Tí tan jína chrónka ch'ín Juan

1

Tí nkexro chrónkaxín nkexrí tjen Dios mé k'óna ijnko chojni chjasintajni

1 A̱ ntá tí xrankíxixín na̱xa̱ k'ónahya tí chjasintajni a na mé xráxín tjen tí nkexro chrónkaxín nkexrí tjen Dios, na mé Cristo tíha, na mé kjuák'eko Dios na mé kja̱xin Dios tíha. 2 Tí xrankíxixín na mé tí nkexro xráxín kjuák'eko Dios 3 la ko kjuachaxin kuènte ch'án na mé k'ónaxín kaín xín nkehe siín jie. A̱ ntá kohya ninkehó nkehe k'ónakoá, na mé kaín xín nkehe siín na mé k'ónaxín tí kjuachaxin kuènte ch'án. 4 Jehe ch'án na mé kjuanjon kjuachaxin kaín nkehe síchón siín chjasintajni la ko jehe ch'án mé xrohi t'inkaséyanxínhin jnkojnko nti̱e chojni chjasintajni. 5 Tí xrohi a mé t'inkaséyanxín tí sítié a. A̱ ntá tí sítié a mé tjinkaon chrók'ók'a̱nka tí xrohi a, kjánchó kjuachahya k'ók'a̱nka. 6 Ntá kjuák'e ijnko chojni k'ue̱tue̱nhen Dios kui mé it'in ch'án Juan. 7 Ikui ch'án kjuák'echrónka ch'án nkexrínchi tjen tí xrohi t'inkaséyanxín chjasintajni kíxin kaín xín chojni chrókuitekaon sín tí tjechrónka ch'án a. 8 A̱ ntá tí ch'ín Juan la jehya tí xrohi a. Ó k'uítuenhón ch'án kui ch'án kíxin tsochrónka ch'án nkerí kuènte tí xrohi a. 9 A̱ ntá tí xrohi chaxín t'inkaséyanxínhin kaín xín chojni na ó tsíki ch'án chjasintajni jie. 10 Kjuák'e ch'án chjasintajni na mé Dios tsíkjich'énaxín ch'án chjasintajni tí kjuachaxin kuènte tí nkexro a na kjónté kjuák'e ch'án chjasintajni na na̱xa̱ kjuátso̱anhya sín ch'án. 11 Ikui ch'án tí tjejó tí sín judío k'uaxrjeníxin ch'án, kjánchó kuítekakuenhya sín ch'án. 12 A̱ ntá tí sín kuítekaon sín ch'án mé k'uáyéhe̱ sín kjuachaxin kíxin ts'óna sín xje̱en Dios. 13 Ntá yóe̱hya ts'axrjeníxin sín it'é sín chjasintajni ntihyó la ko yóe̱hya ijnko it'é chrókjuenka̱yáxin ch'án chrókjuich'éna ch'án ijnko xjan. Náhí. Dios mé kjueyá ch'án nkexro ts'óna xje̱en ch'án. 14 A̱ ntá tí nkexro chrónkaxín nkexrí tjen Dios na mé k'óna ijnko chojni chjasintajni kjuák'enkákjanni ch'án na mé imá k'uétjuèhé ch'án chojni chjasintajni la ko imá ntoá chrónka ch'án. Kuayeni k'uíkonni kíxin imá t'e̱to̱an ch'án kíxin jehe ch'án mé tí jnkoko̱áxón Xje̱en It'éni tjen nkaya nka̱jní na mé xi̱kaha imá t'e̱to̱an ch'án. 15 Ch'ín Juan mé chrónka ch'án nkexrí tjen tí nkexro a. Ntáchro ch'án kíxin:―Senó k'uékjákohárá kíxin chr'éxi̱n tsi tí nkexro a, na mé a̱ntsí má t'e̱to̱an ch'án, a̱ ntá janhan la náhí kíxin tí janhan na̱xa̱ kohyana la tí jehe ch'án la ó xráxín tjen ch'án ―mé xi̱kaha chrónka ch'ín Juan. 16 Kaínni ó k'uáyéhe̱ni tí kjuachaxin jié tjetjanjon ch'án la ko a̱ntsí má tjencheyaonni ch'án la ko tjencheyaonni ch'án. 17 Dios mé tsík'e̱tue̱nhen ch'ín Moisés kíxin tsokjin ch'án tí ley. A̱ ntá Ìnchéni Jesucristo mé kjua̱ko̱xi̱n ch'án kíxin nkexrí imá tjuèhé Dios tí chojni chjasintajni. A̱ ntá kaín nkehe chrónka ch'án mé a̱ntsí ntoá. 18 Kohya ninkexró chjasintajni k'uíkon sín Dios a. A̱ ntá tí jnkoko̱áxón Xje̱en ch'án na mé xráxín jnkoko̱á tjenka̱yáxinko It'é ch'án la mé jehe ch'án mé ó kjuínchekónoheni ch'án nkexrí tjen It'é ch'án nkaya nka̱jní.

Ch'ín Juan mé chrónka ch'án nkexrínchi tjen ch'ín Jesús

19 Iso tí sín judío k'uéjó sín chjasin Jerusalén na ntá ichr'án sín iso chojni ncha̱t'á la ko iso tí sín levita, ikui sín kuinixje̱he̱ sín tí ch'in Juan kjuanchankíhi sín ch'án kíxin:―¿Nkexro tí jaha? ―ichro sín. 20 Ntá kjuínchemáhya ch'án, ntáchro ch'án kíxin:―Náhí. Jehya janhan tí Cristo ―ichro ch'án. 21 Ntá xíkjanchankíhi sín ch'án ínaá, ntáchro sín kíxin:―¿Xá nkexro tí jaha? ¿Á jaha tí profeta Elías? ―ichro sín.Ntá ch'ín Juan la xíkjate̱he ch'án ntáchro ch'án kíxin:―Náhí. Jehya janhan Elías ―ichro ch'án.Ntá xíkjanchankíhi sín ch'án ínaá kíxin:―¿Á jaha tí nkexro tjejóchónhenni itsi tsochrónka itén Dios? ―ichro sín.Na ntá ntáchro ch'ín Juan ínaá kíxin:―Náhí. Janhya ―ichro ch'án. 22 Ntá kjuanchankíhi sín ch'án ínaá kíxin:―¿Ntá nkexro jaha? T'ichjánxi̱n tso̱noheni tsochénkani tí sín ichr'ánni ikuini. ¿Nkehe tso̱chro̱nka kíxin nkexro tí jaha? ―ichro sín. 23 Ntá kjuáte̱he ch'ín Juan ntáchro ch'án kíxin:―Janhan mé tí nkexro tsjak'e nte̱je̱ ts'èya tso̱xrja̱nka kíxin: “Takitje̱hérá ijnko nti̱a ntoí tsi̱xi̱n Ìnchéni” ―mé xi̱kaha ichro ch'án kjuáte̱exín ch'án itén ch'ín Isaías k'uéchrónka xroon itén Dios ósé. 24 A̱ ntá tí sín fariseo mé tsíchr'án tí jehe sín kuikjanchankíhi sín tí ch'ín Juan. 25 A̱ ntá kjuanchankíhi sín ch'án kíxin:―Ó ntáchrua kíxin jahya tí Cristo tí nkexro tsaáxin chojni la ko jahya tí Elías, la ko jahya nijnko tí nkexro k'uéchrónka itén Dios ósé. ¿A̱ ntá nkekuènté tíki̱te chojni tí xi̱kaha? ―mé ichro sín. 26 Ntá ntáchro ch'ín Juan kíxin:―Janhan na mé ìnta̱ ó tíki̱texián chojni. Ó ntihi tjenkákjan ijnko nkexro na̱xa̱ tjátso̱anhyará. 27 Jehe ch'án mé tsi ch'án nóton tí janhan. A̱ ntá a̱ntsí má t'e̱to̱an ch'án, a̱ ntá janhan na kénhyó. A̱ ntá tósuàna chrókjuasínta̱nka̱ tí correa to̱ka̱té ch'án ―ichro ch'án. 28 Kaín tíha mé tsíkónhen tí chjasin it'in Betábara tí nó tji̱to̱xi̱n ya̱on tóhe tí nta̱río Jordán tí kjuák'e ch'ín Juan kui̱ki̱te chojni.

Ch'ín Jesús na mé éxí yóhe̱ ijnko kolélo kuènte Dios

29 A̱ ntá tí ya̱on chr'éxi̱n mé k'uíkon ch'ín Juan kíxin ó tjekui ch'ín Jesús. Ntá nixje̱he̱ ch'án tí sín tsíkóchjina ntáchro ch'án kíxin:―Tsjehérá tí nkexro tjekui mé tí Kolélo kuènte Dios jehe ch'án. Tíha mé tsjìinxín iji̱é chojni chjasintajni. 30 Janhan mé k'uéxrja̱nka kíxin tí iton tí janhan mé tsichréhe̱ ijnko nkexro a̱ntsí t'e̱to̱an, a̱ ntá janhan la kénhyó této̱an kíxin na̱xa̱ kohyana na jehe ch'án la ó xráxín tjen ch'án. 31 Kja̱xin janhan na̱xa̱ chonhya nkexro tíha. A̱ ntá xra̱ ó k'uinka kjuak'é kuíki̱texián chojni ìnta̱ kíxin tí chojni nación Israel mé chrókjuátso̱anxín sín ch'án ―ichro ch'ín Juan 32 Kjuintaxín ntáchro ch'ín Juan kíxin:―Ó k'uíkua̱n kíxin tí Ncha̱kuen Dios mé k'uínkaji̱nxi̱n nkaya nka̱jní na éxí yóhe̱ ijnko kontóá k'uínkajin la ko kjuák'e va ntoí tí tjen ch'án. 33 A̱ ntá janhan kja̱xin na̱xa̱ chonhya nkexro tíha. A̱ ntá tí nkexro k'ue̱tua̱nna kíxin tsjak'é tsíki̱texián chojni ìnta̱ mé tsíchrónka ch'án kíxin tí Ncha̱kuen Dios mé ts'inkajin tsjak'e ntoí tí tjen ijnko chojni na mé tsjatso̱anxián janhan kíxin tí nkexro a mé tsi̱ki̱texín ch'án Ncha̱kuen Dios chojni. 34 A̱ ntá janhan jie mé ó k'uíkonxín kua̱n kíxin xi̱kaha kónhen tí jehe ch'án, a̱ ntá xrja̱nkaxián kíxin táha mé Xje̱en Dios tíha ―mé xi̱kaha chrónka ch'án.

Tí sín sa̱oxín kjueyá ch'ín Jesús

35 Tí ya̱on chr'éxi̱n kjuák'e ch'ín Juan la ko iyó tí sín k'uájiko ch'án, 36 a̱ ntá xrína̱hya k'uíkon ch'án k'uátsínka ch'ín Jesús. Ntá ntáchro ch'ín Juan kíxin:―Tsjehérá tí nkexro i mé tí Kolélo kuènte Dios ―ichro ch'án. 37 Ntá kuínhin tí yóí sín k'uájiko ch'ín Juan na ntá sákjuíchréhe̱ sín tí ch'ín Jesús. 38 Ntá kuinkátjíá ch'ín Jesús k'uíkon ch'án kíxin tinkáchréhe̱ sín ntá kjuanchankíhi ch'án sín kíxin:―¿Xá nkehe xritjéyárá? ―ichro ch'án.Ntá ntáchro sín kíxin:―Maestro, ¿xá nketí nchia itjen? ―ichro sín. 39 Ntá kjuáte̱he ch'án ntáchro ch'án kíxin:―Ìntá sátsjini ts'ikonrá nketí ―ichro ch'án.Ntá kuinkáchréhe̱ sín ch'án k'uíkon sín nketí nchia kjuák'e ch'án ntá k'uéjóko sín ch'án kuenté tí kónjín kíxin kjuíji sín ntiha como las cuatro kónjín. 40 A̱ ntá yóí sín tsíkinhin sín tí chrónka ch'ín Juan ntá sákjuíchréhe̱ sín tí ch'ín Jesús na mé ijnko mé it'in Andrés. Jehe ch'án chónta ch'án ijnko sa̱vé mé it'in Simón Pedro. 41 Na ntá tuénxín tí ch'ín Andrés sákjuíkjeyá ch'án tí sa̱vé ch'án Simón. Ntá chénka ch'án tí sa̱vé ch'án kíxin:―Ó k'uitjani tí nkexro Mesías ―ichro ch'án. Tíha mé t'axrjexín kíxin Cristo. 42 A̱ ntá ch'ín Andrés mé kui̱ka̱o ch'án tí sa̱vé ch'án Simón tí tjen ch'ín Jesús. Ntá ch'ín Jesús mé komá ch'án tí ch'ín Simón ntáchro ch'án kíxin:―Jaha mé Simón, it'á mé it'in Jonás. Ntá jie si̱ntak'ian Cefas ―ichro ch'án. A̱ ntá tí palabra Cefas la ko tí palabra Pedro na mé yóí mé t'axrjexín kíxin ixro̱ tíha.

Ch'ín Jesús mé kjueyá ch'án tí ch'ín Felipe la ko tí ch'ín Natanael

43 A̱ ntá tí ya̱on chr'éxi̱n mé sáchrókjui ch'ín Jesús tí estado Galilea. Ntá k'uitja ch'án tí ch'ín Felipe, na ntá ntáche ch'án kíxin:―Chréhé tí janhan ―ichro ch'án. 44 A̱ ntá tí ch'ín Felipe mé chjasén ch'án mé it'ín Betsaida tí chjasén ch'ín Andrés la ko ch'ín Pedro. 45 Ntá tí ch'ín Felipe mé sákjuíkjeyá ch'án tí ch'ín Natanael na ntá chénka ch'án kíxin:―Ó k'uitjani tí nkexro tsi éxí k'uéchrónka tí ch'ín Moisés tí tsíkjin ch'án tí xroon chrónka tí nkehe k'ue̱to̱an Dios. Kja̱xin tí sín k'uéchrónka tí itén Dios chr'éxi̱n mé k'uéchrónka sín kíxin itsi tí nkexro a. Na ntá ó k'uitjani ch'án na mé jehe ch'án mé it'in Jesús, la it'é mé it'in José, la mé chjasén ch'án mé Nazaret ―ichro ch'ín Felipe. 46 A̱ ntá ntáchro ch'ín Natanael kíxin:―¿Xá kjuánchí má chrókójína tí nkehe chrók'uaxrjexín tí chjasin Nazaret a? ―ichro ch'án.Ntá kjuáte̱he ch'ín Felipe ntáchro ch'án kíxin:―Xrákiá ts'ikuan ―ichro ch'án. 47 Na ntá k'uíkon ch'ín Jesús kíxin ó kui tinkákóchjina ch'ín Natanael, na ntáchro ch'án kíxin:―Ó kui ijnko ch'ín chaxín israelita la kohya nijnko kjuach'ia xriko ch'án ―ichro ch'án. 48 Na ntá ntáchro ch'ín Natanael kjuanchankíhi ch'án tí ch'ín Jesús kíxin:―¿Nkexrí kíxin tjátso̱anna? ―ichro ch'án.Ntá kjuáte̱he ch'ín Jesús ntáchro ch'án kíxin:―Na̱xa̱ nixja̱ahya tí ch'ín Felipe mé k'uíkua̱n tí jaha tjenka̱nkiá tí nta t'óna to higo ―ichro ch'án. 49 Na ntá ntáchro ch'ín Natanael kíxin:―Maestro, jaha la chaxín tí Xje̱en Dios tjen nkaya nka̱jní tsétue̱nhén tí nación Israel ―ichro ch'án. 50 Ntá kjuáte̱he ch'ín Jesús ntáchro ch'án kíxin:―Jehya tí nkehe ntáxrja̱n k'uíkua̱n tjenka̱nkiá nta t'óna to higo, jehya táhó tsítekákonxian. Náhí. Chr'éxi̱n xiki í jnko kjuaxroan a̱ntsí má jié ts'íkuan, a̱ ntá tíhi la kénhyó ―ichro ch'án. 51 Kja̱xin ntáchro ch'ín Jesús kíxin:―Ijnko nkehe ntoá tso̱xrja̱nka kíxin tsoxitje̱he̱ tí nka̱jní ts'ikonrá itsi itsjé tí sín ángel kuènte Dios mé ts'i̱t'ótjen la ko ts'inkajin tí tjén janhan mé tí Xje̱en Dios K'óna Chojni ―ichro ch'án.

2

Chjasin Caná estado Galilea kóte̱he ijnko chojni

1 A̱ ntá iní ya̱on chr'éxi̱n ntá kóte̱he ijnko ch'ín chjasin Caná estado Galilea. Mé koí tí ìné ch'ín Jesús tsík'íye̱he̱ sín tjan la ntiha tjen tjan koí. 2 Kja̱xin tsík'íye̱he̱ sín tí ch'ín Jesús la ko tí sín k'uájiko ch'án kíxin sátsji sín tí tsíkóte̱he sín ntiha. 3 Ntá ó tsík'anke̱he̱ sín tí xranvino ik'uí sín na ntá tí ìné ch'ín Jesús mé ntáche tjan tí jehe ch'án kíxin:tsík'ànka̱ xranvino its'i sín ―ichro tjan. 4 Ntá ntáchro ch'ín Jesús kíxin:―Naná, ¿nkehe tso̱nhen chro̱nka? Na̱xa̱ kjuixrakáhya tí ya̱on tsjásian kjuaxroan ―ichro ch'án. 5 A̱ ntá tí ìné ch'án na mé ntáche tjan tí sín ch'e xra̱ kíxin:―Tí chrén nkehe chrók'ue̱tua̱nhanrá ch'án chrókjui̱nchexiteyárá ―ichro tjan. 6 A̱ ntá siín ntiha injon chi̱ tsík'óna xro̱ na mé tíha tjiá nta̱ t'ònti sín kíxin xi̱kaha mé ts'axrjehe tí jie̱ chónta sín koí, mé xi̱kaha kuinkáchónki tí sín judío. Na mé jnkojnko chi̱ mé tjacha tikia ochenta litro la o̱ ciento litro nta̱. 7 Ntá k'ue̱tue̱nhen ch'ín Jesús tí sín ch'e xra̱ kíxin:nta̱ kaín tí chi̱ a tso̱kaón ―ichro ch'án.Ntá kjuínchexiteyá sín kjuínchekaón sín nta̱ jnkojnko tí chi̱ a. 8 A̱ ntá ntáche ch'ín Jesús tí jehe sín ínaá kíxin:intsí nta̱ tjiá chi̱ tjikuehé tí ch'ín t'e̱to̱an tí kia a ―ichro ch'án.Ntá xi̱kaha kjuích'e sín kjuínchexiteyá sín. 9 A̱ ntá tí ch'ín t'e̱to̱an tí kia a mé tsjexín ch'án tí nta̱ tsík'óna xranvino kjónté noehya ch'án nketí kui̱xi̱n tí xran a. Jehó tí sín ch'e xra̱ kui̱ka̱o sín mé nohe sín kíxin jehe sín mé tsíkakitsje sín nta̱. Ntá tí ch'ín t'e̱to̱an mé k'uíye̱he̱ ch'án tí ch'ín tsíkóte̱he. 10 Ntáche ch'án kíxin:tí sín tjasin kia la senó tí xranvino náxrjón tjanjon sín na tió chrók'uihya tí sín tsíkóchjina na ntá tjanjon sín tí xranvino náxrjónhya. A̱ ntá jaha la náhí. Senó kjuakéchji̱na tí xranvino a̱ntsí má náxrjón, a̱ ntá tí jie tjetjánjuan jaha ―ichro ch'án. 11 Tí kjuaxroan a kjuích'e ch'ín Jesús chjasin Caná estado Galilea mé tí kjuaxroan sa̱oxín kjuasin ch'án mé kjua̱ko̱xi̱n ch'án nkexrí imá jié tí kjuachaxin kuènte ch'án, a̱ ntá tí sín k'uájiko ch'án mé kuítekaon sín tí jehe ch'án. 12 Ntá ó k'uátsínka kia, a̱ ntá sákjuí ch'án chjasin Capernaum, sákjuíko ch'án ìné ch'án la ko kíchó ch'án la ko tí sín k'uájiko ch'án, kóxrjenhen sín ntiha iso ya̱on.

Ch'ín Jesús mé kjuínchetjóá ch'án tí ni̱nko jié

13 A̱ ntá ó kuichjina tí ya̱on kia kuènte pascua kuènte tí sín judío. Ntá ch'ín Jesús sákjui̱ ch'án chjasin Jerusalén. 14 Ntá nkaxenhen tí ni̱nko jié ntiha k'uíkon ch'án tí sín nchekjixin koxinta la ko kolélo la ko kontóá. La ko ntiha kja̱xin tjejótja̱xi̱n tí sín tjinkíxixín chichaon. 15 Ntá ch'ín Jesús mé kuákja ch'án ihno̱ tsíxehe̱ sín ntiha, kjuích'éna ch'án ijnko chikoté, ntá kuakitsjexín ch'án sín nkaxenhen ni̱nko kaín xín sín la ko tí kolélo la ko tí koxinta. Na ntá tí ntamesa tjinkítóxixín sín tí chichaon mé kótéka ch'án tsíkjaminkí xènjin tí chichaon a. 16 Ntá k'ue̱tue̱nhen ch'án tí sín nchekji tí kontóá a kíxin:kaín tí nkehe a. Ch'énahyará ijnko ntasin tí nto̱e T'aná ntihi ―ichro ch'án. 17 Ntá xráxinkaon tí sín k'uájiko ch'án ti nkehe tsíkjin sín ósé kíxin: “Éxí xrohi k'uákjen a̱senná nínka̱van kíxin tí nto̱a tjikosáyehya sín.” 18 Ntá tí sín judío mé kjuanchankíhi sín ch'án kíxin:nkerí kjuaxroan tsjásixián tsjáko̱xian nketí kjuachaxin chonta kíxin xi̱kaha kjui̱ch'e tíhi? ―ichro sín. 19 Ntá kjuáte̱he ch'ín Jesús kíxin:ts'oxíkará tí ni̱nko i ntá iníkoá ya̱on la ó si̱t'ána ni̱xin tsjak'e ínaá ―ichro ch'án. 20 Na ntá ntáchro tí sín judío a kíxin:y seis nánó k'uéjó sín kjuích'éna sín tí ni̱nko i, a̱ ntá jaha ntáchrua kíxin iní ya̱on koá si̱ch'éna ínaá, ichrua ―ichro sín. 21 Kjánchó kienxínhya sín kíxin tí ni̱nko ntáchro ch'ín Jesús la tí cuerpo kuènte ch'án. 22 Ntá tió kjuixin xechón ch'án ntá xráxinkaon tí sín k'uájiko ch'án kíxin xi̱kaha tsíchrónka ch'án, ntá kuítekaon sín tí xroon itén Dios tsíkjin sín ósé la ko tí nkehe tsíchrónka ch'án.

Ch'ín Jesús mé nohe nkehe tónhen a̱sén kaín xín chojni

23 Tió kjuák'e ch'ín Jesús chjasin Jerusalén tí kia pascua, a̱ ntá itsjé chojni kuinkáchónki sín tí jehe ch'án kíxin ó k'uíkon sín tí kjuaxroan kjuasin ch'án. 24 Kjánchó ch'ín Jesús la kuítekakuenhya ch'án tí jehe sín kíxin jehe ch'án la ó nohe ch'án jína nkexrí tónhen a̱sén jnkojnko chojni 25 a̱ ntá t'ichjánxi̱enhya ch'án kíxin ninkexró chróchenka ch'án nkexrí tjenka̱yáxin chojni kíxin ó kónohe ch'án kaín nkehe tónhen a̱sén kaín xín chojni.

3

Ch'ín Nicodemo kuinixje̱he̱ ch'án tí ch'ín Jesús

1 Kjuák'e ijnko ch'án kuènte tí sín fariseo a mé it'in ch'án Nicodemo. Jehe ch'án mé ijnko nkexro imá tjetoan kuènte tí sín Israel. 2 A̱ ntá ijnko tie kjuíchréhe̱ ch'án tí ch'ín Jesús a nixje̱he̱ ch'án ntáchro ch'án kíxin:―Maestro, kónoheni kíxin It'éni tjen nkaya nka̱jní mé tsíchr'án k'uinka tsjákohéni kíxin tí jehya Dios chrókjuak'ekoa la xitjahya chrókjuásian kjuaxroan jié ―ichro ch'án. 3 Ntá kjuáte̱he ch'ín Jesús ntáchro ch'án kíxin:―A̱ ntá tso̱tjo̱nka ijnko nkehe imá tjetoan. Tí nkexro tsokjíehya ni̱xien mé xitjahya ts'ikon tí kjuachaxin ts'e̱to̱an Dios ―ichro ch'án. 4 A̱ ntá ch'ín Nicodemo kjuanchankí ch'án ntáchro ch'án kíxin:―Ó tádana, ¿nkexrí chrókokjína ni̱xien? ¿Á chrók'uíxa̱nha̱n tse̱e na̱ná ínaá ntá chrókokjína ni̱xien ní? ―ichro ch'án. 5 Ntá kjuáte̱he ch'ín Jesús ntáchro kíxin:―Ntá tso̱tjo̱nka ijnko nkehe imá tjetoan. Jehó tí sín tsíkokjíexín nta̱ la ko kja̱xin tsíkokjíexín Ncha̱kuen Dios mé ts'áyéhe̱ sín tí kjuachaxin kuènte Dios. 6 Tió ijnko xjan ts'axrjeníxin chojni na mé tí xjan mé chojni ó. A̱ ntá tí Ncha̱kuen Dios tsokjíexín ni̱xien ijnko chojni na ntá ts'áyéhe̱ sín tí Ncha̱kuen Dios a. 7 Chrakonhya tí nkehe xrja̱nka kíxin “Kaín chojni t'ichjánxi̱n tsokjíhi ni̱xien.” 8 Éxí yóhe̱ tí tinhín tí chjéhe xri̱nto̱ ntá noahya nketí kui̱xi̱n tí xri̱nto̱ la ko noahya nketí sátsji na mé kja̱xin xi̱kaha kónhen kaín tí nkexro tsíkokjíexín Ncha̱kuen Dios ―ichro ch'án. 9 Ntá xíkjanchankí ch'ín Nicodemo ínaá kíxin:―¿Nkekuènté kíxin xi̱kaha chrókónhen? ―ichro ch'án. 10 Ntá kjuáte̱he ch'ín Jesús ntáchro ch'án kíxin:―¿Jaha ijnko maestro imá t'e̱to̱an tí nación Israel ntá na̱xa̱ tiénxinhya tí nkehe ní? 11 Chaxín tjétjo̱nka tí nkehe nòna la ko tí nkehe k'uíkua̱n ntá títekákonnahya jaha. 12 Tí nkehe tjétjo̱nka la kuènte chjasintajni ó ntá kjónté la títekákonnahya jaha. ¿Ntá nkexrí chrókuítekávan tí chrótjo̱nka nkehe kuènte nkaya nka̱jní? 13 Kohya í jnko nkexro k'ui̱t'ótjen chjasin nkaya nka̱jní. Jehó tí Xje̱en Dios K'óna Chojni mé kjuák'e chjasin nkaya nka̱jní la ko ntiha kui̱xi̱n ch'án. 14 Éxí yóhe̱ ch'ín Moisés tió k'uíxin sín tí nte̱je̱, a̱ ntá Dios mé k'ue̱to̱an kíxin sinchekjano̱ya ch'án ijnko konche tsja̱k'e̱nka̱ni ch'án ijnko nta, ntá xi̱kaha kjuích'e ch'án kjua̱k'e̱nka̱ni ch'án tí konche tí nta a komá sín tí konche ntá kuaá sín k'uénhya sín, mé xi̱kaha tso̱nhen tí Xje̱en Dios K'óna Chojni mé t'ichjánxi̱n kíxin tsjak'enkáni ch'án ijnko ntacruz 15 kíxin mé xi̱kaha kaín nkexro tsinkáchónki tí jehe ch'án mé tsaá sín tsochónta sín kjuachón jnkochríxín.

Dios imá tjuèhe ch'án tí chojni chjasintajni

16 ’Kíxin Dios mé imá tjuèhe ch'án chojni chjasintajni ntá kjuanjon ch'án jnkoko̱áxón Xje̱en ch'án, kíxin ntá jnkojnko chojni tsinkáchónki tí Xje̱en ch'án mé ts'itjáyanhya sín tsochónta sín kjuachón jnkochríxín. 17 Chr'ánhya Dios tí Xje̱en ch'án chjasintajni kíxin sinchekjasóte chojni kíxin tí jie̱ kjuasin sín. Náhí. Ó jehí ichr'án ch'án tí Xje̱en ch'án chjasintajni kíxin sinchekaá chojni. 18 ’Na mé tí sín tsitekaon tí Xje̱en Dios la tsjasótehya sín. A ntá tí sín titekakuenhya sín na mé ó kjuixin kjuínchekito̱exín Dios tí iji̱é sín tsjasóte sín kíxin titekakuenhya sín tí jnkoko̱áxón Xje̱en Dios. 19 Na mé xi̱kaha Dios sinchekjasóte sín jnkochríxín kíxin ó kui tí nkexro t'inkaséyanxín chjasintajni na kjónté ntá a̱ntsí má tóxrjínhi̱n sín tí sítié a. A̱ ntá tí t'inkaséyan la náhí kíxin na̱xa̱ tóxrjínhi̱n sín tí nkehe jínahya tjejóch'e sín. 20 Kaín tí sín tjejóch'e nkehe jínahya na mé tóxrjíe̱nhya sín t'inkaséyan chrókóchjinehya sín kíxin tso̱noxínhya tí nkehe jínahya tjejóch'e sín. 21 A̱ ntá tí sín tjejóch'e sín tí jína a na mé chéhe̱ sín tóchjinehe sín tí t'inkaséyan kuènte Dios kíxin tso̱noxín tí nkehe ch'e sín kíxin ntá kaín xín chojni mé tsjatso̱an sín kíxin tjejóch'e sín tí nkehe tóxrjínhi̱n Dios.

Ch'ín Juan Bautista chrónka ínaá kuènte ch'ín Jesús

22 Na ntá chr'éxi̱n ch'ín Jesús la ko tí sín k'uájiko ch'án na sákjuí sín estado Judea. Ntaha k'uéjóko sín ch'án kui̱ki̱te ch'án chojni. 23 Kja̱xin ch'ín Juan kjuák'e ch'án chjasin Enón chjino tí chjasin Salim na mé ntiha kjuák'e kui̱ki̱te ch'án chojni kíxin ntiha mé yeé nta̱ siín. Na ntá nkáki sín kuíkite sín. 24 Mé xi̱kaha kónhen na̱xa̱ kjuák'echjinahya ch'ín Juan. 25 Ntá tí sín k'uájiko ch'ín Juan la ko tí sín judío mé kjua̱cha̱xi̱n kíchó sín kíxin nkexrí íchá jína chrókótjuáxin chojni, ichro sín. 26 A̱ ntá tí sín k'uájiko ch'ín Juan sákjuítsjehe sín ch'án chénka sín ch'án kíxin:―Maestro, tí ch'ín kjuák'ekoa tóhe nta̱río Jordán, na mé tí nkexro tsíchro̱nka kuènte ch'án, la mé itjen ch'án ti̱ki̱te ch'án chojni la ko kaín xín chojni mé tjichréhe̱ sín ch'án ―ichro sín. 27 Na ntá ntáchro ch'ín Juan kixin:―Tí chrókjuanjonhya Dios kjuachaxin ntá chrokjuahya chrók'uáyéhe̱ chojni. 28 Ó kuínhínrá ntoá k'uéxrja̱nka senó kíxin janhya tí Cristo. Náhí. Janhan ó kuítuannuá kuíto̱nxián nti̱a tso̱xrja̱nka kíxin ó tsi ch'án. 29 Éxí yóhe̱ ijnko ch'ín tso̱te̱he na mé jehe ch'án mé ts'áyéhe̱ ch'án tí ichjién ch'án. A̱ ntá tí ch'ín chóxin ch'án mé chéhe̱ a̱sén ch'án tjetinhin ch'án tjenixja tí ch'ín ts'áyéhe̱ ichjién a. Mé xi̱kaha janhan imá chàna kíxin xi̱kaha sítónhen kíxin itsjé chojni sítóchjinehe sín tí ch'ín Jesús tsinhin sín nkehe tí tjenixja ch'án. 30 A̱ ntá jehe ch'án t'ichjánxi̱n a̱ntsí ts'e̱to̱an ch'án. A̱ ntá janhan la kénhyó ―mé chro ch'ín Juan.

