1:1 hia goweli kanoheha tsunetlvtanvsv tsisa galonedv, dewi uwetsi, equahami uwetsi. 2 equahami esigi udenelei; esigino tsegaqui udenelei, tsegaquino tsuda ale nasgi anadanvtli gvwadenelei; 3 tsudano quelisi ale sela gvwadenelei tema dunanugowisei; quelisino isilami udenelei; isilamino elimi udenelei; 4 elimino eminidaqui udenelei; eminidaquino nasoni udenelei; nasonino salima udenelei; 5 salimano quosi udenelei lehawi unalvgowisei; quosino oquedi udenelei lusi unanugowisei; oquedino tsesi udenelei; 6 tsesino dewi ugvwiyuhi udenelei; dewino ugvwiyuhi solimanv udenelei yulaya udayvdv unanugowisei; 7 solimanvno loquoma udenelei; loquomano equaya udenelei; equayano esi udenelei; 8 esino tsosiqua udenelei. tsosiquano tsolami udenelei; tsolamino osaya udenelei; 9 osayano tsodami udenelei; tsodamino ehasi udenelei; ehasino hesigaya udenelei; 10 hesigayano manasi udenelei; manasino amoni udenelei; amonino tsosaya udenelei; 11 tsosayano tsegonaya ale anadanvtli gvwadenelei; nahiyu dadiloni tsiwidigegatinvstanei; 12 dadilonino widigegatinolv tsegonaya saladayili udenelei; saladayilino tsilaqueli udenelei; 13 tsilaquelino aquayadi udenelei, aquayadino ilayagimi udenelei; ilayagimino eso udenelei; 14 esono sedogi udenelei; sedogino egimi udenelei; egimino ilayadi udenelei; 15 ilayadino iliesa udenelei; iliesano madani udenelei; madanino tsegaqui udenelei; 16 tsegaquino tsowa udenelei, nasgi meli uyehi nasgi tsunanugowise tsisa galonedv tsanohahoi. 17 nasgino nigadv nunadanetliyvsv equahami tsehe nahiyu nvdagvwadalenvdv dewino tsehe nvdvsti nigadu nunadanetliyvsei; dewino tsehe nahiyu nvligvwadalenvdv dadilonino tsiwidigegatinvstane nahiyu nvdvsti nigadu nunadanetliyvsei; dadilonino nahiyu tsiwidigegatinvstane udayudalenvdv tsisano tsudene nahiyu nvdvsti nigadu nunadanetliyvsei. 18 nasgino hia nulistanidole udenvtsisa galonedv. nasgi meli tsisa utsi tsowa udayvsdi, asiquo nidanatsegvna gesei, unelitse galvquodiyu adanvdo udanvtelvhi. 19 tsowa nasgi na tsunatsvsdi udanvtiyu gesv iyusdi, ale nudulisgvna gesv iyusdi gvnigesv udehohisdodiyi, udelidvquo iyvdv wvdatsiyakani, uwelisei. 20 aseno asiquo hia nasgi nusdeadanvtesgei, gvniyuquo dikahnawadidohi yihowa unvsidv gvnigesv nudvnele asgidasgvi, hia nigawesgei; tsowa, dewi uwetsi, tlesdi tsasgalv hiyanvdiyi meli tsadayvsdi, nasgiyeno na tsiganeli galvquodiyu adanvdo udanvtelvhi; 21 ale dagananugowisi atsutsa, nasgino tsisa dehiyovha, tsutseliyeno yvwi dodvsdelvhi dodagudalesi unisganvtsvi. 22 nasgino hia nigadiyu nulistanidole udohiyudiyi ayelvsvi hia tsinuwese yihowa adolehosgi agvdisgvi; 23 gvniyuquo adv natsiyehvna ganelidv gesesdi, ale dagananugowisi atsutsa, nasgino imanueli anosehesdi, nasgi anetlvtanvhi gesv hia nusdi gadvga, unelanvhi igeladidoha. 24 tsowano uyetsv ulvnvi dikahnawadidohi yihowa nvdayunvsidv nuweselv nudvnelei, uyanvgequo udayvsdi. 25 ale vtla yugadovsei gvni unanugowisv igvyi ehi uwetsi atsutsa, tsisano suwoei.

2:1 tsisano udenv gaduyi gaduhv tsudiyi, nahiyu tsehe elodv ugvwiyuhi, gvniyuquo unilutse tsilusilimi anigatahnai nvdo dikalvgv iditlv tsunilosei, 2 hia nuniwesei; hatlv na tsudenv ugvwiyuhi anitsusi unatseliga, ogigohvyeno utseli noquisi dikalvgv iditlv, ale otsadadolisdaneliga. 3 elodvno ugvwiyuhi udvganv nasgi, uwelihisdi udanvdadei, ale nigadv tsilusilimi anehi. 4 dulawidvno nigadv nunigvwiyusv atsilv anelohi, ale yvwi dinowelanehi, dudvdvnei, nahna udedi gesv galonedv. 5 hiano nigvwaweselei; tsudiyi gaduyi gaduhvi; hiayeno nuwanv uwowela adolehosgi; 6 ale nihi gaduyi gaduhv tsudiyi, vtlasgini tsasdikani yigi, tsilodasuya nunigvwiyusv tsudiyi, nihiyeno datsanugotsi diquatseli yvwi isilidikanetsehi. 7 hnaquono elodv udelidv widuyanvhv nasgi anigatahnai, osdv dudvtisane iyuquo nasgi noquisi unanugotsvi. 8 ale dunvse gaduyi, hia nuwesei; itsena osdv wetsiyoga nasgi usdi ayoli, iyuno etsiwadvhvha, isginonelilvha, ayvno nasquo witsilutsvha, ale tsiyadadolisdanelvha. 9 unadvganonelvno ugvwiyuhi unanigisei, gvniyuquono noquisi, nasgi unigohvhi dikalvgv iditlv, igvyi unenvelei, gvni wulutsilv ale ulewistanv galvladitlv nahna atsili ehvi. 10 unigohvno nasgi noquisi, ulotanvhi unalihelitsei. 11 adanelvno uniyvlv unigohe ayotla ale utsi meli, ale eladi dunadanvnei, unadadolisdanelei, ale tsugvwalodi unilanvdv dunisduisv uninelvne nvnalisgolvtanvhi, adelvdalonidv, ale uganasdv gawasvgi adla, ale mila. 12 anasgidasgvno unelanvhi dunetselv elodvyi wunilohisdiyi nigesvna, unanigisv utsatiniquo iditlv wunilose iunenv unatseligohi. 13 unanigisvno gvniyuquo dikahnawadidohi unvsidv yihowa gvnigesv nudvnele tsowa asgidasgvi, hia nuweselei; talehvga, ale tatinuga ayoli ale utsi ale haliti, itsiqui wilohi, nahnano wehesdi gvni wigvnetselvha, elodvyeno ase dvyoli usdi ayoli uhisdiyi. 14 hnaquono dulenv utinvse ayoli ale nvtsi svnoyi, ale itsiquiyi wulosei. 15 ale nahna wehe gvni elodv uyohusv; udohiyune unelanvhi unetsvi, adolehosgi tsuwvtanei, hia tsinuwesei; itsiquiyi witsiyanvhv aquetsi. 16 hnaquono elodv udolehosv anigatahnai gvwalidastanvi, utsatanvhi utalawosei, ale udanvse widunihone nigadv diniyoli gaduyi anehi, ale nigadv nigvnadv nahnani, tali iyunadetiyvdv wasti, nahiyu nvdayudalenvdv tsidalisinahisdanehe tsidadvdvhelvvsge anigatahnai. 17 hnaquono udohiyune tselimaya adolehosgi unetsvhi, ale tsinuwesei; 18 lemayi kanegv unadvganvgi, daniyvgvi, ale danatloyihvi, ale utsati unelugvi; letsili dasgonihv tsuwetsi, ale nudulisgvna gesv unuwohisdiyi, nvdigalisdodisgv nanehvnaquo gesvi. 19 hnaquono elodv uyohusv, gvniyuquo dikahnawadidohi yihowa utseliga gvnigesv nudvnele tsowa asgidasgv itsiquiyi, 20 hia nuweselei; talehvga ale hatinuga ayoli ale utsi, ale hena isiliyi, hnaquoyeno duniyohusv ayoli gvnv tsuniyohvgi. 21 dulenvno utinvse ayoli ale utsi, ale isiliyi wulutsei. 22 aseno udvganv atsila ugvwiyuhi gesv tsudiyi udoda elodv udanetliyvsdanelvi, usgale nahna wulohisdiyi; aseno unelanvhi uweyatanvhi gesv asgidasgvi, gelili wugolvstanei; 23 gaduhvno naselidi tsudoidv wulutsv nahna ehei. nasgino udohiyune anadolehosgi tsuninetsei, naselidi ehi agosehesdi, tsunadvnei.

3:1 nahiyu ulutse tsani didawosgi alitsidohvsge inage tsudiyi, 2 hia nigawesgei; ditsinetliyvna detsadanvdvi, hnaquoyeno galvladi ehi ugvwiyuhi gesv esganiyu dayai. 3 nasgi hia na tsikaneisdisge adolehosgi isaya, hia tsinigawesgei; uweluga gilo inagei, hia nigaweha; osdv nitsvga yihowa ulohisdiyi, dunvnv ditsitsinohisda. 4 nasgino hia tsani unuwe gemili ustiyenvhi, ganotsino udatlosdei, ulisdayvdino vle gese inageno ehi wadulisi. 5 naquono wigvwalutsele tsilusilimi ale nigadv tsudiyi, ale nigadv nanvnadv tsodani, 6 tsodanino deuwoei, aninohvsge unisganvtsvi. 7 aseno dugohv unitsati aniqualisi ale anisadusi anilugv dadawosgvi, hia niduwehalei; tsi! inadv tsunetsi nihi! gago itseyatanv etsaliediyi utalawohisdi tsvtsai? 8 itsinanugowayogo adolehohisdodi detsinetliyvsv detsadanvdvi; 9 ale tlasdi hia nvdayotsiwesi itselisvgi doditsadanvdvi; equahami ogidoda; itsvyoseyeno unelanvhi yeliquo hia nvya yidegvda yidegotlvna equahami tsuwetsi. 10 ale nasquo gayula galuyasdi aha duhnasdetlv detlugvi; nasgino nigadv detlugv anosdv nanadadvsgvna digaleyvsdodi ale atsilvyi widadinvdi gesesdi. 11 ayv udohiyuhi ama detsvyawosdiha ditsinetliyvsdiyi detsadanvdv ugvwali; aseno nasgi na oni tsvdayai utlihiyu ulinigidiyu esgaquo ayv, tsulasulo vtla yeli yinigoi diginidasdiyi; nasgisgini galvquodiyu adanvdo ale atsilv dodatsawostani. 12 nasgi galasowisdi utseliga ayeha, ale nigadv dagalasowisi, utselino ugatatanvhi dagatlisani dvni adananvdiyi utiyvhisgini dvgohvstani nigvtlosgvna atsilvyi. 13 hnaquono tsisa gelili tsulosei, tsodani ulutse tsani edohvi agawosdiyi uyelvsei. 14 aseno tsani dutlvwiselequo, hia nuwesei; ayvsgini yisquawov; tsigono isgilutseha? 15 tsisano tsunetsv hia nuweselei; unelagi hela gohi gesvi, osiyuyeno nasgi iginadvnediyi ginisquadisdiyi nigav duyugodv gesvi. gila unelagi uweliselei. 16 tsisano agawov, gilaquo iyvdv uhnalusei, amayi udanvsei, ale gvniyuquo galvladi tsatsisdugielei, ale wugohe unelanvhi udanvdo eladi nvtsudvhnadise guledisgonihi ditselidv; ale uweyalvtsei. 17 ale gvniyuquo hia nvtsuwese galvladi; hia tsigeyui aquetsi, nasgi osiyu tsitsiyelva.

4:1 hnaquono adanvdo inage wutinvstane tsisa, asgina ugoliyediyi ayelvsei. 2 nvgasgohino tsudodaquadv ale nvgasgohi tsusvhidv amatli uwanv gila uyosisanei 3 hnaquono ugoliyesgi ulutselv hia nuwesei; iyuno nihi unelanvhi uwetsi gesesdi, hia nvya gadu unadotlvdiyi hinegi. 4 aseno unetsv, hia nuwesei; hia nigvnv gowela, yvwi vtla gaduquo uwasv yigvhnadisdi, nigavsgini kanohedv unelanvhi aholi nvdayunanugotsvhi. 5 hnaquono asgina galvquodiyu digaduhv wutinvstanei, ale wugilvtane usgoli udvnvdigalawiisdiyi; 6 hiano nuweselei; iyuno nihi unelanvhi uwetsi gesesdi, hadalovda tsvsv; hiayeno nigvnv igowela; ase dodakanetseli gutseli dinikahnawadidohi nisa gesv ugvwali, ale tsunoyeni getsasaladodesdi nasgi ilvhiyu nvyohi tsanasqualosdodiyi nigesvna. 7 tsisa hia nuweselei; hia nasquo nigvnv igowela; tlesdi higoliyevgi yihowa tsanelanvhi. 8 hnaquale asgina utsati invigati odalv wiutinvstanei, ale dusehele nigav ayeli degotlvwadisv elanigvi, ale nasgi niduwodusvi; 9 ale hia nuweselei; hia nigadv yidegvyohisi, iyuno yitsadanvnv, ale yisquadadolisdanelv. 10 hnaquono tsisa hia nuweselei; utli wilohi, sedani, hiayeno nigvnv igowela; ase hiyadadolisdanehesdi yihowa tsanelanvhi, ale nasgiquo uwasvhiyu dehiyanelodesdi. 11 gilano asgina udanvelei, gvniyuquono dinikahnawadidohi unilutsei, ale gvwasdelvhidolei. 12 tsisano udvganv tsani atsisduhvi, gelili wulosei. 13 naselidino udanvsv gequani gelutse nahna wudenei, nasgi vdali amayulodi tsigaduha, tsequalani ale newatali unatseligohi, 14 udohiyudiyi adolehosgi isaya tsunetsei, hia tsinuwesei; 15 tsequalani unatseligohi, ale newatali unatseligohi, idali iditlv, tsodani udiditlv, gelili tsunadalenvdv yvwi daninelvi, 16 yvwi ulisigv tsaninvgi utsati igagati unigohv, nano ayohuhisdiyi gesv utseligohi ale udawadisgv tsaninvgi, igagati uninanugotselv. 17 nahiyu tsisa ulenvhe alitsidohvsgei, hia nigawesgei; ditsinetliyvna detsadanvdvi, hnaquoyeno galvladi ehi ugvwiyuhi gesv esganiyu dayai. 18 tsisano aisv gelili vdalulodi dugohe anitali analinvtli, sawani quida tsanosehoi unvtlino enidi, vdali anigayaluvsgeianigayaluvsgiyeno gesei. 19 hiano niduweselei; sginisdawaduga, yvwino isdigayaluvsgi nvdasdvyvneli. 20 gilaquono iyvdv duniyose digayaludi ale gvwasdawadvsei. 21 nahnano wiuwenv, anitali nvwanadale analinvtli dugohei, tsimi tsequidi uwetsi unvtlino tsani, tsequidi unidoda tsiyuhi unatsaei, danotlvhisisge tsunigayaludi; widuyanvheno. 22 gilaquono iyvdv duniyose tsiyu ale unidoda, ale gvwasdawadvsei. 23 tsisano nigvnadv gelili edohei dadeyohvsge tsunilawiisdiyi, ale alitsidohvsge osdv kanohedv, unelanvhi ugvwiyuhi gesv kanohesgei, ale dekanvwisge tsulilenvdv dunitlvgvi, ale tsudalenvdv vyugi yvwi unehvi. 24 deganotsalvno nigvnadv siliyi uyelisei; degvwatinoheleno nigadv tsunitlvgi, tsudalenvdv vyugi ale ehisdi uniyilidohi, ale nasquo anisgina digvwaniyai, ale nasquo tsunilvnotisgi, ale nasquo tsuninawisgi; dunvwaneno. 25 unitsatino yvwi gvwasdawadvsei nvdayunilosvhi gelili, asgohinogadugiyi, ale tsilusilimi, ale tsudiyi, ale tsodani sgoniditlv.

5:1 unitsatino widugohv usahilv uhnalusei, uwenvno gvwasdawadidohi gvwalutselei. 2 aholino usduisv duweyone hia nuwesei; 3 osiyu iyunalisdanedi uyo iyunadvhnadegi dunadanvdvi; unatseliyeno galvladi ehi ugvwiyuhi gesvi. 4 osiyu iyunalisdanedi uyo unadanvtawadegi, dvgetsinuwohistaniyeno. 5 osiyu iyunalisdanedi unadanvti, gadohiyeno unatseli iyulisdodi. 6 osiyu iyunalisdanedi uniyosisgi ale unitadegisgi unadanvti iyunalisdodiyi; dvgetsikaliliyeno. 7 osiyu iyunalisdanedi unadadolitsati, dvgetsidolitsiyeno. 8 osiyu iyunalisdanedi tsudanvgalvdv tsuninawi, unelanvhiyeno unigowadvdi; 9 osiyu iyunalisdanedi anohisdisgi, unelanvhiyeno tsuwetsi dvgegoseli. 10 osiyu iyunalisdanedi uyo igegvnadegi duyugodv gesv unisdvdisgi, unatseliyeno galvladi ehi ugvwiyuhi gesvi. 11 osiyu itsalisdanedi iyuno yvwi usonv nigetsiwesehesdi ale uyo nigetsvnehesdi, ale nigav tsudalenvdv usonv gayegogi getsinohesgesdi ayv gesv itsisdvdisgesdi. 12 itsaliheligesdi ale utsatanvhi osdv itsadanvtesdi, utsatiyeno etsaguyvedi galvladi; nasgiyayeno utsi nidunvnelvgi anadolehosgi igvyi tsinigetsenvelv. 13 nihi ama elohi utseliga; iyusgini ama yutsisgolv gado yigalisdoda ama yadotlvna; vtla hnaquo gohusdi gvdodi yigagi, adinvdiquo uwasv, ale yvwiquo unalasdaedi. 14 nihi iga itsatisdisgi elohi. gaduhv usahilv tsigakahoi vtla yeli yvgayegvsgalvga. 15 vtla ale yvwi anitsvsdvga atsvsdodi atlilosdi yanutlvdisgoi, gagodiyisgini anikahvsgoi, igano unatisdaneho nigadv galitsode aniyai. 16 iga itsatisdisgv dunilvsadadehesdi yvwi, nasgino osdv detsilvwisdanehv anigowatisgesdi, ale anilvquodisgesdi itsidoda galvladi ehi. 17 tlesdi dikahnawadvsdi ale anadolehosgi duyostanilv yisgiyelisehesdi; vtlasgini yidagiyostanilv, dagikalililvsgini. 18 udohiyuhiyayeno hia nitsvweseha, gvni galvloi ale elohi anilosonvha saquo usdi ale saquo wusdigv dikahnawadvsdi vtla yvgalohi gvni nigadiyu akalitsvha. 19 nasgi iyusdi gilo ayosdisgesdi saquo hia usdikani ulinetsvi, ale nasgi nusdesdi yvwi degeyohvsgesdi, nasgi usdikani agosehesdi galvladi ehi ugvwiyuhi gesvi; gilosgini dakahnawadegesdi, ale nasgi nusdesdi dadeyohvsgesdi, galvquodiyu agosehesdi galvladi ehi ugvwiyuhi gesvi. 20 hiayeno nitsvweseha, itsvno nasgi itsadanvti gesv niditsigonadvtanvna igesesdi dinowelisgi ale aniqualisi, vtla galvladi ehi ugvwiyuhi gesv yvgetsiyvha. 21 itsadvganvhi igi hia tsinigetsiwesele eti tsanehei; tlesdi tsadalvgi; ale gilo adahihesdi gvwasdvdisdi gesesdi dinugodisgiyi. 22 aseno ayv hia nitsvweseha; gilo dinadanvtli asgagesdi gohusdi nusdvdisgvna igesesdi, gvwasdvdisdi gesesdi dinugodisgiyi; gilono dinadanvtli nitsadanvdvna igosehesdi, degalawiv gvwasdvdisdi gesesdi; gilono tsanegu igosehesdi, gvwasdvdisdi gesesdi tsvsgino atsilvyi. 23 nasgi iyusdi iyuno atsilvgelasdiyi hiyohihesdi tsadanedi, nahnano ihanvdadisgesdi disdadanvtli gohusdi tselisehvi, 24 nahna atsilvgelasdiyi hihiyasgesdi tsadanedi ale hadanvsgesdi, igvyi osdv nisdvnehesdi disdadanvtli; gilano hilugesdi halisgolvdisgesdi tsadanedi. 25 nulaquo osdv nisdv tsayilidohi, asiquo isdaisvi, digugodisgiyinasi wiyitsakahvga tsayilidohi, digugodisgino didaniyisgiyi wiyitsakahvga, ale didasdudiyi yiwetsayvda. 26 udohiyuhiya hia nigvweseha, vtla yvdvgahinugoi, gvni ulisqualvdi ayeliiyadanvtedi haguyvhvha. 27 itsadvganvhi igi hia tsinigetsiwesele eti tsanehei; tlesdi tsadayonelvgi. 28 aseno ayv hia nitsvweseha; gilo ageyv dakanisgesdi tsunanisidiyi udulisgesdi, gayula udayonelvhi gesesdi tsudanvdvi. 29 iyuno higadoli higatisi detsodesdisgesdi, hadagatedoisgesdi, ale tsadegesdi; osiyuyeno itsalisdanedi saquoquo tsaligvhalvdv yitsayohuseha, ano unosdv hiyelv tsvsgino wiyetsadaineha. 30 iyuno tsoyeni higatisi detsodesdisgesdi, hisqualisgesdi, ale tsadegesdi; osiyuyeno itsalisdanedi saquoquo tsaligvhalvdv yitsayohuseha, ano unosdv hiyelv tsvsgino wiyetsadaineha. 31 hia igawedv igi; gilo udalii igakahvsgesdi, ganvnehesdi goweli nasgi dunagalenvhvi. 32 aseno ayv hia nitsvweseha; gilo udalii igakahvsgesdi, tsunisinvhisgininonv igesesdi, udayonediyiquo nigvnisanehesdi; gilono atsikanvhi adayegesdi adayonehesdi. 33 ale itsadvganvhi igi hia tsinigetsiwesele eti tsanehei; tlesdi tsayostanv tsaselitanvi, yihowasgini niyadvnehesdi nusdv tsanetsvi. 34 aseno ayv hia nitsvweseha; tlesdi yitsaselitanesdi yitsaneistanesdi gohusdi, tlesdi galvladi yitsaneistanesdi, unelanvhiyeno uwediyi nasgi; 35 tlesdi ale elohi, tsulasidiyiyeno nasgi; ale tsilusilimi, nasgiyeno atsilvquodi ugvwiyuhi utseli gaduhvi; 36 tlesdi ale hisgoli yitsaneistanesdi, tlayeno yeli saquo gitlv unegv ale gvhnage yinvgahvga. 37 itsinegvsgini hia nusdesdi, vv, vv; vtla, vtla; utliyeno tsinigao uyoquo gesv didalenisgoi. 38 itsadvganvhi igi hia igawedv gesvi, agata agataquo dagvwalvsgesdi, kayugano kayugaquo dagvwalvsgesdi. 39 aseno ayv hia nitsaweseha; tlesdi yitsatlegesdi usonv netsvnelvi; gilosgini higatisi tsagoqueluhvsgesdi, soi nasquo hiyalisgolvdanehesdi. 40 gilono udulisgesdi tsayilidasdiyi, ale tsanaediyi hawini tsanuwo, udvnohi nasquo hinvnehesdi. 41 gilono sutlilodv isdenvsdiyi nitsvnehesdi, tali iyutlilodv isdegesdi. 42 tsatayosehi hinehesdi, tsadolvediyino udulisgi tlesdi iyvdv ihiyadvnelvgi. 43 itsadvganvhi igi hia igawedv gesvi; higeyusesdi nav idisdadala, hisgagesdino tsasgagi. 44 aseno ayv hia nitsvweseha; detsigeyusesdi getsisgagi; osdv detsinetsehesdi getsisginvdisgi, osdv nidetsadvnehesdi getsiniquatihi, ale osdv iyunalisdanediyi itsadadolisdisgesdi gayegogi getsinohesgi ale uyo igetsvnehi. 45 nasgino galvladi ehi itsidoda tsuwetsi nitsalisdisgesdi; nasgiyeno utseli nvdo degananugowiseho uniyo ale anosdv, ale daganvdaneho unadanvti ale uninegutsidv. 46 iyuyeno yiditsigeyuha getsigeyuhi, gado yetsaguyvdasi? tlasgo nasgi yinanadvneho ayeliadelv anigisidohi? 47 iyu ale itsadanvtliquo unvsv yiditsiyoliha, gado itsadvnehv detsigonadvdi anisoi? tlasgo nasgi yinanadvneho ayeliadelv anigisidohi? 48 nihisgini nitsisganvna gesesdi nasgiya itsidoda galvladi ehi nasganvna tsigi.

