ᐅᖃᐅᓯᖅ ᐃᓅᓯᐅᔪᖅ
1 ᐱᒋᐊᕐᖕᓂᕐᖕᒥ ᐅᖃᐅᓯᖅ ᑕᕝᕙᓃᓚᐅᖅᐳᖅ, ᐅᖃᐅᓯᖅᓗ ᒎᑎᒦᑉᐳᖅ, ᐅᖃᐅᓯᖅᓗ ᒎᑎᐅᕗᖅ. 2 ᑖᓐᓇ ᐱᒋᐊᕐᖕᓂᕐᖕᒥᑦ ᒎᑎᒦᑉᐳᖅ; 3 ᓱᓇᓕᒫᑦᓯᐊᑦ ᑖᑦᓱᒨᓇ ᐱᓐᖑᖅᑎᑕᐅᓯᒪᕗᑦ; ᑖᑦᓱᒪᓗ ᐊᓯᐊᒍᑦ ᐱᓐᖑᖅᑎᑕᐅᓯᒪᔪᖃᓐᖏᓚᖅ ᐱᓐᖑᖅᑎᑕᐅᓯᒪᔪᓂᒃ. 4 ᐃᓅᓯᖅ ᑖᑦᓱᒪᓃᑉᐳᖅ, ᐃᓅᓯᖅᓗ ᐃᓄᖕᓂᑦ ᖃᐅᒻᒪᖅᑯᑕᐅᕗᖅ. 5 ᖃᐅᒪᔪᖅ ᖃᐅᒻᒤᕗᖅ ᑖᖅᑐᒥᒃ, ᑖᖅᑑᓪᓗ ᖃᒥᓚᐅᓐᖏᓛ. 6 ᒎᑎ ᑎᓕᓯᓚᐅᖅᐳᖅ ᐃᓄᖕᒥᒃ, ᔪᐊᓇᓯᒥᒃ ᐊᑎᓕᖕᒥᒃ, 7 ᑖᓐᓇ ᑎᑭᓚᐅᖅᐳᖅ ᐅᖃᐅᑦᔨᔭᖅᑐᖅᓗᓂ, ᖃᐅᒪᔪᒥᒡᓗ ᓇᓗᓁᖅᓯᔭᖅᑐᖅᓗᓂ, ᐃᓘᓐᓇᑎᒃ ᑖᑦᓱᒨᓇ ᐅᒃᐱᓕᖅᑎᑕᐅᖁᓪᓗᒋᑦ. 8 ᓇᖕᒥᓂᖅᓕ ᔪᐊᓇᓯ ᖃᐅᒪᔫᓐᖏᓚᖅ, ᑎᑭᓚᐅᖅᐳᖅᓕ ᐅᓐᓂᖅᓯᐅᕈᑎᖃᕆᐊᖅᑐᖅᓗᓂ ᖃᐅᒪᔪᒥᒃ. 9 ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᖅᔪᐊᕐᖕᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ. 10 ᖃᐅᒪᔪᖅ ᓯᓚᖅᔪᐊᕐᖕᒦᓚᐅᖅᐳᖅ, ᓯᓚᖅᔪᐊᖅᓗ ᑖᑦᓱᒨᓇ ᐱᓐᖑᖅᑎᑕᐅᓯᒪᕗᖅ, ᓯᓚᖅᔪᐊᕐᖕᒥᐅᓪᓕ ᖃᐅᔨᒪᓐᖏᓛᑦ. 11 ᓄᓇᒥᓄᑦ ᓇᖕᒥᓂᕐᖕᒥᓄᑦ ᑎᑭᑉᐳᖅ, ᐃᓄᖁᑎᖏᑕᓕ ᓇᖕᒥᓂᖏᑕ ᐃᓚᓕᐅᓐᖏᓛᑦ. 12 ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᖅᓗᑎᒡᓗ ᑖᑦᓱᒧᖓ, ᑖᒃᑯᐊ ᐱᔪᓐᓇᕐᖕᓂᖅᑖᖅᑎᑉᐰᑦ ᕿᑐᕐᖓᐅᓕᖁᓪᓗᒋᑦ ᒎᑎᒧᑦ; 13 ᑖᒃᑯᐊ ᐃᕐᖕᓂᐊᖑᕗᑦ, ᐊᖑᒻᒥᑦ ᐱᓇᑎᒃ ᑎᒥᐅᓪᓗ ᐱᔪᒪᔭᖓᓂᑦ ᐃᓅᓪᓗ ᐱᔪᒪᔭᖓᓂᑦ ᐱᖕᒥᓇᑎᒃ, ᒎᑎᒥᓪᓕ ᐃᕐᖕᓂᐊᖑᕗᑦ. 14 ᐅᖃᐅᓯᖅᓗ ᑎᒥᑖᓚᐅᖅᐳᖅ ᐃᓅᖃᑎᒋᓕᖅᓗᑕᓗ, ᓂᖅᑐᕐᖕᓇᕐᖕᓂᖅᔪᐊᖓ ᑕᑯᓚᐅᖅᐸᕗᑦ, ᓂᖅᑐᕐᖕᓇᕐᖕᓂᖅᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᖕᓂᑐᐊᖑᓂᕐᖕᒥᓄᑦ; ᐱᔪᓐᓇᖅᑎᑦᓯᓂᕐᖕᒥᒃ ᓱᓕᑦᓯᐊᕐᖕᓂᕐᖕᒥᒡᓗ ᑕᑕᑦᑐᖅ. 15 ᔪᐊᓇᓯᐅᑉ ᓂᐱᖅᑯᖅᑐᓪᓗᓂ ᐅᖃᐅᓯᕆᓚᐅᖅᐹ ᐅᖃᖅᓗᓂ, “ᑖᓐᓇᐅᕗᖅ ᐅᖃᐅᓯᕆᓚᐅᖅᑕᕋ, ‘ᑭᖑᓂᒃᑯᑦ ᕾᓂᐊᖅᐳᖅ ᐅᕙᓐᓂᑦ ᐊᔪᖏᓐᓂᖅᓴᐅᔪᖅ, ᐃᓅᓕᓚᐅᖅᑎᓐᓇᖓ ᐃᓅᓯᒪᔪᖅ.’” 16 ᑖᑦᓱᒪᓗ ᐱᔪᓐᓇᖅᑎᑦᓯᓂᖅᔪᐊᖓᓄᑦ ᓮᒻᒪᖅᑎᑕᐅᓯᒪᕗᒍᑦ ᐃᓘᓐᓇᑕ, ᐱᑦᓯᐊᖅᕕᐅᓂᕐᖕᒥᑦ ᐱᑦᓯᐊᖅᕕᐅᓂᕐᖕᒧᑦ ᓮᒻᒪᖅᑎᑕᐅᕙᓪᓕᐊᖏᓐᓇᖅᓗᑕᓗ. 17 ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᖅᐳᑦ; ᐱᑦᓯᐊᖅᕕᐅᓂᖅᓕ ᓱᓕᑦᓯᐊᕐᖕᓂᖅᓗ ᔩᓱᓯ ᙭ᔅᑑᓯᑯᑦ ᐱᕘᒃ. 18 ᒎᑎᒥᒃ ᑕᑯᓯᒪᔪᖃᓐᖏᓚᖅ; ᐃᕐᖕᓂᑐᐊᓪᓕ ᐊᑖᑕᐅᑉ ᓴᖅᓕᐊᖅᑕᖓᑕ, ᑖᑦᓱᒪ ᒎᑎ ᖃᐅᔨᔭᐅᑎᑉᐹ.
ᔪᐊᓇᓯ ᐹᑉᑎᑎᕆᔨᐅᑉ ᐊᔪᕆᖅᑐᐃᓂᖓ
19 ᔫᑎᑦ ᐊᖓᔪᖅᑳᖏᑦ ᔪᕉᓴᓚᒦᑦᑐᑦ ᑐᓂᕐᕈᓯᖅᑎᑦᓯᔨᓂᒃ ᓕᕔᑎᓂᒡᓗ ᔪᐊᓇᓯᒥᒃ ᐊᐱᕆᔭᖅᑐᖁᔨᕗᑦ, “ᑭᓇᐅᕖᑦ?” 20 ᔪᐊᓇᓯᓕ ᓴᒡᓗᓇᓂ, ᐅᖃᑦᓯᐊᖅᐳᖅ ᓇᓗᓁᖅᓯᑦᓯᐊᖅᓗᓂᓗ ᐅᖃᖅᐳᖅ, “᙭ᔅᑑᓯᐅᓐᖏᓚᖓ.” 21 ᑖᒃᑯᐊᓗ ᐊᐱᕆᕚᑦ, “ᑭᓇᐅᕕᓪᓖ? ᐃᓔᑦᔭᐅᕖᑦ?” ᔪᐊᓇᓯᐅᑉ ᑭᐅᕔᑦ, “ᑖᓐᓇᐅᓐᖏᓚᖓ.” “ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᒋᕚᑏᑦ?” ᑭᐅᕔᓪᓗ, “ᐋᒃᑲ.” 22 ᑕᕝᕙ ᑖᒃᑯᐊ ᐅᖃᕆᕗᑦ, “ᐅᖃᐅᑎᓚᐅᖅᑎᒍᑦ ᑭᓇᐅᖕᒪᖔᖅᐱᑦ ᐅᕙᑦᑎᓐᓂᒃ ᑎᓕᓯᔪᓄᑦ ᐅᖃᐅᑦᔨᔭᕆᐊᖃᕐᖕᓂᐊᕋᑦᑕ; ᖃᓄᖅᓕ ᐃᓕᖕᓂᒃ ᐅᖃᐅᓯᕆᔪᓐᓇᖅᐱᑦ ᑭᓇᐅᓂᕐᖕᓂᒃ?” 23 ᔪᐊᓇᓯᐅᑉ ᑭᐅᕔᑦ, “ᑍᓐᓇᐅᕗᖓ, ‘ᓂᐱ ᕾᒐᓛᖅᑐᖅ ᑐᓴᖅᓴᐅᕗᖅ ᐃᓄᖃᖏᑦᑐᒥ; ᐊᑕᓂᐅᑉ ᐊᖅᑯᑎᒃᓴᖓ ᑐᑭᓕᐊᖅᓯᑎᓯᐅᒃ,’ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᑕ ᐂᓮᐊᓯᐅᑉ ᐅᖃᐅᓯᕆᓯᒪᔭᖓ.” 24 ᑖᒃᑯᐊ ᐹᕋᓯᒃᑯᓐᓂᑦ ᑎᓕᔭᐅᓯᒪᔪᑦ, 25 ᐊᐱᕆᓕᕆᕚᑦ, “ᓱᖕᒪᓪᓕ ᐹᑉᑎᑦᓯᖃᑦᑕᖅᐲᑦ? ᙭ᔅᑑᓯᐅᓇᒃ, ᐃᓔᑦᔭᐅᓇᒡᓗ, ᒎᑎᒧᓪᓗ ᐱᔪᖃᓛᖅᑐᒥᒃ ᐅᖃᖅᑎᒋᔭᐅᓇᒃ.” 26 ᔪᐊᓇᓯᐅᑉ ᑭᐅᕔᑦ, “ᐃᒪᕐᖕᒧᑦ ᐹᑉᑎᑦᓯᕗᖓ; ᐊᑯᓐᓇᑦᓯᓐᓂᓕ ᓇᖏᖅᑐᖃᓕᖅᐳᖅ ᖃᐅᔨᒪᓐᖏᑕᑦᓯᓐᓂᒃ, 27 ᑖᓐᓇ ᑭᖑᓂᒃᑯᑦ ᕾᕗᖅ, ᓇᓗᖅᑯᑎᕗᖓᓕ ᐊᒡᓛᑦ ᐃᑎᒐᒍᑎᖏᓐᓂᒃ ᓯᖐᑦᔮᖅᓯᔭᕆᐊᒃᓴᖅ.” 28 ᑕᒪᓐᓇ ᐱᓂᐊᕐᖕᓂᐅᓚᐅᖅᐳᖅ ᐱᑕᓂᒥ ᑰᑉ ᔪᐊᕐᑕᓂᐅᑉ ᑕᓕᖅᐱᐊᓂ, ᔪᐊᓇᓯᐅᑉ ᐹᑉᑎᓯᕕᖓᓂ.
ᒎᑎᐅᑉ ᓄᕐᕋᐅᔭᖁᑎᖓ
29 ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᖅᑐᖅ ᑕᑯᒐᒥᐅᒃ, ᐅᖃᖅᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᖅᔪᐊᕐᖕᒥᐅᑦ ᐊᔪᕐᖕᓂᖏᓐᓂᒃ ᐲᔧᔪᖅ! 30 ᑕᕝᕙ ᐅᖃᐅᓯᕆᓚᐅᖅᑕᕋ ᐅᖃᖅᑎᓪᓗᖓ, ‘ᐊᖑᑦ ᑭᖑᓂᒃᑯᑦ ᕾᓂᐊᖅᐳᖅ ᐅᕙᓐᓂᑦ ᐊᔪᖏᓐᓂᖅᓴᐅᔪᖅ, ᐃᓅᓚᐅᖅᑎᓐᓇᖓ ᐃᓅᓯᒪᒐᒥ.’ 31 ᓇᖕᒥᓂᖅᓕ ᖃᐅᔨᒪᓚᐅᓐᖏᓚᕋ; ᑍᒤᒻᒪᑦ ᐃᒪᕐᖕᒧᑦ ᐹᑉᑎᑎᕆᔭᖅᑐᓚᐅᖅᐳᖓ, ᐃᓕᑕᕆᔭᐅᓕᖁᓪᓗᒍ ᐄᓴᕅᓕᒥᐅᓄᑦ.” 32 ᔪᐊᓇᓯᓗ ᓇᓗᓁᖅᓯᓚᐅᖅᐳᖅ ᐃᒫᒃ, “ᐊᓂᕐᖕᓂᖅ ᕿᓚᖕᒥᑦ ᐊᖅᑲᖅᑐᖅ ᑕᑯᓚᐅᖅᐸᕋ ᑎᖕᒥᐅᑐᑦ ᑑᕕᑐᑦ, ᑖᑦᓱᒪᓃᓕᖅᓗᓂᓗ. 33 ᓇᖕᒥᓂᖅᓕ ᖃᐅᔨᒪᓚᐅᓐᖏᓚᕋ; ᑎᓕᔨᒪᓕ ᐃᒪᕐᖕᒧᑦ ᐹᑉᑎᑎᕆᔭᖅᑐᖁᓪᓗᖓ ᐅᖃᐅᑎᓚᐅᖅᐹᖓ, ‘ᐊᖑᒻᒧᑦ ᐊᓂᕐᖕᓂᕐᖕᒥᒃ ᐊᖅᑲᖅᑐᒥᒃ ᑕᑯᒍᕕᑦ ᑕᕝᕙᓃᓕᖅᑐᒥᒡᓗ, ᑖᓐᓇᐅᕗᖅ ᐊᓂᕐᖕᓂᕐᖕᒧᑦ ᐃᑦᔪᕐᖕᓁᑦᑐᒧᑦ ᐹᑉᑎᑎᕆᔨ.’ 34 ᑕᑯᓚᐅᖅᐸᕋ, ᐅᖃᐅᑎᕙᑦᓯᓗ ᑖᓐᓇᐅᕗᖅ ᑕᕝᕙ ᒎᑎᐅᑉ ᐃᕐᖕᓂᖓ.”
ᔩᓱᓯᐅᑉ ᐃᓕᓐᓂᐊᖅᑎᑖᖏᑦ ᓯᕗᓪᓕᖅᐹᑦ
35 ᖃᐅᑎᓪᓗᒍ ᔪᐊᓇᓯ ᑕᕝᕙᓃᓕᕆᕗᖅ ᐃᓕᓐᓂᐊᖅᑎᒥᓂᒃ ᒪᕐᕉᖕᓂᒃ ᐃᓚᖃᖅᓗᓂ; 36 ᔩᓱᓯᓗ ᐱᓱᒃᑐᖅ ᑕᑯᒐᒥᐅᒃ, ᐅᖃᖅᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ!” 37 ᐃᓕᓐᓂᐊᖅᑎᖏᒃᑕᓕ ᐅᖃᖅᑐᖅ ᑐᓴᕋᒥᒃᑯᒃ, ᔩᓱᓯ ᒪᓕᓕᖅᐹᒃ. 38 ᔩᓱᓯᓕ ᕿᕕᐊᕋᒥ, ᑕᑯᕗᖅ ᒪᓕᒃᑑᖕᓂᒃ, ᐅᖃᐅᑎᕚᒃ, “ᓱᓇᒥᒃ ᕿᓂᖅᐱᓰᒃ?” ᑭᐅᕘᒃ, “ᕌᑉᐰ (ᑐᑭᖃᖅᐳᖅ ᐃᓕᓮᔨ), ᑭᓇᒃᑯᓐᓃᑉᐲᑦ?” 39 ᔩᓱᓯᐅᑉ ᐅᖃᐅᑎᕚᒃ, “ᕾᓗᓯᒃ ᑕᑯᔭᖅᑐᓕᕆᑦᓯᒃ.” ᑕᕝᕙ ᒪᓕᓕᖅᐹᒃ ᖃᐅᔨᓪᓗᑎᒡᓗ ᓇᓂᒥᐅᑕᐅᖕᒪᖔᑦ; ᐅᓪᓗᒥᓗ ᑕᕝᕙᓂ ᓇᔫᑎᕘᒃ, ᐅᓐᓄᓴᐅᓕᓚᐅᕐᖕᒪᑦ ᐃᒻᒪᖄ 4 -ᖃᓂᒋᔮᓂ. 40 ᑖᒃᑯᐊᒃ ᔪᐊᓇᓯ ᐅᖃᖅᑎᓪᓗᒍ ᑐᓴᓚᐅᖅᑑᒃ, ᔩᓱᓯᓗ ᒪᓕᓕᖅᓗᒍ ᐂᑉᐸᖓ ᐋᓐᑐᕉᖑᕗᖅ ᓮᒨᓂ ᐲᑦᑐᕉᓯᐅᑉ ᓄᑲᖓ. 41 ᓯᕗᓪᓕᖅᐹᒥᒡᓗ ᐊᖓᔪᒥᓄᐊᖅᐳᖅ ᓮᒨᓂᒧᑦ, ᐅᖃᐅᑎᓪᓗᒍᓗ, “ᒥᓮᐊ ᓇᓂᕙᕗᑦ.” (ᑐᑭᖃᖅᐳᖅ “᙭ᔅᑑᓯ.”) 42 ᐋᓐᑐᕉᓪᓗ ᓮᒨᓂ ᔩᓱᓯᒧᐊᕈᑎᕚ. ᔩᓱᓯᐅᓪᓗ ᑕᑯᒐᒥᐅᒃ, ᐅᖃᐅᑎᕚ, “ᓮᒨᓂᐅᕖᑦ ᔪᐊᓇᓯᐅᑉ ᐃᕐᖕᓂᖓ? ᓰᐸᓯᒥᒃ ᐊᑎᖃᕐᖕᓂᐊᓕᖅᐳᑎ.” (ᓰᐸᓯ ᑐᑭᖃᖅᐳᖅ ᐲᑦᑐᕉᓯ ᐅᕝᕙᓗ “ᕾᖅᑐᖅ.”)
ᔩᓱᓯᐅᑉ ᕾᖁᔨᓂᖓ ᐱᓕᑉᐴᓯᒥᒃ ᓈᑕᓁᒥᒡᓗ
43 ᖃᐅᑎᓪᓗᒍ ᔩᓱᓯ ᒐᓕᓕᐊᒧᐊᕈᒪᓕᖅᐳᖅ. ᑲᑎᓯᕗᖅᓗ ᐱᓕᑉᐴᓯᒥᒃ ᐅᖃᐅᑎᓪᓗᒍᓗ, “ᒪᓕᓐᖓ.” 44 ᐱᓕᑉᐴᓯᓕ ᐱᑦᓮᑕᒥᐅᑕᐅᕗᖅ, ᐋᓐᑐᕉᒃᑯᒃ ᐲᑦᑐᕉᓯᒃᑯᒃ ᓄᓇᖓᓂᑦ. 45 ᐱᓕᑉᐴᓯᐅᓪᓗ ᓈᑕᓁ ᑲᑎᒐᒥᐅᒃ ᐅᖃᐅᑎᕚ, “ᑲᑎᓯᕗᒍᑦ ᒨᓯᓯᐅᑉ ᐱᖁᔭᖏᓐᓂ ᒎᑎᐅᓪᓗ ᐱᔪᖃᓛᖅᑐᒥᒃ ᐅᖃᖅᑎᖏᑕ ᐅᖃᐅᓯᕆᓯᒪᔭᖓᓂᒃ, ᔩᓱᓯ ᓈᓴᕇᑎᒥᐅᖅ, ᔫᓯᐱᐅᑉ ᐃᕐᖕᓂᖓ.” 46 ᓈᑕᓁᑉ ᐊᐱᕆᕚ, “ᓈᓴᕇᑎᒥᑦ ᐱᐅᔪᒥᒃ ᓴᖅᑭᑦᑐᖃᕈᓐᓇᖅᐹ?” ᐱᓕᑉᐴᓯᐅᑉ ᑭᐅᕚ, “ᕾᓗᑎᑦ ᑕᑯᔭᖅᑐᕆᑦ.” 47 ᔩᓱᓯᐅᓪᓕ ᓈᑕᓁ ᒥᒃᓯᒧᑦ ᕾᓕᖅᑐᖅ ᑕᑯᒐᒥᐅᒃ, ᐅᖃᐅᓯᕆᕚ, “ᑕᑯᒋᑦ, ᑕᕝᕙ ᐄᓴᕅᓕᐅᔪᖅ ᓱᓕᑦᓯᐊᖅᑐᒥᒃ, ᑖᑦᓱᒪᓂᓗ ᓱᓕᖏᓐᓂᖅᑕᖃᓐᖏᓚᖅ!” 48 ᓈᑕᓁᓪᓗ ᐊᐱᕆᕚ, “ᖃᓅᖅ ᖃᐅᔨᒪᕕᖔ?” ᔩᓱᓯᐅᑉ ᑭᐅᕚ, “ᐱᓕᑉᐴᓯᒧᑦ ᕾᖁᔭᐅᓚᐅᖄᖅᑎᓐᓇᒃ, ᓇᐹᖅᑑᑉ ᐸᐅᕐᖓᓕᒃᓴᐅᑉ ᐊᑖᓂ ᐃᒃᓯᕙᑎᓪᓗᑎᑦ ᑕᑯᓚᐅᖅᐸᒋᑦ.” 49 ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᖕᓂᕆᕚᑎᑦ! ᐄᓴᕅᓕᒥᐅᑦ ᐊᖓᔪᖅᑳᖅᔪᐊᖓᑦ!” 50 ᔩᓱᓯᐅᑉ ᑭᐅᕚ, “ᐅᒃᐱᓕᖅᐲᑦ? ᐅᖃᖅᑲᐅᓂᕋ ᐱᓪᓗᒍ ᑕᑯᓚᐅᕐᖕᓂᕋᖅᓗᑎᑦ ᓇᐹᖅᑑᑉ ᐸᐅᕐᖓᓕᒃᓴᐅᑉ ᐊᑖᓃᑎᓪᓗᑎᑦ? ᑕᑯᖃᑦᑕᕐᖕᓂᐊᖅᐳᑎᑦ ᑕᒪᑐᒪᓐᖓᑦ ᐊᖏᓂᖅᓴᓂᒃ.” 51 ᐅᖃᐅᑎᓪᓗᒋᓪᓗ, “ᓱᓕᑦᓯᐊᖅᑐᒥᒃ ᐅᖃᐅᑎᕙᑦᓯ, ᕿᓚᒃ ᐊᖕᒪᖅᑐᖅ ᑕᑯᔪᒫᖅᐸᓯ, ᒎᑎᐅᓪᓗ ᐂᖏᓕᖏᑦ ᒪᔪᕋᖅᑐᑦ ᐊᖅᑲᖅᑎᖅᑐᓪᓗ ᐃᓅᑉ ᐃᕐᖕᓂᖓᓄᑦ.”
ᑬᓇᒥ ᑲᑎᑎᑕᐅᔪᖃᕐᖕᓂᖓ
1 ᐅᓪᓗᐃᑦ ᐱᖓᔪᒋᓕᖅᑕᖓᓐᓂ ᑬᓇᒥ ᒐᓕᓕᐊᒦᑦᑐᒥ ᑲᑎᑎᑕᐅᔪᖃᓚᐅᖅᐳᖅ, ᔩᓱᓯᐅᓪᓗ ᐊᓈᓇᖓ ᑕᕝᕙᓃᑉᐳᖅ; 2 ᔩᓱᓯᑦᑕᐅᖅ ᕾᖁᔭᐅᓯᒪᒋᕗᑦ ᑲᑎᑎᑕᐅᔫᖕᓄᑦ, ᐃᓕᓐᓂᐊᖅᑎᖏᓪᓗ. 3 ᕔᓃᑦ ᓄᖑᒻᒪᑕ, ᐊᓈᓇᖓᑕ ᔩᓱᓯ ᐅᖃᐅᑎᕚ, “ᕔᓂᒥᒃ ᓄᖑᕈᑎᖕᒪᑕ.” 4 ᔩᓱᓯᐅᓪᓗ ᐅᖃᐅᑎᕚ, “ᐊᕐᖕᓈᖅ, ᖃᓄᐃᓕᐅᖁᓗᖓ ᐅᖃᕆᐊᖃᓐᖏᓚᑎᑦ, ᐱᕕᒃᓴᕋ ᓱᓕ ᓇᓪᓕᐅᑎᓯᒪᖏᒻᒪᑦ.” 5 ᑕᕝᕙ ᔩᓱᓯᐅᑉ ᐊᓈᓇᖓᑕ ᐱᔩᑦ ᐅᖃᐅᑎᕔᑦ, “ᖃᓄᑐᐃᓐᓇᖅ ᐱᖁᔨᓂᖓ ᒪᓕᖕᓂᐊᖅᐸᓯ.” 6 ᔫᑎᑦ ᒪᓕᒐᖃᕐᖕᒪᑕ ᐅᒃᐱᕐᖕᓂᖅ ᐱᑦᔪᑎᒋᓗᒍ ᓴᓗᒻᒪᖅᓮᓂᕐᖕᒥᒃ, ᑍᒤᒻᒪᑦ ᐱᖓᓲᔪᖅᑐᓂᒃ ᐃᒥᖃᐅᑎᓂᒃ ᐅᔭᕋᖕᓂᒃ ᑕᕝᕙᓃᑦᑐᖃᖅᐳᖅ, ᐊᑐᓂᑦ ᐊᖏᓂᖃᖅᓗᑎᒡᓗ ᐊᑕᐅᓯᖅ 20 -ᒥᑦ 30 -ᒧᑦ ᖃᓪᓗᑎᓂᒃ. 7 ᔩᓱᓯᐅᑉ ᐱᔩᑦ ᐅᖃᐅᑎᕔᑦ, “ᐅᑯᐊ ᐃᒥᖃᐅᑏᑦ ᐃᒥᕐᖕᒥᒃ ᐃᒻᒥᖅᓯᐅᒃ.” ᑕᕝᕙ ᐃᒻᒥᖅᐰᑦ ᑕᑕᑦᓯᐊᖅᓗᒋᑦ. 8 ᐅᖃᐅᑎᕔᓪᓗ, “ᑕᕝᕙᓐᖓᑦ ᖃᓗᓯᓗᓯ, ᓂᕆᕕᒡᔪᐊᖅᑐᑦ ᐊᖓᔪᖅᑳᖓᓐᓄᑦ ᐋᑦᓯᓕᕆᑦᓯ.” ᑕᕝᕙ ᐋᑦᓯᕗᑦ ᑖᑦᓱᒧᖓ, 9 ᓂᕆᕕᒡᔪᐊᖅᑐᑦ ᐊᖓᔪᖅᑳᖓᑦᑕ ᐃᒥᖅ ᐆᒃᑐᕋᒥᐅᒃ ᕔᓂᐅᓕᖅᑐᖅ, ᖃᐅᔨᒪᓚᐅᓐᖏᓚᖅ ᓇᑭᑦ ᐱᖕᒪᖔᑦ (ᐱᔩᓪᓕ ᐃᒥᕐᖕᒥᒃ ᖃᓗᓯᖅᑲᐅᔪᑦ ᖃᐅᔨᒪᕗᑦ), ᓂᕆᕕᒡᔪᐊᖅᑐᑦ ᐊᖓᔪᖅᑳᖓᑦᑕ ᐅᐃᒃᓴᖅ ᕾᖁᕚ 10 ᐅᖃᐅᑎᓪᓗᒍᓗ, “ᐱᐅᓯᕆᔭᐅᓲᖑᕗᖅ ᕔᓂ ᒪᒪᕐᖕᓂᖅᐹᖅ ᓯᕗᓪᓕᐅᑎᓪᓗᒍ; ᓂᕆᔭᖅᑐᖅᓯᒪᔪᓪᓕ ᐃᒥᕇᖅᓯᒪᓕᖅᐸᑕ, ᑭᖑᓕᐅᑎᓪᓗᒍ ᕔᓂ ᒪᒪᖏᓐᓂᖅᓴᖅ ᐊᑐᐃᓐᓇᕈᖅᑕᐅᓲᖑᕗᖅ; ᐃᕝᕕᓪᓕ ᕔᓂ ᒪᒪᕐᖕᓂᖅᐹᖅ ᑭᖑᓪᓕᐅᑎᖔᖅᐸᑦ.” 11 ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᖅᐹᖓᑦ, ᐱᓂᐊᕐᖕᓂᕆᓚᐅᖅᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᖅᑐᕐᖕᓇᕐᖕᓂᖅᔪᐊᓂ ᓴᖅᑭᑎᓚᐅᖅᐹ; ᐃᓕᓐᓂᐊᖅᑎᖏᑕᓗ ᐅᒃᐱᕆᕚᑦ. 12 ᑕᒪᑐᒪ ᑭᖑᓂᖓᒍᑦ ᔩᓱᓯ, ᐊᓈᓇᖓᓗ, ᖃᑕᓐᖑᑎᖏᓪᓗ ᐃᓕᓐᓂᐊᖅᑎᖏᓪᓗ ᑲᐲᕐᓂᐊᒧᐊᖅᐳᑦ; ᑕᕝᕙᓃᑉᐳᓪᓗ ᐅᓪᓗᓂᒃ ᐅᓄᖏᑦᑐᓂᒃ.
ᔩᓱᓯᐅᑉ ᑐᒃᓯᐊᖅᕕᒡᔪᐊᕐᖕᒧᐊᕐᖕᓂᖓ
13 ᔫᑎᑦ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᖅᕕᖓᑦ ᖃᒡᓕᓕᕐᖕᒪᖅ, ᔩᓱᓯ ᔪᕉᓴᓚᒧᐊᖅᐳᖅ. 14 ᑐᒃᓯᐊᖅᕕᒡᔪᐊᕐᖕᒥᓗ ᐃᓄᖕᓂᒃ ᑕᑯᕗᖅ ᐃᒻᒧᒃᓯᐅᒊᑦ ᐸᖕᓂᖏᓐᓂᒃ ᓰᐱᓂᒡᓗ ᐊᕿᒡᒋᐅᔮᖅᑐᓂᒡᓗ ᓂᐅᕐᕈᑎᖃᖅᑐᓂᒃ, ᑮᓇᐅᔭᓂᒡᓗ ᑕᐅᖅᓰᔩᑦ ᐱᓇᓱᐊᖅᑎᓪᓗᒋᑦ ᐱᓇᓱᐊᒐᕐᖕᒥᖕᓂᒃ. 15 ᐊᒃᓱᓈᒥᒡᓗ ᑏᒐᕈᑎᓕᐅᕋᒥ, ᑕᕝᕙᓃᑦᑐᓕᒫᑦ ᐊᓂᑎᑉᐰᑦ, ᓰᐲᓪᓗ ᐃᒻᒧᒃᓯᐅᒊᓪᓗ ᐸᖕᓂᖏᑦ, ᑐᒃᓯᐊᖅᕕᒡᔪᐊᒥᑦ; ᑮᓇᐅᔭᓂᒡᓗ ᑕᐅᖅᓰᔩᑦ ᓵᖏᑦ ᐅᕐᕈᑎᑉᐰᑦ ᑮᓇᐅᔧᓪᓗ ᓈᕕᑦᓱᑎᒃ ᓇᒧᑐᐃᓐᓇᖅ. 16 ᐊᕿᒡᒋᐅᔭᓂᒡᓗ ᓂᐅᕐᕈᑎᓖᑦ ᐅᖃᐅᑎᕔᑦ, “ᐅᑯᐊ ᑕᕝᕙᓐᖓᑦ ᐊᓂᑎᓚᐅᖅᓯᐅᒃ; ᐊᑖᑕᒪ ᐃᒡᓗᖓ ᓂᐅᕕᖅᕕᐅᑎᑕᒃᓴᕆᓐᖏᓚᓯ.” 17 ᑕᕝᕙ ᐃᓕᓐᓂᐊᖅᑎᖏᑦ ᐃᖅᑬᕗᑦ ᑎᑎᕋᖅᓯᒪᔪᖃᕐᖕᒪᑦ, “ᐃᒡᓗᖕᓄᑦ ᐃᓗᖏᖅᓲᑎᖃᕐᖕᓂᕐᖕᒪ ᐊᒃᓱᕈᖅᑎᓕᖅᐹᖓ.” 18 ᑕᕝᕙ ᔫᑎᑦ ᐊᖓᔪᖅᑳᖏᑕ ᐅᖃᐅᑎᕚᑦ, “ᖃᓄᖅ ᓇᓗᓁᒃᑯᑕᕐᖕᒥᒃ ᓴᖅᑭᑎᑦᓯᔪᓐᓇᖅᐲᑦ ᐅᕙᑦᑎᓐᓄᑦ ᑍᒤᓕᐅᕈᓐᓇᕐᖕᓂᕐᖕᓄᑦ?” 19 ᔩᓱᓯᐅᑦ ᑭᐅᕔᑦ, “ᐅᓇ ᑐᒃᓯᐊᖅᕕᒡᔪᐊᖅ ᐊᓯᕈᕈᑦᓯᐅᒃ, ᐅᓪᓗᓂᒡᓗ ᐱᖓᓱᓂᒃ ᓇᑉᐸᖅᑎᓐᓂᐊᖅᐸᕋ.” 20 ᑕᕝᕙ ᔫᑎᑦ ᐅᖃᖅᐳᑦ, “ᐅᓈ ᑐᒃᓯᐊᖅᕕᒡᔪᐊᖅ ᓴᓇᔭᐅᓯᒪᔪᖅ ᐊᕐᕌᒍᓂᒃ 46 -ᓂᒃ, ᓇᑉᐸᖅᑎᑦᓱᓐᓇᖅᐱᐅᒃ ᐅᓪᓗᓂᒃ ᐱᖓᓱᓂᒃ?” 21 ᔩᓱᓯᓕ ᑐᒃᓯᐊᖅᕕᒡᔪᐊᕐᖕᒥᒃ ᐅᖃᐅᓯᖃᖅᐳᖅ ᑎᒥᒥᓂᒃ. 22 ᑍᒤᒻᒪᑦ ᑐᖁᖓᔪᓂᑦ ᒪᑭᓯᒪᓕᕐᖕᒪᑦ, ᐃᓕᓐᓂᐊᖅᑎᖏᑕ ᔩᓱᓯᐅᑉ ᐅᖃᐅᓯᕆᓚᐅᖅᑕᖏᑦ ᐃᖅᑲᓚᐅᖅᐰᑦ; ᐊᒡᓔᓪᓗ ᐅᒃᐱᕆᕔᑦ ᔩᓱᓯᐅᓪᓗ ᐅᖃᐅᓯᕆᓚᐅᖅᑕᖏᑦ.
ᔩᓱᓯᐅᑉ ᖃᐅᔨᒪᓂᖓ ᐃᓅᑉ ᐱᐅᓯᖓᓂᒃ
23 ᔩᓱᓯᓕ ᔪᕉᓴᓚᒦᑎᓪᓗᒍ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᖅᑎᓪᓗᒋᑦ, ᐅᓄᖅᑐᑦ ᐅᒃᐱᓕᖅᐳᑦ ᑖᑦᓱᒧᖓ ᓇᓗᓁᒃᑯᑕᕐᖕᓂᒃ ᑕᑯᒐᒥᒃ ᐱᓇᓱᐊᖅᑕᖏᓐᓂᒃ. 24 ᔩᓱᓯᓕ ᓇᖕᒥᓂᖅ ᐃᓚᓕᐅᑎᒻᒪᕆᓚᐅᓐᖏᓚᖅ ᐃᓄᖕᓄᑦ, 25 ᐃᓄᓕᒫᑦ ᖃᐅᔨᒪᑦᓯᐊᕋᒥᒋᑦ ᐃᓄᖕᓄᓪᓗ ᓇᓪᓕᐊᓐᓄᓪᓘᓐᓃᑦ ᓇᓗᓁᖅᓯᕕᐅᔭᕆᐊᖃᓚᐅᓐᖏᓚᖅ; ᖃᐅᔨᒪᑦᓯᐊᕋᒥ ᐃᓅᑉ ᐃᓗᒥᐅᑕᕆᔭᖏᓐᓂᒃ.
ᔩᓱᓯᓗ ᓂᑯᑎᒨᓯᓗ
1 ᐊᖑᑎᑕᖃᓚᐅᖅᐳᖅ ᐹᕋᓯᐅᖃᑕᔪᒥᒃ, ᓂᑯᑎᒨᓯᒥᒃ ᐊᑎᓕᖕᒥᒃ, ᔫᑎᓄᑦ ᐊᖓᔪᖅᑲᐅᔪᒥᒃ. 2 ᑖᓐᓇ ᐅᓐᓄᐊᒃᑯᑦ ᔩᓱᓯᒧᐊᖅᐳᖅ ᐅᖃᐅᑎᓪᓗᒍᓗ, “ᐊᔪᕆᖅᑐᐃᔩ, ᖃᐅᔨᒪᕗᒍᑦ ᒎᑎᒥᑦ ᐱᓯᒪᓪᓗᑎᑦ ᐊᔪᕆᖅᑐᐃᔨᐅᒐᕕᑦ; ᐃᓕᒃᑐᑦ ᓇᓗᓁᒃᑯᑕᕐᖕᓂᒃ ᐱᔪᖃᕈᓐᓇᖏᒻᒪᑦ, ᒎᑎᐅᑉ ᓇᔪᖏᑉᐸᒍ.” 3 ᔩᓱᓯᐅᑉ ᑭᐅᕚ, “ᓱᓕᑦᓯᐊᖅᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᖕᓂᐊᖑᖏᑦᑑᑉ, ᒎᑎᐅᑉ ᐊᑕᓂᐅᕕᖓ ᑕᑯᔪᓐᓇᓐᖏᓛ.” 4 ᓂᑯᑎᒨᓯᐅᑉ ᐅᖃᐅᑎᕚ, “ᖃᓄᖅ ᐃᓄᒃ ᐱᕈᕇᖅᓯᒪᓕᖅᓗᓂ ᐃᕐᖕᓂᐊᖑᒃᑲᓐᓂᕈᓐᓇᖅᐹ? ᐊᓈᓇᒥ ᐃᒡᓕᐊᖓᓄᑦ ᐃᑎᒃᑲᓐᓂᕈᓐᓇᖅᐹ ᐃᕐᖕᓂᐊᖑᒃᑲᓐᓂᖅᓗᓂᓗ?” 5 ᔩᓱᓯᐅᑉ ᑭᐅᕚ, “ᓱᓕᑦᓯᐊᖅᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᖕᓂᐊᖑᖏᑦᑐᖅ ᐃᒪᕐᖕᒧᑦ ᐊᓂᕐᖕᓂᕐᖕᒧᓪᓗ ᐃᑦᔪᕐᖕᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ. 6 ᑎᒥᒥᑦ ᐃᕐᖕᓂᐊᖑᔪᖅ ᐃᓄᑐᐃᓐᓇᐅᕗᖅ ᑎᒥᖃᖅᓗᓂ, ᐊᓂᕐᖕᓂᕐᖕᒥᓪᓕ ᐃᕐᖕᓂᐊᖑᔪᖅ ᐊᓂᕐᖕᓂᒃᑯᑦ ᐃᓅᓕᖅᐳᖅ. 7 ᑲᒪᓂᐊᕈᑎᒋᓇᒍ ᐅᖃᐅᑎᒐᒃᑭᑦ, ᐃᓘᓐᓇᓯ ᐃᕐᖕᓂᐊᖑᒃᑲᓐᓂᕆᐊᖃᖅᐳᓯ. 8 ᐊᓄᕆ ᓇᒧᑐᐃᓐᓇᖅ ᐊᓄᕌᖅᕕᒋᔪᒪᔭᒥᓄᑦ ᐊᓄᕌᖅᐸᒃᐳᖅ; ᓱᓗᒃᓱᕐᖕᓂᖓᓗ ᑐᓵᒐᓗᐊᖅᐸᑦ, ᖃᐅᔨᒪᓐᖏᓚᑎᓪᓕ ᓇᑭᑦ ᐱᖕᒪᖔᑦ ᓇᒧᓪᓗ ᐂᖕᒪᖔᑦ; ᑍᒤᒃᑭᕗᑦᑕᐅᖅ ᐊᓂᕐᖕᓂᕐᖕᒥᑦ ᐃᕐᖕᓂᐊᖑᔪᓕᒫᑦ.” 9 ᓂᑯᑎᒨᓯᐅᑉ ᐅᖃᐅᑎᕚ, “ᖃᓄᖅᓕ ᑕᒪᓐᓇ ᑍᒤᒍᓐᓇᖅᐹ?” 10 ᔩᓱᓯᐅᑉ ᑭᐅᕚ, “ᐄᓴᕅᓕᓂ ᐊᔪᕆᖅᑐᐃᔨᐅᕖᑦ, ᑕᒪᓐᓇᓗ ᖃᐅᔨᒪᓇᒍ? 11 ᓱᓕᑦᓯᐊᖅᑐᒥᒃ ᐅᖃᐅᑎᕙᒋᑦ, ᖃᐅᔨᒪᔭᑦᑎᓐᓂᒃ ᐅᖃᖅᐳᒍᑦ, ᑕᑯᓚᐅᖅᑕᑦᑎᓐᓂᒡᓗ ᐅᓂᒃᑳᖅᓗᑕ; ᐅᖃᐅᓯᕆᔭᑦᑎᓐᓂᒡᓕ ᐅᒃᐱᓐᖏᓚᓯ. 12 ᓄᓇᐅᑉ ᐱᖏᓐᓂᒃ ᐅᖃᐅᓯᖃᖅᑎᓪᓗᖓ ᐅᒃᐱᕈᓱᖏᒃᑯᕕᑦ; ᖃᓄᖅᓕ ᐅᒃᐱᕈᓱᒃᑲᔭᖅᐲᑦ? ᕿᓚᐅᑉ ᐱᖏᓐᓂᒃ ᐅᖃᐅᑎᒐᔭᕈᒃᑭᑦ? 13 ᕿᓚᓕᐊᖅᑐᖃᓚᐅᖅᓯᒪᓐᖏᓚᖅ, ᕿᓚᖕᒥᑦ ᐊᖅᑲᖅᑐᖅ ᑭᓯᒥ, ᑕᕝᕙ ᐃᓅᑉ ᐃᕐᖕᓂᖓ. 14 ᓲᖅᓗᓗ ᒨᓯᓯᐅᑉ ᖁᒡᓗᒋᐊᓐᖑᐊᖅ ᓇᑉᐸᐅᑎᓚᐅᕐᖕᒪᒍ ᐃᓄᖃᖏᑦᑐᒥ, ᑍᒫᒃᑕᐅᖅ ᐃᓅᑉ ᐃᕐᖕᓂᖓ ᓇᑉᐸᐅᑦᔭᐅᔭᕆᐊᖃᖅᐳᖅ, 15 ᓇᓪᓕᐊᑦ ᐅᒃᐱᖅᑐᖅ ᑖᑦᓱᒥᖓ ᐃᓅᓯᖃᖁᓪᓗᒍ ᓄᖑᓱᐃᑦᑐᒥᒃ. 16 ᑍᒫᒃ ᑕᕝᕙ ᒎᑎᐅᑉ ᓯᓚᖅᔪᐊᕐᖕᒥᐅᑦ ᓇᒡᓕᒋᕔᑦ ᐃᕐᖕᓂᑐᐊᓂ ᑐᓂᖕᒪᒍ, ᓇᓪᓕᐊᑦ ᑖᑦᓱᒧᖓ ᐅᒃᐱᖅᑐᖅ ᐊᓯᐅᖁᓇᒍ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒍ. 17 ᒎᑎᐅᑉ ᐃᕐᖕᓂᓂ ᑎᓕᓚᐅᖏᒻᒪᒍ ᓯᓚᖅᔪᐊᕐᖕᒧᑦ, ᓯᓚᖅᔪᐊᕐᖕᒥᐅᓂᒃ ᐃᖅᑲᖅᑐᐃᖁᓪᓗᒍ, ᓯᓚᖅᔪᐊᕐᖕᒥᐅᓪᓕ ᐱᐅᓕᔭᐅᖁᓪᓗᒋᑦ ᑖᑦᓱᒨᓇ. 18 ᓇᓪᓕᐊᑦ ᑖᑦᓱᒧᖓ ᐅᒃᐱᖅᑐᖅ ᐃᖅᑲᖅᑐᖅᑕᐅᓐᖏᓚᖅ; ᓇᓪᓕᐊᓪᓕ ᑖᑦᓱᒧᖓ ᐅᒃᐱᖏᑦᑐᖅ ᐃᖅᑲᖅᑐᖅᑕᐅᓕᕇᖅᐳᖅ, ᒎᑎᐅᑉ ᐃᕐᖕᓂᑐᐊᖓᑕ ᐊᑎᖓᓄᑦ ᐅᒃᐱᖏᓐᓇᒥ. 19 ᐃᖅᑲᖅᑐᖅᑕᐅᓂᖅᓗ ᐃᒤᓕᖓᕗᖅ, ᖃᐅᒪᔪᖅ ᓯᓚᖅᔪᐊᕐᖕᒧᑦ ᑎᑭᓯᒪᕗᖅ, ᐃᓄᐃᓪᓕ ᑖᖅᔪᐊᖅ ᐅᖓᒋᓂᖅᓴᕆᕚᑦ ᖃᐅᒪᔪᒥᑦ, ᐱᓂᐊᕐᖕᓂᖏᑦ ᐱᐅᖏᑦᑐᓕᓂᐅᖕᒪᑕ. 20 ᐱᐅᖏᑦᑐᓕᔫᑉ ᖃᐅᒪᔪᖅ ᐆᒥᒋᕚ, ᖃᐅᒪᔪᒧᐊᕈᒪᓇᓂᓗ, ᐱᐅᖏᑦᑐᓕᓂᖏᑦ ᓴᖅᑭᑎᑕᐅᖁᓇᒋᑦ ᖃᐅᒪᔪᒧᑦ. 21 ᓱᓕᔪᒥᒡᓕ ᐱᓂᐊᕐᖕᓂᖃᖅᑐᖅ ᖃᐅᒪᔪᒧᐊᖅᐳᖅ, ᐱᓂᐊᕐᖕᓂᖏᑦ ᓴᖅᑭᑎᑕᐅᑦᓯᐊᖁᓪᓗᒋᑦ ᖃᐅᒪᔪᒧᑦ ᒎᑎᒥᑦ ᐱᓯᒪᖕᒪᑕ.”
ᔪᐊᓇᓯ ᐹᑉᑎᑎᕆᔨᐅᑉ ᓇᓗᓁᖅᓯᓂᖓ ᔩᓱᓯᒥᒃ
22 ᑕᒪᑐᒪ ᑭᖑᕐᖓᒍᑦ ᔩᓱᓯ ᐃᓕᓐᓂᐊᖅᑎᖏᓪᓗ ᔫᑎᐊᒧᐊᖅᐳᑦ; ᑕᕝᕙᓂᓗ ᐱᓇᓱᐊᖃᑎᒋᕔᑦ ᐹᑉᑎᑦᓯᓪᓗᓂᓗ. 23 ᔪᐊᓇᓯᑦᑕᐅᖅ ᐹᑉᑎᑦᓯᕗᖅ ᓄᓇᒥ ᐂᓇᓂᒥ ᓴᓕᒻᒥᐅᑉ ᖃᓂᒋᔭᖓᓃᑦᑐᒥ, ᑕᕝᕙᓂ ᐃᒪᖃᕐᖕᒪᑦ ᐊᒥᒐᖏᑦᑐᒥᒃ; ᐃᓄᐃᓪᓗ ᑕᕝᕗᓐᖓᖅᐳᑦ ᐹᑉᑎᑕᐅᓪᓗᑎᒡᓗ. 24 ᔪᐊᓇᓯ ᓱᓕ ᑎᒍᔭᐅᓚᐅᖅᑎᓐᓇᒍ. 25 ᔫᑎᓪᓕ ᐃᓚᖓᑦ ᔪᐊᓇᓯᐅᑉ ᐃᓕᓐᓂᐊᖅᑎᖏᓐᓂᒃ ᐂᕙᖃᑎᖃᓕᖅᐳᖅ ᐅᒃᐱᕐᖕᓂᒃᑯᑦ ᓴᓗᒻᒪᖅᑕᐅᓂᕐᖕᒥᒃ ᐱᑦᔪᑎᖃᖅᓗᑎᒃ. 26 ᑕᕝᕙ ᐃᓕᓐᓂᐊᖅᑎᖏᑕ ᔪᐊᓇᓯ ᐅᐸᒃᐹᑦ ᐅᖃᐅᑎᓪᓗᒍᓗ, “ᐊᔪᕆᖅᑐᐃᔩ, ᐊᖑᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᐃᓕᖕᓄᐊᓚᐅᖅᑐᖅ, ᐅᖃᐅᓯᕆᖃᑦᑕᖅᑍᑦ, ᑖᓐᓇ ᐹᑉᑎᑦᓯᖃᑦᑕᓕᖅᐳᖅ, ᐃᓄᓕᒫᓪᓗ ᑖᑦᓱᒧᓐᖓᖃᑦᑕᓕᖅᐳᑦ.” 27 ᔪᐊᓇᓯᐅᑉ ᑭᐅᕔᑦ, “ᐃᓄᒃ ᓇᓪᓕᐊᑦ ᐃᒻᒥᓃᓐᓇᖅ ᐱᑖᕈᓐᓇᓐᖏᓚᖅ ᒎᑎᐅᑉ ᑐᓂᓯᕕᒋᒃᐸᒍ ᑭᓯᐊᓂ ᐱᓂᐊᕈᓐᓇᖅᐳᖅ. 28 ᐃᓕᑦᓯ ᓇᖕᒥᓂᖅ ᖃᐅᔨᒪᔨᒋᕙᑦᓯ ᐅᖃᓚᐅᕋᒪ, ‘᙭ᔅᑑᓯᐅᓐᖏᓚᖓ, ᑎᓕᔭᐅᓯᒪᕗᖓᓕ ᑖᑦᓱᒪᓐᖓᑦ ᓯᕗᓕᐅᖁᓪᓗᖓ.’ 29 ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᖅᑑᑉ ᑐᓴᖅᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᖅᐳᖅ. 30 ᑖᓐᓇ ᐊᖏᒃᓕᕙᓪᓕᐊᔭᕆᐊᖃᖅᐳᖅ, ᐅᕙᖓᓕ ᒥᑭᒡᓕᕙᓪᓕᐊᔭᕆᐊᖃᖅᐳᖓ.”
ᑖᓐᓇ ᑕᕝᕙ ᕿᓚᖕᒥᑦ ᑎᑭᑦᑐᖅ
31 ᑕᑉᐹᓐᖓᑦ ᑎᑭᑦᑐᖅ ᑕᒤᓐᓂᒃ ᐱᓪᓚᕆᐅᓂᖅᐸᐅᕗᖅ; ᓄᓇᒥᑦ ᐱᔪᖅ ᓄᓇᒥᐅᑕᐅᕗᖅ, ᓄᓇᐅᓪᓗ ᐱᖏᓐᓂᒃ ᐅᖃᐅᓯᖃᖅᓗᓂ, ᕿᓚᖕᒥᓪᓕ ᑎᑭᑦᑐᖅ ᑕᒤᓐᓂᑦ ᐱᓪᓚᕆᐅᓂᖅᐸᐅᕗᖅ. 32 ᑕᑯᓚᐅᖅᑕᒥᓂᒃ ᑐᓴᓚᐅᖅᑕᒥᓂᒡᓗ ᐅᖃᐅᓯᖃᖅᐳᖅ, ᓇᓪᓕᐊᑦᑕᓘᓐᓃᓪᓕ ᑖᑦᓱᒪ ᐅᖃᐅᓯᕆᔭᖏᑦ ᐃᓚᓕᐅᓐᖏᓔᑦ. 33 ᓇᓪᓕᐊᑦ ᑖᑦᓱᒪ ᐅᖃᐅᓯᖏᓐᓂᒃ ᐃᓚᓕᐅᖅᓯᔪᖅ ᖁᓚᕐᖕᓇᖏᑦᑐᒥᒃ ᖃᐅᔨᕗᖅ, ᒎᑎᐅᑉ ᓱᓕᑦᓯᐊᕐᖕᓂᖓᓂᒃ. 34 ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᖅᐳᖅ, ᒎᑎᐅᑉ ᐊᓂᕐᖕᓂᕐᖕᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ; 35 ᐊᑖᑕᐅᑉ ᐃᕐᖕᓂᓂ ᓇᒡᓕᒋᕚ, ᑕᒤᑦᑕᓗ ᑐᓂᓚᐅᖅᐰᑦ ᑖᑦᓱᒪ ᐱᔪᓐᓇᕐᖕᓂᖓᓄᑦ. 36 ᓇᓪᓕᐊᑦ ᑖᑦᓱᒪ ᐃᕐᖕᓂᖓᓄᑦ ᐅᒃᐱᖅᑐᖅ ᐃᓅᓯᕐᖕᒥᒃ ᓄᖑᓱᐃᑦᑐᒥᒃ ᐱᖃᖅᐳᖅ; ᓇᓪᓕᐊᓪᓕ ᑖᑦᓱᒪ ᐃᕐᖕᓂᖓᓂᒃ ᐃᓚᓕᐅᖅᓯᖏᑦᑐᖅ ᐃᓅᓯᕐᖕᒥᒃ ᑕᑯᓂᐊᓐᖏᓚᖅ, ᒎᑎᐅᓪᓕ ᓂᓐᖓᐅᓯᖓᑕ ᖁᓚᖏᐊᖏᓐᓇᖅᐹ.
