BARITA NA ULI NA SINURAT NI SI

JOHANNES

Hata i na gabe daging.

1:1 Di mulana i nunga adong Hata i, djala saor tu Debata do Hata i, djala Debata do Hata i. 17:5; 1Joh.1:1,2; Pangungk.19:13 2 I ma na saor tu Debata di mulana i. Poda 8:22 3 Saluhutna i marhite sian Hata i do, umbahen na man djadi; djala ndang adong nanggo sada sian naung djadi i, na so marhite sian I. Kol.1:16,17; Heb.1:2 4 Dibagasan Hata i do hangoluan; laos hangoluan i do Panondang ni hadjolmaon. 5:26 5 Na maisinondang do Panondang i dibagasan na holom, alai ndang didjangkon na holom i. 3:19 6 Hehe do sada halak sinuru ni Debata, si Johannes do goarna. Mat.3:1 7 Sitindangi do ibana, umbahen na ro, asa dihatindangkon Panondang i, anggiat gabe porsea saluhutna marhite sian Ibana. Ndang apala ibana Panondang i; na mangkatindangkon Panondang i do tahe. aj.20 9 Alai nunga mandok ro udju i tu portibi on Panondang na sintong i, na manondangi nasa diolma. 10 Di portibi on hian do Ibana, djala marhite sian Ibana do mandjadi portibi on; hape ndang ditanda portibi on Ibana. aj.3-5 11 Na ro do Ibana manopot na di Ibana hian, gabe ndang didjangkon angka na di Ibana i Ibana. 12 Alai manang piga na mandjangkon Ibana, tusi do dilehon huaso, asa gabe anak ni Debata nasida, angka na porsea di Goarna. Gal.3:26 13 I ma angka na so tubu sian mudar, manang sian sangkap ni daging, manang sian sangkap ni baoa, tung sian Debata do. 3:5,6 14 Gabe daging ma Hata i djala maringan di tongatonga ni hita on, djadi huida hami ma hasangaponna, i ma hasangapon ni Anak sasada na sian Ama i, gok asi ni roha dohot hasintongan. Jes.7:14; 60:1; 2Pet.1:16,17 15 Dihatindangkon si Johannes do Ibana, ai ninna ma: On do Ibana na hudok i, na ro sian pudingku; djumolo do Ibana adong asa ahu, ai pardjolo hian do Ibana. aj.27,30 16 Ai sian hamoraonna do saluhut hita mandialo, i ma asi ni roha na so marnamontok. 3:34; Kol.1:19 17 Ai marhite sian si Musa do dilehon anggo patik i; alai hinorhon ni Jesus Kristus do mandjadi asi ni roha dohot hasintongan. Rom.10:4 18 Ndang dung adong na marnida Debata; Anak na sasada i, na di ampuan ni Ama i, Ibana do mamaritahonsa. 6:46; 1Joh.4:12; Mat.11:27

Dihatindangkon si Johannes pandidi do Tuhonta: Birubiru ni Debata.

19 Disuru angka Jahudi sian huta Jerusalem ma angka malim dohot halak Lepi manungkun si Johannes: Ai ise do ho? Gabe on ma dihatindangkon: 20 Ai diparhatopot do, ndang diporso, didok do: Ndang ahu Kristus i. Luk.3:15,16 21 Gabe disungkun nasida ma ibana: Antong ise do ho? Si Elias do ulaning? Diadi didok ma: Ndang i ahu! Panurirang i do ho? Dung i dialusi ma: Ndang! Mat.17:10; 5Musa18:15 22 Dung i ninna nasida ma mandok ibana: Antong, ise do ho?, asa haalusan hami angka na marsuru hami. Aha do dohononmu taringot tu ho? 23 Dung i ninna ma: Soara ni na mandjoudjou di halongonan do ahu: Patigor hamu ma dalan ni Tuhan! songon naung nidok ni panurirang Jesajas. Jes.40:3; Mat.3:3; Mark.1:3 24 Sian Parise do angka na sinuru i. 25 Djadi didok nasida ma manungkun ibana: Boasa mandidihon ho, so manang Kristus ho, manang si Elias, manang panurirang i? 26 Gabe didok si Johannes ma mangalusi nasida: la ahu aek do hudidihon; alai nunga djongdjong di tongatongamuna Ibana, na so tinandamuna i. Mat.3:11 27 Ibana do i na ro sian pudingku; na hurang tama do ahu mangkarhari tali ni sipatuna. 3:26 28 Di Betania do i masa, di ipar ni aek Jordan, ai disi do mandidihon si Johannes. 29 Torang ni arina i duda si Johannes ma Jesus ro tusi, djadi didok ma: On do Birubiru ni Debata, na mamorsan dosa ni portibi on! aj.36; Jes.53:7 30 Ibana do na hudok i: Sian pudingku ro sada halak, naung djumolo adong asa ahu; ai pardjolo hian do Ibana. aj.15,27 31 Ahu pe, ndang hutanda Ibana; alai asa tandap Ibana di halak Israel, umbahen na ro ahu mandidihon aek. 32 Dung i dihatindangkon si Johannes ma, ninna ma: Huida do Tondi i tuat songon darapati sian banua gindjang i djala mian di Ibana! Mat.3:16 33 Ahu pe, ndang hutanda Ibana djolo. Alai Ibana na marsuru ahu mandidihon aek, I do mandok tu ahu: la tusi duda ho tuat Tondi i diala mian di Ibana, Ibana do sididihon Tondi Parbadia. Luk.3:2 34 Asa nunga huida djala huhadjongdjongkon: Ibana do Anak ni Debata.

Angka sisean na Pardiolo i.

35 Marsogotna i djongdjong muse si Johannes disi dohot siseanna dua halak. 36 Djadi di na niidana i Jesus mamolus, ninna ma: On do Birubiru ni Debata! 37 Djadi dibege siseanna na dua i ma hatana, gabe diihuthon ma Jesus. 38 Dung i humusor ma Jesus, duda ma nasida na mangihuthon Ibana, diadi ninna ma mandok nasida: Aha do na niluluanmuna? Djadi didok nasida ma mandok Ibana: Rabbi (na mandok: Guru) didia do Ho sorang? 39 Diadi didok ma mandok nasida: Ro ma hamu, asa duda hamu! Dung i ro ma nasida, duda ma parmiananna; laos rap ma nasida dohot Ibana sadarina i. Tar di pungkul opat ma i. 40 Si Andreas, dongan saama ni si Simon Petrus, do na sada sian na dua i, na umbege hata ni si Johannes dohot mangihuthon Ibana. 41 Dung i padiumpang ma ibana djumolo dohot si Simon, donganna saama, djadi didok ma mandok ibana: Nunga djumpang hami Messias i (astuanna: Kristus)! 1Sam.2:10; Ps.2:2 42 Laos ditogihon ma ibana tu Jesus. Alai dibereng Jesus ma ibana huhut ma didok: Si Simon, anak ni si Jonas do ho; si Kepas ma ho goaron (astuanna: Batu mamak, Petrus)! Mat.16:18 43 Torang ni arina i, di na naeng laho Ibana tu Galilea, djumpangsa ma si Pilippus, dung i didok Jesus ma mandok ibana: Ihuthon ma Ahu! 44 Alai sian Betsaida do si Pilippus, i ma huta ni si Andreas dohot si Petrus. 45 Dapot si Pilippus ma si Natanael, djadi didok ma mandok ibana: Nunga djumpang hami Ibana, na nidok ni si Musa di surat patik i djala na pinaboa ni angka panurirang; i ma Jesus, anak ni si Josep na sian huta Nasaret. 5Musa18:18; Hes.34:23 46 Dung i didok si Natanael ma mandok ibana: Tung tarbahen ma ro na denggan sian huta Nasaret? Djadi didok si Pilippus ma: Ro ma ho marnida! 47 Duda Jesus ma si Natanael ro manopot Ibana, djadi didok ma taringot tu ibana: On ma sada halak Israel na tutu, na so marpangansi dibagasan! 48 Ninna si Natanael ma mandok Ibana: Sian dia ditanda Ho ahu? Dung i dialusi Jesus ma ibana: Huida do ho, udju ditoru ni hau ara i ho, andorang so didjou si Pilippus i dope ho. 49 Dung i ninna si Natanael ma mangalusi Ibana: Gurunami, Ho do Anak ni Debata! Ho do radja ni halak Israel! 6:69; Mat.14:33; 16:16 50 Dung i ninna Jesus ma mangalusi ibana: Ala hudok tu ho: huida ho di toru ni hau ara i, umbahen na porsea ho? Idaonmu dope na sumurung sian i! 51 Laos ninna ma: Na tutu situtu do na hudok on tu hamu: Idaonmuna do mungkap banua gindjang djala manaek midjur angka surusuruan ni Debata tumopot Anak ni djolma i. 1Musa28:12

Na marbagas di huta Kana.

2:1 Dung i patoluarihon adong ma na marbagas di huta Kana na di luat Galilea, djala disi ma ina ni Jesus. 2 Alai dohot ma Jesus raphon angka siseanna dipio tu pesta i. 3 Djadi dung hurangan anggur nasida, ninna i na ni Jesus ma mandok Ibana: Ndang adong anggur di nasidai! 4 Alai ninna Jesus ma mandok ibana: Marhua ho tu Ahu, inang? Ndang dope ro tingkingku. 19:26; Mat.12:48 5 Dung i ninna inana i ma mandok angka parhobas: Manang dia dohononna tu hamu, bahen hamu ma! 6 Alai mangihuthon adat parburion ni halak Jahudi, adong ma diri disi onom gunsi (hudon batu), siatsiat dua ro di tolu pitong. Mark.7:3,4 7 Dung i ninna Jesus ma mandok nasida: Gohi hamu ma angka gunsi on aek! Djadi gok situtu ma dibahen. 8 Laos didok muse tu nasida: Tahui hamu ma sian i, dung i boan hamu ma tu indukmuna! Djadi diboan nasida ma. 9 Alai didai induk ni angka parhobas i ma aek i naung gabe anggur, djala ndang diboto haroroanna, ai holan angka parhobas na manahui aek i do umbotosa, gabe didjou ma pangoli i. 10 Djadi ninna ma mandok ibana: Saluhut djolma mangalehon pardjolo anggur na dumenggan; dung pe butong halak, asa dilehon na humurang. la ho, dipeop ho do anggur na dumenggan ro di nuaeng! 11 Asa i ma tanda na pardjolo, na binahen ni Jesus di huta Kana na di Galilea, papatarhon hasangaponna i, gabe porsea ma angka siseanna di Ibana. 12 Dung salpu i, tuat ma Ibana tu Kapernaum rap dohot inana, angka anggina dohot siseanna, laos mian manang piga ari disi. 7:3

Dipabali Jesus angka partigatiga sian djoro i.

13 Djadi djonok ma Paska ni Jahudi, gabe nangkok ma Jesus tu huta Jerusalem. 14 Dung i hundul ma di djoro i didapot angka partigatoga lombu, birubiru dohot darapati ro di angka panungkari. 15 Djadi dipauli Jesus ma tali bahen linsinglinsing, dipabali ma nasida saluhutna sian djoro i, rap dohot angka birubiru dohot lombu, disarahon ma hepeng ni panungkari i, diunggilhon ma mediana. 16 Dung i ninna ma mandok angka partigatiga darapati: Boan hamu ma i sian on! Unang bahen hamu bagas ni Damang gabe partigatigaan! 17 Diadi diingot angka siseanna i ma hata na tarsurat i: "Hamuruhon humophop bagasmi do mangallang ahu!" Ps.69:10 18 Dung i ninna angka halak Jahudi ma mangalusi Ibana: Aha ma tanda patuduhononmu tu hami, umbahen songon i dibahen Ho? Mat.21:23 19 Gabe ninna Jesus ma mangalusi nasida: Lohai hamu ma djoro on; dung i padiongdjongonku ma i dibagasan tolu ari! Mat.26:61; 27:40 20 Diadi didok angka Jahudi i ma: Opatpulu onom taon do lelengna dipauli bagas djoro on; ia Ho, padjongdjongonmu ma i dibagasan tolu ari? 21 Alai dagingna i do djoro na nidokna disi 1Kor.6:19 22 Asa dung hehe Ibana sian na mate, diingot angka siseanna ma hata ondeng, gabe porsea ma nasida di hata ni surat i nang di hata na nidok ni Jesus. 23 Alai udju di huta Jerusalem Ibana, di pesta Paska i, lan ma porsea di Goarna, dung duda nasida tanda angka na binan en na i. 24 Alai ndang dihaporseai Jesus i nasida, ala saluhut nasida di tanda. 25 Ai ndang pola mandjalo panindangion Ibana taringot tu di olma i, ai diboto Ibana hian do na dibagasan roha ni halak. Mark.2:8

Na hinatahon ni Jesus dohot si Nikodemus.

3:1 Asa adong ma sahalak sian angka Parise, sintua ni Jahudi na margoar Nikodemus. 7:50; 19:39 2 Na ro bornginborngin manopot Ibana, diadi didok ma mandok Ibana: Gurunami, huboto hami do Ho guru na ro sian Debata, ai ndang tarpatupa agia ise tanda songon na binahenmi, ia so Debata donganna. 3 Dung i ninna Jesus ma mangalusi ibana: Na tutu situtu do na hudok on tu ho: la so tubu djolma sian gindjang, ndang tarbahensa marnida haradjaon ni Debata! 1Pet.1:23 4 Dung i ninna si Nikodemus ma mandok Ibana: Songon dia ma tarbehen tubu muse halak, i a naung matua? Tung haulahansa ma mamasuhi siubeon ni inana, asa tubu? 5 Djadi dialusi Jesus ma: Na tutu situtu do na hudok on di ho: Anggo so tubu diolma sian aek dohot sian Tondi, ndang habongotansa haradjaon ni Debata! Hes.36:25-27; Epes.5:26; Tit.3:5 6 Daging do na tubu sian daging, tondi do na tubu sian Tondi. 1:13; 1Musa5:3; Ps.51:7 7 Unang ma longang roham, ala hudok tu ho: Ingkon tubu hamu sian gindjang! 8 Na mangullus do alogo dompak lomo ni rohana; dibege ho do parngongosna, alai ndang diboto ho haborhatanna manang hasahatanna. Laos songon i do ganup naung tubu sian Tondi. 9 Dung i ninna si Nikodemus ma mangalusi Ibana: Songon dia ma tarpadjadi i? 10 Djadi ninna Jesus ma mangalusi ibana: Ho, guru ni bangso Israel, ndang diboto ho i? 11 Na tutu situtu do na hudok on di ho: Huhatahon hami do na huboto hami djala huhatindangkon hami do naung huida hami, gabe ndang didjangkon hamu na huhatindangkon hami. 7:16; 8:26 .28 12 Gari angka na di tano on huhatahon tu hamu, ndang porsea hamu; tung porsea ma hamu. molo huhatahon tu hamu angka na di banua gindjang i? 13 Ndang adong na manaek tu banua gindjang, ia so naung tuat i sian banua gindjang; i ma Anak ni djolma i, na di banua gindjang i hian. Epes.4:9 14 Djadi songon naung pinatimbo ni si Musa ulok i di halongonan, songon i naeng patimboon Anak ni djolma i. 4Musa21:8,9 15 asa dapotan hangoluan na salelenglelengna ganup na porsea di Ibana. 16 Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana. Rom.5:8; 8:32; 1Joh.4:9 17 Ai ndang na disuru Debata Anakna i tu portibi on. asa uhumanna; naeng paluaonna portibi on tahe, umbahen na disuru. 12:47 18 Ndang siuhuman na porsea di Ibana; alai anggo na so porsea i, nunga hona uhum, ala so porsea ibana di Goar ni Anak sasada ni Debata, aj.36; 5:24 19 Alai on ma uhum i: Nunga ro na tiur i tu portibi on, djadi holongan do roha ni angka djolma di na holom i asa di na tiur i, ai na diahat do parulannasida. 1:5,9-11 20 Ai ganup na mangulahon na roa, hosom do rohana di na tiur i, djala ndang didapothon na tiur i, asa unang gabe patar angka ulaonna i. Epes.5:13 21 Alai na mangula hasintongan i, didapothon do na tiur i, asa patar parulanna i; ai dibagasan Debata do diula.

Dihatindangkon si Johannes do Tuhan Jesus.

22 Dung i ro ma Jesus dohot angka siseanna i tu luat Judea, djadi mian disi ma djolo Ibana rap dohot nasida djala mandidihon. 4:1,2 23 Alai dohot do si Johannes mandidihon di Enon, mardonokkon huta Salem, ai na nia aek disi. Djadi tusi ma ro halak gabe tardidi. 24 Ai ndang dope dihurungkon si Johannes udju i. Mat.14:3 25 Marsual ma disi angka sisean ni si Johannes dohot sahalak Jahudi siala parburion i. 26 Djadi didapothon nasida ma si Johannes, didok ma tu ibana: Gurunami, Halak i na ro tu djolom, di ipar ni aek Jordan, na hinatindangkonmi, I do mandidihon nuaeng, gabe saluhut halak ro mandapothon Ibana. 1:26-34 27 Dung i ninna si Johannes ma mangalusi: ,Ndang tarbuat diolma manang aha, anggo so dilehon tu ibana sian banua gindjang. Heb.5:4 28 Hamu sandiri do sitindanggingku di na hudok: Ndada ahu Kristus i; na sinuru do ahu patudjolona. 1:20 .23, 27 29 Nampuna oroan, i do pangoli i. Alai na djongdjong do aleale ni pangoli i patangitangi ibana; djadi murias ni roha situtu dibahen soara ni pangoli i. Asa halalas ni roha sisongon i ma djumpang di ahu. Mat.22:2 30 Ianggo Ibana, patut lam ganda; lam moni ma anggo ahu! 31 Na ro sian gindjang, I do mangatasi saluhutna. Na ro sian tano on, i ma sian tano on, djala angka na sian tano on do dihatahon. 8:23 32 Dihatindangkon na ro sian banua gindjang i do na niidana dohot na binegena, gabe ndang adong na mandjangkon na hinatindangkonna i. aj.11 33 Halak na mandjangkon na hinatindangkonna i, i do sumahaphon, paboa parsintong Debata. 34 Ai na sinuru ni Debata, I do mangkatahon angka hata ni Debata; ai ndang marpanuhatan Ibana mangalehon Tondi i. 1:33,34 35 Na holong do roha ni Ama i di Anak i; naung dilehon do saluhutna tu tanganna. Mat.11:27 36 Naung dapotan hangoluan na salelenglelengna do na mangkaporseai Anak i; alai na so mangoloi Anak i, ndang idaon ni i hangoluan; sai na mian do tahe rimas ni Debata di ibana. aj.18

Panogunoguon ni Jesus di boru Samaria.

