TE CH'ULTESBIL ACH' C'OPE TZ'IHBABIL YU'UN TE JUANE /1 Te C'opile stalel ay ta sjahchi'bal. Ja' sjoc te Dios te C'opile. Soc ja' nix te Dios te C'opile. 2 Stalel sjoc sba soc Dios ta sjahchi'bal. 3 Te C'opile ja' spasoj spisil te bintic aye. Ma'yuc ma'ch'a yan la spas te bintic pasticlambile. 4 Ja'j'ac' cuxlejal stuquel, soc ja' ta scuenta te julem sacal q'uinal ta stojol te winiquetique. 5 Ta yohlil yihc'al q'uinal chicanix te sacal q'uinale. Te yihc'al q'uinale ma' xju' yu'un stu'p'bel te sacal q'uinale. 6 Ay jtuhl winic ticonot tal yu'un Dios, ja' te Juan sbihile. 7 Tal ta testigohil, scuenta yu'un ja' ya yalbey sc'oplal ta testigo-c'op te sacal q'uinale, yu un jich ya scnuhun spisilic a. 8 Ma' ja'uc ay sacal q'uinal ta scuenta stuquel te Juane. Ja' nax tal yalbey sc'oplal ta testigo-c'op te sacal q'uinale. 9 Ja' talel yac ta bahlumilal a te Cristohe, ja' te Ma'ch a ay sacal q'uinal ta scuenta ta melele, te ya yac' ta sacal q'uinal spisil winiquetic stuquele. 10 Jalaj ta bahlumilal. Ja' nix spasoj te bahlumilale. Pero ma' ba na'bot sba yu'un te ma'ch'atic ayic ta bahlumilale. 11 Jul ta yohlilic te ma'ch'atic tzahbil yu'une, pero ma' ba laj yi'ch'ic ta cuenta. 12 Yan te ma'ch'a jaye'b laj yi'ch'ic ta cuentahe, te la sch'uhunic te ja' Cristo stuquele, a'c'otic ta yal sni'ch'an Dios yu'un stuquelic. 13 Fero te ma'ch'a jaye'b ayinemic ta stojol te Diose, ma' ta scuentahuquix ch'i'ch' ba'q'uet, soc ma' ta scuentahuquix sine' static te ayinique. Ja' ayinemiquix ta scuenta te Diose. 14 Te C'opile laj yi'ch' sba'q'uetal, jalaj ta cohliltic. Nojel ta yo'tan te yutzil yo'tan te Diose, soc te smelelil sc'op te Diose. Laj quilbeytic yutzil yu'el. Chican ta yu'el te ja' te jip jtuhl Sni'ch'an te Dios Tatile. 15 Te Juane laj yac' ta na'beyel sba te Cristohe. Laj yal ta jamal: Ja' te ma'ch'a laj calbeyex awa iyique, ja' te li' ayixe. Ja' te ma'ch'a patil yax tal cu'une, ja' nahil cu'un. Como stalel ay stuquel, ja' yu'un nahil ay cu'un, xchi te Juane. 16 Ta jpisiltic ja' cutzilinejtic te Cristohe, behbe tohyel cutzilaltic ta scuenta stuquel. 17 Como te mandariletique ja' a'bot ta sc'a'b te Moisese. Yan te yutzil yo'tan cu'untic te Diose, soc te smelelil sc'ope, ta scuenta Jesucristo chicnaj stuquel. 18 Ma'yuc ma'ch'a yilbeyej sit te Diose. Pero te jip jtuhl Sni'ch'ane te jun ay soque, ja' laj yac' ta na'beyel sba te Tatile. 19 Laj yal ta testigo-c'op te Juane, te c'alal: Ma'ch'ahat a? xchi ta joc'obeyel yu'un sacerdotehetic soc levitahetic te ticombilic tal ta Jerusalen yu'un te judiohetique: 20 Ma' jo'ucon te Cristohone, xchi ta jamal, ma' ba la smuc ta yo'tan. 21 La scha'joc'obeyic xan: Ma'ch'ahatix a jiche? Ja'at bal te Eliasate? xchihic. Ma' jo'ucon, xchi xcha'jol. Ja'at bal jiche te jalwanejat yu'un Diose? xchihic. Ma' jo'ucon, xchi xan xcha'jol. 22 Pero la scha'joc'obeyic xan: Pues ma'ch'ahatix a jiche? scuenta yu'un jich me yax c'oht calbeycotic te ma'ch'atic la sticonotcotic tale Ma'ch'ahat ta ac'op a jiche? xchihic. 23 La sja'c' te Juane: Jo'on te ya cal ta aw ta jochol q'uinal: Tojo'btesbeya sbe te Cajwaltique, jich te bin u't'il laj yal jilel te Isaiase, ja' te jalwanej yu'un te Diose, xchi. 24 Te ma'ch'atic ticonotic tale, ayic ta scuenta fariseohetic. 25 La sjoc'obeyic xan te Juane: Teme ma' ja'ucat te jalwanejat yu'un te Diose, bin yu'unix a jiche te yac awa'c'bel bautismohe? xchihic. 26 La sja'c' ehuc te Juane: Jo'on ya ca'c' bautismo soc ja'. Pero jay ta awohUlic stuquel te ma'ch a ma' xana'beyic sbahe. 27 Ja' me te ma'ch'a patil yax tal cu'une, pero ja' nix te ma'ch'a stalel nahil ay cu'une. Ni siquiera yax tuhunon yu'un stilbeyel sc'a'b step stuquel xchi. 28 Jich c'oht ta pasel ta Betabara, ta jehch ja' Jordan, te ta banti yac ta ya'q'uel bautismo a te Juane. 