ᔩᓱᓯᐅᑉ ᐅᖃᖃᑎᖃᕐᖕᓂᖓ ᓴᒥᐊᕆᐊᕐᖕᒥᐅᒥᒃ ᐊᕐᖕᓇᒥᒃ
1 ᔩᓱᓯᓕ ᖃᐅᔨᓕᖅᐳᖅ ᐹᕋᓰᑦ ᑐᓴᐅᒪᓕᕐᖕᒪᑕ ᔩᓱᓯ ᐃᓕᓐᓂᐊᖅᑎᑖᖃᑦᑕᓕᕐᖕᒪᑦ ᐹᑉᑎᑦᓯᖃᑦᑕᓕᕐᖕᒪᓪᓗ ᐅᓄᕐᖕᓂᖅᓴᓂᒃ ᔪᐊᓇᓯᒥᑦ. 2 (ᔩᓱᓯᓕ ᓇᖕᒥᓂᖅ ᐹᑉᑎᑦᓯᓚᐅᖏᑦᑑᒐᓗᐊᖅ, ᐃᓕᓐᓂᐊᖅᑎᖏᓪᓕ ᑭᓯᒥ ᐹᑉᑎᑦᓯᖃᑦᑕᓚᐅᖅᐳᑦ), 3 ᑕᕝᕙ ᔩᓱᓯ ᔫᑎᐊᒥᑦ ᐊᐅᓪᓚᖅᐳᖅ ᒐᓕᓕᐊᒧᓪᓗ ᐅᑎᓕᕆᓪᓗᓂ. 4 ᐊᖅᑯᑖᓂᓕ ᐊᖅᑯᓵᖅᓯᔭᕆᐊᖃᖅᐳᖅ ᓴᒥᐊᕆᐊᒥᒃ. 5 ᓄᓇᓕᒡᓄᓪᓗ ᓴᒥᐊᕆᐊᒦᑦᑐᒧᑦ ᓮᑲᕆᒥᒃ ᐊᑎᓕᖕᒧᑦ ᑎᑭᑉᐳᖅ, ᐱᕈᖅᓰᕕᖕᒧᑦ ᔧᑰᑉ ᐃᕐᖕᓂᕐᖕᒥᓄᑦ ᔫᓯᐱᒧᑦ ᑐᓂᓚᐅᖅᑕᖓᑕ ᖃᓂᒋᔭᖓᓃᑦᑐᒧᑦ. 6 ᔧᑰᑉ ᐃᒥᖅᑕᖅᕕᖓ ᑕᕝᕙᓃᑉᐳᖅ, ᔩᓱᓯᓗ ᐱᓱᖕᓂᕐᖕᒥᓄᑦ ᑕᖃᒐᒥ, ᐃᒥᖅᑕᖅᕕᐅᑉ ᓴᓂᐊᓄᑦ ᐃᖏᑉᐳᖅ. ᐅᓪᓗᖅ ᕿᑎᕋᓕᖅᑎᓪᓗᒍ. 7 ᓴᒥᐊᕆᐊᒥᐅᑕᖅ ᐊᕐᖕᓇᖅ ᑕᕝᕗᓐᖓᖅᐳᖅ ᐃᒥᖅᑕᖅᓗᓂ. ᔩᓱᓯᐅᑉ ᐅᖃᐅᑎᕚ, “ᐃᒥᖅᑎᓚᐅᓐᖓ.” 8 ᐃᓕᓐᓂᐊᖅᑎᖏᓪᓕ ᓄᓇᓕᖕᓄᑦ ᓂᕿᒃᓴᓂᒃ ᓂᐅᕕᕆᐊᖅᓯᒪᕗᑦ. 9 ᐊᕐᖕᓇᐅᑉ ᑭᐅᕚ, “ᔫᑎᐅᒐᕕᑦ, ᓴᒥᐊᕆᐊᕐᖕᒥᐅᑕᐅᒐᒪ ᓱᖕᒪᑦ ᐅᕙᓐᓄᑦ ᐃᒥᖅᑎᑕᐅᔪᒪᕖᑦ?” (ᔫᑎᑦ ᓴᒥᐊᕆᐊᕐᖕᒥᐅᓂᒃ ᐱᖃᑎᖃᑦᓯᐊᕈᓐᓇᖏᒻᒪᑕ.) 10 ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᖅᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᖅᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᖅᐹᑎᑦ ᐃᒥᕐᖕᒥᒃ ᐃᓅᓯᖃᕐᖕᓇᖅᑐᒥᒃ.” 11 ᐊᕐᖕᓇᐅᑉ ᐅᖃᐅᑎᕚ, “ᖃᓪᓗᑎᖃᓐᖏᓚᑎᓪᓘᓐᓃᑦ, ᐃᒥᖅᑕᖅᕕᒃ ᐃᓗᑐᔪᐊᓗᖕᒪᑦ; ᓇᑭᓪᓕ ᐃᒥᕐᖕᒥᒃ ᐃᓅᓯᖃᕐᖕᓇᖅᑐᒥᒃ ᐱᒐᔭᕋᕕᑦ? 12 ᐊᖏᓂᖅᓴᐅᕖᑦ ᓯᕗᓕᑦᑎᓐᓂᑦ ᔧᑯᒥᑦ? ᔧᑰᑉ ᐅᓇ ᐃᒥᖅᑕᖅᕕᒃ ᑐᓂᓚᐅᕐᖕᒪᒍ ᐅᕙᑦᑎᓐᓄᑦ, ᓇᖕᒥᓂᖅᓗ ᕿᑐᕐᖓᖏᓪᓗ ᐆᒪᔪᖁᑎᖏᓪᓗ ᑕᕝᕙᓐᖓᑦ ᐃᒥᖃᑦᑕᓚᐅᖅᐳᑦ.” 13 ᔩᓱᓯᐅᑉ ᐅᖃᐅᑎᕚ, “ᓇᓪᓕᐊᑦ ᑕᕝᕙᓐᖓᑦ ᐃᒥᕐᖕᒥᑦ ᐃᒥᖅᑐᖅ ᐃᒥᕈᓕᕐᖕᓂᐊᕆᕗᖅ, 14 ᓇᓪᓕᐊᓪᓕ ᐃᒥᕐᖕᒥᒃ ᑐᓂᔭᓐᓂᒃ ᐃᒥᕐᖕᓂᐊᖅᑐᖅ ᐃᒥᕈᓕᒃᑲᓐᓂᕐᖕᓂᐊᓐᖏᓚᖅ; ᐃᒥᖅ ᑐᓂᓂᐊᖅᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᖕᓂᐊᖅᐳᖅ ᐃᓅᓯᖃᕐᖕᓇᖅᑐᒥᒃ ᓄᖑᓱᐃᑦᑐᒥᒃ.” 15 ᐊᕐᖕᓇᐅᑉ ᐅᖃᐅᑎᕚ, “ᐃᒥᕐᖕᒥᒃ ᑕᒪᑐᒥᖓ ᑐᓂᓯᕕᒋᓐᖓ, ᐃᒥᕈᒃᑲᓐᓂᕐᖕᓂᐊᕈᓐᓃᕋᒪ, ᐃᒥᖅᑕᖅᕕᖕᒧᓪᓗ ᐅᕗᖓ ᐃᒥᖅᑕᕆᐊᖃᖃᑦᑕᕐᖕᓂᐊᕈᓐᓃᕋᒪ.” 16 ᔩᓱᓯᐅᑉ ᐅᖃᐅᑎᕚ, “ᐊᖏᕐᕋᓕᕆᑦ ᐅᐃᑦ ᕾᖁᔭᖅᑐᖅᓗᒍ, ᐅᕗᖓ ᐅᑎᕐᖕᓂᐊᕐᖕᒥᒐᕕᑦ.” 17 ᐊᕐᖕᓇᐅᑉ ᑭᐅᕚ, “ᐅᐃᖃᓐᖏᓚᖓ.” ᔩᓱᓯᐅᑉ ᑭᐅᕚ, “ᓱᓕᕗᑎᑦ ᐅᖃᕋᕕᑦ, ‘ᐅᐃᖃᓐᖏᓚᖓ’; 18 ᐅᐃᓂᖃᑦᑕᖅᓯᒪᒐᕕᑦ ᑕᓪᓕᒤᖅᑐᖅᓗᑎᑦ, ᒫᓐᓇᓗ ᐊᖑᑦ ᓇᔪᖅᑎᒋᔧᑦ ᐅᐃᒋᓪᓚᕆᖏᓐᓇᕕᐅᒃ; ᓱᓕᓪᓗᑎᑦ ᑕᒪᑐᒥᖓ ᐅᖃᖅᐳᑎᑦ.” 19 ᐊᕐᖕᓇᐅᑉ ᐅᖃᐅᑎᕚ, “ᖃᐅᔨᕗᖓ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᒋᖕᒪᑎᑦ. 20 ᓯᕗᓕᕕᓂᕗᑦ ᐅᕙᓂ ᖃᖅᑲᒥ ᒎᑎᒧᑦ ᑐᒃᓯᐊᖃᑦᑕᓚᐅᖅᐳᑦ; ᐃᓕᑦᓯᓕ ᔫᑎᐅᔪᓯ ᐅᖃᖅᐳᓯ ᔪᕉᓴᓚᒥ ᑭᓯᐊᓂ ᒎᑎᒧᑦ ᐃᓄᐃᑦ ᑐᒃᓯᐊᕆᐊᖃᕐᖕᒪᑕ.” 21 ᔩᓱᓯᐅᑉ ᐅᖃᐅᑎᕚ, “ᐊᕐᖕᓈᖅ ᐅᒃᐱᕆᓐᖓ, ᓇᓪᓕᐅᑎᔪᒫᖅᐳᖅ ᐃᓄᐃᑦ ᑕᕝᕙᓂᑐᐃᓐᓇᖅ ᖃᖅᑲᒥ ᔪᕉᓴᓚᒥᓘᓐᓃᑦ ᐊᑖᑕᒧᑦ ᑐᒃᓯᐊᖃᑦᑕᕈᓐᓃᖅᕕᒃᓴᖓᑦ. 22 ᑐᒃᓯᐊᖅᕕᒋᔭᓯ ᖃᐅᔨᒪᓪᓚᕆᖏᓐᓇᓯᐅᒃ; ᐅᕙᒍᓪᓕ ᖃᐅᔨᒪᕗᒍᑦ ᑐᒃᓯᐊᖅᕕᒋᔭᑦᑎᓐᓂᒃ, ᔫᑎᓂᑦ ᐱᐅᓕᔭᐅᓂᖅ ᐱᖕᒪᑦ. 23 ᓇᓪᓕᐅᑎᔪᒫᖅᐳᖅᓕ, ᒫᓐᓇᓗ ᓇᓪᓕᐅᑎᔭᕇᖅᐳᖅ, ᒎᑎᐅᑉ ᐊᓂᕐᖕᓂᖓᒍᑦ ᓱᓕᑦᓯᐊᖅᑐᒃᑯᓪᓗ ᐃᓄᐃᑦ ᑐᒃᓯᐊᖃᑦᑕᕐᖕᓂᖓᑦ ᐊᑖᑕᒧᑦ, ᑍᒫᒡᓗ ᑐᒃᓯᐊᖅᑐᓂᒃ ᐊᑖᑕ ᕿᓂᖅᐳᖅ. 24 ᒎᑎ ᐊᓂᕐᖕᓂᐅᕗᖅ, ᒎᑎᐅᓪᓗ ᐊᓂᕐᖕᓂᖓᒍᑦ ᓱᓕᑦᓯᐊᖅᑐᒃᑯᓪᓗ ᑭᓯᐊᓂ ᐃᓄᐃᑦ ᑐᒃᓯᐊᖅᕕᒋᔪᓐᓇᖅᐹᑦ.” 25 ᑕᕝᕙ ᐊᕐᖕᓇᐅᑉ ᐅᖃᐅᑎᕚ, “ᖃᐅᔨᒪᕗᖓ ᒥᓮᐊ, ᙭ᔅᑑᓯᒥᒃ ᑍᔭᐅᔪᖅ, ᑎᑭᑦᓱᒫᕐᖕᒪᑦ; ᑎᑭᒃᑯᓂᓗ, ᑖᑦᓱᒪ ᑐᑭᓯᑎᑦᓱᒫᖅᐹᑎᒍᑦ ᓱᓇᓕᒫᓂᒃ.” 26 ᔩᓱᓯᐅᑉ ᑭᐅᕚ, “ᑖᓐᓇᐅᕗᖓ ᐅᖃᖃᑎᒋᔧᑦ.” 27 ᑍᒫᒃ ᓱᓕ ᐅᖃᖅᑎᓪᓗᒍ ᐃᓕᓐᓂᐊᖅᑎᖏᑕ ᑎᑭᑉᐹᑦ. ᑲᒪᒻᒪᕆᒃᐳᓪᓗ ᔩᓱᓯᐅᑉ ᐊᕐᖕᓇᒥᒃ ᐅᖃᖃᑎᖃᕐᖕᓂᖓᓂᒃ, ᓇᓪᓕᐊᓐᓂᒡᓘᓐᓃᑦ ᐊᐱᕆᔪᖃᓐᖏᓚᖅ ᐊᕐᖕᓇᒧᑦ “ᓱᓇᒥᒃ ᐱᔪᒪᕖᑦ?” ᐅᕝᕙᓗ, ᔩᓱᓯᒧᑦ ᐊᐱᕆᔪᖃᓐᖏᓚᖅ, “ᓱᖕᒪᓄᓇ ᐊᕐᖕᓇᖅ ᐅᖃᖃᑎᒋᕕᐅᒃ?” 28 ᑕᕝᕙ ᐊᕐᖕᓇᐅᑉ ᐃᒥᖅᑕᐅᑎᓂ ᕿᒪᒃᓗᓂᐅᒃ, ᓄᓇᓕᖕᓄᑦ ᐅᑎᖅᐳᖅ, ᐃᓄᐃᓪᓗ ᑕᕝᕙᓃᑦᑐᑦ ᐅᖃᐅᑎᕔᑦ, 29 “ᕾᓗᓯ ᐊᖑᑦ ᑕᑯᔭᖅᑐᖅᓯᐅᒃ ᐱᓂᐊᓚᐅᖅᓯᒪᔭᓕᒫᓐᓂᒃ ᐅᖃᐅᑦᔨᔨᒋᔭᕋ. ᙭ᔅᑑᓯᐅᖏᒻᒪᖔᑦ.” 30 ᑕᕝᕙ ᐃᓄᐃᑦ ᓄᓇᓕᖕᓂᑦ ᐱᓪᓗᑎᒃ ᔩᓱᓯᒧᐊᖅᐳᑦ. 31 ᑎᑭᓚᐅᖅᑎᓐᓇᒋᓪᓕ ᔩᓱᓯ ᐃᓕᓐᓂᐊᖅᑎᖏᑕ ᐅᖃᐅᑎᕚᑦ, “ᐊᔪᕆᖅᑐᐃᔩ, ᓂᕆᑬᓐᓇᕆᑦ.” 32 ᔩᓱᓯᐅᓪᓕ ᑭᐅᕔᑦ, “ᓂᕆᔭᒃᓴᖃᖅᐳᖓ ᖃᐅᔨᒪᓐᖏᑕᑦᓯᓐᓂᒃ.” 33 ᑕᕝᕙ ᐃᓕᓐᓂᐊᖅᑎᖏᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᖅᐳᑦ, “ᐅᓈ ᓂᕆᓂᐊᖅᑕᖓᓂᒃ ᑐᓂᓯᕕᐅᔪᕕᓃᖅ?” 34 ᔩᓱᓯᐅᑉ ᐅᖃᐅᑎᕔᑦ, “ᓂᕆᔭᒃᓴᒃᑲ ᑕᕝᕙ ᑎᓕᔨᒪ ᐱᔪᒪᔭᖓᓂᒃ ᓈᓚᒡᓗᖓ, ᐱᓇᓱᐊᖅᑕᐅᖁᓯᒪᔭᖓᓗ ᐱᔭᕇᖅᓗᒍ. 35 ᐅᖃᖅᐸᓐᖏᓚᓰ? ‘ᑕᖅᑮᑦ ᓱᓕ ᓯᑕᒪᐅᕗᑦ, ᑖᒃᑯᐊ ᓈᒃᐸᑕ ᑲᑎᖅᓱᐃᕕᖃᓛᕐᖕᓂᐊᖅᐳᖅ,’ ᐅᖃᐅᑎᕙᑦᓯᓕ, ᐱᕈᖅᓰᕕᒃ ᑕᑯᑦᓯᐊᓚᐅᖅᓯᐅᒃ; ᐱᕈᖅᑐᑦ ᐱᕈᕇᖅᐳᑦ ᖃᑯᖅᓯᓪᓗᑎᒃ ᓇᑲᑎᖅᑕᐅᑐᐃᓐᓇᕆᐊᖃᓕᖅᓗᑎᒃ. 36 ᓇᑲᑎᕆᔪᖅᓕ ᐊᑭᓕᖅᑕᐅᓂᐊᖅᐳᖅ, ᑲᑎᖅᓱᐃᓪᓗᓂᓗ ᐱᕈᖅᑐᓂᒃ ᐃᓅᓯᕐᖕᒧᑦ ᓄᖑᓱᐃᑦᑐᒧᑦ; ᑕᕝᕙ ᑲᓐᖓᖅᓱᐃᔪᖅ ᓇᑲᑎᕆᔪᖅᓗ ᑍᒫᒃ ᖁᕕᐊᓱᖃᑎᒌᖕᓂᐊᖅᐴᒃ. 37 ᐅᖃᐅᓯᐅᕙᒃᑐᖅ ᓱᓕᕗᖅ ᐃᒤᓕᔪᖅ; ‘ᐃᓄᒃ ᑲᓐᖓᖅᓱᐃᕗᖅ, ᐊᓯᐊᓕ ᓇᑲᑎᕆᕗᖅ.’ 38 ᑎᓕᓚᐅᖅᐸᑦᓯ ᐱᕈᖅᓰᕕᖕᒥ ᓇᑲᑎᕆᖁᓪᓗᓯ ᐱᕈᕇᖅᑐᓂᒃ ᐱᓇᓱᐊᓚᐅᓐᖏᑕᑦᓯᓐᓂᑦ; ᐊᓯᓯ ᐊᒃᓱᕈᖅᓗᑎᒃ ᐱᓇᓱᐊᓚᐅᖅᐳᑦ, ᐃᓕᑦᓯᓗ ᐱᓇᓱᐊᖅᓯᒪᔭᖏᓐᓂᒃ ᐱᓇᓱᐊᓕᖅᐳᓯ.” 39 ᓴᒥᐊᕆᐊᕐᖕᒥᐅᓪᓕ ᐅᓄᖅᑐᑦ ᓄᓇᓖᑦ ᑕᕝᕙᓂ ᔩᓱᓯᒥᒃ ᐅᒃᐱᕈᓱᒃᐳᑦ ᐊᕐᖕᓇᐅᑉ ᐅᖃᓚᐅᓂᖓ ᐱᓪᓗᒍ, “ᐱᓂᐊᓚᐅᖅᓯᒪᔭᓕᒫᓐᓂᒃ ᐅᖃᐅᑦᔨᔨᒋᔭᕋ.” 40 ᑍᒤᒻᒪᑦ ᑖᒃᑯᐊ ᓴᒥᐊᕆᐊᕐᖕᒥᐅᑦ ᔩᓱᓯᒧᑦ ᑎᑭᐅᑎᒐᒥᒃ, ᐊᔪᐃᓐᓈᕆᓕᖅᐹᑦ ᓯᓂᒃᑕᖅᕕᐅᔪᒪᓪᓗᑎᒃ; ᔩᓱᓯᓗ ᐅᓪᓘᖕᓂᒃ ᒪᕐᕉᖕᓂᒃ ᑕᕝᕙᓂ ᐅᓪᓕᕗᖅ. 41 ᐅᓄᕐᖕᓂᖅᓮᓪᓕ ᐅᒃᐱᓕᖅᐳᑦ ᐅᖃᐅᓯᖏᑦ ᐱᑦᔪᑎᒋᓪᓗᒋᑦ. 42 ᐊᕐᖕᓇᒧᓪᓗ ᐅᖃᖅᐳᑦ, “ᒫᓐᓇ ᐅᒃᐱᓕᖅᐳᒍᑦ ᐅᖃᐅᓯᖅᑎᑦ ᐱᑦᔪᑎᒋᑐᐃᓐᓇᕈᓐᓃᖅᐸᕗᑦ, ᐅᕙᒍᓪᓕ ᓇᖕᒥᓂᖅ ᑐᓴᕋᑦᑎᒍ, ᑐᑭᓯᓪᓗᑕᓗ ᐃᓛᒃ ᑖᓐᓇ ᓱᓕᔪᒥᒃ ᐱᐅᓕᔨᐅᖕᒪᑦ ᓯᓚᖅᔪᐊᕐᖕᒥᐅᓄᑦ.”
ᔩᓱᓯᐅᑉ ᐋᖅᑭᒃᓯᓂᖓ ᐊᖓᔪᖅᑳᑉ ᐃᕐᖕᓂᖓᓂᒃ
43 ᐅᓪᓘᒃ ᒪᕐᕉᒃ ᐊᓂᒍᕐᖕᒪᑎᒃ ᒐᓕᓕᐊᒧᑦ ᐊᐅᓪᓚᖅᐳᖅ. 44 ᔩᓱᓯ ᓇᖕᒥᓂᖅ ᐅᖃᓚᐅᕐᖕᒪᑦ, “ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓ ᓄᓇᑐᖃᕐᖕᒥᓂ ᐅᐱᒋᔭᐅᖏᒻᒪᑦ.” 45 ᒐᓕᓕᐊᒧᓪᓕ ᑎᑭᒻᒪᑦ, ᒐᓕᓕᐊᒥᐅᑦ ᑐᓐᖓᓱᒃᑎᑉᐹᑦ, ᑕᑯᓚᐅᕋᒥᒃ ᔪᕉᓴᓚᒥ ᓇᓪᓕᐅᓐᓂᖅᓯᐅᖅᑎᓪᓗᒋᑦ ᔩᓱᓯ ᐱᓇᓱᐊᖅᑎᓪᓗᒍ, ᑖᒃᑯᐊᑦᑕᐅᖅ ᑕᕝᕙᓃᓚᐅᕋᒥᒃ. 46 ᑭᖑᓂᖓᒍᑦ ᔩᓱᓯ ᑬᓇᒧᑦ ᒐᓕᓕᐊᒦᑦᑐᒧᑦ ᑎᑭᒃᑭᕗᖅ, ᐃᒪᑐᐃᓐᓇᕐᖕᒥᒃ ᕔᓂᓐᖑᖅᑎᑦᓯᕕᒋᓚᐅᖅᑕᒥᓄᑦ. ᑲᐲᕐᓂᐊᒥᓗ ᐊᖓᔪᖅᑳᑉ ᐃᓚᖓᑦᑕ ᐃᕐᖕᓂᖓ ᖃᓂᒪᕗᖅ. 47 ᑖᓐᓇ ᑐᓴᕋᒥ ᔩᓱᓯ ᔫᑎᐊᒥᓐᖔᖅᓗᓂ ᒐᓕᓕᐊᒧᑦ ᑎᑭᒻᒪᑦ, ᐅᐸᒃᐹ ᐊᔪᐃᓐᓇᖅᓗᓂᓗ ᑲᐲᕐᓂᐊᒧᐊᖁᕚ ᐃᕐᖕᓂᖓᓂᒃ ᐋᖅᑭᒃᓯᖁᓪᓗᒍ, ᑐᖁᑐᐃᓐᓇᕆᐊᖃᖅᓗᓂ ᖃᓂᒪᖕᒪᑦ. 48 ᔩᓱᓯᐅᓪᓕ ᐅᖃᐅᑎᕚ, “ᓇᓗᓁᒃᑯᑕᕐᖕᓂᒃ ᑲᒪᓇᖅᑐᓂᒡᓗ ᑕᑯᖏᒃᑯᑦᓯ ᐅᒃᐱᕈᒪᓐᖏᓚᓯ.” 49 ᐊᖓᔪᖅᑳᑉ ᐅᖃᐅᑎᕚ, “ᐅᕙᑦᑎᓐᓄᐊᓚᐅᖅᓗᒃ ᕿᑐᕐᖓᕋ ᑐᖁᖏᓐᓂᖓᓂ.” 50 ᔩᓱᓯᐅᑉ ᐅᖃᐅᑎᕚ, “ᐊᖏᕐᕋᓕᕆᑦ; ᐃᕐᖕᓃᑦ ᐃᓅᓂᐊᖅᐳᖅ.” ᐊᖑᓪᓗ ᔩᓱᓯᐅᑉ ᐅᖃᐅᓯᖓᓂᒃ ᐅᒃᐱᕈᓱᒃᑲᒥ ᐊᖏᕐᕋᓯᕗᖅ. 51 ᐊᖏᕋᐅᓕᖅᑎᓪᓗᒍᓕ ᐱᔨᖏᑕ ᐹᖅᐹᑦ ᐅᖃᐅᑎᓪᓗᒍᓗ, “ᐃᕐᖕᓃᑦ ᖃᓄᐃᑦᓱᓐᓃᖅᐳᖅ.” 52 ᑕᕝᕙ ᐊᐱᕆᕔᑦ ᖃᑦᓯᓐᖑᖅᑎᓪᓗᒍ ᐃᕐᖕᓂᖓ ᐱᐅᓯᕙᓪᓕᐊᓯᓚᐅᕐᖕᒪᖔᑦ, ᑖᒃᑯᐊ ᑭᐅᕗᑦ, “ᐃᑉᐸᒃᓴᖅ 1 -ᒧᐊᖅᑎᓪᓗᒍ ᖃᓂᒻᒪᓯᐅᑉ ᐆᑎᕐᖕᓇᖅᑑᑉ ᕿᒪᓚᐅᖅᐹ.” 53 ᐊᑖᑕᖓᑕ ᖃᐅᔨᕚ ᑕᕝᕙᓂ ᐃᑲᕐᕋᒥ ᔩᓱᓯᐅᑉ ᐅᖃᐅᑎᓚᐅᕐᖕᒪᒍ, “ᐃᕐᖕᓃᑦ ᐃᓅᓂᐊᖅᐳᖅ”; ᐃᒻᒥᓂᒡᓗ ᐃᒡᓗᒥᐅᖃᑎᓕᒫᖏᓪᓗ ᐅᒃᐱᓕᖅᐳᑦ. 54 ᑕᒪᓐᓇ ᑕᕝᕙ ᔩᓱᓯᐅᑉ ᓇᓗᓁᒃᑯᑕᖓᑕ ᐂᑉᐸᖓ ᔫᑎᐊᒥᓐᖔᖅᓗᓂ ᒐᓕᓕᐊᒧᐊᖅᓯᒪᓂᖓᑕ ᑭᖑᓂᖓᓂ.
ᔩᓱᓯᐅᑉ ᐋᖅᑭᒃᓯᓂᖓ ᐱᓱᒍᓐᓇᖏᑦᑐᒥᒃ
1 ᑕᒪᑐᒪ ᑭᖑᓂᖓᒍᑦ ᔩᓱᓯ ᔪᕉᓴᓚᒧᐊᖅᐳᖅ, ᔫᑎᑦ ᓇᓪᓕᐅᓐᓂᖅᓯᐅᕐᖕᒪᑕ. 2 ᔪᕉᓴᓚᐅᓪᓕ ᐃᑎᖅᑕᖅᕕᖓᑕ “ᓰᐲᑦ ᐃᑎᖅᑕᖅᕕᖓᓂᒃ” ᐊᑎᖃᖅᑑᑉ ᖃᓂᒋᔮᓂ ᑕᓯᑯᓗᒃᑕᖃᖅᐳᖅ, ᑕᓪᓕᒪᓂᒃ ᐃᒡᓗᐊᕈᓯᓕᖕᒥᒃ; ᐄᑉᕉᑎᑐᑦ ᑍᔭᐅᔪᖅ ᐱᑦ-ᔭᑕᒥᒃ. 3 ᑖᒃᑯᓇᓂᓗ ᐃᒡᓗᐊᕈᓯᕐᖕᓂ ᐃᓄᐃᑦ ᑎᒥᒥᒍᑦ ᐊᑲᐅᖏᑦᔪᑎᓖᑦ ᐅᓄᖅᑐᑦ ᓇᓚᕗᑦ, ᑕᐅᑐᖏᑦᑐᑦ, ᑐᓯᐊᑦᑐᑦ, ᓄᑭᖃᖏᑦᑐᓪᓗ. ᑖᒃᑯᐊᓗ ᐅᑕᖅᑭᕗᑦ ᐃᒪᐅᑉ ᐊᐅᓚᑎᑕᐅᓂᐊᕐᖕᓂᖓᓂᒃ. 4 ᐊᑕᓂᐅᑉ ᐂᖏᓖᖓ ᑕᓯᕐᖕᒧᐊᖅᐸᖕᒪᑦ ᐃᒪᖓᓂᒃ ᐊᐅᓚᑎᑦᓯᔭᖅᑐᖅᓗᓂ. ᓇᓪᓕᐊᓪᓗ ᓯᕗᓪᓕᖅᐸᐅᓪᓗᓂ ᐃᒫᓄᐊᖅᑐᖅ ᐊᐅᓚᑎᑕᐅᕋᑖᖅᑎᓪᓗᒍ ᐋᖅᑭᒃᑕᐅᕙᓚᐅᖅᐳᑦ ᖃᓄᐃᑦᑐᑐᐃᓐᓇᕐᖕᒥᒃ ᖃᓂᒻᒪᓯᖃᕋᓗᐊᖅᐸᑦ. 5 ᑕᕝᕙᓂᓕ ᐊᖑᑎᑕᖃᖅᐳᖅ, ᐊᕐᕌᒍᓂᒃ 38 -ᓂᒃ ᖃᓂᒻᒪᓯᓕᖕᒥᒃ. 6 ᔩᓱᓯᐅᓪᓗ ᓇᓚᔪᖅ ᑕᑯᒐᒥᐅᒃ, ᖃᐅᔨᒪᒐᒥᐅᒡᓗ ᐊᑯᓂᐊᓗᒃ ᖃᓂᒪᓪᓗᓂ ᑕᕝᕙᓂ ᓇᓚᖕᒪᑦ, ᐅᖃᐅᑎᕚ, “ᐋᖅᑭᒃᑕᐅᔪᒪᕖᑦ?” 7 ᑖᑦᓱᒪᓗ ᖃᓂᒪᔫᑉ ᑭᐅᕚ, “ᐊᑕᓃᖅ, ᐃᑲᔪᖅᑎᒃᓴᖃᖃᑦᑕᖏᓐᓇᒪ ᐃᒫᓄᐊᖅᑎᑦᓯᔨᒃᓴᓐᓂᒃ ᐃᒪᖅ ᐊᐅᓚᑎᑕᐅᔭᕌᖓᑦ, ᐃᒫᓄᐊᕋᓱᓕᖅᑎᓪᓗᖓ ᓯᕗᓕᐅᖅᑕᐅᖃᑦᑕᖅᐳᖓ.” 8 ᔩᓱᓯᐅᑉ ᐅᖃᐅᑎᕚ, “ᒪᑭᒋᑦ, ᓇᓚᕖᑦ ᑎᒍᓗᒍ, ᐱᓱᓕᕆᑦ.” 9 ᑕᕝᕙᑦᓮᓐᓇᖅᓗ ᐊᖑᑦ ᐋᖅᑭᒃᑕᐅᕗᖅ, ᓇᓚᕝᕕᓂᓗ ᑎᒍᓪᓗᓂᐅᒃ, ᐱᓱᓕᖅᐳᖅ. ᐅᓪᓗᖅᓕ ᑖᓐᓇ ᓴᐸᑎᐅᕗᖅ. 10 ᑕᕝᕙ ᔫᑎᑦ ᐊᖓᔪᖅᑳᖏᑕ ᐊᖑᑦ ᐋᖅᑭᒃᑕᐅᕋᑖᖅᑐᖅ ᐅᖃᐅᑎᕚᑦ, “ᐅᓪᓗᒥ ᓴᐸᑎᐅᕗᖅ, ᐱᖁᔭᑦᑎᓐᓂᒃ ᓈᓚᓐᖏᓚᑎᑦ ᓇᓚᕖᑦ ᐊᒡᔭᕋᕕᐅᒃ.” 11 ᑖᓐᓇᓕ ᑖᒃᑯᓄᖓ ᑭᐅᕗᖅ, “ᐊᖑᑎᐅᑉ ᐋᖅᑭᒃᑲᒥᖓ ᐅᖃᐅᑎᖅᑲᐅᕚᖓ, ‘ᓇᓚᕖᑦ ᑎᒍᓗᒍ ᐱᓱᓕᕆᑦ.’” 12 ᑖᒃᑯᐊ ᐊᐱᕆᕚᑦ, “ᑭᓇ ᐃᓕᖕᓄᑦ ᑍᒫᒃ ᐅᖃᖅᐸ, ‘ᓇᓚᕖᑦ ᑎᒍᓗᒍ ᐱᓱᓕᕆᑦ’?” 13 ᑖᑦᓱᒪᓕ ᐋᖅᑭᒃᑕᐅᔫᑉ ᔩᓱᓯ ᖃᐅᔨᒪᓚᐅᓐᖏᓛ ᑭᓇᐅᖕᒪᖔᑦ, ᑕᕝᕙᓂ ᐃᓄᓕᐊᓘᓚᐅᕐᖕᒪᑦ, ᔩᓱᓯᓗ ᑕᕝᕙᓐᖓᑦ ᕿᒪᕉᑎᔭᕇᓚᐅᕐᖕᒪᑦ. 14 ᑭᖑᓂᖓᒍᑦ, ᔩᓱᓯᐅᑉ ᑲᑎᒐᒥᐅᒃ ᑐᒃᓯᐊᖅᕕᒡᔪᐊᕐᖕᒥ, ᐅᖃᐅᑎᕚ, “ᑕᑯᒋᑦ, ᒫᓐᓇ ᖃᓄᐃᖏᑦᓯᐊᓕᖅᐳᑎᑦ! ᐊᔪᖅᑐᓕᒃᑲᓐᓂᕈᓐᓃᕆᑦ, ᐱᐅᖏᓐᓂᖅᓴᒧᑦ ᑎᑭᑕᐅᖁᓇᒃ.” 15 ᐊᖑᓪᓗ ᑕᕝᕙᓐᖓᑦ ᕿᒪᕉᑎᒐᒥ ᔫᑎᑦ ᐊᖓᔪᖅᑳᖏᑦ ᐅᖃᐅᑎᕔᑦ, ᐋᖅᑭᒃᓯᓚᐅᖅᑐᖅ ᔩᓱᓯᐅᓂᖓᓂᒃ. 16 ᑍᒤᒻᒪᓪᓗ ᔫᑎᑦ ᔩᓱᓯ ᐊᑭᕋᖅᑐᓕᖅᐹᑦ, ᐋᖅᑭᒃᓯᓚᐅᕐᖕᒪᑦ ᓴᐸᑎᐅᑎᓪᓗᒍ. 17 ᔩᓱᓯᐅᓪᓕ ᑭᐅᕔᑦ, “ᐊᑖᑕᒐ ᑍᒪᓐᖓᑦ ᒫᓐᓇᒧᑦ ᐱᓇᓱᐊᖅᐳᖅ, ᐅᕙᖓᓗ ᐱᓇᓱᐊᕆᕗᖓ.” 18 ᑍᒤᒻᒪᑦ ᔫᑎᑦ ᐊᖓᔪᖅᑳᖏᑕ ᔩᓱᓯ ᑐᖁᑕᐅᕕᒃᓴᖅᓯᐅᒃᑲᓐᓂᓕᖅᐹᑦ, ᓴᐸᑎᒥ ᐱᖁᔭᒥᒃ ᓈᓚᓚᐅᖏᓐᓂᖓ ᐱᑦᔪᑎᒋᑐᐃᓐᓇᕐᖕᓇᒍ, ᐅᖃᖅᓯᒪᓂᖓᓄᓪᓕ ᒎᑎᒥᒃ ᓇᖕᒥᓂᕆᓪᓗᒍ ᐊᑖᑕᖃᕐᖕᓂᕋᕐᖕᒪᑦ, ᒎᑎᒥᒃ ᐃᒻᒥᓂᒃ ᑍᒤᓪᓗᐊᖃᖅᑎᖃᕋᓱᖕᓂᕋᖅᓱᓂᔪᒃ.
ᒎᑎᐅᑉ ᐃᕐᖕᓂᕐᖕᒥᓂᒃ ᐱᔪᓐᓇᕐᖕᓂᖃᖅᑎᑦᓯᓂᖓ
19 ᑍᒤᒻᒪᑦ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐃᕐᖕᓂᖅ ᐃᒥᓃᓐᓇᖅ ᐱᓇᓱᐊᕈᓐᓇᓐᖏᓚᖅ, ᐱᓇᓱᐊᖅᐳᖅᓕ ᐊᑖᑕᐅᑉ ᐱᓇᓱᐊᖅᑕᖏᓐᓂᒃ ᑕᑯᔭᒥᓂᒃ, ᐊᑖᑕᐅᑉ ᐱᓇᓱᐊᖅᑕᖓ ᐃᕐᖕᓂᖓᑕᑦᑕᐅᖅ ᐱᓇᓱᐊᕆᕚ. 20 ᐊᑖᑕᐅᑉ ᐃᕐᖕᓂᓂ ᓇᒡᓕᒋᕚ, ᓇᖕᒥᓂᖅᓗ ᐱᓂᐊᕐᖕᓂᓕᒫᓂ ᖃᐅᔨᒪᔭᐅᑎᑉᐰᑦ ᑖᑦᓱᒧᖓ; ᓱᓕᓗ ᐱᓂᐊᕐᖕᓂᕐᖕᓂᒃ ᐱᓪᓚᕆᐅᓂᖅᓴᓂᒃ ᑕᒪᒃᑯᓇᖓᑦ ᖃᐅᔨᑎᓐᓂᐊᖅᐹ, ᐃᓕᑦᓯᓗ ᑲᒪᓂᐊᕈᑎᒋᓂᐊᖅᐸᓯ. 21 ᓲᖅᓗᑦᑕᐅᖅ ᐊᑖᑕᐅᑉ ᑐᖁᖓᔪᑦ ᒪᑭᑎᒻᒪᒋᑦ ᐆᒻᒪᖅᑎᓪᓗᒋᓪᓗ, ᑍᒫᒃᑕᐅᖅ ᐃᕐᖕᓂᖅ ᐆᒻᒪᖅᑎᑦᓯᕗᖅ ᐆᒻᒪᖅᑎᑦᓱᒪᔭᒥᓂᒃ. 22 ᐊᑖᑕ ᐃᖅᑲᖅᑐᐃᓐᖏᓚᖅ ᑭᓇᒥᒡᓘᓐᓃᑦ, ᐃᕐᖕᓂᓂᓕ ᐃᖅᑲᖅᑐᐃᔪᓐᓇᕐᖕᓂᓕᒫᒥᒃ ᑐᓂᓯᕕᒋᓯᒪᕚ. 23 ᐃᕐᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᖁᓪᓗᒍ, ᓲᖅᓗ ᐊᑖᑕ ᐅᐱᒋᔭᐅᑦᓯᐊᕐᖕᒪᑦ. ᐃᕐᖕᓂᕐᖕᒥᒃ ᐅᐱᒍᓱᖏᑦᑐᖅ ᐊᑖᑕᒥᒃᑕᐅᖅ ᐅᐱᒍᓱᓐᖏᓚᖅ ᑎᓕᔨᖓᓂᒃ. 24 ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᖅᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᖅᐳᖅ ᓄᖑᓱᐃᑦᑐᒥᒃ; ᐃᖅᑲᖅᑐᖅᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᖅᓯᒪᓕᖅᐳᖅ ᐃᓅᓯᕐᖕᒧᑦ. 25 ᓱᓕᔪᒥᒃ ᐅᖃᐅᑎᕙᑦᓯ, ᐃᑲᕐᕋᖅ ᓇᓪᓕᐅᑎᓂᐊᖅᓯᒪᔪᖅ ᓇᓪᓕᐅᑎᔭᕇᖅᐳᖅ, ᑐᖁᖓᔪᑦ ᒎᑎᐅᑉ ᐃᕐᖕᓂᖓᑕ ᓂᐱᖓᓂᒃ ᑐᓴᖅᕕᖓᑦ, ᑐᓴᖅᑐᓪᓗ ᑖᒃᑯᐊ ᐃᓅᓂᐊᖅᐳᑦ. 26 ᓲᖅᓗ ᐊᑖᑕ ᓇᖕᒥᓂᖅ ᐃᓅᓯᖅᑖᖅᕕᑑᖕᒪᑦ, ᑍᒫᒃᑕᐅᖅ ᐃᕐᖕᓂᓂ ᑐᓂᓯᕕᒋᕚ ᐃᓅᓯᖅᑖᖅᕕᑑᖁᓪᓗᒍ. 27 ᐃᕐᖕᓂᓂᓗ ᐃᖅᑲᖅᑐᐃᔪᓐᓇᖅᓯᑎᑉᐹ, ᐃᓅᑉ ᐃᕐᖕᓂᕆᖕᒪᒍ. 28 ᑕᒪᓐᓇ ᑲᒪᓂᐊᕈᑎᒋᓇᓯᐅᒃ; ᓇᓪᓕᐅᑦᑐᒃᓴᖅ ᓇᓪᓕᐅᑎᔪᒫᕐᖕᒪᑦ ᑐᖁᖓᔪᓕᒫᑦ ᑖᑦᓱᒪ ᓂᐱᖓᓂᒃ ᑐᓴᖅᕕᒃᓴᖓᑦ 29 ᐃᓗᕕᕐᖕᒥᓪᓗ ᐊᓂᓗᑎᒃ, ᐱᐅᔪᒥᒃ ᐃᓅᓯᖃᓚᐅᖅᑐᑦ, ᒪᑭᑦᓱᒫᖅᐳᑦ ᐃᓅᓂᐊᓕᖅᓗᑎᒃ, ᐱᐅᖏᑦᑐᒥᒡᓕ ᐃᓅᓯᖃᓚᐅᖅᑐᑦ, ᒪᑭᑦᓱᒫᖅᐳᑦ ᓱᒋᐊᖅᑕᐅᖁᓪᓗᒋᑦ.”
ᔩᓱᓯᒥᒃ ᓇᓗᓁᖅᓯᓂᖅ
30 “ᐅᕙᓐᓃᓐᓇᖅ ᐱᔪᓐᓇᕐᖕᓂᓐᓄᑦ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᓐᖏᓚᖓ; ᒎᑎᒥᓪᓕ ᑐᓴᖅᑕᓐᓂᒃ ᐃᖅᑲᖅᑐᐃᕗᖓ; ᑍᒤᒻᒪᑦ ᐃᖅᑲᖅᑐᐃᓂᕋ ᓈᒻᒪᓈᑦᓯᐊᖅᐳᖅ, ᓇᖕᒥᓂᖅ ᐱᔪᒪᔭᓐᓂᒃ ᐱᓇᓱᐊᖏᓐᓇᒪ ᑎᓕᔨᒪᓕ ᐱᔪᒪᔭᖓᓂᒃ ᐱᓇᓱᐊᖅᐳᖓ. 31 ᐅᕙᖓ ᓇᖕᒥᓂᓐᓂᒃ ᓇᓗᓁᕋᓱᐊᕈᒪ, ᓇᓗᓁᖅᓯᓇᓱᐊᕐᖕᓂᕋ ᓱᓕᒐᔭᓐᖏᓚᖅ; 32 ᐊᓯᒐᓕ ᐅᕙᓐᓂᒃ ᓇᓗᓁᖅᓯᕗᖅ, ᖃᐅᔨᒪᕗᖓᓗ ᐅᖃᐅᓯᖃᕐᖕᓂᖓ ᐅᕙᓐᓂᒃ ᓱᓕᑦᓯᐊᕐᖕᒪᑦ. 33 ᐊᐱᕆᔭᖅᑐᖅᑎᑦᓯᓚᐅᖅᐳᓯ ᔪᐊᓇᓯᒧᑦ, ᑖᓐᓇᓗ ᓇᓗᓁᖅᓯᓚᐅᖅᐳᖅ ᓱᓕᔪᒥᒃ. 34 ᓇᓗᓁᖅᑕᐅᓂᕋ ᐃᓄᖕᒥᑦ ᐱᓐᖏᓚᖅ; ᑕᒪᓐᓇᓕ ᐅᖃᐅᓯᕆᕙᕋ ᐱᐅᓕᔭᐅᖁᓪᓗᓯ. 35 ᑖᓐᓇ ᓇᓂᕈᐊᑎᑐᑦ ᐃᑯᒪᓪᓗᓂ ᖃᐅᒪᔪᑎᑐᑦ ᑍᒤᑉᐳᖅ, ᐃᓕᑦᓯᓗ ᓯᕕᑭᑦᑐᒥᒃ ᖁᕕᐊᓲᑎᖃᕈᒪᓚᐅᖅᐳᓯ ᑖᑦᓱᒪ ᖃᐅᒪᓂᖓᓂᒃ. 36 ᐅᕙᖓᓕ ᓇᓗᓁᖅᓯᓂᖃᖅᐳᖓ ᔪᐊᓇᓯᐅᑉ ᓇᓗᓁᖅᓯᓂᖓᓂᑦ ᐊᖏᓂᖅᓴᒥᒃ; ᐱᓂᐊᕐᖕᓃᑦ ᐱᓂᐊᕐᖕᓂᕆᔭᒃᑲ, ᐊᑖᑕᒪ ᕾᓚᐅᖅᐰᑦ ᐅᕙᓐᓄᑦ ᐱᓇᓱᐊᖅᑕᐅᖁᓪᓗᒋᑦ, ᑕᒪᒃᑯᐊ ᐱᓇᓱᐊᕐᖕᓃᑦ ᐅᕙᓐᓂᒃ ᓇᓗᓁᖅᓯᕗᑦ ᓴᖅᑭᑎᑦᓯᓪᓗᑎᒡᓗ ᐊᑖᑕᒧᑦ ᑎᓕᔭᐅᓯᒪᓂᓐᓂᒃ. 37 ᐊᑖᑕᓗ ᑎᓕᔨᒐ ᐅᕙᓐᓂᒃ ᓇᓗᓁᖅᓯᕗᖅ. ᑖᑦᓱᒪ ᓂᐱᖓ ᑐᓴᓚᐅᖅᓯᒪᓐᖏᓚᓯ, ᑕᐅᑦᑐᖓᓗ ᑕᑯᓚᐅᖅᓯᒪᓇᒍ; 38 ᐅᖃᐅᓯᖓᓘᓐᓃᑦ ᐃᓗᒥᐅᑕᕆᓐᖏᓚᓯ, ᑖᑦᓱᒪ ᑎᓕᓚᐅᖅᑕᖓ ᐅᒃᐱᕆᖏᓐᓇᑦᓯᐅᒃ. 39 ᐊᒡᓚᖕᓂᒃ ᕿᓂᖅᐳᓯ, ᐃᓅᓯᕐᖕᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᖅᓯᕗᑦ; 40 ᐅᕙᓐᓄᓪᓕ ᕾᔪᒪᓐᖏᓚᓯ ᐃᓅᓯᖅᑖᕈᒪᓗᓯ. 41 ᐃᓄᖕᓄᑦ ᓂᖅᑐᖅᑕᐅᓇᓱᐊᓐᖏᓚᖓ. 42 ᖃᐅᔨᒪᕗᖓᓕ ᒎᑎᐅᑉ ᓇᒡᓕᖕᓂᖓᓂᒃ ᐃᓗᒥᐅᑕᖃᖏᓐᓇᑦᓯ. 43 ᐊᑖᑕᒪ ᐊᑎᖓᒍᑦ ᑎᑭᓚᐅᖅᐳᖓ, ᐃᓕᑦᓯᓕ ᐃᓚᓕᐅᓐᖏᓚᑦᓯᓐᖓ; ᐊᓯᒐᓕ ᑎᑭᑉᐸᑦ ᓇᖕᒥᓂᖅ ᐱᔪᓐᓇᕐᖕᓂᕐᖕᒥᒍᑦ, ᑖᓐᓇ ᐃᓚᓕᐅᕋᔭᖅᐸᓯ. 44 ᖃᓄᖅ ᐅᒃᐱᕈᓐᓇᖅᐱᓰ? ᐃᓅᖃᑎᑦᓯᓐᓄᑦ ᓂᖅᑐᖅᑕᐅᔪᒪᓂᕐᖕᒥᒃ ᐱᓇᓱᐊᖃᑦᑕᖅᓗᓯ ᒎᑎᒧᓪᓗ ᓂᖅᑐᖅᑕᐅᓂᒃᓴᑐᐊᖅ ᕿᓂᕐᖕᓇᒍ. 45 ᐃᓱᒪᓂᐊᕋᓯ ᐊᑖᑕᐅᑉ ᓵᖓᓂ ᐸᓯᒃᓯᕐᖕᓂᐊᕋᓱᒋᓗᖓ ᐃᓕᑦᓯᓐᓂᒃ; ᒨᓯᓯᐅᓪᓕ ᓂᕆᐅᖕᓂᕐᖕᒥᒃ ᑐᓐᖓᕕᖃᖅᕕᒋᓇᓱᐊᖅᑕᑦᓯ, ᑖᑦᓱᒪ ᐸᓯᔪᒫᖅᐹᓯ. 46 ᒨᓯᓯ ᐅᒃᐱᕆᒍᑦᓯᐅᒃ, ᐅᕙᓐᓂᒃ ᐅᒃᐱᕋᔭᖅᐳᓯ, ᑖᓐᓇ ᐅᕙᓐᓂᒃ ᑎᑎᕋᐅᓯᖃᓚᐅᕐᖕᒪᑦ. 47 ᑖᑦᓱᒪᓕ ᑎᑎᕋᓚᐅᖅᑕᖏᑦ ᐅᒃᐱᕆᖏᒃᑯᑦᓯᐅᒃ, ᖃᓄᖅᓕ ᐅᖃᐅᓯᕆᔭᓐᓂᒃ ᐅᒃᐱᕈᓱᒐᔭᖅᐱᓰ?”
ᔩᓱᓯᐅᑉ ᓂᕆᑎᑦᓯᓂᖓ 5,000 -ᓂᒃ
1 ᑕᒪᑐᒪ ᑭᖑᕐᖓᒍᑦ ᔩᓱᓯ ᒐᓕᓕᐊᑉ ᑕᓯᖓᑕ ᐊᑭᐊᓄᐊᖅᐳᖅ, (ᑍᔭᐅᔪᒧᑦ, ᑍᐱᕆᐊᓯᐅᑉ ᑕᓯᖅᔪᐊᖓᓂᒃ). 2 ᐃᓄᒐᓴᒡᔪᐊᓪᓗ ᒪᓕᒃᐹᑦ, ᓇᓗᓁᒃᑯᑕᕐᖕᓂᒃ ᑕᑯᓚᐅᕋᒥᒃ ᖃᓂᒪᔪᓂᒃ ᐋᖅᑭᒃᓯᑎᓪᓗᒍ. 3 ᔩᓱᓯᓕ ᖃᖅᑲᒧᑦ ᒪᔪᕋᕋᒥ, ᖄᖓᓄᑦ ᐃᖏᑉᐳᖅ ᐃᓕᓐᓂᐊᖅᑎᓂ ᐃᓚᒋᓪᓗᒋᑦ. 4 ᔫᑎᓪᓕ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᖅᕕᖓᑦ ᖃᒡᓕᓕᖅᐳᖅ. 5 ᔩᓱᓯ ᑕᑯᓴᕋᒥ, ᑕᑯᕗᖅ ᐃᓄᒐᓴᒡᔪᐊᓂᒃ ᕾᓕᖅᑐᓂᒃ ᐃᒻᒥᓄᑦ, ᐱᓕᑉᐴᓯᒧᓪᓗ ᐅᖃᖅᐳᖅ, “ᖃᓄᖅᓕ ᓂᐅᕕᕈᓐᓇᕐᖕᓂᐊᖅᐱᑖ ᐅᑯᓂᖓ ᓂᕆᑎᑦᓯᔪᓐᓇᖁᓪᓗᑕ?” 6 ᔩᓱᓯᓕ ᑍᒫᒃ ᐅᖃᖅᐳᖅ ᐱᓕᑉᐴᓯ ᖃᐅᔨᓴᖅᓗᓂᐅᒃ, ᖃᐅᔨᒪᒐᓗᐊᖅᓗᓂ ᖃᓄᐃᓕᐅᕐᖕᓂᐊᕐᖕᓂᕐᖕᒥᓂᒃ. 7 ᐱᓕᑉᐴᓯᐅᑉ ᑭᐅᕚ, “ᓯᐅᓪᕕᕆᓂᒃ 200 -ᑦ ᐅᖓᑖᓃᑦᑐᓂᒃ ᐊᑐᕆᐊᖃᕋᔭᖅᐳᒍᑦ ᑖᒃᑯᓂᖓ ᓂᕆᑎᑦᓯᓇᓱᒃᑯᑦᑕ ᒥᑭᔪᑯᓗᖕᒥᒡᓘᓐᓃᑦ ᐊᑐᓂᑦ ᐱᒐᓗᐊᖅᐸᑕ.” 8 ᐃᓕᓐᓂᐊᖅᑎᖏᑕ ᐃᓚᖓᑦ, ᐋᓐᑐᕉ ᓮᒨᓂᐅᑉ ᐲᑦᑐᕉᓯᐅᑉ ᓄᑲᖓ, ᐅᖃᖅᐳᖅ, 9 “ᐅᕙᓂ ᓄᑲᑉᐱᐊᖅᑕᖃᖅᐳᖅ ᒥᑭᔫᑎᓂᒃ ᓂᐊᑰᔭᓂᒃ ᑕᓪᓕᒪᓂᒃ ᐃᖃᓗᑯᓘᖕᓂᒡᓗ ᒪᕐᕉᖕᓂᒃ ᑕᖁᐊᖃᖅᑐᒥᒃ; ᑭᓯᐊᓂᓕ ᐃᓄᒋᐊᕌᓗᖕᓄᑦ ᑖᒃᑯᐊ ᓱᓇᐅᓐᖏᓚᑦ.” 10 ᔩᓱᓯᐅᑉ ᐅᖃᐅᑎᕔᑦ, “ᐃᓄᐃᑦ ᐃᒃᓯᕙᖁᓚᐅᖅᓯᐅᒃ,” ᑕᒪᓐᓇᓕ ᓇᔪᖅᑕᖓᑦ ᓄᓇ ᐃᕕᒃᓱᒐᓕᐊᓘᕗᖅ; ᑕᕝᕙ ᐃᓄᓕᒫᑦ ᐃᖏᑉᐳᑦ, ᑖᒃᑯᐊ 5,000 -ᑦ ᖃᓂᒋᔮᓃᑉᐳᑦ. 11 ᔩᓱᓯᐅᓪᓕ ᓂᐊᖂᔧᑦ ᑎᒍᕔᑦ, ᖁᔭᓕᑦᔪᑎᒋᔭᕇᕋᒥᒋᓪᓗ, ᐃᒃᓯᕙᔪᓄᑦ ᑐᓂᐅᕋᖅᑕᐅᖁᕔᑦ; ᑍᒫᒃᑕᐅᖅ ᐃᖃᓗᑯᓗᐃᑦ ᖁᔭᓕᑦᔪᑎᒋᓪᓗᒋᑦ ᑐᓂᒋᕔᑦ, ᓂᕆᔪᒪᔭᓕᒫᒥᖕᓂᒡᓗ ᓂᕆᕗᑦ. 12 ᐊᕿᐊᑦᑐᖅᑐᐃᓐᓇᐅᖕᒪᑕᓕ, ᐃᓕᓐᓂᐊᖅᑎᓂ ᐅᖃᐅᑎᕔᑦ, “ᐊᒥᐊᒃᑯᒋᔭᐅᔪᑦ ᑲᑎᖅᓱᖅᓯᐅᒃ, ᒥᑭᔪᒥᒡᓘᓐᓃᑦ ᐊᓯᐅᔪᖃᖁᓇᒍ.” 13 ᑕᕝᕙ ᐊᒥᐊᑯᓕᒫᓂᒃ ᑲᑎᑦᓯᒐᒥᒃ ᐃᕕᐅᔭᓂᒃ 12 -ᓂᒃ ᑕᑍᕗᑦ ᐊᒥᐊᒃᑯᒋᔭᐅᔪᓂᒃ ᓂᐊᖂᔭᓂᑦ ᑕᓪᓕᒪᓂᑦ, ᐃᓄᐃᑦ ᓂᕆᓚᐅᖅᑕᖏᓐᓂᑦ. 14 ᐃᓄᐃᓪᓕ ᓇᓗᓁᒃᑯᑕᕐᖕᒥᒃ ᑕᑯᒐᒥᒃ, ᔩᓱᓯᐅᑉ ᐱᓇᓱᐊᖅᑕᖓᓂᒃ ᐅᖃᖅᐳᑦ, “ᑖᓐᓇ ᖁᓚᕐᖕᓇᕈᓐᓃᖅᐳᖅ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᒋᖕᒪᒍ ᓯᓚᖅᔪᐊᕐᖕᒧᑦ ᑎᑭᓛᕐᖕᓂᐊᖅᓯᒪᔪᖅ!” 15 ᔩᓱᓯᓕ ᖃᐅᔨᒪᓕᕋᒥ ᐃᓄᐃᑦ ᖃᓄᐃᓕᐅᕈᒪᓂᖏᓐᓂᒃ, ᑎᒍᓗᒍ ᐊᖓᔪᖅᑳᖅᔪᐊᓐᖑᖅᑎᑦᓯᓇᓱᐊᕈᒪᓕᕐᖕᒪᑕ ᖁᓄᒐᓗᐊᖅᐸᑦ, ᑖᒃᑯᓇᓐᖓᑦ ᕿᒪᕉᑎᓪᓗᓂ ᖃᖅᑲᒧᑦ ᒪᔪᕋᖅᐳᖅ ᐃᓄᑑᓪᓗᓂ.