4:1 Dung diboto Tuhan i, naung dibege angka Parise, tumorop do dibanen Jesus siseanna dohot mandidihon sian si Johannes — 3:22,26 2 — atik pe so Jesus sandiri mandidihon, angka siseanna do, — 3 ditadingkon ma luat Judea laho mangulahi tu luat Galilea. 4 Alai ingkon bolusonna do luat Samaria. 5 Gabe ro ma Ibana tu sada huta na si Samaria, na margoar Sikar, mardonokkon ladang na nilehon ni si Jakob tu si Josep, anakna i. 1Musa48:22; Jos.24:32 6 Alai adong ma disi sumur ni si Jakob; djadi dibahen naung lodja Jesus sian pardalanan, hundul ma Ibana di lambung ni sumur i; tar di hos ni ari ma i. 7 Dung i ro ma sada boru Samaria, mananui aek. Djadi didok Jesus ma mandok ibana: Lehon Ahu minum! 8 Ai nunga laho angka siseanna i tu huta, manuhor bohal. 0 Djadi didok boru Samaria i ma mandok Ibana: Boasa mangido tapian Ho halak Jahudi, sian ahu boru Samaria? Ai ndang marparsaoran halak Jahudi dohot halak Samaria. 10 Dung i ninna Jesus ma mangalusi ibana: Aut diboto ho basabasa ni Debata, djala aut ditanda ho na mangido aek inumon sian ho, ra olo ho mangido tu Ibana: dung i lehononna ma tu ho aek na mangolu. 7:38,39 11 Djadi didok boruboru i ma tu Ibana: Tuan, tahutahu gari soada di Ho, tole bagas do sumur on; tung sian dia ma tu Ho aek na mangolu? 12 Tung umbalga ma Ho asa empunta si Jakob, na mangalehon sumur on di hami? Ibana domanginum sian i dohot ianakkonna ro di pinahanna! 13 Dung i ninna Jesus ma mangalusi ibana: Sai mangulahi mauas do nasa na minum sian aek on. 6:58 14 Alai na manginum aek silehononki, na so tupa mauas be i ro di salelenglelengna. Ai anggo aek silehononki, gabe mual do i dibagasan ibana, na mabaor sahat ro di hangoluan si salelenglelengna. 6:27,35 15 Dung i ninna boruboru i ma mandok Ibana: Tapian sisongon i ma lehon di ahu, tuan, asa unang be mauas ahu djala unang be sai ro tuson manahui. 16 Dung i, ninna Jesus ma mandok ibana: Laho ma ho djolo, djou ma dongan saripem, dung i mulak tuson! 17 Gabe ninna boruboru i ma mangalusi; Ndang mardongan saripe ahu! Dungi ninna Jesus ma tu ibana: Toho do pandokmi, na so adong sinondukmu. 18 Ai nunga Urna hali ho mardongan saripe; ia baoa na di ho i nuaeng, ndang donganmu saripe i dohonon; asa na tutu do na nidokmi! 19 Dung i ninna boruboru i ma mandok Ibana: Ale tuan, panurirang do Ho huida! 20 Di dolok an do martangiang ia ompunami, gabe didok hamu, ingkon Jerusalem do partangiangan. 5Musa12:5; Ps.122 21 Dung i ninna Jesus ma mandok ibana: Porsea ma ho di Ahu, inang! Na ro ma tingkina, gabe ndang pola be dolok an manang Jerusalem partangiangan tu Ama i. 22 Disomba hamu do na so binotomuna; huboto hami do na husomba hami, ai bangso Jahudi do haroroan ni haluaon. 2Radja17:29,30; Jes.2:3 23 Alai na ro ma tingkina djala nunga ro i nuaeng, gabe dibagasan Tondi dohot hasintongan martangiang angka partangiang na tutu tu Ama i; ai angka partangiang na songon i dipangido Ama i. 24 Tondi do anggo Debata; asa angka na martangiang tu Ibana, patut martangiang dibagasan Tondi dohot hasintongan. 2Kor.3:17 25 Dung i didok boruboru i ma mandok Ibana: Huboto do, na naeng ro Messias na margoar Kristus; ia dung ro Ibana, baritahononna do saluhutna i tu hami. 1:41 26 Dung i ninna Jesus ma mandok ibana: Ahu do i, na mangkatai dohot ho! 9:37 27 Dung songon i, ro ma angka siseanna djala longang ma rohanasida, ala mangkatai Ibana dohot boruboru i; alai ndang adong na olo mandok: Aha dipausoi Ho? manang: Aha hinatam dohot ibana? 28 Asa ditadingkon boruboru i ma panguhatanna. laho tu huta, gabe didok ma tu angka djolma i: 29 Beta hamu! Ida hamu ma sada halak na paboahon tu ahu sude parulanhi! Atik tung Kristus i Ibana? 30 Gabe ruar ma nasida sian huta i, laho manopot Ibana. 31 Andorang i, disosoi angka siseanna ma Ibana, ninna ma: Mangan ma Guru i! 32 Alai ninna ma mandok angka siseanna: Adong do di Ahu sipanganon na so binotomuna. aj.34 33 Gabe ninna siseanna ma sama nasida: Ai adong do ulaning na mamboan sipanganon tu Ibana? 34 Dung i ninna Jesus ma mandok nasida: Sipanganon do i di Ahu, na mangulahon lomo ni roha ni na marsuru Ahu dohot paudjungkon ulaonna. 35 Nda didok hamu: Opat bulan nari, ro ma gotilon? Alai hudok ma di hamu: Pabidok hamu ma matamuna, bereng hamu ma hauma i; ai nunga marlangat, na tau gotilon ma! Mat.9:37; Luk.10:2 36 Nunga mandjalo upa panggotil i, papunguhon parbu tu hangoluan na salelenglelengna, asa rap marlas ni roha panabur dohot panggotil. 37 Ai dison ma tutu hata na mandok: Na sada on manabur; na sada an manggotil. 38 Ahu do marsuru hamu manggotil na so hinalodjahonmuna; angka na asing do mangkalodjahonsa, gabe disoluk hamu na niulanasida. 39 Diadi torop do halak Samaria sian na sahuta i gabe porsea di Ibana, ala dihatindangkon boruboru i: Tung saluhut parulanhi dipaboa Ibana do tu ahu! 40 Asa dung sahat angka halak Samaria ro tu Jesus, dielekelek ma Ibana, asa marmian di nasida; djadi laos disi ma Ibana dua ari. 41 Dung i toropan do nasida na gabe porsea ala ni hata ni Jesus. 42 Gabe didok nasida ma tu boruboru i: Ndang be ala ni pandokmi, umbahen na porsea hami; ai nunga hubege djala hutanda hami sandiri, Ibana do tutu Sipalua portibi on.

Dipamalum Jesus anak ni parpangkat na sian Kapernaum.

43 Djadi dung salpu na dua ari i, borhat ma Ibana sian i laho tu Galilea. Mat.4:12 44 Ai Jesus sandiri do mangkatindangkon, na so marsangap panurirang di tano hagodanganna. Mat.13:57; Mark.6:4; Luk.4:24 45 Djadi di na ro Ibana tu Galilea, gabe didjangkon halak Galilea ma Ibana, dibahen naung duda nasida saluhutna na binahenna i di Jerusalem, di ari raja i; ai dohot do nasida marariraja disi. 2:23 46 Asa ro muse ma Jesus tu huta Kana na di luat Galilea, pambahenanna aek gabe anggur udju i. Alai adong ma parpangkat sahalak di huta Kapernaum, hansitan di anakna. 2:1,9 47 Djadi dung dibege i, naung ro Jesus sian luat Judea tu luat Galilea, didapothon ma Ibana; dielekelek ma, asa tuat Ibana pamalum anakna i, ai matemate ne do ibana. 48 Djadi didok Jesus ma tu ibana: Molo so duda hamu tanda dohot halongangan, ndang na porsea hamu. 2:18; 1Kor.1:22 49 Dung i didok parpangkat i ma: Sai tuat ma Ho djolo, Tuan, andorang so mate dope anakki! 50 Djadi didok Jesus ma tu ibana: Laho ma ho; na mangolu do anakmi! Gabe dihaporseai halak i ma hata na nidok ni Jesus tu ibana laos laho ma. 51 Alai laho tuat dope, nunga ditomutomu angka naposona ibana paboahon, na mangolu anakna i. 52 Dung i dipamanat ma tu nasida tingkina, manang na sadihari lumambok dihilala; diadi didok nasida ma: Nantoari, tar di pungkul sada do sumurut panepane i sian ibana. 53 Djadi diboto amana i ma: apala i ma tingkina, udju didok Jesus: Na mangolu do anakmi! gabe porsea ma ibana dohot sude pangisi ni bagasna. 54 Asa i ma tanda paduahon, na pinatupa ni Jesus muse, di na ro Ibana sian luat Judea laho tu luat Galilea. 2:11,23

Dipamalum Tuhan Jesus sada halak na marsahit di Betesda.

5:1 Salpu ni i adong ma pesta ni halak Jahudi, djadi nangkok ma Jesus tu Jerusalem. 2 Djadi adong ma di Jerusalem di lambung ni harbangan birubiru paridian sada na margoar Betesda anggo di hata Heber; lima do soposopo disi. 3 Marpeahan do disi torop halak na hansitan, na mapitung, na sarion, na tiarapon, angka na maimaimahon hagugunsang ni aek i. 4 Ai surusuruan ni Debata do tuat marombasombas tubagasan paridian i manggunsang aek i. Asa na pardjolo bongot di hagugunsang ni aek i, gabe malum do, manang dia pe sahit na lohot tu ibana. 5 Alai adong ma disi sahalak naung tolupulu ualu taon lelengna marsahit. 6 Duda Jesus ibana peak disi, djala diboto ma, naung pola leleng ibana disi, gabe ninna ma mandok ibana: Naeng malum ho? 7 Djadi didok na marsahit i ma mangalusi Ibana: Iale tuan! Ndang adong paruhaonku, na manogu ahu tu paridian i di hagugunsang ni aek i; ai mandok ro dope ahu, nunga didjoloani na asing ahu midjur. 8 Dung i ninna Jesus ma mandok ibana: Hehe ma ho, hindat ma lagem, mardalan ma ho! Mat.9:6 9 Djadi pintor hisar ma diolma i, dihindat ma lagena, laos mardalan ma. Alai ari Sabat do toho na sadari i. 9:14 10 Dung i ninna angka Jahudi i ma mandok na pinamalum i: Ari Sabat do nuaeng; ndang djadiboanonmu laeem! Jer.17:21 11 Djadi didok ma mangalusi nasida: Halak i na pamalum ahu, i do mandok tu ahu: Hindat ma lagem, mardalan ma ho! 12 Dung i disungkun nasida ma ibana: Ai ise na mandokkon ho mangkindatsa djala mardalan? 13 Alai ndang ditanda na hansitan i Ibana; ai nunga sumurut Jesus, ala torop halak disi. 14 Ndang piga dan djumpang Jesus ma ibana di bagas djoro, djadi didok ma tu ibana: Atehe, nunga hisar be ho? Unang datdati mangula dosa, asa unang songgop tu ho na umposi! 8:11 15 Gabe laho ma halak ondeng paboahon tu angka Jahudi, Jesus do na pahisar ibana. 16 Djadi diburui angka Jahudi ma Jesus, ala dibahen songon i di ari Sabat. Mat.12:14

Ditariashon ulaonna maralohon halak Jahudi.

17 Alai dialusi Jesus ma nasida, ninna ma: Na mangula do Damang rasirasa nuaeng: Ahu pe mangula do. 9:4 18 Ala ni i lam disangkapi angka Jahudi mamusa Ibana, ai disegai do ari Sabat i, tole digoar do Debata Amana diala dipasobok do dirina dohot Debata. 7:30; 10:33 19 Gabe dialusi Jesus ma nasida, didok ma: Na tutu situtu do na hudok on tu hamu: Ndang tarpatupa Anak i manang aha sian roharohana, anggo so duda Ibana Ama i mangulahonsa; ai ia i dibahen Ama i, laos i do diula Anak i. 3:11,32 20 Ai holong do roha ni Ama i di Anak i, dipatuduhon do tu Ibana nasa ulaon ni Ama i; laos patuduhononna ma tu Ibana ulaon na umbalga sian on, asa longang rohamu. 3:35 21 Ai songon panungguli ni Ama i di angka na mate, laho pangoluhon nasida, songon i do Anak i: dipangolu do angka na naeng pangoluonna. 22 Ai ndang adong diuhumi Ama i manang ise; nunga dipasahat sandok paruhumon i tu Anak i, Dan.7:13,14; Ul.17:31 23 asa dipatsangapi saluhut halak Anak i, songon parsangapinasida di Ama i, Ia i na so pasangaphon Anak i i ma na so pasangaphon Ama i, na marsuru Ibana. Pilip.2:10,11; 1Joh.2:23 24 Na tutu situtu do na hudok on tu hamu: Manang ise na tumangihon hatangki djala porsea di na marsuru Ahu, nunga sahat tu ibana hangoluan na salelenglelengna; ndang pola be ibana tu paruhuman, nunga taripar ibana sian hamatean tu hangoluan. 3:16, 18 25 Na tutu situtu do na hudok on tu hamu: Na ro ma tingkina djala nunga masa nuaeng, begeon ni angka na mate i ma disi soara ni Anak ni Debata; gabe mangolu ma angka na umbegesa. Epes.2:5, 6 26 Ai songon Ama i Parngolu hian dibagasan dirina, laos songon i do dilehon tu Anak i, asa Parngolu Ibana dibagasan dirina. 1:1-4 27 Djala dilehon do tu Ibana huaso manguhumi, ala Anak ni djolma i Ibana. aj.22 28 Unang longang rohamu ala ni i, ai di na ro tingkina, begeon ni saluhut halak na di angka tanoman i ma soarana. 29 Dung i ruar be ma: angka sibahen na denggan hehe tu hangoluan; alai angkas siula na djahat hehe tu uhum. 6:40; Dan.12:2 30 Ndang tarula Ahu agia aha, anggo tung sian diringku; bombar tu na hubege do panguhumhu, djadi tigor do uhumhi, ala so hulului na pinangido ni rohangku, na pinangido ni roha ni na marsuru Ahu i do. aj.19; 6:38 31 Anggo Ahu mangkatindangkon diringku, ndang na sintong panindangonki. 32 Adong do na asing na mangkatindangkon Ahu djala huboto, na sintong do panindangionna na taringot tu Ahu. aj.36; Mat.3:17 33 Naung disuru hamu do na manopot si Johannes, gabe na sintong i dihatindangkon ibana. 1:19 34 Alai anggo Ahu, ndang hudjalo panindangion sian djolma; ia hutaringoti pe i, ala ni hamu do, anggiat malua hamu. 35 Palito na galak djala na marsinondang do ibana; alai na naeng marlas ni roha do hamu sangombas dibagasan sondangna i. 36 Alai na sumurung do panindangion na di Ahu asa na sian si Johannes; ai angka ulaon na nilehon ni Ama i tu Ahu, sipaudjungonku, i ma angka ulaon na huula, i do mangkatindangkon Ahu, paboa na disuru Ama i Ahu. 1:33; 3:2; 1Joh.5:9 37 Nang Ama i na marsuru Ahu, dihatindangkon do Ahu. Ndang dung dibege hamu soarana, rupana pe ndang dung diida hamu. Mat.3:17 38 Hatana pe ndang ditiop hamu mian dibagasan rohamuna, ai ndang porsea hamu di na sinuruna. 39 Diriori hamu do angka surat i, ai diparbaga rohamu, dapot hamu do disi hangoluan na salelenglelengna; djala Surat i do tutu mangkatindangkon Ahu. Luk.24:27; 2Tim.3:15-17 40 Alai ndang olo hamu ro manopot Ahu, asa dapotan hangoluan hamu nian. 6:35 41 Ndang adong hudjalo hasangapon sian djolma. Heb.5:5; 1Tes.2:6 42 Alai nunga hutanda hamu, na so ditiop hamu dibagasan hamu holong ni roha ni Debata. 43 Ro do Ahu marhitehite Goar ni Damang, gabe ndang didjangkon hamu Ahu. Alai molo ro na asing marhitehite goarna sandiri, djangkononmuna do anggo i. 44 Songon dia ma antong tarbahen hamu gabe porsea, ai na masidjaloan sangap be hamu sama hamu; alai anggo sangap na sian Debata na sasada i, ndang dilului hamu. 12:43 45 Unang dirimpu rohamuna, Ahu mangaluhon hamu tu Ama i. Adong do na mangaluhon hamu; i ma si Musa, haposan ni rohamuna i. 5Musa31:26 46 Ai aut na porsea hamu di si Musa, porsea ma hamu nang di Ahu; ai taringot tu Ahu do disurathon. 1Musa3:15; 49:10; 5Musa18:15 47 Alai molo so porsea hamu di suratna i, tung porsea ma hamu di hatangki? Luk.16:31

Ditamui Tuhan Jesus limaribu halak.