6:1 itseyatahesdi tlesdi yitsadanehesdi anigatahv yvwi getsigowadvdiyiquo yitsiyelvsgesdi, iyuyeno nasgiquo yinusdi vtla yvgetsaguyvsi itsidoda galvladi ehi. 2 nasgi iyusdi iyuno hadanehesdi tlesdi atselugi igvyi wiyinoyvlisdisgesdi nasgi tsinanadvneho unatlonasdi tsulawiisdiyi ale enaidasdiyi degalanvdvi, yvwiquo gvwanilvquododiyi tsuniyelvsoi; udohiyuhiya itsvyoseha, gegaguyvelv. 3 nihisgini hadanehesdi tlesdi tsoyeni higasgani udolehosv higatisi tsoyeni nadvnehvi. 4 nasgino hadanehv udelisv gesesdi, tsadodano udelisv agowatisgi uwasv ase tsaguyvedi gesesdi gvnigesvi. 5 iyu ale hadadolisdisgesdi, aha tlesdi nunasdv unatlonasdi yinitsasdesdi; nasgiyeno oso uniyelvso unadadolisdodiyi unalediyi digalawiisdiyi ale dunvsiyanv degalanvdv enaidasdiyi, yvwiquo gvwanigowadvdiyi unadulisgoi. udohiyuhiya itsvyoseha, gegaguyvelv. 6 nihisgini iyuno tadadolistanisesdi wiyvhihesdi kanvsulvi, hnaquono tsasdunesdi galohisdiyi, hiyadadolisdanehesdi tsadoda udelisv ehi, tsadolino udelisv agowatisgi ase tsaguyvedi gesesdi gvnigesvi. 7 aseno itsadadolisdisgesdi tlesdi asequo yitsvgutilosgesdi nasgi tsinanadvneho tsunadalenvdv yvwi; utsatiyeno otsinegv udagalisdotani dayogadvganeli anelisgoi. 8 nihisgini tlesdi nasgi nunasdv yinitsasdesdi, itsidodayeno agataho iyusdi itsinigvgv asiquo netsitayoselvna tsigesoi. 9 nihisgini itsadadolisdisgv hia nusdesdi; ogidoda galvladi gehi, galvquodiyu gesesdi detsadovi. 10 tsagvwiyuhi gesv wigananugoi. ani elohi winigalisda hadanvtesgvi, nasgiya galvladi tsinigalisdiha. 11 nidadodaquisv ogalisdayvdi sgivsi gohi iga. 12 digesgivsiquono desgidugvi, nasgiya tsidigayotsineho tsotsidugi. 13 ale tlesdi udagoliyediyi gesv widisgiyatinvstanvgi, sgiyudalesgesdiquosgini utsi gesvi. tsatseligayeno tsagvwiyuhi gesvi, ale tsalinigidiyi gesvi, ale etsalvquodiyu gesv nigohilvi. emenv. 14 iyuyeno yvwi getsisganvtsehv yidigetsineha, nasquo itsidoda galvladi ehi itsidolisdi gesesdi. 15 iyusgini nidigetsinehvna yigi yvwi getsisganvtsehvi, nasquo itsidoda vtla yidogetsihvsi itsisganvtsvi. 16 ale nasquo amatli itsvsgesdi, tlesdi nvnatlonasdi nunasdv yinitsasdesdi, unadadolisdi tsigeso dikanodiyi, nidatselvnayeno nidanvneho dunakadvi, yvwiquo unadolehohisdiyi unadulisgo amatli anvsgvi. udohiyuhiya nitsvweseha gegaguyvelv. 17 nihisgini amatli hvsgesdi, hatlonesgesdi, ale hagvsquosgesdi, 18 nasgi tlesdi yvwiquo getsadolehohisediyi yitsayelisesdi amatli tsvsvi, tsadodasgini udelisv ehi, tsadodano udelisv agowatisgi, ase tsaguyvedi gvnigesvi. 19 tlesdi tsugvwalodi elohi yitsitlisisgesdi, tsisgoyv ale ayasdladisgi uniyosdodiyi ale aninosgisgi uniyvsdiyi ale uninosgisdiyi; 20 galvladisgini witsitlisisgesdi tsugvwalodi, nahnani tsisgoyv ayasdladisgino uniyosdodiyi nigesvna gesvi, ale aninosgisgi uniyvsdiyi ale uninosgisdiyi nigesvna gesvi. 21 nahnayeno tsugvwalodi witsihvi ase nasquo widahesdi ditsadanvdo. 22 agata ayelv iga gatisdisgi, iyusgini higadoli gohusdi nusdvna gesesdi, nigv hiyelvi ukalitsonvhi gesesdi igagati. 23 iyusgini higadoli uyo igesesdi, nigv hiyelvi ukalitsonvhi gesesdi ulisigi. iyusginino igagati hawini tsehv ulisigiquo igesesdi, nasgi ulisigi niga equohiyu! 24 vtla gilo yeli anitali gvwanatlai gohusdi yidogvdvnisi, yiasgagayeno saquo yinvgeyuhano soi, ale yidouniyvha saquo yiganiquatihano soi. tlasgini yeli unelanvhi ale mamani gohusdiyidogetsadvnisi. 25 nasgi iyusdi hia nitsvweseha, tlesdi yitselihisgesdi detsvnvi, iyusdi itsigisdiyi ale iyusdi itsaditasdiyi, tlesdi ale ditsiyelvi yitselihisgesdi iyusdi ditsanuwosdiyi. tlasgo agvnv utlihiyu yigi esgaquo alisdayvdi? ale tlasgo ayelvi esgaquo dinuwo? 26 ditsakanvga tsisqua galvloi anehi, tlayeno yaniwisgoi, ale tla yaninetsaisgoi, tla ale dadanelv yanitlisisgoi, aseno itsidoda galvladi ehi dogelohoi. tlasgo nihi utli yinetsilvquodi esgaquo nasgi? 27 gagono nihi tsinitsadvnv udasuya uwelihisgvquo yeli saquo iyutlilodv yikanequotsa gvnvi? 28 ale gadono dinuwo dotselihisgoi? ditsadanvdvli tsutsilvhi tlogesi tsehi dadvsgvi. vtla yidunilvwisdanehoi, ale vtla yanisdohoi. 29 aseno hia nitsvweseha, nasquo solimanv nigav nuwodusvi tla nasgi yinusde dunuwvi saquo hia nusdvi. 30 iyuyeno unelanvhi nasgi yinigvneha yiganuwoha kanesga tlogesi ehi, gohi iga tseha, ugitsvnvno digadudiyi wunadinvdi tsigi, tlasgo utlihiyu yinidogetsinuwotsa, usdi itsohiyuhi? 31 nasgi iyusdi tlesdi yitselihisgesdi hia yinitsiwesgesdi; gado dayotsigi, ale gado dayotsaditahi, ale gado dayotsanuwoi? 32 nigadvyeno nasgi hia uniyoho tsunatelenvdv yvwi. galvladiyeno ehi itsidoda agataha nasgi hia nigadv itsinigvsehvi. 33 igvyisgini itsiyoga galvladi ehi ugvwiyuhi gesv ale utseli duyugodvi, hiano nigadiyu dayetsinequoeli. 34 nasgi iyusdi tlesdi ugitsvnv iyvdv yiwitselihisgesdi, ugitsvnvyeno uwasv tsudalenvdv dvdelihistani. yeliquo uyo iga uwehvi.

7:1 tlesdi tsitsadalawiseli nasgino nihi tlesdi etsilawiselvgi. 2 nasgiyeno nusdv itsadalawiselv ase nasquo dvetsilawiseli, ale nusdv itsadatlilosvlv nasquo dvetsatliloeli. 3 ale gadono ihigowatisgo utlvdalvdv ugasuhvi disdadanvtli, nelisgvnano igeso unosdv ada tsvsv tsagasuhvi. 4 ale gado yigalisdoda hia yiniwesi disdadanvtli, gvlvsi utlvdalvdv tsagasuhvi, gvniyuquono unosdv ada tsvsv tsagasuha. 5 tsatlonasdi! igvyi hilv unosdv ada tsvsv tsagasuhvi, hnaquono gvnigesviyu tsagowadvdiyi gesesdi hilvediyi utlvdalvdv disdadanvtli ugasuhvi. 6 tlesdi gohusdi galvquodi gili ditsinelvgi, tlesdi ale dagvnaiyunasdi ditsatseliga siqua widitsadinelvgi, yidanalasdavliquoyeno, ale yanagatahvna yvgetsidagalvvga. 7 itsitayoha, ase dayetsineli; itsiyoga, ase datsiwadvhi; itsvniga, ase dayetsisduieli. 8 giloyeno tsatayohiho atsinehoi, gilono tsuyoho awatisgoi, gilono tsiwigvniho atsisduiehoi. 9 gagoge asgaya hia tsinitsadvnv, iyuno uwetsi gadu yutayoseha, nvyaquo yahvsi? 10 ale atsadi yatayohiha, tsigo inadvquo yvganvvsi? 11 iyuno nihi itsiyoi yitsisinahi osdv gesv ditsinediyi ditsetsi, utlihiyu udohiyuhiya itsidoda galvladi ehi osdv danehesdi gvwatayosehi. 12 nasgi iyusdi nigav gohusdi itsadulisgv yvwi igetsadvnediyi, nasgiya nasquo nidetsadvnehesdi; nasgiyeno hia nusdi dikahnawadvsdi ale anadolehosgi 13 ayadoli galohisdiyi itsiyvsda ayateniyeno galohisdiyi ale ayateni nvnohi ayohuhisdiyi wigananugogvi, uni tsatano nahna anilosga. 14 ayadoliyuyeno galohisdiyi ale ayadoliyu nvnohi gvnidv wigananugogvi, ale anigayoliyu aniwatiha. 15 detseyadotsehesdi unatlonasdi anadolehosgi, awi uninodena ganega tsunanuwai tsigetsilutsehoi; aseno hawini gesv waya unigvvsgi gesoi. 16 nusdv anadadvsgvi dodatsolistani. tsigo yvwi telvladi danadesgo tsisdunigisdihi? ale svgataiyunasdi tsigotsitsihi danadesgoi? 17 nasgisgini nusdi nigav osdv tlugv osdv adadvsgoi, uyono tlugv uyo adadvsgoi. 18 osdv tlugv vtla yeli uyo yvgvdadvga, ale uyo tlugv vtla yeli osdv yvgvdadvga. 19 nigavsgini detlugv osdv nanadadvsgvna, digaleyvsdodi gesesdi, ale atsilvyi widadinvdi. 20 nasgi iyusdi dodatsolistani nusdv anadadvsgvi. 21 vtlayeno naniv, tsagvwiyuhi, tsagvwiyuhi, gvquosehi, galvladi ehi ugvwiyuhi gesv wuninanugoisdi yigi, nasgisgini na edoda galvladi ehi adanvtesgv tsunilvwisdanehi. 22 nahiyu iga gesesdi unitsatisdi hia nvdagvgiwehali; tsagvwiyuhi, tsagvwiyuhi, tlasgo detsadov yotsvdisge yotsadolehosgei? ale tlasgo detsadov yotsvdisge anisgina yidotsinugowisgei? ale tlasgo detsadov yotsvdisge utsati usquanigodi yidogilvwisdanehei? 23 hnaquono hia nvdagatsiweseli; vtla ilvhiyu yitsvgatahei; utli witsilohi uyo ditsilvwisdanehi. 24 nasgi iyusdi naniv gilo hia tsinitsiwea anadvgisgesdi, ale nasgi nanadvnehesdi, agatahnai asgaya dodagatsiyatlilostani, nasgi nvyohi tsunesgehei; 25 hnaquono tsugahnanei, ale tsidunohuganei, ale tsunolvnei, nahna adanelv tsiduyilolei; aseno vtla yuyotsei, nvtsihiyeno gakahei. 26 nanivno gilo hia tsinitsiwea anadvgisgesdi, nasgino nanadvnehvna igesesdi, unegu asgaya digegatlilosdodi gesesdi nasgi noyuhi tsunesgehei. 27 hnaquono tsugahnanei, ale tsidunohuganei, ale tsunolvnei, nahna adanelv tsiduyilolei, ale tsuyotsei, ale usgasediyu tsinulistane uyotsv. 28 hiano nulistanei, nasgi tsisa usquadv nasgi nigawesgvi, unisquanigose dadeyohvsgvi. 29 utseligayeno tsidadeyohvsgo iyusdi gesei, vtlano dinowelisgiquo tsidanadeyohvsgo iyusdi yigesei.

8:1 hnaquono tsugasoasv usahilvi, unitsati gvwasdawadvsei. 2 ale gvniyuquo adayesgi utlvgi ulutse udadolisdanelei, hia nuwesei; tsagvwiyuhi, iyuno yitsadanvtelv yeliquo yisginvgalv. 3 tsisano udoyanvhidv usvnilei, gadanvdvli, tsadanvgalvdv gesesdi, uwoselei; gilaquono iyvdv adayesgi utlvgv udanvgalvhei. 4 hiano tsisa nuweselei; ka tlesdi gilo tsihinoneli, henaquosgini, witsagowadv atsilvgelohi, ale alisgolvdodi wihvga yisi unetsv alisgolvdodi nasgi unadolehohisdodi. 5 hnaquono tsisa gequani wiulutsv, ulutsele asgohiguqui aniyawisgi ditinidohi, usdiyetanei, 6 hia nuweselei; tsagvwiyuhi, tsinvsidasdi ganvga diquenvsv utlvga ulvdalvvsga utsatanvhi agiliyoga. 7 tsisano hia nuweselei; dagesi datsinvwanesi. 8 asgohitsuquino ditinidohi diunetsv hia nuwesei; tsagvwiyuhi, tlayeli yinigoi tsinelv tsayvsdiyi; hinegiquosgini uwasv, tsinvsidasdino dayudiwasi. 9 ayvyeno diquadanelodiquo, ale dagikaha aniyawisgi nasgi degvquanelodoi, gilono hena tsiyosi, egoi; nvwadaleno ehena tsiyosi, diegoi; tsinvsidasdino, hia hnadvga tsiyosi, nasgi nadvnehoi. 10 tsisano udvganv usquanigosei, ale hia niduwesele udagvwasdawadvdv, udohiyuhiya hia nitsvweseha, vtla nasquo isili dudov nasgi igai gohiyudi gesv yagiwadvhv. 11 ale hia nitsvweseha; unitsati dikalvgv ale wudeligv iditlv dinilosgesdi, ale itsulaha ananvvsgesdi equahami, ale esigi, ale tsegaqui, galvladi ehi nahna ugvwiyuhi gesvi, 12 galvladisgini ehi nahna ugvwiyuhi gee anehi dagetsinugowisi widodagegadaesi tsulisigv doyiditlv, nahna daniyvgesdi, ale danilvdagisgesdi daninudogvi. 13 tsisano hia nuwehale asgohitsuqui ditinidohi; hena, ale nusdv tsohiyunv nasgi winitsalisdasi. unvsidasdino nahiyuquo udiwasei. 14 tsisano quida ganelv ulutsv, ugohe quida udalii utsi ganvge udilehvsgei. 15 usvnileno uwoyeni, udilehvsgvno udiwahai. duleneno ale dusdelvhidolei. 16 usvno nulistanv, unitsate anisgina digvwaniyai degvwatinohelei; dunugowiseno anisgina kanegvquo gvdisgei, ale nigadv tsunitlvgi dunvwanei. 17 udohiyudiyi ayelvsvgi isaya adolehosgi tsunetsei, hia tsinuwesei; uwasv igigisdanelvgi didiwanagalahiyu gesvi, degitlvgvno tsutseli niduwanelvgi. 18 tsisano dugohv unitsati yvwi gvwadlawisdisgvi, unetse isgonv wunilohisdiyi. 19 gilono iyusdi digowelisgi ulutsei, hia nuweselei; tadeyohvsgi dagvsdawadidoli nigav hedohvi. 20 tsisano hia nuweselei; tsula dunitalesoi, tsisquano galvlo anehi dunanesdatlahoi, yvwisgini uwetsi vtla ilvhitlv asgoli udiyi yigi. 21 ugvdaleno usdawadidohi hia nuweselei; tsagvwiyuhi, igvyi gena tsinisanuga edoda. 22 tsisano hia nuwehalei; sgisdawaduga, unanelagino tsuniyohusvhi daninisisgesdi tsunatseli tsuniyohusvhi. 23 hnaquono tsiyuhi wutsanv gvwasdawadidohi gvwasdawadvsei. 24 gvniyuquono utsati uyilole unole idali; tsiyuyeno ama dalisdilanegv uwutlvvsgei; aseno igalihequo. 25 gvwasdawadidohino gvwalutsele gvwayestanei, hia nigvwaweselei; tsagvwiyuhi, sgisdelv, dayotsadisvniquo. 26 hiano niduweselei, gadono itsisgaiha? usdi itsohiyuhi! hnaquono dulenv dusgatse unole ale vdali, utsatino udatsinasdvhi nulistanei. 27 anisgayano unisquanigosei, hia nuniwesei; gado usdi hia asgaya, nasquoyeno unole ale vdali igvwohiyuhvsga. 28 isgoniditlvno wulutsv gagisini unatseligohi, anitali anisgina digvwaniyai degvwatlosei, dadanisahv tsuninugotsei, utsatanvhi unihnalvhiyu gesei, nasgi vtla gilo nahna gvwalohisdi yigesei. 29 ale gvniyuquo unelunei, hia nuniwesei; vtla gohusdi digadadvdodi yigi nihi, tsisa unelanvhi uwetsi, tsigo ani tsalutsilv sginigiliyoisdodiyiquo asiquo nasqualisgvna? 30 gehino iyvdv dinedohe unitsati sunadatlugi siqua analisdayvnidohei. 31 anisginano gvwatayoselei, hia nigvwaweselei; iyuno sgininugowisvha, unanelagi sgineliselvha siqua sunadatlugi wigosdiyvsdiyi. 32 hiano niduweselei; sdena. uninugotsvno, siqua sunadatlugi widuniyvlei. ale gvniyuquo nigadv sunadatlugi siqua ayanuliyu unalisei, wunigasoase ganetlugi gvsvi, vdatla wunalitadinvsei, ale amayi duniliwotsei. 33 dinigatiyano unalisei, digaduhv wunilosei, nigadv wuninohelei, ale anisgina gvwaniyai nunalisdanelvi. 34 gvniyuquono nigadiyu sgadugi tsuninugotsei, tsisa degvwatlosilei; gvwagohvno gvwatayosele udanvsdiyiquo unatseligohi gesvi.

9:1 tsiyuhino utsanv, duwesotsei, uwasvno uweduhv wulutsei. 2 gvniyuquono gvwatinohele asgaya utlvgi ulvdalvvsgi ganvge atsesdogihi; tsisano udolehosv anohiyuhvsgvi, hia nuwesele ulvdalvvsgi; aquetsi, ugalistiyuquo hadanvdada, tsasganvtsv etsadoligi. 3 gvniyuquono igadv dinowelisgi hia nuniwese dunadanvdvi; hia asgaya galvladi ehi asotlvisdiha. 4 tsisano agatahe nusdv anadanvtesgvi, hiano niduweselei; gadono utsi itsadanvteha ditsinawiyi? 5 gadoge usdi utli ahidiyu kaneisdiyi, tsigo hia yinagawea, tsasganvtsv etsadoligi? hiage yinagawea, talehvga ale geda? 6 adina itsadolehohisdiyi yvwi uwetsi asganvtsv gvwadadolisdi gesv ani elohi, hnaquo hia nuwesele ulvdalvvsgi; talehvga, tsatsesdo hinagi, ale ditsenvsv hena. 7 dulenvno tsuwenvsv wulosei. 8 unitsatino unigohv, unisquanigosei, ale unilvquotane unelanvhi nasgi tsulisgolvdanelvhi nasgi iyusdi tsunilvwisdanediyi yvwi. 9 tsisano nahna udanvsv, ugohvgi asgaya madu tsudoidv, uwolvgi ayeli aguyvdiyi. hiano nuweselvgi; sgisdawaduga. dulenvno usdawadvsvgi. 10 hiano nulistanvgi, ganvgv [alisdayvhvsgv] galitsode, gvniyuquo unitsadvgi adelv anigisidohi ale anisgana unilutsv unanitlvnvgi aninvdlav tsisa ale gvwasdawadidohi. 11 aniqualisino unadolehosv, hia nidu niweselv gvwasdawadidohi; gadono ditseyohvsgi adelv anigisidohi ale anisgana itsulaha ianalisdayvhvsga? 12 tsisano udvganv hia niduweselvgi; nidunitlvgvna vtla udulvdi yinunalisdaneho didanvwisgi, tsunitlvgisgini. 13 itsenasgini, witsadeloqua gadvgv hia nasgi tsinigaweha; adadolisdi gesv aquaduliha, vtlano atsilvgelasdiyi gesvi. vtlayeno nanisganvna yiditsiyanvhilv, anisganasgini tsuninetliyvsdiyi dunadanvdvi. 14 hnaquono tsani gvwasdawadidohi [tsisa] gvwalutselvgi, hia nigvwaweselvgi; gadono ayv aniqualisino yano amatli tsotsvsga, nihino getsasdawadidohi amatli nanvsgvna tsigi? 15 tsisano hia niduweselvgi; tsigo yeli degegatsvsdisgv anigatahi yidanatloyiga asiquo udesvnilvhi uneladidohvi? aseno iga dvliyiloli dagetsiyanveli udesvnilvhi, gila hnaquo amatli dvnvni. 16 vtla ale gilo itse yigalastlvdisgo uweti anuwogihi, galastlvdvyeno yvgatsagalvda anuwo, udatsagalvhvno utli equohiyu yinigalisda. 17 vtla ale itse gigageaditasdi tsuweti disutlvdv yidanitlisdisgoi; disutlvdvyeno yidadatsagalv, ale gigageaditasdi yatsewogi, disutlvdvno yidayogi. itsesgini gigageaditasdi ditse disutlvdv danitlisdisgoi, itsulano dunisquanigodoi. 18 asiquo nasgi nidegawesehvgi, gvniyuquo gilo iyusdi nugvwiyusadegi ulutsv udadolisdanelvgi, hia nuwesvgi; aquetsi ageyutsa gayula uyohusidena. adina hena, hiyasvnilvha, aha dvadvnidiquo. 19 tsisano dulenv usdawadvsvgi, ale nasquo gvwasdawadidohi. 20 gvniyuquono ageyv utlvgi gigv uwenvehi taladu tsudetiyvda igvwalistanvhi, oniditlv uluhisdanelvgi, gadaluyadv unuwav usvnelvgi. 21 hiayeno nuwese udanvdvi; iyuno unuwavquo yaquasvnilv, ase yaquadiwi. 22 tsisano ugatahvsv ale ugohv, hia nuwesvgi; aquetsi, ugalisdiquo hadanvdada. tsohiyusv tsadiwisda. ageyvno nahiyuquo udiwasvgi. 23 tsisano nugvwiyusadegi ganelv ulutsv, ale dugohv dinitseluhisgi, ale yvwi daniyvgvi, 24 hia niduweselvgi; itsadanvna, nagono uyohusvhi yigi ageyutsa; galihaquosgini. vgvwayetsastanvquono. 25 getsinugowisvno yvwi, uyvlvgi uwoyeni uniyvhvgi, ageyutsano dulenvgi. 26 nasgino hia dunotsalotsidolvi nahna nigvnadv duyelisidolvgi. 27 tsisano nahna udanvsv, anitali dinigewi anisgaya gvwasdawadvsvgi, unelugvgi hia naniwesgvgi, sginidoligi nihi dewi uwetsi. 28 galitsodeno uyvlv, dinigewi gvwalutselvgi, tsisano hia niduweselvgi; isdohiyuhvsgasgo yeli nasgi igvquadvnedi gesvi? hia nigvwaweselvgi; vv, tsagvwiyuhi. 29 hnaquono dusvnelv dinigadoli, hia nuwesvgi; nusdv isdohiyuhvsgv nasgiya nisdalisdasi. 30 dinigadolino dulisdugisvgi. tsisano dunvsdadelvgi, hia niduweselvgi; tlesdi gilo udolehosvgi. 31 aseno unadanvsvquo duninotsalanvgi nahna nigvnadvi. 32 hnaquono aninugogvi gvniyuquo gilo gvwatinohelvgi asgaya uwagewi, asgina uyai. 33 asginano atsinugowisv uwagewi uwonisvgi. unitsatino unisquanigosvgi, hia nuniwesvgi; vtla ilvhiyu nasgi iyusdi agohvhi yigi isiliyi. 34 aseno aniqualisi hia nuniwesvgi; anisgina unatseli ugvwiyuhi gvdiha tsideganugowisga anisgina. 35 tsisano nigav tsudvna degaduhv ale tsusdi degaduhv uwedolvgi, dadeyohvsgvgi tsunilawiisdiyi, ale alitsidohvsgvgi osdv kanohedv galvladi ehi ugvwiyuhi gesv kanohesgvgi, ale dekanvwisgv nigav dunitlvgv ale nigav vyugi yvwi uniyilidehvi. 36 dugohvno unitsati yvwi, duwedolitsvgi, udagalisdodisgvgi wanaquo danilogvi, ale unadigaleyotsvhi gesvi, nasgiya awi uninodena nehvna tsigeso unigatiya. 37 hnaquo hia niduwehalv gvwasdawadidohi; equohiyu tlogesi ugadvnatsvhi, aseno anigayoliyu tsunilvwisdanehi. 38 nasgi iyusdi etsitayosi ulogedv tsunvsdiyi tsunilvwisdanehi ugadvnatselvi.

