The New Testament of our Lord and Saviour Jesus Christ
1 A jun libro ti' chi alontek yabixal Jesucristo yinatil David, tol yinatil c'apax Abraham. A ton is bi eb yichmam Jesucristo yin txolilal ti'. 2 A Abraham a ay c'ajol Isaac, axa Isaac a ay c'ajol Jacob. Axa Jacob, a ay c'ajol Judá yetok juntzanxa eb yuẍtak. 3 Axa Judá, a ay c'ajol Fares c'al Zara bay Tamar. Axa Fares, a ay c'ajol Esrom, axa Esrom a ay c'ajol Aram. 4 Axa Aram, a ay c'ajol Aminadab. Axa Aminadab, a ay c'ajol Naasón. Axa Naasón, a ay c'ajol Salmón. 5 Axa Salmón, a ay c'ajol Booz yune' Rahab. Axa Booz, a ay c'ajol Obed yune' Rut. Axa Obed, a ay c'ajol Isaí. 6 Axa Isaí, a ay c'ajol cham rey David, axa cham rey David, a ay c'ajol Salomón yune' ix yistzilben Urías. 7 Axa Salomón, a ay c'ajol Roboam. Axa Roboam, a ay c'ajol Abías, axa Abías, a ay c'ajol Asa. 8 Axa Asa, a ay c'ajol Josafat. Axa Josafat, a ay c'ajol Joram, axa Joram, a ay c'ajol Uzías. 9 Axa Uzías, a ay c'ajol Jotam. Axa Jotam, a ay c'ajol Acaz, axa Acaz, a ay c'ajol Ezequías. 10 Axa Ezequías, a ay c'ajol Manasés, axa Manasés, a ay c'ajol Amón. Axa Amón, a ay c'ajol Josías. 11 Axa Josías, a ay c'ajol Jeconías yetok eb yuẍtak. A yul is tiempoal eb tu', max ilaytok eb Israel preso bay Babilonia. 12 A yet ayxa ec' eb bay Babilonia xin, max alji Salatiel c'ajol Jeconías. Axa Salatiel, a ay c'ajol Zorobabel. 13 Axa Zorobabel, a ay c'ajol Abiud, axa Abiud, a ay c'ajol Eliaquim. Axa Eliaquim, a ay c'ajol Azor. 14 Axa Azor, a ay c'ajol Sadoc. Axa Sadoc, a ay c'ajol Aquim. Axa Aquim, a ay c'ajol Eliud. 15 Axa Eliud, a ay c'ajol Eleazar. Axa Eleazar, a ay c'ajol Matán. Axa Matán, a ay c'ajol Jacob. 16 Axa Jacob, a ay c'ajol José yichamil María, ix is txutx Jesús, Cham chi yik Cristo, a ton Cham Ak'bil Yopiso yuj Dios. 17 Yuj tu xin, canlajonwan eb ichmamej yettaxc'al Abraham masantac'al David. Canlajonwan c'apax eb yettaxc'al David, masantac'al max ilaytok eb israel bay Babilonia. Canlajonwan c'apax eb, yettaxc'al max ilaytok eb bay Babilonia, masantac'al max alji Cham Cristo. 18 Tix yoc yabixal yaljubal Jesucristo ti': Ayxa trato José yetok María. K'anejtoc'al, c'amto chi yilej ba eb, palta yobixxa pax María tu'. A Espíritu Santo max esnen oc jun unin tu' yin ix. 19 A José tu', caw wal yikem yin is ley Moisés, palta maj yal c'ul max abchaj aj k'umal ix María tu' yuj anima, xan max yochej max lajwi ay jun is trato eb tu' yin ewantakil. 20 Ipan wal naon José jun tu xin, max tx'oxon aj ba jun yángel Cham Jajawil yin wayichejal bay, cax max yalon bay axca ti': —José, ach yinatil David, manchak ach xiw eon María estzilok, yujtol a jun unin ayxa oc yin ix tu', a Cham Espíritu Santo max esnen oc yin ix. 21 A jun unin ok aljok tu', winak unin. Ok ak' yik JESÚS, yujtol a' ok colon el is conob xol yobtakil, ẍi jun ángel tu' bay José. 22 Max uj masanil juntzan ti', yet watx' chi yun tzet max yal Cham Jajawil, yet max yak'balnen jun is chekbej yalon axca ti': 23 A jun ix k'opoj ix, c'amto winak chi yilej, ok oc unin yin. Ok jay jun is winak unin. Emanuel ok yika', ẍi yul tx'an Un Tz'ibbilcanok. (Emanuel chi yal elapnok: Ayic' Dios jetok). 24 Axa yet max el lenaj wayan José tu', max yiken axca max yun yalon jun yángel Cham Jajawil tu' bay, cax max yion ix; 25 palta majtoc'al yilej ba eb, masantac'al max alji nak babel unin ix tu', cax max yak'on José tu' yik JESÚS.
1 A bay jun conob chi yik Belén yul yet Judea, a tu' max alji Jesús. A yet jun tiempoal tu', a cham Herodes ayoc reyal bay Judea tu'. A yet max alji Jesús, max tit juntzan eb mago bay yichcan. Max jayoc eb bay Jerusalén. 2 Max k'anlej eb: —¿Baytal ay jun winak unin max alji, jun tol ok oc e reyalok ayex Israel ex ti'? A bay chi ajol c'u, ata tu' max jil yajol jun waycan, jun max tx'oxon yaljubal jun unin tu' ayon. Yuj tu' xan max on tit ul jaon ay co ba bay, ẍi eb. 3 A yet max yaben cham rey Herodes jun ti', toxac'al max somchaj aj c'ul yetok masanil eb aj Jerusalén tu'. 4 Catatu' bian max yawten oc wajan masanil eb yajawil eb sacerdote, c'al eb meẍtol yin ley Moisés, cax max k'anlen el bay eb, baytal t'inan chi alji Cham Cristo. 5 Axa tak'wi eb bay axca ti': —A bay conob Belén, yul yet Judea, a tu' ok aljok, yujtol ay jun chekbej Dios caytu' max yut tz'ibencan axca ti': 6 A pax conob Belén, yul yet Judea ay, yaliẍ conob ch'an yintak juntzanxa conob yul yet Judea tu', palta miman yelapnok yintak juntzanxa tu', yujtol a bay tu' ok tit jun yajaw ok ak'on cuenta in conob Israel, ẍi Dios yul tx'an Un Tz'ibbilcan tu', ẍi eb. 7 Axa yawten el Herodes tu' eb mago yin ewantakil, cax max cam k'anlen wal yab bay eb, bak'ini wal max tx'oxaj ba jun waycan tu' bay eb. 8 Max xew yaben oc xin, cax max cheklaytok eb bay conob Belén tu' yuj. Max yalon bay eb axca ti': —Asek bay tu'. Chi cam e k'anlen e yab yuj jun unin tu', baytal ayic'ok. Chi xew yilchaj e yuj xin, cax chi ec' e yalon wabej, baytal wal yetc'ulal ayic'ok, yet watx' chi toj c'apax wiay in ba bay, ẍi bay eb. 9 Max lajwi yaben eb juntzan k'anej tu xin, axa toj eb tu'. A jun waycan max yil eb yajol bay chi ajol c'u tu', babelc'al satak eb, masantac'al max apni oc batxnaj yiban bay ayic' jun unin tu'. 10 A yet max yilon eb jun waycan tu', caw wal max tzaloj aj eb. 11 Max apni oc eb bay na bay ayic' nak unin tu'. Max yilon oc eb yin nak yetok is txutx, a ton María. Axa yay jajan eb bay jun unin tu', max yion ay ba eb bay. Max lajwi tu xin, axa jakon eb c'uanbalil is sabal tu'. Max sa' can eb oro bay jun unin tu'. Max saon c'apax can eb jun makan te' incienso, c'al jun makan yal te' suk'uk'i c'apax jab chi yik mirra. 12 Catatu xin, max al-lay bay eb yin wayichejal tol manchak ec' yal eb bay Herodes baytal ayic' nak unin tu', xan tx'okxa beal max yi' eb yet max meltzoj eb bay is conob. 13 Maxc'al pax eb mago xin, max tx'oxon aj ba jun yángel Cham Jajawil bay José yin wayichejal, max yalon bay axca ti': Lim, ajan wanok. Itok nak unin yetok is txutx, cax chex toj bay Egipto. Ayjanek ec' bay tu', masantac'al ok wal ayach, cax chex meltzoji, yujtol a Herodes ok ak'on saylay jun unin tu', yujtol chi yochej chi yak' camok, ẍi jun ángel tu' bay. 14 Yuj tu xin, max aj wan José tu', cax max yion bey nak unin tu', yetokc'al is txutx yet ak'balil tu', cax max toj eb bay Egipto. 15 Max ayji ec' eb bay tu', masantac'al max cam Herodes, catatu' max meltzoj eb junelxa. Axca ton ti' max yun yion ba tzet max yal Cham Jajawil, yet max yak'balnen jun is chekbej yalon axca ti': Max wawtejtek in C'ajol bay Egipto, ẍi. 16 Axa yet max yilon Herodes tol majxa ec' eb mago tu' bay, toc'al max etnelay yuj eb, caw wal max tit yowal, xan max chek mak'lay cam masanil eb winak unin, eb cabcab abil is k'inal, c'al eb yaynakil, atac'ala' jantakxa tiempoal yal-lay bay yuj eb mago. Bay conob Belén yetokc'al bay masanil is makbej max mak'lay cam eb unin tu'. 17 Axca ton ti' max yun yion el ba tzet max tz'ibejcan cham chekbej Dios chi yik Jeremías, yet max yalon axca ti': 18 Max ablay yoc aw bay conob Ramá. Ay mac max ok' yuj mimek yailal. A Raquel chi ok' yuj eb is yune'. C'amxa chi yochej chi mimanc'ulnelayi yujtol c'amxa eb, ẍi Jeremías. 19 Axa yet max cam Herodes tu xin, max tx'oxon aj ba jun yángel Cham Jajawil bay José yin wayichejal yet ayic' bay Egipto tu', cax max yalon bay axca ti': 20 —Ajan wanok. Itok nak unin ti' yetok is txutx. Meltzojanek bay is lugar eb e yet israelal, yujtol a eb max ochen max mak'on cam nak unin ti', mayal cam eb, ẍi jun ángel tu' bay José. 21 Catatu' max aj wan José cax max yion meltzoj nak unin tu' yetok is txutx junelxa bay is lugar eb yet israelal. 22 Palta max yabaj José tol a Arquelao ayoc yajawil bay Judea, q'uexelok Herodes is mam, xan max xiw eb meltzoj bay tu' junelxa. Axa yalon Dios yin wayichejal bay, tzet watx' chi yunej, xan max toj eb cajay bay yulak yet Galilea. 23 Max apni eb bay tu xin, max cajay eb bay jun conob chi yik Nazaret. Axca ton tu' max yun yion ba tzet albilcan yuj eb chekbej Dios yet payxa, yet max tz'ibencan eb tol t'inan ok al-lay yin Jesús tol aj Nazaret.
1 A yet ayto ec' eb bay Galilea tu', max toj Juan cham ak'om bautismo, bay jun tz'inan tx'otx' yul yet Judea. Max c'oli yalon k'anej Dios bay eb anima max apni oc abxalwok bay. 2 Max yal bay eb axca ti': Naek e ba yin e yobtakil, yujtol a Cham Yajaw bay satcan, toxa ok txecloj wal aj is yikbej, ẍi. 3 A ton Juan ti' max al-lay yin ayokto yuj cham chekbej Dios chi yik Isaías, yet max yaloncan axca ti' yul tx'an Un Tz'ibbilcanok: Ay jun mactxel bay tz'inan tx'otx' chi awji, chi yalon axca ti': Watx'nejek junok is be Cham Yajaw, t'inek junok be bay Cham, caytu' yaloni, ẍi yul tx'an Un Tz'ibbilcanok. 4 A pichil Juan tu' ayocok, xil camello chembil, cax tz'um ayoc is c'alilok. A jun makan no tzac' chi chiji chi chi', cax yichlakteal yalcab chi yuq'uej. 5 Axa eb aj Jerusalén, yetok eb aj Judea, c'al jantak eb cajan tilak a' Jordán, chi bet eb abxalwok bay cham. 6 Chi jakil eb is yobtakil bay Dios, cax chi ak'laycan bautizar eb yuj Juan bay yul a' Jordán tu'. 7 Xiwil eb fariseo, yetok eb saduceo chi jayoc bay cham, yuj ul yak'lay bautizar eb yuj, palta max yal cham bay eb axca ti': Ayex ti' caw wal jelan ex yin ioj aytek satej, axca no labaj. ¿Mac max alon ayex tol chi je' e colon el e ba bay jun miman yailal ok jay e yiban yuj yowal c'ul Dios? 8 Ta chi na ba e c'ul yin e yobtakil, yowalil watx' che yut e beybal, yet watx' chi txecloj elok tol yel, mayal e na e ba. 9 Man e yal axca ti': C'am tzet chi co na', yinatil on Abraham, man quex chiok. Yujtol chi wal ayex, k'inalok ta chi yal c'ul Dios, chi je' yuten oc juntzan ch'en ti' animail, cax chi oc yinatilok Abraham e q'uexelok. 10 A jun miman yailal ok jayok, lajan axca junok winak watx'xa yayji yetok yechej yich junok te' yet chi k'akon ajok. Masanil te te' man watx'ok sat chi yak'a', chi tzoc'ajok cax chi yak'on tz'a'ok. 11 Ayin ti', chex wak' bautizar yul a', yuj txecloj elok tol yel wali, mayal na ba e c'ul. Palta ay wal junxa mactxel tzakan jay wintak, a' ok ak'on Espíritu Santo ayex, ma k'ak' ok yak' ayex xin, axca tol ok ex ak'lay bautizar yuj. A jun mactxel chi wal tu', yelxac'al miman yelapnok wintak. Yuj tu' xan man in mojok wak'on serbil, tamwal wion oc is xanab, man in mojok. 12 A jun mactxel chi wal tu', lajan yetok junok winak chi txayej is trigo yuj yioncan el ixim yakanej xol ixim bak'ej. Chi c'ubajcantok ixim bak'ej bay is c'una', axa ixim yakanej, chi yak' tz'a xol jun k'ak' c'am oxlajon bak'in chi tani, ẍi Juan tu' bay eb. 13 A yet jun tiempoal tu', petoj Jesús bay Galilea, cax max jay bay Juan yet ayic' bay ti a' Jordán, yuj ul k'anon is bautismo bay. 14 Yet babelal maj yal c'ul Juan max yak' bautizar. A ti yet, max yal bay Jesús axca ti': —In moj ayin ti' chin ak' bautizar, achxalaj chochej chach wak' bautizar, ẍi Juan tu' bay. 15 Axa yalon Jesús bay axca ti': —Manchak a ten tinani', yujtol moj jiken masanil tzet chi yal Dios, ẍi bay. Axa yiken Juan tu'. 16 Maxc'al lajwi yak'lay bautizar Jesús cax max ajtek yul a'. Yet wal jun bek tu', max jakchaj satcan max yila'. Axa max yiloni, max ayol Yespíritu Dios yiban axca junok no paloma. 17 Cax max ablay yoc jay belan k'anej ti' bay satcan: A ton jun in C'ajol ti' camc'ulnebil wuj, caw chin tzaloj yetok, ẍi.
1 Cax max ilaytok Jesús yuj Yespíritu Dios bay jun tz'inan tx'otx', yet chi yak'lej nak diablo yikban Cham yin yobtakil. 2 C'am tzet max lo' Cham yin cawinak c'ual, c'al cawinak ak'bal. Lajwi tu' max tit is wajil. 3 Axa yapni oc nak diablo tu' bay, yuj yak'len yikban Cham yin yobtakil, cax max yaloni: —Tutun tol C'ajol ach Dios, xan al bay juntzan ch'en ti', tol chi oc ch'en yin lojal, ẍi bay Jesús. 4 Axa tak'wi Jesús, max yaloni: —Chi yal yul tx'an Un Tz'ibbilcan axca ti': Man asannejok yuj loj chi je' jiquisbi; palta chi je' c'apax jiquisbi yuj masanil k'anej chi yal Dios, ẍi yul tx'an Un Tz'ibbilcan tu', ẍi Cham bay. 5 Max lajwi tu xin, cax max ilaytok yuj nak diablo bay jun conob tol asan Dios ay yet, a ton conob Jerusalén, cax max ilay ajtok yuj bay chon templo. 6 Max yalon nak bay axca ti': —Tutun tol C'ajol ach Dios, xan k'okto wal aytok a ba cayti', yujtol chi yalcan yul tx'an Un Tz'ibbilcan axca ti': Ok chektek Dios eb is yángel yet watx' chach taynelayi. Ok ach quetzlay aj yuj eb, yet watx' c'am cha chipil akan yin ch'en, ẍi yul tx'an Un tu', ẍi nak tu' bay Cham. 7 Axa tak'wi Jesús axca ti': —Palta chi yal c'apax yul tx'an Un Tz'ibbilcan tu' axca ti': Manchak e yak' porobal, Cham Jajawil co Diosal, ẍi yul tx'an Un, ẍi Jesús bay. 8 Axa yilaytok yuj nak diablo tu' bay chon jun tzalan caw wal can ayajok, cax max c'oli tx'oxontok nak bay Cham masanil mimek conoblak yulyibank'inal ti', c'al tzetak mimek yelapnok bay junjun conob tu'. 9 Max lajwi tu xin, max yalon nak bay Cham axca ti': —Masanil juntzan chin tx'oxtok ayach ti', ok wak' ayach, ta chach ay jajan ayin, cax chalon a ba ayin, ẍi bay. 10 Axa yalon Jesús bay axca ti bian: —Ach Satanás, elan in c'atan, yujtol chi yal yul tx'an Un Tz'ibbilcan axca ti': Iek ay e ba bay Cham Jajawil co Diosal. Asan Cham che yak' serbil, ẍi tx'an, ẍi Jesús bay. 11 Axa yel Satanás tu' c'atan Jesús, cax max toji, cax max jayoc eb ángel ul yak'on serbil Cham. 12 A yet max yaben Jesús tol ayoc Juan yul preso, cax max toj bay Galilea. 13 Majxa cajay bay Nazaret, palta axa bay Capernaum max cajayi. A jun conob tu' a bay ti a' mar ay. Bay tilak tx'otx' yet Zabulón, c'al tx'otx' yet Neftalí, a tu' ay. 14 Axca ton ti' max uji, yuj yunen el tzet max yal cham chekbej Dios chi yik Isaías, tol max yal axca ti': 15 A ti a' mar ay tx'otx' yet Zabulón c'al tx'otx' yet Neftalí, bay k'axepal ec' a' miman Jordán: A bay tu' ay jun conob chi yik Galilea, junej ay yetok eb man israelok. 16 A jun conob tu' cajan xol k'ekk'inal, ok yil jun miman sakk'inal; ok chaw jun sakk'inal tu' bay eb cajan ec' xol k'ekk'inal tol ay is may, ẍi tx'an Un Tz'ibbilcanok. 17 Maxc'al apni oc Jesús bay jun lugar tu xin, cax max c'oli yalon el k'anej Dios bay eb anima, max yalon bay eb axca ti': Naek e ba yin e yobtakil, yujtol a Cham Yajaw bay satcan, toxa ok txecloj wal aj is yikbej, ẍi bay eb. 18 Lanan yec'jab Jesús ti a' mar bay Galilea, cax max yilon yin Simón, cham chi yik Pedro yetok jun yuẍtak chi yik Andrés. Lanan txaywi eb bay tu', yujtol txaywom eb. 19 Axa yalon Jesús bay eb axca ti': —Tzaklojanek cuywok wintak, cax ok wak'on e yopiso. Axca che yut e mitx'on no txay ti', caytu' ok e yut e yiontek eb anima ayin, ẍi Cham bay eb. 20 Max bekxac'al can eb is txim yet jun bek tu'. Yuj cuywi eb, xan max tzakloj eb yintak. 21 Max beytoj janic'xa, axa max yilon yin cawanxa yuẍtak c'apax ba, a ton Jacobo yetok Juan, eb c'ajol Zebedeo. Ayoc eb yul barco yetok is mam. Lanan sayon yil eb is txim, yet max awtelay eb yuj Jesús. 22 Yet-xac'al c'apax jun bek tu', max bekcan eb is barco c'al is mam eb tu', cax max oc eb cuywomok Jesús. 23 Bay masanil yulak yet Galilea max ec' Jesús yetok eb. Max ec' Cham cuywaj yulak nail bay chi wajbaj ba eb israel yin culto, cax chi yaloncan el watx' abix, tzetbil chi yun yoc eb yul k'ab Cham aj satcan. Max jaycan c'ul masanil mactxel ya'ay yuj tzanc'al tzet ilya'il yuj Cham. 24 Masanil anima yul yet Siria max aben k'umal Jesús, xan max yi jay eb eb ya'ay yuj tzanc'al tzet ilya'il bay Cham. Yetok eb ayoc espíritu yob yin, yetok eb chabil oybinak sat yuj, c'al eb sicbinak el is mimanil, max ilaytek eb masanil bay, cax max jaycan c'ul eb masanil yuj. 25 Xiwil anima aj Galilea max tzakloj yintak Cham, c'al eb aj Decápolis, eb aj Jerusalén, c'al eb aj Judea, yetok eb aj k'axepaltok a' Jordán.
1 Axa yet max yilon Jesús jun miman bulan anima, max ajtok bay jun tzalan, cax max ay chotan bay tu', axa yapni oc eb is cuywom tu' is c'atan. 2 Max c'oli cuywaj bay eb axca ti': 3 A eb chi yojtaknej el ba tol man watx'ok eb yul yet satak Dios, caw watx' yet eb, yujtol ayxa oc eb yul k'ab Cham aj satcan. 4 A eb chi cus is c'ul yuj yobtakil, caw watx' yet eb, yujtol ok mimanc'ulnelay eb yuj Dios. 5 A eb yaynakil chi yut ba, caw watx' yet eb, yujtol ok yi' eb jun lugar max yalcan Dios. 6 A eb chi yochej chi watx'nej oc is beybal wal yin masanil is c'ul, caw watx' yet eb, yujtol ok oc Dios yetok eb yin watx'ji oc beybal eb. 7 A eb chi ok' c'ul yin yet animail, caw watx' yet eb, yujtol axa Dios ok ok' pax c'ul yin eb. 8 A eb junxanej yayji is nabal yin yet Dios, caw watx' yet eb, yujtol ok ayjok ec' eb yetok Cham. 9 A eb ak'om tan owal, caw watx' yet eb, yujtol ok al-lay eb yuninalok Dios. 10 A eb chi yil yailal, yujc'al tol watx' is beybal, caw watx' yet eb, yujtol ayxa oc eb yul k'ab Cham aj satcan. 11 Axa pax ex xin, ta wujc'al chex tx'emlayi, ta wujc'al chex bajlayi, cax chi nalay aj k'anej e yin, caw watx' e yet. 12 Tzalojanek sic'libil, yujtol caw miman watx'ilal ok e cha' is paktzilok bay satcan. Axca wal chi yun e yilon yailal ti', cay wal tu' max yun yilon eb chekbej Dios yailal yet payxa. 13 Axca atz'am atz'am chi watx'nen oc tzet chi loji, cayex tu yulyibank'inal ti'. K'inalok ta chi c'ay c'achial jabok atz'am atz'am, ¿tzetto wal ok yun c'achibi junelxa? C'amxa yopiso. Toxac'al chi k'oklay elok, cax chi tec'laytok yuj anima. 14 Axca junok tzektebal, cayex tu' bay yulyibank'inal ti'. K'inalok ta ay junok conob ayajtok chon junok tzalan, caw miman txequel sic'libil. 15 A yet chi co tzekon co tzektebal, tokwal a yalan junok cajón chi jaoctok, palta a yiban serbil chi jajtok, yet watx' chi tzektenelay masanil eb ayic' yul na yuj. 16 Axca junok tzektebal, cayexokab tu xin, txeclojokab e sakk'inal satak anima, chi yal yelapnok, e watx' beybal, yet watx' chi yal eb watx' k'anej yin co Mam Dios ayic' bay satcan. 17 Xe na talaji tol yuj ul wuchon lajwok ley Moisés, c'al juntzan cuybanilej max yak' eb chekbej Dios yet payxa, xan max quin jayi. C'amak. Palta yuj ul in watx'nen ocok, xan chin jayi. 18 Wal yel chi wal ayex, tol yowalil ok yun masanil tzet tz'ibbilcan yul tx'an ley tu'. Yet aytoc'al ec' yulyibank'inal ti', c'al satcan, tamwal jabok tzet yul tx'an Un Tz'ibbilcan tu' tol man ok yunej. Tamwal junok letra, tamwal junok punto, tol ok ec' tzet chi yala', masantac'al ok yun masanil tzet tz'ibbilcan tu'. 19 Ay juntzan chekbanil yul tx'an ley tol txennej yelapnok chi jila'; palta a mactxel tol c'am chi iken masanil, cax chi yak'on c'apax yun anima, yet watx' c'am chi yikej c'apax eb, a ton jun mactxel tu', yaynakil yelapnok xol eb ayoc yul k'ab Cham aj satcan. A pax eb chi iken masanil tzet chi yal ley tu xin, cax chi yalon c'apax eb bay anima yet watx' chi yikej c'apax eb, a ton eb tu' miman yelapnok xol eb ayxa oc yul k'ab Cham. 20 Yuj tu xan chi wal ayex, tol yowalil watx' che yut e beybal yintak beybal eb meẍtol yin ley Moisés, c'al eb fariseo. Ta c'amak, majc'alta' je' e yoc yul k'ab Cham aj satcan. 21 Ay bay max jab tzet albilcan bay eb jichmam yet payxa, bay chi yal axca ti': Man e mak' cam e yet animail. Tzanc'al mactxel chi mak' cam junok yet animail, yowalil chi ilaytok satak ley, cax chi beyc'ulnelayi, ẍi. 22 Palta ayinxa chi wal ayex, tzanc'al mactxel chi chichon oc c'ul yin junok yet animail, yowalil ok beyc'ulnelayok. Tzanc'al mactxel chi buchil junok yet animail, ok beyc'ulnelay yuj eb sat yajaw. Tzanc'al mactxel chi bajil junok yet animail, ay is may chi tojcan infierno, bay xol k'ak'ej. 23 Yuj tu xin, ta lanan e toj e yak'on tz'a e yofrenda, cax chi tit yul e c'ul tol ay junok mactxel bay max oc e mul, 24 batxbajekcan ay e yofrenda tu' yich altar, cax chi toj e watx'nen yayji e cusc'ulal yetok jun mactxel tu'. Chi lajwi tu xin, chex jayi, cax che yak'on e yofrenda. 25 K'inalok ta ay junok mactxel chex awten satak juzgado yuj junok k'anej, ak'ek e yip e watx'nen jun k'anej tu' yulak be yetok, cax c'am chex ilaytok satak yajaw yuj. Yujtol ta mayal ex apni satak yajaw, axa cham yajaw tu' chex aon oc yul k'ab eb policía, axa e tojcan preso tu'. 26 Wal yel chi wal ayex, tol maj ex bekchaj preso tu', ta man tz'akanok che tojlanej e multa. 27 Ay bay max jab tzet albilcan yul ley Dios, bay chi yal axca ti': Manchak e yaoc e mul yul k'ab e yetbi junjun ex, ẍi. 28 Palta ayinxa chi wal ayex: Tzanc'al mac winakil chi ilon oc junok ix ix yuj yochen ocok, mayal mulji yul is c'ul yin ix. 29 K'inalok ayex chex ak'lay ayc'ay yin yobtakil yuj e bak' sat bay e watx', cax chi etax el e nabal, yelxac'al watx' tol che yiiltek jun e bak' sat tu', cax che k'okon elok. Yujtol yelxac'al watx' ta a junok yetbeyom e mimanil c'am, yintak pax tol masanil e mimanil chi k'oklaytok bay infierno. 30 K'inalok ta ayex, a e watx' k'ab chex ak'on ayc'ayok, cax chi etax el e nabal, yelxac'al watx' tol che tzoq'uil jun e k'ab tu', cax che k'okon elok. Yujtol watx' e yet ta junnej yetbeyom e mimanil c'am, yintak pax tol masanil e mimanil chi k'oklaytok bay infierno. 31 Albil c'apaxcan junxa ti' yet payxa tu': A mac chi pojlej ba yetok yistzil, yowalil chi watx'nej junok tx'an yunal pojlejbail, cax chi yak'oncan nak tx'an bay ix, ẍi. 32 Palta ayin chi wal ayex: Ta ay junok mactxel chi pojlej ba yetok yistzil, palta c'am pax mul ix ix tu' chi yaoc yul k'ab yichamil tu', ti wal a yichamil tu' chi aontok ix yin mul bian. Yetok c'apaxok, ta ay junok mactxel chi ion ix max pojlej ba yetok yichamil tu', mul chi yunej. 33 Ay bay max jab tzet max al-laycan bay eb jichmam yet payxa, bay chi yal axca ti': Ta che locbajtek bi Cham Jajawil yet che yak'on e ti' yin junok tzet yetal, yowalil che yak' yun tzet che yal tu', ẍi. 34 Palta ayin chi wal ayex: C'amokab bak'in che loctek junok tzanc'al tzet biejal. Maj je' e locontek bi satcan, yujtol a tu' chotan ay Dios yak'on yajawil. 35 Yetok c'apax sat tx'otx' ti', maj je' e locban bi, yujtol axca tol batxlub yakan Dios yayji. Yetok c'apax conob Jerusalén, maj je' e locban bi, yujtol is conob Cham Rey miman yelapnok. 36 Tamwal e jolom, c'am chi je' che locbajtek. Iltax c'am chi je' e yuj e yak'on sakbok ma e yak'on k'ekbok junok xil e jolom. 37 A yet chex k'anjab xin, Ja', quex chi, ma C'amak, quex chi. Maj je' e locontek tzanc'al tzet biejal, yujtol a bay nak diablo chi tit juntzan ti'. 38 Ay bay max jab tzet albilcan yet payxa, tol chi yal axca ti': Ta ay mac chi mak' poj bak' sat yet animail, mak'layokab c'apax poj yet. Ta ay mac chi mak'on eltek ye yet animail, mak'layokab c'apax eltek yet, ẍi. 39 Palta ayin chi wal ayex: Manchak e lajbaj yobc'ulal e yet animail. A ti e yet, ta ay mac chi mak'ontok jun pac'ok e sat, acbajektok jun pac'xa bay. 40 Ta ay mac chi yochej chi tok'on ec' e camiẍ satak ley, bekek c'apaxtok e jokan pichil bay. 41 Yetok c'apaxok, ta ay mactxel chex tenon oc yalan yikatz, yuj toj e yak'oncan yulak be nanok legua, as ak'ekcan junok legua bay. 42 Tzanc'al mactxel chi k'anon majanej junok tzet yetal ayex, ak'ek bay, cax manchak e basnej. 43 Ay bay max jab tzet albilcan yet payxa, tol chi yal axca ti': A eb watx' e yak'on yetok, camc'ulnejek eb. Axa eb yob e yak'on yetok xin, chichonokab oc e c'ul yin eb, ẍi. 44 Palta ayin chi wal ayex: Yowalil che camc'ulnej eb ajc'ul oc e yin c'al e txajli yuj eb chex etneni. 45 Axca ton ti' ok e yut e tx'oxon elok tol yuninal ex co Mam ayic' satcan. Yujtol a co Mam tu', chi yak' ajol c'u yiban eb yob c'al yiban eb watx'. Yetok c'apaxok, chi yaay nab yiban eb yob is nabal, yetok c'apax yiban eb watx' is nabal. 46 Ta asan ch'an eb chex camc'ulneni ok e camc'ulnej paxok, ¿xin ta ok e cha' is paktzil jun e camc'ulal tu' che na'? Toltax eb tekomel tojlabal, cayton tu' chi beybalnej eb. 47 Yetok c'apaxok, ta asannej yetok eb e watx'il anima bay watx' e k'anjabi, ¿xin ta watx' che na'? Toltax eb manto ojtaknenok Dios, cay c'apax tu' beybal eb. 48 Tz'akakiokab che beybalnej masanil tzet yetal watx' xin, axca co Mam ayic' bay satcan, tz'akan yin masanil tzet yetal watx'.
1 Xe yil c'al e ba, manokab asannejok satak eb anima, watx' che yut e ba. Ta asannej satak eb watx' che yut e ba, c'am jabok paktzil ok e cha' bay co Mam ayic' bay satcan. 2 Yuj tu xin, a yet che yak'on jabok e sabal bay junok meba', manchak e yalil xol anima axca chi yut ba eb cabsat. Yujtol a eb tu', chi tx'oxxac'al el eb yulak nail wajayil yin culto, c'al yulak calle, yet watx' chi al-lay eb watx'il. Wal yel chi wal ayex, a watx' k'anej chi al-lay yin eb tu', a chi oc is paktzilok. 3 A pax ex xin, aokab yet che yak'on jabok tzet yetal bay eb meba', maj je' e yalon bay anima. Caxc'al a bay mac yelxac'al watx' e yak'on yetok, maj je' e yalon bay. 4 Ak'ek e sabal tu' yin ewantakil. Caxc'al yin ewantakil che yak'a', palta chi yil co Mam Dios, xan ok paktzej ayex. 5 A yet chex txajli, manchak e yut e ba axca eb cabsat, yujtol a eb cabsat tu', caw chi cha' c'ul eb txajli yulak nail wajayil yin culto, c'al bay chi waj ba eb anima, yet watx' chi al-lay eb watx'il yuj anima. Wal yel chi wal ayex, tol a ton watx' k'anej chi al-lay yin eb tu' chi oc is paktzilok eb. 6 Palta ayex ti xin, a yet chex txajli, ocanektok yul e na, che makchej e puerta, cax chex txajli bay co Mam Dios, Cham ayic' e yetok. Caxc'al c'am mac chi ilon e txajli, ok yabc'alta' Cham, cax ok paktzen Cham e txaj tu'. 7 A yet chex txajli tu', manokab ac'alokc'al tzet che yalubtanej, axca eb manto ojtaknenok Dios. Yujtol a eb tu', a naon eb tol yuj miman chi yut eb yakan is txaj, xan ok ablay eb yuj Dios. 8 Yuj tu xan manchak e yut e ba axca eb tu xin, yujtol yojtakxa co Mam Dios tzet caw yowalil chi oc e yuj, yet mantoc'al e k'an bay. 9 Yuj tu xin, caytu' che yut txajlok e ba axca ti': Ach co Mam, tol ay ach ec' bay satcan, mimanokab yelapnok a bi. 10 Jayan ul ak'on yajawilal cayti'. Axcaokab yunen ochwan bay satcan tu', cayokab tu' yunen sat tx'otx' ti'. 11 Ak' co lobej ok co lo' junjun c'u co k'ana'. 12 Ak' tan co yobtakil, axca ayon ti' chi jak' mimanc'ulal yin eb ay tzet chon uteni. 13 Manchak on a cha' ikbelaytok yin yobtakil, cax chon a colon c'apax el yul k'ab jun yajawil yobtakil, quex chi. 14 Ta che joc'ay yin e c'ul yobtakil eb ay tzet chex uteni, cax ok ak'lay tan e yobtakil yuj co Mam ayic' bay satcan. 15 Palta ta c'am che joc'ay xin, maj yak' c'apax tan co Mam Dios e yobtakil. 16 A yet chex oc yin c'ajbanc'ulal, manchak e yut e ba axca eb cabsat. Yujtol a eb tu', cusiltakxac'al chi yut eb sat, yet watx' chi txecloj el satak anima tol aynaj oc eb yin c'ajbanc'ulal. Wal yel chi wal ayex, tol a ton yuj chi il-lay eb yuj eb anima tu', a ton chi oc is paktzilok eb, xan c'amxa paktzil eb ok cha' bay Dios. 17 Palta ayex ti xin, a yet chex oc yin c'ajbanc'ulal, mixnajanek, cax che ch'ichontok e xil, 18 yet watx' c'am chi nachaj el yuj anima ta ayex oc yin c'ajbanc'ulal. Axca tu xin, asan co Mam Dios ojtaknej tol ay ex oc yin c'ajbanc'ulal, ok paktzej Cham e c'ajbanc'ulal tu'. 19 Manchak e wajbaj e beyomal yulyibank'inal ti', yujtol chi ijbitok, chi k'uxbitok, ma chi toj yuj elk'om. 20 Yelxac'al watx' tol a bay satcan che wajbaj e beyomal. A bay satcan tu', c'am chi oc yijal, c'am chi k'uxbitok, c'amxa c'apax elk'om chi elk'anentok. 21 Yujtol a bay chi co wajbaj co beyomal, a tu' chi ja c'apaxtok co nabal. 22 A co bak' sat, axca tol is tzektebal co mimanil yayji ocok. Yuj tu xin, ta junnej tzet bay ayoc co sat, sakk'inal on chi yal tu', cax watx'c'al tzet chi el junun yetok co mimanil. 23 Palta ta ay ex tx'ok tx'ok bay che yaoc e sat xin, chex cancan xol k'ekk'inal yuj. A e sakk'inalil tu', ta chi q'uexpoj oc yin k'ekk'inalil, ok ex canxac'al xol k'ekk'inal. 24 C'am junok mactxel chi je' jun lajanc'al yak'on serbil cawanok patrón, yujtol chi mi yajc'ulnej ba yetok junok, cax chi camc'ulnen ba yetok junokxa. Ay mi junok ay yelapnok yul sat, axa junokxa c'am mi yelapnok yul sat. Yuj tu' xan c'am chi je' tol jun lajan co camc'ulnen jak'on serbil Dios c'al co camc'ulnen ch'en tumin. 25 Yuj tu xan chi wal ayex, tol manchak ex oc il yuj e cawil cayti', yuj e lobej c'al yuj e pichil. Ta chi yak' Dios e cawil, ¿tom ato wal e lobej man ok yak'a'? Ta max yak' Dios e mimanil, ¿tom ato wal e pichil man ok yak'a'? 26 Ilab no tz'iquin, c'am yawoj no', c'am jatx'oj no'. Tok ay tzet chi wajbajcan no', palta a co Mam Dios ay bay satcan chi ak'on lobej no'. Iltax chi yak' lobej no tz'iquin tu', akxam wal ayex ti' tol miman e yelapnok yintak no' yul sat Cham. 27 Tok ay junok ex chi je' e yaon oc nanokxa vara tz'akil e tel yujc'al chex oc il. 28 Yetok c'apaxok, ¿tzet xan chex oc il yuj e pichil? Iek e nabal yin an xumaquil ac'un tinani'. A an xumac tu', c'am chi mulnaj an, tamwal chi tx'alwi c'apax an. 29 Palta chi wal ayex, tol caxc'al xiwil watx'il yili pichil cham rey Salomón max yaocok, palta majc'alta' apnok yili axca an xumac tu'. 30 Iltax wal xiwil watx'il yili an xumac tu' yuj Dios. Tol watx' yili an tinani'; axa yecal xin, chi takilok, axa yet taknakxa elok, cax chi tz'a'i, ¿tom ayexto wal, man ok ex pichlay yuj Cham? ex c'am wal che yaoc Dios yin e c'ul. 31 Yuj tu xin, xan manchak ex oc il, cax chex alxi aj yuj e lobej e yuc'a', tamwal yuj e pichil. 32 A eb man ojtaknenok Dios, caw chi yiajtek eb c'ulok sayon ec' juntzan tzet yetal ti'. Axa ayon xin, a co Mam ay bay satcan, yojtakxa tol caw chi oc yopiso juntzan ti' juj. 33 Xan ak'ek e yip e yaon oc e ba yul k'ab Cham wal sic'libil, cax watx'c'al che yut e beybal axca wal chi yochej c'ul. Ta ok e yun axca chi wal ti', ok yak' Cham masanil juntzan tzet yetal ti' ayex. 34 Yuj tu xin, manchak ex oc il yuj tzet ayex yecal, yujtol man e yojtakok tzet ibil oc yuj jun c'u yecal tu', xan maj je' e yoc il. K'okbilc'alnaj che naobtanej yin tzetak yetal ibil oc yuj junjun c'u.
1 Manchak e beyc'ulnej junok mactxel, yet watx' manchak ex beyc'ulnelay yuj Dios. 2 Yujtol ta che beyc'ulnej junok mactxel, axca wal che yut e beyc'ulnen tu', caywal tu' ok yun e beyc'ulnelayi. Yuj tu xin, xan a e yechbal che yak'balnej, a ok ak'balnelay pax ayex. 3 K'inalok ay junok e yet animail chi toj junok c'ajil k'alem yul sat. Ayexxa xin, k'inalok ay pax junok patzab ayoctok yul e sat. Ta c'am che yiltek tol ay te' ayoctok yul e sat, ¿tom ato wal jab k'alem ayoctok yul sat e yet animail tu' ok e yiltek? 4 Ta ay junok te patzab ayoctok yul e sat xin, tok ok je' e yalon bay e yet animail axca ti': Jilto wali, jieltek jun c'ajil k'alem ayoctok yul a sat tu', tok quex chi bay. 5 Palta tatol caytu' che yut e yaloni, cabsat ex. Iek eltek jun te patzab ayoctok yul e sat tu' babelal. Catatu bian, ok je' e yilon e yion eltek jun c'ajil k'alem yul sat e yet animail tu'. 6 A juntzan tzet yetal yet Dios, lajan axca ch'en perla. Yuj tu xan maj je' jak'on bay eb tol c'am jabok yelapnok Dios yul sat, yujtol lajan eb axca no tx'i' caw ow, cax tojolc'al tit jin. Ay eb xin, lajan axca no txitam tol toc'al chi tec'tok tzet chi alay ay bay. 7 K'anek, cax ok yak'on Dios ayex. Sayek, cax ok ilchaj e yuj. Awjanek octok ti puerta, cax ok jaklay ayex. 8 Yujtol tzanc'al mactxel chi k'anoni, chi cha'. A mac chi sayon ec'ok, chi ilchaj yuj, axa mac chi awji octok ti puerta, chi jaklay bay. 9 Ilab tinani', a yet chi k'anon e yuninal lobej ayex, ¿xin ta a junok ch'en che yak' bay? 10 Ma xin, a junok txay chi k'an ayex, ¿xin ta a junok labaj che yak' bay? 11 Ti pax wal yob ex, palta e yojtak che yak' tzet yetal watx' bay e yuninal. Akxam wal co Mam ayic' satcan, ok yak' tzet yetal watx' bay eb chi k'anon bay. 12 Che yochej tol watx' chi yut ba eb e yet animail ayex, yuj tu xan watx'okab che yut e ba bay eb, yujtol caytu' max yun cheklay co beybalnen yuj ley Moisés tz'ib yayjicanok, c'al yuj tzet tz'ibbilcan yuj eb chekbej Dios payxa. 13 A yul jun yaliẍ puerta chex oqui, yujtol ay junxa puerta miman sat, cax miman c'apax sat beal, palta a bay c'aybanilal chi apni jun be tu', cax xiwil anima chi toj yul. 14 A pax jun puerta yaliẍ sat tu xin, yaliẍ c'apax sat beal, yuj tu' xan jaywannej eb chi toj yul, palta a ton jun tu' chi apni bay k'inalej. 15 Xe yilc'al e ba bay eb chi yaloc ba chekbejok Dios, yujtol a yet ok jay eb ayex, caw manso ch'an ok yut ba eb axca no calnel, palta ti tol yob tzet chi naoc eb e yin axca wal junok no ok caw ow. 16 Ok e yojtaknej el eb sic'libil yuj tzetak yetal chi el yunen eb, axca jojtaknen el junok te te' yuj sat. Ilab tinani', tokwal uva sat junok q'uix chi yak'a', ma higo sat junok q'uix chi yak'a'. 17 Masanil te te' watx', watx'c'al sat te' chi yak'a'. Axa masanil te te' yob, yobc'al sat te' chi yak'a'. 18 Xan a te te' watx', maj je' tol yob sat te' chi yak'a'. Tamwal te te' yob, maj je' tol watx' sat te' chi yak'a'. 19 Yuj tu xin, a eb chi yaloc ba chekbejok Dios tu', ok e yojtaknej wal el eb sic'libil yuj tzetak yetal chi el yunen eb. Masanil te te' tol man watx'ok sat chi yak'a', chi k'aklay aj te', cax chi k'oklaytok te' xol k'ak'ej tz'a'ok, cayton tu' ok utlay eb man watx'ok beybal. 21 Man masanilok eb: Mamin Wajaw, ẍi ayin, ok oc yul k'ab Cham aj satcan. Asannej eb chi iken yochwan co Mam ayic' satcan tu', asannej eb tu', ok ocok. 22 A wal yet ok jay jun c'ual tu', xiwil eb ok alon ayin axca ti': Mamin Wajaw, caw wal max on ec' jalon el a k'anej. Yetok ekbej max jion el espíritu yob yin eb anima. Yetok c'apax ekbej, xiwil milagro max el juneni, ẍi mi eb. 23 Palta jichan ok yun in tak'wi bay eb axca ti': C'amc'al bay max ex wojtaknej el junelok. Elanekc'al in c'atan, yujtol asannejc'al yobtakil max el e yuneni, quin chi, ok in tak'wok bay eb. 24 Tzanc'al mactxel chi aben in k'anej, cax chi yikeni, lajan axca junok winak jelan. A jun winak tu', a yiban ch'en max watx'nej yatut. 25 Max jay jun miman yax nab, cax max el sequecok elom aej. Max jay c'apax jun miman cak'ek', cax max low yin jun na tu, palta maj telc'ojok, yujtol c'anani toj xe' yiban ch'en. 26 Axa eb chi aben in k'anej, palta c'am chi yikej paxok, lajan eb axca junok winak c'am is nabal. A jun winak tu', a yiban pok max watx'nej yatut. 27 Max jay jun miman yax nab, cax max el sequecok elom aej. Max jay c'apax jun miman cak'ek', cax max low yin jun na tu', axa telc'oj tu', max etaxxac'al ayok, ẍi Jesús bay eb. 28 Axa yet max lajwi k'anjab Jesús bay eb anima tu xin, toxac'al chi c'aycan aj c'ul eb yuj jun cuybej ti'. 29 Yujtol a yet lanan k'anjab xol eb, max txecloj elok tol ay ton yikbej Cham man lajanok cuywaj axca eb meẍtol yin ley Moisés.
1 Axa yet max paxaytek Jesús bay jun tzalan tu xin, xiwil anima max tzakloj yintak Cham. 2 Ay jun winak caw ya'ay sic'libil yuj jun ilya' chi yik lepra. A jun winak tu' max jayoc bay Jesús, cax max bekon ay jajnaj ba satak Cham cax max yaloni: —Mamin, ta chi yal a c'ul chi je' jaycan in c'ul oj, ẍi nak bay Cham. 3 Xan max matxbaj oc Cham k'ab yiban nak, max yaloni: —Chi yal in c'ul. Ti chi jaycan a c'ul, ẍi Cham. Yet-xac'al jun bek tu' max jaycan c'ul nak yuj Cham. 4 Lajwi tu xin, cax max yalon Cham bay axca ti': —Ilabi, ayta bay alil jun ti'. Asi', cha tx'ox a ba bay junok eb sacerdote, cax chak'oncan a xajanbal bay Dios axca yalon ley Moisés, yet watx' chi il-lay yuj conob tol mayal jaycan a c'ul, ẍi Jesús bay nak. 5 A yet max apni oc Jesús bay conob Capernaum, max jayoc jun capitán bay Cham, cax max oc tean yin, 6 max yalon axca ti': —Mamin, a jun in chekbej ayic' wetok bay in na, max toj telan sat tx'at. Sicbinak el is mimanil, caw wal chi chiwaj yulak is mimanil chi yabej, ẍi bay Cham. 7 Axa yalon Jesús bay cham axca ti': —Ti ok in tok xin, cax ok tok wak'oncan jay c'ul nak, ẍi Cham bay. 8 Axa yalon cham capitán tu' bay Jesús axca ti': —Mamin, man in mojok chach oc yul watut. Asannejokab tol chach k'anjabtok cayti', axa jaycan c'ul nak in chekbej tu'. 9 Wojtak jun ti', yujtol ayin ti', ay eb wajawil chin chekoni. Ac'ala', ay c'apax eb soldado chin cheka'. Ta ay junok mac chin cheka', chic'al yikej toji. Ta ay mac chi wawtej, chic'al yikej jayi. Yetok c'apaxok, ta ay tzet chin chek watx'nej junok in soldado, chic'al yikej watx'neni, ẍi bay Cham. 10 A yet max yaben Jesús tzet max yal jun capitán tu', max c'ayaj c'ul, xan max yal bay eb tzakan oc yintak axca ti'; —Wal yel chi wal ayex, c'amto junok jet israelal maxax wil wal yaon oc c'ul yin Dios axca jun winak ti'. 11 Chi walon c'apax ayex, tol xiwil eb ok tit bay yichcan, c'al bay yayob c'u, cax ok ay chotan eb low yetok Abraham, yetok Isaac, c'al yetok Jacob bay meẍa Cham aj satcan. 12 A eb jet israelal moj yoc bay jun loj tu', palta ay eb ok k'oklay eltok xol k'ekk'inal yina, bay ok oc ok'il, c'al natx'atx'i ye eb yuj yail, ẍi bay eb. 13 Lajwi tu xin, axa yalon Jesús bay cham capitán tu' axca ti': —A tinani', paxanxa bay atut. Ok yunc'alta' tzet max aoc yin a c'ul, ẍi bay. Yet wal jun bek tu', max jay c'ul jun is chekbej cham capitán tu'. 14 Max toj Jesús bay yatut Pedro. Axa max yiloni, telantok xal ni' Pedro tu' yuj jun k'ak'al ilya'. 15 Axa yoc mitx'an Jesús yin k'ab xal tu'. Cac'al tu' max yun yel jun k'ak'al ilya' tu' yin, axa yaj wan xal tu', cax max c'oli yak'lay serbil eb yuj xal. 16 Axa yet numumixac'al yay c'u, xiwil eb ayoc espíritu yob yin max ilaytek bay Cham, palta junnej k'anejal max yun yion el Cham eb espíritu yob tu'. Ac'ala' c'apax masanil eb anima ya'ay, max jaycan c'ul eb masanil yuj Cham. 17 Tixton juntzan tzet max el yunen Jesús ti xin, yet watx' chi yuncan el tzet max yal cham chekbej Dios chi yik Isaías yet payxa, yet max yalon axca ti': A wal caw Cham max iontok jilya', lanan yaben yail co q'uexelok, ẍi. 18 Axa yet max yilon Jesús tol manxa animaok oyanxac'al oc yin, max yikban ec'tok eb is cuywom bay junxa k'axepal a' mar. 19 Palta a yet c'amto chi ec'tok eb tu', max apni oc jun meẍtol yin ley Moisés bay Cham, cax max yalon axca ti': —Ach in meẍtol, ok in tokc'al etok tzanc'al bay ok ach tok, ẍi bay Cham. 20 Axa yalon Jesús bay axca ti': —A no wax, ay is nach'en no', c'al no tz'iquin, ay is wayub no', palta ayin ti', caxc'al Chekbilintek yuj Dios xol eb jet animail, c'am jabok watut bay chin wayi, ẍi bay. 21 Max yal c'apax junxa ayoc tz'akilok eb is cuywom bay axca ti': —Mamin, ok in ec'c'al etok cuywok. Asan xin, in mukcantok in mam bel, ẍi bay Cham. 22 Axa yalon Jesús bay axca ti': —Tzaklojan cuywok wintak. A eb camnakto el yul sat Dios, a eb chi je' mukoncan eb yet camnakil tu', ẍi Cham bay. 23 Lajwi tu xin, max octok Jesús yul barco, cax max oc c'apaxtok eb is cuywom yetok, axa k'axpoj eb tu'. 24 Palta lanan wal bey eb yiban a', cax max jay jun miman cak'ek' caw ow. Max c'oli bilaj sat a', cax chi toj a' yul te barco tu'. A pax Jesús xin, tol chi wayi. 25 Axa tenlay el wayan Cham yuj eb cuywom tu', max yalon eb bay Cham axca ti': —Mamin, col on. Ti wal chon paxay yich a', ẍi eb bay. 26 —¿Tzet yuj xan xiwil chex xiwi? ¿Tzet xan c'am wal che yaoc e c'ul yin Dios? ẍi Cham bay eb. Max lajwi tu xin, max aj wan Cham, cax max tenon oc wanaj jun miman cak'ek' tu', c'al a' mar, axa numay masanil tu'. 27 Toxac'al max c'aycan aj c'ul eb yuj Cham, max yalon eb axca ti': —¿Tzetlaj yayji jun winak ti', xan tojolc'al yiken cak'ek' bay, c'al a' mar? ẍixac'al eb. 28 Axa yet max ec'apnok Cham bay jun lugar chi yik Gadara, max jayoc cawan winak ayoc espíritu yob yin bay Cham, petoj eb bay chi muklay camnak. Yelxac'al ay is may eb, xan c'am mac chi ec' bay jun be tu'. 29 Axa wek'on el eb yaw tu', max yalon eb bay Jesús axca ti': —Jesús, ach C'ajol Dios, ¿tzet alon et jin? ¿Tom yin ayoktoc'al cax chach jayoc on ul aon oc yin yatakil? ẍi eb. 30 Axa cawilal tu' ay pax ec' jun miman bulan txitam chi tzuk yac'un, 31 xan max yal eb espíritu yob tu' bay Jesús axca ti': —Ta chon oktej el yin eb anima ti', axa yin no txitam tu' chon a chaocok, ẍi eb bay Cham. 32 —Ocanek yin no' xin, ẍi bay eb. Xan max el eb yin eb anima tu', axa yin no txitam tu' max occan eb. Yuj tu xin, ayman max toj no' el yuj eb. Max k'okon el ba no' sat witz masanil, masantac'al max ayapnok no' yul a' mar, cax max jik'bi aytok no' yul a'. 33 Axa eb yilomal no txitam tu xin, max elaj eb, max toj eb yin aymanil bay conob, yuj toj yalon eb tzet max on no txitam tu', c'al yuj eb bay max elcan eb espíritu yob tu' yin. 34 Yuj tu' xan masanilxac'al conob max eltek ul yilon yin Jesús, cax max tewi eb bay Cham yet chi besil ba yul is conobal eb.
1 Axa yoc Jesús yul junok barco, cax max k'axpoj ec' yiban a'. Max ec'apnok bay junxa k'axep bay ay is conob. 2 Ay jun winak sicbinak el is mimanil, batxbil sat is wayub. Max ilay jay bay Jesús. Max yilon oc Jesús xin, tol chi yaoc eb inen oc nak tu' yin c'ul tol ok jaycan c'ul nak yuj Cham, xan max yal Cham bay nak sicbinak el tu' axca ti': —Ach wet animail, ak' tzalojbok a c'ul. Max ak'lay mimanc'ulal yin a yobtakil, ẍi bay nak. 3 Axa jaywan eb meẍtol yin ley Moisés ayic' bay tu xin, max na eb yul c'ul yin Jesús axca ti': A jun winak ti', buchwal k'anej chi yun yin Dios yuj tzet chi yal tu', ẍi eb. 4 Palta Jesús xin, max yojtaknej el tzet chi naoc eb yin, xan max yal bay eb axca ti': —¿Tzet xan yob tzet chi ec' yul e c'ul win? 5 ¿Baytet junok suboj yelapnok jalon xol cab k'anej ti': A mi jun, Chi wak' mimanc'ulal yin a yobtakil, ma jun Ajan wanok, cax beyan, ta con chi? 6 A tinani' xin, ok in tx'ox e yila', tol a' ayin Chekbilintek yuj Dios xol eb jet animail ti', chic'al je' wuj wak'on tancan el mulej bay yulyibank'inal ti', ẍi bay eb. Lajwi tu xin, axa yalon bay nak sicbinak el is mimanil tu' axca ti': —Ajan wanok, iaj a wayub, paxan bay atut, ẍi bay nak. 7 Axa yaj wan nak tu', max toj bay yatut. 8 A yet max yilon eb bulan ec' tu' tzet max uj xin, max c'ayaj c'ul eb, cax max yalon eb watx' k'anej bay Dios, yujtol miman yikbej max yak' bay eb anima. 9 Max el Jesús bay jun lugar tu', cax max yilontok yin jun winak chi yik Mateo. A jun winak tu', chotan ay tekon el tojlabal bay eb anima, cax max yalon Jesús bay axca ti': —Tzaklojan cuywok wintak, ẍi Cham bay. Cax max tojxac'al yetok Cham yet jun bek tu'. 10 Axa yay chotan Jesús low yetok eb is cuywom yul yatut Mateo tu'. Cax xiwil eb tekom el tojlabal, c'al eb yob is beybal max ulic' low yetok eb yin meẍa. 11 Maxc'al yil eb fariseo jun tu', max k'anlen eb bay eb is cuywom Jesús axca ti': —¿Tzet yuj xan chi low e meẍtol tu' yetok eb tekom el tojlabal, c'al yetok eb yob is beybal? ẍi eb. 12 Maxc'al yab Cham axca tu xin, cax max tak'witok bay eb axca ti': —K'inalok ta ayic' junok antem anima tinani', tok ay yopiso yuj eb watx' c'ul. Asan eb ya'ay, a eb tu' ay yopiso yuj. 13 Asek xin, ojtaknejek el tzet chi yal elapnok jun k'anej yul tx'an Un Tz'ibbilcanok, bay chi yal axca ti': Chi wochej tol chi ok' e c'ul yin e yet animail, yintak pax e yak'on tz'a xajanbal ayin, ẍi. Man yujok ul wawten eb watx' is beybal naoni, xan max in jayi, palta yuj ul wawten eb chi yojtaknej el ba tol yobtakwom, ẍi bay eb. 14 Max jayoc eb is cuywom Juan cham ak'om bautismo, bay Jesús, cax max k'anlen eb bay Cham axca ti': —¿Tzet yuj xan c'am chi yak' eb a cuywom c'ajbanc'ulal? A pax ayon ti', chi jak'on c'ajbanc'ulal. Cay c'apax tu' eb fariseo chi yak' eb c'ajbanc'ulal, ẍi eb bay. 15 Axa tak'wi Jesús bay eb axca ti': —K'inalok ta ay junok nupayil chi oc tinani', ¿xin ta wal chi je' tol man ok low eb awtebil bay jun nupayil tu', ta ayto pax ec' nak anima lanan nupay tu'? Ok ajapnok tiempoal yel nak chi nupay tu' xol eb, catatu bian, ok oc eb yin c'ajbanc'ulal, ẍi Cham. 16 K'inalok c'apax junok icham pichilej chi olchaj tinani', tok ay mactxel chi aon oc an ac' nip manto labilok yul a' nipilok an. Yujtol a an ac' nip tu' chi utz' an, cax chi mimanbi nic'chajnakil an icham tu'. 17 Yetok c'apaxok, tok ay mactxel chi aon ay vino tolto chi watx'ji, yulak icham tz'um netal vino. Yujtol a yet chi sipc'oj ajok, chi nic'chaj no tz'um tu' yuj. Nabac'al chi etax el vino c'al no tz'um tu', xan a yul no ac' tz'um chi ay vino ato watx'ji tu', yet watx' c'amc'al junok tzet chi etax elok, ẍi Jesús bay eb. 18 Lananto wal yalon Jesús juntzan ti' bay eb, cax max jayoc jun yajawil eb israel bay Cham. Max bekon ay jajnaj ba satak Cham cax max yaloni: —Ato wal camil ix in cutz'in ti'. Ton wetok, cax chi toj a batxban oc a k'ab yiban ix, yet watx' chi ictzoj aj ix, ẍi bay Cham. 19 Axa toj Jesús yetok xin, max toj c'apax eb cuywom yetok eb. 20 Axa xol eb anima max tzakloj yintak Cham, ayoc jun ix ix caw ya'ay. Lajcawebxa abil c'al c'oli yay a' aej yin, xan max yak' ix yip jitzontok ba yintak Cham, cax max oc mitx'naj ix janic' yin ti' pichil Cham. 21 Yujtol max na' ix axca ti': Tix wal ok jaycan in c'ul, asan tanej wal chin mitx' ti' pichil Cham, ẍi ix. 22 Axa meltzojtok acan Jesús yintak, max oc t'anan yin ix. Max yalon Cham bay ix axca ti': —Ach ix, tzalojanxa tinani'. Ti max jaycan a c'ul wuj, yuj max quin aoc yin a c'ul, ẍi bay ix. Yet-xac'al jun bek tu', max jaycan c'ul ix yin junelnej. 23 Axa yet max apni oc Jesús bay yatut cham yajaw tu xin, max yiloni tol lanan xulay juntzan axca yili chirima, cax xiwil chi wekeki anima yok'i. 24 Xan max yal Cham bay eb anima axca ti': —Elanektok yina. A ix unin ti', man camnakok ix, toc'al chi way ix, ẍi Cham bay eb. Toc'al max tzeyelay Cham yuj eb. 25 Max lajwi yuktelay eltok eb yina yuj Cham xin, cax max octok Cham bay ayic' ix unin tu'. Axa yoc mitx'an Cham yin is k'ab ix, cax max aj wan ix. 26 Masanil anima bay jun lugar tu' max aben k'umal jun tzet max uj tu'. 27 Max el Jesús bay tu xin. Lananxa toj yul be, cax max tzakloj cawan anima c'am chi je' yilwi yintak Cham. Max awjitok eb bay Cham yin ipejal axca ti': —Ach Yinatil David, ¿c'am mi chi ok' a c'ul jin on? ẍi eb. 28 Axa yet max apni Cham bay na xin, max jitzonxac'altek ba eb bay Cham. Axa k'anlen Cham bay eb tu': —¿Chi mi e yaoc yin e c'ul tol chi je' wuj tzet che k'an ayin tu'? ẍi Cham. —A ton Mamin, chi jaoc yin co c'ul tol chi je' oj, ẍi eb. 29 Axa matxban oc Cham k'ab yin bak' sat eb tu', cax max yalon bay eb: —Yunokab ayex atac'ala' e yaon oc yin e c'ul tu', ẍi bay eb. 30 Cax max jakchajcan sat eb. Yujtol chixa je' yilwi eb xin, xan max cam yalon bay eb axca ti': —Xe yilc'al xin, ayta bay che yalilok. Ayta wal mactxel ok aben aj jun ti', ẍi Jesús bay eb. 31 Palta atoc'al wal ch'an yeltok eb, cax max c'oli yalon el eb bay masanil jun lugar tu' yuj tzet max yun Cham. 32 Atoc'al wal ch'an yeltek eb xin, cax max ilay jay jun winak bay Jesús. A jun winak tu', c'am chi je' k'anjabi, yujtol ayoc espíritu yob yin. 33 Maxc'al uktelay el jun espíritu yob tu' yin nak yuj Jesús xin, cax max k'anjab aj nak. Axa masanil eb anima max ilon jun ti', caw wal max c'ayaj c'ul eb sic'libil, xan max yal eb axca ti': —C'amto bay chi jil junok tzet yetal axca jun ti' co xol ayon Israel on ti', ẍixac'al eb. 34 A pax eb fariseo xin, max yal eb axca ti': —A jun winak ti' chi ta' je' yion el espíritu yob yin anima, yujtol ac'al oc yajawil eb espíritu yob tu' ayoc yetok, ẍi eb. 35 Max ec' Jesús yulak masanil conob, c'al yulak masanil aldea, cax chi cuywajcan yulak nail wajayil eb israel yin culto. Chi yalon el watx' abix yuj tzet wal chi yun yoc anima yul k'ab Dios. Chi yak' c'apax jaycan c'ul eb anima yin tzanc'al tzet ilya'il chi oni. 36 A yet max yilon oc Jesús eb anima, max cus oc c'ul yin eb, yujtol lajan yayji eb axca junok bulan calnel c'am yilomal. Ayoc eb yin somc'ulal, c'al yin yatakilal max yila'. 37 Xan max yal bay eb is cuywom axca ti': —A eb anima ti', tiempoal wal yal-lay k'anej Dios bay eb tinani', axca ixim trigo tiempoalxa pol-layi. Wal yel, xiwil eb c'amtoc'al chi yabej, palta jaywannej pax mac lanan mulnaj xol eb. 38 Yuj tu xin, txajlanek wal bay Cham aj mulnajil, yet watx' chi chektek eb is mulnajwom xol eb, ẍi Jesús.
1 Catatu' max yawtentek Jesús eb is lajcawan cuywom, cax max yak'on yikbej eb yin iojcan el espíritu yob yin anima. Max yak'on c'apax can yikbej eb yin ak'oj jay c'ul anima yin tzanc'al tzet ilya'il, c'al yin tzanc'al tzet yailal. 2 Tixtakc'al yoc is bi eb lajcawan ti': Simón, a ton chi al-lay Pedroal, yetok jun yuẍtak chi yik Andrés, Jacobo yetok c'apax jun yuẍtak chi yik Juan. A eb cawan tzunan ti', c'ajol Zebedeo eb. 3 Ay jun chi yik Felipe, ay jun chi yik Bartolomé. Ay jun chi yik Tomás. Ay jun chi yik Mateo, a ton jun tekom el tojlabal yet yalantok. Ay junxa chi yik Jacobo, c'ajol Alfeo. Ay jun chi yik Tadeo. 4 Ay junxa chi yik Simón, a ton ayoc yetok eb cananista yet yalantok. Ay jun chi yik Judas Iscariote, a ton max aon oc Jesús yul k'ab camich. 5 Max cheklaytok eb lajcawan ti' yuj Jesús, palta a yet c'amto chi toj eb, max yalon juntzan chekbanilej bay eb axca ti': Manchak ex ec' bay juntzan lugar bay cajan eb man israelok. Tamwal bay juntzan conoblak yul yet Samaria. 6 Asan bay eb c'aynakto tok xol eb jet israelal chex eq'ui. Yujtol axca wal junok calnel chi c'ayic'ok, caywal tu' yayji eb. 7 Chi ec' e yalilok tol a Cham Yajaw bay satcan toxa ok txecloj wal is yikbej. 8 A eb ya'ay yuj lepra, che yican el jun ilya' tu' yin eb, c'al jantak eb ya'ay yuj tzanc'al tzet ilya'il. Che yictzonejcan aj eb camnak, cax che yioncan el espíritu yob yin anima. Toc'al chi wak' jun ikbej ti' ayex, xan manchak e k'an e tojol bay eb bay ok e yak'balnej tu'. 9 C'amc'al jabok tzet che yi' chex toji. Xe yita ch'en oro, ma ch'en plata, tamwal junok centavo che yi', 10 tamwal e moral yuj e lobej yul e be. Asan e pichil ayocok chex toji. C'am che yi' junokxa mojan e xanab, tamwal e k'okoch. Chi wal juntzan ti ayex, yujtol masanil mulnajwom moj chaon is gasto. 11 A yet chex apni bay junjun conob c'al bay junjun aldea, a bay yatut junok mactxel watx' is beybal chex ayji, masantac'al chex toj bay junokxa lugar. 12 A yet chex apni oc bay junjun na: Ayokab oc junc'ulal Dios e yetok, quex chi bay eb. 13 Ta moj eb chaon junc'ulal Dios tu', ok jay yiban eb. Ta man mojok eb, man ok jay yiban eb. 14 Ta c'am chex chalay yuj eb, cax c'am chi cha eb yab tzet che yala', che tziccan el pokokal e yakan, chex el bay yatut eb tu', c'al yul conobal eb tu'. 15 Wal yel chi wal ayex, a yet ok jay jun c'ual beyc'ulal, miman yailal ok cha' eb maj ex chaon tu', yintak eb anima aj conob Sodoma c'al Gomorra. 16 Ilabi, chex in chektok xol anima axca calnel xol no ok. Yuj tu', jelanc'al che yut e ba axca wal junok labaj caw jelan. Palta manso che yut e ba axca no paloma. 17 Che yilc'al e ba xin, yujtol ay eb ok ex iontok satak yajaw, cax ok ex mak'lay yuj eb yulak nail wajayil eb jet israelal yin culto. 18 Toltax satak eb mimek yajaw ok ex yitok eb, c'al satak eb rey, palta wujc'al. A bay tu xin, ok je' e yaloncan el wabixal, c'al bay eb man israelok. 19 A yet ok ex ilaytok satak eb yajaw tu', manchak ex oc il yuj tzet ok e yala', yujtol a yet jun bek tu', a Dios ok ak'on nachaj el e yuj tzet ok e yala'. 20 Mayexnak ok ex k'anjabok, palta tol a Yespíritu co Mam Dios ok majanen e ti' cax ok k'anjab el e yin. 21 A yet jun tiempoal tu', ay eb uẍtakejal ok yaoc yuẍtak yul k'ab camich. Ay c'apax eb mamej ok yaoc yuninal yul k'ab camich. Ay bay xin, ok yak'lej eb uninalej owal yetok is mam c'al is txutx, cax ok yaon oc eb is mam c'al is txutx tu' yul k'ab camich. 22 Masanil anima ok tit yowal e yin wujc'al; palta a mac ok techaj yuj masanil, ok colchajok. 23 A yet yob chi yut ba eb ayex bay jun conob bay ayex ec'ok, elanek ajok, cax chex toj bay junokxa conob. Wal yel chi wal ayex, c'amtoc'al chi lajwi e yec' bay masanil conoblak eb jet israelal, cax ok in jay pax junelxa ayin Chekbilintek yuj Dios xol eb jet animail ti'. 24 C'am junok cuywom ec'ban yelapnok yintak is meẍtol. C'am c'apax junok mosejal ec'ban yelapnok yintak is patrón. 25 Tatol lajan junok cuywom yetok is meẍtol, watx' ton axca tu' chi yunej. Cay c'apax tu' junok mosejal yetok is patrón. Ayin ti', axca tol aj na in, axa ayex ti' xin, axca tol uninalej ex. Ay mac chi aloni tol Beelzebú in. Toltax chi al-lay win axca tu', akxa ta e yin ayex ti'. 26 Yuj tu', manchak ex xiw bay anima, yujtol masanil jantak tzet makan ay tinani', ok txecloj ajok. Yetok jantak tzet ewanc'uan yayji, ok ak'lay ojtaknelay elok. 27 A juntzan tzet chi wal ayex yin ewantakil, alek el masanil bay anima. Yetok juntzan toc'al chin saj e yabej, alek el yulak calle. 28 Manchak ex xiw bay eb chi je' ex yak'on camok, yujtol tok ok je' yak'on cam eb e yanimail. A bay Dios chex xiwi, yujtol chi je' yuj Cham ex yak'on camok, c'al yaontok e mimanil c'al e yanimail bay infierno. 29 Iek eltek e nabal yin no coq'uiẍ tz'iquin, no' chi txonlay cac'on yin centavo. C'am junok no' comonc'al chi cami, ta c'am chi el yin c'ul co Mam Dios. 30 Ayex ti', caw yel miman e yelapnok yintak no'. Toltax xil e jolom bisbil masanil yuj. Yuj tu' xan manchak ex xiwi. 32 Tzanc'al mactxel c'am chi q'uixwi yalon el satak anima tol wet-xa, ok waloc eb wetok satak co Mam Dios. 33 Palta a eb chi alon satak anima tol man wetok, satak co Mam Dios ok waloni tol man wetok eb. 34 Manchak e na' tol ak'oj junc'ulal max quin jay xol anima bay yulyibank'inal ti'. Man yujok yoc junc'ulal xol eb xan max in jayi. Palta yuj caklen aj ba eb. 35 Max in jayi, yuj caklen aj ba nak winak yetok is mam, c'al yuj caklen aj ba ix uneej yetok is txutx c'al yuj caklen aj ba ix alibej yetok yalib. 36 Yuj tu xan axac'al oc eb junnej nail yayji tu', ok caklej aj ba. 37 A mac yelxac'al chi camc'ulnej is mam c'al is txutx wintak, man mojok yoc wetok. Ac'ala' c'apax eb yelxac'al chi camc'ulnej is c'ajol ma is cutz'in wintak, man mojok eb yoc wetok. 38 A mac c'am chi tzakloj wintak, cax c'am chi yal c'ul chi yab yail wuj, caxc'al camich yin curus, man mojok yoc wetok. 39 A eb asannej is cawil chi ya'ilnej yulyibank'inal ti', ok c'ayil is k'inal eb yin tojbalk'inal. Axa eb ok bek c'ulok cam wuj xin, a ton eb tu' ok cha k'inalej tol ayc'al yin tojbalk'inal. 40 A eb chex chaoni, ayin chin is cha' eb. A eb chin chaon tu', lanan c'apax chaon eb Cham max quin chekontek. 41 A mac chi chaon junok chekbej Dios, yuj wal tol a Dios cheknej, axca paktzil jun chekbej Dios tu' ok yi', cay c'apax tu' yet jun chi chaon tu' ok yi'. A mac chi chaon junok mactxel tol watx' is beybal, yuj wal tol watx' is beybal, axca paktzil jun watx' is beybal tu' ok yi', cay c'apax tu' yet jun chi chaon tu' ok yi'. 42 Tzanc'al mactxel chi saon junok vaso siquila' yuc' junok eb in cuywom, yuj wal tol in cuywom, caxc'al a bay junok eb c'am wal yelapnok chi salayi, wal yel ok cha' paktzil a' siquila' tu', ẍi Jesús.
1 A yet max lajwi yalon Jesús juntzan chekbanilej ti' bay eb is lajcawan cuywom tu xin, max toji. Cax max ec' yulak conoblak bay jun lugar tu', yuj ec' yalon yabix eb anima, c'al cuywajcanok. 2 A yet jun tiempoal tu' ayoc Juan, cham ak'om bautismo yul preso. Max yabej tzetak yetal lanan el yunen Cristo, xan max chektok cawan is cuywom bay. 3 Max k'anlen eb bay Cham axca ti': —¿Ach mi Cham lanan jechbanen jayi, ma tx'ok junokxa chi jechbanej jay xin? ẍi eb bay. 4 Axa tak'wi Jesús bay eb axca ti': Asek, cax che yalon yab Juan juntzan che yab ti', c'al juntzan che yil ti'. 5 Che yal bay, tol ay eb c'amc'alta' chi je' yilwi, chixa ilwi eb tinani'. A eb c'amc'alta' chi je' beyi, chixa bey eb tinani'. A eb ayoc lepra yin, chi elcan yin eb. A eb c'am chi yabej, chixa yab eb. Aylaj eb camnak, lanan yictzojcan ajok. Lanan yal-laycan el k'anejal yet colbanilej bay eb meba'. 6 Watx' yet eb c'am chi somchajcan el c'ul win. Caytu' che yut e yalon bay Juan yet chex apni, ẍi Jesús bay eb. 7 A yet mayal toj eb xin, cax max c'oli yalontek Jesús yuj Juan tu' bay eb anima ayic' tu', axca ti': Naektek tzet max bet e yil bay tz'inan tx'otx'. ¿A mi junok te aj chi ec' meeok yuj cak'ek' max bet e yila'? 8 Ta man ajok, ¿tzet max bet e yil xin? ¿Ma a junok winak watx' pichay max bet e yila'? E yojtakxa tol a eb watx' pichayi, a bay yatut eb rey ay eb. 9 Ta c'amak xin, ¿tzet max bet e yila'? ¿Ma a junok chekbej Dios max bet e yila'? Wal yel chekbej ton Dios jun max bet e yil tu'. Palta a Juan tu', man asannejok chekbej Dios tu' yopiso. 10 A ton yabixal Juan ti' yalnakcan Dios yul tx'an Un Tz'ibbilcanok bay chi yal axca ti': Ok in chek babjok jun in chekbej a satak, yet watx' chi toj watx'nej a be, ẍi. 11 Wal yel chi wal ayex, tol a xol masanil anima yulyibank'inal ti', c'am junok anima ec'ban yelapnok yintak Juan, cham ak'om bautismo tu'. Palta a xol eb ayxa oc yul k'ab Dios xin, ta ay junok yaynakil yayji, ec'banc'alta' watx'il yet, yintak cham tu'. 12 Yettaxc'al max chaon el yich Juan tu' yak'wi bautizar, masantac'al tinani', xiwil anima mayal oc yul k'ab Dios. Ay eb tec'an chi yut ba, chi yak'on yip yaon oc ba yul k'ab tu'. 13 A yet c'amto cham tu', max c'olic'al yalon masanil eb chekbej Dios, tol ok oc Dios yajawilal. Cay c'apax tu' yal-laycan yul ley Moisés. 14 Ta che yochej che yaoc yin e c'ul tzet chi wal ti', ok nachaj el e yuj, tol a Juan tu', a ton Elías echbanebil jayi. 15 A juntzan che yab ti', naobtanejek sic'libil. 16 Ok waltek ayex tzetbil yayji nabal anima yet jun tiempoal ti'. Lajan eb axca unin chi ec' chotlajbok txonbal, chi c'oli yawjitok bay yet uninal axca ti'. 17 Nabac'al max jetnej co ba co xuon co chirima e yuj, majc'al ex canalwok paxok. Yetok c'apaxok, nabac'al max co bitnej juntzan bit cusiltakxac'al yoqui, palta majc'al e tz'ak ok' pax e ba jetok, ẍi eb. 18 Yujtol a beybal Juan tu', c'am tzet watx' chi yochej chi lo', c'al chi yuq'uej, xan chi yal eb, tol a junok espíritu yob chi etneni. 19 Max lajwi tu', max in jay ayin Chekbilintek yuj Dios xol eb jet animail ti'. Ayin ti', chin lowi, chi wuc'a', palta chi yal eb wuj axca ti': A Jesús tu' asanc'al loj c'al uq'uej vino chi yochej. Yamigo ba yetok eb tekom el tojlabal, c'al yetok juntzanxa eb yob is beybal, ẍi eb wuj. Palta a eb ayoc jelanilal Dios yin, chi txecloj el is jelanil eb tu' yin tzet chi el yuneni, ẍi Jesús bay eb. 20 Max lajwi tu', max chaon el yich Jesús yalontek is yobtakil eb anima bay juntzan conoblak bay xiwil milagro max yunej. Caxc'al xiwil milagro max el yunen nan xol eb bay tu', palta c'am jabok max na ba c'ul eb yin is yobtakil, xan max yal axca ti': 21 A wal ayex ti' ex aj Corazín, caw wal ok'bal ex c'ul, c'al ex aj Betsaida, ok'bal ex c'apax c'ul. K'inalok ta a bay Tiro, yetok bay Sidón max uj juntzan milagro max uj e xol ti', payxatax mi max na ba c'ul eb yin is yobtakil. Payxatax mi max yaoc eb el pichilej, yetok c'apaxok, xam yajtok eb tik'ak'il tan yin is jolom. 22 Yuj tu xan chi wal ayex, a yet ok jay jun c'ual beyc'ulal, yelc'al miman yailal ok e cha' yintak eb aj Tiro, yetok eb aj Sidón. 23 Ac'ala' ex aj Capernaum, che na' tol e moj e yilay can masantac'al chex ajapnok satcan. Palta ok ex ilay ayok, masantac'al ok ex ayapnok xol eb camnak. Ta a bay Sodoma max uj juntzan milagro axca juntzan max uj e xol tu', max mi na ba c'ul eb yin is yobtakil, ay mi ec' is conob eb tu' tinani'. 24 Yuj tu xan chi wal ayex, a yet ok jay jun c'ual beyc'ulal, yelxac'al miman yailal ok e cha' yintak eb aj Sodoma tu', ẍi Jesús. 25 A yet jun tiempoal tu', max txajli Jesús, max yalon Cham yin is txaj axca ti': Mamin, Yajaw ach bay satcan, c'al bay yulyibank'inal ti', chi wal watx' k'anej ayach, yujtol max ebaj el juntzan ti' bay eb jelan, c'al bay eb caw ay nabal yul sat eb yet animail. Axa bay eb axca unin max ak' ojtaknelay elok. 26 Caytu' max ot caytu' Mamin, yujtol caytu' max yun chaon a c'ul, ẍi bay Dios. 27 Max lajwi tu xin, max yalon c'apax axca ti': Max yak'can in Mam masanil tzetak yetal yul in k'ab. C'am junok mactxel ojtaknej in ayin is C'ajol in ti', asan in Mam ojtaknen in. Yetok c'apaxok, c'am mac comonc'al chi ojtaknen el in Mam. Asan ayin is C'ajol in ti' wojtak, yetok eb mac bay chi yal in c'ul chi wak' ojtaknelay elok. 28 Sebaxek ayin e masanil ex c'unbinak ex el yuj mulnajil, c'al ex caw wal al e yikatz. Ok ex wak' xewok. 29 Ikek jun ikatz ok wak' e yika'. Cuywanek wintak, yujtol ayin ti' manso in, yaynakil chi wut in ba, cax ok e yion xewilal e yanimail. 30 A jun ikatz chi wak' e yik ti', man alok, cax man c'apax yatakok in e yak'on serbil, ẍi Jesús bay eb.
1 A yet jun tiempoal tu' max ec' Jesús yul jun be xol juntzan trigo yetok eb is cuywom yet jun c'ual xewilal. C'uxanc'al max tit wajil eb cuywom tu', xan max yiil eb jayeb jolom ixim trigo tu', cax max batzon el eb c'uxu'. 2 A yet max yilon jaywan eb fariseo axca tu xin, max yalon eb bay Jesús: —Ila wal juntzan a cuywom ti', lanan batzon el eb trigo yet c'ual xewilal ti'; palta ay yowalil co mulnaj yuj co ley, ẍi eb bay Cham. 3 Axa yalon Cham bay eb axca ti': —¿Tom c'amto bay che yil tx'an Un Tz'ibbilcanok, tzet yunnak David junel, yet max tit is wajil yetok eb ajun yetok? 4 Max octok yul templo Dios, max loon ixim pan yet Dios yayji, yetok eb ajun yetok tu'. A juntzan pan tu', asan eb sacerdote ay leyal looni. A pax David yetok eb ajun yetok tu xin, man leyalok tol chi lo eb, palta c'am chi oc mulok eb. 5 ¿Ma c'amto che yil yul ley Moisés tol a eb sacerdote, eb chi ak'wi serbil yul templo, tok chi yikej ba eb yet c'ual xewilal? Palta c'am chi oc mulok eb. 6 Chi wal ayex xin, tol a cayti' ay junok mactxel yelxac'al miman yelapnok yintak templo Dios tu'. 7 Matawal tol mayal nachaj el e yuj tzet albilcan yuj Dios, yul tx'an Un Tz'ibbilcanok bay chi yal axca ti': Chi wochej tol chi ok' e c'ul yin e yet animail, yintak pax e yak'on tz'a xajanbal ayin, ẍi. K'inalok ta chi nachaj el jun tu' e yuj, c'am mi che yak' low yin eb c'am is mul. 8 Ayin ti' chi je' walon tzet chi je' el junen yet c'ual xewilal, yujtol Chekbilintek yuj Dios xol eb jet animail, ẍi Jesús bay eb fariseo tu'. 9 Max lajwi tu xin, max toj Jesús, max octok yul nail wajayil bay chi oc culto. 10 Ay jun winak sicbinak el jun is k'ab bay tu', palta ay eb chi yochej chi ilchaj junok k'anej chi oc mulok Jesús, xan max k'anlej eb bay Cham axca ti': —¿Ay mi leyal chi ak'lay jaycan c'ul junok ya'ay yet c'ual xewilal? ẍi eb bay. 11 Max tak'wi Jesús bay eb: —K'inalok ta ay junok ex chi toj junok e calnel yul junok olan yet c'ual xewilal, ¿tom c'am chi toj e yiajtek? 12 Akxa junok anima, yelxac'al miman yelapnok yintak junok calnel. Yuj tu' xan chi ton je' jak'on junok watx'c'ulal yet c'ual xewilal, ẍi bay eb. 13 Lajwi tu xin, max yaloni: —Bitok a k'ab, ẍi Cham bay nak winak tu'. Axa biontok nak tu' is k'ab, cax max watx'jican axca tac'a junxa k'ab nak. 14 Axa yeltok eb fariseo tu' yina, cax max c'oli lajtinen ba eb yin Jesús yuj tzet chi yut yak'on cam eb. 15 A yet max yojtaknen el Jesús tzet lanan naon oc eb yin xin, axa toj tu'. Xiwil anima max tzakloj yintak, tom jantaknej eb ya'ay max jaycan c'ul yuj Cham. 16 Max yalon Cham bay eb axca ti': —C'am junok mac bay che yala' mactxel max ak'on jaycan e c'ul, ẍi bay eb. 17 Tix max yut yalon bay eb ti', yet watx' chi yun tzet albilcan yuj cham Isaías chekbej Dios, yet max tz'ibencan tzet max yal Dios bay, tol chi yal axca ti': 18 A ton jun in chekbej sic'bil el wuj ti'; caw ay in camc'ulal yin, ay ton wal in tzalojc'ulal yin. Ok wacan oc Wespíritu yin, axa yalon el nan xol eb man Israelok tu', tol ok beyc'ulnelay eb yin watx'il. 19 C'am bay ok yak' owal. C'am bay ok aj yaw k'anjabi. Man ok ablay yel yaw yulak calle. 20 Ay eb caw ok'bal c'ul, axca wal te pojil aj, ma xin axca junok mecha yet tzektebal toxa chi tani, caytu' eb. Palta a ton ok colon el eb, man ok yak' low yin eb. Cayton tu' ok yunej, masantac'al ok occan yin Yajawilal. A yet ok yak'on Yajawilal tu', watx' ok yutej. 21 Cax a' ok yaoc masanil eb conoblak yipok is c'ul, ẍi Dios yul tx'an Un Tz'ibbilcanok. 22 Ay jun winak max ilaytek bay Jesús, tol c'am chi je' yilwi, c'am chi je' c'apax k'anjabi, yujtol ay jun espíritu yob ayoc yin. Palta max jaycan c'ul yuj Jesús. Yuj tu xin, xan max ilwican ajok, cax max k'anjab c'apaxcan ajok. 23 Masanil eb anima max ilon jun ti', max c'ayaj c'ul eb, cax max yalon eb: ¿A mi jun yinatil David echbanebil juj ti'? ẍi eb. 24 Palta a yet max yaben eb fariseo jun ti', max yalon eb axca ti': Chita' je' yion el jun winak tu' espíritu yob yin anima, yujtol a yajawil eb tu' ayoc yetok, jun chi yik Beelzebú, ẍi eb. 25 Max yojtaknej el Jesús tzet chi na' eb, yuj tu xan max yal bay eb axca ti': K'inalok ay junok miman conob bay chi pojchaj eb yajaw, cax chi yak'len aj eb owal, chi lajwi ay jun conob tu'. K'inalok ay junok conob, ma xin junok nail anima chi pojchaj yuj owal, chi lajwi ayok. 26 Ilab xin, cayton tu' yayji Satanás, ta chi pojchaj yetok yet espíritual yob, ¿tom ok mayjok yin yopiso? 27 Ayin ti' che yala' tol yuj yikbej Beelzebú chi wican el eb espíritu yob tu'. Ta yel ta' che yala', ¿mac pax txel ayoc yetok eb e cuywom yet chi yion el eb eb espíritu yob tu'? Yuj tu xin, acaw wal eb e cuywom tu' chi tx'oxon elok tol c'aynak ex tok. 28 Ta a yuj yikbej Yespíritu Dios chi wican el espíritu yob tu' yin anima, a ton yin jun ti' chi txecloj elok tol mayal chaoc Dios yak'on yajawilal co xol. 29 K'inalok junok winak caw ay yip tinani', tok ay junok mac comonc'al ok je' yoc elk'an yul yatut. Asannej ta ay junokxa chi tzakay pixoncan ay nak bian, catam tu' chi je' yelk'anentok yul yatut nak tu'. 30 A eb manak wetok ayocok, ajc'ul oc eb win. A eb c'am chi wajban oc eb wetok, a ton eb chi ak'on saklemcantok eb. 31 Yuj tu xan chi wal ayex, tol tzanc'al tzet yobtakil chi yal anima, c'al tzet chi el yuneni, ok ak'lay tan is yobtakil tu' yuj Dios. Palta a mac chi buchon Cham Espíritu Santo xin, c'amxac'al chi ak'lay tan is mul yiban. 32 Ta ay junok mac chi alon junok tzet yetal yob win, ayin Chekbilintek xol eb jet animail yuj Dios ti', ok ak'lay tan is yobtakil tu' yiban. Palta a mac chi yal buchwal k'anej yin Cham Espíritu Santo, c'am oxlajon bak'in ok ak'lay tan is yobtakil yiban, tamwal yet jun tiempoal ti', tamwal yet yajtok tu'. 33 Ilab tol chi nachaj el te te' yuj is sat, xan naek, tatol watx' te te', watx' c'apax sat chi yak'a', tatol yob te te', yob c'apax sat chi yak'a'. 34 Ayex ti', lajan ex axca labaj. Yob ex. Yuj tu', ¿tom ay jabok tzet watx' chi je' e yaloni? Yujtol a tzet ay bay co nabal, a' chi jala'. 35 A mac watx' is nabal, watx' tzet chi yala', yujtol asan tzet watx' ay yin is nabal. A pax eb yob is nabal xin, yob c'apax tzet chi yal eb, yujtol asan tzet yob ay yin is nabal eb. 36 Chi wal ayex tol a yet ok jay jun c'ual beyc'ulal, ok beyc'ulnelay masanil anima yuj masanil k'anej c'am yopiso chi yala'. 37 A Dios ok ex beyc'ulnen yuj tzet che yala'. Ata ok alonok, ta ok oc tzet max e yal tu' e mulok ma c'amak, ẍi Jesucristo. 38 Ay juntzan eb meẍtol yin ley Moisés, c'al juntzan eb fariseo max alon bay Jesús axca ti': —Meẍtol, chi jochej cha tx'ox junok milagro jila', ẍi eb bay. 39 Yuj tu xan max yal Jesús bay eb: —A wal ayex yet jun tiempoal ti', caw yob ex, manak yin Dios che yaoc e c'ul. Toc'al che k'an milagro e yila', junok tzet chi tx'oxon yipal Dios. Palta junnej milagro ok tx'oxlay ayex, a ton junok axca jun tx'oxbil yuj Dios yin jun is chekbej chi yik Jonás. 40 A Jonás tu', oxeb c'u oxeb ak'bal aynaktok yul c'ul jun no miman txay. Axca max yun Jonás tu', axca tu' ok wun ayin Chekbilintek yuj Dios xol eb jet animail ti'. Oxeb c'u, oxeb ak'bal ok in aytok yul tx'otx'. 41 A yet max ec' yalon Jonás yabixal Dios bay eb aj Nínive, max na ba eb. Axa tinani', ti pax wal ec'ban in yintak Jonás tu', palta tok yuj tu' che na e ba. Yuj tu' xan ato yet ok jay jun c'ual yet ok ex beyc'ulnelayok, ok aj wan eb aj Nínive, ok yalon aj eb e yobtakil tu'. 42 Ilab c'apax jun xal yajaw bay Sur yet payxa. Caw wal najat titnak xal, max ulic' xal abxalwok bay cham Salomón, yujtol xiwil is jelanil cham. A tinani', ti pax wal ec'ban in yintak Salomón tu', palta c'am chi ulic' anima abxalwok ayin. Yuj tu xan ato ok jayoc jun c'ual yet ok ex beyc'ulnelayok, ok aj wan xal, cax ok yalon aj xal e yobtakil. 43 K'inalok ay junok espíritu yob chi el yin junok anima tinani', chi ec' bay lugarlak takin yuj sayon ec' bay watx' chi xewi. Palta c'am chi ilchaj bay watx' chi ayji, xan chi na' axca ti': 44 Ok in meltzoj bay in cajlub bay petoj in tac'a, ẍi. Axa yet chi meltzoj tu xin, chi yilon oc yin jun anima tu', tol lajan axca junok na c'am mac cajan yul, q'uisisi, watx'nebil elok. 45 Xan chi toj yitek ukwanokxa yet espíritual yob, ec'banxa is yobtakil yintak, cax chi watx'nenxac'al cajay ba eb yin jun anima tu'. Yuj tu xan yelxac'al yob chi yun yeloc yintak yet babelal. Axca ton jun anima tu', cayton tu' ok yun yetaxxac'al el nabal eb anima ti', ẍi Jesús. 46 Lananto wal k'anjab Jesús bay eb anima, max apni oc is txutx yetok eb yuẍtak. Asan ti na max apni oc lecan eb. Max yochej eb max k'anjab yetok. 47 Xan ay jun max alon yab Jesús axca ti': —Ayic' a txutx yetok eb oẍtak ti na. Tolab chi yochej eb chi k'anjab etok, ẍi bay. 48 Axa tak'wi Cham bay axca ti': —¿Mactxel in txutx tu', mactxel eb wuẍtak tu' cha na'? ẍi. 49 Axa tx'oxon oc eb is cuywom tu' bay, max yalon axca ti': —A ton eb ti' axca in txutx yayji, a ton eb ti' axca wuẍtak yayji. 50 Yujtol tzanc'al mac chi iken yochwan in Mam bay satcan, a ton eb tu' axca tol wuẍtak, axca tol wanab, axca tol in txutx, ẍi.
1 A yet jun c'u tu', max eltek Jesús yul na. Max toj ay chotan ti a' mar. 2 Xiwil anima max apni oc bay, bay ayic' tu'. Yuj tu xan max octok yul jun barco, max ay chotanok. Axa eb anima tu xin, max canc'alta' eb ti a' tu'. 3 Xiwil abix max yaltek Cham bay eb, max yalon axca ti': Ay jun winak max eltok tzicoj trigo. 4 A yet lanan tzicon yinat tu', ay ixim max apnican tz'itlajbok yulak be. Palta axa no tz'iquin max ec' sic'on ajok. 5 Ay janic' ixim max apni c'apax can oc yibanlak ch'en, bay xaxoj ch'an tx'otx'al. Jun bek max ajol ixim tu', yujtol xaxoj ch'an tx'otx'. 6 Palta axa yet max ajol c'u xin, jun bek max takajok, yujtol c'am wal xe' aytok yul tx'otx'. 7 Ay janic' ixim max apni c'apax can xol q'uix, palta maxc'al ch'ibaj te q'uix tu', cax max c'ayil ixim. 8 Axa pax ixim, a bay yax tx'otx' max ayc'ayi, a yet max yak'on sat, ay ixim jolomej 100 bak' max yak'a', ay ixim 60 bak' max yak'a', ay ixim xin, 30 bak' max yak'a'. 9 A juntzan tzet che yab ti', naobtanejek sic'libil, ẍi Cham bay eb. 10 Axa jitzontok ba eb cuywom tu' c'atan Jesús, cax max k'anlen eb bay Cham axca ti': —¿Tzet yuj xan asan yin abix tx'oxom el cuybanilej chach k'anjab bay anima? ẍi eb. 11 Xan max tak'wi Cham bay eb axca ti': Asan ayex chi tx'ox Dios juntzan tzet yetal c'amto mac ojtaknej, yet watx' chi nachaj el e yuj tzet chi yun e yoc yul k'ab Cham. Axa bay juntzanokxa xin, c'am chi ak'lay yojtaknej el eb. 12 Yujtol a mac chi yochej chi yojtaknej elok, yelxac'al ok aj can yojtaknen elok. Axa mac c'am chi yochej chi yojtaknej el juntzan ti xin, ta ayxa ch'an jabok tzet yojtak, ok tzakaytok yilay ec' bay. 13 Yuj tu xan yin abix tx'oxom el cuybanilej chin k'anjab bay anima, yujtol caxc'al chi yil eb junok tzet yetal, palta chi can eb axca tol c'am tzet chi yil eb. Yetok c'apaxok, caxc'al chi yab eb, palta c'am jabok chi nachaj el yuj eb. 14 Xan lanan yunen el yin juntzan anima ti' tzet max yal Isaías yet payxa, yet max yalon axca ti': Wal yel ok e yabc'al; palta man ok nachaj el e yuj. Wal yel ok e yilc'al; palta man ok nachaj el e yuj tzet ok e yil tu', cachi bay eb. 15 Yujtol a juntzan anima ti', toxa mayal pitbi el eb. Axca wal tol chi makchej el eb is txiquin, yet watx' c'am chi yab eb. Yetok c'apaxok, axca wal tol chi mutz' eb sat, yet watx' c'am chi yil eb, tamwal chi nachaj el yuj eb, yet watx' c'am chi meltzojtek eb ayin, cax chin colon eb, ẍi Dios yul txan Un Tz'ibbilcan tu'. 16 Axa pax ex xin, watx' e yet, yujtol caw wal che yila', cax che yaben wali. 17 Wal yel chi wal ayex, xiwil eb chekbej Dios yet payxa, yetok juntzanxa eb watx' is beybal, max yochej c'ul max yil juntzan che yil ti', palta maj yil eb. Max yochej c'apax eb max yab juntzan che yab ti', palta maj yab eb. 18 Acbajek e txiquin xin. Ok waltek ayex tzet chi yal elapnok yabixal nak tzicom trigo tu'. 19 A ixim max aycan c'ay yul be, yenel eb anima chi aben k'anej Dios, tzetbil chi yun yoc eb yul k'ab, palta c'am chi nachaj pax el yuj eb. Chi jayoc nak diablo bay eb xin, cax chi yak'on c'aytok juntzan k'anej tu' yul c'ul eb. 20 Axa ixim max apni c'apax can yibanlak ch'en, yenel eb anima chi chaon k'anej Dios yin tzalojc'ulal. 21 Palta c'am chi techaj yuj eb, man mimanok tiempo chi beytok eb yin, yujtol a yet chi jay junok yailal, ma xin, yet chi yilon eb yailal yujc'al k'anej Dios, jun bek chi somchaj el c'ul eb. 22 Axa ixim max apni c'apax can xol q'uix, yenel c'apax junxa makan eb chi aben k'anej Dios, palta asan tzet yetal ay yulyibank'inal ti' chi na eb. Chi etax el is nabal eb, yujc'al yochen eb yoc beyomal. Yuj tu' nabac'al chi yetnej el ba k'anej Dios yin eb. Lajanxa chi yun yelapnok eb axca ixim trigo c'am bak' chi yak'a'. 23 Palta a ixim max ayc'ay bay yax tx'otx', yenel eb chi aben k'anej Dios, cax chi nachaj el yuj. A ton eb tu' lajan axca ixim jolomej xiwil bak'. Ay eb lajan axca ixim jolomej 100 is bak', ay eb xin, axca ixim jolomej 60 bak'. Ay eb xin, axca ixim 30 bak' chi yak'a', ẍi Jesús. 24 Max yaltek Jesús junxa abix ti' bay eb is cuywom: Ok waltek ayex tzet ok yun yoc eb anima yul k'ab Cham aj satcan. K'inalok ta ay junok winak chi tzic inat trigo watx' bay junok is tx'otx'. 25 Axa yet lanan wayi, chi jay mac ajc'ul oc yin, cax chi ul tzicontok an awal an xol is trigo tu'. 26 Ato yet ok poj ixim trigo tu' cax ok txecloj el an awal an tu' xol. 27 Yuj tu' chi toj al-lay yuj eb mosejal bay jun aj awoj tu', cax chi yalon eb axca ti': A ixim enat max bet a tzicay sat a tx'otx', caw watx' ixim, ¿palta bay max tit pax oc an awal an xol xin? ẍi eb bay. 28 Tekan a junok eb ajc'ul oc win max bet tzicontok xol, ẍi mi bay eb. ¿Chi mi yal a c'ul chi toj joquil an awal an tu' xol ixim trigo? ẍi pax eb. 29 C'amak, yujtol a talaj yet chi jocon ajok, cax chi tit ixim trigo yetok. 30 Yel mi watx' chi can axca tu', masantac'al yet chi pol-lay aj ixim trigo tu'. Catatu' ok walon bay eb in majan, tol chi sic'can el eb an yin babelal. Yin topanil ok yut eb, cax ok yak'on tz'a eb. Ok lajwok tu xin, cax ok yiontok eb ixim trigo tu' bay in c'una, ẍi jun winak tu', ẍi Jesucristo bay eb. 31 Max lajwi tu xin, max yalontek Jesús junxa abix ti': Ok waltek ayex tzetbil chi yun ch'ib bisil eb anima chi oc yul k'ab Cham aj satcan. Lajan wal axca junok inat mostaza chi yaw junok anima bay is tx'otx'. 32 A an yinatil mostaza tu', yaliẍ an yintak masanil inat. Palta a yet chi ch'ib an, miman chi yun an yintak juntzanokxa awoj chi jawa'. Mimek chi yun tzicjabi, xan chi jay no tz'iquin yin k'ablak, chi watx'nen no' wayub bay tu', ẍi Jesucristo. 33 Max yalon c'apaxtek Jesús junxa abix ti' bay eb: Ok waltek ayex tzetbil chi yun ch'ib bisil eb anima chi oc yul k'ab Cham aj satcan. Lajan wal ch'ib axca jabok yich pan chi yatok junok ix ix xol oxebok echbal harina. Echc'al chi pajbitok ixim yuj jab yich pan tu', ẍi Jesús. 34 A yet max k'anjab el Jesús nan xol anima tu', yin abix tx'oxom el cuybejc'al max k'anjab bay eb, 35 Axca tu' max yun tzet albilcan yuj is chekbej Dios yet payxa, yet max tz'ibencan axca ti': Ok wal abix tx'oxom el cuybej ayex. A tzet yetal c'amc'alta' chi al-lay elok, ok wala', tol c'am chi al-lay el yet payxa, ẍi yul txan Un Tz'ibbilcan tu'. 36 Axa yalon toj ba Jesús bay eb anima tu xin, max octok yul na. Max oc c'apaxtok eb cuywom yetok, axa yalon eb bay axca ti': —A yabixal an awal an max ala', al ayon tzet wal chi yal elapnok, ẍi eb bay. 37 Axa yalon Jesús bay eb: A jun tzicom trigo watx', ayin Chekbilintek yuj Dios xol eb jet animail ti', a chi yala'. 38 A tx'otx' tx'otx' bay max oc awoj tu', a yulyibank'inal ti' chi yala'. A ixim inat watx' tu', a ton eb ayxa oc yul k'ab Cham aj satcan chi yala'. A an awal an, a ton eb yet diablo chi yala'. 39 A jun ajc'ul oc yin jun aj tx'otx' tu', a ton nak diablo chi yala'. A tiempoal yajbal ixim trigo tu', a ton yetok jun tiempoal ok lajwok ti' chi yala'. Axa eb polom trigo, a eb ángel chi yala'. 40 Axca wal chi yun sic'lay el an awal an tu', cax chi toj an tz'aok, caywal tu' ok yun eb anima yet ok lajwok yulyibank'inal ti'. 41 Ayin Chekbilintek yuj Dios xol eb jet animail ti', ok in chektek eb wángel. Pilan ok ec' wajaj eb masanil eb chi ak'on somchaj nabal yet animail, yetok c'apax eb yob tzet chi el yuneni. Pilan ok ec' ilay el eb bay ok wak' Yajawilal. 42 Cax ok k'oklaytok eb bay jun lugar axca wal horno bay ow k'ak'ej. Ok ok' eb bay tu', cax ok natx'atx'ok ye eb yuj yail. 43 Axa eb watx' beybal xin, axca wal yili c'u caytu' ok yun yili eb yul k'ab co Mam Dios. Naobtanejek juntzan tzet che yab ti' sic'libil, ẍi bay eb. 44 A eb chi oc yul k'ab Cham aj satcan, lajan eb axca junok tzet yetal caw can tojol mukbil yul tx'otx'. Chi ilchaj yuj junok winak, cax chi mukoncan junelxa bayc'alta' ay tu'. Yujxac'al tzalojc'ulal xan chi toj txoncan el masanil tzet ay, cax chi manon el jun tx'otx' bay mukan jun beyomal tu'. 45 A bay chi oc eb anima yul k'ab Cham aj satcan, lajan axca junok comerciante, chi ec' sayon juntzan ch'en ton can is tojol, chi yik perla. 46 K'inalok ta ay junok caw watx' chi ilchaj yuj, chi txoncan el masanil is tzetak yetal, cax chi manon el jun perla tu'. 47 Ok waltek junxa abix ti' ayex, yuj tzetbil ok yun yeloc eb anima yet chi oc eb yul k'ab Cham aj satcan. K'inalok ay junok txim mitx'bal txay chi alay aytok yul a'. Tojolc'al yion ajtek masanil makanil txay. 48 Axa yet chi noj tx'an xin, chi yion ajtek eb txaywom tu' tx'an ti a', cax chi ay chotan eb yion el no' watx', chi c'ubantok eb yul is motx, cax chi k'okoncan el eb no' yob. 49 Cayton tu' ok yun yeloc eb anima yet ok lajwok jun tiempoal ti'. Ok tit eb ángel ul yion el eb yob xol eb watx', 50 cax ok k'okoncantok eb eb yob tu' yul jun lugar, axca wal horno bay xiwil k'ak'ej. A bay tu' ok ok' eb, ok natx'atx'ok ye eb yuj yail, ẍi Jesucristo. 51 Max lajwi tu xin, cax max k'anlen Jesús bay eb is cuywom axca ti': —¿Chi mi nachaj el masanil juntzan ti' e yuj? ẍi bay eb. —A ton Mamin, chi nachaj el juj, ẍi eb bay. 52 Ayex ti', cuybil exxa yin tzet chi yun yeloc eb anima chi oc yul k'ab Cham aj satcan. Yuj tu' xan chi je' e yak'on cuylay juntzan ac' cuybanilej yetok juntzan icham, ẍi bay eb. 53 A yet max lajwi yalontek Jesús juntzan cuybej ti' yin abix tx'oxom el cuybej, axa toj tu'. 54 Max apni oc bay is conob. Max octok yul nail wajayil bay chi oc culto, max c'oli cuywaj nan xol eb yul tu'. Toxac'al chi c'aycan aj c'ul eb anima tu' yuj, cax max yalon eb: —¿Bay max cuy jun winak ti' is jelanil? ¿Tzetlaj chi yun jeon milagro ti' yuj? 55 A jun ti', a ton jun is c'ajol nak carpintero, a pax is txutx xin, a ton María. Jojtak c'apax eb yuẍtak, a ton Jacobo, José, Simón yetok Judas. 56 Yetok c'apax eb yanab, ayic' eb co xol. Yuj tu', ¿bay mi max bet yi' is jelanil ti'? ẍi eb. 57 Yuj tu xin, toc'al max somchaj el c'ul eb yin, xan max yal Cham bay eb axca ti': —Ayc'alta' yelapnok eb chekbej Dios yul sat masanil anima. Asan yul sat eb yet conob eb, c'al yul sat eb junnej nail yayji yetok eb, c'am ton yelapnok eb, ẍi Jesús. 58 Jayebnej milagro max el yunen Cham bay is conob tu', yujtol maj yaoc eb c'ul yin.
1 Max yabaj Herodes, cham yajawil yul yet Galilea, yabixal Jesús yet jun tiempoal tu', 2 xan max yal bay eb is chekbej axca ti': A jun tu', a ton Juan, cham ak'om bautismo mayal ictzoj aj xol eb camnak. Yuj tu' xan ay is yipal yunen juntzan milagro tu', ẍi bay eb. 3 Caytu' max yut yalon axca tu', yujtol camnakxa Juan tu' yuj. Tix yuj ti' xan ak'bil cam yuj. Ay jun yuẍtak Herodes tu' chi yik Felipe. Herodías bi yistzil. Axa Herodes tu' montejnak el yistzil yuẍtak tu', xan max yal Juan bay Herodes tu' axca ti': Caw man mojok che' jun ix ti', ẍi bay. Yuj tu' xan max ak'lay c'ul Herodes tu' yuj ix. Axa yak'on mitx'lay Juan tu' bian, max yaon oc yul preso, cax max oc cadena yin. 5 Max yochej Herodes max yak' cam Juan tu', palta chi xiw bay conob, yujtol max yojtaknej el eb anima masanil tol chekbej Dios yayji Juan. 6 Axa yet max chaon Herodes k'inal yabilal xin, max wajban oc anima. Axa canalwi ix yune' Herodías tu' satak eb masanil. Caw wal watx' yec' ix max yil Herodes. 7 Yuj tu' xan max loctek bi Dios, cax yak'on ti' bay ix axca ti': —Tzanc'al tzet ok a k'an ayin ok wak' ayach, ẍi. 8 Palta max ak'lay c'ul ix yuj txutx, xan max yala': —A jolom Juan ak'om bautismo chak' ayin yul junok plato, ẍi ix bay. 9 A yet max yaben cham rey tu' axca tu xin, caw wal max cus is c'ul cham. Palta toxa max loctek cham bi Dios, max yab c'apax eb ayic' yetok cham tzet max yala', yuj tu' xan max yala' tol chi ak'lay bay ix. 10 Axa chekon toj yilay el jolom Juan tu' yul preso. 11 Chi lajwi tu xin, cax chi ilaytek bay ix yul junok plato. Cayton tu' max yut eb xin. Max yak'on eb jolom Juan bay ix, cax max yak'on ix bay is txutx. 12 Axa yapni oc eb cuywom Juan tu', max yiontok eb is mimanil mukayok. Max lajwi tu xin, max toj eb yalon bay Jesús tzet max on cami. 13 A yet max yaben Jesús xin, axa yoc yul jun barco yetok eb is cuywom tu', max toj bay jun tz'inan tx'otx' tx'oklil yaloni. Axa yet max yaben aj eb anima bay conoblak k'umal, max toj eb tilak a' mar bay ok apnok Jesús. 14 Axa yet max eltek Cham yul barco xin, max yilon jun miman bulan anima ayxa ec' bay tu'. Max ok' c'ul Cham yin eb, cax max jayc'alcan c'ul eb is ya'ay eb ibil oc yuj eb yuj Cham. 15 Axa yet yayc'ualil, max jayoc eb is cuywom bay, cax max yalon eb bay axca ti': —Ilab lanan toj c'u, tz'inan tx'otx' pax bay ayon ec' ti', xan tekan watx' cha chek pax eb anima ti' bay juntzan aldea cawil-lak ti', yet watx' chi toj man low ba eb, ẍi eb bay. 16 —¿Tzet xan wal ok tok man low ba eb? Ak'ek low eb ayex ti', ẍi Cham bay eb is cuywom tu'. 17 —Palta asan wal ch'an oyeb co yaliẍ pan ibil, yetok cac'on co txay, ẍi eb bay. 18 —Iektek ayin xin, ẍi bay eb. 19 Max lajwi tu', max yalon bay eb anima bulan ec' tu', tol chi ay chotan eb sat ac'al, cax max yion aj ixim oyeb pan tu', c'al no cac'on txay. Max aj t'anan satcan, cax max yalon yuj diosalil yuj. Axa bijon ay ixim pan tu', cax max yak'on bay eb is cuywom. Axa eb max pojontok xol anima. 20 Max low eb masanil xin, cax max nojcan c'ul eb. Max lajwi tu' max wajlay aj ixim bijquiltakil maxto cani, lajcawebto motx ixim max wajnaj ajok. 21 Oyeb mil eb winak max lowi, tx'ok pax yel eb ix c'al eb unin. 22 Max lajwi tu', cax max yalon Jesús bay eb is cuywom tol chi ajtok eb yul barco, cax chi babji k'axpoj eb, yak'ban chi yal toj ba Cham bay eb anima bulan ec' tu'. 23 Max lajwi yalon toj ba bay eb anima tu xin, cax max toj bay jun tzalan txajlok. Ayxa ec' bay tu' tx'oklil cax max k'ekbi ayok. 24 Axa eb cuywom xin, ayxa ec' eb nan a' yetok te barco tu'. Lananxa pitxloj te' yuj a', yujtol caw wal ow jay cak'ek' satak eb. 25 Toxa chi sakbi, cax max apni oc Jesús yintak eb. Max bey Cham yiban a'. 26 A yet max yilontok eb cuywom tu' bey Cham yiban a', max xiw eb yuj. Max el yaw eb yuj xiwilal, max yalon eb axca ti': —¡Toxc'a co lab jun ti'! ẍi eb. 27 Axa yalon Cham bay eb tu': —Manchak ex oc il. Ayin Jesús in. Manchak ex xiwi, ẍi bay eb. 28 Max yalon Pedro bay: —Mamin, ta yel ach, chek in bey yiban a', cax chin toj ayach tu', ẍi bay. 29 —Sebach, ẍi bay Pedro tu'. Axa yaytek Pedro yul te barco tu', cax max beytoj bay Jesús yiban a'. 30 Axa max yabeni caw ow cak'ek', max xiwajok. Max yabeni tol lananxa paxay laaok, max el yaw: —Mamin, col in, ẍi. 31 Ayman max oc mitx'naj Jesús yin k'ab, cax max yalon bay axca ti': —Ach ti' c'am wal chaoc a c'ul win. ¿Tzet xan max ak' cabc'ulal? ẍi bay. 32 Axa yet max octok eb yul te barco tu xin, max oc wanaj jun cak'ek' tu'. 33 Max yion ay ba eb ayxac'alta' ajtok yul te barco tu' bay Jesús, cax max yalon eb bay: —Wal yel, ach ti' C'ajol ach Dios, ẍi eb bay. 34 Max k'axpoj ec' eb yiban a' xin, axa yec'apnok eb bay jun lugar chi yik Genesaret. 35 A yet max yaben eb anima bay jun lugar tu' tol a Jesús, ayman max yak' eb yojtaknej el eb cajan bay masanil jun makbej tu', xan max yi jay eb masanil jantak is ya'ay bay Cham. 36 Cax max k'anon eb mitx' jabok ti' pichil Cham, xan masanil eb max mitx'oni, max jayc'alcan c'ul eb.
1 Ay juntzan eb fariseo yetok juntzan eb meẍtol yin ley Moisés max tit bay Jerusalén. Max jayoc eb bay Jesús, max k'anlen eb bay Cham: 2 —¿Tzet xan c'am chi beybalnej eb a cuywom beybal eb jichmam? Ilab c'am chi tx'aj eb k'ab chi low eb, axcata' ley eb jichmam tu', ẍi eb bay. 3 Axa tak'wi Cham bay eb tu' axca ti': —Axa ayex ti', ¿tzet xan c'am che yikej pax juntzan chekbanil max yak'can Dios? ¿Tzet xan asan juntzan ley eb jichmam che beybalnej? 4 Yujtol albilcan yuj Dios axca ti': Ayokab yelapnok e mam c'al e txutx yul e sat, ẍi, cax A mac chi baj is mam ma is txutx, ak'layokab camok, ẍi Dios. 5 Palta ayex ti', che yala' tol man yowalilok chi colwaj junok mactxel bay is mam ma bay is txutx. Ilab ta ay junok mac chi alon bay is mam, ma is txutx axca ti': C'am jabok tzet chi je' wak'on ayex, yujtol masanil tzet ayin, yet-xa Dios yayji, ta ẍi, caw watx' che yabej. 6 Cax manxa yowalilok chi colwaj bay is mam ma is txutx e yaloni. Ilab ton che yut e yintaknen el chekbanil aycan yuj Dios, yujc'al ley eb jichmam che beybalnej tu'. 7 Cabsat ex. Yel ton ta' tzet albilcan yuj Isaías e yin yet max yalon axca ti': 8 A juntzan conob ti', yinc'al k'anejal ay is watx' k'anej eb chi yal ayin. Palta a yanimail eb najat tx'uman el win. 9 Nabac'al chi tz'ak yiay ba eb ayin. Asan juntzan chekbanil anima chi yak' eb cuylayok, ẍi Dios yul txan Un Tz'ibbilcanok, ẍi Jesús bay eb. 10 Catatu' max yawtentek eb anima c'atan, axa yalon bay eb tu': —Acbajek e txiquin bay ok wala', cax nachajokab el e yuj. 11 Manak tzet chi octok yul co ti' chi on jetax el satak Dios, palta a tzet chi ajtek yul co ti', a' chi on jetax el yul sat Cham, ẍi bay eb. 12 Yuj tu' xan max jayoc eb is cuywom c'atan, cax max yalon eb bay: —¿Ojtak mi tol xiwil max tit yowal eb nak fariseo tu' yuj tzet max ala'? ẍi eb bay. 13 Palta max yal Jesús bay eb axca ti': —Masanil awoj tol manak co Mam Dios aj satcan max awoni, ok tok'lay ajtek yetokc'al xe', xan cayton tu' ok yun eb. 14 Yuj tu' yilxa eb. Lajan eb axca junok mactxel c'am chi je' yilwi, chi tz'ak quetz junokxa mac c'am chi je' yilwi. K'inalok ta axca tu' chi uji, chi mi tok'lejtok ba eb sat witz cawanil, ẍi. 15 Axa yalon Pedro bay Jesús axca ti': —Watx' alnej el ayon tzet chi yal elapnok jun cuybanilej max al bay eb fariseo tu', ẍi bay Cham. 16 Yuj tu' xan max yal Jesús axca ti': —¿Tom ayex jun, c'am chi nachaj c'apax el e yuj? 17 ¿Tom man e yojtakok tol a tzet chi octok yul co ti', yul co c'ul chi ayapnok, cax chi eli? 18 Palta a tzet chi ajtek yul co ti', a bay co nabal chi pitzc'oj ajok. A ton juntzan tu' chon etnen el yul sat Dios. 19 Yujtol a bay nabal anima chi pitzc'oj aj masanil yobtakil, axca mak'oj cam anima, yoblejbail yul k'ab nupayil, ajmulal yet c'amto yetbi, elk'an, naoj aj k'anej, c'al buchwal k'anej. 20 A ton juntzan ti' chi etnen el eb anima yul sat Dios ta chi beybalnej eb. Axa pax yuj c'am chi co tx'aj co k'ab chon low tu xin, c'am chon yetnej el yul sat Dios, ẍi Jesucristo. 21 Max lajwi tu xin, cax max el Jesús bay tu', max toj yul yet Tiro c'al Sidón. 22 Ayic' jun ix ix man israelok bay tu', aj Canaán ix. Max wek'tok ix yaw yintak Jesús, max yalon ix bay axca ti': —¡Mamin, ach yinatil David, mata chi ok' a c'ul win! Ay wal jun ix wune' ayoc espíritu yob yin. Caw chi yab ix yail yuj, ẍi ix bay. 23 Palta majc'al tak'welay ix yuj Cham. Axa max yunej max jitztok ba eb is cuywom c'atan, max yalon eb bay axca ti': —Matawal cha chekcan meltzoj ix, yujtol caw chi awji ix jintak, ẍi eb bay Cham. 24 Axa tak'wi Jesús axca ti': —Asan bay eb jet israelal chekbilintek yuj Dios. Yujtol axca wal no calnel chi c'ayic'ok, caywal tu' eb, ẍi. 25 Palta max jitztek ba ix ix tu' c'atan eb, max bekon ay jajan ba ix satak. Max yalon ix bay: —Mamin, colwajan wal ayin, ẍi ix bay. 26 —Palta man watx'ok, ta chi tok'lay ec' lobej eb uninalej, cax chi ak'lay bay no yune' yal tx'i', ẍi bay ix. 27 Axa yalon ix tu' bay Cham axca ti': —Yel ton Mamin, palta a no yal tx'i tu', chi sic'aj no' c'ajil lobej eb uninalej chi ayc'ay yalan meẍa cham aj na, ẍi ix. 28 Yuj tu' xan max yal pax bay ix: —Ach ti', chi wila' tol yelc'ulal chaoc a c'ul yin Dios. Yuj tu' xan yunokab ochwan, ẍi bay ix. Ayman max jaycan c'ul ix yune' ix tu'. 29 Max el Jesús bay tu xin, cax max toj tilak a' mar bay Galilea. Max ajtok bay jun tzalan, cax max ay chotan bay tu'. 30 Xiwil anima max apni oc bay, bay ayic' tu'. Max yion apnok eb, eb c'am chi je' beyi, eb c'am chi je' yilwi, eb c'am chi je' k'anjabi, eb man tz'akanok is mimanil, c'al juntzanxa eb ya'ay yuj tzanc'al tzet ilya'il. Max ilay jay eb bay yakantak Cham, cax max jaycan c'ul eb yuj Cham. 31 Max k'anjabcan aj eb c'amc'alta' chi je' k'anjabi. Eb manc'alta' tz'akanok mimanil, chi watx'jican eb. Eb c'am chi je' beyi, chi beycan aj eb. C'al eb c'amc'alta' chi je' yilwi, chi ilwican aj eb. A yet max yilon eb anima tu' masanil juntzan ti', max c'ayaj c'ul eb, cax max yalon eb watx' k'anej bay Cham is Diosal eb. 32 Max yawtejtek Jesús eb is cuywom, max yalon bay eb axca ti': —Caw chi ok' in c'ul yin juntzan anima ti', yujtol oxebxa c'u ayc'al ec' eb jetok cayti'. A tinani', c'amxa tzet chi lo eb. C'am chi wochej chin chek pax eb bay yatut, ta c'am chi low eb chi toj eb. Ay is may chi pax yip eb yulak be, ẍi bay eb. 33 —Palta caw miman eb, ¿tzet wal ok jak' lo eb bay tz'inan tx'otx' ti'? ẍi eb cuywom tu'. 34 —¿Jayeb ixim pan e yetbi ocok? ẍi Cham bay eb. —Ukeb yetok jayc'on no txay, ẍi eb bay. 35 Catatu' max yalon Jesús bay eb anima tu', tol chi ay chotan eb sat tx'otx'. 36 Cax max yion aj ixim pan tu' yukebal, c'al jayc'on no txay tu'. Catatu' max yalon yuj diosal bay Dios yuj, cax max pojon ayok, max yak'on bay eb is cuywom; axa eb cuywom tu' max pojontok xol anima tu'. 37 Max low eb masanil, watx' max yun noj c'ul eb. A yet max lajwi low eb tu', ukebto motx ixim bijquiltakil maxto wajnaj ajok. 38 Caneb mil winak max lowi, c'am chi oc eb ix c'al eb unin bisilok. 39 Max lajwi tu xin, max yalon toj ba Jesús bay eb anima tu', max octok yul jun barco, axa toj bay jun lugar chi yik Magadán.
1 Ay juntzan eb fariseo, c'al juntzan eb saduceo max jay bay Jesús, yuj yak'len eb yikban c'aytok Cham. Max k'an eb yil junok milagro chi tit bay Dios. 2 Axa yalon Cham bay eb axca ti': Ayex ti', a yet yayc'ualil che yal axca ti': Tojxa nab ti', ilab lanan tz'a asun, quex chi. 3 Ay bay xin, a yet k'inibalil che yal axca ti': Yocxa nab ti', ilab moyan, k'ekk'olinakxac'al, quex chi. Jelan ex ton e yiloni ta ok yak' nab ma c'amak, palta c'am chi nachaj el e yuj juntzan yechelej chi tx'oxon tzet lanan yunen Dios. 4 Ayex yet jun tiempoal ti', caw yob ex, manwalnak yin Dios che yaoc e nabal. Yuj tu xan toc'al che k'an junok milagro e yila', junok tzet chi tx'oxon yipalil Dios. Asanxanej jun milagro ok tx'oxlay ayex, a ton jun axca jun tx'oxbil yin Jonás yuj Dios, ẍi bay eb. Max lajwi tu xin, max el c'atan eb, cax max toji. 5 A yet max ec'tok Jesús yetok eb is cuywom bay junxa k'axepal a' mar, majc'al na eb yi' is lobej. 6 Axa yalon Jesús bay eb axca ti': —Abek xin, che yilc'al e ba yuj yich pan eb fariseo, c'al yuj yich pan eb saduceo, ẍi bay eb. 7 Axa c'oli yal-len eb cuywom tu' xol axca ti': —A yuj c'am co lobej ibil, xan caytu' chi yala', ẍi eb. 8 Max yojtaknej el Jesús tzet chi yal eb; yuj tu' xan max yal bay eb axca ti': —¿Tzet xan xiwil che yalubtanej yuj c'am e lobej ibil? C'am wal che yaoc Dios yin e c'ul. 9 ¿Tom c'amtoc'al chi nachaj el e yuj? ¿Tom c'amxa che natek ixim oyeb pan max yab lo eb oyeb mil winak, yetok jayebxa motx ixim bijquiltakil maxto ec' e wajcan ajok? 10 Yetok c'apax ixim ukeb pan max yab lo eb caneb mil winak, ¿tom c'amxa che natek jayebto motx ixim bijquiltakil maxto ec' e wajcan ajok? 11 A yet max wak'on binaj yich pan eb fariseo, c'al eb saduceo ayex, maj nachaj el e yuj tzet chi yal elapnok. A max e yut e naoni tol a ixim acaw pan chi wala', ẍi bay eb. 12 A yet max yalon Jesús axca tu' bay eb, catatu' max nachaj el yuj eb tol manak acaw yich pan chi yala', palta tol a cuybanil eb fariseo c'al eb saduceo max yal Cham yichpanil. 13 A yet max apni oc Jesús yetok eb is cuywom bay Cesarea yul yet Filipos, max k'anlen bay eb axca ti': —Ayin Chekbilintek yuj Dios xol eb jet animail ti', ¿mac in txel yalon eb anima che yabej? 14 —Ay eb chi aloni, ach ab Juan, cham ak'om bautismo ach. Ay eb chi aloni, ach ab Elías ach. Ay eb xin, ach ab Jeremías ach, ma xin junokxa chekbej Dios ec'nak payxa, ẍi juntzanokxa, ẍi eb bay. 15 —Axa pax ex ayex ti', ¿mac in txel e yaloni? ẍi bay eb. 16 Xan max tak'wi Pedro bay axca ti': —Ach ti', ach ton Cristo ach, C'ajol ach Cham Dios iquis, ẍi bay. 17 Yuj tu' xan max yal pax Jesús bay Pedro tu' axca ti': —Simón, c'ajol Jonás, watx' et, yujtol a tzet max al ti', man yulok et max on nachaj el oj. A ton co Mam ayic' satcan max ak'on ojtaknej elok. 18 Ayin chi wak'can ek Pedro. (Pedro chi yal elapnok ch'en.) A yiban jun miman ch'en ti' ok in watx'nej ajtok wiglesia. A wiglesia tu', c'am oxlajon bak'in ok ak'lay lajwok yuj camich. 19 A ayach ok wak' laweal yet chi oc anima yul k'ab Cham aj satcan. A tzet ok ak' yowalil bay yulyibank'inal ti', a ton tzet ayxac'alta' yowalil yuj Cham aj satcan. Axa tzet man ok ak' yowalil bay yulyibank'inal ti', a ton tzet c'amc'alta' yowalil yuj Cham aj satcan, ẍi bay. 20 Max lajwi tu xin, cax max yalon bay eb is cuywom, tol manchakc'al yalil eb tatol Cristo ton Cham. 21 Atax yet jun tiempoal tu' max c'oli watx' alnen Jesús bay eb is cuywom, yuj tzet ok jay yiban. Max yalon axca ti': —Yowalil ok in tok bay Jerusalén. Ata bay tu' ok tok wil yailal yuj eb yicham winakil conob, c'al yuj eb yajawil eb sacerdote, c'al yuj eb meẍtol yin ley Moisés. Ok in yak' cam eb; palta a yet cabjial tu' ok in ictzonelay ajok, ẍi bay eb. 22 Axa yilay el Cham tx'oklil yuj Pedro tu', max tenchanelay Cham yuj. Max yalon bay axca ti': —Mamin, caw man cayok tu' naon Dios. A juntzan tzet max al ti', maj wal je' jay eban bian, ẍi Pedro tu' bay Cham. 23 Axa yoc wal t'anan Jesús yin tu', max yalon bay: —Ach Satanás, elan in satak, yujtol chochej chi somchaj el in nabal. Manak tzet chi na Dios cha na'. Asan yin yet anima ayoc a nabal, ẍi bay. 24 Max lajwi tu', cax max yalon bay eb is cuywom axca ti': —Ta ay mac chi yochej chi ec'c'al cuywok wintak, yowalilokab manxa yetok ba yul yet. Yabokab eb yail wuj, caxc'al chi alay oc eb yin curus. Ta bekan c'ul eb axca tu', ec'okabc'al eb cuywok wintak. 25 Yujtol a eb c'am chi yochej chi cam bay yulyibank'inal ti', chi bekil eb jun k'inalej tol ayc'al yin tojbalk'inal. Axa pax eb chi bek c'ulok cam wuj xin, a ton eb tu' ok chaon k'inalej tol ayc'al yin tojbalk'inal. 26 K'inalok ta chon tzakay jion masanil tzet ay bay yulyibank'inal ti', palta chi c'ay pax el janimail, ¿tzet wal chi ji' axca tu'? ¿Tzet wal ok jak' manbanilok janimail? 27 A ayin Chekbilintek yuj Dios xol eb jet animail ti', ok in jay yetok mayk'ak'al in Mam, yetokc'al eb wángel. Axa wak'on paktzebal bay junjun anima yin atac'ala' tzet max el yuneni. 28 Wal yel chi wal ayex, ay jaywan e xol ti', manto ex camok okto e yil in jay ayin Chekbilintek yuj Dios xol eb jet animail ti', axa woc yin Yajawilal tu', ẍi bay eb.
1 Obxitax tu', max yiontok Jesús Pedro yetok Jacobo c'al jun yuẍtak Jacobo tu' chi yik Juan. Asan eb max ilaytok yuj Cham. Max toj eb bay jun miman tzalan. 2 A bay tu' max q'uexpoj yili Cham max yil eb. Max tzekeki aj sat Cham axca c'u. Axa is pichil, sak lubinakxac'al yili. 3 Junixto bek tu', max ul tx'oxon aytek ba Moisés yetok Elías, max k'anjab eb yetok Cham. 4 Axa yalon Pedro bay Cham axca ti': —Mamin, caw wal watx' jet, yujtol ayon ec' cayti'. Ta chi yal a c'ul, chi co watx'nej oxebok lanchu cayti': junok et, junok yet Moisés, c'al junok yet Elías, ẍi bay Cham. 5 Lananto wal k'anjab Pedro tu', cax max ay boc'naj jun asun chi tzekeki yiban eb. Ay jay belan k'anej max oc xol jun asun tu', max yalon axca ti': A ton in C'ajol bay xiwil chi camel in c'ul ti'. Caw chin tzaloj yetok. Acbajek e txiquin bay, ẍi. 6 A yet max yaben eb cuywom jay belan k'anej tu', max ay paknaj eb sat tx'otx'. Caw wal max xiw eb sic'libil. 7 Max jayoc Jesús c'atan eb, max matxban oc k'ab yiban eb. —Ajanek wan, manchak ex xiwi, ẍi bay eb. 8 Axa yet max yilontek eb, c'amxa mac ayic'ok, asanxanej Jesús ayic' tx'oklil. 9 A yet lanan paxaytek eb bay jun tzalan tu', max yalon Cham bay eb axca ti': —Ayta bay e yal jun max e yil ti'. Ato yet mayal quin ictzoj aj xol eb camnak, ayin Chekbilintek yuj Dios xol eb jet animail ti', catatu' che yalon elok, ẍi bay eb. 10 Catatu bian max k'anlen eb is cuywom tu' bay: —A eb meẍtol yin ley Moisés, chi yal eb axca ti': A Elías yowalil babel ok jay satak Cham Cristo, ẍi eb. ¿Tzet yuj xan chi yal eb axca tu'? ẍi eb bay. 11 Axa yalon bay eb tu' axca ti': —Yel ton chi yal eb, tol yowalil chi jay Elías tu' yin babelal yuj watx'nen masanil. 12 Palta chi wal ayex, tol ulnakxa ec'ok; palta maj nachaj el yuj eb anima tatol a'. Yuj tu' xan max yak' wal eb yochwan yin axca chi yochej. Caytu' ok wut c'apax waben yail yuj eb, ayin Chekbilintek yuj Dios xol eb jet animail ti', ẍi bay eb is cuywom tu'. 13 Catatu' bian max nachaj el yuj eb, tol a Juan, cham ak'om bautismo chi yal Cham. 14 Axa yet max apni oc eb bay bulan ec' anima tu', max jayoc jun winak bay Jesús. Max bekon ay jajan ba bay yakantak Cham, cax max yalon bay axca ti': 15 —Mamin, ok' a c'ul yin jun in c'ajol chi tit oybinak sat yin. Caw wal chi yetnej c'ul yuj. Ay bay chi toj xol k'ak', ma yulak aej yuj. 16 Max witek bay eb a cuywom ti', palta maj watx'jok yuj eb, ẍi bay Jesús. 17 Yuj tu' xan max yal Jesús axca ti': —¡A…, a wal ayex ti', caw wal c'am che yaoc e c'ul yin Dios, caw wal pit ex! Mimanxa tiempoal wayji ec' e yetok. ¿Bak'intoc'al ok nachaj el e yuj xin? Chi yab yail in c'ul e yuj. Asi', itek nak unin tu' ayin, ẍi. 18 A yet max jay nak unin tu' bay, max tzuwaj Cham yin jun espíritu yob ayoc yin nak unin tu', cax max yukten el yin nak. Axa yet jun bek tu' max jaycan c'ul nak yuj. 19 Axa yet max can Jesús tx'oklil yetok eb is cuywom, max k'anlen eb bay: —¿Tzet yuj xan maj el jun espíritu yob tu' yin nak juj on? ẍi eb bay. 20 —Yujtol c'am che yaoc e c'ul yin Dios. Wal yel chi wal ayex, tatol che ya wal oc e c'ul yin, caxc'al jab ch'an che yut e yaon oc e c'ul yin axca junok bak' mostaza, ok je' e yalon bay junok witz axca ti': Elan cayti', asi' bay junokxa lugar, ta quex chi bay, ok el e yuj. Masanilc'al tzet yetal ok je' e yuj, tatol yel wali che yaoc e c'ul yin Dios, ẍi bay eb. 22 A yet lanan yec'jab Jesús yetok eb is cuywom bay yul makbej Galilea, max yalon bay eb axca ti': —Ayin ti' caxc'al Chekbilintek yuj Dios xol eb jet animail, palta ok in alay oc yul k'ab eb anima. 23 Ok in yak' cam eb, axa yet cabjial ok in ictzonelay pax ajok, ẍi bay eb. A yet max yaben eb juntzan ti', caw wal max cus c'ul eb. 24 A yet max apni oc eb bay conob Capernaum, max jayoc eb tekom el tumin yet templo Dios bay Pedro, max k'anlen eb axca ti' bay: —¿Chi mi yak' jun e cuyomal tu' ch'en waj tumin chi k'anlay yuj templo Dios, ma c'am chi yak'a'? ẍi eb. 25 —Chi yak'a', ẍi bay eb. A yet max octok Pedro yul na, a Jesús max babji k'anlen bay: —Simón, ¿tzet cha na'? ¿mac bay chi tekil eb rey yulyibank'inal ti' ch'en tojlabal? ¿a mi bay eb yuninal eb, ma a bay eb tx'ok conobal? ẍi bay. 26 —A eb tx'ok conobal chi ak'oni, ẍi Pedro. Yuj tu xan max yal Jesús bay: —Ta caytu xin, a eb uninalej man yowalilok chi yak' eb yet. 27 Palta yet watx' man yobok chi yab eb, asi' bay ti a' mar, chaon aytok anzuelo yul a'; a no babel txay chi michchaji, che ajtek. A yul ti' jun txay tu' ok ilchaj jun tumin oj, k'okbil ok yab in tojlabalok, c'al yuj et. Asi', ak'can bay mac chi tekon el ch'en tu', ẍi Jesús bay.
1 A yet jun tiempoal tu' max k'anlej el eb is cuywom Jesús bay axca ti': —¿Mactxel yel miman yelapnok xol eb ayoc yul k'ab Cham aj satcan? ẍi eb bay. 2 Max yawtentek Jesús jun unin, max lecban oc nan xol eb. 3 Max yalon axca ti': —Wal yel chi wal ayex, ta c'am chi na ba e c'ul, ta c'am che yut e nabal axca eb unin, maj je' e yoc yul k'ab Cham aj satcan. 4 Yuj tu', a eb yaynakil chi yut ba axca jun unin ti', a ton eb tu' caw miman yelapnok yul k'ab Cham aj satcan. 5 Tzanc'al mac chi chaon junok unin axca jun ti', yuj wal tol wet, ayin chin is cha'. 6 Ta ay mac chi ak'on etax el is nabal junok unin chi yaoc c'ul win, ok'bal wal c'ul. Yel mi watx' chi pixlay oc t'unan junok ch'en ch'en yet molino yin is nuk', cax chi k'oklaytok yul a', yet watx' manchak yetnej el is nabal jun unin tu'. 7 Ok'bal c'ul wal eb anima yuj juntzan tzet chi ak'on etax el is nabal eb tu'. Masanil tiempo ayc'alta' juntzan tu', palta ¡ay…, a wal eb chi etnewi el nabalej tu', ok'bal wal c'ul eb! 8 Yuj tu xin, ta a junok e k'ab, ma junok e yakan chi ak'on etax el e nabal, yel mi watx' che tzoq'uilok, cax che k'okon elok, yet watx' c'am chi etax el e nabal yuj junelnej. Yujtol yel mi watx' che cha' k'inalej tol ayc'al yin tojbalk'inal, caxc'al man tz'akanok e mimanil, yintak tol tz'akanc'al e mimanil, chex toj pax can xol k'ak' c'am bak'in chi tani. 9 Ta a junok e bak' sat chi ak'on etax el e nabal xin, yel mi watx' che yiiltek, che k'okon elok yet watx' c'am chi etax e nabal junelnej. Yujtol yel mi watx' che cha' k'inalej tol ayc'al yin tojbalk'inal, caxc'al jun ch'an e bak' sat, yintak tol tz'akanc'al e bak' sat cax chex toj pax can xol k'ak'ej bay infierno. 10 Caw maj je' e yintaknen el junok eb unin ti'. Chi wal ayex, a eb ángel chi taynen junjun unin ti', ayic' eb yetok co Mam Dios masanil tiempo bay satcan. 12 K'inalok ta ay junok mactxel ay junok ciento is calnel, cax chi c'aytok junok no', ¿c'amtax mi chi bekcan no 99 etbiej tu' low bay junok tzalan, cax chi toj sayon ec' no' max c'aytok tu'? 13 Ta chi ilchaj no' yuj nak, caw chi tzaloj oc nak yin no', yintak pax no 99 ayc'alta' ec' tu'. 14 Cayton tu' co Mam ayic' bay satcan xin, man yochwanok tol ay junok xol eb unin ti' chi c'aycan elok. 15 Ta ay junok oẍtak chi oc mul ayach, chach toj a tx'oklil bay, cax chalon bay tol max oc mul ayach. Ta chi cha' yab ayach, ti wal mayal monchaj oj chi yal tu'. 16 Palta ta c'am chi cha yab ayach, yel mi watx' chetok jun cawanokxa mac chi toj alon etok bay. Ayokab cawanok ma oxwanok testigo, yet watx' miman txequel yayji tzet chi ali, axca yalon yul tx'an Un Tz'ibbilcanok. 17 Palta ta ac'ala' c'am chi cha yab bay eb xin, yel mi watx' chal bay iglesia. Ta c'amc'alta' chi cha yab bay iglesia tu', canokab axca junok man israelok, ma axca junok tekom el tojlabal yul a sat. 18 Wal yel chi wal ayex, a tzet ok e yak' yowalil yulyibank'inal ti', a ton tzet ayc'alta' yowalil yuj Cham aj satcan. Axa tzet man ok e yak' yowalil yulyibank'inal ti', a ton tzet c'amc'alta' yowalil yuj Cham aj satcan. 19 Chi wal c'apax ayex, ta ay cawanok ex jun lajanc'al chaon e c'ul junok tzet yetal, cax che k'anon yin txajil, ok ak'lay ayex yuj co Mam ayic' bay satcan. 20 Yujtol tzanc'al bay ayic' cawanok ma oxwanok chi wajbaj ba yin yion ay ba eb ayin, ayin ec' yetok eb, ẍi Jesucristo. 21 Axa jitzontok ba Pedro tu' c'atan Cham, max k'anlen bay: —Mamin, ta ay junok wuẍtak cac'al ti' yoc mul ayin, ¿jayel mi chi wak' mimanc'ulal yin? ¿Yowalil mi ukel chi wak' mimanc'ulal yin? ẍi. 22 —Chi wal ayach, manc'al ukelnejok, palta caxc'al 490 el chi oc is mul ayach, ak'c'al mimanc'ulal yin. 23 Ok waltek ayex tzet ok yun yeloc eb ayoc yul k'ab Cham aj satcan: Lajan wal yayji axca junok rey max yi' is cuenta yin jec eb is mulnajwom. 24 Lanan wal chaon el yich yion is cuenta tu', cax max ilay jay junok nak ay xiwilok milal quetzal is jec bay. 25 Palta c'am ch'en yuj nak. C'amxa tzet watx' max yun yak'on pax is jec tu'. Yuj tu xan max yal cham rey tu', tol yowalil chi txonlay el nak yetokc'al yistzil c'al eb yuninal, c'al jantak tzet ay, cax chi pax jec nak tu'. 26 Axa bekon ay jajnaj ba nak satak jun rey tu', cax max yalon ba nak bay cham axca ti': Mamin, ta miman chot a c'ul win, ok wak' pax in jec tu' ayach, ẍi nak. 27 Axa yok' c'ul cham tu' yin nak, max joonc'ay cham jec nak yiban masanil, axa beklay el nak yuj cham tu'. 28 A yet mayal beklay el nak tu', max ilchaj el junok yet mulnajwomal nak yuj. Ay mi jayebok quetzal jec bay nak. Yuj tu' max oc mitx'naj nak yin, cax max oc pitz'naj nak yin nuk' jun winak tu'. Max yalon nak bay: Itek ch'en a majan tumin ayin wal tinani', ẍi bay. 29 Axa bekon ay jajan ba nak ay majan tu' bay nak. Max yalon axca ti': Ta miman chot a c'ul win, ok wak' pax in majan tu' ayach, ẍi nak. 30 Palta majc'al yal c'ul nak max yak' mimanc'ulal. A ti yet tol max toj yacan oc preso, masantac'al max yak' pax nak is majan tumin tu'. 31 Ay pax juntzanxa yet mulnajwomal nak max ilon tzet max yun nak, caw wal max cus c'ul eb yuj. Yuj tu' xan max toj yal eb bay cham patronej yuj tzet max uj tu'. 32 Axa yawten cham tu' nak c'am is mimanc'ulal tu', max yalon cham bay nak axca ti': Caw yob a c'ul ach chekbej. Max wak' mimanc'ulal yin masanil a jec, yuj max ach oc tean win. 33 Matawal tol max ak' mimanc'ulal yin nak et chekbejal tu', axca max ach wut wak'on mimanc'ulal, ẍi cham bay nak. 34 Caw wal max tit yowal cham tu' sic'libil. Max yaontok cham nak preso. Max yalon cham tol chi alay oc yailal nak, masantac'al chi yal yak'on pax nak is jec bay cham. 35 Ta c'am che yak' c'apax mimanc'ulal yin masanil e c'ul yin yobtakil e yet animail chi oc ayex, man ok yak' c'apax mimanc'ulal co Mam Dios e yin, ẍi Jesús bay eb.
1 Max lajwi yalon Jesús juntzan tu xin, max el bay Galilea tu', cax max toj yulak yet Judea, bay k'axepal ec' a' miman Jordán. 2 Xiwil anima max tzakloj yintak. Max jaycan c'ul jantak eb ya'ay yuj Cham. 3 Ay juntzan eb fariseo max apni oc bay Cham, yuj yak'len eb yikban c'aytok Cham. Max yak'on eb k'anlebal bay Cham. —¿Ay mi leyal chi je' pojlen ba nak winak yetok yistzil yuj tzanc'al tzet yetal? ẍi eb bay. 4 Max tak'welay eb yuj Cham: —¿Tom c'amto bay che yil yul tx'an Un Tz'ibbilcanok, tol atax yet max watx'nen Dios yulyibank'inal ti', max watx'nej nak winak c'al ix ix? 5 Max yalon c'apaxcan axca ti': Yuj tu xin, a nak winak, ok bekcan is mam c'al is txutx yuj junanen ba nak yetok yistzil, xan axca wal tol junxanej mimanilejal chi yuncan el eb cawanil, ẍi Dios. 6 Yuj tu xin, manxa cawanok eb, palta tol junxanej chi yuncan el eb. Xan a eb junanebil yuj Dios, manchak pojlay ay eb yuj eb yet animail, ẍi Jesús bay eb. 7 Axa k'anlen pax eb tu': —¿Palta tzet xan albil pax can yuj Moisés, tol chi je' yak'on junok winak tx'an yunal pojlejbail bay yistzil, cax chi pojlen ba eb? ẍi eb bay. 8 —Yuj e pital xan max cha' Moisés e pojlen e ba yetok e yistzil; palta atax yet max watx'nej Dios yulyibank'inal ti', man cayok tu' max yutej. 9 Yuj tu' xan chi wal ayex, tol tzanc'al mactxel chi yuktej pax yistzil, palta c'am pax mul ix chi yaoc yul k'ab nak, cax chi yion nak junokxa ix, mul chi yun nak, ẍi bay eb. 10 Axa yalon eb is cuywom tu' bay: —Ta junelnej wal c'am chi je' pojlen ba nak winak yetok yistzil xin, yel mi watx' c'am chi oc yistzil, ẍi eb. 11 Xan max yal Cham bay eb axca ti': —Palta man masanilok anima chi techaj yuj juntzan che yal ti'. Asannej eb chi oc Dios yetok chi techaj yuj. 12 Ay mac palta wal yayji is mimanil yintax yaljubal, yuj tu' xan c'am chi oc yetbi eb. Ay mac, a yet animail chi uten yin tol c'amxa chi je' yoc yetbi. Ay mac xin, c'am chi oc yistzil, yujtol asannej Cham is Yajawil ay satcan chi yochej chi yak' serbil. A eb chi techaj yuj axca tu', techajokab yuj eb xin, ẍi Jesús. 13 Max lajwi tu xin, ay juntzan unin max ilay jay bay Jesús yuj eb anima, yuj batxban oc Cham k'ab yiban eb, c'al yuj txajli Cham yuj eb. Palta max tenlay oc wanaj eb jay c'atan Cham yuj eb cuywom. 14 Axa yalon Jesús bay eb is cuywom tu' axca ti': —Chaek jay eb unin ayin. Man e tenoc wanaj eb, yujtol asan eb lajan nabal axca eb unin ti', asan eb ay yalon yet yoc yul k'ab Cham aj satcan, ẍi bay eb. 15 Catatu' bian max yaon ajtok k'ab yiban jolom eb unin tu', axa toj tu'. 16 A junel, ay jun ach'ej max apni oc bay Jesús. Max k'anlen bay Cham: —Ach in Meẍtol, chin k'anlej ayach, ¿tzet yetal watx' chi wunej, yet watx' chin cha' k'inalej tol ayc'al yin tojbalk'inal? ẍi bay Cham. 17 —¿Tzet yuj xan cha k'anlej ayin yuj tzet yetal watx'? Jun ch'an mactxel watx', asan Dios. Ta chochej cha cha' jun k'inalej tol ayc'al yin tojbalk'inal tu', ikej chekbanil Dios, ẍi Cham bay. 18 —¿Mactet juntzan chekbanilej chal tu xin? ẍi bay Cham. Max yalon Cham: —Manchak a mak' cam anima. Manchak aoc a mul yul k'ab estzil. Manchak ach elk'ani. Manchak a naaj k'anej yin et animail. 19 Ayokab yelapnok a mam c'al a txutx yul a sat. Ya'ilnej eb et animail axca chot a ya'ilnen a ba, ẍi Cham bay. 20 —Chixa wikej masanil juntzan chekbanil tu' yet max in titoc yin uninal. ¿Tom ayto wal jabokxa chi wun chi yal tu'? ẍi bay Cham. 21 —Ta chochej wal tol chach tz'aknaj el eken masanil, txoncan el masanil tzet ay ayach, cax cha pojontok tojol tu' xol eb meba'; catatu bian ok a chaon a beyomal bay satcan. Chi lajwi tu xin, cax chach ec'c'al cuywok wintak, ẍi Jesús bay. 22 A yet max yaben jun ach'ej axca tu xin, max paxtok nak yin cusc'ulalil, yujtol caw beyom. 23 Max lajwi tu xin, max yalon Jesús bay eb is cuywom axca ti': —Wal yel chi wal ayex, tol a eb beyom, yatak yoc eb yul k'ab Cham aj satcan. 24 Chi wal c'apax ayex, k'inalok junok no camello tinani', ¿tom ok je' yeq'uel no' yul yixal junok ch'en acuẍa? Cayton tu' eb beyom xin, ta ok oc eb yul k'ab Cham aj satcan, yin puralil ok oc eb, ẍi bay eb. 25 A yet max yaben eb is cuywom jun tu', caw max c'ayaj c'ul eb. Axa yalon eb tu' axca ti': —Ta caytu' axca tu xin, ¿mac wal txel ok je' colchaji? ẍi eb. 26 Yuj tu xan max oc t'anan Jesús yin eb, axa yalon tu': —A jun ti', c'am ton junok anima chi je' yuj; palta a Dios chi je' yuj, yujtol masanil chic'al je' yuj Cham, ẍi bay eb. 27 Axa yalon Pedro tu' bay Jesús: —Mamin, ilab ayon ti', max co bekcan masanil co tzetak yetal, cax chon ec'c'al cuywok entak. Yuj tu', ¿ay mi jabok watx'takil ok ji' q'uexelok? ẍi bay Cham. 28 —Wal yel chi wal ayex, a yet ok ac'bok masanil tzet yetal, cax ok e chaon paktzil e yet tu'. A' ayin Chekbilintek yuj Dios xol eb jet animail ti', ok in ay chotan bay in despacho, bay ok txecloj el in mayk'ak'al. A ayex e lajcawanil max ex ec'c'al cuywok wintak ti', ok ex ay chotan junjun ex bay junjun e despacho. Ok e beyc'ulnen eb jet israelal lajcaw bulanil. 29 Tzanc'al mac chi bekcan yatut wujc'al, ma yuẍtak, ma yanab, ma xin is mam ma is txutx, ma yuninal, ma is tx'otx' chi bekcan wuj, a ton eb tu' caw miman q'uexel ok cha'. Yetok c'apaxok, ok cha' c'apax eb k'inalej tol ayc'al yin tojbalk'inal. 30 Ay eb miman yelapnok co xol tinani', palta a yet jun tiempoal chi wal tu', xiwil eb c'amxa jabok yelapnok. Ay pax eb xin, c'am jabok yelapnok co xol tinani', palta a yet tu', xiwil eb mimanxa yelapnok, ẍi Jesús bay eb.
1 Max yal Jesús bay eb is cuywom axca ti': Ok waltek ayex, tzet chi yun yeloc eb anima chi oc yul k'ab Cham aj satcan: A junel ay jun cham patrón, ayto k'inibi max toj sayon jaywanok is mulnajwom yin yawoj uva. 2 Max ilchaj eb xin, cax max yak'on trato yetok eb. Max yalon cham bay eb tol jun denario ok tojlanej cham c'u junjun eb, cax max chekontok cham eb bay is mulnajil tu'. 3 Axa yet yajc'ualil max eltok cham ec'jab txonbal, max yilon yin juntzan winak c'am is mulnajil. 4 Axa yalon cham bay eb axca ti': Ta che yochej chex mulnaji, asek mulnaj ayin. Ok ex in tojlanej axca wal mojalil, ẍi bay eb. Axa toj eb mulnaj bay cham tu'. 5 Max eltok ec'jab junelxa yet chuman c'u, max yak'on trato yetok jaywanxa, axcac'al max yut yak'on trato yetok eb max oc yin mulnajil yet yajc'ualil tu'. Ac'ala' max yun yet a las tres. 6 Max toj cham ec'jab junelxa yet a las cinco bay txonbal. Ay juntzanxa winak c'am is mulnajil max yil bay tu', axa yalon bay eb tu' axca ti': ¿Tzet yuj toc'al ay ex ec' cayti' chi ec' c'u? ¿Tom c'am jabok e mulnajil? ẍi cham. 7 C'am; yujtol c'am mac chon ochen on yin mulnajil, ẍi eb bay cham. Ta caytu xin, asek mulnajil ayin bay in tx'otx', ẍi cham bay eb. 8 Axa yet max k'ekbi, max yalon cham bay jun is caporal axca ti': Awtejtek eb in majan, cax chak'on tojol c'u eb. A eb tzunanxac'al max oc yin mulnajil, cha tojlanej yin babelal. Axa eb babel max oqui, tzunan cha tojlanej eb, ẍi cham. 9 Yuj tu' xan a eb yayc'ualilxa max oc yin mulnajil tu', a eb max babji jayi, jun denario tojol eb max cha'. 10 Lajwi tu xin, max jayoc eb max pet oc yin mulnajil tu'. A yet max jayoc eb tu', a naon eb tol miman tojol eb ok cha'. Palta titol ac'ala' jun denario ch'en max cha' eb. 11 A yet max lajwi chaon eb tojol tu', max tit yowal eb yin cham aj mulnajil tu'. 12 Max yalon eb axca ti': A eb nak tzunanxa max jay mulnajil ti', junxanej hora max mulnaj eb nak; palta lajan pax tojol eb nak max yi' jetok on, ayon max techajc'al ec' c'u juj ti' xol k'ak', ẍi eb bay. 13 Axa yalon cham bay junok eb nak tu' axca ti': Ach wamigo, man lananok wak'on tac in ti' ayach. ¿Tom man jun denariook max jut co trato xin? 14 Yuj tu', cha' a tojol ti', paxan. Chi el yin in c'ul wak'on tojol eb tzunanilxac'al max oc yin mulnajil ti', axca a tojol chi wak' ti'. 15 Ayin ti', ay walon wet wak'on in tumin axca bay chi el yin in c'ul. Maj je' tit owal win, yujtol watx' chi wut in c'ul yin junok mactxel, ẍi cham. Axca tu' yalon jun abix ti'. 16 Yuj tu', ay eb c'am jabok yelapnok tinani', caw miman ok yun yeloc eb. Ay c'apax eb miman yelapnok tinani', c'amxa yelapnok eb bay tu', ẍi Jesús bay eb. 17 A yet lanan yajtok Jesús yetok eb anima yul beal conob Jerusalén, max yawten el eb is lajcawan cuywom xol eb, max yalon bay eb axca ti': 18 —Ilab lanan jajtok bay Jerusalén ti'. Ayin ti' caxc'al Chekbilintek yuj Dios xol eb jet animail, palta ok in alay oc yul k'ab eb sat sacerdote, c'al yul k'ab eb meẍtol yin ley Moisés, axa yaon oc eb camich wiban tu'. 19 Cax ok in yaon oc eb yul k'ab eb man israelok. Ok in is buchon eb, ok in is mak' eb, ok in is curusnej eb; palta a yet cabjial ok in ictzonelay ajok, ẍi bay eb. 20 Max jayoc xal yistzil cham Zebedeo, yetok cawan yuninal eb bay Cham. Max bekon ay jajan ba xal txutxej tu' bay Jesús, yujtol ay tzet chi yochej c'ul chi k'an bay. 21 Axa yalon Cham bay xal tu': —¿Tzet chochej cha k'an ayin? ẍi Cham. —Mamin, a yet ok ach oc yajawilal, matawal cha cha' ay chotan eb wune' ti' a c'atan, junok bay a watx' k'ab, junokxa bay a q'uexan, ẍi xal bay. 22 Axa yalon Cham bay eb tu': —Ayex ti', c'am chi nachaj el e yuj tzet che k'an ayin. ¿Ok mi techaj e yuj e yak'lay porobal, axca ok in utlayok? ẍi bay eb. —Ok techajok, ẍi eb bay. 23 —Yel toni axca yailal ok eq'uel wiban, caytu' yailal ok eq'uel e yiban. Palta c'am walon wet ex in chotban ay bay in watx' k'ab, ma bay in q'uexan, yujtol a co Mam Dios, watx'xa yayji yuj, mac eb ok ay chotan bay tu', a' ok ak'on bay eb, ẍi Jesús bay eb. 24 A yet max yaben eb lajonwanxa cuywom jun ti', max tit yowal eb yin eb cawan tu'. 25 Yuj tu' xan max wajbaj oc Jesús eb lajcawanil, cax max yalon bay eb axca ti': —Ti wal e yojtakxa, a eb ayoc yajawil bay junjun mimek conob, tojolc'al chekwaj eb. Cay c'apax tu' eb mimek winak xol conob, yajawxac'al chi yut ba eb yiban anima. 26 Palta a co xol ayon ti', man axcaok tu' ok yunej. Ta ay mac chi yochej caw miman yelapnok co xol, yowalil chi oc yak'omalok serbil eb yet cuywomal masanil. 27 Yetok c'apaxok, ta ay mac co xol chi yochej tol chi oc aj babelal, yowalil chi oc mosejal bay eb yet cuywomal. 28 Ilab in, ayin Chekbilintek yuj Dios xol eb jet animail ti', man yujok wak'lay serbil, xan max in jayi, palta yuj wak'wi serbil. Max in jay yuj ul wak'on in ba camok, yet watx' xiwil mactxel chi colchajcan el wuj, ẍi bay eb. 29 A yet max el eb bay Jericó bay ayic' eb tu', xiwil anima max oc tzakan yintak Jesús. 30 Ay cawan winak c'am chi je' yilwi, cax chotan ay ti be. A yet max yaben eb tol a Cham chi eq'uel tu', max aj yaw eb yin ipejal, max yalon eb: —Mamin, ach Yinatil David, ok' a c'ul jin on, ẍi eb bay. 31 Axa tenchanelay eb yuj eb anima tu', yet watx' chi tz'inji eb; palta tol max aj can yel yaw eb: —Mamin, ach Yinatil David, ok' a c'ul jin on, ẍi eb bay junelxa. 32 Max oc wanaj Cham cax max yawtentek Cham eb is c'atan. —¿Tzet che yochej chex wutej? ẍi bay eb. 33 —Mamin, chi jochej chon ak'can ilwok, ẍi eb bay. 34 Axa yok'can c'ul Cham yin eb tu', max yaon oc k'ab yiban bak' sat eb. Max jakchaj sat eb yet jun bek tu' yuj; max lajwi tu xin, max tzakloj eb yintak.
1 A yet lananxa yapni oc Jesús yetok eb is cuywom bay cawilal Jerusalén, max apni oc eb bay conob Betfagé, bay cawilal jun tzalan chi yik Olivo. Cax max chekon babjok Cham cawan eb is cuywom. 2 Max yalon bay eb axca ti': —Babjanek e toj bay jun aldea co sataktok ti'. A tu' ok e yil yin jun no txutx burro, pixan no' yetok jun no ach'ejtakxa. Che xuyil no', cax che yiontek no' cayti'. 3 Ta ay mactxel ay tzet chi alon ayex, che yal bay axca ti': Tol ok k'an Cham Jajawil no', quex chi bay. Axa beklaytek no' ayex tu' yin aymanil, ẍi bay eb. 4 Cayton tu' max yun yion ba tzet tz'ibbilcan yuj cham chekbej Dios yet payxa, yet max yaloncan axca ti': 5 Alek bay eb aj conob Sión axca ti': Ilab wal jay e Reyal e xol. Yaynakil ok yut ba. Ay aj Cham yiban jun no burro. Ay aj yiban no ach'ej burro, yune' jun no txutx burro, quex chi, ẍi yul tx'an Un Tz'ibbilcan tu'. 6 Axa toj eb cawan cuywom tu'. Max yiken eb tzet max yal Jesús. 7 Max yiontek eb no txutx burro yetok no ach'ejtakxa tu' bay. Max yaon ajtok eb cuywom tu' juntzan is pichil tz'amok no', cax max aj Cham yiban no' tu'. 8 A yet lanan bey tu', xiwil anima chi litx'baj ay is pichil yul is be Cham. Ay mac xin, k'ablak te' chi bet tzoc'tek, cax chi yaon ay yul is be tu'. 9 A jantak eb babel satak, c'al jantak eb tzakan yintak, max chaon el eb yich yel yaw axca ti': —Yuj wal dios bay jun Yinatil David ti'. Al-layokab watx' k'anej bay Cham chekbiltek yuj Cham Jajawil. Jalek yuj diosal bay Cham aj satcan, ẍi eb. 10 A yet max apni oc Jesús bay conob Jerusalén, max aj somnaj anima masanil. —¿Mac jun chi jay ti'? ẍi eb. 11 Ay eb max alon axca ti': —A ton is chekbej Dios, Cham Jesús aj Nazaret, yul yet Galilea, ẍi eb. 12 Max lajwi tu xin, max octok Jesús yul templo Dios. Max yukten eltek eb chi txonji, c'al eb chi manji bay tu'. Max tenon aj pac'labok meẍa eb q'uexom tumin, c'al ẍila eb txonom paloma. 13 Max yalon bay eb axca ti': —Albilcan yuj Dios yul tx'an Un Tz'ibbilcan axca ti': A in templo ti' ok al-lay yin tol nail txaj yayji, ẍi. Palta ayex ti', axcaxac'al junok nach'en bay chi c'ubaj el ba eb elk'om, caytu' che yutej, ẍi bay eb. 14 A yet ayic' yul templo tu', ay juntzan eb c'am chi je' yilwi max jayoc bay, yetok juntzan eb c'am chi je' beyi. Max watx'jican eb yuj. 15 Max yilon eb sat sacerdote, yetok eb meẍtol yin ley Moisés juntzan milagro tu', cax max yaben pax eb yaj yaw juntzan unin tol chi yal axca ti': Yuj wal dios bay jun Yinatil David ti', ẍi eb. Yuj tu' xan max tit yowal eb sic'libil. 16 Max yalon eb bay Jesús: —¿Chi mi ab tzet chi yal juntzan unin ti'? ẍi eb bay. —Chi ton wabej. ¿Tom c'amto che yil yul tx'an Un Tz'ibbilcan bay chi yal yuj juntzan chi yal eb ti'? A eb unin, c'al eb chi txutxwi, cha k'anbalnej eb yin yalon watx' k'anej ayach, ẍi tx'an, ẍi Jesús bay eb. 17 Max lajwi tu xin, max beklaycan eb yuj Jesús, axa toj tu'. Max el bay Jerusalén, cax max apni bay Betania. A tu' max ec' ak'bal yuj bay tu'. 18 Axa yet junxa k'inibalil, yet lanan pax Jesús bay Jerusalén, max tit is wajil. 19 Axa max yiloni, ay jun te higo ti be. Max toj c'atan te', palta c'am junok sat te' max ilchaj yuj. Asan xak te' ay. Yuj tu xan max yal Cham yin te' axca ti': —C'amxaokab bak'in ok yak' jun te' ti' sat, ẍi Cham. Yet jun bek tu' max takxac'al aj te'. 20 A yet max yilon eb cuywom jun tu', caw wal max c'ayaj c'ul eb. —Max k'anlen eb bay ¿Tzetlaj max yun takaj jun te ti' yin jun bek? ẍi eb. 21 Wal yel chi wal ayex, tatol che yaoc Dios yin e c'ul, cax c'am jabok che yak' cabc'ulal, tzanc'al tzet ok je' e yuj. Man asannejok axca tzet max wut jun te ti' ok je' e yuj. Palta caxc'al che yal yin jun witz ti': Elokab cayti', cax chi k'okonaytok ba yul a' mar, ta quex chi, ok je' e yuj. 22 Cax tzanc'al tzet ok e k'an yet ok ex txajlok, ok ak'lay ayex, tatol che yaoc yin e c'ul, ẍi bay eb. 23 Cax max oc Jesús yul templo Dios. Max cuywaj bay eb anima yul tu'. Max jayoc eb sat sacerdote, yetok eb yicham winakil eb israel tu' bay, cax max k'anlen eb: —¿Tzet ekbej xan max on juntzan tu' ewi? ¿Mac wal ak'nej ekbej tu'? ẍi eb bay. 24 Axa yalon Jesús bay eb axca ti': —Ay c'apax jun tzet ok in k'anlej el ayex. Ta ok e yal ayin, cax ok walon ayex mac ak'nej wikbej, xan chi wun juntzan tu'. 25 Alek ayin, ¿mac ak'nej yikbej Juan yin yak'on bautizar anima? ¿Dios mi ak'nej, ma a eb anima? ẍi bay eb. Axa c'oli yalubtanen eb is xol tu' yuj jun tzet max k'anlej tu', max c'oli yalon eb axca ti': ¿Tzet chi jut co paktzen bay? Yujtol ta chi jala' tol a Dios ak'nej yikbej Juan tu', ¿tzet xan maj e yaoc yin e c'ul xin? ẍi mi. 26 Palta ta chi jala' tol anima ak'nej yikbej, caw ay is may yuj anima, yujtol a Juan tu', caw chekbej Dios naon anima masanil, ẍi eb. 27 Yuj tu' xan max yal bay eb: —Man jojtakok, ẍi eb bay Jesús. —Ta caytu xin, maj c'apax wal ayex mac max ak'on wikbej, xan chi wun juntzan tzet yetal tu', ẍi bay eb. 28 —¿Tzet tax ẍi e c'ul yuj jun abix ok waltek ti'? ẍi Jesús bay eb. Ay jun winak ay cawan is c'ajol. Max yalon bay nak babel winak axca ti': C'ajol, asi' mulnajil bay co mulnajil tinani', ẍi bay nak. 29 C'amak, c'am chin toji, ẍi nak bay is mam tu'. Palta junixtowal bek tu', max naon ba c'ul, cax max toji. 30 Max lajwi tu', max yalon cham mamej tu' bay nak tzunan unin, axcac'al max yut yalon bay nak babel. Inye mam, ok in tok, ẍi nak. Palta tokwal max toj pax nak. 31 A tinani xin, chin k'anlej ayex, ¿mac junok eb nak c'ajolej tu' max iken tzet max yal is mam tu'? ẍi Jesús bay eb. —A nak babel unin max yikej tzet max yal is mam tu', ẍi eb. Axa yalon Jesús bay eb axca ti': —Wal yel chi wal ayex, ta ok ex oc yul k'ab Cham aj satcan, babel ok oc eb tekom el tojlabal, c'al eb ix ajmul ix e satak. 32 Yujtol a Juan, cham ak'om bautismo max yal ayex tzet watx' che yut e watx'nen e beybal, palta maj e yaoc yin e c'ul tzet max yala'. Axa laj eb tekom el tojlabal, c'al eb ix ajmul ix max yaoc yin c'ul tzet max yala'. Caxc'al max e yil tzet max yut naon ba eb max na ba c'ul yin is yobtakil, palta maj e na e ba yetok eb, cax maj e yaoc yin e c'ul tzet max yal Juan tu'. 33 Acbajek e txiquin yin junxa abix ok waltek ti' xin: Ay jun winak max yaw uva bay sat jun is tx'otx', cax max corralneni. Max watx'nen jun olan bay ok teq'uil yal uva tu'. Max tz'akon c'apax aj jun ilbal uva xol tu'. Max lajwi tu xin, max yaoncantok jun is tx'otx' tu' yetokc'al yawojal majanil bay juntzan eb mulnajwom, cax max toj ec'jab bay junxa lugar najat. 34 Axa yet max ajapnok tiempoal wajlay el an, max chekontok juntzan is chekbej yuj toj chaon eb jantak yet cham t'inan yion bay eb nak max majanencan tu'. 35 Palta a yet max apni oc eb chekbej xin, max michchaj oc eb yuj eb. Ay jun, ya' max ec' mak'lay yuj eb. Ay junxa xin, max camxac'al yuj eb. Axa junxa xin, tol max k'okch'ennej eb. 36 Max chekontok cham aj tx'otx' tu' juntzanxa is chekbej. Tx'ial bey eb yintak eb babelal tu'. Palta ac'ala' max utlay eb. 37 Catatu' bian, axa jun is c'ajol max chektok: Ok xiw eb bay jun in c'ajol ti', ẍinaji. 38 Palta a yet max yilon eb nak mulnajwom tu' tol a nak c'ajolej tu' chi apni, max lajtinen el ba eb, cax max yalon eb: A yet ok cam mam nak ti', a' ok ioncan jun tx'otx' ti' satakok. Co mak'ek camok, yet watx' ayonxa chi ji'can jun tx'otx' ti', ẍi eb. 39 Xan asannejc'al max apni oc bay eb, max tzac'ontek eb, max jutxon el eb ti' mulnajil tu', ata tu' max yak' cam eb. 40 ¿Tzettax ok utlay eb mulnajwom tu' yuj cham aj tx'otx' tu', yet ok jay cham che na'? ẍi bay eb yicham winakil conob tu'. 41 —Ok yak' cam masanil juntzan anima yob tu', yet ok jayok, cax ok yaoncantok is tx'otx' tu' majanil junelxa, bay juntzanokxa mulnajwom tol yel wali, ok yak' jantak yet cham t'inan chi yi' yinc'al tiempoal, ẍi eb. 42 Yuj tu' xan max yal pax Jesús bay eb axca ti': —¿Tom c'amto bay che yil yul tx'an Un Tz'ibbilcanok, bay chi yal axca ti'? A ch'en ch'en max yintaknej el eb watx'nem na, a ch'en max oc yin jolom txiquin na. A jun ti' max yun Cham Jajawil cax chi c'ayaj co c'ul yuj, ẍi yul tx'an Un Tz'ibbilcan tu'. 43 Yuj tu' xan chi wal ayex, tol c'amxa e yalon e yet e yoc yul k'ab Cham aj satcan. Tx'okxa animail ok oc e q'uexelok. A ton eb tu' lajan axca eb ok ak'on yuca' tx'otx' tx'otx' axca wal is mojalil. 44 A mac chi telc'oji, cax chi ayc'ay yiban ch'en ch'en chi binaj cayti', chi k'ajtok; palta ta a ch'en ch'en ti' chi ayc'ay yiban junok mactxel xin, pokokxac'al chi yuncantok, ẍi Jesús bay eb. 45 A yet max yaben eb sat sacerdote yetok eb fariseo jun abix ti', max nachaj el yuj eb tol a eb chi al-layi. 46 Yuj tu xin, max yochej eb max mitx'a'; palta chi xiw eb bay yet animail, yujtol a Jesús, chekbej ton Dios yul sat anima tu'.
1 Max yaltek Jesús junxa abix ti' bay eb axca ti': 2 Ok waltek ayex tzet chi yun yeloc eb anima chi oc yul k'ab Cham aj satcan. Ay jun rey max yaoc k'inal jun is c'ajol yet max nupayi. 3 Maxc'al chail yich jun k'in tu', cax max chekontok eb is chekbej toj yawten eb awtebilxata'a. Palta maj jay eb t'inanc'alta' jay bay jun k'in tu'. 4 Yuj tu xin, max yalon bay juntzanxa is chekbej axca ti': Asek, al bay eb awtebilxac'alta' wuj tu', tol watx'xa yayji loj ok lo eb cayti'. Mayal wak' ak'lay cam jayc'on wacax, caw bak'ech. Caw watx'xa yayji masanil, xan as alek bay eb, tol chi tit eb yin aymanil bay jun nupayil ti', ẍi cham rey tu' bay eb. 5 Max toj eb chekbej tu' toj yaloni, palta majc'alta' yikej eb awtebil tu' jayi. Ay jun tol max toj yilcan yawoj bay is tx'otx'. Ay junxa max toj yilcan is negocio. 6 Axa juntzanxa eb xin, max mitx'laycan eb chekbej cham rey tu' yuj eb, ya' max ec' eb yuj eb, masantac'al max yal cam eb. 7 A yet max yaben aj cham rey tu', caw wal max tit yowal cham. Yuj tu' xan max chektok cham juntzan eb is soldado, yuj yak'lay cam juntzan anima tu', cax max nislaycan tz'a conob eb. 8 Max lajwi tu xin, max yalon cham bay juntzanxa eb is chekbej axca ti': Watx'xa yayji masanil tzet t'inan chi k'anabax yuj jun nupayil; palta a eb awtebil tu', man mojok eb jayi. 9 Yuj tu xin, asek yulak calle. Jantakc'al mac che yil yin, che chektek bay jun k'in ti', ẍi bay eb. 10 Max toj juntzanxa eb chekbej tu' yulak calle xin. Xiwil mac bay max yal eb. Aylaj eb yob, aylaj eb watx' max jayocok. Jun bek max noj jun na bay ayoc k'in tu'. 11 Axa yoctok cham rey tu' yul na, yuj yilon eb max jay tu'. Axa max yilon cham tol ay jun winak c'am oc pichilej yet nupayil tu' yuj. 12 Xan max yal cham bay: Ach amigo, ¿tzet yuj xan comonc'al chach octek bay k'inal nupayil ti'? Ilab tol c'am oc a pichil yet nupayil, ẍi cham bay. C'amxac'al tzet max yal nak. 13 Axa yalon cham rey tu' bay juntzan eb is moso ayic' yetok bay tu': C'alek yakan jun winak ti', c'al is k'ab, cax che yion ajok, chi toj e k'okoncan eltok xol k'ekk'inal yina. A bay tu' ok ok'ok, cax ok natx'atx'ok ye yuj yail, ẍi cham. 14 Chi yal elapnok jun abix ti', tol xiwil mac awtebil yuj Dios, palta jaywannej mac sic'bil elok, ẍi Jesús bay eb. 15 Catatu' bian, max beson el ba eb fariseo tu'. Max naobtanen eb yin Jesús, yuj yak'len eb yikban yayc'ay Cham yuj junok tzet yetal chi yala', cax chi yak'on queja eb yaloni. 16 Yuj tu' xan max chektok eb jaywan is cuywom bay Jesús, yetok jaywan eb is partido Herodes. Max bet yalon eb axca ti': —Meẍtol, jojtak sic'libil tol yelc'al chala'. Jojtak c'apaxok, tol yelc'al chot c'apax cuywaj a ba yin jun beybalej chi yochej Dios. Cax jun lajanc'al chot pax a c'ul yin anima, yujtol lajanc'al yelapnok eb yul a sat. 17 ¿Tzet cachi ach ti'? A ch'en tumin chi k'anlay el ayon yuj cham yajaw bay Roma, ¿ay mi leyal chi jak'a', ma c'amak cha na'? ẍi eb bay. 18 Palta yojtakxa Jesús tol man watx'ok tzet lanan naon oc eb yin. Yuj tu' xan max yal bay eb axca ti': —Ayex ti' caw wal cabsat ex. ¿Tzet yuj xan che yak'lej in e yikban ayc'ayok? 19 Tx'oxek ch'en tumin chi ak'lay bay cham yajaw tu' ayin, ẍi bay eb. Axa tx'oxon eb jun denario ch'en tumin tu' bay. 20 Axa k'anlen bay eb tu': —¿Mac ay yechel sat ayoc yin ch'en ti'? ¿Mac ayoc is bi yin ch'en? ẍi bay eb. 21 —A ton yechel cham yajaw bay Roma, c'al is bi cham, ẍi eb. —Ak'ek tzet yetal yetc'alta' cham yajaw tu' bay xin, axa tzet yetal yetc'alta' Dios, ak'ek c'apax bay, ẍi bay eb. 22 A yet max yaben eb juntzan tu', toc'al max c'ayaj c'ul eb. Axa yel eb c'atan Cham tu' cax max toj eb. 23 Ac'aloc yet jun c'u tu', ay juntzan eb saduceo max apni oc bay Jesús. A eb chi aloni tol c'am chi ictzoj aj eb camnak. Yuj tu' max k'anlej eb bay Cham axca ti': 24 —Meẍtol, max yalcan Moisés yul tx'an Un max tz'ibejcan axca ti': Ta ay junok winak c'amto yuninal chi eli, cax chi cami, yowalil a junokxa yuẍtak chi ioncan aj yistzil nak camnakxa tu', cax chi el yuninal yetok ix, axca tu xin, chi yiil nak yinatil yuẍtak tu', ẍican Moisés. 25 A junel, a co xol on ti', ay ukwan winak yuẍtakc'al ba. Max oc yetbi nak babel winak, palta max camtok nak. C'am junok yuninal nak max elcanok. Axa nak tzunan yintak nak tu', a' max ioncan yistzil. 26 Palta max campax nak uẍtakejal tu', ac'ala' c'am junok yuninal nak max elcanok. Ac'ala' caytu' max yun nak yet is yox, masantac'al max yal yilen eb nak yukwanil ix ix tu', ac'ala' max yun eb nak. 27 Lajwi camtok eb nak yukwanil xin, axa cam c'apaxtok ix ix tu'. 28 A yet ok ictzoj aj eb camnak tu xin, ¿mactet junok eb nak ukwan ti' ay yistzil ix ix tu' sic'libil? Yujtol max yilejc'al eb nak ix yukwanil, ẍi eb. 29 Axa yalon Jesús bay eb saduceo tu' axca ti': —Ayex ti' che yak' c'aytok e ba, yujtol man e yojtakok tzet ẍi tx'an Un Tz'ibbilcanok. Tamwal e yojtak c'apax jantak yipal Dios. 30 Yujtol a yet ok ictzoj aj eb camnak, tok okto yilej ba eb. Tok ayto mac ok yatok cutz'in alibejal, yujtol axcaxac'al eb ángel bay satcan caytu' ok yun eb. 31 Mantoc'al e yojtakok paxok, tol ok ictzoj pax aj eb camnak. ¿Tom c'amto che yil yul tx'an Un Tz'ibbilcanok yuj tzet albilcan yuj Dios, bay chi yal axca ti': 32 Ayin ti' is Diosal in Abraham, Isaac, c'al Jacob, ẍi canok. Yuj tu' xan jojtak tol maj c'ayil eb, yujtol max yalcan Dios tol is Diosal eb yayji? 33 A yet max yaben eb anima juntzan ti', caw wal max c'ayaj c'ul eb. 34 Axa yet max yaben eb fariseo tol maj je' paktzen eb saduceo bay Jesús, max wajban oc bulan ba eb yin. 35 Ay jun xol eb tu' caw meẍtol yin ley Moisés. Max yochen max yikbaj ayc'ay Jesús, cax max tz'akonnaj k'anlej bay Cham axca ti': 36 —Meẍtol, ¿mactet junok chekbanil yul ley Moisés ec'ban yelapnok yintak masanil? ẍi bay. 37 Max yalon Jesús: —Camc'ulnejek Cham Jajawil co Diosal yin masanil e c'ul, c'al yin masanil e yanimail, c'al yin masanil e nabal, ẍi. 38 A ton jun chekbanil ti' ec'ban yelapnok yintak masanil. 39 Ay junxa chekbanilej txenxanej man lajanok yelapnok axca jun ti', tol chi yal axca ti': Che ya'ilnej e yet animail, axca che yut e ya'ilnen e ba junjun ex, ẍi. 40 Ta chi jikej cab chekbanil ti', axca wal tol lanan jiken masanil chekbanil Dios, c'al masanil jantak tzet tz'ibbilcan yuj eb is chekbej, ẍi bay. 41 Wajanto ec' eb fariseo tu', cax max k'anlen Jesús bay eb: 42 —¿Tzet che na' yin Cham Cristo? ¿Mac ay yinatil che na'? ẍi bay eb. —Yinatil David, ẍi jun bay. 43 —Palta a David tu', ak'bil yal yuj Yespíritu Dios tol a jun Cristo tu', Yajawil David yayji. Chi yal axca ti': 44 Max yal Dios Jajawil bay Cham Wajawil axca ti': Ayan chotan bay in watx' k'ab ti', masantac'al ok wacan oc eb ajc'ul oc en yalan akan, ẍi Dios bay Cham Wajawil, ẍi David. 45 Xan caytu' max yut yaloncan David, tol a Cham Cristo is Yajawil yala'. Yuj tu' txequel tol man asannejok tol yinatil David yayji Cham, ẍi bay eb. 46 C'am junok eb max je' paktzen tzet max yal Jesús. Yuj tu' xan yettaxc'al tu', c'am junok mactxel chi tec'baj ba k'anlen junokxa tzet yetal bay.
1 Max lajwi tu xin, max yalon Jesús bay eb anima, c'al bay eb is cuywom axca ti': 2 A eb meẍtol yin ley Moisés yetok eb fariseo, ay ton yopiso eb cuywaj yin ley Moisés. 3 Yuj tu xin, ikejek tzanc'al tzet chi yal eb, cax che beybalneni. Palta a beybal eb xin, man e beybalnej, yujtol a tzet chi yal eb, tok chi beybalnej eb. 4 A juntzan chekbanil chi yak' eb, lajan axca junok ikatz c'am chi lacchaj juj. Chi wajbaj eb, cax chi yak'on eb jika'; palta a eb xin, tok chi yochej eb chi oc lacan yin jabok. Caytu' chi yun yak'on eb jik juntzan chekbanil caw ya'. 5 A masanil tzet chi yun eb, asan yuj yil-lay yuj anima xan chi yun eb. Caw mimek patxjab juntzan tz'um bay tz'ibbil oc jabok k'anej co Mam Dios, chi yaoc eb yin is k'ab, c'al yin is nan sat. Chi yaon oc eb jokquiẍtak pichilej, jokquiẍtak is tilak. 6 A bay chi oc mimek loj, asan bay puch watx' chi ay chotan eb. Yetok c'apax bay nail is culto eb, asan bay chi ay chotan eb mimek winak chi ay chotan eb. 7 A yet chi ec' eb yulak calle, caw chi tzaloj eb yet chi yion ay ba anima bay eb. Caw chi tzaloj eb yet chi al-lay oc eb meẍtolal. 8 Palta ayex ti xin, manchak e cha' e yal-lay oc meẍtolal, yujtol junnej e meẍtol, a ton Cristo, tol ayin toni. Axa ayex xin, e yuẍtak e ba, e yanab e ba e masanil. 9 C'am junok mactxel bay yulyibank'inal ti' chi je' comonc'al che yaloc e mamok. Yujtol junnej e Mam, a ton Cham ay bay satcan. 10 Manchakokab ex al-lay yajawil, yujtol junnej e Yajawil, a ton Cristo, tol ayin toni. 11 Tzanc'al mac bekanc'al c'ul yoc mosejal e xol, a ton jun tu' yelxac'al miman yelapnok. 12 Tzanc'al mac chi yiaj can ba, ok utlay yin yaynakilal, axa eb chi yi aytek ba, a ton eb tu' ok ilay can. 13 Axa ayex meẍtol ex yin ley Moisés ti xin, yetok ex ayex fariseo ex ti', caw ok'bal ex c'ul. Cabsat ex. Ilab che tenoc wanaj anima yoc yul k'ab Dios. Maj ex oc ayex ti', tamwal che cha' c'apax oc eb chi yochej chi oqui. 15 Ex meẍtol yin ley Moisés, c'al ex fariseo, caw ok'bal ex c'ul. Cabsat ex. Pilan che yoymanej yulyibank'inal yetoklaj a' mar, yuj ec' e monten oc junok mactxel e yetok yin e religión. A eb che yak' ganar yoc tu', toc'al chi etax el nabal eb e yuj. Yuj tu xin, moj ec'ban yailal eb chi yi' e yintak. 16 Ayex ti', lajan ex axca junok mactxel c'am chi je' yilwi, chito wal tz'ak quetz junokxa mactxel. Caw ok'bal ex c'ul, yujtol che yal axca ti': Ta ay junok mactxel chi loctek bi templo Dios yet chi yak'on is ti', man wal yowalilok chi yun is ti tu'. Palta ta a bi ch'en oro bay templo Dios chi loctek xin, yowalil chi yak' yun tzet max yal tu xin, quex chi. 17 Yuj tu xin, caw c'am e nabal. Axca wal tol c'am chi je' e yilwi jabok. ¿Baytet ay junok yel miman yelapnok che na'? ¿A mi ch'en oro tu' tx'oklil, ma a templo Dios tu'? A ch'en oro tu', asan yujtol yet is templo Dios ch'en, yuj tu' xan yet Dios ta' yayji. 18 Che yalon c'apax axca ti': Ta ay junok mac chi loctek bi altar, bay chi ajtok xajanbal yet chi yak'on is ti', man yowalilok chi yun is ti tu'. Palta ta a xajanbal batxan ajtok yiban tu' chi loctek is bi, yowalil chi yak' yun tzet max yal tu xin, quex chi. 19 Yuj tu xin, caw c'am e nabal. Axca wal tol c'am chi je' e yilwi jabok. ¿Baytet ay jun yel miman yelapnok che na'? ¿A mi xajanbal tu', ma a jun altar bay chi ajtok batxan tu'? A jun xajanbal tu', yujtol ayxa ajtok yiban altar tu', xan yet-xa Dios yayji. 20 Yuj tu xin, ta ay mac chi loctek bi jun altar bay chi ajtok xajanbal tu', man asannejok jun tu' lanan locontek bi. Palta lanan locontek bi masanil tzet batxan ajtok yiban c'apaxok. 21 Ac'ala' mac chi loctek bi templo Dios, man asannejok templo tu' lanan locontek bi; palta lanan c'apax locontek bi Cham cajan bay tu'. 22 Ta ay mac chi loctek bi satcan, chi yal elapnok tol lanan locontek bi is despacho co Mam Dios, lanan locontek c'apax bi Dios, yujtol a bay satcan tu' ayic'ok. 23 Ex meẍtol yin ley Moisés, c'al ex fariseo, caw ok'bal ex c'ul. Cabsat ex. Che yak'naj is diezmoal an alawen, an aniẍ, c'al an comino, palta juntzan chekbanil Dios miman yelapnok, tok che yikej, a ton wal juntzan chekbanil chi aloni, tol yowalil watx'okab chi jut co ba, chi ok' co c'ul yin jet animail, cax chi jun tzet chi jala'. Palta ilab c'am yelapnok juntzan ti' yul e sat. Matawal tol che yikej juntzan ti', cax che yiken pax juntzanxa tu'. 24 Ayex ti', lajan ex axca junok mac c'am chi je' yilwi, cax chito wal tz'ak quetz junokxa mactxel. Lajan ex axca junok mactxel chi yi ajtek junok us chi tojc'ay xol yuc'a', axa junok camello chi turaytok. 25 Ex meẍtol yin ley Moisés c'al ex fariseo, caw ok'bal ex c'ul. Cabsat ex. Ayex ti' lajan ex axca junok mactxel asan yin vaso, c'al yin plato chi tx'ajilok, palta yul, caw wal tz'iltak. Axca ton tu' ayex ti', caw wal watx'xac'al che yut e ba satak anima; palta axa yin ewantakil xin, toxac'al chex oc beyomal yuj e yetnen anima yuj e yak'on yochwan e pek'al. 26 Ayex fariseo ex ti', axca wal tol c'am chi je' e yilon jabok. Watx'nejek oc e nabal yin babelal, catatu' watx' ex c'apax satak anima. 27 Ex meẍtol yin ley Moisés, c'al ex fariseo, ok'bal ex c'ul. Caw cabsat ex. Lajan ex wal axca junok nichoal camnak watx' yili, sak tx'ijinakxac'al. Palta a yul, nojnak el yuj bakil camnak, c'al yuj tzet man watx'ok. 28 Cayex wal ton tu xin, yujtol a yul sat eb anima, watx'naj che yut e ba; palta caw cabsat ex yul e c'ul, cax caw ay e yobtakil. 29 Ex meẍtol yin ley Moisés c'al ex fariseo, ok'bal ex c'ul. Caw wal cabsat ex. Ayex ti', che watx'nej aj mukbanil eb chekbej Dios, cax che watx'nen oc yelbubal is mukbanil eb watx' nabal tu'. 30 Cax che yalon paxok: K'inalok ta ayonxa ec' yet max ec' eb jichmam yet payxa tu', maj on mi colwaj yetok eb, yin co mak'on cam juntzan eb chekbej Dios, quex chi. 31 Palta a yet che yalon axca tu', che tx'oxk'abnej elok tol yinatil ex eb max mak'on cam eb chekbej Dios tu'. 32 A tzet max chail yich eb e yichmam tu' yunen xin, a lanan e lajonxac'al canok. 33 Ayex ti', caw jelan ex yin yobtakil axca junok labaj. ¿Tzet wal ok e yut e colon el e ba yul k'ab yailal bay infierno? 34 Abek. Ok in chektok juntzan eb chekbej Dios ayex, c'al juntzan eb jelan yin yet Dios, yetok juntzan eb meẍtol. Ay eb ok e yak' camok, ok e curusnej eb. Ay eb, tol ok e mak' yulak nail bay che yak' culto. Ok e yuktej ec' eb bay conoblak. 35 Yuj tu xin, a is camichal masanil eb anima watx'c'al max yut ba, tol mak'bil camok, a' ok alay oc e mulok, chi chail yich yin is camichal Abel, nak watx' is beybal, masantac'al yin is camichal Zacarías, c'ajol Berequías, a ton mak'bil cam bay yamak'il templo Dios, nan xol templo yetok altar. 36 Wal yel chi wal ayex, tol a camichal masanil eb tu', a' ok oc e mulok mac ex ayex ec' ti' tinani'. 37 ¡Ay…, a wal ayex ti' ex aj Jerusalén! ¡Che mak' wal cam eb chekbej Dios, axa juntzanxa eb chekbiltek yuj Cham e nan e xol, che k'okch'ennej eb! Xiwil el max wochej max quex wawtejtek ayin, axca junok no caẍlan chi k'uttejtek yune', cax chi mojoni, palta maj yal e c'ul. 38 Abek, a jun e templo ti', ok tz'ink'oj canok. 39 Chi wal ayex tol c'amxa bay ok e yil win, masantac'al yet ok e yalon axca ti': Al-layokab watx' k'anej bay Cham chekbiltek yuj Cham Jajawil, quex chi, ẍi Jesús bay eb.
1 Max eltek Jesús yul templo Dios xin. Lananxa wal toji, max jitzonxac'altek ba eb cuywom c'atan. Max c'oli tx'oxon oc eb nalakil templo Dios bay. 2 Palta max yal Cham bay eb axca ti': —Ayex ti' che yil juntzan na ti', palta wal yel chi wal ayex, a masanil juntzan ch'en latz'bil aj ti', c'amxa junok ok cancan yiban yet ch'enal. Pilan ok ec' bulnajok, ẍi bay eb. 3 Max lajwi tu xin, max toj bay jun tzalan chi yik Olivo, axa yay chotan tu'. Max apni oc eb is cuywom bay, cax max k'anlen eb bay: —Chi jochej chal ayon, ¿bak'in wal ok jay jun max al ayon tu'? ¿Tzet yechelej ok tx'ox Dios, yet jabxanej a jayi, yetok c'apax yet ok lajwok jun tiempoal ti'? ẍi eb bay. 4 Axa yalon bay eb tu': —Caw aj nabal che yut e ba, yet watx' c'am junok mactxel ok ion aytek e sat. 5 Yujtol xiwil mac ok banoc in bi yiban, cax ok yalon eb axca ti': Ayin ton Cristo in, ẍi eb, ok tz'ak yalon eb. Xiwil anima ok yiaytek eb sat. 6 Ok e yab yoc mimek owal. Ok e yab k'umal juntzanxa owal ijan chi oqui. Palta manchak ex xiwi, yujtol yowalil ok yunc'alta' juntzan tu'; asan xin, mantonak lajubal tu'. 7 Ay wal juntzan mimek conob ok yak'lej owal yetok yet mimek conobal. Ok yak'lej eb yajaw owal yetok yet yajawil. Ok jay mimek wajil. Xiwil bay ok ec' quixcab. 8 Palta a juntzan tu', yichbanil yatakilixtoc'al. Ay wal juntzanxa ok jayok. 9 Ayex ti', ok ex ilaytok satak eb yajaw, cax ok e yilon yailal yuj eb; ok ex yak' cam eb. Masanilxanej anima ok chichon oc c'ul e yin wujc'al. 10 A yet jun tiempoal tu', xiwil mactxel ok meltzoj pax yintak junelxa. Ok yajc'ulnej ba eb, ok yak'lej cam ba eb. 11 Xiwil mac ok yaloc ba chekbejok Dios. Yuj tu' xan xiwil mac ok yetnej eb. 12 Ok aj can anima yin yobtakil; yuj tu', tok okto camc'ulnelej ba eb. 13 A mac tec'an ok yut ba masantac'al lajub, a ton eb tu' ok colchajok. 14 Axa jun watx' abix chi alon tzet ok yun yoc eb anima yul k'ab Cham aj satcan, yowalil ok al-laycan el bay masanil yulyibank'inal ti', yet watx' chi ablay bay junjun conob. Catatu' bian ok jay lajubal. 15 Palta ay jun mac yajbil el yuj Dios, tol ok yetnej el juntzan tzet yetal. A cham Daniel, chekbej Dios yet payxa, a' alnejcan jun tu'. A mac chi ilon jun abix tu', nachajokab el yuj. A yet ok oc jun mactxel tu' yul templo Dios, 16 a mac ayic' bay Judea, tokokab eb c'ubaj el ba bay tzalanlak. 17 Axa mac ayajtok yiban pananil is na, yet ok oc elilal tu', manchakxa aytek yuj ul yionto wal eltek jabokxa tzet yetal yul na. 18 Yetok eb ayic' xol is mulnajil, manchakxaokab meltzoj yintak toj yion is jokan pichil. 19 A yet jun tiempoal tu', ok'bal c'ul eb ix yob ix, yetok eb ayto yune' chi yak' txutxwok. 20 Tewanek bay Dios tol manokab nabil k'inalok yet ok ex el tu', tamwal yet c'ual xewilalokab c'apaxok. 21 Yujtol a jun miman yailal ok jay yet jun tiempoal tu', c'amto bay max ec' junelok axca tu' yecheltaxc'al max watx'nej Dios yulyibank'inal ti'. Tamwal ayto bay ok ec' junokxa axca tu'. 22 Ta c'am chi c'otxbaj Cham tiempoal yailal tu', c'am junok mactxel ok colchajcan el yul k'ab camich. Palta yujc'al is camc'ulal Cham yin eb sic'bilxa el yuj, xan ok c'otxbanej. 23 Ta ay mac chi alon ayex axca ti': Ilek wali, tix Cham Cristo ayic' cayti', ma: Ilek wali, tix ayic' bay tu', ta ẍi e yutelayi, man e cha e yabej. 24 Yujtol ay juntzan eb ok tz'ak yaloc ba Cristoal ok tx'oxaj ba, c'al juntzan eb ok tz'ak yaloc ba chekbejok Dios. Ok tz'ak tx'ox eb yechelej, c'al milagro, yuj yion aytek sat eb anima. Toltax a eb sic'bilxa el yuj Dios ijanxac'al ok ayc'ay eb yuj eb. 25 Ayokto, cax chi waloncan juntzan ti' ayex. 26 Yuj tu xin, ta ay eb ok alon axca ti' ayex: Ilabi, ayic' Cristo bay tz'inan tx'otx', ta ẍi eb, c'am chi toj e yila'. Ta ay eb chi alon pax axca ti': Ilabi, ayic' bay jun na tu', ta ẍi eb, man e cha e yabej. 27 Yujtol axq'uijan wal junok rayo pilan chi txecloj yuj bay masanil yulyibank'inal ti', chi txecloj bay chi ajol c'u, c'al bay chi tojcan c'u, caytu' ok yun txecloj in jay ayin Chekbilintek yuj Dios xol eb jet animail ti'. 28 Tzanc'al bay telancan ay is mimanil junok camnak, a tu' chi waj ba no ostoc. 29 A yet ok lajwok ec' jun miman yailal tu', ok k'ekk'olil yakan c'u, c'amxa c'apax sakk'inal xajaw. Axa waycan ok titc'ay satcan. Yetok juntzan tzet ay is yipalil bay satcan, ok tzicobtanelayok. 30 Catatu' bian, cax ok txecloj aj jun yechel bay satcan, yin tx'oxoni tol ayin Chekbilintek yuj Dios xol eb jet animail ti', in jayi. Axa anima bay junjun conob bay yulyibank'inal ti', ok ok' eb yet ok yilon eb in jay xol asun, yin miman wikbej c'al in mayk'ak'al. 31 Ok xulay ch'en trompeta yin caw ipejal, axa in chekon eb wángel tu' cax ok ec' wajon aj eb eb sic'bil el wuj bay masanil yulyibank'inal ti'. Ok ec' ilay aj eb, masantac'al bay chi lajwi yulyibank'inal ti'. 32 Abek jun abix ok waltek yuj te higo. A yet chi uninbi k'ablak te', yet lananxa tit xak te', e yojtakxa tol toxa chi oc nabilk'inal. 33 Xan a yet ok e yilon yunen juntzan ti', nachajokab el e yuj, tol toxa chin jayi. 34 Wal yel chi wal ayex, mantoc'al cam anima ayic' yet jun tiempoal ti', cax ok yunen masanil juntzan chi wal ti'. 35 A satcan ti', c'al yulyibank'inal ti' ok lajwok; palta a in k'anej, maj ec' tzet chi yala'. 36 Palta c'am mac ojtaknej tzet c'ual, c'al jantak hora ok in jayok. Eb ángel bay satcan, man yojtakok eb. Ayin ti' C'ajol in Dios, palta man wojtakok, asan Cham Dios Mamej yojtak. 37 Axca tzet max uj yet jun tiempoal yet max ec' cham Noé, caytu' ok yun yet jun tiempoal yet ok in jay ayin Chekbilintek yuj Dios xol eb jet animail ti'. 38 Yujtol a yet c'amto chi jay jun miman aej mukwajwom tu', tok ay tzet chi na' anima; chi low eb, chi yuq'uen a' eb, laj yilen ba eb, c'al yaontok eb cutz'in alibejal, masantac'al yet jun c'u yet max octok cham Noé yul te arca. 39 Maj nachaj el jabok yuj eb, masantac'al max jay jun aej mukwajwom tu', cax max cam eb masanil. Axca wal max yun eb yet jun tiempoal tu', caytu' ok yun anima yet ok in jay tzac'naj ayin ti'. 40 K'inalok ta ay c'apax cawanok winak junej chi mulnaji, ay jun ok ilaytok, ay jun ok canok. 41 K'inalok ay cawanok ix lanan cawni, jun ok ilaytok, jun ok canok. 42 Yuj tu', makwajanek, yujtol man e yojtakok jantak hora ok in jay ayin Yajaw in ti'. 43 K'inalok junok cham aj na tinani', ta yojtak jantak ak'bal chi jay junok elk'om, caw wal makbil yuj, cax c'am chi cha oc elk'om yul yatut. 44 Yuj tu xin, makwajanek, yujtol a yet man naanok el in jayubal e yuj, cax ok in jay lemnaj ayin Chekbilintek yuj Dios xol eb jet animail ti'. 45 K'inalok ay junok patrón yetok is moso. Ay junok yikem, jun ay is nabal, a ton jun tu' ok yaoc yopiso yin yilomalok yatut, yetok masanil tzet ay bay; palta ¿mactxel jun yikem tu' che na'? 46 A ton jun lanan mulnaj axca wal chi yochej cham patrón tu' yet ok jay junelxa. Caw watx' yet jun tu'. 47 Wal yel chi wal ayex, ok yaoc cham yin yajawil yiban masanil tzet ay cham. 48 Palta ta a jun moso tu' yob is nabal, chi na' tol maj jay cham patronej tu' yin aymanil, 49 yuj tu' chi c'oli michchaj oc yet mosejal mak'oni, chi ec' low yetok eb uq'uem an, cax chi uc'wi an yetok eb. 50 A yet man naanok jay is patrón tu' yuj, a ton yet tu' ok jayok. 51 Axa yaon oc cham miman yailal yiban tu'. Ok yacantok cham yetok eb yet cabsatil. A bay tu' ok ok'ok, c'al natx'atx'i ye yuj yail.
1 Ok wal ayex, tzet ok yun yeloc eb anima, yet ok yak'on Cham aj satcan Yajawilal: A junel, ay lajonwan k'opoj ix. Max toj eb bay jun nupayil yet ak'balil, max yiontok eb is candil. Max bet eb chaon jay nak ok nupay tu'. 2 Ay owan eb ix c'am wal is nabal, axa owanxa eb ix xin, aj nabal eb. 3 A eb c'am wal nabal tu', c'amxa yaceite eb max yitok, asanc'al ch'an jab ayay yul is candil eb tu'. 4 Axa pax eb ix jelan tu xin, maxto yi c'apaxtok eb ix yaceite yulak net. 5 A nak ok nupay tu', caw max ec' hora jay nak. Yuj tu', max titaj wayan eb ix, axa wayaj eb ix masanil tu'. 6 Palta chuman wal ak'bal, ay jun mac max awji bay eb: Ti wal chi jay nak ok nupayok. Asek chaek nak, ẍi bay eb ix. 7 Axa yaj wan eb ix tu', max yaon oc eb ix k'ak'al candil. 8 Axa yalon eb ix c'am is nabal tu' bay eb ix jelan axca ti': Ak'ek jabok jaceite e yetok co k'ana'. Ti wal chi tan co candil ti', ẍi eb bay eb. 9 Maj jak'a'. Tatol chi jak' jabok e yet, maj mi yab jet, cax maj c'apax yab e yet. Asek e man jabok e yet bay chi txonlayi, ẍi pax eb ix. 10 Yuj tu xin, max toj eb ix man jabok yet. Ay wal tok eb, max jaycan oc nak ok nupay tu'. A eb ix watx' yayji yetok is candil, max octok eb yetok nak bay nupayil tu', cax max makaycan puerta. 11 Axa yet max jayoc eb ix c'am wal is nabal tu', maxto awji octok eb: ¡Mamin, Mamin, jakon octok! ẍitowal eb. 12 Palta max yalon eltek cham bay eb: C'amak. Wal yel chi wal ayex, man ex wojtakok, ẍi eltek cham bay eb. 13 Yuj tu', chi wal ayex, makwajanek yujtol man e yojtakok tzet c'ual, c'al jantak hora ok in jayok, ẍi Jesús bay eb. 14 Ok wal ayex, tzet ok yun yeloc eb anima, yet ok yak'on Cham aj satcan Yajawil. A junel, ay jun winak max toj bay junxa conob caw najat. A yet toxa wal chi toji, max yawtentek eb is moso c'atan, max yak'oncan juntzan is tumin yul k'ab eb. 15 Ay jun nak bay max yak'can oyeb talento. Ay jun nak bay max yak'can cab talento. Ay jun nak bay max yak'can jun talento, atac'ala' bak'satil junjun max yilocok. Max lajwi tu xin, axa toj tu'. 16 A nak mosejal max chaoncan ch'en oyeb talento tu', max yak' nak negocio yetok ch'en. Max yion nak oyebxa talento yetok ch'en. 17 Ac'ala' c'apax nak max chaon ch'en cab talento, max yi c'apax nak cabxa talento yetok ch'en. 18 Palta nak max chaon ch'en jun talento, max jot nak jun olan, cax max mukon nak ch'en. 19 Payxatax tu', catatu' max jay cham is patrón eb tu', axa yion cham cuenta yetok eb yin ch'en tumin tu' yin junjunal. 20 A nak chanejcan ch'en oyeb talento tu', a nak babel max jay satak cham. Axa yak'oncan nak ch'en oyeb talento max yi yetok ch'en tu'. Max yalon nak bay is patrón tu' axca ti': Mamin, max ak'can oyeb talento ch'en tumin ti' ayin; palta tinani' xin, tix pax oyeb talento yune' ch'en max wi' ti', ẍi nak. 21 Axa yalon cham patrón tu' bay nak axca ti': Watx' xin, caw watx' max ot mulnaj a ba ayin. Max ekej axca wal chi wochej. Yujtol yikem ach yin jab ti', yuj tu', xiwiltoc'al tzet ok wak' ayach, xan ak' tzaloj a c'ul wetok, ẍi cham bay nak mosejal tu'. 22 Max lajwi tu xin, max jayoc nak chanejcan ch'en cab talento. Max yalon nak bay is patrón tu' axca ti': Mamin, max ak'can cab talento ch'en a tumin ti' ayin; palta tinani xin, tix pax cab talento yune' ch'en max wi' ti', ẍi nak. 23 Axa yalon cham patronej tu' bay nak axca ti': Watx' xin, caw watx' max ot mulnaj a ba ayin. Max ekej axca wal chi wochej. Yujtol yikem ach yin jab ti', yuj tu', xiwiltoc'al tzet ok wak' ayach, xan ak' tzaloj a c'ul wetok, ẍi cham bay junxa is moso tu'. 24 Palta a yet max jayoc nak chanejcan ch'en jun talento satak cham xin, max yalon nak bay cham axca ti': Patrón, wojtak tol ch'aan ach. Cha jatx' tzet man awbilok oj. Toxac'al cha cha' tzet chi yi' junokxa anima yin is mulnajil. 25 Yuj tu xin, max in xiwaj ayach, max in mukon ch'en a tumin ti' yul tx'otx'. Tix ch'en a tumin ti' masanil xin, ẍi nak. 26 Axa yalon cham patrón tu' bay nak axca ti': Ach ti', mosejal achnaj yalbanil, palta c'am a watx'il. Caw isaj ach. Tutun tol ojtakxa tol chin jatx' bay tzet man awbilok wuj, cax chin chaon tzet chi yi' junokxa anima. 27 Yuj tu xin, matawal tol max atok ch'en in tumin ti' majanil, cax chin chaon pax ch'en yetok yune' yet chin jay ti', ẍi cham bay nak mosejal tu'. 28 Max lajwi tu xin, max yalon Cham bay juntzan eb ayic' bay tu': Iek ec' ch'en talento tu' bay nak. Ak'ek ch'en bay nak ay lajoneb talento yet tu'. 29 Yujtol a mac ay yet, ok ak'lay tz'akil bay, yet watx' chi aj can bay. Axa eb c'am wal yet, a jabok yet eb ayta'a, ok ilay ec' bay eb. 30 Axa nak mosejal c'am yopiso ti', chi toj e k'okcan eltok nak xol k'ekk'inal yina, bay ok ok'ok, c'al natx'atx'i ye yaben yail, ẍi Cham. 31 Ayin Chekbilintek yuj Dios xol eb jet animail ti', ok in jay yetok eb wángel masanil, yetok in miman mayk'ak'al. Axa way chotan bay in despacho tu'. Catatu' ok txecloj elok tol caw miman welapnok. 32 Masanil anima bay junjun conoblak ok jayoc eb in satak. Axca junok nak ilom calnel chi pojil no calnel xol no chiwo, caytu' ok wut in pojon nan eb. 33 A eb axca tol in calnel yayji, ok can eb bay in watx' k'ab. Axa eb axca chiwo yayji, ok can eb bay in q'uexan. 34 Ayin rey in ti', ok wal bay eb ayic' bay in watx' k'ab axca ti': Ayex ti', albilcan ayex yuj in Mam, tol ok yak' is watx'c'ulal ayex. Ocanek wetok bay ok wak' yajawilal. Atax yet max watx'nen Dios yulyibank'inal ti', max watx'nencan jun ti' e yuj. 35 Yujtol a yet max tit in wajil, max in e yak' lowok. Max tit in takintial, max e yak'on tzet max wuq'uej. Max in ec'lej k'anoj posada, max e yak'on in posada bay e na. 36 Yet c'am in pichil, max e yak'on in pichil; yet ya' in ay, max quin ec' e yiloni. A yet ayin oc preso, max quin bet e yiloctok, quin chi, ok walon bay eb. 37 Axa eb watx' beybal satak Dios tu', ok tak'wok eb ayin axca ti': Mamin, ¿bak'ini wal ay a wajil max jila', c'al a takintial tu'? Tok ay tzet max jak' ayach. 38 ¿Bak'ini wal max jilon ec' k'anoj posada tilak na, cax max jak'on a posada tu'? ¿Bak'ini wal c'amxa a pichil, cax max jak'on a pichil tu'? 39 ¿Bak'ini wal ya' ach ay, ma bak'ini wal ayach oc preso, cax max ach bet jiloni? ẍi eb ayin. 40 Catatu' bian, ok walon bay eb axca ti': Wal yel chi wal ayex, a yet max e yak'on juntzan watx'c'ulal ti' bay eb wuẍtak c'al bay eb wanab, caxc'al bay eb c'am yelapnok, palta chi yal elapnok tol a ayin max e yunej, quin chi, ok walon bay eb. 41 Ok lajwok tu xin, cax ok walon bay eb ayic' bay in q'uexan: Elanek ayex ti' in c'atan, tol catabnebil ex. Asek can xol jun k'ak' c'am bak'in chi tani, bay jun lugar watx'nebilcan yuj Dios, bay ok tokcan nak diablo yetok eb yángel. 42 Yujtol a yet max tit in wajil, maj in e yak' low jabok. Yet max tit in takintial, maj e yak' jabok tzet max wuq'uej. 43 Max in ec'lej k'anoj posada, maj e yak' in posada. A yet c'am in pichil, c'am jabok in pichil max e yak'a'. Yetok c'apax yet ya' in ay, c'al yet ayin oc preso, maj in bet e yil jabok, quin chi, ok walon bay eb. 44 Axa yalon eb ayin axca ti': Mamin, ¿bak'ini wal ay a wajil max jila' ma a takintial tu', yetok yet max ach ec' k'anoj posada, c'al yet c'am a pichil, c'al yet ya' ach ay tu', c'al yet preso ayji? ¿Tom ay bay maj on colwaj ayach xin? ẍi eb ayin. 45 Palta ok wal bay eb axca ti': Wal yel chi wal ayex, a yet maj ex colwaj bay eb wuẍtak tu', c'al bay eb wanab tu', caxc'al c'am yelapnok eb, palta chi yal elapnok tol a' ayin maj ex colwajok, quin chi, ok walon bay eb. 46 A eb tu', ok tok eb bay yailal yin tojbalk'inal, axa eb watx' is beybal satak Dios xin, ok cha eb k'inalej tol ayc'al yin tojbalk'inal, ẍi Jesús bay eb.
1 A yet max lajwi yalon Jesús juntzan ti', max yalon axca ti' bay eb is cuywom: 2 —E yojtakxa tol cabejxac'al chi oc co Pascua. Ayin Chekbilintek yuj Dios xol eb jet animail ti', a ton yet tu' ok in alay oc yul k'ab eb ok in aon oc yin te curus, ẍi bay eb. 3 Axa eb yajawil sacerdote, yetok eb meẍtol yin ley Moisés, c'al eb yicham winakil conob, max wajbaj ba eb bay yamak'il yatut Caifás, cham sat sacerdote. 4 Max lajtinej ba eb yin tzet ok yun mitx'on eb Jesús yin ewantakil, cax ok yak'on cam eb. 5 Max yalon eb axca ti': —Maj je' co mitx'on yul k'in, yujtol ay is may ok tit yowal eb anima jin yuj, ẍi eb. 6 Max apni Jesús bay conob Betania, cax max apni oc bay yatut Simón, cham ec'nak lepra yin. 7 Chotan wal ay Jesús lowi, max jayoc jun ix ix bay. Yetbi oc ix jun ch'en net alabastro. Nojnak ch'en yetok jun ambal suk'uk'i jab caw can is tojol. Max secon ajtok ix yin jolom Jesús. 8 Axa max yilon eb is cuywom jun tu', max tit yowal eb yin ix. Cax max yalon eb axca ti': —¿Tzet yuj xan nabac'al chi etax el jun ti'? 9 A jun ambal suk'uk'i jab ti', caw can tojol. Matawal tol max txonlay elok, cax max pojlaytok tojol xol eb meba', ẍi eb. 10 A yet max yaben Jesús juntzan tu', max yalon bay eb: —¿Tzet yuj xan che tx'em cus c'ul jun ix ti'? A jun max yun ix ayin ti', caw watx'. 11 A eb meba' che yal tu', ayc'al ec' eb e yetok; palta ayin ti', c'am inc'al ec' e yetok. 12 Ayokto max yaon oc ix jun suk'uk'i jab ti' yin in mimanil, yet watx' watx'xa wayji, cax ok in muklayok. 13 Wal yel chi wal ayex, tzanc'al bay ok al-lay el k'anejal yet colbanilej bay yulyibank'inal ti', ok al-lay c'apax el yabixal tzet max yun ix ix ti', cax ok nalaytek ix, ẍi bay eb. 14 A nak chi yik Judas Iscariote, nak ayoc tz'akilok eb lajcawan cuywom Jesús, a' max bet k'anjab yetok eb yajawil eb sacerdote. 15 Max yalon bay eb axca ti': —Ta chi waoc Jesús yul e k'ab, ¿jantak chin e tojlanej? ẍi bay eb. Max yak'on eb 30 tumin plata bay. 16 Yuj tu xin, a yet jun c'u tu', max chaxac'al el yich sayoni, tzetbil ok yun yaon oc Jesús yul k'ab eb. 17 A yet babel c'ual jun k'in yet chi lolay ixim pan c'am yich, max apni oc eb cuywom bay Jesús, cax max k'anlen eb bay: —¿Baytal chochej chi co watx'nej bay ok on lowok, yuj co naontek k'in Pascua ti'? ẍi eb bay. 18 —Asek bay conob. Chex toj bay yatut jun winak, cax che yalon bay axca ti': Chi yal Cham co meẍtol on, tolab txenxanej tiempoal ayic'ok. Yuj tu' xan a ab bay atut ti' ok low jetok ayon is cuywom on ti', yuj co naontek k'in Pascua yetok. Caytu' che yut e yalon bay nak, ẍi Jesús bay eb. 19 Yuj tu xin, max toj eb cuywom tu', axca max yun yal-lay bay eb tu' yuj. Max watx'nen eb tzet ok chi eb yet Pascua tu'. 20 Yet max k'ekbi ay xin, max ay chotan Jesús low yetok eb is cuywom tu'. 21 A yet lanan low yetok eb, max yalon axca ti': —Wal yel chi wal ayex, axc'a oc co xol ti' ay jun ok in aon oc yul k'ab camich, ẍi bay eb. 22 Caw wal max cusaj eb yet max yaben eb jun tu'; xan junjun eb max k'anlej yab bay: —Mamin, ¿mayin mi nak ayin ti'? ẍi eb yin junjunal bay. 23 Yuj tu' xan max yal bay eb axca ti': —A junok mac junnej max yun yaon ay k'ab wetok yul plato ayay co nan ti', a ton jun tu' ok in aon oc yul k'ab camich. 24 Ayin ti', Chekbilintek yuj Dios xol eb jet animail ti', palta yowalil ok in camok axca tz'ibelaycan yul tx'an Un Tz'ibbilcanok. Palta ok'bal wal c'ul jun ok in aon oc yul k'ab camich tu'. Yel watx' yet jun winak tu' ta maj aljok, ẍi bay eb. 25 Axa Judas, nak t'inan yaon oc Cham yul k'ab camich tu', a' max alon axca ti': —Meẍtol, ¿mayin mi nak ayin ti'? ẍi bay. —Ach toni, ẍi bay nak. 26 A yet lanan low Jesús yetok eb is cuywom tu', max yion aj ixim pan. Max yalon yuj diosal bay Dios yuj ixim. Max lajwi tu xin, max bijon ayok, cax max yak'on bay eb is cuywom tu': —Loek; a ton jun ti' in mimanil, ẍi bay eb. 27 Max lajwi tu xin, max yion aj jun vaso. Max yalon yuj diosalil bay Dios yuj, max yak'on bay eb. —Wajan uc'nejek jun ti' e masanil, 28 yujtol in chiq'uil jun ti'. Yuj in chiq'uil ti', xan ok yun jun is trato Dios. Ok el in chiq'uil ti', yet watx' xiwil mac ok tancan el is yobtakil yuj. 29 Chi walcan ayex tinani', tol c'amxa bay ok wuc' yal sat an uva ti'; atoc'al yet ok ocxac'al co Mam Dios Yajawil, catatu' ok wuq'uen jun ato watx'ji e yetok junelxa, ẍi bay eb. 30 Max lajwi bitnen eb jun bit chi bitnejc'alta' eb bay Dios, axa toj eb bay tzalan Olivo tu'. 31 Max yalon Jesús bay eb axca ti': —A yet jun ak'bal ti', ok cabax aj e c'ul win e masanil. Caytu' yaloncan yul tx'an Un Tz'ibbilcan axca ti': Ok wak' cam Cham ilom calnel, axa no calnel tu', ok saklemcantok no', ẍi. 32 Palta a yet mayal in ictzonelay pax ajok, ok babjok in toj e satak bay Galilea, ẍi Cham bay eb. 33 Axa yalon Pedro tu' bay: —Caxc'al ok cabax aj c'ul eb masanil en; palta ayin ti', c'am bak'in ok cabax aj in c'ul, ẍi bay. 34 —Wal yel chi wal ayach, a yet jun ak'bal ti', oxelxa quin eon el en yin aloni, tol mayin ojtakok, cax ok ok'aj no caẍlan, ẍi Jesús bay. 35 —Caxc'al mi ok in cam etok, palta tutun maj ach wiel win, ẍi Pedro tu' bay. Ac'ala' yalon masanil eb cuywom tu'. 36 Max lajwi tu xin, max toj Jesús yetok eb is cuywom bay jun lugar chi yik Getsemaní, max yalon bay eb: —Ayanekcan chotan cayti' yak'ban chin toj txajlok co sataktok ti', ẍi bay eb. 37 Max yion bey Pedro yetok, c'al eb cawan c'ajol Zebedeo. Axa c'oli cusaj tu', c'al yoc yin bilc'ulal. 38 Max yalon bay eb: —Ijan chin cam yuj cusc'ulal chi wabej. Cananek can cayti', iquisokab ex wetok, ẍi bay eb. 39 Cax max jitzontok ba jabxa. Max ay jajanok, cax max ayxac'al nojan sat tx'otx'. Axa txajli tu' axca ti': Mamin, ta chi je' cha na', manchak jay jun yailal tu' wiban, palta manokab axcaok chi wochej ayin ti', palta axcaokab chochej ach ti', ẍi. 40 Max lajwi tu xin, max jayoc bay max can eb oxwan tu'. Axa max yiloni, lanan way eb, xan max yal bay Pedro: —¿Tom c'am chi je' e tec'ban e ba bay wayan junok hora wetok? 41 Iek el e wayan. Txajlanek, yet watx' c'am chex ayc'ay yet ay mac chi yak'lej ex yikban yin yobtakil. A janimail tec'an ton waayi, palta a co mimanil, c'am chi techaj yuj, ẍi bay eb. 42 Max toj junelxa txajlok. Max yalon yin is txaj: Mamin, ta c'am chi je' tol c'am chi jay jun yailal ti' wiban, yunokab axca chochej, ẍi. 43 Max jayoc junelxa bay eb oxwan tu', max yiloni, waynak aj eb, yujtol caw c'am chi techaj wayan yuj eb. 44 Max can eb yuj junelxa. Max toj txajlok yet yoxelal. Axcac'al max yut txajlok ba yet babelal, caytu' max yut txajlok ba. 45 Max jayoc bay eb is cuywom tu xin, max yalon bay eb: —¿Tom ac'ala' e wayi? ¿Tom comon xewilal che yunej? A tinani', mayal ajapnok yorail walay oc yul k'ab eb yobtakwom, ayin Chekbilintek yuj Dios xol eb jet animail ti'. 46 Ajanek wan, tonek. Ilab chi jay nak ok in aon oc yul k'ab eb, ẍi. 47 Lananto wal yaloni, max jayoc Judas, nak yet cuywomal ba yetok eb usluc'wan. Xiwil anima ajun yetok. Ay eb yetbioc espada, ay eb yetbioc te'. Chekbiltek eb yuj eb yajawil eb sacerdote, c'al yuj eb icham winak ay yikbej xol eb israel tu'. 48 A Judas tu', nak lanan yaon oc Jesús yul k'ab eb, mayal yal bay eb tzet ok yut tx'oxon ocok. Max yal bay eb axca ti': A jun ok in tz'ubil is ti', a ton jun tu' che mitx'a', ẍi bay eb. 49 Yuj tu' xan a c'atan Jesús max jitztok ba yin ayman. Max yalon bay Cham: —¿Tzet ẍi Meẍtol? ẍi bay. Cax max oc tz'uban yin ti' Cham. 50 —Ach amigo, ak' yun tzet chi ul onej, ẍi Jesús bay. Max lajwi tu xin, max oc bulnaj eb yin Cham yin aymanil. Max mitx'on eb. C'anani wal max yut eb. 51 Palta ay jun ajun yetok Jesús, max tzac'ajtek yespada yin aymanil. Max tzoc'on el is txiquin jun is moso cham sat sacerdote. 52 Max yalon Jesús bay: —Ak' meltzoj ay espada tu' yul tz'umal, yujtol a mac chi yak'balnej espada, espada c'apax ok on cami. 53 ¿Tom man ojtakok, ta chi wochej chin k'an ec'ban 70,000 ángel bay co Mam Dios, tix chin ul col-lay yin aymanil? 54 Palta k'inalok ta chin k'anta'a, maj eloc axca yaloncan yul tx'an Un Tz'ibbilcanok, tol yowalil axca tu' ok yun yeq'uel wiban, ẍi bay. 55 Max lajwi tu', cax max yalon bay eb max jayoc c'apax tu': —¿Tom yajaw in xol eb yob nabal che yila', xan ibiloc e yespada c'al e te' chin ul e mitx'oni? Junjunc'al c'u max in ay chotan in cuywaj e nan e xol bay yul templo Dios, palta maj in e mitx' pax bay tu'. 56 Axca ton ti' chi uj xin, yuj yunen el tzet tz'ib yayjican yuj eb chekbej Dios yul tx'an Un Tz'ibbilcanok, ẍi bay eb. Max bekcan eb cuywom tu' Cham tx'oklil, cax max toj eb elaj masanil. 57 A eb max mitx'on Jesús, max yitok eb satak Caifás, cham sat sacerdote. A ta bay tu' max wajbaj ba eb meẍtol yin ley Moisés, c'al eb icham winak ay yikbej. 58 A Pedro, najat tzakanc'al chi yut ba, masantac'al max apni oc bay yamak'il yatut cham sat sacerdote tu'. Max ay chotan yetok eb policía, yet watx' chi yila' tzetc'al ok ujok. 59 A eb yajawil sacerdote yetok eb icham winak, c'al masanil eb sat yajaw, max say eb juntzan lek'ti' testigo yuj naon aj k'anej yin Jesús, tzetbil chi yun cami. 60 Xiwil eb max oc testigoal tu', max naon aj eb k'anej yin. Palta c'am junok max oc yopiso tzet max yala'. Yintakilxa max jayoc cawanxa lek'ti' testigo. 61 Max yalon eb axca ti': —Ayon ti', max jab yalon jun winak ti': Ayin ti', chi je' wuchon ay templo Dios, palta a yet cabjial tu', chi aj pax q'uexel wuj, ẍi max jabej, ẍi eb. 62 Axa cham sat sacerdote, max aj wan, max yalon bay Jesús: —¿Tom c'am chach tak'wi jabok? ¿Tom c'am chab juntzan chi yal eb ti' en? ẍi bay Cham. 63 Palta Jesús, tz'inc'al ẍi. Yuj tu', max yalon cham sat sacerdote bay junelxa: —Al ayon ta Cristo ach, ta C'ajol ach Dios. Yowalil chal satak Dios iquis, ta yel chala', ẍi. 64 —Ayin ton ti' axca alon tu'. Chi wal c'apax ayex, a ayin Chekbilintek yuj Dios xol eb jet animail ti', ok in e yil yet chotan in ay bay watx' k'ab Dios, Cham Miman Yikbej. Ok e yil c'apax wayol satcan xol asun, ẍi. 65 A yet max yaben cham jun tu', max nic'ontok cham janic' is pichil, max yalon cham bay eb yet yajawilal: —A jun winak ti', buchwal chi yun yin Dios. ¿Tzetto wal chi oc testigo juj tinani', yujtol ayon wal caw chi jabej tol chi buchwaj yin Dios? 66 ¿Tzet ẍi e c'ul yin tinani xin? ẍi. —¡Yob chi el yuneni! ¡Moj chi cami! ẍi eb. 67 Max c'oli tzubli oc eb yin sat. Max mak'on eb. Ay eb max mak'ontok ti', 68 Max yalon eb bay: —Ach Cristo, nailok mac max ach mak'oni, ẍi eb bay. 69 A Pedro chotan ec' bay yamak'il na tu'. Max jayoc jun ix criada, max yalon ix bay: —Ach ti', et beyom a ba yetok Jesús aj Galilea, ẍi ix bay. 70 —Man wojtakok jun chal ayin tu', ẍi satak eb masanil, max yion el yin. 71 Lananxa wal yeltok Pedro bay puertail amak' tu', cax max il-lay yuj junxa ix, max yalon ix bay eb wajan ec'ok: —A ton jun winak ti' yetbeyom ba yetok Jesús aj Nazaret, ẍi ix. 72 Max yion el Pedro yin junelxa. —Chi yil Dios, caw man wojtakok jun winak tu', ẍi bay eb. 73 Junixtowal ch'an bek tu', max yalon eb ayic' tu' bay Pedro axca ti': —Wal yel, ach ti' et beyom a ba yetok eb cuywom Jesús, yujtol lajan wal a k'anjab yetok eb chi jabej, ẍi eb bay. 74 Axa c'oli k'anontek yowal c'ul Dios yiban tu'. —Chi yil Dios, a jun winak tu', caw man wojtakok, ẍi bay eb. Ato wal yalon tu', max ok' no caẍlan. 75 Max naontek Pedro tzet max yal Jesús bay, yet max yalon axca ti': Oxelxa quin eon el en yin aloni tol mayin ojtakok, cax ok ok'aj no caẍlan, ẍican Jesús bay. Yuj tu' xan max eltok Pedro yina, max jichchaj c'ul yok' sic'libil.
1 Axa yet max sakbi, max wajban oc ba eb yajawil sacerdote, yetok eb ichamtak winak ay yikbej xol conob, max c'oli lajtinen eb tzet ok yut yak'on cam eb Jesús. 2 Max c'alon eb, max yiontok eb satak Poncio Pilato, cham yajaw yet tu'. 3 A yet max yilon Judas, a ton jun max aon oc Jesús yul k'ab camich, tol ok camxac'al Cham yuj eb, caw max na ba c'ul yuj tzet max yun tu'. Max toj bay eb yajawil sacerdote, c'al bay eb yicham winakil conob. Max yochej max yak' meltzoj ch'en 30 tumin plata max cha' bay eb, 4 xan max yal bay eb axca ti': —Caw max oc in mul waon oc jun mac c'am jabok is mul yul k'ab camich, ẍi bay eb. Axa yalon eb tu' bay: —Aon ti' bian, c'amc'al jalon jet yin tzet max on tu'; ilc'al tzet chot a ba, ẍi eb bay. 5 A yet max yaben axca tu', max k'okoncan octok ch'en tumin tu' yul templo Dios. Max lajwi tu xin, max toji, max t'unban aj ba, axa cam tu'. 6 Axa eb yajawil sacerdote max sic'on aj ch'en tumin tu', max yalon eb: —Maj je' jaontok juntzan tumin ti' xol ch'en ofrenda, yujtol tojol camich yayji ch'en, ẍi eb. 7 Axa max naon eb tzet ok oc ch'en. Max lajwi tu', max manon el eb jun is tx'otx' jun nak tz'aklom, cax chi occan camposantoal, yet watx' ay bay chi mukay eb tx'ok conobal chi cam bay tu'. 8 Yuj tu' xan max yikcan aj jun lugar tu', Tx'otx'al Chic'. Ac'ala' chi yik tinani'. 9 Axca ton ti' max yun yion ba tzet max yal cham Jeremías is chekbej Dios yet payxa, yet max yaloncan axca ti': Max yiaj eb ch'en 30 tumin plata, ch'en tojol jun mactxel max manlay yuj eb yet israelal. 10 A yetok jun tumin tu' max manil eb is tx'otx' nak tz'aklom. Axca tu' max yut yaloncan Cham Jajawil ayin, ẍi Jeremías yul tx'an Un Tz'ibbilcan tu'. 11 A yet max jayoc Jesús satak Pilato, cham yajawil conob, max k'anlen el cham bay Jesús: —¿Tom ach ti' reyal ach eb Israel? ẍi bay Cham. —Ja', ayin toni, ẍi bay. 12 Axa eb yajawil sacerdote, c'al eb icham winak max naon aj k'anej yiban, palta c'am tzet max paktzej. 13 Xan max yal Pilato bay junelxa: —¿Tom c'am chab juntzan chi yal eb ti' en? ẍi bay Cham. 14 Palta c'am junok belan k'anej max paktzej bay. Yuj tu' xan caw max c'ayaj c'ul Pilato yin Cham. 15 A yet chi ec' k'in junjun abil, beybalnebil yuj cham yajaw bekon el junjun aj preso, atac'ala' mac chi k'an bekchaj conob. 16 A yet jun tiempoal tu' ay jun winak chi yik Barrabás, ayoc preso. Ojtakbil nak yuj masanil anima. 17 A yet max wajban ba conob tu', max k'anlen Pilato bay eb: —¿Mac junok che yochej chin bekilok, a mi Barrabás, ma a Jesús chi ali Cristoal? ẍi bay eb. 18 Yujtol max yojtaknej elok tol yuj chichonc'ulal eb yajawil sacerdote, xan max yitek eb bay, xan caytu' max yal bay eb. 19 A yet chotan octok Pilato tu' yul is despacho, max jay is ti' yistzil bay, max yaltek xal axca ti': C'am jabok et chaltok xol tzet chi alay oc yiban Cham c'am jabok is yobtakil tu', yujtol max in wayichnej jun tu' ma'i ak'balil. Caw wal max in xiw yuj jun in wayich tu', ẍi xal. 20 Palta a eb yajawil sacerdote, c'al eb ichamtak winak max ak'on c'ul anima, xan a Barrabás max k'an bekchaj eb. Axa Jesús max k'an cam eb. 21 Max k'anlen el cham yajaw tu' junelxa bay conob: —¿Mac junok eb cawan ti' che yochej chin bekilok? ẍi bay eb. —A Barrabás chi jochej on cha bekilok, ẍi eb. 22 —¿Palta tzet ok wut pax Jesús, jun chi ali Cristoal? ẍi. —Curusnelayokabi, ẍi eb masanil. 23 —¿Tzet yetal junok yob max say yun max e yil xin? ẍi bay eb. Palta tol max te'xac'al aj yaw eb yaloni: —Curusnelayokabi, ẍixac'al eb. 24 A yet max yilon Pilato tu' tol majxa colchaj Jesús yuj; a ti yet eb, tol chi tx'emchaj eb yuj, yuj tu', max yak'on bet tit jab ya'. Max tx'ajon el k'ab satak eb masanil, yuj tx'oxk'abnen elok tol c'am locanil yetok eb, cax max yalon bay eb: —Ayin ti', c'am in mul yin camichal jun winak c'am jabok is yobtakil ti'. Ilekc'al e ba ayex ti' e tx'oklil, ẍi bay eb. 25 Axa yalon eb masanil tu' bay: —Titokab jiban, c'al yiban eb jinatil, ẍi eb. 26 A yet max yaben Pilato axca tu xin, max bekon el Barrabás, max chekon mak'lay Jesús, cax max bekon oc yul k'ab eb ok aon oc yin curus. 27 Axa eb soldado cham yajaw tu' max iontok bay yatut cham. A bay tu' max oc oyan masanil eb soldado yin. 28 Max yion el eb pichil, max yaon oc eb jun cakyin pichilej yin. 29 Max paltx'onen seyay eb jun q'uix. Max yaon ajtok eb yin is jolom is coronaok. Max yaon oc eb jun te aj yul is watx' k'ab is k'okochok. Max lajwi tu', max tz'akon ay jajnaj ba eb satak, max c'oli buchon eb. Max tz'ak yalon eb bay axca ti': —Tzalojan ach Reyal eb Israel, ẍi eb bay. 30 Chi c'oli tzubli oc eb yin. Max yion ec' eb te aj bay, chi jabon oc eb te' yin is jolom. 31 Max lajwi buchwajc'al eb yin, catatu' xin, max yion el eb an pichilej cak yili tu' yin, max yaonc'alta' oc eb is pichil. Catatu' bian, max yiontok eb bay ok yaoc eb yin curus. 32 Lanan wal bey eb toj yetok Jesús, max chalen el ba eb yetok jun winak aj Cirene chi yik Simón. Max yak' pural eb toj yikon can curusal Jesús. 33 Axca tu' max yun yapni eb bay jun lugar chi yik Gólgota. A Gólgota tu', chi yal elapnok, Lugaril Bakil Jolomej. 34 Max yak' eb yuc' vino calan yetok c'ail jun ac'un. Palta a yet max yableni, maj cha c'ul max yuc' bay eb. 35 Max lajwi tu, max yaon oc eb yin te curus, cax max yaon oc eb soldado suerte yin is pichil Cham, yuj pojoncan ec' eb xol. 36 Max lajwi tu xin, axa yay chotan eb taynen Jesús. 37 Max tz'ibej oc eb jayeb letra bay jolomtak. A jayeb letra tu' chi aloni, tzet yuj xan chi cami. A ton Jesús ti', Reyal eb judío, ẍi. 38 Ay c'apax cawan elk'om max curusnelay yetok Cham, jun bay is watx' k'ab, junxa bay is q'uexan. 39 A eb chi ec' bay tu', chi buchwaj can ajtok eb yin, cax chi aj tx'umnaj eb bay. 40 Chi yalon eb axca ti': —Ach ton ti' chochay templo Dios ala', cax cha watx'nen aj is q'uexel yet cabjial. Colosenses a ba tinani'. Tatol yel C'ajol ach Dios, ayantek yin te curus tu', ẍi ajtok eb bay. 41 A eb yajawil sacerdote, c'al eb meẍtol yin ley Moisés, c'al eb fariseo, c'al eb ichamtak winak, maxc'al buchwaj ajtok eb yin. Chi yalon eb axca ti': 42 —Ay mac max colo'; palta c'am chi je' colon pax ba tinani'. Ta a co Reyal ayon Israel on ti', ayokabtek yin te curus ti' jila'. Axca tu xin, ok jaoc co c'ul yin. 43 Ilab chi tz'ak yaoc Dios yipok c'ul. Colwajokab Dios, yet watx' ok jila', tatol yel ay camc'ulal Dios yin. Ilab tol C'ajol Dios in, ẍi ayon, ẍi eb. 44 Toltax eb elk'om locan aj yetok Cham tu', max buchwaj c'apax eb yin. 45 Chuman wal c'u, max k'ekbi masanil yulyibank'inal, masantac'al yet a las tres. 46 Ac'aloc yet a las tres tu', max aj yaw Jesús yin ipejal: Elí, Elí, ¿lama sabactani? ẍi. (Chi yal elapnok: Ach in Diosal, ach in Diosal, ¿tzet yuj xan chin a bekcanok?) 47 Ay jaywan eb ayic' bay tu' max aben tzet max yala', xan max yal eb: —A Elías, jun chekbej Dios yet payxa, a' chi yawtej jun ti', ẍi eb. 48 Ay jun yetbi eb max toj lemnaj yet jun bek tu'. Max bet laon aytok jun tzet chi pososi xol vinagre, max yaon oc chon jun te aj, max yaon ajtok yin ti' Jesús. 49 Palta ay juntzanxa eb max alon bay nak axca ti': —Yilxa ba. Ok tax jila' ta ok ul ilay aytek yuj Elías tu', ẍi eb. 50 Max el yaw Jesús junelxa yin ipejal, cax max cami. 51 Yet wal jun bek tu', max ay nic'naj nan an k'ap ayoc makilok yul nan templo Dios. Max chaaytek tit nic'naj chon, masantac'al max ayol tilak. Ay c'apax jun miman quixcab max eq'ui. Ay juntzan ch'en mimek ch'en max jatcan aj yuj. 52 Ay c'apax ch'en ch'en bay mukan octok eb camnak max jakchaji, xan xiwilxa eb creyente camnakxa max ictzoj ajok. 53 Ato yet mayal ictzoj aj Jesús, cax max eltek eb yul ch'en bay mukan eb tu', max toj eb bay yul conob Jerusalén, a ton jun conob yettac'a Dios yayji. Xiwil anima max ilon yin eb. 54 A yet max yaben cham capitán, c'al eb soldado chi taynen Jesús yec' jun quixcab tu', c'al juntzanxa tzet max uj tu', caw wal max xiwaj eb, max yalon eb axca ti': —A jun max cam ti', tita' tol yel caw C'ajol Dios, ẍi eb. 55 Ay juntzan eb xal ix t'anantek najat, a ton eb xal max ec'c'al yintak Cham yet ayic' Cham bay Galilea, yuj yak'lay serbil Cham yuj eb. Axa yet max tita', max tit eb xal yetok. 56 Ayoc María aj Magdala xol eb xal, yetok María txutx Jacobo yetok José, yetok c'apax is txutx eb c'ajol Zebedeo. 57 Ay jun winak beyom chi yik José, aj conob Arimatea. A jun winak tu', cuywom c'apax Jesús. Yayc'ualilxa max jayi, 58 max octok bay Pilato yuj k'anon aytek mimanil Jesús yin curus. Axa yalon Pilato bay eb is soldado tu', tol chi ak'lay bay. 59 Axa toj yion aytek tu'; max pichon oc yul jun sábana sak yayji. 60 Ay jun ch'en ch'en olbilxa, tol yet José tu' yayji. C'amto junok camnak maxax mukaylej yul ch'en. A tu' max bet yaoctok mimanil Jesús. Maxc'al lajwi balon cantek jun ch'en miman ch'en makilejal, cax max toji. 61 Chotan ay María aj Magdala yetok junxa María cawilal ch'en ch'en tu'. 62 Axa yet junxa c'ual, yet maxax lajwi c'ual watx'nen eb is tzetak yetal ok k'anbalnej yet c'ual xewilal, max wajbaj ba eb yajawil sacerdote c'al eb fariseo, max jayoc eb satak Pilato. 63 Max ul yalon eb axca ti': —Mamin yajaw, chi co natek tol a yet c'amto chi cam jun lek'ti' tu', max yal axca ti': Cabjial wal in cami, cax ok in ictzoj pax ajok, ẍi. 64 Yuj tu xin, c'am mi chi el yin a c'ul cha chek toj taynelay bay max bet occantok is mimanil tu', masantac'al yet cabjial. Ta c'amak, toj talaj yelk'anej eltek eb is cuywom is mimanil. Axa ok yunajok, ok yalon el eb xol anima, tol max ictzoj aj xol eb camnak. Ta caytu' ok yut eb axca tu', a jun tzunan lek'tial eb tu', yelxac'al ay is may yintak jun babel lek'tial max yak' jun winak tu', ẍi eb bay Pilato tu'. 65 Axa yalon Pilato tu' bay eb: —Iektok eb soldado xin, cax che taynen wal bay jantak chi je' e yuj, ẍi. 66 Axa toj eb tu', max yiontok eb eb soldado tu' yetok. Max taynen eb ch'en ch'en bay max octok, max yaon oc eb selloal ch'en makilej. A eb soldado tu' max can eb ti' ch'en tayneni.