6:1 Asa dung salpu i, ditaripari Jesus ma tao Galilea, Tiberias. 2 Alai torop ma halak mangihuthon Ibana, ala diida nasida tanda angka na binahenna tu na hansitan. 3 Dung i nangkok ma Jesus tu dolok, laho hundul tusi rap dohot angka siseanna. 4 Alai djonok nama Paska, ari raia ni Jahudi. 2:13; 11:55; Mat.14:15-21; Mark.8:34-44; Luk.9:12-17 5 Dung i manatap ma Jesus, diida ma torop halak ro mandapothon Ibana, djadi didok ma mandok si Pilippus: Sian dia ma tuhoronta roti, asa mangan angka on? 6 Alai didok pe songon i, na laho mangundjuni ibana do; ai diboto hian do sibahenonna. 7 Djadi dialusi si Pilippus ma Ibana: Ndang sae roti arga duaratus hupang, asa didjalo ganup nasida sasaotik. 8 Dung i didok sahalak sian angka siseanna, i ma si Andreas, anggi ni si Simon Petrus, ma mandok Ibana: 9 Adong do dison sada dakdanak na umpeop lima roti dohot dia dengke; alai sadia ma i tu na sai torop? 10 Alai didok Jesus ma: Dokkon hamu ma hundul angka djolma i; alai bidang do djampalan disi. Dung i hundul ma disi torop ni baoa, arga limaribu. 11 Asa dibuat Jesus ma angka roti i, didok ma mauliate, dipallehon ma i tu angka na hundul i; sian dengke i pe songon i, saguru lomo ni rohanasida. 12 Alai dung bosur nasida, ninna ma mandok angka siseanna: Papungu hamu ma angka ebaeba i, asa unang magopo! 13 Gabe dipapungu nasida, djadi gok ma sampuludua ampang ebaeba sian na lima roti i, na so suda angka na mangan i. 14 Asa dung diida halak i tanda naung binahen ni Jesus i, ninna nasida ma: On ma tutu panurirang i, na naeng ro tu portibi on. 5Musa18:15 15 Mamoto ma Jesus, naeng ro nasida manoro Ibana, laho pabangkithon gabe radia, djadi maporus ma Sasadasa tu dolok. 18:36

Didapothon do siseanna na targogot di tao i.

Mat.14:22-33; Mark.6:45-52 16 Alai dung bot ari, tuat ma angka siseanna i tu topitao. 17 Dibongoti nasida ma prau i, ditaripari ma tao i dompak Kapernaum. Nunga pola mangkolom; laos so ro dope Jesus mandapothon nasida. 18 Alai gaor do tao i dibahen pangullus ni habahaba na gogo. 19 Asa dung marluga nasida arga opat manang lima batu daona, diida nasida ma Jesus na mardalan diatas tao i mandjonohi prau i, gabe mabiar ma nasida. 20 Alai didok ma mandok nasida: Ahu do on; unang hamu mabiar! 21 Djadi naeng ma pabongotonnasida Ibana tubagasan prau i; dung i pintor sahat ma prau i tu luat sitondongonnasida.

Tunanta do roti hangoluan.

22 Torang ni arina i, diboto natorop na tinggal di ipar ni tao i, na so ada disi prau na asing dungkon ni na sasada i, djala na so dohot Jesus bongot tu piau i, holan angka siseanna do na borhat. 23 Alai na ro do angka prau sian Tiberias djonok tu inganan parmanganan roti na tinangiangkon ni Tuhan i. ai.11 24 Asa dung diida natorop i, na so disi Jesus, nang angka siseanna pe, dibongoti ma muse angka prau djadi ro tu huta Kapernaum mangalului Jesus. 25 Djadi dung diumpang nasida Ibana di bariba ni tao i, ninna nasida ma mandok Ibana: Guru, sadihari do ho ro tuson? 26 Dung i ninna Jesus ma mangalusi nasida: Na tutu situtu do na hudok on tu hamu: Dilului hamu pe Ahu, ndada ala naung dapot rohamuna tanda i, tung ala ni na bosur i do hamu, na mangan roti i. 27 Unang ma sipanganon na olo salpu ula hamu; alai sipanganon na mian ro di hangoluan na salelenglelengna, na naeug lehonon ni Anak ni djolma i tu hamu. Ai Ibana do dihatindangkon Ama i, Debata. 4:14; 5:36 28 Dung i ninna nasida ma mandok Ibana: Dia ma bahenonnami, asa huula hami angka ulaon lomo ni roha ni Debata? 29 Dung i ninna Jesus ma mangalusi nasida: Haporseai hamu ma Nasinuru ni Debata; i ma ulaon lomo ni rohana 1Joh.3:23 30 Dung i ninna nasida ma: Asa dia ma tanda bahenonmu siidaonnami, asa tung porsea hami di Ho? Aha diula Ho? 2:18 31 la ompunami, mangan Manna do di parhorsihan songon na tarsurat: "Dilehon do roti sian banua gindjang panganonnasida." 2Musa16:13,14; Ps.78:24 32 Dung i ninna Jesus ma mandok nasida: Na tutu do hatangkon tu hamu: Apala si Musa mangalehon tu hamu roti na sian banua gindjang; Damang i do mangalehon di hamu roti na tutu, na sian banua gindjang. aj.49 33 Ai na tuat sian banua gindjang do silehon hangoluan tu portibi on; i do roti na sian Debata. 34 Gabe didok nasida ma: Sai tong ma lehon tu hami, ale Tuhan, roti sisongon i! 35 Dung i ninna Jesus ma mandok nasida: Ahu do roti hangoluan i: sandok na so male be manang ise, naung ro tu Ah; diala na so tupa be mauas manang ise, na porsea di Ahu. aj.48; 4:14; 7:37 36 Alai nunga hupaboa tu hamu: Diida matamuna do Ahu nian; alai ndang porsea hamu. aj.26,29 37 Saluhutna na nilehon ni Ama i tu Ahu, i do na ro tu Ahu; djala na so tupa pabalionku na ro tu Ahu. 17:6-8; Mat.11:28 38 Ai ndada tuat Ahu sian banua gindjang mambahen roharohangku; na pinangido ni roha ni na marsuru Ahu i do. 4:34 39 Alai on do dipangido roha ni na marsuru Ahu: Unang ma mago habuhen agia sada sian saluhutna na nilehonna tu Ahu, asa hupangolu i tahe di ari parpudi. 10:28,29; 17:12 40 Ai on do dipangido roha ni Damang: Naeng ma dapotan hangoluan salelenglelengna ganup na marnida Anak i djala porsea di Ibana; djala paheheongku do ibana di ari parpudi. 5:29; 11:24 41 Gabe marmungutmungut ma angka Jahudi dompak Ibana siala pandokna i: "Ahu do roti na tuat sian banua gindjang." 42 Diadi didok nasida ma: Nda Ibana do Jesus, anak ni si Josep i; nda tatanda amana dohot inana? Beha ma dohononna antong: Na tuat sian banua gindjang do Ahu? Luk.4:22 43 Djadi dialusi Jesus ma nasida: Unang hamu marmungutmungut! 44 Ndang adong na tarbahen ro tu Ahu, ia so na tinogu ni Ama i na marsuru Ahu; djala Ahu pahehehon ibana di ari parpudi. aj.65 45 Na tarsurat do di angka panurirang: "Na pinodaan ni Debata ma nasida saluhutna." Ganup na manangihon Ama i djala na marguru tu Ibana, i do na ro tu Ahu. Jes.54:13; Jer.31:33,34 46 Ndang dung adong nian na marnida Ama i; holan Ibana na ro sian Debata. I do na marnida Ama i. 1:18 47 Na tutu situtu do na hudok on tu hamu: Na porsea, i do naung gabe nampuna hangoluan na salelenglelengna. 3:16 48 Ahu do roti hangoluan i! aj.35 49 Na mangan Manna i do angka ompumuna di parhorsihan, djadi mate do! aj.31:32; 1Kor.10:3,5 50 On do roti na tuat sian banua gindjang, asa unang mate na manganhonsa. 51 Ahu do roti na mangolu, na tuat sian banua gindjang i. Manang ise na manganhon roti on, i do mangolu salelenglelengna. Ia roti silehononki, bahen hangoluan ni portibi on, i ma dagingku. Heb.10:5,10 52 Dung i marsual ma angka Jahudi sama nasida, ninna ma: Beha ma bahenon ni Halak on mangalehon dagingna i panganonta? 53 Djadi didok Jesus ma tu nasida: Na tutu situtu do hatangkon na tu hamu: Tung na so dapot hamu hangoluan i, molo so dipangan hamu daging ni Anak ni djolma i, djala so diinum hamu mu dama! 54 Dapotan hangoluan salelenglelengna do ganup na manganhon dagingku djala manginum mudarhu; djala paheheonku do ibana di ari parpudi. 55 Ai sipanganon na tutu do dagingku, djala siinumon na tutu do mudarhu. 56 Manang ise na manganhon dagingku djala manginum mudarhu, i do na mian dibagasan Ahu djala Ahu dibagasan ibana. 15:4; 1Joh.3:24 57 Songon parsuru ni Ama Sipangolu i do Ahu, gabe mangolu Ahu marhitehite Ama i, songon i ma mangolu marhitehite Ahu na manganhon Ahu. 58 On do roti na tuat sian banua gindjang; alai nda tung songon na di angka ompu i, ai mangan do nasida, tong do mate. Mangolu salelenglelengna do na manganhon roti on. 59 I ma hata ni Jesus, laho mangadjari dibagasan parguruan na di huta Kapernaum.

Sumurut siseanna deba; dihadjongdjongkon si Petrus haporseaonna.

60 Asa torop ma sian angka siseanna na umbegesa mandok: Hata na kasar do i; ise pabegebege i? 61 Alai diboto Jesus ma dibagasan rohana, naung marmungutmungut angka siseanna siala hata i, djadi didok ma iu nasida: Tung ala ni i do hamu targasip? 62 Beha nama, anggo idaonmuna Anak ni djolma i manaek tu ingananna hian? 3:13 63 Tondi i do na pangoluhon; ndang marguna anggo daging i. Angka hata naung huhatahon tu hamu, Tondi do i dohot hangoluan. 2Kor.8:6 64 Alai adong do deba sian hamuna na so porsea; ai diboto Jesus do sian mulana nasida na so olo porsea, ro di na naeng mandiehehon Ibana. 13:11 65 Djadi ninna ma: Dibahen i ma umbahen na hudok tu hamu, na so tarbahen manang ise manopot Ahu, ia so Damang i mangalehonsa tu ibana. aj.44 66 Lan ma angka siseanna i manundalhon Ibana olat ni i; ndang be didongani nasida Ibana. 67 Dung i didok Jesus ma mandok na sampuludua i: Nda tung dohot hamu naeng laho? 68 Gabe dialusi si Simon Petrus ma Ibana: Tung tu ise ma hami laho, ale Tuhan? Di Ho do hata hangoluan sisalelenglelengna! aj.63 69 Djala nunga huhaporseai djala hutanda hami: Ho do na badia ni Debata! 1:49; 11:27; Mat.16:16 70 Dung i dialusi Jesus ma nasida, ninna ma: Nda sampuludua do hamu naung hupillit i? Hape sada sian hamu gabe sibolis! 71 Si Judas, anak ni si Simon, halak Iskariot i do na nidokna disi, ai i do na mandjehehon Ibana muse; sada sian na sampuludua i do ibana.

Direhei angka anggina Tuhan Jesus; nangkok tu pesta parlapelapean.

7:1 Dung salpu i, diadangi Jesus ma luat Galilea, ai ndang olo Ibana mardalani di Judea, ala naeng bunuon ni halak Jahudi Ibana. 6:1 2 Alai djonok do pesta parlapelapean ni Jahudi. 3 Djadi didok angka anggina i ma mandok Ibana: Borhat ma Ho sian on laho tu Judea, asa dohot siseanmi marnida angka ulaon na pinatupami! 2:12 Mat.12:46; Ul.1:14 4 Ai ndada di na holip diula halak sibahenonna, anggo naeng tu hapataian ibana. Anggo sapala diula Ho angka na songon i, papatar antong dirim tu portibi on! 5 Ai nang angka anggina, ndang porsea di Ibana. 6 Dung i ninna Jesus ma mandok nasida: Ianggo tingkingki ndang dope djumpang; alai anggo tingkim»na tongtong do dapot anggo i. 2:4 7 Didia ma hosoman ni portibi on hamu; anggo Ahu dihosomi do, ala Ahu mangkatindangkon, paboa na diahat angka pambahenanna. 15:18 8 Hamu ma nangkok marpesta; ianggo Ahu, ndang nangkok tu pesta on, ai ndang dope diumpang tingkingki. 9 Dung songon i hatana, tading ma Ibana di Galilea. 10 Alai dung nangkok angka anggina i marpesta, nangkok muse ma nang Ibana; ndang apala patar, tar songon na buni do. 11 Asa dilului angka Jahudi ma Ibana di pesta i, angka ninna do: Ai didia do Ibana? 12 Djadi sai dihatahatai natorop ma Ibana; adong do na mandok: Parroha na denggan do Ibana; alai na asing muse mandok: Nda tung, na mangaliluhon natorop do Ibana. 13 Alai ndang adong na hum papatarhon hatana taringot tu Ibana, dibahen biarnasida mida Jahudi i. 9:22; 12:42; 19:38

Tuhan Jesus do sinuru ni Ama i djala Ibana do aek hangoluan.

14 Nunga pola salpu satonga ni angka ari ni pesta i, asa laho Jesus tu bagas djoro mangadjari. 15 Gabe longang ma angka Jahudi, didok ma: Sian dia ma diboto On hata ni Debata, so manang diguruhon? Mat.13:54 16 Djadi didok Jesus ma tu nasida: Anggo podangku, ndada sian Ahu sandiri, sian na marsuru Ahu do. 17 Ganup na olo mangulahon pinangido ni roha ni I, botoonna ma, manang na sian Debata podangki, manang na huhatahon i sian diringku sambing. 18 Ganup na mangkatahon sian dirina, sangapna do niluluanna; alai na mangalului sangap ni na marsuru ibana, i do parsintong, ndang adong na geduk dibagasan ibana. 5:41,44 19 Nda dilehon si Musa patik i tu hamu? Hape ndang adong nanggo sada sian hamu na mangaradoti patiki. Boasa ditahi rohamuna mamusa Ahu? 5:16,18; Ul.7:53 20 Dung i ninna natorop i ma: Na sibolison do Ho! Tung ise ma tumahi mamusa Ho? 8:48,52; 10:20 21 Dung i ninna Jesus ma mangalusi nasida: Hupatupa sada ulaon, gabe longang hamu saluhutna. 5:16 22 Onpe, dilehon si Musa tu hamu ruhut parsunaton (ndang ruan sian si Musa parmulaanna, na sian angka ompu i do), gabe disunat hamu halak nang di ari Sabat. 1Musa17:10-12 23 Asa tarsunat do hape djolma djumpa ari Sabat, unang dilaosi patik ni si Musa; tung Ahu ma muruhanmuna, ala hibul djolma i hupamalum djumpa ari Sabat? 24 Unang ma mar guru tu na niida sambing uhummuna, tigor ma panguhummuna! 25 Dung i ninna deba sian isi ni Jerusalem ma: Nda Ibana i, na naeng bunuonnasida? aj.19 26 Ndi, tullom ni hatana i! So manang aha didok nasida tu Ibana. Aik naung torang ulaning diboto angka sintuanta, Ibana tutu Kristus? 27 Alai tahe, taboto do haroroan ni Halak on. Alai molo ro Kristus i, ndang dapot botoon, manang sian dia haroroanna. ai.41 28 Dung i dipagogo Jesus ma soarana mangadjari di bagas djoro i, ninna ma: Olo tutu, ditanda hamu do Ahu djala diboto hamu do haroroanki. Ndang na ro Ahu sian diringku, alai adong do Parsintong i, na marsuru Ahu, na so tinandamuna. 29 Alai anggo Ahu hutanda do Ibana, ai sian Ibana do Ahu; Ibana do marsuru Ahu. Mat.11:27 30 Dung i dilului nasida ma dalan manangkup Ibana; alai ndang adong na mangalaluhon tanganna tu Ibana, ai ndang dope djumpang tingkina. 8:20; Luk.22:53 31 Alai lan do sian natorop gabe porsea di Ibana, angka ninna do: Molo ro Kristus, tagamon gumodang tanda patupaonna sian na binahen ni On? 8:30 32 Dibege Parise i ma angka hata ni natorop i na taringot tu Ibana, djadi disuru angka sintua ni malim dohot Parise i ma angka oppas manangkup Ibana. 33 Djadi ninna Jesus ma: Sangombas nari nama Ahu rap dohot hamu; dung i laho ma Ahu manopot na marsuru Ahu. 13:33 34 Luluanmuna ma Ahu; alai ndang dapot, ai ndang tarbahen hamu ro tu sitopotonki. 8:21 35 Djadi ninna angka Jahudi ma sama nasida: Tudia ma naeng laho Ibana, umbahen so djumpang hita Ibana? Naeng laho Ibana ulaning tu dongan na mangaranto di Gorik dohot mangadjari halak Gorik i? 36 Hata dia do i na nidokna: Luluanmuna ma Ahu, alai ndang dapot; djadi: ndang tartopot hamu tu sitopotonki? 37 Dung i di ari pesta na parpudi na sumangap i, djongdjong ma Jesus disi, dipagogo ma soarana mandok: Molo adong, na mauas, tu Ahu ma ibana ro minuml 4:10; 3Musa23:36 38 Songon na nidok ni Surat i: Angka batang aek na mangolu do mabaor sian na porsea di Ahu. Jes.44:3; Joel3:1 39 Alai taringot tu Tondi i do didok hata ondeng, i ma sidjaloon ni angka na gabe porsea di Ibana; ai ndang dope ro Tondi Parbadia, ala so dipasangap dope Jesus. 16:7 40 Djadi deba sian natorop na umbege hata i mandok: On do tutu Panurirang il 6:14; 5Musa18:15 41 Deba nari mandok: Kristus do Ibana! Alai adong na asing na mandok: Tung luat Galilea ma haroroan ni Kristus? 1:46 42 Nda didok Surat i: sian pomparan ni si Daud, djala sian huta Betlehem, na niinganan ni si Daud nahinan, ro Kristus i? Mika5:1; Mat.2:5,6; 22:42 43 Djadi marsalisi ma natorop ala Ibana. 9:16

Na martuptup do angka Parise mangago Ibana.