10:1 widuyanvhvno taladu iyanidv gvwasdagadidohi, denelv anisgina tsuninugowisdiyi, ale tsunadanvwodiyi nigav dunitlvgv, ale nigav vyugi. 2 hiano nasgi nusdi dunadov taladu iyanidv getsinvsidv. igvyiyi sawani quida tsanosehoi, enidino nasgiquo unvtli, tsimino tsequidi uwetsi, tsanino nasgiquo unvtli. 3 quiligino, wadalamino, damino, maduno adelv agisidohi, tsimino eliqui uwetsi, lequiyano dadiya tsanosehoi, 4 sawanino agenanidi, tsudasino isgaladi nasgi tsisa tsulonuhelvgi. 5 nasgi hia taladu iyanidv tsisa dunvsvgi sunetselvno hia niduweselvgi; tsunadalenvdv yvwi dinehv iditlv tlesdi witsilosvgi, ale sameli anehi duniduhv tlesdi itsiyvlvgi 6 awisgini unalenahidv isili sidanelv gesv ditsiwadvhuga. 7 itsaisvno itsalitsidohvsgesdi, hia nitsiwesgesdi; galvladi ehi ugvwiyuhi gesv esganiyu dayai. 8 tsunitlvgi detsinvwisgesdi, adayesgi tsunitlvgi detsinvgalisgesdi, tsuniyohusvhi detsaledisgesdi, anisgina detsinugowisgesdi. asequo etsinelvhi, asequo itsadanehesdi. 9 tlesdi detsadatlohv yitsadanelesdi dalonige adelv ale unegv adelv ale vtsayi, 10 ale degalodi, ale tali ditsanuwo, ale dilasulo, ale didolanvsdi; tsulvwisdanehiyeno uwadvdi geso ulisdayvdi. 11 ilvhitlvno udvna gaduhv ale usdi gaduhv itsilugesdi, itsadadvdvhvsgesdi gilo ehv udanvti, nahnano itsinesdi gvni vtsanigi. 12 adanelvno itsiyvha itsiyolihesdi. 13 iyuno nahna aninela uwadohiyadv digvwanadanilvisdi igesesdi, nasgi uwadohiyadv itsatseli unilutsedi gesesdi; iyuno digvwanadanilvisdi nigesvna igesesdi, nasgi nvwadohiyadv itsvsvquo itsilutsedi igesesdi. 14 iyuno gilo niditsadanilvgvna igesesdi, ale itsinegv nadvgisgvna igesesdi, nahna galitsode ale gaduhv itsinugogi, detsinvgovdisgesdi gada ditsalasideni. 15 udohiyuhiya hia nitsvyuweseha, esgaquo igai unigi liyoisdi gesesdi sodami ale gomali, digugododiyi iga gesesdi, utlihiyu nasgi na gaduhvi. 16 gvniyuquo itsvnvli awi uninodena tsaneladidoho wayohi nasgiyai; nasgi iyusdi inadv igetsisinasani gesasdi, ale guledinisgonihi igetsadanvti gesesdi. 17 detseyadotsehesdi adina yvwi, degalawivyeno dodagetsatinoli, tsunilawiisdiyino dodagetsilivnili. 18 ale ayv gesv nvdigalisdodisgesdi nunigvwiyusadegi ale unigvwiyuhi dunolv igvyiditlv detsatinohihesdi, nasgi unvsv ale tsunadalenvdv yvwi unadolehohisdodi. 19 aseno hnaquo degetsatinohihesdi tlesdi yitselihisgesdi iyusdi itsineisdiyi ale itsiwesdiyi; nahiyuquoyeno etsinedi gesesdi itsiwesdiyi. 20 vtlayeno nihi yitsinegoi, itsidodasgini udanvdo kanegoi nihi itsvdisgoi. 21 asgayano dodayuyosi uyohuhisdiyi dinadanvtli, agayvligeno uwetsi dodayuyosi, ale oni tsunadvsvhi dodvnatlutani tsunigayvligei, ale nasgi udvnvnisani digetsiisdi gesesdi. 22 ale nanivquo yvwi getsisgagi gesesdi ayv daquadov nvdigalisdodisgesdi; aseno nasgi gvlisquadisgi atlinigvnehi atsisdelvdi gesesdi. 23 ale hnaquo uyo nigetsvhnadegesdi ilvhitlv gaduhvi, ilolisgesdi nvwalile digaduhv witsilosgesdi. udohiyuhiyayeno hia nitsvweseha, vtla isiliyi degaduhvi yigetsedonesdi hnaquo yvwi uwetsi dagalutsi. 24 dideloquasgi vtla utli yinatsilvquodoi esgaquo tsuweyohvsgi, ale atsinvsidasdi vtla utli yinatsilvquodoi svsgaquo unvsidohi. 25 yeliquoyeno dideloquasgi tsuweyohvsgi itsulahaquo yigi, ale atsinvsidasdi unvsidohi itsulahaquo yigi. iyuyeno tsudatihnai adanelv quelitsiqua yunoselv, utli ahidiyu nasgi itsuniwesediyi dudatihnavi. 26 nasgi iyusdi tlesdi yiditsisgaihesdi. vtlayeno gohusdi yigvsgala nasgi gvnigesv iyulisdodi nigesvna gesvi, vtla ale gohusdi udelidv yigi nasgi adolehohisdi nigesvna gesvi. 27 ulisigv itsvnetselvi igagadv itsi negesdi; etsadonvelvno gesv gasanali itsalitsidohvsgesdi. 28 ale tlesdi yiditsisgaihesdi ayelvi anihihi, aseno adanvdo gvwanihisdi nigesvna tsigi. ugvwiyusesdisgini etsisgaihesdi nasgi digvwahisdi tsigiayelvi ale adanvdo itsula tsvsginoi. 29 tlasgo anitali tsisquaya saquo iyadanvtedi tsunagvwalodi yigi, aseno vtlasaquo eladi unvisdi yigi itsidoda udanvtelvhi nigesvna. 30 nasquosgini itsistiyegv itsisgoli nigadiyu diselvhi. 31 nasgi iyusdi tlesdi yitsisgaihesdi; utliyeno nigav ditsagvwalodi nihi esgaquo unitsati tsisquaya. 32 giloyeno gvnigesv naquvnehesdi yvwi anigatahvi, nasquo ayv nasgi gvnigesv udatsiyvneli edoda galvladi ehi agatahvi. 33 gilosgini iaquadayihesdi yvwi anigatahvi, nasquo ayv nasgi datsiyadayili edoda galvladi ehi agatahvi. 34 tlesdi dohiyi unanugowisilv elohi, yisgiyelisehesdi; vtlasgini dohiyi yaginanugowilv, ayelasdisgini ganvhidv. 35 ayvyeno agilutsilv, dinadasgagi iyulisdodiyi asgaya udodano, ale aganvgi ageyv utsino, ale udatsohiya utsohino; 36 gilono uwasvquo dudatihnav gvwasgagi gesesdi. 37 gilono utli nugeyusesdi udoda ale utsi esgaquo ayv nagigeyusesdi, vtla yeli nasgi ayv aquatseli igvwalisdodi yigesesdi. gilono utli nugeyusesdi uwetsi asgaya ale uwetsi ageyv esgaquo ayv nagigeyusesdi, vtla yeli nasgi ayv aquatseli igvwalisdodi yigesesdi. 38 gilo nayisgvna igesesdi utseli tsudahnawadv ale nagisdawadegvna igesesdi, vtla yeli ayv aquatseli igvwalisdodi yigesesdi. 39 gilono gvnv iawatisgesdi, nasgi uyohusedi gesesdi; gilono iuyohusehesdi gvnv ayv udigalisdodisgesdi, nasgi uwadvdi gesesdi. 40 gilono detsadanilvgesdi, nasgi ayv daquadanilvgesdi; gilono ayv daquadanilvgesdi, nasgi dadanilvgesdi nvdvginvsvhi 41 gilono dadanilvgesdi adolehosgi adolehosgi gesv udigalisdodigesdi, adolehosgi agaguyvdanedi gesv nasgi agaguyvdanehesdi; gilono dadanilvgesdi udanvti asgaya udanvti gesv udigalisdo disgesdi, udanvti asgaya agaguyvdanedi gesv nasgi agaguyvdanehesdi. 42 gilono saquo hia tsunasdi gesvi ulisquidiquo akalii uyvdla ama ahuvsgesdi agisdawadidohi gesv udigalisdodisgesdi, udohiyuhiya nitsvweseha, vtla nasgi uyohusedi yigesesdi agaguyvedi gesvi.

11:1 hiano nulistanvgi; tsisa usquadv dekanetsehv taladu iyanidv gvwasdawadidohi, unigisvgi nahnani, dudeyonvdvgi ale ulitsidonasvgi duniduhnavi. 2 hnaquono tsani tsatsisduhv tsudvganv nusdv dulvwisdanehv galonedv, dotsunvse anitali gvwasdawadidohi, 3 hia nvdayuweselvgi; nihisgo na uluhisdi tsigi, tsigoge nvwadale otsigatenohesdi? 4 tsisano unetsv hia niduweselvgi; tsisdena tsani wiesdinohvsi nigav isdadvgisgvi ale isdigowatesgvi: 5 dinigewi anigowateha, diniyoulino anedoha, adayesgi tsunitlvgi dunadiwasga, tsunilienano anadvgiha, tsuniyotlesvhino degegalediha uyono iyunadvhnadegi osdv kanohedv igegalitsidoneha. 6 ale osiyu iyulisdanedi giloniditsiyodesdisgvna igesesdi. 7 iunenvno tsisa ulenvhvgi hia niduweselvgi unitsati tsani dunohedanelvgi; gado itsagatanvse inagei? wasonasgo unole utelvhesgvi? 8 gadoge itsagatanvsei? asgayasgo diwanage tsunuwai? gvniyuquo diwanage tsunanuwai unigvwiyuhi daninelv anehoi. 9 gadoge itsagatanvsei? adolehosgisgo? vv, itsvyoseha, ale utlihiyu esgaquo adolehosgi. 10 nasgisgini hia na gegowelv hia atsinohelvsgv tsinigvnv; gvniyuquo, tsinvli tsinvsidasdi tsakadv igvyiditlv, nasgi datsadvnvisdaneli tsalohisdiyi igvyiditlv. 11 udohiyuhiya hia nitsvweseha, anigeyv gvwaninanugowisvhi tsigi vtla gilo yunanugotsv gvwadalinehidedi tsani didawosgi; aseno usdikani galvladi ehi ugvwiyuhi gesv utli atsilvquodiyu esgaquo tsani. 12 tsanino didawosgi unanugotsv nvdagvdalenvdv gohi iyasti galvladi ehi ugvwiyuhi gesv ananelugieha, ananelugisgino gvsgaisdagi daniniyiha. 13 nanivyeno anadolehosgi ale dikahnawadvsdi anadolehosgvgi tsani unanugotsilv iyasti. 14 iyuno digetsadanilvisdi gesesdi, nasgi hia ilaya uluhisdi tsigesvgi. 15 gilo degalilugesdi udvgodiyi nasgi advgisgesdi. 16 gadoge dodagatsiyatlilostani hia gohi tsaneha? diniyoliquo nasgiya ganododiyi tsaninoi ale tsiwidaniyanisgo unedasdi; 17 ale hia tsinidaniwesehoi; atselugi ogvtanv detsvnogielv, aseno vtla yitsalisgisv; dotsiyvgvgi itsadvgodi, aseno vtla yiditsatloyilv. 18 tsaniyeno ulutsvgi vtla yalisdayvhvsgei ale vtla yaditasgei, aseno nianiweha; asgina uyaa. 19 yvwi uwetsi ulutsv alisdayvhvsga ale aditasga, hiano nianiweha; gvniyuquo asgaya ugvvsgi alisdayvdi ale gigageaditasdi, adelv anigisidohi ale anisdena unalii. aseno agatahnai tsuwetsi osiyu igvwayelvha. 20 hnaquono ulenvhvgi dugvsgolvnvgi duniduhvi nahna utli igai usquanigodi dulvwisdanelvi, nvdagalisdodisgvgi dunadanvdv niduninetliyvsvna gesvi. 21 uyoiyu itsalisdanedi golesini, uyoiyu itsalisdanedi quetsayidi; iyuyeno usquanigodi degalvwisdanelv nihi itsehv yidogalvwisdanele taya ale sadoni, gohigi digvwaninetliyvdv yigese dunadanvdvi, tsusidena yidunanuwoe ale gosdu yunadanvliyeei. 22 aseno hia nitsvweseha; esgaquo igai unigiliyoisdi gesesdi taya ale sadoni, digugododiyi iga gesesdi, utlihiyu nihi. 23 nihino gequani galvladi iyvdv tsetsasalada, tsvsginoi yvdayelovtani; iyuyeno usquanigodi degalvwisdanelv nihi itsehv yidogalvwisdanele sodamiyi, asi gohi gesv yinigvwasdequo. 24 aseno hia nitsvweseha; esgaquo igai unigiliyoisdi gesesdi sodami digugododiyi iga gesesdi, unvhiyu nihi. 25 nahiyu tsisa unetsv hia nuwesvgi; gvyalielitseha edoda, tsagvwiyuhi galvladi ale elohi, nasgi hia tsidehvsgalanelv anisinasani ale aneyatahi, diniyolino tsidehinanugowiselv. 26 vv, edoda, nasgiyeno osiyu tsayelvnvhi. 27 nigav gohusdi dagiyohiselv edoda, ale vtla gilo yagataha uwetsi udodaquo uwasv; vtla ale gilo yagataha agayvligei uwetsi uwasv, gilono nasgi tsinanugowisi ela uwetsi. 28 etsena, ayv sgilutsi, nigadiyu agiliya ditsilvwisdanehi, ale gagedv ditsalisehi, ayvno datsvyawesolvstani. 29 itsiyv aquagilanalo ale sgiyadeloquasi, aquadanvteyuyeno ale aquadadolisdiyu aginawiyi, datsiwadvhino ditsadanvdo tsuyawesolvsdiyi. 30 aquadilanaloyeno nuhisodvna, galisehvno udasakahiyu.

12:1 nahiyu tsisa aisvgi awisv utsalesdi unadodaquasgv iga; gvwasdawadidohino agonu duniyosisgvgi, ale unalenvhvgi unisgudesvgi utsalesdi ale unisdigvgi 2 aseno aniqualisi unadolehosv hia nvgvwaweselvgi; gvniyuquo igvdvnedi nigesvna unadodaquasgv iga nanadvne getsasdawadidohi. 3 aseno hia niduweselvgi; tlasgo yitsigoliyeo dewi nudvnelv agonu tsuyosisge, ale nasgi anehi, 4 unelanvhi utseli adanelv tsuyvlei, ale agadodi gadu tsugei, yeli gvwagisdi nigesvna tsigesei, ale nasgi anehi, atsilvsginianelohi unvsv? 5 tlasgo nasquo yitsigoliyeo dikahnawadvsdiyi nasgi unadodaquasgv iga udvna digatawiisdiyi atsilvanelohi unadodaquasgv aniyosdisgv, ale unisganvtsvhi nigesvna gesvi 6 aseno hia nitsvweseha; ani edoha utli atsilvquodiyu esgaquo udvna digalawiisdiyi. 7 yitsigadovsesgini gadvgv hia nasgi tsinigawea, adadolisdi gesv aquaduliha, vtlano atsilvgelasdiyi gesvi, vtla unisganvtsvhi yidogetsiyelvne nunisganvtsvna. 8 yvwiyeno uwetsi ugvwiyuhi nasquo unadodaquasgv iga. 9 nahnano iudanvsv, tsunilawiisdiyi wuyvlvgi. 10 gvniyuquono edohvgi asgaya uwoyeni uwaiselvhi. gvwadvdvnvgino hia nuniwesvgi; tsigo yeliquo gvdanvwodi unadodaquasgvi; gvwayilidasdiyi unadulisgvgi. 11 hiano niduweselvgi; tsigo ayagaya ugasuya itsehvi, iyuno saquo awi unodena yunatlaa, atalesvno yulvtsv unadodaquasgvi, nasgi wuniyvdi ale wulesdi nigesvna? 12 nigavsgini utlihiyu atsilvquodiyu yvwi equogaquo awi unodena. nasgisgini iyusdi yeliquo osdv digalvwisdanedi unadodaquasgv iga. 13 hnaquono hia nuweselv asgaya; hadoyanvhida; udoyanvhigino. ale udiwasvgi, nasgiya soi nusdv nulistanvgi. 14 hnaquono aniqualisi uninugotsv uninohelv iyunvnediyi unihisdiyi. 15 aseno tsisa udolehosv nahnaudanvsvgi; unitsatino gvwasdawadvsvgi; ale nigadv dunvwanvgi, 16 ale dunvsdadelv gvnigesv igvwanediyi. 17 udohiyudiyi ayelvsvgi isaya adolehosgi tsunetsei, hia tsinuwesei; 18 gvniyuquo tsinvsidasdi tsiyasuyedv tsigeyui diquadanvdv iyvdv osdv tsiyelvi; datsineli aquadanvdo, ale tsunadalenvdv yvwi duyugodv tsunanugowisedi gesesdi. 19 vtla tsutiyosdi ale uweludi yigesesdi, vtla ale gilo udvganedi yigesesdi kanegv degalanvdvi. 20 wasona uyedawotsvhi vtla tsusqualisdi yigesesdi, ale doledv tsugasvsdi vtla uwadladisdi yigesesdi, gvni adalinehidonvha duyugodv gesv dayelihisdisgvi. 21 ale dudov tsunadalenvdv yvwi analisgasdodisgesdi. 22 hnaquono agatinohelvgi asgina uyai digewi ale uwagewi, ale unvwanvgi; nasgino digewi ale uwagewi uwonisvgi ale ugohvgi. 23 nigadvno yvwi unisquanigosvgi, hia nuniwesvgi; tlasgo hia dewi uwetsiyigi? 24 aseno aniqualisi unadvganv, hia nuniwesvgi; hia vtla anisgina yidiganugowisga gvni tsusdelisgo quelitsiqua ugvwiyuhi anisginaunatseliga. 25 aletsisa agatahvnusdv anadanvtesgvi, hia niduweselvgi; nigav ayeli gotlvsvi tali tsinadadisgo uwasvquo tsadatludisgo atsigoquo; ale nigav gaduhv ale adanelv tali tsinadadisgo uwasvquo tsadatludisgo vtla yinigvwasdoquo. 26 iyu ale sedani sedani yiganugowisga, tali nadadisgoi uwasvquo adatludisgoi; gadono yigalisdoda yinigvwa sdiquo utseligohi? 27 iyuno ayv quelitsiqua yagisdeli anisgina yiditsinugowisga, gago unisdelisgo ditsetsi tsidaninugowisgoi? nasgi sgini digetsugodanehi gesesdi. 28 iyusgini ayv unelanvhi udanvdo yigvdi anisgina yiditsinugowisga, hnaquosgini galvladi ehi ugvwiyuhi gesv itsilutselv. 29 ale gado yadvlo ulinigidv asgaya ganelv yayvha ale uhnav yawonv, iyuno igvyi nulvlvna yigi nasgi ulinigidv asgaya? gila hnaquo yawonv ganelvi uhnavi. 30 gilo naqualigonehvna, nasgi aquatludiha; gilono nosditlisisgvna, nasgi yadigaleyasga. 31 nasgi iyusdi hia nitsvweseha; nigav nudalesv asganvisdi gesv ale asotlvdodi gesv getsidolisdiquo gesesdi yvwi; galvquodiyusgini adanvdo asotlvdodi gesv vtla getsidolisdi yigesesdi yvwi. 32 ale gilo gawonisgv atludisgesdi yvwi uwetsi, atsidolisdiquo gesesdi; gilosgini gawonisgv atludisgesdi galvquodiyu adanvdo, vtla atsidolisdi yigesesdi gohi gesv ale nasquo soiyi digesvi. 33 tlugv osdv nitsvga udvno osdv, ale tlugv usonv nitsvga udvno usonvi; tlugvyeno golisdodi geso nusdv udvi. 34 yo inadv tsunetsi nihi! tsinitsiyoiyv gale tlugv usonv nitsvga udvno usonvi; tlugvyeno golisdodi geso nusdv udvi. 35 osdv yvwi, osdv usquanigodv unawiyi, osdv gananugowisgoi. uyono yvwi, uyo usquanigodv uyo gananugowisgoi. 36 hiano nitsvweseha; nigav uyo aniwonisgv yvwi, uninohedi gesesdi digugodiyi iga gesvi. 37 hinegvyeno tsadudalesdodi gesesdi, ale hinegv tsasganvtsv ditsadugodanedi gesesdi. 38 hnaquono gilo iyunasdi dinowelisgi ale aniqualisi uninetsv, hia nuniwesvgi; tadeyohvsgi, uyelvdv ogaduli itsvgowadvsvdiyi. 39 unetsvno hia niduweselvgi; gohi tsaneha uniyo dinadayonehi uyelvdv uniyohoi; aseno uyelvdv vtla getsinedi yigesesdi, tsona adolehosgi utseliga uyelvdv uwasv. 40 tsonayeno tsoi iga ale tsoi svnoyi atsadi equa usquoliyi tsayasvi, nasquosgini yvwi uwetsi tsoi iga ale tsoi svnoyi gadohi hawini ayaesdi. 41 yvwi niniwi tsanehvgi dodvnaleni dagvwanatlutani gohi tsaneha, digugododiyi iga gesvi, ale unisganvtsv gvnigesv udvnvneli; nasgiyeno dunadanvno dunadanvdv duninetliyvsvgi tsona alitsidohvsgv nuwanisanvgi, gvniyuquono ani edoha utli atsilvquodiyu esgequo tsona. 42 ugvwiyuhi ageyv tsuganayv tsehei dodvleni dayunatlutani gohi tsaneha digugododiyi iga gesvi, ale unisganvtsv gv ni gesv udagvneli; nasgiyeno gadohi wasdv iyvdv tsuwenvse udvganile solimonv agatahnaiyu gesvi, gvniyuquono ani edohautli atsilvquodiyu esgaquo solimonv. 43 iyuno gadaha adanvdo yvwihi ganugoi, ukayodvhi edohoi uyawesolvsdiyi uyohoi, aseno vtla yawatisgoi. 44 hnaquono hia nigawesgoi; ditsinelv diginugotsv yvdvtsilosi. hnaquono wigalugi awatisgo usiwa geso ale gvnosadvhi ale goduisdoi. 45 hnaquono iegoi widayanisgo uwanadale galiquogi anisgina utli iyuninegutsidv esgaquo uwasv, nahnano aniyvhihoi ale ananeladisgoi, onino nusdv na asgaya utli uyoiyu gesoi esgaquo igvyiyi. nasgisgini nunasdesdi gohi uninegutsidv tsaneha. 46 asiquo degawonedisgv yvwi, gvniyuquo utsi ale analinvtli doyitlv anidonavgi, unadulisgvgi gvwalinohedodiyi. 47 gilono hia nuweselvgi; gvniyuquo tsatsi ale itsalinvtli doyi anidonaa, getsalinohedodiyi unaduliha. 48 unetsvno hia nuweselv unonelvhi; gago etsi? ale gago otsalinvtli? 49 widusonvno gvwasdawadidohi hia nuwesvgi; gvniyuquo etsi ale yitsalinvtli. 50 giloyeno nadvnehesdi nusdv udulisgv edoda galvladi ehi, nasgi vginvtli ale vgido ale etsi.