1 A yet max ec'can c'ual xewilal, cax max sakbi aj yet domingo yet babel c'ual semana, max toj María aj Magdala, yetok junxa María bay max bet ak'laycan is mimanil Jesús. 2 A yet lanan toj eb tu', max ec' jun quixcab caw ow, max ayol jun yángel Cham Yajaw bay satcan, cax max apni oc bay mukan Jesús. Max balon el ch'en makilej, cax max ay chotan yiban ch'en. 3 Caw wal chi tzekeki yili axca rayo, cax sak is pichil axca sak bacom. 4 A yet max yilon eb soldado ayic' taynen ch'en ch'en tu', max luklun aj eb yuj xiwilal. Max telc'ojtok eb, axca tol max camil eb. 5 Axa yalon jun ángel tu' bay eb ix axca ti': —Manchak ex xiwi. Wojtak tol a is mimanil Jesús, Cham max curusnelayi, a' chi ul e yila'. 6 C'amxa ec' Cham cayti'. Mayal ictzonelay aj Cham, axca max yut yalon ayex. Titanek tonabi, cax che yilon bay max ec'lej Cham. 7 Chi lajwi tu', chex toj yin ayman, chi toj e yalon bay eb max ec'lej cuywok yintak, tol mayal ictzonelay aj xol eb camnak. Ok babjok yapni Cham e satak bay Galilea. Ok e yil yin bay tu'. A juntzan ti' chi ul wal ayex, ẍi jun ángel tu' bay eb ix. 8 Axa yel eb ix bay ch'en mukbanil tu' yin aymanil; max toj yalon eb bay eb cuywom Jesús. Max xiw eb, palta caw max tzaloj c'apax eb. 9 Lananto toj wal eb, max tx'oxon aj ba Jesús bay eb, max yak'on cawil c'ul eb, cax max jitzonxac'altok ba eb c'atan. Max yion ay ba eb bay, cax max oc lak'naj eb yin yakan. 10 Max yalon Cham bay eb: —Manchak ex xiwi. Asek, alek bay eb in cuywom tol chi toj eb bay Galilea. A bay tu' ok yil eb win, ẍi bay eb. 11 Lananto wal toj eb xal ix tu xin, max meltzoj jaywan eb soldado chi taynen ch'en ch'en tu', bay conob. Max apni eb bay eb yajawil sacerdote, pilan max bet yal eb tzet max uji. 12 Max lajwi yaben eb masanil tzet max uj tu', max toj eb lajtinen ba yetok eb ichamtak winak ay yikbej, yuj yak'on eb mimanok tumin bay eb soldado tu'. 13 Xan max yal eb bay eb: —Caytu' ok e yut e yalon axca ti': Lanan co way yet ak'balil, max ul yiontok eb cuywom is mimanil tu', quex chi. 14 Ta chi yabaj cham yajaw jun ti', c'am e pena, okxa co montej cham ayon ti', yet watx' c'am tzet chi elol e yiban, ẍi eb bay eb. 15 Axa chaon eb soldado ch'en tumin tu'. Max ec' yalon el eb axca max yun yal-lay bay eb tu', xan a jun lek'tial k'anej ti', chitoc'al yal eb israel tinani'. 16 Max toj eb cuywom Jesús yusluc'wanil bay Galilea. A bay jun tzalan max yalcan Cham bay eb, a tu' max apni eb. 17 A bay tu' max yil eb yin Cham. Max yion ay ba eb bay; palta ay jun cawan eb maj yaoc yin c'ul. 18 Max jitztek ba Jesús c'atan eb yusluc'wanil, max yalon bay eb: —Max ak'lay wikbej yiban masanil tzet ay bay satcan, c'al yiban masanil tzet ay bay yulyibank'inal ti'. 19 Yuj tu xin, asek cuywaj xolak anima bay junjun conob, yet watx' ok oc eb in cuywomok. Che yak'can bautizar eb yin bi Dios Mamej, yin in bi ayin Dios C'ajolej in ti', c'al yin bi Dios Espíritu Santo. 20 Che cuycan eb, yet watx' masanil tzet max walcan ayex, ok yikej eb. Ojtaknejek el sic'libil, tol ayinc'al ec' e yetok masantac'al ok jay lajubal, ẍi Jesús bay eb.
1 Tix is watx' yabixal Jesucristo ti', is C'ajol Dios: Max el yich yabixal ti', axca max yun tz'ibencan Isaías is chekbej Dios yul tx'an Un Tz'ibbilcanok. Max yal Dios axca ti' yuj is C'ajol: Ok in chek in chekbej a satak, yet watx' chi toj watx'nej a be. 3 A jun in chekbej tu', a bay tz'inan tx'otx' ok awjok, ok yalon axca ti': Watx'nejek junok is be Cham Yajaw. T'inek junok be bay Cham, caytu' ok yut yaloni, ẍican yul tx'an Un Tz'ibbilcan tu'. 4 Ay jun winak chi yik Juan max tx'oxaj ba bay tz'inan tx'otx' yuj yalon el bay eb anima tol yowalil chi na ba c'ul eb yin is yobtakil, yet watx' chi jolayc'ay is yobtakil eb tu' yuj Dios, cax chi yak'on bautizar ba eb. 5 Masanil eb anima yulak yet Judea, c'al eb aj Jerusalén max bet abenok. Chi xew yalon ajtek eb is yobtakil bay Dios, cax chi ak'lay bautizar eb yuj Juan yul a' miman Jordán. 6 A Juan tu', xil camello chembil ayoc pichilok, axa is c'alil xin, tz'um c'alilej. A jun makan no tzac' chi chiji, a chi chi', cax chi yuq'uen yichlak teal yalcab. 7 Cax chi yalon el xol anima axca ti': Ay jun Cham tzakan jay wintak, yelxac'al miman yelapnok wintak. Yuj tu xan man in mojok wak'on serbil jabok, caxc'al chin ay nojan satak in xuyon el tx'anil xanab, man in mojok. 8 Ayin ti', wal yel chex wak' bautizar yetok aej, palta a jun chi wal ti', a' ok ex ak'on bautizar yetok Cham Espíritu Santo, ẍi Juan. 9 A yet jun tiempoal tu', max el Jesús bay Nazaret yul yet Galilea, yuj ul yak'lay bautizar yuj Juan bay a' Jordán. 10 A wal yajtek yul a' tu', max yilon jakchaj satcan, cax max ayol Cham Espíritu yiban axca junok paloma. 11 Max lajwi tu xin, max ablay yal-lay aytek jay belan k'anej bay satcan, axca ti': Ach ton ti' in C'ajol ach, camc'ulnebil ach wuj. Caw chin tzaloj oc en, ẍi. 12 Max lajwi tu xin, max ilaytok Jesús yuj Yespíritu Dios bay tz'inan tx'otx'. 13 Cawinak c'u max betic' bay tu', xol no no' ay is may. Max yak'lej Satanás yikban Cham yin yobtakil. Max lajwi tu', max ul ak'lay serbil Cham yuj eb ángel. 14 A yet max alay oc Juan yul preso, max toj Jesús bay Galilea. Max yaloncan el watx' abix yuj tzet chi yun yoc eb anima yul k'ab Dios. 15 Max yalon axca ti': Mayal jay tiempoal, tol toxa ok txecloj wal ay is yikbej Dios. Yuj tu' xan naek e ba yin e yobtakil. Chaek e yab jun k'anejal yet colbanilej, ẍi. 16 Lanan wal yec' Jesús ti a' mar bay Galilea, max yilon cawan txaywom, jun chi yik Simón, yetok jun yuẍtak chi yik Andrés. Lanan yaon aytok eb is txim yul a'. 17 Axa yalon Jesús bay eb tu': —Tzaklojanek cuywok wintak, ok wak' e yopiso. Axca che yut e mitx'on no txay ti', caytu' ok e yut e yiontek eb anima ayin, ẍi bay eb. 18 Max bekxac'al can eb is txim yet jun bek tu'. Yuj cuywi eb, xan max tzakloj eb yintak Cham. 19 Max beytoj janic'xa, axa max yilontok yin eb c'ajol Zebedeo, a ton Jacobo yetok Juan. Ayajtok eb yul jun barco, lanan nipentok eb is txim. 20 Axa yawtentek Cham eb tu'. Max tit eb xin, max bekoncan eb is mam yul te barco tu' yetok eb majan, cax max tzakloj eb yintak Jesús. 21 Max apni eb bay conob Capernaum. Axa yet c'ual xewilal, max octok Jesús cuywaj yul nail culto eb yet israelal. 22 Caw max c'ayaj c'ul eb anima yet max yaben eb juntzan cuybanilej max yak'a'; yujtol a yet max cuywaj nan xol eb tu', max txecloj elok tol ay yikbej yuj Dios, man axcaok eb meẍtol yin ley Moisés. 23 A bay nail culto tu' ayic' jun winak ayoc espíritu yob yin. Max aj yaw yin ipejal, max yalon axca ti': 24 —¿Tzet alon et jetok ach Jesús aj Nazaret? ¿Ma yuj on ul ak'on c'ayilok, xan max ach jayi? Wojtak mac ach txel. Ach ton ti' sic'bil ach el yuj Dios, ẍi nak bay. 25 Axa tzulay jun espíritu tu' yuj Jesús, max yalon bay axca ti': —Tz'in cachi. Elan yin jun winak ti', ẍi bay. 26 Max tzicobtanelay wal jun winak tu' yuj jun espíritu yob tu', max el yaw nak yuj, cax max el yin nak. 27 Max c'ayaj c'ul masanil anima max iloni. Yuj tu' xan max c'oli yalubtanen eb: —¿Tzetlaj yayji jun ti'? ¿Tzetlaj cuybejal jun chi jay ti'? A jun winak ti', chic'al je' yuj chekon eb espíritu yob. Ilab tol chi yikej eb bay, ẍi eb. 28 Ayman max abchaj k'umal Jesús xol masanil eb aj lugar bay Galilea tu'. 29 Max lajwi tu xin, max eltek eb yul nail culto tu', axa toj Jesús yetok Jacobo c'al Juan bay yatut Simón yetok Andrés tu'. 30 Telan aj xal ni' Simón; caw ya'ay xal yuj k'ak'al ilya', xan max yal eb bay Jesús tol ya'ay xal. 31 Axa jitzontok ba c'atan xal tu', max oc mitx'an yin is k'ab xal, max yion aj wan. Yet jun bek tu', ayman max jaycan c'ul xal, axa c'oli yak'lay serbil eb yuj xal. 32 Axa yet mayal toj c'u, yet numumixac'al yayi, max ilay jay masanil eb ya'ay bay Jesús, c'al eb ayoc espíritu yob yin. 33 Xiwil anima max wajnaj ti na. 34 Xiwil eb tzanc'al tzet ilyail chi oni, max jaycan c'ul eb yuj Jesús. Xiwil espíritu yob max yican el yin anima. Maj cha' k'anjab Cham eb espíritu yob tu', yujtol yojtakxa eb mactxel Cham. 35 A yet ayto sakbi, yet k'ekk'olinakto, max aj wan Jesús, cax max toj txajlok bay jun lugar tz'inini, bay tiel conob. 36 Axa toj Simón yetok eb ajun yetok tu', max toj eb sayon ec'ok. 37 A yet max ilchaj yuj eb, max yalon eb bay axca ti': —Masanil anima chach sayoni, ẍi eb bay. 38 Axa yalon Jesús bay eb tu': —Tonek bay juntzan aldea cawil-lak ti', tol ok tok walcan el k'anej Dios xolak anima, yujtol yuj jun ti', xan max quin jayi, ẍi bay eb. 39 Max ec' bay masanil yulak yet Galilea, cax max ec' yaloncan el k'anej Dios bay junjun nail bay chi wajbaj ba eb israel yin culto. Max yion c'apax can el espíritu yob yin anima. 40 Ay jun winak max jayoc bay Jesús, ya'ay yuj lepra. Max ay jajan jun winak tu', max yaloni: —Ta chi yal a c'ul, chi je' ak'on jaycan in c'ul, ẍi nak bay. 41 Axa Jesús, max ok' c'ul yin nak, cax max oc matxan Cham yin. —Chi yal in c'ul. Ti chi wak' jaycan a c'ul, ẍi bay nak. 42 Maxc'al yal axca tu xin, max watx'jican lepra tu'. 43 Max lajwi tu', max cheklaycan pax nak yuj Jesús, cax max camc'ul Cham yalon bay nak axca ti': 44 —Ab xin. Ayta bay al jun ti'. Asi', cha tx'ox a ba bay junok eb sacerdote, cax chak'on a xajanbal bay Dios, axca yalon ley Moisés. Axca tu' ok yun a txecloj elok tol mayal ach watx'ji, ẍi bay nak. 45 Palta axa yet max toj nak, max c'oli yalon elok tzet max yun jaycan c'ul. Pilan max yalil masanil. Yuj tu xin, majxa je' yoc Jesús yul junjun conob, yujtol xiwil mac chi yochej chi jayoc bay Cham, xan a bay c'am anima max ec'c'al. Palta chi jayc'al oc eb petoj bay junjun lugar bay Cham.
1 Jayebixto c'u tu', max jay pax Jesús junelxa bay conob Capernaum. Axa max abchaji, tol ayic' bay yatut bayc'alta' chi ayji. 2 Yuj tu' xan xiwil anima max wajnaj oc bay yatut yet jun bek tu'. Max witz'ay el ti na. Axa c'oli yalon Jesús k'anej Dios bay eb tu'. 3 Ay jun anima sicbinak el is mimanil, max ilay jay yuj canwan winak. 4 Palta maj je' yoctok eb bay ayic' Jesús, yujtol xiwil anima. Yuj tu' xan max ajtok eb yiban pananil te na tu', cax max yolon eb jun olan yetc'ulal bay ayic' Cham axa yaon aytok t'ununok eb jun winak tu' yul is wayub, cax max ayapnok sat tx'otx'. 5 A yet max yilon oc Cham tol chi yaoc eb c'ul yin, max yalon bay nak winak sicbinak el is mimanil tu': —Ach ti', max ak'lay tan a yobtakil, ẍi bay nak. 6 Palta ay juntzan eb meẍtol yin ley Moisés chotan ec' bay tu'. Max naon eb axca ti': 7 ¿Tzet yuj xan caytu' chi yal jun winak ti' axca ti'? Buchwal k'anej chi yal yin Dios. C'am junok anima chi je' yak'on tan yobtakil; asannej Dios, ẍi eb. 8 Yojtakxa pax Jesús tzet chi na eb, yuj tu' xan max yal bay eb: —¿Tzet yuj xan caytu' che na' axca tu'? 9 ¿Mactet junok yel suboj yelapnok jalon bay nak sicbinak el is mimanil ti', che na': Ti max ak'lay tan a yobtakil, con chi mi, ma a': Ajan wanok, iaj a wayub cax beyan, con chi? 10 A tinani xin, ok in tx'ox ayex, tol a' ayin Chekbilintek yuj Dios xol eb jet animail ti', chic'al je' wuj wak'on tan is yobtakil eb anima bay yulyibank'inal ti', ẍi bay eb. Axa yalon bay nak sicbinak el is mimanil tu': 11 —Ayin chi wal ayach, ajan wanok; iaj a wayub ti', cax paxan bay atut, ẍi bay nak. 12 Max ajxac'al wan nak yet jun bek tu'. Max yion aj nak is wayub. T'anan oc eb, max pax nak. Toxac'al max c'aycan aj c'ul eb masanil. Max yalon eb watx' k'anej bay Dios axca ti': —Caw c'am bay max jil junok tzet yetal axca ti', ẍixac'al eb. 13 Max lajwi tu xin, max toj Jesús ti a' mar Galilea junelxa. Max jay pax oc eb anima masanil bay Cham, axa cuywaj bay eb tu'. 14 Lanan wal bey Cham, max yilon yin jun winak chi yik Leví, c'ajol Alfeo, chotan ay bay chi tekwi el tojlabal bay eb anima. —Tzaklojan cuywok wintak, ẍi Jesús bay. Axa yaj wan tu', max tzakloj yintak Cham cuywok. 15 Max lajwi tu', max toj Jesús bay yatut Leví tu', max low yetok eb is cuywom bay tu'. Palta ay c'apax juntzan eb tekom el tojlabal max low yetok eb yin meẍa, c'al juntzanxa eb yob c'apax is beybal; yujtol xiwil mac max tzakloj yintak. 16 A yet max yilon eb meẍtol yin ley Moisés c'al eb fariseo, tol max low Cham yetok eb yob beybal c'al eb tekom el tojlabal tu', max yalon eb bay eb is cuywom Cham axca ti': —¿Tzet yuj xan chi low e Meẍtol yetok eb tekom el tojlabal c'al yetok eb yob is beybal ti'? ẍi eb. 17 A yet max yaben Jesús axca tu', max yalon bay eb: —K'inalok ta ayic' junok antem anima tinani', tok ay yopiso yuj eb watx' c'ul. Asan eb ya'ay, a eb tu' ay yopiso yuj. Man yujok ul wawten eb watx' is beybal naoni, xan max in jayi, palta yuj ul wawten eb chi yojtaknen el ba tol yobtakwom, ẍi Jesús. 18 A yet junel, max oc eb cuywom Juan yin c'ajbanc'ulal, c'al yetok eb cuywom eb fariseo, xan ay juntzan mac max jayoc bay Jesús cax max k'anlen eb bay: —A eb cuywom Juan c'al eb cuywom eb fariseo, chi oc eb yin c'ajbanc'ulal. ¿Tzet yuj xan c'am chi oc pax eb a cuywom ach ti' yin c'ajbanc'ulal? ẍi eb bay. 19 Axa yalon Jesús bay eb tu': —K'inalok ay junok nupayil chi oc tinani'. A eb awtebil, ¿tom ok je' man ok low eb yet ayto ec' nak lanan nupay tu' yetok eb? 20 Ato yet ok ajapnok tiempoal yilay el nak xol eb, catatu bian ok oc eb yin c'ajbanc'ulal. 21 K'inalok ay junok an icham pichilej chi olchaj tinani', tok ay mactxel chi aon oc an ac' nip manto labilok yul a' nipilok an. Yujtol a' an ac' nip tu', chi utz' an, cax chi mimanbi nic'chajnakil an icham tu'. 22 Yetok c'apaxok, c'am junok mactxel chi aon ay vino tolto chi watx'ji yul junok icham tz'um netal vino, yujtol a yet chi sipc'oj aj jun vino tu', chi nic'chaj jun tz'um tu' yuj, toc'al chi etax el vino tu' yetok jun tz'um tu'. Yuj tu' xan asan yul no' ac' tz'um netal vino, a tu' chi ay vino ato watx'ji tu', ẍi Jesús bay eb. 23 A yet jun c'ual xewilal, max ec' Jesús yetok eb is cuywom yul jun be nan xol juntzan ixim trigo. Max yion el eb is cuywom tu' jayeb jolom ixim, yet lanan bey eb tu'. 24 Yuj tu' xan max yal eb fariseo bay Jesús axca ti': —¿Tzet yuj xan chi yun eb a cuywom ti' mulnajil tol ay yowalil junen yet c'ual xewilal? Man leyalok chi batzil eb jolom trigo tu', ẍi eb. 25 Palta max yal Jesús bay eb: —¿Tom c'amto bay che yil yul tx'an Un Tz'ibbilcanok, tzet max yun David junel, yet max tit is wajil yetok eb ajun yetok? 26 Max octok yul templo Dios, yet ayoc Abiatar sat sacerdoteal. Max loon aytok ixim pan yet Dios yayji, tol asan eb sacerdote ay leyal looni, max yak' c'apax bay eb ajun yetok tu'. 27 A Dios max aloncanok xan max el yich c'ual xewilal yuj yoc co watx'ilok; man yujok jiken c'ual xewilal, xan max on watx'nelay yuj Dios. 28 Ayin ti' chi je' waloni tzet chi je' el junen yet c'ual xewilal, yujtol Chekbilintek yuj Dios xol eb jet animail, ẍi bay eb.
1 A yet junelxa max oc Jesús yul jun nail culto eb yet israelal. Ayic' jun nak winak sicbinak el jun is k'ab bay tu'. 2 Ay eb max mak yila' ta chi yak'can watx'jok Jesús is k'ab nak yet c'ual xewilal tu', cax chi yak'on queja eb. 3 Axa yalon Jesús bay nak sicbinak el k'ab tu' axca ti': —Ajan wan, ocan lecan co nan ti', ẍi bay nak. 4 Max lajwi tu xin, max yalon bay eb anima tu': —¿Baytet ay junok ay is leyal junen yet c'ual xewilal che na'? ¿A mi tzet watx' chi je' el juneni, ma a tzet yob? ¿Chi mi je' jak'oncan watx'jok c'ul junok ya'ay, ma a co bekon camok? ẍi. —Tz'inxac'al, ẍi eb. 5 Axa yec' t'ananok Cham xol eb tu', max tit yowal. Max cus c'ul yujtol caw pit eb. Axa yalon bay nak winak tu': —Bitok a k'ab, ẍi. Max biontok nak is k'ab, axa watx'jican tu'. 6 Axa yeltek eb fariseo tu' yina, max lajtinen el ba eb yetok eb partido Herodes, yuj tzet chi yut yak'on cam eb Jesús. 7 Palta max toj Jesús ti a' mar Galilea yetok eb is cuywom. Xiwil juntzanxa anima max tit yulak is makbej Galilea tu' max toj yetok eb. 8 Yujtol max yab eb k'umal tol xiwil milagro max yun Jesús, xan xiwil eb max jayoc bay. Ay eb aj Judea, c'al eb aj Jerusalén, yetok eb aj Idumea, c'al eb aj k'axepaltok a' Jordán. Ay c'apax eb max tit cawilal Tiro c'al Sidón. 9 Yuj tu' xan max yal Jesús bay eb is cuywom, tol ayxac'al ec' junok barco yuj eb, yet watx' c'am chi witz' ba anima yin Cham. 10 Yujtol xiwil eb maxax jaycan c'ul yuj, yuj tu' xan xiwiltoc'al eb ya'ay max jitzoc ba c'atan Cham yuj mitx'on eb. 11 A pax eb espíritu yob xin, a yet max yilon eb yin Cham, max ay jajan eb satak, cax max yalon eb yin ipejal axca ti': —Ach ti' C'ajol ach Dios, ẍi eb. 12 Palta max yak' Jesús yowalil bay eb, yet watx' manchak yal eb mactxel. 13 Max lajwi tu xin, max toj Jesús bay jun tzalan. Max yawten eb max cha c'ul yawteni, axa yapni oc eb bay tu'. 14 Lajcawan eb max yaoc yopiso is chekbejok, yet watx' chi ec' eb yetok, c'al yuj chekontok eb toj yalon el k'anejal yet colbanilej. 15 Max yak'on yopiso eb yioncan el eb espíritu yob yin anima. 16 Tixtak is bi eb lajcawanil ti': Simón, nak max yikcan aj Pedro yuj Cham, 17 yetok Jacobo c'al jun yuẍtak chi yik Juan. A cawan eb ti', c'ajol Zebedeo eb. Max yikcan aj eb Boanerges yuj Jesús. A jun biej tu', chi yal elapnok yuninal C'u chi bili. 18 Ay jun chi yik Andrés, ay jun chi yik Felipe, ay jun chi yik Bartolomé, ay jun chi yik Mateo, ay jun chi yik Tomás, ay jun chi yik Jacobo, nak c'ajol Alfeo, ay jun chi yik Tadeo, ay junxa chi yik Simón. A junxa Simón ti', ayoc yin is partido eb cananista yet yalantok. 19 Ay junxa xin, a ton Judas Iscariote, nak max aon oc Jesús yul k'ab camich. 20 Max lajwi tu', max toj Jesús bay jun na yetok eb is cuywom. Xiwil anima max waj pax ba junelxa yin eb, xan majxa je' low Cham, tamwal eb is cuywom tu'. 21 A yet max yaben eb yuẍtak Jesús, c'al is txutx, max tit eb; t'inanxa chi ul yitok eb, yujtol mayal oc Cham locoal yalon eb. 22 Ay juntzan eb meẍtol yin ley Moisés max tit bay conob Jerusalén, max yal eb axca ti': A Beelzebú, yajawil eb espíritu yob ayoc yin Jesús ti'. Yuj tu' xan chi je' yion el espíritu yob tu', ẍi eb. 23 Axa yawtelaytek eb yuj Jesús, max yalontek Cham juntzan abix bay eb: A Satanás tu', ¿tom wal ok yuktej el eb yet espíritual yob tu'? 24 K'inalok chi yak'lej aj eb anima owal bay junok mimek conob; a jun conob tu', chi lajwi ayok. 25 K'inalok ta ay junok nail anima chi pojchaj yuj owal, chi etax el jun nail anima tu'. 26 Cay c'apax ton tu' Satanás xin. K'inalok ta chi pojchaj yetok eb yet espíritual yob, cax chi yak'len owal yetok eb, chi uchchajtok eb, cax chi lajwi yopiso. 27 K'inalok ta ay junok winak xiwil yip, c'am junok mac comonc'al ok oc yul yatut, cax chi yelk'anentok is tzetak yetal. Asan ta ay junok chi tzakay pixoncan ay nak xiwil yip tu' bian, catam tu', chi je' yelk'anentok is tzetak yetal nak tu'. 28 Wal yel chi wal ayex, tzanc'al tzet yobtakil anima chi oqui, c'al jantak yobtakil chi yal eb yin Dios, ok ak'lay tan yuj Cham. 29 Palta tzanc'al mac yob chi yal yin Cham Espíritu Santo, man ok ak'lay tan is yobtakil tu'. Chi oc is mulok yin junelnej, ẍi Jesús. 30 Caytu' max yut yalon axca tu', yujtol max yal eb tol espíritu yob ayoc yin. 31 Max lajwi tu xin, max jayoc is txutx Jesús yetok eb yuẍtak. Asan ti na max oc lecan eb. Max yak'on eb awtelay eltek Jesús. 32 Axa eb chotan ay cawilal Cham max alon bay axca ti': —Ayic' a txutx yina, yetok eb oẍtak. Ach ab chach saylay ec' yuj eb, ẍi eb. 33 Axa yalon bay eb tu': —¿Mactxel in txutx che na', mactxel eb wuẍtak? ẍi bay eb. 34 Cax max ec' t'ananok xolak eb chotan ay is cawilal tu', max yaloni: —A ton eb ti', axca in txutx yayji, a ton eb ti' axca wuẍtak yayji. 35 Yujtol tzanc'al mac chi iken axca wal chi yochej c'ul Dios, a ton eb tu' axca tol wuẍtak, axca tol wanab, axca tol in txutx, ẍi Jesús.
1 A yet junelxa max cuywaj Jesús ti a' mar. Xiwil anima max wajnaji. Yuj tu' xan max ajtok Cham yul jun barco ayic' ti a' tu', max ay chotan yul. Axa eb anima tu xin, max can eb ti a' masanil. 2 Xiwil tzet max yak' cuy eb bay tu'. Max yalontek juntzan abix bay eb axca ti': 3 Abek juntzan ok wal ti'. Ay jun winak max toj tzicoj trigo. 4 Ay janic' ixim max apnican tz'itlajbok yulak be, palta max ec' sic'aj no tz'iquin ixim. 5 Ay janic'xa ixim max ayc'ay yiban juntzan ch'en, bay xaxoj tx'otx'. Jun bek max ajolok yujtol xaxoj tx'otx'al. 6 Palta maxc'al ajol c'u, max takil ixim, yujtol man mimanok xe' ixim aytok yul tx'otx'. 7 Ay janic'xa ixim, max ayc'ay xol q'uix, palta max ch'ibaj te q'uix tu', axa makay el ixim yuj te tu', xan maj can jolom ixim. 8 Palta a ixim max ayc'ay bay yax sat tx'otx', max ch'ibaj ixim, max can jolom ixim. Ay ixim jolomej 30 bak' max yak'a', ay ixim 60, ay ixim xin, 100 max yak'a'. 9 A juntzan che yab ti', naobtanejek sic'libil, ẍi bay eb. 10 A yet c'amxa ec' eb anima tu' bay Jesús, max k'anlen el eb cuywom lajcawanil bay, c'al eb anima ayic' is cawilal: —¿Tzet wal chi yal elapnok jun abix max al ti'? ẍi eb bay Cham. 11 Axa yalon bay eb tu': Asan ayex chi tx'ox Dios juntzan tzet yetal tol c'amto mac ojtaknej, yet watx' chi nachaj el e yuj tzet chi yun e yoc yul is k'ab Cham. Palta a bay eb comon anima, asan juntzan abix tx'oxom el cuybanilej chi wal bay eb, 12 yet watx' c'am chi nachaj el yuj eb. Caxc'al chi yilc'al eb, palta chi can eb axca tol c'am tzet chi yil eb. Yetok c'apaxok, caxc'al chi yab eb, palta c'am jabok chi nachaj el yuj eb. Yuj tu' xan c'am chi meltzojtek eb ayin, tamwal chi ak'lay tan is yobtakil eb, ẍi Cham. 13 Max yal Jesús bay eb: Ta c'am chi nachaj el e yuj tzet chi yal elapnok jun abix tx'oxom el cuybanilej max wal ti', ¿tzet wal ok yun nachaj el e yuj juntzanxa abix masanil? 14 A nak tzicom trigo tu', yenel eb chi alon el k'anej Dios. 15 A ixim inat max ayc'ay ti' be, yenel eb anima chi xew yaben k'anej Dios, cax chi jay Satanás, chi yak'on c'aytok yul c'ul eb. 16 A ixim max ayc'ay yiban ch'en, yenel eb anima chi cha yab k'anej Dios ayman, yin tzalojc'ulal. 17 Palta man tec'anok waay eb, axca ixim man mimanok xe' aytok yul tx'otx', xan axa yet chi jay junok yailal, ma yet chi ajc'ulnelay eb yujc'al k'anej Dios, jun bek chi somchaj c'ul eb. 18 A ixim max ayc'ay xol q'uix, yenel c'apax junxa makan eb chi aben k'anej Dios. 19 Palta asan wal tzet yetal ay yulyibank'inal ti' chi yochej eb. Chi etax el is nabal eb yuj chi yochej eb chi oc beyomal. Asan yin tzet yetal chi yochej oc eb, chi yaoc eb is nabal. Yuj tu' xan toc'al chi yetnej el ba k'anej Dios yin eb. Lajan wal eb axca ixim trigo c'am watx'il jolom chi yak'a'. 20 Axa ixim max ayc'ay bay yax tx'otx' tu xin, yenel c'apax eb chi aben k'anej Dios, cax chi yaon oc yin c'ul. A ton eb tu' lajan axca ixim 30 bak' chi yak'a'. Ay pax eb lajan axca ixim 60 bak' chi yak'a', ay pax eb lajan axca ixim 100 bak' chi yak'a', ẍi Jesús. 21 Max yal c'apaxtek Jesús axca ti': A yet chi jaon oc co tzektebal, tokwal chi jaoctok yalan junok cajón, tamwal yalan junok tx'at. A yiban junok tzet yetal can batxan ajok, a tu' chi jaajtok, yet watx' chi tzektanej masanil yul na tu'. 22 A jantak tzet ewanc'uan yayji tinani', ok txeclojc'alta' ajok, c'al jantak tzet c'ubabil el tinani', ok ak'lay ojtaknelay elok. 23 Naobtanejek wal juntzan che yab ti' sic'libil. 24 Acbajek wal e txiquin yin tzet che yabej, yujtol axca wal che yut e yacban e txiquin tu', axca tu' ok yut yak'on Dios nachaj el e yuj. Toltax ok ajc'al can nachaj el e yuj. 25 Yujtol a mac chi yochej chi nachaj el yuj, yelc'al ok ak'lay nachaj el yuj eb. Axa eb c'am chi yochej chi nachaj el yuj xin, a jabok tzet ijan chi nachaj el yuj eb, ok ilay ec' bay eb, ẍi Jesús. 26 Max yal c'apaxtek Jesús axca ti' bay eb: Ok waltek ayex tzet ok yun yeloc eb chi oc yul k'ab Dios. K'inalok a junok winak chi tzicay inat sat is tx'otx'. 27 Chi lajwi tu' chi way junjun ak'bal, cax chi aj wan junjun k'inibalil. Yak'ban chi ec' tiempo, chi ajol yawoj nak tu', cax chi ch'ibi, palta man yojtakok nak tzet wal chi yun ch'ibi, 28 yujtol asan yuj yaxil tx'otx' chi ch'ibi. Yin babelal, xakilejixtoc'al. Catatu' chi can jolom, cax chi yak'on sat. 29 Axa yet chi takilok, cax chi polon ajok, yujtol chi ajapnok tiempoal yaji, ẍi Jesús. 30 Max yal Jesús: ¿Tzet chi yun yaj can bisil eb anima chi oc yul k'ab Dios che na'? Ok waltek jun abix e yabej, tzet chi yun ch'ib is bisil eb. 31 Lajan eb axca junok bak' mostaza chi awlay bay junok tx'otx'. A jun an inat tu', caw yaliẍ ch'an an yintak masanil juntzanokxa inat bay yulyibank'inal ti'. 32 Palta asan yawchaji, cax chi ch'ibi, miman chi yun tinay yintak masanil juntzanokxa itaj. Mimek chi yun lujab k'ablak, toltax a no tz'iquin chi oc no' ewan yalan yenel, ẍi Jesús bay eb. 33 A yet max yalon el Jesús k'anej Dios bay eb anima, xiwil juntzan abix axca juntzan ti' max yaltek. Asan juntzan chi nachaj el yuj eb max yaltek. 34 Asanc'al juntzan abix ti' max yak'balnej yet max k'anjab xol eb, axa bay eb is cuywom xin, chi watx' alnej elok. 35 A yet jun c'ual tu', yet yayc'ualil, max yalon Jesús bay eb is cuywom axca ti': —Tonek bay junxa k'axepal a', ẍi. 36 Yuj tu xin, max bekcan eb eb anima ayic' ti a' tu', cax max octok eb yul te barco bay ayoc Jesús, axa toj eb tu'. Ay juntzanxa barco max toj c'apax yetok eb. 37 Palta ay wal jun miman cak'ek' ow max jay yiban a'. Toltax max octok a' yul te' yuj jun cak'ek' tu'. Ijan max nojil te' yuj a'. 38 Axa Jesús xin, tol chi way chopiltok te barco tu', ayoc is k'an. Axa tenon el eb is cuywom tu' is wayan Cham: —Mamin, ¿tom c'am chach oc il jabok? Ilab lanan co lajwi elok, ẍi eb bay. 39 Axa yaj wan Jesús, max tenon oc waan jun cak'ek' tu'. Max yalon c'apax bay a' mar: —Numayan, ẍi bay a'. Catatu' max oc wanaj jun cak'ek' tu', cax max numay masanil. 40 Axa yalon bay eb is cuywom tu': —¿Tzet yuj xan xiwil chex xiwi? ¿Tzet yuj xan c'amto wal che yaoc e c'ul yin Dios? ẍi bay eb. 41 Toc'al max c'ayaj c'ul eb yuj sic'libil, cax chi yalubtanen eb, chi yalon eb: —¿Tzet laj yayji jun winak ti'? Ilab chi yikej cak'ek' c'al a' mar tzet chi yala', ẍi eb.
1 Max ec'apnok Jesús yetok eb is cuywom bay junxa k'axepal a' mar, bay jun lugar chi yik Gerasa. 2 Lanan wal yeltek Cham yul barco, max jayoc jun winak bay, petoj bay mukbanil camnak. A jun winak tu', ayoc espíritu yob yin. 3 Asan bay mukan eb camnak cajan nak. C'am mac chi tzakay c'alon ay nak yetok cadena. 4 Tx'ial elxac'al c'al-lay ay nak yetok cadena chi oc yin is k'ab c'al yin yakan, palta coc'xac'al chi yun ch'en tukon cojok. C'am junok mac chi tzakay bay. 5 Masanil tiempo, c'ualil c'al ak'balil chi ec'jab bay tzalanlak c'al bay mukbanil camnak. Chi el yaw, chi mak'on yasjok ba yetok ch'en. 6 Axa max yilontek yin Jesús najat, max yak'on nak yip tit bay. Max bekon ay jajnaj ba nak satak Cham yet max jay ocok. 7 Axa yalon Cham bay: —Ach espíritu yob, elan yin nak anima ti', ẍi bay. Max lajwi tu', max aj yaw yin ipejal max yaloni: —¿Tzet alon et win ach Jesús? Ach ti' C'ajol ach Dios Cham Axac'al Ocok. Yuj wal Dios chin otej, manchak quin etnej, ẍi bay Cham. 9 Axa k'anlen el Cham bay nak winak tu': —¿Tzet a bi? ẍi bay nak. —Legión in bi, yujtol xiwil co bey on, ẍi nak. 10 Xiwil max oc tean yin Cham yet watx' manchak chekil Cham eb espíritu yob tu' bay jun lugar tu'. 11 C'uxan ay pax jun miman bulan no txitam lanan tzukon yac'un bay jun tzalan. 12 Max oc tean eb espíritu yob tu' yin Cham, max yalon eb: —Chekoncantok on xol no txitam tu', yet watx' axa yin no' chon occanok, ẍi eb bay. 13 Axa chalaytok eb yuj Cham yin no' tu'. Cax max el eb yin nak anima tu', axa yin no txitam tu' max tojcan eb. Ay mi cabok mil no txitam tu'. Max k'okon el ba no' sat witz bay chi low tu', max ayapnok no' yul a' mar. Pilan wal max jik'bi no' bay tu'. 14 A eb nak ilom txitam, caw max xiw eb nak sic'libil, axa toj eb elaj tu'. Max ec' yaloncan el eb yul conob, c'al bay najatlak elok, xan xiwil anima max bet ilon tzet max uj tu'. 15 Max jayoc eb anima bay ayic' Cham xin, max yilon oc eb yin nak anima bay max el eb espíritu yob tu', chotan ec' nak bay tu'. Ayxa oc pichil nak, watx'xa c'ul nak. Yuj tu', caw max xiwaj eb anima tu'. 16 A eb max ilon juntzan tzet yetal max el yunen Cham, a eb max alon yab juntzanxa eb maxto apni ocok. Max yal eb masanil tzet max uj yin nak bay max el eb espíritu yob tu', c'al tzet max on no txitam tu'. 17 Yujc'al tu', max oc tean eb anima yin Cham, tol chi el Cham yul is tx'otx'al eb. 18 A yet lanan yoctok Cham yul barco, a nak bay max el eb espíritu yob tu', max oc tean bay Cham, tol chi toj nak yetok. 19 Palta maj cha' ajtok Cham nak yetok, max yalon bay nak axca ti': —Paxan bay atut, cax chalon bay a mam c'al bay eb ecan yuj jantakxa tzet max el yunen Dios en, yujtol max ok' c'ul Cham en, ẍi Jesús bay. 20 Axa toj nak tu', max ec' yalon el nak bay juntzan conob yul yet Decápolis. Max yalil nak jantak tzet max el yunen Jesús yin, xan toxac'al max c'ayaj c'ul anima masanil. 21 Max lajwi tu', max paxic' Jesús bay junxa k'axepal a' mar bay petojta'a. A yet max ec'apnok tu', xiwil anima max waj pax ba yin junelxa. 22 Max jayoc jun yajawil nail culto eb yet israelal chi yik Jairo. Maxc'al yil yin Jesús, max bekon ay jajnaj ba satak. 23 Max oc tean yin Cham, max yalon bay: —Caw toxa chi cam jun in cutz'in. Ton wal wetok, cax chi toj a matxban oc a k'ab yiban ix, yet watx' chi jaycan c'ul ix, cax c'am chi cami, ẍi bay. 24 Axa toj Jesús yetok tu'. Xiwil anima max toj yintak, toxc'a chi witz'xac'al ba eb yin. 25 A xol anima tu', ay jun ix ix caw ya'ay sic'libil, lajcawebxa abil c'al c'oli yay a' aej yin. 26 Xiwil eb aj an bay max bet yetnej ba ix. Pilan max lajwican el tzet ay ix yin eb, palta c'am wal jabok max watx'ji c'ul ix yuj eb. A ti yet, tol chi te'c'al aj can. 27 Palta max yab ix k'umal Jesús, xan max jitztok ba ix yintak Cham xol anima tu'. Max mitx'on ix ti' pichil Cham, 28 yujtol max na' ix: Asannejc'al in mitx'on jabok ti' pichil Cham, ok jaycan in c'ul, ẍi ix. 29 Yet jun bek tu' max oc wanaj a' yel yin ix. Max yab ix watx'jican is yailal tu'. 30 Max yojtaknej el Jesús tol ay mac max watx'jican yuj is yipalil, xan max meltzojtok acan yintak yilon xol anima tu', max k'anlen bay eb: —¿Mactxel jun max mitx'on in pichil ti'? ẍi bay eb. 31 Axa yalon eb cuywom tu' bay axca ti': —¿Tom c'am chela' tol chi witz' ba anima en, cax lajwi tu' chito wal a k'anlen paxok mac max mitx'on a pichil? ẍi eb bay. 32 Palta Jesús xin, chi ec'c'al t'ananok xol eb, yin sayoni mac jun max mitx'on is pichil tu'. 33 Axa ix ix tu xin, caw chi luklon ix yuj xiwilal. Yojtak ix tol max jaycan c'ul ix yuj, xan max toj ix c'atan, max bekon ay jajan ba ix satak. Max yalon ix masanil bay Cham. 34 Axa yalon Cham bay ix axca ti': —Ach ix, max jaycan a c'ul, yujtol max aoc a c'ul win. Paxan yin tzalojc'ulal. Ti mayal watx'ji a c'ul yin jun a yailal ti', ẍi bay ix. 35 Lananto wal yalon Jesús xin, max jay juntzan eb max tit bay yatut cham yajawil nail culto tu'. Max yalon eb bay: —A ix a cutz'in, mayal cam ix. Nabaxac'al mi chi toj yetnej ba Cham Meẍtol ti' toj yiloni, ẍi eb bay. 36 Palta a yet max yaben Jesús tzet max yal eb tu', max yalon bay cham yajawil nail culto tu': —Manchak ach oc il. Asan tol chaoc Dios yin a c'ul, ẍi bay. 37 Max lajwi tu', c'am mac max cha' tzakloj yintak. Asan Pedro yetok Jacobo, yetok Juan yuẍtak Jacobo tu', asannej eb max chatok yetok. 38 Max apni oc bay yatut cham yajaw tu xin, axa max yiloni, xiwil yok' anima. Xiwilxa chi el wek'ek'ok yaw eb yok'i. 39 Axa yoctok yul na tu', max yalon bay eb: —¿Tzet yuj xan xiwil chex ok'i? A ix unin ti', man camnakok ix, toc'al chi way ix, ẍi bay eb. 40 Palta toc'al max tzeyelay Cham yuj eb. Axa yuktelay eltek eb yina yuj Cham, cax max yion octok is mam c'al is txutx ix, yetok eb ajun yetok. Axa yoctok eb bay ayic' ix unin tu'. 41 Max oc mitx'an yin k'ab ix, cax max yalon bay ix axca ti': —Talita Cumi, ẍi. Chi yal elapnok: Ach unin, ayin chi wal ayach, ajan wanok, ẍi. 42 Max ajxac'al wan ix yet jun bek tu', axa yec'jab ix tu'. Lajcaweb abilxa k'inal ix. A jantak eb ayic' tu', caw wal max c'ayaj c'ul eb. 43 Max cam c'ul Jesús yalon bay eb tol manchak yalil eb jun ti', axa chekon Cham yak'lay low ix tu'.
1 Max paxtek Jesús bay jun lugar bay ayic' tu', axa jayoc bay is conob. Ac'al jun eb is cuywom yetok. 2 Axa yet c'ual xewilal, max cuywaj yul nail culto. Xiwil mac max abxalwi bay; palta toc'al max c'aycan aj c'ul eb yuj, axa yalon eb tu': —¿Baytal-laj max cuy jun winak ti' juntzan ti'? ¿Baytal-laj max yi' is jelanil? ¿Tzetlaj chi yun jeon milagro tu yuj? 3 Yujtol a jun ti', a ton jun josom te', yune' ix María. Yuẍtak ba yetok Jacobo, José, Judas, yetok Simón. Ayic' eb yanab co xol ti', ẍi eb. Yuj tu' xan c'am yelapnok Cham yul sat eb. 4 Axa yalon Jesús bay eb tu': —Ayc'alta' yelapnok eb chekbej Dios yul sat anima masanil. Asan yul sat eb yet conob eb, c'al yul sat eb yican eb, c'al yul sat eb junnej nail yayji yetok eb, c'am yelapnok eb, ẍi Jesús. 5 Maj je' yunen junok milagro bay tu', asan jaywan ya'ay max matxbaj oc k'ab yiban, cax max jaycan c'ul eb. 6 Max c'ayaj c'ul Cham, yujtol maj yaoc eb c'ul yin. Max lajwi tu xin, max ec' cuywaj bay juntzan aldealak cawilal is conob tu'. 7 Max yawtentek Jesús eb is lajcawan cuywom c'atan. Max lajwi tu', catakwan max yut chekontok eb. Max yak'on yikbej eb ioj el espíritu yob. 8 A yet c'amto chi toj eb, max yalon bay eb: —A yet chex toji, c'amc'al tzet che yi'. Manchak e yi' e pa, tamwal e lobej, tamwal tumin. Asan e k'okoch che yi'. 9 Asanokab e pichil ayocok yetok e xanab. 10 Tzanc'al tzet nail bay chex apni, ac'al bay tu' che yak' e posada masantac'al chex toj bay junokxa lugar. 11 Ta ay bay c'am chex chalay yuj anima, cax c'am chi yal c'ul eb chi cha yabej, c'am chex ayji bay jun lugar tu'; che tziccan el pokokal e yakan, yuj e tx'oxoncan elok tol c'amxa e yalon e yet yin eb, ẍi Jesús bay eb. 12 Max toj eb cuywom tu xin. Max ec' yalon el eb, tol yowalil chi na ba eb anima yin is yobtakil. 13 Xiwil espíritu yob max yican el eb yin anima. Xiwil eb ya'ay max ec' yacan oc eb aceite yin, cax max jayc'alcan c'ul eb. 14 Max yabaj cham rey Herodes juntzan tzet chi el yunen Jesús yet jun tiempoal tu', yujtol max pukil yabixal xol masanil anima, yuj tu', max yal axca ti': —A jun tu', a Juan nak ak'om bautismo max ictzoj aj xol eb camnak. Yuj tu' xan ay is yikbej yunen juntzan tu', ẍi. 15 Ay juntzanxa eb max alon axca ti': —A jun tu', a Elías, ẍi eb. Ay juntzanxa max aloni: —A junok eb chekbej Dios, axca eb yet payxa, ẍi eb. 16 A yet max yaben Herodes juntzan ti', max yaloni: —A jun chi yal eb tu', a Juan, jun max wak' ilay el jolom. A ton max ictzonelay aj xol eb camnak, ẍi cham. 17 Tix yuj ti' xan max cam Juan tu' yuj. Ay jun yuẍtak Herodes tu' chi yik Felipe. Herodías bi yistzil. Montebil el yistzil Felipe tu' yuj Herodes tu', axa Juan alnej bay Herodes tu' axca ti': —Caw c'am leyal cha montej el yistzil oẍtak, ẍi bay. Yuj tu', max tit yowal ix Herodías tu'. Axa c'oli yak'on ix c'ul Herodes tu', xan max yak' mitx'lay Juan, max yaoc preso, max pixay yetok cadena. A ix Herodías caw chi chichon oc c'ul ix yin. Chi yochej ix chi yak' camok, palta c'amc'al chi je'. 20 Yujtol yojtak Herodes tu', tol a Juan, caw watx' is beybal, cax tol yet wal Dios yayji. Yuj tu', max xiwaj yuj. Axa yaon oc taynemal tu', yet watx' manchak ak'lay cam yuj ix Herodías tu'. Ay bay chi yaltek Juan tu' abix bay Herodes. Caxc'al c'am chi nachaj el yuj sic'libil, palta caw chi tzaloj yabxalwi bay. 21 A yet max chaon Herodes k'inal yabilal, max sayon ix tzetbil chi yut yak'on cam Juan tu'. Ay jun miman loj max oc yuj Herodes. Max yak' low eb yet yajawilal, yetok eb yajawil eb soldado, c'al eb mimek winak yul yet Galilea. 22 Axa yoctok ix yune' ix Herodías tu' bay lanan yoc loj, axa canalwi ix tu'. Watx'xac'al yec' ix max yil Herodes, yetok eb ayic' low yetok. Yuj tu' xan max yal Herodes bay ix axca ti': —K'an tzet chi yochej a c'ul ayin, ok wak' ayach, ẍi bay ix. 23 Max loctek bi Dios, max yak'on ti' bay ix, max yaloni: —Tzanc'al junok tzet yetal cha k'an ayin, ok wak' ayach. Caxc'al a nanok bay ayin oc yajawilal ti', ok wak'a', ẍi. 24 A yet max eltek ix xin, max k'anlen ix bay is txutx: —¿Tzet chochej chin k'ana'? ẍi ix bay is txutx tu'. Axa tak'wi xal txutxej tu': —A jolom Juan, jun ak'om bautismo tu', cha k'ana', ẍi xal. 25 Axa yoctok ix bay cham rey tu', cax yalon ix bay, axca ti': —Chi wochej a jolom Juan jun ak'om bautismo tu' chak' ayin yul junok plato wal tinani', ẍi ix. 26 Caw wal max cusaj cham rey tu' yet max yaben cham, palta majxa je' yak'on tac cham ti', yujtol max loctek cham bi Dios, cax max yaben c'apax eb ayic' yetok cham tu'. 27 Axa chekontok cham jun soldado, max bet tit jolom Juan tu' yuj. 28 Max toj jun soldado tu' bay preso xin, cax max bet yion el jolom Juan tu', axa yiontek yul jun plato, max yak'on bay ix, axa yak'on ix bay is txutx tu'. 29 A yet max yaben eb cuywom Juan tu', max jayoc eb, max bet mukoncan eb is mimanil. 30 Max meltzoj eb chekbej Jesús bay, max yalontek eb jantakc'al tzet max yun eb, c'al tzet max yak' eb cuylaycanok. 31 Lajwitoc'al yalontek eb xin, axa yalon Cham bay eb axca ti': —Tonek xew jabok co tx'oklil bay c'am anima, ẍi. Max yal axca tu', yujtol c'am jabok colil eb yuj anima. Ay chi jayi, ay chi toji. Toltax low eb, tutun c'am colil eb. 32 Axa yoctok Jesús yul jun barco yetok eb is chekbej tu', max toj eb tx'oklil bay c'am anima. 33 Palta xiwil anima max ilon toj eb; toxa max yojtaknej pax el eb Jesús. Yuj tu' xiwil eb aj conob bay juntzan conoblak cawilal tu', max toj eb tilak a', babel max apni oc eb satak Cham. 34 Axa yeltek Jesús yul barco tu', max yiloni xiwil anima ayxa ec'ok. Axa cusoc c'ul yin eb tu', yujtol lajan eb axca juntzanok no calnel c'am yilomal, xan xiwil tzet yetal max yak' cuy eb. 35 A yet lananxa toj c'u, max jayoc eb is cuywom bay, max yalon eb axca ti': —Lananxa toj c'u. A bay jun lugar bay ayon ec' ti', c'am anima cajan. 36 Xan tekan watx' cha chektok eb anima ti' bay ay anima, yetok bay juntzan aldea cawil-lak ti', cax chi manon low ba eb bay tu', yujtol c'am lobej eb, ẍi eb. 37 —Ak'ek low eb ayex ti', ẍi Jesús bay eb is cuywom tu'. Axa yalon eb bay: —¿Chi mi toj co man 200 denario pan, chi yal tu', cax chi jak'on low eb? ẍi eb. 38 —¿Jayeb ixim pan ibil oc e yuj? Sayek ila', ẍi bay eb. A yet max lajwi yilon eb, max yalon eb bay: —Asan oyeb ixim jetbi ocok, yetok cac'on no txay, ẍi eb bay. 39 Max lajwi tu xin, max yalon Jesús tol chi ay chotan eb anima masanil yin bulquiẍtakil bay jun ac'al tu'. 40 Axa yay chotan eb tu'. Ay junjun bulan yin 50, ay eb yin 100. 41 Axa yion aj Cham ixim oyeb pan tu' yetok no cac'on txay. Max aj t'anan satcan, cax max yalon yuj diosalil yuj. Max c'oli bijontok ixim. Max lajwi tu' max yak'on bay eb is cuywom, cax max pojon ec' eb xol anima. Max poj c'apax ec' no cac'on txay tu' xol anima masanil. 42 Masanil anima watx' max yun low sic'libil. 43 A yet max xew low eb, maxto wajcan aj eb cuywom lajcawebxa motx nojnak yuj ixim bijquiltakil, c'al yetok no txay maxto cani. 44 A eb winak max low tu', oyeb mil eb. 45 Max lajwi tu xin, max yalon Jesús bay eb is cuywom tol chi oc eb yul barco, cax chi babji k'axpoj ec' eb satak Cham, chi ec'apnok eb bay conob Betsaida. Axa Jesús xin, maxto can yuj yalon toj ba bay eb anima. 46 Max lajwi yalon toj ba bay eb xin, max toj bay jun tzalan txajlok. 47 Ayxa ec' te barco tu' nan a', cax max k'ekbi, axa Jesús xin, aytocan ec' sat tx'otx' tx'oklil. 48 Axa max yilontok, caw chi el yip eb is cuywom tu' mak'on a', yujtol ow jay cak'ek' satak eb. Axa yet toxa chi sakbi, max beytok Jesús yiban a'. Yochej palanc'al k'okon babjok ba satak eb. 49 A yet max yilontok eb tol chi bey yiban a', max na eb tol lab jun chi jayoc c'atan eb tu', xan caw max el yaw eb. 50 Max xiw eb masanil, yujtol masanil eb max iloni. Axa yalon Cham bay eb axca ti': —Manchak ex oc il. Ayin Jesús in. Manchak ex xiwi, ẍi bay eb. 51 Max lajwi tu' max ajtok yetok eb yul barco tu', axa yoc wanaj cak'ek' tu' yuj. Toxac'al max c'aycan aj c'ul eb masanil. 52 Caxc'al toxa max yil eb milagro Jesús yin ixim oyeb pan, palta c'amtoc'al chi nachaj el is yikbej yuj eb, yujtol c'amto chi jakchaj nabal eb. 53 Max k'axpoj ec' eb xin, max ec' apnok eb bay conob Genesaret. Max pixbancan oc eb is barco bay ti a'. 54 Maxc'al eltek eb yul barco tu', max yilon oc eb anima tol a Jesús. 55 Xan max ec' eb batxontek masanil eb ya'ay bay jun lugar tu', max ilay jay eb bay Jesús. 56 Tzanc'al bay max eq'ui, yulak aldea ma yulak conob, ma bay cajan anima najatlak elok, max ilay eltek eb ya'ay yulak calle. Max k'anon eb mitx' jabok ti' pichil Cham, xan a masanil eb max mitx'oni, max jaycan c'ul eb.
1 Ay juntzan eb fariseo, c'al juntzan eb meẍtol yin ley Moisés max tit bay Jerusalén, max wajbaj oc bulan ba eb yin Jesús. 2 Max yil eb tol ay jaywan eb cuywom Jesús, tol c'am chi tx'aj eb k'ab yet chi low eb, axca yalon leyalil eb, xan yob max can eb yul sat eb, yuj maj tx'aj eb k'ab. Yuj tu xin, max al-lay eb cuywom tu' yobal yuj eb. 3 A eb fariseo tu', c'al masanil eb yet israelal, beybalnebilc'al beybal yichmam eb yuj, xan ta c'am chi cam tx'ajon eb k'ab axca yalon beybal eb tu', tutun wal c'am chi low eb. 4 A yet chi jay eb yet chi bet eb txonbal, masantac'al chi cam tx'ajon eb k'ab, catatu chi low eb, axca yalon ley eb tu'. Xiwiltoc'al juntzanxa tzet yetal chi beybalnej eb, axca tx'ajon eb is vaso, c'al ẍalu, c'al masanil mitx'k'ab eb yet loj, c'al bay chi ay chotan eb lowok. 5 Xan max yal eb fariseo tu', c'al eb meẍtol yin ley Moisés bay Jesús axca ti': —¿Tzet yuj xan c'am chi beybalnej eb a cuywom juntzan beybal eb jichmam? Yob chi can eb, yujtol c'am chi tx'aj eb k'ab chi low eb, ẍi eb. 6 Axa yalon Jesús bay eb tu': —Ayex ti' caw wal cabsat ex. Yel ton ta' tzet albilcan yuj Isaías e yin, yet max tz'ibencan axca ti' yul tx'an Un Tz'ibbilcanok: A jun conob ti', yinc'al k'anejal ay is watx' k'anej chi yal ayin, palta a wal yanimail eb, najat tx'uman el win. 7 Nabac'al chi tz'ak yiay ba eb ayin, yujtol asan juntzan chekbanil anima chi yak' eb cuylayok, ẍi Dios yul tx'an Un tu'. 8 Ayex ti', max e bekcan chekbanil Dios, axa cuybej eb jichmam che beybalnej. 9 Yujc'al e beybalnen juntzan beybal eb tu', xan che bekcan e beybalnen chekbanil Dios. 10 Max yalcan Moisés axca ti': Ayokab yelapnok e mam c'al e txutx yul e sat, ẍi. A mac chi baj is mam ma is txutx, ak'layokab camok, ẍi c'apaxok. 11 Palta a e yalon ayex ti', tol man yowalilok chi colwaj junok mactxel bay is mam, ma bay is txutx. Ilab ta ay junok mac chi alon bay eb axca ti': C'am chi je' in colwaj ayex, yujtol masanil tzet ay ayin, yet-xa Dios yayji, ta ẍi, xiwil watx'il che yabej. 12 Ta ay mac chi alon axca tu', manxa yowalilok chi colwaj bay is mam c'al bay is txutx, e yaloni. 13 Cac'al ton tu' che yut e yintaknen el chekbanil Dios, axa beybal eb jichmam che yak' cuylayok. Cax xiwiltoc'al juntzanxa che beybalnej axca juntzan ti', ẍi Jesús bay eb. 14 Max lajwi tu xin, max yawtenpaxtek Jesús eb anima tu' junelxa. Max yalon bay eb axca ti': —Abek e masanil tzet ok wala'. Nachajokab el e yuj. 15 A tzet chi octok yul co ti', c'am chi je' jetax el yuj yul sat Dios. A juntzan tzet chi tit yin co nabal, a' chon etnen el yul sat Cham, ẍi bay eb. 17 Max lajwi tu xin, max el Jesús xol eb anima tu', max octok yul na yetok eb is cuywom. Max k'anlen el eb bay: —¿Tzet chi yal elapnok jun cuybanil max al ti'? ẍi eb bay. 18 Axa yalon bay eb tu': —¿Tom c'am chi nachaj c'apax el e yuj ayex ti'? ¿Tom man e yojtakok, tol a tzet chi toj yul co ti', c'am chi je' jetax el yul sat Dios yuj? 19 Yujtol manak bay co nabal chi apni. A yul co c'ul chi ayapnok, lajwi tu xin chi eli, ẍi bay eb. Caytu' max yut yalon axca tu', tol a jantakc'al tzet chi lojic'alta'a, c'am yowalil yuj Dios. 20 Max yalon c'apax junxa ti' bay eb: —A juntzan tzet chi tit yin co nabal, a' chon etnen el yul sat Dios. 21 Yujtol a yin co nabal chi pitzc'oj aj juntzan yob nabalej ti'. Ay mac ayxa yetbi, cax chi yunen mul yetok junokxa mactxel. Ay eb man yetbiok ba, cax chi yunen mul. Ay eb chi mak' cam yet animail. 22 Ay eb chi elk'ani. Ay eb chi ochen oc tzet ay junokxa. Ay eb c'am watx'il chi yut ba. Ay eb chi yak' lek'tial. Ay eb c'am chi q'uixwi yunen junok tzet yetal q'uixwiltak. Ay eb chi chichon oc c'ul yin junok mactxel yuj tzet ay. Ay eb comonc'al chi buchboni. Ay eb chi maynej ba, ay c'apax mac c'am is nabal. 23 A juntzan yobtakil ti', a yin co nabal chi pitzc'oj ajok. A' chon etnen el yul sat Dios, ẍi Jesús. 24 Max lajwi tu xin, axa toj Jesús bay yul makbej Tiro. Max apni bay jun na, maj yochej max abchaj ajok ta ayic' bay tu', palta max abchaj ajok. 25 A bay tu' ay jun ix ix ay jun yune' ix unin, ayoc espíritu yob yin. Max yab ix txutxej tu' k'umal, tol max apni oc Jesús bay tu', axa toj ix bay Cham, max bet ay jajan ix bay. 26 A jun ix ix tu', man israelok ix, aj Sirofenicia ix. Max tewi ix bay Jesús, tol chi yiil espíritu yob ayoc yin ix yune' tu'. 27 Palta max yal Cham bay ix axca ti': —Nojokab c'ul eb uninalej yin babelal. Man watx'ok ta chi tok'lay ec' lobej eb, cax chi ak'lay bay no yune yal tx'i, ẍi. 28 Axa tak'wi ix bay Cham: —Yel ton Mamin, palta a no yal tx'i', chi sic'aj no' c'ajil lobej eb uninalej chi ayc'ay yalan meẍa, ẍi ix bay. 29 Yuj tu' xan max yal Cham bay ix axca ti': —A yuj tzet max al ayin tu', chi je' chach pax bay atut, yujtol mayal el espíritu yob yin ix one' tu', ẍi bay ix. 30 A yet max apni ix bay yatut, max yilon ix, telan aj yune' ix tu' sat tx'at, mayal el jun espíritu yob tu' yin ix. 31 Max el Jesús bay Tiro bay ayic' tu xin, max ec' bay conob Sidón, c'al bay juntzan conob ay yul yet Decápolis. Max lajwi tu', max jay bay ti a' mar Galilea. 32 Axa yet ayic' bay tu', max yion jay juntzan anima jun winak c'am chi je' yabeni bay Jesús, c'am wal chi je' c'apax k'anjab jun winak tu'. Max tewi eb bay Cham yuj yaon oc k'ab yiban nak. 33 Axa yion el Cham nak tx'oklil xol anima tu'. Max yaon octok Cham jun yiximal k'ab yul txiquin nak, max tzubeni. Max lajwi tu xin, max oc matxan yin yak' nak. 34 Axa yaj t'anan Jesús satcan, max c'oli jay is c'ul. ¡Efata! ẍi, (chi yal elapnok ¡Jakchajokabcanok!) 35 A wal yet jun bek tu', max jakchajcan txiquin nak anima tu', max watx'ji c'apaxcan yak' nak, axa k'anjab aj yin tx'ijanil tu'. 36 Max lajwi tu', max cam c'ul Jesús yalon bay eb anima tu' axca ti': —Ayta wal bay che yal jun ti', ẍi bay eb. Palta a yet max yalon bay eb axca tu', yelxac'al max yalil eb. 37 Caw wal max c'ayaj c'ul eb anima max abeni, max yalon eb axca ti': Caw watx' chi yun watx'nen masanil tzet yetal. Chi jakchaj txiquin eb c'amc'alta' chi je' yaben yuj, cax chi k'anjabcan aj eb c'amc'alta' chi je' k'anjabi, ẍi eb.
1 A yet jun tiempoal tu', xiwil anima max waj ba yin Jesús, palta c'am jabok lobej eb. Yuj tu' xan max yawtejtek eb is cuywom c'atan, axa yalon bay eb tu': 2 —Caw chi ok' in c'ul yin juntzan anima ti', yujtol oxebxa c'u yayji ec' eb jetok; a tinani' c'amxa tzet chi lo eb. 3 Ta c'am chi low eb cax chin chekon pax eb bay yatut, chi mi telc'oj eb yulak be yuj wajil, yujtol ay eb najat cajan, ẍi bay eb is cuywom tu'. 4 —Palta, ¿tzet wal ok jak' lo eb bay jun tz'inan tx'otx' ti'? ẍi eb cuywom tu' bay. 5 —¿Jayeb ixim pan ibil oc e yuj? ẍi bay eb. —Ukeb ixim, ẍi eb bay. 6 Axa chekon ay chotan Jesús eb anima tu' sat tx'otx'. Max yion aj ixim pan tu' yukebal, axa yalon yuj diosalil yuj ixim tu'. Max bijon ec'ok, max yak'on bay eb is cuywom. Axa eb max pojontok xol anima tu'. 7 Ay c'apax jun cac'on no txay yetbi eb. Max yalon c'apax Cham yuj diosalil bay Dios, cax max yalon bay eb is cuywom tu', tol chi pojic' eb no' xol eb anima tu'. 8 Max low eb masanil, watx' max yun noj c'ul eb. A yet max lajwi low eb tu', ukebto motx max nojcan yuj ixim bijquiltakil maxto cani. 9 Ay mi pax canebok mil eb max lowi. Lajwi tu xin, axa yalon toj ba Jesús bay eb tu'. 10 Max octok yul barco yetok eb is cuywom, axa toj bay yulak yet jun lugar chi yik Dalmanuta. 11 Ay juntzan eb fariseo max jayoc bay Jesús. Max c'oli teyelen ba eb yetok, yuj yak'on porobal eb, xan max k'an eb yil junok milagro chi tit bay Dios. 12 Axa c'oli jay c'ul Jesús, max yalon axca ti': —¿Tzet yuj xan che k'an e yil junok milagro ayin? Wal yel chi wal ayex, c'am junok milagro ok tx'oxlay e yila', ẍi Cham. 13 Max lajwi tu', max el c'atan eb fariseo tu', cax max octok yul te barco tu' junelxa yetok eb is cuywom. Axa k'axpoj ec' eb bay jun pac'xa a' mar tu'. 14 Majc'al na' eb cuywom Jesús tu' yi' is pan yul te barco. Asan ch'an jun jenan ixim yetbi eb. 15 Axa yalon Cham bay eb tu' axca ti': —Abek, che yilc'al e ba yuj yich pan eb fariseo, c'al yuj yich pan Herodes, ẍi bay eb. 16 Axa yalubtanen eb cuywom tu' yuj tzet max yal tu': —Ax pax yuj c'am co pan ibil, xan caytu' chi yala', ẍi eb. 17 Yojtak Jesús tzet chi yal eb, yuj tu' xan max yal bay eb axca ti': —¿Tzet yuj xan che yalubtanej tol c'am e pan ibil e yala'? ¿Tom c'amto chi nachaj el e yuj? ¿Tom manto e yojtakok, tzet chi yal elapnok jun ti'? C'amtoc'al chi jay e nabal. 18 ¿Tom c'am che yil xin, tom c'am che yabej? ¿Tom c'amxa che natek? 19 A yet max in pojon ec' ixim oyeb pan xol anima, ¿jayebto motx maxto nojcan yuj ixim maxto cani? ẍi bay eb. —Lajcawebto motx, ẍi eb. 20 —Axa pax yet max in pojon ec' ixim ukeb pan xol eb caneb mil anima, ¿jayebto motx maxto nojcan yuj ixim maxto cani? ẍi. —Ukebto motx, ẍi eb. 21 —¿Tzet xan c'amtoc'al chi nachaj el jabok e yuj xin? ẍi bay eb. 22 Max lajwi tu', max jay eb bay conob Betsaida. Axa yilay jay jun winak c'am chi je' yilwi bay Jesús yuj anima. Max k'anon eb bay, tol chi yaoc k'ab yiban nak. 23 Axa yoc mitx'an Cham yin k'ab nak tu', max quetzon el Cham ti' conob. Max yaon oc Cham jab tzub yin sat nak tu'. Max yaon oc Cham k'ab yiban nak. Max lajwi tu', max k'anlen Cham bay, ta chixa je' yilon jabok. 24 Axa yak'len nak yilon tu', max yalon nak bay Cham: —Chixa wil yec'jab anima, asan tol axca te te' chi wila', ẍi nak. 25 Xan max yaoc Cham k'ab yiban sat nak junelxa. Axa watx'jixac'al yilon nak tu' sic'libil. 26 Max lajwi tu xin, axa chekon pax Cham nak bay yatut tu'. Max yalon bay nak axca ti': —Manchak ach ec' yul conob, ẍi Jesús bay nak. 27 Max lajwi tu', max ec' Jesús yetok eb is cuywom bay juntzan aldealak bay Cesarea Filipos. Max k'anlen Cham yulak be bay eb: —¿Mac in txel yalon eb anima, che yabej? ẍi bay eb. 28 —Ay eb chi aloni, tolab Juan cham ak'om bautismo ach yal eb. Ay eb xin, tolab Elías ach yalon eb. Ay mac xin, tolab chekbej Dios ach, ec'nak ach ab payxa, ẍi eb cuywom tu' bay. 29 —A pax ayex ti', ¿mac in txel e yaloni? ẍi bay eb. Axa tak'wi Pedro bay axca ti': —Ach ti', ach ton Cristo ach, ẍi bay. 30 Axa yalon Jesús bay eb tu': —Ayta bay e yalil jun ti', ẍi bay eb. 31 Axa c'oli yalon bay eb cuywom tu' tzetak yetal ok jayoc yiban. Max yalon axca ti': —Ayin ti', Chekbilintek yuj Dios xol eb jet animail ti', palta yowalil xiwil yailal ok eq'uel wiban. A eb ichamtak winak ay yopiso, yetok eb yajawil sacerdote, c'al eb meẍtol yin ley Moisés, ok in yintaknej el eb. Ok in yak' cam eb, palta a yet cabjial tu', ok in ictzoj ajok, ẍi bay eb. 32 Jichanc'al max yut yalon Jesús juntzan ti' bay eb. Axa yilay el Cham tx'oklil yuj Pedro, max yak'len tenon oc wanaj yaloni. 33 Axa toj t'annaj Jesús yin eb is cuywom tu'. Max tenchanen Pedro; max yalon bay axca ti': —Ach Satanás, elan in satak, yujtol manak tzet chi na' Dios cha na'. Asan yin yet anima ayoc a nabal, ẍi bay. 34 Max lajwi tu xin, max yawten eb is cuywom c'al yetok juntzanxa eb anima. Max yalon bay eb: —Ta ay mac chi yochej chi ec'c'al cuywok wintak, yowalilokab manxa yetok ba yul yet. Yabokab eb yail wuj, caxc'al chi alay oc eb yin curus. Ta bekan c'ul eb axca tu', ec'okabc'al eb cuywok wintak. 35 Yujtol a eb c'am chi yochej chi cam bay yulyibank'inal ti', chi bekil eb jun k'inalej tol ayc'al yin tojbalk'inal. A pax eb chi bekc'ulok cam wuj xin, c'al yuj k'anejal colbanilej, a ton eb tu' ok chaon k'inalej tol ayc'al yin tojbalk'inal. 36 K'inalok ta chi ji' masanil tzet ay yulyibank'inal ti', palta c'am pax colbanil janimail, ¿tzet wal chi ji' yin axca tu'? 37 ¿Tzet wal ok jak' manbalok colchaj janimail tu'? 38 A wal anima yet jun tiempoal ti', manak yin Dios chi yaoc eb is nabal, caw yob eb. Ta ay mac chi q'uixwi aj wuj satak eb, cax chi q'uixwi c'apax aj yuj in k'anej, ok in q'uixwok c'apax aj yuj eb, ayin Chekbilintek yuj Dios xol eb jet animail ti', yet ok in jay yetok yikbej in Mam, c'al eb yángel asan Cham ay yet.
1 Max yalon c'apax Jesús bay eb axca ti': —Wal yel chi wal ayex, ay jaywan e xol mac ex ayex ec' ti', tol manto ok ex camok okto e yil yoccan Dios yin Yajawilal yetok yipalil, ẍi bay eb. 2 Obxiixto yalon Jesús juntzan tu', max yiontok Pedro, yetok Jacobo c'al Juan bay jun miman tzalan. Asan eb max toj yetok. Max q'uexpoj yili Cham bay tu' satak eb. 3 Max tzekeki aj is pichil, saklubinakxac'al axca sakbat. C'am junok tx'ajwom yulyibank'inal ti' chi apni sakbanen pichilej axca wal yet tu'. 4 Axa max yilontek eb oxwan tu', ayic' Elías yetok Moisés, lanan k'anjab eb yetok Jesús. 5 Xan max yal Pedro bay Jesús: —Mamin Meẍtol, caw wal watx' jet yujtol ayon ec' cayti'. Tekan watx' chi co watx'nej oxebok lanchu, junok et, junok yet Moisés, yetok junok yet Elías, ẍi bay Cham. 6 Caw max xiw eb cuywom Jesús tu', xan man yojtakok Pedro tzet chi yala'. 7 Max lajwi tu xin, max ay boc'naj jun asun yiban eb, axa yeltek jay belan k'anej xol jun asun tu', max al-lay axca ti': A ton in C'ajol bay xiwil chi camel in c'ul ti'. Acbajek e txiquin bay, ẍi. 8 Axa max yilontek eb, c'amxa mac ayic'ok. Asanxanej Jesús ayic'ok. 9 A yet lanan bey eb yaytek bay jun tzalan tu', max yalon Cham bay eb: —Ayta mac bay che yalil jun tzet max e yil ti'. Ato yet ok in ictzoj aj xol eb camnak, ayin Chekbilintek yuj Dios xol eb jet animail ti', catatu' ok e yalon elok, ẍi bay eb. 10 Yuj tu' xan munilc'al ay jun k'anej ti' yul c'ul eb. C'am junok mactxel bay max yal eb. A yet max yalon tol ok ictzoj aj xol eb camnak tu', max c'oli naobtanen eb, tzet chi yal elapnok jun k'anej tu'. 11 Max lajwi tu', max k'anlen el eb jun ti' bay: —A eb meẍtol yin ley Moisés chi yal eb axca ti': A Elías, yowalil ok babjok jay satak Cham Sic'bil el yuj Dios, ẍi eb. ¿Tzet yuj xan chi yal eb axca tu'? ẍi eb bay. 12 Axa yalon Jesús bay eb tu' axca ti': —Yel toni, yowalil chi babji jay Elías tu', yuj watx'nen masanil. Palta ¿tzet ẍi tx'an Un Tz'ibbilcan win ayin Chekbilintek yuj Dios xol eb jet animail ti'? Chi yal yul tx'an tol ok wil yailal, cax ok in intaknelaycan el yuj anima. 13 Chi wal ayex, tol a Elías tu', ulnakxa ec'ok. Ay eb max yak' wal nabal yetnen axca wal chi yochej c'ul. Axca yal-laycan yin yul tx'an Un Tz'ibbilcanok, cayton wal tu' max yut eb, ẍi Jesús bay eb is cuywom tu'. 14 A yet lanan yapni eb bay ayic' juntzanxa eb cuywom, max yilontok Jesús tol xiwil anima ayic' yetok eb. Axa eb meẍtol yin ley Moisés, lanan teyelen ba eb yetok eb cuywom Jesús. 15 A yet max yilontok masanil eb ayxa ec' tu' yapni Jesús, caw max c'ayaj c'ul eb, xan max yak' eb yanej toj chaoni. 16 A yet max apni oc eb c'atan Cham, max k'anlen el bay eb: —¿Tzet che teyelej e ba yin yetok eb? ẍi Cham bay eb. 17 Ay jun nak max tak'wi aj xol eb anima tu': —Mamin Meẍtol, max witek jun in c'ajol ayach. Ayoc espíritu yob yin, xan c'am chi je' k'anjabi. 18 Tzanc'al bay ayic' nak cax chi tita', chi telc'oj nak yuj. Chi eltek sukuwal ti' nak yuj, cax chi natx'atx'i ye nak. Caw lanan bakbi nak yuj. Max wal-lej bay eb chi ec'c'al cuywok entak, tol chi yican el eb yin nak, palta maj je' yuj eb, ẍi bay. 19 Axa yalon Jesús axca ti': —¡A… a wal ayex ti'! ¡Caw c'am che yaoc e c'ul yin Dios! ¡Mimanxa tiempoc'al wayji ec' e yetok! ¿bak'intoc'al ok nachaj el e yuj xin? Chi yab yail in c'ul e yuj. Iektek jun unin tu' ayin, ẍi. 20 Axa bet yiontek bay tu'. A yet max yilon oc jun espíritu yob tu' tol a Jesús, max caktzaj yin jun unin tu'. Max telc'ojtok nak unin tu', max c'oli yec' telton nak yuj. Max eltek sukuwal ti' nak. 21 Axa k'anlen Jesús bay is mam jun unin tu': —¿Jantakxa tiempoal michchaj yuj? ẍi. Axa yalon nak mamej tu': —Yintax yaliẍal ayxa oc yin. 22 Xiwilxa el chi toj yiban k'ak' yuj, c'al yul a', chi yochej chi yak' camok. Palta ta chi je' oj, ok' a c'ul jin. Colwajan jetok, ẍi nak bay. 23 —¿Tzet yuj xan chala' ta chi je' oj? cachi. Chi je', ta chaoc Dios yin a c'ul. A eb chi yaoc c'ul yin, masanilc'al tzet yetal chi je' yunen bay eb, ẍi bay nak. 24 Axa yaj yaw is mam nak unin tu' yin ipejal: —Chi waoc yin in c'ul. Ocan wetok, cax chi ajc'al can waon oc yin in c'ul, ẍi nak. 25 A yet max yilon Jesús tol xiwil wajon ba anima yin, axa tzuon jun espíritu yob tu'; —Ach espíritu yob, ak'om chacaycan anima c'al ak'om membok anima, chi wal ayach, elan yin jun unin ti'. C'amxa chach oc yin junelxa, ẍi Cham bay. 26 Axa yel yaw jun espíritu yob tu'. Max caktzaj yin jun unin tu' junelxa. Catatu' bian, max el yin; palta jun unin tu xin, toxac'al max cancan jaban yuj. Yuj tu' xan xiwil eb max aloni tol max camxac'al nak. 27 Palta axa Jesús max oc mitx'an yin is k'ab nak, max tok'on aj wan. Axa yaj wan nak tu'. 28 Max lajwi tu xin, axa yoctok Jesús tx'oklil yetok eb is cuywom tu' yul na. Max k'anlen el eb bay: —¿Tzet yuj xan maj je' juj jion el jun espíritu yob tu'? ẍi eb bay. 29 Axa yalon bay eb tu': —A jun makan espíritu yob ti', man comonok chi eli. Asan yuj txaj chi je' yel jun makan ti', ẍi Jesús bay eb. 30 A yet max el eb bay tu', max ec' eb yulak yet Galilea. Max yochej Jesús tol c'am mac max aben yapni, 31 yujtol lanan cuywaj bay eb is cuywom, xan max yal bay eb axca ti': —Ayin ti', caxc'al Chekbilintek yuj Dios xol eb jet animail, palta ok in alay oc yul k'ab juntzan winak. Ok in yak' cam eb, palta a yet cabjial, ok in ictzoj ajok, ẍi bay eb. 32 Palta a eb xin, maj nachaj el yuj eb tzet chi yala'. Max xiw pax eb k'anlen el bay, tzet chi yal elapnok. 33 Max lajwi tu', max apni oc eb bay conob Capernaum. A yet ayxa ec' eb bay na max k'anlen bay eb: —¿Tzet che yalubtanej yulak be? ẍi. 34 Palta tz'inc'al ẍi eb, yujtol a yet ayoc eb yul be tu', chi c'oli yalubtanen eb mactxel junok miman yelapnok xol eb. 35 Xan max ay chotan Jesús. Max yawtentek eb lajcawanil c'atan, max yalon bay eb: —Ta ay junok e xol ti' chi yochej miman chi yun yelapnok, yowalil yaynakil chi yut ba e yintak e masanil. Yowalil chi oc e yak'omalok serbil e masanil, ẍi Jesús bay eb. 36 Axa yiontek Jesús jun unin xol eb tu', max lacon ajok, axa yalon tu': 37 —Tzanc'al mac wujc'al chi chaon junok unin axca jun ti', axca tol ayin chin is cha'. Man asannejok in chin is cha eb, chi cha' c'apax eb Cham cheknej intek, ẍi. 38 Axa yalon Juan bay Jesús axca ti': —Mamin Meẍtol, ay jun winak max jila', lanan yion el espíritu yob yin anima yin ach yak'on binajok. Palta max co tenchanej, yujtol man junnejok chi ec' jetok, ẍi bay. 39 Max yalon Jesús: —Maj je' e tenon oc wanaj yunen nak, yujtol c'am junok mactxel chi xew yak'on junok milagro yetok wikbej, cax chi yalon pax in k'umal. 40 Yujtol a eb man ajc'ulok oc jin, a jetok ayoc eb. 41 Tzanc'al mac chex colon eltek yalan e cawxinakil, yujtol wet ex ayin Cristo in ti', caxc'al a junok vaso siquila' chi ak'lay ayex, yowalil ok cha' paktzil. 42 Ta ay mac chi ak'on etax el is nabal junok uninto chi yaoc c'ul win, caw ok'bal c'ul. Yel mi watx' chi pixlay oc t'unan junok miman ch'enal molino yin is nuk' babelal, cax chi k'oklaytok yul a' mar, yet watx' c'am chi yak' etax el nabal jun mactxel tu'. Ta a junok e k'ab chi ak'on etax el e nabal, watx' che tzoq'uil jun e k'ab tu', yet watx' c'am chi etax el e nabal yuj junelnej. Yujtol caxc'al junxanej e k'ab, palta ta ok e cha' k'inalej tol ayc'al yin tojbalk'inal, watx' e yet. Palta ta ok ex tojcan infierno xin, bay c'am is tanub k'ak' k'ak', caxc'al tz'akan masanil yetbeyom e mimanil, palta yobc'alta' e yet. Ta a junok e yakan chi ak'on etax el e nabal, yel mi watx' che tzoq'uil jun e yakan tu', yet watx' c'am chi etax el e nabal yuj junelnej. Yujtol caxc'al junxanej e yakan, palta ta ok e cha' k'inalej tol ayc'al yin tojbalk'inal, watx' e yet. Palta ta ok ex tojcan infierno xin, bay c'am is tanub k'ak' k'ak', caxc'al tz'akan masanil yetbeyom e mimanil, palta yobc'alta' e yet. Ta a junok e bak' sat chi ak'on etax el e nabal, yel mi watx' che yiiltek, yet watx' c'am chi etax el e nabal yuj junelnej. Yujtol caxc'al junxanej e bak' sat palta ta ok ex oc yul k'ab Dios, watx' e yet. Palta ta ok ex tojcan infierno xin, bay c'am is tanub k'ak', caxc'al tz'akan e bak' sat cabil, palta yobc'alta' e yet. A no patz chi chiontok eb tu', c'am chi camil no'. A k'ak'ej chi ak'on tz'a eb, c'am chi tani. 49 Axca chi yun yoc yatz'amil junjun xajanbal, axca tu' ok yun yalay oc k'ak'al eb masanil. 50 A atz'am atz'am, caw ay yopiso atz'am, palta k'inalok ta ay jabok atz'am chi c'ay is c'achial, ¿tzetto wal ok yun c'achibi aj junelxa? Axcaokab yoc yopiso atz'am atz'am tu xin, cayexokab tu'. Ayokab c'apax junc'ulal e xol, ẍi Jesús bay eb.
1 Max el Jesús bay Capernaum tu xin, max ec' yulak yet Judea. Max apni bay jun lugar bay k'axepal a' Jordán, cax max wajon pax ba eb anima bay tu' junelxa yin Cham, axa cuywaj bay eb tu' axcac'alta' is beybal. 2 Ay juntzan eb fariseo max jayoc bay, yujtol max yochej eb max ul yak'lej eb yikban ayc'ay Cham; xan max k'anlej eb bay Cham, ta ay leyal chi pojlej ba junok winak yetok yistzil. 3 Axa yalon Cham bay eb tu': —¿Tzetbil yalon chekbanilej aycan yuj Moisés yul tx'an Un Tz'ibbilcanok? ẍi bay eb. 4 Axa yalon eb tu': —A Moisés tu', albilcan yuj, tol chi je' yak'on junok winak yunal pojlejbail bay yistzil, cax chi pojlen ba eb, ẍi eb bay. 5 Axa yalon Cham bay eb axca ti': —Yuj e pital, xan yalnakcan Moisés tu' jun chekbanil tu'. 6 Palta yettaxc'al max watx'nej Dios yulyibank'inal ti', max watx'nej c'apax nak winak, yetok ix ix. 7 Cax max yaloncan axca ti': A nak winak ok bekcan is mam c'al is txutx yuj junanen ba nak yetok yistzil, 8 xan axca wal tol junxanej mimanilejal chi yuncan el eb cawanil, ẍi Dios. Xan manxa cawanok bey eb, palta tol junxanej chi yuncan el eb. 9 Yuj tu', a eb junanebil yuj Dios, manchak pojlay ay eb yuj anima, ẍi Jesús bay eb. 10 Max lajwi yoctok Jesús yul na yetok eb is cuywom xin, max k'anlen el eb bay, tzet chi yal elapnok jun tzet max yal tu'. 11 Axa yalon bay eb tu': —Tzanc'al mac chi pojlej ba yetok yistzil, cax chi yion junokxa ix, mul chi yunej, cax lanan yaon oc mul yul k'ab ix. 12 Yetok c'apaxok, tzanc'al mac ixal chi pojlej ba yetok yichamil, cax chi yion junokxa winak, mul c'apax chi yunej, ẍi Jesús bay eb. 13 Max lajwi tu xin, ay juntzan unin max ilay jay bay Jesús yuj eb anima, yuj yaontok Cham k'ab yiban eb; palta axa eb cuywom max tenon oc wanaj eb anima chi ion jay eb tu'. 14 A yet max yilon Jesús axca tu', max tit yowal yin eb, max yalon bay eb axca ti': —Chaek jay eb unin ayin. Man e tenoc wanaj eb, yujtol asan eb lajan nabal axca eb unin tu', asan eb ay yalon yet yoc yul k'ab Dios. 15 Wal yel chi wal ayex, a mac man ok chaon Dios is yajawilok axca chi yut chaon junok unin, maj oc eb yul k'ab Cham, ẍi Jesús bay eb. 16 Max lajwi tu', max c'oli lacon aj Cham eb unin tu'. Max yaon ajtok k'ab yiban eb, cax max k'anon watx'c'ulal Dios yiban eb. 17 Lananxa toj Jesús yul be, ay jun winak yanejxac'al max jay bay, max bekon ay jajnaj ba satak Cham, max yaloni: —Mamin Meẍtol watx', chin k'anlej ayach, ¿tzet yetal yowalil chi wunej, cax chin chaon k'inalej tol ayc'al yin tojbalk'inal? ẍi bay Jesús. 18 —¿Tzet yuj xan chin al watx'il? Jun ch'an mactxel watx', asan Dios. 19 Ojtak juntzan chekbanil Dios chi alon axca ti': Manchak a mak' cam et animail. Manchak ach elk'ani. Manchak a naaj k'anej yin et animail. Manchak aoc a mul yul k'ab estzil. Manchak et k'anenej et animail. Ayokab yelapnok a mam c'al a txutx yul a sat, ẍi Jesús bay. 20 —Mamin, chixa wikej masanil juntzan chekbanil tu' yet max in titoc yin uninal, ẍi bay Cham. 21 Axa yoc t'anan Cham yin jun beyom tu', max cam c'ul Cham yin, cax yalon bay: —Juntowal a tz'aknaji. Asi', txoncan el masanil tzet ay ayach, cax cha pojontok tojol tu' xol eb meba'; catatu' bian ok a chaon a beyomal bay satcan. Lajwi tu xin, chach jay pax ayin junelxa, cax chach ec'c'al cuywok wintak, ẍi Jesús bay. 22 A yet max yaben jun beyom axca tu', max cusaj c'ul sic'libil. Cusiltakxac'al c'ul yet max paxtok, yujtol xiwil tzet ay bay. 23 Maxc'al pax xin, axa meltzojtek acan Jesús bay eb is cuywom tu'. Max c'oli yalon axca ti': —A wal eb beyom ti', ta ok oc eb yul k'ab Dios, ya' puralil ok oc eb, ẍi bay eb. 24 Max c'ayaj c'ul eb cuywom tu' yet max yaben eb axca tu'. Axa yalon Cham junelxa bay eb tu' axca ti': —Ex in cuywom, ta ok oc eb beyom yul k'ab Dios, yin ya' puralil ok oc eb. 25 K'inalok junok no camello tinani', ¿xin ta chi eq'uel no' yul yixal junok acuẍa? Caytu' eb beyom, ta ok oc eb yul k'ab Dios, caw wal ya' puralil ok oc eb, ẍi bay eb. 26 A yet max yaben eb jun tu', tol max c'ayaj c'ul eb sic'libil, axa yalubtanen eb is xol tu': —Ta caytu' axca tu', ¿mac wal txel ok je' colchaji? ẍi eb. 27 Axa yoc t'anan Jesús yin eb tu', max yaloni: —A jun ti', c'am junok anima chi je' yuj, palta a Dios chi je' yuj, yujtol masanil tzet yetal chic'al je' yuj Cham, ẍi. 28 Axa yalon Pedro tu' bay: —Mamin, ayon ti', max co bekcan masanil co tzetak yetal oj, cax max on ec'c'al cuywok entak, ẍi bay. 29 —Wal yel chi wal ayex, tzanc'al mac chi bekcan yatut wujc'al, ma yuẍtak, ma yanab, ma is mam ma is txutx, ma yuninal, ma xin, is tx'otx' chi bekcan wujc'al, c'al yuj jun k'anejal yet colbanilej, 30 caw mimanxa ok yut chaon is paktzil yet jun tiempoal ti'. Axca tol ok cha' cienok q'uexel yatut tu', yuẍtak, c'al yanab, is mam c'al is txutx, yuninal, c'al is tx'otx' tu'. Ok yab ton eb yail yuj eb anima, palta axa yet jun tiempoal ok jay yet yajtok tu', ok cha' eb k'inalej tol ayc'al yin tojbalk'inal. 31 Ay eb miman yelapnok co xol tinani', palta a yet yajtok tu', xiwil eb c'amxa jabok yelapnok. Ay pax eb xin, c'am jabok yelapnok co xol tinani', palta a yet tu', xiwil eb mimanxa yelapnok, ẍi Jesús bay eb. 32 Babel Jesús satak eb is cuywom yet lanan yajtok eb yul jun be chi ajapnok bay Jerusalén. A eb cuywom tu', toc'al chi c'ayaj c'ul eb. Axa juntzanxa anima ajun yetok eb xin, caw chi xiw eb. Axa yawten eltek Cham eb is cuywom tu' lajcawanil xol anima tu', max c'oli yalontek bay eb masanil tzet ok jay yiban. 33 Ilab lanan jajektok bay Jerusalén ti'. Ayin ti', caxc'al Chekbilintek yuj Dios xol eb jet animail, palta ok in alay oc yul k'ab eb yajawil sacerdote, c'al yul k'ab eb meẍtol yin ley Moisés. Axa yak'on low eb camich wiban tu', cax ok in yaon oc eb yul k'ab eb man israelok. 34 Ok in is buch eb, ok tzublok oc eb win, ok in is mak' eb. Catatu' ok in yak'on cam eb, palta a yet yox c'ual tu', ok in ictzoj ajok, ẍi bay eb. 35 Max jayoc Jacobo yetok Juan, eb c'ajol Zebedeo c'atan Jesús, cax max yalon eb bay Cham axca ti': —Mamin, a tzet ok co k'an ayach, chi jochej chak' ayon, ẍi eb bay. 36 —¿Tzet chi yochej e c'ul chi wak' ayex? ẍi bay eb. 37 —A yet ok ach oc Yajawil, matawal chon a cha ay chotan on a c'atan, junok on bay a watx' k'ab, junok onxa bay a q'uexan, ẍi eb bay. 38 —Ayex ti', c'am chi nachaj el e yuj tzet che k'an ayin. ¿Ok mi techaj e yuj e yak'lay porobal, axca ok in utlayok? A wal tzet ok jay wiban, axca tol ok in ak'lay bautizar yuj, ¿xin ta ok techaj e yuj? ẍi bay eb. 39 —Ok techajok, ẍi eb. —Yel toni, ok ex ak'lay porobal axca ok yun wak'lay porobal. Axca yailal ok eq'uel wiban, caytu' yailal ok eq'uel e yiban. 40 Palta ayin ti', c'am walon wet ex in chotban ay bay in watx' k'ab ma bay in q'uexan. Yujtol watx'xa yayji yuj co Mam Dios yuj mac eb t'inan ok ay chotan bay tu', ẍi bay eb. 41 A yet max yaben lajonwanxa eb cuywom jun k'anej tu', max tit yowal eb yin Jacobo c'al yin Juan tu'. 42 Axa yawtentek Jesús eb lajcawanil tu' is c'atan. Max yalon bay eb axca ti': —Ti wal e yojtakxa, a eb ayoc yajawil bay junjun mimek conob, tojolc'al chekwaj eb. Cay c'apax tu' eb mimek winak xol conob, yajawxac'al chi yut ba eb yiban anima. 43 Palta a co xol ayon ti', man axcaok tu' ok yunej. Ta ay mac chi yochej caw miman yikbej co xol, yowalil chi oc yak'omalok serbil eb yet cuywomal, catatu' bian, miman ton yikbej. 44 Yetok c'apaxok, ta ay mac co xol chi yochej tol miman yelapnok, yowalil chi oc mosejal bay eb yet cuywomal. 45 Yujtol ayin ti', caxc'al Chekbilintek yuj Dios xol eb jet animail, man yujok wak'lay serbil, xan max in jayi, palta yuj wak'wi serbil. Max in jay yuj ul wak'on in ba camok, yet watx' xiwil mactxel chi colchajcan el wuj, ẍi Jesús bay eb. 46 Max apni Jesús bay conob Jericó yetok eb is cuywom. Axa yet max el eb bay tu', xiwil anima max toj yetok eb. A bay ti' be, ay jun winak chotan ayok, chi yik Bartimeo, chi yal elapnok c'ajol Timeo. A jun winak tu' c'am chi je' yilwi, xan chi k'anwi limosna bay anima. 47 Axa max yabeni, tol a Jesús aj Nazaret chi jay tu', max aj yaw yin ipejal, max yaloni: —Jesús, ach yinatil David, ¿c'am mi chi ok' a c'ul win? ẍi nak bay. 48 Xiwil mac max tenchanen Bartimeo tu', yet watx' chi tz'inji nak, palta tol max ajc'al can yel yaw nak: —Ach yinatil David, ¿c'am mi chi ok' a c'ul win? ẍi nak bay. 49 Axa yoc wanaj Jesús, max yaloni: —Awtejektek nak ayin, ẍi bay eb tzakan oc yintak. Axa yawtelaytek nak tu': —Tzalojan, ajan wanok, chach yawtej Cham, ẍi eb bay. 50 Max k'okoncan el nak is k'util bac'an oc yin tu'. Max aj lemnajok, max toj yin aymanil bay Cham. 51 Max k'anlen el Cham bay: —¿Tzet chi yochej a c'ul? ẍi bay nak. —Mamin Meẍtol, chi wochej chin ilwi, ẍi nak bay. 52 —Ilwancanok, yujtol max aoc Dios yin a c'ul. Chixa je' a paxi, ẍi bay nak. Yet-xac'al jun bek tu', max ilwican nak yuj. Axa tzakloj nak yintak Jesús bay lanan toji.
1 A yet lananxa yapni Jesús yetok eb is cuywom cawilal conob Jerusalén, bay tz'eyil Betfagé yetok Betania, bay cawilal tzalan Olivo, max chek babjok Jesús cawan eb is cuywom. 2 Max yalon bay eb axca ti': —Babjanektok bay jun aldea co sataktok ti'. A yet ok ex apnok ocok, ay jun no ach'ej burro pixan ocok, ok ilchaj e yuj. C'amto junok mac chi aj junelok yiban no'. Che xuyilok cax che yiontek. 3 Ta ay mac chi alon axca ti' ayex: ¿Tzet xan che xuyil no'? ta ẍi, tix che yut e yalon ti': Tol ok k'anabax no' yuj Cham Jajawil. Ayman ok ul jak'can no', quex chi, ẍi bay eb. 4 Axa babji eb tu', max ilchaj no ach'ej burro tu' yuj eb. Pixan oc no' ti' jun na bay ti' be, axa xuyon el eb tu'. 5 Ay mac ayic' bay tu', max k'anlen el eb bay eb cuywom tu' axca ti': —¿Tzet che yunej? ¿Tzet xan che xuyil no burro ti'? ẍi yutelay eb. 6 Max yalon eb axca max yun cuylay eb yuj Jesús, cax max beklaytek no' bay eb. 7 Max yiontek eb no' bay Cham. Max yaon ajtok eb is pichil tz'amok no', axa yaj Jesús yiban no' tu'. 8 Yak'ban chi beyi, xiwil anima chi litx'baj ay is pichil satak yul be. Ay mac xin, k'ablak te' chi bet pak'tek cax chi yaon ay yul be tu'. 9 A eb babel satak, c'al eb tzakan oc yintak, chi aj yaw eb yuj tzalojc'ulal yin ipejal, chi yalon eb: —Yuj wal dios. Al-layokab watx' k'anej bay Cham chekbiltek yuj Cham Jajawil. 10 Jalek watx' k'anej yin Cham ok oc co yajawilok ti', axca max yun yoc jichmam David yin yajawilal payxa. Jak'ek yuj diosal bay Dios, ẍi eb. 11 A yet max apni Jesús yul conob Jerusalén, max octok yul templo Dios. Max ec' t'ananok yin masanil tzetak yetal ay yul tu', palta yelc'ulalxac'al yay c'u, xan max meltzoj pax bay conob Betania yetok eb is cuywom lajcawanil. 12 A yet max k'inibi aj yet junxa c'ual, yet petoj eb bay Betania, max tit is wajil Jesús yulak be. 13 Axa max yilontok najat, ay jun te higo, cax ay xak te'. Axa toj yilon tu'; tokc'al ay junok sat te' ayocok. Asanc'al xak te' ay, yujtol man tiempoalok yak'on te' sat. 14 Yuj tu' xan max yal yin te higo tu' axca ti': —C'amxa mactxel ok loon sat te', ẍi. Max yab eb cuywom yalon axca tu'. 15 Catatu' bian max apni eb bay Jerusalén, cax max octok Jesús yul templo Dios. Max c'oli yukten eltek jantak eb chi txonji yul tu', c'al eb chi manji. Max tenon aj pac'labok meẍa eb q'uexom tumin, c'al ẍila eb txonom paloma. 16 Majxa chaic' etxetxok junok mactxel yetok is tzetak yetal yul templo tu'. 17 Axa c'oli cuywaj nan xol eb tu' axca ti': —Albilcan yuj Dios axca ti' yul tx'an Un Tz'ibbilcanok: A in templo ti', ok al-lay yin tol nail txaj yayji yuj masanil conoblak, ẍi. Palta ayex ti', axcaxac'al junok nach'en bay chi c'ubaj el ba eb elk'om, caytu' che yutej, ẍi bay eb. 18 A juntzan tzet max yun Jesús ti', max yab eb yajawil eb sacerdote, c'al eb meẍtol yin ley Moisés. Max xiwaj eb yuj, yujtol miman yelapnok juntzan is cuybej yul sat anima masanil, xan max say eb tzetbil chi yut yak'on camok. 19 Palta a yet max k'ekbican ayok, max el Cham yul conob tu' yetok eb is cuywom. 20 Axa yet max ec' eb yet k'inibalil yet junxa c'ual cawilal te higo max catabnej Jesús ewi, mayal takaj te' yetokc'al is xe'. 21 Axa naontek Pedro tu', max yalon bay Jesús axca ti': —Mamin Meẍtol, ilab te higo a catabnejcan ewi, mayal takaj te', ẍi bay. 22 Max yalon Jesús bay: —Aek oc e c'ul yin Dios. 23 K'inalok ay junok ex che yal bay jun witz ti' axca ti': Elan cayti'. K'okaytok a ba yul a' mar, ta quex chi. Ta c'am che yak' cabc'ulal, ta che yaoc yin e c'ul tol ok yun axca che yal tu', wal yel ok yunej. 24 Xan chi wal ayex, a yet chex txajli, che yaoc yin e c'ul tol ok e cha' tzet che k'an tu'. Ta che yaoc yin e c'ul, ok ak'lay ayex. 25 Ta ay mac chi oc is mul ayex, a yet chex txajli, joek c'ay is yobtakil tu' yin e c'ul. Ta caytu' che yutej, ok jolay c'apax c'ay e yobtakil yuj co Mam Dios, ẍi Jesús bay eb. 27 Axa yapni pax eb bay Jerusalén junelxa tu', max octok Jesús yul templo Dios, c'oli yec'jabc'al yul. Max oc c'apaxtok eb yajawil sacerdote yetok eb meẍtol yin ley Moisés, c'al eb ichamtak winak. 28 Cax max k'anlen eb bay Cham axca ti': —¿Tzet ekbej yuj tu xan max on juntzan ti ewi? ¿Mactxel ak'nej ekbej tu'? ẍi eb bay. 29 Axa yalon bay eb tu': —Ay c'apax jun tzet yetal ok in k'anlej el ayex. Ta ok e tak'wej ayin, cax ok walon ayex mac ak'nej wikbej wunen juntzan ti'. 30 ¿Mac ak'nej yikbej Juan xan max ak'wi bautizar anima, Dios mi, ma anima? Alek ayin, ẍi bay eb. 31 Axa c'oli yalubtanen eb is xol tu', cax max yalon eb axca ti': ¿Tzet wal chi jut jalon bay? Ta chi jala' tol a Dios ak'nej yikbej, a xam yalon ayon tu': ¿Tzet yuj xan maj e yapax oc yin e c'ul xin? ẍi mi. 32 Palta maj c'apax je' jaloni tol anima ak'nej yikbej, ẍi eb. Caytu' chi yut yalubtanen eb, yujtol chi xiw eb bay eb anima; yujtol a pax Juan tu', caw chekbej Dios yayji yul sat eb anima masanil. 33 Xan max yal eb bay Jesús axca ti': —Man jojtakok mac ak'nej yikbej Juan tu', ẍi eb. —Ta caytu xin, maj wal c'apax ayex mac ak'nej wikbej wunen juntzan ti', ẍi bay eb.
1 Axa yalontek Jesús jun abix tx'oxom el cuybanilej. Max yalon axca ti': Ay jun winak max yaw juntzan uva sat jun is tx'otx'. Max coralneni, max watx'nen jun olan bay ok teq'uil yal yuva tu'. Max tz'akon c'apax aj jun ilbal uva xol tu'. Max lajwi tu', max yaoncantok is tx'otx' tu' majanil, yetokc'al yawojal bay juntzan mulnajwom. Max toj ec'jab bay junxa lugar najat. 2 Axa yet max ajapnok tiempoal wajlay el an uva tu xin, max chekontok jun is chekbej bay eb mulnajwom tu', yuj toj chaon nak jantak yet cham t'inan yioni. 3 Max apni oc nak xin, max tzac'ontek eb, max mak'on eb. Lajwic'al tu' cax max chekon pax eb, c'am jabok tzet max yi' nak. 4 Max chekontok cham aj tx'otx' tu' junxa is chekbej bay eb junelxa, palta max mak' yasjok eb jolom nak, caw yob max yut ba eb yin. 5 Maxto wal chektok cham junxa. Axa junxa tu xin, max camxac'al yuj eb. Xiwiltoc'al juntzanxa eb max chektok. Ay eb toc'al max yasji mak'layi; ay eb xin, max camxac'al eb. 6 Ay jun c'otan is c'ajol cham aj tx'otx' tu', caw chi camil c'ul cham yin. Yinxac'al tzunanil max chekon c'apaxtok cham is c'ajol tu'. Ok xiw eb bay in c'ajol ti', ẍi cham yul is c'ul. 7 Palta a yet lanan yapni nak, max wajan alnen eb majan tx'otx'wom tu' axca ti': Ti chi jay is c'ajol cham aj tx'otx'. A yet ok cam is mam nak, a ok ioncan tx'otx' ti' satakok. Co mak'ek camok, ayonxa ok jican tx'otx' ti', ẍi eb. 8 Xan a yet max apni nak max mitx'on eb, cax max mak'on cam eb, cax max bet k'okoncan el eb tilak el tx'otx' tx'otx' tu'. 9 Chin k'anlej ayex xin, ¿tzettax ok utlay eb majan tx'otx'wom tu' yuj cham aj tx'otx' tu' che na'? Ok yak' cam cham eb, yet ok jayok, cax ok yaoncantok is tx'otx' tu' majanil bay juntzanokxa mactxel. 10 ¿Tom c'amto bay che yil yul tx'an Un Tz'ibbilcanok bay chi yal axca ti': A ch'en ch'en max yintaknej el eb watx'nem na, a ch'en max oc yin jolom txiquin na. 11 A jun ti' max yun Cham Jajawil, cax chi c'ayaj co c'ul yuj, ẍi yul tx'an Un Tz'ibbilcan tu'? ẍi Jesús bay eb. 12 Max yak'lej eb mitx'on Jesús, yujtol max nachaj el yuj eb, tol a eb chi al-lay yuj jun abix tu'; palta chi xiw eb bay anima, xan max bekil eb Cham, axa paxtok eb tu'. 13 Max lajwi tu xin, max cheklaytek jaywan eb fariseo yetok jaywan eb is partido Herodes bay Jesús yuj yak'len eb yikban ayc'ay Cham yuj junok tzet yetal chi yala', cax chi yak'on queja eb yaloni. 14 Maxc'al jay eb xin, max yalon eb bay: —Mamin Meẍtol, jojtak tol yel tzet chala'. Jojtak c'apaxok, tol jun lajanc'al chot a c'ul yin anima masanil, yujtol lajanc'al yelapnok eb yul a sat, cax chach cuywaj wal yin yel yin jun beybalej chi cha c'ul Dios. ¿Tzet cachi ach ti'? A ch'en tumin chi k'anlay el ayon yuj cham yajaw bay Roma, ¿ay mi leyal chi jak'a', ma c'amak? ¿Watx' mi chi jak' ch'en, ma c'amak cha na'? ẍi eb bay. 15 Palta yojtakxa Cham tol cabsatil eb chi oni, xan max yal bay eb axca ti': —¿Tzet yuj xan che yak'lej in e yikban ayc'ayok? Iektek junok ch'en tumin tu' wila', ẍi bay eb. 16 Axa yiontek eb jun tumin tu'; max k'anlen Jesús bay eb: —¿Mactxel jun ayoc yechel sat yin jun tumin ti'? ¿Mactxel jun ayoc is bi yin ch'en ti'? ẍi bay eb. —Yechel sat cham yajaw bay Roma yetokc'al is bi cham, ẍi eb bay. 17 —Ak'ek tzet yetal yetc'alta' cham yajaw tu' bay cham xin. Axa tzet yetal yetc'alta' Dios, ak'ek c'apax bay, ẍi bay eb. A yet max yaben eb juntzan tu', toc'al max c'ayaj c'ul eb. 18 Lajwi tu' max jay juntzan eb saduceo bay Jesús, a ton eb chi aloni tol c'am chi ictzoj aj eb camnak. Max yalon eb bay Cham axca ti': 19 —Mamin Meẍtol, a Moisés tz'ibnejcan axca ti': K'inalok ay junok mac chi cami, cax chi can yistzil, palta c'am junok yuninal max elcanok. Axa junok nak uẍtakejal yowalil chi ion ix, yet watx' ta chi el yuninal junxa tu', axca tol yuninal nak max cam tu' chi yun yoqui. Caytu' max yut yaloncan Moisés. 20 A junel, ay ukwan winak yuẍtakc'al ba. Max oc yistzil nak babel winak, palta max camtok nak, c'amc'al yuninal nak max elcanok. 21 Axa junxa nak uẍtakejal max ioncan ix. Max cam c'apaxtok junxa nak tu', ac'ala' c'am c'apax yuninal max elcanok. Ac'ala' max yun nak yet is yox uẍtakejal. 22 Yukwanil eb nak max yilejc'al ix. C'amc'al eb max elcan junok yuninal. Lajwi camtok eb nak yukwanil xin, cax max cam c'apax ix. 23 A yet ok ictzoj aj eb camnak tu xin, ¿mac wal junok yel wali ay yalon yet yin ix? Yujtol maxc'al yilej eb nak ix yukwanil, ẍi eb saduceo tu'. 24 Axa yalon Jesús bay eb tu': —Caw wal che yak' c'aytok e ba, yujtol man e yojtakok tzet ẍi tx'an Un Tz'ibbilcanok. Man e yojtakok c'apaxok jantak wal mayk'ak'al Dios. 25 A yet ok ictzoj aj eb camnak tu', tok okto yilej ba eb anima, yujtol axcaxa eb ángel bay satcan ok yuncan el eb. 26 Palta toc'alta' txequelxa yayji tol ok ictzoj aj eb camnak. ¿Tom c'am bay che yil tzet tz'ibbilcan yuj Moisés yul tx'an Un Tz'ibbilcan xin, yuj tzet max yal Dios yet max k'anjab eltek xol k'ak' k'ak' yin te q'uix? Max yalon Dios bay Moisés axca ti': Ayin ti' is Diosal in Abraham, Isaac, c'al Jacob, ẍi. 27 Yuj tu' xan jojtak tol maj c'ayil eb, yujtol max yalcanok tol is Diosal eb yayji. Yuj tu xin, caw che yak' c'aytok e ba, ẍi Jesús bay eb. 28 Ay c'apax jun meẍtol yin ley Moisés max jay bay Cham, tol max yab teyelen ba eb saduceo tu' yetok Jesús. Max yabej tol watx' max yut paktzen Cham is k'anlebal eb, xan max yak' c'apax jun is k'anlebal bay Cham axca ti': —¿Mactet junok chekbanilej yel miman yelapnok yintak masanil? ẍi nak bay. 29 Max yalon Cham bay: —Tix ton jun chekbanilej ec'ban yintak masanil ti': Abek xin ex wet israelal, a Cham Jajawil co Diosal, junnej ton Cham. 30 Camc'ulnejek Cham Jajawil co Diosal yin masanil e c'ul, c'al yin masanil e yanimail, c'al yin masanil e nabal, c'al yetok masanil e yip, ẍi. 31 Ac'ala' junxa ok wal ti', txenxa man lajanok yetok jun babel tu': Che ya'ilnej e yet animail axca chi yut e ya'ilnen e ba junjun ex, ẍi. C'am junokxa chekbanilej yel miman yelapnok yintak cab ti', ẍi Jesús. 32 Axa yalon nak cuywom yin ley tu' bay: —Watx' ton Mamin, yel ton chala'. Junnej ton Dios, cax c'am junokxa. 33 Yowalil ton chi co camc'ulnej Dios yin masanil co c'ul, yin masanil co nabal, yin masanil janimail, c'al yin masanil jip. Yetok c'apaxok, yowalil chi co ya'ilnej eb jet animail axca chi jut co ya'ilnen co ba junjun on ti'. A cab ti', ec'ban yelapnok yintak masanil xajanbal chi ak'lay tz'a satak Dios c'al masanil sabalej chi ak'lay bay, ẍi nak. 34 A yet max yaben Jesús tol watx' max yut tak'wok ba nak bay, max yalon bay axca ti': —Jabxanej wal oc yul k'ab Dios, ẍi bay. Yuj tu xin, c'am junokxa mac max tec'baj ba k'anlen junokxa tzet yetal bay Cham. 35 A yet max cuywaj Jesús yul templo Dios junel, max yal axca ti': —¿Tzet xan chi yal eb meẍtol yin ley Moisés tol a Cristo yinatil David? ẍi eb. 36 Yujtol a David tu', ak'bil yal yuj Cham Espíritu Santo axca ti': Max yal Dios Jajawil bay Cham Wajawil: Ayan chotan bay in watx' k'ab ti', masantac'al ok wacan oc eb ajc'ul oc en yalan akan, ẍi Dios bay Cham Wajawil, ẍi David. 37 Caytu' max yut yalon David tu', tol a Cristo, is Yajawil yayji. Yuj tu', txequel tol man asannejok tol yinatil David yayji Cham, ẍi Jesús bay eb. Xiwil anima max aben cuywaj Cham, cax max tzalojxac'al aj eb yabeni. 38 A yet lanan cuywaj Jesús xol anima tu', max yal bay eb axca ti': Che yilc'al e ba, yujtol a eb meẍtol yin ley Moisés, caw ay is may beybal eb. Chi cha c'ul eb yec' tok'ok'ok yetok is jokan pichil chi yaocok. A yet chi yion ay ba anima bay eb yulak calle, watx'xac'al chi yab eb. 39 A bay nail wajayil eb yin culto, asan bay chi ay chotan eb mimek winak chi yochej eb chi ay chotanok. A yet chi oc pax mimek loj, asan bay chi ay eb mimek winak chi ay eb. 40 Chi yion ec' eb yatut eb ix camnakxa yichamil. Chi lajwinaj tu', najat chi yut eb yakan is txaj, yet watx' chi na eb anima tol watx' eb. Yuj tu', yel miman yailal ok cha eb, ẍi Jesús. 41 Chotan ay Jesús yul templo junel, bay cawilal chabal ofrenda, max yilonc'al yaon aytok anima is yofrenda. Xiwil eb beyom mimantak chi yut yaon aytok yet. 42 Lanantoc'al wal tu', max jay jun xal ix camnakxa yichamil, cax meba' ch'an xal. Max yaon aytok xal cab melyu centavo yet, caw jab wal ch'an yet xal tu'. 43 Axa yawtentek Jesús eb is cuywom tu', max yalon bay eb: —Wal yel chi wal ayex, a jun xal meba' ix camnakxa yichamil ti', ec'ban yofrenda xal max ec' yaytok yintakc'al masanil eb max ec' yaytok yet yul chabal ofrenda ti'. 44 Yujtol junjunc'al mactxel, sobrailxac'al tumin eb max ec' yaytok. Axa jun xal ti xin, caw wal meba' ton xal; palta echc'al max yaytok xal is tumin yin ofrendail, ẍi bay eb.
1 A yet lanan yeltek Jesús yul templo Dios, max yalon jun is cuywom bay axca ti': —Meẍtol, ila wal junjun juntzan ch'en ti', yetok juntzan na ti', caw mimek, ẍi bay. 2 Axa yalon Jesús bay tu': —Chi wal ayach tol a juntzan mimek na chel ti', c'al juntzan ch'en latz'bil aj ti', c'amxa junok ok cancan yiban yet ch'enal. Pilan ok ec' bulnajok, ẍi bay. 3 Max lajwi tu xin, max toj eb bay jun tzalan Olivo, a is paq'uil tu', a tu' ay templo Dios. Max ay chotan Jesús bay tzalan tu xin, axa Pedro yetok Jacobo, Juan c'al Andrés, max k'anlej el eb bay yet ayic' eb tx'oklil yetok, axca ti': 4 —Chi jochej chal ayon, ¿bak'in wal ok jay jun max al ayon tu'? ¿Tzet yechelej ok tx'ox Dios, yet toxaxac'al ok yun juntzan tu'? ẍi eb bay. 5 Axa yalon Cham bay eb tu': Aj nabalc'al che yut e ba, yet watx' c'am junok mactxel ok ion aytek e sat, 6 yujtol xiwil mac ok banoc in bi yiban: Ayin ton Cristo in, ẍi eb, ok tz'ak yalon eb. Xiwil anima ok yiaytek eb sat. 7 Ok e yab yoc mimek owal. Ok e yaben k'umal juntzanxa ijan chi oqui, palta manchak ex xiwi, yujtol yowalil caytu' ok ujok. Manto lajubok yulyibank'inal ti'. 8 Yujtol ay juntzan mimek conob ok yak'lej owal yetok yet mimek conobal. Ok yak'len aj eb yajaw owal yetok yet yajawilal. Xiwil bay ok ec' quixcab. Ok jay mimek wajil yiban anima. A juntzan tu', yichbanil yatakilalixtoc'al yayji. Ay wal juntzanxa ok jayok. 9 Ayex ti xin, tec'anc'al che yut e ba, yujtol ok ex alay oc yul k'ab eb k'umbalbawom. Ok ex mak' eb yul nail bay chi wajbaj ba eb jet israelal yin culto. Ok ex yitok eb satak eb yajaw, c'al satak eb rey, yujtol max e yaoc e c'ul win. Caytu' ok yun jay e yiban xin, yet watx' ok je' e yaloncan el wabixal bay eb. 10 Yowalil babel ok alchajcan el k'anejal yet colbanilej bay junjun conob, catatu' ok jay lajubal. 11 A yet ok ex ilaytok satak eb yajaw tu', manchak e na' yin ayokto yuj tzet ok e yala', tamwal chex oc il yuj. A tzet ok ak'lay e yal yuj Dios yet jun bek tu', a che yala'. Yujtol mayexnak ok ex k'anjabok, palta a Cham Espíritu Santo ok k'anjab el e yin. 12 Ay eb uẍtakejal, ok yaoc yuẍtak yul k'ab camich. Ay c'apax eb mamej, caytu' ok yut ba yin is yuninal. Ay eb uninalej ok yak'lej owal yetok is mam, c'al is txutx, cax ok yaon oc eb yul k'ab camich. 13 Masanilxac'al anima ok chichonbok oc c'ul e yin, yujtol max e yaoc e c'ul win, palta a mac tec'anc'al waayi masantac'al chi yal cami, a ton eb tu' ok colchajok. 14 Palta ok jay jun etnewom yajbil el yuj Dios. A mac chi ilon aj jun abix ti', nachajokab el yuj. A yet ok il-layok tol ayic' jun tu' bay tol man is mojok yayji ec'ok, tokokab eb ayic' bay Judea bay tzalanlak. 15 Axa mac ayajtok yiban pananil yatut yet jun c'ual tu', manchakxa aytek, cax manchakxa octok yul yatut tu' yiontowal eltek jabokxa is tzetak yetal, cax chi toj elok. 16 Yetok eb ayic' xol is mulnajil, manchakxaokab meltzoj yintak toj yion is pichil. 17 A yet jun tiempoal tu', ok'bal c'ul eb ix yobix, yetok eb ayto yune' chi yak' txutxwok. 18 Tewanek bay Dios, tol manokab nabil k'inalok yet ok ex el tu'. 19 Yujtol axca jun miman yailal ok jay yet jun tiempoal tu', c'amto bay maxax uj junelok, yecheltaxc'al max watx'nej Dios yulyibank'inal ti'. Asan ch'an junel tu', c'amxa bak'in ok uj junelxa axca tu'. 20 Ta c'am chi c'otxbaj Dios jun tiempoal yailal tu', c'am junok mac ok colchajcan el yul k'ab camich, palta yuj is camc'ulal yin eb sic'bilxa el yuj, xan ok c'otxbanej. 21 Ta ay mac ok alon ayex axca ti': Ilekto wali, tix Cham Cristo ayic' cayti', ta ẍi; ma Ilekto wali, tix ayic' bay tu', ta ẍi e yutelayi, manchak e cha' e yabej. 22 Yujtol ay juntzan eb ok tz'ak yaloc ba Cristoal, ok tx'oxaj ba, c'al juntzan eb ok tz'ak yaloc ba chekbejok Dios. Ok tz'ak tx'ox eb yechelej, c'al milagro, yuj yion aytek sat eb anima. Toltax a eb sic'bilxa el yuj Dios, ijanxac'al ok ayc'ay eb yuj eb. 23 Palta ayex ti', tec'anc'al che yut e ba. Ayokto chi waloncan masanil juntzan ti' ayex. 24 A yet jun tiempoal tu', a yet ok lajwok ec' jun miman yailal tu', ok k'ekk'olil yakan c'u, c'amxa c'apax sakk'inal xajaw. 25 Cax ok titc'ay waycan satcan; yetokc'al juntzan tzet yetal ay is yipalil bay satcan, ok tzicobtanelayok. 26 Ok lajwok tu xin, axa yilon eb anima tu' wayol xol asun, ayin Chekbilintek yuj Dios xol eb jet animail ti'. Ok in jay yetok masanil wikbej, c'al in mayk'ak'al. 27 Ok in chek eb wángel, cax ok ec' wajon aj eb eb sic'bil el wuj bay masanil yulyibank'inal ti'. 28 Abek jun abix ok waltek yuj te higo. A yet chi uninbi k'ablak te', yet lananxa tit xak te', e yojtakxa tol toxa chi oc nabil k'inal. 29 Cayton tu', a yet ok e yilon jay juntzan ti', nachajokab el e yuj, tol toxa chin jayi. 30 Wal yel chi wal ayex, mantoc'al cam anima ayic' yet jun tiempoal ti', cax ok yunen masanil juntzan max wal ti'. 31 A satcan c'al yulyibank'inal ti' ok lajwok, palta a in k'anej man ok ec' tzet chi yala'. 32 Palta c'am mac ojtaknej tzet c'ual, c'al jantak hora ok in jayok. A eb ángel bay satcan, man yojtakok eb. Ayin ti', ti pax wal C'ajol in Dios, palta man wojtakok. Asan Cham Dios Mamej yojtak. 33 Yuj tu', caw aj nabal che yut e ba, makwajanek, yujtol man e yojtakok bak'in ok jay tiempoal jun tu'. 34 Axca ton junok winak chi toj ec'jab najat, chi can yatut. Chi yaloncan bay eb is moso tzet chi yuncan junjun eb, cax chi yalon c'apax can bay nak taynem puerta, tol chi taynej nak puerta tu' sic'libil. 35 Axca eb mosejal tu' cayex tu', man e yojtakok bak'in ok in jayok, ma tol k'ekbintakil, ma chuman ak'bal, ma yet lananxa yok' no caẍlan, ma a wal sakbi el xin. Yuj tu', makwajanekc'al, 36 yet watx' manokab axcaok tol waynak ex elok, cax ok in jay tzac'najok. 37 A juntzan chi wal ayex ti', chi wal bay masanil anima c'apaxok: Makwajanekc'al, ẍi Jesús.
1 Cabejokxac'al yoc k'in Pascua eb israel, yet chi loon eb ixim pan c'am yich, axa wajban oc ba eb yajawil sacerdote tu', yetok eb meẍtol yin ley Moisés. Max c'oli lajtinen eb tzetbil chi yut mitx'on eb Jesús yin ewantakil, cax chi yak'on cam eb yaloni: 2 Max yalon eb axca ti': —Maj je' co mitx'on yul k'in, yujtol ay is may ok tit yowal eb anima jin yuj, ẍi eb. 3 Ayic' Jesús bay Betania, bay yatut Simón, jun ya'ay yet yalantok yuj lepra. Chotan ay Jesús lowi, max jayoc jun ix ix bay. Yetbi oc ix jun ch'en alabastro, nojnak yuj jun ambal suk'uk'i jab chi yik nardo, caw can is tojol. Max jayc'al ix, max bijon el ix nuk' ch'en, max tobon ajtok ix yiban jolom Jesús. 4 Palta ay jun cawan eb ayic' xol eb ayic' bay tu' max tit yowal; axa yalon eb axca ti': —¿Tzet yuj xan toc'al chi etnelay el jun ambal suk'uk'i jab ti'? 5 Aktam tol max txonlay elok, cax max pojlay ec' tojol xol eb meba', yujtol a jun ti' ec'ban mi junok 300 denario is tojol, ẍi eb. Caw wal max tzulay ix yuj eb. 6 Axa yalon Jesús bay eb tu': —Bekek e yalon jun ti' axca tu', ¿tzet yuj xan yob che yal bay ix? A jun max yun ix win ti', caw watx'. 7 A eb meba' che yal tu', ayc'al ec' eb e yetok. A yet ok e yochen e yak'on junok tzet yetal bay eb, ok je' e yak'oni; palta ayin ti', man tojbalk'inalok ayin ec' e yetok. 8 Atac'ala' tzet max je' yuj ix yak'on ayin, a max yak' ix. Ayokto chi yaon oc ix jun suk'uk'i jab ti' yin in mimanil ti', yet watx' watx'xa wayji cax chin toj muklayok. 9 Wal yel chi wal ayex, tzanc'al tzet lugaril yulyibank'inal ti' bay ok al-lay el k'anejal yet colbanilej, ok al-lay c'apax el yabixal jun tzet max yun ix ix ti', yuj nalaytek ix, ẍi bay eb. 10 A Judas Iscariote, nak ayoc tz'akilok eb lajcawan cuywom Jesús, a' max betic' k'anjab yetok eb yajawil sacerdote yuj bet lajtinen yaon oc Jesús yul k'ab eb. 11 A yet max yaben eb, caw wal max tzaloj aj eb, xan max yak' eb ti' yak'on tumin bay Judas tu'. Axa c'oli sayon nak tzet ok yut yaon oc Jesús yul k'ab eb tu'. 12 A yet babel c'ual jun k'in yet chi lolay ixim pan c'am yich, yet chi ak'lay cam no calnel yet Pascua, max yak' eb cuywom Jesús tu' jun k'anlebal ti' bay: —¿Baytal chochej chi toj co watx'nej junok lugar bay ok on lowok, yuj co naontek Pascua ti'? ẍi eb bay. 13 Axa chekontok cawan is cuywom tu', max yalon bay eb axca ti': —Asek bay conob. Ay jun winak ok e yil yin bay tu', ibil oc jun moc aej yuj. Chex tzaklojc'al yintak. 14 A bay chi apni ocok, che yal bay cham aj na tu' axca ti': Tix max yut yalon Cham co Meẍtol ti ayon: ¿Baytal ay jun cuarto bay ok in low yetok eb in cuywom, yuj co naontek Pascua ti'? ẍi, quex chi bay. 15 Axa tx'oxon jun mimantak cuarto can ayex, tol watx'nebilxa elok. A tu' che watx'nej tzet ok co lo' tu', ẍi Jesús bay eb. 16 Axa toj eb cuywom tu', max apni eb xol conob. Max ilchaj yuj eb axcac'al max yut yalon Jesús bay eb. Axa watx'nen eb tzet ok lo' eb yuj Pascua tu'. 17 Axa yet k'ekbintakil xin, max apni Cham yetok eb is cuywom lajcawanil tu'. 18 A yet lanan low eb yin meẍa tu', max yalon Jesús bay eb axca ti': —Wal yel chi wal ayex, a jun ok in aon oc yul k'ab camich, ayic' co xol ti', lanan low jetok, ẍi bay eb. 19 Axa cusaj eb yet max yaben eb jun k'anej tu', xan junjunal max yut k'anlen el eb bay: —¿Mayin mi nak ayin ti'? ẍi eb yin junjunal. 20 Axa yalon bay eb tu': —A e xol e lajcawanil ay. Lanan low wetok yul jun plato ayay co nan ti'. 21 Ayin ti', Chekbilintek yuj Dios xol eb jet animail, palta yowalil ok in cam axca yal-laycan yul tx'an Un Tz'ibbilcanok, palta ok'bal wal c'ul jun ok in aon oc yul k'ab camich tu'. Yel watx' yet, k'inalok ta majc'alta' aljok, ẍi bay eb. 22 Lanan wal low eb, max yion aj Jesús ixim pan. Max yalon yuj diosal yuj ixim. Max lajwi tu', max bijon ayok, max yak'on bay eb. —Loek, a ton in mimanil ti', ẍi bay eb. 23 Max lajwi tu', max yion c'apax aj jun vaso. A yet max lajwi yalon yuj diosalil yuj, max yaontok bay eb. Masanil eb, max wajan uc'nej eltek eb tzet ayay yul tu'. Max yal Jesús axca ti': 24 A ton jun ti' in chiq'uil. A yuj, xan ok yun jun is cab trato Dios. Ok el in chiq'uil ti', yet watx' xiwil mac ok colchaj yuj. 25 Wal yel chi wal ayex, c'amxa bay ok wuc' yal uva, atoc'al yet ok oc Dios Yajawilal, cax ok wuq'uen jun ato watx'ji, ẍi Jesús bay eb. 26 Max xew bitnen eb jun bit chi bitnej ta' eb bay Dios, axa toj eb bay tzalan Olivo tu'. 27 A tu' max yal Jesús bay eb axca ti': —A yet jun ak'bal ti', ok cabax aj e c'ul win e masanil. Caytu' yaloncan yul tx'an Un Tz'ibbilcan axca ti': Ok wak' cam Cham ilom calnel, axa no calnel tu', ok saklemcantok no', ẍi. 28 Palta a yet mayal in ictzoj pax ajok, ok babjok in toj e satak bay Galilea, ẍi bay eb. 29 Axa yalon Pedro tu' bay: —Caxc'al mi chi cabax aj c'ul eb masanil ti' en, palta ayin ti', majc'al cabax aj in c'ul en, ẍi. 30 —Wal yel chi wal ayach, a yet jun ak'bal ti', oxelxa quin eon el en yin aloni, tol mayin ojtakok, cax ok ok' no caẍlan yet cayelal, ẍi bay. 31 Palta a Pedro tu xin, max tec'bajc'al ba yaloni, tol man ok cabax aj c'ul. —Caxc'al ok in cam etok, palta tutun maj ach wiel win, ẍi bay. Jun lajanc'al yalon eb cuywom tu' masanil axca tu'. 32 Max lajwi tu xin, axa jayoc Jesús yetok eb is cuywom tu' bay jun lugar chi yik Getsemaní. Axa yalon bay eb tu': —Ayanekcan chotan cayti', yak'ban chin toj txajlok, ẍi bay eb. 33 Asan Pedro yetok Jacobo c'al Juan max yitok yetok. Axa c'oli cusaj tu', c'al yoc yin bilc'ulal. 34 Xan max yal bay eb axca ti': —Ijan chin cam yuj cusc'ulal chi wabej. Cananek cayti', iquisokab ex wetok, ẍi bay eb. 35 Max jitzontok ba janic'xa sataktok, cax max ay nojan sat tx'otx'. Max txajli yuj k'anoni, ta chi je' c'am chi jay jun yailal tu' yiban. 36 Max yal yin is txaj axca ti': Ach in Mam, masanilc'al tzet yetal chic'al je' oj. Mata chi je' c'am chi jay jun yailal tu' wiban, palta manchak yun wochwan ayin ti', aokab ochwan chi yunej, ẍi. 37 Max lajwi tu', axa jayoc bay eb oxwan tu', palta axa max yiloni, lanan way eb, xan max yal bay Pedro axca ti': —Simón, ¿tom lanan a wayi? ¿Tom maj je' a tec'ban a ba bay wayan junok hora wetok? 38 Iek el e wayan. Txajlanek, yet watx' c'am chex ayc'ayi, yet ay mac chi yak'lej ex yikban yin yobtakil. A janimail tec'an ton waayi, palta co mimanil, c'am chi techaj yuj, ẍi bay eb. 39 Axa toj Cham txajlok junelxa tu'. Axcac'al max yut txajlok ba babelal, caytu' max bet yut txajlok ba junelxa. 40 Axa max jay junelxa, ac'ala' chi way eb, yujtol caw c'am chi techaj wayan yuj eb. Majxa nachaj tzet chi yut tak'wok ba eb bay. 41 Axa yet mayal betic' txajlok yet yoxelal, max yalon bay eb axca ti': —¿Tom ac'ala' e wayi? ¿Tom comon xewilal che yunej? K'okbilxa, mayal ajapnok yorail walay oc yul k'ab eb yobtakwom, ayin Chekbilintek yuj Dios xol eb jet animail ti'. 42 Ajanek wan, tonek. Chi jay nak ok in aon oc yul k'ab eb wajc'ul, ẍi bay eb. 43 Lananto wal yalon tu', max jayoc Judas, nak max oclej tz'akilok eb lajcawan. Xiwil anima max jayoc yetok. Ay eb yetbi oc yespada, ay eb yetbi te'. Chekbiltek eb yuj eb yajawil sacerdote, eb meẍtol yin ley Moisés, yetok eb icham winak ay yikbej. 44 A Judas tu', albilxa yuj, tzet ok yut tx'oxon ocok; max yal bay eb axca ti': —A jun ok in tz'ubil is ti', a ton jun tu' che mitx'a'. C'anani che yutej che yiontok, ẍi bay eb. 45 Yuj tu' xan palanc'al jay yin Jesús. —Meẍtol, ẍi bay Cham. Axa toj tz'ubnaj yin ti' Cham tu'. 46 Max oc bulnaj eb yin, max mitx'on eb, axa yiontok eb preso tu'. 47 Axa eb ajun yetok, ay jun max tzac'ajtek yespada. Max tzoc'on el txiquin jun is moso cham sat sacerdote. 48 Axa yalon Jesús bay eb anima max apni oc bulnaj yin tu' axca ti': —¿Tom yajaw in xol eb yob nabal che yila', xan ibil oc e yespada c'al e te' chin ul e mitx'oni? 49 Junjunc'al c'u max in cuywaj e xol yul templo Dios, palta maj in e mitx' pax bay tu'. Axca ton ti' chi uj xin, yuj yunen tzet tz'ibbilcan yul tx'an Un Tz'ibbilcanok, ẍi bay eb. 50 Max bekcan eb cuywom tu' Cham tx'oklil, max toj eb el masanil. 51 Palta ay jun nak ach'ej tzakanc'al yintak Cham. T'eban octok yul jun sábana chulan oc yin, max oc mitx'naj eb yin nak. 52 Palta max bekcan nak an sábana tu' yul k'ab eb, axa yel t'irt'on nak tu'. 53 Axa yiontok eb Jesús bay cham sat sacerdote tu'. Ata bay tu' max waj ba masanil eb yajawil sacerdote, yetok eb icham winak, c'al eb meẍtol yin ley Moisés. 54 Axa pax Pedro xin, najat tzakan yintak Jesús, masantac'al max yal yapni oc bay yamak'il yatut cham sat sacerdote tu'. Axa yay chotan k'aẍnok yetok eb policía yina tu'. 55 A eb yajawil sacerdote, c'al masanil eb sat yajaw, max say eb juntzanok k'anej chi naaj yin Jesús, yet watx' chi low camich yiban yuj eb, palta c'amc'al tzet max ilchaj el yin. 56 Xiwil eb max yak'lej naon aj k'anej yiban Cham, palta tx'ok tx'okc'al tzet chi yal junjun, xan maj chalej ba yalon eb. 57 Ay jun cawan eb max yak'lej yaj wan yuj naon aj eb k'anej yin Cham, max yalon eb axca ti': 58 —Ayon ti', max jab yalon axca ti': Ayin ti', ok wuchay jun templo Dios watx'nebil yuj anima ti'. A yet cabjial tu' ok watx'jok aj q'uexel wuj, man animaok ok watx'nenok, ẍi, max jabej, ẍi eb. 59 Palta tokc'al yuj tu' chi chalej ba yalon eb. 60 Axa yaj wan cham sat sacerdote tu' nan xol eb, max yalon bay Jesús axca ti': —¿Tom c'am chach tak'wi jabok? ¿Tom c'am chab juntzan chi yal eb ti' en? ẍi bay. 61 Palta tz'inc'al ẍi, majc'al tak'wok. Axa yalon cham bay junelxa tu': —¿Tom ach Cristo ach? ¿Tom ach C'ajol ach Dios, Cham chi al-lay watx' k'anej yin? ẍi bay. 62 —Ja', ayin toni. Ayin ton Chekbilintek yuj Dios xol eb jet animail ti', ok in e yil yet chotan in ay bay watx' k'ab Dios, Cham Miman yikbej. Ok e yil c'apax wayol satcan xol asun, ẍi. 63 Axa nic'ontok cham janic' is pichil tu', cax max yalon cham axca ti': —¿Tzetto wal chi oc testigo juj tinani'? 64 Mayal jabej tol caw chi buchwaj yin Dios. ¿Tzet quex chi yuj tinani'? ẍi. —Moj chi cami, ẍi eb masanil. 65 Lajwic'al tu', ay eb max tzubli oc yin, cax max makchen eb sat, max c'oli mak'on eb, cax chi yalon eb bay: —Nailok mac max ach mak'oni, ẍi eb bay. Max lajwi tu', axa eb policía max mak'on wal sic'libil. 66 Ayic' Pedro bay yamak'il jun na tu', cax max jay jun ix criada cham sat sacerdote. 67 Max yilon ix yin Pedro yet lanan k'aẍni. Max camxac'al yoc t'anan ix yin, max yalon ix bay: —Ach ti', etbi a ba yetok Jesús aj Nazaret, ẍi ix bay. 68 Palta max yiil yin: —A jun mactxel chal tu', man wojtakok. Caw c'am jabok chi nachaj el wuj juntzan tzet chal ayin tu', ẍi bay ix. Max lajwi tu' axa jitzon el ba bay amak' tu'. Axa yok'aj no caẍlan tu' bian. 69 Max yilon ix criada tu' yin junelxa. Max yalon ix bay eb wajan ec' tu': —A ton jun winak tu' yetbi ba yetok eb is cuywom Jesús, ẍi ix. 70 Palta max yi pax el yin junelxa. Junixto bek tu', max yalon c'apax eb ayic' tu' bay: —Wal yel, ach ti' etbi a ba yetok eb. Aj Galilea ach c'apaxok, ẍi eb bay. 71 Axa c'oli k'anontek Pedro tu' yowal c'ul Dios yiban. Max locban bi Dios, max yaloni: —A jun winak che yal tu', caw wal man wojtakok, ẍi bay eb. 72 Yet-xac'al jun bek tu', max ok'aj no caẍlan yet is cayelal. Axa naontek tzet max yal Jesús tu' bay yet max yalon axca ti': C'amto chi ok' no caẍlan yet cayelal, cax ok in eon el en yin yoxelal, yin aloni tol mayin ojtakok, ẍi Jesús bay. A yet max naontek jun tu', cax max jichchaj c'ul yok'i.
1 Axa yet max sakbiajok, max wajban oc ba eb yajawil eb sacerdote yin k'umbalba yetok eb icham winak, c'al eb meẍtol yin ley Moisés, yetok masanil juntzanxa eb sat yajaw. Max lajwi tu', max c'alon eb Jesús, cax max bet yak'on eb bay Pilato, cham yajaw. 2 Axa k'anlen el Pilato tu' bay: —¿Tom ach ti' Reyal ach eb israel? ẍi bay. —Ja', ayin toni, ẍi Jesús. 3 Axa eb yajawil eb sacerdote, xiwil tzet chi yalaj eb yiban Jesús. 4 Yuj tu' xan max yal Pilato tu' bay axca ti': —¿Tom c'am chach tak'wi jabok? Ab wal jantak tzet chi yal eb en, ẍi bay. 5 Palta Jesús xin, c'am jabok max tak'wi. Yuj tu' xan toxac'al chi c'ayaj c'ul Pilato yin. 6 Beybalnebilc'alta' yuj Pilato tol chi bekil junok eb aj preso yet k'in junjun abil, atac'ala' mac chi k'an bekchaj conob. 7 Ay jun nak anima chi yik Barrabás, preso yayji yetok jaywanxa yetbi. Yak'lejnak eb owal yetok eb yajaw. Ay juntzan anima camnak yuj eb, yet max yak'len eb owal tu'. 8 Axa jayoc bulnaj anima tu', max k'anlen eb bay Pilato, ta chi bekil junok eb aj preso axcac'alta' is beybal junjun k'in. 9 Axa yalon bay eb tu' axca ti': —¿A mi Cham e Reyal ayex israel ex ti', che yochej chin bekilok? ẍi bay eb. 10 Caytu' max yut yaloni, yujtol yojtakxa tol yuj chichonc'ulal eb yajawil eb sacerdote yin, xan max yitek eb satak. 11 Axa yak'on eb yajaw tu' c'ul eb anima, yet watx' a Barrabás chi k'an bekchaj eb. 12 Axa k'anlen Pilato tu' bay eb anima tu' junelxa: —¿Tzet che yochej chi wut pax Cham che yaloc e Reyalok tu xin? ẍi bay eb. 13 Axa yaj bulnaj eb yalon yin ipejal axca ti': —Curusnelayokabi, ẍixac'al eb. 14 —Palta, ¿tzet yetal junok yob max say yun max e yil xin? ẍi bay eb. Tol max te' ajc'al yaw eb yaloni: —Curusnelayokabi, ẍixac'al eb. 15 Yujtol max yochej aj Pilato tol watx' chi can yul sat conob, xan a Barrabás max bekilok. Max lajwi tu', axa Jesús max yak' mak'layok. Catatu' bian, max yaon oc yul k'ab eb ok aon oc yin curus. 16 Axa eb soldado max iontok Jesús bay yamak'il yatut cham yajaw. A bay tu', max wajbelaytek eb soldado masanil. 17 Max yaoc eb jun moradotak pichilej yin Jesús. Max jalon seyay eb jun q'uix, axa yaon ajtok eb yin is jolom coronaok. 18 Max lajwi tu', max tz'akon yal eb bay axca ti': —Tzalojan ach Reyal eb israel, ẍixac'al eb bay. 19 Chi c'oli mak'on oc eb jun aj yin is jolom. Chi tzubli oc eb yin, cax chi tz'akon ay jajan ba eb satak. 20 Max lajwi yetnen eb axca tu xin, max yion el eb an moradotak pichilej tu' yin, cax max yaonc'alta' can oc eb is pichil. Catatu' bian max yiontok eb bay ok yaoc eb yin curus. 21 Ay jun winak aj Cirene chi yik Simón, is mam Alejandro yetok Rufo. Lananto jay bay max bet ec'jabok. Max ak'lay pural yuj eb soldado yikon bey is curusal Jesús. 22 A bay jun lugar chi yik Gólgota, a tu' max yitok eb Jesús. (Gólgota chi yal elapnok: Lugaril Bakil Jolomej.) 23 Max yak' eb yal uva calan yetok junxa makan chi yik mirra yuq'uej. Palta maj cha yuc' bay eb. 24 Max lajwi tu', max yaon oc eb yin te curus, cax max yak'on eb soldado suerte yin is pichil Cham, yuj yilon eb tzetak yetal chi yican junjun eb. 25 A las nueve mi yet k'inibalil, max yaon oc eb yin curus tu'. 26 Ay jayeb letra tz'ibbil ocok. A chi aloni, tzet yuj xan max low camich yiban. A Cham Reyal eb Israel, ẍi jayeb letra tu'. 27 Ay c'apax cawan elk'om max curusnelay yetok Cham, jun bay is watx' k'ab, junxa bay is q'uexan. 29 Axa eb chi ec' cawilal tu', chi buchwajcan ajtok eb yin, cax chi aj tx'umnaj eb bay, chi yalon eb: —A… ach ton ti' chochay templo Dios ala', cax cha watx'nen aj is q'uexel yin cabjial. 30 Colosenses a ba. Ayantek yin te curus tu', ẍi eb bay. 31 Ac'ala' eb yajawil eb sacerdote, yetok eb meẍtol yin ley Moisés, max buchwaj c'apax ajtok eb yin, cax chi yalubtanen eb axca ti': —Ay mac max colo', palta a', c'am chi je' colon pax ba tinani', ẍi eb. 32 Ta chi yi aytek ba yin curus jun chi yaloc ba Cristoal, chi yaloc ba co reyalok ayon israel on ti', chi jaoc co c'ul yin, ẍi eb. Toltax eb locan aj yin curus tu' yetok, max buchwaj c'apax eb yin. 33 Axa yet max chumay c'u, max k'ekbi masanil yulyibank'inal, masantac'al yet a las tres. 34 Yet-xac'al jun bek tu', max aj yaw Jesús yin ipejal: Eloí, Eloí, ¿lama sabactani? ẍi. (Chi yal elapnok: Ach in Diosal, ach in Diosal, ¿tzet yuj xan chin a bekcanok?) 35 A eb ayic' cawilal tu', max yab eb yoc jun k'anej tu', xan max yal eb axca ti': —Abek, a jun chekbej Dios chi yik Elías chi yawtej, ẍi eb. 36 Max lajwi tu', ay jun winak yanej toji, maxc'al apni ocok, max laon aytok jun tzet chi pososi xol vinagre. Max yaon oc chon jun te', cax max yaon ajtok yin ti' Jesús, max yaloni: —Yilxa ba, oktax jila' ta ok ul ilay aytek yuj Elías tu', ẍi. 37 Axa yaj yaw Jesús junelxa yin ipejal tu'. Ti tol axa yel c'ul tu'. 38 Axa yay nic'naj nan an k'ap ayoc makilok yul nan templo Dios tu'. Max chaaytek tit nic'naj chon, masantac'al max ayol tilak. 39 Max yab cham yajawil eb soldado lecan oc satak Jesús yel yaw tu', max yil wal tzet max yun cami, xan max yal axca ti': —A jun max cam ti', tita' tol yel caw C'ajol Dios, ẍi cham. 40 Ay c'apax juntzan eb xal ix t'anantek najat. Ajun María aj Magdala yetok eb, c'al xal Salomé, c'al María is txutx José yetok Jacobo, nak tzunan unin. 41 A juntzan eb xal ix ti', max ec'jabc'al yintak Cham yet ayic' Cham bay Galilea. Max ak'lay serbil Cham yuj eb. Xiwiltoc'al juntzan eb xal ix junej toj yetok Cham bay Jerusalén. 42 A yet jun c'u tu', c'ual watx'nen eb is tzetak yetal ok k'anbalnej, yujtol yecalokxac'al c'ual xewilal. Axa yet lananxa k'ekbi xin, 43 max jay jun mimek winak xol eb yet yajawilal chi yik José aj Arimatea. Echbanebil yoc Dios Yajawil yuj. C'am jabok chi xiwi, max octok satak Pilato, bet k'anon mimanil Jesús bay. 44 Caw wal max c'ayaj c'ul Pilato yet max yabeni tol mayal cam Jesús. Yuj tu' xan max bet yak' tit cham yajawil eb soldado, max k'anlen el bay, ta mayal cam Cham. 45 A yet max yabeni tol mayal cami, axa yalon tu' tol chi je' toj yion aytek José tu' is mimanil Cham. 46 A José tu', max man jun sábana caw wal watx'. Catatu' max bet yion aytek is mimanil Cham. Max chulon oc jun sábana tu' yin, max bet yaoncan octok yul jun ch'en ch'en olbilxa, cax max makchencan yetok jun ch'en. 47 A María aj Magdala yetok María txutx José, max yil eb bay max occantok is mimanil Cham.
1 A yet max aycan c'u yet c'ual xewilal, max man María aj Magdala, yetok xal Salomé, c'al María txutx Jacobo juntzan suk'uk'i jab, yuj toj yaon oc eb yin mimanil Jesús. 2 Axa yet max sakbi aj yet domingo, max toj eb bay ch'en ch'en bay max mukay octok tu'. A wal yajol c'u, max apni eb. 3 Axa yalon eb axca ti': —¿Mac ok ion el ch'en makilej bay mukan octok tu' ayon? ẍi eb. 4 A ch'en makilej tu' caw miman ch'en, palta axa yilontok eb, elnakxa ch'en. 5 Axa yet max ocapnok eb yul ch'en ch'en bay mukan tu', max yilon eb tol chotan ay jun ángel bay yetc'ulal watx' k'ab eb, axca wal yili junok ach'ej. Ayoc jun jokan sak pichilej yuj. Caw wal max xiw eb ix sic'libil. 6 Axa yalon bay eb tu': —Manchak ex xiwi. Ayex ti', a Jesús aj Nazaret che sayic'ok, jun max alay oc yin curus. Mayal ictzoj ajok. C'amxa mac ayic' yul ch'en ti'. Ilekto wali bay max ul yacan octek eb ti'. 7 Asek, alek bay juntzan eb is cuywom, c'al yetok bay Pedro, tol mayal babjitoj e satak bay Galilea. Ok e yil yin bay tu', axca max yut yaloncan ayex, ẍi bay eb. 8 Max lajwic'al tu xin, axa yeltek eb yul ch'en ch'en tu'. Axa toj eb tu'. Caw wal chi luklon eb yuj xiwilal. C'am junok mac bay max yalil eb, yujtol chi xiw eb. 9 A yet domingo yet ayto sakbi, max ictzoj aj Jesús. A bay María aj Magdala max babji tx'oxon aj ba. A ton yin jun ix tu' ibil el ukwan espíritu yob yuj Jesús. 10 Max bet yal ix bay juntzan eb ec'jablejnak yetok Cham yet yalantok, tol lanan yok' eb yuj cusilal. 11 A yet max yalon ix bay eb tol mayal ictzoj aj Jesús, cax tol mayal wal yil ix yin, maj wal cha yab eb. 12 Lajwi tu xin, max tx'oxon aj ba Jesús bay cawan eb cuywom najat bay tiel conob, yet lanan bey eb. Tx'ok yili max yil eb. 13 Axa meltzoj eb yuj bet yalon eb bay juntzanxa yet cuywomal eb tu'. Palta maj c'apax cha eb yabej. 14 Axa junelxa, yet lanan low eb cuywom yusluc'wanil, max tx'oxon aj ba Jesús bay eb. Max tzulay eb yuj, yujtol max yak' eb cabc'ulal, cax pit max yut ba eb; ilab maj cha eb yab bay eb maxax ilon yet mayal ictzoj ajok. 15 Lajwi tu', max yalon bay eb axca ti': Asek bay masanil yulyibank'inal. Alek el k'anejal yet colbanilej xol masanil anima. 16 A mac ok in yaoc yin c'ul, cax ok yak'on bautizar ba, ok colchajok, palta a mac c'am chin yaoc yin c'ul xin, ok jay yailal yiban. 17 A eb ok yaoc yin c'ul, ok je' tx'oxon eb juntzan milagro ti': Ok je' yioncan el eb espíritu yob yin anima yuj wikbej; ok k'anjab aj eb yin tx'ok tiejal; 18 ta chi mitx' eb labaj, ta chi yuc'tok eb junok tzet yetal chi cam anima yuj, c'am tzet ok on eb; ta chi batxbaj oc eb k'ab yiban eb ya'ay, ok watx'jokcan c'ul eb yuj eb, ẍi Jesús. 19 A yet max lajwi yalon Cham Jajawil Jesús jun ti' bay eb is cuywom tu', max ilay paxaj Cham satcan, cax max ay chotan bay watx' k'ab Dios. 20 Lajwi tu' bian, axa toj eb yalon el k'anej Dios bay junjun lugar. Max occ'al Cham Jajawil yetok eb. Ayc'al oc is milagro Cham yetok eb, yet watx' chi txecloj elok tol yel jun k'anej chi ec' yalil eb tu'.]
1 Ti chin tz'ibejtok jun un ti' ayach mamin Teófilo. Ay juntzan tzet yetal max uj co xol. A eb chi alon el k'anej Dios tinani', max yil eb juntzan tu' yet max chaon el yich. Max lajwi tu', max con is cuyon eb yin. Xiwil mac max jay yin nabal tz'ibencan yabixal juntzan tzet yetal max uj tu'. 3 Ayin ti', mamin Teófilo, mayal in cuy juntzan tu' yin c'ojanc'ulalil masanil. Yuj tu' max in na' tol watx' chin tz'ibejtok ayach yin txolilal, 4 yet watx' chojtaknej elok, tol yel juntzan tzet yetal mayal a cuy tu'. 5 A yet ayoc cham Herodes yin reyal bay yul yet Judea, ay jun sacerdote chi yik Zacarías, yetbi ba yetok jun makan eb sacerdote chi yik Abías. Elizabet bi yistzil cham tu'. Yinatil Aarón c'apax xal. 6 Watx' beybal eb cawanil yul sat Dios. Yikem eb bay is chekbanil c'al bay is ley Cham Jajawil; yuj tu' xan c'am wal junok mac chi je' yaloni tol ay yobtakil eb. 7 C'am junok yuninal eb, yujtol man unewomixok xal. Yetok c'apaxok, icham animaxa eb cawanil. 8 A yet junel, yet max ajapnok tiempoal yak'wi serbil Zacarías yetok jaywanxa eb yetbi, 9 max yaoc eb suerte, axcac'alta' beybal eb junjun el. A yiban Zacarías max ayc'ayi. Yuj tu' xan max octok yul templo Cham Jajawil, yin bet yak'on tz'a incienso suk'uk'i jab. 10 A yet lanan yak'on tz'a tu', aycan eb anima txajlok yina masanil. 11 A yet ayoctok tu', max ul tx'oxon ec' ba jun yángel Cham Jajawil bay Zacarías tu'. Max ulic' lecan bay jun pac' tz'eyil yaltaril incienso tu', bay yetc'ulal q'uexan k'ab Zacarías. 12 A yet max yilon yin jun ángel tu', caw wal max c'ayaj c'ul, max xiwcan aj yuj. 13 Axa yalon jun ángel tu' bay axca ti': —Zacarías, manchak ach xiwi; mayal yab Dios a txaj. Yuj tu' xan, a etbi Elizabet, ok aljok jun is winak unin. Juan ok ak' yika'. 14 Caw wal ok e' a tzalojc'ulal yin. Xiwil anima ok tzaloj aj yet ok yabeni tol mayal alji junok e yuninal. 15 A jun unin tu', caw miman ok yun yeloc yul sat Cham Jajawil. Man ok yuc' vino, man ok yuc' an. Ayxa oc yalan yikbej Espíritu Santo yet ok aljok. 16 Xiwil eb et israelal ok watx'nej oc ba yin Cham Jajawil Dios yuj jun a c'ajol tu'. 17 A Juan tu' ok babjok satak Cham Jajawil. Axca wal is nabal Elías, c'al is yikbej, caytu' ok yun is nabal c'al is yikbej c'apaxok. Yuj tu' xan ok yak' chalej ba nabal eb mamej yetok eb uninalej. A' ok q'uexon c'apax nabal eb tenomtak yul sat Dios, yet watx' chi watx'ji oc beybal eb. Axca ton tu' ok yut yak'on na ba c'ul eb anima, cax ok q'uexon eb is nabal, yet watx' ay eb watx'xa is nabal yet ok jay Cham Jajawil, ẍi jun ángel tu'. 18 Axa yalon Zacarías tu' bay, axca ti': —¿Tzet ok wut wojtaknen elok tatol yel juntzan chal ti'? Yujtol ayin ti', caw wal icham inxa. Ixnamxa c'apax wetbi, ẍi. 19 Axa yalon jun ángel tu' bay: —Ayin ton Gabriel in, yak'omal in serbil Dios. Ayin max quin cheklaytek ul wal jun watx' abix ti' ayach. 20 Axa tinani', majxa je' a k'anjab jabok, masantac'al ok aljok jun onenal max wal tu'. Yujtol maj aoc yin a c'ul tzet max wal ti', xan caytu' ok onej. Ato yet ok ajapnok tiempoal, cax ok yunen jun ti', ẍi jun ángel tu'. 21 A eb anima chi echbanen yeltek Zacarías tu', max c'ayaj c'ul eb yujtol caw wal max mayji yul templo Dios. 22 Axa yet max elolok, majxa je' k'anjab bay eb. Max naon el eb conob tu' tol ay junok tzet yetal max tx'ox Dios bay. Yechelxac'al chi yak' yetok is k'ab, yujtol majxa je' k'anjabi. 23 Max ajapnok tiempoal lajwi yak'wi serbil xin, axa pax bay yatut tu'. 24 Manto payok tu', max oc unin yin Elizabet. Oyeb xajaw ayxac'al ec' xal bay yatut. Max c'oli naobtanen axca ti': 25 Yuj watx'c'ulal Cham Jajawil win, xan caytu' chi wunej, yet watx' c'amxa chi al-lay in k'umal yuj anima yujtol c'am wune', ẍi xal. 26 Wakeb wal xajaw tu', max chekontek Dios cham ángel Gabriel bay conob Nazaret, yul yet Galilea. 27 Max ulic' bay jun ix k'opoj, c'amtoc'al winak chi k'umej, chi yik María. A jun ix tu', ayxa is trato yetok jun winak chi yik José, yinatil rey David. 28 Max octok jun ángel tu' bay ayic' ix, max yalon bay ix axca ti': —Tzalojan, ayoc Cham Jajawil Dios etok. Yelc'al miman is watx'c'ulal Cham max yak' ayach, ẍi. 29 A yet max yilon oc ix yin jun ángel tu', max c'ayaj c'ul ix. Max naobtanen ix tzet max yal tu'. 30 Max lajwi tu', max yalon pax bay ix axca ti': —María, manchak ach xiwi, yujtol xiwil watx'c'ulal Dios max tx'ox ayach. 31 A tinani', ok pitzc'oj aj jun winak unin en, cax ok ak' yik Jesús. 32 Caw mimek winak ok yun yelocok. Ok binajok tol C'ajol Cham Axac'al Ocok. A Cham Dios Jajawil tu' ok aon oc e reyalok, cax ok occan q'uexelok cham rey David, cham is yichmam. 33 A' ok oc e Yajawilok ayex israel ex ti' yin tojbalk'inal. C'am bak'in ok lajwok jun yopiso tu', ẍi jun ángel tu' bay ix: 34 —¿Palta tzet ok yun jeon jun chal tu'? Ayin ti' c'amto wetbi, ẍi ix bay. 35 —A Cham Espíritu Santo ok jay eban. Axa yipalil Cham Axac'al Ocok ok ayol eban axca junok asun. Yuj tu' xan a jun unin ok aljok tu', yetc'al Dios yayji. Ok binajok tol C'ajol Dios. 36 A ecan Elizabet, caw wal ixnamxa, palta ok aljok jun is winak unin. Chi yal eb anima tol c'am bak'in chi jay junok yune', palta wakebxa xajaw yoc unin yin xal tinani'. 37 Yujtol masanilc'al tzet yetal chi je' yuj Dios, ẍi jun ángel tu' bay ix. 38 —Chekbej Cham Jajawil wayji; yuj tu', yunokab axca max al tu', ẍi ix bay. Max lajwi tu', axa toj jun ángel tu'. 39 A yet jun tiempoal tu', ayman max toj María bay jun conob bay siquilal tx'otx' yul makbej Judea. 40 Max apni oc ix bay yatut Zacarías, max yak'on ix cawil c'ul Elizabet. 41 A yet max yaben Elizabet k'anjab María tu', axa yaj jucnaj jun unin ayxa oc yin tu', cax max oc xal yalan yikbej Cham Espíritu Santo. 42 Axa yalon yin ipejal axca ti': —Ach ti', yel miman watx'c'ulal Dios max tx'ox ayach yintak masanil eb ix jet ixal. Miman c'apax watx'ilal ok al-lay yin jun one' ok aljok tu'. 43 Ayin ti', c'am jabok welapnok, axa pax ach ti' xin, txutx ach Cham Jajawil, palta chach jay pax quin ul a k'umeni. 44 A yet max waben a k'anjab yet max ach jayi, max aj jucnaj jun unin ayxa oc win ti', cochxac'al tol max tzaloj aj max wabej. 45 Ach ti', max aoc yin a c'ul tzet max yal Cham Jajawil ayach. Yuj tu' caw wal tzalojc'ulalil et, yujtol yowalil ok yunej, ẍi Elizabet tu'. 46 Max lajwi tu', max yalon María axca ti': Chi wal watx' k'anej bay Cham Jajawil yin masanil in c'ul. 47 Caw wal chi tzaloj in c'ul yin Dios co Colomal. 48 Ayin ti', yak'omal in serbil Dios, c'am welapnok jabok, palta max oc t'anan Cham win. Yuj tu', ok yal eb anima masanil tiempo tol watx' wet. 49 Yujtol a Dios, Cham miman yikbej, xiwil watx'ilal max tx'ox ayin. Asanxanej oc Cham. 50 Masanil tiempo chi ok' is c'ul yin masanil mac chi xiw bay. 51 Max tx'oxilok tol caw miman yikbej, max can eb lues yalan yuj. 52 Max yican el eb yajaw yin yopiso, axa eb yaynakil max yiaj can. 53 Max yak' noj c'ul eb ay is wajil, axa bay eb beyom, c'am jabok tzet max yak' yet max chekon pax eb. 54 Max oc jetok ayon israel on, is yak'omal on serbil ti'. Maj toj c'ayc'ulal yok' c'ul jin, 55 axca yaloncan bay eb jichmam, yujtol yak'nakcan is ti' bay Abraham yin junelnej, c'al ayon is yinatil on ti', ẍi María tu'. 56 Oxeb mi xajaw max betic' María tu' bay Elizabet, axa meltzoj bay yatut junelxa tu'. 57 A yet max ajapnok tiempoal yalji yune' Elizabet, winak unin jun max alji. 58 A yet max yaben eb cajan is cawilal, c'al eb yican, tol max tx'ox Cham Jajawil watx'c'ulal bay xal, max tzaloj aj eb yetok xal. 59 Ukubixialxa yalji, max jay eb bay yatut Zacarías, yuj yalay oc jun yechelej chi yik circuncisión yin is mimanil jun unin tu'. Max yochej eb max yik Zacarías, yet watx' chi oc q'uexelok is mam tu'. 60 Axa yalon xal txutxej tu' bay eb axca ti': —C'amak, Juan ok yika', ẍi xal bay eb. 61 —¿Tzet yuj xan caytu' ok ak' yika'? Tokwal ay junok caytu' yoc bi e xol, ẍi eb bay. 62 Xan yin yechelejal max k'anlen eb bay is mam nak unin tu', tzet biejal chi yochej chi yik nak. 63 Axa k'anon cham jabok tzet yetal bay chi tz'ibej ay tu', max tz'iben ayok: Juan chi yik jun unin ti', ẍi, max tz'iben ayok. Toxac'al max c'aycan aj c'ul eb masanil yet max yaben eb jun ti'. 64 Yet-xac'al jun bek tu', max jakchaj ti' Zacarías k'anjabi. Max yalon is watx' k'anej bay Dios. 65 Yuj tu', caw wal max c'ayaj c'ul jantak eb cajan is cawilal. Max binaj jun ti' bay masanil siquilal tx'otx' yul yet Judea tu'. 66 A masanil eb max aben juntzan tu', caw wal chi naobtanej eb tzet wal yayji. Chi yalon eb axca ti': ¿Tzetlaj ok yun yeloc jun unin tu'? ẍi eb. Caytu' max yal eb yin, yujtol ayoc yipalil Cham Jajawil yin. 67 A ton Zacarías is mam jun unin tu', caw wal ayoc yalan yikbej Cham Espíritu Santo. Yuj tu' xan max ak'lay k'anjab aj yuj, max yalon axca ti': 68 ¡Jalek watx' k'anej bay Cham Jajawil, Cham co Diosal ayon israel on ti', yujtol max jay ayon is conob on ti', yuj con ul colon elok! 69 Max yatek jun co Colomal caw miman is yipalil. A nan xol eb yinatil David, cham yak'omal serbil, a tu' ok aljok. 70 Axca tu' max yut yaloncan Dios, yet max yak'balnen eb is chekbej yaloncan yet payxa, eb asan Dios aj cuenta yin. 71 Atax yet tu' max yalcan Dios tol ok on is colil yul k'ab eb ajc'ul oc jin, c'al yul k'ab jantak eb chi chichon oc c'ul jin. 72 Albil c'apax canok, tol ok ok' is c'ul yin eb jichmam. Man ok tok is trato c'ayc'ulal max yak' yetok eb, yujtol a jun is trato tu', asannej a' ay yet. 73 Caytu' max yut yak'oncan is ti' bay jichmam Abraham yet max locban is bi bay. 74 Max yalcanok tol ok on is colil yul k'ab eb ajc'ul jin, yet watx' yin c'am bilc'ulalil chi jak' serbil Cham 75 yin tojolal, c'al asannejokab yin Cham chi jaoc co c'ul yin tojbalk'inal. 76 Axa ach xin, ach in c'ajol, ok ach oc chekbejok Cham Dios Axac'al Ocok, yujtol ok ach babjok satak Cham Jajawil, cax ojc'al ok c'oli watx'nen eb anima is nabal, axca watx'ji junok be satak junok yajaw. 77 Ach ok ak' nachaj el juj tzet ok yun co colchaji, cax ok elcan co yobtakil jiban, 78 yujtol camc'ulnebil on yuj co Diosal, caw wal chi ok' c'ul Cham jin. Axca yaj can c'u, cax chon is tzektaneni, axca tu' ok yun jay Cham chekbiltek yuj co Diosal. 79 Axa tzektanen yanimail eb ayic' xol k'ekk'inal tu', eb lanan toj bay camich. A' ok tx'oxon c'apax ayon tzet ok jut co beybal, yet watx' junc'ulal chon ayji ec' yetok, ẍi cham Zacarías. 80 A jun unin tu' max ch'ibc'al ajok, cax max jayc'al is nabal. Max betlej ec' cajan bay tz'inan tx'otx', masantac'al max ajapnok tiempoal tx'oxon aj ba bay eb yet israelal.
1 A yet jun tiempoal tu', a cham Augusto, cham yajaw bay Roma max aloni tol chi ilay aj is bisil masanil anima yulyibank'inal ti'. 2 Babelto yilay aj bisil eb junel tu'. A yet ayoc cham Cirenio gobernadoral bay jun lugar chi yik Siria, max ilay aj bisilej tu'. 3 Masanil anima max betic' bay is conob yuj bet tz'iben ba. 4 Yuj tu' xan max betic' José bay Belén yul yet Judea, petoj bay Nazaret yul yet Galilea. A bay max bet tu', a tu' aljinak cham rey David payxa; yujtol yinatil David José tu', xan yowalil a tu' max bet tz'ibej ba. 5 Max betic' yetok María. Watx'xa yayji trato eb, yobixxa ix. 6 A yet ayic' eb bay Belén tu', max jay tiempoal yalji jun unin tu', 7 xan a ta bay tu' max alji nak is babel unin ix. Max chuloc yul balej. Max lajwi tu', cax max telban ay ix jun unin tu' yul jucubal sacate no chej, yujtol c'amxa bay colan bay max ayji eb bay jun mesón ay bay tu'. 8 A bay cawilal conob Belén tu', ay juntzan ilom calnel chi taynej is calnel yet ak'balil bay jun ac'al. 9 Jacẍic'al max tx'oxaj ba jun yángel Cham Jajawil bay eb, max ay c'apax ul jopnaj tzekekial Cham Jajawil tu' yiban eb. Caw wal max xiw eb yuj. 10 Axa yalon jun ángel tu' bay eb axca ti': Manchak ex xiwi, yujtol watx' abix jun chi ul wal ayex, caw wal ok tzaloj aj masanil anima yuj. 11 A bay Belén, bay is conob David, a tu' max alji jun e Colomal tinani', a ton Cham Cristo, Cham Jajawil. 12 Axca ti' ok yun nachaj el e yuj tol a': Ok e yil yin tol ayoc is bal, telan ay yul jucubal sacate no chej, ẍi jun ángel tu'. 13 Jacẍic'al max tx'ox c'apax aj ba junxa miman bulan ángel petoj bay satcan yetok jun babel max tx'oxaj ba tu'. Axa yalon eb watx' k'anej bay Dios axca ti': 14 ¡Jalek watx' k'anej bay Dios aj satcan! ¡Ayokab junc'ulal yetok eb anima bay max tx'ox is watx'c'ulal bay yulyibank'inal ti'! ẍi eb. 15 Max lajwi tu', axa paxaj eb ángel bay satcan tu'. Axa c'oli yalon eb waynem calnel tu' axca ti': —Tonek bay Belén, toj jilek jun tzet max uj tu', a ton juntzan max yak' Cham Jajawil al-lay ayon, ẍi eb. 16 Axa toj eb yin aymanil tu'. Max ilchaj María yetok José yuj eb, max yilon eb yin jun unin tu' yul jucubal sacate no chej. 17 A yet max yilon eb yin jun unin tu', pilan max yal eb tzet yetal max al-lay yin, yuj jun ángel max ulic' tu'. 18 Masanil eb max aben juntzan tu', max c'ayaj c'ul eb masanil yabeni. 19 Axa pax María xin, toc'al chi c'ubajcan masanil juntzan tu' yul is c'ul, cax chi naobtaneni. 20 Max lajwi tu', axa pax eb waynem calnel tu'. Max yalon eb is watx' k'anej bay Dios. Max yalon eb yuj diosalil bay, yuj tzet max bet yab eb, c'al yuj tzet max bet yil eb, yujtol axcac'al max yun yal-lay bay eb, caytu' max uji. 21 Ukubixial yalji jun unin tu', max alay oc jun yechelej chi yik circuncisión yin is mimanil, cax max yak'on eb yik Jesús. A ton jun biej ti' yalnakcan cham ángel bay María, yet manto oc jun unin tu' yin. 22 A is beybal eb israel, yowalil ay jun tiempoal chi sakbanej ba eb ix chi alji yune', axca yalon ley Moisés. Yuj tu' xan a yet max lajwi tiempoal sakbanen ba María, max yiontok eb jun unin tu' bay Jerusalén. Max bet yak'on eb bay Cham Jajawil. 23 Max yun eb axca tu', yujtol caytu' tz'ibelaycan yul ley Cham Jajawil axca ti': A junjun winak unin chi babji yalji, yet Cham Jajawil yayji, ẍi yul tx'an Un Tz'ibbilcan tu'. 24 Yuj c'apax yak'on eb is xajanbal, xan max bet eb. Axca ti' yalon leyal xajanbal: Yowalil cac'onok no paloma, ma cac'onok no cuajte', ẍi. 25 A yet jun tiempoal tu', ayic' jun cham anima chi yik Simeón bay Jerusalén tu'. Caw wal watx' is beybal cham, asan bay Dios chi yal ba. Echbanebilc'al jay tiempoal yuj, yet ok colchaj eb yet israelal. Ayoc cham yalan yikbej Cham Espíritu Santo. 26 A' ak'nej nachaj el yuj, tol majto camok masantac'al ok yilcan oc yin Cristo, Cham chekbiltek yuj Cham Jajawil. 27 A yet max ilaytek nene' Jesús bay templo Dios yuj José c'al is txutx, yuj yiken eb axca yaloncan yul ley, max ikbelaytok cham Simeón tu' bay templo Dios yuj Cham Espíritu Santo, 28 axa chaon ec' cham Simeón tu' jun unin tu', max batxon ajok. Axa yalon watx' k'anej bay Dios yuj axca ti': 29 Mamin, a tinani', chixa je' in cam yin junc'ulal, ayin a chekbej in ti', yujtol mayal wal yun axca max ot ak'oncan a ti' ayin. 30 Ti wal mayal wilcan oc yin jun Colwajwom ti'. 31 A ton jun ti' max ak' yopiso satak masanil anima bay yulyibank'inal ti'. 32 A' ok ak'on sakk'inal bay yanimail eb man israelok, axa ayon a conob Israel on ti xin, caw miman ok yun jeloc yuj, ẍi cham Simeón tu'. 33 Axa José yetok is txutx Jesús max c'ayaj c'ul eb yaben tzet max yal cham yin nak unin tu'. 34 Max lajwi tu', max k'anon cham watx'c'ulal Dios yiban eb. Max yalon bay María, txutx Jesús axca ti': —Ilabi, a jun unin ti', txequelxa yayji tol xiwil eb jet israelal ok somchaj el c'ul yuj; palta xiwil c'apax eb ok watx'nej is beybal yuj. A' ok tx'oxonok tzetbil chi yun colchaj eb, palta xiwil eb ok intaknenelok. 35 Caytu' ok yun txecloj elok, tzet chi na' junjun anima. A pax ach ti xin, ay jun c'ual ok oc pitz'an cusc'ulal yin a c'ul yuj; axca wal espada ok teklay oc en ok abej, ẍi cham Simeón tu' bay María. 36 Ay c'apax jun xal ix chekbej Dios ayic' bay tu' chi yik Ana. Cutz'in jun cham chi yik Fanuel, yinatil Aser. Caw wal ixnamxa xal. Max oclej yetbi yet caw unin ixto. Ukebnej abil yilejnak ba xal yetok yichamil tu', cax max cam cham. 37 A yet tu', 84 abilxa can xal tx'oklil. Ac'al bay templo Dios ayc'al ec' xal, c'ualil c'al ak'balil, cac'al ti' yak'on serbil xal Cham Jajawil. Chi yak' xal c'ajbanc'ulal, cax chi txajli xal. 38 Max jayoc xal c'atan José yetok María yet jun bek tu'. Max yalon xal yuj diosalil bay Dios. Max lajwi tu', max c'oli yalon el xal yabixal Jesús xol jantak eb chi echbanen jay tiempoal colchaj el conob Jerusalén tu'. 39 A yet max xew yiken eb axca yalon ley Cham Jajawil yuj eb unin chi alji, axa pax eb bay conob Nazaret tu' junelxa, bay yul yet Galilea. 40 Axa jun unin tu xin, yelc'ulal ch'ibi. Chi yionc'al el yip c'al jelanil. Max yak'onc'al Dios watx'c'ulal bay. 41 Junjun abil chi betic' is mam c'al is txutx Jesús bay Jerusalén, yuj bet eb iloj k'in Pascua. 42 Lajcawebxa abil k'inal Jesús, ajun max bet yetok eb iloj k'in tu', axca yalon ley. 43 Lajwic'al k'in tu', cax max meltzoj eb. Axa Jesús xin, max cancan bay Jerusalén, palta man yojtakok is txutx c'al José tu' tatol max cani. 44 A naon eb, tol max tzakloj yintak eb anima max meltzoj c'apaxok, xan a yet yayc'ualil max sayic' eb xol yican c'al xol yamigo eb. 45 Palta c'am mac max ilchaj yuj eb. Yuj tu' xan max meltzoj pax eb yintak junelxa, cax max bet sayon ec' eb nak bay Jerusalén tu'. 46 Cabjialxa tu', max ilchaj nak yuj eb yul yamak'il templo Dios. Chotan ay nan xol eb meẍtol yin ley Moisés. Chi abxalwi bay eb, cax chi yak'on c'apax k'anlebal bay eb. 47 Toxac'al chi c'ayaj c'ul eb chi abxalwi yin tzet chi yal Jesús, yujtol caw wal yojtak sic'libil, watx'c'al chi yut tak'wok ba bay eb. 48 A yet max yilon José c'al is txutx tu' tol a tu' ayoctok, caw wal max c'ayaj c'ul eb yuj. Yuj tu' xan max yal is txutx tu' bay axca ti': —Ach wune', ¿tzet yuj xan caytu' chon otej? Caw wal chin oc il oj, c'al a mam ti'. Xiwil chach co sayic'ok, ẍi xal bay. 49 —Palta, ¿tzet yuj xan chin e sayic'ok? ¿Tom man e yojtakok tol a bay yatut in Mam yowalil chin ayji? ẍi bay eb. 50 Palta maj nachaj el yuj eb tzet max yal bay eb tu'. 51 Max lajwi tu', axa pax yetok eb bay Nazaret tu'. Yikemc'al max yut ba bay eb axcac'alta' is beybal. Max c'ubaj xal txutxej tu' juntzan ti' yul is c'ul, max c'oli naobtaneni. 52 Axa Jesús xin, ac'ala' ch'ibajok, c'al yaj can is nabal. Caw wal chi tzaloj Dios yetok, caw c'apax chi tzaloj eb anima yetok.
1 A yet olajonebxa abil yak'on cham Tiberio yajawil bay Roma, axa Poncio Pilato ayoc gobernadoral bay Judea. Axa Herodes ayoc gobernadoral bay Galilea. Axa jun yuẍtak chi yik Felipe ayoc gobernadoral bay Iturea c'al bay Traconite, axa cham Lisanias ayoc gobernadoral bay Abilinia. 2 Axa cham Anás yetok cham Caifás ayoc sat sacerdoteal. A yet jun tiempoal tu', a bay tz'inan tx'otx', a tu' ayic' Juan c'ajol Zacarías. Ay wal ec' bay tu' max yalon Dios bay tzet ok yal bay eb anima. 3 Yuj tu', max ec' bay masanil juntzan lugar bay cawilal a' Jordán. Max ec' yaloncan el xolak anima, tol yowalil chi na ba eb yin is yobtakil, yet watx' chi elcan is yobtakil eb yiban, cax chi yak'on bautizar ba eb. 4 Axca ton ti' max uji, yuj yunen el tzet albilcan yuj jun chekbej Dios chi yik Isaías: Ay jun mactxel bay tz'inan tx'otx' chi awji, chi yalon axca ti': Watx'nejek junok is be Cham Yajaw. T'inek junok be bay Cham. 5 Ak'ek noj masanil jobelak; masanil witzlak c'al tzalanlak ak'ek pananbok. Masanil be coxquiẍtak, jichlonelayokabi. Yetok juntzan amquiẍtak, muklayokab elok cax pananbokabi. 6 Cax ok yilon eb masanil jay Cham Colwajwom chekbiltek yuj Dios, ẍi bay tz'inan tx'otx' tu', ẍi yul tx'an Un Tz'ibbilcanok. 7 Xiwil eb anima max jayoc bay Juan, yuj ul yak'on bautizar ba eb, palta max yal bay eb axca ti': Ayex ti', caw wal jelan ex yin ioj aytek satej axca no labaj. ¿Mac max alon ayex tol chi je' e colon el e ba bay jun miman yailal ok jay e yiban yuj yowal c'ul Dios? 8 Ta chi na ba e c'ul yin e yobtakil, yowalil watx' che yut e beybal, yet watx' chi txecloj elok tol yel mayal e na e ba. Manchak e yal axca ti': C'am tzet chi co na', yinatil on Abraham, man quex chiok. Yujtol chi wal ayex, ta chi yal c'ul Dios, chi je' yuten oc juntzan ch'en ti' animail, cax chi oc yinatilok Abraham e q'uexelok. 9 A jun miman yailal ok jayok, lajan axca junok winak watx'xa yayji yetok yechej yich junok te' yet chi k'akon ajok. Masanil te' man watx'ok sat chi yak'a', chi tzoc'ajok, cax chi yak'on tz'a'ok, ẍi Juan bay eb. 10 —¿Tzet watx' chi jut co beybal xin? ẍi eb bay. 11 —Ta ay ex ay ca mojanok e pichil, che yak' junok yet junok mac c'am yet, yetok ex ay tzet che lo', che yak' jabok yet eb c'am yet, ẍi bay eb. 12 Ay c'apax jaywan eb tekom el tojlabal max jayoc bay Juan tu', yuj ul chaon eb is bautismo bay. Maxc'al jay eb, max k'anlen eb bay axca ti': —Meẍtol, ¿tzet watx' chi jut watx'jok oc co beybal? ẍi eb bay. 13 —A yet che tekon el tumin yin anima, atac'ala' jantak yalon ley che tekilok, ẍi bay eb. 14 Ay c'apax jaywan eb soldado max jayoc ul k'anlen bay axca ti'; —Axa ayon ti', ¿tzet watx' chi jut co beybal? ẍi eb bay. —Man e xibtej eb anima. Manchak e naaj k'anej yiban eb, yuj e yion ec' tzetak yetal bay eb. K'okbilokab e tojol che yi', ẍi bay eb. 15 A eb anima ayic' bay tu', chi yechbanej eb yabej, yujtol chi na eb, talaj a Juan tu' Cham Cristo. 16 Palta max yal bay eb masanil axca ti': Ayin ti', wal yel chex wak' bautizar yetok aej, palta ay jun mactxel tolto ok jayok. A' ok ak'on Espíritu Santo ayex, ma xin a k'ak' ok yak' ayex, tol ok ex ak'lay bautizar yuj. A jun mactxel chi wal tu', yelxac'al miman yelapnok wintak. Yuj tu' xan man in mojok wak'on serbil jabok, caxc'al yin in xuyon el tx'anil xanab, man in mojok. 17 A jun mactxel chi wal tu', lajan yetok junok winak chi txayej is trigo, yuj yioncan el ixim yakanej xol ixim bak'ej. Chi c'ubaj cantok ixim bak' trigo bay is c'una', axa ixim yakanej chi yak' tz'a xol jun k'ak' c'am oxlajon bak'in chi tani, ẍi Juan tu' bay eb. 18 Xiwiltoc'al juntzanxa cuybanilej axca juntzan ti' max yal Juan bay eb anima tu', yuj yaben eb jun abix watx' yoqui. 19 Yetok c'apaxok, max yak'lej tenchanen Herodes, cham yajaw, yujtol max montej el cham ix Herodías, yistzil yuẍtak. Man asannejok tu', palta aytoc'al juntzanxa yobtakil max el yuneni. Yuj tu' xan max yak'lej Juan tenchaneni. 20 Palta a Herodes tu', c'am wal jabok max yikej bay. A ti yet, tol max texac'al yiajtek c'ulok yunen juntzanxa yobtakil, ilab tol max alaytok Juan tu' preso yuj. 21 A yet junel, yet c'amto chi alay oc Juan tu' preso, lanan yak'on bautizar eb anima chi apni oc bay, max yak'on c'apax bautizar Jesús. A yet lanan txajli Jesús, cax max jakchaj satcan. 22 Axa yayol Cham Espíritu Santo yiban tu' axca junok paloma. Caw miman txequel yet max ayol tu'. Max ablay yoc k'anej max al-lay aytek satcan, max al-lay axca ti': —Ach ton ti', in C'ajol ach, cax camc'ulnebil ach wuj; caw chin tzaloj en, ẍi. 23 30 abilxam wal Jesús, max chaon el yich mulnaj yin yet Dios. A Jesús, c'ajol José naon eb anima. Tix yayji oc eb yichmam José tu': Elí, 24 Matat, Leví, Melqui, Jana, José, 25 Matatías, Amós, Nahum, Esli, Nagai, 26 Maat, Matatías, Semei, José, Judá, 27 Joana, Resa, Zorobabel, Salatiel, Neri, 28 Melqui, Adi, Cosam, Elmodam, Er, 29 Josué, Eliezer, Jorim, Matat, 30 Leví, Simeón, Judá, José, Jonam, Eliaquim, 31 Melea, Mainán, Matata, Natán, 32 David, Isaí, Obed, Booz, Salmón, Naasón, 33 Aminadab, Admin, Aram, Esrom, Fares, Judá, 34 Jacob, Isaac, Abraham, Taré, Nacor, 35 Serug, Ragau, Peleg, Heber, Sala, 36 Cainán, Arfaxad, Sem, Noé, Lamec, 37 Matusalén, Enoc, Jared, Mahalaleel, Cainán, 38 Enós, Set, Adán. A Adán ti', a Dios max watx'neni.
1 A Jesús, ay wal oc yalan yikbej Cham Espíritu Santo, max meltzojtek bay a' miman Jordán. Max ilaytok yuj Cham bay jun tz'inan tx'otx'. 2 40 c'ual max betic' bay tu'. Max yak'lej nak diablo yikban Cham yin yobtakil. C'am jabok tzet max lo' Cham yin juntzan c'ual tu'. Lajwi tu' max tit is wajil sic'libil. 3 Yuj tu' xan max yal nak diablo tu' bay axca ti': —Tutun tol C'ajol ach Dios, al bay jun ch'en ti', tol chi oc yin lojal, ẍi bay. 4 Axa yalon bay nak diablo tu': —Chi yal tx'an Un Tz'ibbilcan axca ti': Man asannejok yuj loj chi je' jiquisbi, ẍi tx'an, ẍi Cham bay. 5 Max lajwi tu', max ilaytok yuj nak diablo bay jun miman tzalan. Yin jun bek max tx'oxon masanil juntzan mimek conob yulyibank'inal ti' bay. 6 Axa yalon nak diablo bay axca ti': —Ok ach waoc yajawilok masanil juntzan mimek conob ti', c'al yiban is beyomal. A juntzan ti', abil oc yul in k'ab. Yuj tu' xan chi je' wak'on bay tzanc'al mac bay chi yal in c'ul. 7 Ta chach ay jajan ayin, cax chaon ay a ba ayin, ok wak' masanil juntzan ti' ayach, cax chi oc etok, ẍi nak bay. 8 Axa yalon Jesús bay axca ti': —Chi yal yul tx'an Un Tz'ibbilcan axca ti': Iek ay e ba bay Cham Jajawil co Diosal. Asan Cham che yak' serbil, ẍi tx'an, ẍi Jesús bay. 9 Max lajwi tu', max yion paxtok nak diablo bay Jerusalén. Max yion ajtok bay chon templo Dios. Max yalon nak bay axca ti': —Tutun tol C'ajol ach Dios, k'okaytok a ba sat tx'otx' tu'. 10 Yujtol chi yalcan yul tx'an Un Tz'ibbilcan axca ti': Ok chektek Dios eb is yángel yet watx' chach taynelayi. 11 Ok ach quetzlay aj yuj eb, yet watx' c'am cha chipil akan yin ch'en, ẍi yul tx'an Un tu', ẍi nak tu' bay Cham. 12 Max yalon pax Jesús bay: —Palta chi yal c'apax yul tx'an Un Tz'ibbilcan tu' axca ti': Manchak e yak' porobal Cham Jajawil co Diosal, ẍi yul tx'an Un tu', ẍi Jesús bay. 13 Max lajwi tu', c'amxa junokxa tzet yetal max nachaj el yuj nak diablo tu' yuj yak'len yikban Cham yin yobtakil, yuj tu', max bekcan jun tiempoal. 14 Max paxtok Jesús bay Galilea. Caw ayc'al oc yipal Cham Espíritu Santo yin. Pilan max abchaj is k'umal bay juntzan lugar tu'. 15 Max ec' cuywal bay jun nail wajayil eb yet israelal yin culto. Masanil anima max alon Cham watx'il. 16 Max lajwi tu', max toj Jesús, max apni bay Nazaret bay max ch'ibi. Axa yet c'ual xewilal eb israel, max oc yul nail wajayil eb yin culto, axca ta' is beybal. Max aj lecanok, max yawten aj tx'an Un Tz'ibbilcanok. 17 Max yak'on eb jun tx'an Un Tz'ibbilcan bay, tx'an tz'ibbilcan yuj jun chekbej Dios chi yik Isaías. Max xuyontok, cax max sayon eltek bay chi yal axca ti': 18 A Yespíritu Cham Dios Jajawil ayoc win, yujtol a Cham max in sic'on elok yuj walon el watx' abix bay eb meba'. A' cheknejintek, yuj walon c'apax bay eb axca tol preso yayji, tzetbil chi yun colchaj eb. Chi ul in jakon sat eb c'am chi je' yilwi. Axa eb caw chi etaxi, chi ul in colcan el eb. 19 Yetok c'apaxok, yuj ul waloncan elok tol mayal jay tiempoal jun colbanilej chi yak' Cham Dios Jajawil, ẍi tx'an Un Tz'ibbilcan tu', max awtelay aj yuj Jesús. 20 Max lajwi tu xin, axa chulon pax aj Cham tx'an tu'. Axa yaon paxtok bay jun mactxel ay yopiso bay jun nail wajayil yin culto tu'. Max ay chotan Cham, cax max cuywaj bay eb. Masanil jantak eb ayoctok yul nail wajayil tu', max oc t'anan eb yin. 21 Max chaon el yich yalon bay eb axca ti': —A yet jun c'u ti', ti wal lanan yunen el e satak tzet chi yal tx'an Un Tz'ibbilcan ti', ẍi bay eb. 22 Max al-lay Cham watx'il yuj masanil eb wajan ec' tu'. Max c'ayaj c'ul eb sic'libil, yujtol caw wal watx' juntzan tzet yetal max yal bay eb. Max c'oli yalubtanen eb axca ti': —A jun ti', a ton jun c'ajol José, ẍi eb. 23 Yuj tu' max yal Jesús bay eb axca ti': —Toxc'a ok e yal jun q'uexan k'anej ti' ayin: Ach antem anima, antejcan a ba jila', quex chi mi. Ok e yal c'apax axca ti': Chi jab yabixal xiwil tzet max el onen bay Capernaum. Un pax bay co conob ti' jila', quex chi mi ayin. 24 Wal yel chi wal ayex, c'am junok chekbej Dios ay yelapnok yul sat eb yet conob. 25 Che natek yabixal Elías yet payxa, tzet max uj yet tu'. Nan is can abil majxa yak' nab. Max jay jun miman wajil yiban anima masanil. A yet jun tiempoal tu', xiwil eb ix jet israelal camnakxa yichamil; 26 palta manak bay eb ix tu' max cheklaytek Elías colwajok. Asan bay jun ix man israelok, ix aj Sarepta, bay cawilal Sidón, a bay ix tu' ulnak ec' colwajok. 27 Naek c'apaxtek yabixal junxa chekbej Dios chi yik Eliseo. Xiwil eb jet israelal michchajnak aj yuj lepra. Palta c'am junok eb watx'jinakcan yuj Eliseo tu', asan jun cham man israelok chi yik Naamán, aj Siria, asan watx'jinakcan yuj, ẍi Jesús bay eb. 28 A yet max yaben jantak eb ayoctok yul nail wajayil tu' juntzan ti', caw wal max tit yowal eb yin. 29 Xan max aj wan eb, axa yukten el eb Cham yul conob tu'. Max apni eb bay chon jun tzalan paq'uil conob, max yochej eb max ten aytok sat witz. 30 Palta max elcan besnaj Cham xol eb, axa toj tu'. 31 Max toj Jesús bay conob Capernaum, yul yet Galilea. Max c'oli cuylay eb anima yuj, yet c'ual xewilal eb israel. 32 Max c'ayaj c'ul eb yaben juntzan cuybanilej tu', yujtol a yet lanan k'anjabi, max txecloj elok, tol ay yikbej. 33 Ay jun winak ayic' bay nail wajayil eb yin culto tu', ayoc espíritu yob yin. Max aj yaw jun espíritu yob tu' yin ipejal, max yalon axca ti': 34 —¿Tzet alon et jetok, ach Jesús aj Nazaret? ¿Ma yuj on ul ak'on c'ayilok xan max ach jayi? Wojtak mac ach txel. Ach ton ti', sic'bil ach el yuj Dios, ẍi bay Cham. 35 Axa tzuwaj Cham yin jun espíritu yob tu': —Tz'in cachi. Elan yin jun winak ti', ẍi bay. Ayman max k'oklay ay nak sat tx'otx' yuj jun espíritu yob tu' satak masanil, axa yel yin nak tu'. C'am jabok bay max yasjican yuj. 36 Max c'ayaj c'ul masanil eb max iloni, axa yalubtanen eb axca ti': —¿Tzet laj yayji juntzan k'anej max yal ti'? A jun winak ti', caw ay yikbej, toltax ay yikbej yin chekon el eb espíritu yob. Ilab tol chi el yuj, ẍi eb. 37 Max abchaj aj k'umal Jesús xol masanil eb anima bay juntzan lugar is cawilal tu'. 38 Axa yeltek Jesús yul nail wajayil tu', max toj bay yatut Simón. Caw ya'ay xal ni' Simón tu' yuj k'ak'al ilya', xan max yal eb yailal bay Cham. 39 Axa yoc lecan Cham c'atan xal tu'. Max tenon oc wanaj jun k'ak'al ilya' tu'. Ayman max sicbi yin xal. Axa yaj wan xal tu', max ak'lay serbil eb yuj xal. 40 Axa yet yayc'ualil, masanil eb mactaktxel ay is ya'ay yuj tzanc'al tzet ilyail, max yitek eb bay Jesús. Max batxbajtok Cham k'ab yiban junjun eb. Axa jaycan c'ul eb tu'. 41 Xiwil mac max yican el espíritu yob yin. Chi aj yaw eb espíritu tu' chi yalon eb axca ti': —Ach ti', C'ajol ach Dios, ẍi eb bay. Palta max tenchanelay eb yuj Cham. Maj cha' k'anjab eb, yujtol yojtak eb tol a ton Cristo. 42 Axa yet max sakbi el xin, max toj Jesús tiel conob bay c'am anima. Palta max toj eb anima sayon ec'ok. Max apni oc eb bay ayic' tu', max c'oli yoc tean eb yin tol manchak toji. 43 Xan max yal bay eb axca ti': —Yowalil chi ec' walcan el watx' abix bay juntzanxa conob, yet watx' chi yabcan oc eb tol toxa ok occan Dios yin Yajawil. A ton yuj jun ti' xan chekbilintek, ẍi bay eb. 44 Yuj tu' xan max ec'c'al Jesús yalon el k'anej Dios bay junjun nail wajayil eb yet israelal yin culto bay yulak yet Judea tu'.
1 A yet junel, max toj Jesús ti a' mar Genesaret. Xiwil mac max waj ba yin Cham bay tu'. Caw wal chi witz' ba eb yin, yujtol chi yochej eb chi yab is k'anej Dios. 2 Axa max yilon Jesús, ay cab barco ayic' ti' melemal a'. C'am yajaw te' ayoctok yul, yujtol lanan tx'ajon eb is txim mitx'bal txay. 3 Yuj tu' max octok Cham yul jun te' yet Simón. Max lajwi tu' max yalon bay tol chi jitztok ba eb jabokxa bay pimal a'. Max lajwi tu', max ay chotan Cham. Ata tu' max cuywajtek bay eb anima. 4 Max lajwi cuywaj bay eb xin, max yalon bay Simón tu' axca ti': —Co jitzektok co ba bay najat yich a'. Ata bay tu' ok e yaaytok e txim mitx'bal txay ti', ẍi bay eb. 5 —Mamin, masanilc'al ak'bal max jak'lej ma'i, palta c'am tzet max ji'. Palta yuj wal tol ach chala', xan ok tok waaytok txim ti' junelxa, ẍi Simón bay. 6 Axa wal yet max yaon aytok eb is txim tu', manxa jantakok no' max michchaji. Max c'oli nic'chajtok yulak sat txim eb tu' yuj no'. 7 Axa yak'on eb k'ab bay juntzanxa eb yetbi bay junxa te barco, yet watx' chi tit eb colwaj ul tok'on ajtek no' yetok eb. Max jayoc eb xin, max colwaj eb, max yak'on noj eb te barco tu' cabil yuj no'. Ijan chi paxay te' yich a' yuj yalil no'. 8 A yet max yilon Simón Pedro tu' jun tu', max ay jajnaj satak Jesús, max yalon bay: —Mamin, mata chach el in c'atan, yujtol ayin ti', caw yobtakwom in, ẍi bay Cham. 9 Caytu' max yut yalon axca tu', yujtol caw wal max c'ayaj c'ul yetok eb ajun yetok yet max yilon oc eb no txay tu'. 10 Yetok c'apax Jacobo c'al Juan, eb nak c'ajol Zebedeo, ajun eb yetok Simón tu', caw wal max c'ay c'apax c'ul eb yiloni. Axa yalon Jesús bay Simón: —Manchak ach xiwi. Axca chot a mitx'on no txay ti', axca tu' ok ot eontek eb anima ayin, yet ok beytok ti', ẍi bay. 11 Axa yet max apni oc eb ti a' yetok te barco tu xin, max bekoncan eb is tzetak yetal masanil, axa tzakloj eb yintak Jesús. 12 A yet junel, yet ayic' Jesús bay jun conob, max jayoc jun winak bay. Caw ya'ay sic'libil yuj lepra. A yet max yilon nak yin Jesús, max ay jajanok cax max ay nojan sat tx'otx' satak Cham. Max oc tean nak yin, max yalon axca ti': —Mamin, ta chi yal a c'ul, chi je' in a watx'nencanok, ẍi nak bay Cham. 13 Axa yoc matxan k'ab Cham yin nak tu'. —Chi yal in c'ul; ti chi wak'can watx'jok a c'ul, ẍi bay nak. Lajwic'al yalon jun tu', axa tak juntzan yabil tu' yin nak. 14 Lajwi tu xin, max cam yalon Cham bay nak axca ti': —Ayta bay chal jun ti'. Asi', cha tx'oxon a ba bay junok sacerdote cax chak'on ofrenda bay Dios, axca yalon ley Moisés. Axca tu' ok yun a txecloj c'apax elok, tol mayal ach watx'ji, ẍi Jesús bay nak. 15 Palta tol max texac'al el k'umal Jesús xol anima, xan xiwil max waj ba eb yin Cham. Chi yochej eb chi abxalwi bay Cham, cax chi yochen c'apax eb chi watx'jican c'ul yin tzetak ilyail chi on eb. 16 Axa Cham chi betc'al ec' bay c'am anima. A bay tu' chi bet txajlok. 17 Axa yet jun c'ual, max cuywaj Jesús bay eb anima. Ay juntzan eb fariseo chotan ec' bay tu', yetok juntzan eb meẍtol yin ley Moisés. A bay junjun conob yul yet Galilea yetok yul yet Judea max tit eb. Ay c'apax eb max tit bay Jerusalén. Caw wal max txecloj el yipalil Dios yin Jesús bay tu' yuj yak'on watx'jok c'ul eb ya'ay. 18 A yet lanan cuywaj tu', max apni oc jaywan winak. Yetbi oc eb jun winak sicbinak el is mimanil. Batxbil oc yuj eb sat is wayub. Max yochej eb max octok yetok yul na, cax max telban ay eb satak Jesús yaloni. 19 Palta maj je' yoctok eb yetok nak, yujtol caw wal nojnak yul na tu' yuj anima. Yuj tu', max ajtok eb yiban na. Cax max yion el eb jayeb tx'otx' teja, axa yaon aytok t'ununok eb nak yetok is wayub tu' xol anima, max ayapnok nak satak Jesús. 20 A yet max yilon Jesús tol max yaoc eb nak c'ul yin, axa yalon Cham bay nak sicbinak el is mimanil tu': —Ach anima, max ak'lay tan a yobtakil, ẍi bay nak. 21 Axa eb meẍtol yin ley Moisés c'al eb fariseo, max na eb axca ti': ¿Mactxel jun winak ti', xan chi yal buchwal k'anej yin Dios? Tok ay junok mac chi je' yak'on tan yobtakilej, asannej Dios, ẍi eb. 22 Palta yojtak Jesús tzet lanan naon eb, yuj tu' xan max yal axca ti': —¿Tzet yuj xan che na' juntzan tu'? 23 ¿Mactet junok yel suboj jaloni c'al yuneni xol cab k'anej ti' che na'? ¿Ta con chi axca ti': Max ak'lay tan a yobtakil, ma a': Ajan wanok, cax beyan, ta con chi? 24 A tinani' ok in tx'ox ayex, tol a ayin Chekbilintek yuj Dios xol eb jet animail, chic'al je' wuj wak'on tan is yobtakil eb anima yulyibank'inal ti', ẍi bay eb. Max lajwi tu', axa yalon bay nak sicbinak el is mimanil tu', axca ti': —Ayin chi wal ayach, ajan wanok. Iaj a wayub ti'. Paxan bay atut, ẍi bay nak. 25 Yet-xac'al jun bek tu', max aj wan nak satak eb, axa yion aj nak is wayub bay telan ay tu'. Max pax nak bay yatut, lanan yalon watx' k'anej bay Dios. 26 Yuj tu' xan caw wal max c'ayaj c'ul masanil eb max ilon tu'. Max yalon c'apax eb watx' k'anej bay Dios. Caw wal chi xiw c'apax eb, xan max yal eb: —A juntzan tzet yetal lanan jilon yet jun c'u ti', chi c'ayaj co c'ul jiloni, ẍi eb. 27 Lajwi tu', max toj Jesús. Lanan wal beyi, max yilon yin jun tekom el tojlabal chi yik Leví. Chotan ay bay chi tekwi el tojlabal bay eb anima. —Tzaklojan cuywok wintak, ẍi Jesús bay. 28 Axa yaj wan tu', max bekoncan masanil is tzetak yetal. Max chaon el yich yec'c'al cuywok yintak Jesús. 29 A Leví tu', max yak' watx'jok jun miman loj bay yatut, yet watx' chi low Jesús yetok. Xiwil eb tekom el tojlabal, yetok juntzanxa anima max oc chotan yin meẍa yetok eb. 30 Palta eb fariseo xin, yetok eb meẍtol yin ley Moisés, yob tzet chi yal eb bay eb cuywom Jesús. Max yalon eb axca ti': —¿Tzet yuj xan chex lowi c'al e yuq'uen a' yetok eb tekom el tojlabal, c'al yetok juntzanxa eb yob is beybal ti'? ẍi eb bay eb. 31 Axa yalon Jesús bay eb axca ti': —K'inalok ta ayic' junok antem anima tinani', tok ay yopiso yuj eb watx' c'ul. Asan eb ya'ay, a eb tu' ay yopiso yuj. 32 Man yujok wawten eb watx' is beybal naoni, xan max in jayi, palta yuj ul wawten eb chi yojtaknej el ba tol yobtakwom, yet watx' chi na ba eb yin is yobtakil, ẍi bay eb. 33 Max lajwi tu xin, max yalon eb bay Jesús axca ti': —A eb cuywom Juan, cham ak'om bautismo, yetok eb cuywom eb fariseo, xiwil el chi yak' eb c'ajbanc'ulal, cax chi txajli eb, palta a eb a cuywom ach ti', ¿tzet yuj xan asan loj chi yun eb? ẍi eb bay. 34 Axa yalon bay eb axca ti': —K'inalok ay junok nupayil chi oc tinani'. A eb awtebil bay jun nupayil tu', ¿tom ok je' tol man ok low eb yet ayic' nak lanan nupay tu' yetok eb? 35 Ato yet ok ajapnok tiempoal yilay el nak xol eb, catatu' bian ok oc eb yin c'ajbanc'ulal, ẍi bay eb. 36 Max lajwi tu xin, max yalontek junxa abix ti' bay eb: —C'am junok mactxel chi lot'il jabok nip yin an ac' pichilej, cax chi yaon oc nipilok junok an icham pichilej. Ta ay bay caytu' chi yut xin, chi yetnej el an ac' tu'. Yetok c'apaxok, man watx'ok chi yuncan an icham tu' yuj an ac' tu'. 37 Cac'apax tu', c'am mac chi aon ay vino ato watx'ji yul junok icham tz'um netal vino, yujtol a yet chi sipc'oj aj jun vino tu', chi nic'chaj no tz'um netal vino tu' yuj, cax toc'al chi etax el vino tu', c'al no tz'um tu'. 38 Yuj tu' xan asan yul ac' tz'um netal vino chi ay juntzan vino ato watx'ji tu', yet watx' c'amc'al junok toc'al chi etax elok. 39 Yetok c'apaxok, a mac mayal uq'uen vino ayxa c'ubay ec'ok, tok chito yochej jun ato watx'ji tu'. Chi yalon eb axca ti': A vino ayxa watx'ji ti', yelxac'al watx', ẍi eb, ẍi Jesús.
1 A yet jun c'ual xewilal eb yet israelal, max ec' Jesús bay jun be xol juntzan ixim trigo yetok eb is cuywom. A eb cuywom tu', max yiel eb jayeb jolom ixim, max batzon el eb ixim c'uxu'. 2 Axa k'anlen el juntzan eb fariseo bay eb axca ti': —¿Tzet yuj xan che yun mulnajil tol ay yowalil junen yet jun c'ual xewilal ti'? ẍi eb bay eb. 3 Axa yalon Jesús bay eb tu': —¿Tom c'amto bay che yil yul tx'an Un Tz'ibbilcanok tzet max yun David junel, yet max tit is wajil yetok eb ajun yetok? 4 Max octok yul templo Dios, yion aj ixim pan yet Dios yayji. Max loon yetok eb ajun yetok tu'. A juntzan pan tu', asan eb sacerdote ay leyal looni. 5 —Ayin ti', chi je' walon tzet chi je' el junen yet c'ual xewilal, yujtol Chekbilintek yuj Dios xol eb jet animail, ẍi Jesús bay eb fariseo tu'. 6 A yet junxa c'ual xewilal, max octok Jesús yul jun nail wajayil eb yet israelal yin culto. Max c'oli cuywaj nan xol eb. Ay jun winak sicbinak el is watx' k'ab ayic' bay tu'. 7 Axa eb meẍtol yin ley Moisés yetok eb fariseo, max mak eb yila' ta ok watx'nejcan Jesús is k'ab nak tu' yul c'ual xewilal, yujtol max yochej eb max ilchaj junok tzet max oc is mulok Cham, cax chi yak'on queja eb. 8 Palta yojtakxa Cham tzet lanan naon oc eb yin, yuj tu' xan max yal bay nak sicbinak el is k'ab tu' axca ti': —Ajan wanok, cax chach oc lecan co nan ti', ẍi bay nak. Axa yaj lecan nak tu'. 9 Max lajwi tu xin, max yalon Jesús bay eb axca ti': —Ay jun tzet ok in k'anlej el ayex: ¿Baytet ay junok ay is leyal junen yet c'ual xewilal che na'? ¿A mi tzet watx' chi je' el juneni, ma a tzet yob? ¿Chi mi je' jak'on jaycan c'ul junok ya'ay, ma co bekon camok? ẍi bay eb. 10 Max lajwi tu' max ec' t'ananok Cham xol eb oyan oc yin tu'. Max yalon bay nak axca ti': —Bitok a k'ab, ẍi bay nak. Max biontok nak k'ab, cax max watx'ji canok. 11 Palta caw max tit yowal juntzanxa eb, axa lajtinen el ba eb tu' yuj tzet ok yut eb Jesús. 12 A yet jun tiempoal tu', max toj Jesús txajlok bay jun tzalan. Jun ak'bal txajc'al max yun bay Dios bay tu'. 13 Axa yet max k'inibi aj yet junxa c'ual, axa yawtentok eb is cuywom tu' c'atan, max sic'on el lajcawan xol eb, axa yaon oc yopiso eb tu' yuj yoc eb is chekbejok. 14 Tixtak is bi eb ti': Simón, nak max yik c'apax Pedro yuj, yetok jun yuẍtak nak chi yik Andrés, yetok Jacobo, Juan, Felipe, Bartolomé, 15 Mateo, Tomás. Ay junxa chi yik Jacobo c'ajol Alfeo, ay junxa Simón c'apax bi, ayoc yin is partido eb cananista yet yalantok. 16 Ay jun chi yik Judas, yuẍtak Jacobo, yetok c'apax Judas Iscariote, nak max aon oc Jesús yul k'ab camich. 17 Max lajwi tu', axa yaytek Jesús yetok eb is cuywom bay jun tzalan tu'. Palan yayol eb bay jun ac'al. Xiwil anima max tit bay juntzan conoblak yul yet Judea max jayoc eb bay Cham. Ay eb max tit bay conob Jerusalén. Ay c'apax eb max tit bay tilak a' mar, bay Tiro yetok bay Sidón. Max ulic' eb abxalwok bay Cham. Ay eb xin, yuj watx'jican yuj junok is yailal, xan chi ulic' eb. 18 A eb ok'bal c'ul yayji yuj eb espíritu yob, max jaycan c'ul eb yuj. 19 Chi yochej eb masanil chi ec' oc matxan k'ab yin Jesús, yujtol chi watx'jican eb masanil yuj is yipalil Cham. 20 Axa yec' t'ananok Jesús xol eb is cuywom tu', max yalon bay eb axca ti': A ayex meba ex ti', watx' e yet, yujtol ayex oc yul k'ab Dios. 21 A ayex ay e wajil ti', watx' e yet, yujtol ok nojcan e c'ul. A ayex chex ok' ti', watx' e yet, yujtol ok ex tzewok. 22 Wujc'al ayin Chekbilintek yuj Dios xol eb jet animail ti', xan ok chichon oc c'ul eb anima e yin, ok ex yuktej el eb xol, cax ok ex buchlay yuj eb. Wujc'al, xan caw yobc'al tzet ok yal eb e yin, palta a yet caytu' ok ex yut eb axca tu', caw watx' e yet. 23 Tzalojanek wal sic'libil, yujtol ay tzet ok e cha' paktzilok bay satcan. Axca chex utlay ti' tinani', cay c'apax tu' max utlay eb chekbej Dios yuj eb anima yet payxa. 24 Palta a ayex beyom ex, caw ok'bal ex c'ul, yujtol mayal e yil watx'takil cayti'. 25 A ayex nojnak e c'ul ti', caw ok'bal ex c'ul, yujtol ok jay jun tiempoal ok e yak' wajil. Axa mac ex chex tzew tinani', caw ok'bal ex c'ul, yujtol ok ex ok' yuj cusc'ulal. 26 A yet watx' exxac'al yalon anima, caw ok'bal ex c'ul, yujtol caytu' max al-lay yin eb chi yaloc ba chekbejok Dios yuj eb jichmam. 27 Chi wal ayex mac ex lanan e yacban e txiquin ayin ti', tol che ya'ilnej eb ajc'ulok e yin. Ak'ek watx'c'ulal bay eb chi chichon oc c'ul e yin. 28 A eb chi k'anontek yowal c'ul Dios e yiban, axaokabxa watx'c'ulal Dios che k'antek yiban eb. Chex txajli yuj eb chex buchoni. 29 Ta ay mac chi mak'ontok jun pac'ok e sat, che yacbajtok jun pac'xa mak'a'. Ta ay mac chi tok'on ec' e jokan pichil, bekek c'apax tok e camiẍ yetok. 30 Tzanc'al mac chi k'anon junok tzet yetal ayex, ak'ek bay. A eb chi ion ec' junok e tzet yetal, manchakxa e k'an meltzoj bay eb. 31 Che yochej tol watx' chi yut ba eb e yet animail ayex, yuj tu' xan, watx'okab che yut e ba bay eb. 32 Ta asan eb chex camc'ulneni che camc'ulnej, ¿xin ta watx' axca tu'? A eb yobtakwom, cay c'apax tu' chi beybalnej eb. 33 Yetok c'apaxok, ta asan bay eb watx' chi yut ba ayex, watx' che yut e ba, ¿xin ta watx' axca tu' che na'? A eb yobtakwom, cay c'apax tu' chi beybalnej eb. 34 Ta asan bay mac chi ak'on meltzoj e tumin, che yak' majanil, ¿xin ta watx' axca tu'? A eb yobtakwom chi yak' c'apax eb is tumin majanil bay eb yet yobtakwomal, yujtol chi na eb chaon pax junelxa. 35 Palta ayex ti xin, camc'ulnejek eb ajc'ul oc e yin. Ak'ekc'al watx'c'ulal. A yet che yak'on e tumin majanil, man e na' e chaon q'uexel. Ta che beybalnej axca tu', caw miman tzet ok e cha' q'uexelok bay satcan, cax chi txecloj c'apax elok tol yuninal exxa c'apax Dios, Cham Axac'al Ocok. Ilab chi tx'ox Cham watx'c'ulal bay eb yobtakwom, eb tamwal chi yal yuj diosal jabok yuj tzet chi cha' bay. 36 Ok'okab e c'ul yin e yet animail, axca chi yun yok' c'ul co Mam Dios e yin. 37 Manchak e beyc'ulnej junokxa mactxel, yet watx' c'am chex beyc'ulnelay yuj Dios. Man comonok che yal tol ay mul junok mactxel, yet watx' c'am chi yal Dios tol ay e mul c'apaxok. Joek c'ay yowal e c'ul yin e yet animail, cax ok joon c'ay Dios yowal c'ul e yiban. 38 Ak'ek bay e yet animail; ta caytu' ok e yutej, ok yak' c'apax Dios ayex. Axca wal junok tzet yetal tz'akaki chi yun yechelay bay e net teq'ueq'ui chi yunej, bululi chi yunej, c'amxa chi je' pixlay ti' is netal, caytu' ok yut yak'on Dios tzetak yetal ayex. Axca che yut e yak'on bay e yet animail, caytu' ok yut yak'on c'apax Dios ayex. 39 K'inalok ay junok mac c'am chi je' yilwi, ¿xin ta chi je' quetzon bey junokxa c'am chi je' yilwi? Chi tok'lejtok ba eb cawanil yul olan. 40 C'am junok cuywom ec'ban yelapnok yintak is meẍtol, palta a yet chi lajwi is cuyoj, lajanxa axca is meẍtol tu'. 41 K'inalok ay junok e yet animail chi toj junok c'ajil k'alem yul sat. Ayexxa xin, k'inalok ay pax junok patzab ayoctok yul e sat, ta c'am che yiltek tol ay te' ayoctok yul e sat, ¿tom ato wal jab k'alem ayoctok yul sat e yet animail tu' ok e yiltek? 42 Ta ay junok te patzab ayoctok yul a sat xin, tok ok je' alon bay et animail axca ti': Jilto wali, jiiltek jun c'ajil k'alem ayoctok yul a sat tu', tok quex chi. Palta tatol caytu' che yut e yaloni, cabsat ex chi yal tu'. Iek eltek jun te patzab ayoctok yul e sat tu' babelal, catatu bian, ok je' e yilon e yion eltek jun c'ajil k'alem yul sat e yet animail tu'. 43 A te te' watx', c'am junok te yob sat chi yak'a'. Ac'ala' c'apax te yob, c'am junok te watx' sat chi yak'a'. 44 Yuj sat junjun te' chi yak'a', xan chi jojtaknej el te' tzet teal te'. K'inalok junok te q'uix tinani', tokwal sat higo chi yak'a'. K'inalok c'apax junok te cak q'uix tinani', tokwal sat uva chi yak'a'. 45 A mac watx' is nabal, watx' tzet chi el yuneni, yujtol asan tzet yetal watx' ay yin is nabal. A pax eb yob is nabal xin, yob c'apax tzet chi el yunen eb, yujtol asan tzet yob ay yin is nabal eb, yujtol a tzet ay yin co nabal, a' chi jala'. 46 ¿Tzet yuj xan, Mamin Wajaw quex chi ayin, palta c'am che yikej pax tzet chi wala'? 47 Ok waltek ayex tzet ok yun yeloc eb chi abxalwi ayin, ta chi yikej eb tzet chi wala'. 48 Lajan ok yun yeloc eb axca junok winak chi watx'nej yatut. Chi jupanej tx'otx' masantac'al chi ayapnok bay tx'otx' caw sat, cax chi yaon ay yich. Chi lajwi watx'ji yuj xin, chi c'oli yeq'uel elom aej yinlak, chi aj can a', ow chi yun mak'on oc ba a' yichlak, palta c'amc'al jabok chi bili, yujtol caw wal watx' yay yich. 49 Palta a eb c'am chi yikej pax tzet chi wal bay, yet chi xew yabxalwi ayin, lajan eb axca junok mactxel toc'al chi chotbaj ay yatut sat tx'otx'. C'am yich chi yatok yul tx'otx'. Chi lajwi watx'ji tu', chi c'oli yeq'uel elom aej yinlak jun na tu', chi aj can a'. Ow chi yun mak'on oc ba a' yichlak. Ayman chi telc'oj jun tu', cax chi etax ayok, ẍi Jesús bay eb.
1 A yet max xew k'anjab Jesús bay eb anima, max toj bay Capernaum. 2 A bay tu' ay jun cham capitán aj Roma. Ay jun is moso cham caw xajan yuj sic'libil, palta ya'ay, cax toxa chi cami. 3 A yet max yaben cham k'umal Jesús, max chekontok jaywan eb winak ay yopiso xol eb israel. Max bet oc tean eb yin Jesús yet chi toj yak' watx'jok nak is moso cham tu'. 4 A yet max apni oc eb bay Jesús, max oc tean eb yin, max yalon eb bay axca ti': —A jun cham capitán tu', moj wal chach colwaj bay cham, 5 yujtol caw wal ay is camc'ulal cham jin ayon israel on ti'. Max yak' watx'jok cham jun nail bay chi co waj co ba yin culto, ẍi eb bay. 6 Yuj tu xin, max toj Jesús yetok eb, palta jabxanej wal yapni oc eb bay na tu', max chekon cham capitán tu' jaywan eb is yamigo bay Jesús. Max yalon eb axca ti' bay: —Chi yaltek cham ayach axca ti': Mamin, manchakxa etnej a ba a jay ayin, yujtol man in mojok chach jay yul watut. 7 Yuj tu' xan tamwal max in tec'baj in ba in toj ayin caw walon ayach yuj nak in moso ti'. Asannejokab tol chala' tol chi watx'jican nak, axa watx'jican nak oj tu'. 8 Wojtak jun ti', yujtol ayin ti', ay eb wajawil chin chekoni, ac'ala' ay c'apax eb soldado chin cheka'. Ta ay junok mac chin cheka', chic'al yikej toji. Ta ay mac chi wawtej, chic'al yikej jayi. Yetok c'apaxok, ta ay tzet chin chek watx'nej junok in moso, chic'al yikej watx'neni, ẍitek cham capitán tu', ẍi eb bay Jesús. 9 A yet max yaben Jesús axca tu', caw wal max c'ayaj c'ul yabeni. Axa yoc t'anan yin eb anima tzakan yintak tu', max yalon bay eb axca ti': —Wal yel chi wal ayex, c'amto junok eb jet israelal maxax wil wal yaon oc c'ul win axca jun winak ti', ẍi Jesús. 10 Axa yet max jay eb is chekbej bay na tu xin, max yilon eb tol mayal watx'jican nak mosejal tu'. 11 Max lajwi tu xin, axa toj Jesús bay jun conob chi yik Naín yetok eb is cuywom. Xiwil anima max tzakloj yintak eb. 12 A yet lanan yapni eb cawilal jun conob tu', ay jun camnak lanan toj muklay max yil eb. Xiwil eb aj conob bay tu' tzakan yintak. A nak max cam tu', jun ch'an c'otan nak yuj is txutx, camnakxa yichamil xal txutxej tu'. 13 A yet max yilon oc Cham Jajawil yin xal txutxej tu', max ok' c'ul Cham yin xal. —Manchak ach ok'i, ẍi Cham bay xal. 14 Max lajwi tu', axa jitzontok ba Jesús cawilal batxlub nak camom tu'. Axa yoc matxan yin is batxlubal tu', max oc wanaj eb batxnej tu'. Axa yalon bay nak camnakxa tu' axca ti': —Ach ach'ej, chi wal ayach, ajan wanok, ẍi bay nak. 15 Axa yaj chotan nak camnak tu', max c'oli k'anjab aj nak. Axa yak'oncan Jesús nak bay is txutx tu'. 16 A yet max yilon eb anima jun ti', caw max xiwaj eb masanil, max yalon eb is watx' k'anej bay Dios: —Caw miman yikbej is chekbej Dios max chektek co xol yuj on is coloni, ẍi eb. 17 A jun tzet max el yunen Jesús yet tu', max abchaj bay masanil Judea, yetok bay juntzanxa conoblak is cawilal tu'. 18 Axa eb cuywom Juan cham ak'om bautismo, a' max bet alon bay jantak tzet max el yunen Jesús, xan max yawtejtek Juan tu' cawan eb is cuywom. 19 Axa chekontok eb bay Jesús yuj toj k'anlen eb, ta a Jesús Cham Cristo, ta a' lanan yechbanen eb jayi, ma tx'ok junokxa chi yechbanej eb jay xin. 20 Yuj tu', a yet max jayoc eb bay Jesús, max yalon eb axca ti' bay: —A Juan cham ak'om bautismo cheknejontek ayach. Chi ul co k'anlej ayach ta ach Cristo ach, a ton Cham lanan jechbanen jayi, ma tx'ok junokxa chi jechbanej jay xin, ẍi eb bay. 21 Yet-xac'al jun bek tu', xiwil eb ya'ay yuj tzanc'al tzet yailal, c'al eb ayoc espíritu yob yin max watx'jican eb yuj Jesús. Xiwil c'apax eb c'am chi je' yilwi max jakchajcan sat yuj. 22 Xan max yal Jesús bay eb chekbej Juan tu' axca ti': —Paxanek bay Juan. Che yal bay, masanil tzetak max e yabej c'al tzetak max e yil cayti'. Che yal bay, tol ay eb c'amc'alta' chi je' beyi, chixa bey eb tinani'. A eb ayoc lepra yin, chi watx'jican eb. A eb c'am chi je' yabeni, chixa yab eb. Aylaj eb camnak lanan yictzojcan ajok. Lanan yal-laycan el k'anejal yet colbanilej bay eb meba'. 23 Watx' yet eb c'am chi somchajcan el c'ul win. Caytu' che yut e yalon bay Juan tu', ẍi Jesús bay eb. 24 A yet mayal paxcantok eb chekbej tu', max yalontek Jesús yuj Juan tu' bay eb anima axca ti': Naektek, tzet max bet e yil bay tz'inan tx'otx'. ¿A mi junok te aj chi ec' meeok yuj cak'ek' max bet e yila'? 25 Ta man ajok, ¿tzet max bet e yil xin? ¿Ma a junok winak watx' pichay max bet e yila'? E yojtak tol a eb watx' pichay tu', c'al eb xiwil tzet ay, a bay yatut eb rey ay eb. 26 Ta c'amak xin, ¿tzet max bet e yila'? ¿Ma a junok chekbej Dios max bet e yila'? Wal yel chekbej ton Dios jun max bet e yil tu'. Palta a Juan tu', man asannejok chekbej Dios tu' yopiso. 27 A ton yabixal Juan ti' yalnakcan Dios yul tx'an Un Tz'ibbilcan axca ti': Ok in chek babjok in chekbej a satak yet watx' chi toj watx'nej a be, ẍi. 28 Chi wal ayex tol a xol eb anima yulyibank'inal ti', c'am junok mactxel ec'ban yelapnok yintak Juan tu', palta a xol eb ayxa oc yul k'ab Dios xin, ta ay junok yaynakil yayji, ec'banc'alta' watx'il yet yintak Juan tu', ẍi Jesús bay eb. 29 A yet max yaben eb anima yetok eb tekom el tumin tzet max yala', max yalon eb tol caw wal watx' Dios, yujtol max yak' ba eb yak'lay bautizar yuj Juan tu'. 30 Palta eb fariseo yetok eb meẍtol yin ley Moisés, maj je' eb yak'lay bautizar. Axca ton ti', chi yut tx'oxk'abnen el eb tol a tzet chi yochej Dios yin eb, c'am jabok yelapnok yul sat eb. 31 Axa yalon Cham Jajawil bay eb anima ayic' tu' axca ti': A wal eb anima yet jun tiempoal ti', ok waltek ayex tzetbil yayji nabal eb. 32 Lajan eb axca unin toc'al chi ec'jab txonbal. Aylaj eb chi yal bay juntzanokxa yet uninal axca ti': Nabac'al max jetnej co ba co xuon bit yin chirima e yuj, palta majc'al ex canalwok paxok. Yetok c'apaxok, nabac'al max co bitnej juntzan bit cusiltakxac'al yoqui, palta majc'al e tz'ak ok' pax e ba jetok, ẍi eb. Axca wal eb unin c'am chi sakchi ti', cay wal tu' eb anima chi wal ti'. 33 Yujtol beybalnebil yuj Juan tu' tol c'am chi lowi, c'am chi yuc' vino. Yuj tu' xan ayex che yala' tol a espíritu yob junok chi etneni. 34 Max lajwi tu', max in jay ayin Chekbilintek yuj Dios xol eb jet animail ti'. Ayin ti' chin lowi, chi wuc'a', palta ayex che yal axca ti' win: A Jesús tu', asanc'al loj c'al uq'uej vino chi yochej. Yamigo ba yetok eb tekom el tojlabal, c'al yetok juntzanxa eb yob is beybal, quex chi win. 35 Palta a eb ayoc jelanil Dios yin, chi txecloj el is jelanil eb tu' yin tzet chi el yuneni, ẍi Jesús bay eb. 36 A yet junel, ay jun fariseo max awten Jesús low bay yatut. Lajwi yapni, axa yay tz'eyan low yetok cham tu'. 37 Palta ay jun ix aj conob bay tu' caw wal yob is beybal. Max yab ix k'umal tol max apni oc Jesús low bay yatut cham fariseo tu'. Axa toj ix bay tu'. Yetbi oc ix jun alabastro nojnak yuj jun ambal suk'uk'ixac'al yoc jab. 38 Max apni oc jajan ix is cawilal Jesús, max c'oli yok' ix. Axa tx'ajon el ix yakan Cham yetok yal sat tu'. Lajwic'al tu xin, max joon tak ix yetok xil, cax max tz'ubon el ix. Axa tobon oc ix jun ambal suk'uk'i jab tu' yin yakan Cham. 39 Axa yet max yilon cham fariseo jun tu', max naon cham axca ti': Ta yel chekbej Dios jun winak ti', chi mi nachaj el yuj tzet ixal jun chi mitx'on yakan ti'. Chi mi nachaj c'apax el yuj tol yob beybal ix, ẍi cham yul is c'ul. 40 Axa yalon Jesús bay cham axca ti': —Simón, ay jabok tzet chi wochej chi wal ayach, ẍi Cham bay. —Al xin Mamin, ẍi bay Cham. 41 K'inalok ay cawanok winak ay jec bay is patrón tinani'; ta 500 denario jec junok, axa junokxa, 50 denario yet. 42 Palta k'inalok ta c'am bay chi yi' eb ch'en, cax toc'al chi joc'ay cham aj tumin tu' yiban eb. ¿Mactax junok yel chi camil yin cham aj tumin tu' cha na'? ẍi Jesús bay cham. 43 —A chin na' ayin ti', a nak yel miman jec chi jolayc'ay yiban yuj cham tu', a nak tu' yel miman chi camc'ulnen cham, ẍi Simón tu' bay. —Yel ton chala', a ton nak, ẍi Jesús. 44 Max lajwi tu xin, max oc t'anan Cham yin ix ix tu', axa yalon Cham bay Simón tu' axca ti': —A yet max quin jay yul atut ti', maj ak' jabok wa' tx'ajilok wakan, palta ilab jun ix ti', max tx'ajil wakan yetok yal sat. Max lajwi tu', max joon tak ix yetok is xil. 45 Maj a tz'ubil in ti ti' yuj a tx'oxk'abnen el a camc'ulal, palta jun ix ti', yecheltaxc'al in jay cayti', c'amc'al chi bek tz'ubon el wakan. 46 C'am jabok yanil in jolom max aajtok. Palta jun ix ti', max tob oc ix jun ambal suk'uk'ixac'al jab yin wakan ti'. 47 Xan chi wal ayach, caw wal miman camc'ulal jun ix ti', yujtol caw wal miman is yobtakil max jolay c'ay yiban. A pax mac jab ch'an is yobtakil chi jolay c'ay yiban xin, jab ch'an is camc'ulal chi tx'oxo', ẍi bay Simón tu'. 48 Max lajwi tu', max yalon Cham bay ix ix tu' axca ti': —Ti chi lajwican a yobtakil eban, ẍi bay ix. 49 Axa c'oli yalubtanen jaywanxa eb ayic' yetok tu' axca ti': —¿Maclajtxel jun winak ti'? Ilab chi je' jooncan c'ay yobtakilej yaloni, ẍi eb. 50 Max lajwi tu', axa yalon Jesús bay ix ix tu' axca ti': —Mayal ach colchaji, yujtol max quin aoc yin a c'ul. Yuj tu' paxan yin tzalojc'ulal, ẍi Jesús bay ix.
1 Max lajwi tu xin, xiwil juntzan conoblak c'al juntzan aldealak bay max ec'jab Jesús yaloncan el k'anej Dios; max ec' yalcan el watx' abix xolak eb, tol toxa ok occan Dios Yajawil. Ajun eb is chekbej lajcawanil yetok chi eq'ui. 2 Ay juntzan eb xal ix ibil el espíritu yob yin yuj Jesús, c'al juntzanxa eb xal ix jaynakcan c'ul yuj. Ajun eb xal yetok Cham. Ayic' xal chi yik María aj Magdala xol eb, a ton xal bay elnakcan ukwan espíritu yob yin yuj Jesús. 3 Ay jun xal chi yik Juana, xal yistzil Chuza is caporal cham Herodes. Ay c'apax jun xal chi yik Susana, yetok jaywanxa eb xal max colwaj yetok is tzetak yetal. 4 Xiwil anima max tit bay junjun conob ul yilon Jesús. Lajwic'al wajon ba eb, axa yalontek Cham jun abix ti' bay eb axca ti': 5 Ay jun winak max toj tzic is trigo. Lanan wal tziconi, ay ixim max ayc'ay yul be. A ixim tu', toc'al max tec'laytok ixim. Axa no tz'iquin max ec' sic'on ajok. 6 Ay ixim xin, yibanlak ch'en max ayc'ay ixim. Axa yet max ajol ixim, ayman max takilok, yujtol man ch'acanok tx'otx' tx'otx' yiban ch'en ch'en tu'. 7 Ay ixim max ayc'ay xol q'uix. Toc'al max c'ayaj ixim xol te' yet max ch'ibaj te'. 8 Palta a ixim max ayc'ay bay yax tx'otx' xin, a yet max ch'ibaj ixim, max satni elok. Ay ixim jolomej 100 wal bak' max yak'a', ẍi Jesús bay eb. Max lajwi yalontek jun abix ti', max yalon yin ipejal axca ti': A juntzan tzet che yab ti', naobtanejek sic'libil, ẍi bay eb. 9 Axa k'anlen el eb is cuywom tu' bay, tzet wal yelapnok jun tx'oxom el cuybanilej tu'. 10 Axa yalon bay eb tu' axca ti': A ayex lanan tx'oxon Dios juntzan tzet c'amto mac ojtaknej ti', yet watx' chi nachaj el e yuj tzetbil wal chi yun e yoc yul k'ab. Axa bay juntzanokxa anima xin, asan juntzan abix yet tx'oxbanil chi waltek bay eb. Yuj tu' xan, caxc'al chi yilc'al eb, axca tol c'am tzet chi yil eb. Yetok c'apaxok, caxc'al chi yabc'al eb, palta c'am jabok chi nachaj el yuj eb. 11 Ok in watx' alnej ayex tzet chi yal elapnok jun abix max wal ti'. A ixim inat tu', yenel k'anej Dios. 12 A ixim inat max apnican oc yul be, yenel eb anima chi lajwi yaben k'anej Dios, cax chi jayoc nak diablo yin. Chi ul yion el is k'anej Dios yin is nabal eb, yet watx' c'am chi yaoc eb c'ul yin, cax c'am chi colchaj eb yuj. 13 A ixim inat max apnican oc yiban ch'en ch'en, yenel eb anima chi chaon aben k'anej Dios yin tzalojc'ulalil, palta c'am is tec'anil eb, txennej tiempo chi yaoc eb yin c'ul. Yujtol a yet chi jay junok porobal yiban eb, jun bek chi meltzoj eb yintak junelxa. 14 A ixim max apnican oc xol q'uix, yenel eb chi aben k'anej Dios, palta a yet chi beyc'altok tiempo, xiwil tzet chi na eb. Chi na eb is beyomal, chi na eb yet is mimanil. Yuj wal juntzan tu', chi etax el nabal eb. Lajan chi yun yeloc eb axca ixim trigo c'am chi can jolom. 15 Axa pax ixim max ayc'ay bay yax tx'otx' xin, yenel eb chi chaon aben k'anej Dios yin watx' nabalejal tol bekan c'ul yikeni. Junelnej chi yaoc eb yin c'ul. Tec'an chi yut ba eb, xan lajan eb axca ixim trigo xiwil chi satni elok. 16 A yet chi jaon oc co candil, c'am chi co nojbajtok junok tzet yetal yiban, tamwal chi ja c'apax octok yalan tx'at, palta a yiban junok tzet yetal can batxan ajok. A tu' chi co batxbaj ajtok, yet watx' chi yil jantak eb chi octok yul na, yakan jun candil tu'. 17 Jantak tzet ewanc'uan yayji tinani', ok txeclojc'alta' ajok. Yetok jantak tzet c'ubabil el tinani', ok ak'lay ojtaknelay elok, pilan ok abchajok. 18 Yuj tu xin, chi cam wal e yaben tzet chi wala'. Yujtol a mac chi yochej chi nachaj el yuj, yelxac'al ok ak'lay nachaj el yuj. Axa eb c'am chi yochej chi nachaj el juntzan ti' yuj xin, a jabok tzet ijan chi nachaj el yuj eb, ok ilayxac'al ec' bay eb, ẍi Jesús. 19 Axa is txutx Jesús yetokc'al yuẍtak, max apni oc eb bay ayic'ok, palta maj je' yoctok eb bay ayic' tu', yujtol witz'an yuj anima. 20 Yuj tu' xan ay jun max alon bay Cham axca ti': —Max jay a txutx yetok eb oẍtak bay ti na. Tolab chi yochej eb chi k'anjab etok, ẍi eb, ẍi bay. 21 Axa yalon bay eb ayic' tu' axca ti': —Tzanc'al mac chi aben is k'anej Dios, ta chi yikej, a ton eb tu' axca in txutx yayji, axca wuẍtak yayji, ẍi Jesús bay eb. 22 A yet junel, max oc Jesús yul barco yetok eb is cuywom. Axa yalon bay eb tu' axca ti': —Tonek bay junxa k'axepal a' mar, ẍi bay eb. Axa toj eb tu'. 23 A yet lanan bey eb tu', max way Jesús. Palta yin ayman max jay jun cak'ek' caw wal ow sic'libil. Max c'oli xuon aj a' mar. Max oc a' yul te' yuj. Ijan wal max paxay te' yich a'. 24 Max tenon el eb wayan Jesús. —Mamin, Mamin, ti wal chon paxay yich a', ẍi eb bay. Axa yaj wan Cham tu', max tenon oc wanaj jun cak'ek' tu' c'al a' mar. Axa yiken yoc wanaj tu', cax max numayi, cax tz'ininixac'al. 25 Max lajwi tu xin, axa yalon bay eb is cuywom axca ti': —¿Tzet yuj xan c'am wal che yaoc e c'ul yin Dios? ẍi bay eb. Palta toc'al max xiw eb cax max c'ayaj c'ul eb yuj sic'libil. Axa yalon eb axca ti': —¿Tzetlaj yayji jun winak ti'? Ilab chi tenoc wanaj cak'ek' yetok a' mar, cax chi ikelay bay, ẍi eb. 26 Max lajwi tu', max ec'apnok eb k'axepal ec' a', bay yul yet Gerasa, bay paq'uil yul yet Galilea. 27 A yet max jayoc Jesús ti a' mar, ay jun winak aj conob bay tu' max jayoc bay. Ayxa tiempo yoc juntzan espíritu yob yin. C'amxa chi yaoc nak is pichil. C'amxa chi yal c'ul chi ayji ec' bay junok na; asan bay mukbanil camnak ayic'ok. 28 Xiwil el chi michchaj nak yuj espíritu yob tu'. Yuj tu' chi yak'lej anima pixon ay nak yetok cadena; chi oc ch'en yin yakan c'al yin k'ab. Chi pixay eb yet watx' chi mitx'lay tzakayok; palta tojolc'al nic'chajtok juntzan cadena tu' yuj nak. Chi ilay bey nak yuj espíritu yob tu' bay tz'inan tx'otx'lak. A yet max yilon nak yin Jesús, max ay jajan nak yakantak Cham. Axa yalon Cham bay juntzan espíritu yob ayoc yin nak tu' tol chi el eb yin. Axa yaj yaw nak yalon axca ti': —Ach Jesús, C'ajol ach Dios tol Axac'al Ocok, ¿tzet alon et win? Chin oc tean en, tol manchak in etnej, ẍi. 30 Max k'anlej Jesús bay nak axca ti': —¿Tzet a bi? ẍi bay nak. —Legión yoc in bi, ẍi nak. Tix yuj ti xan caytu' max yut yalon nak, yujtol xiwil eb espíritu yob tu' ayoc yin nak. 31 Axa yalon eb espíritu yob tu' is yailal bay Jesús tol manchak alaytok eb bay xab olan yuj. 32 A bay paq'uil jun witz bay ayic' eb tu', ay juntzan no txitam lanan lowi, xan max tewi oc eb espíritu yob tu' yin Jesús, tol chi beklaycantok eb yin no txitam tu'. Max chalaycantok eb yin no' yuj Cham. 33 Xan max elcan eb yin nak anima tu', axa yin no txitam tu' max tojcan eb. Yuj tu' xan max tojcan no' sat witz tu', cax yayapnok no' yul a' mar. Max jik'bi aytok no' masanil yul a' tu', cax max cam no'. 34 A yet max yilon eb yilomal no' tzet max on no', max el eb cax max toj eb yalon el xol conob, c'al bay najatlak elok. 35 Yuj tu' xan max ul eb anima yilon jun tzet max uj tu'. Axa yet max jayoc eb bay ayic' Jesús, max yilon eb, tol chotanxa ay nak bay max el eb espíritu yob tu'. Ayxa oc pichil nak, watx'xa c'ul nak; xan max xiwaj eb sic'libil. 36 A eb max ilon juntzan tzet max el yunen Jesús, max alon bay juntzanxa eb max ulic' yilon tu', tzet max yun watx'jican nak bay max el eb espíritu yob tu'. 37 Yuj tu' xan a masanil anima yul yet Gerasa tu', max oc tean eb yin Jesús, tol chi besil ba Cham yul lugar eb, yujtol caw chi xiw eb yuj. Axa yoc Cham yul barco tu', cax max toji. 38 A nak anima bay max elcan eb espíritu yob tu', max oc tean nak yin Cham yuj k'anon tzakloj ba nak yintak, palta maj cha' tzakloj Cham yintak. Max yal Cham bay nak axca ti', tol chi can nak bay jun lugar tu'. 39 —Paxan bay atut. Chala' jantak tzet max el yunen Dios en, ẍi bay nak. Axa tojcan nak tu'. Max yalil nak bay masanil jun conob tu' tzet max el yunen Jesús yin. 40 Max lajwi tu', max paxic' Jesús bay junxa k'axepal a' mar bay petojta'a. A yet max ec'apnok tu', max tzaloj aj eb anima masanil bay tu', yujtol caw wal echbanebilxac'al yuj eb. 41 Ay jun cham yajawil bay chi wajbaj ba eb israel yin culto bay tu', chi yik Jairo. Max jayoc bay Jesús, cax max ay jajnaj yakantak. Max tewi bay Jesús tol chi toj yetok bay is yatut. 42 Yujtol a jun c'otan is cutz'in, tol chi cami, cax janic'xanej iquis. Ay mi 12 abil is k'inal ix is cutz'in tu'. A yet max toj Jesús yetok cham bay na tu', xiwil anima max toj yetok. Chi witz'xac'al ba eb toj bululok yetok. 43 A xol eb anima tu', ay jun xal ix ayxam lajcawebok abil ijanc'al chi cam xal yuj a' aej chi ayc'ay yin. Max lajwi el masanil is tzetak yetal xal yin eb aj an, palta maj jaycan c'ul xal yuj eb. 44 Yuj tu xin, max jayoc xal yintak Jesús, max oc mitx'naj xal yin ti' pichil Cham. Yet-xac'al jun bek tu', max oc wanaj a' yel yin xal. 45 Axa k'anlen Jesús bay eb anima tu' axca ti': —¿Mactxel jun max oc mitx'naj k'ab win? ẍi. Palta max yal eb masanil, tol c'am mac max oc mitx'naj yin. Axa yalon Pedro bay axca ti': —Mamin, toch'okab xiwil chi witz' ba anima en, chon beyi. Xiwil mac chi ten oc ba en. Lajwi tu', cha k'anlen paxok: ¿Mac max oc mitx'naj win? cachitowal paxok, ẍi bay. 46 Axa yalon Cham: —Ay jun mac max oc mitx'naj win. Wojtak max jaycan c'ul yuj wipalil, ẍi. 47 A yet max yilon xal ix tu' tol majxa je' c'uban el ba xol anima tu', caw wal max bilaj xal yuj xiwilal. Max jayoc xal bay Jesús, max ay jajan xal yakantak. Max yalon el xal satak eb anima tu' masanil, tzet wal yuj xan max oc mitx'naj xal yin Cham, c'al tzet max yun watx'jican yet wal jun bek tu'. 48 Yuj tu' xan max yal Cham bay xal axca ti': —Ach ix, ti max jaycan a c'ul wuj, yujtol max quin aoc yin a c'ul. Yuj tu xin, paxanxa yin tzalojc'ulal, ẍi bay. 49 Lananto wal yalon Jesús bay xal axca tu', ay jun mactxel tol petoj bay yatut cham Jairo tu' ul yalon bay axca ti': —A ix a cutz'in tu', mayal cam ix. Toxac'al chak' toj yetnej ba Cham Meẍtol ti' toj yiloni, ẍi bay Jairo tu'. 50 Palta a yet max yaben Jesús jun tu', max yalon bay cham axca ti': —Manchak ach oc il. Asan tol chaoc a c'ul yin Dios, axa watx'jican ix a cutz'in tu', ẍi bay cham. 51 A yet max apni oc eb bay na, maj cha octok Jesús eb anima yul na tu' yetok. Asan Pedro, Jacobo c'al Juan, yetok is mam c'al is txutx ix unin tu', max cha octok yetok. 52 Chi ok' masanil eb anima yuj ix, cax chi el yaw eb. Axa yalon Jesús bay eb axca ti': —Manchak ex ok'i. A ix unin ti', man camnakok ix, toc'al chi way ix, ẍi bay eb. 53 Palta toc'al max tzeyelay Cham yuj eb, yujtol yojtakxa eb tol camnakxa ix. 54 Max lajwi tu', axa yoc mitx'an Cham yin k'ab ix tu', max yalon Cham yin ipejal axca ti': —Ach k'opoj ix unin, ajan wanok, ẍi. 55 Ayman max ictzoj aj ix yuj. Axa yaj wan ix tu', xan max yal Jesús tol chi ak'lay lobej ix. 56 Caw wal max c'ayaj c'ul is mam c'al is txutx ix yet max yilon eb. Axa yalon Jesús bay eb tu', tol c'amokab junok mactxel bay chi yalil eb tzet max yun yictzoj aj ix.
