Guutip oqaasiagut uumasukkut atajuartukkut pisimallusi. Uinimmi tamarmi
ivikkatut ippoq usornaataalu tamarmi ivikkap kaavequtaatut; ivikkat toqusaraat
kaavequtaallu katattarlutik; Naalakkalli oqaasia naassaanngitsumik.
Naalagaq Naalagaq-aa, illit Guutiuvutit, oqaatsisillu sallusuissutaajumaarput.

Allakkat tamarmik Guutip anersaarneranik ilallit atortussaapputtaaq
ajoqersuutaallutik inerterqutaallutillu iluarsiartuutaallutillu iluarnermullu
perorsaataallutik.
Inuummi piumasaagut pruffiitip oqaaserisaa pinngisaannarpoq, anersaalli
illernartup pisimmatik inuit Guutimit oqalupput.
Tusarniarlusi siummissaritsi... Naalagaq oqalummat.
Allassimavoq: Timiusaannaq inuup inuussutiginngilaa, oqaaserli sunaluunniit
Guutip qarnanit anisoq inuussutigisaraa.
Pilluarput Guutip oqaasianik tusartut toqqorlugulu.
Ilumut, ilumut oqarfigaassi: Oqaatsinnik tusartoq aallartitsisigalu
upperalugu, taanna naassaanngitsumik inuussuteqarpoq, eqqartuussivimmullu
pissanngilaq, toqumilli inuunermut nuussimavoq.
Uanga silamiunut qaammaqqutaaunga... Oqaatsikka attavigiuarussigik ilumut
ajoqersugarissavassi, sallusuissullu ilisarissavarsi, sallusuissutillu
inussiaajunnaarsissavaasi... taamaattumik inussiaajunnaarluassaasi.
Qilallu nunalu nungussapput, oqaatsikkali nungussanngillat.
Allakkat illernartut ilinnik Kristusi Jiisusimut uppernikkut
annattussanngorninnik ilisimalersitsisinnaassut.
Guutip nalunaiaataa tassa ernerminik nalunaiaatigisaa. Guutip erneranut
uppertup nalunaiaat tamanna ilumigut pigaa; Guutimik upperinninngitsup taanna
sallutuutippaa, Guutip nalunaiaataa ernerminik nalunaiaatigisaa
upperinnginamiuk. Tassaavorlu nalunaiaat: Guutip inuussummik naassaanngitsumik
tunigaatigut, inuussullu erneraniippoq. Ernermik piginnittup inuussut pigaa;
Guutip erneranik piginninngitsup inuussut piginngilaa.
Silamiut Guutip ima asatigai ernitui tunniullugu kinaluunniit taassumunnga
uppertoq tammaqqunagu, naassaanngitsumilli innuussuteqaqqullugu. Guutip erni
silarsuarmut aallartinngilaa silamiut eqqartooqqullugit, kisianni silamiut
taassumuuna annaqqullugit. Taassumunnga uppertoq eqqartuunneqassanngilaq,
uppinnigitsorli eqqartuunneqareerpoq. Guutip ernituata aqqanut uppinnginnami.

Taanna (Jiisusi Kristuse) pruffiitit tamarmik nalunaiaassutigaat, taassumunnga
uppertut tamarmik taassuma aqqagut ajortiminnik isumakkeerfigineqassassut.
Matumuuna Guutip asannissusia erserpoq uatsinni, Guutip ernitui silarsuarmut
aallartimmagu taassumuuna inooqqulluta. Tamassa asanninnerup pissusia: uagut
Guuti asagatsigu pinngilaq, kisianni taassuma asammatigut, ernilu
aallartimmagu ajortitta matoorneqaatissaannik.
Matumannga asanninneq nalujunnaarparput: inuunini pilluta iperarmagu;
uaguttaaq inuunerput qatanngutivut pillugit iperassavarput.
Eqqissingaaqaat inatsisinnik asannittut.
Isumalluarfiginiaruk tappinnga, taava eqqissiumaarputit... inatsit qarnanit
pissoq ilassiniaruk, oqaasiilu uummatinni toqqukkit.
Tamakkuninnga allaffigaassi ilisimaqqullusi ilissi Guutip ernerata aqqanut
uppertusi inuussut naassaanngitsoq pigigissi.
Siornagumi allassimasut tamarmik allassimapput uatinnut ilinniutissaallutik
nerioqqulluta erinitsannata allakkallu tuppallersaatigalugit.
Qanoq ililluni inuusuttoq ingerlassava minguitsuuginnarluni? Misissoruni
oqaatsisit malillugit.
Oqaatsisit isikkannut naneruutaapput tummissassannut qaamaqqutaallutik.
Oqaatsisit nanisassaammata... uummatima nuannaralugillu tipaatsuutigai.