Tí nkexro kui̱xi̱n nkaya nka̱jní

31 Tí nkexro kui̱xi̱n nkaya nka̱jní mé kaín nkehe t'e̱tue̱nhen ch'án. A̱ ntá ijnko chojni kuènte chjasintajni ó mé chrónka kuènte chjasintajni ó. A̱ ntá tí nkexro kui̱xi̱n nkaya nka̱jní mé kaín nkehe t'e̱tue̱nhen ch'án. 32 Jehe ch'án mé chrónka ch'án tí nkehe tsík'ikon ch'án la ko tí nkehe tsíkinhin ch'án. Kjánchó kohya chojni titekaon sín tí nkehe chrónka ch'án. 33 A̱ ntá jnkojín nkexro titekaon sín tí nkehe chrónka ch'án na mé xi̱kaha tja̱ko̱xi̱n ch'án jie kíxin chaxín ntoá chrónka Dios 34 kíxin tí nkexro ichr'án Dios mé nixja itén Dios kíxin jehya intsíkoá tí Ncha̱kuen Dios k'uáyéhe̱ ch'án. Náhí. 35 It'éni Dios mé tjuèhe ch'án tí Xje̱en ch'án na mé xi̱kaha ó tsíchjéhe ch'án kjuachaxin kíxin kaín xín nkehe ts'e̱tue̱nhen ch'án. 36 A̱ ntá tí nkexro tsitekaon tí Xje̱en Dios mé xi̱kaha tsochónta sín tí kjuachón jnkochríxín. A̱ ntá tí sín titekakuenhya sín tí Xje̱en Dios mé tsochóntahya sín tí kjuachón jnkochríxín xi̱kaha. Tí sín a mé Dios sinchekjasóte sín jnkochríxín.

4

Ch'ín Jesús ikjo ch'án ijnko tjan samaritana

1 A̱ ntá tí sín fariseo mé kónohe sín kíxin a̱ntsí tsjé chojni chréhe̱ sín tí ch'ín Jesús kui̱ki̱te ch'án sín na ntá tí chojni chréhe̱ sín tí ch'ín Juan la kánhyó tsjé sín. 2 Kjánchó jehya ch'ín Jesús kui̱ki̱te ch'án chojni. Méxra̱ tí sín k'uájiko ch'án mé kui̱ki̱te sín chojni. 3 A̱ ntá tió kónohe ch'ín Jesús kíxin xi̱kaha tsíkinhin tí sín fariseo ntá k'uaxrjexín ch'án tí estado Judea xíkjan ch'án estado Galilea ínaá. 4 Ntá t'ichjánxi̱n ts'átsínka ch'án estado Samaria. 5 A̱ ntá kjuíji ch'án ijnko chjasin mé it'in Sicar kuènte estado Samaria, mé chjino tí nonte tsíkjincheki̱to̱nhe̱n ch'ín Jacob tí xje̱en ch'án José. 6 La ó chjino tjen tí tòye̱ takitsje chojni ìnta̱ mé it'in Ìnté Jacob. Na ntá ó chonkíxin kjui sín ntiha. Méxra̱ tí ch'ín Jesús la imá kóxrjé ch'án kíxin imá kjín tí nti̱a kjui̱xi̱n ch'án ntá kjuák'etja̱xi̱n ch'án chrínta tí tòye̱ takitsje sín ìnta̱. 7 -8 Ntahó kuíto̱he ch'án. A̱ ntá tí sín k'uájiko ch'án sákjuí sín tí chjasin chjinaxón sákjuík'e̱na sín nkehe sineko sín ch'án. Ntá séhyó ikui ijnko tjan kuènte estado Samaria ikui tjan tsakitsje tjan ìnta̱. Ntá ntáchro tí ch'ín Jesús kíxin:―Chjìna intsí nta̱ its'ia ―ichro ch'án. 9 A̱ ntá tí tjan samaritana mé kjuanchankíhi tjan tí ch'ín Jesús kíxin:―¿Nkekuènté kíxin jaha ijnko chojni judío mé chrókjuanchana nta̱ kíxin janhan ijnko chojni samaritana? ―mé chro tí tjan a.(Mé xi̱kaha kjuanchankí tjan kíxin tí sín judío mé ninkehó t'ikonhya tí sín samaritano.) 10 Na ntá ntáchro ch'ín Jesús kíxin:―Chrókónoha tí nkehe tjanjon Dios la ko chrókjuatso̱an jaha nkexro tí tjetjanchaha nta̱ ntá chrókjuanchana nta̱, ntá chrótja̱ha tí nta̱ tjechón chaxín ―ichro ch'ín Jesús. 11 Na ntá ntáchro tí tjan a kíxin:―¿Ntá nkexrí kíxin xraahya jaha ninkehó nkehe tsakítsjeyá nta̱ kíxin tí tòye̱ i la imá ni̱nka? ¿Ntá nkexrí tsochjìna tí nta̱ tjechón tjimé? 12 Tí nkexro k'uaxrjeníxinni mé Jacob mé kuíto̱eheni tí tòye̱ tjiá nta̱ ntihi la ko kja̱xin ik'uí ch'án tí nta̱ la ko kja̱xin ik'uí tí xje̱en ch'án la ko tí iko kuènte ch'án. ¿A̱ ntá xá jaha la xá a̱ntsí má tjetoan jaha, a̱ ntá jehe ch'án la kénhyó ní? ―mé kjuanchankíhi tjan tí ch'ín Jesús. 13 Na ntá kjuáte̱he ch'ín Jesús ntáchro ch'án kíxin:―Tí sín it'i sín tí nta̱ ntihi tí tòye̱ i nánta̱xón its'en sín nta̱ ínaá. 14 A̱ ntá tí sín its'i sín tí nta̱ si̱ntaki̱to̱nha̱n sín mé í ts'enhya sín nta̱ ínaá. Tí nta̱ si̱ntaki̱to̱nha̱n sín mé ts'óna éxí yóhe̱ ijnko nta̱ ts'axrje nkaya a̱sén sín mé tsinkákjanjon tí kjuachón tsochónta sín jnkochríxín ―ichro ch'án. 15 Ntá ntáchro tí tjan a ínaá kíxin:―Chjìna tí nta̱, a̱ ntá ts'énhyana nta̱ ínaá la ko ts'inkahya ntihi tsakítsje nta̱ ―ichro tjan. 16 Ntá k'ue̱to̱an ch'ín Jesús kíxin:―Sátjia tjík'i̱ye̱hé xìá ntá ts'inkará ntihi ínaá ―ichro ch'án. 17 Ntá ntáchro tjan kíxin:―Chontahya xìná ―ichro tjan.Ntá ntáchro ch'ín Jesús kíxin:―Chaxín ntáchrua kíxin chontahya jaha xìá. 18 K'uéchonta jaha in'ó xìá, a̱ ntá tí ch'ín chonta jie jehya xìá. Na mé chaxín tí nkehe ntáchrua kíxin chontahya xìá chaxín ―ichro ch'án. 19 Na ntá kuínhin tjan tíha ntá ntáchro tjan kíxin:―T'íkua̱n kíxin jaha ijnko nkexro chrónka itén Dios. 20 A̱ ntá tí sín k'uaxrjeníxinni k'uíxin ósé mé k'uéxraxinkakonxín sín Dios tí jna̱ ntihi. Kjánchó jahará chojni judío mé ntáchrorá kíxin tí ni̱nko jié chjasin Jerusalén kaín ni chróxraxinkakonxínni Dios ―ichro tjan. 21 Ntá ch'ín Jesús ntáche ch'án tjan kíxin:―Títekávan kíxin tjetsi tí hora a tsoxráxinkákonxínhyará It'éni Dios tí jna̱ ntihi la ko tsoxráxinkákonxínhyará ch'án chjasin Jerusalén kja̱xin. 22 Jahará chojni samaritano chonhyará tí nkexro xráxinkáonrá. Ntá kaín ni chojnini judío mé chóxinni tí nkexro xráxinkaonni. Méxra̱ tí nkexro tsjakjìinhin chojni tí jie̱ yámá sín mé ts'axrjeníxin tí sín judío. 23 Ntá tjetsi tí hora a na mé tí jie ó kui tí hora a na tí sín chaxín tjinkaon sín chróxraxinkaon sín It'éni la mé a̱sén sín ó tsoxraxinkakonxín sín It'éni Dios. Dios mé tóxrjínhi̱n ch'án kíxin chojni xi̱kaha chrókjuich'e sín chróxraxinkakonxín sín ch'án. 24 Jehe Dios na mé ncha̱kuen ó, a̱ ntá tí sín chróxraxinkaon sín ch'án na mé t'ichjánxi̱n kíxin a̱sén sín ó tsoxraxinkakonxín sín ch'án ―mé xi̱kaha chrónka ch'ín Jesús. 25 A̱ ntá ntáchro tí tjan a kíxin:―Ó nòna kíxin itsi tí nkexro Mesías, tí nkexro a mé Cristo. Tió tsi ch'án ntá tsja̱ko̱he̱ni ch'án kaín xín nkehe ―ichro tjan. 26 Ntá ntáchro ch'ín Jesús kíxin:―Tí nkexro a la mé janhan tjétjuá jie ―ichro ch'án. 27 Na ntá tí sín k'uájiko ch'án mé kja̱nxi̱n sín tí chjasin a, ntá chrakon sín k'uíkon sín kíxin tjenixje̱he̱ ch'án ijnko chojni chjin. Kjánchó nijnko sín kjuanchankíehya sín ch'án kíxin nkehe tjinkaon ch'án na nkekuènté nixje̱he̱ ch'án tí tjan a. 28 A̱ ntá tí tjan mé kjuak'e tjan tí tóa nonte ntá sákjuí tjan tí chjasin ntaha ntáche tjan tí sín ntaha kíxin: 29 ―Ìntárá sátsjitsjeheni ijnko ch'ín chrónka ch'án kaín xín nkehe kjui̱t'a tí senó a. ¿Xá chrókójehya tí nkexro i Cristo? ―ichro tjan. 30 Na ntá tí chojni a mé xrákua̱xi̱n sín tí chjasin a ntá kuitsjehe sín tí ch'ín Jesús. 31 Na̱xa̱ tihya sín nachrohe tí sín k'uájiko ch'án mé chrónóe̱he̱ sín ch'án ntáchro sín kíxin:―Maestro, kja̱xian chrókjónte nkehe ―ichro sín. 32 Kjánchó ntáchro ch'án kíxin:―Ó chonta janhan nkehe siné. Jahará la kjá na̱xa̱ noahyará ―ichro ch'án. 33 A̱ ntá tí sín k'uájiko ch'án mé kjuanchankíhi sín kíchó sín kíxin:―¿Xá jnkojín sín tsíki̱ka̱o sín nkehe kjóne ch'án? ―ichro sín. 34 Kjánchó ntáchro ch'ín Jesús kíxin:―Éxí yóhe̱ chrókjoné nkehe mé tí si̱t'a tí xra̱ la ko tsjixinna tí xra̱ kuènte tí nkexro chr'ánna k'uinka. 35 Ntáchrorá kíxin: “Noó nitjó na̱xa̱ t'itjáyan tsochónhenni ntá tsotjáni noatrigo”, ichrorá. Kjánchó ntáxrja̱n kíxin chrótsjehérá tí no a kíxin ó tsícha la ko ó tinkáxámá kíxin ó jína chrótjáni. 36 Tí sín ch'e xra̱ tjá sín mé tsoxenkehe sín. A̱ ntá tí nkehe tjá sín mé ts'áyéhe̱ kjuachón jnkochríxín. Ntá tí sín k'ue̱nka̱ sín nonte la ko tí sín tjá sín jnkokón tso̱chéhe̱ sín. 37 Mé xi̱kaha tsoxiteyá tí nkehe ntáchro sín kíxin: “Ijnko nkexro mé t'e̱nka̱ noa, a̱ ntá ókjé sín tsotjá sín tí noa a”, ichro sín. 38 A̱ ntá janhan ichr'an tí jahará tso̱tja̱rá ijnko nonte tsík'énka̱hyará. Na mé ókjé sín kjuích'e sín xra̱ ntá jahará tsjachará tí xra̱ kjuích'e tí sín a ―ichro ch'án. 39 A̱ ntá itsjé tí sín samaritano kuènte tí chjasin ntiha mé kjuankíxin kuinkáchónki sín tí jehe ch'án kíxin xi̱kaha chrónka tjan kíxin jehe ch'án ó chrónka ch'án kaín xín nkehe kjuích'e tjan tí senó a. 40 A̱ ntá tió kuínhin sín tí nkehe chrónka tjan ntá kui sín tí tjen ch'ín Jesús ntá chrónóe̱he̱ sín ch'án kíxin tsito̱he ch'án ntiha. Ntá kuíto̱he ch'án ntiha iyó ya̱on. 41 Ntá itsjé sín kja̱xin kuinkáchónki sín ch'án kíxin tí nkehe kuínhin sín nixja ch'án. 42 Ntá ntáche sín tí tjan a kíxin:―Ntá jie jehya jehó tí nkehe chro̱nka kuítekaonni. Náhí. Tí jie ó kuínhinni nixja ch'án ntá kónoheni kíxin jehe ch'án chaxín tí nkexro Cristo sinchekaá tí chojni chjasintajni ―ichro sín.

Ch'ín Jesús kjuínchekito̱he jína ijnko xje̱en ijnko ch'ín ch'ehe xra̱ gobierno

43 A̱ ntá k'uátsínka iyó ya̱on ntá ch'ín Jesús k'uaxrjexín ch'án estado Samaria ntá sákjuí ch'án nó estado Galilea. 44 A̱ ntá jehe ch'án tsíntáchro ch'án kíxin tí nkexro chrónka itén Dios la tí chjasén sín mé tjikosáyehya sín ch'án. 45 Kjánchó tió kjuíji ch'án tí estado Galilea na mé k'uáyéhe̱ sín ch'án la ko kjuikosáyehe sín ch'án jína kíxin kja̱xin sín sátsíkji̱ sín tí kia pascua chjasin Jerusalén tsík'ikon sín kaín tí kjuaxroan kjuasixín ch'án tí kia ntiha. 46 Ntá xíkjan ch'ín Jesús ínaá chjasin Caná, estado Galilea, na mé ntiha tsíkjinchekjaminca ch'án tí nta̱ tí xranvino a. Ntaha mé kjuák'e ijnko ch'ín ch'ehe xra̱ gobierno. A̱ ntá níhi tí xje̱en ch'án ntoa itjen chjasin Capernaum. 47 Ntá kuínhin tí ch'ín ch'ehe xra̱ gobierno kíxin itjen ch'ín Jesús tí estado Galilea tsíki̱xi̱n ch'án estado Judea ntá sákjuíchréhe̱ ch'án chrónóe̱he̱ ch'án tí ch'ín Jesús kíxin sáchrókjui ch'ín Jesús nto̱e ch'án sinchekito̱he jína tí xje̱en ch'án ó tjet'en xjan. 48 Ntá ntáchro ch'ín Jesús kíxin:―Kja̱ tí jahará tí chrók'uikonhyará kjuaxroan chrókjuásian la chrókuinkachónkihyará tí janhan ―ichro ch'án. 49 Ntá chrónòa tí ch'ín ch'ehe xra̱ gobierno ntáchro ch'án kíxin:―¿Á chrókójínahya sáchrókjui̱ni nto̱na jaí kíxin xja̱nna ó tjet'en? ―ichro tí ch'ín a. 50 Ntá kjuáte̱he ch'ín Jesús ntáchro ch'án kíxin:―Ikjan sátjia nto̱a kíxin tí xja̱an na ó jína tjen jie ―ichro ch'án.Ntá kuítekaon ch'án nkerí ichro ch'ín Jesús ntá sákjuí ch'án. 51 A̱ ntá kjuíji ch'án chjino nto̱e ch'án ntá xrína̱hya tí sín ch'ehe sín ch'án xra̱ kjuíxinhin sín nti̱a chrónka sín kíxin:―Xja̱an la ó jína tjen ―ichro sín. 52 Ntá kjuanchankíhi ch'án sín kíxin nkehora kjuankíxin kuíto̱he xjan jína, na ntá chrónka sín kíxin:―Ijna la una kónjín mé kjuìin tí sóa ―ichro sín. 53 Ntá kónohe tí it'é xjan kíxin xi̱kaha tí hora tsíntáchro ch'ín Jesús kíxin tí xje̱en ch'án na ó jína tjen. A̱ ntá jehe ch'án la ko kaín tí sín siín nto̱e ch'án mé kuinkáchónki sín tí ch'ín Jesús. 54 Tíha mé tí yóxin kjuaxroan kjuasin ch'ín Jesús tió kui̱xi̱n ch'án estado Judea ikjan ch'án estado Galilea.

5

Ch'ín Jesús kjuínchekito̱he jína ijnko ch'ín tsík'en to̱te chjasin Betesda

1 Ntá chr'éxi̱n tí sín judío mé kjuasin sín ijnko kia na ntá ch'ín Jesús xíkjan ch'án chjasin Jerusalén ínaá. 2 A̱ ntá ntaha chjino tí ntója t'ixenxín kolélo chjasin mé tjen ijnko pila tóxroyéya nta̱ mé nkìva hebreo tí nta̱ mé it'in Betesda. A̱ ntá chrínta tí pila siín in'ó cuarto ntsíntsí. 3 Ntaha tjejótsínka nchónhya chojni níhi, iso sín t'ikonhya la ko iso sín xitjahya tji la ko iso sín tsík'en to̱té. Tjejóchónhen sín kíxin nkehora tsinkí nta̱ 4 kíxin nánta̱xón k'uínkajin ijnko ángel kjuiánkí nta̱ kjuínchekinkí nta̱. A̱ ntá tí nkexro senó tsjiánkí nta̱ mé tsito̱he jína kjónté cualquiera chin chónta. 5 A̱ ntá ntaha kjuák'e ijnko ch'ín na mé chónta ch'án treinta y ocho nánó níhi ch'án. 6 A̱ ntá tió k'uíkon ch'ín Jesús kíxin tjetsínka tí ch'ín a la ko kónohe ch'án kíxin ósé níhi ch'án, ntá kjuanchankí ch'án kíxin:tjinkávan tsito̱ha jína? ―ichro ch'án. 7 Ntá ntáchro tí si̱nníhi kíxin:ninkexró tsjinki̱tsani tsjiánkíni nta̱. A̱ ntá tí tjinkaonni chrókjuiánkíni nta̱ la ntá ókjé nkexro tjítaón nti̱a tjiánkí nta̱ senó ―mé chro tí si̱nníhi. 8 A̱ ntá k'ue̱to̱an ch'ín Jesús kíxin:―Ijie la t'inkatjen, tjatsíyan ka̱nia̱a, itjia ―ichro ch'án. 9 Ntá tuénxín kuíto̱he ch'án jína, ntá kjua̱tse̱n ch'án ka̱nie̱e ch'án kjuankíxin itji ch'án. Kjánchó ya̱on sábado tíha mé tí ya̱on t'o̱k'éhe sín. 10 Mé xi̱kaha tí sín judío ntáche sín tí ch'ín kuíto̱he jína kíxin:tí ya̱on t'o̱k'éheni ntá kohya kjuachaxin tsamá ka̱nia̱a ―ichro sín. 11 A̱ ntá ntáchro tí ch'ín a kíxin:―Tí nkexro kjuínchekito̱na jína mé k'ue̱tua̱nna kíxin tsjatsíyan ka̱nia̱na la ko sátsjia ―ichro ch'án. 12 Ntá kjuanchankíhi sín ch'án kíxin:―¿Nkexéhe tí nkexro k'ue̱tua̱nhan kíxin tsjatsíyan ka̱nia̱a la ko sátsjia? ―ichro sín. 13 A̱ ntá tí ch'ín tsíkito̱he jína na í kjuátso̱anhya ch'án tí nkexro kjuínchekito̱he ch'án jína kíxin ntaha la siín nchónhya chojni, a̱ ntá ntahó k'uítjáyanxín ch'ín Jesús. 14 A̱ ntá chr'éxi̱n ch'ín Jesús xeta ch'án tí ch'ín a nkaxenhen tí ni̱nko jié ntá ntáchro ch'án kíxin:kíxin ijie la ó jína tjen jaha la í tjásinhya jie̱ ínaá. A̱ ntá tí tsjásian jie̱ ínaá a̱ ntá a̱ntsí má jínahya tso̱nhan ―ichro ch'án. 15 A̱ ntá sákjuí tí ch'ín a ntá chénka ch'án tí sín judío kíxin jehe ch'ín Jesús mé kjuínchekito̱he ch'án jína. 16 Mé xi̱kaha tí sín judío kjuankíxin sín chónkíhi sín tí ch'ín Jesús la ko chrók'óyán sín ch'án kíxin kjuínchekito̱he ch'án chojni jína tí ya̱on t'o̱k'éhe sín. 17 Kjánchó ch'ín Jesús ntáche ch'án tí jehe sín kíxin:T'aná na̱xa̱ tjech'e ch'án xra̱. A̱ ntá janhan kja̱xin tjét'a̱ xra̱ ―ichro ch'án. 18 Méxra̱ xi̱kaha tí sín judío a̱ntsí tjinkaon sín chrók'óyán sín ch'án kíxin kuítekakuenhya ch'án tí ley kuènte tí ya̱on t'o̱k'éhe sín la ko kja̱xin ntáchro ch'án kíxin tí It'é ch'án la mé Dios, mé xi̱kaha ncheyóhe̱ ch'án a̱sén ch'án Dios.

Tí kjuachaxin chónta tí Xje̱en Dios

19 Ntá ntáche ch'ín Jesús tí jehe sín kíxin:―Ijnko nkehe tjetoan tso̱tjo̱nka̱rá kíxin tí Xje̱en Dios nkaya nka̱jní tí jehó kjuachaxin kuènte ó la mé xitjahya sich'e xra̱. Jehó tí xra̱ t'ikon ch'án tjech'e It'é ch'án mé kja̱xin ch'án xi̱kaha ch'e ch'án. 20 A̱ ntá tí It'é mé tjuèhe tí Xje̱en ch'án, la ko tja̱ko̱he̱ ch'án kaín xín xra̱ ch'e ch'án, la ko a̱ntsí tjetoan tí xra̱ na̱xa̱ tsja̱ko̱he̱ ch'án kíxin ntá tsochrakonrá kíxin ts'ikonrá tí xra̱ sich'e ch'án. 21 Tí It'é mé chónta kjuachaxin nchexechón tí sín tsík'en la ko chjéhe ch'án sín kjuachón. A̱ ntá tí Xje̱en kja̱xin chónta kjuachaxin tsochjéhe kjuachón tí nkexro tjinkaon tsochjéhe ch'án. 22 A̱ ntá It'é la í sinchekito̱exínhya ch'án iji̱é ninkexró. Kaín tí kjuachaxin kuènte ch'án chjéhe ch'án tí Xje̱en kíxin sinchekito̱exín ch'án iji̱é chojni chjasintajni 23 kíxin ntá kaín chojni tsjikosáyehe sín tí Xje̱en éxí yóhe̱ tjikosáyehe sín tí It'é ch'án. Tí sín tjikosáyehya tí Xje̱en xi̱kaha kja̱xin tjikosáyehya sín tí It'é kíxin jehe ch'án mé tsíchr'án tí Xje̱en. 24 ’Ijnko nkehe tjetoan tso̱tjo̱nka̱rá kíxin tí jnkojínrá tjejotinhínrá tí nkehe tjàkua la ko tinkachónkirá tí T'aná, mé tí nkexro ichr'ánna, na mé xi̱kaha ó chontará tí kjuachón la ko tsjasótiahyará, na mé kui̱to̱hérá tí nti̱a chrók'uénxinrá, la ntá jie kjuankíxinrá tsochontará tí kjuachón jnkochríxín. 25 Ijnko nkehe tjetoan tso̱tjo̱nka̱rá kíxin ó tsi tí ya̱on, na mé jie tíha, mé xi̱kaha tso̱nhen kíxin tí sín tsík'en tsinhin sín tsonixja tí Xje̱en Dios. A̱ ntá tí sín tsitekaon sín na mé ts'ejóchón sín. 26 Tí It'é mé chónta ch'án kjuachaxin tsjanjon ch'án tí kjuachón la ko jehe ch'án mé chjéhe ch'án kjuachaxin tí Xje̱en kíxin kja̱xin tí Xje̱en tsjanjon tí kjuachón 27 la ko kja̱xin chjéhe ch'án kjuachaxin tí Xje̱en ch'án sinchekito̱exín tí iji̱é chojni chjasintajni kíxin jehe mé tí Xje̱en Dios K'óna Chojni. 28 Chrakonhyará tjétjo̱nka̱rá xi̱kaha. Na mé ó tsi tí ya̱on kíxin kaín tí sín tsík'en mé tsinhin sín tsonixja ch'án. 29 A̱ ntá ts'axrjexín sín tí tòye̱ la tí sín kjuích'e sín xra̱ jína mé tsoxechón sín ntá tsochónta sín tí kjuachón. A̱ ntá tí sín kjuích'e sín xra̱ jínahya na mé kja̱xin tsoxechón sín ntá sátsji sín tsjasóte sín.

Tí kjuachaxin chónta ch'ín Jesús

30 ’Tí jehó kjuachaxin kuènta̱na xitjahya si̱t'a ninkehó xra̱. A̱ ntá jie nta̱kito̱axián tí ijie̱ éxí k'ue̱tua̱nna T'aná. A̱ ntá tí nkehe nta̱kito̱axián la jína ntoá kíxin tjínka̱konhya si̱t'a éxí tjínka̱van. Náhí. Éxí tjinkaon T'aná, tí nkexro ichr'ánna, mé xi̱kaha tjét'a̱. 31 A̱ ntá tí chróxrja̱nka kíxin nkexrí imá jína janhan la tíha la ninkehó kjuachaxin chróchóntahya. 32 Itjen í jnko nkexro tjechrónka nkexrí tjén janhan a̱ ntá ó nòna kíxin tí nkehe chrónka ch'án la sínkí. 33 Jahará tsíkétue̱nhénrá chojni kjuíkjanchankíhi sín tí ch'ín Juan kíxin nkexrínchi tjén janhan. A̱ ntá tí nkehe tsíkjate̱he ch'án la chaxín ntoá tiha. 34 Kjánchó cho̱ntia̱xi̱nhya tí nkehe tsochrónka nijnko chojni chjasintajni nkexrínchi tjén janhan. Jehí ntáxrja̱n tíha kíxin jahará jína chrókuaárá. 35 Tí ch'ín Juan kjuák'e éxí yóhe̱ ijnko xrohi kjuák'eche k'uínkaséyanxín la ko jahará kócháhará xi̱kaha, kjánchó séhya kóxrjínhanrá tí xrohi a. 36 Kjánchó siín nkehe a̱ntsí tjetoan tja̱ko̱xi̱n nkexrí tjén janhan, a̱ ntá kánhyó tjetoan tí nkehe tsíchrónka tí ch'in Juan. Tí xra̱ tjét'a̱, mé tí xra̱ kjuanjon T'aná si̱t'a tsjixinna tí xra̱, na mé tíha mé tja̱ko̱xi̱n kíxin chaxín T'aná tsíchr'án k'uinka. 37 Kja̱xin jehe T'aná, tí nkexro ichr'ánna, mé chrónkaxín ch'án nkexrí tjén janhan. A̱ ntá jahará na̱xa̱ kiénhyará tí nkehe nixja ch'án la ko k'uíkonhyará ch'án 38 la ko kja̱xin itén ch'án kuíto̱ehya nkaya kjárá kíxin tjinkákonhyará tsítekáonrá tí Xje̱en Dios tsíchr'án tsíki. 39 Jahará nchekuáxinrá jína tí xroon tsíkjin tí sín tsíchrónka itén Dios ósé kíxin ntáchrorá kíxin ntaha ts'itjaxínrá tí kjuachón tsochontará jnkochríxín. A̱ ntá tí nkehe tsíkjin sín ósé mé chrónka kuènte janhan. 40 Kjánchó jahará tjinkákonhyará tsochjinará tí tjén janhan kíxin chrók'uayéhérá tí kjuachón a. 41 ’Janhan na tjéyáhya kíxin chojni chrókjuikosáyana sín. 42 A̱ ntá janhan ó nòna kíxin jahará la tjuèhyará Dios. 43 Mé k'uinkaxian janhan tí kjuachaxin kuènte T'aná. Kjánchó jahará la títekákonnahyará. A̱ ntá tí chrókui í jnko nkexro kjuachaxin chrókuakitsjeníxin a̱sén ó, a̱ ntá tíha mé tjinkáonrá chrókuítekákonhénrá. 44 ¿Nkexrí chrókuítekáonrá jahará kíxin tjéyárá kíxin tí chojni chjasintajni chrókjuikosáyahará sín, a̱ ntá tjéyáhyará tí kjuachaxin chrókjuanjon jnkoko̱á Dios? 45 Tsontáchrohyará kíxin janhan tsjánchíá jie̱ tí jahará nkayakon T'aná. Náhí. Ch'ín Moisés mé tsjanchia ch'án jie̱ tí jahará kíxin tsontáchrorá kíxin jehe ch'án kuinkachónkirá. 46 Kja̱ tí jahará chrókuítekáonrá nkehe tsíntáchro ch'ín Moisés ntá chrókuítekáonrá tí janhan kíxin tí xroon tsíkjin ch'án mé chrónka kuènte tí janhan. 47 A̱ ntá tí títekákonhyará tí nkehe tsíkjin ch'án, ¿ntá nkexrí chrókuítekákonnará nkehe ntáxrja̱n janhan? ―ichro ch'án.