1 A yet junel, max yawtej oc oyan Jesús eb is cuywom lajcawanil is c'atan. Axa yak'on yipalil eb tu', max yak'on c'apax yikbej eb, yin iojcan el espíritu yob yin anima, c'al ak'ojcan watx'jok c'ul eb anima ya'ay. 2 Max chekontok eb, yuj ec' yaloncan el eb tol toxa ok occan Dios yin Yajawilal, c'al ec' yak'oncan eb watx'jok c'ul eb ya'ay. 3 A yet c'amto chi toj eb, max yalon bay eb axca ti': —C'am tzet che yi'. Manchak e yi' e k'okoch, e moral, e lobej, ma e tumin. Yetok e pichil, asan junjun ayoc e yuj ti' che yi'. 4 Tzanc'al tzet nail bay chex apni, ac'al bay tu' che yak' e posada, masantac'al chex toj bay junokxa lugar. 5 Ta ay mac c'am chex chaoni, chex el yul is conob eb tu'. Che tziccan el pokokal e yakan yuj e tx'oxk'abnen elok tol c'amxa e yalon e yet yin eb, cax chex toji, ẍi Jesús bay eb. 6 Max lajwi tu xin, axa toj eb tu'; max ec' eb bay junjun aldea. Max yalcan el eb k'anejal yet colbanilej. Max watx'ji c'apax can eb ya'ay bay junjun lugar yuj eb. 7 Axa Herodes, cham yajaw bay Galilea, max yab cham k'umal masanil tzetak yetal max el yunen Jesús. Toc'al chi c'ayaj c'ul, yujtol ay eb max alon axca ti': A jun chi el yunen juntzan tzet yetal tu', a Juan ictzojnak aj xol eb camnak, ẍi eb. 8 Ay pax eb chi aloni: A Elías chi ul tx'oxic' ba, ẍi eb. Ay eb xin: A junok eb chekbej Dios ec'nak yet payxa, max ictzoj aj xol eb camnak, ẍi eb. 9 Axa yalon Herodes tu' axca ti': —Palta ayin ti', max in chek yilay el jolom Juan tu'. Yuj tu' xan ¿mac xam txel jun caw chi yal eb k'umal tu'? ẍi, xan max yak' Herodes yip yilon yin Jesús. 10 A yet max jayoc eb chekbej Jesús yin is chekbejal, max c'oli yalon eb bay tzetakc'al max el yunen junjun eb. Lajwi tu', axa yiontok Cham eb yetok tu'. Max apni oc eb tx'oklil yetok, bay jun lugar cawilal conob Betsaida. 11 Palta max yojtaknejcan el eb anima tol chi betic' bay tu', yuj tu' xan tzakan toj eb yintak. Max chaon apnok Jesús eb bay max apni tu', axa yalon el xol eb tu' tzet ok yun yeloc eb chi oc yul k'ab Dios. Max yak'on c'apaxcan watx'jok c'ul eb ya'ay. 12 Axa yet lananxa yay c'u, max jayoc eb is cuywom lajcawanil is c'atan. Max yalon eb bay axca ti': —Tekan watx' cha chektok eb anima ti' bay juntzan aldea, yetok bay juntzan lugar cawil ti', yet watx' chi man low ba eb, cax chi way eb bay tu'. Yujtol a bay ayon ec' ti', tz'inan tx'otx', ẍi eb bay. 13 Max yalon bay eb axca ti': —Ak'ek low eb ayex ti', ẍi bay eb. —Palta asan wal ch'an oyeb co pan ibil, yetok cac'on co txay. ¿Tom chi toj co man yet eb anima ti' masanil chi yal tu'? ẍi eb bay. 14 Ay mi oyebok mil bisil eb winak ayic' tu'. Axa yalon Jesús bay eb cuywom tu' axca ti': —Alek bay eb, ayokab chotjab eb yin bulquiltakil. 50takokab bisil junjun bulan, ẍi bay eb. 15 Axca tu' max yut eb, axa yay chotjab eb anima tu' masanil. 16 Max yion aj Jesús ixim oyeb pan tu', c'al no cac'on txay tu', axa yaj t'anan satcan tu', max yalon yuj diosalil yuj. Lajwi tu' max pojon ayok, axa yak'on bay eb is cuywom tu' yet chi pojic' eb xol eb anima tu'. 17 Max low eb masanil, max cam noj c'ul eb. A yet max xew low eb, lajcawebto motx max nojcan yuj ixim bijquiltakil max wajbaj aj eb. 18 A yet junel, ayic' Jesús txajlok tx'oklil yetok eb is cuywom. Max k'anlen bay eb axca ti': —¿Mac in txel yal eb anima che yabej? ẍi bay eb. 19 —Ay eb chi aloni, tolab Juan, cham ak'om bautismo, ach yal eb. Ay pax eb chi aloni, tolab Elías ach yal eb. Ay eb xin, tolab a junok eb is chekbej Dios yet payxa, a, max ictzoj aj xol eb camnak, ẍi eb, ẍi eb is cuywom tu' bay. 20 —Axa ex paxok, ¿mac in txel e yaloni? ẍi bay eb. Axa tak'wi Pedro bay axca ti': —Ach ti', ach ton Cristo ach, Chekbilachtek yuj Dios, ẍi bay. 21 Palta max cam wal yalon Jesús bay eb, tol c'am junok mactxel bay chi yalil eb jun max yal Pedro tu'. 22 Max yalon c'apax bay eb axca ti': —Ayin ti', Chekbilintek yuj Dios xol eb jet animail, palta yowalil ok wil yailal. Ok in intaknelaycan el yuj eb ichamtak winak ay yopiso, c'al yuj eb yajaw yayji xol eb sacerdote, yetok yuj eb meẍtol yin ley Moisés. Ok in yak' cam eb, palta a yet cabjial tu', ok in ictzoj pax ajok, ẍi bay eb. 23 Max lajwi tu', max yalon bay eb masanil axca ti': —Ta ay mactxel chi yochej chi ec'c'al cuywok wintak, yowalilokab manxa yetok ba yul yet. Yabokab eb yail wuj junjun c'u, caxc'al chi alay oc eb yin curus. Ta bekan c'ul eb axca tu', ec'okabc'al eb cuywok wintak. 24 Yujtol a eb c'am chi yochej chi cam bay yulyibank'inal ti', chi bekil eb jun k'inalej tol ayc'al yin tojbalk'inal. A pax eb chi bek c'ulok cam wuj xin, a ton eb tu' ok chaon k'inalej tol ayc'al yin tojbalk'inal. 25 K'inalok ta ay mac chi uj yion masanil tzet ay yulyibank'inal ti', palta ta chi cami, ma chi etax elok, ¿tzet wal chi yi' yin axca tu'? 26 Ta ay mac chi q'uixwi aj wuj, c'al yuj in k'anej, ok in q'uixwok c'apax aj yuj eb, ayin Chekbilintek yuj Dios xol eb jet animail ti', yet ok in jay ul wak'on Reyal. A yet tu' ok in jay yetok mayk'ak'al in Mam, c'al yetok mayk'ak'al eb is yángel tol sic'bil el yuj. 27 Wal yel chi wal ayex, ay jaywan e xol, mac ex ayex ec' ti', manto ex camok okto e yil yoccan Dios yin yajawil, ẍi Jesús bay eb. 28 Yukubixial mi wal yalon Jesús juntzan tu', cax max toj txajlok bay jun tzalan. Max yiontok Pedro yetok Juan c'al Jacobo yetok. 29 A yet lanan txajli tu', max q'uexpoj yili, tx'okxa max yun yili sat. A is pichil, caw wal sak max yun yili, toxanej chi tzekeki. 30 Ayman max tx'oxaj ba cawan winak, a ton Moisés yetok Elías. 31 Ay wal jun miman tzekekial oyan oc yin eb. Max k'anjab eb yetok Jesús yuj tzet ok yun cam bay Jerusalén. 32 Axa Pedro yetok eb yet cuywomal, caw wal ay is wayan eb, palta iquisc'al eb, maj way eb, yuj tu' xan max yil eb tzekeki aj Jesús. Max yilon c'apax eb cawan winak ayic' yetok Cham tu'. 33 A yet lananxa yel eb cawan tu' c'atan, axa yalon Pedro bay Jesús axca ti': —Mamin Meẍtol, caw wal watx' jet yujtol ayon ec' cayti'. Tekan watx' chi co watx'nej oxebok lanchu: junok et, junok yet Moisés, yetok junok yet Elías, ẍi bay Cham. Palta man yojtakok tzet lanan yaloni. 34 Lananto wal k'anjab Pedro tu', max ayc'ay boc'naj jun asun yiban eb. Caw wal max xiw eb cuywom Jesús tu' xol. 35 Lajwi tu xin, ay jay belan k'anej max oc xol jun asun tu', max yalon axca ti': A ton in C'ajol bay xiwil chi camel in c'ul ti'. Acbajek e txiquin bay, ẍi. 36 Lajwic'al yaben eb jun tu', axa yilontek eb, tx'oklilxa Jesús ayic'ok. C'am junok mac bay max yalil eb cuywom tu' tzet max yil eb tu'. 37 A yet junxa c'ual, yet max pax aytek eb bay jun tzalan tu', xiwil anima max apni oc bay Jesús. 38 A xol eb anima tu', ay jun winak max aj yaw yin ipejal bay Cham axca ti': —Mamin, chi wal in yailal ayach, c'am mi chel jun in c'ajol in k'ana', yujtol asan wal ch'an jun c'otan in c'ajol tu'. 39 Ay wal tiempo caw wal chi etnelay yuj jun espíritu yob ayoc yin. Chi el yaw, chi tit oynaj yin is jolom. Chi el sukuwal is ti' yuj. Caw wal chi etnelay wal yuj sic'libil. C'am chi beklay el yuj. 40 Mayal wak'lej walon bay eb a cuywom, tol chi yiel eb jun espíritu yob ti' yin nak, palta maj je' yuj eb, ẍi bay Cham. 41 Axa yalon Jesús axca ti': —¡A…, a wal ayex ti', caw wal c'am che yaoc e c'ul yin Dios, caw wal pit ex! Mimanxa tiempoc'al wayji ec' e yetok. ¿Bak'intoc'al ok nachaj el e yuj xin? Chi yab yail in c'ul e yuj. Asi', itek nak a c'ajol tu' ayin, ẍi Jesús bay. 42 Palta a yet lanan jayoc jun unin tu', max k'oklay ay sat tx'otx' yuj jun espíritu yob tu'. Caw wal ow max yun tit is yailal nak tu'. Palta axa Jesús max tzuwaj yin jun espíritu yob tu', max watx'jican nak yuj, cax max yak'oncan Cham nak bay is mam. 43 Masanil eb anima tu', max c'ayaj c'ul eb yiloni, tol caw wal miman is mayk'ak'al Dios. A yet c'aynak wal aj c'ul eb anima tu' yilon tzet max el yunen Jesús, axa max yalon Cham bay eb is cuywom tu' axca ti': 44 —Chi cam wal e yaben sic'libil tzet ok wal ayex. Manchak c'aytok yul e c'ul, yujtol caxc'al Chekbilintek yuj Dios xol eb jet animail, palta ok in alay oc yul k'ab eb anima, ẍi bay eb. 45 Palta eb is cuywom tu', maj nachaj el yuj eb tzet max yal bay eb tu', yujtol maj ak'lay nachaj el yuj eb. Max xiw eb k'anlen c'apax el bay, tzet wal chi yal elapnok. 46 Axa c'oli teyelen ba eb cuywom tu' yuj mac wal junok eb caw miman yelapnok xol eb. 47 Palta yojtak Jesús tzet lanan naon eb, yuj tu' xan max quetztek jun unin is c'atan. 48 Axa yalon bay eb is cuywom tu' axca ti': —Tzanc'al mac chi chaon junok unin axca jun unin ti', yujtol wet, axca tol ayin chin is cha eb. Man asannejok in chin is cha eb. Chi cha c'apax eb Cham cheknejintek. A mac yelxac'al chi yiay ba e xol, a ton jun tu' yelxac'al miman yelapnok, ẍi bay eb. 49 Axa yalon Juan bay Jesús axca ti': —Mamin Meẍtol, ay jun winak max jila', tol lanan yion el espíritu yob yin anima yin ach yak'on binajok. Palta max co tencan oc wanajok, yujtol man junnejok chi ec' jetok, ẍi bay. 50 Axa yalon Jesús axca ti': —C'am chi je' e tenon oc wanaj nak, yujtol a eb man ajc'ulok oc jin, a jetok ayoc eb, ẍi bay. 51 A yet lananxa yapni tiempoal paxaj Jesús satcan, max tec'baj ba toj bay Jerusalén. 52 Ay juntzan eb is chekbej max babji chekontok. Max apni oc eb bay jun aldea yul yet Samaria, yujtol chi yochej eb watx'xa yayji posada chi apni, xan max babji eb. 53 Palta a eb aj Samaria tu', maj yak' eb is posada tu', yujtol lanan toj Cham bay Jerusalén. 54 A cawan eb is cuywom Jesús, a ton Jacobo yetok Juan, a yet max yilon eb axca tu', max yalon eb bay Cham: —Mamin, ¿chi mi yal a c'ul chi co k'antek k'ak' bay satcan yiban eb, cax chi lajwi el eb? ẍi eb. 55 Axa meltzojtek acan Cham bay eb tu', max oc t'anan yin eb. Max tenchanelay eb yuj. 56 Max lajwi tu', axa toj eb bay junxa aldea tu'. 57 A yet lanan toj eb yul be, ay jun winak max alon bay Jesús axca ti': —Mamin, tzanc'al bay ok ach tok, ok in tok etok, ẍi bay Cham. 58 Max yalon Jesús bay axca ti': —A no wax, ay is nach'en no', c'al no tz'iquin, ay is wayub no', palta ayin ti', caxc'al Chekbilintek yuj Dios xol eb jet animail, palta c'am jabok watut bay chin wayi, ẍi bay. 59 Lajwi tu', axa yalon Cham bay junxa axca ti': —Ec'anc'al cuywok wintak, ẍi bay. Palta max yal bay axca ti': —Mamin, ok in tok etok, asan chin mukcantok in mam bel, ẍi nak bay Cham. 60 —A eb camnakto el yul sat Dios, a eb chi je' mukoncan eb yet camnakil tu', palta ach ti', asi', cax chalon el tzet chi yun yoc eb anima yul k'ab Dios, ẍi bay nak. 61 Max lajwi tu', ay junxa max alon bay axca ti': —Mamin, chi wochej chin ec'c'al cuywok entak, palta cha in tok in tak'encan eb ay bay watut babelal, cax ok in tok etok tu' bian, ẍi bay Cham. 62 Palta max yal Jesús bay axca ti': —K'inalok ay junok winak chi mulnaj yetok wacax tinani', chi oc mitx'an yin ch'en t'ocbal tx'otx', lajwi tu', chi tojc'al t'anan nak yintak. Ta ay mac caytu' yak'on is nabal yin yet Dios, man mojok chi oc yin is mulnajil Cham, ẍi Jesús.
1 Max lajwi juntzan tu', max yaon oc Cham Jajawil juntzanxa eb is cuywom, 72 bey eb. Max chekon babjok eb. Catakwan max yun toj eb bay junjun conob, c'al bay junjun lugar bay t'inan ok ec' Cham Jajawil tu'. 2 A yet c'amto chi toj eb, max yalon bay eb axca ti': A eb jet animail, lajan wal eb axca ixim trigo tiempoalxa pol-layi. Wal yel caw wal xiwilto eb, palta jaywannej mac chi mulnaj xol eb. Yuj tu' xan txajlanek bay Cham aj mulnajil tu', yet watx' chi chektek mulnajwom ul yion aj eb. 3 Asek xin. Axca calnel chi toj xol no ok, caytu' chex wut waontok. 4 Manchak e yi' e pa, e cartera, yetok e xanab. Manchak ex oc waan k'anjab yetok junok mactxel yulak be. 5 A yet chex apni oc bay junjun na, a cawil c'ul eb chi babji e yak'oni, che yalon bay eb axca ti': Ayokab junc'ulal yul e na ti', quex chi. 6 Ta ay eb chi ochen junc'ulal bay tu', ok ak'lay bay eb axca ok e yut e yalon tu'. Ta ay mac c'am chi ocheni, maj yun axca che yut e yalon tu'. 7 Asan bay junok na che yak' e posada. A tzet chi lo eb, che lo yetok eb, yujtol a mac chi mulnaji, moj chaon is tojol. Maj je' e txolwi na. 8 A yet chex apni bay junjun conob bay chex chalayi, tzanc'al tzet chi etxbelay eltek ayex, loek. 9 Che yak'can watx'jok c'ul eb ya'ay bay chex ec'c'al tu'. Toxa ok occan Dios yin Yajawil, quex chican bay eb. 10 Palta ta ay junok conob bay man ok ex chalay xin, cax che yalon bay yulak is calleal axca ti': 11 A pokokal jun e conob chi occan yin jakan ti', ti chi co tziccan el on, yuj co tx'oxk'abnen el tol c'amxa jalon jet e yin; palta nachajokab el e yuj, tol toxa ok occan Dios yin Yajawil, quex chican bay eb. 12 Chi wal ayex, tol a yet ok jay jun c'ual beyc'ulal, yelxac'al miman yailal ok cha' eb tu' yintak eb aj Sodoma. 13 ¡Ay a wal ayex ti', ex aj Corazín, caw wal ok'bal ex c'ul, c'al ex aj Betsaida, ok'bal ex c'apax c'ul! K'inalok ta a bay Tiro yetok bay Sidón max uj juntzan milagro max uj e xol ti', max mi yaoc eb el pichilej, c'al yay chotan eb xol tik'ak'il tan. 14 A yet ok jayoc jun c'ual beyc'ulal, yelxac'al miman yailal ok e cha' yintak eb aj Tiro c'al eb aj Sidón. 15 Yetok c'apax ex aj Capernaum, che na' tol e moj e yilay can masantac'al chex ajapnok satcan, palta tol ok ex ilay ayok masantac'al ok ex ayapnok xol eb camnak, ẍi Jesús. 16 Axa yalon bay eb is cuywom axca ti': A mac chi chaon aben ayex, chi yal elapnok tol a' ayin chi cha' yabej. Axa eb chex intaknen elok, chi yal elapnok tol ayin chin yintaknej el eb. A eb chin intaknencan el tu', chi yal elapnok tol a Cham cheknejintek, a' lanan c'apax yintaknen el eb, ẍi Jesús bay eb. 17 Max lajwi meltzojtek eb 72 cuywom bay Jesús yin tzalojc'ulal, max yalon eb bay axca ti': —Mamin, toltax eb espíritu yob max yikej eb tzet max jal yet max jawten a bi, ẍi eb. 18 Axa yalon Jesús bay eb tu': —Ayin ti', wilnak tzet max yun yaytek Satanás satcan, cax yaycan ul yulyibank'inal ti' axca junok rayo. 19 Ayin ti' max wak' e yikbej, cax chi je' e yajtok waan yiban labaj, c'al yiban no alacrán. Wuj xan chi ayc'ay yipalil nak ajc'ul yalan e yuj, cax c'am junok tzet chex etneni. 20 Palta man yujok chi yikej eb espíritu yob ayex chex tzaloji, palta tzalojanek yujtol tz'ibxa yayji e bi bay satcan, ẍi Jesús bay eb. 21 A yet jun bek tu', caw wal max tzaloj aj Jesús yuj Cham Espíritu Santo. Axa yalon axca ti': Mamin, Yajaw ach bay satcan c'al bay yulyibank'inal ti'. Chi wal watx' k'anej ayach, yujtol max ebaj el juntzan ti' bay eb jelan, c'al bay eb caw ay nabal yul sat eb yet animail, axa bay eb axca unin max ak' ojtaknelay elok. Caytu' max ot Mamin, yujtol axca tu' max yun chaon a c'ul, ẍi bay Dios. 22 Max lajwi tu', max yalon bay eb anima ayic' tu' axca ti': Max yak'can in Mam masanil tzetak yetal yul in k'ab. C'am junok mactxel ojtaknej in ayin is C'ajol in ti', asan in Mam ojtaknej in. Yetok c'apaxok, c'am mac comonc'al chi ojtaknen el in Mam, axa in ayin is C'ajol in ti', wojtak, yetok c'apax eb mac bay chi yal in c'ul chi wak' ojtaknelay elok, ẍi bay eb. 23 Max lajwi tu', max ec' t'ananok xolak eb is cuywom. Max yalon bay eb tx'oklil axca ti': Caw wal watx' e yet, yujtol che yil jun tzet lanan e yilon ti'. 24 Yujtol chi wal ayex, xiwil eb chekbej Dios c'al eb rey yet payxa, max yochej eb max yil eb juntzan tzet che yil ti', palta maj yil eb. Yetok c'apaxok, max yochej eb max yab juntzan lanan e yaben ti', palta maj yab eb, ẍi Cham bay eb. 25 Axa max yun yet junel, ay jun cham meẍtol yin ley Moisés max aj lecanok. Max yochej max yak'lej yikban ayc'ay Jesús, xan max k'anlej bay axca ti': —Meẍtol, ¿tzet yetal yowalil wal chi wunej, cax ok in chaon in k'inal tol ayc'al yin tojbalk'inal? ẍi bay Cham. 26 —¿Tzet tz'ibbilcan yul ley Moisés chela'? ẍi Jesús bay cham. 27 Max yalon axca ti': —Camc'ulnejek Cham Jajawil co Diosal yin masanil e c'ul, yin masanil e yanimail, yetok masanil e yip, c'al yin masanil e nabal, cax che ya'ilnen e yet animail axca wal che yut e ya'ilnen e ba junjun ex, ẍi bay. 28 —Watx' ton max ot aloni. Ta chekej juntzan ti', ok a cha' a k'inal tol ayc'al yin tojbalk'inal, ẍi Jesús bay cham. 29 A cham tu', max yochej cham max colcan el ba yuj is k'anlebal tu', yuj tu' xan max yal pax bay Jesús axca ti': —¿Mac pax txel eb wet animail chi ali tu'? ẍi cham bay. 30 Axa yalon Jesús axca ti': —A junel, ay jun winak lanan toj yul be chi tit bay Jerusalén, cax chi ay apnok bay Jericó. Lanan wal bey nak, cax max eltek juntzan elk'om yin nak, toltax max yiel eb pichil nak. Lajwi mak'lay nak yuj eb, cax max el eb. Jabxanej maj camcan nak yuj eb. 31 C'uxan ay jun cham sacerdote max ec' yul jun be tu', toc'al max occan t'anan yin, max toji. 32 Lajwi tu xin, ay jun cham yinatil Leví max ec' c'apax yul jun be tu'. Max oc c'apax can t'anan junxa tu' yin nak, cax toc'al max q'uexbenej ba, max toji. 33 Palta ay jun nak aj Samaria lanan c'apax bey yul jun be tu', axa max yiloni, c'otan ay nak yul be tu', axa yok' c'ul yin nak. 34 Max jayoc c'atan nak, max yaon oc aceite yetok vino yanilok baytaklaj max yasjitok nak tu'. Max pichon yetok k'ap. Lajwi tu' xin, max lacon ajtok yiban is chej, max yicantok bay jun mesón. Max camc'ulnelay nak yuj sic'libil. 35 Axa yet junxa c'ual, yet max toj nak aj Samaria tu', max yiajtek nak cab tumin, max yak'oncan nak bay cham aj mesón tu'. Max yaloncan nak bay cham axca ti': Watx' chot a taynen nak anima yasjinak ti' in k'ana'. Ta man ok yab jab tumin ti', okxa al ayin jantakto ok a c'aya', cax ok wak'on q'uexel a tumin yet ok in jay pax junelxa, ẍican nak, ẍi jun abix ti'. 36 A tinani xin, ay jun chin k'anlej ayach. A nak max mak'lay yuj eb elk'om tu', ¿mac junok eb oxwan tu' caw yel yet animail nak cha na'? ẍi Jesús bay cham meẍtol yin ley Moisés tu'. 37 —A ton nak max ok' c'ul yin nak tu', ẍi cham bay. —A toni, yuj tu', asi', cax cha beybalnen axca nak tu', ẍi Jesús bay cham. 38 Max tojc'al Jesús yul be tu', axa yapni bay jun aldea bay ay jun ix ix chi yik Marta tu'. Max cha' apnok ix Cham bay yatut. 39 Ay jun ix is nuej Marta tu' chi yik María. Max ay chotan ix tz'eyil yakan Cham, yuj yaben ix tzet chi yala'. 40 Palta axa Marta tu', caw wal witz'an yuj yilon ba, yuj tu' xan max jayoc ix bay Cham, max yalon ix bay axca ti': —Mamin, ¿tom c'am chel jabok tol chi bekcan bulan ix in nuej ti' mulnajil ayin in tx'oklil? Al bay ix in k'ana', tol chi colwaj ix wetok, ẍi ix bay. 41 Axa yalon Cham axca ti': —Marta, caw wal xiwil chach oc il, cax chak'on c'ay a nabal yuj xiwil tzet chon tu'. 42 Palta junnej tzet caw yowalil chi yi ba. A ton jun watx'ilal tu' chi yochej María ti'. Yuj tu' c'am junok mactxel ok je' yion ec' jun tu' bay, ẍi Cham bay ix.
1 A yet junel max txajli Jesús. A yet max lajwi txajli, ay jun cuywom max alon bay axca ti': —Mamin, ¿c'am mi chon a cuy yin txaj, axca max yut cuyon Juan eb is cuywom? ẍi bay. 2 Axa yalon Cham bay eb axca ti': —A yet chex txajli, cayti' che yut e yalon axca ti': Ach co Mam, mimanokab yelapnok a bi. Jayan ul ak'on Yajawilal cayti'. 3 Ak' co lobej on yet junjun c'u, co k'ana'. 4 Jo c'ay co yobtakil, axca chi jut co joon c'ay yobtakil eb ay tzet chon uteni. Manchak on a cha' ikbelaytok yin yobtakil, quex chi. 5 Maxc'al lajwi yalon Jesús juntzan tu xin, max yalon pax axca ti': —K'inalok ay junok ex chi jayoc junok e yamigo ayex yet chuman ak'bal, chi ul yalon ayex axca ti': Ach wamigo, ay jun wamigo, ato wal jay ti', najat ta petoj. C'uxan c'am pax jabok tzet watx' wak'on lo' xan ak' in q'uex jabok tzet watx' wak' bay, ta ẍi chi jay ayex. 7 K'inalok toc'al chex tak'wi pax eltok bay axca ti': Manchak in ul a teyej. Mayal waoc tz'utz'al in na ti'. Lananxa in way yetok eb wunin sat tx'at. Yuj tu' xan c'am chi je' waj wan wak'on tzet cha k'an ayin tu', k'inalok quex chi eltok bay. 8 Ayin chi wal ayex, ta che yak'a', man wal yujok tol e yamigo, xan chex aj wan e yak'on tzet chi k'an tu', palta yujtol chi awjic'al octok ayex, xan che yak' atac'ala' jantak chi oc yuj. 9 Yuj tu' xan chi wal pax ayex: K'anek, cax ok yak'on Dios ayex. Sayek, cax ok ilchaj e yuj. Awjanek octok ti puerta, cax ok jaklay ayex. 10 Yujtol tzanc'al mactxel chi k'anoni, chi cha'. Axa mac chi sayon ec'ok, chi ilchaj yuj. Axa mac chi awji octok ti puerta, chi jaklay bay. 11 A ayex mamej ex ti', ta chi k'an e yuninal junok txay ayex, ¿xin ta a junok labaj che yak' bay? 12 Ta a junok jos chi k'an ayex, ¿xin ta a junok no alacrán che yak' bay? 13 A ayex ti', caxc'al yob ex, palta e yojtak che yak' tzet yetal watx' bay e yuninal. Akxa ta' wal co Mam ayic' bay satcan, chi yak' Cham Espíritu Santo bay eb chi k'anon bay, ẍi Jesús bay eb. 14 A yet junel, ay jun nak anima ayoc espíritu yob yin. C'am jabok chi je' k'anjab nak yuj. A Jesús max yiil jun espíritu yob tu' yin nak. A yet max el yin nak, max je' k'anjab aj nak, xan xiwil max c'ayaj c'ul eb anima yuj. 15 Palta ay eb max alon axca ti': —A jun Jesús ti', chi ton je' yion el espíritu yob yin anima, yujtol a Beelzebú, a ton yajawil eb espíritu yob tu' ayoc yetok, ẍi eb. 16 Ay juntzan eb xin, tol max yochej eb max yak'lej yikban ayc'ay Jesús, xan max k'an eb yil junok milagro chi tx'oxoni tatol ayoc yikbej Dios yetok. 17 Palta yojtakxa Cham tzet lanan naon eb, yuj tu' xan max yal bay eb axca ti': K'inalok ay junok miman conob bay chi pojchaj eb yajaw, cax chi yak'len aj eb owal, chi lajwi ay jun conob tu'. K'inalok ay junok nail eb anima chi pojchaj yuj owal, chi lajwi ayok. 18 Cayton c'apax tu' Satanás, ta chi pojchaj yetok eb yet espíritual yob tu', ¿xin ta chi mayji yikbej? Chi wal juntzan ti' ayex, yujtol ayin ti' che yala' tol yuj yikbej Beelzebú chi wioncan el eb yet espíritual yob. 19 Palta ta yel che yala', ¿mac pax ayoc yetok eb e cuywom yet chi yion el eb eb espíritu yob yin eb anima? Ilab xin, acaw wal eb e cuywom tu' chi tx'oxoni tol che yak' c'aytok e ba. 20 Ayin ti', a yikbej Dios chi wak'balnej cax chi wion el eb espíritu yob tu'. A ton yin jun ti' chi txecloj elok tol mayal chaoc Dios yak'on Yajawilal e xol. 21 K'inalok ay junok winak caw wal ay yip. Ay is mitx'k'ab yet owal, yet watx' chi je' colon yatut. Tok subojxac'al yelk'anelaytok is tzetak yetal. 22 Palta k'inalok ta chi jayoc junokxa mactxel yel ec'ban yip yintak nak tu'. Ta chi ayc'ay nak aj na tu' yuj, chi yiic' masanil is mitx'k'ab nak ayoc yipok c'ul tu'. Chi lajwi tu', chi pojon ec' masanil is tzet yetal nak tu'. 23 A eb manak wetok ayocok, ajc'ul oc eb win. A eb c'am chi colwaj wajban oc wetok, a ton eb chi ak'on saklemcantok. 24 K'inalok ay junok espíritu yob chi el yin junok anima tinani'. Chi ec' bay lugarlak takin, yuj sayon ec' bay watx' chi xewi, palta c'am chi ilchaj bay watx' chi ayji, xan chi na' axca ti': Ok in meltzoj bay ec'nak in cajayok, ẍi. 25 Axa yet chi meltzoj tu xin, chi yilon oc jun anima tu', lajan axca junok na q'uisbil, caw wal watx' yili. 26 Xan chi toj yitek ukwanokxa yet espíritual yob, tol ec'banxa is yobtakil yintak, cax chi watx'nenxac'al oc cajan ba eb yin jun anima tu'. Yuj tu' xan yelxac'al yob chi yun yeloc jun anima tu' yintak yet babelal, ẍi Jesús. 27 A yet lanan yalon Jesús juntzan tu', ay jun ix ix max awji aj xol eb anima: —Caw wal watx' yet ix ix ayach yune', ix max cach imtzeni, ẍi ix bay. 28 Max yalon Jesús axca ti': —Yelxac'al ec'ban watx'il yet eb chi aben k'anej Dios cax chi yikeni, ẍi. 29 Xiwil anima max oc oyan yin Jesús, axa yalon bay eb tu' axca ti': A wal eb anima yet jun tiempoal ti', caw wal yob eb. Yuj tu' toc'al chi k'an eb junok milagro yila', junok chi tx'oxon yikbej Dios, palta asan jun milagro ok tx'oxlay yil eb, a ton junok axca jun max tx'ox Dios yin jun is chekbej chi yik Jonás. 30 A Jonás tu' max tx'oxon el is mayk'ak'al Dios bay eb anima aj conob Nínive payxa. Axca Jonás tu', cayin ton tu' ayin Chekbilintek yuj Dios xol eb jet animail ti', ok in tx'oxil mayk'ak'al Dios satak eb anima yet jun tiempoal ti'. 31 Ilab c'apax jun xal yajaw bay Sur yet payxa. Caw wal najat titnak xal, max ulic' xal abxalwok bay cham Salomón, yujtol caw wal ay is jelanil cham. Tinani', ti' pax wal ec'ban in yintak Salomón tu', palta c'am chi ulic' anima abxalwok ayin. Yuj tu' xan ato yet ok jayoc jun c'ual yet ok ex beyc'ulnelayok, ok aj wan xal, cax ok yalon aj xal e yobtakil. 32 A yet max ec' yalon Jonás yabixal Dios bay eb aj Nínive, max na ba eb. Axa tinani', ti pax wal ec'ban in yintak Jonás tu', palta tok yuj tu' che na e ba. Yuj tu' xan ato yet ok jay jun c'ual yet ok ex beyc'ulnelayok, cax ok aj wan eb aj Nínive, ok yalon aj eb e yobtakil tu'. 33 A yet chi jaon oc co tzektebal, c'am bay chi co c'ubaj el bay man txequelok. C'am bay chi jaoctok yalan junok cajón, palta a yiban junok tzet yetal can batxan ajok, a tu' chi jajtok, yet watx' chi tzektanelay eb ayoctok yul na yuj. 34 A co bak' sat, axca tol is tzektebal co mimanil yayji ocok. Yuj tu', ta junnej tzet bay ayoc co sat, sakk'inal on chi yal tu', cax watx'c'al tzet chi el junen yetok co mimanil. Palta ta ayex tx'ok tx'ok bay che yaoc e sat, chex cancan xol k'ekk'inal yuj. 35 Che yilc'al e ba xin, yet watx' a e tzektebal, manchak q'uexpoj oc yin k'ekk'inalil. 36 Ta sakk'inal yayji e mimanil masanil, ta c'am jabok k'ekk'inal ayex, sakk'inal ex toni. Axca junok tzektebal chex tzektaneni, axca tu' chi yun sakbi e nabal, ẍi Jesús. 37 A yet max lajwi yalon Jesús juntzan tu', ay jun cham fariseo max iontok Cham low bay yatut. Yuj tu', max toj ton bay na tu', max ay chotan low yetok cham. 38 A cham fariseo tu', max c'ayaj c'ul cham yuj, yujtol maj tx'aj Jesús k'ab axca is beybal eb cham tx'ajon yet. 39 Axa yalon Cham Jajawil tu' bay cham axca ti': —Ayex fariseo ex ti', lajan ex wal axca junok tol asan yinlak vaso c'al plato chi sakbanej, yujtol a e nabal, asan elk'an nabil e yuj, yetok tzet yetal man watx'ok. 40 Caw c'am e nabal, ¿tom man e yojtakok tol a jun mactxel watx'nenej juntzan tzet yetal chi jil ti', a' c'apax max watx'nen juntzan tzet yetal c'am chi jila'? 41 Aktam yetok e nabal che tx'ox e watx'il. Ta caytu' che yut axca tu', ok watx'jok aj e yanimail, c'al e nabal. Chi yal elapnok c'amxa tzet yob ayoc e yin. 42 Ok'bal ex c'ul, ayex fariseo ex ti'. Che yak' wal diezmoal an alawen, yetok an ruda. Tz'akanxac'al che yak' diezmoal masanil itaj. Palta a e naoni tol man yowalilok watx' che yut e nabal, man yowalilok che camc'ulnej Dios. Matawal tol a juntzan ti' che beybalnej, cax c'am che bek e beybalnenc'alta' juntzan beybalnebilxa e yuj tu'. 43 Ok'bal ex c'ul, ayex fariseo ex ti'. A bay nail e wajayil yin culto, asan bay chi ay chotan eb mimek winak che yochej chex ay chotanok. Yetok c'apax yet chex ec' yulak calle, che yochejxac'al chi yiay ba eb anima ayex. 44 Ex meẍtol yin ley Moisés, c'al ex fariseo, caw ok'bal ex c'ul. Caw wal cabsat ex. Lajan ex axca bay mukan junok camnak manxa txequelok bay mukan. Chi ec' eb anima yiban, palta man yojtakok eb ta ay mac mukan bay chi ec' tec'ton eb tu', ẍi Jesús. 45 Lajwi yalon Jesús jun tu', ay jun cham meẍtol yin ley Moisés max alon bay axca ti': —Meẍtol, a yet max alon juntzan ti', ayon ti' man watx'ok max jab c'apaxok, ẍi cham bay. 46 Max yalon Jesús bay: —Ok'bal ex c'apax c'ul ayex meẍtol ex yin ley Moisés ti'. A juntzan e chekbanil lajan wal axca junok ikatz c'am chi lacchaj jabok juj. Toc'al che bulbaj aj ikatz che yak'on yik eb anima, palta tamwal chex oc matxan e k'eoncan aj jabok yikatz eb tu'. 47 Caw wal ok'bal ex c'ul, yujtol chi bet e ca watx'nej aj is mukbanil eb chekbej Dios yiban bay mukan eb mak'bil cam yuj eb e yichmam yet payxa. 48 Yuj tu', a yet che yunen juntzan tu', lanan e tx'oxon elok tol watx' yutnak ba eb e yichmam e naoni. Yujtol a ton eb mak'nej cam eb chekbej Dios tu'; ayexxa chi bet e tz'ak e watx'nej aj is mukbanil eb yiban. 49 Yuj tu' max yalcan Dios yetok is jelanil axca ti': Ok in chektek juntzan eb ok alon el in k'anej e nan e xol, yetok juntzanxa eb in chekbej. Ay eb ok e mak' camok. Ay eb toc'al ok e yetnej yetok yailal, ẍi Dios. 50 Yuj tu', masanil eb chekbej Dios mak'bilxa cam yecheltax c'al yel yich yulyibank'inal ti', ok ak'lay eb e cargonej mac ex ayex ec' yet jun tiempoal ti'. 51 Xiwil eb chekbej Dios mak'bilxa camok, yecheltaxc'al max mak'lay cam Abel, masantac'al yet max mak'lay cam Zacarías, jun ak'bil cam nan xol altar yetok templo Dios. Palta ayin chi wal ayex, masanil eb mak'bil cam tu', ok ak'lay eb e cargonej mac ex ayex ec' yet jun tiempoal ti'. 52 Ok'bal ex c'ul ex meẍtol yin ley Moisés, yujtol munilc'al max e tz'ak e yaoc e yopiso e jakon nabal eb anima yetok k'anej Dios, palta ilab c'am che ya pax oc e nabal yin k'anej Cham. Axa eb chi yochej chi yaoc c'ul yin, c'am che cha' c'apax yaoc eb c'ul yin, ẍi Jesús bay eb. 53 Max lajwi yalon Jesús juntzan ti', axa tit yowal eb meẍtol yin ley Moisés tu', yetok eb fariseo tu' yin Cham. Xiwil juntzan tzet yetal max tz'ak k'anlej el eb bay Cham. 54 Max yechbanej eb yabej, ta ay tzet yob ok yut yaloni, cax chi yak'on queja eb yaloni.
1 A yet junel, xiwil milal bisil eb anima max waj ba bay Jesús. Chi tec'lejxac'al tok ba anima yujtol toxanej chi witz'itz'i, axa yalon Jesús yin babelal bay eb is cuywom axca ti': Che yilc'al e ba yuj yich pan eb fariseo, a ton is cabsatil eb. 2 Yujtol masanil jantak tzet makan ay tinani', ok txecloj ajok. Yetok jantak tzet ewanc'uan yayji, ok ak'lay ojtaknelay elok. 3 Yuj tu', masanil tzet max e yal yin ewantakil, ok yab eb anima masanil. Yetok masanil tzet max e saj alnej yul txiquinej, ok al-lay el xol anima yulak calle. 4 Axa ayex ti' ex wamigo, chi wal ayex, manchak ex xiw bay eb chi je' yak'on cam e mimanil ti', yujtol a yet chi xew e cam yuj eb, c'am junokxa tzet chi je' el yunen eb e yin. 5 Palta ok wal ayex bay moj chex xiwi. A bay Dios, a tu' chex xiwi, Cham tol chi xew e yak'lay cam yuj, ay pax is yikbej ex yaontok bay infierno. A ton bay Cham tu' moj wal chex xiwi. 6 Ilab no coq'uiẍ tz'iquin tinani', c'am yelapnok no'. Chi txonlay oc'on no' yin cab centavo, palta ilbilc'al no' masanil yuj Dios. 7 Ayex ti' caw wal miman e yelapnok yintak no'. Toltax e xil, bisbil masanil yuj Cham. Yuj tu', manchak ex xiwi. 8 Chi wal ayex, tzanc'al mac c'am chi q'uixwi yalon satak yet animail tol wet, ayin Chekbilintek yuj Dios xol eb jet animail ti', ok waloc eb wetok satak eb yángel Dios. 9 Palta a eb chi alon satak yet animail tol man wetok, ok wal c'apax satak eb yángel Dios tol man wetok eb. 10 Tzanc'al mac chi alon junok tzet yetal win, chito je' yak'lay tan is yobtakil tu'; palta a mac chi buchon Cham Espíritu Santo, a jun tu bian, c'amxa chi ak'lay tan is yobtakil tu' yiban. 11 A yet ok ex ilaytok bay nail wajayil eb jet israelal, ma yet ok ex ilaytok satak eb juez, c'al eb yajaw, manchak ex oc il yuj tzet ok e yut e paktzen eb. Manchak ex oc il yuj tzet ok e yala'. 12 Yujtol a yet ok jay tiempoal e yalon tu', a Cham Espíritu Santo ok ak'on tzet watx' ok e yala', ẍi Jesús bay eb. 13 A xol eb anima tu', ay jun mactxel max alon bay Jesús axca ti': —Meẍtol, al bay jun wuẍtak, tol chi yak' jabok wet yin jantak tzet max can yuj co mam on, ẍi bay Jesús. 14 Palta max yal Cham bay axca ti': —Ach anima, ¿mac max ak'on wopiso woc e juezalok, cax chex in watx'nen elok? ẍi Cham bay. 15 Max lajwi tu', axa yalon bay eb anima tu' axca ti': —Chi cam e yiloni, cax che taynenc'al e ba, yet watx' c'am junok tzet yetal comonc'al che yochej ocok. Man yujok tol xiwil tzet ay ayon, xan tzalojc'ulal jet bay yulyibank'inal ti', ẍi Jesús. 16 Maxc'al lajwi tu', axa yalontek jun abix ti' bay eb: A junel, ay jun winak caw wal beyom. Xiwil sat is yawoj max el sat is tx'otx'. 17 Yuj tu', max na' axca ti': ¿Tzetlaj ok wutej, yujtol c'amxa bay watx' ok in wajbaj sat wawoj ok wi' ti'? ẍi jun winak tu'. 18 Max lajwi tu', max naon pax nak axca ti': ¡A…, tix ok wut ti'! Ok wuchay juntzan in c'una ti', cax ok in watx'nen juntzanokxa mimek ok wutej. A tu' ok in wajbaj sat wawoj ti', c'al masanil tzet ay ayin. 19 Ok lajwok tu', cax ok in naon axca ti': A tinani', xiwil tzet max in wajbaj, caw miman tiempo ok in k'anbalnej. Yuj tu', chi je' chin xew tinani'; chi je' chin lowi, c'al wuq'uena', jantakc'al chi wochej. Chi je' wak'on tzalojbok in c'ul, quin chi ok waloni, ẍi nak. 20 Palta max yal Dios bay nak axca ti': Ach ti', caw wal c'am jabok a nabal. Yet-xac'al jun ak'bal ti', ok ach camok; axa pax jantak tzet ok a wajbaj aj tu', ¿mac ok ion can cha na'? ẍi Dios bay nak. 21 Axca ton jun winak tu', cayton tu' ok yun yeloc eb lanan wajban is beyomal yuj yoc yetok tx'oklil, ta c'am pax tzet lanan wajban eb yin yet Dios, ẍi Jesús bay eb. 22 Max lajwi tu', max yalon Jesús bay eb is cuywom axca ti': Chi wal ayex xin, manchak ex oc il yuj tzet chi yun yec' tiempo e yuj cayti', yuj tzet che lo'. Manchak ex oc c'apax il yuj e pichil. 23 A Dios chi ak'on co cawil. Akxata' tzet ok co lo', ¿xin ta man ok yak'a'? A' max ak'on co mimanil ti', akxata' co pichil, ¿xin ta man ok yak' che na'? 24 Ilab no joj tinani', c'am yawoj no', c'am jabok tzet chi jatx'aj no', cax chi wajban no'. C'am is c'una no', c'am bay watx' chi c'ubaj no' jabok tzet yetal; palta a Dios chi ak'on masanil tzet chi lo no'. Ayex ti', caw miman e yelapnok yintak no' yul sat Cham. 25 ¿Ma ay junok ex chi je' e yaon oc nanokxa vara tz'akil e tel yujc'al chex oc il? 26 Xan ta c'am chi je' e watx'nen juntzan c'am yelapnok ti', ¿tzet yuj xan chex oc il yuj juntzanokxa tzet yetal xin? 27 Iek e nabal yin tzet chi yun ch'ib an xumaquil ac'un tinani'. A an xumac tu', c'am chi mulnaj an, tamwal chi tx'alwi c'apax an; palta chi wal ayex, a cham rey Salomón, caxc'al xiwil watx'il yili cham yetok is pichil, palta majc'alta' apnok yili cham axca an xumac tu'. 28 A an xumac tu', watx' yili an tinani', palta yecal, chi tz'a an yul horno. Caxc'al cac'al tu' chi yun lajwinaj el an, palta a Dios chi ak'on watx'il yili an tu'. Akxam ayex ti', ok yak'c'alta' e pichil. Palta ijan tol txennejc'al pax e yaon oc e c'ul yin Cham. 29 Manchak ec' yiban e naon xin. Manchak ex oc il yuj tzet che lo', c'al yuj tzet che yuq'uej. 30 Yujtol a eb man ojtaknenok Dios, asan yin juntzan tu' bay ayoc nabal eb; palta yojtakxa co Mam Dios tol chi oc c'apax yopiso juntzan tu' e yuj. 31 Yuj tu xin, ak'ek e yip e watx'nen oc e ba yul k'ab Dios. Ta che yut caktu', ok ak'lay masanil juntzan ti' ayex. 32 Ayex ti' axca tol in calnel ex. Manchak ex xiwi. Jaywannej ex toni, palta a co Mam Dios chex ion oc yul is k'ab, yujtol axca tu' max yun yel yin c'ul. 33 Txonekcan el masanil tzet ayex, cax che saontok tojol xol eb meba'. Axca ton tu' ok e yut e watx'nen caẍail e tumin c'am bak'in chi ichambi. A ta satcan ok wajnaj juntzan axca e beyomal tu'. A juntzan tu', c'am bak'in ok lajwok. C'am junok elk'om ok je' yapni yelk'anen bay tu'. Yetok c'apaxok, c'am c'apax no ij ok oc yin bay tu'. 34 Yujtol, a bay chi co wajbaj co beyomal, a tu' chi ja c'apaxtok co nabal. 35 Makwajanek, axca wal junok mosejal ayoc is pichil, tzekbil pax is tzektebal yuj makon jay is patrón. 36 K'inalok ay juntzanok mosejal lanan yechbanen jay is patrón aytok bay junok k'in nupayil. A yet chi jay bay na, cax chi awji octok, watx'xac'al yayji eb jakon yin aymanil. Axca chi yut yechbanen eb mosejal is patrón tu', caytu' che yut e ba ayex ti'. 37 A eb mosejal c'amto chi wayajok cax chi jay is patrón tu', caw wal watx' yet eb. Wal yel chi wal ayex, a wal caw cham patronej tu', ayman ok q'uexil ba, axa chotban ay eb is moso tu' lowok, cax ok yak'on serbil cham eb. 38 Caxc'al chuman ak'bal, ma yet toxa chi sakbi, cax chi jayi, ta c'amto chi way eb is moso tu' chi jayi, caw wal watx' yet eb. 39 Nachajokab el jun abix ti' e yuj. K'inalok ay junok elk'om chi oc elk'an yul yatut junok anima. Matawal yojtak jantak hora chi jay jun elk'om tu', toc'alta' chi maka', cax c'am chi chaoctok elk'an bay yatut tu'. 40 Yuj tu', cayexokab tu'. Makwajanek, talaj yet man naanok el e yuj chin jay ayin Chekbilintek yuj Dios xol eb jet animail ti', ẍi Jesús bay eb is cuywom tu'. 41 Yuj tu' max k'anlej Pedro bay Cham axca ti': —Mamin, ¿asannej mi ayon bay max al jun abix ti', ma yuj masanil anima ti' xan max ala'? ẍi. 42 Axa yalon Cham bay eb tu' axca ti': K'inalok ay junok patrón tinani'. Ta ay junok is moso yikem cax jelan paxok, a ton jun tu' chi yaoc cham yikbej yiban eb masanil, yuj taynelay eb, c'al yuj yak'lay low eb junjuntak el. Palta ¿mactet junok eb mosejal tu' yikem che na'? 43 A ton nak lanan mulnaj axca wal chi yochej c'ul is patrón tu' yet ok jayok. Caw wal watx' yet jun mosejal tu'. 44 Wal yel chi wal ayex, ok yaoc cham nak mosejal tu', yajawilal yiban jantak tzet ay yul is k'ab. 45 Palta k'inalok ta a' chi yut naon jun mosejal tu' tol mantoc'al ok jay is patrón tu', cax chi c'oli mak'ontaj eb yet mosejal, c'al eb ix criadaejal, cax asanc'al loj chi yunej, c'al uq'uej an. 46 A yet c'ual man echbanebilok yuj, cax ok jay is patrón nak mosejal tu'; a ton yet tu' ok jayoc tzac'naj cham, junelnej wal man yojtakok nak ta a yet jun bek tu' chi jayi. Axa yak'lay yailal nak sic'libil yuj cham tu', cax ok yaoncantok cham nak bay ayic' juntzan eb maj yaoc c'ul yin Dios. 47 K'inalok ta ay junok mosejal yojtak tzet chi yochej c'ul is patrón chi watx'nej, palta c'am chi yak' yip, cax c'am chi yikej tzet chi yal is patrón tu'. A jun mosejal tu', caw wal miman yailal ok cha'. 48 Palta k'inalok ta ay junokxa mosejal man yojtakok, cax chi watx'nen juntzan tzet yetal tol moj yikon tz'um yuj. A jun tu', txennej tz'um ok yika'. A eb miman tzet ak'bil bay, miman tzet ok k'anlay el bay eb. Yetok eb miman tzet abenebilcan bay, yowalil miman tzet ok yak' c'apax eb. 49 Ayin ti' max quin jay yuj ul waon oc jun k'ak'ej bay yulyibank'inal ti'. Matawal lananxa culxi tinani'. 50 Ay wal jun miman yailal ok jay wiban, axca tol ok in ak'lay bautizar yuj. Caw wal ay jun in miman cusc'ulal tinani' masantac'al ok yunel jun tu'. 51 ¿Ma yuj ul wak'on junc'ulal yulyibank'inal ti' xan max quin jay e naoni? Wal yel c'amak. Palta yuj yak'len aj eb anima owal in yailok, xan max in jayi. 52 K'inalok ay owanok anima bay jun na, oxwan ajc'ul oc yin cawan, axa cawan ajc'ul oc yin oxwan. Cay wal tu' ok e yun yet jun tiempoal lanan jay ti'. 53 Ay eb mamej ok yak'lej owal yetok eb is c'ajol. Yetok c'apaxok, ay eb txutxej ok yak'lej owal yetok eb ix yune'. Ay eb xal alibej ok yak'lej owal yetok is yalib, ẍi Jesús bay eb. 54 Max yalon c'apax Jesús juntzanxa ti' bay eb anima tu': A yet che yiloni, tol chi tit asun bay yayub c'u, jun bek che yala': Ok jay nab, quex chi. Yel ton che yala', chi jay nab. 55 Yetok c'apax yet chi tit cak'ek' bay sur, che yal c'apax axca ti': A tinani', ok yak' k'ak', quex chi. Yelc'al che yala', chi yak' k'ak'. 56 Palta ayex ti' caw wal cabsat ex. Jelan ex ton e naon el tzet chi jayoc yuj juntzan che yilaj satcan tu', c'al sat tx'otx' ti', palta, ¿tzet xan pax c'am chi nachaj el e yuj tzet chi yal elapnok juntzan yechel chi tx'oxon tzet lanan yunen Dios? 57 ¿Tzet yuj xan man munilok che beyc'ulnej tzet yetal watx' yul sat Dios? 58 K'inalok ay junok mactxel chex iontok satak cham alcal. Aokab yet lanan e toj yul be yetok, cax che yak'on e yip e watx'nen ay yetok, yet watx' c'amxa chex yitok satak cham tu'. Yujtol ta mayal ex apni satak alcal tu', chex yaoc cham yul k'ab eb policía, axa ex yiontok eb preso tu'. 59 Chi wal ayex, tol man ok ex beklay elok, masantac'al tol tz'akan che yak'can e multa masanil, ẍi Jesús.
1 A yet jun tiempoal tu', ay juntzan eb max jayoc bay Jesús. Max yalontek eb yabixal tzetbil max yun yak'lay cam juntzan eb aj Galilea yuj Pilato, yet lanan yak'on eb juntzan is xajanbal bay Dios. 2 Axa yalon Jesús bay eb tu' axca ti': ¿Tzet yuj xan caytu' max utlay eb aj Galilea tu' che na'? ¿Yuj mi tol yelxac'al yob is beybal eb yintak eb yet conob tu'? 3 Ayin chi wal ayex, c'amak. Palta ayex ti', ta c'am che na e ba yin e yobtakil, e masanil ok ex cam c'apaxok. 4 Naektek eb waxaklajonwan max cam bay Siloé, yet max ayc'ay te na miman is tel yiban eb. ¿Tzet yuj xan caytu' max yun eb che na'? ¿Yuj mi tol caw wal yob is beybal eb yintak eb yet aj Jerusalénal eb tu'? 5 Ayin chi wal ayex, c'amak. Palta ayex ti', ta c'am che na e ba yin e yobtakil, ok ex cam e masanil c'apaxok, ẍi Jesús bay eb. 6 Max lajwi tu', max yalontek Jesús jun abix ti' bay eb: A junel, ay jun winak ay jun te higo awbil yuj sat is tx'otx'. Axa toj yilon tu' ta ay sat te'. Palta axa yet max apni ocok, tokc'al ay junok sat te' max ilchaj yuj. 7 Axa yalon bay nak chi mulnaj sat is tx'otx' tu' axca ti': Ilab oxebxa abilc'al c'oli ul wilon jun te' ti'. C'amc'al junok sat chi wila'. Yuj tu', tzoc'ajok. Nabac'al makbil el tx'otx' ti' yuj, ẍi bay nak. 8 Palta max yal nak ilom mulnajil tu' bay cham axca ti': Patrón, mata wal c'amto chi co tzoc'aj te' yet jun abil ti'. Ac'al wal chi wak'lej in t'ocon c'unbok tx'otx' yich, cax ok waon oc yabonoal. 9 Ta ok satnok, watx' chi yal tu'. Ta c'am chi satni xin, axa co tzoc'on aj axca alon tu', ẍi nak bay, ẍi jun abix tu', ẍi Jesús. 10 A yet jun c'ual xewilal, max octok Jesús yul nail wajayil eb yet israelal yin culto. Axa c'oli cuywaj nan xol eb tu'. 11 Ay jun ix ix ayic' bay tu', 18 abilxa yac'al ay yuj jun espíritu yob. Max coxloj ix yuj, max aycan nojan ix. C'amxa chi jichloj aj lecan ix. 12 A yet max yilon Jesús tol ayic' ix, axa yawtentek Cham ix is c'atan tu', max yalon Cham bay ix axca ti': —Ach ix, ti wal chach watx'ji yin jun a yailal ti', ẍi bay ix. 13 Max lajwi tu', max matxban oc k'ab yiban ix. Yet jun bek tu', max jichlojcan nan ix. Max c'oli yalon ix is watx' k'anej bay Dios. 14 A cham yajaw nail wajayil tu', max tit yowal cham, yujtol a yet c'ual xewilal max watx'jican ix yuj Jesús, xan max yal bay eb anima wajan ec' tu' axca ti': —Wakebnej c'u moj co mulnaj yul semana. A yin wakeb c'ual tu', tzanc'al tzet c'ual chi je' ul e yak'on yak'lay watx'jokcan e c'ul yin e yailal, palta man mojok chi ak'laycan watx'jok e c'ul yet c'ual xewilal ti', ẍi cham bay eb masanil. 15 Axa yalon Cham Jajawil bay cham tu' axca ti': —A ex ti', caw wal cabsat ex. Ta ay junok e wacax, ma junok e burro c'alan yet c'ual xewilal, ¿tom c'am che xuyilok, cax chi toj e yak'on yuc'a'? 16 A pax jun ix ix ti', yinatil Abraham ix; 18 abilxa michchaj ix yuj Satanás, axca wal tol c'alan ix yuj. ¿Tom man mojok colchajcan el ix yin is yailal yet c'ual xewilal ti' cha na'? ẍi bay. 17 A yet max yalon axca tu', masanil eb ajc'ul oc yin Cham, max q'uixwi aj eb; palta masanil eb anima xin, caw wal max tzaloj eb yilon juntzan tzet c'ayubtak chi el yunen Cham. 18 Axa yalon c'apax Jesús axca ti': ¿Tzetbil chi yun ch'ib bisil eb anima chi oc yul k'ab Dios che na'? Ok waltek jun abix ti' e yabej. 19 A chi yun ch'ib bisil eb anima tu', lajan eb axca junok inat mostaza chi yaw junok anima sat is tx'otx'. A jun inat tu', chi ajolok, chi ch'ibi. Lajan chi yun yucay axca te te' mimektak. A no tz'iquin, chi ton je' way no' xol is k'ab an, ẍi Cham. 20 Max yalon c'apax Jesús junxa ti': Ok waltek junxa abix ti' ayex, tzetbil chi yun ch'ib is bisil eb anima chi oc yul k'ab Dios. 21 A jun tu', lajan axca jabok yich pan chi yatok junok ix xol oxebok echbal harina. Echc'al chi pajbitok ixim yuj jab yich pan tu', ẍi Jesús. 22 A Jesús ac'ala' max beytoj yul beal Jerusalén. Ay juntzan conoblak, c'al juntzan aldealak bay chi ec' cuywajok. 23 Axa yet junel, ay jun mactxel max k'anlen bay axca ti': —Mamin, ¿jaywannej mi eb ok colchajok? ẍi bay Cham. Max yalon Cham bay: 24 —Ak'ek e yip e yoc bay jun axca yaliẍ puerta, yujtol chi wal ayex, xiwil eb chi yak'lej yoqui, palta maj je' yoc eb. 25 Yujtol a Dios, lajan axca junok aj na chi makchej yatut. Ok lajwok tu', axa ayex chex can lecan ti' na tu', okto e yak'lej e yawji octok axca ti': Mamin, jakon octok etok, quex chito wali. Man ex wojtakok, tamwal bay cajan ex, ẍi eltek, yet ok tak'wok. 26 Palta ilab lownak on etok, cuywinak on yul calle oj, quex chi, ok e yalon bay. 27 Palta ok ex tak'welay yuj axca ti': Mayal wal ayex tol may ex wojtakok, tamwal bay ayex. Elanek e masanil ex che yun yobtakil, ẍi ayex. 28 A bay tu' caw wal ok jichchaj e c'ul e yok'i. Yuj ok e yila' tol ayic' Abraham, Isaac, yetok Jacob c'al masanil eb chekbej Dios ayoc yul k'ab, xan ayex paxok, yina ayex canok. 29 Ay eb ok tit bay junjun lugar, ay eb ok tit bay chi ajol c'u, c'al bay chi tojcan c'u, ay eb ok tit bay norte c'al bay sur, cax ok ay chotan eb low yin meẍa bay ayoc Dios Yajawil. 30 Ay mac c'amxac'al jabok yelapnok co xol tinani'; palta a yet jun tiempoal tu', a eb ti', caw miman yelapnok bay tu'. Ay pax mac caw wal miman yelapnok co xol tinani'; palta a yet jun tiempoal tu', ay pax eb c'amxa jabok yelok apnok bay tu', ẍi Jesús. 31 Ac'al oc yet jun c'ual tu' max jayoc juntzan eb fariseo, axa yalon eb bay Jesús axca ti': —Asi', elan bay jun lugar ti', yujtol chi yochej Herodes chach yak' camok, ẍi eb bay. 32 Axa yalon Jesús bay eb axca ti': —A jun winak tu', lajan axca no wax, tok ay yelapnok. Asek cax ok e yalon bay tol a tinani' c'al yecal cabej chi wiil eb espíritu yob yin anima, cax chi wak'on c'apax watx'jok c'ul eb ya'ay. Axa yet chi lajwi tu', chin lajonxac'al in mulnajil ti', ẍi Jesús, quex chi bay. 33 Palta ayin ti', ok in tokc'al yul in be tinani', c'al yecal cabej, yujtol yowalil asan bay Jerusalén chon ak'lay cam ayon chekbej on Dios ti'. 34 A wal ayex ti' ex aj Jerusalén, che mak' wal cam eb chekbej Dios. Axa juntzanxa eb chekbiltek yuj Dios e xol, che k'okch'ennej eb. Xiwilxa el max wochej max quex wawtejtek ayin, axca junok no caẍlan chi k'uttejtek yune', cax chi mojoni, palta maj yal e c'ul. 35 Abek. A jun e conob ti', ok tz'inayok. Chi wal ayex, c'amxa bay ok e yil win, masantac'al yet ok e yalon axca ti': Al-layokab watx' k'anej bay Cham chekbiltek yuj Cham Jajawil, quex chi, ẍi Jesús bay eb.
1 A yet jun c'ual xewilal max betic' Jesús low bay yatut jun sat fariseo. C'uxan ay pax juntzanxa eb yet fariseoal chi makon ilonok. 2 Ay jun winak ayic' satak Cham bay tu', malnak aj yuj jun ilya'. 3 Axa yalon Jesús bay eb meẍtol yin ley Moisés tu', c'al bay eb fariseo axca ti': —¿Ay mi leyal chi jak' watx'jok c'ul junok ya'ay yet c'ual xewilal, ma c'amak? ẍi bay eb. 4 Palta tz'inxac'al, ẍi eb. Axa yoc mitx'an Jesús yin nak ya'ay tu', max yak'on jaycan c'ul nak. Max yalon bay nak tol chi paxi. 5 Maxc'al lajwi tu', axa yalon bay eb fariseo tu' axca ti': —K'inalok ay junok ex ay junok e yuninal, ma xin ay junok e wacax chi toj yul junok xab olan yet c'ual xewilal, ¿xin ta c'am chi toj e yiajtek yin aymanil? ẍi bay eb. 6 Palta majxa nachaj paktzen eb jabok bay. 7 Max yilon Jesús, tzet max yut ba eb awtebil low yetok bay jun loj tu', tol a bay chi ay chotan eb mimek winak, a tu' chi ay chotan eb. Yuj tu' max yal bay eb axca ti': 8 —Ta ay bay chex awtelay bay junok k'in nupayil, manchak ex ay chotan bay chi ay chotan eb mimek winak. C'uxan talaj chi apni oc junokxa awtebil, tol caw miman yelapnok e yintak. 9 Axa talaj yalon cham awtenej ex tu' ayex axca ti': Elanek yul juntzan ẍila ti', cax che yak'on bay eb cham ti', ẍi talaj e yutelayi. Yuj tu', yowalil axa xol eb c'am jabok yelapnok chex apni ocok. Caw wal chi el e q'uixwil. 10 A yet chex awtelay tu xin, watx' a xol eb c'am yelapnok chex apni oc chotanok, yet watx' a yet chi jayoc cham awtenej ex tu', chi yal ayex axca ti': Ex wamigo, ayanek chotan bay chi ay chotan eb mimek winak tu', ẍi, ok yalon ayex. Axca tu' bian, caw wal miman e yelapnok yul sat eb ayoc e yetok yin meẍa tu'. 11 Tzanc'al mac chi yiaj can ba, ok ilay ayok, c'amxa jabok yelapnok ok yun yelcan apnok. Palta eb chi yiay ba, a eb ok ilay aj can, a ton eb miman ok yun yelapnok, ẍi Jesús. 12 Max lajwi tu', axa yalon bay nak awtenej tu' axca ti': —A yet cha watx'nen mimanok loj, manchak awtej eb watx' ak'on yetok. Manchak awtej c'apax eb a mam c'al oẍtak, eb ecan yetok eb beyom cajan a cawilal. Yujtol a eb tu', ok ach yawtej pax eb low yetok. Axa a chaon pax q'uexel et tu'. 13 Palta a yet cha chaon junok a k'in, asan eb meba' chawtej low etok, eb man tz'akanok is mimanil, axca eb c'am chi je' beyi, c'al eb c'am chi je' yilwi. 14 Ta caytu' ok ot axca tu', caw wal watx' et chi yal tu', yujtol a eb tu', c'am jabok q'uexel ok je' yak'on eb ayach, palta a yet ok ach ictzoj yetok eb watx' is beybal, cax ok a chaon paktzil, ẍi Jesús bay nak. 15 A yet max yaben jun nak ayoc yin meẍa tu' is k'anej Jesús, max yalon nak bay axca ti': —Caw wal watx' yet eb ok loon pan bay ayoc Dios yin Yajawil, ẍi nak bay. 16 Axa yalon Jesús junxa abix ti': —A junel, ay jun winak max watx'nej jun miman loj cax xiwil anima max yawtej low yetok. 17 Axa yet max ajapnok yorail yoc jun loj tu', max chekontok jun is moso toj yalon bay eb awtebil yuj tu' axca ti': Asek. Mayal apni yorail yoc loj, mayal watx'ji, ẍi bay eb. 18 Palta junjunc'al eb, max yal eb tol maj je' toj eb. Max yal nak babel axca ti': Tol ay jun in tx'otx' tolto max in mana', xan yowalil chi toj wila'. Chak' mimanc'ulal win, maj in tok, ẍi. 19 Max yalon junxa axca ti': Tol ay o mojan in mulnajwom wacax max in mana'. Yowalil ok tok wak' porobal no', tzetbil mulnaj no'. Matawal chak' mimanc'ulal win, ẍi nak. 20 Max yalon c'apax junxa axca ti': Tolto max oc wetbi. Yuj tu' xan maj je' in toji, ẍi. 21 A yet max jay nak mosejal tu', max yal nak masanil tzetc'al max yut tak'wok ba eb bay. Yuj tu' xan caw wal max tit yowal cham patronej tu'. Max yalon cham bay jun is moso tu' axca ti': Asi' yin aymanil yulak calle, c'al yulak beal jun conob ti'. Chi toj eontek eb meba', eb man tz'akanok is mimanil, eb c'am chi je' beyi, c'al eb c'am chi je' yilwi, ẍi cham bay. 22 Max xew betic' jun mosejal tu', max yalon bay is patrón tu' axca ti': Mamin, ti mayal bet wi eb max al tu', palta colantoc'al, ẍi bay cham. 23 Axa yalon is patrón tu' bay axca ti' junelxa: A tinani', asi' bay juntzanokxa calle, c'al bay juntzanokxa be. Chi toj ak'on pural eb anima tita', yet watx' ok noj na ti' yuj eb. 24 Chi wal ayach, c'am junok eb babel awtebil wuj tu' ok je' low bay jun miman loj chi wak' ti', ẍi cham patrón tu'. Caytu' yalon jun abix ti', ẍi Jesús. 25 A yet junel, xiwil anima tzakan yintak Jesús, xan max meltzojtok acan bay eb, max yalon bay eb axca ti': 26 Ta ay mac chi jay ayin, palta yelxac'al miman yelapnok is mam c'al is txutx wintak naoni, ma yetbi, ma yuninal, ma yuẍtak, ma yanab, c'al is k'inal, ta caytu' naon axca tu', maj je' yec'c'al cuywok wintak. 27 A eb c'am chi yal c'ul chi beybalnej in beybal, c'al yaben yail wuj axca ok wun yin te curus, maj je' yec'c'al eb cuywok wintak. 28 K'inalok ay junok ex che yochej che watx'nej junok e yatut, mimantak che yochej che yutej. A yet c'amto che mitx' oc e watx'neni, ¿xin ta c'am chi cam e naon yin babelal jantak tumin chi lajwi yin; catatu' che yiloni ta chi yab e tumin yin yion ba? 29 Ta c'am chi cam e naon yin babelal, asannej mi yich chi aycanok, cax c'am chi yi ba e yuj. Axa eb chi iloni tol c'am chi yi ba, chex al-lay yuj eb. 30 Chi yalon eb e yin axca ti': A jun winak ti', max tz'ak chaoc watx'nennaj jab yatut, palta majc'al yi ba yuj, ẍimi eb. 31 K'inalok ay junok rey, chi toj yak'lej owal yetok junokxa yet reyal, palta asan pax ch'an 10,000 is soldado chi yitok yetok. Axa junxa tu', ay pax 20,000 yet ibil. A yet c'amto chi toj jun txennej yet tu', ¿xin ta c'am chi cam naon sic'libil ta ok tzakay yetok eb is soldado tu'? 32 Ta maj tzakay chi yab xin, chi yatok is chekbej bay junxa rey tu' yet najatto ay, tol chi k'anlej tzetbil chi yun tan jun owal tu'. 33 Yetok c'apaxok, tzanc'al mac ex txel c'am chi yal e c'ul che bekcan tzetak yetal ayex, maj je' e yec'c'al cuywok wintak. 34 A atz'am atz'am watx' ay yopiso atz'am, palta k'inalok ta chi c'ay is c'achial, ¿tzetto wal ok yun c'achibi paxok? 35 C'amxa yopiso. Caxc'al chi alay ay sat tx'otx', caxc'al chi toj somilok abono, tutun c'amxa yopiso. Toxac'al chi k'oklay elok. A juntzan max e yab ti', naobtanejek sic'libil, ẍi Jesús bay eb.
1 Masanil eb tekom el tojlabal, yetok juntzanxa eb yob is beybal satak anima, max jayoc eb bay Jesús abxalwok. 2 Yuj tu' xan max tit yowal eb fariseo c'al eb meẍtol yin ley Moisés, max yalon eb axca ti': —A jun winak ti', chic'al cha' jay eb yob is beybal c'atan. Ilab chi low yetok eb, ẍi eb. 3 Yuj tu' xan max yal Jesús jun abix tx'oxbanil el cuybanilej bay eb: 4 K'inalok ay junok winak e xol, ay junok 100 is calnel. Ta chi c'aytok junok, chi yacan nak no' 99 etbiej tu' bay is lobal tu', cax chi toj nak sayon ec' no' max c'aytok tu', masantac'al chi yal yilchaj yuj. 5 Axa yet chi ilchaj no', chi lacontek, chi tit yin tzalojc'ulal. 6 Axa yet chi jay bay yatut, chi wajban oc eb is yamigo, c'al eb cajan is cawilal, cax chi yalon bay eb axca ti': Tzalojanek wetok; mayal ilchaj jun in calnel max c'aylejtok, ẍi bay eb. 7 K'inalok ta ay c'apax junok 99 anima, watx' is nabal naoni, cax man yowalilok chi na ba c'ul eb yin is yobtakil naoni, c'am mac chi tzaloj satcan yuj eb. Palta chi wal ayex, ta ay junok mactxel yob is beybal chi na ba yin is yobtakil, ay mimek tzalojc'ulal yuj jun chi na ba c'ul tu' satcan. 8 K'inalok ay junok ix, ay lajonebok ch'en is tumin. Ta chi c'aytok junok yuj, chi yaoc is tzektebal, cax chi q'uison yin c'ojanc'ulalil yul yatut. Chi c'oli sayoni, masantac'al chi yal yilchaj yuj. 9 Axa yet chi ilchaj yuj, chi yawtej eb is yamigo, c'al eb cajan is cawilal cax chi yalon bay eb axca ti': Tzalojanek wetok, mayal ilchaj jun in tumin max c'aylejtok, ẍi bay eb. 10 Xan chi wal ayex, ta ay junok mactxel yob is beybal chi na ba c'ul yin is yobtakil tu', caw wal chi tzaloj eb yángel Dios yuj, ẍi Jesús. 11 Max yal c'apaxtek Jesús jun abix ti': Ay ab jun winak ay cawan is c'ajol. 12 Max ab yal nak tzunan unin bay is mam axca ti': Mam, ak' in satak t'inan ta' wioni, ẍi ab nak. Axa pojon ec' cham mamej tu' is tzetak yetal xol eb cawanil. 13 Jayebixto c'u tu', axa txononcan el nak tzunan unin tu' masanil tzet max ak'lay bay yuj is mam tu'. Axa toj nak bay jun conob caw wal najat tu'. A yet max apni nak bay jun conob tu', max toj nak yin yobtakil, amanc'uan max lajwi el is tumin nak. 14 C'uxan wal lajwi el is tumin nak tu', max jay jun miman wajil bay jun conob bay ayic'ok. C'amxa tzet chi lo nak. 15 Axa toj nak k'anon is mulnajil bay jun cham aj conob bay tu', cax max ak'lay is mulnajil nak. Max cheklaytok iloj txitam yuj cham bay jun is c'ultak. 16 Tx'okxa chi tit wajil nak bay tu'. Chi yochejxac'al nak chi lo jabok tzet chi lo no txitam tu', palta c'am mac chi ak'on jabok yet. 17 Catatu' bian, max naon ba c'ul nak axca ti': ¿Tzet yuj xan caytu' chi wut in ba? Manxam jantakok eb majan in mam tinani'. Chi yak' sobra tzet chi lo' eb, axa ayin paxok, lanan wak'on cam in ba yuj wajil cayti'. 18 Yel mi watx' ok in pax bay in mam tu', cax ok walon bay axca ti': Mam, caw wal max oc in mul bay Dios, cax max oc c'apax in mul ayach. 19 Manxa in mojok chin aloc a c'ajolok. Ut in axca junok eb a mulnajwom ti', quin chi ok walon bay. 20 Axa meltzoj nak bay yatut is mam tu'. A yet najattoc'al chi tita', max il-laytok yin yuj cham mamej tu'. Caw wal max ok' is c'ul cham yin, xan max toj cham chaoni. Yanej cham toji, max apnic'al oc cham c'atan, max lak'ontek cham, axa tz'ubon el cham is ti' tu' yuj camc'ulal. 21 Axa yalon nak bay is mam tu' axca ti': Mam, caw wal max oc in mul bay Dios, cax max oc c'apax in mul ayach. A tinani' manxa in mojok chin aloc a c'ajolok, ẍi nak bay is mam tu'. 22 Axa yalon cham mamej tu' bay eb nak mosejal axca ti': Asek yin aymanil. Iektek an pichilej caw wal watx', cax che yaon oc an yin jun in c'ajol ti'. Che yaoc is colk'ab nak, cax che yaon oc is xanab nak. 23 Chi lajwi tu', chi toj e yion no wacax caw wal bak'ech, cax che yak'on cam no'. Tol ok co watx'nej wal junok miman loj, cax ok co chaon junok miman k'in. 24 Yujtol a jun in c'ajol ti', tol camnakxa ta' waloni, palta a tinani', axca tol max ictzoj pax ajok. Max c'aylejcantok, palta mayal jay paxok, ẍi cham mamej tu'. Axa yaon oc eb jun miman k'in tu'. 25 Axa nak babel winak xin, aytok nak mulnajil. Axa yet max jayoc nak cawilal na tu', max yaben nak, tol ayoc son, lanan yoc canal. 26 Xan max yawtejtok nak jun majan is mam c'atan. Max k'anlen el nak bay: ¿Tzet yuj xan ayoc jun k'in ti'? ẍi nak bay. 27 Ax pax yuj nak oẍtak max jayi. Max chekon a mam yak'lay cam no' ach'ej bak'ech wacax, yujtol a nak oẍtak tu', c'am tzet max on nak. Watx' c'ul yet max jayi, ẍi nak majan tu' bay nak. 28 Axa tit yowal nak sic'libil tu'. Majxa yal c'ul nak max oc yul na. Max eltek cham mamej, cax max bet tewok cham bay tol chi oc nak yul na. 29 Palta max yal nak bay is mam tu' axca ti': Ojtak, mimanxa tiempoc'al ach wak'on serbil. C'am junelok c'am chi wikej bay chala'. Tok yuj tu' cax ayxa bay chak' junok in chiwo in chi' yetok eb wamigo yin junok in k'in. 30 Palta a jun a c'ajol ti', max bet yak'can lajwok el a tumin yin yobtakil yetok eb ix ajmul ix. Axalaj yet chi jay nak, cax chak'on yak'lay cam no wacax caw bak'ech, ẍi nak bay is mam tu'. 31 Axa yalon cham mamej tu' bay nak axca ti': C'ajol, ach ti' ayachc'alta' ec' wetok masanil tiempo. A masanil tzet ay ayin, etc'alta' yayji wetok. 32 Palta tinani', moj yoc jun k'in ti', cax chon tzaloji, yujtol a jun oẍtak ti', tol camnakxa ta' waloni; axa pax tinani', axca tol max ictzojajok. C'aylejnak ton tok, palta mayal jay pax ocok, ẍi is mam nak tu' bay, ẍi jun abix ti', ẍi Jesús.
1 Max yaltek Jesús jun abix ti' bay eb is cuywom: A ab junel, ay ab jun cham patronej caw wal beyom. Ay ab jun is mayordomo cham. Axa max yabentek cham patronej tu', lanan lajwi el is tzetak yetal cham yuj nak. 2 Axa yawten cham nak is mayordomo tu', max yalon cham bay nak axca ti': Ay tzet chi wabaj en, xan a in mulnajil chi wak' el ti', yowalil chak'can ayin, yujtol ok ach wiel yin opiso ti', ẍi cham. 3 Axa c'oli naon nak mayordomo tu' axca ti': ¿Tzet ok wun tinani'? Ilab tol ok in yiil in patrón yin wopiso ti', palta c'am chi je' pax wuj junokxa mulnajil. Chin q'uixwi pax wec' k'anoj limosna tilak yatut anima. 4 A…, mayal tit yul in c'ul tzet ok wunej, caxc'al c'am in mulnajil, palta ayc'alta' eb ok in chaon bay yatut, ẍi nak. 5 Max c'oli yawten eb ay is jec bay is patrón tu' yin junjunal. Max k'anlen bay nak babel max jay axca ti': ¿Jantak a jec bay in patrón? ẍi nak bay. 6 100 barril aceite comer in jec bay, ẍi nak. Ta caytu' a jec aceite tu xin, tix jun is valeal a jec ti'. Ayan chotan yin ayman. Cha watx'nen junokxa, asan 50 chot a tz'ibencan oc yin, ẍi nak mayordomo tu' bay. 7 Lajwic'al tu', max k'anlen bay junxa: A pax ach, ach ti', ¿jantak a jec? ẍi nak bay. Ayin ti', 100 quintal in jec trigo bay cham, ẍi junxa tu'. Ta caytu xin, tix is valeal a jec tu'. 80 quintalnej cha tz'ibej oc yin, ẍi nak bay. 8 Axa yalon cham patronej tu', tol jelan jun mayordomo tu' yin elk'an, xan a eb yet yulyibank'inal ti', yelxac'al wal jelan chi yut ba eb yintak eb ayxa sakk'inalil Dios yin. 9 Chi wal ayex, a ch'en tumin, c'unc'al k'anabax ch'en yin yobtakil, palta a beyomalil yinokab watx'ilal che k'anbalnej, yet watx' ay eb ok e yamigonej e ba yetok. Ta caytu' che yut axca tu', a yet ok lajwok yoc yopiso jun ch'en tumin tu' e yuj, ay eb ok chaon e yapni bay ay jun e yatut yin junelnej. 10 A mac watx' chi yut ba yetok jabok tzet yetal chi ak'lay bay, ac'ala' watx' ok yut ba ta miman chi ak'lay bay. A pax mac man watx'ok chi yut ba yetok jabok tzet chi ak'lay bay xin, ac'ala' man watx'ok ok yut ba ta miman chi ak'lay bay. 11 Xan ta man watx'ok che yut e ba yetok beyomal bay yulyibank'inal ti', ¿xin ta chi ak'laycan jun acaw beyomal ayex? 12 Yetok c'apaxok, ta man watx'ok che yut e ba yetok tzet man e yetok, ¿xin ta chi ak'laycan juntzan tzet yetal caw wal e yet ayex? 13 C'am junok mactxel chi je' jun lajanc'al yak'on serbil cawanok patrón. Yujtol chi mi yajc'ulnej ba yetok junok, cax chi camc'ulnen ba yetok junokxa. Ay mi junok ay yelapnok yul sat, axa junokxa, c'am mi yelapnok yul sat. Yuj tu' xan c'am chi je' tol jun lajan co camc'ulnen jak'on serbil Dios c'al co camc'ulnen ch'en tumin, ẍi Jesús bay eb. 14 Axa yet max yaben eb fariseo tzetak max yal Jesús, max buchwaj eb yin Cham, tutun asan pax yin tumin ayoc nabal eb. 15 Axa yalon Cham bay eb axca ti': Ayex ti', asan satak eb anima watx' che yut e ba, palta yojtak Dios tzetbil yili e yanimail. A juntzan tzet miman yelapnok yul sat anima, c'am chi cha' c'ul Dios. 16 A ley Moisés c'al tzet tz'ibbilcan yuj eb chekbej Dios payxa, ocnak yopiso masantac'al yet jaynak Juan, cham ak'om bautismo. Axa tinani' xin, yettaxc'al max jay Juan tu', max el yich yal-lay el watx' abix, yin tzetbil chi yun yoc eb anima yul k'ab Dios. Yuj tu', chi yak' eb yip masanil yoc yul k'ab. 17 Caxc'al a satcan c'al sat tx'otx' ti', ok lajwok ec'ok, a pax jun ley tu' tamwal junok is letrail tol man ok yun tzet chi yala'. 18 Ta ay junok winak chi pojlej ba yetok yetbi, cax chi yion junokxa ix, mul chi yun jun winak tu' axca tu'. Ac'ala' junok winak chi ion junok ix ix pojlejnak ba yetok yichamil, mul chi yun c'apaxok. 19 A yet junel, ay jun winak caw wal beyom. A pichilej caw wal can tojol chi yaocok. Watx'c'al tzet chi lo' junjun c'u. 20 Ay pax jun winak chi yik Lázaro, caw wal meba'. Ay juntzan mimek yabil ayiltek yin. Asanc'al ti yatut jun beyom tu' chi bet ay chotanok. 21 Chi c'oli yochen octok c'ajil loj chi ayc'ay yalan is meẍa jun beyom tu'. Axa juntzan no tx'i chi jayocok, chi ul lek'on no' sat juntzan yabil ayiltek yin tu'. 22 Max jay c'ual cam nak xin, max ul ilaytok pixan nak yuj eb ángel. Max apni oc nak c'atan Abraham. Ac'ala' max jay c'apax c'ual cam jun beyom tu'. Axa mukay tu'. 23 Palta a is pixan, a tu' max apni bay ay is pixan eb camnak. Axa yet lanan yaben yail bay max apni tu', max aj t'ananok, najattac'al max yiltok yin Abraham, c'al Lázaro tol ayic' yetok. 24 Axa yaj yaw tu', max yalon axca ti': Mamin Abraham, c'am mi chi ok'tek a c'ul win. Cha chektek Lázaro ayin in k'ana'. Matawal chi laaytok junok yiximal k'ab yul a', cax chi ul yaon oc jabok yin txam wak' ti', yujtol c'am chi techaj waben yail xol k'ak' ti', ẍi cham. 25 Axa yalontek Abraham tu' bay cham axca ti': Ach anima, natek tol caw wal watx' max ec' yulyibank'inal oj, a pax Lázaro ti xin, caw c'am jabok watx'il max ec' yila'. Axa tinani', lanan chaon mimanil is c'ul cayti'. Achxa lanan aben yail tinani'. 26 Yetok c'apaxok, ay wal jun miman xab olan aycan co nan co xol etok. Yuj tu', caxc'al ay eb ayic' cayti' chi yochej chi toj ayex tu', c'am chi je' k'axpoj ec' eb. Yetok ex c'apaxok, c'am chi je' e k'axpoj ec'tek cayti', ẍi Abraham tu'. 27 Ta caytu xin, mamin Abraham, c'am mi chi je' cha chektok Lázaro tu' bay yatut in mam, 28 bay ayic' owan wuẍtak. Chi toj yalon yab eb, yet watx' c'am chi jay eb wetok xol yailal bay ayin ec' ti', ẍi cham. 29 Palta a eb oẍtak tu', ayic' tzet max tz'ibejcan Moisés, c'al tzet max tz'ibejcan eb chekbej Dios bay eb. Yacbajokab eb txiquin bay k'anej tz'ibbilcan tu', ẍi Abraham. 30 Yel ton mamin Abraham, palta ta chi yil eb yictzoj aj junok mactxel xol eb camnak, ok na ba eb yin is yobtakil, ẍi cham. 31 Ta c'am chi yacbaj eb txiquin yin tzet tz'ibbilcan yuj Moisés tu', c'al tzet tz'ibbilcan yuj eb chekbej Dios, caxc'al ay junok mactxel chi ictzoj aj xol eb camnak, majc'alta' yaoc eb yin c'ul, ẍi Abraham bay cham, ẍi Jesús.
1 Max yal Jesús bay eb is cuywom axca ti': Yowalil chi jay juntzan tzet yetal chi on yetax el co nabal, palta ok'bal wal c'ul eb chi ak'on etax el nabal eb yet animail. 2 Ta ay mac ijan chi etnen el nabal junok uninto, yel mi watx' chi pixlay oc t'unan junok ch'en yet molino yin is nuk' jun tu', cax chi k'oklay aytok yul a' mar, yet watx' manchak yetnej el is nabal jun uninto tu'. 3 Yuj tu xin, ilekc'al e ba. Ta ay junok e yet animail chi oc is mul ayex, che tenchanej yin is yobtakil tu'. Ta chi na ba c'ul, che yak' mimanc'ulal yin. 4 Caxc'al chi oc is mul ayex ukelok chi ec' c'u, ta chi ul k'an mimanc'ulal yukelal ayex, Majxa wun junelxa, ta ẍi, yowalil che yak' mimanc'ulal, ẍi Jesús. 5 Max yal eb chekbej Cham Jajawil bay axca ti': —Colwajan jetok yet watx' caw wal chi jaoc Dios yin co c'ul, ẍi eb. 6 Axa yalon Cham bay eb tu' axca ti': —Ta yel che yaoc Dios yin e c'ul, caxc'al jab ch'an che yut e yaon oc yin e c'ul, axca junok bak' mostaza, ok je' e yalon bay junok mimek te' ti' tol chi yocajtek ba yetokc'al xe', cax chi yawon aytok ba yul a' mar, cax ok yiken bay ok e yala'. 7 K'inalok ay junok on ay junok co moso chon ak'on serbil. K'inalok ayic' mulnaj ayon, ma xin iloj calnel ayic'ok, axa yet chi jay paxok: Ocan, ayan chotanok, lowan, ¿xin ta con chi bay? 8 Palta chi mi jala': Cha balaj k'ab a camiẍ, cax cha watx'nen tzet ok in lo', cax cha batxon eltek tzet ok in lo' tu'. Okto lajwok tu' cax ok ach lowok, tekan con chi bay. 9 ¿Xin ta chi jal pax yuj diosalil bay jun co moso tu', yuj max yikej yunen tzet max jal tu'? Tekan c'amak. 10 Axca ton junok mosejal tu', cayex ton tu' ayex ti'. A yet mayal xew e yiken masanil tzet chi cheklay e yikej yuj Dios, moj wal che yal axca ti': Ayon ti', caxc'al yak'omal on serbil Dios, caw wal c'am jelapnok jabok, yujtol asan tzet co cuenta juneni, a' max junej, moj wal quex chi, ẍi Jesús bay eb. 11 A yet lananc'al toj Jesús yul beal Jerusalén, max eq'uel Cham bay is mojon Samaria yetok Galilea. 12 A yet max apni bay jun aldea, ay lajonwan winak ayic' yul be. Ya'ay eb yuj lepra, xan maj jayoc eb c'atan Cham. 13 Max aj yaw eb yin ipejal axca ti': —Mamin Jesús, c'am mi chi ok' a c'ul jin, ẍi eb. 14 A yet max yilon Jesús yin eb nak, max yalon axca ti': —Asek, tx'oxek e ba bay eb sacerdote, ẍi bay eb nak. Lanan wal bey eb toji, max el yilya' eb lajonwanil yin. 15 Ay jun xol eb max yila' tol max el yilya' tu' yin, max meltzoj yin aymanil. Max yalon is watx' k'anej bay Dios yin ipejal. 16 Max jayoc bay yakantak Jesús, axa yay jajnaj tu' sat tx'otx', max yalon yuj diosal bay Cham. A nak max meltzoj tu', aj Samaria nak. 17 Axa yalon Cham bay eb ayic' bay tu' axca ti': —¿Tom man lajonwanok eb max elcan ilya' yin? A pax balonwanxa eb tu', ¿baytal-laj ay eb? 18 Ti asan wal ch'an jun nak tx'ok conobal ti' max meltzoj ul yalon yuj diosalil bay Dios, ẍi Jesús bay eb. 19 Max lajwi tu', max yalon bay nak axca ti': —Ajan wanok, paxan. Ti mayal elcan ilya' en yujtol max aoc a c'ul yin Dios, ẍi bay nak. 20 Ay juntzan eb fariseo max k'anlen bay Jesús axca ti': —¿Bak'in ok jay tiempo yet ok oc Dios co Yajawilok? ẍi eb bay. —A yet ok oc Dios yin Yajawil, c'am chi je' jilon oc yin. 21 Maj je' jalon axca ti': Tix ayic' cayti', ma tix ayic' bay tu', man con chiok, yujtol a yin janimail chi yak' Dios yajawilal, ẍi Jesús bay eb. 22 Max lajwi tu', max yalon Cham bay eb is cuywom axca ti': —Ay wal jun tiempoal ok jayok, cax ok e yalon axca ti': Matawal chi jay jun chekbiltek yuj Dios xol eb jet animail junelxa, caxc'al junok c'u, quex chi, ok e yaloni. Palta man ok in jayok. 23 Ay eb ok alon ayex axca ti': Tix cayti', ma, tix ayic' bay tu', ẍi eb, ok tz'ak yalon eb. Quex toj ta wali. Quex tzakloj ta yintak eb. 24 Yujtol axca wal yet chi aj jopnaj junok rayo caw miman txequel, caytu' ok yun in jay yet jun c'ual, ayin Chekbilintek yuj Dios xol eb jet animail ti'. 25 Palta a tinani', yowalil ok wab yail sic'libil. Ok in intaknelay el yuj eb anima yet jun tiempoal ti'. 26 Axa yet ok in jay paxok, axca wal tzet max uj yul tiempoal Noé, cay wal tu' tzet ok uj yet ok in jayok. 27 Yujtol a eb anima yet jun tiempoal tu', max low eb, max yuq'uen a' eb. Ay laj eb tol max oc yetbi. Ay eb max yatok cutz'in alibejal. Tok chi na eb ta ay tzet ok jay yiban eb. Cac'al tu' max yun eb, masantac'al yet max jay c'ual yoctok Noé yul te arca. Axa max jay jun owal aej mukwajwom, cax max cam eb masanil. 28 Ac'ala' c'apax yul tiempoal cham Lot. Tok ay c'apax tzet chi na eb anima. Max low c'apax eb, c'al yuq'uen a' eb, max manji eb, max txonji eb, max awalwi eb, max watx'nen eb yatut. 29 Palta a yet max el Lot bay conob Sodoma tu', axa yayol k'ak'ej yetok azufre ayoc k'ak'al, xan max cam anima masanil yuj. 30 Axca wal tzet max uj yet jun tiempoal tu', caytu' ok uj yet jun c'ual yet ok in jay ayin Chekbilintek yuj Dios xol eb jet animail ti'. 31 A yet jun c'ual tu', a mac ayajtok yiban pananil yatut, caxc'al ay is tzetak yetal aycan yul na tu', manchakxa aytek ul yioni. Yetok eb aytok bay is mulnajil, manchakxa toj eb bay yatut. 32 Naektek tzet onnak xal yistzil Lot. 33 A eb c'am chi yochej chi cami, chi bekil eb jun k'inalej tol ayc'al yin tojbalk'inal. A pax eb chi bekc'ulok cam wuj xin, a ton eb tu' ok ion k'inalej tol ayc'al yin tojbalk'inal. 34 Chi wal ayex, k'inalok ay cawanok mactxel chi way sat is tx'at yet jun ak'bal tu', jun ok ilaytok, jun ok canok. 35 K'inalok ay cawanok ix lanan cawni, jun ok ilaytok, jun ok canok, ẍi Jesús bay eb is cuywom tu'. 37 A yet max yaben eb juntzan tu', max k'anlen eb bay axca ti': —Mamin, ¿baytal ok uj axca tu'? ẍi eb. —Tzanc'al bay telancan junok mimanilej camnakxa, a tu' chi waj ba no ostoc, ẍi Jesús bay eb.
1 Max yaltek Jesús jun abix bay eb is cuywom, yuj yalon yab eb tol watx' chi txajlic'al eb masanil tiempo, cax c'am chi ispay yuj eb. 2 Max yalon bay eb axca ti': A junel, ay jun cham juez bay jun conob. C'am Dios yul sat cham, c'am c'apax yet animail yul sat. 3 A bay jun conob tu', ay jun xal ix camnakxa yichamil. Junjunc'al c'u chi ulic' xal satak cham tu'. Chi ul yalon xal axca ti': Ay wal jun anima ayoc c'ul win. ¿C'am mi chon a watx'nej el yetok? ẍi xal. 4 Palta c'amc'al chi yal c'ul cham chi watx'nej el jun owal tu'. Yuj tu' xan cac'al ti' waxi ec' xal. Palta c'ojanc'ulal max na cham axca ti': Ayin ti' c'am yelapnok Dios yul in sat. C'am c'apax yelapnok junok anima ayin. 5 Palta a jun xal ix ti', junjunc'al c'u cayc'al ti' yulic' xal ayin. Yuj tu', ok in watx'nej yayji jun is yowal xal tu'. Ta c'amak, majxa talaj techaj xal wuj, ta ac'ala' jay xal ayin, ẍi cham. 6 Caytu' max yut naon cham juez yob is nabal tu'. 7 A eb sic'bil el yuj Dios chi yal ba eb bay Cham c'ualil c'al ak'balil, ¿man mi ok watx'nej el Cham bay eb? ¿Xin ta pural ok watx'nej el Cham tzet chi yochej eb tu'? 8 Chi wal ayex, ok watx'nelay el eb yuj yin aymanil. Palta a yet ok in jay junelxa, ayin Chekbilintek yuj Dios xol eb jet animail ti', ¿ayc'al mi mactxel chi yaocc'al c'ul yin Dios yet tu'? ẍi Jesús bay eb. 9 A junxa abix ti', max yaltek Jesús bay juntzan eb watx' is beybal yalonnaji. A eb tu', c'am watx'il juntzanokxa anima yul sat eb. Yuj tu' xan max yal Cham bay eb axca ti': 10 Ay cawan winak max bet txajlok bay templo Dios. Fariseo jun, tekom el tojlabal junxa. 11 A jun fariseo tu', lecan ajok max txajli axca ti': Ach in Diosal, chi wal yuj diosal ayach yujtol ayin ti', may in lajanok axca juntzanokxa anima. A eb anima tu', caw wal elk'om eb, man watx'ok beybal eb, chi mulji eb. Yetok c'apax jun nak tekom el tojlabal ti', yuj wal dios yujtol may in lajanok yetok nak. 12 Yujtol ayin ti', cayel chin oc yin c'ajbanc'ulal junjun semana. Yetok c'apaxok, chi wak' diezmoal masanil tzet chi wi', ẍi, chi tz'ak yalon bay Dios. 13 A jun tekom el tojlabal tu', najatta lecantek. Caw wal chi xiw c'ul, tok max aj t'anan jabok satcan. Toc'al max mak' txam is c'ul yuj cusc'ulal, max yaloni: Ach in Diosal, c'am mi chi ok' a c'ul win jabok yujtol caw wal yobtakwom in sic'libil, ẍi bay Dios. 14 Chi wal ayex, a jun tekom el tojlabal tu', yet-xac'al jun bek tu', max al-lay watx'il yuj Dios, yet c'amto chi pax bay yatut. Axa jun fariseo tu xin, maj yal Dios tatol watx' yul sat Cham. Yujtol a mac chi yiaj can ba, chi ilay ayok. Axa mac chi yiay ba, chi ilay aj can, ẍi Jesús. 15 Ay mac max ion jay juntzan unin bay Jesús, yuj yaon ajtok Cham k'ab yiban eb; palta a yet max yilon eb cuywom axca tu', axa tenon oc wanaj eb tu', eb chi ion jay eb unin. 16 Axa yalon Cham bay eb tu' axca ti': —Chaek jay eb unin ayin. Man e tenoc wanaj eb, yujtol asan eb lajan nabal axca eb unin ti', asan eb ay yalon yet yoc yul k'ab Dios. 17 Wal yel chi wal ayex, a eb c'am chi cha Dios is yajawilok axca chaon junok unin, c'am bak'in ok oc eb yul is k'ab, ẍi Jesús bay eb. 18 Ay jun yajaw max k'anlej bay Jesús axca ti': —Mamin Meẍtol watx', chin k'anlej ayach: ¿Tzet yetal yowalil chi wunej, cax chin chaon k'inalej tol ayc'al yin tojbalk'inal? ẍi nak bay. 19 —¿Tzet yuj xan chin al watx'il? Jun ch'an mactxel watx', asan Dios. 20 Ojtakxa juntzan chekbanil chi alon axca ti': Manchak aoc a mul yul k'ab etbi. Manchak a mak' cam et animail. Manchak ach elk'ani. Manchak a naaj k'anej yin et animail. Ayokab yelapnok a mam c'al a txutx yul a sat, ẍi juntzan chekbanil, ẍi Jesús bay. 21 —Chixa wikej masanil juntzan chekbanil tu' yet max in titoc yin uninal, ẍi nak bay. 22 —Palta junto wal a tz'aknaj elok, xan asi', txoncan el masanil tzet ay ayach, cax cha pojontok tojol tu' xol eb meba'; catatu' bian ok a chaon a beyomal bay satcan. Chi lajwi tu xin, chach jay pax ayin junelxa, cax chach ec'c'al cuywok wintak, ẍi Jesús bay. 23 A yet max yaben nak juntzan tu', caw wal max cusaj c'ul nak, yujtol caw wal beyom sic'libil. 24 A yet max yilon Jesús tol max cusaj nak, axa yalon axca ti': —A wal eb beyom ti', ta ok oc eb yul k'ab Dios, ya puralil ok yun yoc eb. 25 K'inalok junok no camello tinani', ¿xin ta chi eq'uel no' yul yixal junok acuẍa? Caytu' eb beyom, ta ok oc eb bay ok yak' Dios yajawil, caw wal ya puralil ok yun yoc eb, ẍi Jesús. 26 Axa yalon eb max aben juntzan k'anej tu' axca ti': —Ta caytu' axca tu xin, ¿mac wal txel ok je' colchaji? ẍi eb. 27 —A juntzan c'am chi je' yuj anima, chi je' yuj Dios, ẍi Jesús bay eb. 28 Axa yalon Pedro bay Cham axca ti': —Mamin, ayon ti', max co bekcan masanil co tzetak yetal, cax max on ec'c'al cuywok entak, ẍi. 29 Axa yalon bay eb tu' axca ti': —Wal yel chi wal ayex, a eb chi bekcan yatut, ma yistzil, ma is mam, ma is txutx, ma yuẍtak, ma yanab, ma yuninal, yujtol asan Cham Dios Yajaw chi yochej eb chi yak' serbil, 30 yelxac'al miman ok yun chaon eb yet jun tiempoal ti'. Axa yet jun tiempoal ok jay yajtok tu', ata tu' ok cha eb is k'inal tol ayc'al yin tojbalk'inal, ẍi Jesús bay eb. 31 Axa yawten Jesús eb is cuywom lajcawanil tu' tx'oklil. Max yalon bay eb axca ti': A tinani', ti lanan jajektok bay Jerusalén. Ata tu' ok yunel masanil tzet tz'ibbilcan yuj eb chekbej Dios payxa, yet max yaloncan el eb wabixal ayin Chekbilintek yuj Dios xol eb jet animail ti', 32 cax ok in alay oc yul k'ab eb man israelok. Ok in is buchon eb. Ok yalon eb tzet yetal yob win, cax ok tzublok oc eb win. 33 Ok in mak'lay pax yuj eb. Ok lajwok tu', cax ok in yak'on cam eb, palta a yet cabjial tu', ok in ictzonelay pax ajok, ẍi Jesús bay eb. 34 Palta maj nachaj el jabok yuj eb. Man yojtakok eb jabok tzet chi yal elapnok juntzan max yal tu', xan maj nachaj el yuj eb. 35 A yet lanan yapni oc Jesús bay conob Jericó, ay jun nak c'am chi je' yilwi, chotan ay ti be. Lanan k'anon sabal bay anima chi ec' yul be tu'. 36 Max yaben nak tol xiwil anima chi bil bey yul be tu'. Axa k'anlen nak yab tu', tzet yuj xiwil eb chi beyi. 37 Axa yal-lay bay nak, tol a Jesús aj Nazaret chi ec' tu'. 38 Yuj tu', max aj yaw yin ipejal axca ti': —Jesús, ach yinatil David, ¿c'am mi chi ok' a c'ul win? ẍi nak bay. 39 Axa eb babel satak Cham max tenchanen nak, yet watx' chi tz'inji, palta tol max aj can yel yaw nak: —Ach yinatil David, ¿c'am mi chi ok' a c'ul win? ẍi. 40 Axa yoc wanaj Jesús, max yak'on bet tit nak. Max lajwi jayoc nak c'atan Cham, max k'anlen bay nak axca ti': 41 —¿Tzet chochej chach wutej? ẍi bay nak. —Mamin, chi wochej cha jak in sat ti', ẍi nak bay Cham. 42 —Jakchajokab can a sat. Ti mayal watx'ji, yujtol max aoc a c'ul win, ẍi Jesús bay nak. 43 Yet wal jun bek tu', max jakchaj sat nak. Yuj tu xin, max tzakloj nak yintak Cham. Max yalon nak watx' k'anej bay Dios. Yetok c'apax masanil eb max ilon jun tu', max yal eb is watx' k'anej bay Dios.
1 Max apni oc Jesús bay conob Jericó, cax max ec'jab yul conob tu'. 2 Ay jun anima beyom bay tu', chi yik Zaqueo. Sat tekom el tojlabal yayji bay jun conob tu'. 3 Axa Zaqueo tu', caw wal chi yochejc'al chi yil yin Jesús, tzetbil wal yili, palta c'amc'al chi je' yiloni, yujtol xiwil anima oyan oc yin Cham yet chi beyi, yetok c'apaxok, yuj yaliẍ tel Zaqueo tu'. 4 Yuj tu' xan max k'ok babjok ba, yak'on yip. Axa yajtok xol k'ab jun te sicómoro ti be tu', yuj yilon yin Jesús yet chi ec' yich jun te' tu'. 5 A yet max eq'uel Cham yich te te' tu', max ajtok t'anan Cham yin, max yalon Cham bay axca ti': —Zaqueo, ayantek ayman, yujtol a bay atut ok in apnok wak' in posada, ẍi ajtok bay. 6 Maxc'al yab Zaqueo tu', max aytek lemnaj yin ayman, max chaon apnok yin tzalojc'ulalil bay yatut. 7 A yet max yilon eb anima axca tu', xiwil tzet chi yal eb yin Jesús, yujtol max apni oc yak' posada bay yatut jun yob is beybal. 8 Axa yaj lecan Zaqueo tu', max yalon bay Cham Jajawil axca ti': —A tinani' Mamin, jantak tzet ay ayin, nanc'al ok wiayok. Axca wet ok canok, caytu' yet eb meba' ok wak'a'. Ta ay eb max wetnej, ta ay eb max welk'anej is tumin, canebxa ok wut wak'on q'uexel bay eb, ẍi. 9 Axa yalon Jesús bay axca ti': —A tinani', mayal cha eb aj na ti' is colbanil, yujtol wal yel, yinatil c'apax Abraham jun winak ti'. 10 Ayin Chekbilintek yuj Dios xol eb jet animail ti', max quin jay yuj in sayon eb c'aynaktok, cax chin coloncan el eb, ẍi Jesús. 11 A yet lanan yaben eb tzet chi yal Jesús, ay jun abix max yaltek bay eb. Yujtol lanan yapni oc eb cawilal Jerusalén, cax chi naon eb tol a Dios toxa chi occan yajawilal bay yulyibank'inal ti'. 12 Yuj tu' xan max yal Cham bay eb axca ti': A yet junel, ay jun winak max toj bay jun conob najat yuj toj chaon yopiso, yuj yoc yajawilal bay is conob bay cajan. 13 A yet c'amto chi toji, max yawten lajonwan eb is moso. Ay juntzan ch'en tumin mimek sat max yak'can bay junjun eb. Lajanc'al bisil ch'en max yak'can bay eb. Axa yaloncan bay eb axca ti': Ak'ek negocio yetok juntzan ch'en tumin ti', masantac'al chin jayi, cax che yak'on ch'en ayin junelxa, ẍican bay eb. Lajwic'al tu', axa toj tu'. 14 Palta a eb yet conob, caw wal chi chichon oc c'ul eb yin. Yuj tu' xan tzakan toj cawan oxwan is chekbej eb yintak, max bet yalon eb bay eb chi aon oc yopiso cham tu' axca ti': A jun winak tu', caw wal c'am chi yal co c'ul chi oc co yajawilok bay co conob, ẍi eb. 15 Palta max ak'layc'alta' yopiso yoc yajawilal. Max lajwi tu', max jayoc bay is conob. Axa yawten eb is moso bay max yak'can ch'en tumin tu', yuj yaben ocok jantakxa yune' ch'en mayal yi' junjun eb. 16 Xan max jayoc jun babel moso, max yalon axca ti': Patrón, a ch'en a tumin max ak'can ayin, lajoneb yune' ch'en max yi', ẍi bay cham. 17 Axa yalon cham bay tu': Watx' xin. Ach ti' caw wal watx' ach ayin. Caxc'al txench'an max wak'can ayach, palta watx'c'al max ot a nabal yetok. Yuj tu' xan ti chi waoc opiso yin yajawilal yiban lajonebok conob, ẍi bay. 18 Max lajwi tu', max jayoc junxa mosejal. Max yalon bay is patrón tu' axca ti': Patrón, a ch'en a tumin max ak'can ayin, oyebxa bisil yune' ch'en max yi', ẍi bay. 19 Xan max yal c'apax cham patronej tu' bay axca ti': Watx' xin. Ach ti' ok wak' opiso oc yajawilal yiban oyeb conob, ẍi cham bay. 20 Max lajwi tu' max jayoc junxa. Max yalon bay is patrón axca ti': Patrón, tix ch'en a tumin ti'. C'uban ch'en wuj yul jun in tx'ambal, 21 yujtol wojtak, caw wal ch'aan ach. Yujtol ach ti', toxac'al cha cha' tzet chi yi' junokxa anima. Toxac'al cha wajaj bay tzet mayachnak max awa', ẍi bay cham. 22 Axa yalon cham bay axca ti': Ach ti', mosejal ach toni, palta yob ach. Yuj juntzan max al ti', xan ok ach in beyc'ulnej. Ilab, ojtakxa tol ch'aan in. Toxac'al chin cha' tzet yetal chi yi' junok anima. Chin wajaj bay mayinnak max quin awwi. 23 ¿Tzet yuj maj apaxtok ch'en majanil bay junokxa mactxel, yet watx' chi yi' ch'en jabok yuca'? K'inalok ta max atok ch'en majanil, yet max in jayi max in chaon yuca' ch'en, ẍi cham bay. 24 Max lajwi tu', max yalon bay eb junej ayic' yetok tu' axca ti': Iek ec' ch'en bay nak. Che yak'on ch'en bay nak ay lajoneb bisil yune' ch'en yet max yi', ẍi bay eb. 25 Palta patrón, a nak chal tol chi ak'lay ch'en bay nak tu', ayxa lajoneb yune' ch'en yet nak, ẍi eb bay cham. 26 Palta chi wal ayex, a mac ayxa yet, ok ak'lay nanokxa bay. Axa mac c'am yet, ok ilay ec' jabok tzet ayxa bay. 27 Axa eb ajc'ul oc win, eb max ochen tol maj in oc yin wopiso ti', chi toj e yi eb, chi lajwi jay eb, che yak'on cam eb in satak, ẍi cham patronej tu', ẍi Jesús. 28 Max lajwi yalon Jesús jun abix tu', max chaon be toj bay Jerusalén yetok eb is cuywom. 29 A yet max apni oc eb cawilal conob Betfagé yetok Betania, bay yich tzalan Olivo, max chekon babjok cawan eb is cuywom. 30 A yet c'amto chi toj eb, cax max yalon bay eb axca ti': —Asek bay jun aldea co cawilal ti'. Ay jun no burro ok ilchaj e yuj bay tu', c'alan no'. C'amto junok mac chi aj yiban no'. Che xuyil no', cax che yiontek no' ayin. 31 Ta ay mac chi alon ayex axca ti': ¿Tzet yuj xan che xuyil no'? ta ẍi, tix che yut tak'wok e ba ti': Tol ay ok oc no' yuj Cham Jajawil, quex chi bay, ẍi Jesús bay eb. 32 Max lajwi tu', axa toj eb cuywom tu'. Max ilchaj yuj eb, axcac'al max yun yal-lay bay eb yuj Jesús. 33 A yet lanan xuyon el eb no burro tu', max jayoc yajaw no', max yalon bay eb axca ti': —¿Tzet yuj xan che xuyil no'? ẍi bay eb. 34 —Tol ay ok oc no' yuj Cham Jajawil, ẍi eb. 35 Max lajwi tu', max yiontek eb no' bay Jesús. Ay eb anima max ya ajtok is pichil tz'amok no', cax max alay ajtok Jesús yiban no' yuj eb. 36 Axa yet lananxa beyi, max c'oli litx'ban ay eb is pichil yulak be bay t'inan yeq'uel Cham. 37 Axa yet lananxa yapni oc bay pitxanil tzalan Olivo tu', max aj yaw masanil eb is cuywom yin ipejal yuj tzalojc'ulal. Max c'oli yalon eb is watx' k'anej bay Dios yuj juntzan milagro max yil eb. 38 Max yalon eb axca ti': —Jalek watx' k'anej bay Cham co Reyal max cheklaytek yuj Cham Jajawil. Caw wal ay junc'ulal satcan, mimanbilokab co Diosal, ẍi eb. 39 Palta ay juntzan eb fariseo ayoc xol anima tu'. Max yal eb bay Cham axca ti': —Meẍtol, ¿tzet yuj c'am cha tenchanej juntzan a cuywom ti'? ẍi eb bay. 40 Axa yalon Cham bay eb axca ti': —Chi wal ayex, ta chi tz'inji ay eb, cax c'amxa mac chi aj yaw, axa ch'en ch'en ti' ok aj yaw, ẍi bay eb. 41 A yet max yilontok Jesús conob Jerusalén, yet max apni oc is cawilal, caw wal max ok' yuj. 42 Cax max yalon axca ti': A wal yet jun c'u ti' ex aj conob, aktam wal tol max nachaj e yuj tzetbil che yut e chaon junc'ulal Dios. Palta a tinani', c'amxa chi je' nachaj el e yuj, yujtol ebebilxa el ayex. 43 Xan ay wal jun tiempoal ok jayok, axa eb ajc'ul yin jun conob ti', ok corralnej aj eb. Ok oymoj eb yinlak, axa yak'on eb owal yin tu'. 44 Pilan ok mak'ay bulan eb jun conob ti', sat tx'otx'. Ok mak'on cam eb eb anima. A ch'en ch'en latz'bil yin nail bay jun conob ti' ok ec' bulnaj ch'en masanil. Caytu' ok yuncan elok, yujtol a yet jun tiempoal ti', max yochej Dios max tx'ox watx'c'ulal ayex, palta maj nachaj el e yuj, ẍi Jesús. 45 Max lajwi tu', max octok Jesús yul templo Dios. Max yukten eltek eb chi txonji. 46 Max yalon bay eb axca ti': —Yalnakcan Dios yul tx'an Un Tz'ibbilcan axca ti': A in templo ti', yetc'al txaj yayji, ẍicanok, palta ayex ti', axcaxac'al junok nach'en bay chi c'ubaj el ba eb elk'om, caytu' che yutej, ẍi bay eb. 47 Junjunc'al c'u max betic' Jesús cuywaj bay yul templo Dios tu'. Axa eb yajawil eb sacerdote, yetok eb meẍtol yin ley Moisés, c'al eb yajaw conob tu', max say eb tzet chi yut yak'on cam eb. 48 Palta maj nachaj tzet chi yut eb, yujtol ay wal oc c'ul masanil anima yabxalwi bay.
1 Ay jun c'ual max cuywaj Jesús xol eb anima yul yamak'il templo Dios. Max c'oli yalon el k'anejal yet colbanilej bay eb. Axa eb yajawil eb sacerdote, yetok eb meẍtol yin ley Moisés, c'al eb ichamtak winak ay yopiso, max jayoc eb bay. 2 Max yalon eb axca ti': —Al ayon xin tzet ekbej, yuj tu' xan max on juntzan tu' ewi. ¿Mactxel ak'nej ekbej tu'? ẍi eb bay. 3 —Ayin ti', ok in k'anlej c'apax junok tzet yetal ayex. Alek ayin. 4 ¿Mac ak'nej yikbej Juan, xan max yak' bautizar anima? ¿Dios mi, ma anima? ẍi Jesús bay eb. 5 Axa c'oli yalubtanen eb is xol tu' yuj tzet max yal tu'. Max yalon eb axca ti': ¿Tzet chi jut jalon bay? Ta chi jala' tol a Dios ak'nej yikbej Juan tu', ok mi yal ayon axca ti': ¿Tzet yuj xan c'am che ya pax oc yin e c'ul xin? ẍi mi. 6 Palta ta chi jala', tol a anima ak'nej yikbej tu', ok tit yowal masanil anima jin, cax ok on is k'okch'ennen cam eb, yujtol a Juan tu', chekbej Dios yayji yul sat eb masanil, ẍi eb. 7 Yuj tu', max yal eb tol man yojtakok eb mactxel ak'nej yikbej Juan tu'. 8 Axa yalon pax Jesús bay eb axca ti': —Ta caytu xin, maj c'apax wal ayex mac ak'nej wikbej wunen juntzan tu', ẍi. 9 Max lajwi tu', axa yalontek Jesús jun abix ti' bay eb anima wajan ec' tu'. Max yalon axca ti': Ay jun anima max awon juntzan uva sat is tx'otx'. Max xew yawon canok, max yaon cantok is tx'otx' tu' majanil yetokc'al yawojal bay juntzan eb mulnajwom. Axa yel bay jun lugar tu'. Najatil tiempo max ayji bay junokxa lugar. 10 Axa yet max ajapnok tiempoal wajlay aj an, max chekontok cham aj tx'otx' tu' jun is chekbej, max bet k'anon yuca' tx'otx' tx'otx' tu' yetokc'al yawojal tu', palta toc'al max bet yetnej ba, max uktelay meltzoj yuj eb. C'am jabok yuca' tx'otx' max yi'. 11 Xan max chektok cham aj tx'otx' tu' junxa is chekbej, palta toc'al c'apax max bet yetnej ba. C'am watx'il max yut ba eb bay, max yukten pax eb. Ac'ala' c'am jabok tzet max ak'lay bay. 12 Lajwi tu', max chekontok junxa. Max apnic'al oc junxa tu' bay eb, max mak'on eb, max yasji, max bet k'okoncan el eb. 13 Axa yalon cham aj tx'otx' tu' axca ti': ¿Tzetlaj watx' chi wutej? Ti chin chektok jun in c'ajol bay caw wal chi camil in c'ul yin ti'. Tekan ok xiw eb bay, ẍi cham. 14 Axa max yilontok eb mulnajwom tol lanan yapni nak c'ajolej tu'. Max wajan alnen eb axca ti': Ilab tol a nak c'ajolej tu' chi jayi. A yet ok cam mam nak, a' ok ioncan tx'otx' tx'otx' ti' satakok. Co mak'ek camok, yet watx' ayonxa chi jiekcan is tx'otx' ti', ẍi eb. 15 Xan maxc'al apni oc nak bay eb, max tzac'ontek eb. Max yiontok eb tiel tx'otx' tx'otx' tu'. Ata tu' max bet yak' cam eb. Xan chin k'anlej ayex, ¿tzettax ok utlay eb mulnajwom tu' yuj cham che na'? 16 A wal caw cham ok tok cax ok tok yak'on lajwok cham eb, axa yaoncantok is tx'otx' tu' majanil bay juntzanokxa mactxel, ẍi Jesús. Lajwi yaben eb max aben jun ti' axa yalon eb axca ti': —¡Ay! Matawal man cayok tu' chi uji, ẍi eb. 17 Palta max oc t'anan Jesús yin eb, max yalon axca ti': —Palta ¿tzettax chi yal elapnok yuj jun ch'en tz'ibbilcan yul tx'an Un che na', bay chi yal axca ti'? A ch'en ch'en max yintaknej el eb watx'nem na, a ch'en max oc yin jolom txiquin na, ẍi yul tx'an Un tu'. 18 Tzanc'al mac chi mak'ay ba yiban jun ch'en tu', coc'xac'al chi yun k'ajtok. Axa junok mactxel chi ayc'ay jun ch'en tu' yiban, coc'xac'al chi yuncan yuj ch'en, ẍi Jesús bay eb. 19 Axa eb yajaw yayji xol eb sacerdote, yetok eb meẍtol yin ley Moisés, max yochej eb tol max mitx' eb Jesús yin aymanil, yujtol max nachaj el yuj eb, tol a eb max al-lay yin jun abix tu'. Palta max xiwaj eb bay eb conob. 20 Catatu' max chekontok eb jaywan is chekbej toj makon yila' ta c'uxan ay bay chi el q'uexnaj Jesús yin is k'anej. A yet max apni oc eb tu', watx'xac'al chi tz'ak yut ba eb, yet chi ayc'ay Cham yuj eb yin junok k'anej, yet watx' chi yitok eb satak yajaw. 21 Axa tz'ak yalon eb bay axca ti': —Meẍtol, jojtak sic'libil tol tojolc'al chot alon junok tzet yetal, watx' pax a cuywaji. C'am junok mactxel bay chach xiwi, yujtol lajanc'al yelapnok junjun mactxel yul a sat. Jojtak c'apaxok, a jun beybalej chi cha c'ul Dios, a chak' cuylay wal yin yel. 22 Yuj tu' xan chi co k'anlej ayach, a ch'en tumin chi k'anlay el jin yuj cham yajaw bay Roma, ¿ay mi leyalil chi jak' ch'en, ma c'amak? ẍi eb bay. 23 Palta yojtakxa Jesús tol man watx'ok tzet lanan naon oc eb yin, yuj tu' xan max yal bay eb axca ti': 24 —Tx'oxek junok ch'en tumin tu' wila'. ¿Mactxel jun ayoc yechel sat yin ch'en ti'? ¿Mactxel jun tz'ibbil oc is bi ti'? ẍi bay eb. —A ton yechel sat cham yajaw bay Roma, yetokc'al is bi cham, ẍi eb. 25 —Ta axca tu xin, ak'ek tzet yetal yetc'alta' cham yajaw tu' bay. Axa tzet yetal yetc'alta' Dios, ak'ek c'apax bay, ẍi bay eb. 26 Maj uj yuj eb yayc'ay yin junok is k'anej satak anima, xan caw wal max c'ayaj c'ul eb. Tz'inxac'al, ẍi eb. 27 Max lajwi tu', ay juntzan eb saduceo max jayoc bay Jesús, eb chi aloni tol c'am chi ictzoj aj eb camnak. Axa yalon eb bay Cham axca ti': 28 —Meẍtol, a Moisés tz'ibnejcan axca ti': K'inalok ay junok winak chi cami, cax chi can yistzil, palta c'am junok yuninal max elcanok. Axa junok yuẍtak nak chi ioncan ix, yet watx', ta chi el yuninal junxa tu', axca tol yuninal nak camom tu' chi yun yoccanok. Caytu' max yut yaloncan Moisés. 29 A junel, ay ukwan winak max ec' co xol ti', yuẍtakc'al ba eb. Max oc yetbi nak babel winak, palta max camtok nak, c'amc'al junok yuninal nak max elcanok. 30 Axa nak tzunan yintak nak babel tu' max ioncan ix. Max cam c'apaxtok nak, ac'ala' c'am yuninal nak max elcanok. 31 Lajwi tu' max yioncan aj nak yet is yox ix ix tu'. Ac'ala'c'al max yun eb nak yukwanil. Max camc'altok eb nak, c'amc'al junok eb nak max elcan junok yuninal. 32 Lajwi camtok eb nak tu', max cam c'apax ix ix tu'. 33 A yet ok ictzonelay aj eb camnak tu', ¿mactxel nak ay yistzil ix sic'libil xin, yujtol max yilej eb nak yukwanil ix ix tu'? ẍi eb. 34 Axa yalon Jesús bay eb saduceo tu' axca ti': —A bay yulyibank'inal ti', chi ton yilej ba winak yetok ix. 35 Palta a eb ok ictzoj aj xol eb camnak, eb moj yayji ec' yet jun tiempo ok jay tu', c'amxa mac ok yilej ba bay tu'. 36 Yujtol a yet jun tiempoal tu', c'amxa camich. Lajanxa ok yun eb axca eb ángel. Caw wal yuninalxa Dios eb, yujtol ok ak'lay ictzoj aj eb. 37 Cayc'apax tu' max yak'can Moisés ojtaknelay elok, tol ok ictzonelay aj eb camnak, yet max tz'iben yabixal te q'uix lanan tz'a'i. A bay tu' max yal Moisés tol a Cham Jajawil, tol is Diosal Abraham, Isaac, c'al Jacob yayji. 38 Yuj tu' xan, caxc'al camnakxa eb, jojtak tol man junelnejok max c'ayil eb, yujtol max yalcanok tol is Diosal eb yayji. A yul sat Dios, iquis yayji eb anima masanil, ẍi Jesús bay eb. 39 Yuj tu' xan max yal juntzan eb meẍtol yin ley Moisés bay: —Yel ton chal, Mamin, ẍi eb. 40 Xan majxa tec'baj ba eb k'anlen junokxa tzet yetal bay. 41 Axa yalon Jesús bay eb ayic' bay tu' axca ti': —¿Tzet yuj xan ay eb chi alon axca ti': A Cristo, yinatil David? ẍi eb. 42 Palta a David max yalcan yul jun Salmo axca ti': Max yal Dios Jajawil bay Cham Wajawil axca ti': Ayan chotan bay in watx' k'ab ti', 43 masantac'al ok wacan oc eb ajc'ul oc en batxlubok akan, ẍi Dios bay Cham Wajawil, ẍi David. 44 Caytu' max yut yaloncan David, tol a Cristo, ayoc is Yajawilok. Yuj tu', txequel tol man asannejok tol yinatil David yayji Cham, ẍi Jesús bay eb. 45 A yet lananto yabxalwi eb anima masanil, max yalon Jesús bay eb is cuywom axca ti': 46 Che yilc'al e ba, yet watx' c'am chex etax el yuj beybal eb meẍtol yin ley Moisés, yujtol chi cha c'ul eb yec' yetok juntzan jokquiẍtak pichilej. Chi yochen eb tol toxac'al chi yiay ba eb anima bay, yet chi ec' eb txonbal. Chi yochen eb asan bay chi ay chotan eb mimek winak yul nail wajayil eb yin culto, a tu' chi ay chotan eb. Yetok yet chi watx'ji juntzan loj manxa watx'ilok, asan bay watx' chi yochej eb chi ay chotanok. 47 Chi yion ec' eb yatut eb ix camnakxa yichamil. Chi lajwi tu', najat chi yut eb yakan is txaj, tzetbilokxac'al chi na' anima tol watx' eb. A wal eb tu', caw wal miman yailal ok jay yiban eb, ẍi Jesús.
1 A yet junel, ayic' Jesús bay yul templo Dios. Max yiloni, tzetbilc'al max yut yaon aytok eb beyom is tumin yul jun chabal ofrenda. 2 Max yilon c'apax jayoc jun xal meba' ix, tol camnakxa yichamil. Max yaon aytok xal cab ch'en tumin caw wal yaliẍ yofrendaok. 3 Xan max yal Jesús bay eb ajun yetok axca ti': —Wal yel chi wal ayex, a jun xal camnakxa yichamil ti', caw wal meba' xal, palta a yofrenda xal max yak' tu', ec'ban yintak yet masanil eb max yak'c'al yet. 4 Yujtol junjun eb, a ch'en max yak'can sobra max yaytok eb yofrendaok. Palta pax jun xal ti xin, caw wal meba' ton xal, palta echc'al max yaytok xal is tumin yin ofrendail, ẍi bay eb. 5 Ay juntzan eb lanan yalontek yuj templo Dios tu', tol manxa watx'ilok yili, caw wal watx' cawxi yuj ch'en ch'en ayoc yin, yetok yuj tzet sabil yuj anima ayoc yin, xan max yaltek Jesús bay eb axca ti': 6 —A juntzan lanan e yilon ti', ok ec' bulnaj masanil yet jun tiempoal ok jayok. C'am junok juntzan ch'en latz'bil aj ti' ok can yiban yet ch'enal, ẍi bay eb. 7 Axa k'anlen eb bay tu' axca ti': —Mamin, ¿bak'in ok jay jun chal tu'? ¿Tzet yechelej ok tx'ox Dios yet jabxanej yuji? ẍi eb bay. 8 Axa yalon bay eb axca ti': Caw wal aj nabal che yut e ba, yet watx' c'am mac ok ex etk'anenenok, yujtol xiwil mac ok jayok, ok banoc in bi yiban. Ayin ton Cristo in, ẍi eb, ok tz'ak yalon eb. Mayal wal jay lajub tiempo, ẍi eb, ok yalon c'apax eb. Palta manchak e yaoc yin e c'ul tzet ok yal eb tu'. 9 Ok e yab yabixal juntzan mimek owal, ok aj wan eb comon anima yin owal yin is yajawil. Manchak ex xiwajok, yujtol yowalil a juntzan ti' ok babjok yeq'uelok. Palta manto ok lajwok ec' yulyibank'inal ti' yet tu', ẍi bay eb. Max yalon c'apaxok: 10 Ok mitx'lej aj ba mimek nación yin owal. 11 Xiwil bay ow ok yun yec' mimek quixcab. Xiwil bay ok ec' mimek ilya', ok jay c'apax mimek wajil yiban anima. Ay juntzan tzet yetal ok uj satcan, caw wal ok xiw anima yuj. Axa tx'oxon aj ba juntzan yechelej bay satcan tol caw miman yelapnok tu'. 12 Palta a yet c'amto chi jay juntzan tu', ay mac ok ex mitx'onok, cax ok yak'on eb yobc'ulalil e yin. Ok ex yitok eb yuj quex beyc'ulnej bay nail wajayil eb yin culto, cax ok ex yaon oc eb preso. Ok ex yitok eb satak eb rey, c'al satak juntzanxa eb yajaw, yujc'al che yaoc e c'ul win. 13 Palta axca ton tu' ok yun jeon e yaloncan el wabixal bay eb. 14 Yowalilokab che yojtaknej el yin babelal, tol maj je' e sayon tzet ok e yut e colon e ba yet ok ex apnok oc satak eb tu'. 15 Yujtol ayin ok ex wak' k'anjab octok, cax ok wak'on e jelanil. Yuj tu' xan c'am junok eb chi chichon oc c'ul e yin tu' ok ex ak'on ayc'ayok. C'am junok eb chi apni jelanil axca jun ok wak' ayex. 16 Ay ex, a e mam c'al e txutx, e yuẍtak, e yican, e yamigo, a eb ok meltzoj oc e yin. Toltax ay ex ok ex mak'lay cam yuj eb. 17 A pax masanil anima xin, ok chichon oc c'ul e yin, yujtol che yaoc e c'ul win. 18 Palta c'am junok ex ok ex c'ayilok, tamwal junok xil e jolom. 19 Ta tec'anc'al ok e yut waay e ba, ok ex colchajok. 20 A yet ok e yiloni tol mayal oymanelay Jerusalén ti' yuj eb soldado, nachajokab el e yuj, tol axa lajwi el tu'. 21 A eb ayic' bay Judea ti', tokokab eb bay tzalanlak. Axa eb ayic' bay Jerusalén ti', elokab c'apax eb. Axa eb aytok ec'jab najatlak elok, manchakxaokab oc eb yul conob ti'. 22 Yujtol a yet jun tiempoal tu', ok jay jun miman yailal. A ton yet tu', ok yun jantak tzet tz'ibbilcan yul tx'an Un Tz'ibbilcanok. 23 A wal eb ix yobix yet jun tiempoal tu', c'al eb ix ayto yune' chi txutxwi, ok'bal wal c'ul eb. Yujtol caw wal miman yailal ok jay yiban eb anima bay juntzan lugar ti', yujtol ok tit yowal c'ul Dios yiban eb jet israelal. 24 Nan eb ok cam xol owal tu'. Nan eb ok tokcan preso, ok saklemcantok eb bay conoblak. Ok etaxcan ay Jerusalén ti' yuj eb man israelok tu', masantac'al yet ok lajwok tiempoal yak'on eb yajawilal, axcatac'a naon Dios. 25 Ay juntzan yechelej ok tx'ox ba yin c'u, c'al yin xajaw, c'al yin waycan. A bay sat tx'otx' ti' xin, ok somchaj el c'ul anima bay junjun conob yuj xiwilal, yujtol ok aj wan a' mar cax ok awjok mak'on ay ba a'. 26 Ok pax yip eb anima yuj xiwilal, yet ok naontek eb tzetak yetal ok uj bay yulyibank'inal ti'. A juntzan tzet yetal ay is yipalil bay satcan, ok tzicobtanelayok. 27 Ok lajwok tu', axa ok yilon aj eb anima, ok in ayol xol jun asun, ayin Chekbilintek yuj Dios xol eb jet animail ti'. Ok in jay yetok miman wikbej c'al in miman tzekekial. 28 A yet lananxa bey jay juntzan tzet yetal max wal ti', tzalojanek, che tec'baj e ba, yujtol toxa ok ex colchajok, ẍi Jesús bay eb. 29 Max lajwi tu', max yalontek jun abix ti' bay eb: Naektek, tzetbil chi yun tit xak te higo, c'al juntzanxa te te' chi puk xak. 30 A yet chi uninbi xak te', e yojtakxa tol toxa chi jay nabilk'inal. 31 Yetok c'apaxok, a yet ok e yilon jay juntzan max wal ti', nachajokab el e yuj, tol a Dios toxa chi occan Yajawil cayti'. 32 Wal yel chi wal ayex, man ok c'ayaj jun makan anima ti', masantac'al ok yun masanil juntzan max wal ti'. 33 Ok lajwok el satcan c'al yulyibank'inal ti', a pax in k'anej xin, man ok ec' tzet chi yala'. 34 Che yilc'al e ba. Manchak e cha' pitbok e ba yuj pek'al, yuj uq'uem anil, ma yuj junokxa tzet yetal chex oc il yuj bay yulyibank'inal ti'. Ta c'amak, axa ok jay jun c'ual tu', cax man watx'ok e yayji. 35 Axca wal junok tx'an yal, cay wal tu' jun ok jay yiban masanil anima bay yulyibank'inal ti', 36 xan makwajanekc'al. Txajlanekc'al yet watx' tec'anokab ex, xan ok je' e yel bay juntzan tzet t'inan jayi, man ok ex q'uixwok e yoc in satak, ayin Chekbilintek yuj Dios xol eb jet animail ti', ẍi Jesús bay eb. 37 A yet c'ualil max cuywaj Jesús yul templo Dios. Axa yet ak'balil, chi betic' way bay tzalan Olivo. 38 Junjun c'u, chi pet jay eb anima yet k'inibalil bay templo Dios, yuj yulic' eb abxalwok bay.
1 A yet lananxa jay tiempoal k'in Pascua, yet chi loon eb israel ixim pan c'am yich, 2 max sayon eb sacerdote c'al eb meẍtol yin ley Moisés, tzet watx' ok yut yak'on cam eb Jesús yin ewantakil, yujtol chi xiw eb bay eb conob. 3 Ay jun cuywom Jesús chi yik Judas, chi yik c'apax Iscariote. Max aytok Satanás yul c'ul. 4 Yuj tu' xan max toj k'anjab yetok eb yajawil eb sacerdote, c'al eb yajaw bay templo. Max bet yalon bay eb tzet ok yut yaon oc Jesús yul k'ab eb. 5 Axa tzaloj aj eb sic'libil tu'. Max yak'on eb trato, tol ok yak' eb tumin bay Judas tu'. 6 Cax max chaon c'ul tzet max yal eb, axa sayon tzet ok yut yaon oc Jesús yul k'ab eb yin ewantakil tu', yet c'am anima ayic' yetok. 7 Axa max ajapnok tiempoal loon eb ixim pan c'am yich, yet chi yak'on cam eb no calnel yet Pascua. 8 Max yalon Jesús bay Pedro yetok bay Juan axca ti': —Asek, watx'nejek tzet ok co lo' yet Pascua, ẍi bay eb. 9 —¿Baytal chochej chi co watx'nej? ẍi eb bay. 10 —A yet ok ex apnok yul conob, ay jun winak ok ilchaj e yuj. Ibil oc jun moc aej yuj, lanan toj bay yatut. Chex tzakloj yintak, masantac'al chex apni yetok bay chi ca yapni. 11 Cax ok e yalon bay cham aj na tu' axca ti': Tix max yut yalon co meẍtol on ti': ¿Baytal ay jun cuarto bay ok in low yetok eb in cuywom, yuj co naontek Pascua ti'? ẍi, quex chi bay. 12 Cax ok tx'oxon jun cuarto ayex bay can, tol watx'xa yayji. A tu' che watx'nej tzet ok co lo' tu', ẍi Jesús bay eb. 13 Max lajwi tu', axa toj eb tu'. A yet max apni oc eb, max yilon eb, caw wal yel ton max yal Jesús bay eb. Yuj tu xin, a tu' max watx'nej eb tzet ok lo' yet Pascua tu'. 14 Axa yet max apni oc Jesús yetok juntzanxa eb is cuywom, max oc oyan eb yin meẍa lowok. 15 Lajwi tu', max yalon bay eb axca ti': —Caw wal max yochej in c'ul chin low yet jun Pascuail ti' e yetok, yak'ban c'amto chin cami. 16 Yujtol chi wal ayex, c'amxa bak'in ok in low yet k'in Pascua ti' junelokxa, masantac'al ok oc junokxa Pascua bay ok occan Dios Yajawil, ẍi bay eb. 17 Max lajwi tu', max yion aj jun vaso, max yalon yuj diosalil bay Dios yuj, cax max yalon bay eb axca ti': —Chaek jun ti'. Wajan uc'nejek. 18 Yujtol chi wal ayex, c'amxa bak'in ok wuc' yal sat uva ti', masantac'al yet ok occan Dios Yajawil, ẍi bay eb. 19 Max lajwi tu', max yion aj jun pan, max yalon yuj diosalil yuj. Axa bijon ec' xol eb tu', max yalon bay eb: —A ton in mimanil ok ak'lay e yuj. Loek ixim, yuj quin e naontek, ẍi bay eb. 20 Cay c'apax tu' max yut jun vaso, yet max lajwi loon eb ixim pan tu'. Max yalon bay eb axca ti': —A tzet ayay yul jun vaso ti', tx'oxbanil jun is cab trato Dios. Yuj in chiq'uil, xan ok yun jun trato tu', cax e yuj xan ok elok. 21 Axa tinani xin, a mac ok in aon oc yul k'abej tu', ayoc yin meẍa ti' jetok. 22 Ayin Chekbilintek yuj Dios xol eb jet animail ti', yowalil ok in paxok, atac'ala' yayjicanok, palta a wal jun ok in aon oc yul k'ab camich tu', ok'bal wal c'ul, ẍi bay eb. 23 Yuj tu xan max k'anlej el eb xol yin junjunal, mac wal txel jun ok aon oc Cham yul k'ab camich tu'. 24 Ac'ala' yet tu' max teyelen ba eb cuywom yuj mac wal txel junok caw miman yelapnok xol eb, 25 palta max yal Jesús bay eb axca ti': A eb rey bay junjun nación, caw wal yajaw chi yut ba eb, yetok eb yajaw, watx' eb yalon eb anima. 26 Ayex ti', manchak e yut e ba axca eb yajaw tu'. A mac miman yelapnok e xol, yiokab aytek ba axca junok unin. Yetok c'apaxok, a mac yajaw yayji e xol, yutokab ba yin mosejal. 27 K'inalok yet chi oc junok loj tinani', ¿mactxel caw miman yelapnok che na'? ¿A mi mac chi ay chotan lowok, ma a mac chi batxwi eltek loj? A mac chi batxlay low tu', caw miman yelapnok, palta ayin ti', axca mosejal wayji e xol, yin ex wak'on serbil. 28 Ayex ti', max e tec'baj e ba e yayji ec' wetok yet max jay juntzan porobalil wiban. 29 Yuj tu' xan ok ex waoc yin yajawil, axca ok yun woc yajawilal yuj co Mam Dios. 30 Yuj tu' xan ok je' e low wetok yin in meẍa bay ayin oc Yajawilal tu'. Yetok c'apaxok, ok ex ay chotan bay junjunok e trono, cax ok e yak'on yajawilal yiban eb lajcaw makan jet israelal, ẍi Jesús bay eb is cuywom tu'. 31 Max yalon c'apax Cham Jajawil axca ti': —Simón, ilabi a Satanás max k'an is permiso bay Dios yujtol chi yochej chex txayelay yuj, axca chi yun txayelay ixim trigo, 32 palta caw wal max in tewi bay Dios oj, yet watx' c'am cheil a c'ul yin Cham. A yet ok meltzoj pax oc a nabal win, aoc tec'anil nabal eb oẍtak, ẍi bay. 33 Xan max yal c'apax Simón tu' bay axca ti': —Mamin, jichan in c'ul woc preso etok, caxc'al ok in cam etok, ẍi bay Cham. 34 —Pedro, chi wal ayach, oxelxa quin eon el en, cax ok ok'aj no caẍlan yet jun ak'bal ti', ẍi Jesús bay. 35 Max yal Jesús bay eb is cuywom axca ti': —Che natek, yet max ex in chekontok junel, c'am jabok e moral max e yi', c'am e tz'um yet e tumin, c'am e xanab max e yi' max ex toji. ¿Ma ay tzet max majax ayex? ẍi bay eb. —C'am tzet max majax ayon, ẍi eb bay. 36 Axa tinani xin, a mac ex ay e moral, c'al e tz'um yet e tumin, iektok e yetok. A mac ex c'am e yespada, txonek el e jokan pichil, cax che manon ch'en e yet. 37 Yujtol chi wal ayex, yowalil ok yuncan el masanil tzet albilcan yul tx'an Un Tz'ibbilcanok, bay chi yal axca ti': Max utlay axca chi utlay eb yobtakwom, ẍi yul tx'an Un tu'. Masanil wabixal tz'ib yayji yul tx'an Un tu', lanan yuneni, ẍi Jesús bay eb. 38 Axa yalon eb is cuywom tu' bay: —Mamin, tix cab espada ti', ẍi eb bay. —K'okbil, ẍi Cham bay eb. 39 Max lajwi tu', max eltek Jesús yul na, axa toj bay tzalan Olivo tu', axcata' is beybal. Max tzakloj eb is cuywom yintak. 40 Max apnic'al ocok, max yalon bay eb axca ti': —Txajlanek, yet watx' c'am chex ayc'ay yet ay mac chi yak'lej ex yikban yin yobtakil, ẍi bay eb. 41 Lajwi tu', axa beson el ba bay eb tu'. Axcatac'a najatil bay chi apni junok ch'en chi k'oklaytok, caytu' bay max besil ba. Max ay jajan bay tu', cax max txajli. 42 Max yal yin is txaj axca ti': Mamin, ta chi el yin a c'ul, cha tenil jun yailal ti' wiban, cax c'am chi wab yail; palta man axcaok chi wochej, palta axcaokab chochej, ẍi yin is txaj. 43 Lajwic'al tu', max ayol jun ángel bay satcan, max ul ak'lay is tec'anil yuj. 44 Caw wal max oc pitz'an cusc'ulal yin is c'ul. Yuj tu' xan max yiajtek c'ulok txajli sic'libil. Caw wal chi el yal, caw wal chi ay t'ujlabok axca mimek tz'uj, caytu' yel chiq'uil yalok, chi ayc'ay sat tx'otx'. 45 Axa yet max lajwi txajli, max aj wan. Axa meltzoj bay max can eb is cuywom tu'. Axa yet max apni bay eb, max yiloni, waynak el eb. Max oc numnaj wayan eb yuj cusc'ulal. 46 Yuj tu' xan max yal bay eb axca ti': —¿Tzet yuj xan chex wayi? Ajanek wan. Txajlanek, yet watx' c'am chex ikbelay yin yobtakil, ẍi bay eb. 47 Lananto yalon Jesús bay eb axca tu', cax max jay bulnaj jun miman bulan anima bay tu'. A Judas, nak ayoc bisilok eb lajcawan, a' babel satak eb, max jayoc lemnaj yin Jesús, yuj ul tz'ubon el is ti'. 48 Axa yalon Jesús bay axca ti': —Judas, ¿tom axca ti' chin ot aon oc yul k'ab camich, ayin Chekbilintek yuj Dios xol eb jet animail ti', xan cha tz'ubil in ti'? ẍi bay. 49 A yet max yilon eb ajun yetok Jesús tzet yetal lanan jayoc yiban, max k'anlen eb bay axca ti': —Mamin, ¿chi mi je' co xikon eb yetok jespada ti'? ẍi eb bay. 50 Yet jun bek tu', ay jun is cuywom tu' max xikon el is txiquin jun is moso cham sat sacerdote, c'uxanc'al a is watx' max michchaj yuj. 51 Axa yalon Jesús bay eb is cuywom tu' axca ti': —Bekek. Man e yut axca tu', ẍi bay eb. Max lajwi tu', axa toj matxan yin is txiquin nak tu', max occan yuj junelxa. 52 A eb sacerdote yetok eb yajawil templo Dios, c'al eb ichamtak winak ay yikbej, a eb max jayoc ul mitx'on Jesús. Yuj tu' xan max yal Cham bay eb axca ti': —¿Tokwal ikbajwom in xol eb yob is nabal che yila', yuj tu' xan chex jay win yetok espada c'al te'? 53 Ayinc'al ec' e yetok junjun c'u yul templo Dios, palta maj in e mitx' paxok; palta a ton yorail e yak'on e nabal ti', yetok c'apax nak yajawil k'ekk'inal, ẍi bay eb. 54 Max lajwi tu', max oc mitx'naj eb yin Jesús. Max yiontok eb bay yatut cham sat sacerdote. A pax Pedro xin, najat tzakanxac'al chi yut ba. 55 Max yaoc eb taynem templo is k'ak' bay yamak'il ti na tu', max ay chotan eb, max oc oyan eb yin k'ak', cax max jayoc Pedro, max ay chotan xol eb. 56 Ay jun ix criada max ilon oc Pedro yet chotanxa ay xol eb tu', max oc t'anan ix yin, max yalon ix axca ti': —A jun winak ti', yetbi ba yetok Jesús, ẍi ix. 57 Palta maj tak'wejc'al oc Pedro yin. —Ach ix, man wojtakok jun mactxel chal tu', ẍi bay ix. 58 Junixto bek tu', ay junokxa mac max ilon oc yin, max yalon c'apax axca ti': —Ach ti', et beyom a ba yetok eb, ẍi nak bay. —C'amak cha, man wet beyomok in ba yetok eb, ẍi bay nak. 59 Junixtom wal hora yalon jun tu', max watx' alnenxac'al junxa axca ti': —A nak ti', wal yel yetbeyom ba yetok Cham max ilay jay ti', yujtol yet aj Galileail ba nak yetok eb, ẍi junxa tu'. 60 Wal yel cha, caw wal man wojtakok tzet chal tu', ẍi Pedro tu' bay nak. Lananto wal yaloni, cax max ok'aj no caẍlan. 61 Axa meltzojtok acan Cham Jajawil yin Pedro tu', xan max natek tzet max yal Cham bay. Tix ton max yut yalon Cham bay ti': Oxelxa quin eon el en, ok aloni tol mayin ojtakok, cax ok ok'aj no caẍlan yet jun ak'bal ti', ẍi Cham bay. 62 Axa yel besnaj xol eb tu', cax yeltok yok' sic'libil yina. 63 A eb chi taynen Jesús, max buchwaj eb yin, cax max mak'on c'apax eb. 64 Max makchen eb is sat, max c'oli tzak'ontok eb sat. Max lajwi tu', max tz'akon k'anlen eb bay axca ti': —Al ayon, mac chach mak'on chabej, ẍi eb bay. 65 Manxa wal jantakok tzet max yal eb bay yin buchwal k'anejal. 66 Axa yet max sakbi, max wajban ba eb icham winak ay yikbej xol eb yet israelal, yetok eb yajawil eb sacerdote, c'al eb meẍtol yin ley Moisés. Max yiontok eb Jesús satak eb sat yajaw. Max k'anlen eb bay axca ti': 67 —Al ayon, ¿tom yel ach Cristo ach? ẍi eb bay. —Nabac'al chi wal ayex, tok ok e yaoc yin e c'ul. 68 Yetok c'apaxok, ta ay tzet chin k'anlej el ayex, ¿tom ok e yal ayin? 69 Palta ayin Chekbilintek yuj Dios xol eb jet animail ti', a tinani' ok in apnok chotan bay is watx' k'ab Dios, Cham chic'al je' yuj masanil, ẍi bay eb. 70 —¿Tom C'ajol ach Dios chi yal tu'? ẍi eb bay. —Ayin ti', C'ajol in ton Dios, axca e yalon ti', ẍi bay eb. 71 Axa yalon eb axca ti': —A tinani' manxa yowalilok ay co testigo. Ilab a wal caw chi aloni, ẍi eb.
1 Axa yaj wan eb masanil tu', max yiontok eb Jesús satak Pilato. 2 Max naon aj eb k'anej yiban, max yalon eb axca ti': —Max jila', tol a jun winak ti' lanan yak'on somchaj el c'ul eb jet conob. Max yala' tol c'am chi je' jak'on ch'en tumin chi k'anlay el yuj cham yajaw bay Roma, cax chi yalon c'apax oc ba Cristoal, chi yal elapnok rey, ẍi octok eb. 3 Axa k'anlen Pilato tu' bay axca ti': —¿Tom ach ti' reyal ach eb israel ti'? ẍi bay. —Ja', ayin toni, ẍi bay. 4 Axa yalon Pilato tu' bay eb yajawil eb sacerdote axca ti': —A jun winak ti', c'am jabok mul chi wabej, ẍi bay eb. 5 Palta caw wal max yiajtek eb c'ulok yalon junelxa axca ti': —A jun winak ti', masanil eb aj Judea ti' lanan somchaj el is c'ul yuj juntzan cuybanilej chi yak'a'. Atax bay Galilea max el yich yalon juntzan cuybanilej chi yak' ti', masantac'al chi jay cayti', ẍi eb bay. 6 A yet max yaben Pilato juntzan tu', max k'anlen bay eb tatol aj Galilea Jesús. 7 Axa max yabeni tol aj Galilea toni, xan max yatok bay Herodes, yujtol a cham tu' yajaw yayji bay Galilea tu'. A yet tu', ayic' cham cab oxeb c'ual bay Jerusalén. 8 A yet max yilon cham Herodes tu' jayoc Jesús satak, caw wal max tzaloji, yujtol ayxa tiempoal yaben k'umal, xan caw wal chi yochej chi k'anjab janic'ok yetok, cax chi yochen chi yil junok milagro chi yunej. 9 Ayc'al tzet max k'anlej el bay Jesús, palta c'amc'al tzet max paktzej bay. 10 Axa eb yajawil eb sacerdote max jayoc yetok eb meẍtol yin ley Moisés. Yelc'ulal wal tol max naaj eb k'anej yiban Jesús. 11 Yuj tu' xan max bajwaj aj Herodes tu' yetok eb is soldado yin Jesús, cax max buchwaj eb yin Cham sic'libil. Max tz'ak yaon oc eb jun pichilej yin, tx'okxa watx'il axca yet eb rey. Max lajwi tu', axa yaon paxtok eb bay Pilato junelxa tu'. 12 Ato yet jun c'ual tu' max yamigonej aj ba Pilato yetok Herodes, yujtol a yet yalantok, yajc'ul ba eb. 13 Max yak' Pilato wajbaj oc ba eb yajawil eb sacerdote, yetok eb yajaw, c'al eb anima masanil. 14 Cax max yalon xol eb axca ti': —A jun winak max e yi jay ayin ti', che yala' tol chi somchaj el eb anima yuj, palta ilab, tol e satak max in k'anlej bay, palta c'am jabok is mul chi txecloj el axca e yalon aj yiban tu'. 15 Ac'ala' Herodes, c'am jabok mul max ilchaj el yin yuj. Yuj tu' xan max chek paxtek junelxa ayon, xan c'am jabok is mul tol moj cam yuj. 16 Yuj tu' xan toc'al ok wak' mak'layok, cax ok in bekon elok, ẍi bay eb. 17 Axa yaj yaw eb yin ipejal axca ti': —A jun winak ti', camokabi. Aokab Barrabás chi beklay elok, ẍi eb. 19 A Barrabás tu', ayoc preso yujtol locan xol eb max yak'lej owal yetok eb yajaw yul conob tu', cax mak'om cam anima c'apaxok. 20 A Pilato, caw wal max yochej max bekil Jesús, yuj tu' xan aytoc'al tzet max yal bay eb anima tu' junelxa. 21 Palta a yet max yaben eb axca tu', caw max aj yaw eb yalon axca ti': —Curusnelayokabi, ẍixac'al eb. 22 Max yalon cham Pilato bay eb yin yoxelal axca ti': —¿Tzet yuj xin? ¿Tzet max say mulnanej che yila'? Ayin ti' c'am jabok is mul tol moj cam yuj chi wila'. Yuj tu' xan toc'al ok wak' mak'layok, cax ok in bekon elok, ẍi bay eb. 23 Palta tol caw max yiajtek eb c'ulok yaj yaw sic'libil, tol yowalil chi cam yin curus. Yujtol caw wal yip eb yaj yaw, xan max yunc'alta' yochwan eb. 24 Max yalon pax Pilato tu' axca ti': Yunokab axca che yochej tu', ẍi. 25 Yuj tu xan a jun locan xol owal tu', jun mak'om cam anima ayoc preso tu', a' max beklay elok, axca max yut k'anon eb tu'. Axa Jesús max alaycantok yul k'ab jun tzet yetal max yochej eb tu'. 26 A yet lanan yiontok eb Jesús bay ok cam tu', ay jun winak aj Cirene chi yik Simón, lanan jay bet ec'jab najat, max mitx'aj eb. Max yak'on eb yik te curus tu', cax max oc tzakan yintak Jesús. 27 Xiwil c'apax eb anima max tzakloj yintak. Xiwil eb ix, caw wal chi el yaw yok' yuj cusc'ulal. 28 Axa meltzojtok acan Jesús yin eb tu', cax max yalon axca ti': —Ex ix aj Jerusalén, manchak ex ok' wuj. Ok'anek e yuj, c'al yuj eb e yune'. 29 Yujtol ay wal jun tiempoal ok jayok, cax ok e yalon axca ti': Caw wal watx' yet eb ix c'am yune', c'al eb man unewomixok, yetok eb c'am yune' max yak' txutxwok, watx' c'apax yet eb, quex chi, ok e yaloni. 30 A wal yet jun tiempoal tu', ok yal eb anima yuj witzlak axca ti': Matawal chi je' chi tit weknaj juntzan witz tu' jiban, ẍi eb. Ok yalon c'apax eb yuj tzalanlak: Matawal chi je' chon mukaycan yalan juntzan tzalan ti', ẍi eb. 31 Ayin ti', axca junok te te' yax, tol chi ch'ibi, palta ilek wal tzet chi yaoc eb wiban. Akxam wal yiban eb, tol lajan axca junok te te' caw wal takinxa, yelxac'al miman tzet ok yaoc eb yiban eb, ẍi Jesús. 32 Ay cawanxa mactxel ay is mul max ilaytok cam yetok Jesús. 33 A yet max apni eb bay jun lugar chi yik Bakil Jolomej, a tu' max curusnelay Cham yuj eb. Cax max curusnelay c'apax cawan yobtakwom yuj eb, jun bay is watx' k'ab Cham, jun bay is q'uexan. 34 A yet lanan curusnelay Cham yuj eb, max yalon axca ti': —Mam, joc'ay is mul eb ti' yiban, yujtol man yojtakok eb tzet chi yun eb, ẍi bay Dios. Max c'oli yak'on eb soldado suerte yin is pichil Cham, cax max pojon ec' eb an yin. 35 A eb anima, max oc bulan eb yilon juntzan tzet yetal chi uj tu'. Yak'ban tu' max c'oli buchwaj eb yajaw yin Cham, max yalon eb axca ti': —Max ab tz'ak col juntzan anima, axa tinani', tatol yel a Cristo ti', cax a' sic'bil el yuj Dios, colokab ba jila', ẍi eb. 36 Ac'ala' eb soldado c'apaxok, caw chi buchwaj ajtok eb yin. Max jayoc eb is cawilal. Max tz'akon yak' eb vinagre yuq'uej. 37 Max yalon eb bay axca ti': —Tatol yel reyal ach eb israel, col a ba jila', ẍi eb bay. 38 Ay jayeb letra ayoc bay jolom curusal Cham, chi yal axca ti': A jun anima ti' is reyal eb israel, ẍi. 39 Ay jun eb nak ay aj yin curus yetok tu', max buchwaj yin, max yalon axca ti': —Tatol yel ach Cristo ach, col a ba wila'. Chi lajwi tu', chon a colon pax etok, ẍi bay Cham. 40 Axa junxa nak yetbi tu' max tenchaneni, max yalon nak axca ti': —¿Tom c'am chach xiw jabok bay Dios? Ilab lajan jaben yail yetok. 41 Ayon ti', co moj wal jaben yail, yuj co tojlanen el co yobtakil, palta jun ti', c'am jabok tzet yob max el yuneni, ẍi nak. 42 Max lajwi tu', max yalon nak bay Jesús axca ti': —Jesús, matawal chin a natek yet ok ach jay ak'on Yajawilal, ẍi nak bay. 43 Axa yalon Jesús bay nak axca ti': —Wal yel chi wal ayach, yet jun c'u ti' ok ach apnok wetok bay jun lugar chi yik paraíso, ẍi bay nak. 44 Axa yet chumanxa c'u, max k'ekbi masanil yulyibank'inal ti', masantac'al yet a las tres. 45 Max k'ekk'olil c'u, cax max ay tzilnaj nan an k'ap ayoc makilok yul nan templo Dios. 46 Cax max aj yaw Jesús yin ipejal axca ti': —Mamin, chi wak'can oc wanimail yul a k'ab, ẍi bay Dios. Max xew yalon axca tu', max cami. 47 A yet max yilon cham capitán tzet max uji, max yal cham is watx' k'anej bay Dios axca ti': —Wal yel, a jun winak ti', caw wal c'am is mul, ẍi. 48 A masanil eb anima chi matz'li, max yil eb masanil tzet max uji. Axa yet max pax eb, caw wal chi cus c'ul eb sic'libil. 49 A masanil eb ojtaknej Jesús, c'al juntzan eb xal ix max tzakloj yintak yet max tit bay Galilea, najat max can lecjab eb, cax chi matz'litek eb najat tu'. 50 Ay jun cham anima chi yik José, aj conob Arimatea yul yet Judea. Watx' is c'ul, cax watx' c'apax is beybal; lanan yechbanen yoccan Dios Yajawilal. Caxc'al sat yajaw yayji xol eb yet yajawilal, palta maj yaoc ba yetok eb yin yak'on low camich yiban Jesús. 52 Max octok José tu' bay Pilato, max bet k'anon aytek is mimanil Jesús. 53 Lajwi tu', axa bet yion aytek tu', max pichon oc yul jun sábana. Lajwi tu xin, axa bet yaoncan octok yul jun ch'en ch'en olbilxa. C'amto junok camnak max mukaylej yul jun olan tu'. 54 A jun c'ual tu', c'ual yet chi watx'nej eb israel yuj c'ual xewilal, lananxa jayi. 55 A eb ix tzaklojnak yintak Jesús bay Galilea, max bet yil eb ch'en ch'en tu'. Max bet yilon eb tzetbil max yun yalaycan octok is mimanil Cham yul ch'en. 56 Lajwi tu', axa pax eb tu'. Max bet watx'nen eb juntzan ambal suk'uk'i jab, yetok juntzan watx' jab chi jolay oc yin is mimanil tu'. Axa yet c'ualxa xewilal tu', max xew eb axcata' yalon leyalil.
1 A yet lananto sakbi yet domingo, jun babel c'u yul semana, max toj eb xal bay max bet mukaycan octok mimanil Jesús tu'. Yetbi eb juntzan ambal suk'uk'i jab max watx'nej eb. 2 Max apni oc eb, max yilon eb, elnakxa ch'en is makil jun ch'en bay max mukayi. 3 Max octok eb yul ch'en, axa yilon eb, c'amxa mimanil Cham Jajawil Jesús ayic' bay tu'. 4 Caw wal max c'ayaj c'ul eb yiloni. Axa yilon eb, ayic' cawan ángel axca yili winak, waan oc eb bay is c'atan eb. Chi tzekeki yili is pichil eb ángel tu', 5 xan caw wal max xiwaj eb xal cax yay t'anan eb sat tx'otx'. Axa yalon eb ángel tu' bay eb xal axca ti': —¿Tzet yuj xan a bay chi mukay eb camnak ti' che say Cham tol iquisxa? 6 C'amxa Cham ayic' cayti'. Mayal ictzonelay aj Cham. Naektek tzet max yalcan ayex, yet ayto ec' e yetok bay Galilea. 7 Max yalcanok tol a' Chekbiltek yuj Dios xol eb e yet animail, palta yowalil ok alay oc yul k'ab eb yobtakwom, cax ok alay oc yin curus. Axa yet cabjial tu', cax ok ictzonelay ajok, ẍi, max yaloncan ayex, ẍi eb bay eb xal. 8 Catatu' max naontek eb tzet albilcan bay eb yuj Jesús. 9 Max lajwi tu', axa pax eb tu'. Max toj yalon eb jun abix ti' bay eb is chekbej Jesús yusluc'wanil, c'al bay eb is cuywom masanil. 10 A xal María aj Magdala, xal Juana, yetok xal María txutx Jacobo, a eb max bet alon juntzan abix tu'. Ay c'apax jun cawanxa eb xal ix ajun yetok eb. 11 Palta a eb is cuywom Jesús tu', maj cha eb yabej; toc'al chi yal eb xal, wal naon eb. 12 Axa yaj wan Pedro tu', max yak'on yanej toj bay ch'en ch'en tu'. Max apni, max ay nojan yilon octok yul ch'en tu'. Asanxanej an pichilej tx'ok tx'okxac'al lanan canok. Caw wal max c'ayaj c'ul yin juntzan max yil tu'. Axa pax tu'. 13 A yet jun c'ual tu', ay cawan eb is cuywom Jesús lanan toj yul be chi apni Emaús. A jun conob tu', ay mi oxebok legua xol ba yetok Jerusalén. 14 A yet lanan bey eb tu', chi yalon eb yuj tzet max uji. 15 Yak'banc'al a jun tu' chi yalubtanejtek eb, max jayoc Jesús c'atan eb, cax junnejxac'al bey Cham yetok eb. 16 Chi moyi aj sat eb yuj, yet watx' c'am chi yojtaknej el eb tatol a Cham. 17 Axa k'anlen Jesús bay eb: —¿Tzet yetal che yala' chex bey ti'? ẍi bay eb. Max oc waan eb, cusiltakxac'al yili sat eb. 18 Axa tak'wi jun chi yik Cleofas bay yin aymanil: —Toltax yojtak masanil anima tzet max uj bay Jerusalén yet cabji oxji ti'. Axa ach ti', ¿tom c'am chab jabok? Palta ilab max ach ec' pax bay tu', ẍi bay. 19 —¿Tzet max uj bay tu xin? ẍi Jesús bay. —Ay jun aj Nazaret chi yik Jesús, caw wal chekbej Dios yayji. A tzet max el watx'neni c'al tzet max el yaloni, caw wal miman yelapnok yul sat Dios c'al yul sat eb anima masanil. 20 Palta a eb yajawil eb sacerdote, yetok eb yajaw yayji co xol, max aon oc yul k'ab camich. Yuj tu' max alay oc yin curus. 21 A ton Cham tu' max jaoc yipok co c'ul, tol ok on colchaj el ayon israel on ti' yuj. Palta tinani', cabjitaxxa yunen juntzan tu'. 22 Ay juntzan eb xal tol jetbeyom on, max c'ayaj co c'ul yuj, yet max jabeni, yujtol a yet max sakbi, max bet yilon eb ch'en ch'en bay max bet alay octok mimanil Cham, 23 palta c'amxa is mimanil tu'. Max toj eb yalon ayon tol max yilon eb juntzan ángel. Max yalon eb ángel tu' bay eb, tol iquis Cham. 24 Maxc'al lajwi tu', ay juntzan eb jetbeyom max bet ilonok. Axcac'al yalon eb xal ix tu', caytu' max yut yilon eb, palta maj yil eb yin Jesús, ẍi eb bay. 25 Yuj tu' xan max yal Jesús bay eb; —Ayex ti', axca wal tol c'am jabok e nabal. Caw ya' puralil che yaoc yin e c'ul jantak tzet albilcan yuj eb chekbej Dios payxa. 26 A Cham Cristo, yowalil tol t'inan yaben yail juntzan tu' yet manto oc Yajawilal, ẍi bay eb. 27 Max lajwi tu', max chaon el yich yalon bay eb, baytakc'al ayay yabixal yul tx'an Un Tz'ibbilcanok. Max chaontek yich yalon tzetak tz'ibbilcan yuj Moisés. Max yalon c'apaxtek tzet tz'ibbilcan yuj eb chekbej Dios yet payxa. 28 Axa yet max apni eb bay jun conob bay lanan toj eb tu', ijan palanc'al yeq'uel Jesús. 29 Palta max yak' pural eb mitx'on waayok. Max yalon eb bay axca ti': —Canan jetok, ilab lanan yay c'u, lananxa k'ekbi, ẍi eb bay. Axa yoc yul na tu', max can bay tu' yetok eb. 30 Axa yet max oc chotan yin meẍa yetok eb, max yion aj jun ixim pan, max yalon yuj diosalil bay Dios yuj. Lajwi tu', axa bijon ec' xol eb tu'. 31 A yet jun bek tu' axca wal tol max jakchaj sat eb. Catatu' bian max yilon oc eb, tol a Jesús. Lajwi tu', max yesnen c'ay ba. Axa yilontek eb, c'amxa mactxel. 32 Max yalon eb axca ti': —Yel toni, caw wal max jay co nabal, yet max yalon ayon yul be, yet max yak'on nachaj el juj tzetak chi yal tx'an Un Tz'ibbilcanok, ẍi eb. 33 Max meltzojxac'al eb bay Jerusalén yet jun bek tu', max yil eb yin eb chekbej Jesús yusluc'wanil bay tu', yetok juntzanxa eb yetbi eb. Wajan ec' eb bay tu'. 34 Axa yalon eb wajan ec' tu' bay eb cawan tu' axca ti': —Wal yel max ictzoj aj Cham Jajawil junelxa. Max tx'oxaj ba bay Simón ti', ẍi eb. 35 Max lajwi tu', max yalontek eb cawan tu' tzet max yun eb yulak be. Max yalon c'apaxtek eb tzet max yun nachaj el Jesús yuj eb, yet max bijon ec' ixim pan. 36 Lananto yalon eb juntzan tu', axa yilontek eb, ayxa ec' Jesús nan xol eb. Max yalon axca ti': —Junc'ulalokab ayex, ẍi bay eb. 37 Axa eb, toc'al max xiwaj eb, cax max c'ayaj c'ul eb. A naon eb tol lab jun chi yil eb tu'. 38 Palta max yal Cham bay eb axca ti': —¿Tzet yuj xan toc'al chi somchaj el e c'ul yet chin e yiloni? ¿Tzet yuj xan cabtak e c'ul win? 39 Ilek in k'ab ti', c'al wakan ti'. Ayin toni; mitx'ek in wali. Chi cam e yoc t'anan win. A junok lab, tok ay is chibejal, tok ay is bakil bay watx' e yoc lacan axca wet ti', ẍi bay eb. 40 Max lajwi yalon jun tu', axa tx'oxon k'ab bay eb tu', c'al yakan. 41 Caxc'al max tzaloj aj eb, palta ac'ala' ijan maj yaoc eb yin c'ul, yujtol toc'al max c'ayaj c'ul eb, xan max yal pax bay eb axca ti': —¿C'am mi jabok tzet watx' chin lo' cayti'? ẍi bay eb. 42 Yuj tu' xan max yak' eb jab bolbil txay bay. 43 Axa chaon tu', max chion satak eb. 44 Lajwi chioni, max yalon pax bay eb axca ti': —A tinani', mayal wal yun axca walon ayex yet max quin ec' e yetok. Ilab max wal ayex tol yowalil ok yun jantak wabixal tz'ibbilcan yul ley Moisés, yetok tzet tz'ibbilcan yuj eb chekbej Dios, yetok juntzan wabixal yul libro Salmo, ẍi bay eb. 45 Max lajwi tu', max yak'on jakchaj nabal eb, yet watx' chi nachaj el yuj eb, tzet tz'ibbilcan yul tx'an Un Tz'ibbilcan tu'. 46 Xan max yal bay eb junelxa: —A yul tx'an Un tz'ibbilcan wabixal ayin Cristo in ti', tol yowalil ok in camok, cax chin ictzoj pax aj xol eb camnak yet cabjial. 47 Yetok c'apaxok, yowalil tol yetok wikbej ok al-lay el k'anej Dios xol anima bay junjun nación. Ok al-lay el xol eb tol yowalil chi na ba eb yin is yobtakil, yet watx' chi jolay c'ay yobtakil eb tu' yiban. A bay Jerusalén ti' ok babjok yal-lay el wabixal; catatu' ok pukaxtok bay junjun conob. 48 Ayex ti', ok e yak' e ba testigoal yin juntzan ti'. 49 Max yak'can Dios is ti' tol a Yespíritu ok ayol ayex. A ton Cham ok tok in chektek, palta echbanejek bay Jerusalén ti', masantac'al che cha' e yikbej ok alay aytek satcan, ẍi Jesús bay eb. 50 Catatu' max yiontok eb is cuywom bay cawilal conob Betania. Max yiaj is k'ab can bay tu', max k'anon watx'c'ulalil Dios yiban eb. 51 Lananto wal k'anon watx'c'ulal Dios tu', max ilay ajtok satcan, axa can eb yuj tu'. 52 Lajwi yion ay ba eb bay, max meltzoj eb yin tzalojc'ulalil bay Jerusalén. 53 Junjunc'al c'u chi bet eb bay templo Dios yuj bet yalon eb is watx' k'anej bay Cham.
1 A yet c'amto yulyibank'inal ti', ayxac'alta' ec' Cham chi yik K'anej Dios. A Cham tu', ayxa ec' yetok Dios, cax Dios toni. 2 A yet c'amto chi chail Dios yich yesnen aj yulyibank'inal ti', ayxac'altac'a ec' Cham yetok. 3 A Cham max yak'balnej Dios yesnen aj masanil tzet yetal; xan ta manak yuj Cham, c'am mi tzet max esnelay ajok. 4 A yuj Cham chi ji k'inalej co masanil. A Cham chi ak'on co k'inal tu', chi yak' c'apax sakk'inal bay janimail. 5 A jun sakk'inal tu', sakk'inalc'al yayji nan xol k'ekk'inal. Palta c'am chi tan yuj k'ekk'inal tu'. 6 Ay jun winak chekbiltek yuj Dios chi yik Juan. 7 A ul yak'nak ba testigoal yin jun sakk'inal tu', yet watx' tzanc'al mactxel chi yaoc c'ul yin. 8 Manak Juan tu' jun sakk'inal tu'. Toc'al ul yak'nak ba testigoal yin. 9 A jun acaw yel sakk'inal yet Dios max jayoc bay yulyibank'inal ti', a' chi yak' sakk'inal yin janimail co masanil. 10 A Cham chi yik K'anej Dios tu', a ton ulnak ec' yulyibank'inal ti'. Watx'nebil c'apax yulyibank'inal ti' yuj, palta a yet ulnak aytek tu', maj nachaj el yuj eb anima tatol a'. 11 Ulnak ec' xol masanil tzet watx'nebil yuj, palta maj chalay Cham yuj eb yet conob. 12 Palta tzanc'al mac max chaoni, a ton eb max yaoc c'ul yin, a' chi aloni tol ay yalon yet eb yoc yuninalok Dios. 13 A yet chi oc eb yuninalok Dios, axca tol chi alji eb junelxa. Palta man axcaok chi yun yalji junok anima, man winakok chi cha c'ul xan chi alji eb, palta a Dios chi ion oc eb yuninalok. 14 A Cham chi yik K'anej Dios tu', max oc yin animail. Ulnak ec' co xol ti' jun tiempoal. A Cham caw wal yel, miman watx'c'ulal Dios max ul tx'ox ayon. Max jil yin, caw wal miman yelapnok, yujtol asan ch'an jun c'otan C'ajol Dios tu', chekbiltek yuj is Mam. 15 A Juan max alontek yabixal Cham, max yalon axca ti': A Cham tzunan wintak, axcata' walon ayex, tol ec'ban yopiso wintak, yujtol a yet c'amto chin alji, ayxac'alta' ec'ok, ẍi Juan. 16 A Cham tu', caw wal watx' is c'ul, yuj tu', tz'akakic'al chi tx'ox is watx'c'ulal ti' ayon. 17 A Moisés ak'nejcan ley Dios ayon; axa pax Jesucristo xin, a is watx'c'ulal Dios max tx'ox ayon, max yak'on c'apax jun cuybanilej caw wal yel. 18 C'am junok mactxel max ilon yin Dios junelok, palta a jun c'otan is C'ajol tu', tol Dios toni, a' max ul tx'oxon elok. A jun is C'ajol tu', junnejc'alta' ayic' yetok is Mam. 19 A yet junel, ay juntzan eb israel aj conob Jerusalén, max chektok eb jaywan eb sacerdote yetok jaywanxa eb yinatil Leví bay Juan. Max bet k'anlen eb chekbej tu' axca ti': —¿Mac ach txel? ẍi eb. 20 Axa yalon Juan tu' yin bayc'al ijanil; watx'c'al max yut yalon bay eb axca ti': —Ayin ti', mayinnak Cristo in, ẍi bay eb. 21 Axa k'anlen eb bay junelxa tu': —¿Mac ach wal txel xin? ¿Ma ach Elías ach? ẍi eb bay. —C'amak, mayinnak, ẍi bay eb. —¿Ma ach chekbej ach Dios, echbanebil jay juj? ẍi eb bay. —C'amak, ẍi bay eb. 22 Max k'anlen eb bay junelxa: —¿Mac ach wal txel xin? Al ayon mac ach txel, yujtol yowalil ok jal japni bay eb cheknejontek. Al ayon, ¿tzet ayji? ẍi eb bay. 23 Yuj tu' xan max yal bay eb axca ti': —Ayin ton albilcan wabixal yuj jun chekbej Dios chi yik Isaías payxa, yet max yalon axca ti': Ay jun mactxel bay tz'inan tx'otx' chi awji, cax chi yalon axca ti': T'inek junok is be Cham Yajaw, ẍicanok, ẍi Juan. 24 A eb ulnak ec' bay Juan tu', a eb fariseo cheknej eb. 25 Max k'anlen c'apax el eb axca ti': —¿Tzet yuj xan chak' bautizar anima, ta mayachnak Cristo ach, tamwal Elías ach, tamwal chekbej ach Dios, jun echbanebil jay juj? ẍi eb bay. 26 Xan max yal Juan tu' bay eb axca ti': —Ayin ti', chi wak' bautizar eb anima yul a', palta ay jun co xol, man e yojtakok. 27 A jun tu', tzunan jay wintak, palta caw wal miman yelapnok wintak. Yuj tu', man in mojok wak'on serbil, tamwal in xuyon el tx'anil xanab yin yakan, ẍi Juan tu' bay eb. 28 A bay k'axepal ec' a' miman Jordán, bay jun lugar chi yik Betania, a tu' lanan yak'on bautizar Juan eb anima. A bay tu' max bet k'anlej el eb juntzan ti' bay. 29 A yet junxa c'ual, max yilon Juan jay Jesús bay, xan max yal axca ti': —Ilek wali. A Cham lanan jay ti', axca yopiso junok calnel chi ak'lay yin xajanbal, caytu' yopiso yuj Dios, yujtol a' chi ul ion el co yobtakil co masanil bay yulyibank'inal ti'. 30 A ton Cham max wal yet max walon axca ti': A Cham tzunan jay wintak, palta ec'ban yopiso wintak, yujtol a yet c'amto chin alji, ayxac'alta' ec'ok, quin chi, max waloni. 31 Maj wojtaknej elok mactxel Cham tu', palta max quin jay ak'oj bautizar eb anima yul a', yet watx' ok ojtaknelay el Cham juj ayon israel on ti', ẍi Juan. 32 Max yalon c'apax Juan tu' axca ti': Max wil yayol Cham Espíritu yiban axca junok paloma, axa yoccan yin tu'. 33 Mantota' wojtakok mactxel Cham chekbiltek yuj Dios tu', palta a Cham cheknej in wak'on bautizar eb anima yul a', a' max alon ayin axca ti': Ach ok el yayol Espíritu yiban jun mactxel, cax ok cancan yetok. A ton jun tu', a' ok aon oc Espíritu Santo yin anima, axca tol ok ak'lay bautizar eb yuj, ẍi ayin. 34 Ayin ti', max wil Cham tu'. Yuj tu' xan chi wak' testigoal in ba yin, tol C'ajol ton Dios Cham, ẍi Juan tu'. 35 A wal yet yewial tu', ayic' Juan junelxa yetok cawan eb is cuywom. 36 Axa yilontok, lanan yec'jab Jesús, xan max yal axca ti': —Ilabi. A Cham chi ec' tu', axca yopiso junok calnel chi ak'lay yin xajanbal yuj anima, caytu' yopiso yuj Dios, ẍi. 37 A yet max yaben eb is cuywom Juan jun tu', max tzakloj eb yintak Jesús. 38 Axa meltzojtok acan Jesús yintak tu', max yiloni, tzakan oc eb yintak. —¿Tzet che saya'? ẍi Cham bay eb. —Meẍtol, ¿baytal cajan ach? ẍi eb bay. 39 —Sebaxek, ul ilek, ẍi bay eb. Axa toj eb yetok tu', max bet yilon eb bay cajan, cax max can eb yetok yet jun yayc'ualil tu', yujtol a las cuatroxa mi yet max apni eb yetok. 40 A cawan eb tu', max yab eb tzet max yal Juan. Yuj tu' xan max oc eb cuywomok Jesús. Ay jun chi yik Andrés xol eb, yuẍtak ba yetok Simón Pedro. 41 Lajwic'al k'anjab Andrés tu' yetok Jesús, max toj sayon ec' jun yuẍtak tu'. Axa yet max ilchaj yuj, max yalon bay axca ti': —Max ilchaj oc Cham Mesías juj, ẍi bay. (Mesías chi yal elapnok Cristo, Cham Ak'bil Yopiso yuj Dios.) 42 Yet-xac'al jun bek tu', a' max iontok jun yuẍtak tu' bay Jesús. Max oc t'anan Jesús yin Simón tu', max yalon bay: —Simón, c'ajol Jonás, Cefasxa ok ekcan ajok, ẍi Jesús bay. (A Cefas chi yal elapnok, Pedro, ma ch'en.) 43 Axa yet junxa c'ual, max na Jesús toj bay Galilea, max chalen ba yetok jun mac chi yik Felipe, cax max yalon bay: —Ec'anc'al cuywok wintak, ẍi bay. 44 A Felipe tu', aj conob Betsaida. Cay c'apax tu' Andrés yetok Pedro, junnejc'al conob eb. 45 Axa Felipe max bet sayon ec' jun chi yik Natanael. Maxc'al ilchaj yuj, max yalon bay axca ti': —Ay jun max ilchaj juj, a ton Cham tz'ibejnakcan Moisés yabixal yul ley. Tz'ibbil c'apax can yuj eb chekbej Dios yet payxa. A ton Jesús, c'ajol José, aj conob Nazaret, ẍi. 46 Axa yalon Natanael tu' bay axca ti': —¿Tom ay junok watx'takil chi tit bay Nazaret xin? ẍi bay. —Sebach, ton jila', ẍi Felipe tu' bay. 47 Max yilontok Jesús, lanan jayoc Natanael bay, axa yalon yuj Natanael tu' axca ti': —A jun chi jay ti', caw wal israel ton yul sat Dios, c'am chi iwi aytek sat anima, ẍi Jesús. 48 Yuj tu' xan max k'anlej Natanael tu' bay axca ti': —¿Tzet max quin ot ojtaknen el xin? ẍi. —Wojtak achxa yet c'amto chach yawtej jay Felipe, yet ay ach ec' yich jun te higo, ẍi Jesús bay. 49 —Meẍtol, yel ton wali C'ajol ach Dios. Co Reyal ach ayon conob Israel on ti', ẍi bay. 50 —¿Asannej mi yuj max wala' tol max ach wil yich te higo, yuj tu' xan chaoc a c'ul win? Palta ay juntzanxa tzet yetal ok wunej ok ela', tol yelxac'al miman yelapnok, ẍi bay. 51 Max yalon c'apax Jesús bay eb ayic' yetok tu' axca ti': —Wal yel chi wal ayex, ok e yila', tol jakan satcan, axa eb yángel Dios ok e yil paxaj eb c'al yayol eb wiban, ayin tol Chekbilintek yuj Dios xol eb jet animail ti', ẍi Jesús.
1 Cabjial lajwi jun tu', max oc jun nupayil bay conob Caná, bay yul yet Galilea. Max bet txutx Jesús bay jun nupayil tu'. 2 Max bet c'apax ec' Jesús yetok eb is cuywom, yujtol awtebil eb. 3 Max lajwi aj vino, yuj tu' xan max yal is txutx Jesús tu' bay axca ti': —Mayal lajwi is vino eb, ẍi. 4 Axa yalon Jesús: —Txutx, ¿tzet yuj xan a ayin chala'? C'amto chi ajapnok tiempoal in tx'oxon el wipal xol anima, ẍi bay. 5 Axa yalon is txutx tu' bay eb chi ak'wi serbil tu' axca ti': —Che yikejc'al masanil tzet ok yal Jesús ayex, ẍi bay eb. 6 Ay wakeb ch'en k'uchbal yetc'alta' aej ayic' bay tu'. Chi mi toj oyebok, ma wakebok moc aej yul junjun. Netal ya' eb yet chi tx'ajil eb is tzetak yetal axcata' beybalej. 7 Axa yalon Jesús bay eb chi ak'wi serbil tu' axca ti': —Ak'ek noj juntzan net ti' yetok aej, ẍi bay eb. 8 Axa yet max noji, max yalon Jesús bay eb axca ti': —A tinani xin, letxek ajtek jabok, cax che yak'on bay nak chi ilon lojal nupayil ti', ẍi bay eb. Axa yak'on eb bay nak tu'. 9 A yet max yablen nak yuq'ueni, mayal oc vinoal. Maj yojtaknej el nak baytal max ca tit jun vino tu', axa eb chi ak'wi serbil tu', yojtak eb, yujtol a eb max letxon ajtek. Axa nak chi ilon lojal nupayil tu' max awten nak chi nupay tu'. 10 Max yalon bay nak axca ti': —A is beybal anima, a vino watx' yuq'ui, a chi yak' eb uc'lay yin babelal. A yet mimanxa an chi yuc' eb, catatu' chi ilay eltek vino ay wal chi yal yuq'ui, palta achxa ti', max a yanejcan jun vino watx' yuq'ui, cax tzunanxa cheiltek uc'layok, ẍi nak chi ak'on cuenta masanil tu'. 11 A bay conob Caná, yul yet Galilea, a tu' max tx'ox Jesús jun milagro ti'. Babel milagro jun max tx'ox ti'. Cayton tu' max yut tx'oxon elok tol miman is mayk'ak'al, cax max yaon oc eb is cuywom c'ul yin Cham. 12 Lajwic'al tu', max toj Jesús bay conob Capernaum. Max toj is txutx, c'al eb yuẍtak c'al eb is cuywom yetok. Max ayji ec' eb jayeb c'u bay tu'. 13 Lananxa jay jun is k'in eb israel chi yik Pascua. Yuj tu' xan max toj Jesús bay Jerusalén. 14 A yet tu' max octok yul yamak'il templo Dios. Axa max yiloni, ay eb chi txonwi wacax. Ay eb chi txonwi calnel. Ay eb chi txonwi paloma. Ay eb xin, q'uexoj tumin chi yunej. 15 A yet max yilon axca tu', max watx'nen jun tx'an yuj yoc mak'balok, max yukten eltek eb masanil yul yamak'il templo Dios, yetokc'al no calnel tu', c'al no wacax. Max mak'on el tiẍnaj is tumin eb q'uexom tumin tu' sat meẍa. Max tenon c'apax aj pac'labok meẍa eb. 16 Cax max yalon bay eb chi txonon no paloma tu' axca ti': —Iek el juntzan tz'iquin ti'. Manchak e yut yatut in Mam ti' txonbalil, ẍi bay eb. 17 Axa naontek eb is cuywom tu' tzet albilcan yul tx'an Un Tz'ibbilcan bay chi yal axca ti': Caw pitz'an oc in c'ul in ya'ilnen a templo, ẍi. 18 Axa yalon eb yajaw bay Judea tu' bay Jesús axca ti': —¿Tzet milagroal junok cha tx'ox ayon, yet watx' chi jojtaknej elok tol ay alon et onen juntzan ti'? ẍi eb bay. 19 Xan max yal bay eb axca ti': —Ta che yak' lajwok jun templo Dios ti', yin cabjial chi aj pax wuj junelxa, ẍi bay eb. 20 Axa yalon eb yajaw tu' bay junelxa axca ti': —A jun templo Dios ti', 46 abilxa c'oli watx'nelayi. ¿Xin ta chi watx'ji yin cabjial oj ach ti'? ẍi eb bay. 21 A templo Dios chi yaltek naon eb, palta titol a is mimanil chi yal paxok. 22 Yuj tu' xan a yet max ictzonelay aj xol eb camnak, max naontek eb is cuywom tzet max yala', cax max yaon oc eb yin c'ul tzet tz'ib yayjican yul tx'an Un tu', c'al tzet max yal Jesús bay eb. 23 A yet ayic' Jesús bay Jerusalén yuj k'in Pascua tu', xiwil mac max yaoc c'ul yin Cham, yujtol max yil eb juntzan milagro max tx'oxo'. 24 Palta maj yaoc Cham eb yipok c'ul, yujtol yojtakxa Cham nabal masanil anima. 25 Man yowalilok ay mac chi alon bay Cham yuj tzet chi na junok mactxel, yujtol yojtak tzet chi ec' yul co c'ul junjun on.
1 Ay jun fariseo chi yik Nicodemo, yajaw yayji nan xol eb yet israelal, c'al nan xol eb yet yajawilal. 2 Ay jun k'ekbintakil max ulic' bay Jesús, max yalon axca ti': —Meẍtol, a yuj juntzan milagro cha tx'oxo', xan jojtak tol a Dios cheknej achtek yuj con ul a cuyoni. C'am junok mactxel chi je' yuj juntzan milagro tu', ta c'am chi oc Dios yetok, ẍi bay. 3 Axa yalon Jesús bay axca ti': —Wal yel chi wal ayach, a mac manchak alji yet cayelal, maj je' yoc yul k'ab Dios, ẍi bay. 4 Axa k'anlen Nicodemo tu' bay axca ti': —A junok icham animaxa, ¿tzet wal chi yun yalji yet is cayelal? Tok okto je' yoc yin is txutx junelxa, cax chi alji paxok, ẍi bay. 5 —Wal yel chi wal ayach, a mac c'am chi alji yuj aej, c'al yuj Yespíritu Dios, maj je' yoc yul k'ab Dios. 6 A mac yin anima chi alji, naba animac'al toni, palta a eb chi alji yuj Yespíritu Dios, espíritu chi yun yeloc eb. 7 Manchak c'ayaj a c'ul yujtol chi wala' tol yowalil chex alji yin k'inalej chi tit bay satcan. 8 A cak'ek' tzanc'al bay chi ca toji. Chi jab yec' mayayok, palta man jojtakok bay chi ca tita, tamwal bay chi ca toji. Axca ton cak'ek' tu', cayton tu' eb chi alji yuj Yespíritu Dios, ẍi Jesús bay. 9 —¿Tzetbil ok yun juntzan ti' xin? ẍi bay. 10 Axa yalon Jesús bay axca ti': —¿Tom manto ojtakok juntzan ti'? Palta sat meẍtol ach pax xol eb jet israelal. 11 Wal yel chi wal ayach, a tzet jojtak on, a chi jala'. A tzet chi jil on, a chi jal c'apaxok, palta ayex ti', c'am che cha' pax e yab tzet chi jal ayex. 12 Ta c'am che cha' e yab tzet chi wal ayex yuj tzetak yetal ay yulyibank'inal ti', ¿tom ok e cha' c'apax e yabej ta a tzetak yetal ay bay satcan chi waltek ayex? 13 C'amto junok mactxel maxax betajtok satcan. Axa in xin, a tu' titnak in, yujtol Chekbilintek yuj Dios xol eb jet animail. 14 Palta axca max yut locban aj Moisés jun yechel labaj bay tz'inan tx'otx', cay c'apax tu' ok yun waj locanok. 15 Ok in aj locanok, yet watx' a masanil mactxel chin aon oc yin is c'ul ok cha' eb k'inalej tol ayc'al yin tojbalk'inal. 16 Xiwil camc'ulal Dios yin anima bay yulyibank'inal ti'. Yuj tu', caxc'al jun in ch'an c'otan ayin is C'ajol in ti', palta max quin yatek, yet watx' a masanil mac chin aon oc yin is c'ul, c'am chi c'aycan el is k'inal eb, palta a ti yet eb, tol chi yican eb is k'inal tol ayc'al yin tojbalk'inal. 17 Ayin ti', C'ajol in ton Dios. Man yujok ul wak'on low yin anima, xan max quin yatek bay yulyibank'inal ti', palta yuj ul in colon el eb. 18 A mac chin aon oc yin c'ul, manxa ok tok bay yailal, palta a eb c'am chin aon oc yin c'ul xin, ayxa yailal yiban eb, yujtol maj yaoc eb c'ul win, asan in pax ch'an C'ajol in Dios. 19 Ayin ti', max quin ayol yulyibank'inal ti', yuj ul wak'on sakk'inal bay eb anima, palta ay eb c'am chi ochen jun sakk'inal ti'. Yuj tu' xan okc'al cancan yailal yiban eb. Asan k'ekk'inal chi yochej eb, yujtol asan yobtakil chi el yunen eb. 20 A masanil eb chi unen yobtakil, maj yochej eb jun sakk'inal ti'. C'am chi yal c'ul eb chi cha', yujtol chi xiw eb ta chi txecloj el juntzan tzet man watx'ok chi el yunen eb tu'. 21 Palta a eb chi iken axca wal yalon jun cuybej acaw wal yel, chi cha eb jun sakk'inal ti', yet watx' chi txecloj elok, tol ayoc Dios yetok eb yin tzet chi yunej, ẍi Jesús bay Nicodemo tu'. 22 Max lajwi tu', max el Jesús yetok eb is cuywom bay Jerusalén, max toj eb yul makbej Judea, axa yayji ec' Cham jayeb c'u yetok eb bay tu'. Axa yak'lay bautizar eb anima yuj eb cuywom tu'. 23 Chi ak'wi c'apax bautizar Juan bay jun lugar chi yik Enón, bay cawilal Salim, yujtol xiwil aej bay tu'. Chi jayc'al eb anima bay, cax chi ak'lay bautizar eb yuj. 24 Yet c'amto chi alay oc Juan tu' yul preso, cax max yunenc'al juntzan tu'. 25 Ay jaywan eb is cuywom Juan max teyelej ba yetok eb yet israelal, yuj tzet chi yut watx'nen ba eb anima atac'ala' yalon ley. 26 Xan, max bet yal eb axca ti' bay Juan: —Meẍtol, a jun ec'lejnak etok bay k'axepaltok a' Jordán, jun max al ayon, a Cham tu' lanan yak'on bautizar eb anima tinani'. Xiwil eb lanan yapni bay, ẍi eb bay Juan tu'. 27 Axa yalon bay eb tu': —C'am junok mactxel comonc'al chi oc yopiso, ta manak Dios chi ak'on bay. 28 Ayex ti' max e yab waloni, tol mayinnak Cristo in. Ayin ti', toc'al babel chekbilintek is satak. 29 K'inalok ay junok nupayil chi oc tinani', a nak chi nupayi, chi yi nak ix t'inanc'alta' yioni. A yamigo nak ayic' yetok, chi yechbanej yaben k'anjab nak chi nupay tu'; a yet chi yabeni, caw wal chi tzaloji. Cayton tu' in tzaloj tinani', yujtol lanan yapni eb anima bay Jesús. 30 Yowalil a Jesús chi texac'al aj can yopiso, axa in xin, c'ojanc'ulal chi aycan tananok wopiso, ẍi Juan bay eb is cuywom tu'. 31 A jun aynaktek satcan, yajaw yayji yiban masanil anima. Axa ayon aj yulyibank'inal on ti', anima onc'al el co masanil. Asan yet yulyibank'inal ti' chi jala'. Palta jun aynaktek satcan tu xin, Yajaw yayji jiban co masanil. 32 A tzet abbil yuj, yetok tzet ilbil yuj, a' chi yala', palta c'am wal mac chi chaon pax aben bay. 33 Ta ay eb chi chaon yab bay Cham, chi yak' testigoal ba eb yin, tol caw wal yel chi yal Dios. 34 Yujtol a Cham tu', a Dios cheknejtek. Yuj tu' xan a k'anej Dios chi yala'. Tz'akaki chi yun yak'on Dios Yespíritu bay Cham. 35 C'ajol co Mam Dios Cham, caw wal camc'ulnebil yuj. Yuj tu' xan, a is Mam tu' anej oc masanil tzet yetal yul is k'ab. 36 A mac chi yaoc c'ul yin Cham C'ajol Dios tu', ay is k'inal tol ayc'al yin tojbalk'inal. Palta a mac c'am chi yaoc c'ul yin Cham xin, maj cha eb k'inalej tol ayc'al yin tojbalk'inal. A ti yet eb, tol aytek yowal c'ul Dios yiban eb.
1 Max yaben aj eb fariseo k'umal tol ec'banxa bisil eb cuywom Jesús yintak eb yet Juan. Ec'ban c'apax eb max yak' bautizar. 2 Manak Jesús max ak'on bautizar eb, a eb is cuywom chi ak'wi bautizar. 3 A yet max yaben Jesús tol max yabaj eb fariseo jun tu', max el bay Judea tu', cax max meltzoj bay Galilea. 4 Yowalil a yul yet Samaria chi ec' yet chi toj tu'. 5 A yet ay wal ec' Jesús yul yet Samaria tu', max apni oc bay jun conob chi yik Sicar. A bay tu' ay jun tx'otx' ak'bilcan yuj Jacob bay jun is c'ajol chi yik José. 6 A tu' ay jun uc'bala' jotbilcan yuj Jacob. Chuman mi c'u max apni oc Jesús ti a' uc'bala' tu'. Yujtol c'unbinakxa yuj beyil, xan max ay chotan ti a' tu'. 7 Axa eb cuywom xin, max toj eb man jabok lobej yet is chuman bay jun conob cawilal jun uc'bala' tu'. A yet ay tok eb tu', max jayoc jun ix ix aj Samaria ul yion ajtek ya'. Axa yalon Jesús bay ix axca ti': —Ak' jabok a' aej ti' wuq'uej, ẍi bay ix. 9 Axa yalon ix bay axca ti': —¿Tzet chi yal tu' oj, tol aj Samaria in, ix in paxoj, axa ach ti' israel ach cha k'anon pax aej oc' ayin? ẍi ix bay. Caytu' max yut k'anjab ba ix bay, yujtol a eb israel c'am chi chalej ba yak'on eb yetok eb aj Samaria tu'. 10 Max lajwi tu xin, axa yalon Jesús bay ix axca ti': —Chin k'an jabok aej wuc' ayach, palta man ojtakok mac in txel. Man ojtakok c'apax tzet chi yochej c'ul Dios chi yak'a'. K'inalok ta ojtak, chi mi a k'an ayin, cax chi wak'on jun a' aej chi ak'on k'inalej ayach, ẍi Jesús bay ix. 11 Max yalon ix axca ti': —Mamin anima, tok ay a net chak' ion ajtek a'. Caw wal najat ayaytok a'. ¿Baytal ay a' chi ak'on k'inalej chal tu xin? 12 A jichmam Jacob, a a' ti' max yuc' yetokc'al yuninal c'al no no' jobbil yuj. A yet max cami max can jun uc'bala' ti' ayon. Tokwal yelxac'al miman elapnok yintak Jacob tu', ẍi ix bay. 13 Yuj tu' xan max yal bay ix axca ti': —Tzanc'al mac chi uq'uen jun aej ti', chi tit is takintial junelxa. 14 Palta a eb chi uq'uen jun aej chi wak'a', c'amxa bak'in chi tit is takintial eb junelxa. Yujtol a jun aej chi wak' tu' chi el yakan a', cayc'al ti' yaj wornaj a' bay yanimail eb, cax chi yak'on a' k'inal eb yin tojbalk'inal, ẍi Jesús bay ix. 15 Axa yalon ix bay tu': —Mamin, ak' a' aej chal tu' ayin, yet watx' c'amxa oxlajon bak'in chi tit in takintial, cax manxa yowalilok chi ul wi' wet bay jun uc'bala' ti', ẍi ix bay. 16 —Asi', cax cheontek echamil, cax chex jay e cawanil cayti', ẍi Jesús bay ix. 17 —C'am wichamil, ẍi ix bay. —Yel ton chala', c'am echamil tinani'. 18 Owan echamil max ec'lej. A nak bay ayach ec' tinani', man ton echamilok nak. Yuj tu' xan yel ton chala' tol c'am echamil, ẍi bay ix. 19 Lajwic'al yaben ix tzet max yal Jesús bay, max yalon ix bay Cham: —Mamin anima, chekbej ach Dios chi wila'. 20 A eb jichmam, ayon aj Samaria on ti', a bay jun witz ti' chi ul yal ba eb bay Dios. A pax ayex israel ex ti xin, atac'al bay Jerusalén yowalil chi toj e yiay e ba bay Dios e yala', ẍi ix. 21 Axa yalon Jesús bay ix ix tu' axca ti': —Txo ix, chaab tzet ok wal ayach. Ay jun tiempoal ok jayok tol manxanak bay jun tzalan ti' ok ul e yiay e ba bay co Mam Dios. Tamwal yowalil ok exto tok c'apax bay Jerusalén tu'. 22 A ayex aj Samaria ex ti', che yiay e ba bay Dios e yaloni, palta man e yojtakok pax Dios. A pax ayon israel on ti', caw wal jojtak co Diosal bay chi jal co ba. A co xol ok eltek jun Colwajwom. 23 Ay eb tol a bay co Mam Dios chi yal ba yin yel. Mayal jay tiempoal yion ay ba eb yetok yanimail c'al yin yel. Yujtol cayton tu' chi yochej co Mam Dios chi yun yion ay ba eb anima bay. 24 A Dios, Espíritu toni; yuj tu xin, ta ay mac chi yal ba bay, yowalil chi yal ba eb yetok wal yanimail c'al yin yel, ẍi Jesús bay ix. 25 Max yalon ix bay: —Ayin ti', wojtak tol ay jun Cham Mesías, a ton Cham Cristo ok jayok. A yet ok jay Cham tu', jichanc'al ok yut yalon masanil tzet yetal ayon, ẍi ix bay. 26 —Tokwal macto txel; ayin ton lanan in k'anjab etok ti', ẍi bay ix. 27 A wal lajwi yalon Jesús juntzan tu', axa jayoc eb is cuywom tu'. Caw wal max c'ayaj c'ul eb yet max yilon eb tol chi k'anjab Jesús yetok jun ix ix, palta c'am junok eb max k'anlen el bay tzet chi yochej c'ul chi k'anlej el bay ix, ma tzet chi yal yetok ix. 28 Lajwi tu' max bekoncan ix is moc ti a' tu', cax toj ix yalon yab eb anima yul conob tu' axca ti': 29 —Ay jun winak, pilan yojtak masanil tzet chi el wuneni. Mayal yaltek masanil. Tonek wetok, tonek jila'. ¿Manmilajnak Cristo ti'? ẍi ix bay eb. 30 Yuj tu xin, max toj eb aj conob tu' bet yilon bay ayic' Jesús. 31 A yet c'amto chi jayoc eb anima tu' bay Cham, max yalon eb is cuywom tu' bay axca ti': —Mamin, lowan jabok, ẍi eb bay. 32 Axa yalon bay eb tu': —Ay in lobej, palta man e yojtakok, ẍi bay eb. 33 A yuj tzet max yal tu', xan max c'oli k'anlen ec' eb xol: —¿Xin ta ay mac max ul ak'oncan is lobej? ẍi eb. 34 Axa yalon Cham bay eb tu': —Caw wal chi wochej chi wun tzet chi yochej c'ul Cham cheknejintek. Wochwan chin watx'nej el is mulnajil max yaoc yul in k'ab. A yet chi wunen jun tu', axca tol a' chi oc in lobejok. 35 Ayex ti', canebto xajaw, catatu' chi oc jooj trigo e yaloni, palta ayin chi wal ayex: Ilabi, mayal jay tiempoal jolayi. A yuj eb tolto ok in chaonok, xan chi wal axca tu'. 36 Ay eb ec'nakxa mulnaj xol eb, axca mac chi tzicwi ay trigo. Ay c'apax eb chi mulnaj xol eb axca tol joom trigo eb, yet watx' chi cha' eb anima ti' jun k'inalej tol ayc'al yin tojbalk'inal. A eb chi mulnaj tu', ok cha' eb paktzil jun is mulnajil tu', yet watx' jun lajanc'al ok yun tzaloj eb masanil. 37 Xan yel ton ta' chi yal jun k'anej: Tx'ok eb chi tzicon ay trigo, tx'ok c'apax eb chi joon aj ixim, ẍi. 38 Chex in chektok mulnaj xol anima axca junok joom trigo. Palta mayexnak babel mulnajwom ex xol eb. Tx'ok eb babel mulnajwom xol eb axca junok tzicom ay trigo. Ayex ti', axca tol toxac'al ok e jo' tzet awbil yuj eb tu', ẍi Jesús bay eb. 39 A bay jun conob yul yet Samaria tu', xiwil eb max yaoc c'ul yin Jesús, yujtol max yal jun ix tu' xol eb axca ti': Pilan yojtak tzet chi el wuneni, max yal ayin masanil, ẍi ix bay eb. 40 Yuj tu' max yal eb ta chi el yin c'ul Jesús chi can yetok eb yul is conob tu'. Yuj tu' xan max ayji ec' cab c'ual yetok eb. 41 Xiwiltoc'al mac max yaoc c'ul yin Cham yet max yaben eb tzet max yal Cham. 42 Axa yalon eb bay ix ix tu': —A yet babelal, a yuj tzet max al ayon, xan max jaoc co c'ul yin Jesús. Axa tinani xin, a wal caw Cham max alon ayon. Yuj tu' xan max co watx' anejxac'al oc co c'ul yin tinani', caw wal jojtakxa sic'libil, tol a Cham ti', wal yel, a ton co Colomal co masanil ayon cajan on bay yulyibank'inal ti', ẍi eb bay ix. 43 Lajwi yec' cab c'u bay Samaria tu', max toj Jesús bay Galilea. 44 Yalnakxata' can yuj Cham, tol c'am yelapnok junok chekbej Dios yul sat eb yet conob. 45 A yet max apni bay Galilea tu', caw wal tzalojc'ulal max yun chalay apnok yuj anima, yujtol a yet max betic' eb iloj k'in Pascua bay Jerusalén, a tu' max yil eb tol xiwil tzet max bet yun Cham bay tu'. 46 Max apni oc Jesús bay jun conob chi yik Caná, bay yul yet Galilea tu', bay max q'uexpoj oc a' aej yin vinoal yuj. Axa bay junxa conob chi yik Capernaum, ay jun cham yajaw caw wal ya'ay jun is c'ajol. 47 A yet max yaben cham anima tu' tol a Jesús petoj bay Judea, max apni bay Galilea tu', max bet tewok bay Cham, tol chi toj Cham yetok bay yatut, yuj toj yak'on jay c'ul is c'ajol ya'ay tu', yujtol ijan chi el c'ul nak. 48 Palta max yal Jesús bay cham anima tu' axca ti': —Ta c'am che yil juntzan milagro, tol chi tx'oxon el wikbej, tok che yaoc e c'ul win, ẍi bay. 49 Axa yalon cham yajaw tu' bay Jesús axca ti': —Mamin, ton wal wetok yin ayman, yak'ban iquisto jun in c'ajol tu', ẍi bay. 50 —Paxan. A nak a c'ajol tu' ok jay c'ul nak, ẍi bay cham. Max yaoc cham yin c'ul tzet max yal Jesús bay, axa meltzoj bay yatut tu'. 51 Yulxa be max chalej ba yetok eb is moso. Max yalon eb bay axca ti': —Mayal jay c'ul a c'ajol tu', ẍi eb bay. 52 Max k'anlen bay eb axca ti': —¿Jantak hora max oc waan yilya' tu'? ẍi bay eb. —Ewitax yet tz'eymoj c'u max sicbi jun k'ak' tu' yin, ẍi eb bay. 53 Axa naontek cham tu', tol wal tz'eymoj c'apax c'u max yalon Jesús bay axca ti': A nak a c'ajol tu', ok jaycan c'ul, ẍi. Yuj tu' xan max yaoc cham c'ul yin Jesús, c'al yetok eb ay bay yul yatut. 54 A ton jun yet is cab milagro tx'oxbanil el is yikbej ti'. A yet petoj bay Judea yet max apni bay Galilea max yunen jun ti'.
1 Max lajwi tu xin, axa toj Jesús bay Jerusalén tu', max toj yilon jun k'in eb yet israelal. 2 A bay Jerusalén tu', ay jun aej pean ajok, Betesda bi yin is ti' eb israel. A cawilal puertail bay chi oc no calnel, a tu' ay jun aej tu'. A bay tilak jun aej tu', ay oyeb lanchu c'am yichlak. 3 Xiwil eb ya'ay telan octok yulak juntzan lanchu tu'. Ay eb c'am chi je' yilwi. Ay eb c'am chi je' beyi. Ay c'apax eb sicbinak el is mimanil. 5 A bay tu' ayic' jun winak 38 abilxa tol ya'c'al ay. 6 Max yilon Jesús tol telan ay sat tx'otx', cax max yojtaknen elok tol najatilxa tiempo caytu' yayji nak, xan max k'anlej bay nak axca ti': —¿Chi mi ochej chi jaycan a c'ul? ẍi bay nak. 7 Axa tak'wi nak tu': —Matawal chi je' Mamin, palta a yet chi bilaj sat a' aej ti', c'am mac chi ok' c'ul win quin yaon aytok yul a'. Junjun el a yet chi wak'len in toj yul a', tx'okc'al mac chi babji yaytok in satak, ẍi nak bay Cham. 8 Yuj tu' xan max yal Cham bay nak axca ti': —Ajan wanok, iaj a wayub, beyan, ẍi Cham bay nak. 9 Ayman max jaycan c'ul jun winak tu'. Max yion aj is wayub, max c'oli beyi. Asan tol c'ual xewilal yet tu'. 10 Yuj tu' xan ay jaywan eb yajaw bay Judea max alon bay nak max jaycan c'ul tu' axca ti': —A tinani', c'ual wal xewilal. Caw wal c'am leyal ekon bey a wayub ti', ẍi eb bay nak. 11 —A Cham max ak'on jaycan in c'ul, a max alon ayin axca ti': Iaj a wayub, beyan, ẍi ayin, ẍi nak bay eb. 12 Yuj tu' xan max k'anlej eb bay nak axca ti': —¿Mactxel jun max alon ayach tol cheaj a wayub tu' cax chach beyi? ẍi eb bay nak. 13 Palta man yojtakok nak mactxel max ak'on jaycan c'ul tu'. Yujtol xiwil anima ayic' bay tu', xan maj yil nak bay max k'okc'ay ba Jesús xol anima. 14 Ato yet junelxa, max yil-len el ba Jesús yetok nak yul templo Dios, cax max yalon bay nak axca ti': —Ilabi. A tinani' watx'xa a c'ul. Manchakxa on yobtakil, yet watx' c'amxa chi jay junok yailal yel miman eban, ẍi bay nak. 15 Axa toj nak yalon bay eb yajaw tu', tol a Jesús max ak'on jaycan is c'ul. 16 Yuj tu xin, caw wal max oc eb ajc'ulal yin Jesús, yujtol a yet c'ual xewilal max yun jun tu'. 17 Palta max yal Jesús bay eb aj Judea tu' axca ti': —A in Mam, c'am bay chi oc wanaj mulnaji, yuj tu' xan ac'ala' in mulnaj c'apax ayin ti', ẍi bay eb. 18 A yet max yalon Jesús axca tu', max yochejxac'al eb max yak' camok, man asannejok yuj maj yikej c'ual xewilal, palta yuj c'apax max lajbaj ba yetok Dios, yet max yalon oc Dios is Mamok. 19 Max yalon pax Jesús bay eb axca ti': Wal yel chi wal ayex, ayin C'ajol Dios in ti', c'am tzet chi je' wunen in tx'oklil. Asan tzet chi wil watx'nen in Mam, asan chi wunej. Masanil tzet chi yun in Mam tu', chi wun c'apax ayin ti'. 20 Chin camc'ulnelay yuj in Mam. Masanil tzet chi el yuneni, chi tx'ox ayin. Ayto wal juntzanxa tzet ok tx'ox ayin, ok c'ayaj e c'ul yet ok e yiloni. 21 Yujtol a in Mam chi je' yak'on ictzoj aj eb camnak, cax chi yak'on k'inal eb. Cayin c'apax tu' ayin C'ajolej in ti'. Ta ay eb chi wochej chi wak' is k'inal, chi wak'a'. 22 A in Mam, c'am junok anima chi beyc'ulnej, palta ayin C'ajolej in ti', ayin max yak'can wopiso in beyc'ulnen eb masanil. 23 Max yak'can in Mam wopiso yet watx' lajan welapnok yetok in Mam yul sat masanil anima. Ta ay mac c'am welapnok yul sat, c'am c'apax yelapnok in Mam yul sat, yujtol a cheknejintek. 24 Wal yel chi wal ayex, a mac chi aben in k'anej, cax chi yaon oc c'ul yin Cham cheknejintek, a ton eb chi yican is k'inal tol ayc'al yin tojbalk'inal. Majxa tok eb bay yailal, yujtol mayal colchajcan el eb yul k'ab camich, cax max chaoncan eb is k'inal tol ayc'al yin tojbalk'inal. 25 Wal yel chi wal ayex, a tinani' mayal jay tiempoal yaben eb camnak yaj waw ayin C'ajol in Dios ti'. A eb chi ikeni, a ton eb tu' ok cha' is k'inal tol ayc'al yin tojbalk'inal. 26 Yujtol a in Mam iquisc'alta' yul yet. Max yak' c'apax can jun ikbej tu' ayin, tol ay wiquisal yul wet. 27 Max yak' c'apax can wikbej in beyc'ulnen masanil anima, yujtol ayin ton Chekbilintek yuj Cham xol eb jet animail. 28 Manchak c'ayaj e c'ul yuj juntzan tzet chi wal ayex ti', yujtol ay jun tiempoal yet yajtok tu' ok yab eb mukanxa yaj waw. 29 Axa yaj wan eb tu'. A eb watx' tzet max ec' yun bay yulyibank'inal ti', ok ictzonelay aj eb, axa chaon eb is k'inal tol ayc'al yin tojbalk'inal tu'. Axa eb yob max ec' yut ba xin, ok ictzonelay c'apax aj eb, palta ok tokcan eb bay yailal yin junelnej. 30 Ayin ti', c'am junok tzet yetal chi je' wunen yul wet. Axca chi yut yalon in Mam ayin, caytu' chi yun in beyc'ulnewi. Bayc'al ijan chi yun in beyc'ulnewi, yujtol manak tzet chi cha in c'ul chin saya', palta a tzet chi cha c'ul Cham cheknejintek, a ton in Mam. 31 Ta ayinc'al chi wak' testigoal in ba, yet chi waloni tol ay wikbej, c'am yelapnok tzet chi wal tu'. 32 Palta ay wal junxa chi yak' ba testigoal yin wikbej. A jun tu', wojtak tol caw yel chi yala'. 33 A yet max bet e yak' k'anlelay el bay Juan tzet yikbej, yelc'al tzet max yal win tu'. 34 Ayin ti' c'am chi waoc yipok in c'ul tzet chi yal anima win. Toc'al chin jek e na' tzet max yal Juan ayex, yet watx' chex colchaji. 35 A Juan tu', lajan axca junok tzektebal ow chaw yakan, yuj tu', max ex tzaloj jayeb c'u yetok. 36 Palta ay wal tzet ec'ban yelapnok yintak is k'anej Juan tu'; a' chi tx'oxk'abnen el wikbej. Yujtol a juntzan tzet yetal chi yak' in Mam wunej, a chi wunej. Caytu' chi yun txecloj elok tol a in Mam tu' cheknejintek. 37 Yetok c'apaxok, a in Mam, Cham cheknejintek tu', chi yak' ba testigoal win. Ayex ti', c'am junelok max e yab yoc yul nuk' k'anjabi. C'am bay max e yil yin junelok. 38 Maj e yaoc is k'anej yin e c'ul, yujtol maj e yaoc e c'ul win, ayin chekbilintek yuj ti'. 39 Yelc'ulal ton che cuy tx'an Un Tz'ibbilcanok, yujtol a e naoni, tol a tu' ok ilchaj e k'inal tol ayc'al yin tojbalk'inal, palta caxc'al chi yaltek tx'an Un tu' wabixal, 40 c'am chi yal e c'ul chex jay pax ayin yet che cha e k'inal tu'. 41 C'am yelapnok yul in sat watx'ilal chi yal eb anima win. 42 Ayex ti', wojtak e nabal, c'am che camc'ulnej Dios. 43 Ayin ti', a in Mam cheknejintek, palta c'am chin e cha'. Ta ay junokxa mactxel chi jay yul yet, a jun tu' bian, ok e cha'. 44 Ayexc'al oc che mimannej e ba junjun ex, cax c'am che yochej chex mimanbilnelay yuj Cham Dios acaw yel, xan tokwal ok je' in e yaon oc yin e c'ul. 45 Manchak e na' tol ayin ok walaj e yobtakil bay in Mam. Ay junxa ok alon aj e yobtakil bay, a ton Moisés, cham che tz'ak e yaoc yipok e c'ul. 46 K'inalok ta che yaoc yin e c'ul tzet tz'ibbilcan yuj Moisés tu', chi mi e yaoc e c'ul win, yujtol wabixal max tz'ibejcanok. 47 Ilab c'am che yaoc yin e c'ul tzet tz'ibbilcan yuj tu', xan ¿tzet wal ok e yut e yaon oc yin e c'ul yin tzet chi wala'? ẍi Jesús bay eb.
1 Lajwi tu xin, max toj Jesús bay junxa k'axepal a' mar Galilea. Chi yik c'apax a' mar tu' Tiberias. 2 Xiwil anima max oc tzakan yintak, yuj max yil eb juntzan milagro max tx'oxo', yet max yak'on jaycan c'ul eb ya'ay. 3 A Jesús max toj yetok eb is cuywom bay jun tzalan, cax max ay chotan yetok eb bay tu'. 4 Toxa chi jay tiempoal is k'in Pascua eb yet israelal yet tu'. 5 Axa max yilon Jesús xiwil anima chi jayoc bay. Yuj tu' max yal bay Felipe axca ti': —¿Baytal laj ok co man low juntzan anima ti'? ẍi bay. 6 Palta toc'al max k'anlej axca tu', yet watx' chi yabej tzettax chi yal Felipe tu' bay, yujtol yojtakxa Cham tzet ok yutej. 7 Axa tak'wi Felipe tu' bay axca ti': —Caxc'al mi ay 200 denariook loj ayic' juj, tok ok yab xol eb, cax chi yion eb masanil jab jabok yet, ẍi. 8 Palta ay junxa cuywom Jesús chi yik Andrés, yuẍtak ba yetok Simón Pedro, a' max alon bay Jesús axca ti': 9 —Ay jun nak unin ayic' co xol ti', ay oyeb is pan cebada nak ibil, yetok cac'on is yaliẍ txay, palta tokwal ok yab jab ti' xol masanil anima. Ilab caw wal xiwil eb, ẍi bay Jesús. 10 Max lajwi tu xin, max yalon Jesús bay eb is cuywom tu': —Alek bay eb anima tu', tol chi ay chotan eb masanil, ẍi bay eb. Max yiken eb yay chotanok. Ay mi oyebok mil winak. A jun lugar bay ayic' eb tu', ay yac'unal. 11 Max chaon ec' Jesús ixim pan tu', cax max yalon yuj diosalil bay Dios yuj ixim. Max pojon ec' xol eb is cuywom tu', axa eb max ec' pojon xol eb max ay chotan tu'. Cay c'apax tu' max yut no txay, yalc'al jantak max yochej c'ul eb. 12 A yet max xew low eb sic'libil, max yalon Jesús bay eb is cuywom tu' axca ti': —Siq'uek aj masanil ixim bijquiltakil maxto cani, yet watx' c'am jabok ixim chi etaxi, ẍi bay eb. 13 A yet max lajwi ec' yion aj eb ixim, lajcawebto motx max nojcan yuj sobrail ixim oyeb pan cebada tu'. 14 Masanil eb anima tu' max ilon jun milagro max tx'ox Jesús, yuj tu' xan max yal eb: —A ton jun chekbej Dios ti' echbanebil jay juj bay yulyibank'inal ti', ẍi eb. 15 Palta yojtakxa Jesús tol chi yochej eb chi mitx'a', cax chi yak'on pural eb yaon oc is reyalok; yuj tu' max el xol eb, axa toj tx'oklil bay jun tzalan tu' junelxa. 16 Axa yet lananxa k'ekbi, max toj eb cuywom Jesús ti a' mar. 17 Max oc eb yul barco, max t'inlonen ec'tok ba eb bay conob Capernaum bay ti a' mar tu'. Caw wal k'ektaninakxa yet max toj eb. A pax Jesús xin, c'amto chi jay bay eb. 18 Ipan bey eb yiban a' tu', cax max tit jun miman cak'ek' caw wal ow. Axa yaj pomnaj a' mar tu' yuj jun miman cak'ek' tu'. 19 Ayxam nanok is cab leguaxa bay ay eb, max yilontek eb tol ipan yapni oc Jesús yintak eb. Toc'al chi bey yiban a'. Yuj tu', caw wal max xiwaj eb. 20 Palta max yal Cham bay eb axca ti': —Ayin toni, manchak ex xiwi, ẍi bay eb. 21 Catatu' yin masanc'ulalil max chaon octok eb Cham yul barco yetok. Ayman max ec' apnok eb k'axepal a' mar bay lanan toj eb tu'. 22 Ayc'al ec' eb anima max ak'lay low tu' yin yewial bay junxa k'axepal ec' a' mar. Axa naontek eb tol junch'an te barco k'axpojnak ec'ok. Max yil eb tol asan ch'an eb cuywom Jesús max toj yul te', cax maj octok Jesús yetok eb. 23 Palta ay juntzan te barco max tit bay conob Tiberias, cax max jayoc te' cawilal jun lugar bay max lolay ixim pan yet max yak'on Cham Jajawil yuj diosalil yuj ixim. 24 Axa yilontek ba eb anima tu', c'amxa ec' Jesús yetok eb is cuywom xol eb. Axa yoc eb yul juntzan barco tu', cax max toj eb sayon ec' Cham bay conob Capernaum. 25 Axa yet max ec'apnok eb anima tu' k'axepal ec' a' mar tu xin, max ilchaj oc Jesús yuj eb. Axa k'anlen eb bay tu' axca ti': —Meẍtol, ¿bak'ini max ach jay cayti'? ẍi eb bay. 26 Axa yalon bay eb tu': —Wal yel chi wal ayex, asan yuj max noj e c'ul yuj max wak' pan e lo', xan chin ul e sayic'ok. Man yujok tol max e yil juntzan milagro max in tx'oxo'. 27 Manokabnak tzet chi co lo' che yaoc e nabal e sayoni, yujtol toc'al chi lajwi ayok. Ay wal junxa tzet yetal axca tzet chi co lo' tu', palta c'am bak'in chi lajwi. A chi ak'on e k'inal tol ayc'al yin tojbalk'inal. Yuj tu' xan aokab jun tu' che yiajtek e c'ulok e sayoni. Ayin ok wak' jun tu' ayex, yujtol Chekbilintek yuj Dios xol eb jet animail; max in tx'oxk'abnej c'apax el co Mam Dios, ẍi Jesús bay eb. 28 Axa k'anlen eb bay tu': —¿Tzet chi yun jiken jun tzet chi yochej c'ul Dios chi jun tu xin? ẍi eb bay. 29 Tix chi yut yochen Dios che yun ti': Chi yochej tol che yaoc e c'ul win, yujtol Chekbilintek yuj, ẍi Jesús bay eb. 30 Lajwi yaben eb jun tu', max k'anlen pax eb bay junelxa axca ti': —¿Tzet wal milagroal junok cha tx'ox ayon xin, cax chi jaon oc co c'ul en? ¿Tzet chi je' oj? 31 A eb jichmam, ay jun milagro ilbil yuj eb yet payxa, yet max loon eb maná bay tz'inan tx'otx', axca yalon tx'an Un Tz'ibbilcanok: A' anejtek satcanil loj yuj loon eb, ẍi tx'an Un tu', ẍi eb bay Jesús. 32 Yuj tu' xan max yal Jesús bay eb: —Wal yel chi wal ayex, manak Moisés ak'nej jun satcanil loj tu' bay eb, palta a in Mam, a' chi aontek jun acaw loj chi tit satcan tu'. 33 Yujtol a jun loj chi wal tol chi yak' Dios ti', a bay satcan max aytek. Ay eb bay yulyibank'inal ti' ok cha' k'inalej tol ayc'al yin tojbalk'inal yuj, ẍi Jesús bay eb. 34 —Mamin, ak'c'al jun loj tu' ayon masanil tiempo, ẍi eb bay Cham. 35 Axa yalon bay eb tu': —Ayin ton ti' axca wal loj wayji, yujtol ak'om in k'inalej. A eb chi jay ayin, c'amxa oxlajon bak'in ok tit is wajil eb. A eb chin yaoc yin is c'ul, c'amxa chi tit c'apax takintial eb. 36 Palta axca ta' max yun walon ayex, caxc'al chin e yila', tok yuj tu' che yaoc e c'ul win. 37 Masanil eb chi yak' co Mam Dios ayin, ok jayoc eb ayin. A eb chi jayoc ayin tu', c'am junok eb man ok in cha'. 38 Ayin ti' max in tit satcan yuj ul wunen yochwan Cham cheknejintek. Man yujok ul wunen wochwan yul wet, xan max in tita. 39 A in Mam cheknejintek, chi yochej c'ul tol c'am junok mac xol eb chi yak' ayin ti', ok c'aycan elok. Chi yochej tol ayin ok wak' ictzoj aj eb yet lajub c'ual. 40 Ayin ti', C'ajol in Dios; yuj tu', a masanil mac chin iloni, ta chin yaoc eb yin is c'ul, chi yochej in Mam chi cha'can eb is k'inal tol ayc'al yin tojbalk'inal. Yuj tu' xan ayin ok wak' ictzoj pax aj eb yet lajub c'ual tu', ẍi Jesús bay eb. 41 A yet max yaben aj eb aj Judea juntzan tu', yob max yal eb yin, yujtol max yal Jesús jun ti': Ayin ton axca loj wayji, cax a bay satcan max in aytek, ẍi bay eb. 42 Yuj tu' max yal eb axca ti': —Palta a nak ti', a ton nak Jesús, nak c'ajol José. Jojtak is mam c'al is txutx nak. Palta lanannaj yalon paxok tol a bay satcan max aytek yaloni, ẍi eb aj Judea tu'. 43 Axa yalon Jesús bay eb tu': —Manchak in e yalubtanej. 44 C'am junok mac toc'al chi yak' jay ba ayin, ta manak in Mam cheknejintek chi ion jayok. A eb chi jay ayin tu', ok wak' ictzoj aj eb yet lajub c'ual. 45 Ay jun xol eb chekbej Dios tz'ibnejcan ay axca ti': Cax ok cuylay masanil anima yuj Dios, ẍicanok. Yuj tu', masanil mac chi yacbaj txiquin yaben tzet chi yal co Mam Dios, ta chi nachaj el yuj eb tzet chi yala', ok jay eb ayin. 46 Man lananok waloni tatol ay junok mac max ilon yin co Mam Dios, palta ayin ti', a bay max in tita, cax asannej in wojtak yili. 47 Wal yel chi wal ayex, a mac chin yaoc yin is c'ul, ay is k'inal tol ayc'al yin tojbalk'inal. 48 Ayin ti' axca tol loj in, yujtol ak'om in k'inalej. 49 A eb jichmam, lobil maná yuj eb bay tz'inan tx'otx', palta max cam eb masanil. 50 A pax mac chi loon jun loj max aytek satcan tu xin, c'am oxlajon bak'in ok cam eb. 51 Ayin ton max in aytek satcan tu', lajan in axca loj, yujtol ak'om in k'inalej. Yuj tu', a mac chi loon jun ti', iquisc'al eb yin tojbalk'inal. A jun lajan axca loj chi wak' lolay tu', a ton in chibejal, ẍi Jesús bay eb. 52 Axa teyelen aj ba eb aj Judea tu' yuj tzet max yal tu', cax chi yalon eb axca ti': —¿Tzet ok yut yak'on jun winak ti' is chibejal co chi' is naoni? ẍi eb. 53 Axa yalon bay eb tu': —Wal yel chi wal ayex, ta c'am che chi' in chibejal ti', cax c'am che yuc' in chiq'uil ayin Chekbilintek yuj Dios xol eb jet animail ti', maj je' e chaon e k'inal. 54 Palta tzanc'al mac ok chion in chibejal ti', cax ok yuq'uen c'apax in chiq'uil ti', ay is k'inal eb yin tojbalk'inal. Ayinc'al oc ok wak' ictzoj aj eb yet lajub c'ual. 55 Yujtol a in chibejal ti', caw lajan axca loj, c'al in chiq'uil ti', lajan axca tzet chi uc'layi. 56 Tzanc'al mac ok chion in chibejal ti', cax ok yuq'uen c'apax in chiq'uil ti', chi ayjic'al ec' win, cax chin ayji c'apax ec' yin. 57 A co Mam Dios iquisc'al Cham yul yet, a Cham cheknejintek. Yuj Cham xan iquis in c'apaxok. Cay c'apax tu', a mac chi chion in chibejal ti', ok wak' is k'inal tol ayc'al yin tojbalk'inal. 58 A jun axca loj max aytek satcan chi waltek ti', man lajanok axca maná, tol lobil yuj eb jichmam yet payxa. Mimanok tol max lo eb, palta ilab camnak pax eb. Palta a mac ok loon jun axca loj ti', ok cha eb k'inalej tol ayc'al yin tojbalk'inal, ẍi Jesús bay eb. 59 A juntzan cuybanilej ti', a bay nail culto bay conob Capernaum, a tu' albil yuj. 60 A yet max yaben eb is cuywom juntzan k'anej tu', xiwil eb max alon axca ti': —Caw wal ya' yoc jun chi yal tu'. ¿Mac ok cha c'ul yabeni? ẍi eb. 61 Palta max yojtaknej el Jesús tzet yetal lanan yalon eb, yuj tu' xan max yal bay eb axca ti': —¿Tom chi somchaj el e nabal yuj juntzan k'anej chi wal ti'? 62 Akxa tatol che yil in paxaj bay max in tita, ayin Chekbilintek yuj Dios xol eb jet animail ti'. 63 A Espíritu chi ak'on k'inalej tol ayc'al yin tojbalk'inal, axa co mimanil ti xin, c'amc'al bay chi oc tz'aanok. A juntzan k'anej chi wal ayex ti', wal yel yet Espíritu. Yuj tu' xan a chi je' yak'on e k'inal tol ayc'al yin tojbalk'inal. 64 Palta ay jaywan ex c'am chin e yaoc yin e c'ul, ẍi Jesús bay eb is cuywom tu'. Caytu' max yut yalon Jesús bay eb axca tu', yujtol yojtakxa yet yichbanil mactak txel eb man t'inanok yaon oc c'ul yin. Yojtakxa c'apaxok mactxel jun t'inan yaon oc Cham yul k'ab camich. 65 Max yalon c'apax axca ti': —Yujtol ayex c'am che yaoc e c'ul win, yuj tu', max wal ayex, tol c'am junok mac toc'al chi yak' jay ba ayin, ta manak in Mam chi ion jayok, ẍi Jesús bay eb. 66 Yettaxc'al tu xin, xiwil eb is cuywom tu' max meltzoj yintak junelxa. Majxac'al yal c'ul eb max tzakloj yintak Cham. 67 Yuj tu', max k'anlej Jesús bay eb lajcawan is chekbej axca ti': —¿A pax ex ayex ti', ma che yochej chex meltzoj e yintak c'apaxok? ẍi bay eb. 68 Xan max tak'wi Simón Pedro tu' bay axca ti': —Mamin, ¿mac wal junokxa ok on tok yetok? Yujtol a yin juntzan k'anej chal ayon ti', a tu' ay co k'inal tol ayc'al yin tojbalk'inal. 69 Ayon ti', toxa max ach jaoc yin co c'ul. Jojtak tol ach ti', Sic'bil ach el yuj Dios, ẍi Pedro bay. 70 Axa yalon Jesús bay eb axca ti': —Ayex lajcawan ex ti', ayin max ex in sic'can elok, palta ay jun e xol tol chekbej diablo yayji, ẍi bay eb. 71 Yuj Judas c'ajol Simón Iscariote, xan cay tu' max yut yaloni, yujtol a Judas tu' t'inanc'alta' yalay oc Cham yul k'ab camich yuj, palta ti pax yet cuywomal ba yetok eb usluc'wanxa tu'.
