Mam


/1 Pero in tzaj tyec'un Dios ka at tc'ujlalil ki'j tu'nju o cyim Crist te
kxel tej aj ilxtok ko'
Na'mxtok tul canun ju nink'ij xjan k'ij tbi, bi'ntok tu'n Jesus otok pon
tk'ijlalil tu'n tic' tzalu twitz tx'otx' ex tu'n tpon tuc'il Tman, tu'nju at
tc'ujlalil cyi'j ke t-xnak'tzben ate' tzalu twitz tx'otx', cyja'tzun xi
tyec'un ju tc'ujlalil nimxix cye.
Ka at jun xjal ma txi tk'on tib tu'n tcyim tu'n cyclet ke tamiw, mas ma'
tc'ujlalil, mlay pon tc'ujlalil juntl ic tza'n jlu.
Ex tu'n Jesucrist aju testiw axix toc tyol, ex aju tnejel jatz ank'in cyxol
cyimni ex ate cawil cyibaj rey ate' twitz tx'otx'; Ate Crist c'ujlal ke, ex
ma ko tzokpet tu'n tuj kil tu'nju tchc'el.
Porque cyja'tzun tten ma tc'ujla Dios ke xjal, ma chin tzaj k'o'ne tu'n,
ayine o'cxcu jun Tc'ua'l, tu'ntzun mi'n tnaj tcyakilju alcye ma tz'ocslan
wi'je, nok o'cx tu'n tten tchwinklal te jumajx.
Alcyeju minti tc'ujlalil, na'mx tel tnic' ti'j Dios, porque ate Dios at
tc'ujlalil.
/2 Ax toc ma' t-xilen aju kocslabl ma tzaj yec'un: Oc Dios te xjal tu'n ttzaj
yec'un ke, el chic'e' tu'n Xeubaj Xjan ka tz'aklxixte, ex oc que'yin cyu'n
anjel; O pacbanjtz ti'j cyxol ke txkantl xjal tuj mastl nasyon, ex e ocslan
xjal ti'j, ex jax k'i'n tujcya'j.