Omvlkvt naoriket, Hesaketvmese vrakkueckvn yupvklvtkakvtet omekv; Lomvlke, 3:23
Naorketv es em feketv elkvt omen, Hesaketvmese em estemkvt, Cesvs Klist pu Pucase eteropotten, hesaketv yuksv sekot omekv. Lomvlke, 6:23
Vkvsvmkv eteropotten, heromkv es ce hesahoket omekv; momen ceme ce teropotte tokos; Hesaketvmese em estemkvt's. Vtotketv eteropotte tokon, estimvt 'sekvsvmekaren. Efesvlke, 2:8-9
Momis tokunawv-vteloyv, hopvyn hueret, hvlwen vnvtvksetv taten komekot, e hokpen oh nafket, Hesaketvmesë, naorkv tooyvyat vm merrvs, makvtes. Opunvkv-herv Luk Coyvte, 18:13
Hesaketvmese ekvnv vnokece mahat hiyomen orvtet omekv: E'ppuce hvmkuse heckuecvte emvtes, mvn estimvt o estomet oh vkvsamat estemerkekot, hesaketv yuksvsekon ocvren. Hesaketvmeset E'ppuce ekvnv ohfvccecvren ekvnvn a ontotet omekot, momis mv eteropotten ekvnvt hesakvren vtotvtet omekv. Cane, 3:16-17
Eskerkv este eskerhoye munkv tokat ec oh vlakvkekates: momis Hesaketvmeset mehenwet os, kvwvpatske tayat senhoyvnen es ce kerhoyvre etektvnecekot, momis es ce kerhoyat vpvken kvwvpatske tayvren mvnvttepetvn cen hayvkvres. Kvlenrvlke I, 10:13
Elkv, monkat hesaketv, monkat encelvlke, monkat ohmekketv ocakat, monkat yekcetv ocakat, monkat nanvke hiyome ocakat, monkat nanvke taranat, Monkat hvlwe, monkat sufke, monkat nakhocackvte etv estomis, Hesaketvmese em vnokeckv, Cesvs Klist pu Pucase ofv ocan pu tekvpicetv umeko tayes, komvye heret omekv. Lomvlke, 8:38-39
Vkvsamat vtekat, Klist vhakv em eyuksvt en hueret omekv, fvccetvn. Lomvlke, 10:4
(Oketv momvre herat ofvn cem apohicit, vhesaketv nettv ofvn cem vnicvyvtes; hecvs, hiyomat oketv momvre heret os; hiyomat vhesaketv nettvt omes, maket omekv.) Kvlenrvlke II, 6:2
Momen heyvn pohakof, e feken en sekehoye ohmen, Hunvntake tecakkeyvte toyatskat, naken estomvranë haks? Petvn momen vpastelvlke vpvlwvn kicakvtes. Momof Petvt, Cem vkerrickvn eticvkes, momet huyiromvlkatskat naorketv ce'nkvpvkvkvren Cesvs Klist hocefkvn es paptiskvkes, momen Puyvfekcv Vcakat est'emhoye tayat cen heckvkvres. Vpastelvlke em Fulletv, 2:37-38
Momet este mucvsat vccvks, mv Hesaketvmese vcvkvyen fvccetv momet hvsvtketv mehenwat ofvn hocackat. Efesvlke, 4:24
Hoccat vcvkayat, Evccat sekos, hvmkusis: Lomvlke, 3:10
Monkv este hvmke etehoyvnen naorketvt yvmv ekvnvn ecehyen, naorketv etehoyvnen elkvu eceyvtet omen, momen momat, omvlkvt naorkakvtet omekv, elkvt omvlkvn oh vlakvtet omen, Lomvlke, 5:12
Pun yekce seko emunken, oketev orof, Klist holwvyecvlken em elvtet omekv. Lomvlke, 5:6
Momis Hesaketvmeset vnokeckv pum ocat hiyomçn kerkuecet os; holwvyecvlke toyeye emunkof, Klist pum elvtes. Lomvlke, 5:8
Yekcetv eteropotten, hvsvtketv em Puyvfekev vcvkvyen, pvsatkvte aenkvwvpketv eteropotten, Hesaketvmese E'ppucet omat kerkuehocvte ohfvccvn; Lomvlke, 1:4
Klist pvsatkvten a enkvwapkvtet omat hvtvm elekon kerrçt: elkvt ohvtvlaken ohfvnkekos. Lomvlke, 6:9
Heyvn makat, Pucase Cesvs ce cukwvn es kerkuecet, Hesaketvmeset pvsatkvten aenkvpvken kvwapvtet omat ce feken es vkvsametsken omat, ce hesakvres. Lomvlke, 10:9
Estimvt o estomet, Pucase e hocefkvn oh huehken omat, hesakvret ok. Lomvlke, 10:13
Elkv, monkat hesaketv, monkat encelvlke, monkat ohmekketv ocakat, monkat yekcetv ocakat, monkat nanvke hiyome ocakat, monkat nanvke taranat, Monkat hvlwe, monkat sufke, monkat nakhocackvte etv estomis, Hesaketvmese em vnokeckv, Cesvs Klist pu Pucase ofv ocan pu tekvpicetv umeko tayes, komvye heret omekv. Lomvlke, 8:38-39