1:1 adalenisgv yisdv kanohedv, tsisagalonedv unelanvhi uwetsi utseliga. 2 nasgiya hia tsinigvnv tsigowela anadolehosgiyi; gvniyuquo, tsinvli tsinvsidasdi tsakadv igvyiditlv, nasgi datsadvnvisdaneli tsalohisdiyi igvyiditlv. 3 uweluga gilo inagei, hia nigaweha; etsadvnvisdasi yihowa ulohisdiyi, dunvnv ditsitsinohisda. 4 tsani dadawosge inagei, ale alitsidohvsge kanohesge didawesdi gesv ganetliyvsdiyi odanvdv ugvwali nasgi gayvdatinediyi asganvtsvi. 5 ale wigvwalutsele nigvnadv tsudiyi ale tsilusilimi anehi, ale nigadv nasgi dunawoe tsodani uweyvi, unisganvtsv aninohvsgei. 6 tsanino unuwe gemili usdiyenvhi, ganotsino udatlosdei; vleno ale wadulisi inage ehi alisdayvdisgei. 7 alitsidohvsgeno hia nigawesgei; utli ulinigidiyu esgaquo ayv oni dayai, nasgi tsulasulogihi dakanesadv vtla yeli yinigoi aquadisadadisdiyi ale digikaneyvdiyi. 8 ayv udohiyuhi ama detsvyawostanv, nasgisgini galvquodiyu adanvdo dodatsawostani. 9 nahiyuno hia nulistanei, tsisa naselidi tsulose nasgi gelili tsigaduha, ale tsani udawoe tsodani. 10 gilaquono iyvdv tsuhnalusv amayi gudanvsv, ugohe galvloi 11 ale hia nvtsuwese galvladi, nihi gvgeyui aquetsi, nasgi osiyu gvyelvi tsigi. 12 gilaquono iyvdv adanvdo inage wutinvstanei. 13 nahnano inage edohe nvgasgohi tsusvhidv, sedani ugoliyesgei; ale inage ehnai degeladidohei; ale dinikahnawadidohi gvwasdelvhidohei. 14 tsanino didasdudiyi natsiyvtanei, tsisa gelili ulutsei, alitsidohvsge osdv kanohedv unelanvhi ugvwiyuhi gesv ugvwali, 15 ale hia nigawesgei, hnaquo aliyiloga, ale unelanvhi ugvwiyuhi gesv esganiyu dayai; ditsinetliyvna detsadanvdvi, ale itsohiyuhvga osdv kanohedv. 16 gelilino vdali ulodi aisvi, dugohe sawani ale enidi nasgi dinadanvtli, vdali anigayaluvsgei; anigayaluvsgiyeno gesei. 17 tsisano hia niduweselei; sginisdawaduga, yvwino disdigayaluvsgi nvdasdvyvneli. 18 gilaquono iyvdv duniyose tsunigayaludi, ale gvwasdawadvsei. 19 nahnano wiuwenv usdigidv, dugohe tsimi, tsequidi uwetsi, tsanino nasgi dinadanvtli, nasgino nasquo unatsae tsiyuhi danotlvhisisge tsunigayaludi. 20 gilaquono iyvdv nasgi widuyanvhei; unvdetsvno unidoda tsequidi gegaguyvehi tsuninvsidasdi itsulaha tsiyuhi unatsavi, gvwasdawadvsei. 21 gequanino wuniyvlei; gilaquono iyvdv digalawiisdiyi wuyvlv dudeyone unadodaquasgv iga. 22 unisquanigoseno nusdv dadeyohvsgvi, dudeyoneyeno ulinigidv tsuho nasgiyai, vtlano dinowelisgi danadeyohvsgv nasgiya yigesei. 23 tsunilawiisdiyino ayae asgaya gadaha adanvdo uyai, ale uwelune, 24 hia nuwesei, oganelagi; gado digadadvdodi nihi, tsisa, naselidi hehi? tsisa sgidvtanilv? gvgataha, nihi nasgi gesvi; nasgi atsilvquodi unelanvhi utseliga. 25 tsisano usgatsei, hia nuwesei; elawe hvna, ale hinugoi. 26 gadahano adanvdo ulvdestanv, ale asdaya uwelunv, unugotsei. 27 nigadvno unisquanigosei; ale unvsv gesv dunadadvdvnei, hia naniwesgei; gado uyelvdi hia? gado usdi hia itse dideyodi gesvi? ulinigidvyeno uhv gvdi dekanetseho anigadaha didanvdo, ale gvwohiyuhvsgoi. 28 gilaquono iyvdv nasgi deganotsalv duyelise gelili nahna gvwaduwidv gesvi. 29 gilaquono iyvdv digalawiisdiyi tsuninugotsv, sawani ale enidi aninelv wuniyvlei, anehe tsimi ale tsani. 30 sawanino udalii utsi ganvge utlvge udilehvsgei; gilaquono iyvdv gvwanonelei. 31 uletsvno ale uweyanesv, duletanei; udilehvsgvno gilaquo iyvdv udiwasei, ale dusdelvhidolei. 32 usvno hnaquo nvdo wudelitsv, degvwatinohele nigadv tsunitlvgi, ale anisgina digvwaniyai; 33 nigadvno gaduhv anehi unadatlisahe galohisdiyi. 34 unitsatino deunvwane tsunitlvgi tsudalenvdv vyugi unehi; ale unitsati anisgina dunugowisei; ale vtla waninegi yidelisehe anisgina, udigalisdodisge gvwoligvi. 35 sunaleno, asi gohidiyu gvwagitsvdi gesv udidvhe unugotsei, ale inage wulosei, ale nahna udadolistanei. 36 sawanino ale nasgi anehi, gvwasdawadvsei. 37 wigvwawadvhvno, hia nigvwaweselei, nigadvquo yvwi getsayose. 38 hiano niduweselei, disoi dodigaduhv widilohi, nahna nasquo galitsidonidolvha; nasgiyeno iyusdi agilutsilv. 39 alitsidonidoheno tsunilawiisdiyi nigvnadv gelili, ale anisgina deganugowisgei. 40 adayesgino utlvgi ulutselei, udadolisdanele duliniquanvnelei, ale hia nuweselei, iyuno osiyu yitsayelvnv, yeliquo yisginvgalv. 41 tsisano, gadoligv udoyanvhidei, ale usvnilei, ale hia nuweselei, osiyu tsiyelvnv; tsadanvgalvdv gesesdi. 42 unetsvquono gilaquo iyvdv adayesgi utlvgv ulidvtanei, ale udanvgalvdv gesei. 43 ulinigidvno unetselv, gilaquo iyvdv unetsele udanvsdiyi; 44 ale hia nuweselei, heyatahesdi tlesdi gilo gohusdi tsihinoneli; henaquosgini, gvnigesv winiyadvnisi atsilvgelohi, ale walisgolvda tsadanvgalvhv ugvwali, nasgi yisi unetsv alisgolvdodiyi, nasgi unadohiyunanediyi. 45 aseno unugotsv, ulenvhe utsati duyelihistanei, ale dunotsalane nasgi, nasgino iyusdi tsisa vtla hnaquo gvnigesv wigvwayvsdi yigese gaduhvi, doyiditlvquosgini inage degesadisv edohei; nigvnadvquono nidodayunilosvhi gvwalutsehei.

2:1 talineno ilvsgi winusvlv gequani wuyvlei; dunotsalotseno galitsode ayavi. 2 gilaquono iyvdv unitsati dunilawitsolei, nasgi iyusdi vtla yudlanvde, vtla nasquo galohisdiyulodi; kanohedvno dulitsidonelei. 3 gvwalutseleno gilo iyusdi ulvdalvvsgi aninehei, nasgi nvgi iyanidv gvwanolei. 4 uninulvnvno gadogv nav uniluhisdiyi aninenulv iyusdi, unvnese nahna ayavi; unvnesvno, eladi nunvnele atsesdo nahna ulidalvvsgi ganvgvi. 5 tsisano ugohv unohiyusvi, hia nuwesele ulvdalvvsgi, ayatsi, tsasdenvtsv etsadoligi. 6 aseno nahna anine gilo iyunasdi dinowelisgi, hia nusde anadanvtesge dotsunadanvdvi, 7 gadono hia asgaya hia nigaweha iasotlvisdiha? gago yeli asganvtsv gvwadadolisdi, saquoquo uwasv, nasgi unelanvhi? 8 gilaquono iyvdv tsisa tsudanvdv udolehosv nusdv anadanvtesgv dotsunadanvdvi, hia niduweselei; gadono nasgi hia niusdi itsadanvteha doditsadanvdvi? 9 gado usdi utli ahidiyu? tsigo hia yinagawese ulvdalvvsgi, tsasganvtsv etsadoligi; hiage yinagawea, talehvga, ale hinagi tsatsesdo, ale heda? 10 aseno itsadolehohisdiyi yvwi uwetsi uhvi gvwadadolisdi gesv asganvtsvi ani elohi (hia nuwesele ulvdalvvsgi,) 11 gvyoseha, talehvga, ale hinagi tsatsesdo, ale ditsenvsv wilohi 12 gilaquono iyvdv dulenei, unesvno atsesdo, unugotse nigadv anigatahvi; nasgi iyusdi nigadv unisquanigosei, ale unelanvhi unilvquolane hia nuniwesei; vtla ilvhiyu nasgi iyusdi yogigohoi. 13 taneno unugotse vdali ulodi uwedolei; ale nigadv unitsati wigvwalutselei, ale nasgi duweyonei. 14 aisvno, liwi eliqui uwetsi ugohe uwole ayeli adelv agisdiyi, ale hia nuweselei, sgisdawaduga. dulenvno usdawadvsei. 15 hiano nulistanei, nasgi [tsisa] ganvgv alisdayvhvsgv nasgi ganelvi, unitsate adelv anigisidohi ale anisgana itsulaha daninvge tsisa ale gvwasdawadidohi; unitsateyeno, ale gvwasdawadidohei. 16 dinowelisgino ale aniqualisi gvwagohv itsulaha analisdayvhvsgv adelv anigisidohi ale anisgana, hia niduniwesele gvwasdawadidohi, gadono itsulaha tsanalisdayvhvsga ale itsulaha tsanaditasga adelv anigisidohi ale anisganai. 17 tsisano nasgi udvganv hia niduweselei, nasgi nidunitlvgvna tla udulvdi yinunalisdaneho didanvwisgi, tsunitlvgisgini; itla unadanvti yiditsiyanvhilv, anisganasgini dunadanvdv tsuninetliyvsdiyi. 18 tsanino gvwasdawadidohi ale aniqualisi gvwanisdawadidohi amatli anvsgi gesei; unilutseno ale hia nigvwaweselei, gadono tsani gvwasdawadidohi, ale aniqualisi gvwanisdawadidohi amatli tsanvsgoi, nihino getsasdawadidohi amatli nanvsgvna tsigesoi? 19 tsisano hia niduweselei, tsigo degegatsvsdisgv anigatahi yeli amatli yanvna adesvhvsgi uneladidohv igohidv? igohidv adesvhvsgi uneladidohv, vtla yeli amatli yvgvnvna. 20 dvsqualvhisgini nahiyu getsiyanvediyi adesvhvsgi, nahiyuno hnaquo amatli dvnvni. 21 vtla ale gilo uweti anuwo itse agvhalvdv yigalistlvdisgoi, itseyeno agvhalvdv galastlvtanvhi yvgatsagalvdoda uweti, nasgino udatsadelvhv utli equohiyu yinvgalisda. 22 vtla ale gilo ise gigageaditasdi tsuweti disutlvdv yidatlisdisgoi; itseyeno gigageadetasdi yidogatsagalv disutlvdv, ale digageaditasdi yatsewogi, ale disutlvdv yidayogi; itsesgini gigageaditasdi, ditse disutlvdv ditlisdodi gesoi. 23 hiano nulistanei, nasgi tlogesi utsalesdi dawisv ulose unadodaquasgv iga; gvwasdawadidohino unalenvhe anaisv unisgudestanvse utsalesdi. 24 aniqualisino hia nigvwaweselei, gvniyuquo, gadono unadodaquasgv iga niduyugodvna gesv nanadvneha. 25 hiano niduweselei, tlasgo yitsigoliyeo dewi nudvnelv tsunigvsehe iyu, ale agonu tsuyosisgei, uwasv, ale nasgi tsanehei? 26 nasgi unelanvhi utseli adanelv tsuyvle nahiyu tsehe equayida. nugvwiyusv atsilvgelohi, ale tsuge agadodi gadu, nasgi gvgisdi nigesvna tsigese atsilvanelohi unvsv, ale nasquo tsidunele nasgi anehi. 27 ale hia niduweselei, unadodaquasgv udotlvne yvwi udigalisdodisgei; vtlano unadodaquasgv yinvdigalisdodisge yvwi yigegotlvnei. 28 nasgi iyusdi nasquo yvwi uwetsi unadodaquasgv ugvwiyuhi.

