tiyenveli yihowa, hiyadvnvisdanediyi ulohisdiyi; 77 gvnigesv itsuwanediyi tsutseli yvwi nasgi unalisdelvdodi gesvi, gagetsinehv unisganvtsvi, 78 yihowa udadolitsatiyu gesv iganelanvhi, nasgi tsinigalesdodiha igagati diyelihisdisgi galvladi nvdayudalenvhi igiwadvhilvhi tsigi, 79 iga tsutisdanediyi ulisigv ale ayohuhisdi gesv udawadisdodv tsanina, ale digatenvsdiyi nvwadohiyadv ganvnvi. 80 ayolino advsgei ale kanequoge ulinigosgv udanvdvi, ale inagequo ehei gvni gvnigesv nidudvnelv isili.

2:1 nahiyuno hia nulistanei, nasgi sisa ogasda unetsvhi unanugotse nigvnadv elohi gegasesdiyi. 2 nasgi hia unaselidole asi salini sidayi ugvwiyuhi nigesvna tsigesei. 3 ale nigadv unenvse gegasesdiyi anisiyvwiha gesv dodaniduhvi. 4 ale tsowa nasquo gelili unigisei unugotse aselidi gasuhvi, wulutse tsudiyi, dewi tsuweduhvi, gaduyi tsudoidv, dewiyeno unetlvtanvdv gesv nvdayudalenvhi gesei ugayvlige gesei ale dewi, 5 gegasesdiyi uyelvse uyelvse uwasv ale meli udayvsdi, nasgi ganelidv gesei. 6 hiano nulistanei, nasgi asi nahna anedohei, usqualvhe ayoli unanugowisdiyi. 7 unanugowiseno igvyi nihi uwetsi atsutsa, ale uwetsanulanei, ale soquili unalisdayvdiyi ulvnei; vtlayeno yudlanvde tsunisvsdiyi adanelvi. 8 nahnano navi awidinigatiya anedohe udlanvdvi, awi danigatiye svnoyi. 9 gvniyuquono dikahnawadidohi yihowa utseliga unilutselei, ale ganuquodiyu dulvsadv ugvwiyuhi utseligadunaduwistanei ale utsatanvhi unisgalei. 10 dikahnawadidohino hia niduweselei; tlesdi yitsisgaihesdi, gvniyuquoyeno itsvyohisi osdv kanohedv utsati alihelisdi, naniv yvwi unadvgodi. 11 gohiyeno iga itsadenelv dewi uweduhvi, itsisdelisgi nasgi galonedv ugvwiyuhi. 12 hiano nasgi itsadohihuhisdo gesesdi; da yetsiwadvhi ayoli atsitsanulesdi, soquili unalisdayvdiyi ganvgesdi. 13 gilaquono iyvdv unitsati galvladi anehi gvwaligonele dikahnawadidohi, unelanvhi anilvquodisgei, hia naniwesgei; 14 galvquodiyu gesesdi unelanvhi wasdv galvladiyu, elohino dohio gesesdi, osdv gegadanvtesgesdi yvwi. 15 hnaquono hia nulistanei, nasgi dinikahnawadidohi gvwanadanvelv, galvladi naunilosv, hia nidunadawesele awidinigatiya; ka, hnaquo gaduyi idena, ale widadolehohi nasgi hia nulistanvi, nasgi ohowa gvnigesv tsinigvnisi. 16 ulisdiyuno wunilutsei, ale duniwadvhe meli ale tsowa, ale ayoli soquili unalisdayvdiyi ganvgei. 17 unigohvno uninohelidole nusdv getsinohehelv nasgi ayoli atsineisdisgvi. 18 nigadvno unadvganvhi unisquanigose nusdv gvwanino hehelv awidinigatiya. 19 melisgini nasgi hia nigadv usquanigotanei, ale nasgi udanvtehilosv tsudanvdvi. 20 awinodinigateya iunatsvsei, anilvquodisge ale analihelitsehe unelanvhi nvdigalisdosisge nigav unadvganv ale unigohvi, nasgi nusdv getsinonelvi. 21 tsunelineno iga usqualvhv nasgi ahusdesedi gesv ayoli, tsisa dunoei, nasgi dikahnawadidohi niduwoe asiquo tsatsineligvna gesei. 22 hnaquono usqualvhv unadanvgalvdiyi nasgiya nigvnv dikahnawadvsdi mosi uwowelanvhi, tsilusilimi uninole yihowa unikanediyi; 23 nasgiya nigvnv gowelv dikahnawadvsdiyi mohowa tsatsiyohiselvhi gegosehesdi; 24 ale atsilvgelasdi unalisgolvdodiyi nasgiya hia nigawesgv dikahnawadvsdi mohowa utseliga; anitali tsuledinisgonihi, ale anitali anidv woyi. 25 ale gvniyuquo gilo iyusdi ayagaya tsilusilimi ehe simiyani tsudoidv; ale nasgi duyugodv iyadvnehi ale unelanvhi dikahnawasegi gesei, agatiye isili getsinuwohisdodiyi; galvquodiyuno adanvdo tali udvdidegei. 26 ale gvnigesv iyuwanelvhi gese galvquodiyu adanvdo, nasgi ayohuhisdi gesv ugowadvdi nigesvna gesv gvni yihowa utseli gatsanedv ugohvhi yigi 27 ale adanvdo udanvtehelvhi wulutse udvnadigalawiisdiyi; tsugayvligeno uniyvtanilv ayoli tsisa nasgi nigvnv dikahnawadvsdi iyunadvnediyi, 28 hnaquo nasgi unesei, ale ulvquotane unelanvhi, hia nuwesei; 29 tsagvwiyuhi, hnaquo hinvsidasdi nvwadohiyadv dehiyosga, nasgiya nitsawesv tsanetsvi; 30 ditsigaliyeno gvdi tsigowadv tsatseli alisdelvdodi. 31 nasgi tsadanelanvhi tsigi naniv yvwi anigatahvi, 32 igagati tsunilvsadadedi tsunadalenvdv yvwi, ale galvquodiyu gesv ditsatseli yvwi isili unatseliga. 33 tsowano ale ayoli utsi anisquanigosge nusdv atsineisdisgv nasgi. 34 simiyanino osdv dunetselei, ale hia nuwesele meli ayoli utsi, gvniyuquo hia nasgi ayoli atsikanv nasgi isili anehi unitsati tsuninvisdiyi ale tsunalehisododiyi; ale uyelvdv unatludodi aniwonisgvi. 35 nasgi unitsati nesdv danadanvtesgv tsuninawiyi gvnigesv iyulisdodiyi: vv, ayelasdiganvhidv nasquo tsvsv tsadanvdo datsatili. 36 ale gilo iyusdi ageyv enitsudoidv adolehosgi ehei, nasgi quanueli uwetsi gesei, esa anilasdalv utloyi, nasgi utsati agayvlige gesei, ale galiquogi igudetiyvdv unaneladvhi gese asgaya advquo gesv tsunatsvdv; 37 ale uwesulotsvhi gese nelasgohi nvgigali iyvdv iyudetiyvdv, nasgi vtla yidanvsge udvnadigalawiisdiyi, unelanvhiquo dakahnawadisei amatli gvsgv ale adadolisdisgv nidulisinisv ale nidugitsvnisvi. 38 nasgino nasquo nahiyuquo ulutse ulihelitsele yihowa, nasgi dekaneisdanehe nanivquo tsilusilimi anehi anigatenohi aguyvdodi gesv unanugoisdiyi. 39 unisquadvno nigadv iyadvnelidasdi gesv nasgiya nigvnv dikahnawadvsdi yihowa utseliga, iunatsvse gelili wunilose, unvsv tsuniduhv naselidi wunilutsei. 40 ayolino advsgei ale udanvdv alinigosgei, ukalitsvhi gese agadovhisdi gesvi; ale unelanvhi udadolisdi gesv dukahnawadidohei. 41 tsugayvligeno tsilusilimi anege nidadetiyvhisv kanohiyegi dilisdayvdiyi asqualisgv iyui. 42 taladuno iyudetiyvdv gese tsilusilimi unenvha nasgiya iyunadvnedi gesv danalisdayvhvsgv iyui. 43 unisquadvno igohidv dulisvsdvi, vunatsvsidisv ayoli tsisa tsilusilimi diudigiyei, tsowano ale utsi vtla yinelisgei. 44 nasgino sunadatlugi anaisv geladi anelisgv siga envsdi iyvdv unenvsei; gohusdino tsunvnv ale dinadagatahi aninv uniyolei. 45 gvwatlotsvno iunatsvsei tsilusilimi wunilose gvwayohei. 46 hiano nulistanei, nasgi tsoine iga uniwadvhe udvnohi digalawiisdiyi, uwole ayeli aninv dinadeyohvsgi dadvdasdanehe ale dadvdvhelvvsgei. 47 nigadvno gvwadvganelvhi unisquanigose nosv goligvi, ale gvwadvdvhvsgv degawohiliyvsdanehvi. 48 tsugayvligeno gvwagohv unisquanigosei; utsino hia nuweselei aquetsi, gadono nvsginadvnisiquo? tsadoda isdvyohvgi uwelihisdi oginadanvtawadegvgi. 49 hiano niduweselei; gadono isginiyohei? tlasgo yisdigatahe edodoyi ase aquedasdi gesvi? 50 aseno vtla yunolitse nasgi niduweselvi. 51 dusdawadvseno, ale naselidi wulutsei, ale deunelodei. utsisgini hia nasgi nigadv usquanigotane unawiyi. 52 ale tsisa kanequotsise agatahnaiyu gesv ale advsgvi ale unelanvhi ale yvwi gvwageyuhiyu gesvi.

3:1 hisgigasineno udetiyvsadisv daquiliya sisa ugvwiyuhi gesvi, quvdiya qualedi tsudiyi tsaganelodi gesei, ale elodv gelili sgadugi gee atsigatidisdi gesei, unvtlino quiligi iduli ale tlagonidi atsigatidisdi gesei, lisaniyano aquilini atsigatidisdi gesei; 2 enano ale gayiqua nunigvwiyusv atsilvanelohi gesei, unelanvhi uwonisvhi inage ulutsele tsani tsegalaya uwetsi. 3 ale nasgi ulutse uwedole tsodani navnige gesvi, alitsidohvsge kanohesge didawosdi gesv ganetliyvdv gesv odanvdvi, nasgi gayvdatinediyi osganvtsvi; 4 nasgiya nigvnv gowelv gowelihi isaya adolehosgi uwenisvhi, hia tsinigaweha; uweluga gilo inagei, hia nigaweha; etsadvnvisdasi yihowa ulohisdiyi, dunvnv ditsitsinohisda. 5 dugedaliyvnv nigadiyu dikaliisdi gesesdi, dodalvno ale dusahilv nigadiyu eladiha idigvnedi gesesdi, tsudatsinosquidiyedvno gesv digatsinohisdodi gesesdi, uyono deganvnv gvnadesgi idigvnedi gesesdi. 6 nigadvno uquedali dvgohi unelanvhi udasdelvdodi gesvi. 7 hnaquono hia niduwesele unitsati nasgi digegawesdiyi unilvsolvhi; yo inadv tsunetsi nihi! gago itseyatanv etsaliediyi utalawohisdi uluhisdi gesvi? 8 nasgi iyusdi itsinanugowa adolehohisdodi detsinetliyvsv detsadanvdvi; ale tlesdi itsalenvhv hia itsiwesv detsadanvdvi; equahami ogidoda ayv; itsvyoseyeno unelanvhi yeliquo hia nvya yidegvda yidegotlvna equahami tsuwetsi. 9 ale nasquo gayula galuyasdi anvhi duhnasdetlv detlugvi; nasgi iyusdi nigadiyu detlugv osdv nadadvsgvna igesesdi digaleyvsdodi ale atsilvyi widadinvdi gesesdi. 10 unitsatino gvwadvdvne hia nigvwaweselei; gado dayotsadvneli? 11 unetsv hia niduweselei; gilo tali digasalena dunaesdi, nunavna gesv ganvnehesdi; gilono alisdayvdi uhesdi, nasgiya nadvnehesdi. 12 nasquono adelvanigisidohi unilvsole digegawosdiyi, ale hia nigvwaweselei; tadeyohvsgi, gado dayotsadvneli? 13 hiano niduweselei; tlesdi yitsilosvsdisgesdi igai etsinetselv itsigisidasdiyi. 14 aniyawisgino nasquo igvwadvdvne, hia nuniwesei; ayv nano gado dayotsadvneli? hiano niduweselei; tlesdi gilo gvsgaisdagi iyetsvnelvgi, ale tlesdi gayegogi yitsadalawisehesdi; ale yeliquo itsiyelvsesdi etsaguyvehvi. 15 unitsatino anigatenohei, ale nigadvquo awi dotsunadanvdv gvwadanvtesge tsani, nasgi galonedv gesv, ale galonedv nigesvna gesvi; 16 tsani unetse hia niduwesele nigadv, ayv udohiyuhi ama detsvyawosdiha; dayaisgini utli ulinigidiyu esgaquo ayv, nasgi dakanesadv tsulasulogi vtla yeli yinigoi digikaneyvdiyi; nasgi galvquodiyu adanvdo ale atsilv dodatsawestani; 17 nasgi ulasowisdi ayeha, ale nigadv dagalasowisi ayodatlahvi, utsalesdino dagatlisani dvni udiyi; uwohanulotanvhisgini dvgohvstani atsilvyi nigvtlosgvna. 18 ale utsote tsudalenvdv degawonedisgv dulitsidonele awi. 19 elodvsgini sgadugi atsigatidisdi gesvi, tsani ugvsgolvne diliyeilvsdisge elodisi unvtli quiligi udalei, ale nasquo nigadv utsatini nudvnelv elodv, 20 asi wudagonadv hia nasgi nuvnelei, tsani didasdudiyi usdunei. 21 hnaquono hia nulistanei, nigadv yvwi degegawov tsisa nasquo agawoei, ale udadolistanv galvladi ulisduisei, 22 ale galvquodiyu adanvdo tsutloase nasgi uweyalvtsei, ayelv tsuledisgonihi nasgiya gesa udotlvsvi; kanegvno galvladi tsulosehia nvtsuwesei; nihi gvgeyui aquetsi; osiyu gvyelvi nihi. 23 tsisano hnaquo ase tsoasgohi iyudetiyvdv gesei, nasgi tsowa uwetsi uniyelvsei, nasgi hilayi uwetsi gesei, 24 nasgi madadi uwetsi gesei, nasgi liwi uwetsi gesei, meligayi uwetsi gesei, nasgi tsana uwetsi gesei, nasgi tsowa uwetsi gesei, 25 nasgi madidaya uwetsi gesei, nasgi emosi uwetsi gesei, nasgi neami uwetsi gesei, nasgi esila, uwetsi gesei, nasgi nagi uwetsi gesei, 26 nasgi meadi uwetsi gesei, nasgi madidaya uwetsi gesei, nasgi simiya gesei, nasgi tsowa uwetsi gesei, nasgi tsuda uwetsi gesei, 27 nasgi tsoana uwetsi gesei, nasgi lisa uwetsi gesei, nasgi tsilaqueli uwetsi gesei, nasgi saladayili uwetsi gesei, nasgi silayi uwetsi gesei, 28 nasgi meligayi uwetsi gesei, nasgi adayi uwetsi gesei, nasgi gosami uwetsi gesei, nasgi elimodami uwetsi gesei, nasgi vli uwetsi gesei, 29 nasgi tsosi uwetsi gesei, nasgi iliesa uwetsi gesei, nasgi tsolimi uwetsi gesei, nasgi madadi uwetsi gesei, nasgi ilayigimi uwetsi gesei, 30 nasgi simiyani uwetsi gesei, nasgi minani uwetsi gesei, nasgi madada uwetsi gesei, nasgi nedani uwetsi gesei, nasgi dewi uwetsi gesei, 31 nasgi milia uwetsi gesei, nasgi minani uwetsi gesei, nasgi madada uwetsi gesei, nasgi nedani uwetsi gesei, nasgi dewi uwetsi gesei, 32 nasgi tsisi uwetsi gesei, nasgi oquadi uwetsi gesei, nasgi salima uwetsi gesei, nasgi nasoni uwetsi gesei, 33 nasgi eminida uwetsi gesei, nasgi elimi uwetsi gesei, nasgi isilami uwetsi gesei, nasgi quelisi uwetsigesei, nasgi tsuda uwetsi gesei, 34 nasgi tsegaqui uwetsi gesei, nasgi esigi uwetsi gesei, nasgi equahami uwetsi gesei, nasgi dela uwetsi gesei, nasgi neho uwetsi gesei, 35 nasgi selagi selagi uwetsi gesei, nasgi lego uwetsi gesei, nasgi queligi uwetsi gesei, nasgi hiqua uwetsi gesei, nasgi sela uwetsi gesei, 36 nasgi kayinv uwetsi gesei, nasgi aquatsa uwetsi gesei, nasgi semi uwetsigesei, nasgi noya uwetsi gesei, nasgi lemigi uwetsi gesei, 37 nasgi midusila uwetsi gesei, nasgi inogi uwetsi gesei, nasgi tseladi uwetsi gesei, nasgi malilili uwetsi gesei, nasgi kayinv uwetsi gesei, 38 nasgi inosi uwetsigesei, nasgi sedi uwetsi, nasgi adawi uwetsi gesei, nasgi unelanvhi uwetsi gesei.

4:1 tsisano ukalitsvhi gese galvquodiyu adanvdo tsodani diutsvsei, ale adanvdo inage wutinvstanei, 2 ale nvgasgohi tsusvhidv ugoliyesge asgina. nasgino igohidv vtla gohusdi yusei nasgino ulisquadv gila uyosisanei. 3 asginano hia nuweselei; iyuno nihi unelanvhi uwetsi gesesdi, hinegi hia nvya gadu iyulisdodiyi. 4 tsisano unetsele hia nuwesei; hia nigvnv gowela; yvwi vtla gaduquo uwasv yigvhnadisdesdi, nigavsgini unelanvhi unetsvi. 5 asginano utinvse uhnalutane invigati odalvi, ale dusehele gilaquo iyvdv igohidv nigav ayeli degotlvwadisv elohi. 6 ale asgina hia neweselei; hia nasgi nigadv ulinigidiyu gesv yidegvyohisi, ale nasgi galvquodiyu gesvi; ayvyeno dvgiyohiselv, ale gilo tsivsi gela tsinehoi. 7 nasgi iyusdi iyuno yisquadadolisdanelv, nigadiyu nihi tsatseli gesesdi. 8 tsisano unetse ale hia neweselei; aquasohadv haleda sedani; hiayeno nigvnv gowela; yihowa tsanelanvhi hiyadadolisdanehesdi, ale nasgi uwasvhiyu dehiyanelodesdi. 9 ale tsilusilimi utinolei, ale udvnadigalawiisdiyi usgoli ugilvtanei, ale hia nuweselei; iyuno nihi unelanvhi uwetsi gesesdi, tsvsv hadalovda ani; 10 hiayeno nigvnv igowela; tsutseli dinikahnawadidohi dodakanetseli digetsakanawadidasdiyi getsasquanigododiyi; 11 ale tsunoyeni getsasaladodidegesdi, nasgi ilvhiyu nvyohi tsanasqualosdodiyi nigesvna. 12 tsisano tsunetsv hia nuweselei; hia igawedv igi; tlesdi yihowa tsanelanvhi higoliyevgi. 13 asginano usquadv nigadv ugoliyesgvi, udanvele ilvsgi igohidv. 14 tsisano adanvdo utinidohv gelili iulutsei; deganotsalvno nahna gvwaduwidv duyelisidolei. 15 ale dadeyohvsge tsunilawiisdiyi, nanivno gvwalvquodiyu gesei. 16 naselidino ulutse nahna agavhistanvi; iyudvnedino gesv nudvnele wuyvle digalawiisdiyi unadodaquasgv iga, ale dulene tsugoliyediyi goweli. 17 atsinvneleno goweli isaya adolehosgi uwowelanvhi. usduisvno goweli uwadvhe hia nigvnv gowelvi; 18 adanvdo yihowa utseli tali aquadvdanelidega nvdigalisdodi tsagilonev gatsiyalitsionediyi osdv kanohedv uyo iyunadvhnadegi; diginvsv digatsinvwodiyi uyo unadanvtawadegi, gatsinonediyi aniyvgi gvwanadudalesdi gesvi, ale dinigewi gvwanigowadvdi gesvi, ale digatsiyagodiyi digetsiniqualotanvhi, 19 aginohelisdiyi adetiyisgv yihowa tsudanilvisdi gesvi. 20 usduneno goweli ale wiunvnele atsinvsidasdi, ale uwenei. nigadvno digalawiisdiyi aniyai uyanvsvhi degvwakahnanei. 21 ale ulenvhe hia niduweselei; gohi iga tsigi ale nasgi gowelv adohiyuhvga itsadvgisgvi. 22 nigadiyuno gvwalvquodisgei ale anisquanigosge nasgi nosv uwonisvi. hiano nuniwesei, tlasgo hia nasgi tsowa uwetsi yigi? 23 hiano niduweselei; ase dasgineisdaneli hia igawesdi tsigi; tadanvwisgi, tsvsv hadanvwvga; nigav nusdv ogadvganv detsalvwisdanelv gequani, nasgi nasquo hnadvga ani tsatseligohi. 24 hiano nuwesei; udohiyuhiya hia nitsvweseha, adolehosgi vtla yidagadanilvgo uwasv utseligohi. 25 aseno udohiyuhiya hia nitsvweseha; unitsate tsunosulotsvhi isiliyi nahiyu ilaya tsehei, galvloi tsulisduhi tsoi tsudetiyvdv sudalino iyanvdo, nahiyu utsati tsidugonuloha nigvnadvi. 26 aseno vtla ilaya yatsinvse gilo wulutsesiyi, agev uwosulotsvhi uwasv, saleda nasgi sadoni gaduhv ganela. 27 ale unitsate anehe adayesgi tsunitlvgi isiliyi nahiyu ilasiya adolehosgi tsehei; aseno vtla gilo yatsinvgalve, nemani siliyi ehi uwasv. 28 nigasvno digalawiisdiyi aniyai nasgi hia unadvganv unikalitse unitalawosgvi. 29 dunaleneno ale gvwanugowise gaduhvi, ale wuwatlav usahilv wigvwatinvsta nahna uniduhv gakahvi, digvwalovtanise 30 aseno ugadvlese ayeli anidonav igvwenvstanequo; 31 ale gequani wulutse nasgi gelili gaduhvi, ale degeyohvsge unadodaquasgv iga dasqualvhegvi. 32 unisquanigoseno nusdv dadeyohvsgvi, ulinigidiyuyeno kanegei. 33 digalawiisdiyino ayae gilo iyusdi asgaya gadaha adanvdo asgina uyai, ale asdaya uwelunei, 34 hia nigawesgei, oganelagi; gado digadadvdodi nihi tsisa naselidi hehi? sgidvtaninule? gvgataha nihi nasgi gesvigalvquodiyu unelanvhi utseliga gesvi 35 tsisano usgatsei, hia nuwesei, elawe hvna, ale hinugoi asginano aninv ayeli ustlvnistanv unugotse asgayohi, ale vtla gohusdi yuwanelei. 36 nigadvno unisquanigosei, ale unalinohele unvsv gesv hia nidunadaweselei; gado usdi kaneisdi hia? utseligayayeno ale ulinigidv gesv degvdiha dekanetse anigadaha didanvdo, ale aninugoga. 37 deganotsalvno nahna nigvnadv duyelisidolei. 38 dulenvno unugotse digalawiisdiyi, sawanino ganelv wuyvlei sawanino udalii utsi utsati udilehvsgei; gvwatayoseleno usdelvdiyi. 39 ganvgvno nav ulene, ale usgatse udilehvsgvi, udooleno udilehvsgvi, gilaquono iyvdv udidvhe, ale dusdelvgodolei. 40 ale hnaquo wudelige nvdo nigadv tsudalenvdv tsunitlvgi tsunehi degvwatinohelei, ale anisiyvwiha dusitade dunvwanei 41 ale anisgina nasquo gvwaninugoge unitsatei, aneluhvsge hia naniwesgei; nihi galonedv unelanvhi uwetsi. dusgatseno dunvsdadele unineisdiyi; anigataheyeno nasgi galonedv gesvi. 42 ale hnaquo ugitsvnv unigese ale inage wulosei; unitsatino gvwayolei, ale gvwalutselei, ale gvwadigiyasgei, tlesdi sgiyadanvelvgi gvwosehei. 43 hiano niduweselei; ase nasquo disoi degaduwadisv gatsiyalitsidonedi aginohedi unelanvhi ugvwiyuhi gesvi; nasgiyeno iyaquadvnediyi tsvginvsv. 44 ale alitsidohvsge digalawiisdiyi dadanelv gelili.