1 Max lajwi tu', max c'oli yec'jab Jesús yulak yet Galilea; a pax yulak yet Judea xin, maj yal c'ul max eq'ui, yujtol a eb yajaw bay Judea tu', chi yochej eb chi yak' camok. 2 Palta c'uxanc'al tol lanan bey jay pax jun k'in eb israel chi yik k'inal Chinama. 3 Yuj tu' xan max yal eb yuẍtak Jesús bay axca ti': —Manchak ach ayji ec' cayti'. Asi' bay Judea, yet watx' chi yil c'apax eb a cuywom aj lugar bay tu' juntzan milagro cha tx'oxo'. 4 Ta ay junok mac chi yochej c'ul chi ojtaknelay el yuj anima, manak bay ewantak chi yunej. Yuj tu', cayokab tu' chot a ba. Ta yel ay milagro chi el oneni, yowalil cha tx'oxil a ba satak anima, ẍi eb bay. 5 Caytu' max tz'ak yal eb yuẍtak tu' bay, toltax ajun eb c'am chi yaoc c'ul yin Cham. 6 Axa yalon Jesús bay eb tu' axca ti': —Manto c'ualok in tx'oxon el in ba. Axa ayex xin, tzanc'al mi tzet c'ual chi je' e naoni. 7 A eb e yet aj yulyibank'inal ti', c'am chi je' chichonbi oc c'ul eb e yin, palta ayin ti' chi chichonbi oc c'ul eb win, yujtol chin tx'oxocok tol yob tzet chi el yunen eb. 8 Asek e tx'oklil bay jun k'in tu' ayex ti'. Ayin ti', maj into tok, yujtol manto c'ualok in tx'oxon el in ba, ẍi Jesús bay eb. 9 Cax max canc'alta' bay Galilea tu' yet max lajwi yalon axca tu'. 10 Axa yet mayal toj eb yuẍtak tu' bay jun k'in tu', max toj Jesús c'apaxok, palta yin ewantakil max yun yapni. 11 Caw wal max saylay ec' yuj eb yajaw bay Judea bay jun k'in tu': —¿Baytal laj ay jun winak tu'? ẍi eb, chi ec' eb. 12 Xiwil tzet chi al-lay yin Cham xol anima. Ay eb chi aloni: Caw wal watx' jun winak ti', ẍi eb; palta ay pax eb chi aloni: C'amak, yob, chi ilay aytek sat eb anima yuj, ẍi eb. 13 Ewantakil chi yal eb axca tu' yin sajwal tiejal, yujtol chi xiw eb, talaj chi yabaj eb yajaw bay Judea tu'. 14 Nan wal ayoc jun k'in tu', cax max oc Jesús yul yamak'il templo Dios. Axa c'oli cuywaj xol anima tu'. 15 Caw wal max c'ayaj c'ul eb israel ayoctok yul tu' yabxalwi, cax max yalon eb axca ti': —¿Tzet laj max yut yojtaknen el jun ti' juntzan chi yal ti', ti pax wal man cuywinakok? ẍixac'al eb. 16 Yuj tu xan max yal bay eb axca ti': —A juntzan cuybanilej chi wal ayex ti', man wetok, palta yet Cham max in chekontek. 17 Ta ay mac chi yal c'ul chi yun yochwan Dios, ok nachaj el yuj ta yet Dios juntzan cuybanilej chi wal ti', ma tol yulc'al wet chi waloni. 18 A mac tol yulc'al yet chi k'anjabi, chi yochej tol chi yi can ba, yet watx' mimanxac'al yelapnok naoni. Palta ayin ti', chi wochej tol a Cham max in chekontek, aokab Cham miman yelapnok yul e sat. Yuj tu' xan caw yel chi wala'. C'amc'al lek'tial chi wunej. 19 Ak'bilcan ley Dios ayex yuj Moisés, palta ilab c'am junok ex che yikej tzet chi yal jun ley tu'. ¿Tzet xan che yochej chin e yak' camok? ẍi Jesús bay eb. 20 Axa tak'wi eb anima bulan ec' tu' bay: —Ach ti' tekan ay junok espíritu yob ayoc en. ¿Mactxel junok chi ochen chach yak' cam tu' chela'? ẍi eb bay. 21 Yuj tu' xan max yal pax bay eb: —Asan yuj jun tzet max el wunen yet c'ual xewilal, xan caw wal max c'ayaj e c'ul yuj. 22 Atax eb jichmam yet payxa, a eb inejcan el yich jun beybalej chi yik circuncisión. Axa Moisés alnejcanok tol yowalil chi co beybalnej jun tu'. Yuj tu', caxc'al c'ual xewilal, che yak' circuncidar eb unin chi alji. 23 Yet watx' c'am che ten tzet chi yal ley Moisés tu', xan che yak' circuncidar eb unin tu' yet c'ual xewilal. ¿Tzet yuj xan chi tit pax e yowal win, yuj max wak' jaycan c'ul nak winak tu' sic'libil yet c'ual xewilal? 24 Manokab comonok chex beyc'ulnewi. Ta ay mac che beyc'ulnej, watx'okab che yut e beyc'ulneni, ẍi Jesús bay eb. 25 Yuj tu' xan ay jaywan eb aj Jerusalén max alon axca ti': —¿Manminak jun winak ti' chi saylay ec' yuj eb chi ochen chi ak'on camok? 26 Palta tix ayic' ti', lanan k'anjab co xol, c'amc'al tzet chi al-lay pax bay. ¿Chi mi na eb yajaw ti' tol a ton Cham Cristo? 27 Palta man cayok tu' axca tu', yujtol yet ok jay Cham Cristo tu', c'am mac ojtaknen bay ok ca titocok, palta jun winak ti', jojtak baytal max ca tita, ẍi eb. 28 A yet max yaben Jesús juntzan tu', lanan yak'on juntzan cuybanilej nan xol eb ayoctok yul yamak'il templo Dios, max yaliltek xol eb axca ti': —Yel toni, e yojtak in, cax e yojtak c'apax bay titnak in, palta man yulok wet max in jayi. A Cham acaw yel, a Cham max in chekontek, palta man e yojtakok Cham tu'. 29 A pax in xin, wojtak Cham, yujtol a tu' max in tita. A Cham cheknejintek, ẍi Jesús bay eb. 30 Lanan wal yalon juntzan ti', ay eb max ochen max aon oc preso, palta c'am junok mac max oc lacnaj yin Cham, yujtol manto c'ualok cam Cham. 31 Xiwil eb anima max yaoc c'ul yin, cax max yalon eb axca ti': —A yet ok jay Cham Cristo, ¿tom ec'ban milagro ok tx'ox yintak jun ti'? ẍi eb. 32 A yet max yaben eb fariseo tzet chi yal eb anima yin Jesús, tol ajun eb yetok eb yajawil eb sacerdote, max chekontok eb policía taynemal templo, yuj toj tit Jesús preso yalon eb. 33 Axa yalon Jesús axca ti': —Jayebxanej c'ual ayin ec' e yetok. Ok lajwok tu xin, ok in paxaj bay ay Cham max in chekontek. 34 Ayex ti' okto in e sayic'ok, palta man ok inxa ilchaj e yuj, yujtol man ok je' e yapni bay ok in apnok tu', ẍi bay eb. 35 Axa yalubtanen eb aj Judea tu' xol axca ti': —¿Baytal laj ok tok jun ti' xan chi yala' tol man ok ilchaj juj naoni? ¿A mi bay eb jet conob ayic' xol eb griego? Tekan chi yochej a tu' ok tok xol eb, cax chi toj cuywaj xol eb griego tu' naoni. 36 Ilab tol max yal ayon axca ti': Ayex ti', okto in e sayic'ok, palta man ok inxa ilchaj e yuj, yujtol man ok je' e yapni oc bay ok in apnok tu', ẍi ayon. ¿Tzet laj chi yal elapnok juntzan max yal ayon tu' tinani' xin? ẍi eb. 37 Axa jun c'ual yet lajub k'in, xiwil anima chi wajnaji. Yuj tu' xan ato yet lajub c'ual k'in tu' max aj wan Jesús nan xol eb, cax max yalon yin ipejal axca ti': —Ta ay ex ayex ti' caw wal che yochej Dios, axca tol ay e takintial yin, sebaxek ayin, cax che chaon tzet chi yochej e c'ul tu'. 38 Ta ayex che yaoc e c'ul win, axca wal tol ay junok aej ok ajol nuk' yin e yanimail, cax ok el yakan. A ton jun tu' ok ak'on e k'inal tol ayc'al yin tojbalk'inal, yujtol axca tu' yaloncan tx'an Un Tz'ibbilcanok, ẍi Jesús bay eb. 39 Caytu' max yut yalon axca tu', yujtol a eb chi yaoc c'ul yin Cham, chi cajbaj oc Cham Espíritu yin eb. A yet jun tiempoal tu', c'amto chi ak'lay Espíritu bay eb anima, yujtol manto paxaj Jesús bay satcan. 40 Lajwic'al yaben eb anima tu' tzet max yal Jesús, max yalon eb axca ti': —Wal yel, a ton jun chekbej Dios echbanebil jay juj ti', ẍi eb. 41 Ay pax eb max aloni: —A jun ti', a ton Cham Cristo, ẍi eb. —A jun Cristo tu', ¿tom aj Galilea axca jun ti' che na'? 42 Chi yal tx'an Un Tz'ibbilcanok, tol a Cham Cristo tu', a bay conob Belén yowalil chi alji, bay ec'nak David yet payxa, yujtol yinatil David, ẍi juntzanxa eb tu'. 43 Xan max teyelej ton aj ba eb anima tu' yujc'al Jesús. 44 Ay jaywan eb max ochen max aon oc Cham preso, palta c'am junok mactxel max oc lacan yin Cham. 45 Asan eb policía, eb taynemal templo Dios max apni oc tx'oklil bay eb fariseo, yetok bay eb yajawil eb sacerdote, tutun a eb tu' cheknej eb. Axa k'anlelay el bay eb tu': —¿Tzet yuj xan maj e yitek Jesús tu'? ẍi eb bay eb. 46 —Yujtol c'am wal junok mac chi apni k'anjab axca jun tu', ẍi eb policía tu'. 47 Axa yalon eb fariseo tu' bay eb axca ti': —¿Tom che yak' c'apax e ba etnelay ayex ti'? 48 ¿Ay mi junok eb co yajawil ti' chi yaoc c'ul yin? Ac'ala' ayon fariseo on ti', c'am junok on chi jaoc co c'ul yin. 49 Asan eb comon anima, eb man yojtakok jabok ley Moisés, asan eb chi yaoc c'ul yin, palta ay yowal c'ul Dios yiban eb tu', ẍi eb fariseo tu'. 50 Ay jun yet fariseoal eb tu' chi yik Nicodemo, jun betnak ec' k'anjab yetok Jesús yet yalantok. A jun tu' max alon bay eb axca ti': 51 —A yalon co ley, tol c'am leyal chi jaoc yailal yiban junok mactxel, ta manchak jab bay tzet is mul, ẍi bay eb. 52 Yuj tu' xan max yal pax eb bay axca ti': —¿Tom aj Galilea ach yetok jun winak tu'? Il yul tx'an Un Tz'ibbilcanok; a tu' ok ela', tol c'am junok chekbej Dios chi tit bay Galilea, ẍi eb bay. 53 Cax max paxcan junjun eb bay yatut.
1 A pax Jesús xin, max tojcan bay tzalan Olivolak. 2 Ato yet max k'inibi aj yet junxa c'ual, max jay pax bay templo Dios junelxa. A yet max jay tu', masanil eb anima max jay c'atan. Max ay chotan Cham cuyon eb. 3 Ay jun ix ix lanan wal mulji max michchaj elok, cax max yiontek eb fariseo c'al eb meẍtol yin ley Moisés ix ix tu' satak Jesús, c'al satak eb ayic' abxalwok bay Cham. 4 Cax max yalon eb bay Cham axca ti': —Meẍtol, a jun ix ti', lanan wal mulji yet max ilchaj elok. 5 A ley Moisés chi aloni, tol a eb ix ix caytu' beybal axca ti', yowalil chi k'okch'ennelay cam eb. Axa ach ti', ¿tzet cachi? ẍi eb bay. 6 Palta toc'al max tz'ak k'anlej eb axca tu', yuj yak'lay porobal Cham yuj eb, yujtol max yochej eb chi yak' queja Cham. A Cham xin, toc'al max ay nojanok, cax max tz'ibli ay yetok yiximal k'ab sat tx'otx'. 7 Axa k'anlen wal el eb bay tu' axca ti': —¿Tzet wal chi yun jun ti xin? ẍi eb bay. Yuj tu', max aj wanok, cax max yalon bay eb axca ti': —Ta ay junok ex c'am jabok e mul, aokab jun tu' chi babji k'okon oc ch'en ch'en yin ix, ẍi bay eb. 8 Max lajwi yalon axca tu', max ay pax nojan junelxa, cax max tz'ibli ay junelxa sat tx'otx'. 9 A yet max xew yaben eb tzet max yal tu', max naon ba junjun eb, tol ay is mul eb. Yuj tu' xan junjunalxac'al max yun pax eb. A eb ichamtak winak max babji yeltok, cax tzakan yeltok eb ach'ej. Tx'oklilxac'al Jesús max can bay lecan oc ix ix tu'. 10 Lajwi tu xin, max aj wan Jesús. Axa max yiloni, tx'oklilxac'al ix ix tu' lecancan ocok; max yalon bay ix axca ti': —Txo ix, ¿baytal ay eb chach ak'on queja tu'? ¿C'am mi junok eb max ak'on low en? ẍi bay ix. 11 —C'amak Mamin, c'am junok, ẍi ix. —Tamwal in c'apaxok, maj wak' low en. Asi', manchakxa a say a mul junelxa, ẍi Jesús bay ix.)) 12 Axa yalon Jesús xol eb anima tu' axca ti': —Ayin ti', axca sakk'inal wayji xol eb jet animail bay yulyibank'inal ti'. A mac chi oc in cuywomok, ok wak' sakk'inal bay yanimail. Yuj jun sakk'inal tu', xan ok cha' eb is k'inal tol ayc'al yin tojbalk'inal. Majxa ec'jab eb xol k'ekk'inal, ẍi Jesús. 13 Axa yalon eb fariseo bay axca ti': —Ach ti', yulc'al et chaloni tol ay ekbej. Yuj tu' xan c'am yelapnok jab et chal tu', ẍi eb bay. 14 Xan max yal pax Cham bay eb axca ti': —Caxc'al mi yulc'al wet chi waloni, tol ay wikbej; palta acaw yel chi wala', yujtol ayin ti' caw wal wojtak bay max in tita. Yetok c'apaxok, wojtak bay ok in tok. Ayex ti' man e yojtakok bay titnak in, tamwal bay ok in tok. 15 Ayex ti' toc'al che comon beyc'ulnej junok mactxel yin ayman. Ayin ti', c'am mac chin beyc'ulnej. 16 Palta k'inalok ta ay mac chi wochej chin beyc'ulnej, bayc'al ijan chi wut in beyc'ulneni, yujtol man in tx'oklilok chin beyc'ulnewi. Ajun in Mam wetok, Cham cheknejintek. 17 A co ley ayic' yul co k'ab chi aloni, tatol ay cawanok testigo lajanc'al yaloni, yowalil chi co cha jab tzet chi yal eb. 18 Palta ilabi, ay cawan mac chi yak' ba testigoal win. Chi wak' in ba testigoal win; testigo c'apax in Mam wetok, Cham cheknejintek, ẍi bay eb. 19 —Palta, ¿baytal ay a Mam tu xin? ẍi eb bay. Max yalon bay eb axca ti': —Ayex ti', man e yojtakok mac in txel. Man e yojtakok c'apax in Mam. K'inalok ta e yojtak mac in txel, e yojtak c'apax mi in Mam, ẍi bay eb. 20 A yul yamak'il templo Dios, bay cawilal chabal ofrenda, a tu' max yal Jesús juntzan ti'. A tu' max cuywaj xol anima. C'am junok mac max oc lacan yin, yujtol c'amto chi jay is c'ual cami. 21 Max yal Jesús bay eb junelxa: —Ok in tok ayin ti'. Okto in e sayic'ok, palta yin e yobtakil ok ex camok. Man ok je' tol comonc'al ok ex apnok bay ok in tok tu', ẍi bay eb. 22 Yuj tu' xan max yal eb yajaw bay Judea tu' axca ti': —Tekan tol ok yak' cam ba jun winak ti', xan chi yala' tol man ok je' japni bay ok apnok tu', ẍi eb. 23 Axa yalon pax Jesús bay eb tu': —Ayex ti', aj sat tx'otx' ex, yujtol yet ex yulyibank'inal ti'. Ayin ti', mayin yetok yulyibank'inal ti', yujtol aj satcan in. 24 Yuj tu' xan max wal ayex tol yin e yobtakil ok ex camok. Ta c'am che yaoc yin e c'ul, tol ayin toni, yin e mul ok ex camok, ẍi bay eb. 25 —¿Mac ach wal txel xin? ẍi pax eb bay. Axa yalon tu': —Albilxa wuj ayex yettax yalantok mac in txel. 26 Xiwiltoc'al tzet chi je' walontek e yin c'al ex in beyc'ulneni. Palta a Cham cheknejintek, caw wal yel chi yala'. A tzet yalnak ayin, asan chi wala', ẍi bay eb. 27 Palta maj nachaj el yuj eb, ta a co Mam Dios chi yala'. 28 Yuj tu' xan max yal pax bay eb axca ti': —Ato yet ok in e locban ajok, cax ok nachaj el e yuj, tol ayin ton Chekbilintek yuj Dios xol eb jet animail. Catatu' ok e yojtaknen elok, tol c'am tzet yulc'al wet chi wunej. Asan juntzan cuybanilej yalnak in Mam ayin, a' chi wala'. 29 A Cham cheknejintek tu', a' ayoc wetok. A in Mam c'am chin is bekcan in tx'oklil, yujtol a tzet chi cha c'ul, a' chi wun masanil tiempo, ẍi bay eb. 30 A yet max yalon juntzan ti', xiwil eb max yaoc c'ul yin. 31 Axa yalon Jesús bay eb israel max yaoc c'ul yin axca ti': —Ta ayc'al oc e nabal masanil tiempo yin tzet chi wala', a caw in cuywom ex ton sic'libil. 32 Cax ok e yojtaknen el k'anej tol caw wal yel. Yuj jun k'anej yel tu', xan ok ex bekchajok, ẍi Jesús bay eb. 33 Axa yalon pax eb bay tu': —Ayon ti', yinatil on Abraham. C'am junelok chon oc mosook junok anima. Yuj tu xin, ¿tzet yuj xan chala' tol ok on bekchajok? ẍi eb. 34 —Wal yel chi wal ayex, tzanc'al mac tol ac'ala' yunen yobtakil, caw wal ayoc eb mosook yobtakil tu'. 35 K'inalok ay junok mac ayoc mosejal bay junok anima tinani', a jun mosejal tu', c'am chi je' cajay yetok jun anima tu' junelnej. Palta a junok is c'ajol junok anima tu', caw wal is c'ajol ton junelnej. 36 Yuj tu' xan ta ayin chex wak' bekchaj can el yin e yobtakil, wal yel ok ex ton bekchajok, yujtol C'ajol in Dios. 37 Ayin ti' wojtak toni, tol yinatil ex Abraham; palta ilab che yochej chin e yak' pax camok, yujtol a tzet chi wal ayex, c'am yelapnok yul e sat. 38 A tzet ilbil wuj bay in Mam, a' chi wal ayex. Ayex ti', tx'ok e mam. A yochwan e mam tu' che yunej, ẍi Jesús bay eb. 39 —Palta ayon ti', yinatil on Abraham, ẍi eb bay. —Matawal yel yinatil ex Abraham tu'. Ta yel yinatil ex, ami yunben che yunej. 40 Asan juntzan tzet yetal yel albil yuj Dios ayin, a' chi wal ayex, palta ijan che yochej pax chin e yak' camok. A Abraham tu', c'am junelok caytu' max yut ba. 41 Axa ayex ti' xin, a tzet chi yun e mam, a' che yun yetok, ẍi Jesús bay eb. —Palta ayon ti', mayon mitz' winakok. Junnej co mam, a ton Dios, ẍi eb bay. 42 Matawal yel tol a Dios e mam. Ta yel a Dios e Mam, ay mi e camc'ulal win, yujtol a bay Dios max in tita, cax max in jay cayti'. Man toc'alok max in jay yul wet, a Dios max in chekontek. 43 ¿Tzet xan c'am chi nachaj el e yuj tzet chi wal ayex ti'? Tekan tol c'am chi yal e c'ul che cha e yab tzet chi wal ti'. 44 A e mam ayex ti', a ton nak diablo, yuj tu' xan asan yin che yaoc e nabal. Asan tzet chi yochej nak che yunej. Mak'om cam animaxa nak yettax max esnelay yulyibank'inal ti'. C'am jabok yelapnok junok tzet yetal yel bay, yujtol c'am junok tzet yetal yel chi yala'. A yet chi yak'on junok lek'tial, a bay is nabal chi tita, yujtol caw wal lek'ti'. A' ay yet masanil lek'tial. 45 Axa ayin ti xin, caw wal yel juntzan tzet yetal chi wal ayex, palta c'am che cha' pax e yabej. 46 ¿Mac junok ex chi je' e tx'oxon oc jabok in yobtakil? Caw wal yel juntzan chi wal ayex ti', yuj tu', ¿tzet xan c'am che cha pax e yabej? 47 A eb yet Dios, chi yacbaj eb is txiquin bay is k'anej, palta ayex ti', mayex yetok Dios. Yuj tu', c'am chi yal e c'ul che yacbaj e txiquin bay, ẍi Jesús bay eb. 48 Cax max yalon pax eb aj Judea tu' bay axca ti': —Ila xin, yel chi jala'. Tekan tol aj Samaria ach. Tekan ay junok espíritu yob ayoc en, ẍi eb bay. 49 —C'amak, c'am junok espíritu yob ayoc win. Tol lanan wion aj can in Mam. Toc'al chex buchwaj win ayex ti'. 50 Ayin ti', c'am chi wochej tol mimanxac'al welapnok; palta ay jun mac chi aloni tol miman welapnok yul sat. A Cham tu' chi beyc'ulnen mac yel chi yala'. 51 Wal yel chi wal ayex, a mac chi iken tzet chi wala', c'am bak'in ok cam eb, ẍi Jesús bay eb. 52 —A tinani', caw wal jojtak sic'libil tol ay junok espíritu yob ayoc en. A Abraham, yetokc'al eb chekbej Dios yet payxa, max cam eb masanil, cax chalon paxok: Ta ay mac chi iken tzet chi wala', c'am bak'in ok cam eb, cachito wal paxok. 53 ¿Tom ec'ban ekbej yintak jichmam Abraham tu', c'al yintak eb chekbej Dios yet payxa? Palta ilabi, max cam pax eb tu'. ¿Mac ach txel a naon tinani'? ẍi eb bay. 54 Yuj tu' xan max yal bay eb axca ti': —Ta yulc'al wet chi wiaj can in ba, c'am jabok welapnok, palta a in Mam chi aloni tol ay welapnok. A ton in Mam che yaloc e Diosalok. 55 Palta mimanokc'al che yaloc Cham e Diosalok. Man e yojtakok Cham. A pax ayin ti xin, caw wal wojtak Dios. K'inalok ta chi wala' tol man wojtakok, lek'ti in mi axca ex tu'. Palta wal yel, wojtak Cham. A tzet chi yala', a' chi wikej. 56 A jichmam Abraham, max tzaloj ajok, yujtol t'inan chi yil in jayi. Max ton yila', xan max yak' tzaloj c'ul, ẍi bay eb. 57 —Achxa ti' tokwal ayachxa yin 50 abil, ¿tzet wal max yun elon yin cham Abraham? ẍi eb bay. 58 —Wal yel chi wal ayex, a yet c'amto chi alji Abraham tu', ayinxa ec' ayin ti', ẍi Jesús bay eb. 59 Max lajwi tu xin, max c'oli sic'on aj eb ch'en, cax max yochen eb max k'okch'ennej camok. Max c'uban el ba Cham bay eb, cax max eltek yul templo Dios.
1 Axa yet junel, ayoc Jesús yin beyil yetok eb is cuywom, max yilon eb jun winak c'am chi je' yilwi yettaxc'alta' max alji. 2 Axa k'anlen eb cuywom tu' axca ti': —Meẍtol, ¿tzetlaj yuj xan c'am chi je' yilwi jun winak ti' yintax yaljubal? ¿Ami eb mamej txutxej ay is mul, ma a nak ay is mul? ẍi eb bay Jesús. 3 —A jun winak ti', man yujok mul is mam ma is txutx, xan caytu' yayji, tamwal yuj c'apax is mul nak, palta tol chi yochej Dios chi tx'ox is mayk'ak'al yin nak, xan caytu' yayji. 4 Yowalil chin watx'nej is mulnajil Cham max in chekontek, yak'ban ayto c'u. Yujtol a yet mayal toj c'u, c'amxa mac chi je' mulnaji. 5 Yet ayinto ec' yulyibank'inal ti', axca sakk'inalok eb anima wayji, ẍi Jesús bay eb. 6 Max lajwi yalon juntzan ti', axa tzubli ay sat tx'otx' tu', cax max watx'nen jab tz'otz'ew yetok tzub tu'. Axa joonoc yin bak' sat nak c'am chi je' yilwi tu'. 7 Lajwi tu', max yalon bay nak: —Asi' bay a' najab pean ajok, a' chi yik Siloé. A tu' cha tx'ajil a sat tu', ẍi bay nak. (Siloé chi yal elapnok, Ibiltek.) Lajwic'al tu', max toj nak tx'ajon el sat bay a' tu'. Axa yet max meltzoji, chixa je' yilwi. 8 Axa eb is vecino nak, c'al jantak eb max ilon nak yin k'anoj limosna, a eb max alon axca ti': —A jun winak ti', cochwal tol a jun chi ay chotan k'anoj limosna, ẍi eb. 9 —A ton nak, ẍi juntzanxa. Palta ay juntzanxa chi alon paxok: —C'amak. Manak. Toc'al mi lajan yili jun ti' yetok nak c'am chi je' yilwi tu', ẍi eb. Axa yalon nak tu': —Ayin toni, ẍi bay eb. 10 —¿Tzet max yun jakchaj a sat tu xin? ẍi eb bay. 11 —A jun winak chi yik Jesús max ak'on jakchajcan in sat ti'. Max watx'nej jab tz'otz'ew, max joonoc yin in bak' sat ti'. Max lajwi tu' max yalon ayin axca ti': Asi' bay a' najab pean ajok, a' chi yik Siloé. A tu' cha tx'ajil a sat bay yul a', ẍi ayin. Axa bet in tx'ajon el in sat ti'. Caytu' max yun jakchajcanok, ẍi nak. 12 —¿Baytal ay jun winak tu' tinani'? ẍi eb bay. —Man wojtakok, ẍi bay eb. 13 Lajwi tu', max ilaytok nak yuj eb bay eb fariseo. 14 C'ual xewilal yet max jakchajcan sat nak yuj jab tz'otz'ew max watx'nej Jesús yetok is tzub. 15 Yuj tu' xan max k'anlej eb fariseo tu' bay nak axca ti': —¿Tzet wal max yun jakchaj a sat tu xin? ẍi eb. —A Jesús max joon oc jab tz'otz'ew yin in bak' sat ti'. Lajwi tu', max in tx'ajon elok. Yuj tu' xan watx'xa wilwi tinani', ẍi nak. 16 Axa yalon jaywan eb fariseo tu' bay nak axca ti': —A jun winak max jakon a sat tu', man yetok Dios, yujtol c'am chi yikej c'ual xewilal, ẍi eb. Palta ay jaywanxa eb max alon axca ti': —Man yobtakwomok Cham Jesús. A junok yobtakwom, ¿xin ta chi je' yuj tx'oxon juntzanok milagro axca juntzan chi tx'ox ti'? ẍi eb. Xan cab pojan max eloc eb anima tu'. 17 Yuj tu' xan max k'anlej eb junelxa bay nak chixa ilwi tu' axca ti': —Axa ach ach ti', ¿tzet cachi yuj Cham max jakon a sat tu'? ẍi eb bay nak. —Ayin ti', chekbej Dios yayji in naoni, ẍi nak. 18 Palta eb yajaw bay Judea tu', maj cha eb yabej, tatol tolto max ilwi aj nak. A naon eb, tol chi ilwic'altac'a. Catatu bian, max yawten eb is mam c'al is txutx nak. 19 Ata wal bay eb max k'anlej el eb axca ti': —¿A mi nak e yuninal c'am chi ilwi yintax yaljubal che yal ti'? ¿Tzet xan chixa ilwi pax nak xin? ẍi eb bay eb. 20 —A ton nak, c'amc'alta' chi ilwi yintax yaljubal. 21 Palta man jojtakok tzet max yun jakchaj sat nak. Man c'apax jojtakok mac max jakoncan bay nak. Ilabi, ayxa yabilal nak. ¿Tzet xan manak bay nak che k'anlej e yabej? Ok je' yalon ayex, tzetbil wal max yun jakchajcan sat tu', ẍi eb. 22 Cac'al tu' max yut yalon eb, yujtol caw wal chi xiw eb yuj eb yajaw xol eb aj Judea tu', yujtol toxa max yal eb yajaw tu' axca ti': Tatol ay mac ok alonok tol a Jesús, a ton Cham Cristo, ẍi, ok juktej eltok yul nail culto ti', ẍi eb. 23 Yuj tu' xan asanc'al jab tu' max yal is mam c'al is txutx nak tu': Ilabi, ayxa yabilal nak, ¿tzet xan manak bay che k'anlej e yabej? ẍic'al eb. 24 Lajwi tu xin, max awtelay pax nak chixa ilwi tu' yuj eb junelxa, cax max yalon eb bay axca ti': —Caw wal yel chal satak Dios, yujtol jojtak, caw wal yobtakwom jun winak chala' tol a' max jakon a sat tu', ẍi eb bay nak. 25 —Ayin ti', man wojtakok ta yobtakwom, ma c'amak. C'am chi je' waloni. Asan jun ti' wojtak, tol a yet yalantok, c'am chi je' wilwi jabok, axa tinani', chixa je' wilwi, ẍi nak. 26 —Palta, ¿tzet wal max ach yut xin? ¿Tzet max yut jakon a sat ti'? ẍi eb bay nak. 27 —Mayal wal ayex tzet max yun jakchaj in sat ti', palta c'am che cha e yab tzet chi wala'. ¿Tzet xan che yochej chi wal pax ayex junelxa? ¿Tom che yochej chex oc is cuywomok c'apaxok? ẍi nak bay eb yajaw tu'. 28 A yet max yaben eb juntzan ti', cax max buchwaj aj eb yin nak, max yalon eb axca ti': —Ach ti', is cuywom ach ton jun winak tu'. A pax ayon ti xin, is cuywom on Moisés. 29 Jojtak tol max k'anjabcan Dios bay Moisés tu', palta a Jesús tu', man jojtakok mac ak'nej yikbej, ẍi eb. 30 —¡E…! ¿tzet chi yal tu'? Ayex ti', che yala' tol man e yojtakok mac ak'nej yikbej, palta ilabi, max jakchaj pax can in sat ti' yuj. 31 Jojtak, caw wal c'am chi yab Dios is txaj eb yob is beybal. Asan eb chi yal ba bay, eb chi iken tzet chi yala', asan eb tu' chi ablay yet. 32 Yettaxc'al yichbanil, c'amto junok chi jab k'umal tol chi jak sat junok mac c'am chi je' yilwi yintax yaljubal. 33 K'inalok ta man chekbejok Dios Jesús tu', c'am mi jabok tzet chi je' yuj, ẍi nak bay eb. 34 —Ach ti', yin mulej aljinak ach, ¿tom chochej ach ok on a cuyu'? ẍi eb bay nak. Cax max ilay eltok nak yul nail culto tu' yuj eb, cax majxa chaoctok eb xol. 35 Axa max yaben Jesús tol max ilay eltek nak max jakchajcan sat tu' bay yul nail culto yuj eb, yuj tu' xan a yet max ilchaj yuj, max yalon bay nak axca ti': —¿Chim aoc a c'ul yin Cham Chekbiltek yuj Dios xol eb jet animail? ẍi bay nak. 36 —Mamin, al ayin mactxel jun tu', yet watx' chi waoc in c'ul yin, ẍi nak. 37 —Maxax el yin. Ayin ton chin k'anjab etok ti', ẍi bay nak. 38 Lajwi yalon Jesús axca tu xin, max bekon ay jajnaj ba nak satak Cham, cax max yalon nak bay axca ti': —Mamin, chi waoc in c'ul en, ẍi nak. 39 Axa yalon Cham bay nak tu': —Yuj watx'ji el eb anima wuj, xan max in jay bay yulyibank'inal ti', yujtol ay eb c'am chi je' yilon yet Dios tinani', palta ok jakchaj sat eb tu' wuj. Ay nanxa eb, caw wal chi je' yilon yet Dios naoni, palta a eb tu', axca tol ok etax el sat eb wuj, ẍi Jesús. 40 A yet max yaben jaywan eb fariseo ayic' bay tu' juntzan k'anej tu', max yalon eb bay axca ti': —¿Tom cha na' tol c'am chi je' jilon yet Dios? ẍi eb. 41 —Matawal chi nachaj el e yuj tol c'am chi je' e yilon yet Dios, c'am mi chi can e yobtakil e yiban. Palta yujtol che yala' tol chi je' e yilon yet Dios, xan chi can e yobtakil e yiban.
1 Max yalon Jesús axca ti': Wal yel chi wal ayex, k'inalok ay junok corral calnel bay chi octok junok winak tinani', ta manak bay is ti' jun corral tu' chi ca yoctok, palta tx'ok bay chi ca yoctok, elk'om ton jun axca tu'. 2 A pax mac a yul ti' corral chi octok xin, a ton nak yilomal no tu'. 3 A nak waynem corral, a chi jakon ti' corral bay nak ilom calnel. Yojtak no calnel yilomal. Yojtak nak ilom calnel tu' bi junjun is calnel. A chi ion eltek no'. 4 Chi xew yion eltek nak no' is calnel, cax chi babji satak no'. Chi oc tzakan no' yintak nak, yujtol yojtakxa no' yul is nuk'. 5 Palta k'inalok ay junokxa winak man k'aynakok no' yetok, man comonok chi oc tzakan no' yintak. Ta man k'aynakok no' yetok, chi el bulnaj no' bay, ẍi Jesús. 6 Max yaltek Cham jun abix ti' bay eb, palta maj nachaj el yuj eb tzet chi yal elapnok. 7 Cax max yalon pax Jesús bay eb axca ti': Wal yel chi wal ayex, axca ti' corral bay chi ec' oc no calnel, cay in tu'. 8 Ay eb babel jaynak in satak, max tz'ak yaloc ba eb chekbejok Dios. Axca wal junok elk'om chi oc yul corral, cay wal tu' eb masanil, palta eb yet-xa Dios, maj yaoc eb c'ul yin eb. 9 Ayin ti', lajan in axca junok ti' corral tu'. A eb a ayin chi ca yoqui, ok colchaj eb. Axca junok calnel chi octok, chi eltek yul is corral sayon low ba, caytu' ok yun eb. 10 Ay eb axca junok elk'om chi jayi, chi yelk'anentok, cax chi yak'on camok. Axa in ayin ti', max in jay yuj ul wak'on k'inal eb, tol tz'akan yin watx'ilal. 11 Ayin ti' lajan in axca junok ilom calnel caw wal watx', cax bekan c'ul cam q'uexelok no'. 12 Ay bay toc'al chi manlay junok mac chi ilwi calnel, palta man wal acaw aj calnelok. A yet chi yilon jay no ok, ayman chi bekcan bulan no calnel tu' tx'oklil, cax chi eli yujtol man yetok no'. Chi lajwi tu' chi uchlaycan saklem no calnel tu' yuj no ok. 13 A nak ilom calnel tu', chi el nak, yujtol asan yuj tojbil c'u nak xan chi ilwi calnel, man wal yujok tol ay yelapnok no' yul sat. 14 Ayin ti', lajan in axca junok ilom calnel caw wal watx'. A eb wet, axca tol in calnel eb. Ojtakbil in yuj in Mam. Ac'ala' in, wojtak in Mam. Axca wal wojtaknen in ba yetok in Mam, caytu' wojtaknen in ba yetok eb wet-xa yayji. Ok wak' in ba cam q'uexelok eb wet tu'. 16 Ay juntzanxa eb tolto ok yaoc c'ul win, asan tol man jet conobok eb. Yowalil ok in wajbaj oc eb. Ok yiken eb ayin. Junxanej oyan ok yun eb wet tu' masanil, yujtol asannej in ok wil eb. 17 Chi camel c'ul in Mam win, yujtol ok wak' in ba camok, cax ok wiquisnen pax aj in ba junelxa. 18 Ayin ti', chi el yin in c'ul wak'on in ba camok. C'am mac chi je' in yak'on camok, ta c'am chi yal in c'ul. Ay wikbej wak'on in ba camok. Ay c'apax wikbej wiquisbi aj junelxa, yujtol caytu' max yut yak'oncan in Mam jun chekbanil ti' ayin, ẍi Jesús bay eb. 19 A yet max yalon juntzan ti', max teyelen aj ba eb aj Judea tu' yuj. Ca pojan max yut ba eb junelxa. 20 Ay nan eb max alon axca ti': —¿Tzet xan che yab tzet chi yal jun winak ti'? Ilab tol ayoc espíritu yob yin. Chabil oybinak sat yuj, ẍi eb. 21 Palta ay pax nanxa eb chi alon axca ti': —Ta a espíritu yob ayoc yin, ¿xin ta chi je' yalon axca ti'? ¿Tom chi je' jakon espíritu yob tu' sat junok mac c'am chi je' yilwi? ẍi nanxa eb tu'. 22 A yet tu' tiempoalxa nabil k'inal, c'ual c'apax chalay k'inal templo Dios bay Jerusalén. 23 Lanan wal yec'jab Jesús bay templo tu', bay jun tenta chi yik tenta Salomón. 24 Cax max oc oyan eb aj Judea ayic' bay tu' yin Cham, max yalon eb axca ti': —¿Bak'inc'al ok on a bekil yin cabc'ulal? Ta Cristo ach, bayc'al ijan chot alon ayon tinani', ẍi eb bay. 25 Axa tak'wi bay eb tu' axca ti': —Mayal wal ayex, palta c'am che yaoc yin e c'ul. A juntzan milagro chin tx'oxo', asan yuj yikbej in Mam xan chi je' wuj in tx'oxoni, cax a ton juntzan tu' chi tx'oxk'abnen elok mac in txel. 26 Palta ayex ti', caw wal c'am chin e yaoc yin e c'ul, yujtol man wetok e yayji. 27 A eb wet, chi yacbaj eb is txiquin ayin, cax wojtak eb ayin ti'. Axca no calnel chi oc tzakan yintak yilomal, caytu' chi yun tzakloj eb wintak. 28 Ayin chi wak' is k'inal eb, tol ayc'al yin tojbalk'inal. Yuj tu' xan c'am bak'in ok c'ayil eb. C'am junok mactxel chi je' yion ec' eb yul in k'ab. 29 A in Mam, ec'ban yelapnok yintak masanil, a max ak'on eb ayin. C'am junok mactxel chi je' yion ec' eb yul k'ab in Mam. 30 Ayin ti', junnej animail wayji yetok co Mam Dios, ẍi Jesús bay eb aj Judea tu'. 31 Yuj tu' xan max sic'aj eb ch'en, cax max yochej eb max k'okch'ennen camok. 32 Palta max yal Jesús bay eb: —Xiwil tzet yetal watx' max el wunen yuj is yikbej in Mam e nan e xol. ¿Mactet junok tu' tol yuj xan che yochej chin e k'okch'ennej camok? ẍi bay eb. 33 —Man yujok junok watx' max el onen tu', xan chi jochej chach co k'ok camok, palta asan yuj cha buch Dios. Ach ti', comon anima ach, palta ilab chal pax oc a ba Diosal, ẍi eb bay. 34 Yuj tu xan max yal bay eb axca ti': —A yul tx'an ley ayic' ayon, caytu' tz'ibelaycan ay axca ti': Max wala' tol dios ex ayex ti', ẍican Dios yul tx'an. 35 Jojtak, a tzet tz'ibbilcan yul tx'an Un tu', maj je' toc'al ok co tena'. A Dios alnejcan bay eb chanakcan is k'anej tu', tol dios eb. 36 Akxa ayin ti', a Dios sic'nej in elok, a' max in chekontek yulyibank'inal ti'. Yuj tu' ¿tzet xan che yala' tol chin buchwaj yin Dios, yet chi waloni tol C'ajol in Dios? 37 Ta manak tzet chi yun in Mam chi wunej, manchak e yaoc e c'ul win. 38 Palta ayin ti', lanan wunen tzet chi yun in Mam. Yuj tu' xan caxc'al mi c'am che yaoc e c'ul yin tzet chi wala', palta aek oc e c'ul win yuj juntzan tzet yetal chi wun tu'. Catatu' ok nachaj el e yuj, cax ok e yaon oc yin e c'ul tol ayoc co Mam Dios win, cax ayin c'apax oc yin, ẍi bay eb. 39 Yuj tu' xan maxto yak'lej eb mitx'on junelxa, palta max col ba Cham yul k'ab eb. 40 Lajwi tu xin, max k'axpoj ec' yul a' miman Jordán, axa yayji ec' bay yak'nak bautizar Juan eb anima tu'. 41 Xiwil anima max ul ilon Cham, cax chi yalon eb axca ti': —A cham Juan, c'am bay max tx'ox junok milagro, palta masanil tzet max yal yuj Jesús ti', yelc'al ton masanil, ẍi eb. 42 Xiwil mactxel max yaoc c'ul yin Jesús bay jun lugar tu'.
1 A bay jun aldea chi yik Betania, ay jun winak max yaban ayok, chi yik Lázaro. Ay cawan yanab jun winak tu', ay jun chi yik María, ay junxa chi yik Marta. Aj Betaniac'al el eb yoxwanil. 2 (A ix María tu' anej oc yal suk'uk'i jab yin yakan Jesús Jajawil, cax joontak ix yetok is xil.) Caw wal ya'ay Lázaro tu'. 3 Yuj tu' xan max yatok eb ix anabejal tu' ti' bay Jesús, max yaltok eb ix axca ti': —Mamin, a nak camc'ulnebil oj, caw wal ya'ay nak tinani', ẍitok eb. 4 A yet max yaben Jesús tzet max yaltok eb ix, max yalon axca ti': —A jun ilya' tu', maj cam nak yuj junelnej. Max michchaj nak yuj jun ilya' tu', yet watx' chi tx'oxk'abnej el ba is mayk'ak'al Dios, c'al yuj tx'oxk'abnelay el c'apax in mayk'ak'al ayin C'ajol in Dios ti', ẍi Jesús. 5 Caw wal ay is camc'ulal Jesús yin Lázaro tu', c'al yin María yetok Marta. 6 Palta a yet max yaben tol caw wal ya'ay nak, maj tok yin ayman yiloni. Yinxa cabjial max toji. 7 A yet max ajapnok c'ual toj tu', max yalon bay eb is cuywom axca ti': —Tonek bay yul yet Judea junelxa, ẍi bay eb. 8 Axa yalon eb bay tu': —Palta Mamin, jayebixto c'u yak'len eb aj Judea tu' ach k'okch'enneni. ¿Tom chochej chach toj pax junelxa bay tu' tinani'? ẍi eb bay. 9 Axa yalon bay eb tu': —Jojtak tol ay 12 hora yul junjun c'u. Ta yet c'ualil chon ec'jabi, man comonok chon telc'oji, yujtol sakk'inal. 10 Palta ta chon ec'jab yet ak'balil xin, comonc'al chon telc'oji, yujtol c'am sakk'inal, ẍi Jesús bay eb. 11 Max lajwi tu', max yalon paxtek yuj Lázaro: —A nak jamigo tu', tol chi way nak; palta ok tok in tenil wayan, ẍi bay eb. 12 —Palta Mamin, tatol chi way nak, tekan ok jay c'ul chi yal tu', ẍi eb cuywom tu' bay. 13 A yet max yalon Jesús tol chi way Lázaro tu', a is camichal chi yala'; palta a naon eb xin, tol acaw wayan chi yunej. 14 Yuj tu xan max watx' alnej junelxa bay eb axca ti': —Max cam nak Lázaro. 15 Caw chin tzaloj tinani', yujtol c'am in ec' bay tu' yet max cami, yet watx' che ya wal oc e c'ul win. A tinani' tonek jila', ẍi bay eb. 16 Axa Tomás, nak Tioẍ jebil bi, max yal nak bay eb yet cuywomal tu' axca ti': —Tonek yetok Cham, toj jak'ek co ba cam yetok, ẍi bay eb. 17 Axa yet max apni eb xin, max yaben eb tol oxjitax max mukay Lázaro tu'. 18 Cawilal Jerusalén ay conob Betania, axca mi nanok legua xol ba. 19 Yuj tu' xan xiwil eb aj Jerusalén max bet mimanc'ulnen María yetok Marta, yuj is nuej eb max cam tu'. 20 A yet max yaben Marta tol lanan jay Jesús bay na eb, axa toj ix chaon tu'. A pax María xin, aycan ec' yul na. 21 Max yalon Marta bay Jesús axca ti': —Mamin, ta ayach ec' cayti', majmi cam nak in nuej tu'. 22 Palta tinani', wojtak, tzanc'al tzet ok a k'an bay Dios, ok yak' ayach, ẍi ix bay. 23 —A nak a nuej tu', ok ictzoj aj nak, ẍi Jesús bay ix. 24 —Yel toni, wojtak. A yet lajub c'ual, yet ok ictzoj aj eb camnak masanil, cax ok ictzoj aj nak yetok eb, ẍi ix bay. 25 Ayin ti', ak'om in ictzoj aj camnak, aj k'inalej in c'apaxok. Tzanc'al mac chin yaoc yin is c'ul, caxc'al mi ok camok, palta ok ictzoj pax ajok. 26 Masanil eb iquis tol chin yaoc yin is c'ul, c'am bak'in ok cam eb. ¿Chimi aoc jun ti' yin a c'ul? ẍi Jesús bay ix. 27 —Chi ton waoc yin in c'ul Mamin, tol ach ti' Cristo ach, C'ajol ach Dios. Ach ton ti' echbanebil a jay bay yulyibank'inal ti', ẍi ix bay. 28 Lajwi yalon ix Marta axca tu', max pax ix, max toj yawtej ix is nuej. Yin ewantakil max yal ix bay is nuej tu': —Mayal jay Cham Meẍtol, chach yawtej Cham, ẍi ix. 29 Lajwic'al yaben María axca tu', max aj lemnajok, cax max toj bay ayic' Jesús, 30 tutun c'amto chi oc Cham xol conob tu'. A bay max bet chalay yuj Marta, a tu' ayto ec'ok. 31 Palta ayic' eb aj Judea bay na yetok ix. Max ul mimanc'ulnelay ix yuj eb. Axa yet max yilon eb tol max aj lemnaj ix cax max toji, ayman max tzakloj eb yintak ix, yujtol a naon eb tol a bay mukan nak is nuej tu' chi toj ok'ok. 32 A yet max apni oc ix bay ayic' Jesús, max ay jajan ix satak. Axa yalon ix bay axca ti': —Mamin, ta ayach ec' cayti' majmi cam nak in nuej, ẍi ix bay. 33 A yet max yilon Jesús tol chi ok' ix, cax chi ok' pax eb aj Judea max tzakloj yintak ix tu', axa cus c'apax aj Cham yetok eb tu' sic'libil. 34 Max k'anlen bay eb axca ti': —¿Baytal max e muk nak? ẍi bay eb. —Mamin, ton jila', ẍi eb bay. 35 Max ok' Jesús. 36 Axa yalon eb aj Judea ayic' yilon tu' axca ti': —Ilab wali, caw wal camc'ulnebil yuj Cham, ẍixac'al eb. 37 Ay pax eb max alon axca ti': —Palta a Jesús ti', a' max jakon sat jun nak c'am chi je' yilwi. ¿Tom maj je' yak'on jay c'ul Lázaro ti', yet watx' c'am chi cami? ẍi eb. 38 Caw wal max tit pitz'naj is cusc'ulal Jesús, cax max apni oc bay mukan nak. A yul jun ch'en olbil, a tu' ayoctok mimanil nak tu'. Patxancan oc junxa ch'en makilok. 39 —Iek el ch'en makilej tu', ẍi Jesús. Max yalon Marta, ix yanab nak Lázaro tu' axca ti': —Palta Mamin, oxjitax max cam nak, tekan ayxa jabil nak tinani', ẍi ix bay. 40 —Mayal wal ayach, tatol chin aoc yin a c'ul, ok ton el mayk'ak'al Dios, ẍi bay ix. 41 Catatu bian, max yion el eb makil bay ayoctok nak tu'. Max aj t'anan Jesús satcan, max yalon axca ti': —Mamin, yuj wal dios ayach, max ab tzet max wala'. 42 Wojtakxa tol masanil tiempo chabc'alta' tzet chi wala', palta a yuj jantak eb anima bulan ec' ti', xan chi wal juntzan ti' ayach, yet watx' ok yaoc eb yin c'ul tol ach cheknejintek, ẍi Jesús. 43 Lajwi yalon juntzan tu', cax max aj yaw yin ipejal axca ti': —¡Lázaro, elantek! ẍi. 44 Axa yeltek nak camnak tu'. Chulan oc juntzan k'apej yin yakan nak c'al yin is k'ab nak. Ay c'apax jun an xotan oc yalan is ti'. Max yal Jesús axca ti': —Xuyek el juntzan k'ap ayoc yin nak tu', ẍi bay eb. 45 Cax xiwil eb aj Judea ajun yetok María tu', max yil eb tzetc'al max yun Jesús. Yuj tu' xan xiwil eb max yaoc c'ul yin. 46 Palta ay juntzanxa eb max bet alon yab eb fariseo, tzetak max yi ba yuj. 47 Axa lajtinen el ba eb fariseo tu' yetok eb yajawil eb sacerdote c'al eb sat yajaw, cax yalon eb axca ti': —¿Tzet chi jut jun winak tu' che na'? Yujtol xiwil juntzan milagro lanan tx'oxon tinani'. 48 Ta toc'al ok jiloc nak tinani', masanil eb jet conob ok yaoc eb c'ul yin nak. Axa eb yajaw bay Roma, ok ul yuchay eb jun templo Dios ti', cax ok on yak'on lajwok eb yetok eb jet conob masanil, ẍi eb. 49 Palta ay jun chi yik Caifás xol eb. A jun tu' ayoc sat sacerdoteal yet jun abil tu'. A' max alon bay eb axca ti': —Ayex ti', caw wal c'am jabok tzet e yojtak. 50 C'am chi nachaj el e yuj, tol yelmi watx' chon cani ta chi cam junok winak q'uexelok anima masanil. Ta caytu' chi yunej, c'am chi lajwi el eb jet conob masanil, ẍi Caifás tu'. 51 Palta a yet max yalon juntzan k'anej tu', man yulok yet max yala', palta yujtol sat sacerdote yayji yet jun abil tu', yuj tu' xan max ak'lay yal yuj Dios tol ok cam Jesús q'uexelok eb israel masanil. 52 Man asannejok yuj eb israel tu', xan max cami. Max cam c'apax yuj wajban oc jantak eb yuninal Dios sakleminak yayji bay yulyibank'inal ti', yet watx' junxanej chi yuncan eb. 53 Yuj tu xan, a yet jun c'ual tu', max chaon el eb yajaw yich sayoni, tzetbil ok yut eb yak'on cam Jesús. 54 Yuj tu xan c'amxa chi ec' Jesús nan xol eb aj Judea tu'. Axa yel bay jun lugar tu', cax max toj bay jun conob chi yik Efraín, bay tilak el jun tz'inan tx'otx'. Ata tu' max apni oc yetok eb is cuywom. 55 A yet lananxa jay tiempoal jun is k'in eb israel chi yik Pascua, xiwil eb najat petoj, max jayoc eb bay Jerusalén. C'amto chi oc k'in tu' yet max apni oc eb, yet watx' chi watx'nej ba eb axca ta' is beybalil. 56 A yet ayic' eb bay tu', caw wal max saylay ec' Jesús yuj eb. Ay eb max alon yul yamak'il templo Dios axca ti': —¿Tzet ẍi e c'ul? ¿Okmi jay Jesús tu' bay k'in ti', ma maj jay che na'? ẍi eb. 57 Axa yion eltek eb fariseo c'al eb yajawil eb sacerdote tu' jun k'anej tol chi yal axca ti': Ta ay bay che yil yin Jesús, chi ul e yal ayon, ẍi. Caytu' max yun saklemil k'anej yuj eb, yujtol max yochej wal eb max yaoc preso.
1 Obixokto yoc k'in Pascua bay Jerusalén, max apni oc Jesús bay Betania bay cajan Lázaro, nak max ictzoj aj yuj Jesús. 2 A yet max apni oc Jesús, max oc jun miman loj yuj eb yuj Cham. A Lázaro tu' max low yetok eb. Axa Marta chi iwi eltek loj. 3 A pax ix María xin, max yitek nan litro ambal suk'uk'i jab, chi yik nardo. A jun ambal tu', caw wal can is tojol. Max jayc'al ix bay Jesús cax secon oc ix yin yakan Cham. Lajwic'al tu', max joontak ix yetok is xil. Jun bek max nojil yul jun na tu' yuj jabil. 4 Ay jun is cuywom Jesús chi yik Judas Iscariote, nak t'inan yaon oc Cham yul k'ab camich. A' max alon axca ti': 5 —A jun ambal suk'uk'i jab ti', aymi junok 300 denario is tojol. Matawal tol max co txonilok, cax chi jak'on tojol bay eb meba', ẍi, chi tz'ak yaloni. 6 Palta toc'al chi tz'ak yala', man yelok chi yala', ta a eb meba' tu' chi na'. Palta yujtol c'ubom tumin yayji, yuj tu' xan a' max ochen max tz'ak c'ubaj is tojol tu', cax chi yioncan el jabok yet yin ch'en, yujtol toc'alta' elk'om nak. 7 Axa yalon Jesús bay nak axca ti': —Bek a tzuon ix, yujtol a jun yal suk'uk'i jab ti', max c'ubaj ec' ix, yuj in bonlay yet c'ual in mukbanil. 8 A eb meba' tu', ayc'al ec' eb e yetok. A pax ayin ti xin, man tojbalk'inalok ayin ec' e yetok, ẍi bay nak. 9 Xiwil eb israel max abeni tol ayic' Jesús bay Betania, xan max toj eb yila'. Man asannejok Cham chi yochej eb chi yila', palta chi yochej c'apax eb chi yil yin Lázaro, yujtol max ictzoj aj xol eb camnak yuj Jesús. 10 Yuj yictzojbail Lázaro tu', xan xiwil eb israel max yaoc c'ul yin Jesús. C'amxa chi yaoc eb c'ul yin eb sacerdote. Yuj tu' xan max lajtinej el ba eb yajawil eb sacerdote, cax chi yochen eb chi mak' cam Lázaro tu' c'apaxok. 12 Xiwil anima max jay bay Jerusalén yuj k'in Pascua. Axa yet junxa c'ual max yaben eb tol lanan yapni oc Jesús bay tu'. 13 Yuj tu' xiwil eb chi ion el xaklak an palma. Chi yiontok eb, cax chi toj eb chaon Jesús. Max aj yaw eb yin ipejal, chi yalon eb axca ti': —Yuj wal dios. Al-layokab watx' k'anej bay Cham chekbiltek yuj Cham Jajawil ti'. Jalek watx' k'anej bay Cham co Reyal ayon israel on ti', ẍi eb. 14 Max ilchaj jun no burro yuj Jesús, max aj yiban no' axca tz'ibelaycan yul tx'an Un bay chi yal axca ti': 15 Ex aj Sión, manchak ex xiwi. Ilab wal jay e Reyal e xol. Ayaj yiban jun no yune' burro, ẍi tx'an Un tu'. 16 A yet jun c'u tu', maj nachaj el juntzan ti' yuj eb cuywom Jesús. Ato yet max ilay paxaj Jesús satcan, cax max naontek eb, tol a yabixal Jesús tz'ibbilcan yul tx'an Un tu', axcac'al tu' max yun yeloc yuj eb. 17 A eb ayic' yetok Jesús, yet max yawten eltek Lázaro bay mukan yet max ictzoj ajok, max yalil eb tzet max yil eb tu'. 18 Yuj tu xan max toj eb anima tu' chaon Jesús, yujtol max yab eb yabixal jun milagro max uji. 19 Max yalon eb fariseo axca ti': —A tinani' c'amxa tzet watx' chi junej. Ilab wal masanil anima chi oc yetok, ẍi eb. 20 Ay juntzan eb griego max apni bay Jerusalén bay k'in tu', yuj yalon ba eb bay Dios. 21 A eb tu', max jayoc eb bay Felipe aj Betsaida, bay yul yet Galilea, max yalon eb bay axca ti': —Mamin, chi jochej chi jil yin Jesús, ẍi eb. 22 Max toj Felipe yalon bay Andrés, cax max toj eb cawanil yalon bay Jesús. 23 Axa yalon Jesús bay eb axca ti': —Ayin ti', Chekbilintek yuj Dios xol eb jet animail, a tinani' lanan jay yorail txecloj elok, tol yel miman welapnok. 24 Wal yel chi wal ayex, k'inalok ay junok ixim bak' trigo chi can yiban tx'otx', toc'al chi can caktu'. Ta chi muklayi, axca tol chi cami, palta chi aj pax ulok, mimanxa bak' chi yak'a'. 25 A mac asannej wal is k'inal ay yelapnok yul sat, ok lajwokcan el is k'inal tu'. A pax mac c'am yelapnok is k'inal yul sat bay yulyibank'inal ti xin, a ton eb tu' ok cha k'inalej tol ayc'al yin tojbalk'inal. 26 Ta ay mac chi ochen chin ak'on serbil, tzaklojokab wintak, yet watx' a bay ayin ec'ok, a tu' chi ayji c'apax ec'ok. Ta ay mac chin ak'on serbil, a in Mam ok paktzen bay eb, cax miman ok yun yeloc eb. 27 A tinani', caw wal chi oc pitz'an cusc'ulal win, palta, ¿tzet ok wut waloni? ¿Tom ok wal bay Dios axca ti': Mamin, col in el yul k'ab jun yailal ok jay wiban ti', xin ta quin chi? Yuj ton jun ti' xan ayintek yuj. 28 Mamin, txeclojokab elok tol miman elapnok, ẍi Jesús. Lajwi tu xin, max yaben eb yoc jun k'anej satcan, tol max yal axca ti': Mayal in tx'oxo' tol miman welapnok. A tinani' xin, ok in tx'ox junelxa, ẍi jun k'anej tu'. 29 Axa eb anima ayic' bay tu', max yab eb jun tu'; yuj tu' xan ay eb max alon axca ti': —Tekan c'u jun max bil tu', ẍi eb. Ay eb xin: —Tekan ángel junok max k'anjab aytek bay Jesús ti', ẍi eb. 30 Yuj tu xan max yal Jesús bay eb: —Man wujok, xan max al-lay aytek juntzan ti', palta e yuj xan max al-layi. 31 A tinani', a eb ay bay yulyibank'inal ti', ok beyc'ulnelay eb, cax ok in k'okon el jun yajaw bay yulyibank'inal ti' yin yopiso. 32 A pax ayin ti xin, a yet ok in ilay aj bay sat tx'otx' ti', ok witek masanil anima ayin, ẍi Jesús. 33 Max yal axca tu', yuj tx'oxon elok tzetbil ok yun cami. 34 Axa yalon eb anima bay axca ti': —A yul tx'an ley ayic' ayon, a tu' max jabej tol a Cham Cristo, ayc'al ec' yin tojbalk'inal. Yuj tu', ¿tzet xan chala' tol a jun Chekbiltek yuj Dios xol eb jet animail, yowalil ok ilay ajok? ¿Mactxel jun Chekbiltek yuj Dios chal tu'? ẍi eb bay. 35 Axa yalon bay eb axca ti': —Ayin chi wak' sakk'inal bay e yanimail, ayin ec' e nan e xol tinani', palta jabxanej tiempoal ayin ec'ok. Caw wal che watx'nej e beybal, yak'ban wal tol ayinto ec' jayebokxa c'ual e yetok. Ta c'amak, ok somchaj el e c'ul. Axca wal junok mac chi bey xol k'ekk'inal, c'am chi je' yilon bay chi ca toji, caytu' ok yun e yelocok. 36 Ayin ti', aj sakk'inal in. Yuj tu' xan aek oc e c'ul win, yak'ban wal tol ayinto ec' e yetok, cax chi wak'on sakk'inal bay e yanimail yin junelnej, ẍi Jesús bay eb. Lajwic'al yalon juntzan ti', max eli, max c'uban el ba bay eb. 37 Caxc'al xiwil milagro max tx'ox Jesús bay eb, palta tokwal yuj tu' chi yaoc eb c'ul yin Cham. 38 Cay ton tu' max yun yeloc tzet albilcan yuj Isaías, is chekbej Dios, yet max yaloncan axca ti': Mamin, ¿mactxel max yaoc c'ul yin k'anej max al-layi? ¿Mactxel max nachaj el mulnajbal Cham Jajawil yuj? ẍican Isaías tu' yul tx'an Un Tz'ibbilcanok. 39 Xan majc'alta' je' yaon oc eb yin c'ul. Ilab tol albil pax yuj Isaías junelxa axca ti': 40 Axca tol a Dios chi makchen sat eb, chi watx' ak'nej pitbok eb, yet watx' axca tol c'am chi ilwi eb, cax c'am chi nachaj el yuj eb, yet watx' c'am chi meltzojtek eb bay Cham cax chi col-lay eb yuj Cham, ẍi. 41 Yalnakcan Isaías juntzan ti', yujtol yilnak is mayk'ak'al Jesús, xan a ton yabixal ti' albilcan yuj. 42 Caxc'al albilcan axca tu', palta ay eb israel max yaoc c'ul yin Jesús. Toltax eb yajaw, xiwil eb max yaoc yin c'ul. Asan tol c'am chi tx'oxil ba eb, yujtol chi xiw eb bay eb fariseo, yujtol talaj chi uktelay eltek eb yul nail is culto eb yuj eb. 43 Chi yut ba eb caktu', yujtol chi yochej eb tol miman yelapnok eb yul sat anima. C'am chi na eb tatol ay yelapnok eb yul sat Dios. 44 Axa Jesús xin, yin ipejal max k'anjab eltek xol anima axca ti': A eb chi yaoc c'ul win, man asannejok win chi yaoc eb c'ul. Chi ya c'apax oc eb c'ul yin Cham cheknejintek. 45 A eb chin iloni, lanan c'apax yilon eb Cham cheknejintek tu'. 46 Ayin ti', max in jay ul wak'on sakk'inal bay eb anima bay yulyibank'inal ti', yet watx' a eb chi yaoc c'ul win, c'amxa k'ekk'inal yin yanimail eb. 47 A eb chi aben in k'anej, ta c'am chi yikej eb, mayinnak ok waoc yailal eb, yujtol man yujok waon oc yailal anima xan max in jay bay yulyibank'inal ti', palta yuj wak'on colchaj eb, xan max in jayi. 48 A eb c'am welapnok yul sat, eb c'am chi iken in k'anej, ayxa mac ok aon oc yailal eb, a ton in k'anej chi wal ti'. A in k'anej ti' ok aon oc yailal eb yet lajub c'ual. 49 Yujtol man yulok wet chin k'anjabi, a in Mam cheknejintek, a' ak'nej is chekbanil ayin tzet chi ul wala'. 50 Wojtak, yuj is chekbanil tu', xan chi je' chaoncan eb anima is k'inal tol ayc'al yin tojbalk'inal. Yuj tu', axca max yun yalon in Mam ayin, caytu' chi wut walon c'apaxok, ẍi Jesús.
1 Yecalokxac'al k'in Pascua, max yojtaknej el Jesús, tol max jay tiempoal bekoncan yulyibank'inal ti', cax chi paxaj bay co Mam Dios. A eb yet-xa ayic' yulyibank'inal ti', caw wal camc'ulnebil eb yuj. A tinani', ok tx'oxo' tol jantakxa wal is camc'ulal yin eb. 2 Toxa max oc nak diablo yin is nabal Judas, c'ajol Simón Iscariote, yuj yaon oc Jesús yul k'ab camich, palta a Cham yojtak tol a bay Dios titnak, cax ac'ala' bay ok paxajok. Yojtak tol a co Mam Dios max ak'on masanil ikbejlak yul is k'ab. Yuj tu' xan a yet lanan low Cham yetok eb is cuywom, max aj wan, max yion el an is jokan pichil, cax max pixon oc jun toalla yin is nan. 5 Lajwi tu', max yaon ay aej yul jun palangana. Axa tx'ajon el yakan eb is cuywom tu', max joon tak yetok an toalla tu'. 6 Axa yet ijan toxa ok tx'ajil yakan Simón Pedro max yalon Pedro tu' bay axca ti': —Mamin, ¿tom ijan cha tx'ajil wakan ti' aloni? ẍi bay. 7 —A tinani', c'am chi nachaj el oj tzet yetal jun chi wun ti', palta c'ojanc'ulal ok nachaj el oj, ẍi Cham bay. 8 —C'am oxlajon bak'in tol ach ok a tx'ajil wakan ti', ẍi Pedro tu' bay. —Ta c'am chak' in tx'ajil xin, c'am alon et wetok, ẍi Cham. 9 —Ta caytu xin Mamin, manokab asannejok wakan ti' cha tx'aja', tx'aj c'apax in k'ab ti' c'al in jolom, ẍi Pedro tu'. 10 Axa yalon Cham axca ti': —K'inalok ay junok mac tolto max achinwi, manxa yowalilok chi tx'ajlay is mimanil masanil. Asanxanej yakan chi tx'ajlayi, yujtol a is mimanil sakxa yayji. Ayex ti', axca junok mayal achinwi tu', caytu' e yayji, yujtol toxa mayal watx'ji e nabal. Palta man e masanilok max watx'ji e nabal, ẍi Jesús. 11 Yojtakxa mactxel jun ok aon oc yul k'ab camich. Yuj tu' xan max yal axca ti': Man e masanilok max watx'ji e nabal, ẍi. 12 A yet max lajwi tx'ajon yakan eb tu', axa yaon pax oc an is jokan pichil tu' junelxa. Axa yay chotan yetok eb tu', max yalon Cham bay eb axca ti': —¿Chimi nachaj el e yuj, tzet yuj xan caytu' chex wutej? 13 Ayin ti', chin e yaloc e Meẍtolok, cax chin e yalon oc e Yajawilok. Yel ton che yala'. 14 E Meẍtol in toni, e Yajawil in toni, palta ilab max in tx'ajil e yakan ti'. Yuj tu', moj wal caytu' che yut e ba c'apaxok. 15 Max in tx'ox jun ti' ayex yet watx' axca chex wut ti', caytu' che yut e ba c'apaxok. 16 Wal yel chi wal ayex, c'am junok mosejal ec'ban yintak is patrón. Cay c'apax tu' eb chekbej, c'am junok mac ec'ban yintak mac chi chekon eb tu'. 17 Ta chi nachaj el juntzan ti' e yuj, cax che yikeni, caw wal watx' e yet. 18 —Man e yujok e masanil, xan chi wal axca ti', yujtol wojtak mac ex sic'bil exxa el wuj. Palta yowalil ok yunc'alta' tzet tz'ibbilcan yul tx'an Un bay chi yal axca ti': A jun chi low wetok, a' max oc ajc'ulal win, ẍi tx'an. 19 Ayokto chi waloncan juntzan ti' ayex, yet watx' a yet ok jayoc wiban, cax ok e yaon wal oc e c'ul win, tol ayin ton Cristo in. 20 Wal yel chi wal ayex, a mac chi chaon eb in chekbej, ayin ton chin is cha eb. A eb chin chaon tu', chi cha' c'apax eb Cham cheknejintek, ẍi Jesús. 21 A yet max lajwi yalon Jesús juntzan ti', max oc pitz'an cusc'ulal yin, xan max yal axca ti': —Wal yel chi wal ayex, a e xol ay jun ok in aon oc yul k'ab camich, ẍi bay eb. 22 Axa c'oli yil-len oc ba eb cuywom tu', yujtol man yojtakok eb mac jun chi yal tu'. 23 Ay jun camc'ulnebil yuj Jesús sic'libil, chotan ay is tz'eyil yet lanan low eb tu'. 24 Max yak'on Simón Pedro yechel bay, yet watx' chi k'anlej bay Jesús, mactxel jun chi yal tu'. 25 Yuj tu xin, xan max jitzxac'al oc ba c'atan Cham, max k'anlen bay: —Mamin, ¿mactxel jun chal tu' tinani'? ẍi bay Cham. 26 Axa yalon Jesús bay axca ti': —A mac bay ok wak' jabok ti' pan ok in la' xol vinagre, a ton jun tu', ẍi. Max lajwi yalon Jesús axca tu xin, axa laon jab pan tu', max yak'on bay Judas, is c'ajol Simón Iscariote. 27 Lajwic'al chaon Judas jab pan tu', cax max oc Satanás yin, axa yalon Jesús bay axca ti': —A tzet max a nabalnej el oneni, chic'al ala', cax chak'on yun yin ayman, ẍi bay. 28 A eb chi low yin meẍa tu' yetok, c'am junok eb max nachaj el yuj, tzet yuj xan caytu' chi yal bay. 29 A Judas tu' c'ubom tumin yayji xol eb, yuj tu' xan ay mac max naoni, tol chi cheklaytok manon junok tzet yetal bay k'in tu', ma xin, a jabok tumin tu' chi cheklay toj yak' bay eb meba' naon eb. 30 A Judas tu xin, max lajwic'al loon jab pan tu', max el xol eb, yet k'ekbintakilxa. 31 Axa yet max eltok Judas tu', max yalon Jesús axca ti': —A tinani', ok tx'oxk'abnelay elok, tol caw wal miman welapnok ayin Chekbilintek yuj Dios xol eb jet animail ti', cax ok in tx'oxk'abnej c'apax elok, tol miman yelapnok Dios. 32 Ta chin tx'oxk'abnej elok, tol miman yelapnok Dios, ok tx'oxk'abnej el Cham tol miman c'apax welapnok cax yin aymanil ok tx'ox Cham. 33 Ex in camc'ulnebil, txenxanej tiempoal ayin ec' e yetok. Axca max yun walon bay eb aj Judea, axca tu' chi yun walon c'apax ayex: Ok in e sayic'ok, palta majto je' e yapni bay ok in apnok tu'. 34 Ay junxa ac' chekbanil ok walcan ayex tinani', tol che camc'ulnelej e ba junjun ex. Axca chex wut in camc'ulneni, cayokab tu' che yut e camc'ulnen c'apax e ba. 35 Ta che camc'ulnelej e ba junjun ex, ok yojtaknej el masanil eb anima, tol yel toni in cuywom ex, ẍi Jesús bay eb. 36 Axa k'anlen Simón Pedro tu' bay: —Mamin, ¿baytal ok ach tok xin? ẍi bay. —A bay ok in apnok, majto je' e toj wetok tinani'. C'ojanc'ulalto ok je' e toj wetok bay tu', ẍi Jesús bay. 37 —Palta Mamin, ¿tzet xan c'am chi je' in toj etok yin ayman tinani xin? Caw bekan in c'ul wak'lay cam oj, ẍi Pedro tu' bay. 38 —¿Yel mi bekan a c'ul ak'lay cam wuj? Wal yel chi wal ayach, oxelxa quin eon el en, cax ok ok' no caẍlan yet jun ak'bal ti', ok aloni tol mayin ojtakok, ẍi Jesús bay.
1 Max yal Jesús bay eb is cuywom axca ti': Manchak somchaj el e c'ul. Aek oc e c'ul yin Dios, cax che yaon c'apax oc e c'ul win. 2 A bay yatut in Mam, xiwil lugar bay watx' chon cajayi. K'inalok ta c'am bay, mayalxam wal ayex. A tinani xin, toj in watx'nej e lugar bay ok ex apnok ocok. 3 Ok lajwok in watx'nen e lugar tu', cax ok in jay pax junelxa, axa ex ul wiontok wetok tu', yet watx' a bay ayin ec' tu', a tu' ok ex ayjok ec' wetok. 4 Ayex ti', e yojtakxa bay chin toji, e yojtak c'apax beal bay chin toj tu', ẍi bay eb. 5 Axa yalon Tomás bay axca ti': —Mamin, man jojtakok bay ok ach tok tu', ¿tzet ok jut jojtaknen el jun be tu'? ẍi. 6 Max yalon Jesús bay axca ti': —A jun be chi wal ti', ayin toni. Asan in chi je' ex wiontok bay ayic' co Mam Dios. Ayin ton yelc'al tzet chi wala', cax ayin ton aj k'inalej in. 7 Matawal chin e yojtaknej elok. Ta chin e yojtaknej elok, ok e yojtaknej c'apax el in Mam, a pax tinani' xin, e yojtakxa in Mam tu', yujtol toxa max e yil yin, ẍi bay eb. 8 Max yalon Felipe bay axca ti': —Mamin, tx'ox a Mam tu' jila', cax k'okbilc'alnaj tu', ẍi. 9 Xan max yal Jesús bay axca ti': —Felipe, mimanxa tiempo ayin ec' e yetok. ¿Tom c'amto chojtaknej el mac in txel xin? A eb chin iloni, lanan yilon eb yin co Mam Dios. Yuj tu', ¿tzet yuj xan chal ayin: Tx'ox a Mam tu' jila', cachi? 10 ¿Tom c'am chaoc yin a c'ul, tol ayin oc yin co Mam Dios, cax ay pax oc Cham win? A tzet chi wala', man yulok wet chi waloni, palta tol a co Mam Dios ayoc win tu', a' chi ak'on wunej. 11 Aek oc yin e c'ul tol ayin oc yin co Mam Dios, cax ay pax oc win. Ta c'am che yaoc e c'ul win yuj tzet chi wal ti', aek oc e c'ul win yuj juntzan milagro chin tx'oxo'. 12 Wal yel chi wal ayex, a mac chin yaoc yin is c'ul, ok yun eb juntzan chi wunej. Toltax ay juntzan tzet ec'ban ok el yunen eb yintak juntzan ti', yujtol ok in paxaj bay ayic' co Mam Dios. 13 Tzanc'al tzet ok e k'an bay Dios yujtol wet ex, ok in watx'nej el ayex. Ok in watx'nej el ayin ti', tol C'ajol in Dios, yet watx' ok in tx'oxk'abnej elok, tol caw wal miman yelapnok co Mam Dios. 14 Tzanc'al tzet ok e k'an ayin yujtol wet ex, ok in watx'nej el ayex. 15 Ta chi camil e c'ul win, ikejek in chekbanil. 16 Ayin ti' ok in k'an bay co Mam Dios, cax ok chekontek junxa mac ok colwaj e yetok, a ton Yespíritu tol yel chi yala'. A' ok ayjokc'al ec' e yetok yin tojbalk'inal. 17 A eb yet yulyibank'inal ti', maj je' chaon eb jun tu', yujtol c'am chi je' yilon oc eb yin, xan man yojtakok eb. A pax ayex ti xin, e yojtakxa Yespíritu tu', yujtol ayic' e yetok, a' ok ayjok ec' e yin. 18 Ayin ti', maj ex in bekcan e tx'oklil, ok in jay pax ayex junelxa. 19 Txenxanej tiempo, catatu' bian, manxa ok in yil eb aj yulyibank'inal ti'. A pax ex ayex ti xin, ok in e yila'. Yujtol iquis inc'al yin tojbalk'inal, yuj tu' xan iquis ex c'apax yin tojbalk'inal. 20 A yet jun c'ual tu' ok nachaj el e yuj, tol ayin oc yin in Mam, cax ayoc Cham win. Ok nachaj c'apax el e yuj, tol ayex oc win, cax ayin pax oc e yin. 21 A mac chi aben in chekbanil, cax chi yiken paxok, a ton eb tu' chi camil c'ul win. A eb chi camil c'ul win, a ton in Mam ok camc'ulnen eb. Yetok c'apaxok, ok in camc'ulnej eb, cax ok in tx'oxon in ba bay eb, ẍi Jesús bay eb. 22 Ay junxa mac chi yik c'apax Judas, manak Judas Iscariote, a' max alon bay Cham axca ti': —Mamin, ¿tzet xan asan ayon ok a tx'ox a ba? ¿Tzet xan man ok a tx'ox a ba bay eb yet yulyibank'inal ti'? ẍi bay Cham. 23 Axa yalon Cham axca ti': —A mac chin camc'ulneni, chi yikej tzet chi wala'. Xan axa in Mam chi camc'ulnen pax eb, cax ok on cajay yetok eb. 24 A pax eb c'am chin camc'ulneni, c'am chi yikej eb tzet chi wala'. A juntzan k'anej chi wal ayex ti', man wetok, yet co Mam Dios, Cham cheknejintek. 25 Chi walcan juntzan ti' ayex, yak'ban wal tol ayinto ec' e yetok. 26 A co Mam Dios ok chekontek Yespíritu ayex in q'uexelok. A' ok colwaj e yetok, ok ex cuy yin masanil tzet yetal. Ok jek e na jantak tzet albilcan ayex wuj. 27 A tinani xin, chi wak'can junc'ulal ayex. A caw in junc'ulal chi wak'can ayex. Man axcaok junc'ulal chi yak' eb yet yulyibank'inal ti', man cayoktu' wet chi wak'can ayex. Manchak e yak' somchaj e c'ul, cax c'am chex xiwi. 28 Toxa mayal wal e yabej, tol ok in paxok, palta ok in jay pax ayex. Ta yel wali chin e camc'ulnej, ta axca tu', moj wal chex tzaloji yet che yabeni tol ok in paxaj bay co Mam Dios, yujtol ec'ban Cham wintak. 29 Ayokto chi waloncan juntzan ti' ayex, yet watx', a yet ok yunen tzet chi wal ti', cax ok in e yaon wal oc yin e c'ul. 30 Manxa mimanok tzet chi walcan ayex, yujtol lanan jay nak yajaw yulyibank'inal ti'. A nak tu' c'am yalon yet win. 31 Palta axcac'alta' tu' ok yunej, yet watx' ok yojtaknej el eb yet yulyibank'inal ti', tol ay in camc'ulal yin co Mam Dios cax chi wikej masanil is chekbanil max yak' ayin. A tinani xin, ajanek wanok, tonek, ẍi Jesús bay eb.
1 Axa yalon Jesús bay eb is cuywom axca ti': Ayin chin is tx'ox jun acaw uva. Axa jun winak chi ilwi uva tu', a in Mam chi tx'oxtek. 2 Ta ay an k'ablak c'am chi satni, a' ayoc yion elok. Ta ay an k'ablak watx' satni, a' ayoc yion el is takinal, yet watx' chi texac'al satni. Axca chi yut watx'nen el nak an tu', caytu' chi yut watx'nen el in Mam eb chi ayji oc win. 3 Ayex ti', toxa max watx'ji oc e nabal yuj juntzan cuybanilej albilcan ayex wuj ti'. 4 Ayjanekc'al oc win. Ayinxa ok in ayjokc'al ec' e yin. Axca junok k'ab an chi el yin is txutxal, c'amxa chi je' satni, cay c'apax tu' che yunej, ta c'am chex ayjic'al ec' win. 5 Ayin ti', axca txutxal uva, cayin tu'. Ayexxa xin, axca k'ablak ex. A mac ayc'al oc win, ayin c'apax oc yin, a jun tu' xiwil tzet watx' chi txecloj el yin axca junok te' xiwil sat chi yak'a'. Ta c'am in oc e yin, c'am jabok tzet chi je' e yuj e tx'oklil. 6 A pax eb c'am chi ayjic'al ec' win xin, lajan ok yun yeloc eb axca junok k'abej chi ilay el yin is txutxal; chi takajok, chi lajwi tu', chi wajlay ajok, cax chi tz'a'i. 7 Ta chex ayjic'al ec' win, cax ayc'al oc e c'ul yin in k'anej, k'anek tzet chi yochej e c'ul, cax ok ak'lay ayex. 8 Ta xiwil tzet watx' chi txecloj el e yin, cayton tu' ok e yut e tx'oxk'abnen elok tol miman yelapnok in Mam. Cay c'apax tu' ok e yut e tx'oxk'abnen elok tol in cuywom ex. 9 Axca chin yut camc'ulnen co Mam Dios, caytu' chex wut in camc'ulnen c'apaxok. Yuj tu' xan ayjanekc'al ec' yin in camc'ulal ti'. 10 Ta che yikej in chekbanil, ok ex ayjokc'al ec' yin in camc'ulal ti', yujtol caytu' wak'on yetok in Mam; chi wikej is chekbanil, yuj tu' xan ayinc'al ec' yin is camc'ulal. 11 Chi walcan juntzan ti' ayex, yet watx' axcaokab in tzaloji, cayokab tu' e tzaloj c'apaxok, cax chi tz'aknajxac'al el e tzalojc'ulal. 12 A tinani', ay jun in chekbanil ok wak'can ayex, tol che camc'ulnelej e ba axca chex wut in camc'ulneni. 13 Ta ay junok mac chi yak' ba cam yuj junok yamigo, c'am junokxa mac ec'ban is camc'ulal yintak jun mactxel tu'. 14 Ta che yikej in chekbanil, wamigo ex toni. 15 A tinani', chi wal ayex tol manxa mosejalok e yayji ayin, yujtol a junok mosejal, man yojtakok tzet chi yun is patrón. Palta a tinani', wamigo ex, yujtol masanilc'al tzet max yal in Mam ayin, maxc'al walil ayex. 16 Mayexnak max quin e siq'uilok, palta tol ayin max ex in siq'uilok. Max waon oc e yopiso yin e yunenc'al wochwan, xan a tzet che yun tu' chi ayjic'al ec' yin tojbalk'inal. Yuj tu' xan jantakc'al tzet ok e k'an bay co Mam Dios ok yak' ayex yujtol wet ex. 17 A ton jun chekbanil ti' chi wak'can ayex, tol che camc'ulnelej e ba. 18 Ta chi chichon oc c'ul eb yet yulyibank'inal ti' e yin, ojtaknejek elok tol a win max babji chichonbi oc c'ul eb. 19 K'inalok ta yet ex yulyibank'inal ti' yetok eb, tekan chex camc'ulnej eb; palta mayexxa yetok yulyibank'inal ti', yujtol toxa max ex in siq'uil xol eb. Yuj tu' xan chi chichon oc c'ul eb e yin, yujtol manxa e yetbiok e ba yetok eb. 20 Caw wal che natek jun k'anej max wal ayex ti': C'am junok mosejal ec'ban yintak is patrón, quin chi ayex. Axca max yun yoc eb ajc'ulal win, caytu' ok yun c'apax yoc eb ajc'ulal e yin. Ta max yikej eb tzet max wal ayin ti', ok yikej c'apax eb tzet ok e yala'. 21 Wujc'al ok e yab yail masanil juntzan ti' yuj eb, yujtol man yojtakok eb Cham cheknejintek. 22 K'inalok ta maj ul wal bay eb, c'am mi is mul eb, palta tinani', c'amxa bay watx' chi col ba eb yuj is mul. 23 Yujtol a mac chi chichon oc c'ul win, chi chichon c'apax oc c'ul yin in Mam. 24 A juntzan milagro max in tx'ox xol eb, c'am junokxa chi je' yunen axca tu'. K'inalok ta c'am milagro tu' max in tx'oxo', c'am mi is mul eb. A pax tinani xin, caxc'al mi max yil eb juntzan tu', palta ac'ala'c'al chichon oc c'ul eb win c'al yin in Mam. 25 Palta cac'alta' tu' ok yun yunen el juntzan ti', yet watx' chi yun tzet tz'ibbilcan yul tx'an ley bay chi tz'ak yaoc eb is c'ul, bay chi yal axca ti': Max chichon oc c'ul eb win, palta c'am in mul bay eb, ẍi yul tx'an Un Tz'ibbilcan tu'. 26 Palta ay jun ok tit bay co Mam Dios, a ton Cham Espíritu tol yel chi yala'. Ok jayok cax ok colwaj e yetok. Ok tok in chektek ayin ti'. A jun tu' ok yak' testigoal ba win. 27 Ac'ala' ex c'apaxok, ok e yak' c'apax e ba testigoal win, yujtol ayexc'al jun wetok yettaxc'al max el yich in mulnajil ti'.
1 Chi walcan juntzan ti' ayex, yet watx' c'am chi somchaj el e c'ul. 2 Yujtol ok ex yuktej eltek eb jet israelal yul nail is culto eb. Toltax ok jay jun tiempoal tzanxac'al mac ok ex ak'on camok, a ok yut naon eb, tol a Dios lanan yak'on serbil eb. 3 Ok yun eb axca tu', yujtol man yojtakok eb in Mam, cax mayin yojtakok c'apax eb. 4 Chi walcan juntzan ti' ayex, yet watx' a yet ok jay juntzan tiempoal tu', ok e natek tol albilcan ayex wuj. Maj wal juntzan ti' ayex yet yalantok, yujtol ayinto ec' e yetok yet tu'. 5 Axa tinani xin, ok in pax bay Cham max in chekontek; palta c'am junok ex che k'anlej el ayin, bay ok in tok. 6 A ti' e yet, tol caw wal chex cusaj yuj juntzan chi wal ti'. 7 Palta wal yel chi wal ayex, a yuj ok in tok, xan caw wal watx' e yet. Ta c'am chin toji, c'am chi jay jun t'inan colwaj e yetok tu', palta a yet ok in tok, ok in chektek Cham ayex. 8 A yet ok jayok, ok yak' yojtaknej el eb yet yulyibank'inal ti', tol yobtakwom eb. Ok yak' yojtaknej el eb, tol watx'c'al max wut in ba, cax ok yak' c'apax yojtaknej el eb, tol ok beyc'ulnelay eb yuj Dios. 9 Ok yak' yojtaknej el eb tol yobtakwom eb, a ton yuj c'am chin yaoc eb yin is c'ul. 10 Ok yak' yojtaknej el eb, tol watx'c'al max wut in ba, yujtol ok in pax bay ayic' co Mam Dios. C'amxa bay ok e yil win cayti'. 11 Ok yak' c'apax yojtaknej el eb, tol ok beyc'ulnelay eb yuj Dios, yujtol mayal beyc'ulnelay jun yajaw bay yulyibank'inal ti'. 12 Xiwiltoc'al tzet yetal chi yochej in c'ul chi wal ayex, palta majto nachaj el e yuj tinani'. 13 A to yet ok jay Yespíritu Dios tol yel chi yala', catatu' ok nachaj el e yuj, yujtol man munilok ok yal yul yet. A masanil tzet ok al-lay bay, a ok yala'. Ok yal c'apax e yab tzet tolto ok jayok. 14 A' ok tx'oxk'abnen elok, tol miman welapnok. Masanilc'al tzet ok wal bay, ok yal ayex. 15 Wetc'al yayji masanilc'al tzet ay bay co Mam Dios. Yuj tu', chi wal ayex, masanilc'al tzet ok wal bay, ok yal ayex. 16 Junxanej bek che yil oc win, axa yet junxa bek manxa ok e yil win, palta ok in e yil yet cabej oxej, ẍi Jesús bay eb. 17 Lajwi yalon axca tu xin, axa c'oli yalubtanen jaywan eb is cuywom axca ti': —¿Tzetlaj chi yal elapnok juntzan chi yal ayon ti'? Ilab tol max yala': Yet jun bek manxa ok e yil win, a pax ato yet cabej oxej ok in e yila', ilab ẍi. Chi yalon c'apaxok: Yujtol ok in paxaj bay co Mam Dios, ẍi ayon. 18 A jun chi yal, yet jun bek tu', ¿tzetlaj wal chi yal elapnok tinani'? Caw wal c'am chi nachaj el juj, tzet chi yala', ẍi eb. 19 Max yojtaknej el Jesús tol chi yochej eb chi k'anlej bay, tzet chi yal elapnok tzet max yal tu'. Yuj tu' xan max yal bay eb axca ti': —Mayal wal ayex: Yet junxa bek, manxa ok e yil win, a pax ato yet cabej oxej ok in e yila', quin chi ayex. ¿Tom a ton juntzan max wal ayex tu' che yalubtanej e xol? 20 Wal yel chi wal ayex, ok ex cusok, ok ex ok'ok, axa eb yet yulyibank'inal ti xin, ok tzaloj eb. Ok ex ton cusok, palta a jun e cusc'ulal tu', tzalojc'ulalxa ok yutaj ba. 21 K'inalok junok ix ix tinani', lanan yalji yune'. Ya' ton chi yabej, yujtol lanan yec' ya', palta a yet mayal jay yune' tu', tok naanto yailal tu' yuj; a ti yet, caw wal chi tzaloji, yujtol mayal jay jun unin yuj bay yulyibank'inal ti'. 22 Axca ton junok ix tu', caytu' ok e yunej. Chex ton cus tinani', palta a yet ok ex wilon yet junelxa tu', caw wal ok ex tzaloj pax ajok. Axa jun e tzalojc'ulal tu', c'am mac ok je' yion ec' ayex. 23 A yet jun c'ual tu', c'amxa tzet ok e k'anlej el ayin. Wal yel chi wal ayex, masanilc'al tzet ok e k'an bay co Mam Dios, ok yak' ayex yujtol wet ex. 24 A tinani', c'amto tzet che k'an bay Dios yin in bi. K'anek, ok e cha'. Ok ak'lay ayex, yet watx' ok tz'aknaj el e tzalojc'ulal. 25 Yin q'uexan abix max yun walon juntzan cuybanilej ti' ayex; palta ay jun tiempoal ok jayok tol manxa cayok tu' ok wut walon axca tu', yujtol tojolxa ok wut walon yabixal co Mam Dios ayex. 26 A ton yet ok jay jun c'ual tu', ok e k'an tzet che yochej yujtol wet ex. Man lananok walon ayex, tol ayin ok in k'an tzetak yetal bay co Mam Dios e yuj. 27 Ilab tol acaw Cham chi camil c'ul e yin, yujtol chin e camc'ulnej, cax che yaon ton oc yin e c'ul tol a bay Cham titnak in. 28 Yel, a bay co Mam Dios titnak in, cax max in jay bay yulyibank'inal ti'. Axa tinani xin, ok in bekcan yulyibank'inal ti', cax ok in paxaj bay ayic' Cham, ẍi Jesús bay eb. 29 Axa yalon eb is cuywom tu' bay: —A tinani', watx'xa max ot alon ayon. Manxa q'uexan abixok max ot alon ayon axca yet junel. 30 A tinani', jojtak tol ojtak masanil tzet yetal. Man yowalilok chi co k'anlej el ayach, cax ok alon ayon. Yuj tu' xan chi jaoc yin co c'ul tol a bay Dios titnak ach, ẍi eb bay. 31 Xan max yal Jesús bay eb axca ti': —¿Chimi e yaoc e c'ul win tinani'? 32 Palta lananxa jay tiempoal e saklemcantok. Tx'ok tx'okxac'al bay ok ex tojcan junjun ex. Axa in e bekoncan in tx'oklil tu'; palta man in tx'oklilok ok in canok, ayic' co Mam Dios wetok. 33 Max wal masanil juntzan ti' ayex, yet watx' chex can yin junc'ulalil wuj. A bay yulyibank'inal ti', ok ton e yil yail, palta tec'bajek e ba, yujtol a eb yet yulyibank'inal ti', mayal can eb yalan wuj, ẍi Jesús bay eb.
1 Max lajwi yalon Jesús juntzan tu', max aj t'anan bay satcan. Axa yalon axca ti': Mamin, mayal jay tiempoal a tx'oxk'abnen elok, tol miman welapnok ayin a C'ajol in ti', cax ok in tx'oxk'abnen c'apax elok, tol caw wal miman elapnok, 2 yujtol ach ak'nej wikbej yiban masanil anima, yet watx' chi je' wak'on k'inalej tol ayc'al yin tojbalk'inal bay eb max ak' ayin. 3 A k'inalej yin tojbalk'inal, chi yal elapnok tol chach yojtaknej el eb anima, ach jun c'otan acaw Dios, c'al in yojtaknen el eb, ayin Jesucristo in, tol chekbilintek oj. 4 A yet ayin ec' bay yulyibank'inal ti', max in tx'oxk'abnej elok tol caw miman elapnok. A jun mulnajil ak'bilcan wun oj ti', mayal yi ba wuj. 5 A yet manto esnelay aj yulyibank'inal ti', ayinxac'alta' ec' etok bay xol co watx'ilal. Axa tinani xin Mamin, cha' in paxaj etok bay xol co watx'ilal tu', axcac'alta' wayji ec' etok. 6 A eb max a siq'uiltek xol eb yet yulyibank'inal ti', cax max ak'on eb ayin, max wak' yojtaknej el eb tzetbil wal yoc a nabal. A eb max ak' ayin tu', toc'alta' etc'alta' eb. Max yikej eb a k'anej. 7 A tinani', masanilc'al tzet ak'bil oj ayin, yojtak eb tol a ayach max tita. 8 A wal a k'anej ak'bil ayin tu', a maxc'al wal bay eb, cax max yaon oc eb yin c'ul. Yuj tu' xan yojtak eb tol yel toni a ayach max in tita. Chi yaoc eb yin c'ul, tol ach cheknejintek. 9 Yuj tu xin, chin txajli yuj eb. Axa eb yet yulyibank'inal ti xin, c'am chin txajli yuj eb. Asannej eb max ak' ayin, asan eb tu' chin txajli yuj, yujtol et-xa eb. 10 Masanilc'al eb wet, et-xa c'apax eb. Ac'ala' c'apax eb et, wet-xa c'apax yayji eb etok. A ton eb tu' chi tx'oxk'abnen elok tol caw miman welapnok. 11 Txenxanej tiempoal ayin ec' yulyibank'inal ti', axa in paxaj etok tu'. A pax eb ti xin, okto can eb jabokxa bay yulyibank'inal ti'. Mamin, caw wal watx' a nabal. Taynej eb yetok ekbej, a ton jun ekbej max ak' ayin, yet watx' junxanejokab nabal eb axca wak'on etok. 12 A yet ayin ec' yetok eb bay yulyibank'inal ti', max in taynej eb yetok ekbej max ak' ayin. Yuj tu xan c'am junok eb max c'ayilok, palta asannej nak t'inanc'alta' c'ayilok, yet watx' chi yun tzet tz'ibbilcan yul tx'an Un. 13 Ok in pax ayach. Yak'ban wal ayinto ec' jabokxa bay yulyibank'inal ti', chi walcan juntzan ti', yet watx' axcaokab in tzaloj ti', cayokab tu' chi yun tzaloj aj eb yin sic'libil. 14 Mayal wal a k'anej bay eb, palta a eb anima yet yulyibank'inal ti', caw wal chi chichon oc c'ul eb yin eb, yujtol manxa yetok yulyibank'inal eb yetok eb. Axca in ton c'apaxok, mayin yetok yulyibank'inal ti'. 15 Man lananok walon ayach, tol cheil eb yulyibank'inal ti' yin aymanil, palta tol chin k'an ayach, tol cha taynej eb, yet watx' c'am eb chi etax el yuj nak yelxac'al yob. 16 Ayin ti' mayin yetok yulyibank'inal ti'. Ac'ala' c'apax eb, man yetok yulyibank'inal ti eb. 17 Cha pojcan el eb, yuj yoccan eb etok, yuj a k'anej tol yel chi yala'. 18 Axca max in ot a chekontek xol anima bay yulyibank'inal ti', axca ton tu' max wut in chekon c'apax tok eb xol anima tu'. 19 Yuj watx'ilok eb, xan chi wak' in ba ayach, yet watx' chi oc eb etok sic'libil. 20 Man asannejok yuj eb chin txajli; palta chin txajli c'apax yuj eb tolto ok yaoc c'ul win yuj tzetak ok yal eb in chekbej ti'. 21 Chin k'an ayach xin, tol junxanejokab chi yun nabal eb masanil. Mamin, junnej wayji etok, junnej c'apax ayji wetok. Matawal axca jayji ti', cayokab tu' chi yun eb, junxanej chi yun eb jetok. Axca tu xin, ok yaoc eb anima yet yulyibank'inal ti' yin c'ul, tol ach cheknejintek. 22 A a watx'ilal ak'bilcan ayin, a max wak' bay eb, yet watx' junxanej chi yuncan nabal eb, axca wayji etok. 23 Ayin ti', ay in oc yin eb, achxa, ayach oc win, yet watx' junxanej ok yun nabal eb. Catatu' ok nachaj el yuj eb anima bay yulyibank'inal ti', tol ach cheknejintek. Ok yil eb tol axca chin ot a camc'ulneni, axca tu' chot a camc'ulnen c'apax eb ti'. 24 Mamin, a eb max ak' ayin tu', chi wochej tol a bay ok in ayjok ec'ok, a tu' chi ayji c'apax ec' eb wetok, yet watx' ok yil eb watx'ilal ak'bil oj ayin. Yujtol camc'ulnebil inxa oj yettax c'amto chi tz'unchaj yulyibank'inal ti'. 25 Mamin, tojol ton a nabal. A eb yet yulyibank'inal ti', man ach yojtakok eb. A pax in ayin ti', wojtak ach. Axa pax eb ti xin, yojtakxa eb, tol ach cheknejintek. 26 Ayin max wak' yojtaknej el eb tzetbil yoc a nabal. Toltax ok wak'c'al yojtaknej el eb, yet watx' axca chin ot a camc'ulneni, axcaokab tu' chot a camc'ulnen c'apax eb. Axa in cajayc'al ec' yin eb tu', ẍi Jesús bay co Mam Dios yin txaj.
1 Max lajwi yalon Jesús juntzan ti', axa toj yetok eb is cuywom tu'. Max toj eb bay k'axepal jun a' aej chi yik Cedrón bay xol juntzan awbejal te'. A tu' max apni oc eb. 2 Axa Judas, nak t'inan yaon oc Jesús yul k'ab camich, yojtak nak jun lugar tu', yujtol xiwil el max bet Jesús yetok eb is cuywom bay tu'. 3 Yuj tu xan max toj nak bay tu', yetok jun bulan soldado, c'al juntzan eb taynemal templo Dios max cheklaytok yuj eb yajawil eb sacerdote. Ajun eb fariseo max chekontok eb. Tzekbil oc candil eb c'al taj eb, yetbi c'apax oc eb mitx'k'abil owal, cax max apni oc eb. 4 A Jesús xin, yojtakxa jantak tzet t'inan jayoc yiban. Yuj tu' xan max eltek ul chaon eb max apni oc tu', max k'anlen bay eb axca ti': —¿Mactxel che saya'? ẍi bay eb. 5 A Jesús aj Nazaret, a' chi co saya', ẍi eb bay. —Ayin toni, ẍi Cham bay eb. Ajun Judas yetok eb, nak lanan yaon oc Cham yul k'ab camich. 6 Max lajwic'al yalon Cham bay eb axca tu', max toj tecton eb yintak, axa toj pac'naj eb tu'. 7 Max k'anlen Cham bay eb junelxa: —¿Mac wal txel che say xin? ẍi pax bay eb. —A Jesús aj Nazaret, a' chi co saya', ẍi eb bay junelxa. 8 —Palta mayal wal ayex tol ayin toni. Ta ayin chin e sayic'ok, bekekcan el eb ayic' wetok ti', ẍi bay eb. 9 Axca ton tu' max uj xin, yet watx' chi yun tzet max yal Jesús yuj eb is cuywom, yet max yalon axca ti': A eb max ak' ayin, c'am junok eb max c'aycan elok, ẍi. 10 Axa yion ajtek Simón Pedro yespada yul tz'umal tu', max tzoc'on oc yin jun nak chi yik Malco, nak is moso cham sat sacerdote. Axa is txiquin nak bay is watx' max el yuj. 11 Axa yalon Jesús bay Pedro tu' axca ti': —A aytok espada yul tz'umal. ¿Chimi a na' tol man ok wak' in ba yul k'ab jun yailal chi bek in Mam wiban ti'? ẍi bay. 12 Max mitx'lay Jesús yuj eb soldado, c'al yuj is comandanteal eb, yetok eb taynemal templo tu', cax max c'alon eb. 13 Lajwi tu xin, cax max yiontok eb bay yatut Anás, cham ni' Caifás. A Caifás tu', sat sacerdote yayji yet jun abil tu'. 14 A' ton alnej bay eb aj Judea tu', tol yowalil chi cam junok mactxel q'uexelok masanil anima. 15 A yet max yiontok eb Jesús, tzakan oc Simón Pedro yintak, yetok junxa cuywom Jesús. A jun cuywom tu', yojtak ba yetok cham sat sacerdote, yuj tu' xan max octok yetok Jesús bay yamak'il yatut cham. 16 Axa pax Pedro xin, max cancan ti puerta. Axa jun cuywom Jesús max elol bay lecancan oc Pedro tu', cax max yalon bay ix makom ti na tu', tol chi octek Pedro tu' yetok eb. 17 Axa yalon ix makom ti' na tu' bay Pedro tu' axca ti': —Ach ti', tekan is cuywom ach jun winak max mitx'lay ti', ẍi ix bay Pedro tu'. —C'amak. Mayin is cuywomok, ẍi, max tz'ak yalon bay ix. 18 A yet jun tiempoal tu', tiempoal wal sic. Yuj tu' xan max yaoc eb moso cham sat sacerdote, yetok eb taynemal templo is k'ak' yetok tzak'ak', max oc lecjab eb k'aẍnok. Axa yoc c'apax lecan Pedro k'aẍnok yetok eb tu'. 19 Axa cham sat sacerdote max k'anlen el bay Jesús axca ti': —¿Mactak txel eb a cuywom? ¿Tzetak cuybanilej chak' cuy eb? ẍi bay. 20 Axa yalon Jesús bay axca ti': —A juntzan in cuybej ti' max walil xol masanil eb anima. Masanilc'al tiempo chi walil yulak nail culto, c'al yul is templo Dios, c'al bayc'al chi wajbaj ba eb jet israelal masanil. C'am junok tzet yetal max wal yin ewantakil. 21 ¿Tzet xan a' ayin cha k'anlej? K'anlej bay eb max aben walon el tu'. Yalokab eb ayach, tzetak ẍi juntzan in cuybej tu'. Ilab tol yojtakxa eb tzetak max walilok, ẍi Jesús bay. 22 Lajwic'al yalon juntzan tu', cax max tzak'laytok sat Jesús yuj jun nak taynem templo Dios ayic' bay tu', cax max yalon nak bay axca ti': —¿Tzet xan caytu' chot tak'wok a ba bay cham sat sacerdote? ẍi bay Jesús. 23 —Ta ay tzet yob max wal max abej, ala' tzet yetal yob max wal tu'; palta ta watx'c'al max wut k'anjab in ba bay, ¿tzet xan comonc'al chin a mak'a'? ẍi Jesús bay. 24 Lajwi tu xin, max yak'on Anás tu' yilaytok bay Caifás, a ton cham sat sacerdote. C'alanc'al yuj eb nak yet max yiontok eb. 25 Lecanc'al oc Pedro k'aẍnok ti k'ak', xan max yal eb bay: —Ach ti', tekan tol cuywom ach Jesús tu', ẍi eb bay. Axa yion el yin tu', max yalon axca ti': —C'amak, mayin is cuywomok, ẍi, max tz'ak yaloni. 26 Lajwi tu', ay jun is moso cham sat sacerdote, ayto yuj ba yetok nak tzoc'bil el txiquin yuj Pedro tu'. A nak max alon bay Pedro tu' axca ti': —Ach ti', ¿tom mayachnak max wil ec' yetok Jesús bay xolak juntzan te awbejal te'? ẍi bay Pedro tu'. 27 Max yion pax el Pedro tu' yin junelxa. Max lajwic'al yalon axca tu', max ok'aj no caẍlan. 28 Axa yet max sakbi aj xin, cax max yion eltek eb Jesús yul yatut Caifás tu', cax max yiontok eb bay is despacho cham yajaw, palta maj oc eb yajaw bay Judea yul despacho tu', talaj chi etaxtok eb yul sat ley, cax c'amxa chi je' low eb yet k'in Pascua chi jay tu'. 29 Yuj tu' xan max eltek cham yajaw chi yik Pilato bay ti' is despacho tu'. Axa k'anjab cham nan xol eb tu' axca ti': —¿Tzet is mul jun winak chi ul e yak' ayin ti'? ẍi. 30 —Ta man yobok jun winak ti', maj je' comonc'al ok jitek ayach, ẍi eb. 31 Xan max yal Pilato axca ti': —Iektok nak ayex ti', cax beyc'ulnejek ayex ti' bay tu' yin atac'ala' yalon e ley, ẍi bay eb. —A ayon israel on ti', c'am jikbej jak'on cam junok mactxel, ẍi eb bay. 32 Axca ton ti' max yun yelcan apnok tzet maxax yal Jesús yin tzetbil ok yun cami. 33 Axa paxoc Pilato tu' yul is despacho, cax max awtelay octok Jesús tu' yuj. Axa k'anlen el bay axca ti': —¿Tom ach ti' Reyal ach eb israel? ẍi bay. 34 —¿Yulc'al mi et chi tita, xan cha k'anlej el jun ti' ayin, ma ay mac max alon ayach? ẍi Jesús bay. 35 —¿Tom israel in chela'? A eb et conob c'al eb yajawil eb sacerdote, a eb max ach ul aon oc yul in k'ab. ¿Tzet max a say a mulnanej? ẍi bay Jesús. 36 —Ayin ti', manak bay yulyibank'inal ti' rey in. K'inalok ta a bay yulyibank'inal ti' rey in, chimi aj wan eb wak'omal serbil yin owal, yet watx' c'am chin alay oc yul k'ab eb yajaw bay Judea tu', palta man yetok yulyibank'inal ti' yayji wikbej, ẍi Jesús bay. 37 —¿Tom wal yel rey ach xin? ẍi Pilato tu' bay. —A toni, rey in ton axca alon ti'. Yuj wal tu' xan max in alji. Ayin ti', chin ulic' yulyibank'inal ti', yuj ul walon tzet yetal caw yel. Masanilc'al eb yikem bay k'anej yel, chi yacbaj eb txiquin bay tzet chi wala', ẍi Jesús. 38 Axa yalon Pilato tu' bay axca ti': —A… ¿tzet yetal jun yel chak' binaj tu'? ẍi Pilato bay Jesús. Max lajwi yalon axca tu xin, axa yel paxtek ti' is despacho bay ayic' eb aj Judea tu', axa yalon eltek xol eb tu' axca ti': —A jun winak ti', c'am jabok mul chi wila'. 39 Palta ay jun e ley, tol a yet junjun k'in Pascua ti', che k'an bekchaj junok preso yayji, cax chi bekchaji. Yuj tu xin, ¿c'am mi wal chi yal e c'ul tol a jun e reyal ayex israel ex ti' chin bekil tinani'? ẍi bay eb. 40 Yuj tu', max aj yaw eb masanil, max yalon eb axca ti': —A jun winak ti', c'am chi jochej. Aokab Barrabás chi bekchaji, ẍi eb bay. Palta a Barrabás tu' a ton junok eb yob is nabal.
1 Max yiontok Pilato tu' Jesús, max toj yak'on mak'layok. 2 Max lajwi tu', max paltx'onen seyay eb soldado tu' jun q'uix, cax max yaon ajtok eb yin is jolom is coronaok, axa yaon oc eb jun moradotak pichilej yin tu'. 3 Lajwi tu', max apni oc eb is c'atan, cax max c'oli tz'akon yalon eb axca ti' bay: —Tzalojan ach Reyal eb israel, ẍi eb bay. Lajwi tu', max tzak'ontok eb sat. 4 Lajwi tu xin, max el pax ul Pilato ti' is despacho bay ayic' eb aj Judea tu', max yalon pax eltek nan xol eb axca ti': Ilabi, ti chi wiiltek e yila', cax che yojtaknen elok tol c'am jabok is mul chi wila', ẍi bay eb. 5 Catatu bian, max eltek Jesús ti' despacho tu'. Ayajtok jun q'uix tu' is coronaok yuj eb. Ayoc an moradotak pichilej tu' yuj. Axa yalon eltek Pilato nan xol eb axca ti': —Tix nak winak ti', ẍi bay eb. 6 Axa yet max yilon eb yajawil eb sacerdote, yetokc'al eb taynemal templo tol chi elol ti' despacho tu', axa yaj bulnaj eb yalon yin ipejal axca ti': —¡Curusnelayokabi! ẍixac'al eb. Axa yalon Pilato tu' bay eb axca ti': —Iektok ayex ti', cax che curusnen tu' e tx'oklil; axa ayin ti' xin, c'am wal jabok is mul chi wila', ẍi bay eb. 7 Palta max yalon pax eb bay axca ti': —Ayon ti' ay co ley, cax atac'ala' yalon co ley tu', tol moj chi cami, yujtol max yaloc ba C'ajolok Dios, ẍi eb bay. 8 A yet max yaben Pilato axca tu', caw wal max xiwajok. 9 Yuj tu', max paxoc yul is despacho tu' junelxa, cax max k'anlen el bay Jesús axca ti': —¿Baytal ta' titnak ach xin? ẍi bay. Palta maj tak'wok Jesús bay. 10 Yuj tu' xan max yal bay axca ti': —¿Tzet yuj xan c'am chach tak'wi ayin? ¿Tom man ojtakok tol ay wikbej ach in curusneni, cax ay c'apax wikbej ach in bekon elok? ẍi bay. 11 Xan max yal Jesús bay axca ti': —Yujtol a Dios ak'nej ekbej ti', ta c'amak, tamwal ay jabok alon et win. Yuj tu xan, a jun max in aon oc yul a k'ab, ec'ban mul entak, ẍi Jesús bay. 12 Xewc'al yaben Pilato axca tu xin, axa naon tu' tzetbil chi yut bekon el Jesús; palta axa eb aj Judea tu', max aj pax bulnaj eb yalon yin ipejal axca ti': —Ta cha bekilok, ajc'ul ach yin cham yajaw bay Roma chi yal tu'. A jun ti' max yaloc ba reyal, palta tzanc'al mac chi alon axca tu', ajc'ul oc yin cham yajaw bay Roma tu', ẍi eb bay. 13 Lajwi yaben Pilato axca tu', axa yak'on yilay eltek Jesús bay ayic' tu'; lajwi tu', axa yay chotan bay chi beyc'ulnelay mul eb anima tu'. A jun lugar tu', Gabata bi yin hebreo, chi yal elapnok, latz'bil ay ch'en. 14 A yet max ay chotan tu', toxa chi chumay c'u. T'inanxa yoc k'in Pascua, cax max yalon eltek nan xol eb aj Judea tu' axca ti': —Ilabi, tix e reyal ti', ẍi eltek bay eb. 15 Palta max aj pax yaw eb yin ipejal junelxa axca ti': —¡Camokabi! ¡Curusnelayokabi! ẍixac'al eb. —¿Tom ok in curusnej e reyal ti' chi yal tu'? ẍi bay eb. Cax max tak'witok eb yajawil eb sacerdote axca ti': —Ayon ti', asan cham yajaw bay Roma ayoc co yajawilok, cax c'am junokxa, ẍi eb. 16 Tay bian, max alayxac'al oc Jesús yul k'ab eb, yuj toj curusnen eb. Yuj tu xin, xan max ilaytok yuj eb soldado. 17 Axa Jesús xin, toxac'al max jolomxic'nejtok is curusal, max ilaytok bay jun lugar chi yik Gólgota yin hebreo, tol chi yal elapnok: Bakil Jolomej. 18 A tu' max yaoc eb Jesús yin curus. Ay cawanxa mac max curusnelay c'apax yetok Cham, jun bay junjun tz'eyil Cham, xan a nan xol curusal eb tu' max curusnelay Cham. 19 Axa yak'on Pilato tz'ibelay oc jay belan k'anej jolomtak is curusal tol max yal axca ti': A ton Jesús aj Nazaret ti', is Reyal eb israel, ẍi. 20 Ti conob ay jun lugar bay max bet curusnelay tu'. Yuj tu' xan xiwil eb israel max ilon tzet chi yal jay belan k'anej ayoc jolomtak is curusal tu'. Tz'ibbil oc yin is ti' eb, c'al yin is ti' eb griego, c'al yin latín, a ton is ti' eb aj Roma. 21 Yuj tu' xan max yal eb yajawil eb sacerdote bay Pilato axca ti': —Matawal manak jun k'anej Reyal eb israel max ak' tz'ibelay oc jolomtak te curus tu'. Watx' mi caytu' max ot a tz'iben oc axca ti': A nak ti', max yaloc ba nak reyalok eb israel, mata cachi, ẍi eb bay. 22 —A jay belan k'anej max wak' tz'ibelay oc ti', canokab axca tu', ẍi bay eb. 23 Max lajwi curusnen eb soldado tu' Jesús xin, axa yion aj eb is pichil tu'. Max pojon ec' eb. Caneb max eloc an yuj eb, xan junjunc'al liman yet junjun eb, palta an jokan pichil chi yac'alta' oc xin, junnejc'al yayji an, cax c'am tz'isil an. 24 Yuj tu' xan max yal eb axca ti': —A jun ti' bian, manchak co niq'uektok an, cax chi co pojon ec' an jin. Watx' mi ta chi jaoc suerte yin an, yalc'al mac chi ioncan an, ẍi eb. Axca ton ti' max yun yunen el tzet tz'ibbilcan yul tx'an Un, bay chi yal axca ti': A in pichil max pojcan ec' eb yin, a yin in jokan pichil max yak' eb suerte, ẍican yul tx'an Un tu'. Yuj tu' xan caytu' max yut eb soldado tu'. 25 A cawilal bay curusnebil Jesús, a tu' ayic' is txutx, cax ajun jun is nuej yetok, yetok c'apax María yistzil Cleofas, c'al ix María aj Magdala. 26 Ay c'apax jun is cuywom Jesús ayic' c'atan is txutx tu', jun cuywom caw wal camc'ulnebil yuj. Max tit t'annaj Jesús yin eb, cax max yalon bay is txutx tu' axca ti': —Txutx, a jun mac ayic' etok ti', axca one' chot a c'ul yin, ẍi bay. 27 Max lajwi tu', max yalon bay jun is cuywom tu' axca ti': —A in txutx ti', axcaokab a txutx chot a c'ul yin, ẍi bay. Yuj tu xin, xan a jun is cuywom tu' max ioncantok xal txutxej tu' yetok bay yatut, cax max ayji ec' xal yintak. 28 Lajwi tu xin, yojtakxa Jesús, tol toxa chi yi ba masanil tzet tz'ibbilcan yin. Yuj tu' xan max yal axca ti': —Caw wal chi tak in ti', ẍi. Max yal axca tu', yuj yunen el tzet tz'ibbilcan yul tx'an Un Tz'ibbilcanok. 29 Ay jun vaso vinagre ay pax ec' bay tu', max laon aytok eb jun tzet pososi xol. Axa yaon oc eb chon jun te hisopo max yaon ajtok eb yin ti' Jesús. 30 Max xew tz'ubon elok, max yalon axca ti': —Mayal yi ba masanil, ẍi. Lajwi tu xin, axa yay nojnaj tu', cax max yaoncan oc yanimail yul k'ab Dios, axa cam tu'. 31 Yecalokxa k'in Pascua yet jun c'u tu', c'ual c'apax xewilal. A eb yajaw bay Judea, c'am chi yochej eb chi can is mimanil eb oxwan tu' yin curus, yujtol a jun c'u lananxa jay tu', caw wal miman yelapnok yul sat eb israel. Yuj tu' xan max toj eb k'anon bay Pilato, ta chi yak' mak'lay poj bakil sat penec eb, yet watx' ayman chi aytek is mimanil eb yin curus tu'. 32 Yuj tu xin, xan max toj eb soldado, cax max mak'on poj eb bakil sat penec eb curusnebil yetok Jesús. 33 Palta axa yet max apni oc eb yin Jesús xin, max yilon eb tol camnakxa. Yuj tu' xan majxa mak' poj eb bakil sat penec Cham. 34 Palta ay jun soldado max tekon ajtok lanza yin tz'eyil c'ul Cham. Ayman max eltek chic' c'al aej. 35 Ayin ti', caw wal max wil juntzan ti', yuj tu' xan chi wak' in ba testigoal yin, yet watx' che yaoc yin e c'ul ayex ti'. A juntzan tzet chin tz'ibejcan ti', caw yel. Ayin ti', wojtak tol caw yel chi wala'. 36 Yuj yunen el tzet tz'ibbilcan yul tx'an Un, xan caytu' max uji, yujtol chi yal yul tx'an axca ti': C'am junok is bakil ok k'ajcantok, ẍi. 37 Chi yalon c'apax junxa ti' yul tx'an Un tu': A eb max tekon Cham, ok yiloc eb yin, ẍi. 38 Ay jun winak chi yik José, aj conob Arimatea. A jun winak tu', is cuywom Jesús, asan tol cuywom yin ewantakil, yujtol caw wal chi xiwi, ta chi yabaj eb yajaw bay Judea. A' max jayoc k'anon bay Pilato, yuj yion aytek mimanil Jesús yin curus, cax chi mukoni. Max ak'lay yuj Pilato tu'; yuj tu' xan max bet yiaytek, cax max yiontok. 39 Max jay c'apax oc Nicodemo bay tu', yetbi oc oxeb arroba juntzan suk'uk'i jab chi yik mirra, soman yetok junxa chi yik áloes. A jun Nicodemo ti', a ton betnak ec' k'anjab yetok Jesús yet ak'balil. 40 Max yion aj eb mimanil Jesús, cax chulon oc eb juntzan mimek k'ap yin, max yaon c'apax oc eb juntzan suk'uk'i jab tu' yin, yujtol caytu' yoc beybal eb israel tu' mukon is camnak. 41 A cawilal bay max curusnelay Jesús, ay juntzan awbejal te'. A xol tu', a tu' ay jun ch'en olbil yul. C'amto junok camnak maxax oclejtok yul jun ch'en tu'. 42 Yujtol junxanej bek chaon el yich c'ual xewilal eb israel, yuj tu' xan a yul jun ch'en tu' max bet yacan octok eb mimanil Jesús, yujtol cawil ay bay max cam tu'.
1 Axa yet ayto sakbi yet domingo xin, max toj María aj Magdala bay ayoctok mimanil Jesús. Axa yilon yet max apni, elnakxa makil ch'en ch'en tu'. 2 Yuj tu' xan, max yak' yanej meltzoji, max jayoc bay Simón Pedro. Ayic' Pedro yetok jun cuywom camc'ulnebil tu'. Max yalon ix bay eb axca ti': —Mayal wal ilay eltek mimanil Cham Jajawil bay max alaycan octok. ¿Baytal laj max ilaytok? ẍi bay eb. 3 Max yabc'al Pedro yetok junxa cuywom tu xin, max toj eb yilon bay ch'en ch'en tu'. 4 Yanej eb toj cawanil; palta max cancan Pedro tu' yuj junxa tu', xan a jun tu' max babji yapni yin aymanil. 5 Max octok t'anan yul ch'en ch'en tu'. Axa yiloni, asanxanej an k'ap max chul-lay oc yin, lanancanok. Maj octok jun cuywom tu' yul ch'en. 6 Tzakan yapni oc Simón Pedro tu' yintak. Max apnic'al ocok, max octok yul ch'en ch'en tu', axa max yiloni, asanxanej an k'ap tu' lanancan ayok, 7 c'al an tx'ambalej max oc pixan yin jolom Jesús, chulancan ay an, cax najat ta c'otancantok an. 8 Lajwi tu' max octok junxa cuywom max babji yapni oc tu'. Ato yet max yilon axca tu', max yaon oc yin c'ul. 9 Puralto max yaoc eb yin c'ul tol yel max ictzonelay aj Jesús, yujtol c'amto chi nachaj el yuj eb tzet tz'ibbilcan yul tx'an Un Tz'ibbilcanok, tol ok ictzonelay pax aj Jesús xol eb camnak. 10 Lajwi tu xin, max pax eb cuywom tu' bay yatut. 11 A pax María aj Magdala tu xin, max cancan c'atan jun ch'en tu'. Maj octok ix yul ch'en. Toc'al max octok t'anan ix yul, cax chi ok' ix. 12 Axa max yiloni, ayoctok cawan ángel yul ch'en tu', caw wal sak is pichil eb. Chotan ay eb bay max ec'lej mimanil Jesús, jun bay jolomtak, c'al junxa bay yakantak. 13 Cax max k'anlen eltek eb bay ix axca ti': —Ach ix, ¿tzet yuj xan chach ok'i? ẍi eltek eb. —Chin ok'i, yujtol max ilay bey is mimanil Cham Wajawil cayti'. ¿Baytal wal mi max ilaytok? ẍi ix bay eb. 14 Ato wal xew yalon ix axca tu', max meltzojtok acan ix yintak, axa yilontek ix, ayic' Jesús. Palta maj yojtaknej el ix, tatol a Cham. 15 Yuj tu' xan max k'anlej el bay ix axca ti': —Ach ix, ¿tzet yuj xan chach ok'i? ¿Mac cha sayic'ok? ẍi bay ix. A naon ix, tol a nak ilom awbejal te' lecan ec' bay tu'. Yuj tu' xan max yal ix bay axca ti': —Ach mamin, ta ach max ul eiltek mimanil Jesús, al wal ayin bay max bet ak'canok, cax chi toj wioni, ẍi ix bay. 16 —¡María! ẍi Jesús bay ix. Yuj tu' xan max meltzojtok acan ix bay. Axa k'anjab aj ix yin hebreo tu' axca ti': —Raboni, ẍi ix. Chi yal elapnok. Meẍtol. 17 Axa yalon Jesús bay ix axca ti': —Manchak quin a mitx'a', yujtol manto in ajtok bay ayic' in Mam; palta asi', al bay eb wuẍtak, c'al bay eb wanab masanil, tol ok in paxaj bay ayic' in Mam. A in Mam, e Mam c'apax wetok. A in Diosal, e Diosal c'apax wetok, ẍi Jesús bay ix. 18 Yuj tu' max toj María tu' yal bay eb cuywom Jesús axca ti': —Caw wal max wil yin Cham Jajawil, ẍi ix bay eb. Cax max yalon c'apax ix bay eb tzetak max yal Cham. 19 Ac'ala'c'al ton yet jun domingoal tu' yet k'ekbintakil, max wajbaj ba eb cuywom Jesús. Caw wal makaki yayji puertail te na bay wajan ec' eb tu', yuj xiwc'ulalil eb bay eb yajaw bay Judea. Axa yilontek eb, waanxa oc Jesús nan xol eb, cax max yalon bay eb axca ti': —Junc'ulalokab ayex, ẍi bay eb. 20 Lajwi tu xin, max tx'oxon yul is k'ab bay eb tu', c'al tz'eyil bay max toj ch'en lanza. Axa yet max yilon eb cuywom tu' tol a Cham Jajawil, caw wal max tzaloj aj eb sic'libil. 21 Axa yalon bay eb junelxa axca ti': —Junc'ulalokab ayex. Axca max quin yut chekontek co Mam Dios, caytu' chex wut in chekon c'apaxtok, ẍi bay eb. 22 Lajwi yalon juntzan ti', axa xuontok cak'ek' yiban eb tu', cax max yalon axca ti': —Chaekcan Cham Espíritu Santo. 23 Ta ay mac che yak' tan is yobtakil, ok yak' c'apax tan Dios is yobtakil tu'. Ta ay mac c'am che yak' tan yobtakil xin, ok canc'alta' is yobtakil tu' yiban, ẍi Jesús bay eb. 24 Ay jun yetbeyom eb cuywom Jesús chi yik Tomás, cax chi al-lay c'apax Tioẍ yin. C'amic' yetok eb yet max ec' Jesús yilon eb. 25 Yuj tu' xan max yal eb yet cuywomal tu' bay axca ti': —Ayon ti', max jil yin Cham Jajawil, ẍi eb bay. —Ta c'am chi wil yechel ch'en lawuẍ yul is k'ab wal ayin caw, cax c'am chin jektok yiximal in k'ab yul yolanil ch'en tu', c'al in jekontok in k'ab bay is tz'eyil, maj waoc yin in c'ul, ẍi. 26 Ukubixi wal tu', max wajban pax oc ba eb bay yul te na tu' junelxa. Ayxa ec' Tomás tu' yetok eb yet tu'. Caw wal makaki yayji puertail jun na tu', axa max yilontek eb, lecanxa oc Jesús nan xol eb. Max yalon Cham bay eb axca ti': —Junc'ulalokab ayex, ẍi bay eb. 27 Lajwi tu', axa yalon bay Tomás tu' axca ti': —Ilab in k'ab ti'. Jektok yiximal a k'ab yul yolanil ti', cax cha jekontok c'apax a k'ab bay yolanil tz'eyil in c'ul ti'. Manchakxa ak' cabc'ulal, palta aoc a c'ul win, ẍi Jesús bay. 28 Lajwi tu xin, max yalon Tomás tu' bay axca ti': —Ach Wajawil, ach in Diosal, ẍi bay. 29 Axa yalon Jesús bay axca ti': —Tomás, max aoc a c'ul win yujtol max in ela'. A eb man yowalilok chin iloni, cax chi yaon oc eb c'ul win, yelxac'al watx' yet eb, ẍi bay. 30 Xiwiltoc'al milagro max el yunen Jesús satak eb is cuywom tu', palta maj tz'ibelaycan yabixal masanil yul jun libro ti'. 31 Max tz'ibelaycan juntzan ti', yet watx' che yaoc yin e c'ul, tol a Jesús, a ton Cristo Cham C'ajol Dios. Ta cay tu' ok e yut e yaon oc yin e c'ul, ok e cha' k'inalej tol ayc'al yin tojbalk'inal bay.
1 Lajwi tu', max tx'oxon aj ba Jesús bay eb is cuywom junelxa, yet ayic' eb ti a' mar Tiberias. Tix max yut tx'oxon aj ba bay eb ti'. 2 Junejc'al ayic' Simón Pedro yetok Tomás, nak chi yik Tioẍ, c'al Natanael aj Caná yul yet Galilea. Ay c'apax ec' eb c'ajol Zebedeo, yetok cawanxa yet cuywomal eb. 3 Axa yalon Simón Pedro bay eb axca ti': —Ok in tok txaylok, ẍi bay eb. —Ok on tok etok, ẍi eb bay. Axa toj eb tu'. Max oc eb yul jun barco, palta a yet jun ak'bal tu', c'am junok txay max yi' eb. 4 Axa yet lananxa sakbi, ayic' Jesús ti a' mar tu', palta eb cuywom, c'amc'al chi yiltek eb ta a Cham ayic' ti a' tu'. 5 Max yalon bay eb axca ti': —Ex wet conob, ¿ay xam no' chi ajtek e yuj? ẍitok bay eb. —C'am tzet, tamwal junok, ẍi eb bay. 6 —K'okek aytok e txim bay e watx' k'ab. A tu' ok e yi' e txay tu', ẍi Jesús bay eb. Max yikej eb axca max yut yalon Jesús. Axa yet max yak'len eb tok'on ajtek is txim tu xin, majxa ajtek yuj yalil no txay tu', yujtol caw wal max noj sic'libil. 7 Axa yalon jun cuywom camc'ulnebil yuj Jesús bay Pedro axca ti': —A ton Cham Jajawil tu', ẍi bay. Max yabc'al Simón Pedro axca tu', axa yaon oc is pichil tu', yujtol asan yul is pichil ayocok. Axa k'okon el ba yul barco tu', cax max el ti a'. 8 Caneb tom tx'anil yel juntzanxa eb cuywom yiban a' yul jun te yaliẍ barco, tok'bil oc is txim eb, nojnak yuj no txay tu'. 9 Axa yet max eltek eb, max yilon eb tol ay jun k'ak' ayoc ti a' tu' naba tzak'ak'. Batxantok jun txay yiban tzak'ak', ay c'apax jayeb ixim pan bay tu'. 10 Axa yalon Jesús bay eb axca ti': —Iektek jayc'onok no txay max e mitx' tu', ẍi bay eb. 11 Axa yoctok Simón Pedro yul barco tu'. Max tok'on el tx'an txim tu' tiel a'. Nojnak tx'an yuj mimek txay, 153 no' yin masanil. Ti pax wal xiwil no', palta maj nic'chajtok tx'an txim tu' yuj yalil no'. 12 Lajwi tu xin, axa yalon Jesús bay eb tu': —Sebaxek lowok, ẍi bay eb. C'am junok eb cuywom tu' max k'anlen el bay axca ti': ¿Mac ach txel xin? man ẍiok eb, yujtol yojtakxa eb tol a ton Cham Jajawil. 13 Axa jitzontek ba Jesús c'atan eb tu', max yion aj ixim pan tu', max c'oli pojon ec' xol eb, cax max pojon c'apax ec' no txay tu'. 14 Yet-xa yoxelal tx'oxon aj ba Jesús bay eb is cuywom ti', yettaxc'al max ictzoj aj xol eb camnak. 15 Axa yet max lajwi low eb, max yalon Jesús bay Simón Pedro axca ti': —Simón, c'ajol Jonás, chin k'anlej ayach, ¿yelxac'al mi chin a camc'ulnej yintak juntzan ti'? ẍi bay. —A ton Mamin. Ojtakxa tol chach in camc'ulnej, ẍi Pedro tu' bay. —Ta axca tu xin, axcaokab junok ilom yune' calnel, cayokab tu' chot a cuyon eb wet-xa, ẍi Jesús bay. 16 Lajwi yalon juntzan ti', max yalon junelxa axca ti' bay: —Simón, c'ajol Jonás, ¿chi mi in a camc'ulnej? ẍi. —A ton Mamin. Ojtakxa, tol chach in camc'ulnej, ẍi Pedro tu' bay. —Ta axca tu xin, axcaokab junok ilom calnel, cayokab tu' chot ak'on cuenta eb wet-xa, ẍi Jesús bay. 17 Max yalon pax yet yoxelal axca ti': —Simón, c'ajol Jonás, ¿chi mi in a camc'ulnej? ẍi bay. Axa cusaj c'ul Pedro tu bian, yujtol yoxelalxa k'anlen Jesús bay, ta chi camil c'ul yin, xan max yal bay axca ti': —Mamin, ojtakxa ta' masanil. Ojtak tol chach in camc'ulnej, ẍi bay. —Ta axca wal alon tu', axcaokab junok ilom calnel, axcaokab tu' chot a cuyon eb wet-xa yayji. 18 Wal yel chi wal ayach, a yet ach'ej achto, munilc'al chaoc a pichil, cax chach tojc'al bay chi yal a c'ul chach toji; palta axa yet ok ach ichambok, ok el jaan a k'ab, cax tx'okxa mac ok c'alon a nan, cax ok ach ilaytok bay man ok yal a c'ul, ẍi Jesús bay. 19 Max yal axca ti', yuj tzetbil ok yun cam Pedro tu', cax ok tx'oxk'abnen elok tol caw miman yelapnok Dios. Lajwi tu', max yalon c'apax bay axca ti': —Ocan tzakan wintak, ẍi bay. 20 Axa toj t'annaj Pedro tu' yintak, max yiloni, tol a jun cuywom camc'ulnebil yuj Jesús tzakan oc yintak eb. (A ton jun max jitzxac'al oc ba c'atan Jesús yet lanan low eb yet toxa ok mitx'lay Cham, cax max k'anlen el bay axca ti': Mamin, ¿mactxel ok ach aon oc yul k'ab camich? ẍi.) 21 A yet max yilon Pedro jun cuywom tu', max k'anlen bay Jesús axca ti': —Mamin, a jun chi jay ti', ¿tzet ok on pax cami? ẍi bay. 22 Max yalon bay axca ti': —Ta chi yal in c'ul tol iquistoc'al jun ti' yet ok in jay junelxa, c'am alon et yin. Asan tol chach tzakloj wintak ach ti', ẍi bay Pedro tu'. 23 Yuj tu xin, max el k'umal xol eb creyente tol man ok cam jun cuywom tu'; palta c'am tzet max yal Jesús ta maj camok. Asan tol max yal axca ti': Ta chi yal in c'ul iquistoc'al yet ok in jay junelxa, c'am alon et yin, ẍi. 24 A ton jun is cuywom ti' chi yak' testigoal ba yin juntzan ti', cax max tz'iben c'apax canok. Ayon ti', jojtak, tol caw wal yel juntzan max tz'ibejcan ti'. 25 Xiwiltoc'al juntzanxa tzet yetal max el yunen Jesús. K'inalok ta junjunal max yun tz'ibelaycan yabixal, a chi wut in naoni, c'am mi chi yab yulyibank'inal ti' bay chi ayji tx'an un bay chi tz'ibelaycan yabixal tu'.
1 Ayin ton Lucas in chin tz'iblitok ayach, ach Teófilo. Ayxa jun tx'an babel un tz'ibbilxatok wuj ayach, bay max waltok jantak tzet max el yunen Jesús, c'al jantak tzet max yak' cuylayok, yecheltaxc'al max chaon el yich Cham cuywaji, 2 masantac'al yet max jay c'ual paxaj satcan. A yet c'amto chi paxi, max yaloncan juntzan chekbanilej bay eb is chekbej, eb sic'bil el yuj atac'ala' max yun yikbelay yuj Cham Espíritu Santo. 3 A yet maxax ec'lej yin camich, tx'ial elc'al maxto tx'oxaj ba bay eb is chekbej tu'. Cawinakto c'u max tx'ox ba bay eb, tol yel max ictzonelay ajok. Max yaloncan bay eb, tol chi occan Dios Yajawil cayti'. 4 A yet junel yet lanan low yetok eb is chekbej tu', max yalon bay eb axca ti': —Cananek bay conob Jerusalén ti'. Echbanejek jun tzet albilcan ayex yuj Dios, yet max yak'oncan is ti', axca max wut walon ayex. 5 Yel toni, a Juan max ak'wi bautizar yetok aej, palta a yet jayeb c'u, ok ak'lay Cham Espíritu Santo ayex, cax ok ex ak'lay bautizar yuj, ẍi Jesús. 6 A yet wajantoc'al ec' eb cuywom yetok Jesús max k'anlen el eb bay: —Mamin, ¿ami tinani' ok a col eb jet conob israel, yet watx' munilc'al chi jaoc co yajawil yul jet? ẍi eb bay. 7 Max yalon bay eb axca ti': —Maj ak'lay e yojtaknej el c'ual, c'al is tiempoal yet ok uj jun tu', yujtol a jun tiempoal tu', asan co Mam Dios ay yalon yet yin. 8 Palta ok yak' Dios yipalil ayex, yet ok e chaon Cham Espíritu Santo junjun ex. Ok lajwok tu', axa e yak'on testigoal win bay Jerusalén ti', yetok bay masanil makbej Judea ti', c'al yulak yet Samaria, masantac'al bay chi lajwican apnok yulyibank'inal ti' ok e yaloncan elok, ẍi bay eb. 9 A yet max lajwi yalon Jesús juntzan ti', axa yilay ajtok satcan tu'. T'anan wal ajtok eb yin, cax max c'ayxac'al toj xol jun asun. Majxa yil eb yin. 10 T'ananto ajtok eb satcan yet max paxaj Jesús, axa yilon eb, lecanxa oc cawan ángel c'atan eb, axca yili anima. Sak lubinakxac'al yili pichil eb. 11 Max yalon eb axca ti' bay eb: —Ex aj Galileail winak, ¿tzet xan t'anan exc'al ajtok satcan? A Jesús ti', max ilay aj e xol, cax max paxaj satcan, axca wal max yun e yilon toj ti', caytu' ok yun jay paxok, ẍi eb bay eb. 12 Lajwic'al tu xin, axa paxaytek eb is cuywom bay tzalan Olivo tu', cax max meltzojtek eb bay Jerusalén. A jun tzalan tu', ay mi nanok legua xol ba yetok Jerusalén. 13 Lajwic'al jay eb bay yul conob tu', max ajtok eb bay jun cuarto ayajtok can bay ay is posada Pedro, yetok Jacobo, Juan, Andrés c'al Felipe, Tomás, Bartolomé, Mateo, Jacobo yuninal Alfeo, yetok Simón, jun partido ba yetok eb cananista yet yalantok, ajun c'apax Judas yuẍtak Jacobo. Junnej ay is posada eb masanil bay tu'. 14 Junjunc'al c'u chi wajbaj ba eb masanil, yuj txajli eb bay Dios. Ay eb ix chi txajli yetok eb. Ajun María is txutx Jesús yetok eb. Ajun c'apax eb yuẍtak Jesús tu'. 15 A yet jun tiempoal tu', ay mi junok 120 eb creyente wajan ocok. Axa yaj wan Pedro nan xol eb tu', max yalon axca ti': 16 Ex wuẍtak, ex wanab, yowalil ton max yun tzet albilcan yul tx'an Un Tz'ibbilcanok, yujtol a Cham Espíritu Santo ak'nejcan tz'ibej David yuj Judas, nak tx'oxwajwom bay eb mitx'wajwom yin Jesús. 17 A Judas tu' ayoc co tz'akilok yet yalantok, cax junnej jopiso yetok. 18 Palta max cha' tumin yin jun tzet yob max el yuneni, cax max manlay jun tx'otx' yetok ch'en tumin tu'. A bay tu' max titc'ay pitxnajok, axa yeltek secnaj yul c'ul tu'. 19 A eb aj Jerusalén ti', pilan max yab eb k'umal jun ti'. Yuj tu xin, xan max yak' eb yik jun tx'otx' tu' Acéldama yin is ti' eb. Chi yal elapnok, Tx'otx'al Chiq'uil Anima. 20 Axca tu' max yunej yujtol chi yal axca ti' yul tx'an Libro Salmos: Canokab is cajlobal yin tz'inanil. C'amokab mac chi cajay bay, ẍi. Chi yalon c'apax axca ti': Tx'okxaokab mactxel chi ioncan is yopiso, ẍi yul tx'an Un tu'. 21 Yuj tu xin, co sic' junok mac chi oc q'uexelok nak, cax chi jaon oc yopiso yalon elok tol yel max ictzoj aj Jesús. A jun mactxel ok co siq'uil tu', yowalil a junok jetbeyomc'alta' co ba yetok, yet max con ec' yetok Cham Jajawil Jesús. A jun mactxel tu', a junok ac'al jun jetok, yettaxc'al max ak'lay bautizar Jesús yuj Juan, masantac'al max ilay paxaj satcan, ẍi Pedro bay eb. 23 Yuj tu xin, ay cawan winak max satnej oc eb, a ton José chi yik c'apax Barsabás, ac'al oc chi ikon c'apax Justo, yetok Matías. 24 Lajwi tu', max txajli eb masanil, max yalon eb yin is txaj tu' axca ti': Mamin, ojtakxa tzetbil yili co nabal on co masanil. Yuj tu xin, xan tx'ox ayon, mac junok ok a siq'uil xol cawan ti', 25 yet watx' chi oc yopiso cax chi oc chekbejok Jesucristo. Yujtol max ilay el Judas yin yopiso yuj is yobtakil, cax max tojcan bay jun lugar bay moj toji, ẍi eb. 26 Lajwi tu', max alay oc suerte yin eb cawanil. Max txecloj eltek yuj jun suerte tu' tol a Matías max occan yiban. Axa yoccan tz'akilok eb usluc'wan chekbej Jesucristo tu'.
1 A yet max ayol c'ual k'in Pentecostés, junej max wajbaj ba eb creyente masanil. 2 Ayman max bil jun tzet yetal satcan, axca junok cak'ek' caw wal ow yeq'ui. Pilan max nojil yul te na bay wajan ec' eb tu' yuj jun axca cak'ek' tu'. 3 Ay juntzan tzet yetal max yil eb axca xak k'ak'ej max pukaxtok xol eb masanil, cax max jaycan yiban junjun eb. 4 Max oc wal eb yalan yikbej Cham Espíritu Santo, max k'anjab aj eb yin juntzan tx'ok tiejal, atac'ala' tzet chi ak'i yal eb yuj Cham. 5 A yet jun tiempoal tu', ay eb israel ayic' bay Jerusalén tu', tx'ok tx'okc'al lugaril titnak eb bay yulyibank'inal ti'. A ton wal bay Dios chi yal ba eb. 6 A yet max ablay bil jun axca cak'ek' tu', xiwil anima max wajnaj oc bay jun na tu'. Caw wal max c'ayaj c'ul eb, yujtol junjunc'al eb max yab tzet chi yal junjun eb creyente yin is ti'. 7 Caw wal max c'ayaj c'ul eb, max oc t'anan eb, axa yalon eb axca ti': —A eb chi k'anjab ti', aj Galilea eb masanil. 8 Palta ¿tzet xan chi jab pax tzet chi yal eb? Tol tx'ok tx'ok yel pax co ti' junjun on. 9 A co xol ayon wajan on ec' ti', ay mac aj Partia. Ay mac aj Media, ay eb xin aj Elam, ay eb aj Mesopotamia, ay eb aj Judea, ay eb aj Capadocia, ay eb aj Ponto, c'al eb aj Asia. 10 Ay c'apax eb aj Frigia, c'al eb aj Panfilia, c'al eb aj Egipto. Ay c'apax eb aj yulak yet Africa, bay cawilal Cirene. Ay c'apax juntzan eb aj Roma cayti', ay nanok eb jet israelal, axa nanxa eb xin, man israelok eb, palta ocnakxa eb yin co religión. 11 Ay mac xin, aj Creta, yetok eb aj Arabia. Co masanilc'al chi jab yalon eb yin co ti' junjun on masanil tzet max el yunen Dios yetok is yipalil, ẍi eb. 12 Toc'al max c'ayaj c'ul eb masanil. Max somchaj el c'ul eb, max yalon eb axca ti': —¿Tzetlaj yayji juntzan ti'? ẍixac'al eb. 13 Palta ay juntzanxa eb xin, tol chi buchwaj eb, cax chi yalon eb axca ti': —A juntzan eb ti', uq'uem an eb, ẍi eb. 14 Yuj tu xin, xan max aj wan Pedro yetok eb usluc'wan yet chekbejal. Max k'anjab nan xol conob yin ipejal axca ti': Ex aj Judeail winak, c'al jantak ex ayex ec' bay conob Jerusalén ti', ti chi wak' e yojtaknej el tzet yayji jun ti'. Acbajek e txiquin bay tzet ok wal ayex. 15 ¿Tom che na' tol uq'uem an on? C'amak. Ilab tol tolto chi aj c'u. 16 Palta a jun tzet chi uj ti' max yalcan Joel, jun is chekbej Dios yet payxa, ayokto max yaloncan yabixal yul tx'an Un Tz'ibbilcanok, yet max yaloncan axca ti': 17 Max yalon Dios axca ti': A yet ok jay lajub tiempoal, ok waoc Wespíritu yin masanil anima. Ok yal eb e c'ajol c'al eb e cutz'in in k'anej. A eb ach'ej ay tzet ok tx'oxlay yil eb, c'al eb icham winak ok in k'anjab bay eb yin wayichejal. 18 A yet juntzan c'ual tu', ok wacan oc Wespíritu yin eb nak in chekbej c'al yin eb ix in chekbej, cax ok yalon el eb in k'anej. 19 Ok in tx'ox juntzan tzet yetal bay satcan, ok c'ayaj c'ul anima yiloni, yetok c'apax bay yulyibank'inal ti', ok in tx'ox c'apax juntzan tzet chi tx'oxon el wipalil. A ton chic', k'ak'ej, c'al miman mub axca asun. 20 A c'u ok k'ekbok, axa xajaw axcaxac'al chic' ok yuncan elok, ẍi Cham Jajawil. A juntzan ti' ok yun yet c'amto chi jay jun c'ual yet yowal c'ul Cham. A jun c'ual tu', caw wal miman yelapnok, cax ok c'ayaj c'ul anima yuj. 21 Axa masanil mac chi yal ba bay Cham Jajawil, ok colchaj el eb, ẍi yul tx'an Un tu'. 22 Ex wet israelal, acbajek e txiquin bay juntzan ok wal ayex ti'. Max tx'oxk'abnej el Dios yopiso Jesús aj Nazaret ayex, yet max el yunen juntzan milagro, juntzan tzet yetal c'am bay chi jila', yetok juntzanxa tzet chi tx'oxon el is yipalil. A juntzan ti' max el yunen Dios yetok Cham. E yojtakxa juntzan ti' ayex ti'. 23 Palta a Cham max alaycan oc yul e k'ab, yujtol axca tu' max el yin c'ul Dios. Nabilxa yuj Dios yettax payxa, tzet ok jayoc yiban Cham. Ayex ti', max e k'anbalnej eb yobtakwom, yet max e yak'on mitx'layok cax max e locban aj yin curus. Caytu' max e yut e yak'on camok. 24 Palta max ictzonelay aj yuj Dios cax max elcan yikbej yailal camich yiban yujtol junelnej c'am yalon yet camich tu' yin. 25 A cham rey David, yalnakcan yabixal Jesús, tol ok ictzonelayc'alta' ajok, xan max yalcan axca ti': Wojtak tol ayc'al oc Cham Wajawil wetok. Yujtol ayic' Cham bay in watx' k'ab, xan c'am chi somchaj el in c'ul. 26 Yuj tu' xan caw chi tzaloj in c'ul, cax chin bitni yin tzalojc'ulal. C'am tzet chin na' yuj in mimanil ti', yujtol chach waoc yipok in c'ul. 27 Yujtol man ok a bekcan wanimail xol eb camnak, tamwal ok a cha' k'atok in mimanil ti', ayin tol sic'bil in el oj ti'. 28 Max ak' wojtaknej el beal k'inalej. Ok in ak' tzalojbok yet ayin ec' etok, ẍi David tu' yul tx'an Un Tz'ibbilcan tu'. 29 Ex wet conob, caw miman txequel tzet max yun yelcan apnok jichmam David tu'. Jojtak, tol camnak, cax mukaynak c'apaxok. A is mukbanil bay mukan tu' ac'ala' txequel tinani'. 30 Palta a David tu', chekbej Dios yayji. Yojtak tol caw yel, ak'bil ton can ti' Dios bay, tol a Cham Cristo t'inan yelcan yinatilok, cax chi occan reyalil is q'uexelok. 31 Ayokto max yojtaknen el David tu', tzet ok eloc Cham Cristo. Yuj tu' xan yalnakcanok, tol t'inan yictzonelay aj Cham. Yalnakcanok tol man ok beklaycan yuj Dios xol eb camnak, cax man ok chalay k'atok is mimanil c'apaxok. 32 A Jesús, a Dios max ictzonen ajok. Co masanil, chi jak' co ba testigoal yin jun ti', yujtol max jila'. 33 Yetok c'apaxok, max ilay paxaj satcan yuj yipalil Dios. Max yak' co Mam Dios Yespíritu bay, axcata' max yut yak'oncan is ti'. A Jesús max aontek jun che yil ti', c'al che yab ti'. 34 A cham David, maj tok satcan yetok is mimanil, palta max yalcan axca ti': Max yal Dios Jajawil bay Cham Wajawil axca ti': Ayan chotan bay in watx' k'ab ti', 35 masantac'al ok wacan oc eb ajc'ul oc en batxlubok akan, ẍi Dios, ẍi David tu'. 36 A Jesús ti', max e curusnej, palta chi wochej che yojtaknej el sic'libil e masanil ex wet israelal, tol a' co Yajawil yuj Dios, a' ay yopiso yin Cristoal, ẍi Pedro tu'. 37 A yet max yaben eb wajan ec' bay tu' juntzan ti', caw wal max oc pitz'an yail yin c'ul eb, max yalon eb bay Pedro yetok bay juntzanxa eb chekbej Jesucristo axca ti': —Ex jet conob, ¿tzet watx' chi jun tinani'? ẍi eb bay eb. 38 Xan max yal Pedro bay eb axca ti': —Naek e ba, cax che yak'on bautizar e ba junjun ex yin bi Jesucristo, yet watx' chi ilaycan el e yobtakil. Catatu bian, cax ok cajban oc Dios Yespíritu e yin junjun ex. 39 Yujtol caytu' max yut yak'oncan is ti' ayex c'al ayon, c'al bay eb e yuninal, yetok masanil bay jantak eb cajan bay najat, yujtol a Cham Jajawil co Diosal, chi yak' Yespíritu bay masanil mac chi yawtej oc Cham yetok, ẍi Pedro bay eb. 40 Xiwiltoc'al tzet yetal max yal bay eb, c'al yin yak'on na ba c'ul eb. —¡Colek e ba bay jun yailal ok jay yiban eb jet animail yobtakwom! ẍi Pedro tu' bay eb. 41 Yuj tu xin, ay eb max yaoc yin c'ul, tzet max yal Pedro tu', xan max yak' bautizar ba eb. A eb max oc creyenteal yet jun c'ual tu', ay mi oxebok mil eb. 42 Caw wal max yaoc eb c'ul yin juntzan cuybanilej max yak' eb chekbej Jesús. Junxanej max yut eb nabal masanil. Chi wajbanc'al ba eb. Chi loon eb ixim pan, ixim nabaniltek Cham Jajawil, cax chi txajlic'al eb. 43 A eb chekbej Jesús, xiwil milagro max yun eb, yuj tx'oxon el eb yipalil Dios. Yuj tu xin, max xiwaj eb anima masanil. 44 Masanil eb max yaoc c'ul yin Cristo, junxanej max yut ba eb. Junxanej c'apax max yut eb is tzetak yetal. 45 Aylaj eb chi txonil is tx'otx', c'al juntzanokxa tzet ay eb, cax chi pojon ec' eb is tojol tu' xolak eb, atac'ala' is cawxinakil junjun eb. 46 Junjunc'al c'u, cayc'al ti' wajban ba eb bay yamak'il templo Dios. Chi wajbaj c'apax ba eb bay nalak, cax chi pojon ec' eb is pan xol. Junxanej loj chi yun eb yuj tzalojc'ulal. Caw chi aj can junc'ulal xol eb. 47 Cax chi yalon eb watx' k'anej bay Dios. Caw wal chi tzaloj masanil anima yetok eb. Cayc'al ti' max yun yak'lay ch'ib bisil iglesia yuj Cham Jajawil junjun c'u, yuj eb lananc'al colchaji.
1 A yet junel, yet mi wal a las tres yet lajwi chuman, junej toj Pedro yetok Juan bay templo Dios, yujtol caytu' yorail is txaj eb israel bay tu'. 2 Ay jun winak c'am chi je' bey yintaxc'alta' yaljubal. Junjunc'al c'u, chi bet batxlaycan bay ti' jun puertail templo Dios chi yik Watx' Yili, cax chi k'anon tumin bay eb anima chi betic' bay templo tu'. 3 Axa max yilon nak, max apni oc Pedro yetok Juan bay templo tu'. Axa wal yoctok eb, max k'anon nak tumin bay eb. 4 Cax max oc t'anan Pedro yetok Juan tu' yin nak. —Titan t'anan jin, ẍi Pedro tu' bay nak. 5 Axa tit t'anan nak yin eb tu'. A naon nak, tol ok ak'lay jabok tumin nak yuj eb naoni. 6 Palta max yal Pedro tu' bay nak axca ti': —Ayon ti', c'am co tumin, palta ay jun tzet ay ayon, a ok jak' ayach. Yuj yipalil Jesucristo aj Nazaret, ajan wanok, beyan, ẍi Pedro tu' bay nak. 7 Lajwi tu xin, axa yoc mitx'an Pedro tu' yin watx' k'ab nak, max tok'on aj lecanok. Ayman max yi yip yakan nak, max occ'al yip nuk' yakan nak cabil. 8 Max ajc'al jucnaj nak, max aj lecanok, max chaon el yich beyi, max octok yul yamak'il templo Dios yetok eb. Chi aj t'uknajok chi beyi, cax chi yalon is watx' k'anej bay Dios. 9 Max yil masanil eb anima ayic' bay tu' bey nak. Max yab c'apax eb yalon nak is watx' k'anej bay Dios, 10 xan caw wal max c'ayaj c'ul eb sic'libil, yuj tzet max yun watx'ji nak, yujtol yojtak eb, tol junjunc'al c'u chi ay chotan nak ti' jun puertail templo chi yik Watx' Yili, cax chi k'anon tumin bay anima. 11 A nak max watx'jican yakan tu', tzakanxac'al nak yintak Pedro c'al yintak Juan. Axa masanil anima xin, toxac'al chi c'aycan aj c'ul eb. Yuj tu' xan max wajbaj oc ba eb, cax max jayoc eb yin eb, yet ayic' eb bay tentail templo Dios chi yik yet Salomón. 12 A yet max yilon Pedro jun tu', max yalon bay eb: Ex wet israelal: ¿Tzet xan caw wal chi c'ayaj e c'ul yuj jun ti'? ¿Tzet xan chi c'ayaj e c'ul jin? ¿Tom che na tol yuj jipalil yul jet, ma yuj co watx'il yul jet, xan max beycan aj jun winak ti'? 13 A co Diosal, ac'al ton oc is Diosal eb jichmam Abraham, yetok Isaac, c'al Jacob. Yuj Dios tu' xan miman yelapnok Jesús, is C'ajol. Palta ayex ti', max e yaoc yul k'ab eb yajaw. A Pilato max nabalnej bekon elok, palta ayexxa maj yal e c'ul. 14 A Jesús, yetc'al Dios yayji, caw wal tojol is beybal, palta ayex ti', maj yal e c'ul max beklay elok. Axalaj jun mak'om cam anima max e k'an bekchajok. 15 Xan caytu' max e yut e yak'on mak'lay cam Cham Aj K'inalej. Palta max ictzonelay aj Cham yuj Dios xol eb camnak. Caw chi jak' co ba testigoal yin jun ti' bian. 16 A nak anima che yil ti', e yojtakxata' nak. A Jesús max ak'on watx'jok nak. Asan yuj chi jaoc co c'ul yin Cham xan max watx'ji nak e satak e masanil sic'libil. 17 A tinani xin, ex wet conob, wojtak tol max e yak' cam Cham Jesús yujtol man ton e yojtakok tzet yetal lanan e yuneni. Ca c'apax tu' eb co yajawil, man yojtakok eb. 18 Palta axca ton ti' max yun yunen el yuj Dios tzet albilcan yuj eb is chekbej yin ayokto. Yujtol yalnakcan eb tol a Cham Cristo, yowalil chi yab yail. 19 Yuj tu xin, naek e ba. Q'uexek e beybal, aek oc e nabal yin Dios, yet watx' chi jolay c'ay e yobtakil. Xan ta chi jut axca tu', ay jun tiempoal ok jayok, cax ok yak'on Dios Jajawil co tzalojc'ulal ayon israel on ti'. 20 A ok chekon paxtek Jesús yet cayelal, a ton Cristo. A ton Cham max ak'lay yopiso yettax babelal ayex, c'al ayon. 21 Palta tinani', yowalil chi ayji ec' Jesucristo satcan, masantac'al chi jay tiempoal watx'ji oc masanil tzet yetal yuj. Caytu' max yut yaloncan Dios yin yak'balnen eb is chekbej yet payxa, eb tol yetc'alta' Dios yayji. 22 Axa Moisés alnejcan axca ti' bay eb jichmam: A Cham Dios Jajawil ok siq'uil junok jet conob ti' is chekbejok, axca max quin yut sic'on el ayin ti'. Yowalil che yikej masanil tzet ok yal ayex. 23 Yujtol tzanc'al mac man ok yikej bay tzet ok yal jun chekbej Dios tu', ok c'aylaycan el xol eb jet conob, ẍican Moisés yul tx'an Un tu'. 24 Masanilc'al eb chekbej Dios ec'nak payxa, eb chi chatek yin Samuel, max yalcan el eb yabixal jun tiempoal ti'. 25 Ayex ti', ay e yalon e yet jetok yin is yalben Dios albilcan yuj eb is chekbej. A yet max yak'oncan Dios trato yetok eb jichmam tu', max yak' c'apax can ayon yetok eb. Max yal jun is trato yak'nakcan yetok Abraham axca ti': A yujc'al enatil tu' xan ok cha' masanil nacionlak in watx'c'ulalil, ẍi Dios bay Abraham tu'. 26 A yet max tx'oxon aj Dios is C'ajol, a ayon max babji chekontek, yuj yak'on is watx'c'ulal ayon yuj on yioncan el yin co yobtakil junjun on, ẍi Pedro bay eb yet conob tu'.
1 Lanan wal k'anjab Pedro yetok Juan nan xol anima, cax max jayoc eb sacerdote yin eb, yetok cham sat taynemal templo, c'al eb saduceo. 2 Caw wal max tit yowal eb sic'libil, yujtol lanan cuywaj Pedro yetok Juan tu' xol anima. C'uxan lanan wal yalon eb tol ok ictzonelay aj eb camnak, yujtol caytu' max yun yictzonelay aj Jesús. 3 Yuj tu' xan max mitx'laytek eb yuj eb, cax max alay oc eb preso, yujtol yelc'ulalxac'al yay c'u, xan wayom eb jun ak'bal yul preso tu'. 4 Xiwil eb max abxalwi bay k'anej Dios, max yaoc eb yin c'ul; yuj tu' xan max aj can bisil eb creyente tu'. Oyeb mi wal mil bisil eb winak. 5 Axa yet junxa c'ual xin, max wajban ba eb sat yajaw bay Jerusalén tu', yetok eb ichamtak winak ay yopiso, c'al eb meẍtol yin ley Moisés. 6 Ajun cham sat sacerdote chi yik Anás, max jayoc yetok eb. Ajun c'apax Caifás yetok eb, yetok Juan, c'al Alejandro, yetokc'al juntzanxa winak tol yican cham sat sacerdote. 7 Axa yak'on eb yilaytek Pedro c'al Juan tu' is satak, cax max jayoc eb nan xol eb. Axa k'anlen el eb bay eb tu': —¿Bay max e yi' jun e yopiso ti', xan che yun juntzan ti'? ¿Mac max ak'on e yunej? ẍi eb bay eb. 8 Palta ayoc Pedro yalan yikbej Cham Espíritu Santo, xan max yal axca ti': —Ex yajawil conob, c'al ex yicham winakil israel, 9 yak'ban tol che k'anlej el ayon yuj jun watx'c'ulalil max jak' bay nak winak c'amta chi je' bey ti', xan tekan che yochej che yab tzet max yun watx'jican nak. 10 Yuj tu xin, ok jaltek jun ti ayex, yet watx' chi yojtaknej el masanil eb jet israelal. A nak anima ayic' e satak ti', asan yuj yipalil Jesucristo aj Nazaret, xan max watx'ji nak, a ton Cham max e yak' curusnelayok; palta max ictzonelay aj yuj Dios xol eb camnak. 11 Ayex ti', axca watx'nem na ex. Axa Jesús, a ton jun ch'en ch'en chi binaji tol max e yintaknej elok; palta max oc yopiso Cham axca ch'en jolom txiquin na. 12 C'am junokxa mac chi je' co colchaj yuj, yujtol a bay yulyibank'inal ti', c'am junok mactxel max yak' Dios yopiso yak'on colbanilej, palta asannej Jesús, ẍi Pedro. 13 Axa yet max yilon oc eb yajaw tu', tol caw wal tec'an chi yut ba Pedro yetok Juan tu' k'anjabi, max yilon c'apax oc eb tol man cuywinakok eb, palta axca tol comon animac'al eb, xan caw wal max c'ayaj c'ul eb yuj eb. Catatu' bian, max nachaj el yuj eb tol max ec'lej eb yetok Jesús. 14 Lecan oc nak winak max watx'ji yakan tu' c'atan eb. Yuj tu' xan c'amxa junok tzet max je' yaon oc eb yiban eb. 15 Xan max yal eb tol chi ilay el Pedro yetok Juan tu' xol eb, yak'ban chi k'anjabcan eb tx'oklil. 16 Max elc'al eb chekbej Jesús xol eb xin, max yalon eb axca ti': —¿Tzet watx' chi jut eb cawanil chi co naek xin? Yujtol masanil eb aj Jerusalén ti', yojtak eb jun milagro max el yunen eb ti', xan a tinani', c'am chi je' jaloni tol toc'al chi yal eb. 17 A tinani xin, manchakxaokab pukaxtok jun ti' xol anima, xan co xibtejek eb, yet watx' c'amxa chi yal eb yabixal Jesucristo tu' bay junokxa mactxel, ẍi eb yajaw tu'. 18 Lajwi tu xin, max yawten eb yajaw tu' eb. Max cam wal yalon eb bay eb, tol c'amxa bak'in chi yal eb jabokxa yabixal Jesús, tamwal cuywaj eb bay eb anima. 19 Palta max tak'wi Pedro yetok Juan tu' bay eb axca ti': —Palta chi cam wal e naoni. ¿Watx' mi yul sat Dios che na', ta a ayex chi jikej, axa Dios, c'am chi jikej tzet chi yala'? 20 Yuj tu xin, tutun wal maj je' co bekon jalon el yabixal tzet max jila', c'al tzet max jabej, ẍi eb. 21 Yuj tzet max yal eb tu xin, xan max xibtelay aj eb yuj eb, catatu', max beklay el eb. C'am chi nachaj el yuj eb tzet watx' bay chi can mitx'an eb, cax chi yaon oc eb yailal eb, yujtol masanilxac'al anima chi yal watx' k'anej bay Dios yuj jun tzet max el yunen eb tu'. 22 A nak max watx'jican yakan yuj jun milagro tu', ec'banxa 40 abil nak. 23 Lajwic'al bekchaj Pedro yetok Juan tu xin, axa toj eb tu', max apni oc eb bay ayic' juntzanxa eb. Max yal eb bay eb masanil tzet max al-lay bay eb yuj eb yajawil eb sacerdote, yetok eb ichamtak winak ay yopiso. 24 Max yabc'al eb ajun yetok eb tu xin, cax max txajli eb masanil bay Dios. Max yalon eb yin txaj tu' axca ti': Mamin Jajawil, ach max esnej aj satcan, c'al tx'otx' tx'otx' ti', yetok a' mar, c'al masanil tzetak yetal. 25 Ach max ak'balnej Cham Espíritu Santo yak'on k'anjabcan el a chekbej David, yet max yaloncan axca ti': ¿Tzet wal yuj xan chi weklab eb conoblak? ¿Tzet wal yuj xan chi lajtinej eb tzet yetal tol c'am yechel ok yunej? 26 A eb cham rey, c'al eb yajawil conoblak chi caktzaji cax chi wajban oc ba eb. Jun lajanxac'al chi yun lajtinen ba eb yin Cham Jajawil, c'al yin Cham Rey Sic'bil el yuj Cham Jajawil tu', ẍi yul tx'an Un Tz'ibbilcanok. 27 Wal yel, a Herodes, yetok Poncio Pilato, c'al eb man israelok, yetok c'apax eb jet israelal, max wajbaj ba eb yul conob ti', cax max k'anjab el eb yin a C'ajol, tol asannej ach et yayji, tol sic'bilcan el oj. 28 Max el yunen masanil tzet albilcan oj payxa, yujtol max el yin a c'ul tol axca tu' ok el yunen eb. 29 Axa tinani xin Mamin, ila wal tzet chi na eb ajc'ul ti' jin on. Yuj tu xin, ak' co tec'anil yet watx' c'am chon xiw jalon el a k'anej, ilab tol a chekbej on. 30 Ak' ikbej ayon, yet watx' chi jaycan c'ul eb ya'ay juj, c'al junen juntzan milagro chi tx'oxon el epalil yuj yipalil Jesús a C'ajol, tol asan ach et yayji, ẍi eb bay Dios. 31 A yet max lajwi txajli eb tu', axa tziclay jun na bay wajan ec' eb tu', cax max can eb masanil yalan yikbej Cham Espíritu Santo. Yuj tu xin, caw tec'an waay eb, chi yalon el eb k'anej Dios. 32 Jun lajanxac'al nabal eb creyente masanil. Caw wal ay junc'ulal xol eb. C'am junok mactxel chi yaloc junok tzet yetal yetok tx'oklil, yujtol junnejc'al yayji is tzetak yetal eb masanil. 33 Axa eb chekbej Jesús, caw tec'anc'al chi yut ba eb yalon elok tol max ictzoj aj Cham Jajawil Jesús. Caw chi occ'al Dios yetok eb creyente masanil. 34 C'am mac meba' xol eb, yujtol tzanc'al mac ay is tx'otx', c'al yatut, chi txonilok. Chi yiontek tojol tu', 35 cax chi yak'on bay eb chekbej Jesús. Axa eb chi pojon ec' xol eb creyente tu', atac'ala' tzetbil yili is cawxinakil junjun eb. 36 Ay jun creyente chi yik José, jun max occan Bernabé jebilok is bi yuj eb chekbej Jesús tu'. (Bernabé chi yal elapnok Mimanc'ulnewom.) A Bernabé tu', yinatil Leví, aj Chipre nak. 37 Ay jun is tx'otx' max txonilok, cax max ul yak'on is tojol bay eb chekbej Jesús tu'.
1 Ay jun winak chi yik Ananías. Safira bi yistzil. Ay jun is tx'otx' eb max txonilok. 2 A yet max chaon eb tojol is tx'otx' tu', max yioncan el nan yet yin, xan manxa tz'akanok max yi jay ch'en bay eb chekbej Jesús xin. Axa max yut yalon bay eb chekbej Jesús tu' tol tz'akan max yi jay ch'en masanil. Yojtak ix istzilej tol man yelok jun ti'. 3 Axa yalon Pedro bay Ananías tu': —Ananías, ¿tzet xan max a chaoc nak diablo yin a c'ul xan chak' lek'tial bay Cham Espíritu Santo, cax max a mitx'on oc tojol a tx'otx' tu'? 4 A yet c'amto cha txon tx'otx', yel et tx'otx'. Ac'ala' yet mayal a txon tx'otx', et c'apax tojol tx'otx' tu'. Yuj tu' xan, ¿tzet xan max a na' jun tzet man watx'ok ti' axca ti'? Man animaok bay chak' a lek'tial ti', palta a bay Dios chak' lek'tial, ẍi Pedro bay. 5 Lajwic'al yaben Ananías tu' juntzan ti', axa yec' poc'naj tu', cax max cami. A masanil eb max aben k'umal jun tzet max uj tu', caw wal max xiwaj eb sic'libil. 6 Max lajwi tu', max jay jun cawan eb nak ach'ej. Axa xoton oc eb jun k'ap yin is mimanil Ananías tu', max bet mukoncan eb. 7 Oxebxam wal hora cami, max jayoc ix yistzil nak tu', cax max oc ix yul na. Man yojtakok ix ta mayal cam yichamil ix tu'. 8 Max k'anlen Pedro bay ix: —¿Yel mi, tol axca ti' max oc yin tx'otx' e tx'otx' max e txono'? ẍi bay ix. —Ja', cayton tu', ẍi ix bay. 9 Yuj tu xin, xan max yal bay ix axca ti': —¿Tzet yuj xan max e lajtinej e ba, cax che yak'on porobal Cham Yespíritu Cham Jajawil? Ab jay eb nak ti na tu', a ton eb max bet mukoncan echamil. Axa ach ok ach yi c'apaxtok eb nak ti', ẍi bay ix. 10 Lajwi tu', max ec' poc'naj ix satak Pedro tu', max cam c'apax ix. Axa max ocapnok eb nak ach'ej tu xin, camnakxa ix max yilon eb. Axa yiontok eb nak is mimanil ix tu', max bet mukoncan eb nak ix is cawilal yichamil. 11 Yuj tu xin, max jay jun miman xiwilal yiban eb creyente masanil, c'al yiban masanil eb max aben k'umal tzet max uj tu'. 12 A eb chekbej Jesús, xiwil milagro max tx'ox eb. Yelc'ulal wal tol max tx'oxil eb yipalil Dios nan xol anima. A bay jun tentail templo Dios chi yik tol yet Salomón, a tu' chi wajbaj ba eb creyente tu' masanil. 13 C'am junok man creyenteok chi tec'baj ba toj xol eb yet chi wajban ba eb tu', palta yojtak eb tol caw wal watx' eb creyente tu'. 14 Xiwil eb winak, c'al eb ix chi yaoc c'ul yin Cham Jajawil. 15 Cax chi yion eltek eb anima is ya'ay yulak calle. Aylaj mac satlak tx'at, aylaj mac xin, asan satlak wayubej, cax chi yechbanen eb yec' Pedro is cawilal tu', yet watx' caxc'al ac'al yenel chi eq'uel yiban eb. 16 Xiwil anima max tit bay conoblak bay is cawilal Jerusalén tu'. Ay eb ay is ya'ay ibil ocok, c'al eb ayoc espíritu yob yin c'apaxok, palta maxc'al jaycan c'ul eb masanil. 17 Axa tit yowal cham sat sacerdote yuj sawenal tu', yetok jantak eb yetbeyom, a ton eb saduceo. 18 Yuj tu xin, xan max yak' eb mitx'lay eb chekbej Jesús tu', max alay oc eb preso yuj eb. 19 Palta axa yet ak'balil xin, ay jun yángel Cham Jajawil max ul jakon te preso tu'. Max ilay eltek eb yuj, max yalon bay eb axca ti': 20 Asek, ocanek lecan bay yamak'il templo Dios, cax che yalon el yabixal jun k'inalej max ak'lay ayex ti' bay masanil anima, ẍi jun ángel tu' bay eb. 21 Xan axa yet lananxa sakbi xin, max toj eb bay yamak'il templo Dios tu', axa c'oli cuywaj eb yul tu'. Axa yawtelay eb yajawil eb israel tu' yuj cham sat sacerdote c'al yuj jantak eb yetbeyom. Yuj tu xin, xan max chektok eb yajaw tu' jaywan eb policía, yuj toj yilay eltek eb yul preso tu'. 22 Palta axa yet max apni oc eb bay preso tu', max yilon eb tol c'amxa mac ayoctok, axa toj yalon eb tu' axca ti': 23 —Ayon ti', max jil sic'libil, caw wal c'anani yayji te preso tu'. Lecan oc eb nak taynem preso bay ti' puerta tu', palta axa yet max co jakon te', cax max jiloni, c'amxa mac ayoctok, ẍi eb policía tu'. 24 A yet max yaben aj cham sat sacerdote, c'al eb yetbeyom, c'al cham sat taynemal templo Dios, caw wal max c'ayaj c'ul eb sic'libil. Maj nachaj el yuj eb tzet yayji ocok. 25 Lanantoc'al wal tu', cax max jayoc jun winak bay eb, tol max yal axca ti': —A eb max e yaoc preso, ayic' eb yul yamak'il templo Dios wal tinani'. Lanan cuywaj eb nan xol anima, ẍi nak tu'. 26 Axa toj yilay eb yuj cham sat taynemal is templo Dios tu', yetok eb yet taynemal. Palta man yinok yaxc'aynakil max yun yilaytek eb yuj eb, yujtol chi xiw eb k'okch'ennelay yuj eb anima. 27 Max jayc'al oc eb chekbej Jesús tu' yuj eb xin, cax max ilay jay eb satak eb yajaw tu'. Max al-lay bay eb yuj cham sat sacerdote axca ti': 28 —Max cam jalon ayex tol c'amxa che yalil cuybej Jesús tu'. Palta ilab tinani', pilan mayal saklem jun e cuybej ti' bay Jerusalén ti'. Toltax che yochej che yatok camichal Jesús tu' jiban, ẍi bay eb. 29 Axa tak'wi Pedro tu' yetok juntzanxa eb is chekbej Jesús axca ti': —Yowalil tol a tzet chi yal Dios chi jikej. A pax tzet chi yal anima xin, ta c'am chi chalej ba yetok tzet chi yal Dios, c'am chi jikej. 30 Ayex ti', max e yak' mak'lay cam Jesús yet max e yak'on curusnelayok, palta a Dios, Cham bay yalnak ba eb jichmam, a' max ak'on ictzoj aj xol eb camnak. 31 A' max ak'on yopiso, cax max yion paxaj bay is watx' k'ab. Max yaoc co Yajawilok, c'al co Colomalok. Xan a Jesús chi ak'on co na co ba ayon israel on ti', yet watx' chi elcan co yobtakil yuj. 32 Ayon ti', chi jak' co ba testigoal yin juntzan chi jal ayex ti'. Ilab c'apax Cham Espíritu Santo, chi yak' ba Cham testigoal yin jetok. Chi yak' Dios Yespíritu ti' bay masanil mac chi iken tzet chi yala', ẍi eb. 33 A yet max yaben eb yajaw tu' juntzan ti', max aj jucnaj eb yuj tit yowal. Yochejxac'al eb tzet max yut yak'on cam eb ayman. 34 Palta a xol eb yajaw tu', ay jun cham fariseo chi yik Gamaliel. Cuywom yin ley Dios sic'libil. Caw wal watx' cham yul sat anima. Max aj wan cham nan xol eb, cax max yak'on cheklay eltok eb chekbej Jesús yina junok bek. 35 Lajwi yeltok eb, cax max yalon axca ti': —Ex wet israelal, chi cam co naon sic'libil, tzet ok jut juntzan winak ti'. 36 Jaektok co nabal yin nak chi yik Teudas yet payxa. Tz'ak yalnak oc ba yajawilal xol anima. Tz'aknak yala' tol aynaj yopiso. Ay mi 400 anima max cuywi yintak. Axa yet max mak'lay cam nak, max saklemcantok eb max cuywi yintak tu', max lajwi ay jun yet eb tu'. 37 Ayxata' wal tu', ay junxa nak chi yik Judas aj Galilea. Max tz'ak yaloc ba nak yajawilal, yet max ilay aj bisil eb anima yuj yajaw. Xiwil c'apax anima max cuywi yintak junxa nak tu'. A yet max mak'lay cam nak, max saklemcantok masanil eb max cuywi yintak. 38 Yuj tu xin, xan chi wal e yabej: Co bekek jetnen eb nak ti', yilxa eb nak. Ta yet anima jun bay ayoc eb ti', munilc'al ok yak' lajwok ay ba. 39 Palta ta yet Dios xin, maj je' jak'on lajwok. Ay is may, axa talaj chi yunajok, axa yetok Dios lanan jak'len owal, ẍi cham bay eb. 40 Max cha c'ul eb yajaw tu' tzet max yal cham Gamaliel tu', axa yawtelay octok eb chekbej Jesús tu' yuj eb, cax max yikon eb tz'um. Max al-lay c'apax bay eb, tol manchakxa yalil eb yabixal Jesús. Lajwi tu xin, max beklay el eb. 41 Axa yeltek eb satak eb sat yajaw tu', caw wal chi tzaloj eb, yujtol max yal c'ul Dios tol yujc'al Jesús, xan chi yil eb yailal. 42 Maj bek eb yalon el yabixal Jesucristo junjun c'u. Pilan max ec' yal eb bay yamak'il templo Dios, c'al bay xolak na.
1 A yet jun tiempoal tu', yelc'ulal wal tol max ch'ib bisil eb creyente. Palta a eb creyente griego, max caklej aj ba eb yetok eb hebreo, yujtol a yet chi ak'lay low eb meba' junjun c'u, man tz'akanok chi ak'lay yet eb xal ix camnakxa yichamil xol eb griego tu'. 2 Yuj tu xin, max wajbalay oc bulan eb creyente masanil yuj eb chekbej Jesús lajcawanil, max yalon eb bay eb axca ti': —Man mojok chi co bek jalon el k'anej Dios, cax asanxanej iloj loj ti' chi junej. 3 Yuj tu xin ex wuẍtak, che satnej oc ukwanok winak e xol ti', cax che yaon oc yopiso eb yilon jun mulnajil ti'. Ukwanok wal tol watx' is beybal, cax chi nachaj el yet Dios yuj eb, yowalil tol ayoc eb yalan yikbej Cham Espíritu Santo. 4 Ayon ti xin, ok on occ'al ijan on yin txaj, cax ok jalon el k'anej Dios, ẍi eb lajcawan tu'. 5 Caw max tzaloj aj eb masanil yuj jun k'anej tu', xan tixtak bi eb max siq'uil eb ti': Esteban, jun nak caw chi yaoc c'ul yin Dios sic'libil, cax ayoc yalan yikbej Cham Espíritu Santo, yetok Felipe, Prócoro, Nicanor, Timón, Parmenas, c'al jun nak chi yik Nicolás, aj Antioquía. A Nicolás ti', ocnakxa ta' yin is religión eb israel yet yalan. 6 Lajwi sic'lay el eb, max ilaytek eb satak eb chekbej Jesús, Axa yaon oc eb chekbej Jesús tu' k'ab yiban jolom eb yak'ban lanan txajli eb yuj eb. 7 Max tojc'al lebebok k'anej Cham Jajawil tu' xol eb anima. Yuj tu xin, max tec'al aj can bisil eb creyente bay Jerusalén tu'. Toltax xiwil eb sacerdote max oc yin creyenteal. 8 Axa Esteban, xiwil watx'c'ulal Dios chabil yuj. Caw wal chi occ'al Dios yetok. Yuj tu' xan xiwil milagro max el tx'oxon xol anima. 9 Palta ay juntzan eb israel chi wajbaj ba bay jun nail culto jun makan eb chi ikon Eb Yet-xa Ba. Ay c'apax juntzan eb aj conob Cirene, c'al juntzan eb aj conob Alejandría, yetok juntzan eb aj Cilicia, c'al juntzan eb aj Asia. Max jayoc eb ti' bay Esteban tu', max c'oli teyelen ba eb yetok. 10 Palta max ayc'ay eb yuj, yujtol a jelanil Cham Espíritu Santo max yak'balnej yet max k'anjabi. 11 Maxc'al yil eb axca tu', axa manon eb jaywan lek'ti' testigo tu', max yak'on eb c'ul eb, yet watx' chi yal eb axca ti': —Max jab buchwaj Esteban ti' yin jichmam Moisés, c'al yin Dios, ẍinaj eb. 12 Caytu' max yun yaj uchnaj conob yuj eb, yetok eb ichamtak winak, c'al eb meẍtol yin ley Moisés. Yuj tu xin, xan max tit jucnaj eb yin Esteban tu', max mitx'on ay eb, axa yiontok eb satak yajaw tu'. 13 Lajwi tu xin, max sayon eb jaywanxa mac chi aon oc tz'akbal k'anej yiban Esteban tu'. Max jayc'al eb, max yalon eb bay eb yajaw tu': —A Esteban ti', caw wal c'am chi bek jabok buchwaj yin templo Dios, tol asan Dios ay yet, cax chi buchwaj c'apax yin ley Moisés. 14 Max jab yalon axca ti': A Jesús aj Nazaret, a ok uchon ay templo Dios ti'. Ok q'uexponej juntzan co beybal ak'bilcan ayon yuj Moisés. Cay wal tu' max yut yaloni, ẍi eb, chi tz'ak yalon eb. 15 Axa masanil eb chotan ay yin k'umbalba max oc t'anan eb yin sat Esteban, caw lajan yili sat tu' axca sat junok ángel max yil eb.
1 Max k'anjab el cham sat sacerdote bay Esteban axca ti': —¿Yel mi masanil juntzan ti'? ẍi bay. 2 Axa yalon Esteban tu' axca ti': Ex wet conob, c'al ex ichamtak winak, abek. A Dios miman is mayk'ak'al. Tx'oxnak aj ba bay jichmam Abraham, yet ayic' bay Mesopotamia, yet c'amto chi toj cajan bay conob Harán. 3 Yalnak Dios bay axca ti': Bekcan a tx'otx'al ti', c'al jantak eb ecan, cax chach toj bay jun tx'otx' ok in tx'ox ayach, ẍi Dios bay. 4 Axa yel bay is lugar eb caldeo bay ayta ec' tu', axa bay conob Harán, a tu' max toj cajayok. Axa yet max cam is mam xin, max ilaytek yuj Dios bay jun lugar bay ayon ec' ti'. 5 Palta c'am jabok is tx'otx' max ak'lay is satakok yuj Dios cayti', cax junelnej c'am jabok. Asan xin, max yak' Dios is ti' bay, max yalon bay axca ti': Ok wak' jun tx'otx' ti' ayach, c'al bay eb enatil, ẍi Dios bay. C'amto junok yuninal yet max yalon Dios jun ti' bay. 6 Max yalon c'apax can Dios bay axca ti': A eb enatil, ok tok cajan eb bay junokxa tx'ok conobal, cax yin mosejal ok ayjok ec' eb, ok etax eb sic'libil yin 400 abil. 7 Palta ok waoc yailal yiban jun conobal bay ok oc eb mosejal tu'. Lajwi tu xin, cax ok eltek eb enatil bay tu'. Axa in yak'on serbil eb bay jun lugar ti', ẍi Dios bay. 8 Yetok c'apaxok, yak'nak c'apax can Dios trato yetok Abraham tu'. Yalnak Dios bay, tol chi oc jun circuncisión yin eb, yechelok is trato yetok eb. Yuj tu xin, a yet max alji jun yuninal Abraham chi yik Isaac, ukubixial yalji, max ak'lay circuncidar yuj Abraham tu'. Yetok c'apax yet max alji nak c'ajol Isaac chi yik Jacob, max ak'lay c'apax circuncidar nak yuj Isaac tu'. Axa Jacob tu', lajcawan c'ajol aljinak, max yak' circuncidar eb lajcawanil. A eb lajcawan tu', a ton eb jichmam ayon israel on ti'. 9 A eb jichmam tu', ay jun yuẍtak eb chi yik José. A yet junel, max meltzoj oc eb ajc'ulal yin. Yuj tu' xan txonnaktok eb bay conob Egipto. Palta ayc'al oc Dios yetok. 10 A' colnej el José tu' xol yatakilal ec'nak el yiban. Yak'nak Dios tu' is jelanil bay. Ocnak Dios yetok, yet watx' watx'c'al max eloc satak cham faraón, cham reyal Egipto. Yuj tu' xan yanak oc cham yopiso José tu' yin yajawilal bay Egipto, max yaon c'apax oc cham yajawilal bay yatut cham faraón tu'. 11 Palta a yet jun tiempoal tu', jaynak jun miman wajil yiban masanil eb aj Egipto tu', c'al yiban eb aj Canaán. Caw wal yabnak eb yail jun wajil tu'. Cay c'apax tu' eb jichmam bay Canaán tu', caw wal c'amxa chi ilchaj tzet chi lo eb. 12 Axa yet yaben Jacob tol ay trigo bay Egipto, max chektok eb is c'ajol bay tu'. A ton eb c'ajolej tu', jichmam yayji. Babelto wal toj eb junel tu'. 13 Axa max cheklaytok eb yet cayelal xin, max yak'on ba José yojtaknej el eb tol yuẍtak eb, xan caytu' max yut yojtaknencan el faraón mactxel juntzan yet conob José tu'. 14 Max yak'on José tu' tit is mam, a ton cham Jacob tu'. Max yak'on c'apax tit eb yuẍtak, c'al yistzil eb, yetokc'al yuninal eb masanil, cax 75 bey eb yinatil Jacob tu' masanil. 15 Xan caytu' max yun yapnican oc Jacob tu' bay Egipto. A tu' max cam cham. A c'apax tu' max cam eb is c'ajol tu', a ton eb jichmam, 16 cax max ilay pax is mimanil eb bay conob Siquem, bay max alay octok yul jun ch'en olbil. A jun ch'en ch'en tu', a Abraham mannej bay eb yuninal Hamor bay Siquem tu'. 17 Axa yet lananxa jay tiempoal yunen tzet yalnak Dios bay Abraham xin, caw wal max aj can ch'ib bisil yinatil bay Egipto tu'. 18 C'ojanc'ulal max oc jun rey bay Egipto tol man ojtaknenok yabixal José. 19 A jun rey tu', caw wal max etnelay eb jichmam tu' yuj. Caw wal max yak' yobc'ulalil bay eb. Max yal bay eb, tol yowalil chi k'okil eb jantak is winak unin eb chi alji, yet watx' chi lajwi el yinatil eb. 20 A yet jun tiempoal tu', max alji Moisés, unin tol caw wal watx' yili. Oxebnej xajaw max il-lay ch'ib yuj is mam c'al is txutx bay na. 21 Lajwi tu xin, max yion el eb bay yatut; palta max ilchajtek yuj ix cutz'in cham rey tu', max yiontok ix bay yatut, max yilon ch'ib ix xin, axca tol yune'. 22 Yuj tu xin, xan a Moisés tu' pilan max cuylay yin jantak tzet yojtak eb aj Egipto tu', xan caw jelan k'anjabi, cax jelan watx'nen masanil tzetak yetal. 23 A yet 40 abilxa is k'inal, max jay yin c'ul toj yilon eb yet conob, a ton eb jet israelal. 24 Palta axa yet max apni oc xin, max yiloni, tol ay jun nak aj Egipto lanan yetnen jun nak yet conob Moisés tu'. Max col-lay el nak yuj, max ilay ec' pak nak yuj Moisés tu' bay nak aj Egipto tu', max yak'onxac'al camok. 25 A naon Moisés tu', tol max nachaj el yuj eb yet conob, tol a' ok k'anabax yuj Dios yet chi coloncan el eb, palta maj nachaj el yuj eb. 26 Yewial tu', max yilon yin cawanxa yet conob tol lanan yak'len eb owal. Max yochej Moisés tol max oc eb yin watx'c'ulalil, xan max yal cham bay eb axca ti': Ex wet conob, ¿tzet xan che yak'lej owal? Ilab e yet conob e ba, ẍi bay eb. 27 Axa tenlaytok Moisés tu' yuj nak tol yelc'ulal wal chi ak'wi owal tu', max yalon nak bay axca ti': ¿Mac max ach aon oc yajawil, c'al yin juezal co xol on? 28 ¿Ma tol chi yochej a c'ul chin a mak' cam axca max ot nak aj Egipto ewi? ẍi nak bay. 29 Max yabc'al Moisés axca tu', axa yelaj tu'. Max toj cajay xol eb tx'ok conobal aj Madián. A tu' aljinak cawan is c'ajol. 30 40 abilxa yapni oc bay tu', cax max toj bay tzalan Sinaí, bay c'am anima. Ay jun ángel max tx'oxaj ba bay bay tu'. Xol xak k'ak' max tx'oxaj ba, bay jopan oc jun k'ak' k'ak' yin te q'uix. 31 A yet max yilontok jun tu', caw wal max c'ayaj c'ul yuj, xan max toj yil wal cawilal tu'. Axa yalon Cham Jajawil bay axca ti': 32 Ayin ti' is Diosal in eb echmam, is Diosal in Abraham, yetok Isaac, c'al Jacob, ẍi bay. Axa bilaj Moisés tu' yuj xiwilal, cax majxa oc t'anan yin. 33 Max yalon Cham Jajawil tu' junelxa bay axca ti': I el a xanab, yujtol ayin ec' ayin ti' bay jun tx'otx' ti'. 34 Caw wal chi wil wali, tol lanan yilon eb in conob ayic' bay Egipto yailal. Chi wabej tol caw wal chi k'akwi eb. Yuj tu' xan max in ayolok cax chi ul in colon el eb xol yailal tu'. Xan, asi'. Ach ok ach in chektok bay Egipto tu', ẍi Dios bay Moisés tu'. 35 A yet yalan, yet max apni oc Moisés bay eb yet conob tu', maj chalay yuj eb, xan max yal eb bay axca ti': ¿Mac max ach aon oc yajawilal c'al juezal co xol on? ẍi eb bay. Palta a Dios ak'nej yopiso Moisés tu' yin yak'on cuenta eb, cax max yak'on c'apax yopiso tu' yion eltek eb xol yailal bay ayic' eb yetnen c'ul tu'. A jun yángel max tx'oxaj ba bay Moisés tu' yin te q'uix, a' max oc yetok. 36 A Moisés bet inej eltek eb jet conob bay Egipto tu'. 40 abil max el tx'oxon milagro bay Egipto, yin a' Cakyin Mar, c'al bay tz'inan tx'otx'. 37 Ac'aloc Moisés tu' alnej bay eb jet israelal axca ti': Ok chektek Dios junok jet conob ti' is chekbejok axca max quin yut ti', ẍi bay eb. 38 A cham tu' max ec'lej nan xol anima bay tz'inan tx'otx'. Ay jun ángel ayic' yetok eb, jun k'anjabnak yetok bay tzalan Sinaí, yet ajun eb jichmam yetok. A bay Moisés tu' yak'nakcan Dios juntzan k'anej yet k'inalej. Yuj tu' xan, axa ak'nej pax can ayon. 39 Palta a eb jichmam tu', maj yal c'ul eb max yikej tzet max yal Moisés tu'. Yuj tu' xan max yintaknej el eb, cax max yochen eb max meltzoj yintak junelxa bay Egipto. 40 Max yalon eb bay Aarón axca ti': Chi jochej tol cha watx'nej juntzanok co diosal chon ikbani, yujtol a Moisés max on ion eltek bay Egipto tu', man jojtakok tzet max oni, ẍi eb. 41 Axa watx'nen eb yechel jun ach'ej wacax tu', cax max yalon oc eb is diosalok. Max yak'on cam eb juntzan no no', cax max yak'on eb xajanbalil bay. Max c'oli chaon eb k'inal. 42 Yuj tu xin, max yi el ba Dios xol eb, cax max beklaycan eb tx'oklil yuj, yet watx' chi yi ay ba eb bay waycanlak ay satcan. Axcata' max yut tz'ibencan jun chekbej Dios, bay chi yal axca ti': Ex israel, yin cawinak abil max ex ec' bay tx'otx' takin tx'otx'. Tokwal a ayin max e yak' tz'a xajanbal c'al ofrenda bay tu'. 43 C'amak. Palta max e yik beyic' jun e diosal chi yik Moloc, c'al jun yechel waycan e diosal chi yik Refán. A bay juntzan yechelej max e watx'nej tu', a tu' max e yiay e ba. Yuj tu' xan ok ex wiil sat e tx'otx'al, cax ok ex waoncantok sataktok Babilonia, ẍi Dios yul tx'an Un Tz'ibbilcanok. 44 Palta a yet max ec' eb jichmam bay jun tz'inan tx'otx' tu', yetbi oc eb jun mantiado bay ay is ley Dios. A jun mantiado tu' watx'nebilcan yuj Moisés axca max yut yalon Dios bay, yet max tx'oxon jun yechelej bay. 45 A jun mantiado tu', max can yul k'ab juntzanxa eb jichmam. Axa Josué max iontok jun tu' yetok eb, yet max yioncan eb is tx'otx' eb tx'ok conobal. A Dios max ion el juntzan tx'ok conobal tu' sat tx'otx'. Axa eb jichmam max ioncan tx'otx' eb tu'. A jun mantiado tu' yetbic'al oc eb, masantac'al max oc David reyalok eb. 46 A David tu', caw wal max tzaloj Dios yetok, a' max yochej max watx'nej jun is templo is Diosal Jacob, tol co Diosal c'apaxok. 47 Palta ata wal Salomón watx'nejnak jun templo Dios tu'. 48 A Dios axac'al oc tu', c'am chi ayji ec' yulak na chi watx'nej anima. Axca tu' max yun yaloncan jun is chekbej payxa: 49 A satcan, in trono yayji. Axa sat tx'otx' tx'otx', axca tol batxlubal wakan yayji. Yuj tu' xan a ayex ti', ¿tzetto wal nail ok e watx'nej aj ayin? ¿Tzetto wal lugaril ok e watx'nej aj bay ok in xewok? 50 Yujtol ayin ti', max in watx'nej masanil juntzan tzet yetal ti', ẍi Dios yul tx'an Un. 51 Palta ayex ti', caw wal pit ex. Lajan e nabal axca eb man ojtaknenok Dios jabok. Caw wal c'am che yacbaj jabok e txiquin bay is k'anej. A ti' e yet tol che tenc'al yochwan Cham Espíritu Santo, xan lajan ex wal axca eb jichmam. 52 A eb chekbej Dios yet payxa, pilan max yab eb yail yuj eb jichmam tu', a ton eb chekbej Dios max aloni tol ok jay jun mactxel tojol is nabal, palta max ak'lay cam eb yuj eb jichmam. Axa yet max jay jun mactxel tu xin, ayexxa max e yaoc yul k'ab eb yajaw cax max e yak'on camok. 53 Caxc'al max yak' eb ángel juntzan chekbanil Dios ayon, palta majc'al e yikej, ẍi Esteban tu' bay eb. 54 A yet max yaben eb wajan ec' bay tu' juntzan ti', caw wal chi c'uxay eb ye yuj tit yowal eb yin Esteban tu'. 55 Palta a Esteban tu xin, ayoc yalan yikbej Cham Espíritu Santo, yuj tu' xan max aj t'anan satcan, max yilon ajtok is tzekekial Dios. Max yiloni, waan oc Jesús bay watx' k'ab Cham, 56 xan max yal axca ti': —Ilabi, jakan puertail satcan chi wila'. Ayic' Cham Chekbiltek yuj Dios co xol bay is watx' k'ab, ẍi. 57 Axa yaj yaw jantak eb bulan ec' tu' yin ipejal. Max makchen eb is txiquin. Axa tit jucnaj eb yin tu', max tzicontek eb. 58 Axa yiontok eb tiel conob tu'. A eb max oc testigoal yin Esteban tu', max yiel eb an jokan pichilej chi yaoc yin is pichil, max yak'oncan eb taynej jun nak chi yik Saulo, max michchaj oc Esteban tu' k'okch'ennen eb. 59 A yet lanan wal k'okch'ennelay yuj eb tu', max txajli axca ti': Mamin Jesús, cha'can wanimail ti', ẍi. 60 Lajwi tu xin, max ay jajanok, max aj yaw txajli yin ipejal axca ti': Mamin, manchak atok jun is yobtakil eb ti' yiban, ẍi. Lajwic'al yalon axca tu xin, axa yel c'ul tu'.
1 A Saulo, max cha c'ul k'okch'ennelay cam Esteban tu'. Axac'al yet jun c'u tu' max el yich yajc'ulnelay eb creyente sic'libil bay Jerusalén. Yuj tu' xan max el eb. Ay eb max toj bay juntzan conoblak yul yet Judea, ay eb max toj yulak yet Samaria. Asanxanej eb chekbej Jesús max cancan bay Jerusalén tu'. 2 Maxc'al cam Esteban tu', max ilaytok is mimanil muklay yuj juntzan winak iom can Dios. Caw wal chi ok' eb yuj. 3 A pax Saulo xin, caw chi aj can yak'on ajc'ulal yin eb creyente. Tojol yoc yulak na, chi jutxwi eltek winak c'al ix yulak na tu', cax chi ilaytok eb preso yuj. 4 Axa eb max saklemcantok yel bay Jerusalén tu xin, tzanc'al bay max apni eb, max yalil eb yabixal colbanilej. 5 A Felipe, a bay conob Samaria max apni, max c'oli yalon el yabixal Cristo nan xol eb anima bay tu'. 6 Maxc'al yacbaj masanil eb anima txiquin bay tzet max yal tu'. Max yilon c'apax eb juntzan milagro max el tx'oxoni. 7 A bay jun conob tu', xiwil anima ayoc espíritu yob yin, palta chic'al elcan yin eb yuj Felipe tu'. Yip yel yaw eb espíritu yob tu', cax chi el eb. Xiwil mac sicbinak el is mimanil, c'al eb c'am chi je' beyi, max watx'jican yuj Felipe tu'. 8 Yuj juntzan tzet max uj tu', xan caw wal max tzaloj aj eb anima bay jun conob tu'. 9 Ay jun winak chi yik Simón bay tu'. Caw wal chi etnewi anima, yujtol chi yala' tol miman yelapnok, cax ay tzet chi je' yuj. 10 Pilan chi yaoc anima c'ul yin, eb yaynakil c'al eb mimek winak, cax chi yalon eb axca ti': A cham Simón ti', yel wali, caw wal ay yipalil Dios yin cham, ẍi eb. 11 Caw wal chi yaoc eb c'ul yin cham, yujtol payxataxc'al max c'oli cham yak'onc'al c'ayaj c'ul eb anima, cax chi yaloni tol tz'akan ton c'ul. 12 Palta axa Felipe chi alon el xol eb, tzetbil chi yun yoc eb yul k'ab Dios. Chi yalon c'apax el yabixal Jesucristo nan xol eb. Yuj tu xin, aylaj winak, c'al ix max yaoc c'ul yin tzet chi yal tu'. Max lajwi tu', max yak'on bautizar ba eb. 13 Ilab c'apax Simón tu', max yaoc yin c'ul tzet max yal Felipe tu', cax max ak'lay bautizar. Max lajwi tu xin, tzakanxac'al yintak Felipe. Ay juntzan milagro max el tx'oxon Felipe tu' tol caw miman yelapnok. Caw wal max c'ayaj c'ul Simón tu' yet max yiloni. 14 A yet max yaben eb chekbej Jesucristo ayic' bay Jerusalén, tol ay mac max yaoc c'ul yin k'anej Dios bay Samaria tu', cax max chekontok eb Pedro yetok Juan. 15 A yet max apni oc eb, max txajli eb yuj eb creyente tu', yet watx' chi chacan eb Cham Espíritu Santo. 16 Yujtol c'amto junok eb chi chaon Cham. Asantoc'al yin bi Cham Jajawil Jesús max ak'lay bautizar eb. 17 Max batxbaj ajtok Pedro yetok Juan is k'ab yiban jolom eb, cax max chaoncan eb Cham Espíritu Santo. 18 A yet max yilon Simón, tol a yet max yaon ajtok eb k'ab yiban jolom eb creyente tu', cax max chaoncan eb Cham Espíritu Santo; axa yalten tumin bay eb chekbej Jesucristo tu'. 19 Max yalon bay eb axca ti': —¿C'am mi chi je' e yak'on c'apax wikbej yet watx' tzanc'al mac chin batxbaj ajtok in k'ab yiban jolom, chi chacan Espíritu Santo wuj? ẍi nak bay eb. 20 Axa yalon Pedro bay Simón tu': —C'ayokab el a tumin etok. A jun sabalej chi el yin c'ul Dios chi yak'a', ¿tom chi je' a manon yetok a tumin tu' a naoni? 21 Caw wal c'am alon et yin jun ti' jetok, yujtol man ton wal watx'ok a nabal yul sat Dios. 22 Yuj tu xin, na a ba yin jun a yobtakil ti'. Al bay Dios, ta c'uxan chi joc'ay Dios a mul eban yuj tzet cha na tu'. 23 Yujtol chi wila' tol caw wal ayoc sawenal en, cax asan tzet man watx'ok lanan ak'on serbil, ẍi Pedro tu' bay. 24 Max yalon axca ti': —Caw wal che k'an bay Cham Jajawil wuj, yet watx' c'am chi jayoc jabok jun yailal che yal tu' wiban, ẍi bay eb. 25 Max lajwi yalon el Pedro c'al Juan yabixal Jesús c'al is k'anej Cham Jajawil, cax max meltzoj eb bay Jerusalén. Xiwil aldealak yul yet Samaria bay max ec' yalil eb k'anejal yet colbanilej. 26 Ay jun yángel Cham Jajawil max alon bay Felipe axca ti': Watx'nej a ba. Asi' bay sur, cax chach toj yul jun be chi tit bay Jerusalén, jun chi apni bay conob Gaza, ẍi bay. A jun be tu' a ton jun chi ec' bay tz'inan tx'otx'. 27 Axa toj tu'. Max yil-len el ba yetok jun winak aj Etiopía yul be tu'. A jun winak tu', eunuco, yajaw yuj jun xal ix chi ikon Candace, xal yajaw bay Etiopía tu'. C'ubom tumin yayji bay xal. Petoj cham yion ay ba bay Dios bay Jerusalén, 28 cax lanan pax cham bay Etiopía. Chotan ajtok yul is carruaje, lanan yilon cham tx'an Un Tz'ibbilcan yuj Isaías, cham chekbej Dios. 29 Axa yalon Cham Yespíritu Dios bay Felipe axca ti': Jitztok a ba c'atan jun carruaje tu', ẍi bay. 30 Axa yet max apni oc c'atan, max yabeni, tol lanan yawten cham tx'an Un Tz'ibbilcan yuj Isaías. Axa yalon Felipe tu' bay axca ti': —¿Chi mi nachaj el oj tzet chi yal tx'an Un tu'? ẍi bay. 31 Max tak'wi cham: —¿Tzet wal ok wut nachaj elok ta c'am mac chi coc' alnen ayin? Mata chach ajtek chotan wetok, cax cha coc' alnen ayin, ẍi cham bay. 32 A tx'an un lanan yilon cham tu', chi yal axca ti': Max ilaytok, axca chi yun yilaytok no calnel bay chi mak'lay camok. C'amc'al tzet max yala', tz'inc'al ẍi axca no calnel yet chi tzuklayi. 33 Caw q'uixwiltak max utlay yuj eb, cax man bayc'al ijanok max yun beyc'ulnelayi. C'am junok mac chi je' yaloni tol ay yinatil max cani, yujtol max ilay wal el bay sat tx'otx' ti', ẍi yul tx'an Un tu'. 34 Yuj tu xin, xan max k'anlej el cham bay Felipe tu' axca ti': —Chin k'anlej ayach, ¿mac ay yabixal jun max yalcan cham chekbej Dios ti'? ¿Ac'al mi oc Cham max yalcan yabixal, ma tx'ok junok mac chi yala'? ẍi bay. 35 Axa Felipe max chael yich yalontek yabixal Jesús yin tx'an Un lanan yilon cham tu'. 36 Lananc'al bey eb toj yul be xin, cax max apni oc eb bay jun aej. Axa yalon cham aj Etiopía tu' bay Felipe axca ti': —Ilab jun a' aej ti', ¿c'am mi chi je' chin ak'xac'al bautizar tinani'? ẍi cham bay. 38 Lajwi tu xin, max yalon cham eunuco tu' tol chi mitx'oc wanaj is carruaje, axa yaytok eb yul a' tu' cawanil. Axa yak'oncan bautizar ba cham yul a' tu'. 39 A yet max lajwi paxajtek eb yul a' xin, max ilay el Felipe yuj Yespíritu Cham Jajawil. Majxa yil cham aj Etiopía tu' yin. Axa chaon be toj tu', max tojcan cham yin tzalojc'ulal. 40 Axa Felipe tu xin, max apni bay jun conob chi yik Azoto. Pilan max ec' yalil k'anejal yet colbanilej bay juntzanxa conob, masantac'al max apni bay conob Cesarea.
1 Axa Saulo xin, tol chi texac'al aj can xibten eb chi yaoc c'ul yin Cham Jajawil. Chi yala' tol ok mak' camok. Max jayoc bay cham sat sacerdote, 2 yuj ul k'anon juntzan carta bay chi ak'lay yikbej yoc yulak nail culto eb israel bay conob Damasco, cax chi mitx'ontek masanil eb chi yaoc c'ul yin Jesús, caxc'al winak ma ix, tojolc'al yilaytek eb preso yuj bay Jerusalén. 3 Lajwi tu' max toji, palta lanan wal yapni oc cawilal conob Damasco tu', ay jun sakk'inal max tit jopnaj satcan, max low yin. 4 Cax max ayc'ay telnaj sat tx'otx', axa yaben yoc jay belan k'anej, max yal bay axca ti': Saulo, Saulo, ¿tzet xan chin oktej ec'ok? ẍi bay. 5 Mamin, ¿mac ach txel? ẍi aj bay. Ayin ton Jesús in. Ayin lanan in okten ec'ok. 6 Ajan wan, cax chach toj yul conob. A tu' ok al-lay ayach, tzet yowalil ok onej, ẍi Jesús bay. 7 A pax eb ajun yetok Saulo tu xin, caw wal max c'aycan el c'ul eb. Max yab eb yoc jun nuk'ej tu', palta c'am mac max yil eb yin. 8 Lajwi tu xin, max aj wan Saulo tu' sat tx'otx'. Axa max yun ajok, tol a wal jakon sat yaloni, c'amxa chi je' yilwi. Axa eb ajun yetok tu', max oc quetzan yin k'ab, max quetzontok eb yul conob Damasco tu'. 9 A yet max apni oc yul conob tu xin, oxeb c'u maj ilwok jabok, cax maj lowok, tamwal yuq'uen a'. 10 Axa bay Damasco tu xin, ay jun creyente chi yik Ananías. Max yalon cham Jajawil yin axca wayichejal bay: ¡Ananías! ẍi bay. Tix in ti' Mamin, ẍi. 11 Ajan wanok, cax chach tojc'al yul jun calle chi yik Jichan. A yet ok ach apnok bay yatut Judas, cax cha k'anlen bay ayic' Saulo aj Tarso, yujtol lanan txajli. 12 Ay jun tzet max in tx'ox bay. Max wak' yila' tol ach ok ach apnok oc bay, cax ok aon ajtok a k'ab yiban jolom, axa jakchajcan sat tu', ẍi Cham Jajawil bay Ananías tu'. 13 Palta max yal Ananías bay axca ti': Mamin, xiwil mac chi alon ayin yuj Saulo tu'. A ab bay Jerusalén, caw wal ab xiwil yobc'ulalil chi yak' yin eb chi yaoc c'ul en. 14 A tinani xin, mayal jay cayti'. Max ak'lay yikbej yuj eb yajawil eb sacerdote yet chi mitx'on masanil eb chi yal ba ayach, ẍi. 15 Axa yalon Cham Jajawil tu' bay axca ti': Asi', yujtol a Saulo tu', sic'bilxa el wuj. A' ok alon el wabixal nan xol eb man israelok, c'al bay eb rey, yetok nan xol eb et israelal. 16 Ok wak' yojtaknej elok tol wujc'al, xan yowalil ok yil xiwil yailal, ẍi Cham Jajawil tu'. 17 Catatu' bian max toj Ananías bay na tu'. A yet max apni oc xin, cax max oc yul na. Axa batxban ajtok k'ab yiban jolom Saulo tu', cax max yalon axca ti': —Wuẍtak Saulo, a Cham Jajawil Jesús, Cham max tx'oxaj ba ayach yul be bay max ca a jayi, a' max in chekontek ayach ti', yet watx' chach ilwican ajok, cax chach can yalan yikbej Cham Espíritu Santo, ẍi bay. 18 Yet wal jun bek tu', max el tiẍnaj juntzan axca sol txay yin sat, axa yilwi pax aj tu'. Max aj wan, axa yak'laycan bautizar tu'. 19 Lajwi tu xin, axa low tu', cax max oc yip. Tx'ialtoc'al c'ual max ayji ec' yetok eb creyente bay Damasco tu'. 20 Max ec' Saulo tu' yalon el k'anej Dios yulak nail culto eb yet israelal. Chi yaloni, tol a Jesús C'ajol ton Dios. 21 A jantak eb chi aben yaloni, toxac'al chi c'ayaj c'ul eb yuj, cax chi yalon eb: —Palta a jun winak ti' max ec' etnen jantak eb chi yal ba bay Jesús bay Jerusalén. A co naoni, tol mitx'ojtok creyente chi ulic' cayti', cax chi yiontok eb satak eb yajawil eb sacerdote, ẍi eb. 22 Palta a Saulo tu xin, tol max yiajtek c'ulok yalon elok, yet watx' chi txecloj elok, tol a Jesús, a ton Cristo, palta eb yet israelal bay Damasco tu', c'am chi nachaj yuj eb, tzet chi yut paktzen bay. 23 Tutun tx'ialc'al c'ual max ec' Saulo bay tu xin, xan axa lajtinen el ba eb yet israelal yin tu'. Max wajan alnen eb, tol ok yak' cam eb. 24 Chi mak eb c'ualil c'al ak'balil yulak be ti' conob, cax chi yak'on cam eb yaloni, palta max yab Saulo k'umal tzet chi yal eb yin. 25 Yuj tu xin, axa eb is cuywom max ion el yet ak'balil. Max yaon aytok eb Saulo yul jun miman motx. Max yion eltek eb yul wentenail is murallail jun conob tu', axa bekon aytok t'ununok eb sat jun muralla tu', cax caytu' max yun colchaji. 26 Axa yet max apni oc Saulo tu' bay Jerusalén, max yochej max junanej ba yetok eb creyente bay tu', palta tol max xiwaj eb masanil bay. Maj cha eb yabej, ta yel creyentexa. 27 Axa Bernabé max iontok Saulo tu' bay eb chekbej Jesús, cax max yalon bay eb axca ti': —A Saulo ti', max yil yin Cham Jajawil yul be. Max k'anjab yetok. Yuj tu', caw wal max tec'baj ba yalon el yabixal Jesús bay conob Damasco tu', ẍi Bernabé bay eb. 28 Yuj tu', max ayji ec' Saulo tu' bay Jerusalén, cax max ayji ec' yetok eb creyente bay tu'. 29 Caw wal max tec'baj ba yalon el yabixal Cham Jajawil. Max teyelej ba yetok eb yet israelal tol griego is ti', palta max lajtinej ba eb yin tzet chi yut yak'on camok. 30 Axa yet max yaben eb creyente axca tu xin, max yiontok eb Saulo tu' bay conob Cesarea. Max apnic'al eb yetok bay tu', max chekoncantok eb bay conob Tarso. 31 Cata wal tu' bian, junc'ulalxac'al ay eb creyente masanil bay Judea, c'al bay Galilea, yetokc'al bay Samaria. Caw wal tec'anxac'al waay eb. Ay xiwc'ulalil eb bay Cham Jajawil. Yuj colwal Cham Espíritu Santo yetok eb, xan yelc'ulal wal tol max aj can bisil eb. 32 Axa yet junel, yet chi ec' Pedro yilon eb creyente, max apni oc bay eb cajan bay conob Lida. 33 Ay jun winak chi yik Eneas yil-lejnak el ba Pedro yetok bay tu'. Waxakebxa abil toj telan jun winak tu', yujtol sicbinak el is mimanil. 34 Axa yalon Pedro bay nak axca ti': —Eneas, a Jesucristo chi ak'on jaycan a c'ul. Yuj tu xin, ajan wanok, iaj a wayub, ẍi bay nak. Cax max aj wan nak yet wal jun bek tu'. 35 Max yil masanil anima aj Lida yetok eb aj Sarón, tol max watx'jican nak. Yuj tu xin, max q'uexponej eb is beybal, cax max yaon oc eb is nabal yin Cham Jajawil. 36 A bay conob Jope ay jun xal creyente chi yik Tabita. A yin griego, Dorcas bi xal. Xiwil tzet watx' max el yunen xal, max colwaj bay eb meba'. 37 Axa max yunaj xin, max michchaj aj xal yuj jun ilya', axa cam tu'. Max achinelaycan xal, max ilay ajtok is mimanil tu' bay jun cuarto can. 38 A conob Jope tu', cawilal conob Lida ay, bay ayic' Pedro. A yet max yaben eb creyente tol a tu' ayic' cham, max chekontok eb cawan winak bay, yuj bet yalon eb bay axca ti': Ton jetok bay Jope yin ayman tinani', ẍi eb bay. 39 Axa tojxac'al yetok eb tu'. Max apnic'al xin, max yion ajtok eb bay jun cuarto can bay ayic' is mimanil xal Dorcas tu'. Ay juntzan eb ix ix camnakxa yichamil ayic' yiloni. Xiwil chi ok' eb yuj. Ay is pichil eb c'al is camiẍ eb max watx'nej Dorcas tu' yet ayic' yetok eb, cax chi c'oli tx'oxon eb bay Pedro tu'. 40 Max lajwi tu xin, axa cheklay aytek eb masanil yuj Pedro tu'. Max ay jajanok, cax max txajli. Max oc t'anan yin xal Dorcas tu', axa yalon bay axca ti': —Tabita, ajan wanok, ẍi bay xal. Catatu' max jakchaj sat. Axa yet max yilon oc xal yin Pedro, axa yaj chotan tu'. 41 Yet wal jun bek tu', max oc mitx'an yin k'ab xal. Axa tok'on aj wan tu'. Lajwi tu xin, max yawten ajtok eb ix camnakxa yichamil tu', c'al juntzanxa eb creyente. Max tx'oxlay eltek xal yuj Pedro tu' bay eb, tol mayal ictzoj aj xal. 42 Pilan max yab eb aj Jope tu' k'umal jun ti', yuj tu' xan xiwil eb max yaoc c'ul yin Cham Jajawil. 43 A Pedro tu xin, max can jayebxa c'u bay Jope tu'. A tu' max ayji ec' bay yatut jun winak chi yik Simón, watx'nem tz'um.
1 Ay jun winak bay conob Cesarea chi yik Cornelio. A jun winak tu', yajawil jun bulan eb soldado chi yik Aj Italia. 2 Caw wal ayoc Dios yin c'ul jun winak tu'. Ay is xiwc'ulal bay Dios, yetok masanil is familia. Xiwilc'al tzet chi el saon bay eb meba' xol eb israel. Caw wal chi yiajtek c'ulok txajli bay Dios. 3 A yet junel, axca wayich max yut yilon jun tzet yetal yet jantak mi a las tres yet lajwi chuman. Ay jun yángel Dios max jayoc bay jun cuarto bay ayic' tu'. Max yalon bay axca ti': Cornelio, ẍi bay. 4 Axa yoc t'anan Cornelio tu' yin, caw wal max xiw yuj. ¿Tzet ẍi, Mamin? ẍi bay. Axa yalon bay axca ti': Mayal yab Dios a txaj. Mayal c'apax yil a sabal bay eb meba'. Maj tok c'ayc'ulal juntzan ti' yuj Cham. 5 A tinani xin, chektok jaywanok winak bay Jope, cax chi toj yion eb Simón, nak chi yik Pedro. 6 A tu' ayic' bay yatut nak chi ikon c'apax Simón, nak watx'nem tz'um. A yatut nak tu' a tu' ay bay ti a' mar, ẍi jun ángel tu' bay. 7 Lajwi toj jun ángel tu xin, max yawtentek cawan eb is moso, yetok jun soldado yak'omal serbil. A jun soldado tu', asan yin Dios ayoc nabal. 8 Masanilc'al tzet max al-lay bay yuj jun ángel tu', pilanc'al max yal bay eb. Lajwi tu' max cheklaytok eb yuj bay conob Jope. 9 Yewial tu xin, yet chumanxa c'u, lananxa yapni oc eb cawilal Jope tu', cax max ajtok Pedro txajlok yiban pananil yatut Simón tu'. 10 Yet ayxa ajtok bay tu', max c'oli tit is wajil, cax max k'anon low ba, palta yak'ban chi watx'nelay is lobej, ay tzet max ak'i yil axca junok wayichej. 11 Cax jakan satcan max yila'. Ay jun tzet axca junok miman sábana max ulaytek. Ayc'al oc pixil canebal txiquin, max ayol bay pananil yiban te na bay ayajtok Pedro tu'. 12 A yul jun axca sábana tu' ayoctok masanil makan no no' caneb yakan, no labaj, c'al no' chi ec' jenenok. 13 Lajwic'al yayol t'ununok xin, max yaben Pedro tu' yoc jay belan k'anej ti': Pedro, ajan wanok. Ak' cam juntzan no ti', cax cha chioni, ẍi. 14 Max yalon Pedro tu' axca ti': C'amak Mamin, yujtol c'amto junelok chin lo' ma chin chi' junok comon tzet yetal, c'al junok tzet ay yowalil yuj ley Moisés, ẍi. 15 Yuj tu' xan max yal junelxa axca ti': A tzet chi yal Dios tol c'am yowalil, manchak ak' yowalil ach ti', ẍi. 16 Oxel max yun jun tu'. Max lajwi tu xin, max ilay paxaj jun axca sábana tu' satcan. 17 Lananto naon Pedro tzet yayji juntzan max ak'i yil tu', max jayoc eb chekbej Cornelio ti' na. Lanan k'anlen eb bay ay yatut Simón tu', yet max titc'al eb yulak be. 18 Max jayoc eb xin, max k'anlen eb axca ti': —¿A mi cayti' ayic' Simón, nak chi yik c'apax Pedro? ẍi eb. 19 Ac'ala'toc'al naobtanen Pedro tzet yayji juntzan max ak'i yil tu', cax max yalon Cham Espíritu Santo bay axca ti': Ay oxwan winak chach k'anlen ec'ok. 20 Ajan wanok, cax chach aytok. Asi' yetok eb. Aoc yin a c'ul a toj yetok eb, yujtol ayin max in chektek eb, ẍi bay. 21 Yuj tu' xan max ayol bay ayic' eb chekbej Cornelio tu', cax max yalon bay eb axca ti': —Ayin ton chin e k'anlej ec'ok, xan tix in ti'. ¿Tzet ẍi e chekbanil ayin, xan chex jayi? ẍi bay eb. 22 Axa yalon eb axca ti': —Ay jun cham chi yik Cornelio, yajawil eb soldado. Caw wal watx' is beybal cham. Chi xiw cham bay Dios. Watx' cham yul sat masanil eb et israelal. Ay is camc'ulal eb yin. Ay jun yángel Dios max alon bay cham, tol chi chektek cham is chekbej yet chach ul yitok, cax chach toj bay na, yet watx' chi yabcan oc tzet ok al bay, ẍi eb bay Pedro tu'. 23 Axa yilay oc eb yul na yuj Pedro tu'. A tu' max way eb, axa yet junxa c'ual, max toj yetok eb, max toj c'apax jaywan creyente aj Jope yetok eb. 24 Yewialxa tu', max apni oc eb bay conob Cesarea. Echbanebil yapni eb yuj Cornelio tu'. Wajanxa ec' jantak eb yican, c'al jantak eb yamigo. 25 A yet max apni Pedro bay tu', max eltek Cornelio tu' chaoni, cax max ay jajnaj satak, max yion ay ba bay Pedro tu'. 26 Palta axa Pedro max quetzon aj wanok, max yalon bay axca ti': —Ajan wanok yujtol jet animail co ba, ẍi Pedro bay. 27 Lanan k'anjab eb max octok eb yul na. Axa yilon Pedro xiwil eb wajanxa ec'ok. 28 Axa yalon bay eb axca ti': —E yojtak, tol ayon israel on ti', ay leyal tol c'am chi je' co junanej co ba yetok junok tx'ok conobal. Ay leyal tol c'am chi je' chon oc yul yatut, palta max yak' Dios wojtaknej elok, tol c'am chi je' waloni ta ay junok mac tol c'am chi je' chin junanej in ba yetok. 29 Yuj tu' xan c'am tzet max wal yet max quin bet e yak'on titok. A tinani xin, chi wochej chi wabej, ¿tzet yuj xan max quin bet e yak' titok? ẍi bay eb. 30 Axa yalon Cornelio tu' bay axca ti': —Yab mi wal axca hora ti' yet oxji, lanan woc yin c'ajbanc'ulal. Lanan in txajli yul watut ti' yet tz'eyanxa c'u, cax ay jun mac max tx'oxaj ba ayin, caw wal chi tzekeki pichil. 31 Max yal ayin axca ti': Cornelio, max yab Dios a txaj, cax max naontek juntzan a sabal chak' bay eb meba'. 32 A tinani xin, chektok jaywanok winak bay conob Jope, cax chi toj yiontek eb cham Simón, cham chi ikon Pedro. A tu' ayic' cham bay yatut nak chi ikon c'apax Simón, nak watx'nem tz'um. A yatut nak tu' a tu' ay bay ti a' mar, ẍi ayin. 33 Lajwi tu xin, axa in chekontok eb in chekbej tu' ach toj sayon ec'ok. Yuj wal dios ayach, max ekej a tita. A tinani', ayon ec' co masanil satak co Mam Dios yet watx' chi jab masanil tzet max chek Cham Jajawil al ayon, ẍi bay. 34 Axa chaon el Pedro yich k'anjab nan xol eb axca ti': —A tinani', wojtak tol wal yel, lajan yelapnok masanil anima yul sat Dios. 35 Tzanc'al mac ay yelapnok Dios yul sat, caxc'al man israelok, caw chi tzaloj yetok eb, asan tanej watx' is beybal eb. 36 A Dios ak'nejcan is k'anej ayon israel on ti'. Yalnakcan ayon, tol ay junc'ulal yetok Cham yuj Jesucristo, Cham tol Jajawil co masanil. 37 Ayex ti', e yojtakxa tzet max el yunen Dios bay co lugar ayon israel on ti'. A bay Galilea elnakcan yich, yet max lajwi yalon el Juan k'anej Dios, c'al yak'wi bautizar anima. 38 E yojtak, tol a Dios yak'nak Cham Espíritu Santo bay Jesús aj Nazaret, cax yak'nak c'apax ikbej bay. E yojtak c'apaxok tol colwajnak Jesús bay eb anima. Masanilc'al mac chi etax yuj nak diablo, pilan max watx'jican eb yuj. Max je' yunen masanil juntzan tu', yujtol ayoc Dios yetok. 39 Ayon ti', chi jak' co ba testigoal yin masanil tzet max el yunen bay Judea yetok bay conob Jerusalén; caw wal max jila'. Max lajwi tu', max locban aj eb jet israelal yin curus. Caytu' max yun yak'on cam eb. 40 Palta a yet yox c'ual tu', max yictzonej aj Dios, xan yuj is yipalil Cham max tx'oxaj ba ayon. 41 Palta man masanilok anima bay max tx'oxaj ba. Asan ayon max tx'oxaj ba, yujtol atax payxa, sic'bil on el yuj joc is testigook. Cax max onto low yetok yet mayal ictzonelay aj xol eb camnak tu'. 42 Max yalcan ayon, tol yowalil chi ec' jalil yabixal bay eb anima, tol a Dios ak'nej yopiso beyc'ulnen masanil anima, eb iquis, c'al eb camnak. 43 Yet payxa, ayokto max yaloncan el eb chekbej Dios yabixal Jesús. Yalnakcan junjun eb, tol masanilc'al mac ok yaoc c'ul yin, ok ak'laycan lajwok yobtakil eb yuj, ẍi Pedro bay eb. 44 A yet lanan k'anjab Pedro tu', cax max ayol Cham Espíritu Santo yiban masanil eb chi abxalwi tu'. 45 Caw wal max c'ayaj c'ul eb creyente israel ajun yetok Pedro tu', yujtol max yak' c'apax Dios Yespíritu bay eb man israelok. 46 Max yab eb tol tx'ok tx'ok tiejal chi yal eb, cax max yaben c'apax eb yalon eb watx' k'anej bay Dios. 47 Lajwi tu', max yalon Pedro axca ti': —¿Chi mi wal je' tenlay oc wanaj eb ti', cax c'am chi yak' bautizar ba eb? Palta ilab tol max ak'lay Cham Espíritu Santo bay eb axca max yun yak'lay ayon, ẍi. 48 Yuj tu' xan max yal Pedro tol chi ak'lay bautizar eb yin bi Jesucristo. Lajwi yak'lay bautizar eb tu', cax max yalon eb bay, tol chi can jayebok c'u yetok eb.
1 Max yaben eb chekbej Jesús c'al eb creyente aj Judea is k'umal tol ay eb man israelok max yaoc c'ul yin k'anej Dios. 2 Xan a yet max apni oc Pedro bay Jerusalén junelxa, max al-lay bay yuj juntzan eb creyente aj israel, tol man watx'ok max yut ba. 3 Max yal eb bay axca ti': —¿Tzet yuj xan max ach bet k'anjab yetok eb man israelok, cax max ach low yetok eb? ẍi eb bay. 4 Axa chaon el Pedro yich yalon bay eb masanil tzet max uj tu'. Max yalon axca ti': 5 —Ayin ec' bay conob Jope. Lanan wal in txajli yet jun c'ual, axca wayichej max wut wilon yayol jun axca mimek sábana bay satcan. Ayoc pixbanil canebal txiquin, cax max ayol t'ununok bay ayin ec' tu'. 6 Max in oc t'anan yin, yet watx' chi wila' tzet ayoctok yul. Axa max wiloni, ay juntzan no no' caneb yakan ayoctok. Ay no' ay is may. Ay labaj, ay c'apax juntzan no' chi ec' jenenok. 7 Max lajwi tu', axa waben yoc jay belan k'anej axca ti': Pedro, ajan wanok, ak' cam juntzan no' ti', cax cha chioni, ẍi. 8 Max in tak'wi axca ti': C'amak Mamin, yujtol c'amto junelok chin lo' ma chin chi' junok comon tzet yetal, c'al junok tzet yetal ay yowalil yuj ley Moisés, quin chi bay. 9 Axa yalon aytek bay satcan tu' junelxa ayin axca ti': A tzet chi yal Dios tol c'am yowalil, manchak ak' yowalil ach ti', ẍi. 10 Oxel max yun jun tu'. Max lajwi tu', axa yilay paxaj jun axca sábana tu' satcan. 11 Yet-xac'al jun bek tu', max apni oc oxwan winak bay te na bay ayin ec' tu'. A oxwan winak tu', a bay Cesarea petoj eb, max quin bet sayon ec' eb bay conob Jope. 12 Axa yalon Yespíritu Dios ayin axca ti': Asi' yetok eb. Aoc yin a c'ul a toj yetok eb, ẍi. Max toj c'apax wakwan juẍtak ti' wetok. A yet max on apni oc on xin, max on oc yul yatut jun winak tu'. 13 Axa yalon ayon tu', tol ay jun ángel max yila' lecan oc yul yatut. Max ab yalon bay axca ti': Chektok jaywanok winak bay conob Jope, tokokab yi eb Simón, cham chi yik c'apax Pedro. 14 A ok ul aloncan jun abix ayach, yuj tzet watx' ok yun a colchaj yetok a familia, ẍi ab jun ángel tu' bay. 15 Axa yet max in chaon el yich in k'anjab nan xol eb, max ayol Cham Espíritu Santo yiban eb, axca max yun yayol jiban yet babelal. 16 Axa in naontek tzet albilcan yuj Cham Jajawil tu', yet max yaloncan axca ti': Yel toni, a Juan, aej max yak'balnej yak'wi bautizar, palta ayex ti', ok ak'lay Cham Espíritu Santo ayex, axca tol ok ex ak'lay bautizar yuj, ẍi. 17 Max yak' Dios Yespíritu bay eb, axca max yut yak'on ayon, yet max jaon oc Cham Jajawil Jesucristo yin co c'ul. Yuj tu', ¿tom ok je' in tenon oc wanaj tzet chi el yuneni? ẍi Pedro tu' bay eb. 18 Axa yet max yaben eb creyente aj Jerusalén tu' juntzan ti', c'amxa tzet max yal eb. Asanxanej tol max yal eb watx' k'anej bay Dios. Max yalon eb axca ti': —Toltax eb man israelok, ay eb max ak'lay na ba c'ul yuj Dios, yet watx' chi cha eb k'inalej tol ayc'al yin tojbalk'inal jetok, ẍi eb. 19 Atax yet max k'okch'ennelay cam Esteban cax max el yich yilon eb creyente yailal masanil. Yuj tu xin, max saklem toj eb elok. Ay eb max apni masantac'al bay Fenicia, yetok bay Chipre, c'al bay Antioquía. Cax max c'oli yaloncan el eb k'anejal yet colbanilej bay eb yet israelal bay max ca yapni oc eb, palta c'am tzet max yalcan el eb bay eb man israelok. 20 Palta ay jaywan eb creyente aj Chipre yetok jaywan eb aj Cirene max apnioc bay Antioquía. Max yaloncan el eb yabixal Cham Jajawil Jesucristo nan xol eb man israelok bay tu'. 21 Max oc Cham Jajawil yetok eb creyente tu', yuj tu' xan xiwil eb anima max q'uex is beybal, cax max yaon oc eb c'ul yin Cham Jajawil. 22 Max yab eb creyente aj Jerusalén k'umal jun tu', xan max chektok eb Bernabé bay Antioquía tu'. 23 A yet max apniocok, max yiloni, xiwil watx'c'ulal Dios max yak' yiban eb tu'. Yuj tu', caw wal max yi' is tzalojc'ulal yin eb, max c'oli yiptzelay eb masanil yuj. Max yalon bay eb, tol caw wal tec'anc'al chi yut ba eb, cax chi yaonc'al oc eb c'ul yin Cham Jajawil. 24 Caytu' max yut cuywaj ba Bernabé tu' bay eb, yujtol watx' is nabal. Ayoc cham yalan yikbej Cham Espíritu Santo. Caw chi yaoc c'ul yin Cristo, yuj tu' xan xiwil eb aj conob tu' max yaoc c'ul yin Cham Jajawil yuj. 25 Lajwi tu xin, max toj Bernabé tu' bay conob Tarso, yuj toj sayon ec' Saulo bay tu'. Yet max ilchaj yuj, max yiontok bay conob Antioquía. 26 Jun abil max ayji ec' eb yetok eb creyente bay tu'. Xiwil mac max cuy eb. A bay jun conob tu' max babji yak'lay yik eb creyente Cristiano. 27 A yet jun tiempoal tu', ay jaywan eb chi yak'balnej Dios yin yal-lay el is k'anej. A bay Jerusalén petoj eb, max apni oc eb bay Antioquía tu'. 28 Ay jun yetbeyom eb chi yik Agabo, max aj wan nan xol eb creyente tu', max ak'lay yal yuj Yespíritu Dios axca ti': —Ay jun miman wajil ok jay yiban masanil yulyibank'inal ti', ẍi cham Agabo. (A tzet max yal tu' max yun yet ayoc Claudio yin yajawilal.) 29 Yuj tu' xan max el wal yin c'ul eb creyente aj Antioquía colwajtok bay eb creyente aj Judea, atac'ala' jantak chi tzakay junjun yak'oni. 30 Xan caytu' max yut yaontok eb yofrenda tu' bay eb anciano aj Judea. A ton Bernabé yetok Saulo max iontok jun ofrenda tu'.
1 A yet jun tiempoal tu', max chail yich cham rey Herodes yetnen eb creyente. 2 Max yak'on cham tzoc'lay el jolom Jacobo, is yuẍtak Juan. 3 A yet max yilon cham rey tu', tol max cha c'ul eb israel jun tu', axa yak'on mitx'lay Pedro. A yet jun is k'in eb israel, yet chi loon eb ixim pan c'am yich, a yet tu' max mitx'layi. 4 Lajwic'al michchaji, max alay oc yul preso, waklajonwan soldado max tayneni. Cantakwan eb chi taynen junjun el. A naon Herodes tol a yet chi lajwi k'in Pascua, cax chi tx'oxlay eltek Pedro nan xol anima, cax chi beyc'ulnelayi. 5 Yuj tu' xan caw wal taynebil Pedro yul preso tu'. Cac'al ti' txajli eb creyente yin masanil is c'ul yuj Pedro. 6 A yet jun ak'bal yet t'inanxa yilay eltek Pedro satak conob yuj Herodes tu', chi way Pedro nan xol cawan eb soldado, c'anani yayji yetok cab cadena. Ay c'apax oc taynemal ti' preso tu'. 7 Palta ayman max jayoc jun yángel Cham Jajawil. Pilan max sakbi yul preso tu' yuj. Axa tenon tz'eyil c'ul Pedro tu', max tenon el is wayan. Lajwi tu' max yalon bay axca ti': Ajan wan yin ayman, ẍi bay. Toxac'al max yak' elc'ay jolnaj ba ch'en cadena ayoc yin k'ab Pedro tu'. 8 Max yalon jun ángel tu' bay axca ti': Cawxanej oc a c'alil, cax chaon oc a xanab, ẍi bay. Max lajwi tu', max yalon bay junelxa axca ti': Aoc a jokan pichil, cax chach tzakloj wintak, ẍi bay. 9 Axa yoc tzakan yintak tu', max eltek yul jun cuarto bay ayoctok tu'. A naoni, tol chi wayichli, man yojtakok ta yel wali tol lanan yeltek. 10 Max eq'ueltek eb bay cab lugar bay ayic' eb soldado taynen preso tu', cax max elol eb bay jun ch'en puerta bay cawilalxa ti' calle. A jun ch'en puerta tu', munilc'al max jak ba bay eb, max eltek eb. A yet max lajwi yec'tok eb bay junxa calle, cax max beklaycan Pedro tu' tx'oklil yuj jun ángel tu'. 11 Axa yilontek Pedro tu', tol caw wal yel. Yuj tu' xan max yal axca ti': A tinani', chi nachaj el wuj, tol caw yel max chektek Cham Jajawil jun yángel quin ul colon el yul k'ab Herodes, c'al yuj in colchaj c'apax el yalan jantak tzet chi yochej eb wet israelal chi yaoc wiban, ẍi. 12 Lananto naobtanen juntzan tu', max apni oc bay yatut María, is txutx Juan, nak chi yik c'apax Marcos. Xiwil mac wajan ec' txajlok bay jun na tu' yuj Pedro. 13 A yet max c'oxc'on octok bay babel puerta ti' calle, ay jun k'opoj ix chi yik Rode max eltek tak'wok. 14 Palta a yet max yaben ix tol a Pedro, maj jak ix puerta tu'. Caw wal max tzaloj aj ix sic'libil, cax max yak'on ix yanej paxoc yul na yin ayman. Max yalon ix bay eb wajan ec' tu', tol a Pedro chi c'oxc'on octek ti' puerta. 15 Axa yalon eb bay ix axca ti': —Tekan ay a yabil chabil, ẍi eb bay ix. Palta max tec'baj ba ix yaloni, tol wal yel a ton Pedro tu' ayic'ok, axa yalon eb axca ti': —Manak Pedro tu'. Tekan a jun ángel chi tayneni, tekan a' chi jayi, ẍi eb bay ix. 16 Palta Pedro, ac'ala'c'al c'oxc'on octok bay puerta tu'. Axa yet max jakon eb, max yilon eb, tol a Pedro tu' ayic'ok. Caw wal max c'ayaj c'ul eb yuj. 17 Max yak'on Pedro yechel yetok k'ab bay eb, yet watx' chi numay eb. Lajwi tu' max yalon bay eb tzetbil max yun yilay eltek yuj Cham Jajawil yul preso tu', max yalon c'apax bay eb axca ti': —Che yal juntzan ti' bay Jacobo, c'al bay juntzanxa eb juẍtak, ẍi. Lajwi tu xin, max el xol eb. Axa toj bay junxa lugar. 18 Axa max k'inibi aj junxa c'ual, axac'al chi yal eb soldado, yujtol maj nachaj el yuj eb, bay max ca toj Pedro tu'. 19 Axa Herodes xin, caw wal max yak' saylay ec' sic'libil; palta majc'al ilchaj yuj eb saywajwom tu'. Catatu' max k'anlen el bay eb soldado tu', tzet max yun yel yet lanan taynen eb tu'. Lajwi tu xin, max chekon yak'lay cam eb. Lajwi tu', max el Herodes yul yet Judea, cax max toj cajay bay conob Cesarea. 20 A yet junel, caw wal chi tit yowal cham rey Herodes yin eb anima aj Tiro c'al yin eb aj Sidón. Yuj tu xin, xan max lajtinej el ba eb, tzet watx' chi toj yut yalon ba eb bay cham. Max monten eb jun winak chi yik Blasto, nak sat yak'omal serbil cham rey tu'. Axa nak max yak'balnej eb, max bet k'anon nak mimanc'ulal bay cham rey tu' yin eb. Max k'an eb mimanc'ulal yujtol a bay conob cham rey tu' chi tit masanil tzet chi lo eb. 21 Axa yalon cham rey tu' tzet c'ual chi jayoc eb satak cham. Yet jun c'ual max k'okcan cham tu', max yaoc cham juntzan is pichil caw wal watx', axca yet masanil eb rey chi yaocok. Lajwi tu' max ay chotan cham yul junok is trono, max c'oli k'anjab eltek cham bay eb anima tu'. 22 Yet max lajwi yaben eb k'anjab cham, max yalon eb axca ti': A jun mac chi k'anjab eltek tu', man animaok, palta a junok eb dios chi k'anjabi, ẍi eb. 23 Yet wal jun bek tu', max ak'laycan yabok ay yuj jun yángel Cham Jajawil, cax max oc is patzil, yujtol maj yala', tol asan co Mam Dios miman yelapnok. Catatu bian, max camajok. 24 Palta a k'anej Cham Jajawil xin, max saklemc'altok xol anima. Pilanc'al max al-lay el bay junjun lugar. 25 A yet max xew yion ba tzet chi yun Bernabé yetok Saulo bay Jerusalén, max toj eb, cax max yiontok eb Juan yetok, nak chi yik Marcos, axa meltzoj eb bay Antioquía tu'.