3:1 talineno wuyvle digala digalawiisdiyi; nahnano edohe asgaya uwoyeni uwaiselvhi. 2 gvwayawiseno unadulisge unadolehohisdiyi gvwadanvwodi gesv unadodaquasgv iga, nasgi gvwayeilidasdiyi. 3 hiano nuwesele asgaya uweyeni uwaiselvhi; ayeli halehvga. 4 hiano niduweselei, duyugodisgo osdv digalvwisdanediyi unadodaquasgv iga, uyoge digalvwisdanediyi? gvnvgilo asdelvediyi, ahisdiyige? elawequono unvsei. 5 usonvtsehino deukahnanv nasgi gvwaduwidv nunadvnv, udeyatanehv disdayiyu gesv tsuninawi, hia nuwesele asgaya; hadoyanvhidv. udoyanvhideno, uweyenino gvwanosdv nulistane nasgiya soi nusdvi. 6 aniqualisino uninugotsv, gilaquo iyvdv wunalinohele elodv gvwasdelisgi gvwatludisgv, nasgi iyunvnediyi unihisdiyi. 7 tsisano udanvse dutinvse gvwasdawadisohi vdali wunilosei; unitsatino gvwasdawadvsei, udayunilosvhi gelili, ale tsudiyi, 8 ale tsilusilimi, ale idomiyi, ale tsodani isgoniditlv; ale daya ale sadoni nav dinehi, utsati anigodiyu, nasgi unadvganv nigav usquanigodi deulvwisdanelv, gvwalutselei. 9 dunetseleno gvwasdawadidohi, nasgi tsiyu ugatidisdiyi, unitsati gesv iyusdi, nasgi gvwanenulasdodiyi nigesvna. 10 unitsateyeno dunvwanei; nasgi iyusdi gvwanenulasdisge gvwanotlisdodiyi unadulisgei, nigadv gohusdi dinalisdisgi. 11 ale digadaha didanvdo, iyuno gvwagowadv, eladi gvwadanvnehe, ale aneluhvsge, hia naniwesgei, unelanvhi uwetsi nihi. 12 ulinigidvno dunetsele nasgi gvnigesv igvwanediyi nigesvna. 13 uhnaluseno odalvi, ale duyanvhe nasgi udulisgv tsuyanvdiyi; ale gvwalutsehei. 14 ale dusuyese taladu iyanidv, nasgi gvwasdawadidasdiyi, ale nasgi tsunvsdiyi unalitsimunidasdiyi, 15 ale tsulisgolvdanediyi dunitlvgv tsuninvwodiyi, ale anisgina tsuninugowisdiyi; 16 sawanino quida duwoei. 17 ale tsimi tsequidi uwetsi, ale tsani tsimi dinadanvtli; ale nasgi quoanatsi duwoei, nasgi ayvdaqualosgi tsuwetsi gadvga; 18 ale enidi, ale quiligi, ale quadolami, ale madu, ale dami, ale tsimi eliqui uwetsi, ale dadiya, ale sawani agenanidi, 19 ale tsudasi isgaladi, nasgi squo tsulonuhelei; adanelvno wunilosei. 20 unitsatino taline dunilawitsolei, sgi iyusdi nasquo niutlisde gadu unigisdiyi. 21 gohusdino tsuwanv unadvganv, unenvse gvwaniyvhvsei; hiayeno naniwesgei, ulvnotiha. 22 dinowelisgino tsilusilimi nvdayunilosvhi, hia naniwesgei, quelitsiqua uweha, ale ugvwiyuhi anisgina unatseliga gvdiha deganugowisga anisgina. 23 nasgino widuyanvhv, hia niduwesele dutlilosdanelei, gado yigalisdoda sedani yiganugowa sedani? 24 iyu ale ayeli gotlvsv tali yinudaa, uwasvquo yadatludiha, vtla yeli yinigvwasdiquo nasgi ayeli gotlvsvi. 25 iyu ale sidanelv gesv tali yinudaa, uwasvquo yadatludiha, nasgi sidanelv gesv vtla yeli yinigvwasdiquo. 26 iyu ale sedani yidulenv uwasv yidudagatilenv, ale tali yinudaa, vtla yeli yinigvwasdiquo, yiwastaquosgini ehvi. 27 vtla gilo ulinigidv asgaya ganelv yvgvyvha, ale yvgvwonv uhnavi, gvni igvyi yulvlv nasgi ulinigidv asgaya; gila hnaquo yawonv ganelv uhnavi. 28 udohiyuhiya itsvyoseha, nigav asganvisdi gesv, gagetsidolisdiquo gesesdi yvwi tsunetsi, ale asotlvisdodi gesv, nigav gvwanisotlvisdodi gesvi; 29 gilosgini galvquodiyu adanvdo asotlvisdisgesdi, vtla ilvhiyu gayetsidolisdi yigesesdi, digayegugodanediquosgini winasdvna usdvdisdiyi; 30 nvdigalisdodisgei, gadaha adanvdo uyaa, unadvnvi. 31 hnaquono gvwalutsele analinvtli, ale utsi, ale doyiditlv danidoge, unadanvse wigvwayanisgei. 32 unitsatino anine gvwadatluwisdei; hiano nigvwaweselei, gvniyuquo, tsatsi ale itsalinvtli doyiditlv digetsayoha. 33 dunetseleno hia nuwesei, gago etsi, ale otsalinvtli? 34 gvwaduwidvno dukahnanidolv uwolvnav anini dukananv hia nuwesei; gvniyuquo etsi, ale otsalinvtli? 35 giloyeno unelanvhi udulisgv nadvnehesdi, nasgi tsosdadanvtli, ale vgido, ale etsi.

4:1 talineno ulenvhe dudeyone vdalulodi; unitsatino gvwadatluwistanei, nasgi iyusdi tsiyuhi utsanei, ale vdali atalv uwenei; nigadvno unitsati gesv vdalulodi doyi gesv anidonaei. 2 ale utsate tsudalenvdv duweyone dutlilosdanelei, ale hia niduwesele dadeyohvsgvi, 3 itsadvdasda; gvniyuquo, awisgi uwisvsei; 4 hiano nulistane awisgvi, nasgi igadv nvno hulodi ulageyadvtsei, tsisquano alvloi aninohilidohi unilutse ale unigonei. 5 igadvno nvyohi gesv ulageyadvtsei, nahna gayoliyu gesv gada; ale gilaquo iyvdv diuliyenei, nvdigalisdodisge sageiyu gesv gada; 6 aseno nvdo igaehi tsukalvtsv uleyvsei; ale niduhnasdetlvna gesv iyusdi, uhnasgvtsequo. 7 igadvno anugalvhi ulageyadvtsei; anugalvno tsudvsei, ale unenulastanei, ale nunanugowisvna gese ugata. 8 igadvno osv gadohi ulageyadvtsei, ale uliyenei, ale advsgei, ale kanequogei, ale ugatatanei, igadv tsoasgohi iyuwagudi, igadvno sudalisgohi, igadvno asgohitsuqui. 9 hiano niduweselei, gilo degalilugesdi udvgodiyi, wadvgvga. 10 uwasvno gesei, nasgi gvwasdawadidegi ale taladu iyanidv gvwadvdvne gadvgv nasgi datlilosdvi. 11 hiano niduweselei. nihi etsinelv itsolisdiyi udelidv gesv unelanvhi ugvwiyuhi gesvi; nasgini doyiditlv anedohi hia nasgi nigadv degegatlilosdanehoi; 12 nasgi anigowadisgv unigowadvdiyi, ale gvwanadolehohisdi nigesvnaiyulisdodiyi; ale anadvgisgv unadvgodiyi, ale gvwanolisdi nigesvna iyulisdodiyi; nasgi tsunadanetliyvediyi nigesvna dunadanvdv, ale unisganvtsv gagetsinediyi nigesvna. 13 ale hia niduweselei, tlasgo yitsoligahia nasgi datlilosdvi? gadono yigalisdoda yidetsoligi nigadv datlilosdvi? 14 nasgi awisgi kanohedv awisgoi. 15 hiano nasgi nvnohulodi nahna kanohedv tsigetsiwiselei; hnaquono anadvgvga, asgina galugo gilaquo iyvdv, ale agisgo kanohedv tsuninawiyi awisvhi. 16 hiano nasgi nasquo nvyohi tsigetsiwiselei; nasgi hnaquo kanohedv anadvgvga gilaquo iyvdv unalihelitsvhi danadanilvgoi; 17 ale vtla yidunihnasdetloi, tlegaquosgini danikahnawadegoi; hnaquono, agiliya ale udeyadodi aliyeiloga kanohedv dvliyeilvsda, gilaquo iyvdv dunodehihoi. 18 ale hia anugalvhi tsigetsiwiselei; nasgi hia kanohedv tsanadvgisgoi, 19 uwelihisdino elohi ehi, ale genvisdi gesv udalidasdi gesvi, ale tsudalenvdv gohusdi adulvdi gesv, aniyvhihv aninenulasdisgo kanohedv, ale nasgi nagatadvsgvnaquo gesoi. 20 hiano nasgi osv gadohi tsigetsiwiselei; nasgi anadvgisgi kanohedv, ale dinadanilvgi, ale anigatadvsgi, igadv tsoasgohi iyuwadadi, igadvno sudalasgohi, igadvno asgohitsuqui. 21 hiano niduweselei, atsvsdodisgo aninohiho atlilosdi gakahv hawiniditlv unigodiyi, ale ganitlvwiquo? vtlano unigodiyi atsvsdodi gagodiyi? 22 vtlayeno gohusdi yigvsgala nasgi gvnigesv igvnedi nigesvna; vtla ale gohusdi udelidv yinigvno, nasgi ase gvnigesv iyulisdodi nigesvna. 23 gilo degalilugesdi udvgodiyi wadvgvga. 24 hiano niduweselei, itseyatahesdi nusdv itsadvtlilosvhv, nasgiya etsalinalosvdi gesesdi; nihino itsadvgisgi etsinequoedi etsinedi gesesdi. 25 giloyeno uhesdi, nasgi atsinedi gesesdi; gilononuhvna gesesdi, nasgi atsigisvdi gesesdi nasquo uhvi. 26 hiano nuwesei, unelanvhi ugvwiyuhi gesv nasgiyaquo gilo asgaya ugata yuwisv gadohi; 27 ale yulvnv, ale yadidiha digvwagitsvdi, ale ugata yuliyenv, ale yudvsv, nulisdotanv nudolehosvna. 28 gadohiyeno uwasvquo gananugowisgo ugatatanvhi; igvyiyi gesv ugalogv, hnaquono usgudadvi, onino ukalitsvhi ugatadv usgudadvi. 29 hnaquono agadvnagi gilaquo iyvdv asgudesgoi, asgudesdiyiyeno uliyeiloloi. 30 hiano nuwesei, gado dodadatselastani unelanvhi ugvwiyuhi gesvi? gadoge datlilosdv dodadatlilostani? 31 atsilvugata nasgiyai, nasgi gadohi tsawisoi, tsiwudagonadvdi usdigiyu esgaquo nigav ugata gadohi dahadvi. 32 aseno awisvhi tsigesoi, didvsgoi, ale utli equohiyu nigalisdisgo esgaquo nigav uyehnavi, ale tsequohiyu dayitlvsgoi; ale tsisqua udlanvdv aninohilidohi yeliquo udawadisdv hawiniditlv anahadisgoi. 33 nasgi nuwese utsati dutlilosdanelei, kanohedv dulitsidonelei, nasgi yeli gvwanadvgodi nigalisdisgvi. 34 nidatlilosdanehvnasgi vtla yiduwonetanei; unvsvno gesei, nigadv nasgi duwosisanele gvwasdawadidohi. 35 nahiyuquono iga, usv nulistanv, hia niduweselei, didisogi sgona widilohi. 36 duniyelihistanvno unitsati nvwadvnequo tsiyuhi utsav gvwatinawidvhei; ale nasquo nidigvwadale tsusdi tsiyu unaligowadisei. 37 utsatino uyilole unole, ale dalisdilanegv tsiyuhi atligei, ale hnaquo akaliwohi gesei. 38 tsiyuhino oniditlv utsae galihei, agusdo ugusdaei; gvwayestaneno, ale hia nigvwaweselei, tadeyohvsgi, tlasgo gohusdi yeliha tsvdayotsadisvni? 39 duleneno, unole usgatsei, ale hia nuwesele vdali, doquo; udatsinasdvhi hnalisda. ganolvvsgvno usuligotsei, ale utsati udatsinasdvhi nulistanei. 40 hiano niduweselei, gadono nitsisgasvna? gado digalisdodi nitsohiyusvna igi? 41 utsatino unisgalei, ale hia nidunadaweselei, gado usdi hia asgaya, nasquoyeno unole ale vdali igvwohiyuhvsga.

5:1 isgoniditlvno vdali wunilutse anigedeli unatseligohi. 2 tsiyuhino utsaisv gilaquo iyvdv dutlose asgaya dadanisahv nvdayulosvhi gadaha adanvdo uyai, 3 nasgi dadanisahvquo ehei; vtla ale nasquo tsudadesvdv gvdi gilo gvwalvsdi yigesei. 4 yanogiyuyeno tsatsinvtlolvhi gesei, ale tsudadesvdv tsagalvstanvhi gesei, tsudadesvdvno dagalisgei, ale diganvtlosdi dasqualisgei; vtla ale gilo gvwadanvtisodi yigesei. 5 ale nigohilv, svnoyi ale iga, gadusi ale dadanisahvi, uwelugei, ale nvya gvdi adayelohei. 6 aseno invhiyu wugohv tsisa, dusqualvtane ale udadolisdanelei, 7 ale asdaya uwelune hia nuwesei; gado diginadadvdodi nihi tsisa, wasdv galvladiyu ehi unelanvhi uwetsi? gvnetseha, unelanvhi gvneisdaneha, nasgi sgigiliyoisdodiyi nigesvna. 8 hiayeno nuweselei, ehinugoi nasgi na asgaya, nihi higadaha adanvdo. 9 udvdvneno, gado detsadov? uwoselei. hiano nuweselei, sunadatlugi daquadov; ogitsatayeno. 10 ale utsati usdiyetane nahna gesv tsunugowisdiyi nigesvna gesvi. 11 nahnano odalulodi unitsati sunadatlugi siqua analisdayvnidohei. 12 nigadvno anisgina gvwasdiyetane hia naniwesgei, unelagi siqua dinedohv wotsilohi, nasgi widotsiyvsi. 13 gilaquono iyvdv tsisa dulisgolvdanelei. digadahano didanvdo uninugotsv, siqua widuniyvselei; sunadatlugino unanelugise unigasoase ganetlugi gesv vdali wunalitadinvsei, (tali iyagayvli iyvdv naniei,) ale vdali dunigvtsei. 14 dinigatiyano unalisei, ale gaduhv wuninonei, ale iyvdv danewadisvi. uninugotseno unagatanvse nasgi nulistanvi. 15 tsisano gvwalutselei, ale gvwagohe nasgi anisgina gvwayvlvhi, nasgi sunadatlugi gvwayvlvhi, uwolei, ale dunuwei, ale dohi udanvtei; ale anisgaihei. 16 nasgino unigohvhi, gvwaninonele nulisdanelv anisgina gvwayvlvhi, ale nasquo siqua nunalisdanelvi. 17 ale unalenvhe gvwatayosele udanvsdiyi unatseligohi. 18 tsiyuhino utsanv nasgi anisgina gvwayvlvhi utayosele unelagi uwelisediyi usdawadidasdiyi. 19 aseno vtla yulisgolvdanelei tsisa, hiaquosgini nuweselei, tsihena ditsenvsv gohusdi ditsvna dinehvi, ale widinohvsi nigav usquanigodi ugvwiyuhi nitsadvnelvi, ale tsadolitsvi. 20 unigiseno, ale ulenvhe dunotsalane asgohiigadugiyi, nigav usquanigodi tsisa nudvnelvi; ale nigadv yvwi unisquanigoseunigiseno, ale ulenvhe dunotsalane asgohiigadugiyi, nigav usquanigodi tsisa nudvnelvi; ale nigadv yvwi unisquanigosei 21 tsisano taline tsiyuhi douwesotsv isgona wiulutsv, unitsati yvwi gvwadatluwistanei; ale vdali ulodi edohei. 22 ale gvniyuquo ulutse gilo iyusdi nugvwiyusadegi digalawiisdiyi, tsela tsudoidv; ugohvno [tsisa] dulasgv udanvnei, 23 ale utsati usdiyenei, hia nuwesei; aquetsi ageyutsa hnaquo ayohusga; aseno inena, hiyasitadvha, nasgi udiwisdiyi, gvnesdino. 24 unenvseno; ale unitsate yvwi gvwasdawadvsei, ale gvwanenulasdisgei. 25 gilono iyusdi ageyv taladu tsudetiyvdv gvwadalenvdv gigv uwenvehei, 26 ale anigodiyu aniganagadi utsati gvwagilvnvhi gesei, ale gohusdi uhv nigadv usvnvhi gese adayisgvi, aseno vtla osiyu yinulisdanehei, kanequogequosgini utlvgvi; 27 nasgi udvganv tsisa atsinohesgvi, oniditlv unvtidv nunadvnv uluhistane, ale usvnile unuwvi. 28 hiayeno nuwesei, tsunuwoquo nasquo yidaquasvnilv, yaquadiwi. 29 gilaquono iyvdv gigv uwenvehv uyohistanei; udolehuseno ayelv udiwasv nasgi utlvgvi. 30 tsisano gilaquo iyvdv udolehosv uwasv gesv udanvwodi gesv unugotsvi, ugatahvse nahna unvtidv anidonavi, ale hia nuwesei, gago dasvniga diquanuwo? 31 gvwasdawadidohino hia nigvwaweselei, degigowadiha unitsati getsanenulasdisgv, tsigono gago aquasvniga ihadiha? 32 gvwaduwidvno ugatenole ugowadvdiyi nasgi hia iyudvnelvhi. 33 nasgino agetahe nulisdanelvi, ulutse ale eladi udanvnelei, ale nigadv duyugodv unonelei. 34 hiano nuweselei, aquetsi, tsohiyusv tsadiwisda; nvwadohiyadv tsihena, ale tsadiwasvhi gesesdi tsatlvgvi. 35 asiquo kanegei, nugvwiyusadegi digalawiisdiyi ganelv nvdayunadalenvhi unilutse hia nuniwesei, uyohusv tsetsi; gadono asiquo ihiyadeyadodiha dideyohvsgi? 36 udvganvquono tsisa nusdv uniwonisvi, hia nuwesele nugvwiyusadegi digalawiisdiyi, tlesdi yisgaihesdi, tsohiyusesdiquo. 37 vtla ale gilo yulisgolvdanele gvwasdawadvsdiyi, quida, ale tsimi, ale tsani tsimi dinadanvtli unvsv. 38 ulutseno ganelv nugvwiyusadegi digalawiisdiyi, ale dugahe unadasuyedv yvwi, ale utsati danatloyihv ale daniyvgvi. 39 uyelvno hia niduweselei, gadono itsadanoyvlisdiha, ale dotsatloyiha? vtla yuyohusv ageyutsa, galihaquosgini. 40 igvwadotlvtanequono. nigadvno dunugowisonv, hia nasgi ageyutsa udoda ale utsi ale nasgi anehi dutinvse, ale wuyvle nahna ageyutsa disonvi. 41 uwoyanesvno ageyutsa, hia nuweselei, talida gumi; nasgi anetlvtanvhi hia nusdi gadvga; higeyutsa, gvyoseha, talehvga. 42 gilaquono iyvdv ageyutsa dulenei, ale uwedolei; taladuyeno iyudetiyvdv gesei. utsatanvhino unisquanigosei. 43 ulinigidvno dunetsele dunvsdadele gilo udolehohisdiyi nasgi; ale unetsegohusdi ulisdayvdi uninediyi.