5:1 hiano nulistanei, nasgi, nasgi unitsati gvwadlawisdidege unadvgodiyi kanohedv unalanvhi utseliga, genisiladi vdalulodi gadogei. 2 tsiyuno tali dugohe vdalulodi datalei; anigayaluvsgisgini unatsaidv gesei, ale danvgilosge gunigayaludi. 3 saquono atalv tsiyu utsanei nasgi sawani utseliga gesei, ale utayosele usdigidv iyvdv wukadoyasdiyi. uweneno ale duweyone unitsati tsiyuhi gvwatsai. 4 hnaquono uyohistanv gawonisgv hia nuwesele sawani, disdvgv winvsdv ale eladi niditsvga ditsigayaludi ditsiniyvdiyi. 5 sawanino unetse hia nuweselei; tadeyohvsgi ulitsvdaquadv dogilvwisdasi vtlano gohusdi yotsiniyv; aseno nihi tsanetsv iyusdi dagvni agayaludi. 6 nasgino nunadvnelv unitsati duniniyvhe atsadi; ale unigayaludi dunaligaliselei 7 dunanelotsineleno unaligohi soiyi tsiyuhi unatsai nvdagvwanisdelvhvsdiyi. unilutseno, ale itsula tsiyu dunikalilei, nasgino hnaquo deganoyvgei. 8 sanonino quida ugohv udanvne tsisa dikanigeni navi, hia nigawesgei; tsagvwiyuhi squadanvsi, tsisganahiyuyeno ayv. 9 usquanigoseyeno ale nigadv anehi unisquanigose nvdigalesdodisge naniv atsadi duniniyvhvi; 10 ale nasquo tsimi ale tsani tsequidi tsuwetsi nasgi unaligohi tsigese sawani. tsisano hia nuwesele sawani; tlesdi tsasgalvgi; gohi iyudalenvdv yvwi tisiyisgi gesesdi. 11 uwatlavno dunitaladilv tsiyu, nigadv duniyosone ale gvwasdawadvsei. 12 hiano nulistane ilvhitlv gaduhv edohvi, gvniyuquo asgaya nigv adayesgi utlvgi nahna edohei; nasgi tsisaugohv uyasdusei, ale utayosele hia nuwesei, tsagvwiyuhi, iyuno osiyu yitsayelvnv yeliquo yisginvgalv. 13 udoyanvhidvno usvnilei, hia nuwesei; osiyu tsiyelvna; tsadanvgalvdv gesesdi. gilaquono iyvdv adayesgi utlvgv udanvelei. 14 unetseleno gilo unonediyi nigesvna; henaquosgini, [uwoselei,] wiyadananugowisi atsilvgelohi, ale mosi unetsv tsadanvgalvhv alisgolvdodi wihvga, nasgi unadolehohisdodi. 15 aseno utliquo igai duyelise nasgi deganotsalvi. unitsatino dunilawitsole unadulisge unadvgodiyi ale tsunvwodiyi dunitlvgvi. 16 udanvseno inage wolose ale adadolisdisgei. 17 ilvhiyuno hia nulistanei, nahiyu dadeyohvsgei, nahna anine aniqualisi ale dikahnawadvsdi dinosisisgi degaduwadisv gelili nvdawanilosvhi, ale tsudiyi, ale tsilusilimi; ugvwiyuhino ulinigvgv dunadiwisdisgei. 18 ale gvniyuquo gilo iyunasdi anisgaya uninole atsesdogihi ganvge asgaya ulvdalvvsgi; unanelolaneno uniyvtanihisdiyi, ale [tsisa] igvyitlv uninvnediyi. 19 unatlotsvno iyunadvnediyi uniyvtanihisdiyi unitsati gesv iyusdi, gasanali unagilawisei, nahnano tsunigadvlehistane unatlovtanile utsesdo gvwatloyasdi unadatlugv ayeli, tsisa igvyitlv uninvnelei. 20 unohiyusvno udolehosv, hia nuweselei; hisgaya, tsasganvtsv etsadoligi. 21 dinowelisgino ale aniqualisi unadanvtele hia nuniwesei; gago hia nasgi tsasotlvisdiha? gago gvwadadolisdi asganvtsvi? tlasgo unelanvhi uwasv? 22 aseno tsisa udolehosv nusdv danadanvtesgvi, unetse hia niduweselei; gado itsadanvteha dodilodanvdvi? 23 gado usdi utli ahidiyu kaneisdiyi, tsasganvtsv etsadoligi advdiyi; ale hia igawesdiyi, talehvga ale heda? 24 aseno itsadolehohisdiyi yvwi uwetsi yeliquo ani elohi gvwadadolisdi gesv osganvtsvi, (hia nuwesele ulvdalvvsgi;) hia nigvweseha; talehvga, tsatsesdo hinagi, ale ditsenvsv hena. 25 gilaquono iyvdv udidvhe danikanvi, ale unese utsesdogi, ale tsuwenvsv wulosei, galvquodisge unelanvhi. 26 nigadiyuno utsatanvhi unisquanigosei, ale unilvquotane unelanvhi, ale ukalitsvhi unayehisdi unadanvdadei, hia naniwesgei; usquanigodiyu idigowadv gohi iga. 27 nasgino hia nulistanidolv unugotsei, ale ugohe adelv agisidohi liwi tsudoidv, uwele ayeli ehi adelv aguyvdiyi; ale hia nuweselei, sgisdawaduga. 28 nigadvno uwvdetsone ale dulene usdawadvsei. 29 liwino utsati tsagalisdayvnanediyi udvnvisdanele uwasv ganelvi; ale unitsate adelv anigisidohi ale nvwanadale itsulaha aninvdlaei. 30 dinowelisgini tsunatseli ale aniqualisi dunitalawohisele gvwasdawadidohi, hia nuniwesei; gadono itsulaha itsalisdayvhvsga ale itsaditasga adelv anigisidohi ale anisganai? 31 tsisano unetsv hiyv nisuweselei; nidunitlvgvna vtla udulvdi yinunalesdaneho didanvnasgi, tsunitlvgisgini. 32 vtla unadanvti yiditsiyanvhilv, anisganasgini tsuninetliyvsdiyi dunadanvdvi. 33 hiano nigvwaweselei; gadono tsani gvwasdawadidohi yanogiyu amatli anvsgoi ale anadadolisdisgoi, ale nasquo aniqualisi gvwanisdawadidohi; nihisgini getsasdawadidohi analisdayvhvsgo ale anaditasgoi. 34 hiano niduweselei; tsigo degegatsvsdisgv anigatahi amatli unvdiyi yinidetsvnisi asiquo uneladidohv udesvnilvhi? 35 aseno diliyeiloli iga dagetsiyanveli udesvnilvhi, nahiyuno hnaquo amatli anvsgesdi. 36 dutlilosdaneleno nasquo hia nuwesei; vtla gilo itse anuwo uwetihi yigalastlvvsgoi; iyuyeno nasgi yinudvnelv, itse anuwo gatsagalisgo uweti, ale nasquo itse agvhalvdv vtla yidanadoligo uweti. 37 vtla ale gilo gigageaditasdi tsuweti disutlvdv yidatlisdisgoi; itseyeno gigageaditasdi yidogatsagalv disutlvdv ale yatsewogi, disutlvdvno yidayogi. 38 itsesgino gigageaditasdi ase ditse disutlvdv ditlisdodi; gila hnaquo itsula nidigvwasdoi 39 vtla ale gilo uweti gigageaditasdi udugidv igvwenvdv itse yudulisgoi; hiayeno nigawesgoi, uweti utli nohi.

6:1 hiano nulistane taline unadodaquasgv igvyiyi nulisonoi, nasgi tlogesi utsalesdi dawisv ulosei, gvwasdawadidohino dunisgudese utsalesdi, ale unisdige anasgoliyesge tsunoyeni. 2 gilono iyunasdi aniqualisi hia nigvwaniweselei, gadono nihi nitsadvneha nasgi igvdvnedi nigesvna gesv unadodaquasgv iga. 3 tsisano dunetselv hia nuwesei; tlasgo nasquo hia nasgi yitsigoliyeoi, nasgi dewi nudvnelvi, agonu tsuyosisge uwasv ale nasgi tsanehei? 4 nasgi tsuyvle unelanvhi utseli adanelvi, ale tsugise ale tsuge gadu agagidi, ale nasquo tsidunele nasgi tsanehei; nasgi nigayugodvna tsigi gilo ugisdiyi atsilvanelohi unvsv. 5 ale hia niduweselei; nasquo unadodaquasgv yvwi uwetsi utseliga. 6 hiano nasquo nulistane nvlistane nvwadale unadodaquasgvi, nasgi wuyvle digalawiisdiyi ale dudeyonei; nahnano edohe asgaya agatisiditlv uwoyeni uwaiselvhi 7 dinowelisgino ale aniqualisi gvwayawisgei, tsisa gvwadanvwodiquo unadodaquasgv iga anelisgei, nasgi gohusdi gvwanuhisdodi uniyohei. 8 aseno agatahe nusdv danadanvtesgvi, ale hia nuwesele asgaya uwaiselvhi uwoyeni; talehvga, ale ayeli haleniga. dulenvno ulenilei. 9 hnaquono tsisa hia niduweselei; sudalegi datsvyadvdvni; gado duyugodi unadodaquasgvi? osdvsgo digalvwisdanediyi, uyoge digalvwisdanediyi? gvnv asdelvdiyi, adahisdiyige? 10 dukahnadolvno gvwaduwidv nigadv nunadvnvi, hia nuwesele asgaya; hadoyanvhidv. nasgino nudvnelei; uwoyenino udiwase nasgiya soi nusdv nulistanei. 11 unikalitseno unitalawosgvi; dunalinoheleno unvsv iyunvnediyi tsisa. 12 hiano nulistane nahiyui, nasgi odalv wuloha udadolistanvsei, ale utsvdaque unelanvhi adadolisdanehvi. 13 hnaquono iga nulistanv gvwasdawadidohi widuyanvhei; nasgino gvwasdawadidohi gesv taladu iyanidv dusuyesei, ale getsinvsidv duwoei 14 sawani, nasgi nasquo quida duwoei, enidino nasgiquo unvtli. tsimi ale tsani, quiligi ale quadolami, 15 madu ale dami eliqui uwitsi, sawanino silodi tsanosehoi, 16 tsudasino tsimi dinadanvtli, ale tsudasi isgaladi nasgi adalolvhesgi tsinulistanei. 17 nasgino itsulaha tsunigasoasv uwodalv ulenei. ale unitsati gvwasdawadidohi, ale unitsuquisdi yvwi nigvnadv tsudiyi ale tsilusilimi nvdayunilosvhi, ale taya ale sadoni amequohi utsadi nvdayunilosvhi, nasgi tsunilutse gvwadvganediyi, ale digetsinvwodiyi dunitlvgvi. 18 ale anigadaha didanvdo gvwanade yadodidegi unilutsei; ale degetsinvwanei. 19 nigadvno unitsati gesv anatlinigvnehe gvwasvsisdiyi. nasgiyeno gesv didalehvsge udanvwodi gesv ale dunadiwisdisge nanivi. 20 dusaladaneno digadoli dukanane gvwasdawadidohi, hia nuwesei; osiyu itsalisanedi uyo itsadvhnadegi; itsatseliyeno unelanvhi ugvwiyuhi gesvi. 21 osiyu itsalisdanedi ditsiyosisgi gohi gesvi; dodatsolvsiyeno. osiyu itsalisdanedi ditsatloyihi gohi gesvi; dvtsiyetsiyeno. 22 osiyu itsalisdanedi iyuno yvwi getsiniquatihesdi, ale getsadadaledisgesdi, ale gagetsisotlvdesdi, ale anisgagiyu gesesdi detsadov gohusdi uyo nasgiyai, yvwi uwetsi udigalisdodisgesdi. 23 itsaliheligesdi nahiyu iga, ale detsalitadegesdi itsaliheligvi; gvniyuquoyeno utsati etsaguyvedi galvladi; nasgiyayeno tsunidoda nidunvnele anadolehosgi. 24 nihisgini ditsenai tsigi, uyo itsalisdanedi! gayulayeno itsiha itsigalisdadisgi. 25 uyoiyu itsalisdanedi ditsolvsvhi! dodvtsiyosisaniyeno. uyoiyu itsalisdanedi itsiyetsasgi tsigi gohi! uyoyeno itsadanvtawadegesdi ale detsatloyihesdi. 26 uyoiyu itsalisdanedi nahiyu nigadiyu yvwi osiyu getsinohesgesdi! nasgiyayeno tsunigayvlige nidunilvquode unatlonasdi anadolehosgi. 27 aseno hia nitsvweseha nihi tsisgiyaganeha; detsigeyusesdi getsisgagi, osdv nidetsadvnehesdi getsiniquatihi, 28 osdv detsinetsehesdi getsisginvdisgi, ale itsadadolisdisgesdi getsidolisdiyi gagetsisotlvdisgi. 29 gilono higoqualii itsvnihesdi soiyi nasquo hiyalisgolvdanehesdi; gilono udvnohi tsanaehesdi, nasquo hawini tsanuwo tlesdi higeyutanvgi. 30 naniv getsatayosehi dehinehesdi; gohusdino tsanav tsagiehi tlesdi hilayoselvgi. 31 nasgiyeno nusdv itsadulisgv igetsadvnediyi yvwi, nasgiya nasquo nidetsadvnehesdi. 32 iyuyeno getsigeyuhiquo unvsv yiditsigeyuha, gado itsiha gayetsalielitsedi gesvi? anisganayeno nasquo dunigeyuso gvwanigeyuhi. 33 iyu ale osdv yiniditsadvneha osdv igetsadvnehi, godo itsiha gayetsalielitsedi gesvi? anisganayeno nasquo nasgiya nanadvnehoi. 34 iyu ale dvgogineli ditselisehi yiditsadolasdiha; gado itsiha gayetsalielitsedi gesvi? anisganayeno nasquo anisgana danadolasdisgoi, nasgi igai taline vgetsinediyi. 35 nihisgini detsigeyusesdi getsisgagi, ale osdv detsilvwisdaehesdi, ale itsadadolasdisgesdi udugi nitsvsvna vetsinidiyi gohusdi; utsatino etsaguyvedi gesesdi, wasdvno galvladiyu ehi tsuwetsi gesesdi nihi; nasgiyeno osdv nidadvneho nunalihelitsadvna ale uniyoi. 36 nasgi iyusdi itsadadolitsatiyu gesesdi, nasgiya itsidoda nasquo udadolitsadiyu tsigi. 37 tlesdi itsadalawiselvgi, nihino vtla yvgayelawisi; tlesdi ditsadadugodanelvgi, nihino vtla yidogayetsugodasi; detsidoligesdi getsisganvtsehi, nihino ase etsidolisdi gesesdi; 38 itsadanehesdi, nihino ase etsinedi gesesdi; osdv atlilodv, asdayotanvhi, ale atelvnvhi, ale gvtsewegi, getsinedi gesesdi yvwi detsadatlohvi. nusdvyeno itsadatliloelv nasgiya nasquo etsatliloedi gesesdi; 39 hiano nuwese dutlilosdanelei; tsigodigewi yeliquo yatinuga digewi? tlasgo itsula atalesv yidogvnilvgi? 40 dideloquasgi vtla utli yinatsilvquodo esgaquo tsuweyohvsgi; nanivsgini unisquadvhi tsuneyohvsgi nusdv nasgiya gesesdi. 41 ale gadono ihigowatisgo utlvdalvdv ugasuhvi disdadanvtli, nelisgvnano igeso unosdv ada tsvsv tsagasuhvi? 42 ale gado yigalisdoda hia yiniwesi disdadanvtli; dinadanvtli gvlvsi utlvdalvdv tsagasuhvi, tsvsvno nigowatisgvna unosdv ada tsvsv tsagasuhvi? tsatlonasdi! igvyi hilv unosdv ada tsvsv tsagasuhvi, hnaquono gvnigesviyu tsagowadvdiyi gesesdi hilvediyi utlvdalvdv disdadanvtli ugasuhvi. 43 osdvyeno tlugv vtla uyo yadadvsgoi; ale uyo tlugv vtla osdv yadadvsgoi. 44 tlugvyeno golisdodi geso nusdv uwasv adadvsgvi; tsisdunigisdihiyeno vtla segataiyunasdi yidanadesgo yvwi, ale anugalvhi vtla telvladi yidanadesgoi. 45 osdv yvwi osdv usquanigodv unawiyi osdv gesv gananugowisgoi; uyono yvwi uyo usquanigodv unawiyi uyogesv gananugowisgoi; utsadvyeno unawi uwehv aholi kanegoi. 46 ale gadono tsagvwiyuhi, tsagvwiyuhi, isgiyohoi, nitsiwesgvno nitsadvnehvna igesoi? 47 gilo agilutsehesdi, ale advgisgesdi nitsiwesgvi, ale nasgi nadvnehesdi, datsvnanugowiseli datselv nasgi; 48 asgaya datselv nasgi natsunesgehei, ale hawini tsusgosei, ale gagusdvdi nvyohi tsutlanei; unohuganvno equoni nahna adanelv asdayiyu gvnilihihei, ale vtla gvwatelvdi yigesei; nvyohiyeno gakaheasgaya datselv nasgi natsunesgehei, ale hawini tsusgosei, ale gagusdvdi nvyohi tsutlanei; unohuganvno equoni nahna adanelv asdayiyu gvnilihihei, ale vtla gvwatelvdi yigesei; nvyohiyeno gakahei. 49 nasgisgini na udvganvhi, nudvnelvnano, nasgi asgaya datselv nidugusdavna gadohiquo adanelv tsunesgehei; equonino nahna ulinigidiyu enilihihei, gilaquono iyvdv uwequeyvsei; usgasediyuno nulistane uyotsv nasgi adanelvi.

7:1 hnaquono usquadv nigadv gawonisgv anadvgisgv yvwi, gesoni wuyvlei. 2 gilono iyusdi asgohitsuqui aniyawisgi ditenidohi unvsidasdi, osdv uyelvhi, utlvgei, ale uyohusidena gesei. 3 tsisano atsinohesgv udvganv, dunvse tsedohv dinilawigi anitsusi tsunatseliga, wutayosehe nvdayuwenvsdiyi unvwodiyi unvsidisdi. 4 tsisano gvwalutselv, utsati gvwasdi yetanei, hia naniwesgei; udanvteyu nasgi hia tsinvtisdvneli; 5 ugeyuhiyuyeno igitloyi gesv yvwi, ale iganesgelv digilawiisdiyi. 6 tsisano dusdawadvsei. hnaquono navquo ulule didanelv, asgohitsuqui aniyawissgi ditinidohi dotsunvse tsulii nidodagvwatlohisdiyi, hia nvtsuweselei; tsagvwiyuhi, tlesdi tsvsv tsadadeyadotanvgi; vtlayeno yeli yinigohi tsayvsdiyi tsinelvi tsinaquasdiquo; 7 vtla ale nasgi yeli nigoi yiquelise wigvlutsediyi; hinegiquosgini, tsinvsidasdino tsuyudiwasi. 8 ayvyeno nasquo diquadanelodiquo, ale digikaha aniyawisgi ale ayv degvquanelodoi, gilono hena tsiyosi, egoi; nvwadaleno ehena tsiyosi, diegoi; tsinvsiasdino hia hnadvsi tsiyosi, nasgi nadvnehoi. 9 tsisano nasgi hia udvganv, usquanigoselei, ale ugatahvsei, ale hia niduweseli yvwi nasgi nvdagvwasdawadvdv; hia nitsvweseha; vtla nasquo isili anehv nasgi igai gohiyudi gesv yagiwadvhv. 10 nasgino na nvdagetsinvsidv, wiunilutsv didanelv, atsinvsidasdi utlvtsvhi uniwadvhe udiwasvhi igesei. 11 hiano nulistane ugitsvdv, nasgi digaduhv nayini tsudoidv wuyvlei; yelino anigodiyu gvwasdawadidohi gvwasdawadvsei, ale unitsati yvwi. 12 hnaquono galohisdiyi gotlvsv gaduhv nav ulutsv, gvniyuquo asgaya uyohusvhi aninugowisge aninisei, uwasvhiyu uwetsi gese utsi, ale nasgi uwosulotsvhi gesei; unitsateno yvwi gaduhv anehi gvwasdawadisei. 13 ugvwiyuhino ugohv uwedolitsei, ale hia nuweselei; tlesdi ditsatloyilvgi. 14 ulutsvno usitade atsitlvdvi, gvwanegino unalenawistanei. hiano nuwesei; hiwinv, hadidv, gvyoseha. 15 uyohusvhino udidvhe uwenei, ale ulenvhe uwonisei; utsino uwekanelei. 16 nigadvno uninayesei; ale unilvquotane unelanvhi, hia naniwesgei; atsilvquodi adolehosgi gananugogi idehvi; ale hia; unelanvhi dawadvhiga tsutseli yvwi. 17 nasgino hia atsinohesgv tsudiyi nigvnadv duyelisidolei, ale nahna gvwaduwidv gesvi. 18 tsanino gvwasdawadidohi nasgi hia nigadv gvwanonelei. 19 tsanino anitali gvwasdawadidohi widuyanvhe tsisa tsedohv dunvse hia nanuwesei; nihisgo uluhisdi tsigi? tsigoge nvwadale otsigadenohesdi? 20 anisgayano gvwalutselv, hia nuniwesei; tsani didawosgi tsogininvsv isdvlutsediyi, hia nvdigaweha; nihisgo uluhisdi tsigesvgi? tsigoge nvwadale otsigatenohesdi? 21 nahiyuquono dunvwane unitsati dunitlvgv ale vyugi duniyilidohv, ale uniyodidanvdo gvwaniyilidohvi; ale unitsati dinigewi gvwanigowadvdi nuwanelei. 22 hnaquono tsisa unetsv hia niduweselei; tsisdena ale tsani wesdinohvsi nusdv isdigohv ale nusdv isdadvganvi; nasgi dinigewi anigowatisgvi, diniyouli anedohvi, adayesgi tsunitlvgi getsinvgalisgvi, tsunilienv anadvgisgvi, tsuniyohusvhi degegaledisgvi, uyono iyunadvhnadegi osdv kanohedv gegalitsidonehvi. 23 ale osiyu iyulisdanedi gilo ayv niditsiyodesdisgvna. igesesdi. 24 hnaquono tsani nidodayunvsidv iunenv, ulenvhe tsani duneisdanele yvwi; gado itsagatanvse inagei? wasonasgo unole utelvhesgvi? 25 gadoge itsagatanvsei? asgayasgo diwosgili tsunuwai? gvniyuquo tsuwoduhi tsunanuwai ale osdv dinalisdayvhvsgi unigvwiyuhi daninelv anehoi. 26 gadoge itsagatanvsei? adolehosgisgo? vv, itsvyoseha. ale utli atsilvquodiyu esgaquo adolehosgi. 27 nasgisgini hia atsinohesgv hia tsinigvnv tsigowela; gvniyuquo tsinvli tsinvsidasdi tsakadv igvyiditlv, nasgi datsadvnvisdaneli tsalohisdiyi igvyiditlv. 28 hiayeno nitsvweseha; anigeyv gvwaninanugowisvhi tsigi vtla yudlasdi gilo adolehosgi utli iyatsiluquodi esgaquo tsani didawosgi; aseno usdikani unelanvhi utseligohi gela utli atsilvquodiyu esgaquo tsani. 29 nigadvno yvwi unadvganvhi, ale adelv anigisidohi, unilvquotane unelanvhi, digegakastanvhiyeno gese tsani tsudawosdodi gesvi. 30 aniqualisisgini ale dikahnawadvsdi dinosisisgi unelanvhi dudanvtehelvi uniyoisele unvsv unadatlutanei, nidigegawovna gesvi. 31 ugvwiyuhino hia nuwesei; gadogedodagatsitlilostani yvwi gohi tsaneha? ale gado danatselv? 32 diniyoliquo nasgiya ganododiyi tsaninoi, ale tsiwidanadayanisgoi, hia tsiwinaniwesgoi; atselugi ogvtanv detsvnogielv, aseno vtla yitsalisgisei; dotsiyvgv itsadvgodi, aseno vtla yiditsatloyilei. 33 tsaniyeno didawosgi ulutsvgi vtla gadu yagisgei, vtla ale gigageaditasdi yaditasgei; hiano nitsiwese; asgina uyaa. 34 yvwi uwetsi ulutsv alisdayvhvsga ale aditasga; hiano nitsiwese; gvniyuquo asgaya ugvvsgi alisdayvdi ale gigageaditasdi aditasgi, adelv anigisidohi ale anisgana unalii. 35 aseno agatanai tsuwetsi nigadv osiyu igvwayelvha 36 gilono iyusdi aqualisi utayosele ulisdayvnanediyi wuyvlisi aqualisi ganelvi, ale uligiyusanvne alisdayvdiyi. 37 gvniyuquono ageyv nahna gaduhv ehi, asganai, udolehosv tsisa aqualisi ganelv ganvgv alisdayvhvsgvi, uyole gugu nvya unegv gotlvtanvhi atlisde atlonedi, 38 ale ulene dudlasadv oniditlv datloyihei, ale ulenvhe tsulasideni duwosuletane tsugasawolvhi, ale dukayodotane usdiyegvi, ale dudutsalane tsulasideni, ale dulonetane atlonedi. 39 aqualisino nasgi wuyanvdv ugohv, unetse tsudanvdv hia nigawesgei; hia asgaya iyuno adolehosgi yigese yudolehose nasgi gesv ale iyusdiquo gesv hia ageyv tsunotlisdiha, asganayeno. 40 tsisano unetsv hia nuweselei; sawani, agiha gohusdi gvyosedi. hiano nuwesei; tadeyohvsgi, niwigoga. 41 gilo iyusdi ehe tsudadugi, nasgi anitali tsudugi anehei; siyvwi hisgitsuqui anigisi tsunagvwalodi atsidugei, soino hisgisgohi. 42 gohusdino nunihvna gesv unaguyvdodi, duyosequo itsula. nasgino sginohvsi, gago nasgi utli nudageyusesdi? 43 sawani tsunetsv hia nuwesei; asegeli nasgi na utli igai digvwayohiselvhi. hiano nuweselei; duyugodv dehugoli. 44 ageyvno gadogv iditlv wugatahvstanv hia natsiwesele sawani; higowatisgo hia ageyv? hinelv agiyvlvgi, ama vtla yisginenele diquosuledi diqualasideni; nasgisgini na daquosulisi diqualadideni tsugasawolvhi gvda, ale dagikayododasi ustiyegvi. 45 vtla yisquatawedonei; hiasgini ageyv, agiyvlilv nvdagvwadalenvv, vtla yusuligotsv daquadutsalanehv diqualasideni. 46 tsisgoli vtla yisgilonetane goi; hiasgini ageyv atlonedi dulonetanv diqualasideni. 47 nasgi iyusdi hia nigvweseha usganvtsv, nasgi tsuquiya tsigi, atsidoligi, utsatiyeno udageyusei; gilosgini usdi atsidolitsvhi, nasgi usdi udageyusoi. 48 hiano nuwesele ageyv; tsasganvtsv etsadoligi. 49 nasgino naitsulaha aninidlai analisdayvhvsgv unalenvhe dotsunadanvdv hia nuniwesei; gago nasgi hia, asganvtsv nasquo tsidegadoliga? 50 hiano nuwesele ageyv, tsohiyusv tsasdelv; nvwadohiyadv tsihena.