ᔩᓱᓯᐅᑉ ᐱᓱᖕᓂᖓ ᐃᒪᐅᑉ ᖄᖓᒍᑦ
16 ᐅᓐᓄᖕᒪᓪᓕ, ᔩᓱᓯᐅᑉ ᐃᓕᓐᓂᐊᖅᑎᖏᑦ ᑕᓯᕐᖕᒧᐊᖅᐳᑦ, 17 ᐅᒥᐊᒧᓪᓗ ᐃᑭᓪᓗᑎᒃ, ᐅᑎᕋᓱᐊᓕᖅᐳᑦ ᑲᐲᕐᓂᐊᒧᑦ. ᑖᖅᓯᖕᒪᑦ, ᓱᓕ ᔩᓱᓯᐅᑉ ᐅᐸᓚᐅᖅᑎᓐᓇᓂᒋᑦ. 18 ᐊᓄᕌᓕᖅᑐᐊᓘᓪᓗᓂᓗ ᐃᒪᖅ ᒪᓪᓕᓕᖅᐳᖅ. 19 ᐃᓕᓐᓂᐊᖅᑏᓪᓗ ᐃᐳᓪᓗᑎᒃ ᐃᖏᕐᕋᓕᕋᓗᐊᖅᑎᓪᓗᒋᑦ ᐃᒻᒪᖄ ᐱᖓᓱᓂᒃ ᓯᑕᒪᓂᒡᓘᓐᓃᑦ ᒤᓕᓂᒃ, ᑕᑯᓕᖅᐳᑦ ᔩᓱᓯᒥᒃ ᐃᒪᐅᑉ ᖄᖓᒍᑦ ᐱᓱᒃᑐᒥᒃ ᐅᒥᐊᒧᓪᓗ ᖃᒡᓕᓕᖅᑐᒥᒃ. ᑲᑉᐱᐊᓱᓕᖅᐳᓪᓗ, 20 ᔩᓱᓯᐅᓪᓕ ᐅᖃᐅᑎᕔᑦ, “ᐅᕙᖓᐅᕗᖓ ᑲᑉᐱᐊᓱᒐᓯ!” 21 ᑕᕝᕙ ᐅᒥᐊᒧᑦ ᐃᑭᖁᓕᖅᐹᑦ, ᐊᑯᓂᐅᖏᑦᑐᖅᓗ ᓄᓇᒧᑦ ᑎᑭᑉᐳᑦ ᐅᐸᒐᓱᐊᖅᑕᒥᖕᓄᑦ.
ᐃᓄᐃᑦ ᕿᓂᕐᖕᓂᖓᑦ ᔩᓱᓯᒥᒃ
22 ᖃᐅᑎᓪᓗᒍ ᐃᓄᒐᓴᒡᔪᐊᑦ ᑕᓯᐅᑉ ᐊᑭᐊᓃᑦᑐᑦ ᑕᑯᓕᖅᐳᑦ ᐅᒥᐊᖅ ᐊᑕᐅᓯᐅᖕᒪᑦ, ᖃᐅᔨᓚᐅᖅᓗᑎᒡᓗ ᔩᓱᓯ ᐅᒥᐊᒧᑦ ᐃᓕᓐᓂᐊᖅᑎᒥᓄᑦ ᐃᑭᖃᑕᐅᓚᐅᖏᒻᒪᑦ, ᐃᓕᓐᓂᐊᖅᑎᖏᓪᓕ ᐅᒥᐊᖅᑐᓯᓚᐅᕐᖕᒪᑕ ᑖᒃᑯᑑᓪᓗᑎᒃ. 23 ᐅᒥᐊᓪᓕ ᐊᓯᖏᑦ, ᑍᐱᕆᐊᓯᒥᑦ ᐱᔪᑦ ᓄᓇᒧᑦ ᑐᓚᒋᐊᖅᑐᓕᖅᐳᑦ, ᐊᑕᓂᐅᑉ ᓂᐊᖂᔭᓂᒃ ᖁᔭᓕᖄᖅᓗᓂ ᓂᕆᑎᑦᓯᕕᒋᓚᐅᖅᑕᖓᑕ ᖃᓂᒋᔮᓄᑦ. 24 ᐃᓄᒐᓴᒡᔪᐊᓪᓕ ᖃᐅᔨᒐᒥᒃ ᔩᓱᓯ ᑕᕝᕙᓃᖏᒻᒪᑦ, ᐃᓕᓐᓂᐊᖅᑎᖏᓪᓗ ᑕᕝᕙᓃᒻᒥᓇᑎᒃ, ᐅᒥᐊᒧᑦ ᐃᑭᕗᑦ ᑲᐲᕐᓂᐊᒧᓪᓗ ᐅᒥᐊᖅᑐᓕᖅᐳᑦ, ᔩᓱᓯᒥᒃ ᕿᓂᖅᓗᑎᒃ.
ᔩᓱᓯ ᓂᐊᖂᔭᐅᕗᖅ ᐃᓅᓯᖅᑕᓕᒃ
25 ᐃᓄᐃᓪᓕ ᔩᓱᓯᒥᒃ ᓇᓂᓯᒐᒥᒃ ᑕᓯᐅᑉ ᐊᑭᐊᓂ, ᐅᖃᐅᑎᕚᑦ, “ᐊᔪᕆᖅᑐᐃᔩ, ᖃᖓ ᑕᒪᐅᓐᖓᕐᖕᓂᖅᐲᑦ?” 26 ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ; ᕿᓂᖅᐸᑦᓯᓐᖓ ᓇᓗᓁᒃᑯᑍᑦ ᑕᑯᓚᐅᖅᑕᓯ ᐱᑦᔪᑎᒋᓇᒋᑦ, ᓂᕆᓚᐅᕋᑦᓯᓕ ᓂᐊᖂᔭᓂᒃ ᐊᕿᐊᑦᑐᖅᓗᓯ ᐱᑦᔪᑎᖃᖅᐳᓯ. 27 ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᖕᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᖅᑖᕐᖕᓇᖅᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᖕᓂᖓᑕ ᑐᓂᓂᐊᖅᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᖅᓯᒪᖕᒪᒍ ᓈᒻᒪᒃᓴᕐᖕᓂᕐᖕᒥᓂᒃ.” 28 ᑕᕝᕙ ᐊᐱᕆᕚᑦ, “ᖃᓄᖅ ᐱᓇᓱᐊᖅᑐᒃᓴᐅᕕᑖ? ᒎᑎᐅᑉ ᐱᓇᓱᐊᖅᑕᐅᖁᔭᖓᓂᒃ ᐱᓇᓱᐊᕈᓐᓇᖁᓪᓗᑕ?” 29 ᔩᓱᓯᐅᑉ ᑭᐅᕔᑦ, “ᑕᕝᕙ ᒎᑎᐅᑉ ᐃᒫᒃ ᐱᖁᕚᓯ; ᐅᒃᐱᖁᓪᓗᓯ ᑖᑦᓱᒧᖓ ᑎᓕᔭᖓᓄᑦ.” 30 ᑖᒃᑯᐊ ᑭᐅᕗᑦ, “ᑕᕝᕙ ᖃᓄᐃᑦᑐᒥᒃ ᓇᓗᓁᒃᑯᑕᖃᕐᖕᓂᐊᖅᐲᑦ ᐅᕙᒍᑦ ᑕᑯᓗᑕ, ᐃᓕᖕᓄᑦ ᐅᒃᐱᓕᖁᓪᓗᑕ? ᖃᓄᐃᓕᐅᕐᖕᓂᐊᖅᐲᑦ? 31 ᓯᕗᓕᕗᑦ ᒫᓇᒥᒃ ᓂᕿᒃᓴᒥᒃ ᓂᕆᓚᐅᖅᐳᑦ ᐃᓄᖃᖏᑦᑐᒥ; ᐊᒡᓚᖕᓂ ᐅᖃᖅᓯᒪᖕᒪᑦ, ‘ᓂᐊᖂᔭᒥᒃ ᕿᓚᖕᒥᑦ ᐱᔪᒥᒃ ᓂᕆᑎᓚᐅᖅᐰᑦ.’” 32 ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᒨᓯᓯᐅᑉ ᓂᐊᖂᔭᒥᒃ ᕿᓚᖕᒥᑦ ᐱᔪᒥᒃ ᑐᓂᓯᕕᒋᓚᐅᓐᖏᓛᓯ; ᐊᑖᑕᒪᓕ ᓂᐊᖂᔭᒥᒃ ᓂᕿᒃᓴᓪᓚᕆᖕᒥᒃ ᑐᓂᓯᕕᒋᕚᓯ ᕿᓚᖕᒥᑦ ᐱᔪᒥᒃ. 33 ᑕᕝᕙ ᒎᑎᐅᑉ ᓂᐊᖂᔭᖁᑎᖓ ᑖᓐᓇᐅᕗᖅ ᕿᓚᖕᒥᑦ ᑎᑭᑦᑐᖅ, ᐃᓅᓯᕐᖕᒥᒡᓗ ᑐᓂᓯᔪᖅ ᓯᓚᖅᔪᐊᕐᖕᒥᐅᓄᑦ.” 34 ᑖᒃᑯᐊ ᐅᖃᐅᑎᕚᑦ, “ᐊᑕᓃᖅ, ᓂᐊᖂᔭᒥᒃ ᑖᑦᓱᒥᖓ ᑐᓂᓯᕕᒋᑦᓮᓐᓇᖅᑎᒍᑦ.” 35 ᔩᓱᓯᐅᑉ ᐅᖃᐅᑎᕔᑦ, “ᐅᕙᖓᐅᕗᖅ ᓂᐊᖂᔭᖅ ᐃᓅᓯᖅᑕᓕᒃ; ᑖᓐᓇ ᐅᕙᓐᓄᑦ ᕾᔪᖅ ᑳᓕᕐᖕᓂᐊᓐᖏᓚᖅ, ᐅᕙᓐᓄᓪᓗ ᐅᒃᐱᖅᑐᖅ ᐃᒥᕈᓚᐅᖅᓯᒪᓂᐊᓐᖏᓚᖅ. 36 ᒫᓐᓇᓕ ᐅᖃᐅᑎᒐᓗᐊᕋᑦᓯ ᐅᕙᓐᓂᒡᓗ ᑕᑯᓯᒪᓕᖅᓗᓯ ᐅᒃᐱᕆᓐᖏᓚᑦᓯᓐᖓ. 37 ᐊᑖᑕᒪ ᐅᕙᓐᓄᑦ ᕾᑕᓕᒫᖏᑕ ᐅᐸᒃᐹᖓ; ᐅᕙᓐᓄᓪᓗ ᕾᔪᒥᒃ ᐊᓂᑐᐃᓐᓇᖅᑎᑦᓯᓐᓂᐊᓐᖏᓚᖓ. 38 ᕿᓚᖕᒥᑦ ᑎᑭᓚᐅᕋᒪ, ᐱᔪᒪᔭᓐᓂᒃ ᐱᓇᓱᐊᕆᐊᖅᑐᕐᖕᓇᖓ, ᑖᑦᓱᒪᓕ ᑎᓕᔨᒪ ᐱᔪᒪᔭᖓᓂᒃ ᐱᓇᓱᐊᕆᐊᖅᑐᖅᓗᖓ. 39 ᑖᑦᓱᒪᓕ ᑎᓕᔨᒪ ᐱᔪᒪᔭᖓ ᑕᒪᑦᔭ, ᐅᕙᓐᓄᑦ ᕾᑎᑕᓕᒫᖏᓐᓂᒃ ᐊᓯᐅᔨᖁᓇᖓ, ᐆᒻᒪᖅᑎᑦᓯᖁᓪᓗᖓᓕ ᐅᓪᓗᐃᑦ ᑭᖑᓪᓕᖅᐹᖓᓐᓂ. 40 ᑕᒪᑦᔭ ᐊᑖᑕᒪ ᐱᔪᒪᔭᖓ, ᐃᕐᖕᓂᖓᓂᒃ ᑕᑯᔪᓕᒫᑦ ᐅᒃᐱᓕᖅᓗᑎᒡᓗ ᑖᑦᓱᒧᖓ ᐃᓅᓯᕐᖕᒥᒃ ᓄᖑᓱᐃᑦᑐᒥᒃ ᐱᖃᖁᓪᓗᒋᑦ; ᐅᕙᖓᓗ ᐆᒻᒪᖅᑎᑦᓱᒫᖅᐸᕋ ᐅᓪᓗᐃᑦ ᑭᖑᓪᓕᖅᐹᖓᓐᓂ.” 41 ᔫᑎᓪᓕ ᐊᑲᐅᒃᓴᕈᓐᓃᖅᐳᑦ ᑖᑦᓱᒥᖓ, ᐅᖃᕐᖕᓂᖓ ᐱᓪᓗᒍ, “ᐅᕙᖓᐅᕗᖅ ᓂᐊᖂᔭᖅ ᕿᓚᖕᒥᑦ ᑎᑭᓯᒪᔪᖅ.” 42 ᑕᕝᕙ ᐅᖃᖅᐳᑦ, “ᐅᓇ ᔩᓱᓯᐅᓐᖏᓛᖅ? ᔫᓯᐱᐅᑉ ᐃᕐᖕᓂᖓ, ᐊᑖᑕᖓ ᐊᓈᓇᖓᓗ ᖃᐅᔨᒪᕙᕗᑦ; ᖃᓄᐃᒻᒪᓪᓕᐅᓇ ᐅᖃᓕᕆᕙ? ‘ᕿᓚᖕᒥᑦ ᑎᑭᓯᒪᕗᖓ.’” 43 ᔩᓱᓯᐅᑉ ᑭᐅᕔᑦ, “ᐊᑲᐅᒃᓴᖏᓪᓗᓯ ᐃᓕᑦᓯᓐᓄᑦ ᐅᖃᖃᑦᑕᐅᑎᓐᖏᓚᐅᕆᑦᓯ. 44 ᐅᕙᓐᓄᑦ ᕾᔪᖃᕈᓐᓇᓐᖏᓚᖅ ᐊᑖᑕᐅᑉ ᑎᓕᔨᒪ ᐅᕙᓐᓄᐊᖅᑎᖏᑉᐸᒍ; ᐅᕙᖓᓗ ᐆᒻᒪᖅᑎᑦᓱᒫᖅᐸᕋ ᐅᓪᓗᐃᑦ ᑭᖑᓪᓕᖅᐹᖓᓐᓂ. 45 ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖏᑦ ᑎᑎᕋᖅᓯᒪᕗᑦ, ‘ᑕᒪᕐᖕᒥᒃ ᐊᔪᕆᖅᑐᖅᑕᐅᔪᒫᖅᐳᑦ ᒎᑎᒧᑦ.’ ᓇᓪᓕᐊᑦ ᐊᑖᑕᒥᒃ ᑐᓴᖅᑐᖅ, ᑖᑦᓱᒪᓐᖓᓪᓗ ᐃᓕᓐᓂᐊᖅᓗᓂ ᑖᓐᓇ ᐅᕙᓐᓄᑦ ᕾᕗᖅ. 46 ᐊᑖᑕᒥᒃ ᑕᑯᓯᒪᔪᖃᖏᒃᑲᓗᐊᖅᐳᖅ; ᒎᑎᒥᓪᓕ ᐱᔫᑉ ᑭᓯᒥ ᐊᑖᑕ ᑕᑯᓯᒪᕚ. 47 ᓱᓕᔪᒥᒃ ᐅᖃᐅᑎᕙᑦᓯ; ᐅᕙᓐᓄᑦ ᐅᒃᐱᖅᑐᖅ ᐃᓅᓯᖃᖅᐳᖅ ᓄᖑᓱᐃᑦᑐᒥᒃ. 48 ᐅᕙᖓᐅᕗᖅ ᓂᐊᖂᔭᖅ ᐃᓅᓯᖅᑖᕐᖕᓇᖅᑐᖅ. 49 ᓯᕗᓕᓯ ᒫᓇᒥᒃ ᓂᕆᓚᐅᖅᐳᑦ ᐃᓄᖃᖏᑦᑐᒥ, ᑭᓯᐊᓂᓕ ᑐᖁᓚᐅᖅᐳᑦ. 50 ᓂᐊᖂᔭᖅᓕ ᑖᓐᓇᐅᕗᖅ ᕿᓚᖕᒥᑦ ᑎᑭᑦᑐᖅ; ᓇᓪᓕᐊᑦ ᑕᕝᕙᓐᖓ ᓂᕆᔪᖅ ᑐᖁᖁᓇᒍ. 51 ᐅᕙᖓᐅᕗᖅ ᓂᐊᖂᔭᖅ ᐃᓅᓯᖅᑖᕐᖕᓇᖅᑐᖅ ᕿᓚᖕᒥᑦ ᑎᑭᓯᒪᔪᖅ; ᓇᓪᓕᐊᑦ ᑕᕝᕙᓐᖓᑦ ᓂᐊᖂᔭᒥᑦ ᓂᕆᔪᖅ, ᐃᓅᓂᐊᖅᐳᖅ ᐃᓱᖃᖏᑦᑐᒧᑦ; ᓂᐊᖂᔭᖅᓗ ᑐᓂᓂᐊᖅᑕᕋ ᐃᓅᓯᖅᑖᕐᖕᓇᖅᑐᖅ ᑎᒥᒋᕙᕋ ᓯᓚᖅᔪᐊᕐᖕᒥᐅᑦ ᐃᓅᖁᓪᓗᒋᑦ.” 52 ᑕᕝᕙ ᔫᑎᑦ ᐃᒻᒥᖕᓄᑦ ᐊᑭᕋᖅᑑᑎᓕᖅᐳᑦ, ᐅᖃᖅᓗᑎᒃ, “ᖃᓄᖅ ᐆᒪ ᑎᒥᒥᓂᒃ ᓂᕆᑎᑦᓱᒪᕚᑎᒎᑦ?” 53 ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐃᓅᑉ ᐃᕐᖕᓂᖓᑕ ᑎᒥᖓᓂᒃ ᓂᕆᖏᒃᑯᑦᓯ ᐊᐅᖓᓂᒡᓗ ᐃᒥᖏᒃᑯᑦᓯ, ᐃᓅᓯᖃᕈᓐᓇᓐᖏᓚᓯ ᐃᓗᑦᓯᓐᓃᑦᑐᒥᒃ. 54 ᑎᒥᓐᓂᒃ ᓂᕆᔪᖅ ᐊᐅᓐᓂᒡᓗ ᐃᒥᖅᑐᖅ ᓄᖑᓱᐃᑦᑐᒥᒃ ᐃᓅᓯᖃᖅᐳᖅ, ᐅᕙᖓᓗ ᐆᒻᒪᖅᑎᑦᓱᒫᖅᐸᕋ ᐅᓪᓗᐃᑦ ᑭᖑᓪᓕᖅᐹᖓᓐᓂ. 55 ᑎᒥᒐ ᓂᕿᒃᓴᓪᓚᕆᐅᕗᖅ, ᐊᐅᒐᓗ ᐃᒥᒃᓴᓪᓚᕆᐅᓪᓗᓂ. 56 ᓇᓪᓕᐊᑦ ᑎᒥᓐᓂᒃ ᓂᕆᔪᖅ, ᐊᐅᓐᓂᒡᓗ ᐃᒥᖅᓗᓂ ᑖᓐᓇ ᐅᕙᓐᓃᑉᐳᖅ, ᐅᕙᖓᓗ ᑖᑦᓱᒪᓃᓪᓗᖓ. 57 ᐊᑖᑕᐅᑉ ᐃᓅᔫᑉ ᑎᓕᓯᒪᖕᒪᖓ, ᐅᕙᖓᓗ ᐃᓅᕗᖓ ᐊᑖᑕᒐ ᐱᓪᓗᒍ, ᑍᒫᒃᑕᐅᖅ ᐅᕙᓐᓂᒃ ᓂᕆᔪᖅ ᐃᓅᓂᐊᖅᐳᖅ ᐅᕙᖓ ᐱᓪᓗᖓ. 58 ᑖᓐᓇᐅᕗᖅ ᓂᐊᖂᔭᖅ ᕿᓚᖕᒥᑦ ᑎᑭᑦᑐᖅ, ᓯᕗᓕᓯᓕ ᓂᕆᓚᐅᖅᑕᖓᑎᑑᓐᖏᓚᖅ ᓂᕆᒐᓗᐊᕋᒥᒃ ᑐᖁᓚᐅᖅᑐᑎᑐᑦ; ᓂᐊᖂᔭᒥᒡᓕ ᑖᑦᓱᒥᖓ ᓂᕆᔪᖅ ᐃᓅᓂᐊᖅᐳᖅ ᐃᓱᖃᖏᑦᑐᒧᑦ.” 59 ᔩᓱᓯ ᑕᒪᒃᑯᓂᖓ ᐅᖃᐅᓯᖃᓚᐅᖅᐳᖅ ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖓᓐᓂ, ᑲᐲᕐᓂᐊᒦᑦᑐᒥ ᐊᔪᕆᖅᑐᐃᓪᓗᓂ.
ᐅᖃᐅᓰᑦ ᐃᓅᓯᕐᖕᒥᒃ ᓄᖑᓱᐃᑦᑐᒥᒃ
60 ᔩᓱᓯᐅᓪᓕ ᐃᓕᓐᓂᐊᖅᑎᖏᑦ ᐅᓄᖅᑐᑦ, ᑕᒪᒃᑯᓂᖓ ᑐᓵᔪᑦ ᐅᖃᖅᐳᑦ, “ᐅᖃᐅᓰᑦ ᑖᒃᑯᐊ ᐅᖁᒤᓗᐊᖅᐳᑦ, ᑭᐊᓕ ᑐᑭᓯᔪᓐᓇᖅᐰᑦ?” 61 ᔩᓱᓯᓕ ᖃᐅᔨᒪᕗᖅ ᐃᓕᓐᓂᐊᖅᑎᖏᑦ ᐅᖃᐅᓯᕐᖕᓄᑦ ᑕᒪᒃᑯᓄᖓ ᐊᑲᐅᒃᓴᕈᓐᓃᕐᖕᒪᑕ, ᐅᖃᐅᑎᕔᑦ, “ᑕᒪᒃᑯᓄᖓ ᐅᖃᐅᓯᕐᖕᓄᑦ ᓴᐱᓕᖅᐱᓰ? 62 ᖃᓄᖅᓕ ᐃᓱᒪᕕᓰ? ᐃᓅᑉ ᐃᕐᖕᓂᖓ ᑕᑯᒐᔭᕈᑦᓯᐅᒃ ᖁᒻᒧᐊᓕᖅᑎᓪᓗᒍ ᓯᕗᕐᖓᓂ ᐃᓂᒋᓚᐅᖅᑕᒥᓄᑦ. 63 ᐊᓂᕐᖕᓂᖅ ᐃᓅᓯᖅᑖᖅᑎᑦᓯᕗᖅ; ᑎᒥᐅᑉ ᐱᔪᓐᓇᕐᖕᓂᖓ ᐊᑑᑎᖃᓐᖏᓚᖅ; ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐊᓂᕐᖕᓂᐅᕗᑦ ᐃᓅᓯᐅᓪᓗᑎᒡᓗ. 64 ᐊᑯᓐᓇᑦᓯᓐᓃᑦᑐᖃᖅᐳᖅᓕ ᐃᓚᑦᓯᓐᓂᒃ ᐅᒃᐱᖏᑦᑐᒥᒃ.” ᔩᓱᓯ ᐱᒋᐊᕐᖕᓂᖓᓂᑦ ᖃᐅᔨᒪᑦᓯᐊᓚᐅᕐᖕᒪᑦ ᓇᓪᓕᐊᖑᖕᒪᖔᑦ ᐅᒃᐱᖏᑦᑐᖅ, ᓇᓪᓕᐊᑦᑕᓗ ᐱᔭᐅᒃᑲᕈᒫᕐᖕᒪᖔᒍ. 65 ᔩᓱᓯᓗ ᐅᖃᖅᐳᖅ, “ᑕᒪᓐᓇ ᐱᑦᔪᑎᒋᓪᓗᒍ ᐅᖃᐅᑎᓚᐅᖅᐸᑦᓯ ᐅᕙᓐᓄᑦ ᕾᔪᖃᕈᓐᓇᓐᖏᓚᖅ ᐊᑖᑕᐅᑉ ᐊᔪᕈᓐᓃᖅᑎᓐᖏᑐᐊᖅᐸᒍ.” 66 ᑕᒪᓐᓇ ᐱᑦᔪᑎᒋᓪᓗᒍ ᔩᓱᓯᐅᑉ ᒪᓕᒃᑎᖏᑦ ᐅᓄᖅᑐᑦ ᔩᓱᓯᒥᒃ ᑐᓄᑦᓯᕗᑦ ᐃᖏᕐᕋᖃᑎᒋᔪᓐᓃᖅᓗᒍᓗ. 67 ᑕᕝᕙ ᔩᓱᓯᐅᑉ ᐃᓕᓐᓂᐊᖅᑎᓂ 12 -ᑦ ᐊᐱᕆᕔᑦ, “ᐃᓕᑦᓯᑦᑕᐅᖅ ᐅᕙᓐᓂᒃ ᕿᒤᔪᒪᕕᓰ?” 68 ᓮᒨᓂ ᐲᑦᑐᕉᓯᐅᑉ ᑭᐅᕚ, “ᐊᑕᓃᖅ, ᑭᓇᒥᒡᓕ ᒪᓕᒃᓴᕋᔭᕋᑦᑖ? ᐅᖃᐅᓯᖃᖃᑦᑕᖅᑎᓪᓗᑎᑦ ᐃᓅᓯᕐᖕᒥᒃ ᓄᖑᓱᐃᑦᑐᒥᒃ. 69 ᐅᒃᐱᓕᖅᓗᑕᓗ ᖃᐅᔨᕗᒍᑦ ᒎᑎᐅᑉ ᐃᑦᔪᕐᖕᓁᑦᑐᖁᑎᒋᖕᒪᑎᑦ.” 70 ᔩᓱᓯᐅᑉ ᑭᐅᕔᑦ, “ᐃᓕᑦᓯ 12 -ᓗᓯ ᓂᕈᐊᓚᐅᓐᖏᓚᑦᓰ? ᐃᓚᑦᓯᓕ ᐃᓚᖓᑦ ᓵᑖᓇᓯᐅᕗᖅ.” 71 ᔫᑕᓯᒥᒃ ᐅᖃᐅᓯᖃᓚᐅᖅᐳᖅ ᓮᒨᓂ ᐃᓯᑲᕆᐊᑎᐅᑉ ᐃᕐᖕᓂᖓᓂᒃ, ᑖᓐᓇ ᔫᑕᓯ ᔩᓱᓯᐅᑉ ᐃᓕᓐᓂᐊᖅᑎᖏᓐᓄᑦ 12 -ᓄᑦ ᐃᓚᒋᔭᐅᒐᓗᐊᖅᓗᓂ, ᑭᖑᓂᖓᒍᑦ ᔩᓱᓯᒥᒃ ᐱᔭᐅᑎᑦᓯᔪᒫᕐᖕᒪᑦ.
ᔩᓱᓯᐅ ᐅᒃᐱᕆᔭᐅᖏᓐᓂᖓ ᖃᑕᓐᖑᑎᒥᓄᑦ
1 ᑕᒪᑐᒪ ᑭᖑᕐᖓᒍᑦ ᔩᓱᓯ ᒐᓕᓕᐊᒃᑯᑦ ᐃᖏᕐᕋᕗᖅ; ᔫᑎᐊᒃᑯᓪᓕ ᐃᖏᕐᕋᔪᒪᓐᖏᓚᖅ, ᔫᑎᑦ ᐊᖓᔪᖅᑳᖏᑕ ᑐᖁᑦᓱᒪᖕᒪᑦᔪᒃ. 2 ᔫᑎᑦ ᑐᐱᕐᖕᒥ ᐊᖏᕐᕋᖃᖅᐸᓚᐅᕐᖕᓂᕐᖕᒥᖕᓂᒃ ᓇᓪᓕᐅᓐᓂᖅᓯᐅᖅᕕᖓᑦ ᖃᓂᑦᑑᓕᕐᖕᒪᑦ. 3 ᑍᒤᒻᒪᑦ ᖃᑕᓐᖑᑎᖏᑕ, ᔩᓱᓯ ᐅᖃᐅᑎᕚᑦ, “ᑕᒫᓐᖓᑦ ᐊᐅᓪᓚᖅᓗᑎᑦ ᔫᑎᐊᒧᐊᓚᐅᕆᑦ, ᐃᓕᓐᓂᐊᖅᑎᑎᑦ ᑕᑯᓂᐊᕐᖕᒪᑕ ᐱᓇᓱᐊᕐᖕᓂᕆᔭᕐᖕᓂᒃ. 4 ᐱᓇᓱᐊᖅᑕᒥᖕᓂᒃ ᐃᔨᖅᓯᓯᒪᔪᖃᓲᖑᖏᒻᒪᑦ ᐃᓄᖕᓄᑦ ᖃᐅᔨᔭᐅᑦᓯᐊᕈᒪᔭᕌᖓᒥᒃ. ᑕᒪᒃᑯᓂᖓ ᐱᓇᓱᐊᖃᑦᑕᕋᕕᑦ, ᓯᓚᖅᔪᐊᓕᒫᒥ ᐃᓕᖕᓂᒃ ᖃᐅᔨᔭᐅᑎᓚᐅᕆᑦ.” 5 ᐊᒡᓛᑦ ᖃᑕᓐᖑᑎᖏᑦ ᐅᒃᐱᓚᐅᖏᒻᒪᑕ ᔩᓱᓯᒥᒃ. 6 ᔩᓱᓯᐅᑉ ᐅᖃᐅᑎᕔᑦ, “ᓱᓕ ᐱᕕᒃᓴᕋ ᓈᒻᒪᒃᓯᖏᒻᒪᑦ, ᐃᓕᑦᓯᓕ ᐱᓇᓱᐊᖅᕕᒃᓴᓯ ᖃᖓᓕᒫᖅ ᓇᓪᓕᐅᑎᓯᒪᕗᖅ. 7 ᓯᓚᖅᔪᐊᕐᖕᒥᐅᑦ ᐆᒥᒋᔪᓐᓇᓐᖏᓛᓯ, ᐅᕙᖓᓕ ᐆᒥᒋᔭᐅᕗᖓ ᐱᐅᖏᑦᑐᒧᑦ ᐊᐅᓚᑕᐅᓂᖏᓐᓂᒃ ᓇᓗᓁᖅᓯᖃᑦᑕᕐᖕᓂᕋ ᐱᑦᔪᑎᒋᓪᓗᒍ. 8 ᓇᓪᓕᐅᓐᓂᖅᓯᐅᕆᐊᖅᑐᓕᕆᑦᓯ; ᐅᕙᖓᓕ ᓇᓪᓕᐅᓐᓂᖅᓯᐅᖅᑐᓄᑦ ᐂᓂᐊᖏᓐᓇᒪ, ᐱᕕᒃᓴᕋ ᓱᓕ ᓈᒻᒪᒃᓯᓯᒪᖏᒻᒪᑦ.” 9 ᑕᒪᑐᒥᖓᓕ ᐅᖃᕇᕋᒥ ᒐᓕᓕᐊᒥᑦ ᓅᓚᐅᓐᖏᓚᖅ.
ᔩᓱᓯᐅᑉ ᓇᓪᓕᐅᓐᓂᖅᓯᐅᖅᕕᖕᒧᑦ ᐂᖃᑕᐅᓂᖓ
10 ᖃᑕᓐᖑᑎᖏᓪᓕ ᓇᓪᓕᐅᓐᓂᖅᓯᐅᖅᑐᓄᑦ ᐂᖕᒪᑕ, ᔩᓱᓯᑦᑕᐅᖅ ᒪᓕᒃᓴᕆᕗᖅ; ᐃᓄᖕᓄᑦ ᓴᖅᑭᔮᓗᐊᕋᓂ ᖃᐅᔨᔭᐅᑦᑍᓕᓪᓗᓂᓕ. 11 ᔫᑎᑦ ᐊᖓᔪᖅᑳᖏᑕ ᕿᓂᕋᓗᐊᖅᐹᑦ ᓇᓪᓕᐅᓐᓂᖅᓯᐅᖅᑐᓂ, ᐅᖃᖅᓗᑎᒡᓗ, “ᓇᐅᒡᓕ ᔩᓱᓯ?” 12 ᐃᓄᒋᐊᒃᑐᖅᔪᐊᓪᓕ ᖃᐅᔨᔭᐅᑦᑍᓕᓪᓗᑎᒃ ᐃᒻᒥᖕᓄᑦ ᐅᖃᖃᑦᑕᐅᑎᕗᑦ ᔩᓱᓯᒥᒃ, ᐃᓚᖏᑦ ᐅᖃᖅᐳᑦ, “ᐃᓄᑦᓯᐊᕚᓗᖏᓐᓇ,” ᐃᓚᖏᑦ ᐅᖃᖅᐳᑦ, “ᐋᒃᑬ, ᐃᓄᖕᓂᖏᓐᓇ ᑕᒪᖅᑎᑦᓯᓕᖅᑐᖅ.” 13 ᔫᑎᓪᓕ ᐊᖓᔪᖅᑳᖏᓐᓂᒃ ᓯᕘᕋᒐᒥᒃ ᐅᖃᐅᓯᕆᔭᐅᓐᖏᓚᖅ ᐃᓄᐃᑦ ᑐᓵᑎᓪᓗᒋᑦ. 14 ᓇᓪᓕᐅᓐᓂᖅᓯᐅᕐᖕᓂᖅ ᐊᓂᒍᕆᐊᕕᐊᓕᖅᑎᓪᓗᒍ ᔩᓱᓯ ᑐᒃᓯᐊᖅᕕᒡᔪᐊᒧᐊᖅᐳᖅ ᑕᕝᕙᓂᓗ ᐊᔪᕆᖅᑐᐃᓕᖅᓗᓂ. 15 ᔫᑎᑦ ᐊᖓᔪᖅᑳᖏᑦ ᑲᒪᔪᐊᓘᓕᖅᐳᑦ ᐅᖃᖅᓗᑎᒃ, “ᖃᓄᐊᓗᖑᓇ ᖃᐅᔨᒪᔪᐊᓘᓕᖅᐹ? ᐃᓕᓴᖅᕕᖕᒥ ᐃᓕᓐᓂᐊᓚᐅᖅᓯᒪᓇᓃ?” 16 ᔩᓱᓯᐅᓪᓕ ᑭᐅᕔᑦ, “ᐊᔪᕆᖅᑐᐃᕗᖓ ᐅᕙᓐᓂᑦ ᓇᖕᒥᓂᖅ ᐱᖏᑦᑐᓂᒃ, ᑖᑦᓱᒪᓐᖓᓪᓕ ᑎᓕᔨᓐᓂᑦ ᐱᔪᓂᒃ. 17 ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐱᓇᓱᐊᕈᒪᔪᖅ, ᖃᐅᔨᓂᐊᖅᐳᖅ ᐊᔪᕆᖅᑐᐃᔪᑎᒋᔭᒃᑲ ᒎᑎᒥᑦ ᐱᖕᒪᖔᑕ ᐅᕝᕙᓗ ᐅᕙᓐᓂᑐᐃᓐᓇᖅ ᐅᖃᓪᓚᖕᒪᖔᕐᖕᒪ. 18 ᓇᓪᓕᐊᑦ ᐱᔪᓐᓇᕐᖕᓂᑐᐃᓐᓇᕐᖕᒥᒍᑦ ᐅᖃᓪᓚᒃᑐᖅ ᐃᒻᒥᓂᒃ ᓂᖅᑐᖅᑕᐅᑦᔪᑎᒃᓴᒥᓂᒃ ᐱᓇᓱᐊᖅᐳᖅ; ᓇᓪᓕᐊᓪᓕ ᑎᓕᔨᒥᓂᒃ ᓂᖅᑐᖅᑕᐅᑎᑦᓯᓇᓱᐊᖅᑐᖅ ᓱᓕᑦᓯᐊᖅᐳᖅ, ᑖᑦᓱᒪᓂᓗ ᓴᒡᓗᓂᖅᑕᖃᕋᓂ. 19 ᒨᓯᓯᐅᑉ ᐱᖁᔭᓂᒃ ᑐᓂᓯᕕᒋᓚᐅᓐᖏᓛᓰ? ᓇᓪᓕᓯᓘᓐᓃᑦ ᐱᖁᔭᓂᒃ ᒪᓕᒃᑐᖃᓐᖏᓚᓯ. ᓱᖕᒪᑦ ᑐᖁᓐᓇᓱᐊᖅᐱᓯᓐᖔ?” 20 ᐃᓄᒋᐊᒃᑐᖅᔪᐊᑦ ᑭᐅᕗᑦ, “ᐊᓂᕐᖕᓂᖅᓗᖕᒥᒃ ᐃᓗᒻᒥᖅᑕᐅᓯᒪᕗᑎᑦ! ᑭᓇᒨᑦ ᑐᖁᑕᐅᓇᓱᐊᖅᐲᑦ?” 21 ᔩᓱᓯᐅᑉ ᑭᐅᕔᑦ, “ᐱᓇᓱᐊᕐᖕᓂᕐᖕᒥᒃ ᐊᑕᐅᓯᕐᖕᒥᒃ ᓴᖅᑭᑎᑦᓯᒐᒪ, ᐃᓘᓪᓇᓯ ᑲᒪᓂᐊᕈᑎᒋᓚᐅᖅᐸᓯ. 22 ᒨᓯᓯᐅᑉ ᐱᖁᓚᐅᖅᐹᓯ ᐃᕐᖕᓂᓯ ᑭᐱᔭᐅᖁᓪᓗᒋᑦ (ᒨᓯᓯᓕ ᓇᖕᒥᓂᖅ ᐱᒋᐊᖅᑎᑦᓯᓚᐅᖏᒃᑲᓗᐊᖅᐳᖅ, ᓯᕗᓕᓯᓕ ᐱᒋᐊᖅᑎᑦᓯᓚᐅᖅᐳᑦ), ᑍᒤᒻᒪᑦ ᓄᑲᑉᐱᐊᑦ ᑭᐱᕙᒃᐸᓯ ᓴᐸᑎᐅᑎᓪᓗᒍ. 23 ᓄᑲᑉᐱᐊᖅᓕ ᑭᐱᔭᐅᒃᐸᑦ ᓴᐸᑎᒥ, ᒨᓯᓯᐅᑉ ᐱᖁᔭᖏᓐᓂᒃ ᓯᖁᒥᑦᓯᑦᑍᓕᒪᓂᕐᖕᒧᑦ, ᓱᖕᒪᓪᓖ? ᑍᒪ ᐆᒥᒋᕕᓯᓐᖓ ᐃᓅᑉ ᑎᒥᓕᒫᖓᓂᒃ ᐋᖅᑭᒃᓯᓚᐅᕋᒪ ᓴᐸᑎᐅᑎᓪᓗᒎ? 24 ᑕᑯᒃᓴᐅᔪᑐᐃᓐᓇᖅ ᒪᓕᒡᓗᒍ ᐃᖅᑲᖅᑐᐃᓂᐊᕋᓯ, ᓈᒻᒪᓈᑦᓯᐊᖅᑐᒥᒡᓕ ᐃᖅᑲᖅᑐᐃᖃᑦᑕᕆᑦᓯ ᐱᓂᐊᕐᖕᓂᓪᓚᕆᖓ ᒪᓕᒡᓗᒍ.”
ᐃᓄᐃᑦ ᑐᑭᓯᔪᒪᓂᖓᑦ ᔩᓱᓯ ᒥᓮᐊᓯᐅᖕᒪᖔᑦ
25 ᑍᒤᒻᒪᑦ ᔪᕉᓴᓚᒥᐅᑦ ᐃᓚᖏᑦ ᐅᖃᖅᐳᑦ, “ᐅᓈ ᑖᓐᓇᐅᓐᖏᓚᖅ ᐊᖓᔪᖅᑲᐅᔪᑦ ᑐᖁᑦᓱᒪᔭᖓᑦ? 26 ᑕᑯᓕᕆᑦᓯ, ᐃᓄᒐᓴᒡᔪᐊᓄᑦ ᐅᖃᓪᓚᒃᐳᖅ, ᐃᓂᖅᑎᖅᑕᐅᓐᖏᓚᖅᓘᓐᓃᑦ! ᐊᖓᔪᖅᑳᑦ ᖃᐅᔨᓪᓚᕆᓕᖅᐹᑦ ᙭ᔅᑑᓯᐅᓂᖓᓂᒃ? 27 ᙭ᔅᑑᓯᓕ ᑎᑭᑉᐸᑦ, ᖃᐅᔨᒪᔪᖃᕐᖕᓂᐊᓐᖏᓚᖅ ᓇᑭᑦ ᐱᓯᒪᖕᒪᖔᑦ; ᐅᓇᓕ ᑕᒪᑦᑕ ᖃᐅᔨᒪᔭᕗᑦ ᓇᑭᑦ ᐱᓯᒪᖕᒪᖔᑦ.” 28 ᔩᓱᓯᓕ ᑐᒃᓯᐊᖅᕕᒡᔪᐊᕐᖕᒥ ᐊᔪᕆᖅᑐᐃᓪᓗᓂ, ᓂᐱᖅᑯᖅᑐᓪᓗᓂ ᐅᖃᖅᐳᖅ, “ᖃᐅᔨᒪᓪᓚᕆᒃᐱᓯᓐᖔ? ᖃᐅᔨᒪᓪᓚᕆᒃᑲᓗᐊᖅᐱᓯ ᓇᑭᑦ ᐱᓯᒪᖕᒪᖔᕐᖕᒪ? ᐅᕙᓐᓂᒃ ᑎᑭᑎᓯᒪᖏᓐᓇᒪ; ᐅᕙᓐᓂᒃ ᑎᓕᓯᔪᖅ ᓱᓕᑦᓯᐊᖅᑑᕗᖅ, ᑖᓐᓇ ᖃᐅᔨᒪᓐᖏᑕᓯ. 29 ᐅᕙᖓᓕ ᖃᐅᔨᒪᕙᕋ, ᑖᑦᓱᒪᓐᖓᑦ ᐱᓚᐅᕋᒪ, ᑖᑦᓱᒪᓗ ᑎᓕᓚᐅᕐᖕᒪᖓ.” 30 ᑕᕝᕙ ᑎᒍᓇᓱᐊᕋᓗᐊᖅᐹᑦ; ᐊᒃᑐᖅᑕᐅᓐᖏᓚᖅᓘᓐᓃᑦ, ᓱᓕ ᐱᔭᐅᕕᒃᓴᖓ ᓇᓪᓕᐅᑎᓯᒪᖏᒻᒪᑦ. 31 ᐃᓄᐃᓪᓕ ᐅᓄᖅᑐᑦ ᐅᒃᐱᕈᓱᓕᖅᐳᑦ ᑖᑦᓱᒥᖓ; ᐅᖃᖅᓗᑎᒃ, “᙭ᔅᑑᓯ ᑎᑭᒃᑯᓂ ᓇᓗᓁᒃᑯᑕᕐᖕᓂᒃ ᐱᓇᓱᐊᕐᖕᓂᖅᓴᐅᒐᔭᖅᐹ ᑖᑦᓱᒪᓐᖓᑦ?”
ᑐᒃᓯᐊᖅᕕᒡᔪᐊᑉ ᖃᐅᔨᓴᖅᑎᖏᑦ ᑎᒍᓯᔭᖅᑐᖁᔭᐅᕗᑦ ᔩᓱᓯᒥᒃ
32 ᐹᕋᓰᓪᓕ ᑐᓴᕋᒥᒃ ᐃᓄᒐᓴᒡᔪᐊᑦ ᐃᒻᒥᖕᓄᑦ ᑍᒫᒃ ᐅᖃᐅᓯᖃᖅᑎᓪᓗᒋᑦ ᔩᓱᓯᒥᒃ, ᐹᕋᓰᑦ ᑐᓂᕐᕈᓯᖅᑎᑦᓯᔩᓪᓗ ᐊᖓᔪᖅᑳᖏᑦ ᑐᒃᓯᐊᖅᕕᒡᔪᐊᑉ ᖃᐅᔨᓴᖅᑎᖏᓐᓂᒃ ᑎᓕᓯᕗᑦ ᔩᓱᓯ ᑎᒍᔭᐅᖁᓪᓗᒍ. 33 ᔩᓱᓯᓕ ᐅᖃᖅᐳᖅ, “ᒫᓐᓇ ᓱᓕ ᐊᑯᓂᐅᖏᑦᑐᖅ ᓇᔪᕐᖕᓂᐊᖅᐸᑦᓯ, ᑭᖑᓂᖓᒍᓪᓗ ᑎᓕᔨᓐᓄᑦ ᐂᓂᐊᖅᐳᖓ; 34 ᕿᓂᕈᒫᖅᐸᑦᓯᓐᖓ ᓇᓂᓇᖓᓗ; ᐂᕕᒋᓂᐊᖅᑕᓐᓄᑦ ᑎᑭᑦᓱᓐᓇᖏᓐᓇᑦᓯ.” 35 ᔫᑎᓪᓕ ᐊᖓᔪᖅᑳᖏᑦ ᐃᒻᒥᖕᓄᑦ ᐅᖃᖃᑎᒌᓕᖅᐳᑦ, “ᓇᒧᓐᖓᕈᒪᒐᒥᐅᓇ ᐅᕙᑦᑎᓐᓄᑦ ᓇᓂᔭᐅᔪᓐᓁᓪᓕᓂᐊᓕᖅᐸ? ᐅᓇ ᒍᕇᑭᑦ ᓄᓇᖏᓐᓄᐊᕈᒪᓕᖅᑐᖅ ᒍᕇᑭᓂᒃ ᐊᔪᕆᖅᑐᐃᔭᖅᑐᕈᒪᓪᓗᓃ? 36 ᐅᖃᑬᓐᓇᕐᖕᒪᑦ, ‘ᕿᓂᕈᒫᖅᐸᑦᓯᓐᖓ ᓇᓂᓇᖓᓗ, ᐂᕕᒋᓂᐊᖅᑕᓐᓄᑦ ᑎᑭᑦᓱᓐᓇᖏᓐᓇᑦᓯ.’ ᖃᓄᕐᖑᓈ ᑐᑭᓕᖕᓂᒃ ᐅᖃᓪᓚᓕᖅᑐᖅ?”
ᐃᒥᖅ ᑰᒃᑐᖅ ᐃᓅᓯᖅᑖᕐᖕᓇᖅᑐᒥᒃ
37 ᓇᓪᓕᐅᓐᓂᖅᓯᐅᖅᕕᐅᑉ ᐅᓪᓗᖏᑕ ᑭᖑᓪᓕᖅᐹᖓᓐᓂ, ᐱᕕᒃᔪᐊᖑᓂᖅᐸᐅᓕᖅᑎᓪᓗᒍ, ᔩᓱᓯ ᓂᑯᕕᑉᐳᖅ ᓂᐱᖅᑯᖅᑐᓪᓗᓂᓗ ᐅᖃᖅᐳᖅ, “ᐃᒥᕈᒃᑐᖃᖅᐸᑦ, ᐅᕙᓐᓄᑦ ᕾᓕᖅᓕ ᐃᒥᕐᖕᓂᐊᕐᖕᒪᑦ. 38 ᐅᕙᓐᓄᑦ ᐅᒃᐱᖅᑐᖅ, ᓲᖅᓗ ᐊᒡᓚᖕᓂ ᐅᖃᐅᓯᐅᓯᒪᖕᒪᑦ, ‘ᐃᒦᑦ ᐃᓅᓯᑖᕐᖕᓇᖅᑐᒥᒃ ᑰᒃᑐᑦ ᐆᒻᒪᑎᖓᓂᑦ ᑰᓕᕈᒪᖅᐳᑦ.’” 39 ᔩᓱᓯᓕ ᑕᒪᑐᒥᖓ ᐅᖃᖅᐳᖅ ᐊᓂᕐᖕᓂᕐᖕᒥᒃ ᐃᑦᔪᕐᖕᓁᑦᑐᒥᒃ ᐅᖃᐅᓯᖃᖅᓗᓂ, ᑖᑦᓱᒧᖓ ᐅᒃᐱᖅᑐᓄᑦ ᑐᓂᔭᐅᔪᒫᖅᑐᒥᒃ; ᑍᑦᓱᒪᓂᐅᑎᓪᓗᒍ ᓱᓕ ᒎᑎᐅᑉ ᐊᓂᕐᖕᓂᖓ ᑐᓂᔭᐅᓚᐅᖏᒻᒪᑦ, ᔩᓱᓯ ᓱᓕ ᓂᖅᑐᕐᖕᓇᖅᓯᑎᑕᐅᓚᐅᖏᒻᒪᑦ.
ᐃᓄᐃᑦ ᐊᑦᔨᒌᖏᑦᑐᒥᒃ ᐃᓱᒪᖃᕐᖕᓂᖓᑦ ᔩᓱᓯᒥᒃ
40 ᐃᓄᐃᓪᓕ ᐃᓚᖏᑦ ᐅᖃᐅᓯᕐᖕᓂᒃ ᑕᒪᒃᑯᓂᖓ ᑐᓴᖅᑐᑦ ᐅᖃᖅᐳᑦ, “ᐅᓇ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᓪᓚᕆᒋᕚ.” 41 ᐃᓚᖏᓪᓕ ᐅᖃᖅᐳᑦ, “ᐅᓇ ᙭ᔅᑑᓯᐅᕗᖅ.” ᐃᓚᖏᓪᓕ ᐅᖃᕆᕗᑦ, “᙭ᔅᑑᓯ ᒐᓕᓕᐊᒥᑦ ᑎᑭᑦᑐᒃᓴᐅᕚ? 42 ᐊᒡᓔᑦ ᐅᖃᖅᓯᒪᕗᑦ, ᙭ᔅᑑᓯᒎᖅ ᑍᕕᑎᐅᑉ ᑭᖑᕚᕆᓛᖅᐹ, ᐃᕐᖕᓂᐊᖑᓛᖅᓗᓂᓗ ᐱᑦᓕᐊᒥ, ᑍᕕᑎᐅᑉ ᓄᓇᕕᓂᖓᓂ.” 43 ᑍᒤᒻᒪᑦ ᐃᓄᒐᓴᒡᔪᐊᑦ ᐊᕕᒃᓯᒪᓕᓚᐅᖅᐳᑦ ᔩᓱᓯ ᐱᑦᔪᑎᒋᓪᓗᒍ. 44 ᐃᓚᖏᑕ ᔩᓱᓯ ᑎᒍᔪᒪᒐᓗᐊᖅᐹᑦ, ᐊᒃᑐᐃᔪᖃᓐᖏᓚᖅᓕ ᑖᑦᓱᒥᖓ.
ᔫᑎᑦ ᐊᖓᔪᖅᑳᖏᑕ ᐅᒃᐱᖏᓐᓂᖓᑦ
45 ᑐᒃᓯᐊᖅᕕᒡᔪᐊᓪᓕ ᖃᐅᔨᓴᖅᑎᖏᑦ ᐅᑎᕐᖕᒪᑕ, ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖏᑕ ᐹᕋᓰᓪᓗ ᐊᐱᕆᕔᑦ, “ᓱᖕᒪᑦ ᕾᑦᔪᑎᖏᑉᐱᓯᐅᒃ?” 46 ᑐᒃᓯᐊᖅᕕᒡᔪᐊᑉ ᖃᐅᔨᓴᖅᑎᖏᑦ ᑭᐅᕗᑦ, “ᑖᑦᓱᑐᓇᖅ ᐅᖃᓪᓚᒍᓐᓇᖅᑎᒋᔪᒥᒃ ᐱᑕᖃᓐᖏᓚᖅ!” 47 ᑕᕝᕙ ᐹᕋᓰᑦ ᑭᐅᕗᑦ, “ᑖᑦᓱᒧᖓᑦᑕᐅᖅ ᓯᓔᕐᕆᔭᐅᒋᕕᓰ? 48 ᔫᑎᑦ ᐊᖓᔪᖅᑳᖏᑕ ᐃᓚᖏᓐᓂᒃ, ᐹᕋᓯᓂᒡᓘᓐᓃᑦ ᐅᒃᐱᖅᑐᖃᖅᐹ ᑖᑦᓱᒧᖓ? 49 ᐅᑯᐊ ᐃᓄᒐᓴᒡᔪᐊᑦ, ᐱᖁᔭᓂᒃ ᖃᐅᔨᒪᖏᑦᑐᑦ, ᐊᓯᕈᖅᑕᐅᔪᒫᖅᐳᑦ.” 50 ᓂᑯᑎᒨᓯᓕ ᐹᕋᓰᑦ ᐃᓚᖓᑦ ᑕᕝᕙᓃᑦᑐᖅ, ᑖᓐᓇᑦᓮᓐᓇᖅ ᔩᓱᓯᒥᒃ ᑕᑯᔭᖅᑐᓚᐅᖅᑐᖅ, ᐅᖃᖅᐳᖅ, 51 “ᐱᖁᔭᕗᑦ ᒪᓕᒡᓗᒋᑦ ᐃᓄᖕᒥᒃ ᓱᒋᐊᖅᑕᐅᖁᔨᔪᓐᓇᓐᖏᓚᒍᑦ, ᑐᓴᓚᐅᖅᑳᕋᑕ ᖃᐅᔨᓴᓚᐅᖅᑳᕋᑕᓗ ᐃᓅᑉ ᐱᓂᐊᕐᖕᓂᕆᓯᒪᔭᖓᓂᒃ.” 52 ᑖᒃᑯᐊ ᑭᐅᕗᑦ, “ᒐᓕᓕᐊᒥᐅᖑᖃᑕᐅᒋᕖᑦ? ᑐᑭᓯᓇᓱᐊᓚᐅᕆᑦ, ᑕᕝᕙ ᖃᐅᔨᓂᐊᖅᐳᑎᑦ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᓂᒃ ᒐᓕᓕᐊᒥᑦ ᐱᔪᖃᓚᐅᖅᓯᒪᖏᒻᒪᑦ.”