13:1 nahiyu iga tsisa unugotsvgi adanelvi, ale vdalulodi uwenvgi. 2 unitsatino yvwi gvwadatluwistanvgi, nasgi iyusdi tsiyuhi utsanvgi, ale uwenvgi. nigadiyuno nasgi unitsati amayulodi anidonavgi. 3 deuwonetanvno utsati tsudalenvdv dutlilosdanelvgi; hia nuwesvgi; gvniyuquo, awisgi uwisvsei. 4 uwisvno igadv nvnohulodi ulageyadvtsei, tsisquano unilutse ale unutisonei. 5 igadvno nvyohi gesv u lageyadvtsei, gayoli gada galageyvi, gilaquono iyvdv uliyenei, nvdigalisdodisge sageiyugesv gada. 6 aseno nvdo tsukalvtsv uleyvsei, niduhnasdetlvnano gesv iyusdiuhnasgvtsequo. 7 igadvno anugalvhi ulageyadvtsei, anugalvno tsudvsv unenulastanei. 8 igadvsgini osv gadohi ulageyadvtsei, nasgino ugatatanei, igadv asgohitsuqui unequotsei, igadvno sudalasgohi unequotsei, igadvno tsoasgohi unequotsei. 9 gilo degalugesdi udvgodiyi wadvgvga. 10 gvwasdawadidohino gvwalutselv hia nigvwaweselvgi; gadono dehiwonedisgv tsidehatlilosdaneha? 11 unetsvno hia niduweselvgi; nvdigalisdodisgini nihi etsinelvhi gesv itsolisdiyi udelidv gesv galvladi ehi ugv wiyuhi gesvi, nasgini vtla gegalisgolvdanelvhi yigi. 12 giloyeno uhesdi atsinedi gesesdi, utsatino uhesdi; gilosgini nuhvna gesesdi atsigiediquo gesesdi nasgi nasquo uhvi. 13 nasgi nvdigalisdodiha tsidegatsiyatlilosdaneha, anigowatisgvyeno vtla yinadvgiha ale vtla yinoliga. 14 ale anehv udohiyunv isaya tsudolehosei, hia tsinuwesei; itsadvgisgv itsadvgisgesdi, aseno vtla yitsoligesdi; ale itsigowatisgv itsigowatisgesdi, aseno vtla yitsadolehosgesdi. 15 hiayeno yvwi tsuninawi dulitsohvsv, ale danililugv gayoliyu dadvgiha, ale dinigadoli dunisdunv; nasgi dinigadoli digvwanigowadvdodi nigesvna iyulisdodiyi, ale danililugv digvwanadvgododinigesvna iyulisdodiyi, ale tsuninawi digvwanolisdodi nigesvna iyulisdodiyi, ale digvwanadanetliyvedi nigesvna dunadanvdv, ale digagatsinvwodi nigesvna iyulisdodiyi. 16 nihisgini ditsigadoli digalvquotanvhi, nasginodagowatiha, ale detsililugvi, nasgiyeno dadvgiha; 17 udohiyuhiyayeno hia nitsvweseha, unitsati anadolehosgi ale unadanvti unadulvdv utsigowadvdiyi hia nasgi tsitsigowatiha, aseno vtla unigohvhi yigi; ale unadv godiyi hia nasgi tsitsadvgiha, aseno vtla unadvganvhi yigi. 18 nasgi iyusdi nihi itsadvgvga datlilosdv awisgi. 19 iyuno gilo advgvga kanohedv galvladi ehiugvnayuhi gesv ugvwali, nigoligvnano tsigesoi, hnaquo unegutsidv galugoi ale ugieho awisv unawiyi. nasgi hia unohulodi tsawisei. 20 hiano nasgi nvyohi tsawisei; nasgi tsadvgisgo kanohedv, ale gilaquo iyvdv ulihelitsvhi tsidadanilvgoi; 21 aseno niduhnasdetlvnaquo gesoi, ale tlegaquo tsidakahnawadegoi; agiliyvyeno gananugoi ale kanohedv dvliyeilvsda agadeyadoda, gilaquo iyvdv duwodehihoi. 22 hiano nasquo anugalvhi tsawisei, nayagi tsadvgiyago kanohedv, elohino uwelihisdi gesv ale genvisdi gesv udalidasdv aninenulasdisgo kanohedv, nasgino nagatadvgvnaquo gesoi. 23 nasgisgini na osv gadohi tsawisei; nasgi tsadvgisgo kanohedv ale tsigoligoi, ale nasquo tsagatadvsgoi, ale tsigananugowisgoi, igadv asgohitsuqui unequotsv hi, igadvno sudalasgohi, igadvno tsoasgohi. 24 uwadale dutlilosdanelvgi, hia nuwesvgi; galvladi ehi ugvwiyuhi gesv nasgiyaquo asgaya osdv ugata ulogesv tsuwisei. 25 aseno yvwi unilinvtsv, usgaya ulutse uyo ugata uwise utsalesdi awisv usuyvnei; ale iuwenvse. 26 hnaquono uliyenv ale ugatatanv nasquo uyo unanugotsei. 27 hnaquono asgaya ganela tsunvsidasdi gvwalutselei, hia nigvwaweselei; sginvsidasdi, tlasgo osdv ugata yitsawise tsalogesvi? gado digalisdodaha uyo tsuyega? 28 hiano niduweselei; gilo agisgagi nasgi nudvnelv. tsunvsidasdi hia nigvweselei; tsadulisgono ogiyehisvsdiyi? 29 aseno hia nuwesei; vtla, itsiyehisgvyeno uyo, yidetsihnasdetlvda nasquo utsalesdi. 30 unelagi igulaha widadvhi gvni agadvnatsvha; hnaquono agadvnatsv hia nvdagatsiweseli anisgudesgi; igvyi itsitlisa uyo, ale ditsodvtsa digohvsdodi, utsalesdisgini itsitlisa agisquanigododiyi. 31 nvwadale dutlilosdanelvgi, hia nuwesvgi; galvladi ehi ugvwiyuhi gesv nasgiyaquo atsilv ugata, asgaya tsugise ale tsuwise ulogesvi. 32 nasgi udohiyusv tsiwodagonadvdi usdigiyu gesv nigav 33 nvwadale dutlilosdanelvgi, hia nuwosvgi; galvladiehi ugvwiyuhigesv nasgiyaquo agododi, nasgi ageyv tsugise ale tsusuyvne tsoi iyutlilodv isv galvi, gvni nigadv ugosonv. 34 nasgi hia nigadiyu tsisa duwonetanvgi unitsati dutlilosdanelvgi, nidatlilosdanehvnano gesv vtla yiduwonetanei. 35 udohiyudiyi ayelvsvgi adoleho sgi tsunetsei, hia tsinuwesei; datsisduisi tsioli degatlilosdisgvi, datsineistani udelidv asquanigodv elohi tsudotlvnv nvdagvwadalenvdv. 36 hnaquono tsisa duyelihistanv unitsati, adanelv wuyvlvgi; gvwasdawadidohino gvwalutselvgi, hia nuniwesvgi; disgiyosisasi datlilosdv uyo tsuliyene tlogesi. 37 unetsvno hia niduweselvgi; nasgi na osdv ugata tsuwisei nasgi yvwi uwetsi; 38 tlogesino nasgi elanigvi; osdv ugata nasgi galvladi ehi ugvwiyuhi gesv anehi; uyono tsuliyene nasgi unegutsidv tsuwetsi; 39 agasgino nasgi tsuwisei, nasgi asgina; ugadvnaisdiyino gesv nasgi alisquadvha elohi; anisgudesgino nasgi dinikahnawadidohi. 40 nasgino uyo tsanitlisisgo ale tsanagohvsdisgo atsilvyi, nasgiyasgini nasquo nusdesdi alisquadvha hia elohi. 41 yvwi uwetsi dodaganvsi tsutseli dinikahnawadidohi, ale nasgi utseligohi dodvnotsalesi nigadv dinadadodesdisgi ale nigadv anisganvgi, 42 digotlvsvno atsilvyi widodvnadaesi; nahna daniyvgesdi ale danilvdagisgesdi daninudogvi. 43 hnaquono unadanvti gvwanitalugisgi gesesdi unidoda utseligohi, nvdo nasgiyai. gilo degalilugesdi udvgodiyi wadvgvga. 44 ale nasgi galvladi ehi ugvwiyuhi gesv nasgiyaquo tsugvwalodi udelidv tlogesi tsahoi, nasgi iyu asgaya awadv, tsadelvsgoi, aliheligvno iyusti tsegoi tsiwiganadegonigadv usquanigodvi, ale tsiwuwasgo nasgi tlogesi. 45 ale nasquo galvladi ehi ugvwiyuhi gesv nasgiyaquo ganodisgi tsiduyohe tsuwoduhi dagvnaiyunasdi. 46 nasgino hnaquo uwadvhv saquo utsati tsugvwalodi dagvna iyusdi uwenvse wunadinvha nigadv usquanigodvi, nasgino uwasei. 47 ale nasgi galvladi ehi ugvwiyuhi gesv nasgiyaquo agayaludi tsiwunadainvse amequohi, ale tsiduniniyvhe naniv tsunadalenvdv; 48 nasgino hnaquo ukalitsv amayulodi uninasinolei, ale unanvnei, anosdvno ditelido dunilvtanei, uniyono dunadainvsei. 49 nasgisgini nusdesdi elohi alisquadvha; dinikahnawadidohi dvnilutsi, dodvnagalenvtani uninegutsidv ale unadanvti; 50 uninedatsidvno widodvnadaesi digotlvsv atsilvyi, nahna daniyvgesdi ale danilvdagisgesdi daninudogvi. 51 tsisano hia nisuweselvgi; itsoligitsu nigadv hia? vv, tsagvwiyuhi, vgvwoselvgi. 52 hnaquono hia niduweselvgi; nasgi iyusdi gilo digowelisgi galvladi ehi ugvwiyuhi gesv ugvwali ageyonvhi tsigesoi, nasgiyaquo asgaya ganela tsidodigananugowisgo tsugvwalodi usquanigodv tsudalenvdv ditse ale tsuweti. 53 hiano nulistanvgi, hnaquo tsisa usquadv hia nasgi datlilosdisgvi, unigisvgi. 54 hnaquono uwasv utseligohi ulutsv tsunilawiisdiyi duweyonvgi; nasgi iyusdi unisquanigosvgi, ale hianuniwesvgi; gado ulisdotanv hia nasgi asgaya tsagala hnaa ale usquanigodi tsidulvwisdaneha? 55 hiakani dinesgesgi uwetsi, melikani utsi, alekani analinvtli tsimi, ale tsosi ale sawani ale tsudasi? 56 alekani tsudo nigadv esgani tsaneha? gadono ulisdotanv hia nigadv tsuweha? 57 vgvwagonelohiselvgino; aseno tsisa hia niduweselvgi; adolehosgi vtla natsilvquodvna yigesoi, uwasvsgininonv utseligohi ale uwasv ganelvi. 58 vtlano yutsate usquanigodi nahna yidulvwisdanelei, nanohiyuhvsgena gvsv udagalisdodisgvgi.

14:1 naneyu elodv nvgi igadugi gesv sdadugi atsidetidisdi udvgane deganotsalv tsisa. 2 hiano niduwesele tsunvsidasdi; hia nasgi tsani didawesgi; donvlenv tsuyohusvgi, ale nasgi iyusdi usquanigodiyu tsidulvwisdaneha. 3 elodvyeno uniyvhe tsani ale ulvlei ale usdune didasdudiyi, quiligi elodv dinadanvtli udalii elodisi tsudoidv usdvdisgei. 4 tsaniyeno hia nuwesele elodv; vtla duyugodv yigi nasgi tsadayeha. 5 ale udulisge uhisdiyi, aseno dasgaihe yvwi, adolehosgiyeno uniyelvse tsani. 6 aseno hnaquo elodv udenv iyu igadulawitsv, elodisi uwetsi adv unalisgielei, ale ose uyelvne elodv. 7 nasgi iyusdi uselitane uduisdanele unediyi nusdvquo utayolvi. 8 hnaquono utsi uweyonvhi nigesei hia nuwesei; ani sgiyohelvha tsani didawosgi usgo atelido galodesdi. 9 ugvwiyuhino uyoiyu uyelvnei, aseno uselitanvi, ale nasquo nasgi analisdayvhvsgi nvtsulisdotanei, unetse atsinediyi. 10 udanvseno wunisdadese tsani didasdudiyi. 11 usgono uniyole atelidogihi, ale uninele adv, nasgino utsi wunelei. 12 gvwasdawadidohino unilutse ale uninese ayelvi, ale uninisanei, ale unenvse wuninonele tsisa. 13 tsisano udvganv, tsiyu utsotanvgi nahna unigisvgi udayelilv inage wulosvgi hnaquono yvwi unadvganv, eladi gewasdawadvegi degaduhv dodayunenvsvgi. 14 tsisano utsaisv dugohvgi unitsati yvwi, ale duwedolitsvgi, ale dunvwanvtsunitlvgi. 15 usvno nulistanv gvwasdawadohi gvwalutselvgi hia nuniwesvgi; ani inagequo, ale iga ulosonidi, tsitsenaquono giyosihia unitsati yvwi, ale dodigaduhv wianilohi, nahna unvsv unalisdayvdi uniwasvha. 16 aseno tsisa hia niduweselvgi; vtla ase vunenvsdi yigi, nihiquo ditselasda. 17 hiano nvgvwaweselvgi; ani hisgiquo gadu dogiha, taliquono atsadi. 18 hiano nuwesvgi; ani disgiyohisi. 19 dunetselvno unitsati kanesgohi gesv unanvdiyi, dugisvno hisgi gadu ale tali atsadi dunesv, galvladino widukananv ulihelitsvgi, ale dugvhaluyv dunelvgi gadu gvwasdawadidohi, nasgino gvwasdawadidohi unitsati widuninelvgi. 20 nigadvno unalisdayvnvgi ale dunolvsvgi, ale unutisvgi uligvhaluyvhi utiyvhi taladu iyakalii talutsa. 21 unalisdayvnvhino hisgiha iyaga yvli anisgaya nanivgi, nidanetlvdvna anigeyv ale diniyoli. 22 gilaquono iyvdv tsisa dunvwistanvgi gvwasdawadidohi tsiyuhi unatsodiyi, ale igvyi nidunisohisdiyi asi dayelihisdisgv unitsati. 23 hnaquono duyelihistanv unitsati odalv uhnalusvgi uwasv gesvi, udadolistanvsvgi. usvno nulistanv nahna uwasvquo gesvgi. 24 tsiyuno hnaquo ayeli vdali waninisvgi utladistanidohv ama dalisdilanegvi, unoleyeno igvyitlv dayugadvgi. 25 hnaquono nvgine iyunadanetliyvdv gesv aniyawisgi svnoyi tsisa widulutselvgi vdali gadui aisvgi. 26 gvwasdawadidohino gvwagohv vdali gadugi; aisvi unadanvtetanvgi, hia nuniwesvgi; nayehi hia. anisgaihvno iyusdi nvnalistanvgi. 27 aseno gilaquo iyvdv tsisa dunetselvgi, hia niduweselvgi; ugalisdiquo itsadanvdada, ayvquoyeno, tlesdi yitsisgaihesdi. 28 quidano unetsv hia nuweselvgi; tsagvwiyuhi, iyuno nihi gesesdi, sginetsi wigvlutsediyi amayi gadui. 29 ehena, udvnvgi. hnaquono quidatsiyuhi utsaisv amayi gadui aisvgi tsisa tsedohv wagadvgi. 30 aseno nvdolehosv asdayiyu ganolvvsgv usgalvgi, ale ulenvhv ganoyvgv uwelunvgi, tsagvwiyuhi sgisdelv, udvnvgi. 31 gilaquono iyvdv tsisa wudoyanvhidv wuniyvhvgi, hia nuweselvgi; usdi tsohiyuhi, gadohi vtsadlasidvsi? 32 tsiyuhinoiunatsanv ganolvvsgv usuligotsvgi. 33 hnaquono tsiyuhi unatsai unilutsv gvwadadolisdanelvgi, hia nuniwesvgi; udohiyuhiya nihi unelanvhi uwetsi. 34 hnaquono dunisotsv genisiladi unilutsvgi. 35 nahnano anehi anisgaya gvwolitsv, gvwaduwidv dunadanvsidolvgi, degvwatinohelvgi nigadv tsunitlvgi. 36 gvwatayoselvgino gadaluyadvquo nasquo unuwav unasvnediyi, nigadvno unasvnilvhi dunadiwasvgi.

15:1 hnaquono tsisa gvwalutselvgi dinowelisgi ale aniqualisi tsilusilimi anehi, hia nuniwesvgi; 2 gadono getsasdawadidohi aniyosdisgo eti anehi uninohelvhi? tlayeno yidanosulesgo tsunoyeni tsvdinalisdayvnisoi. 3 aseno unetsv hia niduweselvgi; gadono nasquo nihi eti anehi uninohelvhi itsvdisgo itsiyosdisgo unelanvhi unetsvhi? 4 unelanvhiyeno unetse hia nuwesei; hilvquodesdi tsvdoda ale tsatsi; ale nasquo hia; gilo dasginv disgesdi udoda ale utsi ase uyohuhisdi gesesdi. 5 aseno nihi hia nitsiwesgoi; iyuno gilo hia nigawesehesdi udoda, ale utsi, aqualisgolvtanvhv yeli getsalisdelvdodi gesvi nitsadvnehv, 6 nigalvquodisgvnano igesesdi udoda, ale utsi, [vtla usganvtsvhi yigesesdi,] itsadisgoi. nasgi hia eti anehi uninohelvhi itsvtanv asequo nitsvnelv unelanvhi unetsvhi. 7 itsatlonasdi, yeliquo isaya tsudolehose tsitsidvgei, hia tsinuwesei; 8 hia yvwi nav gvgilutseha aniholi anvdiha, ale dunihanegalv danvdi gvgilvquodiha, aseno uninawi invhiyu nunvnv. 9 asequosgini nanadvneha gvquadadolisdaneha, tsidanadeyohvsga danadeyohvsgv yvwiquo uninetsvhi. 10 widuyahvno unitsati hia niduweselvgi; itsadvgvga ale itsoligi. 11 vtlasgini nasgi na aholi wuyvlvhi gadaha yinuwaneho yvwi, aholisgini nvdayunugotsvhi nasgi gadaha nuwaneho yvwi. 12 hnaquono gvwasdawadidohi unilutsv hia nigvwaselvgi; higatahasgo aniqualisi unihnalvtsvi unadvganv nasgi hia nitsawesvi. 13 aseno unetsvgi hia nuwesvgi; nigav duyegv edoda tsuwisvhi nigesvna diyehisdi gesesdi. 14 unanelagi, dinigewiquo dinigewi dinatinidohi; iyuno digewi yatini digewi itsula atalesv tsunilvisdi. 15 quidano unetsv hia nuweselvgi; disgiyosisasi hia nasgi datlilosdvi. 16 tsisano hia nuweselvgi; asisgo nasquo nihi nitsoligvnaquo igi? 17 tlasgo asi yitsoliga nasgi nigav gohusdi vholi uyvstanvhi gesv osquoliyi wigalugvi, nasgino wigalohisdisgvquo? 18 nasgini vholi nvdayunugotsvhi onawiyi didalehvsgoi, nasgino gadahanuwaneho yvwi. 19 onawiyiyeno didalehvsgo usonv adanvtedi gesvi, ale adahisdiyi gesvi, ale adayo nediyi gesvi, ale udelidv dinisidiyi gvsvi, ale ganosgisdiyi gesvi, ale atsigodiyi danadayilidohvi, ale asotlvisdodiyi gesvi. 20 nasgisgini hia gadaha iyuwanehi yvwi; nidasulehvnasgini alisdayvdiyi vtla gadaha yinuwaneho yvwi. 21 tsisano nahna unigisv tayoi ale sadoniyi wulosvgi. 22 gvniyuquono genani ehi ageyv nahna nav nvdayulosvhi uwelunvgi, hia nuweselvgi; sgidoligi, tsagvwiyuhi dewi uwetsi, aquetsi ageyv utsatanvhi udeyadodiha asgina. 23 aseno nunetselvnaquo vgesvgi. gvwasdawadidohino gvwalutselvgi, gvwatayoselvgi, hia nuniwesvgi; wiena, igisgonihayeno. 24 unetsvno hia nuwesvgi; vtla gilo ditsiwadvdiyi yvginetselv, awi uninodena unalenalvhi unvsv isili sidanelvhi gvsvi. 25 hnaquono ageyv ulutsv udadolisdanelvgi hia nuwesvgi; tsagvwiyuhi, sgisdei. 26 unetsvno hia nuwesvgi; vtla yiduyugodi digisvdiyi diniyoli unatseli gadu, gilino widadinetiyi. 27 ageyvno hia nuwesvgi; vtla yiduyugodi digiediyi diniyoli unatseli gadu, gilino widadinediyi. 28 hnaquono tsisa unetsv hia nuweselvgi; higeyv utsati tsohiyuha; nusdvtsadulisgv winitsalisdasi. nahiyuquono uwetsi udiwasei. 29 tsisano nahna unigisv gelili vdalulodi ulutsvgi, uhnalusvno usahilv nahnauwenvgi. 30 unitsatino yvwi gvwalutselvgi, danatinehv diniyonvli, ale dinigewi, ale tsunvgewi, ale gohusdi usdv diniyelv tsuniyohuselvhi, ale unitsati nvwanadalei, ale tsisa dulasgv nav duninvnvgi, dunvwanvgino. 31 nasgi iyusdi unitsati gesv unisquanigosvgi, dunigohv tsunvgewi aniwonisgoi, ale ahusdi usdv diniyelv tsuniyohuselvhi uninosdv nunalistanvi, ale didiyonvli, gvwanedasdi nulistanvi ale dinigewi gvwanigowadvdi nulistanvi; unilvquotanvgino unelanvhi isili unatseliga. 32 tsisano widuyanvhv gvwasdawadidohi, hia nuwesvgi; gatsiyadoliga hia unitsati gesvi, tsoiyeno nadodaqua ani gedohv anedoha, ale vtla yiniyeha unalisdayvdi. ale itla yaquaduliha dounenvsdiyi digvwaniyosisgi, wanayeno yidaniwanigalogi wanaisvi. 33 gvwasdawadidohino hia nvgvwaweselvgi; hatlvno yotsigi nasgi igai alisdayvdi inagei, nasgi iyunitsati yeli tsunolvhisdi? 34 tsisano hia niduweselvgi; ilago gadu detsiyeha? galiquogi, ilvsgino tsunasdi atsadi, unadvnvgi. 35 unitsatino dunetselvgi gadohi unanvdiyi. 36 galiquogino gadu dugisvgi ale dunesv atsadi, ulihelitsvno, dugvhaluyvgi, ale gvwasdawadidohi widunelvgi, gvwasdawadidohino unitsati widuninelvgi. 37 ale nigadv unalisdayvnvgi, ale dunolvsvgi. ale unutesvgi uligvhaluyvhi galiquogi iyakalii talutsa. 38 unalisdayvhino nvgiha iyagayvli nanivgi anisgaya, nidanetlvdvna anigeyv ale diniyoli. 39 ale unitsati suyelihistanvgi, ale tsiyuhi wutsanvgi, ale magideli wunanugotsvgi.