6:1 unugotseno nahnani, ale uwasv utseligohi wolutsei; gvwasdawadidohino gvwasdawadvsei. 2 unadodaquasgvno uliyelolv, ulenvhe dudeyone digalawiisdiyi; unitsatino gvwadvganelv unisquanigosei, hia naniwesgei, hatlv agiha hia asgaya hia nasgi igvwadvnedi tsigi? ale gado usdi agadovhisdi nasgi atsinelvhi tsigi, nasgi iyusdi usquanigodi tsidulvwisdaneha? 3 tlasgo nasgi hia dinesgesgi yigi, meli uwetsi, tsimi, ale tsosi, ale tsuda, ale sawani analinvtli? ale tsudo tlasgo ani yigegadasuya? vgvwasonvtselvgino. 4 tsisano hia niduweselei; adolehosgi vtla natsilvquodvna yigesoi, utseligohisgininonv uwasv, ale tsuyvwi anehvi, ale uwasv ganelvi. 5 ale nahna vtla gohusdi usquanigodi digvwalvwisdanedi yigesei, uwasvsgininonv ilvsgi iyanidv tsunitlvgi dusitadv ale dunvwanvi. 6 ale usquanigose nanohiyuhvsgvna gesvi. ale uwedole udunadv degaduwadisvi dadeyohvsgei. 7 taladuno iyanidv widuyanvhei, ale dunvsidole taliha tsuligonvdv, ale dulisgolvdanele tsuninugowisdiyi digadaha didanvdo; 8 ale dunetsele nasgi gohusdi uniyvsdiyi nigesvna unalisdelvdodi anedohvi, adolanvsdi uwasv; vtla degalodi, ale gadu, ale vtsayi dunadatlohvi; 9 tsunalasulvdiyisgini; ale tlesdi tali yiditsanuwosgesdi. 10 ale hia niduweselei, adanelv ilvhitlv itsiyvhihesdi, nahnaquo itsanvvsgesdi gvni vtsanigi nahnani. 11 ale gilo niditsadanilvgvna ale nitsadvdasdanehvna igesesdi, hnaquo nahna itsanigisgesdi, ditsalasideni gosdu detsinvgovdisgesdi, nasgi gohiyudisgi unatludisgi. udohiyuhiya hia nitsvweseha, esgaquo igai unigiliyoisdi gesesdi sodami, ale gomali, digugododiyi iga gesesdi, utlihiyu nahna gaduhvi. 12 uninugotseno, wunalitsidone nasgi yvwi ase tsuninetliyvsdi gesv dunadanvdvi. 13 unitsatino duninugowise anisgina, ale goi dunitsanetane unitsati tsunitlvgi, ale duninvwanei. 14 elodvno ugvwiyuhi udvgane nasgi atsinohesgvi; dunotsalotseyeno nasgi dudovi; ale hia nuwese elodv, tsani didawosgi dalehisa uyohusvi, ale nasgi nvdigalisdodiha usquanigodi tsideulvwisdaneha. 15 igadvno hia naniwesgei, ilaya hia. igadvno hia naniwesgei, adolehosgi hia, ale gilo anadolehosgi gesv nasgiyai. 16 elodvsgini udvganv, hia nuwesei; tsani hia, nasgi ayv tsitsisgudesvgi; nasgi dulehisanv uyohusvi. 17 elodvyeno uwasv udanvsvhi gese wuniyvhvhi gese tsani, ale didasdudiyi ulvlvhi gesei, asdvdisdisge elodisi, unvtli quiligi udalii; nasgiyeno adayehei. 18 tsaniyeno hia iyuweselvhi gese elodv, vtla yiduyugodi etsanvtli udalii tsadayeha. 19 nasgi iyusdi elodisi asgage tsani ale yulei; aseno vtla nasgi igvwadvnedi yigesei. 20 elodvyeno ulvquodiyu gese tsani, agataheyeno udanvtiyu ale nasganvna gesv asgaya, ale ugasayasdiyu gesei; nasgino udvganv [adatsidohvsgv,] utsate dulvwisdanelei, ale ulihelitsvhi advdasdanehei. 21 ahidvno nasgi igvdvnedi gesv usqualvhv, nasgi elodv udenv iyu iga udvnvistane gvwalisdayvnanediyi tsutseli unigvwiyuhi, ale anisgayegvsda, ale digeganelodi gelili anehi, 22 nasgino elodisi uwetsi adv uyvlilv, ale ulisgisv, ale elodv ale nasgi itsulaha aninidlai osiyu uniyelvnv, ugvwiyuhi hia nuwesele adv, sgitayosi iyusdiquo helisgvi, dagvnelino. 23 uselidaneleno [hia nuwesei,] iyusdiquo helisgv sgitayosi, dagvnelino, nasquo ayeli iyvdv yigi nahna agigvwiyuhi gesvi. 24 unugotsvno hia winuwesele utsi, gado datsitayoli? hiano nuweselei, tsani didawosgi asgoli. 25 igvwenvdvquono ulisdi uyvlile ugvwiyuhi ayavi, ale utayole hia nuwesei, aquaduli gilaquo iyvdv sginediyi, atelidogihi, tsani didawosgi usgo. 26 ugvwiyuhino utsati tlequo uyelvnei; aseno uselitanvi, ale nasgi itsuleha unanidlanvhi nvtsulisdotane, vtla gvwageyudodi yigesei. 27 gilaquono iyvdv ugvwiyuhi unvse ayawisgi, ale unetse usgo uniyohisdiyi; uwenvseno, ale wusgudese didasdudiyi ayavi, 28 ale uyole usgo atelidogihi delodei, ale adv unelei; advno utsi unelei. 29 gvwasdawadidohino unadvganv, unilutse ale uninese ayelvi, ale atselisdv uninvnei. 30 getsinvsidvno unadatlisane tsisa edohvi, ale gvwanonele nigadv nunadvnelidolv, ale nasquo nusdv dunadeyonvi. 31 hiano niduweselei, idena itsvsvquo iyvdv widilohi inage digesvi, ale tlega itsatsawesolvsda; unitsateyeno aniluge ale danegei, vtleno yadlanvdadisge nasquo unalisdayvdiyi igohidv. 32 tsiyuhino unatsaei, unanigise inage wunilose udelidv. 33 yvwino gvwanigohe ananigisgvi, ale unitsate gvwoligei, ale eladiquo dunisqualvtane nahna iditlv wunilose degaduwadisv nidodayunilosvhi, degvwanigiyeno, ale wigvwadatlisanelei. 34 tsisano utsaisv, dugohe unitsati yvwi, ale duwedolitsei, nvdigalisdodisge awi uninodena danatselagv nehvna tsigeso unigatiya; ulenvheno utsati tsudalenvdv duweyonei. 35 hnaquono ulosonidena gese iga, gvwasdawadidohi gvwalutsele, hia nuniwesei, ani inagei, ale hnaquo ulosonidi iga. 36 tiyelihisda, nasgi dadaneladisv gvwaduwidv wanilohi, ale degaduwadisvi, ale wuniwahi gadu, vtleyeno gohusdi yaniye unalisdayvdi. 37 dunetseleno hia niduweselei, nihi ditselasda. hiano nigvwaweselei, tsigo dayotsesi talitsuqui anigisi tsugvwalodi gadu yvdayogiwasi, ale dodayotselastani? 38 hiano niduweselei, ilago gadu detsiyeha? witsagata. unadolehosvno, hia nuhiwesei, hisgi, talino atsadi. 39 dunetseleno unanitlvdiyi nigadvitsekanesgohi gesv tsunadatlunvdv. 40 unanitlvneno osdv dunadanvhnanei asgohitsuqui, ale hisgasgohi tsunadatlunvdv. 41 hisgino gadu dugisv ale tali atsadi dunesv, galvladi widukahnanei, ale ulihelitsei, ale dugvhaluye gadu, ale gvwasdawadidohi dunele tsuninediyi; talino atsadi nigadv duyadohelei. 42 nigadvno unalisdayvnei; ale dunolvsei. 43 unuteseno uligvhaluyvhi taladu dikalii talutsa, ale nasquo atsadi. 44 nasgino na gadu tsunigvhi hisgi iyagayvli iyvdv nanie nanie anisgaya. 45 gilaquono iyvdv dunvwistane gvwasdawadidohi tsiyuhi unatsodiyi, ale igvyi tsunisohisdiyi, quetseyidi wuniluhisdiyi, asiquo uwasv dayelihisdisgv unitsati. 46 duyelihistanvno, odalv wulose udadolistanvsei. 47 usvno nulistanv tsiyu vdali ayeli aninisei, uwasvno doyi edohei. 48 dugoheno anigiliyogv anigawehihvi; wanigadvno idisi diganolvdisgei. nvgineno iyvdv aniyawisgv svnoyi dulutselei, vdali gadui aisei, ale yidulohiselei. 49 aseno wigvwagohv vdali gadui aisvi, utselvnvhi unelisei, ale unelunei. 50 (nigadvyeno gvwagohei, ale unadeyatanelei.) gilaquono iyvdv dulinohetanei, ale hia niduweselei, ugalisdiquo itsadanvdada; ayvquo; tlesdi yitsisgaihesdi. 51 ugilawiseno widutsanele tsiyuhi; ganolvvsgvno useligotsei; ale ulosvstanvhi unadanvtetane dotsunadanvdvi, ale unisquanigosei. 52 vtlayeno yidunadanvtele gadu; tsuninawiyeno disdayiyu gesei. 53 dunisotsvno, genisiladi wunilutsei, ale unitaladei. 54 tsiyuhino unatsaisv gilaquo iyvdv gvwolitsei. 55 ale nahna gvwaduwidv unedolei, ale tsunitlvgi duninidole ditsesdogihi dunitlvde, widaninohihe anadvgvga nahna edohvi. 56 ale ilvhitlv wigalugi, tsusdi degaduhv, ale tsudvna degaduhv, ale iyvdv didanelohi gesvi, tsunitlvgi degalanvdv daninvvsgei, ale gvwatayosehe unasvnisdiyi, gadaluyadvquo nasquo unuyvi; nanivno nasgi gvwasvnilvhi dunadiwasgei.