6

Ch'ín Jesús kjuanjon ch'án nkehe kjóne in'ó mil chojni

1 A̱ ntá chr'éxi̱n ntá sákjuí ch'ín Jesús k'uátòye̱ ch'án tí nta̱yaon Galilea na mé tí nta̱yaon Tiberias tíha. 2 A̱ ntá nchónhya chojni tinkáchréhe̱ sín kíxin k'uíkon sín tí kjuaxroan jié kjuasin ch'án kjuínchekito̱he ch'án jína tí si̱nníhi. 3 A̱ ntá jehe tí ch'ín Jesús chrìin ch'án ijnko jna̱ na ntá ntaha kjuák'etja̱xi̱n ch'án la koí tí sín k'uájiko ch'án a. 4 A̱ ntá í séhya ts'ixin tí kia pascua a mé kié tí sín judío a. 5 A̱ ntá tí ch'ín Jesús k'uíkon ch'án kíxin nchónhya chojni chrìin sín kjuichréhe̱ sín ch'án ntá kjuanchankíhi ch'án tí ch'ín Felipe kíxin:―¿Nketí chrók'ue̱nani nkehe sine kaín tí chojni a? ―ichro ch'án. 6 Mé xi̱kaha ntáchro ch'án kíxin siná nkehe tsixro ch'ín Felipe. A̱ ntá tí ch'ín Jesús la ó nohe ch'án nkehe tí kjuaxroan tsjasin ch'án. 7 Ntá kjuáte̱he ch'ín Felipe ntáchro ch'án kíxin:―Kjónté doscientos chichaon denario chróchóntani chrók'uínáxin tí nio̱tja̱ la na̱xa̱ chrókjuachahya chrók'uáyéhe̱ jnkojnko sín to̱t'o̱ tí nio̱tja̱ a ―ichro ch'án. 8 A̱ ntá ch'ín Andrés, ijnko tí sín k'uájiko ch'ín Jesús la sa̱vé mé ch'ín Simón Pedro mé ntáchro ch'án kíxin: 9 ―Ntihi tjen ijnko xjan ntoa chónta in'ó nio̱tja̱ tsík'óna noa cebada la ko chónta ch'án yaá koche. ¿Xá chrókjuacha tíhó kíxin nchónhya chojni siín? ―ichro ch'án. 10 A̱ ntá ntáchro ch'ín Jesús kíxin:―Tétue̱nhén tí sín siín a kíxin ts'ixitja̱xi̱n sín ―ichro ch'án.A̱ ntá nchónhya ika yoa siín na ntá ntaha k'uíxitja̱xi̱n sín na mé éxí in'ó mil chojni k'uíxin sín. 11 A̱ ntá ch'ín Jesús kuákja ch'án tí nio̱tja̱ ntá kjuanchehe ch'án Dios kjuasáya ntá chjéhe ch'án tí sín k'uájiko ch'án. A̱ ntá jehe sín k'óxika̱ye̱he sín chjéhe sín kaín tí sín sítja̱xi̱n a. Xi̱kaha kja̱xin k'óxika̱ye̱he sín tí koche. A̱ ntá kaín sín kjóne sín éxí tjinkaon sín. 12 Kjuixin kjóne sín ntá k'ue̱tue̱nhen ch'ín Jesús tí sín k'uájiko ch'án ntáchro ch'án kíxin:―Tjénájínrá tí nkehe to̱t'o̱ síxèhe sín kíxin ts'itjáyanhya ninkehó ―ichro ch'án. 13 Ntá xi̱kaha jehe sín kjuenájín sín kjuínchekaón sín teyó ntaxra tí to̱t'o̱ tí in'ó nio̱tja̱ tsík'óna noa cebada síxèhe sín tí kjuixin tsíkjine sín. 14 A̱ ntá tí sín kjóne tí nio̱tja̱ k'uíkon sín tí kjuaxroan jié kjuasin ch'ín Jesús ntáchro sín kíxin:―Jehe ch'án mé chaxín tí nkexro tsíchr'án Dios kíxin itsi tí chjasintajni tsja̱ko̱he̱ni ch'án ―ichro sín. 15 Kjánchó ch'ín Jesús mé kónohe ch'án kíxin tjinkaon sín sáchrókjuiko sín ch'án chróchr'áxenhen sín ch'án tí xra̱ rey kíxin chrók'ue̱to̱an ch'án. A̱ ntá jehe ch'án tjinkakonhya ch'án tíha ntá jehó ch'án sáxíkji ch'án nte̱je̱ ínaá kjuák'e ch'án ntiha.

Éxí ijnko nti̱a xi̱kaha kjuítaón ch'ín Jesús tí nta̱yaon

16 A̱ ntá ó kóntó ntá tí sín k'uájiko ch'ín Jesús k'uínkaji̱nxi̱n sín jna̱ sákjuí sín chrínta nta̱yaon 17 k'ui̱t'ótjen sin ijnko ntabárco̱ kjuankíxin sín ts'atòye̱ sín nta̱yaon sátsji sín chjasin Capernaum. Na ó k'uíxin tie na na̱xa̱ kjanhya ch'ín Jesús. 18 Ntá kjuankíxin chjéhe xri̱nto̱ tsa̱nka̱ ntá kjuankíxin tinkákjaminkí nta̱. 19 A̱ ntá tió kjuacha sín á in'ó o̱ injon kilómetro ntá xrína̱hya k'uíkon sín tí ch'ín Jesús tinkákóchjinehe ch'án tí ntabárco̱, éxí ijnko nti̱a tjetjitaón ch'án tí nta̱, ntá k'uíkon sín ntá imá chrakon sín. 20 Kjánchó ntáchro ch'án kíxin:―Janhan tíha. Chrakonhyará ―ichro ch'án. 21 Ntá imá chéhe̱ sín k'ui̱t'ótjen ch'án tí ntabárco̱. Ntá ó tuénxín kjuíji sín tí chjasin sátsji sín.

Tí chojni xritjeyá sín tí ch'ín Jesús

22 A̱ ntá tí ya̱on chr'éxi̱n na mé tí sín kuíto̱he tóhe nta̱yaon na mé ó nohe sín kíxin jnkoko̱áxón ntabárco̱ k'uékjak'e ntiha la ko ó nohe sín kíxin ch'ín Jesús kjá ni sátsíkjikohya sín ch'án na mé k'uíkon sín kíxin jehó tí sín k'uájiko ch'án sátsíkji sín. 23 Kjánchó siín ntabárco̱ ti̱xi̱n chjasin Tiberias tinkákóchjinehe tí nó kjónexín sín tí nio̱tja̱ kjuanchaxín ch'ín Jesús kjuasáyé Dios. 24 A̱ ntá tió k'uíkon sín kíxin kohya ch'ín Jesús la ko kja̱xin kohya tí sín k'uájiko ch'án, ntá jehe sín mé k'ui̱t'ótjen sín iso ntabárco̱ ntá sákjuí sín chjasin Capernaum sákjuíkjeyá sín tí ch'ín Jesús.

Ìnchéni Jesús mé éxí nio̱tja̱ tjanjon kjuachón

25 A̱ ntá tóhe nta̱yaon xéta sín tí ch'ín Jesús ntá kjuanchankíhi sín ch'án kíxin:―Maestro, ¿nkesá k'uinka ntihi? ―ichro sín. 26 Ntá kjuáte̱he ch'ín Jesús ntáchro ch'án kíxin:―Ó nòna kíxin jahará tjéyárá tí janhan kíxin kjónterá nio̱tja̱ kókja̱hará, la jehya kíxin kiénxinrá tí kjuaxroan kjuásian. 27 Chrókjui̱ch'ehyará tí xra̱ chrók'uite tí nkehe chrókjónterá tjoka tsjeje̱ ó. Náhí. Chrókjuéyárá tí nkehe chrókjueje̱hya chrókjónterá chrók'uayéxínrá tí kjuachón jnkochríxín. Tí nkehe tjanjon tí Xje̱en Dios K'óna Chojni mé chrókjónterá kíxin It'é ch'án mé tja̱ko̱xi̱n ch'án kíxin tí Xje̱en ch'án mé chónta kjua̱cha̱xién tí jehe ch'án ―ichro ch'ín Jesús. 28 A̱ ntá kjuanchankíhi sín ch'án kíxin:―¿Nkexrí chrókjuich'eni chrokjuinchexiteyáni nkexrí tjinkaon Dios? ―ichro sín. 29 A̱ ntá kjuáte̱he ch'ín Jesús ntáchro ch'án kíxin:―Dios mé tjinkaon ch'án kíxin chrókuinkachónkirá tí nkexro tsíchr'án ch'án ―ichro ch'án. 30 Ntá kjuanchankíhi sín ch'án kíxin:―¿Nkehe tí kjuaxroan chrókjuáko̱éxianni chrók'uikonni kíxin ntá chrókuitekaonni tí jaha? ¿Nkehe tí xra̱ ch'e jaha? 31 Tí sín tsík'axrjeníxinni k'uéjó sín ósé mé kjóne sín maná k'óna nio̱tja̱ tió k'uíxin sín nte̱je̱ mé xi̱kaha tí xroon kuènte Dios tsíkjin ijnko nkexro ósé ntáchro kíxin: “Kjuanjon ch'án tí nkehe kjóne sín mé nio̱tja̱ tsíki̱xi̱n nkaya nka̱jní” ―ichro sín. 32 A̱ ntá kjuáte̱he ch'ín Jesús ntáchro ch'án kíxin:―Ijnko nkehe tjetoan tjo̱nka̱rá kíxin jehya ch'ín Moisés kjuanjon tí maná k'óna nio̱tja̱ k'uínkaji̱nxi̱n nkaya nka̱jní. Náhí. T'aná mé tjetjanjon tí nio̱tja̱ chaxín jína k'uínkaji̱nxi̱n nkaya nka̱jní. 33 Tí nio̱tja̱ tjanjon Dios mé tí nkexro k'uínkaji̱nxi̱n nkaya nka̱jní tjejóchónxin chojni chjasintajni ―ichro ch'án. 34 Na ntá kjuanchia sín kíxin:―Jaha Ìnchéni, jnkochríxín chje̱héni tí nio̱tja̱ a ―ichro sín. 35 A̱ ntá ntáchro ch'ín Jesús kíxin:―Janhan mé tí nio̱tja̱ tjanjon kjuachón. Tí sín tóchjina sín tí janhan í ts'enhya sín kjinta, la ko tí sín tsitekaon sín tí janhan í ts'enhya sín nta̱. 36 Kjánchó éxí k'uétjo̱nka̱rá senó na ó k'uíkonrá tí janhan na kjónté na̱xa̱ títekákonhyará. 37 A̱ ntá kaín tí sín chjìna T'aná la tso̱chjina sín tí janhan. A̱ ntá kaín tí sín tjejótóchjinehe sín tí janhan la tsétua̱nhya sín kíxin sátsji sín. 38 Janhan k'uinkaxian nkaya nka̱jní jehya tí xra̱ tóxrjìna chrókjui̱t'a. Náhí. K'uinka kíxin chrókjui̱t'a tí xra̱ tóxrjínhin tí nkexro tsíchr'ánna. 39 A̱ ntá T'aná mé tí nkexro tsíchr'ánna mé tjinkaon ch'án kíxin si̱ntak'itjáyanhya ninkexró tí sín chjìna ch'án na mé tjinkaon ch'án kíxin janhan mé si̱ntaxechón kaín sín tí ya̱on tsjixixín. 40 Mé xi̱kaha tjinkaon tí nkexro tsíchr'ánna kíxin kaín tí sín ts'ikon sín tí janhan mé tí Xje̱en Dios la ko tsitekaon sín tí janhan chrók'uáyéhe̱ sín kjuachón jnkochríxín. A̱ ntá janhan si̱ntaxechón sín tí ya̱on tsjixixín ―ichro ch'án. 41 A̱ ntá tí sín judío kjuankíxin sín kjonta sín tí ch'ín Jesús kíxin tsíntáchro ch'án kíxin jehe ch'án mé tí nio̱tja̱ k'uínkaji̱nxi̱n nkaya nka̱jní. 42 Mé ntáchro sín kíxin:―¿Á jehya tí Jesús, it'é mé it'ín José, na mé chóxinni tí it'é la ko tí ìné ch'án? ¿Ntá nkekuènté ntáchro ch'án kíxin nka̱jní k'uínkaji̱nxi̱n ch'án? ―ichro sín. 43 Ntá kjuáte̱he ch'ín Jesús ntáchro ch'án kíxin:―Ti̱to̱hérá tjóntahyará tí janhan. 44 Kohya nkexro chrókóchjina tí tjén janhan tí chrókjuínki̱tsahya T'aná. A̱ ntá tí sín tóchjina na mé si̱ntaxechón sín tí ya̱on tsjixixín. 45 Na mé tí sín k'uéchrónka itén Dios ósé mé tsíkjin sín xroon ntáchro kíxin: “Dios mé tsja̱ko̱he̱ ch'án kaín chojni.” A̱ ntá kaín tí sín tsíkinhin tí nixja T'aná la ko kjua̱ko̱he̱ ch'án sín mé sítóchjina sín tí tjén janhan. 46 ’Jehya kíxin itjen ijnko chojni tsík'ikon T'aná. Náhí. Jehó tí nkexro kui̱xi̱n tí tjen Dios mé tsík'ikon ch'án Dios. 47 Chaxín tí nkehe tjéxrja̱nka kíxin tí sín titekaon sín tí janhan mé ó tsochónta sín kjuachón jnkochríxín. 48 Janhan na mé tí nio̱tja̱ tjanjon kjuachón. 49 Tí sín k'uaxrjeníxinrá k'uéjó ósé kjóne sín tí maná k'óna nio̱tja̱ tió k'uéjó sín nte̱je̱, a̱ ntá kjónté ik'uén sín k'uítjáyan sín. 50 Tí nkehe xrja̱nka mé tí nio̱tja̱ k'uínkaji̱nxi̱n nkaya nka̱jní, a̱ ntá tí sín sine tí nio̱tja̱ a mé ts'enhya sín. 51 Janhan mé tí nio̱tja̱ tjechón k'uínkaji̱nxi̱n nkaya nka̱jní. A̱ ntá tí sín sine tí nio̱tja̱ a mé ts'ejóchón sín jnkochríxín. Tí nio̱tja̱ tsjánjuan ts'ejóchónxin chojni chjasintajni mé nto̱na tíha ―ichro ch'ín Jesús. 52 A̱ ntá tí sín judío mé sítjité sín itjo sín kíchó sín ntáchro sín kíxin:―¿Nkexrí chrókjuanjon ch'án nto̱e ch'án chrókjóneni? ―ichro sín. 53 A̱ ntá kjuáte̱he ch'ín Jesús ntáchro ch'án kíxin:―Ntá tso̱tjo̱nka̱rá kíxin tí sintehyará nto̱e tí Xje̱en Dios K'óna Chojni, la ko tí ts'ihyará ijni̱é ch'án, ntá tsochontahyará kjuachón jahará. 54 Tí sinterá nto̱na la ko it'irá jni̱na ntá tsochontará kjuachón jnkochríxín la ko janhan mé si̱ntaxechónrá tí ya̱on tsjixixín. 55 Kíxin nto̱na na mé chaxín nkehe ine chojni la ko jni̱na na mé chaxín nkehe it'i chojni. 56 Tí sín ine nto̱na la ko it'i sín jni̱na mé jnkoko̱á tjenka̱yáxinkian sín la ko janhan mé xríki̱an sín. 57 T'aná tsíchr'án ch'án tí janhan mé chónta kjuachaxin, a̱ ntá janhan mé tjécho̱nxian tí jehe ch'án. Ntá tí sín sine tí nto̱na mé ts'ejóchónxin sín tí janhan. 58 A̱ ntá tjéníxja̱ kuènte tí nio̱tja̱ k'uínkaji̱nxi̱n nkaya nka̱jní na mé yóe̱hya tí maná tsík'óna nio̱tja̱ kjóne tí sín tsík'axrjeníxinrá ósé kíxin jehe sín na kjóne sín na kjónté k'uén sín. A̱ ntá tí sinterá tí nio̱tja̱ k'uínkaji̱nxi̱n nkaya nka̱jní ntá ts'ejochónrá jnkochríxín ―mé chro ch'ín Jesús. 59 Kaín tíha mé kjua̱ko̱he̱ ch'án tí sín tsíkójnkotséxin tí ni̱nko Israel chjasin Capernaum.

Tí nkehe chrónka ch'ín Jesús mé tjanjon kjuachón jnkochríxín

60 A̱ ntá tió kuínhin sín tí nkehe kjuako ch'ín Jesús ntá itsjé tí sín k'uájiko ch'án ntáchro sín kíxin:―Imá xra̱ tí nkehe chrónka ch'án. ¿Xá nkexro chrókuinhin tíha? ―ichro sín. 61 A̱ ntá kónohe ch'ín Jesús kíxin xi̱kaha tóxakonhen sín kíenxínhya sín tí nkehe tsíntáchro ch'án ntá kjuanchankíhi ch'án sín kíxin:―¿Á kja̱xinrá tjinkákonhyará tsinhínrá tíhi? 62 ¿Ntá nkexrí tso̱nhen chrók'uikonrá kíxin tí Xje̱en Dios K'óna Chojni mé sátsji̱ ch'án ínaá tí nó tsíki̱xi̱n ch'án tí tsíkjak'e ch'án ósé? 63 Tí Ncha̱kuen Dios mé tjanjon tí kjuachón, a̱ ntá tí nto la ninkehó sínkíhya. Na ntá tí nkehe tjétjo̱nka̱rá na mé kuènte tí Ncha̱kuen Dios na mé tjejóchónxin chojni. 64 Kjánchó isorá na̱xa̱ títekákonnahyará ―ichro ch'án.Mé xi̱kaha ichro ch'án kíxin tí xrankíxixín ó kónohe ch'án kíxin nkexro tí sín tsitekakuenhya sín ch'án la ko kónohe ch'án kíxin nkexro sinchekji ch'án. 65 A̱ ntá ntáchro ch'án kíxin:―Méxra̱ xi̱kaha k'uétjo̱nka̱rá kíxin ninkexró tso̱chjina tí tjén janhan tí tsjinki̱tsahya T'aná ―ichro ch'án. 66 A̱ ntá kjuixin tíha ntá nchónhya tí sín k'uék'ajiko ch'ín Jesús ntá xrína̱hya kuíto̱he sín, í chrèhya sín ch'án. 67 Ntá kjuanchankíhi ch'án tí teyó sín k'uájiko ch'án ntáchro ch'án kíxin:―¿Á kja̱xinrá tjinkáonrá xi̱kaha sáchrókjuirá? ―ichro ch'án. 68 Ntá kjuáte̱he ch'ín Simón Pedro kíxin:―Jaha Ìnchéni, ¿nkekuènté tjanchankíhíni á sáchrókjuini ókjé? Jaha tí tan chro̱nka a mé tsochóntaxínni kjuachón jnkochríxín 69 ntá kuítekaonni ntá ó noheni chaxín kíxin jaha tí Cristo mé Xje̱en Dios tjechón ―ichro ch'án. 70 Ntá kjuáte̱he ch'ín Jesús ntáchro ch'án kíxin:―Janhan kjuéyá tí kaín rá teyórá la ko jnkojínrá ntihi mé ts'ónará ijnko jínahya ―ichro ch'án. 71 Tíha mé t'axrjexín tí ntáchro ch'ín Jesús chrónka ch'án kíxin ch'ín Judas Iscariote, tíha it'é mé it'in Simón, mé ijnko tí teyó sín tsíkjeyá ch'án ntá kjónté sinchekji ch'án tí ch'ín Jesús.

7

Tí sín jnkoko̱á kíchó ch'ín Jesús mé kuítekakuenhya sín ch'án

1 Ntá kjuixin tíha ntá k'uáji ch'ín Jesús tí estado Galilea. Chrók'uajihya ch'án tí estado Judea kíxin tí sín judío tjinkaon sín chrók'óyán sín ch'án. 2 Kjánchó ó kuichjina tí ya̱on kia ntá tí sín judío sich'éna sín itsjé its'van tsjasixín sín kia. 3 A̱ ntá tí sín kíchó ch'ín Jesús ntáche sín ch'án kíxin:―Chrókuito̱ahya ntihi. Sáchrókjuia estado Judea kíxin ntá kja̱xin tí sín chréhe̱ tí jaha tjejó ntiha chrók'uikon sín tí kjuaxroan tsjásian. 4 Kíxin tió tjinkaon ijnko nkexro kíxin chojni tsochóxin sín ch'án ntá móhya chrókjuich'e ch'án xra̱. A̱ ntá tí chaxín tjetjásian kjuaxroan la jehya mó chrókjuásian kjuaxroan. Náhí. Chrók'uikon kaín xín chojni siín chjasintajni ―mé chro sín. 5 Xi̱kaha ntáchro tí sín kíchó ch'án kíxin kja̱xin jehe sín titekakuenhya sín tí jehe ch'án. 6 A̱ ntá kjuáte̱he ch'ín Jesús ntáchro ch'án kíxin:―Na̱xa̱ kjuixrakáhya tí hora kuènta̱na tsjásian kjuaxroan. Ntá jahará la cualquier hora tjinkáonrá jína chrók'uikonrá kjuaxroan. 7 Tí sín chjasintajni xitjahya tso̱nínkakonhanrá sín tí jahará. Ntá janhan na imá nínkakonna sín kíxin ntátjan sín kíxin jehya jína tí nkehe tjejóch'e sín. 8 Jahará la sátjírá tí kia a. A̱ ntá janhan la tjíhya kíxin na̱xa̱ kjuixrakáhya tí hora kuènta̱na ―ichro ch'án. 9 Mé xi̱kaha ntáchro ch'án ntá kuíto̱he ch'án estado Galilea.

Itjen ch'ín Jesús tí kia a

10 A̱ ntá ó kjuixin sátsíkji̱ tí sín jnkoko̱á kíchó ch'ín Jesús ntá jehe ch'án la kja̱xin sákjui̱ ch'án tí kia a kjánchó noxínhya xritjak'e ch'án. 11 A̱ ntá tí sín judío mé xriteyá sín ch'án tí kia a la ntáchro sín kíxin:―¿Xá nketí tjen tí ch'ín a? ―ichro sín. 12 A̱ ntá itsjé sín ntiha mé kjo sín kíchó sín kíxin nkexrí tjen ch'án. Iso sín ntáchro sín kíxin: “Jína ch'án”; kjánchó í so sín ntáchro sín kíxin: “Jehya chojni jína ch'án, méxra̱ imá ch'iyehe ch'án chojni”, ichro sín. 13 Kjánchó noxínhya kjo sín xi̱kaha kíxin chrako̱nhe̱n sín tí sín judío a. 14 A̱ ntá ó kjuíji jnko̱siné tí kia a ntá k'uíxenhen ch'ín Jesús tí ni̱nko jié ntá kjuankíxin ch'án kjuako ch'án. 15 A̱ ntá tí sín judío chrakon sín komá sín ch'án ntáchro sín kíxin:―¿Xá nkexrí nohe tí ch'ín i nchónhya tí nkehe kíxin tsíxrako̱e̱hya ch'án? ―ichro sín. 16 Ntá kjuáte̱he ch'ín Jesús ntáchro ch'án kíxin:―Tí nkehe tjàkua la jehya kuènta̱na na mé tí xra̱ kuènte tí nkexro tsíchr'ánna k'uinka. 17 Tí jnkojinrá tjinkáonrá chrókjui̱nchexiteyéhérá éxí tóxrjínhi̱n Dios la tso̱nohará á chaxín kuènte Dios tí nkehe tjàkua o̱ á kuènta̱na tíha. 18 A̱ ntá tí nkexro tjako tí nkehe t'axrjeníxin kja sín ó mé xi̱kaha ch'e kíxin tjinkaon sín kíxin tí chojni ó mé chróchóntehe sín ch'án kjuasáya. A̱ ntá tí nkexro tjinkaon kíxin tí chojni a mé chrókjuikosáyehe sín tí nkexro tsíchr'án ch'án na mé jehe ch'án mé tjako ch'án tí nkehe chaxín ntoá la ko ninkehó ch'iyahya tí jehe ch'án. 19 ’¿Á jehya ch'ín Moisés tjáhará tí itén Dios chrókuítekáonrá? Kjánchó nijnkorá kuítekákuenhyará tí nkehe tsíkjin ch'án. ¿Méxra̱ nkekuènté tjinkáonrá chrók'oyánrá tí janhan? ―ichro ch'án. 20 Ntá kjuáte̱he tí sín a ntáchro sín kíxin:―Jaha chonta ijnko ncha̱kuen tí jínahya. ¿Xá nkexro chrók'óyán tí jaha? ―ichro sín. 21 Ntá kjuáte̱he ch'ín Jesús ntáchro ch'án kíxin:―Jnkoko̱á kjuaxroan kjuásian tí ya̱on t'o̱k'éheni ntá chrakonrá. 22 A̱ ntá ch'ín Moisés tsík'e̱to̱an kíxin xja̱anrá ntoa itsa xjan xro̱ye, (kjánchó jehya ch'ín Moisés kjuankíxin ch'án kjuako ch'án tíha, na mé tí sín tsík'axrjeníxinrá kjuankíxin sín kjuako sín tíha). Mé xi̱kaha nchekará xjan tí xro̱ye a kjónté ya̱on t'o̱k'éheni. 23 A̱ ntá xi̱kaha nchekará xjan xro̱ye tí ya̱on t'o̱k'éheni kíxin xi̱kaha chrókjui̱nchek'itjáyankíhyará ninkehó tí nkehe k'ue̱to̱an ch'ín Moisés, ¿ntá nkekuènté kíxin ninkákonnará tí janhan kíxin kjui̱ntaki̱to̱ha̱ jína ijnko chojni tí ya̱on t'o̱k'éheni? 24 Chrókjuanchahyará jie̱ kíxin tí nkehe t'ikonxínrá ikonrá ó. Chrókjuenka̱yáxinrá tí nkehe jína tóxrjínhi̱n Dios ―mé chro ch'ín Jesús.

Ch'ín Jesús chrónka kíxin nketí k'uaxrjeníxin ch'án

25 A̱ ntá iso sín chjasin Jerusalén kjuankíxin sín kjo sín kíchó sín kjuanchankí sín kíxin:―¿Á jehya tí ch'ín a xritjeyá sín chrók'óyán sín? 26 Ntá jie noxín tjen ch'án nixja ch'án kohya ninkexró nínkakonhen ch'án. Kjá tí síxre̱é titekaon sín kíxin tí nkexro a chaxín Cristo tíha. 27 Kjánchó ó noheni nketí tsíkji̱xi̱n ch'án. A̱ ntá tió tsi tí nkexro Cristo ntá ninkexró tso̱noehya nketí tsi̱xi̱n ch'án ―ichro sín. 28 A̱ ntá ch'ín Jesús kjuák'ekjako ch'án tí ni̱nko jié ntá kuínhin ch'án kíxin xi̱kaha kjo sín, ntá itsen nixja ch'án ntáchro ch'án kíxin:―Chaxín choxinrá tí janhan la ko nohará nketí chjasin tsíkjíxian. Kjánchó jehya kíxin k'uinka si̱ntaxiteyá tí nkehe ntáchro a̱senná ó. Ó k'uinka kíxin ichr'ánna tí nkexro chaxín tjechón tjen nkaya nka̱jní. Jahará na̱xa̱ chonhyará tí nkexro a. 29 Janhan la choxian ch'án kíxin ntaha tsík'inkaxian na mé jehe ch'án mé tsíchr'ánna ch'án ―ichro ch'ín Jesús. 30 Ntá chrótsé sín ch'án chrókjua̱k'e̱chji̱na sín ch'án ntá kjónté ninkexró tséhya sín ch'án kíxin na̱xa̱ kjuanjonhya Dios kjuachaxin chrótsé sín ch'án. 31 Kjánchó itsjé chojni kuítekaon sín tí jehe ch'án. A̱ ntá ntáchro sín kíxin:―A̱ ntá tió chrókui tí Cristo la, ¿á má jié kjuaxroan chrókjuasin ch'án, a̱ ntá tí ch'ín i la kénhyó ní? ―ichro sín.

Tí sín fariseo ichr'án sín chojni policía tsotsé sín tí ch'ín Jesús

tsja̱k'e̱chji̱na sín ch'án 32 A̱ ntá tí sín fariseo kuínhin sín nkehe tí ntáchro chojni kíxin nkexrí tjen ch'ín Jesús, ntá jehe sín la ko tí sín ncha̱t'á t'e̱to̱an k'ue̱tue̱nhen sín iso sín policía kuènte ni̱nko tsotsé sín ch'án tsja̱k'e̱chji̱na sín ch'án. 33 A̱ ntá ntáchro ch'ín Jesús kíxin:―Kja̱xin í séhya tsjak'é ntihi ts'ejóni ntá sáxikji̱ya tí tjen tí nkexro ichr'ánna. 34 A̱ ntá jahará tsjéyárá tí janhan na ts'itjahyará kíxin xitjahya tsjasánrá tí tsjak'é janhan ―ichro ch'án. 35 A̱ ntá tí sín judío kjuankíxin sín kjuanchankíhi sín kíchó sín kíxin:―¿Ntá nketí nó sátsji̱ ch'án kíxin tsjachahyani ts'itjani ch'án? ¿Xá sátsjichréhe̱ ch'án tí sín judío tjejóyákjan tí sín nixja nkìva griego kíxin ntá tsja̱ko̱he̱ ch'án tí sín griego? 36 ¿Nkexrí t'axrjexín tí nkehe ntáchro ch'án kíxin tsjeyáni ch'án na kjónté ts'itjahyani ch'án la tsjachahyani tsjichréhe̱ni ch'án tí tsjak'e ch'án? ―ichro sín.

Nta̱río tjechón

37 A̱ ntá tí ya̱on tsjixixín tí kia a mé tí ya̱on jié mé k'uínkatjen ch'ín Jesús, a̱ ntá itsen nixja ch'án ntáchro ch'án kíxin:―Kja̱ tí jnkojínrá ik'uénrá nta̱ xrákirá its'irá nta̱. 38 A̱ ntá éxí ntáchro xroon Itén Dios kíxin tí sín titekaon sín tí janhan na mé nkaya a̱sén sín ts'óna ijnko río ts'axrje ìnta̱ tjechón ―ichro ch'án. 39 Mé xi̱kaha chrónkaxín ch'ín Jesús nkexrí tjen tí Ncha̱kuen Dios ts'áyéhe̱ tí sín tsitekaon sín tí jehe ch'án. Kjánchó na̱xa̱ tihya tí Ncha̱kuen Dios kíxin ch'ín Jesús na̱xa̱ sátji̱hya ch'án nkaya nka̱jní.

Jnkoko̱áhya kjuenkayáxin tí chojni

40 A̱ ntá iso sín tió kuínhin sín tí nkehe ntáchro ch'ín Jesús ntá ntáchro sín kíxin:―Kja̱ chaxín tí ch'ín i mé tí profeta ó tsíkji ―ichro sín. 41 Ikjé sín ntáchro sín kíxin:―Jehe ch'án mé tí nkexro Cristo ―ichro sín.A̱ ntá í so sín ntáchro sín kíxin:―¿Xá nkekuènté chrókjui̱xi̱n Galilea tí nkexro Cristo? 42 Tí xroon tsíkjin sín ósé mé chrónka kíxin tí nkexro Cristo mé ts'axrjeníxin tí sín k'uaxrjeníxin tí ch'ín rey David la ko tsji̱xi̱n ch'án chjasin Belén mé tí chjasin k'uékjak'e ch'ín David ―ichro sín. 43 Mé xi̱kaha jnkoko̱áhya kjuenka̱yáxin sín kaín sín kíxin nkexro tí ch'ín Jesús. 44 Iso sín tjinkaon sín sáchrókjuiko sín ch'án chrókjuikjehe̱ sín ch'án kjánchó ninkexró kjuích'ehya xi̱kaha.

Tí síxre̱é kuítekakonhya sín tí ch'ín Jesús

45 A̱ ntá tí sín policía kuènte ni̱nko mé kjan sín tí tjejó tí sín fariseo la ko tí sín ncha̱t'á t'e̱to̱an. Ntá tí sín a mé kjuanchankíhi sín tí sín policía kíxin:―¿Nkekuènté kjuíkoahyará ch'án? ―ichro sín. 46 Ntá kjuáte̱he tí sín policía kíxin:―Kohya ninkexró nixja éxí xi̱kaha nixja tí ch'ín a ―ichro sín. 47 Ntá ntáche tí sín fariseo tí sín policía kíxin:―¿Á kja̱xinrá kui̱to̱hérá kjuít'ayahará ch'án? 48 ¿Á kuítekaon tí jehe ch'án jnkojín tí sín t'e̱to̱an kuènténi o̱ tí sín fariseo? 49 A̱ ntá tí sín a mé chónhya sín tí ley na mé tsjasóte sín ―ichro sín. 50 A̱ ntá tí ch'ín Nicodemo, tí ch'ín kjuítsjehe tí ch'ín Jesús ijnko tie senó na mé jehe ch'án fariseo ch'án na ntá ntáche ch'án sín kíxin: 51 ―Tí ley kuènténi la kohya kjuachaxin sinchekjasóteni ijnko chojni tí na̱xa̱ kíenhyani nkehe nixja ch'án la ko kíenhyani tí jie̱ kjuasin ch'án ―ichro ch'án. 52 Ntá kjuáte̱he sín ntáchro sín kíxin:―¿Á kja̱xian jaha kjuíxian estado Galilea ní? Nchekuáxian tí xroon itén Dios ntá tso̱noha kíxin nijnko tí sín k'uéchrónka itén Dios tsíkji̱xi̱nhya sín tí estado Galilea ―ichro sín.