44 Deba sian nasida naeng manangkup Ibana; alai ndang adong na mangalaluhon tangan tu Ibana. aj.30 45 Dung i mulak ma angka oppas tu angka sintua dohot tu Parise i, gabe didok nasida ma: Boasa so diboan hamu Ibana? 46 Djadi mangalusi ma angka oppas i: Ndang dung dope adong halak na mardjamita songon Ibana. Mat.7:28,29 47 Dung i dialusi angka Parise i ma nasida: Tung dohot ma hamu dipaotooto? 48 Ai adong do porsea di Ibana sada sian angka sintua manang Parise? 49 Holan natorop do, na so umboto patik i; naung hona toru do nasida. 50 Dung i ninna si Nikodemus, dongannasida sabalak, i do na ro udju i manopot Jesus, didok ma tu nasida: 3:1,2 51 Ai diuhumi patikta i do halak, ia so djolo tinangihon hatana, gabe binoto na mulana? 5Musa1:16,17 52 Dung i ninna nasida ma mangalusi ibana: Naung dohot do ho huroha halak Galilea? Pamanat ma antong diala ida, na so adong hehe panurirang sian luat Galilea! aj.41 53 Laos masitopot djabuna be ma nasida.

Taringot tu boruboru na targombang.

8:1 Dung i laho ma Jesus tubalian, tu dolok Jetun.2 Alai torang ni arina i, diulahi laho tu bagas djoro i, diadi ro ma nasa natorop i manopot Ibana; laos hundul Ibana mangadjari nasida. 3 Dung i ditogihon angka sibotosurat dohot Parise ma sada boruboru na targombang tu djolona, dipadjongdjong ma ibana tusi. 4 Dung i ninna nasida ma mandok Ibana: Guru, na marlangka piiit do boruboru on, gabe tardapot. 5 Didok patik ni si Musa, pantinggangkononhon batu tu angka sisongon i. Ia Ho, dia ma pandokmu? 3Musa20:10 6 Alai didok nasida pe songon i, na laho mangundjuni Ibana do, asa adong dalan mangaluhon Ibana. Alai dipaunduk Jesus ma Ibana manurati dohot djaridjarina tu tano i. 7 Alai dung sai didatdati nasida manungkun, dipadirgak ma Ibana huhut ma didok tu nasida: Manang ise sian hamu na so mardosa, i ma djumolo maninggangkon batu tu ibana. 8 Dung i dipaunduk muse ma Ibana manurati tu tano i. 9 Alai umbege i, laho be ma nasida sadasada, pininsang ni panggora ni rohana be, djumolo ma angka sintua i, gabe tinggal ma holan Jesus angkup ni boruboru i, na djongdjong disi. Rom.2:22 10 Dipadirgak Jesus ma dirina, djadi ninna ma mandok ibana: Didia do nasida, inane? Ndang adong na mandok uhumna tu ho? 11 Diadi ninna ma: Ndang adong. Tuhan! Dung didok Jesus ma tu ibana: Ahu pe, ndang uhumonku ho. Laho ma ho; unang be ho mardosa tu djoloan on! 5:14

Kristus do panondang ni portibi on.

12 Dung i diulahi Jesus muse mandjamitai nasida, ninna ma: Ahu do Panondang ni portibi on. Na so tupa mardalan di na holom na mangihuthon Ahu; di ibana do tahe Panondang hangoluan. 1:5,9; Jes.49:6 13 Dung i didok angka Parise ma tu Ibana: Dirim do dihatindangkon Ho; ndang na sintong panindangionmil 14 Dung i ninna Jesus ma mangalusi nasida: Sintong do panindangionku, nang diringku pe huhatindangkon; ai huboto do haroroanku dohot sitopotonku. Ndang diboto hamu haroroanku manang sitopotonku pe. 5:31 15 Mangihuthon pardagingon do panguhummuna; anggo Ahu, ndang huuhumi agia ise. 16 Diala ia manguhum pe Ahu, sintong do uhumhu. Ai ndada na mamundiung Ahu; na marsuru Ahu, i do donganku disi. aj.29 17 Nang di patik ni uhummuna tarsurat do: Na sintong do na hinatindangkon ni dua halak. 5Musa17:6; 19:15 18 Ahu do manindangi taringot tu diringku; angkup ni i. Ama i na marsuru Ahu, I do mangkatindangkon Ahu. 19 Dung i didok nasida ma tu Ibana: Didia do Amangmu? Diadi dialusi Jesus, ninna ma: Ndang di tanda hamu manang Ahu, manang Damang pe. Aut na ditanda hamu Alhu, tandaonmuna do nang Damang i. 14:7 20 I ma dihatahon di bilut inganan ni arta, udju mangadiari Ibana di bagas djoro i. Ndang adong na manangkup Ibana, ai ndang dapot dope tingkina. 7:30; Luk.22:53

Sian sibolis do halak Jahudi.

21 Dung i didok Jesus ma muse tu nasida: Na laho ma Ahu, gabe djalahanmuna ma Ahu; alai mate ma hamu dibagasan dosamuna. Ndang tardapothon hamu sitopotonki. 7:34; 13:33 22 Dung i ninna angka Jahudi i ma: Na naeng maningkot Ibana ulaning, umbahen na didok: Ndang tardapothon hamu sitopotonki? 7:35 23 Dung i didok Jesus ma tu nasida: Anggo hamu, sian toru on do hamuna, na sian gindjang do anggo Ahu; na sian portibi on do hamuna, ndang sian portibi on anggo Ahu. 3:31 24 Nunga hudok antong tu hamu: Na mate ma hamu dibagasan dosamuna. Ai molo so porsea hamu, Ahu do Ibana, mate nama hamu dibagasan dosamuna. 25 Dung i ninna nasida ma mandok Ibana: Ai ise do Ho? Djadi didok Jesus ma tu nasida: Sandok, naung huhatahon tu hamu, i do Ahu! 26 Godang do sihataonku dohot sipinsangonku taringot tu hamu. Alai Parsintong i do marsuru Ahu; djala angka na hubege sian Ibana, i do huhatahon tu portibi on. 27 Ndang mananda nasida. Ama i do na nidokna disi. 28 Dung i didok Jesus ma tu nasida: Dung pe dipatimbo hamu Anak ni djolma i, asa botoonmuna. Ahu do i, diala na so mambahen agia aha Ahu anggo sian roharohangku sandiri; alai songon pinodahon ni Damang tu Ahu, songon i do huhatahon. 3:14; 12:32 29 Djala na marsuru Ahu, i do mandongani Ahu. Ndang dung ditadingkon Ibana sasada Ahu, ai tongtong do hubahen lomo ni rohana. aj.16 30 Asa di na mangkatahon i Ibana, torop ma gabe porsea di Ibana. 7:31 31 Dung i didok Jesus ma tu angka Jahudi, naung gabe porsea di Ibana: Molo mian hamu dibagasan hatangku, sintong ma hamu siseanku. 15:14 32 Dung i tandaonmuna ma na sintong i, djala paluaon ni na sintong i ma hamu. 33 Djadi dialusi nasida ma Ibana, ninna ma: Pinompar ni si Abraham do hami; ndang dung hami mangadop di halak. Boasa dohononmu: Paluaon ma hamu? Mat.3:9 34 Dung i didok Jesus ma mangalusi: Na tutu situtu do na hudok on tu hamu: Hatoban ni dosa do ganup na mangula dosa. Rom.6:16,20; 1Joh.3:8 35 Ndada tongtong hot di bagas anggo hatoban, Anak i do disi tongtong. 36 Molo dipalua Anak i hamu, na malua situtu ma hamu. Rom.6:18,22 37 Huboto do hamu pinompar ni si Abraham; alai dilului hamu do dalan mamunu Ahu, ai ndang siat hatangku tu hamu. 38 Na huida di Damang, i do huhatahon; hamu pe antong, na binegemuna di amamuna, i do diula hamu. 39 Dung i ninna nasida ma mangalusi: Si Abraham do amanami! Dung i didok Jesus ma: Anggo angka anak ni si Abraham do hamu, ulaonmuna ma angka pambahenan ni si Abraham. 40 Alai dilului hamu do dalan mamunu Ahu on, na paboahon tu hamu hasintongan na hubege sian Debata. Ndang songon i pambahen ni si Abraham. 41 Diula hamu do angka na niula ni amamuna. Dung i didok nasida ma tu Ibana: Apala na tubu sinalong hami: Sada do amanami, i ma Debata. 42 Dung i didok Jesus ma tu nasida: Aut ni Debata amamuna, holong ma rohamunadi Ahu. Ai sian Debata do Ahu borhat ro tuson; ai ndang ro Ahu sian roharohangku, Ibana do marsuru Ahu. 43 Boasa so diantusi hamu pangkataiohku? Ala so tartangihon hamu natangku. 44 Na marama tu sibolis do hamu, diala sinangkap ni roha ni amamuna do naeng patupaonmuna. Sibunu djolma do ibana sian mulana i, ndang tindang ibana di hasintongan, ai ndang adong hasintongan dibagasan rohana. Djumpa dihatahon gabus, na di dirina hian ma dihatahon disi, ai pargapgap do ibana diala ama ni gapgap. 1Joh.3:8-10; 1Musa3:4; 2Pet.2:4 45 Alai molo Ahu mangkatahon hasintongan, gabe ndang porsea hamu di Ahu. 46 Ise sian hamu na padapot Ahu di dosangku? Alai anggo huhatahon na tutu, boasa so porsea hamu di Ahu? 2Kor.5:21; 1Pet.2:22 47 Ganup na sian Debata, tangihonon ni i do hata ni Debata. Ala so sian Debata hamu, umbahen na so ditangihon hamu Ahu. 18:37 Jesus do djumob sian si Abraham. 48 Dung i didok angka Jahudi ma mangalusi Ibana: Nda tigor na hudok hami: Halak Samaria do Ho; na sibolison do Ho? 7:20 49 Djadi dialusi Jesus ma: Ndang na sibolison Ahu; alai hupasangap do Damang, djadi hamu do mangaleai Ahu. 50 Ianggo Ahu ndang hulului sangaphu; adong do na mangaluluisa diala na manguhumi. 5:41 51 Na tutu situtu do na hudok on tu hamu: Molo adong na mangaradoti hatangki, ndang idaon ni i hamatean salelenglelengna. 6:40,47 52 Gabe didok angka Jahudi ma tu Ibana: Apala nuaeng ma huboto hami, naung sibolison Ho; na mate do si Abraham ro di angka panurirang i, gabe didok Ho: Molo adong na mangaradoti hatangku, na so tupa aeon ni i hamatean salelenglelengna, nimmu. 53 Ai umbalga do Ho sian si Abraham, amanami, na mate i? Angka panurirang pe mate do. Ai ise do Ho di roham? 54 Dung i dialusi Jesus ma: Molo Ahu pasangap diringku, na soada ma sangaphu. Damang i, na nidokmuna Debatamuna, i do na pasangap Ahu. 55 Ndang ditanda hamu Ibana; alai anggo Ahu hutanda do Ibana. Aut hudok: ndang hutanda Ibana, pargapgap ma Ahu doshon hamu; alai hutanda do Ibana djala huradoti do hatana. 7:28 56 Marolopolop do si Abraham, amamuna i, ala naeng idaonna aringki; djadi saut ma diida, gabe las ma rohana. 57 Dung i didok angka Jahudi i ma mandok Ibana: Ndang tuk dope Ho limapulu taon; tung diida Ko ma si Abraham? 58 Dung i ninna Jesus ma mandok nasida: Na tutu situtu do na hudok on tu hamu: Djumolo hian do Ahu asa tubu si Abraham. 59 Dung i dihindat nasida ma batu laho maninggangkon tu Ibana, alai buni ma Jesus laho sian bagas djoro i. 10:31; Luk.4:30

Dipamalum Tuhan Jesus sahalak na mapitung tubu di ari Sabat.

9:1 Dung i di na mamolusl Ibana, diida ma sada halak na mapitung tubu. 2 Gabe ninna angka siseanna ma manungkun Ibana: Ale Guru, ise do na mardosa, halak on do manang natorasna, umbahen na mapitung ibana tubu? Luk13:2 3 Djadi dialusi Jesus ma: Ndada ala ni dosana manang ala ni dosa ni natorasna; alai naeng gabe patar angka ulaon ni Debata di ibana. 11:4 4 Ingkon ulaonku do ulaon ni na marsuru Ahu, saleleng arian; ai dung ro borngin, ndang tarbahen mangula disi manang ise. 5:17 5 Panondang ni portibi on do Ahu, tagan di portibi on Ahu. 8:12 6 Djadi dung didok songon i di idiuri ma tano i mambahen gambo marhite sian idju na i, didalohon ma gambo i tu matana. Mark8:23 7 Dung i didok ma tu ibana: Laho ma ho marsuap tu dano Siloa (na mandok: na sinuru)! Djadi lano maibana marsuap, gabe marnida ma ibana mulak. 8 Diing i didok hombar bagasna ma ro di angka na marnida ibana nadjolo mangidoido: Nda on do na somal hundul mangidoido? 9 Djadi adong ma deba na mandok: Ibana do i! Alai na deba mandok: Ndangana, suman doibana tusi. Didok ibana do: Ahu do i! 10 Dung i ninna nasida ma: Beha do hamumungkap ni matami? 11 Diadi didok ma mangalusi: Halak i na margoar Jesus, i do pauli gambo, didalohon ma i tu matangku, djadi disuru ahu marsuap tu dano Siloa; dung i laho ahu tusi marsuap, djadi marnida ma. 12 Dung i ninna nasida ma tu ibana: Didia do Ibana? Djadi didok ma: Ndang huboto! 13 Gabe ditogihon nasida ma halak na mapitung i hian tu angka Parise.

Sogo ni roha ni halak Parise ala ni i.

14 Alai ari Sabat do tongon, udiu dipauli Jesus gambo i dohot mangungkap matana i. 5:9 15 Laos disungkun angka Parise i ma tu ibana pangalahona, umbahen marnida ibana. Djadi didok ma tu nasida: Gambo do didalohon tu matangki, dung i marsuap ahu djadi marnida ma! 16 Dung i didok na deba sian angka Parise i ma: Ndang na sian Debata Halak i, ai ndang didjudiur Ibana ari Sabat i. Angka na asing mandok: Tung tarpatupa halak sipardosa ma tanda si songoni? Djadi marsaiisi ma nasida sama nasida. ai.31,33; 7:43 17 Dung i didok nasida ma muse tu na mapitung hian: Ia ho, dia ma pandokmu taringot tu Ibana. ala diungkap matami? Djadi didok ma: Panurirang do Ibana! 18 Djadi ndang diparhatutu angka Jahudi i, ibana do na mapitung i nadjolo, gabe marnida muse, pola do didjou nasida natoras ni naung marnida i. 19 Djadi disungkun ma nasida: Anakmuna do on tahe, na nidokmuna na mapitung tubu i? Na boha do gabe marnida ibana nuaeng? 20 Dung i ninna natorasna i ma mangalusi nasida: Na huboto hami do on anaknami djala na mapitung do ibana tubu. 21 Alai ndang huboto hami, manang beha pangalahona gabe marnida; ba, ndang hutanda hami na mangungkap matana. Ibana ma sungkun hamu; nunga tang dagingna, botoonna do mandok sidohononna. 22 Ai mabiar mida Jahudi i do natorasna, umbahen na didok songon i. Ai nunga mardos ni roha angka Jahudi, ingkon sipabalion do sian huria ganup na marhatopothon, Kristus Ibana. 7:13; 12:42 23 Dibahen i do umbahen na didok natorasna i: Nunga tang dagingna; ibana ma sungkun hamu! 24 Dung i didjou nasida ma paduahalihon halak na mapitung i hian, didok ma tu ibana: Pasangap ma De bata! Huboto hami do, pardosa Halak i. Jos.7:19 25 Dung i ninna ibana ma mangalusi: Manang na pardosa Ibana, ndang huboto. Holan on do na huboto: Na mapitung do ahu nadjolo, alai na marnida do anggo nuaeng. 26 Gabe ninna nasida ma mandok ibana: Ai aha do dibahen tu ho; beha do dibahen mangungkap matami? 27 Djadi dialusi ma nasida: Nunga hupaboa i tu hamu; na so dibege hamu do i? Naeng begeonmuna i muse? Naeng gabe siseanna nang hamu? 28 Dung i disurahi nasida ma ibana, ninna ma: Ho do siseanna; anggo hami sisean ni si Musa do. 29 Huboto hami do, si Musa diangkupi Debata mangkatai; alai anggo Halak on, ndang binoto, manang sian dia Ibana. 30 Gabe dialusi ibana ma nasida: Longang do rohangku disi, na so binotomuna, manang na sian dia Ibana, hape diungkap do matangku! 31 Taboto do, na so ditangihon Debata angka pardosa, alai halak na mangkabiari Debata djala mangulahon pinangido ni rohana, i do ditangihon. Jes.1:15; Poda15:29 32 Sian mula ni tano on ndang dung binege, adong na mangungkap mata ni halak na mapitung tubu. 33 Aut so sian Debata Ibana, ndang tarpatupasa agia aha. aj.16 34 Dung i ninna nasida ma mangalusi ibana: Hibul do ho tubu dibagasan dosa, hape naeng adjaranmu hami! Diadi dipabali nasida ma ibana. aj.2

Alus ni Tuhan Jesus tu nasida.