7:1 degvwalawitsoleno aniqualisi, ale gilo iyunasgi dinowelisgi, tsilusilimi nvdayunilosvhi. 2 dunigohvno igadv gvwasdawadidohi gadu anigisgv digadaha tsunoyeni gvdi, (nasgi nidunasulehvna gadvga,) unisonvtselei. 3 aniqualisiyeno, ale nanivquo anitsusi, iyuno osdv nidunasulehvna yigi, vtla yinalisdayvhvsgoi, danikahnawadego nuniwesv eti unadenvhi. 4 ale ganododiyi dvnilohi, iyuno nidunasulehvna yigi, vtla yvgvnalisdayvhvga. ale utsata nudale gohusdi tsunikahnawadvsdi nunvnelv, nasgi tsulisquidi diguhilovi ale ditelido, ale vtsayidigotlvtanvhi ditelido, ale dinitlvdiyi. 5 hnaquono aniqualisi ale dinowelisgi igvwadvdvne hia nigvwaweselei; gadono getsasdawadidohi vtla yidanikahnawadega eti unadenvhi uninetsvi, nasgi nidunasulehvnaquo tsanalisdayvhvsga? 6 dunetselvno hia niduweselei, isaya yeliquo nuwesv udolehosv nihi itsatlonasdi itsineisdisgvi, hia tsinigvnv tsigowela, hia nasgi yvwi gvgilvquodiha dunihanegalv danvdiha, tsuninawisgini invhiyu nidunvhnadega ayv naquadvnvi. 7 aseno, asequoquo gvgilvquodiha tsidanadeyohvsga danadeyohvsgv yvwiquo uninetsvhi. 8 iyvdvyeno nitsvne unelanvhi unetsvhi, yvwi uninetsv dikahnawadvsdi nitsvneha, nasgi ditelido ale tsulisquidi diguhilovi; ale utsata nudaleha nasgiya utloyi detsilvwisdanehoi. 9 ale hia niduweselei, osiquo nitsadvneha tsitsiyoiseha unelanvhi unetsv, nasgi itsatseli dikahnawadvsdi itsisquanigododiyi. 10 mosiyeno hia nuwesei, hilvquodesdi tsadoda ale tsatsi; ale, gilo asgi nvdisgesdi udoda ale utsi, ase uyohuhisdi gesesdi. 11 nihisgini hia nitsiweha, iyuno gilo hia nigawesehesdi udoda ale utsi, goquani, (nasgi gadvgv, aqualisgolvtanvhi,) nigav getsalisdelvdodi gesv ayv gvsdelisgvi; [nasgi ududaledv gesesdi.] 12 ale vtla hnaquo unelagi gohusdi widadvnisi udoda ale utsi yetselisehoi; 13 nasgi unelanvhi utseli kanohedv asequo nitsvneho itsvdisgo nihi itsinetsvi; ale utsati iyudalegi nasgi iyusdidani nitsadvnehoi. 14 nigadvno yvwi widuyanvhv, hia niduweselei, sgiyadvdasdasi nitsivi, ale itsoligi; 15 vtlano gohusdi yvwihi doyiditlv ehi, uyvha, nasgi gadaha yinuwanehoi; nasgini nvdayunugotsvhi, nasgi gadaha nuwaneho yvwi. 16 gilo degalilugesdi udvgodiyi, nasgi wadvgvga. 17 galitsodeno wuyvlv dudanvelv yvwi, gvwasdawadidohi gvwadvdvne datlilosdv ugvwali. 18 hiano niduweselei, nasquosgo nihi nasgi igai nitsoligvna igi? tlasgo yitsigowatiha, nasgi gohusdi doyiditlv ehi nasgi yuyvhiha yvwi gadaha igvwanedi nigesvna gesvi; 19 nasgi unawiyi winayvhihvna gesv iyusdi, usquoliyiquosgini, ale wigalohisdisgvquo, nasgino ganvgalisgv nigav alisdayvdi? 20 hiano nuwesei, nasgi nayvwihi unugotsvhi nasgi gadaha nuwaneho yvwi. 21 hawiniyeno nvdayudalenvhi, yvwi unawiyi, didalehvsga uyo adanvtedi gesvi, adayonedi gesvi, udelidv dinisidi gesvi, adahisdi gesvi, 22 ganosgidv gesvi, tsugvwalodi agvvhisdi gesvi, uyo iyadvnedi gesvi, galonuhedv gesvi, alisotlvisdodi gesvi, advyugedi gesvi, adasotlvisdodiyi, atlvquododiyi, alisgahnawisdi gesvi. 23 hia nasgi nigadv uyoi hawini didalehvsgoi, ale gadaha nuwaneho yvwi. 24 nahnano dulenv, taya ale sadoni asdv wulutsei, ale atsanelv wuyvlv, vtla yudulisge gilo udolehohisdiyi; aseno vtla gvwadisgalodi yigesei. 25 giloyeno iyusdi ageyv nasgi uwetsi advnutsa gadaha adanvdo uyai, udvganv atsinohesgvi, ulutse ale dulasgv udanvnei: 26 (nasgi na ageyv agoi gesei, asaloquinisi gesei;) ale nasgi usdiyetane nasgi uwetsi advnutsa asgina unugowisediyi. 27 aseno tsisa hia niuweselei, igvyi diniyoli widanolvhi; vtlayeno osiyu yigi, diniyoli tsunatseli gadu digiediyi, ale gili widadinediyi. 28 nasgino unetse hia nuweselei, udohiyuhi, tsagvwiyuhi; aseno gili gasgilv hawiniditlv diniyoli uninvgoahiselvhi gadu analisdayvdisgoi. 29 hiano nuweselei, nasgi hia tsiniwi winigalisdoda, tsihena; asgina tsetsiyi ayav unugogi. 30 nasgino tsuwenvsv wiulutsv, udolehose asgina unugotsvi, uwetsino atsesdogihi ganvgvi. 31 ale taline taya ale sadoni asdv unigisv gelili vdalv wulutsei, ayeli ulose asgohidigadugiyi sgadugi gesvi. 32 igvwatinoheleno gilo tsuliena, ale ganila gawonisgi; ale igvwasdiyetane nasgi usitadisdiyi. 33 iyvdvno wutinvstanv udayelilv unitsati anedohvi, degayesadv digaleni dusonadei, ale dulitsisquei, ale ganogo usvnilei; 34 galvladino widukahnanv uliyetanei, ale hia nuweselei, equeda, nasgi gadvgv halisdui. 35 gilaquono iyvdv digaleni dulisduisei, ale ganogo ulvsdanelvhi dulikaneyvhe, ale osdv uwonisei. 36 dunvsdadeleno gilo uninonediyi; aseno deganvsdadisi utliquo igai daniyelihisdisgei; 37 ale ulosvstanvhi unisquanigosei, hia naniwesgei, nigadv osiyu deulvwisdasi; unadvgodiyi nidegvne tsuniliena, tsunvgewino uniwonihisdiyi.

8:1 nahiyuno unitsati gesv yvwi tsuquiya. gesv iyusdi, ale nunihvna gesv unalisdayvdi, tsisa widuyanvhv gvwasdawadidohi, hia niduweselei; 2 gatsiyadoliga unitsati gesvi, nvdigalisdodi hnaquo tsoi iga itsulaha ogedolvi ale nunihvna gesv unalisdayvdi; 3 iyuno yigatsiyanigisdiha dotsunenvsv yanega nunalisdayvnvna, wanaisvquo yidaniwanagalogi; igadvyeno invhiyu dotsunenv. 4 gvwasdawadidohino hia nigvwaweselei, hatlv yidagi gilo nasgi igai gadu ani inagei, hia nasgi yeli gvwanidvdanedi. 5 dudvdvneno hia nuwesei; ilago gadu detsiyeha? hiano nuniwesei, galiquogi. 6 dunetseleno unitsati gadohi unanitlvdiyi; galiquogino gadu dugisv, ale ulihelitsv, dugvhaluyei, ale gvwasdawadidohi dunele nasgi igvyiditlv tsuninediyi; igvyiditlvno duninele unitsati yvwi. 7 ale ilvsgi tsunasdi atsadi daninehei, ulihelitsvno unetse nasgi nasquo igvyiditlv tsuninvdiyi. 8 unalisdayvneno, ale dunolvsei; unuteseno uligvhaluyvhi utiyvhi galiquogi iyakalii talutsa. 9 unalisdayvnvhino nvgi iyagayvli iyvdv naniei; duyelihistaneno. 10 igvwenvdvno tsiyuhi utsane anehe gvwasdawadidohi, ale daliminuda asdv wulutsei. 11 aniqualisino unilutse ale unalenvhe gvwadvdvhelvnei, gvwatayosele tsunanugowisediyi uyelvdv galvladi nvdayulosvhi, gvwagoliyesgei. 12 udanvdogihino hawini uliyetanei, ale hia nuwesei, gadono gohi hia tsaneha uyelvdv uniyoha? udohiyuhiya hia nitsvweseha, vtla gvnigesv igegvnedi yigesesdi uyelvdv hia gohi tsaneha. 13 dudanvelvno, ale taline tsiyuhi utsanv, asgona wulosei. 14 [gvwasdawadidohino] unvgewisvhi gese gadu tsunadenvdiyi, vtla ale yulosvsde saquo gadu unilv tsiyuhi. 15 dunetseleno hia nuwesei, itsiyawisgesdi, aniqualisi unatseli agododi itseyadotsehesdi, ale elodi utseli agododi. 16 unvsvno gesv unalinohele, hia nuniwesei, nvdigalisdodiha gadu nididiyehvna gesvi. 17 tsisano udolehosv hia niduweselei, gadono itsalinoheha gadu niditsiyehvna gesv iyusdi? asiquosgo nitsadolehosgvna igi, ale nitsoligvna igi? asiquosgo asdaya nidetsvnv ditsinawi? 18 detsikanvsgo, nitsigowatisgvnano igi? detsililugasgo, nitsadvgisgvnano igi? ale nitsanvdadisgvnasgo igi? 19 hisgi gadu dagigvhaluyv hisgi iyagayvli detsinelv, ilago iyakalii talutsa uligvhaluyvhi itsutesei? taladu igvwoselei. 20 galiquodino [gadu] nvgi iyagayvli detsinelv, ilago iyakalii talutsa uligvhaluyvhi itsutesei? galiquogi unadvnei. 21 hiano niduweselei, gado galisdodiha nitsoligvna tsigi? 22 quetsayidino wulutsei; digewino asgaya gvwatiohelei, ale unitayosele nasgi usvnisdiyi. 23 digewino uwoyanesv, gaduhv unugowisei; digadolino dulitsisquv, ale dusitadv, gohusdisgo higowadvdiha? uwoselei. 24 dukahnanvno, hia nuwesei, yvwi gatsigowatiha anegiha detlugv nasgiyai. 25 hnaquono taline digadoli dusitadei, ale tsukanodiyi nuwanelei; ale udiwasei, ale naniv osiyu dagowadisgei. 26 ale unetsele tsuwenvsv wulohisdiyi, hia nuwesei, tlesdi digaduhv witsayvlvgi, ale tlesdi gilo gaduhv ehi hinonelvgi. 27 tsisano unugotse ale nasgi gvwasdawadidohi, sisaliyi quiligi degaduhv wunilosei; wanaisvno dudvdvne gvwasdawadidohi, hia niduweselei, gago gvquoseho yvwi? 28 hiano nuniwesei, tsani didawosgi; igadvsgini ilaya [anadiha;] igadvno, gilo iyusdi anadolehosgi. 29 hiano niduweselei, nihinano gago sgiyoseha? quidano unetsv hia neweselei, galonedv nihi. 30 dunetseleno nasgi gilo uninonediyi nigesvna. 31 ulenvheno duweyonei, nasgi yvwi uwetsi utsati tsudalenvdv ugi liyoisdiyi; ale gvwayoisedi gesv dinilawigi, ale nunigvwiyusv atsilvanelohi ale dinowelisgi, ale atsiisdiyi gesvi, tsoineno iga tsulehisodi gesvi. 32 nasgino hia gvnigesv nuwesei. quidano uyanvhv ulenvhe ugvsgolvnei. 33 aseno ugatahvsv, ale gvwasdawadidohi dukahnanv, quida ugvsgolvnei, hia nuwesei, aquasohadv halehvga sedani; vtlayeno unewenvhi utseli gesv osiyu yitsayelvha, yvwisgini unatseli gesvi. 34 widuyanvhvno yvwi, ale nasquo gvwasdawadidohi, hia niduweselei, gilo udulisgesdi agisdawadvsdiyi, uwasv adadayihesdi, ale uwasv utseli tsudanawadv ayisgesdi, ale agisdawadegesdi. 35 giloyeno udulisgesdi gvnv usdelvdiyi, nasgi uyohusehesdi; gilosgini gvnv uyohusehesdi ayv ale osdv kanohedv nvdigalisdodisgesdi, nasgi atsisdelvdi gesesdi. 36 gadoyeno yunequotsi yvwi, iyuno nigvnadv elohi utseli yinulistanv, uwasvno udanvdo yuyohuselv? 37 ale gado yahvga yvwi yiganetliyvsda udanvdo? 38 giloyeno aquadehosgesdi ayv, ale ayv tsinegvi, udasuyv ani dinadayonehi ale anisgana anehvi, nasgi nasquo yvwi uwetsi udehohisdi gesesdi, galutsvha unuwosdesdi galvquodiyu gesv udoda utseliga, anehesdi getsilvquodi dinikahnawadidohi.

9:1 hiano niduweselei, niduweselei, udohiyuhiya hia nitsvweseha, nasgi gilo ani tsidanidoga, vtla 2 sudalino winusvlv tsisa dutinvse quida, ale tsimi, ale tsani, invno igati odalv duhnalutane iyvdv unvsv gesvi; ale udanetliyvse anigatahvi. 3 tsunuwono dutalugisgei, utsati tsunegiyu gesei vnotsi tsinunegiyv nasgiyai; nasgi vtla gilo digvgilosgi ani elohi ehi nasgi itsunegv yinidogagvga. 4 gvnigesvno nigvwanadvnele ilaya ale mosi; tsisano gvwalinohedisgei. 5 quidano unetsv hia nuwesele tsisa, tadeyohvsgi, osiyu ani tsidedoha; ale tsoi widotsilitsodvga; saquo nihi tsatseliga, saquono mosi utseliga, saquono ilaya utseliga. 6 vtlayeno yagatahe iyuwesdiyi; utsateyeno anisgaihei. 7 ulogilvno unutlvtanei; kanegvno ulogilv tsunanugotsei, hia nigawesgei, hia nasgi tsigeyui aquetsi; nasgi etsadvdasdasi. 8 gilaquono iyvdv dunakahnanidolv, vtla hnaquo gilo yunigohei, tsisa uwasv, ale unvsv. 9 tsunigasoasidisvno odalvi, dunetsele nasgi gilo uninonediyi nigesvna nusdv unigohvi, gvni yvwi uwetsi uyohusv tsulehisanvhi gesesdi duwoselei. 10 nasgino nuwesv unagasayastanei, danadadvdvhvsge gadvgv ayohusv dilehisodi gesvi. 11 gvwadvdvneno hia nuniwesei, gadono dinowelisgi ilaya igvyi dagalutsi tsanadisgoi? 12 unetsvno hia niduweselei, ilaya udohiyuhi igvyv uluhisdi, ale nigadv uwotlvhisodi; ale nasquo hia nigvnvgowela yvwi uwetsi atsinohesgvi, nasgi utsati tsudalenvdv ugiliyoisdi gesesdi, ale asequo dayetsiyelvni. 13 aseno hia nitsvweseha, ilaya udohiyuhi ulutsv, ale nusdv unadulisgv nigvwanelv, nasgiya nigvnv gowelv nasgi atsinohesgvi. 14 gvwasdawadidohino anedohv ulutsv, unitsati dugohe gvwanadatluwisdei, ale dinowelisgi gvwanadvdvhelvisgei. 15 gilaquono iyvdv nigadv yvwi, gvwagohv, utsati unisquanigosei; gvwaditlaohelvno gvwayolilei. 16 dudvdvneno dinowelisgi, gado detsadvdvhelvvsga duweselei? 17 asiyvwino nasgi unitsati gesvgela unetsv hia nuwesei, tadeyohvsgi, gvyatinohisi aquetsi, uwagewi adanvdo uwei; 18 ilvhitlvno uyilohisi ugilvsgoi; ale dahawoihoi, ale degalvdagisgo deganudogvi, ale ulvdehihoi; getsasdawadidohino gatsitayoselv uninugowisdiyi; aseno uninulvnvquo. 19 unetselvno, hia nuwesei, yo! nitsohiyusvna gohi tsitseha! ilago igohidv itsvyeladidohesdi? ilago igohidv unelagi itsvyelisehesdi? ani hiyatinoga. 20 unatinoheleno; ugohvno gilaquo iyvdv adanvdo ugilvnei; eladino unvtsei, ale dahawoihv alidisvnihei. 21 udvdvneno udoda, itago nigohigi nasgi hia igvwalisdanelvhi? uwoselei. ayoliquo gesvi, udvnei; 22 yanogiyuno atsilvyi ale asuyi udaegoi, nasgi uhisdiyi; iyusgininonv gohusdi getsadvnedi gesesdi, sgisdoligi, ale sgisdelv. 23 tsisano hia nuweselei, iyuno getsohiyudi gesesdi, nigadiyu gohusdi igayegadvnedi gohiyuhvsgi. 24 gilaquono iyvdv ayoli udoda uwelunei, ale digvgasawoihi hia nuwesei, tsagvwiyuhi, goiyuhvsga; sgisdelvsi naquohiyusvna gesvi. 25 tsisanougohv nasgi unitsati ananelugisgv anadatlisisgvi, usgatse gadaha adanvdo, hia nuweselei, tsvgewaale ditsaliena adanvdo, gvnetseha, ehinugoi, ale tlesdi hnaquo ilvhiyu tsihiyvli. 26 [adanvdono] uwelunv, ale utsati ugilvnv, unugotsei; ale uyohusvhiquo nasgiya gesei; nasgi iyusdi unitsate, ayohuhi, anadisgei. 27 aseno tsisa uwoyanesv, duletanei, ale dulenei. 28 galitsodeno wiuyvlv, gvwasdawadidohi unvsv gesv gvwadvdvnei, gadono ayv vtla gayotsinugowisdi yigesei? unadvnei. 29 hiano niduweselei, hia nasgi iyusdi vtla yvgayeganugowa, gvni adadolistanvhi ale amatli gvnvhi tsigesoi. 30 unanigisvno nahnani, gelili ayeli unilosei; vtlano yudulisge gilo udolehuhisdiyi. 31 duweyoneyeno gvwasdawadidohi, ale hia niduweselei, yvwi uwetsi datsiyohi degetsiyohisi yvwi. ale dagvwali; ale oni hnaquo atsilvhi gesesdi, dodvalehisani tsoine iga. 32 aseno vtla tsunolitse nasgi nuwesv ale anisgaihe unadvdvdiyi. 33 gequanino ulutsilei; galitsogano ayav dudvdvne, gado nasgi tsitsinohesgv itsvsv gesv a didaisvi. 34 aseno elaweyiquo unvsei; dinaisvno aninohesge unvsv gesv nasgi utli atsilvquodiyu gesvi. 35 uwenvno, taladu iyanidv widuyanvhei, ale hia niduweselei, iyuno gilo igvyi iyulisdodiyi udulisgesdi, nasgi oniyi agaledodi gesesdi nanivi, ale naniv gvwanvsidohi gesesdi. 36 ayolino wuyanvhv, aninv ayeli uwekanei; unulolvno hia niduweselei, 37 gilo asiyvwi hia iyunasdi diniyoli dadanilvgesdi ayv ayv daquadov nvdigalisdodisgesdi, ayv daquadanilvgesdi; gilono ayv daquadanilvgesdi, vtla ayv yidaquadanilvgesdi, nvdvginvsidvsgini dadanilvgesdi. 38 tsanino unetselei, hia nuwesei, tadeyohvsgi, otsigohvgi asiyvwi anisgina deganugowisgvgi detsadov gvdisgvgi; vtlano yigisdawadidoha; otsinvsdadelvgino nigisdawadegvna gesv iyusdi. 39 aseno tsisa hia nuwesei, tlesdi etsinvsdadelvgi; vtlayeno yeha gilo daquadov gvdisgi usquanigodi tsulvwisdanehi, nasgi igvwenvdv usonv gvgineisdodi. 40 giloyeno nasgi nigatludisgvna tsigeso, nasgi igaligonehi gesoi. 41 giloyeno ama ulisquidi akalii itsaditasdi itsinenehi ayv daquadovnvdigalisdodisgesdi, galonedv etsatseli gesv iyusdi, udohiyuhiya itsvyoseha, vtla uyohusedi yigesesdi agaguyvedi gesvi. 42 ale gilo asiyvwi hia tsunasdi gesv nasgi tsigvquohiyuhvsga dogodesdisgesdi, utli osiyu iyulisdanedi asdosgi nvya yatsiyatlanv, ale amequohi yiwagadainv. 43 iyu ale tsoyeni detsodesdisgesdi, hisqualisgesdi; utli osiyu itsalisdanedi tsagolani gvnidv digesv yiwitsayvlv, ano itsula digehoyadi tsvsgino yiwitsayvlv, nahna atsilvyi gagvdladisdi nigesvna; 44 nahna unatseli tsisgoyv nigaliwogvna digesvi, ale atsilv nigvtlosgvna digesvi. 45 iyu ale tsalasideni dotsodesdisgesdi, hisqualisgesdi; utliyeno osiyu itsalisdanedi hiyouli gvnidv digesv yiwitsayvlv, ano itsula digetsalasgi tsvsgino yiwetsadainv, nahna atsilvyi gagv dladisdi nigesvna; 46 nahna unatseli tsisgoyv nigaliwogvna digesvi, ale atsilv nigvtlosgvna. 47 iyu ale higadoli dotsodesdisgesdi, hadagatedoisgesdi; utliyeno osiyu itsalisdanedi saquoquo yikanv unelanvhi utseligohi yiwitsayvlv ano itsula yitikanv tsvsgino atsilvyi yiwetsadainv; 48 nahna unatseli tsisgoyv nigaliwogvna digesvi, ale atsilv nigvtlosgvna digesvi. 49 nanivyeno atsilv gvdi ama getsinvtlayedi gesesdi, ale nigav atsilvgelasdi ama ganvliyedi gesesdi. 50 ame osiyu; aseno ama yutsisgolv gado yitsvga nutsisgolvna yinitsvga? ame itsilotsvhi gesesdi, ale dohiyi nitsvnesdi itsehvi.

