Tout moun fè péché; yo tout viré do bay Bondié ki gin pouvoua-a. Ròm 3:23
Péché péyé nou kach: li ban nou lanmò; min kadò Bondié ban nou gratis la, sé lavi ansanm ak Jézikri, Ségnè nou an, you lavi ki pap janm fini. Ròm 6:23
Sé paské li rinmin nou kifè li délivré nou, nou minm ki mété konfians no nan li. Sa pa soti nan nou minm minm sé you kado Bondié ban nou. Non, nou pa fè angnin pou sa. Konsa, pésonn pa ka vanté tèt yo. Éfèz 2:8-9
Pèséptè kontribision an minm té rété dèyè, li pat minm gin kouraj lévé jé-l nan sièl; li tap bat léstonmak li, li tap di: Bondié, gin pitié pou mouin ki fè anpil péché. Lik 18:13
Paské, Bondié sitèlman rinmin lézòm li bay sèl Pitit li-a pou yo. Tout moun ki va mété konfians yo nan li pap pédi lavi yo. Okontrè ya gin lavi ki pap janm fini an. Bondié pa voyé Pitit li-a sou latè pou kondannin lèzòm, min pito pou-l té kapab délivré yo. Jan 3:16-17
Tout tantasion nou jouinn sou chémin nou, sé minm kalité tantasion tout moun jouinn sou chémin yo tou. Min, Bondié li minm toujou kinbé paròl li: li pap kité yo tanté nou you jan ki dépasé sa nou ka sipòté. Min, lè nou va anba tantasion an, la ban nou fòs pou nou ka sipòté-l, pou nou ka soti anba li. I Korint 10:13
Paské, mouin gin lasirans angnin pa ka fè nou pèdi rinmin Kris la gin pou nou: ni lanmò, ni lavi, ni zanj Bondié yo, ni lòt otorité ak pouvoua ki nan sièl la, ni bagay ki la jòdi-a, ni sa ki gin pou vini pita, ni pouvoua ki anro nan sièl la, ni pouvoua ki anba tè-a. Non. Pa gin angnin nan tout kréyasion Bondié-a ki ka janm fè nou pèdi rinmin Bondié fè nou ouè nan Jézikri, Ségnè nou an. Ròm 8:38-39
Paské, avèk Kris la, laloua-a jouinn bout li. Konsa, Bondié fè tout moun ki kouè nan Kris la gras. Ròm 10:4
Paskè, nan Liv la Bondié té di: Mouin té kouté ou, lè lè-a té rivé pou-m té fè ou gras la. Mouin té poté ou sékou, lè jou-a té rivé pou-m té délivré ou la. Inbin, koulyé-a, min lè-a rivé pou-n résévoua favè Bondié-a; sé jòdi-a minm nou ka jouinn délivrans. 2 Korint 6:2
Lè pèp la tandé paròl sa yo, yo santi kè yo boulvèsé. Yo mandé Piè ansanm ak lòt apòt yo: --Frè nou yo, kisa pou nou fè? Piè réponn yo: --Tounin vi-n jouinn Bondié, épi youn apré lòt vi-n résévoua batèm nan non Jézikri, pou Bondié padonnin tout péché nou yo. Apré sa, na résévoua Sintéspri, kado Bondié-a. Travay 2:37-38
Sé pou nou vi-n you lòt kalité moun jan Bondié vlé-l la, pou nou sanblé ak li pou nou ka minnin you lavi ki douat, you lavi ki apa pou Bondié, jan vérité-a mandé-l la. Éfèz 4:24
Jan sa ekri nan Liv la: Nanpwen moun ki gen rezon devan Bondye. Non, pa menm yon grenn. Ròm 3:10
Se poutèt yon sèl moun peche antre sou latè. Peche a louvri pòt pou lanmò. Se konsa lanmò vin pou tout moun, paske tout moun fè peche. Ròm 5:12
Se konsa, lè nou pa t' kapab fè anyen pou tèt pa nou, Kris la mouri pou tout moun ki meprize Bondye, nan tan Bondye te fikse pou sa te rive a. Ròm 5:6
Sou pwen sa a, Bondye moutre nou jan li renmen nou anpil; paske nou t'ap fè peche toujou lè Kris la mouri pou nou. Ròm 5:8
Men, dapre Sentespri ki fè nou viv pou Bondye, li te fè nou wè avèk pouvwa se Pitit Bondye a li ye, lè l' te leve soti vivan nan lanmò. Ròm 1:4
Nou konnen Kris la te leve soti vivan nan lanmò, li pa gen pou l' mouri ankò; lanmò pa gen okenn pouvwa sou li. Ròm 6:9
Si ou deklare ak bouch ou devan tout moun Jezi se Seyè a, si ou kwè tout bon nan kè ou Bondye te fè l' leve soti vivan pami mò yo, wa sove. Ròm 10:9
Se sa ki ekri nan Liv la: Nenpòt moun ki rele non Met la gen pou jwenn delivrans. Ròm 10:13
Paske, mwen gen lasirans anyen pa ka fè nou pèdi renmen Kris la gen pou nou: ni lanmò, ni lavi, ni zanj Bondye yo, ni lòt otorite ak pouvwa ki nan syèl la, ni bagay ki la jòdi a, ni sa ki gen pou vini pita, ni pouvwa ki anwo nan syèl la, ni pouvwa ki anba tè a. Non. Pa gen anyen nan tout kreyasyon Bondye a ki ka janm fè nou pèdi renmen Bondye fè nou wè nan Jezikri, Seyè nou an. Ròm 8:38-39