8:1 onino iyvdv hia nulistanei, nasgi degaduwadisv tsudvna ale tsusdi uwedonei, alitsidohvsge ale gvnigesv nigvnehe osdv kanohedv unelanvhi ugvwiyuhi gesv kanohesgi, taladuno iyanidv unaligowadegei; 2 ale gilo iyunasdi ani geyv digetsinvwanvhi uniyo didanvdo gvwanadeyadodisgv ale dunitlvgvi, nasgi meli magadeli ehi tsanosehoi, nasgi galiquogi anisgina gvwanugotselvhi, 3 ale tsoine udalii tsusa nasgi elodv utseli tsugvwalodi ugasayasdidegi, ale susani, ale anigodiyu nvwanadale nasgi tsigvwasdelvdodisge gohusdi unihnavi. 4 anigodiyuno yvwi dunilawitsolv nasgi gvwalutselv degaduwadisv nidodayuninugotsvhi, unetse dutlilosdanelei; 5 awisgi uwisvse utseli ugata; uwisvno igadv nvnohulodi ulageyadvtsei; unalasdaeleno ale tsisqua galanvdv aninohilidohi unigonei. 6 igadvno nvyohi ulageyadvtsei; tsuliyenvquono uhnasgvtse nvdigalisdodisge nuwodewisvna gesvi. 7 igadvno anugalvhi ulageyadvtsei; anugalvno itsulaha diudvsei, ale unenulastanei. 8 igadvno osv gadohi ulageyadvtsei, ale tsudvsei, ale ugatatanei unequotse asgohitsuqui iyuwagudi. nasgino hia nuwesv, ulistanei, hia nuwesei, gilo degalilugesdi udvgodiyi wadvgvga 9 gvwasdawadidohino gvwadvdvne hia nigvwaweselei; gado gadvga hia datlilosdvi. 10 hiano nuwesei; nihi etsinelvhi itsolisdiyi udelidv gesv unelanvhi ugvwiyuhi gesvi; anisoisgini digegatlilosdanedi; nasgi anigowatisgv gvwanigowadvdi nigesvna, ale anadvgisgv gvwanolisdi nigesvna. 11 datlilosdvno hia nasgi nusdi; ugata kanohedv unelanvhi utseli gadvga. 12 nvnohulodino tsulageyadvtsei nasgi anadvgisgi getsidvga; hnaquono asgina galugoi, ale agisgo ganugowisgo kanohedv tsuninawiyi, gagvwanohiyudi ale gagetsisdelvdi nigesvna iyulisdodiyi. 13 nano nvyohi tsulageyadvtsei, getsidvga nasgi anadvgvga ulihelisdiyu tsidanadanilvgo kanohedv; ale vtla yidunihnasdetloi; tlega anohiyuhvsgoi; ale getsigoliya anisuligogoi. 14 nano anugalvhi tsulageyadvtsei getsidvga nasgi anadvgvga. ilvhitlv tsiwanilosgoi, elohino ehi uwelihisdi ale genvisdi gesv, ale osdv ayelvdi gesv aninenulasdisgoi, ale vtla yaninanugowisgo ugadvnatsvhi. 15 nano osv gadohi tsulageyadvtsei getsidvga nasgi nutlonasdvna ale osdv gesv uninawi gvdi anadvgvga kanohedv, anisquanigodisgoi, ale aninanugowisgo ugatatanvhi anvnidiyu gesoi. 16 vtla ale gilo atsvsdvga atsvsdodi atelido yigutlvdisgoi, ale ganitlvwa yigakahvsgoi; gagodiyisgini gakahvsgoi, nasgi aniyvhihi unigowadvdiyi igagadvi. 17 vtlayeno gohusdi udelidv yigi nasgi gvnigesv igvnedi nigesvna; vtla ale gohusdi yigvsgalv nasgi agadovhisdi ale gvnigesv igvnedi nigesvna. 18 nasgi iyusdi itseyatahesdi nusdv itsadvgisgvi, giloyeno uhesdi, nasgi atsinedi gesesdi; gilono nuhvna gesesdi, nasgi atsigisvdi gesesdi nasgi natsuho tsinvwasdoi. 19 hnaquono gvwalutsele utsi ale analinvtli, ale vtla nav wigagvwanilutsedi yigese nvdigalisdodisge yvwi unitsadvi. 20 gvwanoneleno hia nuniwesei; tsatsi ale itsalinvtli doyiditlv danidoga unaduli getsagowadvdiyi. 21 unetsvno hia niduweselei; etsi ale otsalinvtli hia nasgi tsanadvgia kanohedv unelanvhi utseliga, ale nasgi nigawesgv iyanadvnehi. 22 hiano nulistane ilvhiyu iyvdv, nasgi utsane tsiyuhi unaligose gvwasdawadidohi; hiado niduweselei, didisogi vdalv sgona widilohi. ale uniyvwidvhe. 23 aninisvno tsiyu ulvnei; unoleno uyilole vdalvi; unikalitseleno ama, ale unayehisdi nunalisdanelei. 24 gvwalutseleno ale gvwayestanei, hia naniwesgei; tadeyohvsgi, tadeyohvsgi, dayowadisvni! hnaquono udidvhe ale dusgatse ganolvvsgv ale dalisdilanegv ama; unisuligotseno ale udatsinasdvhi nulistanei. 25 hiano niduweselei, hatla itsohiyusvi? nasgino anisgaihv unisquanigosei, hia nidunadaweselei; gado usdi hia asgaya? dekanetseyeno unole ale ama, ale igvwohiyuhvsga. 26 anigedelano unatseligohi wunilutse, nasgi gelili tsuyugodi sgoniditlv tsigi. 27 wutsaisvno, dutlose gilo iyusdi asgaya gaduhv nvdayunugotsvhi, gohidiyu anisgina gvwayai nigesei, ale vtla yidanuwosgei, vtla ale, adanelv yadehvsgei, datselisdvquosgini. 28 ugohvno tsisa, uwelunei, ale udanvne gadogv igvyiditlv, ale asdaya hia nuwesei; gado diginadadvdodi, tsisa, unelanvhi wasdv galvladiyu ehi uwetsi? gvtayoseha tlesdi sgigilvnvgi. 29 nunetseloyeno gadaha adanvdo unugoisdiyi asgaya. yanoquoyeno uniyisgei; tsudadesvdvno ale diliyesanalo dagalvsdisgei; dagalisgene dudalvsdvi, ale asgina inage wuyilvsdisgei. 30 tsisano udvdvne hia nuweselei; gado detsadov? hiano nvdiuwesei; sunadatlugi; unitsateyeno anisgina gvwayvlvhi gesei. 31 gvwatayoseleno tsunetsediyi nigesvna disdvgv wunilohisdiyi. 32 nahnano analisdayvnidohe gadusi unitsati sunadatluquigi siqua; nasgino gvwatayosele unelagi tsuwelisediyi nasgi widuniyvsdiyi; unelagino seweliselei 33 hnaquono anisgina gvwanugotse asgaya, ale siqua wigvwaniyvlei; sunadatlugino ayanuliyu unalise wunigasoase ganetlugi gesv vdalv wunilutse ale dunigvtsei. 34 tsunelolvhino unigohv nulistanvi dunalitisei, ale unenvse wuninone digaduhv ale iyvdv wuwagudvi. 35 unenvseno unagatanvse nulistanvi; tsisano wunilutselei, ale uniwadvhe asgaya, nasgi gvwanuhitsvhi anisgina, uwole tsisa dulasgvi, dunuwaei, ale udanvtisanvhi gesei; unisgaleno. 36 unigohvhino nasquo duninonele nulisdotanv anisgina gvwayai atsinvwanvi. 37 hnaquono nigadiyu unitsati anigedela unatseligohi nigvnadv dinehi gvwatayosele tsudanvediyi; utsatiyeno anisgaihei; tsiyuhino utsanv iutsvsei. 38 nasgino asgaya anisgina gvwanugotselvhi, usdiyetane ulisgolvdanediyi usdawadidasdiyi; aseno tsisa unetsele udanvsdiyi hia nuweselei, 39 tsihena ditsenvsvi, ale gvnigesv winvga nigav usquanigodi nitsadvnelv unelanvhi. uwenvleno, ale wunohelidole nigvi gaduhv nigav usquanigodi nudvnelv tsisa. 40 hiano nulistane tsisa wiulutsv, nasgi yvwi degvwadanilvtsei; nigadvyeno gvwadetiyei. 41 gvniyuquono ulutsele asgaya tsela tsudoidv nugvwiyusadegi digalawiisdiyi; tsisano dulasgv udanvnei, ale utayosele ganelv uyvsdiyi; 42 saquohiyuyeno ehe uwetsi ageyutsa taladu iyvdv iyudetiyvdv, ale nasgi ayohusgei. aisvno unitsati yvwi gvwadatluwasdidegei. 43 ageyvno utlvge gigv uwenvehe taladu gudediyvdv gvwadalinvelvhi, usvnvhi gese nigadv ulisdelvdodi daguyvehv aniganagati, aseno vtla gilo gvwanvwodi yigesei, 44 nasgi oniditlv uluhisdanei, ale gadaluyadv unuwavusvnilei; gilaquono iyvdv gigv uwenvehv uyohistanei. 45 tsisano hia nuwesei; gago aquasvniga? nigadvno unadayilv, quida ale nasgi anehi hia nuniwesei; tadeyogvsgi, unitsati getsadatluwisdidega ale getsanenulasdiha, tsigono gago aquasvniga ihadiha? 46 tsisano hia nuwesei, gilo aquasvniga; gadolehosgayeno aquadanvwodi gesv aginugotselvi. 47 ageyeno udolehosv nudisgalvna gesvi, ulutse uwenawisgei, ale igvyitlv udanvnelei, nigadvno yvwi anigatahv unonele utsulisdotanv usvnilvi, ale nasgi gilaquo iyvdv udiwasvi. 48 hiano nuweselei; aquetsi,ugalisdi hadanvdada; tsohiyusv tsadiwisda; nvwadohiyadv tsihena. 49 asiquo gawonisge gilo ulutse digalawiisdiyi ugvwiyusadegi ganelv nvdayulosvhi, hia nuweselei, tsetsi uyohusv, tlesdi hiyadeyadotanv dideyohvsgi. 50 aseno tsisa udvganv unetsele hia nuwesei; tlesdi yisgaihesdi; tsohiyusesdiquo, dayudiwasino. 51 adanelvno uyvlv, vtla gilo yulisgolvdanele uyvsdiyi, quida ale tsimi ale tsani unvsv, ale ageyutsa udoda ale utsi. 52 gagadvno danatloyihe ale anisgonihei. aseno hia nuwesei; tlesdi ditsatloyilvgi; vtla yuyohusv, galihaquosgini. 53 igvwadotlvtaneno, anigataheyeno uyohusvhi gesvi. 54 nigadvno dunugowisv ale uwoyanesv uyanvhe hia nuwesei; higeyutsa, hadidv. 55 udanvono ulutsisanelei, ale gilaquo iyvdv udidvhei; unetseno ulisdayvdi uninediyi. 56 tsugayvligeno unisquanigosei; aseno dunetsele gilo uninonediyi nigesvna nasgi nulistanvi.

9:1 widuyahvno taladu iyanidv gvwasdawadidohi, dunele naniv anisgina gvwanohiyusiyi, ale dunitlvgv tsunadanvwodiyi. 2 dunvseno unalitsidonvsdiyi unelanvhi ugvwiyuhi gesv ugvwali, ale tsenitlvgi tsuninvwodiyi 3 ale hia niduweselei, tlesdi gohusdi itsadanelanvgi itsalisdelvdodi itsaisvi, tlesdi didolanvsdi, ale degalodi, ale gadu, ale adelv; ale itsisiyvwiha tlesdi tali ditsanuwo yiditsinehesdi. 4 ilvhitlvno adanelv itsiyvhihesdi nahaquo itsinesdi, ale nahna itsanigisgesdi. 5 gilono niditsadanilvgvna igesesdi, nahna gaduhv itsinugogesdi, ditsalasideni gosdu dunvgalv detsinvgovdisgesdi nasgi kanohesgi gesesdi unatludisgi. 6 unanigisvno degaduwadisv unedole analitsidohvsge osdv kanohedv, ale danadanvwisge nigav anedohvi. 7 elodvno nvgi igadugi gesv sgadugi atsigatidisdi udvgane nigadv deulvwisdanehvi; ale udeyatanelei, nvdigalisdodisge gilo tsani uyohusv deulehisanv anadisgvi; 8 gilono ilaya gananugogi anadisgvi; igadvno gilo iyusdi ilvhiyu tsanehe anadolehosgi dulehisanv anadisgvi. 9 elodvno hia nuwesei, tsani tsisgudesvgi; hiasgini gago, nasgi hia tsinusdi tsitsiyadvgiha? utlinigvneleno ugowadvdiyi. 10 getsinvsidvno iunilutsv, gvwanonele nigadv nunadvnelvi. dutinvseno ale unvsv gesv inage wulose gaduhv nav quetsayedi tsanosehoi. 11 yvwino unadolehosv gvwasdawadvsei; ale dudanilvtsei, duneisdanele unelanvhi ugvwiyuhi gesv ugvwali, ale dunvwane udulvdi iyunalisdanehi digetsinvwodiyi. 12 igano hnaquo galosohvsgei gvwalusele taladu iyanidv ale hia nigvwawetselei, tiyelihisda unitsati, nasgi wanena dodigaduhv ale dodigalogesv ani gvwaduwidv widunisvsdiyi, ale unalisdayvdi wuniwadvdiyi; aniyeno inagequo gesv idedoha. 13 aseno hia niduweselei; nihi ditselasda. hiano nuniwesei, hisgiquo gadu dotsiyeha ale atsadi taliquoi; iyusgininonv yogiwasenv nigadv hia nasgi yvwi unalisdayvdi. 14 hisgiyeno iyagayvli iyvdv nanie anisgaya. hiano niduwesele gvwasdawadidohi, wananvvga hisgasgohi igunitsvdv gesesdi. 15 nasgino nunadvnelei, ale nigadv unanvdiyi nidunvlei. 16 hisgino gadu dugisei, ale tali atsadi dunesei; galvladino widukahnanv ulihelitsei, ale ugvhaluyei, ale dunele gvwasdawadidohi tsuninediyi unitsati. 17 unalisdayvneno, ale nigadv dunolvsei; ale unutese uligvhaluyvhi unatiyelvhi taladu iyakalii talutsa. 18 hiano nulistanei nasgi uwasv gesv adadolisdisgv gvwasdawadidohi anehei; dudvdvneno hia niduweselei, gago gvquoseho yvwi? 19 uninetsvno hia nuniwesei, tsani didawosgi; igadvsgini ilaya; anisoino, gilo iyusdi ilvhiyu unadenvhi anadolehosgi dulehisanv [anadisgoi.] 20 hiano niduweselei, nihinano gago sgiyuseha? quida unetsv hia nuwesei, galonedv unelanvhi utseliga. 21 ulinigidvno dunvsdadele dunetsele gilo uninonediyi nigesvna nasgi, 22 hia nigawesgei, yvwi uwetsi ase utsati tsudalenvdv tsugiliyutsedi gesesdi, ale digvwayohisdi gesesdi dinilawigi ale nunigvwiyusv atsilvanelohi ale dinowelisgi, ale atsiisdi gesesdi, ale tsoine iga tsagaledodi gesesdi. 23 hiano niduwesele nigadv, iyuno gilo udulisgesdi agisdawadvsdiyi uwasv adadayihesdi, ale ayisgesdi nidugitsvnisv utseli tsudahnawadv, ale agisdawadegesdi. 24 giloyeno udulisgesdi usdelvdiyi gvnvi uyohusedi gesesdi; gilosgini gvnv uyohusehesdi ayv nvdigalisdodisgesdi, nasgi usdelvdi gesesdi. 25 gadoyeno yunequotsi yvwi iyuno nigv elohi utseli yinulistanv, uwasvno yuyohusv ale yagadainv. 26 giloyeno aquadehosgesdi ayv ale aginetsvi, nasgi yvwi uwetsi udehohisdi gesesdi nahiyu galutsvha unuwosdesdi galvquodiyu gesv uwasv utseliga, ale udoda utseliga, ale getsilvquodi dinikahnawadidohi unatseliga. 27 aseno udohiyuhiya itsvnoneha, gilo ani danidoga vtla yvdvnadolehosi ayohuhisdi gesv gvni unelanvhi ugvwiyuhi gesv anigohvha. 28 tsunelano iyvdv winusvlv nasgi hia nuwesoi, hia nulistanei, nasgi quida ale tsani ale tsimi dutinvse ale uhnaluse odalv udadolistanvsei. 29 adadolisdigeno nusdv ukadv udanetliyvsei, ale dunuwav unegiyu ale gvwatsisdalugisgi nulistanei. 30 ale gvniyuquo gvwalinohetane anitali anisgaya, nasgi mosi ale ilayagesei, 31 nasgi galvquodiyu gesv unanuwosde gvnigesv nunadvnelei; ale unineistane ulisquadediyi gesv tsilusilimi. 32 quidasgini ale nasgi naanehi utsati danilvsgei; uniyetsvno unigohe utseli galvquodiyu gesvi, ale nasgi anitali anisgaya gadogv dinidogi. 33 hiano nulistanei, nasgi hnaquo gvwadanvehei, quida hia nuwesele tsisa, tadeyohvsgi, osiyu ani tsidedoha; ale tsoi widotsilitsodvga; saquo nihi tsatseliga, saquono mosi utseliga, saquono ilaya utseliga, vtla yagatahe nigawesgvi. 34 asiquo nasgi nigawesgei ulogiladei ale unutlvtanei; ale unisgale uninuyvlv ulogilvi. 35 ulogilvno tsulose kanegv hia nigawesgei, hia nasgi tsigeyui aquetsi, nasgi etsadvdasdanehesdi. 36 kanegv ulosonv uwasvquo atsiwadvhe tsisa. elaweyiquono unvsei, ale vtla gilo yuninonele nahiyu gesv nusdv unigohvi. 37 hiano nulistane nasgi ugitsvdv tsunigasoasv odalvi, unitsati yvwi degvwatlosei. 38 ale gvniyuquo asgaya nahna unadatlugv uwelunei hia nigawesgei, tadeyohvsgi, gvsdiyediha tiyaganodiyi aquetsi; uwasvhiyuyeno aquetsi nasgi; 39 ale gvniyuquo, adanvdo uniyisgoi, ale gilaquo iyvdv geluhvsgoi, ale ulvdesdisgoi ale dahawoihoi, uniqualodvno ganila udanvehoi. 40 gatsitayoselvno getsasdawadidohi uninugowisdiyi; aseno uninulvsgi. 41 tsisano unetsv hia nuwesvgi; yo, nitsohiyusvna ale itsagatahvdv gohi tsitseha! ilago nigohilesdi itsvyeladidohesdi, ale unanelagi itsvyelisehesdi? ehiyatinuga tsetsi. 42 asiquono tsaisei asgina ustlvnistanei, ale ulvdestanei, tsisano usgatse gadaha adanvdo ale unvwane ayoli, ale taline iuwekanele udoda. 43 nigadvno unisquanigose utsati ulinigidiyu gesv unelanvhi. nigadvno unisquanigosv nigav tsisa nudvnelvi, hia niduwesele gvwasdawadidohi; 44 hia nasgi tsinitsiweha wayvha ditsileni; yvwiyeno uwetsi yvwi digetsiyohesedi gesesdi. 45 aseno vtla yunolitse nasgi niduweselvi, ale gegvsgalanelei, nasgi nunigohvna gesei; ale anisgaihe gvwadvdvdiyi nasgi nuwesvi. 46 hnaquono uninohele unvsv gesvi, nasgi na unadatlugv utli atsilvquodiyu gesvi. 47 tsisano udolehosv nusdv danadanvtesgv dotsunadanvdvi, ayoli wuyanvhe ale uwolv nav uwekanei, 48 ale hia niduweselei, gilo dadanilvgesdi hia ayoli ayv daquadov nvdigalisdodisgesdi, ayv daquadanilvgesdi; gilono ayv daquadanilvgesdi, dadalvgesdi nvdvginvi, nasgi atsilvquodiyu gesesdi. 49 tsanino unetse hia nuwesei, tadeyohvsgi, otsigovgi asiyvwi anisgina deganugowisgvgi detsadoi gvdisgvgi; otsinvsdadelvgino nvdagalisdodisgvgi nigisdawadegvna gesvi. 50 tsisano hia nuweselvgi, tlesdi etsinvsdadelvgi; giloyeno nigatludisgvna yigi nasgi igaligonehi. 51 hiano nulistane hnaquo asqualisge galvladi tsagadanilvisdiyi, ulinigidiyu udanvte tsilusilimi wulohisdiyi. 52 dunvseno igvyi anegi; unenvseno, ale sameli anehi uniduhv wuniyvlei, nasgi gvwadvnvisdanediyi. 53 vtlano yidigvwadanilvtsei, udigalisdodisge tsilusilimi tsiwagado nvwasdei. 54 gvwasdawadidohino tsimi ale tsani nasgi unigohv, hia nuniwesei, tsagvwiyuhi, osiquosgo yiyelvna yogininetsv atsilv galvladi nvdayulohisdiyi ale unagohvsdodiyi nasgiya ilaya nudvnelvi? 55 aseno ugatahvsv dugvsgolvne hia nuwesei, vtla yisdigataha nusdv adanvdo isdihvi. 56 yvwiyeno uwetsi tsulutsilv vtla yvwi danvnv yidudvtanilv, dusdelvhilvquosgini. nvwadaleno digaduhv wunilosei. 57 anaisvno nvnohi hia nulistanei, gilo iyusdi hia nuweselei, tsagvwiyuhi, dagvsdawadidoli nigav hedohvi. 58 tsisano hia nuweselei, tsula dunitalesoi, tsisquano galanvdv aninohilidohi dunanesdatlahoi; yvwisgini uwetsi vtla ilvhitlv asgoli utlodiyi yigi. 59 uwadaleno hia nuweselei, sgisdawaduga. aseno hia nuwesei, tsagvwiyuhi, squalisgolvdasi igvyi aquenvsdiyi witsinisodiyi edoda. 60 tsisa hia nuweselei, tsuniyohusvhi daninisisgesdi digvwaniyohuhiselvhi; nihisgini hena walitsidohvga winohvli unelanvhi ugvwiyuhi gesvi. 61 nvwadaleno nasquo hia nuwesei, tsagvwiyuhi, dagvsdawadidoli; aseno igvyi gena wigatsiyoliga nvdvnini diquenvsvi. 62 tsisano hia nuweselei, vtla giloi, tsusitadvhi gadalugodi yiagatahvno, yeli unelanvhi ugvwiyuhi gesv wigvwayvsdi yigi.