10:1 nahnano dulenv, tsudiyi gada ahvi ulutsei, tsodani asgoniditlv tsulohistanei; ale unitsati yvwi taline igvwadatlisanelei; ale iyudvnedi gesv nudvnelei, taline duweyonei. 2 aniqualisino gvwalutselv gvwadvdvnei, hia nuniwesei, duyugodisgo asgaya udainvdiyi udalii? gvwagoliyesgei. 3 unetsvno hia nisuweselei, gado usde itsinetsele mosi? 4 hiano nuniwesei, mosi ulisgolvtane gowelodiyi dogalenvhvi, ale adainvdiyi. 5 tsisano unetsv, hia niduweselei, disdayiyu gesv iyusdi ditsinawi hia nasgi dikahnawadvsdi itsowelanelei; 6 didalenisgvsgini uwetlvnvnvi, unelanvhi asgaya ale ageyv duwetlvnei. 7 nasgi iyusdi asgaya degvdegesdi udoda ale utsi, ale udalii adlawasdisgesdi; 8 nasgino anitali saquoquo gesesdi uniquedalvi; nasgino vtla hnaquo anitali yigi, saquoquosgini uniquesilvi. 9 nasgi iyusdi unelanvhi tsuwudatanvhi tlesdi yvwi tsugalenvtanvgi. 10 galitsodeno aniyav gvwasdawadidohi taline igvwadvdvne nasgi ugvwali. 11 hiano niduweselei, gilo udalii adaegesdi, ale nvwadale adayegesdi, nasgi adayonehesdi asganvtsehesdi nasgi. 12 iyu ale ageyv uyehi adaegesdi, ale nvwadale danatsegesdi, nasgi adayonehesdi. 13 tsunasdino diniyoli degvwatinohelei, nasgi tsusvnisdiyi; gvwasdawadidohino dunigvsgolvne nasgi tsunatinolvhi. 14 tsisasgini ugohv utsati svsga uyelvnei, ale hia niduweselei, unelagi detselisehesdi tsunasdi diniyoli gvgilutsediyi, ale tlesdi yiditsinvsdadehesdi; nasgiyeno nunasdi unelanvhi utseligohi. 15 udohiyuhiya hia nitsvweseha, iyuno gilo unelanvhi ugvwiyuhi gesv nidadanilvgvna igesesdi nasgiya ayoli tsidadanilvgoi, vtla nahna yiwvgvyvha. 16 dunesvno ale dusitadv, osdv dunetselei. 17 unigisvno ganvnv wulutsv, gilo iyusdi uditloelvgi, ale duliniquanvnelvgi, udvdvne hia nuweselei, hosdv tadeyohvsgi, gado dagadvneli ulisquadisdi nigesvna gvnidv aquatseli iyulisdodiyi? 18 tsisano hia nuweselei, gadono hosdv isquoseha ayv? vtla gilo osdv yigi, saquo uwasvhiyu, nasgi unelanvhi. 19 dehigataha dikahnawadvsdi, nasgi, tlesdi tsadayonelvgi, tlesdi tsadalvgi, tlesdi tsanosgisvgi, tlesdi gayegogi tsanohelvgi, tlesdi tsadalonuhelvgi, tsadoda ale tsatsi dehilvquodesdi. 20 unetsvno hia nuweselei, tsadeyohvsgi, hia nasgi nigadv dagisquanigotanv tsitsutsa gesv nvdagvwadalenvdv. 21 tsisano dukahnanv, ugeyuhiyu nulistanei, ale hia nuweselei, sudaligi tsalula; winaduga nigav gohusdi tsanavi, ale uyo iyunadvhnadegi ginelvha, tsosvno witsahesdi tsugvwalodi; ale tesvha, tsudahnawadv gotsahesdi tsugvwalodi; ale tesvha, tsudahnawadv hiyvhvha, ale sgisdawadesvha. 22 uyono uyelvne nasgi natsiweselv, ale ehisdi gvwadanvti udanvsei; utsatiyeno uhnaei. 23 tsisano uduwidv dukahnanidolv, hia niduwesele gvwasdawadidohi, nasdaya tsugvwalodi unihi unelahvhi utseligohi wuniyvsdiyi. 24 gvwasdawadidohino gvkasquanigosele nasgi nuwesvi. aseno tsisa taline iunetsv, hia niduweselei, ditsiyoli. nasdaya nasgi genvisdi gesv analisgasdodisgi, unelanvhi utseligohi wuniyvsdiyi. 25 utli ahidiyu gemili yvgi gasanenadvdiyi ugadvlehisdiyi, ano uwehnai yvwi unelanvhi utseligohi wuyvsdiyi. 26 ulosvstanvhino unisquanigosgei, hia nidanadawesehei, gagoge yeli gayetsisdelvdi? 27 tsisano nasgi dukahnanv, hia nuwesei, yvwi gesv nasgi igvdvnedi nigesvna, unelanvhisgini gesv vtla; unelanvhiyeno gesv nigav gohusdi igvdvnedi. 28 hnaquono quida ulenvhe hia nuweselei, gvniyuquo ayv nigadiyu ogvdetsonv, ale nihi itsvsdawadenv. 29 tsisano unetsv hia nuwesei; udohiyuhiya hia nitsvweseha, vtla gilo yehanasgi uwvdetsvhi igesesdi adanelvi, ale analinvtli, ale tsudo, ale udoda, ale utsi, ale udalii, ale tsuwetsi, ale dulogesvi, ayv gesv nvdigalisdodisgesdi, ale osdv kanohedv nvdigalisdodisgesdi, 30 nasgi gohi gesv atsinedi nigesvna gesv asgohitsuqui iyuwagudi ulosvsdi dadanelvi, ale analinvtli, ale tsudo, ale tsutsi, ale tsuwetsi, ale degalogesvi, agiliyoisdi gesv tali udvdi; soiyino digesv ulisquadisdi nigesvna gvnidv. 31 aseno unitsata nasgi igvyi tsigi, oni gesesdi; onino tsigi, igvyi gesesdi. 32 ganvnvno anaise tsilusilimi tsanigatei; tsisano igvyi duwenvelei; unisquanigoseno; nasgino analisdawadisv anisgaihei. talineno duyanvhv taladu iyanidv, ulenvhe dunonele nasgi iyulisdanelidasdi gesvi. 33 [hia nigawesgei;] gvniyuquo tsilusilimi widigati; ale yvwi uwetsi dodayetsiyosi nunigvwiyusv atsilv anelohi ale dinowelisgi dodagetsiyohiseli; ale dodagvwugodaneli uyohuhisdiyi, ale tsunadalenvdv yvwi widodvniyohiseli; 34 ale dagvwasotlvistani, ale dagvwalivnili, ale dodagvwalitsisqui, ale dagvwali; tsoineno iga taline dodvaleni. 35 tsimino ale tsani, tsequidi tsuwetsi gvwalutselei, hia nuniwesei, tadeyohvsgi, sginaduliha isginadvnediyi nusdv isdvtayosedi gesvi. 36 hiano niduweselei, gadono isdaduli isdvyadvnediyi? 37 hiano nigvwaweselei, sginalisgolvdasi, nasgi tsoginidiyi, asiyvwi higatisiditlv, soino higasganiditlv, tsatseli galvquodiyu gesvi. 38 aseno tsisa hia niduweselei, vtla yisdigataha nusdv isditayohihvi. tsisa yeliquo gesdaditasdi ulisquidi nasgi aquaditasdi tsigi? ale digayesdawosdi nasgi didawosdi gesv nasgi vquawosdodi tsigi? 39 hiano nigvwaweselei, yeliquo tsisano hia niduweselei, udohiyuhi dasdaditahi ulisquidi nasgi ayv aquaditasdi tsigi, ale didawosdi gesv ayv vquawosdodi tsigi, nasgi dodayesdawostani; 40 uwediyisgini aquolv tsigatisi iditlv, ale tsigasgani iditlv, vtla ayv aquadanedi yigi; unvsvsgini nasgi gegadvnvisdanelvhi tsigi 41 asgohino iyanidv unadvganv, unalenvhe utsati esga duniyelvnanele tsimi ale tsani. 42 aseno tsisa widuyanvhv hia niduweselei; itsigataha nasgi unigvwiyuhi getsiyelvi gesv tsunadalenvdv yvwi danewadisvi, digvwananelododiyi nanvnehoi; tsunilvquodino gesv gvwanadalinehidehoi. 43 nihisgini itsehv vtlesdi nasgi yinitsvnesdi; gilosgini atsilvquodi iyulisdodiyi udulisgesdi, nasgi etsinvsidasdi gesesdi. 44 ale gilo nihi nitsadvnv nugvwiyusv iyulisdodiyi udulisgesdi, nasgi nigadv gvwanvsidohi gesesdi. 45 nasquoyeno yvwi uwetsi vtla yulutsv gohusdi agadvnediyi, gohusdisgini udadvnediyi, ale gvnv tsuyohisdiyi tsudayvdodiyi unitsati. 46 tseligono unilutsei, ale nasgi tseligo iunugotsv ale nasgi gvwasdawadidohi, ale unitsati yvwi, digewi quadimiya, nasgi dimiya uwetsi, uwele nvnohulodi aduladisgei. 47 udvganvno nasgi tsisa naselidi ehi gesvi, ulenvhe uwelune, hia nuwesei, dewi uwetsi, tsisa, sgidoligi. 48 unitsateno gvwagvsgolvne gvwanetsele elaweyi uwvdiyi; aseno utliquo igai uwelunei, dewi uwetsi sgidoligi, adisgei. 49 tsisano ulewistanv unetse watsiyanvdiyi. uniyanvheno digewi, hia nuniweselei, ugalisdiquo hadanvdada; talehvga; ditsayaniha. 50 nasgino udainv unuwo dulenei, ale tsisa wulutselei. 51 tsisano unetsv hia nuweselei, gado tsadulu gvyadvnediyi? digewino hia nuweselei, tsagvwiyuhi, vagigowadvdiyi [aquaduliha.] 52 tsisano hia nuweselei, henaquono; tsohiyusv tsasdelv. gilaquono iyvdv gvwagowadvdi nulistanei, ale usdawadvse tsisa aisvi.