ᐊᕐᖕᓇᖅ ᐊᖑᓐᓂᐊᖅᑎᓪᓗᒍ ᐊᖑᔭᐅᔪᖅ
1 ᔩᓱᓯᓕ ᖃᖅᑲᒧᑦ ᒪᔪᐊᖅᐳᖅ ᐅᖅᓱᒃᓴᖅᑕᓕᖕᓂᒃ ᓇᐹᖅᑐᓕᖕᒧᑦ. 2 ᐅᓪᓛᒪᕆᒃᑯᓪᓕ ᑐᒃᓯᐊᖅᕕᒡᔪᐊᕐᖕᒧᐊᕆᕗᖅ; ᐃᓄᐃᓪᓗ ᔩᓱᓯᐅᑉ ᐊᕙᑖᓄᑦ ᑲᑎᕗᑦ, ᐃᖏᓪᓗᓂᓗ ᐊᔪᕆᖅᑐᓕᖅᐰᑦ. 3 ᐱᖁᔭᓂᒡᓕ ᐃᓕᓮᔩᑦ ᐹᕋᓰᓪᓗ ᐊᕐᖕᓇᒥᒃ ᑕᕝᕗᓐᖓᐅᑦᔨᕗᑦ ᐊᓯᓐᓂᐊᖅᑎᓪᓗᒍ ᐊᖑᔭᐅᔪᒥᒃ, ᐃᓄᒐᓴᒡᔪᐊᓪᓗ ᐊᑯᕐᖓᓐᓄᐊᕈᑎᕚᑦ. 4 ᔩᓱᓯᒧᓪᓗ ᐅᖃᖅᐳᑦ, “ᐊᔪᕆᖅᑐᐃᔩ, ᐅᓇ ᐊᕐᖕᓇᖅ ᐊᓯᓐᓂᐊᖅᑎᓪᓗᒍ ᐊᖑᔭᐅᔪᖅ. 5 ᐱᑯᔭᑦᑎᓐᓂ ᒨᓯᓯᐅᑉ ᐱᖁᕚᑎᒍᑦ ᐊᕐᖕᓇᖅ ᑍᒤᑦᑐᖅ ᒥᓪᓗᖅᑕᐅᓗᓂ ᑐᖁᑕᐅᔭᕆᐊᖃᕐᖕᒪᑦ. ᐃᕝᕕᓪᓕ ᖃᓄᐃᓕᔭᐅᖁᕕᐅᒃ?” 6 ᑍᒤᓕᕗᓪᓕ ᔩᓱᓯᒥᒃ ᐆᒃᑐᕋᓱᐊᖅᓗᑎᒃ, ᐸᓯᔭᒃᓴᓐᖑᖅᑎᑦᓯᔪᒪᓪᓗᑎᒃ ᑖᑦᓱᒥᖓ. ᔩᓱᓯᓕ ᐅᑯᓪᓗᓂ ᑎᑭᕐᖕᒥᓄᑦ ᓄᓇᒃᑯᑦ ᑎᑎᕋᓕᖅᐳᖅ. 7 ᐊᐱᖅᓱᒃᑲᓐᓂᓕᕐᖕᒪᑕᓕ ᓂᑯᕕᓪᓗᓂ ᐅᖃᐅᑎᕔᑦ, “ᓇᓪᓕᓯ ᐊᔪᖅᑐᓕᓚᐅᖅᓯᒪᖏᑦᑑᑉ ᒥᓗᕆᐊᖅᑳᓚᐅᖅᓕᐅᒃ ᐅᔭᖅᑲᒧᑦ.” 8 ᐊᒻᒪ ᐅᑯᒋᓪᓗᓂ ᓄᓇᒃᑯᑦ ᑎᑎᕋᓕᕆᕗᖅ. 9 ᑕᒪᑐᒥᖓᓕ ᑐᓴᕋᒥᒃ, ᕿᒪᕉᑎᓕᖅᐳᑦ, ᐊᑕᐅᓯᐅᓈᖅᑎᖅᓗᑎᒃ, ᐃᓄᑐᖃᐅᓛᓂᑦ ᐱᒋᐊᖅᑳᖅᓗᑎᒃ. ᔩᓱᓯᓗ ᕿᒪᒃᑕᐅᕗᖅ ᐃᓄᑑᓕᖅᓗᓂ, ᐊᕐᖕᓇᖅᓗ ᓇᖏᖅᑐᖅ ᐱᖃᑎᑐᐊᕆᓕᖅᐹ. 10 ᔩᓱᓯᐅᓪᓕ ᑕᑯᓴᖅᓗᓂᐅᒃ ᐊᕐᖕᓇᖅ ᐅᖃᐅᑎᕚ, “ᐊᕐᖕᓈᖅ, ᓇᒧᓐᖓᖅᑐᓪᓖᒃᑯᐊ? ᐅᕙᓃᑦᑐᖃᕈᓐᓃᖅᐹ ᐃᓕᖕᓂᒃ ᓱᒋᐊᖅᑕᐅᖁᔨᔪᒥᒃ?” 11 ᐊᕐᖕᓇᐅᑉ ᑭᐅᕚ, “ᐊᑕᓃᖅ ᑕᕝᕙᓃᑦᑐᖃᕈᓐᓃᖅᐳᖅ.” ᔩᓱᓯᐅᓪᓗ ᐅᖃᐅᑎᕚ, “ᐅᕙᖓᑦᑕᐅᖅ ᓱᒋᐊᒐᒃᓴᐅᑎᑦᓱᓐᓃᖅᐸᒋᑦ; ᑕᒫᓐᖓᑦ ᓅᓕᕆᑦ, ᑭᖑᕐᖓᒍᓪᓗ ᐊᔪᖅᑐᓕᒃᑲᓐᓂᕈᓐᓃᕆᑦ.”
ᔩᓱᓯ ᓯᓚᖅᔪᐊᕐᖕᒧᑦ ᖃᐅᒪᓂᐅᕗᖅ
12 ᔩᓱᓯᐅᓪᓕ ᐹᕋᓰᑦ ᐅᖃᐅᑎᒃᑲᓐᓂᖅᐰᑦ, ᐅᖃᖅᓗᓂ, “ᓯᓚᖅᔪᐊᕐᖕᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᖅᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᖅᐳᖅ.” 13 ᑕᕝᕙ ᐹᕋᓰᑦ ᐅᖃᐅᑎᕚᑦ, “ᐃᓕᖕᓂᒃ ᑕᕝᕙ ᓇᓗᓁᔭᓕᖅᐳᑎᑦ; ᓇᓗᓁᔭᕈᑏᑦ ᑕᒪᓐᓇ ᓱᓕᓐᖏᓚᖅ.” 14 ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓇᓗᓁᕋᓗᐊᕈᒪ, ᓇᓗᓁᔭᕐᖕᓂᕋ ᓱᓕᕗᖅ, ᖃᐅᔨᒪᒐᒪ ᓇᑭᑦ ᐱᓯᒪᖕᒪᖔᕐᖕᒪ ᓇᒧᓪᓗ ᐂᓂᐊᕐᖕᒪᖔᕐᖕᒪ, ᐃᓕᑦᓯᓕ ᖃᐅᔨᒪᓐᖏᓚᓯ ᓇᑭᑦ ᐱᖕᒪᖔᕐᖕᒪ ᓇᒧᓪᓗ ᐂᓂᐊᕐᖕᒪᖔᕐᖕᒪ. 15 ᑎᒥᐅᑉ ᐃᓕᖅᑯᓯᖓ ᒪᓕᒡᓗᒍ ᐃᖅᑲᖅᑐᐃᕗᓯ, ᐅᕙᖓᓕ ᐃᖅᑲᖅᑐᐃᓐᖏᓚᖓ ᑭᓇᒥᒡᓘᓐᓃᑦ. 16 ᐃᓛᒃ ᐃᖅᑲᖅᑐᐃᒍᒪ, ᐃᖅᑲᖅᑐᐃᓂᕋ ᓱᓕᕗᖅ, ᐃᓄᑑᑦᔨᖏᓐᓇᒪ ᐃᖅᑲᖅᑐᐃᓂᕐᖕᒥᒃ, ᐊᑖᑕᐅᓪᓕ ᑎᓕᔨᒪ ᐃᓚᒋᕚᖓ. 17 ᐱᖁᔭᑦᓯᓐᓂ ᑎᑎᕋᖅᓯᒪᔪᖃᖅᐳᖅ ᐃᓅᒃ ᒪᕐᕉᒃ ᖃᐅᔨᓯᒪᓂᖏᒃ ᓱᓕᕘᒃ; 18 ᐅᕙᖓ ᐅᕙᓐᓂᒃ ᓇᓗᓁᖅᐳᖓ, ᐊᑖᑕᒐᓗ ᑎᓕᔨᒐ ᓇᓗᓁᔧᒋᕗᖅ ᐅᕙᓐᓂᒃ.” 19 ᑍᒤᒻᒪᑦ ᑕᕝᕙ ᐊᐱᕆᕚᑦ, “ᓇᐅᒃᑍᒪ ᐊᑖᑍᑦ?” ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᐊᑖᑕᒥᒡᓘᓐᓃᑦ ᖃᐅᔨᒪᓐᖏᓚᓯ; ᐅᕙᓐᓂᒃ ᖃᐅᔨᒪᒍᑦᓯ, ᐊᑖᑕᒐ ᖃᐅᔨᒪᒐᔭᕆᕙᓯ.” 20 ᐅᖃᐅᓰᓪᓗ ᔩᓱᓯᐅᑉ ᐅᖃᐅᓯᕆᕔᑦ ᑐᒃᓯᐊᖅᕕᒡᔪᐊᕐᖕᒥ, ᑐᓂᕐᕈᑎᓂᒃ ᐴᖅᑬᕕᐅᑉ ᓴᓂᐊᓃᓪᓗᓂ; ᑎᒍᓯᔪᖃᓐᖏᓚᖅᓕ ᑖᑦᓱᒥᖓ, ᐱᔭᐅᕕᒃᓴᖓ ᓱᓕ ᓇᓪᓕᐅᑎᓯᒪᖏᒻᒪᑦ.
ᐅᐸᖕᓂᐊᖅᑕᓐᓄᑦ ᐅᐸᒍᑎᔪᓐᓇᓐᖏᓚᓯ
21 ᑕᕝᕙ ᔩᓱᓯᐅᑉ ᐅᖃᐅᑎᒃᑲᓐᓂᖅᐰᑦ, “ᐊᐅᓪᓚᕐᖕᓂᐊᖅᐳᖓ, ᕿᓂᕈᒫᖅᐸᑦᓯᓐᖓᓗ ᑐᖁᔪᒫᖅᐳᓯᓗ ᐊᔪᕐᖕᓂᑦᓯᓐᓃᖏᓐᓇᖅᓗᓯ; ᐅᐸᖕᓂᐊᖅᑕᓐᓄᑦ ᐂᔪᓐᓇᖏᓐᓇᑦᓯ.” 22 ᑕᕝᕙ ᔫᑎᑦ ᐅᖃᖅᐳᑦ, “ᐅᐸᖕᓂᐊᖅᑕᖓᓄᒡᒎᖅ ᐂᔪᓐᓇᖏᓐᓇᑦᑕ, ᐅᓈ ᐃᒻᒥᓂᒃ ᑐᖁᑦᓱᒪᓕᕋᒥ ᑍᒫᒃ ᐅᖃᖅᐸ?” 23 ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᒫᖓᑦ ᐱᕗᓯ, ᐅᕙᖓᓕ ᑕᑉᐹᓐᖓᑦ ᐱᕗᖓ; ᐃᓕᑦᓯ ᓯᓚᖅᔪᐊᕐᖕᒥᑦ ᑕᒪᑐᒪᓐᖓᑦ ᐱᕗᓯ, ᐅᕙᖓᓕ ᓯᓚᖅᔪᐊᕐᖕᒥᑦ ᑕᒪᑐᒪᖓᑦ ᐱᓐᖏᓚᖓ. 24 ᑍᒤᒻᒪᑦ ᐅᖃᐅᑎᖅᑲᐅᕙᑦᓯ ᑐᖁᔪᒫᕐᖕᓂᕋᖅᓗᓯ ᐊᔪᕐᖕᓂᑦᓯᓐᓃᓪᓗᓯ, ᑐᖁᔪᒫᖅᐳᓯ ᐊᔪᕐᖕᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᒐᒪ ᐊᓯᖃᖏᑦᑐᖅ.” 25 ᑕᕝᕙ ᐅᖃᐅᑎᕚᑦ, “ᑭᓇᐅᕖᑦ?” ᔩᓱᓯᐅᑉ ᐅᖃᐅᑎᕔᑦ, “ᐅᖃᐅᑎᓯᒪᓚᐅᖅᐸᑦᓯ ᑍᒪᓐᖓᑦ ᐱᒋᐊᓕᓵᕐᖕᓂᓐᓂᑦ. 26 ᐅᓄᖅᑐᓂᒃ ᐅᖃᐅᓯᒃᓴᖃᖅᐳᖓ ᐃᓕᑦᓯᓐᓄᑦ ᐃᖅᑲᖅᑐᐃᑦᔪᑎᒃᓴᖃᖅᓗᖓᓗ; ᑎᓕᔨᒐᓕ ᓱᓕᔫᕗᖅ, ᓯᓚᖅᔪᐊᕐᖕᒥᐅᓪᓗ ᐅᖃᐅᑎᕙᒃᑲ ᑖᑦᓱᒪᓐᖓᑦ ᑐᓴᓚᐅᖅᑕᓐᓂᒃ.” 27 ᑐᑭᓯᓐᖏᓚᓪᓕ ᔩᓱᓯᐅᑉ ᐅᖃᐅᓯᕆᔭᖓᓂᒃ ᐊᑖᑕᒥᒃ. 28 ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᐃᓅᑉ ᐃᕐᖕᓂᖓ ᓇᑉᐸᐅᑎᒍᑦᓯᐅᒃ, ᑐᑭᓯᓛᖅᐳᓯ ᐅᕙᖓᐅᒐᒪ ᐊᓯᖃᖏᑦᑐᖅ, ᑐᑭᓯᓗᓯᓗ ᐅᕙᓐᓂᒃ ᐱᓇᓱᐊᖅᓯᒪᖏᓐᓂᓐᓂᒃ ᐅᖃᐅᓯᖃᕋᒪᓕ ᐊᑖᑕᐅᑉ ᐅᕙᓐᓄᑦ ᐊᔪᕆᖅᑑᑎᒋᓚᐅᖅᑕᖏᓐᓂᒃ. 29 ᑎᓕᔨᒪᓗ ᐃᓚᒋᕚᖓ; ᐃᓄᑑᑎᓐᖏᓛᖓ, ᑖᑦᓱᒪ ᖁᕕᐊᒋᔭᖓᓂᒃ ᐱᓇᓱᐊᑦᓮᓐᓇᕋᒪ.” 30 ᔩᓱᓯ ᑖᒃᑯᓂᖓ ᐅᖃᖅᑎᓪᓗᒍ, ᐅᓄᖅᑐᑦ ᐅᒃᐱᓕᖅᐳᑦ ᑖᑦᓱᒥᖓ.
ᐂᕝᕙᕋᕼᐋᒻ ᕿᑐᕐᖓᖏᑦ
31 ᑕᕝᕙ ᔩᓱᓯᐅᑉ ᔫᑎᑦ ᐅᒃᐱᕆᔨᓂ ᐅᖃᐅᑎᕔᑦ, “ᐅᖃᐅᓯᒃᑲ ᒪᓕᑦᓮᓐᓇᓕᕈᑦᓯᒋᒃ, ᓱᓕᔪᒥᒃ ᐃᓕᓐᓂᐊᖅᑎᒋᓕᖅᐸᑦᓯ, 32 ᓱᓕᔪᖅ ᖃᐅᔨᓂᐊᖅᐸᓯ, ᓱᓕᔫᓪᓗ ᕿᓚᕈᑦᔮᕐᖕᓂᐊᖅᐹᓯ.” 33 ᑕᕝᕙ ᑭᐅᕚᑦ, “ᐂᕝᕙᕋᕼᐋᒻ ᑭᖑᕚᕆᕚᑎᒍᑦ, ᓇᓪᓕᐊᓐᓅᓪᓘᓐᓃᑦ ᕿᓚᒃᑕᐅᓯᒪᓚᐅᖅᓯᒪᓐᖏᓚᒍᑦ. ᖃᓄᖅ ᑐᑭᓕᖕᒥᒃ ᐅᖃᖅᐲᑦ, ‘ᕿᓚᕈᑦᔮᕐᖕᓂᐊᖅᐹᓯ’?” 34 ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐊᔪᖅᑐᓕᔪᖅ ᕿᓚᒃᑕᐅᓯᒪᕗᖅ ᐊᔪᕐᖕᓂᕐᖕᒧᑦ. 35 ᐊᔪᕐᖕᓂᖕᒧᑦ ᕿᓚᒃᑕᐅᓯᒪᔪᖅ ᐃᒡᓗᒦᑦᓮᓐᓇᕈᓐᓇᓐᖏᓚᖅ; ᐃᕐᖕᓂᖅᓕ ᑕᕝᕙᓃᑦᓮᓐᓇᕐᖕᓂᐊᖅᐳᖅ. 36 ᐃᕐᖕᓂᐅᑉ ᕿᓚᕈᑦᔮᖅᐸᓯ, ᑕᕝᕙ ᕿᓚᕈᑦᔮᖅᓯᒪᓪᓚᕆᖕᓂᐊᖅᐳᓯ. 37 ᖃᐅᔨᒪᕗᖓ ᐂᕝᕙᕋᕼᐋᒻ ᑭᖑᕚᕆᖕᒪᓯ; ᑐᖁᓐᓇᓱᐊᖅᐸᑦᓯᓐᖓᓕ, ᐅᖃᐅᓯᒃᑲ ᐃᑎᖅᕕᒃᓴᖃᖏᒻᒪᑕ ᐃᓕᑦᓯᓐᓄᑦ. 38 ᐅᖃᓪᓚᒃᐳᖓ ᐊᑖᑕᓐᓂᑦ ᑕᑯᓚᐅᖅᑕᓐᓂᒃ, ᑍᒤᓕᐅᕆᕗᓯ ᑐᓴᓚᖅᑕᑦᓯᓐᓂᒃ ᐊᑖᑕᑦᓯᓐᓂ.” 39 ᑖᒃᑯᐊ ᑭᐅᕚᑦ, “ᐂᕝᕙᕋᕼᐋᒻ ᐊᑖᑕᒋᕙᕗᑦ.” ᔩᓱᓯᐅᑉ ᐅᖃᐅᑎᕔᑦ, “ᐂᕝᕙᕋᕼᐋᑉ ᕿᑐᕐᖓᕆᒃᐸᓯ, ᐂᕝᕙᕋᕼᐋᒻ ᐱᓂᐊᓚᐅᖅᑕᖏᑦ ᐱᓇᓱᐊᕋᔭᕆᕙᓯ, 40 ᒫᓐᓇᓕ ᑐᖁᓐᓇᓱᐊᖅᐸᑦᓯᓐᖓ, ᓱᓕᔪᒥᒃ ᐅᖃᓪᓚᒃᑎᓪᓗᖓ ᒎᑎᒥᑦ ᑐᓴᓚᐅᖅᑕᓐᓂᒃ; ᐂᕝᕙᕋᕼᐋᓕ ᑍᒤᓕᐅᓚᐅᓐᖏᓚᖅ. 41 ᐊᑖᑕᑦᓯ ᐱᓂᐊᓚᐅᖅᑕᖏᓐᓂᒃ ᐱᓇᓱᐊᖅᐳᓯ.” ᑖᒃᑯᐊ ᐅᖃᐅᑎᕚᑦ, “ᐊᓯᓐᓂᐊᕐᖕᓂᕐᖕᒧᑦ ᕿᑐᕐᖓᖅᑖᖑᓯᒪᓐᖏᓚᒍᑦ; ᐊᑕᐅᓯᕐᖕᒥᒃ ᐊᑖᑕᖃᖅᐳᒍᑦ ᒎᑎᒥᒃ.” 42 ᔩᓱᓯᐅᑉ ᐅᖃᐅᑎᕔᑦ, “ᒎᑎ ᐊᑖᑕᒋᒍᑦᓯᐅᒃ, ᓇᒡᓕᒋᒐᔭᖅᐸᑦᓯᓐᖓ, ᒎᑎᒥᑦ ᐱᓚᐅᕋᒪ ᑕᕝᕙᓐᖔᖅᓯᒪᓪᓗᖓᓗ ᒫᓐᓇ ᑕᕝᕙᓃᑉᐳᖓ; ᐅᕙᓐᓂᒃ ᑕᒪᐅᓐᖓᖅᑎᓚᐅᖏᓐᓇᒪ, ᑖᑦᓱᒪᓕ ᑎᓕᓚᐅᖅᐹᖓ. 43 ᓱᖕᒪᑦ ᐅᖃᐅᓯᕆᔭᒃᑲ ᑐᑭᓯᖏᑉᐱᓯᐅᒃ? ᐅᖃᐅᓯᒃᑲ ᓈᓚᒍᒪᖏᓐᓇᑦᓯᒋᒃ ᑐᓵᔪᒪᓇᒋᓪᓗ. 44 ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᖕᓂᖓᓂᑦ ᐃᓄᐊᖅᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᖅᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᖅᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ. 45 ᐅᕙᖓᓕ ᓱᓕᔪᒥᒃ ᐅᖃᓪᓚᒃᑲᒪ, ᐅᒃᐱᕆᓐᖏᓚᑦᓯᓐᖓ. 46 ᓇᓪᓕᓯ ᐊᔪᖅᑐᓕᓂᓐᓂᒃ ᓇᓗᓁᖅᓯᔪᓐᓇᖅᐹ? ᓱᓕᔪᒥᒡᓕ ᐅᖃᓪᓚᒃᑯᒪ, ᓱᖕᒪᑦ ᐅᒃᐱᕆᓐᖏᓚᑦᓯᓐᖓ? 47 ᒎᑎᒥᑦ ᐱᔫᑉ ᒎᑎᐅᑉ ᐅᖃᐅᓯᖏᑦ ᑐᓴᖅᐰᑦ; ᑍᒤᒻᒪᑦ ᒎᑎᒥᑦ ᐱᖏᓐᓇᑦᓯ, ᑐᓴᕈᓐᓇᓐᖏᓚᓯ.”
ᔩᓱᓯᓗ ᐂᕝᕙᕋᕼᐋᓗ
48 ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ? ᐅᖃᖅᑎᓪᓗᑕ ᓴᒥᐊᕆᐊᕐᖕᒥᐅᑕᐅᕗᑎᑦ ᐊᓂᕐᖕᓂᖅᓗᖕᒥᒡᓗ ᐃᓗᒻᒥᖅᑕᐅᓯᒪᓪᓗᑎᑦ.” 49 ᔩᓱᓯᐅᑉ ᑭᐅᕔᑦ, “ᐊᓂᕐᖕᓂᖅᓗᖕᒥᒃ ᐃᓗᒻᒥᖅᑕᐅᓯᒪᓐᖏᓚᖓ; ᐊᑖᑕᒐᓕ ᐅᐱᒋᕙᕋ, ᐃᓕᑦᓯᓕ ᓇᕐᕈᒋᕙᑦᓯᓐᖓ. 50 ᓂᖅᑐᖅᑕᐅᓂᒃᓴᕋ ᕿᓂᓐᖏᓚᕋ; ᑕᒪᑐᒥᖓᓕ ᕿᓂᖅᑐᖃᕇᖅᐳᖅ ᑖᓐᓇᓗ ᐃᖅᑲᖅᑐᐃᔪᒫᖅᐳᖅ. 51 ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ, ᑖᓐᓇ ᑐᖁᓂᐊᓐᖏᓚᖅ.” 52 ᑕᕝᕙ ᔫᑎᑦ ᐅᖃᐅᑎᕚᑦ, “ᒫᓐᓇ ᖁᓚᕐᖕᓇᖏᑦᑐᒥᒃ ᑐᑭᓯᕗᒍᑦ ᐊᓂᕐᖕᓂᖅᓗᖕᒥᒃ ᐃᓗᒻᒥᖅᑕᐅᓯᒪᒐᕕᑦ. ᐂᕝᕙᕋᕼᐋᒻ ᑐᖁᓚᐅᖅᐳᖅ, ᒎᑎᐅᓪᓗ ᐱᔪᖃᓛᖅᑐᒥᒃ ᐅᖃᖅᑎᖏᑦ ᑐᖁᓚᐅᕆᕗᑦ; ᐃᕝᕕᓪᓕ ᐅᖃᖅᐳᑎᑦ, ‘ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ ᑖᓐᓇ ᑐᖁᓂᐊᓐᖏᓚᖅ.’ 53 ᐂᕝᕙᕋᕼᐋᒥᑦ ᐊᑖᑕᑦᑎᓐᓂᑦ ᐊᖏᓂᖅᓴᐅᕖᑦ, ᑐᖁᓚᐅᖅᑐᒥᑦ? ᒎᑎᐅᓪᓗ ᐱᔪᖃᓛᖅᑐᒥᒃ ᐅᖃᖅᑎᖏᑦ ᑐᖁᓚᐅᕆᕗᑦ! ᐃᓕᖕᓃᒃ ᓱᓇᐅᑎᓐᓇᓱᒃᐲᑦ?” 54 ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓂᖅᑑᑎᒍᒪ, ᓂᖅᑑᑎᓂᕋ ᐊᑐᕋᔭᓐᖏᓚᖅ; ᐊᑖᑕᒐᓕ ᑖᓐᓇᐅᕗᖅ ᐅᕙᓐᓂᒃ ᓂᖅᑐᕐᖕᓇᖅᑎᑦᓯᔪᖅ, ᑖᓐᓇ ᒎᑎᒋᓂᕋᖅᑕᓯ. 55 ᑖᓐᓇᓕ ᖃᐅᔨᓯᒪᓐᖏᓚᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᖅᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ. 56 ᐂᕝᕙᕋᕼᐋᒻ ᐊᑖᑕᓯ ᖁᕕᐊᓱᓕᖅᐳᖅ ᑕᑯᓂᐊᓕᕋᒥ ᑎᑭᓐᓂᐊᕐᖕᓂᓐᓂᒃ; ᑕᑯᒐᒥᓗ ᖁᕕᐊᓱᓚᐅᖅᐳᖅ.” 57 ᑕᕝᕙ ᔫᑎᑦ ᐅᖃᐅᑎᕚᑦ, “50 -ᓂᒡᓘᓐᓃᑦ ᓱᓕ ᐊᕐᕌᒍᖃᓐᖏᓚᑎᑦ, ᐂᕝᕙᕋᕼᐋᒻᓗ ᑕᑯᓚᐅᖅᓯᒪᕕᐅᒃ?” 58 ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐂᕝᕙᕋᕼᐋᒻ ᐃᓅᓚᐅᖅᑎᓐᓇᒍ, ᐅᕙᖓ ᐃᓅᓚᐅᖅᐳᖓ.” 59 ᑕᕝᕙ ᐅᔭᖅᑲᓂᒃ ᑎᒍᓯᕗᑦ ᒥᓪᓗᕈᒪᓪᓗᒍ; ᔩᓱᓯᓕ ᐃᔨᖅᐳᖅ, ᐊᓂᓪᓗᓂᓗ ᑐᒃᓯᐊᖅᕕᒡᔪᐊᕐᖕᒥᑦ.
ᔩᓱᓯᐅᑉ ᑕᐅᑐᓕᖅᑎᑦᓯᓂᖓ ᐃᕐᖕᓂᐊᖑᓂᕐᖕᒥᓂᑦ ᑕᐅᑐᖏᑦᑐᒥᒃ
1 ᔩᓱᓯᓗ ᐱᓱᒃᓗᓂ, ᐊᖑᒻᒥᒃ ᑕᑯᕗᖅ ᐃᕐᖕᓂᐊᖑᓂᕐᖕᒥᓂᑦ ᑕᐅᑐᖏᑦᑐᒥᒃ. 2 ᐃᓕᓐᓂᐊᖅᑎᖏᑕᓗ ᐊᐱᕆᕚᑦ, “ᐊᔪᕆᖅᑐᐃᔩ, ᓇᓪᓕᐊᑦᑕ ᐊᔪᖅᑐᓕᓂᖓᓄᑦ ᑖᓐᓇ ᑕᐅᑐᖕᓇᓂ ᐃᕐᖕᓂᐊᖑᓯᒪᕚ? ᓇᖕᒥᓂᖅᓘᓐᓃᑦ ᐊᔪᖅᑐᓕᓂᕐᖕᒥᓄ? ᐊᖓᔪᖅᑳᖏᑕᓘᓐᓃᑦ ᐊᔪᖅᑐᓕᓂᖏᓐᓄᑦ?” 3 ᔩᓱᓯᐅᑉ ᑭᐅᕔᑦ, “ᑖᑦᓱᒪ ᑕᐅᑐᖏᓐᓂᖓ ᐊᔪᖅᑐᓕᓂᕐᖕᒥᓄᑦ, ᐊᖓᔪᖅᑳᖏᒃᑕᓘᓐᓃᑦ ᐊᔪᖅᑐᓕᓂᖏᖕᓄᑦ ᐱᑦᔪᑎᖃᓐᖏᓚᖅ, ᑕᐅᑐᖏᑦᑑᓚᕿᕗᖅᓕ ᒎᑎᐅᑉ ᐱᔪᓐᓇᕐᖕᓂᖓ ᑖᑦᓱᒨᓇ ᓴᖅᑭᑎᑕᐅᖁᓪᓗᒍ. 4 ᐅᓪᓘᓂᖓᓂ ᑎᓕᔨᒪ ᐱᓂᐊᕐᖕᓂᖏᑦ ᐱᓂᐊᕋᒃᓴᕆᕙᕗᑦ; ᐅᓐᓄᐊᖑᔪᒫᕐᖕᒪᑦ ᑭᐊᓘᓐᓃᑦ ᐱᓇᓱᐊᖅᕕᒋᔪᓐᓇᖏᑕᖓ. 5 ᓯᓚᖅᔪᐊᕐᖕᒦᓐᓂᓐᓂ, ᓯᓚᖅᔪᐊᕐᖕᒥᐅᑦ ᖃᐅᒪᓂᕆᕚᖓ.” 6 ᑍᒫᒃ ᐅᖃᕇᕋᒥ, ᓄᓇᒧᑦ ᐅᕆᐊᖅᐳᖅ, ᓄᕙᒡᓗ ᒪᕐᕋᖅᓗ ᑲᑎᓪᓗᒋᒃ ᐊᑯᑉᐹ; ᑕᐅᑐᖏᑦᑑᓪᓗ ᐃᔨᖏᒃ ᑕᒪᑐᒧᖓ ᒥᖑᐊᖅᓗᒋᒃ, 7 ᐅᖃᐅᑎᕚ, “ᐃᕐᕈᖅᑐᕆᐊᖅᑐᓕᕆᑦ ᓮᓗᐊᑉ ᑕᓯᖓᓄᑦ.” (ᑖᓐᓇ ᓮᓗᐊ ᑐᑭᖃᖅᐳᖅ “ᑎᓕᔭᖅ.”) ᑕᕝᕗᖓᓗ ᐂᕗᖅ ᐃᕐᕈᖅᑐᖅᓗᓂᓗ ᑕᐅᑐᓕᖅᓗᓂᓗ ᐅᑎᖅᐳᖅ. 8 ᓄᓇᖅᑲᑎᖏᑦ ᑕᕝᕙ, ᑖᑦᓱᒥᖓᓗ ᑕᑯᖃᑦᑕᖅᓯᒪᔪᑦ ᑐᒃᓯᕋᖅᑎᐅᕙᓚᐅᕐᖕᒪᑦ ᑮᓇᐅᔭᓂᒃ, ᐅᖃᓕᖅᐳᑦ, “ᐅᓇ ᑖᓐᓇᐅᕙ? ᐃᒃᓯᕙᓪᓗᓂ ᑐᒃᓯᕋᖅᑎᐅᕙᓚᐅᖅᑐᖅ?” 9 ᐃᓚᖏᑦ ᐅᖃᖅᐳᑦ, “ᑖᓐᓇᑦᓮᓐᓇᕐᖑᓇ”; ᐃᓚᖏᑦ ᐅᖃᕆᕗᑦ, “ᑖᓐᓇᐅᖏᑦᑐᕐᖑᓇ ᑍᓐᓇᐅᔮᑐᐃᓐᓇᖅᑐᖅ.”
ᑖᓐᓇᓕ ᐅᖃᖅᐳᖅ, “ᑖᓐᓇᐅᕗᖓ.”
10 ᑕᕝᕙ ᐅᖃᐅᑎᕚᑦ, “ᖃᓄᖅᓕ ᒫᓐᓇ ᑕᐅᑐᓕᖅᐲᑦ?” 11 ᑖᓐᓇ ᑭᐅᕗᖅ, “ᐊᖑᑎᐅᑉ ᔩᓱᓯᒥᒃ ᐊᑎᓕᐅᑉ ᒪᕐᕋᖅ ᓴᓇᓚᐅᖅᓗᒍ ᐃᔩᒃᑲᒡᓗ ᒥᖑᐊᖅᓗᒋᒃ ᐅᖃᐅᑎᓚᐅᖅᐹᖓ, ‘ᓮᓗᐊᒧᐊᖅᓗᑎᑦ ᐃᕐᕈᖅᑐᕆᐊᖅᑐᓕᕆᑦ’; ᑕᕝᕙ ᐂᓚᐅᖅᐳᖓ ᐃᕐᕈᖅᑐᕇᕋᒪᓗ ᑕᐅᑐᓕᓚᐅᖅᐳᖓ.” 12 ᑖᒃᑯᐊ ᐅᖃᐅᑎᕚᑦ, “ᑍᓐᓈ ᓇᓃᑉᐸ?” ᑖᓐᓇ ᐅᖃᖅᐳᖅ, “ᖃᐅᔨᒪᓐᖏᓚᕋ.”
ᐹᕋᓰᑦ ᖃᐅᔨᓇᓱᐊᕐᖕᓂᖓᑦ ᐋᖅᑭᒃᑕᐅᔪᒥᒃ
13 ᑕᕝᕙ ᐊᐱᖅᓱᓚᐅᖅᑐᑦ ᐹᕋᓯᓄᐊᕈᑎᕚᑦ ᑖᓐᓇ ᑕᐅᑐᓚᐅᖏᑦᑐᖅ. 14 ᓴᐸᑎᐅᑎᓪᓗᒍ ᔩᓱᓯᐅᑉ ᒪᕐᕋᖅ ᓴᓇᓚᐅᕐᖕᒪᒍ ᑕᐅᑐᓚᐅᖏᑦᑐᖅᓗ ᑕᐅᑐᓕᖅᑎᓪᓗᓂᐅᒃ. 15 ᑕᕝᕙ ᐹᕋᓰᑦᑕᐅᖅ ᑖᓐᓇ ᐊᐱᖅᓱᓕᕆᕚᑦ ᖃᓄᖅ ᑕᐅᑐᓕᓚᐅᕐᖕᒪᖔᑦ. ᑖᑦᓱᒪ ᐅᖃᐅᑎᕔᑦ, “ᒪᕐᕋᖅ ᑖᑦᓱᒪ ᐃᔨᓐᓄᑦ ᒥᖑᐊᕈᑎᒋᓚᐅᖅᐹ ᐃᒫᓄᓪᓗ ᐃᕐᕈᖅᑐᕋᒪ, ᑕᐅᑐᓕᓚᐅᖅᐳᖓ.” 16 ᑕᕝᕙ ᐹᕋᓰᑦ ᐃᓚᖏᑦ ᐅᖃᓕᖅᐳᑦ, “ᑖᓐᓇ ᐊᖑᑦ ᑍᒤᓕᐅᖅᑐᖅ ᒎᑎᒥᑦ ᐱᓐᖏᓚᖅ, ᓴᐸᑎᒥ ᐱᖁᔧᑦ ᒪᓕᖏᒻᒪᒋᑦ.” ᐃᓚᖏᓪᓕ ᐅᖃᖅᐳᑦ, “ᖃᓄᖅᓕ ᐃᓄᒃ ᐊᔪᖅᑐᓕᔪᖅ ᑍᒫᒃ ᓇᓗᓁᒃᑯᑕᕐᖕᒥᒃ ᓴᖅᑭᑎᑦᓯᔪᓐᓇᖅᐹ?” ᑕᕝᕙᓃᑦᑐᓪᓗ ᐃᓱᒪᖃᑎᒌᒍᓐᓃᖅᐳᖅ ᐊᕕᒃᓯᒪᓕᖅᓗᑎᒃ. 17 ᑕᕝᕙ ᐹᕋᓰᑦ ᑖᓐᓇ ᑕᐅᑐᓚᐅᖏᑦᑐᖅ ᐊᐱᕆᒃᑲᓐᓂᓕᖅᐹᑦ, “ᖃᓄᖅᓕ ᑕᓐᓇ ᐅᖃᐅᓯᕆᔪᓐᓇᖅᐱᐅᒃ ᐃᓕᖕᓂᒃ ᑕᐅᑐᓕᖅᑎᑦᓯᓚᐅᖅᑐᖅ?” ᑖᓐᓇ ᑭᐅᕗᖅ, “ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᒋᕚ.” 18 ᔫᑎᓪᓕ ᐅᒃᐱᕆᓐᖏᓛᑦ ᑕᐅᑐᓚᐅᖏᓐᓂᖓ ᒫᓐᓇᓗ ᑕᐅᑐᓕᕐᖕᓂᖓ, ᑖᑦᓱᒪ ᑕᐅᑐᓕᖅᑑᑉ ᐊᖓᔪᖅᑳᖏᓐᓂᒃ ᕾᖁᔨᖅᑳᕋᑎᒃ. 19 ᕾᖕᒪᑎᒡᓗ ᔫᑎᑦ ᐊᐱᕆᕗᑦ, “ᐅᓈ ᐃᕐᖕᓂᕆᕕᓯᒃᑯᒃ? ᑕᐅᑐᖕᓇᓂ ᐃᕐᖕᓂᐊᖑᓯᒪᓂᕋᖅᑕᓯᒃ; ᖃᓄᖅᓕᐅᓇ ᒫᓐᓇ ᑕᐅᑐᓕᖅᐸ?” 20 ᑕᐅᑐᓕᖅᑑᑉ ᐊᖓᔪᖅᑳᖏᒃ ᑭᐅᕘᒃ, “ᖃᐅᔨᒪᕗᒍᒃ ᑖᓐᓇ ᐃᕐᖕᓂᕆᒐᑦᑎᒃᑯᒃ, ᖃᐅᔨᒪᓪᓗᓄᒡᓗ ᑕᐅᑐᖕᓇᓂ ᐃᕐᖕᓂᐊᖑᓯᒪᓂᖓᓂᒃ; 21 ᖃᐅᔨᒪᓐᖏᓚᒍᒃᓕ ᖃᓄᖅ ᒫᓐᓇ ᑕᐅᑐᓕᕐᖕᒪᖔᑦ, ᖃᐅᔨᒪᓐᖏᓐᓂᕗᒍᒡᓗ ᑭᓇᒧᑦ ᑕᐅᑐᓕᖅᑎᑕᐅᖕᒪᖔᑦ. ᐊᐱᕆᓚᐅᖅᓯᐅᒃ; ᓱᕈᓯᐅᔪᓐᓃᕋᒥ ᐃᒻᒥᓂᒃ ᑭᐅᔪᓐᓇᖅᐳᖅ.” 22 ᐊᖓᔪᖅᑳᖏᒡᓕ ᑍᒫᒃ ᐅᖃᖅᐴᒃ ᔫᑎᑦ ᓯᕘᕋᒋᒐᒥᒋᑦ, ᔫᑎᑦ ᐊᖏᖃᑎᒌᒃᓯᒪᓕᕐᖕᒪᑕ ᓇᓪᓕᐊᑦ ᙭ᔅᑑᓯᐅᓂᕅᒃᐸᑦ ᑖᑦᓱᒥᖓ, ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑕᐅᖁᓪᓗᒍ. 23 ᑍᒤᒻᒪᑦ ᐊᖓᔪᖅᑳᖏᒃ ᐅᖃᖅᐴᒃ, “ᓱᕈᓯᐅᔪᓐᓃᕐᖕᒪᑦ, ᐊᐱᖅᓱᓕᖅᓯᐅᒃ.” 24 ᑕᕝᕙ ᑭᖑᓪᓕᕐᖕᒥ ᑕᐅᑐᓚᐅᖏᑦᑐᖅ ᕾᖁᓕᕆᕚᑦ, ᐅᖃᐅᑎᓪᓗᒍᓗ, “ᒎᑎ ᓂᖅᑐᓚᐅᕈᒃ; ᖃᐅᔨᒪᕗᒍᑦ ᐊᖑᑦ ᑖᓐᓇ ᐊᔪᖅᑐᓕᔫᖕᒪᑦ.” 25 ᑖᓐᓇ ᑭᐅᕗᖅ, “ᐊᔪᖅᑐᓕᔫᖕᒪᖔᑦ ᖃᐅᔨᒪᓐᖏᓚᕋ; ᐊᑕᐅᓯᕐᖕᒥᒡᓕ ᖃᐅᔨᒪᒐᓗᐊᖅᐳᖓ, ᑕᐅᑐᓚᐅᖏᓐᓇᒪ, ᒫᓐᓇᓗ ᑕᐅᑐᓕᕋᒪ.” 26 ᑖᒃᑯᐊ ᐅᖃᐅᑎᕚᑦ, “ᖃᓄᖅ ᐱᓇᓱᐊᖅᕕᒋᓚᐅᖅᐹᑎᑦ? ᖃᓄᖅᓗ ᑕᐅᑐᓕᖅᑎᑉᐹᑎᑦ?” 27 ᑖᑦᓱᒪ ᑭᐅᕔᑦ, “ᐅᖃᐅᑎᔭᕇᖅᑲᐅᕙᑦᓯ, ᓈᓚᒍᒪᖅᑲᐅᓐᖏᓚᓯᓕ, ᓱᖕᒪᑦ ᑐᓴᒃᑲᓐᓂᕈᒪᓕᕆᕕᓰ? ᑖᑦᓱᒧᖓ ᐃᓕᓐᓂᐊᖅᑎᐅᔪᒪᓕᕆᕕᓰ?” 28 ᑕᕝᕙ ᐅᖃᕐᖕᓂᖅᓗᒡᕕᒋᓪᓗᒍ ᐅᖃᐅᑎᕚᑦ, “ᐃᕝᕕᑦ ᑖᑦᓱᒪ ᐃᓕᓐᓂᐊᖅᑎᒋᕚᑎᑦ, ᐅᕙᒍᓪᓕ ᒨᓯᓯᐅᑉ ᐃᓕᓐᓂᐊᖅᑎᒋᕚᑎᒍᑦ. 29 ᖃᐅᔨᒪᕗᒍᑦ ᒎᑎᐅᑉ ᒨᓯᓯ ᐅᖃᖃᑎᒋᖃᑦᑕᓚᐅᕐᖕᒪᒍ, ᑍᓐᓇᓕ ᐊᖑᑦ, ᖃᐅᔨᒪᓐᖏᓚᕗᑦ ᓇᑭᑦ ᐱᓯᒪᖕᒪᖔᑦ.” 30 ᑖᑦᓱᒪ ᑭᐅᕔᑦ, “ᑕᒪᓐᓇ ᑲᒪᓂᐊᕐᖕᓇᑦᓯᐊᖅᐳᖅ! ᖃᐅᔨᒪᖏᓐᓇᑦᓯ ᑖᓐᓇ ᓇᑭᑦ ᐱᓯᒪᖕᒪᖔᑦ, ᑖᑦᓱᒪᓗ ᑕᐅᑐᓕᖅᑎᓚᐅᖅᐹᖓ. 31 ᖃᐅᔨᒪᕗᒍᓪᓕ ᒎᑎᐅᑉ ᐊᔪᕐᖕᓂᕐᖕᒦᑦᑐᑦ ᑐᓴᖏᒻᒪᒋᑦ; ᒎᑎᒥᒡᓕ ᑲᒪᑦᓯᐊᖅᑐᑦ ᐱᖁᔭᖓᓂᒡᓗ ᐊᑐᑦᓯᐊᖅᑐᑦ, ᒎᑎᐅᑉ ᑐᓴᕐᖕᒪᒋᑦ. 32 ᓯᓚᖅᔫᑉ ᐱᒋᐊᕐᖕᓂᖓᓂᑦ ᑐᓴᐅᒪᔪᖃᓐᖏᓚᖅ ᐃᕐᖕᓂᐊᖑᓂᕐᖕᒥᓂᑦ ᑕᐅᑐᖏᑦᑐᒥᒃ ᑕᐅᑐᓕᖅᑎᑦᓯᔪᖃᓚᐅᖅᓯᒪᖕᒪᖔᑦ. 33 ᑖᓐᓇᓕ ᒎᑎᒥᑦ ᐱᓯᒪᖏᒃᑯᓂ, ᓱᓇᒥᒡᓘᓐᓃᑦ ᐱᓇᓱᐊᕈᓐᓇᕋᔭᓐᖏᓚᖅ.” 34 ᑖᒃᑯᐊ ᑭᐅᕚᑦ, “ᐊᔪᕐᖕᓂᕐᖕᒥ ᐃᕐᖕᓂᐊᖑᓯᒪᓪᓗᑎᑦ ᐱᕈᖅᓴᔭᐅᕕᒋᓪᓗᒍᓗ, ᐅᕙᑦᑎᓐᓂᒃ ᐊᔪᕆᖅᑐᐃᓇᓱᐊᖅᐲ?” ᔫᑎᓪᓗ ᐅᒃᐱᕐᖕᓂᕐᖕᒧᑦ ᑲᑎᒪᕕᖓᓐᓂᑦ ᐊᓂᑎᑉᐹᑦ.
ᐊᓂᕐᖕᓂᒃᑯᑦ ᑕᐅᑐᖏᓐᓂᖅ
35 ᔩᓱᓯᓕ ᑐᓴᕋᒥ ᐊᓂᑎᑕᐅᓯᒪᓕᕐᖕᓂᖓᓂᒃ, ᑲᑎᒐᒥᐅᒡᓗ ᐅᖃᐅᑎᕚ, “ᐃᓅᑉ ᐃᕐᖕᓂᖓᓄᑦ ᐅᒃᐱᖅᐲᑦ?” 36 ᑖᑦᓱᒪ ᑭᐅᕚ, “ᓇᓪᓕᐊᖑᖕᒪᖔᑦ ᐅᖃᐅᑎᓚᐅᓐᖓ, ᑖᑦᓱᒧᖓ ᐅᒃᐱᓕᖁᓪᓗᖓ.” 37 ᔩᓱᓯᐅᑉ ᐅᖃᐅᑎᕚ, “ᑕᑯᓚᐅᖅᐸᑦ, ᑖᓐᓇᐅᕗᖅᓗ ᐅᖃᖃᑎᒋᔧᑦ.” 38 ᑖᓐᓇ ᐅᖃᖅᐳᖅ, “ᐊᑕᓃᖅ ᐅᒃᐱᖅᐳᖓ”; ᓵᖓᓄᓪᓗ ᓰᖅᑯᖅᐳᖅ. 39 ᔩᓱᓯ ᐅᖃᖅᐳᖅ, “ᐃᖅᑲᖅᑐᐃᔭᖅᑐᖅᓗᖓ ᓯᓚᖅᔪᐊᕐᖕᒧᑦ ᑎᑭᑉᐳᖓ, ᑕᐅᑐᖏᑦᑐᑦ ᑕᐅᑐᓕᖁᓪᓗᒋᑦ, ᑕᐅᑐᒃᑐᓪᓗ ᑕᐅᑐᒍᓐᓃᖁᓪᓗᒋᑦ.” 40 ᐹᕋᓰᓪᓕ ᑕᕝᕙᓃᑦᑐᑦ ᐃᓚᖏᑦ, ᑕᒪᑐᒥᖓ ᐅᖃᖅᑎᓪᓗᒍ ᑐᓴᕋᒥᒃ ᐅᖃᐅᑎᕚᑦ, “ᑕᐅᑐᖏᓐᓂᕕᑖ?” 41 ᔩᓱᓯᐅᑉ ᐅᖃᐅᑎᕔᑦ, “ᑕᐅᑐᖏᒃᑯᑦᓯ, ᐸᓯᔭᒃᓴᐅᓂᖃᕋᔭᓐᖏᓚᓯ; ᒫᓐᓇᓕ ᑕᐅᑐᖕᓂᕋᕋᑦᓯ, ᐸᓯᔭᒃᓴᐅᕗᓯ ᓱᓕ.”
ᐰᖅᓯᔨᐅᑉ ᐊᑦᔨᐅᑎᑕᐅᓂᖓ
1 “ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐃᑎᖅᑕᖅᕕᒃᑯᑦ ᐃᑎᖏᑦᑐᖅ ᓰᐱᒃᑯᕕᖕᒧᑦ ᒪᔪᖅᓗᓂᓕ ᐊᓯᐊᒍᑦ ᐃᑎᖅᑐᖅ, ᑖᓐᓇ ᑎᒡᓕᒃᑎᐅᕗᖅ ᐊᖅᓵᖅᑎᕆᔨᐅᓪᓗᓂᓗ. 2 ᐃᑎᖅᑕᖅᕕᒃᑯᓪᓕ ᐃᑎᖅᑐᖅ ᑖᓐᓇ ᓰᐲᑦ ᐰᖅᓯᔨᒋᕚ. 3 ᑖᓐᓇ ᐃᑎᖅᑕᖅᕕᐅᑉ ᑲᒪᔨᖓᑕ ᐅᒃᑯᐃᕈᑎᕚ; ᓰᐲᓪᓗ ᓂᐱᖓ ᑐᓴᖅᐹᑦ ᓰᐱᖁᑎᒥᓂᒃ ᕾᖁᔨᓕᕐᖕᒪᑦ ᐊᑎᖏᑦ ᑍᓪᓗᒋᑦ ᑕᕝᕙᓐᖓᓪᓗ ᓯᕗᓕᖅᓗᓂ ᐊᓂᖃᑎᒋᕔᑦ. 4 ᐊᓂᖃᑎᒋᔭᕇᕋᒥᒋᓪᓗ ᓯᕗᓕᓕᖅᐳᖅ, ᓯᐲᓪᓗ ᒪᓕᒃᐹᑦ, ᓂᐱᖓ ᐃᓕᑕᕆᒐᒥᑦᔪᒃ. 5 ᖃᐅᔨᒪᓐᖏᑕᒥᖕᓂᒡᓕ ᒪᓕᖕᓂᐊᓐᖏᓚᑦ; ᕿᒫᖔᖅᐳᓪᓕ ᑖᑦᓱᒪᓐᖓᑦ, ᖃᐅᔨᒪᓐᖏᑕᒥ ᓂᐱᖓᓂᒃ ᐃᓕᑕᖅᓯᖏᓐᓇᒥᒃ.” 6 ᐊᑦᔨᐅᔪᒥᒃ ᑕᒪᑐᒥᖓ ᔩᓱᓯᐅᑉ ᐅᖃᖅᕕᒋᕔᑦ, ᑐᑭᓯᓐᖏᓚᓪᓕ ᖃᓄᖅ ᑐᑭᓕᖕᒥᒃ ᐅᖃᐅᑦᔭᐅᖕᒪᖔᕐᖕᒥᒃ.
ᔩᓱᓯ ᐰᖅᓯᔨᑦᓯᐊᖑᕗᖅ
7 ᑕᕝᕙ ᔩᓱᓯᐅᑉ ᐅᖃᖅᕕᒋᒃᑲᓐᓂᓕᖅᐰᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐅᕙᖓ ᓰᐲᑦ ᐃᑎᖅᑕᖅᕕᒋᕚᖓ. 8 ᓯᕗᓂᓐᓂ ᑎᑭᓚᐅᖅᑐᓕᒫᑦ ᑎᒡᓕᒃᑎᐅᓪᓗᑎᒡᓗ ᐊᖅᓵᖅᑎᕆᔨᐅᓚᐅᖅᐳᑦ; ᓰᐲᓪᓗ ᓈᓚᓚᐅᓐᖏᓔᑦ. 9 ᐃᑎᖅᑕᖅᕕᐅᕗᖓ; ᓇᓪᓕᐊᓐᓂᒃ ᐅᕙᒃᑯᑦ ᐃᑎᖅᑐᖃᖅᐸᑦ, ᑖᓐᓇ ᐱᐅᓕᔭᐅᓂᐊᖅᐳᖅ, ᐃᑎᖅᓗᓂᓗ ᐊᓂᓗᓂᓗ ᓂᕿᒃᓴᓕᖕᒥᒃ ᓇᓂᓯᓂᐊᖅᐳᖅ. 10 ᑎᒡᓕᒃᑎ ᕾᕙᒃᐳᖅ ᑎᒡᓕᒍᒪᑐᐃᓐᓇᖅᓗᓂ ᑐᖁᑦᓯᔪᒪᓪᓗᓂᓗ ᐊᓯᕈᐃᔪᒪᓪᓗᓂᓗ; ᐅᕙᖓᓕ ᑎᑭᑉᐳᖓ ᐃᓅᓯᖅᑖᕈᓐᓇᖅᓯᖁᓪᓗᒋᑦ, ᐃᓅᓯᕐᖕᒥᒡᓗ ᑭᓐᖒᒪᒃᓯᖏᑦᑐᒥᒃ ᐱᖃᕈᓐᓇᖅᓯᖁᓪᓗᒋᑦ. 11 ᐅᕙᖓᐅᕗᖅ ᐰᖅᓯᔨᑦᓯᐊᖅ. ᐰᖅᓯᔨᑦᓯᐊᖅ ᐃᓅᓯᕐᖕᒥᓂᒃ ᑐᓂᓯᕗᖅ ᓰᐲᑦ ᐱᓪᓗᒋᑦ. 12 ᑎᓕᔭᐅᓯᒪᑐᐃᓐᓇᖅᑐᖅᓕ ᐰᖅᓯᔨᐅᖏᑦᑐᖅ, ᓇᖕᒥᓂᖃᖏᑦᑐᖅᓗ ᓰᐱᓂᒃ, ᐊᒪᕈᕐᖕᒥᒃ ᕾᓕᖅᑐᒥᒃ ᑕᑯᒐᒥ ᓰᐲᑦ ᕿᒪᒡᓗᒋᑦ ᕿᒫᕗᖅ; ᐊᒪᕉᓪᓗ ᓰᐲᑦ ᐊᖑᓪᓗᒋᑦ ᓯᐊᒻᒪᖅᑎᑉᐰᑦ. 13 ᑎᓕᔭᐅᓯᒪᑐᐃᓐᓇᖅᑐᖅ ᕿᒫᕗᖅ ᑎᓕᔭᐅᓯᒪᑐᐃᓐᓇᕋᒥ ᓰᐱᓂᒡᓗ ᐃᒃᐱᒍᓱᒐᓂ. 14 ᐅᕙᖓᐅᕗᖅ ᐰᖅᓯᔨᑦᓯᐊᖅ; ᓇᖕᒥᓂᒃᑲ ᐃᓕᑕᕆᕙᒃᑲ ᐃᓕᑕᕆᔭᐅᓪᓗᖓᓗ ᑖᒃᑯᓄᖓ. 15 ᓲᖅᓗ ᐊᑖᑕᐅᑉ ᐃᓕᑕᕆᖕᒪᖓ ᐅᕙᖓᓗ ᐊᑖᑕ ᐃᓕᑕᕆᒐᒃᑯ; ᐃᓅᓯᕋᓗ ᑐᓂᕙᕋ ᓰᐲᑦ ᐱᓪᓗᒋᑦ. 16 ᐊᓯᖏᓐᓂᒡᓗ ᓰᐱᖁᑎᖃᖅᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᖅᑎᑦᓴᕆᐊᖃᖅᐸᒃᑲ; ᓂᐱᓐᓂᒡᓗ ᑐᓴᕈᒫᖅᐳᑦ. ᐊᑕᐅᓯᐅᖃᑎᒌᒍᒫᖅᐳᑦ, ᐊᑕᐅᓯᕐᖕᒥᒡᓗ ᐰᖅᓯᔨᖃᖅᓗᑎᒃ. 17 ᑕᒪᓐᓇ ᐱᓪᓗᒍ ᐊᑖᑕᐅᑉ ᓇᒡᓕᒋᕚᖓ, ᐃᓅᓯᓐᓂᒃ ᑐᓂᓯᓂᓐᓄᑦ, ᐊᒻᒪ ᐅᑎᖅᑎᑦᓯᔪᓐᓇᖁᓪᓗᖓ ᐃᓅᓯᓐᓂᒃ. 18 ᐃᓅᓯᓐᓂᒃ ᐊᖅᓵᖅᑕᐅᓐᖏᓚᖓ ᑭᓇᒧᓪᓘᓐᓃᑦ, ᓇᖕᒥᓂᖅᓕ ᐃᓱᒪᖅᓱᖅᓗᖓ ᑐᓂᕐᕈᑎᒋᕙᕋ. ᐱᔪᓐᓇᕐᖕᓂᖃᖅᐳᖓ ᑐᓂᕐᕈᑎᒋᓗᒍ, ᐱᔪᓐᓇᕐᖕᓂᖃᕆᕗᖓᓗ ᐊᒻᒪ ᐅᑎᖅᑎᓪᓗᒍ; ᑕᒪᑐᒥᖓ ᑍᒫᒃ ᐊᑖᑕᒪ ᐱᖁᓚᐅᖅᐹᖓ ᐱᓇᓱᐊᖁᓪᓗᖓ.” 19 ᑕᕝᕙ ᔫᑎᑦ ᐊᖏᖃᑎᒌᒍᓐᓃᕆᕗᑦ ᐅᖃᐅᓰᑦ ᑕᒪᒃᑯᐊ ᐱᓪᓗᒋᑦ. 20 ᐅᓄᖅᑐᑦ ᑕᕝᕙᓃᑦᑐᑦ ᐅᖃᖅᐳᑦ, “ᐊᓂᕐᖕᓂᖅᓗᖕᒥᒃ ᐃᓗᒻᒥᖅᑕᐅᓯᒪᕗᖅ, ᐃᓱᒤᕈᑎᓯᒪᕗᖅ; ᓱᖕᒪᓄᓇ ᓈᓚᒃᐱᓯᐅᒃ?” 21 ᐊᓯᖏᑦ ᐅᖃᖅᐳᑦ, “ᐊᓂᕐᖕᓂᖅᓗᒥᒃ ᐃᓗᒻᒥᖅᑕᐅᓯᒪᔪᖅ ᑍᒫᒃ ᐅᖃᓪᓚᒍᓐᓇᓐᖏᓚᖅ. ᖃᓄᖅ ᐊᓂᕐᖕᓂᖅᓗᒃ ᑕᐅᑐᖏᑦᑐᓂᒃ ᑕᐅᑐᓕᖅᑎᑦᓯᔪᓐᓇᖅᐹ?”