1 A xol eb creyente aj conob Antioquía, ay juntzan eb chi yak' Dios yalil is k'anej, ay c'apax juntzan eb meẍtol: a ton Bernabé, yetok Simón, cham chi yik Niger, yetok Lucio aj conob Cirene, yetok Saulo. A c'apax jun Manaén, cham junnej ch'ibnak yetok Herodes, cham ayoc yajawil bay Galilea. 2 A yet junel, lanan yoc culto satak Cham Jajawil, cax ay c'apax oc eb yin c'ajbanc'ulal, max yalon Cham Espíritu Santo bay eb wajan ec' tu' axca ti': Che siq'uil Bernabé yetok Saulo, cax ok oc eb yin mulnajil bay chi wawtej oc eb, ẍi bay eb. 3 Max yak'on eb c'ajbanc'ulal, c'al txajli eb. Lajwi tu xin, max yaon ajtok eb k'ab yiban jolom Bernabé yetok Saulo, axa cheklaytok eb yuj eb tu'. 4 Chekbiltok Bernabé yetok Saulo yuj Cham Espíritu Santo, xan max toj eb bay conob Seleucia. A tu' max oc eb yul jun barco, yuj toj eb bay Chipre. 5 A yet max apni oc eb bay conob Salamina, max ec' yalcan el eb k'anej Dios yulak nail culto eb yet israelal bay tu'. Ajun Juan Marcos chi colwaj yetok eb. 6 Lajwi tu' max toj eb, max k'axponej eb Chipre tu', cax max apni eb bay conob Pafos. A tu' max yil-lej el ba eb yetok jun nak israel, chi yik Bar-jesús. A jun winak tu', chi yaloc ba tol tz'akan c'ul. Chi tz'ak yala' tol a Dios chi ak'on yalil is k'anej. 7 A jun winak tu', junnej ay yetok cham Sergio Paulo, cham yajaw bay Chipre tu'. Caw wal jelan nabal cham Sergio tu'. Max yawtejtek cham Bernabé yetok Saulo, yujtol chi yochej cham chi yab k'anej Dios bay eb. 8 Palta nak chi yal tol tz'akan c'ul tu xin, chi yik c'apax Elimas, max teyelej ba yetok eb, yujtol maj yochej nak max yaoc Sergio tu' c'ul yin k'anej Dios. 9 Axa Saulo chi ikon c'apax Pablo, tol ayoc yalan yikbej Cham Espíritu Santo, cax max oc t'anan yin nak Elimas tu', 10 Max yalon bay nak axca ti': —Ach ti', caw wal chak' a nabal etnen anima. Caw wal a nabal. C'ajol ach nak diablo. Ajc'ul ach oc yin masanil tzet yetal watx'. Axa k'anej Cham Jajawil, yelc'al elok. Yuj tu xin, ¿tzet yuj xan c'am cha bekcan etneni? 11 A tinani', ay tzet ok jay eban yuj Cham Jajawil. Ok yak' c'ayil a sat junok tiempoal. Tamwal yakan c'u, majxa je' elon jabok, ẍi Pablo tu' bay. Yet wal jun bek tu', max c'ayil sat nak. C'amxa jabok tzet chi je' yiloni. Axa yec' matxatxok sayon ec' junok mac chi quetzon bey tu'. 12 A yet max yilon cham yajaw bay Chipre tu' jun ti', max yaon oc cham c'ul yin Dios. Caw wal max c'ayaj c'ul cham yet max yaben juntzan cuybanil Cham Jajawil. 13 Max el eb bay conob Pafos tu', max oc Pablo yul jun barco yetok eb ajun yetok, axa yapni eb bay conob Perge yul yet Panfilia. Axa Juan Marcos xin, max beklaycan eb yuj, cax max meltzoj bay Jerusalén. 14 Lajwi tu xin, max el eb bay Perge tu', axa toj eb bay conob Antioquía yul yet Pisidia tu'. A yet c'ual xewilal max oc eb yul nail culto eb yet israelal eb, max ay chotjab eb yul tu'. 15 Lajwi yawtelay ley Moisés yetok juntzan tzet tz'ibbilcan yuj eb chekbej Dios payxa, max yak'on eb yajawil nail culto tu' yal jun winak bay Pablo, c'al bay Bernabé axca ti': —Ex wet conob, ta ay junok tzet yetal che yochej che yak' cuy eb anima, chi je' e yalon tinani', ẍi bay eb. 16 Axa yaj wan Pablo tu', max yak'on yechel yetok is k'ab, yet watx' chi cam yaben eb. Max yalon bay eb axca ti': —Ex wet israelal, c'al ex ay e xiwc'ulal bay Dios, abek. 17 A co Diosal ayon israel on ti', a' sic'nakcan el eb jichmam. A yet ayic' eb nan xol eb tx'ok conobal bay Egipto, a' ak'nej ch'ib bisil eb, max occan eb mimek conobal. Lajwi tu', max yion eltek eb bay Egipto tu' yetok is yipalil. 18 Cawinak abil max ak'layc'al techaj beybal eb yuj Dios bay tz'inan tx'otx'. 19 Yetok c'apaxok, max yak' c'ayil ukeb conobal anima yul yet Canaán, cax max yak'can tx'otx' eb max c'aylay el tu' bay eb jichmam. 20 A yin masanil juntzan ti' max ec' 450 abil. Lajwi tu' max yaon oc Dios juntzan eb juez yuj yak'wi cuenta eb masantac'al yul is tiempoal Samuel is chekbej. 21 Lajwi tu xin, max k'anon eb junok is reyal bay Dios, yet watx' a' chi ak'on cuenta eb. Yuj tu' xan max yak' Dios cham Saúl reyalok eb. A Saúl tu', c'ajol jun cham chi ikon Cis, yinatil Benjamín. Cawinak abil ocnak reyalok eb, 22 Max ilay el yin yopiso yuj Dios, axa David max occan q'uexelok, cham mac yalnaktek Dios axca ti': Max ilchaj David wuj, nak c'ajol Isaí. A jun winak ti', caw wal chin tzaloj yetok. Ok yun masanil tzet chi yochej in c'ul, ẍi. 23 A jun yinatil David tu' chi yik Jesús, a' chekbiltek co Colomalok ayon israel on ti' yuj Dios, axcata' max yut yak'oncan is ti'. 24 A yet c'amto chi chail yich mulnaj Jesús, cax max yalon el Juan nan xol eb jet israelal, tol yowalil chi na ba eb, cax chi yak'on bautizar ba eb. 25 Axa yet lananxa yajapnok tiempoal yoc wanaj yopiso Juan tu', max yalon axca ti': A e naoni tol Cristo in, titol c'amak paxok. Palta ay jun Cham tzakan jay wintak tol miman yelapnok, toltax man in mojok woc yak'omalok serbil Cham tu', toltax in xuyon el xanab, tutun man in mojok, ẍi. 26 Ex wet animail, ex yinatil Abraham wetok, c'al ex man israelok ay e xiwc'ulal bay Dios, a jun k'anejal yet colbanilej ti', e yet wetok. 27 Palta eb aj Jerusalén, yetok eb yajawil eb, c'am chi nachaj el yuj eb, tatol co Colomal yayji Jesús. Junjunc'al c'ual xewilal, cac'al ti' yaben eb yabixal tzet tz'ibbilcan yuj eb chekbej Dios, palta majc'al nachaj el yuj eb. Yuj tu' xan a yet max yaon oc eb camich yiban Jesús, max yak'on eb yun tzet tz'ibbilcan tu'. 28 C'am jabok yobtakil max ilchaj el yin Jesús yuj eb, xan man mojok yak'lay camok, palta max occ'al tean eb yin Pilato k'anon camich yiban. 29 Pilan max yak' eb yun axca tz'ibelaycan yul tx'an Un Tz'ibbilcanok. Lajwi tu', cax yion aytek eb is mimanil Cham yin curus, axa bet yaon octok eb yul jun ch'en ch'en tu'. 30 Palta max ictzonelay aj yuj Dios xol eb camnak. 31 Lajwi tu', tx'ial c'ualto ec'nak yetok eb is cuywom, eb titnak yetok bay Galilea cax jaynak eb yetok bay Jerusalén yet c'amto chi cami. A eb tu', lanan yalon el eb yabixal nan xol anima tinani'. 32 Ayon ti' lanan jalon c'apax ayex jun watx' abix ti', tol max yun yuj Dios co satak bay max yak' is ti' bay eb jichmam. Max yi wal ba jun ti' yet max ictzonelay aj Jesús xol eb camnak, axca tz'ibelaycan bay Salmo 2 bay chi yal axca ti': Ach ton in C'ajol ach, ayin max ach wak' iquisbok tinani', ẍi Dios yul tx'an Un tu'. 34 Yalnak c'apax Dios, tol ok yiaj wan Jesús xol eb camnak, yet watx' c'am chi k'atok is mimanil. Yalnak yul tx'an Un tu' axca ti': Ok in tx'ox in watx'c'ulal ayex, axca max wut wak'oncan in ti' bay David, ẍi. 35 Yuj tu xin, ayokto max yaloncan David yabixal Cristo yul junxa Salmo, bay chi yal axca ti': Mamin, man ok a cha k'atok in mimanil tol ayin sic'bil in can el oj ti', ẍi. 36 A David tu', yak'nak serbil eb anima yul is tiempoal, axca wal chi yochej c'ul Dios. Lajwic'al tu', max cami, cax max muklay bay mukan eb yichmam. A is mimanil max k'a'i. 37 Palta a jun max yictzonej aj Dios xol eb camnak xin, maj k'a' is mimanil. 38 Yuj tu' xan chi wochej che yojtaknej elok, tol asan Jesús chi je' yuj yak'oncan tan co yobtakil, xan lanan yal-lay jun abix ti' ayex. 39 A ley Moisés c'am chi je' yak'on tan co yobtakil, palta tzanc'al mac chi yaoc c'ul yin Jesucristo, pilan chi ak'laycan tan is yobtakil yuj. 40 Yuj tu', ilekc'al e ba. Ta c'amak, ok jay tzet tz'ibbilcan yuj eb chekbej Dios e yiban, yujtol max yal junok eb axca ti': 41 Ilabi ex buchwajwom, cax ilek tonabi. C'ayokab aj e c'ul e yiloni, cax chex cami. Mayal in na tzet wal ok wun yul e tiempoal ti'. Palta man ok e yaoc yin e c'ul yet ok al-lay ayex, ẍi Dios yul tx'an Un tu', ẍi cham Pablo. Caytu' max yut yalon Pablo bay eb. 42 A yet lanan yeltek Pablo tu' yetok eb ajun yetok tu' yul nail culto eb yet israelal, ay eb man israelok max tewi bay eb tol chi yal eb juntzan cuybanilej tu' junelxa bay eb yet junxa c'ual xewilal. 43 Axa yet max lajwi culto xin, xiwil eb israel max toj yetok Pablo c'al Bernabé. Ay c'apax eb ocnak yin religión eb israel tu' max toj c'apax yetok eb. Yuj tu' xan max iptzelay eb yuj Pablo c'al yuj Bernabé, tol tec'anc'al chi yut yaon oc eb c'ul yin is watx'c'ulal Dios. 44 Axa yet junxa c'ual xewilal xin, txenxanej maj waj ba eb conob masanil, yuj yaben eb k'anej Cham Jajawil. 45 Palta a yet max yilon eb israel axca tu', tol xiwil anima max waj ba, max chichon aj c'ul eb, cax max c'oli yalon eb buchwal k'anej yin tzet chi yal Pablo. 46 Palta Pablo yetok Bernabé xin, tol max tec'baj ba eb, cax max yalon eb axca ti': —Yowalil a ayex ex jet israelal ex ti', max babji jalon el k'anej Dios, palta ilab wal tol c'am che yaoc yin e c'ul. Tekan che na' tol man e mojok e chaon e k'inal tol ayc'al yin tojbalk'inal. Yuj tu' xan a tinani xin, ti chon toj bay eb man israelok, cax chi toj jalon yabix eb. 47 Yujtol caytu' max yut yaloncan Cham Jajawil ayon axca ti': Max ach waoc yin sakk'inalil bay eb man israelok, yuj eontok colbanilej bay masanil anima, masantac'al lajubal tx'otx' tx'otx', ẍi Cham Jajawil, ẍi eb. 48 Axa eb man israelok xin, caw wal max tzaloj aj eb yaben juntzan ti'. Max c'oli yalon eb tol caw wal watx' k'anej Cham Jajawil. Axa eb sic'bilxac'alta' el yuj Dios yuj chaon eb is k'inal tol ayc'al yin tojbalk'inal xin, max yaoc eb c'ul yin. 49 Xan cac'al tu' max yun saklem k'anej Cham Jajawil bay masanil jun lugar tu'. 50 Palta axa eb israel max ak'on c'ul eb yajaw bay jun conob tu', c'al juntzan eb xal ix ayoc Dios yin c'ul, cax miman yelapnok yul sat anima, pilanc'al max ak'lay c'ul eb yuj eb. Max c'oli yak'on eb yobc'ulal yin Pablo, c'al yin Bernabé, yuj yuktelay el eb yuj eb bay jun lugar tu'. 51 Axa tziconcan el Pablo c'al Bernabé tu' pokokal yakan, yuj tx'oxk'abnen el eb, tol c'amxa yalon eb yet yin eb anima tu'. Lajwi tu xin, max toj eb bay conob Iconio. 52 Axa eb creyente aj Antioquía tu xin, caw wal chi tzaloj eb. Ay c'apax oc eb yalan yikbej Cham Espíritu Santo.
1 A yet max apni oc Pablo yetok Bernabé bay conob Iconio, max octok eb yul nail culto eb israel. Caw wal watx' max yut yalon el eb k'anej Dios yul tu'. Yuj tu xin, xiwil eb israel max yaoc yin c'ul, c'al eb man israelok. 2 Palta eb israel tol maj yaoc yin c'ul xin, max yak' eb c'ul juntzan eb man israelok, yet watx' chi oc eb ajc'ulal yin eb creyente tu'. 3 Najatilc'al tiempo max ayji ec' Pablo, c'al Bernabé tu' yetok eb bay jun conob tu'. Caw tec'an max yut ba eb yalon elok, yujtol max yaoc eb Cham Jajawil yipok c'ul. Max oc Cham Jajawil yetok eb yet max yalon el eb yabixal is watx'c'ulal Cham, cax max yak'on yipalil eb, yet chi je' tx'oxon eb milagro, yet watx' chi txecloj elok tol yel chi yal eb. 4 Palta eb anima bay jun conob tu', ca pojan max eloc eb. Nan eb max oc yetok eb israel, cax nan eb max oc yetok eb chekbej Jesús tu'. 5 Max lajtinej el ba eb israel yetok eb man israelok tu', yetok eb yajawil conob yin wajan alnen eb, tol chi baj eb Pablo c'al Bernabé tu'. Chi lajwi tu' cax chi k'okon cam eb naoni. 6 Axa yet max yaben eb chekbej Jesús tu' k'umal tzet chi lajtinelay yin eb tu xin, max toj eb elok. Max apni oc eb bay Listra, c'al bay Derbe, yul yet Licaonia. 7 Max ec' yaloncan el eb k'anejal yet colbanilej bay juntzan conoblak bay cawilal tu'. 8 A bay conob Listra tu', ay jun winak c'am chi je' bey yintaxc'al yaljubal. C'amc'alta' bay chi bey nak jabok. A yet junel, chotan ay nak yabxalwi bay Pablo. 9 Max oc t'anan Pablo tu' yin nak. Axa yiloni tol chi yaoc nak yin c'ul tol chi je' watx'jican nak yuj Dios. 10 Yuj tu xan max yal bay nak yin ipejal axca ti': —Ajan wanok, tojol chot aj lecan a ba, ẍi Pablo bay nak. Yet jun bek tu', max aj jucnaj nak, axa beycan aj nak tu'. 11 Axa yet max yilon eb anima tzet max el yunen Pablo tu xin, max aj yaw eb yin ipejal, cax max yalon eb yin ti' eb aj Licaonia tu' axca ti': —A cawan co diosal ti', max yut ba eb animail, cax max ayol eb co xol, ẍi eb. 12 A Bernabé, max yak' eb yik Júpiter. Axa Pablo max yak' eb yik Mercurio, yujtol a' max k'anjab el xol eb. 13 Ay jun winak ayoc sacerdoteal Júpiter, yajaw yayji bay templo Júpiter tu' bay tiel conob. A' max bet iontek juntzan no ach'ej wacax, c'al juntzan xak te'. Yochej eb max yak' xajanbal yetok masanil eb anima bay Pablo, c'al bay Bernabé tu'. 14 Palta a yet max yaben eb chekbej Jesús tu', max nic'tok eb is pichil. Max yalon eb yin ipejal nan xol anima axca ti': 15 —Ex mamin anima, ¿tzet xan caytu' che yut e ba? Ayon ti', naba anima onc'al axca ex ti'. Yuj tu' xan chi ul jal ayex, tol bekekcan e beybalnen juntzan ti', yujtol caw wal nabac'al che yetnej e ba. Q'uexek e beybal, cax che yaon oc e nabal yin Cham Dios iquisc'al yin tojbalk'inal, Cham max esnen satcan c'al sat tx'otx' ti', a' mar yetok masanil tzet yetal ay bay. 16 A yet payxa, max beklaycan anima yuj Dios yet watx' junjunxac'al chi beybalnej atac'ala' tzet chi yochej. 17 Palta max yak'c'alta' co nabal yin jojtaknen tzetbil yayji oc yin yaontek nab jiban, xan chi je' masanil tzet chi jawa'. A' chi ak'on masanil tzet chi co lo'. Chi yak'on c'apax co tzalojc'ulal, ẍi eb. 18 A yet max lajwi yalon Pablo yetok Bernabé juntzan tu', pural wal max tenchaj oc wanaj eb anima tu' yuj eb, yujtol nabal wal eb yak'on cam no wacax tu', cax chi yak'on eb yin xajanbalil bay eb. 19 Ay jaywan eb israel aj Antioquía max jayocok, c'al jaywan eb aj Iconio, max c'oli yak'on eb c'ul eb anima tu'. Yuj tu xin, max k'okch'ennej eb Pablo tu'. A max yut naon eb tol camnakxa, yuj tu' xan max bet k'okcan el eb tiel conob. 20 Palta max bet oc oyan eb creyente yin, axa yaj wan tu', max oc yul conob junelxa. Axa yet junxa c'ual, max toj yetok Bernabé bay conob Derbe. 21 Max yalil eb k'anejal yet colbanilej bay tu'. Xiwil anima max yaoc c'ul yin Cham Jajawil yuj eb. Lajwi tu' max toj eb. Max ec' eb junelxa bay conob Listra, yetok bay Iconio, c'al bay Antioquía. 22 Max ec' eb bay junjun conob tu', yuj ec' yiptzen eb eb creyente. Max ec' alay oc nabal eb yuj eb, max yaloncan eb bay eb axca ti': —Caw tec'an che yut e nabal yin Cham Jajawil, yujtol yowalil miman yailal ok jay jiban, mac on chon oc yul k'ab Dios, ẍi eb. 23 A yet max ec' Pablo yetok Bernabé bay junjun iglesia, max yacan oc eb yopiso eb chi oc ancianoal. Max txajli eb yuj eb bay Dios, cax max oc eb yin c'ajbanc'ulal. Max lajwi tu', max yabenencan oc eb eb creyente yul k'ab Cham Jajawil, Cham bay max yaoc eb c'ul. 24 Max lajwi tu', max eq'uel Pablo yetok Bernabé yul yet Pisidia, cax max apni eb yul yet Panfilia. 25 Max yalcan el eb k'anej Dios bay conob Perge. Lajwi tu' max toj eb, max apni eb bay conob Atalia. 26 A tu' max oc eb yul jun barco, cax max toj eb bay conob Antioquía junelxa, a ton jun conob bay k'annak eb creyente watx'c'ulal Dios yiban Pablo, c'al Bernabé tu' yin is viaje bay max betic' eb yalon el k'anej Dios. 27 A yet max meltzoj eb, max wajban oc eb eb creyente aj Antioquía tu', cax yalon eb bay eb jantak tzet max el watx'nen Dios yetok eb. Max yalon c'apax eb, tol max cha Cham Jajawil yaoc eb man israelok c'ul yin. 28 Najatil tiempo max ayji ec' Pablo c'al Bernabé tu' yetok eb creyente bay jun lugar tu'.
1 A yet jun tiempoal tu', ay juntzan winak titnak bay Judea, max betic' eb bay conob Antioquía, axa c'oli yalon eb bay eb creyente axca ti': —Ta c'am chi oc jun yechelej chi yik circuncisión e yin, axca yalon ley Moisés, man ok ex colchajok, ẍi eb. 2 Axa teyelen ba Pablo c'al Bernabé yetok eb tu', palta majc'al watx'jok ay yuj eb. Yuj tu' xan max yal eb creyente tol chi toj Pablo yetok Bernabé bay Jerusalén, cax chi toj c'apax jaywanok creyente yetok eb, yuj toj k'anlen eb bay eb chekbej Jesús, c'al bay eb anciano ay bay tu'. 3 Lajwi cheklaytok eb yuj eb creyente tu', max ec' eb bay Fenicia yetok bay Samaria. Max ec' yalon eb bay eb creyente bay tu', tol ay eb man israelok max q'uex is beybal, cax max yaon oc eb nabal yin Dios. A yet max yaben eb creyente jun tu', caw wal max tzaloj aj eb masanil. 4 Lajwi yapni oc Pablo yetok eb ajun yetok bay Jerusalén tu', max chalay apnok eb yuj eb creyente masanil, c'al eb chekbej Jesús yetokc'al eb anciano, cax max yalon eb jantak masanil tzet max elc'al yunen Dios yetok eb. 5 Palta ay jaywan eb fariseo tol max yaoc c'ul yin Cristo, max aj wan eb nan xol eb, cax max yalon eb axca ti': —A eb man israelok max yaoc c'ul yin Cristo, yowalil chi ak'lay circuncidar eb. Yowalil chi jal bay eb, tol chi yikej eb ley Moisés, ẍi eb. 6 Axa wajban oc ba eb chekbej Jesús yetok eb anciano tu', cax chi naon eb, tzet watx' chi yuncan jun chi ali tu'. 7 Mayaltaxc'al c'oli teyelen ba eb xin, max aj wan Pedro nan xol eb, cax max yalon axca ti': —Ex wuẍtak, e yojtakxata'a, tol ayxa tiempo in sic'laycan el yuj Dios, yuj walon el k'anejal yet colbanilej bay eb man israelok, yet watx' chi yaoc eb c'ul yin Cristo. 8 A Dios yojtak tzet ay yin is nabal junjun mactxel. Yuj tu' xan max yak' Cham Espíritu Santo bay eb man israelok tu', axca max yut c'apax yak'on ayon, xan axca tu' max yut tx'oxk'abnen elok tol watx'xa eb yul sat. 9 A yul sat Dios, caw wal lajanxa eb jetok, yujtol a' max ion el yobtakil eb yet max yaon oc eb Cristo yin c'ul tu'. 10 A tinani xin, ¿tzet yuj xan c'am che yochej che cha' tzet max el watx'nen Dios? Axca junok ikatz caw al, c'am chon aj yalan, caytu' ley Moisés tu'. Maj ikchaj yuj eb jichmam. Tamwal ayon c'apaxok, maj ikchaj juj. Yuj tu xin, ¿tzet yuj xan che yochej che yaoc jun tu' yiban eb creyente man israelok? 11 Manchak e yut caktu', yujtol jojtak wal sic'libil, tol asan yuj watx'c'ulal Cham Jajawil Jesús chon colchaji, xan cay c'apax tu' eb man israelok tu', ẍi Pedro tu' bay eb. 12 A yet max yaben eb juntzan ti', max ay numnaj eb masanil. Max yaben eb tzet max yal Bernabé yetok Pablo, yet max yalontek eb tol xiwil milagro max el yunen Dios yetok eb, yet max ec' eb nan xol eb man israelok. 13 Lajwi yalon eb, max yalon Jacobo axca ti': —Ex wuẍtak, abek tzet ok wal ayex ti'. 14 Max yal Simón Pedro ayon, tol lananto tx'oxon Dios is watx'c'ulal bay eb man israelok. Lananto sic'lay el eb yuj, cax chi oc eb yetok. 15 A jun tzet chi el yunen ti', chi chalej ba yetok tzet tz'ibbilcan yuj eb chekbej Dios payxa, bay yalnakcan axca ti': 16 Lajwi tu' ok in meltzoj paxtek, cax ok ul waoncan oc jun yinatil rey David is q'uexelok yin yopiso. Yujtol axca junok na pilan max ec' bulnajok, caytu' yunnakcan yopiso David tu', palta ok in watx'nej aj junelxa, 17 yet watx' a eb man israelok, ok yaoc eb nabal win, ayin Yajaw in ti', a ton masanil eb sic'bilxa el wuj yuj yoc wetok bay junjun nación. 18 Caytu' yutnak yaloncan Cham Jajawil, Cham ak'nej jojtaknej el juntzan ti' yettaxc'al payxa, ẍi yul tx'an Un tu'. 19 Yuj tu', chin na' ayin ti', tol manchak jetnej eb man israelok chi q'uex is beybal, cax chi yaon oc eb nabal yin Dios. 20 Asannejokab co carta chi jatok bay eb, chi jalontok bay eb, tol manchakxa chi' eb tzet max ak'lay yin xajanbalil bay tzet chi al-lay oc diosal. Manchak beybalnej eb ajmulal. Manchakxa chi' eb no no' chi sut'lay camok. Manchakxa chi' eb chic'. 21 Chi wal axca tu', yujtol yettax payxa, ay eb chi awten aj ley Moisés bay junjun nail culto eb jet israelal. Ac'ala' tinani', ac'ala' yalon el eb yet junjun c'ual xewilal, ẍi Jacobo bay eb. 22 Yuj tu' xan max wajan alnej eb chekbej Jesús, yetok eb anciano, c'al eb creyente masanil, tol chi siq'uil eb jaywan eb creyente chi toj yuc'lebok Pablo yetok Bernabé bay conob Antioquía. Lajwi tu', max sic'on el eb Judas, nak chi yik c'apax Barsabás, yetok Silas. A cawan eb tu', miman yelapnok eb nan xol eb creyente. 23 A eb max cheklaytok toj yak' tx'an carta tu'. Max yaltok eb yul tx'an axca ti': Ayon chekbej on Jesús yetok eb anciano, tol juẍtak co ba e yetok, chi jatok cawil e c'ul ex jet creyenteal man israelok, ex aj conob Antioquía, yetok ex aj Siria, c'al ex aj Cilicia. 24 Max jabej, tol ay jaywan eb aj Jerusalén, munilc'al max yaoc yet toj ayex tu'; mayonnak max co chektok eb. Max jabej, tol chex yetnej eb yuj tzet chi yala'. Tekan ijan chi somchaj el e c'ul yuj eb. 25 Yuj tu' xan max co lajtinej co ba, cax max co sic'on el jaywan eb co xol, yuj toj eb ayex tu'. Junnej toj eb yetok juẍtak Bernabé c'al juẍtak Pablo. A cawan eb ti', caw wal ay co camc'ulalil yin eb. 26 Bekanxa c'ul eb yilon yailal yujc'al Cham Jajawil Jesucristo. Ayxa bay ijan maxax ak'lay cam eb. 27 A ton Judas yetok Silas ok co chektok ayex tu'. A eb ok tok alon e yabej, tzet max co lajtinej cayti'. 28 Chi co na', tol watx' man xiwilok chekbanil chi jaltok ayex. Ca c'apax tu' max yun chaon c'ul Cham Espíritu Santo jetok. Yuj tu xin, tix wal jayeb ti' chi jaltok ayex, tol yowalil che yikej: 29 Manchak e chi' no chibej chi ak'lay yin xajanbalil bay tzet chi al-lay oc diosal. Manchak e chi' chiq'uil no'. Manchak e chi' no no' chi sut'lay camok. Manchak e beybalnej ajmulal. Ta che yikej juntzan ti', watx' chi el e yunen chi yal tu'. Asan jay belan ti' chi jaltok ayex, ẍi tx'an carta tu'. 30 Chekbiltok eb chekbej tu xin, xan max toj eb bay conob Antioquía tu'. Max apni eb, axa yak'on eb wajbaj oc ba eb creyente masanil tu', cax max yak'on eb tx'an carta tu' bay eb. 31 Caw wal max tzaloj aj eb creyente tu' yet max yaben eb yawten aj eb tx'an, yujtol max ak'lay mimanil c'ul eb yuj tx'an max yabej. 32 Tutun a Dios chi ak'on yalil Judas, c'al Silas is k'anej xin, yuj tu' xan max yak' c'apax eb mimanil c'ul eb creyente tu'. Xiwil tzet max yal eb bay eb, yuj yiptzelay eb creyente tu'. 33 Lajwi yayji ec' eb jayeb c'u bay tu xin, max tak'elen ba eb creyente yetok eb, yuj meltzoj eb bay ayic' eb cheknejtek eb tu'. 35 Maxto cancan c'apax Pablo yetok Bernabé bay jun conob tu', axa cuywajcan eb nan xol eb creyente tu'. Max yalon el eb k'anej Cham Jajawil. Xiwil eb creyente max colwaj yalon el yetok eb. 36 Lajwi yec' jayeb c'ual xin, max yalon Pablo bay Bernabé axca ti': —Ton, toj jil eb creyente bay junjun conob bay max ec' jalil k'anej Cham Jajawil yet babelal. Toj jil eb, ta tec'anc'al waay eb, ẍi Pablo tu'. 37 Max yochej Bernabé chi toj Juan Marcos yetok eb, 38 palta max na' Pablo tol man mojok nak toj yetok eb. Yujtol a yet junel, max elcan nak yintak eb bay Panfilia, cax majc'al lajwok yilon yopiso yetok eb. 39 Axa max yunajok, max teyelen aj ba eb yujc'al nak, majxa chalej ba k'anjab eb. Yuj tu xin, tx'ok tx'okxac'al max tojcan junjun eb. A Bernabé max oc yul barco max toj bay Chipre. Max yicantok Marcos yetok. 40 A pax Pablo xin, max siq'uil Silas xol eb creyente, yuj toj yetok. Lajwi yabenelay oc eb yul k'ab Dios yuj eb creyente tu', cax max toj eb. 41 Max ec' eb bay yul yet Siria yetok bay Cilicia. Max ec' yaoc eb nabal eb creyente bay junjun iglesia.
1 Max apni oc Pablo yetok Silas bay conob Derbe. Yet max el eb bay tu' max apni oc eb bay conob Listra. A tu' max ilchaj jun creyente chi yik Timoteo yuj eb. A Timoteo tu', yune' jun xal ix creyente israel. A pax is mam xin, griego toni. 2 Watx' ab is beybal Timoteo tu', yal masanil eb creyente aj conob Listra, c'al eb aj Iconio. 3 Max na' Pablo yiontok Timoteo tu' yetok. Yuj tu', xan max yak' circuncidar, yet watx' c'am chi tit yowal eb israel ay bay jun lugar tu', yujtol yojtak eb tol griego is mam nak. 4 A bay junjun conob bay max ec' eb, max yalc'al can el eb juntzan chekbanil albilcan yuj eb chekbej Jesús, c'al yuj eb anciano aj Jerusalén. Max yalcan Pablo bay eb creyente tu', tol yowalil chi yikej eb juntzan chekbanilej tu'. 5 A eb creyente bay junjun conob tu', tec'anc'al chi yut yaon oc eb c'ul yin Cristo. Cac'al ti' ch'ib bisil eb junjun c'u. 6 Max yochej Pablo yetok Silas max toj yalil k'anej Dios bay Asia, palta axa Cham Espíritu Santo maj chaontok eb. Yuj tu xin, axa bay Frigia yetok bay Galacia max toj eb. 7 A yet max apni oc eb yul mojonal Misia, max naon eb tol chi toj eb bay Bitinia, palta ac'ala' maj chalaytok eb yuj Yespíritu Jesús. 8 Yuj tu xin, toc'al max k'axponej eb tiel Misia tu', max ayapnok eb bay conob Troas, bay is ti a' mar. 9 Axa yet jun ak'bal, ay jun winak aj Macedonia max oc lecan satak Pablo axca yin wayichejal. Max oc tean yin axca ti': Ec'an bay Macedonia, cax chach ec' colwaj jetok, ẍi jun winak tu' bay. 10 Lajwic'al yilon Pablo jun tu', cax max watx'nen ba eb wetok, yet chon toj bay Macedonia tu', yujtol max jojtaknej elok, tol a Dios ak'nej jopiso jalon el k'anejal yet colbanilej bay eb anima tu'. 11 Lajwi tu xin, axa joc on yul barco bay Troas tu'. Co t'inlonenxatok co ba bay Samotracia. Axa yet junxa c'ual, max on apni bay conob Neápolis. 12 Lajwi tu xin, cax max on toji, max on apni bay conob Filipos. A jun conob tu', yet eb aj Roma. Miman yelapnok jun conob tu' yintak juntzanxa ay yul yet Macedonia tu'. Tx'ialc'al c'ual max on ayji ec' bay jun conob tu'. 13 Ay jun c'ual xewilal max on toj bay jun a' miman aej tiel conob, bay chi betc'alta' anima txajlok. A yet max on apni oc ti a' tu', axa jay chotjabok tu', max jalon el is k'anej Dios bay juntzan eb ix ix wajanxa ec' ti a' tu'. 14 Ay jun xal ix aj conob Tiatira chi yik Lidia ayoc xol eb ix tu', txonom cakyin k'ap xal. Caw wal chi yiay ba xal bay Dios. Yak'ban lanan yabxalwi xal tu', max jakchaj nabal xal yuj Cham Jajawil. Yuj tu' xan caw wal max yaoc is nabal yin tzet chi yal Pablo tu'. 15 Yuj tu xin, xan max yak' c'apax can bautizar ba xal, yetokc'al eb ayic' yetok bay yatut. Lajwi tu' max yalon xal ayon axca ti': —Ta yel wali chi waoc in c'ul yin Cham Jajawil che yila', tonek ak'ek e posada bay in na, ẍi xal ayon. Caw wal max occ'al tean xal jin. Yuj tu xin, max on toj bay yatut xal tu', axa jayji ec' bay tu'. 16 A yet junel, yet lanan co toj bay chi oc txaj, max jayoc jun ix k'opoj ix ayon. Ayoc jun espíritu yob yin ix. Yuj tu' xan chi nachaj el k'anej yuj ix. Chekbej yayji ix bay juntzan winak. Xiwil tumin chi yi' eb is patrón ix tu' yin, yujtol chi je' yuj ix naon el k'anej. 17 Max tzakloj ix jintak yetok Pablo, axa yaj yaw ix yin ipejal axca ti': —A juntzan winak ti', chekbej yayji eb yuj Dios Cham axac'al ocok. A eb chi alon ayex, tzet chi yun e colchaji, ẍi ix. 18 Tx'ialc'al c'ual max yal ix axca tu'. Ac'ala'c'al tzet chi yal ix junjuntak el. Majxa techaj yuj Pablo yabeni. Yuj tu' xan max meltzojtok tucan yin ix, axa yalon bay jun espíritu yob ayoc yin ix tu', axca ti': —Chi wal ayach, yuj yikbej Jesucristo, elan yin ix ix ti', ẍi Pablo tu'. Cax max elcan yet jun bek tu'. 19 Palta a yet max yilon eb is patrón ix, tol max el jun espíritu yob yin ix, xan c'amxa chi yi eb tumin yin ix, max jeẍlay bey Pablo yetok Silas yuj eb bay txonbal bay ayic' eb yajaw. 20 A yet max apni oc eb satak eb yajaw tu', max yalon eb axca ti': —A eb israel ti', toc'al chi ul yak' somchaj el eb c'ul anima bay co conob ti'. 21 Lanan ul yak'on eb cuylay juntzan beybalej ay yowalil yuj ley. Maj je' co chaon co beybalneni, yujtol aj Roma on, ẍi eb. 22 A jantak anima wajan ec'ok, caw wal max tit yowal eb yin Pablo c'al yin Silas tu'. Axa yak'lay ilay el pichil eb yuj eb juez tu'. Lajwi tu', max ak'lay yik eb c'ax yuj eb. 23 Lajwi yikon eb c'ax tu', axa bet k'oklaycan octok eb preso tu'. Max yalon eb juez bay nak taynem preso axca ti': —Caw wal c'anani chot eb nak, ẍi yutelay nak taynem preso tu' yuj eb. 24 Lajwic'al yaben nak is chekbanil tu', max bet yaoncan octok nak eb tac'al yul jun cuarto yich ocok, max yaon octok nak yakan eb yul lot'il te cepo. 25 Axa yet chuman ak'bal, max txajli Pablo yetok Silas tu', max bitnen c'apax eb juntzan bit bay Dios. Toxac'al chi abxalwi masanil juntzanxa eb aj preso. 26 Ac'ala' yet chuman ak'bal max ec' jun miman quixcab, caw ow max yut ba. Toxanej chi yucxi cimientoal preso tu' yuj, axa jakchaj puertail preso tu' masanil. Axa yelc'ay jol-lajbok cadenail eb presowom tu' ayoc yin eb. 27 A yet max el wayan nak taynem preso, max yilon nak tol jakanxa puertail preso tu' masanil, axa yion ajtek nak yespada yul tz'umal tu', yuj yak'on cam ba yaloni, yujtol max na' nak, tol max eltek masanil mac ayoc preso tu'. 28 Axa yawji eltek Pablo bay nak yin ipejal axca ti': —Manchak ak' cam a ba, ayon ec' co masanil, ẍi eltek. 29 Axa k'anon nak junok is tzektebal tu', max octok nak bay ayic' eb tu'. Caw wal chi bil nak yuj xiwc'ulalil, axa yay jajnaj nak satak Pablo yetok Silas tu'. 30 Lajwi tu', max yion eltek nak eb. —Ex mamin anima, ¿tzet yowalil chi wunej, cax chin colchaji? ẍi nak bay eb. 31 —Aoc a c'ul yin Cham Jajawil Jesucristo, cax ok ach colchajok, c'al yetok jantak mac ayic' etok bay a na, ẍi eb bay nak. 32 Lajwi tu', max yalon eb k'anej Cham Jajawil bay nak, c'al bay masanil eb cajan bay is na yetok. 33 Ac'al oc yet jun ak'bal tu' max tx'ajil nak chiq'uil yas eb yin. Lajwi tu' axa yak'on bautizar ba nak yetok eb ayic' bay is na tu'. 34 Max yion octok nak eb bay is na, max low eb yuj nak. Caw wal chi tzaloj nak yetokc'al eb cajan bay is na tu', yujtol max yaoc eb c'ul yin Dios. 35 Axa yet max k'inibi ajok, max cheklaytok juntzan eb policía yuj eb yajaw. Max bet yalon eb bay nak taynem preso tu', tol chi beklay el Pablo c'al Silas. 36 Xan max yal nak bay Pablo tu' axca ti': —Max yak' eb yajaw ul al-lay ayin, tol chex in bek elok. Yuj tu xin, asek. Paxanek yin tzalojc'ulal, ẍi nak bay eb. 37 Palta max yal Pablo bay eb policía tu' axca ti': —Ayon ti' aj Roma on. Palta babel max jik tz'um yuj eb satak conob. Maj k'anlej eb yabej ta ay co mul. ¿Tom chi yochej eb yin ewantakil chon is bekil eb tinani'? Majc'al bian. Jayokab eb yajaw tu', acaw eb chon ul ion eltok, ẍi Pablo bay eb. 38 Yuj tu xin, max toj eb yalon bay eb yajaw tu'. A yet max yaben eb yajaw tu' tol aj Roma eb, caw wal max xiwaj eb. 39 Max toj eb k'anon mimanc'ulal bay Pablo c'al bay Silas tu'. Lajwi tu' max ilay eltek eb yul preso yuj eb. —Ac'al chi jal ayex, matawal chex el yul conob ti', ẍi eb bay eb. 40 Lajwi yeltek eb yul preso tu', max toj eb bay yatut xal Lidia junelxa. Axa c'olic'al k'anjab eb yetok eb creyente tu', c'al yiptzelaycan eb yuj eb. Lajwi tu xin, axa toj eb tu'.
1 Max ec' Pablo yetok Silas bay conob Anfípolis yetok bay conob Apolonia. Lajwi tu' max toj eb bay conob Tesalónica, bay ay jun nail culto eb yet israelal eb. 2 Max octok Pablo yetok eb yul nail culto eb tu', axcac'al chi yun bay junjun conob. Oxeb c'ual xewilal max bet yal yabix eb israel tu'. 3 Max yal bay eb, tzet tz'ibbilcan yul tx'an Un, tol a Cristo, yowalil ton max yab yail, cax max ak'lay camok, palta yowalil c'apax max ictzonelay aj xol eb camnak. Max yalon c'apax bay eb: —A Jesús lanan walon yabixal ayex ti', a ton Cristo, ẍi Pablo tu' bay eb. 4 Ay eb israel max yaoc c'ul yin Cristo, xan max oc eb yetbeyomok Pablo yetok Silas tu'. Xiwil c'apax eb griego chi yiay ba bay Dios max yaoc yin c'ul. Xiwil c'apax juntzan eb xal ix mimanbil yul sat anima. 5 Palta a eb israel tol maj yaoc yin c'ul, a yet max yilon eb axca tu', caw wal max tit yowal eb, max wajban oc eb juntzan eb yobc'alta' nabal. A eb max wajbaj oc eb tu', ac'al yobtakil chi ec' say eb yulak calle. Lajwi yak'on eb c'ul eb yob nabal tu', max yak'on c'apax eb c'ul masanil conob. Max yuchon aj somnaj eb eb anima yuj tit yowal eb. Lajwi tu' comonxac'al max oc eb yul yatut cham Jasón, yujtol a naon eb, tol a tu' ayic' Pablo yetok Silas. Yochwan eb chi yieltek eb, cax chi alay oc eb yul k'ab eb conob. 6 Palta c'am pax eb ayic' yul na tu'. Yuj tu' xan axa cham Jasón, yetok jaywanxa eb creyente max mitx' eb, axa yilaytok eb satak eb yajawil conob yuj eb. Max yalon eb yin ipejal axca ti': —Ajun Pablo tu' yetok Silas tu', pilan chi ec' eb yak' somchaj c'ul anima yulyibank'inal ti'. Ilab mayal jayoc eb co xol ti'. 7 Axa cham Jasón ti' max chaon eb bay yatut. C'am chi yikej masanil eb tu' ley cham yajaw bay Roma. Ilab tol chi yal eb tol ay junokxa is reyal eb chi yik Jesús, ẍi eb bay eb yajaw tu'. 8 A yet max yaben eb conob yetok eb yajaw juntzan tu', axa yaj uchnaj eb tu' yuj tit yowal eb. 9 Axa pax Jasón yetok eb max mitx'lay yetok tu xin, tumin max yacan aytok eb preso q'uexelok, axa beklay el eb tu'. 10 Axa yet max k'ekbiayok, max cheklaytok Pablo yetok Silas yuj eb creyente bay conob Berea. A yet max apni oc eb bay tu', max oc eb yul nail culto eb yet israelal. 11 Yel watx' nabal eb israel aj Berea tu' yintak pax eb aj Tesalónica. Ilab tol max cam wal yaben eb yabixal Dios, cax junjunc'al c'u cac'al ti' cuyon eb tx'an Un bay tz'ib yayjican k'anej Dios, yuj yilon eb, ta yel chi yal Pablo yetok Silas tu'. 12 Yuj tu xin, xiwil eb max yaoc c'ul yin Cristo. Xiwil c'apax eb griego max yaoc yin c'ul. Ay eb xal ix c'al eb winak mimanbil yul sat conob, max yaoc yin c'ul. 13 Palta a yet max yaben eb israel aj Tesalónica tol lanan yalon el Pablo k'anej Dios bay Berea tu', max toj eb bay tu'. A yet max apni oc eb, max yuchon aj somnaj eb eb conob. 14 Ayman max cheklaytok Pablo yuj eb creyente ti a' mar, yet chi toj yul barco. Axa pax Silas yetok Timoteo xin, max cancan eb bay Berea tu'. 15 Ay eb creyente max toj yetok Pablo bay conob Atenas. Lajwi yapni eb bay tu', max yalon Pablo bay eb axca ti': —Che yal bay Silas yetok bay Timoteo, tol chi tit eb yin ayman, ẍi yutelay eb. Lajwi tu xin, max meltzoj eb. 16 Yak'ban chi yechbanej Pablo tu' yapni Silas yetok Timoteo bay conob Atenas, max yiloni, tol xiwil juntzan tzet chi yaloc anima is diosalok bay conob tu'. Caw wal max cusaj c'ul yet max yilon axca tu'. 17 Max octok yul nail culto eb yet israelal. Axa c'oli cuywaj bay eb israel tu', c'al yetok bay eb griego chi yiay ba bay Dios yetok, cax junjunc'al c'u, cac'al ti' yalon el nan xol anima bay txonbal. 18 Ay juntzan winak caw wal chi cuy wal eb jelanil, eb chi yik epicúreo yetok juntzan eb chi yik estoico, max c'oli k'anjab eb yetok Pablo. Axa nanxa eb xin, max yalubtanen eb axca ti': —A jun xiwil k'anjab ti', ¿tzetlaj ok yal ayon? ẍi eb. Axa juntzanxa eb xin, max yal eb: —Yabixal juntzanxa tx'ok diosal chi ul yala', ẍi eb. Caytu' max yut yalon eb axca tu' yujtol yabixal Jesucristo max yal Pablo nan xol eb. Max yal c'apaxok tol chi ictzonelay aj eb camnak. 19 Axa yilaytok Pablo yuj eb jelan tu' bay jun yaliẍ tzalan chi yik Areópago, bay chi yak' eb k'umbalba. Lajwi yapni eb bay tu', max k'anlen el eb bay axca ti': —A jun ac' cuybanilej chi ul alil ti', ¿chi mi je' jojtaknen el masanil? 20 Yujtol c'amto bay chi jab juntzan ti'. Yuj tu' xan chi jochej chi jojtaknej elok, tzet wal chi yal elapnok, ẍi eb. 21 Caytu' max yut yalon eb axca tu', yujtol masanil anima bay Atenas tu', c'al eb tx'ok conobal ayic' bay tu', tx'ok yel beybal eb. Tatol ay junok ac' cuybanilej chi bet al-lay yab eb, caw wal chi cha c'ul eb yabeni, c'al yalon elok. Asan jun tu' bay chi yaoc eb nabal. 22 Axa yaj wan Pablo nan xol eb bay Areópago tu', cax max yalon axca ti': Ex mamin aj conob Atenas ti', chi wila' tol caw wal ayoc e nabal yin tzet che yaloc e diosalok. 23 Ilab tol a yet chin ec' lequecok yul e conob ti' cax chi wilon bayc'al-laj che yiay e ba bay tzet che yaloc e diosalok tu', max wilon c'apax jun batxlub xajanbal, bay tz'ibbil oc jay belan k'anej ti' e yuj: A cayti' chi jiay co ba bay jun Dios man ojtakbilok juj, ẍi oc yin. Mimanokc'al ton che yal e ba bay jun Dios tu', palta man e yojtakok Cham. A ton jun Dios man e yojtakok tu' chi ul wal yabixal ayex. 24 A jun Dios tu' esnenej aj yulyibank'inal ti', c'al masanil tzetak yetal. Yajaw yayji Cham satcan, yajaw c'apax yayji Cham sat tx'otx' ti'. A Dios tu' c'am chi cajay yulak na chi watx'nej anima. 25 Man yowalilok ay tzet chi ak'lay bay yuj anima, yujtol a Cham chi ak'on co cawil co masanil. A' chi ak'on co cak'ek', c'al masanil tzetak yetal ayon. 26 A Cham watx'nenej nak babel winak, nak bay max titoc yinatil junjun conob bay yulyibank'inal ti', xan ay anima bay masanil yulyibank'inal. Asan Cham chi aloni, tzet tiempoal chi aj can junjun conobal. A Cham chi ak'on lugar junjun conobal bay chi cajayi. 27 Chi yut Cham axca tu', yet watx' chi saylay ec' Cham yuj eb anima, ta c'uxan chi ilchaj Cham yuj eb, palta chi wal ayex, tol man najatok ay Cham. Ayic' Cham co cawilal junjun on. 28 Asan yuj Cham xan iquis on. Ay co cawil yuj Cham. Yuj c'apax Cham, xan ayon ec' bay yulyibank'inal ti'. Ay juntzan eb e yet conob caw jelan k'anjabi, alnejcan axca ti': Yuninal on Dios co masanil, ẍi eb. 29 Yel ton chi yal eb, yuninal on ton Dios. Yuj tu' xan manxa mojok co naoni tol Dios juntzan yechelej watx'nebil yetok ch'en oro tu', ma ch'en plata tu', ma junokxa tzet ch'enal watx'nebil yuj anima yetok is jelanil. 30 A yet payxa, man yojtakok eb anima Dios. Yuj tu' xan miman yutnak Cham c'ul yin eb. Palta tinani', yowalil ab chi na ba anima yulyibank'inal ti' yala'. 31 Yujtol yalnakcanok, tol ay jun c'ual ok beyc'ulnej masanil anima. Bayc'al ijan ok yut beyc'ulneni, atac'ala' tzet chi el yunen junjun anima. A Dios sic'nej el jun mac ok beyc'ulnewok. Max tx'oxk'abnej el Dios bay masanil anima, tol caw wal yel jun ti', yet max yictzonen aj Dios Cham tu' xol eb camnak, ẍi Pablo bay eb. 32 Palta a yet max yaben eb yaloni tol chi ictzonelay aj eb camnak, ay eb chi buchwaj yin. Ay eb xin, max yal eb bay axca ti': —Okxa co k'anlej jab juntzan ti' ayach yet junelokxa, ẍi eb bay. 33 Lajwi yaben Pablo tzet max yal eb tu', cax max el xol eb. 34 Palta ay jaywan eb max yaoc c'ul yin Cristo. Max junanej ay ba eb yetok Pablo tu'. Ay jun cham ayoc xol eb chi yik Dionisio, yet yajawil ba yetok eb chi wajbaj ba bay Areópago. Ay c'apax jun xal ix chi yik Dámaris, c'al juntzanxa eb max ya c'apax oc yin c'ul.
1 Lajwi tu xin, max el Pablo bay Atenas tu', axa toj bay conob Corinto. 2 A bay Corinto tu' ayic' jun cham chi yik Aquila, cax israel cham. A bay Ponto aljinak, Priscila bi yistzil. Ec'lejnak cham yetok yistzil bay Italia. Ayic' eb bay Italia tu' yet max uktelay el masanil eb israel yul yet Roma yuj cham yajaw chi yik Claudio, xan max el eb bay Italia tu', max apni eb bay Corinto. A bay tu' max bet il-lay eb yuj Pablo. 3 Palta tutun lajanc'al mulnajil eb xin, yet watx'nem mantiadoal ba eb, xan max ayji ec' Pablo yetok eb bay tu', cax chi mulnaj yetok eb. 4 Axa yet junjun c'ual xewilal, chi betic' Pablo tu' yalon yabix eb anima bay nail culto eb yet israelal. A bay tu' max yak'lej yak'on is nabal eb yet israelal c'al eb man israelok. 5 Axa yet max jayoc Silas yetok Timoteo bay Corinto tu', yet petoj eb bay Macedonia, lanan yak'on Pablo yip yec' yalon el k'anej Dios yin masanil is c'ul. Caw wal max yak'lej yak'on nachaj el yuj eb israel, tol a Jesús, a ton Cristo, Cham echbanebil jay yuj eb. 6 Palta toc'al max tit yowal eb yin, max c'oli buchlay yuj eb. Yuj tu' xan max tzicobtanej Pablo is pichil, yuj tx'oxk'abnen el bay eb, tol c'amxa yalon yet yin eb. Max yalcan bay eb axca ti': —Ayexc'al oc che yitek e yailal e yiban junelnej. Ayin ti', c'amxa walon wet e yin. A tinani xin, ti chin chail yich in toj walon bay eb man israelok, ẍi bay eb. 7 Lajwi yalon axca tu', max eltek yul nail culto eb tu', axa toj bay yatut jun cham chi ikon Ticio Justo. Man israelok cham, palta chi yiay ba cham bay Dios. Cawilal nail culto tu' ay yatut cham. 8 Ay jun cham yajawil nail culto tu' chi yik Crispo. Max yaoc cham c'ul yin Cham Jajawil yetokc'al eb cajan yetok bay yatut. Xiwiltoc'al eb aj Corinto tu' max yaoc c'ul yin k'anej Dios yet max yaben eb, max yak'onxac'al c'apax bautizar ba eb. 9 Axa yet jun ak'bal max yalon Cham Jajawil bay Pablo tu' axca yin wayichejal axca ti': Manchak ach xiwi. Manchak ach oc wanaj alon el in k'anej, 10 yujtol ayin ec' etok. C'am junok mactxel ok in cha oc jucnaj en, yujtol xiwil mactxel sic'bilxa el wuj bay jun conob ti', ẍi bay. 11 Yuj tu xin, max ayji ec' Pablo nan is cab abil bay Corinto tu', max yak'on k'anej Dios cuy eb bay tu'. 12 A yet jun tiempoal tu', yet ayoc cham Galión gobernadoral yul makbej Acaya, max lajtinen el ba eb israel yin Pablo. Axa yiontok eb satak yajaw tu'. 13 Max yalon eb axca ti': —A jun winak ti', chi ec' yak' c'ul eb anima yin yalon ba eb bay Dios, palta man axcaok yalon co leyal, ẍi eb. 14 A yet lanan yalon ba Pablo tu', max yalon Galión bay eb israel axca ti': —Manchak ex awji octek ayin cayti'. K'inalok ta ay junok tzet man watx'ok max el yunen nak ti', ma xin, ay wal junok yobtakil max el yunen nak yul sat ley, chi mi in cha' wab tzet che yala'. 15 Palta ilab toc'al ijan che tx'emlej aj e ba yuj juntzan k'anej chi yal nak ti', c'al yuj biej chi binanejtek nak, yetokc'al yuj e ley. Yuj tu xin asek, watx'nejek yayji juntzan ti' e tx'oklil. Ayin ti xin, c'am chi yal in c'ul chin watx'nej yayji juntzan ti' ayex, ẍi Galión tu' bay eb. 16 Lajwi yalon axca tu', axa yuktelay eltek eb yuj yul is despacho tu'. 17 Axa mitx'lay cham Sóstenes yuj masanil eb griego tu', cham ayoc yajawilok nail culto tu', cax max mak'lay cham yuj eb bay ti' despacho cham yajaw bay jun lugar tu'. Palta toc'al max oc tucan Galión tu', c'am jabok tzet max yal bay eb. 18 Tx'ialtoc'al c'ual max ayji ec' Pablo bay Corinto tu'. Lajwi tu xin, max yalon toj ba bay eb creyente tu', axa yoc yul jun barco tu', cax max toj bay Siria. Max toj c'apax Priscila c'al Aquila yetok. A yet c'amto chi octok eb yul barco tu' bay conob Cencrea, max tzukon el ba Pablo bay tu', yuj tx'oxbanilok jun is trato yak'nak yetok Dios. 19 A yet max apni oc eb bay conob Efeso, max cancan Priscila yetok Aquila bay tu'. Axa Pablo max toj bay nail culto eb yet israelal tu', max c'oli k'anjab yetok eb ayic' bay tu'. 20 Max oc tean eb yin Pablo tol chi ayji ec' jayebok c'u yetok eb bay tu', palta maj yal c'ul. 21 A yet max yalon toj ba bay eb, cax max yaloncan axca ti': Ta ok el yin c'ul Dios, ok in ec' ayex ti' junelxa, ẍican bay eb. Lajwi tu', max toj yul barco junelxa 22 masantac'al max apni oc bay conob Cesarea; Lajwi tu' max ajapnok bay Jerusalén tu' cax max yak' cawil c'ul eb creyente bay tu', axa toj bay conob Antioquía. 23 A tu' max ayji ec' jun tiempoal bay tu'. Lajwi tu', max toj junelxa, axa yec' yul junjun conob ay yul yet Galacia, c'al yul yet Frigia tu'. Pilanc'al max ec' iptzelay eb creyente yin is creyenteal yuj, tzanc'al bay max eq'ui. 24 A yet jun tiempoal tu', ay jun cham israel chi yik Apolos, aj conob Alejandría. Max apnioc cham bay conob Efeso. Caw wal jelan yin k'anjab elok, caw wal cuywinak yin tx'an Un Tz'ibbilcanok sic'libil. 25 Cuywinak cham yin cuybej Cham Jajawil. Yalnak el cham watx' abix yin masanil is c'ul. Bayc'al ijan max yut yalon el cham yabixal Jesús, palta ti pax asan ixto cuybej Juan cham ak'om bautismo yojtakxa cham. 26 A yet junel, max toj yalil cham k'anej Dios bay nail culto eb yet israelal. Caw tec'an waayi, cax chi yalon elok. Axa yet max lajwi yaben Priscila yetok Aquila tzet max yut cuywaj ba cham xin, max yiontok eb cham is tx'oklil, max c'oli cuyon wal eb yin yet Dios sic'libil. 27 Lajwi tu', max el yin c'ul Apolos tu' toj bay yul yet Acaya. Axa colwaj eb creyente yetok tu', yin tz'iben el eb jun carta max yitok bay eb creyente aj lugar bay tu', yet watx' watx' chi yut chaon apnok eb. A yet max apni oc bay Acaya tu xin, max yiptzen jantak eb maxax yaoc c'ul yin Jesucristo yuj is watx'c'ulalil Dios. 28 Caw wal max yak' yip tx'oxk'abnen elok, tol yelc'ulal c'aynaktok eb israel tu'. A k'anej Dios tz'ib yayjican yul tx'an Un Tz'ibbilcanok max yak'balnej, yuj yalon bay eb anima yet watx' chi nachaj el yuj eb, tol a Jesús a ton Cristo, Cham echbanebil jay yuj eb.
1 A yet ayic' Apolos bay Corinto, max c'oli yec' Pablo bay juntzan conoblak ay bay tzalquiẍtak, max apni oc bay conob Efeso. A tu' max yil-lej el ba yetok juntzan eb creyente bay tu'. 2 Max k'anlen el bay eb axca ti': —¿Xam e cha' Cham Espíritu Santo yet max e yaon oc e c'ul yin Cristo? ẍi bay eb. —C'amak, c'am bay chi jabej ta ay Cham Espíritu Santo, ẍi eb. 3 —Palta a yet max e yak'on bautizar e ba, ¿tzet yayji jun bautismo e chanak tu xin? ẍi Pablo tu' bay eb. —A bautismo Juan max co cha', ẍi eb bay. 4 Yuj tu' xan max yal pax bay eb axca ti': —A Juan tu', yak'nak bautizar anima yuj tx'oxbanilok tol chi na ba eb yin is yobtakil. Palta yalnak bay eb, tol ay jun mac tzakan jay yintak. Yowalil a yin jun mactxel tu' chi yaoc eb c'ul. A jun mactxel tu', a ton Jesús, ẍi Pablo tu' bay eb. 5 A yet max lajwi yaben eb juntzan ti', max yak'on bautizar ba eb yin bi Cham Jajawil Jesús. 6 Lajwi tu xin, max yaon ajtok Pablo k'ab yiban jolom junjun eb. Catatu bian, max chaoncan eb Cham Espíritu Santo. Axa k'anjab aj eb yin tx'ok tiejal tu', max yalon el eb k'anej Dios. 7 A eb maxax aon oc yin c'ul tu', ay mi lajcawanok eb. 8 Yin oxeb xajaw cac'al ti' bet Pablo tu' yalon el k'anej Dios yul nail culto eb yet israelal tu'. Tec'an max yut ba cax chi yalon yab eb. Chi yak'lej yak'on nachaj el yuj eb, tzetbil chi yun yoc eb yul k'ab Dios. 9 Palta ay juntzan eb caw wal pit. Tutun c'am chi yal c'ul eb chi yaoc yin c'ul. Chi yal eb bay eb anima, tol man watx'ok jun cuybej bay ayoc eb creyente tu'. Yuj tu xin, xan max el Pablo nan xol eb. Max ilaytok eb creyente tu' yuj, bay yescuela jun cham chi yik Tirano. A bay tu' chi bet cuylay eb yuj junjun c'u. 10 Cab abil max yun eb axca tu'. Yuj tu xin, pilanc'al max yabcan oc eb aj lugar bay Asia tu' yabixal Cham Jajawil Jesús. Pilanc'al max yabcan oc eb masanil, eb israel c'al eb man israelok. 11 Cax chi k'anbalnelay Pablo yuj Dios yin tx'oxon juntzan milagro caw wal mimek yelapnok. 12 Ay eb ibil oc tx'ambalej yuj, c'al pichilej yuj, cax chi ul limon oc eb yin Pablo tu'. Chi lajwi tu' cax chi bet yaon oc eb yin eb ya'ay cax chi jaycan c'ul eb yuj. Ay c'apax espíritu yob chi elcan yin eb anima yuj. 13 Ay juntzan eb ec'jabwom israel chi yak'lej yion el espíritu yob yin anima. Chi yak'lej eb yawten bi Cham Jajawil Jesús, yet chi yion el eb eb espíritu yob tu' yaloni. Chi yal eb bay eb espíritu yob axca ti': Yuj yikbej Jesús chi jaloni: Elanek. A ton Jesús, Cham chi ec' yalil Pablo yabixal, ẍi eb, chi yalon eb. 14 Ay ukwan c'ajol jun cham israel chi yik Esceva, a ton junok yajawil eb sacerdote bay israel. Max yak'lej eb nak yion el jun espíritu yob yin anima. 15 Palta max tak'wi bay eb nak axca ti': A Jesús che yal tu', wojtak. Wojtak c'apax Pablo tu'. A pax ex ayex ti', ¿mac ex txel? ẍi bay eb. 16 Axa nak bay ayoc jun espíritu yob tu' max tit jucnaj yin eb, max ayc'ay eb masanil yuj nak. Max yasjitok eb, axa yel eb bay te na bay ayic' eb tu', max el xuyuyok eb yin t'iranil. 17 Pilan max yab masanil eb aj Efeso yabixal tzet max uj tu', toltax eb man israelok, max yab eb. Yuj tu' xan max xiwaj eb masanil. Max ilay can Cham Jajawil Jesús yuj eb. 18 Xiwil eb yanakxa oc c'ul yin Cham max apni oc yuj yalon ajtek eb masanil tzet man watx'ok max el yunen eb. 19 Ay nanxa eb xin, yak'lejnak eb yin ajtxumal. Max yitek eb is libro chi yak'balnej yet chi txumli eb tu', cax max nison tz'a eb satak eb masanil. Max yi eb cuenta yin jantak tojol tx'an, ay mi 50,000 dracma ayoc yin tx'an. 20 Xiwil anima max yaoc c'ul yin k'anej Dios yet tu', xan axca ton ti' max yun txecloj elok tol caw wal miman yipalil is k'anej tu'. 21 Lajwi juntzan tu xin, max naon Pablo tol ok ec' bay yul yet Macedonia yetok bay yul yet Acaya, cax chi toj bay Jerusalén. Max yalon axca ti': —Ok lajwok tu', yowalil ok in apnok bay Roma, ẍi. 22 Axa chekon babjok cawan is chekbej tu' bay Macedonia, a ton Timoteo yetok Erasto. A pax Pablo tu xin, maxto can janic'xa tiempoal bay yul yet Asia tu'. 23 A yet jun tiempoal tu', caw wal max aj uchnaj eb conob Efeso masanil yuj tit yowal yin is cuybej Cham Jajawil. 24 Ay jun cham anima chi yik Demetrio chac'om plata cham. Chi watx'nej cham yechel yatut jun xal diosal eb anima tu' chi yik Diana. Xiwil tumin chi yi' eb yet chac'om platail yin juntzan yechelej tu'. 25 Max yawtej oc bulan cham juntzanxa eb chi watx'nen juntzan yechelej tu' yetok, c'al juntzanxa eb yet chac'om ch'enal, max yalon cham bay eb axca ti': —Ex wet chac'om ch'enal, ti wal e yojtak, tol xiwil co tumin chi ji' yin jun jopiso ti'. 26 Palta ti wal che yila' cax che yaben c'apax tzet lanan yunen Pablo. Tolab a juntzan dios watx'nebil yuj anima, man ab diosok yala'. Xiwilxa mactxel mayal ak'chaj c'ul yuj. Man asannejok bay Efeso ti', palta q'uexc'al mayal ak'lay c'ul masanil eb bay yul yet Asia ti' yuj. 27 Caw wal ay is may jun ti'. Tekan majxa tok co txon yuj tzet chi yal nak yin tu'. Yetok c'apaxok, tekan c'amxa yelapnok yatut xal co diosal Diana yul sat anima. A xal co diosal ti', caw wal miman yelapnok xal yul sat masanil anima bay Asia ti', c'al bay masanil yulyibank'inal. Palta tinani', caw wal ay is may, tekan c'amxa yopiso yul sat eb, ẍi bay eb. 28 A yet max yaben eb juntzan tu', caw wal max tit yowal eb sic'libil, cax max aj yaw eb yin ipejal axca ti': ¡Caw wal miman yelapnok xal co diosal Diana, ayon aj Efeso on ti'! ẍi eb. 29 Axa yaj uchnaj conob tu' masanil yuj tit yowal. Max mitx'on eb jun cham chi yik Gayo yetok jun cham chi yik Aristarco. Aj Macedonia eb cawanil. Ajun eb yetok Pablo yet max jay bay Efeso tu'. Max jeẍlaytok eb cawanil yuj conob bay jun lugar bay chi bet anima matz'lok. 30 Yochej Pablo max toj yal bay eb anima tu', palta maj chalaytok yuj eb creyente. 31 Ay jaywan eb yajaw bay Asia tu' yamigo ba yetok Pablo, a eb max bet yak' al-lay bay cham tu', tol manchak toj tx'oxic' ba bay eb anima tu'. 32 Tx'ok tx'okxac'al tzet chi yal eb anima wajan oc tu', yujtol sombinak ay is nabal eb. Ec'ban nan eb man yojtakok, tzet yuj xan wajan ec' eb. 33 Palta ay jun cham chi yik Alejandro. Max ilay eltek cham satak conob yuj eb yet israelal. Max al-lay bay tzet yuj xan wajan ec' anima. Lajwi tu', max yak'on yechel yetok k'ab bay eb anima, yet watx' chi numay eb, yujtol yochej cham max yal ba yetok eb yet israelal. 34 Palta a yet max yilon eb anima tu' tol israel cham, caw max texac'al aj yaw eb masanil. Ay mi jun cabok hora max el yaw eb yalon axca ti': ¡Caw wal miman yelapnok xal co diosal Diana ayon aj Efeso on ti'! ẍixac'al eb. 35 A cham yajtz'ibal conob, c'ojanc'ulal max montelay eb yuj, yet watx' chi numay eb. Lajwi tu' max yalon cham bay eb axca ti': Ex wet conob, masanil anima ojtakneni tol ayon aj Efeso on ti', ayon ayoc jiban co taynen yatut xal co diosal Diana tol mimanbil, yetok jun yechel xal tu' titnak satcan. 36 C'am junok mac chi je' yaloni tol lek'tial juntzan chi wal ti', yuj tu xin, numayanek. Naek wal sic'libil, yet watx' c'amokab junok tzet yetal comonc'al che yunej. 37 Yujtol a eb nak che yi jay ti', c'am junok yobtakil chi el yunen eb nak yin co diosal. C'am eb nak chi buchwaj yin xal. 38 Ta chi yochej Demetrio, yetok eb yet chac'om ch'enal chi yak' queja junok mactxel, chi je' toj eb bay juzgado toj yalon bay cham juez. Chi je' toj yalon ba eb bay eb yajaw. 39 Ta ay junokxa tzet che yochej, chi je' e yak'on junok k'umbalba yetok eb yajaw, cax che watx'nen yayji satak eb, 40 yujtol caw wal ay is may. Jun bek chi na' eb yajaw tu' tol a yetok eb lanan jak'len owal. Ta chi k'anlej eb ayon axca ti': ¿Tzet yuj xan chex aj uchnaj e yak'on owal? ta ẍi eb, c'am tzet watx' jalon bay eb yuj co colbanilok, ẍi cham yajtz'ibal conob tu' bay eb. 41 Lajwi yalon bay eb axca tu xin, max chekon pax masanil eb anima tu' bay yatut.
1 A yet mayal lajwi jun uchlejbail tu', cax max yak'on Pablo wajbaj oc ba eb creyente, yuj yiptzencan eb. Lajwi tu', max tak'li bay eb, axa toj yul yet Macedonia tu'. 2 A yet max apni oc bay tu', pilan max ec' yil eb creyente bay junjun conob, axa yec' yalaycan oc nabal eb yuj tu'. Lajwi tu' max toj bay Grecia. 3 Oxeb xajaw max ayji ec' bay tu'. Chi yochej chi oc yul barco cax chi toj bay Siria, axa max yabeni, ay eb yet israelal chi ochen chi mitx'oni. Yuj tu xin, xan max na' tol watx' chi meltzoj pax bay Macedonia junelxa. 4 A yet max toji, ay juntzan eb creyente max toj yetok, a ton Sópater, c'ajol Pirro cham aj Berea, Aristarco, c'al Segundo aj Tesalónica, yetok Gayo aj Derbe, c'al Timoteo. Ay c'apax cawan eb aj Asia max toj yetok, a ton Tíquico yetok Trófimo. 5 A yet max apni oc eb bay conob Filipos, max can Pablo yuj eb bay tu', max babji toj eb bay conob Troas. Ata tu' max on yechbanen eb. 6 Axa ayon ti xin, a bay conob Filipos max jechbanej jilon jun k'in, yet chi lolay ixim pan c'am yich. Lajwic'al yec' jun k'in tu', max on toj yul barco. Oyeb c'u max on bey yiban a' mar, catatu' bian, max on apni bay conob Troas. A ta tu' max jil-lej co ba yetok eb max babji toj co satak tu'. Ukeb c'u max on ec' bay tu'. 7 Axa yet domingo, max co wajban oc co ba yetok eb creyente masanil, yuj co loon ixim pan, yet nabaniltek Cham Jajawil. A Pablo max ak'on cuybanil eb creyente. Tutun tol t'inanxa chi toj yet yecal, xan xiwil tzet max yalcan bay eb, masantac'al max chumay ak'bal. 8 A yul jun cuarto yiban, a tu' max co wajbaj co ba. Xiwil tzektebal eb max yaocok. 9 Ay jun nak ach'ej chi yik Eutico. Chotan eltok nak ti wentena. Chi nojxi nak wayi, yujtol miman yutnak Pablo yakan is mensaje. Max tojxac'al chememok wayan yiban nak sic'libil, axa yel pitxnaj nak tu'. Ata bay yet is yox piso max tit nak. Camnakxa nak yet max ul sic'lay aj wan nak. 10 Max ayol Pablo xin, axa yay paknaj yiban tu', cax max lak'lay aj nak yuj. Axa yalon bay eb creyente axca ti': —Manchak ex oc il. Mayal ictzoj aj nak, ẍi bay eb. 11 Lajwi tu', max on ajtok yul cuarto tu' yetok Pablo junelxa. Axa pojon ec' ixim pan co xol tu', max co loon ixim. Xiwiltoc'al tzet max yal Pablo tu', masantac'al max sakbi ajok. Lajwi tu' cax max toji. 12 A nak ach'ej max ictzoj aj tu xin, max ilaytok nak bay yatut. Caw wal chi tzaloj eb, yujtol max ictzoj aj nak. 13 Ayon ti', max on oc yul barco, max on toj bay conob Asón. A tu' max jechbanej yapni Pablo, axca max jut jalon yetok, yujtol yakan max yaocok max toji. 14 A yet max apni Pablo ayon bay conob Asón tu', max oc yul barco jetok, axa co toj yetok bay conob Mitilene tu'. 15 Max ton toj xin, axa yet junxa c'ual max on ec' cawilal conob Quío. Axa yet junxa c'ual, max on apni bay junxa conob chi yik Samos ayay ti a' mar tu'. Yet junxa c'ual max on toj paxok, catatu max on apnioc bay conob Mileto. 16 Maj yal c'ul Pablo max on ec' bay conob Efeso, yujtol max yochej yin aymanil chon ec' bay Asia tu', yet watx' chon tzakay japni jilon k'in Pentecostés bay Jerusalén. 17 A yet max on apni bay conob Mileto, max yaontok Pablo is chekbej bay eb yancianoal iglesia bay Efeso, yuj bet yawtelay eb. 18 A yet max jay eb, max yalon bay eb axca ti': Ayex ti', e yojtakxa in beybal yettaxc'al max in ulic' bay Asia ti'. 19 Ayinc'al oc wak'on serbil Cham Jajawil yin ayilal. Ay bay max in ok' sic'libil yuj pitalil anima. Xiwil el max in ak'lay porobal yuj juntzan tzet man watx'ok max yaoc eb wet israelal wiban. 20 Palta ti wal e yojtak, maj in bek walon juntzan cuybanilej watx' ayex, tol e watx'ilalok chi yun yelocok. Pilan max wal k'anej Dios ayex satak conob, c'al bay e yatut. 21 Max wal bay eb wet israelal, c'al bay eb man israelok, tol yowalil chi na ba eb satak Dios, cax chi yaon oc eb c'ul yin Cham Jajawil Jesucristo. 22 A tinani', ok in tok bay Jerusalén, yujtol chin ilaytok yuj Cham Espíritu Santo. Man wojtakok tzet ok jay wiban bay tu'. 23 Palta wojtak, a bay junjun conob bay chin eq'ui, chi yal Cham ayin, tol yowalil ok in oc preso bay tu', cax xiwil ab yailal ok wila'. 24 Palta c'am chin oc il yuj juntzan tu'. Caxc'al chin cam yuj, palta c'am yelapnok jun camich tu' yul in sat. Asantanej wal chi wak' lajwok jun in mulnajil mitx'bil oc ti' yin tzalojc'ulal, cax chi lajwi wopiso yak'nak Cham Jajawil Jesús ayin, jun opiso yin aloj el k'anejal yet colbanilej yuj is watx'c'ulal Dios. 25 Ec'nak in wal ayex, tzet chi yun e yoc yul k'ab Dios. A tinani', wojtak, tol c'amxa bak'in ok jil-lej co ba cay ti'. 26 Yuj tu xin, a tinani' chi walcanok, tol c'amxa walon wet yin is c'aynakilal junok mactxel. 27 Yujtol pilan albil cuybej Dios ayex wuj. C'am junok tzet max in c'ubaj el ayex. 28 Yuj tu xin, taynejekc'al e ba, cax che taynen eb creyente masanil, yujtol ak'bil e yopiso yuj Cham Espíritu Santo e yilon yiglesia Cham Jajawil, eb max man yetok is chiq'uil yet max cam jujc'al. 29 Yujtol wojtak, tol a yet ok in tok, ay juntzan eb ok jay ayex. Ok yak'lej eb ex yuchon saklemok, axca chi yut yak'on c'ayil no ok no calnel. 30 Yetok c'apax e xol ayex ti', ay juntzan eb ok txecloj ajok, cax ok yak'on eb juntzan lek'tial, yuj yak'on eb c'ul eb creyente, yet watx' chi oc eb yetok eb. 31 Yuj tu xin, taynejekc'al e ba. Naektek, tol oxeb abil cac'al ti' ex in cuyon junjun ex, c'ualil c'al k'ekbintakil. Toltax ay bay chin ok'i chex in cuyoni. 32 A tinani xin, ex wuẍtak, chex wabenejcan oc yul k'ab Dios. A ok ex taynen yetok is k'anej. A is k'anej tu', caw wal max tx'ox watx'c'ulalil ayon; ay yipalil is k'anej tu' yak'on co tec'anil, c'al yak'on co satak, yujtol ayxa jalon jet yetok eb sic'bilxa el yuj. 33 Ayin ti', c'am bay max wochej oc tumin, tamwal pichil junok anima. 34 Ilab e yojtak, caw chin mulnaj yetok in k'ab, yuj tzet chi oc yopiso wuj, c'al tzet chi oc yopiso yuj eb ajun wetok. 35 Max in tx'ox ayex, tol yowalil chi jilc'al co mulnajil, yet watx' chi je' co colwaj bay eb chi cawxi elok. Yowalil chi co natek tzet yalnak Cham Jajawil Jesús junel axca ti': Watx' yet eb chi saoni, yintak eb chi chaon sabalej tu', ẍi Cham, ẍi Pablo bay eb anciano tu'. 36 Lajwi yalon Pablo juntzan ti', max ay jajanok, axa txajli yetok eb masanil tu'. 37 Lajwi txajli eb xin, cax max jichchaj c'ul eb yok' masanil. Yin junjunal chi oc lak'an eb yin Pablo tu', max tz'ubon el eb is ti'. 38 Caw wal max cus eb sic'libil, yujtol max yal bay eb tol c'amxa bak'in ok yil-lej ba eb yetok. A yet max toj Pablo tu', max bet alaycan yuj eb masantac'al bay max oc yul barco.
1 Max can eb creyente tu' juj xin, max on oc yul barco, t'inan max on apni bay conob Cos. Axa yet junxa c'ual, max on toji, axa japni on bay conob Rodas. Lajwi tu', max con toj pax junelxa, max on apni on bay conob Pátara. 2 A tu' max on oc yul jun barco lananxa toj bay Fenicia, max on toj bian. 3 Lananxa co bey yiban a' xin, max jilontok bay co q'uexan k'ab jun sutan tx'otx' nan a' mar, chi yik Chipre. Lajwi tu', max on apni bay conob Tiro bay yul yet Siria, yujtol a tu' chi ec' cancan yikatz te barco tu' bay tu'. 4 A yet max on eltek yul te barco tu', ay eb creyente max jil yin. Ukeb c'u max on ec' yetok eb bay tu'. Ikbabil eb yuj Cham Espíritu max yalon eb bay Pablo axca ti': —Matawal c'am chach toj bay Jerusalén tu', ẍi eb bay. 5 A yet max lajwi ukeb c'u tu xin, max on toji. Max on bet yak'can eb creyente masanil yetokc'al yistzil c'al yuninal, tiel conob. A tu' max on ay jajan ti a' mar txajlok yetok eb. 6 Lajwi tu', max co tak'elencan co ba yetok eb, max on occantok yul barco, axa meltzojcan eb bay yatut tu'. 7 A yet max on el bay conob Tiro tu', max on apni bay conob Tolemaida. A tu' max con elcantek yul barco bay tu', max on can yetok eb creyente jun c'u bay tu'. 8 Axa yet junxa c'ual, max on toji, axa japni bay conob Cesarea. A bay yatut Felipe max on apni, cham yalomal el k'anejal yet colbanilej, tol max oc c'apax diáconoal bay Jerusalén yetok wakwanxa eb. 9 Ay canwan cutz'in Felipe tu' c'amto yetbi, k'opojto eb. Chi yalil eb k'anej Dios. 10 Yak'ban ayon ec' jayeb c'u bay tu', max jay jun cham chi yik Agabo, petoj cham bay yul yet Judea. Yalomal c'apax el k'anej Dios yayji cham. 11 Max jayoc cham k'anjab jetok. A yet lanan co k'anjab yetok tu', max yion el c'alil Pablo, ac'al oc max c'al is k'ab c'al yakan yetok an c'alilej tu'. Lajwi tu', max yalon axca ti': —A Cham Espíritu Santo chi alon axca ti': Caytu' ok yun c'al-lay ay cham ay yet jun c'alilej ti' yuj eb israel bay Jerusalén. Ok lajwok tu', cax ok yaon oc eb yul k'ab eb man israelok, ẍi Cham Espíritu Santo, ẍi cham Agabo. 12 A yet max jaben yetok eb aj Cesarea tzet chi yal cham tu', max on oc tean yin Pablo, tol c'am chi toj bay Jerusalén tu'. 13 Palta max yal ayon axca ti': —¿Tzet yuj xan chex ok'i cax chin e tx'emon cus axca ti'? Tok ay yelapnok yul in sat ta chin c'al-lay ay yuj eb. Caxc'al chin is mak' cam eb bay Jerusalén tu' yuj Cham Jajawil Jesús, ok wak' in ba bay eb, ẍi ayon. 14 Tutun maj tenchaj ay juj xin, xan yilxa mi, con chi. Max jalon axca ti': —Yunokab bay chi el yin c'ul Cham Jajawil xin, con chi. 15 Lajwi tu xin, cax max co watx'nej co ba, max on toj bay Jerusalén. 16 Ay jaywan eb creyente aj Cesarea tu' max toj jetok, max toj c'apax jun cham aj Chipre ayxatax yoc yin creyenteal jetok, chi yik Mnasón. A yet ok on apnok bay Jerusalén, a bay yatut cham t'inan japniok jak' co posada. 17 A yet max on apni oc bay Jerusalén, max on is cha' apnok eb creyente yin tzalojc'ulalil. 18 Axa yet junxa c'ual, max on toj yetok Pablo bay yatut Jacobo. Wajanxa ec' eb anciano bay tu', max on apni ocok. 19 Max yak'on Pablo cawil c'ul eb. Max yal bay eb masanil tzet max el yunen Dios yetok, nan xol eb man israelok. 20 A yet max yaben eb juntzan tu', max yalon eb watx' k'anej bay Dios. Lajwi tu', max yalon eb bay Pablo tu' axca ti': —Watx' ton wuẍtak, palta ojtak, tol xiwil milal eb jet israelal max yaoc Cristo yin is c'ul. Chi yal eb masanil, tol yowalil chi jikej juntzan ley Moisés. 21 Max yab eb k'umal, tol ach ec'nak ach cuywaj xol masanil eb jet israelal aytok xol eb man israelok, tolab max al bay eb tu', tol manchakxa yikej eb ley Moisés tu'. Tolab max al bay eb, tol manchakxa yak' circuncidar eb yuninal, manchakxa beybalnej eb co beybal ayon israel on ti'. 22 ¿Tzet ok jut tinani'? Yujtol ok yabc'alta' eb tol max ach jayi. 23 Yuj tu' ikej tzet ok jal ayach ti xin. Ay canwan winak co xol ayxa is trato yetok Dios. Yowalil chi yak' eb yun is trato tu'. 24 Itok eb etok, cax chi toj a watx'nen a ba yetok eb axca yalon ley Moisés. Cha tojlanej gasto eb chi yak'balnej manon juntzan xajanbal. Chi lajwi tu', cax chi yak'on tzuklay el ba eb canwanil. Ta caytu' chot axca tu', ok yil eb anima masanil, tol a tzet max al-lay en max yab eb tu', lek'tial toni, cax ok yilon eb bian, tol chekej ley Moisés tu'. 25 A pax bay eb man israelok maxax yaoc c'ul yin Cristo xin, tz'ibbilxa tok co carta bay eb, tol man yowalilok chi yikej eb juntzan tu'. Asan jayeb chekbanilej ti' max jaltok bay eb, tol manchak chi' eb no chibej chi ak'lay yin xajanbalil bay juntzan tzet chi al-lay oc diosal. Manchak chi' eb chic'. Manchak chi' eb no no' chi sut'lay camok. Manchak beybalnej eb ajmulal. Caytu' max jut jalontok bay eb, ẍi eb anciano tu' bay Pablo. 26 Axa yet junxa c'ual max ilaytok eb canwanil yuj Pablo tu', max watx'nen ba yetok eb nak, axca yalon ley Moisés tu'. Lajwi tu', max oc yul templo Dios yuj yalon bay eb sacerdote, tzet c'ual chi lajwi tiempoal watx'nen ba eb, yet chi yak'on junjun eb yofrenda bay Dios. 27 A yet lananxa lajwi yukeb c'ual tu xin, ay jaywan eb israel aj Asia max iloni tol ayic' Pablo yul templo Dios. Axa yuchon aj somnaj eb eb anima tu', yuj tit yowal eb. Axa mitx'on eb Pablo tu'. 28 Caw yip eb yalon axca ti': Ex jet israelal, colwajanek. A ton jun winak ti' chi ec' cuyon anima bay junjun lugar. Yob chi yal nak jin ayon israel on ti'. Yob chi yal nak yin ley Moisés c'al yin templo Dios ti'. A tinani', comonc'al max yi octok nak jaywan eb griego yul templo Dios ti'. A jun na ti', asan Dios ay yet, palta mayal etax el yuj nak yul sat Dios, ẍi eb. 29 Caytu' max yut k'anjab ba eb axca tu', yujtol max yil eb, tol junejc'al chi ec' Trófimo yetok Pablo tu' yul conob. A Trófimo tu', griego, cax aj Efeso. A naon eb, tol max yi octok Pablo tu' yul templo Dios tu' yetok. 30 Caw wal max tit yowal masanil conob, cax max wajban oc ba eb, max bet tzicon eltek eb Pablo yul templo Dios tu', cax k'oklay eltek yina yuj eb. Ayman max makchej eb puerta bay. 31 Lananxa yochen eb tol ok mak' camok, axa bet yal-lay bay cham coronel, tol lanan yaj uchnaj conob yuj tit yowal. 32 Yuj tu xin, ayman max toj cham yetok is soldado, c'al juntzanxa yet yajawilal. Yanej eb toj bay lanan wajban oc ba anima tu'. A yet max yilontok eb anima tu', tol lanan yapni oc cham coronel yetok is soldado masanil, max bekon mak'on eb Pablo tu'. 33 Max apnic'al oc cham coronel tu xin, cax max mitx'ontek cham Pablo tu', cax yak'on cham alay oc cab cadena yin. Lajwi tu' max k'anlen cham bay eb anima tu' axca ti': —¿Mactxel jun winak ti'? ¿Tzet mul nak che yila'? ẍi bay eb. 34 Palta max aj bulnaj eb anima tu' yaloni, cax tx'ok tx'okc'al tzet chi yal junjun eb. C'amxa chi yab cham tzet chi yal eb, yujtol toxanej chi wekeki eb. Yuj tu xin, xan max yak' cham ilaytok Pablo tu' bay cuartel. 35 A yet max apni oc eb bay k'ochal chon ajtok janic' yet chon ajapnok ti' cuartel tu', max batxlay aj Pablo tu' yuj eb soldado, yujtol max yochej eb anima tu' max mak' cam bay tu'. 36 Yujtol masanil eb tzakan oc yintak, chi el yaw eb, cax chi yalon eb axca ti': Camokab nak ayman, ẍixac'al eb. 37 A yet lanan yion octok eb Pablo tu' yul cuartel, max yalon bay cham coronel tu' axca ti': —¿Chi mi je' in k'anjab jabok etok? ẍi bay cham. Axa yalon cham bay axca ti': —¿Tom chi je' alon griego? 38 Mantok tol aj Egipto ach. A chi wut in naoni tol ach inej el yich jun owal yin cham yajaw yet payxa, cax max eon bey caneb mil eb nak mak'om cam anima bay jun tz'inan tx'otx', ẍi cham bay. 39 Axa yalon Pablo tu' bay cham axca ti': —C'amak. Ayin ti' israel in. A bay jun miman conob Tarso, yul yet Cilicia, a tu' aljinak in. Ac'al chi wal ayach, ¿c'am mi chin a cha' k'anjab jay belanok bay eb anima? ẍi. 40 —K'anjaban xin, ẍi cham bay. Axa yeltek lecan Pablo tu' bay sat k'ochal ti' cuartel tu', max yion aj k'ab can, yuj yak'on yechel yet watx' chi numay anima tu'. Max ay numnaj eb xin, axa k'anjab eltek nan xol eb tu' yin is ti' eb, a ton hebreo, axca ti':
1 Ex wet conob, c'al ex mamin ichamtak winak, abek tzet chi wut walon in ba, ẍi eltek. 2 A yet max yaben eb tol hebreo chi yala', max texac'al numay eb, cax max yalon cham bay eb axca ti': 3 Ayin ti', israel in c'apax e yetok. A tu' aljinak in bay conob Tarso, yul yet Cilicia, palta a bay Jerusalén ti' max in ch'ibi. In meẍtolben cham Gamaliel. Max quin is cuy cham yin ley eb co mam jichmam sic'libil. Caw wal chi wak' serbil Dios yin masanil in c'ul, axca ton che yut e ba e masanil ti' tinani'. 4 A yet yalantok, max wetnej eb chi yaoc c'ul yin Jesucristo. Ay bay max in mitx'tek eb. Caxc'al winak, ma ix, asantanej chi michchaji, pilan chi watok eb preso. Toltax ay bay max wak' cam eb. 5 A cham sat sacerdote, yetok eb yajaw masanil, chi je' yalon eb tol yel chi wala'. Yujtol a eb ak'nej carta ayin, yuj in toj wion eb jet israelal bay conob Damasco. Max in toj Damasco tu' yuj in sayon ec' eb creyente. Wochej max bet in c'altek eb, cax chi wiontek eb bay Jerusalén ti', cax chi alay oc yailal eb. 6 Yuj tu', max in toj bet wiontek eb. Palta a yet lanan wapni oc cawilal conob Damasco tu', tekan chuman wal c'u, ay jun sakk'inal max tit jopnaj satcan cax max low win. Caw wal ow chaw yakan. 7 Max in ayc'ay telnaj sat tx'otx' yuj. Axa wabeni, max oc jay belan k'anej axca ti' ayin: Saulo, Saulo, ¿tzet yuj xan chin oktej ec'ok? ẍi ayin. 8 ¿Mac ach txel, Mamin? quin chi bay. Ayin ton Jesús, aj Nazaret in. Lanan in okten ec'ok, ẍi ayin. 9 A eb max toj wetok max yil eb jun miman sakk'inal tu', caw wal max xiw eb, palta maj yab eb yoc jay belan k'anej max al-lay ayin tu'. 10 Lajwi tu xin, max walon bay axca ti': ¿Tzet chi yochej a c'ul chi wun xin, Mamin? quin chi bay. Ajan wanok, cax chach toj bay Damasco. A tu' ok al-lay ayach, tzet yowalil ok onej, ẍi Cham Jajawil tu' ayin. 11 Palta c'am jabok chi je' wilon yuj yowal yakan jun sakk'inal tu'. Axa eb ajun wetok tu' max in quetzon apnok bay Damasco. 12 Ay jun winak bay Damasco tu' chi yik Ananías. Caw wal yelc'ulal wal tol yikem bay ley Moisés. Caw wal watx' is beybal yul sat masanil eb jet israelal bay Damasco tu'. 13 Max jayoc ayin, max yalon axca ti': Wuẍtak Saulo, jakchajokab can a sat ti', ẍi ayin. Ayc'alman max jakchajcan in sat ti', cax max wilon oc yin. 14 Axa yalon ayin axca ti': A Cham co Diosal, ac'al ton oc Cham tu' Diosal eb jichmam, a Cham sic'nej ach elok, yet watx' chojtaknej elok tzet chi yochej Cham en. Yuj c'apax tol chi yochej Cham tol chel yin Jesús, Cham tojol, c'al yuj chaben yul is nuk' tzet t'inan yalon ayach. 15 A tinani', ok al yabixal Jesús yab masanil anima. Ok al tzet max ela', cax ok alon tzet max abej. 16 ¿Tzet chechbanej tinani xin? Ajan wanok. Ak' bautizar a ba. Al a ba bay Jesucristo, yet watx' chi tancan a yobtakil eban, ẍi Ananías tu' ayin. 17 A yet max in jayoc bay Jerusalén ti', max in toj txajlok bay templo Dios. Palta a yet lanan in txajli tu', axca wal tol max in wayichli. 18 Max wil yin Cham Jajawil, cax yalon Cham ayin axca ti': Caw wal chak' ep el bay Jerusalén ti', yujtol man ok cha eb yab wabixal ok al bay eb, ẍi ayin. 19 Axa walon bay Cham axca ti': Mamin, yojtakxa eb, tol max in ec' yulak junjun nail culto eb wet israelal, yuj ec' in sayon eltek eb maxax yaoc c'ul en. Pilanc'al max in mitx' eb, cax max waon oc eb preso, max in mak'on c'apax eb. 20 A yet max k'okch'ennelay Esteban, jun yalomal el abixal, ayin jun max in taynej pichil eb yet lanan k'okch'ennen eb tu', quin chi bay Cham Jajawil tu'. 21 Palta max yalon pax ayin axca ti': Asi', yujtol najat ok ach in chektok, a ta bay xol eb man israelok, a ta tu' ok ach tok, ẍi Cham Jajawil tu' ayin, ẍi Pablo tu' bay eb. 22 Asannej juntzan ti' max makc'al yab eb anima tu' yin tzetc'al chi yal Pablo tu' bay eb. Lajwi tu xin, max chaon el eb yich yaj yaw yin ipejal axca ti': —Camokab nak. ¿Tzetto wal yuj xan iquis nak? ẍi eb. 23 Caw max aj uchnaj eb tit yowal. Chi tzicobtanej eb is pichil. Chi wotzaj eb pokok cax chi tiẍon aj eb can, yujtol caw wal chi tit yowal eb yin Pablo tu'. 24 A yet max yilon cham coronel tu' axca tu', max yak' cham ilay octok Pablo tu' yul cuartel. Max chekon cham tol chi mak'layi, yet watx' chi yalajok tzet yuj xan chi aj weknaj eb anima tu', cax chi tit yowal eb yin. 25 A yet mayal c'alchaj Pablo tu' yuj eb, yuj ok mak'layok xan max yalon cham bay jun cham capitán ayic' bay tu' axca ti': —¿Tom wal ay leyal comonc'al chin e mak' xin? Ti pax aj Roma in, cax c'am jabok in mul chi txecloj elok, ẍi bay. 26 A yet max yaben cham capitán tzet max yal tu', max bet yalon bay cham coronel tu' axca ti': —Caw wal ay is may jun chi el onen ti'. Aj Roma ab Pablo tu' yala', ẍi bay cham. 27 Ayman max toj k'anlej cham coronel tu' bay Pablo tu' axca ti': —¿Tom yel aj Roma ach? ẍi bay. —Yel toni, aj Roma in, ẍi bay cham. 28 —Cay in c'apax tu', palta caw wal miman tumin max wak'a', yet max in manon oc in ba aj Romail, ẍi cham bay. —Axa in ayin ti xin, romano in yintaxc'alta' waljubal, ẍi Pablo tu' bay cham. 29 Axa yel besesok eb soldado ijan max mak'on tu' c'atan, axa beklaycan yuj eb tu'. A yet max yaben cham coronel tol aj Roma Pablo tu', caw wal max xiwaj cham, yujtol comonc'al max yak' c'al-layok. 30 Axa yet junxa c'ual, max yochen cham coronel tu' max yabej tzet yuj xan max ak'lay queja Pablo tu' yuj eb israel. Yuj tu xan max yiel cham ch'en cadena ayoc yin. Lajwi tu', max yak'on cham wajbaj oc ba eb yajawil eb sacerdote, c'al masanil eb sat yajaw xol eb israel tu'. Max ilay eltek Pablo tu' yuj cham yul cuartel, axa yak'on cham bay eb tu'.
1 Axa yec' t'ananok Pablo tu' xol eb sat yajaw tu', max yalon bay eb axca ti': —Ex wet conob, watx'c'al yayji yikbomal in nabal satak Dios, xan c'am tzet chin na', masantac'al yet jun c'u ti', ẍi bay eb. 2 Max yalon cham sat sacerdote chi yik Ananías bay eb ayic' cawilal Pablo tu', tol chi mak'tok eb ti'. 3 Axa yalon Pablo bay Ananías axca ti': —A Dios ok ach mak'onok, yujtol cab sat ach. Chotan ach ay quin a beyc'ulnen axca yalon ley Moisés, palta ilab chin a chek mak'layok, man pax cayok tu' yalon ley tu', ẍi bay. 4 Axa yalon juntzan eb ayic' bay tu', axca ti': —¿Tom chach buchwaj wal yin cham sat sacerdote yayji yuj Dios? ẍi eb bay. 5 Axa yalon Pablo tu' axca ti': —Ex wet conob, man wojtakok tatol sat sacerdote cham ti'. A yul tx'an Un Tz'ibbilcanok chi yal axca ti': Manchak e yal yobal k'anej yin cham yajawil e conob, ẍi tx'an, ẍi Pablo. 6 Axa max yiloni, titol saduceo nan eb sat yajaw tu', axa nanxa eb xin, fariseo eb. Yuj tu xin, xan caw yip yalon bay eb axca ti': —Ex wet conob, ayin ti' fariseo in, fariseo c'apax in mam. Lanan in beyc'ulnelayi yujtol chi waoc yin in c'ul tol ok ictzoj aj eb camnak, ẍi bay eb. 7 A yet max yalon axca tu', axa teyelen aj ba eb yet fariseoal yetok eb saduceo tu'. Max pojchajtok eb, cab bulanxa max eloc eb. 8 Yujtol chi yal eb saduceo tu', tol man ok ictzoj aj eb camnak. Chi yalon c'apax eb tol c'am ángel, tamwal espíritu. Axa eb fariseo chi aloni, tol ay ton juntzan tu'. 9 Axa yaj bulnaj eb yel yaw masanil tu'. Ay juntzan eb meẍtol yin ley Moisés, yetbeyom ba yetok eb fariseo tu', max aj bulnaj eb yalon axca ti': —C'am jabok yobtakil chi el yunen Pablo ti'. Yamita xin ay junok espíritu ma junok ángel max k'anjab bay, ẍi eb. 10 Max lajwi tu', max texac'al caklen aj ba eb sic'libil. Caw wal max xiwaj cham coronel yuj eb. A naon cham tol lanan coc' tzilnelaytok Pablo tu' yuj eb. Yuj tu' xan max yawtejtek cham eb is soldado, yuj toj ilay el Pablo xol eb. Lajwi tu', max yiontok eb bay cuartel junelxa. 11 Axa yet ak'balil xin, max ul tx'oxon ec' ba Cham Jajawil bay Pablo tu', max yalon axca ti': Pablo, manchak ach oc il. Axca max ot alon el wabixal bay Jerusalén ti', caytu' ok ot alon el bay Roma, ẍi Cham bay. 12 Axa yet max k'inibi aj xin, ay jaywan eb israel max wajbaj oc ba. Max lajtinen el ba eb, tol chi mak' cam eb Pablo. Max yalon eb axca ti': —Masantac'al chi cam Pablo ti' juj, cax ok on lowok, c'al juq'uen a'. Ta c'am chi jak' yun tzet chi jal ti', caxc'al chi yatek Dios yailal jiban, ẍi eb. 13 Ec'ban 40 bisil eb max alon axca tu'. 14 Axa toj eb satak eb yajawil eb sacerdote tu' c'al eb ichamtak winak ay yopiso chekon eb israel, max yalon eb bay eb axca ti': —Max jak' co ti', tol man ok on lowok, masantac'al chi yal cam Pablo juj. Max co k'anontek yailal jiban bay Dios, ta c'am chi jak' yun tzet max jal tu'. 15 A tinani xin, che k'an ayex ti' yetok juntzanxa eb sat yajaw bay cham coronel, tol chi yitek cham jun Pablo tu' ayex yecal. Che yal bay cham, tol ayto wal tzet che yochej che yab bay Pablo tu'. Ayonxa, watx'xa pax jayji co makon bay chi ca jayoc tu', ẍi eb israel tu'. 16 Palta ay jun nak yune' yanab Pablo max aben k'umal tzet max lajtinej el eb. Yuj tu xin, max toj bay cuartel tu', max bet yalon yab Pablo. 17 Max yabc'al Pablo axca tu', cax max yawten jun cham capitán, axa yalon bay cham axca ti': —Itok jun nak ach'ej ti' bay cham coronel. Ay tzet chi yochej nak chi toj yal bay cham, ẍi bay. 18 Axa yiontok cham capitán tu' nak bay cham coronel tu'. Lajwic'al yapni oc eb, max yalon cham capitán bay cham axca ti': —A nak ayoc preso chi yik Pablo, max in awteni, cax max k'anon nak ayin, yuj wiontek jun nak ach'ej ti' ayach. Tolab ay tzet chi yochej nak chi yal ayach, ẍi cham capitán tu'. 19 Axa nic'lay nak yuj cham coronel tu', max jitzon el ba eb tx'oklil, max yalon bay nak. —¿Tzet chochej chal ayin? ẍi cham bay nak. 20 Max yalon nak axca ti': —Ay eb israel max lajtinej el ba. Tolab ok k'an eb ayach, cax chaontok Pablo satak eb sat yajaw yecal, cax ab ok tz'ak yalon eb ayach tol ayto wal tzet ok k'anlej el eb bay. 21 Palta man a cha abej. Yujtol ec'ban 40 bey eb ok c'ubaj el ba, cax ok mak'on cam eb yul be yala'. Tolab max yak' eb is ti', tol man ok low eb, masantac'al chi cam Pablo tu' yuj eb. Toltax max k'antek eb yailal yiban bay Dios, ta c'am chi yak' eb yun jun tzet max lajtinej eb yunen tu'. A tinani', watx'xa yayji eb. Lanan makon yab eb, ta chi toj Pablo tu' satak eb sat yajaw tu', ẍi nak ach'ej tu'. 22 Lajwi tu' max yalon cham bay nak axca ti': —C'am junok mac bay chalilok yuj max ul al jun ti' ayin, ẍi cham bay nak. Axa cheklay pax nak yuj cham tu'. 23 Lajwi tu xin, max yawtentek cham coronel tu' cawan capitán, max yalon cham bay eb axca ti': —Che chek watx'nej ba 200 eb comon soldado yetok 70 eb ok aj yiban chej, c'al 200 eb ok yi' is lanza, yujtol ok tok eb bay conob Cesarea yet a las nueve yet ak'balil. 24 Cax che yaon aj tz'um no chej bay ok aj Pablo, yujtol yowalil ok e yitok satak cham Félix, yujtol a yajaw yayji. Jelanc'al che yut e ba, ayta tzet ok on Pablo tu' yulak be, ẍi cham coronel tu' bay eb. 25 Max yatok cham jun carta bay Félix tu', max yal jun carta tu' axca ti': 26 Ayin Claudio Lisias in, chin tz'ibejtok jun carta ti' ayach mamin yajaw Félix. Ti chi watok cawil a c'ul. 27 Chi watok jun winak chi yik Pablo ayach. A eb israel max mitx'oni. Ijan wal max mak' cam eb, palta ayin max in colil nak yetok eb soldado, yujtol max wabej tol aj Roma nak. 28 Max wochej max wab tzet yuj xan max ak'lay queja nak yuj eb israel tu'. Yuj tu xin, max wak' tit nak satak eb sat yajawil eb. 29 Axa max wabeni, tolab yuj ley eb, xan chi yak' queja eb, palta man is mojok mak'lay camok, tamwal moj yoc preso. 30 Palta max wabej, tol ay eb israel max lajtinej el ba yin, tol ok mak' cam eb. Yuj tu' xan chi watok nak ayach. Max wal bay eb chi ak'on queja nak tu', tol chi je' toj eb ayach, cax chi toj yalon eb, tzet wal is nabal eb yin nak. Asan janic' ti' chi waltok ayach; xa jil co ba, ẍitok yul is carta tu'. 31 A eb soldado max iontok Pablo tu', ak'balil max yitok eb axca max yun yal-lay bay eb, max toj eb yetok bay conob Antípatris. 32 Axa yet junxa c'ual, max meltzoj eb comon soldado tu' bay is cuartel. A pax eb ayaj yiban chej xin, max tojcan eb yetok Pablo tu'. 33 Max apnic'al eb bay conob Cesarea tu', max yak'on eb tx'an carta ibil oc yuj eb tu' bay cham yajaw, max yak'on c'apax eb Pablo bay cham. 34 Lajwi yilon cham tx'an carta tu', max k'anlen el cham bay Pablo tu' tzet conobal bay cajan. Max yaben oc cham tol aj Cilicia. 35 Axa yalon cham bay tu' axca ti': —Jayokab eb chach ak'on queja tu' bel. Catatu bian, ok waben tzet ok ot alon a ba, ẍi cham bay. Lajwi tu', max yak'on cham taynelay bay is miman na cham rey Herodes.
1 Oyebxa c'ual yapni Pablo bay Cesarea, max apni c'apax oc cham Ananías, cham sat sacerdote. Ajun jaywan eb cham ichamtak winak ay yopiso yetok, yetok jun cham licenciado chi yik Tértulo. Max apni oc eb satak Félix tu', yuj bet yak'on queja eb Pablo. 2 A yet max jayoc Pablo tu', max c'oli yaon oc Tértulo tu' queja yiban. Max yalon bay cham Félix tu' axca ti': —Yuj wal dios ayach mamin yajaw. Oj xan c'amc'al owal co xol. Watx'c'al ak'on cuenta masanil tzet ayoc yalan ekbej, yujtol jelan ach. 3 ¡E…! yelxac'al watx' ach mamin Félix. A bay junjun lugar chi txecloj elok, tol watx'c'al tzet chi el a watx'neni. Yuj wal dios ayach. 4 Palta yet watx' man mimanok a tiempo chi jiec'ok, ¿c'am mi chi el yin a c'ul abenxac'al jay belan k'anej chi jochej chi jal ayach? 5 A nak Pablo ti', caw wal chon yetnej nak. Ijanxa c'am chi techaj nak juj. Pilan chi ec' nak uchoj aj owal xol eb jet israelal bay junjun lugar. Yajaw yayji nak yin jun q'uexan religión, a ton eb chi yaoc c'ul yin jun nak aj Nazaret. 6 Max yak'lej nak yion octok eb man israelok yul templo, yet watx' chi etax el templo tu' yul sat Dios. Yuj tu xin, max co mitx' nak. 8 Ach ti' chi je' a k'anlen ab bay Pablo ti'. Catatu bian, cax ok ojtaknen elok, tol yel, cax man toc'alok chi jalaj yiban, ẍi Tértulo tu'. 9 —Caw wal yel chi yal Tértulo ti', ẍi eb israel ajun yetok tu'. 10 Lajwi tu xin, axa cham yajaw tu' max yak'biltok is k'ab bay Pablo tu' yet chi yalon yet. Axa yalon axca ti': —Ach ti', mamin yajaw, wojtak tol tx'ialxa yabilal juez ach bay jun nación ti'. Yuj tu' caw wal chin tzaloji, chi walon in ba ayach. 11 Chi je' ojtaknencan el juntzan tzet ok wal ayach ti', tol yel. Lajcawebixto ch'an c'u wapni bay Jerusalén, yuj bet wion ay in ba bay Dios. 12 C'am junok anima chin teyelej in ba yetok. C'am c'apax junok lugar bay max ec' wuchaj somnaj anima. Tamwal yul templo Dios, tamwal yul nail culto eb wet israelal, tamwal bay junok lugar bay Jerusalén tu'. C'am wal jabok in mul max ilchaj yuj eb. 13 A eb nak chin ak'on queja ti', c'am jabok tzet chi tx'ox oc eb nak, ta yel juntzan chi yalaj eb nak win ti'. 14 Yel toni, a Dios bay yalnak ba eb wichmam, a' chi wak' serbil, atac'ala' jun cuybanilej, a ton jun tu' chi yal eb nak ti' q'uexan religional. Palta ayin ti', chi waoc in c'ul yin masanil tzet tz'ibbilcan yul ley Moisés, c'al jantak tzet tz'ibbilcan yuj eb chekbej Dios. 15 Caw wal chi waoc Dios yipok in c'ul, tol ok ictzonelay aj eb camnak masanil, eb watx' is nabal c'al eb yob is nabal. Cay c'apax tu' naon eb nak ti'. 16 Yuj tu xan caw wal chin beyc'ulnej tzet chi yal yikbomal in nabal, yet watx' manchak oc in yobtakil yul sat Dios, c'al bay eb wet animail. 17 Ay xam jayebok abil c'am inxa ec' bay Jerusalén. Yuj tu' xan max in apni pax oc junelxa, yuj in colwaj bay eb meba', c'al wak'on jabok in sabal bay Dios. 18 Yul templo Dios ayin octok yuj wak'on in sabal tu'. Toxa mayal in watx'nej in ba tu', axca yalon co ley. Jaywannej anima ayoctok wetok, cax c'am mactxel bulan ec'ok, c'amc'al owal chi el wuneni. Palta a ton yet tu' max in mitx'lay yuj juntzan eb israel aj Asia. 19 Ta ay wal in mul max yil eb, titokab eb a satak ti', ulokab yal eb tzet in mul tu'. Moj wal tol a eb max jayi. 20 A tinani xin, yalokab eb chin ak'on queja ti', ta ay in mul max ilchaj el yuj eb sat yajaw eb wet israelal, yet max quin is beyc'ulnen eb. 21 Asan ta yujtol a yet ayin ec' satak eb yajaw tu xin, cax max walon yin ipejal bay eb axca ti': Lanan in beyc'ulnelayi, yujtol chi waoc yin in c'ul, tol ok ictzonelay aj eb camnak, quin chi bay eb, talaj yuj jab tu', ẍi Pablo bay Félix tu'. 22 A Félix tu', yojtak wal is cuybanil eb creyente sic'libil. Yuj tu' xan a yet max yaben cham juntzan axca tu', max yalon axca ti': —Jayokab cham coronel Lisias, cax ok yalon cham ayin, tzet yayji oc jun e yowal ti'. Canokab axca tu' bel, ẍi bay. 23 Lajwi tu', max yalon cham bay cham capitán, tol ac'ala'okab taynelay Pablo tu'. Palta bekanokab yayji jabok, cax chi je k'anjab yetok eb yamigo, c'al yak'laycan serbil jabok yuj eb. 24 Cab oxebxa semana tu xin, max jayoc cham Félix bay Cesarea tu' junelxa. Ajun yistzil cham yetok, Drusila bi xal, israel xal. Axa yawten cham Pablo tu', yuj yaben bay tzet chi jut jaon oc co c'ul yin Jesucristo. 25 Max yalon Pablo tu' bay cham, tol yowalil watx' chi jut co beybal, cax chi co mitx'on oc wanaj co ba yin yobtakil. Max yalon c'apaxok, tol ok beyc'ulnelay masanil anima. A yet max yaben cham axca tu', max xiwaj cham, max yalon cham bay Pablo tu' axca ti': —A tinani xin, k'okbilxa, paxan bela. Ta ay bay colan in, ok ach wawten junelxa, ẍi bay. 26 A cham Félix tu', yochej cham tol chi yak' Pablo jabok tumin bay yin ewantakil, cax chi bekon elok. Yuj tu' xan tx'ial elc'al max yawtej k'anjab yetok. 27 Yin cab abil cac'al tu' chi yut ba yetok Pablo tu'. Lajwi tu xin, max el cham yin yopiso. Axa cham Porcio Festo max occan q'uexelok. A yet max el Félix tu' yin yopiso, toc'al max cancan Pablo yul preso yuj, yet watx' chi ochelay Félix tu' yuj eb aj israel.
1 Axa yapni oc cham Festo tu' bay conob Cesarea tu' yuj chaon yopiso yin yoccan yin yajawil. Cabjiixto chaon cham yopiso tu', max toj cham bay Jerusalén. 2 Axa jayoc eb yajawil eb sacerdote bay cham tu' yetok juntzanxa eb ay yopiso, yuj ul yak'lay queja Pablo yuj eb. 3 Max k'an eb bay Festo tu', tol chi ilaytek Pablo bay Jerusalén tu'. Max yal eb axca tu', yujtol yochwan eb tol a yul be chi mak' cam eb. 4 Palta max yal cham bay eb axca ti': —Preso yayji Pablo bay Cesarea tinani'. Ato yet jayeb c'u chin apni bay tu'. 5 Ato yet tu' chi je' toj eb e yajawil bay Cesarea tu' wetok. Tatol ay mul Pablo tu', chi je' toj yalon eb bay tu', ẍi bay eb. 6 Ay mi waxakebok c'u ma lajonebok c'u ayic' Festo tu' bay Jerusalén. Lajwi tu', axa paxay bay Cesarea. Axa yet junxa c'ual, max oc bay is despacho bay chi watx'nej ay owal. Max bet yak'on awtelay Pablo. 7 A yet max octok Pablo tu' satak, max oc oyan eb israel max tit bay Jerusalén tu' yin. Xiwil tzet yetal mimek yelapnok max tz'ak naaj eb yin, palta c'am wal jabok tzet chi tx'oxoc eb tatol yel chi yal eb. 8 Maxto lajwi yalon eb yet xin, cax max yalon ba Pablo axca ti': —C'am in mul chi oc in tenon tzet chi yal tx'an ley eb wet israelal. C'am in mul chi oc yin templo Dios. Tamwal c'apax bay cham yajaw bay Roma, c'am in mul chi oc bay cham, ẍi. 9 Palta tutun chi yochej Festo watx' chi can yul sat eb israel, yuj tu' xan max k'anlej bay Pablo axca ti': —¿Chi mi yochej a c'ul chach toj bay Jerusalén, yet watx' a ta tu' chach in beyc'ulnej? ẍi cham bay. 10 Axa tak'wi Pablo tu' bay axca ti': —Satak despacho cham yajaw aj Roma moj chin apni. Asan bay tu' chi je' in beyc'ulnelayi. Ojtak wali tol caw wal c'am in mul chi oc bay eb israel ti'. 11 Tatol ay junok in mul tol moj chin cam yuj, camok inabi. Palta ta c'am pax in mul chi txecloj el yuj eb israel ti', c'am junok mac chi je' quin yaon oc yul k'ab eb. Chin k'antok in ba bay cham yajaw bay Roma. A cham ok naon tzet ok wunej, ẍi Pablo tu' bay. 12 Axa k'anjab Festo tu' yetok juntzan eb yet yajawil chi ak'onc'al is nabal. Lajwi tu', max yalon bay Pablo tu' axca ti': —Ti wal ach cha k'antok a ba satak cham yajaw bay Roma. Yuj tu xin, ok ach watok, ẍi bay. 13 Ay xam jayebok c'u tu', catatu' max apni oc cham rey Agripa yetok xal Berenice bay Cesarea tu', yuj ul eb k'anjab yetok Festo, yujtol max cha' yopiso. 14 Tx'ialc'al c'ual max ayji ec' eb. Ay jun c'ual max yaltek Festo tu' bay cham rey tu' tzet yayji oc Pablo. Axa yalontek axca ti': —A yet max el Félix yin yopiso, ay jun winak chi yik Pablo aycan oc preso yuj. 15 A yet max in betic' Jerusalén, max jayoc eb yajawil eb sacerdote ayin, yetok eb ichamtak winak ay yopiso, max c'oli yak'on queja eb Pablo tu' ayin. Yochej eb tol max wak' orden yet chi cami. 16 Axa walon bay eb axca ti': Palta a yalon co ley ayon aj Roma on ti', c'am chi je' tol comonc'al chi ak'lay cam junok mactxel. Yowalil chi yil-lej oc eb sat yetok eb chi ak'on queja eb tu' satak juez, cax chi colon ba eb, quin chi bay eb aj Jerusalén tu'. 17 Yuj tu xin, a yet max jayoc eb cayti', maj in cha' mayjok tiempo. Yewial tu', max in octok chotan yul in despacho bay chin watx'nej el owal. Axa wak'on bet tit Pablo tu'. 18 A in naoni, tol miman mi is mul. Palta axa eb chi ak'on queja tu', c'am tzet max yaoc eb yiban axca max wut in naon tu'. 19 Asan janic' max yal eb, tol ay tzet yob chi yal yin is religión eb. Max yalontek eb yuj jun nak chi yik Jesús tol camnakxa. Palta axa ab Pablo tu' chi aloni tol iquis paxok. Asan yuj juntzan tu' xan chi yak' queja eb. 20 Ayin ti', maj nachaj wuj tzet chi wut in watx'nen ay eb. Yuj tu' xan max in k'anlej el bay Pablo tu' axca ti': ¿Chi mi yochej a c'ul chach toj bay Jerusalén, yet watx' a ta tu' chach in beyc'ulnej? quin chi bay. 21 Axa yalon ayin axca ti': Chin k'antok in ba satak cham yajaw bay Roma. A cham ok naonok tzet ok wunej, ẍi Pablo tu' ayin. Yuj tu xin, ayinxa max wala' tol chi can preso jabokxa tiempoal, masantac'al chi watok bay cham yajaw tu', ẍi Festo tu'. 22 Lajwi yaben cham rey Agripa juntzan tu xin, axa yalon cham bay Festo tu' axca ti': —Chi wochej chi wab c'apax tzet ẍi Pablo tu' ayin ti', ẍi bay. —Ta axca tu', yecalto ok ab tzet ẍi, ẍi Festo tu' bay. 23 Axa yet junxa c'ual max jayoc cham rey Agripa tu' yetok xal Berenice. Ayxa may yili eb yetok is pichil, max ocapnok eb yul bay chi watx'ji yayji owal tu' yetok eb yajawil eb soldado, c'al juntzan eb mimek winak mimanbil yuj conob. Axa chekon Festo toj tit Pablo tu'. 24 Lajwi tu' max yalon axca ti': —Mamin rey Agripa, c'al jantak ex max e wajbaj e ba jetok ti', tix Pablo ti'. Xiwil eb israel max alon yuj, tolab ay is mul. Max yal eb ayin bay Jerusalén, cax chi yalon c'apax eb ayin bay Cesarea ti'. Caw wal chi aj yaw eb k'anonc'al camich yiban. 25 Palta chin na' ayin ti', c'am junok is mul moj cam yuj. Mayal k'antok ba nak satak cham Augusto, yajaw bay Roma, yet watx' chi na' cham tzet chi yunej. Yuj tu xin, chin na' tol ok watok. 26 Palta c'am tzet watx' in tz'ibentok yin bay cham yajaw tu'. Yuj tu xin, xan chi witek a satak ti', mamin rey Agripa, c'al e satak e masanil. A tinani', k'anlejek e yab bay, ta c'uxan ay junok is mul chi ilchaj el e yuj, cax chin tz'ibentok bay cham yajaw tu'. 27 Yujtol man yetc'ulalok chi wabej, ta ay junok mac chi watok preso, palta c'am chin tz'ibej paxtok is mul, ẍi Festo tu'.
1 Axa yalon Agripa bay Pablo tu' axca ti': —Chi je' chal a ba tinani xin, ẍi bay. Axa yion aj Pablo tu' k'ab, max chaon el yich yalon axca ti': 2 Ach mamin rey Agripa, xiwil chin tzaloji, yujtol cha cha' walon in ba ayach. Chi wochej chi wiel masanil tzet max yaoc eb wet israelal ti' wiban. 3 Yel toni watx' chi wal ayach, yujtol ojtakxa co ley ayon israel on ti'. Ojtakxa tzet bay chi co teyelej co ba. Yuj tu xin, chin k'an ayach tol miman wal chot a c'ul win, cax chaben tzet ok wala'. 4 Yojtak masanil eb wet israelal tzetbil yili in beybal yet max in titc'al oc yaliẍal bay in conob, c'al bay Jerusalén. 5 Ta chi yochej eb chi yala', chi je' yalon eb tol fariseo in yintax wach'ejal. A eb fariseo tu', caw wal yikem eb yin beybalnen juntzan tzet chi cheklay co beybalnej yuj co religión. 6 Axa pax tinani', chi c'oli quin yak'on queja eb, yujc'al tol chi waoc yipok in c'ul, tol ok yak' ictzoj aj Dios eb camnak, axca wal max yut yak'oncan is ti' bay eb jichmam. 7 A lajcaweb bulan eb jet israelal, echbanebil yunen el tzet yalnakcan Dios yuj eb masanil. Yuj tu xin, chi yiajtek eb c'ulok yak'on serbil Dios c'ualil c'al ak'balil. Mamin rey Agripa, yujc'al wal tol ayin oc wechbanen yunen el jun tu', xan chin yak' queja eb israel ti' tinani'. 8 ¿Tzet xan c'am che yaoc yin e c'ul tol chi ictzonelay aj eb camnak yuj Dios? 9 A in naon yet yalantok, tol xiwil tzet t'inan wunen yuj wajc'ulal yin eb yet-xa Jesús aj Nazaret. A in naoni, tol watx' chi wut in ba. 10 Cay tu' wutnak in ba bay Jerusalén. Ocnak wopiso yuj eb yajawil eb sacerdote, yuj tu' xiwil eb creyente wanak oc preso. Ayin jun chi wal wet yet chi mak'lay cam eb. 11 Tx'ial elc'al etnebil eb wuj, yet watx' c'amxa chi yaoc eb c'ul yin Jesús. Cac'al tu' ec' utbil eb wuj bay junjun nail culto eb wet israelal. Caw wal chi chichon in c'ul yin eb. Toltax betnak in ec' bay juntzanxa tx'ok conobal najat, yujc'al bet wetnen eb. 12 Yuj in chichonc'ulal tu', xan max in toj bay conob Damasco yet junel. Max ak'lay wikbej yuj eb yajawil eb sacerdote, cax max in cheklaytok yuj eb. 13 Palta mamin rey, ok waltek ayach tzet onnak in. Lanan in bey yet chuman wal c'u, max wilon jun sakk'inal max tit jopnaj satcan. Ec'ban sakk'inalil yintak sakk'inalil c'u, max low jopnaj win, c'al yin eb ajun wetok. 14 Max on telc'oj co masanil yuj jun sakk'inal tu'. Axa waben yoc jay belan k'anej yin hebreo axca ti': Saulo, Saulo, ¿tzet yuj xan chin oktek ec'ok? Munilc'al chetnej a ba a tx'oklil, axca junok no wacax chi teklay oc te' ay is txam yin, cax chi tec'waj no' yin txam te te' tu', ẍi ayin. 15 ¿Mac ach txel, Mamin? quin chi bay. Axa yalon Cham Jajawil tu' ayin axca ti': Ayin ton Jesús in, lanan quin okten ec'ok. 16 Palta ajan wan. Chi ul in tx'ox in ba ayach, yet watx' ok in ak' serbil, cax ok alon el yabixal tzet max el ti', c'al jantak tzet tolto ok in tx'ox ayach. 17 A tinani', ti chach in chektok bay eb man israelok. Ok ach in colil yul k'ab eb, c'al yul k'ab eb et israelal. 18 Chach in chektok bay eb, yuj toj a jakoncan nabal eb, yet watx' chi bekcan eb beybal k'ekk'inal, cax chi oc eb yin sakk'inalil Dios. C'al yuj yelcan eb yul k'ab nak Satanás cax chi occan eb yul k'ab Dios. Yuj c'apax quin yaon oc eb yin c'ul, yet watx' chi ak'laycan lajwok yobtakil eb yiban. Axca tu' bian, axa yoccan eb tz'akilok eb ocnakxa yetok Dios tu', ẍi Jesús ayin. 19 Yuj tu xin, mamin rey Agripa, max wikej tzet ul yalnak Cham Jesús ayin, petoj satcan cax ul tx'oxon ec' ba ayin. 20 Yuj tu' xan a bay Damasco tu' max in babji walon el k'anej Dios. Lajwi tu' max ec' walon el bay Jerusalén, c'al bay junjun conob yul yet Judea, c'al bay eb man israelok. Max walon yab eb tol chi na ba eb, cax chi yaon oc eb nabal yin Dios. Max walon c'apax bay eb, tol yowalil watx' chi yut eb is beybal, yet watx' miman txequel tol chi na ba c'ul eb. 21 Yujc'al wal k'anjabnak in el tu xin, xan max quin is mitx' eb wet israelal bay yul templo Dios, cax max yochej eb max quin yak' camok. 22 Palta yuj wal colwal Dios wetok, yuj tu' xan tec'anc'al chi wut in ba. Ac'ala' in pax tinani', tec'anc'al chi wut in ba walon el k'anej Dios bay masanil anima. Chic'al wal bay eb mimek winak, c'al bay eb yaynakil. Asan yabixal tzet t'inan jayi, tol yin ayokto max tz'ibencan eb chekbej Dios payxa yetok Moisés, asan chi walilok. 23 Tol a Cristo yowalil max yab yail cax max cami. Max lajwi cami, cax a' max oc aj babelal yictzonelay aj xol eb camnak. Catatu bian, max yalon el yabixal colbanilej bay eb jet conob, c'al bay masanil anima, ẍi Pablo. 24 Lanan wal yalon ba Pablo tu', cax max aj jucnaj Festo yalon bay axca ti': —Caw wal loco ach Pablo. Xiwil tzet chi ak'i a cuyu', yuj tu' xan chach oc locoal yuj, ẍi bay. 25 Axa tak'wi Pablo tu' bay axca ti': —Mamin yajaw Festo, mayin locook. A juntzan k'anej chi wal ayex ti', caw yel, bayc'al ijan yayji ocok. 26 A cham rey Agripa ti', yojtak cham juntzan ti' sic'libil. Yuj tu xan tec'an chi wut in ba cax chi walon juntzan ti' e satak. A juntzan tzet chi wal ti', man ewantakok yayji, yojtak eb anima masanil. Yuj tu' wojtak, yojtak c'apax cham rey ti'. 27 Axa ach mamin rey Agripa, ¿chi mi aoc yin a c'ul tzet albilcan yuj eb chekbej Dios payxa? Wojtak tol chaoc yin a c'ul, ẍi Pablo tu'. 28 Axa tak'wi cham rey tu' bay axca ti': —A na' talaji tol yuj jab chal ti', cax chin occan creyenteal etok, ẍi cham. 29 Max yalon Pablo tu' bay axca ti': —Matawal axca max yun woc creyenteal ayin ti' matawal chi el yin c'ul Dios tol cay tu' chi yun oc c'apaxok. Matawal chi oc c'apax eb lanan yabxalwi ti' masanil. Caxc'al ta asan yuj janic' ti' chex oqui, ma a toc'al yet mimantakto tzet ok al-lay ayex xin. Matawal lajan che yuncan axca in ti', palta c'am chex pixay yetok cadena axca wayji ti', ẍi Pablo bay eb. 30 Lajwi yalon Pablo juntzan ti', axa yaj wan cham rey tu' yetok xal Berenice. Max aj c'apax wan cham Festo yetok masanil eb wajan ec' yetok eb. 31 Max jitzon el ba eb tx'oklil yuj lajtinen el eb, tzet watx' chi yun jun tu'. Max yalon eb axca ti': —C'am junok is mul jun winak ti' moj cam yuj, toltax man mojok nak yoc preso, ẍi eb. 32 Axa Agripa max alon bay Festo axca ti': —Matawal maj k'antok ba nak satak cham yajaw bay Roma, chi mi je' co bekon el tinani', ẍi bay.
1 Max wajan alnej eb yajaw tol chi alaytok Pablo bay Italia, bay conob Roma, xan max alay oc Pablo tu' yetok jaywanxa yet aj presoal yul k'ab jun cham capitán chi yik Julio. A cham Julio tu', yetbeyom ba yetok jun bulan eb soldado chi yik yet Augusto. 2 Max in toj yetok Pablo tu' yet max toj tu'. Max on oc yul jun barco aj conob Adramitio. A te barco tu', t'inan yec' te' bay juntzan lugar bay is tilak yet Asia. Ajun Aristarco max toj jetok, nak aj conob Tesalónica yul yet Macedonia. 3 Axa yet junxa c'ual max on apni bay conob Sidón. A cham Julio tu', caw wal watx' max yut cham c'ul yin Pablo bay tu', yujtol max yak' cham is permiso bet k'anjab yetok eb yamigo, cax chi ak'lay serbil jabok yuj eb. 4 Lajwi tu', max on el bay Sidón tu', max on ec' cawilal Chipre, chi jilcan ec'tok bay co q'uexan k'ab, yujtol man jichanok on yion bey cak'ek'. 5 Max on ec' yiban a' mar bay is ti oc jun lugar chi yik Cilicia yetok Panfilia. Max on apni bay conob chi yik Mira, yul yet Licia. 6 A bay tu' max sayic' cham capitán tu' junokxa barco. Ay jun barco aj Alejandría toxa chi toj bay Italia max ilchaj oc yuj cham, xan a yul max on oc yuj, cax max on toji. 7 Tx'ial c'ual max on beyi, yujtol c'ojanc'ulalc'al yak'on te barco tu'. Pural max on apni satak eltok conob Gnido. Lajwi tu', max on ec' cawilal conob Salmón, c'al cawilal Creta, yujtol ac'ala' man tojolok bey jun cak'ek' tu'. 8 Toc'al chi co ya puralnejtok co ba tilak Creta tu', masantac'al max yal japni bay jun lugar chi yik Watx' Yocbal Waan Barco, bay cawilal conob Lasea. 9 Caw ayxa is may yec' barco yiban a' yet tu', yujtol caw wal max ec' tiempo, cax lananxa yoc nabil k'inal. Axa yak'len Pablo yalon bay eb tu'. 10 Max yalon axca ti': —Ex wet animail, caw wal ay is may co bey yiban a' tinani' chi wila'. Ok lajwok el te barco yetok yikatz masanil. Toltax ay is may chon cami, ẍi bay eb. 11 Palta maj cha yab cham capitán tu' tzet max yal Pablo tu'. Asan tzet max yal cham tx'umom barco yetok tzet max yal cham aj barco, asan max cha yabej. 12 A bay jun lugar tu', c'am bay watx' chi can laan barco yiban a' yet nabil k'inal. Yuj tu' xan txenxa man masanilok eb max naoni tol watx' chi tojc'al eb, talaj watx'to pax chi yun japni bay conob Fenice bay yul yet Creta. A Fenice tu' a ton bay chi oc waan barco tol acantok bay tz'eyil-lak bay chi toj c'u. A tu' yochej eb max yechbanej yec' nabilk'inal. 13 Yin c'ojanc'ulal max yun tit jun cak'ek' bay sur. Max naon eb tol watx' chon toji, axa co toj tu bian. Max on ec' cawilal is tilak Creta tu'. 14 Palta junixto wal bek tu', cax max tit jun miman cak'ek' chi ec' bay jun tx'otx' tu'. 15 Max mak'lay ec' tz'eynaj te barco tu' yuj jun miman cak'ek' tu'. Manxa jichanok bey te' yuj. Yuj tu' max bek eb tx'umoni, munilxac'al chon yitok te' tx'oklil. 16 Max on ec' yintak jun yaliẍ oyan tx'otx' chi yik Cauda ayay nan a' mar. Manxa wal owok yec' cak'ek' bay tu' axca max yun yet babelal. Aynaj jun co yaliẍ barco tok'bil oc yuj te' miman tu'. Puralxac'al max elcan juj yiban a'. 17 Lajwi co tok'on ajtek te' xin, axa c'aloncan cawxok eb mulnajwom yin barco te' miman tu' yetok mimek lasu. Tutun chi xiw eb talaj c'uxan chi mak'ay ba te barco tu' yiban jun makan arena chi yik Sirte bay melemal a' tu'. Yuj tu' xan max xuyaytek eb an k'ap bay chi low cak'ek'. Lajwi tu' max on canc'al axca tu'. Munilxac'al max ilaytok te' jalan yuj cak'ek'. 18 Ac'ala' yet junxa c'ual, owtoc'al yak'on jun cak'ek' tu', xan max chail eb yich k'okon aytok yikatz te' yul a'. 19 Cabjitax tu xin, toltax juntzan mitx'k'abil te barco tu', pilan max co k'okaytok yul a'. 20 Tx'ial c'ual maj jil yin sat c'u yetok waycan. Tutun caw wal ow low jun cak'ek' tu' jin xin, c'amxa chi co na' tatol ok onto colchajcan elok. 21 Tx'ial c'ual c'amxa loj chi junej. Axa yaj wan Pablo co nan co xol tu', max yalon axca ti': —Ex wet animail, matawal tol max e cha' e yab tzet max wala'. Matawal maj on el bay Creta tu'. Man mi axcaok tu' chi junej, c'am c'apax mi jabok tzet chi lajwi elok. 22 Palta chi wal ayex, tec'bajek e ba yujtol c'am junok on ok on camok. Asan te barco ti xin, ok lajwok el te'. 23 A ma'i ak'balil ti', max ul tx'oxic' ba jun yángel Dios ayin, Cham Dios chi wak' serbil yujtol yet inxa. 24 Max yal jun ángel tu' ayin axca ti': Manchak ach xiw Pablo, yowalil ok ach apnok satak cham yajaw bay Roma. Ojc'al xan ok colil Dios eb ayoc yul barco ti' masanil, ẍi jun ángel tu' ayin. 25 Yuj tu xin, ex wet animail, tec'bajek e ba. Chi waoc Dios yipok in c'ul tol yowalil ok yun tzet max ul yalil jun ángel tu' ayin. 26 Palta yowalil ok on k'oklaycan el bay jun oyan tx'otx' nan a', ẍi Pablo tu' bay eb. 27 Yinxa canlajonejial, lanan co k'axpoj ec' yuj cak'ek' yiban a' mar yet Adria. Axa yet chuman ak'bal, a naon eb nak chi mulnaj yul te barco tu', tol lananxa japni yetok te' bay junok tx'otx'. 28 Max yechen eb nak jantak jun yich a'. Ay mi junok 40 vara yich a'. Max beytok te' janic'xa satak, max yechen eb nak junelxa. 30 varaxanej mi yich a' yet tu'. 29 Chi xiw eb talaj c'uxan chi mak'ay ba te' yibanlak ch'en ch'en yul a'. Yuj tu' xan max bekaytok t'ununok eb caneb mitx'banil oc wanaj te barco tu' chopiltok te'. Lajwi tu' max yechbanen eb sakbi. Yochejxac'al eb tol ayman max sakbi elok. 30 Yochej eb chi mulnaj yin te barco tu' yet chi eltek eb yin ayman. Yuj tu' xan max bekaytok t'ununok eb te yaliẍ barco yul a'. Axa max yut yalon eb, tol a ch'en mitx'omal waay te barco tu' satak, a ch'en chi yaytok eb yaloni, yet watx' c'am mac chi ojtaknen el tzet chi yun eb. 31 Palta a Pablo max alon aj bay cham capitán yetok bay eb soldado tzet lanan yunen eb tu'. Ta chi el eb nak ti' yul barco ti', maj ex colchaj el ayex ti', ẍi bay eb. 32 Ayman max c'up eb soldado tu' tx'anil jun yaliẍ barco tu', cax max toj te' yul a'. 33 Axa yet lananxa sakbi, max yalon Pablo bay eb masanil, tol yowalil chi low eb jabok. Max yal axca ti': —Cabxa semana c'amxa chex wayi, cax c'amxa chex lowi. 34 Yuj tu' xan a tinani', chin oc tean e yin, lowanek jabok, yet watx' ok oc e yip. C'am junok mac ok cam co xol ti'. Toltax c'am junok xil co jolom ok elcanok, ẍi Pablo tu' bay eb. 35 Max yalon yuj diosalil bay Dios satak eb masanil, axa bijon ay nan ixim pan, cax c'oli lowi. 36 Catatu bian, max yion yip c'ul eb masanil, axa low c'apax eb tu'. 37 276 co bisil ayon oc yul te barco tu'. 38 Lajwi co lowi yalc'al jantak max yochej co c'ul, cax max k'okoncan aytok eb nanxa ixim trigo yul a', yet watx' chi sebbican aj te barco tu'. 39 Axa yet max sakbi xin, max yilontok eb chi mulnaj yul te barco tu' yin tx'otx', palta man yojtakok eb tzet lugaril bay ay jun tx'otx' tx'otx' tu'. Max yiltok eb jun k'ab a' mar chi eli, arenalakxac'al tilak, xan max na eb yak'len yiontok te barco tu' bay tu', talaj c'uxan chi je' yapni oc te'. 40 Cax max c'upon tukchaj eb tx'anil ch'en mitx'omal oc waan te barco tu', cax max can ch'en yul a'. Axa xuyon el eb tx'anil tx'umbanil te ayaytok yul a' yet watx' chi je' tx'umon bey eb te' junelxa. Max yaon aj eb k'apil te' bay chi low cak'ek' yet watx' chi bey te'. Axa toj te' bay is tilak el a' bay ay arena tu'. 41 Palta max mak'ay ba te' yiban yarenail yich a'. Max tojcan tx'apan txam te' yul tx'otx'. C'amxa chi bil te' jabok. Axa pax chop te' xin, max mak'lay bulchaj yuj yipal a'. 42 Max yochen eb soldado mak'on cam eb preso ayoc yul te' tu', yet watx' c'am junok eb chi mak'il ba yiban a', cax chi elajok. 43 Palta max yochej cham capitán max colcan el Pablo. Yuj tu xan maj cha' cham mak'lay cam eb preso tu'. Max yalon cham tol a eb chi je' mak'on a', a eb chi mak'il ba babelal, cax chi ec'apnok eb ti' tx'otx'. 44 Axa eb c'am chi je' mak'on a' xin, ay eb max ec'tok yiban chem te'. Ay eb max ec'tok yiban teal te barco tu'. Axca tu' max jutic'tok co ba, xan max on colchajcan el co masanil, axa jec'apnok ti tx'otx' tu'.
1 Axa yet maxax on colchaj el xin, max jabeni tol Malta bi jun lugar nan a' tu'. 2 Caw wal watx' max yut eb aj lugar bay tu' c'ul jin. Max yaoc eb jun miman k'ak', max con yawten eb k'aẍnok, yujtol caw wal sic, cax lanan yay pax nab. 3 Axa bet wajontek Pablo cabxa co c'ax tu'. Lanan wal yaontok te' yiban k'ak', max eltek jun no labaj xol te' yuj k'ak' tu'. Max chilay k'ab yuj no', cax yoccan t'unan no' yin. 4 Yujtol max yil eb aj lugar bay tu' tol max occan t'unan no' yin is k'ab tu', xan max yal eb axca ti': A jun winak ti', tekan tol mak'om cam anima. Caxc'al max je' yuj colchaj el yiban a', palta yowalil ok jayc'alta' oc yiban yuj is mul tu', cax ok camok, ẍi eb. 5 Palta a Pablo tu', toc'al max tzic is k'ab, axa yayc'ay jolnaj no' xol k'ak' tu' yuj. C'am jabok tzet max utlay yuj no'. 6 Makbilxac'al yuj eb masanil malaj k'ab Pablo tu'. Max na' eb tol ok camxac'al yet jun bek tu'. C'uc'al max yechbanej eb, c'amc'al pax jabok tzet chi oni. Yuj tu xin, max q'uex eb is nabal, max yalon eb axca ti': —A jun winak ti', tekan tol dios, ẍi eb yuj. 7 A cawilal bay ayon ec' tu', a tu' ay is tx'otx' cham yajaw bay Malta tu'. Publio bi cham. Max on cha apnok cham bay yatut. Caw wal watx' max yut cham c'ul jin. Oxeb c'u max on ec' yetok cham bay yatut tu'. 8 A mam cham Publio tu', caw wal ya'ay. Caw wal tol chi cam yuj k'ak', c'al chic' c'ulej. Axa yoctok Pablo bay is cuarto bay telan aj tu', max txajli yuj, max yaon c'apax oc is k'ab yiban, axa jaycan c'ul cham yuj tu'. 9 Lajwi jaycan c'ul cham xin, cax max jayoc masanil eb ya'ay aj lugar tu' bay Pablo. Pilanc'al max watx'jican eb yuj. 10 Xiwil camc'ulal eb aj lugar bay tu' jin. Axa yet max jay tiempoal co toj yul junxa barco xin, maxc'al yak' eb co tzetak yetal chi oc yopiso juj yulak be. 11 Oxeb xajaw max on ec' bay jun lugar Malta tu'. Ay jun Alejandríail barco max yechbanej yec' nabil k'inal ayic' bay tu'. Ayoc yechel cab dios satak jun barco tu', jun is diosal eb chi yik Cástor, yetok jun chi yik Pólux. A yul jun barco tu' max on oqui, max on toji, 12 Max on apni bay conob Siracusa. Oxeb c'u max on ec' bay tu'. 13 Lajwi tu', max on toj junelxa, ac'al tilak tx'otx' max on toji, masantac'al max con apni bay conob Regio. Axa yet junxa c'ual, max tit jun cak'ek' bay sur. Yuj tu' xan max on toji. Axa yet yewial tu' max on apni bay conob Puteoli. 14 Ay jaywan eb creyente max jil yin bay tu'. Max yochej eb max on ayji ec' yetok. Yuj tu' xan ukeb c'u max on ayji ec' yetok eb. Lajwi tu', max on toj bay conob Roma yetok jakan. 15 A yet max yaben eb creyente aj Roma tu' tol lanan japni, max on ul chaon eb yul be. Ay eb max on ul chaon bay is txonbal eb aj Apio, ay eb xin, bay aldea chi yik Oxeb Posada max on ul chalay yuj eb. A yet max yilontok Pablo tol lanan jul chalay yuj eb, max yalon yuj diosalil bay Dios. Caw wal max yi' yip c'ul. 16 Axa yet max on apni bay Roma xin, maj cancan Pablo preso yetok juntzanxa eb aj preso. Palta max cancan bay junok na, toc'al max taynelay yuj junok soldado. 17 Cabjial japni bay tu', max yawten Pablo eb miman txequel yayji xol eb yet israelal aj Roma tu'. A yet max jayoc eb bay, max yalon bay eb axca ti': —Ex wet conob, caw wal c'am jabok in mul bay eb jet israelal. C'am beybal eb jichmam aycan yul co k'ab chi wetnejtok, palta max quin mitx'lay bay Jerusalén yuj eb jet conob, cax max in yaon oc eb yul k'ab eb aj Roma. 18 Max k'anlej yab eb aj Roma tu' ayin tzet in mul, palta max yil eb tol c'am jabok in mul tol moj in cam yuj, xan max yochej eb max quin is bekilok. 19 Palta axa eb jet israelal tu', maj yal c'ul eb. Yuj tu' xan max in k'antek in ba satak cham yajaw bay Roma ti'; a cham ok naon tzet ok wunej. Ayin ti', c'am jabok tzet ok in k'an yiban eb jet conob tu'. 20 Yujc'al ton jun k'anej ti xin, xan chex wawtej oc wajanok, yujtol chi wochej chi wiloc e yin, cax chin k'anjab e yetok. Ay jun Cham echbanebil jay juj ayon israel on ti'. Yujc'al wal tol chi waoc in nabal yin Cham tu', xan ayoc ch'en cadena ti' win, ẍi Pablo tu' bay eb. 21 Axa yalon eb tu' bay axca ti': —Ayon ti' c'am carta chi jay yul co k'ab yuj eb aj Judea tu' yet chi yalontek eb tzetbil ayji ocok. C'am c'apax junok eb jet aj israelal tu' chi ul alon junok tzet yetal en. 22 Palta chi jochej chi jabej tzet lanan a naoni. Yujtol chi jab k'umal, tol a bay junjun lugar, yob chi al-lay yin jun a religión tolto chi pitzc'oj aj ti', ẍi eb bay Pablo tu'. 23 Lajwi tu' max wajan alnen eb tzet c'ual chi wajbaj oc ba junelxa. A yet jun c'ual max txeclojcan eltek tu', xiwil mac max wajbaj oc ba bay ayic' Pablo tu'. K'inibaliltoc'al ch'an max chaon el Pablo yich k'anjab bay eb; masantac'al max toj c'u max bekoni. Max yaltek tzetbil chi yun yoc eb yul k'ab Dios. Max yaltek, tzetakc'al tz'ibbilcan yul ley Moisés, c'al tzetak tz'ibbilcan yuj eb chekbej Dios payxa. Caw wal max yak' nabal eb sic'libil, yet watx' chi yaoc eb c'ul yin Jesús. 24 Ay eb max yaoc yin c'ul. Ay eb xin, maj cha' eb yab tzet chi yala'. 25 Yujtol maj chalej ba nabal eb xin, xan axa c'oli pax eb bay yatut tu'. Max yalon Pablo bay eb axca ti': —A Cham Espíritu Santo ak'nej yal cham Isaías is chekbej bay eb jichmam payxa. Caw wal yel tzet yalnakcan tu', yet max yalon axca ti': 26 Asi' xin cax chalon bay jun conob ti': Wal yel, ok e yabc'al, palta man ok nachaj el e yuj. Wal yel ok e yilc'al, palta man ok nachaj el e yuj tzet ok e yil tu', cachi bay eb. 27 Yujtol a juntzan conob ti', toxa mayal pitbi el eb. Axca wal tol makan is txiquin eb, yet watx' c'am chi yab eb. Yetok c'apaxok, axca wal tol chi mutz' eb sat, yet watx' c'am chi yil eb. Tamwal chi nachaj el yuj eb, yet watx' c'am chi meltzojtek eb ayin, cax chin colon eb, ẍi Cham yul tx'an Un tu'. 28 Yuj tu xin, nachajokab el e yuj, tol lanan yak'on Dios jun colbanilej ti' bay eb man israelok. Yujtol chi yacbaj eb tu' txiquin bay, ẍi Pablo bay eb. 30 Cab abil max ayji ec' Pablo yul jun na max majanej bay tu'. Chic'al cha' masanil eb chi bet k'anjab yetok. 31 Caw tec'an chi yut ba yalon el tzet chi yun yoc eb anima yul k'ab Dios, c'al yalon el juntzan cuybej Cham Jajawil Jesucristo. C'am mac chi tenon oc wanaj jabok.
1 Ayin ton Pablo in, yak'omal in serbil Jesucristo. Yawtejnak in oc is chekbejok, sic'bil in el yuj, yuj walon el watx' abix yet Dios. 2 Payxatax yak'nakcan Dios is ti' yuj jun watx' abix ti'. A eb is chekbej yet payxa tu', tz'ibnejcan yul tx'an Un asan Dios ay yet. 3 A jun watx' abix ti', a ton yabixal Cham Jajawil Jesucristo, Cham C'ajol Dios. A Jesucristo, yin yinatil cham rey David titnak is mimanil, xan anima toni. 4 Palta a yespíritu ayoc yin tol yet Dios yayji, max tx'oxon elok tol yel C'ajol Dios, tol caw ay is mayk'ak'al, yujtol max ictzoj aj xol eb camnak. 5 A Jesucristo max yak'balnej Dios yin tx'oxon el is watx'c'ulal ayon, yet max on yaon oc chekbejok Jesucristo, yet watx' ayc'al mac chi yaoc c'ul yin bay junjun conob, cax chi yiken c'apax eb tzet chi yal Cham. 6 Cayex c'apax tu' yetok eb. Awtebil ex oc yuj Dios jetok, yuj e yoccan yetok Jesucristo c'apaxok. 7 Ti chin tz'ibejtok jun in carta ti' ayex, e masanil ex aj Roma, ex camc'ulnebilxa yuj Dios. A' awtenej ex, yet watx' asan Cham ayex yet. Tx'oxokab co Mam Dios yetok Cham Jajawil Jesucristo is watx'c'ulal ayex, cax chi yak'on c'apax Cham is junc'ulal ayex bay tu'. 8 Tix jun chi babji walontok ayex ti': A yuj Jesucristo chi walon yuj diosal bay co Dios e yuj. Yujtol chi ali bay junjun conob, tol caw wal che yaoc e c'ul yin Cristo. 9 Ayin ti', chi wak' serbil Dios yin masanil in c'ul yin walon el yabixal is C'ajol. In testigo yayji Dios, tol a yet chin txajli junjuntak el, chin txajli c'apax e yuj. 10 Lananxa in k'anon bay Cham, ta ok el yin is c'ul, ok je' ex toj wiloni. 11 Payxataxc'al chi wochej chex toj wila', yujtol chi wochej chin colwaj jabok ayex tu' yin yet Dios, cax chi texac'al e yion e yip. 12 Chi wochej tol a yet ok in apnok oc e yetok tu', chi jiptzelej co ba junjun on, yujtol jun lajanc'al chi jut jaon oc Cristo yin co c'ul. 13 Ex wuẍtak, ex wanab, chi wochej che yojtaknej elok, tol tx'ial elxa chi wochej chin toj ayex tu', palta c'amtoc'al chi je' in toji. Chi wochej chin apni oc e yetok bay tu', yet watx' ay eb chi oc yin creyenteal e xol tu' wuj, axca max yun yoc eb yin creyenteal bay conoblak. 14 Yujtol masanil anima, caxc'al griego, caxc'al c'amak, in cuenta yayji eb. In cuenta yayji eb jelan c'al eb man jelanok. 15 Yuj tu' bekanxa in c'ul in toj walon k'anejal yet colbanilej e xol ayex aj Roma ex tu'. 16 Ayin ti', c'am chin q'uixwi yuj walon el jun evangelio ti', a ton k'anejal yet colbanilej, yujtol yipalil Dios yayji, yet watx' chi colchaj el masanil eb chi yaoc c'ul yin. A eb wet israelal ay yalon yet babelal yin jun colbanilej ti', palta ay c'apax yalon yet eb man israelok yin. 17 A jun k'anejal yet colbanilej ti', a' chi ak'on nachaj el juj, tol watx' on yul sat Dios, yujc'al tol chi jaoc co c'ul yin. Yuj tu', chi ja wal oc yin co c'ul sic'libil. Axca tz'ibelaycan yul tx'an Un: A eb watx' yul in sat, ok ayjokc'al ec' eb, yujtol chin yac'al oc eb yin c'ul, ẍi Dios yul tx'an. 18 Jojtak, tol chi bektek Dios yowal c'ul bay satcan, yiban masanil eb c'am chi yaoc nabal yin, a ton eb yob tzet chi el beybalneni. Yuj yob tzet chi yun eb tu', xan c'am chi cha eb al-lay el jun cuybanilej caw yel. 19 Ayxa yabixal Dios yojtakxa eb sic'libil, yujtol a Cham max ak'on yojtaknej el eb. 20 Caxc'al c'am chi je' yil-lay oc yin Cham, palta axca wal tol a' chi il-lay oc yin yet chi il-lay oc juntzan tzet watx'nebil yuj. Yujtol atax yet max yesnen aj yulyibank'inal ti', max txeclonen elok tol Dios toni, tol ay is mayk'ak'al masanil tiempo. Yuj tu', maj je' colon ba eb bay. 21 Yujtol caxc'al yojtak eb tol ay Dios, palta c'am chi yaloc eb is Diosalok, c'am yelapnok yul sat eb. C'am chi yal eb yuj diosalil bay. A ti yet eb, asanc'al tzet c'am yelapnok chi na eb. Caw wal c'am nabal eb, yujtol k'ekk'inal yayji is nabal eb. 22 Caxc'al chi yal ba eb jelanil, palta max oc pax eb yin c'am nabalil. 23 Yuj tu' xan max bekcan eb Dios, a ton Cham miman yelapnok, tol c'am bak'in chi cami, axa yechel anima tol cambejal yayji, axa chi yaloc eb is diosalok. Yetok yechel tz'iquin, c'al yechel labaj, c'al yechel no no' caneb yakan, a' chi yaloc eb is diosalok. 24 Yuj tu', max beklaycan eb yuj Dios tx'oklil, yuj tojcan eb yin juntzan tzet man watx'ok chi yochej oc eb tu'. Yuj tu' xan a wal juntzan tzet caw wal q'uixwiltak chi el yunen eb yetok is mimanil. 25 Yujtol maj yaoc eb is c'ul yin k'anej Dios tol yel. A tinani', axa lek'tial chi yaoc eb yin c'ul. A bay tzet watx'nebil yuj Dios chi yal ba eb, cax a tu' chi yiay ba eb. Axa bay Dios c'am chi yal ba eb. Palta masanil tiempo moj wal tol a bay Cham chi jal watx' k'anej. Yunokabi. 26 Yuj is beybal eb tu', xan max beklaycan eb yuj Dios, yuj yunenxac'al eb juntzan tzet caw q'uixwiltak chi yochej oc eb tu'. Ay eb ix chi bekoncan winak, axa yetok yet ixal chi yetnelej ba. Palta caw man mojok caytu' chi yut ba eb. 27 Cay c'apax tu' xol eb winak, ay eb chi bekcan ix, axa yetok yet winakil chi yetnelej ba. Winak yetok yet winakil chi mitx'lej oc ba, yin yunen tzet yetal caw wal q'uixwiltak. Yuj tu' ac'al oc yin is mimanil eb chi cha' pak juntzan tzet man mojok yunen eb tu'. 28 C'am chi yochej eb ay yelapnok Dios bay. Yuj tu xan chi beklaycan eb yuj Cham yet watx' chi texac'al etax el nabal eb, cax chi tojcan eb yin juntzan tzet man mojok tu'. 29 K'aynak eb yetok masanil is yob nabal yetok ajmulal, xan ac'ala' naon eb tzet man watx'ok. Pek' eb yin tzet man watx'ok. Caw yob eb. Chi yochej oc eb tzet ay bay junokxa mactxel. Mak'om cam anima c'apax eb. Ak'om owal eb. Etnem anima eb. Caw wal yob is beybal eb. Alom k'umal eb. 30 Chi yal eb yobtakil yin yet animail. Chi chichon oc c'ul eb yin Dios. Buchwajwom eb. Chi yiaj can ba eb, chi mimannej ba eb chi ec' eb. Caw wal jelan eb tz'unon yich junok yobtakil. Pit eb bay is mam c'al bay is txutx. 31 Succ'al chi yut ba eb. C'am chi yun is trato eb chi yak' yetok junok mactxel. C'am chi ok' c'ul eb yin junokxa. 32 Yojtak eb jun ley Dios chi aloni, tol a eb chi unen juntzan max in txoltek ti', moj ok tokcan eb bay camich yin junelnej, palta ac'ala' yunen eb. Chi tzaloj eb yetok eb anima chi unen juntzan yobtakil tu'.
1 Tzanc'al junok on chi co beyc'ulnej junokxa mactxel, maj je' jaloni, tol c'am co mul. Yujtol a yet chi co beyc'ulnen junokxa mactxel, lanan jiontek yailal jiban. Yujtol lanan co beyc'ulnen junok mactxel lajan tzet chi el junen yetok. 2 Jojtak, ta ayon axca tu' chi jut co ba, a Dios ok on beyc'ulnen yin bayc'al ijanilal, cax ok yak'on low jin. 3 Xan a ayex che beyc'ulnej eb chi unen tzet man watx'ok tu', ¿tom ok je' e colon el e ba yalan yowal c'ul Dios ok jay e yiban e naoni? Palta cay tu' che yut c'apax e ba axca eb tu'. 4 A Dios caw wal miman is watx'c'ulal. Caw wal ay is mimanc'ulal. Man comonok chi tit yowal. Palta tekan ayex c'am yelapnok juntzan ti' yul e sat. ¿Tom man e yojtakok, tol chi tx'ox is watx'c'ulal ayon yet watx' chi yak' na ba co c'ul? 5 Palta ayex ti' pit ex. C'am che na e ba jabok. Yuj tu', lanan e wajbanc'al yowal c'ul Dios e yiban. Axa yet ok jayoc jun c'ual yailal, e yetc'al ocok. A yet jun c'ual tu', ok txecloj el beyc'ulal Dios yin bayc'al ijanil. 6 A yet tu' junjun on ok co cha paktzil, atac'ala' tzet max el juneni. 7 Ok yak' Dios k'inalej tol ayc'al yin tojbalk'inal ayon, tatol tec'an chi jut co ba junen watx'ilal, yujtol chi jochej ay jalon jet yin is watx'ilal Dios. Chi jochej tol ay jelapnok yul sat Cham. Chi jochej tol chi co cha co k'inal tol ayc'al yin tojbalk'inal. 8 Palta ay eb, a yowal c'ul Dios ok yak' bay, cax ok yak'on yailal eb. A ton bay eb chi yochej tol asannej oc miman yelapnok. C'am chi yikej cuybanilej caw yel. Asan yin tzet c'am watx'il ayoc is nabal eb. 9 Masanilc'al eb chi unen tzet man watx'ok, caw ok yab eb yail sic'libil. Caw cusc'ulal ok yun yeloc eb. Babel ok yab eb wet israelal yailal, palta ok yab c'apax yailal eb man israelok. 10 A masanil eb watx' max yut ba, a watx'ilal Dios ok yak' bay eb, cax miman yelapnok eb yul sat. Junc'ulalxac'al ok yun yayji ec' eb yetok. A eb wet israelal watx' max yut ba, babel ok yun juntzan ti' bay eb, cax ok yunen c'apax bay eb man israelok. 11 Yujtol a yul sat Dios, lajanc'al jelapnok co masanil. 12 Masanil eb man ojtaknenok ley Moisés, tatol c'am watx'il beybal eb, ok alaycantok eb bay camich yin junelnej; caxc'al man yujok jun ley tu', xan ok alaycantok eb. Palta masanil eb ojtaknen jun ley tu', cax max oc pax yobtakil eb, ac'al oc jun ley tu' ok ak'balnelayok, cax ok beyc'ulnelay eb. 13 Yujtol a eb toc'al chi aben ec' tzet chi yal jun ley tu', man watx'ok eb yul sat Dios. A eb chi iken tzet chi yala', a ton eb tu' watx' yul sat Cham. 14 A eb man israelok, man yojtakok eb is ley Moisés, palta ay bay munilc'al chi beybalnej eb axca wal yalon jun ley tu'. Caxc'al man yojtakok eb jun ley tu', munilc'al ayoc yin is nabal eb. 15 A is beybal eb chi tx'oxon elok, tol ayoc jun ley tu' yin is nabal eb. A yikbomal is nabal eb chi tenchaneni. Axca tu' chi yut tx'oxon el ba eb, tol ayoc jun ley tu' yin is nabal eb. Munilc'al chi ak'lay yojtaknej el eb yuj yikbomal is nabal, ta watx' tzet chi el yunen eb, ma yob. 16 A yet ok jay jun c'ual, ok on beyc'ulnej Dios co masanil yuj tzetak ewanc'uan yayji juj, a Jesucristo ok on beyc'ulnenok axca yalon jun k'anejal yet colbanilej chi wal ti'. 17 Palta ayex che maynej e ba yujtol israel ex, cax asan ley Moisés che yaoc yipok e c'ul, caw wal che yi' aj can e ba yujtol conob ex Dios. 18 E yojtakxa, tzet chi yochej Dios. E yojtak c'apaxok baytet ay watx' tzet chi el juneni, yujtol cuywinak ex yin ley Moisés. 19 Ay eb man ojtakbilok Dios yuj, axca tol c'am chi je' yilwi eb. Cax ay exxa chi je' e tx'oxon Dios bay eb e naoni. Yetok bay eb axca tol k'ekk'inalto ay yanimail, chi je' e yak'on sakk'inal bay eb e naoni. 20 A e naoni tol chi je' e cuyon eb c'am tzet yojtak, cax chi je' e yak'on nachaj el yuj eb c'am chi nachaj el yuj, e naoni. Yuj ley Moisés, xan caw chi nachaj el juntzan cuybej tu' e yuj. E yojtakxa baytet ay cuybanilej yel. 21 Caw cuywajwom ex bay juntzanok mactxel, palta ¿tzet xan c'am che cuy pax wal e ba? Che yala' tol c'am chi je' jelk'ani, palta elk'om ex paxok. 22 Che yala' tol c'am chi je' co beybalnen ajmulal, palta che beybalnej pax ajmulal. Caw wal che yajil juntzan tzet chi al-lay oc diosal, palta elk'om ex pax bay templo. 23 Yujtol e yojtak ley Moisés, xan caw che maynej e ba. Palta c'am che yikej pax tzet chi yal jun ley tu'. Yuj tu' caw wal chi buchlay el Dios e yuj. 24 A yul tx'an Un chi yalcan axca ti': Yuj e beybal xan chi buchwaj eb man israelok yin Dios, ẍi tx'an. 25 Yel toni, ay yopiso jun yechel trato chi yik circuncisión ta che yikej masanil tzet chi yal ley Moisés. Palta ta c'am che yikej jun ley tu', axca wal tol c'amoc circuncisión tu' e yin yul sat Dios. 26 A pax eb c'amoc yechel yin xin, ta caw chi yikej eb tzet chi yal jun ley tu', axca wal tol ocnak jun yechel eb tu' yin yul sat Dios. 27 Ay ton eb axca tu'. C'am jun yechelej tu' ocnak yin, palta caw chi yikej eb jun ley tu'. A eb ok ex beyc'ulnenok. Caxc'al ocnak e yechel, caxc'al ay jun ley tu' tz'ibbilcan ayex, palta tutun c'am che yikej. 28 Manak eb chi yik judío yujc'al yinatil, manak eb tu' yel wali judío yul sat Dios. Manak eb ayoc jun circuncisión tu' yin, manak eb tu' yel wali ayoc yechel yul sat Dios. 29 Palta a eb caw yel ayoc nabal yin Dios, a ton eb tu' caw wal yel judío yul sat. Yujtol a jun acaw circuncisión yul sat Dios, a ton jun ayoc yin co nabal. Man leyok tz'ibbilcan chi aloni, xan chi oc jin, palta a Cham Espíritu chi ak'on ayon. Yuj tu', man animaok chon alon watx'il, palta a Dios chon alon watx'il.
1 Palta ¿xin ta man watx'ok yet eb wet israelal che na' tinani'? Yetok c'apax jun circuncisión tu', ¿xin ta c'am yopiso che na'? 2 C'amak. Ok waltek ayex, tzet yuj xan miman yelapnok. A ayon israel on ti' yak'nakcan Dios is k'anej. 3 Ay ton eb man yanakok oc c'ul yin, palta ¿tom yuj tu' man ok yun tzet yalnakcan Dios? 4 C'amak, caw wal ok yunej. Caxc'al c'am chi yun tzet chi yal junjun anima, palta chic'al yun Dios tzet chi yala'. A tx'an Un chi alon axca ti': A xan watx' ach yin in ak'on cuenta. C'am chi je' yal-lay yob en yet chach beyc'ulnelayi, ẍi tx'an. 5 Ayon ti', man tojolok on, xan a co c'am tojolal tu', chi ak'on txecloj elok, tol asan Dios tojol. Palta ¿tzet quex chi? ¿Tom man tojolok Dios, xan ok yak' yailal ayon yuj co c'am tojolal tu'? (Ay anima caytu' naon axca tu'.) 6 ¡Palta caw wal man axcaok tu'! K'inalok ta man tojolok Dios tinani', maj mi je' con beyc'ulnen Cham ayon aj yulyibank'inal on ti'. 7 Ay eb chi naon axca ti': A yet chi wak'on lek'tial, lanan in tx'oxon elok, tol asan Dios yel chi yala'. Tatol chi ilay can Dios yuj lek'tial chi wak' tu xin, ¿tzet xan a yet chin beyc'ulnelayi, chin al-lay yobtakwomal? ẍi eb. 8 Ay eb chi tz'ak alon win, tolab chi wal axca ti': Watx' chi jun yobtakil, yet watx' chi aj can watx'ilal, quin chi ab yal eb. A eb chi alon juntzan tu', caw moj ok tokcan eb bay yailal. 9 ¿Tzet quex chi xin? ¿tom yel watx' on ayon israel on ti' yintak eb man israelok? C'amak, lajan onc'al el yetok eb. Yujtol toxa max wala', tol co masanil, caxc'al israel on, caxc'al c'amak, yobtakwom on. 10 A tx'an Un chi alon axca ti': C'am junok mactxel watx', tamwal junok. 11 C'am junok mactxel chi nachaj el yuj. C'am junok mactxel chi naon Dios. 12 Masanil eb, max bekcan watx' beybalej, jun lajan max yun yetnentok ba eb. Tok aytowal mactxel chi unen watx' beybalej, tutun c'am mactxel, tamwal junok. 13 Yuj tzet chi yal eb tu', xan chi toj anima bay cambal. Toc'al chi yet k'anenej eb yet animail. A is k'anej eb, axca wal venenoal no txutx labaj. 14 Asan catab k'anej yin sawenal chi yal eb. 15 Ayman chi toj mak' cam eb junok yet animail. 16 Tzanc'al bay chi ec' eb, chi etax el masanil yuj eb. Chi occan cusc'ulal yuj eb. 17 Man yojtakok eb beybalej yet junc'ulal. 18 C'am jabok yelapnok Dios yul sat eb, ẍi yul tx'an Un tu'. 19 Jojtak, tol a masanil tzet tz'ibbilcan yul ley, a' chi alon bay eb ayoc yalan ley tu', yet watx' c'am junok mactxel ok je' colon ba; chi nachaj el juj co masanil tol ay co yobtakil satak Dios. 20 C'am junok mac watx' yul sat Cham asan yuj chi yikej tzet chi yal jun ley tu'. Yujtol a yopiso ley tu', tol chi tx'ox ayon tol yobtakwom on co masanil. 21 A tinani', mayal txecloj elok, tzetbil chi yun joc watx'il yul sat Dios. Man yujok jiken ley Moisés, xan chon oc watx'il yul sat Cham, palta a yul tx'an Un bay tz'ibbilcan ley tu', a tu' chi yala', tzet chi yun joc watx'il. Yalnak c'apaxcan eb chekbej Dios payxa yin jun ti'. 22 Asan yuj chi jaoc co c'ul yin Jesucristo, xan watx' on yul sat Dios, yujtol tzanc'al mac chi yaoc Cham yin c'ul, chi oc eb watx'il yul sat. Lajan onc'al co masanil ayon anima on ti' yul sat Dios. 23 Yujtol max oc co yobtakil co masanil bay Cham, xan c'am jalon jet yin is watx'ilal. 24 Palta asan yuj watx'c'ulal Cham, xan watx' onxa yul sat tinani', yujtol colchajnak onxa yuj Cristo Jesús. 25 A Cristo ocnak xajanbalil yuj Dios. Elnak is chiq'uil, yuj yion el co yobtakil, ta chi jaoc co c'ul yin is camichal Cham. Caytu' chi yun txecloji, tol caw wal tojol Dios yin yak'on mimanc'ulal yin eb ocnak yobtakil bay yet payxa. 26 Chi txecloj c'apaxok, tol ac'ala' tojol Cham tinani', yin yaloni, tol watx' on yul sat, mac on chi jaoc co c'ul yin Jesús. 27 A tinani', ¿xin ta chi je' co maynen co ba che na'? Tutun wal c'am chi je', yujtol man yujok chi jikej ley Moisés xan chon colchaji, palta asan wal yuj chi jaoc co c'ul yin Jesús, xan chon colchaji. Yuj tu xin, maj je' co maynen co ba. 28 Yuj tu', jojtak tol asan yuj chi jaoc co c'ul yin Cham, xan watx' on yul sat Dios, man yujok jiken tzet chi yal jun ley tu'. 29 A Dios, tokwal co Diosal ayon israel on ti' co tx'oklil; is Diosal c'apax eb man israelok. Wal yel co Diosal co masanil. 30 Yujtol junnej Dios ay. Tzanc'al mactxel, caxc'al israel, caxc'al c'amak, tatol chi jaoc co c'ul yin Jesús, watx' on yul sat Dios. 31 Yel toni, asan yuj chi jaoc yin co c'ul, xan chon colchaji, palta ¿tom yuj tu' chi je' jaloni tol c'amxa yopiso ley Moisés tu'? C'amak, maj je' jalon axca tu'. A ti' jet, tol chi co tx'oxo' tol ay yopiso jun ley tu'.
1 A cham jichmam Abraham, ¿tzet max yun yeloc cham yul sat Dios che na'? 2 Watx' cham yul sat Dios, palta man yujok tzet watx' max el yunen yul yet, xan watx' cham yul sat Dios. K'inalok ta yuj tu', tekan chi je' maynen ba cham. Palta tinani' maj je' maynen ba satak Dios. 3 Yujtol chi yal yul tx'an Un Tz'ibbilcan axca ti': Axa yaon oc Abraham yin c'ul tzet max yal Dios bay, xan watx' max yun cancan yul sat Cham, ẍi yul tx'an. 4 A tinani', k'inalok ta chon mulnaj bay junok anima, cax chi co chaon co tojol, a co tojol tu', man sabalok, palta tol jecxa nak aj mulnajil tu'. 5 Palta a Dios, caxc'al c'am tzet chi jun bay, tatol chi jaoc yin co c'ul, watx' on yul sat. Caytu' chi yun junjun yobtakwom yul sat Dios, tatol chi ya wal oc eb yin c'ul. 6 A cham rey David, max yalcan elok, tol watx' yet eb mac bay chi al-lay yuj Dios tol watx' eb yul sat. Man yujok tzet watx' chi el yunen eb, xan chi yal Dios axca tu'. 7 Max yalcan cham David tu' axca ti': Tzalojc'ulal yet mactxel max jolayc'ay is yec'nakilal cax max tancan el is mul yiban. 8 Tzalojc'ulal yet mactxel c'am chi oc is yobtakil mulok yuj Cham Jajawil, ẍican cham David tu'. 9 A jun tzalojc'ulal chi yal ti', man asannejok eb ayoc circuncisión yin ay yet. A jun tzalojc'ulal tu' yet c'apax eb man ocnakok jun yechelej tu' yin. Mayal wal ayex, tol a Abraham max yaoc Dios yin c'ul. Asan yuj tu' xan yalnak Dios tol watx' yul sat. 10 Palta naektek, ¿bak'ini yalnak Dios axca tu'? ¿Tom ak'bilxa circuncidar Abraham tu' yet tu'? C'amak, manto ak'lay circuncidar yet tu'. 11 Palta c'ojanc'ulalto ocnak jun circuncisión tu' yin. A jun tu' chi tx'oxon tol watx' cham yul sat Dios yet manto ak'lay circuncidar, asan yuj max yaoc Dios yin c'ul. Yuj tu', mamej yayji cham bay jantak eb man ak'bilok circuncidar, tatol chi yaoc eb c'ul yin Dios. A ton eb tu', watx' eb yul sat Dios axca Abraham tu'. 12 Yetok c'apaxok mamej yayji cham bay eb ak'bil circuncidar. Chi yal elapnok, eb c'am chi yaoc jun circuncisión tu' yipok c'ul. Palta chi yaoc eb c'ul yin Dios, axca max yun Abraham tu' yet manto ak'lay circuncidar. 13 Yak'nakcan Dios ti' bay Abraham, yetok bay eb yinatil, tol ok yak' yulyibank'inal ti' bay eb. Man yujok max yikej cham ley Dios, xan max yak' ti' bay, palta asannej yuj max yaoc Dios yin c'ul, xan watx' cham yul sat. 14 K'inalok ta asan bay eb ayoc yin ley tu' ok yak' Dios yulyibank'inal ti', nabac'al mi chi jaoc co c'ul yin chi yal tu', cax mi chi tancan el tzet albil yuj tu'. 15 Yujtol a jun ley tu', chi awi oc yailal yiban anima. K'inalok ta c'am jun ley tu' tinani', c'am mac chi oc yobtakil bay ley tu'. 16 Yak'nakcan Dios ti' bay Abraham, yujtol max yaoc Dios yin c'ul. Axca ton tu' chi yun txecloj elok, tol asan yuj is watx'c'ulal Dios, xan yak'nakcan is ti'. Yuj tu', a ayon yinatil on Abraham on ti', ay c'apax jalon jet co masanil yin yetok. Man asannejok eb chi yikej jun ley tu' ay yalon yet yin, palta ay c'apax jalon jet yin co masanil ayon chi jaoc co c'ul yin Dios axca Abraham tu'. Yujtol axca tol co mam yayji Abraham tu' yul sat Dios, yujtol a yin Dios max yaoc c'ul. 17 Axca yaloncan Dios yul tx'an Un: Ok ach wacan oc is yichmamok xiwil nacionlak, ẍi Cham bay Abraham. A Dios chi ak'on ictzoj aj eb camnak. Asan tol chi yala' cax chi pitzc'oj juntzan tzet yetal tol c'amtac'a. 18 A yunnak Abraham junel, c'am junok tzet yetal max je' yak'on yip is c'ul, palta max yaoc Dios yin c'ul. A tzet yalnak Dios bay, a' max yaoc yipok c'ul. Yuj tu', max oc yichmamok xiwil nacionlak axca max yut yaloncan Dios bay, yet max yalon axca ti': Axca ton waycan tu' ok yun bisil eb enatil, ẍi bay. 19 A Abraham tu', janic'xanej man 100 abilok max yila'. Yojtak tol caw wal ichamxa. Yojtak c'apaxok tol caw wal ixnamxa xal Sara. Axca wal tol c'amxa bak'in ok aljok junok yuninal eb, palta ac'ala' yaon oc cham yin is c'ul tzet max yal Dios bay. 20 A yet max yak'on Dios ti' bay, cax man cabc'ulaltakok max yut yabeni. Caw wal tol max yaoc yin c'ul. Caw wal tec'an is nabal. Max yal watx' k'anej bay Dios, 21 yujtol yojtak cham sic'libil, tol chic'al je' yuj Dios yunen axca yalon bay. 22 Yuj wal tu' xan watx' max yun cancan Abraham tu' yul sat Cham. 23 Tz'ibbilcan yabixal yul tx'an Un, tol watx' cham yul sat Dios, yujtol max yaoc cham yin is c'ul. Palta man asannejok yuj cham xan max tz'ibelaycanok. 24 Palta tol ayon jun chon al-lay c'apaxok. Yuj tu' xan chi yal Dios tol watx' on yul sat, tatol chi jaoc co c'ul yin. A Cham ak'nej pax ictzoj aj Cham Jajawil Jesús xol eb camnak. 25 Max alay oc Jesús yul k'ab camich yuj co yobtakil. Lajwi tu', max ictzoj pax ajok, yuj joccan watx'il satak Dios yuj.
1 A tinani', toxa mayal yal Dios, tol watx' on yul sat, yujtol chi jaoc co c'ul yin. Yuj tu', junc'ulalxa ayon yetok, yujc'al Cham Jajawil Jesucristo. 2 Yuj Cristo xan ay jalon jet co chaon watx'c'ulalil Dios, yujtol chi jaoc co c'ul yin. Yuj tu', xiwil is watx'c'ulalil chi tx'ox ayon tinani'. Caw wal chon tzaloji, yujtol chi jaoc yipok co c'ul, tol ay jalon jet yin is watx'ilal Cham. 3 Man asannejok yuj tu' xan chon tzaloji, palta tzalojokonek c'apax yet chi jaben yail yuj. Yujtol jojtak, tol a juntzan yailal tu', a chi texac'al ak'on co tec'anil. 4 Yuj co tec'anil tu' xan chi tzaloj Dios jetok. Yuj tu', chi je' jaon oc Cham yipok co c'ul. 5 Maj el co q'uixwil yet chi jaon oc Cham yipok co c'ul, yujtol tz'akaki max yut yak'on Cham is camc'ulal yin janimail yet max yak'on Cham Espíritu Santo ayon. 6 Maj je' juj yul jet jak'on tzalojbok c'ul Dios, axa yet max ajapnok tiempoal xin, max cam Cristo juj, ayon c'am Dios yul co sat ti'. 7 K'inalok ay junok mac watx' is beybal tinani', tekan c'am mac chi yak' ba cam yuj. Asan ta ay junok mac caw wal watx' is nabal, ay mi junok ayman chi tec'baj ba cam yuj. 8 Palta tx'oxnak Dios camc'ulal ayon, yujtol a Cristo max yak' cam ba juj yet caw wal yobtakwom onto. 9 Axa tinani', watx' onxa yul sat, yujtol jujc'al max cam Cristo. Yuj tu' xan ok on colchaj el bay jun miman yailal tolto ok jay yuj yowal c'ul Dios. 10 A yet yalan, caxc'al ajc'ul on oc yin Cham palta max on oc yin watx'c'ulalil yetok, yujtol jujc'al xan max cam is C'ajol. A pax tinani', watx'xa jak'on yetok, yuj tu' xan ok on colchaj yuj yiquisal is C'ajol tu'. 11 Man asannejok yuj juntzan ti' chon tzaloji, palta caw chon tzaloj c'apax yin Dios yuj Cham Jajawil Jesucristo. Yujtol yuj Cham xan watx'xa jak'on yetok Dios tinani'. 12 Yuj ch'an jun winak a ton Adán, xan max el yich yobtakil yulyibank'inal ti'. Yuj yobtakil tu', xan elnak yich camich, xan ayoc camich jiban co masanil, yujtol max oc co mul co masanil. 13 A yet manto ak'lay ley Moisés, ayxac'alta' yobtakil anima chi oqui. Palta a is yobtakil eb tu', maj oc is mulok eb, yujtol c'amto ley. 14 Palta yecheltaxc'al yul is tiempoal Adán, masantac'al max eltek is ley Moisés, ayc'alta' oc camich jiban co masanil, caxc'al man lajanok co yobtakil axca yet Adán tu' tol maj yikej tzet max al-lay bay. A Adán tu', yenel Cham t'inan jayi. 15 A jun is yobtakil Adán tu', caw wal man lajanok axca co colbanil chi yak' Dios. Yuj is yobtakil jun winak tu', xan max ijbelaycan oc camich jiban co masanil, palta jun colbanilej, toc'al wal chi el yin c'ul Dios yak'oni, yelxac'al miman yelapnok, yujtol yuj ch'an jun mactxel, a ton Jesucristo, xan xiwil on chi co cha' watx'c'ulalil Dios. 16 A is yobtakil jun winak tu', caw wal man lajanok axca jun co colbanil chi yak' Cham ayon. Yuj wal ch'an jun is yobtakil jun winak tu', xan max jaycan yowal c'ul Dios jiban co masanil. Palta caxc'al xiwil co yobtakil max oc bay Cham, palta chi yak' Cham co colbanil yin toc'al chi el yin is c'ul, xan watx' on yul sat tinani'. 17 Asan yuj is yobtakil ch'an jun winak, xan max ijaycan camich jiban co masanil. Palta yuj ch'an junokxa mactxel, a ton Jesucristo, xan ok co cha' k'inalej tol ayc'al yin tojbalk'inal, c'al joc yajawilal yetok, yujtol caw miman is watx'c'ulal Dios tx'oxnak ayon, xan max yala' tol watx' on yul sat. 18 Yuj is yobtakil Adán, xan ijancan oc yailal jiban co masanil, palta ay wal jun tzet caw wal watx' yunnak Jesucristo. Yuj wal jun tu', xan chi yal Dios, tol watx' on yul sat, cax chi yak'on co k'inal tol ayc'al yin tojbalk'inal. 19 Yuj wal tenomtakil jun winak maj iken tu', xan ocnak on can yin yobtakwomal co masanil. Palta ay pax jun mac max ikeni. Yuj yikemal jun tu', xan xiwil on chon oc watx'il yul sat Dios. 20 Jaynak ley Moisés, yet chi txecloj el yobtakil sic'libil. Caxc'al max texac'al aj can yobtakil tu', palta yelxac'al max aj can watx'c'ulalil Dios yintak jun tu'. 21 Ayon oc co masanil yul k'ab yobtakil. Yuj yipalil yobtakil, xan chon cami, palta a is watx'c'ulalil Dios, ay c'apax is yipalil. Yuj xan, watx' on yul sat tinani'. Axca tu' max yut yak'on co k'inal tol ayc'al yin tojbalk'inal yin Cham Jajawil Jesucristo.
1 ¿Tzet con chi che na' xin? ¿Tom mi watx', ta ac'ala' junen yobtakil, yet watx' chi yak'c'al Dios mimanc'ulal jin, cax chi texac'al txecloj el is watx'c'ulalil axca tu'? 2 C'amak, caw wal maj je'. A yul sat Dios, camnak onxa, c'amxa yalon yet yobtakil jin. Yuj tu', ¿tom ac'ala' chi je' co beybalnen yobtakil? 3 E yojtakxa, tol a yet max on ak'lay bautizar junjun on, max txecloj elok, tol junxanej max juncan el yetok Cristo Jesús. A tu' max txecloj elok, tol a yet max cam Cham, max on cam c'apax yetok. 4 A yuj co bautismo tu' max txecloj elok, tol max on cami, cax junxanej max yun co mukay yetok Cristo. Yuj tu' xan axca c'apax max yun yictzoj aj Cristo xol eb camnak yuj is miman mayk'ak'al co Mam Dios, axca c'apax tu' max yun jictzoj aj c'apaxok. Chi yal elapnok, a wal junok ac' beybalej chi co beybalnej tinani'. 5 Junnej max yun co cam yetok Cristo yet max cami. Yuj tu' xan axca max yun yictzoji, axca tu' ok yun jictzoj c'apaxok, yujtol junxanej jayji yetok. 6 Jojtak, tol a tzet jayji yet yalan, a yul sat Dios, max curusnelay yetok Cristo yet watx' chi ilaycan el yikbej co yob nabal. Axca tu' max juncan elok, yet watx' manchakxa jak' serbil yobtakil tinani'. 7 Yujtol a mac camnakxa, c'amxa oc yul k'ab yobtakil. 8 Ayon ti', camnak onxa yetok Cristo yul sat Dios. Yuj tu', chi jaoc yin co c'ul, tol ok on iquisbok yetok yin junelnej. 9 Yujtol jojtak, tol yecheltaxc'al max ictzonelay aj Cristo xol eb camnak, c'amxa bak'in ok cam junelxa, yujtol c'amxa yalon yet camich yin. 10 Yujtol a yet max cami, max cam yuj tojolok yobtakilal yin junelnej. Axa tinani', iquis yin junelnej, yuj yak'on serbil Dios. 11 Cayokab on tu', nachajokab el juj, tol camnak onxa, c'amxa yalon yet yobtakil jin. Co naek c'apaxok, tol iquis on, yuj jak'on serbil Dios, yujtol junxanej jayji yetok Cristo Jesús. 12 Yuj tu', manchakxa co cha' yajawbok yobtakil yin co mimanil tol cambejal yayji. Caw manchakxa jikejek junen juntzan yobtakil chi jochej ocok. 13 Manchakxa co bek co mimanil yul k'ab tzet man watx'ok, cax chi junen yobtakil. Yowalil asan yul k'ab Dios chi jaoc co ba, yujtol camnak onxa yul sat, cax max on ictzonelay pax ajok. Yuj tu', jak'ek co mimanil bay Dios, yet watx' asan tzet watx' chi el junen yetok. 14 A yobtakil c'amxaokab yalon yet jin, yujtol c'am onxa oc yalan yikbej ley Moisés. A yalan yikbej watx'c'ulalil Dios ayon oc tinani'. 15 A tinani', ayon oc yalan watx'c'ulalil Dios, manxanak yalan ley Moisés ayon ocok. Palta, ¿tzet ẍi e c'ul? ¿Tom yuj tu', xan chi je' tol ac'ala' junen yobtakil? C'amak, caw wal c'amxa chi je'. 16 Jojtak, tatol ay junok mactxel chi yak' ba yak'omalok serbil junokxa mactxel, asan jun tu' ay yalon yet yin yin junelnej. Yowalil chi yikej tzet chi yal is patrón tu'. Cayon ton tu xin. Tatol chi jak' serbil yobtakil, chi jikej tzet chi yochej, tutun tol asannej ayon yet. Axa co cam yuj tu' yin junelnej. Palta tatol a Dios chi jak' serbil, chi jikej tzet chi yochej; tatol axca tu', asannej ayon yet. Axa watx'ji oc co nabal yuj tu'. 17 Palta chi wal yuj diosalil bay Dios e yuj. Yujtol caxc'al max e yak' serbil yobtakil yet yalan, palta axa tinani', lanan e yiken yin masanil e c'ul juntzan cuybanilej bay max ex alaycan ocok. 18 Max ex colchaj el yul k'ab yobtakil, manxa yak'omalok serbil e yayji tinani', palta tol yak'omalxa serbil watx'ilal e yayji. 19 A juntzan chi waltok ayex ti', axca tol comon abixc'al chi wut walontok, yujtol c'am wal chi nachaj el juntzan cuybanilej ti' e yuj. A yet yalan, max jak' co mimanil yak'omalok serbil tzet man watx'ok, c'al jaj can yin yobtakil. Axa tinani', yowalil axcaokab tu' chi jut jak'on co mimanil ti' yak'omalok serbil watx'il, yet watx' asan yin Dios chi jaoc co nabal. 20 A yet max jak' serbil tzet man watx'ok yet yalan, c'am yalon yet watx'il jin yet tu'. 21 Palta, ¿ay mi jabok tzet max ji' yin juntzan max jun tu'? Caw chon q'uixwi yuj juntzan tu' tinani'. Yujc'al juntzan tu', xan chi tojcan eb anima bay camich yin junelnej. 22 Axa tinani', colbil onxa el yul k'ab juntzan tzet man watx'ok tu'. C'amxa yalon yet jin. Max on oc yak'omalok serbil Dios. Yuj tu' caw wal ay tzet chi ji' tinani', yujtol a' chi ak'on jaoc co nabal yin. Cax ok co chaon pax co k'inal tol ayc'al yin tojbalk'inal. 23 Tatol a yobtakil chi junej, ok co cha is tojol, a ton camich yin junelnej. Palta a jun is sabal Dios chi yak' ayon, a ton co k'inal tol ayc'al yin tojbalk'inal, yujtol junxanej jayji yetok Cristo Jesús, Cham Jajawil.
1 Ex wuẍtak, ex wanab, e yojtakxa ley Moisés, tol a jun ley tu', ay yalon yet yin junok mactxel yet iquisto ec'ok. 2 K'inalok junok ix ay yichamil. A yet iquis ec' yichamil tu', mojan ix yetok yuj jun ley tu'. Tatol chi cam yichamil ix tu', cax bekanxa ix yuj jun ley tu'. 3 K'inalok ta iquisto yichamil ix tu', cax chi toj ix bay junokxa winak, chi toj ix yin ajmul ixal axca tu'. Palta tatol chi cam yichamil ix xin, chi bekchaj el ix yalan jun ley tu'. Caxc'al chi yi ix junokxa winak, man ajmulok chi yun ix axca tu'. 4 Ex wuẍtak, ex wanab, a tinani', junxanej jayji yetok is mimanil Cristo yet max cami. Yuj tu', a yul sat Dios, camnak onxa el bay ley Moisés. Yuj tu', ay junxa mac axca tol jajawil yayji, a ton Cham max ictzoj aj xol eb camnak. Axca ton tu' jak'on yetok, yet watx' ay jopiso yul sat Dios. 5 A yet yalan, asan co yob ochwanilal chi co beybalnej. A ley Moisés max pitzc'onej aj juntzan tzet man watx'ok chi yochej oc co mimanil ti'. A juntzan tu' chon iontok bay camich yin junelnej. 6 A yet yalan tu', a jun ley tu' ay yalon yet jin. Axa tinani xin, camnak onxa el bay yul sat Dios. Yuj tu', bekan on tinani', yet watx' asan Dios chi jak' serbil. Yuj tu', lanan co beybalnen jun ac' beybalej max yak' Cham Espíritu ayon. Axa jun icham ley tz'ibbilcan tu', c'amxa yalon yet jin tinani'. 7 Palta, ¿tzet quex chi? A ley Moisés tu', ¿tom yob che na'? C'amak toni. Yuj jun ley tu' xan max wojtaknej elok, tol yob tzet max el wuneni. A yet max wochen oc junok tzet yetal, max wojtaknej elok, tol man watx'ok tzet chi el wuneni, yujtol chi yal ley axca ti': Manchak e yochej oc junok tzet yetal, ẍi. K'inalok ta c'am tzet chi yala', man wojtakok ta yob jun tu'. 8 Palta yuj juntzan chekbanilej tu', xan max texac'al pitzc'oj aj tzet man watx'ok win. Yuj tu', xiwil tzet man watx'ok max wochej ocok. K'inalok ta c'am jun ley tu', c'am mi yelapnok yobtakil. 9 A yet manto wojtakok jun ley tu', iquis in yul sat Dios in naoni. Axa yet max wojtaknej el jun ley tu', max nachaj el wuj, tol c'am jabok in watx'il. Catatu bian, max wojtaknen elok, tol camnak in yul sat Dios yuj. 10 A ley tu', ay yopiso yak'on k'inalej, palta a' max iontek camich wiban. 11 Yuj jun ley tu', xan max texac'al pitzc'oj aj yobtakil win. Caw wal max in etax yuj juntzan tu'. A yobtakil tu' max iontek camich wiban yuj jun ley tu'. 12 A jun ley tu', c'am jabok is paltail. Cac'apax tu' masanil is chekbanil tu', caw wal tojol, caw watx'. 13 Palta, ¿tzet quex chi? ¿Tom a jun tzet watx' tu' max iontek camich wiban? C'amak, manak. A yobtakil ayoc win, a' max iontek wiban. Xan tix wal max yun txecloj el tu', tol c'am ton watx'il juntzan tu'. A juntzan tu' max iontek camich wiban yuj jun ley watx' tu'. Axca ton tu' max yut tx'oxon el jun ley tu', tol a tzet man watx'ok tu', caw wal yob. 14 Jojtak tol a Cham Yespíritu Dios anejtek jun ley tu'. Palta ayin ti', ac'ala' ibilc'al oc jun in yob ochwanilal ti'. Axca tol txonbil in oc yak'omalok serbil yobtakil. 15 Yujtol a tzet chi el wuneni, man watx'ok chi wila'. Ay tzet watx' chi wochej chi wunej, palta c'am chi wun paxok. Axa juntzan tzet man watx'ok yul in sat, axa chi wunej. 16 Ta chi wabej tol yobtak tzet chi wun tu', caytu' chi yun nachaj el wuj tol a ley watx' toni. 17 Yujtol mayin wal nak acaw chi el wunen juntzan tu'. A yobtakil toc'alta' ayoc win, a' chi uneni. 18 Wojtak, tol c'am jabok tzet watx' win, a ton yin jun in yob nabal ti'. Yujtol a tzet yetal watx' chi wochej chi wunej, palta c'am chi je' wuj. 19 C'am chi wun tzet watx' axca wal chi wochej tu'. A tzet man watx'ok, c'am chi wochej tu', a chi wunc'al. 20 Palta ta chi wun tzet c'am chi wochej tu', chi yal elapnok, tol mayinnak lanan wuneni. A yobtakil toc'alta' ayoc win tu', a' chi uneni. 21 Xan tix ton wal chin on ti'. Tol a yet chi wochej chi wun junok tzet yetal watx', axa chi wiloni, a tzet man watx'ok lananxa wuneni. 22 A in nabal, caw wal chi tzaloj yetok ley Dios. 23 Palta wojtak, tol ay junxa chi yajawbi yin in mimanil ti', a ton yobtakil. A chi yak'lej owal yetok tzet chi yochej in nabal tu'. Yuj tu', axca wal tol preso wayji yuj yobtakil chi yajawbi yin in mimanil ti'. 24 Caw ok'bal c'ul chi wun yuj. A jun in mimanil ti' chin iontok bay camich yin junelnej. Palta, ¿mac chi je' yuj on colon el yul k'ab co mimanil ti'? 25 Asan Dios, yin yak'balnen Cham Jajawil Jesucristo. Yuj tu', caw wal chi wal yuj diosalil bay Dios tinani'. Ti pax yetok wal in nabal chi wak' serbil Dios, palta axa in yob ochwanilal ti', ayoc yak'omalok serbil jun chi yajawbi yin in mimanil ti', a ton yobtakil.
1 A tinani', junxanej jayji yetok Cristo Jesús, xan c'amxa yowal c'ul Dios jiban. 2 A Yespíritu Dios chi ak'on co k'inal yin junelnej, yujtol junxanej jayji yetok Cristo Jesús. Yuj yipalil Yespíritu tu', xan max on colchaj el yul k'ab yobtakil, c'al yul k'ab camich. 3 Yuj co yob ochwanilal ti', xan c'am chi je' jiken tzet chi yal ley Moisés. Yuj tu', c'am yopiso jun ley tu' on is coloni. Palta a Dios chon coloni, yuj yanaktek is C'ajol yuj ul yuten ba yin animail. Lajan is mimanil Cristo axca jet ayon anima on ti', yuj tu' max je' cam yuj co mul. A yet max cami, tz'akan max yi' lowbanilej yailal mulej yin is mimanil, tol lajan axca jet. 4 Axca tu' yutnak ba, yet watx' tojolxac'al chi jut co ba axca chi yal ley. Yujtol ayon ti', c'amxa chi co beybalnej axca chi yochej co yob ochwanilal. Lanan co beybalnen axca chi yochej Yespíritu Dios. 5 A eb chi beybalnen yob ochwanilal, ac'al yin chi yaoc eb is nabal. Asan yin tzet man watx'ok chi yaoc eb nabal tu'. Yuj wal tu', chi tojcan eb bay camich yin tojbalk'inal. Ayon tol lanan co beybalnen axca chi yochej Yespíritu Dios, asan yin chi jaoc co nabal. Yuj wal tu', xan ok co cha' co k'inal tol ayc'al yin tojbalk'inal, cax chon oc yin junc'ulalil yetok Dios. 7 Palta a eb chi beybalnen yob ochwanilal xin, toc'al chi yajc'ulnej aj ba eb yetok Cham. C'am chi yochej eb chi yikej ley Cham, tamwal chi je' yuj eb. 8 Yuj tu', a eb chi beybalnen yob ochwanilal, caw c'am chi je' yunen eb axca chi yochej Cham, xan c'am chi tzaloj Cham yetok eb. 9 Palta ayon ti', manchakxa co beybalnej co yob ochwanilal. Asannejokab tzet chi yochej Yespíritu Dios chi co beybalnej, yujtol a' ayoc jin. A eb c'am oc Yespíritu Cristo yin, man yetok Cristo eb. 10 Palta ayon ti', ayxa oc Cristo jin. Yuj tu', caxc'al camnak co mimanil ti' yuj yobtakil, palta iquisc'al janimail, yujtol watx' on yul sat Dios tinani'. 11 A Dios ak'nej ictzoj aj Jesucristo xol eb camnak. Tatol ayoc Yespíritu Cham jin, ok yictzonej pax aj Cham co mimanil cambejal yayji yuj Yespíritu ayoc jin. 12 Yuj wal tu', ex wuẍtak, ex wanab, ayoc jiban co beybalnen axca tzet chi yochej Yespíritu Dios. C'amxa oc jiban co beybalnen axca chi yochej co yob ochwanilal. 13 Ta ac'ala' co beybalnen tzet chi yochej co yob ochwanilal, ok on cam yuj yin junelnej. Palta ta yetok yipalil Yespíritu Dios chi co bekoncan junen yob ochwanilal ti', ok co cha' k'inalej tol ayc'al yin tojbalk'inal. 14 Tzanc'al mac chi beybalnej tzet chi tx'ox Yespíritu Dios bay, a ton eb tu' yel yuninal Dios. 15 A Cham Espíritu chabilxa juj, maj on yaoc Cham yak'omalok serbil yin xiwc'ulal, palta max on yaoc Cham yuninalok Dios. Yuj Cham Espíritu ti', xan chi je' yaj jaw bay Dios axca ti': Mamin, con chi bay. 16 Jojtak junjun on yin janimail, tol yel yuninal onxa Dios. Yetok c'apaxok, acaw Espíritu chi ak'on jojtaknej elok. 17 Yujtol yuninal onxa Dios, yuj tu' ok co cha' co satak ok yak'a'. Ac'al oc jet ok co cha' yetok Cristo. Tatol chi jab yail yetok Cham, junnej ok on ayjok yetok xol is watx'ilal. 18 Ayin ti', chin na', tol a juntzan yailal lanan jaben ti' tinani', caw wal c'am chi apni yintak watx'il Dios ok txecloj el jin yet yajtok tu'. 19 Masanil tzetak yetal watx'nebil yuj Cham, caw chi maka' bak'in ok on txeclonelay aj ayon yuninal on Cham ti'. 20 Yujtol a juntzan tzet watx'nebil yuj Cham, majxa eloc axca naon Cham yin. Man yulok yet juntzan tzet yetal tu' xan axca tu' max yunej; palta a Cham max uteni. Palta ay jun tiempoal makbil jayi. 21 Yujtol masanil juntzan tu', ok colchaj elok, yet watx' c'amxa tzet chi oni. Axca tu' ok yun co colchaj el ayon yuninal onxa Dios ti', axa joc yin watx'il tu'. Axca tu' ok yun colchaj c'apax el juntzan tu' jetok. 22 Jojtak, tol masanil juntzan tzet watx'nebil yuj Cham yettax payxa, ayoc yalan yailal. Axca junok ix ix lanan yaben yail unin, axca tu' yaben yail juntzan tzetak yetal tu' tinani'. 23 Man asannejok juntzan tu' lanan yaben yail. Palta cayon c'apax tu'. Ayxa oc Cham Espíritu jin, yet watx' txequel, tol ay tzet ok yak' Dios ayon. Caxc'al mi axca tu', palta lanan jaben yail tinani'. Lanan co makon bak'in ok on oc yuninalok Cham sic'libil. Cax a yet tu' ok colchajcan el co mimanil ti'. 24 Yettax max on colchaji, max jaon oc yipok co c'ul, tol ok co cha co colbanil sic'libil. K'inalok ta mayal co cha' jun tu' tinani', manxa yowalilok chi co mak jayi, yujtol a tzet mayal jilocok, c'amxa chi co mak jayi. 25 Palta ta chi jaoc yipok co c'ul tzet c'am chi jiloc yin, yowalil tec'an chi jut co ba co makon jayi. 26 Ac'ala' c'apax Cham Yespíritu Dios, caw wal chi oc Cham jetok bay man tz'akanok co nabal. Yujtol man jojtakok tzet chi jut txajlok co ba axca chi yochej Dios. Ay bay toc'al chon sik'son aj jay co c'ul, yujtol c'am chi nachaj juj tzet chi jut jalon co ba bay Dios. Palta axa Cham Espíritu chi txajli juj yin co k'akawil tu'. 27 Axa Dios chi ilon tzet ay bay janimail junjun on. Chi nachaj c'apax el yuj, tzet chi yal Yespíritu, yujtol axca wal chi yochej Dios, caytu' chi yun txajli Yespíritu tu' juj ayon yet onxa ti'. 28 Jojtak tol a Dios chi yak'balnej masanilc'al tzet chi jay jiban, yuj co watx'ilok, ayon ay co camc'ulal yin ti', ayon awtebil on yuj ti', yuj jelapnok axcatac'a naoni. 29 Yojtakxa Dios yet payxa, tol yet on. Atax yet tu' sic'nej on can elok, yet watx' lajan chi juncan el axca is C'ajol. Max con yut Dios axca tu', yet watx' a is C'ajol tu' chi oc babel winakil co xol ayon yuninal on Dios ti'. 30 A mac on sic'bil on el yuj, awtebil on c'apax yuj. A' c'apax chi alon juj ayon awtebil on yuj ti', tol watx' on yul sat, cax chi yak'oni tol ay jalon jet yin is watx'il. 31 Yuj juntzan chi wal ti', xan caw c'amxa tzet chi co na' tinani'. Caw wal ayoc Dios jetok. Yuj tu', ¿xin ta ay mac chi tzakay on yaoncan yalan? 32 A Dios max yacan oc is C'ajol yul k'ab camich jujc'al co masanil. Caxc'al is C'ajol, palta maj colo'. Yujtol yanaktek is C'ajol tu', xan jojtak, tol ok yak' masanil tzet watx' ayon. 33 A mac on sic'bil on el yuj Dios, ¿xin ta ay junok mac chi je' con yak'on queja bay? A Cham chi aloni tol watx' on bay. 34 Yuj tu' ¿xin ta ay junok mac ok je' yaon oc jiban? Yujtol a Cristo max cami, max ak'lay ictzoj pax ajok. Axa tinani' ayic' bay is watx' k'ab Dios, lanan tewi juj. 35 C'am junok tzet yetal chi tx'oxo' tol man camc'ulnebilok on yuj Cristo. Caxc'al yailal, caxc'al junok miman cusc'ulal, caxc'al ay mac chi aon oc junok tzet yetal jiban, caxc'al chi jay wajil jiban, caxc'al c'am co pichil, caxc'al mi ay junok tzet yetal ayxamay, caxc'al chon mak'lay camok, ac'ala' con camc'ulnen Cristo. 36 Axca yaloncan tx'an Un: Oj wali, xan chon yak' cam eb yin junjun txolan axca calnel chi ilaytok yet chi cami, caytu' chon yut eb, ẍi yul tx'an Un tu'. 37 Caxc'al ok jay juntzan ti' jiban, palta yelxac'al chi uj juj yuj is yipal Cham chon camc'ulneni. 38 Yuj tu' wojtakxa, caxc'al ay tzet yetal, ac'ala' caw camc'ulnebil on yuj Dios. Caxc'al camich, caxc'al co k'inal, caxc'al junok ángel, caxc'al junok ay yikbej, caxc'al junok tzet yetal ayic' tinani', caxc'al tzet toxa ok jayok, 39 caxc'al junok ayic' bay satcan, caxc'al junok ay yalan tx'otx' ti', tzanc'al junok tzet yetal watx'nebil yuj Cham, tutun c'am chi je' chi yiay co nan yetok co Mam Dios, ac'ala' caw camc'ulnebil on yuj Cham yuj Cristo Jesús, a ton Cham Jajawil.
1 Tutun ayoc Cristo yin in c'ul e yetok, xan a juntzan ok waltok ayex ti', caw yel, man lek'tialok. A yikbomal in nabal chi ak'on wojtaknej elok, tol yel juntzan ok waltok ayex ti', yujtol a Cham Espíritu Santo chi ak'on in na'. 2 Caw chi cus in c'ul. Pitz'anc'al oc eb wet israelal yin in c'ul, yujtol caw wal chi wochej chi colchaj eb. 3 K'inalok ta chi colchaj eb wet conob tu' yuj chin k'antek yowal c'ul Dios wiban, c'al wel yin Cristo, chin k'antek, cax chin el yin, yujc'al eb. 4 Yinatil israel eb wetok. A Dios max on ion oc yuninalok on. Max tx'ox is tzekekial ayon on. Ay juntzan is trato max yak' jetok on. Max yak' c'apax is ley ayon. Yalnak c'apax ayon tzet chi jut jion ay co ba bay. Ay juntzan tzet yetal max yak' Dios is ti' yak'on ayon. 5 A eb jichmam, a ton eb mimek yelapnok yul sat Dios yet payxa. Ocnak Cristo jet conobok on yet max oc animail. A Cristo Dios toni, Yajaw yayji yiban masanil tzetak yetal. Al-layokab watx' k'anej yin Cham yin tojbalk'inal. Yunokabi. 6 Caxc'al maj colchaj eb wet israelal masanil, palta maj je' jaloni, tol maj yun juntzan tzet bay max yak'can Dios ti' ayon on. Yujtol a eb wet israelal tu', man masanilok eb yel israel yul sat Dios. 7 A ayon yinatil on Abraham ti', man co masanilok yel yuninal on Abraham yul sat Dios. Yujtol yalnak Dios bay Abraham tu' axca ti': A yin nak Isaac, a tu' ok beyc'altoj enatil, ẍi Dios bay. 8 A jun ti', chi yal elapnok tol c'am junok mac tol yujc'al yichmam chi je' yoc yuninalok Dios. Ayon yinatil on Abraham ti', pitzc'ojnak on el yuj yak'oncan Dios ti' bay, asan on tu' caw yel yinatil Abraham on tu' yul sat Dios. 9 Tix tzet yalnak Dios bay Abraham tu' yet max yak'on is ti' bay: Ok in jay yet jun tiempoal txequel yayjicanok. A yet tu' ok jay junok yune' Sara, tol winak unin, ẍi Dios bay. 10 Chi wal c'apaxtok ayex yabixal Isaac jichmam on. A Rebeca ocnak yetbiok. Ay cawan yune xal junnejc'al max yun yalji. Yet Isaac tu' eb cawanil. 11 A yet c'amto chi alji cawan unin tu', c'amto junok tzet watx', ma junok tzet yob chi el yunen eb, max yal Dios bay Rebeca tu' axca ti': A nak babel, ok can nak yalan is chekbanil nak tzunan, ẍi bay. A jun ti' chi chalej ba yalon yetok juntzanxa tzet tz'ibbil c'apax can yul tx'an Un bay chi yal axca ti': Max in camc'ulnej Jacob, axa Esaú max in cabc'ulnejcan elok, ẍi Dios yul tx'an Un tu'. A ton juntzan k'anej ti' chi tx'oxk'abnen elok, tol ay yalon yet Dios sic'on el junok mac chi yochej. Man yujok tzet chi el juneni, xan chon yawtej oc Dios yetok. 14 Palta, ¿tzet con chi che na'? ¿Xin ta man tojolok chi yut Dios axca tu'? C'amak, tojol toni. 15 Yujtol yalnak axca ti' bay Moisés: Ok wak' in yabenc'ulal bay mac chi yal in c'ul, cax ok ok' in c'ul yin mac bay chi yal in c'ul, ẍi Dios. 16 Caxc'al chi jochej chon colchaji, caxc'al caw chi jak' jip, man yujok tu' chon colchaji, palta asan yuj chi ok' c'ul Dios jin. 17 Tz'ibbilcan ay yul tx'an Un tzet yalnak Dios bay faraón, cham yajaw bay Egipto. Max yal axca ti': Max ach waoc reyal bay jun conob ti', yujtol wochwan chin tx'ox in mayk'ak'al en, cax ay is may in binaj bay masanil yulyibank'inal, ẍi Dios bay. 18 Yuj tu xan a Dios chi ok' is c'ul yin mac bay chi yal is c'ul, chi yak' c'apax pitbok c'ul mac bay chi yal c'ul. 19 Palta tekan ayex ok e yal axca ti' ayin: Ta axca tu xin, ¿tzet yuj xan chi yal pax Dios tol ayon yobtakwom on xin? ¿Mac junok chi je' tenon oc wanaj tzet chi yochej Dios? tekan quex chi. 20 Palta c'am chi je' jalon axca tu'. C'am junok mac chi je' teyelen ba yetok Dios. A junok tx'otx' tol tz'akbil, xin ta chi je' yalon tx'otx' bay is tz'akomal axca ti': ¿Tzet yuj xan caytu' chin otej? ¿xin ta ẍi tx'otx'? 21 Yujtol a jun tz'aklom tu', chi je' tz'akon junok tx'otx' axca chi yochej c'ul. Caxc'al junnej bay chi tit is tx'otx' chi k'ana', palta chi je' watx'nen junok tx'otx' yuj k'anlay yin watx'il, c'al junokxa yuj k'anlay yin comonc'al. 22 Xan caytu' Dios yetok eb anima. Ay eb moj chaon yowal c'ul Dios, moj eb tojcan bay yailal yin junelnej. Caxc'al chi yochej Dios chi tx'oxk'abnej el yowal c'ul yin eb, yuj tx'oxon el eb is mayk'ak'al Cham, palta caw miman chi yut c'ul, chi yak'c'al techaj yobtakil eb. 23 Axca ton ti' max yun tx'oxon el Dios tol caw miman yelapnok is watx'c'ulal ayon, yet max ok' c'ul jin. Yujtol payxatax max on yacan oc yetok, yet watx' ay jalon jet yin is watx'il. 24 Caxc'al ayon israel on, caxc'al ayon mayon israelok, awtebil onxa yuj joc yetok. 25 Yuj tu xan max yal Dios yul libro Oseas axca ti': A juntzan eb man in conobok yet yalantok, ok wak' yik eb tol in conob eb. A eb c'am in yabenc'ulal yin yet yalantok, axa tinani', ok in yabenc'ulnej eb. 26 A bay max wal bay eb axca ti': Man in conobok ex, quin chi, a bay tu' ok al-lay e yin: Tol yuninal ex Cham Dios iquis, ẍi, ẍi tx'an Un tu'. 27 Albilcan yuj Isaías yabixal eb jet israelal, max yalcan axca ti': Caxc'al tol c'amxa chi bischaj eb conob axca yarenail ti' a' mar, palta jaywannej eb ok colchajcanok. 28 Yujtol majxa mayjok tiempo beyc'ulnen Cham Yajaw yulyibank'inal ti' yin tz'akanil, ẍi. 29 Ac'al ton oc Isaías tu' alnej c'apaxcan axca ti': Tolok wal maj el yin c'ul Cham Jajawil, Yajaw yin masanil, max yak'can jaywanokxa jinatil, axca mi wal max yun c'aylay el conob Sodoma, c'al Gomorra max juncanok, ẍi. 30 Ti chi waltok tzet chi yal elapnok juntzan chi wal ti' ayex. A eb man israelok, c'am chi ec' nanon c'ul eb tzet chi yun yoc eb watx'il yul sat Dios, palta chi yal Dios tol ay eb watx' yul sat. Chi yal Dios yin eb axca tu', yujtol chi yaoc eb c'ul yin. 31 Yak'ban pax eb wet israelal, caw chi yaoc eb nabal yin ley Moisés, yet watx' chi oc eb watx'il yul sat Dios yuj, naoni. Palta maj yun axca tu'. 32 ¿Tzet yuj xan axca tu' chi elol yiban eb? Yujtol c'am chi yaoc eb c'ul yin Cristo. A naon eb tol chi je' yoc eb watx'il yul sat Dios yuj juntzan chi el yunen eb tu'. Yuj tu', axca junok ch'en ch'en bay chi chipil eb yakan, caytu' Cristo yul sat eb. 33 Yalnak Dios yabixal Cristo yul tx'an Un axca ti': Ayin wal max wacan oc jun ch'en ch'en bay conob Sión, jun ch'en bay chi chipil eb yakan, cax chi telc'ojtok eb yuj. Palta a mactxel ok yaoc c'ul yin, c'am bak'in ok somchaj el c'ul eb yuj, ẍi Dios yul tx'an Un tu'.
1 Ex wuẍtak, ex wanab, caw chi wochej tol chi colchaj eb wet israelal. Chin k'an jun ti' bay Dios. 2 Yel toni caw chi yiajtek eb c'ulok yak'on serbil Dios, palta man yojtakok eb tzetbil chi yun yak'lay serbil Cham axca chi yochej tu'. 3 Man yojtakok eb tzetbil chi yun yoc eb watx'il yul sat Cham. Chi yochej eb tol munil chi yaoc ba eb watx'il yul sat Dios yul yet. Yuj tu' c'am chi oc eb watx'il yul sat Cham, axcata' wal chi yochej Cham. 4 Yuj Cristo xan c'amxa yalon yet ley Moisés yin yak'on watx'jok anima satak Dios, yujtol tzanc'al mac chi yaoc c'ul yin Cristo chi watx'ji eb satak Dios. 5 Albilcan yuj Moisés tzetbil chi jut co ba, ta chi jochej chon oc watx'il yul sat Dios yuj jun ley tu'. Chi yal axca ti': A mactxel ok iken tzet chi yal ley, ok iquisbokc'al yuj, ẍi. 6 Palta ay pax junxa chi aloni, tol asan chi jaoc co c'ul yin Dios, cax chi yalon Dios tol watx' onxa yul sat. Chi yala': C'am che yal axca ti': ¿mactxel chi je' yajtok bay satcan? man quex chiok. Chi yal elapnok tol manchak e na' mac chi toj ion aytek Cristo. 7 Chi yalon c'apax axca ti': Tamwal che yala': ¿mac wal junok ok aytok yul tx'otx'? man quex chiok. Chi yal elapnok tol manchak e na' mac chi aytok toj yion ajtek Cristo xol eb camnak. 8 Chi yal c'apax axca ti': A jun k'anej ti', ayic' co xol, ayxa oc yin co nabal, chi je' e yaloni, ẍi. A jun k'anej chi binaj ti', a ton jun abix chi jalilok. Jun chi aloni tol yowalil chi jaoc co c'ul yin Cristo. 9 Ta chi jala' tol a Jesús Jajawil, cax chi jaon oc yin co c'ul tol a Dios max ictzonen aj Cham xol eb camnak, ok on colchajok. 10 Watx' on yul sat Dios asan yuj chi jaoc co c'ul yin Jesús. Chon colchaji, yujtol chi jala' tol a Cham Jesucristo Jajawil. 11 Chi yal yul tx'an Un axca ti': A mactxel ok yaoc Cham yipok c'ul, man ok somchaj el c'ul yuj, ẍi. 12 Caxc'al israel on, caxc'al mayon israelok, lajan on yul sat Dios co masanil. Yujtol a Cham Jajawil, Yajaw yayji jiban co masanil. Tzanc'al mac on txel chi jal co ba bay, xiwil is watx'c'ulal chi yak' ayon. 13 Axcata' chi yal yul tx'an Un: Masanil mac chi yal ba bay Cham Jajawil xin, ok colchaj el eb, ẍi. 14 Palta a eb manchak yaoc c'ul yin Cham Jajawil, ¿tzet ok yut yalon ba eb bay? ¿tzet ok yut yaon oc eb c'ul yin, ta manchak yab eb yabixal? Yetok c'apaxok, ¿tzet ok yut yaben eb yabixal, ta c'am mac chi alon yabixal bay eb? 15 Palta, ¿tzet ok yun toj eb aloj abix, ta c'am mac chi chekontok eb? Yuj tu' xan chi yal c'apax tx'an Un tu' axca ti': Xiwil watx'il yili yet chi jayoc eb chi alon watx' abix, ẍi. 16 Palta man masanilok eb chi iken jun k'anejal yet colbanilej ti'. Axcata' yaloncan Isaías: Mamin, ¿mactxel max yaoc c'ul yin k'anej max al-lay can elok? ẍi. 17 Asan tzet chi jabej chi jaoc yin co c'ul. A jun abix tol yowalil chi al-laycan elok, a ton yabixal Cristo. 18 Palta, ¿tzet quex chi? A eb israel, ¿xin ta maj yab eb jun k'anejal yet colbanilej ti' che na'? C'amak, max yab eb masanil, yujtol caytu' yalaycan yul tx'an Un axca ti': Chi beytok yabixal yiban tx'otx' masanil, cax chi apni oc masantac'al bay lajub yulyibank'inal ti', ẍi. 19 Palta majc'alta' yaoc eb yin c'ul. ¿Tzet quex chi yin eb? ¿Xin ta maj nachaj el jun abix tu' yuj eb israel che na'? Max nachaji. Ilab a Moisés alnejcan tzet max yal Dios bay eb: Ok in tx'emtek e yowal yuj jun conob che yala' tol man conobok yayji. Ok wak' pax tit e yowal yuj jun conob c'am is nabal, ẍi Dios yul tx'an Un tu'. 20 Ilab c'apax Isaías, max tec'baj ba yalon tzet max yal Dios yin eb man israelok. A eb c'am chin k'anlen ec'ok, max quin ilchaj yuj eb. Yetok c'apax bay eb c'am chi yal ba ayin, max in tx'ox in ba bay eb, ẍi Dios. 21 A Isaías tu', max yal c'apaxcanok, tzet max yal Dios yin eb yet israelal: Masanil tiempo batxanc'altok in k'ab yin wawten jun conob c'am jabok chi yikej, yelxac'al pit, ẍi Dios.
1 A eb conob Dios tu', ¿xin ta pilan wal max intaknelay el eb yuj Cham? Majc'al bian. Ilab ayin ti', israel in yetok eb. Yinatil in c'apax Abraham yetok eb. Yinatil in Benjamín. 2 Atax yet payxa max yalcan Dios, tol yet yayji conob israel, xan a tinani', man intaknebilok el is conob tu' yuj. Jojtak yabixal Elías yul tx'an Un. A yet max txajli Elías tu' bay Dios junel, max yalon tzet is mul eb yet israelal tu', max yal axca ti': 3 Mamin, a eb wet conob ti', max yak' cam eb juntzanxa eb a chekbej, cax max yuchontok eb a altar. A tinani', asan in max in cani, palta ilab chi yochej eb chin yak' c'apax camok, ẍi bay Dios. 4 Palta max yal Dios bay axca ti': C'amak. Ayto ukebokxa mil eb et israelal mitx'bil waay wuj tol majc'alta' oc eb yin ayilal bay Baal, ẍi Dios bay. 5 Ac'ala' ton c'apax tinani', ay jaywan eb xol eb wet israelal, tol sic'bil el yuj Dios yuj is watx'c'ulal. 6 Yuj is watx'c'ulal Cham, xan max sic'lay el eb yuj, man yujok tzet max el yunen eb. K'inalok ta yuj tzet chi el yunen eb, xan chi sic'lay el eb, tita tol man yujok watx'c'ulal Dios chi yal tu'. 7 Palta, ¿tzettax chi eloc eb israel che na'? Max yak'lej eb sayon tzetbil chi yun yoc eb watx'il satak Dios, palta maj je' yuj eb. Ti asan eb sic'bil el yuj Dios xol eb tu', asan eb tu' max je' yuj. Axa pax juntzanxa xin, tol max ak'lay pitbok el eb. 8 Yujtol chi yal yul tx'an Un axca ti': A Dios max ak'on pitbok el eb. Yuj tu', caxc'al chi yilc'al eb, palta c'am chi nachaj el yuj eb. Caxc'al chi yabc'al eb, palta majc'alta' nachaj el yuj eb. Ac'ala' eb tinani', ẍi yul tx'an Un tu'. 9 Yalnak c'apax can David axca ti': A is lobej eb yin amigoal, yutokab ba yin yalil bay eb. Telc'ojokab tok eb xol juntzan is k'in tu'. Jayokab yailal yiban eb. 10 Utcantok eb yin c'amxa chi ilwi eb. Axcaokab junok anima tenbil ay nojan yuj tzet ikbil yuj, cayokab tu' chi yuncan eb masanil tiempo, ẍi David tu'. 11 Chin k'anlej ayex, a yet max etax el eb wet israelal tu', ¿xin ta junelnej wal max etax el eb? C'amak. Yujtol max pitbi el eb, yuj tu' xan ay eb man israelok chi colchaji. Axa eb wet israelal ok ilonok, ok yochej oc eb. 12 Yujtol etaxnak el eb wet israelal tu', yuj tu' xan watx' yet masanil anima yulyibank'inal ti'. Yujtol cannakcan eb yalan, yuj tu xan caw watx' yet eb man israelok. Ta axca tu xin, ec'ban watx'il jet co masanil yet ok meltzoj pax oc nabal masanil eb wet israelal junelxa. 13 Palta ay jun tzet chi yochej in c'ul chi wal ayex, ex mayex israelok. A Dios max yak' wopiso in mulnaj e nan e xol. Yuj tu', caw miman yelapnok jun wopiso ti' yul in sat. 14 Chi wochej chi yil eb wet conob tol lanan e colchaji, talaj c'uxan ayto pax eb chi yochej ajok tol chi colchaj c'apaxok. 15 A eb wet israelal tu', intaknebil el eb yuj Dios jun tiempoal. Yuj tu' chi je' yoc masanil juntzanokxa anima yin junc'ulal yetok Dios. Tx'okxam wal watx'il yet ok chalay pax oc eb junelxa xin. Axq'uijanxac'al mi tol chi ictzoj aj eb anima xol eb camnak, yujtol miman watx'ilal ok cha eb. 16 K'inalok a ixim babel pan chi eltek yin ixim harina, yet ton Dios yayji, ta caytu', yet ton Dios ixim masanil. Axca junok te te', ta yet Dios te xeej, yet Dios te k'ablakej c'apaxok. 17 Palta ay eb wet conob elnak yul is k'ab Dios. Axca junok te k'ab olivo chi tzoc'lay el yin is txutxal, caytu' eb. Axa ayex ti' xin, axca junok k'ab te xolakteal olivo, cayex tu', yujtol mayex israelok. Palta axca tol max quex tz'unlaycan oc q'uexelok eb bay max tzoc'lay el yin te txutxalej tu', yujtol ay e yalon e yet yetok eb jichmam on ayon israel on ti'. 18 Palta maj je' e naoni tol watx' ex yintak eb ibil el tu'. Yujtol axcac'al junok k'ab te', cayex tu'. A junok k'ab tu', c'am chi je' tol a' chi ak'on yaxbok te xeej, palta tol a te xeej chi ak'on yaxbok te k'abej tu'. 19 Tekan che yal axca ti': A eb israel tu', axca tol tzoc'bil el eb yin is txutxal, yet watx' ayonxa chon oc q'uexelok eb, tekan quex chi. 20 Yel toni, axca ton tol tzoc'bil el eb wet conob tu', yujtol maj yaoc eb c'ul yin Dios. Axa ex pax xin, yuj che yaoc e c'ul yin, xan max quex occan q'uexelok eb. Yuj tu', xe yi talaj aj can e ba, taynejekc'al e ba. 21 Ilab maj yak' Dios mimanc'ulal yin eb yetc'alta'a. Akxam ex wali, man ok yak' mimanc'ulal e yin c'apaxok, ta che yiel e c'ul yin. 22 Ojtaknejek elok tol miman is watx'c'ulal Dios, palta ak'om cuenta c'apax Cham sic'libil. A eb etaxnak el tu', ak'bil cuenta eb yuj. Palta xiwil is watx'c'ulal Cham chi tx'ox ayex. Yowalil che cawxanej oc e ba yin is watx'c'ulal tu'. Ta c'amak, ok ex ilay c'apax el yuj ayex ti'. 23 A eb wet conob tu', ta ok ya pax oc eb c'ul yin junelxa, ok yi pax oc eb yetok junelxa. Axca tol ok tz'unlay oc eb yin is txutxal junelxa. Yujtol ay is yikbej Dios yuten eb axca tu'. 24 A ex mayex israelok, axca tol a yin junok te xolakteal olivo tzoc'bil ex elok, cax max ex tz'unlay oc yin te awbejal olivo. Caxc'al mayexc'alta' is mimanilok te' yet yalan, palta max ex oc is mimanilok te'. Ta axca tu' max ex utlayi, ac'ala' c'apax eb wet conob, axca tol ok tz'unlay oc eb yin is txutxal bay elnak tu', is txutxalc'alta' eb yet payxa. Yuj tu', ok watx'jok oc eb yin junelxa. 25 Ex wuẍtak, ex wanab, a juntzan chi waltok ayex ti', c'am mac ojtaknen payxa. Palta tinani', chi wochej che yojtaknej elok, yet watx' c'am che yi can e ba yuj e jelanil. A eb wet israelal tu', xiwil eb pitbinak elok. Ok can eb axca tu', masantac'al ok yal tz'aknaj yoc eb man israelok. 26 Catatu bian, cax ok colchaj masanil eb wet conob, yujtol chi yal yul tx'an Un axca ti': A bay conob Sión, a tu' ok aj jun colwajwom. A' ok ion el is yobtakil eb yinatil Jacob. 27 Axca ti' ok wut wak'on in trato yetok eb, yet ok wak'on tan is yobtakil eb, ẍi Dios. 28 A eb wet conob tu', yajc'ul ba eb yetok Dios, yujtol c'am chi yaoc eb jun k'anejal yet colbanilej yin c'ul. Caytu' yak'on eb axca ti', yet watx' ayexxa chi je' e colchaji. Palta ac'ala' camc'ulnebil eb yuj Dios, yujtol a' sic'nejcan el eb jichmam on. 29 Yujtol a tzet chi yak' Dios, junelnej chi yak'a'. C'amxa chi yiec' junelxa. A eb chi yawtej oc Dios yetok, junelnej chi yawtej oc eb yetok. 30 A yet yalan, mayex yikemok bay Dios. Axa tinani xin, chi ok' c'ul Cham e yin, yujtol a eb wet conob, man yikemok eb bay. 31 Caywal tu' yayji eb wet conob tu' tinani', caw wal man yikemok eb bay Dios, yet watx' a yet ok yilon eb tzetbil chi yun e yion is yabenc'ulal Cham ayex ti', ok yi c'apax eb is yabenc'ulal Cham. 32 A Dios max yala' tol c'am junok on yikem on. Max con yut axca tu', yet watx' jun lajan yok' c'ul jin co masanil. 33 A Dios, ¡manxa jantakok is watx'il, manxa jantakok is jelanil, manxa jantakok tzet yojtak! C'am chon tzakay jalon el tzet max nabalnej elok, c'al tzet chi el watx'neni. Cax c'am c'apax junok chi nachaj el is beybal Cham yuj. 34 Axca chi yal yul tx'an Un: ¿Mac junok maxax ojtaknen el is nabal Cham Jajawil? ¿Mac junok max ak'on nabal Cham? 35 ¿Mac junok max ak'on junok is sabal bay Cham yin babelal, cax tzunanxa chi yak' Cham yet bay? ẍi yul tx'an. 36 Yujtol masanil tzetak yetal, a bay Dios chi tita. A Cham watx'nenej masanil tzetak yetal, yet watx' chi txecloj el is watx'il Cham. Mimanokabc'al yelapnok Cham masanil tiempo. Yunokabi.
1 Ex wuẍtak, ex wanab, caw chi ok' c'ul Dios jin. Yuj wal tu', chin tewi ayex, tol che bekoc e ba yul is k'ab. Axca junok xajanbal iquis, tol chi ak'lay bay Cham. Ta chi co bekoc co ba bay axca tu', chi yal elapnok tol yet on, cax chi tzaloj c'ul Cham jin. Axca tu' is mojal chi yun joc ayilal bay. 2 Manxaokab lajanok chi jut co beybal yetok eb yet yulyibank'inal ti'. Q'uexchajokab co nabal, yet watx' chi watx'jic'al oc co beybal junelnej. Ta axca tu' chi jut co ba, ok nachaj el juj tzet chi yochej Dios jin. A juntzan tzet chi yochej tu', watx'c'al elok, chi tzaloj Cham yuj, c'am jabok tacnakil yul sat Cham. 3 A Dios, max yak' wopiso yuj is watx'c'ulal. Yuj tu' xan chi waltok juntzan ti' ayex e masanil. C'am chi je' co naon junjun on tol ec'ban jelapnok. Yowalil yaynakilokab on co naoni, atac'ala' tzet jopiso max yak' Dios ayon junjun on, yuj chi jaoc co c'ul yin. 4 A co mimanil, xiwil yetbeyom, palta tx'ok tx'okc'al yopiso junjun. 5 Axca co mimanil tu', cayon ton tu'. Caxc'al xiwil on, palta axca tol junnej animail jayji yul is k'ab Cristo. Axca ton masanil yetbeyom co mimanil tu', junnej yayji, cayon tu', junnej jayji co masanil. 6 Tx'ok tx'okc'al jopiso junjun on, atac'ala' tzet chi el yin c'ul Dios chi yak' ayon. Yuj tu', yowalil chi jil jopiso tu' junjun on. A mac a aloj el k'anej Dios max ak'lay yunej, yowalil chi yalilok, atac'ala' jantak wal chi yut yaon oc is c'ul yin Cham. 7 A mac a ak'oj serbil yet creyenteal max ak'lay yunej, yowalil watx' chi yut yak'on serbil eb. A mac cuyomal yet creyenteal max ak'lay yunej, yowalil tol chi ya wal oc yin c'ul cuyon eb. 8 A mac chi je' yuj yawi oc nabalej, yowalil chi yil yopiso tu'. A mac chi je' yuj colwaj bay eb meba', yak'okab bay eb yin masanil is c'ul. A mac a' ak'oj cuenta yet creyenteal yopiso, yak'okab yip yak'on cuenta eb. Yetok c'apax mac yojtak chi ok' c'ul yin eb ayoc yin yailal, colwajokab bay eb yin tzalojc'ulal. 9 Co camc'ulnelej co ba yetok acaw camc'ulal. Tzanc'al tzet man watx'ok, co yajcan elok. Axa yin tzetak yetal watx' chi jaoc co nabal. 10 Watx' chi jut co camc'ulnen co ba, yujtol junxanej jayji yin Cristo. Yowalil chi jiaytek co ba junjun on, yet watx' ay jelapnok junjun on yul co sat. 11 C'asan chi jut co ba bay Cham Jajawil. Manokab isajok chi jut co ba bay Cham. Yinokab masanil co c'ul chi jak'on serbil Cham. 12 Tzalojok on masanil tiempo, yujtol a Dios chi jaoc yipok co c'ul. Tec'an chi jut co ba yet chi jilon yail. Manchakc'al co bek co txajli. 13 Colwajok on bay eb jet creyenteal, yet ay tzet caw yowalil chi oc yuj eb. Ak'omokab on posada bay eb chi ec' ayon. 14 A mac yob chi yut c'ul ayon, aokab watx'c'ulal Dios chi co k'antek yiban, cax manokabnak yowal c'ul Dios chi co k'antek yiban, palta aokab is watx'c'ulal. 15 Tzalojokonek yetok eb chi tzaloji. Cusokonek yetok eb chi cusi. 16 Junc'ulalokabc'al jayjiek co masanil. Manchak jiek can co ba. Watx'okab chi jut co ba yetok eb c'am yelapnok yul sat jet animail. Manchak co naek tol caw jelan on. 17 Ta ay mac chi yak' yobc'ulalil ayon, manchak co pakek co ba bay. Watx'okabc'al chi jut co beybal satak masanil anima. 18 Jak'ek jip jayji ec' yin junc'ulal yetok eb masanil. 19 Ex in camc'ulnebil, c'am chi je' co pakon co ba bay junok mactxel. Yowalil chi jechbanej, yet watx' munil chi yak' Dios pak bay. Yujtol yalnak Cham yul tx'an Un axca ti': Ayin ti' ay walon wet waon oc is yailal eb. Ayin ok wiec' pak bay eb, ẍi Cham Jajawil, ẍi tx'an. 20 Chi yalon c'apax yul tx'an Un tu' axca ti': Ta ay is wajil mac ajc'ul oc en, ak' lowok. Ta ay is takintial, ak' yuc'a'. Caytu' ok yun cakbok aj sat yuj q'uixwilal, ẍi yul tx'an Un tu'. 21 Manchak co chaek jak'lay ayc'ay yuj junok yobtakil chi jay jiban. A ti jet, watx'okab chi jut co ba, yet watx' ayon chi jak' ayc'ay yobtakil tu'.
1 Yikemokab chi jut co ba co masanil bay eb yajaw, yujtol a Dios chi aon oc eb yin yopiso. A Dios chi aon oc yopiso eb, ta c'amak c'am mi junok eb ay yopiso. 2 Yuj tu', ta ay mac chi tenon tzet chi yal eb yajaw tu', chi yal elapnok tol a bay ikbej, ma bay opiso tz'unbilcan el yich yuj Dios, a chi tena', cax ac'al oc chi yitek yowal c'ul ley chi ten tu' yiban. 3 Yujtol a eb yajaw tu', ayoc yopiso yet watx' chi xiw eb c'am watx'il is beybal bay eb. Man yujok xiw eb watx'c'al tzet chi el yunen bay eb, xan ayoc yopiso eb. Yuj tu', ta chi jochej c'am chon xiw bay eb, watx'okabc'al chi jut co beybal tu'. Ta watx'c'al chi jut co beybal, chi tzaloj eb jetok. 4 Ayoc yopiso eb yuj Dios, yuj watx'ilok masanil anima. Palta ta yob tzet chi el juneni, moj chon xiw bay eb, yujtol ay yikbej eb yaon oc yailal jiban. Yujtol ayoc yikbej eb yuj Dios yak'on yailal mac yob tzet chi el yuneni. 5 Yuj tu', jikejek tzet chi yal eb yajaw tu'. Man asannejok yujtol chon xiw yaon oc eb yailal jin, xan chi jikej, palta yujokab tol axca tu' chi cha c'ul Dios. 6 Yuj tu', yowalil chi jak' co tojlabal axca chi yal ley, yujtol a Dios anej oc yopiso eb yin yajawil, cax lanan yilon eb yopiso tu'. 7 Tzanc'al yajawil chi k'anil tumin jin, cax ta caytu' yalon ley, jak'ek. Caxc'al co boleto, ma junok co licencia, co tojlanej axca yalon ley. Ta moj co xiw bay eb yajaw tu', xiwokonek bay eb xin. Ta moj ay yelapnok eb yul co sat, ayokab yelapnok eb yul co sat. 8 Ta ayon ay bay ay co jec, jak'ek paxok. Ay jun tzet axca tol co jec yayji bay eb jet animail, a ton co camc'ulal, yujtol yowalil chi co camc'ulnelej co ba. Ta chi co camc'ulnej co ba, chi yal elapnok tol lanan jiken ley Dios masanil. 9 Ay juntzan chekbanil chi alon axca ti': Manchak e yaoc e mul yul k'ab e yetbi junjun ex. Manchak e mak' cam e yet animail. Manchak ex elk'ani. Manchak e yochej oc junok is tzet yetal e yet animail, ẍi. A juntzan tzet max in txoltek ti', c'al juntzanxa, chi junanej ay ba yin jun chekbanil ti'. Che ya'ilnej e yet animail axca che yut e ya'ilnen e ba junjun ex, ẍi. 10 A mac chi ya'ilnej yet animail, c'am chi yak' junok yobc'ulalil bay yet animail tu'. Yuj tu', ta chi co ya'ilnej eb, c'am tzet chi jak' palta yul sat ley Dios. 11 Ti chi wal c'apax junxa ti' ayex. Ojtaknejek el tzet yayji jun tiempoal ti' tinani'. Yujtol a tinani', tiempoalxa naon ba co c'ul axca yel co wayan, yujtol janic'xanej, cax ok tz'aknajxac'al co colbanil. Cawilxa yintak yet max jaon oc co c'ul yin Cristo. 12 A tinani' lananxa q'uexchaj tiempo; axca tol lanan yec'can el ak'bal, toxa chi sakbi. Yuj tu xin, co bekcan junen yobtakilal, cax chi co watx'nen co ba yin jak'on jip junen watx'ilal. 13 Axcaokab eb watx' chi yut ec'jab ba yet c'ualil, axcaokab tu' chi jut co ba. Tojolokabc'al chi jut co beybal yil anima. Manchak on uc'wi an, cax chon wekeki. Manchak on mulji, manchak el junen junokxa tzet man watx'ok yetok co mimanil. Manchak jak'lej owal yetok junokxa mactxel. Manchak on sawenbi oc yin junok mactxel, yuj tzet ay yul is k'ab. 14 Yowalil chi co cha is yipalil Cham Jajawil Jesucristo axca chi yun junok soldado yet chi chaon is mitx'k'ab yet owal, cax manchakxa jaoc co nabal yin tzet chi yochej oc co yob ochwanilal.
1 Ay eb creyente manto tec'anok waayi, yujtol c'amto chi nachaj el cuybej Cristo sic'libil yuj eb. Chaek oc eb e yetok, palta man comonok che teyelej e ba yetok eb yin tzet manto nachaj el yuj eb tu'. 2 Yujtol a eb creyente tec'anxa waayi, yojtak eb tol tzanc'al tzet chi je' loon eb ma chion eb, palta ay eb manto tec'anok waayi. Yuj tu', chi xiw eb chion chibej, asan itaj chi chi eb. 3 A ayon mac on chi co chi' masanil tzetak yetal, maj je' jalon k'umal eb c'am chi chion masanil tzet yetal tu'; yetok c'apaxok, a eb c'am chi chion masanil tzet yetal tu', maj je' yalon c'apax eb co k'umal, yujtol chabil onc'al yuj Dios yetok eb. 4 K'inalok ay junok mac chi mulnaj bay is patrón, ¿xin ta ay jalon jet co beyc'ulnen nak tu' che na'? C'amak. Asan is patrón nak tu' chi je' yaloni ta watx' nak yul is sat, ma c'amak. Xan cayon tu' bay Cham Jajawil. Watx' ok on eloc yul sat, yujtol ay is yipalil Cham ayoc jetok, yet watx' watx' chon elocok. 5 Ay eb creyente chi aloni tol ay juntzan c'u miman yelapnok yintak juntzanokxa. Ay eb chi alon xin, tol lajanc'al junjun c'u, c'am junok miman yelapnok. Yuj tu', co naek yin co nabal junjun on baytet chon cani. 6 A mac chi yikej ba yet juntzan c'ual chi wal ti', chi yikej ba yujtol miman yelapnok Cham Jajawil yul sat. Yetok c'apax junxa ti', a mac chi chi' tzanc'al tzet yetal, chi chi', yujtol ay yelapnok Cham Jajawil yul sat, yujtol chi yal yuj diosalil bay Dios yuj, cax chi looni ma chi chioni. A pax mac c'am chi chi', ma c'am chi lo' masanil xin, c'am chi chi', yujtol ay yelapnok Cham Jajawil yul sat, cax chi yal c'apax yuj diosalil yuj bay Dios. 7 Yak'ban iquis on, man jetok co ba. A yet chon cami, man c'apax jetok co ba. 8 Ta iquis on ec'ok, yuj jion can Cham Jajawil xan iquis on. Ta chon cami, yuj jion can Cham Jajawil xan chon cami. Yuj tu', caxc'al iquis on ec'ok, caxc'al chon cami, yet onc'alta' Cham Jajawil tu'. 9 Yujtol max cam Cristo, cax max ictzoj pax ajok, yet watx' chi oc Cham Yajawilok eb camnak, c'al Jajawilok mac on iquis on c'apax ti'. 10 Yuj tu', c'am chi je' co beyc'ulnen junok jet creyenteal. C'am c'apax chi je' jaloni, tol c'am yelapnok eb, yujtol co masanil yowalil ok on apnok oc satak Dios, cax ok on beyc'ulneni. 11 Yujtol chi yal yul tx'an Un axca ti': Ayin Yajaw in ti', chi wala' cax chi wak'on in ti', tol ok ay jajan masanil anima in satak, cax masanil eb ok yak' ti' ayin, ẍi yul tx'an Un tu'. 12 Yuj tu', yowalil junjun on ok jal tzetak max el junen bay Dios. 13 Yuj tu', manchakxa co beyc'ulnelej co ba. Aokab junxa ti' chi junej. Tol watx'okab chi jut co beybal yil eb jet creyenteal, yet watx' c'amokab junok eb chi etax el jujc'al, cax c'am junok eb chi somchaj el nabal. 14 Ayin ti', yujtol ayoc in nabal yin Cham Jajawil Jesús, xan wojtak sic'libil tol c'am junok loj munilc'al ay yowalil yuj, palta ta ay mac chi naoni tol ay yowalil junok loj yuj Dios, c'am chi je' loon jun tu', yujtol ay ton yowalil yuj Dios bay xin. 15 K'inalok ay junok tzet ay yowalil loji ma chiji yuj juntzanok eb jet creyenteal. Ta yuj chi co lo' ma yuj chi co chi', cax chi cus c'ul eb, c'am co camc'ulal yin eb chi yal tu'. Palta max cam Cristo yuj eb c'al juj. Yuj tu', caw ay is may, ta chi etax el nabal junok anima yuj junok tzet chi co lo' ma tzet chi co chi'. 16 Ayon ti', jojtak tol watx' juntzan tu', palta ta ay eb chi aloni, tol c'am watx'il yuj chi co lo' ma yuj chi co chi', manchak co loek, manchak co chiek satak eb. 17 A tinani', ayon oc yul k'ab Dios. Yuj tu', manxa mojok chi jaoc co nabal yin tzet chi co lo', ma tzet chi co chi', c'al tzet chi juq'uej. Palta mojxa tol tojol chi jut co nabal, junc'ulalokab ayon, cax chi co chaon jun tzalojc'ulal chi yak' Cham Espíritu Santo ayon. 18 Ta axca tu' chi jut jak'on serbil Cristo, ok tzaloj Dios jetok, cax chi yilon c'apax eb jet animail, tol watx' co beybal. 19 Yuj tu', chi cam co naon tzet watx' chi jut co ba, yet watx' junc'ulalokabc'al ayon co masanil. Chi cam co naon c'apax tzet chi jut co wajan anej oc co tec'anil. 20 Caw ay is may chi etax el is mulnajbal Dios yin eb jet creyenteal, yujc'al tzet chi co lo' ma tzet chi co chi'. Yuj tu', manchak jut axca tu'. Yel toni, c'am junok tzet yetal chi co lo' ma chi co chi' ay yowalil yuj Dios. Palta ta ay eb chi somchaj el nabal yuj tzet chi co lo' tu' ma chi co chi' tu', co bekcan co looni ma co chioni. 21 Yuj tu', ta ay eb chi somchaj el nabal, yuj chi co chi' chibej, ma yuj chi juc' vino, ma yuj junokxa tzet chi el juneni, yelxac'al watx' chi co bekcan junen juntzan tu'. 22 Yujtol ayoc Dios yin co c'ul, yuj tu' jojtak tol c'am junok tzet ay yowalil yuj, palta munilokab chi co na juntzan ti' yul sat Dios. Ta jojtak tol c'am yowalil yuj Dios tzet chi el junen tu', watx' jet. 23 Palta a yet chi co lo' ma chi co chi' junok tzet yetal, ta chi co na' tol ay yowalil yuj Dios, cax chito co loon paxok, chi oc co yobtakil bay Cham, yujtol c'am chi jaoc yin co c'ul tol watx' chi el juneni. Tzanc'al tzet chi junej, ta man watx'ok yul sat Dios co naoni, cax chi junen paxok, chi oc co yobtakil bay Cham.