16:1 aniqualisino ale anisadusi unilutsvgi, gvwagoliyesgvno gvwatayoselvgi tsunanugowisediyi uyelvdv galvladi nvdayulosvhi. 2 unetsvno hia niduweselvgi; usvnigalisda hia nitsiwesgoi; ulvgaliyisadv gesesdi, galvloyeno gigageiyu igi. 3 sunaleno tsigesoi, gohi iga tsigi dvgahnani, galvloyeno gigageiyu igi, ale 4 uniyo ale uninegutsidv tsaneha uniyoho uyelvdvi, aseno vtla yvgagegalisgolvdasi uyelvdvi, tsona adolehosgi utselinvyelvdv uwasv. dudanvelvno unigisvgi. 5 gvwasdawadohino dunisotsv unvgewisvhi gesvgi unadenodiyi. 6 tsisano hia niduweselvgi; itseyatahesdi agododi aniqualisi ale anisadusi unatseliga. 7 uninohelvgino gesv unvsv, hia nuniwesvgi; nigadenvna tsigi nvdigalisdodiha. 8 tsisano nasgi udolehosv hia niduweselvgi; usdi itsohiyuhi, gadono itsvsv gesv itsinoheha alisdayvdi nitsiyehvna gesvi? 9 tlasgo asi yitsoliga, ale tlasgo yitsanvta hisgi gadu hisgi iyagayvli tsinanivgi, ale iyakalii talutsa itsutesvi? 10 ale galiquogi gadu nvgino iyagayvli tsinanivgi, ale iyakalii talatsa itsutesvi? 11 gado digalisdodi nitsoligvna tsigi, nasgi hia tsinitsvwesi tlasgini gadu yitsidvga, itseyatahesdi agododi aniqualisi ale anisadusi unatseliga, tsitsvyosi? 12 hnaquono unolitsvgi nuninetsehvna gesv uneyadoisdiyi gadu agododi, danadeyohvsgvsgini aniqualisi ale anisadusi. 13 tsisano ulutsv sisaliyi queligiyi, dudvdvnvgi gvwasdawadidohi, hia niduweselvgi; ayv yvwi uwetsi tsigi gago gvquoseho yvwi? 14 hiano nuniwesvgi; igadv tsagadv tsani didawosgi [getsosehoi,] igadvno ilaya, anisoino tselimaya ale gilo iyusdi anadolehosgi gesvi. 15 hiano niduweselvgi; nihinano gago sgiyoseha? 16 sawanino quida unetsv hia nuwesvgi; galonedv nihi, gvnidv unelanvhi uwetsi. 17 tsisano unetsv hia nuweselvgi; osiyu itsalisdanedi nihi sawani tsona uwetsi; vtlayeno uquedali ale gigv nasgi yitsananugowiselv, edodasgini galvladi ehi. 18 ayvno hia nigvweseha; quida nihi ale nasgi ani hia nvyohi daganesgehi aquatseli tsunanelodi unadatlugvi, ale tsvsginoi dasduhvi esde iyunvnedi nigesvna gesesdi. 19 ale disduisdi galvladi ehi ugvwiyuhi gesv tsutseli dodagvdeli, nigavno gohusdi halvihesdi elohi, galvsdi gesesdi galvladi, nigavno gohusdi halvgisgesdi elohi galvgisdi gesesdi galvladi. 20 hnaquono dunvsdadelvgi gvwasdawadidohi gilo uninonediyi nasgi uwasv galonedv gesvi. 21 hnaquono tsisa ulenvhvgi dunonelvgi gvwasdawadidohi ase uwenvsdiyi gesv tsilusilimi, ale tsudalenvdv tsugiliyotsediyi dinilawigi ale nunigvwiyusv atsilvanelohi ale dinowelisgi; ale atsiisdiyi, ale tsoine iga tsulediyi. 22 hnaquono quida iyvdv wutinvtanv udelenvhvgi udanvsdadelvgi, hia nuwesvgi, unelanvhi wunvsdohi, tsagvwiyuhi, vtla nasgi yinvgetsalisdasi. 23 ugatahvsvno hia natsiweselv quida; aquasohadv halehvga, sedani, disquodesdisgiquo nihi, vtlayeno yadanvdeha unelanvhi utseliga, yvwiquosgini unetseli hadanvdeha. 24 hnaquono tsisa hia niduweselvgi gvwasdawadidohi; iyuno gilo udulisgesdi agisduwadvsdiyi, adadayihesdi uwasv, ale tsudahnawadv ayisgesdi, ale agisdawadegesdi. 25 giloyeno udulisgesdi usdelvdiyi gvnvi, uyohusedi gesesdi; gilono uyohusehesdi gvnvi, ayv nvdigalisdodisgesdi, uwadvdi gesesdi. 26 gado yvwi yunequotsi iyuno elanigv utseli yinulistanv, udanvdono yuyohuslv; ale gado yahvga yvwi yiganetliyvsda udanvdo. 27 yvwiyeno uwetsi dagalutsi udoda utseli galvquodiyu gesv unuwosdesdi, ale dinikahnawadidohi datinehesdi; hnaquono dodvguyveli naniv yvwi nusdv dunilvwisdanelvi. 28 udohiyuhiya hia nitsvweseha, gilo ani danidoga vtla yvdvnadolehosi ayohuhisdi gesvi, gvni anigohvha yvwi uwetsi nahna ugvwiyuhi gesv gananugotsilvha.

17:1 sudalino winusvlv tsisa dutinvsvgi quida, ale tsimi ale tsani tsimi dinadanvtli, ale duhnalutanvgi inv igati yidalv unvsv gesvi, 2 ale udanetliyvse danikanvi, ale ukadv digvwalvsada nulistanei, ale unuwav igagadv tsinunegiyv nunegiyei. 3 ale gvniyuquo nahna gvnigesv nigvwanadvnele mosi ale ilaya gvwalinohedisgei. 4 quidano unetsv hia nuwesele tsisa; tsagvwiyuhi, osiyu ani tsidedoha, iyuno osiyu yitsayelvnv, ani tsoi yidotsilitsodvga, saquo nihi tsatseliga, soino mosi utseliga, soino ilaya utseliga. 5 asiquono gawonisgei, gvniyuquo usgosdv utsagila 6 gvwasdawadidohino unadvganv duninvtse duniyasdusei, utsati unisdelei. 7 tsisano ulutse dusvnilei, hia nuwesei; ditsalehvga, ale tlesdi yitsisgaihesdi. 8 dunakananvno vtla gilo yunigohe tsisa uwasv. 9 tsunigasoasidisvno odalvi tsisa dunvsdadelei, hia nuwesei; tlesdi gilo etsinonelvha nasgi tsitsigowadv gvni yvwi uwetsi uyohusv dulenesdi. 10 gvwasdawadidohino gvwadvdvnei, hia nuniwesei; gadono dinowelisgi, ilaya igvyi dagalutsi, tsanadisgoi? 11 tsisano unetsv hia niduweselei; udohiyuhi ilaya igvyi uluhisdi ale uwotlvhisodi nigav gohusdi. 12 aseno hia nitsvweseha; ilaya gayula ulutsv, ale vtla yigvwolitsoi, aseno nigav unadulisgvi nigvwanelv. nasquosgini yvwi uwetsi nasgiya nvdagvwaneli. 13 hnaquono gvwasdawadidohi unolitse tsani didawosgi kaneisdisgvi. 14 hnaquono u nitsati anedohv unilutsv, ulutselvgi asgaya duliniquanvnelvgi hia nuwesvgi; 15 tsagvwiyuhi, hiyadoligi atsutsa aquetsi, gvliyeno gvwahiha, ale utsati agiliyoga, yanogiyuyeno atsilvyi gvdvgoi ale amayi agvgoi. 16 gatsiyatinohelvgino getsasdawadidohi, aseno uninulvnvgi uninvwodiyi. 17 tsisano unetsv hia nuwesvgi; nitsohiyusvna ale itsagatahvdv gohi tsitseha, ilago nigohilesdi itsvyeladidohesdi? ilago nigohilesdi unanelagi itsvyelisehesdi? sgiyatinohisi 18 tsisano asgina usgatsvgi; asginano unugotsvgi atsutsa, ale nahiyuquo udiwasvgi. 19 hnaquono gvwasdawadidohi tsisa gvwalutselvgi unvsv gesvi, hia nuniwesvgi; gadono tsoginulvnvgi otsinugowisdiyi? 20 tsisano hia niduweselvgi; nvdigalisdodiha nitsohiyusvna gesvi. udohiyuhiyayeno hia nitsvweseha; iyuno yitsohiyuha nasquo atsilvquo ugata igidv, hia yinitsiwesi hia tsodalv, hadanvna itlv wilohi, aha udanvsdi; vtla ale gohusdi yigetsinulvhvsga. 21 hiasgininonv iyusdi vtla unugoisdi yigi, gvni yvdadolisdiha ale amatli yagvsga. 22 asino gelili anedohvi tsisa hia niduweselvgi; yvwi uwetsi yvwi dodagetsiyohiseli, 23 ale nasgi dagvwali, ale tsoine iga dodvaleni. utsatanvhino uyo uniyelvnvgi. 24 gequanino unilutsv ayeli adelv anigisidohi gvwalutsele quida, hia nuniwesei; tlasgo ditseyohvsgi ayeli yadayisgoi? 25 vv, udvnei. adanelvno ulutsv tsisa uyosdodanelvgi, hia nuwesvgi; gado heliha, sawani; gago ayeli gvwanadayveho unigvwiyuhi elohi anehi; tsunetsisgo, nvwanadalege? 26 nvwanadalei, udadoselvgi quida. tsisano hia nuweselvgi; tsunetsisginigeno unanelagiquo. 27 aseno dinihnalvdosdiyi nigesvna, vdali hena, asudino witsadaesvha, igvyiyino hiyvgidv atsadi hinesvha, ale hisduisv aholi ayeliadelv tiwadvhi; nasgi higisvha ale dehinelvha ayv ginaguyvdi.

18:1 nahiyu tsisa gvwalutselv gvwasdadawadidohi, hia nigvwaweselvgi; gago utliatsilvquodiyu nahna galvladi ehi ugvwiyuhi gesvi. 2 tsisano ayoli wuyanvhv ayeli aninv uwekanvgi, ale hia nuwesvgi; 3 udohiyuhiya hia nitsvweseha; iyuno nitsadanetliyvsvna igesesdi, ale diniyoli tsinunasdi nitsalistanvna igesesdi, vtla galvladi ehi ugvwiyuhi gesv yvgetsiyvha. 4 nasgi yusdi gilo udadolisdi gesesdinasgiya hia ayoli, nasgi utli atsilvquodiyu gesesdi nahna galvladi ehi ugvwiyuhi gesvi. 5 ale gilo dadanilvgesdi saquo nasgi hia iyusdi ayoli daquadov nvdigalisdodisgesdi, ayv daquadanilvgesdi. 6 gilosgini degodesdisgesdi saquo hia tsunasdiga gesv nasgi gvquohiyuhvsgi, utli osiyu asdosgi nvya yatsiyatlanv, ale asdvgv amequohi yatsigvyv. 7 uniiyu iyulisdanedi gesesdi elohi nvdigalisdodiha dinadadodesdisgi, aseyeno dinadadodesdisgi uninanugoisdi; aseno uyoiyu iyulisdanedi nasgi na asgaya didadodesdisgi unanugowisvhi. 8 nasgi iyusdi iyuno tsoyeni ale tsalasideni detsodesdisgesdi, hisqualisgesdi ale witsadegesdi; utli osiyu itsalisdanedi tsoyeni ale tsalasideni tsayohuhelvhi yigi gvnidv digesv wiyitsayvlv, ano itsula yitiyesada ale itsula ditsalasideni wiyetsadanv nigvtlosgvna gesv atsilvyi. 9 iyu ale higadoli detsodesdisgesdi, hadagatedoisgesdi ale witsadegesdi; utli osiyu itsalisdanedi saquo yikahna gvnidv digesv wiyitsayvlv, ano itsula yitikahna tsvsginoi atsilvyi wiyetsadainv. 10 itseyatahesdi tsigayetsisotlvtani saquo hia tsunasdiga; hiayeno nitsvweseha; galvladi tsosv tsunatseliga dinikahnawadidohi nigohilv anigowatisgo ukadv edoda galvladi ehi. 11 yvwiyeno uwetsi ulutsv usdelvwulv ulenalvhi. 12 gado itseliha; iyuno gilo asgaya asgohitsuqui awi yidunatlaa, saquono yuleyoelv, tlasgo soonelasgohi soonelagali iyanidv yidigvdegoi, ale yidikanalusidoho gadusi yuyoho uleyoelvhi? 13 iyuno awadv, udohiyuhiya itsvyoseha, utli nigao aliheligo nasgi gesv iyusdi, svsgaquo soonelasgohi soonelagali iyanidv nunaleyovna. 14 nasgiya nasquo vtla yuduli itsidoda galvladi ehi, saquo hia tsunasdiga gesv tsuniyohuhisdiyi. 15 iyuno disdadanvtli itsasganvsehesdi, hegesdi hinonehesdi usganvtsv isdvsvquo gesvi; iyuno itsadvdasdanehesdi, hiwadvhesdi disdadanvtli. 16 iyusginino nitsadvdasdanehvnaquo igesesdi, asiyvwi ale anitali dehatinegesdi, nasgino aninohesgv anitali ale anitsoi anigatahi nigadv tsanetsv asdayosgesdi. 17 iyuno nasgi nidadvdasdanehvnaquo igesesdi tsunanelodi unadatlugv hinohvsgesdi; iyusginino tsunanelodi unadatlugv nidadvdasdanehvna igesesdi, nvwadalequo yvwi ale ayeliquoadelv agisidohi nasgiya hiyadanvtesgesdi. 18 udohiyuhiya hia nitsvweseha; nigav gohusdi itsalvihesdi elohi, galvsdi gesesdi galvladi; nigavno gohusdi itsalvgisgesdi elohi galvgisdi gesesdi galvladi. 19 alewo hia nitsvweseha; iyuno anitali nihi tsitsedoha analigohvsgesdi ani elohi nigavquo gohusdi anitayohihesdi, nasgi iyunadvnedi gesesdi edoda galvladi ehi. 20 ilvhitlvyeno anitali ale anitsoi tsidanilawio ayv daquadov tsinvdigalisdodisgoi, nahna ayeli aquadasuyoi. 21 hnaquono quida ulutselv hia nuwesvgi; tsagvwiyuhi, ilago nagisganvtsegesdi tsosdadanvtli, asiquo itsiyadoligesdi? galiquogisgo? 22 tsisa hia nuweselvgi; vtla galiquogiquo yigvyoseha, galiquagohisgini galvquogi iyulosvhi. 23 nasgi iyusdi galvladi ehi ugvwiyuhi gesv nasgiyaquo gilo ugvwiyuhi tsudanvtele osdv iyunvnediyi dudugv tsunvsidasdi. 24 hnaquono unalenvhv osdv nunvnelv, saquo agatinohele asgohi iyuquadinvdv adelv udugi. 25 aseno gohusdi udayvdodi nuhvna gesv iyusdi, unatlai unetse atsinadinvdiyi ale udalii ale tsuwetsi ale nigav gohusdi uhvi, adayvdiyino. 26 nasgi iyusdi atsinvsidasdi eladi udanvnei, ale udadolisdanelei, hia nuwesei; sginatlai, sgidoligi sgigatida, nigadvno dagvyaguyveli. 27 nasgino atsinvsidasdi unatlai uwedolitsei, ale uwekanei, ale udugv unelagi uweliselei. 28 aseno nasgi na atsinvsidasdi unugotsv, uwadvhe asiyvwi itsulaha getsinvsidasdi nasgi unetsvhi uguyvediyi asgohitsuqui agisi tsunagvwalodi; uniyvheno, ale uyvsgiyvhei; squaguyvsi tsigvduga, udvnei. 29 itsulahano getsinvsidasdi dulasgv eladi udanvne udadolisdanelei, hia nuwesei; sgidoligi sgigatida, nigadvno dagvyaguyveli. 30 aseno vtla yuwohiyunei, didasdudiyiquo wulosei, ale nahna wuyvtane uguyvdiyi atsidugv igohidv. 31 naquono nasgi itsulaha getsinvsidasdi unadolehosv nulistanvi utsati uyo uniyelvnei, ale unilutse uninonele tsuninatlai nigadv nulistanidolvi. 32 hnaquono unatlai wuyanvhv hia nuweselei; tsanegutsidv gvnvsidasdi, unelagi gvyeliselvgi nigadv nihi tsigvdugvgi, sgitayoselv iyusdi. 33 tlasgo nasquo nihi gahiyadolisdi yigese itsulaha esdinvsidasdi, nasgiya gvyadolitsvi? 34 utalawuseno unatlai, ale widuyohisele dinadasduhvsgi uguyvhohvsdiyi nigadv atsidugv igohidv. 35 nasgiya nasquo nvdatsvyvneli edoda galvladi ehi, iyuno ditsadanvdv iyvdv itsisiyvwiha gesv niditsidoligvna igesesdi itsadanvtli unisganvtsvi.

19:1 hiano nulistanvgi, tsisa usquadv nasgi hia nigawesgvi, gelili udanvsvgi, tsudiyi asdv wulutsvgi tsodani asgoniditlv. 2 unitsatino gvwasdawadvsvgi, ale nahna dunvwanvgi. 3 aniqualisi nasquo gvwalutselv gvwagoliyesgvgi, hia nigvwawesehvgi; duyugodisgo asgaya udainvdiyi udalii nigavquo gohusdi yvdiliyeilvsdiha? 4 unetsvno hia niduweselvgi; tlasgo yitsigoliyeo, nasgi didalenisgv tsuwetlvnvhi asgaya ale ageyv duwotlvnvi? 5 ale hia nuwesvi; nasgi iyusdi asgaya degvdegesdi udoda ale utsi, ale adlawisdisgesdi udalii, ale nasgi anitali saquoquo uniquedalvi? 6 nasgi iyusdi vtla hnaquo anitali yigi; saquoquosgini uniquedalvi. nasgi iyusdi unelanvhi tsuwudatanvhi gesv tlesdi yvwi yidugalenvtanesdi. 7 hiano nvgvwaweselvgi; gadono yisi tsunetse goweli ganvnediyi digalenvdodi, ale agehidasdiyi? 8 hiano niduweselvgi; disdayiyu gesv iyusdi ditsinawi mosi unanelagi danigedohihesdi tsunadalii, itseliselvgi; didalenisgvsgini vtla nasgi yinusdei. 9 aseno hia nitsvweseha; gilo udalii iagehidohesdi tsunisinvhisgininonv igesesdi, nvwadaleno iadayegesdi, adayonehesdi. gilono atsigehidolvhi adayegesdi adayonehesdi. 10 gvwasdawadidohi hia nigvwaweselvgi; iyuno nasgi yinusdi asgaya udalii danatsehvi, vtla osiyu yigi adesvhvsdiyi. 11 hiano niduweselvgi, vtla naniv hia tsinitsi wi yidogvnadanilvgi, gegalisgolvdanelvhi unvsv. 12 anehayeno aninali nvwanasdo tsunitsi gvwaninanugowisv, ale aneha aninali yvwi gvwaninalidvhi, ale aneha aninali unvsv unadanalidvhi galvladi ehi ugvwiyuhi gesv diliyeilvsdisgvi. gilo digvwadanilvisdi gesesdi nasgi dadanilvgesdi. 13 hnaquono dagatinohelvgi tsunasdi diniyoli nasgi tsusitadisdiyi ale udadolisdodiyi; gvwasdawadidohino duninvsdadelvgi. 14 tsisano hia nuwesvgi; unanelagi ditselisi tsunasdi diniyoli, ale tlesdi ditsinvsdadelvgi gvgilutsediyi; nasgiyeno nunasdi galvladi ehi ugvwiyuhi gesv. 15 dusitadvno nahna udanvsvgi. 16 gvniyuquono asiyvwi ulutselvgi hia nuweselvgi; hosdv tadeyohvsgi, gado usdi osdv ahusdi dagadvneli agiwadvdodi winasdvna gvnidv? 17 hiano nuweselvgi; gadono hosdv isquoseha? vtla gilo osdv yigi saquo uwasvhiyu, nasgi unelanvhi. aseno tsadulisgesdi gvnidv digesv witsananugoisdiyi tisquanigoda dikahnawadvsdi. 18 hia nuweselvgi; gado usdi? tsisa hia nuweegi; hia, tlesdi tsadalvgi; tlesdi tsadayonelvgi; tlesdi tsanosgisvgi; danadayilidohv tlesdi gayegogi tsanohelvgi; 19 hilvquodesdi tsadoda ale tsatsi; ale nasquo hi; tsvsv nitsadageyusv nigeyusesdi nav idisdadala. 20 awinv hia nuweselvgi; hia nasgi nigadv dagikahnawadenv tsitsutsa gesv nvdagvwadalenvdv, gado asi agilula? 21 tsisa hia nuweselvgi; iyuno tsasquadisdiyi tsadulisgesdi, hena, winaduga tsahnavi, ale tihvsi uyo iyunadvhnadegi, galvladino witsahesdi tsugvwalodi; ale tesv sgisdawadesvha. 22 aseno awinv nasgi udvganv udanvsvgi uyoiyu uyelvnvgi, utsatiyeno uwehnaiyu gesvgi. 23 hnaquono tsisa hia niduweselv gvwasdawadidohi; udohiyuhiya hia nitsvweseha; uwehnai yvwi asdayiyu wuyvsdiyi galvladi ehi ugvwiyuhi gesvi. 24 alewo hia nitsvweseha; utli ahidiyu gemili ugadvlehisdiyi yvgi gasinenadvdiyi esgaquo uwehnai yvwi wuyvsdiyi unelanvhi ugvwiyuhi gesvi. 25 gvwasdawadidohino unadvganv utsatanvhi unisquanigosvgi, hia nuniwesvgi gagono yeli yatsisdelv? 26 tsisano nasgi dukahnanv hia niduweselvgi; yvwi gesv vtla nasgi yinvgalisda, unelanvhisgini gesv nigav gohusdi iyulisdodiquo. 27 hnaquono quida unetsv hia nuweselvgi; gvniyuquo ayv nigadiyu dogiyosonv ale itsvsdawadenv; gadono ayv dayotsiwadvhi? 28 tsisano hia niduweselvgi; udohiyuhiya hia nitsvweseha; adanetliyvsvi, yvwi uwetsi ganvha galvquodiyu uwesgilvi, nihi sgisdawadvdv nasquo itsinesdi taladu degasgilvi, detsugodanehesdi taladu nanilasdalv isili. 29 ale naniv gilo tsunvdetsvhi daninelvi, ale analinvtli ale tsunido, ale tsunidododa, ale tsunitsi, ale tsunadalii, ale tsunetsi, ale gadohi, daquadov nvdigalisdodisgesdi, uniwadvdi gesesdi asgohitsuqui unequotsvhi, ale unatseli iyulisdodi gesesdi gvnidv winasdvna. 30 aseno unitsata igvyi oniyi gesesdi; oniyino tsigi igvyi igesesdi.