35 Dibege Jesus ma, naung dipabali nasida ibana, djadi ninna ma mandok ibana, dung djumpangsa: Na porsea do ho di Anak ni djolma i? 36 Dung i ninna halak i ma mangalusi: Ai ise do i, Tuhan, asa huhaporseai Ibana? 37 Djadi didok Jesus ma tu ibana: Na niidam, na mangkatai dohot ho. I ma Ibana. 4:26 38 Gabe didok ma: Na porsea do ahu, ale Tuhan! Laos disomba ma Ibana. 39 Dung i didok Jesus ma: Mamboan uhum do umbahen na ro Ahu tu portibi on, asa marnida angka na so marnida hian, djala asa gabe mapitung angka na marnida. Mat.13:11-15 40 Djadi dibege na deba sian angka Parise na rap dohot Ibana ma i, diadi didok ma tu Ibana: Nda tung dohot hami mapitung? 41 Djadi didok Jesus ma tu nasida: Aut na mapitung hamu, gabe so mardosa hamu. Alai didok hamu do: Na marnida do hami, gabe hot ma dosamuna. Poda26:12

Tuhan Jesus parmahan na denggan dohot birubiruna.

10:1 Na tutu situtu do na hudok on tu hamu: Manang ise na so bongot sian pintu, laho tu bara ni birubiru, na mandiangkit sian dalan na asing laho bongot, panangko do i diala pamangus. 2 Alai na bongot sian pintu i, i do siparmahan birubiru i. 3 Ungkapon ni sidjaga pintu i ma di ibana djala dibege angka birubiru i do soarana; diala didiou do angka birubiru di goarna be. laho manogihonsa tu balian. 4 Ia dung diparuar sude na di ibana, sai di diolonasida ma ibana mardalan, gabe diihuthon angka birubiru ma ibana, ai ditanda do soarana. 5 Alai ndang olo nasida mangihuthon tu na asing; na maporus do nasida mida i, ai ndang ditanda nasida soara ni na asing i. 6 Asa dihatahon Jesus pe hata umpama ondeng tu nasida, ndang diboto nasida lapatan ni na nidokna i tu nasida. 7 Dung i didok Jesus ma muse tu nasida: Natutu do situtu na hudok on tu hamuna: Ahu do pintu na tu birubiru i. 8 Saluhut angka naung mandjoloani Ahu, panangko do i djala pamangus; alai ndang ditangihon angka birubiru i nasida. Jer.23:1,2 9 Ahu do pintu i. Paluaon do ganup na bongot sian Ahu; na laho bongot djala laho ruar ma ibana, dapotan djampalan. 10 Anggo panangko, holan manangkoi, maneati djala mangago do, umbahen na ro. Alai anggo Ahu, asa adong hangoluan di nasida, pola marlobilobi di nasida, umbahen na ro. Ps.23:1 11 Parmahan na denggan do anggo Ahu. Diseahon parmahan na denggan i do hosana humophop angka birubiruna. 15:13; Jes.40:11; Hes.34:11-23; 37:24 12 Alai anggo na niupaan, na so parmahan situtu, na so nampuna birubiru i, diida pe ro babiat. ditadingkon do birubiru i laho maporus, gabe disoro babiat i ma birubiru i djala dipanserakkon. 13 Ai sipangan gadji do ibana, na so sumarihon angka birubiru i. 14 Ahu do Parmahan na denggan. Hutanda do angka na di Ahu, diala ditanda nasida do Ahu. 2Tim.2:19 15 Songon Ama i na tumanda Ahu djala Ahu tumanda Ama i, djala huseahon do hosangku humophop birubiru i. Mat.11:27 16 Adong dope angka birubirungku na asing, na so sian bara on. Ingkon dohot do angka i togihononku; tangihononnasida do soarangku, dung i gabe sada punguan ma i djala sada ma parmahan. 11:52 17 Alai ni on do umbahen dihaholongi Ama i Ahu, ala hulehon hosangku, asa djaloonku i muse. 18 Ndang adong na mambuat i sian Ahu, sian lomongku do i hulehon. Na marhuaso do Ahu mangalehon, na marhuaso do Ahu mandjaio muse. I ma patik na hudjalo sian Damang. 5:26

Muruk ni Jahudi.

19 Dung i marsalisi muse ma angka Jahudi i ala ni angka hata ondeng. 7:43; 9:16 20 Torop do sian nasida mandok: Na sibolison djala na rintik do Ibana; aha patangitangionmuna I? 7:20 21 Angka na asing mandok: Nda tung hata ni na sibolison i; tung tarungkap sibolis ma mata ni na mapitung? 22 Dung i djumpang ma ari parningotan di haompoan ni bagas djoro i di Jerusalem; partaonan ngali do udiu i. 23 Djadi mardalandalan ma Jesus di emper ni si Salomo na di bagas djoro i. Ul.3:11 24 Gabe dihaliangi angka Jahudi ma Ibana, didok ma tu Ibana: Sadia leleng on ma bohabohaon rohanami bahenonmu? Molo na tutu Ho Kristus, tullom ma paboa tu hami! 16:29 25 Dung i ninna Jesus ma mangalusi: Nunga hupaboa tu hamu; hape ndang porsea hamu. Angka ulaon na huula marhitehite Goar ni Damang, angka i do mangkatindangkon Ahu. 5:38 26 Alai ndang porsea hamu, ai ndang masuk birubirungku hamu. 8:45 27 Ditangihon angka birubirungku do soarangku djala hutanda do nasida, diihuthon nasida do Ahu. ai.3:4; 8:47 28 Gabe hulehon tu nasida hangoluan salelenglelengna; ndang be mago nasida salelenglelengna djala ndang tarrampas manang ise nasida sian tanganku. 29 Umbalga sian saluhutna do Damang na mangalehon nasida tu Ahu, umbahen na so tarrampas manang ise nasida sian tangan ni Damang. 30 Sada do Ahu dohot Ama i. 31 Dung i dialap angka Jahudi ma muse batu, laho maninggangkonsa tu Ibana. 32 Dung i didok Jesus ma: Lan do ulaonku na denggan sian Damang, angka na hupatuduhon tu hamu; ala ni ulaon dia do naeng dangguranmuna Ahu? 8:59 33 Dung i ninna angka Jahudi ma mangalusi Ibana: Apala ala ni ulaon na denggan, umbahen na naeng danggurannami Ho; ala ni pangaleaimi di Debata do: dipasobok Ho do dirim tu Debata, atik pe dongan djolma Ho. 5:18; Mat.26:65 34 Dung i dialusi Jesus ma nasida: Ai nda tarsurat di patikmuna: "Nunga hudok: angka debata do hamuna?" Ps.82:6 35 Gari nasida na gabe hasahatan ni hata ni Debata, digoar do "debata", djala ndang tarsengsang Surat i. 36 Tnng dohononmuna ma tu na pinarbadiaan ni Ama i, naung sinuruna tu portibi on: Sileai Debata do Ho, ala hudok: Anak ni Debata do Ahu? 5:17-20 37 Molo so huula angka ulaon ni Damang, unang porsea hamu di Ahu. 38 Alai ia huula angka i, porsea ma hamu di angka ulaon i, anggo so Ahu dihaporseai hamu, asa diboto djala ditanda hamu, dibagasan Ahu do Ama i, djala Ahu dibagasan Ama i. 39 Dung i naeng ma tangkuponnasida Ibana: alai laho do Ibana sian tongatonganasida. 8:59; Luk.4:30 40 Dung i laho ma Ibana muse tu ipar ni aek Jordan, tu pandidian ni si Johannes nadjolo, laos mian disi. 1:28 41 Dung i torop ma halak ro rnanopot Ibana, angka ninna ma: Ndang dipatupa si Johannes nian tanda, alai nasa na nidok ni si Johannes taringot tu Halak on, sintong do i. 42 Djadi torop do halak disi gabe porsea di Ibana.

Dipangolu Tuhan Jesus si Lasarus.

11:1 Marsahit ma halak si Lasarus na sian Betania, ma huta na niinganan ni si Maria dohot si Marta hahana i. Luk.10:38,39 2 I ma si Maria na mamiahi Tuhan i djala mangapusi patna dohot obuknasida; iboto ni i do si Lasarus na marsahit i. 12:3 3 Djadi disuru angka ibotona i ma na mandok tu Ibana: O Tuhan, na marsahit do hinaholongan ni roham! 4 Umbege i Jesus, ninna ma: Nda tung hamatean udjung ni sahit i, alai bahen hasangapon ni Debata do i, asa marsangap Anak ni Debata marhite sian i. 9:3 5 Alai holong do roha ni Jesus di si Marta dohot di anggina i, nang di si Lasarus i. 6 Asa dung dibege naung marsahit ibana, mangulon dope Ibana dua ari nari di ingananna i. 7 Dung salpu i, ninna ma mandok angka siseanna: Beta ma hita mulak tu Judea! 8 Dung i ninna angka siseanna ma mandok Ibana: Gurunami, apala nambura dope ditahi angka Jahudi mandangguri Ho, ulahanmu muse tusi? 8:59; 10:31 9 Djadi dialusi Jesus ma: Nda sampuludua djom na sadari? Ndang na olo tartuktuk na mardalan arian, ai diida do panondang ni portibi on. 9:4,5 10 Alai na mardalan borngin i, tartuktuk ma anggo i, ai ndang dibagasan ibana panondang i. 12:35 11 I ma didok. Dung ininna ma tu nasida: Nunga modom si Lasarus, alealenta i; alai na laho ma Ahu tusi manungguli ibana. Mat.9:24 12 Dung i didok angka siseanna ma tu Ibana: Ale Tuhan, molo na modom ibana, na laho mangolu ma. 13 Hamamatena do nian na nidok ni Jesus disi; alai dirimpu nasida, parmodomon hian do na nidokna i. 14 Disi pe asa tuilom didok tu nasida: Nunga mate si Lasarus! 15 Ala ni hamu do umbahen na las rohangku, so disi Ahu, asa porsea hamu; alai borhat ma hita manopot ibana! 16 Dung i didok si Tomas, na margoar si Linduat, ma mandok angka donganna sisean: Antong, borhat ma hita, asa rap mate hita dohot Ibana! 17 Djadi dung sahat Jesus ro disi, nunga pola opat ari dibagasan tanoman ibana didapot. 18 Alai anggo huta Betania, na djonok do i tu Jerusalem, tar dua batu daona. 19 Torop do Jahudi naung ro manopot si Marta dohot si Maria, mangapul nasida siala ibotonasida i. 20 Djadi dung dibege si Marta, naung ro Jesus, laho ma ibana manomunomu; na tinggal di bagas do anggo si Maria. 21 Dung i ninna si Marta ma mandok Jesus: Aut na dison Ho, aie Tuhan, ndang tagamon mate ibotongkil 22 Alai nuaeng pe, tong do huboto, lehonon ni Debata do tu Ho nasa sipangidoonmu tu Ibana. 23 Gabe didok Jesus ma tu ibana: Na hehe ma ibotom! 24 Djadi didok si Marta ma tu Jesus: Olo, buboto do, na hehe do ibana di haheheon i, na di ari parpudi. 5:29; 6:40; Luk.14:14 25 Dung i ninna Jesus ma mandok ibana: Ahu do haheheon dohot hangoluan; na mangolu do na porsea di Ahu, nang pe mate ibana! 20 Djala ganup na mangolu djala na porsea di Ahu, na so tupa mate ibana salelenglelengna! Porsea do ho disi? 8:51 27 Dung i didok ma tu Ibana: Olo, Tuhan, na porsea do ahu: Ho do Kristus, Anak ni Debata, na naeng ro tu portibi on. 6:69 28 Djadi dung didok songon i, laho ma ibana mandjou si Maria anggina i, dihusiphon ma, mandok: Nunga ro Guru i, didjou do ho! 29 Umbege i si Maria, hapogan ma ibana hehe mandapothon Ibana. 30 Ai ndang dope sahat ro di huta i Jesus, mangulon di inganan hadjumpanganna dohot si Marta i dope Ibana. aj.20 31 Ia angka Jahudi i, donganna di diabu i, angka naung ro mangapul nasida, dung diida hapogan si Maria hehe laho tubalian, diihuthon ma ibana; ai dirimpu, laho tu tanoman do ibana tumatangis. 32 Asa sahat ma si Maria tu pangulonan ni Jesus; djala disi diida Ibana, dipatungkap ma ibana tu djolona, huhut mandok: Aut na dison Ho, ale Tuhan, ndang tagamon mate ibotongkil 33 Djadi dung diida Jesus tumatangis si Maria ro di Jahudi na ro i, angka na tumatangis i, tarrimas ma rohana huhut bonsa. 13:21 34 Dung i ninna ma: Tudia do dipeakkon hamu ibana? Djadi didok nasida ma: Ro ma Ho marnida, Tuhan! 35 Dung i tariluilu ma mata ni Jesus. Luk.19:41 36 Dung i didok angka Jahudi i ma: Ndi! Holong ni rohana i di ibana! 37 Alai deba sian nasida mandok: Mata ni na mapitung diungkap Ibana do; ndang hasundatan Ibana huroha halak on, unang mate? 38 Gabe tarrimas muse ma roha ni Jesus, di na sahat Ibana tu tanoman i. Liang batu do i, laos batu do langkopna. Mat.27:60 39 Dung i ninna Jesus ma: Hindati hamu ma batu il Gabe ninna si Marta, iboto ni naung monding i, ma: Nunga sanga bau, Tuhan, ai nunga pola opat ari. 40 Dung i ninna Jesus ma mandok ibana: Nda hudok tu ho: Idaonmu do hasangapon ni Debata, molo na porsea ho? aj.4:23,25,26 41 Djadi dihindat nasida rha batu i; dung i manaili ma Jesus dompak gindjang, didok ma: Ale Amang, mauliate ma hudok tu Ho, ala ditangihon Ho Ahu. 42 Huboto do nian, na tongtong do ditangihon Ho Ahu; alai ala ni natorop on, na djongdjong humaliang, umbahen hudok songon i, asa porsea nasida, naung sinurumi do Ahu. 12:30 43 Djadi dung didok songon i, dipagogo ma soarana mandjouhon: O Lasarus, ruar ma ho! 44 Dung i ruar ma tutu na mate i; lilit dope saput i tu patna dohot tu tanganna, djala alit sekka i tu bohina. Djadi didok Jesus ma: Harhari hamu i, asa mardalan ibana. 45 Djadi torop ma sian angka Jahudi, naung ro tu si Maria, gabe porsea di Ibana, dung diida nasida na pinatupana i.

Martuptup angka musu ni Tuhanta.

46 Alai deba sian nasida laho manopot angka Parise, mamaritahon na binahen ni Jesus. 47 Dung i dipansang angka sintua ni malim i dohot angka Parise ma rapot godang, didok nasida ma: Aha ma bahenonta? Ai lan do tanda dibahen Halak i! 48 Molo itapasombu Ibana, porsea ma halak saluhutna di Ibana, gabe ro ma halak Rom maon mangarampas tanonta dohot bangsonta. Mat.27:18 49 Alai hehe ma sada sian nasida, i ma si Kajapas, sintua ni malim di na sataon i, didok ma tu nasida: Na hurang roha do hamu! 50 Ndang dipingkiri rohamuna, dengganan do mate sada halak humophop natorop i, unang laho mago sandok bangso i. 18:14 51 Alai ndang sian rohana sandiri dihatahon i; aia sintua ni malim ibana di na sataon i, umbahen na disurirangkon, na naeng mate ma Jesus humophop bangso i. 2Musa28:30; 4Musa27:21 52 Alai tahe, ndada holan laho mangkophop bangso i: alai naeng papunguonna angka anak ni Debata, angka na marserak dope, laho pasadahonsa. 10:16 53 Asa olat ni na sadari i martuptupi ma nasida laho mamusa Ibana. 54 Djadi ndang be mardalani Jesus di na patar di tongatonga ni halak Jahudi; na sumurut do Ibana sian i tu sada luat mardonokkon halongonan, tu huta na margoar Epraim. Djadi disi ma Ibana mian rap dohot angka siseanna. 55 Alai djonok nama Paska ni Jahudi, djadi torop ma halak laho sian luat i nangkok tu Jerusalem, manguras dirina, patudjolo ni Paska i. 2Kron.30:17 56 Djadi dilului nasida ma Jesus, angka djongdjong ma nasida di bagas djoro i masipandohan: Beha di rohamuna, na so ro do Ibana ulaning tu pesta i? 57 Alai nunga dipatikkon angka sintua ni malim dohot angka Parise: Manang ise na umboto inganan ni Jesus, ingkon dipabotohon, asa dapot tangkuponnasida Ibana.

Dimiahi si Maria do Tuhan Jesus.

Mat.26:6-13; Mark.14:3-9 12:1 Dung i onom ari nari asa dapot pesta Paska i, sahat ma Jesus tu huta Betania, na niinganan ni si Lasarus, na sinunggul ni Jesus sian na mate. 11:1,43 2 Djadi dipauli nasida ma disi panganon udjuan di Ibana; si Marta do marhobasi, si Lasarus rna sada donganna mangan disi. 3 Gabe dibuat si Maria ma sahati miak Nardus na arga na so marsaor, dimiahi ma pat ni Jesus, obukna ma dibahen mangalapu. Djadi digohi uap ni miak i ma bagas i. Luk.7:38 4 Djadi sada sian angka siseanna, si Judas Iskariot na naeng mandjehehon Ibana, mandok: 5 Boasa so ginadis miak i arga tolu ratus hupang, bahen silehonlehon nian di angka na pogos? 6 Alai ndada na pogos sinarihonna, umbahen na didok songon i; panangko do ibana tahe, diusung do asiasi ni halak, ai tu ibana dipasahat puro i. Luk.8:3 7 Dung i ninna Jesus ma: Pasombu ma ibana, ai diparade do i hira tu ari hatatanomhi. 8 Ai tongtong do adong na pogos di tongatongamuna. alai anggo Ahu ndang tongtong di lambungmuna. 5Musa15:11 9 Dung i diboto torop sian halak Jahudi ma, naung disi Ibana, djadi ro ma tusi, ndada ala ni Jesus sambing; naeng idaonnasida do huhut si Lasarus, naung pinahehena i sian na mate. 10 Aiai nunga ditahi angka sintua ni maiim i, naeng bunuonnasida nang si Lasarus. 11 Ai ala ni ibana do umbahen torop Jahudi laho tusi djala porsea di Jesus.