10:1 nasgino nulistanidolv, ugvwiyuhi nvwanadale galiquasgohi iyanidv nasquo dusuyesei ale dunvse tali tsunaligonvdv igvyi nunenvsdiyi nigadv degaduwadisv ale nigvnadv, nahna uwasv wuluhisdi gesvi. 2 nasgi iyusdi hia niduweselei, ugadvnatsvhi udohiyuhi utsata, tsunilvwisdanehisgini anigayoliyu; nasgi iyusdi etsadadolisdasi ugvwiyuhi ugadvnatsvhi utseliga, nidodayunvsdiyi tsunilvwisdanehi nahna ugadvnatselvi. 3 itsena; gvniyuquo itsvnvli uninodena anigina wayohi tsiwanilosgo nasgiyai. 4 tlesdi ditsinvsvgi adenu digalodi, ale degalodi, ale dilasulo; ale tlesdi gilo etsiyolilvgi itsaisvi. 5 ilvhitlvno adanelv itsiyvhihesdi, igvyi, nvwadohiyadv ehesdi ani adanelvi, itsadisgesdi. 6 iyuno nvwadohiyadv uwetsi nahna ehesdi, nvwadohiyadv itsatseliga ulutsedi gesesdi; iyuno nahna nehvna igesesdi itsvsvquo itsilutsisanedi gesesdi. 7 ale nahnaquo adanelv itsinesdi, itsalisdayvdisgesdi ale itsaditasgesdi nusdv etsinehvi; tsulvwisdanehiyeno duyugodi aguyvediyi dulvwisdanelvi. tlesdi dadaneladisv yitsedolidohesdi 8 ale ilvhitlv gaduhv itsilugesdi, ale degetsadanilvgesdi, nusdv getselasdisgv itsalisdayvdisgesdi. 9 ale detsinvwisgesdi tsunitlvgi nahna anehvi, ale hia nidetsiwesehesdi, unelanvhi ugvwiyuhi gesv navniyu itsilutselv. 10 tsisano tsunetsv hia nuweselei, gilo iyusdi tsilusilimi unigise tseligo uwenvsei, dinadanasahvsgino dunadawadvtanei, nasgi degvwanuwese dunuwavi, ale gvwalivnilei, ale unadanvse gvwadetse ayeli iyvdv uyohusvhi gesei. 11 nasquo gosduquo itsiduhv galageyvi, nasgi ogiyalvgvi otsinvgovdi itsviyeha; aseno hia nusdesdi itsigatahesdi, nasgi unelanvhi ugvwiyuhi gesv navniyu itsilutselvi. 12 aseno hia nitsvweseha, esgaquo igai unigiliyoisdi gesesdi sodami nahiyu iga gesesdi utlihiyu nasgi gaduhvi. 13 uyoniyu itsalisdanedi nihi golesini! uyoiyu itsalisdanedi nihi quetsayidi! iyuyeno usquanigodi yidogalvwisdanele taya ale sadoni nihi itsehv degalvwisdanelvi, gohigi digvwaninetliyvdv yigese dunadanvdvi, tsusidena yidunanuwae ale gosduhi yunanvnei. 14 aseno utli osiyu iyunalisdanedi gesesdi taya ale sadoni ulisqualvdi iga gesesdi esgaquo nihi. 15 ale nihi gequani galvladi iyvdv tsetsasalada, tsvsgino iyvdv wvdayetsalovtani. 16 gilo nihi itsadvdasdanehesdi ayv aquadvdasdanehesdi; gilono itsiniquatihesdi, ayv aginiquatihesdi; gilono ayv aginiquatihesdi ganiquatihesdi nvdvginvsidv. 17 galiquasgohino iyanidv taline unilutse ulihelisdi dunedanvtei, hia naniwesgei, tsagvwiyuhi, anisgina nasquo igogohiyuhvsga nihi detsadov nvdigalisdodiha. 18 hiano niduweselei, sedani tsigovgi anagalisgi galvladi tsvdigadoasgo nasgiya dayudoasvgi. 19 gvniyuquo itsvyalisgolvdasi ditsalasdaediyi inadv ale dinidogv dinadatsvyasdisgi, ale itsadalinehidediyi nigav ulinigidiyu gesv agasgi; vtla ale gohusdi yeli uyo igetsvnedi yigesesdi. 20 asesgininonv hia nasgi vtlasdi yitsalihelisdisgesdi, nasgi didanvdo getsohiyusvi; itsaliheligesdisgini nvdigalisdodisgesdi detsadov galvladi tsosv widigowelvi. 21 nahiyu tsisaulihelitse udanvdogihi, hia nuwesei, gvyalielitseha edoda tsagvwiyuhi galvladi ale elohi, nasgi hia tsidehvsgalanelv anisinasani ale aneyatahi, diniyolino tsidehinanugowiselv; vv, edoda; nasgiyeno usiyu tsayelvnvhi. 22 nigav gohusdi dagiyohiselv edoda; vtla ale gilo yagataha nasgi gesv uwetsi, agayvlige uwasv; ale nasgi agayvlige gesv uwetsi uwasv, ale gilo tsinanugowisi ela uwetsi. 23 gvwasdawadidohino iditlv wugatahvstanv hia niduweseli unvsv gesvi, digalvquotanvhi digadoli nasgi tsidagowatiha nihi tsitsigowatiha; 24 iyuyoseyeno unitsadvgi anadolehosgi ale unigvwiyuhi unadulvhvgi nihi tsitsigowati unigowadvdiyi, aseno vtla yunigohei; ale unadvgodiyi nasgi nihi tsitsadvgiha, aseno vtla yunadvganei 25 gvniyuquono, gilo iyusdi dikahnawadvsdi digosisisgi dulenei, ale ugoliyesgv hia nuwesei, tadeyohvsgi, gado yaquadvnelv aquatseli yinigalisda gvnidv alisquadisgi nigesvna? 26 hiano natsiweselei, gado gvnv gowela dikahnawadvsdiyi? gado usdo higoliyesgoi? 27 tsunetsvno hia nuwesei, higeyusesdi yihowa tsanelanvhi, hvdisgesdi nigav tsanawi tsalvi, ale nigav tsadanvdogi, ale nigav tsalinigvgvi, ale nigav tsadanvtedi gesvi; navno idisdadala tsvsv nitsadageyusv nasgiya nigeyusesdi. 28 hiano nuweselei, yeliquo niwi; nasgi hia hnadvnehesdi, hvnesdino. 29 aseno udulisgv ududalesdiyi hia nuwesele tsisa, gagono nav itsoginadala? 30 tsisano tsunetsv hia nuweselei, gilo iyusdi tsilusilimi unigise tseligo uwenvsei, dinadanasahvsgino dunadawadvtanei, nasgi degvwanuwese dunuwavi, ale gvwalivnilei, ale unadanvse gvwadetse ayeli iyvdv uyohusvhi gesei. 31 ayelino nuwvtane gilo iyusdi atsilvgelohi nahna niganvnv diulosei; ugohvno aniditlvquoquo nulosei. 32 ale nasquo aliwi nahna edohv, ulutse ugatanei, ale aniditlvquo nulosei. 33 gilosgini iyusdi sameliyi ehi aisvi, ulutse ganvi; ugohvno uwedolitsei; 34 ale wulutse ale dulvele datsisonvnvi, ale goi gigagenoaditasdi dasdutlehei, ale uwasv ugilvdodi ugilvlanei, tsunisvsdiyino adanelv utinolei, ale usquanigotanei. 35 ugitsvdvno hnaquo unigisv, tali anigisi tsunagvwalodi sulesei, ale dunele ganela, ale hia nuweselei, hisquanigodesdi, igaino wigalosvsdisgv tsaguyvhidolvi, itsilutsvha igvyaguyvelvha. 36 hiano nasgi tsoi iyanidv gesv, nihi hadanvtesgv, gago nav itsunadala nvwasdi nasgi dinadanasahvsgi tsidunadawadvtanei? 37 hiano nuwesei, nasgi na uwedolitsvhi. hnaquono tsisa hia nuweselei, hena, ale nihi nasgiya winadvga. 38 hiano nulistane anaisvi, nasgi ilvhitlv gaduhv ulutsei; gilono iyusdi ageyv madi tsudoidv dudanilvtse ganelvi. 39 ulvno ehe meli tsudoidv, nasgi nasquo uwole tsisa dulasgvi, ale udvdasde gawonisgvi. 40 madisgini uwelihisdisge utsati dulvwisdanehvi, ale ulutsele hia nuweselei, tsagvwiyuhi, tlasgo gohusdi yeliha vgilv tsaquvdetsv tsagihiyasdanelv aquvsvquo gohusdi itsvyadvnediyi? nasgiiyusdi tinetsi dagisdelvdiyi. 41 tsisano unetsv hia nuweselei, madi, madi, utsati tsudalenvdv tsagasayasdv tselihisdiha ale tsadeyadodiha; 42 sudalegiquo sgini udulvdi; ale meli usuyesv nasgi osani gesvi, nasgi gayetsigiedi nigesvna tsigi.

11:1 hiano nulistanei, nasgi adadolisdisgv ilvhitlv, usuligotsv, asiyvwi usdawadidohi hia nuweselei, tsagvwiyuhi, sgiyeyohvga ogadadolisdodiyi, nasgi tsani tsinudvnele tsiduweyone gvwasdawadidohi. 2 hiano niduweselei, itsadadolisdisgesdi hia nitsiwesgesdi, ogidoda galvladi hehi, galvquodiyu gesesdi detsadovi; tsvgvwiyuhi gesv wigananugoi; hadanvtesgv winigalisda elohi nasgiya galvladi tsinigalisdiha. 3 ogalisdayvdi sginehesdi nidugitsvnisvi. 4 ale digesgivsiquo ogisganvtsvi; ayvyeno nasquo digayotsineho nigadv tsotsidugi; ale tlesdi udagoliyediyi widisgiyatinvstanvgi; sgiyudalesgesdiquosgini uyo gesvi. 5 hiano nigaweselei, gago hia tsinitsadvnv ulii yeha, ale enoyi ayeli yiwulutselv, ale hia yinuweselv, ginalii, tsoi gadu disquadolasda; 6 oginaliiyeno aisv agilutsi, vtla ale gohusdi yagiha tsiyelasdodi; 7 nasgino diyav yvdakanegi hia yinvdagawi, tlesdi squadeyadotanvgi; galohisdiyi gayula asduha, diniyolino diquetsi otsinitlaa, vtla yeli yvgagadidv yidogagvvsi. 8 itsvyoseha gvwadidvdi nigesvna ale digvwanedi nigesvna yigi, unaliiquo gesv iyusdi, nasuligogvnasgini gesv iyusdi yadidv ale yideahvsi nigav dudulisgvi. 9 ale hia nitsvweseha, itsitayoha, ase dayetsineli; itsiyoga, ase datsiwadvhi; itsvniga, ase dayetsisduieli; 10 nanivquoyeno gilo tsanitayohiho getsinehoi; gilono tsuyoho awatisgoi; gilono tsiwigvniho atsisduiehoi. 11 iyu ale gilo hia tsinitsadvnv itsigayvlige gesv uwetsi gadu yutayoseha, tsisa nvyaquo yahvsi? iyu ale atsadi yutayoseha, tsigo atsadi unvnedi gesv inadvquo yiganvvsi? 12 iyu ale uwetsi yutayoselv, tsigo gadogvadatsvyasdisgi yiganvvsi. 13 nasgi iyusdi iyuno nihi itsiyoi, yitsisinahi osdv gesv ditsinediyi ditsetsi, utlihiyu nudvnvisdi itsidoda galvladi ehi tsunediyi galvquodiyu adanvdo gvwatayosehi! 14 asginano ganugowisgei, ale uwagewi gesei. hia no nulistanei, nasgi asgina unugotsv uwagewi uwonisei; yvwino unisquanigosei. 15 igadvsgini hia nuniwesei, anisgina deganugowisga usdeliha quelitsiqua ugvwiyuhi anisgina unatseliga. 16 anisoino gvwagoliyesgv, gvwatayosele tsunanugowisediyi uyelvdv galvladi nvdayulosvhi. 17 aseno agatahe nusdv danadanvtesgv hia niduweselei, nigav ayeli degotlvsvi tali tsinadadisgo uwasv tsadatludisgoi, ayogoquo; ale sidanelv tali tsinudao uwasv tsadatludisgo ayogoi. 18 iyu ale sedani tali yinudaa uwasv yadatludiha, gado tigalisdodi yinigvwasdiquo utseligohi? nvdigalisdodiha quelitsiqua usdeliha anisgina tsideganugowisga tsisgiyoseha. 19 iyuno quelitsiqua yagisdeliha anisgina detsinugowisgvi, gago unisdeliha ditsetsi nasgi daninugowisgvi? nasgi iyusdi nasgi digetsugodanehi gesesdi. 20 iyusgini ayv anisgina detsinugowisgv unelanvhi gayesadv yigvdiha, vtla yudlasidvha unelanvhi ugvwiyuhi gesv itsilutselvi. 21 iyuno ulinigidv asgaya ulisgasdodi gvyehi yagatiya ganelvi nvwadohiyadv nusdv uhnavi. 22 utlisgini iyulinigidv yunolilv ale yusegogisv, ugieho nigadv ulisgasdodi ulisgasdotanvi, ale ayadohiho tsugvwalodi udawonvhvi. 23 gilo naqualigonehvna tsigeso aquatludisgoquo; gilono nosditlisisgvna tsigeso adigaleyasgoquo. 24 iyuno gadaha adanvdo yvwi unugogi, edoho ukayodvhi gesvi, uyoho atsawesolvsdodiyi; utlogino, hia nigawesgoi, dvgatsvsi diquenvsv diginugotsv wvdvtsilosi. 25 wigalugino awatisgo gvnosahvhi ale goduistanvhi gesoi. 26 hnaquono egoi, ale widayanisgo galiquogi didanvdo nvwanadale utli iyuninegutsidv esgaquo uwasv; nasgino aniyvhiho ale nahna ananeladisgoi; oniyino nusdv na asgaya utli uyoiyu gesoi esgaquo igvyiyi. 27 hiano nulistanei, asiquo nasgi hia nigawesgei, gilo iyusdi ageyv gela unadatlugv usaladane kanegv ale hia nuweselei; osiyu iyulisdanedi nihi tsananugowisvhi ale nasgi tsasdvnvhi. 28 aseno hia nuwesei, vv, utlihiyusgini osdv iyunalisdanedi anadvgisgi kanohedv unelanvhi utseligaale nasgi anisquanigodisgi. 29 hnaquono yvwi ganenuli unadatlisanv, ulenvhe hia nuwesei; uniyo gohi tsaneha; uniyoha uyelvdvi; aseno vtla getsinanugowisedi yigesesdi uyelvdvi, tsona adolehosgi utseli uyelvdv uwasv. 30 tsonayeno uyelvdv tsinigegvnele niniwi anehi, nasgiya nasquo yvwi uwetsi uyelvdv nvdagegvneli gohi tsaneha. 31 ugvwiyuhi ageyv tsuganawv tsehei dodvnaleni gohi tsaneha digugododiyi gesesdi, ale tsunadugodanediyi nidodagvneli; nasgiyeno wasdv iyvdv gadohi tsunvse udvganile solimanv agatanavi; gvniyuquono ani edoha utli iyatsilvquodi esgaquo solimanv. 32 yvwi niniwi tsanehe dodvnaleni gohi tsaneha digugodiyi gesesdi, ale tsunadugolinediyi nvdvnvneli; duninetliyvseyeno dunadanvdv tsona dulitsidonelv; gvniyuquono ani edoha utli iyatsilvquodi esgaquo tsona. 33 vtla ale gilo atsvsdvga atsvsdodi udelisv yigakahvsgoi, vtla ale atlilosdi yigutlvdisgoi, gagodiyisgini gagodisgoi, nasgi nvdvniyvhihi unigowadvdiyi iga gadvi. 34 agata ayelv iga atisdanehi; nasgi iyusdi, iyuno gohusdi nusdvna gesesdi higadoli, nigv hiyelv nasquo kaliwohi gesesdi iga gati; iyusgini higadoli uyo gesesdi nigv hiyelv nasquo kaliwohi gesesdi ulisigi. 35 nasgi iyusdi heyatahesdi nasgi iga gati hawini tsehv tlesdi ulisigi yigesesdi. 36 iyuno nigv hiyelv kaliwohi gesesdi iga gati, ilvhitlv nudadalvna ulisigi, nigv ukalitsvhi gesesdi iga gati, nasgiya atsvsdodi osdv adaweligisgv iga tsitsatisdanehoi. 37 asiquono gawonisge gilo iyusdi aqualisi utayosele ulisdayvnanediyi; uyvleno, ale uligiyusdanvnei. 38 aqualisino ugohv usquanigose niduwesulevna gesv asiquo nulisdayvnvna. 39 ugvwiyuhino hia nuweselei, nihi itsiqualisi ulisquidi ale atelido gaduiditlv detsinvgalisgoi; hawinisgini gesv itsikalitsvhi geso asequo adagiedi gesv ale asganai. 40 itsinegu, tlasgo nasgi gaduitlv ehi uwotlvnvhi nasquo hawiniditlv ehi yuwotlvnei? 41 ugvwiyusesdisgini itsadanehesdi nusdv itsihvi; gvniyuquono nigadiyu itsadanvgaelvhi gesesdi. 42 nihisgini itsiqualisi uyoiyu itsalisdanedi! asgohineyeno gotsaledv itsaguyisgo svtli atli luwi ale nigav uyehnavi, itsinohiyasgono duyugodv iyadvnedi gesv ale unelanvhi ageyudi gesvi; nasgisgini yinitsadvnelei, ale soi nitsinohiyvnaquo yigesei. 43 uyoiyu itsalisdanedi itsiqualisi! detsilvquodoyeno nugvwiyusv degasgilv digalawiisdiyi, ale etsiyolisdiyi diganododiyi. 44 oyoiyuitsalisdanedi ditsowelisgi, ale itsiqualisi, itsatlonasdi! nihiyeno dadanisahv detsatselv nuwelisdvna tsigesoi, ale yvwi gadui anilosgi vtla yinadolehosgoi. 45 hnaquono asiyvwi dikahnawadvsdi digosisisgi unetse hia nuweselei, tadeyohvsgi, nasgi hia tsiniweha ayv nasquo gesgisotlvdiha. 46 hiano nuwesei; nihi nasquo dikahnawadvsdi ditsosisisgi uyoiyu itsalisdanedi! detsisoquilvsgoyeno yvwi dilisvsdi udeyadodi dilisvsdiyi, itsvsvsgini vtla yvgetsinotlisda dilisvsdi yvgetsvda saquo itsiyesadvi. 47 uyoiyu itsalisdanedi! detsotlvhisisgoyeno anadolehosgi degetsinisahvi, ale ditsidoda deunilvgi. 48 udohiyuhiya gvnigesv nitsvneha nasgi osiyu itsiyelvsv nusdv dunilvwisdanelv ditsigayvligei; nasgiyeno udohiyuhi dunilvgi, nihino detsotlvhisiha degetsinisehvi. 49 nasgi iyusdi nasquo hia nuwesv unelanvhi agatanavi, dagatsinvsi wigvwanilutsediyi anadolehosgi, ale getsinvsidv, nasgino igadv dodvnili ale dodvnigehidoli, 50 nasgi nigadv anadolehosgi unigigv atsvnvhi gesv elohi tsudotlvnv nvdawadalenvdv getsitayosediyi gohi tsaneha; 51 equili ugigv nvdvlenvdv, tsegilaya ugvgv wasdi, nasgi tsulisquadele ayeli atsilvgelasdiyi udvnvnodigalawiisdiyi; udohiyuhiya itsvyoseha, getsitayosedi gesesdi gohi tsaneha. 52 uyoiyu itsalisdanedi nihi dikahnawadvsdi ditsosisisgi! itsiyvwidvhvyeno asduisdi agadovhisdi gesvi; vtlayeno itsvsv yitsiyvlv, ale nasgi na aniyvhihi detsiyosdodanelv. 53 nasgino hia nidegawesehei, dinowelisgi ale aniqualisi ulinigidv gvwanvwisdisgei, ale gvwaniladehe ugodidi tsudalenvdv unohesdiyi; 54 gvwayawisgei, ale uniyohe uniwadvediyi gohusdi gagvwalawisedi gesvi.