11:1 tsilusilimino nav wunilutsv nasgi svgadohi aya quediniyi iyvdv, oliwayohi usahilvi, anitali gvwasdawadidohi dunvsei, 2 ale hia niduweselei, isdena na desdidogv tsuyugodi tsvdigaduha wisditsahi; wisdiyvlvquono nahnani, dayesdiwadvhi digalianvhidv agina gelisadesdi, nasgi vtla gilo yvwi ugilvtanvhi yigi; esdelisadesvha ale tsesdatinesvha. 3 iyuno gilo gadono nasgi nisdadvneha isdoselvha? ugvwiyuhi uduliha, isdadvnvha; gilaquono iyvdv dodayuyosi ani esdatinohisdiyi. 4 unenvseno, ale wuniwadvhe agina gelisade galohisdiyulodi doyiditlv, nahna deganvnv datlosgvi; unelisadeseno. 5 gilono iyunasdi nahna dinidogi hia niduniweselei, gadono iesdelisade agiwi? 6 ale nasgiyaquo tsisa nuwesv unetsv niduniweselei: duniyoseno. 7 aginano tsisa unatinohelei, ale tsunanuwo dunitlvnelei; tsisano ugilvtanei. 8 unitsateno tsunanuwo nvnohi dunuyesdvnei; igadvno detlugv dunvnigalvhei, ale nvnohi dunilageyadvnei. 9 igvyii anegi, ale oni anegi, unelugei, hia naniwesgei, hosana, galvquodiyu gesesdi yihowa deudosdv tsigaluhisdida. 10 galvquodiyu gesesdi dewi igidoda utseli ugvwiyuhi gesvi, nasgi yihowa dudosdv tsigaluhisdiha; hosana wasdvgalvladiyu. 11 tsisano tsalusilimi wuyvlei, ale utanvdigalawiisdiyi wuyvlei; hnaquono gvwaduwidv dukahnanidolv nigadv tsudalenvdv dukahnanv, ale hnaquo usvhiyvyi gesei, unugotse quediniyi wulose anehe taladu iyanidv. 12 ugitsvdvno quediniyi tsunilosv agonu uyosisgei; 13 wugoheno ge iyvdv ditluge svgalaiyusdi, ulisdusei, wulutsei, yasegagi yitsiwadv gotlesdi yuta uwelisei; nahnano wulutsv vtla gotlesdi yuwadvhe ulisdusvquo uwasv; vtleyeno asi yusqualvhe svgataiyunasdi unvnisdiyi. 14 tsisano unetli hia nuweselei, tlesdi gilo ilvhiyu tsiagi nihi tsadatanvhi gohi iyudalenvdv. gvwasdawadidohino unadvganei. 15 tsilusilimino unilutsei; tsisano utanvdigatawiisdiyi wusilv, ulenvhe dunugowise aninadegi ale uniwasvvsgi nahna utanvdigalawiisdiyi, ale duluquadinvse dunisgilv adelv dinitliyvsgi, ale unanvdiyi guledinisgonihi dininadegi; 16 ale vtla unelagi yuwelisele gilo gotlesdi usdi atelido uyvdodiyi udvnvdigalawiisdiyi. 17 dudeyoneno, hia niduweselei, tlasgo hia yinigvnv yigowela, aquatseli adanelv nigadiyu tsunadalenvdv yvwi unadadolisdodiyi dudoesdi? nigosgini aninosgisgi uniyvsdiyi usdagalv nitsvnelv. 18 dinowelisgino ale nunigvwiyusv atsilvanelohi unadvganei, ale uniyole iyunvnediyi unihisdiyi; gvwanayesgeyeno, nvdigalisdodisge nigadv yvwi unisquanigosgv nusdv dadeyohvsgvi. 19 usvno nulistanv unugotse gaduhvi. 20 sunaleno anaisvi, unigohe egataiyusdi hvgv uwayvsvhi gese duhnasdetlv nvdagvwadalenvdv. 21 quidano unvdadv hia nuweselei, tadeyohvsgi, gvniyuquo, egataiyusdi tlugv tsisgatsvgi uwayvsonv. 22 tsisano unetsv, hia niduweselei, unelanvhi etsoiyusesdi. 23 udohiyuhiyayeno hia nitsvweseha, gilo hia nigawesehesdi hia tsodalv, wetsahvna, ale amequohi wetsaduga; ale nudlasidvehvna igesesdi unawiyi, gohiyuhvsgvsdiquosgini nasgi nigawesgv ase iyulisdodi gesvi; nasgi ugesdi nigav nuwesvi. 24 nasgi iyusdi hia nitsvweseha, nigav gohusdi itsitayoha itsadadolisda, itsohiyuhvsgesdi etsinei gesvi, ale ase itsihesdi. 25 iyuno itsalehvsgesdi itsadadolisdisgesdi, getsadanehesdi etsisganvtselvi, iyuno gohusdi etselisehesdi giloi; nasgi nasquo itsidoda galvtadi tseha gagetsinediyi hia itsisganvtsvi. 26 iyusgini nitsadanehvna igesesdi etsisganvtselvi, vtla nasquo itsidoda galvladi ehi yvgetsidoligi itsisganvtsvi. 27 tsilusilimino taline unilutsei; udvnvnodigalawiisdiyi edohei, gvwalutsele nunigvwiyusv atsilvanelohi, ale dinowelisgi, ale dinilawigi, 28 ale hia nigvwaweselei, gado tsalisgasdodi hia nasgi tsihnadvneha? ale gago tsanele nasgi hia itsadvnediyi? 29 tsisano unetsv hia niduweselei, ayv nasgi sudalegi dvtsvyadvdvni, ale sginohvsi, ayvno datsvnoneli nusdv aqualisgasdodv hia nasgi tsinigadvneha. 30 tsani tsidadawosgvgi, galvlasgo tsudalenei, yvwiquoge anehvi? sginohvsi. 31 unvsvno gesv unalinohelei, hia nuniwesei, iyuno galvladi nvdayudalenvhi yigadvnv, hia yinigawi, gadono tla yietsoiyunei? 32 iyuno yvwiquo anehv yigadvnv, nasgi danisgaihe yvwi; nigadvyeno yvwi adolehosgi udohiyuhi gvwayelvha tsani. 33 uninetsvno hia nuniwesele tsisa, vtla yotsigataha. tsisano unetsv hia niduweselei, vtla nasquo yvwi yvdatsvnoneli iyusdi aqualisgasdodv hia nasgi tsinigadvneha.

12:1 ulenvheno duwonetane datlilosdisgvi. gilo iyusdi telvladi duwisei, ale usoyile gvwaduwidv, ale usgose gigageaditasdi gotlvdiyi, ale unesgehe inv igati, ale dudolastane tlogesi tsunilvwisdanehi, ale inv wulosei. 2 unvnisdiyino gesv iyui, unvse unvsidasdi tlogesi tsunilvwisdanehi dinehvi, nasgi tlogesi tsunilvwisdanehi nvdagvwanediyi unequotsvhi telvladi dawisvi. 3 igvwaniyvheno, ale igvwalivnilei, ale asvha igvwanigistanei. 4 talineno nvwadale unvsidasdi unvse dinehvi; nasgino nvyaquo dogvwanistanei, ale igvwasonvne asgoli, ale igvwanigistane udehohisdi igvwanelvhi. 5 talineno nvwadale unvsei; ale nasgi unilei; ale unitsate nvwanadalei; igadv danilivnihei, igadvno danihihei. 6 asino saquo uwetsi ehei, ugeyuhi, nasgi nasquo unvse oniyi dinehvi, hia nuwesei, ase dvnilvquotani aquetsi. 7 aseno nasgi natlogesi tsunilvwisdanehi, hia nidunadaweselei, hia nasgi tsugvwalodi wutiyelihisdi gesvi; ka, ediluga, tsugvwalodino uteyedi igatseliga gesesdi. 8 gvwaniyvhvno gvwalei, ale telvladi dawisv doyiditlv wigvwadainvsei. 9 gadono nasgi dvdvneli telvladi dawisv utseliga? dagalutsi ale dodvdvtani nasgi tlogesi tsunilvwisdanehi, ale nvwanadale dodvneli telvladi dawisvi. 10 tlasgono yitsigoliyeo hia nasgi tsinigvnv tsigowela? nasgi nvya, dinanesgesgi uniyoiselvhi nugvwiyusv unvsiyv adi nulistanv; 11 nasgi hia yihowa nudvnelv, ale usquanigodiyu dedakanisgvi. 12 unanelotaneno gvwaniyvdiyi, aseno unitsati yvwi danisgaihei; anigataheyeno unvsv getsidvgv nasgi dutlilostanvi; igvwadanveleno ale dunenvsei. 13 duninvseno wigvwalutsediyi gilo iyunasdi aniqualisi ale elodv gvwasdelisgi, unisadvdiyi unadulisge gawonisgvi. 14 unilutsvno, hia nigvwaweselei, tadeyohvsgi, otsigataha duyugahv hiwonisgv gesvi, ale gilo nitenayesgvna gesvi; vtlayeno nunasdv yvwi yitelvquodoi, unelanvhisgini unvnv udohiyusv dehadeyohvsgoi; duyugodisgo ayeli anadayisgv sisa aguyvediyi, tlage? 15 dayotsinitsu, tlage yvdayotsini? aseno agatahe unatlonasdvi, hia niduweselei, gadono isgigoliyeha? esgivsi agisi tsugvwalodi nasgi agigowadvdiyi. 16 uniyoleno. hiano niduweselei, gago hia dagatlilosdi, ale gago atsinohese hia tsigawela? sisa, igvwoselei. 17 tsisano unetli hia nisuweselei, sisa etsaguyvsi sisa utseliga, unelanvhino unulanvhi utseliga. igvwasquanigoseleno. 18 noquale anisadusi igvwalutselei, nasgi ayohusv vtla dilehisodi yigi anadisgi; ale igvwadvdvnei, hia nuniwesei. 19 tadeyohvsgi, mosi ogowelanelvgi hia nogiweselvgi, analinvtli gilo ayohusgesdi, ale udalii igakahiyasgesdi, tsuwetsino nidigakahiyasgvna igesesdi, analinvtli ayanisgesdi udalii, ale nasgi analinvtli tsuwetsi dadvhisdanehesdi. 20 nasgino galiquogi analinvtli anehvgi; igvyino ehi udesvnvgi, ale uyohusvgi tsuwetsi nanehvna. 21 talineno wehi nasgi udayvsvgi, ale uyohusvgi; nasquono nasgi vtla tsuwetsi yiduwekahiyei; ale nasgiya nasquo tsoine wehi. 22 ale nasgi galiquogi iyanidv unadayvsvgi, ale vtla yidunihikahiye tsunetsi; oniyino ageyv nasquo uyohusei. 23 tsuniyohusvhino tsunalehisodi gesvi, nahiyu nasgi hia danalehisanvha, gago udalii gesesdi nasgi hia? galiquogiyeno iyanidv anadayehvgi. 24 tsisano unetsv hia niduweselvgi, tlasgo yitsilidasdiha, yinvdigalisdodiha nitsoligvna gesv goweli, ale unelanvhi ulinigidiyu gesvi? 25 nahiyuyeno tsunalehisodi gesv tsuniyohusvhi, vtla yidanadesvhvsgoi, vtla ale yidigetsiyegoi; galvladisgini anehi getsinvsidasdi nunasdv nasgiya nunasdi. 26 tsuniyohusvhino nasgi tsunalehisodi gesvi; tlasgo yitsigoliyeo mosi utseli gowelihi, nasgi uweyodadv unelanvhi ulinohetanvi, hia nuweselvi, ayv aquanelanvhi equahami utseliga, ale aquanelanvhi esigi utseliga, ale aquanelanvhi tsegaqui utseliga. 27 vtla tsuniyohusvhi unatseli unelanvhi yigi, dinvnodvsgini unatseli unelanvhi; nasgi iyusdi utsati itsilidasdiha. 28 dinowelisgino gesv asiyvwi ulutselv, udvganv analinohesgvi, ale udolehosv osiyu nuwesv dunetse lvi, udvdvnei, gado usdi utli galvquodiyu nigadv dikahnawadvsdi gesvi? udvnei. 29 tsisa unetsele hia nuweselei, utli galvquodi negadv dikahnawadvsdi gesv hia nasgi; hadvgvga isili; yihowa iganelanvhi saquohiyu yihowa; 30 ale higeyusesdi yihowa tsanelanvhi hvdisgesdi nigv tsanawi, ale nigvtsadanvdo, ale nigv tsadanvtediyi, ale nigav tsalinigvgvi. hia nasgi wudagonadvdv galvquodi dikahnawadvsdi. 31 talineno gesvi, nasgiyaquo, hia nasgi nusdi, tsvsv nitsadageyusv nasgiya nigeyusesdi nav idisdadala. vtla nvwadale dikahnawadvsdi. yaha utli igalvquodi esgaquo nasgi. 32 digowelisgino hia nuweselei; ka, tadeyohvsgi, duyugosv niwi; saquoquoyeno eha unelanvhi; vtla ale nvwadale yeha nasgi uwasvhiyu; 33 nasgino dageyudiyi gvdodiyi nigv onawiyi, ale nigv adanvtediyi, ale nigv adanvdo, ale nigav nolinigvgvi, ale nav iyunadala uwasv udageyusv nasgiya ugeyudiyi, utli galvquodiyu esgaquo nigadv digvwanosdv atsilv digelasdodi, ale alisgolvdodi. 34 tsisano ugohv agatahnai iyuwesdi newesv unetsvi, hia nuweselei, vtla invhiyu yinitsadvhnadega unelanvhi utseligohi gesvi. nagoyuno iyudalenvdv vtla gilo gohusdi gvwadvdvdi yigesei. 35 tsisano unetsv dadeyohvsgv udvnvdigalawiisdiyi, hia nuwesei; gadono dinowelisgi galonedv dewi uwetsi, tsanadisgoi? 36 dewiyeno uwasv galvquodiyu adanvdo uweyohvsgv hia nuwesei, yihowa hia newesele aquatseli ugvwiyuhi, tsigadisi iditlv tsolesdi gvni getsasgagi ditsalasidiyi gasgilo nigatsiyvnelvha. 37 dewiyeno uwasv ugvwiyuhi igoseha; gadono digalesdodiha uwetsi igi? unitsatino yvwi unalihelitsvhi gvwadvdanelei. 38 hiano niduwesele dadeyohvsgvi, detseyadotsehesdi dinowelisgi osiyu tsuniyelv diganvhidv tsunanuwai unedasdiyi, ale getsiyolisdiyi diganododiyi, 39 ale nugvwiyusv degasgilv digalawiisdiyi, ale nugvwiyusv tsunanitlvdiyi danalisdayvhvgvi; 40 nasgi tsidanisvneho tsunosulotsvhi daninelvi, ale unatlonasdv gohidiyu tsanadadolisdisgoi; hia nasgi utli igai unigiliyoisdi digegugodanedi gesesdi. 41 tsisano uwole adelvdidiyi tsuyugodi, ale ugohe nanadvnehv yvwi adelv danihvsgv adelvdidiyi; unitsatino tsunehnai utsati danihvsgei. 42 gilono iyusdi uyo iyudvhnadegi uwosulotsvhi ulutsv, tali aginudvdi iyadanvtedi unei, nasgi ayeli iyadanvtedi igai tsigi. 43 widuyanvhvno gvwasdawadidohi, hia niduweselei, udohiyuhiya hia nitsvweseha, hia nasgi uyo iyudvhnadegi uwosulotsvhi utli igai ahvga esgaquo nigadv nasgi adelvdidiyi tsanihvga. 44 nigadvyeno utsati unihv unotsaledv anihvga; nasgisginiunigidv gesv ahvga nigadv uhvi, nigadv ulisdelvdodi uhvi.