20:1 galvladiyeno utseligohi nasgiyaquo asgaya ganela, sunaleiyu tsuwenvse tsidunvsvse gohusdi anadvnehi telvladi duwisv tsunilvwisdanediyi. 2 hnaquono nasgi asgaya gohusdi anadvnehi dunugotanv agisi tsugvwalodi tsudayvediyi siga, telvladi dotsuwisv dunvsei. 3 uwenvseno sooneline iyutlilodv kalawadisvi, ale dugahe nvwanadale ganododiyi anidonae gohusdi nanadvhvna, 4 ale hia niduweselei; itsena nasquo nihi telvladi dodiladi dodiwisvi, duyugodvno gesv datsvyadayveli. unenvseno. 5 taline iga invwenvse ale nasquo tsoine iyutlilodv kalawadisv usvhiyv yi, nasgiya niudvnelei. 6 hisgineno iyutlilodv kalawadisv taline iuwenvsei, ale duwadvhe nvwanadale anidonae gohusdi nanadvnehvna, hiano niduweselei; gadono ani itsidonaa udodaquadv gohusdi nitsadvnehvna? 7 tlayena gilo yoginvsv, unadvnei. hiano niduweselei; nihi nasquo itsena telvladi dodiwisvi; duyugodvno gesv datsvyaguyveli. 8 usvno nulistanv, telvladi dawisv utseliga hia nuwesele adelv ugatidehi, witiyanv gohusdi anadvnahi ale taguyvsi dunilvwisdanelvi, oniyi getsinvsvhi talenvda igvyiyino getsinvsvhi tisqualvda 9 hisgineno iyutlilodv kalawadisv getsinvsvhi unilutsv, anisiyvwiha agisi tsugvwalodi gegaguyvelei. 10 igvyiyino getsinvsvhi unilutsv utli igai dayogaguyveli unelisei. aseno nasquo agisiquo tsugvwalodi anisiyvwiha igegaguyvelei. 11 gegadayvelvno, unigonelohiselequo asgaya ganela, 12 hia nuniwesei; hia oniyi unilutsvhi saquoquo iyutlilodv dunilvwisdasi, itsulahaquono nvsgiyvga ayv nasgi gagesv ale udilegv iga tsogilvwisdanelvhi. 13 aseno asiyvwi unetsele hia nuweselei; ginalii, vtla utsatini yinigvyvneha. tlasgo osi yitsayelvne agisi tsugvwalodi gvyaguyvediyi? 14 higi tsatseliga ale tsihena. osi agiyelv tsiyaguyvediyi hia oniyi ulutsvhi nihi gvyaguyvelv igai. 15 tlasgo duyugodv yigi nusdv gadanvtesge iyaquvnediyi aquatseli gesvi? tsisa higadoli uyoiyu igi nvdigalisdodi ayv aquadanvtiyu gesvi? 16 howano oniyi tsigi gvyi gesesdi, igvyino tsigi oniyi gesesdi. unitsalayeno getsiyanvhv, aseno anigayoliyu gegasuyvsv. 17 tsisano tsilusilimi wagadvi, taladu iyanidv anadasdawadidohi unanelagi iyvdv widutinvstanvgi, ale hia niduweselvgi; 18 gvniyuquo tsilusilimi widigati, ale yvwi uwetsi dodayetsiyosi dodagetsoyohiseli nunigvwiyusv atsilvanelohi ale dinowelisgi, nasgino dodvnugolani uyohuhisdiyi, 19 ale gunasilenvdv yvwi dodvniyohiseli uniwetlvnanediyi, ale unilivnisdiyi, ale unadvdiyi tsudahnawadv gedvi; ale tsoine iga dodvaleni. 20 hnaquono ulutselvgi tsequiti tsuwetsi unitsi, datinehvgi tsuwetsi aniwinv, eladi udanvnvgi, ale ahusdi ulayosehvgi. 21 hiano nuweselvgi; gado tsaduliha? hia nvdayuweselvgi; halisgolvda hia anitali diquetsi tsunidiyi tsatseligohi gesvi, saquo higatisi iditlv, soino higasgani. 22 tsisano unetsv hia nuwesvgi; tlayitsi gataha nusdv itsilayohihvi. tsigoyeliquo getsaditasdi ulisquidi atlisdv ayv tsvdagaditahi, alesgo yeliquo yidetsawosda ayv nasgi tsvdayvquawostani? yeliquo, unadvnvgi. 23 hiano niduweselvgi; udohiyuhi aquatseli ulisquidi atlisdv datsaditahi, ale ayv vquawosdodi gesv dodayetsawostani. tsigatisisgini ale tsigasgani gilo uwediyi vtla ayv aquadanedi yigi, getsinedisgininonv gesesdi nasgi edoda tsudanelanelvhi. 24 asgohino iyanidv unadvganv utsati unitalawosvgi duniniquatilv anitali dinadanvtli. 25 tsisano widuyanvhv hia nuwesvgi; itsigataha ayeli degotlvwadisv nunigvwiyusadegi aninego iyunadvnelidasdiyi yvwi, ale getsilvquodi aninetsidohv nanadvnehoi. 26 nihisgini tlesdi nasgi yinitsvnesdi; gilosgini atsilvquodi iyulisdodiyi udulisgesdi nasgi etsinvsidasdi gesesdi. 27 ale gilo ugvwiyuhi iyulisdodiyi udulisgesdi nasgi etsinatlai gesesdi. 28 nasgiyaquo yvwi uwetsi udanvsidasdiyi nuyolilvna tsigi, atsinvsidasdiyiquosgini, ale gvnvi ulisgolvdodiyi unitsati didayvdodi. 29 tseligono unanigisv unitsati yvwi gvwasdawadvsvgi. 30 gvniyuquono anitali dinigewi unohulodi dunolvgi, unadvganvno tsisa ulosvi unelunvgi, hia nuniwesvgi; sginidoligi, tsagvwiyuhi dewi uwetsi. 31 unitsatino duninetselvgi elaweyi unvdiyi. aseno utliquo igai unelunvgi, hia nuniwesvgi, sginidoligi, tsagvwiyuhi dewi uwetsi. 32 tsisano ulewistanv widuyanvhvgi, ale hia niduweselvgi; gado isdaduli ayv isdvyadvnediyi? 33 hia nuniwesvgi: tsagvwiyuhi, tsosdigadoli tsulisduisdiyi oginaduliha. 34 tsisano duwedolitsv dinigadoli dusvnelvgi, gilaquono iyvdv gvwanigowadvdi nulistanvgi; ale gvwasdawadvsvgi.

21:1 hnaquono tsilusilimi nav unilutsv, svgadohi, oliwa usahilvi iyvdv, tsisa anitali gvwasdawadidohi dunvsvgi, 2 hia niduweselvgi; isdena itlv na tsvdigaduha, gilaquono iyvdv dayesdiwadvhi soquilidigalianvhidv gelisadesdi, ale agina atinehesdi, desdelisadesvha, ale desginatinohelvha. 3 iyuno gilo gohusdi isdoselvha, hia nesdiweselvha; ugvwiyuhi duduliha; gilaquono iyvdv dodayuyosi. 4 nasgi hia nigadv nulistanvgi, udohiyudiyi ayelvsvi adolehosgi tsunetsei, hia tsinuwesei; 5 hia netsiwesi sayani uwetsi ageyv; gvniyuquo ugvwiyuhi tsatseli dayai, datsalutseli udadolisdiyu, ale ugilvdesdi soquilidigalianvhidv gohusdi advnehi uwetsi agina. 6 gvwasdawadidohino unenvsvgi, tsisa nuniweselv nasgiya winunadvnelvgi; 7 soquilidigalianvhidv ale agina dunatinolvgi; dinisohiyino tsunanuwo dunitlvnvgi, ale nahna unagilvtanvgi. 8 utlino iyanii yvwi tsunanuwo duniyesdvnvgi nvnohi, igadvno dunvnigalvhvgi tsuweyota detlugvi, ale nvnohi duniyotanvnvgi. 9 unitsatino igvyi anegi, ale oni anegi unelugvgi, hia naniwesgvgi; hosana dewi uwetsi! atsilvquodiyu gesesdi yihowa deudov tsigaluhisdiha! hosana wasdv galvladiyu! 10 tsilusilimino ulutsv nigv gaduhv unalitelvnvgi, hia naniwesgvgi; gago hia? 11 unitsatino hia nuniwesvgi; hia tsisa adolehosgi, naselidi ehi gelili gaduhvi. 12 tsisano wuyvlvgi udvnadigalawiisdiyi unelanvhi utseliga, ale dunugowisvgi nigadv aninadegi ale uniwasgi nahna digalawiisdiyi, ale duluquadinvsvgi dunisgilv adelv dininetliyvsgi, ale gule dinisgonihi dininadegi unanvdiyi. 13 hiano niduweselvgi; hia nigvnvgowela; aquatseli galitsode adadolisdodiyi galitsode dudoesdi; aseno hia aninosgisgi uniyvsdiyi nitsvnelv. 14 dinigewino ale diniyouli gvwalutselvgi digalawiisdiyi, ale dunvwanvgi. 15 hnaquono nunigvwiyusv atsilvanelohi ale dinowelisgi unadolehosv usquanigodiyu dulvwisdanehvi, ale diniyoli unelugv udvnadigalawiisdiyi hia naniwesgvi, hosana dewi uwetsi! utsati unisonvtselvgi; 16 ale hia nigvwaweselvgi; hadvgisgo hia tsinaniweha? tsisano hia niduweselvgi; vv, tlasgo hilvhiyu hia yitsigoliyeoi; tsunasdi diniyoli ale dinisdai aniholi unugotsvhi tsawadvdotanv etsalvquododiyi? 17 dudanvelvgino, ale gaduhv unugotsvgi, quediniyi wulutsvgi, ale nahna usvlvgi. 18 sunaleno digaduhv wvagadvi agonu uyosisanvgi. 19 ugohvno svgataiyusdi tlugv nvnohulodi, nahna wulutsvgi; aseno vtla gohusdi yuwadvhei, ulasdusv uwasv; hiano nuweselvgi; tlesdi ilvhiyu gohi iyudalenvdv yitsadatanesdi. gilaquono iyvdv svgataiyusdi tlugv uwayvsvgi. 20 gvwasdawadidohino unigohv unisquanigosvgi, hia nuniwesvgi; natlegvquo gvyvhi svgataiyusdi tlugvi! 21 tsisa unetsv hia niduweselvgi; udohiyuhiya hia nitsvweseha; iyuno yitsohiyuha, ale nitsadlasidvehvna yigi, vtla hiaquo svgataiyusdi tlugv tsinagvga yinvgetsadvga, nasquosgini hia yinitsiweselv hia tsodalv, hadanvna, ale amequohi wetsaduga, ase nasgi iyulisdodi. 22 nigavno gohusdi itsitayohihesdi, itsadadolisdisgvi, itsohiyuhvsgesdi, itsiwatisgesdi. 23 udvnano digalawiisdiyi ulutsv, nunigvwiyusv atsilvanelohi ale tsunadvsonvhi yvwi anehv gvwalutselvgi dadeyohvsgvi, hia nuniwesvgi; gado tsalisgasdodi hia nasgi tsidetsalvwisdaneha? ale gago tsanetselvhi? 24 tsisano unetsv hia niduweselvgi; ayv nasgi sudalegi datsvyadvdvni, iyuno nasgi isginonelv nasgi ayv datsvnoneli iyusdi aqualisgasdodvi, hia nasgi tsidagilvwisdaneha. 25 tsani tsidadawosgvgi hatlv tsudalenei? galvladisgo, yvwiquoge anehv tsudalenei? elaweyino unadanvtelvgi, hia naniwesgvgi; iyuno galvladi, yogadvnv, gadono tla yietsoiyunei? yogosi. 26 iyuno yvwiquo anehv tsudalenei yogadvnv, dotsisgaihaquo yvwi; nigadvyeno adolehosgi uniyelvha tsani. 27 uninetsvno hia nvgvwaweselv tsisa; vtla yotsigataha. hiano 28 aseno gado itseliha? gilo asgaya anitali tsuwetsi anisgaya anehei; asiyvwino igvyi wulutselv, hia nuweselei; aquetsi, hena gohi widitsalvwisdasi telvladi dagiwisvi. 29 tsunetsvno, vtla, udvnei; aseno oni unetliyvse udanvdvi, ale uwenvsei. 30 soino wulutselv nasgiya nuweselei. tsunetsvno, dagesi, udvnei; aseno nuwenvsvnaquo igesei. 31 gago hia anitali udoda unetsv nudvnelei? igvyi wulutselvhi, vgvweselvgi. tsisano hia niduweselvgi; udohiyuhiya hia nitsvweseha, adelv anigisidohi ale tsunatsesati anigeyv unelanvhi ugvwiyuhi gesv waniyvhiha degetsigoniha. 32 tsaniyeno duyugodv dulvwisdanehv itsilutselvgi, ale vtla yetsoiyunei, adelvsgini anigisidohi ale anigeyv tsunatsesati tsigvwehiyunvgi; nihino itsadolehosv vtla oni yiditsinetliyvse detsadanvdv etsoiyudiyi. 33 nvwadale datlilosdv itsadvgvga; ehe gilo asgaya ganela, nasgi telvladi duwisei, ale usoyole gvwaduwidv, ale usgose gigageaditasdi gotlvdiyi, ale unesgehe inv igati, ale dudolastane tlogesi tsunilvwisdanehi, invno wulosei. 34 hnaquono navniyu gese unvnisdiyi dunvse tsunvidasdi tlogesi tsunilvwisdanehi dinehvi, duninesvse unadadvnvhi. 35 tlogesino tsunilvwisdanehi duniniyvhe tsunvsidasdi, asiyvwi unilvnilei, soino unilei, soino nvya dunvnistanei. 36 talineno dunvse nvwanadale tsunvsidasdi utli iyanii; nasgiyaquono nidunvnelei. 37 oniyino uwetsi unvsei, hia nuwesei; ase dvnilvquotani aquetsi. 38 aseno tlogesi tsunilvwisdanehi unigohv uwetsi hia nidunadaweselei; nasgi hia utseli iyulisdodi; ka ediluga, ale ediwonv utseli yulisdodi tsigi. 39 uniniyvheno, ale uninugowise telvladi dawisvi, ale unilei. 40 hnaquono nasgi telvladi dawisv utseliga galutsvha, gado dodagvneli natlogesi tsunilvwisdanehi? 41 hiano nvgvwaweselvgi; uyoiyu nidodagvneli dodvli nasgi na uniyoi, ale nvwanadale tlogesi tsunilvwisdanehi dodvdolastani, nasgi yeli gvwanaguyvdi nanvnasisvi. 42 tsisano hia nisuweselvgi; tlasgo ilvhiyu yitsigoliyeo hia tsinigvnv tsigowela? ananesgesgi uniyoiselvhi nvya nugvwiyusv unvsiyv adi nulistanv; nasgi hia yihowa nudvnelv, ale usquanigodiyu dedakanisgvi. 43 nasgi iyusdi hia nitsvweseha; unelanvhi utseligohi dayetsigisvli, nvwanadaleno dagetsineli, nasgi yeli gvwaninanugowisdi udatanvhi. 44 gilono ani nvyohi atlvtsvha dayusonvni, gilono usonvha dayuwedawetani. 45 hnaquono nunigvwiyusv atsilvanelohi ale aniqualisi unadvganv datlilosdisgvi, unadolehosvgi unvsv getsidvgvi. 46 uniniyvdiyino unadanvtelv, unitsati yvwi dunisgalvgi, nasgiyeno adolehosgi gvwayelvsvgi.

22:1 tsisano unetsv taline dutlilosdanelvgi, hia nuwesvgi; 2 galvladi utseligohi nasgiyaquo gilo ugvwiyuhi tsudvnvistane tsagatsvsdodiyi uwetsi awinv, 3 ale tsidunvse tsunvsidasdi tsuniyanvhvsdiyi wigetsiyanvdv degegatsvsdisgv uniluhisdiyi; aseno diuniyulvnequo nvdayunenvsdiyi. 4 talineno nvwanadale tsunvsidasdi dunvsei, hia niduweselei; hia winiditsiwesi wigetsiyanvdv; gvniyuquo aquadvnvisdi alisdayvdi, diquatseli waga ale digalitsotanvhi dunilv, nigadiyuno advnvistanonvhi; degegatsvsdisgv itsilugi. 5 aseno nvlisaliquo dinvniyelvnei, ale utsatiniquo wunilosei, asiyvwi tsulogesvi, soino unododiyi. 6 anisoino duniniyvhe tsunvsidasdi, ale digvwanisotlvtanei, ale dunilei. 7 hnaquono ugvwiyuhi udvganv utalawosei, ale dunvse tsutseli aniyawisgi, ale widunile nasgi tsunadalvhi, ale wunagohvstane uniduhvi. 8 hnaquono hia niduwesele tsunvsidasdi; digegatsvsdodiyi advnvisdi, aseno wigetsiyanvdv vtla yeli yinanose uniluhisyi. 9 nasgino iyusdi deganvhnawadisv witsilohi, nanivno detsiwatisgesdi detsinetsehesdi uniluhisdiyi ani dodigegatsvstanisvi. 10 howano nasgi tsunvsidasdi deganvhnawadisv wunilosei, ale unitlisane naniv duniwadvhv uniyo ale anosdv; hnaquono dodigegatsvstanisv yeli nulistanile analisdayvhvsgi. 11 hnaquono uyvlv ugvwiyuhi dugatanilv analisdayvhvsgi, ugohe nahna asiyvwi nunuwavna gese degegatsvsdisgv anuwosdi. 12 hiano nuweselei; ginalii, gadono ani vhiyvliga nitsanuwavna igi degegatsvsdisgv anuwosdi? elaweyiquono gesei. 13 hnaquono ugvwiyuhi hia niduwesele getsinvsidasdi; etsalvtsa tsuweyeni ale tsulasideni; ale etsinawidv, ale vdoyiditlv tsulisigv wetsadauga. nahna daniyvgesdi ale danilvdagisgesdi daninudogvi. 14 unitsatiyeno getsiyanvdv, aseno anigiyoliyu gegasuyedv. 15 hnaquono aniqualisi unenvsvgi wuninohelvgi iyunadvnediyi unisadvdiyi gawonisgvi. 16 duninvsvgino tsedohv gvwanisdawadidohi ale elodv gewasdelisgi, hia nuniwesvgi; tadeyohvsgi, otsigataha udohiyugiya gesv nihi, ale unelanvhi utseliga duyugodv dehadeyohvsgvi, vtla ale yvwi yitinayesga, vtlayeno nunasdvquo yvwi yitilvquodoi. 17 nasgi iyusdi sginohvsi, gado heliha? tsisa duyugodi sisa aguyvediyi ayeli aguyvdi gesvi; tlage? 18 aseno tsisa udolehosvgi uyoquo anadanvtesgvi, ale hia niduweselvgi; gadono isgisadvvsga, itsatlonasdi? 19 tsigowadv adelv ayeli aguyvdodi. agisino tsugvwalodi gvwayohelvgi. 20 hiano niduwehalvgi; gago hia dagatlilosdi, ale gago atsinoheha hia tsigowela? 21 sisa, unadvnvgi. hiano niduweselvgi; sisa adina etsihvsi sisa utseliga, unelanvhino unelanvhi utseliga. 22 unadvganvno unisquanigosvgi, ale unadanvelvgi. 23 nahiyu iga anisadusi dilehisodi gesv unadlasidvehi gvwalutselvgi, ale gvwadvdvnvgi, 24 hia nuniwesvgi; tadeyohvsgi, yisi unetse hia nuwesei; iyuno asgaya ayohusgesdi tsuwetsi nanehvna gesesdi, dinadanvtli adayegesdi udayvdv, nasgino dadvhisdanehesdi diniyoli dinadanvtli. 25 nasgino ayv otsehv anehvgi galiquogi iyanidv anadanvtli; udaniligeno udesvnv uyohusvquo, tsuwetsino nanehvna gesv iyusdi udalii uwegodanelv unvtli. 26 nasgiya nasquo talinei, ale tsoinei, galiquogine wigvdisgi. 27 ulisqualvdino ageyv nasquo uyohusvgi. 28 nasgi iyusdi hnaquo tsuniyohusvhi danalehisanvha, gago udalii gesesdi nasgi galiquogi iyanidv gesvi? 29 tsisa unetsv hia niduweselvgi; itsilidasdiha nitsigatavna gesv iyusdi nusdv gowelvi, ale nulinigvgv unelanvhi. 30 tsuniyohusvhiyeno danalehisanvha, vtla yidanadesvhvsgoi, vtla ale yidigetsiyegoi; dinikahnawadidohisgini galvladi anehi unelanvhi tsutseli nasgiya gesoi. 31 tsuniyohuhisgininonv unalehisodi gesv tsitsineisdiha, tlasgo yitsigoliyeyi unelanvhi itsinetselvhi, hia tsinigaweha? 32 ayv unelanvhi equahami utseliga, ale unelanvhi tsegaqui utseliga. vtla unelanvhi tsuniyohusvhi unatseli tigi, dinvnodvquosgini unvsv. 33 unitsatino unadvganv unisquanigosvgi nusdv dadeyohvsgvi. 34 aniqualisisgini unadvganv elaweyi duwanv anisadusi, nasgi dunilawitsvgi. 35 asiyvwino nahna udasuyvgi dikahnawadvsdi digosisisgi, udvdvnvgi usadvvsgvi, hia nuwesvgi; 36 tadeyohvsgi, gado usdi utli galvquodiyu ulinetsv dikahnawadvsdi? 37 tsisano hia nuweselvgi; yihowa tsanelanvhi higeyusesdi nigav tsanawi hvdisgesdi, ale nigav tsadanvdo, ale nigav tsadanvtediyi. 38 nasgi hia igvyiyi ale utsati galvquodi dikahnawadvsdi. 39 talineno nasgiyaquo nasquo; tsvsv tsinitsadageyusv nigeyusesdi nav idisdadala. 40 nasgi hia tali nulinetsv dulisdayidisdi nigadiyu dikahnawadvsdi ale unadolehosvi. 41 asiquo danilawiv aniqualisi, tsisadudvdvnvgi, 42 hia nuwesvgi; gado itseli etsadanvtesgv galonedv, gago uwetsi? dewi, vgvwoselvgi. 43 hia niduweselvgi; gadono digalisdodiha, dewi adanvdo uweyohvsgvi, tsagvwiyuhi, tsigoseha? hia tsinigaweha; 44 yihowa hia nuweselvgi ugvwiyuhi aquatseliga; tsigatisi iditlv tsolesdi, gvni getsasgagi ditsalasidiyi gasgilo nigatsiyvnelvha; 45 iyuyeno dewi, tsagvwiyuhi, yigoseha, gado yigalisdoda uwetsi yigi? 46 tla hnaquo yeli gilo sganetsvhi gvwanetsedi yigesei; tla ale gilo nahiyu iyudalenvdv yeli gagvwadvdvdi yigesei.

23:1 hnaquono tsisa duwonetanvgi unitsati ale gvwasdawadidohi, 2 hia nuwesvgi; dinowelisgi ale aniqualisi mosi uwesgilv anina; 3 nasgi hiyusdi nigav gohusdi ditsikahnawaduga getsosehesdi detsikahnawadegesdi ale nasgi nitsadvnehesdi; aseno nasgi nanadvnehvi tlesdi yinitsadvnehesdi; aninegoyeno aseno vtla nasgi yinanadvnehoi 4 danadalitlvsgoyeno digagedv dilisvsdi ale udeyadodi dilisvsdiyi, nasgino yvwi daninohatlahvsgoi; aseno unvsv vtla saquo aniyesadv yvgvnvda yidogvnitelvhvga. 5 nigadiyusgini dunilvwisdanehv yvwiquo gvwanigowadvdiyi uniyelvsoi. diyatena nidanvneho tsunagvdanosdi, ale daniyadvvsdisgo degadaluyadv tsunanuwo; 6 ale unilvquodo nugvwiyusv tsunanitlvdiyi danalisdayvhvsgvi, ale nugvwiyusv degasgilv digalawiisdiyi, 7 ale getsiyolisdiyi diganododiyi, ale tadeyohvsgi, tadeyohvsgi, gvwanosediyi yvwi. 8 nihisgini tlesdi tadeyohvsgi, yetsosehesdi; asiyvwiyeno ditseyohvsgi, nasgi galonedv; nigadvno nihi itsalinvtliquo. 9 ale tlesdi gilo edoda etsoselvgi ani elohi; asiyvwiquoyeno itsidoda, nasgi galvladi tsvtseha. 10 ale tlesdi squatinidohi yetsosehesdi nihi, asiyvwiquoyeno ditsatinidohi, nasgi galonedv. 11 gilosgini utli atsilvquodiyu gesesdi nihi itsehvi, nasgi etsinvsidasdi gesesdi. 12 gilono uwasvquo iadasaladisgesdi eladi iyagvnedi gesesdi; gilono uwasvquo eladi nadadvnehesdi atsisaladodi gesesdi. 13 nihisgini uyoiyu itsalisdanedi ditsowelisgi ale itsiqualisi itsatlonasdi! detsisdunehoyeno yvwi galvladi utseligohi; vtlayeno itsvsv yitsiyvhihoi, ale vtla unanelagi waniyvha yiditseliseho waniyvhihi. 14 uyoiyu itsalisdanedi ditsowelisgiale itsiqualisi itsatlonasdi! detsisvnehoyeno tsunosulotsvhi daninelvi, ale itsatlonasdv gohidiyu itsadadolisdisgoi. nasgi iyusdi utlihiyu igai itsigiliyoisdi gesesdi. 15 uyoiyu itsalisdanedi ditsowelisgi ale itsiqualisi itsatlonasdi! detsadeyohoyeno amequohi ale gadohi etsiyoho asiyvwi nusdv itsohiyusv gohiyuhvsgi iyetsvnediyi, ale nasgi netsvga tali iyuwagudi utli tsvsginoi uwetsi netsvneho esgaquo itsvsv. 16 uyoiyu itsalisdanedi, ditsigewi ditsadatinidohi! hia itsiwesgi; gilo iaselidvsgesdi ikaneisdisgesdi udvnvdigalawiisdiyi, asequoquo nasgi; gilosgini ikaneisdisgesdi adelv dalonige udvnadigalawiisdiyi ahvi, nasgi asdayiyu ududala. 17 itsinegu ale ditsigewi! gado usdi utli galvquodiyu, adelvsgo dalonigei, udvnadigalawiisdiyige nasgi galvquodiyu tsinigvneha adelv dalonigei? 18 ale, gilo ikaneisdisgesdi atsilvgelasdiyi, asequoquo nasgi; gilosgini ikaneisdisgesdi alisgolvtanvhi nahna ahvi, nasgi asdayiyu ududala. 19 itsinegu ale ditsigewi! gado usdi utli galvquodiyu, alisgolvtanvhisgo, atsilvgegelasdiyi, nasgi galvquodiyu tsinigvneha alisgolvtanvhi? 20 nasgi iyusdi gilo iaselidvsgesdi ikaneisdisgesdi atsilvgelasdiyi, kaneisdisgesdi nasgi ale nigav gohusdi nahna ahvi. 21 ale gilo ikaneisdisgesdi udvnvdigalawiisdiyi, 22 ale gilo ikaneisdisgesdi galvladi, kaneisdisgesdi unelanvhi uwediyi ale nahna uwoli. 23 uyoiyu itsalisdanedi ditsowelisgi ale itsiqualisi itsatlonasdi! asgohineyeno itsaguyisgo svtli ale esv ale gamini; detsinohiyasgono utli ulisgedvya gesv dikahnawadvsdi, duyugodv gesvi, ale adadolisdiyi, ale gohiyudiyi. nasgisgini hia yinitsadvnelei, ale soi nitsinohiyvnaquo yigesei. 24 ditsigewi ditsadatinidohi! dosv itsihnasolvsdisgi gemilino itsigisgi. 25 uniiyu itsalisdanedi ditsowelisgi ale itsiqualisi itsatlonasdi! itsosulesgoyeno gaduiditlv ulisquidi ale atelido, aseno awiniditlv ukalitsvhi geso asequo adagiedi gesvi ale duyugodv nigesvna. 26 hiqualisi tigewi! igvyi hinvgalv awiniditlv ulisquidi ale atelido, gaduiditlvno nasquo tsudanvgalvdv gesesdi. 27 uyoiyu itsalisdanedi ditsowelisgi ale atsiqualisi itsatlonasdi! nasgiyaquoyeno nihi tsunegv idigvnelvhi datselisdvi, nasgi gaduiditlv udohiyuhi tsuwoduhiyu tsigesoi, aseno awiniditlv tsukalitsvhi tsigeso tsuniyohusvhi tsunigola ale nigav gadaha gesvi 28 nasgiyaquosgini nasquo nihi gaduiditlv itsadanvtiyu nvwasdoi yvwi digetsakanodiyi, aseno awiniditlv itsikalitsvhi geso itsatlonasdvi ale uyoi. 29 uyoiyu itsalisdanedi ditsowelisgi ale itsiqualisi itsatlonasdi! detsotlvhisisgoyeno deganisahv anadolehosgi, ale detsoduisdisgo datselisdv unadaneti; 30 hiano nitsiwesgoi; iyuno ayv yotsehe nahiyu tsogidoda tsanehei, vtla yidogayotsaligonele gigv dunatsewelv anadolehosgi. 31 nasgi iyusdi itsvsv gvnigesv nitsadadvne nasgi ditsidoda gesv anadolehosgi tsunilvhi. 32 itsikalitsagoga ditsidoda unatlilovi. 33 inadv nihi! unisgasedi inadv tsunetsi nihi! gadono yigalisdoda yetsadiwisi agiliyoisdi digesv tsvsginoi? 34 nasgi iyusdi gvniyuquo detsinvli nahna ditsehv anadolehosgi ale anigatahnai ale dinowelisgi; igadvno dodatsili ale dodatsadvni dadahnawasdvi, igadvno dodatsilivnili ditsilawiisdiyi, ale uyo nidodatsvneli degaduhnavi; 35 nasgi itsilutsediyi nigadv osdv gigv elohi utsewetsvhi, udanvti equili ugigv nvdagvwadalenvdv, tsegalaya ugigv queligaya uwetsi udvsdi, nasgi tsetsilv udlanvdv udvnadigalawiisdiyi atsilvnogelasdiyi. 36 udohiyuhiya hia nitsvweseha; hia nasgi nigadv dayunaliyiloheli hia gohi tsaneha. 37 tsilusilimi! tsilusilimi! anadolehosgi tihihi, ale getsalutsediyi getsinvsvhi nvya dvnisdisgi! yanogiyu aquadulisgv gatsiyatlisodiyi ditsetsi, nasgiya tsataga tsadegatlisisgo tsuwetsi anidv dikanogeni hawiniditlv; aseno vtla yitsadulisgei. 38 gvniyuquo itsatseli galitsode nvta netsvnelv. 39 hiayeno nitsvweseha; vtla yvgesgigowadv gohi iyudalenvdv, gvni hia nitsiwesvha; atsilvquodiyu nasgi yihowa deudov tsigaluhisdiha.