Bongot Tuhanta tu huta Jerusalem.

Mat.21:1-11; Mark.11:1-10; Luk.19:29-38 12 Dung i torang ni arina i dibege halak natorop na ro tu pesta i, na naeng ro ma Jesus tu Jerusalem. 13 Djadi dibuat nasida ma angka maremare. laho manomunomu Ibana huhut didjoudjouhon: Hosianna! Pinanasupasu ma na ro marhite Goar ni Tuhan Radja ni Israel! Ps.118:25,28 14 Dimg i dapot Jesus ma haiode sada, i ma dihunduli, hombar tu na tarsurat: Sak.9:9 15 "Unang ho mabiar, boru Sion; ida ma, Radjam do na ro, marsihundul di anak ni halode!" 16 Alai ndang diantusi angka siseanna i hian; dung pe marsangap Jesus, asa diingot nasida. naung marhahonaan tu Ibana do hape na tarsurat i ro di pambahenannasida tu Ibana. 17 Laos dihatindangkon natorop, angka na mandongani Ibana do, paboa naung diinouna i si Lasarus sian tanoman, laho manungguli ibana sian na mate. 18 Djadi ala naung dibege natorop i barita ni tanda na binahenna i, umbahen na ditomu nasida Ibana. 19 Djadi didok angka Parise ma sama nasida: Diida hamu do, na so marniula na binahenmu, ai liat portibi on do painutihut Ibana. 11:48

Naeng idaon ni halak Gorik lbana.

20 Alai adong ma deba halak Gorik, dongan ni angka na nangkok i. laho martangiang di ari raja i. 21 Djadi didapothon nasida ma si Pilippus na sian Betsaida na di Galilea, mangelekeiek ibana. ninna ma: Tuannami, naeng do idaonnami Jesus! 1:44 22 Dung i ro ma si Pilippus, dipaboa ma i tu si Andreas; dung i ro ma si Andreas rap dohot si Pilippus paboahonsa tu Jesus. 23 Gabe didok Jesus ma mangalusi nasida: Naung dapot ma tingkina, asa marsangap Anak ni djolma il 24 Na tutu situtu do na hudok on tu hamu; Ndang na ganda eme i, molo so madabu tu tano diala mate; dung pe mate, asa godang parbuena. Rom.14:9 25 Agoan hosa ma na marhamaolhon hosana; alai na mangkasogohon hosana di portibi on, i do na mangaramotisa sahat tu hangoluan salelenglelengna. Mat.10:39; Luk.17:33 26 Ahu ma diihuthon ganup na olo mangoloi Ahu; djala ia disi Ahu, disi ma dohot anak somangku. Pasangapon ni Ama i do ganup na mangoloi Ahu. 14:3; 17:24; 1Sam.2:30 27 Na bonsa do rohangku nuaeng; aha ma dohononku? Palua ma Ahu, Amang, sian tingki on! Aiai tahe, ala ni i do umbahen na sahat tingki on tu Ahu. Mat.26:38 28 Pasangap ma Goarmi, Amang! Dung i ro ma soara sian banua gindjang, mandok: Nunga hupasangap, iaos pasangaponku do muse! 29 Diadi dung dibege, natorop i na djongdjong disi, ninna nasida ma: Ronggur do i. Angka na asing mandok: Adong do surusuruan ni Debata na mangkatai dohot Ibana. 30 Dung i ninna Jesus ma mangalusi nasida: Ndada ala ni Ahu, umbahen na ro soara ondeng; ala ni hamu do! 11:42 31 Nuaeng ma djumpang tingkina, asa diuhum poritbi on; sipabalion ma nuaeng radja ni portibi on. 14:30; 16:11; Luk.10:18 32 Anggo Ahu, dung dipatimbo Ahu sian tano on, taitonku da saluhut nasida tu Ahu! 8:28 33 Pangalaho ni parmatena do dipatuduhon marhitehite hatana ondeng. 34 Asa dialusi natorop i ma Ibana: Hubege hami di surat ni patik i, na mian do Kristus i ro di saleienglelengna; boasa dohononmu: ingkon sipatimboon do Anak ni diolma i? Ise do Anak ni djolma i, na nidokmi? Ps.110:4; Dan.7:14 35 Dung i didok Jesus ma tu nasida: Satongkin nari nama Panondang i di hamu. Mardaian ma hamu, binsan di hamu dope Panondang i, asa unang ditahopi na holom i hamu. Ianggo na mardalan di na holom, ndang diboto i, manang dompak dia ibana laho. 1:9; 8:12; 11:10 36 Binsan di hamu dope Panondang i, porsea ma hamu disi, asa gabe anak ni Panondang i hamu! I ma dihatahon Jesus; dung i ditadingkon ma nasida laho martabuni. Epes.5:9

Ndang na porsea halak Jahudi.

37 Alai atik pe dipatupa Ibana angka tanda na sai godang i do djolonasida, ndang porsea nasida di Ibana. 38 Asa sintong djumpang hata ni panurirang Jesajas na nidokna i: "Iale Tuhan, tung ise ma na porsea di djamitanami; diala tangan ni Tuhan i, di ise ma i torang tarida?" Jer.53:1; Rom.10:16 39 Dibahen i ndang tarbahen nasida porsea; ai on do didok Jesajas muse: Jes.6:9,10; Mat.13:14,15 40 "Nunga dipapitung Ibana matanasida, djala nunga dipatangkang rohanasida, asa unang marnida simalolongnasida djala unang mangantusi rohanasida, unang mulak nasida, unang malum nasida hubahen!" Ul.28:26 41 Songon i ma didok si Jesajas, ala diida hasangapon Na i djala dihatahon taringot tu Ibana. Jes.6:1 42 Nang sian angka partogi pe, adong do nian na nia na gabe porsea di Ibana; alai ndang diparhatopot nasida i, ala ni angka Parise, asa unang bali nasida sian huria. 9:22 43 Ai holongan do rohanasida di hasangapon ni djolma, asa di hasangapon ni Debata. 5:44 44 Dung i djoudjou ma Jesus, ninna ma: Na porsea di Ahu, ndada Ahu na hinaporseaanna; na marsuru Ahu do dihaporseai disi. 45 Na rnarnida Ahu, marnida na marsuru Ahu do. 14:9 46 Ahu do Panondang na ro tu portibi on, asa unang mian di na holom nasa na porsea di Ahu. aj.35 47 Asa molo adong na umbege hatangku, gabe ndang diradoti, ndada Ahu manguhum ibana; ai ndada laho manguhum portibi on, na laho paluahon portibi on do, umbahen na ro Ahu. 3:17; Luk.9:56 48 Na mambolongkon Ahu djala na so mandjalo hatangku, nunga adong na manguhum i; hata na huhatahon, i do manguhum ibana di ari parpudi. 49 Ai ndang sian roharohangku Ahu mardjamita; diaturhon Ama i na marsuru Ahu do sidohononku dohot sihatahononku. 50 Djala huboto, hangoluan na salelenglelengna do podana i. Asa di sude hatangki, ia i pandok ni Ama i tu Ahu, i do huhatahon.

Diburi Tuhan Jesus pat ni angka siseanna.

13:1 Mandapothon pesta Paska i, nunga diboto Jesus, naung ro tingkina manadingkon portibi on, laho mandapothon Ama i; gabe songon pangkaholongina di angka na di Ibana na di portibi on, laos songon i do dihaholongi nasida ro di udjungna. 2 Di na mangan i nasida, nunga disuanhon sibolis i pardjeheon tubagasan roha ni si Judas Iskariot, anak ni si Simon. Luk.22:3 3 Djala diboto Jesus do, naung dipasahat Ama i saluhutna tu tanganna djala Ibana na ro sian Debata laho mulak ma tu Debata. 3:35; 16:28 4 Gabe hehe ma Ibana sian na mangan i, ditanggal ma ulosna, dibuat ma basahan, ditapolhon tu Ibana. 5 Diusehon ma aek tu sambong, dung i diburi ma pat ni angka siseanna, diapusi ma dohot basahan na tinapolhonna i. 6 Dung i sahat ma Ibana tu si Simon Petrus, djadi didok i ma mandok Ibana: Tung Ho ma, ale Tuhan, mamuri pathu? 7 Dung i ninna Jesus ma mangalusi ibana: Ndang diantusi ho pambahenankon na tu ho anggo nuaeng, muse pe botoonmu i. 8 Dung i didok si Petras ma tu Ibana: Matua tano on ndang burionmu pathu! Dung i ninna Jesus ma mangalusi ibana: Molo so burionku ho, ndang partohap ho di Ahu! 9 Dung i ninna si Simon Petrus ma: Ale Tuhan, unang ma holan pathu, dohot ma tangan dohot ulungku! 10 Gabe didok Jesus ma tu ibana: Halak naung maridi i, ndingkon be burion, ai nunga sude ibana ias. Naung ias do anggo hamu, alai ndang luhut hamu. 15:3 11 Ai ditanda do sipasahat Ibana, umbahen na didok: Ndang saluhut hamu ias! 8:64;70,71 12 Asa dung diburi Jesus patnasida dipangke ma muse ulosna, hundul ma Ibana, didok ma tu nasida: Ai diantusi hamu do pambahenanki tu hamu? 13 Digoar hamu do Ahu Guru djala Tuhan, djadi ture do pandokmuna disi; ai i do Ahu tutu. Mat.23:8,10 14 Asa molo Ahu, Tuhan djala Gurumuna, mamuri patmuna, tama ma nang hamu masiburian pat! Luk.23:27 15 Ai sitiruon do hulehon tu hamu, asa dibahen hamu songon naung hubahen i tu hamu! Pilip.2:5; Kol.8:13 16 Na tutu situtu do na hudok on tu hamu: Ndang umbalga anak somang sian indukna, ndang sumurung suruan sian na marsuru ibana. Mat.10:24 17 Molo diboto hamu i, martua ma hamu mangulahonsa! Mat.7:24 18 Ndada tu saluhut hamu hatangki; na hutanda do angka na hutodo i. Alai naeng ma djumpang na nidok ni Surat i: "Donganku sapanganan, i do mandjunkangkon patna dompak Ahu!" Ps.41:10 19 Hupaboa i hian tu hamu, andorang so songgop dope; asa ia dung saut, gabe porsea hamu: Ahu do na nidok ni hata i. 20 Na tutu situtu do na hudok on tu hamu: Na mandjangkon na husuru, Ahu do diinangkonna disi; alai nasa na mandjangkon Ahu, mandiangkon na marsuru Ahu do! Mat.10:40

Dipapatar pardjehe i.

Mat.26:21-25; Mark.14:18-21; Luk.22:21-23 21 Asa dung didok Jesus hata ondeng, bonsa ma rohana, dung i dihatindangkon ma, ninna ma: Na tutu situtu do na hudok on tu hamu: Sahalak sian hamu ma pasahathon Ahu! 12:27 22 Dung i masiberensan ma angka sisean i, djut ma rohanasida, manang ise na nidokna disi. 23 Alai adong ma sada sian angka siseanna i, na hundul djumonok tu Ibana, haholongan ni Jesus i. 19:26; 20:2; 21:20 24 I ma dihilap si Petrus diadi ninna ma mandok ibana: Sungkun ma, ise i na nidokna il 25 Djadi dipadonok ma tu lambung ni Jesus mandok tu Ibana: Tuhan, ise i? 26 Gabe dialusi Jesus ma: Ia tusi hulehon na satopik na husornophon on, i ma ibana! Djadi disornophon ma satopik, dilehon ma tu si Judas Iskariot anak ni si Simon. 27 Diadi dung dibondut i, dibongoti sibolis i ma ibana. Dung i didok Jesus ma tu ibana: Humatop ma ula siulaonmi! aj.2 28 Alai ndanK adong manang ise sian nasida na mangan i, na umboto astuan ni na nidokna i. 29 Ai ala di ibana puro i, gabe dirimpu na deba, didokkon Jesus ibana manuhor na hasea tu pesta i, manang marsilua tu na pogos. 12:6 30 Asa dung didjalo si Judas na satopik i, pintor laho do ibana tubalian; alai borngin ma udju i!

Patik holons roha i.

31 Diadi dung laho ruar ibana, didok Jesus ma: Na marsangap ma nuaeng Anak ni djolma i. djala marsangar Debata dibagasan Ibana. 32 Molo marsangap Debata dibagasan Ibana, pasangapon ni Debata ma Ibana dibagasan dirina, djala tibu ma pasangaponna Ibana. 12:23; 17:1-5 33 Hamu angka anaha, sangombas nari nama Ahu rap dohot hamu; luluanmuna ma Ahu: alai songon naung hudok tu angka Jahudi: Ndang tarbahen hamu ro tu sitopotonki, laos i do hudok nuaeng tu hamu. 8:21 34 Patik na imbaru ma hulehon tu hamu: Naeng ma masiholongan hamu; songon holong ni rohangku di hamu, naeng ma songon i dohot hamu masihaholongan. 15:12,13,17 35 Apala sian on ma tandaon ni halak saluhutna, hamu siseanku: molo masihaholongan hamu.

Lumbalumba na tu si Petrus.

Mat.26:33-35; Mark.14:29-31; Luk.22:31-34 36 Dung i ninna si Simon Petrus ma mandok Ibana: Tuhan, tudia ma Ho laho? Djadi ninna Jesus ma mangalusi: Ndang tarihuthon ho dope Ahu tu sitopotonki, anggo nuaeng; muse pe asa ihuthononmu Ahu! 7:34; 21:18,19 37 Gabe ninna si Petrus ma mandok Ibana: Tuhan, boasa so tarihuthon ahu Ho nuaeng? Hosangku do lehononku humophop Ho! 38 Dung i ninna Jesus ma mangalusi ibana: Hosam lehononmu humophop Ahu? Na tutu situtu do na hudok on tu ho: Ndang dope martahuak manuk, nunga sanga tolu haU disoadahon ho Ahu!

Martinading hata Tuhan Jesus tu siseanna Tuhan Jesus do dalan tu hangoluan.

14:1 A Unang ma bonsa rohamuna! Porsea ma hamu di Debata djala porsea ma hamu di Ahu! 2 Torop do inganan di bagas ni Damang. Aut so i, dohononku ma tu hamu: Na laho do Ahu mangarade inganan di hamu? 3 Djala laho pe Ahu mangarade inganan di hamu, sai mulak do Ahu mangalap hamu, asa rap hamu dohot Ahu! 12:26; 17:24 4 Djala diboto hamu do dalan tu inganan sitopotonki. 5 Dung i ninna si Tomas ma mandok Ibana: Ndang huboto hami, manang tudia Ho laho, Tuhan: djala sian dia ma botoonnami dalan i? 6 Gabe didok Jesus ma tu ibana: Ahu do dalan i dohot hasintongan dohot hangoluan. Ndang adong na sahat tu Ama i, ia so marhite sian Ahu. 11:25; Heb.10:19,20; Mat.11:27; Rom.5:1,2 7 Anggo ditanda hamu Ahu, tandaonmuna do nang Damang i. Olat ni on ma ditanda hamu Ibana djala diida hamu Ibana. 8 Gabe didok si Pilippus ma tu Ibana: Patuduhon tu hami Ama i, ale Tuhan, asa sombu rohanami! 9 Djadi didok Jesus ma: Nunga pola na sai leleng Ahu rap dohot hamu laos so ditanda ho dope Ahu, ale Pilippus. Na marnida Ahu, marnida Ama i do; boasa ma dohononmu: Patuduhon tu hami Ama i? 12:45; Heb.1:3 10 Ndang porsea ho, Ahu dibagasan Ama i djala Ama i dibagasan Ahu? Apala sian roharohangku huhatahon angka hata na hudok tu hamu. Ama i na maringanan dibagasan Ahu, i do patulus angka ulaonna i. 12:49 11 Porsea ma hamu di Ahu: Dibagasan Ama i do Ahu diala dibagasan Ahu do Ama i; molo so i. ala ni angka ulaon i ma hamu porsea! ai.20; 10:25,38 12 Na tutu situtu do na hudok on tu hamu: Patupaon ni na porsea di Ahu do songon angka ulaon na huula i; na sumurung sian i dope patupaonna tahe, ai na laho ma Ahu tu Damang. Mark.16:19,20 13 Asa manang aha pangidoanmuna marhitehite Goarhu, patupaonku do, asa marsangap Ama i dibagasan Anak i! 15:7; Mark.11:24 14 Molo dipangido hamu manang aha sian Ahu marhitehite Goarhu, patupaonku ma i! 16:23,24 15 Molo na holong rohamuna di Ahu, radotanmuna do angka patikku. 15:10; 1Joh.5:3

Diparbagabaga do Tondi Parbadia.