Ijnko tjan kjuasin jie̱ chónta ókjé chojni ntoa

53 Ntá jnkojnko tí sín xíka sín sákjuí sín nto̱e sín.

8

1 Ntá ch'ín Jesús mé sákjui̱ ch'án tí jna̱ Olivo. 2 Ntá tí kóya̱on nchítjen ikjan ch'án k'uíxenhen ch'án tí ni̱nko jié a la ko kaín xín tí chojni mé kóchjinehe sín ch'án. Ntá kjuák'etja̱xi̱n ch'án kjuankíxin ch'án kjuako ch'án. 3 Ntá tí sín tjako tí ley la ko tí sín fariseo mé kjui̱ka̱o sín ijnko tjachjin kónoxíxin kíxin chónta tjan ókjé chojni ntoa. Ntá kjua̱k'e̱ sín tjan jnko̱siné tí sín tjejó ntiha. 4 Ntá ntáche sín tí ch'ín Jesús kíxin:tí tjan i kónoxíxin kíxin kjuasin tjan jie̱ chónta tjan ókjé chojni ntoa. 5 A̱ ntá tí ley tsíkjin ch'ín Moisés mé t'e̱to̱an kíxin ixro̱ chrók'óyánxinni tí chojni chjin xi̱kaha ch'e. ¿A̱ ntá jaha, nkechrua? ―ichro sín. 6 Mé xi̱kaha ichro sín kíxin tjinkaon sín kíxin ách'e ntoáhya chrókjuate̱he ch'ín Jesús ntá chrókjuanchia sín jie̱. Ntá ch'ín Jesús mé k'uísén ch'án kji̱nxi̱n ch'án dedo tja ch'án nonte a. 7 Ntá na̱xa̱ tinkákjanchankíhi sín ch'án. Ntá k'uínkatjen ch'án k'ue̱to̱an ch'án kíxin:nkexro tí tjejorá ntihi chóntahya ninkehó jie̱ mé sa̱oxín chróchjéhe sín tjan xro̱ ―ichro ch'án. 8 Ntá xík'isén ch'án ínaá ikjin ch'án tí nche ínaá. 9 Ntá tí sín a mé kuínhin sín tí nkehe k'ue̱to̱an ch'ín Jesús ntá kósuèhe̱ sín kíxin koí sín chónta sín jie̱, ntá jnkojnko jnkojnko sín, sásítji sín na mé sa̱oxín tí ch'ín a̱ntsí má táda ch'án sákjuí ch'án, ntá kaín tí sín í so a sákjuí sín kja̱xin sín.jehó tí ch'ín Jesús la ko tí tjan a kuíto̱he sín ntiha. 10 Ntá xrentoá ch'án la kjuanchankíhi ch'án tjan kíxin:tí sín kjuanchia jie̱? ¿Á kohya ninkexró kjuínchekjasótiahya ní? ―ichro ch'án. 11 Ntá ntáchro tjan kíxin:Ìnchéni, ninkexró ―ichro tjan.ntáchro ch'ín Jesús kíxin:janhan si̱ntakjasótiahya. Sátjia la í tjásinhya jie̱ ínaá ―ichro ch'án.

Ch'ín Jesús mé xrohi t'inkaséyanxín chjasintajni

12 Ntá ch'ín Jesús xínixje̱he̱ ch'án tí sín tsíkóchjina ínaá ntáchro ch'án kíxin:mé xrohi t'inkaséyanxín chjasintajni. Tí tsochréhérá tí janhan ntá ts'ajirá tí t'inkaséyan tsochontaxínrá tí kjuachón a la ko í ts'ajihyará tí sítié a ―ichro ch'án. 13 Ntá tí sín fariseo ntáchro sín kíxin:tjechro̱nka nkexrí tjen jaha na mé chaxínhya tíha kíxin jahvá tjechro̱nka ―ichro sín. 14 Ntá kjuáte̱he ch'ín Jesús ntáchro ch'án kíxin:tjétjo̱nka̱rá nkexrí tjén na kjónté chaxín xrja̱nka kíxin ó nòna nketí nó k'uinkaxian la ko nòna nketí sátsjiyá. A̱ ntá jahará noahyará nketí k'uinkaxian la ko noahyará nketí sátsjiyá. 15 Jahará la éxí chojni chjasintajni ó tékará jie̱. A̱ ntá janhan la tékahya jie̱ ninkexró. 16 Kjánchó ntoá chrókjui̱ntakito̱axián iji̱é chojni kíxin jehya janhván t'a̱ tíha, T'aná tjéki̱an, na mé tí nkexro k'ue̱tua̱nna k'uinka ntihi na mé jehe ch'án mé tjéki̱an ch'án ntihi ntakito̱axínkian iji̱é chojni. 17 A̱ ntá tí ley tsíkjin ch'in Moisés mé ntáchro kíxin tí tso̱noxín iyó sín tsochrónka á chaxín xi̱kaha tsíkónhen ntá chrókuitekaon chojni. 18 Ntá janhan na mé tjéxrja̱nka nkexrí tjén janhan la ko kja̱xin T'aná mé tí nkexro k'ue̱tua̱nna k'uinka mé jehe ch'án kja̱xin chrónka ch'án nkexrí tjén janhan ―ichro ch'án. 19 Ntá kjuanchankíhi sín ch'án kíxin:tjen It'á? ―ichro sín.kjuáte̱he ch'ín Jesús ntáchro ch'án kíxin:la chonhyará tí janhan la ko kja̱xin chonhyará T'aná. Tí chrókóchoxinrá tí janhan ntá kja̱xin chrókóchoxinrá tí T'aná ―ichro ch'án. 20 Mé xi̱kaha chro ch'ín Jesús tí kjuák'ekja̱ko̱xi̱n ch'án tí ni̱nko jié chjino ntacajón tjetóxroyéya chichaon tjanjon sín. Kjánchó ninkexró tséhya sín ch'án kíxin na̱xa̱ kjuixrakáhya tí hora tsotsé sín ch'án.

“Xitjahya tsjasánrá tí nó sátsjiyá janhan”

21 Ntá ch'ín Jesús ntáche ch'án sín ínaá kíxin:―Ntá sátsjiyá janhan. Ntá jahará tsjéyárá tí janhan, ntá tió ts'énrá na̱xa̱ yamárá iji̱árá. Xitjahya tsjasánrá tí nó sátsjiyá janhan ―ichro ch'án. 22 Ntá ntáchro tí sín judío ikjo sín kíchó sín kíxin:―¿Á ts'óyán ch'án a̱sén ch'án kíxin xi̱kaha ntáchro ch'án kíxin xitjahya tsjijini tí nó sátsji̱ ch'án? ―ichro sín. 23 Ntá ntáche ch'ín Jesús tí jehe sín kíxin:la nonte ntihi k'uaxrjéníxinrá. A̱ ntá janhan la nkaya nka̱jní k'uaxrjéníxia̱n. Jahará la kuènte chjasintajni ntihi. A̱ ntá janhan la janhya kuènte chjasintajni. 24 Mé xi̱kaha tjo̱nka̱rá kíxin tió ts'énrá na̱xa̱ tsochontará iji̱árá kíxin tí tsítekákonhyará tí janhan, mé tí nkexro xráxín tjen, ntá kjónté ts'énrá na̱xa̱ tsochontará tí iji̱árá ―ichro ch'án. 25 Ntá kjuanchankí sín ntáchro sín kíxin:tí jaha? ―ichro sín.kjuáte̱he ch'ín Jesús ntáchro ch'án kíxin:xrankíxixín kjuankíxian tjo̱nka̱rá kíxin nkexro tí janhan. 26 Itsjé nkehe chonta chróntáxrja̱n kíxin chrókjui̱ntakito̱axián tí jie̱ chontará. Kjánchó tí nkexro k'ue̱tua̱nna k'uinka na mé tí nkehe chrónka ch'án la chaxín. A̱ ntá jehó tí nkehe kui̱nha̱n chrónka ch'án mé tjáko̱ha̱ tí sín chjasintajni ―ichro ch'án. 27 Kjánchó jehe sín mé kíenxínhya sín kíxin nixja ch'án kuènte It'é ch'án tjen nkaya nka̱jní. 28 A̱ ntá ntáchro ch'án kíxin:si̱nchek'i̱t'ótjenrá noi tí Xje̱en Dios K'óna Chojni, ntá tso̱nohará kíxin janhan mé tí nkexro xráxín tjen. Ntá tso̱nohará kíxin jehya janhan této̱an tí xra̱ tjét'a̱. Náhí. Jehó tí nkehe kjua̱ko̱na T'aná mé tjétjàkua. 29 Tjéki̱an tí nkexro k'ue̱tua̱nna k'uinka kíxin jehí xráxín T'aná la kuíto̱nahya janhván kíxin xráxín nta̱xiteyáha̱ tí nkehe tóxrjínhi̱n ch'án ―ichro ch'án. 30 Mé xi̱kaha ntáchro ch'án ntá nchónhya chojni kuítekaon sín tí jehe ch'án.

Nkexrí tjejó tí sín xje̱en Dios la ko nkexrí tjejó tí sín chrokjuahya tsíto̱he

sín iji̱é sín 31 Ntá nixje̱he̱ ch'ín Jesús tí sín judío kuinkáchónki sín ch'án ntáchro ch'án kíxin:tsi̱to̱éhyará tí tan kjuákohará ntá jahará chaxín discípulo kuènta̱na 32 la ko tsjátso̱anrá tí nkehe chaxín, la ko tí nkehe chaxín mé tsotjáhará kjuachaxin tsaáxinrá, a̱ ntá tso̱kohya nkehe ts'inkákonhe̱n ―ichro ch'án. 33 Ntá kjuáte̱he sín ntáchro sín kíxin:mé tsík'axrjeníxinni ch'ín Abraham na í xráxín kohya nkexro k'ue̱na tí jeheni. ¿Nkekuènté ntáchrua jaha kíxin ts'áyéhe̱ni kjuachaxin tsaáxinni? ―ichro sín. 34 Ntá ntáchro ch'ín Jesús kíxin:tí nkehe tjétjo̱nka̱rá kíxin tí sín tjasin jie̱ mé éxí chojni k'uíná chrokjuahya tsito̱he sín iji̱é sín. 35 A̱ ntá ijnko chojni k'uíná la jnkochríxínhya tsjak'e ch'án tí nto̱e tí nkexro a. A̱ ntá tí xje̱en tí nkexro na mé jnkochríxín tsito̱he ntiha. 36 Ntá tí tsaáxinrá tí Xje̱en Dios ntá chaxín tsochontará kjuachaxin, a̱ ntá tso̱kohya nkehe ts'inkákonhe̱n. 37 Ó nòna kíxin jahará tsík'axrjeníxinrá ch'ín Abraham. Kjánchó tjinkáonrá chrók'oyánrá tí janhan kíxin títekákonhyará tí nkehe tjéxrja̱nka. 38 Janhan xrja̱nka tí nkehe k'uíkua̱n kíxin nkexrí tjen T'aná. A̱ ntá jahará tjejonchexiteyéhérá tí nkehe kuínhínrá chrónka it'árá ―ichro ch'án. 39 A ntá jehe sín kjuáte̱he sín ntáchro sín kíxin:mé ch'ín Abraham ―ichro sín.ntáchro ch'ín Jesús kíxin:ntá tí jahará chrókóchaxín xje̱en ch'ín Abraham ntá chrókjui̱ch'erá éxí kjuích'e ch'án. 40 A̱ ntá tjétjo̱nka̱rá tí tan chaxín kui̱nha̱n chrónka Dios na kjónté chrók'oyánrá tí janhan. A̱ ntá ch'ín Abraham xi̱kahya kjuích'e ch'án. 41 Jahará tjejoch'erá éxí kjuích'e it'árá ―ichro ch'án.ntáchro sín kíxin:k'ónamá tí jeheni. Náhí. Chóntani jnkoko̱á It'éni mé Dios ―ichro sín. 42 Ntá ntáche ch'ín Jesús tí jehe sín kíxin:chrókóchaxín kíxin Dios mé It'árá la ntá chrótjua̱nará kíxin janhan kja̱xin k'uaxrjeníxinna Dios k'uinkaxian tí tjen ch'án. Jehya kíxin janhván k'uinka. Náhí. Dios mé ichr'ánna k'uinka. 43 ¿Nkekuènté kíxin tiénxinhyará tí nkehe tjo̱nka̱rá? Jehí tjinkákonhyará chrókuinhínrá tí nkehe xrja̱nka. 44 Jahará mé xje̱en Tsochren la ko jahará tsík'axrjeníxinrá ch'án la ko tjinkáonrá si̱nchexiteyárá tí nkehe tjinkaon ch'án. Tsochren mé xrankíxixín kjuaya ch'án. Nunca k'uénixja ch'án ntoá. Xráxín ch'ia ch'án kíxin xi̱kahó tjenka̱yáxin ch'án. Jehe ch'án mé it'é kaín tí kjuach'ia. 45 A̱ ntá janhan tjétjo̱nka̱rá nkehe ntoá ntá títekákonnahyará. 46 ¿Á tjejorá jnkojínrá nohará nkerí jie̱ kjuásian janhan? A̱ ntá tí ntáxrja̱n tí nkehe ntoá, ¿ntá nkekuènté títekákonnahyará? 47 Tí sín tinkáchónki Dios mé tjinkaon sín chrókuinhin sín itén Dios. A̱ ntá jahará la tinkachónkihyará Dios ntá tjinkákonhyará chrókuinhínrá itén ch'án ―ichro ch'ín Jesús.

Cristo la ó xráxín tjen ntá chr'éxi̱n kjuák'e ch'ín Abraham

48 A̱ ntá tí sín judío ntáche sín tí ch'ín Jesús kíxin:ntoá ntáchroni kíxin jaha mé ijnko chojni samaritano la ko chonta ijnko ncha̱kuen tí jínahya ―ichro sín. 49 Ntá kjuáte̱he ch'ín Jesús ntáchro ch'án kíxin:chontahya ninkehó ncha̱kuen tí jínahya. Tí xra̱ t'a̱ mé tjikosáya̱ha̱ T'aná. Ntá jahará mé chontahyará kjuasáyé tí janhan. 50 Janhan na tjéyáhya nkexro tsjikosáyana. Kjánchó itjen ijnko nkexro tjinkaon ch'án chrókjuikosáyana chojni, a̱ ntá jehe ch'án mé tsjanchia jie̱ tí sín kuítekakonhya. 51 Imá tjetoan tí nkehe tjétjo̱nka̱rá kíxin tí tsítekáonrá tí nkehe tjàkua la í ts'énhyará ―ichro ch'án. 52 Ntá kjuáte̱he tí sín judío ntáchro sín kíxin:ó noheni kíxin chaxín chonta ijnko ncha̱kuen tí jínahya. Ch'ín Abraham la ko kaín tí sín k'uéchrónka itén Dios ósé la mé ik'uén sín. Ntá jaha ntáchrua kíxin tí tsitekaonni tí nkehe tjàkua jaha ntá í ts'enhyani, ichrua. 53 ¿Xá imá této̱an jaha la ntá kánhyó t'e̱to̱an it'éni Abraham? Jehe ch'án la ik'uén ch'án la ko kja̱xin ik'uén tí sín k'uéchrónka itén Dios ósé. ¿Xá nkexro tí jaha, ichrua? ―mé chro sín. 54 Ntá kjuáte̱he ch'ín Jesús ntáchro ch'án kíxin:chrókjuíkosáya̱ha̱ a̱senná na mé sínkíhya tíha. A̱ ntá T'aná mé tjikosàyana ch'án na ntá jahará ntáchrorá kíxin jehe ch'án mé Dios kuèntárá. 55 Kjánchó chonhyará ch'án. A̱ ntá janhan choxian ch'án. Tí chróntáxrja̱n kíxin janhan chonhya ch'án ntá chrókóyòna tí jahará chrókjui̱t'ayahará. Kjánchó janhan na choxian ch'án la ko nta̱xiteyáha̱ tí nkehe t'e̱to̱an ch'án. 56 Ch'ín Abraham tí nkexro tsík'axrjeníxinrá la imá kóchéhe̱ ch'án kíxin ts'ikon ch'án tí ya̱on ts'inka janhan. Ntá ó kjuixin k'uíkon ch'án ntá kóchéhe̱ ch'án ―ichro ch'án. 57 A̱ ntá tí sín judío ntáche sín tí ch'ín Jesús kíxin:na̱xa̱ chontahya cincuenta nánó, ¿na ntá nkekuènté ntáchrua kíxin ó k'uíkuan tí ch'ín Abraham? ―ichro sín. 58 Ntá kjuáte̱he ch'ín Jesús ntáchro ch'án kíxin:tjetoan tí nkehe tjétjo̱nka̱rá kíxin na̱xa̱ kohya ch'ín Abraham mé xráxín itjén janhan ―ichro ch'án. 59 Ntá kuákja sín xro̱ chróchjéhe sín tí ch'ín Jesús. Kjánchó kjuák'emá ch'án ni̱nko ntá chr'éxi̱n k'uaxrjexín ch'án ntiha. K'uátsínka ch'án jnko̱siné tí tjejó sín sákjuí ch'án.

9

Ch'ín Jesús kjuínchekito̱he jína ijnko ch'ín tsíkokjíexín t'ikonhya ch'án

1 K'uátsínka sín ijnko nti̱a ntá k'uíkon ch'ín Jesús ntiha tjen ijnko ch'ín tsíkokjíexín t'ikonhya ch'án. 2 Ntá tí sín k'uájiko ch'ín Jesús kjuanchankíhi sín ch'án kíxin:¿Nkekuènté tsíkokjíexín ch'án t'ikonhya ch'án? ¿Á iji̱é it'é o̱ ìné ch'án o̱ á iji̱é ch'án? ―ichro sín. 3 Ntá kjuáte̱he ch'ín Jesús ntáchro ch'án kíxin:iji̱é ch'án la ko jehya iji̱é it'é la ko ìné ch'an. Náhí. Jehí xi̱kaha tsíkónhen ch'án kíxin tí kjua̱cha̱xién Dios tsja̱ko̱xi̱n kíxin tsito̱exín ch'án jína. 4 Na̱xa̱ ncha̱kotjin t'ichjánxi̱n si̱t'a tí xra̱ tjinkaon tí nkexro tsíchr'ánna. Ntá ts'ixin tie ntá kohya ninkexró tsjacha sich'e xra̱. 5 Na̱xa̱ itjén janhan mé ntihi chjasintajni na mé janhan xrohi t'inkaséyanxín tí chjasintajni ―ichro ch'án. 6 Ntá ó kjuixin ntáchro ch'án tíha ntá kui̱ki̱te ch'án nta̱ten ch'án intsí nche k'óna nche̱t'o̱ ntá kuátematóxin ch'án ikon tí ch'ín t'ikonhya. 7 Ntá k'ue̱tue̱nhen ch'án tí ch'ín t'ikonhya kíxin:tí pila tjiá nta̱ it'in Siloé t'ontia kuan ―ichro ch'án. (A̱ ntá tí ihni̱é Siloé mé t'axrjexín nkíve̱e sín kíxin K'uítuenhen.)sákjuí tí ch'ín t'ikonhya k'ónti ch'án ikon ch'án ntá kjan ch'án k'uíkon ch'án. 8 Ntá tí sín nto̱e chjinaxón nto̱e ch'án la ko tí sín k'uék'ikon sín kíxin t'ikonhya ch'án mé ntáchro sín kíxin:jehya tí ch'ín i k'uékjak'etja̱xi̱n ch'án k'uékjanchak'á ch'án? ―ichro sín. 9 Iso sín ntáchro sín kíxin:chaxín jehe ch'án ―ichro sín.sín ntáchro sín kíxin:jehya jehe ch'án. Tóyóhó ch'án tí ch'ín a ―ichro sín.jehe ch'án kjuáte̱he ch'án kíxin:janhan ―ichro ch'án. 10 Ntá kjuanchankíhi sín ch'án kíxin:kíxin jaí t'ikuan jaha? ―ichro sín. 11 Ntá kjuáte̱he ch'án ntáchro ch'án kíxin:―Ijnko ch'ín mé it'in Jesús mé kjuích'éna ch'án nche̱t'o̱ kuátematóxin ch'án kua̱n la ntá k'ue̱tua̱nna ch'án kixin satsjia ti pila tjiá nta̱ nchek'in sín Siloé ts'ontia kua̱n, ichro ch'án. Ntá sákjuia k'ontia, ntá xrína̱hya ó k'uíkua̱n ―ichro ch'án. 12 Ntá kjuanchankíhi sín ch'án ntáchro sín kíxin:tjen tí ch'ín a? ―ichro sín.kjuáte̱he ch'an ntachro ch'an kixin:janhan ―ichro ch'an.

Tí sín fariseo tjanchankíhi sín tí ch'ín k'uék'ikonhya kuíto̱he jína

13 Ntá tí sín a sákjuíko sín tí ch'ín k'uék'ikonhya sákjuíchréhe̱ sín tí sín fariseo a. 14 A̱ ntá tí ya̱on t'o̱k'éhe sín mé tsíkjich'éna ch'ín Jesús tí nche̱t'o̱ kjuínchekito̱exín jína tí ch'ín k'uék'ikonhya. 15 A̱ ntá tí sín fariseo xíkjanchankíhi sín ch'án ínaá kíxin nkexrí kuíto̱he ch'án jína t'ikon ch'án jie. Ntá kjuáte̱he ch'án ntáchro ch'án kíxin:ch'án nche̱t'o̱ kua̱n, ntá k'ontia kua̱n ntá jie t'íkua̱n ―ichro ch'án. 16 Ntá iso tí sín fariseo ntáchro sín kíxin:chojni a jehya kuènte Dios kíxin chóntahya ch'án kjuasáyé tí ya̱on t'o̱k'éheni ―ichro sín.ikjé sín ntáchro sín kíxin:nkexrí chrókjuasin ch'án kjuaxroan jié tí chónta ch'án jie̱? ―ichro sín.xi̱kaha jnkokónhya kjuenka̱yáxin tí jehe sín. 17 Ntá xíkjanchankíhi sín tí ch'ín k'uék'ikonhya ínaá kíxin:jaha nkechrua nkexro tíha tí nkexro kjuíntak'ikuan? ―ichro sín.kjuáte̱he ch'án ntáchro ch'án kíxin:ntáxrja̱n kíxin jehe ch'án mé ijnko nkexro chrónka itén Dios ―ichro ch'án. 18 Kjánchó tí sín judío kuítekakonhya sín kíxin chaxín k'uék'ikonhya ch'án ntá jie t'ikon ch'án. Ntá k'uíye̱he̱ sín tí it'é la ko tí ìné tí ch'ín tsíkito̱he jína. 19 Kjuanchankíhi sín ntáchro sín kíxin:xja̱an tíhi tí ntáchrorá kíxin tí tsíkokjíexín ch'án t'ikonhya ch'án? ¿Ntá nkexrí jie t'ikon ch'án? ―ichro sín. 20 Ntá kjuáte̱he tí it'é la ko tí ìné ch'án ntáchro sín kíxin:―Ó noheni kíxin xje̱enni ch'án la ko noheni kíxin tí kokjíexín ch'án t'ikonhya ch'án. 21 Kjánchó noehyani nkexrí kíxin t'ikon ch'án jie la ko noehyani nkexro kjuínchekito̱he ch'án jína. Tjanchankíhírá ch'án, ó nte̱to ch'án, ntá jehe ch'án tsochrónka ch'án kíxin nkexrí kuíto̱he ch'án jína ―ichro sín. 22 Mé xi̱kaha kjuáte̱he tí it'é la ko tí ìné ch'án kíxin chrako̱nhe̱n sín tí sín judío kíxin ó kjuixin chrónka tí sín judío kíxin tsjanjonhya sín kjuachaxin ts'ixenhen ni̱nko tí sín titekaon kíxin ch'ín Jesús mé tí nkexro Cristo. 23 Mé xi̱kaha ntáchro tí it'é la ko tí ìné ch'án kíxin chrókjuanchankíhi sín ch'án, ó nte̱to ch'án, ichro sín. 24 Ntá yóxin xík'íye̱he̱ tí sín judío tí ch'ín k'uék'ikonhya ntá k'ue̱tue̱nhen sín ch'án kíxin:Dios ntá ntoá chro̱nka kíxin ó noheni kíxin tí ch'ín a na chónta ch'an jie̱ ―ichro sín. 25 Ntá tí ch'ín k'uék'ikonhya kjuáte̱he ch'án kíxin:á chónta ch'án jie̱ o̱ á chóntahya ch'án jie̱. Jnkoko̱á nkehe nòna kíxin senó k'uék'íko̱nhya ntá jie t'íkua̱n ―ichro ch'án. 26 Ntá xíkjanchankíhi sín ch'án ínaá kíxin:kjuích'e ch'án kíxin kjuíntak'ikuan ch'án? ―ichro sín. 27 Ntá kjuáte̱he ch'án ntáchro ch'án kíxin:kjuixin tjo̱nka̱rá kjánchó títekákonhyará. ¿Nkekuènté tjinkáonrá kíxin tso̱tjo̱nka̱rá ínaá? ¿Á kja̱xinrá tjinkáonrá tsochréhérá ch'án? ―ichro ch'án. 28 Ntá kónínkakonhen sín ch'án la k'uántaxínhi̱n sín ch'án la ko kjuáte̱he sín kíxin:la chréhé tí chojni a. A̱ ntá jeheni na chréhe̱ni tí nkehe k'ue̱to̱an ch'ín Moisés. 29 Ó noheni kíxin Dios k'uénixje̱he̱ ch'ín Moisés. A̱ ntá tí ch'ín a la noehyani nketí tsíkji̱xi̱n ch'án ―ichro sín. 30 Ntá kjuáte̱he tí ch'ín ntáchro kíxin:ókjé tíha. Tí ch'ín a mé kjuínchek'ikonna. A̱ ntá jahará ntáchrorá kíxin noahyará nketí tsíkji̱xi̱n ch'án. 31 Ó noheni kíxin tienhya Dios tí nkehe tjanchia tí chojni chónta jie̱. Jehó tinhin ch'án tí nkehe tjanchia tí sín titekaon Dios la ko nchexiteyéhe̱ sín tí nkehe tjinkaon ch'án. 32 Nunca kienhyéni kíxin ijnko nkexro chrókjuinchek'ikon ijnko chojni tsíkokjíexín t'ikonhya. 33 A̱ ntá tí nkexro a tí chrókui̱xi̱nhya ch'án tí tjen Dios la kjá ninkehó nkehe xitjahya chrókjuich'e ch'án ―ichro ch'án. 34 Ntá kjuáte̱he tí sín fariseo ntáchro sín kíxin:la nchónhya jie̱ chonta tió kokjíha. A̱ ntá jie ¿á tjinkávan kíxin jaha chrókjuákohéni ní? ―ichro sín.kótéka sín tí ch'ín a kíxin ts'axrjexín ch'án tí ni̱nko a sátsji ch'án.

Ntakótán ncha̱kuen sín

35 Ntá kuínhin ch'ín Jesús kíxin xi̱kaha k'ue̱tue̱nhen tí sín judío kíxin ts'axrjexín ni̱nko tí ch'ín k'uék'ikonhya. Ntá xeta ch'ín Jesús tí ch'ín a ntá kjuanchankí ch'án kíxin:tinkachónkia tí Xje̱en Dios K'óna Chojni? ―ichro ch'án. 36 Ntá kjuáte̱he tí ch'ín a ntáchro ch'án kíxin:nkexro tíha kíxin ntá tsinkáchónkini ch'án. 37 Ntá kjuáte̱he ch'ín Jesús ntáchro ch'án kíxin:k'uíkuan jaha. Janhan mé tí nkexro tjetjuá jaha ―ichro ch'án. 38 Ntá kjuák'exín toch'in ch'án to̱té ch'ín Jesús ntáchro ch'án kíxin:kuíteka̱van tí jaha Ìnchéni ―ichro ch'án. 39 Ntá ntáchro ch'ín Jesús kíxin:ntihi chjasintajni kíxin si̱ntakito̱axián iji̱é chojni kíxin ntá tí sín t'ikonhya la mé ts'ikon sín, a̱ ntá tí sín t'ikon jie la í ts'ikonhya sín ―ichro ch'án. 40 A̱ ntá iso tí sín fariseo k'uéjóntaxín kuínhin sín kíxin xi̱kaha ntáchro ch'ín Jesús, ntá kjuanchankíhi sín ch'án kíxin:kja̱xin jeheni ntakótáni? ―ichro sín. 41 Ntá kjuáte̱he ch'ín Jesús ntáchro ch'án kíxin:ntá tí jahará tí chaxín chrók'uikonhyará ntá chróchontahyará jie̱. Kjánchó ntáchrorá kíxin t'ikonrá. Méxra̱ chontará jie̱ ―ichro ch'án.

10

Ch'ín Jesús ncheyóe̱xín tí t'inkachjina kolélo

1 Ntá ntáchro ch'ín Jesús kíxin: ―Imá tjetoan tí nkehe tjétjo̱nka̱rá kíxin tí ts'ixenhen ijnko chojni tí t'inkachjina kolélo ntá jehya puerta tí corral t'ixenxín ch'án na mé ókjé chrok'uixenxín ch'án na mé xíche̱e tíha la tjinkaon chrókueé. 2 A̱ ntá tí nkexro t'ixenxín tí puerta na mé nkexro t'ayakonhen tí kolélo a. 3 La ko tí ch'ín tjet'ayakonhen tí puerta a mé tsakitje̱he̱ ch'án tí puerta a kíxin ts'ixenhen tí nkexro chaxín t'ayakonhen tí kolélo a. A̱ ntá tí kolélo a mé tsjatso̱an va itén ch'án. Ntá t'íye̱xi̱n ch'án jnkojnko ihni̱é jnkojnko tí kolélo kuènte ch'án ntá ts'axrjexín va nto̱e va. 4 Ntá t'ikon ch'án kíxin k'uaxrje kaín va ntá kuítonhen ch'án va nti̱a ntá tinkáchréhe̱ va kíxin tjatso̱an va itén ch'án. 5 Chrohya va tjichréhe̱ va ijnko chojni ókjé na mé tsinkéhe va tí chojni a kíxin tjatso̱anhya va itén ókjé chojni ―ichro ch'án. 6 Mé xi̱kaha ntáchro ch'ín Jesús kjuíncheyóe̱xin ch'án. Kjánchó tienxínhya sín nkexrí t'axrjexín tíha.