12:1 nahiyuquono deanilawie unitsuquisdi yvwi, nasgi iyusdi deanadalasdvdisgei, nasgi ulenvhe hia igvyv niduwesele gvwasdawadidohi, itseyatahesdi agododi aniqualisi unatseliga, nasgi atlonasdi tsigi. 2 vtlayeno gohusdi yigvsgala nasgi gvnigesv iyulisdodi nigesvna gesvi, vtla ale gohusdi udelidv yigi nasgi agadovhisdi nigesvna gesvi. 3 nasgi iyusdi nagav gohusdi ulisigv itsinetsv iga gadv advgodi gesesdi; nasgino na itsadonvlvi dekanvsulv, gasanali gvnigesv igvnedi gesesdi. 4 ale itsvyoseha nihi igalii, tlesdi yiditsisgaihesdi ayelv anihihi, hnaquono gohusidi utli iyvdv wigvwanadvnedi nigesvna tsigi. 5 aseno datsvyeyatani nasgi etsinayesdi gesvi; etsinayesgesdi nasgi na yudalv, yeliquo tsvsgino wigvwadadainvdi gesvi; vv itsvyoseha etsinayesgesdi nasgi. 6 tlasgo hisgi tsisquaya tali iyadanvtedi yidanaligvwalvsgoi? vtlano saquo nasgi agvgewisvhi yigi unelanvhi agatahvi. 7 nasquosgini itsisdiyegv itsisgoli nigadiyu diselvhi. nasgi iyusdi tlesdi yitsisgaihesdi; nihi utli igai ditsagvwalodi esgaquo unitsati tsisquaya. 8 nasquo itsvyoseha, gilo gvnigesv naquvnehesdi yvwi anigatahvi, nasgi yvwi uwetsi gvnigesv nasquo nvdayuwaneli anigatahv dinikahnawadidohi unelanvhi tsutseliga. 9 gilosgini aquadayihesdi yvwi anigatahvi, agadayisdi gesesdi anigatahv dinikahnawadidohi unelanvhi tsutseliga. 10 ale gilo gawonisgv atludisgesdi yvwi uwetsi, gayetsidolisdiquo gesesdi; gilosgini galvquodiyu adanvdo asotlvisdisgesdi vtla gayetsidolisdi yigesesdi. 11 ale digalawiisdiyi detsatinohihesdi, ale nunigvwiyusadegiyi, ale unigvwiyuhiyi, tlesdi yitselihisgesdi nusdv ale iyusdi gesv itsadanetsediyi, ale itsiwesdiyi; 12 galvquodiyuyeno adanvdo datseyoni nahiyu gesv itsiwesdiyi. 13 asiyvwino nasgi unadatlugv hia nuweselei, tadeyohvsgi, hinetsi tsosdadanvtli tali iyoginidisdiyi tsugvwalodi utiyvhi. 14 hiano nuweselei, hisgaya, gago disdvyugodanehi ale isdvyadohehi naquvnelv? 15 ale hia niduweselei, itseyadotsehesdi tsugvwalodi agvvhisdi gesvi; yvwiyeno gvnv vtla utsati uhnav yulisdelvdodi. 16 dutlilosdaneleno hia niduweselei, gilo iyusdi uwehnai asgaya ulogesv utsati udvsvnelei; 17 udanvteleno uwasv tsudanvdvi, hia nuwesei, gado dagadvneli, vtlayeno yeli yudlanvdv agidiyi aquadvhiselvhi. 18 hiano nuwesei; hia nvdagadvneli; dodatsiyostani aginvdiyi dadanelvi, tsudvnidino dadaganesgehi; nahnano datsini nigadv aquadvhiselvhi ale aginavi. 19 hiano nvdatsiweseli aquadanvdo; aquadanvdogi, utsata tsasquanigodi tsugvwalodi utsati itsudetiyvdi tsalisdelvdodi; hatsawesolvsda, halisdayvhvsgesdi, haditassisdi, haliheligesdi. 20 aseno unelanvhi hia nuweselei; nitsadanvdvna, gohiquo usvi tsadanvdo dayetsayanvsvli; gagono utseli gesesdi nasgi tsitsadanelanv. 21 nasgi hia nusdi gilo tsadadatlisaneho tsugvwawadi uwasv utseliga, unelanvhiyino iditlv nuwehnavna tsigesoi. 22 hiano niduwesele gvwasdawadidohi, nasgi iyusdi hia nitsvweseha, tlesdi yitselihisgesdi detsvnvi, iyusdi itsalisdayvdiyi; ale ditsiyelvi, iyusdi ditsanuwosdiyi. 23 agvnv utlihiyu esgaquo alisdayvdi, ale ayelv utlihiyu esgaquo dinuwe. 24 golanv ditsadanvdvli; vtlayeno yaniwisgoi, vtla ale yanisgudesgoi; vtla ale tsunadananvdiyi ale uninvdiyi yidadanelv; ale unelanvhi degelohoi. nigavutli netsilvquodi nihi esgaquo tsisqua. 25 gagono hia tsinitsadvnv uwelihisgvquo teli yiganvhida gvnvi saquo iyagiyusquidv. 26 iyuno nasgi usdikani gesv yeli igetsadvnedi nigesvna yigi, gadono asi nvwadale witselihisgoi? 27 itsadanvdvli tsutsilvhi dadvsgvi; vtla yidunilvwisdanehoi, vtla ale yanisdohoi; aseno hia nitsvweseha, nasquo solimanv nigav uwoduhiyu gesv vtla nasgi yinusde dunuwavi hia nasgi saquo nusdvi. 28 iyuyeno unelanvhi nasgi yinigvneha yiganuwoha kanesga, nasgi gohi iga tlogesi tseha, ugitsvnvno digadudiyi wonadinvdi tsigi, utlihiyusgini nihi nidodatsinuwoi usdi itsohiyuhi! 29 ale tlesdi nihi yitsiyohesdi iyusdi itsalisdayvdiyi, ale iyusdi itsaditasdiyi, ale tlesdi tsutlvwidv yinidusdesdi detsadanvdvi. 30 nasgiyeno nigadv hia tsunadalenvdv yvwi elohi danewadisv uniyohoi; itsidodano agataho nasgi hia tsudalenvdv itsinigvgvi. 31 itsiyohesdisgini unelanvhi ugvwiyuhi gesvi; nasgino hia nigadv tsudalenvdv etsatloyasdanedi gesesdi. 32 tlesdi yitsisgaihesdi itsigayoli awi; itsidodayeno osiyu uyelvha itsinediyi ugvwiyuhi gesvi. 33 itsinadegesdi itsihnavi ale itsadanelvvsgesdi; itsadanelesdi degalodi niduwetagvna, tsugvwalodi galvladi witsitlisisgesdi adisvhvsgi nigesvna, nahna wigvwaluhisdi nigesvna ganosgisgi, ale tsisgoya wigvwayosdodi nigesvna. 34 nahnayeno witsihv tsugvwalodi, nahna nasquo widahesdi ditsinawi. 35 detsadatlohesdi, detsitsvsdvno dadaweligisgesdi. 36 itsvsvno detsatselesdi anisgaya nasgi tsanigatiyo uninvsidohi, iyuquo uluhisdiyi degegatsvsdisgv wuwedolvhi; nasgino yulutsv ale yuwanilv, nasgi gilaquo iyvdv wigvwasduiediyi. 37 osiyu iyunalisdanedi nasgi getsinvsidasdi, uninvsidohi galutsvha dawadvhvha aniyawisgvi; udohiyuhiya itsayoseha dvdatloli uwasv, ale dodakanetseli unanitlvdiyi [unalisdayvdiyi,] ale dagalutsi dodvsdelvhi. 38 iyuno taline ayawisdiyi gesv yulutsv, ale tsoine ayawisdiyi gesv yulutsv, ale yiduwadvhv nasgi nanadvnehvi, osiyu iyunalisdanedi nasgi getsinvsidasdi. 39 hiano nasgi itsigatahesdi, nasgi iyu ganela yagatahe iyutlilodv aliyeilisv digalutsisv ganosgisgi, yuyawisei, ale vtla wagiyvsi adanelv yigvwelisei. 40 nasgi iyusdi nihi nasquo itsadvnvisdesdi; yvwiyeno uwetsi dagalutsi iyuquo aliyeilisv nitselisgvna gesvi. 41 quidano hia nuweselei, tsagvwiyuhi, ayvsgo hia nasgi desgiyatlilosdaneha, nigadvquoge? 42 ugvwiyuhino hia nuwesei, gagono nasgi na osdv ale agatanai adanelv atsigatidisdi, nasgi unvsidohi nugvwiyusadegi nvdayuwaneli ganelvi, nasgi tsunediyi unalisdayvdi nidasqualvhisvi? 43 osiyu iyulisdanedi nasgi na atsinvsidasdi, nasgi unvsidohi galutsvha uwadvhv nasgi nadvnehvi. 44 udohiyuhiya itsvyoseha, nasgi ugvwiyusadegi nvdayuwaneli nigav uhnavi. 45 iyusgini nasgi na atsinvsidasdi hia nigawesv unawiyi, aginvsidohi gohidiha uluhisdiyi; ale alenvhvha dogalivnihesdi anisgaya ale anigeyv getsinvsidasdi, ale alisdayvhvsgesdi ale aditasgesdi, ale uyvsdesgesdi; 46 nasgi na atsinvsidasdi unvsidohi dagalutsi iyuquo iga nadagatenohvna gesvi, ale iyuquo aliyelisv nelisgvna gesvi, ale dodayugalisi, ale wvdayuseheli nunohiyusvna dinehvi. 47 nasgino na atsinvsidasdi agatahi nusdv udulisgv unvsidohi, ale nudvnvistanvna igesesdi, ale nasgiya nusdv udulisgv nudvnelvna igesesdi, utsati iyagvnisdi gesesdi. 48 nasgini nagatahvna gesv ale yeliquo gayetsilivnisdi iyudvnelvhi gesesdi nasgi gayoliquo iyagvnisdi gesesdi. yilono utsati atsinelvhi, utsati atsitayosedi gesesdi; ale gilo utsati digvwayohiselvhi yvwi, nasgi utli igai gvwatayosedi gesesdi. 49 agilutsilv nasgi iyaquvniidiyi atsilv gadohi uluhisdiyi; ale gado yaquadula iyuno gayula yutsistla? 50 aseno agiha adawosdi gesv vquawosdodi; ale nigav uwelihisdi aquadanvta gvni alisquadvha! 51 tsisa nvwadohiyadv dunelilv elohi sgiyeliseha? vtla itsvyoseha; taliquosgini iyunadadisdiyi; 52 gohiyeno iyudalenvdv sidanelvhi gesv hiagi iyanidv tali nunadaesdi, tsoi iyanidv unaligosesdi anitali dunatludesdi, ale anitali unaligosesdi tsoi dunatludesdi. 53 agayvligei tali nunadaesdi asgaya uwetsi, aganvgino asgaya tali nunadaesdi udoda; ale ageyv tali nunadaesdi ageyv uwetsi, ale aganvgi ageyv tali nunadaesdi utsi; utsohino tali nunadaesdi udatsohiya, ale udatsohiya tali nunadaesdi utsohi. 54 ale nasquo hia niduwesele yvwi, ulogilv itsigowadv nvdo wudeligv dagalohi, gilaquo iyvdv hia nitsiwesgoi, ama dvyeili; nasgino nigalisdisgoi. 55 ale itsadolehohi tsuganawv diganolvdisgvi, hia nitsiwesgoi, udilegiyu gesesdi; ale nasgi nigalisdisgoi. 56 itsatlonasdi! yeliquo itsadolehosgo nusdv galvladi, ale elohi; gadono digalisdodiha nitsadolehosgvna tsigi gohi gesvi? 57 ale gadono itsvsv gesv digetsugododi nigesvna igi duyugodv gesvi? 58 iyuno tsayilidohi didagodisgiyi sdaisesdi, asiquo wisdaisvi, hatlinigvnelvha hiyadulitaediyi; didagodisgiyi nasi wiyitsatinoga, didagodisgino didaniyisgiyi wiyidetsayohi, didaniyisgino didasdudiyi wiyitsayvda. 59 gvyoseha, vtla nahna yvdvgahinugoi, gvni tsadayvhesdi ulisqualvdi aginudvdi iyadanvtedi.

13:1 nasgino anedohe gilo gvwanonelvhi gvwaneisdanelvhi gelili anehi, nasgi unigigv queledi dusuyedanelv atsilvanelohvi. 2 tsisano dunetsele hia niduweselei, itsadanvtesgvsgo hia nasgi gelili anehi tsunigonadvtanvhi gese anisganahiyu gesv nigadv gelili anehi, nvdigalisdodiha nasgi tsinunalisdanelei? 3 vtla itsvyoseha; nihisgini niditsinetliyvsvna igesesdi detsadanvdvi, nigadv nasgiya datsadisvni. 4 ale na netadu iyanidv salomi invigati adanelv tsunasonei, ale tsidunilei, tsigo itsadanvtesgv tsunigonadvtanvhi gese anisganahiyu gvsv nigadv tsilusilimi anehi? 5 vtla itsvyoseha; nihisgini niditsinetliyvsvna igesesdi detsadanvdvi, nigadv nasgiya dawadisvni. 6 hia nasquo nuwese dutlilosdanelei; gilo iyusdi, egataiyusdi tlugv uwise telvladi duwisvi; ulutseno uyole udatanvhi, ale vtla yuwadvhei. 7 hnaquono hia nuwesele osdv iyuwahnadegi telvladi duwisvi, gvniyuquo, hnaquo tsoi nadetiyv tsilugvgi agiyohvgi udatanvhi hia nasgi egataiyusdi tlugvi, ale vtla yitsiwatiha; hileyvsda; gadono iugedi gadohi? 8 unetsvno hia nuwelei, tsagvwiyuhi, unelagi hela gohi nasquo tsudetiyvsadi, gvni gasgosidolvha, ale osdv gada tsinvha. 9 iyuno iadatanvha, unelagiquo gesesdi; iyuno nutanvna yigi, gila onihileyvstanvha. 10 dadeyohusgeno ilvhitlv adanelv digalawiisdiyi unadolequasgvi; 11 gvniyuquono nahna edohe ageyv adanvdo vyugi gotlvsgi uyai neladu iyudetiyvdv igvwalistanvhi gesei, ale udisadei, ale gvwatlisdv ulitsinohisdodiyi gesei. 12 tsisano ugohv wuyanvhei, ale hia nuweselei, higeyv, tsatlvgv etsudalagi. 13 dusitadeno; ale gilaquo iyvdv gatsinosdv nulistanei, ale ulvquotane unelanvhi. 14 digalawiisdiyino nugvwiyusadegi uhnalvhi unetsei, nvdigalisdodisge tsisa udanvwanv unadodaquasgv iga duyugodi tsunilvwisdanediyi yvwi; nahiyusgini itsilugesdi ale detsinvwisgesdi, tlesdino unadodaquasgv iga. 15 ugvwiyuhino hnaquo unetsele hia nuweselei, tsatlonasdi! tlasgo nihi itsisiyvwiha gesv unadodaquasgv yetselisadesgo digelasdiyi itsatseli wago ale soquilidigalianvhidv, ale yetsatinego ama yetsaditastanegoi? 16 hiano ageyv equahami uwetsi tsigi, nasgi sedani hnaquo gvniyu neladu tsudediyvdv gvwalvlvhi tsigi, tlasgo yiduyugode unadodaquasgv agalvsvdiyi hia nasgi udalvsdvi? 17 nasgino hia nuwesv, nigadv digvwagadilegi unadehosei; nigadvno yvwi analihelige nvdigalisdodisge nigadv galvquodiyu nasgi deulvwisdanehvi. 18 hnaquono hia nuwesei, gado datselv unelanvhi ugvwiyuhi gesvi? ale gado dodagatlilostani? 19 atsilvugata datselv, nasgi asgaya tsugise ale uwisvdiyi tsiwudinvsei; ale udvsei, ale equohiyu nulistane tlugvi; ale tsisqua galvlo aninohilidohi duwanigalv unahadadei. 20 alewo hia nuwesei, gado dodagatlilostani unelanvhi ugvwiyuhi gesvi? 21 agododi nasgiyai, nasgi ageyv tsugise ale tsusuyvne tsoi iyutlolodv isv galvi, gvni nigadv uwotisonv. 22 ugadvlesidoleno uwedole tsudvna degaduhv ale tsusdi degaduhvi, dadeyohvsgei, ale tsilusilimi wagatei. 23 asiyvwino hia nuweselei, tsagvwiyuhi, anigayoliquosgo getsisdelvdi gesesdi? hiano niduweselei, 24 itsatlinigvnehesdi itsiyvsdiyi ayadoli galohisdiyi; unitsatiyeno, itsvyoseha, dayuniyoli uniyesiyi, ale vtla yeli wigvwaniyvsdi yigesesdi. 25 iyuno hnaquo asgaya ganela dalenvha ale asdunvha galohisdiyi, nihino itsalenvhv doyiditlv itsidonavi, ale itsvnihesdi galohisdiyi hia nitsewesgesdi, tsagvwiyuhi, tsagvwiyuhi, esgisduisi; ale dikanetsv hia nvditsiweselvha, vtla yitsigataha ditsadalenvi; 26 hnaquo datsalenvhi hia nvdatsiwesi, ogalisdayvnvgi ale ogaditahvgi hidutahvi, ale detsadeyonvgi ogiduhv edasdiyi degalanvdvi. 27 aseno hia nvdagawesi, itsvyoseha, vtla yitsigataha ditsadalenvi; sgiyadanvsi, nitsiv uyo ditsilvwisdanehi. 28 nahna daniyvgesdi ale danilvdagisgesdi daninudogvi, nahiyu detsigohvha equahami ale esigi ale tsegaqui ale nigadv anadolehosgi, unelanvhi ugvwiyuhi gesv nahna aniyaesdi, itsvsvno etsinugowisvhi gesesdi. 29 dikalvgvno iditlv dinilosgesdi, ale wudeligvi, ale tsuyvtlvi, ale tsuganawvi, ale ananvvsgesdi unelanvhi nahna ugvwiyuhi gesvi. 30 ale gvniyuquo aneha oni tsigi, nasgi igvyi gesesdi, ale aneha igvyi tsigi, nasgi oni gesesidi. 31 nahiyuquono iga gilo iyunasdi aniqualisi unilutse hia nigvwaweselei, hinugoi, ale hadanvna ani; elodv nasi uduli tsahisdiyi. 32 hiano niduweselei, itsena, ale hia winetsiwesi na gula, gvniyuquo anisgina detsinugowisga, ale degadanvwiha gohi iga ale ugitsvnvi, tsoineno iga agisquadvhi gesesdi. 33 asesgininonv aquedasdi nigalisdiha gohi iga, ale ugitsvnvi, ale ugitsvdv; vtlayeno adolehosgi yeli ilvhitlv gayetsiisdi yigi, tsilusilimi uwasv. 34 tsilusilimi! tsilusilimi! anadolehosgi tihihi, ale nvya dvnisdisgi getsalutsediyi getsinvsvhi; yanogiyu aquadulisgv gatsiyatlisodiyi ditsetsi, nasgiya tsataga tsidegatlisisgo tsuwetsi anidv awiniditlv dikanogeni, aseno vtla yitsadulisgei! 35 gvniyuquo itsinelv nvta netsvnelv; ale hia nitsvweseha, vtla yvgesgigowadv gohi iyudalenvdv gvni hia itsiwesdiyi asqualvhvha, atsilvquodiyu nasgi na yihowa denvdov tsigaluhisdiha.

14:1 hiano nulistanei, nasgi uyvlv gilo iyusdi tsaganelodi aqualisi ganelv ulisdayvdiyi unadodaquasgv iga, nasgi gvwagasayasdei. 2 gvniyuquono gilo iyusdi asgaya igvyiditlv nudvne utlvgi ama udanenehi. 3 tsisano unetse hia niduwesele dikahnagadvsdi dinosisisgi ale aniqualisi; duyugodisgo didanvwodiyi unadodaquasgv iga? 4 elaweyino unvnei. uniyvhvno unvwanei, ale duyosei; 5 dunetseleno hia niduweselei, gago hia tsinitsadvnv soquilidigalianvhidv ale waga yulvtselv atalesv vtla gilaquo iyvdv yiwvgalagi unadodaquasgv iga? 6 vtlano yeli nvdagvwewohiliyvsdanedi yigese nasgi hia. 7 ale dutlilostanele nasgi nawigetsiyanvdv, dugohv danasuyesgv nugvwiyusv dinitlvdiyi, hia niduweselei, 8 iyuno gilo degegatsvsdisgv tsenvsdiyi tsayanvhvha, tlesdi nugvwiyusv dinitlvdiyi tsanisinvgi; utliyeno iyatsilvquodi esgaquo nihi watsiyanvdv yinigagi; 9 wisdiyanvdvno yigalugi hia yinitsawesi, hiyadlanvdadisi hia; hnaquono tsadehosvhi yalenv eladi gesv dinitlvdiyi wiyilohi. 10 etsayanisgesdisgini, hegesdi ale tsanisihvsgesdi eladi gesv dinitlvdiyi; nasgino witsayanvdv galugesdi, hia iyutsawesedi yigi, ginalii, galvladitlvsdodi wilohi; hnaquo etsalvquodiyu gesesdi anigatahv itsulaha itsinidlai [dilisdayvdiyi.] 11 giloyeno uwasv adasaladisgesdi eladi iyagvnedi gesesdi; gilono uwasv eladi nadadvnehesdi nasgi atsisaladodi gesesdi. 12 hiano nasquo nuwesele wuyanvdv, iyuno dehadelasdisgesdi iga ehi ale usv ehi, tlesdi yiwitiyanisgesdi ditsalii, ale itsalinvtli, ale gohusdi ditsvnv, ale tsunenai nav itsadala; nasquoyeno nihi yiwvgetsayanv ale yvgetsadayvsi. 13 iyusgini dehadelasdisgesdi, witiyanisgesdi uyo iyunadvhnadegi, gohusdi usdv diniyelv uniyohuselvhi, diniyonvli, ale dinigewi; 14 osiyuno itsalisdanedi gesesdi; vtlayeno yvgagetsaguyvsi; etsaguyvediyeno gesesdi danalehisanv unadanvti. 15 asiyvwino nasgi itsulaha unalisdayvnvhi nasgi udvganv, hia nuweselei, osiyu iyulisdanedi nasgi na unelanvhi ugvwiyuhi gesv nahna gvwalisdayvdi nigalisdanvha. 16 ale [tsisa] hia nuweselei, gilo iyusdi asgaya utsati dudelastanei, ale unitsati widuyanvhei; 17 alisdayvdiyino gesv usqualvhvunvse unvsidasdi hia winiduwesediyi wigetsiyanvdv; etsena, nigadiyuyeno hnaquo advnvisdi. 18 nigadvno utloyi tsunatlvwisdodi unalenvhe uniyolei. igvyiyi hia nuweselei, tlogesi agiwasv, ale ase aquenvsdi ale aquagatanvsdi nigalisdiha; gvtayose unelagi squelisediyi. 19 nvwadaleno hia nuwesei, hisgi iyunagilanala waga dagiwasv, ale dedunelotani; gvtayose unelagi squelisediyi. 20 nvwadaleno hia nuwesei, aquadesvnv, nasgino iyusdi vtla yeli wigvgiluhisdi yigi. 21 nasgino na atsinvsidasdi iulutsv unanugowisele unvsidohi nasgi hia nulistanidolvi. ganelano unalvhiyu gesv hia nuwesele unvsidasdi, hena nula wiyvhv enaidasdiyi ale tsusdi degalanvdvi gaduhvi, ale dehatinolvha uyo iyunadvhnadegi, ale gohusdi usdv diniyelv uniyohuselvhi, ale diniyouli, ale dinigewi. 22 atsinvsidasdino hia nuwesei, sginvsidohi, nitsawesv nasgiya nigadvga, asiquono udlanvdv. 23 unvsidohino hia nuwesele unvsidasdi, hinugoi deganvhnawadisv ale dasoyvi wilohi, ale ase uniyvsdiyi nigiyvnelvha nasgi ukaliisdiyi tsinelvi. 24 hiayeno nitsvweseha, vtla gilo nasgi na wigetsiyanvdv gesv yvdvnalisdayvtani daquadelastanvi. 25 unitsatino yvwi gvwasdawadvsei; ugatahvsvno hia niduweselei, 26 gilo ayv agilutsehesdi nidiganiquatihvnano igesesdi udoda, ale utsi, ale udalii, ale tsuwetsi, ale analinvtli, ale tsudo, vv, ale uwasv nasquo gvnvi, vtla yeli agisdawadidohi yinvgalisda. 27 ale gilo utseli tsudahnawadv nayisgvna ale nagisdawadegvna igesesdi, vtla yeli agisdawadidohi yinvgalisda. 28 gagoyeno hia tsinitsadvnv, yadanvte inv igati unesgediyi, vtla igvyi yigahvsgo yasehiho igai tsugvwatanihisdi gesvi, udolehohisdiyi yeli gvwasquadisdodi igai uhvi. 29 iyuyeno gagusdvdi tsudvhi yigi, ale gvwasquadisdi nigesvna yigi, nigadv anigowatisgi yanalenv yigvwadehodv, 30 hia yinaniwi, hia asgaya ulenvhvgi anesgesgvi, ale vtla yeli gvwasquadisdi yigesei. 31 ale gago iyusdi ugvwiyuhi, dahnawa yinvdvnvneli nvwadale ugvwiyuhi, vtla igvyi yigahvsgo ale yadanvtesgo yeliquo asgohi iyagayvli datinehv digvwanatliyvdi gesv tsugatilegi talasgohi iyagayvli datinehvi. 32 iyuno yeli nigesvna yigi, asi soi invhiyu tsvisoi, deganvsgo tsunvsidv atayohiho dohiyi iyunvnediyi. 33 nasgiya nasquo nihi, iyuno gina niduyosohvsgvna igesesdi nigadv utseli gesvi, vtla yeli agisdawadegi yinvgalisda. 34 ~ama osiyu; iyusgini ~ama yutsisgolv, gado tigalisdoda ~ama yadotlvna. 35 vtla hnaquo tlogesi galageyadvdi ale osdv gada gatlugv gvdi yigesoi; wunadegoquo. gilo degalilugesdi udvgodiyi wadvgvga.

15:1 hnaquono nav gvwalutsele nigadv adelv anigisidvhi ale anisgana gvwadvdasdanediyi. 2 aniqualisino ale dinuwelisgi unisonvtsele hia nuniwesei, hia asgaya dadanilvgo anisganai, ale itsulaha analisdayvhvsgoi. 3 hiano nuwese dutlilostanelei, 4 gago hia tinitsadvnv, asgohitsuqui yidunatlaa uninodena, iyuno saquo yuyohuselv, vtla yidigvdego inage anedohv soonelasgohi soonelagali iyanidv, ale yuyolego uyohuselvhi, gvni awadv? 5 iyuno awadv anohatlvvsgoi aliheligoi. 6 vgalugino uwenvsv widayanisgo tsulii ale nav iyunadala, hia nidegawesehoi, itsulaha idaliheligi; itsiwadvhvyeno unodena tsagiyohusehvgi. 7 itsvyoseha, nasquosgini utlihiyu nanaliheligesdi galvladi tsosv saquo asgana ganetliyvsgesdi udanvdvi, esgaquo iyvdv soyinelasgohi soyinelagali iyanidv unadanvti anisgaya tsuninetliyvsdi nunalisdanehvna dunadanvdvi. 8 ale gago iyusdi ageyv asgohi yiduha agisi tsunagvwalodi, iyuno saquo yuyohuselv, vtla yatsvsdvsgo atsvsdodi ale yigvnosasgo galitsode, ale ulisinahisdi yuyoho gvni awadv? 9 iyuno awadv widayanisgo tsilii ale nav iyunadala, hia nigawesgoi, itsulaha idaliheligi; agiwadvhvyeno adelv tsagiyohusehvgi. 10 nasquosgini itsvyoseha analiheligo dinikahnawadidohi unelanvhi tsutseliga saquo asgana ganetliyvna udanvdvi. 11 hiano nuwesei, gilo iyusdi asgaya anitali tsuwetsi anisgaya anehei. 12 ilvhitlvno gaduhv wayvhihvi asgohi iyanidv anisgaya adayesgi tsunitlvgi degvwatlosei,inv danalenvnei; 13 iyusgi quono winusvlv uwetsi oni ehi nigadv uwetlisanei, ale unigise inv wulosei, nahnano nunelvna ehvi wutsewidole tsugvwalodi uhvi. 14 ale nigadv utsewenv utsati dugonulose nahnani, hnaquono ulenvhe udulvhvnei. 15 uwenvseno uligonele nahna ehi asgaya; dotsulogesvno siqua digelolv unvsei. 16 ale udulisge tsuweyesdiyi kalisetsi unadadvnvhi siqua unalisdayvdi, aseno vtla gilo yidunvnehei. 17 udanvtisanvno hia nuwesei; nunitsata gegaguyvehi getsinvsidasdi edoda tsutseliga ulosvstanvhi uniha unalisdayvdi, ayvno agonuquo agihiha! 18 dodagaleni, edoda wvdatsitsei, hia winvdatsiweseli; edoda, galvladi tsisganvtselv, ale nihi higatahvi. 19 ale vtla hnaquo yeli aquetsi gesquosedi yigi; tinvsidasdiquo taguyvehi nunasdv nasgiya nisquvga. 20 ale dulene udoda wulutselei. aseno asi invhiyu udoda wugohei, ale uwedolitsei, ale dusqualvtanei, ale agiligeni uweyalvtsei, ale utawedonei. 21 uwetsino hia nuweselei; edoda, galvladi tsisganvtselv, ale nihi higatahvi; ale tla hnaquo aquetsi gesquosedi yigi. 22 aseno udoda hia niduwesele tsunvsidasdi; osani anuwo witsinagi, etsinuwotsa, ale etsiyesusdoga, ale tsetsalasulvga. 23 ale galitsotanvhi waga agina witiyanv, ale etsiluga; ale idalisdayvhvga, odv idadanvdada. 24 hiayeno aquetsi uyohusvhi gesvgi, talineno ieha, ale edatlotsvhi gesvgi, iatsiwadvhvno; unalenvheno osdv unadanvdadei. 25 udaniigeno uwetsi tlogesi wedohei; diuwenvno ale adanelv nav ulutsv, daninogisgv ale analisgisgv udvganei 26 wuyanvheno asiyvwi atsinvsidasdi, ale udvdvne uyelvv nasgi nanadvnehvi. 27 nasgino hia nuweselei; etsanvtli ulutsv, tsadodano galitso tanvhi waga agina ulv,dohiyi unanugotsilv iyusdi. 28 utalaweseno, ale winuyvlvnaquo gesei; nasgi iyusdi udoda tsunugotse usdiyetanei. 29 unetsvno hia nuwesele udoda; gvniyuquo utsata nadetiyv gvsdelvhida, alevtla ilvhiyu naquohiyunvna yigi tsanetsvi, aseno vtla ilvhiyu awiagina asenulvhi yisgikaneloi, osdv ogadanvdadisdodi diqualii. 30 hiasgini tsetsi uutsonvhiquo, nasgi tsasvnelvhi tsugvwalodi anigeyvhi uninegutsidv uweladidolvi, ihielv galitsotanvhi waga agina. 31 hiano nuweelei; aquetsi, nigohilv quo itsulaha ininelv , ale tsatseliquo nigav aginavi. 32 duyugodvgi osdv igadanvdadisdiyi, ale igilihelisdiyi; hiayeno etsanvtli uyohusvhi gesvgi, talineno ieha, ale edatlotsvhi gesvi, iatsiwadvhvno.