16 Djala pangidoonku ma tu Ama i, asa dilehon tu hamu sada Pangondian na asing, asa I mandongani hamu salelengna i. aj.26; 15:26; 16:7 17 I ma Tondi hasintongan i, na so tardjalo portibi on, ai ndang diida djala ndang ditanda; alai ditanda hamu do Ibana, ai na rap ma Ibana dohot hamu djala dibagasan hamu ma Ibana. 16:13; 7:39 18 Ndang tadingkononku hamu so marama; na ro ma Ahu mandapothon hamu. 19 Saotik nari nama, djadi ndang be idaon ni portibi on Ahu, alai idaonmuna do Ahu; ai na mangolu do Ahu, hamu pe mangolu do! 16:19 20 Di na sadari i ma botoonmuna, Ahu dibagasan Damang djala hamu dibagasan Ahu djala Ahu dibagasan hamu. 17:21-28 21 Manang ise na maniop angka patikki djala diradoti, i do na holong roha di Ahu. Alai dihaholongi Damang i do na holong roha di Ahu; Ahu pe, holong do rahongku di ibana djala papataronku ma Ahu tu ibana. 2Kor.3:18 22 Djadi didok si Judas ma (ndada si Iskariot i): Dia do alana, Tuhan, umbahen na holan tu hami papataronmu dirim, ndada tu portibi on? 23 Dung i ninna Jesus ma mangalusi ibana: Ganup na holong roha di Ahu, radotan ni i do hatangki, diala haholongan ni Damang ma ibana, gabe ro ma Hami manopot ibana, maringanan tubagasan ibana. ai.21; Poda8:17; Epes.3:17 24 Na so holong roba di Ahu, ndang radotan ni i hatangku. Ndang Ahu nampuna hata na binegemuna i. Ama i na marsuru Ahu do! 7:16

Diapul Tuhan Jesus siseanna.

25 I ma huhatahon tu hamu, tagan rap dope Ahu dohot hamu. 26 Alai anggo Pangondian i, i ma Tondi Parbadia, sisuruon ni Ama i marhitehite Goarhu, adjarhonon djala paingothonon ni I do tu hamu nasa na huhatahon i tu hamu! aj.16; 15:26 27 Dame do hutinggalhon di hamu; dame na di Ahu, i do hulehon di hamu. Ndang songon pangalehon ni portibi on pangalehonku. Unang ma bonsa diala unang ma mabiar rohamuna! 16:33; Pilip.4:7 28 Nunga dibege hamu hatangku: Na laho ma Ahu, djala na ro do Ahu muse manopot hamu. Aut na holong rohamuna mida Ahu, las ma rohamuna, ala laho Ahu manopot Ama i; ai umbalga do Damang asa Ahu. ai.3,18 29 Asa nunga hupaboa i hian tu hamu, andorang so diumpang dope, asa porsea hamu, dung songgop. 30 Ndang haru godang be hatahononku tu hamu, ai na ro ma radia ni portibi on; ndang adong dihana i nian di Ahu. 12:31; Epes.2:2 31 Alai naeng ma botoon ni portibi on, na holong do rohangku di Ama i diala sipasaut pandok ni Ama i do Ahu. Onpe, hehe ma hamu, laho ma hita sian on! 10:18

Jesus do hau anggur.

15:1 Ahu do hau anggur na tutu; Damang do tukang porlak i. 2 Digotap do nasa ranungku na so marparbue djala dipaias do nasa na marparbue, asa ganda parbuena i. 3 Nunga ias hamu binahen ni hata i na huhatahon tu hamu. 4 Sai mian dibagasan Ahu ma hamu, songon Ahu dibagasan hamu! Songon ranting i, na so tarbahen rnarparbu anggo sian dirina, anggo so mian di hau anggur i; laos songon i hamu. anggo so mian dibagasan Ahu hamu. 5 Ahu do hau anggur i, hamu do ranting i. Na mian dibagasan Ahu diaia Ahu dibagasan ibana, i ma na marparbuhon godang; ai ndang tarula hamu agia aha, anggo so mardongan Ahu. 2Kor.3:5 6 Nasa na so mian dibagasan Ahu, dibolongkon do i songon ranting, na gabe masak; dung i dipalungguk, didanggurhon ma i tu api, djadi gor ma. 7 Molo mian hamu dibagasan Ahu, djala molo mian hatangki dibagasan hamu, djumpang hamu do manang dia pe dipangido rohamuna. Mark.11:24 8 Marsangap ma Damang, molo marparbuĕhon na godang hamu diala gabe angka siseanku hamu. 9 Songon holong ni roha ni Damang di Ahu, songon i do holong ni rohangku di hamu. Mian ma hamu dibagasan holong ni rohangki!

Taringot tu na masihaholongan.

10 Radoti hamu ma angka patikku; i ma dalanna, asa mian hamu dibagasan holong ni rohangku: songon Ahu pe na mangaradoti angka patik ni Damang, gabe mian dibagasan holong ni rohana. 14:15 11 Umbahen na huhatahon i tu hamu, asa dibagasan hamu halalas ni rohangki, djala asa gok halalas ni rohamuna. 17:13 . 12 On ma patikku: Naeng ma masihaholongan hamu, songon Ahu na mangkaholongi hamu. 13:34 13 Na sumeahon hosana humophop angka alealena, i do parholong ni roha na so halompoan. 10:12; 1Joh.3:16 14 Alealengku ma hamuna, molo diula hamu na hupatikkon i tu hamu. 8:31 15 Ndang hugoar be hamu anak somang, ai ndang diboto anak somang na niula ni indukna; aleale do hamu hudok, ai nunga hupabotohon tu hamu saluhutna na hubege sian Damang. 16 Ndada hamu mamillit Ahu; Ahu do mamillit hamu djala hupadiri hamu, asa laho hamu marparbu, djala asa mian parbumuna i; asa dilehon tu hamu nasa sipangidoonmuna sian Ama i marhitehite Goarhu. 17 On ma hupatikkon tu hamu. Masihaholongan ma hamu!

Hosoman ni portibi on do angka sisean i.

18 Molo dihosomi portibi on hamu, boto hamu ma, naung djumolo Ahu dihosomi. 7:7 19 Aut na sian portibi on hamu, haholongan ni portibi on do donganna. Alai ndang sian portibi on hamu. Ahu do tahe mamillit hamu sian portibi on; ala ni i do, umbahen na dihosomi portibi on hamu. 17:14; 1Joh.4:5 20 Ingot hamu ma hata naung hudok tu hamu: Ndang na umbalga anak somang sian indukna. Molo diburui nasida Ahu, buruanna do nang hamu; molo diradoti nasida hatangku, radotanna ma nang hatamu. 13:16 21 Alai songon i bahenonnasida tu hamu, ala ni Goarhu; ai ndang ditanda nasida na marsuru Ahu. 16:3 22 Aut so ro Ahu paboahonsa tu nasida, ndang mardosa nasida disi; alai nuaeng ndang adong be sidohononnasida mangkuphupi dosanasida. 23 Ganup na hosom roha di Ahu, hosom do roha ni i nang di Damang. 5:23 24 Aut unang huula angka ulaon di tongatonganasida, na so dung niula ni djolma, ndang mardosa nasida disi; alai nunga diida nasida i, gabe dihosomi nasida nang Ahu, nang Damang. 14:11 25 Alai naeng ma djumpang hata na tarsurat di patiknasida: "Dihosomi nasida do Ahu, so adong alana!" Ps.69:5 26 Asa ro ma Pangondian i sisuruonku sian Ama i tu hamu, i ma Tondi hasintongan i, na borhat sian Damang; I do na mangkatindangkon taringot tu Ahu. 14:26; Luk.24:49 27 Alai dohot ma hamu mangkaundangkon, ai donganku do hamu sian mulana i. Ul.1:8; 5:32

Dilumbahon Tuhan Jesus haroro ni pangaleleon.

16:1 Asa unang targasip hamu, umbahen na huhatahon angka hata ondeng tu hamu. 14:29 2 Pabalionnasida do hamu sian huria. Na ro ma tingkina, gabe songon na mamele Debata do na mamusa hamu, anggo di rohana. Mat.10:17; 24:9 3 Songon i do bahenonnasida, ala so ditanda nasida nang Ama i, nang Ahu. 15:21 4 Alai hupaboa i hian tu hamu, asa diingot hamu di hasosonggopna i, naung huhatahon i tu hamu. Ai ndada sian mulana hupaboa i tu hamu, ala na rap dope hita. 5 Alai na laho ma Ahu nuaeng manopot na marsuru Ahu, djala ndang adong manang ise hamu manungkun Ahu: na laho tudia do Ho? 7:33 6 Lam dokdok tahe rohamuna, ala hudok songon i tu hamu. 7 Alai na mandok na tutu do Ahu tu hamu: Ulimuna doi, ialaho Ahu. Ai aut so laho Ahu, ndang na ro Pangondiani manopot hamu. Alai anggo laho Ahu, suruonku do Ibana tu hamu. 14:16,26 Ulaon ni Tondi Parbadia di Portibi on. 8 Anggo dung ro Ibana, adjaranna do portibi on taringot tu dosa dohot taringot tu hapintoron dohot taringot tu uhum. 1Kor.14:24 9 Anggo taringot tu dosa, i ma na so porsea nasida di Ahu. 3:18 10 Anggo taringot tu hapintoron, i ma na laho Ahu manopot Damang, djadi ndang be idaonmuna Ahu. Ul.5:31; Rom.4:25 11 Anggo taringot tu uhum, i ma naung hona uhum induk ni portibi on. 12:31; 14:30 12 Godang dope nian sidohononku tu hamu; alai ndang tartaon hamu dope i nuaeng. 1Kor.3:1 13 Alai dung ro Tondi hasintongan na nidok ondeng, togihonon ni I do hamu tubagasan nasa hasintongan: ai ndang adong sihatahononna sian hadirianna; na binegena, i do hatahononna, djala baritahononna do tu hamu, na naeng masa dope. 14:26; 1Joh.2:27 14 Pasangaponna do Ahu, ai djaloonna do na di Ahu, laho mamaritahonsa tu hamu. 15 Saluhut na di Ama i, di Ahu do i, umbahen na hudok: djaloonna do na di Ahu, laho mamaritahonsa tu hamu. 17:10

Pangapoi ni Tuhan Jesus di siseanna.

16 Satongkin nari nama, ndang idaonmuna be Ahu, dung i satongkin nari muse, idaonmuna ma Ahu. 14:19 17 Gabe masipandohan ma angka siseanna i: Dia do astuan ni na nidokna i tu hita: satongkin nari nama, ndang idaonmuna be Ahu; dung i: satongkin nari muse idaonmuna ma Ahuo 18 Djadi didok nasida ma: Dia do astuan ni hata: "satongkin nari"? Ndang taboto lapatanna. 19 Mamoto ma Jesus, na naeng ro nasida manungkun Ibana, gabe didok ma tu nasida: Na masisungkunan do hamu taringot tu na hudok: Satongkin nari nama, ndang idaonmu be Ahu, dung i: satongkin nari muse, idaonmuna ma Ahu. 20 Na tutu situtu do na hudok on tu hamu: Na tumatangis ma hamu djala mangandungi, alai las ma roha ni portibi on: marsak do anggo rohamuna, alai muba ma arsak ni rohamuna gabe las ni roha. 21 Dokdok do roha ni boruboru laho manubuhon posoposona, ai naung songgop hasasangana. Alai dung tubu posoposo i, ndang be diingot na porsuk i, dibahen halalas ni rohana, ala naung tubu djolma i tu hasiangan on. Jes.26:17 22 Di hamu pe nuaeng dok ni roha; alai idaonku do hamu muse, gabe las ma rohamuna disi, djala ndang buaton sian hamu halalas ni rohamuna i. 23 Ndang sungkunonmuna be Ahu dl na sadari i. Na tutu situtu do na hudok on tu hamu: Nasa sipangidoonmuna tu Ama i, sai na lehononna do marhitehite Goarhu. 14:13,14; Mark.11:24 24 Rasirasa nuaeng ndang dope mangido hamu marhitehite Goarhu. Pangido hamu ma, asa mandjalo hamu, asa gok halalas ni rohamuna! 15:11 25 Na marumpama do Ahu nasailaon mangkatai dohot hamu; alai ndang marurnpama be Ahu di tingki na ro i, ai disi ma patar baritahononku tu hamu taringot tu Amai. 26 Di na sadari i ma hamu mangido marhitehite Goarhu, djala ndang pola Ahu mangondihon hamu tu Ama i. 27 Ai Ama i sandiri mangkaholongi hamu, ala naung holong rohamuna di Ahu, djala ala naung porsea hamu. Ahu borhat sian Debata. 14:21 28 Na borhat sian Ama i do Ahu ro tu portibi on; na manadingkon nama Ahu muse di portibi on. laho manopot Ama i. 29 Gabe didok angka siseanna i ma: Nuaeng pe, asa patar hatam; ndang songon umpama be na nidokmi. aj.25 30 Huboto hami do nuaeng, saluhutna do diboto Ho, ndengkon adong na manungkun Ho. Dibahen i ma umbahen na porsea hami, naung borhat sian Debata do Ho. 31 Djala diaiusi Jesus ma nasida: Porsea ma hamu nuaeng? 32 Na ro ma tingkina, djala nunga ro i nuaeng, djadi marserak ma hamu, ganup masitondong dalanna, tadingkononmuna ma Ahu pundjung; alai ndang pundjung Ahu tahe, ai Ama i do donganku. 8:29; Sak.13:7; Mat.26:31; Mark.14:27 33 Asa mardame hamu dibagasan Ahu, umbahen na huhatahon angka i tu hamu. Haporsuhon do djambarmuna di portibi on; alai pos ma rohamuna: nunga talu hubahen portibi on. 14:27; Rom.5:1; 1Joh.5:4

Tangiang ni Tuhan Jesus: Taringot tu Ibana.

17:1 I ma didok Jesus; dung i manaili ma Ibana dompak gindjang mandok: Ale Amang, nunga dapot tingkina, parsangapi ma Anakmu, asa dipasangap Anakmt Ho; 2 songon naung niiehonmi tu Ibana huaso mangaradiai hasa daging, asa dilehon hangoluan na saielenglelengna tu saluhut diolma na nilehonmi tu Ibana. Mat.11:27 3 Alai na mananda Ho. Debata na sasada i, na sintong i, dohot Jesus Kristus na sinurum, i do hangoluan na salelenglelengna. 1Joh.5:20 4 Nunga hupasangap Ho di tano on, ai nunga hupasidung ulaon na nilehonmi siulaonku. 5 Nuaeng pe, parsangapi ma Ahu tu lambungmi, Amang, songon sangaphu tagan di lambungmi Ahu, andorang so adong dope hasiangan on. aj.24; 1:1; Pilip.2:6

Mangondingi siseanna.

6 Nunga hupapatar Goarmi tu djolma angka na nilehonmi tu Ahu sian portibi on. Ho hian do nampuna nasida, djala dilehon Ho do nasida tu Ahu; diradoti nasida do hatami. aj.9 7 Nunga diboto nasida, na sian Ho do saluhutna na nilehonmi tu Ahu. 8 Ai nunga hupasahat tu nasida angka hata na nilehonmi tu Ahu, djadi didiangkon nasida do, gabe diboto nasida situtu. Ahu borhat sian Ho, djala nunga porsea nasida. Ho do marsuru Ahu. 16:30 9 Ndang apala portibi on hutangiangkon, nasida on do, angka na nilehonmi tu Ahu, ai Ho do nampuna nasida. 6:37,44 10 Djala nasa na di Ahu, na di Ho do i; djala na di Ho, na di Ahu do i, djala nunga marsangap Ahu dibagasan nasida. 16:15 11 Ndang di portibi on be Ahu tu djoloan on, di portibi on do anggo nasida; na ro do Ahu manopot Ho. Ale Amang na badia, ramoti ma nasida dibagasan Goarmu, angka na nilehonmi tu Ahu, asa sada nasida songon Hita! 10:30 12 Saleleng rap Ahu dohot nasida, Ahu do mangaramoti nasida dibagasan Goarmu na nilehonmi tu Ahu djala hudjagai; gabe ndang adong na mago sian nasida, ia so holan anak djea i, asa djumpang hata ni Surat i. 6:39; Ps.41:10; 109:8 13 AJai na ro, ma Ahu nuaeng manopot Ho; di portibi on dope Ahu, di na hudok songon i, asa di bagasan nasida timpas halalas ni roha na di Ahu i. 15:11 14 Nunga hulehon hatami tu nasida; dihosomi portibi on do nasida, ai ndang sian portibi on nasida, songon Ahu na so sian portibi on. 15:19 15 Ndang apala hupangido, taitonmu nasida sian portibi on; alai naeng ma ramotanmu nasida maralohon na diahat i. 2Tes.3:3 16 Ndang na sian portibi on nasida, songon Ahu na so sian portibi on. 17 Parbadiai ma nasida dibagasan hasintongan; hatami do hasintongan i. 6:63 18 Songon parsurum di Ahu tu portibi on, songon i do husuru nasida tu portibi on. 20:21 19 Huparbadiahon do diringku humophop nasida, asa gabe badia nang nasida binahen ni hasintongan i. Heb.10:10

Mangondihon angka na porsea di Ibana.

20 Alai ndang holan nasida hutangiangkon, dohot do angka na naeng porsea dope di Ahu, tinogu ni hatanasida: 20:31 21 Asa sada nasida saluhutna; songon Ho, ale Amang, dibagasan Ahu diala Ahu dibagasan Ho, songon i ma nang nasida dibagasan Hita, asa porsea portibi on, Ho marsuru Ahu. Gal.3:28 22 Nunga hulehon tu nasida hasangapon na nilehonmi tu Ahu, asa sada nasida songon Hita na sada roha i. Ul.4:32 23 Ahu ma dibagasan nasida djala Ho dibagasan Ahu, asa sun denggan hasadaonnasida, gabe diboto portibi on, Ho marsuru Ahu diala holong roham di nasida songon holong ni roham di Ahu. 1Kor.6:17 24 Ale Amang, naeng ma di rohangku, ia disi Ahu, disi ma dohot angka na nilehonmi tu Ahu, asa diida nasida hasangapon na di Ahu, na nilehonmi tu Ahu; ai holong ro roham di Ahu, diumolo asa odiak portibi on. 12:26 25 Ale Amang na bonar, so ditanda portibi on pe Ho, anggo Ahu, hutanda do Ho, diala diboto angka on, Ho do marsuru Ahu. 26 Nunga hupabotohon tu nasida Goarmi, djala pabotohononku dope, asa dibagasan nasida holong ni rohami na di Ahu, djala asa Ahu dibagasan nasida.