Ch'ín Jesús mé tí pastor jína

7 Ntá chrónka ch'ín Jesús ínaá ntáchro ch'án kíxin:nkehe tjetoan tso̱tjo̱nka̱rá kíxin janhan la éxí tí puerta t'ixenxín tí kolélo tí t'inkachjina va. 8 Kaín tí sín kuitónxin nti̱a kui senó mé xíche̱e la ko chrókueé. La ntá tí kolélo la ánto̱sén va tí nkehe ntáchro tí jehe sín. 9 Janhan mé tí puerta a mé t'ixe̱nxínrá tí janhan mé tsaárá la mé tso̱yóha̱rá tí kolélo siín kjuachaxin ts'axrjexín va tí kòrré va sátsjikjine va la ko siín kjuachaxin ts'ixenhen va tí ts'inkachjina va ínaá. 10 ’A̱ ntá xíche̱e mé jehó chrókueé la ko tjinkaon chrók'óyán la ko chrókjuinchek'itjáyan kaín nkehe. A̱ ntá janhan k'uinka kíxin tsochontaxinrá kjuachón na mé kjuachón jnkochríxín. 11 Janhan mé ijnko pastor jína a̱ ntá tí pastor jína mé ts'enyákonhe̱n tí kolélo a. 12 A̱ ntá tí nkexro ch'e xra̱ tjinkaon chrókjuacha ó na mé ts'ikon ch'án itsi ijnko kolobo tsíto̱he ch'án tí kolélo sátsji ch'án kíxin jehe ch'án la jehya tí nkexro t'ayakonhen tí kolélo la ko jehya kolélo kuènte ch'án. Ntá tí kolobo mé tsotsé va tí kolélo ntá tsinká va la sátsjichroe va. 13 Mé xi̱kaha tí chojni tjinkaon chrókjuacha tí xra̱ chrókjuich'e ó la mé sátsji. A̱ ntá tí kolélo la ánto̱sén ch'án kuáhya ch'án kuenté tí jehe va. 14 -15 ’A̱ ntá janhan mé ijnko pastor jína. Mé xi̱kaha T'aná chóxin ch'án tí janhan la ko kja̱xin janhan choxian tí jehe ch'án mé xi̱kaha choxian janhan tí sín éxí kolélo kuènta̱na la ko jehe sín mé chóxin sín tí janhan. Ntá ts'ényákonha̱n tí sín éxí kolélo kuènta̱na. 16 Kja̱xin chonta kolélo na̱xa̱ jehya kòrré va ntihi mé kja̱xin t'ichjánxi̱n sátsjícakjián va. A̱ ntá tí tsitekakonna va ntá ts'óna jnkoko̱á kòrré va la ko jnkoko̱á nkexro ts'ayakonhen va. 17 ’Tjua̱na T'aná kíxin kjónté its'én la tsoxechónna ínaá. 18 Kohya nkexro tsakitsjena tí kjuachón chonta janhan tí chrókjuánjonhya kjuachaxin. Chonta janhan kjuachaxin its'én la ko chonta janhan kjuachaxin tsoxechónna ínaá. Tíhi mé k'ue̱tua̱nna T'aná ―ichro ch'ín Jesús. 19 Tió kuínhin tí sín judío tí nkehe ntáchro ch'ín Jesús ntá kjuankíxin jnkoko̱áhya kjuenka̱yáxin sín. 20 Nchónhya tí jehe sín ntáchro sín kíxin:tinhínrá tí nkehe ntáchro ch'án? Jehe ch'án mé chónta ch'án ncha̱kuen tí jínahya la ko lóco ch'án ―ichro sín. 21 Ntá ikjé sín ntáchro sín kíxin:―Xi̱kahya chrónixja ijnko chojni chónta ncha̱kuen tí jínahya. ¿Á ijnko ncha̱kuen tí jínahya la á jína chrókjuinchek'ikon ijnko chojni t'ikonhya? ―ichro sín.

Tí sín judío kuítekakuenhya sín tí ch'ín Jesús

22 A̱ ntá tí ncha̱kuen kin tí chjasin Jerusalén k'uíxin kia xraxinkakonxín sín tí ya̱on tsíkjixin tsík'óna ni̱nko. 23 Ntá ch'ín Jesús itjen ch'án tí ni̱nko tí nta̱sin kuènte Salomón. 24 Ntá tí sín judío k'uántatjen sín tí ch'ín Jesús kjuanchankíhi sín ch'án kíxin:nkesá ts'ejóchónhenni tsinhinni jína? A̱ ntá jie chro̱nka ntoá kíxin á chaxín jaha tí Cristo ―ichro sín. 25 Ntá kjuáte̱he ch'ín Jesús kíxin:tjo̱nka̱rá ntá na̱xa̱ títekákonhyará. Kaín tí xra̱ tjét'a̱ janhan tí kjuachaxin kuènte T'aná mé tja̱ko̱xi̱n nkexro tí janhan. 26 Kjánchó jahará títekákonhyará kíxin jahará la jehya kolélo kuènta̱na éxí tjo̱nka̱rá senó. 27 Tí kolélo kuènta̱na mé tjatso̱an va tí tanná la ko kja̱xin janhan tjátso̱an tí jehe va la ko jehe va mé chréhe̱ va tí janhan. 28 Janhan mé tja̱ha̱ va tí kjuachón jnkochríxín la í ts'itjáyanhya va la ko ninkexró tsjachahya tsakitsjexín va tjaná. \v 29 Ó kjuanjon T'aná, mé tí nkexro tjetóxin t'e̱to̱an, na ninkexró tsjacha tsakitsjexín va tí tja ch'án. 30 Janhan la ko T'aná na mé jnkoko̱á nkexro tíha ―ichro ch'án. 31 Ntá tí sín judío kuákja sín xro̱ chróchjéhe sín ch'án ínaá. 32 Ntá kjuáte̱he ch'ín Jesús ntáchro ch'án kíxin:nkehe jína k'uíkonrá kjuáko̱xia̱n kjuachaxin kuènte T'aná. ¿Ntá nkekuènté chróchjìnárá xro̱? ―mé chro ch'án. 33 Ntá kjuáte̱he tí sín judío kíxin:tí kjuaxroan jína tjásian chrótjiáxiánni xro̱. Náhí. Jaha ijnko chojni ó ntá kjui̱ncheyóhé a̱sán Dios na mé tsotjiáxiánni xro̱ ―ichro sín. 34 Ntá ntáchro ch'ín Jesús kíxin:ntáchro xroon itén Dios tsíkjin sín ósé kíxin ntáchro Dios kíxin: “Kja̱xinrá éxí Dios tí jahará.” 35 Ntá ó noheni nkehe ntáchro xroon itén Dios na ntá xitjahya tsitekakonhyani tíha. Mé xi̱kaha ntáchro Dios kíxin éxí Dios jnkojnko nkexro k'uáyéhe̱ itén ch'án. 36 A̱ ntá kjueyána Dios ichr'ánna ch'án chjasintajni, ¿ntá nkekuènté ntáchrorá kíxin k'uántaxínha̱n Dios kíxin janhan ntáxrja̱n kíxin Xje̱en Dios tí janhan? 37 Kja̱ tí chrókjui̱t'ahya tí xra̱ ich'e T'aná la chrókuítekákonhyará. 38 A̱ ntá kjónté tjét'a̱ tí xra̱ a kjónté títekákonhyará tí janhan na mé chrókuítekáonrá tí xra̱ tjét'a̱ chrókónoaxínrá chrókiénxinrá kíxin T'aná la ko janhan mé jnkoko̱á tjékian ch'án ―ichro ch'án. 39 Mé xi̱kaha chrótsé sín tí ch'ín Jesús ínaá chrók'uikjéhe̱ ch'án ntá kjuachahya sín ntá sákjuí ch'án. 40 Ntá ch'ín Jesús xíkjan ch'án tí í jnko lado nta̱río Jordán ínaá tí k'uékjak'e ch'ín Juan k'uéki̱ki̱texín ch'án chojni senó. 41 Ntá nchónhya chojni sákjuíchréhe̱ sín ch'án ts'ikon sín ch'án ntáchro sín kíxin:―Chaxín ch'ín Juan kjuasinhya ch'án kjuaxroan jié la kjónté ntoá tí nkehe chrónka ch'án kuènte tí ch'ín i ―ichro sín. 42 Ntá nchónhya sín kuítekaon sín tí ch'ín Jesús tí kjuíji sín ntiha.

11

Ik'uén ch'ín Lázaro

1 Itjen ijnko ch'ín níhi mé it'in ch'án Lázaro, chjasén ch'án na mé Betania, mé tí chjasén tí tjan María la ko tí kja̱vé tjan Marta. 2 Tí tjan María mé jnkoko̱á kíchó tí ch'ín Lázaro mé tí ch'ín níhi na mé jehe tjan mé tí tjan kui̱ki̱texín aceite xraxé to̱té Ìnchéni la ko kjuínchexámáxin tjan ka̱xi̱hi tjan to̱té ch'án. 3 A̱ ntá yóí tí kíchó ch'án chjin ichr'án sín ijnko nkexro tsochénka tí ch'ín Jesús kíxin:jaha, tí nkexro choxian tjuèhé la níhi ch'án ―ichro ch'án. 4 Ntá kuínhin ch'ín Jesús ntá ntáchro ch'án kíxin:chin chónta ch'án jehya kíxin ónaá chrók'uitjáyanxón ch'án tí ts'en ch'án. Náhí. Tíha mé tsja̱ko̱xi̱n tí kjuachaxin jié kuènte tí Xje̱en Dios ―ichro ch'án. 5 A̱ ntá tí ch'ín Jesús la imá tjuèhé ch'án tí tjan Marta la ko tí tjan kíchó tjan la ko tí ch'ín Lázaro. 6 Na ntá tió kuínhin ch'án kíxin níhi ch'ín Lázaro na kjónté kuíto̱he ch'án iyó ya̱on ínaá tí nó kjuák'e ch'án. 7 A̱ ntá chr'éxi̱n ntáche ch'án tí sín k'uájiko ch'án kíxin:estado Judea ínaá ―ichro ch'án. 8 Ntá kjuáte̱he tí sín k'uájiko ch'án kíxin:na̱xa̱ séhya tí sín judío ntiha chrótjáha sín xro̱ tjinkaon sín chrók'óyánxian sín xro̱. ¿Á tjinkávan sátsjia ntiha ínaá? ―ichro sín. 9 Ntá ntáchro ch'ín Jesús kíxin:ya̱on mé chónta teyó hora. Tió ixri chojni ncha̱kotjin tsóténki̱xi̱nhya sín ninkehó kíxin t'inkaséyanxín xrohi chjasintajni a. 10 Tí sín ixri tie mé tsóténki̱xi̱n sín nkehe kíxin chóntahya sín xrohi ―ichro ch'án. 11 Ntá chr'éxi̱n ntáche ch'ín Jesús tí sín k'uájiko ch'án kíxin:k'uájua tí nkexro chóxinni mé ch'ín Lázaro. Ntá sátsjia si̱ntakjaya̱ha̱ ch'án ―ichro ch'án. 12 Ntá ntáchro tí sín k'uájiko ch'án kíxin:tí k'uájua ch'án la mé chrókuito̱he ch'án jína ―ichro sín. 13 Kjánchó tí nkehe ntáchro ch'ín Jesús mé t'axrjexín kíxin ó tsíkjixin tsík'en tí ch'ín Lázaro. Ntá tí sín k'uájiko ch'án kjuenka̱yáxin sín kíxin ó jehí tjejua ch'ín Lázaro. 14 Ntá ntoá chrónka ch'ín Jesús kíxin:tsík'en ch'ín Lázaro. 15 Ntá chàna kíxin kohyana ntiha kíxin mé xi̱kaha tsítekákonxínrá. A̱ ntá jie ìntárá sátsjitsjeheni ch'án ―ichro ch'án. 16 Ntá ch'ín Tomás, kja̱xin ti̱ki̱texín sín ch'án ch'ín Nóhé, mé ntáche ch'án tí í so sín kíxin:koíni kaín ni ts'enka̱oni Ìnchéni ―ichro ch'án.

Ch'ín Jesús ntáchro ch'án kíxin sinchexechón ch'án chojni ínaá

17 Ntá kjuíji ch'ín Jesús kuínhin ch'án kíxin ch'ín Lázaro la ó chónta noó ya̱on tsíkji̱xravá ch'án. 18 A̱ ntá tí chjasin Betania mé chjinaxón tí chjasin Jerusalén, chónta iyó kilómetro ko t'o̱ kjínxi̱n. 19 A̱ ntá itsjé tí sín judío sátsíkjitsjehe sín tí tjan Marta la ko tí tjan María tjejónixje̱he̱ sín kíxin kánhyó ts'ává sín kíxin tsík'én tí kíchó sín a. 20 Ntá kuínhin tjan Marta kíxin ó kui ch'ín Jesús ntá k'uaxrjexín tjan nchia tsjíxinhin nti̱a. A̱ ntá tí tjan María kuíto̱he tjan nchia. 21 Ntá tí tjan Marta ntáche tí ch'ín Jesús kíxin:jaha. Chrókjuak'e ntihi ntá chrók'uenhya kíchó ni. 22 Kjánchó ó nòna kíxin Dios tso̱tjáha kaín nkehe tsjanchehé ch'án ―ichro tjan. 23 Ntá ntáchro ch'ín Jesús kíxin:―Tsoxechón kíchuá ínaá ―ichro ch'án. 24 Ntá ntáchro tjan Marta kíxin:nòna kíxin tsoxechón ch'án tió tsoxechón kaín tí sín tsík'en, tí ya̱on tsjixixín ―ichro tjan. 25 Ntá ntáchro ch'ín Jesús kíxin:―Janhan mé nta̱xechón chojni la ko tsochónta sín kjuachón. Tí nkexro tsitekaon sín tí janhan na kjónté ó tsík'en sín la na̱xa̱ si̱ntaxechón sín ínaá. 26 La ko kaín xín tí sín na̱xa̱ tjejóchón sín la tsitekaon sín tí janhan na ts'enhya sín. ¿Á títekávan xi̱kaha ní? ―ichro ch'án. 27 Ntá ntáchro tjan kíxin:Ìnchéni títeka̱van kíxin jaha mé Cristo, mé Xje̱en Dios, mé tí nkexro kui chjasintajni ―ichro tjan.

Tsjánka ch'ín Jesús tí tsíkji̱xravá nkexro Lázaro

28 Ó kjuixin ntáchro tjan Marta xi̱kaha ntá sákjuík'íye̱he̱ tjan kíchó tjan María ntá imó chénka tjan kíxin:―Ntiha tjen Maestro t'iya̱há ch'án ―ichro tjan. 29 Ntá kuínhin tjan María ntá tuénxín k'uínkatjen tjan sákjuítsjehe tjan tí ch'ín Jesús. 30 Na̱xa̱ tsík'ixenhya ch'án chjasin na̱xa̱ tjen ch'án tí xéta ch'án tjan Marta. 31 Ntá tí sín judío tjejónixje̱he̱ tjan María kíxin kánhyó ts'ává tjan, mé k'uíkon sín kíxin tjoka k'uaxrjexín tjan nchia, ntá kjuíchréhe̱ sín tjan kjuenka̱yáxin sín kíxin sátsji tjan tí tsíkji̱xravá kíchó tjan, ntaha tsjitsjánkàma̱ tjan ch'án, ichro sín. 32 Ntá tí tjan María mé kjuíji tjan tí tjen ch'ín Jesús ntá kjuák'exín toch'in tjan to̱té ch'án ntáchro tjan kíxin:jaha, chrókjuak'e jaha ntihi ntá chrók'uenhya kíchiná ―ichro tjan. 33 Ntá k'uíkon ch'ín Jesús kíxin tsjánka tí tjan María la ko tí sín judío kjuikotoxi̱n tjan ntá imá k'uává ch'án kóxakonhen a̱sén ch'án. 34 Ntá kjuanchankí ch'án kíxin:kjua̱várá ch'án? ―ichro ch'án.ntáchro sín kíxin:¿á sátsjitsjehé? ―ichro sín. 35 Ntá tsjánka ch'ín Jesús. 36 Ntá ntáchro tí sín judío kíxin:kíxin imá tjuèhe ch'án tí ch'ín tsík'en ―ichro sín. 37 Kjánchó í so sín ntáchro sín kíxin:ch'án mé kjuínchek'ikon tí ch'ín t'ikonhya. ¿Á xitjahya chrókjuanjon ch'án intsí kjuachaxin chrók'uenhya tí ch'ín Lázaro ní? ―ichro sín.

Ó xechón ch'ín Lázaro

38 Ntá imá t'ává a̱sén ch'ín Jesús kóchjinehe ch'án tí tòye̱. Tí tòye̱ mé ijnko tjo̱, a̱ ntá tí ntója tí tjo̱ mé tsík'ikjèxin ijnko xro̱. 39 Ntá k'ue̱to̱an ch'ín Jesús kíxin:tí xro̱ a ―ichro ch'án.ntá tí tjan Marta mé kíchó tí nkexro k'uén mé ntáchro tjan kíxin:kjá noha kíxin kjá imá xra kíxin ó chónta noó ya̱on tsík'en ch'án ―ichro tjan. 40 Ntá kjuáte̱he ch'ín Jesús ntáchro ch'án kíxin:tjo̱nka kíxin tsítekávan ntá ts'ikuan tí kjuachaxin jié kuènte Dios ―ichro ch'án. 41 Ntá kjuakjìin sín tí xro̱ a. Ntá ch'ín Jesús konta ch'án nka̱jní ntáchro ch'án kíxin:tjáncháha kjuasáya kíxin ó kuínhín tí nkehe ntáxrja̱n. 42 Janhan na ó nòna kíxin xráxín tjetinhín tí nkehe ntáxrja̱n ntá xi̱kaha ntáxrja̱n jie kíxin tsinhin tí sín tjejóntaxín ntihi ntá tsitekaon sín kíxin jaha mé kuéto̱an k'uinka ―mé ichro ch'ín Jesús. 43 Ntá kjuixin nixja ch'án tíha ntá itsen k'uèya ch'án kíxin:―¡Lázaro, t'axrjéxian méhe̱! ―ichro ch'án. 44 Ntá tí ch'ín tsík'en k'uaxrjexín ch'án tòye̱, na tí tja ch'án la ko tí to̱té ch'án na̱xa̱ tjejóchróntetoxín ka la ko tí nkayakon ch'án tjekjèxin ijnko ka. Ntá k'ue̱to̱an ch'ín Jesús kíxin:tí ka chróntetoxín ch'án kíxin jína tsji ch'án ―ichro ch'án.

Imó kjuenka̱yáxin sín kíxin nkexrí ts'óyán sín tí ch'ín Jesús

45 Ntá itsjé tí sín judío sákjuíkotoxi̱n sín tí tjan María mé k'uíkon sín tí kjuaxroan kjuasin ch'ín Jesús ntá kuítekaon sín tí jehe ch'án. 46 Kjánchó iso tí jehe sín sákjuítsjehe sín tí sín fariseo kjuíchénka sín tí kjuaxroan tsíkjasin ch'ín Jesús. 47 Ntá tí sín fariseo la ko tí sín ncha̱t'á t'e̱to̱an jnkoko̱á kójnkotséko sín tí sín a̱ntsí t'e̱to̱an, la ntáchro sín kíxin:nkexrí chrókjuich'eheni tí ch'ín a kíxin jehe ch'án mé tjasin ch'án kjuaxroan jié? 48 A̱ ntá tí chrókuíto̱heni ch'án xi̱kahó ntá kaín xín chojni chrókuitekaon sín tí jehe ch'án, ntá tsi tí sín romano t'e̱to̱an sinchek'itjáyan sín tí ni̱nko̱éni la ko tí xra̱ chóntani la ko tí nación kuènténi ―ichro sín. 49 Ntá ch'ín Caifás mé tí nkexro t'e̱tue̱nhen tí sín ncha̱t'á tí nánó a ntáche ch'án tí jehe sín kíxin:la noahyará ninkehó tíha 50 la ko kjá ní tjenka̱yáxinhyará kíxin íchá jína kíxin jnkoko̱á chojni chrók'uenyákonhe̱n chjasénni kíxin ntá chrók'uitjáyanhya kuenté tí nación kuènténi ―ichro ch'án. 51 Kjánchó ch'ín Caifás la jehya jehó ch'án chrókjuenka̱yáxin ch'án tíha. Náhí. Jehe ch'án mé k'ue̱tue̱nhen tí sín ncha̱t'á tí nánó, a̱ ntá tí Ncha̱kuen Dios kjuínchekónohe ch'án kíxin ch'ín Jesús mé ts'enyákonhe̱n tí nación judía. 52 A̱ ntá jehya tí nación kuènte sín ó chrók'uenyákonhe̱n ch'án. Náhí. Kja̱xin kíxin sinchekaá ch'án kaín tí sín ts'óna xje̱en Dios tjejó sín kuenté chjasintajni. 53 A̱ ntá tí ya̱on a tí sín t'e̱tue̱nhen tí sín judío mé kjuankíxin sín kjuenka̱yáxin sín kíxin chrók'óyán sín tí ch'ín Jesús. 54 A̱ ntá ch'ín Jesús la í noxínhya k'uáji tí k'uéjó tí sín judío, na mé k'uaxrjexín ch'án tí estado Judea, sákjuí ch'án chjinaxón nte̱je̱, tí tjen ijnko chjasin it'in Efraín. Ntaha kuíto̱eko ch'án tí sín k'uájiko ch'án. 55 Ntá í séhya ntá ts'ixin tí kia pascua mé ijnko kié tí sín judío. Ntá itsjé chojni k'uaxrjexín sín chjasén sín sákjui̱ sín chjasin Jerusalén kíxin ntaha tso̱yaxínhin sín kíxin tsotjóá sín kjónté na̱xa̱ xrankíxinhya ts'ixin tí kia pascua. 56 Ntaha k'uájikjeyá sín tí ch'ín Jesús k'uéjóxenhen sín tí ni̱nko jié ntá kjuanchankíhi sín kíchó sín kíxin:nkechrorá? ¿Á chrókjui ch'án tí kia ní o̱ náhí? ―ichro sín. 57 A̱ ntá tí sín fariseo la ko tí sín t'e̱tue̱nhen tí sín ncha̱t'á na ó k'ue̱to̱an sín kíxin tí siín ijnko nkexro nohe nketí tjen ch'ín Jesús chróchrónka sín kíxin ntá jína chrókjuitsé sín ch'án chrókjuinchenteto sín ch'án la ko chrókjua̱k'e̱chji̱na sín ch'án.

12

Ijnko tjan kjuíncheká tjan aceite xraxé náxrjón to̱té tí ch'ín Jesús

1 Na̱xa̱ t'itjáyan injon ya̱on ntá ts'ixin tí kia pascua. A̱ ntá ch'ín Jesús sákjui̱ ch'án chjasin Betania tí tjen ch'ín Lázaro. Tí ch'ín Jesús mé tsíkjinchexechón ch'án. 2 Ntá ntiha kjóne sín ijnko kónjín kjuikosáyehe sín tí ch'ín Jesús. A̱ ntá tí tjan Marta mé kjuíncheyaxín tjan. A̱ ntá tí ch'ín Lázaro la ko í so sín k'uéjó sín kjóneko sín tí ch'ín Jesús. 3 Ntá tjan María kui̱ka̱o tjan it'o̱ litro aceite tsík'óna xro̱a̱n nardo imá tjete tsík'e̱naxín tjan ntá kjuíncheka tjan to̱té ch'ín Jesús ntá ka̱xi̱hi tjan kjuínchexámáxin tjan tí to̱té ch'án. Na mé kuenté nkaxenhen nchia kókaxraxé tí xro̱a̱n. 4 Ntá ch'ín Judas Iscariote, it'é ch'án mé it'in Simón, jehe ch'án mé ijnko tí sín k'uájiko ch'ín Jesús, na mé tí ch'ín sinchekji tí ch'ín Jesús chr'éxi̱n, mé ntáchro ch'án kíxin: 5 ―¿Nkekuènté kóxihya tí xro̱a̱n xraxé, chrókóxi̱xi̱n iní ciento chichaon denario kíxin chrókjuinki̱tsa tí sín nòa? ―ichro ch'án. 6 Kjánchó ch'ín Judas la jehya ntáchro ch'án xi̱kaha kíxin chrókui̱konóe̱he̱ ch'án tí sín nòa. Náhí. Ntáchro ch'án tíhi kíxin xráxín che̱e ch'án kíxin jehe ch'án t'ayakonhen ch'án tí nkehe tjinká chichaon ntá xráxín teé ch'án tí chichaon tsíxrenájín ntiha. 7 Ntá ntáchro ch'ín Jesús kíxin:―Nté ti̱to̱hérá tjan. Tsíkja̱k'e̱chji̱na tjan tí xro̱a̱n a kíxin tí ya̱on tsoxrávána. 8 Tí sín nòa jnkochríxín ts'ejokoará sín. A̱ ntá janhan jnkochríxínhya ts'ejóni ―ichro ch'án.

Tí sín judío itjo sín nkexrí chrók'óyán sín tí ch'ín Lázaro

9 A̱ ntá itsjé tí sín judío k'uíxikónohe sín kíxin ch'ín Jesús kjuák'e ch'án tí chjasin Betania, a̱ ntá sákjuí sín ntiha. Jehya kíxin chrókjuitsjehe sín tí ch'ín Jesús ó. Náhí. Kja̱xin tjinkaon sín chrókjuitsjehe sín tí ch'ín Lázaro mé tí ch'ín tsíkjinchexechón ch'ín Jesús. 10 Ntá tí sín ncha̱t'á t'e̱to̱an mé kójnkotsé sín kjuenka̱yáxin sín chrók'óyán sín tí ch'ín Lázaro kja̱xin 11 kíxin itsjé tí sín judío kuítekaon sín tí ch'ín Jesús kíxin xi̱kaha kjuínchexechón ch'án tí ch'ín Lázaro ntá k'uaxrjekjanxín sín tí sín ncha̱t'á.

K'uíxenhen ch'ín Jesús chjasin Jerusalén

12 Nchónhya chojni sátsíkji̱ sín chjasin Jerusalén kíxin tí kia pascua. A̱ ntá tí ya̱on chr'éxi̱n k'uíxikónohe sín kíxin tsjiji ch'ín Jesús tí chjasin ntiha. 13 Ntá kóchrínjin sín chaan ntakajni kjuíxinhin sín nti̱a itsji ch'ín Jesús, itsje sín, ntáchro sín kíxin:―Tjancheheni Dios kjuasáya. Imá jína tí nkexro kui̱xi̱n tí kjua̱cha̱xién It'éni tjen nkaya nka̱jní. Imá jína tí ch'ín Rey ts'e̱tue̱nhen tí nación Israel ―ichro sín itsje sín. 14 Ntá tsík'itja ch'ín Jesús ijnko kolócho la ntá kjuák'ekjen ch'án, éxí nixja itén Dios kíxin: 15 Chrakonhyará jahará tjejorá chjasin Jerusalén,tsjehérá ó tjekui tí ch'ín Rey kuèntárá,tjekjen ch'án ijnko kolócho. 16 A̱ ntá tió kónhen tíha kíenxínhya tí sín k'uájiko ch'ín Jesús kíxin nkekuènté xi̱kaha kónhen. A̱ ntá chr'éxi̱n tió kjuixin sákjui̱jia ch'án nkaya nka̱jní ntá xraxinkaon sín kíxin xi̱kaha tsíkjin tí sín k'uéchrónka itén Dios ósé nkexrí tso̱nhen ch'án, na ntá xi̱kaha chaxín xiteyá tí chrónka sín senó kíxin xi̱kaha tso̱nhen ch'án. 17 Mé xi̱kaha kaín tí sín tsíkójnkotsé tí kjuák'e ch'ín Jesús tió k'uíye̱he̱ ch'án tí ch'ín Lázaro kíxin ts'axrjexín ch'án tí tòye̱ tsíkji̱xravá ch'án ntá xechón ch'án mé tí sín a mé chrónka sín tí nkehe k'uíkon sín. 18 Mé xi̱kaha sákjuíxinhin sín tí nti̱a tsji̱xi̱n ch'ín Jesús, k'uíxikónohe sín kíxin xi̱kaha tsíkjasin ch'ín Jesús tí kjuaxroan jié. 19 Mé xi̱kaha ntáchro tí sín fariseo itjo sín kíchó sín kíxin:―Tsjehérá kaín rá, ninkehó tsjachahyani sich'eni kíxin kaín xín chojni sákjuíchréhe̱ tí jehe ch'án ―ichro sín.

Iso sín nkive̱e griego tjeyá sín tí ch'ín Jesús

20 Iso sín nixja griego k'uéjóyákjan tí sín sákjui̱ sín tí kia chjasin Jerusalén tsoxraxinkakonxín sín Dios. 21 Ntá kóchjinehe sín tí ch'ín Felipe, chjasén ch'án mé Betsaida, estado Galilea, chrónóe̱he̱ sín ch'án kíxin:―Tjinkaonni chrók'uikonni tí ch'ín Jesús ―ichro sín. 22 Ntá ch'ín Felipe sákjuíchenka ch'án tí ch'ín Andrés. Na ntá yóí sín sákjuíchenka sín tí ch'ín Jesús. 23 Ntá ntáchro ch'ín Jesús kíxin:―Ó kjuixraká tí ya̱on, a̱ ntá tí Xje̱en Dios K'óna Chojni mé sátsji̱ ch'án ts'áyéhe̱ ch'án tí kjuachaxin kuènte It'é. 24 A̱ ntá tso̱tjo̱nka̱rá ijnko nkehe chaxín kíxin tí chrókjuítsínkahya ijnko noatrigo tí nche chrók'uenhya tí noa a, ntá jnkoko̱á noa chrókjuak'e. A̱ ntá tí chrók'uen tí noa a ntá chrók'óna nchónhya noa kíxin chrótjá sín. 25 A̱ ntá tí nkexro imá tjuèhe̱ a̱sén kíxin kohya nkehe chrók'uatsínka na mé tsochóntahya ch'án kjuachón jnkochríxín. A̱ ntá tí nkexro tjekuènhya a̱sén kjónté chrók'uénxin ntihi chjasintajni tí chrónka ch'án itén Dios na mé chr'éxi̱n tsochónta ch'án kjuachón jnkochríxín. 26 A̱ ntá tí jnkojín nkexro tjinkaon chrókjuich'ena sín xra̱ t'ichjánxi̱n tsochréhe̱ sín tí janhan. A̱ ntá tí tjén janhan na mé kja̱xin tjejó tí sín ch'ena sín xra̱. A̱ ntá jnkojín sín sich'ena sín xra̱ xi̱kaha na mé T'aná mé tsjikosáyehe tí jehe sín.

Ch'ín Jesús chrónka ch'án kíxin its'en ch'án

27 ’Ntá jie imá tóxakonhen a̱senná. ¿Nkehe chróntáxrja̱n? ¿Á chrókjuáncháha̱ T'aná kíxin sinchekaána ch'án tí nkehe tso̱na jie o̱ náhí? Kjánchó xra̱ ó k'uinka xi̱kaha tso̱na. 28 Jaha It'éni, tjáko̱xian tí kjuachaxin kuènte ihni̱á ―ichro ch'án.Ntá kuínhin sín nixja ijnko nkexro nka̱jní ntáchro kíxin:―Ó kjuixin kjuáko̱xia̱n tí kjuachaxin la ko xi̱kaha xikjáko̱xia̱n ínaá. 29 A̱ ntá tí sín tjejóntaxín tsíkinhin sín mé ntáchro sín kíxin kjónta, la ko í so sín ntáchro sín kíxin:―Ijnko ch'ín ángel nixje̱he̱ ch'án ―ichro sín. 30 Kjánchó ntáchro ch'ín Jesús kíxin:―Náhí. Jehya kíxin janhan tí jie chrókui̱nha̱n tí nixja ch'án. Náhí. Nixja ch'án kíxin tsinhínrá jahará. 31 Ntá jie tsito̱exín tí iji̱é chojni chjasintajni na mé tí nkexro t'e̱to̱an chjasintajni mé ts'axrjehe ch'án tí xra̱ t'e̱to̱an ch'án. 32 A̱ ntá tió tsjak'énka̱nia ijnko ntacruz ntá nchónhya sín ts'ikon sín ntá tsitekaon sín tí janhan ―ichro ch'án. 33 Mé xi̱kaha chrónkaxín ch'án kíxin nkexrí ts'enxín ch'án. 34 A̱ ntá kjuáte̱he tí sín ntiha ntáchro sín kíxin:―Kuínhinni nchekuáxin sín tí xroon tsíkjin sín ósé chrónka kíxin Cristo la jnkochríxín tsjak'e ch'án. ¿Ntá nkekuènté ntáchrua kíxin tí Xje̱en Dios K'óna Chojni t'ichjánxi̱n tsjak'enkáni ch'án ijnko ntacruz? ¿Xá nkexéhe tí Xje̱en Dios K'óna Chojni? ―ichro sín. 35 Ntá ntáchro ch'ín Jesús kíxin:―Na̱xa̱ tjen tí xrohi tjejókoará, kjánchó í séhya tsjak'e. Chrók'uajirá tí na̱xa̱ tjen ti xrohi t'inkaséyanxín nti̱a. A̱ ntá náhí la ó ts'ixin tie. A̱ ntá tí sín ixri tí sítié a mé noehya sín nketí sátsji sín. 36 Títekáonrá tí xrohi tí na̱xa̱ tjen t'inkaséyan kíxin mé ts'ónará chojni kuènte t'inkaséyan ―ichro ch'án.Ntá kjuixin chrónka ch'ín Jesús tíha ntá sákjuí ch'án kjuák'eméhe ch'án tí jehe sín.