16:1 ale nasquo hia niduwesele gvwasdawadidohi, gilo iyusdi ehe uwehnai asgaya nasgi uwekahe ugasayasdidegi uhnavi; ale nasgi atsilawisehv tsugvwalodi udatsewelv atsinonelei. 2 wuyanvheno hia nuweselei, gado digalisdodiha tsinusdi tsigvyadvgiha? gvnigesv nvga nusdv detsalvwisdanelv tsagasayasdidegi gesvi; gohiyeno iyudalenvdv vtla hnaquo tsagasayasdidegi yigesesdi. 3 ugasayasdidegino hia nuwese uwasv tsudanvdvi, gado dagadvneli, aginvsidohiyeno agigieha aquagasayasdidegi gesvi? tlano yeli gvquasgosdi yigi; aquaduladidasdiyino igadeosga. 4 degugoda iyaquadvnediyi, nasgi vgisadesv aquagasayasdidegi gesv digagvquadanilvisdi iyulisdodiyi daninelvi. 5 howano widuyanvhe nigadv unvsidohi tsudugi, igvyiyino hia nuweselei, ilago igai tsaduga aginvsidohi. 6 hiano nuwesei, asgohitsuqui iyutlilodv goi. hiano nuwesei, hinagi goweli etsadugvi, ale nula hihvga, ale hisgisgohi howelvga. 7 nvwadaleno hia nuweselei, nihina ilago etsaduga? hiano nuwesei, asgohitsuqui iyutlilodv utsalesdi. hiano nuweselei, hinagi goweli etsadugvi, ale nelasgohi howelvga. 8 unadlaino ulvquotane niduyugodvna iyadvnahi ugasayasdidegi, udigalisdosge usinasanvtsvi; elohiyeno tsuwetsi unvsv anehvi, utli nanisinasanv esgaquo igagati tsuwetsi. 9 ale itsvyoseha, itsaliida udalidasdi genvisdi gesvi; nasgi esga nitsalisdanelv ulisquadisdi nigesvna wadediyi gesv gagetsadanilvisdi gesesdi. 10 gilo duyugodv iyadvnehi gayoli gesvi, nasquo duyugodv nadvneho ugodidi gesvi; niduyugodvnano iyadvnehi usdi gesv, nasquo niduyugodvna nadvneho ugodidi gesvi. 11 nasgi iyusdi iyuno duyugodv nitsadvnehvna igesesdi udalidasdi genvisdi gesv gohusdi itsvdisgvi, gago yitsigatidisda nudalidasdvna genvisdi gesvi? 12 iyuno duyugodv nitsadvnelvna yigi nvwadale utseliga gesvi, gago datsineli itsvsv itsatseli gesvi? 13 vtla gilo atsinvsidasdi yeli anitali gvwanvsidohi gohusdi yidogvdvnisi; yiasgagayeno saquo yiugeyuhano soi; yinouniyvquale saquo yiganiquatihano soi. tlasgini yeli unelanvhi ale mamani gohusdi yidogetsadvnisi. 14 aniqualisino nasquo, nasgi adelv unigvvsgi tsigesei, nasgi hia nigadv unadvganei; ale gvwadehotanei. 15 hiano niduweselei, nihi kani duyugodv itsadvnehi nvwasdoi yvwi anigatahvi; unelanvhisgini dagataha ditsinawi; nasgiyeno galvquodiyu tsuniyelvso yvwi, uniquatisdiyu unelanvhi dakanisgvi. 16 dikahnawadvsdi ale anadolehosgi detsehvgi tsani unanugotsilv iyasdi; nahiyu nvdagvdalenvdv unelanvhi ugvwiyuhi gesv aninoheha analitsidohvsga, ale naniv yvwi ananelugi aniyvhiha. 17 ale utli ahidiyu galvloi ale elohi unilosohvsdiyi, ano saquo usdikani dikahnawadvsdi esga iyulisdodiyi. 18 gilo udalii iadaegesdi, ale nvwadale adayegesdi, adayonehesdi; gilono agadainvdv adayegesdi adayonehesdi. 19 gilo iyusdi asgaya uwehnai ehei, gigage ale usidoli doledv dinuwo danuwosgei, ale nidadodaquisv osdv dalisdayvhvsgei. 20 ale nasquo ehe gilo iyusdi uyo iyudvhnadegi lasila tsudoidv, nassgi atsinisine uwehnai utseli galohisdiyi, tsutsidala gesei, 21 ale udulisge agelasdodiyi unvgoosvhi uwehnai uwesgilvi; ale nasquo gili unilutse duniganade duniganade dutsidalvi. 22 hiano nulistanei; nasgi uyoiyudvhnadegi uyohusei, ale dinikahnawadidohi gvwanvse equahami ganetsii wigvwekanei. uwehnaino nasquo uyohusei ale atsinisanei. 23 ale tsvsginoi dusaladane digadoli agiliyogei, ale nahna inv wugohe equahami, ale lasila equahami ganetsii. 24 ale uwelune hia nuwesei; edoda equahami, sgidoligi, ale ehinvli lasila, ale nasgi usgoli gayesadv amohi wahuda, ale wagidoolvsdasi tsinogoi; tsigiliyogayeno ani adaweligisgvi. 25 aseno equahami hia nuwesei; aquetsi, hanvdada,. nihi asi tsalenidohvgi hiwatisgv tsatseliga osdv, ale lasila nasquo awatisgvgi utseliga uyoi. aseno hnaquo atsinuwohistanv, nihino ihigiliyoga. 26 aleno nasquo ayv otsehv nihino itsehv nahna ayeli gesv equohiyu udlanvdvi gotlvha, nasgi iyusdi gilo yunaduliha ani unadalesdiyi ditsehv wunilohisdiyi, vtla yeli yinvgvnadvga, ale nasquo ani otsehvi vtla yvgvnilugi nahna nvdayunilohisdiyi yunaduliha. 27 hiano nuwesei; adina edoda, gvtayoseha, hinvsdiyi edoda diganelvi; 28 hisgiyeno naniv otsalinvtli aneha; nasgino yiwidekanohvsi nasquoyeno ani agiliyoisdiyi gesv yanilugi. 29 equahami hia nuweselei; mosi ale anadolehosgi duneha; nasgi widanadvdasdasi. 30 hiano nuwesei, tlesdi edoda equahami, iyusgini gilo uyohusvhi yiwunilutselv ase yidaninetliyvna danadanvdvi. 31 aseno hia nuweselei; iyuno nidanadvdasdanehvna yigi mosi ale anadolehosgi, vtla nasquo yvgvnohiyuhvga, nasquo gilo uyohusvhi yidulenv.

17:1 hnaquono hia niduwesele gvwasdawadidohi, ase didadodesdisgi unanugoisdi; aseno uyoiyu iyulisdanedi nasgi na unanugowisvhi! 2 utli osiyu iyulisdanedi yigese nvya asdosgi yatsiyatlanei, ale amequohi yiwagadainvsei, ano hia asiyvwi tsunasdi gesv tsuwodesdiyi. 3 itsvsv itsadayawisgesdi. iyunodisdadanvtli itsasganvtsehesdi, higvsgolvvsgesdi; iyuno uyo iyayelvsgesdi, hiyadoligesdi. 4 iyu ale galiquogi nitsasganvtsehesdi siga gesv, ale galiquogi nitsalutsehesdi siga gesv, hia nitsawesehesdi, uyo agiyelvha, ase hiyadoligesdiquo. 5 getsinvsidvno hia nuniwesele ugvwiyuhi, sginequosi ogohiyusvi. 6 ugvwiyuhino hia nuwesei, iyuno atsilvugata tsinigv igidv gohidv gohiyudi gesv yitsiha, hia yinitsiwesi hia guwatsunegv tsitluga, widetsanasdetlvda, ale amequohi wetsakahvga, ale yitsohiyuhvga. 7 aseno gago hia tsinitsadvnv, etsinvsidasdi yigadalugiha, ale yigelolvvsga, tlogesi nvdayulosonvhi, gilaquo iyvdv hia yinetsiwesi, hena walisdayvhvga? 8 tlasgo hia yigvwagvwiyu yinvgayetsiwesi, hadvnvisda aqualisdayvdiyi, ale hadatloga, ale sgisdelvhida galisdayvhvsgv ale gaditasgv igvhidv; onino tsvsv halisdayvnvha ale haditahvha? 9 agalielitsehosgo nasgi atsinvsidasdi natsiweselv nudvnelvi? vtla agiyelvha. 10 nasgina nasquo nihi, hnaquo nigadv nutseweselv nitsadvnehonvha, hia nitsiwesvha, gotlesdi ogvdodi nigesvna oginvsidasdi; iyogadvnediquo gesv nogadvnelv. 11 hiano nulistane nasgi tsilusilimi wagatei, sameliyi ale gelili ayeli ulosei. 12 ilvhitlvno gaduhv wayvhihvi asgohi iyanidv anisgaya adayesgi tsunitlvgi degvwatlosei, inv tsunalenvnei; 13 ale unisaladane aninegv hia nuniwesei, tsisa tadeyohvsgi, sgiyadoligi. 14 dugohvno, hia niduweselei, itsena atsilvanelohi gvnigesv winiditsadvnisi. hiano nulistanei, anaisvquo dunadanvgalvhei. 15 asiyvwino, udolehosv atsinvwanvi, diutsvsei, ale asdaya unetse ulvquotane unelanvhi, 16 ale udanvne uliyasdune dulasgv navi, alihelitsehei. ale sameliyi ehi gesei. 17 tsisano unetsv hia nuwesei, tlasgo asgohi yigetsinvgalvei? aseno soonela iyanidv hatlv? 18 vtla yigetsiwadv nvdayunatsvdv unelanvhi anilvquodisgi, hia nvwadale yvwi uwasv. 19 hiano nuwesele nasgi, talehvga, ale tsihena; tsohiyusv tsadiwisda. 20 aniqualisino gvwadvdvnv iyuquo uluhisdiyi unelanvhi ugvwiyuhi gesv, dunetselei, hia nuwesei, unelanvhi ugvwiyuhi gesv vtla gvgowadvdi yigesesdi galutsvha. 21 vtla ale hia yinigvniwesgesdi, gvniyuquo ani! ale, gvniyuquo nahnani! gvniyuquoyeno unelanvhi ugvwiyuhi gesv itseladidoha. 22 hianoniduwesele gvwasdawadidohi, dvsqualvhi nahiyu gesv itsadulisgesdi itsigowadvdiyi saquo iga yvwi uwetsi utseliga, ale vtla yvgetsigowadv. 23 ale hia nigetsiwesehesdi, gvniyuquo ani; ale gvniyuquo nahnani; tlesdi itsenvsvgi, ale tlesdi ditsisdawadvsvgi. 24 nasgiyayeno anagalisgi saquo iditlv galvloi tsvdigalisgoi, utsatinino iditlv galvloi tsiwidigalisgoi, utsatinino iditlv galvloi tsiwidigalvsadadisgoi; nasgi nasquo nusdesdi yvwi uwetsi utseli iga aliyilolvha. 25 aseno igvyi utsati tsudalenvdv ugiliyoisdi, ale digvwayohisdi gesesdi gohi tsaneha. 26 ale nasgiya tsinusde nahiyu noya tsehei, nasgi nasquo nusdesdi nahiyu yvwi uwetsi utseli iga aliyilolvha. 27 danalisdayvhvsgei, danaditasgei, danadesvhvsgei, degetsiyegei, gvni nahiyu iga noya utsanv tsiyuhi, ale unohuganilv ale nigadv dunigvtsonv. 28 nasgiya nasquo tsinusde nahiyu lodv tsehei; danalisdayvhvsgei danaditasgei, uniwaevsgei, aninotanvv sgei, daniwisvvsgei, dananesgesgei; 29 aseno nahiyuquo iga lodv sodami unugotsv, galvladi tsugahnane atsilv ale sagonige adawelagisgi, nigadiyuno dunihonei. 30 nasgiya nusdesdi nahiyu iga yvwi uwetsi gananugonilvha. 31 nahiyu iga gilo gasanali ugilesdi, uhnavno galitsode ahesdi, tlesdi nvdayutloasvgi uwidvdiyi; ale gilo tlogesiwiedohesdi, tlesdi nasquo nvdayutsvsvgi. 32 etsanvdada lodv udalii. 33 gilo uwasv gvnv usdelvdiyi uyohesdi uyohusedi gesesdi; gilono uyohusehesdi, nasgi usdelvdi gesesdi. 34 itseyoseha, nahiyu svnoyi gesesdi anitali saquo atsesdogihi daninvgesdi; asiyvwi atsiyanvdi gesesdi, soino atsikahiyasdi gesesdi. 35 anitali anigeyv itsulaha anisdosgesdi; asiyvwi atsiyanvdi gesesdi, soino atsikahiyasdi gesesdi. 36 anitali tlogesi anedohesdi; asiyvwi atsiyanvdi gesesdi, soino atsikahiyasdi gesesdi. 37 uninetsvno hia nigvwaweselei, hatlv, tsagvwiyuhi? hiano niduweselei, ilvhitlv gohusdi uliwotsvhi tsiganoi, nahna awohali anadatlisisgoi.

18:1 dutlilosdaneleno, hia nusde ugvwalei, nasgi yvwi nigohilv unadadolisdodiyi, ale tsuniyaweisdi nigesvna; 2 hia nuwesei, ehe digugodisdi ilvhitlv gaduhvi, nasgi unelanvhi niganayesgvna, ale yvwi nidunelodvna; 3 ale uwosulotsvhi nahna gaduhv ehei; nasgino ulutselei, hia nigawesgei, duyugodv nisginadvnisi tsosdadayilidohi. 4 aseno uquosane ilvsgi igohidv; onisgini hia niuwese uwasv tsudanvdvi, tlesgininonv yitsinayesga unelanvhi, ale vtla yiditsiyanelodi yvwi; 5 asno hia uwosulotsvhi tsaquadeyadodiha nvdagalisdotani duyugodv nvdatsiyadvneli, nigohilvyeno galugv yidagiyaweisda. 6 ugvwiyuhino hia nuwesei, itsagasayasda niduyugodvna iyadvnehi digugodisgi nigawesgvi. 7 tlasgono unelanvhi duyugodv yinidogvdvnisi uwasv tsutseli gegasuyvdv, nasgi digvwagitsvdi tsigvwadadolisdaneha, nasquo gohidiyu yidadohideha? 8 itsvyoseha tlegiyu dodagulesi. aseno, yvwi uwetsi galutsvha, gohiyudisgo gesv dvwadvhi elohi? 9 hiano dutlilosdanele gilo iyunasdi unvsv anadalvquodisgi, nanisganvna unatselvhi, uwanadaleno nvlisali diniyelvsgi. 10 anitali anisgaya udvnadigalawiisdiyi unadadolistanvsei, asiyvwi aqualisi gesei, soino adelvagisidohi. 11 aqualisi ulene uwasv gesvi udadolistane hia nuwesei; tsanelanvhi gvyalielitseha anisoi yvwi nunasdvi nasgi naquasdvna tsigi, nasgi asequo anadagiehi tsigi, ale niduyugodvna iyanadvnehi, ale dinadayonehi, ale nasquo hia adelvagisidohi nasgi nusdv naquasdvna tsigi. 12 sunadodaquasdi gesv tali amatli nigvsgoi;ale nigav aginav asgohine gotsaledv tsivsgoi. 13 adelvnoagisidohi inv tsulenei, vtla yeli galvladi widigvwakanodi yigesei, ganetsiquosgini uwanilei, hia nuwesei; tsanelanvhi, sgidoligi tsisganai. 14 itsvyoseha, hia nasgi asgaya ududaledv tsuwenvsv wulosei, soino vtla. giloyeno uwasv iadasaladisgesdi eladi iyagvnedi gesesdi, gilono uwasv eladi niadadvnehesdi atsisaladodi gesesdi. 15 ale nasquo degvwatinohele tsunasdi diniyoli, nasgi tsusitadisdiyi; aseno gvwasdawadidohi unadolehosv dunigvsgolvnei. 16 tsisano widuyanvhv hia nuwesei, unanelagi ditselisi diniyoli gvgilutsediyi, ale tlesdi ditsinvsdadelvgi; nasgiyeno nunasdi nahna unelanvhi ugvwiyuhi gesvi. 17 udohiyuhiya hia nitsvweseha, gilo unelanvhi ugvwiyuhi gesv nidadanilvgvna igesesdi nasgiya ayoli tsidadanilvgoi, vtla nahna uyvsdi yigesesdi. 18 gilono iyusdi nugvwiyusadegi udvdvne, hia nuwesei, hosdv tadeyohvsgi, gado yaquadvnelv winasdvna gvnidv yitsiwadv? 19 tsisano hia nuweselei, gadono hosdv isquoseha? vtla gilo osdv yigi saquo uwasvhiyu, nasgi unelanvhi. 20 dehigatahaquo dikahnawadvsdi, tlesdi tsadayonelvgi, tlesdi tsadalvgi, tlesdi tsanosgisvgi, tlesdi gayegogi tsanohelvgi, degilvquodesdi tsadoda ale tsatsi. 21 hiano nuwesei, hia nasgi nigadv dagikanawadenv tsitsutsa gesv nvdagvwadale nvdv. 22 tsisano nasgi hia udvganv, hia nuweselei, asi sudalegi tsalula; hinaduga nigadv tsanavi, ale tiyadohisi uyo iyunadvhnadegi, galvladino witsahesdi tsugvwalodi; tesvno sgisdawadesvha. 23 nasgino hia udvganv utsati uyo uyelvnei; utsatiyeno uwehnaiyu gesei. 24 tsisano ugohv utsati uyo uyelvsvi, hia nuwesei, nigav asdayiyu tsunehnai unelanvhi ugvwiyuhi digesv wuniyvsdiyi! 25 utliyeno ahidiyu gemili ugadvlehisdiyi yvgi gasanenadvdiyi ano uwehnai yvwi wuyvsdiyi unelanvhi ugvwiyuhi digesvi. 26 unadvganvhino hia nuniwesei, gagono yeli yatsisdelv? 27 hiano nuwesei, nasgi yvwi yeli igvwanadvnedi nigesvna tsigi, yeliquo igvwadvnedi unelanvhi. 28 hnaquono quida hia niuwesei, gvniyuquo ayv nigadiyu dogiyosonv, ale itsvsdawadenv. 29 hiano niduweselei, udohiyuhiya hia nitsvweseha, vtla gilo tsuwvdetsvhi yigi ganelvi, ale tsugayvligei, ale analinvtli, ale udalii, ale tsuwetsi, nvdayulisdotanvhi unelanvhi ugvwiyuhi gesvi, 30 nasgi atsinedi nigesvna gesv utsati iyuwadadi gohi gesvi, soiyino digesv gvnidv winasdvna. 31 hnaquono taladu iyanidv iyvdv widutinvstanei, ale hia niduweselei, gvniyuquo tsilusilimi widigati, ale nigav dunowelv anadolehosgi yvwi uwetsi atsinohesgv nasgi iyulisdodi gesesdi. 32 tsunadalenvdvyeno yvwi dodagetsiyohiseli, ale daye gadehotani, ale dagayetsisotlvtani, ale dodayegalitsisqui, 33 ale dagvwalivnili, ale dagvwali; tsoineno iga dodvalehisani. 34 ale hia nasgi vtla yunolitsei; ale nasgi hia nuwesv gegvsgalanelei, ale vtla yanigatahe iyusdi gadvgv nasgi unetsvi. 35 ale hia nulistanei, nasgi tseligo nav ulutsv, gilo iyusdi digewi nvdohulodi uwole aduladisgei; 36 udvganvno unitsati anilosgv udvdvne nasgi uyelvdvi. 37 gvwanoneleno nasgi tsisa naselidi ehi galosgvi. 38 uweluneno hia nuwesei, tsisa, dewi uwetsi, sgidoligi. 39 igvyino anegi gvwagvsgolvnei, elawe hvna gvwoselei; aseno utliquo igai uwelunei; dewi uwetsi sgidoligi, adisgei. 40 tsisano ulewistanv unetse agatinohediyi; hnaquono nav ulutsv udvdvnei, 41 hia nuwesei, gado tsaduli gvyadvnediyi? hiano nuwesei, tsagvwiyuhi, vagigowadvdiyi aquaduliha. 42 tsisano hia nuweselei, getsagowadvdi winigalisda; tsohiyusv tsasdelv. 43 gilaquono iyvdv gvwagowadvdi nulistanei, ale usdawadvse galvquodisge unelanvhi; nigadvno yvwi unigohv unilvquotane unelanvhi.