ᔩᓱᓯᐅᑉ ᓇᕐᕈᒋᔭᐅᓂᖓ ᔫᑎᓂᑦ
22 ᐅᑭᐅᖑᑎᓪᓗᒍ ᑐᒃᓯᐊᖅᕕᒡᔪᐊᑉ ᐊᑐᖅᑕᐅᒋᐊᓕᕐᖕᓂᖓᓂᒃ ᓇᓪᓕᐅᓐᓂᖅᓯᐅᓚᐅᖅᐳᑦ ᔪᕉᓴᓚᒥ; 23 ᔩᓱᓯᓗ ᐱᓱᒃᑎᓪᓗᒍ ᑐᒃᓯᐊᖅᕕᒡᔪᐊᕐᖕᒥ, ᓲᓗᒨᓂᐅᑉ ᑐᖅᓲᖓᓂᒃ ᑍᔭᐅᔪᒃᑯᑦ. 24 ᔫᑎᑦ ᔩᓱᓯ ᐊᕙᓗᕚᑦ ᐅᖃᐅᑎᓪᓗᒍᓗ, “ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᐅᖃᖅᑍᓕᒪᓂᐊᖅᐲᑦ? ᐅᖃᐅᑎᑦᓯᐊᓚᐅᖅᑎᒍᑦ ᓱᓕᑦᓯᐊᖅᓗᑎᑦ ᙭ᔅᑑᓯᐅᖕᒪᖔᖅᐱᑦ?” 25 ᔩᓱᓯᐅᑉ ᑭᐅᕔᑦ, “ᐅᖃᐅᑎᓚᐅᖅᐸᑦᓯ, ᐅᒃᐱᓚᐅᓐᖏᓚᓯᓕ. ᐱᓂᐊᕐᖕᓃᑦ ᐱᓂᐊᕐᖕᓂᕆᔭᒃᑲ ᐊᑖᑕᒪ ᐱᔪᓐᓇᖅᑎᑦᓯᓂᖓᒍᑦ, ᑕᒪᒃᑯᐊ ᓇᓗᓁᖅᓯᕗᑦ ᐅᕙᓐᓂᒃ; 26 ᐅᒃᐱᓐᖏᓚᓯᓕ, ᓰᐱᖁᑎᓐᓄᑦ ᐃᓚᒋᔭᐅᖏᓐᓇᑦᓯ. 27 ᓰᐱᖁᑎᒪ ᓂᐱᒐ ᑐᓴᖅᐹᑦ, ᐃᓕᑕᕆᕙᒃᑲᓗ, ᒪᓕᒃᐹᖓᓗ. 28 ᐃᓅᓯᕐᖕᒥᒡᓗ ᓄᖑᓱᐃᑦᑐᒥᒃ ᑐᓂᓯᕕᒋᕙᒃᑲ, ᐊᓯᐅᔪᖃᕐᖕᓂᐊᓐᖏᓚᖅᓗ, ᑭᓇᒧᓪᓘᓐᓃᑦ ᐊᖅᓵᖅᑕᐅᓂᐊᓐᖏᓚᖓ ᑖᒃᑯᓂᖓ ᑎᒍᒥᐊᕐᖕᓂᓐᓂᒃ. 29 ᐊᑖᑕᒐ ᑐᓂᓯᓯᒪᔪᖅ ᐅᕙᓐᓄᑦ ᑖᒃᑯᓂᖓ, ᑕᒤᓐᓂᑦ ᐊᖏᓂᖅᐸᐅᕗᖅ, ᑭᓇᒧᓪᓘᓐᓃᑦ ᐊᑖᑕᒐ ᐊᖅᓵᖅᑕᐅᔪᓐᓇᓐᖏᓚᖅ ᑖᒃᑯᓂᖓ ᑎᒍᒥᐊᕐᖕᓂᖓᓂᒃ. 30 ᐅᕙᖓᓗ ᐊᑖᑕᓗ ᐊᑕᐅᓯᐅᕗᒍᒃ.” 31 ᑕᕝᕙ ᔫᑎᑦ ᐅᔭᖅᑲᓂᒃ ᑎᒍᓯᒋᕗᑦ ᔩᓱᓯ ᒥᓪᓗᕈᒪᓪᓗᒍ. 32 ᔩᓱᓯᐅᑉ ᐅᖃᐅᑎᕔᑦ, “ᐱᓂᐊᑦᓯᐊᕐᖕᓂᕐᖕᓂᒃ ᐅᓄᖅᑐᓂᒃ ᐃᓕᑦᓯᓐᓄᑦ ᐱᓇᓱᐊᓚᐅᖅᐳᖓ ᐊᑖᑕᒥᑦ ᐱᔪᓂᒃ; ᐱᓂᐊᕐᖕᓃᑦ ᑕᒪᒃᑯᐊ ᓇᓪᓕᐊᑦ ᐱᓪᓗᒋᑦ ᒥᓪᓗᕈᒪᕕᓯᓐᖔ?” 33 ᔫᑎᑦ ᑭᐅᕗᑦ, “ᐱᓂᐊᑦᓯᐊᕐᖕᓂᕆᓚᐅᖅᑕᑎᑦ ᐱᓪᓗᒋᑦ ᒥᓪᓗᕈᒪᓐᖏᓚᑦᑎᒋᑦ ᒎᑎᒥᒡᓕ ᐅᖃᕐᖕᓂᖅᓘᑎᖃᕐᖕᓃᑦ ᐱᓪᓗᒍ; ᐃᓄᑐᐃᓐᓇᐅᓪᓗᑎᑦ, ᐃᓕᖕᓂᒃ ᒎᑎᓐᖑᖅᑎᓐᓇᓱᒃᑲᕕᑦ.” 34 ᔩᓱᓯᐅᑉ ᑭᐅᕔᑦ, “ᐱᖁᔭᑦᓯᓐᓂ ᑎᑎᕋᖅᓯᒪᔪᖃᖅᐳᖅ, ‘ᐅᖃᐅᑎᕙᑦᓯ, ᐃᓕᑦᓯ ᒎᑎᐅᕗᓯ.’ 35 ᒎᑎᐅᑉ ᐃᓄᐃᑦ ᑍᓚᐅᖅᐸᒋᑦ ᒎᑎᒥᒃ ᐃᓄᖕᓄᑦ ᐅᖃᓪᓚᒃᑎᓪᓗᒍ ᑍᑦᓱᒪᓂ, (ᖃᐅᔨᒪᕗᒍᑦ ᐊᒡᓔᑦ ᐊᑭᕋᖅᑐᖅᑕᐅᔪᓐᓇᖏᒻᒪᑕ), 36 ᒎᑎᐅᑉ ᐃᑦᔪᕐᖕᓁᑎᓚᐅᖅᑕᖓᓄᑦ ᑎᓕᓚᐅᖅᑕᖓᓄᓪᓗ ᓄᓇᖅᔪᐊᕐᖕᒧᑦ ᐅᖃᕈᓐᓇᖅᐱᓰ? ‘ᒎᑎᒥᒃ ᐅᖃᕐᖕᓂᖅᓘᑎᖃᖅᐳᑎᑦ,’ ᐅᖃᓚᐅᕐᖕᓂᕋ ᐱᓪᓗᒍ, ‘ᒎᑎᐅᑉ ᐃᕐᖕᓂᕆᕚᖓ’? 37 ᐊᑖᑕᒪᑦ ᐱᓂᐊᖅᑕᐅᖁᔭᖏᓐᓂᒃ ᐱᓇᓱᐊᖏᒃᑯᒪ, ᐅᒃᐱᕆᓂᐊᕋᓯᓐᖓ; 38 ᐱᓇᓱᐊᕈᒃᑭᓪᓕ, ᐅᒃᐱᕆᖏᒃᑲᓗᐊᕈᑦᓯᓐᖓ, ᐱᓂᐊᕐᖕᓃᑦ ᐅᒃᐱᕆᓯᒋᒃ, ᐃᓕᑕᖅᓯᓕᖁᓪᓗᓯ ᖃᐅᔨᓕᖅᓗᓯᓗ ᐊᑖᑕ ᐅᕙᓐᓃᒻᒪᑦ ᐅᕙᖓᓗ ᐊᑖᑕᓐᓃᓐᓇᒪ.” 39 ᑕᕝᕙ ᔩᓱᓯ ᑎᒍᓇᓱᐊᕋᓗᐊᖅᐹᑦ, ᕿᒪᒃᓯᕗᖅᓕ ᑖᒃᑯᓇᓐᖓᑦ. 40 ᐅᑎᓕᕆᕗᖅᓕ ᔪᐊᕐᑕᓂᐅᑉ ᑰᖓᑕ ᐊᑭᐊᓄᑦ ᔪᐊᓇᓯᐅᑉ ᐹᑉᑎᑦᓯᕕᒋᖃᑦᑕᓚᐅᖅᑕᖓᓄᑦ, ᑕᕝᕙᓃᓕᖅᓗᓂᓗ. 41 ᐅᓄᖅᑐᓪᓗ ᐅᐸᒃᐹᑦ; ᐅᖃᖅᓗᑎᒡᓗ, “ᔪᐊᓇᓯ ᓇᓗᓁᒃᑯᑕᕐᖕᓂᒃ ᐱᓇᓱᐊᓚᐅᓐᖏᓚᖅ, ᐅᖃᐅᓯᕆᓚᐅᖅᑕᓕᒫᖏᓪᓕ ᑖᓐᓇ ᐱᓪᓗᒍ ᓱᓕᑦᓯᐊᖅᐳᑦ.” 42 ᑕᕝᕙᓃᑦᑐᓪᓗ ᐅᓄᖅᑐᑦ ᔩᓱᓯᒧᑦ ᐅᒃᐱᓕᖅᐳᑦ.
ᓛᓴᕉᓯᐅᑉ ᑐᖁᓂᖓ
1 ᐊᖑᒻᒥᒡᓕ ᖃᓂᒪᔪᖃᖅᐳᖅ, ᓛᓴᕉᓯᒥᒃ ᐱᑕᓂᒥ ᓄᓇᓕᖕᒥᒃ, ᒥᐊᕆᐅᑉ ᒫᑕᐅᓪᓗ ᓄᑲᕇᒃ ᓄᓇᖓᓂ. 2 ᒥᐊᕆᓗ ᑖᓐᓇᐅᕗᖅ ᐊᑕᓂᐅᑉ ᐃᑎᒐᖏᓐᓂᒃ ᒥᖑᐊᖅᓯᓚᐅᖅᑐᖅ ᑎᐱᑦᓯᐊᕆᒃᓴᐅᒻᒧᑦ ᓄᔭᕐᖕᒥᓄᓪᓗ ᐊᓪᓚᖅᑎᕆᓪᓗᓂ, ᑖᑦᓱᒪ ᐊᓂᖓ ᓛᓴᕉᓯ ᖃᓂᒪᕗᖅ. 3 ᑕᕝᕙ ᓇᔭᖏᒃ ᑎᓕᓯᕘᒃ ᔩᓱᓯᒧᑦ, ᐅᖃᐅᑦᔭᐅᖁᓪᓗᒍ, “ᐊᑕᓃᖅ, ᓇᒡᓕᒋᔧᑦ ᖃᓂᒻᒪᒃᐳᖅ.” 4 ᔩᓱᓯᓕ ᑕᒪᑐᒥᖓ ᑐᓴᕋᒥ ᐅᖃᖅᐳᖅ, “ᑕᒪᓐᓇ ᖃᓂᒻᒪᓯᖅ ᑐᖁᒧᑦ ᐃᓕᖓᓐᖏᓚᖅ; ᒎᑎᐅᓪᓕ ᓂᖅᑐᖅᑕᐅᓂᒃᓴᖓᓄᑦ, ᒎᑎᐅᑉ ᐃᕐᖕᓂᖓ ᑕᒪᑐᒨᓇ ᓂᖅᑐᕐᖕᓇᖅᑎᑕᐅᖁᓪᓗᒍ.” 5 ᔩᓱᓯᐅᓪᓕ ᑖᒃᑯᐊ ᓇᒡᓕᒋᕔᑦ ᒫᑕ, ᒥᐊᕆᓗ, ᐊᓂᖓᓪᓗ ᓛᓴᕉᓯ. 6 ᓛᓴᕉᓯᐅᓪᓕ ᖃᓂᒪᓂᖓᓂᒃ ᑐᓴᖅᓯᒪᓕᖅᓗᓂ, ᓇᔪᖅᑕᒥᓃᓚᐅᖅᐳᖅ ᓱᓕ ᐅᓪᓘᖕᓂᒃ ᒪᕐᕉᖕᓂᒃ. 7 ᑭᖑᕐᖓᒍᑦ ᐃᓕᓐᓂᐊᖅᑎᓄᑦ ᐅᖃᖅᐳᖅ, “ᔫᑎᐊᒧᑦ ᐂᓚᐅᕐᖕᒥᑕ.” 8 ᐃᓕᓐᓂᐊᖅᑎᖏᑕ ᑭᐅᕚᑦ, “ᕌᑉᐰ, ᔫᑎᑦ ᐅᔭᖅᑲᓄᑦ ᒥᓪᓗᕈᒪᓚᐅᖅᐹᑎᑦ; ᑍᑯᖓ ᐅᑎᕈᒪᓕᕇᕆᕖᑦ?” 9 ᔩᓱᓯᐅᑉ ᑭᐅᕔᑦ, “ᐅᓪᓗᖅ 12 -ᓂᒃ ᐃᑲᕐᕋᖃᓐᖏᓛᖅ? ᓇᓪᓕᐊᑦ ᐅᓪᓗᒃᑯᑦ ᖃᐅᒪᑎᓪᓗᒍ ᐱᓱᒃᑐᖅ ᐹᓪᓚᖕᓂᐊᓐᖏᓚᖅ, ᓯᓚᖅᔫᑉ ᑕᒪᑐᒪ ᖃᐅᒪᓂᖓᓄᑦ ᑕᐅᑐᒃᑎᑕᐅᒐᒥ. 10 ᐅᓐᓄᐊᖑᑎᓪᓗᒍᓕ ᐱᓱᒃᑐᖅ ᐹᓪᓚᖕᓂᐊᖅᐳᖅ, ᖃᐅᒪᓯᐅᖏᓐᓇᒥ.” 11 ᑍᒫᒃ ᐅᖃᕇᕋᒥ, ᐅᖃᐅᑎᒃᑲᓐᓂᖅᐰᑦ, “ᐃᓚᓐᓇᕆᔭᕗᑦ ᓛᓴᕉᓯ ᓯᓂᓕᖅᐳᖅ, ᐅᐸᖕᓂᐊᖅᐸᕋᓕ ᑐᐹᕆᐊᖅᑐᖅᓗᒍ.” 12 ᑕᕝᕙ ᐃᓕᓐᓂᐊᖅᑎᖏᑕ ᐅᖃᐅᑎᕚᑦ, “ᐊᑕᓃᖅ, ᓯᓂᒃᑯᓂ ᐋᖅᑭᒃᐸᓪᓕᐊᓂᐊᖅᐳᖅ.” 13 ᔩᓱᓯᓕ ᐅᖃᐅᓯᖃᖅᐳᖅ ᓛᓴᕉᓯᐅᑉ ᑐᖁᓂᖓᓂᒃ, ᑖᒃᑯᐊᓕ ᐃᓱᒪᖃᖅᐳᑦ ᓯᓂᑐᐃᓐᓇᖅᑐᕆᒃᓯᓪᓗᑎᒃ. 14 ᑕᕝᕙ ᔩᓱᓯᐅᑉ ᑐᑭᓯᑎᓕᖅᐰᑦ ᐅᖃᐅᑎᓪᓗᒋᑦ, “ᓛᓴᕉᓯ ᑐᖁᕗᖅ; 15 ᐱᑦᔪᑎᒋᓪᓗᓯᓕ ᖁᕕᐊᓱᒃᐳᖓ ᓇᔪᓚᐅᖏᓐᓇᒃᑯ, ᐅᒃᐱᓕᖁᓪᓗᓯ. ᒫᓐᓇᓕ ᐅᐸᓕᖅᓚᕗᑦ.” 16 ᑑᒪᓯᓕ, ᒪᕐᕈᓕᐊᕕᓂᕐᖕᒥᒃ ᑍᔭᐅᕙᒃᑐᖅ, ᐃᓕᓐᓂᐊᖅᑎᐅᖃᑎᒥᓄᑦ ᐅᖃᖅᐳᖅ, “ᑕᒪᑦᑕ ᒪᓕᓕᖅᓚᕗᑦ, ᑐᖁᖃᑎᒋᓂᐊᕋᑦᑎᒍ.”
ᔩᓱᓯᐅᑉ ᒪᑭᑦᔪᑎᒃᓴᐅᓂᖓ ᐃᓅᑦᔪᑎᒃᓴᐅᓂᖓᓗ
17 ᔩᓱᓯᓕ ᑕᕝᕗᖓ ᑎᑭᓐᓇᒥ, ᖃᐅᔨᓕᖅᐳᖅ ᓛᓴᕉᓯ ᐅᓪᓗᓂ ᓯᑕᒪᓂᒃ ᐃᓗᕕᖅᑕᐅᓯᒪᓕᕇᖅᑐᖅ. 18 ᐱᑕᓂ ᔪᕉᓴᓚᐅᑉ ᖃᓂᒋᔮᓃᑉᐳᖅ, 2 -ᒤᓕᐅᑉ ᖃᓂᒋᔮᓂ ᐅᖓᓯᖕᓂᖃᖅᓗᓂ, 19 ᔫᑎᓪᓗ ᐅᓄᖅᑐᑦ ᐅᐸᒍᑎᓯᒪᓚᐅᖅᐳᑦ ᒫᑕᒥᒃ ᒥᐊᕆᒥᒡᓗ ᒪᓂᒍᐃᔪᒪᓪᓗᑎᒃ ᐊᓂᖓ ᐱᑦᔪᑎᒋᓪᓗᒍ. 20 ᒫᑕᓕ ᑐᓴᕋᒥ ᔩᓱᓯᐅᑉ ᕾᓕᕐᖕᓂᖓᓂᒃ, ᐊᓂᓪᓗᓂ ᐸᕐᕆᐊᖅᐹ, ᒥᐊᕆᓕ ᐃᒡᓗᒥ ᓅᓚᐅᓐᖏᓚᖅ. 21 ᒫᑕᐅᑉ ᔩᓱᓯ ᐅᖃᐅᑎᕚ, “ᐊᑕᓃᖅ, ᐅᕙᓃᓚᐅᕈᕕᑦ, ᐊᓂᒐ ᑐᖁᒐᔭᓚᐅᓐᖏᓚᖅ. 22 ᓱᓕᓗ ᒫᓐᓇ ᖃᐅᔨᒪᒋᕗᖓ ᓱᓇᑐᐃᓐᓇᕐᖕᒥᒃ ᒎᑎᒧᑦ ᑐᒃᓯᐊᕈᕕᑦ, ᒎᑎᐅᑉ ᑐᓂᓯᕕᒋᓂᐊᕐᖕᒪᑎᑦ.” 23 ᔩᓱᓯᐅᑉ ᐅᖃᐅᑎᕚ, “ᐊᓃᑦ ᒪᑭᓐᓂᐊᕆᕗᖅ.” 24 ᒫᑕᐅᑉ ᐅᖃᐅᑎᕚ, “ᖃᐅᔨᒪᕗᖓ, ᒪᑭᑦᓱᒫᕐᖕᒪᑦ ᒪᑭᕝᕕᒃᓴᒥ ᐅᓪᓗᐃᑦ ᑭᖑᓪᓕᖅᐹᖓᓐᓂ.” 25 ᔩᓱᓯᐅᑉ ᐅᖃᐅᑎᕚ, “ᐅᕙᖓᐅᕗᖅ ᒪᑭᑦᔪᑎᒃᓴᐅᓪᓗᖓᓗ ᐃᓅᑦᔪᑎᒃᓴᐅᕗᖓ; ᓇᓪᓕᐊᑦ ᐅᕙᓐᓄᑦ ᐅᒃᐱᖅᑐᖅ, ᑐᖁᒐᓗᐊᕈᓂ, ᓱᓕ ᐃᓅᔪᒫᖅᐳᖅ, 26 ᐃᓅᔪᖅᓗ, ᐅᕙᓐᓄᑦ ᐅᒃᐱᖅᓗᓂ ᑐᖁᓚᐅᖅᓯᒪᓂᐊᓐᖏᓚᖅ. ᑕᒪᓐᓇ ᐅᒃᐱᕆᕕᐅᒃ?” 27 ᑖᑦᓱᒪ ᐅᖃᐅᑎᕚ, “ᐊᑕᓃᖅ, ᐃᓛᒃ ᐅᒃᐱᖅᐳᖓ ᙭ᔅᑑᓯᐅᒐᕕᑦ, ᒎᑎᐅᑉ ᐃᕐᖕᓂᖓ, ᓯᓚᖅᔪᐊᕐᖕᒧᑦ ᑎᑭᑦᓱᒫᕐᖕᓂᐊᖅᓯᒪᔪᖅ.”
ᔩᓱᓯᐅᑉ ᖁᕝᕕᐅᕐᖕᓂᖓ
28 ᒫᑕᓕ ᑍᒫᒃ ᐅᖃᕇᕋᒥ, ᐊᖏᕐᕋᒥᓄᑦ ᐂᓕᖅᐳᖅ ᓄᑲᓂᓗ ᒥᐊᕆ ᐃᓄᑑᖃᑎᒋᓪᓗᓂᐅᒃ ᐅᖃᐅᑎᕚ, “ᐃᓕᓮᔨ ᑎᑭᒻᒪᑦ ᑖᑦᓱᒪᓗ ᕾᖁᕚᑎᑦ.” 29 ᒥᐊᕆᓗ ᑕᒪᑐᒥᖓ ᑐᓴᕋᒥ, ᑐᐊᕕᖅᓗᓂ ᑖᑦᓱᒧᖓ ᐅᐸᒍᑎᕗᖅ. 30 ᔩᓱᓯ ᐃᒡᓗᒐᓴᖕᓄᑦ ᓱᓕ ᑎᑭᓯᒪᖏᒻᒪᑦ, ᓅᓚᐅᓐᖏᓚᖅᓕ ᓱᓕ ᒫᑕᒧᑦ ᐅᐸᒃᑕᐅᕕᒋᖅᑲᐅᔭᒥᓂ. 31 ᔫᑎᓪᓕ ᐃᒡᓗᒦᑦᑐᑦ, ᒪᓂᒍᐃᔭᖅᑐᖅᓯᒪᔪᑦ ᑖᑦᓱᒥᖓ, ᒥᐊᕆ ᑕᑯᒐᒥᑦᔪᒃ ᑐᐊᕕᖅᓗᓂ ᒪᑭᓪᓗᓂ ᐊᓂᖕᒪᑦ, ᒪᓕᒃᓴᖅᐹᑦ, ᕿᐊᔭᖅᑐᖅᓗᓂ ᐃᓗᕕᕐᖕᒧᐊᕋᓱᒋᓪᓗᒍ. 32 ᒥᐊᕆᓕ ᔩᓱᓯᒧᑦ ᑎᑭᐅᑎᒐᒥ ᑕᑯᒐᒥᐅᒡᓗ ᐃᑎᒐᖏᑕ ᓵᖓᓄᑦ ᐹᒻᒪᒃᐳᖅ, ᐅᖃᖅᓗᓂᓗ, “ᐊᑕᓃᖅ, ᐅᕙᓃᓚᐅᕈᕕᑦ, ᐊᓂᒐ ᑐᖁᒐᔭᓚᐅᓐᖏᓚᖅ.” 33 ᔩᓱᓯᐅᓪᓗ ᕿᐊᔪᖅ ᑕᑯᒐᒥᐅᒃ, ᔫᑎᓪᓗ ᕾᖃᑎᒋᔭᖏᑦ ᕿᐊᖕᒥᖕᒪᑕ, ᐊᒃᑐᖅᑕᐅᒻᒪᕆᒃᐳᖅ ᐊᓂᕐᖕᓂᕐᖕᒥᒍᑦ ᕿᒃᓵᓕᖅᓗᓂᓗ; 34 ᐅᖃᖅᓗᓂᓗ, “ᓇᒧᑦ ᐃᓗᕕᓚᐅᖅᐱᓯᐅᒃ?” ᑖᒃᑯᐊ ᐅᖃᐅᑎᕚᑦ, “ᐊᑕᓃᖅ, ᕾᓗᑎᑦ ᑕᑯᔭᖅᑐᕈᒃ.” 35 ᔩᓱᓯᓗ ᕿᐊᕗᖅ. 36 ᑕᕝᕙ ᔫᑎᑦ ᐅᖃᖅᐳᑦ, “ᑕᑯᒋᑦ ᐊᖏᔪᒥᒃ ᓇᒡᓕᒋᓐᓂᖅᐹ!” 37 ᐃᓚᖏᓪᓕ ᐅᖃᖅᐳᑦ, “ᑕᐅᑐᖏᑦᑐᒥᒃ ᑕᐅᑐᓕᖅᑎᑦᓯᔪᓐᓇᖅᓗᓂ, ᑖᑦᓱᒥᖓ ᑐᖁᑦᑍᓕᑎᑦᓯᔪᓐᓇᓚᐅᓐᖏᓛᖅ?”
ᓛᓴᕉᓯᐅᑉ ᒪᑭᑎᑕᐅᓂᖓ ᑐᖁᖓᔪᓂᑦ
38 ᔩᓱᓯᓗ, ᐊᖏᔪᒥᒃ ᐊᒃᑐᖅᑕᐅᒃᑲᓐᓂᕆᕗᖅ, ᐃᓗᕕᕐᖕᒧᓪᓗ ᑎᑭᓐᓇᒥᒃ; ᐃᓗᕕᖅᓕ ᕾᖅᑐᒥ ᐃᓗᓕᐅᖅᓯᒪᓚᐅᖅᐳᖅ, ᐃᑎᖅᑕᖅᕕᖓᓗ ᐅᔭᕋᖕᒥᒃ ᒪᑐᓯᒪᓪᓗᓂ. 39 ᔩᓱᓯᓗ ᐅᖃᖅᐳᖅ, “ᐅᔭᕋᒃ ᐲᖅᓯᐅᒃ.” ᒫᑕᓕ, ᑐᖁᖓᔫᑉ ᓇᔭᖓ ᐅᖃᖅᐳᖅ, “ᐊᑕᓃᖅ ᑎᐱᓗᓕᕇᖅᐳᖅ, ᐅᓪᓗᓂᒃ ᓯᑕᒪᓂᒃ ᐃᓗᕕᖅᓯᒪᓕᕋᒥ.” 40 ᔩᓱᓯᐅᑉ ᐅᖃᐅᑎᕚ, “ᐅᖃᐅᑎᓚᐅᓐᖏᓚᒌᑦ ᐅᒃᐱᕈᕕᑦ ᒎᑎᐅᑉ ᓂᖅᑐᕐᖕᓇᕐᖕᓂᖅᔪᐊᖓ ᑕᑯᒐᔭᕋᕕᐅᒃ?” 41 ᑕᕝᕙ ᐅᔭᕋᒃ ᐲᖅᐹᑦ ᐃᓗᕕᕐᖕᒥᑦ. ᔩᓱᓯᓗ ᖁᒻᒧᑦ ᑕᑯᓴᖅᓗᓂ, ᐅᖃᖅᐳᖅ, “ᐊᑖᑕᒃ, ᖁᔭᒋᕙᒋᑦ ᑐᓴᓚᐅᕋᕕᖓ. 42 ᖃᐅᔨᒪᕗᖓᓕ ᑐᓴᑦᓮᓐᓇᕋᕕᖓ, ᑍᒫᒡᓕ ᐅᖃᖅᐳᖓ ᐅᑯᐊ ᐅᕙᓃᑦᑐᑦ ᐱᑦᔪᑎᒋᓪᓗᒋᑦ, ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ.” 43 ᔩᓱᓯᓕ ᑍᒫᒃ ᐅᖃᕇᕋᒥ, ᓂᐱᖅᑯᖅᑐᓪᓗᓂ ᕾᒐᓛᖅᐳᖅ, “ᓛᓴᕉᓯ, ᐊᓂᒋᑦ.” 44 ᓛᓴᕉᓯᓗ ᐊᓂᕗᖅ, ᐊᒡᒐᖏᓪᓗ ᐃᑎᒐᖏᓪᓗ ᐃᓗᕕᖅᑕᐅᔪᖅᓯᐅᑎᓂᒃ ᐃᒻᒧᓯᖅᓯᒪᓪᓗᑎᒃ, ᑮᓇᖓᓗ ᖃᓪᓗᓈᖅᑕᒥᒃ ᓂᒥᖅᓯᒪᓪᓗᓂ. ᔩᓱᓯᐅᑉ ᐅᖃᐅᑎᕔᑦ, “ᐃᒻᒧᑎᖏᑦ ᐲᔭᖅᓯᐅᒃ, ᐱᓱᓕᖅᓕᓗ.”
ᔩᓱᓯᐅᑉ ᑐᖁᑕᒃᓴᐅᖁᔭᐅᓂᖓ
45 ᔫᑎᓪᓗ ᐅᓄᖅᑐᑦ ᒥᐊᕆᒧᑦ ᐳᓛᕆᐊᖅᓯᒪᔪᑦ ᔩᓱᓯᐅᑉ ᐱᓂᐊᕐᖕᓂᕆᔭᖓᓂᒃ ᑕᑯᔪᑦ, ᐅᒃᐱᓕᖅᐳᑦ ᔩᓱᓯᒧᑦ. 46 ᐃᓚᖏᓪᓕ ᐹᕋᓯᓄᑦ ᐅᑎᖅᓗᑎᒃ ᐅᓂᒃᑳᖅᐳᑦ ᔩᓱᓯᐅᑉ ᐱᓂᐊᕐᖕᓂᕆᔭᖓᓂᒃ. 47 ᑕᕝᕙ ᐹᕋᓰᑦ ᑐᓂᕐᕈᓯᖅᑎᑦᓯᔩᓪᓗ ᐊᖓᔪᖅᑳᖏᑦ ᑲᑎᒪᔨᓂᒃ ᑲᑎᒪᖃᑎᖃᖅᓗᑎᒃ ᐅᖃᖅᐳᑦ, “ᖃᓄᐃᓕᐅᕆᐊᖃᓕᖅᐱᑖ? ᑖᓐᓇ ᐅᓄᖅᑐᓂᒃ ᓇᓗᓁᒃᑯᑕᕐᖕᓂᒃ ᐱᓇᓱᐊᖃᑦᑕᕐᖕᒪᑦ. 48 ᑲᒪᒋᖏᓪᓗᒍ ᐃᓱᒪᖅᓱᖅᑎᓐᓂᐊᕈᑦᑎᒍ, ᑕᕝᕙ ᐃᓄᓕᒫᑦ ᐅᒃᐱᓕᕐᖕᓂᐊᖅᐳᑦ ᑖᑦᓱᒧᖓ, ᕉᒪᒥᐅᓪᓗ ᐅᕙᑦᑎᓐᓄᑦ ᕾᓗᑎᒃ ᐊᓯᕈᐃᔪᒫᖅᐳᑦ ᑐᒃᓯᐊᖅᕕᒡᔪᐊᑦᑎᓐᓂᒃ ᐃᓄᖁᑎᑦᑎᓐᓂᒡᓗ.” 49 ᑖᒃᑯᐊᓕ ᐃᓚᖓᑦ, ᑬᐊᐹᓯᒥᒃ ᐊᑎᓕᒃ, ᐊᕐᕌᒍᒥ ᑕᒪᑐᒪᓂ ᑐᓂᕐᕈᓯᖅᑎᑦᓯᔨᓄᑦ ᐊᖓᔪᖅᑳᒻᒪᕆᐅᔫᑉ, ᐅᖃᐅᑎᕔᑦ, “ᓇᓗᑦᓯᐊᖅᐳᓯ ᓱᓕ; 50 ᑐᑭᓯᓐᖏᓚᓰ ᐃᓕᑦᓯᓐᓄᑦ ᐱᐅᓂᖅᓴᐅᒐᔭᕐᖕᒪᑦ ᐃᓄᒃ ᐊᑕᐅᓯᖅ ᑐᖁᒃᐸᑦ ᐃᓅᖃᑎᒌᑦ ᐱᑦᔪᑎᒋᓗᒋᑦ, ᐃᓅᖃᑎᒌᑦ ᐊᓯᕈᖅᑕᐅᒐᔭᕐᖕᓂᖏᓐᓃᑦ?” 51 ᑕᒪᑐᒥᖓᓕ ᐃᒻᒥᓂᒃ ᐅᖃᓚᐅᓐᖏᓚᖅ; ᐊᕐᕌᒍᒥᓕ ᑕᒪᑐᒪᓂ ᑐᓂᕐᕈᓯᖅᑎᑦᓯᔨᓄᑦ ᐊᖓᔪᖅᑳᒻᒪᕆᒋᔭᐅᒐᒥ ᒎᑎᐅᑉ ᐅᖃᖅᑕᐅᖁᔭᖓᓂᒃ ᐅᖃᐅᓯᖃᓚᐅᖅᐳᖅ ᔩᓱᓯ ᑐᖁᑕᐅᔪᒃᓴᐅᖕᒪᑦ ᐃᓅᖃᑎᒌᒡᔪᐊᑦ ᐱᓪᓗᒋᑦ, 52 ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᖅᓯᒪᔪᑦ ᑲᑎᖅᓱᖅᑕᐅᖁᓪᓗᒋᑦ ᐊᑕᐅᓯᕐᖕᒧᑦ. 53 ᐅᓪᓗᒥᑦ ᑕᕝᕙᓐᖓᑦ ᐱᒋᐊᖅᓗᑎᒃ ᐃᓱᒪᒃᓴᖅᓯᐅᖃᑎᒌᓕᖅᐳᑦ ᔩᓱᓯᒥᒃ ᖃᓄᐃᓕᐅᖅᓗᑎᒃ ᑐᖁᑦᓯᒐᔭᕐᖕᒪᖔᕐᖕᒥᒃ. 54 ᑍᒤᒻᒪᑦ ᔩᓱᓯ ᖃᐅᔨᒪᔭᐅᓗᓂ ᐃᖏᕐᕋᖃᑦᑕᕈᓐᓃᖅᐳᖅ ᔫᑎᑦ ᓄᓇᖓᒍᑦ, ᐃᓄᖃᖏᑦᑑᓪᓕ ᖃᓂᒋᔮᓂ ᐃᓂᖃᓕᖅᐳᖅ, ᓄᓇᓕᖕᓂ ᐃᑉᕅᒻᒥᒃ ᐊᑎᓕᖕᓂ; ᑕᕝᕙᓃᓕᓚᐅᖅᐳᖅ ᐃᓕᓐᓂᐊᖅᑎᓂ ᐃᓚᒋᓪᓗᒋᑦ. 55 ᔫᑎᓪᓕ ᓇᓪᓕᐅᓐᓂᖅᓯᐅᖅᕕᖓᑦ ᖄᖏᖅᑕᐅᕕᖕᒥᒃ ᖃᒡᓕᓕᕐᖕᒪᑦ, ᐃᓄᒐᓴᒡᔪᐊᑦ ᓇᓂᑐᐃᓐᓇᖅ ᓄᓇᓖᑦ ᔪᕉᓴᓚᒧᐊᖅᐸᓪᓕᐊᓕᖅᐳᑦ ᖄᖏᖅᑕᐅᖅᕕᐅᑉ ᓯᕗᓂᖓᓂ, ᐃᒻᒥᖕᓂᒃ ᓴᓗᒻᒪᖅᑎᑕᐅᔪᒪᓪᓗᑎᒃ. 56 ᔩᓱᓯᒥᒡᓗ ᕿᓂᓚᐅᖅᐳᑦ, ᐃᒥᖕᓄᓪᓗ ᐅᖃᖃᑎᒌᒃᐳᑦ ᑐᒃᓯᐊᖅᕕᒡᔪᐊᒥ ᑲᑎᓯᒪᔪᑦ, “ᖃᓄᖅᓕ ᐃᓱᒪᕕᓰ? ᕾᓂᐊᓐᖏᓛᖅ ᓇᓪᓕᐅᓐᓂᖅᓯᐅᕆᐊᖅᑐᖅᓗᓂ?” 57 ᑐᓂᕐᕈᓯᖅᑎᑦᓯᔩᓪᓕ ᐊᖓᔪᖅᑳᖏᑦ ᐹᕋᓰᓪᓗ ᐱᖁᔨᓚᐅᖅᐳᑦ ᓇᓪᓕᐊᑐᐃᓐᓇᖅ ᔩᓱᓯᒥᒃ ᓇᓃᒻᒪᖔᑦ ᖃᐅᔨᑐᐊᖅᐸᑦ, ᖃᐅᔨᑎᑦᓯᖁᓪᓗᒍ, ᑎᒍᓯᔪᒪᓪᓗᑎᒃ ᑖᑦᓱᒥᖓ.
ᔩᓱᓯᐅᑉ ᐅᖅᓱᖅᑎᖅᑕᐅᓂᖓ ᐱᑕᓂᒥ
1 ᐅᓪᓗᑦ ᐱᖓᓲᔪᖅᑐᑦ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᖅᕕᐅᑉ ᓯᕗᓂᖓᓂ, ᔩᓱᓯ ᐱᑕᓂᒧᐊᖅᐳᖅ, ᓛᓴᕉᓯᐅᑉ ᑐᖁᖓᔪᓂᑦ ᐆᒻᒪᖅᑎᓚᐅᖅᑕᖓᑕ ᓄᓇᖓᓄᑦ. 2 ᑕᕝᕙᓂᓗ ᐅᓐᓄᒍᒻᒥᑕᕐᖕᓂᐊᖅᑕᖓᓂᒃ ᓂᕿᒃᓴᓕᐅᖅᐹᑦ; ᒫᑕᓗ ᐃᑲᔪᖅᐳᖅ ᐋᖅᑭᒃᓱᐃᖃᑕᐅᓪᓗᓂ; ᓛᓴᕉᓯᓗ ᐃᒃᓯᕙᖃᑕᐅᕗᖅ ᓵᒥ ᓂᕆᕕᒋᓂᐊᖅᑕᖓᓐᓂ. 3 ᑕᕝᕙ ᒥᐊᕆ ᑎᐱᑦᓯᐊᕆᒃᓴᐅᒻᒥᒃ ᐊᑭᑐᔪᒥᒃ ᑎᒍᓯᕗᖅ ᐊᑕᐅᓯᕐᖕᒥᒃ ᐅᖁᒤᓐᓂᖃᖅᑐᒥᒃ, ᐱᕈᖅᑐᕕᓂᕐᖕᓂᑦ ᐱᓯᒪᔪᒥᒃ ᐃᓚᓯᒪᖏᑦᑐᒥᒃ, ᔩᓱᓯᐅᓪᓗ ᐃᑎᒐᖏᓐᓄᑦ ᑯᕕᓯᓪᓗᓂ ᓄᔭᕐᖕᒥᓄᑦ ᐊᓪᓚᖅᑎᖅᐰᑦ; ᑎᐱᑦᓯᐊᕆᒃᓴᐅᑎᐅᓪᓗ ᑎᐱᑦᓯᐊᕆᖕᓂᖓᓄᑦ ᐃᒡᓗᓕᒫᖅ ᑎᑉᐸᒃᐳᖅ. 4 ᔫᑕᓯᓕ ᐃᓯᑲᕆᐊᑦ, ᐃᓕᓐᓂᐊᖅᑎᖏᑕ ᐃᓚᖓᑦ, (ᔩᓱᓯᒥᒃ ᐱᔭᐅᑎᑦᓯᓛᖅᑐᖅ); ᐅᖃᖅᐳᖅ: 5 “ᓱᖕᒪᓄᓇ ᑎᐱᑦᓯᐊᕆᒃᓴᐅᑦ ᓂᐅᕐᕈᑎᒋᔭᐅᓐᖏᓚᖅ? ᑮᓇᐅᔭᓄᑦ ᓯᐅᓪᕕᕆᓄᑦ 300 -ᓄᑦ, ᑖᒃᑯᐊᓗ ᐊᒃᓗᔪᓄᑦ ᑐᓂᔭᐅᖔᖅᓗᑎᒃ?” 6 ᑕᒪᑐᒥᖓᓕ ᐅᖃᖅᐳᖅ, ᐊᒃᓗᔪᓂᒃ ᐃᒃᐱᒍᓱᖕᓂᕐᖕᒥᓅᖏᑦᑐᖅ ᑎᒡᓕᒃᑎᐅᒐᒥᓕ; ᑮᓇᐅᔭᖃᐅᑎᒥᒃ ᐃᒃᐱᐊᖅᔪᖕᒥᒃ ᐱᓯᒪᔨᐅᒐᒥ, ᑕᕝᕙᓐᖓᓪᓗ ᓇᖕᒥᓂᖅ ᐊᑐᕐᖕᓂᐊᖅᑕᒥᓂᒃ ᐃᓚᓐᖕᒊᕙᒃᑲᒥ, ᐃᓕᔭᐅᓯᒪᔪᓂᒃ ᑍᒤᓕᓚᐅᖅᐳᖅ. 7 ᔩᓱᓯᓕ ᐅᖃᖅᐳᖅ, “ᐅᓇ ᐊᕐᖕᓇᖅ ᑲᒪᒋᔭᐅᓇᓂ, ᐱᓯᒪᔭᕆᐊᖃᕐᖕᒪᒍ ᐅᓪᓗᒧᑦ ᐃᓗᕕᖅᑕᐅᓂᒃᓴᓐᓄᑦ. 8 ᐊᒃᓗᔪᓂᒃ ᓇᔪᖅᑎᖃᑦᓮᓐᓇᕐᖕᓂᐊᖅᐳᓯ ᑍᒪᓐᖓᑦ, ᐅᕙᖓᓕ ᓇᔪᖅᑎᒋᑦᓮᓐᓇᕐᖕᓂᐊᓐᖏᓚᑦᓯᓐᖓ.”
ᓛᓴᕉᓯᐅᑉ ᑐᖁᑕᒃᓴᐅᖁᔭᐅᓂᖓ
9 ᑕᕝᕙ ᔫᑎᑦ ᐅᓄᖅᑐᑦ ᖃᐅᔨᒪᓕᕋᒥᒃ ᔩᓱᓯᐅᑉ ᐱᑕᓂᒦᓐᓂᖓᓂᒃ, ᑕᕝᕗᓐᖓᖅᐳᑦ, ᔩᓱᓯᒥᑐᐊᖅ ᐱᑦᔪᑎᖃᕋᑎᒃ ᓛᓴᕉᓯᒥᒡᓕᑦᑕᐅᖅ ᑕᑯᔪᒪᓪᓗᑎᒃ, ᔩᓱᓯᐅᑉ ᑐᖁᖓᔪᓂᑦ ᒪᑭᑎᓚᐅᖅᑕᖓᓂᒃ. 10 ᑐᓂᕐᕈᓯᖅᑎᑦᓯᔩᓪᓗ ᐊᖓᔪᖅᑳᖏᑦ ᐃᓱᒪᖃᓕᖅᐳᑦ ᓛᓴᕉᓯ ᑐᖁᖃᓯᐅᑎᔪᒪᓪᓗᒍ, 11 ᓛᓴᕉᓯ ᐱᑦᔪᑎᒋᓪᓗᒍ ᔫᑎᑦ ᐅᓄᖅᑐᑦ ᑲᒪᓗᐊᕈᓐᓃᕐᖕᒪᑕ ᑐᓂᕐᕈᓯᖅᑎᑦᓯᔨᓂᒃ, ᐅᒃᐱᓕᖅᓗᑎᒡᓗ ᔩᓱᓯᒧᑦ.
ᔩᓱᓯᐅᑉ ᓂᖅᑐᖅᑕᐅᓂᖓ ᔪᕉᓴᓚᒧᑦ ᐃᑎᓕᖅᑎᓪᓗᒍ
12 ᖃᐅᑎᓪᓗᒍ ᐃᓄᒋᐊᒃᑐᖅᔪᐊᑦ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᕆᐊᖅᓯᒪᔪᑦ ᑐᓴᖅᐳᑦ ᔩᓱᓯᐅᑉ ᔪᕉᓴᓚᒧᐊᓕᕐᖕᓂᖓᓂᒃ. 13 ᑕᕝᕙ ᓇᐹᖅᑐᑦ ᐹᒦᑦ ᐊᕙᓚᖓᔪᖏᓐᓂᒃ ᓇᑲᑦᓯᓪᓗᑎᒃ ᐸᕐᕆᐊᓕᖅᐳᑦ, ᕾᒐᓛᖅᓗᑎᒡᓗ, “ᕼᐆᓵᓇ! ᓂᖅᑐᖅᑕᐅᓕ ᐊᑕᓂᐅᑉ ᐊᑎᖓᓂ ᑎᑭᑦᑐᖅ, ᐊᖓᔪᖅᑳᖅᔪᐊᖅ ᐄᓴᕅᓕᒥ!” 14 ᔩᓱᓯᓗ ᓯᐅᑎᖅᑯᖅᑐᔫᑉ ᓄᕐᕋᖓᓂᒃ ᑎᒍᓯᓪᓗᓂ ᖄᖓᓄᑦ ᐃᑭᕗᖅ; ᐊᒡᓚᖕᓂ ᑎᑎᕋᖅᓯᒪᖕᒪᑦ, 15 “ᓯᕘᕋᓂᐊᕋᓯ, ᓮᐅᓂᐅᑉ ᐸᓂᖏᑦ; ᑕᑯᒋᑦ, ᐊᖓᔪᖅᑳᖅᔪᐊᓯ ᑎᑭᓕᖅᐳᖅ, ᓯᐅᑎᖅᑯᖅᑐᔫᑉ ᓄᕐᕋᖓᑕ ᖄᖓᓂ ᐃᑭᒪᓪᓗᓂ!” 16 ᐃᓕᓐᓂᐊᖅᑎᖏᑕᓕ ᑕᒪᓐᓇ ᑐᑭᓯᓚᐅᓐᖏᓛᑦ ᐊᑐᖅᑎᓪᓗᒍ; ᔩᓱᓯᓕ ᓂᖅᑐᕐᖕᓇᕐᖕᓂᖅᔪᐊᕐᖕᒧᑦ ᒪᑭᓯᒪᓕᕐᖕᒪᑦ, ᐃᖅᑬᓚᐅᖅᐳᑦ ᐊᒡᓚᖕᓂ ᑎᑎᕋᖅᓯᒪᔪᖃᕐᖕᓂᖓᓂᒃ ᑖᑦᓱᒥᖓ ᖃᓄᖅᓗ ᐱᓂᐊᖅᕕᐅᔪᒫᕐᖕᓂᖓᓂᒃ. 17 ᐃᓄᒋᐊᒃᑐᖅᔪᐊᓪᓕ ᓛᓴᕉᓯᒥᒃ ᑐᖁᖓᔪᓂᑦ ᐆᒻᒪᖅᑎᑦᓯᑎᓪᓗᒍ ᓇᔫᑎᓚᐅᖅᑐᑦ ᐅᓂᒃᑳᖅᐸᓪᓕᐊᑐᐃᓐᓇᓚᐅᖅᐳᑦ. 18 ᑍᒤᒻᒪᑦ ᐃᓄᒋᐊᒃᑐᖅᔪᐊᑦ ᐸᕐᕆᐊᓚᐅᖅᐹᑦ ᑐᓴᖅᓯᒪᒐᒥᒃ ᑕᒪᑐᒥᖓ ᓇᓗᓁᒃᑯᑕᕐᖕᒥᒃ ᐱᓇᓱᐊᓚᐅᕐᖕᓂᖓᓂᒃ. 19 ᑕᕝᕙ ᐹᕋᓰᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᖅᐳᑦ, “ᑕᑯᒋᑦ ᖃᓄᐃᓕᐅᕐᖕᓂᕗᑦ ᐱᕙᓪᓖᓯᒪᖏᑦᓯᐊᖅᐳᖅ; ᑕᑯᒋᑦ, ᐃᓄᓕᒫᑦ ᒪᓕᓕᖅᐳᑦ ᔩᓱᓯᒥᒃ.”
ᒍᕇᑭᑦ ᐃᓚᖏᑕ ᕿᓂᕐᖕᓂᖓᑦ ᔩᓱᓯᒥᒃ
20 ᒍᕇᑭᓪᓕ ᐃᓚᖏᑦ ᐃᓚᒋᔭᐅᓚᐅᕆᕗᑦ ᓇᓪᓕᐅᓐᓂᖅᓯᐅᕆᐊᖅᑐᖅᑐᓄᑦ ᔪᕉᓴᓚᒧᑦ. 21 ᑖᒃᑯᐊᓗ ᐱᓕᑉᐴᓯᒧᐊᖅᐳᑦ, ᑖᓐᓇ ᐱᑦᓮᑕᒥᑦ ᒐᓕᓕᐊᒦᑦᑐᒥᑦ ᐱᓯᒪᖕᒪᑦ, ᐅᖃᐅᑎᓪᓗᒍᓗ, “ᔩᓱᓯᒥᒃ ᑕᑯᔪᒪᕗᒍᑦ.” 22 ᐱᓕᑉᐴᓯᐅᑉ ᐋᓐᑐᕉ ᐅᖃᐅᑎᔭᖅᑐᖅᐹ; ᑖᒃᑯᐊᒡᓗ ᒪᕐᕉᓪᓗᑎᒃ ᔩᓱᓯᒧᑦ ᐅᖃᕆᐊᖅᑐᖅᐴᒃ. 23 ᔩᓱᓯᐅᓪᓗ ᑭᐅᕚᒃ, “ᐃᓅᑉ ᐃᕐᖕᓂᖓᑕ ᓂᖅᑐᕐᖕᓇᖅᑎᑕᐅᕕᐊ ᓇᓪᓕᐅᑎᓯᒪᕗᖅ. 24 ᓱᓕᔪᒥᒃ ᐅᖃᐅᑎᕙᑦᓯᒃ: ᓂᐊᖂᔭᒃᓴᐅᑉ ᑲᓐᖓᖅᓲᑎᒃᓴᖅᑕᖓ ᑖᓐᓇᑑᒐᔭᖅᐳᖅ ᓄᓇᒧᐊᖅᑕᐅᓗᓂ ᑐᖁᖏᒃᑯᓂ, ᑐᖁᒍᓂᓕ, ᓂᐊᖂᔭᒃᓴᓂᒃ ᐅᓄᖅᑐᓂᒃ ᐱᕈᖅᑎᑦᓯᒐᔭᖅᐳᖅ. 25 ᐃᓅᓯᕐᖕᒥᓂᒃ ᐊᓐᓂᕈᓱᒃᑐᖅ ᐊᓯᐅᔨᔪᒫᖅᐳᖅ, ᐃᓅᓯᕐᖕᒥᓂᒡᓕ ᐊᓐᓂᕈᓱᖏᑦᑐᖅ ᐅᕙᓂ ᓯᓚᖅᔪᐊᕐᖕᒥ ᐃᓅᓯᕐᖕᒧᑦ ᓄᖑᓱᐃᑦᑐᒧᑦ ᐱᒌᓐᓇᕐᖕᓂᐊᖅᐹ. 26 ᓇᓪᓕᐊᑦ ᐅᕙᓐᓂᒃ ᐱᔨᑦᓯᖅᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᖕᓂᐊᖅᑐᖅ, ᐊᑖᑕᒪ ᓂᖅᑐᕐᖕᓇᖅᑎᑦᓱᒫᖅᐹ.”
ᔩᓱᓯᐅᑉ ᐅᖃᐅᓯᖃᕐᖕᓂᖓ ᑐᖁᑕᐅᓂᒃᓴᒥᓂᒃ
27 “ᒫᓐᓇᓕ ᑕᕐᖕᓂᒃᑯᑦ ᐅᖁᒤᒃᓴᖅᐳᖓ. ᖃᓄᖅᓕ ᐅᖃᖅᑐᒃᓴᐅᕗᖔ? ‘ᐊᑖᑖᒃ, ᑍᒫᒃ ᐱᓂᐊᖅᕕᐅᑎᑦᑍᓕᓐᖓ.’ ᑍᒤᓕᔪᓐᓇᓐᖏᓚᖓ, ᑕᒪᓐᓇᓕ ᐃᑲᕐᕋᖅ ᐱᑦᔪᑎᒋᓪᓗᒍ ᑎᑭᓯᒪᕗᖓ ᐊᑐᕆᐊᖅᑐᖅᓗᒍ. 28 ᐊᑖᑖᒃ, ᐊᑏᑦ ᓂᖅᑐᕐᖕᓇᖅᑎᓕᕈᒃ.” ᑕᕝᕙ ᓂᐱᒥᒃ ᕿᓚᖕᒥᑦ ᓂᓪᓕᖅᑐᖃᖅᐳᖅ, “ᓂᖅᑐᕐᖕᓇᖅᑎᓚᐅᖅᐸᕋ, ᓱᓕᓗ ᓂᖅᑐᕐᖕᓇᖅᑎᒃᑲᓐᓂᕐᖕᓂᐊᖅᐸᕋ.” 29 ᐃᓄᒋᐊᒃᑐᖅᔪᐊᓪᓗ ᑕᕝᕙᓂ ᓇᖏᖅᑐᑦ ᓂᐱᒥᒃ ᑐᓴᕋᒥᒃ ᐅᖃᖅᐳᑦ, “ᑲᓪᓕᓕᖅᐳᖅ.” ᐃᓚᖏᓪᓕ ᐅᖃᖅᐳᑦ, “ᐂᖏᓕᐅᑉ ᐅᖃᖃᑎᒋᕚ.” 30 ᔩᓱᓯᐅᑉ ᑭᐅᕔᑦ, “ᓂᐱ ᑐᓴᖅᑕᓯ ᑐᓴᖅᓴᕈᖅᐳᖅ ᐃᓕᑦᓯ ᐱᑦᔪᑎᒋᓪᓗᓯ, ᐅᕙᖓ ᐱᑦᔪᑎᒋᓇᖓ. 31 ᒫᓐᓇ ᓯᓚᖅᔪᐊᕐᖕᒥᐅᑦ ᐃᖅᑲᖅᑐᖅᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᖅᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᖅᐳᖅ; 32 ᐅᕙᖓᓗ, ᖃᖓᑦᑕᖅᑎᑕᐅᓂᐊᕈᒪ ᓄᓇᒥᑦ, ᐃᓄᓕᒫᑦ ᐅᕙᓐᓄᑦ ᓄᓱᖕᓂᐊᖅᐸᒃᑲ.” 33 ᑕᒪᑐᒥᖓ ᐅᖃᖅᐳᖅ ᑐᑭᓯᑎᑦᓯᓪᓗᓂ ᑐᖁᑕᐅᓂᕐᖕᒧᑦ ᖃᓄᐃᑦᑐᒧᑦ ᑐᖁᑕᐅᓂᐊᕐᖕᒪᖔᕐᖕᒥ. 34 ᐃᓄᒋᐊᒃᑐᖅᔪᐊᑦ ᑭᐅᕚᑦ, “ᐱᖁᔭᑦᑎᓐᓂᑦ ᑐᓴᖅᓯᒪᕗᒍᑦ ᙭ᔅᑑᓯᒎᖅ ᐃᓱᖃᖏᑦᑐᒧᑦ ᐃᓅᔪᒫᕐᖕᒪᑦ. ᖃᓄᐃᒻᒪᓪᓕ ᐅᖃᖅᐱᑦ ᐃᓅᑉ ᐃᕐᖕᓂᖓ ᖃᖓᑦᑕᖅᑎᑕᐅᔭᕆᐊᖃᖅᐳᖅ? ᑭᓁᓐᓇ ᐃᓅᑉ ᐃᕐᖕᓂᕆᕚ?” 35 ᔩᓱᓯᐅᑉ ᐅᖃᐅᑎᕔᑦ, “ᖃᐅᒪᔫᑉ ᓱᓕ ᓯᕕᑭᑦᑐᒥᒃ ᓇᔪᕐᖕᓂᐊᖅᐹᓯ. ᑲᔪᓯᑦᓯᐊᕆᑦᓯ ᐱᓇᓱᐊᖅᑕᑦᓯᓐᓂᒃ ᓇᔪᖅᑎᖃᕐᖕᓂᑦᓯᓐᓂ ᖃᐅᒪᔪᒥᒃ, ᑖᖅᑐᖅᔪᐊᕐᖕᒧᑦ ᑎᑭᑕᐅᖁᓇᓯ; ᑖᖅᑐᒥ ᐱᓇᓱᐊᖅᑐᖅ ᖃᐅᔨᒪᖏᒻᒪᑦ ᓇᒧᓐᖓᐅᖕᒪᖔᕐᖕᒥ. 36 aᖃᐅᒪᔪᒥᒃ ᓇᔪᖅᑎᖃᕐᖕᓂᑦᓯᓐᓂ, ᖃᐅᒪᔪᖅ ᐅᒃᐱᕆᓯᐅᒃ, ᕿᑐᕐᖓᐅᓕᖁᓪᓗᓯ ᖃᐅᒪᔪᒧᑦ.”