Tí sín judío kuítekakonhya sín tí ch'ín Jesús

37 K'uékjasin ch'ín Jesús nchónhya kjuaxroan jié k'uíkonxín kon sín ntá kjónté kuítekakuenhya sín ch'án 38 kíxin mé xi̱kaha tsoxiteyá tí nkehe tsíntáchro ch'ín Isaías tsíkjin ch'án ósé kíxin:Ìnchéni, kohya nkexro kuítekaon tí nkehe chrónkani.Kohya nkexro kjuínchenohe Dios tí kjuachaxin jié kuènte ch'án. 39 Méxra̱ kuítekakuenhya sín tí ch'ín Jesús éxí tsíkjin ch'ín Isaías kja̱xin kíxin: 40 Dios kjuínchek'ikonhya ch'án sín la ko kjuínchecha ch'án a̱sén sín,kíxin ntá chrók'uikonhya sín,la ko chrókienxínhya sín,kíxin ntá chrókóchjinehya sín tí janhan kíxin chrókjui̱ntakito̱ha̱ sín jína. 41 Xi̱kaha k'uéchrónka ch'ín Isaías imá ósé kíxin k'uék'ikon ch'án tí kjuachaxin jié kuènte Jesús ntá k'uéchrónka ch'án nkexrí tsjak'e tí ch'ín Jesús. 42 Kjánchó itsjé tí sín judío t'e̱to̱an kuítekaon sín tí ch'ín Jesús kjánchó noxínhya chrónka sín. Chrako̱nhe̱n sín tí sín fariseo kíxin chrókónínkaon sín la í chrókjuanjonhya sín kjuachaxin chrók'uixenhen sín tí ni̱nko̱e sín judío. 43 Mé xi̱kaha imá kóxrjínhi̱n sín kíxin chojni chjasintajni chrókjuikosáyehe sín ntá kánhyó kjueyá sín kíxin chrókjuikosáyehe sín Dios.

Tí nkehe ntáchro ch'ín Jesús mé tsito̱exíxin iji̱é chojni

44 Ntá itsen nixja ch'ín Jesús ntáchro ch'án kíxin:―Tí títekáonrá tí janhan na mé jehya janhván títekáonrá na mé kja̱xin títekáonrá T'aná, mé tí nkexro k'ue̱tua̱nna k'uinka. 45 Éxí tí t'ikonrá tí janhan mé xi̱kaha t'ikonrá tí nkexro k'ue̱tua̱nna k'uinka. 46 A̱ ntá janhan mé xrohi k'uinka chjasintajni kíxin tí sín titekaon sín tí janhan ts'ejóhya sín tí sítié a. 47 A̱ ntá tí jnkojínrá tinhínrá tí nkehe xrja̱nka ntá títekákonnahyará la jehya janhan si̱ntakjasótiará kíxin jehya kíxin k'uinka si̱ntakjasóte chojni chjasintajni. Náhí. K'uinka kíxin si̱ntakaá chojni. 48 A̱ ntá tí títekákonhyará tí janhan la ko títekákonhyará tí tan kuènta̱na la ó siín nkexrí tsito̱exíxin iji̱árá, na mé éxí tí tan xrja̱nka mé Dios sinchekito̱exín iji̱árá tí ya̱on tsjixixín chjasintajni. 49 Jehya tí nkehe kuènta̱na tjéxrja̱nka. Náhí. T'aná na mé tí nkexro k'ue̱tua̱nna k'uinka mé k'ue̱tua̱nna nkehe tso̱xrja̱nka la ko nkehe tsjàkua. 50 A̱ ntá nòna kíxin tí nkehe k'ue̱to̱an T'aná mé xranjonxín tí kjuachón jnkochríxín. Mé xi̱kaha tí nkehe ntáxrja̱n mé tjéxrja̱nka kíxin T'aná mé k'ue̱tua̱nna.

13

Ch'ín Jesús kjuínchek'ònti ch'án to̱té tí sín k'uájiko ch'án

1 A̱ ntá tí ya̱on xi̱ka tí ntóye tsjasin sín tí kia pascua. A̱ ntá ch'ín Jesús ó nohe ch'án kíxin ó kjuixraká tí hora tsíto̱he ch'án chjasintajni sátsji̱chréhe̱ ch'án It'é ch'án. Xráxín tjuèhé ch'án tí sín kuènte ch'án chjasintajni, a̱ ntá jie tsja̱ko̱xi̱n ch'án kíxin imá tjuèhe ch'án tí jehe sín. 2 A̱ ntá tí ch'ín Tsochren tsík'e̱tue̱nhen a̱sén ch'ín Judas Iscariote, it'é mé it'in Simón, kíxin sinchekji ch'án tí ch'ín Jesús. 3 Ntá ch'ín Jesús la ó nohe ch'án kíxin tsíki̱xi̱n ch'án tí tjen Dios la ko xikjan ch'án sátsji̱chréhe̱ ch'án Dios ínaá. La ko ó nohe ch'án kíxin It'é ch'án tsíkjanjon kjuachaxin ts'e̱tue̱nhen ch'án kaín xín nkehe. 4 Ntá na̱xa̱ tjejóne sín ntá k'uínkatjen ch'ín Jesús kuakitsje ch'án tí ka titsáte ch'án la kuákja ch'án ijnko ka xámáxin chojni t'ónti k'uínkat'óxin ch'án. 5 Ntá kui̱ki̱a̱ ch'án ijnko nkehe nta̱, ntá kjuankíxin ch'án kjuínchek'ònti ch'án to̱té jnkojnko tí sín k'uájiko ch'án la ko kjuínchexámáxin ch'án tí ka k'uínkat'óxin ch'án. 6 Na ntá tió kjuíjixraká tí tjen ch'ín Pedro, a̱ ntá ntáchro ch'ín Pedro kíxin:―Jaha Ìnchéni la, ¿nkekuènté chrókjui̱nchek'óntia to̱téni? ―ichro ch'án. 7 Ntá kjuáte̱he ch'ín Jesús ntáchro ch'án kíxin:―Jaha la na̱xa̱ tiénxinhya tí nkehe tjét'a̱ janhan. Chr'éxi̱n ntá tsiénxian nkekuènté tjét'a̱ tíha ―ichro ch'án. 8 Ntá ntáchro ch'ín Pedro kíxin:―Jaha la si̱nchek'óntihya to̱téni ―ichro ch'án.Ntá ntáchro ch'ín Jesús kíxin:―Tí si̱ntak'óntihya tí jaha la kjá ninkehó tsochontahya tí janhan ―ichro ch'án. 9 Ntá kjuáte̱he ch'ín Simón Pedro ntáchro ch'án kíxin:―Náhí, Ìnchéni. Jehya tí to̱téni ó chrókjui̱nchek'óntia. Kja̱xin itjani la ko ikjani chrókjui̱nchek'óntia ―ichro ch'án. 10 Ntá ntáchro ch'ín Jesús ínaá kíxin:―Tí sín tsíkjixin tsík'ónti la t'ichjánxi̱nhya kuenté sín ts'ónti sín ínaá. Náhí. Jehó to̱té sín ó mé t'ichjánxi̱n na̱xa̱ ts'ónti kíxin kuenté la ó tjóá. A̱ ntá jahará la ó tjóárá, kjónté kénhyará ―ichro ch'án. 11 Mé xi̱kaha ntáchro ch'ín Jesús kíxin kénhya sín tjóá sín kíxin ó nohe ch'án nkexro sinchekji ch'án. 12 Ntá tió kjuixin kjuínchek'ónti ch'án to̱té sín kaín sín ntá xík'inkáya ch'án ínaá tí ka kuítsáte ch'án ntá kjuák'etja̱xi̱n ch'án tí k'uínkatje̱nxi̱n ch'án. Ntá ntáchro ch'án kíxin:―¿Á kiénxinrá tí nkehe kjui̱t'a? 13 Jahará la ntáchrorá kíxin janhan Maestro kuèntárá la ko Ìnchárá. Chaxín ntoá ntáchrorá kíxin janhan tíha. 14 Janhan tí Maestro kuèntárá la ko ìnchárá kjui̱ntak'óntia to̱tárá. A̱ ntá jahará kja̱xin xi̱kaha chrókjui̱nchek'óntirá to̱té kíchuárá. 15 Janhan mé kjuáko̱xia̱n kíxin xi̱kaha chrókjui̱ch'erá éxí kjui̱t'a janhan. 16 Ijnko nkehe chaxín tso̱tjo̱nka̱rá kíxin tí sín ch'exón xra̱ mé t'e̱to̱anhya sín éxí t'e̱to̱an tí lámo̱e sín, la ko tí sín k'uáyéhe̱ sín ijnko xra̱ t'e̱to̱anhya sín éxí t'e̱to̱an tí sín kjuanjon tí xra̱ a. 17 Tí chrókiénxinrá nkehe tíha la ko chrókjui̱nchexiteyárá la chrókócháhará má. 18 ’Jehya kaín rá xi̱kaha ntáxrja̱n. Ó nòna kíxin nkexro kjuéyá janhan. Kjánchó t'ichjánxi̱n tsoxiteyá tí nkehe tsíkjin sín ósé ntáchro kíxin: “Ijnko nkexro tjéne̱kian mé tsjanjo̱nkian.” 19 Mé xi̱kaha tjétjo̱nka̱rá senó kíxin tió ts'atsínka tíha ntá tsítekáonrá kíxin janhan mé tí nkexro xráxín tjen. 20 Ijnko nkehe tjetoan tjétjo̱nka̱rá kíxin tí tsjánjonrá kjuachaxin tsito̱he tí chojni ichr'an janhan, mé éxí yóhe̱ chrókjuánjonrá kjuachaxin chrókuito̱he tí janhan, a̱ ntá tí tsjánjonrá kjuachaxin tsito̱na janhan mé éxí yóhe̱ chrókjuánjonrá kjuachaxin chrókuito̱he tí nkexro k'ue̱tua̱nna k'uinka ―ichro ch'ín Jesús.

Ch'ín Jesús chrónka kíxin ch'ín Judas sinchekji ch'án

21 Ntá kjuixin chrónka ch'ín Jesús tíha, ntá kóxakonhen a̱sén ch'án má ntá ntoá chrónka ch'án kíxin:―Ijnko nkehe tjetoan tso̱tjo̱nka̱rá kíxin jnkojínrá tjejorá ntihi mé si̱nchekjiráni ―ichro ch'án. 22 Ntá tí sín k'uájiko ch'án kjuanjíxin komáxin la ko í komáxin kíchó sín kíxin noehya sín nkexro tí ntáchro ch'án. 23 A̱ ntá ijnko ch'ín k'uájiko ch'ín Jesús imá tjuèhe ch'án itjen ch'án chjinaxón tí tjen ch'ín Jesús tjejóne sín. 24 Ntá ch'ín Simón Pedro kjua̱ko̱exín seña k'ue̱tue̱nhen ch'án tí í jnko ch'ín a kíxin:―Tjanchankíhí ch'án nkexro tíha ―ichro ch'án. 25 A̱ ntá tí ch'ín a na mé a̱ntsí kóchjinehe ch'án tí ch'ín Jesús, ntá kjuanchankí ch'án ntáchro ch'án kíxin:―Ìnchéni, ¿nkexro tíha? ―ichro ch'án. 26 A̱ ntá kjuáte̱he ch'ín Jesús ntáche ch'án tí ch'ín a kíxin:―Si̱ntakjata it'o̱ nio̱tja̱, a̱ ntá tí nkexro tso̱tja̱ha̱ tí t'o̱ nio̱tja̱ a mé tí nkexro a ―ichro ch'án.A̱ ntá mé xi̱kaha kjuínchekjata ch'ín Jesús it'o̱ nio̱tja̱ ntá chjéhe ch'án tí ch'ín Judas Iscariote, it'é ch'án mé it'in Simón. 27 Ntá k'uáyéhe̱ ch'án tí nio̱tja̱ ntá tuénxín k'uíxenhen a̱sén ch'án tí ch'ín Tsochren. Ntá ntáche ch'ín Jesús tí jehe ch'án kíxin:―Tí xra̱ tjinkávan si̱ch'e la jaí tóxakonhan ―ichro ch'án. 28 Kjánchó nijnko tí sín tjejóne ntiha kienxínhya sín nkekuènté xi̱kaha ntáchro ch'án. 29 Ch'ín Judas la t'ayakonhen ch'án tí nkehe tjinká chichaon ntá iso sín kjuenka̱yáxin sín kíxin ách'e ch'ín Jesús mé k'ue̱tue̱nhen ch'án tí ch'ín Judas kíxin ichrén nkehe sátsjik'e̱na ch'án kuènte tí kia a, o̱ ách'e ichrén nkehe sincheki̱to̱nhe̱n ch'án tí sín nòa a. 30 Ntá k'uáyéhe̱ ch'ín Judas tí nio̱tja̱, a̱ ntá k'uaxrjexín ch'án ntiha. A̱ ntá ó k'uíxin tie.

Ijnko nkehe ni̱xin k'ue̱to̱an ch'ín Jesús

31 A̱ ntá ó kjuixin sátsíkji ch'ín Judas, ntá ntáchro ch'ín Jesús kíxin:―A̱ ntá jie tso̱noxín tí kjuachaxin jié kuènte tí Xje̱en Dios K'óna Chojni la ko tsja̱ko̱xi̱n ch'án tí kjuachaxin jié kuènte Dios. 32 Na mé xi̱kaha tí Xje̱en Dios K'óna Chojni mé tsja̱ko̱xi̱n tí kjuachaxin jié kuènte Dios. A̱ ntá Dios mé tsja̱ko̱xi̱n ch'án tí kjuachaxin kuènte Xje̱en ch'án la tjoka tsoxiteyá. 33 Xje̱enni, í séhya na̱xa̱ tsjak'é janhan ts'ejókoará ntihi. Ntá jahará mé ts'ajikjéyárá tí janhan. Ntá éxí yóhe̱ k'uétja̱nka tí sín judío mé tjo̱nka̱rá kja̱xinrá kíxin: Ninkexró xitjahya tsjiji sín tí sátsjiyá janhan. 34 Ijnko nkehe ni̱xin tétua̱nhanrá ijie kíxin chrótjuèhérá kíchuárá éxí yóhe̱ tjua̱hará mé xi̱kaha chrótjuèhérá kíchuárá. 35 Tí tsotjuèhérá kíchuárá ntá tso̱noexín kaín xín chojni siín chjasintajni kíxin tinkachónkirá tí janhan ―ichro ch'án.

Chrónka ch'ín Jesús kíxin ch'ín Pedro sinchemá ch'án kíxin chónhya ch'án tí

jehe ch'án 36 Ntá kjuanchankíhi ch'ín Simón Pedro tí ch'ín Jesús kíxin:―Ìnchéni, ¿nketí sátsjia? ―ichro ch'án.Ntá kjuáte̱he ch'ín Jesús ntáchro ch'án kíxin:―Tí nó sátsjiyá xitjahya tsochréhérá jaí. Ntá chr'éxi̱n tsjasánchréhérá ntiha ―ichro ch'án. 37 A̱ ntá ntáchro ch'ín Pedro kíxin:―¿Nkekuènté xitjahya tsochráha̱ tí jaha jaí? Kjónté chrók'uényákonhán ―ichro ch'án. 38 Ntá kjuáte̱he ch'ín Jesús ntáchro ch'án kíxin:―¿Á chaxín ts'enyákònna jaha? Ijnko nkehe chaxín tso̱tjo̱nka kíxin na̱xa̱ tsotsjehya tí kochínto̱a la ó tsjixin si̱nchemána níya kíxin chonhyana, tsixrua.

14

Jesús mé nti̱a sátsji̱xinni tí tjen It'éni tjen nkaya nka̱jní

1 ’Tóxakuanhyará jahará. Títekáonrá Dios la ko kja̱xin títekáonrá tí janhan. 2 Nto̱e T'aná nchónhya nchia siín ts'ejóni. A̱ ntá tí xi̱kahya chrók'uixin la xi̱kahya chrótjo̱nka̱rá. Méxra̱ sátsjiyá si̱ntayóxian tí chrók'uejóni. 3 A̱ ntá tí sátsjiyá si̱ntayóxian, ntá tió tsjixin ntá ts'inka ínaá, ntá sátsji̱ni kíxin jahará kja̱xin chrók'uejorá ntiha tí tsjak'é janhan. 4 Jahará la ó nohará nketí sátsjiyá la ko ó nohará tí nti̱a a ―ichro ch'án. 5 Ntá kjuáte̱he ch'ín Tomás ntáchro ch'án kíxin:noehyani nketí sátsjia jaha. ¿A̱ ntá nkexrí chrókónoheni tí nti̱a a? ―ichro ch'án. 6 Ntá kjuáte̱he ch'ín Jesús ntáchro ch'án kíxin:mé tí nti̱a la ko janhan mé tí tan chaxín la ko janhan mé tsjánjuan tí kjuachón. Jehó tí nkexro tsitekaon tí janhan mé jína tsjiji tí tjen T'aná. 7 Tí chrókjuátso̱anrá tí janhan ntá xi̱kaha chrókjuátso̱anrá T'aná kja̱xin. Na ntá ó choxínrá ch'án jie la ko ó tjejókomárá ch'án ―ichro ch'án. 8 Ntá ntáchro ch'ín Felipe kíxin:ti̱to̱héni kíxin tsochóxinni It'á. Táhó mé tjinkaonni ―ichro ch'án. 9 Ntá kjuáte̱he ch'ín Jesús ntáchro ch'án kíxin:―Felipe, ósé tjejóni, ¿a̱ ntá na̱xa̱ tjátso̱anhya tí janhan ní? A̱ ntá xi̱kaha tí t'ikonrá tí janhan na mé xi̱kaha chrók'uíkonrá T'aná. ¿Nkekuènté tjanchàna kíxin chrókui̱to̱ha̱ chrók'uikonrá tí T'aná? 10 ¿Á títekákonhya jaha kíxin janhan jnkoko̱á tjéki̱an T'aná, la ko T'aná tjen tí tjén janhan? Tí nkehe níxja janhan la jehya kuènta̱na. Náhí. T'aná tjéki̱an janhan mé tjech'e ch'án tí xra̱ kuènte ch'án. 11 Títekáonrá kíxin jnkoko̱a tjéki̱an T'áná, a̱ ntá T'aná itjen tí tjén janhan. Kjónté kuítekákonhyará xi̱kaha la chrókuítekáonrá kíxin tí kjuaxroan jié kjuáko̱xia̱n k'uíkonrá. 12 Ijnko nkehe chaxín tjo̱nka̱rá kíxin tí chaxín tsítekáonrá tí janhan ntá kja̱xinrá tsjachará si̱ch'erá xra̱ yóhe̱ tjét'a̱ la ko kja̱xin ixra̱ a̱ntsí jié tsjachará si̱ch'erá kíxin janhan la ó sátsjiyá tí tjen T'aná. 13 Kaín nkehe tsjanchatóxixínrá tí ni̱na na mé tsjánjuan kíxin xi̱kaha tsjáko̱xia̱n tí kjuachaxin kuènte T'aná. 14 Tí chrén nkehe tsjanchatóxixínrá ni̱na la janhan la tsjánjuan.

Ch'ín Jesús chrónka ch'án kíxin chaxín tsochr'án ch'án tí Ncha̱kuen Dios

15 ’Tí chaxín tjuèhérá tí janhan ntá chrókjui̱nchexiteyéhérá tí nkehe kuétua̱nhanrá. 16 Ntá tsoxrja̱nnóa̱ha̱ T'aná kíxin tsochr'án ch'án Ncha̱kuen ch'án kíxin tsjinki̱tsa tí jahará la ko sinchechéhe̱ a̱sánrá la mé ts'ejokoará jnkochríxín. 17 Jehe ch'án mé Ncha̱kuen chaxín. Tí sín chjasintajni xitjahya ts'áyéhe̱ sín ch'án kíxin t'ikonhya sín ch'án la ko chónhya sín ch'án. Kjánchó jahará ó choxínrá ch'án kíxin tjejokoará ch'án la ko ts'ejokoará ch'án jnkochríxín. 18 Janhan na tsi̱to̱áhyará nòerá jahórá, na mé tsokjan ínaá kíxin ts'ejóni. 19 A̱ ntá séhya ntá tí sín chjasintajni ts'ikonhya sin tí janhan ínaá. Kjánchó jahará mé ts'ikonrá tí janhan. Ntá kja̱xinrá ts'ejochónrá kíxin janhan na tjéchua̱n. 20 A̱ ntá tí ya̱on a chrókónohará kíxin T'aná la ko janhan jnkoko̱á tjéki̱an la ko kja̱xin jahará la ko janhan jnkoko̱á tjejóni. 21 Tí nkexro nohe tí nkehe této̱an la ko sinchexiteyéhe̱ sín mé xi̱kaha tsja̱ko̱xi̱n sín kíxin chaxín tjuèhe sín tí janhan. A̱ ntá tí tjuèhe sín tí janhan ntá T'aná mé tsotjuèhe tí jehe sín la ko kja̱xin janhan tsotjua̱ha̱ sín la ko tsjáko̱xia̱n nkexrí tjén janhan ―ichro ch'ín Jesús. 22 A̱ ntá tí ch'ín Judas, jehya tí ch'ín Iscariote tíha, na mé kjuanchankí ch'án kíxin:¿nkekuènté jehóni tjákoxian, a̱ ntá tjáko̱éxinhya tí chojni chjasintajni? ―ichro ch'án. 23 Ntá kjuáte̱he ch'ín Jesús ntáchro ch'án kíxin:nkexro tjuèhe tí janhan mé sinchexiteyéhe̱ tí nkehe této̱an. La ko T'aná mé tsotjuèhe tí jehe sín la ntá T'aná la ko janhan ts'ejókoni sín. 24 A̱ ntá tí sín tjuèhya tí janhan la mé nchexiteyèhya sín tí nkehe tjàkua. A̱ ntá tí nkehe tjàkua tjejotinhínrá la jehya kuènta̱na. Náhí. Kuènte T'aná tí nkexro k'ue̱tua̱nna k'uinka. 25 ’Na̱xa̱ tjejóni la tjétjo̱nka̱rá kaín tíhi. 26 A̱ ntá Ncha̱kuen T'aná tsochr'án ch'án kjuachaxin ni̱na mé tsjinki̱tsa tí jahará la ko sinchechéhe̱ a̱sánrá la ko tsja̱ko̱hará kaín nkehe la ko sinchexraxinkaonrá kaín nkehe xrja̱nka. 27 ’Kjuaxróxin tsi̱to̱ha̱ la ko kjuaxróxin kuènta̱na tso̱tja̱hárá. Jehya éxí tí kjuaxróxin chrókjuanjon tí sín chjasintajni. Náhí. Chrókóxakuenhya a̱sánrá la ko chróchrakonhyará. 28 Ó kuínhínrá ntáxrja̱n kíxin sátsjiyá la ko tsokjan janhan ts'ejóni ínaá. Tí chaxín tjuèhérá tí janhan ntá chrókócháhará tí kuínhínrá kíxin sátsjiyá tí tjen T'aná kíxin a̱ntsí t'e̱to̱an ch'án la kánhyó této̱an janhan. 29 Senó tjétjo̱nka̱rá tíhi kíxin tió tso̱nhen tíha la ts'ikonrá ntá tsítekáonrá jahará. 30 ’Ntá jie la í séhya tsonixja̱hará kíxin tí jie itsi tí ch'ín Tsochren, mé tí nkexro t'e̱tue̱nhen tí sín chjasintajni. A̱ ntá jehe ch'án la ninkehó t'e̱tua̱nnahya tí janhan. 31 Kjánchó t'ichjánxi̱n kíxin xi̱kaha tso̱nhen ntá tí sín chjasintajni mé tso̱nohe sín kíxin tjua̱ha̱ T'aná la ko nchexiteyáha̱ tí nkehe k'ue̱tua̱nna ch'án. Ntá jie t'inkatjenrá sátsjixínni ntihi.

15

Tí nta t'óna to uva la ko tí chaan nta

1 ’Janhan mé éxí yóhe̱ ijnko ntanòa tjechón itsa to uva la ko T'aná mé éxí yóhe̱ tí nkexro t'ayakonhen tí nta a. 2 Tsochrínjin ch'án tí chaan nta t'ónahya to. A̱ ntá tí chaan nta t'óna to mé nchetjuák'á ch'án kíxin ntá ts'óna a̱ntsí má tsjé to. 3 A̱ ntá jahará la kótjuáxinrá tí tanná k'uétjo̱nka̱rá senó. 4 Tí tsi̱to̱éhyará tí janhan ntá kja̱xin janhan tsi̱to̱a̱hya tí jahará. Mé xi̱kaha ijnko chaan nta ts'axrjentehe tsjachahya jehó ts'óna to, la ko xi̱kaha jahórá tsjachahyará si̱ch'erá tí xra̱ kuènta̱na tí tsi̱to̱hérá tí janhan. 5 ’Janhan na mé yóhe̱ tí ntanòa, a̱ ntá jahará la tí chaan tí ntanòa tsík'ayanta. Tí nkexro jnkoko̱á tjenka̱yáxinkian mé tsjacha ts'óna nchónhya to. A̱ ntá tí tsinkáchónkihya sín tí janhan la ninkehó xra̱ tsjachahya sín sich'e sín. 6 A̱ ntá tí nkexro jnkoko̱áhya tjenka̱yáxinkian na mé éxí yóhe̱ tí nta ch'ehya xra̱ tsíkóchrínjin sín tsík'itjí sín chrínta tí nonte a tso̱xámá ntá tsoxrejo ntá tsoche. 7 ’Ntá tí chaxín tsi̱to̱éhyará tsinkachónkirá tí janhan la ko ts'itjáyanhyará tí nkehe kjuákohará ntá tsjanchiará ichrén nkehe tjinkáonrá la ts'ayéhérá. 8 A̱ ntá T'aná la tso̱chéhe̱ ch'án tí ts'ónará itsjé to. Mé xi̱kaha tsjáko̱xi̱nrá kíxin tinkachónkirá tí janhan. 9 Janhan tjua̱hará tí jahará éxí tjua̱na T'aná. Chrókónohará kíxin tjua̱hará. 10 Tí tsítekáonrá tí nkehe kuétua̱nhanrá ntá tso̱nohará kíxin tjua̱hará éxí yóhe̱ kja̱xin janhan nta̱xiteyá tí nkehe k'ue̱tua̱nna T'aná ntá kónòna janhan kíxin tjua̱na ch'án. 11 ’Mé xi̱kaha tjo̱nka̱rá kaín tíha kíxin ntá éxí chàna mé xi̱kaha tsjintaxín tso̱chéhe̱ a̱sánrá. 12 Tí nkehe kuétua̱nhanrá la mé tíhi kíxin chrótjuèhérá kíchuárá éxí tjua̱hará xi̱kaha. 13 Ninkexró chrókóyóhe̱ éxí tí nkexro imá tjuèhe tí sín chóxin ch'án ntá ts'enyákonhe̱n ch'án tí jehe sín. 14 Jahará la chojni choxian tí tsítekáonrá tí nkehe tétua̱nhanrá. 15 Ntáxrja̱nhya janhan kíxin jahará chojni ch'exón xra̱ kíxin tí chojni xi̱kaha ch'exón xra̱ mé noehya sín nkehe tí xra̱ ch'e tí lámo̱e sín a. Náhí. A̱ ntá jahará la chojni choxian kíxin kaín xín nkehe kjua̱ko̱na T'aná mé kjuákohárá. 16 Jehya kíxin jahará kjuéyárá tí janhan. Náhí. Janhan mé kjuéyá tí jahará kíxin tsotja̱hárá xra̱, a̱ ntá éxí yóhe̱ to xé mé chrók'uaxrje jína tí xra̱ si̱ch'enará kíxin chrók'uitjáyanhya. A̱ ntá T'aná mé tsotjáhará ch'án kaín xín nkehe tsjanchexínrá ni̱na. 17 Mé xi̱kaha tétua̱nhanrá kíxin tsotjuèhérá kíchuárá.

Tí sín chjasintajni nínkakonhen sín tí ch'ín Jesús la ko tí sín tinkáchónki

ch'án 18 ’Tí tso̱nínkakonhanrá tí chojni chjasintajni ntá chrókónohará kíxin senó janhan nínkakonna sín. 19 Tí chrókókuèntárá chjasintajni ntá tí sín chjasintajni chrótjuàhárá sín kíxin na̱xa̱ kjéhyará sín. Kjánchó janhan kjuéyá tí jahará kíxin chrók'uaxrjékjanxínrá tí sín siín chjasintajni. A̱ ntá tí sín chjasintajni nínkakonhanrá sín kíxin jahará jahyará kuèntárá chjasintajni. 20 Xráxinkáonrá tí nkehe tsítjo̱nka̱rá kíxin tí sín ch'ehe lámo̱e sín xra̱ tjetóxinhya ts'e̱to̱an sín. Éxí yóhe̱ chónkìna sín mé xi̱kaha tsochónkíhi sín tí jahará. A̱ ntá tí kuítekaon sín tí nkehe kjuáko̱ha̱ sín ntá kja̱xin tsitekaon sín tí nkehe na̱xa̱ tsjákohérá sín. 21 Mé xi̱kaha sit'ahará sín kíxin jahará tinkachónkirá tí janhan la ko jehe sín chónhya sín tí nkexro ichr'ánna k'uinka ntihi. 22 ’Tí chrók'uinkahya janhan ntihi chrónixja̱hya sín ntá chrókuamáhya sín jie̱. Ntá jié kohya nkerí tsaáxin sín kíxin tí jie̱ tinkákjasin sín. 23 Tí sín nínkakonna mé xi̱kaha nínkakonhen sín T'aná. 24 Chróchóntahya sín jie̱ tí chrók'uejókianhya sín ntihi chrókjuásinhya janhan kjuaxroan jié éxí tsíkjasinhya ninkexró senó. Ntá jie ó k'uíkon sín kaín tí kjuaxroan, a̱ ntá kjónté nínkakonna sín tí janhan la ko nínkakonhen sín T'aná kja̱xin. 25 Mé xi̱kaha tso̱nhen kaín tíha kíxin ntá tsoxiteyá tí nkehe ntáchro tí ley kuènte sín kíxin: “Kohya jie̱ kjuásian janhan ntá kjónté kónínkakonna sín.” 26 A̱ ntá tsi tí nkexro tsjinki̱tsa la ko sinchechéhe̱ a̱sánrá. Tíha mé tí Ncha̱kuen Dios chaxín. Janhan mé tsochr'an ch'án kíxin tí kjuachaxin kuènte T'aná. A̱ ntá jehe ch'án mé tsochrónka nkexrí tjén janhan 27 la ko jahará kja̱xinrá tso̱chro̱nka̱rá nkexrí tjén janhan kíxin tí xrankíxixín la k'uéjóni jnkoko̱á.

16

1 ’Kaín tíhi tjétjo̱nka̱rá kíxin chrókui̱to̱éhyará tí nkehe kjuákohárá. 2 Tí sín judío tsjanjonhya sín kjuachaxin ts'ixe̱nhenrá ni̱nko̱é sín la ko tsjixraká tí ya̱on kíxin tí sín ts'óyán sín tí jahará tsontáchro sín kíxin xi̱kaha mé tjejóch'e sín xra̱ kuènte Dios, tsixro sín. 3 Mé xi̱kaha sich'e sín kíxin chónhya sín T'aná la ko chónhyana sín. 4 A̱ ntá tjo̱nka̱rá kaín tíhi kíxin tió tsjixraká tí ya̱on xi̱kaha tso̱nhen ntá tsoxráxinkáonrá kíxin ó k'uétjo̱nka̱rá senó a.