1 Ayon ti', tec'an onxa yin yet Dios, yujtol chixa nachaj el juj tol c'am yowalil juntzan tu', palta ay eb manto tec'anok waayi, chi xiw eb yuj. Yuj tu' co cuenta jak'on techaj is c'am tec'anilal eb tu', yet watx' manchak somchaj el eb juj. C'am chi je' comonc'al chi jut tzet chi yochej co nabal. 2 Junjun on, junek tzet chi cha c'ul eb jet creyenteal, yet watx' watx' yet eb, cax yuj c'apax yocbalok tec'anil eb. 3 Yujtol a Cristo, man munilokc'al max yak' is nabal tx'oklil. Palta jaynak yiban, tzet albilcan yul tx'an Un axca ti': A yet chi buchwaj eb en, ayin jun chi wab c'apax yail, ẍi yul tx'an Un tu'. 4 Masanil tzet tz'ibbilcan yul tx'an Un payxa, ay yopiso con is cuyoni. Chi yak' co tec'anil, chi yak'on c'apax mimanil co c'ul, yet watx' chi jac'al oc Dios yipok co c'ul. 5 A Dios chi ak'on co tec'anil, cax chi yak'on c'apax mimanil co c'ul. Chi wochej chi oc Cham e yetok, yet watx' jun lajan e nabal e masanil, axca is nabal Cristo Jesús. 6 Ta axca tu', junxanej nabalej ok e yunej. Jun lajanxac'al ok yun e yalon e watx' k'anej bay Dios, Cham is Mam Cham Jajawil Jesucristo. 7 Yuj tu', yowalil chi co cha masanil eb jet creyenteal co nan co xol, yujtol axca tu' max con yut chaon Cristo yuj joc yetok, yuj txecloj elok tol xiwil watx'il c'ul Dios. 8 Chi wal juntzan ti' ayex, yujtol a Cristo, ul yak'nak ba yak'omal serbil eb jet israelal on. A ul ak'nej yun tzet yalnak Dios bay eb jichmam on, yet max yak'on is ti' bay eb. Xan axca ti' max yut tx'oxk'abnen el Cristo tol chic'al yun tzet chi yal Dios. 9 Yetok c'apaxok, yuj c'apax eb man israelok xan ulnak ec' Cristo, yet watx' chi yal eb watx' k'anej bay Dios, yujtol max ok' c'ul yin eb. Ilab tol chi yal yul tx'an Un axca ti': Ok wal watx' k'anej en xol mimek conob. Ok in bitnej juntzan bit ayach, ẍi. 10 Chi yalon c'apax junxa ti': Ex nacionlak, tzalojanek yetok is conob Cham Jajawil, ẍi. 11 Ay bay chi yal c'apax axca ti': E masanil ex nacionlak c'al ex conoblak, alek watx' k'anej bay Cham Jajawil, ẍi. 12 Tz'ibbil c'apaxcan yuj Isaías yul tx'an Un tu' axca ti': Ay jun yinatil Isaí ok tx'oxaj ba, axca chi yun yajol junok wolej. A' ok alay oc yajawilok eb man israelok. A jun tu' ok ya wal oc eb yipok is c'ul, ẍi yul tx'an Un tu'. 13 A Cham Dios yipc'ulal yayji juj. A Cham chi wochej chi ak'on e tzalojc'ulal, yetok e junc'ulal, yujtol che yaoc Cham yin e c'ul. Ta axca tu', a Cham ok e ya wal oc yipok e c'ul, yujtol a Yespíritu Cham chi ak'on is yipalil ayex. 14 Ex wuẍtak, ex wanab, wojtak sic'libil tol watx' e nabal, cax caw jelan ex yin yet Dios. Wojtak tol caw chi je' e yalen oc e nabal e xol bay tu'. 15 Caxc'al caytu' e beybal, palta c'am chin xiw in tz'ibentok juntzan cuybej ti' ayex yuj in jekon e na', yet watx' c'am chi toj c'ayc'ulal e yuj. Chi wun axca ti' yujtol a Dios ak'nej jun wopiso ti' yuj is watx'c'ulal. 16 A' ak'nej wopiso wak'on serbil Jesucristo nan xol eb man israelok. A wopiso ak'bil yuj, a ton walon el k'anejal yet colbanilej max yak' Dios, yet watx' ayokab eb man israelok ok waoc yul is k'ab, axca junok xajanbal caw watx' yul sat, yujtol a Cham Espíritu Santo chi ion oc eb yetok. 17 Yujtol ayxa oc Cristo Jesús yin in c'ul, yuj tu' xan chi je' waloni tol miman yelapnok jun mulnajil max wun bay Dios ti'. 18 C'am chi je' in maynen in ba yin tzet max el yunen juntzanxa eb chi ak'on serbil Dios c'apaxok. Palta c'am chin xiw walon tzet chi el yunen Cristo yin quin is k'anbalneni yet max yak'on yikej eb man israelok. Max in ec' waloncan yabix eb, cax ay c'apax juntzan tzet yetal max in tx'ox xol eb. 19 Ay juntzan milagro tx'oxbil wuj nan xol eb, c'al juntzanxa tzet chi tx'oxon el yikbej Dios, yujtol max yak' Cham Espíritu Santo is yipalil ayin. Axcac'al tu' max ec' wut walon el is watx' abix Cristo bay junjun conob. A bay Jerusalén, a tu' max babji walon elok. Max ec' walil bay junjun conob, masantac'al max yal wapni bay yul yet Ilírico. 20 Axcac'al ti' max wut wak'on wip walon el k'anejal yet colbanilej bay junjun lugar bay c'amto chi ablay yabixal Cristo. C'am chi wochej tol a bay albilxa el yuj juntzanokxa chi ec' walilok. 21 Axca ta' yaloncan yul tx'an Un axca ti': Ok yil eb, c'al nachaj el yuj eb, tzet yetal tol c'amc'alta' bay max yab eb k'umal, ẍi. 22 Xiwil el chi wochej chex toj wila'. Ayxa yabilalc'al c'oli in naobtaneni, palta yuj wopiso ti', xan c'am chi je' ex toj wiloni. Xal tinani xin, c'amxa in mulnajil bay juntzan lugarlak ti'. 24 Yuj tu' xan chin na', tol a yet ok in tok bay España, cax ok ex ec' wiloni, yuj ec' wak'on tzalojbok in c'ul e yetok. Ok lajwok wec' jayebok c'u e yetok xin, cax chi wochej chex colwaj wetok, yet watx' chin toj bay España tu'. 25 Palta tinani', a bay Jerusalén ok babjok weq'ui, yuj ec' wak'on jun ofrenda bay eb yet-xa Dios bay tu'. 26 Yujtol max el yin c'ul eb aj Macedonia, yetok eb aj Acaya yion aj jun ofrenda, cax chi toj bay eb creyente meba' bay Jerusalén tu'. 27 Max el yin c'ul eb yaontok jun ofrenda tu'. Watx' ton axca tu', yujtol axca tol ay is jec eb bay eb aj Jerusalén. A eb aj Jerusalén tu', a eb colwajnak bay eb man israelok yin yet espíritual. Yuj tu', a eb man israelok, cuenta ton eb colwaj yetok yofrenda bay eb wet israelal tu'. 28 Yuj tu' xan yowalil chi ec' wak' jun ofrenda tu' bay eb aj Jerusalén. Chi lajwi tu xin, cax chex ec' wilon yet lanan in toj bay España. 29 Wojtak tol a yet ok in apnok oc ayex tu', xiwil watx'c'ulal Cristo ok yak' ayon. 30 Ex wuẍtak, ex wanab, a Cham Yespíritu Dios chi ak'on co camc'ulnelej co ba. Yuj jun camc'ulal tu', xan chin tewi ayex, caw che yak' e yip e yoc yin txaj wetok. Caw chex txajli bay Dios wuj, yujtol axca ti' chi yochej c'ul Cham Jajawil Jesucristo. 31 Che k'an bay Dios tol ok in is colil yul k'ab eb man creyenteok cajan bay Judea. Chex txajli c'apax yuj jun ofrenda ok witok bay eb creyente aj Jerusalén tu', yet watx' ok tzaloj eb chaoni. 32 Chex txajli c'apax wuj, yet watx' tzalojc'ulal chi yun wapni oc ayex tu', ta axca tu' chi el yin c'ul Dios, cax chin xew jayebok c'u ayex tu'. 33 Ocokab Dios, Cham ak'om junc'ulal, e yetok e masanil bay tu'. Yunokabi.
1 Chi wabenej oc janab Febe ti' yul e k'ab, xal diaconisa bay iglesia bay conob Cencrea. 2 Watx' che yut e chaon apnok xal ayex tu', yujtol yet-xa Cham Jajawil xal jetok. Ayon creyente on ti', moj axca tu' chi jut co chaon eb juẍtak c'al eb janab chi ec' ayon. Chex colwaj bay xal yin tzanc'al tzet yetal chi k'anabax oc yuj, yujtol xiwil mac bay chi colwaj xal. Ilab tol max colwaj c'apax xal ayin. 3 Ti chi watok cawil c'ul janab Priscila yetok juẍtak Aquila, eb wet mulnajwomal yin yobra Cristo Jesús. 4 Ijan mak'bil cam eb junel, yet max bet in colon el eb yul k'ab camich. Yuj tu' caw chi wal yuj diosal bay eb. Man asannejok in chi wal yuj diosalil bay eb, palta chi yal c'apax eb creyente bay junjun iglesia xol eb man israelok yuj diosalil bay eb. 5 Chi wak' c'apaxtok cawil c'ul eb creyente chi wajbaj ba bay yatut eb yin culto. Chi watok cawil c'ul juẍtak Epeneto, tol caw ay in camc'ulal yin, yujtol a' babel anej oc c'ul yin Cristo bay Asia. 6 Chi watok cawil c'ul María, xal max yiajtek c'ulok mulnaj e nan e xol. 7 Chi watok cawil c'ul eb wet conob Andrónico yetok Junias. Wet presowomal in ba yetok eb junel. Miman yelapnok eb co nan co xol ayon chekbej Cristo on ti'. Babel yanak oc eb c'ul yin Cristo in satak. 8 Chi watok cawil c'ul juẍtak Amplias. Ay c'apax in camc'ulal yin, yujtol ayoc Cham Jajawil yin is c'ul. 9 Chi watok cawil c'ul juẍtak Urbano, yujtol chi mulnaj jetok yin yobra Cristo Jesús. Chi wa c'apaxtok yet juẍtak Estaquis, yujtol ay c'apax in camc'ulal yin. 10 Chi watok cawil c'ul juẍtak Apeles. A jun juẍtak tu', caw miman txequel tol ayoc Cristo yin is c'ul. Chi wa c'apaxtok cawil c'ul eb is familia Aristóbulo. 11 Chi watok cawil c'ul wet conob Herodión, yetok eb is familia Narciso, tol creyentexa eb. 12 Chi wa c'apaxtok cawil c'ul janab Trifena yetok Trifosa, eb tol caw chi mulnaj yin yobra Cham Jajawil. Chi wa c'apaxtok cawil c'ul janab Pérsida. Caw ay in camc'ulal yin, yujtol caw chi yiajtek c'ulok mulnaj yin yobra Cham Jajawil. 13 Chi watok cawil c'ul juẍtak Rufo, cham ojtakbil xol yet creyenteal, c'al cawil c'ul is txutx c'apaxok. A is txutx tu', axca c'ul yin yune', caytu' yutnak c'ul win. 14 Chi watok cawil c'ul juẍtak Asíncrito, Flegonte, Hermes, Patrobas, Hermas, c'al eb juẍtak ayic' yetok eb. 15 Chi wa c'apaxtok cawil c'ul juẍtak Filólogo, yetok Julia, yetok juẍtak Nereo, c'al ix yanab Nereo tu', yetok janab Olimpas, c'al masanil eb yet-xa Dios ayic' yetok eb. 16 A yet che chalen e ba che yak'len cawil e c'ul yin camc'ulalil, yujtol yet exxa Dios. Ti chi yatok eb bay junjun yiglesia Cristo cawil e c'ul c'apaxok. 17 Ex wuẍtak, ex wanab, ilek e ba bay eb chi yak'lej e pojchajtok, a ton eb chi yak'lej somontok e nabal. Yujtol man axcaok tu' yalon cuybej cuybil e yuj, xan pojek el e ba xol eb. 18 Yujtol a eb tu', manak Cham Jajawil Jesucristo chi yak' serbil eb; asan tzet chi yochej oc mimanil eb chi yak' serbil. Chi ilay aytek sat eb c'am chi nachaj el yuj, yuj eb. C'ununixac'al chi yut tz'ak yalon eb. Axca tol watx' tzet chi tz'ak yal eb tu', palta titol man pax watx'ok. 19 Palta ayex ti', masanil anima ojtakneni tzet che yut e yiken bay Dios. Yuj tu', caw chi tzaloj in c'ul e yuj. Chi wochej tol bak' sat che yut e ba e yunen tzet watx'. A pax tzet man watx'ok xin, man comonok che yunej. 20 A Cham Dios ak'om junc'ulal, a' ok ak'on ayc'ay Satanás e yuj yin ayman, cax ok can yalan e yuj. Tx'oxokab Cham Jajawil Jesucristo is watx'c'ulal ayex bay tu'. 21 Chi yatok Timoteo cawil e c'ul, nak wet mulnajwomal, c'al Lucio, wet conob, yetok Jasón, c'al Sosípater. 22 Ayin Tercio in, lanan in tz'iben el jun carta ti'. Chi wa c'apaxtok cawil e c'ul yujtol yet exxa Cham Jajawil jetok. 23 Chi ya c'apaxtok juẍtak Gayo cawil e c'ul. Ti a bay is yatut ayon ec'ok. A bay yatut ti' chi wajbaj ba eb creyente yin culto masanil. Chi yatok juẍtak Erasto cawil e c'ul, nak tesorero yul conob, yetok c'apax juẍtak Cuarto. 25 Axa tinani' xin, jalek watx' k'anej bay Dios, yujtol a Cham chi je' yak'on co tec'anil masanil tiempo. Axca tu' yalon jun k'anejal yet colbanilej chi walcan elok, a ton yabixal Jesucristo. Atax yet manto watx'nej Dios yulyibank'inal ti', ewantakto yayji yabixal Cristo yuj. 26 Palta tinani', chi yak' ojtaknelay el jun abix tu' yul tx'an Un Tz'ibbilcan yuj eb is chekbej. A Dios ayc'alta' ec' masanil tiempo. A' chi aloni tol a eb anima bay junjun conob, yowalil chi yojtaknej el eb jun abix ti', yet watx' chi yaoc eb c'ul yin, cax chi yiken eb. 27 Asan Dios ojtaknej masanil tzetak yetal. Jalek watx' k'anej bay Cham yin tojbalk'inal yuj Jesucristo. Yunokabi.
1 Ayin ton Pablo in, awtebil in oc chekbejok Cristo Jesús, yujtol axca tu' max el yin c'ul Dios. Ajun juẍtak Sóstenes wetok, 2 cax chi co tz'ibentok jun carta ti' ayex, ex yiglesiaxa Dios bay conob Corinto. Yet exxa Dios, yujtol ayexxa oc yin Cristo Jesús. A Dios awtenej ex oc yetok, jun lajan e yawtelay oc yetok jantak eb tzanc'al baytal chi yal ba bay Cham Jajawil Jesucristo, Cham tol Yajawil c'apax eb jetok. 3 Tx'oxokabc'al co Mam Dios, c'al Cham Jajawil Jesucristo watx'c'ulalil, c'al junc'ulalil ayex bay tu'. 4 Masanilc'al tiempo chi wal yuj diosalil bay Dios e yuj, yujtol tx'oxbilxa is watx'c'ulal ayex yuj Cristo Jesús. 5 Xiwilxa is watx'c'ulal Dios mayal tx'ox ayex yin Cristo. Yuj tu', tz'akan max yak' e yalil is k'anej; yetok c'apaxok, tz'akan max yun yak'on nachaj el e yuj. 6 Xan a yin e beybal chi txecloj elok, tol yel a k'anej Cristo chi jalilok. 7 A tinani xin, lanan e makon jay c'ual is jayubal Cham Jajawil Jesucristo. C'am junok sabal Dios chi yak' palta ayex tinani'. 8 Ok yak'c'al Jesucristo tec'anil e nabal, masantac'al ok yal jay jun lajub c'ual tu', yet watx' c'am jabok tzet yin bay moj e tzulay yet ok jay Cham. 9 A Dios chic'al yun masanil tzet chi yala'. A Cham max on awten oc yetok, yet watx' ay jalon jet yetok Cham is C'ajol, a ton Cham Jajawil Jesucristo. 10 Ex wuẍtak, ex wanab, chin tewi ayex, axcaokab tol a Cham Jajawil Jesucristo chi tewi ayex, junxanejokab che yut e nabal e masanil bay tu'. Man comonok che pojil e ba xol eb juẍtak, eb janab bay tu', palta tol axcaokab junxanej animail che yut e ba, c'al e nabal; cax jun lajanokab chaon e c'ul masanil tzetak yetal. 11 Chi waltok juntzan ti' ayex ex wuẍtak, ex wanab, yujtol max wab e k'umal yuj eb is familia Cloé, tolab lanan pitzc'oj aj owal e xol bay tu'. 12 Tx'ok tx'okxac'al e k'anjab junjun ex chi wabtok. Ilab tol ay ex lananxa e yalon aj axca ti': Ayin ti' yet in Pablo, quex chi. Ay ex xin: Ayin ti' yet in Apolos, quex chi. Ay ex pax xin: Ayin ti' yet in Pedro, quex chi. Ay ex xin: Ayin ti' yet in Cristo, quex chi. 13 Palta, ¿tom pojquiẍtak yayji Cristo che na'? ¿Ma ayin max in cam yin curus e yuj che na'? Tokwal c'apax yin in bi ayin Pablo in ti', max ex ak'lay bautizar. 14 Yuj wal dios, yujtol man xiwilok ex max ex wak' bautizar bay tu', ti' asannej juẍtak Crispo yetok juẍtak Gayo max wak' bautizar. 15 Yuj tu xin, c'am chi je' e yaloni, tol yin in bi ak'bil excan bautizar. 16 A… toch'okta' tol wak'nak c'apaxcan bautizar Estéfanas yetokc'al eb cajan yetok. Asan eb tu' bian; c'amxa junokxa ak'bil bautizar wuj chi wut in naontok. 17 Manwalnak ak'oj bautizar tu' wopiso yuj Cristo, palta a aloj el k'anejal yet colbanilej. Manak yetok k'anejal jelanilal walnak jun abix tu', yet watx' aokab camichal Cristo yin curus miman yelapnok yul sat eb chi abxalwi tu'. 18 A yabixal camichal Cristo yin te curus, c'am yelapnok yul sat eb anima chi c'ayic'ok. A pax yul co sat ayon lanan co colchaj ti', yipalil Dios yayji yabixal tu'. 19 Yujtol chi yal yul tx'an Un Tz'ibbilcan axca ti': A is jelanil eb jelan, ok wak' c'ayajok, c'al yetok is yaj nabalil eb aj nabal, ẍi yul tx'an Un tu'. 20 Yuj tu xin, tok ay jabok yopiso eb jelan, yetok eb meẍtol. C'am c'apax yopiso eb jelan yin teyelejbail. Tx'oxnakxa Dios tol a jelanil yulyibank'inal ti', c'am jabok yelapnok. 21 Yuj jelanil Dios xan max el yin is c'ul, tol c'am chi ojtaknelay el Cham yuj eb yet yulyibank'inal ti' yuj is jelanil eb. Palta max el yin c'ul Cham tol ayon chi jaoc Cham yin co c'ul, chon colchaj yuj jun k'anejal yet colbanilej, tol c'am yelapnok yul sat anima tu'. 22 A eb wet israelal, chi yochej eb chi yil is milagro Dios. A pax eb griego xin, a jelanilal chi yochej eb. 23 Axa ayon xin, a yabixal is camichal Cristo yin te curus chi jalilok. A eb wet conob tu', yob yali chi yab eb. Ac'ala' c'apax eb man israelok, c'am yelapnok jun abix ti' yul sat eb. 24 Palta a yul co sat mac on awtebil onxa yuj Dios ti xin, caxc'al israel on, ma maon israelok, jojtak, tol ayoc yipalil c'al jelanil Dios yin Cristo. 25 Yujtol max yak' Dios cam Cristo yin curus, xan axca tol c'am nabal Dios naon anima. Palta a yin camichal tu' max tx'oxk'abnej el Cham, tol ec'ban jelanil Cham yintak jelanil eb anima. Ac'ala' chi naon eb tol c'am yipal Dios, palta max tx'ox Dios tol ec'ban yipal yiban yipalil anima. 26 Ex wuẍtak, ex wanab, yowalil chi nachaj el juj, tzetbil jayji mac on awtebil on yuj Dios. Yujtol jaywannej eb jelan yul sat anima chi yawtej oc Dios yetok, jaywannej eb yajaw, jaywannej mac miman yelapnok max yawtej oc Dios yetok. 27 Yujtol a eb c'am nabal yul sat anima yulyibank'inal ti', a eb chi siq'uil Dios, yuj yilay el q'uixwil eb jelan naoni. Yetok eb c'am yelapnok jabok yul sat anima, a eb chi siq'uil Cham yuj yilay el q'uixwil eb miman yelapnok naoni. 28 A mac c'am jabok yopiso yul sat anima, c'al mac intaknebil elok, a eb tu' chi siq'uil Dios. Tix ton chi yut tx'oxon el Dios ti', tol a mac miman yelapnok yul sat anima, c'am jabok yelapnok yul sat Cham. 29 Yuj tu', c'am junok mactxel chi je' maynen ba satak Dios. 30 Palta a wal caw Cham max on junanencan yetok Cristo Jesús, cax max yak'on jelanil Cristo co jelanilok. Yuj Cristo xan watx' on yul sat Dios. Yuj c'apaxok, xan max on yioc yetok. Yetok c'apaxok, yuj Cristo xan, colchajnak onxa elok. 31 Tz'ibbilcan yul tx'an Un axca ti': Man yujok tzetbil jayji, xan chi jak' tzalojbok co c'ul; palta chi jak' tzalojbok co c'ul yuj tzetbil yayji Cham Jajawil, ẍi tx'an.
1 Ex wuẍtak, ex wanab, a yet max ec' walon el k'anej Dios e nan e xol tu', man jelanok max wut in ba ayex. Manak juntzan mimek k'anej chi yak'balnej eb jelan max ec' wal ayex. 2 A yet max quin ec' ayex tu', c'am junokxa tzet yetal max wochej max wojtaknej elok, palta asan yabixal Jesucristo max ec' walil ayex, tol max cam yin curus. 3 A yet max in ec' ayex tu', c'am welapnok jabok yul sat junok anima, chin luklon yuj xiwilal. 4 Max wochej tol mayinnak max ex in montej. Yuj tu' xan a yet max in k'anjab e yetok, maj ex in montej yetok jelanil k'anej. A Cham Yespíritu Dios max ex monten yetok is yipalil. 5 Yuj tu' man yujok jelanil anima xan che yaoc e c'ul yin Dios tinani', palta asan yuj is yipalil Cham. 6 Palta a xol eb creyente tec'anxa waayi, ay jun jelanilal chi wal xol eb. Palta a jun jelanilal chi wal ti', man is jelanilalok yulyibank'inal ti'. Man c'apax is jelanilalok eb yajaw, yujtol a eb yajaw tu', toxa ok c'ayil eb. 7 Palta a jun jelanilal chi wal ti', a ton is jelanilal Dios. A jun jelanilal ti', c'am chi nachaj el tzetbil yayji oc yuj eb anima, yujtol c'ubabil el bay eb. A yet manto yesnej aj Dios yulyibank'inal ti', naanxa jun jelanilal ti' yuj, yuj co watx'ilok. 8 C'am junok eb yajaw yulyibank'inal ti' max ojtaknen el jun ti', yujtol k'inalok ta max yojtaknej el eb, maj mi curusnej eb Cham Jajawil yelxac'al miman yelapnok. 9 Akxa tinani', axca ta' tz'ibelaycan yul tx'an Un: Ay wal jun tzet watx'nebil yuj Dios, yuj yak'on bay eb ay is camc'ulal yin. C'am junok mactxel chi ilon yin jun tu', c'amto mac chi aben c'apaxok. C'amto c'apax junok mac chi nabalnen el jun tu', ẍi yul tx'an Un tu'. 10 Palta max yak'balnej Dios Cham Yespíritu yin yak'on jojtaknej el jun tu'. Yujtol a Cham Espíritu chi say yil Cham masanil tzet yetal, toltax juntzan is tzetak yetal Dios tol c'am chi nachaj el yuj eb anima. 11 A co xol co masanil c'am junok mac ojtaknen tzet yayji nabal junokxa mactxel. Yujtol munilc'al jojtak junjun on, tzet ay yin co nabal. Cay ton tu' Dios, asan Cham Yespíritu ojtaknen is nabal. 12 A ayon ti', manak junok yespíritu yulyibank'inal ti' chabil juj, palta a Cham Espíritu titnak bay Dios, a' chabil juj. Yuj tu' xan a juntzan tzet yetal chi yak' Dios ayon yuj is watx'c'ulal, a chi on nachaj el juj. 13 A juntzan k'anej chi jal ti', man yujok co jelanil xan chi nachaj el juj. Palta a Cham Espíritu chi ak'on nachaj el juj. A juntzan cuybanilej ti', yet Cham Espíritu; yuj tu' xan a eb bay ayoc Cham Espíritu tu', a bay eb chi je' co cuywaji. 14 A eb c'am oc Yespíritu Dios yin, c'am chi cha yab eb cuybej Cham Espíritu yujtol c'am yelapnok yul sat eb. C'am chi je' comon chi nachaj el juntzan cuybej tu' yuj eb, yujtol asan Cham Yespíritu Dios chi ak'on nachaj elok. 15 Palta a mac ayoc Cham Yespíritu Dios yin, chi nachaj el beyc'ulnen el masanil tzet yetal, ta watx' yul sat Dios ma c'amak. Palta c'am mactxel chi je' beyc'ulnen eb satak Dios. 16 Yujtol tz'ib yayjican yul tx'an Un axca ti': Tok ay junok maxax ojtaknen el is nabal Cham Jajawil xan max je' cuyon Cham, ẍi yul tx'an Un tu'. Palta ayon ti', a Cham Espíritu Santo chi ak'on co nabalnej nabal Cristo.
1 Ex wuẍtak, ex wanab, a yet max in ec' e nan e xol tu', maj je' axca in k'anjab bay eb yikem bay Cham Yespíritu Dios, caytu' max wut k'anjab in ba ayex. Yujtol a e nabal chex ikbani, axca tol unin extoc'al yin yet Cristo. 2 Axca wal junok aq'uiẍ unin c'amto chi je' loon tzet yetal caw, cayex tu'. Yuj tu' xan axca wal chi yun yak'lay txutxwok junok aq'uiẍ unin tu', caytu' max wut walon juntzan cuybanilej ayex. A cuybej man ya'ok nachaj elok, a' ec' walnak ayex, yujtol a cuybej ya' nachaj elok, tokwal max nachaj el e yuj. Palta ac'ala' exc'al tinani'. 3 Yujtol atoc'al e nabal chex ikbani. Ilab tol ay chichonc'ulal e xol. Ac'ala'c'al e yochen chex pojchaji. Chi yal elapnok tol ac'ala' e nabal chex ikbani. Lajan wal che yut e ba axca eb man creyenteok. 4 Yujtol ay ex che yal axca ti': Ayin ti', yet in Pablo, quex chi. Ay ex xin: Ayin ti' yet in Apolos, quex chi. A yet che yalon axca tu', caw lajantoc'al e nabal axca nabal eb manto ojtaknenok Dios. 5 ¿Tzet welapnok ayin Pablo in ti'? ¿Tzet yelapnok Apolos tu'? Ayon ti', toc'al ch'an yak'omal serbil Dios c'al jayji. Ayon max on yak'balnej ayex, xan max e yaoc e c'ul yin Cham Jajawil. Junjun onc'al chi jil jopiso atac'ala' tzet max ak'lay jun on yuj Cham. 6 A yet max in ec' e xol ayin ti', axca tol ec' wawnakcan inat. Axa Apolos, axca tol a' ec' anej oc yal tzet ec' awbil wuj tu'. Palta a Dios max ak'on e ch'ibomal. 7 Yuj tu', a junok awalwom, c'al nak chi awi oc yal awoj tu', c'am jabok yelapnok eb. Asan Dios ay yelapnok, yujtol a' chi ak'on ch'ibomal awoj. 8 A eb awwom, c'al eb chi awi oc yal awoj tu', lajanc'al yelapnok is mulnajil eb tu'. Ok cha' eb paktzil mulnajil tu' bay Dios, palta atac'ala' jantak is mulnajil junjun. 9 Yuj tu', ayon ti' jet mulnajwomal co ba on yin jak'on serbil Dios. Axa pax ex ayex ti xin, axca tol yawoj Dios e yayji. Ac'ala' axca junok na lanan watx'nen Dios, caytu' e yayji. 10 Axa in xin, lajan in axca junok mac jelan yin watx'nen na, cay in tu' yuj is watx'c'ulal Dios. A yet max quin ec' e xol tu', axca tol ec' wanak ay yich junok na. Cax tx'okxa mac chi mulnaj e xol tinani'. A mac chi mulnaj tu' tinani', axca tol lanan latz'ontok xan yiban yich ec' wanakcan ay tu'. A junjun mactxel lanan mulnaj oc yin tu', yowalil chi cam yiloni, tzetbil chi yut latz'on juntzan axca xan tu'. 11 C'am junokxa mactxel chi je' yaon ay junokxa yich, yujtol a jun yich ayxa ayok, acaw Jesucristo. 12 A mac chi mulnaj oc yin jun mulnajil tu', ay mac caw wal watx' is mulnajil. Axca wal tol a ch'en oro, ch'en plata, c'al juntzanokxa ch'en can is tojol, axca tol a' chi tz'akajtok eb yiban jun yich ayxa ay tu', yujtol caw wal watx' is mulnajil eb. Palta ay eb man watx'ok is mulnajil. Axca tol te' chi k'anbalnej eb. Ma xin, axca c'un ch'im, c'al yakan trigo, axca tu' tzet chi yaajtok eb. 13 Palta a co mulnajil junjun on, ok txecloj el yet ok jay jun c'ual beyc'ulal. Axca k'ak' k'ak' ok yun jay jun c'ual beyc'ulal tu'. Cax ok il-lay co mulnajil junjun on yet tu', ta watx', ma c'am yelapnok. 14 A mac man ok tz'aay is mulnajil tu', ok cha' paktzil. 15 Palta a mac ok tz'aay is mulnajil xin, c'am jabok paktzil ok cha'. Ok colchaj elok palta axcac'al colchaj junok mactxel xol k'ak', caytu' ok yun colchaji. 16 ¿Tom man e yojtakok tol templo ex Dios, cax tol cajanxa ec' Cham Espíritu e xol? 17 Ta ay mac chi ak'on c'ayil jun templo Dios tu', a Dios ok ak'on c'ayil jun anima tu'. Yujtol a jun templo Dios tu', asan Dios ay yet. A jun templo chi wal tu', ayex toni. 18 C'amokab che yetnej e ba yul e yet. Ta ayex che na' tol jelan ex yin yet yulyibank'inal ti', yowalil che yiay e ba cax che yuten e ba axca tol c'am tzet ujnak ex, yet watx' ok yak' Dios e jelanil. 19 Yujtol a is jelanil yulyibank'inal ti', c'am jabok yelapnok yul sat Dios. Yujtol caytu' tz'ibelaycan yul tx'an Un axca ti': A Cham chi ak'on ayc'ay eb jelan yin yob nabalej nabil yuj eb, ẍi. 20 Chi yalon c'apax axca ti': Yojtak Cham Jajawil, tol a tzet chi na eb jelan, tutun wal c'am jabok yelapnok, ẍi yul tx'an Un tu'. 21 Yuj tu' maj je' e yaon oc e nabal yin junok anima, cax che yion can e ba yuj. Yujtol mayal yak' Dios masanil tzet yetal e sataknej jetok. 22 A xan e yak'omalok serbil wayji yetok Apolos, c'al Pedro, xan axca tol e yet on. Ilab c'apax yulyibank'inal ti', c'al co k'inal, c'al camich, c'al tzetak yetal ay tinani', c'al tzetak yetal tolto ok jayok, max yak' Dios masanil ayon. 23 Yujtol ayex ti', yet exxa Cristo jetok. Axa Cristo, yet Dios.
1 Yuj tu' manak jin che yaoc e nabal yujtol yak'omalc'al ch'an serbil Cristo jayji on. A jopiso, asan tol chi jak' cuylay cuybej Dios, juntzan ak'bil co cuy on yuj. 2 A mac chi ak'lay junok opiso yunej, yowalil tol chi yikej mulnaj bay jun mac chi ak'on yopiso tu'. 3 Palta ayin ti', c'am chin oc il jabok, ta ayex chin e beyc'ulnej yin wopiso ti'. Caxc'al tol tx'ok juntzanokxa mac chin beyc'ulneni, palta c'am jabok chin na'. Toltax in, maj je' in beyc'ulnen in ba yin wopiso ti'. 4 Ta ay junok in paltail, man wojtakok, palta maj je' waloni tol c'am jabok in paltail, yujtol asan Cham Jajawil chi je' in is beyc'ulneni. 5 Yuj tu xin, c'am chi je' e beyc'ulnen junok mactxel tinani'. Jechbanejek ato yet ok jay Cham Jajawil, yujtol a Cham ok tx'oxon el masanil tzet yetal. Axca junok tzet yetal eban el xol k'ekk'inal, axa chi oc jopnaj sakk'inal yin, cax masanilxac'al chi txecloj elok, cayton tu' ok yun txecloj el masanil tzet yetal yet tu'. A Cham Jajawil ok ak'on txecloj el tzetak yetal ay yin co nabal co masanil. Catatu' ok al-lay watx' k'anej yin junjun yuj Dios, atac'ala' co mulnajil junjun on. 6 Ex wuẍtak, ex wanab, max waltek ayex tzet wayji, c'al tzet yayji Apolos, yuj e watx'ilok. Yujtol ayon ti' tx'oxbanilc'al jayji on ayex, yet watx' chi nachaj el e yuj tol c'am chex ec' yiban e yalon yintak tzet chi yal tx'an Un Tz'ibbilcanok, yet watx' c'am junok mac che yi can, yuj e yintaknen el junok xa. 7 C'am junok on chi je' jion can co ba, yujtol lajanc'al jelapnok co masanil. Tzanc'al tzet chi je' juj, a Dios chi ak'on ayon. Yuj tu', c'am chi je' jion can co ba yuj. C'am chi je' jaloni, tol jet yul jet, yujtol a Dios chi ak'on ayon. 8 A pax ayex ti' xin, ¿ma tz'akanxa ayex che na'? ¿Ma mayal e cha' masanil is tzetak yetal Dios tinani' e naoni? Tekan yajaw exxa e naon tinani'. Palta ayon ti', c'am on chon oc yajawilal e yetok. Yelok wali yajaw exxa, chi mi jak' c'apax yajawilal e yetok. 9 A chi wut in naoni, tol max tx'oxk'abnej el Dios, tol a ayon chekbej Cristo on ti', yintakilxa jayji. Axca junok mac ayxa oc yul k'ab camich, yuj mak'lay camok, axca tu' jayji on. Axa eb jet animail ti xin, c'al eb ángel, toc'al chi matz'li eb, cax chi c'ayaj c'ul eb yuj tzetbil jili. 10 Axca wal tol c'am jabok co nabal yul sat eb jet animail, yujtol ayoc co nabal yin Cristo. Palta ayex ti', caw jelan exxa pax yin yet Cristo e naoni. Jojtak, tol mayonto tec'anok. A pax ayex ti xin, axca tol caw tec'an exxa. Ayon ti', intaknebil on elok, palta ayex ti', caw miman e yelapnok. 11 Toltax tinani', ay bay caw chi jil wajil, c'al takintial, c'al maj pichilejal. Ay bay chon mak'layi, cax c'am c'apax jatut on. 12 Caw chon c'unbi yin jilon co mulnajil. Caw wal chon buchlayi, palta a watx'c'ulal Dios chi co k'an on yiban eb chon buchwan tu'. Ay bay caw chi yak' eb ajc'ulal jin on, palta chic'al techaj juj. 13 Ay bay chi yal eb co k'umal on, caw yob chi yal eb jin sic'libil, palta ac'ala' yinc'al mansoc'ulalil chi jut jalon yabix eb on. Axca wal k'alem bay yulyibank'inal ti' jayji on yul sat eb. Toltax tinani', axca tzet c'am yelapnok yul sat eb jet animail caytu' jayji on. 14 Man yujok wion el e q'uixwil, xan chin tz'ibejtok juntzan ti' ayex, palta tol chi waloc yul e jolom axca bay junok wuninal tol caw chin camel yin, caytu' e yayji tinani'. 15 Caxc'al mi ay lajonebok mil e cuyomal yin yet Cristo, palta junnej axca tol e mam yayji. Ayin ti', axca tol e mam in, yujtol ayin babel max wal k'anejal yet colbanilej ayex, xan max e yaoc e c'ul yin Cristo Jesús. 16 Yuj tu xin, chin oc tean e yin, tol che beybalnej in beybal. 17 Yuj jun ti', xan chin chektok Timoteo ti' ayex. A Timoteo ti', axca tol in c'ajol yul sat Cham Jajawil. Caw ay in camc'ulalil yin, yikemc'al chi yut ba. A ok tok jekon e na', cax ok e naontek tzetbil yili in beybal yuj ayxa oc Cristo yin in c'ul. Axcac'al chi wut in cuyon eb creyente bay junjun iglesia, caytu' ok ex yut cuyon c'apaxok. 18 Ay ab jaywan chi yiaj can ba e xol, yujtol a naoni tol manxa ok ex tok wila'. 19 Palta a chi wut in naoni tol toxa chex toj wila', ta axca tu' chi el yin c'ul Cham Jajawil. Catatu' ok wiloni, ta yel ay tzet chi je' yuj eb, ma xin, toc'al chi yal eb. 20 Yujtol man yujok chon ec'xac'al yiban jaloni, xan chi txecloj elok tol ayonxa oc yul k'ab Dios. Palta tatol ayoc yipalil Cham jetok, tita' tol yel ayonxa oc yul k'ab Cham. 21 A tinani xin, ¿tzet chi yochej e c'ul chi toj wun e xol tu'? ¿Chi mi e yochej chex toj wak' cuenta yuj e yobtakil? ¿Ma che yochej, chi toj in tx'oxil in camc'ulal e nan e xol, cax manso chi wut in ba ayex?
1 Max wabej tol ay jun winak ay is mul e xol. Tolab max montej el nak is cab txutx yi'. A jun tu bian, junelnej man watx'ok. Toltax xol eb man creyenteok, c'am bay caytu' chi yut ba eb axca tu'. 2 E yojtak tol caytu' chi yut ba nak, palta ac'ala' e yion paxcan e ba. Moj wal tol chi tac e c'ul yuj sic'libil. A nak chi unen jun yobtakil tu', yowalil che yiel nak e xol. 3 Ayin ti', caxc'al c'am in ec' yin mimanilejal e yetok bay tu', palta axca wal ayin ec' e yetok. Yuj tu xan mayal in beyc'ulnej tzet ok yun nak max unen jun yobtakil tu', yujtol axca wal tol ayin ec' e yetok bay tu'. 4 Xan yowalil wal che wajbaj oc e ba yin yikbej Cham Jajawil Jesucristo. Ayinxa xin, axca tol ok in apnok oc e yetok. Yetok c'apaxok, ok oc Cham Jajawil Jesucristo e yetok, cax ok yak'on yikbej ayex. 5 A nak winak max oc is mul tu', aekcan oc nak yul k'ab Satanás, yuj c'aycan el is mimanil nak, cax ok colchajcan el yanimail nak yet ok jay Cham Jajawil. 6 Yuj jun yobtakil max uj e xol tu', xan man mojok che yi' can e ba. ¿Tom man e yojtakok, tol jabnej yich pan chi ak'on pajboktok junok miman xilan harina? 7 Yuj tu xin, bekekcan juntzan e beybal yet yalantok tu'. Yujtol a juntzan tu', lajan axca yich pan. Xan ta che bekcan axca walon tu', ok ex occan axca wal ixim pan chi lolay yet k'in Pascua, tol c'am jabok paltail. Yujtol wal yel cayex ton tu' yul sat Cristo, yujtol a Cham max cam co q'uexelok. Axcata' no calnel chi ak'lay cam yin xajanbalil yet is Pascua eb wet israelal, axca tu' max yun cam Cristo juj. 8 Yuj tu xin, xan yowalil chi co naektek is camichal tu' yin masanil co c'ul. Ta axca tu' chi jutej, axca junok ixim pan c'am yich, c'am jabok paltail, caytu' co beybal. Ta chi co naektek is camichal Cham tu', c'amxa chon toj yin yobtakil, c'al yin tzet man watx'ok max jun yet yalan. Yujtol a juntzan tu', lajan axca yich pan, cax chi pajbi el ixim pan tu' masanil. 9 Max waltok yul jun in carta ayex, tol c'am chi je' junnej chon ec' yetok eb ayoc yin ajmulal, 10 ma eb chi yochej oc tzet ay bay junokxa mactxel, ma eb elk'om, ma eb chi yal ba bay tzet chi al-lay oc diosal. Palta manak eb manto creyenteok axca tu' beybal chi wala'. K'inalok ta a eb tu' chi wala', yowalil mi chon el yulyibank'inal ti'. Akxa tinani xin, manak eb man creyenteok tu' chi wala'. Yak'ban ayon ec' xol eb, yowalil chon k'anjab yetok eb. 11 A tzet max waltok ayex tu', a eb chi yaloc ba creyenteal tol ac'ala' yob is beybal, a eb chi wala', c'am chi je' tol junej chon ec' yetok eb tu'. Mawal axca eb ajmul, ma eb pek' yin tzet man watx'ok, ma eb chi yal ba bay tzet chi al-lay oc diosal, ma eb bajwajwom, ma eb uq'uem an, c'al eb elk'om. A eb axca tu' is beybal, cax chi yalon pax eb tol creyente eb, tamwal co low yetok eb, c'am chi je'. 12 A eb man creyenteok c'am jalon jet co beyc'ulnen eb, yujtol a Dios ok beyc'ulnen eb. Palta eb jet creyenteal, yowalil chi co beyc'ulnej eb. Yuj tu' xan, a nak yob max el yunen tu', iek el nak e xol.
1 Ay ex ab tol ay owal e nan e xol, chab e yalej oc e ba satak yajaw. ¿Tzet yuj xan che tec'baj e ba e toj satak eb yajaw man creyenteok tu'? ¿Tzet yuj xan manak satak eb yet-xa Dios chi toj e watx'nej ay owal e xol tu'? 2 ¿Tom manto e yojtakok, tol ayon yet onxa Dios ti', ayon ok on oc yajawilal co beyc'ulnen eb yet yulyibank'inal ti'? Yuj tu' xan moj wal ayonc'al oc chi co watx'nej yayji juntzan owal e xol txennej yelapnok tu'. 3 ¿Tom manto e yojtakok c'apaxok, tol ayon c'apax ok co beyc'ulnej eb ángel? Yuj tu' xan a juntzan tzet yetal yulyibank'inal ti', moj c'apax co watx'nen yayji. 4 Yuj tu', a yet ay owal e nan e xol, ¿tzet yuj xan a bay eb c'am yopiso yuj iglesia, a tu' chi bet e watx'nej yayji? 5 Chi waltok juntzan ti' ayex yuj e q'uixwilok. ¿Tom c'am junok mac chi nachaj el yuj e xol tu' e naoni? ¿Tom c'am junok creyente chi je' watx'nen yayji e xol tu xin? 6 Ilab ayex chi bet e yalej oc e ba satak yajaw, palta man creyenteok pax eb. 7 A yet chi bet e yalen oc e ba satak yajaw tu', yob chex can yul sat Dios. Ta ay junok e yet creyenteal yob chi yut ba ayex, matawal toc'al che yak' techajok. Ta ay junok mac chi elk'anen junok tzet yetal ayex, ak'ek mimanc'ulal yin. 8 Ilab ayex man tojolok c'apax che yut e ba. Ay ex chex elk'anwi c'apaxok. Toltax ay bay caytu' che yut e ba bay eb e yet creyenteal. 9 ¿Tom man e yojtakok, tol a eb man tojolok chi yut ba, c'am yalon yet eb yoc yul k'ab Dios? Manchak e yetnej e ba yul e yet, yujtol a eb ok waltek ti', c'am wal jabok yalon eb yet yoc yul k'ab Dios: Eb chi yun mul yin tol mantoc'al yetbiok ba, eb chi yal ba bay tzet chi al-lay oc diosal, eb chi yaoc mul yul k'ab yistzil ma yul k'ab yichamil, c'al eb chi mitx'lej oc ba yetok yet winakil, 10 yetok c'apax eb elk'om, eb chi yochej oc tzet ay junokxa mactxel, eb uq'uem an, eb bajwajwom, c'al eb chi tokon ec' junok tzet yetal ay junokxa. A eb ti', tutun wal maj apnok oc eb yul k'ab Dios. 11 Ay ex caytu' e beybal yet yalan. Axa tinani xin, ibilxa el e yobtakil tu' e yiban jetok, yet exxa Dios jetok. A caw chi aloni tol watx' exxa yul sat tinani'. Axca ton ti' max yun e yeloc yuj Cham Jajawil Jesucristo, c'al yuj Cham Yespíritu Cham co Diosal. 12 Tekan ay ex che yal axca ti' tinani' Ayon ti', bekanc'al junen masanil tzet yetal, tekan quex chi. Yel ton che yala' palta man mojok junen masanil tzet yetal. Yel ton xin, bekanc'al junen masanil tzet yetal, palta ayin ti', c'am junok tzet yetal ok in cha' yajawbok win. 13 Tekan ay ex c'apax che yal axca ti': A loj, yet c'ulej yayji, axa c'ulej yet loj yayji, quex chi mi. Yel ton jun k'anej ti', palta a Dios ok ak'on lajwok loj, c'al c'ulej. A pax co mimanil xin, man yetok ajmulal yayji, palta tol yet Cham Jajawil. A Cham Jajawil tu' chi taynej Cham co mimanil ti'. 14 Yuj tu', axca max yut yictzonen aj Dios Cham Jajawil, caytu' ok on yut c'apax yictzonen aj yetok is yipalil. 15 Ilab tol e yojtakxa, tol a co mimanil ti', axca tol yetbeyom is mimanil Cristo yayji. Yuj tu', ¿tom is moj jiontok yetbeyom is mimanil Cristo, cax chi toj jaon oc yetbeyomok mimanil junok ix ajmul ix, yet watx' junxanej chi yuncan el yetok ix? Majc'al bian. 16 Yujtol e yojtakxa, tatol ay junok mac chi ion junok ajmul ix, junxanej mimanilejal chi yuncan el yetok ix. Yujtol tz'ibbilcan yul tx'an Un axca ti': Junxanej mimanilejal ok yuncan el eb cawanil, ẍi tx'an. 17 Palta ta chi co junanej co ba yetok Cham Jajawil, junxanej espiritual chi juncan el yetok Cham. 18 Yuj tu xin, bekekcan ajmulal tu'. Yujtol tzanc'al tzet junokxa yobtakil chi el juneni, c'am chi etaxtok co mimanil yuj. Palta a mac chi unen ajmulal tu', a wal caw is mimanil tu' chi etax el yuj. 19 E yojtakxa, tol a co mimanil ti' templo Cham Espíritu Santo yayji. Ayoc Cham yin, yujtol a Dios anej oc Cham jin junjun on. Manxa jetok co ba tinani', 20 yujtol manbil onxa elok. Yuj tu', jiokab can Dios yetok co mimanil ti'.
1 Ti chin paktzejtok juntzan tzet max e k'anlej ayin yul jun tx'an e carta max e yatek ayin. Watx' toni, ta ay eb winak c'am chi oc yistzil. 2 Palta xin, ay wal is may yayc'ay eb yin mulej; yuj tu' xan watx' chi oc yistzil junjun eb, c'al eb ix ix, watx' chi oc yichamil junjun eb ix. 3 A ex ichamilej exxa, che yak' yochwan e yistzil, yujtol e yetbi e ba. Ac'ala' ex c'apax ex istzilej, ak'ek c'apax yochwan e yichamil. 4 Yujtol mayexnak yajaw e yayji yin e mimanil. A e yichamil ay yalon yet yin. Ac'ala' ex c'apax ex ichamilej, mayexnak yajaw e yayji yin e mimanil. A e yistzil, a' ay yalon yet yin. 5 Yuj tu', c'am chi je' e tenon tzet chi yochej e yetbi e yin. Asan ta lajti' chex el bian, cax chi oc wanaj e yuj jayebok c'ual yuj e txajli bay Dios yin masanil e c'ul. Chic'al lajwi jayeb c'u tu', junanejek pax e ba junelxa, yet watx' manchak ex etnelay el yuj Satanás, tol c'am chi je' e mitx'on oc waan e mimanil. 6 A juntzan chi waltok ayex ti', man acaw chekbanilok. Toc'al chi waltok ayex tol bekan e yunen juntzan tu'. 7 Ayin ti', a chi wut in naoni, tol watx' c'am chi oc e yetbi e masanil axca in ti'. Palta tx'ok tx'okc'al co nabal junjun on yuj Dios. Yujtol ay mac yowalil chi oc yetbi. Ay mac xin man yowalilok chi oc yetbi. 8 Chi walon c'apaxtok juntzan ti' ayex, mac ex c'amto chi oc e yetbi, c'al ayex mac ex camnakxa e yetbi. Watx' chex can e tx'oklil axca in ti'. 9 Palta ta c'am chi techaj e yuj e tx'oklil che yab xin, ocokab e yetbi. Yujtol caw watx' tol chi oc e yetbi, yintak pax tol toc'al che yochej mul yin ewantakil. 10 Axa ex ayxa e yetbi xin, ti chi waltok juntzan chekbanil ti' ayex. A juntzan chekbanil ti', man wetok, yet Cham Jajawil. Ex wanab, manchakc'al e pojlej e ba yetok e yichamil. 11 Palta ta ay junok ix chi pojlej ba yetok yichamil, manchakxa yi' junokxa winak. Asan yetok yichamilc'alta' tu' chi je' yilen ba junelxa. Ac'ala' ex c'apax wuẍtak, c'am che pojlej e ba yetok e yistzil. 12 Ay c'apax juntzanxa ex ay juntzan tzet ok waltok ayex. Palta man chekbanilok Cham Jajawil yayji juntzan ti', wetc'al yul wet. Ta ay junok juẍtak c'am chi oc yistzil yin creyenteal yetok, palta chi cha'c'al c'ul ix yayji ec' yetok nak, c'amokab chi pojlej ba nak yetok yistzil tu'. 13 Yetok c'apaxok, ta ay junok janab c'am chi oc yichamil creyenteal yetok, palta chi cha'c'al c'ul nak yayji ec' yetok ix, c'am chi je' pojlen ba ix yetok yichamil tu'. 14 Yujtol caxc'al man creyenteok nak yichamil ix tu', palta axca tol yet Dios yayji nak yetok ix, yujtol junnejxa yayji nak yetok ix creyente tu'. Ac'ala' c'apax junok ix man creyenteok, axca tol yet-xa Dios yayji ix, yujtol junxanej yayji ix yetok nak creyente tu'. K'inalok ta axca tol man yetok Dios eb cawanil, comon anima mi yayji yuninal eb, palta c'amak; yet c'apax Dios eb unin tu'. 15 Palta ta a jun mac man creyenteok tu' chi yochej chi pojlej ba yetok jun mac creyente tu', pojlejokab ba eb xin. Ta chi pojlej ba eb, a jun creyente tu', bekanxa chi yun canok, yujtol chi yochej Dios tol junc'ulalc'al ayon. 16 Yujtol ayex istzilej ex ti', man e yojtakok ta ok colchaj el e yichamil tu' yuj c'am che pojlej e ba yetok. Ac'ala' ex c'apax ex ichamilej, man e yojtakok ta ok colchaj el e yistzil tu' yuj c'amc'al che pojlej e ba yetok. 17 Junjun on, atac'ala' tzet jayji yet max con yawten Cham Jajawil, canok on axcac'al jayji tu'. Cac'al ti' chi wut walon bay eb creyente bay junjun iglesia. 18 Yuj tu', ta ay ex ayxa oc jun yechelej chi yik circuncisión yin e mimanil, cax max ex awtelay oc yuj Dios, manchak e c'ubaj elok tol chabilxa jun tu' e yuj. Ac'ala' c'apaxok, ta ay ex manto ocnakok jun yechelej tu' e yin, cax max quex awtelayi, manchak e cha' tinani'. 19 Caxc'al ocnak e yechel chi yik circuncisión tu', caxc'al c'amak, c'am yelapnok. Palta ay jun tzet caw miman yelapnok, tol chi co beybalnej axca chi yochej Dios. 20 Junjun mactxel awtebil xin, canokab axcac'alta' yayji yet max awtelay yuj Dios. 21 Ta ay ex, ayex oc mosejal yin junelnej bay junok mactxel, yet max ex awtelay yuj Dios, manchak ex oc il. Palta ta chi je' e yel yin mosejal tu xin, watx' che yak' e yip e yel yin mosejal tu'. 22 Yujtol ay mac ayoc mosejal yin junelnej bay junok mactxel, yet chi yawten oc Cham Jajawil eb yetok. Caxc'al mosejaltoc'al yayji eb tinani' bay is patrón tu', palta mayal bekchaj el eb yuj Cham Jajawil. Ay mactxel xin, yet ba yet max awtelay yuj Dios. Palta tinani', ayoc eb yak'omalok serbil Cristo. 23 Ayon ti', manbil onxa el yuj Dios. Yuj tu' xan c'amxa chi jaoc co ba mosook junok anima yin junelnej. 24 Yuj tu xin, ex wuẍtak, ex wanab, a yul sat Dios, watx'c'alta' co can junjun on axcac'alta' jayji yet max con yawten oc yetok. 25 A ayex manto oc e yetbi, c'am junok chekbanil Cham Jajawil ok waltok ayex. A tzet ok waltok ayex, munilc'al chin na' yul wet. Palta a tzet ok wal ti', moj wal tol ay yelapnok yul e sat, yujtol max ok' c'ul Dios win, cax max yak'on wopiso ti'. 26 Yuj juntzan yailal lanan jay jiban ti', xan chin na' tol watx' junjun on chon can axcac'alta' jayji ti'. 27 Yuj tu' xan a ayex ayxa e yetbi, manchak e say tzet che yut e pojon e ba. Yetok ex c'amto e yetbi, watx' tatol c'am che say e yetbi. 28 Palta ta ayex che say e yistzil xin, a jun tu' man yobok. C'al ex k'opojtak ix, ta chi oc e yichamil, man c'apax yobok. Palta a eb chi oc yetbi, miman yailal ok yil eb yulyibank'inal ti'. Yuj tu' xan chi waltok juntzan ti' ayex, yujtol chi wochej c'am chi jay juntzan yailal ti' e yiban. 29 Ex wuẍtak, ex wanab, tix c'apax juntzan tzet ok waltok ayex ti', tol c'otxanxa tiempo. Yuj tu', a eb ay yistzil tinani', maj je' tol asan yin yistzil eb chi yaoc nabal. 30 A eb chi cusi, maj je' asan cusilal chi yil yun eb. Yetok c'apax eb chi tzaloji, maj je' ac'al tzalojc'ulal tu' chi yil na eb. Yetok eb chi manji, manokab asannejok yin tzet chi man eb tu' chi yaoc nabal. 31 Ac'ala' c'apax eb chi k'anbalnen tzetak yetal ay yulyibank'inal ti', manokab asannejok yin juntzan tzetak yetal tu' chi yaoc eb nabal. Yujtol a jun yulyibank'inal chi jil ti', lanan jay tiempoal lajwi. 32 Chi wochej c'am e bilc'ulal. A eb c'am yistzil, chi ec' nanon nabal eb tzet ok yut yak'on serbil eb Cham Jajawil, yuj yak'on eb tzalojbok c'ul Cham. 33 A pax eb ayxa yistzil xin, a tzet ay yulyibank'inal ti' chi na eb, yuj yak'on eb tzalojbok c'ul yistzil tu'. 34 Yuj tu xin, cab chi elok is nabal eb. Cay c'apax tu', tx'ok yel eb ix ayxa yichamil, tx'ok c'apax yel eb k'opoj c'amto yichamil. A eb ix c'amto yichamil tu', chi ec' nanon nabal eb tzet ok yut yak'on serbil eb Cham Jajawil, yujtol chi bek oc eb is mimanil c'al yanimail yul k'ab Dios. A pax eb ayxa yichamil xin, a yak'on serbil ba eb yetok yichamil yulyibank'inal ti', ok nanon ec' c'ul eb yin. 35 A juntzan chi waltok ayex ti', man yujok ex in tenon oc waanok, xan chi waltok; c'amak. Palta yuj e watx'ilok xan chi waltok, yujtol chi wochej che beybalnej axca wal chi yochej c'ul Cham Jajawil, cax che yak'on serbil Cham yin masanil e c'ul. 36 A tinani', chi waltok ayex ex mamej, c'al ayex ex txutxej, yujtol ay ex ay e cutz'in ma e yune' mojxa yoc yichamil. Tatol che na' tol watx' chi oc yichamil eb, yujtol che yila', ay is may yet c'am chi oc yichamil eb tu', yunokab axca che na' tu'. Chi je' yoc yichamil eb, yujtol man yobok. 37 Palta tekan ay ex ay e cutz'in ma e yune' man yowalilok chi oc yichamil. Bekan ex e yunen atac'ala' tzet ẍi e nabal ayex. Ta max cam e nabalnen elok tol c'am che yaoc yichamil e cutz'in tu' ma e yune' tu', watx' tzet che yun tu', man yobok. 38 Yuj tu xin, a eb chi yaoc yichamil is cutz'in ma yune', watx' jun tu'. A eb c'am chi yal c'ul chi oc yichamil is cutz'in ma yune' xin, yelxac'al watx' tzet chi yun eb tu'. 39 A junok ix iquis yichamil, axca tol c'alan ix yetok nak yuj ley Dios. Palta ta chi cam nak xin, bekanxa ix. Chi je' yion ix junok mactxel chi yochej, asan tatol creyente nak winak tu'. 40 Palta chin na' ayin ti', tol watx' yet ix ta c'amxa chi yi' ix junokxa winak. A chi wut in naoni, tol ajun Cham Yespíritu Dios ayoc wetok, cax chi walon axca tu'.
1 A tinani', ok waltek yuj tzet chi ak'lay yin xajanbalil bay tzet chi al-lay oc diosal, chi lajwi tu' cax chi chilay paxok. Yel toni, a juntzan ok waltek ti', jojtak co masanil. Palta a yuj tzet jojtak tu' toc'al chi jiaj can co ba. A pax ta ay co camc'ulal, caw wal chi yi yip eb jet creyenteal yuj. 2 A mac caw wal yojtak naoni, c'am pax jabok tzet yojtak axca wal chi yochej Dios. 3 Palta eb chi camc'ulnen Dios, ojtakbil eb yuj. 4 Axa tinani xin, ok waltek yuj tzet chi chiji, yet chi lajwi yak'lay yin xajanbalil bay tzet chi al-lay oc diosal. A tzet chi al-lay oc diosal tu', jojtak tol c'am yopiso yulyibank'inal ti', yujtol asan jun Dios ay, c'am cawan oxwanok. 5 Ay tzet chi al-lay oc diosal chi ec' satcan. Ay c'apax tzet chi al-lay oc diosal yulyibank'inal ti'. Yujtol a eb anima, xiwil tzet chi yaloc is diosalok, c'al yajawilok. 6 Palta ayon ti', asan jun co Diosal ay, a ton co Mam Dios. A co Mam Dios max watx'nen masanil tzet yetal. A' c'apax max on watx'neni, yuj co tx'oxon el is watx'ilal. Asan c'apax jun Jajawil, a ton Jesucristo. Yuj Cham xan ay masanil tzet yetal. Toltax ayon ti', asan yuj Cham xan ayon ec'ok. 7 Palta man masanilok creyente chi nachaj el juntzan ti' yuj. Ay eb caw wal k'aynak yetok tzet chi al-lay oc diosal tu'. Yuj tu' xan a tzet chi ak'lay yin xajanbalil, asan tzet chi al-lay oc diosal tu' ay yet naon eb. Manto tec'anok waay is nabal eb. Yuj tu' xan chi etax el nabal eb, yuj chion eb tzet chi ak'lay yin xajanbalil tu'. 8 Palta c'am chon is beyc'ulnej Dios yuj tzet chi co chi' tu'. C'am chon texac'al watx'ji aj yul sat Dios, ta chi co chi'. Ac'ala' ta c'am chi co chi' c'apaxok, c'am chon etax c'apax el yul sat Cham. 9 Caxc'al bekan jayji co chion masanil, palta ay is may chi etax el nabal eb manto tec'anok waay juj. Yuj tu' xan yowalil chi co taynej co ba yin tzet chi junej. 10 Ayex e xol ayex ti', e yojtak tol c'am is may tzet chi chilay tu', palta ta ay mac manto tec'anok waay is nabal, man yojtakok eb juntzan tu'. K'inalok chi yil eb tol chotan ex ay e low satak juntzan tzet chi al-lay oc diosal tu'. Ay is may chi monchaj nabal eb e yuj, cax chi chion eb tzet ak'bilxa yin xajanbalil tu'. 11 Ta caytu' che yut e ba axca tu', ok etax el nabal eb manto tec'anok waay is nabal tu' yuj tzet e yojtak tu'. Palta yuj c'apax eb xan max cam Cristo. 12 Yuj tu' xan a eb manto tec'anok waay is nabal tu', ta e yujc'al cax chi etax el nabal eb, a bay Cristo chi oc e mul. 13 Yuj tu', k'inalok ta ay junok mac chi etax el is nabal yujc'al tzet chin chi', yel mi watx' c'amxa chin chi' chibej, yet watx' c'am junok mac chi etax el nabal wuj.
1 Ayin ti', wal yel chekbej in Jesucristo. Ilbil yin Cham Jajawil Jesús wuj. Yuj tu' xan ay walon wet axca eb is chekbej masanil. Ayex ti', max ex oc creyenteal yuj in mulnajil yin yet Cham Jajawil tu'. 2 Caxc'al ay juntzanokxa eb chi aloni tol mayin chekbejok Cham, palta e yojtak ayex ti' sic'libil tol is chekbej wayji. Txequel wayji e yuj tol chekbej in, yujtol wuj xan max e yaoc e c'ul yin Cham. 3 Ay eb yob chi alon win, palta cac'al ton ti' chi wut in paktzen bay eb axca ti'. 4 Yuj tu xan ay walon wet in chaon tzet chin lo', c'al tzet chi wuq'uej. 5 K'inalok ay junok janab chi oc wistzilok tinani', ay walon wet wion bey tzanc'al bay chin eq'ui, yujtol caytu' chi yut ba juntzanxa eb chekbej Cham Jajawil, c'al eb yuẍtak Cham, yetok c'apax Pedro. 6 ¿Xin ta asan in yetok Bernabé c'am jalon jet co bekoncan co mulnajil che na'? ¿Ma asan juntzanokxa eb chekbej ay yalon yet che na'? 7 Ilab eb soldado tinani'. ¿Ma ay junok eb munilc'al chi yiil gasto yul yet? Yetok c'apax eb chi awon junok tzet yetal, yowalil chi lo eb sat yawoj tu'. Ac'ala' c'apax eb ilom no' tinani', tokwal c'am chi yuc' eb lecheal no'. 8 A juntzan chi waltok ayex ti', man yinok nabal anima chi tita'. A yul ley Moisés, a tu' albilcan juntzan ti' yuj Dios. 9 A yul jun ley tu', a tu' tz'ibbil c'apaxcan axca ti': Manchak e yaoc pa yin ti' no no' chi tec'wi trigo, ẍi. Mannejc'alnak yuj no' tu' xan max yalcan Dios juntzan ti', 10 palta juj c'apaxok. Max tz'ibelaycan yul ley tu' yet chi nachaj el juj. Yujtol a eb t'ocom tx'otx' yetok eb tec'om trigo, a yet chi mulnaj eb, chi yaoc eb yipok c'ul, tol ok lo eb tzet ok yak' is mulnajil tu'. 11 Axca ton eb chi mulnaj tu', cayon ton tu' ayon chekbej on Cristo ti'. A yet max on ec' e xol, axca tol ay tzet max ec' jawcan e xol. A tzet ec' jawnakcan e xol tu', yet espíritu. Yuj tu', ¿xin ta man mojok co chaon co gasto ayex, is paktzilok co mulnajil tu'? 12 Ay c'apax juntzanxa eb ay yalon yet chaon yet ayex, palta yelxac'al ay jalon jet ayon ti'. Caxc'al ay jalon jet co chaon co gasto ayex, palta c'am junelok max co k'an ayex. Caw chi jak'c'al techaj masanil tzet yetal, yet watx' mimanokabc'al yelapnok yabixal Cristo tzanc'al bay chi ec' jalilok. 13 E yojtakxa, tol a eb chi mulnaj bay templo Dios, a tu' chi cha eb tzet chi lo', yujtol a eb ay yopiso yak'on xajanbal, chi je' chion eb chibejal no no' chi yak' yin xajanbalil tu'. 14 Cay c'apax tu' eb chi ec' aloj el k'anejal yet colbanilej. Yujtol yalnakcan Cham Jajawil tol yowalil chi cha eb is gasto yin bay chi mulnaj oc eb tu'. 15 Ayin ti', caxc'al ay walon wet in chaon in gasto, palta c'am mac bay max in k'an junelok. Toc'al ton chi waltok juntzan ti' ayex. Man yujok in k'anon in gasto xan chi waltok, c'amak. A chi wut in naoni, yel mi watx' chin cami, yintak pax tol chin k'an in gasto tu' ayex. Ilab tol yuj, xan ay walon wet in tzaloj satak Dios. C'am mac chi je' yion ec' jun in tzalojc'ulal ti'. 16 Ayin ti', caxc'al chi ec' walil k'anejal yet colbanilej, man yujok tu' xan chi je' in maynen in ba, yujtol yowalil chi ec' walilok. Ok'bal in c'ul ta c'am chi ec' wal jun k'anejal yet colbanilej ti'. 17 K'inalok ta yul wet chi ec' walilok, moj tol chin cha' in tojol. Ta man yulok wet chi walon elok, palta toc'alta' ok walilok, yujtol a Dios ak'nejcan jun wopiso ti'. 18 Yuj tu' xan a in tojol lanan in chaon ti' tinani', a ton in tzalojc'ulal, yuj chi ec' walil k'anejal yet colbanilej ti', yin tol c'am in tojol chin cha'. Yujtol caxc'al ay walon wet in k'anon in gasto yin wopiso ti', palta c'am chin k'ana'. 19 Caxc'al c'am mac ay yalon yet win, palta chi wak' in ba yak'omalok serbil masanil anima, yuj yoc jaywanok yin creyenteal yin Cristo wuj. 20 A yet ayin ec' xol eb wet israelal, axca beybal eb tu', caytu' chi wut in beybal c'apaxok, yuj in monten jaywanok eb. A eb wet israelal tu', caw wal ayoc nabal eb yin ley Moisés. Yuj tu' xan a yet ayin ec' nan xol eb, caxc'al c'am oc in nabal yin jun ley tu' yetok eb, palta chi wikej jun ley tu', yuj in monten jaywanok eb. 21 Ac'ala' c'apax yet ayin ec' xol eb man israelok, eb c'am oc nabal yin jun ley tu', lajan chi wut in nabal yetok eb, yuj in monten jaywanok eb. Palta masanil tiempo, yowalilc'alta' chi wikej ley Dios, yujtol ayoc in nabal yin ley Cristo tinani'. 22 Ac'ala' yet ayin ec' yetok eb man tec'anok waay is nabal, lajan chi wut in ba yetok eb. Axca tol man tec'anok waay in nabal, caytu' chi wut in ba, yuj in monten jaywanok eb. Xan tzanc'al bay chin eq'ui, axcac'al chi yut ba eb bay chin ec' tu', caytu' chi wut in ba yetok eb, yet watx' ta c'uxan ay eb chi cha' is colbanil wuj. 23 Masanilc'al tzet chi el wuten in ba tu', yuj k'anejal yet colbanilej, xan caytu' chi wut in ba, yet watx' ayin jun chi wi' watx'ilal ibil oc yuj c'apaxok. 24 K'inalok eb chi sakchi yin yuktelen ba tinani', chi yak' eb yanej. E yojtakxa, tol masanil eb chi yak' yanej, palta asannej mac chi babji yapni bay t'inan chi apni eb tu', asan chi chaon paktzil. Yuj tu' xan axca ton eb chi yak' yanej tu', yowalil caytu' chi jut co ba yin yet Cristo, yet watx' ok co cha' paktzil jet junjun on. 25 Masanilc'al mac chi oc yin sakach tu', chi taynej ba eb yin masanil tzet chi on yetax el mimanil eb. Chi taynej ba eb, yujtol chi yochej eb chi cha' paktzil. A paktzil chi cha eb tu', jun ch'an bek chi etaxtok. A pax paktzil ok co cha' ayon ti xin, c'am bak'in chi etaxtok. Yuj tu', yowalil chi co taynej co ba yin tzet man watx'ok. 26 Axca wal lajon oc eb chi yak' yanej yin sakach tu', caytu' chi wut in lajon oc ayin ti' yin yet Dios. Man cabtakok in c'ul chi wak'on wanej. Axca eb ayoc yin sakach chi mak'lej ba, yalc'al mac chi ak'on ganar, caytu' chi wut c'apax in ba. Yujtol yin masanil in c'ul chin mulnaj yin yet Dios. 27 Caw chin mitx'oc wanaj in mimanil ti', cax chi wak'on wal cuenta sic'libil, talaj a yet chi lajwi wawten xiwil mactxel yin yak'on yip yin yet Dios, axa talaj chi yunajok, c'amxa walon wet wion tzet uktebil wuj tu'.
1 Ex wuẍtak, ex wanab, chi wochej che yojtaknej elok, tzet yunnak eb jichmam yet payxa, yet tzakan oc eb yintak Moisés. Masanil eb max beytoj yalan jun asun, cax masanil eb ec'naktok eb nan a' mar. 2 Axca tol ak'bil bautizar eb yuj jun asun tu', yetok yuj a' mar tu'. Axca tol ocnak eb yetok Moisés yet jun tiempoal tu'. 3 Masanil eb, max lo eb jun loj axca tol yin esalil ak'bil bay eb yuj Dios. 4 Yetok c'apaxok, masanil eb yuc'nak eb jun a' aej, axca tol yin esalil ak'bil bay eb yuj Dios. Sat ch'en elnaktek a' aej tu'. A jun ch'en tu', a Cristo chi tx'oxtek. 5 Caxc'al axca tu' yunnak eb, palta ac'ala' xiwil eb man watx'ok yul sat Dios. Yuj tu' xan sakleminak max yuncantok is mimanil eb bay takin tx'otx' bay ec'nak eb tu'. 6 A tzet jaynak yiban eb tu', co tx'oxbanilok yayji, yet watx' manchak jochej oc tzet man watx'ok, axca yutnak ba eb tu'. 7 Yuj tu', c'am chi je' jalon co ba bay tzet chi al-lay oc diosal, axca yutnak ba juntzan eb xol eb tu'. A tx'an Un Tz'ibbilcanok, a tx'an chi alontek yabixal eb. Chi yal tx'an axca ti': Max ay chotjab eb, max low eb c'al yuq'uen a' eb. Lajwi tu', max aj bulnaj eb canalwi, c'al yunen eb yobtakil satak is diosal tu', ẍi tx'an Un tu'. 8 Manchak c'apax on toj yin ajmulal, yujtol axca tu' yutnak ba juntzan eb tu'. Yuj tu' xan junnej c'u max yun camay latz'naj 23,000 eb. 9 Manchak jak' porobal Cham Jajawil axca yutnak ba juntzan eb tu'. Yuj tu' xan lajwinak el eb yuj juntzan no labaj. 10 Man comonok chon alxi aj yin Cham Jajawil, axca yutnak ba juntzan eb tu'. Yuj tu' xan lajwinak el eb yuj jun ángel ay yopiso mak'wi cam anima. 11 Masanilc'al tzet jaynak yiban eb jichmam tu', co tx'oxbanilok yayji. Tz'ibbilcan yabixal yul tx'an Un, yet watx' chi jojtaknej elok tol ay is may ta chi oc co yobtakil. Yujtol ayon ti', lajub tiempoalxa bay ayon ec'ok. 12 Yuj tu', a mac tec'an waay naoni, camokab yak'on cuenta ba, yujtol ay is may chi etax el is nabal. 13 Tzanc'al porobalil chi jay jiban, lajanc'al yetok porobalil chi jay yiban masanil anima. Palta chic'al yun Dios bay chi yala', man ok on is cha' ak'lay porobal yin junok tzet yetal tol c'am chi techaj juj. A yet chi jay junok porobal tu', a Cham chi colwaji, yin tzetbil chi jut co colon co ba bay, yet watx' chi techaj juj. 14 Yuj tu xin ex in camc'ulnebil, caw che yiel e ba bay junok tzet chi al-lay oc diosal. 15 Chi waltok juntzan ti' ayex tol ayxa e jelanil. Chi cam e naobtanen sic'libil ta yel chi wala'. 16 A jun is vaso Dios chi jal yuj diosalil yuj, a chi tx'oxoni, tol junxanej jayji yetok Cristo yujtol jujc'al, xan max el is chiq'uil. Ac'ala' c'apax ixim pan chi pojlay ec' co xol, chi tx'ox c'apax el ixim, tol junxanej ton jayji yetok Cham, yujtol jujc'al, xan max ak'lay cam is mimanil. 17 Caxc'al xiwil on, junnej ixim pan tu' chi co lo' co masanil. Yuj tu' xan axca ton jun pan tu', jun ch'an, cayon c'apax tu', yujtol axca tol junxanej mimanil Cristo jayji co masanil. 18 Naek jabok wetok tzet chi yut ba eb wet israelal. A eb chi chion tzet chi yak' yin xajanbalil, junxanej yayji oc eb yetok Dios, Cham chi chaon xajanbalej tu'. 19 Man lananok waloni tol ay yelapnok tzet chi al-lay oc diosal tu', ac'ala' c'apax tzet chi ak'lay yin xajanbalil tu', man lananok waloni tol ay yelapnok. 20 Palta tix tzet chi yochej in c'ul chi wal ti'. A yet chi yak'on eb man israelok is xajanbal, manak bay Dios chi yak' eb, palta tol a bay eb espíritu yob chi yak' eb is xajanbal tu'. Chi wochej c'am junok ex che yaoc e ba yetok eb espíritu yob tu'. 21 C'am chi je' comonc'al chi juc'balnej is vaso Cham Jajawil, ta chi juc'balnej pax is vaso eb espíritu yob tu'. Yetok c'apaxok, c'am chi je' comonc'al chi co lo' ixim pan chi eltek ayon yiban meẍa Cham Jajawil, ta chi co chi' pax tzet chi batxbalay ajtok yiban meẍa yet k'in eb espíritu yob tu'. 22 ¿Ma chi jochej chi jitek yowal c'ul Cham Jajawil jiban? ¿Xin ta yel chi lajoc jipal yintak Cham? 23 Tekan ayex che yal axca ti' tinani': Bekan jayji junen masanil tzet yetal, tekan quex chi. Yel toni, palta man mojok junen masanil tzet yetal. Yel ton xin, chi je' junen masanil tzetak yetal, palta man masanilok tzetak yetal tu' chi ak'on tec'anil co nabal. 24 Man mojok tol asan co watx'il yul jet chi co saya'. Yowalil chi co saya' tzetbil chi jut jak'on tec'anil juntzanokxa eb. 25 A tinani', tzanc'al tzet chibejal chi txonlay txonbal, chi je' e manon e chi'. Manchak e k'anlej bay chi ca tita, yet watx' manchak etax el nabal eb chi abeni. 26 Yujtol a Cham Jajawil ay yet tx'otx' tx'otx' ti', c'al masanil tzet yetal ibil aj yuj tx'otx', c'al eb cajyom bay. 27 K'inalok ay junok man creyenteok chex awten low yetok bay yatut. Ta chi yochej e c'ul chex toji, chic'al je' e loon tzet chi yak' ayex. Man e k'anlej bay, bay chi ca tit tzet chi yetxbaj eltek e satak tu', yet watx' manchak etax el nabal eb chi abeni. 28 Palta ta ay junok mac chi alon ayex axca ti xin: A no chibej chi yak' nak ti' e chi', max ak'lay no' yin xajanbalil, ta ẍi ayex, manchak e chi', yujtol a mac chi alon ayex tu', ay is may chi etax el is nabal e yuj ta che chi'. 29 Chi waltok juntzan ti' ayex, yet watx' man e yujok chi somchaj eb c'amto tec'anil is nabal. Palta tekan ayex ok e yal axca ti' tinani': Ayon ti', chic'al je' co chion masanil tzet yetal. Yuj tu', ¿tzet yuj xan chon is beyc'ulnej eb chi xiw chion chibej tu'? 30 Ta chi jal yuj diosalil bay Dios yuj no chibej tu', cax chi co chion no', c'am mac ay yalon yet yalon tzet yob jin, quex chi mi. 31 Palta chi waltok ayex, caxc'al chon lowi, ma chi juc'a', ma tzanc'al tzet yetal junokxa chi el juneni, junokabi yet watx' chi txecloj el is watx'ilal Dios. 32 Caxc'al israel junok mactxel, ma caxc'al man israelok, caw c'am chi je' jak'on etax el nabal eb. Yetok c'apax eb jet creyenteal, maj je' jak'on etax el nabal eb. 33 Ayin ti', chi wak'lej wak'on tzaloj c'ul eb wet animail yin masanil tzet chi el wuneni. Manak tzet chi oc in watx'ilok chin saya', palta a tzet chi oc watx'ilok juntzanokxa anima chin saya', yet watx' talaj ay eb chi colchajcan elok.
1 Yuj tu', beybalnejek in beybal, axca chi wut c'apax in beybalnen beybal Cristo. 2 Ex wuẍtak, ex wanab, chex wal watx'il, yujtol naan inc'al e yuj masanil tiempo, c'al yuj lanan e beybalnen juntzan cuybej walnakcan ayex. 3 Palta chi wochej che yojtaknej elok, tol a Cristo ayoc is yajawilok junjun winak, axca tol is jolom yayji ocok. Axa nak yichamil ix ix, a nak ayoc is yajawilok ix, axca Dios, yajawil Cristo yayji. 4 Tzanc'al mac winakil ayaj k'oxil yet chi txajli, ma yet chi yalon el k'anej Dios, ac'al oc chi yak' q'uixwan ba. 5 Ac'ala' c'apax eb ix ix tol c'am aj k'oxil yet chi txajli ma yet chi yalon el k'anej Dios, chi yak' q'uixwan eb jolom, axca tol tzukbil el jolom eb tu'. 6 Ta ay eb c'am chi yal c'ul chi yaj k'oxil, tzukokab el eb jolom tu xin. Ta chi q'uixwi eb tzukon el jolom, yaokab aj eb is k'oxil. 7 A ayon winak on ti', man mojok chi jaaj co k'oxil, yujtol axca tol yechel Dios jayji, tx'oxomal el is mimanbilal Cham jayji. Axa eb ix ix, tx'oxomalok el is mimanbilal nak winak yayji eb ix. 8 Yujtol a yet max watx'nen Dios nak babel winak, man yinok ix ix elnaktek nak winak tu'. A ix ix tu' a yin nak winak tu' elnaktek ix. 9 A ix ix tu', watx'nebil ix yuj yoc ix yetbiok nak winak. Man yujok watx'ilok ix, xan max watx'ji nak winak tu'. 10 Yuj tu' xan moj yaon aj eb ix k'oxil is jolom, yuj tx'oxk'abnen el eb ix, tol ayoc eb ix yalan yikbej yichamil. Moj axca tu' chi yut ba eb ix, yuj t'anan c'apax oc eb ángel jin. 11 Palta chi yochej Cham Jajawil tol ayokab yelapnok eb ix yul co sat ayon winak on ti', cax chi yochen c'apaxok tol ayokab jelapnok yul sat eb ix c'apaxok. 12 Yel toni, a yin nak babel winak tu' elnaktek ix babel ix, palta a tinani', a yin eb ix ix chon pitzc'oj elok. Palta masanil, ac'al ton Dios max naoni. 13 Beyc'ulnejek el sic'libil ayex caw, ¿moj mi chi txajli junok ix bay Dios, ta c'am tzet ayaj yin is jolom? 14 Jojtak co masanil tol q'uixwil, ta jokan xil co jolom axca xil jolom eb ix. 15 Watx' yili eb ix ix, yujtol jokan tel xil jolom eb. A xil jolom eb ix tu' ayoc is k'oxilok. 16 Ta ayex chi tit e yowal yuj juntzan cuybanilej ti', yowalil chi nachaj el e yuj, tol ayon ti', c'am chi co cha' junokxa tx'ok beybalej. Ac'ala' c'apax eb creyente bay junjun yiglesia Dios, c'am chi cha eb junokxa tx'ok beybalej. 17 Ay juntzanxa tzet ok waltok ayex. Palta majto je' ex walon watx'il, yujtol ayex aytoc'al e paltail. Yujtol a yet che wajban e ba bay tu', c'am jabok watx'ilal che cha', toc'al chex etaxcan el yuj. 18 Yuj tu' xan a jun ti' ok babjok walontok ayex. Chi wabej tol a ab yet che wajban e ba yin e culto, ay ab pojlejbail e xol. A chi wut in naoni, tekan yel juntzan chi wab tu'. 19 (¡Tekan yowalil ok ex pojchajc'alta'a, yet watx' chi txecloj elok, mac caw yel creyente!) 20 Yuj tu', a yet che wajban e ba, manak cena Cham Jajawil jun che lo' tu'. 21 Yujtol a yet chi oc yorail cena tu', comonxac'al che lo' e yet junjun ex yin ayman. Yuj tu', ay ex c'amxa che yi' e yet, cax chi tit e wajil. Ay ex xin, chex uc'wixac'al aj an yuj. 22 ¿Tom c'am e yatut bay watx' chex low junjun ex? A yet che yunen axca tu', a eb e yet creyenteal che yintaknej elok, palta yiglesia Dios yayji eb e yetok. A eb caytu' chi yut axca tu', c'am tzet chi lo' eb e yetok. Yuj tu', q'uixwil eb che yielok. ¿Xin ta chi je' ex walon watx'il yuj jun e beybal tu' che na'? Caw wal maj je' bian. 23 A juntzan cuybanil yuj tzet chi yun chalay cena walnakcan ayex, a Cham Jajawil ak'nejcan ayin. A ton juntzan ok waltok ayex ti'. A yet jun ak'bal yet max alay oc Cham Jajawil Jesús yul k'ab eb t'inanta' yak'on camok, a yet manto michchajok, max yion aj jun ixim pan. 24 Axa yet max lajwi yalon yuj diosalil bay Dios, max bijon ay ixim pan tu'. Axa yalon bay eb is cuywom axca ti': A jun ti', a ton in mimanil ok ak'lay e yuj. Loek ixim xin, yuj in e naontek, ẍi. 25 Ac'ala' caytu' max yut yion c'apax aj jun vaso, yet max lajwi low eb. Max yalon c'apax bay eb axca ti': A tzet ayay yul jun vaso ti' tx'oxbanil jun is cab trato Dios. Yuj in chiq'uil xan ok yun jun is trato ti'. A yet che yuq'uen jun ti' junjuntak el, naek intek, ẍi Jesucristo bay eb. 26 Yujtol junjun el chi co lo jun pan ti', c'al juc'balnen jun vaso ti', a camichal Cham Jajawil chi co tx'oxk'abnej elok, masantac'al chi yal jay Cham. 27 Yuj tu', ta ay mac man watx'ok chi yut loon jun pan Cham Jajawil ti', c'al yuc'balnen jun vaso Cham ti', chi oc is mul yin mimanil Cham Jajawil, c'al yin is chiq'uil Cham. 28 Yuj tu xin, a yet c'amto chi co lo' ixim pan tu', c'al yet c'amto chi juc'balnej jun vaso tu', yowalil chi co beyc'ulnej co ba junjun on yul jet. 29 Yujtol a yet chi co looni c'al juq'uen jun ti', ta c'am chi cam co naon is mimanil Cham Jajawil, chi jitek yailal jiban. 30 Yuj juntzan ti', xan xiwil eb ya'ay e xol, c'al mac tz'ontak, cax xiwil mac chi cami. 31 Palta ta chi co beyc'ulnej co ba junjun on, c'amxa chon beyc'ulnelay yuj Cham Jajawil. 32 A yet chon beyc'ulnen Cham Jajawil, chi yaoc Cham co yailal, yet watx' manxa ok on tokcan bay jun miman yailal yetok eb yet yulyibank'inal ti'. 33 Yuj tu' ex wuẍtak, ex wanab, a yet che wajban oc e ba e loon Cena tu', che yechbanelej e ba, yet watx' junnejc'al e loon e masanil. 34 Ta ayex ay e wajil, lowanekcan bay e yatut, yet watx' c'am chi jay yailal e yiban yuj Dios, yujc'al tzet che yut e ba bay e wajanil tu'. Axa juntzanxa tzet tol man watx'ok bey e xol xin, okxa in watx'nej oc yet ok ex tok wiloni.
1 Ex wuẍtak, ex wanab, chi wochej che yojtaknej elok, tzetak opisoal chi yak' Cham Espíritu Santo ayon junjun on. 2 E yojtak, tol a yet mayexto creyenteok, max quex ikbelaytok bay tzet chi al-lay oc diosal. Chex ayi, chex aji e sayon ec' juntzan c'am chi je' k'anjab tu'. 3 Yuj tu' xan chi wochej che yojtaknej c'apax el jun ti'. Ta ay junok mac chi alon axca ti': Titokab yowal c'ul Dios yiban Jesús, ta ẍi, a jun chi alon axca tu', c'amoc Yespíritu Dios yetok yet chi yaloni. Ta ay mac chi alon pax axca ti': A Jesús, Wajawil yayji, ta ẍi, asan yuj Cham Espíritu Santo chi je' yalon axca tu'. 4 Ayon ti', tx'ok tx'okc'al opiso max co cha' junjun on, palta junnej mac chi ak'on ayon, a ton Cham Espíritu. 5 Tx'ok tx'okc'al jak'wi serbil junjun on, palta junnej mac chi jak' serbil co masanil, a ton Cham Jajawil. 6 Yetok c'apaxok, tx'ok tx'okc'al co mulnajil junjun on. Palta ac'al oc Dios chi oc jetok junjun on yin tzet chi jun tu'. 7 Chi ak'lay jopiso junjun on yuj co watx'ilok co masanil, yet chi txecloj elok tol ayoc Yespíritu jin. 8 Ilab tol yuj Cham Espíritu tu', xan ay mac chi je' yalon el is jelanil Dios, ay c'apax mac chi nachaj el cuywaji, ac'al ton yuj Cham Espíritu tu'. 9 Yuj Cham xan ay wal mac chi yawal oc c'ul yin Dios. Ac'ala' yuj Cham, xan ay mac chi ak'lay yipalil yak'oncan watx'jok c'ul eb ya'ay. 10 Ay mac chi ak'lay yipalil tx'oxon el milagro yuj Cham. Ay mac xin, a aloj el k'anej Dios chi ak'i yun yuj. Ay eb chi ak'lay yojtaknej elok, ta a Espíritu Dios ayoc yetok junok mactxel, ma a espíritu yob xin. Ay mac a jeon k'anjab yin juntzanokxa tx'ok tiejal chi ak'lay yun yuj. Ay mac xin, a yoc ajtial yin juntzan tiejlak tu', a' chi ak'lay yun yuj. 11 Xiwil tzet chi ak'lay junej, palta junnej Cham Espíritu chi ak'on junej. Tx'ok tx'okc'al tzet chi yak' ayon junjun on, atac'ala' tzet chi el yin c'ul Cham yak' junej. 12 A co mimanil ti', caxc'al xiwil yoc bulan yetbeyom yin, palta junnej mimanilejal yayji. Axca ton yoc bulan yetbeyom co mimanil ti', axca tu' joc c'apax bulan yin Cristo. Axca tol is mimanil Cristo jayji co masanil. 13 Yujtol co masanil, caxc'al israel on, caxc'al c'amak, junnej jayji co masanil. Caxc'al mosejal jayji bay junok mactxel, caxc'al jet co ba, palta junnej jayji. Yujtol a yet max on ak'lay bautizar, junxanej max juncan yetok Cristo. Asan yuj Cham Yespíritu Dios, xan axca tol junnej mimanilej jayji, yujtol max ak'lay cajay Cham jin co masanil. 14 Ilab co mimanil ti' tinani'. Xiwil yetbeyom bulan oc yin, cax man junnejok. 15 K'inalok chi je' yalon wakan axca ti': Ayin ti', yuj mayin k'abejok, xan mayin yetbeyomok jun mimanilej ti', k'inalok ta ẍi. Caxc'al chi yal axca tu', palta yetbeyom in mimanil ti'c'alta' yayji. 16 K'inalok a junok in txiquin ti' chi je' yalon axca ti': Ayin ti', yuj mayin bak' satejok, yuj tu' xan mayin yetbeyomok jun mimanilej ti', k'inalok ta ẍi. Caxc'al chi yal axca tu', palta yetbeyom in mimanil ti'c'alta' yayji. 17 K'inalok ta bak' satejc'al el in mimanil ti', ¿tzet laj chi wut waben paxok? K'inalok ta txiquinejc'al el in mimanil ti', ¿tzet laj chi wut in suk'ten pax jab junok tzet yetal? 18 Palta a Dios max watx'nen junjun yetbeyom co mimanil axca max yun yel yin c'ul watx'neni. 19 K'inalok ta junxanej chi yutcan aj ba masanil, ¿baytal ayoc mimanilej tu' chi yal tu'? 20 Jojtak tol xiwil yetbeyom co mimanil ti', palta junnej yayji masanil. 21 A co bak' sat ti', c'am chi je' yalon bay co k'ab, tol c'am yopiso co k'ab ti' yuj. Ac'ala' c'apax co jolom, maj je' yalon bay jakan tol c'am yopiso jakan tu' yuj. 22 Ay juntzan yetbeyom co mimanil ti' axca tol c'am wal yelapnok, palta titol a juntzan tu' yel ay yopiso juj. 23 Yetok c'apax juntzan yetbeyom co mimanil ti', axca tol c'am yelapnok, a ton juntzan tu' caw chi co ya'ilnej. A juntzan man watx'ok yili, chi co makchej elok, yuj co tx'oxk'abnen elok tol ay ton yelapnok yul co sat. 24 Axa juntzan watx' yili xin, man yowalilok chi makchelay elok. Axca ton ti' max yun yel yin c'ul Dios watx'nen co mimanil ti', yet watx' a juntzan yetbeyom tol c'am yelapnok, a juntzan tu' caw ay yelapnok yul co sat. 25 Yuj tu' maj je' caklen aj ba yin co mimanil ti'. A ti' yet, tol moj col-len ba junjun. 26 K'inalok ay junok yetbeyom co mimanil ti' chi yab yail ma chi yasji, jun lajanxac'al yaben yail masanil yetok jun tu'. Ta ay pax junok chi al-lay watx'il xin, jun lajan c'apax tzaloj masanil yetok jun tu'. 27 Yuj tu xin, a ayon ti', axca tol mimanil Cristo jayji. Junjun on axca tol yetbeyom is mimanil, caytu' jayji oc yin. 28 Yuj tu', ayon max yak' Dios jopiso xol iglesia. Yin babelal, ayon chekbej Cristo jayji. Yet is cab, ayon yalomal el k'anej Dios jayji. Yet is yox, ayon meẍtol jayji. Yetok c'apaxok, ayon chi co tx'oxil milagro. Ayon chi je' jak'on watx'jok c'ul eb ya'ay. Ayon chi je' co colwaji. Ayon watx' jak'wi cuenta. Ayon xin, chi je' co k'anjab yin juntzanokxa tx'ok tiejal. 29 Palta mayon chekbejok Cristo co masanil. Man co masanilok ay jopiso jalon el k'anej Dios. Mayon meẍtolok co masanil. C'am chi je' co tx'oxon el milagro co masanil. 30 Man co masanilok chi je' jak'on watx'jok c'ul eb ya'ay. Man co masanilok chi je' co k'anjab yin juntzanokxa tx'ok tiejal. Yetok c'apaxok, man co masanilok chi je' joc ajtial yin juntzan tx'ok tiejal tu'. 31 Yuj tu', ochejek wal juntzan opiso xiwil watx'il chi yak' Dios. Palta ayto wal junxa beybalej yelxac'al watx' ok waltek ayex.
1 K'inalok ta jelan on co k'anjab yin masanil ti' eb anima, c'al yin is ti' eb ángel, palta ta c'am pax co camc'ulal, lajan onc'al mi axca junok tambor toc'al chi tinxi. Ma xin, axca juntzan ch'en patxquiẍtak, toc'al chi tzinxi yetbeyom son, cayon mi tu'. 2 Caxc'al ak'bil jopiso jalon el k'anej Dios, caxc'al caw chi nachaj el juj masanil tzet c'amto mac ojtakneni, caxc'al jojtak masanil tzet ay yulyibank'inal ti', caxc'al caw chi jaoc co c'ul yin Dios sic'libil, xan chon tzakay jion el junok tzalan bay is lugar, palta ta c'am pax co camc'ulal, caw c'am jabok jopiso. 3 Caxc'al chi co sa' masanil tzet ay ayon bay eb meba', caxc'al inye con chi, chon ak'lay camok, cax chi ak'lay tz'a co mimanil ti', palta ta c'am co camc'ulal, nabac'al chi jetnej co c'ul, c'am jabok q'uex pak ok co cha'. 4 Ok waltek tzet chi jut co beybal, ta yel wali ay co camc'ulal. Caw ayc'al co mimanc'ulal yin eb jet animail, cax chi co tx'oxon c'apax co watx'c'ulal bay eb. Man comonok chi chichon oc co c'ul yin junok mac xiwil tzet ay. C'am chi co maynej co ba, cax chi jion can co ba. 5 Ta caw yel ay co camc'ulal, c'am chi jiel q'uixwil junok mactxel. Chi jochej tol man asannejok on ay jalon jet. Manokab c'unok tit jowal. C'am chi co na' jion ec' co pak bay junok mactxel. 6 C'am chon tzaloj yuj junok tzet man watx'ok chi el yunen junok mactxel. Asan juntzan tzet yetal caw yel chon tzaloj yetok. 7 Ta yel ay co camc'ulal, okc'al jak' techaj masanil tzet yetal. Chi jaoc yin co c'ul tol watx'c'al tzet chi el yunen eb jet animail. Chi jaoc eb yipok co c'ul. Tzanc'al junok tzet yetal chi jay jiban, tec'anc'al chi jut co ba bay. 8 A jun camc'ulal ti', c'am bak'in ok lajwok. Ay jun tiempoal ok jayok, yet tol manxa yowalilok tol aytowal mac ok yak' Dios yopiso yalon el is k'anej. A yet jun tiempoal tu', manxa yowalilok tol aytowal mac ok k'anjab yin tx'ok tiejal. Yetok c'apaxok, c'amxa yopiso co jelanil yet tu'. 9 Yujtol man tz'akanok co jelanil tinani', yetok c'apaxok man tz'akanok chi jut jalon el k'anej Dios tinani'. 10 Palta xin, ay jun tz'akan. A yet ok jay jun tu', ato yet tu' ok lajwok yopiso masanil juntzan man tz'akanok chi jun ti'. 11 K'inalok ayin ti' tinani', a yet unin into, axcac'al k'anjab unin in k'anjabi. Max in na juntzan tzet chi na' eb unin, yujtol lajan in nabal yetok eb. A tinani xin, icham winak inxa. Yuj tu' xan mayal in bekcan beybal uninal tu'. Axca in ton yet unin into tu', axca on ton tu' co masanil tinani'. 12 Yujtol a tinani', c'am wal chi nachaj el yet Dios juj. Axca jilon oc co sat yul junok ch'en ch'en jopopi, k'ektaninak yili co sat, axca tu' jayji. Palta a yet jun tiempoal tu', ok nachaj el masanil tzetak yetal yet Dios juj, axca chon yut yojtaknen el Cham. 13 A tinani', chi jaoc Dios yin co c'ul, cax chi jaon c'apax oc yipok co c'ul. Chi co camc'ulnen c'apax eb jet animail. A oxeb chi jun ti', ayc'al yopiso masanil tiempo, palta a camc'ulal, ec'ban yelapnok yintak cabxa ti' yul sat Dios.
1 Ak'ek e yip e camc'ulnelen e ba junjun ex. Cax ochejek wal juntzan opiso chi yak' Cham Yespíritu Dios ayex. Ay wal jun opiso yelxac'al watx', a ton jun aloj el k'anej Dios. 2 Ay mactxel chi je' k'anjab yin juntzan tx'ok tiejal. A yet lanan yalon eb junok tzet yetal yin tx'ok tiejal tu', a bay Dios lanan k'anjab eb, manak bay anima, yujtol c'am mac chi aben tzet chi yal eb tu'. A Cham Yespíritu Dios chi ak'on yal eb juntzan tzet yetal tol c'am mac ojtaknej. 3 Palta a mac chi alon el k'anej Dios, a bay eb chi abeni, a tu' chi k'anjabi, yet watx' chi yi' eb is tec'anil, yet chi iptzelay eb, cax chi mimanc'ulnelay eb. 4 A mac chi k'anjab yin juntzan tx'ok tiejal, asanc'al chi yi' can tec'anil tx'oklil; palta axa eb chi alon el k'anej Dios xin, a eb creyente chi yi' can tec'anil yuj eb. 5 Chi yochej in c'ul chi je' e yuj e k'anjab yin tx'ok tiejal e masanil. Palta yelxac'al chi yochej in c'ul tol a k'anej Dios che yalilok, yujtol a aloj el k'anej Dios miman yelapnok yintak pax juntzan tx'ok tiejal tu'. Ay ton c'apax yopiso juntzan tx'ok tiejal tu', ta ay mac chi je' yoc ajtial yin tzet chi yal elapnok, yet watx' chi aj can nabal eb creyente yuj. 6 Ex wuẍtak, ex wanab, k'inalok ta ayin chin apni oc e xol tinani' cax chi walon juntzan tx'ok tiejal ¿tom ay jabok tzet ok e yican yin? Palta ta a tzet max yak' Dios chi wak' e yojtaknej elok, ma jelanilal, ma xin, a k'anej Dios chi wal ayex, ma junokxa cuybanilej, asan axca tu bian, ay watx'ilal chi je' e yabencanok. 7 Jieltek co nabal yin juntzanok son tinani'. K'inalok ta chi xulay chirima, ma chi txal-lay pax junok arpa, ta toxac'al chi somlabi nuk', ¿xin ta chi jab tzet bital chi yaoc junjun? 8 K'inalok ta ay junok owal tinani', cax chi toj eb soldado. Chi xulay is cornetail eb, yet chi toj eb. Ta man yinok is bital yet owal chi yun xulayi, ¿xin ta chi watx'nej ba eb, cax chi toj eb? 9 Cayon tu xin, ta a k'anej c'am mac chi nachaj el yuj tzet chi yal elapnok, a chi jala', ¿tzet ok yun nachaj el yuj eb tzet chi jala'? Nabac'al chon k'anjab chi yal tu'. 10 A tinani', xiwil makanil tiej ay yulyibank'inal ti'. Masanil tiejlak tu', ay yelapnok junjun. 11 K'inalok ta ay junok mac chi k'anjabi, palta c'am chi jab pax tzet chi yala', axca tol tx'ok conobal on yul sat eb axca tu'. Yetok c'apaxok, axca tol tx'ok conobal c'apax eb yul co sat, yujtol c'am chi jab tzet chi jal yetok eb. 12 Ayin ti', wojtakxa tol che yochej juntzan opiso chi yak' Cham Yespíritu Dios ayex. Yuj tu' xan chi wal ayex, tol che yak' e yip, yet watx' a jun opiso caw wal watx' che cha', yet watx' ok je' e yak'on tec'anil nabal eb e yet creyenteal. 13 Yuj tu', ta ay mac chi k'anjab yin tx'ok tiejal, yowalil chi k'an is jelanil bay Dios, yet watx' chi je' yalon el tzet chi yal elapnok tzet chi yal tu'. 14 K'inalok chin txajli yin junok tx'ok tiejal tinani'. Ac'al wanimail chi txajli, palta in nabal, c'am mi chi nachaj el jabok yuj tzet chi wal tu'. 15 Yuj tu', ¿tzet watx' chi jun che na'? Manokab asannejok yetok janimail chon txajli. Yowalil chon txajli c'apax yetok co nabal, yet watx' chi nachaj el juj. Yetok c'apaxok, a yet chon bitni, manokab asannejok yetok janimail chon bitni. Yowalil chon bitni c'apax yetok co nabal, yet watx' chi nachaj el juj. 16 K'inalok ay junok ex che yal e watx' k'anej bay Dios tinani', yin tx'ok tiejal. Ac'al ton yetok e yanimail chex k'anjabi. Axa pax mac ayic' e yetok xin, maj nachaj el yuj eb tzet che yal tu'. Yuj tu', a yet che yalon yuj diosalil bay Dios, maj je' yalon eb yunokabi, man ẍiok eb. 17 Tekan watx' e aloj yuj diosalil che yal yin txajil tu', palta c'am junok chi yi' can yip nabal yuj. 18 Yuj wal dios bay co Mam Dios, yujtol xiwil tx'ok tiejal chi je' wuj e yintak e masanil. 19 Palta a yet chi co wajban co ba yin culto, watx' tol a e ti' chi wal yet chex in cuyoni. Yujtol caxc'al o belannej k'anej Cham chi wal yin e ti', palta ec'ban tzet che yabcan ocok, yintak pax ta 10,000 k'anej c'am chi nachaj el e yuj chi wala'. 20 Ex wuẍtak, ex wanab, manokab axcaok nabal unin, manokab axcaok tu' che yut e nabal yin juntzan ti'. Axa e beybal xin, matawal axca unin tol c'am bay chi yun eb junok tzet man watx'ok, mata caytu' che yut e ba, cax caw tec'an che yut e nabal, yujtol may ex uninok. 21 Tz'ib yayjican yul ley Dios axca ti': Ayin ti', ok in k'anjab bay jun conob ti' yin tx'ok k'anejal, c'al yin is ti' eb tx'ok conobal, palta majc'alta' cha yab eb, ẍi Cham Jajawil. 22 Yuj tu' xan a juntzan tx'ok tiejal chi al-lay tu', tx'oxbanilc'al yayji bay eb man creyenteok, cax man tx'oxbanilok yayji bay eb creyentexa. A pax yal-lay el k'anej Dios tu xin, tx'oxbanil ton yayji bay eb creyente jun tu', cax man tx'oxbanilok bay eb man creyenteok. 23 K'inalok ta a yet che wajban e ba e masanil ayex creyente ex ti' bay tu' tinani', cax e masanil chex k'anjab aj yin tx'ok tiejal, ta chi oc apnok junok man creyenteok e xol, tol man yojtakok tzetbil yoc beybalil jun jet ti', tekan ok yal axca ti': Axca wal tol loco eb, ẍi mi. 24 Palta k'inalok ta ac'al k'anej Dios che yalil e masanil, cax chi ocapnok junok man creyenteok tu', caxc'al man yojtakok tzetbil yoc beybalil jun jet ti', ok nachaj el yuj, tol yobtakwom toni. Ok beyc'ulnej ba, yet ok yaben tzet ok e yal junjun ex. 25 Caytu' ok yun txecloj el tzet ay yin is nabal. Yuj tu' ok ay jajanok, cax ok yalon ba bay Dios, cax ok yalon axca ti': Yel toni, caw wal ayoc Dios e yetok, ẍi mi. 26 Yuj tu' ex wuẍtak, ex wanab, ok waltok ayex tzet ok e yut e ba yet che wajban e ba yin culto. Matawal ay ex chex bitni, ay ex che yak' junok cuybanilej, ay ex che yal tzet chi yak' Dios e yojtaknej elok, ay ex chex k'anjab yin tx'ok tiejal, cax ay ex c'apax che yal tzet chi al-lay yin tx'ok tiejal tu'. Matawal yelc'ulal tol chi aj can e nabal yuj masanil tzet che yun tu'. 27 Ta ay ex chex k'anjab yin tx'ok tiejal, k'okbilokab cawanok ma oxwanok ex chex k'anjabi. Cax junjunalokab e yalon e yet. Yetok c'apaxok, yowalilokab ay junok ex chi je' e yalon tzet chi al-lay yin tx'ok tiejal tu'. 28 Ta c'am mac chi nachaj el yuj tzet chi yal elapnok xin, manchak ex k'anjab yin tx'ok tiejal yet che wajban e ba tu'. Watx' munilc'al chex txajli bay Dios yul e c'ul. 29 Ac'ala' c'apax ex che yal k'anej Dios, k'okbilokab cawanok, ma oxwanok ex chex k'anjabi. Axa e masanil xin, chi cam wal e yacban e txiquin bay is k'anej Dios chi al-lay ayex tu'. 30 K'inalok ay junok ex lanan e yalon k'anej Dios e nan e xol, cax ay junokxa chi ak'lay yal junokxa tzet yetal yuj Dios, yowalil chex oc wanaj mac ex txel lanan e k'anjab tu', cax chi yalon junxa tu' yet. 31 Ta axca tu', a jantak ex chi ak'lay e yalil k'anej Dios, yin junjunal chi je' e yalon e yet, yet watx' jun lajan e yioncan e cuybanil c'al e tec'anil e masanil. 32 A mac ex chi ak'lay e yalil k'anej Dios, chi je' e mitx'on waay e ba yin e k'anjabi, yet watx' yin junjunal che yal e yet. 33 Ta toxac'al chon wekeki yet chi jalon tu', manak Dios chi ak'on jun axca tu'. Yujtol chi yochej Dios tol yin bayc'al ijanil chi jun masanil tzet yetal. A beybal eb yet-xa Dios bay junjun iglesia, tol tz'inc'al ẍi eb ix ix. 34 Xan cayokab ex tu', tz'inc'alokab ẍi eb ix bay che wajbaj e ba, yujtol c'am chi chalay k'anjab eb ix bay culto. Yikemokab chi yut ba eb ix, yujtol axca tu' yalon ley Dios. 35 Ta ay junok tzet yetal chi yochej eb ix chi k'anlej yabej, k'anlejokab eb ix bay yichamil bay na, yujtol manta' wal mojok ix k'anjab bay culto tu'. 36 Yowalil che natek, tol manak ayex max babji e yalon el k'anej Dios. Yetok c'apaxok, man asannejok ex max e cha' k'anej Dios tu'. 37 Ta ayex che na', tol ay e yopiso e yalon el k'anej Dios, ma che na' tol chi mulnaj oc Cham Yespíritu Dios e yin, ojtaknejek elok, tol chekbanil Cham Jajawil juntzan chin tz'ibejtok ayex ti'. 38 Ta ay mac c'am yelapnok juntzan chekbanil Cham Jajawil ti' yul sat xin, c'amokab c'apax yelapnok eb tu' yul e sat. 39 Yuj tu xin ex wuẍtak, ex wanab, che yak' e yip yin jeon e yuj e yalon el k'anej Dios, cax man e tenoc wanaj eb chi k'anjab yin tx'ok tiejal. 40 Unek masanil yin bayc'al ijanil c'al yin txolilal.
1 A tinani' ex wuẍtak, ex wanab, chi wochej che natek jun k'anejal yet colbanilej max walcan ayex. A jun abix ti', chabilxa e yuj. Caw tec'an e waay yin tinani', 2 ta ayc'al oc e nabal yin jun abix max walcan ayex tu', ta yel wali max e yaoc e c'ul yin, ay e colbanil yuj. 3 A juntzan cuybanilej chabil wuj, a max babji walon ayex. Tol a Cristo max cam yuj co mul, axca tz'ibelaycan yul tx'an Un Tz'ibbilcanok. 4 Max mukayi, palta max ictzonelay pax aj yet cabjial, axca tz'ibelaycan yul tx'an Un tu'. 5 Max tx'oxaj ba bay Pedro. Catatu' max tx'oxon aj ba bay juntzanxa eb is chekbej. 6 Max lajwi tu', max tx'oxon aj ba bay ec'ban 500 eb jet creyenteal. Wajan ec' eb cax max yilon eb masanil. Xiwilto eb tu' iquis tinani', palta ay jaywan eb camnakxa. 7 Max tx'ox c'apax aj ba bay Jacobo, yetok bay masanil juntzanxa eb is chekbej Cham. 8 Yintakilxac'al tu', max tx'oxon aj ba ayin, yujtol axca junok unin manto yaljubalok, cayin tu'. Yujtol lajubxac'al max quin oc is chekbejok. 9 Yuj tu' xan ayin ti', yaynakil wayji xol juntzanxa eb chekbej Jesucristo tu'. Toltax man in mojok wal-lay oc chekbejok yetok eb, yujtol etnebil eb yiglesia Dios wuj yetok yailal. 10 Axa tinani xin, asan yuj is watx'c'ulal Dios, xan ayin oc yin wopiso ti', palta man nabac'alok max tx'ox is watx'c'ulal tu' win, yujtol ec'ban in mulnajil yintak eb wet chekbejal masanil. Palta man in tx'oklilok chin mulnaji; a Dios chi mulnaj wetok yuj is watx'c'ulal. 11 Yuj tu', caxc'al ayin max wala', ma tol a juntzanxa eb chekbej Jesús max aloni, ac'al oc jun k'anejal yet colbanilej tu' chi jala'. A ton jun ti' che yaoc yin e c'ul. 12 A jun k'anejal yet colbanilej chi jal ti', a chi alontek tol max ictzonelay pax aj Cristo xol eb camnak. Yuj tu', ¿tzet yuj xan ay ex che yal tinani', tol c'am chi je' yictzoj aj eb camnak? 13 Ta yel c'am chi je' yictzoj aj eb, axca e yalon tu', man mi ictzonebilok aj Cristo chi yal tu'. 14 Yetok c'apaxok, ta maj ictzonelay aj Cham, a jun k'anejal yet colbanilej chi jalil ti', c'am mi jabok yelapnok. Ta axca tu xin, nabac'al mi che yaoc yin e c'ul. 15 Yetok c'apaxok, lek'ti' testigo on mi Dios, yujtol max jala', tol max ictzonelay aj Cristo yuj Dios. K'inalok ta c'am chi je' yictzoj aj eb camnak axca e yalon jaywanok ex tu', maj mi ictzonelay aj Cristo yuj Dios. 16 Yujtol ta c'am chi je' yictzoj aj eb camnak tu', tamwal c'apax mi max ictzonelay aj Cham. 17 K'inalok ta maj ictzonelay aj Cham, nabac'al mi che yaoc e c'ul yin, yujtol aytoc'al mi oc e yobtakil e yiban. 18 Yetok c'apaxok, junelnej mi camnak el eb creyente camnakxa. 19 Ta asan yuj jab co k'inal bay yulyibank'inal ti' xan chi jaoc Cristo yipok co c'ul, yelxac'al mi ok'bal on c'ul yintak masanil anima chi yal tu'. 20 Akxa tinani', wal yel ictzonebil aj Cristo xol eb camnak. Axca junok babel sat awoj, caytu' max yun yictzonelay aj Cham co satak, yuj tx'oxk'abnen elok, tol ok on ictzonelay c'apax ajok. 21 Asan yuj jun winak, a ton Adán, xan max titcan camich jiban co masanil. Ac'ala' c'apax asan yuj junxa winak, a ton Cristo xan ok ictzonelay aj eb maxax cami. 22 Masanil anima ok camok, yujtol yinatil Adán masanil. Axa co masanil tol yet onxa Cristo ti', ok on ictzonelay pax ajok. 23 Junjunc'al yin is txolilal. Babel max ictzonelay aj Cristo. Axa yet ok jay Cham yet is cayelal, cax ok on ictzonelay aj ayon yet onxa Cham ti'. 24 Ok lajwok tu', cax ok jay lajubal, cax ok ak'lay lajwok el masanil eb yajaw yuj Cristo, c'al eb ay yopiso, yetok masanil juntzan eb ay yikbej. Catatu bian, ok yacan oc yopiso yul k'ab Cham Dios Mamej. 25 Yujtol a Cristo, yowalil ok oc reyal, masantac'al ok can masanil mac ajc'ul oc yin yalan yuj. 26 Ay c'apax junxa tzet axca tol ajc'ul oc jin bay yulyibank'inal ti', a ton camich. A jun lajub ajc'ul ok lajwok yuj Cristo, a ton camich tu'. 27 Yujtol max yacan oc Dios Mamej masanil tzetak yetal yul k'ab Cristo. Palta caxc'al ayoc masanil tzetak yetal yul is k'ab, axca ta' chi yal tx'an Un Tz'ibbilcanok, c'am yoc Cham Dios Mamej xol juntzan tu', yujtol a Dios chi ak'on masanil tzetak yetal tu' yul is k'ab. 28 A yet mayal yacan oc Cham masanil tzetak yetal yul k'ab is C'ajol tu', catatu' a wal caw Cham C'ajolej tu' ok yaoc ba yul k'ab is Mam, Cham beknej oc masanil tzetak yetal tu' yul is k'ab. Catatu bian, asanxanej Dios ok yajawbok yiban masanil. 29 A tinani', ay eb chi ak'lay bautizar q'uexelok eb camnak, palta ta man ok ictzoj pax aj eb camnak tu', ¿tzet yuj xan ay eb chi ak'lay bautizar q'uexelok eb xin? 30 Yetok on c'apaxok, ¿tzet yuj xan chi jak'c'al co ba yul k'ab camich masanil tiempo? 31 Ayin ti' ex wuẍtak, ex wanab, junjunc'al c'u ijan chin mak'lay camok. Wal yel chi wal ayex, caw wal chin tzaloj e yuj, yujtol ayoc Cham Jajawil Jesucristo yin e c'ul wetok. 32 A bay Efeso ti', axca tol max wak'lej owal yetok no chiwajwom no'. Ta asan yuj tzet yetal yetc'al yulyibank'inal ti', ¿tzet wal yuj max wetnej in c'ul axca tu'? Ta man ok ictzoj aj eb camnak, yel mi watx' chi jak' co nabal tinani'. K'inalok tatol man ok on ictzonelay ajok, lowokonek, juq'uek an, yujtol talaj a yet yecal chon cami. 33 Manchak e yak' e ba etnelay yuj junok lek'tial. Ta ay eb yob beybal chon ec' yetok, ok etax el co watx' beybal yuj eb. 34 Naek e ba sic'libil, cax watx'nejek oc e nabal. Manchakxa e yun tzet man watx'ok. Chi wal jun ti' yujtol ay ex c'amto wal che yojtaknej el Dios. A yuj e q'uixwilok, xan chi waltok. 35 Tekan ay junok ex ok e k'anlej el ayin axca ti': A eb camnakxa chal tu', ¿tzet ok yun yictzonelay aj eb? ¿Tzetbil yili mimanil eb yet ok ictzonelay aj eb tu'? tekan quex chi. 36 Ta ayex che na axca tu', tita' tol c'amto e nabal xin. K'inalok junok tzanc'al tzet inatil tinani'. Ta c'am chi jawaytok yul tx'otx', ¿tzet ok yun yelol xe' yin comonc'al? A yet chi jawoni, axca tol chi cam chi jila'. 37 A yet chi jawon jun inat tu', manak is txutxal chi jawaytok. Caxc'al trigo, ma junokxa tzanc'al tzet inatil chi jawa', asan bak' ma sat chi jawa'. 38 Axa Dios chi aon oc txutxal junjun inat tu' axca chi yochej c'ul, atac'ala' tzet inatil junjun. 39 A masanil tzetak yetal yulyibank'inal ti', tx'ok tx'okc'al is mimanil junjun makan. Tx'ok yel co mimanil ayon anima on ti'. Tx'ok yel is mimanil no no' caneb yakan. Tx'ok pax yel is mimanil no tz'iquin. Ac'ala' tx'ok c'apax yel is mimanil no txay. 40 Ay satcanil mimanilej, ay c'apax sattx'otx'al mimanilej. A satcanil mimanilej tu', ay watx'ilal tx'ok yel yintak sattx'otx'al mimanilej. 41 A juntzan tzet ay satcan tu', tx'ok tx'ok yel tzekekial junjun. Tx'ok yel tzekekial c'u, tx'ok yel tzekekial xajaw. Tx'ok c'apax yel tzekekial junjun waycan. 42 Ac'ala' cayton tu' ok yun eb camnak yet ok ictzonelay aj eb. Chi mukay aytok jun co mimanil tol c'un k'a ti', axa yet ok ictzonelay aj tu', c'amxa oxlajon bak'in ok camok. 43 A yet ok mukay co mimanil ti', c'am jabok watx'il yoqui, cax c'am yelapnok jabok. Axa yet ok ictzonelay aj xin, yelxac'al watx' ok yun co mimanil tu' cax mimanxa yelapnok. 44 A yet ok muklay co mimanil ti', naba chibejc'al yayji ocok. Axa jun co mimanil ok ictzonelay aj tu xin, yet-xa espíritu. Ay jun co mimanil naba chibejc'al ti', yuj tu' xan jojtak c'apaxok tol ay pax jun co mimanil yet-xa espíritu. 45 Caytu' tz'ibelaycan yul tx'an Un bay chi yal axca ti': A nak babel winak, a ton Adán, max iquisbi ajok, ẍi. Palta ay junxa mac tzunanxa max jayi, axca Adán tu' yayji; a junxa tu', espíritu ak'on k'inalej toni. 46 Manak jun co mimanil yet espíritu max babji yak'lay ayon. Palta tol a jun chibej mimanilej max babji yak'layi. Tzunanilto ok ak'lay co mimanil yet espíritu tu'. 47 A nak babel winak, yin tx'otx' tx'otx' max tit nak. Yuj tu' xan yet yulyibank'inal ti' yayji nak. Axa jun winak yet is cab tu xin, yet satcan yayji. 48 Axcac'al jun mimanilej tol tx'otx' tu', cayc'al tu' co mimanil ti', yet c'apax yulyibank'inal ti' yayji. Palta axca is mimanil Cham aj satcan tu', caytu' jun co satcanil mimanil ok co cha'. 49 A tinani', lajan co mimanil ti' yetok jun tx'otx' mimanilej tu'. Axa yet jun tiempoal tu', lajanxa ok yun co mimanil yetok yet Cham aj satcan. 50 Ex wuẍtak, ex wanab, chi wochej c'apax chi waltok junxa ti' ayex. A co mimanil ti', c'am chi je' yapni bay ayic' Dios. A co mimanil ti', cambejal yayji, yuj tu' c'am chi je' chaon k'inalej tol ayc'al yin tojbalk'inal. 51 Palta ay jun tzet c'am mac ojtaknen yul yet. Chi wochej che yojtaknej el tinani'. Man co masanilok ayon creyente on ti' ok on camok, palta co masanil ok q'uexponelay co mimanil ti'. 52 A jun tu' yin aymanil ok ujok. Yin junnej mutz'satil ok yun jayi, yet ok xulay ch'en lajub trompeta. A yet ok xulay ch'en trompeta tu', cax ok ictzoj aj eb creyente camnak. Axa yet mayal ictzoj aj eb tu', c'amxa oxlajon bak'in ok cam eb. Axa ayon iquis onto yet tu xin, toxac'al ok q'uexponelaycan el co mimanil ti'. 53 Yujtol a co mimanil ti', c'un yetaxtok. Yuj tu' xan yowalil ok co cha' jun co mimanil c'am bak'in ok etaxtok tu'. A co mimanil ti', cambejal yayji. Yuj tu' xan yowalil ok co cha' jun co mimanil tol c'amxa bak'in ok cam tu'. 54 A yet ok co chaon junxa co mimanil tu', catatu' bian ok yunen el jun tzet tz'ibbilcan yul tx'an Un bay chi yal axca ti': A camich ok can yalan, yuj yipal Dios, 55 xan a tinani', tx'oxokabtek camich tu' yipalil yin yak'on c'ayil anima. Tx'oxokabtek camich tu' yikbej yin c'aywajwomal, ẍi yul tx'an Un tu'. 56 Yuj co yobtakil, xan ay yipalil camich tu' on yak'on camok. A ley Dios max ak'oncan yikbej co yobtakil tu' co cam yuj. 57 Palta yuj wal dios bay co Mam Dios, yujtol chi occ'al Jesucristo is C'ajol jetok, xan chi cancan camich yalan juj. 58 Yuj tu' ex wuẍtak, ex wanab camc'ulnebil, caw tec'anc'al che yut e ba. E yak'ta' cabc'ulal. Yinokab masanil e c'ul chex mulnajc'al yin yet Cham Jajawil yujtol e yojtakxa, tol a co mulnajil yin yet Cham manc'al nabaok.
1 A tinani' ok waltok e yab yuj jun ofrenda lanan yilay aj co xol ti', cax ok alaytok bay eb jet creyenteal. A juntzan chekbanil ok waltok ayex ti', albilxa wuj bay juntzan iglesia bay yul yet Galacia. Yuj tu', axcaokab yunnak eb tu', cayokab tu' che yun c'apax ayex ti'. 2 A yet junjun domingo, tx'ok che yican el e yofrenda, atac'ala' jantak che yi' junjun ex, cax che wajban ec'ok, yet watx' manxa yowalilok tol atoc'al yet chin apni, cax che yion aj e yofrenda tu'. 3 Che siq'uil jaywanok eb ok in chektok bay Jerusalén. Asan chin apni cax chin tz'iben el is carta eb bay ok waltok tol ay yopiso eb. Ac'al ton oc eb ok iontok e yofrenda tu' bay eb aj Jerusalén. 4 A yet ok in apnok oc ayex tu', catatu' ok wiloni, ta ayin caw chin toj bay Jerusalén tu'. Ta chin toji, chi toj eb wetok. 5 A yet ok ex tok wiloni, yowalil ok in ec' cab oxebok c'u yul yet Macedonia. Catatu bian cax ok in apnok oc ayex tu'. 6 Talaj c'uxan chin ayji ec' e yetok junok tiempoal, tekan a tu' ayin ec'ok cax ok ec' nabilk'inal; axa yet ok in tok bay juntzanokxa lugar xin, ok ex colwajc'al wetok yin in viaje. 7 C'am chi wochej tol amanc'uanxac'al ok ex ec' wilcanok. Chi wochej wal chin ec' junok tiempoal e yetok, ta chi el yin c'ul Cham Jajawil. 8 Palta ayinto ec' bay conob Efeso ti', cax ok ec' k'in Pentecostés. 9 Yujtol watx'c'al chaon ba in mulnaj yin yet Cham Jajawil cayti' chi wila'. Caxc'al xiwil mac chi chichon oc c'ul win, palta bekanc'al in mulnaji. 10 Ta ok apnok oc Timoteo ayex tu', ya'ilnejek, yet watx' c'amokab tzet chi na', cax chi ayji ec' e yetok yin tzalojc'ulalil, yujtol chi mulnaj c'apax yin yet Cham Jajawil axca in ti'. 11 Yuj tu', c'am junok ex chi je' e yintaknen el nak bay tu'. A ti' e yet, tol chex colwaj bay nak, yet watx' chi tit nak yin tzalojc'ulalil. Ti lanan wechbanen jay nak yetok juntzanxa eb juẍtak ok tit yetok. 12 Xiwil max in oc tean yin juẍtak Apolos yujtol wochwan wal chex toj il-lay yuj yetok eb juẍtak, palta maj yal c'ul max quex toj yil yet jun tiempoal ti'. Ato ab yet ay is colanil, cax ok ex tok yiloni. 13 Makwajanekc'al. Tec'anokabc'al che yut e yaon oc e c'ul yin Cham Jajawil. Manchak ex xiw jabok. Caw che tec'baj e ba junjun ex. 14 Masanilc'al tzet che yunej, unek yin camc'ulalil. 15 A tinani' ex wuẍtak, ex wanab, e yojtak tol a Estéfanas yetok masanil eb cajan yetok bay yatut, a eb babel creyente bay yul yet Acaya tu'. A eb tu', caw wal chi yak' serbil eb eb creyente yin masanil c'ul. 16 Chin tewi ayex, tol che yikej tzet chi yal eb, cax che yiken c'apax bay juntzanxa eb jun lajan yak'on serbil Cham Jajawil yetok eb, yujtol caw wal chi colwaj eb cax chi mulnaj eb yin yet Cham Jajawil. 17 Caw chin tzaloj tinani', yujtol max jayoc Estéfanas, yetok Fortunato c'al Acayco ayin cayti'. A eb ti', caw wal chi colwaj eb wetok. Axca tol e q'uexel yayji eb yin colwaj wetok. Ilab tol c'am chi je' e jayi. 18 Axca wal max yun yion can yip e nabal yuj eb bay tu', caytu' max yun c'apax yion yip in nabal yuj eb cayti', xan matawal ay yelapnok eb yul e sat. Ta ay juntzanokxa mactxel axca eb ti', ayokab c'apax yelapnok eb yul e sat. 19 A eb juẍtak c'al eb janab bay junjun iglesia yul yet Asia ti', chi yatok eb cawil e c'ul e masanil bay tu'. Yetok c'apax Aquila c'al Priscila, c'al eb creyente chi wajbaj ba yak'on culto bay yatut eb, chi yatok eb cawil e c'ul yin bi Cham Jajawil. 20 Masanil eb hermano cayti', chi yatok eb cawil e c'ul. A yet che yil-len e ba, che yak'lej cawil e c'ul yin camc'ulalil, yujtol yet exxa Dios. 21 A jun cawil c'ulej chin tz'ibejtok ti', ayin caw Pablo in ti', chin tz'ibejtok. 22 Ta ay junok mac c'am chi camc'ulnen Cham Jajawil Jesucristo, titokab yowal c'ul Dios yiban. Ach Jajawil, matawal chach jay yin ayman. 23 Tx'oxokab Cham Jajawil Jesucristo is watx'c'ulal ayex bay tu'. 24 Chex in camc'ulnej e masanil yin Cristo Jesús.
1 Ayin Pablo in ti', chekbej in Jesucristo, yujtol axca tu' max el yin c'ul Dios. Ajun Timoteo wetok cax chin tz'ibentok jun in carta ti' ayex ex yiglesiaxa Dios bay Corinto. Chin tz'ibej c'apaxtok ayex e masanil ex yet-xa Dios bay yul yet Acaya. 2 Yak'okabc'al co Mam Dios, c'al Cham Jajawil Jesucristo is watx'c'ulal, c'al is junc'ulal ayex. 3 Jalek watx' k'anej bay Dios, is Mam Cham Jajawil Jesucristo, a ton Cham Mamej tol caw chi ok' c'ul jin. 4 A yet chi jay yailal jiban, a' chi ak'on mimanil co c'ul, yet watx' chi je' jak'on mimanil c'ul eb chi jayoc yailal yiban. Axca chi yut yak'on Cham mimanil co c'ul, cayokab tu' chi jut c'apax jak'on mimanil c'ul eb. 5 A tinani', caw chi jab yail yetok Cristo, palta ac'al oc chi ak'on pax mimanil co c'ul. Axca chi jut jaben yail tu', caytu' chi yun yak'lay c'apax mimanil co c'ul. 6 Yuj tu' chi jab yail yet watx' chi je' ex co mimanc'ulneni, c'al yuj e colchaji. Yetok c'apaxok, chi yak' Dios mimanil co c'ul, yet watx' jojtak tzet ok ex jut co mimanc'ulneni, yet watx' che tec'baj e ba e yak'on techaj tzet ok jay e yiban, axca tzet chi jay jiban. 7 Chic'al jaoc Dios yipok co c'ul, yet chi jiloni tol ayex jun che yab yail jetok. Jojtak, tol axca chi yun e yaben yail ti', caytu' ok yun e mimanc'ulnelay yuj Dios. 8 Ex wuẍtak, ex wanab, chi jochej che yojtaknej elok, jantak yailal ec' jilnak bay yul yet Asia, yujtol xiwil yailal ec' jilnak bay tu', xan ijan wal maj techaj juj. A co naoni tol maj onxa colchaj el yul k'ab camich. 9 A co naoni, tol ok on camxac'al bay tu'. Max eq'uel juntzan tu' jiban, yet watx' asan Dios chi jaoc yipok co c'ul, yujtol a' chi ak'on ictzoj aj eb camnak. Axa on xin, c'am chi jaoc yipok co c'ul tol chi je' co colon co ba yul jet. 10 Jabxanej man camnakok on yuj mimek yailal tu'; palta axa Dios max on colon elok. Lananc'al co col-lay el yuj tinani'. Ayoc Cham yipok co c'ul sic'libil, tol ok on is colc'al bay juntzan yailal tu'. 11 Ta chex colwaj yin txaj jetok, cax xiwil ex ok ex txajlok juj, ac'ala' xiwil ex ok e yal yuj diosalil bay Dios yuj is watx'c'ulal ok yak' ayon, chi yal tu'. 12 Caw chon tzaloji, yujtol yojtak wal co c'ul, tol tojolc'al chi jut co beybal on bay masanil anima, c'al ayex. C'am tzet yob yin co beybal, yujtol max yak' Dios is yipalil ayon yuj is watx'c'ulal. Man yujok co jelanil xan watx' co beybal tu', c'amak. 13 A yet chi co tz'ibentok co carta ayex, asan juntzan tzet chi je' e yilon ajok, cax chi je' nachaj el e yuj, asan chi co tz'ibejtok ayex. Yelc'ulalokab chi nachaj el e yuj sic'libil xin. 14 Chi waoc yipok in c'ul, tol ok nachaj el e yuj sic'libil, tol a yet ok jay Cham Jajawil Jesús, ok ex tzaloj aj juj, cax chon tzaloj c'apax aj e yuj. 15 Ayoc jun ti' yipok in c'ul, yuj tu' max in nabalnej el ex ec' wilon yin babelal, yet watx' cayel chin ec' ayman ayex, cax chi cam wal e chaoncan is watx'c'ulalil Dios. 16 Max in nabalnej el ex ec' wiloni, catatu bian, chin jayoc bay Macedonia ti'. Axa yet chin meltzoj paxtok cayti', cax chex ec' wilon pax junelxa in naoni. Ta axca tu', ok je' e colwaj ayin yin in viaje yet ok in tok bay Judea. 17 A yet max in nabalnen el axca ti', ¿comonc'al mi max in na', e naoni? ¿Chi mi e na' tol toc'al chin na' juntzan ti' axca chi yun nabalnen el eb comon anima junok is tzet yetal? ¿Chi mi e na' tol Ja' quin chi junok bek, C'amak quin chixanaj pax yet junokxa bek? 18 Yojtak Dios, tol c'am junelok chi jal ayex axca ti': Ja' con chinaji, palta tekan chi yal elapnok, C'amak. 19 A Cristo Jesús C'ajol Dios, a' ec' jalnak on yabixal e nan e xol. Ec' yalnak c'apax Silvano yetok Timoteo. A Cristo, c'am junelok max yal axca ti': Ja' ẍi junok bek, axa junokxa bek xin, chi q'uexon is ti' cax chi yaloni: C'amakxa, ẍi paxok. Yujtol asan tzet yetal yel max el yaloni. 20 A' chi ak'on yun masanil yalben Dios. Yuj tu' xan a yet chi jalon co watx' k'anej bay Dios, Yunokabi con chi, yujtol jojtak, tol ok yun yuj Cristo Jesús. 21 A Dios chi ak'on tec'anil e nabal jetok, yujtol ayon oc yul k'ab Cristo. A Dios max con ion oc yetok. 22 A Cham max aon oc co selloal, a ton Cham is Yespíritu max cajbaj oc jin junjun on. A Cham Yespíritu chi tx'oxon el ayon, tol yel ok co cha' masanil juntzan tzet max yak' ti' yak'on ayon. 23 Chi wochej tol c'am chex wak' cusok; yuj tu', c'amto chin toj bay Corinto tu'. Wal yel chi wala', in testigo Dios, yujtol yojtak Cham sic'libil tzet ay yin in nabal. 24 C'am chi jochej tol ayonxac'al chi jal tzet che yut e yaon oc e c'ul yin Dios, yujtol tec'an exxa yin e creyenteal. Palta chi jochej tol chex co colo' yin co jekon e na', yet watx' chi texac'al aj can e tzalojc'ulal.
1 Yuj tu' xan max in na', tol maj inxa tok ayex tu' yin calan cusc'ulalil. 2 Yujtol ta chex toj in tx'em cusok, ¿mac pax ok je' yak'on mimanil in c'ul? Yuj tu' xan maj yal in c'ul chex toj in tx'em cusok, yujtol asan ex ok je' e yak'on mimanil in c'ul. 3 Yuj tu' xan axca tu' max wut in tz'ibentok ayex yin jun tx'an in carta, yet watx' a yet chin apni oc ex wiloni, c'amokab chin cusaj e yuj, tol e moj e yak'on tzalojbok in c'ul. Chi waoc yipok in c'ul, tol ta chin tzaloj aj ayin ti', ayex jun chex tzaloj aj wetok. 4 A yet max in tz'ibentok jun in carta tu' ayex, caw wal chin oc il e yuj. Caw chi yab yail in c'ul e yuj, toltax chin ok' e yuj bian. Palta man yujok ex in tx'emon cusok xan max in tz'ibejtok ayex. Max in tz'ibejtok ayex, yet watx' che yojtaknej elok, tol chi camil in c'ul e yin sic'libil. 5 Ay ton jun mac max tx'emon cus co c'ul. Man asannejok in max cus in c'ul yuj, palta ayex jun max tx'emlay cus e c'ul janic' yuj. Janic' quin chi, yujtol c'am chi wochej tol chi ajc'al can yiban nak. 6 A is yailal nak max e yaoc yiban yet max e wajban oc e ba, k'okbilokabi. 7 Axa tinani xin, yel mi watx' che yak' mimanc'ulal yiban nak, cax che mimanc'ulneni, yet watx' c'am chi somchaj el c'ul yuj cusc'ulal. 8 Yuj tu' chin tewitok ayex tol che tx'ox e camc'ulal bay nak junelxa. 9 Yuj jun tu' xan max in tz'ibejtok jun in carta ayex yet yalantok, yuj ex wak'on porobal, yujtol chi wochej chi wojtaknej elok, ta che yikej masanil tzet chi wala'. 10 Axa tinani', a mac che yak' mimanc'ulal yin yuj junok tzet yetal yob max el yuneni, ok wak' c'apax mimanc'ulal yin. Caxc'al manak ayin chi oc mul, palta e yujc'al, xan ok wak' mimanc'ulal yin, yul sat Cristo. 11 Caytu' chi wutej, yet watx' c'am chon yak' ayc'ay Satanás, yujtol jojtakxa tzet is nabal nak jin. 12 A yet max quin apni oc bay conob Troas yuj walon el yabixal Cristo, caw bekanc'al in mulnaj yin yet Cham Jajawil bay tu'. 13 Palta max oc jabok in somc'ulal, yujtol maj ilchaj juẍtak Tito wuj bay tu'. Yuj tu', max in tak'elejcan in ba yetok eb creyente, max in el bay tu', axa in jay bay Macedonia ti'. 14 Palta jalek yuj diosalil bay Dios, yujtol masanil tiempo chic'al je' co tx'oxk'abnen elok, tol caw miman yelapnok Cristo Jesús, yujtol max ujc'al yuj. Chon is k'anbalnej, yet watx' chi pukax el yabixal bay junjun lugar, axca chi yun yel jab junok tzet yetal suk'uk'ixac'al yoc jab. 15 Axca yoc jab junok incienso chi yak' Cristo bay Dios, caw suk'uk'i jab, cayon tu' yet lanan ec' jalon el yabixal bay eb lanan colchaji, c'al bay eb lananto c'ayic'ok. 16 A yet chi jalon bay eb chi c'ayic'ok, lajan yoc jabil axca junok tzet yetal chon cam yuj, chi yab eb. Axa yet chi jalon bay eb chi colchaji, lajan yabixal tu' axca junok tzet caw suk'uk'i yoc jab chi yab eb, yujtol lanan chaon eb is k'inal yuj. Yuj tu', ¿mac wal junok ok je' yalon el jun abix ti'? 17 Ayon ti' chi je' juj, yujtol man yujok jion tumin yin k'anej Dios, xan chi ec' jalilok, axca chi yut ba nanxa eb. Mimanokc'al chi ec' yal eb, palta soman chi yut yalon eb. Palta ayon ti', yin masanil co c'ul chi ec' jalilok, yujtol ak'bil jopiso yuj Dios jalon elok. Satak Dios chi ec' jalilok, yujtol yet onxa Cristo e yetok.
1 A yet chi jalontok juntzan ti' ayex, ¿chi mi e na' tol lanan jalon oc co ba watx'il ayex? Man yowalilok chi co tx'ox co carta chon abenen oc ayex tamwal yowalil chi co k'an e carta chex abenen oc ayon axca chi yut ba juntzanxa eb. 2 Yujtol ayex caw lanan e tx'oxk'abnen elok, tol ay ton jopiso. Lajan ex axca junok carta tz'ibbil oc yin janimail, yujtol chi je' yilon masanil anima tzet e yayji. 3 Axca junok carta tz'ibbilcan yuj Cristo, ayonxa inen ocok, cayex tu'. A jun axca carta ti', man tintaok tz'ibnejcanok, palta tol a Cham Yespíritu Dios iquisc'al tojbalk'inal, a' tz'ibnejcanok. Man yinok ch'en tz'ibbilcanok, palta tol a yin janimail tz'ibbilcan ocok. 4 Yuj Cristo xan ay yip co c'ul junjun on satak Dios, tol axca tu' jayji. 5 C'am chi co na on tol chi je' juj yul jet co tx'oklil, palta asan yuj ayoc Dios jetok, xan chi je' juj junok tzet yetal. 6 A ak'nej jopiso jak'on serbil yin watx'il, c'al jaloncan el yabixal jun is cab trato. A jun is trato ti', man yujok jiken junok tzet yetal tz'ibbilcanok, xan chi yuncan elok, palta asan yuj Cham Yespíritu Dios xan chi je' yunencan elok. A jun ley tz'ibbilcanok, asannej yopiso yaon oc camich jiban, palta a Cham Yespíritu Dios xin, yopiso Cham yak'on co k'inal tol ayc'al yin tojbalk'inal. 7 A ley Moisés tz'ibbilcan yin ch'enej patxan yayji. A yet max ak'laycan jun ley tu', max jayoc jopnaj tzekekial Dios yet max ak'laycan tu', xan majxa je' yoc t'anan eb wet israelal yin sat Moisés, yujtol chi tzekeki c'apaxok. Palta c'ojanc'ulal max ay tananok tzekekial jun chi tzekeki tu'. Caxc'al ay yopiso jun ley tu' con yak'on camok, palta miman yelapnok yet max jayi. 8 Ta miman yelapnok jun ley tu' yet max jayi, yelxac'al miman yelapnok jun abix max yi jay Cham Yespíritu Dios ayon. 9 A jun ley tu', caxc'al chi yaoc camich yiban anima palta mimanc'alta' yelapnok. Akxam wal jun abix chi aloni tol watx' on satak Dios. 10 Caxc'al ay yelapnok jun ley tu', palta c'amxa yelapnok yul sat junxa ti', yujtol yelxac'al miman yelapnok jun ti'. 11 Ta miman yelapnok jun tol txennej tiempoal max k'anabax tu', akxam wal jun tol ayc'al ec' yin tojbalk'inal ti'. 12 Yuj wal tol max jaoc jun ti' yipok co c'ul, yuj tu' xan c'am chon xiw jalon elok. 13 Manchak jut co ba axca yutnak ba Moisés. Makchejnak el sat yetok jun k'ap, yet watx' c'amxa chi yil eb wet israelal yet chi lajwi ay k'ak'al jopopial sat, yujtol c'ojanc'ulal max ay tananok jopopial tu'. 14 Majc'al nachaj el yuj eb tzet max al-lay bay eb yujtol k'ekk'inal ay nabal eb. Ac'ala' tinani', a yet chi awtelay tx'an Un bay tz'ib yayjican jun is babel trato Dios yab eb wet israelal, c'am chi nachaj el yuj eb, yujtol axca wal junok k'ap tu' ayto oc maksatok eb. A jun tzet axca k'ap tu', c'am chi eli, yujtol asan Cristo chi je' yion elok. 15 Toltax tinani', a yet chi yaben eb yawtelay tx'an libro Moisés, axca tol ayc'al oc makil nabal eb tu'. 16 Palta a yet chon meltzoj bay Cham Jajawil, chi ilay el jun axca maksatej tu' yin co nabal. 17 A Cham Jajawil max binaj tu', a ton Cham Espíritu. A mac bay ayoc Cham Yespíritu Cham Jajawil Jesucristo yin, jakanxa sat eb, cax bekanxa yilon eb. 18 Yuj tu' xan c'amxa oc jun axca maksatej tu' yin co sat co masanil. A tinani', lajan onxa axca jun ch'en espejo, yujtol a jin chi txecloj el watx'il Cham Jajawil. Yuj tu', lananxa tz'aknaj el co watx'il axca is watx'il Cristo yuj Cham Jajawil, a ton Cham Espíritu.
1 Yuj tu', c'am chi cabax aj co c'ul on, yujtol max ok' c'ul Dios jin, cax max yak'on jun jopiso ti' on. 2 Ay juntzan tzet chi el yunen eb jet animail yin ewantakil, yujtol q'uixwiltak. A pax ayon ti xin, c'am jalon jet yin juntzan tu' yin junelnej. C'am junok mac chi ec' ji aytek sat on. C'am junok comon k'anej chi jatok on xol k'anej Dios, yujtol asan wal tzet yetal yel, asan chi jal on. Axca ton ti' chi jut co tx'oxk'abnencan el jopiso on bay junjun mactxel satak Dios, yet watx' chi nachaj el yuj eb tzet jelapnok on. 3 A yet chi ec' jalon el on k'anejal yet colbanilej, ay ton mac c'am chi nachaj el yuj, a ton eb lanan c'ayic'ok. 4 A eb tu', c'am chi yaoc eb yin c'ul yujtol chi ak'layxac'al etax el nabal eb yuj nak diosal yulyibank'inal ti'. Axca tol a nak chi ak'on c'ayil sat eb, yet watx' c'am chi yil eb jun sakk'inal chi tit yin yabixal Cristo. A Cristo caw miman yelapnok, caw lajan yetok Dios. 5 A yet chi ec' jalon elok, manak jabixal on chi ec' jalilok, palta asan chi ec' jalilok, tol a Jesucristo Jajawil. Chi jalontek tol e yak'omal serbil jayji on, yujtol ay co camc'ulal yin Jesús. 6 Yalnak Dios axca ti': A xol k'ekk'inal ti', ayokab sakk'inal, ẍi. Acaw Dios anejtek sakk'inal yin janimail yet watx' a jun sakk'inal tu' chi ak'on jojtaknej elok, tol caw miman is watx'il Dios. A yin Jesucristo, a tu' chi txecloj el watx'il Cham tu'. 7 Ay ton jun tzet caw watx' tu' ayon, palta ayon ti', lajan on axca junok tx'otx' c'uanbalej, yujtol c'am jabok jelapnok. Yuj tu', chi txecloj elok tol a jun miman ikbej tu', man jetok, asan Dios ay yet. 8 Axca tol oyanxanej oc yailal jin on, palta c'am chon can yalan yuj. Ayon oc yin somc'ulal, palta c'am chi jak'c'al somchaj el co c'ul on. 9 Caw chon etnelay bay chon eq'ui, palta c'am chon beklaycan co tx'oklil. Chon mak'lay ec' telnaj on, palta c'am chon lajwi el yin junelnej. 10 Tzanc'al bay chon eq'ui, chi jab yail yetok co mimanil on, axca max yun yaben Cristo yailal camich. Chi eq'uel juntzan ti' jiban on, yuj txecloj elok, tol ayoc is k'inal Jesús jin on. 11 Yak'ban iquis on, chac'antek camich jiban on masanil tiempo, yujtol junxanej jayji yetok Jesús. Yuj tu', caxc'al ok cam co mimanil ti' on, palta lanan txecloj el is k'inal Jesús yin co mimanil cambejal yayji ti'. 12 Yak'ban lanan jayoc camich jin on, axa ayex xin, lanan e chaon e k'inal. 13 A yul tx'an Un Tz'ibbilcanok, ay jun mac alnejcan axca ti': Max waoc Dios yin in c'ul, xan max wala' ẍi. Ayon ti', lajan chi jut jaon oc co c'ul on yin Cham yetok mac max alon tu'. Chi jalon c'apax elok, yujtol chi ja c'apax oc Cham yin co c'ul on. 14 Jojtak, tol a Cham mac ak'nej ictzoj aj Jajawil Jesús xol eb camnak, a ok on ak'on c'apax ictzoj ajok yujtol yet on Jesús. Ok ex ictzoj c'apax aj jetok, cax ok on yiontok bay ayic' tu'. 15 Masanil juntzan max wal ti', e yuj xan chi jay jiban on. Axca ton ti' chi elol jiban, yet watx' xiwil mac chi chaon watx'c'ulal Dios. Yetok c'apaxok, xiwil mac chi yal yuj diosalil bay Dios yuj. Axca ton ti' ok yun txecloj elok, tol caw wal watx' ton Cham. 16 Yuj tu', caw c'am bay chi cabax aj co c'ul on. Caxc'al lanan yichambi co mimanil ti' on, palta a janimail on, chi yic'al yip junjun c'u. 17 A tzet chi jay jiban, jabnej yelapnok yul co sat on, aymanc'al chi eq'uelok, palta yuj tu' xan ok co cha' jun tzet caw miman yelapnok. A jun tzet tu', xiwil watx'il, cax ayc'al ec' yin tojbalk'inal. 18 C'am chi jaoc co nabal on yin tzet chi jila', yujtol a tzet chi jil tu', aymanc'al chi lajwi. A tzet c'am chi jila', aokab yin chi jaoc co nabal on, yujtol a juntzan tu', ayc'al yin tojbalk'inal.
1 A co mimanil ti', lajan axca junok lanchu mantiado ayman chi etaxtok. Palta jojtak a yet ok lajwok jun co mimanil ti', ay junxa ok yak' Dios ayon bay satcan. A junxa tu', c'am bak'in ok lajwok, man animaok watx'nenej. Lajan axca junok na caw wal watx' cawxi. 2 Yel toni, a yet ayon ec' yin co mimanil ti', chon alxi yetok, yujtol chi jochej chon ec'tok bay junxa co mimanil, a ton jun ok co k'an bay satcan, jun axca na tu'. 3 Ok alay oc jun tu' jin axca junok pichilej, yet watx' mayon t'iranok elok. 4 A yet ayon ec' yin mimanilejal ti', chon alxi yet chi jilon yailal. Man tolok chi jochej chi ilay ec' jun co mimanil ti', palta chi jochej chi ak'lay junokxa co mimanil, yet watx' chi c'ayil jun cambejal yayji ti', yet ok co chaon co k'inal tol ayc'al yin tojbalk'inal. 5 A yuj jun ti', xan max on is watx'nej Dios. Max yak'on c'apax Yespíritu ayon, yet watx' chi jojtaknej elok, tol caw yel ok co cha' juntzan ti' bay. 6 Yuj tu', masanil tiempo, chi jaoc Dios yipok co c'ul. Jojtak on, tol yak'ban ayon ec' yin mimanilejal ti', c'am onto ec' bay ayic' Cham Jajawil. 7 A yet chon ec' yulyibank'inal ti', asan Dios chi jaoc on yipok co c'ul. Manak tzet chi jiloc yin bay chi jaoc co c'ul on. 8 Yuj tu' caw wal ayoc Dios yipok co c'ul. Tol chi jochej chi co bekcan co mimanil ti' on, yet watx' chi je' co toj bay ayic' Cham Jajawil. 9 Yuj tu', masanil tiempo chi co say tzet watx' chi jut co ba on, yet watx' chi tzalojbi Cham Jajawil jetok, caxc'al ayon ec' yin mimanilejal ti', caxc'al c'amak. 10 Yujtol yowalil ok on ec'tok satak is despacho Cristo, yet watx' junjun on, ok co cha' paktzil tzet max el junen yet ayon ec' yetok co mimanil ti', atac'ala' ta ay yopiso tzet max el juneni, ma c'amak. 11 Ayon ti', a bay Cham Jajawil ay co xiwc'ulalil on. Yuj tu' xan chi jak'c'al jip on co jekon na eb anima. Yojtakxa Dios co nabal on. Chi wochej che yojtaknej c'apax el co nabal tu'. 12 Man lananok jalon oc co ba watx'il ayex, palta chi jochej tol chex tzaloj jetok, yet watx' chi je' e pakon e ba bay eb chi maynej ba yuj juntzan tzet chi jil oc yin. Axa tzet ay yin nabalej, c'am jabok chi na eb, ta watx' ma c'amak. 13 Ayon ti', ta loco jili oc on, palta yuj jak'on serbil Dios, xan caytu' jili oc on. Ta watx' co jolom, palta yuj ex jak'on serbil xan caytu' jayji. 14 A camc'ulal Cristo chi ak'on junej, yujtol jojtakxa on, tol ay jun max cam co q'uexelok co masanil. Yuj tu' xan axca tol camnak on yetok, co masanil. 15 A Cristo max cam co q'uexelok co masanil, yet watx' a ayon ayxa co k'inal yuj ti', c'amxa chi co beybalnej axca chi jochej junjun on, palta chi co beybalnej axca chi yochej Cham max cam co q'uexelok, cax max ictzonelay c'apax aj yuj Dios yuj co watx'ilok. 16 Yuj tu', ayon ti', c'amxa chi co beyc'ulnej on junok mactxel yuj tzetbil yili. A yet yalan, caxc'al beyc'ulnebil Cristo juj, yuj tzetbil yili, palta man axcaok tu' chi yun co na on tinani'. 17 A junok mactxel ayoc yin Cristo, mayal q'uexchaj is nabal, axca tol max ac'bi. A is beybal yet yalantok max ec'can elok. Pilan max watx'jican oc beybal masanil. 18 Masanil juntzan chi wal ti', a Dios chi watx'nen ayon. Asan yuj Cristo xan ayon oc yin junc'ulalil yetok Dios. A ak'nej jopiso jalon el tzetbil chi yun yoc eb anima yin junc'ulal yetok. 19 Chi yal elapnok jun ti' tol ayoc Dios yin Cristo yet max ulic'ok, yet watx' chi oc eb anima masanil yin junc'ulal yetok. Majxa yatok is yobtakil eb yiban. A' anejcan oc jun abix ti' yul co k'ab yuj ec' jalon elok, tzetbil chi yun yoc anima yin junc'ulal yetok. 20 Yuj tu', chekbej Cristo jayji on. Axca tol acaw Dios lanan tewi oc e yin yet lanan jalon ayex tu'. Yuj tu', q'uexel Cristo chi jak'on yet chon tewitok ayex, yet watx' chex oc yin junc'ulalil yetok Dios. 21 A Cristo c'am jabok yobtakil max el yuneni. Palta ilaynakcan ec'tok masanil co yobtakil yiban Cristo yuj Dios, yet watx' watx' onxa yul sat Cham, yujtol junxanej chi juncan yetok Cristo.
1 Ayon ti', jet mulnajwomal co ba on yetok Dios. Yuj tu' xan chon tewitok ayex, tol manchak e yintaknejcan el watx'c'ulal Dios yak'nakxa ayex. 2 Yujtol a wal caw chi alon yul tx'an Un Tz'ibbilcan axca ti': A yet max ajapnok tiempoal in tx'oxon in watx'c'ulal max waben e tewilal. A yet max ajapnok c'ual colbanilej, max in oc e yetok, ẍi Dios. A tinani', mayal jay jun tiempoal watx' yalnakcan tu'. Mayal jay tiempoal yak'lay colbanilej tu' tinani'. 3 Chi jochej c'am mac chi buchwaj yin co mulnajil on. Yuj tu' xan c'am junelok yob chi jut co ba on satak junokxa mactxel. 4 Masanil tiempo watx' beybalejc'al chi co tx'oxil on, yujtol yak'omal serbil Dios jayji on. Tec'anc'al chi jut co ba on yin jak'on techaj yailal. Ay bay ay tzet chi majax ayon. Ay bay xiwil yailal oyanxanejtek jin on. 5 Ay bay max on mak'layi c'al joc preso on. Ay bay chi oc bulnaj anima jin on. Ay bay chi pax jip on co mulnaji, c'amxa chon way yuj. Ay bay chi jaytok wajil on. 6 Palta tojolc'al chi jut co nabal on. Jojtakxa on, baytet ay yel. Mimanc'al chi jut co c'ul on. Watx'c'al chi jut co nabal on. Ayoc Cham Espíritu Santo jin on. Wal yel caw ay co camc'ulal on. 7 Asan jun cuybanilej caw yel chi jal on. Caw wal ayoc Dios jetok on. Axca junok soldado chi col ba yetok is mitx'k'ab yet owal, cax chi c'oli yak'on owal yetok, axca tu' chi jut co ba on, yuj jichan chi jut co nabal. 8 Ay bay miman jelapnok on, ay bay c'am jabok jelapnok. Ay bay chon al-lay watx'il on, ay bay toc'al chon buchlayi. Ay bay toc'al chi co naaj on yalon anima, palta asan tzet yel chi jal pax on. 9 Ay bay chi yal eb anima tol may on yojtakok eb, palta caw ojtakbil on yuj eb sic'libil. Ay bay chi yak'lej eb on yaon oc eb yul k'ab camich, palta ac'ala' iquis onc'al. Caw wal chi alay oc yailal jiban on, palta c'am chon cami. 10 Caxc'al chon tx'emlay cusok, palta chon tzalojc'al on masanil tiempo. Caxc'al caw meba' on, palta xiwil mac chi beyomax yul sat Dios juj on. Caxc'al c'am jabok tzet ayon, palta a yul sat Dios, tz'akan ayon. 11 Ex aj Corinto, ti wal chi co le' co c'ul ayex. Masanil tzet ay yin co c'ul, chi jaltok ayex. 12 Caw c'am junokxa tzet chi co c'ubaj el ayex, palta ayex ti', ay juntzan tzet che c'ubaj el ayon. 13 Chin oc tean e yin axca junok mamej chi oc tean yin yuninal, caw che yaltek tzet ay yin e c'ul ayin, axca chi wut in leon in c'ul ayex. 14 C'am chi je' chi co junanej co ba yetok eb man creyenteok, yujtol caw wal man mojok axca tu', yujtol c'am chi chalej ba tojolal yetok yobtakil. Axa jun sakk'inal, c'am chi je' tol junej chi ayji ec' yetok k'ekk'inal. 15 A Cristo caw c'am chi chalej ba nabal yetok Satanás. Ayon creyente on ti', man lajanok jet yetok eb man creyenteok. 16 A tzet chi al-lay oc diosal, caw c'am yalon yet yetok yatut Dios. Yujtol ayon ti', yatut on Cham Dios iquis, axca yaloncan yul tx'an Un. Ayin ti', ok in cajay ec' yin eb, cax ok in ec'jabc'al yetok eb. Tol is Diosal in eb, axa eb in conob ok yuncan eb, ẍi. 17 Yuj tu', yalnak c'apax Cham Jajawil axca ti': Elanek xol eb, pojek el e ba. Manchak e mitx' tzetak yetal tol man watx'ok, cax ok ex in chaon oc wetok. 18 Ok in oc e Mamok, cax ok ex oc in c'ajolok c'al in cutz'inok, ẍi Cham Jajawil, Cham tol chi je' yuj masanil, ẍi tx'an Un.
1 Ex in camc'ulnebil, a ton juntzan ti' yalnak Dios, yet max yak'on is ti' ayon. Yuj tu', co bekekcan tzet chi iontok co mimanil yetok co nabal yin tzet man watx'ok. Yowalil tz'akan chi jaoc co ba yul k'ab Dios yuj chon xiw bay Cham. 2 Aek oc yin e c'ul tzet chi jala'. Ilab c'am junok ex bay ocnak co mul. C'am junok ex max etax el e nabal juj. C'am c'apax junok ex max ex jetnej. 3 Man yujok waon oc junok tzet yetal e yiban, xan chi waltok juntzan ti' ayex, yujtol toxa mayal waltok ayex, tol caxc'al tzet chi jayoc jiban, ayexc'al oc yin co c'ul masantac'al camich. 4 Caw wal yip in c'ul e yayji, cax chex wal watx'il. Caxc'al xiwil tzet chi alay oc jiban, palta caw chi wi' in mimanc'ulal e yuj chi wabej. Caw chin tzaloj sic'libil e yuj. 5 A yet max on jayoc bay Macedonia ti', c'am chi xew co mimanil ti', yujtol xiwilxa yailal max jay jiban. Owalc'al max alay oc jiban. Ay bay chi jayoc xiwilal jin. 6 Palta chi mimanc'ulnej Dios masanil mac ayoc yin cusc'ulal, xan a Cham max ak'on mimanil co c'ul, yuj max jayoc Tito cayti'. 7 Man asannejok yuj max jayoc Tito xan max jion mimanil co c'ul, palta caw chon tzaloj c'apaxok, yujtol max e mimanc'ulnej Tito ti' yet max ec' ayex. A' max alon ayin, tol xiwil che yochej che yiloc win. Max yalon c'apaxok, tol xiwil chi cus e c'ul yuj jun tzet max uj e xol tu'. Max yaloni, tol caw xiwil chin e na'. Yuj tu', caw max aj can in tzalojc'ulal e yuj. 8 Caxc'al max cus e c'ul yuj tzet chi yal tx'an carta wanaktok ayex, palta c'amxa chin cus yuj tinani'. Max in cus ton yuj yet babelal, yet max wabeni tol max ex ak'lay cus yuj, janic' tiempoal. 9 Axa tinani xin, caxc'al max ex cus yuj, palta chin tzaloji, yujtol a e cusc'ulal tu' max on e naon e ba. Max ex cus axca chi yochej Dios. Yuj tu', c'am jabok max jak' etax el e nabal. 10 Ta chon cus axca chi yochej Dios, a jun co cusc'ulal tu' chi ak'on na ba co c'ul, cax chon colchajcanok. Ta caytu' yelapnok, maj on texac'al cusaj yuj, palta a is cusc'ulal yulyibank'inal ti', asanc'al camich chi yitek. 11 Palta ayex ti', max ex cus axca chi yochej Dios. Yuj tu' naektek, tzet max yun e yeloc yuj. Caw yelc'ulal wal tol max ex oc il, cax max e yalontek tzet max el e yunen yuj e colon e ba. Max tit e yowal yuj jun tzet max uj e xol tu', max ex xiw c'apax aj yuj. Xiwil max e yochej max ex k'anjab wetok. Max el yin e c'ul e yak'on cuenta nak max oc is yobtakil tu' yuj e tx'oxk'abnen elok tol c'am e locanil yin jun is mul nak tu'. 12 Yuj tu xin, a yet max in tz'ibentok jun in carta tu', man yujok nak max oc is mul tu' xan max in tz'ibejtok, tamwal c'apax yuj jun mac bay max oc mul nak tu'. Palta yuj ok nachaj el e yuj, tol a yul sat Dios, caw ay ton e camc'ulal jin. 13 Yuj tu', caw max ji' can co mimanc'ulal. Palta man asannejok co mimanc'ulal max ji'. Caw wal max texac'al aj can co tzalojc'ulal yet max yalon Tito, tol caw wal max yak' tzalojbok c'ul e yetok, yujtol c'am tzet max na' e yuj e masanil. 14 Walnak bay Tito ti' tol watx' ex. A tinani xin, man yobok chin can chi wabej, yujtol walnak axca tu'. Masanilc'al tzet walnak ayex yelc'al elok. Ac'ala' c'apax yet max wal bay Tito tol watx' ex, tutun yel, xan max wala'. 15 A Tito ti', caw wal ay is camc'ulal e yin tinani', yujtol chi natek tol che yikej tzet yalnakcan ayex, cax chi naon c'apaxtek tol yin ayilal max e yut e chaon apnok ayex tu', cax miman yelapnok yul e sat. 16 Caw chin tzaloj tinani', yujtol chi je' ex waon oc yipok in c'ul.
1 A tinani' ex wuẍtak, ex wanab, chi jochej chi jaltok ayex, tzet max yun txecloj el watx'c'ulal Dios nan xol eb creyente bay juntzan iglesia bay yul yet Macedonia ti'. 2 Caxc'al caw max ak'lay porobal eb yuj juntzan yailal max jayoc yiban eb, palta caw chi tzaloj eb. Caxc'al caw meba' eb sic'libil, palta bekan yel yuj eb, axca tol beyom eb chi jila'. 3 Chi wak' testigoal in ba yin eb, tol yelc'ulal wal max yak' eb masanil jantak bay max tzakay eb yak'oni. Axa max yunej, tol max ec' yiban yak'on eb. 4 Max ocxac'al tean eb jin, tol chi co cha' yak' eb is colwal, yujtol caw chi yochej eb chi colwajtok bay eb jet creyenteal. 5 A co naoni, tol jantaknejc'al minaj jabok ok yak' eb, palta titol caw miman max yut yak'on eb. Yujtol babel max bek oc ba eb bay Cham Jajawil. Max lajwi tu', max bekon c'apax oc ba eb ayon axca chi yochej Dios. 6 Yuj tu', max jal bay Tito, tol chex toj yila', cax chi toj chaon e yofrenda ok e yak' yuj e watx'c'ulalil tu', yujtol a' max chaon el yich chaoni. 7 Xiwil watx'il tzet chi el e yunen tu'. Caw che yaoc yin e c'ul. Caw cuywajwom ex, jelan exxa. Caw watx' chi yun e mulnaji. Chon e camc'ulnen c'apaxok. Yuj tu', matawal che tx'oxk'abnej c'apax el e watx'il yin e yak'on e yofrenda. 8 A jun chi waltok ayex ti', man chekbanilok yayji. Toc'al chi wochej che yabej, tzet chi yut yak'on eb yofrenda cayti', yet watx' chi txecloj elok, ta yel ay e camc'ulal bay tu'. 9 Yujtol jojtak, a Cham Jajawil Jesucristo, caw miman is watx'c'ulal Cham. Xiwil beyomal Cham bay satcan; palta ul yutnak ba Cham mebail yuj camc'ulal Cham jin. Max yut ba Cham axca tu', yet watx', a is mebail Cham tu' chi on joccan beyomal yul sat Dios. 10 Chi waltok ayex tzet chin na' yin e yofrenda tu', yet watx' ok e yojtaknej elok. Jun abitax max e chacan el yich e yak'on e yofrenda, yujtol max el yin e c'ul e yak'oni. 11 A tinani', chi wochej tol che yak' e yip e lajoncan e yak'oni. Axca max e yut e chaon el yich e yak'on yin masanil e c'ul, axcaokab tu' che yut e lajoncan tinani', atac'ala' tzet ayex. 12 Ta yel chi el wal yin co c'ul chi jak'on jofrenda atac'ala' tzet ay yul co k'ab, caw chi tzaloj Dios jetok. C'am chi k'an Cham, ta c'am tzet ay yul co k'ab. 13 C'am chi wochej chi oc mebail e yin, c'al chi lajwi el tzet ay ayex, yujc'al e colwaj bay juntzanokxa mactxel. 14 Palta chi wochej tol jun lajanokabc'al jet co masanil. A tinani', a tzet chi yak' sobra ayex, chi je' e yak'on tz'akok tzet ayto palta yul k'ab eb tu'. Axa junelokxa, axaokab eb chi ak'on tz'ak tzet ayto palta ayex. Ta caytu' chi jut axca tu', lajanc'al yec' co xol co masanil. 15 Yujtol chi yal tx'an Un Tz'ibbilcan axca ti': Maj yak' sobra bay mac miman max wajajok, c'uxanc'al max yab bay eb txennej max wajajok, ẍi tx'an. 16 Chi wal yuj diosalil bay Dios, yujtol a' max ak'on jay yin c'ul Tito, cax chex ya'ilneni, axca chi wut in c'ul e yin ayin ti'. 17 A yet max in k'anon bay, yuj ex toj yiloni, ayman max tak'wej toji. Chi yochej chex toj yil yin masanil is c'ul, yuj tu' xan, ok tok. 18 Ay junxa juẍtak ok co chektok yetok. A junxa ti', chi al-lay watx'il yuj eb creyente bay junjun iglesia, yujtol caw wal watx' mulnaj yin yalon el k'anejal yet colbanilej. 19 Yetok c'apaxok, a ton jun juẍtak ti' sic'bil el yuj eb creyente bay junjun iglesia, yuj ec' chaon ch'en ofrenda tu' jetok. Lanan jion aj jun ofrenda ti', yet watx' chi txecloj el watx'il Cham Jajawil cax chi txecloj c'apax el e watx'c'ulal. 20 Chi jochej tol c'am junok mactxel chi alon junok tzet jin, yuj tzet chi jut ec' jion aj jun ofrenda ti'. 21 Yuj tu' watx'c'al chi jutej, yet watx' c'amc'al cabc'ulal jin. Man asannejok satak Cham Jajawil watx'c'al chi jut co ba, palta watx'c'al chi jut co ba satak c'apax eb jet animail. 22 Ay junxa juẍtak ok co chektok yetok eb ti'. A jun juẍtak ti', tx'ial elxa chi jila' tol watx'c'al mulnaj yin yet Cham Jajawil. A tinani', caw wal yochwan chi mulnaji, yujtol caw wal chex yaoc yipok c'ul. 23 Ta ay mac ok k'anlen el ayex, tzet yayji Tito ti', quex chi bay eb axca ti': Yetbi ba yetok Pablo, cax tol ayic' mulnaj co xol ti', quex chi. Ta ay mac ok k'anlen yuj eb ok apnok yetok Tito tu', quex chi bay eb axca ti': A eb ti', a eb creyente bay iglesialak cheknejtek eb, a watx'il Cristo caw chi txecloj el yin is beybal eb, quex chi. 24 A yet ok apnok oc eb ayex tu', caw che tx'ox e camc'ulal bay eb. Ta ok e tx'ox e camc'ulal axca jalon ti', axca tol lanan e tx'oxon el bay eb creyente bay junjun iglesia, tol yel max jala', yet max jalon on tol watx' ex.
1 A yuj e yofrenda ok e yak' bay eb jet creyenteal, man yowalilok chin tz'ibejtok ayex yuj. 2 Yujtol wojtakxa, tol caw wal che yochej chex colwaj bay eb. Lanan ex walon watx'il bay eb aj Macedonia ti'. Tix chi wut k'anjab in ba e yin bay eb axca ti': A eb creyente yul yet Acaya, junxa abilc'al c'oli eb yak'on yofrenda, quin chi. Axa yet max yaben eb aj Macedonia ti', tol yelc'ulal wal lanan e yak'oni, cax xiwil eb max bulchaj yak'on yet. 3 Palta ok in chektok eb juẍtak ti' ayex, yet watx' manokabc'al nabaok tzet watx' max el walon e yin tu'. Ok in chektok eb, yet watx' wajanxaokab yayji e yofrenda tu', axca max wut walon e yin tu'. 4 Ta ay eb aj Macedonia ti' chi toj wetok, cax axa chi yilon eb tol c'amto e yofrenda tu', ti wal q'uixwil ok on can yul sat eb, yujtol toxa mayal ex jaoc yipok co c'ul. Man lananok waloni ta e q'uixwil ok el ayex ti'. 5 Yuj tu', max in na', tol yowalil chin k'an bay eb juẍtak ti', yet watx' a ayex tu' chi babji toj eb. Ok tok eb colwaj e yetok yin chaon e yofrenda tu', axca max e yut e yak'on e ti'. Ta caytu', watx'xaokab yayji e yofrenda tu', cax ok e yak'on yuj e watx'c'ulal, yet watx' mayonnak ok ex tok jak' pural e yak'oni. 6 Naektek junxa ok wal ti'. A eb txennej tzet chi yawa', txennej tzet chi waj eb. Axa mac miman tzet chi yawa', miman tzet chi waj eb. 7 Junjunokab on chi co na yul jet jantak chi el yin co c'ul chi jak'a'. Manokab yinok cusc'ulalil chi jak'a'. Mantok tol chon ak'lay pural chi jabej, xan chi jak'a', yujtol a Dios chi cam c'ul yin eb chi tzaloj yak'oni. 8 A Dios chi je' yuj yak'on masanil tzet yetal ayex yuj is watx'c'ulal. Chi yak' masanil tzet caw chi oc yopiso e yuj yin masanil tiempo. Toltax chi yak'xac'al sobra ayex. Yuj tu', xiwil bay chi je' e colwaj ocok. 9 Ilab tol chi yal tx'an Un axca ti': Yin c'am basil max colwaj xol eb meba'. A is watx'c'ulal tu' ayc'al yin tojbalk'inal, ẍi. 10 A Dios chi ak'on masanil inat chi awlayi, cax chi yak'on c'apax masanil tzet chi loji. A' ok ak'on masanil tzetak yetal ay ayex ok e yak' e yofrendaok. Axca tol ok e yawcanok. A is q'uexel ok e cha' yuj e nabal watx' tu', ok ch'ib yuj Dios, cax ok e jatx'oni. 11 Yuj tu' xiwil watx'il ok e cha', yet watx' ok je' e yak'on janic'okxa. Xiwil eb jet creyenteal ok alon yuj diosalil bay Dios yet ok chaon eb jun e yofrenda ok jitok bay eb tu'. 12 Yujtol a jun colwal ok ak'lay bay eb tu', a yopiso man asannejok yuj col-lay eltek eb yalan cawxinakil yuj, palta ok yal eb yuj diosalil bay Dios e yuj. 13 Ok yal eb watx' k'anej bay Dios, yujtol a jun e yofrenda tu' ok tx'oxk'abnen elok, tol lanan e yiken watx' abix yet Cristo. Yetok c'apaxok, ok yal eb watx' k'anej bay Dios yuj jun e miman colwal che yak' bay eb tu', yujtol ok colwaj oc bay masanil eb jet creyenteal. 14 Axa eb ok chaon tu', ok txajlok eb e yuj. Caw wal ok ex camc'ulnej eb, yujtol ayex chex yak'balnej Dios yin e tx'oxon el xiwil is watx'c'ulalil bay eb. 15 Jalek yuj diosalil bay Dios, yujtol a jun Colwajwom max yak' ayon, c'amxa chi alchaj elok, jantak watx'il.
1 A Cristo, yaynakil yutnak ba, xiwil is watx'c'ulal. Axca yutnak ba tu', caytu' chi wut tewoktok in ba ayex ayin Pablo in ti'. Chi al-layi, tol ayilal ab chi wut in ba yet ayin ec' e yetok, palta axa ab yet ayin ec' najat xin, tolab caw ow in. 2 Palta chin tewitok ayex, yet watx' a yet ok in apnok ayex tu', manokab owok ok wut in ba, yujtol ay ex lanan e yalon jin, tol lajan chi jut co ba axca junok comon anima. Palta ayin ti', man ok in xiw in teyelen in ba yetok eb chi alon axca tu'. 3 Yel toni, naba anima onc'al, palta man lajanok chi jut jak'on jip axca chi yut yak'on eb comon anima yip yul yet. 4 Manak tzet yetal yet yulyibank'inal ti' chi co mitx'k'abnej, cax chi jak'on jip. Palta asan tzet bay ayoc yipalil Dios chi co k'anbalnej, yet watx' a juntzan tzet chi ali tol ay yip tu', chi can eb yalan juj. 5 A comon jelanil chi can yalan juj. Ay c'apax eb tol yuj is maynejbail chi tenon yin yojtaknelay Dios. Palta chi can c'apax jun maynejbailal tu' yalan juj. Axa masanil comon nabalej, chi jacan oc masanil yul k'ab Cristo, yet watx' yikemokabxac'al chi yut ba bay. 6 A yet chixa e yikej masanil ayex ti', watx'xatac'a jayji on yin jak'on cuenta eb c'am chi iken e xol tu'. 7 Ayex ti', asan tzet che yil ocok ayoc e nabal yin. Ta ayex che na' tol yet ex Cristo, ojtaknejek elok tol yet on c'apax Cristo on ayon ti'. 8 Caxc'al xiwil chi walubtanen jopiso ayex, palta maj in q'uixwok aj yuj, yujtol a Cham Jajawil ak'nej jopiso on ti', yuj ex jiptzeni; man yujok ex jak'on etax elok, xan max yak' jopiso ti'. 9 Caytu' chi wut walontok ayex, yet watx' c'am che na' tol toc'al chex in xibtej aj yuj juntzan in carta chi watok ayex. 10 Yujtol ayex ab che yal win axca ti': A juntzan is carta tu', caw ow yaloni, caw ay yip, palta c'am jabok yopiso cham chi jila'. A is k'anjabi, c'amxac'al yelapnok jabok chi jabej, quex chi abi. 11 Palta a mac ex che yal axca tu', nachajokab el jun ti' e yuj. Axca chi wut walontok ayex ti' yet najat ayin, caytu' ok wut in ba yet ok in apnok e xol tu'. 12 Ayon ti', maj co tec'baj co ba co naoni, tol lajan on axca juntzanxa eb chi yaloc ba watx'il yul yet. C'am chi co lajbaj co ba yetok eb. A eb tu' c'am jabok nabal eb, yujtol junjunc'al eb, asanc'al is nabal chi k'anbalnej yin beyc'ulnen ba. Yetok c'apaxok, chi tz'ak lajbaj eb nabal yetok juntzanxa eb tu'. 13 Ayon ti', c'am chi jak' tzalojbok co c'ul yuj juntzan tzet c'am jalon jet yin. Tx'oxbil ayon yuj Dios, baytakc'al lugaril chon ec' mulnajil. A' chanej on tok ayex bay Corinto tu'. 14 Yuj tu', man lananok jaon oc co ba yin is mulnajil junokxa mactxel. K'inalok ta maj on betic' junelok ayex, c'am mi jalon jet co mulnaj e nan e xol tinani', palta ayon babel max on apni oc ayex yetok yabixal Cristo. 15 C'am bay chi jak' tzalojbok co c'ul yin is mulnajil junokxa mactxel, c'am bay chi jaloc jetok. Palta chi jaoc jun ti' yipok co c'ul, tol a yet ok aj can e yaonc'al oc e c'ul yin Dios, catatu' ok je' co mulnaj e xol, palta a yin axca tu' manak is mulnajil junokxa mactxel ok jaloc jetok. 16 Ok lajwok tu', cax ok on tok jalon el k'anejal yet colbanilej yinlak el e conob tu'; palta man ok jak' tzalojbok co c'ul yin mulnajil juntzanokxa mac ec'nakxa bay tu'. 17 Man yujok tzet chi junej xan chi jak' tzalojbok co c'ul; palta jak'ek tzalojbok co c'ul yuj tzet chi yun Cham Jajawil. 18 Ay eb munilc'al chi yal ba watx'il yul yet, palta manak eb tu' yel watx'. Asan mac chi al-lay watx'il yuj Cham Jajawil, asan eb tu' watx'.
1 Matawal che yak' techaj juntzan ok waltok ayex ti'. Axca tol c'am in nabal xan chi waltok axca ti', palta ak'ek techajok. 2 Caw wal chex in ya'ilnej axca chex yut ya'ilnen Dios, yujtol toxa max wak' in trato yetok Cristo, tol ok ex waoc yul k'ab. Axca wal junok ix k'opoj ix c'amto tzet chi el yuneni, cax chi alay oc yul k'ab yichamil, matawal cayex tu' yet ok ex waon oc yul k'ab Cristo. 3 Palta chin xiwi, talaj c'uxan che yak' e ba yilay aytek e sat axca max yut yak'on ba Eva yilay aytek sat yuj jelanil jun mac yutnak ba labajil, talaj c'uxan caytu' che yut e yak'on e ba etnelay c'apaxok, cax yujc'al tu' xan ayman che yiel e c'ul yin Cristo, cax manxa tojolok che yut e ba axca chi yochej Cham. 4 Yujtol ay eb chi ec' alon juntzanokxa tx'ok cuybanilej ayex. Axca tol tx'ok junokxa Jesús chi ec' yal eb, cax manak jun chi ec' jalilok, palta lanan e chaon e yab bay eb. Lanan e chaon junokxa espíritu bay eb, palta man axcaok Cham chabilxa e yuj. Lanan e yaon oc e c'ul yin jun yabixal colbanilej, palta manak jun e yabnakcan ayon. 5 A eb tu', caw wal chekbej Cristo eb chi tz'ak yalon eb, palta chin na', tol c'am jabok ec'ban yelapnok eb wintak. 6 Caxc'al man jelanok in k'anjabi, palta a tzet wojtak, caw miman yelapnok. Masanilc'al tzet ec' wunnak e xol, a chi tx'oxk'abnen elok tol ay tzet wojtak. 7 A yet max ec' walon el is watx' abix Dios e nan e xol tu', c'am jabok tzet max el in k'anon ayex, yuj wion aytek in ba, yet watx' ayexxa mimanokab e yelapnok. ¿Xin ta c'am watx'il wutnak in ba axca tu'? 8 Axca wal tol ocnak in elk'an bay juntzanokxa iglesia e yuj, yujtol a tu' max in cha' in gasto yet max quin ec' e xol ex wak'on serbil. 9 A yet max quin ec' e xol, ay tiempo ay junok tzet caw chi oc yopiso wuj, palta c'am junok ex max wak' in ba e cargonej. A eb juẍtak aj Macedonia ti' max bet ak'on jab tzet chi oc yopiso wuj bay tu'. C'am junok ex max wak' in ba e cargonej yuj jabok in gasto. Ac'ala' caytu' ok wut in ba tinani'. 10 Caxc'al chi wi' can in ba walon juntzan ti', palta c'am junok ex aj Acaya ex chi je' in e tenon oc wanajok. Caw yel chi wala', yujtol ajun Cristo wetok. 11 ¿Tzet xan chi waltok juntzan ti' ayex che na'? ¿Xin tatol c'am in camc'ulal e yin che na'? Yojtak Dios jantak in camc'ulal e yin. 12 Palta ac'ala' ok wut in ba, axcac'alta' wutnak in ba e xol. Ok wut in ba axca tu', yet watx' a eb chi say tzetbil chi yun yion can ba, ok can eb yalan yuj. Yujtol chi tz'ak yal eb, tol lajan yopiso eb wetok. 13 A eb tu', toc'al chi tz'ak yaloc ba eb chekbejok Cristo. Caw etnem anima eb yetok is k'anej tu'. 14 Palta a tzet chi yun eb tu', c'am chi c'ayaj co c'ul yuj. Yujtol cay c'apax tu' Satanás, chi tz'ak yaloc ba nak is watx' yángelok Dios. 15 Yuj tu', c'am chi c'ayaj co c'ul, ta chi yal eb chi ak'on serbil nak tu' tol caw wal tojol beybal eb. A eb tu', ok cha eb paktzil, atac'ala' tzet max el yunen junjun eb. 16 Ti chi waltok ayex junelxa, c'amokab ex che na' tol c'am in nabal. Ta che na' axca tu xin, chaek in k'anjab axca junok mac c'am is nabal tu', yet watx' chi je' wion can in ba jabok axca juntzan eb chi yi' can ba. 17 A juntzan ok waltok ayex ti', manak Cham Jajawil chi ak'on waltok. Axcaokxac'al tol c'am in nabal yet chi walontok ti', yujtol toc'al chi wi' can in ba waloni. 18 Xiwil eb chi yi' can ba yuj tzet ay yul is k'ab bay yulyibank'inal ti'. Yuj tu', ok wi' can in ba jabok yetok eb. 19 Yujtol ayex ti', caw jelan ex, yuj tu' xan chi techaj e yiklen oc eb c'am nabal chi yut ba ayex, toltax chex tzaloj yetok eb. 20 Ay eb chex ak'on pural yuj e yak'on serbil eb, cax chi tok'on ec' eb masanil tzet ayex. Yajawxac'al chi yut ba eb e yiban, cax chi yion aj can ba eb. Toltax chi pak'tok eb e sat, palta ayex ti' che yak' techaj bay eb. 21 Chin q'uixwi walontok ayex, tol maj je' co tec'ban co ba junen axca chi yut ba eb tu' ayex. Palta axca chi yun tec'ban ba eb tu' yaloni, axca tu' chi wut c'apax in tec'ban in ba waloni, palta lanan waloni tol axca junok mac c'am is nabal. 22 Hebreo ton eb, hebreo in c'apaxok, israel ton eb, israel in c'apaxok. Yinatil Abraham eb, yinatil Abraham in c'apax yetok eb. 23 Ta yak'omal serbil Cristo eb, ayin ti' ec'ban chi yun wak'on serbil Cristo yintak eb. (A yet chi walontok juntzan ti' ayex, axca k'anjabtok junok mac c'am is nabal in k'anjabtok.) Palta ec'ban in mulnajil yintak eb tu'. Xiwil el max in mak'lay yintak eb. Xiwil el max quin oc preso. Toltax xiwil el ijan wal max in cami. 24 Oyel max in mak'lay yuj eb wet israelal, 39 jipan tz'um max wik yuj eb junjun el. 25 Oxel mak'bil in yetok c'ax. Junel max in k'okch'ennelayi. Oxel paxnakay lanaj te barco walan yet ayin oc yiban a' mar, max in cancan nan a'. A junel, jun c'u yetok jun ak'bal laan in can yiban a. 26 Xiwil bay ec'nak in. Ay wal bay caw ay is may yuj a' mimek aej, c'al yuj eb elk'om. Ay bay ay is may yuj eb wet conob, c'al yuj eb man wet conobok. Ay bay caw ay is may bay juntzanok conoblak, yetok bay najatlak elok, c'al yiban a' mar. Ay bay ay is may xol eb chi yaloc ba juẍtakok. 27 Ay bay caw chin c'unbi yuj mulnajil. Caw wilnak yailal. Tx'ial el c'am wayan chi wunej. Ay bay max tit in wajil c'al in takintial. Tx'ial el max waytok wajil. Ay bay max wetnej in c'ul yuj sic. Ay bay c'amxa chi makchaj in pichil. 28 Man asannejok juntzan yailal ti' max wila', yujtol junjunc'al c'u, cac'al ti' waben yail yuj in naon eb creyente bay junjun iglesia. 29 Ta ay mac c'amto chi yi' yip yin is creyenteal, caw chin oc il yuj eb, axca tol c'amto chi wi' c'apax wip yetok eb. Ta ay eb chi ak'lay etax el is nabal, caw chi oc pitz'an yail yin in c'ul sic'libil. 30 Ta yowalil chi wi' can in ba, ok wi' can in ba yin juntzan tzet chi tx'oxk'abnen elok, tol c'am jabok welapnok. 31 Yojtak Dios, a ton is Mam Cham Jajawil Jesucristo tol caw yel chi wala'. ¡Al-layokab watx' k'anej bay Cham yin tojbalk'inal! 32 A yet max in ec' bay conob Damasco, a cham gobernador mulnajnak yetok cham rey Aretas, max yal cham tol chi oc makomal junjun puertail jun conob tu', yet watx' chin mitx'lay yaloni. 33 Palta a yul jun xuc max in aytok, cax weltok yul wentenail murallail conob tu', cax max in ayapnok t'ununok sat tx'otx'. Cac'al tu' max yun in colchaj yul k'ab cham tu'.
1 Nabac'al chi wetnej in ba walon in ba watx'il. Yel watx' tol a juntzan axca wayichej wilnak chi waltok ayex, c'al juntzanxa tx'oxbil ayin yuj Cham Jajawil. 2 Ay jun winak wojtak tol caw ayoc yin Cristo. 14 abilxa tinani' max ilay ajtok satcan bay ayic' Dios. Man wojtakok ta tojnak yetok is mimanil, ma c'amak. Asan Dios yojtak. 3 Caxc'al tojnak yetok is mimanil, ma c'amak, man wojtakok. Asan Dios yojtak. Asan jun wojtak, 4 tol max ilaytok bay jun lugar chi yik paraíso. A bay tu' max yab yoc juntzan k'anej tol c'am axca, cax c'am chi chalay yal-lay elok. 5 A jun winak tu', asan ok wi' can. Axa ayin xin, maj wi' can in ba. Ay juntzan tzet ayoc win chi tx'oxk'abnen elok, tol c'am jabok welapnok. Asan juntzan tu' ok waltok yet ok in maynen in ba jabok. 6 K'inalok yelc'ulal chi wochej chi wi' can in ba tinani', maj in k'anjab axca junok mac c'am is nabal, yujtol asan mi tzet yetal yel chi wala', palta maj in maynej in ba axca tu', yujtol chi wochej tol c'am junok mac chi naoni, tol yel miman welapnok yintak tzet chi yil eb win c'al tzet chi yab eb waloni. 7 A juntzan tzet yetal max tx'oxlay ayin bay satcan tu', caw miman ton yelapnok. Yuj tu', ay is may wion can in ba yuj. Yuj tu', ay jun in yailal max yaoc Satanás, yuj in yetneni. Axca wal junok miman q'uix jekantok yul in chibejal jun yailal tu'. Max oc jun yailal tu' win, yet watx' c'am chi wi' can in ba. 8 Oxel max in k'anil jun in yailal tu' win bay Cham Jajawil. 9 Palta tix max yut yalon Cham ayin ti': K'okbilc'al in watx'c'ulal ayach yet chi techajc'al oj. Yujtol a yin eb c'am jabok yip yul yet, a tu' chi txecloj wal el wipalil ayin ti', ẍi ayin. Yuj tu', caw chin tzaloj yuj c'am wipalil, yet watx' chi aj can yipal Cristo win. 10 Yuj tu', chin tzaloj tinani', yujtol c'am wipalil. Caxc'al chin buchlayi, caxc'al ay tzet caw chi oc wuj, caxc'al chi wil yailal, caxc'al chi wab yail yuj Cristo, palta caw chin tzalojc'al. Yujtol a yet c'am jabok welapnok, a ton yet tu' chi aj can yipal Cristo win. 11 Axca tol c'am ton in nabal yet max walon oc in ba watx'il ayex, palta ayex max quin e yak' pural waloni, yujtol ayex e moj quin e yalon watx'il. Ay mactxel chi tz'ak yaloc ba chekbejok Cristo, caw miman yelapnok eb e yaloni. Caxc'al c'am jabok welapnok, palta c'am jabok ec'ban yelapnok eb tu' wintak. 12 A yet max in ec' e xol, max in tec'baj in ba in mulnaji. Max in tx'oxil juntzan milagro, c'al juntzan tzet yetal chi tx'oxon el yikbej Dios. Max c'ayaj e c'ul yuj juntzan max el wunen tu'. A juntzan tu' chi txeclonen elok tol chekbej in Cristo. 13 Axca watx'il max ec' wut in ba bay eb creyente bay junjun iglesia, axca tu' max ec' wut in ba ayex. Asan tol maj wak' in ba e cuentanej yuj in gasto. Palta caw che yak' mimanc'ulal win yuj jun in paltail max oc ayex tu'. 14 A tinani', toxa wal chin toj yet yoxelal ayex tu'; palta man ok wak' in ba e cargonej, yujtol c'am chi wochej oc tzetak yetal ayex, palta a ex caw chex wochej. A eb mamej, moj chi wajbaj eb is tumin, cax chi yak'on eb bay yuninal. Manak eb uninalej chi wajbaj is tumin, cax chi yak'on bay is mam c'al bay is txutx. 15 Ayin ti', chin bek in c'ulok lajwi el masanil tzet ayin, asan ta chi watx'jican oc e nabal. Caxc'al ok lajwok in mimanil ti' yin ex wak'on serbil, palta ok in tzalojc'alta'a, caxc'al a yet chi aj can in camc'ulal e yin, chi aytek e camc'ulal win. 16 Ay juntzan eb, caxc'al tol yojtak tol c'am bay max wak' in ba e cargonej, palta chi yal eb tol yetok in jelanil max wiaytek e sat yin wion tzet yetal e yin. 17 ¿Mac junok eb max in chektok ayex tu' max ion aytek e sat? 18 Max in k'an bay Tito yet chex toj il-lay yuj, cax max in chekontok junxa juẍtak yetok. ¿Tom max bet yiaytek Tito tu' e sat xin? Mantok tol lajanc'al max ec' jut co beybal on e nan e xol. Lajanc'al max ec' jut co nabal on. 19 Tekan che na' tol toc'al chi jiil jin e satak, palta c'amak paxok. Satak wal Dios lanan walontok juntzan ti' ayex, axca chi yochej Cristo, yet watx' che yi' e yip, ex wuẍtak, ex wanab camc'ulnebil. 20 C'am chi wochej chex toj wil tinani', a wal ta c'am che yut e ba axca wal chi wochej, a wal ta c'am c'apax chi wut in ba axca wal che yochej. C'amto chi wochej chin toj ayex tu', a wal ta aytoc'al owal e xol, c'al chichonc'ulal, c'al k'ak'alc'ulal. Talaj ay ex che yi' can e ba. Talaj ay ex che yal-lej e k'umal. Talaj ay ex che luesnej e ba, talaj ay ex che buchlej e ba, cax talaj ay ex lanan e somchaj elok. 21 Majto yal in c'ul chin toj ayex junelxa, a wal ta chin yak' q'uixwok aj co Diosal e satak. A wal ta chin ok' e yuj, yujtol yettaxc'al yalantok, xiwil ex max e beybalnej tzet man watx'ok. C'amc'al wal che bekcan e beybalnen yobtakil tu' yetok e mimanil, axca ajmulal, yetokc'al juntzan tzet tol caw wal q'uixwiltak chi el e yuneni.
1 Yinxa yoxelal ok ex tok wila'. Junjunc'al tzet ok watx'jok yayji, palta yowalil ay cawanok ma oxwanok testigo ok alon is mul junok mactxel. 2 A yet max quex ec' wilon yin is cayelal, ay jun tzet albilcan ayex wuj. Ti chi waltok ayex junelxa tinani'. Caxc'al c'am in ec' e yetok bay tu', palta chi waltok ayex, mac ex ocnak e yobtakil yet yalan, e yet c'apax e masanil yayji jun k'anej ti'. A yet ok in tok ayex tu' yet junelxa ti' xin, c'amxac'al in mimanc'ulal e yin bian. A ton jun ti' ec' walnakcan ayex. 3 Lanan e yochen che yila' ta yel a Cristo chin k'anbalnen yet chin k'anjab ayex. A ton yet ok in apnok ocok, cax ok e yiloni, catatu' ok nachaj el e yuj, yujtol a Cristo, mantok tol c'am tzet chi je' yuj tx'oxk'abnen el ayex, palta tol masanilc'al chi je' yuj Cham tx'oxon el e nan e xol. 4 Yel toni, a yet max curusnelay Cham, axca wal tol c'am yip Cham, palta yuj yipal Dios, xan iquis Cham tinani'. Ilab on c'apaxok, axca wal tol c'am jabok jelapnok on c'apax yetok, palta yuj yipal Dios, xan iquis on yetok Cristo, yet watx' ac'ala' ex jak'on serbil. 5 Caw chi cam e beyc'ulnen e ba yul e yet junjun ex, yet watx' chi txecloj elok, ta yel wali ayex oc yin Cristo. Caw che beyc'ulnej e ba yul e yet junjun ex. ¿Tom man e yojtakok tol ayoc Jesucristo e yin junjun ex? Asan bian, ta mayex acaw creyenteok sic'libil, c'am oc e yin chi yal tu'. 6 Palta chi wochej tol caw che yojtaknej elok, tol ayon ti', acaw creyente on sic'libil. 7 Chon txajli on bay Dios e yuj, yet watx' c'am junok tzet man watx'ok chi el e yuneni. Man toc'alok chon txajli on e yuj, yet watx' chi txecloj elok tol watx' co mulnajil; caxc'al chi txecloj elok tol man watx'ok co mulnajil, palta ac'ala' yochen co c'ul tol watx' che yut e beybal. 8 Yujtol c'am chi je' jajc'ulnen co ba yetok cuybanilej caw yel. A ti' jet, tol chi jak' jip co mulnaj oc yin. 9 Yuj tu', caxc'al c'am wal jelapnok, palta chon tzalojc'alta'a, ta ay e yelapnok. Yetok c'apaxok, ok on txajlok e yuj, yet watx' chi aj can watx'ji oc e nabal. 10 Yak'ban c'amto chin apni ayex tu', ti chi wak' babjok jun in carta ti' in satak, yujtol chi wochej tol man yowalilok ow chi toj wut in ba ayex tu' yuj wopiso ti'. A Cham Jajawil ak'nej jun wopiso ti', yuj waon oc e tec'anil, man yujok ex wetnen elok, xan max ak'layi. 11 Axa tinani xin, ex wuẍtak, ex wanab, ayexokab oc yin tzalojc'ulal bay tu'. Caw che watx'nej oc e nabal. Ayxaokab e mimanc'ulal. Junxanejokab che yut e nabal, junc'ulalokab ayex bay tu'. A Dios ak'om junc'ulal, c'al ak'om camc'ulal, a' ok oc e yetok. 12 Ak'lejek cawil e c'ul yin e tx'oxoni tol ay e camc'ulal. 13 Chi yatok masanil eb creyente cayti' cawil e c'ul. 14 Yak'okab Cham Jajawil Jesucristo watx'c'ulal ayex, cax yak'okab Dios is camc'ulal ayex. Ayokab oc Cham Espíritu Santo e yetok e masanil.
1 Ayin Pablo in ti', chekbej in Jesucristo, man animaok ayin is chekbej. Yetok c'apaxok, man animaok ak'nej wopiso ti', palta a wal caw Jesucristo max ak'oni, yetok co Mam Dios, Cham max ictzonen aj Jesucristo xol eb camnak. 2 Masanil eb juẍtak ajun wetok, cax chin tz'ibentok jun carta ti' bay juntzan iglesia yul yet Galacia. 3 Yak'okab co Mam Dios, c'al Cham Jajawil Jesucristo is watx'c'ulal, c'al is junc'ulal ayex bay tu'. 4 A Jesucristo ul yak'nak ba camok, yujc'al yioncan el co yobtakil. Axca ton ti' max con yut colon el yul k'ab tzet man watx'ok bay yulyibank'inal ti', yujtol axca ti' max yun yel yin c'ul co Diosal, co Mam c'apaxok. 5 Yuj tu', jalekc'al watx' k'anej bay Dios yin tojbalk'inal. Yunokabi. 6 A Dios awtenej on yuj is watx'c'ulal Cristo jin, palta caw wal chi c'ayaj in c'ul e yuj, yujtol yin aymanil che bekcan Dios. Axa tinani', lanan e tz'ak e yaon oc e nabal yin junokxa yabixal colbanilej tol tx'ok chi yun yal-lay ayex. 7 Palta c'am junokxa yabixal colbanilej caw yel. Ay eb chi ochen chi q'uexontok yabixal Cristo; palta toc'al chi somchaj el e nabal yuj eb. 8 Palta mayal ec' jalcan el yabixal colbanilej ayex. A tinani', ta ay junokxa mac chi ec' alon el junokxa tx'ok abixal ayex, caxc'al mi ayin, ma junok ángel chi tit satcan ul yaloni, titokab yowal c'ul Dios yiban. 9 Axca ta' wutnak walon ayex junel, caytu' chi wut walontok ayex tinani': Ta ay junok mac chi ec' alon el junokxa yabixal colbanilej man lajanok yetok jun chabilxa e yuj, titokab yowal c'ul Dios yiban jun tu'. 10 A yet chi walontok juntzan ti' ayex, ¿xin tatol chi wochej chi tzaloj anima wetok che na'? ¡C'amak! Asan Dios chi wochej chi tzaloj wetok. C'am jabok chin na' ta chi tzaloj anima wetok. K'inalok ta chi wochej chi tzaloj eb anima wetok, may in yak'omalok serbil Cristo chi yal tu'. 11 Ex wuẍtak, ex wanab, chi wochej che yojtaknej el junxa ok waltok ti'. A jun k'anejal yet colbanilej chi ec' walilok, man yetok anima. 12 Man animaok junok bay chabil jun abix ti' wuj. Man animaok bay cuybil wuj, yujtol asan Jesucristo ak'nej wojtaknej elok. 13 E yabnakxa, tzet max el wuten in ba yet yalan, yet ayoc in nabal yin is religión eb wet israelal. Caw ok'bal c'ul max wut wetnen yiglesia Dios. Max wak'lej wak'on lajwok el eb masanil. 14 A yin is religión eb wet conob, yelxac'al jelan in yintak eb wet ch'ibomal, yujtol yelc'ulal wal tol max waoc in c'ul yin beybal eb jichmam on. 15 Palta yettaxc'al manto in aljok, max in sic'lay el yuj Dios. Yujc'al is camc'ulal, xan max in is yawtej oc yetok. Axa yet max jay tiempoal axca chi yochej, 16 max yak'on wojtaknej el is C'ajol, yet watx' chi ec' walil yabixal colbanilej e nan e xol, ayex man israelok ex ti'. A yet max xew in chaon Cristo, c'am junok anima max quin cuyoni. 17 Maj in bet k'anjab yetok eb babel ocnak chekbejok Cristo in satak ayic' bay Jerusalén, palta tol ayman max in bet bay yul yet Arabia. Lajwi tu', max in meltzoj bay Damasco. 18 Maj in bet yin aymanil bay Jerusalén. Oxebxa abil tu', catatu' max in toji. Ato yet tu' max babji in k'anjab yetok Pedro. Asan 15 c'ual max in ayji ec' yetok. 19 C'am junokxa eb chekbej Cristo max in k'anjab yetok, ti asan Jacobo, yuẍtak Cham Jajawil max in k'anjab yetok. 20 Satak Dios chi waltok ayex, caw wal yel jun chi wal ti'. 21 Lajwi wec' bay Jerusalén tu', max in ec' c'apax bay Siria yetok bay Cilicia. 22 A eb bay juntzan yiglesia Cristo bay yul yet Judea, mayinto yojtakok eb yet tu'. 23 Ac'al wabixal chixa yab eb, yujtol ay eb max yal wuj axca ti': A jun winak max con etnen yet yalan, yujtol max yochej tol c'am chi jaoc co c'ul yin Cristo, axa tinani xin, axa jun chi ec' alon el yabixal, ẍi eb wuj. 24 Yuj tu', max yal eb watx' k'anej bay Dios wuj.
1 14 abilxa wec'can bay Jerusalén, cax max in toj yetok Bernabé junelxa. Max jitok Tito jetok. 2 Max on toj bay tu', yujtol yalnak Dios ayin tol yowalil chin tojic'ok. A yet max in apni ocok, a eb tol ojtakbiltac'a tol ikbajwom, max in wajbaj oc eb wetok. Max walcan bay eb tzet yayji oc jun k'anejal yet colbanilej chi walil nan xol eb man israelok. Max wut in ba axca tu', yujtol chi wochej tol manokab toc'alok chi wetnej in ba in mulnaji. 3 Ac'ala', ajun Tito wetok. Caxc'al griego nak, palta maj ak'lay pural nak yak'on circuncidar ba. 4 Yel toni, ay juntzan eb chi yaloc ba creyenteal, max yochej eb tol max ak'lay circuncidar Tito tu'. Palta a eb tu', titol ewantakil max oc eb co xol, yuj yilon eb tzet chi yun co colchaj el yul k'ab ley Moisés yuj Cristo Jesús, yujtol chi yochej eb tol chon meltzoj yul k'ab jun ley tu' junelxa. 5 Palta maj jikej jabok bay chi yal eb, yujtol chi jochej tol asan yin jun acaw k'anejal yet colbanilej che yaoc e nabal. 6 Palta c'am junokxa chekbanil max yak' eb ayin, a ton eb txequel yayji tol ikbajwom xol eb tu', (c'am chin na' tatol ay yopiso eb, yujtol a yul sat Dios, lajan onc'al el co masanil.) 7 C'amxa tzet max yal eb, yujtol max yojtaknej el eb, tol a Dios ak'nej wopiso walon el k'anejal yet colbanilej nan xol eb man israelok, axca max yun yak'on yopiso Pedro yalon el k'anejal yet colbanilej nan xol eb israel. 8 A Dios ak'nej yopiso Pedro tu' yoc chekbejok Cristo nan xol eb israel. Ac'ala' in c'apaxok, a Dios ak'nej wopiso woc chekbejok Cristo nan xol eb man israelok. 9 A Jacobo yetok Pedro c'al Juan, miman yelapnok eb yul sat eb creyente bay tu'. Max nachaj el yuj eb, tol a Dios ak'nej jun wopiso ti' yuj is watx'c'ulal. Yuj tu' xan max co mitx'lej co k'ab yetok eb yetok Bernabé, yujtol lajan chaon ba nabal eb jetok. Max tx'oxk'abnej el eb yin mitx'lejk'abejal tu', tol chi cha c'ul eb co toj xol eb man israelok, cax chi je' c'apax mulnaj eb xol eb jet israelal on. 10 Asan jun ti' yalnak eb ayon, tol chi co na'c'altek eb meba'. A jun ti' ayxa c'apax oc yin in c'ul wuneni. 11 Palta a yet ayic' Pedro bay Antioquía, caw max in teyelej in ba yetok, yujtol man watx'ok max yut ba bay tu'. 12 Yujtol a yet max apni ocok, aymanc'al max low yetok eb creyente man israelok. Palta axa yet max apni oc juntzan eb chekbej Jacobo bay Antioquía tu', max yion el ba, majxa low yetok eb, yujtol max xiw bay juntzan eb ayc'al oc nabal yin ley Moisés. 13 Axa juntzanxa eb israel tol creyentexa xin, max beybalnej eb beybal Pedro. Cabsat yutnak ba eb yetok. Ac'ala' c'apax Bernabé, cabsat max yut ba yetok eb. 14 A yet max wilon ayin ti', tol man tojolok chi yut ba eb axca yalon k'anejal colbanilej caw yel, cax max walon bay Pedro satak masanil eb creyente axca ti': Ach ti', israel ach, palta lajan a beybal axca eb man israelok. Man lananok a beybalnen beybal eb jet israelal. Yuj tu', ¿tzet xan chochej chak' pural eb man israelok yet watx' chi beybalnej eb beybal eb jet israelal? 15 Ayon ti', yinatil on israel, yuj tu', may on lajanok axca eb man israelok, yujtol c'am yelapnok leyal Moisés yul sat eb. 16 Palta jojtak, tol c'am junok mac chi oc watx'il yul sat Dios yujc'al chi yikej ley Moisés. Asan mac chi yaoc c'ul yin Jesucristo, asannej eb watx' satak Dios. Ilab on c'apax ayon ti', chi ja c'apax oc co c'ul yin Jesucristo, yet watx' watx' on yul sat Dios. Asan yuj chi jaoc co c'ul yin Jesucristo, xan watx' on yul sat Cham, man yujok jiken ley Moisés, xan watx' on. Yujtol c'am junok mac watx' yul sat Dios, yujc'al tol chi yikej jun ley tu'. 17 Chi jochej tol yuj Cristo, xan chon yal Dios watx'il. Yuj tu', chi txecloj elok, tol co masanil ayon israel on ti', yobtakwom on c'apaxok. Palta ¿a mi Cristo chon aontok yin yobtakil? ¡C'amak! 18 Mayal wala' tol c'amxa yopiso juntzan icham cuybanilej. K'inalok ta chi wala' tol chitoc'al k'anabax pax junelxa, chi txecloj elok tol yobtakwom in bay ley chi yal tu'. 19 A tinani', axca tol camnak on bay ley Moisés. Yuj jun ley tu', axca tol camnak on, yet watx' iquis on yul sat Dios. 20 A tinani', a yul sat Dios curusnebil on yetok Cristo; yuj tu' mayonxanak on iquis on tinani'. Axa Cristo iquis oc jin. A tzet chi jun yetok co mimanil tinani', chi jun yuj jaon oc co c'ul yin Cham C'ajol Dios, Cham max camc'ul jin, xan max yak' cam ba juj. 21 C'am chi je' jaloni, tol nabac'al max tx'ox Dios is watx'c'ulal ayon. K'inalok ta yujc'al jiken ley Moisés, xan chi yal Dios tol watx' on yul sat, nabac'al mi max cam Cristo juj, chi yal tu', quin chi bay Pedro.
1 Ex aj Galacia, caw wal c'am jabok e nabal. Tekan ay junok mac max ak'on etax el e nabal axca chi yun yetnelay el nabalej yuj eb ajtxum. Yuj tu' xan mayexxa yikemok bay jun cuybanilej caw yel. A yet max con ec' ayex bay tu', max jalcan ayex, tol camnak Jesucristo yin te curus. Axca wal tol caw yel max e yil cami. 2 Mata che yal ayin, ¿tom yuj max e yikej ley Moisés, xan max e cha' cham Espíritu Santo? C'amak. Ato yet max e yaon oc yin e c'ul jun k'anejal yet colbanilej max al-lay ayex, max e chaon Cham. 3 ¿Tom wal junelnej c'am jabok e nabal xin? A Cham Espíritu Santo max chaon el yich yak'on e k'inal. Axa tinani', ¿tom che yochej che tz'aktzej e k'inal tu' yuj e yunben yul e yet? 4 Xiwil yailal e yilnak yujc'al Cristo, palta ijan wal tol nabac'al. Matawal man nabaok max e yil yailal tu'. 5 Max yak' Dios Cham Espíritu Santo ayon, max tx'ox c'apax milagro co xol. Palta ¿tzet yuj xan che na'? Man yujok jiken ley Moisés, palta yuj jaon oc co c'ul yin jun k'anejal yet colbanilej max al-lay ayon. 6 Axa yaon oc Abraham yin c'ul tzet max yal Dios bay, xan watx' max yun cancan yul sat Cham. 7 Yuj tu xin, nachajokab el e yuj tol a mac chi yaoc c'ul yin Dios, a ton eb tu' caw yel yinatil Abraham eb. 8 Ayokto max al-laycan yul tx'an Un Tz'ibbilcanok, tol ayex mayex israelok, ok ex oc watx'il yul sat Dios, asan yuj che yaoc e c'ul yin. Yettax payxa albilcan jun watx' abix bay Abraham axca ti': Ojc'al ok wak' in watx'c'ulal bay masanil nacionlak, ẍi. 9 Yuj tu', ta chi jaoc co c'ul yin Dios, lajan chi jut co chaon is watx'c'ulal tu' axca yutnak chaon Abraham tu', yujtol yanak oc yin c'ul. 10 A eb chi yaoc yikemal bay ley Moisés yipok c'ul, aytek yowal c'ul Dios yiban eb. Yujtol chi yal tx'an Un axca ti': Catabnelayokab mactxel c'am chi ikenc'al masanil tzet tz'ibbilcan yul ley, ẍi yul tx'an. 11 Palta caw miman txequel, tol c'am junok mac watx' yul sat Dios, yujc'al tol chi yikej eb ley tu'. Yujtol chi yal c'apax axca ti': A eb watx' yul in sat, ok ayjokc'al ec' eb, yujtol chin yac'al oc eb yin c'ul, ẍi Dios yul tx'an. 12 A jun ley tu', c'am tzet chi yala' ta yowalil chi jaoc co c'ul yin Dios, palta chi yal axca ti': A eb chi iken masanil juntzan chekbanil ti', ok iquisbokc'al eb yuj, ẍi. 13 Aytek yowal c'ul Dios jiban yuj jun ley tu', palta a Cristo max on colon eltek yalan jun yowal c'ulej tu', yujtol max chaoc yowal c'ul Dios tu' yiban co q'uexelok. Yujtol chi yal yul tx'an Un axca ti': Ayoc catab Dios yiban tzanc'al mactxel chi aj locan yin junok te te', ẍi. 14 Caytu' max utlay Cristo Jesús yuj tx'oxon Dios is watx'c'ulal ayex, ex mayex israelok jetok ti', axca yutnak tx'oxon is watx'c'ulal bay Abraham yet payxa. Ac'ala' yuj Cristo ti', xan chabilxa Cham Espíritu Santo juj co masanil, yujtol max jaoc Dios yin co c'ul, axca max yun yaloncanok. 15 Ex wuẍtak ex wanab, chi wochej ok wak' binaj co beybal ayon anima on ti'. A yet chi co watx'nen junok co trato yetok junok jet animail, chi co watx'nejcan yunal, cax chi jaoncan ay co k'ab yin jun un tu'. Yuj tu', c'am junok mactxel chi je' yetnentok, cax c'am c'apax mac chi je' yaon oc tz'ak. 16 A Dios max yak' ti' bay Abraham, c'al bay yinatil Abraham tu': A eb enatil, man ẍiok yul tx'an Un Tz'ibbilcanok. Yujtol man xiwilok eb yinatil bay max yala'. Palta chi yal axca ti': Bay enatil, ẍi, yujtol junnej yinatil Abraham tu' bay max yala', a jun tu' a ton Cristo. 17 A ton jun ti' chi wochej chi waltok ayex, tol a Dios, yak'nak is trato yetok Abraham, tx'oxk'abnejnak elok tol yowalil ok yunej. 430 abilxa yak'on jun is trato tu', cax max ak'lay ley Moisés, palta maj etax el jun trato tu' yuj jun ley tu'. A jun tzet albilcan yuj Dios yet max yak'on is ti' tu', maj c'ayil yuj jun ley tu'. 18 K'inalok ta yuj max yikej Abraham jun ley tu', max mi cha tzet yaltejnak Dios bay, man xam yujok tol yak'nakcan Cham is ti' bay. Palta a Cham max yak' is ti' saon watx'ilal tu' bay Abraham. 19 Palta, ¿tzet pax yopiso jun ley tu' che na'? Ak'bil jun ley tu', yet watx' chi txeclonej eltek yobtakil junjun anima. Txequelnej jantak tiempo t'inan yoc yopiso jun ley tu', masantac'al yet jaynak jun yinatil Abraham, jun mac bay yak'nak Dios is ti'. A eb ángel alnejcan jun ley tu'. Axa Moisés max occan yin ajtial nan xol Dios yetok eb conob. 20 Palta a tinani', manxa yowalilok ay junok mac chi oc ajtial, yujtol junnej mac max yak' is trato, a ton Dios. 21 Palta a ley Moisés tu', man yajc'ulok ba yetok juntzan tzet albilcan yuj Dios yet max yak'on is ti'. K'inalok ta ak'bil junok ley bay chi je' jion co k'inal tol ayc'al yin tojbalk'inal, k'inalok ta axca tu', chi mi yal Dios tol watx' on yul sat, yujc'al chi jikej jun ley tu'. 22 Palta chi yal yul tx'an Un, tol masanil anima, ayic' eb xol yobtakil. Caytu' yaloni, yet watx' a ayon mayal jaoc co c'ul yin Jesucristo ti', chi co cha' jun yalben Dios max yal yet max yak'on is ti' tu'. Asan yuj chi jaoc Cham yin co c'ul, xan chi co cha'. 23 A yet c'amto chi jayoc jun mac yin chi jaoc co c'ul tu', ayonto oc yul k'ab jun ley tu'. Axca wal tol mitx'bil on tzakay yuj, masantac'al max txecloj aj mac bay chi jaoc co c'ul tu'. 24 Yujtol a yopiso jun ley tu', tol chon yak' cuenta, masantac'al max jay Cristo. A tinani', watx' on yul sat Dios, yujtol a yin chi jaoc co c'ul. 25 C'am onxa oc yul k'ab jun chon ak'on cuenta tu', yujtol ayxa oc Cristo yin co c'ul tinani'. 26 Yujtol chi jaoc Cham yin co c'ul, yuj tu' xan yuninal onxa Dios, junxanej jayji yetok Cristo Jesús co masanil. 27 A yet chon ak'lay bautizar, junxanej chi juncan el yetok Cristo. Jantak onc'al chon ak'lay bautizar, axca tol chi oc Cristo co pichilok. 28 C'amxa yelapnok ta israel on, ma griego on. Caxc'al mosejal on, caxc'al jet co ba, caxc'al winak, caxc'al ix, c'am yelapnok, yujtol junxanej jayji co masanil yetok Cristo Jesús, axca wal tol junxanej animail jayji co masanil. 29 Yujtol yet onxa Cristo xin, xan yinatil exxa Abraham jetok, xan a jun tzet max yalcan Dios, yet max yak'on is ti' tol ok co cha', jet-xa ok yunej.
1 Chi wochej chi wal c'apaxtok junxa ti' ayex. K'inalok ay junok unin tinani', tol ok yi' can masanil tzet ay is mam. Caxc'al ok yi' can masanil, palta a yet yaliẍto, lajanc'al axca junok mosejal, 2 yujtol ay mac chi ak'on cuenta. Ak'biltoc'al mandar masantac'al chi jay jun c'ual, cax chi yalon is mam tol ok yi' can tzet ay is mam tu'. 3 A yet yalan, axca tol unin on, yujtol a beybal jun yulyibank'inal ti' chon ikbani. 4 Palta a yet max ajapnok tiempoal, max yaontek Dios is C'ajol, max ul aljok yin jun ix ix axca chi yun jalji ayon anima on ti'. Max ul yuten ba israelal. Ayoc yul k'ab ley Moisés. 5 Caytu' max yun yulic'ok, yet max con ul colon el yul k'ab jun ley tu', cax chon yion oc Dios yuninalok. 6 Max yatek Dios Cham Yespíritu is C'ajol jin junjun on, yet watx' chi txecloj elok, tol yuninal onxa. A Cham Espíritu ayoc jin, a yet chi aj yaw Cham: Mamin, Mamin, ẍi Cham. 7 Yuj tu', manxa mosejalok jayji oc tinani', yujtol yuninal onxa Dios. Yuj Cristo xan aj satakwom onxa c'apax yin is tzet yetal Dios. 8 A yet yalan, manto e yojtakok Dios. Max e yak' serbil juntzan chi al-lay oc diosal; palta man diosok. 9 Axa tinani xin, e yojtakxa Dios, yel watx' ta chi jala' tol a Dios ojtaknen exxa. Yuj tu', ¿tzet yuj xan chex meltzoj pax bay cuybej c'am yelapnok tol c'am tzet chi oqui? ¿Tzet yuj xan chito wal e yochej che yak' serbil, cax chex oc pax mosejal bay junelxa? 10 Ilab tol aytoc'al juntzan c'u miman yelapnok yul e sat, yet chi ec' junjun xajaw. Aytoc'al tiempolak miman yelapnok yul e sat, c'al abil. 11 Caw chin oc wal il talaj nabac'al max in ec' mulnaj e nan e xol bay tu'. 12 Ex wuẍtak, ex wanab, chin tewitok ayex, tol lajanokab che yut e nabal wetok, yujtol ayin ti', lajan max wut in nabal e yetok yet max in ec' ayex tu'. Watx'c'al max e yut e ba ayin. 13 E yojtak, tol a yet max quin ec' ayex tu' yet babelal, yuj jun yailal ayoc win, xan max walcan el k'anejal yet colbanilej e nan e xol. 14 Caw wal yob max e yab yuj jun in yailal tu', palta maj quin e yintaknej el yuj. C'am tzet max e yala', ta c'am welapnok yul e sat. Axca chi jut co chaon jay junok yángel Dios, c'al Cristo Jesús chi jayi, caywal tu' max quin e yut e chaoni. 15 Palta ¿tzet yayji e tzalojc'ulal tu' tinani xin? Wal yel chi waltok ayex, caw xiwil e tzalojc'ulal wetok yet max in betic' tu'. Ilabi k'inalok ta max je', max e yieltek e bak' sat, cax che yak'on ayin, palta maj je' e yuj. 16 A tinani xin, ¿xin ta chi jajc'ulnej aj co ba e yetok yujtol chi waltok juntzan k'anej caw yel ti' ayex? 17 Ay eb chex tz'ak camc'ulneni, palta man yinok masanil c'ul eb, yujtol toc'al chi yochej eb che yiel e nabal jin, cax che yaon oc e nabal yin eb. 18 Watx' toni, ta ay mac chi co camc'ulnej, palta yinokab masanil co c'ul. Matawal caytu' che yut e ba ayin masanil tiempo, cax mannejokabc'alnak yet ayin ec' e yetok bay tu'. 19 Ex camc'ulnebil wuj, axca yaben yail junok ix ix yet chi alji yune', axca tu' waben yail e yuj, masantac'al ok lajtx'oj oc e nabal axca yet Cristo. 20 Matawal ayin ec' e yetok bay tu' tinani', yet watx' chi wal yin bayc'al ijanil, yujtol a tinani' c'am chi nachaj el wuj tzet chi wal ayex. 21 Che yochej ayex ti', tol a ley Moisés che yikej, palta, ¿tom c'am che natek xin, tzet chi yal jun ley tu'? 22 Yujtol a' chi alontek yuj Abraham, tol ay cawan is c'ajol. Ay jun max alji bay ix mosejal yayji, ix chi yik Agar. Ay junxa max alji bay xal is yetbi. A xal acaw yetbi Abraham tu', c'am mac bay ayoc xal yin mosejal. 23 A nak aljinak bay ix mosejal yayji tu', axcac'alta' yalji anima max yun yalji, palta jun chi yik Isaac, aljinak yin xal yet ba yetok yichamil tu'. Yuj yipalil Dios xan aljinak, yujtol albil yuj Dios yin ayokto. 24 A jun yabixal eb xal ti', tx'oxbanil yayji. A cawan xal chi binajtek ti', a cab is trato Dios chi tx'oxtek eb yenel. A xal Agar, yenel jun is trato Dios chabilcan bay tzalan Sinaí. Axca wal tol yune' xal eb ay yet jun trato tu', yujtol ayoc eb tu' yin yak'omal serbil. 25 A xal Agar tu', yenel jun tzalan Sinaí yul yet Arabia yayji oc xal, yenel c'apax conob Jerusalén yayji, yujtol a eb aj conob bay tu', yak'omalto serbil ley yayji eb. 26 Axa xal yet ba, yenel junxa Jerusalén ay bay satcan yayji, a' ayon yet. Yuj tu', jetc'al co ba co tx'oklil, c'am onxa oc yalan jun ley tu'. 27 Chi yal tx'an Un Tz'ibbilcan axca ti': A Jerusalén, lajan wal axca junok ix ix tol c'amc'alta' yune', cax bekbilcan yuj yichamil. Axa tinani' moj tol chi awji, chi bitni yin tzalojc'ulal, yujtol xiwilxa yune' ok yila' yintak junok ix ix c'amc'al bay max beklaycan yuj yichamil, ẍi yul tx'an Un tu'. 28 Ex wuẍtak, ex wanab, lajan on axca nak Isaac, yujtol yak'nak Dios is ti', xan max con occan yuninalok. 29 Palta a yet payxa tu', a nak toc'al aljinak axcac'al yalji anima tu', yak'nak nak ajc'ulal yin nak aljinak yuj is yipalil Cham Espíritu Santo. Axca ton max utlay nak tu', caytu' chon yut eb chi yikej ley tinani'. 30 Palta chi yal tx'an Un Tz'ibbilcan axca ti': Uktej el ix mosejal ti' yetok is yune tu', yujtol man ok je' yion nak yune' ix mosejal yayji tu' is satak yetok nak yune' xal tol yet ba yetok yichamil, ẍi yul tx'an Un tu'. 31 Yuj tu' ex wuẍtak, ex wanab, mayon lajanok axca nak yune' ix mosejal tu', palta lajan on axca nak yune' xal yet ba yetok yichamil tu'.
1 A Cristo max on colon el yul k'ab ley Moisés, yet watx' jet-xac'al co ba yetok. Yuj tu xin, caw tec'an che yut e ba. A jun ley bay colbil onxa el tu', lajan wal axca junok ikatz caw wal al. Manchakxa e chaoc e yiban e yak'lay cuenta yuj. 2 Abek tzet ok wala'. Ti chi waltok ayin Pablo in ti' junxa ti' ayex. Ta che chaoc jun yechelej chi yik circuncisión yin e mimanil, c'am jabok tzet ok e cha' bay Cristo. 3 Tix junxa chi waltok ayex ti'. Tzanc'al mac chi ak'lay circuncidar, yowalil chi yikej masanil tzet chi yal ley Moisés. 4 Axa ex mac ex txel che na' tol watx' ex satak Dios, yujtol che yikej tzet chi yal jun ley tu', c'amxa jabok e yalon e yet yin Cristo. C'amxa watx'c'ulalil Dios ok e cha'. 5 Axa ayon ti xin, yuj Cham Yespíritu Dios, xan chi jaoc yipok co c'ul tol ok on yal Dios watx'il. A ton jun ti' lanan jechbanen tinani', yujtol chi jaoc co c'ul yin. 6 Ta chi co junanej co ba yetok Cristo Jesús, c'amxa yelapnok ta ak'bil on circuncidar ma c'amak. Asannej wal jun ti' caw ay yelapnok, ta max jaoc co c'ul yin Cham sic'libil, xan chi co tx'oxil co camc'ulal bian. 7 Caw watx' max e yutlej e beybal yet yalantok. Palta, ¿mac xam wal max ak'on e c'ul, yuj tu' xan mayexxa yikemok bay jun cuybej a caw yel? 8 Manak Cham awtenej ex oc yetok, max ak'on e yunej. 9 Naektek, tol a jabok yich pan, pilan chi jumbi ec' xol ixim harina. 10 A Cham Jajawil chi waoc yipok in c'ul e yuj, tol man ok e yaxac'altok e nabal yin junokxa tx'ok cuybanilej. Palta tzanc'al mac chi ak'on e c'ul tu', a Dios ok aon oc yailal eb. 11 A pax ayin ti' ex wuẍtak, ex wanab, k'inalok ta ac'ala'to waloni tol yowalil chi ak'lay circuncidar junok mactxel, maj mi inc'alta' yuktej ec' eb wet israelal. K'inalok ta caytu' chi wut cuywaj in ba axca tu', c'am mi chi chichon oc c'ul eb yin yabixal Cristo yin te curus. 12 A eb chi ec' ak'on e c'ul, tol che yak' circuncidar e ba, matawal chi polxac'al eltek eb is yetbeyom is mimanil tu' junelnej. 13 Ex wuẍtak, ex wanab, awtebil ex yuj Dios, yet watx' munil e yet e ba jetok. Palta caxc'al munil jet co ba, man yujok tu', ok je' jak'balnen co yob ochwanilal. Yelxac'al watx' chi jak'lej serbil co ba, yuj co camc'ulal. 14 Masanilc'al tzet ayay yul ley Moisés, pilan chi txecloj el yin jun chekbanil ok waltek ti': Che ya'ilnej e yet animail axca che yut e ya'ilnen e ba junjun ex, ẍi. 15 Palta ta ac'al owal naan e yuj e nan e xol, caw wal ay is may ok e yak'lej c'ayil e ba. 16 Chi wal c'apaxtok junxa ti' ayex. Co beybalnejek wal tzet chi yochej c'ul Cham Yespíritu Dios. Catatu' bian, man ok co beybalnej tzet chi yochej co yob ochwanilal. 17 Yujtol a jun co yob ochwanilal ti', yajc'ul ba yetok Cham Yespíritu Dios. Axa Cham Espíritu tu', ajc'ul c'apax oc yin co yob ochwanilal, xan caw yajc'ul ba. Yuj tu', ijan wal c'am chi je' watx' chi jut co beybal axca chi jochej. 18 Palta ta lanan co beybalnen axca chon yut yikban Cham Yespíritu Dios, c'amxa yalon yet ley jin. 19 A eb chi beybalnej is yob ochwanilal, caw miman txequel tzet chi el yunen eb: Chi say eb yix yul k'ab yistzil, ma chi say eb yob yul k'ab yichamil, yetok juntzanxa tzet c'am watx'il chi el yunen eb yetok is mimanil. Asanc'al tzet q'uixwiltak chi el yunen eb. 20 Chi yal ba eb bay juntzan tzet chi yaoc eb is diosalok. Chi balnej eb junokxa mactxel. Chi yajc'ulnej aj ba eb, owalc'al ay eb. Chi yak' eb sawenal yin junok mac watx' ay. C'un tit yowal eb. Chi yochej eb tol asannej eb ay yelapnok. Chi pojchajtok eb, tx'ok tx'okxac'al bay chi el botzan eb. 21 Chi yochej oc eb tzet ay junokxa mactxel. Chi uc'wi an eb. Chi wekeki eb, cax chi el yunen eb juntzanxa axca ton juntzan ti'. Caxc'al max wal jun ti' ayex yet yalantok, palta ti' chi waltok ayex junelxa: A eb chi el yunen juntzan chi waltek ti', tutun wal c'am jabok yalon eb yet yoc yul k'ab Dios. 22 A pax Cham Yespíritu Dios xin, a' chi ak'on junej tol chi co camc'ulnen co ba, chon tzaloji, chon ayji ec' yin junc'ulal. Chi yak'on c'apax jak' techaj tzanc'al tzet chi jay jiban. Yuj Yespíritu tu' xan ay co yabenc'ulal bay eb jet animail, watx' chi jut co nabal yin eb. Yuj c'apaxok, xan yikem on. 23 Yaynakil chi jut co ba. Yuj Cham, xan chi je' co mitx'on oc waan co ba. A juntzan watx' beybalej ti', c'am junok ley chi aloni tol c'am chi el juneni. 24 A mac on txel yetonxa Cristo Jesús, axca tol curusnebilxa co yob ochwanilal yul co sat, c'amxa yelapnok juntzan tzet man watx'ok chi jochej ocok. 25 A Cham Yespíritu Dios chi ak'on co k'inal tol ayc'al yin tojbalk'inal. Yuj tu', yowalil chi co beybalnej axca chi yochej Cham. 26 Manchak co maynejek co ba, yet watx' c'am chi co tx'emlejek co ba. Manchak jochejek oc tzet ay junokxa jet creyenteal.
1 Ex wuẍtak, ex wanab, ta ay junok mac chi oc yobtakil chi jila', a mac on yikem on bay Yespíritu Dios, ayon chi jaoc is nabal yin mansoc'ulalil, yet watx' chi watx'ji oc is nabal. Caw chi jilc'al co ba junjun on, yet watx' c'am chon ikbelaytok yin yobtakil yetok, cax c'am chon ayc'ayi. 2 Co col-lejek co ba, yet watx' chi techaj yail juj co masanil. Ta chi co col-lej co ba, lanan jiken ley Cristo masanil. 3 Ta ay mac miman yelapnok naoni, c'am pax jabok yelapnok, ac'al oc chi yetnej ba naon tx'oklil. 4 Yowalil chi co beyc'ulnej co beybal yul jet junjun on. Ta chi jut axca tu', ok je' yaj can co tzalojc'ulal yuj co beybal junjun on. Man yowalilok ok co na' yin is beybal junokxa mactxel, ta yel watx' on yintak. 5 Yujtol junjun on, yowalil ok jak' co cuenta bay Dios, atac'ala' tzet abilcan oc yul co k'ab. 6 A eb chon cuyon yin k'anej Dios, yowalil chon colwaj jak'on masanil tzet watx' bay eb. 7 Manchak jetnej co ba co naoni tol chi je' jion aytek sat Dios. C'am junok mac chi je' yion aytek sat Cham. A tzet chi jawa', a' chi co waj sat. 8 Ta chi jun tzet chi yochej co yob ochwanilal, ok co cha' is pak yuj co yob ochwanilal ti', a ton camich. Palta ta a tzet chi yochej Yespíritu Dios chi jun xin, ok co cha' is pak bay Cham Espíritu tu', a ton co k'inal tol ayc'al yin tojbalk'inal. 9 Yuj tu', watx'okabc'al chi jut co beybal, c'amokab chi ispay aj juj. Ta c'am chi co bekek ay co watx' beybal ti', ok co cha' is pak yet ok jay tiempoal paktzelayi. 10 A tinani', yak'ban chi je' co colwaj bay eb jet animail, yowalil watx'okab chi jut co c'ul yin eb. Mawal bay eb jet creyenteal, yelokab watx' chi jut co c'ul yin eb. 11 Ilek wal juntzan mimek letra chin tz'ibejtok ayin caw ayex ti'. 12 Ay eb chi ochen chex yak' pural e yak'on circuncidar e ba; palta toc'al chi yochej eb watx' chi can eb yul sat eb yet animail. C'am chi yochej eb chi ajc'ulnelayi, axca chi yun yajc'ulnelay eb tol asan yin is camichal Cristo yin te curus ayoc is nabal. 13 Caxc'al chi ak'lay circuncidar eb, palta c'am chi ikchaj masanil tzet chi yal ley Moisés yuj eb, palta chi yochej eb che yak' circuncidar e ba, yet watx' chi maynej ba eb e yin, yujtol max pol-lay oc jun yechelej tu' yin e mimanil. 14 Palta ayin ti', c'am junok tzet chi wi' can in ba yin. Asan camichal Cham Jajawil Jesucristo yin te curus chi wiaj can. Yuj is camichal Cham tu', xan c'amxa yalon yet yulyibank'inal ti' win, axca tol camnakxa el yul in sat. Cax axca tol camnak inxa c'apax el bay yulyibank'inal ti', yujtol c'amxa walon wet yin. 15 Ta chi co junanej co ba yetok Cristo Jesús, c'amxa yelapnok, ta ak'bil on circuncidar ma c'amak. Ta q'uexchajnakxa co nabal, a wal jun tu' caw miman yelapnok. 16 Masanilc'al mac chi beybalnen juntzan cuybanilej ti', a ton eb tu' yel wali, israel eb yul sat Dios, yujtol is conob yayji eb. Yak'okab Dios junc'ulal bay eb, cax ok'okab c'ul yin eb c'apaxok. 17 A tinani', c'amokab junok mac chin etneni, yujtol a juntzan yechel yas ayoc win ti', a' chi tx'oxk'abnen elok, tol yak'omal in serbil Cham Jajawil Jesús. 18 Ex wuẍtak, ex wanab, yak'okabc'al Cham Jajawil Jesucristo is watx'c'ulal ayex e masanil bay tu'. Yunokabi.
1 Ayin Pablo in ti', chekbej in Jesucristo, yujtol axca ti' max el yin c'ul Dios. Ti chin tz'ibejtok jun in carta ti' ayex ex yet-xa Dios bay conob Efeso. Caw yikem ex bay Cristo Jesús. 2 Yak'okab co Mam Dios, yetok Cham Jajawil Jesucristo is watx'c'ulal, c'al is junc'ulal ayex bay tu'. 3 Jalek watx' k'anej bay co Mam Dios Cham is Mam Cham Jajawil Jesucristo. Max yak' Cham masanil juntzan watx'ilal yet Cham Espíritu ayon, juntzan tzet yetal ay bay satcan, yujtol junxanej jayji yetok Cristo tinani'. 4 Sic'bilonxa el yuj Dios yin Cristo, yettaxc'al manto tz'unchaj yulyibank'inal ti', yet watx' asannej Cham ay yalon yet jin, c'amxa jabok co paltail yul sat. 5 Xiwil is camc'ulal Cham jin. Yuj tu', payxatax max na', tol ok on yaoc yuninalok yuj Jesucristo, yujtol axca tu' max el yin c'ul. 6 Yuj tu', chi jal watx' k'anej bay Cham, yujtol caw wal miman yelapnok is watx'c'ulal. Max yak' Cham is watx'c'ulal ti' ayon, yujtol junxanej jayji yetok is C'ajol, Cham caw wal camc'ulnebil yuj. 7 Max on is colil Cham yetok chiq'uil is C'ajol tu', yet max cam Cham juj. Max tan co yobtakil yuj, yujtol miman is watx'c'ulal Cham. 8 Max yak' is watx'c'ulal tu' ayon yin c'amxa yalbanil, atac'ala' is jelanil, c'al jantak yojtak Cham. 9 Ay jun tzet nabilxa yuj Dios, tol t'inan yion ba yuj Cristo axca chi yochej. C'am junok mac ojtaknen jun ti' payxa. Palta tinani', a' chi ak'on jojtaknej elok. 10 A yet ok jay tiempoal, cax ok yunen el jun is yochwan tu', yujtol a yet tu' ok watx'nej oc masanil mactxel yetok masanil tzetak yetal, a ton tzetak yetal ay bay satcan, c'al tzetak yetal ay yulyibank'inal ti'. Junxanej ok yut yaoncan oc masanil yalan yikbej. 11 Sic'bil onxac'alta' el yuj Dios yettax payxa, yuj co chaon co satak ok yak' ayon, yujtol junxanej jayji yetok Cristo. Ok yunc'alta' jun ti' axca yochen Dios, yujtol a' chi ak'on yun masanil tzet axca chi yochej. 12 Ayon ti', babel max jaoc Cristo yipok co c'ul. Yuj tu', max el yin c'ul Dios, tol juj, xan chi al-lay watx' k'anej bay, tol xiwil is watx'il. 13 Axa pax ex ayex ti' xin, yet max e yaben jun abix caw yel, jun yabixal co colbanil, max e yaon oc e c'ul yin Cristo jetok. Yuj tu', junxanej max e yuncan yetok. Max oc Cham Espíritu Santo e yin axca chi yun yoc selloal junok tzet yetal. Yuj tu', miman txequel, tol yet exxa Dios. Yak'nakcan Dios is ti', tol t'inan yaontek Yespíritu tu' ayon. 14 Yuj Cham Yespíritu ayxa oc jin tu', xan jojtak tol yel ok co cha' jun co satak ok yak' Dios ayon. A yet tu' ok tz'aknaj co colbanil, xan ok al-lay watx' k'anej bay Dios, tol xiwil is watx'il. 15 Max wabej, tol caw che yaoc e c'ul yin Cham Jajawil Jesús. Ay ab c'apax e camc'ulal yin jantak eb yet-xa Dios jetok. 16 Yuj tu', junjuntak el chin txajli e yuj, chi wal yuj diosalil bay Dios e yuj. 17 A Cham is Diosal Cham Jajawil Jesucristo, a ton co Mam tol caw wal miman yelapnok, chin k'an bay, tol chi yak' is jelanil ayex yuj is Yespíritu, yet watx' chi te'xac'al nachaj el e yuj tzet ak'bil jojtaknej elok. Catatu' bian, ok e yojtaknej wal el co Mam Dios. 18 Chin k'an bay tol chi jak e nabal, yet watx' chi nachaj el e yuj, tzet ayoc yipok co c'ul, jun bay awtebil on yuj Dios. Axa nachaj el e yuj tu', tol xiwil watx'il jun co satak ok yak'a', yujtol yetonxa. 19 Chin k'an c'apax bay, tol che yojtaknej elok tol caw wal miman is yipalil, cax chi je' yuj masanil. Ayoc jun is yipalil tu' jin, yujtol chi jaoc co c'ul yin. Tx'oxbilxa is yipalil tu' sic'libil 20 yet max yak'on ictzoj aj Cristo xol eb camnak, cax max chotban ay bay is watx' k'ab bay satcan. 21 Yuj tu' xan caw miman yelapnok Cristo yintak masanil eb yajaw, c'al yintak juntzanxa eb ayoc yajawilal yetok, yintak eb ay is yipalil tol man txequelok, c'al yintak eb ay yopiso yin yajawilal. Miman yelapnok yintak masanil eb chi binaj yet jun tiempoal ti', c'al yet yajtok tu'. 22 Maxc'al yaoc Dios masanil tzetak yetal yul k'ab Cristo. Max yak'on c'apax yopiso yoc Yajawilok is yiglesia, axca tol is jolom iglesia tu' yayji. 23 A yiglesia tu', axca tol is mimanil yayji. A' chi ak'on tz'aknaj el Cristo, cax axa Cham chi ak'on tz'aknaj el masanil tzetak yetal.