19:1 tsisano uyvle ale ulose tseligo. 2 ale gvniyuquo ehe asgaya sagiya tsudoidv, nasgi nugvwiyusv gese adelvagisidohi, ale uwehnaiyu gesei. 3 ale uyole tsisa ugowadvdiyi, nasgi nusdvi; aseno unulvne nvdigalisdodisge unitsati gesvi, usdigiyuyeno gesei. 4 igvyino wuditlvstanv ulvse guwatsunegv tlugv ugowadvdiyi udulisgei; nahnayeno iditlv wulohisdi gesei. 5 tsisano nahna ulutsv, galvladi widukahnanei, ale ugohei, ale hia nuweselei, sagiya, tlegiyu ehatloahi; gohiyeno iga tsigi tinelv wigedohesdi. 6 uwanvtseno diutloasei, ale ulihelitsvhi dudanilvtsei. 7 unigohvno nasgi nigadv unisonvtselei, hia nuniwesei, wayvtlv wvdvsvseli asgaya asganai. 8 sagiyano ulene hia nuwesele ugvwiyuhi, gvniyuquo, tsagvwiyuhi, ayeli igai tsugvwalodi agihv uyo iyunadvhnadegi detsivsi; iyu ale gayegogi aquvtanvhi yigi gilo gohusdi yitsigvelv, nvgi iyuwagudi igai tsivsi. 9 tsisano hia nuweselei, gohi iga alisdelvdodi gesv galugi ani adanelvi, nvdigalisdodi nasgi nasquo equahami uwetsi gesvi. 10 yvwiyeno uwetsi duyolilv ale dusdelvhilv unalenalvhi tsigesvgi. 11 nasgino hia unadvganv unequoedutlilosdanelei, nvdigalisdodisge tsilusilimi nav ulutsidisvi, ale nvdigalisdodisge unelanvhi ugvwiyuhi gesv igvwenvdv dagananugotsi anelisgvi. 12 nasgi iyusdi hia nuwesei, gilo iyusdi asgayegvsda ilvhitlv inv wulosei, ulvsvha ugvwiyuhi iyagvnediyi ale vuluhisdiyi. 13 widuyanvheno asgohi iyanidv tsunvsidasdi, ale deuyohisele asgohi iyudagedv adelv, hia niduweselei, gohusdi detsvdisgesdi gvni itsilutsvha. 14 aseno tsutseli yvwi igvwaniquatilei, ale duninvse gvwagehegi, hia winaniwesgei, vtla yogaduli hia asgaya ugvwiyuhi ogatseli iyulisdodiyi. 15 hiano nulistanei, iulutsilv, ugvwiyuhi iyagvnelvhi gesei, unetse nasgi getsinvsidasdi wigetsiyanvdiyi gvwalutsediyi, nasgi na adelv tsugenvdvhi, nasgi udolehohisdiyi igai anisiyvwi uninequotselv aninodisgvi. 16 igvyino ulutsvhi, hia nuwesei, sginatlai, tsatseli sudagedv asgohi iyudagedv unequotsv. 17 nasgino hia nuweselei, osiyu, hosdv etsanvsidasdi; usdi gesv osiyu nitsadvnelv; tsagvwiyusadegi gesesdi asgohi degaduhvi. 18 talineno ulutsvhi, hia nuwesei, sginatlai, tsatseli sudagedv gisgi iyudagedv unequotsv. 19 nasgino nasquo hia nuweselei, nihi nasquo hisgi igadugi tsagvwiyusadegi gesesdi. 20 uwadaleno ulutsei, hia nuwesei, sginatlai, gvniyuquo ani tsatseli sudagesv, agisquanigodvgi agitsanulvgi ayatlogihi; 21 gvnayesgvyeno, nvdagalisdodisgvgi hisdayiyu gesv hisgaya; higisgoyeno nasgi nitsanvna gesvi, ale hisgudesgo nasgi nitsawisvna gesvi. 22 hiano nuweselei, tsvsv nitsawesv dagvtani dodagvyugodaneli tsayo etsanvsidasdi. higatahvgi tsisdayiyu gesvi, tsigisgv nasgi aginvhi nigesvna gesvi, ale tsisgudesgv nasgi agiwisvhi nigesvna gesvi; 23 gadono tla disquanigododiyi yiwidotsane diquatseli adenu, agilutsilvno diquatseli ale uninequotsvhi yidagigisei. 24 hiano niduwesele nav anidonai, etsigisi nasgi na sudagedv, ale asgohi iyudagedv tsuhi etsivsi 25 hiano nigvwaweselei, disginatlai, asgohi iyudagedv deuha 26 hiayeno nitsvweseha, nasgi naniv unihi getsinedi gesesdi; nunihvnano tsigi, nasgi nasquo unihv getsigiedi gesesdi. 27 nano gvgisgagi, nunadulisgvna tsigesv agigvwiyuhi iyaqualisdodiyi anehvi, editsatinuga, ale ditsiluga tsigatahvi 28 [tsisano] nasgi nuwesv, igvyi uwenvha uhnaluse tsilusilimi wagatei. 29 hiano lvlistane nav ulutsv svgadohi ale quediniyi, nahna oliwayohi usahilv tsidudoa, nasgi anitali gvwasdawadidohi dunvsei, 30 hia nuwesei, isdena itlv natsvdigaduha, nahnano wisdilutsvha dayesdiwadvhi agina gelisadesdi, nasgi vtla asi gilo ugilvtanvhi yigi; esdelisadesvha ale tsasdatinesvha. 31 iyuno gilo isdadvdvnv gadono iesdelisadeha? isdoselvha, hia nesdiweselvha; ugvwiyuhiyena uduliha. 32 getsinvsvhino unenvse ale wuniyudvhe nasgiya niduweselvi. 33 anelisadesgeno agina, uninatlai hia nigvwaniweselei, gadono iesdelisade agina? 34 hiano nuniwesei. ugvwiyuhi uduliha. 35 tsisano unatinohelei; tsunanuwono agina gasohi dunitlvnei, ale nahna unagilvtane tsisa. 36 aisvno tsunanuwo duniyesdvne nvnohi. 37 navno wulutsv, nahna agasoasgv iyvdv oliwayo usahilvi, nigadv unitsiti gesv anadasdawadidohi unalenvhe analihelige ale anilvquodisge unelanvhi asdaya aninegei. nvdigalisdodisge nigadv usquanigodi degalvwisdanelv unigohvi; 38 hia naniwesgei. galvquodiyu gesesdi nasgi na ugvwiyuhi yihowa dudosdv tsigaluhisdiha; galvladi nvwadohisdv gesesdi, ale galvquodiyu gesesdi wasdv galvladiyu gesvi! 39 gadvno aniqualisi nahna unitsati nunadvnv hia nvdigvwaweselei, tadeyohvsgi, tinvsdadisi getsasdawadidohi. 40 unetsvno hia niduweselei, hia nitsvweseha, iyuno hia elaweyi yunvnv, nvya gilaquo iyvdv yaneluhvga. 41 navno ulutsv, dukahnanv gaduhvi, usgonilei, 42 hia nuwesei, iyuno nihi yihigatahei, vv, nihi, gohi nasquo nasgi hia tsatseli iga gesvi, nasgi nvwadohiyadv tsanehi gesvi! aseno hnaquo etsvsgalanelv. 43 nahiyuyeno gesv datsaliyeiloheli, nasgi getsasgagi gesv dodvnelisgalvhi gvwaduwidv, ale dodagetsaduwistani, ale nvgatidani getsalisdudesdi. 44 ale gadohi dagetsatluni, ale ditsetsi gvniyai gesesdi; ale vtla getsahiyedi yigesesdi saquo nvya yidudasatlahesdi; nvdigalisdodiha nigatahvna tsigesv iyu etsawadvhihisdi gesvi. 45 wuyvlvno udvnadigalawiisdiyi, ulenvhe dunugowise nahna aninodisgi, ale uniwasvvsgi; 46 hia niduweselei, hia nigvnv gowela, tsinelv adadolisdodiyi adanelv dudoa, aseno nihi aninosgisgi uniyvsdiyi usdagalv nitsvnelv. 47 nidugitsvnisvno dadeyohvsge udvnadigalawiisdiyi. aseno nunigvwiyusv atsilvanelohi ale dinowelisgi ale nunigvwiyusv awi gvwatlawisdidege gvwadvdasdanediyi. 48 ale unatlotse iyunadvnediyi; nigadvyeno yvwi gvwatlawisdidege gvwadvdasdanediyi.

20:1 hiano nulistanei, nasgi saquo iga nahiyu gesv, degeyohvsge yvwi udvnadigalawiisdiyi, osdv kanohedv alitsidohvsgei, nasgi nunigvwiyusv atsilvanelohi, ale dinowelisgi gvwanolei, unaligose dinilawigi, 2 ale gvwalinohetane, hia nuniwesei, sginohvsi, gado tsalisgasdodi hia nasgi tsinusdi tsidetsalvwisdaneha? ale gago nasgi natsanelvhi nasgi itsadvnediyi? 3 unetsvno hia niduweselei, ayv nasquo sudalegi datsvyadvdvni; ale sginohvsi; 4 tsani tsudawosdi gesvi, galvladisgo tsudalenei, yvwiquoge anehvi. 5 dotsunadanvdvno unadanvtele hia naniwesgei, iyuno galvladi, yogadvnv, hia yinogiwesi, gadono tla yietsoiyunei? 6 iyuno yvwiquo anehvi, yogadvnv, nigadvquo yvwi nvya yidegogvnisda; tsaniyeno adolehosgi gesvgi, aneliha. 7 uninetsvno, vtla yotsigataha tsudalenvi, unadvnei. 8 tsisano hia niduweselei, vtla nasgi ayv yvgetsvnohvsi iyusdi gesv aqualisgasdodv hia nasgi tsidagilvwisdaneha. 9 ale hnaquo ulenvhe nasgi hia dutlilosdanele yvwi; gilo iyusdi asgaya telvladi duwisei, ale dudolastane tlogesi wunilvwisdanehi, ale inv wulose gohidv wuwedolei. 10 nahiyuno unvnisdiyi gesv unvsidasdi unvse tlogesi tsunilvwisdanehi diehvi, nasgi nidodagvwanvnediyi unadadvnvhi telvladi dawisvi; aseno tlogesi tsunilvwisdanehi unilivnilv asvha unigehidolei. 11 ale taline nvwadale unvse unvsidasdi gagvwanisotlvtanv, asvha unigehidolei. 12 alewo tsoine unvsei; nasgino nasquo unisonvnv uninugowisei. 13 hnaquono telvladi dawisv utseliga, hia nuwesei, gado dagadvneli? aquetsi tsigeyui datsinvsi; yanilvquoda yigi nasgi anigohvha. 14 aseno tlogesi tsunilvwisdanehi unigohv, unvsv gesv unalinohele hia nidunadaweselei, hia nasgi utiyedi tsigi tsugvwalodi, ka, ediluga, nasgino tsugvwalodi utiyasdanedi gesv igatseli yinigalisda. 15 howano uniugowisv telvladi dawisvi, unilei. nasgi iyusdi nasgi na telvladi dawisv utseliga gado dodagvneli nasgi? 16 dagalutsi ale dodvdvtani nasgi na tlogesi tsunilvwisdanehi, ale nvwanadale dodvneli telvladi dawisvi. nasgino unadvganelv, vtlesdi, unadvnei. 17 dukahnanvno, hia nuwesei, gadono nasgi hia tsinigvnv tsigowela, dinanesgesgi uniyoiselvhi nvya nasgi nugvwiyusv unvsiyv adi nulistanv? 18 gilo nasgi nahna nvyohi atlvtsvha dayusonvni; gilono nasgi usonvha dayuweliwotani. 19 unigvwiyusvno atsilvanelohi ale dinowelisgi nahiyuquo unanelotane uniniyvdiyi, aseno dunisgale yvwi; unadolegeseyeno nasgi hia dutlilostanv unvsv getsidvgvi. 20 gvwagasayasdeno, ale dotsuninvse anadagasayasdisgi, nasgi unadanvti unatsalvdiyi nasgi gvwagonelohisediyi gawonisgvi, nasgino widuniyohisediyi uyeilisdiyi ugvwiyuhi. 21 gvwadvdvneno hia nuniwesei, tadeyohvsgi, otsigataha hiwonisgv ale dehadeyohvsgv duyugodv gesei, ale nitilvquododvna gesv nunasdv yvwi, unelanvhisgini utseli ganvnv udohiyuhiya dehadeyohvsgvi; 22 duyugodisgo sisa edaguyvsvdiyi ayeli adayvdi gesvi, tlage? 23 aseno udolehose anisinasanvgvi, ale hia niduweselei, gadono isgisadvvsga? 24 tsigowadv agisi tsugvwalodi. gago dagatlilosdi, ale gago atsinohese hia tsigowela? uninetseno, sisa, unadvnei. 25 hiano niduweselii, sisa adina etsaguyvsi sisa utseliga, unelanvhino unelanvhi utseliga. 26 kanegvno vtla yeli gagvwanigonelohisedi yigese yvwi anigatahvi; unisquanigoseno nuwesv unetsvi, ale elaweyi unvnei. 27 hnaquono gilo iyunasdi anisadusi, nasgi tsanadayiha ayohusv dilehisodi gesvi, gvwalutselv gvwadvdvnei, 28 hia nuniwesei, tadeyohvsgi, mosi ogowenelvgi hia nogiweselvgi, gilo dinadanvtli ayohusgesdi udalii uwekahesdi, ale tsuwetsi nanehvna ayohusgesdi, nasgi dinadanvtli adayegesdi udayvdv, ale dadvhisdanehesdi tsuwetsidinadanvtli. 29 nasgino anehvgi galiquogi iyanidv analinvtli; udaniligeno udesvnvgi, ale uyohusv tsuwetsi nanehvna. 30 ale taline wehi nasgi udayvsvgi, ale uyohusv tsuwetsi nanehvna. 31 ale tsoine wehi udayvsvgi; ale nasgiya nasquo galiquogi iyanidv; ale tsunetsi nanehvna duniyohusvgi. 32 oniyino ageyv nasquo uyohusvgi. 33 nasgino hnaquo dilehisodi nigalistanilvha, gago udalii gesesdi nasgi, galiquogiyeno iyanidv unadayvdv igi. 34 tsisano unetsv hia niduweselei, ani elohi anehi danadesvhvsgoi ale degetsiyegoi; 35 nasgisgini soiyi digesv ale ayohudv dilehisodi gesv yeliquo gvwanateladisdi getsiyelvhi, vtla yidanadesvhvsgoi, vtla ale yidigetsiyegoi. 36 vtla ale hnaquo digvwaniyohuhisdi yigesesdi; dinikahnawadidohisgini galvladi anehi nunasdv nasgiya nunasdesdi; ale unelanvhi tsuwetsi nasgi, ayohusv dilehisodi gesv tsuwetsi gesv iyusdi. 37 nano tsuniyohusvhi tsunalehisodi gesv, yisi gvnigesv nuwanele uweyodadvi, nahiyu yihowa unelanvhi equahami utseliga, ale unelanvhi esigi utseliga, ale unelanvhi tsegaqui utseliga, tsuwoselei. 38 unelanvhiyeno vtla tsuniyohusvhi unatseliga yigi, dinvnodvsgini; nasgiyeno adanvtesgv nigadiyu dinvnodv. 39 hnaquono gilo iyunasdi dinowelisgi uninetse hia nuniwesei, tadeyohvsgi, yeligaya niwi. 40 nahiyuno iyudalenvdv anisgaihe gohusdi gvwadvdvdiyi. 41 hiano niduweselei, gado digalisdodiha galonedv dewi uwetsi tsanadiha? 42 dewino uwasv hia nigaweha dikanogisdiyi goweli, yihowa hia nuwesele ugvwiyuhi aquatseliga, tsigatisi iditlv tsolesdi, 43 gvni getsasgagi getsasgagi ditsalasidiyi gasgilo nigatsiyvnelvha. 44 dewiyeno tsagvwiyuhi goseha; gadono digalisdodiha uwetsi igi? 45 hnaquono nigadv yvwi unadvdasdv, hia niduwesele gvwasdawadidohi, 46 deyadotsehesdi dinowelisgi, nasgi tsunadulisgo diganvhidv tsunanuwai unedasdiyi, ale osiyu tsuniyelvha getsiyolisdiyi diganododiyi, ale nugvwiyusv degasdilv digalawiisdiyi, ale nugvwiyusv dinatlvdiyi danalisdayvhvsgvi; 47 nasgi tsidanisvneho tsunosulotsvhi daninelvi, ale unatlonasdv gohidiyu tsanadadolisdisgoi; nasgi utlihiyu igai unigiliyoisdi gesesdi.

21:1 dukahnanvno dugohe tsunehnai anihvsge adelvdidiyi unalisgolvtanvhi. 2 ale nasquo ugohe gilo iyusdi uyo iyudvhnadegi uwosulotsvhi nahna ahvsge tali aginudvdi iyadanvtedi. 3 hiano nuwesei, udohiyuhiya itsvyoseha, hia nasgi uyo iyudvhnadegi uwosulotsvhi utli igai ahvga esduquo nigadv anisoi. 4 hiayeno nigadv utsati unihv unotsaledv anihvga unelanvhi alisgolvdanedi gesvi; hiasgini uyo iyudvhnadegi gesv nigadiyu ulisdelvdodi uhvahvga. 5 igavno unineistanv udvnadigalawiisdiyi, nigav goduisdv gvtanvnvya tsuwoduhi ale dilisgolvtanvhi, hia nuwesei; 6 hiano nasgi tsidetsigowadiha, dvsqualvhi, nasgi vtla saquounv nvya yidudasatlehesdi nasgi nigohvtanvna yigesesdi. 7 gvwadvdvneno hia nuniwesei, tadeyohvsgi, ilagono iyu hia nasgi nvdagalistani? ale gado usdi uyelvdv gesesdi nahiyu hia nasgi tsudalenvdv aliyeilolvha? 8 hiano nuwesei, itseyatahesdi tlesdi tsietsilonastani; unitsatesdiyeno ayv daquadov aniluhisdisgesdi, ayv galonedv anadisgesdi, ale hnaquo usqualvhidi; nasgi iyusdi tlesdi ditsisdawadvsvgi. 9 aseno itsadvgisgesdi danvwa ale tsudalenvdv nigalistanidohvi, tlesdi yitsisgaihesdi; hiayeno nasgi ase igvyi iyulisdodi, vtlasgini igvwenvdvquo ulisquadisdi yigesesdi. 10 hnaquono hia niduweselei, tsunadalenvdv yvwi dodvnaleni dodvnadatlutani, ale ayeli dudotlvwadisv dodvnadatlutani; 11 ale gadohi utsati dalitelvnidohesdi, ale dagonulosidohesdi; ale vyugihiyu nigalistanidohesdi; ale unayehisdiyu ale usquanigodi uyelvdv gananugogesdi galvloi. 12 aseno asi nasgi hia nigadv nulistanvna gesesdi dodagetsiniyvhi ale uyonvdagetsvneli, degetsiyosgesdi tsunilawiisdiyi, ale didasdudiyi, ale detsadinohihesdi unigvwiyuhi ale nunigvwiyusadegi dunolv igvyiditlv ayv daquadov nvdigalisdodisgesdi. 13 ale nasgi kanohesgi itsalisde lvdodi nigalisdisgesdi. 14 nasgi iyusdi niditsugodesdi detsadanvdvi asiquo udalulesdi, itsadanvtehisodiyi nigesvna itsiwesdiyi itsalisdelisgvi. 15 ayvyeno datsvneli itsiwesdiyi ale agadovhisdi gesv nasgi nigadv getsaquidisgi yeli digvwanitilvsdi ale gvwaniselugisdi nigesvna gesesdi. 16 ale degetsiyosgesdi ditsigayvligei, ale itsalinvtli, ale gohusdi ditsadadvhna, ale ditsalii; ale nasgi nvdvnvnisani gilo nihi tsetsiisdi gesesdi. 17 ale nigadiyu yvwi getsisgagi gesesdi yvwi daquadov nvdigalisdodisgesdi. 18 aseno vtla saquounv itsisdiyegv itsisgoli uyohuhisdi yigesesdi. 19 ditsvnidiyu gesv detsisdelvdodisgesdi ditsadanvdogi. 20 tsilusilimino itsigowatisgesdi aniyawisgi hnaquo dunaduwisdesdi, itsigatahesdi nasgi uyoisdi gesv usqualvhidisvi. 21 hnaquo nasgi tsudiyi anehi analisvha odali wanilosvha; ale nasgi ayeli gesv anedohi aninugotsvha; iyvdvno wuwadadv dinehi tlesdi nahna yuniyvlesdi. 22 utlegiyeno nahiyu gesv uliyilohisdi gesesdi, nasgi nigadiyu gowelanvhi gesv nasgi iyulisdodiyi. 23 dininelidvsgini ale tsunisdai uyoiyu iyunalisdanedi gesesdi nahiyu gesvi! utsatiyeno agiliya ehesdi ani gadohi, ale utalawohisdi gesv unilutsedi gesesdi hia yvwi. 24 ayelasdinoganvhidv tsuninvisdodi gesesdi, ale digetsiyvginvhi tsunadalenvdv yvwi danewadisv widigegatinvsdvdi gesesdi; tsilusilimino tsunadalenvdv yvwi unalasdaedi gesesdi, gvni asquadvha tsunadalenvdv yvwi gegadanelanelvhi gesvi. 25 uyelvdvno agowadvdi gesesdi nvdo iga ehi kalvi, ale nvdo svnoyi ehi kalvi, ale noquisi anikalvi; ale elohi tsunadalenvdv yvwi anehv uwelihisdi, ale udeyadodi nvdayunalisdaneli; amequohi ale ama dalisdilanegv usquanoyvgesdi; 26 yvwi dunadanvdv dulvdehihesdi nvdigalisdodisgesdi aninayesgv ale anigatenohv nasgi tsudalenvdv elanigv unanugoisdi gesvi; unitsatiyeno galvlo tsanikala dvnalitelvni. 27 hnaquono dvnigohi yvwi uwetsi tsaisesdi ulogilvi ulinigidv ale utsati galvquodi nvtsudvhnadisesdi. 28 nasgino hia tsudalenvdv alenvhvha nasgi nigalisdisgesdi, hnaquo galvladi widitsakananvha, ale detsisaladanvha ditsisgoli; etsudalesdiyeno gesv navniyu tsaisesdi. 29 unetseno dutlilosdanelei; ditsakanvga egalaiyusdi tlugvi, ale nigav detlugvi; 30 hnaquo gila tsigalasduhvsgoi, nasgi itsigowadv itsvsvquo gesv itsigatahogogi hnaquo navniyu gesvi. 31 nasgiya nasquo nihi hia nasgi tsudalenvdv nigalisdisgv itsigowatisgesdi, itsigatahesdi unelanvhi ugvwiyuhi gesv navniyu gesvi. 32 udohiyuhiya hia nitseweseha, gohi tsaneha vtla yvdvnilosoni gvni nasgi hia nigadiyu nigalistanvha. 33 galvloi ale elohi dvnitsasoni; aginetsvsgini vtla yvdagalosoni. 34 ale itsadagasayasdesdi itsvsv gesvi, tlesdi ilvhiyu detsadanvdv gagedv yinitsalisdanehesdi yinvdigalisdodisgesdi itsilosvsdisgv itsalisdayvhvsgvi, ale detsiyvsdesgvi, ale elohi adanvtedi gesvi, nasgino nahiyu iga nitselisgvna itsilutsediyi. 35 tsasadoyeno igagadv dayunilutseli nigvnadv dinehi. 36 nasgi iyusdi itsiyawisgesdi nigohilvi, itsadadolisdisgesdi, nasgino yeliquo hia nigadv tsudalenvdv uliyeilohisdi tsigi gvwanadiwisedi, ale yvwi uwetse uwolv igvyiditlv gvwanaledi gayetselisedi yinigalisda 37 igano gesv dadeyohvsge udvnadigatawiisdiyi; usvno ganugogei, ale oliwayohi tsanoseho odalv usvhihei. 38 nigadvno yvwi sunaleiyu gvwalutsehe udvnadigalawiisdiyi gvwadvdasdanediyi.

