Chol


/1 Pero tsa' chvmi Cristo cha'anonla che' xmulilon tola; Che' jini, Dios tsi'
pvsbeyonla c'ux mi' yubinonla.
Che' maxto tilemic i q'uinilel Pascua, yujilix Jesus tsa'ix tili i yorajlel
cha'an mi' cvy panimil, cha'an mi' majlel ba'an i Tat; Tsi' c'uxbi i cha'ano'
bv ti panimil; Ma'anic tsi' cvyv i c'uxbinob.
Yic'ot ja'el Jesucristo, jini xuc'ul bv Testigo mu' bv i yvc' ti cvjnel i
sujmlel; Jinvch tsa' bv naxan tejchi loq'uel ba'an chvmeno' bv; I yumvch jini
reyob ti panimil; Cristo mi' c'uxbi nonla; Tsi' pocbeyonla loq'uel lac mul
ti' ch'ich'el.
Come che'i tsi' wen c'uxbi jini ano' bv ti panimil Dios; Tsi' yvc'v cojach bv
i Yalobil; Majqui jach mi' nop i Yalobil, ma'anic mi'sajtel; Mi' taj i
cuxtvlel mach bv anic mi' jilel.
Wv' ti Sion lac Yum tsa' tsictiyi tic tojlel; Tsi' yvlv: C'uxbibilet c cha'an
c'vlvl che' maxto anic panimil; Mach yujilic jilel j c'uxbiya; Jini cha'an
tsac pvsbeyet i yutslel c pusic'al.
/2 Che'vch tsa' ujti cha'an mi'ts'vctiyel i t'an lac Yum tsa' bv i yvlv ti'
yej x'alt'an: Awilan, mi caj i cvntan alvl juntiquil xch'oc maxto bv
pi'lebilic; Mi caj i yvc' ti panimil ch'iton bv i yalobil; Mi caj i
yotsvbentel i c'aba' Emanuel; An i sujmlel Emanuel ti lac t'an: Jinvch Dios
la quic'ot.