Tí xra̱ ch'e Ncha̱kuen Dios

xrankíxixín k'uétjo̱nka̱hyará tíhi kíxin jnkoko̱á k'uék'ejóni. 5 Ntá jie sátsjiyá tí tjen tí nkexro ichr'ánna k'uinka. Kjánchó nijnkorá tjanchankíhyará nketí sátsjiyá. 6 Ntá kjuixin tjo̱nka̱rá tíha ntá imá t'avárá kíxin kuínhínrá xi̱kaha xrja̱nka. 7 A̱ ntá chaxín tí nkehe tjétjo̱nka̱rá kíxin íchá jína sátsjiyá kíxin jahará jína chrók'uejorá. A̱ ntá tí sáchrókjuíhya ntá chrókuihya tí nkexro tsjinki̱tsará. A̱ ntá tí sátsjiyá janhan ntá tséto̱an kíxin itsi ch'án ntihi. 8 A̱ ntá tió tsi ch'án mé sinchexraxinkaon ch'án tí chojni chjasintajni kíxin jehe sín mé tjasin sín jie̱, la ko itjen ijnko nti̱a ntoá chrókuakja sín la ko Dios mé sinchekito̱exín tí jie̱ kjuasin sín. 9 Xi̱kaha chónta sín jie̱ kíxin tinkáchónkihya sín tí janhan. 10 A̱ ntá tso̱nohe sín kíxin itjen tí nti̱a ntoá kíxin sátsjiyá tí tjen T'aná ntá ts'ikonhyará tí janhan ínaá, 11 la ko tso̱nohe sín kíxin Dios sinchekito̱exín ijie̱ kíxin ó kjuixin kuíto̱exín iji̱é tí nkexro t'e̱to̱an chjasintajni kíxin tsjasóte. 12 ’Na̱xa̱ chonta janhan itsjé nkehe chrótjo̱nka̱rá, kjánchó chrókjuachahyará chrókiénxinrá jie. 13 A̱ ntá tió tsi tí Ncha̱kuen Dios chaxín ntoá ntá jehe tí Ncha̱kuen Dios mé tsja̱ko̱hará ch'án kaín xín nkehe ntoá. Méxra̱ jehya tí nkehe kuènte ch'án tsochrónka ch'án na mé tí nkehe tsinhin ch'án mé tsochrónka ch'án tsja̱ko̱hará ch'án tí nkehe tso̱nhen chr'éxi̱n. 14 Jehe ch'án mé tsjikosàyana ch'án kíxin ts'áyéhe̱ ch'án tí nkehe kuènta̱na ntá tsja̱ko̱hará ch'án nkehe tíha. 15 Kaínxín nkehe chónta T'aná na mé kuènta̱na. Mé xi̱kaha ntáxrja̱n kíxin tí Ncha̱kuen Dios chaxín ntoá mé ts'áyéhe̱ ch'án tí nkehe kuènta̱na ntá tsja̱ko̱hará ch'án nkehe tíha.

Senó ts'ává sín ntá chr'éxi̱n tso̱chéhe̱ sín

16 ’Ntá í séhya la í ts'ikonhyará tí janhan. La ko kja̱xin séhya xik'ikonrá tí janhan ínaá kíxin sátsjiyá tí tjen T'aná ―ichro ch'án. 17 Ntá iso tí sín k'uájiko ch'án mé kjuanchankíhi sín kíchó sín kíxin:―¿Nkexrí t'axrjexín tí nkehe ntáchro ch'án kíxin í séhya ts'ikonhyani ch'án la ko kja̱xin séhya ntá xik'ikonni ch'án ínaá kíxin sátsji̱ ch'án tí tjen It'é ch'án? 18 ¿Nkexrí t'axrjexín tí ntáchro ch'án kíxin “í séhya”? Méxra̱ tienxínhya nkehe tí ntáchro ch'án ―ichro sín. 19 Ntá kónohe ch'ín Jesús tí nkehe chrókjuanchankíhi sín ch'án ntá ntáche ch'án sín kíxin:―Xi̱kaha tjo̱nka̱rá kíxin í séhya ts'ikonhyará tí janhan la ko kja̱xin séhya xik'ikonrá tí janhan ínaá. ¿Á tíha mé tjejotjanchankíhírá kíchuárá ní? 20 Tjétjo̱nka̱rá ijnko nkehe chaxín kíxin imá tsotsja̱nkará la ko ts'avárá. A̱ ntá tí chojni chjasintajni la tso̱chéhe̱ sín. A̱ ntá jahará ts'avárá la ko si̱ntaníhará kjónté chr'éxi̱n tso̱cháhará má. 21 Éxí yóhe̱ ijnko tjan sinchekokjíhi tjan xje̱en tjan mé imá tóxakonhen tjan kíxin ó kjuixraká tsjoté tjan. A̱ ntá tsjixin tsokjíhi xjan ntá í xraxinkakonhya tjan nkexrí kjoté tjan kíxin chéhe̱ tjan kokjíhi ijnko xjan ntihi chjasintajni. 22 Mé xi̱kaha jahará ijie t'avárá. Ntá xik'íkua̱n tí jahará ínaá ntá imá tso̱chéhe̱ a̱sánrá la ko tso̱kohya ninkexró tsakitsajahará tí kjuachéhe̱ tsochontará. 23 ’Tió tsi tí ya̱on a ntá tsjanchankínahyará ninkehó. Chaxín tí nkehe tjétjo̱nka̱rá kíxin T'aná tsotjáhará ch'án kaín nkehe tsjanchatóxixínrá ni̱na. 24 Na̱xa̱ kjuánchatóxixínhyará ninkehó tí ni̱na. Ntá jie tjanchiará la ts'ayéhérá, a̱ ntá tsjintaxín tso̱cháhará.

Ìnchéni Jesucristo mé kjuacha ch'án k'ue̱to̱an ch'án, ntá chjasintajni la náhí

25 ’Tí nkehe tjétjo̱nka̱rá mé kjui̱ntayóa̱xián ó. Ntá tsjixraká tí ya̱on la í ninkehó si̱ntayóa̱xián na mé ntoá tso̱tjo̱nka̱rá nkexrí tjen T'aná. 26 A̱ ntá tí ya̱on a mé tsjanchaxínrá nkehe ni̱na. Ntá ntáxrja̱nhya tíhi kíxin tsonixja̱yákonhanrá tí tjen T'aná 27 kíxin jehe T'aná mé tjuahará jahará. Na mé tjuahará ch'án kíxin jahará tjua̱nará tí janhan la ko kíxin kuítekáonrá kíxin janhan k'uinkaxian tí tjen Dios. 28 K'uaxrjéxian tí tjen T'aná k'uinka chjasintajni. Ntá jie la ó tsi̱to̱ha̱ chjasintajni ntá sátsjiyá ínaá tí tjen T'aná ―ichro ch'án. 29 Ntá ntáchro tí sín k'uájiko ch'án a kíxin:jie ntoá tjéchro̱nka ninkehó ncheyoéxinhya. 30 Ntá jie tienxínni kíxin jaha mé noha kaín xín nkehe la ko t'ichjánxi̱nhya kíxin jnkojín nkexro chrókjuanchankíha sín ichrén nkehe. Méxra̱ xi̱kaha titekaonni kíxin jaha mé k'uinkaxian tí tjen Dios ―ichro sín. 31 Ntá kjuáte̱he ch'ín Jesús ntáchro ch'án kíxin:jie kuítekáonrá ní? 32 Ntá tsi tí ya̱on na mé jie tíha na ntá tsochrakonrá jnkojnkorá tsoxíkará sátsjirá ntá tsi̱to̱nará janhván tsjak'é. Kjánchó jehya janhván tjén. T'aná mé tjéki̱an. 33 Tjétjo̱nka̱rá kaín tíhi kíxin ntá kjuaxróxin ts'ejó a̱sánrá tinkachónkirá tí janhan. A̱ ntá ntihi chjasintajni kjónté kjuaxróxinhya tjejorá tjejotjasóterá kjánchó chrakonhyará kíxin janhan mé ó kjuixin kjuacha tséto̱an. A ntá tí chjasintajni la kjuachahya ts'e̱to̱an ―ichro ch'án.

17

Ch'ín Jesús chrónóe̱he̱ ch'án It'é ch'án kíxin chrók'uayakonhen tí sín

k'uájiko ch'án 1 Ntá ó kjuixin chrónka ch'ín Jesús kaín tíha ntá konta ch'án nka̱jní ntáchro ch'án kíxin:It'éni, ó kjuixraká tí ya̱on a. A̱ ntá jie chróchje̱hé tí Xja̱an a̱ntsí má kjuachaxin kíxin kja̱xin tí Xja̱an chrókjuikosáyehe tí jaha. 2 Jaha tsíchje̱hé kjuachaxin tí Xja̱an kíxin ts'e̱tue̱nhen ch'án kaín xín chojni na ntá jehe ch'án tsochjéhe kjuachón jnkochríxín kaín tí sín tsíchje̱hé ch'án. 3 Tí kjuachón jnkochríxín mé t'axrjexín kíxin tsochóxian sín tí jaha tí jnkoko̱á Dios chaxín tjechón la ko kja̱xin tsochóxin sín Jesucristo la mé jaha kuétue̱nhén ch'án kui ch'án ntihi chjasintajni. 4 ’Ó kjuixin kjuíkosáya̱ha tí jaha ntihi chjasintajni kjuixinna tí xra̱ chjìna si̱t'a. 5 A̱ ntá jie It'éni, chjìna jaha tí kjuachaxin jié k'uéchonta janhan tí k'uéjóni jnkoko̱á na̱xa̱ k'ónahya chjasintajni. 6 ’Ó kjuixin kjuáko̱ha̱ tí sín chjìna chjasintajni kíxin nkexro tí jaha. Jaha mé k'uékuèntá sín tí ósé ntá jie chjìna tí janhan la ó kjuáko̱ha̱ sín itán la ntá ijie la ó kuítekaon sín. 7 Ntá jie ó kjuátso̱an sín kíxin kaín tí kjuachaxin chonta janhan la jaha tsíkjánjuan. 8 Kíxin ó kjuixin kjuáko̱ha̱ sín tí tán chjìna jaha, ntá kuítekaon sín, ntá kuíenxín sín kíxin mé chaxín tsík'inkaxian tí tjen jaha, na mé kuítekaon sín kíxin jaha kuétua̱nna k'uinka. 9 ’Janhan mé xrja̱nóa̱ha kíxin chrók'uayakonhén tí jehe sín. Jehya kíxin xrja̱nnóa̱ha kíxin chrók'uayakonhén kaín tí chojni siín chjasintajni. Náhí. Jehó xrja̱nóa̱ha kíxin chrók'uayakonhén tí sín chjìna kíxin kuèntá sín. 10 A̱ ntá kaín tí nkehe chonta janhan na mé kuèntá jaha la ko kaín tí nkehe kuèntá la mé kuènta̱na kja̱xin. A̱ ntá tí kjuachaxin jié kuènta̱na mé ts'inkaséyanxín tí jehe sín. 11 ’A̱ ntá jie tsito̱nahya janhan ntihi chjasintajni. Kjánchó jehe sín na̱xa̱ tsito̱he sín chjasintajni. A̱ ntá jie tsjasán tí tjen jaha. Jaha It'éni imá jína jaha, t'ayakuenxián sín tí kjuachaxin tí ihni̱á kíxin ntá jnkoko̱á chrókjuenka̱yáxin sín éxí tí jaha la ko janhan jnkoko̱á tjenka̱yáxinni. 12 A̱ ntá tí na̱xa̱ k'uéjóki̱an tí jehe sín ntihi chjasintajni la k'uàyakuànxián sín tí kjuachaxin tí ihni̱á chjìna. Nijnko tí jehe sín k'uitjáyanhya sín. A̱ ntá jnkoko̱á nkexro mé k'uítjáyan mé tí ch'ín xráxín ts'itjáyan kíxin xi̱kaha tsoxiteyá éxí nixja tí xroon tsíkjin sín. 13 ’Ntá jie ó tsjasán tí tjen jaha. A̱ ntá na̱xa̱ itjén janhan chjasintajni mé ntáxrja̱n tíhi kíxin ntá tso̱chéhe̱ sín éxí yóhe̱ imá chàna. 14 Janhan mé kjuáko̱ha̱ sín itán jaha, a̱ ntá jie tí sín chjasintajni mé nínkakonhen tí jehe sín kíxin jehe sín la jehya kuènte chjasintajni éxí kja̱xin janhan na janhya kuènta̱na chjasintajni. 15 Tjáncháhya kíxin chrókuakítsjehé sín chjasintajni. Náhí. Tjáncháhá kíxin chrók'uayakonhén sín kíxin chrókjuich'iyehya sín tí Jínahya. 16 Jehe sín la jehya kuènte chjasintajni éxí yóhe̱ janhan kja̱xin janhya kuènte chjasintajni. 17 Nchetjuáxian sín tí kjuachaxin kuèntá kíxin itán jaha mé tí tan chaxín ntoá. 18 Éxí yóhe̱ jaha kuétua̱nna k'uinka chjasintajni mé xi̱kaha janhan tétua̱nha̱n sín kíxin chrók'uejóyákjan sín tí sín chjasintajni. 19 Jehó tí xra̱ kuèntá chrókjui̱t'a kíxin chrókjuinki̱tsa tí jehe sín, a̱ ntá jehe sín kja̱xin chrókjuich'e sín tí xra̱ kuèntá kíxin kuínhin sín itán chaxín ntoá. 20 ’Kjánchó jehya kíxin xrja̱nóa̱ha kíxin chrókjuínki̱tsa tí jehó sín. Náhí. Kja̱xin xrja̱nóa̱ha kíxin chrókjuínki̱tsa kaín tí sín tsitekaon sín chr'éxi̱n tsinhin sín tí nkehe tsochrónka tí sín a. 21 Mé xi̱kaha xrja̱nóa̱ha kíxin kaín tí jehe sín jnkoko̱á chrókjuenka̱yáxin sín éxí jaha It'éni la ko janhan jnkoko̱á tjenka̱yáxinni mé xi̱kaha xrja̱nóa̱ha kíxin kaín tí jehe sín la ko jaha la ko janhan jnkoko̱á chrókjuenka̱yáxinni. A̱ ntá tí sín chjasintajni chrókuitekaon sín kíxin jaha tsíkétua̱nna k'uinka ntihi. 22 A̱ ntá tí kjuachaxin jié chjìna na mé tja̱ha̱ tí jehe sín kíxin ntá kaín sín jnkoko̱á chrókjuenka̱yáxin sín éxí yóhe̱ jaha la ko janhan jnkoko̱á tjenka̱yáxinni. 23 Janhan la ko jehe sín jnkoko̱á chrókjuenka̱yáxinni éxí jaha la ko janhan jnkoko̱á tjenka̱yáxinni. Mé xi̱kaha tí sín chjasintajni chrókónohe sín kíxin jaha kuétua̱nna k'uinka la ko kja̱xin chrókónohe sín kíxin jaha tjuèhé tí jehe sín éxí yóhe̱ tjua̱na tí jaha. 24 ’Jaha It'éni, tí sín kjuánjuan la tjínka̱van kíxin tí jehe sín chrók'uejóki̱an sín tí tsjak'é janhan kíxin chrók'uikon sín tí kjuachaxin jié chjìna; kíxin xráxín na̱xa̱ k'ónahya chjasintajni k'uétjua̱na jaha. 25 It'éni jaha, imá jína jaha. Kjónté tí sín chjasintajni na̱xa̱ chónhya sín tí jaha, ntá janhan na ó xráxín choxian tí jaha la ko kaín tí sín i kja̱xin ó nohe sín kíxin jaha kuétua̱nna k'uinka. 26 Ó kjuáko̱ha̱ sín kíxin nkexro tí jaha la ko xi̱kaha na̱xa̱ tsjáko̱ha̱ sín, kíxin éxí tjua̱na jaha mé xi̱kaha chrótjuèhe sín kíchó sín la ko janhan chrók'uejóki̱an tí jehe sín ―mé xi̱kaha chrónóe̱he̱ ch'ín Jesús tí It'é ch'án.

18

Ch'ín Jesús sákjuíko sín ch'án tsjak'echjina ch'án

1 Ó kjuixin ntáchro ch'ín Jesús kaín tíha ntá jehe ch'án la ko tí sín k'uájiko ch'án k'uaxrjexín sín ntiha k'uatòye̱ sín tí tsa̱ka Cedrón. Ntaha tjen ijnko nonte siín nchónhya nta k'uíxenhen ch'ín Jesús la ko tí sín k'uájiko ch'án. 2 Kja̱xin ch'ín Judas tí ch'ín sinchekji tí ch'ín Jesús mé nohe ch'án kíxin ntaha tjen tí huerto a kíxin ntaha jnkoya̱xón kójnkotséko ch'ín Jesús tí sín k'uájiko ch'án a. 3 A̱ ntá ch'ín Judas ó kjui̱ka̱o ch'án nchónhya sín soldado la ko iso sín policía kuènte ni̱nko tsík'e̱tue̱nhen tí sín ncha̱t'á t'e̱to̱an la ko tí sin fariseo. Ntá kjui sín kaín sín xraá sín chica la ko kjui̱ka̱o sín xrohi t'inkaséyanxín tí kjui̱xi̱n sín. 4 A̱ ntá ch'ín Jesús ó nohe ch'án kaín xín nkehe ts'atsínka ch'án, ntá sákjuí ch'án kjuanchankíhi ch'án sín ntáchro ch'án kíxin:―¿Nkexro xritjéyárá? ―ichro ch'án. 5 Ntá kjuáte̱he sín ntáchro sín kíxin:tí ch'ín Jesús tsíkji̱xi̱n chjasin Nazaret ―ichro sín.kjuáte̱he ch'ín Jesús ntáchro ch'án kíxin:tíha ―ichro ch'án.ntá ch'ín Judas tí ch'ín tsíkjinchekji tí ch'ín Jesús mé koí tjenkákjan ch'án tí jehe sín ntiha. 6 A̱ ntá tió kjuáte̱he ch'ín Jesús kíxin jehe ch'án tíha, ntá jehe sín xráchonka sín kjuítsínka sín nonte. 7 Ntá xíkjanchankí ch'ín Jesús ínaá ntáchro ch'án kíxin:xritjéyárá? ―ichro ch'án.xíntáchro sín kíxin:tí ch'ín Jesús tsíkji̱xi̱n chjasin Nazaret ―ichro sín. 8 Ntá ntáchro ch'ín Jesús kíxin:kjuixin tjo̱nka̱rá kíxin janhan tíha. Tí xritjéyárá tí janhan ntá ti̱to̱hérá sátsji tí í so sín xríki̱an ―ichro ch'án. 9 Mé xi̱kaha ntáchro ch'ín Jesús kíxin ntá tsoxiteyá tí nkehe tsíntáchro ch'án kíxin: “Tí sín kjuanjon T'aná la ninkexró kjui̱ntak'itjáyanhya.” 10 Ntá ch'ín Simón Pedro kuakitsje ch'án tí chica espada chrinkatoxi̱n ch'án kóchrínjin ch'án ta̱tsjon chjina ijnko ch'ín it'in Malco, mé ijnko ch'ín ch'ehe ncha̱t'á t'e̱to̱an xra̱. 11 Kjánchó ch'ín Jesús ntáche ch'án tí ch'ín Pedro kíxin:tjo̱e chica espada méhe̱. Kjá ntáchrua kíxin tsjasótehyana, kjá ichrua. Kjánchó T'aná kjuanjon kjuachaxin kíxin nchónhya tsjasótena ―ichro ch'án.

Ch'ín Jesús kjuák'e nkayakon tí ch'ín t'e̱tue̱nhen tí sín ncha̱t'á

12 A̱ ntá tí sín soldado la ko tí ch'ín comandante t'e̱tue̱nhen sín la ko tí sín policía judío kuènte ni̱nko mé itsé sín tí ch'ín Jesús kjuínchenteto sín ch'án. 13 A̱ ntá sákjuíko sín ch'án nto̱e ch'ín Anás ich'e̱e tí ch'ín Caifás mé tí nkexro tsík'áyéhe̱ xra̱ ncha̱t'á t'e̱to̱an tí nánó a. 14 A̱ ntá tí ch'ín Caifás, jehe ch'án na mé tí nkexro tsíntáche tí sín judío kíxin íchá jína kíxin jnkoko̱á chojni chrók'uenyákonhe̱n kaín tí sín chjasén ch'án.

Ch'ín Pedro kjuínchemá ch'án kíxin chóxin ch'án tí ch'ín Jesús

15 Ch'ín Simón Pedro la ko í jnko ch'ín k'uék'ajiko ch'ín Jesús mé kuinkáchréhe̱ sín ch'án. Tí ch'ín ijnko a mé chóxin ch'án tí ncha̱t'á t'e̱to̱an. Ntá k'uíxenko ch'án tí ch'ín Jesús tí nta̱sin nto̱e tí ncha̱t'á t'e̱to̱an. 16 Kjánchó ch'ín Pedro kuíto̱he ch'án ntója nta̱sin ó. Ntá tí ch'ín ijnko a chóxin tí ncha̱t'á t'e̱to̱an mé k'uaxrje ch'án nta̱sin nixje̱he̱ ch'án tí tjan t'ayakonhen tí ntója nta̱sin chrónóe̱he̱ ch'án tjan ntá xranjon kjuachaxin ntá k'uíxenhen ch'ín Pedro kja̱xin. 17 Na ntá tí tjan t'ayakonhen tí ntója nta̱sin kjuanchankíhi tjan tí ch'ín Pedro kíxin:jahya kja̱xin xríkoa tí ch'ín a? ―ichro tjan.kjuáte̱he ch'ín Pedro kíxin:janhya ―ichro ch'án. 18 Ntá imá kin ntá tí sín ch'exón xra̱ la ko tí sín policía kjuaka sín xrohi ntaha tjejóxin to̱té sín tjejóchjixro̱he sín. La ko koí ch'ín Pedro tjechjixro̱he ch'án ntiha.

Tí ncha̱t'á t'e̱to̱an mé kjuanchankíhi ch'án tí ch'ín Jesús

19 Ntá tí ncha̱t'á t'e̱to̱an kjuankíxin kjuanchankíhi ch'án tí ch'ín Jesús kíxin nkexro tí sín k'uájiko ch'án la ko nkehe tí kjua̱ko̱he̱ ch'án sín. 20 Ntá kjuáte̱he ch'ín Jesús ntáchro ch'án kíxin:kjuak'é kjuàkua, la ntá kaín xín chojni kuínhin sín. Xráxín k'uékjáko̱xia̱n kaín xín tí ni̱nko ntsí la ko tí ni̱nko jié tójnkotséxin kaín xín sín judío. Ninkehó nkehe kjuákohya imó. 21 ¿Nkekuènté tjanchankìna tí janhan xi̱kaha? Chrókjuanchankíhí tí sín kuínhin kíxin nkexrí kjuáko̱ha̱ sín. Jehe sín mé nohe sín nkehe kjuáko̱ha̱ sín ―ichro ch'án. 22 Kjuixin ntáchro ch'ín Jesús tíhi ntá ijnko ch'ín policía kuènte ni̱nko mé tjentaxín ch'án ntiha chjéhe ch'án nkayakon tí ch'ín Jesús ntáchro ch'án kíxin:xi̱kaha jie̱he tsjáte̱hé tí ncha̱t'á t'e̱to̱an ní? ―ichro ch'án. 23 Ntá kjuáte̱he ch'ín Jesús ntáchro ch'án kíxin:ntoáhya tí nkehe xrja̱nka ntá chro̱nka nkehe tí ntoáhya. A̱ ntá tí ntoá tí nkehe xrja̱nka, ¿ntá nkekuènté kíxin tjatena? ―ichro ch'án. 24 Ntá k'ue̱to̱an ch'ín Anás kíxin tjechróntetoxinhín ch'ín Jesús sátsji ch'án tí tjen ch'ín Caifás tí ncha̱t'á t'e̱to̱an.

Ch'ín Pedro xíkjinchemá ch'án ínaá kíxin chóxin ch'án tí ch'ín Jesús

25 Ntá ch'ín Simón Pedro mé na̱xa̱ tjexín to̱té ch'án tjechjixro̱he ch'án. Ntá kjuanchankíhi sín ch'án kíxin:kja̱xinhya jaha xríkoa tí nkexro i ní? ―ichro sín.ch'ín Pedro kjuínchemá ch'án ínaá ntáchro ch'án kíxin:janhya ―ichro ch'án. 26 A̱ ntá ijnko ch'ín ch'ehe tí ncha̱t'á t'e̱to̱an xra̱, na mé tí ch'ín a mé na̱xa̱ kjéhya ch'án tí ch'ín tsíkóchrínjin ch'ín Pedro ntatsjon, na mé kjuanchankí ch'án kíxin:jehya jaha tí k'uíkua̱n tjekoa ch'án tí huerto ní? ―ichro ch'án. 27 Ntá ch'ín Pedro xíkjinchemá ch'án ínaá kíxin jehya ch'án, ichro ch'án. Ntá xrína̱hya tuénxín itsje ijnko kochínto̱a.

Ch'ín Jesús kjuák'e nkayakon tí ch'ín Pilato

28 Ntá k'uaxrjexín sín nto̱e ch'ín Caifás, sákjuíko sín ch'ín Jesús tí palacio t'e̱to̱anxín tí ch'ín gobernador. Ntá ó kjuankíxin k'uínkaséyan kjuíji sín ntiha. A̱ ntá tí sín judío la mé í k'uíxenhya sín tí palacio kíxin tí xi̱kaha chrók'uixenhen sín tí nchia a la chrókuamá sín tí jie̱ siín ntiha la í xitjahya sine sín tí kia pascua, ichro sín. 29 A̱ ntá ch'ín Pilato k'uaxrjexín ch'án tí nchia t'e̱to̱anxín ch'án kjuanchankíhi ch'án sín kíxin:tí jie̱ chónta tí nkexro i? ―ichro ch'án. 30 Ntá kjuáte̱he sín ntáchro sín kíxin:chróchóntahya ch'án jie̱ jié la chrókjui̱ko̱ahyani ch'án ―ichro sín. 31 Ntá k'ue̱to̱an ch'ín Pilato kíxin:ch'án nchekito̱exínrá nkerí jie̱ chónta ch'án kíxin éxí ntáchro tí ley kuèntárá ―ichro ch'án.kjuáte̱he tí sín judío ntáchro sín kíxin:chojni judíoni la chóntahyani kjuachaxin ts'óyánni ninkexró ―ichro sín. 32 Mé xi̱kaha tsoxiteyá tí nkehe tsíntachro ch'ín Jesús kíxin nkexrí ts'enxín ch'án. 33 Ntá ch'ín Pilato xík'ixenhen ch'án tí nchia t'e̱to̱anxín ch'án ntá k'uíye̱he̱ ch'án tí ch'ín Jesús kjuanchankíhi ch'án kíxin:jaha tí nkexro Rey t'e̱tue̱nhen tí sín judío ní? ―ichro ch'án. 34 Ntá ntáchro ch'ín Jesús kjuanchankí ch'án kíxin:nkehe tjanchankìná, ¿á jahyá kjuenka̱yáxian xi̱kaha, o̱ á í jnko nkexro kjuanchia jie̱ kíxin tí janhan? ―ichro ch'án. 35 Ntá kjuáte̱he ch'ín Pilato ntáchro ch'án kíxin:kjanhya janhan tí judío kíxin? Tí sín chjasán la ko tí sín ncha̱t'á t'e̱to̱an mé kjuikaán sín tí jaha. ¿Xá nkehe kjui̱ch'e kíxin? ―ichro ch'án. 36 Ntá kjuáte̱he ch'ín Jesús ntáchro ch'án kíxin:kjuachaxin chonta janhan jehya kíxin chjasintajni chrókuéto̱an. Náhí. Tí chrókuéto̱an chjasintajni ntá tí sín xríki̱an chrókjuanjo̱nko sín tí sín judío kíxin chrótséhyana sín la chrókjuikánhyana sín ntihi. Kjánchó tí kjuachaxin chonta janhan jehya kíxin chjasintajni chrókuéto̱an ―ichro ch'án. 37 Ntá ntáchro ch'ín Pilato kíxin:jaha chaxín ijnko rey? ―ichro ch'án.kjuáte̱he ch'ín Jesús ntáchro ch'án kíxin:tí rey éxí ntáchrua jaha. Tí xra̱ ó kokjìna la ko tí xra̱ ó k'uinka chjasintajni kíxin tso̱xrja̱nka nkehe tí chaxín ntoá. Kaín tí sín titekaon tí nkehe chaxín ntoá mé tjejótinhin sín tí nkehe tjàkua ―ichro ch'án. 38 Ntá ntáchro ch'ín Pilato kíxin:nkehe tí nkehe chaxín ntoá, ichrua? ―ichro ch'án.

Ch'ín Pilato kjuanjon kjuachaxin kíxin its'en ch'ín Jesús

kjuixin kjuanchankí ch'ín Pilato tíha ntá k'uaxrjexín ch'án ntiha ntá sákjuí ch'án tí tjejó tí sin judío nixje̱he̱ ch'án sín ntáchro ch'án kíxin:ninkehó jie̱ chónta tí nkexro i. 39 Kjánchó jahará la ó kuánhanrá kíxin tí kia pascua tsjánjuan kjuachaxin kíxin ts'atjánta ijnko nkexro tjechjina. ¿Á tjinkáonrá kíxin ts'atjánta tí ch'ín Rey t'e̱tue̱nhen tí sín judío? ―ichro ch'án. 40 Ntá kaín sín k'óyako sín kjuanchia sín kíxin:ch'ín a la náhí. T'atjánta tí ch'ín Barrabás ―ichro sín.tí ch'ín Barrabás mé ijnko chojni che̱e tíha.