1 A yet yalantok, axca tol camnak ex el yul sat Dios yuj e yec'nakilal c'al yuj e yobtakil. 2 Yujtol asannej beybal yulyibank'inal ti' max e beybalnej. Max e beybalnej axca yochwan nak ay yopiso yajawbi xol cak'ek' ti'. Ac'al oc jun espíritu tu' chi ak'wi c'ulej bay eb man yikemok bay Dios tinani'. 3 Axca ton ti' max jut co ba co masanil yet yalan. Max jun axca chi yochej co nabal. Asannej yin juntzan tzet man watx'ok chi yochej oc co mimanil ti', max jaoc co nabal, yujtol comonc'al chon yikbaj co nabal tu'. Yuj tu', t'inan tit jun miman yailal jiban, axca ok yun jay yiban juntzanxa anima. 4 Palta a Dios, caw miman is watx'c'ulal jin. Xiwil is camc'ulal jin. 5 Yuj tu', caxc'al axca tol camnak on yul sat yuj co yobtakil, palta max yak' co k'inal yuj Cristo, xan yuj is watx'c'ulal Dios chex colchaj jetok. 6 A' max con ictzonen aj yetok Cristo Jesús. Chotan onxa ay satcan yetok Cristo yul sat tinani'. 7 Max yun Dios axca ti', yet watx' a yet ok jay jun tiempoal yet yajtok tu', cax ok tx'oxk'abnen elok tol xiwil is watx'c'ulal jin, cax ok tx'oxk'abnen c'apax el is camc'ulal ayon, yujtol junxanej jayji yetok Cristo Jesús. 8 Yuj is watx'c'ulal Dios xan max on colchaji, yuj chi jaoc co c'ul yin. A jun ti', mayonnak max co watx'nej, asan Dios chi ak'on ayon. 9 Man yujok junok tzet watx' chi el juneni, xan chon colchaji, yuj tu' xan c'am junok on chi je' co maynen co ba. 10 A Dios max on watx'nen oc yin Cristo Jesús, yet watx' chi jun juntzan watx' unbenal. Payxatax nabil yuj, tzet watx' unbenal ok yak' co beybalnej. 11 Yuj tu', naektek, tzet e yayji ayex mayex israelok. A eb wet israelal tol ak'bil circuncidar, yalnak eb e yin tol mayex yetok Dios, yujtol man ak'bilok ex circuncidar. 12 Naek c'apaxtek tol a yet yalan, c'amto oc Cristo e yetok, c'am e yalon e yet yetok eb wet israelal. C'am c'apax e yalon e yet yin juntzan trato Dios max yak' jetok, yet max yak'on is ti' ayon israel on ti'. Ayex ton ec' yulyibank'inal ti', palta c'am junok tzet watx' e yaon oc yipok e c'ul, yujtol c'amto oc Dios e yetok. 13 Caxc'al najatil max e yintaknej el Dios yet yalan, palta tinani', ayexxa ec' c'atan, yujtol jujc'al max cam Cristo yet max el is chiq'uil. 14 Asan Cristo ak'om junc'ulal ayon. Ayex ti', caw wal e yajc'ul e ba yetok eb wet israelal yet yalan, palta a Cristo max ak'on tan jun caklejbail tu' co xol. Yuj tu', a yul sat Dios, junxanej conobal e yayji jetok tinani'. 15 A yet max cam Cristo, max yak'oncan lajwok ley, a ton juntzan chekbanilej tz'ib yayjicanok. Yetok c'apaxok, junxanej max ex yutcan yetok eb wet israelal. Yuj tu', junxanej conobal jayji yul sat Cham tinani', yujtol junnej jayji yetok, xan axca ti' max yut yak'on junc'ulal ayon. 16 Yujtol a yet max cam Cristo yin te curus, max yak'on lajwok caklejbail e nan e xol yetok eb wet conob. Yuj tu', junxanej jayji co masanil tinani'. Yetok c'apaxok, yujtol max cami, xan junc'ulalxa ayon yetok Dios tinani'. 17 Max ul yalil Cristo is watx' yabixal junc'ulal ayon co masanil. A ayon israel on ti', yettaxc'al yalan, axca tol cawilalxa Dios ayon ec'ok. Yak'ban ex pax xin, axca tol najattoc'al ayex elok, palta max yak' Cristo jojtaknej elok, cax max tx'oxk'abnen c'apax el ayex, tzetbil chi yun joccan yin junc'ulalil yetok Dios. 18 Yuj tu', caxc'al israel on, caxc'al c'amak, palta yuj Cristo, xan ayxa jalon jet jalon co ba bay Dios tinani', yujtol junnej Cham Espíritu max yaoc jin. 19 A yet yalan, tx'ok conobal e yayji yul sat Dios. Axa tinani xin, manxa axcaok tu' e yayji, yujtol is conob exxa yetok masanil eb yet-xa tinani', cax yuninal exxa c'apax yetok eb. 20 Axca junok na mayal watx'ji, cayex tu'. Ayon chekbej on Jesús ti', c'al yetok eb yalomal el is k'anej Dios, axca tol ayon anejcan ay yich. Ayex xa xin, axca tol ch'en latz'bil ajtok yiban jun yichej tu'. Axa Jesucristo xin, axca junok ch'en ayoc bay txiquin na, axca tu' yayji ayon. 21 Yuj Cham xan watx' chi yun mitx'len ba jun na tu' yaji, yet watx' chi oc temploal tol asan Cham Yajaw ay yet. 22 A tinani', junxanej e yayji yetok Cristo, xan max ex oc yatutok co Mam Dios jetok, yujtol max oc cajan jin co masanil yujtol cajan oc Cham Yespíritu jin.
1 Yuj juntzan chi wal ti', xan chin txajli e yuj. Ayin Pablo in ti', preso wayji, yujc'al tol chi wak' serbil Cristo Jesús e nan e xol ex mayex israelok. 2 E yojtakxa, tzetbil tol asan yuj watx'c'ulalil Dios xan max yaoc evangelio yul in k'ab, a ton k'anejal yet colbanilej, yuj walon el e nan e xol. 3 A jun tzet manto ojtakbilok yet yalan, max tx'oxk'abnej el Dios ayin. Max yak' wojtaknej elok, axca ta' walontok jabok ayex yul jun in carta ti'. 4 A yet ok e yilon aj tzet chin tz'ibejtok ti', ok nachaj el e yuj, tol wojtak is cuybej Cristo, yujtol ak'bilxa ayin yuj. 5 A yet payxa, maj ak'lay ojtaknelay el jun ti' axca yayji tinani'. A tinani' a Yespíritu Cham max ak'on wal jojtaknej el juntzan ti', ayon is chekbej on ti', c'al eb yalomal el is k'anej, tol yet onxa Cham. 6 Tix ton juntzan max ak'lay jojtaknej el ti', tol ayex mayex israelok ti', a yet che yaon oc e c'ul yin is k'anejal yet colbanilej ti', cax chex oc yuninalok Dios jetok ayon israel on chi jaoc co c'ul yin ti'. Yuj Cham, xan ok e cha' e k'inal jetok. Axca tol junxanej animail jayji yul sat. Max yak' Dios is ti' yuj tzet t'inan yak'on ayon yin Cristo Jesús. Jun lajanxa e chaon jun tu' jetok. 7 Ayin ti', caxc'al man in mojok, palta yak'nak Dios wopiso walon el k'anejal yet colbanilej ti' e nan e xol yuj is yipalil. 8 Masanil eb yet-xa Dios wetok, ec'ban yelapnok eb wintak. Caxc'al c'am junok eb miman welapnok yintak, palta yuj is watx'c'ulal Dios, xan yak'nak wopiso. Yuj tu' xan chi ec' walcan el e nan e xol, ayex mayex israelok, tol c'am yalbanil jantak is watx'il Cristo. 9 A Dios watx'nejnak masanil tzetak yetal. Palta a yet c'amto chi watx'nej, cax max naon canok, tzet ok yut yak'on co colbanil. C'amto jun ti' chi ak'lay ojtaknelay el payxa, palta tinani', yak'nakxa wopiso wak'on ojtaknelay elok. 10 Yuj tu', masanilc'al eb yajaw yayji satcan, c'al jantak eb chi ak'on cuenta bay tu', yet ok yilon eb tzetbil jayji ayon yiglesia onxa ti', ok nachaj wal el yuj eb, tol xiwil ton is jelanil Dios. 11 Yettax manto watx'jok yulyibank'inal ti', max naoncanok tzet ok on yutej. Yuj Cham Jajawil Jesucristo xan max yuncan el jun is nabal tu'. 12 Yujtol chi jaoc Cristo yin co c'ul xan ayxa jalon jet jalon co ba bay Dios. C'amxa chon xiw co txajli bay, yujtol junxanej jayji yetok Cristo. 13 Yuj tu', chin tewitok ayex, tol manchak e yak' somchaj e nabal yuj juntzan yailal ayoc wiban e yujc'al ti', yujtol ok oc e watx'ilok. 14 Yuj tu', chin ay jajan satak Dios, a ton co Mam yayji ocok. 15 A' ayoc yin tx'oxbanilejal masanil makanil eb mamej bay yulyibank'inal ti', c'al bay satcan. 16 Xiwil watx'il co Mam Dios. Yuj tu', chin k'an bay, tol chi yak' wal tec'anil e nabal c'al is yipalil ayex yuj Cham is Yespíritu. 17 Chin k'an c'apax bay, tol chi ayjic'al ec' Cristo e yin, yujtol che yaoc Cham yin e c'ul. Ta axca tu xin, ok ch'ib wal e camc'ulal. Axca junok te te' caw mimek yin xe', caytu' ok e yuncan elok. 18 Axa nachaj wal el e yuj tu', c'al yuj masanil eb jet creyenteal, tol a is camc'ulal Cristo jin, caw wal miman, cax manxa wal jantakok. 19 Caxc'al c'am bak'in ok nachaj el juj, jantak jun is camc'ulal tu', palta chi wochej che yojtaknej elok. Yetok c'apaxok, chi wochej chi ayjic'al oc Dios e yin sic'libil. 20 A tinani', jalek watx' k'anej bay Dios, yujtol ec'ban tzet chi je' yunen Cham, yintak tzet yetal chi co k'an bay, ma yintak tzet chi co na', yujtol ay ton is yipalil jeon yuj yunen masanil tzetak yetal jin. 21 Mimanbilokab Dios juj yin tojbalk'inal, mac on ayon oc tz'akok yiglesia ti', c'al yuj Cristo Jesús c'apaxok. Yunokabi.
1 Ayin ti', preso wayji, yujtol chi wak' serbil Cham Jajawil. Chin tewitok ayex, tol caw wal watx'okab c'al che yut e beybal. Moj tol watx' che yut e ba, yujtol awtebil ex yuj Dios yuj e yoc yetok. 2 Yaynakilokab che yut e ba, cax manso che yut e ba. Ak'ek techaj eb yob chi yut ba ayex. Miman che yut e c'ul junjun ex. Yetok c'apaxok, camc'ulnejek e ba. 3 A Cham Espíritu Santo chi ak'on chalej ba co nabal. Yuj tu', ak'ek e yip yet watx' junc'ulalokabc'al ayex. Ta axca tu', junxanej ok e yuncanok. 4 Yujtol ayon ti', axca tol junnej animail jayji. Junnej Cham Espíritu ayoc jin. Junnej tzet chi jaoc yipok co c'ul, a ton jun bay awtebil on ocok. 5 Junnej Cham Jajawil. Junnej mac chi jaoc co c'ul yin. Junnej mac yin ak'bil on bautizar. 6 Yetok c'apaxok, junnej Dios, Cham co Mam co masanil. A ton Cham Yajaw yin masanil. A Cham chon k'anbalnen junjun on. A c'apax Cham ayoc jin co masanil. 7 Palta tx'ok tx'ok jopiso chi ak'layi, atac'ala' tzet chi yak' Cristo ayon junjun on. 8 Yuj tu', a yabixal Cristo tz'ib yayjican yul tx'an Un, chi yal axca ti': A yet max ajtok, max yiajtok yetok eb preso yayji. Yetok c'apaxok, max yak' sabal bay eb anima, ẍi. 9 Chi waltok ayex, tzet chi yal elapnok jun tol max ajtok. Chi yal axca tu', yujtol a yet c'amto chi paxaj Cristo, max bet aytok bay jun lugar najat yich yul tx'otx'. 10 A Cham betnak aytok tu', a' max paxaj bay satcan, yet watx' tz'akan makbil yuj Cham masanil. 11 A juntzan sabalej chi yala', a ton juntzan opiso chi yak' ayon junjun on. Ay on is chekbej jayji. Ay on chi je' jalon el is k'anej. Ay on chi jalil k'anejal yet colbanilej. Ay on chi ak'lay jak' cuenta eb jet creyenteal, cax chi co cuyon c'apax eb. 12 Axca ti' max yut yak'on juntzan opiso ti', yet chon cuylay ayon yet onxa Dios ti', yin jak'on serbil Cham, c'al yin jak'len tec'anil co nabal junjun on, yujtol ayon ti', axca tol is mimanil Cristo jayji. 13 Chi yak' juntzan opiso ti' ayon, yet watx' jun lajan jaon oc co c'ul yin, cax ok jojtaknen wal el Cham C'ajol Dios. Ta axca tu', ok yi' wal yip co nabal. Lajanxa ok yun co nabal axca Cristo, tol c'am jabok is paltail. 14 Yujtol chi yochej tol manxaokab lajanok on axca eb unin c'un somchaj el is nabal. A tinani', ay eb chi somchaj el nabal yuj juntzanokxa tx'ok cuybanilej chi al-lay bay eb. Lajan eb axca junok barco toc'al chi tz'eytz'on ec' yuj cak'ek'. Chi ilay aytek sat eb yuj juntzan eb jelan yin lek'tial. A eb tu', chi yochej eb chon yitok yin junokxa comon beybalej. 15 Palta ayon ti', yowalil asan tzet yetal yel chi jala', co tx'oxek el camc'ulal. Yowalil chi jic'al jip, yet watx' lajan chi junel axca Cristo, yujtol axca co jolom, caytu' yayji ayon. 16 Ayonxa xin, axca tol is mimanil jayji. Axca co mimanil ti', mitx'bomba c'al yayji is tx'anil, caw watx' yayji junjun tzet ayoc yin, axca tu' jayji yuj Cristo, yujtol a' chi ak'on jip co masanil. Lanan co mulnaj junjun on, yet watx' chi te'xac'al yi yip co nabal, cax chi jay wal co camc'ulal. 17 A juntzan ok waltok ayex ti', chekbanil Cham Jajawil. Manxaokab lajanok che yut e beybal axca eb manto ojtaknenok Dios, yujtol ikbabil is beybal eb yuj is nabal c'am yelapnok. 18 Caw k'ekk'inal ay is nabal eb. C'am chi yak' Dios jabok is k'inal eb tol ayc'al yin tojbalk'inal, yujtol c'am jabok chi nachaj el yuj eb yuj is pitalil eb. 19 C'am jabok chi q'uixwi eb. Tol chi yaxac'altok ba eb xol ajmulal. Tol chi ajc'al can eb yunen jantak tzet man watx'ok. 20 Palta ayex ti', man axcaok tu' max e yut e cuyon yet Cristo, 21 tatol a yabixal Cham max e yabej, cax max e cuyon is beybal tol chi chalej ba yetok jun k'anej yel. 22 Yowalil che bekcan e yicham beybal yin junelnej, yujtol a e yicham beybal tu', etaxnak el yuj juntzan tzet che yochej ocok. 23 Yuj tu' yowalil chi watx'jic'al oc e nabal junjun c'u. 24 Yowalil che cha' q'uexchaj e nabal, che chaon junok ac' nabalej chi watx'nej Dios axca chi yochej. Ta axca tu xin, tutun wal yel, watx' tzet ok e beybalnej, cax watx'c'al ok e yut e ba. 25 Yuj tu', manchakxa e yak' lek'tial. Asannejokab tzet yetal yel che yal-lej ayex junjun ex, yujtol axca tol junnej animail jayji co masanil. 26 Ta ay bay chi tit jowal, manchak jun junok tzet yetal man watx'ok yuj jowal tu'. Maj je' tol ayc'al ec' jowal yin co c'ul tu', cax chi aycan aj c'u. 27 Manchak jak' yochwan diablo yetnen el co nabal yin yayjic'al ec' yowal co c'ul. 28 Ta ayon elk'om on yet yalantok, manchakxa on elk'an tinani'. Palta watx' chon mulnaj yin junok mulnajil watx', yet watx' ayonxa ok je' co colwaj bay juntzanokxa mac c'am tzet ay. 29 Manchak jal juntzan yobal k'anej. Asanokab k'anej watx' chi jala', yet watx' chi watx'ji oc nabal eb chi abeni, cax chi yion wal eb yip juj. 30 Manchak co tx'em cus Cham Espíritu Santo yet Dios ayoc jin junjun on, yujtol a Cham max alay oc jin junjun on, axca chi yun yalay oc selloal junok tzet yetal. Yuj Cham, xan jojtak tol yet onxa Dios, yak'ban chi jechbanej jay c'ual yet ok tz'aknaj el co colbanil. 31 Co bekekcan masanil chichonc'ulal, c'al k'ak'alc'ulal. Manokab comonok chi tit jowal. Yetok c'apaxok, manokab comonok chi aj jaw co tzuwaji. Co bekekcan junen masanil tzet man watx'ok. 32 Watx' chi jut co nabal ayon junjun on. Ok'okab co c'ul jin junjun on. Yetok c'apaxok, co joek c'ay co yobtakil ayon junjun on, axca max yut joon c'ay Dios co yobtakil yuj Cristo.
1 A ayon yuninal onxa Dios ti', camc'ulnebil onxa yuj. Yuj tu', yowalil chi co beybalnej axca is beybal. 2 Co tx'oxk'abnej el co camc'ulal junjun c'u, yujtol axca tu' max con yut camc'ulnen Cristo, yet max yak'on ba cam juj. Axca no calnel chi ak'lay cam yin xajanbalil sumumi yoc jab chi yab Dios, cax chi cha' c'ul, axca tu' max yun Cristo yet max cam juj. 3 A tinani', yet onxa Dios. Yuj tu', caxc'al toc'al chi jaltek jabok mulej, ma junokxa tzet man watx'ok chi el yunen eb anima yetok is mimanil, ma pek'alil yin yobal, tutun c'am chi je' jalontek. 4 Yetok c'apaxok, c'am chi je' jalontek tzet q'uixwiltak yali, c'al comon k'anej. C'am chi je' jalon yobal k'anej, yujtol a juntzan tu', manxa co mojok jaloni. A ti jet, watx' tol chi jal watx' k'anej bay Dios. 5 Jojtakxa, tol a eb ajmul c'al eb tzanc'al tzet man watx'ok chi el yunen yetok is mimanil, c'al eb pek' yin yobal, c'am yalon yet eb yoc yul k'ab Cristo, c'al yul k'ab Dios. Ta pek' on yin tzanc'al tzet yetal, axa yul sat Dios, axca tol lanan yoc jun tu' co diosalok. 6 Manchak e yak' e ba etnelay yuj eb chi aloni tol c'am yowalil junen juntzan chi wal ti'. Caw man yelok chi yal eb, yujtol a yiban eb chi unen juntzan ti', ok jay jun miman yailal yuj yowal c'ul Dios, yujtol c'am chi yikej eb tzet chi yal Cham. 7 Yuj tu', man comonok che yaoc e ba yetok eb. 8 A yet yalan, axca tol k'ekk'inal yayji co nabal. Axa tinani xin, axca tol sakk'inalxa yayji, yujtol junxanej jayji yetok Cham Jajawil. Yujtol ayonxa oc yin sakk'inal tinani', yuj tu' yowalil watx' chi jut co beybal. 9 Ta yel ayonxa oc yin sakk'inal, watx'okab chi jut co ba, tojolokabc'al chi jut co nabal. Asanokab tzet yetal yel chi jala'. 10 Co cuy co ba yin juntzan tzet caw wal watx' yul sat Dios. 11 Manchak jaektok co ba xol juntzan tzet chi el yunen eb k'ekk'inalto yayji is nabal, yujtol a tzet chi el yunen eb, c'am wal jabok yopiso. Yel watx' chi jala', cax chi co tx'oxk'abnen elok, tol c'am jabok yopiso juntzan tu'. 12 Yujtol a tzet chi el yunen eb yin ewantakil, q'uixwiltakxac'al jalontek. 13 Tzanc'al tzet yetal chi alay oc bay sakk'inal caw wal miman txequel yili ocok, 14 yujtol a sakk'inal chi ak'on txecloj el masanil tzetak yetal. Yuj tu' xan chi ali axca ti': Ach axca tol waynak ach elok, iel a wayan. Ajan wan xol eb axca tol camnak yayji, axa Cristo ok ak'on sakk'inal ayach, ẍi. 15 Yuj tu', chi cam jilon tzet chi el co beybalneni, manokab axcaok eb c'am is nabal yul sat Dios, palta ayokab co nabal. 16 Jak'ek jip yin yet Dios, yak'ban wal ayto jabokxa tiempo, yujtol a jun tiempo ti', yobxac'al junjun c'u. 17 Manchak jut co ba yin c'am nabalil. Jak'ek jip jojtaknen el tzet chi yochej Dios chi co beybalnej. 18 Manchak jak'xac'al c'ay co c'ul yuj an, yujtol a an tu', chi etax el co nabal yuj. A ti' jet, yajawokab Cham Espíritu Santo jin. 19 A yet chi co wajban co ba, co bitnejek salmo, yetok himno, c'al juntzanokxa bit yet Dios. A yet chon bitni, lanan jalon watx' k'anej bay Cham Jajawil yin masanil co c'ul. 20 Yinokab bi Cham Jajawil Jesucristo chi jalek yuj diosalil bay Dios yin tojbalk'inal yuj masanil tzet chi jay jiban. 21 Yikemokab chi jut co ba junjun on yuj co xiwc'ulal bay Cristo. 22 Ex istzilej, yikem che yut e ba bay e yichamil junjun ex, axca che yut e ba bay Cham Jajawil. 23 Yujtol a e yichamil ay yikbej e yiban, axca c'apax Cristo ay yikbej yiban is yiglesia. A ton co Colomal c'apaxok, axca tol is mimanil jayji. 24 Mac on ayon oc tz'akok yiglesia ti', yikem chi jut co ba bay Cristo. Cay ex c'apax tu' ex istzilej, yowalil caytu' che yut e ba bay e yichamil. Yikem che yut e ba, cax che yiken masanil tzet chi yal e yichamil ayex. 25 Axa ayex ex ichamilej, caw che camc'ulnej e yistzil, axca chi yut camc'ulnen Cristo is yiglesia. Ilab tol max yak' ba cam juj, 26 yuj con yion oc yetok, yet max on sakbanen yuj aej c'al yuj is k'anej. 27 Axca ti' max con yut ayon yiglesia on ti', yet watx' watx' on yul sat, yet ok on apnok oc satak. Yujtol a bay tu', c'amxa co yobtakil, tamwal co c'am watx'ilal. C'amxa junok tzet yob ayoc jin. Asanxanej yin ok jaoc co nabal. C'amxa jabok co paltail bay tu'. 28 Ac'ala' ex ayex ichamilej ex, cayokab tu' che yut e camc'ulnen e yistzil. Ta che camc'ulnej e yistzil, axca wal tol ayexc'al oc che camc'ulnej e ba. 29 Tok ay junok on chi jetnej co mimanil palta tol chi co ya'ilnej co mimanil co masanil, cax chi jak'on c'apax serbil. Caytu' chon yut c'apax Cristo ayon yiglesia on ti', 30 yujtol axca wal tol is mimanil jayji. 31 Yuj tu xin, a nak winak, ok bekcan is mam c'al is txutx, yuj junanen ba nak yetok yistzil, xan axca wal tol junxanej mimanilejal chi yuncan el eb cawanil, ẍi yul tx'an Un. 32 A jun tzet chi wal ti', caw wal miman yelapnok, palta a yin tzetbil yayji Cristo yetok yiglesia chi wala'. 33 Ay c'apax yelapnok e yin ex ichamilej, tol che ya'ilnej e yistzil, axca che yut e ya'ilnen e ba junjun ex. Ay c'apax yelapnok e yin ex istzilej, tol ayokab yelapnok e yichamil yul e sat junjun ex.
1 Ex uninalej, yikem che yut e ba bay e mam c'al bay e txutx, yujtol yet exxa Cham Jajawil, e moj ton axca tu' che yunej. 2 Ay jun mandamiento chi alon axca ti': Ayokab yelapnok e mam c'al e txutx yul e sat, ẍi, a ton jun babel mandamiento tol ibil oc albenal yuj bay eb yikem, yujtol chi yal c'apaxok: 3 Yet watx', watx' ok ex elocok, cax ok najatilbok e k'inal bay sat tx'otx' tx'otx' ti', ẍi jun mandamiento tu'. 4 Axa ayex ti' ex mamej, c'al ex txutxej, man comonok che tx'em caktzajtek yowal e yuninal. A ti' e yet, ilek ch'ib eb, ak'ek cuenta eb, che cuy eb yin is cuybej Cham Jajawil. 5 Axa ex mosejal e yayji, ikejek tzet chi yal e patrón bay yulyibank'inal ti'. Ayokab yelapnok eb yul e sat. Xiwanek bay eb. Yelc'ulal chex mulnaj yin is mulnajil eb, axcaokab tol mulnajil Cristo che yila'. 6 Manokab asannejok yet chex yilon eb chex mulnaji, yet watx' chi tzaloj oc eb e yin e naoni, palta mulnajanek yin masanil e c'ul, axca chi yochej Dios, yujtol a Cristo lanan e yak'on serbil. 7 Mulnajanek yin tzalojc'ulal, yujtol axca tol a bay Cham Jajawil chex mulnaji cax manak bay junok anima. 8 Jojtakxa, tol caxc'al mosejal on, ma caxc'al jet co ba, ok co cha' co paktzil junjun on bay Cham Jajawil, atac'ala' tzet chi el junen junjun on. 9 Axa ex patronej, axcaokab tu' che yut c'apax e ba bay e moso. Manokab owok che yut e ba bay eb. Naektek tol a bay satcan ay jun chex chekon yetok eb, a ton Cham Jajawil. A yul sat Cham, lajan e yelapnok yetok eb e moso tu'. 10 A tinani' ex wuẍtak, ex wanab, caw tec'anokab chi jut co ba yul k'ab Cham Jajawil. Ji'okab co tec'anil yuj is yipalil. 11 Co chaek tzet chi yak' Dios ayon; axca is mitx'k'ab soldado, axca tu' yopiso juj juntzan tzet chi yak' ayon tu', yet watx' chi je' co tec'ban co ba bay nak diablo, yet chi yak'lej on yak'on ayc'ay yetok is jelanil. 12 Manak yetok junok comon anima lanan jak'len owal, palta tol a yetok juntzan espíritu ay is yipalil yunen tzet man watx'ok xol cak'ek', a yetok eb lanan jak'len owal, juntzan eb ay yopiso yin yak'on yajawilal, cax ayoc eb yajawilok tzet man watx'ok bay yulyibank'inal ti'. 13 Yuj tu', axca junok soldado chi k'anbalnej is mitx'k'abil owal, axcaokab tu' chi jut co mitx'k'abnen juntzan tzet chi yak' Dios ayon, yet watx' tec'an chi jut co ba, yet chi jay mimek owal. Ta chi co tec'baj co ba, ac'ala' co tec'anil yet ok lajwok owal. 14 Yuj tu', tec'anc'al chi jut co ba. Caw chi jaoc co nabal yin k'anej yel, axca eb soldado chi yaoc is cincho yet owal. Axca eb soldado chi col ba yetok jun ch'en pichilej chi jenbaj oc eb txam is c'ul, axca tu' chi yun co colon co ba yetok tojolal chi yak' Dios ayon. 15 Axca eb soldado chi yaoc eb xanab, cay on c'apax tu'. Chi jaoc co nabal yin jeltok jalon el k'anejal yet junc'ulal. 16 Tix junxa caw wal yowalil chi jun ti'. Axca k'anbalnen eb soldado makbal julbalej, cay wal tu' chi yun co colon co ba yin jaon oc Dios yin co c'ul masanil tiempo. Caytu' chi yun co paktzen julbal nak diablo ayoc k'ak'al. 17 Caw wal chi jaoc yipok co c'ul tol colchajnak onxa. Ta chi jaoc jun tu' yipok co c'ul, lajan on axca eb soldado chi yaj is ch'en toctor, cax a k'anej Dios ak'bil ayon yuj Cham Espíritu chi co k'anbalnej, axca chi yut k'anbalnen eb soldado is yespada. 18 Yetok c'apaxok, chon txajli masanil tiempo bay Dios, tol ikbabil on yuj Cham Espíritu Santo, yin co k'anon tzetak yetal bay. Caw chi jaoc co nabal co txajli. Manchak on caktzaj ajok. Chon txajlic'al yuj masanil eb yet-xa Dios jetok. 19 Txajlanek c'apax wuj, yet watx' chi yak' Dios nachaj el wuj, tzet ok wala', c'al yet watx' ac'ala' tec'anokab c'al walon el k'anejal yet colbanilej, jun tx'oxbil yuj Dios ayon. 20 A Dios ak'nej wopiso walon el jun abix ti'. Preso wayji tinani' yujc'al tol chi walilok. Yuj tu', txajlanek wuj, yet watx' tec'anokab in yin walon el axca chi yochej Dios. 21 A juẍtak Tíquico ti', tol camc'ulnebil juj, caw tec'an waay mulnaj yin yet Cham Jajawil. A ok tok alon e yabej, tzet wayji cayti', c'al tzet lanan wuneni. 22 Yuj tu', ti' chin chektok ayex, cax ok yalon ayex tzet jayji on, yet watx' ok tzaloj aj e c'ul juj. 23 Ex wuẍtak, ex wanab, yak'okab co Mam Dios c'al Cham Jajawil Jesucristo is junc'ulal, c'al is camc'ulal ayex. Chi wochej c'apax chex aj can e yaon oc e c'ul yin. 24 Ayokab watx'c'ulal Dios bay masanil eb chi camc'ulnen Cham Jajawil Jesucristo masanil tiempo.
1 Ayin Pablo in ti', yetok Timoteo, yak'omal serbil Jesucristo jayji. Ti chi jatok jun co carta ti' ayex e masanil ex yet-xa Dios aj Filipos, ex junxanej e yayji yetok Cristo Jesús. E yet c'apax yayji jun carta ti', ex anciano c'al ex diácono aj Filipos tu'. 2 Tx'oxokabc'al co Mam Dios c'al Cham Jajawil Jesucristo is watx'c'ulal c'al is junc'ulal ayex. 3 A yet chex in naontek junjuntak el, chi wal yuj diosalil bay co Diosal e yuj. 4 A yet chin txajli junjuntak el, chin txajli yin tzalojc'ulal e yuj e masanil. 5 Yujtol yecheltaxc'al max e chaon Cristo, masantac'al tinani', junxanej mulnajilal chi jun yin is k'anejal yet colbanilej tinani'. 6 Mayal chail Dios yich mulnaj oc e yin. A tinani', wojtak sic'libil, tol ok mulnajc'al oc e yin, masantac'al yet jun c'ual yet ok jay Jesucristo. 7 Caw wal chex in camc'ulnej; watx' ton tzet chin na ti', yujtol ayex ti' ayoc e colwal wetok yin wopiso max yak' Dios. Max ex colwajc'al wetok yet bekan wayji yin walon elok tol yel jun k'anejal yet colbanilej; lanantoc'al e colwaj wetok caxc'al ayin oc yul preso ti'. 8 Yojtak Dios tol caw chex in camc'ulnej e masanil yetok is camc'ulal Jesucristo ak'bil ayin. 9 Chin k'an bay Dios e yuj, tol chi aj can e camc'ulal, cax chi yak'on is jelanil ayex. Chin k'an c'apax bay, tol chex aj can yin nachaj el masanil is tzetak yetal, 10 yet watx' che yojtaknej wal elok baytet ay juntzan tzetak yetal watx' yul sat Dios, cax chi tojolbi wal oc e nabal, yet watx' a yet ok jay Cristo, c'amokab jabok e paltail yul sat. 11 Ok oc Jesucristo e yetok, yet watx' tojolc'al ok e yut e beybal. Ta axca tu', ok txecloj el e yin, tzetbil tol caw xiwil watx'il c'ul Dios, cax ok al-lay watx' k'anej bay Cham. 12 Ex wuẍtak, ex wanab, chi wochej c'apax chi nachaj el junxa ti' e yuj, tol a tzet max jay wiban ti', man yobok wet yuj, palta tol yuj, xan chi aj can pukax el k'anejal yet colbanilej tinani'. 13 Ilab tol masanil eb soldado c'al eb yajaw, c'al juntzanxa eb anima cayti', maxc'al yab eb masanil, tol asannej yujtol chi waoc in c'ul yin Cristo xan ayin oc preso. 14 A yet max yilon eb creyente, tol tec'an chi wut in ba yul preso ti', xan xiwil eb chi yi' wal tec'anil wuj. C'amxa chi xiw eb yalon el k'anej Dios cayti'. Caw chi tec'baj ba eb yin Cham Jajawil. 15 Yel toni, ay juntzan eb chi chichon oc c'ul win. Yujc'al tu' chi yalon el eb yabixal Cristo. Man yinok masanil c'ul eb chi yalon el eb, palta toc'al chi yi' can ba eb. A chi yochej eb tol chi aj can in cusc'ulal yul preso ti'. Palta ay pax juntzanxa eb xin, yin masanil c'ul eb chi yalon el eb, yujtol chin is camc'ulnej eb. Yojtak eb, tol ayin ec' cayti' yuj walon elok tol caw yel jun k'anejal yet colbanilej ti'. 18 Palta ayin ti', c'am tzet chin na' yuj juntzan ti'. Caxc'al yin masanil c'ul eb chi yalon el eb, caxc'al c'amak, palta chin tzaloji, yujtol a yabixal Cristo lanan yalon el eb. Ok jay wal in tzalojc'ulal, 19 yujtol wojtak, tol caxc'al chi wab yail tinani', palta watx' ok in elocok, yujtol lanan e txajli wuj. Watx' ok in elocok yujtol ayoc Cham Yespíritu Jesucristo wetok. 20 Yin masanil in c'ul, chi wochej tol c'am chi wak' in q'uixwilok. Chi wochej, caw tec'anc'al chi wut walon elok, axca tonc'al chi wut in ba ti'. Ta axca tu', caxc'al iquis in, ma chin cami, palta ok txeclojcan el win, tol caw miman yelapnok Cristo. 21 Yujtol ayin ti', a yet iquis in ec'ok, asan Cristo naan wuj. Axa yet ok in camok, ec'ban watx'il ok in elocok. 22 Ta iquis into ec' yulyibank'inal ti' jabokxa, chi je' in mulnaj jabokxa yin yet Cham Jajawil, palta ¿ma txequel baytal mi ay junok ec'ban watx'il? 23 C'am chi nachaj el wuj, baytet ay junok watx'. Chi wochej chin cami, yet watx' chi je' wapni ayman bay ayic' Cristo, yujtol ta axca tu' yelxac'al watx' wet. 24 Palta yuj e watx'ilok ayex ti', xan yowalil iquis into jabokxa bay yulyibank'inal ti'. 25 Yuj tu', wojtak sic'libil, tol ok into can janic'okxa e yetok. Ok ex in col jabokxa, yet watx' che yi wal e yip, cax chi jay wal e tzalojc'ulal, yujtol che yaoc Cristo yin e c'ul. 26 Yuj tu', ok in tok ayex junelxa, yet watx', tol wujc'al che yal e watx' k'anej bay Cristo Jesús. 27 Palta caxc'al ok in tok ayex, ma c'amak, watx'okabc'al che yut e beybal tol chi cha ba axca yalon Cristo yin is k'anejal yet colbanilej. Ta axca tu', ok wab e k'umal, tol ac'ala' tec'an e waayi, cax tol ac'ala' junnej nabalejal e yayji bay tu'. Ok wab c'apaxok, tol jun lajanc'al e yaon oc e c'ul yin jun k'anejal yet colbanilej tu', cax caw tec'an e waay yin. 28 Manchak ex xiw bay eb chi chichon oc c'ul jin. Caytu' ok e yut e tx'oxk'abnen elok, tol ok c'aycan el eb yin junelnej. Yetok c'apaxok, caytu' ok yun txecloj elok, tol ayxa co colbanil, yujtol caytu' ok yut Dios tx'oxk'abnen elok. 29 Yuj is watx'c'ulal Cristo max yak' ayon, tol man asannejok tol ay jalon jet jaon oc co c'ul yin, palta tol ay c'apax jalon jet jaben yailal yetok. 30 Ayex ti', jun lajan e yak'on e yip e tec'ban e ba wetok. E yilnak in, tol caw tec'an wutnak in ba e nan e xol. Axa tinani', lanan e yabeni, tol ac'ala' tec'anc'al chi wut in ba.
1 Chon yiptzej Cristo. Chi yak' co mimanc'ulal yuj is camc'ulal jin. Junxanej jayji yetok Cham Yespíritu tinani'. A Cham chi ak'on co camc'ulal yet watx' chi ok' co c'ul yin eb jet animail. 2 Yuj juntzan ti', xan caw wal junxanejokab che yut e nabal yin Cham. Jun lajanokab che yut e camc'ulnen e ba. Jun lajanokab che yut e naon masanil tzetak yetal. Jun lajanokab che yut e c'ul. Ta che beybalnej axca tu', ok jay in tzalojc'ulal e yuj cayti'. 3 C'am chi je' jion can co ba, cax chi co luesnen co ba, palta tol yaynakilokab chi jut co ba. Aokab chi jut co nabal junjun on, tol mimanokab yelapnok eb jet creyenteal jintak. 4 Manokab asannejok on chi co na co ba co tx'oklil, palta yowalilokab chi co na' c'apax tzet yayji oc eb jet creyenteal. 5 Lajanokab chi jut co nabal axca yutnak ba Cristo Jesús. 6 A Cristo, caxc'al Dios c'alta'a, palta max el wal yin c'ul, max bekoncan jun bay ay yalon yet yetok Dios. C'am jabok tzet max na' yet max bekoncanok. 7 Yuj tu', max bekcan masanil yet tu', cax max tita', max ul yuten ba chekbejal. Max ul yak' ba aljok yin animail. 8 A yet ayic' yin animail tu', caw yaynakil max yutc'al ba, cax yikemc'al max yut ba, toltax max yikej cami. Caw q'uixwiltak max yun cam yin te curus. 9 Yuj tu', caw mimanbil yuj Dios tinani'. A ak'nej jun is bi tol ec'ban yelapnok yintak masanil biej. 10 Caytu' yutnak Dios axca tu', yet watx', a masanil eb ay bay satcan, c'al masanil eb ay sat tx'otx' ti', c'al eb ay yul tx'otx', a yet ok yaben eb bi Jesús, ok ay jajan eb masanil satak. 11 Cax ok yalon eb masanil axca ti': A ton Jesucristo ayoc Jajawilok, ẍi eb. Axca tu' ok yun txecloj elok, tol caw miman yelapnok co Mam Dios. 12 Yuj tu', ex in camc'ulnebil, yikemokabc'al che yut e ba, axcac'alta' e beybal yet ayin ec' e yetok bay tu', cayokabc'al tu' che yut e ba yet c'am in ec' e yetok. Ayokab e yelapnok yul e sat junjun ex; ak'ek e yip yin yaynakilal, yet watx' chi tz'aknaj el e colbanil. 13 Yujtol a Dios ayoc jetok, a' chi ak'on jochej junen watx'ilal, cax a' chi ak'on c'apax jip junen is yochwan. 14 A yet chi ak'lay e yun junok tzet yetal, manokab yinok chichonc'ulal che yunej. Manokab xiwilok che yalubtanej tzet yuj xan chi ak'lay e yunej. 15 Manchak e yun axca tu', yet watx' c'am mac ok alxok tol ay e mul ma e paltail. Caxc'al ayex ec' nan xol anima yob beybal, cax yob is nabal, axa ayex yuninal exxa Dios ti', c'amxaokab tzet man watx'ok ayoc e yin axca eb tu'. Axca waycan chi joplajbi xol k'ekk'inal, cayokab ex tu' nan xol eb, 16 yujtol che yalil is k'anej Dios nan xol eb, jun k'anej chi alontek yuj co k'inal tol ayc'al yin tojbalk'inal. Ta axca tu' che yutej, caw ok in tzaloj aj e yuj yet ok jay Cristo, yujtol caw wal ok txeclojok tol man nabac'alok max in lajoc wak'on wip in mulnaj e nan e xol. 17 Caxc'al ayin ti' chin cam tz'akilok e xajanbal che yak' bay Dios, yujtol che yaoc Cham yin e c'ul, chin tzaloji. Chi wochej tol che yab jun tzalojc'ulal tu' wetok. 18 Cay ex tu' c'apaxok, tzalojanek. Ak'ek wojtaknej el e tzalojc'ulal tu'. 19 Chi wochej chin chektok Timoteo ti' ayex yet jayeb c'u, ta axca tu' chi el yin c'ul Cham Jajawil Jesús, yujtol chi wochej chi wabej tzetbil e yayji bay tu', cax chi tzaloj aj in c'ul e yuj cayti'. 20 Yujtol c'am junokxa mac lajan naon axca Timoteo, tol caw wal chi oc il e yuj. 21 Yujtol junjunc'al mactxel, asan yet eb chi na'. C'am jabok chi na' eb is mulnajil Cristo Jesús. 22 Palta e yojtakxa, tol a Timoteo ti' caw ojtakbilxa is beybal. Axca junok c'ajolej yetok is mam, axca tu' yak'on Timoteo ti' wetok. Caw chi yak' serbil Cham Jajawil wetok, yin yalon el k'anejal yet colbanilej. 23 Yuj tu', ato yet ok wiloni, tzet ok yun weloc tinani', chi wochej ok in chektok Timoteo ti' ayex bay tu'. 24 Yetok c'apaxok, chi waoc Cham Jajawil yipok in c'ul, tol ayin wal caw ok ex tok wil yin aymanil. 25 Chin na' c'apaxok, tol yowalil ok in chektok pax juẍtak Epafrodito, nak chekbiltek e yuj, yuj quin ul yak'on serbil. Caw tec'an chi yut ba mulnaj wetok yin yet Cham Jajawil. 26 Caw chi yochej chex toj yilcanok. Chex nalay yuj, yujtol max e yabej tol caw wal ya'ay nak cayti'. 27 Yel, jabxanej ton maj cam nak, palta maxto ok' c'ul Dios yin nak. Yuj tu', max watx'ji c'ul nak. Man asannejok yin Epafrodito ti' max ok' c'ul Dios, palta max ok' c'apax c'ul win, yuj max jaycan c'ul nak tu', xan c'amxa chi yik ba in cusc'ulal cayti'. 28 Yuj tu', chi wochej chin chektok nak ayex, yet watx' chex tzaloj ajok, cax che yilon yapni nak ayex junelxa. Ta axca tu', ayinxa ok c'ayaj in cusc'ulal cayti'. 29 Chaek apnok nak yin tzalojc'ulal e nan e xol tu', yujtol e yuẍtak c'apax e ba yetok nak yin Cham Jajawil. Masanilc'al eb lajan nabal axca Epafrodito ti', ayokab yelapnok eb yul e sat. 30 A jun juẍtak ti', tutun wal jabxanej maj camok, yujc'al tol lanan yak'on serbil Cristo. Caxc'al ijan max cami, yujtol lanan quin yak'on serbil cayti', palta c'am jabok tzet chi na', caxc'al chi cami. Ayex ti', maj je' quin ul e yak'on serbil. Yuj tu', a' aytek quin ul yak'on serbil e q'uexelok.
1 A tinani' ex wuẍtak, ex wanab, ak'ek tzaloj e c'ul yin Cham Jajawil. Ay juntzanxa tzet ok waltok ayex, tol man yobok chi wabej tol ac'ala' ok waltok ayex junelxa, yujtol yowalil che watx' ojtaknej elok. 2 Caw che yilc'al e ba bay juntzan eb caw yob is nabal, axca junok tx'i'. Caw yob chi yut ba eb, yujtol chi yochej eb chi polil jabok tz'umal e mimanil. 3 Palta ayon ti', ak'bil onxa circuncidar yin yel yul sat Dios, ayon tol chi jal co ba bay Dios yuj Cham Espíritu. Asan yin Cristo Jesús chon tzaloji, axa tzet chi je' juneni c'am chi jaoc yipok co c'ul. 4 A max wut in naon ayin ti', tol moj chi waoc juntzan ti' yipok in c'ul, yujtol caw yikem wutnak in ba yin juntzan ti'. Tekan ay eb chi naoni, tol moj chi colchaj eb yuj juntzan chi el yunen eb tu', palta ayin ti', ec'ban yikem wutnak in ba yin juntzan tu'. 5 Jun semana walji max in ak'lay circuncidar, yujtol israel in. Yinatil into Benjamín, hebreo in, yujtol hebreo in mam c'al in txutx. Caw yikem in yin masanil ley Moisés, yujtol fariseo in. 6 A yet tu' caw chi waoc in nabal yin in religión, yuj tu' xan etnebil eb yet-xa Cristo wuj. Maxc'al wikej masanil tzet chi yal ley Moisés, c'am jabok tzet bay moj in tzulayi. 7 Masanil juntzan max wal ti', miman yelapnok in naoni, palta a tinani', a chi wut in naoni, c'am jabok yelapnok juntzan tu', yujtol asan yin Cristo chi waoc in nabal. 8 Masanil juntzan tzet max walej oc yipok in c'ul tu', c'am jabok yelapnok yul in sat tinani', yujtol ay junxa tzet caw watx' chi el wunen tinani', tol chi wojtaknej el Cristo Jesús Cham Jajawil. Yuj Cristo ti', xan max c'aycan el masanil juntzan walejnak oc yipok in c'ul tu'. Axa tinani', axcaxa k'alem yayji yul in sat, yujtol chi wochej chi wi' can Cristo junelnej, 9 junxanej chi wuncan el yetok. A tinani', chi yal Dios, tol watx' in yul sat, yujtol chi waoc in c'ul yin Cristo, man yujok tol chi wikej tzet chi yal ley Moisés. Asan yuj chi jaoc co c'ul yin Cristo, xan chon occan watx'il yul sat Dios. 10 Chi wochej chi wojtaknej el Cristo wal sic'libil, yet watx' a ipejal max ak'on ictzoj ajok, a' chi mulnaj oc win. Chi wochej chi wab yail yetok, cax chin ayji axca max yun yayji Cristo yet max cami. 11 Yujtol chi wochej tol ay c'apax walon wet wictzonelay aj xol eb camnak. 12 Man lananok waloni ta mayal wak' ganar juntzan chi wal ti', yujtol manto caw tz'akanok in yin masanil; palta ac'ala' wak'on wip tinani', yet watx' chin tz'aknaj el yin masanil. Yuj tu' xan max in sic'lay el yuj Cristo Jesús. 13 Ex wuẍtak, ex wanab, manto tz'akanok in yin juntzan ti' chi wut in naon tinani', palta ok waltok ayex, tzet chi el wuneni. A tinani', c'amxa chin natek juntzan tzet mayal yi ba wuj. Asan juntzan c'amto chi yi ba wuj, a' chin na'. Caw chi wak' wip, 14 yet watx' ok in cha' is paktzil bay satcan. Yuj is paktzil tu', xan chon yawtej oc Dios yetok, yujtol junxanej chi juncan el yetok Cristo Jesús. 15 A mac on caw tec'an onxa, yowalil axca tu' chi yun co naon junjun on. Ta ayex man axcaok tu' e naoni, ok oc Dios e yetok, yet watx' ok nachaj el juntzanxa tu' e yuj. 16 Yowalil chi co beybalnejc'al masanil tzet chi ak'lay nachaj el juj yuj Dios. 17 Ex wuẍtak, ex wanab, beybalnejek in beybal ti'. Ayon ti', tx'oxbilxa jun watx' beybalej e yil juj. Yuj tu' ilek c'apax is beybal eb lajan is beybal jetok, yet watx' che beybalnej c'apax axca tu'. 18 Ay jun tzet tx'ial elc'al albilxa ayex wuj. A yet chi walontok ayex tinani', caw chin ok'i, yujtol xiwil eb yob chi yut is beybal, xan txequel tol c'am yelapnok is camichal Cristo yin curus yul sat eb. 19 Palta a eb tu', yowalil ok c'aycan el eb yin junelnej. Asan tzet chi yochej oc mimanil eb, asan yin tu' ayoc nabal eb, axca tol is diosal eb yayji oc juntzan tu'. Ay juntzan tzet chi el yunen eb, caw q'uixwiltak. Asan yin juntzan tu' chi luesnej ba eb. Asan juntzan yet yulyibank'inal ti' chi na eb. 20 Palta ayon ti', a bay satcan aytok co nabal, yujtol a tu' ay co conobal. Lanan jechbanen c'apax jay co Colomal bay satcan tu', a ton Cham Jajawil Jesucristo. 21 A' ok q'uexon co yaynakil mimanil ti', yet watx' lajanxa ok yun axca yet, yujtol a is mimanil tu', caw wal watx' sic'libil. Caytu' ok on yut yetok is yipalil, tol ok can masanil tzetak yetal yalan yuj.
1 Ex wuẍtak, ex wanab camc'ulnebil wuj, caw chi wochej chex toj wila', yujtol in tzalojc'ulal e yayji ocok. E yuj xan ay in paktzil ok in cha'. Yuj tu', ex camc'ulnebil wuj, caw tec'an che yut e ba e yaon oc e c'ul yin Cham Jajawil. 2 A tinani', chin tewitok bay Evodia yetok bay Síntique, yet watx' junxanejokab chi yut eb nabal, yujtol nuej ba eb yul k'ab Cham Jajawil. 3 Ach wuẍtak, jet mulnajwomal, chin k'an ayach, tol chach colwaj a watx'nen el is k'anej eb janab bay tu', yujtol a cawan eb janab tu', caw max tec'baj ba eb mulnaj wetok, yet max ec' walon el k'anejal yet colbanilej. Yetok c'apaxok, max mulnaj nak Clemente wetok, c'al juntzanxa eb. A eb tu', tz'ibbilxatok bi eb yul tx'an libro bay tz'ibxa yayji co bi ayon ayxa co k'inal tol ayc'al yin tojbalk'inal ti'. 4 Tzalojokonekc'al yin Cham Jajawil. Chi wal junelxa, tol caw chon tzaloji. 5 Yowalil caw watx' chi jut co nabal yil masanil anima, yujtol janic'xanej ok jay Cham Jajawil. 6 Manchak on oc il yuj junok tzet yetal. Jalek masanil tzet chi co na' bay Dios yet chon txajli. A yet chi co k'anon tzet yetal bay Cham, yowalil chi jal c'apax yuj diosalil bay. 7 Ta axca tu' chi jut co ba, ok yak' Dios is junc'ulal ayon. A is junc'ulal tu' c'am chi nachaj el juj, yujtol c'amxa chi alchaj elok jantak. A is junc'ulal tu', chi taynen janimail c'al co nabal, yujtol junxanej jayji yetok Cristo Jesús. 8 Axa tinani' ex wuẍtak, ex wanab, jaek oc co nabal yin masanil tzet yel, yin juntzan moj tol ay yelapnok yul co sat, yin masanil tzet tojol, masanil tzet c'am is tacnakil, c'al yin masanil tzet watx', yetok tzet miman yelapnok, yetok c'apax masanil tzet watx' yul sat Dios, yetok juntzan moj yal-lay watx' k'anej yin. A yin juntzan tu' jaokab oc co nabal. 9 Beybalnejek juntzan cuybanilej yetok juntzanxa tzet e yabnakcan ayin. Masanilc'al tzet max e yabcan oc ayin, c'al tzet max e yil c'apax win, a' che beybalnej. Ta axca tu' chi el e yuneni, ok oc Dios e yetok, Cham chi ak'on co junc'ulal. 10 A tinani' caw chin tzaloj yin Cham Jajawil, yujtol max quin e natek junelxa, yet max e yaontek e colwal ayin. Wojtak tol toc'alta' naan in e yuj; palta c'am wal bay che yatek e colwal ayin, yujtol maj je' e yaontek. 11 Toc'al chi waltok juntzan ti' ayex; man yujok majilal xan chi wala', yujtol mayal in cuy in ba wak'on tzaloj in c'ul yin tzet ayin. 12 Chic'al el wak'len porobal masanil. Ay bay c'am jabok tzet ay ayin; ay bay xin, caw chi yak' pax sobra. Yuj tu', caxc'al nojnak in c'ul, chi yak' sobra tzet ayin, caxc'al chi wak' wajil, c'am jabok tzet chin lo', palta k'aynak inxa, chi techaj wuj. 13 Tzanc'al tzet yetal chi je' wuj, yujtol chi yak' Cristo yipalil ayin. 14 Palta ayex ti', watx' tzet max el e yuneni, yujtol max e yatek e colwal ayin, yet ayin oc yin yailal ti'. 15 Ex aj Filipos, e yojtakxa, tol a yet max in chaon el yich walon el k'anejal yet colbanilej, yet max in tit bay Macedonia, asan ex colwajnak ex ayin. Asan ex anejtek in gasto bay tu'. 16 Ac'ala' yet max in ec' bay Tesalónica, e yanaktok junel cayel e colwal ayin yuj in gasto bay tu'. 17 Manak e colwal tu' chin saya', ma chi wochej, xan chi waltok juntzan ti' ayex, palta tol chi wochej chi mimanbi is pak tzet che yak' tu' yul sat Dios. 18 Ayin ti', xiwil tzet max el in chaoni, toltax chi yak'xac'al sobra ayin tinani'. A jun e colwal max ul yak' Epafrodito ti', k'okbilc'al chi colwaj ayin. Axca wal junok tzet chi ak'lay bay Dios, tol caw suk'uk'i yoc jab, ma axca junok xajanbal caw wal watx', axca tu' jun e colwal ti', yujtol caw wal chi tzaloj Dios yetok. 19 Yuj tu', ok yak' co Diosal masanilc'al tzet ay chi oc e yuj, atac'ala' is miman beyomal chi yak' ayon yuj Cristo Jesús. 20 Mimanokab yelapnok co Diosal yin tojbalk'inal, a ton Cham co Mam. Yun okabi. 21 Chi watok cawil e c'ul e masanil ex yet exxa Dios yuj Jesucristo. Ti chi ya c'apaxtok eb juẍtak ayic' wetok ti' cawil e c'ul. 22 Yetok c'apax eb yet-xa Dios cayti', mawal eb creyente chi mulnaj bay cham yajaw Roma ti', ti chi ya c'apaxtok eb cawil e c'ul. 23 Ayokab ec' watx'c'ulal Cham Jajawil Jesucristo e yetok e masanil bay tu'.
1 Ayin Pablo in ti', chekbej in Jesucristo, yujtol axca tu' max el yin c'ul Dios. Ajun juẍtak Timoteo wetok, 2 cax chin tz'ibentok jun in carta ti' ayex ex yet-xa Dios bay conob Colosas. Caw yikem ex yin Cristo sic'libil. Yak'okabc'al co Mam Dios is watx'c'ulal c'al is junc'ulal ayex. 3 A yet chon txajli junjuntak el e yuj, chi jalon yuj diosalil bay Dios Cham is Mam Cham Jajawil Jesucristo. 4 Yujtol max jab e yabixal, tol max e yaoc e c'ul yin Cristo Jesús. Max jabej, tol caw ay e camc'ulal yin masanil eb yet-xa Dios jetok. 5 Che yun axca tu', yujtol lanan e yechbanen tzet ayoc yipok e c'ul c'ubabil bay satcan. Atax yet max e yaben oc jun k'anejal yet colbanilej caw yel, atax yet tu' max e chail yich e yaon oc jun tu' yipok e c'ul. 6 A jun yabixal colbanilej albilxa e yabej, a' lanan yal-lay el bay junjun lugar bay yulyibank'inal ti'. Axca junok te te' chi ch'ibi, chi yak' te' sat, axca tu' chi yun yelapnok jun abix ti' bay eb chi abencan ocok. Yetok c'apaxok, axca tu' max yun yelapnok ayex, yettax max babji e yaben yabixal is watx'c'ulal Dios, cax max nachaj el e yuj sic'libil. 7 A Epafras max ex cuyon yin jun abix tu'. A Epafras tu', caw wal camc'ulnebil juj, yujtol jet mulnajwomal co ba yetok. Yikemc'al chi yut ba yin yak'on serbil Cristo e nan e xol tu'. 8 A' max alon ayon tol caw ay e camc'ulal yuj Cham Yespíritu Dios. 9 Yuj tu', xan atax yet max jaben e yabixal, cayc'al ti' co txajli e yuj. Chi co k'an bay Dios tol chi ak'lay e jelanil yuj is Yespíritu, cax chi yak'on nachaj el e yuj sic'libil is yochwan Dios. 10 Ta chex eloc axca co k'anon tu', watx' ok e yut e beybal, yet watx' chi tzaloj wal Cham Jajawil e yetok, yujtol moj wali tol axca tu' che yut e ba. Caw watx' ok el e yuten e beybal, axca junok te te' watx' satni, cax ok e yojtaknej el wal Dios sic'libil. 11 Chon txajli c'apax e yuj, yet watx' chi yak' Cham e tec'anil yetok is miman mayk'ak'al. Ta axca tu', ok techaj masanil tzetak yetal e yuj. Caw tec'an ok e yut e ba, cax ok ex tzalojok, 12 cax ok e yalon yuj diosalil bay co Mam Dios. A Dios chi watx'nen oc co nabal yet watx' ay jalon jet yetok masanil eb yet-xa yayji, yujtol yet onxa sakk'inal. 13 A' max on colon el yul k'ab k'ekk'inal, cax max on yion oc yul k'ab is C'ajol, Cham camc'ulnebil yuj. 14 A Cham is C'ajol tu', colnej on elok, yujtol jujc'al max cami. A Cham ak'nejcan lajwok co yobtakil. 15 Caxc'al c'am chi je' jilon oc yin co Mam Dios, palta a is C'ajol max tx'oxon Cham ayon, tzetbil yayji, yujtol lajan yetok. A is C'ajol tu', ec'ban yelapnok Cham yintak masanil tzetak yetal watx'nebil yuj. 16 A Cham max ak'balnelay yuj Dios, yet max watx'ji masanil tzetak yetal bay satcan, c'al sat tx'otx' ti'. Juntzan tzetak yetal chi je' jiloni, c'al juntzan c'am chi je' jiloni, ac'al ton Cham watx'nenej masanil. C'al yetok masanil juntzan eb ayoc yajawilal, eb ay is yipalil, caxc'al c'am chi je' jilon oc yin eb, palta a Cham max watx'nen yuj yak'lay serbil Cham yuj. 17 A yet c'amto yulyibank'inal ti', ayxac'alta' ec' Cristo. Yuj Cham, xan watx' yec' masanil tzetak yetal. 18 Jolomej yayji Cham bay iglesia, axa ayon iglesia on ti', axca tol is mimanil Cham jayji, yujtol a Cham chi ak'on co k'inal. A Cham babel ictzojnak xol eb camnak, yet watx' miman yelapnok Cham yintak masanil. 19 Caw tz'akaki ayoc Dios yin Cristo sic'libil, yujtol axca tu' chi yochej. 20 Chi yochej c'apax Dios tol junxanej chi yuncan el masanil tzet yetal yetok yuj Cristo, juntzan tzet yetal ay satcan, c'al tzet yetal ay bay yulyibank'inal ti'. Yuj tu', max cam Cristo yin te curus, max el is chiq'uil, yet watx' chi oc masanil yin watx'c'ulalil yetok Dios. 21 A yet yalan, najat ay ex el c'atan Dios, caw e yajc'ul e ba yetok yin e nabal, yujtol yob e beybal yet tu'. Palta tinani', junc'ulalxa e yayji yetok, 22 yuj camichal is mimanil Cristo. Axca tu' max yun cami, yuj con yion oc yetok, yet watx' c'am jabok co yobtakil, c'al jec'nakilal yul sat. 23 Palta yowalil tol tec'an exc'al yin jun cuybanilej max e yaoc yin e c'ul. Caw tec'anc'al che yut e nabal, axca junok na sic'libil tz'unlay ay yich. Manchak e bek e yaon oc yipok e c'ul jun yabixal colbanilej e yabnakxa. A jun abix ti', lanan yal-lay el bay masanil yulyibank'inal. Ayin Pablo in ti' lanan c'apax walon elok. 24 A tinani', lanan wilon yail yuj e watx'ilok, palta chin tzaloji, yujtol a yet chi waben yail yin in mimanil ti', axca tol lanan in tz'aktzen yailal Cristo, jun yailal max yab Cham juj ayon yiglesia on ti', tol axca is mimanil Cham jayji. 25 Max in alay oc yak'omalok serbil eb wet creyenteal masanil. Max yak' Dios jun wopiso ti', yuj ex wak'on serbil, yujtol chi wochej chin watx' alnej el is k'anej. 26 Ay jun tzet ewanc'uan yayji yuj Dios yettax c'amto yulyibank'inal ti', palta tinani', mayal yak' jojtaknej el ayon yet onxa ti'. A' ak'nej wopiso walon el jun ti'. 27 Tix jun miman yelapnok max ak'lay e yojtaknej el ayex ex mayex israelok ti'. Tol cajanxa oc Cristo e yin junjun ex jetok. Yuj Cristo xan chi jaoc yipok co c'ul, tol ok co cha is watx'il Dios. 28 A ton Cristo chi jal yabixal. Yin masanil jelanil chi co tenchanej eb anima, cax chi co cuyon c'apax can junjun eb, yujtol chi jochej tol caw chi tec'anbi nabal junjun eb yuj Cham. 29 Yuj juntzan ti' xan caw chi wiajtek in c'ulok in mulnaji. Caw chi wak' wip yin masanil in c'ul, yujtol chi yak' Cham wipalil.
1 Chi wochej chi nachaj el e yuj, tol caw chin lajoc ex wak'on serbil c'al eb aj conob Laodicea. Chi wak' c'apax serbil masanil eb creyente c'amto bay chin iloni. 2 Chi wochej chi ak'lay tec'anil e nabal yetok eb, jun lajanxanejokab e camc'ulnen e ba e masanil. Chi wochej chex jelanbi yin yet Dios, yet watx' chex texac'al tec'anbi. Ta axca tu', ok nachaj wal el e yuj jun man ojtakbilok yet yalantok tu', tol a ton Cristo. 3 Asan yuj Cham, xan chi je' nachaj el masanil jelanil Dios juj, c'al masanil ojtakbilal. 4 Chi waltok juntzan ti' ayex, yet watx' c'am mac chi ion aytek e sat yetok montebal k'anej, yujtol ay mac caw jelan yalon yet ayex. 5 Caxc'al c'am in ec' yin mimanilejal e yetok bay tu', palta axca tol caw ayin ec' e yetok. Yuj tu', caw chin tzaloj yet chi wabeni tol watx' e yak'on bay tu', tec'an che yut e yaon oc e c'ul yin Cristo. 6 Yuj tu', axca max e yut e chaon Cham Jajawil Jesucristo, axcaokab tu' che yut e beybal yul k'ab tinani'. 7 Axcaokab junok te te' caw xiwil xe', caw watx' ch'ibi, axcaokab tu' che yut e nabal yul k'ab Cristo. Tec'an che yut e yaon oc e c'ul yin, axca max yun yak'lay e cuyu'. Alek yuj diosalil bay Dios yin tojbalk'inal. 8 Che yilc'al e ba. Manchak e cha' etax el e nabal yuj juntzan eb chi yut ba cuywajwomal yin yalon el tzet chi cuyu'. Caw jelan eb yin lek'tial, palta c'am jabok yelapnok tzet chi yal eb tu', yujtol manak bay Cristo chi tit jun yet eb tu'. Asan beybal yichmam eb chi yala', c'al juntzanokxa cuybej yulyibank'inal ti'. 9 Tz'akan yayji oc Dios yin is mimanil Cristo. 10 Yuj tu', caw tz'akan onxa tinani', yujtol junnej jayji yetok. A Cham ayoc yajawilal yiban masanil eb ayoc yajawilal, c'al yiban juntzan eb ay yikbej c'am chi jil oc yin. 11 Ak'bil exxa circuncidar tinani', yujtol junxanej e yayji yetok Cristo. Manak circuncisión chi oc yin co mimanil chi wala', palta a co colbanilal el yul k'ab co yob ochwanilal. A jun ti' chi wala' tol ak'bil onxa circuncidar yuj Cham. 12 A yet max ex ak'lay bautizar, junej max yun e muklay yetok Cristo yul sat Dios. Yetok c'apaxok, ictzojnak ex yetok, yujtol che yaoc e c'ul yin is yipalil Dios. A is yipalil tu' max on yictzoj aj Cristo xol eb camnak. 13 A yet yalan, camnak ex el yul sat Dios yuj e yobtakil, yujtol mayex ak'bilok circuncidar; palta tinani', junnej max yut yak'on Dios co k'inal yetok Cristo, cax max yak'on lajwok co yobtakil. 14 Ay jun tzet axca tol jequej aytek jiban yet yalan, yujtol maj jikej juntzan ley; palta a Dios max ak'on lajwok jun axca tol yunal co jec tu'. Max yiel jiban. Axca tol max mak'lay oc yin curus yetok lawuẍ. 15 A yet max cam Cristo yin te curus tu', max yak' ayc'ay juntzan ayoc yajawilal, juntzan ay is yikbej. A yul sat anima, max tx'oxk'abnej elok, tol c'am wal jabok yelapnok eb. Max can eb yalan yuj yin junelnej. 16 Yuj tu', ta ay mac chex beyc'ulnen yuj tzet che lo' che yuq'uej, man e cha' yal eb ayex. Ta chi yaltek eb is mimek k'in ayex, c'al k'in yet chi alji xajaw, ma yuj c'ual xewilal, man e cha' yal eb ayex. 17 Masanil juntzan ti', c'am jabok yelapnok. Yenelc'al juntzan tzet yetal t'inan jayi yayji ocok. A jun ay yenel tu', a ton Cristo. 18 Ay eb chi ochen chi ion ec' e paktzil ok yak' Dios, palta man e cha' e yab tzet chi yal eb ayex. Caxc'al caw yaynakilxac'al chi yut ba eb, cax chi yaon ay ba eb bay eb ángel, comonc'al chi yatok ba eb xol tzet man yojtakok. Comonc'al chi maynej ba eb, yujtol caw jelan eb naoni. 19 Yuj tu', c'amxa chi yaoc eb nabal yin Cristo. Palta axca co jolom, caytu' yayji Cham ayon, yujtol a' chi ak'on jip. Yuj Cham, xan junxanej chi juncan el co masanil, cax chon aj can axca chi yochej Dios. 20 A tinani', camnak exxa yetok Cristo jetok yul sat Dios, c'amxa yelapnok juntzan comon cuybanilej yet yulyibank'inal ti' ayon. Yuj tu', ¿tzet yuj xan axca beybal eb yet yulyibank'inal ti', cay pax tu' e beybal? ¿Tzet yuj xan ac'ala' e yaon oc e nabal yin comon chekbanilej yet anima? 21 A juntzan chekbanilej tu', comonc'al chi yak' yowalil junok tzet tol c'am pax yowalil yuj Dios. Ilab tol chi yal axca ti': Ay juntzan tzet c'am chi je' che mitx'a'. Ay juntzan tzet c'am chi je' che lo', c'am chi je' che jeka', ẍi. 22 Palta a juntzan chi al-layi tol ay yowalil tu', c'am yelapnok ayon, yujtol a juntzan tu', chi co k'anbalnejc'alta'a, ayman chi lajwi c'apax elok. A juntzan chi al-lay tu', comon chekbanilej yayji, anima chi naon aj juntzan cuybanilej tu' yul yet. 23 Yel toni, cochwal watx' juntzan chekbanilej tu'. Chi ton yaltek tol yowalil ay junok mac bay chi jal co ba. Yowalil chi jiay co ba, chi jak' techaj yailal co mimanil ti'; palta a juntzan tu', c'am jabok yopiso con is tenon oc wanaj junen yochwan co mimanil yin tzet man watx'ok.
1 A tinani', max on ictzonelay aj yetok Cristo yul sat Dios. Yuj tu', jaokabtok co nabal yin juntzan tzet ay bay satcan, bay chotan ay Cristo bay is watx' k'ab Dios. 2 A tinani' jaokabtok co nabal yin tzet yetal ay bay satcan, manokab yin oc tzet ay bay sat tx'otx' ti', 3 yujtol camnak onxa yetok Cristo yul sat Dios. Axa co k'inal ti' ebebil el yetok Cristo yin Dios. 4 Yujtol co k'inal yayji Cristo. A yet ok tx'oxlay aj Cham cax ok on tx'oxlay c'apax aj yetok yin is tzekekial. 5 Yuj tu', bekekcan masanil beybalej yulyibank'inal ti' ayoc e yin, c'ayekcan el junelnej. Caw wal manchakxa e beybalnej ajmulal, ma junokxa tzanc'al tzet man watx'ok chi el yunen e mimanil. Manchakxa e yaoc e nabal e toj yin mulej, ma yin junokxa yobtakil. Yetok c'apaxok, c'am chi je' e yochen oc beyomal, yujtol a yet chi jochej oc beyomal, a yul sat Dios, axca tol lanan jalon oc beyomal tu' co diosalok. 6 Ok tit yowal c'ul Dios yiban eb chi unen juntzan chi wal ti'. 7 Ayex ti', max e beybalnej masanil juntzan chi waltek ti' yet yalan. 8 A tinani', yowalil che bekcan juntzanxa ok waltek ti': axca owal, chichonc'ulal, yobtakil, bajwal, c'al tzanc'al tzet yob k'anejal. 9 Manchak e yak' lek'tial bay junokxa mactxel. Man e yun juntzan max wal ti', yujtol a co nabal yet yalan, c'al co beybal, bekbilxa can juj. 10 A tinani', q'uexpojnakxa co nabal. Lanan watx'ji oc co nabal ti', yet watx' lajanxa chi yun jeloc yetok Cham mac watx'nenej on, cax chi jojtaknen wal el Cham. 11 Yuj tu', c'am yelapnok ta israel on, ma mayon israelok; caxc'al ay mac ak'bil circuncidar, caxc'al c'amak; caxc'al tx'ok conobal, caxc'al cabnal, caxc'al mosejal, ma yet ba, c'am yelapnok juntzan ti'. Asan Cristo ay yelapnok, yujtol a' ayoc jin junjun on. 12 Caw ay is camc'ulal Dios jin. Max on sic' oc yetok, yet watx' axa Cham ayon yet. Ok'okab co c'ul yin jet animail, watx'okab chi jut co c'ul bay eb. Yaynakilokab chi jut co ba. Jak'ek mimanc'ulal yin eb chi oc mul ayon. 13 C'am chi je' jion ec' co pak bay eb. Ta ay mac ijan chi jak'lej aj owal yetok, jak'ek mimanc'ulal yin. Axca max yun yak'on mimanc'ulal Cham Jajawil jin, axcaokab tu' chi jut jak'on c'apax mimanc'ulal. 14 Yetok c'apax wal junxa ti', yowalilokab chi co camc'ulnelej co ba, yujtol a camc'ulal, chon junanej oc sic'libil. 15 Co bek co ba bay Cristo yin con yikbani yet chi ayji junc'ulalil co xol, yujtol axca tu' is yochwan Cham jin, xan junxanej jayji oc yin. Yetok c'apaxok, jalokab yuj diosalil bay. 16 Jaokab wal oc co nabal yin k'anej Cristo, catatu' chi co cuylen co ba, c'al jiptzelen co ba yin masanil jelanilal, c'al co bitnenek salmo, yetok himno, c'al juntzanokxa bit yet Dios yuj jalon yuj diosalil bay Dios yin masanil co c'ul. 17 Tzanc'al tzet chi el juneni, ma tzet chi el jaloni, axcaokab moj yunen mac tol yet-xa Cham Jajawil Jesús, cayokab tu' chi el juneni. Jalokab yuj diosalil bay Dios Mamej yuj Cham Jajawil. 18 Ex istzilej, ikejek tzet chi yal e yichamil ayex. Moj che yikej, yujtol che yaoc e c'ul yin Cham Jajawil. 19 Ac'ala' ayex ichamilej ex, camc'ulnejek e yistzil junjun ex. Manchak e yut e ba t'ukomc'ulejal bay eb ix. 20 Yetok ex c'apax ex uninalej, ikejek masanil tzet chi yal e mam c'al e txutx ayex, yujtol caw chi tzaloj Cham Jajawil e yetok axca tu'. 21 Axa ayex mamej txutxej ex, manchak e tx'em caktzaj e yuninal, yet watx' manchak cabax aj c'ul eb e yuj. 22 Ac'ala' c'apax ex mosejal e yayji, ikejek masanil tzet chi yal e patrón bay yulyibank'inal ti'. Manokab asannejok yet t'anan oc eb e yin, cax che lajon oc e mulnaji, yet watx' chi tzaloj eb e yetok e naoni, palta yin wal masanil e c'ul chex mulnaji, yujtol a bay Dios chex xiwi. 23 Masanilc'al tzet chi el e yuneni, unek yin masanil e c'ul. Axcaokab tol a bay Cham Jajawil chex mulnaji, cax manc'alnejnak yin mulnajil junok anima. 24 Yujtol jojtakxa, tol ok on is paktzej Cham Jajawil axca max yun yak'on is ti' ayon yuninal onxa ti', yujtol chi jak' serbil Cristo Cham acaw Jajawil. 25 Palta a mac chi unen tzet man watx'ok, ok cha' eb pak tzet man watx'ok chi el yunen tu'. Atac'ala' tzet max el yunen junjun mactxel, caytu' paktzil ok cha' c'apaxok.
1 Ac'ala' c'apax ayex patronej ex, watx'okab che yut e c'ul yin eb e moso; bayc'al ijan che yut e ba bay eb. Naektek, tol junnej c'apax e patrón bay satcan yetok eb, a ton Cham Jajawil. 2 Axa ex e masanil, yelc'ulalokab tol chex txajlic'al, cax che yalon yuj diosalil bay Dios. 3 Yetok c'apaxok, chex txajli juj, yet watx' chi oc Cham Jajawil jetok, cax chi je' jalon el is k'anej, c'al yabixal Cristo ak'bil jojtaknej elok. A tinani', yujc'al walon el yabixal tu', xan preso wayji. 4 Yuj tu', txajlanek wuj, yet watx' jichanokab chi yun walon el yabixal Cham axca wal is mojalil. 5 A yet chex k'anjab yetok eb man creyenteok watx'okabc'al che yut e beybal satak eb. 6 Watx' che yut k'anjab e ba, che tx'ox e watx'c'ulal bay eb. Ta che yut axca tu', ok nachaj el e yuj, tzet ok e yut e paktzen is k'anlebal junjun eb ayex. 7 A juẍtak Tíquico ti', camc'ulnebil juj, caw yikemc'al chi yut ba mulnaj yin masanil yet Dios. Ayoc yak'omalok serbil Cham Jajawil wetok. A' ok tok yal ayex tzetbil wayji cayti'. 8 Yuj tu', chin chektok toj yal ayex tzetbil jayji on, yet watx' chi aj can e tzalojc'ulal. 9 Ok tok c'apax juẍtak Onésimo yetok. A Onésimo ti', caw wal yikem, c'al camc'ulnebil juj, junxanej jayji yetok. A ton eb cawan ti', ok tok alon e yabej, tzetak yetal lanan yuj cayti'. 10 A Aristarco ayoc preso wetok cayti', chi yatok cawil e c'ul. C'al nak Marcos, nak yican Bernabé, chi ya c'apaxtok nak cawil e c'ul. Walnakxatok ayex yuj Marcos ti', ta ok apnok ayex tu', chaek apnok nak yin tzalojc'ulalil. 11 Chi ya c'apaxtok nak Jesús cawil e c'ul, nak chi yik c'apax Justo. A xol eb chi mulnaj wetok yin jalon elok tzetbil chi yun joc yul k'ab Dios, ti wal asannej eb cawan ti' wet israelal, cax chi wi in mimanc'ulal yin eb. 12 A nak e yet conob chi yik Epafras ti', ayoc nak yak'omalok serbil Cristo Jesús wetok. Caw wal chi txajli nak e yuj sic'libil, yet watx' che tec'baj e ba yet watx' asan yin tzet chi yochej Dios che ya wal oc e nabal. 13 Ayin ti', chi wak' in ba testigoal, tol wal yel chex is na'. Chi nalay c'apaxtek eb aj Laodicea yetok eb aj Hierápolis yuj. 14 A Lucas, cham ak'om ambal camc'ulnebil juj, chi yatok cawil e c'ul, yetok Demas. 15 Ak'ek c'apax cawil c'ul eb jet creyenteal aj Laodicea co k'ana'. Ak'ek c'apax cawil c'ul janab Ninfas, c'al eb creyente chi wajbaj ba yin culto bay yatut. 16 Chi lajwi e yawten jun carta ti yab masanil eb creyente ayex tu', cax che yaontok bay eb aj Laodicea, yet watx' chi awtelay c'apax tx'an yab eb bay tu'. Ac'ala' yet ok e chaon tx'an in carta ok yatok eb aj Laodicea tu' ayex, cax che yawten c'apax tx'an e yab e masanil. 17 Alek bay juẍtak Arquipo axca ti': Ak' ep a mulnaj yin opiso max yak' Cham Jajawil ayach, quex chi bay. 18 Ti' ayin wal caw Pablo in ti' chin tz'ibejtok cawil e c'ul yetok wal in k'ab. Naek in tek, tol preso wayji cayti'. Yak'okabc'al Dios is watx'c'ulal ayex bay tu'.
1 Ayin Pablo in ti', yetok Silvano, c'al Timoteo, chi jatok jun carta ti' ayex, ex creyente bay conob Tesalónica. Yet exxa co Mam Dios. Yet exxa c'apax Cham Jajawil Jesucristo. Yak'okabc'al Dios is watx'c'ulal, c'al is junc'ulal ayex. 2 A yet chon txajli junjuntak el, chex co natek, cax chi jalonc'al yuj diosalil bay Dios e yuj e masanil. 3 Chex co natek satak co Mam Dios, tol caw wal chex mulnaj yin yet Cham, yujtol caw wal che ya ton oc Cham yin e c'ul. Chi co natek, tol caw wal che yak' serbil Cham, yujtol xiwil e camc'ulal yin. Yetok c'apaxok, caw wal tec'an che yut e ba, yujtol asan Cham Jajawil Jesucristo che yaoc yipok e c'ul. 4 Ex wuẍtak, ex wanab, camc'ulnebil ex yuj Dios, jojtak tol a Cham sic'nej excan elok. 5 A yet max on ec' jalon el k'anejal yet colbanilej ayex, man naba k'anejok max ec' jalil ayex, yujtol a Yespíritu Dios ayoc jetok. Jojtak sic'libil, tol caw wal yel jun abix tu'. E yojtak tzet beybalejal max ec' co beybalnej e xol, yet watx', watx' chex elocok. 6 Ayex ti', max e chail yich e beybalnen co beybal. Max e beybalnej c'apax beybal Cham Jajawil. Caxc'al caw wal max e yab yail yet max e chaon k'anej Dios, palta max e cha' yin tzalojc'ulalil, yujtol a Yespíritu Dios ak'nej e tzalojc'ulal tu'. 7 Yuj tu' xan a tinani', max e tx'ox jun watx' beybalej bay masanil eb jet creyenteal yul yet Macedonia tu', c'al bay eb yul yet Acaya. 8 Yuj tu', ayex max e yak' ojtaknelay el yabixal Cham Jajawil bay junjun lugar. Tz'akan max yab eb aj Macedonia tu', yetok eb aj Acaya, tol che yaoc Dios yin e c'ul. Man asannejok eb max abeni, palta max ablay bay juntzanxa lugar. Yuj tu' xan manxa yowalilok, tol ayonto wal ok jalil e yabixal. 9 A masanil eb max abeni, lanan yalon eb e yabixal, tol watx' max on e yut e chaon apnok, yet max on betic' e xol. Lanan c'apax yalon eb tzet max e yut e bekoncan juntzan tzet yetal max e yal-lej oc e diosalok, cax max e chaon el yich e yak'on serbil Cham Dios iquis, a ton Cham acaw Dios. 10 Chi yal c'apax eb tol lanan e yechbanen yayol Cham C'ajol Dios bay satcan, a ton Cham Jesús, tol max ictzonelay aj xol eb camnak yuj Dios. A Cham chon coloncan el yul k'ab jun miman yailal ok jay yuj yowal c'ul Dios.
1 Ex wuẍtak, ex wanab, e yojtak tol man nabaok ec'nak ex jila'. 2 Babel ec'nak on bay conob Filipos, cax e yojtak tol ec' jilnak yailal bay tu'. Max on yetnej eb sic'libil. Ac'ala' yet max on apni bay e conob tu' max jil c'apax yailal, palta max oc Cham co Diosal jetok. Yuj tu' xan c'am jabok max on xiw jalon el k'anejal yet colbanilej e xol. 3 Man ibilok aytek co sat xan max jal ayex. Man yujok junok tzet yetal yob chi jochej oc e yin, xan max on ec' ayex. Man yinok etnewalil xan max jal ayex. 4 A ti jet, axca wal chi yochej c'ul Dios, axca tu' max jut ec' jalon elok, max yil Dios tol co moj yaon oc jopiso yin aloj el k'anejal yet colbanilej. Man yujok jak'on tzalojbok c'ul anima, xan chi ec' jalcan elok, palta yuj jak'on tzaloj c'ul Dios, yujtol a' chi ilon yin co nabal junjun on, ta watx' ma tatol yob. 5 E yojtak, tol man toc'alok max ex ec' jal watx'il. Man yujok jion tumin, xan max ec' jalcan el ayex. Chi yil Dios, tol caw wal yel chi jala'. 6 Maj co say co mimanbilal e xol ayex ti', tamwal xol juntzanxa eb anima. 7 Max je' jalon oc co ba yajawil ayex, yujtol chekbej on Cristo. Palta yaynakil anima max jut co ba e xol. Axca junok ix ix chi ya'ilnej ch'ib yune', caytu' jutnak co ba ayex. 8 Caw wal ay co camc'ulal e yin. Yuj tu' xan man asannejok tol max jal k'anej yet colbanilej yet Dios e yabej, palta max co na' tol watx' c'apax chi co bek oc co ba yul e k'ab, yuj co camc'ulal e yin. 9 Ex wuẍtak, ex wanab, tekan che natek tzet max jut mulnaj co ba e xol. Caw wal max jak' jip co mulnaji. A yet max ec' jal k'anejal yet colbanilej tu' ayex, c'ualil c'al ak'balil max on mulnaj yuj co gasto. Yujtol max yochej co c'ul tol c'am mac chi yetnej c'ul yak'on co gasto tu'. 10 A yet ayon ec' e yetok tu', watx'c'al co beybal. Tojolc'al max jut co nabal e xol. C'am jabok tzet yetal yob max ec' co saya'. E yojtak tol caytu' max ec' jut co ba. Yojtak c'apax Dios tol cay ton tu'. 11 E yojtak c'apaxok, tol axca chi yut yiptzen junok mamej is yuninal, c'al mimanc'ulneni, caytu' max ex jut jiptzencanok, c'al ex co mimanc'ulnen canok. 12 Cax max jaloncan ayex, tol caw wal watx'c'al che yut e beybal, axca wal is mojalil e yawtebal yuj Dios. A Cham awtenej ex oc yul k'ab yet watx' ay e yalon e yet yin is watx'ilal. 13 A yet max jalon el k'anej Dios e xol, ayman max e yaoc yin e c'ul, yujtol yel toni is k'anej Cham, man yetok anima. Yuj tu' xan caw wal chi jal yuj diosalil bay Dios e yuj. Caw wal yel yet Dios jun k'anej tu'. Chi watx'ji oc co nabal ayon creyente on ti' yuj. 14 Ex wuẍtak, ex wanab, lajan wal max ex utlay axca max utlay eb creyente bay junjun yiglesia Dios yul yet Judea, eb tol yet c'apax Cristo Jesús. Caw wal max etnelay eb yuj eb jet israelal on. Cay ex c'apax tu', max ex etnelay yuj c'apax eb e yet conob. 15 A eb jet israelal on tu' ak'nej cam Cham Jajawil Jesús, yak'nak c'apax cam eb eb chekbej Dios yet payxa. Max on yuktej c'apax ec' eb ayon ti'. Caw wal yob eb yul sat Dios. Ajc'ul oc eb yin masanil anima. 16 A yet chi jochej chi jal yabix eb man israelok, yet watx' chi colchaj eb, c'am chi cha' eb jet conob on tu' jalon elok, xan yelxac'al chi mimanbi mul eb yul sat Dios. Yuj tu xin, xan a tinani', mayal yaoc Dios jun miman yailal yiban eb yin tz'akanil, yuj yowal is c'ul. 17 Ex wuẍtak, ex wanab, ayxa tiempo e can e tx'oklil juj. Caxc'al c'am chi jil-lejek oc jin, palta caw wal chex co nac'altek. Caw wal chi jochej chex toj jila'. 18 Max jak'lej co toji. Ilab ayin Pablo in ti', tx'ial el max wak'lej in toji, palta a Satanás maj on cha on tok. 19 A yet ok jay Cham Jajawil Jesucristo cax ok on ayjok ec' satak, chi jaoc yipok co c'ul tol e yuj xan ok co cha' co paktzebal. E yuj xan ok on tzalojbok aj sic'libil. Ok co cha' paktzil co mulnajil max jun e xol. 20 E yujc'al xan caw wal watx' jet, cax caw wal chon tzaloj e yuj.
1 Palta maj ex techaj co naoni, xan max co nabalnej el co can co tx'oklil bay conob Atenas ti', 2 cax max co chekontok Timoteo ti' ayex, yujtol yak'omal serbil Dios jetok yin yalon el k'anejal yet colbanilej aycan yuj Cristo. A' max toj yuj yak'on e tec'anil. Max toj yuj yaon oc e nabal, yet watx' che ya wal oc Cristo yin e c'ul, 3 c'al yuj yalon e yabej, yet watx' c'am ex chi somchaj el e nabal yuj tzet bay lanan e yaben yail. E yojtakxa tol yowalil chi jay juntzan yailal ti' jiban. 4 A yet max on ec' ayex tu', max jaloncan ayex, tol yowalil chi jab yail, xan e yojtakxa. Mayal wal yun axca max jut jaloncan tu'. 5 Yujc'al wal tu', maj ex techaj in naoni, xan max in chektok Timoteo toj yabentek, ta ayc'al oc Cristo yin e c'ul. A talaj c'uxan chi ak'lay somchaj el e c'ul yuj nak diablo, cax nabac'al mi max jetnej co ba co mulnaj e nan e xol. 6 Axa tinani xin, ti' mayal betic' Timoteo ayex. Max yala' tol ac'ala' ayc'al oc Cristo yin e c'ul, cax ayc'al e camc'ulal yin. Max yalon c'apaxok tol naan onc'al e yuj masanil tiempo, cax chon e camc'ulnenc'al, cax tolab che yochej che yil jin. Ilab on c'apaxok, caw wal xiwil chi jochej chi jil e yin. 7 Ayon ti' ex wuẍtak, ex wanab, xiwil tzet yetal chi jayoc jiban, lanan wal jilon yailal cayti', palta a yet max jabeni tol ayc'al oc Cristo yin e c'ul, max jay wal co tzalojc'ulal e yuj. 8 A yet max jabeni tol tec'anc'al waay e nabal yin Cham Jajawil, axca wal tol max ji' jun xikokxa co k'inal e yuj. 9 Yuj tu' xan caw wal chi jal yuj diosalil bay Dios e yuj, yujtol caw wal chon tzaloj e yuj satak Cham. 10 C'ualil c'al ak'balil chi jak' jip co txajli, yuj co k'anontok co ba ex toj jiloni, cax chi cam wal co tz'aktzencan e tec'anil tu'. 11 Chi jochej chi oc co Mam Dios, c'al Cham Jajawil Jesucristo jetok, yet watx' chi je' co toj ayex tu'. 12 Chi jochej chi yak' mimanbok Cham Jajawil e camc'ulal, yet watx' che camc'ulnelej e ba wal sic'libil, cax ok je' e camc'ulnen masanil anima axca chex jut co camc'ulneni. 13 Chi jochej tol a Cham chi ak'on tec'anbok e nabal, yet watx' ac'ala'c'al watx'il e beybal, cax c'am jabok e yobtakil yul sat co Mam Dios yet ok jay Cham Jajawil Jesucristo yetok eb yet-xa yayji.
1 Ex wuẍtak, ex wanab, ilab ec' albil juj ayex, tol watx' che yutc'al e beybal, yet watx' chi tzaloj Dios e yetok. A tinani xin, yuj chekbej on Cham Jajawil Jesucristo, xan chi cam wal jalontok ayex, tol chex ajc'alcan e yiken jun chekbanil ti'. 2 E yojtakxa juntzan chekbanil Cham Jajawil Jesús max ec' jalcan ayex. 3 A tzet ok waltok ayex, a ton chi yochej Dios tol chi jikej. Yowalil tol asan yin chi jaoc co nabal, cax c'am chi je' co toj yin ajmulal. 4 Junjun ex, ex wuẍtak, yowalil che yojtaknej elok, tol asan yin e yistzil che yaoc e nabal. Mimanokab yelapnok e yistzil yul e sat junjun ex. 5 C'am chi je' chi jochej oc yobtakil yet co mimanil, axca eb man ojtaknenok Dios. 6 Caw wal manchak jetnejek junok jet creyenteal yuj juntzan ti'. Toxa max cam wal jalon ayex, ta ay mac chi unen juntzan yobtakil ti', ok oc tz'umal eb yuj Dios. 7 A Cham awtenej on el yet chon oc yetok, yet watx', watx' chi jut co beybal. Man yujok junen yobtakil xan max on yawtej. 8 Ta ay mac c'am yelapnok juntzan chekbanil ti' yul sat, a Dios chi yintaknej elok, cax manak anima chi yintaknej elok. Palta a Dios anej oc Cham Espíritu Santo jin. 9 Man yowalilok tol ayinto wal chi waltok ayex, cax che camc'ulnen eb jet creyenteal, yujtol a wal caw Dios chi ak'on nachaj el e yuj tzetbil che yut e camc'ulnelen e ba. 10 Ilab lanan e camc'ulnen eb jet creyenteal yul yet Macedonia tu'. Palta ex wuẍtak, ex wanab, chon tewitok ayex, tol chi ajc'al can e camc'ulal tu'. 11 Ak'ek e yip e beybalnen junc'ulal. Man e bekay e yilon e mulnajil junjun ex. Mulnajanek yetok e k'ab axca max jut jaloncan ayex, 12 yet watx' ayokab e yelapnok yul sat eb comon anima. Yetok c'apaxok, yet watx' c'am chex oc is bilc'ulalok junokxa mactxel. 13 Ex wuẍtak, ex wanab, chi jochej tol caw wal che yojtaknej elok tzetbil yayji eb creyente chi wayi, a ton eb camnakxa, yet watx' man mimanok chex cus yuj eb, axca wal chi yun cus eb c'am jabok tzet chi yaoc yipok c'ul. 14 Ayon ti', chi jaoc yin co c'ul, tol a ton Jesús max cami, palta max ictzonelay pax ajok. Caytu' ok yun c'apax eb creyente camnakxa tu'. A Dios ok aontek eb yetok Jesús yet ok jayok. 15 A juntzan lanan jalontok ayex ti', cuybej Cham Jajawil yayji. A yet ok jay Cham, a ayon iquis onto ti', man babelok ok on tok satak eb creyente camnakxa tu'. 16 Ok oc jun aw yet ok ak'lay jun chekbanil, a sat ángel ok aj yaw tu', cax ok xuon is trompeta Dios. Axa yayol Cham Jajawil tu' bay satcan, cax ok ictzonelay aj mimanil eb creyente camnakxa tu', yujtol a eb babel ok ictzonelay ajok. 17 Axa on mac iquis onto ti', junej ok yun jilay ajtok yetok eb, cax ok on tok xol asun yet ok co chalen co ba yetok Cham Jajawil bay nan satcan. Axa jayji ec' yetok yin junelnej. 18 Yuj tu' xan mimanc'ulnelejek e ba yuj juntzan cuybanilej ti'.
1 Palta man yowalilok chi waltok tiempoal jayubal Cham Jajawil tu' e yab ex wuẍtak, ex wanab. 2 Yujtol e yojtakxa sic'libil, tol axca wal junok elk'om chi oc elk'an yet ak'balil, c'am mac ojtakneni jantak hora chi jayi, cay wal tu' ok yun jay c'ual jay Cham Jajawil tu'. 3 A yet jun tiempoal tu', ok tz'ak yal anima axca ti': Ayon ti', caw watx' ayon, c'am tzet chi co na', ẍi mi eb. Palta a ton yet tu' yin ayman ok ak'lay c'ayil eb. Axca chi yun jay tiempoal yail unin yin ix ix, caytu' ok yun jay tiempoal yailal eb tu'. Tutun wal c'am junok eb ok colchajcan el bay jun yailal tu'. 4 Palta ex wuẍtak, ex wanab, man xolok k'ekk'inal ayon ec'ok, yujtol chi nachaj el juntzan ti' juj. Yuj tu', caxc'al axca elk'om ok yun jay jun c'ual tu'; palta moj ton tol makbil jay juj. 5 Ayon ti', sakk'inalxa yayji co nabal, yet onxa c'ualil. Wal yel, man k'ekk'inalok jayji, may on yetok ak'balil. 6 Yuj tu' xan maj je' tol lajan ok jut co ba axca juntzanokxa anima. Axca tol waynak el eb, yujtol man makbilok jay jun c'ual tu' yuj eb. Yowalil chon makwajekc'al xin, tec'an chi jut co nabal. 7 Yujtol a eb tol chi wayi, yet ak'balil chi way eb; axa eb tol uq'uem an, yet ak'balil chi uc'wi an eb. 8 Palta ayon ti', yet onxa c'ualil. Yuj tu', tec'anokab chi jut co nabal. Yowalil chi ja wal oc Cristo yin co c'ul. Yetok c'apaxok, ayokab co camc'ulal. Ta chi jut axca tu', lajan on axca eb soldado chi col ba yetok is ch'en pichilej chi jenbaj oc txam c'ul. Yowalil chi jaoc yipok co c'ul, tol colchajnak onxa. Ta chi jaoc jun tu' yipok co c'ul, lajan on axca eb soldado k'oxbil ch'en toctor yuj. Cayokab tu' chi jut co colon co ba. 9 A Dios, man yujok yaon oc yowal c'ul jiban, xan max on is siq'uilok. Max on is siq'uilok yuj co chaon co colbanil bay Cham Jajawil Jesucristo. 10 A Cham max cam co q'uexelok. Yuj tu', caxc'al iquis onto, ma camnak onxa, cax chi jayi, junxanej ok juncan yetok co masanil. 11 Yuj tu xin, iptzelejek e ba junjun ex, c'al e yalen oc e tec'anil, axcac'alta' lananxa e beybalnen tu'. 12 Ex wuẍtak, ex wanab, ay eb chi mulnaj e nan e xol yuj Cham Jajawil, lanan ex yak'on cuenta eb, lananc'al yaon oc eb e nabal. Chon tewi ayex, tol nachajokab el e yuj, tol ak'bil yopiso eb yuj Dios. 13 Xan yowalil tol miman yelapnok eb yul e sat, che camc'ulnej eb, yujtol yin yet Cham Jajawil chi mulnaj eb. C'amokab owal e nan e xol junjun ex. 14 Ex wuẍtak, ex wanab, chi cam wal jalontok ayex, tol che tenchanej eb c'am chi yal c'ul chi mulnaji. Che yak' tec'anil nabal eb cabtak c'ul. Chex colwaj bay eb c'am is tec'anil yin yet Dios. Miman che yut e c'ul yin eb masanil. 15 Che yilc'al, manchak e pak e ba bay mac chi ak'on yobc'ulal ayex. Watx'c'al che yut e ba ayex junjun ex, yetokc'al bay masanil eb jet animail. 16 Tzalojanekc'al. 17 Txajlanekc'al tojbalk'inal. 18 Alek yuj diosalil bay Dios yuj tzanc'al tzet chex oni. A ton axca tu' chi yochej Dios tol chi jal yuj diosalil bay, yujtol yet onxa Cristo Jesús. 19 Man e tenoc wanaj Yespíritu Dios ayoc e yin junjun ex. 20 A eb chi cheklaytok yalil k'anej Dios ayex, manchak e yintaknej el tzet chi yal eb tu'. 21 Jantakc'al juntzan cuybanilej chi ak'lay ayex, chi cam e yabeni, cax chi cam e naoni, ta yel, ma man yelok. Asan wal juntzan tzet yetal yel che yaoc yin e c'ul. 22 Pojek el e ba xol masanil pojanil yobtakil. 23 Chi jochej tol aokab Dios, Cham ak'om junc'ulalil chex yi wal oc yetok sic'libil. Chi jochej c'apaxok, tol a' chi ak'on cuenta e yanimail, c'al e nabal, yetokc'al e mimanil, yet watx' c'am jabok e yobtakil yet ok jay Cham Jajawil Jesucristo. 24 A Cham awtenej on elok, chic'al yun bay chi yala'. Ok yun masanil juntzan ti' yuj Cham. 25 Ex wuẍtak, ex wanab, caw wal chex txajli juj bay tu'. 26 A yet che yil-len e ba, che yak'lej cawil e c'ul yin camc'ulalil, yujtol yet exxa Dios. 27 Yujtol chekbej in Cham Jajawil, xan chi waltok ayex, tol che yawtej jun in carta ti' xol eb creyente masanil bay tu'. 28 Yak'okabc'al Cham Jajawil Jesucristo is watx'c'ulal ayex bay tu'.
1 Ajun Silvano yetok Timoteo wetok ayin Pablo in ti', cax chi waontok jun carta ti' ayex, ex creyente aj Tesalónica. Yet exxa co Mam Dios, yet exxa c'apax Cham Jajawil Jesucristo. 2 Yak'okabc'al co Mam Dios, yetok Cham Jajawil Jesucristo is watx'c'ulal ayex bay tu'. Yak'okab c'apax is junc'ulal ayex. 3 Ex wuẍtak, ex wanab, yowalilc'alta' chi jal yuj diosal bay Dios e yuj. Moj jalon yuj diosal tu' e yuj, yujtol junjun c'u che yac'al oc Dios yin e c'ul. Yetok c'apaxok, yelxac'al lanan e camc'ulnelen e ba. 4 Ayon jun chex ec' jal watx'il xol eb creyente bay junjun yiglesia Dios, yujtol xiwil tzet chi alay oc e yiban, xiwil yailal lanan e yiloni; palta caw wal tec'an che yut e yaon oc e c'ul yin Dios, cax lanan e yak'on techajok. 5 Cayton tu' chi yun txecloj elok, tol tojolc'al chon yut beyc'ulnen Dios. Chi yaltek e yuj tol e moj e yoc yul k'ab Dios, Cham lanan e yaben yail yuj tu'. 6 A eb chex etnen tinani', a Dios ok aon oc yailal eb. Bayc'al ijan ton chi yut Dios axca tu'. 7 Lanan ton e yaben yail jetok, palta ok on yiel Dios xol yailal tu' yet ok jay Cham Jajawil Jesús. Ok tit Cham bay satcan yetok eb yángel xiwil is yipalil. Ok ayol Cham xol jun k'ak' chi chaw xak. 8 A yet tu' ok yaoc yailal eb maj ojtaknen el Dios, c'al eb maj iken k'anejal yet colbanilej aycan yuj Cham Jajawil Jesús. 9 Ok tokcan eb bay c'aybanilal yin tojbalk'inal. Ok ilay el eb c'atan Cham Jajawil tu', yet watx' c'amxa oxlajon bak'in ok yil eb is watx'ilal Cham, c'al is yipalil. 10 A yet jun c'ual yet ok jay Cham Jajawil tu', caw wal miman yelapnok Cham yul co sat ayon yet onxa Cham ti', ok ji can Cham mac on creyente onxa ti'. Ay e yalon e yet yin jun tu' yujtol max e yaoc yin e c'ul jun abix ec' albilcan ayex juj. 11 Yuj ton jun tu' xan chon txajlic'al e yuj. Chi co k'anon bay co Diosal e yuj, yet watx', watx'okabc'al ex yul sat, yujtol a' awtenej ex oc yetok. Chi co k'anon c'apaxok yet watx' chi yak' yipalil ayex, yet watx' che beybalnej masanil tzet watx' axca che yochej, c'al yin e mulnajil che yun bay, yujtol che yaoc yin e c'ul. 12 Ta caytu' che beybalnej, ok al-lay watx' k'anej yin Cham Jajawil Jesucristo e yuj, cax ok ex yalon c'apax Cristo watx'il. Caytu' ok ex eloc axca tu', yujtol a co Diosal, c'al Cham Jajawil Jesucristo ok tx'ox watx'c'ulal ayex.
1 A tinani xin, ex wuẍtak, ex wanab, ok waltok e yabej yuj is jayubal Cham Jajawil Jesucristo, c'al yuj co wajbanilal oc yetok. Chin tewitok ayex tol 2 manchak somchaj el e nabal, ta ay eb chi alon ayex, tol jaynakxa is c'ual Cham Jajawil. Caxc'al chi yal eb tol a Yespíritu Dios max alon bay eb, caxc'al yul yet eb tx'oklil chi yalon eb, manchak ex oc il bay chi yal eb. Caxc'al chi yal eb tol max apni co carta bay eb yuj jalon jun ti', manchak e cha e yabej. 3 Manchak e yak' e ba yilay aytek e sat yuj junok mactxel, yujtol a yet manto jay jun c'ual tu', ay jun tiempoal xiwil mac ok meltzoj oc ajc'ulal yin Dios, cax ok tx'oxk'abnen aj ba nak yajaw caw wal yob tol t'inan ok alaycantok bay yailal. 4 Ok yak'lej nak owal yetok Dios. Ok tit yowal yin masanil tzet chi al-lay oc diosal bay chi yal ba anima. Ok yiaj can ba yiban juntzan tu'. Toltax ok octok chotan nak yul templo Dios, cax ok yalon oc ba diosal. 5 Naektek tol a yet ayin ec' e yetok, max walcan juntzan ti' e yabej. 6 E yojtak tzet c'amto chi chaon jay nak yajaw yob tu', xan c'am chi txecloj aj yet manto tiempoalok. 7 Palta lananxa mulnaj yobtakil yin ewantakil tinani', masantac'al ok ilay el mac chi tenon oc wanaj tx'oxk'abnen aj ba tu'. 8 Catatu bian, ok tx'oxk'abnen aj ba nak yajaw yob tu'. Palta toc'al ok xulay cam yuj Cham Jajawil Jesús. A tzekekial yili Cham Jajawil yet ok jay tu', a' ok ak'on c'ayil jun nak tu'. 9 A yet ok tx'oxk'abnen aj ba jun winak yajawil yobtakil tu', ok oc Satanás yetok. Ok yak' yipal nak tu'. Yuj tu' xan ay juntzan milagro c'al juntzanxa tzet ok el tx'oxon yuj yetnen anima. 10 Xiwil tzet yobtak ok el yuneni, yuj yion aytek sat eb ok c'aycan elok. Ok c'aycan el eb, yujtol maj yochej eb max yaoc c'ul yin jun cuybanilej caw wal yel, yet watx' chi colchaj eb. 11 Yuj tu xin, ok yak' Dios yilay aytek sat eb yuj yajnabalil nak man yelok chi yala', cax ok yaon oc eb lek'tial yin is c'ul. 12 Yuj tu', masanil eb mac maj yal c'ul max yaoc c'ul yin jun cuybanilej caw wal yel, ok alaycantok eb bay yailal, yujtol max yak' tzalojbok eb c'ul yin yobtakil. 13 Ex wuẍtak, ex wanab, camc'ulnebil ex yuj Cham Jajawil. Yowalil chi jal yuj diosalil bay Dios e yuj, yujtol payxatax sic'bil ex el yuj Dios jetok, yet watx' chex colchaj el yuj Yespíritu. A Yespíritu tu' chex aon oc yetok Dios. Yuj tu' xan chex colchaj jetok, yuj c'apax che yaoc jun cuybanilej caw wal yel yin e c'ul. 14 A k'anejal yet colbanilej ec' albil ayex juj, a' max yak'balnej Dios ex yawten oc yetok, yet watx' ay e yalon e yet yin is tzekekial Jesucristo jetok. 15 Yuj tu xin, ex wuẍtak, ex wanab, caw wal tec'an che yut e ba. Manchak e bek c'aytok juntzan cuybanilej ec' jalnak ayex, c'al juntzan albiltok yul carta juj. 16 A Cham Jajawil Jesucristo, yetok co Mam Dios, caw wal ay camc'ulal eb jin. A is watx'c'ulal chi ak'on mimanil co c'ul yin tojbalk'inal, cax chi yak'on c'apax jaon oc is watx'ilal yipok co c'ul. 17 Yak'okab Cham e tzalojc'ulal, c'al e tec'anil, yet watx' a masanil tzet che yala', c'al tzet che yunej, watx'okabc'al yul sat Cham.
1 A tinani' ex wuẍtak, ex wanab, caw wal chex txajli juj, yet watx' yinokab ayman chi toj is k'anej Cham Jajawil xol anima masanil, cax chi chaon eb yin masanil is c'ul, axca max e yut e chaon ayex ti'. 2 Chex txajli c'apaxok, yet watx' c'amokab tzet chon utlay yuj eb yob is nabal, yujtol man masanilok anima chi yaoc yin c'ul. 3 Palta chic'al yun bay chi yal Cham Jajawil. A Cham chi ak'on e tec'anil. Chex colon c'apax el bay yobtakil. 4 Chi jaoc Cham Jajawil yipok co c'ul tol lanan e yiken e beybalnen juntzan chekbanil max jal ayex, cax ok e yikenc'al masanil tiempo. 5 Yak'okab Cham Jajawil nachaj el camc'ulal Dios e yuj, yet watx' caw wal tec'an che yut e ba, axca Cristo. 6 Ex wuẍtak, ex wanab, yuj chekbanil Cham Jajawil Jesucristo, xan chi jaltok juntzanxa chekbanil ti' ayex. Ta e xol tu' ay junok creyente c'am chi mulnaji, ta c'am chi beybalnej juntzan cuybanilej max ec' jalcan ayex, manchak e junanej e ba yetok. 7 E yojtakxa, tol moj che beybalnej co beybal, tol man isajok ec' jutnak co ba e xol. 8 E yojtak, c'am bay toc'al max co k'an low co ba ayex. A ti jet, max on mulnaj c'ualil c'al ak'balil. Caw wal max jak' jip co mulnaji, yujtol maj yal co c'ul max jak' co ba e cargonej yuj co gasto. 9 Caxc'al ay jalon jet co k'anon co gasto ayex, palta max on mulnaj yetok co k'ab. Cayton tu' max jut co tx'oxoncan el jun watx' beybalej tu' ayex, yet watx' che beybalnej c'apaxok. 10 Yujtol a yet ayon ec' e xol, max jal jun chekbanil ayex, jun chi alon axca ti': Ta ay mac c'am chi yal c'ul chi mulnaji, manchak low c'apaxok, ẍi. 11 Chi jaltok juntzan ti' ayex, yujtol chi jab k'umal, tol ay ex ab c'am chi yal e c'ul chex mulnaji. Toc'al ab comon chex toj xol tzet man e yetok. 12 A ayex mac ex txel caytu' che yut e ba, a tu' chi jaltok juntzan ti', yujtol max yal Cham Jajawil Jesucristo, xan chi cam jalontok ayex, caw chex mulnaj yin tzalojc'ulal, yet watx', watx'c'al chi ec' tiempo e yuj. 13 Ex wuẍtak, ex wanab, manchak ispay aj e yunen watx'il. 14 Ta ay mac c'am chi iken tzet chi jaltok yul jun co carta ti', chi cam e yiloni mactxel, yet watx' c'am chex ec' yetok, yuj yelbalok is q'uixwil. 15 Palta c'am chi je' tol ok e yajc'ulnej e ba yetok eb, palta alek yab eb, yujtol e yuẍtak eb, e yanab eb. 16 Yak'okabc'al Cham Jajawil, Cham ak'om junc'ulal, is junc'ulal ayex yin tzanc'al tzet chex oni. Ocokabc'al Cham e yetok e masanil bay tu'. 17 Ayin caw Pablo in ti' chin tz'ibejtok in bi ti', yuj txecloj elok tol yel wet ton jun carta ti'. Cac'al ti' chi wut in tz'ibentok in bi yin junjun in carta. 18 Yak'okabc'al Cham Jajawil Jesucristo is watx'c'ulal ayex e masanil bay tu'.
1 Ayin ton Pablo in, chekbej in Jesucristo, yujtol axca tu' yaloncan Dios co Colomal, c'al Cham Jajawil Jesucristo, Cham chi jaoc yipok co c'ul. 2 Ach Timoteo, ti chi watok jun in carta ti' ayach. Axca tol in c'ajol ach, yujtol wuj xan max aoc a c'ul yin Cristo. Yak'okabc'al co Mam Dios c'al Cham Jajawil Jesucristo is watx'c'ulal ayach. Ok'okab c'ul en, cax yak'okab c'apax is junc'ulal ayach bay tu'. 3 Caw chi wochej chach can bay conob Efeso tu', axcata' max wut tewok in ba ayach, yet max in toj bay Macedonia, yujtol chi wochej chi cam wal alon bay juntzan cuywajwom, tol c'amokabxa chi cuywaj eb yin tx'ok cuybanilejal. 4 Chal bay eb tol manchakxa yaoc eb c'ul yin comon abix, c'al yin txolilal yabixal yichmam eb, tol c'am lajubal. Comonc'al chi teyelej aj ba eb yuj yin nabac'al. A juntzan abix tu', c'am yopiso con is cuyon yin tzet chi yochej Dios chi junej, ma yin jaon oc co c'ul yin. 5 Chi waltok jun chekbanil ti abej, yet watx' ok ajwal can camc'ulal eb creyente bay tu'. Ta chi tojlonej oc ba eb, ta c'am chi tzulay eb yuj yikbomal is nabal, ta caw yel chi yaoc eb c'ul yin Dios, ok ajwal can is camc'ulal eb tu'. 6 Palta ay eb chi bekoncan juntzan watx' beybalej chi waltek ti'. Yuj tu' xan comonxac'al chi yaoc eb nabal yin comon k'anej c'am yelapnok. 7 Chi yochej eb chi oc meẍtolal yin ley Moisés. Caxc'al chi tz'ak tec'baj ba eb yaloni, palta c'am chi nachaj el yuj eb tzet chi yala'. 8 Jojtak tol ay yopiso ley Moisés tu' ta chi jikej tzet chi yala'. 9 Ojtaknej elok tol man yujok eb watx' beybal xan max ak'laycan jun ley tu', palta yuj eb ok waltek ti' xan max ak'laycanok: Yuj eb tenomtak chi yut ba bay Dios, eb man yikemok chi yut ba bay tzet chi yala', eb c'am chi beybalnen axca chi yochej Dios, eb yob is beybal, eb c'am yelapnok Cham yul sat, eb comonc'al chi buchwaj yin junok tzet yetal watx', eb chi mak' cam is mam c'al is txutx, c'al eb chi mak' cam juntzanxa yet animail, 10 eb ajmul, eb chi yun mul yetok yet winakil, eb elk'om anima, eb lek'ti, eb chi naaj k'anej yin yet animail, chi yal elapnok eb chi beybalnen tzet yetal c'am chi cha ba yetok cuybej caw yel. Yuj eb, xan max ak'laycan jun ley tu'. 11 A jun cuybanilej caw yel ti', a ton k'anejal yet colbanilej ti' max yak'can Dios ayin yuj walon elok. A jun ti', miman yelapnok. A chi alontek yabixal Dios, Cham cac'al ti' chi tzaloji. 12 Ayoc Cham Jajawil Jesucristo wetok yin wopiso ti'. Chi wal yuj diosalil bay Cham, yujtol yikem in yul sat Cham yala'. Yuj tu' xan max yak' wopiso wak'on serbil. 13 A yet yalan xin, buchwajwom in yin Cristo. Caw max wak' yobc'ulal yin, toltax bajwajnak in yin, palta max ok' c'ul Dios win, yujtol maj nachaj el wuj tzet chi el wuneni, yujtol c'amto chi waoc Cham yin in c'ul yet tu'. 14 Caw miman watx'c'ulal Cham Jajawil max tx'ox ayin. Max yak' waoc in c'ul yin, cax max yak'on c'apax in camc'ulal, axcac'al chi yut yak'on ayon junjun on, yujtol junxanej jayji yetok Cristo Jesús. 15 Ay jun tzet caw yel ok wala', cax moj wal chi co cha' jabej. Ulnak ec' Jesucristo yulyibank'inal ti', yuj ul colon el eb yobtakwom. Ec'ban yobtakwom in xol eb yobtakwom tu'. 16 Yuj ton tu' xan max ok' c'ul Dios win, yet watx' axc'a oc win chi txecloj elok tol ay is mimanc'ulal Jesucristo. Xan tx'oxbanil wayji bay jantak eb tolto ok yaoc c'ul yin, yet watx' chi cha' c'apax eb is k'inal tol ayc'al yin tojbalk'inal. 17 A Dios, Yajaw yayji yin tojbalk'inal. C'am bak'in ok cam Cham. C'am junok mac chi je' yilon oc yin. Asan jun Dios ti', cax c'am junokxa. Mimanokab yelapnok Cham yul co sat. Jalek watx' k'anej bay yin tojbalk'inal. Yunokabi. 18 Ach Timoteo, camc'ulnebil ach wuj axca tol in c'ajol ach. Chi waltok juntzan chekbanil ti' ayach, yet watx' ok ot mulnaj a ba axca max yun chekon Dios yal-lay en. Yuj tu', axca wal junok soldado caw watx' chi yut ba yin is yopiso, caytu' chot ak'on ep a mulnaj yin yet Dios. Tec'anc'al chot aon oc yin a c'ul tzet max a cha abej. Chac'al ab tzet chi yal yikbomal a nabal. 19 Ay eb c'amxa chi cha yab tzet chi yal yikbomal is nabal, xan mayal etax el eb yin tzet chi yaoc eb yin c'ul. 20 A Himeneo yetok Alejandro, caytu' max yut ba eb. Yuj tu' max waoc eb yul k'ab Satanás, yet watx' chi yojtaknej el eb tol c'am chi je' chi jal buchwal k'anej yin Dios.
1 A tinani', tix tzet chi babji walontok ayach ti'. Yowalil chon tewi bay Dios, chon txajli yuj masanil anima. Yowalil chi co k'an bay Cham, cax chi jak'on c'apax yuj diosalil yuj eb anima tu'. 2 Yowalil chon txajli yuj eb mimek yajaw, c'al yuj eb yajaw masanil, yet watx' chon beytok yin numanil, c'al yin masanc'ulalil. Yuj tu' ok je' jaon wal oc co ba yul k'ab Dios, cax ok je' co beybalnen bayc'al ijanil. 3 Ta axca tu' yayji, watx' yul sat Dios co Colomal, cax caw chi tzaloj Cham yuj. 4 Yujtol chi yochej Cham chi colchaj masanil anima, c'al yojtaknen el eb jun cuybej acaw yel. 5 Asan jun Dios ay, cax asan c'apax jun yaomal oc co ti' bay, a ton Jesucristo, a ton Cham max oc animail, 6 ul yak'nak ba camok, yet watx' chi je' colchaj masanil anima yuj. A yet max jay tiempoal jun ti', max al-lay el yabixal. 7 Wal yel chi wala', c'am chin naajok tol max ak'lay wopiso walon el jun abix ti'. Max quin alay oc chekbejok Jesucristo, yuj in cuyon eb man israelok yin cuybej acaw yel, yet watx' chi yaoc eb c'ul yin Cham. 8 Yuj tu', chi wochej chi txajli eb winak bay junjun lugar. A eb chi yiaj k'ab can cax chi txajli, yowalilokab watx' is beybal eb yul sat Dios. C'amokab chichonc'ulal eb. Manokab ak'om owalok eb. 9 A eb ix ix, bayc'al ijanokab chi yut pichon ba eb ix, tojolokab chi yut yaon oc eb ix is pichil. Manokab ayxa mayok chi yut eb is xil. Manchak luesnej ba eb yaon oc ch'en oro chi tzekeki yili, c'al ch'en ch'en yelxac'al can is tojol. Manchak luesnej ba eb yetok pichilej yelxac'al can is tojol. 10 A ti yet eb, aokab watx' beybalej chi tx'oxil eb, a ton beybalej moj chi beybalnej eb ix ix chi oc ayilal bay Dios. 11 Yabokab eb ix ix cuybanil yin ayilal, cax tz'inc'alokab ẍi eb ix. 12 Ayin chi wala' tol c'am chi je' cuywaj eb ix xol winak. Maj je' tol a eb ix ok ak'on mandar winak. Abxalwokokab eb ix yin tol c'am chi yaltok eb ix yet. 13 Yujtol babel watx'nebil Adán yuj Dios. Tzunanilxa watx'nebil Eva. 14 Manak Adán max ilay aytek sat yuj nak diablo, palta a Eva, xan a ix max ayc'ay yin tenomtakil bay Dios. 15 Caxc'al chi yab eb ix yailal yalji unin yuj, palta ok colchaj yanimail eb ix, ta chi yaoc eb ix Dios yin c'ul, ta ay is camc'ulal eb ix, ta watx' beybal eb ix yul sat Dios, ta chi yak' cuenta ba eb ix.
1 A junxa k'anej ok waltok ayach ti', caw wal yel. Ta ay mac chi yochej chi oc yilomalok yet creyenteal, watx' jun mulnajil chi yochej eb chi yun tu'. 2 Ok waltek tzet yowalil chi el beybalnen eb chi oc yin jun opiso tu'. C'amokab bay chi el yunen eb junok tzet yetal man watx'ok, yet watx' c'am tzet yin chi je' yak'lay queja eb. Yowalil tol junnejokab yistzil eb. Tec'anokabc'al chi yut eb is nabal, yak'okabc'al cuenta ba eb. Yowalilokab watx'c'al chi yut eb is beybal satak yet animail, ak'om posadaokab eb. Watx'okab chi yut cuyon eb eb yet creyenteal. 3 Manokab uq'uemanok eb. Manokab mak'wajwomok eb. Watx'okab c'ul eb. Manokab ak'om owalok eb. Manokab asannejok yin ak'oj ganar tumin ayoc nabal eb. 4 Watx'okab yak'on cuenta ba eb yul yatut, yet watx' yikemokabc'al yuninal eb bay, yet watx' ayokab yelapnok eb yul sat yuninal tu'. 5 A mac man yojtakok tzet chi yut yak'on cuenta ba yul yatut, ¿tom ato wal yak'on cuenta yiglesia Dios ok je' yuj? 6 A eb unin creyente, c'amto chi je' yalay oc yopiso eb, yujtol ay is may chi yi' can ba eb. Ta chi yi' can ba eb, ay is may chi alay oc is yailal eb, axca max utlay nak diablo. 7 A eb ayoc yopiso, yowalilokab watx' chi yut eb beybal satak eb man creyenteok, yet watx' c'am chi buchlay eb, c'al yet watx' c'am chi ayc'ay eb yul is trampa nak diablo. 8 Ti chi wal c'apaxtok ayach tzet yowalil chi el beybalnen eb diácono. Yowalil tol watx'okab chi yut eb beybal satak yet animail. Manokab cabok is ti' eb. Manokab uq'uemanok eb. C'amokab chi yi' eb tumin yin tzet man watx'ok. 9 Yowalil caw chi yaoc eb nabal yin juntzan cuybej ak'bil ayon yuj Dios, juntzan bay chi jaoc co c'ul. Yuj tu' yowalilokab chi cha yab eb tzet chi yal yikbomal is nabal. 10 Beyc'ulnelayokab eb chi oc diáconoal tu' babelal. Ta c'am is paltail eb chi ilchaji, chi je' yalay oc yopiso eb. 11 Ac'ala' c'apax eb ix ix chi oc yopiso, yowalil watx'okab chi yut eb ix is beybal satak yet animail. Manokab alom k'umalok eb. Yowalil tec'anokab chi yut eb is nabal. Yetok c'apaxok, yikemokabc'al chi yut ba eb ix watx'nen masanil tzet chi cheklay watx'nej. 12 Junnejokab yistzil junjun diácono. Watx'okab yak'on cuenta ba eb yul yatut. 13 Ta watx' yilon eb diácono tu' yopiso, miman yelapnok eb yul sat yet creyenteal, cax c'am chi xiw eb yaloni tol ayoc Cristo Jesús yin is c'ul. 14 Chin toj ayach tu' yet jayeb c'u. 15 Palta ta c'uxan chi mayji wapni, yuj tu' chin tz'ibejtok jun in carta ti' ayach, yet watx' chojtaknej elok tzet chi el oten a beybal yul yatut Dios, a ton yiglesia Cham Dios iquis. A yiglesia tu' ay yopiso yoc yipomalok cuybanilej caw yel. 16 Wal yel, caw miman yelapnok co cuybanil ak'bil jojtaknej el yuj Dios. Chi yal axca ti': Max tx'oxaj ba Dios yin mimanilejal yet anima. Axa Cham Espíritu tx'oxnak elok, tol caw tojol is nabal. Ilbil Cham yuj eb ángel, albil el yabixal bay xolak nación. Ay eb yet yulyibank'inal ti' max yaoc c'ul yin. Yetok c'apaxok max ilay paxaj Cham satcan.
1 Yin jichanil chi yut yalon Cham Yespíritu Dios, tol a yet lananxa jay lajub tiempoal, ay eb ok yican el ba yin creyenteal, cax axa yin cuybej man yelok ok yaoc eb nabal. A juntzan cuybej tu', cuybej demonio. 2 Ok yacbaj eb txiquin yaben tzet chi yal anima lek'ti'. Cabsat juntzan eb anima tu'. Junelnej wal tol etaxnak el nabal eb sic'libil. 3 Ok tz'ak yal eb axca ti': Ay yowalil chi oc jetbi. Ay juntzan tzet ay yowalil co looni, ẍi eb, ok tz'ak yalon eb lek'ti' tu'. Palta a Dios watx'nenej juntzan tzetak yetal tu', yuj co loon ayon creyente on ti'. Yuj tu' xan a yet chi co looni, chi jal yuj diosalil bay Dios yuj, yujtol jojtakxa jun cuybej acaw yel. 4 Masanil tzet watx'nebil yuj Dios, watx'c'al elok. Yuj tu', c'am chi je' jaloni tol ay tzet man watx'ok yul sat. Chi je' co loon masanil tzetak yetal, asan tol chi jal yuj diosalil bay Dios yuj. 5 Ta chon txajli, cax chi jalon yuj diosalil yuj tzet chi co lo' tu', c'am yowalil, yujtol caytu' yalon k'anej Dios. 6 Ta ok ak' juntzan cuybej ti' cuy eb creyente bay tu', cax chak'on ep yin a cuyon a ba alon juntzan k'anej chi jaoc yin co c'ul, a ton juntzan cuybej caw watx' bay ayoc co nabal, watx' chekbej Jesucristo ach chi yal tu'. 7 Palta manchak a cha' ab juntzan comon abix c'am yelapnok. Ac'al oc a nabal yin Dios. 8 Ta chi co k'aytzej co mimanil yet watx' ay jip, watx' toni; palta yelxac'al ec'ban watx'il ta chi jaoc co nabal yin Dios. Ta caytu' chi jut co ba, ay is watx'il ok co cha' bay yulyibank'inal ti', c'al bay satcan. 9 A jun cuybej ti', caw wal yel. Moj chi co cha' jab yin masanil co c'ul. 10 Yujc'al ton jun ti', xan chi jiajtek co c'ulok jak'on jip co mulnaj yin yet Dios, yujtol a Cham Dios iquis chi jaoc yipok co c'ul. A Dios, is Colomal masanil anima yayji. A eb chi yaoc c'ul yin, ok colchaj eb yuj. 11 A juntzan tzet chi waltok ayach ti', caw chi cam alon bay eb creyente bay tu', cax cha cuyon eb yin. 12 Watx'c'al chot a ba satak eb creyente masanil, yet watx' c'am mac chach alon uninal. Watx' chot k'anjab a ba bay eb. Watx' chot a ba satak eb. Watx' chot a camc'ulnen eb. Asannejokab Cham Jajawil chaoc yin a c'ul. Tojolc'al chot a nabal yil eb, yet watx' caytu' chot a tx'oxon watx' beybalej yil eb bay tu'. 13 Yak'ban chin apni, ak' ep awten tx'an k'anej Dios yab eb. Chak' ep a jekon oc nabal eb, c'al a cuyon eb. 14 Manchak a bek ilnej opiso ak'bil yuj Dios yet max batxban ajtok eb anciano k'ab yiban a jolom. A Dios ak'nej nachaj el yuj eb tol ok ach k'anbalnej, xan max ak'lay c'apax ojtaknej elok tzet ok ot ak'on serbil. 15 Caw chaoc juntzan chi waltok ayach ti' yin a c'ul, yet watx' ok yil eb masanil bay tu', tol cac'al ti' eon ep junjun c'u. 16 Taynej a ba, cax chi cam eloni tzet cuybanilejal chak' cuy eb. Tec'anc'al chot a ba yet watx' ok a col a ba, cax ok colchaj c'apax eb chi aben tzet chala'.
1 Manchak a tzu eb cham ichamtak winak. Jek oc nabal eb yin watx'c'ulalil axca chot alon junok tzet yetal bay a mam. C'al bay eb nak ach'ejtak winak, watx'c'al chot alon yab eb nak, axca chot alon yab junok caw oẍtak. 2 Ac'ala' c'apax bay eb xal ixnamil ix, watx' chot alon yab eb axca chot alon yab a txutx. C'al bay eb ix k'opoj ix, watx'c'al chot alon yab eb, axca bay junok acaw anab. Manokab cab satok chot k'anjab a ba bay eb. 3 Chi wal c'apaxtok juntzan chekbanil ti' ayach yuj eb ix ix camnakxa yichamil. A ton eb junelnej wal tol tx'oklil, yowalil chon colwaj bay eb ix. 4 Ta ay eb ix ay yune', ma yitxiquin, yowalil cha cuy eb uneej tu' c'al eb itxiquinej tu', tol a eb cuenta yak'on colwal bay is mam, c'al bay is txutx, yuj yak'on eb pak tzet max ak'lay bay eb. Ta chi beybalnej eb axca ti', caw watx' yul sat Dios. 5 Ay eb xal chi cam yichamil, cax caw yel tol tx'oklilxac'al, asanxanej Dios chi yaoc eb yipok c'ul. C'ualil c'al ak'balil txajc'al chi yun eb bay Dios, yuj k'anon eb tzet chi k'anabax oc yuj. 6 Palta ay eb xal camnakxa yichamil chi yak' is nabal yin tzet chi yochej c'ul. Caxc'al iquis eb tu' yul sat anima, palta yul sat Dios camnak el eb. 7 Chi cam alon juntzan cuybej ti' bay eb xal bay tu', yet watx' c'amokab mac yob tzet chi alon yin eb. 8 Ta ay eb creyente c'am chi colwaj bay is mam, c'al bay is txutx, ma bay is mam yican, c'al bay eb ayic' yetok yul yatut, titol c'am jabok yelapnok cuybej Cristo bay eb chi yal tu', cax ec'ban yobal eb yintak eb man creyenteok. 9 A eb xal camnakxa yichamil ok waltek ti', chi je' yoc eb cargook iglesia: Eb xal ayxa 60 abil is k'inal, eb xal tol c'amc'al bay max say is mul yul k'ab yichamil. 10 Eb xal miman txequel tol watx' is beybal satak yet creyenteal. Eb watx' max yut yilon ch'ib yune', eb xal max beybalnej ak'oj posada. Eb max yak' serbil yet creyenteal yin ayilal, eb max colwaj bay eb ayoc yin yailal, eb watx'c'al tzet chi el yuneni. Asan ton eb xal ti' chi je' yoc cargook iglesia. 11 A pax eb ix k'opoj ixto xin, cax chi cam yichamil, man a chaoc eb cargook iglesia. Yujtol ay eb, a wal tzet chi yochej c'ul chi beybalnej, cax chi bekoncan eb Cristo. Asan junokxa yichamil eb chi na'. 12 Ok beyc'ulnelay eb, yujtol c'am chi yikej eb bay max yak' is ti'. 13 Yetok c'apaxok, chi yilil eb ix isajil. Asanxanej k'anej chi yil yun eb ix xolak na. Man asannejok tol chi yilil eb ix isajil, palta chi yil c'apax el eb ix wajoj k'anej, cax comon chi yaltok eb ix yet xol junok tzet yetal bay c'am yalon yet, cax chi yalon c'apax eb ix tzet man watx'ok. 14 Yuj tu' xan chi wochej tol a eb ix k'opoj ixto camnakxa yichamil, watx' chi yi' eb ix junokxa yichamil. Unewokokab eb ix. Yak'okab cuenta eb ix yul yatut. Ta chi yikej eb axca walon ti', c'am tzet chi je' yalon eb ajc'ul jin yuj eb ix. 15 Chi waltok juntzan ti' ayach, yujtol ay eb ix camnakxa yichamil meltzojnakxa yintak. Axa Satanás chi yak' serbil eb ix tinani'. 16 A jantak creyente aj lugar bay tu', caxc'al winak, ma ix, ta ay junok xal ix camnakxa yichamil ayic' yintak, yowalil chi colwaj eb bay xal. Yujtol man mojok ta a iglesia chi cargonen eb. Asan eb xal caw is tx'oklil, a eb moj chi col-lay yuj iglesia, yujtol maj tzakay iglesia cuentanen eb xal masanil. 17 A eb anciano watx' yak'on cuenta yet creyenteal, yowalil ayokab ay yelapnok eb yul sat yet creyenteal masanil. Mawal eb chi yak' yip cuywaji, c'al yalon el k'anej Dios, yelxac'al ec'ban yelapnok eb. 18 Yujtol ẍi tx'an Un axca ti': Manchak e yaoc pa yin ti no no' yet chi tec'wi trigo, ẍi. Cax chi yalon c'apax tx'an axca ti': A mac chi mulnaji, moj chaon is tojol, ẍi. 19 Ta ay mac chi ak'on queja junok anciano, yowalil ayokab cawanok, ma oxwanok testigo. Ta c'am cawan oxwan testigo tu', man a cha' ab tzet chi al-lay aj yin tu'. 20 Ta ay mac c'am chi bekcan yunen yobtakil, cha tenchanej satak eb creyente masanil, yet watx' chi xiw eb masanil yoc is yobtakil. 21 Satak Dios, yetok satak Jesucristo, c'al satak eb is yángel sic'bilcan el yuj, chi cam walontok ayach, tol chekej juntzan chekbanilej ti', yin tol c'am a q'uexanc'ulal yin junjun. 22 Man comonok chaoc yopiso junok mactxel yin ayman, yet c'amto chi cam elon is beybal, yujtol axa talaj chi yunajok, chach locaytok xol is yobtakil. I el a ba yin tzanc'al tzet man watx'ok. 23 Chi waltok ayach yuj a c'ul, ilab tol ya'c'al. Manokab asannejok aej choq'uej. Chi je' oq'uen jabok vino, yet watx' chi watx'ji a c'ul tu'. 24 Ay mac miman txequelxa is yobtakil yet manto beyc'ulnelayok. Ay mac xin, masantac'al chi beyc'ulnelayi, catatu' chi txecloj aj is yobtakil. 25 Cay c'apax tu' eb watx' is beybal, miman txequelxa eb tol watx' is beybal eb. Ta ay eb watx' is beybal c'amto chi txecloj elok, yowalil ok txeclojc'alta' el eb.
1 Chi wal c'apaxtok ayach yuj eb creyente ayoc yin mosejal. Mimanokab yelapnok patrón eb yul sat, yet watx' c'am chi buchlay Dios, c'al co cuybej bay ayoc co nabal yuj beybal eb. 2 Ta ay eb ayoc yin mosejal yintak yet creyenteal, mimanokabc'alta' yelapnok yul sat eb. Watx'okab chi yut mulnaj ba eb bay, yujtol yet creyenteal ba eb yetok mac ay tzet chi yi' yin is mulnajil eb, xan camc'ulnelayokab eb yuj eb. Chi cam alon juntzan chekbanil ti' bay eb, cax cha cuyon eb yin. 3 A cuybej Cham Jajawil Jesucristo caw yel, palta ay mac c'am chi yaoc c'ul yin juntzan cuybej tu'. Tx'ok cuybej chi el yalon eb. C'am chi yochej eb juntzan cuybej chi alon tzet chi jut jaon oc co nabal yin Dios. 4 A mac axca tu' chi yut ba, c'am jabok tzet yojtak eb, toc'al chi maynej ba eb. Chi yochej eb comon chi yak'lej owal yetok junokxa mactxel. Chi yochej c'apax eb chi teyelej ba yin juntzan k'anej. Asan juntzan ti' chi yilc'al yun eb. Palta yuj ton juntzan tzet chi el yunen eb tu', xan chi pitzc'oj aj chichonc'ulal, owal, buchwal, yob nabalejal, c'al teyelejbail. 5 Axca ton ti' chi yut ba eb etaxnak el is nabal, eb c'amxa chi yaoc nabal yin cuybej acaw yel. Chi yochej eb chi yi' eb tumin yin co cuybanil. 6 Yel, miman ton watx'il chi ji' yin co cuybanil, ta chi jak' tzalojbok co c'ul yetok tzet ayon. 7 A yet chon alji, c'am jabok tzet ibil oc juj chon jayi. Ac'ala' c'apax yet ok on paxok, c'am jabok tzet ok je' jiontok bay yulyibank'inal ti'. 8 Yuj tu', ta ay tzet chi co lo' cax ta ay co pichil, tzalojokonek. 9 Akxa tinani', ay creyente asannejok beyomal chi yochej. Yuj ton tu' xan c'un yak'lay etax el eb yuj tzet man watx'ok. Axca tol chi ayc'ay eb yul junok trampa, yujtol xiwil juntzan tzet c'am yopiso chi yochej oc eb. Caw ay is may chi etax el eb yuj. Yuj juntzan tzet chi yochej oc eb tu', xan chi etax el nabal eb junelnej. Yuj tu' caytu' ok yun c'aycan el eb. 10 Ta pek' on yin ch'en tumin, chi je' chon toj yin tzanc'al tzet makanil yobtakil yuj ch'en. Ay eb asan tumin chi yochej ocok. Yuj tu' xan max bekcan eb juntzan cuybej bay max tz'ak yalej oc c'ul. Mimek cusc'ulal wal max yitek eb yiban. 11 Ach Timoteo, tol yet achxa Dios, ontawal juntzan tzet c'am watx'il max waltek ti'. Tojolc'al chot a beybal. Asanokab yin Dios chaoc a c'ul, c'al a nabal. Ayokab a camc'ulal. Tec'baj a ba aben yail. Yaynakil chot a ba. 12 Axca junok soldado caw tec'an chi yut ba, cayokab tu' chot aon oc a c'ul yin Cham Jajawil. Axca ti' chot a chaon a k'inal tol ayc'al yin tojbalk'inal. Yuj a chaon a k'inal tu', xan max ach yawtej oc Dios yetok. Caw watx' max ot alon satak masanil eb max aben aloni, tol Jajawil ton Jesucristo. 13 Satak Dios, Cham ak'om k'inalej, c'al satak Jesucristo, tol watx' max yut yak'on ba testigoal satak Poncio Pilato, chi cam walontok ayach, 14 tol caw chekej juntzan chekbanil ti' sic'libil. Watx'c'al chot a beybal, masantac'al chi jay Cham Jajawil Jesucristo. 15 Ato yet ok jay jun tiempoal tol nabil yuj Dios, catatu' ok tx'oxon aj Jesucristo. Yujtol asan Dios ay is yikbej, cax tzalojc'ulalc'al ay. A ton Dios Reyal eb rey, c'al Yajawil eb yajaw c'apaxok. 16 Asan Dios man cambejalok yayji. Xol sakk'inal ay Cham. C'am junok mac chi je' yapni is c'atan. C'amto junok mac maxax ilon yin Dios, yujtol c'am junok mac chi je' yoc t'anan yin. Mimanokab yelapnok Cham yul co sat. Ayokab yikbej Cham yul co sat yin tojbalk'inal. Yunokabi. 17 Al juntzan chekbanil ok waltek ti' bay eb creyente beyom yin tzetak yetal bay yulyibank'inal ti'. Chi cam alon yab eb, tol manchak maynej ba eb. Manchak yaoc eb beyomal tu' yipok c'ul, yujtol man tojbalk'inalok ay. Cax chalon bay eb tol asanokab Dios chi yaoc eb yipok c'ul. Yujtol a Cham chi ak'on masanil tzet ayon, yuj jak'on tzalojbok co c'ul yin tzet chi yak' ayon tu'. 18 Chal bay eb, tol watx' chi yut eb is beybal, xiwil tzet watx' chi je' el yunen eb. Colwajokab eb bay eb meba', bekanokab chi yut eb c'ul sawaj bay eb. 19 Ta chi beybalnej eb axca chi wal ti', ok wajbaj eb tzet ok yi' eb yet yajtok tu', ok yi' c'apax eb jun acaw k'inalej. 20 Ach Timoteo, taynejc'al tzet max abenelay oc yul a k'ab. Ay eb comonc'al chi yal tzetak yetal nabac'al. Caw c'am jabok yelapnok tzet chi yal eb chi yaloc ba jelanil tu'. Besil a ba xol eb. 21 Yujtol ay eb chi yaoc c'ul yin juntzan lek'tial chi yal eb tu'. Yuj tu', xan chi bekcan eb cuybej max yaoc yin c'ul yin babelal. Yak'okabc'al Dios is watx'c'ulal ayach bay tu'.
1 Ayin ton Pablo in, chekbej in Jesucristo, yujtol axca ti' max el yin c'ul Dios. Yak'nakcan Dios is ti', tol ok yak' co k'inal tol ayc'al yin tojbalk'inal, yujtol junxanej jayji yetok Cristo Jesús. 2 Ach Timoteo, ti chi watok jun in carta ti' ayach. Caw ay in camc'ulal en, axca tol in c'ajol ach. Yak'okabc'al co Mam Dios yetok Cham Jajawil Jesucristo is watx'c'ulal ayach. Ok'okab c'ul en. Yak'okabc'al c'apax is junc'ulal ayach bay tu'. 3 Chin txajli c'ualil c'al ak'balil oj. A yet chin txajli junjuntak el, oj wali chi walon yuj diosalil bay Dios. A yin Cham, tojol chi wut in nabal yin wak'on serbil, axca max yun yak'on serbil eb wichmam. 4 A yet chin naontek a cusc'ulal, caw chi wochej chi wiloc en junelxa, yet watx' chi ajwal can in tzalojc'ulal. 5 Wojtak wali, tol yelc'ulal wal chaoc Cham Jajawil yin a c'ul. A a txutx ixnam Loida, babel yanak oc is c'ul yin, c'al a txutx Eunice. Wojtak tol axca ton max yut yaon oc eb c'ul yin Cham Jajawil tu', caytu' chot aon c'apax oc a c'ul yin Cham ach ti'. 6 Xan chi waltok ayach tinani', tol chak' ep elon opiso max yaoc Dios eban yet max in batxban ajtok in k'ab yiban a jolom. 7 A Dios, manak xiwc'ulal max yak' ayon. Palta tol a wal caw yipalil max yak'a', yet watx' tec'an co waayi. Max yak' co camc'ulnelej co ba. Max yak' c'apax jak'on cuenta co ba yul jet. 8 Yuj tu', manchak ach q'uixwi alon el yabixal Cham Jajawil. Yetok c'apaxok, manchak ach q'uixwi, yujtol preso wayji yuj Cham. Manchak ach xiw elon yail yuj k'anejal yet colbanilej, yujtol lanan yak'on Dios yipalil ayach wetok. 9 Colbil on el yuj Dios, cax awtebil on c'apax el yuj, yet watx' watx'c'al chi jut co beybal. Man yujok jabok tzet watx' max el juneni xan max on colchaji, palta yujtol axca ti' max el yin c'ul Dios chi juncan elok, c'al yuj is camc'ulal jin, yujtol junxanej jayji yetok Cristo Jesús. Ayxac'alta' camc'ulal Dios jin yet c'amto chi tz'unchaj yulyibank'inal. 10 Ato yet max ulic' co Colomal Jesucristo, ato yet tu' max txecloj el is watx'c'ulal Dios jin. A Jesucristo max ak'on lajwok el yipalil camich. A k'anejal yet colbanilej max txeclonen elok tol a Cham chi ak'on co k'inal tol ayc'al yin tojbalk'inal. 11 Max yak' Dios wopiso walon el k'anejal yet colbanilej, cax max quin yaon oc chekbejok Jesucristo, yuj chin ec' cuywajok. 12 Yuj tu' xan chi wil juntzan yailal chi jay wiban ti'; palta c'am jabok chin q'uixwi, yujtol caw wojtak Cham ayoc yipok in c'ul. Wojtak tol ay yipalil Cham taynen tzet max yak' ayin, masantac'al chi jay c'ual jayubal Cristo. 13 Ya'ilnej jun acaw cuybanilej max abcan ayin. Aokab wal ayc'al oc yichbanilok cuybanilej ok ak'a', yujtol ay wal oc Dios yin co c'ul, c'al yuj camc'ulal ak'bil ayon yujtol junxanej jayji yetok Cristo. 14 Taynej juntzan cuybanilej max alay oc yul a k'ab yuj Dios yetok colwal Cham Espíritu Santo, Cham cajanxa ec' jin junjun on. 15 Ojtakxa tol bekbil inxa can in tx'oklil yuj masanil eb creyente yul yet Asia. Ajun Figelo yetok Hermógenes yetok eb beknej in can tu'. 16 Ok'okab c'ul Cham Jajawil yin eb cajan yetok Onesíforo bay yatut, yujtol tx'ial elc'al max ul yak' mimanil in c'ul. Caxc'al preso wayji palta maj q'uixwok quin ul yiloni. 17 Maxc'al jay bay conob Roma ti', cax max c'oli in saylay ec' yuj, masantac'al max yal wilchaj yuj. 18 Ok'okab c'ul Cham Jajawil yin Onesíforo tu' yetok eb ayic' yetok bay yatut yet ok jay c'ual jayubal Cristo. Ojtak ach ti' tol caw xiwil is watx'c'ulal Onesíforo tu' jin bay conob Efeso bay ayach ec' tu'.
1 Yuj tu xin, ach tol axca in c'ajol ach, tec'baj a ba yuj watx'c'ulalil Dios chi yak' ayon, yujtol junxanej jayji yetok Cristo Jesús. 2 A juntzan cuybanilej max ab walon nan xol xiwil eb creyente etok, abenejcan oc yul k'ab eb yikem, eb chi je' cuywaj nan xol yet creyenteal. 3 Axca junok soldado tol caw watx', axcaokab tu' chot ak'on techaj yailal chela', yuj lanan ak'on serbil Jesucristo. 4 K'inalok junok soldado ayoc yin yopiso tinani', maj je' comonc'al ok tok yin junokxa comon mulnajil, yujtol asan jun yajaw chi je' yak'on serbil. 5 K'inalok junok winak ayoc yin junok sakach tinani', caw wal chi yochej chi yak' ganar, palta ta c'am chi yikej axca wal yalon leyal jun sakach tu', maj je' chaon is paktzil. 6 Ilab c'apax eb mulnajwom tinani'. A eb, moj chaon yet yin babelal yin sat awoj. 7 A juntzan chi waltok ayach ti', chi cam a beyc'ulnen sic'libil, cax ok yak'on Cham Jajawil nachaj el oj masanil. 8 Natek Jesucristo, Cham yinatil David, Cham max ictzonelay aj xol eb camnak. A ton jun ti' k'anejal yet colbanilej chi walilok. 9 Yujc'al chi walil jun ti', xan lanan waben yail tinani'. Toltax c'alan in yetok cadena, axca wal tol miman in mul yul sat ley, palta a k'anej Dios man c'alanok yetok cadena axca in c'al-lay ti'. 10 Ay juntzanxa eb sic'bilxa el yuj Dios, chi wochej ok cha' eb watx'il jetok. Yuj tu' xan chi wak' techaj jantakc'al tzet chi jay wiban, yet watx' chi cha' c'apax eb is colbanil miman yelapnok. Jun chi ak'lay ayon yin junelnej, yuj junxanej jayji yetok Cristo Jesús. 11 A juntzan k'anej ok waltok ayach ti', caw yel. Ta camnak on yetok Cham, ok on iquisbokc'al ec' yetok yin junelnej. 12 Ta chi jak' techaj yail yetok Cham, ok jak' yajawilal yetok. Ta chi jiel Cham jin, ok on yi' c'apax el Cham yin. 13 Ta ayon c'am chi yun tzet chi jala', palta a Cham chic'al yun tzet chi yala'. Yujtol c'am chi je' q'uexon Cham is ti' yin tzet chi yala'. 14 Jek na' eb creyente bay tu' juntzan chi waltok ayach ti'. Satak Dios chal bay eb, tol man comonok chi teyelej ba eb yin k'anej. Nabac'al chi yetnej ba eb yin. A eb chi aben teyelen ba eb, toc'al chi somchajcan el c'ul eb yuj eb. 15 Caw chak' ep a mulnaj yin yet Dios, yet watx' chi yil eb tol watx' a mulnajil, cax caw watx'c'al chot alon el k'anej Dios acaw yel. Ta chon axca chi wal ti', c'am tzet yuj xan ok ach q'uixwok aj satak Dios. 16 Man a cha' ab tzet chi yal eb comonc'al chi k'anjabi, eb c'am yelapnok tzet chi yala'. Yuj is comon k'anej eb tu', xan chi texac'al toj eb xol tzet man watx'ok. 17 Axca wal junok yax k'ayil chi el lebebok, caytu' chi yun yel lebebok juntzan comon k'anej chi yal eb tu'. Caytu' yutnak ba Himeneo yetok Fileto. 18 Yuj tu' xan max bekcan eb jun cuybej acaw yel, cax chi tz'ak yalon eb tol mayal ictzoj aj eb camnak. Axca tu' chi ec' somtok eb tzet ayoc yin c'ul jaywanokxa. 19 Palta a jun yanak ay Dios yich, caw ay yip. Axca junok yich na c'am jabok chi bili, caytu' jun tu'. Ayoc jun sello yin, tol chi yal axca ti': Yojtak Cham Jajawil eb yetc'alta' yayji, ẍi. Cax chi yal c'apax axca ti': Tzanc'al mac chi yaloc ba yetok Cham Jajawil, yowalil chi bekcan masanil yobtakil, ẍi jun sello tu'. 20 K'inalok ay junok miman na xiwil mitx'k'abej yul. Ay laj ch'en mitx'k'abej. Ay laj oro yetok plata, caw ay yopiso. Palta ay pax te mitx'k'abej, c'al tx'otx' mitx'k'abej. A cabxa makan tu' comon mitx'k'abejc'al. 21 Axca juntzan mitx'k'abej tu', cayon ton tu'. Ta chi co bekcan masanil yobtakil, caw miman jelapnok satak Cham Jajawil. Asan Cham ayon yet. Ay jopiso yuj Cham, yujtol tzanc'al tzet opiso miman yelapnok chi yochej c'ul Cham watx'xa jayji yet chi junej. 22 Besil a ba yin juntzan tzet chi yochej oc eb et ach'ejal. Ocan yin tojolal, yin camc'ulal, yin junc'ulal, c'al yin aon oc a c'ul yin Cham Jajawil axca chi yut ba eb c'am jabok is paltail satak Cham, yet chi yalon ba eb bay. 23 Ay eb comonc'al chi teyelej aj ba, palta nabac'al toni. C'am jabok yelapnok tzet chi yal eb. Pojil a ba xol eb. Ojtakxa tol owalxa chi yun lajwi aj tzet chi yal eb tu'. 24 A mac chi ak'on serbil Cham Jajawil, c'am chi je' tol comonc'al chi yatok ba xol owal. Yowalil manso chi yut ba eb bay masanil anima. Yowalil watx' chi yut cuywaj ba eb, cax miman c'apax chi yut eb c'ul. 25 Yetok c'apaxok, watx'c'ulalokabc'al chi yut yalon eb bay eb chi tit yowal. Yamita ok ak'lay na ba c'ul eb yuj Dios, cax ok yojtaknen el eb jun cuybej acaw yel. 26 Yujtol a eb tu', axca tol mitx'bil tzakay eb yuj nak diablo, yet watx' chi yun eb tzet chi yochej nak, palta ta chi na ba c'ul eb, ok colchaj eb yul k'ab nak diablo tu'.
1 Yowalil chi jojtaknej elok, tol a yet manto jay jun lajub c'ual, ay wal jun tiempoal ok jayok tol caw ay is may. 2 Ilab tol ay anima ok camc'ulnej ba tx'oklil. Asan yin ch'en tumin ok yaoc eb nabal. Ok luesnej ba eb, ok yi' can ba eb. Comonc'al ok buchwaj eb. Manxa ok yikej eb tzet ok yal is mam c'al is txutx. Manxa ok yal eb yuj diosalil yuj tzet ok cha'. Junelnej wal man watx'ok ok yut eb beybal. 3 C'am jabok camc'ulal eb, c'am bay ok ok' c'ul eb yin junokxa mactxel. Ok wajwok k'anej eb. Maj je' mitx'on tzakay eb is mimanil. Axca wal junok no no' caw ow, caytu' ok yut ba eb. Ok oc eb ajc'ulal yin masanil tzet watx'. 4 A yet ok jay jun tiempoal tu', ok naaj eb k'anej yin yamigo. Maj xiw eb yunen tzet man watx'ok. Ok tz'ak yaloc ba eb jelanil. Asan yin tzet ok yochej oc eb yetok is mimanil bay ok yaoc eb is nabal. Axa yin Dios xin, c'am jabok is camc'ulal eb. 5 Ok tz'ak yal eb axca ti': A yin Dios chi jaoc co nabal, ẍi eb. Palta a beybal eb ok tx'oxk'abnen elok tol manak Dios ayoc yetok eb. Manchak a junanej a ba yetok eb, a ti et, tol chach el xol eb. 6 A xol eb chi wal ti', ay eb ewantakc'al chi oc yulak na, cax chi yetnen eb eb ix ix c'am is nabal, eb ix etaxnakxa el is nabal yuj tzet man watx'ok. A eb ix tu', xiwil tzet man watx'ok chi yochej oc eb. 7 Chi tz'ak cuywok ba eb ix masanil tiempo; palta c'am bak'in ok yojtaknej el eb ix jun cuybej acaw yel. 8 Axca max yun yak'len Janes yetok Jambres tenon oc waan Moisés, axca tu' chi yun tenon oc waan eb anima tu' cuybej acaw yel. Toxa ton max etax el is nabal eb. C'amxa chi yaoc eb c'ul yin Dios. 9 Palta a eb tu', man ok uj yuj eb, yujtol ok txecloj el eb satak masanil anima, tol c'am nabal eb. Axca max yun txecloj el eb max yak'lej tenon oc wanaj Moisés, cayton tu' ok yun txecloj el eb. 10 Palta ach ti' ojtak ton in cuybanil, c'al in beybal, c'al tzet chi wut in nabal. Max ela' tzetbil chi wut waon oc in c'ul yin Cham Jajawil. Max el c'apax in mimanc'ulal c'al in camc'ulal. 11 Yetok c'apaxok, max el in tec'anil xol tzet chi alay oc wiban, c'al juntzanokxa tzet chi wab yail. Ojtakxa tol caw wal max quin etax yet max quin ec' bay conob Antioquía, yetok bay conob Iconio c'al bay Listra. Xiwil yailal ec' wilnak bay juntzan conob tu'; palta colnak in el Cham Jajawil yul is k'ab masanil. 12 Tzanc'al mac chi yochej tol watx' chi yut beybal, yujtol chi junanej ba yetok Cristo Jesús, wal yel ay tzet ok alay oc yiban yuj eb yet animail. 13 Axa eb man watx'ok beybal xin, c'al eb etnem anima, ok texac'al tojcan eb xol tzet man watx'ok. Etnewom eb, cax etnebil c'apax eb. 14 Axa ach xin, tec'anc'al chot aon oc a nabal yin juntzan cuybej cuybilxa oj, juntzan ojtak mac cuynej ach can yin. 15 Yintaxc'al a yaliẍal max c'oli a cuyon tx'an is libro Dios. Tx'an chi ak'on jelanbok co nabal, yet watx' chon colchaji, yet chi jaon oc co c'ul yin Cristo Jesús. 16 A Dios max ak'on tz'ibelay tx'an Un bay aycan is k'anej. Watx' tx'an yin con is cuyoni c'al yin con is tenchaneni. Chi watx'ji oc co nabal yuj. Chon is cuy tx'an, tzet chi jut co jichlonen oc co beybal. 17 Axca ton ti' yopiso tx'an, yet watx' tz'akan chi nachaj el juj, c'al jeon juj junen juntzan yochwan Dios ayon tol yet onxa ti'.
1 A yet ok jay Cham Jajawil Jesucristo yet cayelal, ok texac'al oc Cham yin reyal, cax ok beyc'ulnen Cham masanil eb anima camnakxa, c'al eb iquisto. Yuj tu' xan satak wal Dios c'al satak Cham Jajawil Jesucristo chi cam walontok ayach 2 tol chalil k'anej Dios xol anima. Caxc'al chi yochej eb chi yabej, caxc'al c'am chi yochej eb chi yabej, palta alilok. Cha tenchanej eb yin tzet man watx'ok, cha jek oc nabal eb. Miman chot a c'ul yin eb, cha cuy c'apax eb yin k'anej Dios. 3 Yujtol ay jun tiempoal ok jayok, xan ay mactxel majxa cha' al-lay cuybej acaw yel bay. Asanxanej comon k'anej ok yochej eb ok yabej. Yuj tu', xiwil cuywajwom ok wajbajtek eb; palta juntzan cuywajwom tu', toc'al ok tz'ak yal eb juntzanok comon k'anej, axca chi yochej anima tu'. 4 Yuj tu', majxa yacbaj eb txiquin yin cuybej acaw yel, asan yin comon abix ok yaoc eb nabal. 5 Palta ach ti', tec'anc'al chot a nabal. Ak'c'al techaj yailal chi jay eban. Alc'al el k'anejal yet colbanilej nan xol anima. Mulnajan sic'libil, yet watx' c'am tzet chi majax aj yin opiso tu'. 6 Axa ayin ti xin, lananxa jay tiempoal in cami. Axca vino chi seclay ay yin ofrendail, caytu' ok wunej. 7 Axca junok mac chi oc yin junok anejbail, axca tu' max wut in ba in mulnaj yin yet Dios. A tinani xin, mayal yi ba wopiso yin watx'il. Max in ya'ilnej masanil tiempo juntzan cuybej max jaoc yin co c'ul. 8 A tinani', c'ubanxa ec' in paktzebal, yujtol tojolc'al max wut in beybal. A yet jun c'ual tu' ok in cha' in paktzil tu' bay Cham Jajawil, Cham Juez tojol. Man asannejok in ok in cha' paktzil tu', palta ok cha' c'apax eb chi ochen chi jay Cham yet is cayelal yet. 9 Chi wochej chak' ep a sayon tzet chi yun a tit yin ayman. 10 Yujtol max quin beklaycan yuj Demas in tx'oklil. Max toj bay Tesalónica, yujtol asan tzet yetal ay yulyibank'inal ti' chi yochej. A juẍtak Crescente, a bay Galacia max toji. A pax juẍtak Tito xin, a bay Dalmacia max toji. 11 Ti asan Lucas ayic' wetok. A yet chach tita, chi ec' e' Marcos etok, yujtol caw chi oc yopiso nak wuj mulnaj yin yet Cham Jajawil. 12 Max in chektok juẍtak Tíquico bay Efeso. 13 A yet chach tita, elokab yin a c'ul chi ec' e' jun jokan pichilej max in bekcan bay Troas bay yatut Carpo, yetok juntzan in libro c'al juntzan wun yelxac'al watx' tol yowalil chi tita. 14 A nak Alejandro, nak tenom ch'en, caw yob chi yut ba nak ayin, palta ok paktzej Cham Jajawil yunben nak tu'. 15 Ilc'al a ba bay nak ach ti', yujtol chi yak' nak ajc'ulal yin jun abix chi jalilok. 16 A yet max wal in ba yet babelal satak cham yajaw bay Roma, c'am junok mac max oc wetok. Maxc'al quin is bekcan eb in tx'oklil. Matawal c'am chi tit yowal c'ul Dios yin eb yuj tzet max yun eb tu'. 17 Palta max oc Cham Jajawil wetok. Max colwaj Cham wetok. Yuj tu' xan max je' waloncan el k'anejal yet colbanilej. Maxc'al yab eb man israelok masanil. A junel axca wal tol max in michchaj yuj junok no coj, cax ijan max in is chiaytok no', palta max in col-lay el yul ti' no' yuj Cham Jajawil. 18 Ok in is colil Cham yul k'ab masanil tzet man watx'ok. Watx' ok in yut c'uban aj Cham, yet watx' ok in apnok yul is k'ab bay satcan. Mimanokabc'al yelapnok Cham yin tojbalk'inal. Yunokabi. 19 Chak' cawil c'ul janab Prisca yetok juẍtak Aquila, yetokc'al eb cajan yetok Onesíforo bay yatut. 20 A juẍtak Erasto max can bay Corinto. Axa juẍtak Trófimo xin, a bay Mileto max wak'canok, yujtol ya'ay. 21 Chach nanon a tita, yak'ban wal c'amto chi oc nabilk'inal. Chi yatok nak juẍtak Eubulo cawil a c'ul. Ilab c'apax juẍtak Pudente, yetok juẍtak Lino, c'al janab Claudia, c'al masanil eb creyente, chi ya c'apaxtok eb cawil a c'ul. 22 Ayokab oc Cham Jajawil Jesucristo etok. Yak'okabc'al Dios is watx'c'ulal ayex.
1 Ayin Pablo in ti', yak'omal in serbil Dios, chekbej in c'apax Jesucristo, yuj wiontek eb sic'bilxa el yuj Dios, yin yaon oc eb c'ul yin. Ay wopiso in cuyon eb yin jun cuybej acaw yel, tol chon cuy yin watx'il. 2 Cayton tu' wopiso axca tu', yet watx' chi yaoc eb yipok c'ul, tol ok co cha' k'inalej tol ayc'al yin tojbalk'inal. A Dios c'am bay chi yak' lek'tial junelok. A yet manto watx'nej yulyibank'inal ti', max yak'on is ti' tol ok yak' co k'inal tol ayc'al yin tojbalk'inal tu'. 3 Mayal jay tiempoal tinani', yak'on ojtaknelay el is k'anej. Yuj tu', a Cham co Colomal Dios, a Cham max ak'on walil is k'anej ti'. 4 Ti chi watok jun in carta ti' ayach Tito. Wal yel axca tol in c'ajol ach, yujtol ayin max wal abej, xan max a cha' Cristo wetok. Yak'okabc'al co Mam Dios c'al Jajawil Jesucristo co Colomal is watx'c'ulal c'al is junc'ulal ayach. 5 Max ach wak'can bay Creta tu', yuj a watx'nen oc juntzan tzet ayto watx'ji, c'al yuj a sic'on oc mac chi oc ancianoal xol eb creyente bay junjun conob. Cha sic'oc eb axca max wut waloncan ayach. 6 Ti ok waltok beybal eb moj yoc ancianoal abej. A junok anciano, c'amokab bay chi say junok tzet yetal yobtak, yet watx' c'amc'al queja chi aj yin. Junnejokab yistzil. Creyenteokab yuninal masanil, cax man comonok chi say yun eb junok yobtakil. Manokab tenomtakok chi yut ba eb, palta tol yikemokab chi yut ba eb yuninal eb tu'. 7 Yujtol a eb chi oc yilomalok eb jet creyenteal tu', yowalil caw wal watx' chi yut eb is beybal, yujtol yak'omal cuenta mulnajil Dios yayji eb. Maj je' tol asanxanej eb chi yochej chi yal yet. Maj je' tol c'un chichon aj c'ul eb. Manokab uq'uemanok eb. Maj je' tol mak'wajwom c'apax eb. Yetok c'apaxok, maj je' yion tumin yin yobal. 8 A eb ay yopiso tu', ak'om posadaokab eb. Yowalilokab a tzet watx' chi yun eb, c'amokab chi ec' eb yiban. Tojolokab chi yut eb is beybal. Asannejokab yin Dios chi yaoc eb nabal. Yowalilokab chi mitx'oc wanaj eb mimanil yin tzet man watx'ok. 9 Yowalilokab chi yaoc eb nabal yin cuybej acaw yel, jun cuybej ak'bilxa cuy eb, yet watx' chi je' yiptzen eb juntzanokxa mactxel yetok jun cuybej yel tu', cax chi je' c'apax yak'on eb yojtaknej el eb anima chi tenton ec' bay co cuybej. 10 Yujtol xiwiltoc'al anima tenomtak chi yut ba. Toc'al chi comon alnej junok tzet yetal c'am yelapnok, caw iom aytek satej eb. Mawal axca eb ayoc nabal yin circuncisión, xiwil eb caytu' chi yut ba. 11 Yowalil chi tenlay oc wanaj eb, cax c'amxa chi yal eb, yujtol tzanc'al nail bay chi ec' eb, chi ec' yak' somchaj eb c'ul eb creyente tu'. Chi ec' yak' eb cuylay tzet man watx'ok, yet watx' chi yi' eb is tumin yin eb. 12 Ay jun nak aj Creta tu', aj nabal yayji xol eb, max yal nak axca ti': A eb wet aj conobal bay Creta ti'; toc'alta' lek'ti' eb. Caw wal lajan eb axca junok no no' caw wal ow. Isaj eb, toc'al chi yochej eb chi lowi, ẍi nak. 13 Yel ton chi yal nak. Yuj tu' xan yowalil cha tenchanej eb sic'libil, yet watx' chi yaoc eb jun cuybanilej acaw yel yin is c'ul. 14 Chal bay eb, tol manchak yacbaj eb txiquin bay juntzan comon abix chi yal eb wet israelal. Chalon c'apax bay eb, tol manchak yikej eb tzet chi yal eb c'am yelapnok cuybej yel yul sat. 15 A yul co sat ayon watx'xa co nabal ti', watx' masanil tzet yetal; palta a eb c'am chi yaoc c'ul yin Dios, eb yob is nabal, c'am junok tzet yetal watx' yul sat eb, yujtol a is nabal eb man watx'ok. C'am jabok chi mitx' waay ba eb yetok is nabal tu'. 16 Chi tz'ak yal eb tol yojtak eb Dios, palta a is beybal eb chi tx'oxk'abnen elok tol man yojtakok eb Cham. Man watx'ok eb yul sat Dios, yujtol c'am chi yikej eb jabok tzet chi yala'. Yuj tu' xan c'am junok tzet watx' chi je' el yunen eb.
1 Axa ach ti', aokab tzet moj cuylayi, aokab chak' cuylayok, wal juntzan cuybanilej caw wal yel. 2 Chal bay eb ichamtak winak, tol bayc'al ijan chi yut eb is nabal. Watx'okab chi yut ba eb, yet watx' ayokab yelapnok eb yul sat yet animail. Aj nabalokab chi yut ba eb. Cawokab chi yaoc eb c'ul yin juntzan cuybanilej yel. Ayokab camc'ulal eb yin yet animail. Tec'anokab chi yut ba eb yet chi yilon eb yailal. 3 Ac'ala' c'apax eb xal ixnamil ix, chal bay eb, tol watx' chi yut eb is beybal, axca wal chi yochej c'ul Dios. Man comonok chi yal eb k'umal yet animail. Manokab uq'uemanok eb. Meẍtolokab eb xal yin tzet watx', 4 cax chi cuywaj eb xal xol eb ix k'opoj ixto yin tzet chi yut camc'ulnen ba eb ix yetok yichamil, c'al tzet chi yut camc'ulnen eb ix yune'. 5 Cax aj nabalokab chi yut ba eb ix, tojolokab beybal eb ix. Ya'ilnejokab eb ix yatut. Watx'okab chi yut eb ix c'ul bay yet animail. Yikemokab eb ix bay yichamil, yet watx' c'amokab buchwal k'anej chi al-lay yin k'anej Dios. 6 Yetok c'apaxok, chi cam alon bay eb ach'ejtak winak, tol aj nabalokab chi yut ba eb. 7 Watx' chot a beybal yin masanil yil eb. Aokab yet chach cuywaj xol eb, chach cuywaj yin masanil a c'ul, c'al yin c'am ejmach'il. 8 Tojolc'al chot cuywaj a ba bay eb, yet watx' c'amokab mac chi alon tol man watx'ok juntzan chak' cuy eb tu'. Yuj tu xin, caxc'al ay eb chi tit yowal en, palta ok q'uixwok aj eb, yujtol c'am junok tzet yob ok je' yalon eb jin. 9 Chal bay eb creyente ayoc yin mosejal, tol yikemokab chi yut ba eb bay is patrón. Watx'okab chi yut ba eb axca chi yochej c'ul patrón eb tu'. Manchak tak'wej eb is ti', 10 tamwal chi elk'an eb bay. Tojolokab chi yut ba eb tx'oxon el is watx' beybal. Axca ton tu' ok yut tx'oxk'abnen el eb bay eb anima, tol caw watx' cuybej co Colomal Dios. 11 A Dios, max tx'ox is watx'c'ulalil ayon, a' inej oc colbanil masanil eb anima bay yulyibank'inal ti'. 12 Yuj is watx'c'ulal tu', xan chi nachaj el juj, tol yowalil chi co bekcan masanil tzet man watx'ok chi jochej oc bay yulyibank'inal ti', cax tol aj nabal chi jut co ba, c'al watx' chi jut co beybal. Asan yin Dios chi jaoc co nabal. 13 Jechbanejek jay jun c'ual tzalojc'ulal, yet ok jay Cham co Diosal caw miman yelapnok, a ton Cham co Colomal Jesucristo. 14 Max yak' cam ba Cham juj, yuj on is colon el yul k'ab yobtakil. Max yiel Cham masanil co mul, yet watx' asan Cham ay yalon yet jin, cax asanokab tzet watx' chi jochej chi junej. 15 Al juntzan ti' xol eb creyente bay tu'. Cheptzej eb, cax cha tenchanen eb yob is beybal, yujtol opiso yayji. Watx'c'al chot a ba, yet watx' c'amokab mac chi aloni tol c'am opiso.
1 Cha jek na eb creyente tu', tol yikem chi yut ba eb bay masanil eb yajaw. Yowalil chi yikej eb bay chi yal eb. Tzanc'al tzet mulnajilal tol watx', bekanokab chi yut eb c'ul watx'neni. 2 Manokab comonok chi buchwaj eb yin yet animail. Manokab comonok chi yak'lej eb owal yetok junok mactxel. Watx'okab chi yut eb is nabal, mansookab chi yut ba eb bay masanil anima. 3 Yujtol a yet yalantok, c'am c'apax co nabal ayon ti'. Pit on bay Dios. C'aynak on tok yet tu'. Max jak' serbil tzanc'al tzet yobtakil max jochej ocok. Caw wal yob co beybal yet tu'. Chi jak' sawenal yin eb jet animail watx' ay. Yajbejtak jili yul sat eb jet animail, yetok c'apaxok, ayonxac'al oc max co yajlej aj co ba. 4 Palta max tx'oxaj Cham co Colomal Dios is watx'c'ulal, c'al is camc'ulal bay masanil anima. 5 Yuj tu', max on colchaj el yuj. Man yujok junok tzet watx' max el juneni, xan max on is colo'; palta asan yuj max ok' c'ul Cham jin. A yet max tx'ajon el co yobtakil jin, axca wal tol max on alji yet cayelal. A Yespíritu max q'uexon co nabal. 6 Yuj co Colomal Jesucristo xan max yatek Dios Yespíritu ayon yin masanil is c'ul. 7 Xan watx' on yul sat, yujc'al is watx'c'ulal. Yuj tu' xan ok yak' c'apax co k'inal tol ayc'al yin tojbalk'inal, jun ayc'al oc yipok co c'ul. 8 A juntzan chi wal ti', yel. Xan chi wochej tol yayjic'al alubtanen sic'libil juntzan cuybanilej ti', yet watx' a eb chi yaoc c'ul yin Dios, chi yaoc eb yin c'ul yunen tzet watx'. Caw watx' juntzan cuybanilej ti'. Caw chi oc yopiso juj co masanil. 9 Manchak aoc a ba yetok eb comonc'al chi teyelej ba yin tzet nabac'al, c'al xol eb asan yabixal eb ichmamej chi yaltek. Manchak a c'apax oc a ba yetok eb comonc'al chi yak'lej owal, c'al yetok eb chi teyelej ba yin ley Moisés. C'am tzet chi yi' eb yin juntzan chi yalubtanej tu'. Nabac'al chi yetnej ba eb. 10 Ta ay eb chi ochen chi pojchaj eb creyente, cha tenchanej eb junel cayelok. Ta c'am chi yikej eb, che yiel eb e xol. 11 A eb caytu' chi beybalnej, ojtaknej elok tol etaxnakxa el eb. Munilc'al yojtakxa eb tol lownakxa yin eb yuj is yobtakil. 12 Ok in chektok juẍtak Artemas ayach, ma xin, a juẍtak Tíquico ok tok. A yet chi apni ocok, chak' ep a toj bay conob Nicópolis. Ata bay tu' ok on k'anjabok, yujtol chi wochej a tu' ayin ec'ok yet chi ec' nabil k'inal. 13 A yet chi toj nak juẍtak licenciado Zenas yin is viaje yetok juẍtak Apolos, colwajan yin yet mimanil eb. Jantakc'al tzet chi k'anabax yuj eb yulak be, ak' bay eb, majaxta' aj eb. 14 Cha cuy eb jet creyenteal bay tu', tol chi yun eb tzet watx', cax chi colwaj eb bay eb ay is majilal, yet watx' ay yopiso eb yul sat Dios. 15 Chi yatok masanil eb ayic' wetok cayti' cawil a c'ul. Chak' cawil c'ul masanil eb creyente chon camc'ulnen bay tu'. Yak'okabc'al Dios is watx'c'ulal ayex e masanil bay tu'.
1 Ayin Pablo in ti', preso wayji yujc'al chi wak' nabal Cristo Jesús. Ajun juẍtak Timoteo wetok, cax chi jaontok co carta ti' ayach Filemón. Camc'ulnebil ach juj, yujtol jet mulnajwomal co ba yin mulnajil Dios. 2 Chi wal c'apaxtok bay eb creyente chi wajbaj ba bay atut, yetok bay janab Apia, c'al bay juẍtak Arquipo, yujtol chi yak' yip yin yet Dios jetok. 3 Yak'okabc'al co Mam Dios c'al Jajawil Jesucristo is watx'c'ulal c'al is junc'ulal ayex bay tu'. 4 Caw wal chi wal yuj diosalil bay Dios oj, yet chin txajli, 5 yujtol chi wab a k'umal cayti', tol caw wal ayoc Cham Jajawil Jesucristo yin a c'ul. Ay ab a camc'ulal yin, c'al yin masanil eb yuninalxa Dios. 6 Ay eb chi yaoc c'ul yin Cristo oj, yujtol chi yil eb tol ayoc yin a c'ul. Lanan in k'anon bay Dios yuj eb, yet watx' chi nachaj el yuj eb, tol a Cristo Jesús chi ak'on masanil tzet watx' ayon. 7 Caw wal chin tzaloj oj, yujtol ay ab a camc'ulal bay tu'. Caw wal chi wi' in mimanc'ulal oj cayti', yujtol ach ti' wuẍtak, caw wal chak' tzalojbok c'ul eb creyente bay tu'. 8 Ayin ti', chekbej in Cristo. Yuj tu', ay walon wet ach wak'on pural yin tzet yowalil chonej. 9 Palta c'am chach wak' pural. A ti wet tol chin k'an favor ayach, yet watx' chi txecloj el a camc'ulal. Ayin Pablo in ti', icham winak inxa. Preso pax wayji tinani' yujc'al chi wak' nabal Cristo Jesús. 10 Chin k'an favor ayach yuj Onésimo, nak axca tol max oc in c'ajolok, yujtol max cha' nak Cristo wuj yul preso ti'. 11 A yet yalantok, c'am jabok yopiso nak ach yak'on serbil. Axa tinani xin, caw wal chi oc yopiso nak oj, cax chi oc yopiso nak wuj. 12 Yuj tu', ti chin chek pax nak ayach. Matawal cha cha' apnok nak. Axcaok tol ayin chin apni, caytu' chot a chaon apnok nak. 13 Manak in, chi wochej chi ayji ec' nak wetok cayti' yuj in yak'on serbil. Axcaok tol ach chin ul ak' serbil yul preso ti'. Ilab tol preso wayji, yujc'al chi walil k'anejal yet colbanilej. 14 Palta c'am chi yal in c'ul chi babji wak'on trato yetok nak, masantac'al chi wab ayach. Yujtol chi wochej tol yin wal a c'ul chi eli, cax chak'on favor ayin yetok nak, cax man yinok ak'bil pural chach wutej. 15 Yel toni, max el nak entak jun tiempoal; palta yamita caytu' chi yunej, yet watx' chi ayjixac'al ec' nak etok junelnej. 16 Manxa mosejalok chi yun yayji ec' nak entak tinani'. Mimanxa yelapnok nak yul a sat. Ilab juẍtakxa nak, caw camc'ulnebil nak wuj. Yelokab cha camc'ulnej nak yet ok apnok nak ayach. Man asannejok yujtol jet animail nak, xan ok a camc'ulnej, palta yujtol juẍtakxa co ba yetok nak yin Cham Jajawil. 17 Ta caw jetbi co ba cha na', cha apnok nak entak junelxa. Axcaok tol ayin chin a cha' apnok entak, caytu' chot a chaon apnok nak. 18 Ta ay junok mul nak max oc ayach, ma jec nak max oc xin, tz'ibejcantok wiban. 19 Ayin caw Pablo in ti' ok wak' pax jec nak tu' ayach. Yuj tu' xan tix in bi chin tz'ibejtok ayach ti'. Ojtakxa tol axca tol ay c'apax a jec ayin, yujtol ayin max wal abej, xan max a cha' Cristo. 20 Yuj tu' wuẍtak, tutun creyente achxa, xan ak' wal jun favor ti' ayin. Yujokab Cristo xan chak' tzalojbok in c'ul. 21 Chi waltok juntzan ti' ayach, yujtol wojtak tol yikemc'al chot a ba. Wojtak tol man asannejok tzet chi waltok ayach ok ekej oneni, palta ok ec' yiban eken onen juntzanokxa tzet yetal. 22 Chi wal c'apaxtok ayach, tol cha say jabok bay chi wak' in posada bay tu'. Ta ok el yin c'ul Dios ok in tok ayex tu', axcata' che yut e k'anon yin txajil. 23 Chi yatok juẍtak Epafras cawil a c'ul. Ay c'apax oc preso wetok, yujc'al tol chi jak' nabal Cristo Jesús. 24 Chi ya c'apaxtok eb wet mulnajwomal cawil a c'ul, a ton Marcos, Aristarco, Demas, c'al Lucas. 25 Yak'okabc'al Cham Jajawil Jesucristo is watx'c'ulal ayex bay tu'.
1 A yet payxa, xiwilc'al tzet max yut k'anjab ba Dios bay eb jichmam. Tx'ial elc'al max k'anbalnej eb is chekbej. 2 Axa yet jun lajub tiempoal ti xin, a is C'ajol max k'anbalnej yuj k'anjab ayon. A is C'ajol tu' max yak'balnej watx'nen yulyibank'inal, c'al masanil tzetak yetal ay yulyibank'inal ti', cax max yaon oc masanil yul k'ab is C'ajol tu'. 3 A yin Cham C'ajolej chi tx'oxil Dios is watx'ilal, yujtol caw lajan watx'il Cham yetok. Caw lajan nabal Cham yetok. Asan yuj k'anej Cham C'ajolej tu', xan watx' bey masanil tzetak yetal, yujtol a is k'anej tu', caw miman yikbej. A yet max xew yioncan el Cham co yobtakil jin, max toj ay chotan bay watx' k'ab Dios bay satcan. 4 A Cham C'ajol Dios, ec'ban yelapnok Cham yintak eb ángel, yujtol a is yikbej ak'bil yuj is Mam, ec'ban yintak yet eb ángel tu'. 5 C'am junok ángel bay max yal Dios axca tzet max yal bay is C'ajol: Ach ton in C'ajol ach. Ayin max ach wak' iquisbok tinani', ẍi bay is C'ajol. A yet max yal Dios c'apax junxa ti', man yujok junok ángel xan max yala', palta yuj is C'ajol tu', xan max yal axca ti': Tol is Mam ok wunej, cax in C'ajol ok yunej, ẍi. 6 A yet max yion jay Dios is C'ajol asannej oc bay yulyibank'inal ti', max yalon axca ti': Yiokab ay ba masanil eb wángel bay, ẍi. 7 Yuj tu' xan yalnak c'apax yabixal eb ángel tu' yuj tzet chi yun eb, ẍi axca ti': Chi yaoc eb is yángel yin cak'ek'al. Chi ya c'apax oc eb yak'omal serbil yin xak k'ak'ejal, ẍi. 8 A pax yuj Cham is C'ajol tu xin, chi yal axca ti': Ach Dios, Rey ach yin tojbalk'inal. Yajaw ach, watx'c'al chi yun a beyc'ulnewi. 9 A wal tojolal chi cha a c'ul; c'am chi cha a c'ul yobtakil. A wal yuj tu' xan max ach siq'uil Dios, a ton a Diosal. Max yak' miman tzalojc'ulal ayach yintak juntzanxa eb ay yopiso etok, ẍi yul tx'an Un tu'. 10 Chi yalon c'apax axca ti': Mamin Jajawil, atax yet yichbanil max a watx'nej ay yich tx'otx' tx'otx' ti'. Ach wal caw max a watx'nej satcan. 11 Ok c'aycan el masanil juntzan ti', ach xin, toc'alta' ayach ec'ok. A juntzan tu' ok ichambok axca yichambi an pichilej. 12 Ok a pakaj axca junok k'ap. Ach ok a q'uexcanelok axca wal q'uexon el anima icham pichilej, axa ach xin, ac'ala' achc'al. C'am bak'in ok lajwok a k'inal, ẍi yul tx'an Un tu'. 13 C'am junok ángel bay yalnak Dios c'apax junxa ti' axca max yut yalon bay is C'ajol: Ayan chotan bay in watx' k'ab ti', masantac'al ok wacan oc eb ajc'ul oc en batxlubok akan, ẍi bay is C'ajol. 14 Masanil eb ángel tu', espírituc'al el eb, yak'omal serbil Dios yayji eb. Chekbiltek eb yuj on is coloni, ayon mac on ok co cha' co colbanil.
1 Yuj tu', yowalil chi jaoc co nabal yin juntzan cuybej abbilxa juj. Ta c'amak, ay is may jab jabil ok on c'aycantok. 2 A is k'anej Dios yalnakcan bay eb ángel payxa, toltac'a max yunej. Ay eb max oc is yobtakil, cax max tenon eb tzet chi yala'. Yuj tu', max alay oc is yailal eb axca wal is mojalil. 3 Ta max alay oc yailal eb tu', ¿tzet wal ok jut co colon co ba ayon ti', ta chi jiel co nabal yin co colbanil caw miman yelapnok ti'? A wal Cham Jajawil babel alnej yabixal co colbanil ti'. Axa eb max abeni, tx'oxnak el eb, tol yel jun abix ti', cax max yalon eb ayon. 4 Ac'ala' c'apax Dios, yak'nak ba testigoal yin jun abix ti'. Tx'oxnak juntzan milagro, c'al juntzan tzet chi c'ayaj co c'ul yuj yet chi jiloni, yet watx' chi tx'oxk'abnej elok tol miman yelapnok jun abix ti'. Ilab c'apax Cham is Yespíritu, chi yak' c'apax ba Cham testigoal yin, yujtol chi yak' Cham jopiso junjun on, atac'ala' tzet opisoal chi yal c'ul Cham chi yak' ayon. 5 Ti wal chi waltek yuj junxa yulyibank'inal tolto ok jayok. A jun yulyibank'inal tu', man yulok k'ab eb ángel ok yak' Dios. 6 Yujtol a yul tx'an Un, ay bay chi yal axca ti': ¿Tzet jelapnok ayon anima on ti', xan chon a natek, cax nanon yec' a c'ul yuj co watx'ilok? 7 Yaynakil janic'ok yintak eb ángel max con ot a watx'neni. Palta ach max ak' mimanbilal c'al mayk'ak'al ayon. Max ak' jikbej yiban onben. 8 Max acan oc masanil tzet yetal watx'nebil oj yul co k'ab, ẍi yul tx'an Un tu'. Yuj tu', a yet max yaon oc Dios masanil tzetak yetal yul co k'ab, c'am junok tzet yetal tol maj yak' ayon. Asan tol a tinani', c'amto chi jila' ta masanil ayoc yul co k'ab. 9 Palta chi jiloc yin Jesús, Cham max utlay yaynakil janic' tiempoal yintak eb ángel yuj Dios, yet max oc animail. Yuj watx'c'ulal Dios, xan max el yin c'ul cam Jesús jujc'al co masanil. Axa tinani' xin, caw ec'ban watx'il max utlay Cham, cax miman yelapnok Cham, yujtol max yab yail camich. 10 Watx'nebil masanil tzetak yetal yuj Dios, yet watx' chi txecloj elok tol miman yelapnok Cham. Max cha' c'ul Cham tol a eb is yuninal, ay yalon yet eb bay is tzekekial. Yuj tu' xan moj tol chi tz'aknaj el Jesús yuj yaben yail, yujtol a Cham max tz'unon yich co colbanil. 11 Ayon max on oc yetok Dios, junnej co Mam yetok Cham max on aon oc yetok tu', a ton Cham C'ajol Dios. Yuj tu', c'am chi q'uixwi Cham on yalon oc yuẍtakok, ma yanabok. 12 Axca tu' yalon bay is Mam yul tx'an Un: Ok walcan el abixal bay eb wuẍtak, bay eb wanab. A yet ok wajon ba eb, ok ach in bitnej xol eb, ẍi. 13 Yalnak c'apax axca ti': A Dios ok waoc yipok in c'ul, ẍi. Max yalon c'apax junelxa: Tix in ti' yetok eb wuninal max yak' Dios ayin, ẍi Cristo yul tx'an Un Tz'ibbilcan tu'. 14 Ayon chon oc yuninalok Dios yetok Cristo, cambejal yayji co mimanil ti'. Yuj tu' xan yowalil max oc c'apax mimanil Jesús cambejal axca co mimanil ti', xan a yet max cam Cham, max yak' lajwok jun ayoc yikbej on yak'on camok, a ton nak diablo. 15 A yet yalantok, axca tol mosejal jayji bay nak diablo tu', yujtol chon xiw co cami; palta a Jesús colnej on el tinani'. 16 Wal yel, man yujok ul colon el eb ángel xan max ulic'ok, palta juj ayon yinatil Abraham on ti'. 17 Yuj tu', yowalil lajan max utlay axca ayon uẍtakej on ti', yet watx' chi ok' c'ul jin, cax tojol chi yut yaon oc co ti' bay Dios, c'al yuj yak'on ba yin xajanbalil yuj yion el co yobtakil jin. 18 Cax tutun acaw Cham max yab yail yet max ak'lay porobal Cham, xan a tinani' chi je' yoc Cham jetok yet chon ak'lay porobal c'apaxok.
1 Ex wuẍtak, ex wanab, ex tol yet exxa Dios wetok, yujtol awtebil on oc yuj joc yetok, jaek wal oc co nabal yin Cristo Jesús, yujtol a' chekbiltek ayon yuj Dios. Jesús sat sacerdote yayji, atac'ala' yalon co cuybanil chabil juj ti'. 2 A Cham, yikemc'al bay Cham ak'nej yopiso, axca yikemal Moisés xol masanil eb yuninal Dios yetok. 3 A junok watx'nem na, ec'ban yintak junok na chi watx'nej tu'. Axca tu' ec'ban Jesús yintak Moisés tu'. 4 Junjun na yowalil ay mactxel chi watx'neni, palta a Dios watx'nenej masanil tzetak yetal. 5 A Moisés tu', yikemc'al yutnak ba yin yak'wi serbil nan xol eb yuninal Dios yetok. Ayokto max yak'oncan ba testigoal yin juntzan tzet tolto t'inan yalon Dios. 6 Palta a Cristo, yikem c'apax yutnak ba, C'ajol ton Dios Cham. A Cham ayoc Yajawilal yiban eb yet uninalej ba yetok. Ta tec'an chi jut jaon oc co c'ul yin, cax chon tzaloj yin Cham ayoc yipok co c'ul, titol yuninal on Dios chi yal tu'. 7 Yuj tu', axca ta' yalon Cham Espíritu Santo yul tx'an Un Tz'ibbilcanok: Ta che yab tzet chi wal tinani', 8 manchak e pitnej e ba axca max yut ba eb e yichmam yin tenomtakil bay tz'inan tx'otx' bay max in yak' porobal eb. 9 A yet tu' max in yak' wal porobal eb e yichmam tu', ti' pax max yil eb juntzan wunben c'ayubtak yin cawinak abil. 10 Yuj tu' caw ow inc'al bay eb. Max walon axca ti': A juntzan anima ti' tx'okc'al bay ayoc is nabal eb, maj yojtaknej el eb in c'ulbal, quin chi. 11 Yuj wal tu', yetok wowal max wak'on in ti' bay eb tol man ok oc eb bay ok wak' xew eb, ẍi Dios yul tx'an Un tu'. 12 Ex wuẍtak, ex wanab, xe yilc'al e ba, yet watx' c'amokab junok ex che pitnej e ba, cax che yak'on cabc'ulal xan che yiel e c'ul yin Cham Dios iquis. 13 Yak'ban ayto jabokxa tiempo, iptzelejek e ba junjun c'u, yet watx' c'amokab ex chex etnelay yuj tzet man watx'ok, cax chex pitbi el yuj. 14 Yujtol ta tec'anc'al co waay masantac'al yet lajubal, yin tzet janak oc yipok co c'ul yettax yichbanil, ay jalon jet yetok Cristo. 15 Yujtol axca ti' tz'ibelaycanok: Ta che yab tzet chi wal tinani', manchak e pitnej e ba, axca max yut ba eb e yichmam yin tenomtakil, ẍi bay tz'ibbilcan tu'. 16 ¿Mactxel eb abnej k'anej Dios che na'? ¿Mactxel eb tenomtak yutnak ba bay tu'? A ton masanil eb ibil eltek yuj Moisés bay Egipto. 17 ¿Mactxel eb titnak yowal Dios yin, yin cawinak abil tu' che na'? A yin eb yob yutnak ba bay, eb max camcan bay tz'inan tx'otx' tu'. 18 A ton eb bay yak'nak Dios is ti' tol man ok oc eb xew yetok. A ton eb man yikemok yutnak ba bay tu'. 19 Yuj tu', chi jojtaknej elok, tol majc'al oc eb xew yetok, yujtol maj yaoc eb c'ul yin.
1 Yak'nakcan Dios is ti', tol chi je' joc xew yetok. Yuj tu', jilekc'al co ba sic'libil, yet watx' c'amokab junok on tol c'am chon oc xew yetok. 2 Yujtol max al-lay c'apax k'anejal yet colbanilej ayon, axca max yun yal-lay bay eb jichmam tu'; palta nabac'al max yab eb, yujtol maj yaoc eb yin c'ul. 3 Palta ayon ti', ok on oc xew yetok yujtol chi jaoc co c'ul yin. Yalnak Dios yuj eb jichmam tu' axca ti': Yuj wal tu' yetok wowal max wak'on in ti' bay eb tol man ok oc eb bay ok wak' xew eb, ẍi. Palta lajwinakxa mulnajil Dios yettax max lajwi watx'nen yulyibank'inal ti'. 4 Ay bay chi yalcan yuj jun yet is suk c'ual yul tx'an Un Tz'ibbilcanok, chi yalon axca ti': A yet is suk c'ual xin, max xew Dios yin masanil is mulnajil, ẍi. 5 Cax chi yalon c'apaxok: Man ok oc eb bay ok wak' xew eb, ẍi. 6 A eb tu', babel abnej jun k'anejal yet colbanilej; palta maj oc eb xew yetok Dios, yujtol man yikemok yutnak ba eb. Palta yowalil ay mac ok oc xew axcac'alta' yaloncan tu'. 7 Yuj tu', ay jun tiempoal k'okbilcan yuj Dios, a ton jun tiempoal tu' tinani'. Payxatax yalnakcan Dios yuj jun xewilal tu', cax max yak'on yal David axca max wala', yet chi yalon axca ti': Ta che yab tzet chi wal tinani', manchak e pitnej e ba bay, ẍi. 8 K'inalok ta max oc eb jet israelal bay xewilal tu' yuj Josué, majxam yaltek Dios junokxa tiempoal. 9 Yuj tu', ay wal jun co xewilal ok yak' Dios ayon yet onxa ti'. 10 Yujtol a yet ok on xew yetok Dios, chon xew yin co mulnajil, axca max yun xew Cham yin is mulnajil. 11 Yuj tu', jak'ek jip joc bay jun xewilal tu', yet watx' c'am junok on chi jut co ba axca yutnak ba eb maj iken tu'. 12 Yujtol a is k'anej Dios iquis, chic'al je' yuj masanil. Lajan is k'anej tu', axca junok ch'en espada el yayji ye ca paq'uil. Yujtol chi jeklay octok yin co nabal c'al yin janimail. Chi tx'ox tzet chi co na' junjun on, c'al tzet chi jochej. 13 C'am junok mac chi je' c'uban el ba yul sat Dios. Caw miman txequel masanil tzetak yetal yul sat Cham. A bay Cham ok jak' masanil co cuenta. 14 Ay jun co sat sacerdote tol miman yelapnok, a ton Jesús, Cham is C'ajol Dios. Paxnak aj Cham satcan, bay is watx' k'ab Dios. Yuj tu', jiekc'al bey co cuybanil. 15 A jun co sat sacerdote tu', yojtak chi ok' c'ul jin yuj c'am co tec'anil, yujtol max yak'lej nak diablo yikban Cham yin masanil yobtakil axca on ti'; asan xin, c'am junelok max oc is yobtakil. 16 Yuj tu', manchak on xiw japni oc satak Dios bay chi txecloj el is watx'c'ulal. A tu' chi tx'ox is c'ulbal ayon, c'al is watx'c'ulal, mawal yet cawxinak on elok.
1 A junjun co sat sacerdote ayon israel on ti', a co xol sic'bil elok. Ak'bil yopiso eb yaon oc co ti' bay Dios, cax chi ak'wi ofrenda c'al xajanbal eb yuj co yobtakil. 2 Lajan eb jetok, yujtol c'am c'apax tec'anil eb axca on ayon ti'. Yuj tu' xan chi je' yuj eb, tol miman chi yut eb c'ul yin eb c'am chi nachaj el yuj, c'al yin eb chi ayc'ay yin junok paltail. 3 A eb sat sacerdote, naba anima eb, yuj tu' xan yowalil chi yak' c'apax eb xajanbal yuj is yobtakil, axca chi yut yak'on eb yuj co yobtakil. 4 C'am junok mac chi je' comonc'al chi yaoc ba yin jun opiso tu'. Asan eb awtebil yuj Dios chi je' yoc yin, axca yunnak Aarón yet max awtelay yuj Dios yet payxa. 5 Ilab c'apax Cristo, maj yaoc ba yul yet yin sat sacerdoteal, palta tol a Dios anej oc yopiso. Axca tu' max yun yalon bay axca ti': Ach ton ti', in C'ajol ach. Ayin max ach wak' iquisbok tinani', ẍi. 6 Ay c'apax junxa lugar bay yalnak c'apax can yul tx'an Un tu' axca ti': Ach ton sacerdote ach yin tojbalk'inal, axca yopiso Melquisedec, ẍi Dios bay. 7 A yet ayic' Jesús bay yulyibank'inal ti', chi txajli, chi k'anon tzetak yetal bay Dios. Caw yip chi txajli, toltax max ok'i. Axa Dios tol ay is yipalil colon el yul k'ab camich, yabnak is txaj Jesús, yujtol yaynakil yutnak ba bay. 8 Caxc'al C'ajol Dios Cham, palta yuj juntzan yailal ec'nak el yiban tu', xan max nachaj el yuj tzet yelapnok ikemal. 9 Axa yet max tz'aknaj el xin, max ak'lay yopiso yak'on colbanilej tol ayc'al yin tojbalk'inal bay masanil eb chi iken tzet chi yala'. 10 Xan a Dios ak'nej yopiso yin sat sacerdoteal, axca yopiso Melquisedec yet payxa. 11 Xiwilto tzet chi wochej chi waltok ayex yuj jun ti', palta pural ok nachaj el e yuj, yujtol lanan e pitbi elok. 12 Ilab ayxa tiempoal e yaon oc yin e c'ul. Moj wal tol cuywajwom exxa tinani', palta ac'ala' babel cuyoj e yabnak, yowalil ac'ala' chi al-lay ayex. Manto tec'anok e waayi, lajan extoc'al axca junok aq'uiẍ unin chito txutxwi, c'amto jabok tzet chi lo'. 13 A juntzan cuybej tu', axcac'al leche, cac'al tu'. Yuj tu' xan a eb ac'ala' juntzan tu' chi yochej chi yabc'al, axca tol aq'uiẍ uninc'al eb. A juntzan cuybej chi alon tzet chi jut co watx'nen oc co beybal, c'am chi nachaj el yuj eb. 14 A cuybej ya nachaj elok, lajan axca tzet chi lo' icham anima. Yuj tu' xan, asan eb tec'anxa is nabal chi cuyon juntzan tu'. Yojtakxa eb chi nailok, baytet ay watx', baytet ay tzet man watx'ok.
1 A tinani' xin, tonek co satak, yet watx' chi tec'anbi co nabal. Canokab juntzan babel cuybej yin Cristo jabnak tu'. Manchakxa co cuyubtanejek juntzan babel cuybanil ok waltek ti', axca cuybanil chi aloni tol chi co na co ba yin juntzan tzet chi iontek camich jiban, cax chi yaloni tol chi jaoc co c'ul yin Dios; 2 axca cuybanil chi alon yuj bautismo, c'al yalay oc k'abej yiban co jolom, yet chi oc jopiso; axca cuybanil chi aloni tol ok on ictzoj aj xol eb camnak, c'al cuybanil chi alontek yailal eb anima yin junelnej. A juntzan cuybanilej ti' yetzanxa jaben tinani'. 3 A tinani', ay wal junxa makan cuybanilej ok co cuyu', ta chi el yin c'ul Dios. 4 Ayon ti', axca tol tzektanebilxa co nabal. Chabilxa jun sabal Dios caw watx' juj, ay jalon jet yin Cham Espíritu Santo. 5 Jojtakxa is watx' abix Dios. Jojtakxa is yipalil ok tx'ox yet jun tiempoal tolto ok jayok. 6 Yuj tu', ta chi jiel co nabal yin Cristo, ¿tzet ok yun co meltzoj oc junelxa, cax chi co naon pax co ba? Yujtol a yet chi jion el co nabal tu', chi yal elapnok axca wal tol ayon lanan co locban pax aj Cham C'ajol Dios yin curus junelxa. Lanan jion el is q'uixwil satak anima. 7 Ayon ti', lajan on axca tx'otx' tx'otx'. A yet chi yak'on nab, chi yuc' tan tx'otx' a'. Ay tx'otx' caw watx' yawojal chi yak' bay mac chi mulnaj sat. Yuj tu' chi tx'ox Dios is watx'c'ulal yiban tx'otx' tu'. 8 Palta ay tx'otx' tx'otx' q'uixc'al chi yak'a', c'al comon ac'un; c'am jabok yopiso. Yuj tu', ok jay yowal c'ul Dios yiban, cax ok tz'aok. 9 Palta ex co camc'ulnebil, caxc'al max jaltok juntzan ti' ayex, chi jaoc yipok co c'ul, tol lanan e chaon watx'c'ulal Dios. Yuj tu', jojtak tol ayxa e colbanil. 10 Yujtol a Dios bayc'al ijan chi yutej. Man ok tok c'ayc'ulal tzet max el e yunen yuj. Man ok tok e camc'ulal max e tx'ox bay, yin c'ayc'ulal yuj, yet max ex colwaj bay eb yet-xa Dios jetok. Ac'ala'to e colwaj tinani' c'apaxok. 11 Palta chi jochej tol junjun ex, tol caytu' che yut e ba masanil tiempo, yet watx' tz'akaki ok e yut e chaon pax tzet che yechbanej. 12 Chi jochej tol man isajok che yut e ba yin yet Dios. Beybalnejek is beybal eb caw chi yaoc c'ul yin, eb caw tec'an chi yut ba. A eb chi beybalnen axca chi wal ti', chi yi eb juntzan tzet yak'nak Dios is ti' yak'oni. 13 A yet max yak'on Dios is ti' bay Abraham yet payxa, c'am junokxa mac max loctek, ac'al bi Cham max loctek, yujtol c'am junokxa mac ec'ban yintak Cham. 14 Max yal bay Abraham tu' axca ti': Wal yel, ok wak' miman in watx'c'ulal eban, ok wiwal aj can enatil, ẍi bay. 15 A Abraham tu', mimanc'al chi yut c'ul yechbaneni. Yuj tu', max cha' tzet yak'nak Dios ti' yak'on bay. 16 A yet chi co loctek bi junokxa mactxel, asan junok mac yelxac'al miman yelapnok jintak chi co loctek bi. A yet chi jalon tzet yetal tol yel, chi ton co loctek bi junokxa mactxel, yet watx' c'amc'al tzet chi jal yetok. 17 Xan caytu' yutnak Dios yak'on is ti', cax ac'al oc max loctek is bi, yujtol chi yochej chi tx'ox jila', tol yel ok co cha' tzet yak'nak is ti' yak'on ayon, cax c'am chi q'uex is ti'. 18 Yak'nak Dios is ti', cax max locban is bi, yuj tu', a tzet yalnakcanok, c'am bak'in tol man ok yunej, yujtol a Dios, c'am chi je' yak'on lek'tial. A tzet yalnakcanok, chi jaoc yipok co c'ul, yujtol janak oc co ba yul k'ab yuj on is coloni. Lanan jechbanen tzet ok yak' ayon, cax ayoc yipok co c'ul. 19 Yujtol chi jaoc yipok co c'ul, xan tec'anxa waay co nabal tinani'. Lajanxa axca junok barco watx' mitx'lay tzakay yuj is mitx'banil ayaytok yul a'. A jun ayoc yipok co c'ul tu', watx'xa yayji octok yintak oc an makil nan templo Dios bay satcan, 20 bay babel ocnaktok Jesús co satak, yuj jakon ayon. Axca tu' max yun yoc sat sacerdoteal yin tojbalk'inal, axca yopiso Melquisedec.
1 A Melquisedec, reyal conob Salem yet payxa, cax sacerdote bay Dios Cham Axac'al Ocok. A yet junel, betnak ec' Abraham yak'lej owal yetok juntzanxa rey, max bet ayc'ay eb yuj. A yet max meltzoji, max bet chalay yul be yuj Melquisedec. Max k'anon watx'c'ulal Dios yiban Abraham tu'. 2 Max yak' Abraham tu' is diezmo bay Melquisedec yin tzet max bet yi' bay owal tu'. A Melquisedec, chi yal elapnok, rey tojol beybal. Reyal c'apax conob Salem yayji. Salem, chi yal elapnok, junc'ulal. Yuj tu', xan chi yik c'apax Melquisedec tu', reyal junc'ulal. 3 Man ojtakbilok mactxel is mam c'al is txutx, tamwal is yichmam. C'am tzet chi yaltek yuj yaljubal, tamwal yuj is camichal. Yuj tu', yenel Cham C'ajol Dios yayji, Cham sacerdote yin tojbalk'inal. 4 A tinani xin, nachajokab el e yuj, tol miman yelapnok Melquisedec tu', yujtol max yak' jichmam Abraham is diezmoal tzet max yi yin owal tu' bay. 5 Chi yal yul ley Moisés, tol a eb sacerdote yinatil Leví, ay yalon yet chaon is diezmo eb yet conob. Caxc'al yinatil Abraham eb yetok eb, palta yowalilc'alta' chi yak' eb. 6 A Melquisedec tu', caxc'al man yinatilok Leví tu', palta chanak is diezmo Abraham, cham mac bay yak'nak Dios is ti', cax max k'anoncan watx'c'ulal Dios yiban Abraham tu'. 7 Jojtak, tol a mac chi k'anon watx'c'ulal Dios yiban junokxa mactxel, wal yel miman yelapnok yintak jun mac chi k'antek watx'c'ulalil Dios yin. 8 A tinani', a eb chi chaon diezmo eb jet conob, naba anima eb, cambejal yayji eb; palta chi yal tx'an Un, tol a Melquisedec, axca tol iquisto. 9 A Leví chi chaon diezmo eb jet conob yet payxa, palta chi je' jaloni, tol ajun Leví tu' max yak' c'apax is diezmo bay Melquisedec yet max yak'on Abraham tu' yet. 10 Yujtol a yet max bet chaon Melquisedec Abraham tu', c'amto chi alji Leví, palta ayoc yin mimanil Abraham tu', yujtol is yichmam. 11 A eb jichmam, max cha eb ley Moisés yul k'ab eb sacerdote yinatil Aarón, tol titnak yin Leví. K'inalok ta yuj eb chi je' watx'ji oc eb conob satak Dios, ta axca tu', ¿tzetto wal yuj max oc junxa sacerdote axca Melquisedec, cax man axcaok Aarón? 12 Tatol chi q'uexlay eb sacerdote, yowalil chi q'uexlay c'apax ley Moisés. 13 A jun mac lanan yal-lay ti', a ton Cham Jajawil. A Cham Jajawil ti', man yinatilok Leví Cham. Tx'ok junxa tribual eb israel ay yinatil Cham. A xol junxa tribu tu', c'am junok sacerdote xol. 14 Jojtak, tol a Cham Jajawil, yinatil Judá Cham; palta c'am tzet yalnakcan Moisés ta ay junok eb yinatil Judá chi je' yoc yin sacerdoteal. 15 Caw watx' nachaj el juntzan ti' juj, yujtol a junxa sacerdote max jay tu', a ton Cham Jajawil, lajan yopiso axca Melquisedec. 16 Max oc Cristo yin sat sacerdoteal yujtol c'am bak'in ok lajwok is k'inal, man yujok yinatil albil yuj ley. 17 Yujtol yalnak Dios bay axca ti': Sacerdote ach yin tojbalk'inal, axca yopiso Melquisedec, ẍi Dios bay. 18 Yuj tu', a jun ley yet yalantok tu', lajwinakxa yopiso, yujtol c'am is yipalil, nabac'al ay. 19 C'am junok tzet max watx'ji yuj jun ley Moisés tu', palta ay junxa yelxac'al watx' max occan is q'uexelok, a ton jun ayoc yipok co c'ul. Yuj jun tu', chi je' co jitzon oc co ba c'atan Dios. 20 A yet max watx'nencan yayji Dios jun ti', max loctek Cham is bi. 21 A yet max oc eb sacerdote yin yopiso yet payxa, maj loclaytek is bi Dios; palta a yet max oc Jesús yin sacerdoteal, max loctek Cham is bi, yujtol tz'ibbilcan yul tx'an Un axca ti': Max yak' Cham Jajawil is ti' cax c'am bak'in ok q'uexa'. Yalnak Cham axca ti': Sacerdote ach yin tojbalk'inal, ẍi Dios, ẍi yul tx'an Un tu'. 22 Yuj tu' a junxa is trato max yak' tu', ec'ban watx'il yintak jun yak'nak yet babelal. A Jesús chi ak'on yunel jun trato tu'. 23 Xiwil mac ec'lejnak yin sacerdoteal. C'am junok eb chi je' yayjic'al ec' yin jun opiso tu' masanil tiempo, yujtol chi cam eb. 24 Axa pax Jesús xin, c'amxa bak'in ok camok. Yuj tu', ayc'al oc yin sacerdoteal yin tojbalk'inal. 25 Yuj tu', a mac chi alay oc yul k'ab Dios yuj, chi je' chaon is colbanil tol ayc'al yin tojbalk'inal yuj, yujtol iquisc'al Cham yin tojbalk'inal, cax chi tewi bay Dios juj. 26 A wal jun sat sacerdote ti', caw ay yopiso juj. Watx' Cham. C'am jabok is paltail ayoc yin. C'am yobtakil yin. Man lajanok beybal axca eb yobtakwom. Yel miman yelapnok yintak masanil bay satcan. 27 Man lajanok axca eb sat sacerdote yinatil Aarón, yujtol a eb tu', yowalil chi yak' eb xajanbal junjun c'u. Babel chi yak'can eb yuj is yobtakil, catatu' chi yak'on eb yuj yobtakil eb yet animail. A pax Jesús xin, junel ch'an yak'nak ba yin xajanbalil yuj co yobtakil, yet max yak' ba bay camich. 28 A eb ocnak yin sat sacerdoteal yuj ley Moisés, anima ton eb, ay is paltail eb; palta a yet max lajwi yopiso jun ley tu', munilc'al max loctek Dios is bi, cax max yaon oc yopiso junxa sat sacerdote, a ton is C'ajol, Cham tol tz'akaki yin watx'il yin tojbalk'inal.
1 A ton jun ti' chi wochej chi nachaj el e yuj, tol axca tu' yayji oc jun co sat sacerdote. A tinani', chotan ay bay watx' k'ab Dios bay is despacho bay satcan. 2 Lanan yak'on yopiso bay yul acaw templo Dios, jun munilc'al watx'nebil yuj Cham Jajawil tu'; man animaok max watx'neni. 3 Junjun eb sat sacerdote ayoc yopiso eb yak'wi ofrenda c'al xajanbal. Yuj tu' yowalil c'apax ay tzet chi yak' Jesucristo yin xajanbalil. 4 K'inalok ta ayc'al ec' yulyibank'inal ti' tinani', c'am mi yopiso yin sacerdoteal, yujtol aytoc'al eb sacerdote, cax chi ak'wi c'apax ofrenda eb axca chi yal ley Moisés. 5 Palta a yopiso eb tu', yenelc'al tzet ay satcan. Jojtak tol enelejc'al yayji, yujtol a yet c'amto chi watx'nej Moisés jun cajlub Dios, max yalon Dios bay axca ti': Chi cam wal eloni, tol lajan wal chi yun a watx'nen masanil axca yayji yechel max in tx'ox ayach bay jolom witz ti', ẍi bay. 6 Palta a jun co sat sacerdote tinani', yelxac'al ec'ban watx'il yopiso yintak yet eb tu', yujtol a' chi ak'on yunel jun is trato Dios yak'nak ayon. A jun is trato tu', ec'ban watx'il yintak jun babel trato, yujtol tz'unbil ay yiban yalben Dios yelxac'al watx'. 7 K'inalok ta c'am junok tzet chi yak' palta yin jun is babel trato tu', man xam yowalilok max yak' jun yet is cab trato ti'. 8 Palta max yil Dios tol yob yutnak ba eb anima tu'. Yuj tu' xan chi yal yul tx'an Un axca ti': Axca wal ti' yalon Cham Jajawil: Ok ajapnok jun c'ual cax ok in watx'nej junok yet is cab trato yetok eb yinatil Israel, c'al yetok eb yinatil Judá. 9 A jun trato tu', man lajanok yetok jun max in watx'nej yetok yichmam eb, yet max wion eltek eb bay Egipto. Axca tol ocnak in q'uetzan yin k'ab eb, max wion eltek eb. Ayin wal caw Yajaw in chi wala' tol a eb tu' maj yikej eb in trato max in watx'nej yetok eb, yuj tu' xan max in bekcan eb tx'oklil. 10 Tix ok wut in trato yetok eb yinatil Israel yet yajtok tu'. Ayin wal caw Yajaw in chi wala' tol ok waoc juntzan in chekbanil yin is nabal eb, axca tol ok in tz'ibejcan oc yin yanimail eb. Ayin ok in oc is Diosalok eb, axa eb ok oc in conobok. 11 C'amxa junok ok yal bay yet conob: Ojtaknej el Cham Jajawil, man ẍiok. Yujtol ayin wal caw Yajaw in chi wala' tol masanil eb ok in ojtaknen elok, caxc'al unin, caxc'al icham anima. 12 Ok wak' tancan is mul eb. C'amxa bak'in ok in natek is yobtakil eb, ẍi Cham Jajawil, ẍi yul tx'an Un. 13 A yet max yalontek Dios yuj jun is cab trato ti', lanan tx'oxk'abneni tol ichamxa jun is babel trato. K'inalok ay junok tzet chi ichambi tinani', chi lajwi yopiso. Ta chi lajwi yopiso, chi c'ay c'apax elok.
1 A jun babel trato, ay juntzan chekbanil chi yala' yuj tzet chi yun yoc eb anima yin ayilal bay is templo Dios bay sat tx'otx' ti'. 2 Tix max yun watx'ji jun cajlobal Dios ti'. A jun babel lugar bay chi babji yocapnok eb sacerdote chi yik yet Dios. Ay jun batxlub candil bay tu'. Ay jun meẍa, yetok juntzan ixim pan chi ak'lay bay Dios. 3 Axa yintak oc jun an yet is cab makil nan, a tu' ay junxa lugar tol asan Dios ay yet. 4 Ay jun net bay tu', oroc'al elok. A tu' chi tz'a tzet suk'uk'i jab. A tu' ay c'apax octok caẍail is trato Dios, ayoc oro yinlak masanil. Yul caẍa tu' ayaytok jun xij oro bay ayaytok maná. Ayaytok te' is k'okoch cham Aarón max wolji. Ay c'apax aytok ch'en chemte' ch'en bay tz'ibbilcan oc is trato Dios. 5 Ayajtok juntzan yechel querubín yiban jun caẍa tu', yet watx' chi txecloj elok tol ayic' Dios bay tu'. Jenantok xic' juntzan tu' yiban bay chi ak'lay xajanbal yuj tancan yobtakil eb jet conob. K'okbil juntzan ti' chi waltok ayex, yuj tzetbil yili juntzan tu'. 6 A yet chito oc yopiso juntzan tu', junjunc'al c'u chi octok eb sacerdote bay jun lugar bay chi babji yocapnok eb tu', cax chi bet yak'on serbil eb Dios bay tu'. 7 Palta a bay junxa lugar yintak oc jun bay chi babji yocapnok eb tu xin, asan jun sat sacerdote chi octok. Asan junel chi octok yet junjun abil. A yet chi octok tu', yowalil ay chiq'uil no' ibil oc yuj, yuj yak'on yin xajanbalil yuj is yobtakil, c'al yuj yobtakil eb jet conob chi yun yin man naanok. 8 Axca tu', chi yak' Cham Espíritu Santo nachaj el juj tol a yet chito oc yopiso jun lugar bay chi babji yocapnok eb tu', makanto jun lugar asan Dios ay yet tu'. 9 A juntzan tu', tx'oxbanilejc'al yayji ayon yet jun tiempoal ti'. A juntzan ofrenda, c'al juntzan xajanbal chi ak'lay bay Dios, c'am chi je' yak'on xew yikbomal nabal eb chi ak'on tu'. 10 Yujtol a juntzan chekbanil tu', asan yuj tzet chi loji, c'al yuj tzet chi uc'layi, chi yaltek. Chi yal c'apaxtek yuj tx'ajbanilal el tzetak yetal. A juntzan chekbanil tu', yetc'al mimanil eb yayji. Max oc yopiso juntzan chekbanil tu' yuj eb, masantac'al max yal q'uexlay yuj Dios. 11 Palta ulnakxa ec' Cristo tinani'. Yuj tu' xan, axa ayoc co sat sacerdoteok. Caw wal watx' juntzan tzet ak'bilcan yuj ayon, yujtol a is templo Dios bay chi ak'wi serbil tu', caw wal watx', c'am is tacnakil. A jun lugar tu', man animaok max watx'neni, yujtol manak sat tx'otx' ti' ay. 12 Ocnakxatok Cristo bay jun lugar asan Dios ay yet tu'. Man chiq'uilok junok ach'ej chiwo, tamwal chiq'uil junok ach'ej wacax yak'nak yin xajanbalil, palta a wal caw is chiq'uil Cham yak'nak yin xajanbalil. Yuj tu', asan yin junel max occantok satak Dios, cax watx'nejnakcan co colbanil tol ayc'al yin tojbalk'inal. 13 A chiq'uil no toro c'al chiq'uil no chiwo, yetokc'al tanil no k'opoj wacax chi tz'a'i, chi txijlaytok yiban eb anima man watx'ok atac'ala' ley. Caytu' chi utlay eb, yet watx' watx' eb satak ley tu', palta asanc'al yin is mimanil eb. 14 Ta axca tu' yopiso chiq'uil no no' tu', akxam wal chiq'uil Cristo. Yuj Cham Espíritu tol ayc'al yin tojbalk'inal, yak'nak ba Cristo yin xajanbalil bay Dios, axca junok xajanbal c'am jabok is tacnakil. Yuj tu', a is chiq'uil tu' chi ak'on xew yikbomal co nabal, yin tzet c'am watx'il chi iontek camich jiban. Yuj tu xin, a tinani', chi je' jak'on serbil Cham Dios iquis. 15 Yuj tu', a Jesucristo chi ak'on yi ba jun is cab trato tu'. A yet max cam Cham, max yak' lajwok Cham yobtakil eb ayic' yalan jun babel trato, yet watx' a ayon awtebil on yuj Dios, chi je' jion tzet max yak' ti' yak'on ayon, a ton co k'inal tol ayc'al yin tojbalk'inal. 16 Yujtol a yet ay junok yunal, yowalil chi txecloji ta camnakxa jun max watx'nencan tu', yet watx' chi je' yoc yopiso jun un tu'. 17 Yujtol a junok yunal, c'am chi je' yoc yopiso ta iquisto ec' jun mac max watx'nencan tu'. Ato yet chi cami, catatu' chi oc yopiso. 18 Yuj tu', axca tu' yunnak jun babel trato tu'. A yet max oc yopiso, ay chic' max eli. 19 Max yawtej aj Moisés masanil chekbanil ley yab eb jichmam. Lajwi tu', max yion aj janic' no cak lana, yetok jun liman k'ab te hisopo. Max laon aytok xol chiq'uil no ach'ej wacax, yetok xol chiq'uil no ach'ej chiwo calan yetok aej, max tzicontok yiban tx'an ley, c'al yiban anima. 20 Lajwi tu', max yalon nan xol eb axca ti': A jun chic' ti', a' chi ak'on yunel is trato Dios max yak' jetok, ẍi. 21 Max txij c'apax ay Moisés tu' chic' tu' yiban is cajlobal Dios, c'al yiban juntzan mitx'k'ab chi k'anabax yet chi oc ayilal. 22 Chi je' jaloni tol atac'ala' yalon ley tu', ijanxac'al chi sakbinelay masanil tzetak yetal yetok chic'. Yetok c'apaxok, c'am junok mac chi je' yelcan yobtakil, ta c'am chic' chi pul yuj is yobtakil tu'. 23 Yowalil yak'nak eb juntzan xajanbal yuj sakbinelay juntzan tzetak yetal tu'. Palta a juntzan tu', yenelc'al tzet ay satcan. Axa tzet ay satcan tu', yowalil chi sakbinelay yuj jun xajanbal caw ec'ban yintak juntzan tu'. 24 Yujtol manak yul jun templo watx'nebil yuj anima bay max octok Cristo, yujtol a jun tu', yenelc'al jun acaw templo Dios. A bay satcan, a tu' max octok. A tinani', ayic' satak Dios yuj tewi juj. 25 A cham sat sacerdote, junjunc'al abil cax chi octok cham bay jun lugar asan Dios ay yet, yuj yak'on chic' yin xajanbalil, palta manak is chiq'uil max yak' yin xajanbalil. Axa Cristo, man xiwilok el max cam yin xajanbalil. 26 K'inalok ta man asannej junelok max yak' ba Cristo yin xajanbalil, tx'ialxam el chi cam yecheltaxc'al max watx'ji yulyibank'inal ti'. Palta a yet lajub tiempoal ti', asanixto junel yulic'ok. A wal caw Cham yak'nak ba yin xajanbalil yuj yion el co yobtakil. 27 Masanil anima yowalil chi cam junel. Chi lajwi tu', chi beyc'ulnelay eb. 28 Ac'ala' c'apax Cristo, junel ch'an ak'bil cam yin xajanbalil, yet watx' xiwil on chi ilay el co yobtakil yuj. A yet ok jay Cham yet is cayelal, manxa yujok ul yion el co yobtakil xan ok jayok, palta yuj on ul colon el ayon lanan jechbanen jay tu'.
1 A is ley Moisés tx'oxbanilej yayji yuj juntzan tzet tzakan jayi, mantonak juntzan acaw tu'. Yujtol a ley tu', c'am chi je' watx'nen oc eb chi yochej chi apni oc satak Dios yuj juntzan xajanbal chi ak'lay junjun abil tu'. 2 K'inalok ta chi watx'ji oc eb yuj jun ley tu', xam oc waan juntzan xajanbal tu'. K'inalok ta yel chi sakbi eb yin is yobtakil yuj chi yak' eb xajanbal tu', man xam yobtakwomok eb chi yabej. 3 Akxa xin, a juntzan xajanbal eb tu' chi ak'on natek eb is yobtakil yin junjun abil. 4 Yujtol a is chiq'uil no toro tu', yetok chiq'uil no ach'ej chiwo tu', c'am chi je' yion el co yobtakil. 5 Yuj tu', a yet max ulic' Cristo bay yulyibank'inal ti', max yal bay Dios axca ti': C'am chochej no no' yin ofrendail tamwal ixim trigo, palta max ak' in mimanil. 6 Tokwal ay no no' cha k'an yet chi tz'a yin xajanbalil, tamwal ofrenda yet chi tancan el mulej. 7 Yuj tu' xan max wala': Tix in chin jay ti' ach in Diosal, yet watx' chi wun ochwan, axca ta tz'ibelaycan wabixal yul tx'an Un, quin chi, ẍi Cristo. 8 A yet babelal max yala', tol c'am chi yochej Dios juntzan xajanbal tu', juntzan no no' chi ak'lay bay tu', c'al juntzan no' chi yak' tz'a eb yuj yion el is yobtakil tu', tamwal chi tzaloj c'ul yetok. Caytu' max yut yaloni, caxc'al chi yal yul ley tol chi ak'lay juntzan tu' bay Dios. 9 Max lajwi tu' max yalon pax Cristo axca ti': Tix in ti' ach in Diosal, yet watx' chi wun ochwan, ẍi. Chi yal elapnok, tol ok ul yak' lajwok yopiso juntzan xajanbal tu', yuj yak'on junxa xajanbal q'uexelok. 10 Yujtol a Jesucristo max yak' acaw is mimanil yin xajanbalil yin junelnej, axca chi yochej c'ul Dios, xan a yuj jun xajanbal tu', chon can yin watx'il yul sat Cham. 11 Masanil eb sacerdote, waan aj eb yin watx'nen eb yopiso junjun c'u. Cac'al ti' yak'on eb juntzan xajanbal tol c'am chi je' yion el co yobtakil. 12 A pax Jesucristo xin, junch'an xajanbal yak'nak yuj co yobtakil yin junelnej. Lajwi tu', max toj ay chotan bay watx' k'ab Dios. 13 A tu' lanan yechbaneni, masantac'al chi can eb ajc'ul oc yin, yalan yuj Dios. 14 Yuj jun xajanbal yak'nak tu', xan tz'aknajnak on el yin tojbalk'inal, yujtol max ilay el masanil co yobtakil jin yuj. 15 Chi yak' ba Cham Espíritu Santo testigoal ayon yin juntzan ti', yujtol chi yal yin babelal axca ti': 16 Tix ok wut in trato yetok eb yinatil israel yet yajtok tu': ayin wal caw Yajaw in chi wala' tol ok waoc juntzan in chekbanil yin yanimail eb, axca tol ok in tz'ibejcan oc yin nabal eb, ẍi. 17 Max lajwi yalon jun tu', cax max yalon pax axca ti': C'amxa bak'in ok in natek is mul eb c'al is yobtakil eb, ẍi. 18 Yuj tu', a yet mayal ak'lay lajwok co yobtakil, manxa yowalilok chi jak' junokxa xajanbal yuj co yobtakil tu'. 19 Yuj tu' ex wuẍtak, ex wanab, manchak on xiw joctok bay jun lugar asan Dios ay yet, yujtol yuj chiq'uil Jesucristo chi je' joctok. 20 Chi je' co toj yul jun ac' be, a ton jun yet k'inalej max jakcan Cham ayon, yet max ay nic'naj an cortina. A an cortina tu', chi tx'oxtek is mimanil Cristo. 21 Ay jun co sacerdote miman yayji ocok ayon yuninal onxa Dios ti'. 22 Yuj tu', co jitzektok co ba bay Cham yin masanil co c'ul. Jaek oc Cham yin co c'ul sic'libil, yujtol sakbinebilxa janimail yuj, yet watx' c'amxa xiwc'ulalil ayoc yin yikbomal co nabal yuj co yobtakil, cax sakbinebilxa co mimanil yetok jun acaw sak aej. 23 Tec'an chi jut jaon oc yipok co c'ul jun co cuybanil chabil juj. C'amokab co cabc'ulalil, yujtol a Dios, ok yunc'alta' is ti' yak'nakcan ayon. 24 Co say tzet chi jut jiptzelen co ba, yet watx' chi aj can co camc'ulal, cax chi watx'jic'al oc co beybal. 25 Manchak co bekay co wajban co ba, axca beybal juntzan eb co xol. Yowalil chi jiptzelejek co ba. Jak'ek jip, yujtol lanan jilon juntzan yechel chi tx'oxon tol toxa chi jay c'ual jayubal Cham Jajawil. 26 A tinani', jojtakxa jun cuybej caw yel. Yuj tu', ta ac'ala' jaon oc co nabal junen yobtakil, c'am junokxa xajanbal chi je' cam yuj co yobtakil junelxa. 27 Ta axca tu', asanxanej jun yailal ay is may chi jechbanej chi yal tu', c'al k'ak' k'ak' chi nilxi, moj wal caw chon xiw yuj. A k'ak' k'ak' tu' ok ak'on lajwok el eb ajc'ul oc yin Dios. 28 Ta ay mac c'am chi iken ley Moisés, cax ta ay pax cawanok ma oxwanok testigo chi ilon tol c'am chi yikej, tojol cami, yin c'amxac'al yabenc'ulal. 29 Akxa tinani', ta chi jintaknejcan el Cham C'ajol Dios, ta c'am yelapnok chiq'uil Cham yul co sat, ta chi jiel q'uixwil Cham Yespíritu Dios chon camc'ulneni, ¿jantakto ec'ban yailal moj co chaon yintak eb maj iken ley Moisés tu'? Yujtol yuj is chiq'uil Cristo tu', xan yunnak trato Dios jetok. Yuj xan yet onxa Dios tinani'. 30 Jojtak tol axca ti' yaloncan Cham Jajawil: Ayin ay walon wet waon oc is yailal eb. Ayin ok wiec' pak bay eb, ẍi. Cax yalnak c'apax axca ti': A Cham Yajaw ok beyc'ulnej is conob, ẍi. 31 Caw wal ayxa is may ta chon ayc'ay yul k'ab Cham Dios iquis. 32 Palta naektek yet yalantok, yet max e chaon sakk'inal yin e yanimail yin babelal. Caw tec'an e waay nan xol yailal, caw max e yak' e yip. 33 Ilab tol ay ex max ex buchlayi, ay ex max ex etnelay satak conob. Ay ex xin, ya yoc max e yab yet max e yilon yoc yailal eb tu'. Jun lajan e yaben yailal yetok eb. 34 Caw ok'nak e c'ul yin eb ocnak preso. Yin tzalojc'ulal max techaj e yuj yet max ilay ec' e tzetak yetal, yujtol max e natek tol a ayon ti' ay co tzetak yetal satcan tol ec'ban watx'il, cax tol c'am chi lajwi. 35 Yuj tu', manchak e bekay tec'anil e waay tu'. Yujtol yuj, xan ok e cha' mimek paktzebal. 36 Yowalil che tec'baj e ba, yet watx' ok je' e yunen masanil tzet chi cha' c'ul Dios, cax ok e chaon tzet yak'nak is ti' yak'on ayon. 37 Yujtol chi yal yul tx'an Un axca ti': Janic'xanej wali, cax chi jay Cham yowalil ok jayok, man ok ec' tiempoal jayi. 38 A mac watx' yul in sat, ok ayjokc'al ec'ok yujtol chin yac'al oc eb yin is c'ul; palta ta chi meltzoj eb yintak, maj inxa tzaloj yetok eb, ẍi Dios yul tx'an Un tu'. 39 Palta ayon ti', mayonnak chon meltzoj jintak, axca eb chi meltzoj yintak tu', cax chi c'aycan el eb junelnej. Yujtol ayon ti', chi jac'al oc yin co c'ul, yuj tu' chon colchaji.
1 A yet chi jaon oc junok tzet yetal yin co c'ul, chi yal elapnok tol caw chi jaoc yipok co c'ul tol ok co cha' tzet lanan jechbaneni, cax tol jojtak sic'libil, tol a juntzan tzet manchak jiloc yin, ay ton ec'ok. 2 A eb jichmam, ocnak eb watx'il satak Dios, yujtol yanak oc eb c'ul yin Cham. 3 Yujtol chi jaoc co c'ul yin Dios, xan jojtak tol asan yetok is k'anej max watx'nej Cham yulyibank'inal ti', c'al juntzan tzet chi ec' satcan. A juntzan tzet chi jil tinani', man yinok tzet txequel tinani' max tita. 4 A Abel, yanak oc Dios yin c'ul. Yuj tu' xan a is xajanbal yak'nak bay, ec'ban watx'il yintak yet Caín, xan yalnak Dios tol watx' Abel tu' yul sat; yuj tu' max cha' is xajanbal. Caxc'al camnakxa Abel tu', palta axca tol ac'ala' k'anjab ayon, yujtol yanak oc yin c'ul. 5 A Enoc, yanak oc Dios yin c'ul; yuj tu' xan max ilaytok yuj Dios yin yiquisal. Majxa ilchajok, yujtol max ilaytok yuj Dios. Chi yaltek yabixal yul tx'an Un, tol a yet c'amto chi ilaytok tu', max tzaloj Dios yetok. 6 Ta c'am chi jaoc co c'ul yin Dios, c'am chi je' tzaloj jetok. Yujtol a mac chi jay bay Dios, yowalil chi yaoc yin c'ul, tol ay ton Dios. Cax chi yaon c'apax oc yin c'ul, tol chi paktzej Cham bay eb chi yochej chi jayoc bay. 7 A Noé, yanak oc Dios yin c'ul. Yuj tu' xan a yet max yalon Dios bay tol ok jay tzet c'amto chi il-layi, caw wal max xiwi, xan max yikej watx'nen jun arca bay ok col ba yetok is yuninal yetok yetbi eb. Yuj jun tu' xan max lowcan camich yiban masanil anima. Max yalon Dios tol watx' Noé tu' yul sat, asan yuj max yaoc c'ul yin. 8 A Abraham, yanak oc Dios yin c'ul. Yuj tu' xan a yet max awtelay yuj Cham max yikej, cax max toj bay jun lugar yak'nak Cham is sataknej. Caxc'al man yojtakok bay chi toji, palta max bekcan is tx'otx'al cax max toji. 9 Yujtol yanak oc yin c'ul, xan ec'lejnak cajan bay jun lugar yak'nak Dios is ti' yak'on bay tu'. Mantiado max oc is yatutok. Axca tu' yutnak c'apax ba Isaac yetok Jacob, yujtol ay yalon yet eb chaon jun tzet yak'nak Dios ti' yak'oni. 10 A Abraham tu', chi yechbanej jun conob cimiento yich ayayok. A Dios max naon watx'jubal jun conob tu', cax max watx'neni. 11 A xal Sara, yanak oc Dios yin c'ul. Yuj tu', caxc'al man uniwomixok, palta maxto ak'lay yip yet ixnamxa, maxto jay yune'. Yuj tu', ay jun yune' maxto alji, yujtol yanak oc yin c'ul, tol a Cham yak'nak ti' bay, chic'al yun bay chi yala'. 12 Yuj tu', caxc'al caw ichamxa Abraham tu' sic'libil, palta xiwil max yun beytok yinatil axca wal bisil waycan, ma axca bisil yarenail ti a' mar, c'amxa chi bischaji. 13 A junjun mac max waltek yabixal ti', c'amto chi cha' tzet yak'nak Dios ti' yak'on bay eb, cax max cam eb, palta yanak oc eb yin c'ul. Yuj tu', axca tol yilnaktok eb yin juntzan tzetak yetal tu' najat, caw chi tzaloj eb yuj. Axca ton ti' yutnak yak'on ba eb testigoal tol a yulyibank'inal ti' man is conobok eb, palta tol toc'al ec'jabwom yayji eb yulyibank'inal ti'. 14 Yujtol a eb chi alon axca ti', chi tx'oxk'abnej el eb sic'libil tol lanan sayon ec' eb junok conob tol yet eb yayji. 15 K'inalok ta ac'ala' naontok eb is tx'otx'al bay max ca tita, tekan max je' meltzojtok eb bay tu'. 16 Palta yochejnak eb junokxa is conob yelxac'al watx', a ton jun conob bay satcan. Yuj tu', a Dios c'am chi q'uixwi aj yet chi yalon oc eb is Diosalok, yujtol watx'xa yayji jun is conob eb tu' yuj. 17 A Abraham, yanak oc Dios yin c'ul. Yuj tu' xan a yet max ak'lay porobal yuj Dios, max yitok Isaac, cax t'inan bet yak'on yin xajanbalil yaloni. Caxc'al yak'nak Dios is ti' yuj Isaac tu', palta bekanxa c'ul Abraham tu' yak'on jun c'otan is c'ajol yin xajanbalil. 18 Yalnakxa Dios bay Abraham tu' axca ti': A yin nak Isaac, a tu' ok beyc'altok enatil, ẍi bay. 19 A Abraham tu', max na' wal sic'libil tol chic'al je' yuj Dios yictzonen aj eb camnak. Yuj tu' chi je' jaloni, axca tol ictzojnak aj Isaac tu', cax axca tol max ak'lay bay Abraham tu' junelxa. 20 A Isaac, yanak oc Dios yin c'ul. Yuj tu' xan yin ayokto max yaloncanok, tzetak watx'ilal t'inan chaon Jacob yetok Esaú. 21 A Jacob, yanak oc Dios yin c'ul. Yuj tu' xan a yet toxa chi cami, max yaloncan tzetak watx'ilal t'inan chaon junjun eb yuninal José. Maxto yak' ayilal bay Dios, max ay nojan yiban jolom is k'okoch. 22 A José, yanak oc Dios yin c'ul. Yuj tu' xan a yet toxa chi cami, max yaloncanok tol t'inan ok el eb israel bay Egipto. Max yalon c'apax canok, tzet yowalil ok yut eb is bakil. 23 A eb is mam c'al is txutx Moisés, yanak oc eb Dios yin c'ul. Yuj tu' xan a yet max alji Moisés tu', max yeban el eb oxeb xajaw, yujtol max yil eb, tol caw wal watx' yili. Maj xiw eb bay jun is ley cham rey, chi aloni tol chi ak'lay cam eb winak unin chi alji. 24 A Moisés tu', yanak c'apax oc Dios yin is c'ul. Yuj tu' xan a yet icham winakxa, c'amxa chi yochej chi al-lay oc yuneok ix cutz'in cham reyal Egipto. 25 Maj yochej max yak' tzalojbok c'ul yin yobtakil, yujtol a tzalojc'ulal tu' chi eq'uelok. A ti yet, tol max cha c'ul yaben yail yetok eb conob Dios. 26 Max naon c'apaxok, tol caxc'al chi yab yail buchlay yuj Cristo, palta watx' yet. A masanil beyomal Egipto tu', c'am yelapnok yul sat, yujtol yanaktok is nabal yin is paktzebal ok yak' Dios. 27 Max yaoc c'ul yin Dios. Yuj tu' xan max el bay Egipto tu'. Maj xiw jabok yuj yowal c'ul cham rey tu'. Caw tec'an max yut is nabal, axca tol chi yiloc yin Cham c'am chi je' jilon oc yin, a ton Dios. 28 A Moisés tu', yujtol max yaoc Dios yin c'ul, xan max yikej chaon el yich jun k'in chi yik Pascua. Yalnak bay eb yet israelal, tol chi txij oc eb chic' yinlak is puerta, yet watx' c'am chi mak'lay cam eb is babel unin eb yuj jun ángel ay yopiso yin mak'oj cam anima. 29 A eb israel tu', yanak oc eb Dios yin c'ul. Yuj tu' xan max ec'tok eb nan a' chi yik Cakyin Mar, axca co bey bay c'am aej. A yet max yochej eb aj Egipto max ec'tok axca eb tu', max jik'bi eb yuj a'. 30 Yuj max yaoc eb jichmam Dios yin c'ul, xan a yet max xew yoyon ba eb ukeb c'u yinlak murallail conob Jericó, max ayc'ay bulnaj yuj eb. 31 A ix Rahab, ix ajmul ix, max yaoc Dios yin c'ul. Yuj tu' xan maj cam ix yetok eb pit max yut ba, yujtol watx' max yut chaon ix eb israel max beytzen jun conob tu'. 32 Xiwiltoc'al tzet yetal chi je' walontok ayex. Palta c'amxa tiempo walontek yabixal Gedeón, Barac, Sansón, Jefté, David, Samuel, c'al eb chekbej Dios. 33 A eb max in txoltek bi ti', max yaoc eb c'ul yin Dios. Yuj tu', ay eb yak'nak ayc'ay juntzan nacionlak, yet yak'len eb owal yetok eb. Ay eb watx'c'al yutnak yak'on yajawilal. Ay eb max cha' yalben Dios. Ay eb max makchej ti' no coj. 34 Ay eb max yak' tan mimek k'ak'ej. Ay eb max colchaj el yet t'inanxa cam eb yetok espada. Ay eb c'am yip, max ak'lay yip eb. Max ak'lay c'apax yip eb yak'wi owal. Yuj tu' xan a eb soldado max yak'lej owal yetok eb, max can eb yalan. 35 Ay eb ix ix max ictzoj aj is camnak, max chaon eb junelxa yin yiquisal. Palta ay juntzanxa eb, camnak yuj juntzanok yailal ocnak yiban eb. Bekan c'ul eb yaben yail, yet watx' chi yi eb ictzojbail, cax chi chaon eb jun is k'inal ec'ban watx'il. 36 Ay juntzan eb yabnak yail buchlayi, c'al mak'layi. Toltax max c'al-lay ay eb yetok cadena, max oc eb preso. 37 Ay eb tol max k'okch'ennelay camok. Ay eb tol max c'uplay ay nan yetok serrucho. Ay eb caw max ak'lay porobal sic'libil. Ay eb max cam yuj espada. Ay eb chi elic'ok yuj colon ba. Asanxanej tz'umal calnel c'al tz'umal chiwo chi yaoc eb is pichilok. Max yil eb mebil. Xiwil yailal max el yilon eb, max etax eb. 38 Man mojok eb aj yulyibank'inal ti' yec' juntzan anima watx' ti' xol eb. Xiwil tz'inan tx'otx', c'al tzalanlak bay max ec' cajan eb. Max cajaylej eb yulak na ch'en c'al yulak xab olan. 39 Masanil eb ti', max al-lay eb watx'il yuj Dios, yujtol max yaoc eb c'ul yin. Caxc'al watx' eb, palta majto cha eb tzet yak'nak Dios is ti' yak'on bay eb. 40 Yujtol ay jun tzet yetal ec'ban watx'il nabilxa yuj Dios jin. Yuj tu' xan majtoc'al yi ba tzet nabil yuj Cham yin eb tu' tx'oklil. Masantac'al chon is junanej Cham yetok eb tu', catatu' ok yion ba.