13:1 ganugoheno udvnvdigalawiisdiyi, asiyvwi nasgi gvwasdawadidohi hia nuweselei, tadeyohvsgi, gvniyuquo nanideusdi nvya ale nideusdi dadanelvi? 2 tsisano unetsv hia nuweselei, dehigowadisgo hia nasgi tsequa dadanelvi? vtla saquo nvya kanohiyvhi yigesesdi yidudasatlahesdi, nasgi nigohvtanvna yigesesdi. 3 oliwayono usahilv uwolvi, udvnvdigalawiisdiyi adanelv tsuyugodi, quida, ale tsimi, ale tsani, ale enidi, unvsv gesv gvwadvdvnei, hia nuniwesei, 4 sginohvsi, ilagiyu nasgi hia nvdagalistani? ale gado uyelvdv gesesdi nahiyu hia nasgi nigadv uliyeilohisdi gesvi? 5 tsisano dunetselv, ulenvhe hia nuwesei, itseyatahesdi, tlesdi gilo tsitsilonuheli. 6 unitsatesdiyeno yvwi daquadosdv aniluhisdisgesdi, hia naniwesgesdi, ayv nasgi; ale unitsatesdi danilonuhesgesdi. 7 itsadvgisgesdino danvwa, ale aninohelidohv danvwa, tlesdi yitsadeyatanehesdi; nasgiyeno ase iyulisdodi; ulisquadisdiyisdini gesv asi gesesdi. 8 tsunadaledvyeno yvwi dodvnaleni dodvnadatlutani, ale ayeli degotlvwadisv dodvnadatlutani; ale gadohi dalitelvnidohesdi, ale dagonulosidohesdi ale udeyadodi nigalistanidohesdi; hia nasgi adalenisgv agiliya. 9 adina itseyatahesdi; danilawivyeno degetsiyosdi; tsunitawiisdiyino detsilivnihesdi; ale nunigvwiyusadegi ale unigvwiyuhi aninv tsetsatenohisdi gesesdiayv gesv nvdigalisdodisgesdi, nasgi gohiyudisgi tsunidetelegi. 10 osdvno kanohedv igvyi nigvnadv tsunewadisv yvwi alitsidodi gesesdi. 11 ale hnaquo detsadinegesdi, ale detsiyosgesdi, tlesdi igvyi gayehi yitselihisgesdi itsiwesdiyi itsineisdiyi, ale tlesdi igvyi gayehi yitsadanvtesgesdi; nusdvsgini wihiyu gesv etsinelv nasgi itsinegesdi; vtlayeno nihi yitsanegoi, galvquodiyusgini adanvdo. 12 analinvtlino duyosgesdi analinvtli uyotlehihisdiyi; asgayano uwetsi duyosgesdi; ale digeganvgi danalehvsgesdi tsunigayvlige danatludisgesdi, ale nasgi nanvnisisgesdi degetsiihesdi. 13 ale nigadiyu yvwi getsisgagi gesesdi ayv tsuquadov nvdigalisdodisgesdi; gilosgini gvlisquadisgi dikahnawadegi, nasgi atsisdelvdi gesesdi. 14 itsigowatesgesdisgini usgaisdi advdisgi denili adolehosgi uneistanvhi, gadogesdi nahna gvwaledi nigesvna, (gilo agoliyesgesdi goligesdi,) hnaquo tsudiyi anini analisvha dotsodalv wanilosvha. 15 ale gilo gasanali ugilesdi, tlesdi yvditloasgesdi adanelv wiyayvhihesdi, ale tlesdi nahna wiyayvhihesdi wugisdiyi gohusdi uhnav ganelvi. 16 ale gilo tlogesi edohi tlesdi yvdiutsvsesdi unuwo yunesolesdi. 17 ale uyoiyu iyunalisdanedi dininelidv, ale tsunisdai nahiyu gesesdi. 18 ale itsadadolisdisgesdi itsitayohisdi gola itsalisdiyi nigesvna iyulisdodiyi. 19 nahiyuyeno gesesdi agiliya ehesdi, nasgi gotlvnvi nasgi unelanvhi tsuwotlvne nvdagvwadalenvdv gohi iyasdi vtla nasgi iyusdi yudenoi, vtla ale udedi yigesesdi. 20 ale ugvwiyuhi nidugoladvna yigese nahiyu iga, vtla uquedali yigayetsisdelvhei; gegasuyedvsgini nvdigalisdodiha, nasgi tsusuyedv gesvi, nasgi dugaladv nahiyu iga. 21 hnaquono iyu gilo hia nitsiweselvha, gvniyuquo ani galonedv; ale gvniyuquo nahnani; tlesdi itsoiyunvgi; 22 galonedvyeno unatselvhi ale anadolehusgi unatselvhi dvninanugotsi, ale aninanugowisgesdi uyelvdv ale usquanigodi, nasgi tsunilonuhediyi, iyuno yeliyigi, nasquo gegasuyedv. 23 nihisgini itseyatahesdi; gvniyuquo nigadv nitsvnonelv. 24 nahiyusgini gesesdi, ulosonesdi nasgi agiliya, nvdo iga ehi dvlisihvsi, ale nvdo svnoyi ehi vtla iga yutesdedi; 25 ale noquisi anikalv galvloi aninvgoasgesdi, ale unitsate galvlo tsanikala dvnalitelvni. 26 hnaquono dvnigohi yvwi uwetsi tsaisesdi ulogilvi, unuwosdesdi utsati ulinigidiyu gesv ale galvquodiyu gesvi. 27 hnaquono dodaganvsi tsutseli dinikahnawadidohi, ale dodagatlisani gegasuyedv tsutseliga widodvyanvhi nvgi nidodigelosgv unole, elohi wulistinilv nvdayudaledv galvlano wulistinilv wigalugi. 28 itsadeloquano svgataiyusdi tlugv datlilosdvi; uwanigalv hnaquo udage nigalisda, ale tsigalisduhvsgoi, itsigataho gogi navniyu gesvi; 29 nasgiya nasquo nihi, hnaquo itsigowatisgesdi hia nasgi nigalistanidohvi, itsigatahesdi navniyu gesvi, galohisdiyiquo gesvi. 30 udohiyuhiya hia nitsvwesehe, hia nasgi gohi tsaneha vtla yvdvnilosoni gvni hia nasgi nigadiyu nigalistanvha. 31 galvlo ale elohi dvnilosoni; ayvsgini aginetsv vtla yvdagalosoni. 32 nahiyusgini iga gesv ale iyu kalawadisv vtla gilo yagataha, vtla nasquo dinikahnawadidohi galvladi anehi, tla naquono uwetsi, agayvligesgini uwasv. 33 itseyatahesdi, itsiyawisgesdi ale itsadadolisdisgesdi; vtlayeno yitsigataha iyu gesvi. 34 yvwiyeno uwetsi nasgiyaquo asgaya tsanigisgo ilvhitlv tsegoi, nasgi tsigvdego ganelvi, ale anigatiya tsinidegvneho tsunvsidasdi, ale anisiyvwiha tsunilvwisdanedi tsidanehoi, ale galohisdiyi agatiya tsikanetseho uyawidiyi. 35 nasgi iyusdi itsiyawisgesdi; vtlayeno yitsigataha iyuquo uluhisdiyi ganela, usvi, ale svnoyi ayeli, ale tsataga aniyvgvi, ale sunalei; 36 yigalugiyeno yayeloisda, yvtsiwadvda itsilinavi. 37 nasgino hia nihi tsinitsvweseha, nasgi nigadvquo nigatsiwesehaitsiyawisgesdi.

14:1 talino winusvlv kanohiyvgi dilisdayvdiyi ale nagotanvna gadu agisdiyi usqualvdi gesei, nunigvwisvno atsilvanelohi ale dinowelisgi uniyole iyunadvnediyi galonuhedv unvdodiyi uniniyvdiyi, ale unihisdiyi. 2 aseno vtlasdi dilisdayvdiyi iyuiga gesvi, yanalidelvhvgayeno yvwi, unadvnei. 3 quediniyino edohei, sawani adayesgi utlvtsvhi ganelvi, ganvgeno alisdayvhvsgei, ageyv ulutse ayehe gugu nvya unegv atlvtanvhi atlisde atlonedi nada tsudoidv, utsati tsugvwalodi; ale ulosv gugu, ale ulonetane asgoli. 4 gilono unadasuyv unvyutse dotsunadanvdvi, ale hia nuniwesei, gadono hia atsewogi atlonedi? 5 yuninadinvseyeno nasgi hia atlonedi tsoitsuqui anigisi tsunagvwalodi ulosvsdi yiduligvwalanei, ale uyoiyunadvhnadegi digvnedi yigesei. ale gvwagonelohiselei. 6 tsisano hia nuwesei, unelagi; gadono ietsadeyadodiha? osiyu deulvwisdasi tsinaquvga. 7 uyoyeno iyunadvhnadegi nigohilv getseladidoha, ale iyuquo itselesgvi osdv yinidetsadvnisi; ayvsgini vtla nigohilv yitsvyeladidoha. 8 nigav igvwadvnedi gesv nadvga; igvyi gayehi galugi ulonediyi tsiyele vginisodiyi ugvwali. 9 udohiyuhiya hia nitsvweseha, ilvhitlv hia nasgi osdv kanohedv alitsidodi nigalisdisgesdi elohi nigvnadvi, hia nasgi tsinadvga nasquo uninohedi gesesdi nasgi aganvdadisdodi. 10 tsudasino iyagaladi, asiyvwi nasgi taladu iyanidv gesvi, uwenvse nunigvwiyusv atsilvanelohi dininvi, nasgi tsuyohisediyi. 11 unadvganvno osiyu uniyelvnei, ale uniduisdanele adelv tsuninediyi. uyoleno osdv udlanvdadediyi tsuyohisediyi. 12 igvyiyino iga nagotanvna gadu agisdiyi, nahiyu unilv kanohiyegi dilisdayvdiyi, gvwasdawadidohi hia nigvwaweselei, hatlv tsaduli wogadvnvisdodiyi, kanohiyegi tsalisdayvdiyi? 13 dunvseno anitali gvwasdawadidohi, ale hia niduweselei, digaduhv isdena, dodatsatlosino asgaya ayehesdi atelido ama atlisdesdi; esdisdawadesvha. 14 ilvhitlvno wayvlvha, hia nesdiweselvha asgaya ganela, dideyohvsgi hia nigaweha, hatlv anedohi uniyvsdiyi, nahna kanohiyegi itsulaha ogalisdayvdiyi gvgisdawadidohi. 15 dasdasehelino udvnv galvladi kanvsulvi, gayula gvhnai, ale advnvistanvhi; nahna sgiyadvnvisdanelvha. 16 gvwasdawadidohino unenvse ale digaduhv wuniwadvhe nasgiya niduweselvi; unadvnvistaneno kanohiyegi dilisdayvdiyi. 17 usvno nulistanv ulutse datenehe taladu iyanidv. 18 nasgino aninvdlaei ale analisdayvhvsgei, tsisa hia newesei, udohiyuhiya hia nitsvweseha, asiyvwi hia tsinitsadvnv itsulaha tsosdalisdayvhvsga, dvquatlutani. 19 unalenvheno uyo uniyelvnei, ale hia nigvwaweselei, saquogvwesvdv, tsigo ayv? nvwadaleno, tsigo ayv? adisgei. 20 unetsvno hia niduweselei, asiyvwi taladu itsidv gesv nasgi itsulaha itelidogihi tsosdasuwasga. 21 yvwi uwetsi udohiyuhi uwenvsdi nasgiya nigvnv gowelv atsinohesgvi; aseno uyoiyu iyulisdanedi nasgi asgaya yvwi uwetsi atludisgi! osiyu yigese iyuno nasgi asgaya nudenvnaquo yigesei. 22 analisdayvhvsgvno tsisa gadu ugisv, ale ulihelitsv, ugvhaluyei, ale dunelei, ale hia nuwesei, itsigi, itsiga; hia nasgi ayv tsiyelvi. 23 ale ulisquidi ugisv, ale ulihelitsv, nasgi dunelei; nigadvno nasgi unaditahei. 24 hiano niduweselei, hia nasgi ayv agigigv itsv kanohedv datlohisdvi, nasgi unitsati tsigegatsewelv. 25 udohiyuhiya hia nitsvweseha, vtla hnaquo ilvhiyu yvgagadita telvladi unanugowisvhi, gvni nahiyu iga itse gaditahvha unelanvhi utseligohi. 26 duninogisvno, uninugotse oliwayo odalv wunilosei. 27 tsisano hia niduweselei, nitsiv nihi dodatsodeli gohi svnoyi tsigi, ayv gesv nvdigalisdodisgesdi; hiayeno nigvnvigowela, awi digatiya datsiyvnili, uninodenano dvnadigaleyotsi. 28 aseno hnaquo diqualenvhi gesesdi, igvyi datsvyenveli gelili iyvdv. 29 aseno quida hia nuweselei, nasquo nigadv yidunodestanv, ayv asevtla. 30 tsisano hia nuweselei, udohiyuhiya hia nigvweseha, nasgi gohi iga, ale gohiquo svnoyi, asi taline naniyvgvna tsataga, tsoi nvdasquadayili. 31 aseno utli ulinigidv unetse hia nuwesei, iyuno nasquo itsulaha diginiyotlehisdi yigi, ase vtla yvgagvyadayiga. nasgiya nasquo nuniwese nigadv. 32 geseminino dudov unilutsei; hiano niduwesele gvwasdawadidohi, ani itsinesdi, wigadadolisdisgv igohidv. 33 dutenvseno quida ale tsimi ale tsani, ale ulenvhe utsati udeyatanelei, ale utsati ehisdi udanvdadei; 34 ale hia niduweselei, aquadanvdo utsati udeyataneha ayotlehisdi nasgiyai; ani itsinesdi, ale itsiyawisgesdi. 35 usdigidvno iyvdv iuwenv, eladi udanvnei, ale udadolistane, utayolei. nasgi yvli igvwalisdodi yigi, nahiyu gesv ulohisediyiquo. 36 ale hia newesei, aqua, edoda, nihi, gesv yeligasquo igetsadvnedi nigavi; sgihvsiquo hia nasgi ulisquidi; vtlasgininonv ayv aquadulisgvi, nihisgini tsadulisgvi. 37 iulutseno ale duwadvhe anilinaei, ale hia nuwesele quida, sawani, hilihaquotsu? tlasgo sutlilodvquo igohidv nasquo getsayawisdi yigesei? 38 itsiyawisgesdi ale itsadadolisdisgesdi nasgi tlesdi udalenasdiyi witsinanugotsvgi; adanvdo udohiyuhi udvnvisdi, uquedalvsgini awanagalahiyu. 39 talineno iyvdv wulosv, udadolistanei, nuwesv nasgiya winuwesei. 40 diulutsvno duwadvhe taline anilinaei, dinigadoliyeno digagediyu gesei, vtla ale yinigatahe iyuniwesdiyi uninetsediyi. 41 tsoineno widulutselei, ale hia niduweselei, getsilinesdiquo hnaquo, ale itsatsawesolvsda; hnaquo galosonahnaquo asqualv nahiyu gesvi; gvniyuquo yvwi uwetsi anisgana degetsiyohisi. 42 ditsalehvga, idena; gvniyuquo aquatludisgi esganiyu dayai. 43 gilaquono iyvdv asiquo gawenisgei, tsunalvgotse, tsudasi, asiyvwi taladu iyanidv gesv, datinehe unitsati, ayelasdidiganvhidv ale ada dininehi, nvdagvwaninvsidv nunigvwiyusv atsilvanelohi, ale dinowelisgi, ale dinilawigi. 44 utludisgino gvnigesv itsuwanelvhi gese unadolehohisdodi, hia iyuwesvhi gesei, gilo tsiyadutsalanvha, nasgi gesesdi, svtsisiyvhvha, etsatinawidvhvha gvwadudalesdi nigesvna netsvnesdi. 45 ulutsvquono gilaquo iyvdv wulutselei, ale hia nuwesei, disqueyohvsgi, disqueyohvsgi; ale udutsalanei. 46 degvwasitadeno, ale gvwaniyvhei. 47 asiyvwino nav anidohnai, ayelasdiganvhidv ulvhei, ale nugvwiyusv atsilvgelohi unvsidasdi uluye ale ulisdestanei. 48 tsisano unetsv hia niduweselei, tsisa ganosgisgi tsvtsetsiniyvhiso nasgiya itsilugi, ditsinehi ayelasdidiganvhidv ale ada ayv sginiyvhoga? 49 nidugitsvnisv itsvyeladidohvgi udvnvdigalawiisdiyi, degadeyohvsgvgi, ale vtla yisginiyvhei; udohiyudisgininonv nigvnv gowelvi. 50 nigadiyuno gvwadetsonei, ale unalisei. 51 gilono iyusdi awinv usdawadvsei, doledv anuwo udaquenvde uyelvha gesvi; aniwinvno gvwaniyvhei. 52 doledvno anuwo uniyei, ale uyelvha dulitielei. 53 tsisano nugvwiyusv atsilvgelohi tsuwolv wunatinvstanei; nasgino degvwalawie nigadv nunigvwiyusv atsilvanelohi, ale dinilawigi, ale dinowelisgi. 54 quidano ge iyvdv usdawadisei, nasgi nugvwiyusv atsilvgelohi diganelv wuyvlei, uwoleno getsinvsidasdi aninvi, ale godv uganawosgei. 55 nunigvwiyusvno atsilvanelohi ale nigadv tsunilawiv uniyohe uninohelvhi tsisa utludisgi, nasgi unihisdiyi, unatlotseno. 56 unitsateyeno gayegogi aninohesgi gvwatludisgei, aseno aninohesgv vtla utloyi yigesei. 57 dunaleneno gilo iyunasdi ale gayegogi uninohele gvwatludisgvi, hia naniwesgei; 58 ogadvganvgi hia nikawesgvgi, datsiyostani hia udvnvdigalawiisdiyi, nasgi digoyi digvtanvhi gotlvnvhi, tsoiquono tsusvhidv dvtsiyilidoli dvganesgehi nvwadale digoyi digvtanvhi nigesvna. 59 aseno nasquo nasgi uninohelvhi vtla utloyi yigesei. 60 nugvwiyusvno atsilvgelohi ayeli ulenv, udvdvne tsisa, hia newesei, tlasgo gohusdi yadiha? gado nasgi hia tsaninoheha getsatludisgvi? 61 aseno elawequo uwasei, ale vtla gohusdi yudvne tsvnetsei. nugvwiyusvno atsilvgelohi taline udvdvne, ale hia nuweselei, nihisgo galonedv, atsilvquodi uwetsi? 62 tsisano hia nuwesei, ayv nasgi; ale dayetsigoi yvwi uwetsi uwolesdi agatisi iditlv ulinigidv gesvi, ale tsaisesdi ulogilv galvloi. 63 nugvwiyusvno atsilvgelohi dunuwav duwetsagalvhei, hia nuwesei, gadono asi yidigaduli aninohesgi? 64 itsadvgvga asotlvisdisgvi; gado itseliha? nigadvno degvwugolinele yeliquo gvwayohuhisdi gesvi. 65 igadvno unalenvhe degvwalitsisquasgei, ale ukadv gvwutlvnehei, ale asquinv gegvwanidisgei, ale hia nigvwawesehei, hadolehohi; ale getsinvsidasdi degvwanihei. 66 quidano eladitlv nahna adanelv edohei, ulutse asiyvwi ageyv nugvwiyusv atsilvgelohi unvsidasdi. 67 nasgino ugohv quida uganawosgvi, dukahnanei, ale hia nuwesei, nihi nasquo tsisdedohvgi tsisa naselidi ehi. 68 aseno udayilei, hia nuwesei, vtla yitsigataha, vtla ale yigoliga niwesgvi. unugotseno doyiditlv wayodatlahv wulosei; tsatagano uyvlisei. 69 advno taline ugohei, ale ulenvhe hia niduwesele nav anidonai, hia nasgi nahna gela. 70 talineno udayilei. nigohilvnano oni nasgi nav anidonai taline hia nuniwesele quida, udohiyuhi nihi nahna hela; geliliyeno hehi, ale gowonisgv utloyi igi. 71 aseno ulenvhe usginvde ale uselilane hia newesei, vtla yitsigataha na asgaya nasgi tsetsinoheha. 72 talineno uyvlise tsataga. quidano unvdade tsisa nuwesvi, hia tsinuweselei, asi tsataga tali nuyvlasvna gesesdi, tsoi nvdasquadayili. nasgino udanvtelv dutloyilei.