22:1 nagotanvnano gadu agisdiyi usqualvhidisei, nasgi kanohiyeno dilisdayvdiyi tsidudoa. 2 nunigvwiyusvno atsilvanelohi ale dinowelisgi uniyole iyunvnediyi unihisdiyi; danisgaiheyeno yvwi. 3 hnaquono sedani uyvsele tsudasi isgaladi tsudoidv, nasgi gela gese taladu iyanidv gesvi. 4 uwenvseno widulinohetane nunigvwiyusv atsilvanelohi ale dinadaniyisgi, iyuwanediyi. 5 unalihelitseno, ale gvwanetsele adelv digvwanediyi. 6 uduistaneno, ale uyole tsuyuhisediyi, nahiyu unigonelv unitsati. 7 hnaquono usqualvhe nagotanvna gesv gadu agisdiyi, nasgi kanohiyegi dilisdayvdiyi ahisdi gesvi. 8 tsisano dunvse quida ale tsani, hia nuwesei, isdena wisdadvnvisda kanohiyegi, nasgi igalisdadiyi. 9 hiano nigvwaweselei, hatlv tsasuliha oginadvnvisdodiyi? 10 hiano niduweselei, gvniyuquo, gaduhv isdiyvlvha, asgaya dodatsatlosi, ayehesdi atelido ama atlisdesdi; esdisdawadesvha adanelv wuyvlvi wisdilutsvha. 11 hiano nesdiweselvha asgaya ganela, dideyohvsgi hia nvditsaweseha, hetlv anedohi uniyvsdiyi nahna kanohiyegi itsulaha ogalisdayvdiyi gvnisdawadidohi? 12 dasdasehelino udvna galvladi kanvsulv osdv igvnelvhi; nahna isdadvnvistanvha. 13 unenvseno ale wuniwadvhe nasgiya niduweselvi; unadvnvistaneno kanohiyegi dilisdayvdiyi. 14 usqualvhvno nahiyu gesvi, unisinei, ale nasquo taladu iyanidv getsinvsidv. 15 hiano niduweselei, utsati aquadulisgvgi hia kanohiyegi itsulaha igalisdadvdiyi asiquo nagigiliyotsvna. 16 itsvyoseyeno vtla hnaquo hia nasgi yvgagalisdayvda gvni ulisquadvhi gesesdi unelanvhi nahna ugvwiyuhi gesvi. 17 ugisvno ulisquidi, ale ulihelitsv, hia nuwesei; hia itsigi ale itsiyadoga itsvsv gesvi. 18 hiayeno nitsvweseha, vtla yvgagadita telvladi unenvhi gvni unelanvhi ugvwiyuhi gesv aliyeilolvha. 19 gaduno ugisei, ale ulihetlitsv, ugvhaluyei, ale dunelei, hia nuwesei, hia nasgi ayv tsiyelvi, nasgi nihi etsaguyvtanvhi tsigi, hia nasgi nitsadvnehesdi ayv sgiyanvdadisgesdi. 20 nasgiya nasquo ulisquidi nvgise unalisdayvnonv, hia nuwesei, hia nasgi ulisquidi itse kanohedv tsutlohisdvi ayv agigigvhi, nasgi nihi itsatsewotselvhi tsigi 21 aseno gvniyuquo nasgi uwoyeni aquatludisgi oginatequaloha ani gasgilvi. 22 ale udohiyuhiya ayv uwetsi dayesi nasgiya dudugotanvi, aseno uyoiyu iyulisdanedi nasgi naasgaya utludisgi 23 unalenvheno dunadadvdvne unvsv gesv, nasgi nvdidvnelisv hia. 24 ale nasquo anadisvhihe nasgi na unvsv gesv utli atsilvquodiyu iyulisdodi gesvale nasquo anadisvhihe nasgi na unvsv gesv utli atsilvquodiyu iyulisdodi gesvi. 25 hiano niduweselei, unigvwiyuhi tsunadalenvdv yvwi tsunatseliga, digvwananelodvdiyi nanvneho yvwi; ale nasgi digvwananelododi iyanvnehi osdv idinadvnehi gessehoi. 26 nihisgini vtlesdi nasgi yinitsvnesdi; nasgisgini na nihi nitsadvnv utli iyatsilvquodi; nasgi awinage nasgiya gesesdi; nasgiya na nugvwiyusadegi disdelvhidohi nasgiya gesesdi. 27 gagoyeno utli atsilvquodiyu, alisdayvhvsgi ano adasdelvhidohi? tlasgo nasgi na alisdayvhvsgi? ayvsgini itsvyeladidoha adasdelvhidohi nasgiyai. 28 nihisgini nasgi nitsisuligogvna igedolvhi uyo naqualisdanelidohvi; 29 ale itsvyalisgolvdaneha itsigvwiyuhi itsalisdodiyi, nasgiya edoda ayv tsaqualisgolvdanelv; 30 nasgi itsalisdayvdiyi ale itsaditasdiyi agisgilv nahna agigvwiyuhi gesvi, ale itsanvdiyi unigvwiyuhi tsunidiyi degasgilvi, ditsugodanediyi taladu nanilasdalv isili. 31 ugvwiyuhino hia nuwesei, sawani, sawani gvniyuquo, sedani utayolv agalisgolvdanediyi itsvgusdodiyi utsalesdi tsanvtsusdisgo nasgiyai. 32 aseno aquadadolistanv etsasdelvdiyi, nasgi tsohiyusv udalidvdodiyi nigesvna; tsagatahvdvno gesesdi dehalinigohistanvha itsalinvtli. 33 hiano nuweselei; tsagvwiyuhi, aquadvnvisdi gvsdawadvsdiyi nasquo didasdudiyi ale ayohuhisdi gesvi. 34 hiano nuwesei gvyoseha quida, tsataga vtla gvdvyvlasi gohi iga gvni tsoi itsadayilvhi gesesdi ayv sgigatahvi. 35 hiano niduweselei, tsitsvnvsvgi niditsinehvna adelvdigalodi, ale degalodi, ale dilasulo, gohusdisgo gohusdisgo itsinigvsehei? vtla gohusdi, unadvnei. 36 hnaquono hia niduweselei, gohisgini tsigi, gilo adelvdigalodi unaesdi, ganegesdi, ale nasquo degalodi; gilono ayelasdi ganvhidv nuwayvna gesesdi, wiganaduga unuwo ale wuwahi. 37 itsvyosehayeno, hia nasgi tsigowela ase asi dvdohiyuni ayv nvdagvnisani; "ale anisgana gegaselvi nasgi agatloyastanvgi;" ayvyeno aginohesgv ase nasgi nvdagalistani. 38 hiano nuniwesei, tsagvwiyuhi, gvniyuquo, ani tali ayelasdidiganvhidv; hiano nisuweselei, yeliquo nasgi. 39 ale tsunugotsv, uwenvse oliwayo usahilvi nasgi iyudvnedi gesvi; ale gvwasdawadidohi nasquo gvwasdawadvsei. 40 nahnano wulutsu, hia niduweselei, itsadadolisda udalenasdiyi gesv witsiyvsdiyi nigesvna gesvi. 41 dudanveleno nvya wigvdinvdi iyvdv ale duliniquane udadolistanei, 42 hia nuwesei, edoda, iyuno osiyu yitsayelvnv sgihvsiquo hia ulisquidi; aseno vtlesdi ayv gadanvtesgvi, nihisgini hadanvtesgv winigalisda. 43 ginigesvno nudvnele dikahnawadidohi galvladi nvdayulosvhi, ulinigohisdisgei. 44 utsatino ehisdi udanvte utli iyulinigidv udadolistanei; ale ali uhihv nasgiya gese gigv equohiyu gadohi tsiwidigawogoi. 45 dulenvno adadolisdisgv ale widoulutselv gvwasdawadidohi, duwadvhe danilihe uyo uniyelvsv iyusdi. 46 hiano niduweselei, gadono itsilinaa? ditsalehvga itsadadolisdi, nasgi udalenasdiyi gesv witsiyvsdiyi nigesvna. 47 asiquono kanegei, gvniyuquo unitsati, nano tsudasi tsagosehei, nasgi taladu iyanidv gesv gela, igvyi aise, ale nav ulutsele tsisa tsutawedonisei, 48 tsisano hia nuweselei, tsudasi, hiyatawodohvsgvsgo hilonuediha yvwi uwetsi? 49 navno anedohi unadolehosv nusdv wigvwaliyeilohisdi gesv, hia nigvwaweselei, tsagvwiyuhi, ayelasdisgoganvhidv dodayotsiluyastani? 50 asiyvwino uluye nugvwiyusv atsilvgelohi unvsidasdi, ale ulisdestane agatisi galeni. 51 tsisano unetsv hia nuwesei, unanelagi, nasgiquo igai usvneleno galeni ale unvwanei 52 hnaquono tsisa hia niduwesele nunigvwiyusv atsilvanelohi, ale osdv iyunvhnadegi udvnadigalawiisdiyi, ale dinilawigi, nasgi gvwaniyvhilvhi, itsilugisgo adanasahvsgi tsetsiyoho nasgiyai, ayelasdidiganvhidv ale ada tsidetsineha? 53 nisugitsvnisv itsvyeladidohv udvnadigalawiisdiyi, vtla yitsanelotane sginiyvdiyi; aseno itsatseliga gohi tsigi, ale ulisigi ulinigvgvi. 54 hnaquono gvwaniyvhei, ale gvwatinvse ale wigvwayvtane nugvwiyusv atsilvgelohi diganelvi. quidano inv oni dilisdawadisei. 55 hnaquono udlanvdv ayeli unotanv, ale itsulaha unanvnv, quida uwene aninvi. 56 gilono iyusdi adv ugohv atsilvyulodi uwolvi, ale uyanvsvhi dukahnanv, hia nuwesei, hia asgaya nasquo danedohvgi nasgi. 57 aseno udayile hia nuwesei, higeyv, vtla yitsigataha nasgi. 58 gohiyino iyvdv nvwadale ugohv, hia nuwesei, nihi nasquo nahna helv igi. quidano hia nuwesei, hisgaya, vtla ayv nahna gelv yigi. 59 onino sutlilodv iyvdv igohidv, nvwadale nasgi udohiyuhi gesv usdayidei, hia nuwesei; udohiyuhi hia nasquo danedohvgi; geliliyeno dehi igi. 60 quidano hia nuwesei; hisgaya, vtla yigoliga niwesgvi. gilaquono iyvdv, asiquo kanegei, tsataga uyvlasei. 61 ugvwiyuhino ugatahvsv dukahnane quida. quidano unvdade unetsv ugvwiyuhi, hia tsinuweselei; asiquo nuyvlasvna tsataga tsoi nvdasquadayili. 62 unugotseno quida, ale ehisdi dutloyilei 63 anisgayano tsisa digvwaniyvhi gagvwasotlvde ale degvwanihei. 64 degvwagadutlvnvno ukadv degvwanihei, gvwadvdvsge hia naniwesgei, hadolehohi, gago tsitsvniga? 65 ale utsati asi iyudalegi gohusdi gvwosehe gvwasotlvisdisgvi. 66 igaquono nulistanv dinilawigi yvwi anehv ale nunigvwiyusv atsilvanelohi ale nunigvwiyusv atsilvanelohi ale dinowelisgi dunilawitsei, ale danilawiv gvwatinole hia nuniwesei; 67 nihisgo galonedv? sginohvsi. hiano niduweselei, iyuno yitsvnonelv vtla yvgetsohiyuhvga; 68 ale nasquo yitsvyadvdvnv vtla yvgesginetsi, ale vtla yidogesgiyohi. 69 ilvhiyu dvsqualvhi yvwi uwetsi dagani agatisiditlv ulinigidv unelanvhi uwolvi. 70 hnaquono hia nuniwese nigadv, nihisgo unelanvhi uwetsi? hiano niduweselei, yeli nitsiwi, ayvyeno nasgi. 71 hiano nuniwesei, gadono igvdodi asi gohiyudisgi? igvsvyeno edadvgasi uwasv kanegvi.

23:1 nigadvno nasgi unitsati gesv dunalenv qualedi wigvwatinohelei. 2 ale unalenvhe gvwuhisdisge hia naniwesgei, hia nasgi dotsiwadvhvgi deniwesgei, hia nasgi dotsiwadvhvgi dedalenasdisgvgi yvwi, ale dekanvediyi, hia nikawesgvgi, ayv agigvwiyuhi, galonedv. 3 qualedino udvdvne, hia nuwesei, nihisgo tsagvwiyuhi anitsusi unatseliga? unetseleno hia nuwesei, nasgi niwi. 4 qualedino hia nigawesele nunigvwiyusv atsilvanelohi ale yvwi, vtla yitsitsati usganvtsv hia asgaya. 5 aseno unisdayide hia naniwesgei, datelvhvsga hia yvwi, dadeyonidoha tsudiyi nigvnadvi, gelili nvdagvwadalenvdv ani iyasti. 6 qualedino udvganv gelili anineisdisgv udvdvne, gelilisgo ehi hia asgaya, udvnei. 7 udolehosvquono elodv ugvwiyuhi gesv nahna edi gesvi, elodv wuwekanalei, nasgi elodv uwasv tsilusilimi edohe nahiyui. 8 elodvno ugohv tsisa, utsati ose uyelvnei; gohidiyuyeno nvwadulisge ugowadvdiyi, nvdigalisdidodisge utsati tsudalenvdv atsinohesgv udvganvi, ale udugi uwase ugowadvdiyi gohusdi usquanigodi dulvwisdanehvi. 9 udvdvhelvneno utsati tsudalenvdv, aseno vtla yunetselei. 10 nunigvwiyusvno atsilvanelohi ale dinowelisgi danidoge ulinigidv gvwuhisdisgei. 11 elodvno ale tsutseli aniyawisgi gagvwasotlvtanei, ale gvwadehotanei, ale digvwalvsedv anuwo uninuwov qualedi taline wunikanelei. 12 nahiyuno iga qualedi ale elodv unaliidei; dinadasgagiyeno iyulistanvhi gese nahiyu iyasti. 13 qualedino dulawidv nunigvwiyusv atsilvanelohi, ale nunigvwiyusadegi, ale unitsati gesv yvwi, 14 hia niduweselei, sgiyatinohelv hia asgaya yvwi dunadanvdv dilenasdisgi nasgiyai; gvniyuquono tsigoliyevhi tsigi itsigatahvi, vtla gohusdi yitsiwati usganvtsv hia asgaya nasgi nusdv etsuisdisgvi; 15 elodv ale nasquo vtla; nahnayeno itsenvsdiyi itsvnetselvgi; gvniyuquono vtla gohusdi teli gvwayohuhisdi gesv yinudvnelv. 16 nasgi iyusdi tsilivnilvha datsiyakani. 17 aseyeno saquo tsuyohisedi geso dilisdayvdiyi gesv iyui. 18 aneluneno saquo igagadv, hia nuniwesei, hiluga hia asgaya, qualaquano disgiyohisi. 19 nasgi qualaqua udasuyedv unalitelvnv nahna gaduhv ale udalvi atsisdvdistane didasdudiyi atsiyvtanvhi gesei. 20 qualedino udulisgv tsisa uwegodiyi nvtsulisdotane taline dunetselei. 21 aseno unelune hia nuniwesei, hisdvvga, hiyadvvga. 22 tsoineno hia niduweselei, gadono, gado usdi uyo dulvwisdanelv? vtla yitsiwadveha gohusdi yeli gvwayohuhisdi gesvi; nasgi iyusdi datsilivnili ale dodatsiyosi. 23 aseno unatlinigvnele asdaya aninegvi, anitayohihe agadvdiyi. nasgino na ale nunigvwiyusv atsilvanelohi aninegv ugvwiyutsei. 24 qualedino unetse nusdv ugadulisgv iyulisdodiyi. 25 ale duwekanele nasgi tsunitayolei, didasdudiyi atsiyvtanvhi tsigesei tsusdvdisge udasuyedv unalitelvnv ale udalvi; tsisasgini duyohisele unadulisgv iyunvnediyi. 26 gvwatiniseno uniniyvhe gilo iyusdi sawani tsudoidv, salini ehi, dodigalogesv nvdayulosvhi, nasgino unanotledistane tsudahnawadv, nasgi tsisa aisv oniditlv uwenvsdiyi. 27 gvwasdawadiseno unitsati yvwi, ale anigeyv, nasgi nasquo daniyvge ale gvwasgonihei. 28 tsisano dugatahvelv hia nuwesei, itsigeyv tsilusilimi tsuwetsi, tlesdi ayv sgisgonilvgi, itsvsvsgini ditsadasgoniga, ale ditsetsi ditsisgoniga. 29 gvniyuyeno dvliyeitsali iga, nahiyu hia nvdvniwesi, oniyu iyunalisdanedi dinalulvvsgi nigesvna, ale tsunadananugowisvhi nigesvna, ale tsunadasdvnvhi nigesvna. 30 hnaquono dvnalenvhi hia nidodvniweseli dodalvi, sgiyasovga; ale dusahilvi, sgiyutlvvga. 31 iyuyeno itse tlugv nasgi yinvdvnvneli, gado gesesdi ukayodv tlugvi? 32 ale nasquo anitali nvwanadale uyo tsunilvwisdanehi itsulaha degegatinvha digetsiisdiyi. 33 wunilutsvno kawili dudovi, nahna dadahnawasdv gvwadvnei, ale dunadvne uyotsunilvwisdanehi, asiyvwi agatisiditlv, soino agasgani iditlv. 34 hnaquono tsisa hia nuwesei, edoda, tidoligi; vtlayeno yanigataha nanadvnehvi. uniyadoleno unuwo ale anasesdisgei. 35 yvwino unalenawisde dunagadosdei. nunigvwiyusadegino nasquo dunaligonele igvwadegetanei, hia naniwesgei, anisoi dasdelisgvgi; uwasv walisdelv iyuno galonedv unelanvhi usuyedv gesesdi. 36 ale aniyawisgi hnasquo gagvwasotlvdei, gvwalutsehe ale gvwanenehe tsunitsoyasdi, 37 ale hia naniwesgei, iyuno nihi anitsusi unatseli ugvwiyuhi gesesdi, tsvsv halisdelv. 38 ale nasquo gowele ulisdadv galvladitlv anigoi uniwonihisdi, ale anilomi uniwonihisdi, ale aniquilu uniwonihisdi gowele hia nigvnei; hia ugvwiyuhi anitsusi unatseliga. 39 asiyvwino nasgi uyo tsunilvwisdanehi nasgi digegadvnvhi gagvwasotlvdei, hia nigawesgei, iyuno nihi gilonedv gesesdi, halisdelv tsvsv ale ayv sginisdelv 40 soisgini tsunetsv ugvsgolvnei, hia nuwesei, tlasgo unelanvhi yinayesga utloyiquo detsadugodanelv tsigi? 41 ayvsgini udohiyuhi duyugodvi; ayvyeno deginilvwisdanelv duyugodv ginisdvdiha, hiasgini vtla gohusdi utsatini iyudvnelvhi yigi. 42 hiano nuwesele tsisa, tsagvwiyuhi, squanvdadvha wilutsvha tsatseligohi. 43 tsisano hia nuweselei, udohiyuhiya gvyoseha, gohi iga tsigi winedohesdi nvwadohiyadv digesvi. 44 taladuno iyvdv iyutlilodv kalawadisv gesei, ale nigvnadv ani gadohi ulisihvse tsoine iyutlilodv iyaste. 45 ale nvdo ulisihvsei, ale anuwo ayedoladv udvnadigalawiisdiyi ayeli dulistluyei. 46 tsisano asdaya unetsv hia nuwesei, edoda, nihi degvyohisi aquadanvdogi; nasgino nuwesv ulisquadelei. 47 asgohitsuquino didatenehi ugohv nulistanidolvi ulvquotane unelanvhi hia nuwesei, udohiyuhiya udanvdi asgaya gese hia. 48 nigadvno yvwi nahna agowadvdi gesv unagadostanilvhi, unigohv nulistanidolv dunvnile dininetsiyi, ale unatsvsei. 49 nigadvno gvwagatahi gesv ale anigeyv gelili nvdagvwasdawadvdv inv tsunalenvnei anigowatisge nasgi hia. 50 gvniyuquono asgaya tsowa tsudoidv, digalawigi, udanvti asgaya, ale duyugodv iyadvnehi, 51 (nasgi vtla osiyu yuyelvne nasgi nusdv dunugotanv ale nunadvnelvi,) alimadiyi ehi gesei, nasgi anitsusi uniduhvi, nasgi nasquo agatiye unelanvhi ugvwiyuhi gesvi, 52 hia nasgi asgi ayagaya qualedi wulutsele ale utayosele tsisa ayelvi. 53 ale udesv doledv anuwo uwetsanulotanei, ale atselisdv unvne nasgi nvyohi ataledv, nasgi nahna ilvhiyu gilo natsinvnvna gesvi. 54 nahiyuno iga advnvisdodiyi gesei, unadodaquasgvno hnaquo ugitsisgei. 55 anigeyvno nasquo gelili nvdagvwasdawadvdv, oni analisdawadisei, ale unigohe atselisdvi, ale nigvnv uninvnv ayelvi. 56 unatsvseno ale unadanelane gawasvgi ale atlonedi; ale uniyawesole unadodaquasgv nasgiya nigvnv dikahnawadvsdi.

24:1 igvyiyino iga sunadodaquasdi gesv gila iga tsinigalisdisgoi, unilutse atselisdvi, duniyole digawasvgi nasgi tsunadanelanvhi, ale gilo iyunasdi anehei. 2 uniwadvheno nvya iyvdv wigasaqualelvstanvhi gese atselisdvi. 3 uniyvlvno vtla yuninawadvhe ayelv ugvwiyuhi tsisa. 4 hiano nulistanei nasgi utsati unadeyatanehe nasgi nvdigalisdodisgei, eniyuquo anitali anisgaya nav dunalenile digvwatalugisgi tsunanuwai; 5 anisgaiheno ale eladi nidunvne dunakadvi, nasgi hia nigvwaniweselei, gadono gvnodv ietsiyoha tsuniyohusvhi nunadvnvi? 6 vtla ani yigana, dulenvyeno; itsanvdada nitsiweselvi asiquo gelili tsedohvgi, 7 hia tsinigawesgvgi, yvwi uwetsi ase yvwi anisgana digetsiyohisedi gesesdi, ale agadvdi dadanawasdvi, ale tsoine iga tsulehisodi. 8 unanvdadeno unetsvi, 9 ale atselisdv diunatsvsei nasgi hia nigadv nulistanidolv duninonele sadu iyanidv, ale nigadv anisoi. 10 nasgi hia meli magideli ehi, ale tsoana, ale meli tsimi utsi, ale nvwanadale anigeyv anehi, nasgi tsiwigvwaninonele getsinvsidv. 11 uninohelvhino asequoquo nvwasdei, ale vtla yigegoiyunei. 12 quidano dulenv, dusqualvtane atselisdv wulosei; udisdunvno dugohe doledv dinuwo unelagi iyvdv doganei, udanvseno asquanigosge nasgi nulistanidolvi. 13 ale gvniyuquo, nahiyuquo iga anitali unadasdawadidolvhi digaduhv emeyasi tsudoidv wanigatei, nasgi tsunela iyvdv iyutlilodv nidudale tsilusilimi. 14 analinohesgvno aninohesge nigadv nasgi nulistanidolvi. 15 hiano nulistane nasgi asiquo analinohesge ale danadadvdvhvsgei, tsisa uwasv nav ulutsv nasgi unenvstanei. 16 aseno dinigadoli degetsiniyvele nasgi gvwolisdiyi nigesvna. 17 hiano nisuweselei, gado isdinoheha hia nasgi tsisdalinoheha isdaisvi ale uyoquo tsinvwasdi tsisdadanvta? 18 asiyvwino nasgi tlioqua tsudoidv unetsv hia nuweselei, tsigo hedohiquo nihi tsilusilimi, ale nigatahvnaquo nasgi nahna nulistanidolv gohi tsigi? 19 hiano niduweselei, gado usdi? hiano nigvwaweselei, tsisa naselidi tsehvgi nulisdanelvi, nasgi adolehosgi tsigesvgi, ulinigidv dulvwisdanelv ale dadeyohvsgv tsigese unelanvhi agatahv ale nigadv yvwi anigatahvi. 20 ale nasgi nunigvwiyusv atsilvanelohi ale tsogatseli nunigvwiyusadegi tsidegvwayose tsagugodanediyi uyohuhisdiyi, ale tsigvwadvnvgi. 21 aseno udugi ogvsvgi nasgi isili didatisgi gesvi. ale nasquo gohi iga tsigi tsoine ugitsiha nasgi hia igvlistanvhi; 22 vv, ale nasquo gilo iyunasdi anigeyv ogadatlugv anela usquanigodi gogadanvdadistanvgi, nasgi gila tsugitsisgo atselisdv wunedolvhi; 23 wunatlotsvno ayelvi, unilutsei, hia nuniwesei, dinikahnawadidohi nasquo dotsigowadv nasgi gvnv gogosi, unadvnei. 24 ale gilo iyusdi nasgi otsehi unenvsvgi atselisdvi, ale wuniwadvhe nasgiya nusde anigeyv nuniwesvi; nasgisgini navtla yunigohei. 25 hnaquono hia niduweselei, itsinegutsi, ale itsadanvdv itsisganoliyu itsohiyudiyi nigav nuniwesv anadolehosgi! 26 tlasgo hia nasgi iyusdi ase ugiliyoisdi yigese galonedv, ale woyvsdi yigese galvquodiyu utseli digesvi. 27 ulenvtanvno mosi, ale nigadv anadolehosgi, duwosisanele nagav gowelv nasgi uwasv unohesgvi. 28 navno unilutse gaduhv nahna wanigadvi; utlino iyvdv tsiwvdigalosiso iyusdi nudvnelei. 29 aseno igvwasdiyetanei, hia nuyvwesei, ayv sginisvsi, hnaquoyeno usvhiyehiyu, ale eladiyu wikala. uyvleno dodisvselisei. 30 hiano nulistane nasgi ganvgei dinalisdayvnisei, gadu ugisv ulihelitsei, ale ugvhaluyv dunelei. 31 dinigadolino dulisduisei, ale igvwolitsei, ale ulidvtane danikanvi. 32 hiano nidunadaweselei, tlasgo digininawi tsudilegiyu yigese hawini tsiginalinohedisgv didaisvi, ale tsideginosisanehv goweli? 33 nahiyuquono aliyeilisv dunalenei, ale tsilusilimi taline wiunilosei, ale duniwadvhe danilawie sadu iyanidv, ale nasgi gvwanadatluwasdidegi, 34 hia naniwesgei, ugvwiyuhi dulenv udohiyuhi, ale sawani gvnigesv nudvnelv. 35 ale uninohele nulistanidolv anaisvi, ale nasgi unolistanv gadu agvhaluyasgvi. 36 asiquono nasgi naniwesgei, tsisa uwasv ulenile ayeli aninvi, ale hia niduweselei, nvwadohiyadv itsatseliga gesesdi. 37 aseno uninayesei, ale unisgalei, adanvdo otsigowadv anelisgei. 38 hiano niduweselei, gadono itsadeyataneha? ale gadono tsutlvwidv nitsalisdane doditsadanvdvi? 39 ditsakanvga diquoyeni ale diqualasideni, aquvsvquo hia tsinaquadvnv; sgiyasvniga ale itsadolehohi; adanvdoyeno vtla yuquedala, ale vtla tsugola yidulv nasgiya tsitsigowatiha ayv nidaquvnvi. 40 nasgino nuwesv dunanugowisele tsuwoyeni ale tsulasideni. 41 asiquono nanohiyuhvsgvna gese nvdigalisdodisge analiheligvi, ale unisquanigosgei, hia niduweselei, alisdayvdisgo ani itsiha? 42 gvwanvneleno agvhalvdv atsadi asvnatilodv, ale agvhalvdv wadulisi. 43 suneseno, ale ulisdayvne anigatahvi. 44 hiano niduweselei, hia nasgi tsinitsvweselvgi, asiquo tsitsvyeladidohvgi, nasgi nigav nasgi ase iyulisdodi gesvi gowelanvhi gesv dikahnawadvsdiyi mosi utseliga, ale anadolehosgi dunowelvi, ale dikanogisdiyi, ayv gvginohesgvi. 45 hnaquono dusduiele dunadanvdvi, nasgi tsunolisdiyi goweli; 46 hiano niduweselei, nasgi hia nigvnv gowela, ale nasgi ase ugiliyoisdi gesvgi galonedv, ale tsulehisodi gesv uyohusv tsoine iga; 47 nasgino dudov unvdodiyi ganetliyvsdi gesv odanvdv ale asganvtsv vdadidolisdi gesv gegalitsidonediyi nigadv tsunadalenvdv danewadisvi, tsilusilimi unalenvdiyi. 48 nihino itsinohesgi hia nasgi tsudalenvdv. 49 ale gvniyuquo, gadanvli itsilutsediyi edoda uduistanvhi gesvi; aseno tsilusilimi gaduhv itsinesdi gvni itsanuwosdesdi ulinigidv gesv galvladi nvdayudalenvhi. 50 dutinvseno quediniyi iyvdv; tsuwoyenino dusaladanv osdv dunetselei. 51 hiano nulistanei asiquo osdv dekanetsehei agadadaletane anidonavi, galvladino wagatinvstanei. 52 unadadolisdanelvno tsilusilimi taline wiunilose utsati analiheligei; 53 ale nigohilvquo udvnadigalawiisdiyi aniyaei, analihelitsehe ale anilvquodisge unelanvhi. emenv.