1 Xiwil ton mac tx'oxnak el ba tol max ya ton oc c'ul yin Dios. A eb yanak oc yin c'ul tu', axca tol oyan oc eb jinlak tinani'. Ayon lananxa jak'on jip axca eb chi yak' yanej. Yuj tu', yowalil chi jiek el jiban juntzan axca ikatz ikbil aj juj, yujtol yuj juntzan tu' xan yob co beyi. Yetok c'apaxok, yowalil chi co bekekcan yobtakil, yujtol a yobtakil tu', lajan axca tzet chi toj bac'an xol jakan, cax chon aj telnaj yuj. Yowalil tec'an chi jut co ba jak'on jip, axca eb chi yak' yanej tu'. 2 Jaek oc co nabal yin Jesús, Cham chi ak'on jaon oc co c'ul yin. Yuj Cham xan tz'akaki chi jut c'apax jaon oc yin co c'ul. Max yab yail Cham yin curus. C'am yelapnok ta q'uixwiltak max yun cami, yujtol yojtak Cham tol a yet ok lajwok yaben yail tu', caw tzalojc'ulal yet. A tinani', chotan ay Cham bay is watx' k'ab Dios. 3 Yuj tu', naektek beybal Jesús, tzet max yut yak'on techajok, yet max yaben yail yuj eb yobtakwom. Ta che natek, man ok ex c'unbok ajok, tamwal ok somchaj el e c'ul. 4 Caxc'al tec'an che yut e yajc'ulnen e ba yetok yobtakil, palta c'amto chex cam yuj. 5 Tekan mayal toj c'ayc'ulal e yuj tzet yalnakcan Dios ayon, yet max yaon oc co nabal, yujtol yuninal onxa. Chi yalcan yul tx'an Un axca ti': Ach in c'ajol, manchak entaknej el is tenchebal Cham Jajawil. Manchak cabax aj a c'ul yet chach yak'on cuenta. 6 Yujtol a mac ay is camc'ulal Cham yin, chi yak' cuenta, cax chi yaon oc yailal tzanc'al mac chi chaoc yuninalok, ẍi yul tx'an. 7 Yowalil chi jak' techaj juntzan yailal chi yal ti', yujtol yuninal on, xan caytu' chon yutej. ¿Xin ta ay junok uninalej c'am chi ak'lay cuenta yuj is mam? 8 K'inalok ta c'am chon yak' cuenta axca chi yut yak'on cuenta yuninal masanil, mayon yuninalok chi yal tu', axca mi mitz' unin on yul sat. 9 A yet max con yak'on cuenta eb co mam yulyibank'inal ti', maj jintaknej el is cuenta eb tu'. Yuj tu', yelokab yikem chi jut co ba bay co Mam bay satcan, yet watx' ok co cha' k'inalej tol ayc'al yin tojbalk'inal. 10 A co mam junjun on bay yulyibank'inal ti', max con yak' cuenta eb jabok tiempoal axca max yochej c'ul. Palta a Dios, chon yak' cuenta yuj co watx'ilok, yet chi watx'ji oc co nabal axca is nabal. 11 Yel toni, a yet chi alay oc co yailal tu', c'am junok on chon tzaloj yuj co yailal tu' yin aymanil, palta ta chi watx'ji oc co nabal yuj, c'ojanc'ulal chon jichloj oc yuj, cax chi jay co junc'ulal. 12 Yuj tu xin, ayex axca tol c'amxa yip e k'ab, ma axca tol sicbinak el e yakan, tec'bajek e ba xol yailal. 13 Iek beybalej watx' c'al tojol, yet watx' man ok etaxxac'al el eb axca tol coxan yakan, palta tol ok tec'baj ba eb. 14 Ak'ek e yip e yayji yin junc'ulal yetok masanil anima. Ak'ek c'apax e yip yet watx' watx' che yut e beybal, yujtol a eb man watx'ok is beybal maj yil eb yin Cham Jajawil. 15 Xe yilc'al e ba, talaj ay mac e xol c'amxa chi yochej chi cha' is colwal Dios, yuj tu' xan chi pitzc'oj aj yobc'ulalil e xol, cax xiwil ex chex etax el yuj. A jun yobc'ulalil e xol tu', lajan axca junok te te' c'a' sat chi yak'a'. 16 C'amokab junok ex che yut e ba ajmulal. C'amokab ex che yintaknej el tzet yetal yet Dios, axca yutnak ba Esaú. A Esaú tu', yin junnej lojal max q'uextok is satak t'inan chaon bay is mam yuj babel c'ajolejal. 17 Jojtak, tol yintakilto paxok, max yochento max ak'lay pax yet yuj is mam, palta c'amxa tzet max ak'lay bay. Caxc'almi xiwil max ok'i, palta c'amxa chi je' q'uexon tzet yetal max yun tu'. 18 A on ti', man lajanok chi jun axca eb jet conob israel yet payxa. Yujtol a eb tu', max betic' bay jun tzalan chi je' jilon oc yin bay ay jun k'ak' nilnon yaji, a ton Sinaí. A bay tu' caw wal k'ekk'olinak, cax max ec' jun cak xuchum cak'ek'. 19 Yabnak eb yok' jun trompeta. Yabnak c'apax eb yoc yul nuk' Dios, yet max k'anjab bay eb. A eb max aben k'anjab tu', max oc tean eb yin Moisés, tol manchakxa k'anjab Dios bay eb. 20 Yujtol maj techaj yaben eb jun chekbanil ti': Ta ay junok chi jitzxac'altek ba bay yichlak witz ti', caxc'al no', yowalil chi k'okch'ennelay camok, ma xin tol chi teklay cam yetok lanza, ẍi. 21 Caw max xiw eb yet max yilon eb juntzan tu'. Toltax a Moisés yalnak axca ti': Caw chin luklon yuj xiwilal, ẍi. 22 Palta ayon ti', manak bay jun tzalan tu' aytok co nabal. Yujtol a bay tzalan Sión, a ton is conob Cham Dios iquis, a tu' chi toj co nabal. A jun conob tu', a ton Jerusalén ay bay satcan, 23 bay manxa jantakok ángel chi waj ba, yet chi yalon eb watx' k'anej bay Dios. A tu' wajan c'apax ec' eb yuninalxa Dios, eb tz'ibbilxa bi bay satcan. A bay tu' ayic' Dios, Cham Juezal masanil anima. A tu' ayic' yanimail eb watx' yutnak is beybal, eb tol watx'jinakxa el yuj Dios. 24 A c'apax tu' ayic' Jesús, Cham chi ak'on yunel jun is cab trato Dios. A chiq'uil Jesús, axca tol txijbiltok jiban, a' chi ion el co yobtakil jin. A is chiq'uil tu', axca tol chi k'an mimanc'ulal jin, man axcaok is chiq'uil Abel tol max k'an paktzebal. 25 Yuj tu' jilekc'al co ba, yet watx' manchak jintaknejek el Cham chi k'anjab ayon tu'. A eb max intaknen el Dios yet payxa, yet max tenchelay eb yuj bay yulyibank'inal ti', majxa uj yel eb bay yailal. Akxam wal ayon ti', majc'alta' uj jel bay yailal, ta chi jintaknej el Cham chi k'anjab aytek satcan ayon. 26 A yet max k'anjab yet payxa tu', caw bilnak tx'otx' tx'otx' ti' yuj yoc yul is nuk'. Palta tinani', chi yal axca ti': Junelxanej, man asannejok tx'otx' tx'otx' ti' ok wak' bilok, palta ok wak' c'apax bil satcan, ẍi. 27 A jun chi yal junelxanej tu', chi yal elapnok tol a masanil tzet watx'nebil yuj, ok yak' bilok, cax ok yak'on lajwok elok. Axa pax juntzan c'am chi je' bil xin, ok can yin junelnej. 28 Ay jalon jet yin bay yajaw yayji Dios; a jun tu' c'am chi je' yak'lay bilok. Yuj tu', jalek yuj diosalil bay Dios; jiek ay co ba bay axca chi cha c'ul. Xiwokonek bay, 29 yujtol a co Diosal, lajan axca junok k'ak' k'ak' chi lajwi masanil yuj.
1 Manchak co bekek co camc'ulnelen co ba, yujtol juẍtak co ba, janab co ba. 2 Co naektek tol bekanokab yel posada juj bay eb chi ec' ayon. Ay eb axca tu' yutnak ba, yak'nak eb posada eb ángel yin man yojtakok tatol ángel eb. 3 Co naektek eb jet creyenteal ayoc preso, axcaokab tol ayon oc preso yetok eb. Co naek c'apaxtek eb chi ilon yailal, axcaok tol ayon jun chi jab yail yetok eb. 4 A yet chi jilen co ba yetok jetbi junjun on, ayokab yelapnok jun ilejbail tu' yul co sat. Asanokab yin jetbi tu' chi jaoc co nabal junjun on, yujtol a mac chi yaoc mul yul k'ab yistzil ma yul k'ab yichamil, ok beyc'ulnelay eb yuj Dios, c'al eb tol manto yetbiok ba cax chi mulji, ok beyc'ulnelay c'apax eb yuj Dios. 5 Manokab asannejok ch'en tumin chi jil co naobtanej c'al co sayoni. Jak'ek tzaloj co c'ul yetok tzet ay ayon, yujtol yalnak Dios axca ti': C'am bak'in ok ex in bekcanok, tamwal ok ex wak'can e tx'oklil, ẍi. 6 Yuj tu', c'am chon xiw jalon axca chi yal yul tx'an Un: Chi colwaj Cham Jajawil wetok, xan c'am chin xiwi. Tok ay tzet chi je' quin yuten eb anima, ẍi. 7 Naektek eb ec'nak e nan e xol ex yak'on cuenta, a ton eb yalomal el k'anej Dios ayex. Naektek tzet max yun yeloc beybal eb e nan e xol. Axca max yut yaon oc eb c'ul yin Dios, cayokab tu' che yut c'apax e ba. 8 A Jesucristo, ac'ala' Cham yet payxa, yetok tinani', c'al yet yajtok tu'. 9 Manchak e yak' e ba etnelay yuj juntzanokxa tx'ok cuybanilejal chi ali. Caw watx' ta chi ak'lay tec'anil co nabal yuj watx'c'ulal Dios chi tx'ox ayon. Axa pax juntzan comon chekbanilej yuj tzet chi co lo' xin, c'am jabok yopiso watx'nen oc nabal eb chi beybalneni. 10 Ayon ti', tx'ok yel jun co xajanbal. A eb sacerdote chi ak'on serbil Dios yul is templo, c'am yalon yet eb chion jun xajanbal ti'. 11 Yujtol a cham sat sacerdote chi ion octok chiq'uil no no' bay jun lugar asan Dios ay yet yin ofrendail yet chi yion el yobtakil. Axa tiel conob, ata tu' chi tz'a mimanil no no' tu'. 12 Axca ton tu' max yut yaben Jesús yail, yet max cam tiel conob, yet watx' a is chiq'uil chi ion el yobtakil anima. 13 Yuj tu', elokonektok axca bay max ilay eltok Jesús bay tiel conob tu', chi yal elapnok, jun lajanokab jintaknelay el yetok. 14 Yujtol manak bay yulyibank'inal ti' ay co conob yin junelnej. Palta ay jun co conob tolto ok jayok. A ton jun tu' lanan jechbaneni. 15 Yuj tu', jalekc'al watx' k'anej bay Dios yuj Jesucristo. A watx' k'anej chi jal bay Dios, a ton juntzan tu' co xajanbal bay. 16 Manchak toj c'ayc'ulal juj junen watx'il, c'al co colwaj bay eb jet animail. Yujtol a juntzan ti', co xajanbal c'apax bay Dios, cax caw chi tzaloj Cham yetok. 17 Ikejek tzet chi yal eb chex ak'on cuenta. Bekek oc e ba yul k'ab eb. Yujtol a eb chi taynenc'al e yanimail. Yojtak eb tol ok yak' eb cuenta bay Dios. Watx'okab che yut e ba, yet watx' chi tzaloj eb yilon jun mulnajil tu', cax c'am chi cusaj c'ul eb. Ta chi cusaj c'ul eb e yuj, man watx'ok e yet. 18 Txajlanek wuj, yujtol wojtak tol watx' yayji yikbomal in nabal, yujtol chi wochej tol caw watx'c'al chi wut in beybal. 19 Chin tewi ayex tol caw chex txajli wuj, yet watx' chi je' wapni ayex junelxa yin ayman. 20 A Dios ak'om junc'ulal, a' ak'nej ictzoj aj Cham Jajawil Jesucristo xol eb camnak. A Jesucristo, Jilomal yayji Cham tol miman yelapnok. Yuj is chiq'uil Cham, xan max yun jun is trato Dios tol c'am bak'in chi lajwi. 21 Chi wochej tol chi watx'ji wal oc e nabal yuj Dios, yet watx', watx'c'al che yut e ba, cax a tzet chi cha' c'ul Cham che yunej. Chi wochej c'apax tol yujokab Jesucristo, xan watx'okab on yul sat, yet watx' chi tzaloj Cham jetok. Mimanokabc'al yelapnok Cham yin tojbalk'inal. Yunokabi. 22 Ex wuẍtak, ex wanab, chin tewi ayex, miman che yut e c'ul yuj juntzan k'anej chi waltok ayex ti'. Txench'an tzet chi waltok ayex yul jun in carta ti'. 23 Chi waltok e yabej tol mayal bekchaj juẍtak Timoteo. Ta ok jay cayti' yin aymanil, ok in tok yetok, yuj ex toj wiloni. 24 Chi watok cawil c'ul junjun eb chex ikban bay tu', cax chi waon c'apaxtok cawil e c'ul e masanil ex yet exxa Dios wetok. Yetok eb aj Italia, ti' chi ya c'apaxtok eb cawil e c'ul. 25 Yak'okab Dios is watx'c'ulal ayex e masanil bay tu'.
1 Ayin ton Santiago in, yak'omal serbil Dios wayji, yak'omal c'apax serbil Cham Jajawil Jesucristo wayji. Chi watok cawil e c'ul e lajcaweb makanil, ex wet israelal, ex tol sakleminak e yayji ec' bay junjun conob. 2 Ex wuẍtak, ex wanab, a yet chi jayoc tzanc'al tzet porobalil e yiban, ak'ek wal tzalojbok e c'ul sic'libil. 3 Ay wal bay chon ak'lay porobal, yet watx' chi txecloj elok tatol yel asannej wal yin Dios chi jaoc co c'ul. Jojtak wali, tol a ton yuj tu' chi ji' co tec'anil. 4 Yuj tu xin, caw wal tol che ya wal oc e c'ul yin Dios, yet watx' ok watx'jokc'al oc e nabal. Tatol caytu' che yut caktu', watx' ex ton wal satak Dios. C'am jabok palta ayex. 5 Tatol ayon manto tz'akanok co jelanil xin, co k'an bay Dios. Ok ak'lay ayon, yujtol ok yak' Cham ayon co masanil yin masanil is c'ul, tatol chi co k'an bay. Man ok on tzulay yuj. 6 A yet chi co k'anon co jelanil, yowalil tol chi jaoc yin co c'ul tol ok co cha'. Manchak jak' cabc'ulal yet chi co k'anoni. A eb tol chi yak' cabc'ulal yin Dios, lajan eb axca wal a' mar tol chi aj pomnaj sat yuj cak'ek', cax tol chi meltzojtakbi sat. 7 Tatol ay ex caytu' che yut e ba caktu', man e na' tol ay jabok tzet ok e cha' bay Cham. 8 A mac chi yak' cabc'ulal, man tec'anok waay nabal yin tzanc'al tzet chi yunej. 9 Mac ex tol meba' ex ch'an, tzalojanek, yujtol ay e yelapnok yul sat Dios. 10 A pax ex tol beyom ex xin, tzalojanek yujtol a Dios chi ak'on nachaj el e yuj, tol yaynakil ex, yujtol lajan wal ok yuncan el eb beyom axca xumaquil an ac'un. 11 A yet chi aj can c'u, chi takay bulnaj yuj yowal k'ak', cax junnej bek chi pukil xumaquil, cax manxa watx'ok yili. Axca wal chi yun takil xumaquil an ac'un tu', cay wal tu' ok yun lajwok ay eb beyom tu', yet lanan wajban eb is tumin. 12 Tatol chi techaj juj yet chon ak'lay porobal, caw wal watx' jet. A yet chi xew jak'lay porobal tu', ok co cha' is pak, a ton k'inalej tol ayc'al yin tojbalk'inal. A ton jun tu' altebilcan yuj Dios bay eb chi camc'ulneni. 13 A yet chon ikbelay junen junok yobtakil, manchak co na' tol a Dios chon ikbani, yujtol c'am chi je' yikbelay Dios yin yunen yobtakil. C'am c'apax junok mactxel chi yikbaj Cham yin yunen yobtakil. 14 Yujtol a tzet chi jiloc co c'ulok yin chon ikbani. A ton juntzan tu' chon montencantok yin yobtakil. 15 Axa yet chi junen juntzan tzet yetal chi jiloc co c'ulok yin tu', chi occan co yobtakil. A ton yet tu' chi etaxcan el co nabal yuj co yobtakil tu'. Yujc'al wal tu' bian, chon tojcan bay camich. 16 Ex wuẍtak, c'al ex wanab camc'ulnebil wuj, manchak e yak' c'aytok e ba. 17 A bay Dios chi tit masanil tzet yetal watx', tol toc'al chi sa' ayon. A ton Cham max watx'nen juntzan satcanil tzektebal. Caxc'al mi tol chi q'uexlabi yili eb, cax chi oc ewan yin, palta man cayok tu' Dios. C'am bay chi q'uexlabi nabal Cham. 18 Chon yi aj wan Cham yuninalok, yin yak'balnen is k'anej tol caw wal yel, yujtol axca tu' max el yin c'ul max on yutej, yet watx' aj babel on satak masanil tzet yetal max yesnej ajok. 19 Ex wuẍtak, c'al ex wanab camc'ulnebil wuj, naektek juntzan chi wal ti'. Acbajek e txiquin e yabeni. Man comonok che yal junok tzet yetal yin aymanil. Manokab c'apax comonok chi tit e yowal. 20 Yujtol a yet chi tit jowal, man yochwanok Dios chi junej. 21 Yuj tu xin, bekekcan masanil yobtakil, c'al beybalej man watx'ok yet yalantok. Chaek wal yin mansoc'ulalil is k'anej Dios, jun tol abilxa oc jin, yujtol chi je' co colchajcan el yuj. 22 Jikejek tzet chi yal k'anej Dios tu xin. Manokab toc'alok chi jabic'ok. Tatol toc'al chi jabic'ok, ayonc'al oc chi jetnej co ba. 23 Ay mac chi aben k'anej Dios, palta c'am chi yikej pax eb, lajan wal eb axca junok mactxel chi yil sat yul junok espejo. 24 Chic'al lajwi yilon sat tu', cax chi toji; yin aymanil chi toj c'ayc'ulal yuj, tzetbil yili sat. 25 Ay jun ley tol caw tz'akaki. A ton chi ak'on co bekbanilal. Tatol chi cam co cuyoni, cax c'am chi toj c'ayc'ulal juj tzet chi yala', cax chi co beybalneni, tatol caytu' chi junej, ok jak' tzalojbok co c'ul yin masanil tzet chi junej. 26 Tatol chi co na' tol ayon oc yin jun acaw ak'oj serbil Dios, palta c'am chi co mitx' pax tzakay co ti' yin tzet chi jala', ayonc'al oc chi jetnej co ba cax nabac'al ton wal chi jala' tol ayon oc yin jun acaw ak'oj serbil Dios. 27 Tatol ay eb unin tol c'amxa is mam c'al is txutx, c'al eb ix tol camnakxa yichamil, cax ayoc eb yin yailal, yowalil chi toj jil eb, cax chon colwaj bay eb. Yetok c'apaxok, chi co pojil co ba xol masanil yobtakil bay yulyibank'inal ti'. Tatol chi jun juntzan ti', tita' wal tol yel chi jak' serbil co Mam Dios chi yal tu'.
1 Ex wuẍtak, ex wanab, tatol wal yel chi ja wal oc Cham Jajawil Jesucristo yin co c'ul, Cham tol miman yelapnok, yowalil lajanokabc'al chi jut co c'ul yin anima masanil. 2 K'inalok tinani', ay junok beyom chi ocapnok bay chi co wajbaj co ba, ayoc oro col k'abej yuj, c'al pichilej ayxa may tojol ayoc yuj, cax chi oc pax apnok junok meba', tol yaynakil pichilejch'an ayoc yuj. 3 K'inalok tol asannej yetok jun ayoc pichilej ayxa may tojol yuj tu' chon tzaloj yetok, cax chi jalon bay: Ayan chotan bay puch watx' ti', con chi bay, cax chi jalon bay jun meba' tu' axca ti': Watx' oc lecan bay tu'; ta c'amak xin, ayan chotan bay wakantak ti', ta con chi bay. 4 Tatol caytu' chi jut axca tu', chi yal elapnok tol ay mactxel ay yelapnok yul co sat, cax ay mactxel tol c'am yelapnok yul co sat. Lanan co beyc'ulnewi yin man watx'ok chi yal tu'. 5 Ex wuẍtak, ex wanab camc'ulnebil wuj, abek. A eb meba' yul sat eb ay bay yulyibank'inal ti', a ton eb chi sic'laycan el yuj Dios, yet watx' chi yaoc eb c'ul yin Cham. Axca ton tu' max yun beyomnelaycan eb yuj Dios, yujtol ok yican eb satak xol eb ayoc yul k'ab Cham, jun satakej max yalcantek, tol ok yak' bay eb tol chi camc'ulneni. 6 Axa pax ex tol c'am yelapnok eb meba' yul e sat, naek. ¿Mactxel eb chon etneni, cax chon iontok satak yajaw? A ton eb beyom. 7 A ton eb tu' chi buchon is bi Cristo Cham bay ayonxa oc ti', ti pax tol caw miman yelapnok jun biej tu'. 8 Palta ay jun is ley Cham co Reyal yul tx'an Un Tz'ibbilcanok tol chi yal axca ti': Che ya'ilnej eb e yet animail, axca che yut e ya'ilnen e ba junjun ex, ẍi. Tatol chi jikej bay chi yal jun ley tu', watx' chi jut co ba chi yal tu'. 9 Palta tatol man lajanok chi jut co camc'ulnen anima masanil, yob chi jut co ba. Ac'al oc jun ley tu' chi aloni, tol yob chi jut co ba. 10 Ta ay junok tzet yetal chi cheklay jun yuj jun ley tu', cax c'am chi jun paxok, yujc'al ch'an jun tu' xan chi titcan bulnaj masanil ley tu' jiban. 11 Max yalcan Dios axca ti': Manchak e yaoc e mul yul k'ab e yetbi junjun ex. Manchak e mak' cam e yet animail, ẍi. A ton Dios max aloncan cabil. Yuj tu xin, caxc'al tol c'am chon mulji, palta tatol chi jak' cam junok jet animail, chi yal elapnok xin, tol mayal co ten tzet chi yal jun ley tu'. 12 Yuj tu xin, xan watx'okabc'al chi jut k'anjab co ba, watx'okab chi jut co beybal. Yujtol ok on beyc'ulnelay yuj jun ley chi ak'on co bekbanilal. 13 Tatol c'am chi ok' co c'ul yin eb jet animail, man ok ok' c'apax c'ul Dios jin, yet ok on beyc'ulnenok, palta tatol chi ok' co c'ul yin eb jet animail xin, ok ok' c'apax c'ul Cham jin yet c'ual beyc'ulal tu'. 14 Ex wuẍtak, ex wanab, tatol chi jala' tol chi jaoc co c'ul yin Dios, cax c'am pax chi jun tzet yetal watx', toc'al chi jal chi yal tu'. Ta cac'al tu' chi jut jaon oc co c'ul yin Dios, tok mi wal chon colchaj yuj che na'. 15 K'inalok ta ay junok juẍtak, ma junok janab tol meba'ch'an, c'am is pichil, cax c'am c'apax lobej, 16 cax chi jalon bay axca ti': Xel a ba xin, manchak ach oc il, k'aẍnan, lowan, ta con chi bay, palta c'am pax jabok tzet chi jak' bay yuj is cawxinakil tu', ¿xin ta watx' axca tu'? 17 Yuj tu xin, xan ta chi jaoc co c'ul yin Dios, cax c'am pax tzet yetal watx' chi junej, nabac'al ton wal chi jaoc co c'ul yin Dios chi yal tu'. 18 Tekan ay mactxel ok alon axca ti': Ach ti', asannej wal chaoc a c'ul yin Dios. Axa pax ayin ti' xin, a watx' unbenal chi el wuneni, ẍi. Palta chi wal ayin ti', tol c'am mactxel chi je' tx'oxk'abnen elok, ta yel wali, ayoc Dios yin c'ul, tatol c'am tzet yetal watx' chi yunej. Ay mactxel xin, tol a yin is watx' unbenal chi txecloj elok, tol yel wali, ayoc Dios yin c'ul. 19 Ay mactxel chi yaoc yin c'ul, tol junnej Dios; watx' ton tzet chi na' tu'. Ac'ala' eb espíritu yob chi ya c'apax oc eb jun tu' yin c'ul, cax chi bilaj eb yuj xiwilal yuj. 20 Ay jaywan ex, axca wal tol c'am e nabal, nachajokab el juntzan ti' e yuj xin. Tatol chi jaoc co c'ul yin Dios jaloni, cax c'am tzet yetal watx' chi junej, c'am jabok yelapnok chi yal tu'. 21 A cham jichmam Abraham yet payxa, max yitok is c'ajol Isaac, yuj yak'on tz'a yin xajanbalil naoni, yujtol caytu' max yun yalon Dios bay. Yuj wal tzet max yun Abraham tu xin, xan watx' ton cham satak Dios. 22 Co naek xin, tol max yaoc Abraham is c'ul yin Dios, yuj tu' xan max je' yiken tzet max ak'lay yunej. Ato wal yet max yun cham jun tu', max txeclojcan el sic'libil tol ay ton wal oc Dios yin c'ul. 23 Axca ton ti' max yun yunencan el tx'an Un Tz'ibbilcanok, bay chi yal axca ti': Axa yaon oc Abraham yin c'ul, tzet max yal Dios bay, xan watx' max cancan yul sat Cham, ẍi. Ac'ala', yalon c'apax canok, tol a Abraham, yamigo ba yetok Dios. 24 Yuj tu xin, nachajokab el jun ti' e yuj, tol watx' on satak Dios yuj tzet watx' chi junej, mannejc'alnak yuj chi jaoc co c'ul yin. 25 Cay c'apax tu' max yun jun ix ix chi yik Rahab yet payxa, ajmul ix ton ix, palta ak'bil posada eb chekbej eb israel yuj ix. Ac'al oc ix max chekon meltzoj eb bay junxa be, yet watx' c'am chi michchaj eb. Yuj jun is watx'c'ulal ix tu' bay eb, xan max al-lay ix watx'il yuj Dios. 26 Axca wal junok mimanilej camnakxa, yuj c'amxa yanimail, cayton tu' jayji ocok, tatol toc'al chi jaoc co c'ul yin Dios, cax c'am pax tzet yetal watx' chi junej.
1 Ex wuẍtak, ex wanab, manokab xiwilok ex che yaoc e ba meẍtolal, yujtol e yojtak, tol ayon meẍtol on ti', ok cam co beyc'ulnelay yuj Dios. 2 Yujtol co masanil, caw coc'takc'al chi oc co yobtakil. Tatol c'am bay chon ayc'ay yin tzet chi jala', watx' on ton wal satak Dios chi yal tu', cax chi je' co mitx'on oc wanaj co mimanil masanil. 3 A yet chi jaon oc freno junok no chej, yujc'al ton ch'en freno tu', xan yikemc'al no' bay chi ji' beyok. 4 K'inalok junok te barco, caxc'al caw miman te', cax chi low tinnaj cak'ek' yin te', palta asannej wal yuj is yaliẍ tx'umbanil, xan yalc'al bay chi je' yilay bey yuj nak chi tx'umon tu'. 5 Axca ton tu' yayji co ti'. Yaliẍ wal ch'an, palta a caw wal tol chi maynej ba yin tzet mimek chi je' yuneni. K'inalok ay junok tz'it k'ak' chi ayc'ay bay junok k'aktelak, manxa jantakok te' chi tz'atok yuj. 6 Caytu' yayji co k'anej, lajan wal yetok k'ak'ej. Masanil yobtakil bay yulyibank'inal ti' chi je' yuj. Yetbeyom co mimanil yayji co ti' ti'. Ac'al oc chi iontok co mimanil yin yobtakil yin masanil co k'inal. Axca tol a bay k'ak'al infierno chi tit k'anej axca k'ak'ej chi jala'. 7 A junjun makan no no', no tz'iquin, no labaj, c'al no noal a' mar, chic'al ton wal je' mansonelay no', max tzakay wal eb anima mansoneni. 8 Axa pax on ayon anima on ti', c'am wal junok on chi je' co mansonen co ti'. Caw yob, c'am mactxel chi tzakay mitx'on waayok. Lajan axca labaj ay venenoal, tol chi cam eb anima yuj. 9 A yetok co ti' chi jal watx' k'anej bay Cham Jajawil, a ton co Mam Dios, ac'al pax oc yetok, chi co k'antek yowal c'ul Dios yiban eb jet animail, tol watx'nebil yuj Cham axca yayji oc Cham tu'. 10 Ac'al oc co ti' chi jak'balnej yin jalon watx' k'anej bay Dios, ac'al oc chi jak'balnej pax yin bajwal. Ex wuẍtak, ex wanab, man mojok tol chi co beybalnej axca tu'. 11 Tok chi ajol a' aej watx', c'al a' aej c'achi' bay junnej nuk' aej. 12 Yetok c'apaxok, k'inalok ta ay junok moc'an te higo, tokwal ok je' tol sat olivoxa ok yak' te'. Ma junok moc'an uva xin, tokwal ok je' tol higoxa sat an ok yak'a'. C'am junok nuk'a' chi ajol aej c'achi' c'al watx' aej bay. 13 Ta ay junok ex jelan ex, chi nachaj el junok tzet yetal e yuj, yowalil tol watx' che yut e beybal xin. Che tx'oxk'abnej el e jelanil tu' yin e yunen masanil tzet yetal yin man maynejbailok. 14 Palta tatol toc'al chi tit e yowal, cax asannejc'al e yet che yochej, che yochej tol asan ex che yala', ta axca tu', man e yaloc e ba jelanilal. Ta caytu' che yut e ba, miman txequel tol lanan e yak'on lek'tial yin e yalon oc e ba jelanilal tu'. 15 Tatol caytu' che yut e ba, manak bay Dios chi tit jun e jelanilal tu xin, titol yet sat tx'otx' ti', yet eb comon anima. A jun e jelanilal tu', yet nak diablo chi yal tu'. 16 Yujtol a eb tol axac'al yet chi yochej, cax chi yochen axac'al chi aloni, a ton bay tu' chi jay somc'ulal yuj eb xin, cax xiwil juntzanxa yobtakil chi oqui. 17 A pax jun jelanil chi tit bay Dios xin, man cayok tu' yoqui. Tatol ayoc jun jelanil tu' jin, watx' onc'al yul sat Dios, junc'ulalxac'al ayon yetok jet animail. Manso on, pakaki on yin tzanc'al tzet chi junej. Chi ok' co c'ul yin eb jet animail. Watx'c'al chi jut co c'ul bay eb. C'am chi jut co ba yin cabc'ulaltak bay eb, man cabsatok chi jut c'apax co ba. 18 Ta asan junc'ulal chi ji' can, ok co cha' paktzil co watx' beybal tu', yuj chi ji' can junc'ulal tu'.
1 ¿E yojtak mi wali, bay chi ca titoc juntzan owal, c'al caklejbail ay e xol? Tokwal manak bay juntzan yob ochwanilej chi yak' owal e yin, chi tita'. 2 Che yochej wal oc junok tzet yetal, palta c'am chi ak'lay pax ayex. Yujc'al tu', xan ayex ok ex mak'wok cam anima. Caw ayoc yin e c'ul e yochen oc tzetak yetal, palta majc'al ak'lay ayex, yujc'al wal tu' xan che lajoc e yak'lenc'al owal. C'am chi ak'lay ayex, yujtol c'am che k'an bay Dios. 3 Caxc'al mi tol che k'ana', palta majc'alta' ak'lay ayex, yujtol tx'ok yoc e nabal, xan che k'ana'. A e naoni, tol ok ak'lay ayex, cax ok e yak'on e nabal yin juntzan tzet che k'an tu'. 4 Ayex lajan ex wal axca junok ix ajmul ix, caywal tu' e yili yul sat Dios. ¿Tom man e yojtakok xin, tol a yet chi co camc'ulnen yulyibank'inal ti', chon occan ajc'ulal yin Dios? Yuj tu', tzanc'al mactxel chi yochej watx' yak'on yetok yulyibank'inal ti', chi occan ajc'ulal yin Dios. 5 ¿Tom che na' xin, tol c'amc'al jabok tzet chi yal elapnok is k'anej Dios yul tx'an Un Tz'ibbilcanok tol chi yal axca ti': A ton Dios max cajban can oc Cham Espíritu Santo jin, cax chi yochen Yespíritu tu' tol yet on yin junelnej, ẍi? 6 Yuj tu' xan caw miman is watx'c'ulalil Dios chi yak' ayon, yujtol chi yal tx'an Un Tz'ibbilcan tu' axca ti': A Dios chi tenic' is nabal eb mimek winak chi yut ba, axa bay eb yaynakil chi yut ba xin, a is watx'c'ulal Cham chi yak' bay eb, ẍi. 7 Yuj tu', yikemokab chi jut co ba bay Dios, cax tec'anc'alokab chi jut co ba bay nak diablo, cax ok el ayon. 8 Co jitzek oc co ba c'atan Dios, cax ok jitzontek ba Cham co c'atan. Watx'nejek oc e beybal, ex tol yob e beybal. Watx'nejek oc e nabal mac ex tol chi cabax aj e c'ul. 9 Ocanek yin cusc'ulal, jichchajokab e c'ul e yok' sic'libil. Meltzojokab oc e tze' yin ok'il. Meltzojokabcan oc e tzalojc'ulal yin cusc'ulalil. 10 Iek ay e ba satak Cham Jajawil, catatu bian, ok ex ilay aj can yuj Cham. 11 Ex wuẍtak, ex wanab, manchak e yal-lej e k'umal. A mactxel chi yal k'umal junok yet creyenteal, ma chi beyc'ulnej, chi yal elapnok, tol a ley Dios lanan yalon k'umal, c'al beyc'ulneni. Tatol chi co beyc'ulnej ley Dios xin, man ipanok co beybalnen tzet chi yala', palta lanan wal jaon oc co ba yin juezalil chi yal tu'. 12 Palta junnej mactxel max watx'nen ley, cax junnej juez, a ton Cham chi je' con coloni, cax chi je' c'apax c'ayil masanil anima yuj. Yuj tu xin, xan ¿tom ay e yalon e yet e beyc'ulnen e yet animail? 13 Abek xin, ex tol lanan e yalon cakti': A tinani', ma yecal, ok on tok bay junok conob, jun abil ok on ayjok bay tu'. Ok jaon oc co txon, cax ok jion co tumin, quex chi. 14 Palta man pax jojtakok tzet ayon yet yecal tu', yujtol a co k'inal, junnejch'an bek chi c'ay aj bay yulyibank'inal ti'. Lajan wal axca xob tx'otx', junch'an bek txequel yaj wacacok, cax chi c'ay pax ajok. 15 Yelxac'al watx' ta caytu' chi jut k'anjab co ba axca ti': Ta chi el yin c'ul Cham Jajawil, cax tatol iquis onto ec'ok, ok jun jun ti', c'al jun tu', quex chiokabi. 16 Akxa tinani', ay ex maynejbail che yunej yet caytu' che yut k'anjab e ba axca tu'. Masanilc'al mactxel chi k'anjab yin maynejbail axca tu xin, man watx'ok chi yut ba eb satak Dios. 17 Tatol jojtak wal tzet chi yochej c'ul Dios chi junej, palta c'am chi jun paxok, ipan wal yoc co yobtakil bay.
1 Abek ex beyom. Elokab wek'ek'ok e yaw e yok' tinani', yujtol ay mimek yailal chi bey jay e satak. 2 Lananxa k'atok e beyomal. A e pichil bulan ec'ok, olquiẍtakxac'al yuj no no'. 3 Cay c'apax tu' e tumin, caxc'al mi oro ch'en, ma plata ch'en, k'uxtakxa. A k'uxtakil ch'en tu' chi tx'oxon el e yobtakil. Axca wal chi yun tz'a junok tzet yetal yuj k'ak'ej, cay wal tu' ok yuncan el e mimanil yuj ch'en. Toxa chi jay lajub tiempo; axa pax ayex ti', asan e wajban e beyomal che yunej. 4 Toc'al chi ul sa' eb e majan c'u ayex, tokwal che tojlanej c'u eb, toc'al che yetnej eb. Chi aj yaw eb bay Dios tinani', cax chi yalon aj eb e mul. Max ablay tzet max yal eb yuj Cham Yajaw yin Masanil. 5 Watx' max ec' yulyibank'inal ti' e yuj ayex ti', nojnak wal el yul e yatut yuj masanil tzet yetal ay ayex. Toc'al chi etax el e yuj. Lajan ex axca junok wacax chi ak'lay serbil sic'libil, chi xew bak'echbi xin, cax chi ak'lay camok. Janic'xanej tiempoal che yak' e nabal. 6 Ayex wal max e yacantok yiban eb tol watx' is nabal, ay eb max e yak' camok, palta majc'al wal col ba eb ayex. 7 Ex wuẍtak, ex wanab, miman che yut e c'ul; echbanejek masantac'al ok jay Cham Jajawil. Ilab eb mulnajwom tinani', chi yechbanej eb jay babel nab, c'al lajub nab. Mimanc'al chi yut eb c'ul yin yechbanen yelol yawoj. 8 Axcaokab chi yut ba eb mulnajwom tu', cayokab tu' che yut e yechbanen jay Cham Jajawil. Tec'an che yut e ba, yujtol toxa wal chi jayi. 9 Ex wuẍtak, ex wanab, manchak ex alxi e yin junjun ex, yet watx' man ok ex beyc'ulnelayok, yujtol toxa wal ok jay Cham ok on beyc'ulnenok. 10 Ex wuẍtak, ex wanab, a eb max alon el k'anej Dios yet payxa, max techaj wal yuj eb yiklen oc yatakilal, cax max yak'on eb mimanc'ulal. Yuj tu xin, techajokab e yuj axca eb tu'. 11 Jojtak wali, tol a eb max techaj yuj tu', tzalojc'ulal ay eb tinani'. Ay bay max e yab yabixal cham Job, tol tec'an max yut ba cham yet max yaben cham yail. E yojtak c'apaxok, tzetbil max yun yeloc cham yinxa lajubal yuj Cham Jajawil. Max ok' c'ul Cham Jajawil tu' yin, cax max cusoc c'ul Cham yin. 12 Palta ex wuẍtak, ex wanab, ay wal junxa tzet caw yowalil ok wal ayex. Man comonokc'al che loctek bi Dios Cham aj satcan, ma bi junokxa mactxel, ma junokxa tzet yetal bay yulyibank'inal ti'. Cayokab tu' chi yun e k'anjab axca ti xin: Tatol yel, Ja' quex chi. Tatol man yelok xin, C'amak quex chi. Cayokabc'al tu' che yut k'anjab e ba, yet watx' c'am tzet chi jayoc e yiban. 13 Ta ayex lanan e yaben yail tinani', txajlanek. Ta ay ex pax ayex oc yin tzalojc'ulal xin, bitnejek junok e watx' k'anej bay Dios. 14 Ta ay ex ya' ex ay, awtejek eb yancianoal iglesia. Axa ex anciano ex ti', txajlanek yuj eb. Che yaoncan oc aceite yin eb, yin bi Cham Jajawil. 15 Tatol che yaoc yin e c'ul yet lanan e txajli yuj eb tu', ok ton colchajcan el eb xol is yailal. Axa Cham Jajawil ok ak'oncan jay c'ul eb. Ta ay junok yobtakil max el yunen eb, ok jolayc'ay yiban eb yuj Dios. 16 Yuj tu xin, alek ajtek e yobtakil ayex junjun ex. Cax txajlanek e yuj junjun ex, yet watx' ok jay e c'ul. A eb watx' beybal, tol chi k'an juntzanok tzet yetal bay Dios yin masanil is c'ul, xiwilxa tzet yetal chi watx'jican el yuj is txaj eb tu'. 17 A yet max ec' cham Elías yet payxa, naba anima cham axca onc'al ti'. Yin masanil is c'ul max txajli, yet watx' c'amxa chi yak' nab. Nan is can abil wal majxa yak' nab bay jun lugar tu'. 18 Atoc'al yet max k'anon nab yin txajil junelxa, catatu bian, max jay pax nab. Atowal yet tu' max yaxbi pax aj jun lugar tu' junelxa. 19 Ex wuẍtak, ex wanab, ta ay junok mactxel e nan e xol chi yican el ba yin is k'anej Dios, matawal ay junok ex che yaoc nabal eb, yet chi oc pax eb junelxa. 20 Ojtaknejek el jun ti', ta ay eb chi yetnejtok beybal, cax che yaon oc nabal eb yuj watx'ji oc beybal eb tu', lanan wal e colon el yanimail eb yul k'ab camich. Yuj wal tu' xan ok ak'lay c'ay jantak yobtakil eb.
1 Ayin ton Pedro in, chekbej in Jesucristo, chin tz'ibejtok jun in carta ti' ayex, ex sakleminak e yayji yulak makbej Ponto, yulak yet Galacia, yulak yet Capadocia, yulak yet Asia, c'al yulak yet Bitinia. 2 Ayon ti', sic'bil onxa el yuj co Mam Dios, axcata' max yut naon oc jin yettax payxa. A Cham Espíritu Santo max con aon oc yetok, yet watx' chi jikej tzet chi yala', cax chi elcan co yobtakil jiban yuj chiq'uil Jesucristo. Mimanokab watx'c'ulal, c'al junc'ulal Dios chi yak' ayex bay tu'. 3 Jalek watx' k'anej bay Dios, is Mam Cham Jajawil Jesucristo, yujtol max ok' c'ul Cham jin. Max con yak' aljok Cham yet cayelal, yuj yictzojbail Jesucristo xol eb camnak. Yuj tu xan chi jaoc yipok co c'ul, tol a' ok ak'on co k'inal. 4 Ok yak' Dios jun co satak tol c'ubabilxa yuj bay satcan. A jun satakej tu', ayc'al ec' yin tojbalk'inal. Man ok etaxtok, tamwal ok tactok yili axca junok xumac c'un tac yili. 5 Yujtol chi jaoc co c'ul yin Dios, xan taynebil onc'al yuj yetok is yipalil, masantac'al ok tz'aknaj co chaon co colbanil. A co colbanil tu', watx'xa yayji, yet watx' ok txeclonelay aj yet lajub tiempoal. 6 Yuj tu' xan caw chon tzaloji. Caxc'al mi yowalil chi jab yail mimek porobal janic'ok tiempoal, palta ac'ala' co tzaloji. 7 Ilab ch'en oro tinani', yowalil chi ak'lay porobal ch'en xol k'ak'ej, yet watx' chi txecloj elok ta watx' ch'en, ma yob ch'en. Cayon c'apax tu', yowalil chon ak'lay porobal, cax chi txecloj elok, tatol yel wali chi jaoc Dios yin co c'ul ma c'amak. Ta chi techaj juntzan porobal ti' juj, ec'ban yelapnok jaon oc co c'ul yin Dios yintak ch'en oro chi yal tu', yujtol a ch'en oro tu', txennej tiempoal ch'en. Ta chi techaj porobalil tu' juj, ok on al-lay watx'il yet ok jay Jesucristo. Mimanbil ok junej, miman ton ok yun jelapnok yet tu xin. 8 Caxc'al tol c'am bay max e yil yin Jesucristo ayex ti', palta che camc'ulnej pax Cham. C'am ton bay max e yil yin, palta che yaoc e c'ul yin Cham. A xan chex tzaloj wal sic'libil, manxa jantakok is watx'il jun tzalojc'ulal tu', tol c'amxa axca chi yun yal-lay elok. 9 A co colbanil ok co cha tu', a ton tu' uktebil juj, xan chi jaoc Cham yin co c'ul. 10 A eb chekbej Dios yet payxa, max yak' eb yip sayon yil tzetbil wal yayji oc co colbanil ti'. Max yak'lej eb naon el tzet lanan yaloncan el eb yin ayoktoc'al, tol ok tx'ox Dios watx'c'ulalil ayon. 11 A Yespíritu Cristo ayoc yin eb, a' max ak'on yojtaknej el eb jantak yailal t'inan yilon Cristo. Lajwi tu xin, axa Cham ok yak' Yajawilal. A eb chekbej Dios tu', max yak'lej eb naon elok, mactxel jun ok jay tu', c'al tzet tiempoal ok jayok. 12 Palta max ak'lay yojtaknej el eb yuj Dios, tol a juntzan max yalcan el eb tu' man yujok nachaj el yuj eb xan max yal eb, palta yet watx' chi nachaj el juj ayon ti'. A tinani' xin, ayon chi jalil k'anejal yet colbanilej mayal co watx' alnej el juntzan tu' ayex. A Espíritu Santo chekbiltek satcan, a' max oc jetok yet max jaloncan elok. Ilab eb ángel, chi yochej c'apax eb chi nachaj el juntzan ti' yuj. 13 Yuj tu xin, watx'nejek e nabal. Bayc'al ijan che yut e ba. Caw che yaoc yipok e c'ul tzet ok yak' Dios ayon yuj is watx'c'ulalil yet ok jay Jesucristo. 14 Ayex ti', yuninal exxa Dios wetok, cax yikem ex bay. A yet yalan, xiwil tzet max e yochej ocok, yujtol manto e yojtakok Dios. Axa tinani xin, majxa e beybalnej axca tu'. 15 A Cham mac awtenej on, caw wal watx'c'al Cham, cax c'am jabok is paltail. Axcaokab Cham tu', cayexokab tu', watx'c'al che yut e ba. 16 Yujtol chi yal Dios yul tx'an Un Tz'ibbilcan axca ti': Watx'c'al che yut e ba, yujtol watx' inc'al ayin ti', ẍi. 17 A Dios ok beyc'ulnej junjun anima, atac'ala' is beybal junjun. Man tx'ok tx'okok ok yun beyc'ulnelay junjun yuj. Yuj tu xin, tatol chi jaloc Cham co Mamok, xiwokonek bay yet ayon ec' bay yulyibank'inal ti'. 18 A juntzan beybal eb e yichmam beybalnebil e yuj yet yalantok, caw nabac'al max e yetnej e ba yin. Axa tinani' xin, colchajnak exxa el yul k'ab juntzan tu'. E yojtakxa tol a co colbanil ti', c'am chi manchaj yetok tzet c'un lajwi, ma axca ch'en oro ma ch'en plata. 19 Palta a chiq'uil Cristo caw wal miman yelapnok, a' max con manoncan elok. Ilab tol max mak'lay cam Cham yin xajanbalil axca junok calnel c'am jabok tacnakil, tamwal jabok tzet yob yili oc yin. 20 A yet manto yesnej aj Dios yulyibank'inal ti', nabilxa yuj tol caytu' ok yun yelol yiban Cristo. Palta ato yet juntzan lajub tiempoal ti' max alaytek, yet chi txecloj el bay yulyibank'inal ti' yuj co watx'ilok. 21 Yuj Cristo, xan max je' jaon oc Dios yin co c'ul tinani', yujtol a Cham max ictzonen aj Cristo xol eb camnak, cax max yion aj can. Yuj tu', caw wal chi jaoc Dios yin co c'ul, cax chi jaon c'apax oc yipok co c'ul. 22 A tinani', lanan jiken jun cuybej acaw yel. Axca tu' chi jut co jichlonen oc co beybal, yet watx' yel wali, ayokab co camc'ulal yin eb juẍtak, c'al yin eb janab. Yuj tu', yowalil chi co camc'ulnej co ba yin masanil co c'ul, c'al yin masanil jip. 23 Yujtol aljinak onxa yet cayelal. Man yinok co mam co txutx cambejal yayji max con alji yin cayelal tu', palta yujc'al k'anej Dios xan aljinak on, yujtol a' aj k'inalej yayji. A is k'anej ti', ayc'al ec' yin tojbalk'inal. 24 Axca yalon yul tx'an Un axca ti': Masanil anima, lajan axca an ac'un. Ayman chi etax el is watx'ilal eb axca wal chi yun yetax el an xumac bay xolak ac'un. A an ac'un chi takcan el an, axa is xumaquil an chi pukilok. 25 Palta a pax k'anej Cham Jajawil xin, ayc'al ec' yin tojbalk'inal, ẍi tx'an Un tu'. A is k'anej ti', a ton jun yabixal colbanilej watx' yoqui maxax al-lay el ayex.
1 Yuj tu', yowalil che bekcan masanil pojanil tzet man watx'ok. Manchakxa e yet k'anenej junok anima. Manxaokab cabsatok che yut e ba. Manchakxaokab e yak' sawenal yin junok mac ay tzet ay bay. Manchakxa ex buchwaj yin junokxa mactxel. 2 Ta yel wali maxax e yojtaknej el sic'libil tol watx' Cham Jajawil, axca yochen junok aq'uiẍ unin yim, axcaokab tu' e yochen jun cuybej Dios c'am somil, yet watx' che yi e yip yin e colbanil. 4 Co jitzek oc co ba c'atan Cham Jajawil xin, axca chi yun yajtok juntzanok ch'en yiban junok miman ch'en chi aycantok yipomalok yich na. A jun mac axca miman ch'en ti', a ton Cristo, Cham tol iquis, cax iquis on c'apax yetok ayon ti'. A ton Cham max intaknelay el yuj eb anima, palta sic'bil el yuj Dios, cax miman yelapnok yul sat Cham. 5 Yuj tu' xan aek oc e ba yul k'ab Dios, yet chex oc is templook bay ok ex oc yin sacerdotealok Dios, yuj e yak'on xajanbal bay Cham yin espíritu yuj Jesucristo. Caw wal chi tzalojbi Cham yetok juntzan xajanbal tu'. 6 Yuj tu xan caytu' yaloncan Dios yin Cristo yul tx'an Un Tz'ibbilcan axca ti': Ayin wal chi wacan oc jun ch'en ch'en bay Sión yet chi oc bay jolom txiquin na, tol sic'bil el wuj, c'al miman yelapnok. A mactxel chi yaoc ch'en yipok c'ul, man ok somchaj el c'ul yuj, ẍi Dios yul tx'an Un tu'. 7 Caw miman yelapnok Cristo yul co sat, mac on txel chi jaoc co c'ul yin, palta ay pax eb c'am chi yaoc c'ul yin Cham. A ton yin juntzan ti' chi yal tx'an Un Tz'ibbilcan axca ti': A ch'en ch'en max yintaknej el eb watx'nem na, a ch'en max oc yin jolomok txiquin na, ẍi. 8 Chi yalon c'apax junelxa axca ti': Axca junok ch'en ch'en bay chi chipil anima yakan, cax chi telc'ojtok eb yuj, caytu' yayji Cham, ẍi tx'an Un tu'. Yujtol caytu' yayji Cristo yul sat eb c'am chi yaoc c'ul yin tu', xan toc'al chi somchaj el eb yuj, yujtol c'am chi yikej eb is k'anej. Miman txequelxa yayji yet payxa, tol t'inanc'alta' caytu' ok yut ba eb. 9 Palta ayon ti', axca tol junxanej inatilej jayji, sic'bil on oc yin sacerdoteal, yuj jak'on serbil co Reyal, chi yal elapnok a ton Dios. Conobxa Dios jayji, pojbil on el yuj joccan yetok, yuj jalon el is watx'ilal Cham. Yujtol a' max on ion eltek xol k'ekk'inal, cax max on yaoncan oc bay is sakk'inalil c'ayubtak yoqui. 10 Man conobok Dios e yayji yet yalan. Axa pax tinani xin, is conob exxa. A yet yalantok tu', c'am mac max ok' c'ul e yin, palta tinani xin, chi ok' c'ul Dios e yin jetok. 11 Ex wuẍtak, ex wanab camc'ulnebil, man co conobok yulyibank'inal ti', yujtol ec'jabwomc'al jayji bay. Yuj tu' xan chin tewitok ayex, tol manchak e beybalnej juntzan tzet chi yochej oc e mimanil. Yujtol a juntzan yob ochwanilal tu', chi yak'lej owal yetok janimail. 12 Watx'okab chi jut co beybal yil eb manto ojtaknenok Dios. Yuj tu xin, caxc'al chi yal eb tol yob chi jut co ba tinani', palta tatol chi yil eb co watx' beybal, ok yal eb watx' k'anej yin Dios yet ok jay c'ual beyc'ulal. 13 Yuj co camc'ulal yin Cham Jajawil, xan yikemokab chi jut co ba bay masanil eb co yajawil sic'bil oc yin opiso yuj eb anima. Chi jikej tzet chi yal cham rey, cham sat yajaw. 14 Chi jiken c'apax bay juntzanxa eb yajaw, yujtol ak'bil yopiso eb yuj cham rey, yuj yaon oc eb yailal yin eb chi oc is mul, c'al yuj yalon eb watx' k'anej yin eb watx' tzet chi el yuneni. 15 Chi yochej Dios tol caw wal watx' chi jut co beybal, yet watx' c'am bay chi can mitx'an eb c'am is nabal, yet chon al-lay yobal yuj eb. 16 Ayon ti' bekanxa jayji, xan jak'ek txecloj el xin tol bekan onxa. Asan bian, manchak co naek tol yuj bekan onxa, cax bekanxac'al junen tzanc'al tzet man watx'ok. Co naektek tol ayonxa oc yak'omalok serbil Dios. 17 Ayokab yelapnok junjun jet animail yul co sat, cax chi co camc'ulnen c'apax eb jet creyenteal. Xiwokonek bay Dios. Ayokab yelapnok cham rey yul co sat. 18 Ex mosejal, ikejek bay chi yal e patrón. Ayokab yelapnok eb yul e sat. Man asannejok bay eb watx' is nabal c'al bay eb manso c'ul che yikej, palta ikejek c'apax bay eb yob is nabal. 19 Ta asan yuj ayoc co nabal yin Dios xan comonc'al chon etnelayi, palta ta chi jak' techajok, caw wal chi tzaloj Dios jetok. 20 K'inalok yuj junok tzet yob max el juneni cax chon mak'lay tinani', ¿xin ta yujc'al ok jak' techaj jun yailal tu' xan watx' on? Palta k'inalok ta comonc'al chi alay oc yailal jiban yuj junok tzet watx' chi el junen tinani', ta chi jak' techaj jun yailal tu', a ton jun tu' watx' yul sat Dios. 21 Tutun a yuj jun ti', xan max con yawtej oc Dios yetok, yuj jak'on techaj yatakilal. Ilab tol jujc'al max yab yail Cristo. Axca tu' max yut tx'oxoncan is watx' beybal ayon, yet watx' caytu' chi yun co beybalneni. 22 A Cham, c'am junok yobtakil max yunej, tamwal ay junok lek'tial k'anej max yala'. 23 A yet max buchwaj eb yin Cham, maj buchwaj Cham yin eb. A yet max alay oc Cham yin yailal yuj eb, maj yak' Cham yowal pakon ba. Toc'al max bek oc ba Cham yul k'ab Dios, Cham watx' beyc'ulnewi. 24 A Cristo max ikon can aj co yobtakil yetok is mimanil, yet max aj locan yin te curus, yet watx' c'amxa yalon yet tzet man watx'ok jin, yujtol axca tol camnakxa jayji bay yobtakil. Axca tu' max con yutej, yet watx', watx'c'al chi jut co beybal. Caw max yab yail Cham juj, yujc'al co colchajcan elok. 25 A yet payxa, lajan on wal axca junok calnel c'aynakcantok. A pax tinani', mayal on meltzojtek bay Cham Jilomal, Cham chi taynen janimail.
1 Ex istzilej, yikem che yut e ba bay e yichamil, yujtol ayex c'amto chi yaoc e yichamil c'ul yin k'anej Dios. Caxc'al c'am tzet ok e yal bay e yichamil tu', palta tekan ok monchaj oc eb e yuj. 2 Yujtol ok yil eb tol tojol e beybal, cax tol caw wal chex xiw bay Dios. 3 Ayokab e watx'il, palta manak e watx'nen aj e yili chi wala'. Manokab ayxa mayok che yut e xil. Manchak e yaoc e nabal yin ch'en oro che k'anbalnej, tamwal yin pichilej ayxa may tojol. Yujtol manak yetok juntzan tu' ok ex watx'jok ocok. 4 Palta aokab e c'ulbal che yak' e yip e watx'nen ocok, yet watx', watx' e yili yul sat Dios. A watx'il e c'ulbal tu', c'am bak'in ok etaxtok. Tatol manso ex, tatol numumi ex, miman ton yelapnok yul sat Cham. 5 A yet payxa, ay juntzan eb xal ix tol yet-xa Dios yayji. Watx' yili c'ulbal eb xal yul sat Cham, yujtol asan Cham yanak oc eb xal yipok is c'ul, cax yikemc'al max yut ba eb xal bay yichamil. 6 Ilab xal Sara, yikemc'al max yut ba xal bay Abraham: Ach wetbi, ẍi xal bay. Watx'c'al che yut e nabal ayex ti' xin ex istzilej. C'amokab junok tzet bay chex xiw jabok. Ta axca tu', lajan e nabal axca xal Sara chi yal tu'. 7 Ac'ala' c'apax ayex ex ichamilej ex ti', watx' che yut e c'ul yin e yistzil. Ojtaknejek elok, tol lajan eb ix axca junok vaso c'un poji. Ayokab yelapnok eb ix yul e sat, yujtol aj satakwom c'apax eb ix yin k'inalej max yak' Dios ayon yuj is watx'c'ulalil. Caytu' che yut e c'ul yin eb xin, yet watx' c'am jabok tzet chi tenon oc wanaj e txaj yetok eb ix. 8 Yetok c'apaxok, chi waltok junxa ti' ayex: tol jun lajanxanejokab chi jut co nabal co masanil. Tatol ay eb chi cusi, colwajokonek bay eb. Co camc'ulnelejek co ba, yujtol jet creyenteal co ba. Ok'okab co c'ul jin junjun on. Yaynakilokab chi jut co ba ayon junjun on. 9 Ta ay eb yob chi yut ba ayon, manokab yobok chi jut co ba bay eb. Tatol ay eb chon buchoni, manchak on buchwaj yin eb. A ti jet, tol chi co k'an watx'c'ulalil Dios yiban eb. Yujtol awtebil on yuj Cham, yuj joccan yetok, yuj tx'oxon is watx'c'ulal ayon, 10 yujtol tix wal yalon yul tx'an Un ti': Ta ay mac chi yal c'ul chi najatilbi is k'inal, ta chi yochej tzalojc'ulalc'al chi ec' junjun c'u yuj, c'ayokab el aloj yobal k'anej. C'amokab chi yak' lek'tial. 11 Besokab el ba bay yobtakil, axa watx'ilal chi yunej; c'amokab owal chi yunej, beybalnejokab junc'ulalil. 12 Yujtol a Cham Jajawil, chi taynen eb anima watx' beybal, cax chi yacbaj txiquin yet chi yalon ba eb bay, palta ow chi yut Cham sat yin mac chi unen yobal, ẍi. 13 Ta asan watx' beybalej chi el co beybalneni, ¿mactax junok ok ak'on yobtakil ayon? 14 Palta ta chi jab yail yujc'al co watx' beybal, caw wal watx' jet. Yuj tu', manchak ex xiw yin tzet bay chi xiw eb, manchak e yak' somchaj el e nabal, ẍi tx'an Un. 15 Jiek can Cristo Jajawilok. Co naek tol asanxanej oc Cham. Tx'ijanokabc'al chi jut co ba jalon yab mactaktxel chi k'anlej yab ayon tzet yuj xan chi jaoc Cristo yipok co c'ul. Yin mansoc'ulalil, c'al yin c'ununi k'anejal chi jut jalon bay eb. 16 Ay eb chon buchon yuj co watx' beybal, yujtol ayoc Cristo yin co c'ul; palta watx' chi jut co beybal yet watx' c'am chon tzulay yuj yikbomal co nabal, xan a yet chon buchon eb, ok q'uixwok aj eb. 17 Caw wal watx' ta chi jab yail yuj co watx' beybal, tatol axca tu' chi el yin c'ul Dios. Palta ta yuj co yob beybal xin, cax chi jaben yail, nabac'al toni. 18 Yujtol asan junel max yab yail Cristo cam yuj co yobtakil. A Cham, caw wal watx' ton Cham. Ayon ti' xin, caxc'al man watx'ok on, palta max yab yail Cham juj, yuj con yion apnok Cham bay Dios. A is mimanil max cami, palta max ictzonelay pax aj yin yespíritu. 19 A yespíritu tu', betnak ec' yalon el k'anej Dios bay is pixan eb presoxa yayji. 20 A eb tu', man yikemok yutnak ba eb bay Dios yet yalantok yul tiempoal Noé. A yet jun tiempoal tu', mimanc'al max yut Dios is c'ul yin eb, yet max yechbanen watx'ji jun miman barco. A yul jun barco tu' max colchajcan el jaywan anima bay a' aej. Waxakwan eb max colchajcanok. 21 A jun tzet ujnak tu', tx'oxbanilej yayji ocok, yujtol a yuj a' aej yet bautismo chon colchaj tinani' yujtol max ictzoj aj Jesucristo. A jun bautismo ti', man yopisook yion el tz'ilal co mimanil, palta a yuj tx'oxon el jochwan tol c'am chon tzulay yuj yikbomal co nabal satak Dios. 22 Max paxaj Cham bay satcan. A tu' ayic' Cham bay watx' k'ab Dios tinani'. A' chi ikban eb ángel, yetok juntzanxa eb ay yikbej, c'al eb ay yipalil.
1 Tutun caw yabnak Cristo yail yin is mimanil, cax max cami. Yuj tu', co naek tol camnak onxa c'apax yetok ayon ti'. A eb camnak, c'amxa chi beybalnej eb tzet man watx'ok. 2 Yuj tu xin, axcaokab tu' chi jut co ba, yet watx' aokab tzet chi cha' c'ul Dios chi junej, yak'ban tol ayon ec' bay yulyibank'inal ti'. Manchakxa junej axca chi yochej oc co mimanil ti'. 3 A yet yalan, miman tiempo max e yun juntzan tzet bay ayoc nabal eb man ojtaknenok Dios. Palta canokab juntzan tu' tinani'. Yujtol a yet tu', asanc'al yobtakil max el e yuneni, asanc'al tzet man watx'ok max e yochej ocok. Caw wal uq'uem ex an, caw pek' ex yin an. Max quex wekeki yin e k'in. Yetok c'apaxok, max e yak' serbil juntzan tzet chi al-lay oc diosal, tol manxa yobalok. 4 A eb man ojtaknenok Dios, chi c'ayaj c'ul eb tinani', yujtol c'amxa chi co waj watx'nej juntzan tzet caw man watx'ok tu' yetok eb. Yuj tu', chi buchwaj eb jin. 5 Palta yowalil ok yak' eb is cuenta bay Dios, Cham tol watx'xa yayji beyc'ulnen masanil anima, eb iquis c'al eb camnak. 6 Yuj ton tu' xan max al-lay k'anejal yet colbanilej bay eb camnakxa. Yuj tu', caxc'al mi max cam is mimanil eb yuj is beyc'ulal Dios, axcac'alta' chi yun masanil anima, palta is yanimail eb, chi je' chaon is k'inal, axca is k'inal Dios. 7 A tinani', janic'xanej chi jay is tiempoal is lajubal masanil tzet yetal. Yuj tu', watx'okab chi jut co ba tinani'. Tec'anc'al chi jut co nabal co txajli. 8 Axa junxa tol ec'ban yelapnok, chi co camc'ulnelejek co ba yin masanil co c'ul. Caxc'al caw wal miman is mul junok mactxel ayon, palta tatol ay co camc'ulal, ok jak' mimanc'ulal yin. 9 Jak'ek posada eb juẍtak eb janab, palta man ok on alwokcan k'umal yintak eb. 10 Jak'lejek serbil co ba junjun on, atac'ala' tzet opisoal max ak'lay ayon yuj Dios. Watx' chi jut co k'anbalnen jopiso max yak' Cham. Yujtol tx'ok tx'okc'al jopiso max yak' Cham ayon junjun on yuj is watx'c'ulal. 11 Tatol ayon chi je' co k'anjab elok, aokab is k'anej Dios chi jalilok. Tatol ayon chi je' jak'wi serbil, ak'wok on serbil yetok jip chi yak' Dios. Watx'c'al chi jut co watx'nen masanil tzet yetal, yet watx' chi al-lay watx' k'anej bay Dios yuj Jesucristo. Al-layokabi tol miman yelapnok Cham, caw ay is mayk'ak'al Cham yin tojbalk'inal. Yunokabi. 12 Ex in camc'ulnebil, a yet chon ak'lay porobal yuj juntzan yailal caw wal ya' yoqui, c'am chi je' c'ayaj co c'ul yuj. Manchak co na' tol c'amc'alta' bay chi jayoc juntzan tu'. 13 Palta caw wal tzalojokonek, yujtol jun lajanxa jaben yail yetok Cristo, xan axa yet ok jilon jay Cham xol is tzekekial, tol ok aj wal can co tzalojc'ulal. 14 Tatol ay eb chon buchoni yujtol ayoc co nabal yin Cristo, caw wal tzalojc'ulejal jet, yujtol a Cham Espíritu miman yelapnok, a ton Cham Yespíritu Dios cajan ec' jin. 15 Ta ay junok on chi jil yailal, manokab yujok mak'oj cam anima, manokab yujok elk'an, manokab yujok junen juntzan tzet ay yowalil yuj eb yajaw, manokab yujok comonc'al chi jaoc co ba yin junok tzet yetal bay c'am jalon jet. 16 Palta ta ayon, yujc'al yet on Cristo xin, cax chi jilon yailal, manchak on q'uixwi. Jalek watx' k'anej bay Dios, yujtol yet onxa Cristo. 17 Toxa ok jay tiempoal beyc'ulnelay masanil anima. A ayon yuninal onxa Dios ti', ok on beyc'ulnelay yin babelal. Tatol ok babjok co beyc'ulnelay ayon ti', ¿akxam wal eb maj cha yab k'anejal yet colbanilej yet Dios? 18 A ayon tojol co nabal ti', puralxac'al ok on colchajok. Ta caytu' ok yun co colchaj el ayon ti', ¿akxam wal eb c'am yelapnok Dios yul sat, c'al eb ajmul? 19 Yuj tu', a yet chi jayoc junok yatakil jiban axca chi yochej c'ul Dios, yowalil ac'ala' watx'okabc'al chi jut co beybal. Chi co bekoc co ba yul k'ab Cham max con watx'neni, yujtol chic'al yun bay chi yal Cham.
1 A tinani xin, ti chi waltok juntzan chekbanil ti' ayex ex anciano, yujtol ayin ti', anciano in c'apax e yetok. Caw wal max wil yaben Cristo yail. Ay walon wet in chaon is watx'il e yetok, jun tolto ok txecloj elok. 2 Axca junok ilom calnel, cayokab tu' che yut e yiloni, ma e taynen eb max ak'lay e taynej, yujtol axca tol is calnel Dios yayji eb yul e k'ab. Manokab yujok chex ak'lay pural, ma manokab yujok e yochen oc tumin xan chex mulnaj yin e yopiso tu'. Palta yujokab tol e yochwan chex mulnaji, yujtol axca tu' chi yochej Dios. Mulnajanek yin tzalojc'ulal. 3 Maj je' tol yajaw ok e yut e ba yiban eb chi ak'lay e yak' cuenta tu', palta tol che tx'ox junok watx' beybal yil eb, yet watx' chi beybalnej c'apax eb. 4 Ta caytu' chi el e yunen axca chi wal ti', axa yet ok jay Cham Sat Ilom Calnel, ok e cha paktzil, tol xiwil watx'il. A is paktzil tu', c'am bak'in ok lajwok. 5 Axa ayex ex ach'ej, c'al ex k'opoj, yikemokabc'al che yut e ba bay eb anciano. Co masanil xin, ayilokab chi jut co ba ayon junjun on, yujtol chi yal yul tx'an Un axca ti': A Dios chi tenic' is nabal eb mimek winak chi yut ba, axa pax eb yaynakil chi yut ba xin, a is watx'c'ulal Cham chi yak' bay eb, ẍi. 6 Yuj tu', yaynakilokab chi jut co ba yul k'ab Dios, yujtol caw wal miman yipalil Cham, yet watx' ok on mimanbinelay yuj, yet ok jay tiempoal. 7 Jaektok masanil co bilc'ulal yul k'ab Cham, yujtol a Cham ayoc il con yiloni. 8 Caw tx'ijanokab chi jut co nabal, cax makwajokonek, yujtol axca wal junok coj chi el yaw, cax chi sayon is chibej, axca tu' yec' nak ajc'ul jin, a ton nak diablo. 9 Caw tec'anokab chi jut co ba bay. Tec'anokab chi jut jaon oc co c'ul yin Dios, yujtol jojtakxa, tol a eb juẍtak c'al eb janab sat tx'otx' ti', lanan yaben c'apax eb yail axca on. 10 A yet ok lajwok jaben yail janic' tiempoal ti', axa wal on tz'aktzen oc Dios yin masanil, ok yak' co tec'anil, c'al jip. Ok on is wajbaj oc yet tu', yujtol xiwil is watx'c'ulal chi tx'ox ayon. Ilab tol a' max on awten oc yetok, yet watx' a is acaw watx'il ok yak' ayon yin junelnej, yujtol junxanej jayji yetok Jesucristo. 11 A Cham, puch miman yelapnok, miman is yikbej yin tojbalk'inal. Yunokabi. 12 A juẍtak Silvano ti', wojtakxa is nabal, caw wal puch yikem. A' ok iontok jun in carta ti' ayex. A jay belan k'anej max waltok ti', a ok iptzen e nabal. A caw wal is watx'c'ulalil Dios jun chi wal yabixal ti'. Tec'anc'al che yut e ba yin is watx'c'ulalil ti'. 13 A eb juẍtak, c'al eb janab aj conob chi yik Babilonia ti', sic'bil c'apax el eb. Ti' chi yatok eb cawil e c'ul. Chi ya c'apaxtok nak Marcos cawil e c'ul. A ton nak axca in c'ajol yayji ocok. 14 A yet che yil-len e ba, che yak'lej cawil e c'ul yuj e tx'oxk'abnen elok tol che camc'ulnej e ba. Yak'okab Dios is junc'ulal ayex e masanil, ex tol yet exxa Jesucristo.
1 Ayin ton Simón Pedro in, yak'omal in serbil Jesucristo. Is chekbej in c'apaxok. Ti chin tz'ibejtok jun in carta ti' ayex, ex che yaoc e c'ul yin Dios jetok on, xan lajan wal watx'il e yet axca jet ti'. Tix yuj ti' xan watx' jet, yujtol a co Diosal, a ton Cham co Colomal Jesucristo, caw watx' ton Cham. 2 Yak'okab Dios miman watx'c'ulal, c'al junc'ulal ayex, yujtol e yojtakxa Cham, yetok Cham Jajawil Jesús. 3 Ay juntzan tzet yetal caw yowalil chi oc juj, yet watx' chi ja wal oc co nabal yin Dios, yak'ban ayon ec' cayti'. Mayal yak' Cham masanil juntzan tzet yetal tu' ayon yuj yipalil, yujtol mayal yak' jojtaknej el Jesucristo. A awtenej on oc yetok, yujtol miman yelapnok Cham, cax xiwil is watx'ilal. 4 Yuj is watx'il tu', xan tol max yak'can Cham is ti' ayon. A juntzan tzet albilcan tu', caw wal miman yelapnok, cax xiwil watx'il. Yuj juntzan tu', xan chi je' co colchaj el yul k'ab juntzan yob ochwanilej bay sat tx'otx' ti', yujtol a is nabal Dios ayoc jin yuj juntzan tzet albilcan tu'. 5 Yuj tu xin, man k'okbilok tol chi jaoc co c'ul yin. Yowalil chi jak' c'apax jip co watx'nen oc co beybal. Chi cam wal co cuyon jelanil Dios. 6 Co mitx'ek waay co ba yin tzet man watx'ok. Caw tec'an chi jut co ba. Asanokab yin Dios chi jaoc co nabal. 7 Watx'okabc'al chi jut co nabal yin eb juẍtak, c'al yin eb janab, chi co camc'ulnelej c'apax co ba yetok eb. 8 Ta a juntzan ti' yelc'ulal wal tol chi ji' can junjun c'u, caw ay jopiso yuj Dios chi yal tu'. Man nabaokc'al max jojtaknej el Cham Jajawil Jesucristo chi yal tu'. 9 Palta a mac manchak beybalnen juntzan ti', axca tol makantoc'al sat eb, ma xin, axca tol c'am chi je' yilontok eb junok tzet yetal najat, yujtol c'amxa chi natek eb tatol ibilxa el is yobtakil eb yet yalantok. 10 Yuj tu' ex wuẍtak, ex wanab, caw jak'okab jip jojtaknencan el sic'libil tol yel awtebil onxa, c'al sic'bil onxa el yuj Cham. Tatol axca tu' chi jut co ba, c'am bak'in ok etax el co nabal. 11 Ta axca tu', c'am tzet ok on tenon oc wanaj yin joc yul k'ab Cham Jajawil Jesucristo Cham co Colomal. A yikbej Cham, ayc'al yin tojbalk'inal. 12 Yuj tu', caxc'al e yojtakxa juntzan ti', caxc'al tec'anxa e waay yin juntzan cuybanilej caw yel bay ayoc e nabal, ok in jek e na'. 13 Chin na' tol watx' chex wiptzej, cax chin jekon e na' juntzan ti', yak'ban tol iquis into ec'ok. 14 Yujtol a Cham Jajawil Jesucristo max ak'on nachaj el wuj, tol manxa mimanok tiempo ayin ec'ok. 15 Yuj tu xin, xan chi wak' wip, yet watx' ok je' e naonc'altek juntzan cuybanilej ti' masanil tiempo, yet maxax in cam tu'. 16 Albilxacan juj ayex, tol ay yip Cham Jajawil Jesucristo, cax tol yowalil ok jay Cham yet is cayelal, palta a juntzan tu', man comon k'anejok. Man yulok jet max co naon ajok, yujtol ayon wal caw max jil Cham Jajawil tu' tol xiwil watx'il. 17 Acaw ilbil juj, yet max ilay can yuj co Mam Dios. Max jab yalon Dios tol miman yelapnok Cham Jajawil tu'. Max yal aytek Dios xol tzekekial axca ti': A ton jun in C'ajol ti', camc'ulnebil wuj. Caw chin tzaloj yetok, ẍi aytek. 18 A jay belan k'anej albil satcan tu', caw max cam jaben on, yujtol ayon ec' yetok Cham Jajawil bay jun tzalan bay max ulaytek Dios. 19 Yetok c'apaxok, ayokto jay Cham Jajawil tu' cax max tz'ibelaycan yabixal yuj eb chekbej Dios. Ayic' tx'an Un bay Tz'ibbilcan tu' tinani'. A tzet chi yal tx'an Un tu', a caw yel. Caw watx' chi jut co ba, ta ac'ala' jaon oc co nabal yin tzet tz'ibbilcan yuj eb tu', yujtol a tx'an Un tu', lajan tx'an axca junok co tzektebal chi co tzek xol k'ekk'inal. Chon is tzektanej masantac'al chi sakbi, yet chi ajol c'u. Axca c'u tu', caytu' yet ok jay Cristo, axa yak'on mimanbok sakk'inal yin janimail tu'. 20 A eb chekbej Dios yet payxa tu', ayoktoc'al max tz'ibenc'alcan eb yul tx'an Un juntzan tzet t'inan jayi, palta yowalil chi jojtaknej elok, tol c'am junok mac chi je' comonc'al chi yal tx'oklil tzet chi yal elapnok juntzan tzet tz'ibbilcan tu'. 21 Yujtol a eb tu', c'am junok tzet yulc'al yet eb max naaj eb yin is nabal, max tz'ibencan ay eb, palta a Dios sic'nej el eb. Axa Cham Yespíritu Dios chi ak'on nachaj el yuj eb, tzetbil chi yut yaloncan el eb is k'anej tu', cax max tz'ibencan ay eb.
1 A eb wet israelal yet payxa, ay eb max tz'ak yaloc ba chekbejok Dios. Ac'ala' c'apax co xol, ay eb ok yaloc ba meẍtolal, cax yin ewantakil ok yak'on eb cuylay lek'ti cuybanilej co xol, yet watx' ayon ok on etax el yuj eb. Caw wal c'am yelapnok Cham Jajawil yul sat eb tu', palta ti pax wal a Cham max cam yuj tojolok is yobtakil eb. Yuj tu xin, munilc'al chi yitek eb yiban. Ayman ok c'aycan el eb yin junelnej. 2 Xiwil mactxel ok beybalnen jun is yob beybal eb tu'. Yujc'al ton eb, xan ok al-layok tol c'am yelapnok jun beybalej yel bay ayon oc ti'. 3 Yuj pek' tuminal eb, xan watx'xac'al ok yut yalon eb lek'tial k'anej ayex, a ton juntzan k'anej tol yulc'al yet eb max naon aj eb. Palta payxatax beyc'ulnebil eb yuj Dios. Yuj tu', yowalil ok c'aycan el eb yin junelnej. Maj je' colon ba eb bay jun c'aybanilal tu'. 4 Co naektek tzet max yun yeloc eb ángel ocnak is yobtakil bay Dios. Tutun wal maj yak' mimanc'ulal yin eb. A ti yet eb, tol max k'oklaytok eb bay jun lugar chi yik Tártaro yuj Cham. C'anani max yun eb yetok cadena. Preso yayji eb xol k'ekk'inal tinani', masantac'al ok beyc'ulnelay eb. 5 Yetok c'apaxok, maj yak' Dios mimanc'ulal yin eb anima yet payxa. Yanaktek jun owal aej mukwajwom yiban eb yobtakwom tu'. Asan Noé colchajnakcan el yetok ukwan is familia. A Noé tu', yalnak el xol anima tu', tol watx'okabc'al chi yut eb is nabal. 6 Yetok c'apaxok, yanaktek Dios is c'aybanilal el eb aj Sodoma yetok eb aj Gomorra. Pilan lajwinak el cab conob tu', max tz'atok yuj k'ak'ej. Tanxac'al max yuncantok masanil. A eb lajwinak el tu', is tx'oxbanilok eb c'am Dios yul sat. 7 Asannej Lot colchajnak el xol eb, yujtol watx' yayji is nabal. A yet c'amto chi lajwi el eb tu', max oc pitz'an cusc'ulal yin yuj eb. 8 Watx'c'al is beybal Lot tu', palta junjunc'al c'u, cac'al ti' yiloni, c'al yaben juntzan tzet man watx'ok chi el yunen eb anima tu'. Yuj tu' xan cusc'ulalc'al ay yuj eb. 9 Cac'apax tu' tinani'. Yojtak Cham Jajawil tzetbil chi yut colon el eb ayoc nabal yin, yet chi ak'lay porobal eb. Yojtak c'apax tzet chi yut yaoncantok eb man watx'ok is nabal bay yailal, bay chi tojcan eb, masantac'al ok jay jun c'ual yet ok beyc'ulnelay eb. 10 Ay eb caw chi yaoc yin c'ul yunen juntzan tzet man watx'ok chi yochej oc yetok is mimanil. C'am wal jabok yelapnok Cham Jajawil yul sat eb. A ton eb ti' ok alaycantok bay yailal tu'. C'amxa chi xiw eb yunen tzet man watx'ok. Comonc'al chi yun eb tzet chi yochej. Toltax c'am chi xiw eb buchwaj yin juntzan mac caw miman yelapnok. 11 Toltax eb ángel, ti pax wal xiwil yipal eb, cax miman c'apax yelapnok eb, palta c'am chi tec'baj ba eb yalon aj is mul juntzan tu' yin buchwal k'anej satak Cham Jajawil. 12 Axca wal junok no no' c'am is nabal, caytu' eb anima tu', yujtol asanc'al tzet chi yochej oc is mimanil eb chi el yuneni. Comon chi buchwaj eb yin juntzan tzet man yojtakok eb. Yuj tu' xan ok c'aylay el eb, axca chi yun c'aylay el no no' tol chi alji no' yuj mitx'layi, c'al c'aylay elok. 13 Axca chi yut yaon oc eb yailal yiban juntzanokxa, caytu' ok yun yalay c'apax oc yailal eb. Caxc'al c'ualil, chi yaoc eb nabal yunen tzet chi yochej ocok, yuj yak'on eb tzalojbok c'ul yin. Caw wal q'uixwiltak yayji eb e xol, yob e yili yul sat Dios yujc'al eb. Yujtol comonc'al chi low eb e yetok yet che yak'on waj loj. A yet chi oc eb e yetok, toc'al chi yak' eb tzalojbok c'ul yin tzet chi yochej oc eb tu'. 14 Asanxanej mulej chi na eb yet chi yilon eb junok ix. Caw wal c'am chi je' mitx'on oc waan ba eb yunen ajmulal. Chi ak'lay c'ul eb c'amto tec'anil yuj eb. K'aynak eb yochen oc tzet man watx'ok. Yuj tu' xan caw wal aytek yowal c'ul Dios yiban eb. 15 Max bekcan eb watx' beybalej, cax max c'aycantok eb. Yuj tu' xan a is beybal cham Balaam, cham c'ajol Beor, a' chi beybalnej eb. A cham Balaam tu' max yaloc ba chekbejok Dios, palta asan yion tumin yin tzet man watx'ok max yochej cham. 16 Axa laj no burro tol jojtak tol c'amc'alta' chi je' k'anjabi, a no' max tzuon yuj is yobtakil tu', max k'anjab aj no' axca anima. A no' tennej oc waan yin is c'am nabalil chi yun tu'. 17 A eb ak'om lek'tial co xol ti', axca wal junok nuk' aej tannakxa, cay wal tu' eb. Yetok c'apaxok, axca wal junok asun toc'al chi lanani ec' yuj cak'ek', cay wal tu' eb. C'am chi ec' tojcan eb bay k'ekk'inal yin junelnej. 18 Toc'al chi yiaj can ba eb yalon tzet c'amxac'al yelapnok. Ilab chi yal eb axca ti': Chi je' junen tzet man watx'ok, chic'al je' junen tzet chi jochej oc yetok co mimanil ti', ẍi eb, chi tz'ak yalon eb. Caytu' chi yut yak'on eb c'ul eb lanan colchaj el xol tzet man watx'ok. 19 Chi yal eb axca ti': Bekanc'al junen tzet chi jochej, ẍi eb, chi tz'ak yalon eb; palta a eb tu', man bekanok yayji eb, yujtol ayoc eb yak'omalok serbil tzet man watx'ok tu', yujtol a mac chi can yalan yuj junok tzet yetal, chi yal elapnok tol chi oc yak'omalok serbil jun tzet tu'. 20 A yet max jojtaknej el Jajawil Jesucristo co Colomal, atax yet tu' max con colchaj el yul k'ab juntzan tzet man watx'ok sat tx'otx' ti'; palta ta chi jaoc co ba yul k'ab juntzan tu' junelxa, ta chon can yalan yuj, yelxac'al yob jet yintak pax yet yalan. 21 A eb axca tu' chi yut ba, matawal maj yaoc eb nabal yin jun watx' beybalej ti'. Watx'to wal yet eb jabok yet yalan. Akxa xin, max yaoc eb nabal yin. Chi lajwi tu' cax chi bekoncan eb chekbanil Dios ak'bil bay eb. Yuj tu' xan yelxac'al yob yet eb tinani'. 22 Ay wal jun k'anej caw wal yel, chi yal axca ti': A no tx'i', chi meltzoj no', chi lek'on aj is xaw. Yetok c'apax no txitam, chi lajwi tx'ajlay no', ayman chi toj no' xol tz'otz'ew, ẍi. Axca ton wal no' tx'i tu' ma no txitam tu', cay wal tu' eb ti', yujtol chi toj pax eb xol tzet man watx'ok junelxa.
1 Ex in camc'ulnebil, yet-xa is cab jun in carta chi watok ayex ti', tol ac'ala' chin jek e na' juntzan cuybanilej e yojtakxa, yet watx' chi watx'ji oc e nabal sic'libil. 2 Yuj tu', yowalil che natek juntzan tzet tz'ibbilcan yuj eb chekbej Dios yet payxa, eb is chekbej sic'bil el yuj. Naek c'apaxtek chekbanil Cham Jajawil co Colomal. A is chekbanil tu', albilxacan ayex juj ayon is chekbej on ti'. 3 A junxa ok waltok ti', caw wal chi wochej che yojtaknej elok. A yet jun lajub tiempoal, ok aj wan mac comonc'al ok buchwaj yin yet Dios. Asan tzet man watx'ok chi yochej oc eb bay ok yaoc is nabal. 4 Ok yal eb axca ti'; Yak'nakcan Cristo tu' is ti', tol ok jayok. Palta, ¿baytal ay tinani'? Ilab tol yanak oc eb jichmam yin c'ul, palta camnakxa pax eb. Ilek tonabi, tzetbil yayji masanil tzet yetal, yecheltaxc'al max watx'ji yulyibank'inal ti', ac'ala'c'al yayji masanil tinani', ac'ala' tol c'amc'al mac chi jay c'apaxok, ẍi eb, ok yalon eb. 5 Palta a eb chi alon axca tu', c'am chi yochej eb chi natek tzet maxax uj bay yulyibank'inal ti' yet payxa tu'. Asan k'anej Dios max on watx'ji satcan, c'al sat tx'otx' ti', cax max txecloj aj tx'otx' tx'otx' nan a', cax watx' yayji nan a' tu'. tinani'. 6 Palta lajwi tu', pilan lajwinak el masanil tzet ay bay yulyibank'inal ti' yuj a', yujtol pilan paxnak ay yich a'. A ton juntzan ti' c'am chi yal c'ul eb chi natek. 7 A satcan yetok sat tx'otx' ti', ayc'al ton ec' tinani'. Palta yalnakcan Dios tol watx'okab yayji bel, masantac'al ok beklaytek k'ak' yiban. Yet ok jay jun c'ual beyc'ulal, cax ok c'aycan el eb c'am jabok yelapnok Dios yul sat yin junelnej. 8 Ex in camc'ulnebil, chi wochej chi nachaj el e yuj, tol a yul sat Cham Jajawil, a jun c'u, lajan axca yec' junok mil abil. Junok mil abil tu', lajan yec' axca junok c'ual. 9 Ay eb chi naoni, tol lanan mayji Cham Jajawil tu', c'am chi yun axca max yut yak'oncan is ti' tu' naon eb, palta man yelok axca chi yut naon eb tu'. C'amto chi jay Cham, yujtol lanantoc'al yak'on mimanc'ulal jin bay yulyibank'inal ti'. Chi yochej tol c'am junok on ok on c'aycan elok, palta tol chi yochej chi co na co ba co masanil. 10 Palta axca wal jay junok elk'om yet ak'balil, caytu' ok yun jay c'ual jay Cham Jajawil tu'. Ok lajwok ay satcan yet jun c'ual tu', ayxa may nilili yet ok eq'uelok. Axa tzet ay sat tx'otx' ti', pilan ok uljoktok yuj jun miman k'ak'ej. Pilan ok tz'atok sat tx'otx' ti', yetok masanil tzetak yetal ayay sat. 11 Caytu' ok yun lajwok masanil tzet yetal. Yuj tu' xan yowalil tojol chi jut co beybal. Asanokab yin Dios chi jaoc co nabal. 12 Jechbanejek jay jun c'ual yet Dios tu'. Jak'ek jip co mulnaj yin yet Cham, yet watx' chi jay yin ayman. A yet jun c'ual tu', ok lajwok satcan yuj k'ak'ej, cax pilan ok uljok masanil tzet ayay sat tx'otx' ti' yuj k'ak' tu'. 13 Palta ayon ti', lanan jechbanen junxa ac' satcan, c'al jun ac' yulyibank'inal, yujtol axca tu' yaloncan Dios. Asan eb watx'xac'al is nabal ok cajonok. 14 Ex in camc'ulnebil, lanan jechbanen jay juntzan mayal waltek ti'. Yuj tu' xan jak'ek jip, yet watx' c'amokab jabok co yobtakil c'al jabok co paltail yul sat Cham yet jun c'ual tu'. Tatol axca tu', junc'ulalxac'al ay on yetok Cham. 15 Nachajokab el e yuj, tol ay is mimanc'ulal Cham Jajawil, xan c'amto chi jay Cham, yet watx' ayto mac ok colchajok. Ilab c'apax juẍtak Pablo camc'ulnebil juj, cay c'apax tu' chi yut tz'ibentok ayex, yujtol caytu' yak'laycan jelanil yuj Dios. 16 Tz'ibbilc'alcan juntzan ti' yul junjun is carta, palta ay bay caw wal ya' nachaj elok. A mac c'amto wal nabal, mac manto wal tec'anok waay yin is creyenteal, chi q'uexcantok eb is k'anejal. Ac'ala' chi yun eb yin juntzanokxa k'anej Dios tz'ibbilcanok. Yuj tu' xan ok c'aycan el eb. 17 A pax ayex ti', ex in camc'ulnebil, ayokto max e yabeni tzetak yetal ok jayok. Yuj tu', ilekc'al e ba bay eb yob is nabal max waltek ti', yet watx' c'am chex somchaj el yuj juntzan yob cuybanil eb tu'. Ta c'amak, caw wal ok etax el e nabal, cax ok ex ayc'ay yin tec'anil e waayi. 18 Jak'ek jip jojtaknen el Cham Jajawil, co Colomal Jesucristo wal sic'libil. Yetok c'apaxok, yelokabc'al tol tz'akan chi co cha is watx'c'ulal junjun c'u. Mimanokab yelapnok Cham Jajawil tu' tinani', c'al yin tojbalk'inal. Yunokabi.
1 Ti chi co tz'ibejtok ayex is yabixal Cham chi yik K'anej Ak'om K'inalej. A yet c'amto yulyibank'inal ti', ayxac'alta' Cham. Max jab k'anjabi. Max jil wal oc yin on. Max con oc t'anan yin, max con oc c'apax mitx'an yin. 2 A Cham Aj K'inalej tu' max tx'oxlay ajok, cax max jilon oc yin on, xan chi jak' co ba testigoal yin, cax chi jalon e yabej, tol a Cham chi ak'on co k'inal tol ayc'al yin tojbalk'inal. A Cham tu', ayc'alta' ec' yetok co Mam Dios, palta max tx'oxlay el Cham ayon. 3 Xan a Cham max jil on tu', c'al max jab k'anjab tu', a' chi jalil ayex, yet watx' watx'xac'al jak'oni. Yujtol wal yel, watx'xac'al jak'on yetok co Mam Dios, c'al yetok Jesucristo is C'ajol. 4 Yuj tu' xan chi co tz'ibejtok juntzan ti' ayex, yet watx' chi texac'al aj can co tzalojc'ulal. 5 Ok jaltok e yabej, tzet albilcan yuj Jesucristo ayon. Max yalcanok, tol a Dios, sakk'inal yayji, cax c'am jabok k'ekk'inal yin. 6 Ta chi jala' tol watx' jak'on yetok Cham, palta k'ekk'inalc'al pax yayji co nabal, toc'al chi jal chi yal tu', cax man yelok co beybal tu'. 7 A Dios sakk'inal yayji. Ta a sakk'inal tu' chi co beybalnej, cax ta watx'c'al jak'on junjun on, axa chiq'uil Jesucristo is C'ajol, a' chi sakbanen el masanil co yobtakil jin. 8 Ta chi jala' tol c'am co yobtakil, ayonc'al oc chi jetnej co ba, yujtol man yelok chi jala' tol c'am co yobtakil. 9 Ta chi jalajtek co yobtakil bay Dios, chi joc'ay Cham co yobtakil tu' jiban, cax chi yion c'apax el Cham masanil tzet man watx'ok jin. Yujtol tojol ton Cham, cax chic'al yun bay chi yala'. 10 Ta chi jala' tol c'am bay chi oc jabok co yobtakil, axca tol chi jut Dios yin lek'tial, cax man lananok jaon oc co c'ul yin is k'anej.
1 Ex axca tol wuninal e yayji, chin tz'ibejtok juntzan ti' ayex, yet watx' manchakxa e yun yobtakil xin. Palta ta c'uxan ay bay chi jun junok yobtakil, ay jun chi aon oc co ti' bay co Mam Dios, a ton Jesucristo. A Cham, a caw wal tol watx' ton Cham. 2 Axca wal junok xajanbal, axca tu' max yun cam Cristo tojolok co yobtakil. Man asannejok yuj co yobtakil ayon ti', xan max cami, palta yuj is yobtakil masanil anima bay yulyibank'inal ti', xan max cami. 3 Ta chi jikej tzet chi cheklay co beybalnej yuj Dios, tita' tol jojtakxa Dios sic'libil chi yal tu'. 4 Ta chi jala' tol jojtakxa Dios, palta c'am chi jikej pax tzet chi cheklay co beybalnej, lek'ti on chi yal tu', cax c'am jabok yel ayoc jin. 5 Ta chi jikej tzet chi al-lay xin, wal yel ay ton wal co camc'ulal yin Cham sic'libil. Axca ton ti' chi yun jojtaknen elok, tol ayon ton oc yin Cham. 6 Ta ayon chi jala': Ayin ti', ay in oc yin Cristo, ta con chi, yowalil chi co beybalnej beybal Cham. 7 Ex wuẍtak, ex wanab, a jun chekbanil ok waltok ayex ti', man aokto tinani' ok e yabej, yujtol a jun chekbanil ti', albilxa ayex yettaxc'al max ex oc yetok Dios. E yabnakxa jun chekbanilej ti' yet payxa, tol yowalil chi co camc'ulnelej co ba. 8 Palta chi waltok jun chekbanil ti' ayex junelxa. Lanan co beybalnen jun chekbanilej axca max yut beybalnen Jesucristo, yujtol lanan yel k'ekk'inal jin. Axa acaw sakk'inal ayoc jin. 9 Ta chi jala' tol sakk'inalxa yayji co nabal, palta cac'al ti' pax chichon oc co c'ul yin junok juẍtak ma yin junok janab, k'ekk'inalto yayji co nabal chi yal tu'. 10 Ta ay co camc'ulal yin eb juẍtak c'al yin eb janab, ti tol sakk'inalxa yayji co nabal chi yal tu', xan c'am junok tzet ayoc jin tol chon ak'on ayc'ayok. 11 Axa eb cac'al ti' chichon oc c'ul yin junok juẍtak xin, ma yin junok janab, k'ekk'inalto yayji is nabal eb. Axca wal junok mac chi bey xol k'ekk'inal, cax c'am chi yil bay chi ca toji, cay wal tu' eb, yujtol etaxnak el is nabal eb. 12 Ex ac' creyente, chin tz'ibejtok juntzan ti' ayex, yujtol a Dios max jooncan c'ay e yobtakil yuj Jesucristo. 13 Ex icham creyentexa, chin tz'ibej c'apaxtok ayex yujtol e yojtakxa Cham ayxac'alta' ec' yet manto yesnej aj yulyibank'inal ti'. Ac'ala' ex creyente tec'anxa e waayi, chin tz'ibej c'apaxtok ayex, yujtol max cancan nak diablo yalan e yuj. Ac'ala' ex ac' creyente, chin tz'ibejtok juntzan ti' ayex, yujtol e yojtakxa co Mam Dios. 14 Ex icham creyentexa, chin tz'ibejtok ayex, yujtol e yojtakxa Cham ayxac'alta' ec' yet manto yesnej aj yulyibank'inal ti'. Ex creyente tec'an waayi, chin tz'ibejtok ayex, yujtol ayxa e yip yin e creyenteal, c'al chabilxa k'anej Dios e yuj wetok, cax max cancan nak diablo yalan e yuj. 15 C'amokab co camc'ulnejek co ba yetok yulyibank'inal ti', tamwal yetok juntzan tzetak yetal ay bay yulyibank'inal ti'. Ta chi co camc'ulnelej co ba yetok, c'amxa co camc'ulal yin co Mam Dios chi yal tu'. 16 A eb yet yulyibank'inal ti', asan yet is mimanil eb chi yochej ocok, cax chi yochen c'apax oc eb tzetak yetal chi yil is sat, cax chi say eb mimanbilal. Palta a juntzan beybalej tu', man yetok co Mam Dios, palta tol yet yulyibank'inal ti'. 17 A yulyibank'inal ti', c'al masanil yob yochwan eb anima, lanan lajwi ec'ok, palta tatol chi jun yochwan Dios, iquis onc'al yin tojbalk'inal. 18 Ex camc'ulnebil wuj, lajubxac'al tiempo bay ayon ec' ti'. Max jabej tol a nak ajc'ul yin Cristo, ok tx'oxaj ba nak. A tinani', xiwilxa eb ajc'ul yin Cristo mayal tx'oxaj ba. Yuj tu' xan jojtakxa, tol lajubxa tiempo bay ayon ec' ti'. 19 A co xol max el eb ajc'ul yin Cristo, yujtol manc'alta' jetbiok eb. K'inalok ta caw wal jetbi eb, toc'alta' max ayjic'al ec' eb jetok, palta max el eb, yet watx' chi txecloj elok tol manc'alta' jetbiok eb. 20 A pax ex ayex ti xin, max yak' Cristo Cham Espíritu Santo ayex jetok. Yuj tu' xan jojtak co masanil jun cuybej acaw yel. 21 C'am junok ex tol man e yojtakok jun cuybej yel tu'. Yuj tu' xan chin tz'ibejtok ayex. E yojtakxa c'apaxok, tol c'am junok lek'tial xol jun cuybej acaw yel tu'. 22 Chi waltok e yabej mactak txel chi ak'on lek'tial: A eb chi aloni tol a Jesús man Cristook, chi yal elapnok tol man chekbiloktek Cham yuj Dios, a eb tu' ajc'ul yayji oc eb yin Cristo, yujtol a yet chi yintaknen el eb Cham C'ajolej, chi yintaknej c'apax el eb Cham Mamej. 23 Tzanc'al mac chi aloni tol a Jesucristo man C'ajolok Dios, c'am oc Dios yin eb. A pax eb chi alon xin, tol C'ajol ton Dios Cham, ay ton oc Dios yin eb. 24 Yuj tu' xan a jun cuybej max jab yettax max on oc yetok Dios, yowalil asan chi jaocc'al yin co c'ul. Ta caywal tu' chi jut jaon oc yin co c'ul, ok on ayjokc'al ec' yin co Mam Dios, cax ok on yaon c'apax oc yin is C'ajol. 25 Max yak'can Jesucristo is ti' ayon, tol ok yak' co k'inal tol ayc'al yin tojbalk'inal. 26 Ti chi waltok e yab yuj juntzan eb chi ochen chex etneni, xan chin tz'iblitok ayex. 27 Max yak' Jesucristo Cham Espíritu Santo ayon junjun on. Yuj tu' xan man yowalilok tol tx'okto wal junok anima chon cuyoni, yujtol a Cham Espíritu tu' chon cuyon yin masanil tzet yetal. A cuybanilej chi yak' ayon, yelc'al elok, c'am junok lek'tial aytok xol. Yuj tu', ayjanekc'al ec' yin Cristo, yujtol caytu' yalon Cham Espíritu ayon. 28 A tinani', ex camc'ulnebil wuj, yowalilokab ayonc'al ec' yin Cristo, yet watx' c'am on chon xiwaj yet ok jayok, cax c'am chon q'uixwi aj satak, yet ok jay tu'. 29 Jojtakxa tol caw wal watx' ton Jesucristo. Yuj tu', tix wal chi yun nachaj el juj ti', tatol watx' chi jut co beybal axca ton Cham tu', yuninal onxa Dios chi yal tu'.
1 Ilab wali, caw wal chon is camc'ulnej co Mam Dios, ilab tol chon yaloc yuninalok. Yel toni, yuninal onxa. A eb yet yulyibank'inal ti', c'am chi nachaj el yuj eb, tatol yuninal onxa Dios, yujtol man yojtakok eb Dios. 2 Ex wuẍtak, ex wanab camc'ulnebil wuj, yuninal onxa Dios tinani'. Palta manto txequelok tzetbil ok yun jelocok. Palta jojtak tol a yet ok jay Jesucristo, lajanxa ok jun axca Cham, yujtol ok jiloc tzetbil yili. 3 Co masanil on chi jaoc yipok co c'ul tol axca tu' ok yunej, lanan wal co watx'nen oc co beybal, yet watx' caw wal watx' on axca Jesucristo. 4 A mac chi beybalnen yobtakil, man lananok yiken chekbanil Dios. Yujtol a mac c'am chi iken juntzan chekbanil tu', a yobtakil chi el yuneni. 5 Jojtakxa, tol yuj yion el Jesucristo co yobtakil, xan max ulic' bay yulyibank'inal ti'. C'am jabok yobtakil yin Cham. 6 Yuj tu xin, ta yel wali ayon oc yin Cham, manchakxa co beybalnej yobtakil. Palta tzanc'al mac ac'ala' beybalnen yobtakil xin, c'am chi yaoc nabal yin Cham, cax manto ojtakbilok Cham yuj. 7 Ex in camc'ulnebil, manchak e yak' e ba etnelay yuj junok mactxel. Tatol watx'c'al chi jut co beybal, watx' on ton axca Cristo xin, yujtol watx'c'al beybal Cham. 8 A mac ac'ala' beybalnen yobtakil, ac'ala' yettoc'alta' nak diablo chi yal tu', yujtol a' chanej el yich yobtakil tu'. Toltax tinani', ac'ala' yunen yobtakil. Yuj tu xan max ulic' Cham C'ajol Dios bay yulyibank'inal ti', yuj ul yak'on lajwok tzet chi el yunen nak diablo tu'. 9 Tatol yel yuninal onxa Dios, majxa co beybalnej yobtakil, yujtol a is c'ulbal Cham ayoc jin. A tinani', c'amxa chi je' co beybalnen yobtakil, yujtol yuninal onxa. 10 Axca ton ti' chi yun txecloj elok, mactak txel eb yuninalxa Dios, mactak txel eb yuninal c'apax nak diablo. Ta man watx'ok co beybal, ta c'am chi co camc'ulnej eb juẍtak eb janab, wal yel mayon yetok Dios chi yal tu'. 11 A jun chekbanil ok waltok ayex ti', atax yet max ex oc yetok Dios cax max e chaon el yich e yabeni: Co camc'ulnelejek co ba, ẍi jun chekbanil ti'. 12 Yuj tu', maj je' caytu' chi jut co ba axca max yut ba Caín. Yet nak diablo nak Caín tu'. Yuj tu' xan max mak' cam nak tu' jun yuẍtak. Yujc'al tol watx' is nabal nak yuẍtak nak tu' xan max mak' camok. Axa nak xin, yob nabal nak. 13 Ex wuẍtak, ex wanab, manchak c'ayaj e c'ul yet ok chichon oc c'ul eb yet yulyibank'inal ti' e yin. 14 A yet yalan ayontoc'al oc yin camich. Axa tinani' xin, jojtakxa, tol mayal ak'lay co k'inal tol ayc'al yin tojbalk'inal, yujtol ayxa co camc'ulal yin eb juẍtak c'al yin eb janab. Ta c'am co camc'ulal yin eb, ac'ala' yet ontoc'al camich chi yal tu'. 15 Ta cac'al ti' chichon oc co c'ul yin junok juẍtak ma yin junok janab, mak'om cam anima on yul sat Dios. Palta jojtakxa tol c'am junok mak'om cam anima ay is k'inal tol ayc'al yin tojbalk'inal. 16 Jojtak tzetbil yayji oc is camc'ulal Dios jin, tol max yak' ba Jesucristo cam juj. Yuj tu', yowalil cayokab tu' chi jut co camc'ulnen eb juẍtak, eb janab, jak'okab co ba cam q'uexelok eb. 17 K'inalok watx' ayon, axa chi jilon junok juẍtak, ma junok janab tol ayoc yin majilal. Ta c'am tzet chi jak' pax bay, c'am jabok co camc'ulal yin Dios chi yal tu'. 18 Ex in camc'ulnebil, c'am chi je' tol toc'al chi jala' tol aynaj co camc'ulal, palta yowalil chon colwaj bay eb juẍtak c'al bay eb janab. Axca ton ti' ok jut co tx'oxk'abnen elok tol yel chi jala' tol ay co camc'ulal. 19 Ta ay co camc'ulal, jojtakxa chi yal tu', tol yet onxa jun cuybej caw yel, cax c'amxa co xiwc'ulalil satak Dios, 20 caxc'al chi yal co nabal tol ay co yobtakil. Palta ec'banxa yojtaknen el Dios jintak. Yojtak masanil tzetak yetal. 21 Ex wuẍtak, ex wanab camc'ulnebil, ta jojtak tol watx' co beybal yul sat Dios, c'am chon xiw co txajli bay, 22 cax tzanc'al tzet ok co k'an bay, ok yak' ayon, yujtol lanan jiken is chekbanil, cax lanan junen masanil tzet chi cha' c'ul. 23 Tixton is chekbanil ti', tol chi jaoc co c'ul yin Jesucristo is C'ajol, cax chi co camc'ulnelen co ba, axca max yut yaloncan ayon. 24 Ta chi jikej is chekbanil, tita' wal tol ayon oc yin Cham, cax ayoc Cham jin junjun on. Jojtak tol ayoc Cham jin, yujtol max yak' Cham Espíritu ayon.
1 Ex in camc'ulnebil, ta ay eb chi aloni tol yet Dios tzetak yetal chi ec' yala', man comonok che cha' e yab bay eb yin ayman. Yowalil che yak' porobal eb babelal, ta yel a Dios ayoc yetok eb. Yujtol xiwil eb lek'ti' bay yulyibank'inal ti', tol chi tz'ak yaloc ba eb chekbejok Dios. 2 Ti chi waltok e yabej, tzetbil chi yun jojtaknen elok mactxel eb ayoc Cham Yespíritu Dios yin. Ta chi yal eb axca ti': Yel toni, ocnak Jesucristo animail yet max ulic' bay yulyibank'inal ti', ta ẍi eb, tita' tol ayoc Cham Yespíritu Dios yin eb xin. 3 Palta a pax mac man cayok tu' yalon yin Jesús xin, c'am oc Cham Yespíritu Dios yin chi yal tu'. Ti tol lajan is nabal yetok nak ajc'ul oc yin Cristo. E yabnakxa, tol a nak ok oc ajc'ulal yin Cristo yowalil ok pitzc'oj ajok. A tinani' ayxa eb lajan is nabal axca ok yut ba nak chi wal tu'. 4 Ex camc'ulnebil wuj, yet onxa Dios tinani'. Cannakxacan eb lek'ti' tu' yalan juj. Yujtol a Cham ayoc jin, ec'ban is yipal yintak jun ayoc yin eb yet yulyibank'inal ti'. 5 A eb tu', yetc'al yulyibank'inal ti' yayji eb. Yuj tu' xan asan tzet yetal yet yulyibank'inal ti' chi yal eb. Xiwil anima chi yacbaj txiquin yabxalwi bay eb, yujtol yettoc'al yulyibank'inal ti' yayji eb yetok eb. 6 Palta ayon ti xin, yet onxa Dios. Yuj tu' xan a mac yet-xa Dios jetok, chi yacbaj eb txiquin yin tzet chi jala'. Axa eb man yetok Dios xin, tok chi yacbaj eb txiquin yin tzet chi jal bay. Axca ton tu' chi yun jojtaknen elok mactxel eb ayoc Cham Espíritu yin, a ton Cham yel chi yala', c'al mactxel eb tol a lek'ti' espíritu ayoc yin. 7 Ex wuẍtak, ex wanab camc'ulnebil, co camc'ulnelejek co ba, yujtol a jun camc'ulal tu', a bay Dios chi tita. Ta ay co camc'ulal, tita' tol yuninal onxa Dios, cax jojtakxa Cham chi yal tu'. 8 Ta c'am co camc'ulal, manto jojtakok Dios chi yal tu', yujtol ayc'alta' is camc'ulal Dios. 9 Ilab tol max tx'ox Cham is camc'ulal ayon, yin chekontek jun c'otan is C'ajol cam bay yulyibank'inal ti', yuj yak'oncan co k'inal tol ayc'al yin tojbalk'inal. 10 A is camc'ulal tu', acaw camc'ulal toni, yujtol mayonnak max babji co tx'oxon co camc'ulal bay Cham, palta tol a Cham max babji tx'oxon camc'ulal ayon. Max chektek is C'ajol, ul yak'on cam ba tojolok co yobtakil. 11 Ex wuẍtak, ex wanab camc'ulnebil, tix ton max con yut camc'ulnen Dios ti'. Yuj tu', yowalil chi co camc'ulnelejek co ba c'apaxok. 12 Caxc'al mi c'amto junok chi ilon yin Dios junelok, palta ta chi co camc'ulnejek co ba, cajan oc Cham jin chi yal tu', cax chic'al yi yip is camc'ulal tu' jin. 13 Yuj Cham Yespíritu max cajbaj oc jin, xan jojtak tol ayon ton oc yin Cham, cax ay c'apax oc Cham jin junjun on. 14 Jilnak on Cham C'ajol Dios, yuj tu' xan chi jak' co ba testigoal yin, tol a co Mam Dios cheknejtek is C'ajol tu', yuj con ul coloncan el bay yulyibank'inal ti'. 15 A mac chi alon axca ti': A Jesucristo C'ajol ton Dios, ta ẍi, ti tol ayoc yin Dios chi yal tu', cax ay c'apax oc Dios yin. 16 Chi jaoc yin co c'ul, tol a Dios chon is camc'ulnej. Caw wal jojtak jun ti' sic'libil. A Dios ayc'alta' is camc'ulal, yuj tu' xan ta ay co camc'ulal ayon ti', tita' tol ayon oc yin Cham chi yal tu', cax ay c'apax oc Cham jin. 17 Cay ton ti' chi yun tz'aknajxac'al el co camc'ulal, yet watx' a yet ok jay jun c'ual beyc'ulal, c'am chon xiwaj satak Dios. Yujtol axca is beybal Cristo, caytu' max jut co beybal bay yulyibank'inal ti'. 18 Ta yel wali ay co camc'ulal, c'amxa chon xiwi. A mac tz'akanxa is camc'ulal yin Dios, c'amxa chi xiwi. Yujtol a yet chon xiwi, chi yal elapnok tol chon xiw bay yailal ok jay yuj yowal c'ul Dios. Yuj tu', a eb chito xiwi, c'amto chi tz'aknaj el is camc'ulal eb chi yal tu'. 19 Ay co camc'ulal yin Dios tinani', yujtol a Cham max babji on is camc'ulneni. 20 K'inalok ta chi jala', tol lanan co camc'ulnen Dios, palta chi chichon pax oc co c'ul yin junok jet animail, lek'ti' on chi yal tu'. Ta c'am chi co camc'ulnej eb jet animail tol chi jiloc yin tu', ¿tzet wal ok jut co camc'ulnen Dios tol c'am chi jiloc yin? 21 A Cristo ak'nejcan jun chekbanilej ti' ayon, cax chi yalon axca ti': A eb chi camc'ulnen Dios, yowalil chi camc'ulnelej pax ba eb yetok yet animail, ẍi.
1 A' ayon chi jaoc yin co c'ul tol a Jesús, a ton Cristo, ayon ton yuninal onxa Dios. K'inalok tinani', ta chi co camc'ulnej junok mamej, chi co camc'ulnej c'apax eb is yuninal. 2 Yuj tu' xan jojtak, ta lanan co camc'ulnen Dios, ta lanan jiken tzet chi yala', lanan ton co camc'ulnelen co ba ayon yuninal onxa ti xin. 3 Ta yel wali chi co camc'ulnej Dios, ok jikejlaj is chekbanil. Man yaok jiken tzet chi cheklay co beybalnej. 4 A tzet man watx'ok bay yulyibank'inal ti', cannakxa yalan juj ayon yuninal onxa Dios ti'. Yujtol chi jaoc co c'ul yin Cham, xan chi can juntzan tu' yalan juj. 5 Asan eb chi yaoc yin c'ul tol a Jesús C'ajol ton Dios, asan eb chi je' yak'oncan tzet man watx'ok tu' yalan. 6 Ulnak ec' Jesucristo bay yulyibank'inal ti'. Ul yak'nak bautizar ba. Elnak c'apax is chiq'uil. Man asannejok tol ul yak'nak bautizar ba, palta max el c'apax is chiq'uil. Chi yak' ba Cham Espíritu testigoal tol yel ton juntzan ti'. A Cham Espíritu tu', yelc'al chi yal Cham. 7 Chi yak' ba Cham Espíritu testigoal yin. Ay c'apax cabxa tzet chi yak' ba testigoal yin, a ton is bautismo, c'al is chiq'uil max eli. A oxeb ti', jun lajanc'al chalen ba yaloni tol a Jesucristo C'ajol ton Dios. 9 Toltax chi co cha' jab tzet chi yal anima bay yulyibank'inal ti'. Akxa wal tzet chi yal Dios, yelxac'al ec'ban yelapnok. A wal caw max yak' testigoal yin is C'ajol. 10 A ayon chi jaoc co c'ul yin Cham C'ajol Dios tu', lanan yalon Cham Espíritu yin janimail tol yel ton chi yal Dios yuj is C'ajol tu'. Palta a eb c'am chi yaoc c'ul yin is C'ajol xin, axca tol lek'ti Dios yul sat eb, yujtol c'am chi yaoc eb yin c'ul tzet max yal Cham yin is C'ajol. 11 Tixton jun yalnakcan Dios ti', tol chi yak' co k'inal tol ayc'al yin tojbalk'inal. A jun k'inalej tu', a yin is C'ajol tu' ay ocok. 12 Yuj tu', ta ayoc Cham C'ajol Dios jin, ay co k'inal yin tojbalk'inal. Axa eb c'amoc Cham yin xin, c'am is k'inal eb yin tojbalk'inal. 13 Chin tz'ibejtok juntzan ti' ayex che yaoc e c'ul yin Cham C'ajol Dios, yet watx' che yojtaknej elok tol ay co k'inal tol ayc'al yin tojbalk'inal. 14 Yuj tu', c'am chon xiw co txajli bay Dios, yujtol jojtak tol tzanc'al tzet chi co k'an bay, ok yabej, ta a yochwan chi co k'ana'. 15 Jojtak, tol chi yab Cham co txaj; yuj tu', jojtak c'apaxok tol chic'al yak' Cham tzet chi co k'an bay. 16 K'inalok ta che yil junok juẍtak, ma junok janab chi yun yobtakil, palta man yetok camich jun yobtakil tu', cax chex txajli yuj, okto yak' Dios is k'inal. Palta ay yobtakil tojolxac'al co cam yuj. C'am tzet chi wal ayex tol chex txajli yuj eb chi unen juntzan tu'. 17 Masanil tzet man watx'ok, yobtak yul sat Dios, palta ay yobtakil c'am chon cam yuj. 18 Jojtak, ta yel wali tol yuninal onxa Dios, c'amxa chi co beybalnej yobtakil, yujtol taynebil on yuj is C'ajol. Yuj tu' c'amxa chi je' on yetnen nak diablo. 19 Jojtak tol yet onxa Dios, axa masanil eb yet yulyibank'inal ti', ayto oc eb yul k'ab nak diablo. 20 Yetok c'apaxok, jojtakxa tol max ulic' Cham C'ajol Dios. A' max jakon co nabal, yet watx' chi jojtaknej el Cham acaw Dios. Yuj tu' xan ayonxa oc yin Cham acaw yel, a ton Jesucristo is C'ajol. A is C'ajol tu', caw wal Dios toni. A' chi ak'on co k'inal tol ayc'al yin tojbalk'inal. 21 Ex in camc'ulnebil, manchak e yaoc e nabal yin tzet chi al-lay oc diosal.
1 Ayin ton anciano in chin tz'ibejtok jun in carta ti' ayach, ach wanab sic'bilxa el yuj Dios, c'al yetok bay eb one'. Wal yel ay in camc'ulal e yin. Man asannejok in ay in camc'ulal e yin, palta masanil c'apax eb ojtaknen jun cuybej caw wal yel, ay c'apax is camc'ulal eb e yin. 2 Ay co camc'ulal e yin yuj jun abix caw wal yel, tol ayxa oc jin yin junelnej. 3 Yak'okabc'al co Mam Dios, yetok Cham Jajawil Jesucristo is watx'c'ulal ayex. Ok'okab c'ul eb e yin, yak'okab c'apax eb is junc'ulal ayex bay tu', yujtol ayoc co nabal yin tzet yetal tol yel, cax ay pax co camc'ulal. 4 Caw wal max tzaloj aj in c'ul yet max wabeni, tol ay eb one' lanan beybalnen jun cuybej caw wal yel, axca wal yaloncan co Mam Dios ayon. 5 A tinani xin, chin tewi ayach, tol wal chi co camc'ulnelejek co ba co masanil. A jun chekbanil chi waltok ayach ti', man aokto jaben ti', yujtol atax yet max jaon oc Dios yin co c'ul max jaben jun ti'. 6 Ta lanan co beybalnen tzet chi yal chekbanil Dios, ay co camc'ulal chi yal tu'. A jun chekbanil max jab yettax max on oc yetok Dios, a' chi aloni tol chi co camc'ulnelejek co ba. 7 A tinani', xiwil eb lek'ti' chi ec' bay yulyibank'inal ti'. Chi ec' yal eb axca ti': Man ocnakok Jesucristo animail yet max ulic'ok, ẍi eb, chi tz'akon yal eb. A eb chi alon axca tu', toc'al chi yal eb; chita yal eb axca tu' yujtol ajc'ul oc eb yin Cristo. 8 Ilekc'al e ba bay eb ayex ti', yet watx' man nabaok e mulnajil bay tu'. Ta axca wal walon ti' che yut e ba, tz'akanc'al ok e cha' e paktzil bay Dios. 9 Tzanc'al mac chi pitnej ba bay cuybej yalnakcan Cristo, cax chi bekoncanok, c'am oc Dios yin chi yal tu'. Palta ta ayc'al oc co nabal yin is cuybej tu xin, ayoc co Mam Dios jin chi yal tu', cax ay c'apax oc is C'ajol jin. 10 Ta ay mac chi jayoc ayex, tol tx'ok cuybanilej chi ec' yala', manchak e cha eb bay e yatut, tamwal che k'an is watx'c'ulal Dios yiban. 11 Ta che k'an is watx'c'ulal Dios yiban, axca wal tol che yaltok e yet yin is cuybej man watx'ok tu' yetok. 12 Xiwiltoc'al juntzanxa tzet chi yochej in c'ul chi waltok ayex, palta man ok in tz'ibejtok yul jun in carta ti'. Yujtol chin na', tol chok wal je' ex toj wiloni. Catatu' chin watx' alnencan juntzanxa tzet yetal ayex, cax chi texac'al tz'aknajcan el co tzalojc'ulal bay tu'. 13 A eb yune' xal a nuej ayic' cayti', a ton xal sic'bilxa el yuj Dios, chi yatok eb cawil a c'ul bay tu'.
1 Ayin ton anciano in chin tz'ibejtok jun in carta ti' ayach, ach wuẍtak Gayo. Chach in camc'ulnej yin masanil in c'ul. 2 Ach wuẍtak camc'ulnebil, wojtak tol caw wal tec'an yak'on a nabal satak Dios. Chin txajli bay Dios oj, yet watx', watx'okabc'al chi ec' oj yin masanil tzet yetal, cax watx'okabc'al a c'ul, axca yak'on a nabal tu'. 3 A yet max ul yalon ec' eb juẍtak tzetbil ayji ocok, caw wal max tzaloj aj in c'ul cayti', yujtol max yal eb tol caw wal ayoc a nabal yin cuybej acaw yel, cax asan ab jun cuybej yel ti' cha beybalnej. 4 A yet chi wabeni tol a eb max cha' Cristo wuj, ac'ala' beybalnen eb cuybej acaw yel, xan chin tzaloji. C'am junokxa tzet bay yel chi tzaloj in c'ul axca tu', yujtol axca tol wuninal yayji oc eb. 5 Ach wuẍtak camc'ulnebil, watx' ton lanan oten a nabal bay tu' chi wabej. Chach ab colwaj bay eb juẍtak, c'al bay eb janab, caxc'al man ojtakok eb, palta cayab tu' chot a c'ul yin eb. 6 Ay eb max alon satak iglesia ti', tol yel toni, tol ay a camc'ulal bay tu'. Matawal chach colwajc'al bay eb, yet ay bay chi toj eb ec'jabok. Moj axcac'al tu' chot colwaj a ba bay eb, yujtol caytu' chi yochej Dios. 7 A eb tu', asan yuj yak'on serbil eb Jesucristo, xan chi ec' eb. C'am jabok tzet yetal chi cha' eb bay eb man creyenteok. 8 Yuj tu' xan co cuenta co colwaj bay eb. Ta chon colwaj bay eb, axca tol ayon jun lanan co mulnaj yetok eb, yet lanan yec' eb yalon el cuybej acaw yel. 9 Max in tz'ibejtok jun in carta ayex, mac ex che wajbaj e ba bay tu', palta axac'al Diótrefes chi yochej chex ikban bay tu'. A tzet chi jal ayon ti', c'am jabok yelapnok yul sat nak. 10 Yuj tu' xan a yet ok in apnok ayex tu', cax ok walon tzet is mul nak, yujtol chi ec' naaj nak k'anej ayex jin. Man asannejok juntzan tu' chi yal nak, palta c'am chi cha' pax nak eb juẍtak chi apni ayex tu'. Ilab ta ayex che yochej che cha' eb, chi tit yowal nak e yin, toltax chex yuktej el nak xol iglesia tu'. 11 Ach wuẍtak camc'ulnebil, manchak a beybalnej beybal eb man watx'ok is beybal. Asan beybal eb watx' cha beybalnej. Ta watx' chi jut co ba, tita' tol yet onxa Dios chi yal tu'. Palta a pax mac man watx'ok chi yut ba, man ojtakbilok Dios yuj. 12 Axa pax juẍtak Demetrio, watx' ab yul sat eb masanil, yujtol miman txequel tol lanan yiken jun cuybej a caw yel. Ilab on ti' c'apaxok, watx' nak yul co sat. E yojtak tol yel tzet chi jala'. 13 Xiwiltoc'al tzet yetal chi wochej chi waltok ayach, palta maj in tz'ibejtok yul jun in carta ti'. 14 Yujtol chin na', tol chok wal je' ach toj wiloni, cax ato yet tu' chin watx' alnejcan juntzanxa tzet yetal tu' ayach. 15 Ayokab a junc'ulal bay tu'. Chi yatok eb creyente cayti' cawil a c'ul. Ti chi ja c'apaxtok cawil c'ul eb creyente bay tu'.
1 Ayin Judas in ti', yak'omal in serbil Jesucristo. Wuẍtak in ba yetok Jacobo. Ti chin tz'ibejtok jun in carta ti' ayex ex awtebilxa yuj co Mam Dios. Camc'ulnebil ex yuj. Taynebil ex yuj Jesucristo. 2 Mimanokab chi yun yok' c'ul Dios e yin. Mimanokab c'apax is junc'ulal, c'al is camc'ulal e yin bay tu'. 3 Ex in camc'ulnebil, max wochej aj waontok junok in carta ti' ayex, yuj walontok e yab yuj co colbanil. Palta axa tinani', ay wal jun tzet caw yowalil ok waltok ayex. Chin tewitok ayex, tol caw che yak' e yip, e ya'ilnen juntzan cuybanilej bay max jaoc co c'ul yin, yet watx' c'am chi somchajtok yobtakil xol. Yujtol a mac on, yet onxa Dios, a ayon ak'bilcan juntzan cuybanilej tu' yin junelnej. 4 Chi waltok juntzan ti' ayex, yujtol ayxa mactxel mayal oc co xol yin ewantakil. A eb tu', caw wal yob eb. Ilab tol chi yal eb axca ti': Colbil onxa yuj is watx'c'ulalil Dios. Yuj tu', chic'al je' junen tzanc'al tzet yobtakilal chi yochej co c'ul, ẍi eb. Asan Jesucristo chon ikbani, cax asannej Cham Jajawil, palta caw wal chi yintaknej el eb. A ton eb tu' tz'ibbilcan yabixal yul tx'an Un Tz'ibbilcan yet payxa, tol yowalil ok tokcan eb bay yailal. 5 Caxc'al e yojtakxa jun ok waltok ti', palta chi wochej che natek jabok wetok. A eb wet israelal payxa, colchajnak el eb masanil bay Egipto yuj Cham Jajawil. Palta lajwi tu', max c'aylay el eb maj yaoc c'ul yin Cham. 6 Yetok c'apaxok, naektek tzet yayji juntzan eb ángel, eb maj mayjok yin yopiso, palta tol max bekcan eb is cajlobal. A tinani', c'anani pixay eb yetok cadena yin tojbalk'inal. Preso yayji eb xol k'ekk'inal yuj Dios, masantac'al ok jay jun c'ual caw wal miman yelapnok, catatu' ok beyc'ulnelay eb. 7 Naek c'apaxtek tzet yunnak eb aj Sodoma, yetok eb aj Gomorra, c'al juntzanxa conoblak cawilal tu'. Tojnak eb yin ajmulal. Toltax muljinak eb yetok yet winakil. Axca eb ángel yob tu', cay c'apax tu' eb. Yak'banilok jay nabal masanil anima yayji eb tinani', yujtol lanan yaben eb yail xol k'ak' yin tojbalk'inal. 8 Axa eb ayic' co xol ti' tinani', ac'al yobtakil chi yil naobtanej eb. Yuj tu' xan chi bektok ba eb xol. C'am yelapnok yikbej Cham Jajawil yul sat eb. Toc'al chi buchwaj eb yin juntzan eb tol caw miman yelapnok bay satcan. 9 Chi co natek jun sat ángel chi yik Miguel. Yak'lejnak owal yetok nak diablo junel, yet max teyelen ba yetok, yujc'al mimanil Moisés. Caxc'al caw wal miman yikbej Miguel tu', palta maj tec'baj ba buchwaj yin nak diablo tu'. Maj yaloc is mul, palta cac'al tu' max yut yalon bay axca ti': Aokab Cham Jajawil chach tzuoni, ẍi bay. 10 Palta eb ti', comonc'al chi buchwaj eb yin junok tzet man yojtakok. A tzet yojtak eb, asanc'al axca tzet yojtakc'alta' no no' c'am is nabal; a yin juntzan tu' chi texac'al yak' etax el ba eb. 11 Caw wal ok'bal c'ul eb, yujtol lajan wal tzet chi beybalnej eb, axca tzet max beybalnej nak Caín. Yujc'al tumin xan chi yut ba eb axca yutnak ba Balaam. Axca yunnak Coré, tol ak'bil camok yujtol yak'lejnak owal yetok Dios, cac'apax tu' ok yun yak'lay cam eb yuj is tenomtakil. 12 Q'uixwiltak yayji ec' eb e xol, yet che yak'on e waj loj, yuj e tx'oxk'abnen el e camc'ulal. Yujtol comonc'al chi oc eb low e xol, c'am jabok chi xiw eb. Axca wal junok ilom calnel ac'al chi yil ba, cay wal tu' eb. Axca junok takin asun toc'al chi ec' lananok yuj cak'ek', cay wal tu' eb. Lajan eb axca junok te te' c'am bay chi satni. Toc'al chi takajok, cax chi camilok. Chi lajwi tu', pilanc'al chi tok'lay ajtek yetok xe' masanil, cax chi texac'al camil yin junelnej. 13 Axca wal yipal yaj pomnaj sat a' mar, cay wal tu' eb, yujtol c'amxa chi tenchanej ba eb yin yobtakil. Axca wal sukuwal a' chi elcan tilak a', inej oc k'alem, cay wal tu' eb, yuj juntzan tzet q'uixwiltak chi yun tu'. K'inalok ay junok waycan chi c'aytok yin is be, caytu' eb. Yowalil ok apnok eb xol k'ekk'inal yin junelnej, cax ok ayjok ec' eb bay tu' yin tojbalk'inal. 14 A Enoc, cham yet suk inatilej yecheltaxc'al Adán, a Dios ak'nejcan yal cham yabixal eb ayic' co xol ti'. Max yalcan cham axca ti': Abek. A yet ok jay Cham Jajawil, xiwil milal eb yet-xa ok jay yetok. 15 Ato yet tu' ok beyc'ulnej masanil anima. Ok alay oc yailal eb yobtakwom yuj is yobtakil eb, c'al yuj is yob k'anej eb yin Cham Jajawil, yujtol man watx'ok is nabal eb, ẍican cham Enoc tu'. 16 A eb ayic' co xol ti', owalc'al ay eb. Comonc'al chi yal eb yobtakil yin junokxa mactxel. Asan yin juntzan tzet chi yochej oc eb yetok is mimanil, asan yin tu' chi yaoc eb is nabal. Jelan ton chi yut ba eb k'anjabi. Tzanc'al mac chi yal eb watx'il, yujtol chi yochej eb chi yi' jabok tzet yin eb. 17 A pax ayex ti' ex in camc'ulnebil, naektek juntzan ok waltok ayex ti'. Atax yet payxa albilcan yuj eb chekbej Cham Jajawil Jesucristo axca ti': 18 A yet lajubal tiempo, ay mac comonc'al ok buchwajok. Ok beybalnej eb juntzan yobtakil chi yochej ocok, ẍican eb. 19 Ok pojchajtok eb yet-xa Dios yuj eb. Asan tzet chi yochej oc eb yetok is mimanil, a' chi yaoc eb is nabal yin. C'am oc Yespíritu Dios yin eb. 20 Palta ayex ti' ex in camc'ulnebil, tec'anokabc'al che yut e ba yin jun cuybanilej max e yaoc e c'ul yin, yujtol asan jun cuybanilej ti' yet Dios. Caw chex txajlic'al, yetok yipalil Espíritu Santo. 21 Che yilc'al e ba, yet watx' c'am chex el yin is camc'ulal co Mam Dios. Jechbanejek jay jun c'ual yet ok texac'al txecloj aj watx'c'ulal Cham Jajawil Jesucristo jin, cax ok yak'on co k'inal tol ayc'al yin tojbalk'inal. 22 Jaek oc nabal eb chi cabax aj c'ul, yet watx' chi tec'ban pax ba eb junelxa. 23 Yetok c'apax eb axca tol aytok xol k'ak'ej, co colek el eb. Axca tol lanan co tok'oncan eltek eb xol k'ak' tu'. Ay c'apax juntzanxa eb yowalil chi ok' co c'ul yin, palta xiwokonek yuj eb, yujtol ay is may chon etax el yuj is beybal eb. Co yajek el juntzan yob chi el yunen eb tu', axca chi jut co yajon el junok pichilej caw wal tz'iltak. 24 Junnej Dios ay, a ton Cham co Colomal. Asannej ton Cham jelan. Chi je' yuj con is tayneni yet watx' a yet ok on yiontok satak, ok on apnok bay is watx'ilal yin c'am co paltail. Caw wal ok on tzaloj yet tu'. Yuj Cham Jajawil Jesucristo xan jalek tol a Dios caw miman is watx'ilal, caw miman yelapnok, caw ay is yikbej. Asan Cham Yajaw yin masanil. Cayton tu' yayji Cham yet c'amto chi watx'nej yulyibank'inal ti'. Ac'ala' Cham tinani'. Ac'ala' Cham yin tojbalk'inal. Yunokabi.
1 A jun libro ti' chi alontek juntzan tzet ak'bil bay Jesucristo yuj Dios, yuj yak'on jojtaknej el mac on yak'omal on serbil. A juntzan chi yaltek ti', yowalil toxa ok yunej. Max chektek Jesucristo jun is yángel ayin Juan in ti', is yak'omal in serbil Cham, yuj ul yak'on wojtaknej el juntzan ti'. 2 A juntzan ok wal ti', a ton tzet max wila' yetokc'al is k'anej Dios max yak' Jesucristo testigoal ba yin. 3 A mac chi awten aj tzet chi yal Dios yin jun libro ti', c'al eb chi abeni, caw wal watx' yet eb ta chi yikej eb tzet chi yala', yujtol toxa ok yun tzet chi yal tx'an ti'. 4 Ayin Juan in ti', ayin ton chin tz'iblitok ayex ex creyente bay ukeb iglesia bay yul yet Asia. Yak'okabc'al Dios is watx'c'ulal ayex, c'al is junc'ulal. Ayic' Dios tinani', ayc'alta' ec' Cham cax t'inan ok jayok. Yak'okab eb ukwan espíritu ayic' satak is trono is watx'c'ulal ayex. 5 Yak'okabc'al Jesucristo, Cham acaw testigo is watx'c'ulal c'al is junc'ulal ayex. A Cham babel ictzonebil aj xol eb camnak, Yajaw yayji yiban eb rey bay yulyibank'inal ti'. Caw wal ay is camc'ulal Cham jin. Max yiel Cham co yobtakil yetok is chiq'uil. 6 A Cham max on aon oc yin reyal. Max yak' Cham jopiso junjun on yin sacerdoteal bay Dios, Cham is Mam. Caw mimanbilokab Cham, ayokab is yikbej Cham yin tojbalk'inal. Yunokabi. 7 Ilabi, toxa ok jay Cristo xol asun. Ok yil masanil anima jayi, toltax eb max tekon cam Cham, ok yil eb jay Cham. A yet ok yilon anima bay junjun conob bay yulyibank'inal ti', ok ok' eb. Wal yel, caytu' ok ujok. Yunokabi. 8 Chi yal Dios: Ayin ton babel in satak masanil, cax lajub in c'apaxok. Axca yayji letra A, yetok Zeta, cayin tu', ẍi Dios Cham Jajawil, Cham chi je' yuj masanil. Ayic' Cham tinani', ayc'alta' ec' Cham, cax t'inan ok jayok. 9 Ayin Juan in ti', wuẍtak in ba e yetok. Jetbeyom co ba jaben yail, cax jetbeyom c'apax co ba yul k'ab Dios. Jun lajan chi jut co chaon co tec'anil chi yak' Jesucristo. A yet junel, preso wayji bay jun lugar chi yik Patmos, aycan nan xol aej, yujc'al walon el yabixal Dios, c'al yuj wak'on in ba testigoal yin Jesucristo. 10 Axa yet c'ual Cham Jajawil, ay tzet max yak' Cham Espíritu wila'. Axa max wabeni, ay jun aw caw ip max oc wintak max wabej, axca yoc nuk' junok trompeta. 11 Max yalon ayin axca ti': A tzet chel ti', tz'ibejcan yin junok un, cax chaontok bay eb creyente bay ukeb iglesia: bay eb aj Efeso, bay eb aj Esmirna, bay eb aj Pérgamo, bay eb aj Tiatira, bay eb aj Sardis, bay eb aj Filadelfia, c'al bay eb aj Laodicea, ẍi ayin. 12 Lajwic'al tu', max in meltzojtok acan wintak wiloni mactxel jun chi alon ayin tu'. Axa max wiloni, ay ukeb batxlub candil tol naba oro. 13 A nan xol juntzan batxlubal tu', ay jun mac lajan wal yili axca anima. Ayoc jun jokan pichilej yuj, chita ayol xol yakan. Ayoc jun miman sat cincho oro yin txam is c'ul. 14 A is xil, caw wal sak axca sak lana, ma axca sakil sakbat. A is bak' sat, lajan yili axca xak k'ak'. 15 A yakan, caw wal chi tzekeki axca ch'en bronce mayal niklay el tz'ilal, cax chi tz'a yul horno, toxanej chi tzekeki yili. A yul is nuk', toxanej chi nilili bili axca bil bey mimek aej. 16 Ibil aj ukeb waycan yuj yul is watx' k'ab. Ayiltek jun espada cab ye caw wal el yul is ti'. Chi jopopi sat axca jopopial yakan c'u yet caw ow yakan. 17 Axa yet max wilon yin tu', max in ay telnaj bay yakantak, axca junok camnak; palta max yatok k'ab wiban, max yalon ayin axca ti': Manchak ach xiwi. Ayin ton babel in satak masanil, cax lajub in c'apaxok. 18 Iquis in ec'ok. Caxc'al max in camlej, palta iquis in yin tojbalk'inal tinani'. Ayin ti', yajawil in camich, yajaw in c'apax jun lugar bay wajan ec' pixan eb camnak. 19 Tz'ibejcan juntzan tzet mayal el ti', juntzan ayic' yet jun tiempoal ti', c'al juntzan tolto ok ujok. 20 Ok wal ayach tzet chi yal elapnok ukeb waycan max el yul in watx' k'ab, c'al ukeb batxlub candil tol naba oro max ela'. A ukeb waycan tu', yenel eb ukwan in chekbej bay ukeb iglesia. A pax ukeb batxlub candil tu xin, yenel ukeb iglesia tu'.
1 Max yalon Jesús ayin: Tix chot a tz'ibentok ti' bay jun in chekbej ayic' nan xol iglesia bay conob Efeso: A Cham mitx'nej aj ukeb waycan yul is watx' k'ab, cax chi ec'jab nan xol ukeb batxlub candil tol naba oro, a' chi alon ayex axca ti': 2 Wojtak masanil tzet chi el e yuneni. Wojtak tol caw wal che yiajtek e c'ulok e mulnaj yin yet Dios, cax tol chi techajc'al mimanc'ulal e yuj, cax c'am c'apax che chaoc eb man watx'ok e nan e xol. Wojtak c'apaxok, tol che yak'lej porobal eb chi tz'ak yaloc ba in chekbejok. Max ayc'ay eb yin is lek'tial e yuj. 3 Caw max techajc'al mimanc'ulal e yuj. Xiwil yailal max e yil wujc'al, palta maj ex caktzaj ajok. 4 Palta ay wal jab in c'ul e yin, yujtol manxa lajanok e camc'ulal axca yet babelal. 5 Yuj tu', naektek tzetbil e yayji, yet watx' manchak etax el e nabal. Naek e ba, watx'nejek oc e beybal axca yet yalan. Ta man ok e na e ba, ayman ok in jay ayex, cax ok ul wion el e tzektebal bay is lugar. 6 Yujtol a is beybal eb Nicolaíta, c'am watx'il yul e sat, ilab c'apax ayin ti', c'am watx'il yul in sat. 7 ¡Masanilc'al mac chi aben juntzan ti', yacbajokab eb txiquin bay tzet chi yal Cham Espíritu bay junjun iglesia! Chi yal Cham axca ti': A eb ok yak' techajok, ok wak' sat te te' yet k'inalej tol ayc'al yin tojbalk'inal lo eb. A jun te tu', a bay paraíso Dios ayic'ok, cha tz'ibejtok, ẍi Jesús. 8 Max yalon c'apax Cham ayin: Tix chot a tz'ibentok ti' bay jun in chekbej ayic' nan xol iglesia bay conob Esmirna: A Cham babel satak masanil, cax lajub c'apaxok, Cham max cami, palta max ictzonelay pax ajok, a Cham chi alon ayex axca ti': 9 Wojtak tol wujc'al che yab yailal. Caw meba' ex, palta wal yel, beyom ex yul sat Dios. Wojtak c'apaxok, tzet chi yun e buchlay yuj eb chi tz'ak yaloc ba israelal. Palta a is wajayil eb tu', yet Satanás yayji. 10 Manchak ex xiw yuj juntzan yailal ok jayoc e yiban. Ay ex ok ex alay oc preso yuj nak diablo, yuj ex yak'on porobal. Ok e yab yail lajonebok c'u, palta yikemokabc'al che yut e ba masantac'al camich. Ok in paktzej e yikemal tu', a ton e k'inal tol ayc'al yin tojbalk'inal. 11 ¡Masanilc'al mac chi aben juntzan ti', yacbajokab eb txiquin bay tzet chi yal Cham Espíritu bay junjun iglesia! Chi yal Cham axca ti': A eb ok yak' techajok, manxa ok yab eb yail jun yet is cab camich, cha tz'ibejtok, ẍi Jesús. 12 Max yalon c'apax Cham ayin: Tix chot a tz'ibentok ti' bay jun in chekbej ayic' nan xol iglesia bay conob Pérgamo: A Cham ay yespada cab ye tol caw el, a chi alon ayex axca ti': 13 Wojtak tol ayex ec' bay jun conob bay caw chi yak' Satanás yajawilal, palta ac'ala' e yiken ayin. Yel ton wali, max yak' Antipas testigoal win, max mak'lay cam e xol, bay ayic' Satanás tu', palta majc'alta' e bek e yaon oc e c'ul win. 14 Palta ay juntzan e paltail chi wila'. Ilab tol ay ex che yaoc e nabal yin is cuybej Balaam, nak ak'nej c'ul Balac, yuj yak'on etax el eb israel, yuj yoc eb chion tzet max xajanelay bay tzet chi al-lay oc diosal, cax max toj c'apax eb yin mulej. 15 Yetok c'apaxok, ay ex che yaoc e nabal yin is cuybej eb Nicolaíta. 16 Yuj tu', naek e ba. Ta c'amak, ok in jayoc lemnaj ayex, cax ok wak'len owal e yetok, mac ex caytu' che yut e ba axca tu'. Ok wak'balnej jun espada ay eltek yul in ti'. 17 ¡Masanilc'al mac chi aben juntzan ti', yacbajokab eb txiquin bay tzet chi yal Cham Espíritu bay junjun iglesia! Chi yal Cham axca ti': A eb ok yak' techajok, ok wak' lo eb jun maná ebebil elok. Ok wak' c'apax junjunok ch'en ch'en caw sak bay eb. A yin junjun ch'en tu', tz'ibbil oc jun ac' biej, c'am mac ojtakneni. Asan eb chi cha' yet, a eb ok ojtaknen elok, cha tz'ibejtok, ẍi Jesús. 18 Max yalon c'apax Cham ayin: Tix chot a tz'ibentok ti' bay jun in chekbej ayic' nan xol iglesia bay conob Tiatira: A Cham C'ajol Dios, Cham axca xak k'ak' yul sat, Cham lajan yakan axca ch'en bronce chi tzekeki, a Cham chi alon ayex axca ti': 19 Wojtak masanil tzet chi el e yuneni. Wojtak tol ay e camc'ulal. Caw chin e yaoc yin e c'ul. Chin e yak' serbil. Caw chi techaj mimanc'ulal e yuj. Wojtak tol ec'ban e mulnajil tinani', yintak yet yalan. 20 Palta ay in c'ul e yin, yujtol che chaoc ix Jezabel e nan e xol. A jun ix tu', chi tz'ak yaloc ba chekbejok Dios, palta toc'al chi yak' lek'tial bay eb wak'omal serbil, yujtol chi ak'wi c'ulej bay eb yet watx' chi toj eb yin mulej, cax chi chion eb tzet max xajanelay bay tzet chi al-lay oc diosal. 21 Maxto wak'c'al mimanc'ulal yin ix, yet watx' chi na ba c'ul ix yin is yajmulal, palta maj na ba ix jabok. 22 Yuj tu', ok watok ix sat tx'at. Axa eb chi unen mul yetok ix, ok waoc miman yailal yiban eb. Ok wut eb axca tu', ta c'am chi na ba eb, ta manc'al ok bekcan eb is beybal axca ix tu'. 23 Yetok c'apaxok, ok wak' c'apax cam eb yune' ix. Axca tu xin, ok yojtaknej el junjun iglesia tol ayin ti', wojtak masanil tzet chi ec' yin e nabal c'al yin e yanimail. Ok in paktzej ayin ti', atac'ala' tzet chi el e yunen junjun ex. 24 Palta a ex aj Tiatira, ex tol c'am che yaoc e nabal yin is cuybej ix ix tu', jun cuybej chi yal eb tol cuybej Satanás ya' nachaj elok, c'am junokxa chekbanilej chi waltok ayex. 25 Asan jun ti' chi waltok ayex. Tol ac'ala' watx'okabc'al che yut e beybal, masantac'al chin jayi. 26 A eb ok yak' techajok, eb ac'ala' yunen axca chi wochej masantac'al lajubal, a eb ok waoc yajawilok juntzan mimek conob. 27 Axca yutnak in Mam yak'on wikbej ayin ti', caytu' ok wut wak'on yikbej eb. Yuj tu', ok yak' eb yajawilal yin c'am mimanc'ulalil. Ok yak' lajwok eb juntzan mimek conob tu', axca chi yun pojtok junok tx'otx' xij yuj junok ch'en k'okoch. 28 Yetok c'apaxok, ok wak' c'apax jun miman puj bay eb. 29 ¡Masanilc'al mac chi aben juntzan ti', yacbajokab eb txiquin bay tzet chi yal Cham Espíritu bay junjun iglesia! cha tz'ibejtok, ẍi Jesús.
1 Max yalon c'apax Cham ayin: Tix chot a tz'ibentok ti' bay jun in chekbej ayic' nan xol iglesia bay conob Sardis: A Cham ayoc ukwan Yespíritu Dios yin, Cham ibil aj ukeb waycan yuj, a Cham chi alon ayex axca ti': Wojtak masanil tzet chi el e yuneni. Wojtak tol a yul sat eb e yet animail, caw iquis ex sic'libil. Palta a yul in sat, camnak ex elok. 2 Yuj tu', naek e ba. Caxc'al ayto wal jabokxa e watx' beybal chi wila', palta ijan wal ok lajwokxac'al ayok. Yuj tu', ak'ek wal e yip e yunen juntzan tu', yet watx' c'am chi texac'al lajwi ayok. Chi waltok juntzan ti' ayex, yujtol a juntzan tzet lanan el e yuneni, man watx'ok yul sat in Diosal. 3 Yuj tu', naektek juntzan cuybanilej max e yaoc yin e c'ul yet yalan. Naek e ba, aek oc e nabal yin junelxa. Ta c'am chex makwaji, ok in jay ayex. Axca chi yun jay junok elk'om, tol c'am mac ojtakneni janic' chi jayi, axca tu' ok yun in jay ayex. 4 Palta ay jaywan ex bay Sardis tu', tol maj ex etax elok. Axca junok mac c'am jabok bay chi tz'ilnejtok is pichil, cayex tu'. Yuj tu', ok oc e pichil caw sak sic'libil, cax ok ex ec' wetok, yujtol e moj toni. 5 A eb ok yak' techajok, ok alay oc junjun is pichil eb caw wal sak. Man ok in joc'ay bi eb yul tx'an libro yet k'inalej, tol ayc'al yin tojbalk'inal. Ok walaj satak in Mam, c'al satak eb is yángel, tol wet eb. 6 ¡Masanilc'al mac chi aben juntzan ti', yacbajokab eb txiquin bay tzet chi yal Cham Espíritu bay junjun iglesia! cha tz'ibejtok, ẍi Jesús. 7 Max yalon c'apax Cham ayin: Tix chot a tz'ibentok ti' bay jun in chekbej ayic' nan xol iglesia bay conob Filadelfia: A Cham caw watx'c'al, Cham caw yel, Cham inej aj is lawe cham rey David, Cham a yet chi jakoni, c'am mac comonc'al chi je' makcheni, axa yet chi makcheni, c'am mac comon chi je' jakoni, a Cham chi alon ayex axca ti': 8 Wojtak masanil tzet chi el e yuneni. Ay jun puerta max in jak e satak. C'am mac comon chi je' makcheni. Wojtak, caxc'al txennej e tec'anil, palta yikem ex bay in k'anej. C'am bay max e yala' tol mayin e yojtakok. 9 Yuj tu', a eb ayoc yin wajayil yet Satanás, eb chi yaloc ba israelal, ok watok eb ayex, cax ok ay jajan eb e satak. Ok wut eb axca tu', yet watx' chi nachaj el yuj eb, tol camc'ulnebil ex wuj. 10 Max e yikej in chekbanil, yet max walon ayex tol caw che tec'baj e ba. Yuj tu', ok ex in taynej yul k'ab jun miman yailal ok jay yuj yak'on porobal masanil anima bay yulyibank'inal ti'. 11 Toxa ok in jayok. Yuj tu', ac'ala'okabc'al watx' che yut e beybal, axcac'alta' che beybalnej, yet watx' c'am mac ok je' yion ec' e paktzebal. 12 A eb ok yak' techajok, axca juntzan yoyal yul yatut in Diosal, axca tu' ok yun yeloc eb wuj, yujtol c'am bak'in ok eltek bay tu'. Ok in tz'ibej oc bi in Diosal yin eb, c'al bi is conob Cham, a ton jun ac' Jerusalén ok ayol satcan, bay ayic' in Diosal tu', cax ok in tz'iben c'apax oc in ac' bi yin eb. 13 ¡Masanilc'al mac chi aben juntzan ti', yacbajokab eb txiquin bay tzet chi yal Cham Espíritu bay junjun iglesia! cha tz'ibejtok, ẍi Jesús. 14 Max yalon c'apax Cham ayin: Tix chot a tz'ibentok ti' bay jun in chekbej ayic' nan xol iglesia bay conob Laodicea: A Cham caw yel, Cham caw watx' chi yut yak'on ba testigoal, tol asan yel chi yala', asannej Cham watx'nenej masanil tzetak yetal yet Dios. A Cham chi alon ayex axca ti': 15 Wojtak masanil tzet chi el e yuneni. Lajan ex axca junok tzet chi loji man sicok, tamwal k'axan. Matawal sic ex; ta c'amak xin, matawal k'axan ex. 16 Akxa tinani' lajan ex axca junok tzet yetal tol sic labinak; yuj tu', axca wal tol ok ex in xayej elok. 17 Yujtol lanan e yalon axca ti': Ayon ti', caw beyom on. Caw watx' on. C'am tzet chi majax ayon, quex chi, che yaloni. Palta c'am jabok chi nachaj el e yuj, tol axca wal junok mac c'am jabok tzet ay, c'am chi je' yilwi, cax t'iran elok, cayex wal tu'. 18 Yuj tu', chi wal ayex, watx'nejek wal e ba. Ta che watx'nej e ba, axca wal tol ok e man oro txicbilxa el is tz'ilal ayin, yet watx' ok e cha' e beyomal wal yin yel. Axca tol ok e man c'apax jun e pichil caw wal sak ayin, yet watx' c'amxa chex q'uixwi, ilab tol axca tol t'iran ex elok. Yetok c'apaxok, axcaok tol ok e man yanil e sat ayin, yet watx' chex ilwi. 19 A masanil mac chi cam in c'ul yin, chin tenchanej eb, cax chi waon c'apax oc yailal eb. Yuj tu', naek wal e ba, cax che yaon oc e nabal win. 20 Abek. Axca wal tol lanan wawji octok ti' puerta. Ta ay mac chi aben wawji octok, cax chi jakon is puerta tu' ayin, ok in octok yetok. Ok in low yetok, cax ok low c'apax wetok. 21 A eb ok yak' techajok, ok in chotbaj ay eb bay in despacho wetok, axca c'apax max yun wak'on techajok, xan max in ay chotan yetok in Mam bay is despacho. 22 ¡Masanilc'al mac chi aben juntzan ti', yacbajokab eb txiquin bay tzet chi yal Cham Espíritu bay junjun iglesia! cha tz'ibejtok, ẍi Jesús ayin.
1 Max lajwi tu', max wiloni tol ay jun puerta bay satcan jakan in satak. A jun babel max k'anjab aj ayin, tol lajan wal yoc yul nuk' axca yul nuk' trompeta, a' max alon aytek ayin axca ti': Ajantek cayti'. Ok in tx'ox ayach juntzan tzet tolto ok ujok, ẍi ayin. 2 Ay tzet max yak' Cham Espíritu wil yin aymanil. Max wilon jun trono bay satcan tol ay mac chotan ay yul. 3 A Cham chotan ay max wil tu', lajan yili axca junok ch'en jaspe, ma junok ch'en cornalina, tol caw wal chi tzekeki yili. Xoyan oc jun mak'bal nabich chi tzekeki yin jun trono tu' max wila', axca junok ch'en esmeralda. 4 A is cawilal tu', a tu' oyan oc 24 ẍila. A tu' chotan ay 24 icham winak max wila'. Caw sak is pichil eb. Ayaj junjun is corona oro eb yin is jolom. 5 Chi el joplajbok rayo yin jun trono tu'. Caw chi nilili axca yet chi nilili bil c'u. Ay ukeb mimek tzektebal chi chaw k'ak'al satak, a ton Yespíritu Dios yukwanil. 6 Ay c'apax junxa tzet ayic' satak, lajan axca junok najab chi jil tzet ay yul axca ch'en vidrio. A nan yul jun trono tu', c'al yinlak, ay canwan querubín ayic'ok, nojnak el satak eb, c'al yintak eb yuj is bak' sat. 7 A jun babel, lajan yili axca yili junok no coj. A jun yet is cab, lajan yili axca junok ach'ej wacax. A jun yet is yox, lajan yili sat axca yili sat anima. Axa jun yet is can xin, lajan yili axca junok no águila chi ec' jenenok. 8 A canwan querubín tu', wakeb is xic' junjun. Nojnak el yin c'al yul is mimanil eb yetok bak' satej. C'ualil c'al ak'balil, chic'al yal eb axca ti': 9 Junjuntakc'al el chi yal eb querubín tu' canwanil tol caw miman yelapnok, cax mimanbil jun Cham chotan ay yul jun trono tu', cax chi yalon c'apax eb yuj diosalil bay Cham tol ayc'al ec' yin tojbalk'inal tu'. Junjunc'al el chi yal eb axca tu', 10 cax chi ay nojan eb 24 icham winak tu' satak cham. Chi yion ay ba eb bay Cham ayc'alta' ec' yin tojbalk'inal tu'. Chi batxban ay eb is corona satak, cax chi yalon eb axca ti': 11 Ach Jajawil, ach co Diosal, a moj ton yal-lay en tol caw miman elapnok, tol mimanbil ach, cax tol miman ekbej. Yujtol ach watx'nenej masanil tzet yetal. Ay masanil tzet yetal, yujtol axca ti' chi yun yel yin a c'ul, yuj tu' xan watx'nebil oj, ẍi eb.
1 A yet max wilon yin Cham chotan ay yul jun trono tu', ay jun un chulbil, ibil aj yul is watx' k'ab. Tz'ibbil yul jun un tu', c'al yin. Ayoc ukeb is selloal, yuj tu' c'am chi je' xuylaytok. 2 Ay c'apax jun ángel caw ay is yikbej max wil yin. Caw yip k'anlen axca ti': ¿Mac junok moj nic'ontok juntzan sello tu', cax chi jakon aj tx'an un tu'? ẍi. 3 Palta tamwal bay satcan, tamwal bay sat tx'otx', tamwal yalan tx'otx', c'am junok mac chi je' xuyon ajok, yuj yilon tzet chi yala'. 4 Caw wal max in ok' sic'libil, yujtol c'am junok chi je' yuj xuyon aj jun un tu', yuj yilon tzet chi yala'. 5 Palta ay junok eb icham winak max alon ayin axca ti': Manchak ach ok'i. A nan xol eb yinatil Judá ay jun chi yik Coj, a ton jun yinatil cham rey David, a' max yi yikbej xan a' ok je' yuj nic'ontok ukeb sello tu', cax ok xuyon aj tx'an un tu', ẍi ayin. 6 Axa nan yul jun trono tu', yetok nan xol canwan eb querubín tu' yetok eb icham winak, a tu' max wil yin Cham chi yik Calnel, tol lecan ocok; txequel tol mak'bil camok, palta iquis. Ukeb yuc'a', ukeb c'apax bak' sat. A ukeb bak' sat tu', a ton Yespíritu Dios yukwanil chekbiltok bay masanil yulyibank'inal. 7 A Cham chi yik Calnel tu', a max bet chaon ec' jun un tu' yul is watx' k'ab Cham chotan ay yul jun trono tu'. 8 Max chaon ec' jun un tu', axa yay jajan eb querubín tu' canwanil, yetok eb 24 icham winak tu' satak Cham chi yik Calnel tu'. Ay yarpa eb junjun, c'al junjun is oro sec' eb, nojnak yuj suk'uk'i jab chi tz'a'i. A juntzan suk'uk'i jab tu', a ton yechel is txaj eb yet-xa Dios. 9 Max bitnej eb tu' jun ac' bit ti': 10 Ach max aoc eb yin jun conobal c'al yin sacerdoteal yin yak'on serbil eb Dios. Ach max aoc eb yajawilalok yulyibank'inal, ẍi eb yin bit tu'. 11 Max lajwi tu', max wiloni, xiwil ángel oyan oc yin jun trono tu', yetok eb querubín, c'al eb icham winak tu'. Max wab yoc yul nuk' eb masanil. Xiwil milal, c'al millonal bisil eb. 12 Caw yip eb yalon axca ti': 13 Max wab c'apax yoc yul nuk' jantak tzet watx'nebil yuj Dios bay satcan, c'al bay yulyibank'inal, juntzan ay yul tx'otx', c'al yulak a' mar. Masanil watx'nebil yuj Dios bay juntzan lugar ti', max aj yaw masanil, cax max yalon axca ti': 14 Axa yalon eb querubín tu' canwanil axca ti': Yunokab axca tu', ẍi eb. Axa yay jajnaj eb icham winak tu', cax max yalon ba eb bay Cham.
1 Cax max wilon nic'on el Cham chi yik Calnel tu' jun babel sello. Max lajwi tu', max waben yalon junok eb querubín tu', axca wal nilili bil c'u, caytu' yoc yul nuk', yet max yalon axca ti': Sebach, ẍi. 2 Cax max wiloni, tol ay jun sakyin chej, cax ayaj jun mactxel yiban, ay jun julbal ibil aj yuj. Max ak'lay jun is corona. Lajwi tu', max toj yak'on owal, yuj yak'on ayc'ayok. 3 Axa yet max nic'on el Cham chi yik Calnel tu' jun yet is cab sello xin, cax max waben yalon jun yet is cab querubín axca ti': Sebach, ẍi. 4 Ay junxa chej, cakyin yili max wila'. A jun mac ayaj yiban jun chej tu', max cha' is yikbej yin yion el junc'ulal bay masanil yulyibank'inal, cax chi yak'len cam ba anima. Ay jun miman espada max ak'lay bay. 5 Axa yet max nic'on el Cham chi yik Calnel tu' jun yet is yox sello, max waben yalon jun yet is yox querubín axca ti': Sebach, ẍi. Cax max wiloni, ay junxa chej k'ekyin yili max wila'. A jun mac ayaj yiban jun chej tu', ay jun libra ibil aj yuj. 6 Max waben yoc jun aw nan xol eb querubín tu' canwanil axca ti': K'okbil cab libra trigo yin jun denario, c'al wakebok libra cebada yin jun denario. Manchak etnej aceite yetok vino, ẍi bay. 7 Axa yet max nic'on el Cham chi yik Calnel tu' jun yet is can sello, cax max waben yalon jun yet is can querubín axca ti': Sebach, ẍi. 8 Cax max wiloni, ay junxa chej k'anyin yili max wila'. A jun chi yik Camich, a ayaj yiban jun chej tu'. Tzakan oc jun lugar bay ayic' pixan eb camnak yintak. A jun mactxel tu', max ak'lay yikbej yiban jun can makanil anima bay yulyibank'inal. Can makan ok yun eb. Ay jun makan ok mak'lay camok. Ok cam eb yuj owal, yuj wajil, ma yuj ilya', ma xin, yuj no no' ay is may. 9 Axa yet max nic'on el Cham chi yik Calnel tu' jun yet so' sello, cax max wilon jun altar. A yalan, a tu' ayoctok pixan eb mak'bil cam yujc'al k'anej Dios, yujtol yak'nak ba eb testigoal yin. 10 Yin ipejal max yalon eb axca ti': Ach Jajawil, watx' ach tonc'alta'a. Chic'al yun tzet chala'. ¿Bak'in ok a beyc'ulnej eb aj yulyibank'inal yuj co camichal on, cax ok eon ec' co pak bay eb? ẍi eb. 11 Catatu' max ak'lay junjun sak pichil eb. Max al-lay bay eb tol chi xew eb jabokxa, masantac'al chi tz'aknaj bisil eb yet creyenteal eb t'inan mak'lay cam axca eb tu', eb yak'omal serbil Cristo yetok eb. 12 Axa yet max wilon nic'on el Cham chi yik Calnel tu' jun yet is wak sello, max ec' jun miman quixcab caw ow. Max k'ekk'olil c'u, axca junok k'ek k'apej. Axa xajaw, max cakbi el sic'libil axca chic'. 13 Cax max titc'ay c'otlajbok waycan satcan, max ayc'ay bay yulyibank'inal, axca chi yun titc'ay c'otlajbok sat te higo tzunanxa chi k'inbi yuj mimek cak'ek'. 14 Axca chul-lay aj junok un, axca tu' max yun c'aylay el satcan. Masanil tzalanlak, c'al tx'otx' tx'otx' oyquiẍtak can nanlak a' aej, maxc'al bili, max el tx'otx' bay ayic'ok. 15 A eb rey bay yulyibank'inal, max c'ubaj el ba eb yulak mimek nach'en, yetok xolak ch'en bay tzalanlak. Cay c'apax tu' max yut ba masanil eb mimek winak, eb beyom, eb yajaw, c'al eb ay yelapnok. Caxc'al eb mosejal yayji, c'al eb yet ba, max toj eb elaj masanil. 16 Max c'oli yalon eb yuj tzalanlak c'al yuj ch'en mimek nach'en tu' axca ti': Matawal chi titcan jiban, cax chon is c'uban el satak Cham chotan ay yul is trono, yujtol a yowal c'ul Cham chi yik Calnel, caw c'am chi jochej chi jay jiban. 17 Yujtol max jay jun c'ual caw miman yelapnok, yet chi yatek Dios yowal c'ul jiban. ¿Mac ok techaj jun c'ual tu' yuj? ẍi eb.
1 Max lajwi tu', max wilon canwan ángel tol leclom ba oc junjun bay junjun txiquinlak tx'otx' tx'otx'. Chi tenoc waan eb canebal cak'ek'al yulyibank'inal. Yuj tu', c'amxa jabok cak'ek' chi ec' sat tx'otx', c'al yiban a' mar. C'amxa junok te te' chi bil jabok. 2 Cax max wilon yajol junxa ángel bay chi ajol c'u. Ibil oc is sello Cham Dios iquis yuj. Caw wal yip max yun yawji bay eb ángel canwanil, a ton eb ak'bil yikbej yetnentok tzetak yetal sat tx'otx', c'al yetok tzetak yetal yulak a' mar. Max yalon bay eb axca ti': 3 ¡Manchakto e yetnejtok tzetak yetal ay sat tx'otx', c'al tzetak yetal yulak a' mar, c'al te te', masantac'al ok jaoc selloal nan sat junjun eb yak'omal serbil co Diosal! ẍi bay eb. 4 Axa max waben bisil eb max sellonelayi, tol 144 mil eb. A eb tu', wet israelal eb. Ayc'al yet junjun tribual. 5 12 mil eb yinatil Judá max oc is selloal. 12 mil eb yinatil Rubén; 12 mil eb yinatil Gad. 6 12 mil eb yinatil Aser, 12 mil eb yinatil Neftalí, 12 mil eb yinatil Manasés. 7 12 mil eb yinatil Simeón, 12 mil eb yinatil Leví, 12 mil eb yinatil Isacar. 8 12 mil eb yinatil Zabulón, 12 mil eb yinatil José, 12 mil c'apax eb yinatil Benjamín. 9 Lajwi tu', max wiloni, tol xiwil anima ayic' satak jun trono tu', yetok satak Cham chi yik Calnel. A xol eb tu', ay eb aj junjun nación, junjun yinatil, junjun tiejal, c'al junjun conobal. C'amxa chi alchaj el jantak bisil eb. Saklubinakxac'al yili is jokan pichil junjun eb. Ibil aj is xak palma junjun eb. 10 Max aj yaw eb masanil, max yalon eb axca ti': 11 Lecan aj masanil eb ángel, cax oyan oc eb yin jun trono tu', yetok eb icham winak, c'al eb querubín canwanil. Max ay nojan eb sat tx'otx' satak jun trono tu'. Max c'oli yalon eb axca ti': 12 ¡Yunokabi! ¡Al-layokab watx' k'anej bay Dios! ¡Al-layokabi, tol miman yelapnok, c'al jelan Cham! Moj tol chi al-lay yuj diosalil bay, tol mimanbil Cham, xiwil is yikbej, cax xiwil yip Cham yin tojbalk'inal. ¡Yunokabi! ẍi eb. 13 Max lajwi tu', max k'anlen jun eb icham winak ayin axca ti': ¿Mactxel eb sak pichil ti' cha na'? ¿Baytal tax titnak eb cha na'? ẍi ayin. 14 Mamin, ach ojtak. Ayin ti' man wojtakok, quin chi bay. Yuj tu xin, xan max yal ayin axca ti': A eb ti', a ton eb petoj xol jun miman yailal. Max ilay el is yobtakil eb yuj is chiq'uil Cham chi yik Calnel. Axca tol max tx'ajil eb is pichil, caw sak max yuncan el yuj is chiq'uil tu'. 15 Yuj tu', ayic' eb satak is trono Dios bay is templo. Cac'al ti' yak'wi serbil eb bay tu' yet c'ualil c'al yet ak'balil. Axa Cham chotan ay yul is trono tu' chi taynen eb, yujtol ayc'al ec' yetok eb. 16 Majxa yak' eb wajil, c'al takintial. Majxa tz'a eb yuj yakan c'u. C'amxa k'ak' ok yab eb. 17 Yujtol a Cham chi yik Calnel tu', a' ayic' yul nan is despacho, xan a' chi ilon eb axca junok ilom calnel. A' chi iontok eb bay a' aej yet k'inalej tol ayc'al yin tojbalk'inal, cax ok jolay el masanil yal sat eb yuj Dios, ẍi ayin.
1 A yet max nic'on el Cham chi yik Calnel tu' jun yet is suk sello, nan mi hora tz'ininixac'al max yun bay satcan. 2 Axa max wiloni, lecan ec' ukwan ángel satak Dios. Max ak'lay is trompeta junjun eb. 3 Lajwic'al tu', max jay junxa ángel, yetbi oc jun oro txayib bay chi tz'a sumumi jab. Max jayoc lecan yetok satak jun altar naba oro. Caw miman suk'uk'i jab max ak'lay bay, yet chi yak' tz'a yiban jun altar tu'. A tu' ayic' satak jun trono. A yet max toj woyoyok mubal jun suk'uk'i jab tu', max toj c'apax txaj eb yuninalxa Dios yetok. 4 A yul k'ab jun ángel tu' max aj woyoyok mubal suk'uk'i jab tu' yetok txaj eb yet-xa Dios tu', satak Cham. 5 Lajwi tu' max yak'on noj jun ángel tu' is txayib yetok tzak'ak' max yi aytek yiban jun altar tu'. Lajwi tu', cax max k'okon aytok sat tx'otx'. Max lajwi tu xin, max c'oli nilili bil c'u, c'al juntzanxa tzet chi nilili. Chi aj jopnaj rayo, cax chi ec' jun quixcab. 6 Axa watx'nen ba eb ukwan ángel tu', yuj xuon eb is trompeta. 7 Max xu' jun babel ángel is trompeta, cax ayman max jay sakbat, yetok k'ak'ej, calan yetok chic'. Max ayc'ay juntzan tu' sat tx'otx'. Yuj tu', txenxanej man nanok tx'otx' tx'otx' max tz'a'i. Yetok c'apax te te' masanil, jabxanej man nanok te' max tz'a'i. Axa an ac'un xin, pilan max tz'a an masanil. 8 A yet max xuon jun yet is cab ángel is trompeta, ay jun tzet yetal axca junok miman witz ayoc k'ak'al, max k'oklay aytok yul a' mar. Yuj tu', txenxanej man nanok a' mar tu' max chic'bitok. 9 Xan a no no' yulak a' mar tu', txenxanej man nanok no' max cami. Yetok c'apax juntzan barco, txenxanej man nanok max lajwi elok. 10 A yet max xuon jun yet is yox ángel is trompeta, max titc'ay jun miman waycan bay satcan, chi yik Ixaj. Caw chi jopxi k'ak' yin tz'a'i, axca tz'a taj. Txenxanej man nanok a' mimek aej chi beyi, yetokc'al a' nuk'lak aej bay max ayc'ayi. A a' aej bay max ayc'ay tu', lajan max yuncan el a' axca yal ixaj. Xiwil anima max cam yuj a' aej tu', yujtol caw c'a' max yuncantok a'. 12 A yet max xuon jun yet is can ángel is trompeta, txenxanej man nanok c'u max etax elok, c'al xajaw, yetok waycan, txenxanej man nanok max k'ekbi elok. Yuj tu', junjun c'u yetok junjun ak'bal, txenxanej man nanok max te k'ekbi elok. 13 Max lajwi tu', max wiloni, ay jun ángel chi jeneni ec' nan satcan. Axa max wabeni, caw yip yaj yaw axca ti': ¡Ay, ay, ay, ok'bal wal c'ul eb anima bay yulyibank'inal, yuj oxebto mimek yailal ok ujok yet ok xuon oxwanxa eb ángel is trompeta! ẍi.
1 Max lajwi tu', axa xuon jun yet is so' ángel is trompeta. Axa max wiloni, ayxa ec' jun waycan titnakcan satcan yiban tx'otx'. Max ak'lay laweal jun xab olan bay jun waycan tu', 2 cax ayman max jak jun xab olan tu'. Max c'oli yajol wacacok mub yul jun olan tu', axca yaj wacacok mubal junok miman horno. Max k'ekk'olil c'u yuj jun mub tu'. 3 Xiwil juntzan no no' axca no tzac' max eltek xol mub tu'. Max saklem no' bay yulyibank'inal. Max ak'lay yikbej juntzan no' tu' chiwaji, axca chiwaj no alacrán. 4 Max al-lay bay no' tol manchak yetnejtok no' an ac'un, yetok tzetak yetal yaxculinak ch'ibi, c'al te te'. Asan eb anima c'amoc sello Dios yin is nan sat, asan eb chi je' chilay yuj no'. 5 Maj beklay yak' cam no' junok anima, palta max beklay yaoc no' yailal eb yin oyeb xajaw. A wal yail bay chi chi' no' tu', caw lajan axca bay chi chi' no alacrán. 6 A yet jun tiempoal tu', ok sayic' anima tzet chi yun cami, palta man ok ilchaj yuj eb. Caxc'al caw ok yochej eb ok camok, palta man ok je' cam eb. 7 A juntzan no' axca no tzac' tu', watx'xa yayji no' axca no chej watx'xa yayji toj yin owal. Ayaj jun tzet yetal axca oro corona yin is jolom no'. Lajan yili sat no' axca sat anima. 8 Axa xil no', lajan axca xil ix. Axa ye no', lajan axca ye no coj. 9 Ay jun tzet yetal ayoc yin is mimanil no' axca ch'en ch'en pichilej chi yaoc eb soldado. Lajan wal nilili bil xic' no' axca nilili bil carruaje tokbil yuj xiwilok chej chi yak' yanej toj yin owal. 10 Ay quisbal no' yin txam ne, axca no alacrán. A quisbal no' tu' chi etnen anima yin oyeb xajaw. 11 A yul jun xab olan, a tu' max ajol jun ángel ayoc yajawilok no no' tu'. A is yajawil no tu', chi yik Abadón yin hebreo, axa yin griego xin, chi yik Apolión. Chi yal elapnok, C'aywajwom. 12 Axca ton ti' max yun yec' jun babel yailal. Palta ayto wal cabxa tolto ok jayok. 13 A yet max xuon jun yet is wak ángel is trompeta, max wab yoc jun aw nan xol caneb is txiquin jun altar oro ayic' satak Dios. 14 A yin jun aw tu', max al-lay axca ti' bay jun yet is wak ángel tu': —Xuyil eb canwan ángel pixan bay ti a' miman Éufrates, ẍi bay. 15 Axa toj xuyon el eb canwan ángel tu', yet chi toj eb mak'oj cam anima. Txenxa maj nanjok cam anima yuj eb bay sat tx'otx'. Txequelxa is yorail, is c'ual, is xajawil c'al is yabilal yet chi oc eb yin mak'oj cam anima. 16 Max waben bisil eb soldado ayaj yiban chej chi colwaj yetok eb ángel tu', tol cab ciento millón eb. 17 A no chej max ak'i wil tu' yetok eb ayaj yiban chej tu', ayoc ch'en makil txamc'ulej yin junjun eb, cak, yax, c'al k'an yili ch'en. Lajan jolom chej eb tu' axca jolom no coj, chi eltek k'ak' yetok mub c'al azufre yul ti' chej eb tu'. 18 Txenxa man nanok anima max cam bay yulyibank'inal ti' yuj oxeb tzet chi eltek yul ti' chej eb tu', a ton k'ak' k'ak' tu', mub tu', yetok azufre tu'. 19 A juntzan no' tu', a yin is ti' ayoc is yikbej, yetok yin ne. A ne tu', ay jolom axca labaj. Caw chi yetnej no' eb anima yetok ne tu'. 20 Axa eb anima maj cam yuj juntzan yailal tu', c'am wal jabok max na ba c'ul eb yin is yobtakil chi el yuneni. Maj bek eb yalon ba bay eb espíritu yob. Tamwal max bek c'apax eb yalon ba bay tzet chi al-lay oc diosal, juntzan chi watx'nej eb yetok oro, yetok plata, c'al yetok bronce, ch'en dios c'al te dios, c'am chi ilwi, tamwal yabeni, tamwal chi je' beyi. 21 A xol eb anima tu', ay eb mak'om cam anima, ay eb ajtxum. Ay eb mulwom, ay c'apax eb elk'om, palta c'am wal jabok max na ba eb yin is yobtakil tu'.
1 Max wilon yaytek jun ángel bay satcan, tol xiwil is yipalil, cax max ayol sat tx'otx'. Boc'an oc asun yin axca tol is pichil yayji. Ayaj jun mak'bal nabich yin is jolom. Caw wal chi tzekeki sat axca chaw yakan c'u. Axa yakan, axca xak k'ak'ej chi aj tobobok. 2 Ay jun tx'an yaliẍ un jakan, ibil aj yuj yul is k'ab. Max wabaj ay is yakan bay is watx' yiban a' mar. Axa is q'uexan max wabaj ay sat tx'otx'. 3 Max lajwi tu', max awji. Caw yip yawji axca no coj yet chi el yaw no'. A yet max lajwi yawji tu', ukel max bil c'u k'anjabi. 4 Lajwi k'anjab yin ukel tu xin, cax ijan max in tz'ibej tzet max wab tu', palta ay jun nuk'ej max k'anjab bay satcan ayin axca ti': Toc'al cha c'ubaj yul a c'ul tzet max yal ukeb nilili bil c'u tu', cax manchak a tz'ibej, ẍi ayin. 5 Axa q'uetxban aj jun ángel lecan oc yiban a' mar tu' c'al sat tx'otx' tu' is watx' k'ab satcan. 6 A yet max k'anjabi, max locontek bi Cham iquis yin tojbalk'inal, Cham watx'nenej satcan, sat tx'otx', c'al a' mar, c'al masanil tzet ay bay junjun, max yaloni: 7 Manxa ok mayjok yunen tzet nabilxac'alta' yuj Dios. A yet ok chaon el yich jun yet is suk ángel xuon is trompeta, axa yunen tzet nabilxata' yuj tu', albilxa yuj bay eb yak'omal serbil, a ton eb is chekbej, ẍi jun ángel tu'. 8 A jun nuk'ej max wab yoc bay satcan tu', max k'anjab pax aj ayin junelxa, max yalon axca ti': Asi', cax cha chaon tx'an yaliẍ un jakan tu', tx'an mitx'bil aj yuj jun ángel lecan oc yiban a' mar, c'al sat tx'otx' tu', ẍi ayin. 9 Yuj tu', max in toj bay jun ángel tu', max in k'anon ec' tx'an yaliẍ un tu' bay, max yalon ayin axca ti': Tix tx'an ti', lo' tx'an. Caw chi' julinakxac'al ok yun toj tx'an yul a ti', axca yalcab, palta ok c'abok el tx'an yul a c'ul, ẍi ayin. 10 Max lajwi tu', max in chaon ec' tx'an un tu' bay, cax max in loon tx'an. Chi' julinakxac'al yoctok yul in ti', axca yalcab, palta max c'abi el yul in c'ul yuj. 11 Max lajwi tu', max al-lay ayin axca ti': Yowalil ok alil junelxa, tzetak yetal ok jay yiban conoblak, yiban nacionlak, yiban junjun tiejlak, c'al yiban juntzan eb rey, ẍi ayin.
1 Axa yak'lay jun te aj lajan axca vara ayin. Max lajwi tu', max al-lay ayin axca ti': Ajan wan. Echej templo Dios, cax chechen c'apax jun altar, cax cha bison eb chi yal ba bay Dios yul tu'. 2 Palta manchak echej yamak'il templo tu', yujtol a yamak'il tu', ak'bilxa bay eb man israelok. A eb tu' 42 xajaw ok tec'ay eb is conob Dios. 3 Ok waoc yopiso cawan mac ok yak' ba testigoal win. 1260 c'u ok ec' yalil eb in k'anej. A an el pichilej ok yaoc eb yet tu', yet watx' chi txecloj elok tol ayoc eb yin cusc'ulal, ẍi. 4 A cawan testigo tu', a ton cab te txutxal olivo albil yuj Zacarías. Yetok c'apaxok, a ton cab tzektebal jopan oc satak Cham Yajawil sat tx'otx'. 5 Ta ay mac ok yochej ok etnen eb, ok eltek k'ak'ej yul ti' eb. Axa eb ok chichon oc c'ul yin eb, ok tz'aay eb yuj k'ak' k'ak' tu' junelnej. Caytu' ok yun cam masanil mac ok yochej ok etnen eb. 6 A eb testigo tu', ay yikbej eb tenon oc wanaj nab, yet watx' c'amxa chi yak' nab tu', yak'ban chi ec' eb yalon el k'anej Dios. Ay c'apax yikbej eb yuten oc aej yin chic'al. A bay sat tx'otx' chi je' yuj eb yak'on tzanc'al tzet yailal yin xiwil elal, atac'ala' yochwan eb. 7 Palta a yet ok lajwok yalon el eb k'anej Dios, a jun chi yik No', a ton jun ok ajol yul jun xab olan, a' ok tok jucnaj yin eb, cax ok yak'len owal yetok eb. Ok uj yuj jun chi yik No' tu' mak'on cam eb. 8 Ok can teljab mimanil eb cawanil yul calleal jun miman conob bay max curusnelay Cham Jajawil. A jun conob tu' chi yik Sodoma, cax chi yikon c'apax Egipto, yuj tx'oxk'abnelay el tzetbil yayji. 9 Yin nan is can c'ual, xiwil anima ok ec' ilon oc is mimanil eb camnak tu'. Xiwil conoblak c'al nacionlak bay petoj eb ok matz'en tu'; tx'ok tx'okc'al yel is ti' eb. Maj cha' mukay eb anima tu' mimanil eb cawan camnak tu'. 10 Ok tzaloj masanil anima bay yulyibank'inal, yujtol max cam eb. Toltax ok salej ec' eb tzetak yetal xol. Caw ok tzaloj eb yuj max oc camich tu', yujtol caw wal max yab eb yail yuj cawan eb chekbej Dios tu'. 11 Palta a wal lajwi nan is can c'ual cam eb tu xin, cax ok ictzonelay aj eb yuj Dios, cax ok aj pax wan eb. Caw wal ok xiw jantak eb mac ok ilonok. 12 Lajwi tu', cax ok oc jun nuk'ej bay satcan, caw yip yalon bay eb cawan tu' axca ti': Ajanektek bay satcan ti', ẍi bay eb. Yuj tu' xan ok tok eb xol jun asun bay satcan tu'. Toxac'al t'anan ajtok eb ajc'ul tu' yin eb. 13 A wal yet jun bek tu', ok ec' jun quixcab. Caw ow ok yun yeq'ui. Xiwil na ok ayc'ay bay jun miman conob tu'. Yin lajlajon bulan ok yun yayc'ay junjun bulan. Ukeb mil anima ok cam yuj. A pax juntzanokxa anima xin, caw ok xiw eb sic'libil. Ok yalon eb tol caw miman yelapnok Dios ayic' bay satcan. 14 Axca ton ti' ok yun yec' jun yet is cab yailal, palta ayto wal junxa ok jay yin aymanil. 15 Axa yet max xuon jun yet is suk ángel tu' is trompeta, max oc juntzan aw bay satcan. Caw yip yalon axca ti': 16 Axa yay nojan eb 24 icham winak chotan ay yul is ẍila ayic' satak Dios, max c'oli yalon ba eb bay Cham. 17 Max yal eb axca ti': 18 Max tit yowal juntzan nacionlak, palta max jay c'ual aon oc yailal yiban eb. Max jay c'apax tiempoal a beyc'ulnen eb camnak. Ok paktzej junjun eb chach ak'on serbil, a ton eb a chekbej, yetok eb et-xa yayji, c'al eb yikem ayach, eb ay yelapnok, c'al eb c'am yelapnok, ok ak' paktzil bay junjun eb. Yetok c'apaxok, max jay tiempoal ak'on lajwok el eb chi ak'on lajwok tx'otx' tx'otx', ẍi eb. 19 Max lajwi tu', max jakchaj templo Dios ayic' bay satcan. Caw txequel caẍail is trato Dios yul templo tu'. Max c'oli nilili bil c'u, chi aj rayo. Aylaj juntzanxa tzet yetal chi nilili. Max ec' c'apax jun quixcab; max jay jun owal sakbat.
1 Max lajwi tu', max txecloj aj jun tx'oxbanil bay satcan caw miman yelapnok. Ay jun xal ix, tol a c'u ayoc is pichilok, axa xajaw ayoc batxlubok yakan, cax ay lajcaweb waycan ayaj is coronaok. 2 Yobixxa xal, caw chi el yaw xal yuj yail aljil; xiwil chi yochej chi colchaji. 3 Ayman max txecloj aj junxa tx'oxbanil bay satcan tu'. Ay jun miman cakyin dragón, ay ukeb jolom, cax ay lajoneb yuc'a'. Ayc'al aj corona junjun is jolom tu'. 4 Txenxanej man nanok waycan max loctek yetok ne bay satcan, cax max k'okon ay sat tx'otx'. Lajwi tu', max apni oc lecan satak xal yobixxa tu', yuj chion aytok jun unin tu' yet wal ok aljok yaloni. 5 Winak unin jun max alji yuj xal tu'. A ton ok ikban masanil nación yetok jun is ch'en k'okoch. Max aljic'al jun unin tu', max ilaytok bay Dios bay satak is trono. 6 A jun xal tu' max elajok, cax max toj bay tz'inan tx'otx'. Ata tu' watx'xa yayji jun is lugar yuj Dios. 1,260 c'u max bet ak'lay low bay tu'. 7 Max oc c'apax jun miman owal bay satcan. A jun sat ángel chi yik Miguel, yetok eb yet ángelal, a eb max yak'lej owal yetok jun dragón tu', cax max wajon ba jun dragón tu' yetok is yángel yin eb. 8 Palta maj uj yuj jun dragón tu'. Yuj tu', c'amxa lugar eb max ak'lay bay satcan. 9 Axca ton ti' max yun k'oklay eltok jun miman dragón tu' yina. Ac'al ton oc jun tu' yutnak ba labajil payxa. A ton nak diablo, chi yik c'apax Satanás, jun chi etnen masanil anima bay sat tx'otx' ti'. K'okbil aytek sat tx'otx' yetokc'al eb yángel. 10 Max lajwi tu', max waben yoc jun aw bay satcan, caw yip yalon axca ti': 11 A eb tu' max yak' techaj eb, yujtol yujc'al eb xan max cam Cham chi yik Calnel tu', cax elnak is chiq'uil. Max uj yuj eb, yujtol tec'an max yut ba eb yak'on ba testigoal yin. C'am jabok max xiw eb cami, a ti' yet eb tol bekan max yut eb c'ul. 12 Yuj tu', tzalojokab satcan yetok masanil mac ayic' bay tu'. Palta ok'bal ex c'ul ex ayex ec' bay sat tx'otx', c'al ex ayex ec' yibanlak a' mar. Yujtol max ayapnok nak diablo ayex tu'. Caw chi tit yowal sic'libil, yujtol yojtak tol txenxanej is tiempoal, ẍi jun aw tu'. 13 A yet max yilon jun dragón tu', tol max k'oklay aytok sat tx'otx', max c'oli yuktelay ec' xal aljinak yune' tu' yuj. 14 Palta max alay oc cab xic' xal caw mimek, lajan wal axca xic' no tx'acbaj, cax max toj jenenok xal bay tz'inan tx'otx', yet watx' c'am chi michchaj xal yuj jun labaj tu'. A ta tu' max ak'lay low xal yin nan is can abil. 15 Axa max yunajok, a jun labaj tu', ay wal jun miman aej max pitzc'oj aj yuj, a yul is ti' chi eltek. A yochwan tol max iklaytok xal ix tu' yuj jun aej tu'. 16 Palta a tx'otx' tx'otx' max coloncan el xal, max tojcan a' yulak tx'otx' tx'otx'. 17 Cax max tit yowal jun dragón tu' yin xal sic'libil, xan max toj yak'lej owal yetok juntzanxa eb yinatil xal, a ton eb chi iken chekbanil Dios, tol tec'an chi yut yak'on testigoal yin Jesucristo. 18 Lajwi tu xin, max oc lecan jun dragón tu' xol yarenail ti a' mar.
1 Axa max wiloni, max ajol jun chi yik No' yul a' mar. Ay ukeb jolom, cax ay lajoneb yuc'a'. Ayc'al aj corona junjun yuc'a' tu'. Tz'ibbil oc jun is bi yin junjun jolom tu'. Caw wal yob yoc is bi tu' chi yab Dios. 2 A jun chi yik No' max wil tu', lajan yili axca junok no mimek tz'ib coj. Lajan yakan axca yakan no oso. Lajan ti' axca ti' no coj. Max yak' no dragón is yikbej bay, cax max yaon oc No' yin yajawilal is q'uexelok. Miman yikbej No' max yak' bay. 3 Ay jun is jolom jun chi yik No' tu', yasjinak. Axca tol camnak el jun is jolom tu' yuj yas tu'; palta max anchaj jun yas yayji tu'. Yuj tu', caw wal max c'ayaj c'ul anima bay masanil yulyibank'inal yuj, cax max yaon oc ba eb yetok. 4 Max yiay ba eb bay jun dragón tu', yujtol a' max ak'on yikbej jun chi yik No' tu', xan max yi c'apax ay ba eb bay jun chi yik No' tu'. Max yalon eb axca ti': Tok ay junok chi apni axca jun chi yik No' ti'. ¿Xin ta ay junok chi je' yak'len owal yetok? ẍi eb. 5 Max chalay c'apax k'anjab jun chi yik No' tu' yin maynejbail, c'al yalon buchwal k'anej yin Dios. 42 xajaw max ak'lay yikbej yak'on yajawilal. 6 Max oc ijan k'anjabi yin buchwaj yin Dios, c'al yin is cajlobal Cham. Max buchwaj c'apax yin jantak eb cajan satcan. 7 Max ak'lay c'apax yikbej yak'wi owal yetok eb yet-xa Dios, toltax max can eb yalan yuj. Max ak'lay yikbej yiban masanil bay junjun conob, c'al junjun nación. Caxc'al tx'ok tx'ok inatilejal eb, caxc'al tx'ok tx'ok is ti eb, pilan max yajawbi yin eb. 8 Max yiay ba masanil anima sat tx'otx' bay jun chi yik No' tu'. A pax eb tz'ibbil ay is bi yul tx'an un yet k'inalej tol ayc'al yin tojbalk'inal, maj yiay ba eb bay. A eb tu' max tz'ibelaycantok bi eb yul tx'an un yet Cham chi yik Calnel, Cham mak'bil cam yettax manto tz'unchaj yulyibank'inal atac'ala' is nabal Dios. 9 Masanil mac chi aben juntzan ti', yacbajokab eb txiquin bay sic'libil. 10 A mac yet yayji yin yilaytok preso, ok ilaytok preso. A mac yet yayji yin teklay cam yetok espada, espada ton ok on cami. 11 Lajwi tu', max wilon yajol junxa chi yik No' yul tx'otx'. A junxa tu', cabnej yuc'a', lajan axca is yuc'a' calnel, palta lajan k'anjab axca k'anjab junok dragón. 12 Caw lajan is yikbej yetok jun babel No' c'apax is bi. Max yak' pural masanil anima bay sat tx'otx' yion ay ba bay jun babel chi yik No' tu', jun yasjinak jun is jolom, palta anchajnak. 13 Ay juntzan milagro max el tx'oxon tol caw miman yelapnok. Toltax max yitek k'ak'ej bay satcan, cax max ayol sat tx'otx' yil anima. 14 Max chalay tx'ox juntzan milagro tu' satak jun babel chi yik No' tu'. Caytu' max yun yion aytek sat anima bay sat tx'otx'. Max yalon c'apax bay eb, tol yowalil chi watx'nej eb junok yechel jun babel chi yik No' tu', jun tol caxc'al yasjinak yuj espada, palta iquisc'al. 15 Max ak'lay yikbej jun yet is cab chi yik No' tu' yak'on pitzc'oj aj yechel jun babel tu'. Yuj tu', max k'anjab ajok. Max yak'on cam masanil mac maj yiay ba bay. 16 Max yak' pural masanil anima yoc is yechel junjun yin is watx' k'ab, ma yin is nan sat. Caxc'al unin ma icham anima, caxc'al beyom ma meba', caxc'al yet ba ma mosejal, max oc yechel eb masanil. 17 A jun yechelej tu', a ton is bi jun chi yik No' tu', ma is númeroal chi tx'oxon is bi tu'. A eb c'amoc jun yechelej tu' yin, maj je' manji eb, tamwal c'apax txonji eb. 18 Ta ayex jelan ex, ta chi nachaj el e yuj, ok je' nachaj el e yuj tzet chi yal elapnok númeroal jun chi yik No' tu', yujtol a jun número tu', a junok anima chi tx'oxo'. 666 jun número tu'.
1 Lajwi tu' max wiloni, ay jun chi yik Calnel, tol lecan ec' bay tzalan Sión. Ayic' 144 mil eb yetok. Tz'ibbil oc bi jun chi yik Calnel tu', c'al bi is Mam yin nan sat junjun eb. 2 Axa max wabeni, max oc jun nuk'ej bay satcan. Caw chi nilili axca bil mimek aej, ma axca nilili bil c'u. Axca wal tol ay xiwilok anima chi txalon xiwilok arpa. 3 A eb chi bitnen jun ac' bit satak is despacho, yetok satak eb querubín canwanil, c'al satak eb icham winak. C'am junok mactxel chi je' cuychaj jun bit tu' yuj. Asannej eb 144 mil colchajnak el xol anima sat tx'otx', asan eb chi je' yuj bitneni. 4 A eb tu', c'am junelok max say eb yix. C'am bay max el yunen eb jun yobtakil tu'. Tzakanc'al eb yintak jun chi yik Calnel tu' bayc'al chi ca toji. Max colchaj el eb xol anima. Yuj tu', lajan eb axca junok babel sat awoj chi ak'lay bay Dios, c'al bay jun chi yik Calnel tu'. 5 C'am is lek'tial eb chi ilchaji. C'am junok is yobtakil eb max txecloj ajok. 6 Max lajwi tu', max wilon yec' jenenok junxa ángel bay nan satcan. A watx' abix tol ayc'al yin tojbalk'inal ibil oc yuj, yuj yalon el nan xol anima bay junjun nación, c'al bay junjun conob bay yulyibank'inal, caxc'al tx'ok tx'ok yinatil eb, caxc'al tx'ok tx'ok ti' eb. 7 Caw yip yalon bay eb axca ti': Xiwanek bay Dios. Alek watx' k'anej bay, yujtol toxa chi jay tiempoal e beyc'ulnelay yuj. Alek e ba bay, yujtol a' watx'nenej satcan, yetok sat tx'otx' c'al a' mar, yetok nuk'lak aej, ẍi. 8 Ay junxa ángel tzakan jay yintak jun babel tu', max yalon c'apax axca ti': ¡Mayal wal ayc'ay jun conob chi yik Babilonia. C'am junok axca, palta max ayc'ay wali. A jun conob tu' max etnen el masanil nacionlak yetok is yajmulal. Axca wal tol max oc junjun nación tu' yin uq'uem anil yuj! ẍi. 9 Lajwic'al tu', ay junxa yet is yox ángel tzakan yintak jun yet is cab tu'. Caw yip c'apax yalon junxa tu' axca ti': A eb chi yiay ba bay jun chi yik No' tu', c'al bay is yechel, eb max chaoc yechel nan sat ma yin is k'ab, 10 yowalil ok jayoc jun miman yailal yiban eb yuj Dios. Axca an vino caw ow, c'am jabok somil aytok, cay wal tu' yowal c'ul Dios ok jay yiban eb. Caw wal ow sic'libil. Caw ok yab eb yail nan xol k'ak' k'ak' yetok azufre satak eb yángel Dios, yetok satak jun chi yik Calnel tu'. 11 A bay ok cha eb yailal tu', wacaquic'al yaj mubal yin tojbalk'inal. C'am xewilal eb c'ualil c'al ak'balil, a ton eb max yiay ba bay jun chi yik No' tu' c'al bay yechel, a ton eb max chaoc bi jun No tu' yechelok, ẍi jun ángel tu'. 12 Xan a mac ex txel yet exxa Dios, mac ex yikem ex bay tzet chi yal is chekbanil, tol che yaoc e c'ul yin Jesús, yowalil caw tec'an che yut e ba yet che yaben yail. 13 Max lajwi tu', max waben yoc jun aw bay satcan. Max yalon ayin axca ti': Tz'ibej junxa tzet ok wal ayach ti': A tinani', caw watx' yet eb ayc'al oc yul k'ab Cham Yajaw, cax chi cami, cha tz'ibej, ẍi jun aw tu'. Chi yalon Cham Yespíritu Dios: Caw yel axca ton tu', yujtol ok xew eb yin mulnajil. A jun axca un bay tz'ibbil tzetak yetal watx' max el yunen eb, ok jay yetok eb bay satcan ti', ẍi Cham. 14 Max lajwi tu', max wilon jun sak asun. Ay jun Cham lajan wal yili axca anima chotan oc yiban jun asun tu'. Ayaj jun oro corona yuj, cax mitx'bil aj jun polbal trigo caw el ye yuj. 15 Axa yeltek junxa ángel yul templo Dios. Max yalon yin ipejal bay jun chotan ay yiban asun tu' axca ti': Poloc a polbal yin a wajon aj eb anima tol watx'xa yayji, yujtol tiempoxa wajlay aj eb, ẍitok bay. 16 Aymanc'al max poloc jun chotan oc yiban asun tu' is polbal tu' bay sat tx'otx'. Max yion aj anima axca yaj ixim trigo. 17 Lajwi tu', max eltek junxa ángel yul templo Dios bay satcan. Ibil c'apax oc jun polbal trigo yuj, caw el ye c'apaxok. 18 Max eltek junxa ángel bay ayoctok jun altar. A jun tu' ay yikbej yiban k'ak' k'ak'ej. Caw yip yalontok bay junxa ángel mitx'bil aj is polbal tu': Poloc a polbal caw el ye tu', yujtol a an uva bay sat tx'otx', caw k'inxa an, ẍi bay. 19 Max polon oc jun ángel tu' is polbal bay yulyibank'inal. Axa yion aj juntzan uva tu' masanil, max yaon octok an yul jun miman tec'bal uva. A jun tu', chi yal elapnok yowal c'ul Dios. 20 A jun tec'bal uva tu', a tiel conob ay. Axca chi yun tec'lay eltek yal uva sic'libil, axca tu' max utlay eb anima tu'. Caw najat max aj pian chiq'uil eb max el tu' axca canil bay chi oc freno no chej, caytu' bay max aj pianok. 72 legua wal bay max toj pianok, axcaxac'al junok najab.
1 Max lajwi tu', max wilon junxa tx'oxbanil bay satcan tol caw miman yelapnok. Caw wal max c'ayaj in c'ul yet max wiloni: Ay ukwan ángel yetok ukeb lajub yailal. A yin ukeb yailal tu' ok tz'aknaj yunen yowal c'ul Dios. 2 Max wilon c'apax jun tzet yetal axca a' mar, axca vidrio calan yetok k'ak', caytu' yili. Ay juntzan eb lecan ec' cawilal tu'. A eb tu', a ton eb max tec'baj ba satak No' tu', majc'al cha eb yechel, c'al númeroal is bi. Lanan sonli eb yetok junjun yarpa max yak' Dios bay eb. 3 Chi bitnen eb bit Moisés, cham yak'omal serbil Dios. Chi bitnen eb is bit Cham chi yik Calnel. Õi jun bit tu' axca ti': 4 Tok ay junok mac man ok xiw ayach Mamin. Tok ay junok mac man ok alon watx' k'anej ayach, yujtol asan ach caw watx' achc'al. Ok tit anima bay junjun nación, cax ok ul yion ay ba eb ayach, yujtol txequelxa yayji oc a beyc'ulal, ẍi eb. 5 Lajwic'al tu', max wilon jakchaj templo bay satcan, a ton mantiado yet is trato Dios. 6 A tu' max wil yeltek ukwan ángel. Yetbioc eb ukeb yailal, junjunc'al yet junjun eb. Ayoc junjun is sak pichil junjun eb caw chi tzekeki. Ay junjun oro c'alan oc yin txamc'ul junjun eb. 7 Ay jun xol eb canwan querubín max ak'on junjun oro sec' bay junjun eb ángel tu'. A junjun sec' eb max ak'lay tu', nojnak yetok yowal c'ul Dios, Cham Dios iquisc'al yin tojbalk'inal. 8 Max nojil yul templo tu' yuj mubal tzekekial, c'al is mayk'ak'al Dios. C'am junok mac comonc'al chi je' yoctok yul templo tu', masantac'al max yal lajwi ukeb yailal ibil oc yuj eb ángel tu' yukwanil.
1 Cax max waben yoc jun aw bay templo tu'. Caw yip yalon bay eb ángel tu' yukwanil axca ti': Asek, che secon ay yowal c'ul Dios ayay yul ukeb sec' tu' bay yulyibank'inal, ẍi. 2 Axa toj jun babel ángel tu', max bet secon ay tzet ayay yul is sec' tu' sat tx'otx'. Axa pitzc'oj aj juntzan mimek yabil yin mimanil jantak eb bay ayoc is yechel jun chi yik No' tu', cax chi yion c'apax ay ba eb bay yechel. Caw yob juntzan yabil tu', cax caw ya'. 3 Lajwi tu', max secon ay jun yet is cab ángel tzet ayay yul is sec' yiban a' mar. Max oc a' mar tu' chic'al, axca chiq'uil junok anima camnak. Yuj tu', max cam masanil tzet ay yulak a'. 4 Lajwi tu', max secon ay jun yet is yox ángel tzet ayay yul is sec' yiban a' mimek aej, c'al yiban nuk'lak a'. Max oc c'apax a' chic'al. 5 Axa wabeni, max yalon jun ángel yajawil a' axca ti': 6 Yujtol a eb anima, max mak'tek eb chiq'uil eb et-xa, c'al yetok eb a chekbej. Yuj tu' xan chic' chak' yuc' anima ti' tinani', xan moj ton caytu' chi utlay eb, ẍi. 7 Axa max wabeni, max eltek jun k'anej bay altar axca ti': Yel, ach Dios Jajawil, chic'al je' oj masanil, caw watx' ton max ot a beyc'ulnen eb yin bayc'al ijan yel, ẍi. 8 Lajwi tu', max secon ay jun yet is can ángel tzet ayay yul is sec' yiban c'u. Axa yak'lay yikbej c'u tu' yak'wi tz'a anima yetok is k'ak'al. 9 Caw wal max tz'a anima masanil yuj sic'libil, palta majc'alta' na ba eb jabok. Tamwal max yal eb tol miman yelapnok Dios. A ti' yet eb, tol max bajwaj aj eb yin, yujtol ay is yikbej yak'on juntzan yailal tu'. 10 Lajwi tu', max secon ay jun yet so' ángel tzet ayay yul is sec' yiban is despacho jun chi yik No' tu'. Xan max k'ekk'olcan el masanil tzet ayoc yul is k'ab bay chi yak' cuenta. A eb anima tu', caw wal chi chiay eb yak' yuj yail. 11 Palta ac'ala' majc'alta' na ba eb jabok. Tol max aj can eb bajwaj yin Dios aj satcan yuj yail chi yab eb, c'al yuj juntzan yabil max eltek yin is mimanil eb tu'. 12 Lajwi tu', cax max secon ay jun yet is wak ángel tzet ayay yul is sec' yiban a' miman aej chi yik Éufrates. Max tanaj a' Éufrates tu', yuj yoc is be a' tu' beok eb yajaw ok tit bay chi ajol c'u. 13 Axa max wiloni, ayic' jun dragón, yetok jun chi yik No', c'al jun chi tz'ak yaloc ba chekbejok Dios. Chi eltek junjun espíritu yob yul is ti' eb. Axca wal yili no pekey, caytu' yili juntzan espíritu tu' yoxwanil. 14 A juntzan tu', a ton espíritu yob tol chi je' yuj tx'oxwi milagro. Max toj eb toj yak' wajban oc ba jantak mimek yajaw yulyibank'inal, yuj yak'len eb owal yet jun c'ual miman yelapnok tol yet Dios, Cham chic'al je' yuj masanil. 15 Max yalon Cham chi yik Calnel axca ti': Abek, axca wal chi yun jay tzac'naj junok elk'om, axca tu' ok yun in jay tzac'najok. Caw watx' e yet mac ex chex makwaji. Che ya'ilnej e pichil talaj axca tol t'iran ex elok yet ok in jayok, cax ok ex ec' t'irt'on satak masanil anima. Caw ok e yak' e q'uixwilok, ẍi. 16 A eb espíritu yob tu', max yak' eb wajbaj oc ba eb mimek yajaw bay jun lugar chi yik Armagedón yin is ti' hebreo. 17 Lajwi tu', max secon ay jun yet suk ángel tzet ayay yul is sec' xol cak'ek', cax max eltek jun k'anej bay is trono Dios, bay yul templo, chi yalon axca ti' yin ipejal: ¡Mayal yi ba! ẍi. 18 Cax ayman max aj joplajbok rayo. Max c'oli bil c'u. Ay juntzanxa tzet max nilili ajok. Ay wal jun miman quixcab max eq'ui. Yecheltaxc'al c'amto anima yulyibank'inal, c'amto bay chi ec' junok quixcab axca jun tu'. 19 Axa jun miman conob, ox pojan max yunej. Pilan max ayc'ay masanil conoblak bay yulyibank'inal. Max nalaytek is yobtakil miman conob Babilonia yuj Dios. Cax max yaontok jun miman yailal yiban eb yuj yowal is c'ul. Axca wal tol max yak' Dios yuc' eb vino caw ow. 20 Pilan max c'ayil masanil tx'otx' tx'otx' sutquiẍtak nanlak a', c'al masanil witzlak. 21 Lajwi tu', max jay mimek sakbat, ay mi junjunok quintal yalil junjun. Max bajwaj aj eb anima yin Dios yuj sakbat tu', yujtol caw wal ya' chi yab eb.
1 Cax max jayoc k'anjab wetok junok eb ukwan ángel inejnak aj ch'en ukeb sec' tu', max yalon axca ti': Sebach, ok in tx'ox ayach jun miman yailal ok jay yiban ix yajawil ajmul ix, ix chotan ay yiban a' mar. 2 Pilan max ayc'ay eb mimek yajaw yin mul yetok ix, cax max etax el anima bay masanil yulyibank'inal yuj ix. Axca tol max oc eb uq'uem anil yuj yajmulal ix max yak' yuc' eb axca vino, ẍi ayin. 3 Lajwi tu', max quin yiontok jun ángel tu' bay jun tz'inan tx'otx', cax ay tzet max ak'i wil yuj Cham Espíritu. A tu' max bet wil yin jun ix ayaj yiban jun chi yik No', cakyin yili. Xiwil is bi tz'ibbil oc yin is mimanil No'. Caw yob yali junjun is bi tu' chi yab Dios. Ukeb jolom, cax lajoneb yuc'a'. 4 Calan morado yetok cak yili pichil jun ix tu'. Xiwil juntzan ch'en chi tzekeki ayoc yin. Aylaj oro, aylaj juntzan chi yik perla, c'al juntzanxa ch'en caw can is tojol ayoc yin. Mitx'bil aj jun sec' oro yuj ix. Nojnak jun sec' tu' yuj juntzan tzet yetal tol yajbejtak yuj Dios, a ton yobtakil yajmulal ix. 5 Tz'ibbil oc jun biej yin nan sat ix, tol c'am mac chi nachaj el yuj. Tix yoc jun biej tu': A miman Babilonia, is txutx eb ix ajmul ix masanil. Is txutx c'apax masanil tzet yajbejtak yulyibank'inal, ẍi. 6 Axa max wiloni, caw uq'uem an ix yuj chiq'uil eb yet-xa Dios, eb max mak' cam ix, yujc'al tol max yak' ba eb testigook Jesús. Caw wal max c'ayaj in c'ul yet max wilon jun tu'. 7 Yuj tu' xan max yal jun ángel tu' ayin axca ti': ¿Tzet yuj xan caw chi c'ayaj a c'ul elon jun ti'? Ok wal ayach tzet chi yal elapnok jun ix ti', c'al jun chi yik No' bay ayaj ix, tol ay ukeb jolom tu', c'al lajoneb yuc'a' tu'. 8 A jun chi yik No' max el tu', ayc'alta' ec' payxa, palta c'amxa ec' tinani'. Palta ok aj pax ul yul jun xab olan, yet manto toj bay c'aybanilal yin junelnej. A anima tol man tz'ibbilok is bi yul tx'an un yet k'inalej yet c'amto chi tz'unchaj yulyibank'inal, caw wal ok c'ayaj c'ul eb yet ok yilon eb jun chi yik No' tol ayxac'alta' ec' yet payxa tu'. Yujtol caxc'al c'amic' tinani', palta ok jay pax yet is cayelal. 9 A mactxel jelan, ok nachaj el juntzan ti' yuj. A ukeb jolom jun chi yik No' tu', a ukeb tzalan bay chotan ajtok ix ajmul ix tu' chi tx'oxtek. 10 A c'apax ukwan mimek yajaw chi tx'oxtek. Owan eb yajaw tu' mayal eq'uelok. Ay jun ayto oc yajawilal tinani'. Cax ay junxa tolto ok oc yajawilal. A yet ok jay junxa tu', manxa najatok tiempo ok yak' yajawilal. 11 Axa jun chi yik No' tu', ayic' yet payxa tu', palta tol c'amxa pax ec' tinani'; a' ok oc yet is waxak yajawilal, palta tol a ton junok eb ukwan tu'. Ok lajwok tu', cax ok tok bay ok c'ayil yin junelnej. 12 A lajoneb yuc'a' jun chi yik No' tu', a lajonwan mimek yajaw manto chail yich yak'on yajawilal chi tx'oxtek. Palta ok ak'lay yikbej eb yetok jun chi yik No' tu', cax ok yak'on eb yajawilal yin txennej tiempoal yetok. 13 A eb lajonwan tu', ok chalej ba nabal eb, cax ok yak'on eb yikbej yin yajawilal bay jun chi yik No' tu'. 14 Ok yak'lej eb owal yetok jun Cham chi yik Calnel, palta a Cham ok ak'on ayc'ay eb. Yujtol a Cham, Yajawil eb yajaw, c'al Reyal eb rey yayji Cham. A eb ayic' yetok Cham, awtebil el eb, cax sic'bil el eb yuj Dios, cax a ton eb yikem bay, ẍi jun ángel tu' ayin. 15 Lajwi tu', max yalon pax ayin axca ti': A a' mar max el tu' bay chotan ajtok ix ajmul ix tu', a ton conoblak, nacionlak, c'al anima tx'ok tx'ok is ti' chi tx'oxtek. 16 A lajoneb yuc'a' jun chi yik No' max el tu xin, ok oc eb ajc'ulal yin ix ajmul ix tu'. Ok yi ec' eb masanil tzet ay ix. Ok can t'iran ix yuj eb. Ok chi eb chibejal ix, cax ok nison c'apax tz'a eb. 17 Yujtol a Dios max ak'on yochej eb, axca wal chi yochej c'ul Cham. Yuj tu', jun lajan chalen ba nabal eb yunen axca tu', xan max yak' c'apax eb yikbej bay jun chi yik No' tu', masantac'al chi yuncan el tzet albilxata' yuj Dios. 18 A ix ix max el tu', a ton jun miman conob chi ikban eb yajaw bay yulyibank'inal ti' chi tx'oxtek, ẍi ayin.
1 Lajwi tu', max wilon tit junxa ángel bay satcan, max ayol sat tx'otx'. Caw xiwil yipalil. Max sakbi yulyibank'inal yuj is tzekekial. 2 Max yalon yin ipejal axca ti': 3 Yujtol max oc masanil nación uq'uemanil yuj is vinoal, a ton is yajmulal, cax yuj max mulji eb mimek yajaw sat tx'otx' yetok, cax max oc eb txonjom sat tx'otx' beyomal yuj, yujtol c'amxa yalbanil tzet max man bay eb yuj yak'on nabal, ẍi jun ángel tu'. 4 Lajwi tu', max waben yoc junxa aw bay satcan, max yalon aytek axca ti': Ex in conob, elanek bay tu', yet watx' c'am e locanil xol masanil tzet man watx'ok chi el yuneni, cax c'am chex tzakaytok yet ok jay yailal yiban. 5 Yujtol a is mul tu', caw max aj bululok, masantac'al max ajol bulan satcan ti', cax max nalaytek is yobtakil tu' yuj Dios. 6 Axca max yut juntzanxa mactxel, caytu' che yut e yion ec' pak bay. Toltax cayelokab che yiec' pak bay yuj is yunben. A tzet ayay yul jun is sec' max yak' yuc' juntzanxa mactxel, cayelokab caw ow che yut e yak'on pak bay. 7 Yuj max yiaj can ba sic'libil, cax asan yin beyomal max yaoc is nabal, xan caytu' che yut e yaon oc yailal c'al cusc'ulal yin. Ilab tol max na' axca ti': Ayin ti', reina in. Chotan in ay bay in despacho. Mayin lajanok axca junok ix ix camnakxa yichamil. C'am bak'in ok wil yailal jabok, ẍi. 8 Yuj tu', junnej c'ual ok yun jay yailal yiban, a ton camich, ok'ilal, c'al wajil. Ok nislay tz'a xol k'ak', cax ok lajwok. Caytu' ok yun jay yiban axca tu', yujtol xiwil yipalil Cham Dios Jajawil, Cham ok beyc'ulnenok, ẍi jun aw tu'. 9 A eb mimek yajaw bay yulyibank'inal max mulji yetok jun chi binaj axca ix tu', locan eb yetok is beyomal, palta a yet ok yilon eb yaj wacacok mubal tz'a'i, caw ok ok' eb, cax ok c'uyuyok eb yuj. 10 Najatta' ok tit lecjab eb yuj xiwilal yuj jun yailal tu', cax ok yalon eb axca ti': 11 Ok cus eb comerciante yuj, cax ok ok' eb yuj, yujtol c'amxa mac ok manon txon eb tu'. 12 Tixtak tzetak yetal chi txon eb ti': Oro, plata, juntzan ch'en can is tojol, perla, an lino caw watx', c'al juntzanxa k'ap caw watx', sera, morado c'al cak. Masanil-laj te' suk'uk'i yoc jab, masanil tzet chi watx'ji yetok marfil, c'al te te' caw wal caw, ch'en bronce, ch'en hierro, c'al ch'en mármol. 13 Ay c'apax canela, yetok juntzanxa te' suk'uk'i c'uxi, c'al juntzan suk'uk'i jab yet chi tz'a'i, mirra, c'al yal suk'uk'i jab. Ay c'apax vino, aceite, yetok harina caw watx', c'al trigo. Ay c'apax no iktzom no', aylaj calnel, yetok chej. Ay c'apax carreta. Toltax eb mosejal chi txonlayi. 14 Ok yal eb comerciante tu' yin jun conob tu' axca ti': 15 A eb max txonon juntzan tzetak yetal tu', max oc eb beyomal yuj jun conob tu', najatta' ok can eb yuj xiwilal yuj jun yailal tu'. Ok c'uyuyok eb cax ok ok' eb yuj. 16 Cax ok yalon eb axca ti': 17 ¡Palta junnej bek max lajwi el masanil is beyomal tu'! ẍi eb, ok yalon eb. Masanil eb yajaw barco, yetok masanil eb ayoc yul, c'al eb chi mulnaj oc yin mitx'banil barco tu', yetok eb chi mulnaj yulak a' mar, maxc'al can eb masanil najat. 18 A yet max yilon yaj wacacok mubal jun conob tu' tz'a'i, max aj yaw eb yin ipejal axca ti': Tok ay junokxa conob chi apni axca jun miman conob ti', ẍi eb. 19 Max tiẍajtok eb pokok xol is xil yuj cusc'ulal. Caw max jichchaj c'ul eb yok'i, cax chi c'uyuyi eb, c'al wek'on el eb yaw axca ti': 20 Max wab al-layi: Tzalojanek yuj tzet max utlay jun conob ti' ex aj satcan, yetok ex chekbej ex Jesucristo, c'al ex chekbej ex Dios, yetok e masanil ex yet exxa, tzalojanek. Yujtol axca max ex utlay yuj, axca tu' max yun beyc'ulnelay jun conob ti' yuj Dios, cax max yak'on is yailal, ẍi. 21 Max lajwi tu', ay jun ángel caw xiwil is yipalil. Max yiaj jun miman ch'en, axca suyay junok ch'enal molinoal trigo. Max k'okon aytok jun ch'en tu' yul a' mar. Max yalon axca ti': 22 C'amxa bak'in ok ablay yoc arpa, c'al flauta yetok trompeta bay tu'. C'amxa junok mac ok mulnaj bay tu'. C'amxa bak'in ok ablay yec' suyuyok junok ch'enal molino. 23 C'amxa sakk'inalil tzektebalej ok oc bay tu', c'amxa bak'in ok ablay wekeki anima yin junok k'in nupayil bay tu'. Caytu' ok utlay jun conob tu', yujtol a jantak eb is comerciante yet yalantok, caw miman yelapnok eb yintak masanil eb bay masanil sat tx'otx'. Yetok c'apaxok, yujtol maxc'al etnewi anima bay junjun nación yuj yajtxumal jun conob tu'. 24 A bay jun conob tu' max il-lay chiq'uil eb chekbej Dios, c'al chiq'uil eb yet-xa Cham. Masanil jantak eb mak'bil cam bay masanil yulyibank'inal, ok oc chiq'uil eb cargonej jun conob tu', ẍi jun ángel tu'.
1 Lajwi tu', max waben yoc nuk' jun miman bulan eb ayxa ec' bay satcan. Caw yip eb yalon axca ti': 2 Bayc'al ijan chi yut beyc'ulnewok ba Cham yin yel. Alek watx' k'anej bay, yujtol max beyc'ulnej jun ix yajawil ajmul ix, ix max etnen el anima bay yulyibank'inal yuj yajmulal tu'. Mayal yiic' Dios pak eb is chekbej max mak' cam ix, ẍi eb. 3 Lajwi tu', max yalon c'apax eb axca ti': ¡Aleluya! C'am bak'in ok oc waan yaj wacacok mubal jun conob tu' tz'a'i, ẍi eb. 4 Axa yay nojan eb 24 icham winak tu' sat tx'otx' yetok eb querubín canwanil. Max yion ay ba eb bay Dios, Cham chotan ay yul is trono. Max c'oli yalon eb axca ti': ¡Amén! ¡Aleluya! ẍi eb. 5 Max waben yoc jun k'anej chi eltek bay is despacho Dios tol max yal axca ti': 6 Max waben c'apax yoc junxa bit, axca wal yoc yul nuk' xiwilok anima. Caw chi nilili eb, axca wal bil junok miman aej. Axca wal nilili bil c'u, caytu' yoc yul nuk' eb, cax max yalon eb axca ti': 7 Tzalojokonek, ayokab co tzalojc'ulal. Jalek watx' k'anej bay. Yujtol max ajapnok yorail nupay jun Cham chi yik Calnel. A yistzil ok yi' tu', watx'xa yayji. 8 Mayal ak'lay yaoc jun pichilej caw wal watx' sic'libil. Caw sak, caw tzekeki yili, ẍi eb. 9 Ay jun ángel max alon ayin axca ti': Tz'ibej juntzan ok wal ti': A eb awtebil yin k'inal nupayil Cham chi yik Calnel, caw wal watx' yet eb, cha tz'ibej, ẍi. A juntzan k'anej ti', wal yel, yet ton Dios, ẍi c'apax ayin. 10 Max lajwi tu', max in ay jajan satak jun ángel tu'. Palta a yet max wion ay in ba bay, max yalon ayin axca ti': Man ot axca tu', yujtol ayin ti', yak'omal in c'apax serbil Dios etok, yetok eb oẍtak tec'an chi yut ba yak'on ba testigoal yin Jesús. A bay Dios, a tu' cheay a ba. Yujtol a yabixal Jesús, a chi iptzen eb chekbej Dios, ẍi. 11 Axa max wiloni, jakan satcan; cax max wilon jun sakyin chej. A Cham ayaj yiban, chi yik Chic'al Yun Tzet Chi Yala'. Chi yikon c'apax Yel. Yujtol yin tojolal chi yun beyc'ulnewi, c'al yak'wi owal. 12 A is bak' sat, lajan axca xak k'ak'ej. Xiwil corona ayaj yin jolom. Ay jun is bi tz'ibbil oc yin, tol asannej ojtaknej jun biej tu'. 13 Max bonaxtok is pichil ayocok yuj chic'. Chi yik Cham K'anej Dios. 14 Tzakan oc eb soldado aj satcan yintak. Caw watx' pichil eb ayocok, cax caw wal sak. C'am jabok tz'il ayoc yin. Ayc'al aj eb yiban junjun is sakyin chej. 15 Ayiltek jun espada caw el ye yul is ti' Cham bay tzakan oc eb tu', cax chi mak'on junjun nación yetok. A ok oc Yajawilok eb yetok is ch'en k'okoch. Axca chi yun tec'lay eltek yal an uva, caytu' ok utlay eb yuj. Caw wal ok alay oc yailal eb sic'libil yuj yowal c'ul Dios, Cham chic'al je' yuj masanil. 16 A yin is pichil bay sat xub, a tu' tz'ibbil oc jun biej ti': Reyal eb rey, Yajawilal eb yajaw, ẍi. 17 Axa max wiloni, ay jun ángel lecan oc bay c'u, cax max yalon yin ipejal bay masanil no no' chi jeneni ec' bay nan satcan axca ti': Sebaxek, wajbajek oc e ba yuj jun miman loj ok yak' Dios. 18 Cax chi ul e chion chibejal eb rey, c'al chibejal eb mimek yajawil eb soldado, c'al eb mimek winak, c'al chibejal no chej, c'al chibejal eb ayaj yiban no', a ton chibejal eb yet ba, eb mosejal, eb c'am yelapnok, c'al eb mimek yelapnok. Ok e chi' chibejal eb masanil, ẍi bay no'. 19 Cax max wiloni, ayic' jun chi yik No', yetok eb reyal sat tx'otx', c'al eb is soldado eb. Max wajbaj oc ba eb masanil, yuj yak'len eb owal yetok Cham ayaj yiban chej tu', c'al yetok eb soldado tzakan oc yintak tu'. 20 A jun chi yik No' tu', a' max babji michchaji, cax max michchaj c'apax jun chi tz'ak yaloc ba chekbejok Dios, jun tx'oxnak juntzan milagro satak jun chi yik No' tu'. A juntzan milagro tu' max yak'balnej, yuj yetnen eb max chaoc bi jun chi yik No' tu' yin, eb max yiay ba bay yechel. A jun chi yik No' tu', c'al jun max tz'ak yaloc ba chekbejok Dios tu', yin wal yiquisal eb, max k'oklaytok eb xol jun miman k'ak' chi nilxi yetok azufre, axcaxac'al yili junok najab. 21 Axa juntzanxa eb xin, max ak'lay cam eb masanil yuj ch'en espada ayiltek yul is ti' jun ayaj yiban chej tu', cax max nojcan c'ul no no' masanil yuj chibejal eb tu'.
1 Lajwi tu', max wiloni, tol ay jun ángel max aytek bay satcan, max ayol sat tx'otx'. Ibil oc laweal jun xab olan yuj, yetok jun miman cadena, 2 cax max mitx'lay ay jun dragón yuj. A jun dragón tu', a ton jun max yut ba labajil yet payxa, a ton jun chi yik diablo, c'al Satanás. Mil abil max pixlaycan ay yuj jun ángel tu'. 3 Max k'oklay aytok yul jun xab olan. Lajwi tu', cax max makchencan jun ángel tu' is ti' jun xab olan tu', max yaon oc selloal, yet watx' c'amxa chi etnewi anima nak diablo tu' bay junjun nación, masantac'al chi yal lajwi mil abil tu'. Ato yet ok lajwok mil abil tu', cax chi beklay ajtek nak Satanás tu' jabokxa tiempoal. 4 Axa max wiloni, ay juntzan tronolak. Chotan ay juntzan eb ak'bil yikbej beyc'ulnewi. Max wilon c'apax is pixan juntzan eb xikbil el jolom, yujc'al tol yak'nak ba eb testigoal yin Jesús, cax yalnak el eb k'anej Dios. A eb tu', maj yiay ba eb bay jun chi yik No' tu', c'al bay yechel. Maj chaoc eb yechel yin is nan sat, ma yin is k'ab. Axa max wiloni, max ictzoj aj eb, max yak'on eb yajawilal yetok Cristo yin mil abil. 5 A eb yet-xa Cristo, a eb tu' babel ictzonebil ajok. (Axa juntzanxa eb camnak xin, majto ictzonelay aj eb, masantac'al yet max lajwi mil abil tu'.) 6 Caw watx' yet eb babel ok ictzonelay aj tu'. Asan Dios ay yet eb. C'am yalon yet jun yet is cab camich yin eb. Ok ak'lay yikbej eb yoc yin sacerdoteal bay Dios, yetok bay Cristo, cax ok yak'on eb yajawilal yetok Cristo yin mil abil. 7 A yet ok tz'aknaj mil abil tu', cax ok jaklay ajtek Satanás bay ayaytok preso tu'. 8 Pilan ok ec' yetnej eb anima bay junjun nación bay yulyibank'inal. Ok yetnej jun chi yik Gog yetok eb chi yik Magog. Cax ok yak'on Satanás wajbaj oc ba eb tu' yin owal. Xiwil eb soldado tu', axca bisil yarenail ti a' mar. 9 A yet ok tok eb yin owal tu', caw ok nojil sat tx'otx' yuj eb. Ok apnok oc oyan eb bay jun lugar eb yet-xa Dios makbilxa el yuj, jun is conob camc'ulnebilxa yuj Cham, cax ok bekon aytek Cham k'ak' bay satcan, cax ok ayol yiban eb soldado tu'. Pilan ok tz'a eb masanil. 10 Axa nak diablo, jun max etnen eb tu', ok k'oklaytok xol jun miman k'ak' chi nilxi, calan yetok azufre, axca yili mimek najab, bay k'okbil c'apaxtok jun chi yik No', c'al jun tz'ak yalnak oc ba chekbejok Dios. Ok yab eb yail bay tu' yet c'ualil, c'al yet ak'balil yin tojbalk'inal. 11 Lajwi tu', max wilon jun miman trono caw wal sak, yetok jun Cham chotan ay yul. Pilan max c'ayil sat tx'otx' c'al satcan satak Cham chotan ay yul jun miman trono tu'. C'amxa jabok c'ajil max txeclojcanok. 12 Max wilon c'apax yin masanil eb camnak, tol lecan oc eb masanil satak Dios, eb mimanbil c'al eb c'am yelapnok. Lajwi tu', max jaklay juntzan tx'an libro, cax ay junxa tx'an max jaklay c'apaxtok, a ton tx'an libro yet k'inalej tol ayc'al yin tojbalk'inal, cax max beyc'ulnelay tzetak yetal max el yunen junjun eb camnak tu', atac'ala' tzet tz'ibbil ay yul juntzan libro tu'. 13 Cax max bekon eltek a' mar masanil eb camnak ay bay. Ac'ala' c'apax camich, c'al cajlub pixan eb camnak, pilanc'al max bekiltek jantak camnak ayic' bay, cax max beyc'ulnelay eb masanil, atac'ala' tzet max el yunen junjun eb. 14 A camich tu', c'al cajlub pixan eb camnak tu', max k'oklaycantok nan xol jun miman k'ak' chi nilxi, lajan yili axca junok miman najab. A jun k'ak' tu', a ton jun tu' chi ikon yet is cab camich. 15 Masanil mac man tz'ibok yayji bi yul tx'an libro yet k'inalej tol ayc'al yin tojbalk'inal tu', ac'al tu' max k'oklaycantok eb.
1 Lajwi tu', max wilon jun is cab satcan, c'al jun is cab yulyibank'inal, yujtol a babel satcan c'al babel yulyibank'inal, max c'aylay elok. Toltax a' mar, c'amxa a'. 2 Ayin Juan in ti', max wil jun is conob Dios tol asan Cham ay yet, a ton ac' Jerusalén, petoj satak Dios bay satcan, cax max ayolok. Caw wal watx' max yun watx'ji el axca junok ix ix toxa chi toj nupayok. 3 Cax max waben yoc jun nuk'ej caw yip yoc bay satcan, tol max yal axca ti': Ilabi. A Dios ayic' nan xol anima tinani'. Ok cajay ec' yetok eb. A eb ti' is conob yayji. A wal caw Dios ok ayjok ec' nan xol eb, Cham tol acaw is Diosal eb. 4 Cax ok joon el Dios yal sat eb. A yet tu' c'amxa camich ok ocok, c'amxa ok'il, c'amxa cusc'ulal, c'amxa c'apax yailal, yujtol masanil tzet yetal yet yalantok, mayal ec'can elok, ẍi. 5 Cax max yalon Cham chotan ay yul is trono tu' ayin axca ti': Ilabi, masanil tzetak yetal chi wak' ac'bok, ẍi. Max yalon c'apax ayin axca ti': Tz'ibej juntzan lanan aben ti', yujtol caw yel juntzan k'anej ti'. Chi je' aon oc yipok a c'ul, ẍi. 6 Lajwi tu', max yalon pax ayin axca ti': Mayal yi ba. Ayin ton babel in satak masanil tzetak yetal, cax is lajub in c'apaxok. Axca yayji letra A yetok Zeta, cayin ton tu'. A mac chi tak is ti', ok wak' a' nuk' aej chi ak'wi k'inalej tol ayc'al yin tojbalk'inal yuc' eb yin sabejal. 7 A eb chi yak' techajok, ok cha' masanil juntzan ti' is satakok ayin, yujtol is Diosal in eb ayin ti', cax wuninal eb. 8 Palta eb comonc'al chi xiwi, eb c'am chi yaoc c'ul win, eb yajbejtak, eb mak'om cam anima, eb ajmul, eb ajtxum, eb chi yal ba bay tzet chi al-lay oc diosal, c'al eb lek'ti', a bay nan xol k'ak' k'ak' chi culxi chaw yetok azufre, k'ak' k'ak'ej axca yili najab, a tu' ok cha eb paktzil. A ton jun tu' yet is cab camich, ẍi Dios. 9 Ay junok eb ukwan ángel inejnak aj ukeb vaso nojnak yuj juntzan yailal, a' max alon ayin axca ti': Sebach. Ok in tx'ox ayach jun ix ix ok nupayok. A ix ok oc yistzilok jun Cham chi yik Calnel, ẍi ayin. 10 Lajwi tu', ay tzet max ak'i wil yuj Yespíritu Dios. Max quin yiontok jun ángel tu' chon jun miman tzalan can ayajok. A tu' max bet tx'ox jun miman conob Jerusalén ayin, jun is conob Dios, petoj satak Cham lanan yayolok. 11 Caw chi tzekeki jun conob tu' yuj sakk'inalil Dios. Caw chi tzekeki axca junok ch'en caw can is tojol, axca ch'en jaspe. Lajanxac'al yili axca vidrio chi k'axpoj ec' co sat yul. 12 Oyan oc jun muralla can ayaj is tel yinlak jun conob tu'. Lajcaweb is puertail ayocok. Junjunc'al ángel ayic' bay junjun is puertail tu'. Tz'ibbil oc bi eb lajcaw makan yinatil Israel yinlak is puertail tu'. 13 Oxeb is puertail yetc'ulal bay chi ajol c'u, oxeb bay norte, oxeb bay sur, c'al oxeb bay yetc'ulal bay chi toj c'u. 14 Lajcaweb mimek ch'en aycan aytok yichok murallail jun conob tu'. Tz'ibbil oc bi junjun eb chekbej Cham chi yik Calnel tu' lajcawanil yin junjun ch'en tu'. 15 A jun ángel lanan k'anjab wetok tu', ibil aj jun vara oro yuj, axca aj yili. Yujtol t'inan yechen jun conob tu' yetok is puertail, c'al murallail. 16 A jun conob tu', lajanc'al bisil varail can paq'uil. Max yechej jun ángel tu' yetok yechbal ibil aj tu'. 550 legua max eloc junjun pac'. Lajanc'al yechel yetok is tel aytok can. 17 Lajwi tu', max yechen jantak jun is murallail tu'. 78 varas max elocok. A is vara jun ángel tu', lajan axca is vara anima chi yak'balnej. 18 A is murallail tu', jaspec'al elok. A jun conob tu xin, oroxac'al elok, lajanxac'al yili axca ch'en sak vidrio. 19 A ch'en mimek ch'en aycan aytok yichok tu', xiwil ch'en ch'en can is tojol ayoc yelbubok. A ch'en babel, jaspec'al el ayoc yelbubok. Ch'en yet is cab, safiro. Ch'en yet is yox, ágata. Ch'en yet is can, esmeralda. 20 Ch'en yet so', ónice. Ch'en yet is wak, cornalina. Ch'en yet is suk, crisólito. Ch'en yet is waxakeb, berilo. Ch'en yet is baloneb, topacio. Ch'en yet is lajoneb, crisoprasa. Ch'en yet is yusluq'ueb, jacinto. Ch'en yet is lajcaweb, amatista. 21 Axa is puerta xin, perlac'al el lajcawebal. Junjun puerta junnej perlail yayji. A is calleal jun conob tu', oroxac'al elok, axcaxac'al yili ch'en vidrio chi k'axpoj eq'uel co sat yul. 22 Maj wil templo Dios bay jun conob tu', yujtol ayic' Cham Jajawil Dios yetok Cham chi yik Calnel bay jun conob tu'. A Dios chic'al je' masanil tzetak yetal yuj. 23 A jun miman conob tu', c'am tzet chi oc yakan c'u yuj, c'am c'apax tzet chi oc yakan xajaw yuj, yujtol a is sakk'inalil Dios chi tzektaneni, c'al sakk'inalil Cham chi yik Calnel tu'. 24 A anima bay junjun nación, ok ec'jab eb yin is sakk'inal jun conob tu'. Ok jayoc eb mimek yajaw bay tu', ok yitek eb is beyomal yetok. 25 A is puertail jun miman conob tu', c'am bak'in ok makayok, yujtol c'ualilc'al, cax c'amxa ak'balil. 26 A mac ok tit bay junjun nación ok yitek eb is beyomal bay tu'. 27 C'am junok yobtakil ok uj yul jun conob tu'. C'am junok mac chi unen tzet yajbejtak yuj Dios ok oc bay tu'. C'al mac lek'ti', tutun wal c'am junok ok oc bay tu'. Asannej eb tz'ibbil ay is bi yul tx'an libro yet k'inalej tol ayc'al yin tojbalk'inal, asan eb ok ocok. A tx'an libro tu', yet Cham chi yik Calnel.
1 Lajwi tu', max tx'oxon jun ángel tu' jun miman aej ayin, caw wal sak axca vidrio, a ton a' chi ak'on co k'inal tol ayc'al yin tojbalk'inal. A bay is trono Dios, yetok Cham chi yik Calnel tu', a tu' chi eltek. 2 A bay yul nan jun is miman calleal jun conob tu' chi bey yakan a'. A bay capaq'uil ti a' tu', ay te te' chi ak'on co k'inal tol ayc'al yin tojbalk'inal. A te te' tu', lajcaw el chi satni te' yul abil, xan junjun xajaw chi satni te'. Chi oc xak te' yambalok nacionlak. 3 C'am junok tzet, tamwal junok mac catabnebil yuj Dios ok oc bay tu'. A bay jun conob tu', a tu' ayay is trono Dios c'al yet Cham chi yik Calnel tu'. A eb yak'omal serbil, ok yiay ba eb bay. 4 Ok yil eb sat. Ok oc is bi yin is nan sat eb. 5 A bay tu', c'am ak'balil. A eb ok oc bay tu', c'amxa yopiso tzektebal yuj eb. C'amxa yopiso yakan c'u yuj eb, yujtol a Cham Jajawil Dios ok tzektanen eb, cax ok yak' eb yajawilal yin tojbalk'inal. 6 Lajwi tu', max yalon jun ángel tu' ayin axca ti': Caw yel juntzan k'anej ti'. Chi je' aon oc yipok a c'ul. A Cham Jajawil Dios, a' ak'nejcan yal eb is chekbej. A Cham cheknejtek jun yángel, a' max ul ak'on yojtaknej el eb yak'omal serbil juntzan tzetak yetal toxa ok ujok, ẍi. 7 ¡Yin aymanil ok in jayok! Caw watx' yet eb chi iken tzet chi yal jun libro ti', yujtol a Dios max ak'on ojtaknelay el tzet chi yala', ẍi Jesucristo. 8 Ayin Juan in ti' max wabej, cax max wilon juntzan ti'. A yet max lajwi wabeni, c'al lajwi wilon juntzan ti', axa way jajnaj satak jun ángel max ak'on wojtaknej el tu', cax max wion ay in ba bay. 9 Palta max yal ayin axca ti': Man ot axca tu', yujtol ayin ti', yak'omal in c'apax serbil Dios etok, c'al yetok eb oẍtak, a ton eb is chekbej, c'al jantak eb chi iken tzet tz'ibbilcan yul jun libro ti'. A bay Dios cheay a ba, ẍi. 10 Max yal c'apaxok: Manchak a c'ubaj el juntzan tzet tz'ibbil ay yul jun libro ti', yujtol toxa ok yun tzet chi yala'. 11 A tinani', a mac chi yun yobtakil, yunokabc'al yobtakil tu'. Yetok c'apax eb yajbejtak, yunokabc'al eb yajbejtakil tu'. Axa eb watx' tzet chi yun xin, yunokabc'al eb watx'ilal tu'. C'al eb ayoc nabal yin Dios, yaokabc'al oc eb nabal yin Cham, ẍi. 12 Max yal Jesucristo axca ti': Abek, yin aymanil ok in jayok. Ibil oc is paktzil junjun mactxel wuj, atac'ala' tzet max el yunen junjun. 13 Ayin ti', babel in satak masanil tzetak yetal, cax is lajub in c'apaxok. Axca yayji cab letra, a ton A, yetok Zeta, cayin tu', ẍi Cham. 14 A eb chi ilaycan el is yobtakil, axca tol chi tx'ajil eb is pichil, caw watx' yet eb, yujtol ay yalon yet eb loon sat te te' chi ak'on co k'inal tol ayc'al yin tojbalk'inal. Ok je' yoc eb bay puertail jun conob tu'. 15 Ay juntzan eb man ok je' yoqui, a ton eb yob is nabal, axca junok tx'i', yetok eb ajtxum, eb ajmul, eb mak'om cam anima, eb chi yiay ba bay tzet chi al-lay oc diosal, yetok eb chi ochen lek'tial cax chi yak'on c'apax lek'tial tu'. A jantak eb ti', maj je' yoc eb. 16 Ayin ton Jesús in max in chektek jun wángel ul yalon juntzan ti' ayach, yet watx' chi al-lay bay eb creyente bay junjun iglesia. Ayin ti', yinatil in David, palta yuj wipalil xan pitzc'ojnak el David tu'. Lajan in axca jun miman puj chi tzekeki, ẍi Cham. 17 A Cham Yespíritu Dios, yetok eb ok oc axca yetbiok Cham chi yik Calnel tu', chi yal eb axca ti': ¡Sebach! ẍi eb. Yetok eb chi abeni: ¡Sebach! ẍiokab c'apax eb. A mac chi tak is ti', jayokab eb, ta chi yochej eb. Yuc'okab eb a' aej chi ak'on co k'inal tol ayc'al yin tojbalk'inal, a' toc'al chi ak'layi. 18 Axa ayex e masanil, mac ex che yab tzet chi yal jun libro Dios, a ayex ok waltok junxa ti': Ta ay mac ok aon oc tz'akil juntzan k'anej ti', a juntzan yailal chi yaltek jun libro ti', a' ok yatek Dios yiban eb. 19 Ta ay mac ok ion el junok tzet tz'ib yayji yul jun libro Dios ti', ok yiel Dios is satak eb yin te te' yet k'inalej tol ayc'al yin tojbalk'inal, c'al yin is conob Cham tol chi binaj yul jun libro ti'. 20 A Cham max alon juntzan ti', ac'al oc chi alon c'apax axca ti': Wal yel ok in jay yin aymanil, ẍi Cham. Yunokabi, sebach ach Jajawil Jesús. 21 Yak'okab Cham Jajawil Jesús is watx'c'ulal ayon co masanil.