ᔫᑎᑦ ᐅᒃᐱᓕᕈᓐᓇᖏᓐᓂᖏᑦ
36 bᔩᓱᓯᓕ ᑕᒪᒃᑯᓂᖓ ᐅᖃᕇᕋᒥ, ᑖᒃᑯᓇᓐᖓᑦ ᕿᒪᕉᑎᕗᖅ ᐃᔨᖅᓗᓂᓗ. 37 ᔩᓱᓯᓕ ᓇᓗᓁᒃᑯᑕᕐᖕᓂᒃ ᐅᓄᖅᑐᓂᒃ ᐱᓇᓱᐊᖃᑦᑕᕋᓗᐊᕐᖕᒪᑦ ᑖᒃᑯᓇᓂ, ᔩᓱᓯᒧᑦ ᐅᒃᐱᓕᓚᐅᓐᖏᓚᑦ; 38 ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᑕ ᐂᓮᐊᓯᐅᑉ ᐅᖃᐅᓯᖏᑦ ᓇᓚᐅᑦᓯᖁᓪᓗᒋᑦ ᐅᖃᖅᓯᒪᔪᑦ: “ᐊᑕᓃᖅ, ᑭᐊ ᐅᓂᒃᑳᕆᔭᕗᑦ ᐅᒃᐱᕆᕔᑦ? ᑭᓇᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᖕᓂᓂ ᓴᖅᑭᑎᑉᐸᐅᒃ?” 39 ᑍᒤᒻᒪᑦ ᐅᒃᐱᓕᕈᓐᓇᓐᖏᓚᑦ. ᐊᒻᒪ ᐂᓮᐊᓯ ᐅᖃᖅᓯᒪᖕᒥᖕᒪᑦ, 40 “ᒎᑎᐅᑉ ᐃᔨᖏᑦ ᑕᒃᐲᑎᓚᐅᖅᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ, ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ,
ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”
41 ᐂᓮᐊᓯ ᑍᒫᒃ ᐅᖃᓚᐅᖅᐳᖅ ᔩᓱᓯᐅᑉ ᓂᖅᑐᕐᖕᓇᕐᖕᓂᖓ ᑕᑯᓚᐅᕋᒥᐅᒃ ᐅᖃᐅᑎᒋᒐᒥᐅᒡᓗ. 42 ᓱᓕᓕ ᔫᑎᑦ ᐊᖓᔪᖅᑳᖏᑦ ᐅᓄᖅᑐᑦ ᔩᓱᓯ ᐅᒃᐱᕆᒐᓗᐊᖅᐹᑦ, ᐹᕋᓰᓪᓕ ᐱᓪᓗᒋᑦ ᓴᖅᑭᔮᖅᑐᒥᒃ ᐅᖃᐅᓯᖃᓐᖏᓚᑦ, ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑕᐅᔪᒪᓇᑎᒃ: 43 ᐃᓄᖕᓄᑦ ᓈᒻᒪᒋᔭᐅᓂᖅ ᐱᔪᒪᓂᖅᓴᕆᒐᒥᑦᔪᒃ ᒎᑎᒧᑦ ᓈᒻᒪᒋᔭᐅᓂᕐᖕᒥᑦ.
ᔩᓱᓯᐅᑉ ᐅᖃᐅᓯᖏᓐᓄᑦ ᐃᖅᑲᖅᑐᖅᑕᐅᓂᖅ
44 ᔩᓱᓯᓗ ᓂᐱᖅᑯᖅᑐᓪᓗᓂ ᐅᖃᖅᐳᖅ, “ᐅᕙᓐᓄᑦ ᐅᒃᐱᖅᑐᖅ, ᐅᕙᓐᓄᐃᓐᓇᖅ ᐅᒃᐱᓐᖏᓚᖅ ᑖᑦᓱᒧᖓᓕ ᐅᕙᓐᓂᒃ ᑎᓕᓯᔪᒧᑦ. 45 ᐅᕙᓐᓂᒡᓗ ᑕᐅᑐᒃᑑᑉ ᐅᕙᓐᓂᒃ ᑎᓕᓯᔪᖅ ᑕᐅᑐᒃᑭᕚ. 46 ᖃᐅᒪᔫᓪᓗᖓ ᓯᓚᖅᔪᐊᕐᖕᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᖅᑐᖅ ᑖᖅᑐᒦᖏᓐᓇᖁᓇᒍ. 47 ᐅᖃᐅᓯᓐᓂᒃ ᑐᓴᖅᑐᖅ ᒪᓕᒐᓂᓗ, ᐃᖅᑲᖅᑐᕐᖕᓂᐊᓐᖏᓚᕋ; ᑎᑭᓚᐅᖏᓐᓇᒪ ᓯᓚᖅᔪᐊᕐᖕᒥᐅᑦ ᐃᖅᑲᖅᑐᕆᐊᖅᑐᖅᓗᒋᑦ, ᓯᓚᖅᔪᐊᕐᖕᒥᐅᓪᓕ ᐱᐅᓕᔭᖅᑐᖅᓗᒋᑦ. 48 ᐅᕙᓐᓂᒃ ᓇᕐᕈᔪᖅ ᐃᓚᓕᐅᖅᓯᓇᓂᓗ ᐅᖃᐅᓯᓐᓂᒃ ᓇᔪᖅᑎᖃᓕᖅᐳᖅ ᐃᖅᑲᖅᑐᖅᑕᐅᑦᔪᑎᒃᓴᒥᓂᒃ; ᐅᖃᐅᓯᕐᖕᓄᑦ ᐅᖃᐅᓯᕆᓚᐅᖅᑕᓐᓄᑦ ᐃᖅᑲᖅᑐᖅᑕᐅᔪᒫᖅᐳᖅ ᐅᓪᓗᐃᑦ ᓇᒡᒐᑖᓂ. 49 ᐅᕙᓐᓂᒃ ᐱᔪᓐᓇᕐᖕᓂᖃᖅᓗᖓ ᐅᖃᓚᐅᖏᓐᓇᒪ; ᐊᑖᑕᐅᓪᓕ ᑎᓕᔨᒪ ᐱᖁᔭᒥᓂᒃ ᑐᓂᓯᕕᒋᓚᐅᖅᐹᖓ ᐅᖃᐅᓯᕆᔭᒃᓴᓐᓂᒃ, ᖃᓄᖅᓗ ᐅᖃᖅᑐᒃᓴᐅᖕᒪᖔᕐᖕᒪ. 50 ᖃᐅᔨᒪᕗᖓᓗ ᑖᑦᓱᒪ ᐱᖁᔨᓂᖓ ᐃᓅᓯᖅᑖᕐᖕᓇᕐᖕᒪᑦ ᓄᖑᓱᐃᑦᑐᒥᒃ. ᑍᒤᒻᒪᑦ ᐅᖃᐅᓯᕆᔭᒃᑲ, ᐅᖃᐅᓯᕆᕙᒃᑲ ᐊᑖᑕᐅᑉ ᑍᒫᒃ ᐅᖃᖁᓚᐅᕐᖕᒪᖓ.”
ᔩᓱᓯᐅᑉ ᐃᓕᓐᓂᐊᖅᑎᒥ ᐃᑎᒐᖏᓐᓂᒃ ᐅᐊᓴᕐᖕᓂᖓ
1 ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᖅᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᖅᕕᒃᓴᖓ ᓯᓚᖅᔪᐊᕐᖕᒥᑦ ᓇᓪᓕᐅᑎᓕᕐᖕᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᖅᔪᐊᕐᖕᒦᑦᑐᑦ, ᐃᓱᐊᓄᓪᓗ ᑎᑭᓪᓗᓂ ᓇᒡᓕᒋᕔᑦ. 2 ᐅᓐᓄᒍᒻᒥᑕᖃᑎᒌᒃᑎᓪᓗᒋᑦ, ᓵᑖᓇᓯ ᐃᓱᒪᑖᖅᑎᑦᓯᓯᒪᓕᕇᕐᖕᒪᑦ ᔫᑕᓯ ᐃᓯᑲᕆᐊᑎᒥᒃ, ᓮᒨᓂᐅᑉ ᐃᕐᖕᓂᖓᓂᒃ, ᔩᓱᓯᒥᒃ ᐱᔭᐅᒃᑬᖁᓪᓗᒍ, 3 ᔩᓱᓯ, ᖃᐅᔨᒪᒐᒥ ᐊᑖᑕᐅᑉ ᓱᓇᓕᒫᓂᒃ ᑐᓂᓯᕕᒋᖕᒪᒍ, ᒎᑎᒥᓪᓗ ᐱᓚᐅᕋᒥ ᒎᑎᒧᓪᓗ ᐂᓂᐊᕋᒥ. 4 ᓂᕆᕕᖕᒥᖕᓂᑦ ᓂᑯᕕᑉᐳᖅ, ᐊᓐᓄᕌᓂ ᓯᓚᓪᓖᑦ ᐲᖅᐰᑦ, ᐊᓪᓚᕈᒻᒥᒡᓗ ᕿᑎᕐᖕᒥᓄᑦ ᕿᓚᒃᓯᓪᓗᓂ. 5 ᐅᐊᓴᖅᕕᖕᒧᑦ ᐃᒥᕐᖕᒥᒃ ᑯᕕᓯᕗᖅ, ᐃᓕᓐᓂᐊᖅᑏᓪᓗ ᐃᑎᒐᖏᓐᓂᒃ ᐅᐊᓴᓕᖅᐳᖅ, ᐊᓪᓚᕈᒻᒧᓪᓗ ᕿᑎᕐᖕᒥᐅᑕᕆᔭᒥᓄᑦ ᐊᓪᓚᖅᑎᖅᓗᒋᑦ. 6 ᑕᕝᕙ ᓮᒨᓂ ᐲᑦᑐᕉᓯᒧᑦ ᑎᑭᐅᑎᕗᖅ; ᐲᑦᑐᕉᓯᐅᓪᓗ ᐅᖃᐅᑎᕚ: “ᐊᑕᓃᖅ ᐃᑎᒐᒃᑲ ᐅᐊᓴᕐᖕᓂᐊᖅᐱᒌᑦ?” 7 ᔩᓱᓯᐅᑉ ᑭᐅᕚ, “ᒫᓐᓇ ᑐᑭᓯᖏᒃᑲᓗᐊᖅᐳᑎᑦ ᓱᖕᒪᑦ ᑍᒤᓕᐅᕐᖕᒪᖔᕐᖕᒪ, ᑭᖑᕐᖓᒍᓪᓕ ᑐᑭᓯᔪᒫᖅᐸᑦ.” 8 ᐲᑦᑐᕉᓯᐅᑉ ᐅᖃᐅᑎᕚ, “ᐃᑎᒐᓐᓂᒃ ᐅᐊᓴᓚᐅᖅᓯᒪᓂᐊᓐᖏᓚᑎᑦ.” ᔩᓱᓯᐅᑉ ᑭᐅᕚ, “ᐃᑎᒐᑎᑦ ᐅᐊᓴᕐᖕᓂᐊᓐᖏᒍᒃᑭᑦ, ᐃᓚᒋᔪᓐᓃᕐᖕᓂᐊᖅᐸᕐᖕᒪ.” 9 ᑕᕝᕙ ᓮᒨᓂ ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ, ᐃᑎᒐᒃᑲᓕ ᑖᒃᑯᑑᖏᑦᑐᑦ ᐊᒡᒐᒃᑲᓕ ᓂᐊᖁᕋᓗ ᐅᐊᓴᖃᓯᐅᑎᓕᒃᑭᑦ!” 10 ᔩᓱᓯᐅᑉ ᐅᖃᐅᑎᕚ, “ᓇᓪᓕᐊᑦ ᑎᒥᒥᓂᒃ ᐃᓘᓐᓈᓐᓂᒃ ᐅᐊᓴᖅᓯᒪᔪᖅ ᓴᓗᒪᒻᒪᕆᒃᐳᖅ ᐅᐊᓴᒃᑲᓐᓂᕆᐊᖃᕋᓂᓗ, ᐃᑎᒐᖏᑐᐊᖅ ᐅᐊᓴᕆᐊᓕᑑᕗᑦ, ᓴᓗᒪᕗᓯ ᐃᓚᓯᓕ ᓴᓗᒤᑦᑑᕗᖅ.” 11 ᔩᓱᓯ ᖃᐅᔨᒪᓚᐅᕐᖕᒪᑦ ᓇᓪᓕᐊᑦᑕ ᐱᔭᐅᑎᓐᓂᐊᕐᖕᒪᖔᒍ; ᑍᒤᒻᒪᑦ ᐅᖃᖅᐳᖅ, “ᐃᓚᓯᓕ ᓴᓗᒤᑦᑑᕗᖅ.” 12 ᐃᑎᒐᖏᓪᓕ ᐅᐊᓴᕇᕋᒥᒋᑦ, ᐊᓐᓄᕌᓂ ᓯᓚᓪᓖᑦ ᐊᑎᒋᕔᑦ, ᐅᑎᖅᓗᓂᓗ ᐃᓂᒋᔭᒥᓄᑦ, ᐅᖃᐅᑎᓪᓗᒋᓪᓗ, “ᑐᑭᓯᕕᓰ? ᖃᓄᐃᓕᐅᕐᖕᒪᖔᕐᖕᒪ ᐃᓕᑦᓯᓐᓄᑦ? 13 ᐊᔪᕆᖅᑐᐃᔨᒥᒃ ᐊᑕᓂᕐᖕᒥᒡᓗ ᑍᕙᑦᓯᓐᖓ; ᓇᓛᒍᓪᓗ ᐅᖃᖅᐳᓯ, ᑖᓐᓇᐅᒐᒪ. 14 ᐅᕙᖓ ᑕᕝᕙ ᐊᑕᓂᓯ ᐊᔪᕆᖅᑐᐃᔨᓯᓗ, ᐃᑎᒐᑦᓯᓐᓂᒃ ᐅᐊᓴᖅᐳᖓ, ᐃᓕᑦᓯᑦᑕᐅᖅ ᐃᑎᒐᑦᓯᓐᓂᒃ ᐅᐊᓴᖃᑦᑕᐅᑎᔪᒃᓴᐅᒋᕗᓯ. 15 ᒪᓕᒐᒃᓴᑦᓯᓐᓂᒃ ᐱᓇᓱᐊᖅᕕᒋᕙᑦᓯ, ᑍᒤᓕᐅᖁᓪᓗᓯ ᓲᖅᓗ ᐱᓇᓱᐊᖅᕕᒋᒐᑦᓯ. 16 ᓱᓕᔪᒥᒃ ᐅᖃᐅᑎᕙᑦᓯ, ᐱᔨ ᐊᖏᓂᖅᓴᐅᓐᖏᓚᖅ ᐊᖓᔪᖅᑳᒥᓂᑦ; ᑎᓕᔭᐅᓯᒪᔪᖅᓗ ᐊᖏᓂᖅᓴᐅᖏᓐᓂᕗᖅ ᑎᓕᔨᒥᓂᑦ. 17 ᑕᒪᓐᓇ ᖃᐅᔨᒐᑦᓯᐅᒃ, ᖁᕕᐊᓱᒍᑎᒃᓴᖃᓕᕋᔭᖅᐳᓯ ᐊᑐᓕᕈᑦᓯᐅᒃ. 18 ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᖅᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᖕᒪᑕ ᐅᖃᖅᑐᑦ: ‘ᓂᕆᖃᑎᒋᔭᒪ ᐊᑭᕋᖅᑐᓕᖅᐹᖓ.’ 19 ᒫᓐᓇ ᑕᒪᑐᒥᖓ ᐅᖃᐅᑎᕙᑦᓯ, ᓱᓕ ᐱᔪᖃᓚᐅᖅᑎᓐᓇᒍ, ᑕᒪᓐᓇ ᐊᑐᓕᖅᐸᑦ ᐅᕙᓐᓄᑦ ᐅᒃᐱᓕᖁᓪᓗᓯ, ‘ᐅᕙᖓᐅᒐᒪ ᐊᓯᖃᖏᑦᑐᖅ.’ 20 ᓱᓕᔪᒥᒃ ᐅᖃᐅᑎᕙᑦᓯ, ᑎᓕᔭᓐᓂᒃ ᐃᓚᓕᐅᖅᓯᔪᖅ ᑖᓐᓇ ᐅᕙᓐᓂᒃ ᐃᓚᓕᐅᖅᓯᒋᕗᖅ; ᐅᕙᓐᓂᒡᓕ ᐃᓚᓕᐅᖅᓯᔪᖅ ᑎᓕᔨᓐᓂᒃ ᐃᓚᓕᐅᖅᓯᒋᕗᖅ.”
ᔩᓱᓯᐅᑉ ᓇᓗᓁᖅᓯᓂᖓ ᐱᔭᐅᒃᑲᖅᑕᐅᓂᐊᕐᖕᓂᕐᖕᒥᓂᒃ
21 ᔩᓱᓯᓕ ᑕᒪᒃᑯᓂᖓ ᐅᖃᕇᕋᒥ, ᐊᓂᕐᖕᓂᒃᑯᑦ ᕿᒃᓵᖕᓂᕐᖕᒧᑦ ᐊᖏᔪᒧᑦ ᑎᑭᑕᐅᕗᖅ, ᓇᓗᓁᖅᓯᓕᖅᐳᖅᓗ, “ᓱᓕᔪᒥᒃ ᐅᖃᐅᑎᕙᑦᓯ, ᐃᓚᑦᓯ ᐃᓚᖓᑦᑕ ᐱᔭᐅᑎᓐᓂᐊᖅᐹᖓ.” 22 ᐃᓕᓐᓂᐊᖅᑏᓪᓗ ᐃᒻᒥᖕᓄᑦ ᑕᑯᓴᖃᑦᑕᐅᑎᕗᑦ, ᓇᓗᓪᓗᑎᒃ ᓇᓪᓕᐊᓐᓂᒃ ᐅᖃᐅᓯᖃᕐᖕᒪᖔᑦ. 23 ᐃᓕᓐᓂᐊᖅᑎᖏᑕᓕ ᐃᓚᖓᑦ, ᔩᓱᓯᐅᑉ ᓇᒡᓕᒋᔭᖓ, ᐃᒃᓯᕙᕗᖅ ᔩᓱᓯᐅᑉ ᑭᒡᓕᖓᓂ; 24 ᓮᒨᓂ ᐲᑦᑐᕉᓯᐅᑉ ᐃᔨᒻᒥᒃᓗᓂᐅᒃ ᐅᖃᐅᑎᕚ, “ᐊᐱᕆᓚᐅᕈᒃ ᓇᓪᓕᐊᓐᓂᒃ ᐅᖃᐅᓯᖃᕐᖕᒪᖔᑦ.” 25 ᑖᑦᓱᒪ ᐃᓕᓐᓂᐊᖅᑎᐅᑉ ᔩᓱᓯ ᐄᒐᖅᕕᒋᓪᓗᓂᐅᒃ ᐅᖃᐅᑎᕚ, “ᐊᑕᓃᖅ? ᑭᓇᐅᕙ.” 26 ᔩᓱᓯᐅᑉ ᑭᐅᕚ, “ᓂᐊᖂᔭᒥᒃ ᒥᓱᒃᓯᐅᑎᓗᒍ ᑐᓂᓯᕕᒋᔭᕋ ᑖᓐᓇᐅᓂᐊᖅᐳᖅ.” ᑕᕝᕙ ᔩᓱᓯ ᓂᐊᖂᔭᒥᒃ ᐊᕕᒃᓯᓪᓗᓂ ᒥᓱᒃᐹ, ᑐᓂᓪᓗᒍᓗ ᔫᑕᓯᒧᑦ, ᓮᒨᓂᐅᑉ ᐃᓯᑲᕆᐊᑎᐅᑉ ᐃᕐᖕᓂᖓᓄᑦ. 27 ᔫᑕᓯᐅᓪᓗ ᓂᐊᖂᔭᖅ ᑎᒍᖕᒪᒍ, ᓵᑖᓇᓯᐅᑉ ᐃᑎᖅᕕᒋᕚ. ᔩᓱᓯᐅᓪᓗ ᐅᖃᐅᑎᕚ, “ᑐᐊᕕᖅᓗᑎᑦ ᐱᔭᕆᐊᖃᖅᑍᑦ, ᐱᓇᓱᐊᓕᕈᒃ.” 28 ᓂᕆᕕᖕᒦᖃᑎᒋᔭᖏᓪᓕ ᑐᑭᓯᔪᖃᓐᖏᓚᑦ ᓱᖕᒪᑦ ᔩᓱᓯᐅᑉ ᑍᒫᒃ ᐅᖃᐅᑎᖕᒪᖔᒍ. 29 ᔫᑕᓯ ᑲᒪᔨᒋᔭᐅᖕᒪᑦ ᑮᓇᐅᔭᖃᐅᑎᖓᓐᓂᒃ ᐃᒃᐱᐊᖅᔪᖕᒥᒃ; ᐃᓕᓐᓂᐊᖅᑏᑦ ᐃᓚᖏᑦ ᐃᓱᒪᕗᑦ ᔩᓱᓯ ᓂᐅᕕᕆᐊᖁᔨᓇᓱᒋᓪᓗᒍ ᐊᑐᕆᐊᖃᖅᑕᖏᓐᓂᒃ ᓇᓪᓕᐅᓐᓂᖅᓯᐅᓕᕈᑎᒃ; ᐅᕝᕙᓘᓐᓃᑦ ᑐᓂᓯᔭᖅᑐᖁᔭᐅᓇᓱᒋᕚᑦ ᐊᒃᓗᔪᓄᑦ. 30 ᔫᑕᓯᐅᓪᓗ ᓂᐊᖂᔭᖅ ᐄᒐᒥᐅᒃ ᑕᕝᕔᓐᓇᖅ ᐊᓂᕗᖅ; ᐅᓐᓄᐊᖑᕗᖅᓗ.
ᐱᖁᔭᖅ ᓄᑖᖅ
31 ᔫᑕᓯᓕ ᐊᓂᖕᒪᑦ, ᔩᓱᓯ ᐅᖃᖅᐳᖅ, “ᒫᓐᓇ ᐃᓅᑉ ᐃᕐᖕᓂᖓ ᓂᖅᑐᕐᖕᓇᖅᑎᑕᐅᕗᖅ, ᒎᑎᓗ ᑖᑦᓱᒨᓇ ᓂᖅᑐᕐᖕᓇᖅᑎᑕᐅᕗᖅ; 32 ᒎᑎ ᓂᖅᑐᕐᖕᓇᖅᑎᑕᐅᒃᐸᑦ ᑖᑦᓱᒨᓇ, ᑕᕝᕙ ᐃᓅᑉ ᐃᕐᖕᓂᖓ ᒎᑎᐅᑉ ᓂᖅᑐᕐᖕᓇᖅᑎᓐᓂᐊᕆᕚ ᐃᒻᒥᒍᑦ, ᓂᖅᑐᕐᖕᓇᖅᑎᑦᓴᐅᑎᒋᓂᐊᖅᐹᓗ. 33 ᕿᑐᕐᖓᒃᑲ, ᐊᑯᓂᐅᖏᑦᑐᖅ ᓇᔪᓕᖅᐸᑦᓯ. ᕿᓂᕈᒫᖅᐸᑦᓯᓐᖓ; ᓲᖅᓗ ᔫᑎᓄᑦ ᐅᖃᓚᐅᕋᒪ, ᑍᒫᒃᑕᐅᖅ ᐃᓕᑦᓯᓐᓄᑦ ᒫᓐᓇ ᐅᖃᖅᐳᖓ, ‘ᐅᐸᖕᓂᐊᖅᑕᓐᓄᑦ ᐂᔪᓐᓇᖏᓐᓇᑦᓯ.’ 34 ᐱᖁᔭᒥᒃ ᓄᑖᒥᒃ ᑐᓂᓯᕕᒋᕙᑦᓯ, ᓇᒡᓕᒃᑎᒌᖁᓪᓗᓯ; ᓲᖅᓗ ᓇᒡᓕᒋᓚᐅᕋᑦᓯ, ᑍᒫᒃᑕᐅᖅ ᐃᓕᑦᓯᓐᓄᑦ ᓇᒡᓕᒃᑎᒌᒃᑐᒃᓴᐅᒋᕗᓯ. 35 ᐃᓕᑦᓯᓐᓄᑦ ᓇᒡᓕᒃᑎᒌᒍᑦᓯ, ᑕᒪᑐᒨᓇ ᐃᓄᓕᒫᑦ ᑐᑭᓯᔪᒫᖅᐳᑦ ᐅᕙᓐᓄᑦ ᐃᓕᓐᓂᐊᖅᑎᐅᓂᑦᓯᓐᓂᒃ.”
ᔩᓱᓯᐅᑉ ᓇᓗᓁᖅᓯᓂᖓ ᐲᑦᑐᕉᓯᐅᑉ ᖃᐅᔨᒪᖏᓐᓂᕋᕐᖕᓂᐊᕐᖕᓂᖓᓂᒃ
36 ᑕᕝᕙ ᓮᒨᓂ ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ ᓇᒧᓐᖓᕐᖕᓂᐊᖅᐲᑦ?” ᔩᓱᓯᐅᑉ ᑭᐅᕚ, “ᐅᐸᖕᓂᐊᖅᑕᓐᓄᑦ ᒫᓐᓇ ᒪᓕᒍᓐᓇᓐᖏᓚᕐᖕᒪ; ᑭᖑᕐᖓᒍᓪᓕ ᒪᓕᒍᒫᖅᐸᕐᖕᒪ.” 37 ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ? ᓱᖕᒪᑦ ᒫᓐᓇ ᒪᓕᒍᓐᓇᓐᖏᓚᒌᑦ? ᐃᓕᖕᓂᒃ ᑐᖁᑕᐅᑦᔪᑎᖃᕋᓗᐊᕈᒪ ᖃᓄᐃᒃᓴᓐᖏᓚᖓ.” 38 ᔩᓱᓯᐅᑉ ᑭᐅᕚ, “ᑐᖁᑕᐅᓂᕐᖕᒧᑦ ᐊᑐᐃᓐᓇᐅᓕᖅᐲᑦ ᐱᑦᔪᑎᒋᓗᖓ? ᓱᓕᔪᒥᒃ ᐅᖃᐅᑎᕙᒋᑦ, ᐊᖑᑎᕕᐊᖅ ᓂᓪᓕᖅᑳᖅᑎᓐᓇᒍ, ᐱᖓᓱᐃᖅᑐᖅᓗᑎᑦ ᐅᕙᓐᓂᒃ ᖃᐅᔨᒪᖏᓐᓂᕋᕐᖕᓂᐊᖅᐳᑎᑦ.”
ᔩᓱᓯᐅᑉ ᐊᖅᑯᑕᐅᓂᖓ ᐊᑖᑕᒧᑦ
1 “ᐆᒻᒪᑎᓯ ᕿᒃᓵᖕᓂᐊᕋᑎᒃ; ᒎᑎ ᐅᒃᐱᕆᓯᐅᒃ, ᐅᕙᖓᓗ ᐅᒃᐱᕆᖕᒥᓗᖓ. 2 ᐊᑖᑕᒪ ᐃᒡᓗᖓᓂ ᐃᓂᒃᓴᖃᖅᐳᖅ ᐅᓄᖅᑐᓂᒃ; ᐂᓂᐊᖅᐳᖓᓗ ᐃᓂᒃᓴᓕᐅᕆᐊᖅᑐᖅᓗᓯ, ᑍᒤᖏᑉᐸ ᑕᒪᑐᒥᖓ ᐅᖃᐅᑎᒐᔭᓐᖏᓚᑦᓯ. 3 ᐂᓂᐊᕈᒪᓕ ᐃᓂᒃᓴᓕᐅᕆᐊᖅᑐᖅᓗᓯ, ᐅᑎᕈᒫᕆᕗᖓ ᐂᓗᓯᓗ ᐅᕙᓐᓃᖁᓪᓗᓯ, ᓇᔪᒐᓐᓂ. 4 ᐊᖅᑯᑦ ᖃᐅᔨᒪᕙᓯ ᐂᕕᒋᓂᐊᖅᑕᓐᓄᑦ ᑐᕌᖓᔪᖅ.” 5 ᑑᒪᓯᐅᑉ ᐅᖃᐅᑎᕚ, “ᐊᑕᓃᖅ ᖃᐅᔨᒪᓐᖏᓚᒍᑦ ᓇᒧᑦ ᐂᓂᐊᕐᖕᒪᖔᖅᐱᑦ; ᖃᓄᖅᓕ ᐊᖅᑯᒻᒥᒃ ᖃᐅᔨᒪᔪᓐᓇᖅᐱᑖ?” 6 ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᖅᑐᖃᕈᓐᓇᓐᖏᓚᖅ, ᐅᕙᒃᑰᖅᓗᓂ ᑭᓯᐊᓂ. 7 ᖃᐅᔨᒪᒍᑦᓯᓐᖓ, ᐊᑖᑕᒐ ᖃᐅᔨᒪᒐᔭᕆᕙᓯ; ᒫᓐᓇᓕ ᖃᐅᔨᒪᓕᖅᐸᓯ ᑕᑯᓯᒪᕙᓯᓗ.” 8 ᐱᓕᑉᐴᓯᐅᑉ ᐅᖃᐅᑎᕚ, “ᐊᑕᓃᖅ, ᐊᑖᑕ ᑕᑯᔭᐅᑎᒍᒃ ᐅᕙᑦᑎᓐᓄᑦ; ᓈᒻᒪᒃᓯᓂᐊᖅᐳᒍᑦ ᑕᕝᕙ.” 9 ᔩᓱᓯᐅᑉ ᐅᖃᐅᑎᕚ, “ᐊᑯᓂᐊᓗᒃ ᓇᔪᓕᖅᐸᑦᓯ, ᓱᓖ? ᖃᐅᔨᒪᓐᖏᓚᕐᖕᒪ ᐱᓕᑉᐴᓯ? ᐅᕙᓐᓂᒃ ᑕᑯᓯᒪᔫᑉ ᐊᑖᑕ ᑕᑯᓯᒪᒋᕚ; ᓱᖕᒪᓪᓖ? ᐅᖃᖅᐱᑦ, ‘ᐊᑖᑕ ᑕᑯᔭᐅᑎᒍᒃ ᐅᕙᑦᑎᓐᓄᑦ’? 10 ᐅᒃᐱᕈᓱᓐᖏᓚᑏᑦ? ᐊᑖᑕᒦᓐᓇᒪ, ᐊᑖᑕᓗ ᐅᕙᓐᓃᒻᒪᑦ, ᐅᖃᐅᓰᑦ ᐅᖃᐅᓯᕆᔭᒃᑲ ᐃᓕᑦᓯᓐᓄᑦ ᐅᕙᓐᓂᑦ ᓇᖕᒥᓂᓐᓂᑦ ᐱᓯᒪᓐᖏᓚᑦ; ᐊᑖᑕᐅᓪᓕ ᐅᕙᓐᓃᑦᑑᑉ ᐱᓂᐊᕐᖕᓃᑦ ᐱᓂᐊᕐᖕᓂᕆᕔᑦ. 11 ᐅᒃᐱᕆᓯᓐᖓ ᐊᑖᑕᓐᓃᓐᓇᒪ, ᐊᑖᑕᓗ ᐅᕙᓐᓃᒻᒪᑦ; ᐊᔪᕈᑦᓯᓕ, ᐱᓂᐊᕐᖕᓂᕆᔭᒃᑲ ᐱᓪᓗᒋᑦ ᐅᒃᐱᕆᓯᓐᖓ. 12 ᓱᓕᔪᒥᒃ ᐅᖃᐅᑎᕙᑦᓯ, ᐅᕙᓐᓄᑦ ᐅᒃᐱᖅᑑᑉ ᐱᓂᐊᕐᖕᓃᑦ ᐱᓂᐊᕐᖕᓂᕆᔭᒃᑲ ᐱᓂᐊᕈᑎᒋᓂᐊᕆᕔᑦ; ᐊᖏᓂᖅᓴᓂᒡᓗ ᑖᒃᑯᓇᖓᑦ ᐱᓇᓱᐊᕈᒫᖅᐳᖅ, ᐊᑖᑕᒧᑦ ᐂᓂᐊᕋᒪ. 13 ᓱᓇᒥᒡᓘᓐᓃᑦ ᑐᒃᓯᐊᕐᖕᓂᐊᕈᑦᓯ ᐊᑎᓐᓂ, ᐱᓇᓱᐊᕐᖕᓂᐊᖅᐳᖓ, ᐊᑖᑕ ᓂᖅᑐᕐᖕᓇᖅᑎᑕᐅᖁᓪᓗᒍ ᐃᕐᖕᓂᕐᖕᒥᒍᑦ; 14 ᑐᒃᓯᐊᕈᑦᓯ ᓱᓇᑐᐃᓐᓇᕐᖕᒥᒃ ᐊᑎᓐᓂ, ᐱᓇᓱᐊᕐᖕᓂᐊᖅᐳᖓ.”
ᐊᓂᕐᖕᓂᐅᑉ ᐃᑦᔪᕐᖕᓁᑦᑑᑉ ᑐᓂᔭᐅᔪᒫᕐᖕᓂᖓ
15 “ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᖅᐸᓯ. 16 ᐊᑖᑕᓗ ᑐᒃᓯᐊᖅᕕᒋᓂᐊᖅᐸᕋ, ᐃᑲᔪᖅᑎᒃᓴᑦᓯᓐᓂᒃ ᐊᓯᓐᓂᒃ ᑐᓂᓯᖁᓪᓗᒍ ᐃᓕᑦᓯᓐᓄᑦ, ᐃᓕᑦᓯᓐᓃᑦᓮᓐᓇᕐᖕᓂᐊᖅᑐᒥᒃ ᐃᓱᖃᖏᑦᑐᒧᑦ, 17 ᑖᓐᓇᐅᕗᖅ ᐊᓂᕐᖕᓂᖅ ᓱᓕᔪᒥᑦ ᐱᔪᖅ, ᓯᓚᖅᔪᐊᕐᖕᒥᐅᑦ ᐱᔪᓐᓇᓐᖏᑕᖓᑦ, ᑕᑯᔪᓐᓇᖏᓐᓇᒥᑦᔪᒃ ᖃᐅᔨᒪᖏᓐᓇᒥᑦᔪᒡᓗ; ᐃᓕᑦᓯᓕ ᖃᐅᔨᒪᕙᓯ, ᐃᓕᑦᓯᓐᓃᒻᒪᑦ, ᐃᓗᓯᓐᓃᓐᓂᐊᕐᖕᒪᓪᓗ. 18 ᐃᓕᐊᖅᔪᒃᑎᑐᑦ ᕿᒪᖕᓂᐊᓐᖏᓚᑦᓯ; ᐅᑎᕐᖕᓂᐊᕆᕗᖓᓕ ᐃᓕᑦᓯᓐᓄᑦ. 19 ᐊᑯᓂᐅᖏᑦᑐᖅ ᓯᓚᖅᔪᐊᕐᖕᒥᐅᑦ ᑕᑯᖃᑦᑕᕐᖕᓂᐊᕈᓐᓃᖅᐹᖓ, ᐃᓕᑦᓯᓕ ᑕᑯᓂᐊᕆᕙᑦᓯᓐᖓ; ᐃᓅᒐᒪ, ᐃᓕᑦᓯᑦᑕᐅᖅ ᐃᓅᓂᐊᕆᕗᓯ. 20 ᐅᓪᓗᖅ ᑖᓐᓇ ᓇᓪᓕᐅᑎᒃᐸᑦ ᖃᐅᔨᔪᒫᖅᐳᓯ ᐊᑖᑕᓐᓃᓐᓇᒪ, ᐃᓕᑦᓯᓗ ᐅᕙᓐᓃᓐᓇᑦᓯ, ᐅᕙᖓᓗ ᐃᓗᑦᓯᓐᓃᓐᓇᒪ. 21 ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᖅᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᖅᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.” 22 ᔫᑕᓯᐅᑉ ᐅᖃᐅᑎᕚ (ᐃᓯᑲᕆᐊᑎᐅᖏᑦᑑᑉ), “ᐊᑕᓃᖅ, ᓱᖕᒪᑦ ᐃᓕᖕᓂᒃ ᖃᐅᔨᔭᐅᑎᑦᓱᒪᕕᑦ ᐅᕙᑦᑎᓐᓄᑦ, ᓯᓚᖅᔪᐊᕐᖕᒥᐅᓄᓪᓗ ᖃᐅᔨᔭᐅᑎᑦᓱᒪᓇᒃ?” 23 ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᖅᐰᑦ, ᐊᑖᑕᒪᓗ ᓇᒡᓕᒋᓂᐊᖅᐹ, ᐊᑖᑕᒐᓗ ᐅᕙᒍᒃ ᑎᑭᓐᓂᐊᖅᐸᕗᒃ ᑕᕝᕙᓂᓗ ᐊᖏᕐᕋᖃᓕᖅᓗᓄᒃ. 24 ᐅᕙᓐᓂᒡᓕ ᓇᒡᓕᒍᓱᖏᑦᑑᑉ ᐅᖃᐅᓯᒃᑲ ᒪᓕᓐᖏᓔᑦ; ᐅᖃᐅᓰᓪᓗ ᑐᓴᖅᑕᓯ ᐱᒋᓐᖏᓚᒃᑲ ᐊᑖᑕᒥᓪᓕ ᑎᓕᔨᓐᓂᑦ ᐱᕗᑦ. 25 ᑕᒪᒃᑯᓂᖓ ᐅᖃᓪᓚᒡᕕᒋᕙᑦᓯ ᓱᓕ ᐃᓕᑦᓯᓐᓂ ᓇᔫᑎᓂᓐᓂ. 26 ᐃᑲᔪᖅᑎᒃᓴᖅᓕ, ᐊᓂᕐᖕᓂᖅ ᐃᑦᔪᕐᖕᓁᑦᑐᖅ, ᐊᑖᑕᐅᑉ ᑎᓕᓂᐊᖅᑕᖓᑕ ᐊᑎᓐᓂ, ᑖᑦᓱᒪ ᐊᔪᕆᖅᑐᕈᒫᖅᐹᓯ ᓱᓇᓕᒫᓂᒃ, ᐃᖅᑬᑎᓪᓗᓯᓗ ᐅᖃᐅᓯᕆᓚᐅᖅᑕᓕᒫᓐᓂᒃ ᐃᓕᑦᓯᓐᓄᑦ. 27 ᐃᓱᒪᔮᖏᓐᓂᕐᖕᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᕕᒋᓐᖏᓚᑦᓯ ᓯᓚᖅᔪᐊᕐᖕᒥᐅᑦ ᑐᓂᓯᑦᔪᓯᖓᑎᑐᑦ. ᐆᒻᒪᑎᓯ ᕿᒃᓵᖕᓂᐊᕋᑎᒃ, ᓯᕘᕋᓂᐊᕋᑎᒡᓗ. 28 ᑐᓴᖅᐳᓯ ᐅᖃᐅᑎᒐᑦᓯ, ‘ᐊᐅᓪᓚᕐᖕᓂᐊᕋᒪ, ᐅᑎᕐᖕᓂᐊᕆᕗᖓᓕ ᐃᓕᑦᓯᓐᓄᑦ.’ ᓇᒡᓕᒋᒍᑦᓯᓐᖓ, ᑕᕝᕙ ᖁᕕᐊᓱᒃᑲᔭᖅᐳᓯ, ᐊᑖᑕᒧᑦ ᐂᓂᐊᕐᖕᓂᕋ ᐱᓪᓗᒍ; ᐊᑖᑕ ᐊᖏᓂᖅᓴᐅᖕᒪᑦ ᐅᕙᓐᓂᑦ. 29 ᑕᒪᓐᓇ ᐃᓕᑦᓯᓐᓄᑦ ᐅᖃᐅᓯᕆᕙᕋ ᓇᓪᓕᐅᑎᖅᑳᖅᑎᓐᓇᒍ, ᑕᒪᓐᓇ ᓇᓪᓕᐅᑎᒃᐸᑦ ᐅᒃᐱᓕᖁᓪᓗᓯ. 30 ᐊᑯᓂ ᐅᖃᓪᓚᕕᒋᓂᐊᕈᓐᓃᖅᐸᑦᓯ, ᓯᓚᖅᔫᑉ ᑕᒪᑐᒪ ᐊᐅᓚᑦᓯᔨᖓ ᕾᓕᕐᖕᒪᑦ. ᐅᕙᓐᓂᒡᓕ ᓵᓚᖃᕈᓐᓇᓐᖏᓚᖅ; 31 ᓯᓚᖅᔪᐊᕐᖕᒥᐅᑦ ᑐᑭᓯᓕᖁᓪᓗᒋᑦ ᐊᑖᑕ ᓇᒡᓕᒋᒐᒃᑯ; ᑍᒤᒻᒪᑦ ᐱᓇᓱᐊᖅᐳᖓ ᐊᑖᑕᒪ ᐱᓇᓱᐊᖅᑕᐅᖁᓚᐅᖅᑕᖏᓐᓂᒃ. ᒪᑭᓪᓗᓯ, ᑕᒫᓐᖓᑦ ᓅᓕᖅᑕ.”
ᔩᓱᓯᐅᑉ ᐃᒻᒥᓂᒃ ᐊᑦᔨᐅᑎᓐᓂᖓ ᓇᐹᖅᑐᒧᑦ
1 “ᐅᕙᖓᐅᕗᖅ ᓇᐹᖅᑐᖅ ᕔᓂᒃᓴᓪᓚᕆᒃ, ᐊᑖᑕᒐᓗ ᐸᐅᕐᖓᓕᒃᓴᓂᒃ ᐱᕈᖅᓰᕕᓕᕆᔨᐅᕗᖅ. 2 ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᖕᓂᐊᖅᐰᑦ, ᐸᐅᕐᖓᖃᖃᑦᑕᖅᑐᓕᒫᓪᓗ ᐲᔧᕕᒋᓂᐊᖅᐰᑦ, ᓴᓗᒪᑦᓯᐊᖅᓗᑎᒃ ᐸᐅᕐᖓᓄᑦ ᐱᕈᖅᕕᐅᒃᑲᓐᓂᖁᓪᓗᒋᑦ. 3 ᐃᓕᑦᓯᓕ ᓴᓗᒻᒪᖅᓴᖅᑕᐅᔭᕇᖅᐳᓯ ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐱᓪᓗᒋᑦ. 4 ᐃᓗᓐᓃᑦᓮᓐᓇᕆᑦᓯ, ᐅᕙᖓᓗ ᐃᓗᑦᓯᓐᓃᓪᓗᖓ. ᓲᖅᓗ ᓇᐹᖅᑐᑉ ᐊᕙᓚᖓᔪᐊ ᐃᒻᒥᓃᓐᓇᖅ ᐸᐅᕐᖓᖃᕈᓐᓇᖏᒻᒪᑦ, ᓇᐹᖅᑐᒦᒃᑯᓂ ᑭᓯᐊᓂ ᐱᕈᖅᑎᑦᓯᔪᓐᓇᖅᐳᖅ, ᑍᒤᒃᑭᕗᓯᑦᑕᐅᖅ ᐅᕙᓐᓃᓪᓗᓯ ᑭᓯᐊᓂ. 5 ᐅᕙᖓᐅᕗᖅ ᓇᐹᖅᑐᖅ ᐸᐅᕐᖓᓕᒃᓴᖅ, ᐃᓕᑦᓯ ᐊᕙᓚᖓᔫᕗᓯ. ᐅᕙᓐᓃᑦᑐᖅ, ᐅᕙᖓᓗ ᑖᑦᓱᒪᓃᓪᓗᖓ, ᐸᐅᕐᖓᖃᕐᖕᓂᐊᖅᐳᖅ ᐅᓄᖅᑐᓂᒃ, ᐱᒋᓇᖓ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᖏᓐᓇᑦᓯ. 6 ᐃᓗᓐᓃᑦᓮᓐᓇᖏᑦᑐᖅ, ᐃᒋᑕᐅᓂᐊᖅᐳᖅ ᓇᐹᖅᑑᑉ ᐊᕙᓚᖓᔪᖏᑎᑐᑦ ᐸᓂᖅᑐᑎᑐᓪᓗ; ᐊᕙᓚᖓᔪᑦ ᑲᑎᑕᐅᓪᓗᑎᒃ, ᐃᒋᑕᐅᕙᖕᒪᑕ ᐃᑯᒪᒧᑦ, ᐃᑯᐊᓪᓚᒃᑕᐅᓪᓗᑎᒡᓗ. 7 ᐃᓗᓐᓃᑦᓮᓐᓇᕈᑦᓯ, ᐅᖃᐅᓯᒃᑲᓗ ᐃᓗᑦᓯᓐᓃᑦᓮᓐᓇᖅᐸᑕ, ᐱᔪᒪᔭᑦᓯᓐᓂᒃ ᓱᓇᑐᐃᓐᓇᒥᒃ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᖅᐳᓯ. 8 ᑕᒪᒃᑯᑎᒎᓇᖅ ᐊᑖᑕᒐ ᓂᖅᑐᕐᖕᓇᖅᑎᑕᐅᓂᐊᖅᐳᖅ, ᐸᐅᕐᖓᖃᓕᕈᑦᓯ ᐅᓄᖅᑐᓂᒃ; ᐃᓕᓐᓂᐊᖅᑎᐅᓂᓯᓗ ᐅᕙᓐᓄᑦ ᓇᓗᓁᖅᑕᐅᓗᓂ. 9 ᐊᑖᑕᐅᑉ ᐅᕙᓐᓂᒃ ᓇᒡᓕᒍᓱᖕᓂᖓᑐᑦ, ᑍᒫᒃ ᓇᒡᓕᒋᕙᑦᓯ; ᓇᒡᓕᖕᓂᓐᓃᑦᓮᓐᓇᕆᑦᓯ. 10 ᐱᖁᔭᒃᑲ ᒪᓕᒃᑯᑦᓯᒋᑦ, ᓇᒡᓕᓐᓂᓐᓃᑦᓮᓐᓇᕐᖕᓂᐊᖅᐳᓯ; ᐊᑖᑕᒪᑦᑕᐅᖅ ᐱᖁᔭᖏᑦ ᒪᓕᓚᐅᕋᒃᑭᑦ, ᓇᒡᓕᖕᓂᖓᓃᑦᓮᓐᓇᖅᓗᖓᓗ. 11 ᑕᒪᒃᑯᓂᖓ ᐅᖃᖅᕕᒋᕙᑦᓯ, ᐃᓚᖃᑦᓯᐊᕐᖕᓂᕐᖕᒧᑦ ᖁᕕᐊᓱᖕᓂᕋ ᐃᓕᑦᓯᓐᓃᖁᓪᓗᒍ, ᐃᓚᖃᑦᓯᐊᕐᖕᓂᕐᖕᒧᓪᓗ ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ. 12 ᐅᓇ ᑕᕝᕙ ᐱᖁᔭᕋ, ᓇᒡᓕᒋᖃᑦᑕᐅᑎᖁᓪᓗᓯ ᓲᖅᓗ ᓇᒡᓕᒋᒐᑦᓯ. 13 ᓇᒡᓕᒍᓱᖕᓂᖅᓴᐅᔪᖃᓐᖏᓚᖅ ᐃᒤᑦᑐᒥᒃ, ᐃᓅᓯᕐᖕᒥᓂᒃ ᑐᓂᓯᔪᒥᒃ ᐃᓚᓐᓇᕆᔭᓂ ᐱᓪᓗᒋᑦ. 14 ᐃᓚᓐᓇᕆᕙᑦᓯ ᐱᖁᔭᓐᓂᒃ ᒪᓕᒃᑯᑦᓯ. 15 ᒪᑐᒪ ᑭᖑᕐᖓᓂ ᐱᔨᒥᒃ ᑍᓂᐊᕈᓐᓃᖅᐸᑦᓯ, ᐱᔨ ᖃᐅᔨᒪᖏᒻᒪᑦ ᐊᖓᔪᖅᑳᖓᑕ ᐱᓂᐊᕐᖕᓂᖏᓐᓂᒃ; ᐃᓕᑦᓯᓕ ᐃᓚᓐᓇᕆᔭᓐᓂᒃ ᑍᓚᐅᖅᐸᑦᓯ, ᐊᑖᑕᓐᓂᑦ ᑐᓴᓚᐅᖅᑕᓕᒫᓐᓂᒃ ᓇᓗᓁᖅᓯᕕᒋᓚᐅᕋᑦᓯ. 16 ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᖅᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᖅᑐᖁᓪᓗᓯ ᐸᐅᕐᖓᖃᕐᖕᓂᓯᓗ ᑲᔪᓯᖁᓪᓗᒍ; ᓱᓇᓕᒫᑦᓯᐊᒥᒃ ᐊᑖᑕ ᑐᒃᓯᐊᖅᕕᒋᒍᑦᓯᐅᒃ ᐊᑎᓐᓂ, ᑐᓂᓯᖁᓪᓗᒍ ᐃᓕᑦᓯᓐᓄᑦ. 17 ᒪᑐᒥᖓ ᐱᖁᕙᑦᓯ, ᓇᒡᓕᒋᖃᑦᑕᐅᑎᖁᓪᓗᓯ.”
ᓯᓚᖅᔪᐊᕐᖕᒥᐅᑦ ᐆᒥᓱᖕᓂᖓᑦ
18 “ᓯᓚᖅᔪᐊᕐᖕᒥᐅᑦ ᐆᒥᒋᒃᐸᓯ, ᖃᐅᔨᒪᒋᑦᓯ ᐆᒥᒋᖅᑳᕐᖕᒪᖓ ᐃᓕᑦᓯᓐᓂᑦ. 19 ᓯᓚᖅᔪᐊᕐᖕᒥᐅᑦ ᐃᓚᒋᒍᑦᓯᒋᒃ, ᓯᓚᖅᔪᐊᕐᖕᒥᐅᑦ ᓇᖕᒥᓂᕐᖕᒥᖕᓂᒃ ᓇᒡᓕᒍᓱᒃᑲᔭᖅᐳᑦ; ᓯᓚᖅᔪᐊᕐᖕᒥᐅᓪᓕ ᐃᓚᒋᖏᓐᓇᑦᓯᒋᒃ, ᓯᓚᖅᔪᐊᕐᖕᒥᐅᓂᑦ ᓂᕈᐊᓚᐅᖅᐸᑦᓯ, ᑍᒤᒻᒪᑦ ᓯᓚᖅᔪᐊᕐᖕᒥᐅᑦ ᐆᒥᒋᕚᓯ. 20 ᐃᓕᑦᓯᓐᓄᑦ ᐅᖃᐅᓯᕆᓚᐅᖅᑕᒃᑲ ᐃᖅᑲᐅᒪᓯᒋᒃ, ‘ᐱᔨ ᐊᖏᓂᖅᓴᐅᓐᖏᓚᖅ ᐊᖓᔪᖅᑳᒥᓂᑦ.’ ᐊᑭᕋᖅᑐᕈᓂᖓ, ᑕᕝᕙ ᐊᑭᕋᖅᑐᕐᖕᓂᐊᕆᕚᓯ; ᐅᖃᐅᓯᒃᑲ ᒪᓕᒃᑯᓂᒋᑦ ᐅᖃᐅᓯᓯᑦᑕᐅᖅ ᒪᓕᖕᓂᐊᕆᕔᑦ. 21 ᑕᒪᒃᑯᓂᖓᓕᒫᖅ ᐱᓂᐊᖅᕕᒋᔪᒫᖅᐹᓯ ᐅᕙᓐᓂᒃ ᐱᑦᔪᑎᖃᖅᓗᑎᒃ, ᐅᕙᓐᓂᒃ ᑎᓕᓯᔪᖅ ᖃᐅᔨᒪᖏᓐᓇᒥᑦᔪᒃ. 22 ᑎᑭᓚᐅᖏᒃᑯᒪ ᐅᖃᐅᑎᔭᖅᑐᖅᓗᒋᑦ, ᐊᔪᕐᖕᓂᖃᕋᔭᓐᖏᓚᑦ; ᒫᓐᓇᓕ ᐸᓯᔭᒃᓴᐅᔪᓐᓃᕈᑎᒃᓴᖅᓯᔪᓐᓇᓐᖏᓚᑦ ᐊᔪᕐᖕᓂᕐᖕᒥᖕᓄᑦ. 23 ᐅᕙᓐᓂᒃ ᐆᒥᓱᒃᑑᑉ ᐊᑖᑕᒐᑦᑕᐅᖅ ᐆᒥᒋᒋᕚ. 24 ᐱᓂᐊᕐᖕᓂᖃᓚᐅᖏᒃᑯᒪ ᐱᓂᐊᕐᖕᓂᕆᔭᐅᓚᐅᖅᓯᒪᖏᑦᑐᒥᒃ ᑖᒃᑯᓄᖓ, ᐊᔪᕐᖕᓂᖃᕋᔭᓐᖏᓚᑦ; ᒫᓐᓇᓕ ᑕᑯᓯᒪᕗᑦ ᐊᑖᑕᒐᓗ ᑕᒪᓐᓄᒃ ᐆᒥᒋᕚᑎᒃᑯᒃ. 25 ᑕᒪᓐᓇᓕ ᑍᒤᑉᐳᖅ ᐱᖁᔭᖏᓐᓂ ᐅᖃᖅᓯᒪᔪᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ: ‘ᐱᑦᔪᑎᒃᓴᖃᕋᑎᒃ ᐆᒥᒋᕚᖓ.’ 26 ᐃᑲᔪᖅᑎᒃᓴᖅᓕ ᑎᑭᒍᓂ, ᐊᑖᑕᓐᓂᑦ ᑎᓕᔪᒫᖅᑕᕋ ᐃᓕᑦᓯᓐᓄᑦ, ᓱᓕᔫᑉ ᐊᓂᕐᖕᓂᖓ ᐊᑖᑕᒥᓐᖔᖅᑐᖅ, ᑖᓐᓇ ᐅᕙᓐᓂᒃ ᓇᓗᓁᖅᓯᔪᒫᖅᐳᖅ; 27 ᐃᓕᑦᓯᓗ ᓇᓗᓁᖅᓯᔪᒫᕆᕗᓯ, ᐱᒋᐊᕐᖕᓂᕐᖕᒥᑦ ᓇᔪᖅᓯᒪᒐᑦᓯᓐᖓ.”
1 “ᑕᒪᒃᑯᓂᖓᓕᒫᖅ ᐅᖃᐅᑎᕙᑦᓯ ᑲᑕᖁᓇᓯ. 2 ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᖅᐳᓯ; ᓇᓪᓕᐅᑎᔪᒫᖅᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᖕᓂᖓᑦ. 3 ᑍᒤᓕᐅᖅᕕᐅᔪᒫᖅᐳᓯ ᐊᑖᑕᒐᓗ ᐅᕙᒍᒃ ᖃᐅᔨᒪᖏᓐᓇᒥᑎᒃᑯᒃ. 4 aᑕᒪᒃᑯᓂᖓᓕ ᐅᖃᐅᑎᓚᐅᖅᐸᑦᓯ, ᑕᒪᓐᓇ ᐱᕕᒃᓴᖓᑦ ᓇᓪᓕᐅᑎᒃᐸᑦ ᐃᖅᑬᓕᖁᓪᓗᓯ ᑖᒃᑯᓂᖓ ᐅᖃᐅᓯᖃᓚᐅᕐᖕᓂᓐᓂᒃ ᐃᓕᑦᓯᓐᓄᑦ.”