15:1 gilaquono iyvdv wugitsvnv nunigvwiyusv atsilvanelohi, ale tsunadvsonvhi, ale dinowelisgi, ale nigadv dinilawigi unalinohelv unalvle tsisa, ale unatenawidvhei, ale qualedi widuniyohiselei. 2 qualedino udvdvne hia neweselei, nihisgo tsagvwiyuhi anitsusi unatseliga? unetsvno hia nuweselei, yeliquo niwi. 3 nunigvwiyusvno atsilvanelohi utsate tsudalenvdv gvwuhisdigei. 4 qualedino taline udvdvne hia nuwesei; tlasgo gohusdi yadiha? gvniyuquo utsati tsudalenvdv aninoheha getsatludiha. 5 aseno tsisa asi ahusdi yadiyagei; nasgi iyusdi qualedi usquanigohai. 6 danalisdayvhvsgvno iyui dayohisehe asiyvwi ayvgi, nasgiquo anitayoha. 7 asiyvwino ehe qualaqua tsudoidv nasgi itsulaha degegalve gvwaligonelvhi unadasuyedv unalitelvnvhi, nasgi unadalvhi gese nahiyu unadasuyedv unalitelvnvi. 8 unitsatino asdaya unalisdei, unalenvhe unitayole nasgiya nidudvnelv tsuwagutanvsv itsudvnediyi. 9 qualedino dunetsele hia nuwesei, itsadulisgo ugvwiyuhi anitsusi unatseliga diyuyohisediyi. 10 agataheyeno nasgi nunigvwiyusv atsilvanelohi anvyutsehvquo nvdigalisdodisgv degvwayosvi. 11 aseno nunigvyusv atsilvanelohi nunvnisane unitsati yvwi, nasgi qualaqua unitayosdiyi tsuyohisediyi. 12 qualedino taline unetsv, hia niduweselei, gadono itsaduli tsiyvnediyi nasgi na ugvwiyuhi anitsusi unatseliga tsetsoseha? 13 talineno unelunei hiyadvvga unadvnei. 14 qualedino hia niduweselei, gadono, gado usdi uyo dulvwisdanelv? aseno utliquo iyasdaya unelunei, hiyadvvga, unadvnei. 15 qualedino osiyu uyelvse osdv tsudanvdadisdodiyi unitsati, duyohisele qualaqua, tsisano ulivnilv duyose agadvdiyi. 16 aniyawisgino gvwatinawidvhe wigvwayvtane ugvwiyuhiyi adanelvi nasgi ugvwiyuhi tsatsilawitsediyi, nigadvno sunadatlugi widuniyanvhei. 17 gigageno gvwanuweei, ale alisdulo tsutsayosdi gotlvtanvhi unisdeyonv, nasgi unisdulotanei. 18 ale unalenvhe aniyolihei, itsvyoliga, tsagvwiyuhi anitsusi unatseliga, anadisgei. 19 asgolino degvwanihe ganasda gvdi, ale degvwalitsisquasgei, ale danaliniquanvvsge gvwadadolisdanehei. 20 unadehotanenvno, gvwanuwese gigagei, ale uwasv tsunuwo degvwanuwoei, ale wigvwatinvstane gvwadvdiyi. 21 gilono iyusdi sawani tsudoidv salini ehi aisei, dodigalogesv nvdayulosvhi, nasgi eligi ale luquasi unidoda, nasgi utseli tsudahnawadv uwenvsdiyi nunvnelei. 22 goligadano dudov wigvwatinvtanei, nasgi anetlvtanvhi gesv usqualugo gadvga. 23 gvwaneneleno uditasdi gigageaditasdi mila asuli; aseno vtla yunegisei. 24 hnaquono dadahnawasdv gvwadvnv uniyadole tsunewoi, unaselvhe unadolehohisdiyi nasgi anisiyvwiha tsuninesvsdi gesvi. 25 soonelano iyutlilodv kalawadisv gesei, ale gvwadvnei. 26 galvladitlvno gowele nusdv adaisdvi, hia nigvnei, ugvwiyuhi anitsusi unatseliga. 27 itsulahano degegadvne anitali dinadanasahvsgi; asiyvwi agatisiditlv, soino agasgani iditlv. 28 gowelvno udohiyunei, hia tsinigaweha, unisganvtsvhi gegaselv agatloyastanvgi. 29 anilosgino gagvwasotlvdisgei, ale danalisdvnihe hia naniwesgei, yo, udvnvdigalawiisdiyi hiyosdisgi, ale tsoiquoquo iga hiyilidohi hanesgesgi, 30 tsvsv halisdenu, ale ehatloahi dadahnawasdvi. 31 nasgiya nasquo nunigvwiyusv atsilv anelohi ale dinowelisgi gvwadehodisgv, hia nidanadawesehei, nvwanadale dasdelisgvgi; uwasv vtla yvgvlisdelv. 32 galonedv ugvwiyuhi isili unatseliga hnaquo watloahi dadahnawasdvi, nasgi ogigowadvdiyi ale ogohiyudiyi. ale nasgi itsulaha digegadvnvhi gagvwasotlvdei. 33 taladuno iyutlilodv uliyeilolv ulisihvse nigvnadv nahna gadohi, tsoi iyutlilodv iyasti. 34 tsoine iyutlilodv uliyeilolv tsisa asdaya uwelunei, hia nuwesei, iloi, iloi, lama saquadani? nasgi anetlvtanvhi hia nusdi gadvga, aquanelanvhi, aquanelanvhi, gadono vsquvdegi? 35 igadvno nav anidonai unadvganv, hia nuniwesei, gvniyuquo, itaya ayaniha. 36 aseyvwino dusqualvtanv, ale duwoli tsunitsoyasdi wukaliistanv, ale ganasdohi uwequatanv, unenelv uditasdi; hia nuwesei, unelagi, idadolehohi, tsigono itaya dagalutsi dayutlovtanili. 37 tsisano asdaya uwelunv, ulisquadelei. 38 ayedoladvdino udvnvdigalawiisdiyi gadv udatsagalvhe tali nudadei, galvladi nvdayudalenvdv eladi wasdi. 39 asgohitsuquino ditinidohi aiditlv tsuyugodi gadogi, udolehosv nasgi uwelunvi, ale ulisquadelvi, hia nuwesei, udohiyuhi hia asgaya unelanvhi uwetsi gesei. 40 anigeyvno nasquo ge iyvdv dodinikanei; nahnano anele meli sugideli ehi, ale meli tsisa usdi ale tsosi unitsii, ale salomi. 41 nasgi nasquo gelili tsedohe gvwasdawadidohe ale gvwasdelvhidohei; ale unitsate nvwanadale anigeyv tsilusilimi nvdagvwasdawadolvhi. 42 hnaquono usv nulistanv, nasgi advnvisdodiyi gesv iyusdi, nasgi unadodaquidena iga gesvi. 43 tsowa alimadiyi ehi atsilvquodi digalawigi, nasgi nasquo agatiye unelanvhi ugvwiyuhi gesv uluhisdiyi, nasgi ulutsei, ale nasgaihvna wuyvle qualediyi, ale utayole tsisa ayelvi. 44 qualedino usquasigose udlasidvehe natlegv uyohusvi; wuyanvhvno asgohitsuqui ditinidohi, udvdvne, yelisgo gohigi gvwayohusvhi, udvnei. 45 gvnigesvno nuwanelv asgohitsuqui ditinidohi, tsowa duyohisele ayelvi. 46 uwasvno usidoli doledv anuwo, ale udesv ayelvi, ale anuwogihi doledv uwetsalvlanv, atselisdv unvne nasgi nvyohi asgosvi, ale nvyohi asgosvi, ale nvya uwesaquolelei atselisdv galohisdiyi unei. 47 melino magideli ehi, ale meli tsosi utsi unigohe nahna uninvnvi.

16:1 unadodaquasgvno ulosonv, meli magideli ehi, ale meli tsisa utsi ale salomi uniwasvhi gese uganasdv gawasvgi, uniluhisdiyi uniyelvse ale gvwalonediyi. 2 sunaleiyuno igvyiyi iga sunadodaquasdi gesvi, unilutse atselisdv tsvdikalvgoquo. 3 hiano nidunadaweselei, gago dagihveli nvya atselisdv galohisdiyi ahvi? 4 widunakahnanvno unigohe nvya ahvdv gesvi, utsatiyeno equohiyu gesei. 5 wuniyvlvno atselisdvi, unigohe awiyv agatisiditlv uwolei, unuwe ganvhidv unegv anuwo; anisgaiheno. 6 hiano niduweselei, tlesdi yitsisgaihesdi; tsisa naselidi ehi etsiyoha, nasgi tsagadvvsgvgi; dulehisanv; vtla ani yiganv; ditsakanvga a uninvnvi. 7 aseno tsitsena, ale witsinohvsi gvwasdawadidohi ale quida nasgi igvyi widulohisediyi gelili; nahna dayetsigoi, nasgiya nitsiweselvi. 8 ulisdino uninugotsv dunalitese atselisdvi; duninawisgeno ale unisquanigosgei; vtla ale gilo ahusdi yunoselei; anisgaiheyeno. 9 tsisano dulehisanv sunaleiyu igvyiyi iga sunadodaquasdi gesvi, igvyi gvnigesv nudvnele meli magideli ehi, nasgi galiquogi anisgina tsidunugowiselei. 10 nasgino uwenv unedolvhi widunonele uyo dunadanvdvi ale danatloyihvi. 11 nasgino unadvganv gvnvi, ale nasgi ugohvi, vtla yunohiyunei. 12 onino nvwadale nusde gvnigesv nidudvnele anitali nahna anela anaisei, dodigalogesv wanigatei. 13 nasgino unenv widuninonele anisoi; nasquo vtla yidunohiyune nasgi. 14 onino gvnigesv nidudvnele sadu iyanidv analisdayvhvsgvi, ale dugvsgolvne nigalisdodisge nunohiyusvna gesv ale disdayiyu gesv tsuninawi, nidunohiyunvna gese iyusdi nasgi gvwagohvhi tsulehisanvhi nigesei. 15 hiano niduweselei, itsedona elohi nigvnadvi, ale widitsalitsidohvsi osdv kanohedv naniv gegotlvnvhi. 16 gilo gohiyuhvsgesdi ale agawosgesdi atsisdelvdi gesesdi; nigohiyuhvsgvnasgini tsagugodanedi gesesdi. 17 hiano nasgi uyelvdv digolisdodi tali dudvdidegesdi anohiyuhvsgi; ayv daquadov anvdisgesdi anisgina daninugowisgesdi; nvwanadale tsuniwonihisdi daniwonisgesdi; 18 inadv daninesgesdi; iyu ale gohusdi adahihi yunaditahv, vtla gohusdi yunvnehesdi; tsunitlvgi danasitadisgesdi, ale dunadiwasgesdi. 19 nasgino ugvwiyuhi duwonetanv, galvladi dotsadedanilvtsei, ale agatisi iditlv unelanvhi uwolv uwenei. 20 unenvseno ale nigvnadv unalitsidonidolei, ugvwiyuhi tali udvdidege dunilvwisdanehvi, ale aninegv asdayidisdisge uyelvdv ulitloyasdidegvi. emenv.