29 Ta sche'bal c'ahc'al te Juan laj yil yac ta talel te Jesuse. Jich laj yal: Te ma'ch'a li' ayixe, ja' te Tuminchij yu'un Dios te ya scuchbey smul spahmal bahlumilal. 30 Ja'ix te ma'ch a laj calbeyex awa'iyique: Te ma'ch'a patil yax tal cu'une, ja te ma'ch'a nahil ay cu'une, comoja' nix stalel nahil ay cu'un a stuquel, te xchihon yu'une. 31 Ma' la jna'bey sba a, pero scuenta yu'un jich yax chicnaj ta stojof Israel a, ja' yu'un tal ca'c' bautismo soc ja' te jo'one, xchi. 32 Soc laj yal ta jamal te Juane: Laj quil co tal ta ch'ulchan jichuc stzuhmut te Espirituhe. Jul ta scuenta. 33 Ma' jna'bey sba a. Pero ja' te ma'ch'a la sticonon tal ta a'c' bautismo soc ja' laj yalbon: Ja' te ma'ch'a yac awil yax jul ta scuenta te Espiritu yax co tale, ja'' me te ma'ch'a yaya'beyex awi'ch'ic bautismo ta scuenta te Ch'ul Espirituhe, xchi laj ca'iy. 34 Jich c'oht ta pasel laj quil. Ja' yu'un jamal ya cal ta testigo-c'op te ja' te Sni'ch'an Dios te li' ayixe, xchi te Juane. 35 Ta sche'bal c'ahc'al tey ay xcha'jol a te Juane soc che'b jnopojeletic yu'un. 36 C'alal laj yil te Juan te tey ay a te Jesuse, uch laj yal: Dawilic te Tuminchij yu'un Diose, xchi. 37 C'alal laj ya'iyic te che'b jnopojeletic yu'une, ora la st'unic bahel te Jesuse. 38 La sut sit te Jesuse, laj yil te ja' yac ta t'unele, jich halbotic yu'un: jVm yac alehic? xchi sc'oplalic yu'un. Jich laj yalbeyic ehuc: Rabi, ban julemat? xchihic. (Maestro, xchi c'ohem tajc'optic te Rabi, xchihe.) 39 Con, ilawuic, xchi sc'oplalic yu'un te Jesuse. Jich bajt yilic te band juleme. Tey wayiquix ehuc a, como ti'bilix bahel a te c'ohtic tey ahe. 40 Te che b winiquetic te laj ya'iybeyic sc'op te Juane, soc te la st'unic bahel te Jesuse, Andres sbihil te jtuhle, ja' te yihtz'in Simon Pedrohe. 41 Te Andrese, ora bajt yalbey te Simone, ja' te sbanquil nixe: La jtahcotiquix te Mesiase, xchi c'ohel. (Ja' te Cristo, xchi c'ohem ta jc'optique). 42 Jich laj yi'c' tal ta stojol Jesus te sbanquile. C'alal ilot yu'un te Jesuse, jich halbot: Ja'at Simonat, sni'ch'anat Jonas. Cefas abihil yax c'oht, xchi sc'oplal yu'un te Jesuse. (Ja' te Ton, xchi c'ohem a bi). 43 Ta sche'bal c'ahc'al c'alal yac ta bahel ta Galilea a te Jesuse, la sta te Felipehe. La', t'unawon, laj yut. 44 Ja' slumaf Felipe te Betsaidahe, jun slumal soc te Andrese soc te Pedrohe. 45 Jich ehuc te Felipehe la sta te Natanaele. Jich laj yalbey: La jtahcotiquix te ma'ch'a tz'ihbabil sc'oplal yu'un te Moises soc te jalwanejetic yu'un te Diose, ja' te Jesus te sni'ch'an Jose te talem ta him Nazarete, laj yut. 46 Pero laj yal ehuc te Natanaele: Ta Nazaret bal c an chicnajuc te bin bayel yutzile? xchi yu'un. Pero, la' ilawil a jiche, xchi te Felipehe. 47 C'alal laj yil te Jesus te yac ta nopojel tal ta stz'ehl te Natanaele, jich laj yal: Dawilic, ja' mero Israel-winic inf, te ma' sna' lo'loywanej stuquele, xchi yu'un. 48 Ban laj ana'bon jba? xchi ehuc te Natanaele. Pues laj quilat te'q'uelat ta ye'tal higuera-te' te c'alal ma' to ba' bahem yi'c'belat tal a te Felipehe, xchi sc'oplal yu'un te Jesuse. 49 La sja'c' ehuc te Natanaele: Maestro, ja'at te Sni'ch'anat te Diose, ja'at te Mu'c'ul Ajwalilat yu'un te Israele, xchi yu'un. 50 Halbot yu'un te Jesuse: Ja' bal laj ach'uhunon yu'un te laj calbat te laj quilat te c'alal te'q'uelat ta ye'tal higuera-te' ahe? Pues c'ax xan jich bin yac awilticlan ta patil a te bin u't'il yac awilbel ta ora im, xchi. 51 Soc jich laj yal xan te Jesuse: Ta melel, ta melel, ya calbat: Ya me sta yorahil te yac awil yax jahm te ch'ulchane. Te ch'ul a'batetic yu'un Dios yac ta mohel yac ta cohel yac awilic ta stojol te Sni'ch'an te Winique, xchi te Jesuse. /2 Yoxe'bal c'ahc'al a, ju' nuhpunel ta lum Cana ay ta sq'uinal Galilea. Tey ay ehuc a te snan te Jesuse. 2 I'c'ot ta il-nuhpunel ehuc te Jesuse soc te jnopojeletic yu'une. 3 C'alal ma' tz'acayic a te ta vinohe, te Jesuse halbot yu'un te snane: Ma'yuquix vino yu'unic, xchi.