ᐊᓂᕐᖕᓂᐅᑉ ᐃᑦᔪᕐᖕᓁᑦᑑᑉ ᐱᓇᓱᐊᕐᖕᓂᖓ
4 b“ᑕᒪᒃᑯᓂᖓ ᐱᒋᐊᕐᖕᓂᖓᓂᑦ ᐅᖃᐅᑎᓚᐅᓐᖏᓚᑦᓯ, ᓇᔪᓚᐅᕋᑦᓯ. 5 ᒫᓐᓇᓕ ᑎᓕᔨᓐᓄᑦ ᐂᓂᐊᖅᐳᖓ; ᐊᐱᕆᔪᖃᓐᖏᓚᓯᓕ ᓇᒧᖓᕐᖕᓂᐊᕐᖕᒪᖔᕐᖕᒪ. 6 ᑕᒪᒃᑯᓂᖓᓕ ᐅᖃᐅᑎᒐᑦᓯ, ᐃᓗᑦᓯᒍᑦ ᕿᒃᓵᓕᖅᐳᓯ. 7 ᓱᓕᔪᒥᒡᓕ ᐅᖃᐅᑎᕙᑦᓯ: ᐃᓕᑦᓯᓐᓄᑦ ᐱᕙᓪᓕᕐᖕᓇᕐᖕᓂᖅᓴᐅᕗᖅ ᐊᐅᓪᓚᕈᒪ, ᐊᐅᓪᓚᖏᒃᑯᒪ, ᐃᑲᔪᖅᑎᐅᑉ ᑎᑭᓐᓂᐊᖏᒻᒪᓯ; ᐊᐅᓪᓚᕈᒪᓕ, ᐃᓕᑦᓯᓐᓄᑦ ᑎᓕᓂᐊᖅᐸᕋ. 8 ᑎᑭᒍᓂᓗ, ᓯᓚᖅᔪᐊᕐᖕᒥᐅᑦ ᑐᑭᓯᑎᓐᓂᐊᖅᐰᑦ ᐊᔪᕐᖕᓂᕐᖕᒥᒃ ᓇᓛᒎᕐᖕᓂᕐᖕᒥᒡᓗ ᐃᖅᑲᖅᑐᖅᑕᐅᓂᕐᖕᒥᒡᓗ. 9 ᐊᔪᕐᖕᓂᖅ ᐱᑦᔪᑎᒋᓪᓗᒍ, ᐅᕙᓐᓄᑦ ᐅᒃᐱᖏᒻᒪᑕ; 10 ᓇᓛᒎᕐᖕᓂᖅ ᐱᑦᔪᑎᒋᓪᓗᒍ, ᐊᑖᑕᒧᐊᕐᖕᓂᐊᖅᐳᖓ, ᑕᑯᓂᐊᕈᓐᓃᖅᐸᑦᓯᓐᖓᓗ; 11 ᐃᖅᑲᖅᑐᐃᓂᖅ ᐱᑦᔪᑎᒋᓪᓗᒍ, ᓯᓚᖅᔪᐊᑉ ᒪᑐᒪ ᐊᐅᓚᑦᓯᔨᖓ ᐃᖅᑲᖅᑐᖅᑕᐅᖕᒪᑦ. 12 ᓱᓕ ᐅᓄᖅᑐᓂᒃ ᐅᖃᐅᓯᒃᓴᖃᕋᓗᐊᖅᐳᖓ ᐃᓕᑦᓯᓐᓄᑦ, ᒫᓐᓇᓕ ᑐᓴᕈᑦᓯᐅᒃ ᐅᖁᒤᓗᐊᕋᔭᖅᐳᑦ ᐃᓕᑦᓯᓐᓄᑦ. 13 ᓱᓕᔫᓪᓕ ᐊᓂᕐᖕᓂᖓ ᑎᑭᒃᑯᓂ, ᓱᓕᓂᕐᖕᓄᑦ ᑕᒤᓐᓄᑦ ᑕᓯᐅᕐᖕᓂᐊᖅᐹᓯ; ᓇᖕᒥᓂᖅ ᐱᔪᓐᓇᕐᖕᓂᓂ ᒪᓕᒡᓗᒍ ᐅᖃᓪᓚᖕᓂᐊᖏᒻᒪᑦ, ᑐᓴᖅᑕᒥᓂᒡᓕ ᐅᖃᐅᑦᔨᓂᐊᖅᐳᖅ, ᓇᓪᓕᐅᑎᔪᒫᖅᑐᓂᒡᓗ ᐅᖃᐅᑎᓂᐊᖅᐹᓯ. 14 ᑖᑦᓱᒪ ᓂᖅᑐᕐᖕᓇᖅᓯᑎᓐᓂᐊᖅᐹᖓ, ᑖᓐᓇ ᐅᖃᐅᓯᓐᓂᒃ ᐅᖃᐅᓯᖃᕐᖕᓂᐊᕐᖕᒪᑦ ᐃᓕᑦᓯᓐᓄᑦ. 15 ᐊᑖᑕᒪ ᐱᓕᒫᖏᑦ ᐱᒋᕙᒃᑲ; ᑍᒤᒻᒪᑦ ᐅᖃᖅᐳᖓ ᑖᓐᓇ ᐅᖃᐅᓯᓐᓂᒃ ᐅᖃᐅᓯᖃᕐᖕᓂᐊᖅᐳᖅ ᐃᓕᑦᓯᓐᓄᑦ.”
ᕿᒃᓵᒃᑎᑕᐅᓂᖅ ᖁᕕᐊᓱᒃᑎᑕᐅᓂᖅᓗ
16 “ᐊᑯᓂᐅᖏᑦᑐᖅ ᑕᑯᖃᑦᑕᕐᖕᓂᐊᕈᓐᓃᖅᐸᑦᓯᓐᖓ; ᐊᑯᓂᐅᖏᑦᑐᖅᓗ ᑕᑯᓂᐊᕆᕙᑦᓯᓐᖓ.” 17 ᑕᕝᕙ ᐃᓕᓐᓂᐊᖅᑎᖏᑕ ᐃᓚᖏᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᖅᐳᑦ, “ᖃᓄᕐᖑᓇ ᑐᑭᓕᖕᓂᒃ ᐅᖃᓪᓚᓕᖅᑐᖅ, ᐅᖃᐅᑎᖕᒪᑎᒍᑦ, ‘ᐊᑯᓂᐅᖏᑦᑐᖅ ᑕᑯᖃᑦᑕᕐᖕᓂᐊᕈᓐᓃᖅᐸᑦᓯᓐᖓ ᐊᑯᓂᐅᖏᑦᑐᖅᓗ ᑕᑯᓂᐊᕆᕙᑦᓯᓐᖓ’; ᐅᖃᕆᓪᓗᓂᓗ, ‘ᐊᑖᑕᒧᑦ ᐂᓂᐊᕋᒪ.’ 18 ᖃᓄᕐᖑᓈ? ᑐᑭᓕᒃ ‘ᐊᑯᓂᐅᖏᑦᑐᖅ’ ᖃᓄᖅ ᐅᖃᕋᓱᐊᕐᖕᒪᖔᑦ ᑐᑭᓯᓐᖏᓚᕗᑦ.” 19 ᔩᓱᓯᐅᓪᓕ ᖃᐅᔨᒪᒐᒥᒋᑦ ᐊᐱᖅᓱᕈᒪᓂᖏᑦ; ᐅᖃᐅᑎᓕᖅᐰᑦ, “ᐅᖃᕋᒪ, ‘ᐊᑯᓂᐅᖏᑦᑐᖅ ᑕᑯᖃᑦᑕᕐᖕᓂᐊᕈᓐᓃᖅᐸᑦᓯᓐᖓ, ᐊᑯᓂᐅᖏᑦᑐᖅᓗ ᑕᑯᓂᐊᕆᕙᑦᓯᓐᖓ’ ᑕᒪᓐᓇ ᑕᕝᕙ ᐃᓕᑦᓯᓐᓄᑦ ᐊᐱᖅᓲᑎᒋᔭᓰ? 20 ᓱᓕᔪᒥᒃ ᐅᖃᐅᑎᕙᑦᓯ, ᕿᐊᓗᓯᓗ ᐅᒡᒍᐊᕐᖕᓂᐊᖅᐳᓯ, ᓯᓚᖅᔪᐊᕐᖕᒥᐅᓪᓕ ᖁᕕᐊᓱᖕᓂᐊᖅᐳᑦ; ᐃᓕᑦᓯᓕ ᕿᒃᓵᖕᓂᐊᖅᐳᓯ, ᕿᒃᓵᖕᓂᓯᓕ ᒧᒥᖕᓂᐊᕆᕗᖅ ᖁᕕᐊᓱᖕᓂᕐᖕᒧᑦ. 21 ᐊᕐᖕᓇᖅ ᐃᕐᖕᓂᓱᓕᕈᓂ ᕿᒃᓵᓕᖅᐳᖅ, ᓇᓪᓕᐅᓐᓂᖓ ᓇᓪᓕᐅᑎᖕᒪᑦ; ᓄᑕᕋᑯᓗᒡᓕ ᐃᕐᖕᓂᐊᕆᔭᕇᕈᓂᐅᒃ, ᐃᓗᖏᖅᓱᕐᖕᓂᕆᖅᑲᐅᔭᓂ ᐳᐃᒍᖅᐹ, ᖁᕕᐊᓱᓕᖅᐳᖅᓕ ᓄᑕᕋᑯᓗᒃ ᐃᕐᖕᓂᐊᖑᖕᒪᑦ ᓯᓚᖅᔪᐊᕐᖕᒧᑦ. 22 ᑍᒤᒃᑭᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓂᐊᕆᕙᑦᓯᓕ ᐃᓗᑦᓯᒍᓪᓗ ᖁᕕᐊᓱᒻᒪᕆᓕᕐᖕᓂᐊᖅᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᖅᑕᐅᓂᐊᓐᖏᓚᖅ ᐃᓕᑦᓯᓐᓂᑦ. 23 ᐅᓪᓗᖅ ᑖᓐᓇ ᓇᓪᓕᐅᑎᒃᐸᑦ ᐅᕙᓐᓂᒃ ᐊᐱᖅᓲᕈᓐᓃᕈᒫᖅᐳᓯ. ᓱᓕᔪᒥᒃ ᐅᖃᐅᑎᕙᑦᓯ, ᐊᑖᑕ ᑐᒃᓯᐊᖅᕕᒋᒍᑦᓯᐅᒃ ᓱᓇᑐᐃᓐᓇᕐᖕᒥᒃ, ᑖᑦᓱᒪ ᑐᓂᓯᕕᒋᓂᐊᖅᐹᓯ ᐊᑎᓐᓂ. 24 ᒫᓐᓇᒧᑦ ᑎᑭᓪᓗᒍ ᑐᒃᓯᐊᓚᐅᓐᖏᓚᓯ ᓱᓇᑐᐃᓐᓇᕐᖕᒥᒃ ᐊᑎᓐᓂ; ᑐᒃᓯᐊᕆᑦᓯ, ᑐᓂᓯᕕᐅᓂᐊᖅᐳᓯ ᑕᕝᕙ, ᐃᓚᖃᑦᓯᐊᕐᖕᓂᕐᖕᒧᑦ ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.”
ᓯᓚᖅᔪᐊᕐᖕᒥᒃ ᓵᓚᖃᕐᖕᓂᖅ
25 “ᐊᑦᔨᐅᔪᓂᒃ ᐊᑐᖅᓗᖓ ᑕᒪᒃᑯᓂᖓ ᐅᖃᐅᑎᖃᑦᑕᓚᐅᖅᐸᑦᓯ; ᓇᓪᓕᐅᑎᔪᒫᖅᐳᖅᓕ ᐊᑦᔨᐅᔪᓂᒃ ᐊᑐᖅᓗᖓ ᐃᓕᑦᓯᓐᓄᑦ ᐅᖃᖃᑦᑕᕈᓐᓃᖅᕕᒃᓴᕋ ᑐᑭᓯᓇᑦᓯᐊᖅᑐᓂᒡᓕ ᐅᖃᖅᕕᒋᖃᑦᑕᓛᖅᐸᑦᓯ ᐊᑖᑕᒥᒃ. 26 ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᑐᒃᓯᐊᕈᒫᖅᐳᓯ ᐊᑎᓐᓂ; ᐅᖃᓐᖏᓚᖓᓕ ᐊᑖᑕ ᑐᒃᓯᐊᖅᕕᒋᔪᒪᓂᕋᖅᓗᒍ ᐱᑦᔪᑎᒋᓗᓯ; 27 ᐊᑖᑕᐅᑉ ᓇᖕᒥᓂᖅ ᓇᒡᓕᒋᖕᒪᓯ, ᓇᒡᓕᒋᒐᑦᓯᓐᖓ ᐅᒃᐱᖅᓗᓯᓗ ᒎᑎᒥᑦ ᐱᓚᐅᕋᒪ. 28 ᐊᑖᑕᒥᑦ ᐱᓯᒪᕗᖓ ᓯᓚᖅᔪᐊᕐᖕᒧᐊᖅᓗᖓᓗ; ᒫᓐᓇᓕ ᓯᓚᖅᔪᐊᖅ ᕿᒪᖕᓂᐊᖅᐸᕋ ᐊᑖᑕᒧᓪᓗ ᐂᓗᖓ.” 29 ᐃᓕᓐᓂᐊᖅᑎᖏᑕ ᐅᖃᐅᑎᕚᑦ, “ᒫᓐᓇ ᑐᑭᓯᓇᑦᓯᐊᖅᑐᓂᒃ ᐅᖃᐅᓯᖃᓕᖅᐳᑎᑦ, ᐊᑦᔨᐅᔪᓂᒡᓗ ᐅᖃᐅᓯᖃᕐᖕᓇᒃ. 30 ᒫᓐᓇ ᑐᑭᓯᕗᒍᑦ ᓱᓇᓕᒫᑦ ᖃᐅᔨᒪᒐᕕᒋᑦ, ᐊᐱᕆᔭᐅᔭᕆᐊᖃᓐᖏᓚᑎᓪᓗ; ᑕᒪᓐᓇ ᐱᑦᔪᑎᒋᓪᓗᒍ ᐅᒃᐱᕈᓱᒃᐳᒍᑦ ᒎᑎᒥᑦ ᐱᓯᒪᓂᕐᖕᓂᒃ.” 31 ᔩᓱᓯᐅᑉ ᑭᐅᕔᑦ, “ᒫᓐᓈ ᐅᒃᐱᓕᖅᐱᓰ? 32 ᓇᓪᓕᐅᑦᑐᖅ ᓇᓪᓕᐅᑎᔪᒫᖅᐳᖅ, ᒫᓐᓇᓗ ᐊᑐᓕᖅᐸᕗᑦ, ᓇᒧᑐᐃᓐᓇᖅ ᓯᐊᒻᒪᖅᑎᑕᐅᕕᒃᓴᓯ, ᐊᑐᓂᑦ ᐊᖏᕐᕋᑦᓯᓐᓄᐊᖅᓗᓯ, ᐅᕙᖓᓗ ᐃᓄᑑᑎᓪᓗᖓ ᕿᒪᒃᑕᐅᓂᐊᖅᐳᖓ; ᑭᓯᐊᓂᓕ ᐃᓄᑑᓐᖏᓚᖓ, ᐊᑖᑕᐅᑉ ᓇᔪᕐᖕᒪᖓ. 33 ᑕᒪᒃᑯᓂᖓ ᐅᖃᐅᑎᓚᐅᖅᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᖅᔪᐊᕐᖕᒥ ᐅᖁᒤᒃᓴᕐᖕᓇᖅᑐᒦᑉᐳᓯ; ᓯᕘᕋᓇᓯᓕ, ᓯᓚᖅᔪᐊᖅ ᓵᓚᒋᓯᒪᒐᒃᑯ.”
ᔩᓱᓯᐅᑉ ᑐᒃᓯᐅᑦᔨᓂᖓ ᐃᓕᓐᓂᐊᖅᑎᒥᓂᒃ
1 ᔩᓱᓯᓕ ᑕᒪᒃᑯᓂᖓ ᐅᖃᕇᕋᒥ, ᕿᓚᖕᒧᑦ ᑕᑯᓴᖅᓗᓂ ᐅᖃᖅᐳᖅ, “ᐊᑖᑖᒃ, ᐃᑲᕐᕋᖅ ᓇᓪᓕᐅᑎᕗᖅ; ᐃᕐᖕᓃᑦ ᓂᖅᑐᕐᖕᓇᖅᑎᓕᕈᒃ, ᓂᖅᑐᕐᖕᓇᖅᑎᑕᐅᖁᓪᓗᑎᑦᑕᐅᖅ ᐃᕐᖕᓂᕐᖕᓄᑦ. 2 ᐃᕐᖕᓃᑦ ᑐᓂᓯᕕᒋᓯᒪᒐᕕᐅᒃ ᐱᔪᓐᓇᕐᖕᓂᕐᖕᒥᒃ ᐃᓄᓕᒫᓄᑦ, ᐃᓅᓯᕐᖕᒥᒃ ᓄᖑᓱᐃᑦᑐᒥᒃ ᑐᓂᓯᖁᓪᓗᒍ ᑐᓂᓯᒪᔭᓕᒫᕐᖕᓄᑦ ᑖᑦᓱᒧᖓ. 3 ᐃᓅᓯᖅᓗ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᖕᓂᒃ, ᑎᓕᓚᐅᖅᑕᕐᖕᓂᒡᓗ ᔩᓱᓯ ᙭ᔅᑑᓯᒥᒃ. 4 ᓂᖅᑐᕐᖕᓇᖅᑎᓚᐅᖅᐸᒋᓪᓗ ᓄᓇᖅᔪᐊᕐᖕᒥ, ᐱᓂᐊᕐᖕᓃᓪᓗ ᐱᓇᓱᐊᖅᑕᐅᖁᓚᐅᖅᑕᓕᒫᑎᑦ ᐅᕙᓐᓄᑦ ᐱᔭᕇᓚᐅᖅᐸᒃᑲ; 5 ᒫᓐᓇᓗ, ᐊᑖᑖᒃ ᓂᖅᑐᕐᖕᓇᖅᑎᓚᐅᓐᖓ ᓇᖕᒥᓂᖅ ᓇᔫᑎᓂᕐᖕᓄᑦ ᐱᒋᓚᐅᖅᑕᓐᓄᑦ ᐃᓕᖕᓂ ᓇᔫᑎᑎᓪᓗᖓ ᓯᓚᖅᔪᐊᖅ ᓴᓇᔭᐅᓚᐅᖄᖅᑎᓐᓇᒍ. 6 ᖃᐅᔨᔭᐅᑎᓚᐅᖅᐸᒋᑦ ᐃᓄᖕᓄᑦ ᐅᕙᓐᓄᑦ ᑐᓂᓚᐅᖅᑕᕐᖕᓄᑦ ᓯᓚᖅᔪᐊᕐᖕᒥᐅᓂᑦ; ᑖᒃᑯᐊ ᐱᒋᓚᐅᕋᕕᒋᑦ, ᐅᕙᓐᓄᓪᓗ ᑐᓂᓚᐅᖅᐸᑎᑦ, ᐅᖃᐅᓯᖅᑎᓪᓗ ᓈᓚᓚᐅᖅᐰᑦ. 7 ᒫᓐᓇᓗ ᖃᐅᔨᕗᑦ ᐅᕙᓐᓄᑦ ᑐᓂᓚᐅᖅᑕᓕᒫᑎᑦ ᐃᓕᖕᓂᑦ ᐱᓯᒪᖕᒪᑕ; 8 ᐅᖃᐅᓰᑦ ᑐᓂᓚᐅᖅᑕᑎᑦ ᐅᕙᓐᓄᑦ ᑖᒃᑯᓄᖓ ᐅᖃᐅᓯᕆᓚᐅᖅᐸᒃᑲ, ᑖᒃᑯᐊᓗ ᐃᓚᓕᐅᓚᐅᖅᐰᑦ ᓱᓕᔪᒥᒡᓗ ᖃᐅᔨᓪᓗᑎᒃ ᐃᓕᖕᓂᑦ ᐱᓯᒪᓂᓐᓂᒃ; ᐅᒃᐱᓕᖅᓗᑎᒡᓗ ᑎᓕᓚᐅᕋᕕᖓ. 9 ᑖᒃᑯᐊ ᑐᒃᓯᐅᑎᕙᒃᑲ; ᓯᓚᖅᔪᐊᕐᖕᒥᐅᓪᓕ ᑐᒃᓯᐅᑎᓐᖏᓚᒃᑲ ᑖᒃᑯᐊᓕ ᑭᓯᒥ ᑐᓂᓚᐅᖅᑕᑎᑦ ᐅᕙᓐᓄᑦ ᑐᒃᓯᐅᑎᕙᒃᑲ, ᑖᒃᑯᐊ ᐱᒋᒐᕕᒋᑦ. 10 ᐱᒋᔭᓕᒫᒃᑲ ᐱᒋᕙᑎᑦ, ᐱᒋᔭᑎᓪᓗ ᐱᒋᕙᒃᑲ, ᓂᖅᑐᕐᖕᓇᖅᑎᑕᐅᕗᖓᓗ ᑖᒃᑯᑎᒎᓇᖅ. 11 ᓯᓚᖅᔪᐊᕐᖕᒦᑦᓱᓐᓃᖅᐳᖓᓗ, ᑖᒃᑯᐊᓕ ᓱᓕ ᓯᓚᖅᔪᐊᕐᖕᒦᑉᐳᑦ, ᒫᓐᓇᓗ ᐃᓕᖕᓄᑦ ᕾᕗᖓ. ᐊᑖᑖᒃ ᐃᑦᔪᕐᖕᓁᑦᑐᑎᑦ, ᓴᐳᑎᓯᒪᓚᐅᒃᑭᑦ ᐱᔪᓐᓇᕐᖕᓂᕐᖕᓄᑦ, ᑖᒃᑯᐊ ᑐᓂᓚᐅᖅᑕᑎᑦ ᐅᕙᓐᓄᑦ ᐊᑕᐅᓯᐅᖁᓪᓗᒋᑦ, ᓲᖅᓗ ᐅᕙᒍᒃ ᐊᑕᐅᓯᐅᒐᓐᓄᒃ. 12 ᑖᒃᑯᓇᓂᓕ ᓇᔫᑎᓂᓐᓂ, ᓴᐳᑎᓯᒪᓚᐅᖅᐸᒃᑲ ᐱᔪᓐᓇᕐᖕᓂᕐᖕᓄᑦ, ᑖᒃᑯᐊ ᑐᓂᓚᐅᖅᑕᑎᑦ ᐅᕙᓐᓄᑦ; ᓴᐳᑎᓯᒪᓚᐅᖅᐸᒃᑲ, ᐊᑕᐅᓯᕐᖕᒥᒡᓘᓐᓃᑦ ᐊᓯᐅᔪᖃᓐᖏᓚᖅ ᑖᓐᓇ ᑭᓯᒥ ᐊᓯᐅᔪᒃᓴᐅᓯᒪᔪᖅ ᐊᓯᐅᔪᑑᕗᖅ, ᐊᒡᓔᑦ ᓇᓚᐅᑦᓯᖁᓪᓗᒋᑦ. 13 ᒫᓐᓇᓕ ᐃᓕᖕᓄᑦ ᕾᕗᖓ; ᑍᒫᒡᓗ ᐅᖃᖅᐳᖓ ᓯᓚᖅᔪᐊᕐᖕᒦᑎᓪᓗᖓ, ᐃᓚᖃᑦᓯᐊᕐᖕᓂᕐᖕᒧᑦ ᖁᕕᐊᓱᖕᓂᕋ ᑖᒃᑯᓇᓐᖓᑦ ᐃᓗᒥᐅᑕᕆᔭᐅᓗᓂ ᓈᒻᒪᒃᓯᑦᓯᐊᖁᓪᓗᒍ. 14 ᐅᖃᐅᓯᖅᑎᑦ ᑐᓴᖅᑕᐅᑎᓚᐅᖅᐸᒃᑲ ᑖᒃᑯᓄᖓ; ᓯᓚᖅᔪᐊᕐᖕᒥᐅᓪᓗ ᐆᒥᒋᕔᑦ ᓯᓚᖅᔪᐊᕐᖕᒥᐅᑦ ᐱᒋᖏᒻᒪᒋᑦ, ᐅᕙᖓᑦᑕᐅᖅ ᓯᓚᖅᔪᐊᕐᖕᒥᐅᑦ ᐱᒋᖏᒻᒪᖓ. 15 ᑐᒃᓯᐊᓐᖏᓚᖓ ᑖᒃᑯᓂᖓ ᓯᓚᖅᔪᐊᕐᖕᒥᑦ ᐲᖅᑕᐅᖁᔨᓗᖓ, ᓴᐳᑦᔨᓯᒪᖁᓪᓗᑎᓪᓕ ᑖᒃᑯᓂᖓ ᐱᐅᖏᑦᑐᒥᑦ ᓵᑖᓇᓯᒥᑦ. 16 ᓯᓚᖅᔪᐊᕐᖕᒥᐅᑦ ᑖᒃᑯᐊ ᐱᒋᖏᒻᒪᒋᑦ, ᐅᕙᖓᑦᑕᐅᖅ ᓯᓚᖅᔪᐊᕐᖕᒥᐅᑦ ᐱᒋᖏᒻᒪᖓ. 17 ᐃᑦᔪᕐᖕᓁᑎᒃᑭᑦ ᓱᓕᓂᕐᖕᓄᑦ; ᐅᖃᐅᓯᖅᑎᑦ ᓱᓕᖕᒪᑕ. 18 ᓯᓚᖅᔪᐊᕐᖕᒧᑦ ᑎᓕᓚᐅᕋᕕᖓ, ᑍᒫᒃᑕᐅᖅ ᓯᓚᖅᔪᐊᕐᖕᒧᑦ ᑎᓕᕙᒃᑲ. 19 ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ. 20 ᑖᒃᑯᐊᑐᐊᖅᓕ ᑐᒃᓯᐅᑎᓐᖏᓚᒃᑲ, ᑍᒃᑯᐊᓕᑦᑕᐅᖅ ᐅᖃᐅᓯᖏᓐᓄᑦ ᐅᒃᐱᓕᕈᒫᖅᑐᑦ ᐅᕙᓐᓄᑦ ᑐᒃᓯᐅᑎᕙᒃᑲ. 21 ᑐᒃᓯᐊᖅᐳᖓ ᑖᒃᑯᐊᓕᒫᑦ ᐊᑕᐅᓯᐅᖁᓪᓗᒋᑦ; ᐃᕝᕕᑦᑕᐅᖅ ᐊᑖᑖᒃ, ᐃᓗᓐᓃᓐᓇᕕᑦ, ᐅᕙᖓᓗ ᐃᓗᖕᓃᓐᓇᒪ, ᑖᒃᑯᐊᑦᑕᐅᖅ ᐃᓗᑦᑎᓐᓃᖁᓪᓗᒋᑦ, ᓯᓚᖅᔪᐊᕐᖕᒥᐅᑦ ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ. 22 ᓂᖅᑐᕐᖕᓇᕐᖕᓂᖅᓗ ᐅᕙᓐᓄᑦ ᑐᓂᓚᐅᖅᑍᑦ ᑐᓂᓚᐅᖅᐸᕋ ᑖᒃᑯᓄᖓ, ᑖᒃᑯᐊ ᐊᑕᐅᓯᐅᖁᓪᓗᒋᑦ ᐅᕙᑦᑎᑐᑦ, 23 ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᒻᒪᕆᐅᓕᖁᓪᓗᒋᑦ, ᓯᓚᖅᔪᐊᕐᖕᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᖅᑐᑦ. 24 ᐊᑖᑖᒃ, ᐱᔪᒪᕗᖓᓗ ᑖᒃᑯᐊ ᐅᕙᓐᓄᑦ ᑐᓂᓚᐅᖅᑕᑎᑦ, ᐅᕙᓐᓃᖁᓪᓗᒋᑦ ᓇᔪᖅᑕᓐᓂ, ᓂᖅᑐᕐᖕᓇᕐᖕᓂᕐᖕᒥᒡᓗ ᐅᕙᓐᓄᑦ ᑐᓂᓚᐅᖅᑕᕐᖕᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᖕᓄᑦ ᓯᓚᖅᔪᐊᖅ ᐱᓐᖑᖅᑎᑕᐅᓚᐅᖅᑳᖅᑎᓐᓇᒍ. 25 ᓈᓛᒎᖅᑐᑎᑦ ᐊᑖᑖᒃ, ᓯᓚᖅᔪᐊᕐᖕᒥᐅᑦ ᖃᐅᔨᒪᓐᖏᓛᑎᑦ, ᐅᕙᖓᓕ ᖃᐅᔨᒪᕙᒋᑦ; ᑖᒃᑯᐊᓗ ᖃᐅᔨᕗᑦ ᑎᓕᓚᐅᕋᕕᖓ. 26 ᑖᒃᑯᓄᖓᓗ ᖃᐅᔨᔭᐅᑎᑉᐸᒋᑦ, ᓱᓕᓗ ᖃᐅᔨᑎᑉᐸᓕᐊᔪᒪᕙᒃᑲ, ᓇᒡᓕᖕᓃᑦ ᓇᒡᓕᖕᓂᕆᔧᑦ ᐅᕙᓐᓄᑦ ᐃᓗᖏᓐᓃᖁᓪᓗᒍ, ᐅᕙᖓᓗ ᐃᓗᖏᓐᓃᓪᓗᖓ.”
ᔩᓱᓯᐅᑉ ᑎᒍᔭᐅᓂᖓ
1 ᔩᓱᓯᓕ ᑐᒃᓯᐊᕇᕋᒥ, ᐃᓕᓐᓂᐊᖅᑎᓂ ᐃᓚᒋᓪᓗᒋᑦ ᑕᕝᕙᓐᖓᑦ ᓅᑉᐳᑦ, ᑰᒡᓗ ᑭᑦᑐᕌᓂ ᐃᑳᖅᐹᑦ, ᑕᕝᕙᓂ ᐱᕈᖅᓰᕕᒃᑕᖃᕐᖕᒪᑦ, ᐃᓕᓐᓂᐊᖅᑎᓂᓗ ᐃᓚᒋᓪᓗᒋᑦ ᑕᕝᕗᓐᖓᖅᐳᑦ. 2 ᔫᑕᓯᐅᓪᓕ, ᑖᑦᓱᒪ ᐱᔭᐅᑎᑦᓯᔨᖓᑕ, ᑖᓐᓇ ᐱᕈᖅᓰᕕᒃ ᖃᐅᔨᒪᕚ; ᔩᓱᓯ ᐃᓕᓐᓂᐊᖅᑎᓂ ᐃᓚᒋᓪᓗᒋᑦ ᑕᕝᕙᓂ ᑲᑎᖃᑦᑕᕐᖕᒪᑕ. 3 ᑍᒤᒻᒪᑦ, ᔫᑕᓯ ᑕᕝᕗᖓ ᐱᕈᖅᓰᕕᖕᒧᐊᓕᖅᐳᖅ, ᐅᓇᑕᖅᑐᒃᓴᓂᒃ ᑐᒃᓯᐊᖅᕕᒡᔪᐊᓪᓗ ᖃᐅᔨᓴᖅᑎᖏᓐᓂᒃ ᐃᓚᖃᖅᓗᓂ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖏᑦᑕ ᐹᕋᓰᓪᓗ ᑎᓕᓯᒪᔭᖏᓐᓂᒃ, ᓇᓂᕉᑎᖃᖅᓗᑎᒃ ᓇᓂᕈᐊᓕᔭᖅᓗᑎᒡᓗ ᓱᒋᐅᓯᔭᖅᓗᑎᒡᓗ. 4 ᔩᓱᓯᓕ, ᑕᒤᓐᓂᒃ ᖃᐅᔨᒪᒐᒥ ᐱᓂᐊᖅᕕᐅᓂᐊᕐᖕᓂᕐᖕᒥᓂᒃ, ᐸᕐᕆᐊᖅᓗᒋᑦ ᐅᖃᐅᑎᕔᑦ, “ᑭᓇᒦᒃ ᕿᓂᖅᐱᓯ?” 5 ᑖᒃᑯᐊ ᑭᐅᕚᑦ, “ᔩᓱᓯ ᓈᓴᕇᑎᒥᐅᖅ.” ᔩᓱᓯᐅᑉ ᐅᖃᐅᑎᕔᑦ, “ᐅᕙᖓᐅᕗᖓ.” ᔫᑕᓯᐅᓪᓕ ᐱᔭᐅᒃᑬᔫᑉ ᐃᓄᐃᑦ ᑖᒃᑯᐊ ᓇᖏᖃᑎᒋᕔᑦ. 6 ᔩᓱᓯᐅᓪᓕ ᐅᖃᐅᑎᖕᒪᒋᑦ, “ᐅᕙᖓᐅᕗᖓ,” ᑭᖑᑉᐱᐊᕋᒥᒃ ᓂᕕᖅᐳᑦ ᓄᓇᒧᑦ. 7 ᑕᕝᕙ ᔩᓱᓯᐅᑉ ᐊᐱᕆᒃᑲᓐᓂᖅᐰᑦ, “ᑭᓇᒦᒃ ᕿᓂᖅᐱᓯ?” ᑖᒃᑯᐊ ᐅᖃᖅᐳᑦ, “ᔩᓱᓯ ᓈᓴᕇᑎᒥᐅᖅ.” 8 ᔩᓱᓯᐅᑉ ᑭᐅᕔᑦ, “ᐅᖃᐅᑎᔭᕇᖅᑲᐅᕙᑦᓯ ᐅᕙᖓᐅᕗᖓ; ᐅᕙᖓᑐᐊᖅ ᕿᓂᕈᑦᓯᓐᖓ, ᐅᑯᐊ ᐃᓚᒋᔭᒃᑲ ᑲᒪᒋᓇᒋᑦ ᐊᐅᓪᓚᖅᓕᑦ.” 9 ᐅᖃᐅᓯᕆᓚᐅᖅᑕᖏᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐅᕙᓐᓄᑦ ᑐᓂᓚᐅᖅᑕᕐᖕᓂᒃ ᐊᑕᐅᓯᕐᖕᒥᒡᓘᓐᓃᑦ ᐊᓯᐅᔪᖃᓐᖏᓚᖅ.” 10 ᑕᕝᕙ ᓮᒨᓂ ᐲᑦᑐᕉᓯ, ᓴᕕᒡᔪᐊᖃᕋᒥ, ᐊᒧᓪᓗᓂᐅᒃ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᑦᑕ ᐱᔨᖓ ᐅᓕᒪᖅᓗᒍ ᓯᐅᑎᖓᑕ ᑕᓕᖅᐱᐊ ᓇᑲᑉᐹ. ᑖᓐᓇᓗ ᐱᔨ ᐊᑎᖃᖅᐳᖅ ᒪᐅᓪᑲᔅᒥᒃ. 11 ᔩᓱᓯᐅᑉ ᐲᑦᑐᕉᓯ ᐅᖃᐅᑎᕚ, “ᓴᕕᒡᔪᐊᑦ ᑮᓁᓕᑕᖓᓄᑦ ᐴᓕᕈᒃ; ᑏᑐᑎᐅᑉ ᐃᒪᖓ ᐊᑖᑕᒪ ᐅᕙᓐᓄᑦ ᕾᑕᖓ ᐃᒥᕆᐊᖃᓐᖏᓚᕌ?”
ᔩᓱᓯᐅᑉ ᐋᓇᓯᒧᐊᕈᑦᔭᐅᓂᖓ
12 ᑕᕝᕙ ᐅᓇᑕᖅᑐᒃᓮᑦ ᐊᖓᔪᖅᑳᖓᑦᑕᓗ ᔫᑎᓪᓗ ᑐᒃᓯᐊᖅᕕᒡᔪᐊᕐᖕᒥ ᖃᐅᔨᓴᖅᑎᖏᑕ ᔩᓱᓯ ᑎᒍᕚᑦ ᕿᓚᒃᓱᖅᓗᒍᓗ. 13 ᓯᕗᓪᓕᕐᖕᒥᒡᓗ ᐋᓇᓯᒧᐊᕈᑎᕚᑦ; ᑬᐊᐹᓯᐅᑉ ᓴᑭᖓᓄᑦ, ᐊᕐᕌᒍᒥ ᑕᒪᑐᒪᓂ ᑐᓂᕐᕈᓯᖅᑎᑦᓯᔨᓄᑦ ᐊᖓᔪᖅᑳᖑᔫᑉ. 14 ᑬᐊᐹᓯ ᑖᓐᓇᐅᕗᖅ ᔫᑎᑦ ᐊᖓᔪᖅᑳᖏᓐᓂᒃ ᐃᓱᒪᑖᖅᑎᑦᓯᓚᐅᖅᑐᖅ ᐃᓄᒃ ᐊᑕᐅᓯᖅ ᑐᖁᑕᐅᒃᐸᑦ ᐱᐅᓂᖅᓴᐅᒐᔭᕐᖕᓂᕋᖅᓗᓂᐅᒃ ᐃᓅᖃᑎᒌᓕᒫᑦ ᐱᑦᔪᑎᒋᓗᒋᑦ.
ᐲᑦᑐᕉᓯᐅᑉ ᓴᒡᓗᑎᖃᕐᖕᓂᖓ ᔩᓱᓯᒥᒃ
15 ᓮᒨᓂᓕ ᐲᑦᑐᕉᓯ ᐃᓕᓐᓂᐊᖅᑎᐅᖃᑎᖓᓗ ᔩᓱᓯᒥᒃ ᒪᓕᒃᐴᒃ. ᐃᓕᓐᓂᐊᖅᑎᓗ ᐲᑦᑐᕉᓯᐅᑉ ᐊᓯᐊ ᖃᐅᔨᒪᔭᐅᒐᒥ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᓐᓄᑦ, ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᑦᑕ ᐃᒡᓗᖓᑕ ᓯᓚᑖᓄᑦ ᐊᕙᓗᓕᐅᖅᓯᒪᔫᒧᑦ ᐃᑎᖃᑕᐅᕗᖅ ᔩᓱᓯ ᐃᓚᒋᓪᓗᒍ, 16 ᐲᑦᑐᕉᓯᓕ ᐃᑎᖅᑕᖅᕕᐅᑉ ᐅᒃᑯᐊᖓᑕ ᓯᓚᑖᓂ ᓇᖏᖅᐳᖅ. ᐃᓕᓐᓂᐊᖅᑎᓗ ᐊᓯᐊ ᖃᐅᔨᒪᔭᐅᔪᖅ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᓐᓄᑦ, ᐊᓂᒐᒥ ᐊᕐᖕᓇᒥᒃ ᐃᑎᖅᑕᖅᕕᐅᑉ ᐅᒃᑯᐊᖓᓂ ᑲᒪᔨᒥᒃ ᐅᖃᖃᑎᖃᓚᐅᖅᓗᓂ, ᐲᑦᑐᕉᓯ ᐃᑎᖅᑎᑉᐹ. 17 ᑕᕝᕙ ᐊᕐᖕᓇᖅ ᐃᑎᖅᑕᖅᕕᐅᑉ ᐅᒃᑯᐊᖓᓂ ᑲᒪᔨ ᐲᑦᑐᕉᓯᒧᑦ ᐅᖃᖅᐳᖅ, “ᑖᑦᓱᒪ ᐃᓕᓐᓂᐊᖅᑎᖏᓐᓄᑦ ᐃᓚᒋᔭᐅᓐᖏᓚᑏᑦ?” ᐲᑦᑐᕉᓯᐅᑉ ᑭᐅᕚ, “ᐃᓚᒋᔭᐅᓐᖏᓚᖓ.” 18 ᓯᓚ ᓂᒡᓚᓱᓕᕐᖕᒪᑦ, ᐱᔩᑦ ᑐᒃᓯᐊᖅᕕᒡᔪᐊᕐᖕᒥᓗ ᖃᐅᔨᓴᖅᑏᑦ ᕿᔪᒃᓴᓂᒃ ᐃᑭᑦᓯᓚᐅᖅᐳᑦ ᐊᕙᑖᓂᓗ ᓇᖏᖅᓗᑎᒃ, ᐅᖅᑰᓯᑦᑎᕋᓱᐊᖅᐳᑦ; ᑕᕝᕙ ᐲᑦᑐᕉᓯ ᓇᖏᖃᑕᐅᓕᕆᕗᖅ, ᐃᑯᒪᔫᑉ ᓴᓂᐊᓂ ᐃᒻᒥᓂᒃ ᐅᖅᑰᓯᑦᑎᕋᓱᐊᕆᓪᓗᓂ.
ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᑦᑕ ᐊᐱᖅᓱᕐᖕᓂᖓ ᔩᓱᓯᒥᒃ
19 ᑐᓂᕐᕈᓯᖅᑎᑦᓯᔩᓪᓕ ᐊᖓᔪᖅᑳᖓᑦᑕ ᔩᓱᓯ ᐊᐱᖅᓱᓕᖅᐹ ᐃᓕᓐᓂᐊᖅᑎᖏᑕ ᒥᒃᓵᓄᑦ ᐊᔪᕆᖅᑐᐃᖃᑦᑕᕐᖕᓂᖓᓂᒡᓗ. 20 ᔩᓱᓯᐅᑉ ᑭᐅᕚ, “ᑍᒪᓐᖓᑦ ᐃᔨᖅᓯᒪᓇᖓ ᐃᓄᓕᒫᓄᑦ ᐅᖃᓪᓚᖃᑦᑕᓚᐅᖅᐳᖓ; ᐊᔪᕆᖅᑐᐃᖃᑦᑕᓚᐅᖅᐳᖓᓗ ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖏᓐᓂ ᑐᒃᓯᐊᖅᕕᒡᔪᐊᒥᓗ, ᔫᑎᓕᒫᑦ ᑲᑎᕕᒋᕙᒃᑕᖏᓐᓂ; ᐃᔨᕋᖅᑐᖅᓗᖓᓗ ᐅᖃᓪᓚᓚᐅᖅᓯᒪᓇᖓ. 21 ᓱᓇᒥᒃ ᑐᑭᓯᕕᒋᔪᒪᕕᖔ? ᐃᓄᐃᑦ ᐊᐱᖅᓱᓚᐅᒃᑭᑦ ᐅᕙᓐᓂᒃ ᑐᓵᖃᖅᑕᓚᐅᖅᑐᑦ ᐅᖃᐅᓯᕆᖃᑦᑕᓚᐅᖅᑕᓐᓂᒃ; ᖃᐅᔨᒪᖕᒪᑕ ᖃᓄᖅ ᐅᖃᐅᓯᖃᖃᑦᑕᓚᐅᕐᖕᒪᖔᕐᖕᒪ.” 22 ᔩᓱᓯᓕ ᑍᒫᒃ ᐅᖃᕐᖕᒪᑦ, ᖃᐅᔨᓴᖅᑏᑦ ᐃᓚᖓᑦᑕ ᐅᓗᐊᖓᒍᑦ ᐸᑎᒃᓗᓂᐅᒃ ᐅᖃᐅᑎᕚ, “ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᑦ ᑍᒫᒃ ᑭᐅᒪᔭᒃᓴᕆᕕᐅᒃ?” 23 ᔩᓱᓯᐅᑉ ᑭᐅᕚ, “ᓈᒻᒪᖏᑦᑐᒥᒃ ᐅᖃᕈᒪ, ᓇᓗᓁᖅᓯᔪᖃᓚᐅᖅᓕ ᖃᓄᖅ ᓈᒻᒪᓈᖏᒻᒪᖔᕐᖕᒪ; ᓈᒻᒪᓈᕈᒪᓕ ᐅᖃᐅᓯᕆᔭᓐᓂᒃ, ᓱᖕᒪᑦ ᐸᑎᒃᐱᖔ?” 24 ᑕᕝᕙ ᐋᓇᓯᐅᑉ ᐊᓂᖁᓕᖅᐹ ᕿᓚᒃᑕᐅᓯᒪᑎᓪᓗᒍ ᑬᐊᐹᓯᒧᓪᓗ ᐋᑕᐅᖁᕙ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖓᓐᓄᑦ.
ᐲᑦᑐᕉᓯᐅᑉ ᓴᒡᓗᑎᖃᒃᑲᓐᓂᕐᖕᓂᖓ ᔩᓱᓯᒥᒃ
25 ᓮᒨᓂᓕ ᐲᑦᑐᕉᓯ ᓱᓕ ᐃᑯᒪᔫᑉ ᓴᓂᐊᓂ ᓇᖏᖅᐳᖅ ᐅᖅᑰᓯᑦᑎᕋᓱᐊᖅᓗᓂ. ᑕᕝᕙ ᐅᖃᐅᑎᕚᑦ, “ᑖᑦᓱᒪ ᐃᓕᓐᓂᐊᖅᑎᖏᑕ ᐃᓚᒋᓐᖏᓛᑏᑦ?” ᐲᑦᑐᕉᓯᓕ ᓴᒡᓗᓪᓗᓂ ᐅᖃᖅᐳᖅ, “ᐃᓚᒋᔭᐅᓐᖏᓚᖓ.” 26 ᑐᓂᕐᕈᓯᖅᑎᑦᓯᔩᓪᓕ ᐊᖓᔪᖅᑳᖓᑦᑕ ᐱᔨᖏᑕ ᐃᓚᖓᑦ, ᐱᕈᖅᓰᕕᖕᒥ ᐲᑦᑐᕉᓯᐅᑉ ᓯᐅᑎᖓᒍᑦ ᓇᑲᖅᑲᐅᔭᖓᑕ ᐃᓚᖓ, ᐅᖃᖅᐳᖅ. “ᑕᑯᖅᑲᐅᓐᖏᓚᒌᑦ? ᑖᑦᓱᒥᖓ ᐃᓚᖃᖅᑎᓪᓗᑎᑦ ᐱᕈᖅᓰᕕᖕᒥ?” 27 ᑕᕝᕙ ᐲᑦᑐᕉᓯ ᓴᒡᓗᒃᑲᓐᓂᕆᕗᖅ; ᑕᕝᕔᓐᓇᖅᓗ ᐊᖑᑎᕕᐊᖅ ᓂᓪᓕᖅᐳᖅ.
ᔩᓱᓯᐅᑉ ᐋᑕᐅᓂᖓ ᐰᓛᑑᓯᒧᑦ
28 ᑕᕝᕙ ᔩᓱᓯ ᑬᐊᐹᓯᐅᑉ ᐃᒡᓗᖓᓂᑦ ᐋᑕᐅᓕᕆᕗᖅ ᕉᒪᒥᐅᑦ ᐊᐅᓚᑦᓯᔨᖓᑦᑕ ᐃᒡᓗᖅᔪᐊᖓᓄᑦ. ᐅᓪᓛᒻᒪᕆᐅᓕᖅᑎᓪᓗᒍ. ᔫᑎᓪᓕ ᐊᖓᔪᖅᑳᖏᑦ ᑕᕝᕗᖓ ᐃᑎᖃᑕᐅᓐᖏᓚᑦ, ᐅᒃᐱᕐᖕᓂᒃᑯᑦ ᐱᐅᓯᕐᖕᒥᒍᑦ ᓴᓗᒤᓕᑎᑕᐅᔪᒪᓇᑎᒃ, ᖄᖏᖅᑕᐅᕕᒃᓯᐅᑎᒥᒃ ᓂᕆᖃᑕᐅᔪᓐᓇᕈᒪᓂᕐᖕᒧᑦ. 29 ᑕᕝᕙ ᐰᓛᑑᓯᐅᑉ ᐊᓂᕕᒋᓪᓗᒋᑦ ᐅᖃᐅᑎᕔᑦ, “ᓱᓇᒥᒃ ᐸᓯᒃᓯᕈᑎᖃᖅᐱᓰ? ᐊᖑᒻᒧᑦ ᐆᒧᖓ?” 30 ᑖᒃᑯᐊ ᑭᐅᕗᑦ, “ᐅᓇ ᐱᐅᖏᑦᑐᓕᔨᐅᖏᑉᐸᑦ, ᐃᓕᖕᓄᐊᕈᑎᒐᔭᓐᖏᓚᕗᑦ.” 31 ᐰᓛᑑᓯᐅᑉ ᐅᖃᐅᑎᕔᑦ, “ᓇᖕᒥᓂᖅ ᑎᒍᓕᖅᓯᐅᒃ ᐃᖅᑲᖅᑐᖅᓗᒍᓗ ᓇᖕᒥᓂᖅ ᐱᖁᔭᓯ ᒪᓕᒡᓗᒋᑦ.” ᑕᕝᕙ ᔫᑎᑦ ᐅᖃᐅᑎᕚᑦ, “ᑐᖁᑦᓯᔪᒃᓴᐅᓐᖏᓚᒍᑦ ᑭᓇᒥᒡᓘᓐᓃᑦ.” 32 ᑕᒪᓐᓇ ᐱᓂᐊᕐᖕᓂᐅᓚᐅᖅᐳᖅ ᔩᓱᓯᐅᑉ ᐅᖃᐅᓯᕆᓚᐅᖅᑕᖏᑕ ᓇᓚᐅᑦᓯᓂᖏᑦ ᓴᖅᑭᑎᑕᐅᖁᓪᓗᒋᑦ ᖃᓄᐃᓕᐅᖅᑕᐅᓗᓂ ᑐᖁᑎᑕᐅᓛᕐᖕᒪᖔᕐᖕᒥ. 33 ᐰᓛᑑᓯᓕ ᐃᒡᓗᖅᔪᐊᕐᖕᒧᑦ ᐃᑎᕐᖕᒥᒐᒥ ᔩᓱᓯ ᕾᖁᕚ, ᐅᖃᐅᑎᓪᓗᒍᓗ, “ᔫᑎᑦ ᐊᖓᔪᖅᑳᖅᔪᐊᕆᕚᑏᑦ?” 34 ᔩᓱᓯᐅᑉ ᑭᐅᕚ, “ᐃᒻᒥᓂᒃ ᑍᒫᒃ ᑕᒪᑐᒥᖓ ᐅᖃᖅᐲᑦ? ᐅᕝᕙᓗ ᐊᓯᖕᓂᑦ ᑕᒪᑐᒥᖓ ᐅᖃᐅᑦᔭᐅᓐᓂᖅᐱᑦ ᖃᓄᐃᑦᑑᖕᒪᖔᕐᖕᒪ?” 35 ᐰᓛᑑᓯᐅᑉ ᑭᐅᕚ, “ᔫᑎᐅᓇᓱᒋᕕᖔ? ᓇᖕᒥᓂᖅ ᐃᓅᖃᑎᖕᓄᑦ ᑐᓂᕐᕈᓯᖅᑎᑦᓯᔩᓪᓗ ᐊᖓᔪᖅᑳᖏᓐᓄᑦ ᑎᒍᔭᐅᓪᓗᑎᑦ ᐅᕙᓐᓄᐊᖅᑕᐅᕗᑎᑦ; ᖃᓄᐃᓕᐅᓚᐅᕋᕕᑦ?” 36 ᔩᓱᓯ ᑭᐅᕗᖅ, “ᐊᖓᔪᖅᑲᐅᕕᒐ ᓯᓚᖅᔪᐊᕐᖕᒥᑦ ᑕᒪᑐᒪᖓᑦ ᐱᓐᖏᓚᖅ; ᐊᖓᔪᖅᑲᐅᕕᒐ ᓯᓚᖅᔪᐊᕐᖕᒥᑦ ᑕᒪᑐᒪᖓᑦ ᐱᒃᐸᑦ, ᒪᓕᒃᑎᓐᓂᑦ ᐅᓇᑕᕈᑕᐅᔭᒐᔭᖅᐳᖅ, ᑎᒍᔭᐅᖁᓇᖓ ᔫᑎᑦ ᐊᖓᔪᖅᑳᖏᓐᓄᑦ; ᑍᒤᒻᒪᑦ, ᐊᖓᔪᖅᑲᐅᕕᒐ ᓯᓚᖅᔪᐊᕐᖕᒥᑦ ᑕᒪᑐᒪᖓᑦ ᐱᓐᖏᓚᖅ.” 37 ᑕᕝᕙ ᐰᓛᑑᓯᐅᑉ ᐊᐱᕆᕚ, “ᑕᕝᕚ ᐊᖓᔪᖅᑳᖅᔪᐊᖑᕕᑦ?” ᔩᓱᓯᐅᑉ ᑭᐅᕚ, “ᐃᕝᕕᑦ ᐊᖓᔪᖅᑳᖅᔪᐊᖑᓂᕋᖅᐸᕐᖕᒪ. ᑕᒪᓐᓇ ᐱᑦᔪᑎᒋᓪᓗᒍ ᐃᓅᓚᐅᖅᐳᖓ, ᓯᓚᖅᔪᐊᕐᖕᒧᓪᓗ ᑎᑭᓪᓗᖓ, ᓱᓕᔪᒥᒃ ᓇᓗᓁᖅᓯᔭᖅᑐᖅᓗᖓ. ᓱᓕᔪᒦᑦᑐᓕᒫᑦ ᑐᓴᖅᐹᖓ.” 38 aᑕᕝᕙ ᐰᓛᑑᓯᐅᑉ ᐅᖃᐅᑎᕚ, “ᓱᓇᐅᕚ ᓱᓕᔪᖅ?”
ᔩᓱᓯᐅᑉ ᑐᖁᑕᒃᓴᕈᖅᑎᑕᐅᓂᖓ
38 bᐰᓛᑑᓯ ᑍᒫᒃ ᐅᖃᕇᕋᒥ, ᐊᓂᓪᓗᓂ ᔫᑎᓄᑦ ᐅᖃᖅᐳᖅ, “ᓱᒋᐊᖅᑕᐅᑦᔪᑎᒃᓴᖓᓂᒃ ᑖᑦᓱᒪ ᓇᓂᓯᓐᖏᓚᖓ. 39 ᐱᐅᓯᓯᓕ ᒪᓕᒡᓗᒋᑦ ᑎᒍᔭᐅᓯᒪᔪᑦ ᐃᓚᖓᓐᓂᒃ ᐱᔪᒪᔭᑦᓯᓐᓂᒃ ᐊᑕᐅᓯᕐᖕᒥᒃ ᐊᓂᑎᑦᓯᓲᖑᕗᖓ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᓕᕌᖓᑦᓯ; ᔫᑎᑦ ᐊᖓᔪᖅᑳᖅᔪᐊᖓᓐᓂᒃ ᐊᓂᑎᑦᓯᖁᕕᓯᓐᖔ?” 40 ᑕᕝᕙ ᕾᒐᓛᓕᖅᐳᑦ, “ᑖᑦᓱᒥᖓᐅᖏᑦᑐᖅ, ᐸᕋᐹᓯᒥᒡᓕ!” (ᐸᕋᐹᓯᓕ ᑎᒡᓕᒃᑎᐅᕗᖅ.)
