/1 Jo'ca'in nak quixra li Dios li ruchich'och, nak quixq'ue chak li Ralal
junaj chi ribil, re nak chixjunil ani tapabank re a'an, inc'a' tasachk, cuank
ban xyu'am chi junelic.
A' ut li Dios naxc'utbesi karahbal, xban nak toj aj maco ajcui' chak nak
quicam li Cristo sa' kac'aba'.
Li Kacua' najter qui-atinac cuiq'uin ut quixye cue: Lain junelic nacatinra ut
riq'uin xnimal incuyum xcuuxtana acuu.
Rubel li nink'e pascua xc'aba', li Jesus naxnau nak xcuulac xk'ehil re
tixcanab a ruchich'och' a'in, ut taxic riq'uin li Yucua'bej; jo' nak
quixraheb li re li cuanqueb sa' ruchich'och', quixraheb toj sa' roso'jic.
Ut riq'uin li Jesucristo li chabil aj ch'olobahom xyalal, lix ben alalbej
quicuacli chi yo'yo sa' xyankeb li camenak, a'an li cuan xcuanquilal
chixbeneb li rey sa' ruchich'och', a' li quirahoc ke, ut coxch'ajobresi re
risinquil li kamac riq'uin lix quiq'uel.

/2 Relic chi yal, k'axal lok' li kapabal mukmu nak quicuan: Li Dios a'an
quitz'ejcualo', ut ac xakabanbil xcuanquil riq'uin li Musik'ej, ac ilbil ru
xbaneb li anjel, ac julticanbil resil sa' xyankeb li tenamit, ac xpabac sa'
li ruchich'och', ac xc'ule' takek' sa' choxa.