19

1 Ntá ch'ín Pilato mé k'ue̱to̱an ch'án kíxin tsjate sín tí ch'ín Jesús. 2 Ntá tí sín soldado kjuích'éna sín ntach'i̱ ijnko corona ntá kjua̱k'e̱nka̱ya sín ikja tí ch'ín Jesús. La ko kjuínchek'inkáya sín ch'án ijnko ka kjátse tié kíxin jehe sín tsjikosáyehe sín ch'án éxí ijnko rey, kjánchó chaxínhya tíha. 3 Ntá kóchjinehe sín tí tjen ch'án ntáchro sín kíxin:tsjak'e tsétue̱nhén tí sín judío ―ichro sín.chaxínhya tíha kjuanoá sín ch'án. La ntá tuénxín itja sín kjuatexín sín nkayakon ch'án. 4 Ntá ch'ín Pilato k'uaxrjexín ch'án tí nchia t'e̱to̱anxín ch'án ínaá nixje̱he̱ ch'án tí sín tsíkójnkotsé ntáchro ch'án kíxin:tsakítsjexián ch'án ntihi kíxin tso̱nohará kíxin k'uítjáhya janhan ninkehó jie̱ chónta ch'án ―ichro ch'ín Pilato. 5 Ntá k'uaxrjexín ch'ín Jesús ntiha tjenkáya kja ch'án tí corona tsík'óna ntach'i̱ la ko tjenkáya ch'án tí ka kjátse tié. Ntá ntáchro ch'ín Pilato kíxin:ntihi tjen ch'án ―ichro ch'án. 6 A̱ ntá tió k'uíkon tí sín ncha̱t'á t'e̱to̱an la ko tí sín policía kuènte ni̱nko ntá kjuankíxin sín t'óyako sín ntáchro sín kíxin:ch'án ntacruz! ¡Tjakénka̱nirá ch'an ntacruz! ―ichro sín.ntáchro ch'ín Pilato kíxin:tjíkoará ch'án tjaké nka̱nirá ch'án ntacruz kíxin janhan k'uítjáhya ninkehó jie̱ chónta tí jehe ch'án ―ichro ch'án. 7 Ntá kjuáte̱he tí sín judío kíxin:chojni judío mé chóntani ijnko ley t'e̱to̱an kíxin chrók'uen ch'án kíxin ncheyóhe̱ ch'án a̱sén ch'án kíxin Xje̱en Dios tí jehe ch'án ―ichro sín. 8 Ntá tió kuínhin ch'ín Pilato tíha ntá a̱ntsí chrakon ch'án 9 ntá xík'ixenhen ch'án tí nchia t'e̱to̱anxín ch'án ínaá kjuanchankíhi ch'án tí ch'ín Jesús kíxin:k'uinkaxian jaha? ―ichro ch'án.ch'ín Jesús ninkehó kjuáte̱ehya ch'án. 10 Ntá ntáchro ch'ín Pilato kíxin:nkekuènté tjáte̱ehya nkehe tjánchánkíha? ¿Á noahya jaha kíxin chonta janhan kjuachaxin tséto̱an tsjak'enka̱nia ntacruz la ko kja̱xin chonta janhan kjuachaxin tsontáxrja̱n kíxin sátsjia kohya nkehe tso̱nhan? ―ichro ch'án. 11 Ntá kjuáte̱he ch'ín Jesús ntáchro ch'án kíxin:kjuachaxin chróchontahya jaha chrókuéto̱an chrók'uén o̱ sáchrókjuia tí Dios chrótjáhya tí kjuachaxin. A̱ ntá tí chojni kjuikaána tí tjen jaha la a̱ntsí jié jie̱ chónta sín, a̱ ntá jaha la kánhyó ―ichro ch'án. 12 Ntá kuínhin ch'ín Pilato tíhi ntá kjuankíxin ch'án kjueyá ch'án nkexrí chrók'ue̱to̱an ch'án kíxin sáchrókjui ch'ín Jesús kohya nkehe chrókónhen ch'án. Kjánchó tí sín judío k'óyako sín ntáchro sín kíxin:tí tsi̱to̱hé sátsji ch'án kohya nkehe tso̱nhen ch'án ntá jaha jnkoko̱áhya tjenka̱yáxinkoa tí ch'ín t'e̱tue̱nhen tí nación kuènténi. Tí nkexro ch'éna a̱sén ch'án éxí ijnko rey mé nínkakonhen ch'án tí ch'ín t'e̱tue̱nhenni ―ichro sín. 13 Ntá kuínhin ch'ín Pilato tíhi ntá k'ue̱to̱an ch'án kíxin tsakitsje sín tí ch'ín Jesús ntója ntá ch'ín Pilato kjuák'etja̱xi̱n ch'án tí silla nchekito̱exín ch'án jie̱, mé nkìva hebreo mé it'in Gabata, mé t'axrjexín kíxin tja̱t'o̱ noi jehó xro̱ tsík'óna. 14 Na mé ó chjina chonkíxin ntá tí tso̱njín la mé ó tsjasin sín tí kia pascua. Ntá ch'ín Pilato ntáche ch'án tí sín judío kíxin:itjen tí ch'ín rey kuèntárá ―ichro ch'án. 15 Kjánchó jehe sín k'óyako sín ntáchro sín kíxin:ch'án! ¡Its'en ch'án! ¡Tsjak'enkáni ch'án ntacruz! ―ichro sín.ntáchro ch'ín Pilato kíxin:tjinkáonrá kíxin janhan chrókjuakénka̱nia ijnko ntacruz tí ch'ín rey kuèntárá ní? ―ichro ch'án.tí sín ncha̱t'á t'e̱to̱an mé kjuáte̱he sín kíxin:Chóntahyani í jnko rey, jehó tí ch'ín César ―ichro sín. 16 Ntá ch'ín Pilato kjuanjon ch'án kjuachaxin sátsjiko sín tí ch'ín Jesús tsja̱k'e̱nka̱ni sín ch'án ntacruz. Ntá sákjuíko sín ch'án.

Kjuák'enkáni ch'ín Jesús ntacruz

17 Ntá sákjuíko sín tí ch'ín Jesús kuámá ch'án tí ntacruz tsjak'enkáni ch'án. Ntá kjuíjiko sín ch'án ijnko tjo ti̱ki̱texín sín Hueso Kja Chojni. A̱ ntá nkìva hebreo mé ti̱ki̱texín sín Gólgota. 18 Ntaha mé kjua̱k'e̱nka̱ni sín ch'án tí ntacruz. Ntá kja̱xin yaá sín nánánko k'uéjó jnkojnko sín ntá jnko̱siné kjuák'e ch'ín Jesús. 19 Ntá k'ue̱to̱an ch'ín Pilato kíxin tsokjin sín ijnko ntachiso tsja̱k'e̱nka̱ni sín ikja tí ntacruz ntáchro kíxin: “Ch'ín Jesús kjui̱xi̱n ch'án chjasin Nazaret, mé tí ch'ín Rey kuènte tí sín judío”, tsixro. 20 A̱ ntá itsjé tí sín judío mé kjuínchekuáxin sín tí letra tsík'óna kíxin chjino tí chjasin Jerusalén tsíkja̱k'e̱nka̱ni sín ch'ín Jesús ntacruz la ko iní nkìva tsíkjin sín, na mé ijnko nkìva la hebreo, la ijnko nkìva la griego, la ijnko nkìva la latín. 21 Ntá tí sín ncha̱t'á t'e̱to̱an kuènte tí sín judío mé ntáche sín tí ch'ín Pilato kíxin:jaha xi̱kaha kíxin jehe ch'án mé tí “Ch'ín Rey kuènte tí sín judío.” Náhí. Íchá jína chrókjian jaha kíxin “Jehe ch'án ntáchro ch'án kíxin jehe ch'án mé tí ch'ín Rey kuènte tí sín judío” ―ichro sín. 22 Kjánchó kjuáte̱he ch'ín Pilato kíxin:letra kuéto̱an k'óna la ó k'óna, kjónté xi̱kahó tsito̱he ―ichro ch'án. 23 Ntá tí sín soldado tió tsíkjixin tsíkja̱k'e̱nka̱ni sín tí ch'ín Jesús tí ntacruz ntá kuákja sín tí ké ch'án la k'óxika̱ye̱he sín jnkojnko ka kuákja sín kanoé sín. La ko kja̱xin kuákja sín tí ka kjínjin k'uék'inkáya ch'án. Tí ka mé tsíxro̱nhya ka la me jnkoko̱á ka tíha. 24 Ntá tí sín soldado kjo sín kíchó sín ntáchro sín kíxin:tí ké ch'án. Íchá jína sich'exínni suerte ntá tsotsjeheni siná nkexro ts'áyéhe̱ tí ka.xi̱kaha xiteyá éxí ntáchro xroon itén Dios tsíkjin sín ósé ntáchro kíxin: “Kjuích'exín sín suerte ntá k'óxika̱ye̱he sín kaná.” Mé xi̱kaha kjuích'e tí sín soldado. 25 A̱ ntá chjino tí ntacruz kjuák'enkáni ch'ín Jesús mé kjuák'e tí ìné ch'án la ko tí tjan kíchó tjan mé tjan María ichjién ch'ín Cleofas, la ko tí tjan María Magdalena. 26 A̱ ntá tió k'uíkon ch'ín Jesús kíxin itjen tí ìné ch'án la ko chjino tjen tí ch'ín a̱ntsí tjuèhé ch'án k'uék'ajiko ch'án, ntá nixje̱he̱ ch'án tí ìné ch'án, ntáchro ch'án kíxin:tsjehé kíxin ntaha tjen xja̱an ―ichro ch'án. 27 Ntá nixje̱he̱ ch'ín Jesús tí ch'ín a ntáchro ch'án kíxin:kíxin ntaha itjen ìná ―ichro ch'án.ntá tí ch'ín a mé k'uáyéhe̱ ch'án tí tjan a sákjuíko ch'án tjan nto̱e ch'án k'óna éxí ìné ch'án xi̱kaha.

Ik'uén ch'ín Jesús

28 Ntá ó nohe ch'ín Jesús kíxin kaín xra̱ ó kjuixin xiteyá ntá tjinkaon ch'án kíxin tsoxiteyá kaín nkehe ntáchro tí xroon tsíkjin sín ósé ntá xi̱kaha ntáchro ch'án kíxin:nta̱. 29 Ntá ntiha tjen ijnko nchésen tsíkaón xranvino sán ntá kjuínchekjataxín sín ijnko ka tí xranvino, a̱ ntá tí ka a kjua̱k'e̱kjen sín ijnko nta kjínjin, ntá kjuínchechrìin sín tí tjen ir'va ch'án. 30 Ntá ik'uí ch'ín Jesús tí xranvino sán ntá ntáchro ch'án kíxin:kjuixin xiteyá kaín xín nkehe ―ichro ch'án.k'uísén kja ch'án ntá ó kjuixin k'uén ch'án.

Ijnko soldado chr'áte ch'án chica yo tí chjia ch'ín Jesús

31 A̱ ntá xi̱kaha ya̱on ntóye mé tí ya̱on kia pascua ntá tí sín judío tjinkakonhya sín kíxin tí cuerpo kuènte tí sín tsík'en na̱xa̱ ts'ejóyáni tí ntacruz tí ya̱on t'o̱k'éhe sín kíxin tí ya̱on pascua mé ijnko ya̱on imá jié, ichro sín. Mé xi̱kaha kjuanchehe sín tí ch'ín Pilato kíxin ts'e̱to̱an ch'án kíxin tsochjenjin to̱té tí sín tjejóyáni tí ntacruz la ko ts'inkajin tí cuerpo kuènte tí sín tsík'en. 32 Ntá tí sín soldado sákjuí sín k'óchjenjin sín tí to̱té tí ch'ín sa̱oxín tjen la ko k'óchjenjin sín tí to̱té tí ch'ín tjen nánko a tjejóyáni sín tí ntacruz tí tjen ch'ín Jesús. 33 Ntá kjuíji sín tí tjen ch'ín Jesús ntá k'uíkon sín kíxin ó tsíkjixin tsík'en ch'án, ntá í k'óchjenjinhya sín to̱té ch'án. 34 A̱ ntá ijnko ch'ín soldado mé chr'áte ch'án chica yo tí chjia tí ch'ín Jesús ntá tuénxín k'uaxrje jni̱ la ko ìnta̱. 35 A̱ ntá janhan mé tjékjian tí xroon i mé kjuak'é ntiha k'uíkua̱n kíxin xi̱kaha kónhen ntá ntoá tjéxrja̱nka kíxin jahará kja̱xinrá chrókuítekáonrá. 36 Mé xi̱kaha kónhen tíha kíxin tsoxiteyá tí nkehe ntáchro xroon itén Dios tsíkjin sín ntáchro kíxin: “K'óchjenjinhya sín ninkehó huéso̱e ch'án.” 37 Kja̱xin itjen í jnko nketí nixja tí xroon itén Dios tsíkjin sín ósé ntáchro kíxin: “Tsokomá sín tí nkexro tsíchr'áte sín chica.”

Xravá ch'ín Jesús

38 Ntá ó kjuixin kónhen kaín tíha ntá ch'ín José, mé ijnko ch'ín kjui̱xi̱n chjasin Arimatea, mé kjuanchehe ch'án tí ch'ín Pilato kjuachaxin kíxin tsjinkaji̱nxi̱n ch'án tí ntacruz tí cuerpo kuènte ch'ín Jesús sátsjiko ch'án tsja̱vá ch'án. Jehe ch'án imó kuinkáchónki ch'án tí ch'ín Jesús kíxin chrako̱nhe̱n ch'án tí sín judío. Ntá ch'ín Pilato mé kjuanjon ch'án kjuachaxin ntá sákjuíko ch'ín José tí cuerpo kuènte ch'ín Jesús. 39 Kja̱xin ch'ín Nicodemo, tí ch'ín kjuínixje̱he̱ tí ch'ín Jesús ijnko tie a mé kjui ch'án kjui̱ka̱o ch'án treinta kilo xro̱a̱n xraxé tjiko xro̱a̱n mirra la ko xro̱a̱n áloes. 40 Mé xi̱kaha ch'ín José la ko ch'ín Nicodemo k'uáyéhe̱ sín tí cuerpo kuènte ch'ín Jesús kjuínchek'ísímá sín ijnko ka kjínjin tsíka tí xro̱a̱n xraxé a kíxin xi̱kaha k'uékinkáchónki tí sín judío k'uékja̱vá sín chojni tsík'en. 41 Tí kjuák'enkáni ch'ín Jesús ntacruz ntá chjinaxón ntiha tjen ijnko huerto itjen ijnko tòye̱ ni̱xin na̱xa̱ ninkexró tsíxráváhya ntiha. 42 Ntaha kjua̱vá sín tí ch'ín Jesús kíxin chjinaxón tjen tí tòye̱ a la ko í séhya tsoxrankíxin tí ya̱on t'o̱k'éhe tí sín judío.

20

La ntá ó tsíxechón ch'ín Jesús

1 A̱ ntá tí ya̱on xrankíxixín semana ntá tí tjan María Magdalena na̱xa̱ sítié sákjui̱ tjan tí tjen tí tòye̱, ntá k'uíkon tjan kíxin ó tsíkjìin tí xro̱ tsík'ikjèxin tí tòye̱ a. 2 Ntá kuinká tjan sákjuí tjan tí tjen tí ch'ín Simón Pedro la ko tí ch'ín í jnko, mé tí nkexro imá k'uétjuèhe ch'ín Jesús, ntá ntáchro tjan kíxin:tsíkakitsjexín sín tòye̱ tí cuerpo kuènte Ìnchéni ntá noehyani nketí tsíkjak'e sín ―ichro tjan. 3 Ntá ch'ín Pedro la ko tí ch'ín í jnko mé kuínhin sín xi̱kaha ntá sákjui̱ sín tí tjen tí tòye̱ a. 4 Ntá yóí sín kuinká sín sákjui̱ko kíchó sín. Kjánchó tí ch'ín í jnko a̱ntsí tji̱a̱n kuinká ch'án ntá kánhyó tji̱a̱n kuinká ch'ín Pedro, ntá tí ch'ín í jnko senó ch'án kjuíji ch'án tí tjen tí tòye̱ a. 5 K'uísén ch'án tsjehe ch'án nkaxenhen tí tòye̱ a. A̱ tí ka tsík'isímá ch'ín Jesús mé na̱xa̱ tjejó k'uíkon ch'án, kjánchó jehe ch'án k'uíxenhya ch'án tí tòye̱ a. 6 Ntá kjónté chr'éxi̱n kjuíji ch'ín Simón Pedro ntá k'uíxenhen ch'án tí tòye̱ a. Ntá kja̱xin k'uíkon ch'án kíxin tjejó tí ka tsík'isímá ch'ín Jesús 7 la ko k'uíkon ch'án tí ka tsík'isímá ikja ch'án na mé tí ka tsíxrèya ka la ókjé tjen ka, a̱ ntá tí í so ka na mé ókjé tjejó ka kja̱xin. 8 Na ntá tí ch'ín í jnko k'uék'ajiko ch'ín Jesús, mé tí ch'ín tsíkjiji senó na kja̱xin k'uíxenhen ch'án tí tòye̱ ntá k'uíkon ch'án tí nkehe tsíkónhen ntá kuítekaon ch'án. 9 Kíxin na̱xa̱ k'uékienxínhya sín tí nkehe k'uéchrónka xroon itén Dios kíxin t'ichjánxi̱n tsoxechón tí ch'ín Jesús. 10 A̱ ntá tí sín sátsíkji̱tsjehe tòye̱ la xíkjan sín nto̱e sín.

Titàya̱ k'uíkuèn tjan María Magdalena tí ch'ín Jesús

11 Ntá tjan María mé ntahó kuíto̱he tjan ntója tí tòye̱ tsjánka tjan. Na̱xa̱ tsjánka tjan k'uísén tjan tsjehe tjan nkaxenhen tí tòye̱ 12 ntá xrína̱hya k'uíkon tjan yaá sín ángel tjejóyá sín ka tjóá tjejótja̱xi̱n sín tí tsíkjak'e tí cuerpo kuènte ch'ín Jesús na mé ijnko ch'ín ángel na mé tjen ch'án tí tsíkjak'e ikja ch'ín Jesús la ko tí í jnko a itjen ch'án tí tsík'ejó to̱té ch'án. 13 A̱ ntá tí sín ángel mé kjuanchankí sín kíxin:¿kuènte tsja̱nka? ―ichro sín.kjuáte̱he tjan ntáchro tjan kíxin:sín Ìnchéni, ntá nonahya nketí tsíkjak'e sín ch'án ―ichro tjan. 14 Kjuixin ntáchro tjan tíha ntá kuinkátjíá tjan ntá k'uíkon tjan kíxin itjen ch'ín Jesús, kjánchó kjuátso̱anhya tjan kíxin jehe ch'án. 15 Ntá ch'ín Jesús kjuanchankíhi ch'án tjan ntáchro ch'án kíxin:¿nkekuènté tsja̱nka? ¿Nkexro tjéyá? ―ichro ch'án.ntá jehe tjan kjuenka̱yáxin tjan kíxin jehe ch'án mé t'ayakonhen ch'án tí huerto, a̱ ntá ntáchro tjan kíxin:tí jaha sákjuíkoa ch'án ntá jie chro̱nka nketí sákjuíkoa ch'án kíxin janhan sátsji̱ki̱an ch'án jie ―ichro tjan. 16 Ntá ch'ín Jesús mé nixje̱he̱ ch'án tjan ntáchro ch'án kíxin:―ichro ch'án.kuinkátjíá tjan ntá nixja̱xi̱n tjan nkìva hebreo ntáchro tjan kíxin:―ichro tjan. Tíha mé t'axrjexín kíxin Maestro. 17 Ntá ntáchro ch'ín Jesús kíxin:kíxin na̱xa̱ sátjíhya janhan tí tjen T'aná. Sátjia tjítsjehé tí sín kíchiná chénka sín kíxin sátsjiyá tí tjen T'aná na mé kja̱xin It'árá tí jahará na mé Dios kuènta̱na la ko kja̱xin Dios kuèntárá ―ichro ch'án. 18 Ntá tí tjan María Magdalena sákjuíchénka tjan tí sín k'uék'ajiko ch'ín Jesús chrónka tjan kíxin xi̱kaha tsík'ikon tjan Ìnchéni. La ko kja̱xin chrónka tjan kíxin xi̱kaha tsíntáchro ch'án.

Tí sín k'uék'ajiko ch'ín Jesús titàya̱ k'uíkuèn sín ch'án

19 A̱ ntá ó kónjín tí ya̱on a mé tí ya̱on xrankíxixín semana, a̱ ntá tí sín k'uék'ajiko ch'ín Jesús jnkoko̱á kójnkotsé sín nkaxenhen nchia tsík'ikjehe̱ sín ntója nchia jína kíxin chrako̱nhe̱n sín tí sín judío. Ntá xrína̱hya titàya̱ kónohe sín k'uíkon sín kíxin jnko̱siné tí tjejó sín itjen ch'ín Jesús, ntá nixje̱he̱ ch'án kjua̱jna̱ tí sín k'uék'ajiko ch'án ntáchro ch'án kíxin:tjejorá ―ichro ch'án. 20 Ntá kjuixin ntáchro ch'án tíhi ntá kjuako ch'án itja ch'án la ko chjia ch'án. Ntá kóchéhe̱ tí sín k'uék'ajiko ch'án kíxin k'uíkon sín Ìnchéni. 21 Ntá ntáchro ch'ín Jesús ínaá kíxin:ts'ejorá. Yóhe̱ T'aná k'ue̱tua̱nna k'uinka, a̱ ntá jie la janhan tétua̱nhan tí jahará ―ichro ch'án. 22 Ntá k'uánote ch'án tí jehe sín ntáchro ch'án kíxin:Ncha̱kuen Dios. 23 Tí ts'itjáyanhanrá tí jie̱ kjuasin jnkojín chojni ntá xi̱kaha tsjìin tí iji̱é sín. Ntá tí ts'itjáyanhyará tí jie̱ kjuasin jnkojín chojni ntá na̱xa̱ kjuìinhya tí iji̱é sín ―ichro ch'án.

Ch'ín Tomás k'uíkon ch'án kíxin tsíxechón Ìnchéni

24 A̱ ntá tí ch'ín Tomás, ijnko tí teyóxin sín k'uék'ajiko ch'ín Jesús mé kja̱xin ti̱ki̱texín sín ch'ín Nóhé mé kohya ch'án tí kui ch'ín Jesús. 25 Ntá chr'éxi̱n tí í so sín k'uék'ajiko ch'ín Jesús ntáche sín ch'án kíxin:k'uíkonni Ìnchéni ―ichro sín.ntáchro ch'ín Tomás kíxin:ts'íko̱nhya janhan tí tsíkjiatexín chica clavo itja ch'án la ko tsochr'ánxianhya dedo tjaná ntiha la ko tí tsochr'ánxianhya tjaná tí chjia ch'án, ¿na mé nkexrí chrókuíteka̱van? ―ichro ch'án. 26 A̱ ntá tí k'uátsínka ijnko semana ntá jnkoko̱á kójnkotsé sín nkaxenhen nchia la ko kja̱xin kjuák'eko sín ch'ín Tomás. Tsík'ikjehe̱ sín ntója nchia jína ntá xrína̱hya titàya̱ kónohe sín k'uíkon sín kíxin jnko̱siné tí tjejó sín itjen ch'ín Jesús, ntá nixje̱he̱ ch'án tí jehe sín k'uék'ajiko ch'án ntáchro ch'án kíxin:ts'ejorá ―ichro ch'án. 27 Ntá ntáche ch'án tí ch'ín Tomás kíxin:dedo tjá tí tsíkjiatexín chica clavo tjaná la ko xrákoa tjá chr'axénhén chji̱a̱na. Chróntáchrohya kíxin chaxínhya. Tsítekávan kíxin chaxín ―ichro ch'án. 28 Ntá kjuáte̱he ch'ín Tomás ntáchro ch'án kíxin:jaha la ko Dios kuènta̱na! ―ichro ch'án. 29 Ntá ntáche ch'ín Jesús tí ch'ín Tomás kíxin:Tomás k'uíkonjian ntá kuítekávan. Ntá a̱ntsí náxrjón tjejó tí sín kjónté k'uíkonhya la titekaon sín ―ichro ch'án.

Tíhi mé chrónka nkekuènte tsíkjin ch'ín Juan tí xroon i

30 Ch'ín Jesús kjuasin ch'án itsjé í so kjuaxroan náxrjón k'uíkon tí sín k'uájiko ch'án kjónté chrónkahya tí xroon i kíxin xi̱kaha kónhen. 31 Tí nkehe chrónka tí xroon i ikjian janhan kíxin chrókuítekáonrá jahará kíxin Jesús mé tí Cristo, mé tí Xje̱en Dios kíxin ntá kaín ni chróchóntani kjuachón jnkochríxín kíxin chrókuitekaonni ch'án.

21

Yato tí sín k'uék'ajiko ch'ín Jesús xrína̱hya titàya̱ k'uíkon sín ch'án

1 A̱ ntá chr'éxi̱n tí sín k'uék'ajiko ch'ín Jesús titàya̱ xík'ikon sín tí jehe ch'án ínaá chrínta nta̱yaon Tiberias. Mé xi̱kaha kónhen 2 kíxin jnkoko̱á k'uéjó sín ch'ín Simón Pedro la ko ch'ín Tomás, me tí ch'ín ti̱ki̱texín sín ch'ín Nóhé, la ko ch'ín Natanael kui̱xi̱n ch'án chjasin Caná estado Galilea, la ko tí yaá xje̱en ch'ín Zebedeo la ko tí yaá sín ínaá k'uék'ajiko ch'ín Jesús. 3 Ntá ntáchro ch'ín Simón Pedro kíxin:koche ―ichro ch'án.kjuáte̱he sín kíxin:sátsjikoani ―ichro sín.sákjuí sín k'ui̱t'ótjen sín ijnko ntabárco̱. Kjánchó ninkehó koche tséhya sín kuenté tie. 4 A̱ ntá ó chjina ts'inkaséyan ntá xrína̱hya titàya̱ k'uíkon sín itjen ch'ín Jesús chrínta nta̱yaon, kjánchó kjuátso̱anhya tí sín k'uék'ajiko ch'án kíxin jehe ch'án. 5 Ntá kjuanchankíhi ch'án sín kíxin:ntasoá, ¿á na̱xa̱ ninkehó koche tse̱hyará? ―ichro ch'án.kjuáte̱he sín ntáchro sín kíxin:ninkehó ko tséhyani ―ichro sín. 6 Ntá ch'ín Jesús ntáche ch'án sín kíxin:tí nchísén tí nánko chjia chjina tí ntabárco̱ la tso̱tse̱rá va ―ichro ch'án.xi̱kaha kjuích'e sín k'ue sín nchísén ntá í tjachahya sín tsakitsjenkíxin sín nta̱ tí nchísén kíxin nchónhya koche tjinká. 7 A̱ ntá tí ch'ín a̱ntsí tjuèhe ch'ín Jesús mé ntáche ch'án tí ch'ín Pedro kíxin:tí méhe̱! ―ichro ch'án.kuínhin ch'ín Simón Pedro kíxin Ìnchéni tíha ntá k'uinkáya ch'án iké ch'án ínaá (kíxin tsíkakitsje ch'án iké ch'án) ntá kjuiánkí ch'án nta̱. 8 Tí í so sín k'uék'ajiko ch'ín Jesús mé kjuíji sín tí chrínta nta̱yaon kjui̱ka̱o sín tí ntabárco̱ tinkánkákjentóxin tí nchísén tjinká koche chrítaón nta̱ kíxin ijnko ciento metro kjínxi̱n tí chrínta nta̱ k'uéjó sín. 9 Ntá kjuíji sín chrínta nta̱ ntá k'uínkaji̱nxi̱n sín tí ntabárco̱ ntá k'uíkon sín tjeche xrohi síxènki̱ xrinta ntá chrítaón tí xrinta tjekjen ijnko koche la ko nánko siín nio̱tja̱. 10 Ntá kjuanchia ch'ín Jesús ntáchro ch'an kíxin:iso koche tsítse̱rá na̱ntá ―ichro ch'án. 11 Ntá ch'ín Simón Pedro k'ui̱t'ótjen ch'án tí ntabárco̱ kuákja ch'án tí nchísén kuinkánkákjen ch'án xráka̱o ch'án tí nchísén tjinká koche iye na mé ijnko ciento cincuenta y tres va. Ntá kjónté nchónhya va la k'uichjehya tí nchísén a. 12 Ntá ntáchro ch'ín Jesús kíxin:interá ―ichro ch'án.ntá nijnko tí sín k'uék'ajiko ch'án chrókjuanchankíhi sín ch'án kíxin nkexro tí jehe ch'án kíxin ó kjuátso̱an sín kíxin Ìnchéni tíha. 13 Ntá kóchjina ch'ín Jesús kuákja ch'án tí nio̱tja̱ chjéhe ch'án tí jehe sín la ko xi̱kaha xíkjanjon ch'án tí koche. 14 Tíhi mé níxin k'uíkon tí sín k'uék'ajiko ch'ín Jesús kíxin tsíxechón ch'án.

Ch'ín Jesús itjo ch'án tí ch'ín Simón Pedro

15 Kjuixin kjóne sín ntá kjuanchankíhi ch'ín Jesús tí ch'ín Simón Pedro kíxin:Simón, xje̱en Jonás, ¿á a̱ntsí tjua̱na jaha, a̱ ntá tí í so la kánhyó? ―ichro ch'án.kjuáte̱he ch'ín Pedro ntáchro ch'án kíxin:Ìnchéni, ó noha kíxin tjínka̱van tí jaha ―ichro ch'án.ntáchro ch'ín Jesús kíxin:xi̱kaha la t'ayakonhén tí kolélo kuènta̱na ―ichro ch'án. 16 Ntá yóxin kjuanchankí ch'ín Jesús ínaá kixin:Simón, xje̱en Jonás, ¿á tjua̱na jaha? ―ichro ch'án.kjuáte̱he ch'ín Pedro ntáchro ch'án kíxin:Ìnchéni, ó noha kíxin tjínka̱van tí jaha ―ichro ch'án.ntáchro ch'ín Jesús kíxin:xi̱kaha la t'ayakonhén tí kolélo kuènta̱na ―ichro ch'án. 17 Ntá níxin kjuanchankí ch'ín Jesús kíxin:Simón, xje̱en Jonás, ¿á tjinkávan tí janhan? ―ichro ch'án.ntá k'uává ch'ín Pedro kíxin níxin kjuanchankí ch'ín Jesús kíxin á tjinkaon ch'án tí jehe ch'án ntá ntáchro ch'án kíxin:Ìnchéni, ó noha kaín xín nkehe. Ó noha kíxin tjínka̱van tí jaha ―ichro ch'án.ntáchro ch'ín Jesús kíxin:xi̱kaha t'ayakonhén tí kolélo kuènta̱na. 18 Ntá ijnko nkehe chaxín tjétjo̱nka kíxin tí na̱xa̱ k'uéntasoyá jaha k'uék'inka̱ya ká jahvá la ko k'uékjia tí k'uékóxrjínhan jaha. A̱ ntá tió tso̱táda jaha ntá tsjéntoá tjá ntá í jnko nkexro sintak'inkáya ka la ko sátsjikoa sín tí tóxrjía̱nhya sáchrókjuia ―ichro ch'án. 19 A̱ ntá tíhi mé chrónkaxín ch'ín Jesús kíxin nkexrí ts'enxín ch'ín Pedro na mé t'axrjexín nkexrí tsochjéhe ch'án Dios kjuasáya. Ntá kjuixin ntáchro ch'ín Jesús kíxin:tí janhan ―ichro ch'án.

Nkehe tso̱nhen tí ch'ín a̱ntsí tjuèhe ch'ín Jesús

20 Ntá kuinkátjíá ch'ín Pedro ntá k'uíkon ch'án kíxin tinkáchréhe̱ tí ch'ín a̱ntsí tjuèhe ch'ín Jesús, na mé tí nkexro kjuák'e chjinaxón tí kjuák'e ch'ín Jesús tí kjóne sín tsíkjanchankíhi ch'án tí ch'ín Jesús kíxin nkexro sinchekji ch'án. 21 Ntá ch'ín Pedro k'uíkon ch'án kíxin tinkáchréhe̱ tí ch'ín a ntá kjuanchankíhi ch'án tí ch'ín Jesús kíxin:¿a̱ ntá tí ch'ín i la nkehe tso̱nhen ch'án a? ―ichro ch'án. 22 Ntá kjuáte̱he ch'ín Jesús kíxin:tjínka̱van na̱xa̱ chrókjuak'echón ch'án tí chrókjan la jaha la chrókjuia̱téhya tíha. Ntá jaha la chréhé tí janhan ―ichro ch'án. 23 Ntá kjuankíxin kjo tí sín k'uék'ajiko ch'ín Jesús kíxin ts'enhya tí ch'ín a. Ntá jehya kíxin ntáchro ch'ín Jesús kíxin chrók'uenhya tí ch'ín a. Náhí. Ó jehí ntáchro ch'án kíxin tí tjinkaon ch'án na̱xa̱ chrókjuak'echón tí ch'ín a tí chrókjan ch'án chrókui ch'án chrókjuiatéhya tí ch'ín Pedro chrókjuanchankí ch'án nkehe tso̱nhen í jnko chojni. 24 A̱ ntá tí nkexro a mé tí nkexro chrónka kíxin chaxín kónhen kaín tíha la ko ikjin ch'án tí xroon i. Ntá ó noheni kíxin tí nkehe tsíkjin ch'án la chaxín ntoá tíha. 25 Na̱xa̱ siín nchónhya nkehe kjua̱ko̱xi̱n ch'ín Jesús kjinhya janhan. Tí chrók'óna jnkojnko jnkojnko tíha ntáxrja̱n kíxin kjá chrókjuachahya tí chjasintajni chrók'uinka kaín tí xroon chrók'óna xi̱kaha. Amén. Ó tjen.