1 ᑕᕝᕙ ᐰᓛᑑᓯᐅᑉ ᔩᓱᓯ ᑎᒍᔭᐅᖁᕚ, ᑏᒐᖅᑐᖅᑕᐅᖁᓪᓗᒍᓗ. 2 ᐅᓇᑕᖅᑐᒃᓮᓪᓗ ᓂᐊᖂᑎᒃᓴᓕᐅᖅᐳᑦ ᑲᑭᓪᓚᐅᑎᓕᖕᓂᒃ ᐅᖅᐱᐅᔮᖅᑐᓂᒃ ᐱᕐᕅᓪᓗᑎᒃ, ᔩᓱᓯᐅᓪᓗ ᓂᐊᖁᐊᓄᑦ ᐃᓕᕚᑦ, ᐊᓐᓄᕌᒥᒡᓗ ᐊᐅᐸᓪᓚᕆᒃᑐᒥᒃ ᐊᑎᑎᑉᐹᑦ; 3 ᐅᐸᒡᓗᒍᓗ ᐅᖃᐅᑎᕚᑦ, “ᓂᖅᑐᖅᑕᐅᓕ, ᔫᑎᑦ ᐊᖓᔪᖅᑳᖅᔪᐊᖓᑦ!” ᑮᓇᖓᒍᓪᓗ ᐸᑎᒃᐹᑦ. 4 ᐰᓛᑑᓯᓗ ᐊᓂᖕᒥᒐᒥ, ᐃᓄᒐᓴᒡᔪᐊᓄᑦ ᐅᖃᖅᐳᖅ, “ᑕᑯᒋᑦ, ᐅᓇ ᐊᓂᑎᑉᐸᕋ, ᑕᑯᖁᓪᓗᓯ ᑖᑦᓱᒪ ᓱᒋᐊᖅᑕᐅᑦᔪᑎᒃᓴᖓᓂᒃ ᓇᓂᓯᖏᓐᓇᒪ.” 5 ᑕᕝᕙ ᔩᓱᓯ ᐊᓂᕗᖅ, ᓂᐊᖂᓯᔭᖅᓗᓂ ᑲᑭᓪᓚᐅᑎᓕᖕᓂᒃ ᐅᓕᒡᔪᐊᖃᖅᓗᓂᓗ ᐊᐅᐸᓪᓚᕆᒃᑐᒥᒃ. ᐰᓛᑑᓯᓗ ᐃᓄᖕᓄᑦ ᐅᖃᖅᐳᖅ, “ᑕᑯᓕᖅᓯᐅᒃ ᐊᖑᑦ ᐅᓇ!” 6 ᑐᓂᕐᕈᓯᖅᑎᑦᓯᔩᓪᓕ ᐊᖓᔪᖅᑳᖏᑦ ᑐᒃᓯᐊᖅᕕᒡᔪᐊᓪᓗ ᖃᐅᔨᓴᖅᑎᖏᑦ ᑕᑯᒐᒥᒃ ᔩᓱᓯᒥᒃ ᕾᒐᓛᓕᖅᐳᑦ, “ᑭᑭᐊᒃᑐᖅᑕᐅᓕ! ᑭᑭᐊᒃᑐᖅᑕᐅᓕ!” ᑕᕝᕙ ᐰᓛᑑᓯᐅᑉ ᐅᖃᐅᑎᕔᑦ, “ᓇᖕᒥᓂᖅ ᐱᓕᖅᓯᐅᒃ, ᑭᑭᐊᒃᑐᖅᓗᒍᓗ, ᐅᕙᖓᓕ ᓱᒋᐊᖅᑕᐅᑦᔪᑎᒃᓴᖓᓂᒃ ᓇᓂᓯᓐᖏᓚᖓ ᑖᑦᓱᒪᓂ.” 7 ᑕᕝᕙ ᔫᑎᑦ ᑭᐅᕚᑦ, “ᐱᖁᔭᖃᖅᐳᒍᑦ, ᐱᖁᔧᓪᓗ ᒪᓕᒡᓗᒋᑦ ᑖᓐᓇ ᑐᖁᑕᐅᔪᒃᓴᐅᕗᖅ, ᐃᒻᒥᓂᒃ ᐃᕐᖕᓂᐅᑎᒻᒪᑦ ᒎᑎᒧᑦ.” 8 ᐰᓛᑑᓯᐅᓪᓕ ᐅᖃᐅᓰᑦ ᑕᒪᒃᑯᐊ ᑐᓴᕋᒥᒋᑦ, ᓯᕘᕋᓂᖅᓴᐅᓕᖅᐳᖅ. 9 ᐃᒡᓗᖅᔪᐊᕐᖕᒧᓪᓗ ᐃᑎᕐᖕᒥᒐᒥ ᔩᓱᓯ ᐊᐱᕆᕚ, “ᓇᑭᓐᖔᖅᓯᒪᕖᑦ?” ᔩᓱᓯᓕ ᑭᐅᓐᖏᓚᖅ. 10 ᑕᕝᕙ ᐰᓛᑑᓯᐅᑉ ᐅᖃᐅᑎᕚ, “ᐅᕙᓐᓄᑦ ᑭᐅᑦᑍᓕᒪᕖᑦ? ᖃᐅᔨᒪᓐᖏᓚᑏᑦ ᐱᔪᓐᓇᕐᖕᓂᖃᕋᒪ ᐊᓂᑎᑦᓱᓐᓇᖅᓗᑎᑦ, ᑭᑭᐊᒃᑐᖅᑕᐅᑎᓪᓗᑎᓪᓘᓐᓃᑦ?” 11 ᔩᓱᓯᐅᑉ ᑭᐅᕚ, “ᐅᕙᓐᓄᑦ ᐱᔪᓐᓇᕐᖕᓂᖃᕋᔭᓐᖏᓚᑎᑦ ᑐᓂᓯᕕᐅᖏᒃᑯᕕᑦ ᑕᑉᐹᓐᖓᑦ; ᑍᒤᒻᒪᑦ ᐅᕙᓐᓂᒃ ᐱᔭᐅᑎᑦᓯᔪᖅ ᐃᓕᖕᓄᑦ ᐊᔪᕐᖕᓂᖃᕐᖕᓂᖅᓴᐅᕗᖅ ᐃᓕᖕᓂᑦ.” 12 ᐰᓛᑑᓯᓕ ᕿᓂᕋᓱᐊᕋᓗᐊᖅᐳᖅ ᔩᓱᓯᐅᑉ ᐊᓂᑎᑕᐅᑦᔪᑎᒃᓴᖓᓂᒃ, ᔫᑎᓪᓕ ᕾᒐᓛᓕᖅᐳᑦ, “ᐅᓇ ᐊᓂᑎᓐᓂᐊᕈᕕᐅᒃ, ᐊᖓᔪᖅᑳᒻᒪᕆᐅᑉ ᓰᓴᕆᐅᑉ ᐃᓚᓐᓈᕆᓂᐊᓐᖏᓛᑎᑦ; ᐃᒻᒥᓂᒃ ᐊᖓᔪᖅᑳᖅᔪᐊᖑᓂᕋᖅᑐᖅ ᐊᑭᕋᖅᑐᕐᖕᒪᑦ ᐊᖓᔪᖅᑳᒻᒪᕆᖕᒥᒃ ᓰᓴᕆᒥᒃ.” 13 ᐰᓛᑑᓯᐅᓪᓕ ᐅᖃᐅᓰᑦ ᑕᒪᒃᑯᐊ ᑐᓴᕋᒥᒋᑦ, ᔩᓱᓯ ᐊᓂᑎᑉᐹ ᐃᖏᓪᓗᓂᓗ ᐃᖅᑲᖅᑐᐃᕕᐅᑉ ᐃᒃᓯᕙᐅᑕᖓᓄᑦ ᑍᔭᐅᔪᒧᑦ ᐅᔭᕋᖕᓂᒃ ᓇᑎᓕᐅᖅᓯᒪᔪᒥᒃ, ᐄᑉᕉᑎᑐᑦ ᐊᑎᖃᖅᑐᒧᑦ ᒐᐹᑕᒥᒃ. 14 ᑍᒤᓕᐅᖅᑎᓪᓗᒋᑦ ᑕᕝᕙᓂ ᐅᓪᓗᖅ ᕿᑎᕋᓕᑲᓴᓕᖅᐳᖅ; ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᖅᕕᐅᑉ ᐅᐸᓗᖕᒊᔭᖅᕕᖓ ᓇᓪᓕᐅᑎᑎᓪᓗᒍ. ᑕᕝᕙ ᔫᑎᓄᑦ ᐅᖃᖅᐳᖅ, “ᑕᑯᒋᑦ ᑕᕝᕙ ᐊᖓᔪᖅᑳᖅᔪᐊᓯ!” 15 ᕾᒐᓛᓕᖅᐳᓪᓕ, “ᑕᒫᓃᑎᓐᓇᒍ, ᑕᒫᓃᑎᓐᓇᒍ, ᑭᑭᐊᒃᑐᖅᑕᐅᓕ!” ᐰᓛᑑᓯᐅᑉ ᐅᖃᐅᑎᕔᑦ, “ᐊᖓᔪᖅᑳᖅᔪᐊᓯ ᑭᑭᐊᒃᑐᒐᒃᓴᕆᕙᕌ?” ᑕᕝᕙ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖏᑦ ᑭᐅᕗᑦ, “ᐊᖓᔪᖅᑳᖅᔪᐊᖃᓐᖏᓚᒍᑦ ᓰᓴᕆᐅᑉ ᐊᓯᐊᓂᒃ!” 16 aᑕᕝᕙ ᐰᓛᑑᓯᐅᑉ ᔩᓱᓯ ᐂᑦᑑᑎᒋᓕᖅᐹ ᑖᒃᑯᓄᖓ ᑭᑭᐊᒃᑐᖅᑕᐅᖁᓪᓗᒍ.
ᔩᓱᓯᐅᑉ ᑭᑭᐊᒃᑐᖅᑕᐅᓂᖓ
16 bᔩᓱᓯ ᑕᕝᕙ ᑎᒍᕚᑦ, 17 ᔩᓱᓯᓗ ᐊᓂᕗᖅ, ᓴᓐᓂᖓᔪᓕᒃᓴᓂᓗ ᐃᖅᓱᒃᐹ, ᓂᐊᖁᕕᓂᖅᑕᓕᖕᒧᑦ, ᐄᑉᕉᑎᑐᑦ ᐊᑎᖃᖅᑐᒧᑦ ᒎᓪᒑᑕᒥᒃ. 18 ᑕᕝᕙᓂ ᔩᓱᓯ ᑭᑭᐊᒃᑐᖅᐹᑦ ᓴᓐᓂᖓᔪᓕᖕᒧᑦ, ᐊᓯᖏᖕᓂᒃᑕᐅᖅ ᒪᕐᕉᖕᓂᒃ ᑭᑭᐊᒃᑐᐃᒋᕗᑦ, ᐊᕙᑖᓄᐊᖅᓗᒋᒃ ᓴᐅᒥᐊᓄᑦ ᑕᓕᖅᐱᐊᓄᓪᓗ, ᔩᓱᓯᓕ ᐊᑯᓪᓕᖅᐸᐅᓪᓗᒍ. 19 ᐰᓛᑑᓯᓕ ᑎᑎᖅᑲᓂᒃ ᖁᓕᒥᐅᑕᒃᓴᖏᓐᓂᒃ ᑎᑎᕋᖅᐳᖅ ᐃᓕᓪᓗᒋᓪᓗ ᓴᓐᓂᖓᔪᓕᖕᒧᑦ; ᐃᒫᒡᓗ ᐅᖃᖅᓯᒪᔪᓂᒃ: “ᔩᓱᓯ ᓈᓴᕇᑎᒥᐅᖅ, ᔫᑎᑦ ᐊᖓᔪᖅᑳᖅᔪᐊᖓᑦ.” 20 ᔫᑎᓪᓗ ᐅᓄᖅᑐᑦ ᑖᒃᑯᐊ ᑎᑎᕋᖅᓯᒪᔪᑦ ᐅᖃᓕᒫᖅᐰᑦ, ᔩᓱᓯᐅᑉ ᑭᑭᐊᒃᑐᖅᑕᐅᕕᒋᔭᖓ ᐅᖓᓯᒃᑑᖏᒻᒪᑦ ᐃᒡᓗᒐᓴᖕᓂᑦ; ᑖᒃᑯᐊᓗ ᑎᑎᕋᖅᓯᒪᕗᑦ ᐄᑉᕉᑎᑐᑦ, ᓛᑎᓂᑎᑐᓪᓗ, ᒍᕇᑭᑎᑐᓪᓗ. 21 ᑕᕝᕙ ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖏᑦ ᐰᓛᑑᓯᒧᑦ ᐅᖃᖅᐳᑦ, “ᑎᑎᕋᖅᓯᒪᔭᕆᐊᖃᓐᖏᓚᖅ ‘ᔫᑎᑦ ᐊᖓᔪᖅᑳᖅᔪᐊᖓᓐᓂᒃ,’ ᐃᒫᖔᖅᓕ: ‘ᐊᖑᑦ ᐅᓇ ᐅᖃᓚᐅᖅᑐᖅ, ᔫᑎᑦ ᐊᖓᔪᖅᑳᖅᔪᐊᕆᕚᖓ.’” 22 ᐰᓛᑑᓯᐅᑉ ᑭᐅᕔᑦ, “ᑎᑎᕋᖅᑕᒃᑲ ᑍᒫᒃ ᑎᑎᕋᖅᓯᒤᓐᓇᕐᖕᓂᐊᖅᐳᑦ.” 23 ᐅᓇᑕᖅᑐᒃᓮᑦ ᔩᓱᓯᒥᒃ ᑭᑭᐊᒃᑐᐃᔭᕇᕋᒥᒃ ᐊᓐᓄᕌᖏᓐᓂᒃ ᐊᕕᒃᑐᐃᕗᑦ ᓯᑕᒪᐅᓕᓪᓗᒋᑦ, ᐊᑐᓂᑦ ᐊᑕᐅᓯᕐᖕᒥᒃ ᐱᑖᖅᓗᑎᒃ; ᐅᓕᒡᔪᐊᖓᓕ ᑎᒍᒋᕚᑦ, ᑖᓐᓇᓕ ᑭᓗᖃᖏᑦᑑᓪᓗᓂ ᓴᓇᓯᒪᓚᐅᖅᐳᖅ. 24 ᑕᕝᕙ ᐅᓇᑕᖅᑐᒃᓮᑦ ᐃᒻᒥᖕᓄᑦ ᐅᖃᖃᑦᑕᐅᑎᕗᑦ, “ᑖᓐᓇ ᐊᕕᒍᓐᓁᖅᓚᕗᑦ; ᓇᓚᐅᑦᓵᖅᓗᑕᓕ ᒪᑭᑦᓯᒋᐊᖃᑦᑕᓕᖅᑕ ᓇᓪᓕᐊᑦᑕ ᐱᓂᐊᕐᖕᒪᖔᒍ.” ᑕᒪᓐᓇ ᐊᑐᖅᑕᐅᓚᐅᖅᐳᖅ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐊᓐᓄᕌᒃᑲ ᐃᒻᒥᖕᓄᑦ ᐊᑐᓂᑦ ᐊᕕᓚᐅᖅᐰᑦ, ᐅᓕᒡᔪᐊᕋᓗ ᓇᓚᐅᑦᓵᕈᑎᒋᓚᐅᖅᐹᑦ.” ᑕᕝᕙ ᐅᓇᑕᖅᑐᒃᓮᑦ ᑍᒤᓕᐅᓚᐅᖅᐳᑦ. 25 ᔩᓱᓯᐅᓪᓕ ᓴᓐᓂᖓᔪᓕᖓᑕ ᖃᓂᒋᔮᓂ ᐅᑯᐊ ᓇᖏᓚᐅᖅᐳᑦ, ᔩᓱᓯᐅᑉ ᐊᓈᓇᖓ, ᐊᓈᓇᖓᑕᓗ ᖃᑕᓐᖑᑖ, ᒥᐊᕆᓗ ᑯᓗᐹᓯᐅᑉ ᓄᓕᐊᖓ, ᒥᐊᕆᓗ ᒫᒃᑕᓖᓂ. 26 ᔩᓱᓯᐅᓪᓕ ᐊᓈᓇᓂ ᑕᑯᒐᒥᐅᒃ, ᐃᓕᓐᓂᐊᖅᑎᓗ ᓇᒡᓕᒋᔭᓂ ᑕᕝᕙᓂ ᓇᖏᖃᑕᐅᔪᖅ; ᐊᓈᓇᒥᓄᑦ ᐅᖃᖅᐳᖅ, “ᐊᕐᖕᓈᖅ, ᑕᑯᒋᑦ, ᑕᕝᕙ ᐃᕐᖕᓃᑦ!” 27 ᑕᕝᕙ ᐃᓕᓐᓂᐊᖅᑎ ᐅᖃᐅᑎᕚ, “ᑕᑯᒋᑦ, ᑕᕝᕙ ᐊᓈᓁᑦ!” ᐅᓪᓗᒥᑦ ᑕᕝᕙᓐᖓᑦ ᐱᒋᐊᖅᓗᓂ ᐃᓕᓐᓂᐊᖅᑎᐅᑉ ᓇᔪᖅᑎᒋᓕᖅᐹ ᐊᖏᕐᕋᒥᓂ.
ᔩᓱᓯᐅᑉ ᑐᖁᓂᖓ
28 ᔩᓱᓯᓕ ᖃᐅᔨᒪᓕᕋᒥ ᓱᓇᓕᒫᑦ ᐱᔭᕇᕐᖕᒪᑕ, ᐊᒡᓔᑦ ᓇᓚᐅᑦᓯᖁᓪᓗᒋᑦ, ᐅᖃᖅᐳᖅ, “ᖀᓕᖅᐳᖓ.” 29 ᑕᕝᕙᓂ ᐃᒥᖃᐅᑎᑕᖃᖅᐳᖅ ᖃᓯᓕᓇᖅᑐᒥᒃ ᐃᒪᓕᖕᒥᒃ; ᑖᒃᑯᐊᓕ ᐳᕙᐅᔭᒥᒃ ᖃᓯᓕᓇᖅᑐᒧᑦ ᒥᓱᖅᑳᖅᓗᒍ ᐱᕈᖅᑐᕕᓂᖅᓗ ᕼᐃᓴᑉᒥᒃ ᑍᔭᐅᔪᖅ ᑲᐳᒻᒥᑖᖅᓗᒍ ᔩᓱᓯᐅᑉ ᖃᓂᖓᓄᑦ ᒪᓂᕚᑦ. 30 ᔩᓱᓯ ᖃᓯᓕᓇᖅᑐᒥᒃ ᐃᒥᕋᒥ ᐅᖃᖅᐳᖅ, “ᐱᔭᕇᖅᐳᖅ”; ᐅᑯᓪᓗᓂᓗ ᐊᓂᕐᖕᓇᖏᖅᐳᖅ.
ᔩᓱᓯᐅᑉ ᑲᐱᔭᐅᓂᖓ ᓴᓂᕋᖓᒍᑦ
31 ᐅᓪᓗᖅᓕ ᐅᐸᓗᖕᒊᔭᖅᕕᐅᖕᒪᑦ, ᓴᐸᑎᐅᑎᓪᓗᒍ ᑎᒥᓂᒃ ᓂᕕᖓᖁᔨᓇᑎᒃ ᓴᓐᓂᖓᔪᓕᖕᒥ, ᐅᓪᓗᖅ ᑖᓐᓇ ᐃᑦᔪᕐᖕᓁᒻᒪᑦ, ᔫᑎᑦ ᐊᖓᔪᖅᑳᖏᑦ ᐰᓛᑑᓯᒧᑦ ᐊᐱᕆᔭᖅᑐᖅᐳᑦ ᑭᑭᐊᒃᑐᖅᑕᐅᓯᒪᔪᑦ ᓂᐅᖏᑦ ᓇᑲᑎᖅᑕᐅᖁᓪᓗᒋᑦ, ᓴᓐᓂᖓᔪᓕᖕᒥᓪᓗ ᐲᖅᑕᐅᔪᓐᓇᖅᓯᖁᓪᓗᒋᑦ. 32 ᑕᕝᕙ ᐅᓇᑕᖅᑐᒃᓮᑦ ᑕᕝᕗᓐᖓᕋᒥᒃ ᓴᓐᓂᖓᔪᓕᖕᒦᑦᑑᑉ ᓯᕗᓪᓕᖅᐹᖓᑦᑕ ᓂᐅᖏᒃ ᓇᒡᒍᖅᐰᑦ, ᐂᑉᐸᖓᑕᓗ ᓂᐅᖏᒃ ᓇᒡᒍᕆᕔᑦ. 33 ᔩᓱᓯᒧᓪᓕ ᑎᑭᓐᓇᒥᒃ ᑕᑯᒐᒥᒡᓗ ᑐᖁᔭᕇᕐᖕᒪᑦ, ᓂᐅᖏᒃ ᓇᒡᒍᓐᖏᓔᒃ. 34 ᐅᓇᑕᖅᑐᒃᓮᓪᓕ ᐃᓚᖓᑦᑕ ᖃᓗᒋᐊᖅᔪᐊᕐᖕᒧᑦ ᔩᓱᓯ ᓴᓂᕋᖓᒍᑦ ᑲᐱᕚ, ᑕᕝᕔᓐᓇᖅᓗ ᐊᐅᒃ ᐃᒥᖅᓗ ᑯᕕᓕᖅᐴᒃ. 35 ᔩᓱᓯᓗ ᑍᒤᓕᔭᐅᑎᓪᓗᒍ ᑕᑯᓐᓈᓚᐅᖅᑑᑉ ᑖᓐᓇ ᐅᖃᐅᑎᒋᕚ, ᐅᖃᐅᓯᕆᔭᖓᓗ ᓱᓕᕗᖅ, ᖃᐅᔨᒪᓪᓗᓂᓗ ᓱᓕᔪᒥᒃ ᐅᖃᕋᒥ, ᐃᓕᑦᓯᑦᑕᐅᖅ ᐅᒃᐱᓕᖁᓪᓗᓯ. 36 ᑕᒪᒃᑯᐊ ᐱᓂᐊᕐᖕᓂᐅᓚᐅᖅᐳᑦ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᑖᑦᓱᒪ ᓴᐅᓂᖏᑦ ᓇᒡᒍᖅᑕᐅᔪᒃᓴᐅᓐᖏᓚᑦ.” 37 ᐊᒡᓔᑦᑕᐅᖅ ᐊᓯᖏᑦ ᐅᖃᖅᓯᒪᒃᑲᓐᓂᕆᕗᑦ, “ᑕᑯᔪᒫᖅᐳᑦ ᑲᐱᓚᐅᖅᑕᒥᖕᓂᒃ.”
ᔩᓱᓯᐅᑉ ᐃᓗᕕᖅᑕᐅᓂᖓ
38 ᑕᒪᑐᒪᓕ ᑭᖑᕐᖓᒍᑦ ᔫᓯᐱ ᐊᕆᒪᑎᐊᒥᐅᖅ, ᔩᓱᓯᒧᑦ ᐃᓕᓐᓂᐊᖅᑎᐅᒐᒥ ᓵᖅᑭᔮᖏᑦᑐᒥᒃ, ᔫᑎᓂᒃ ᓯᕘᕋᒐᒥ, ᐰᓛᑑᓯᒧᑦ ᐊᐱᕆᔭᖅᑐᖅᐳᖅ ᔩᓱᓯᐅᑉ ᑎᒥᖓᓂᒃ ᐱᔪᓐᓇᖅᑎᑕᐅᔪᒪᓪᓗᓂ, ᐰᓛᑑᓯᐅᓪᓗ ᐱᔪᓐᓇᖅᑎᑉᐹ. ᑕᕝᕙ ᔫᓯᐱᐅᑉ ᔩᓱᓯᐅᑉ ᑎᒥᖓ ᐅᐸᒃᓗᒍ ᐊᖅᑲᖅᑎᑉᐹ. 39 ᓂᑯᑎᒨᓯᑦᑕᐅᖅ, ᑕᕝᕗᓐᖓᕆᕗᖅ ᐅᓐᓄᐊᖑᑎᓪᓗᒍ ᔩᓱᓯᒧᐊᓚᐅᖅᓯᒪᔪᖅ, ᓇᒃᓴᖅᓗᓂ ᑎᐱᑦᓯᐊᕆᒃᑐᒥᒃ ᒤᕋᒥᒃ ᐊᓘᓯᒥᒡᓗ ᑲᑎᓯᒪᔪᒥᒃ, ᐅᖁᒤᓐᓂᖃᖅᑐᒥᒃ 100 -ᐸᐅᓐ ᖃᓂᒋᔮᓂ. 40 ᑕᕝᕙ ᔩᓱᓯᐅᑉ ᑎᒥᖓ ᑎᒍᕚᒃ, ᐃᒻᒧᓯᖅᓗᒍᓗ ᖃᓪᓗᓈᖅᑕᒥᒃ ᓵᑦᑐᒥᒃ ᐃᒻᒧᑎᒃᓴᔭᒥᒃ ᑎᐱᑦᓯᐊᕆᒃᑐᒧᓪᓗ ᒥᖑᐊᖅᐹᒃ, ᔫᑎᑦ ᐃᓗᕕᖅᓯᓪᓗᑎᒃ ᐱᐅᓯᕆᕙᒃᑕᖓᑐᑦ. 41 ᔩᓱᓯᐅᓪᓕ ᑭᑭᐊᒃᑐᖅᑕᐅᕕᒋᔭᖓᓂ ᐱᕈᖅᓰᕕᒃᑕᖃᖅᐳᖅ, ᑕᕝᕙᓂᓗ ᐱᕈᖅᓰᕕᖕᒥ ᐃᓗᕕᒃᓴᖅᑕᖃᖅᐳᖅ ᓄᑖᒥᒃ ᐃᓕᓯᕕᐅᓚᐅᖅᓯᒪᖏᑦᑐᒥᒃ ᓱᓕ. 42 ᐅᓪᓗᖅ ᔫᑎᑦ ᐅᐸᓗᖕᒊᔭᖅᕕᒋᖕᒪᒍ, ᑕᕝᕙᓂᓗ ᖃᓂᑦᑐᒥ ᐃᓗᕕᒃᓴᖅᑕᖃᕐᖕᒪᑦ, ᑕᕝᕗᖓ ᔩᓱᓯᐅᑉ ᑎᒥᖓ ᐃᓕᕚᑦ.
ᐃᓗᕕᐅᑉ ᐃᓄᖃᕈᓐᓃᕐᖕᓂᖓ
1 ᐅᓪᓛᒪᕆᒃᑯᓪᓕ ᐱᓇᓱᐊᕈᓯᐅᑉ ᐅᓪᓗᖏᑕ ᓯᕗᓪᓕᖅᐹᖓᓂ, ᓱᓕ ᑖᖅᑎᓪᓗᒍ, ᒥᐊᕆ ᒫᒃᑕᓖᓂ ᐃᓗᕕᕐᖕᒧᐊᖅᐳᖅ, ᑕᑯᓪᓗᓂᓗ ᐅᔭᕌᓗᒃ ᐃᓗᕕᐅᑉ ᐹᖓᓂᑦ ᐲᖅᑕᐅᓯᒪᓂᖓᓂᒃ. 2 ᑕᕝᕙ ᐅᓪᓚᒃᓯᕗᖅ ᓮᒨᓂ ᐲᑦᑐᕉᓯᒧᑦ ᐃᓕᓐᓂᐊᖅᑎᒧᓪᓗ ᐂᓪᓗᓂ, ᔩᓱᓯᐅᑉ ᓇᒡᓕᒋᔭᖓᓄᑦ, ᐅᖃᐅᑎᓪᓗᒋᒡᓗ, “ᐊᑕᓂᖅ ᐊᓐᓂᑦᔭᐅᓐᓂᕐᖕᒪᑦ ᐃᓗᕕᕐᖕᒥᑦ, ᖃᐅᔨᒪᓐᖏᓚᕗᓪᓗ ᓇᒧᓐᖓᖅᑕᐅᓐᓂᕐᖕᒪᖔᑦ.” 3 ᑕᕝᕙ ᐲᑦᑐᕉᓯ ᐃᓕᓐᓂᐊᖅᑎᓗ ᐊᓂᕘᒃ, ᐃᓗᕕᕐᖕᒧᓪᓗ ᐂᓕᖅᓗᑎᒃ. 4 ᐅᓪᓚᒡᓗᑎᒡᓗ ᐃᓗᕕᕐᖕᒧᑦ, ᐃᓕᓐᓂᐊᖅᑎᓕ ᐲᑦᑐᕉᓯᒥᑦ ᓱᒃᑲᓂᖅᓴᐅᒐᒥ ᓯᕗᓪᓕᐅᓪᓗᓂ ᐃᓗᕕᕐᖕᒧᑦ ᑎᑭᑉᐳᖅ; 5 ᐃᓗᐊᓄᓪᓗ ᐃᑦᓱᐊᕋᒥ, ᑕᑯᕗᖅ ᖃᓪᓗᓈᖅᑕᓂᒃ ᓵᑦᑐᓂᒃ ᑕᒫᓃᕐᕆᔪᓂᒃ, ᐃᑎᕋᓂᓕ ᐃᓗᐊᓄᑦ. 6 ᓮᒨᓂ ᐲᑦᑐᕉᓯᓕ ᑭᖑᓪᓕᐅᓪᓗᓂ ᑎᑭᓐᓇᒥ, ᑲᑦᓱᕋᓂ ᐃᓗᕕᕐᖕᒧᑦ ᐃᑎᖅᐳᖅ; ᑕᑯᓪᓗᓂᓗ ᖃᓪᓗᓈᖅᑕᓂᒃ ᓵᑦᑐᓂᒃ ᑕᒫᓃᕐᕆᔪᓂᒃ. 7 ᖃᓪᓗᓈᖅᑕᖅᓗ ᔩᓱᓯᐅᑉ ᓂᐊᖁᐊᓄᑦ ᐃᒻᒧᑎᐅᓚᐅᖅᑐᖅ, ᑖᒃᑯᓄᖓ ᖃᓪᓗᓈᖅᑕᓄᑦ ᐃᒻᒧᑎᕕᓂᕐᖕᓄᑦ ᐃᓚᒋᔭᐅᓇᓂ, ᐃᒻᒥᒍᓪᓕ ᐃᒧᓯᒪᕗᖅ ᑲᑎᒪᔭᐅᓇᓂ. 8 ᑕᕝᕙ ᐃᓕᓐᓂᐊᖅᑎ, ᐃᓗᕕᕐᖕᒧᑦ ᑎᑭᖅᑳᓚᐅᖅᑐᖅ, ᐃᑎᕆᕗᖅ; ᑕᑯᓪᓗᓂᓗ ᐅᒃᐱᖅᐳᖅ; 9 ᐊᒡᓔᑦ ᓱᓕ ᖃᐅᔨᒪᖏᓐᓇᒥᒋᑦ ᐅᖃᖅᑐᑦ, ᑐᖁᖓᔪᓂᑦ ᒪᑭᑦᓴᕆᐊᖃᕐᖕᒪᑦ. 10 ᑕᕝᕙ ᐃᓕᓐᓂᐊᖅᑏᒃ ᐅᑎᖅᓗᑎᒃ ᐊᖏᕐᕋᖅᐴᒃ.
ᔩᓱᓯᐅᑉ ᓴᖅᑭᓐᓂᖓ ᒥᐊᕆ ᒫᒃᑕᓖᓂᒧᑦ
11 ᒥᐊᕆᓕ ᐃᓗᕕᐅᑉ ᓯᓚᑖᓂ ᓇᖏᖅᓗᓂ ᕿᐊᕗᖅ, ᓱᓕᓕ ᕿᐊᓪᓗᓂ, ᐃᓗᕕᕐᖕᒧᑦ ᐃᑦᓱᐊᖅᐳᖅ. 12 ᑕᑯᓪᓗᓂᓗ ᐂᖏᓖᖕᓂᒃ ᒪᕐᕉᖕᓂᒃ ᖃᑯᖅᑖᖕᓂᒃ ᐊᓐᓄᕌᖅᓯᒪᔫᖕᓂᒃ, ᔩᓱᓯᐅᑉ ᑎᒥᖓᑕ ᐃᓂᒋᓚᐅᖅᑕᖓᓂ ᐃᒃᓯᕙᔫᖕᓂᒃ, ᐂᑉᐹ ᓂᐊᖁᐊᑕ ᓇᓛᓃᑦᑐᖅ, ᐂᑉᐸᖓᓗ ᐃᑎᒐᖏᑕ ᓇᓛᓃᓪᓗᓂ. 13 ᑖᒃᑯᐊᒡᓗ ᒥᐊᕆᒧᑦ ᐊᐱᕆᕘᒃ, “ᐊᕐᖕᓈᖅ? ᓱᖕᒪᑦ ᕿᐊᕕᑦ?” ᒥᐊᕆᓗ ᑭᐅᕗᖅ, “ᐊᑕᓂᕋ ᐊᓐᓂᑦᔭᐅᓐᓂᕐᖕᒪᑦ, ᖃᐅᔨᒪᓐᖏᓚᖓᓗ ᓇᒧᓐᖓᕐᖕᓂᕐᖕᒪᖔᑦᔪᒃ.” 14 ᑍᒫᒡᓗ ᐅᖃᕇᕋᒥ ᐅᑎᒧᑦ ᕿᕕᐊᖅᐳᖅ; ᔩᓱᓯᓗ ᑕᑯᕚ ᓇᖏᖅᑐᖅ, ᖃᐅᔨᒪᓐᖏᓛᓗ ᔩᓱᓯᐅᖕᒪᖔᑦ. 15 ᔩᓱᓯᐅᓪᓗ ᐊᐱᕆᕚ, “ᐊᕐᖕᓈᖅ ᓱᖕᒪᑦ ᕿᐊᕕᑦ? ᑭᓇᒥᒡᓗ ᕿᓂᖅᐲᑦ?” ᒥᐊᕆᐅᓪᓗ ᐱᕈᖅᓰᕕᓕᕆᔨᐅᓇᓱᒋᒐᒥᐅᒃ, ᐅᖃᐅᑎᕚ, “ᑕᕝᕙᓐᖓᑦ ᐊᓐᓂᓯᓐᓂᕈᕕᐅᒃ, ᐅᖃᐅᑎᓚᐅᓐᖓ ᓇᒧᓐᖓᕐᖕᓂᕐᖕᒪᖔᖅᐱᐅᒃ, ᐂᓂᐊᕋᒃᑯ.” 16 ᔩᓱᓯᐅᑉ ᐅᖃᐅᑎᕚ, “ᒥᐊᕆ.” ᕿᕕᐊᖅᓗᓂᐅᒡᓗ ᐅᖃᖅᐳᖅ ᐄᑉᕉᑎᑐᑦ, “ᕌᐳᓁ!” ᑐᑭᓕᒃ: “ᐊᔪᕆᖅᑐᐃᔩ!” 17 ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᖕᓂᐊᕐᖕᓇᖓ, ᑕᑉᐸᐅᓐᖓᓚᐅᖏᓐᓇᒪ ᓱᓕ ᐊᑖᑕᓐᓄᑦ; ᖃᑕᓐᖑᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᓪᓗ, ᑕᑉᐸᐅᓐᖓᕐᖕᓂᐊᖅᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.” 18 ᑕᕝᕙ ᒥᐊᕆ ᒫᒃᑕᓖᓂ ᐅᑎᓕᖅᐳᖅ; ᐃᓕᓐᓂᐊᖅᑏᓪᓗ ᐅᖃᐅᑎᕔᑦ, “ᐊᑕᓂᖅ ᑕᑯᓚᐅᖅᐸᕋ”; ᐅᖃᐅᑎᓪᓗᒋᓪᓗ ᐅᖃᐅᓯᕆᓚᐅᖅᑕᖏᓐᓂᒃ ᐃᒻᒥᓄᑦ.
ᔩᓱᓯ ᓴᖅᑭᓐᓂᖓ ᐃᓕᓐᓂᐊᖅᑎᒥᓄᑦ
19 ᐅᓪᓗᒥ ᑕᕝᕙᓂ ᐅᓐᓄᓕᖅᑎᓪᓗᒍ, ᐱᓇᓱᐊᕈᓯᐅᑉ ᓯᕗᓪᓕᖅᐹᖓᓂ, ᐃᓕᓐᓂᐊᖅᑏᑦ ᑲᑎᒪᓪᓗᑎᒃ ᐅᒃᑯᐊᑦ ᐊᑦᓱᖏᖅᓯᒪᓚᐅᖅᐳᑦ, ᔫᑎᓂᒃ ᓯᕘᕋᒐᒥᒃ, ᔩᓱᓯ ᓴᖅᑭᑉᐳᖅ ᐊᑯᕐᖓᓐᓂᓗ ᓇᖏᖅᓗᓂ, ᐅᖃᖅᐳᖅ, “ᓮᒪᓂᐅᑉ ᐃᓚᒋᓕᓯ.” 20 ᑍᒫᒡᓕ ᐅᖃᕇᕋᒥ, ᐊᒡᒐᓂ ᓴᓂᕋᓂᓗ ᑕᑯᔭᐅᑎᑉᐰᑦ ᑖᒃᑯᓄᖓ. ᐃᓕᓐᓂᐊᖅᑏᓪᓗ ᖁᕕᐊᓱᓕᖅᐳᑦ ᐊᑕᓂᖅ ᑕᑯᒐᒥᑦᔪᒃ. 21 ᔩᓱᓯᐅᑉ ᐅᖃᐅᑎᒃᑲᓐᓂᖅᐰᑦ, “ᓮᒪᓂᐅᑉ ᐃᓚᒋᓕᓯ. ᓲᖅᓗ ᐊᑖᑕᐅᑉ ᑎᓕᓚᐅᕐᖕᒪᖓ, ᑍᒫᒃᑕᐅᖅ ᑎᓕᒋᕙᑦᓯ.” 22 ᑍᒫᒡᓗ ᐅᖃᕇᕋᒥ, ᓱᐴᖅᕕᒋᕔᑦ, ᐅᖃᐅᑎᓪᓗᒋᓪᓗ, “ᐊᓂᕐᖕᓂᖅ ᐃᑦᔪᕐᖕᓁᑦᑐᖅ ᐱᒋᓕᖅᓯᐅᒃ. 23 ᓇᓪᓕᐊᑦᑕ ᐊᔪᕐᖕᓂᖏᑦ ᐃᓱᒪᒋᔪᓐᓁᖅᑕᓯ, ᑖᒃᑯᐊ ᐃᓱᒪᒋᔪᓐᓁᖅᑕᐅᕗᑦ; ᓇᓪᓕᐊᑦᑕᓕ ᐊᔪᕐᖕᓂᖏᑦ ᐃᓱᒪᒋᔪᓐᓁᓐᖏᑕᓯ, ᑖᒃᑯᐊ ᐃᓱᒪᒋᔪᓐᓁᖅᑕᐅᓐᖏᓚᑦ.”
ᔩᓱᓯ ᑑᒪᓯᓗ
24 ᑑᒪᓯᐅᓪᓕ 12 -ᑦ ᐃᓚᖓᑦᑕ, ᒪᕐᕈᓕᐊᕕᓂᕐᖕᒥᒃ ᑍᔭᐅᔫᑉ ᐃᓚᒋᓚᐅᓐᖏᓔᑦ ᔩᓱᓯ ᑎᑭᑎᓪᓗᒍ. 25 ᑕᕝᕙ ᐃᓕᓐᓂᐊᖅᑏᑦ ᑑᒪᓯ ᐅᖃᐅᑎᕚᑦ, “ᐊᑕᓂᖅ ᑕᑯᓚᐅᖅᐸᕗᑦ.” ᑑᒪᓯᐅᓪᓕ ᐅᖃᐅᑎᕔᑦ, “ᐊᒡᒐᖏᓐᓂ ᑭᑭᐊᒃᑐᖅᑕᐅᓂᖏᑦ ᑕᑯᖏᒃᑯᒃᑭᑦ, ᑎᑭᕋᓗ ᑭᑭᐊᒃᑐᖅᑕᐅᓂᖏᓐᓄᑦ ᐃᓕᖏᒃᑯᒃᑯ, ᓴᓂᕋᖓᓗ ᐊᒃᑐᖏᒃᑯᒃᑯ ᐅᐱᕈᓱᓕᑦᔮᓐᖏᓚᖓ.” 26 ᐅᓪᓗᐃᑦ ᓯᑕᒪᐅᔪᖅᑐᑦ ᐊᓂᒍᖅᑎᓪᓗᒋᑦ, ᐃᓕᓐᓂᐊᖅᑏᑦ ᑲᑎᒪᓕᕆᕗᑦ ᐃᒡᓗᒥ, ᑑᒪᓯᐅᓪᓗ ᐃᓚᒋᕔᑦ. ᐅᒃᑯᐊᓪᓗ ᐊᑦᓱᖏᖅᓯᒪᑎᓪᓗᒋᑦ, ᔩᓱᓯ ᑎᑭᑉᐳᖅ ᐊᑯᕐᖓᓂᓗ ᓇᖏᖅᓗᓂ ᐅᖃᖅᐳᖅ, “ᓮᒪᓂᐅᑉ ᐃᓚᒋᓕᓯ.” 27 ᑕᕝᕙ ᑑᒪᓯᒧᑦ ᐅᖃᖅᐳᖅ, “ᑎᑮᑦ ᐅᕗᖓ ᐃᓕᒍᒃ, ᐊᒡᒐᒃᑲᓗ ᑕᑯᓕᒃᑭᑦ; ᐊᒡᒐᑎᓪᓗ ᐃᓴᒃᓗᒋᑦ ᓴᓂᕋᕋ ᐊᒃᑐᓕᕈᒃ; ᐅᒃᐱᖏᑦᑑᓇᒃ, ᐅᒃᐱᕆᓪᓕ.” 28 ᑑᒪᓯᐅᑉ ᑭᐅᕚ, “ᐊᑕᓂᕋ, ᒎᑎᒐᓗ!” 29 ᔩᓱᓯᐅᑉ ᐅᖃᐅᑎᕚ, “ᐅᒃᐱᓕᖅᐲᑦ? ᑕᑯᒐᕕᖓ ᑭᓯᐊᓂ? ᖁᕕᐊᓱᒍᑎᒃᓴᖃᖅᐳᑦ ᑕᑯᓚᐅᕋᑎᒃ ᐅᒃᐱᖅᑐᑦ.”
ᑎᑎᕋᖅᑕᐅᑦᔪᑎᒋᔭᖏᑦ ᑖᒃᑯᐊ ᐊᒡᓚᒃᓯᒪᔪᑦ
30 ᐃᓕᓐᓂᐊᖅᑎᖏᑕᓕ ᑕᒃᑯᐊᓂ ᔩᓱᓯ ᓱᓕ ᐅᓄᖅᑐᓂᒃ ᓇᓗᓁᒃᑯᑕᕐᖕᓂᒃ ᐱᓇᓱᐊᖃᑦᑕᓚᐅᖅᐳᖅ, ᐅᑯᓇᓂ ᐊᒡᓚᖕᓂ ᑎᑎᕋᖅᓯᒪᖏᑦᑐᓂᒃ. 31 ᑖᒃᑯᐊᓕ ᑎᑎᕋᖅᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᖕᓂᖓ. ᐅᒃᐱᕐᖕᓂᑦᓯᒍᓪᓗ ᐃᓅᓯᖃᖁᓪᓗᓯ ᑖᑦᓱᒨᓇ.
ᔩᓱᓯᐅᑉ ᓴᖅᑭᓐᓂᖓ ᐃᓕᓐᓂᐊᖅᑎᓄᑦ 7 -ᓄᑦ
1 ᑕᒪᑐᒪ ᑭᖑᕐᖓᒍᑦ ᔩᓱᓯ ᓴᖅᑭᒃᑲᓐᓂᓚᐅᕆᕗᖅ ᐃᓕᓐᓂᐊᖅᑎᒥᓄᑦ ᑍᐱᕆᐊᓯᐅᑉ ᑕᓯᖅᔪᐊᖓᑕ ᓴᓂᐊᓂ; ᐃᒫᒡᓗ ᐱᓂᐊᕐᖕᓂᖃᖅᓗᓂ ᓴᖅᑭᓚᐅᖅᐳᖅ. 2 ᐅᑯᐊ ᑲᑎᓐᖓᑎᓪᓗᒋᑦ ᓮᒨᓂ ᐲᑦᑐᕉᓯ, ᑑᒪᓯᓗ ᒪᕐᕈᓕᐊᕕᓂᕐᖕᒥᒃ ᑍᔭᖅ, ᓈᑕᓁᓗ ᑬᓇᒥᑦ ᒐᓕᓕᐊᒦᑦᑐᒥᑦ ᐱᓯᒪᔪᖅ, ᔨᐱᑎᐅᓪᓗ ᐃᕐᖕᓂᖏᒃ ᒪᕐᕉᒃ, ᐊᓯᖏᒡᓗ ᒪᕐᕉᒃ ᔩᓱᓯᐅᑉ ᐃᓕᓐᓂᐊᖅᑎᖏᒃ. 3 ᓮᒨᓂ ᐲᑦᑐᕉᓯᐅᑉ ᐃᓚᓂ ᐅᖃᐅᑎᕔᑦ, “ᐃᖃᓪᓕᐊᓕᕋᒪ.” ᑖᒃᑯᐊ ᐅᖃᐅᑎᕚᑦ, “ᐃᓚᒋᓂᐊᖅᐸᑦᑎᒋᑦ.” ᐊᓂᒐᒥᒡᓗ ᐅᒥᐊᒧᐊᖅᐳᑦ; ᐅᓐᓄᐊᒥᓕ ᑕᒪᑐᒪᓂ ᐃᖃᓗᓚᐅᓐᖏᓚᑦ. 4 ᐅᓪᓛᒃᑯᓪᓕ ᖃᐅᒻᒪᓕᖅᑎᓪᓗᒍ, ᔩᓱᓯ ᑕᓯᐅᑉ ᓯᓈᓂ ᓇᖏᖅᐳᖅ; ᐃᓕᓐᓂᐊᖅᑏᓪᓕ ᖃᐅᔨᒪᓐᖏᓚᑦ ᔩᓱᓯᐅᓂᖓᓂᒃ. 5 ᔩᓱᓯᐅᑉ ᐊᐱᕆᕔᑦ, “ᕿᑐᕐᖎᑦ, ᐃᖃᓗᓚᐅᓐᖏᓚᓰ?” ᑖᒃᑯᐊ ᑭᐅᕚᑦ, “ᐃᖃᓗᓚᐅᓐᖏᓚᒍᑦ.” 6 ᑕᕝᕙ ᐅᖃᐅᑎᕔᑦ, “ᓄᓗᐊᓯ ᓂᖏᑎᓚᐅᖅᓯᐅᒃ ᐅᒥᐊᑉ ᑕᓕᖅᐱᐊᓄᑦ, ᑕᕝᕙ ᐃᖃᓗᖕᓂᐊᖅᐳᓯ.” ᑕᕝᕙ ᓄᓗᐊᓂ ᓂᖏᑎᑉᐰᑦ, ᐊᒧᐊᕈᓐᓇᕈᓐᓁᖅᓗᒋᓪᓗ, ᐃᖃᓗᐃᑦ ᐅᓄᕐᖕᓂᖏᓐᓄᑦ. 7 ᑕᕝᕙ ᐃᓕᓐᓂᐊᖅᑎᐅᑉ ᔩᓱᓯᐅᑉ ᓇᒡᓕᒋᔭᖓᑕ ᐲᑦᑐᕉᓯ ᐅᖃᐅᑎᕚ, “ᐊᑕᓂᐅᕗᖅ!” ᓮᒨᓂᓕ ᐲᑦᑐᕉᓯ ᑐᓴᕋᒥ ᐊᑕᓂᐅᖕᒪᑦ, ᐊᓐᓄᕌᓂ ᓯᓚᓪᓕᖅ ᐊᑎᕚ ᐲᖅᓯᒪᓚᐅᕋᒥᐅᒃ ᐱᓇᓱᐊᖅᓗᓂ, ᐃᒫᓄᓪᓗ ᒥᓯᒃᐳᖅ. 8 ᐃᓕᓐᓂᐊᖅᑏᓪᓕ ᓄᓇᓕᐊᖅᐳᑦ ᐅᒥᐊᒃᑯᑦ, ᓄᓗᐊᒥᖕᓂᒃ ᑲᓕᑦᓱᑎᑦ ᐃᖃᓗᖕᓂᒃ ᑕᑕᑦᑐᓂᒃ, ᓄᓇᒧᑦ ᐅᖓᓯᒃᑑᖏᓐᓇᒥᒃ, ᐆᒃᑐᑎᓂᒃ 100 -ᓂᒃ ᐅᖓᓯᖕᓂᖃᕋᒥᒃ ᓄᓇᒧᑦ. 9 ᓄᓇᒧᓪᓕ ᓂᐅᒐᒥᒃ, ᑕᑯᕗᑦ ᕿᔪᒃᓴᓂᒃ ᐃᑯᒪᔪᓂᒃ, ᐃᖃᓗᖕᓂᒡᓗ ᐆᑦᓯᖅᑐᓂᒃ, ᓂᐊᖂᔭᓂᒡᓗ. 10 ᔩᓱᓯᐅᑉ ᐅᖃᐅᑎᕔᑦ, “ᐃᖃᓗᕋᑖᖅᑕᑦᓯᓐᓂᒃ ᑕᒪᐅᓐᖕᒊᓕᕆᑦᓯ.” 11 ᑕᕝᕙ ᓮᒨᓂ ᐲᑦᑐᕉᓯ ᐅᒥᐊᒧᑦ ᐃᑭᓪᓗᓂ ᓄᓗᐊᑦ ᓄᓇᒧᑦ ᐅᓂᐊᖅᐰᑦ, ᐃᖃᓗᖕᓂᒃ ᐊᖏᔫᑎᓂᒃ ᑕᑕᑦᑐᑦ, 153 -ᓂᒃ; ᐃᖃᓗᐃᓪᓕ ᑍᒫᒃ ᐅᓄᖅᑎᒋᒐᓗᐊᕐᖕᒪᑕ, ᓄᓗᐊᑦ ᐊᓕᒃᑕᐅᓐᖏᓚᑦ. 12 ᔩᓱᓯᐅᑉ ᐅᖃᐅᑎᕔᑦ, “ᕾᓗᓯ ᓂᕆᓕᕆᑦᓯ.” ᐃᓕᓐᓂᐊᖅᑏᓪᓗ ᓇᓪᓕᐊᑦᑕᓘᓐᓃᑦ ᐊᐱᕆᔪᒪᓐᖏᓛ, “ᑭᓇᐅᕖ?” ᖃᐅᔨᒪᒐᒥᒃ ᐊᑕᓂᐅᖕᒪᑦ. 13 ᔩᓱᓯ ᕾᒐᒥ ᓂᐊᖂᔭᖅ ᑎᒍᕚ ᑖᒃᑯᓄᖓᓗ ᑐᓂᓪᓗᒍ, ᑍᒤᓕᐅᕆᕗᖅᑕᐅᖅ ᐃᖃᓗᖕᓂᒃ. 14 ᑕᒪᑦᔭ ᔩᓱᓯᐅᑉ ᐱᖓᔪᒋᓕᖅᑕᖓᓂᒃ ᓴᖅᑭᓐᓂᕆᓚᐅᖅᑕᖓ ᐃᓕᓐᓂᐊᖅᑎᒥᓄᑦ ᑐᖁᖓᔪᓂᑦ ᒪᑭᓐᓂᖓᑕ ᑭᖑᕐᖓᓂ.
ᔩᓱᓯᐅᑉ ᐲᑦᑐᕉᓯᐅᓪᓗ ᐅᖃᖃᑎᒌᖕᓂᖓᒃ
15 ᓂᕆᔭᕇᕋᒥᒡᓕ, ᔩᓱᓯ ᐅᖃᖅᐳᖅ ᓮᒨᓂ ᐲᑦᑐᕉᓯᒧᑦ, “ᓮᒨᓃ ᔪᐊᓇᓯᐅᑉ ᐃᕐᖕᓂᖓ, ᐅᑯᓇᖔᑦ ᐱᓐᓇᕆᓂᖅᓴᕆᕕᖔ?” ᐲᑦᑐᕉᓯᐅᑉ ᑭᐅᕚ, “ᐃᓛᒃ ᐊᑕᓃᖅ; ᖃᐅᔨᒪᕗᑎᑦ ᓇᒡᓕᒋᒐᒃᑭ.” ᔩᓱᓯᐅᑉ ᐅᖃᐅᑎᕚ, “ᓰᐱᓛᖁᑎᒃᑲ ᓂᕆᑎᓐᓂᐊᒃᑭᑦ.” 16 ᐂᑉᐸᖓᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᖕᓂᖓ, ᐱᓐᓈᕆᕕᖔ?” ᑖᑦᓱᒪ ᑭᐅᕚ, “ᐃᓛᒃ ᐊᑕᓃᖅ, ᖃᐅᔨᒪᕗᑎᑦ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᐰᕆᓂᐊᒃᑭᑦ.” 17 ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᖕᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᖅᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᖅᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᖕᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ. 18 ᓱᓕᔪᒥᒃ ᐅᖃᐅᑎᕙᒋᑦ, ᐃᓅᓱᒃᑑᑎᓪᓗᑎᑦ, ᐃᓕᖕᓂᒃ ᑕᑦᓯᕈᓯᖅᓗᑎᑦ ᐂᕙᓚᐅᖅᐳᑎᑦ ᐂᕕᒋᔪᒪᔭᕐᖕᓄᑦ; ᐃᑦᑑᓕᕈᕕᓪᓕ ᑕᓖᒃᑭᒃ ᐃᓴᒍᒫᖅᐹᒃᑭᒃ, ᐊᓯᕕᓪᓗ ᑕᑦᓯᕈᓯᕈᒫᖅᐹᑎᑦ ᐂᑎᓪᓗᑎᓪᓗ ᐂᕕᒋᔪᒪᓐᖏᑕᕐᖕᓄᑦ.” 19 (ᔩᓱᓯ ᑕᒪᑐᒥᖓ ᐅᖃᓚᐅᖅᐳᖅ, ᐲᑦᑐᕉᓯᐅᑉ ᑐᖁᑕᐅᓗᓂ ᒎᑎᐅᑉ ᓂᖅᑐᕐᖕᓇᖅᑎᑕᐅᓂᕆᓛᖅᑕᖓᓂᒃ ᐅᖃᐅᓯᖃᖅᓗᓂ.) ᑕᒪᑐᒪ ᑭᖑᕐᖓᒍᑦ ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.”
ᔩᓱᓯᓗ ᐃᓕᓐᓂᐊᖅᑎᓗ
20 ᐲᑦᑐᕉᓯᓕ ᐅᑎᒧᑦ ᕿᕕᐊᕋᒥ ᑭᖑᓂᕐᖕᒥᓃᑦᑐᒥᒃ ᑕᑯᕗᖅ ᐃᓕᓐᓂᐊᖅᑎᒥᒃ ᔩᓱᓯᐅᑉ ᓇᒡᓕᒋᔭᖓᓂᒃ, ᑖᓐᓇ ᐅᓐᓄᒃᓯᐅᑎᒥᒃ ᓂᕆᓪᓗᑎᒃ ᔩᓱᓯᒧᑦ ᐄᒐᖓᓚᐅᖅᑐᖅ ᐊᐱᕆᓚᐅᖅᑐᖅᓗ, “ᐊᑕᓃᖅ, ᓇᓪᓕᐊᑦᑕ ᐱᔭᐅᑎᓐᓂᐊᖅᐹᑏᑦ?” 21 ᐲᑦᑐᕉᓯᐅᑉ ᑕᑯᒐᒥᐅᒃ, ᔩᓱᓯ ᐅᖃᐅᑎᕚ, “ᐊᑕᓃᖅ? ᐅᓇᓕ ᐊᖑᑦ ᖃᓄᐃᓕᖓᓂᐊᖅᐹ?” 22 ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!” 23 ᑕᕝᕙ ᔩᓱᓯᐅᑉ ᒪᓕᒃᑎᖏᑦ ᐅᖃᖃᑦᑕᐅᑎᓕᖅᐳᑦ ᐅᓇ ᐃᓕᓐᓂᐊᖅᑎ ᑐᖁᓂᐊᓐᖏᓚᖅ; ᔩᓱᓯᓕ ᐅᖃᓚᐅᓐᖏᓚᖅ ᑐᖁᓂᐊᖏᓐᓂᕋᖅᓗᓂᐅᒃ; ᐅᖃᓚᐅᖅᐳᖅᓕ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ.” 24 ᑖᓐᓇᐅᕗᖅ ᐃᓕᓐᓂᐊᖅᑎ ᑕᒪᒃᑯᓂᖓ ᐅᖃᐅᓯᖃᖅᑐᖅ, ᑕᒪᒃᑯᐊᓗ ᑎᑎᕋᓚᐅᖅᐰᑦ; ᖃᐅᔨᒪᕗᒍᓪᓗ ᐅᖃᐅᓯᕆᔭᖏᑦ ᓱᓕᖕᒪᑕ.
ᐅᖃᐅᓰᑦ ᑭᖑᓪᓕᖅᐹᑦ
25 ᐊᓯᖏᓐᓂᒃᑕᐅᖅ ᔩᓱᓯ ᐅᓄᖅᑐᓂᒃ ᐱᓂᐊᕐᖕᓂᖃᓚᐅᖅᐳᖅ; ᐱᓂᐊᕐᖕᓂᕆᓚᐅᖅᑕᖏᓪᓕ ᐊᑕᖏᖅᓗᑎᒃ ᑎᑎᕋᖅᑕᐅᒐᔭᖅᐸᑕ ᑭᖑᓕᕇᒃᑕᕐᖕᓂᖏᑦ ᒪᓕᒡᓗᒋᑦ, ᓯᓚᖅᔪᐊᕐᖕᒥᐅᑦ ᑖᒃᑯᓂᖓ ᑎᑎᕋᖅᓯᒪᔪᓂᒃ ᐱᓯᒪᔪᓐᓇᕋᓱᒋᓐᖏᓚᒃᑲ.