/1 Ar an mar kwake ampa iskuti unni Pap Tummat E sapkueti an mar se nue oyo
ye, Cristo an mar ka purkwis kusat kin ye.
Emi anker iploket naset ipa ituale, Jesus na nue wis ye we nap nekki
karmaikti kuet teekine E Pap se Na naet E wachi ti mos ye; Emite we nap nekki
E kat ka na imasat Na nue sakus ye, Na nue a mar sapkus ipa kan perkuet se
ye.
Teekine Jesucristo kin mo ye, nuet Na ikar parsoiksat ye, Tule e mar purkwis
malat itu neik urpa mai kannar turkus kusat ye teekine errey nap nekki mamait
pirki pur tumma kuet Tule ye.
Ar Pap Tummat neik tirpir nait nue sap sokku, E Machi warkwenna kueti uiksa
ye, ati toa tule ulup ki keke penkueti E ki nikkus tipe, keik yokkule ye, ar
purpa keik perkueti nikkuleko ye.
Toa tule sapkuet nik sulile, a tule Pap Tummat akku taiksa ye, ar Pap Tummat
sapet kuette ye.
Pap Tummat ti E sapkuet an mar se oyos ye, E Machi warkwenna kueti nap neik
nait se parmiar kus ye ati an mar a Tule ki purpa nikka kue kar ye.

/2 Teki sokku an soik mar sun ye ipi yop tunku tukkuar an mar Pap Tummat ikar
ti ma tipe ye we karta ki soikles ye: Pap Tummat na tule san kii oyos ye; Pap
Tummat Kwake Purpa Nuet Tule nappirrakwat ye, parsoiksa ye, Teekine anker mar
taiksa kus ye;Pela yar pait pait ki E ki sunmaikles ye, Pela neik tirpir nait
ulup ki penkus sur mar ye; Teekine nip neik se apin kales kus ye.