24:1 tsisano unugotsvgi digalawiisdiyi udanvsvgi, gvwasdawadidohino gvwalutselv gvwanonelvgi nidusdv dadanelv udvnadigalawiisdiyi. 2 tsisano hia niduweselvgi; tlasgo nigadv hia yiditsigowatiha? udohiyuhiya hia nitsvweseha; vtla saquounv nvya ani yidudasatlahesdi nasgi nigohvtanvna yigesesdi. 3 oliwayono usahilv uwolvi gvwasdawadidohi unvsv gesv gvwalutselvgi, hia nuniwesvgi; sginohvsi hilago iyu hia nasgi nvdagalistani; ale gado usdi uyelvdv gesesdi tsaluhisdiyi, ale gohi gesv ulisquadisdiyi? 4 tsisano unetsv hia niduweselvgi; itseyatahesdi tlesdi gilo tsitsilonuheli; 5 unitsatesdiyeno ayv daquadov aniluhisdisgesdi, ayv galonedv, anadisgesdi; ale unitsadasdi danilonuhesgesdi. 6 ale itsadvgisgesdi dahnawa ale aninohelidohv dahnaya; itseyatahesdi tlesdi uwelihisdi yinitsalisdanelesdi; nasgiyeno nigadiyu ase iyulisdodi, aseno ulisquadisdiyi gesv asi gesesdi. 7 tsunadalenvdvyeno yvwi dodvnaleni dodvnadatlutani, ale ayeli dunotlvwadisv dodvnadatlutani, ale dagonulosidohesdi, ale vyugihiyu nigalistanidohesdi, ale gadohi dalitelvnidohesdi. 8 nasgi hia nigadv alenisgv gesv agiliya gesvi. 9 hnaquono nihi widodagetsiyosi itsigiliyoisdiyi, ale dodagetsili; ale nigadiyu nunadalesv yvwi getsisgagesdi ayv daquadov nvdigalisdodisgesdi. 10 hnaquono unitsatesdi dunodehihesdi, ale danadatludisgesdi ale danadasgagesdi. 11 ale unitsatesdi unatlonasdi anadolehosgi aninanugogesdi, ale unitsatesdi danilonuhesgesdi. 12 ale utsadv asganvisdi gesv ehv nasgi iyusdi unitsatesdi adageyudi gesv unehv dvyvdladi. 13 aseno nasgi na gvlisquadisgi atlinigvnehi nasgi atsisdelvdi gesesdi. 14 hiano nasgi osdv kanohedv galvladi utseligohi elanigv unalitsidoninidasdi gesesdi unadolehohisdiyi naniv tsunadalenvdv yvwi, gilano hnaquo dvlisquadili. 15 nasgi iyusdi hnaquo itsigohvha usgaisdiyu gvnosadvhi igvnehi, nasgi denili adolehosgi tsuneistanei, gadogesdi galvquodiyu gesvi, (gilo agoliyesgesdi goligesdi,) 16 hnaquo tsudiyi anini analisvha dotsodalv wanilosvha. 17 gilono gasanali ugilesdi tlesdi yvdiutloasesdi yugisolesdi gohusdi uhv ganelvi; 18 ale gilo tlogesi wedohi tlesdi yvdiutsvsesdi tsunuwo yidunesolesdi. 19 ale uyoiyu iyunalisdanedi dininelidv ale tsunisdai nahiyu gesvi. 20 ale itsadadolisdisgesdi itsitayohihesdi gola ale unadodaquasgv itsalisdiyi nigesvna iyulisdodiyi. 21 nahiyuyeno utsatesdi agiliya, nasgi igai vtla ilvhiyu yinulistano elohi tsudotlvnv nvdagvwadalenvdv gohi iyasti, vtla ale ilvhiyu nasgi iyulisdodi yigesesdi. 22 ale nahiyu iga nidasqualanvna yigi, vtla uquedali gayetsisdelvdi yigagi; aseno gegasuyedv gesv nvdigalisdodisgesdi nahiyu iga disqualodi gesesdi 23 nahiyu gesv iyuno gilo hia nitsiwesehesdi, gvniyuquo ani galonedv edoha; ale ani; tlesdi tsitsohiyuni 24 dvninanugotsiyeno unatlonasdi galonedv ale unatlonasdi anadolehosgi, ale aninanugowisgesdi galvquodiyu uyelvdv ale usquanigodi; nasgi iyusdi iyuno yeli igvwalisdodi yigi yidanilonuhvli nasquo gegasuyedv. 25 gvniyuquo nitsvnonelv. 26 nasgi iyusdi iyuno hia nigetsiweselvha; inage edoha; tlesdi nahna witsilosvgi; gvniyuquo udelisv kanvsulv ayaa; tlesdi tsitsohiyuni. 27 anagalisgiyeno dikalvgv tsvdigananugogoi, wudeligvno iyvdv tsiwidigalvsadadisgoi, nasgiya nasquo nusdesdi yvwi uwetsi galutsilvha. 28 ilvhitlvyeno gohusdi uliwotsvhi tsiganoi, nahna awohali anadatlisisgoi. 29 igvwenvdaquo oni nasgi nahiyu agiliya galosonvha, nvdo iga ehi dvlisihvsi, ale nvdo svnoyi ehi vtlaiga yutisdesdi, ale noquisi dvninvgoasi, ale unitsati galvloi tsanikala dvnalitelvni. 30 hnaquono galvloi dagananugotsi yvwi uwetsi utseli uyelvdvi, ale hnaquo nigadv danilasdalv elohi dodvniyvlasi, ale dvnigohi yvwi uwetsi tsaisesdi ulogilv galvloi, ulinigidiyu gesv ale utsati galvquodiyu gesv unuwosdesdi. 31 hnaquono dodaganvsi tsunvsidasdi, ale asdayiyu dvnitseluhisi, ale dodvnitlisani gegasuyedv nvgi nidodigalosgv unole, galvlo iyvdv widulistinilv. 32 ka, itsadeloqua datlilosdv svgataiyusdi tlugvi; iyuyeno duwanigalv didage nidegalisda, ale gilai tsigalasduhvsgoi, itsigataho gogi navniyu gesvi. 33 nasgiyasgini nasquo nihi, iyuno hnaquo hia nasgi tsudalenvdv itsigohvha, itsigatahesdi esganiyu gesvi, galohisdiyiquo gesvi. 34 udohiyuhiya hia nitsvweseha; hia gohi tsaneha vtla yvdvnilosoni, gvni nigadv hia tsudalenvdv nigalistanvha. 35 galvlo ale elohi dodagalosoni, ayvsgini aginetsvi vtla yvdagalosoni. 36 aseno nahiyu iga gesv ale iyutlilodv kalawadisv vtla gilo yagataha, tla nasquo dinikahnawadidohi galvladi anehi, edodasgini uwasvhiyu. 37 nasgiyeno tsinusde nahiyu noya tsehei, nasgiya nusdesdi yvwi uwetsi galutsvha. 38 nahiyueno asi niganohugisgvna tsigesei, danalisdayvhvsgei, ale danaditasgei, ale danadesvhvsgei ale degetsiyegei, gvni nahiyu iga noya utsanv tsiyuhi, 39 ale nanelisgvna tsigesei, gvni unohuganilv, ale nigadv dunigvtsv, nasgiyaquosgini nasquo nusdesdi yvwi uwetsi galutsvha. 40 hnaquono anitali tlogesi anedohesdi, asiyvwi atsiyanvdi gesesdi soino atsikahiyasdi gesesdi; 41 anitali anigeyv anisdosgesdi asdosgiyi, asiyvwi atsiyanvdi gesesdi soino atsikahiyasdi gesesdi. 42 nasgi iyusdi itsiyawisgesdi, vtlayeno yitsigataha iyuquo uluhisdiyi itsatseli ugvwiyuhi. 43 hiano itsanvtesdi, iyuno asgaya ganela yiagatahe iyuquo ganosgisgi uluhisdiyi, yuyawisei, ale vtla unelagi wagiyvsi galitsode yigvwelisei. 44 nasgi iyusdi nihi nasgi itsadvnvisdesdi, nitselisgvnaquoyeno gesv iyu yvwi uwetsi dagalutsi. 45 gagogeno agaliya ale asinasani atsinvsidasdi, nasgi unvsidohi nugvwiyusv iyuwanelvhi ganelv dudatihnavi, nasgi unalisdayvdi tsunediyi unalisdayvdiyi nigalistanisvi? 46 osiyu iyulisdanedi nasgi na atsinvsidasdi unvsidohi galutsvha uwadvhvha nasgi nadvnehvi. 47 udohiyuhiya hia nitsvweseha; nigadv uhnavi dvgatidistani. 48 iyusginino nasgi na unegutsidv atsinvsidasdi hia nigawesgesdi tsudanvdvi; aginvsidohi gohidiha uluhisdiyi; 49 ale alenisgesdi dogalvnihesdi itsulaha getsinvsidasdi, ale itsulaha analisdayvhvsgesdi ale danaditasgesdi tsuniyvsdesgi, 50 nasgi atsinvsidasdi unvsidohi dagalutsi nahiyu iga nadagatenohvna gesvi, ale iyu nelisgvna gesvi, 51 ale dodayugalisi, ale unatlonasdi wanehv wvdayuseheli; nahna daniyvgesdi ale danilvdagisgesdi daninudogvi.

25:1 hnaquono galvladi ehi ugvwiyuhi gesv nasgiya gesesdi asgohi iyanidv anadv, nasgi tsiduninvse ditsvsdodi ale tsidunatlosvse adesvhvsgi. 2 hisgino iyanidv anigatahnai gesei, hisgino uninegu. 3 uninegu duninvse ditsvsdodi aseno goi nuninetsvsvna gesei, 4 anigatahnaisgini duninvse tsunitsvsdodi, ale nasquo goi uninetsvse dunitlistane ditelido. 5 asino ugoniyoge adesvhvsgi, nigadv anilinvgei, ale unilinvtsei. 6 vnoyino ayeli gilo asdaya unetsei, hia nuwesei; gvniyuquo adesvhvsgi dayai! widetsatloi! 7 hnaquono nigadv anadv unadidanesei, ale dunitsinosgalvhe dunitsvsdvi. 8 uninedano hia niduniwesele anigatahnai; igadv goi itsatseli sginevsi, dogvtlohisehayeno dogitsvsdvi. 9 aseno anigatahnai uninetsv hia nuniwesei; tlage yeli yidogegiyeliga nigadv, itsenaquosgini dininodisgv, itsvsv witsiwahi. 10 uniwasenvno adesvhvsgi ulutsei, unadvnvisdino nasgi itsulaha tsagatsvsdodiyi wuniyvlei, ale unisdune galohisdiyi. 11 onino nasquo anisoi anadv unilutsei, hia nuniwesei; tsagvwiyuhi, tsagvwiyuhi, esgisdugi. 12 aseno tsunetsv hia nuwesei; udohiyuhiya itsvyoseha, vtla yitsvgataha. 13 nasgi iyusdi itsiyawisgesdi, vtlayeno yitsigataha nahiyu iga gesv ale iyutlilodv kalawadisv uluhisdiyi yvwi uwetsi. 14 nasgiyaquoyeno gilo asgaya invtsiwvdigalosisei, ale tsiwiduyanvhe tsunvsidasdi, ale tsiduyohisele uhnavi. 15 asiyvwino hisgi iyagayvli adelv dunelei, soino tali iyagayvli, soino saquo iyagayvli, anisiyvwiha nasgi yeli igvwanadvnedi gesvi. hnaquono unigisei. 16 hnaquono hisgi iyagayvli tsatsinelvhi uwenvse wunotanei, hisgino iyagayvli unequotselei. 17 nasquo ale na tali iyagayvli tsatsinelvhi nasquo tali iyagayvli unequotselei. 18 saquosgini iyagayvli tsatsinelvhi uwenvsei, wusgoha gadohi, ale widuwasgalane unatlai tsutseli adelv. 19 ilvhiyuno iyvdv ulutse nasgi getsinvsidasdi uninatlai, osdvno nunvnelei. 20 hisgino iyagayvli tsatsinelvhi ulutsei, ale duyole nvwanadale hisgi iyagayvli adelv, hia nuwesei; sginatlai, hisgi iyagayvli adelv desgiyohiselvgi; gvniyuquo nvwanadale hisgi iyadeyvli gvginequotselv. 21 unatlaino hia nuweselei; osiyu! hosdv ale higaliya etsanvsidasdi! duyugodv nitsadvnelv usdi tsudalenvdv detsalvwisdanelvi; utsati tsudalenvdv tsagvwiyusadegi nvdagvyvneli; hiyvha osdv adanvdadisdiyi tsanatlai utseligohi. 22 nasquono tali iyagayvli tsatsinelvhi ulutsv hia nuwesei; sginatlai, tali iyagayvli adelv desgiyohiselvgi; gvniyuquo uwanadale tali iyagayvli gvginequotselv. 23 unatlai hia nuweselei; osiyu! hosdv ale higaliya etsanvsidasdi! duyugodv nitsadvnelv usdi tsudalenvdv detsalvwisdanelvi; utsati tsudalenvdv tsagvwiyusadegi nvdagvyvneli; hiyvha osdv adanvdadisdiyi tsanatlai utseligohi. 24 hnaquono saquo iyadeyvli tsatsinelvhi ulutsv hia nuwesei; sginatlai, gvgatahvgi, hisdayiyu gesvi, ale hisgudesgvi nahna nitsawisvna gesvi, ale hutesgvi nahna nitsaleladvnvna gesvi. 25 ale tsisgaihvi aquenvsvgi, widagvsgalanvgi gadohi adelv ditsatseliga; gvniyuquo ani nasgi ditsatseliga. 26 unatlaino unetsv hia nuweselei; tsanegutsidv ale tsadanulvdi etsanvsidasdi! higatahvgi tsisgudesgv nahna nagiwisvna gesvi, ale gutesgv nahna nagileladvnvna gesvi! 27 adelv dinisquanigodisgiyi yiwidotsane adelv diquatseliga, nasgino gohi tsitsilugi yidagigohe diquatseli ale uninequotsvhi. 28 nasgi iyusdi tsidoetsigisiquo saquo iyagayvli adelv, asgohino iyagayvli tsuhi tsetsivsi. 29 giloyeno uhesdi atsinedi gesesdi, utsatino usquanigodesdi; gilosgini nuhvna gesesdi atsigiediquo gesesdi nasgi nasquo uhvi. 30 hiano gohusdi gvdodi nigesvna ganvsidasdi doyiditlv tsulisigv wetsadauga; nahna daniyvgesdi ale danilvdagisgesdi daninudogvi. 31 iyuno hnaquo yvwi uwetsi galutsvha uwasv utseliga galvquodiyu gesv unuwosdesdi, ale nigadv getsilvquodi dinikahnawadidohi dati nehesdi, hnaquo dagani galvquodiyu uwesgilvi; 32 igvyiditlvno dodagetsilawidi nigadiyu nunadalesv yvwi, ale dodvgalenvtani nasgiya awidigatiya tsidagalenvdisgotsutseli awi uninodena ale awi dinihanulvhi. 33 awino uninodena agatisi iditlv dodagagotani, awino dinihanulvhi agasgani iditlv; 34 hnaquono ugvwiyuhi hia nidodagaweseli agatisi iditlv anidonai; etsena, edoda itsilvquotanvhi, itsatseli winigalisda utseligohi etsalisgolvdanelvhi elohi tsudotlvnv nvdagvwadalenvdv. 35 agonuyeno agiyosisgvgi, vsgiyelastanvno; agitadegisgvgi, vsgiunvno; nvgigatahvna gesvgi, vsgiyvtanvgi; 36 agiyelvha gesvgi, dosginuwovgino; agitlvgvgi, vsgiyagatanilvgino; didasdudiyi vgisduhvgi, vsgiwadvhilvgino. 37 hnaquono unadanvti dvninetsi hia nvdagvwaweseli; tsagvwiyuhi, ilagiyu itsvgosv tsayosisgei, itsvyelastaneno; ale tsatadegisgei, itsvuneno; 38 ilagiyu itsvgoe netsagatahvna, itsvyvtaneno; ale tsayelvha gesei, itsvnuwoeno; 39 ale ilagiyu itsvgoe tsatlvgei, ale didasdudiyi etsasduhei, itsvyagatanileno? 40 ugvwiyuhino dakanetsi hia nidodagaweseli; udohiyuhiya hia nitsvweseha, nasgiyeno tsinetsadvnelv usdikani hia nasgi otsalinvtli, ayv nisgiyadvnelvgi. 41 hiano nasquo nidodagaweseli agasgani iditlv anidonai; sgiyadanvsi, etsisgatsvhi, winasdvna atsilvyi digesv witsilohi, nasgi asgina ale tsutseli dinikahnawadidohi gegotlvnanelvhi. 42 agonuyeno agiyosisgvgi, vtlano yisgiyelastanei; agitadegisgvgi, vtlano yisgiunei; 43 nvgigatahvna gesvgi, vtlano yisgiyvtanei; agiyelvha gesvgi, vtlano yidisginuwoei; agitlvgvgi, ale didasdudiyi vgisduhvgi, vtlano yisgiwadvhilei. 44 nasquono nasgi dvninetsi, hia nvdagvwaweseli, tsagvwiyuhi, ilagiyu itsvgoe tsayosisgei, ale tsatadegisgei, ale netsagatahvna gesei, ale tsayelvha gesei, ale tsatlvgei, ale didasdudiyi etsasduhei, nitsvsdelvhvnano gesei? 45 hnaquono dakanetsi hia nidodagaweseli; udohiyuhiya hia nitsvweseha, nasgiyeno netsadvnelvna gesv usdikani hia nasgi, ayv vtla yinisgiyadvnelei. 46 hiano nasgi winasdvna agiliyoisdiyi digesv wvdvnilosi; unadanvtisgini winasdvna gvnidv digesvi.

26:1 hiano nulistanvgi, nasgi tsisa usquadv nigadv hia nasgi nigawesgvi, hia niduweselvgi gvwasdawadidohi; 2 itsigataha tali iyusvhi kanohiyegi dilisdayvdiyi gesvi, ale yvwi uwetsi tsagatlutanisv agadvdiyi. 3 hnaquono dunilawitse nunigvwiyusv atsilvanelohi ale dinowelisgi ale dinilawigi anehv yvwi, ganelv nugvwiyusv atsilvgelohi kayaqua tsudoidv; 4 uninoheleno galonuhedv unvdodiyi uniniyvdiyi tsisa, ale unihisdiyi. 5 aseno hia nuniwesei; tlesdi dilisdayvdiyi gesvi, nahiyuyeno yigi utsati yanalitelvhvga yvwi. 6 tsisano quediniyi edohvi, sawani adayesgi utlvgi ganelvi, 7 ulutselvgi ageyv ayehvgi gugu nvya unegv gotlvtanvhi atlisdvgi utsati tsugvwalodi atlonedi, ale ulonetanvgi asgoli ganvgv alisdayvhvsgvi. 8 gvwasdawadidohino gvwagohv unitalawosvgi, hia nuwesvgi; gadono hia tsatsewogi? 9 hiayeno atlonedi yunadinvse utsati yidugvwalanei, ale nasgi uyo iyunadvhnadegi dinedi yigesei. 10 tsisano udolehosv, hia niduweselvgi; gadono ietsadeyadodi ageyv? osiyuyeno dulvwisdasi tsinaquvga. 11 uyoyeno iyunadvhnadegi nigohilv getseladidoha, ayvsgini vtla nigohilv yitsvyeladidoha. 12 hiayeno atlonedi tsiyelvi tsagiloneda, vginisodiyi aquadvnvisdiha. 13 udohiyuhiya hia nitsvweseha; analitsidonidolvha hia osdv kanohedv ilvhitlv elanigvi, nasquo hia ageyv tsinadvga uninohedi gesesdi, nasgi aganvdadisdodi. 14 hnaquono asiyvwi taladu iyanidv gesvi, tsudasi isgaladi tsudoidv, nunigvwiyusv atsilvanelohi widulutselei, 15 hia winiduweselei; gado dasgineli ayvno dodatsvyohiseli? tsoasgohino ayeliadelv degvwasasdanelei. 16 nahiyuquono ulenvhvgi uyolv iyudvnediyi ulonuhediyi. 17 igvyiyiquono iga nagotanvna gadu agisdiyi gesv gvwasdawadidohi gvwalutselv tsisa, hia nigvwaweselvgi, hatlv tsaduliha ogadvnvisdodiyi tsalisdayvdiyi kanohiyegi. 18 hiano nuwesvgi; itsena digaduhvi, nahna tsehv asgaya, hiano natsiweselvha; dideyohvsgi hia nigaweha; hnaquo agisqualvelidi, gvgisdawadidohi hinelv dayotsisquanigotani kanohiyegi dilisdayvdiyi gesvi. 19 gvwasdawadidohino nusdv tsisa dunetselv nasgi nunadvnelvgi, ale osdv nunvnelvgi kanohiyegi dilisdayvdiyi. 20 usvno nulistanv unanitlvnvgi [tsisa] taladu iyanidv gvwasdawadidohi 21 analisdayvhvsgvno hia nuwesvgi; udohiyuhiya hia nitsvweseha; hia tsinitsadvnv saquo udasuya dvquatlutani. 22 utsatino uyoiyu uniyelvnvgi, ale unalenvhvgi anisiyvwiha hia nigvwaweselvgi; tsagvwiyuhi, tsigo ayv? 23 unetsvno hia nuwesvgi; itsulaha tsosdasuwisga atelidogihi nasgi dvquatlutani. 24 yvwi uwetsi ai nusdv goweli atsinohesgvi; aseno uyoiyu iyulisdanedi nasgi asgaya awi uwetsi atludisgi. osiyu yigese nasgi asgaya nudenvnaquo yigesei. 25 tsudasino adatludisgi unetsv hia nuwesvgi; tadeyohvsgi, tsigo ayv? hia nuweselvgi; yeli niwi. 26 analisdayvhvsgvno tsisa gadu ugisvgi, ale ulihelitsvgi, ale ugvhaluyvgi, ale dunelv gvwasdawadidohi, hiano nuwesvgi; itsigi, itsiga, hia nasgi ayv tsiyelvi. 27 ulisquidino ugisv ale ulihelitsv dunenelvgi, hia nuwesvgi; nitsiv itsadita; 28 nasgiyeno hia agigigv itse kanohedv datlohisdvi, nasgi unitsvti tsigegatsewelv, gagetsinediyi unisganvtsvi. 29 aseno hia nitsvweseha; vtla ilvhiyu gogi iyudalenvdv yvgagadita hia telvladi unanugowisvhi, gvni nahiyu iga itsulaha itse idaditahvha edoda utseligohi. 30 duninogisvno dikanogisdi uninugotsvgi, oliwayoi usahilv wunilosvgi. 31 hnaquono tsisa hia niduweselvgi; nihi nitsiv dodatsodeli gohi svnoyi tsigi, ayv nvdigalisdodisgesdi. hiayeno nigvnv igowela, datsiyvnili awidigatiya, awino unadatlugv dvnadigaleyotsi. 32 aseno diqualenvhi gesesdi igvyi nvdatsvyenveli gelili. 33 quida unetsv hia nuweselvgi; nasquo nigadv yidunodelv nihi yinvdigalisdodiha, ase ayv vtla yidogvquodega. 34 tsisano hia nuweselvgi; udohiyuhiya hia nigvweseha; gohiquo svnoyi tsigi asi tsataga naniyvgvna gesesdi tsoi nvdasquadayili. 35 quidano hia nuweselvgi; nasquo ilelaha diyiniyohuhisdi yigi, ase vtla yvgagvyadayiga. nasgiya nasquo nigadv gvwasdawadidohi nasgi nuniwesvgi. 36 hnaquono tsisa ale gvwasdawadidohi unilutsvgi gesimini dudovi, hiano niduweselv gvwasdawadidohi; ani itsinesdi gvni itlv wigadadolistanvha. 37 dutinvsvgino quida ale anitali tsequidi tsuwetsi, ale ulenvhe ehisdi udanvdadei, ale utsati gagediyu nulisdanele udanvdvi. 38 hnaquono hia niduweselei; aquadanvdv ukalitsvhi utsati ehisdi gesvi ayohuhisdi gesv igai. ani itsinesdi ale itsulaha idiyawisgesdi. 39 usdiyidvno udiditlvsdodi iyvdv wulutsei, ale uliyasdunei, ale udadolistanei, hia nuwesei; edoda, iyuno yeli igvwalisdodi gesesdi wagilohisiquo hia ulisquidi; itlasgininonv ayv nusdv gadanvtesgvi, nihisgini. 40 gvwasdawadidohino aninv diulutsv duwadvhe anilinei, hiano nuwesele quida; gadoquo, tlasgo tsiyawisgv saquo iyutlilodv igohidv getsiyawisdi yigi? 41 itsiyawisgesdi ale itsadadolisdisgesdi nasgi udagoliyediyi gesv witsinanugoisdiyi nigesvna gesvi. adanvdo udohiyuhi udvnvisdi, uquedalvsgini wanagalahiyu. 42 talineno uwenvsei, wudadolistanei, hia winuwesei; edoda, 43 diulutsvno duwadvhe taline anilinaei, dinigadoliyeno digagediyu gesei. 44 talineno duwvdetse ale udanvsei, ale tsoine wudadolistanei, nasgiya winuwesei. 45 hnaquono diulutsv gvwasdawadidohi aninvi, hia niduweselei; hnaquo itsilinvgi ale itsiyawesolvga; gvniyuquo iyu gesv usqualvhidi, yvwino uwetsi agatlutanv uninegutsidv yvwi degetsiyohiselv. 46 ditsalehvga! idaisesdi! gvniyuquo aquo dayai aquatludisgi. 47 asiquono gawonisgvi gvniyuquo tsudasi asiyvwi taladu iyanidv gesv ulutsvgi, ale datinehvgi unitsati yvwi, ayelasdidiganvhidv ale ada dininehi, nvdagvninvsidv nunigvwiyusv atsilvanelohi dinilawigi anehv yvwi. 48 utludisgino tsunonelvhi gese unadolehohisdodi hia iyuwesvhi gesei; gilo tsiyadutsalanvha nasgi gesesdi, asdaya detsiniyvhvha. 49 ulisdiyuno tsisa gadogv ulutsvgi, hia nuwesvgi; dohiyi denadagowadv, sginatlai; ale udutsalanvgi. 50 tsisano hia nuweselvgi; ginalii, gadono vhilugi. hnaquono unilutsvgi ale degvwasitadvgi tsisa, gvwaniyvhvgi. 51 ale gvniyuquo asiyvwi tsisa anehi usaladanvgi kanogeni ulvhvgi ayelasdiganvhidv, ale uluyv ugvwiyuhi atsilvgelohi unvsidasdi, ale ulisdestanvgi. 52 hnaquono tsisa hia nuweselvgi; galadisdiyi tsihilada tsatseli ayelasdiganvhidv, nigadvyeno ayelasdiganvhidv aniyisgi ayelasdiganvhidv tsuniyohohisdodi gesesdi. 53 tlasgo yadanvteha yeli gatsiyadadolisdanedi gesv edoda, gilaquono iyvdv vtla taladuquo iyunadatlugi dinikahnawadidohi yidogvgikasi? 54 aseno gado yigalisdoda yadohiyuhvga nusdv gowelvi, ase nasgi iyulisdodi tsigi? 55 nahiyuno tsisa hia niduweselvgi unitsati; tsigo ganosgisgi tsitsiyoho nasgiya itsilugi sginiyvhiga, ayelasdidiganvhidv ale ada ditsinehi? nidugitsvnisv itsulaha idinvgi degadeyohvsgvgi udvnadigalawiisdiyi, vtlano yisginiyisgei. 56 aseno nigadv nasgi hia nulistanvgi udohiyudiyi anadolehosgi unowelanvhi. hnaquono nigadv gvwasdawadidohi gvwadetsvgi ale unalisvgi. 57 tsisano uniniyvdv kayaquoi wunatinvstanvgi nasgi nugvwiyusv atsilvgelohi, nahna dinowelisgi ale dinilawigi danilawivi. 58 quidano usdawadvse ge iyvdv tsaise nugvwiyusv atsilvgelohi diganelv gvdisgi, uyvlei, ale getsinvsidasdi itsulaha aninei, ugowadvdiyi uyelvse walisquadihihvi. 59 nunigvwiyusvno atsilvanelohi ale tsunadvsonvhi ale nigadv dinilawigi uniyole gayegogi uninohelvhi tsisa utludisgi, nasgi unihisdiyi unadulisgei; 60 aseno unatlotsequo; unitsatesgininonv gayegogi aninohesgi uninanugotsei, aseno unatlotsequo. oniyisgininonv anitali gayegogi aninohesgi unilutsei, hia nuniwesei; 61 hia niduwesvgi; yeliquo yitsiyosda unelanvhi utseli udvnadigalawiisdiyi, tsoiquono tsudodaquadv [taline] yvganesgvli. 62 nugvwiyusvno atsilvgelohi dulenei, hia nuweselei; tlasgo yinega? gado hia anigatahv tsaninoheha tsigetsatludiha? 63 aseno tsisa elaweyiquo gesei. nugvwiyusvno atsilvgelohi iunetsv hia nuweselei; gvlayosi unelanvhi gvnidv hineisdodiyi, sginohvsi, tsigo nihi galonedv unelanvhi uwetsi? 64 tsisano hia nuweselei; yeli niwi. aseno hia nitsvweseha; ilvhiyu dayetsigoi yvwi uwetsi agatisi iditlv ulinigvgv uwolesdi, ale tsaisesdi ulogilv galvloi. 65 hnaquono nugvwiyusv atsilvgelohi dunuwav duwetsagalvhei; asotlvisda, udvnei; gadono asi anigatahi yaninoheha? gvniyuquo hnaquo itsadvgvga asotlvisdisgvi. 66 gado itseliha? uninetsvno hia nuniwesei; yeliquo gvwayohuhisdi. 67 hnaquono ukadv dunalitsisquei, ale asquinv degvwanasdisgei ale anisoi tsunoyeni degvwanasdisgei, 68 hia naniwesgei; sgiyadoleohisi, galonedv, gago tsitsvniga? 69 quidano uwole udlanvdvi, ulutseleno adv hia nuwesei; nihi nasquo sdedohvgi tsisa gelili ehi. 70 aseno nigadv anigatahv udayilei, hia nuwesei; vtla yitsigataha niwesgvi. 71 doyitlvno wulosv nvwadale ugohei, ale hia niduwesele nahna anedohi; nasquo hia tsisa naselidi ehi danedohvgi. 72 talineno udayilei, unelanvhi uneistanei; tla yitsigataha na asgaya, udvnei. 73 gohiyino iyvdv gvwalutsele nav anidonai, hia nigvwawesele quida; udohiyuhi nasquo nihi itsedolvhi, hiwonisgvyeno gvnigesv nitsvneha. 74 hnaquono ulenvhe usginvdei, ale unelanvhi uneistanei; tla yitsigataha na asgaya, udvnei; gilaquono iyvdv tsataga uyvlasei. 75 quidano unvdade tsisa unetsvhi, hia tsinuweselei; asi tsataga naniyvgvnagesesdi tsoi nvdasquadayili. unugotsvno ehisdi widutloyilei.

27:1 unaleno nulistanv, nigadv nunigvwiyusv atsilvanelohi ale dinilawigi anehv awi uninohele iyunadvnediyi tsisa unihisdiyi. 2 hnaquono unalvlv unelisanawidvhei, quanidv qualedi ugvwiyuhi widuniyohiselei. 3 hnaquono tsudasi nasgi ulonuhelvhi udolehosv dagugodanelvi unetliyvse udanvdvi, ale nunigvwiyusv atsilvanelohi ale tsunadvsonvhi douyohele tsoasgohi ayeliadelv tsunagvwalodi, 4 hia nuwesei; tsisganvgi nusganvtsvna gigv tsigatluda. hiano nuniwesei; gado nasgi ayv ogvdodi? tsvsv nasgi ditsalvwisdasi. 5 ale dudinv adelv nahna digalawiisdiyi, ale unugotsei, ale iyvdv wulosv, uwasv wudadvnei. 6 nunigvwiyusvno atsilvanelohi dunigisv adelv hia nuniwesei; vtla duyugodv yigagi adelvdidiyi yididihvsga, gigvyeno tsugvwalanvhi. 7 uninohelvno, uniwahistane vti digotlvsgi ulogesvi nahna anedohi digetsinisodiyi. 8 nasgi iyusdi nasgi tlogesi gigv ulogesv anoseha gohi tsigi. 9 hnaquono udohiyune tsunetse tselimaya adolehosgi, hia tsinuwesei; ale dunigisvgi tsoasgohi ayeliadelv nasgi natsugvwatanvhi, nasgi tsatsigvwalotanvhi, isili tsuwetsi tsunigvwalotanvhi, 10 ale uniwahistanvgi vti digotlvsgi ulogesvi, nasgiya yihowa aqueyonvi. 11 tsisano gadoge igvyiditlv ugvwiyuhi uwolvi. ugvwiwa hino udvdvnei, hia nuwesei; nihisgo tsagvwiyuhi anitsusi unatseliga? tsisano hia nuweselei; yeliniwi. 12 nunigvwiyusvno atsilvanelohi ale dinilawigi gvwayilidolv vtla yunetsei. 13 hnaquono qualedi hia nuweselei; tlasgo yadvgiha nigav gvnigesv nanvnehv anigatahi getsatludisgvi 14 aseno vtla saquounv yinunetsei, nasgi iyusdi ugvwiyuhi utsati usquanigosei. 15 dilisdayvdiyino gesv iyui ugvwiyuhi tsuyohisedi geso saquo ayvgi, hiaquo anela yvwi. 16 nahiyuno diganotsali ayvgi unikahe qualaquatsudoidv. 17 nasgi iyusdi hnaquo dunilawitsv qualedi hia niduweselei; gago itsaduli ditsvyohisediyi? qualaquasgo? tsisagegalonedv tsanosehoi? 18 agataheyeno anvyugvquo nvdigalisdodisgv duniyosvi. 19 uwolvno digugododiyi gasgilvi udalii tsudanvsei, hia nvtsuweselei; tlesdi nihi gohusdi na nasganvna asgaya ugvwali yiditsalvwisdanelesdi, utsatiyeno tsigiliyogi gohi iga gasgidasgvi nasgi nvdigalisdodisgvi. 20 aseno nunigvwiyusv atsilvanelohi ale dinilawigi dunisdiyetane unitsati gesv qualaqua unitayosediyi, tsisano unihisdiyi. 21 ugvwiyuhino unetsv hia niduweselei; gago hia anitali gesv itsaduli ditsvyohisediyi? qualaqua, unadvnei. 22 qualedi hia niduweselei; gadono datsiyvneli tsisa, galonedv tsanosehoi? wagadvvga, gvwosele nigadv. 23 ugvwiyuhino hia nuwesei; gadono, gado udvnelv usganvtsv? aseno utliquo nigae unelunei, wagadvvga, anadisgvi. 24 qualedi udolehosv digvwasegogisdi nigesvna gesvi, ale unadasuyedv unalitalvnvgi, ama wonegisei, ale dusulehe unitsati anigatahvi, hia nuwesei; ayv vtla agisganvtsvhi yigi hia nusganvtsvna yvwi ugigv. nihi itsagasayasda. 25 nigadvno yvwi uninetsei, hia nuniwesei; ugigv ayv ale tsogetsi oginvgalesdi. 26 hnaquono qualaqua deuyohiselei; ulivnonvno tsisa duyose agadvdiyi. 27 hnaquono aniyawisgi ugvwiyuhi tsutseliga ugvwiyuhi ganelv uniyvtane tsisa, ale nahna degvwaduwistane nigadv sunadatlugi aniyawisgi. 28 duninuwesvno, gigage gasalena uninuwoei. 29 ale unisdeyonv alisdulo tsutsayosdi gotlvtanvhi, unisdulanei, ale ganasda agatisi iditlv unasvgaladistanei; ale danaliniquanvnehe ale anadehodisgei, hia naniwesgei; itsvyoliga, tsagvwiyuhi anitsusi unatseliga. 30 dunalitsiqueno ale uniyvele ganasda ale unisqualvnistanei. 31 unadehotanonvno uninuwese gasalena, ale uwasv tsunuwe duninuwoei; ale unadvdiyi wunatinvstanei. 32 uninugotsvno uniwadvhe asgaya salini ehi sawani tsudoidv; nasgi gvsgaisdagi nunvnele uwenvsdiyi tsudahnawadv. 33 wunilutsvno goligada dudovi, nasgi usqualugoi tsigadvga, 34 tsunitsoyasdi uditasdi adaga asuyi uninenelei, unelvtanvno vtla yudulvhe uditasdiyi. 35 unadvneno ale duniyadole tsunuwo anasasdisgei; nasgino udohiyune adolehosgi tsunetsei, hia tsinuwesei; diquanuwo duniyadolvgi, ale aquanuwo unasastanvgi. 36 unanvneno ale uniyawise. 37 uniyalvneno galvladitlv ulisdadvi iyusdi gesv uliyilidehvi, hia nigvne gowelei; hiayo tsisa ugvwiyuhi anitsusi unatseliga. 38 nasquono itsulaha degegadvne anitali aninosgisgi, saquo agatisi iditlv, soino agasgani iditlv. 39 navno anilosgi gagvwatlvdei, ale danalisdvnehei, 40 hia naniwesgei; udvnadigalawiisdiyi hiyosdisgi, tsoiquono iga hiyeilidohi hanesgesgi, halisdelv tsvsv; iyuno nihi unelanvhi uwetsi gesesdi, dadahnawasdv ehatloahi. 41 nasquono nunigvwiyusv atsilvanelohi ale dinowelisgi ale dinilawigi aniyelisgvi hia naniwesgei; 42 anisoi dasdelisgvgi, uwasvsgini vtla yvgvlisdelv. iyuno ugvwiyuhi isili unatseli gesesdi, hnaquo dadahnawasdv eatloahi, gilano dayedoiyuni. 43 unelanvhi ulisgasdodvgi; hnaquo wusdelv iyuno ulvquodesdi; hiayeno tsinigawesgvgi, unelanvhi edoda. 44 aninosgisgino nasgi itsulaha digegadvnvhi nasquo gagvwasotlvdei. 45 hnaquono iga udalenvdv tsoine iyutlilodv kalawadisv iyasti usvhiyeyi iditlv ulisihvsvgi nigv nasgi gadohi. 46 tsoineno iyutlilodv iyv katawadisv usvhiyeyi iditlv tsisa unetse asdaya, hia nuwesei; ila, ila, lama saquadani? nasgi hia nusdi gadvgvi, unelanvhi aquatseliga, unelanvhi aquatseliga, gadono iswvdetsvquo? 47 igadvno nahna anidonai nasgi unadvganv, ilaya ayaniha hia, unadvnei. 48 gilaquono iyvdv asiyvwi dusqualvtanei, ale wunese duwoli, ale tsunitsayasdi ukaliistanei, ganasdohino uwequadotanv wunvnele nasgi uditasdi. 49 igadvno hia nuniwesei; unelagi, idadolehohi, tsisano ilaya dagalutsi dayusdelvhili. 50 tsisano taline asdaya unetsv deuyose udanvdo. 51 gvniyuquono anuwo ayedoladv udvnadigalawiisdiyi dulistluyei, galvladi tsulenvhe eladi wusquadistanei; ale gadohi ulitelvnei, ale nvya dunalistluyei. 52 datselisdvno dulisduisei, ale unitsati unadanvti unilinvtsvhi unadidanesei, 53 ale datselisdv duninugotse tsulenvhi nigesei, ale galvquodiyu gaduhv uniyvlei, ale unitsate gvnigesv nidunadvnelei. 54 hnaquono asgohitsuqui didatinidohi ale nasgi naitsulaha tsisa gvwayawisgi, unadolehosv gadohi alitelvhvsgvi, ale nasgi nulistanidolvi, utsate unisgalei, hia nuniwesei; udohiyuhiya unelanvhi uwetsi gese hia. 55 nahnano anidonae unitsate anigeyv ge iyvdv dodinikanei, nasgi tsisa gelili nvdagvwasdawadvdv gvwasdelvhidolvhi, 56 nahna unadasuye meli magideli ehi, ale meli tsimi ale tsosi unitsi, ale tsequidi tsuwetsi unitsi. 57 usvno nulistanv ulutse uwehnai asgeya alimadiyi ehi tsowa tsudoidv, nasquo nasgi tsisa usdawadidohi gesei; 58 qualediyi uwenvsei, tsisa ayelvi wutayolei, hnaquono qualedi unetse ayelvi tsuniyohisediyi. 59 tsowano ayelv unesv uwetsanu lotane gadaha nigesvna anuwo unegv; 60 ale unvne uwasv utseli itse didanisodiyi, nasgi uyohi utalesvi; equano nvya galohisdiyi atselisdv wuwesaqualelv udanvsei. 61 nahnano igvyiditlv didanisodiyi dunole meli magideli ehi ale soi meli. 62 ale ugitsvdv, advnvisdodiyi iga ulosonvhi, nunigvwiyusv atsilvanelohi ale aniqualisi degvwalawitse qualedi, 63 hia nuniwesei; tsagvwiyuhi, oganvta nasgi na adalonuhesgi, asiquo tsigvnvgi, hia tsinuwesvgi; tsoinequo iga dodvgaleni. 64 nasgi iyusdi hinegi asdaya iyunvnediyi atselisdvi tsoine iga igohidv, gvwasdawadidohiyeno svnoyi yanilugi yigvwanosgi, hiano yinidaniwesi yvwi; tsuyohusv doulenv; oniyino unatlonuhelvi utli uyoiyu yigi esgaquo igvyiyi. 65 qualedi hia niduweselei; aniyawisgi detsikaha, itsena nasdayv igetsvnedi gee winitsvga. 66 howano unenvse asdayiyu winunvnele atselisdvi, uniyelvtane nvyohi, ale dunikane anigatidisgi.

28:1 unadodaquonvhino, gila iga nigalisdisgei alenisgv sunadodaquasdi gesv meli magideli ehi ale soi meli unagatanile atselisdvi. 2 ale gvniyuquo utsati gadohi ulitelvnei, yihowayeno utseli dikahnawadidohi galvladi tsutloasei, ulutsvno nvya uwesaqualele uhvse galohisdiyi ahvi; ale usgilanei. 3 dikanodiyi anagalisgi nasgiya gesei, unuwavno vnotsi tsinunegiyv numegiyei. 4 anigatiyano anisgaihv duninawei, ale tsuniyohusvhi nasgiya nunalistanei. 5 dikahnawadidohino unetsv hia niduwesele anigeyv; tlesdi nihi yisdisgaihesdi, tsigatahayeno tsisa agadvnvhi esdiyohvi. 6 vtla ani tigana, dulenvyeno nasgiya nuwesvi; esdena esdagata ugvwiyuhi atsinvnvi. 7 ale ulisdiyu isdena widisdinohvsi gvwasdawadidohi deulenv uyohusvi; ale gvniyuquo igvyi gelili nvdayesi, nahna dayetsigoi. gvniyuquo isdvnohvsi. 8 ulisdiyuno atselisdv unadanvsei, anisgaihe ale utsati analiheligei, ale dunisqualvtane gvwasdawadidohi duninonelvsei. 9 anaisvno daninonelisv gvwasdawadidohi gvniyuquo tsisa dunatlosei; dohiyi dedadagowadv, udvnei. unilutsvno tsulasideni duniniyvhei, eladi nigvwadvnelei. 10 hnaquono tsisa hia niduweselei, tlesdi yisdisgeihesdi; isdena widisdinohvsi otsalinvtli gelili wunilohisdiyi, nahnano dagvgigohi. 11 anaisvno gvniyuquo igadv uniyawisvhi unilutse gaduhvi, ale nunigvwiyusv atsilvanelohi duninonele nigadv nulistanidolvi. 12 nasgino ale dinilawigi dunilawitsv ale uninohelv, utsati adelv duninele aniyawisgi, 13 hia nuniwesei; hia nitsiwesvha; gvwasdawadidohi svnoyi unilutsvgi, otsilinv gvwanosgisvgi. 14 iyuno nasgi advganv ugvwiyuhi, dayotsisdiyetani, ale datsvsdelvhi. 15 dunigisvno adelv, nigetsiweselv nunadvnelei. nasgino hia kanohedv asi aninohelidoha anitsusi. 16 hnaquono sadu iyanidv gvwasdawadidohi gelili unenvsvgi tsodalv tsisa unasehelvi. 17 gvwagohvno eladi nigvwadvnelvgi. aseno igadv unadlasidvelvquo. 18 tsisano ulutsv duwonetanvgi, hia nuwesvgi; iginelv nigav digilvwisdanediyi galvladi ale elohi. 19 nasgi iyusdi itsena widitseyohvga nagadv nunadalesv yvwi, detsawosgesdi itsvdisgesdi dudov agayvligei ale uwetsi ale galvquodiyu adanvdo, 20 detseyohvsgesdi tsunikahnawadvsdiyi nigav itsvnetselvi; gvniyuquono nigohilv itsvyeladidoha wigvlisquadisgi elohi. emenv.