Tartangkup Tuhan Jesus di Porlak Getsemane, tartogu tudiolo ni sintua ni malim.

18 :1 Djadi dung didok Jesus songon i, ruar ma Ibana rap dohot angka siseanna tu ipar ni aek Kidron. Adong ma disi sada porlak, tusi ma laho Ibana dohot angka siseannai. Mat.26:36; Mark.14:32; Luk.22:39; 2Sam.15:23 Mat.26:47-56; Mark.14:43-52; Luk.22:47-53 2 Alai diboto si Judas sipardjehe i do inganan i, ai djotdjot do marpungu tusi Jesus dohot angka siseanna. Luk.21:37 3 Ia si Judas i, diarahon ma angka soldadu dohot angka naposo ni sintua ni malim, didapothon ma tusi, mantat sulusulu, palito dohot sindjata. 4 Diboto Jesus do saluhut na naeng songgop tu Ibana, djadi ruar ma Ibana, didok ma tu nasida: Ise do na djinalahanmuna i? 1:38 6 Gabe ninna nasida ma mangalusi Ibana: Jesus, halak Nasaret i do! Dung i ninna Jesus ma mandok nasida: Ahu do i! Alai dohot do si Judas sipardjehe i diongdiong di lambungnasida. 6 Asa dung didok tu nasida: Ahu do i, sumurut ma nasida, angka martinggangan ma tu tano. 7 Dung i diulahi ma manungkun nasida: Ise do na niluluanmuna? Djadi didok nasida ma: Jesus, halak Nasaret i do. 8 Dung i ninna Jesus ma mangalusi: Nunga hupaboa tu hamu: Ahu do i. Asa molo Ahu dilului hamu, loas hamu ma laho angka on! 9 Ai naeng do djumpang hata na nidokna i: Ndang adong na mago hubahen agia sada sian angka na nilehonmi tu Ahu. 17:12 10 Ia si Simon Petrus marpodang do, i ma disintak djadi ditampulhon ma tu naposo ni sintua ni malim i, djadi dipisikkon ma pinggolna siamun; si Malkus do goar ni naposo i. 11 Dung i ninna Jesus ma mandok si Petrus: Pasarung podangmi! Nda inumonku siinumon na nilehon ni Ama i tu Ahu? Mat.26:39; Mat.26:57-75; Mark.14:53-72; Luk.22:54-71 12 Dung i ditangkup angka soldadu dohot induknasida ro di angka naposo ni Jahudi ma Jesus, djala diihoti. 13 Diadi ditogihon ma Ibana djumolo tu si Hannas, i ma simatua ni si Kajapas, sintua ni malim di na sataon i. 14 I ma si Kajapas, naung mandok tu angka Jahudi: Dengganan do mate sada halak humophop bangso i. 11:49,50

Disoadahon si Petrus Ibana.

15 Alai diihuthon si Simon Petrus dohot sisean na sada nari ma Jesus. Na masitandaan sisean na sada i dohot sintua ni malim i, djadi bongot ma ibana rap dohot Jesus tu alaman ni malim i. 16 Alai djongdiong do si Petrus tartungkan balian di iambung pintu i. Djadi ruar ma sisean na sada i, na masitandaan dohot sintua ni malim i, mangkatai dohot boruboru sidjaga pintu, gabe ditogihon ma si Petrus tubagasan. 17 Dung i ninna boruboru sidjaga pintu i ma mandok si Petrus: Nda ho sada sian angka sisean ni Halak an? Djadi didok ma: Ndang i ahu! 18 Alai na djongdjong do disi angka naposo dohot angka oppas mansusudu di pansusuduan na niopannasida dibahen ngalina i. Djadi rap dohot nasida ma djongdiong si Petrus disi mansusudu. 19 Alai disungkun sintua ni malim i ma Jesus taringot tu angka siseanna dohot taringot tu podana i. 20 Djadi dialusi Jesus ma ibana, ninna ma: Patar do hatangki di hatoropan. Na tongtone do Ahu mangadjari nasailaon dibagasan parguruan nang di bagas djoro pe, parpunguan ni saluhut Jahudi; ndang adong manang aha huhatahon marsibuni. 7:14,26 21 Boasa Ahu disungkun ho? Nasida naung umbege hatangki, i ma sungkun! Ai diboto nasida do na huhatahon i. 22 Dung didok Jesus songon i, dipastap sada oppas na djongdjong disi ma Ibana, huhut ma didok: Songon i do pangalusim di sintua ni malim i? 23 Dung i ninna Jesus ma mangalusi ibana: Ia na hurang na hudok, hadjongdjongkon hurangna: alai anggo na hona do, boasa pastaponmu Ahu? 24 Asa disuru si Hannas ma Ibana naung tinali i tu sintua ni malim si Kajapas. 25 Laos na djongdjong dope disi si Simon Petrus mansusudu, gabe didok nasida ma mandok ibana: Nda dohot do ho sada sian siseanna? Djadi mamorso ma ibana ninna ma: Nda tung i ahu! 26 Dung i didok sahalak naposo ni malim, sisolhot ni nampuna pinggol na pinisikkon ni si Petrus i ma: Nda huida ho rap dohot Ibana di porlak i?27 Djadi diporso si Petrus ma muse, dung i pintor martahuak ma manuk.

Tuhan Jesus didjolo ni si Latus.

Mat.27:2,11-31; Mark.15:1-19; Luk.23:1-25 28 Asa ditogihon nasida ma Jesus sian djolo ni si Kajapas tu kantor. Alai sogot ma i manogot i. Ndang na bongot anggo nasida tu kantor, asa unang tarsubang nasida laho manganhon Paska i. 29 Gabe ruar ma si Latus mandapothon nasida, didok ma: Pangaluan dia do diboan hamu dompak Halak an? 30 Dung i ninna nasida ma mangalusi: Aut unang sibahen na djahat Halak on, ndang tagamon pasahatonnami Ibana tu ho. 31 Gabe ninna si Latus ma mandok nasida: Boan hamu ma Ibana, uhumi hamu ma Ibana marguru tu adatmuna. Alai ninna angka Jahudi ma mandok ibana: Ndang djadi pusaonnami manang ise. 19:6,7 32 Djumpang ma disi na nidok ni Jesus, udju pinaboana i hian pangalaho ni parmatena. 12:32,33; Mat.20:19 33 Djadi dibongoti si Latus muse kantorna, didjou ma Jesus, didok ma tu Ibana: Atehe, Ho do radja ni Jahudi? 34 Ro ma alus ni Jesus: Na sian roham do na nidokmi, manang na nidok ni halak do i tu ho taringot tu Ahu? 35 Gabe dialusi si Latus ma: Ai halak Jahudi do ahu? Bangsomi dohot angka sintua ni malim i do pasahathon Ho tu ahu. Aha do na binahenmu? 36 Djadi dialusi Jesus ma: Ndang sian portibi on haradjaonku. Aut sian portibi on haradjaonku, ndang tarbahen so mangalo angka naposongki, asa unang sahat Ahu tu angka Jahudi; aiai ndang sisongon i haradiaonki. 37 Dung i ninna si Latus ma mandok Ibana: Asa radja do Ho? Djadi ninna Jesus ma mangalusi: Songon na nidokmi ma tutu. Radja do Ahu! Umbahen na tubu Ahu djala umbahen na ro Ahu tu portibi on, asa huhatindangkon hasintongan i. Ganup na sian hasintongan i tangihonon ni i do soarangku. 1Tim.6:13 38 Djadi ninna si Latus ma mandok Ibana: Aha ma i. hasintongan i? Djadi dung didok sisongon i, ruar ma ibana muse manopot angka Jahudi mandok tu nasida: Ndang djumpang ahu manang dia salana. 39 Alai tahe, somal hupalua sada halak tu hamu djumpa Paska i. Anggo na lehet di rohamu, hupalua ma radja ni Jahudi i tu hamu? 40 Gabe didjouhon nasida ma muse: Unang Ibana; si Barabas ma! Alai partodos do anggo si Barabas.

Dipaporsukporsuk Tuhan Jesus djala diuhumi.

19:1 Dung i ditogu si Latus ma Jesus, didokkon ma linsingan. 2 Djadi didandani angka soldadu ma sungsang duri bahen tumpal, diampehon ma i tu uluna; badju dapdap ma dialithon tu dagingna. 3 Dung i ro ma nasida tu djolona mandok: Tabi di Ho, ale radja ni Jahudi! Laos dipastapi ma Ibana. 4 Dung i ruar ma muse si Latus, didok ma tu angka Jahudi: Ida hamu ma, hutogihon do Ibana tu diolomuna, asa diboto hamu, na so adong djumpang ahu salana. 5 Laos ruar ma Jesus mandiudjung sungsang duri djala marbadiu dapdap. Djadi didok si Latus ma tu nasida: Ida hamu ma Djolma i! 6 Asa dung diida angka sintua ni malim dohot angka naposo Ibana, didjouhon nasida ma: Parsilangkon, parsilangkon ma Ibana! Dung i didok si Latus ma tu nasida: Boan hamu ma Ibana, parsilangkon hamu ma; ai ndang diumpang ahu salana. 7 Gabe dialusi angka Jahudi ma Ibana, ninna ma: Marguru tu patiknami ingkon marutang hosa Ibana, ai dibahen do dirina Anak ni Debata. 10:33; 3Musa24:15,16 8 Umbege i si Latus lam ganda ma biarna. 9 Dung i diulahi muse tu kantorna, didok ma tu Jesus: Sian dia do Ho? Alai ndang dialusi Jesus ibana. Mat.27:12 10 Dung i didok si Latus ma tu Ibana: Ndang angkupanmu ahu mangkatai? Ndang diboto Ho, marhuaso ahu paluahon Ho, djala marhuaso pasilangkon Ho? 11 Diadi dialusi Jesus ma: Ndang adong huasom mangago Ahu, aut unang nilehon i tu ho sian gindjang. Dibahen i gumodang do dosa ni na pasahathon Ahu tu ho. 12 Djadi olat ni i ma dilului si Latus dalan paluahon Ibana. Alai mandjoudjou ma angka Jahudi, ninna do: Molo dipalua ho On, ndang aleale ni Kesar ho! Ai na mangalo Kesar i do ganup na mambahen dirina radja. 13 Asa dung dibege si Latus hata i, ditogihon ma Jesus haruar, laos hundul ma ibana di habangsa paruhuman na di inganan na margoar: pantar batu, alai anggo di hata Heber: Gabbata. 14 I ma na masa di ari parhobasan Paska, mareak hos ni ari. Dung i didok ma tu angka Jahudi: Ida hamu ma radjarnuna! 15 Alai digogo nasida ma mandjouhon: Padao, padao ma I: parsilangkon ma Ibana! Dung i didok si Latus ma tu nasida: parsilangkononku ma radjamuha? Djadi dialusi angka sintua ni malim ma: Ndang adong radjanami dungkon ni Kesar i! aj.6

Tarpadjal Ibana.

Mat.27:31-50; Mark.15:20-37; Luk.23:26-46 16 Dung i dipasahat ma Ibana tu nasida, asa diparsilangkon; djadi didjalo nasida ma Jesus. 17 Laos Ibana do mamorsan hau pinorsilang i, laho tu inganan na margoar partangkurahan; Golgata do goarna anggo di hata Heber. 18 Disi ma diparsliangkon nasida Ibana rap dohot dua halak na asing di lambungna, angkup be; di tongatonga ma ia Jesus. 18 Alai disurat si Latus ma sada boaboa, dipalohot ma i tu hau i. On do hatana: Jesus, halak Nasaret, radja ni Jahudi! 20 Djadi torop ma Jahudi na mandjaha boaboa i, ai djonok tu huta i do hapadjalan ni Jesus, djala tarsurat do i di hata Heber, di hata Rom dohot di hata Gorik. 21 Dung i didok sihtua ni angka Jahudi ma tu si Latus: Unang surati: Radja ni Jahudi; alai na nidokna i ma nian: Ahu do radja ni Jahudi! 22 Dung i dialusi si Latus ma: Na husurat i, naung sinurat do i! 23 Asa dung diparsilangkon angka soldadu i Ibana, dibuat nasida ma angka abitna, diparopat ma i, di ganup soldadu sambagian be, dungkon ni sampesampena. Anggo sampesampe i ndang marpandjaruman, na ditonun sambing do i. 24 Gabe masipandohan ma nasida: Unang ma taribahi on, martondung ma hita taringot tusi. manang di ise i. (Djadi djumpang ma Surat i, na mandok: "Dibagi nasida do abithu; tondung do didabu taringot tu sampesampengku.") Asa songon i do pambahen ni angka soldadu. Ps.22:19

Hamamatena.

25 Dung i djongdjong ma di lambung ni Jesus na di hau pinorsilang i inana dohot paribanna dohot si Maria ni si Kleopas dohot si Maria Magdalena. 26 Anggo Jesus, dung diida, disi inana i dohot sisean haholongan ni rohana di lambungna, didok ma tu inana i: Ndi ma, inang, anakmi! 13:23 27 Dung i didok ma tu sisean i: Ndi ma, inangmi! Djadi olat ni i ma didiangkon sisean i ibana tu djabuna. 28 Djadi dung diboto Jesus, naung marudjung saluhutna, asa diumpang na tarsurat i, ninna ma: Mauas Ahu! 13:3; 18:4; Fs.22:16 29 Djadi adong ma disi isian ni tuak na asom, diadi dibutongi nasida ma limut tubagasan tuak na asom i, dipalohot ma i tu sada tolong, laho manurdukkon tu pamanganna. Ps.69:22 30 Djadi dung didjalo Jesus na asom i, ninna ma: Nunga marudjung! Dung i dipaunduk ma uluna, pasahathon tondina. 31 Ala tongon ari parhobasan ni pesta na balga, naeng ma unang di hau pinarsilang angka bangke di ari Sabat i; ala ni i dipangido angka Jahudi ma tu si Latus, asa disuru na mangarosak haehaenasida djala dipaidjur. 5Musa21:23 32 Gabe ro ma angka soldadu i, dirosak ma haehae ni na pardjolo i, songon i do donganna na rap tarsilang dohot Jesus. 33 Alai dung sahat nasida tu Jesus, diida ma naung sanga mate Ibana, gabe ndang dirosak be haehaena. 34 Alai ditullangkon sada sian angka soldadu i ma mundimundina tu andora ni Jesus; djadi manigor puas ma sian i mudar mardongan aek. 35 Na marnidasa i do na mangkatindangkon i, djala sintong do na hinatindangkonna i. Ibana do umboto sintong ni na nidokna i, asa anggiat dohot hamu porsea. 36 Ai na masa do i, asa djumpang na tarsurat i, na mandok: "Ndang djadi ponggolon holiholina!" 2Musa12:46 37 Djala surat na asing muse mandok: "berengonnasida do na tinullangnasida i!" Sak.12:10; Pangungk.1:7

Tartanom Ibana.

Mat.27:57-61; Mark.15:42-47; Luk.23:50-55 38 Dung salpu i dipangido si Josep na sian Arimatia ma tu si Latus, paidjuronna bangke ni Jesus. Sisean ni Jesus do ibana, alai marsibuni do ala ni biarna mida angka Jahudi. Djadi dioloi si Latus ma i. Dung i ro ma ibana, dipaidjur ma bangkena. 39 Alai ro ma nang si Nikodemus, i ma naung ro manopot Jesus bornginborngin nadjolo, diboan ma mir na marsaor aloĕ arga saratus hati. 3:2; Mat.2:11 40 Dung i dibuat nasida ma bangke ni Jesus, dibaluti ma tu dagangan rap dohot na hushus i mangihuthon adat pananomon ni Jahudi. 41 Alai adong ma mardonokkon hapadjalanna i sada porlak, djala dibagasan porlak i adong sada tanoman na imbaru, na so dung hapeahan ni manang ise dope. 42 Asa tusi nama dipeakkon nasida Jesus, siaia ar parhobasan ni Jahudi; ai djonok do tanoman i.

Mulak mangolu Kristus. Si Petrus dohot si Johannes ro tu tanoman.

Mat.28:1-10; Mark.16:1-11; Luk.24:1-12 20:1 Dung i di ari pardjolo dung salpu ari Sabat, laho ma si Maria Magdalena sogot di na holom i dope tu tanoman i, djadi diida ma, naung dihindat batu i sian tanoman i. 2 Gabe marlodjong ma ibana manopot si Simon Petrus dohot sisean na sada nari, haholongan ni roha ni Jesus, paboahontu nasida: Nunga dibuat na mambuat Tuhan i sian tanomanna; ndang binoto, manang tudia ditaruhon. 13:23 3 Djadi borhat ma si Petrus dohot sisean na sada nari, djadi sahat ma nasida tu tanoman i. 4 Na rap marlodjong do na dua i, gabe marhadjoloan do sisean na sada, na humatop sian si Petrus, gabe pardjolo ma ibana sahat tu tanoman i. 5 Djadi dipaunduk ma dirina, diida ma peak angka pangalilit; alai ndang bongot ibana. 6 Ro ma nang si Petrus sian pudina; dibongoti ma tanoman i djadi diida ma peak angka pangalilit i. 7 Anggo sekka panaputi ni uluna ndang rap dohot angka pangalilit i, pulik do dibalun tu ingananna. 11:44 8 Disi pe asa bongot nang sisean na sada, naung pardjolo sahat tu tanoman i; dipanotnoti, gabe porsea ma ibana. 9 Ai ndang dope diantusi nasida hata ni Surat i na mandok: Ingkon hehe Ibana sian na mate. 1Kor.15:4; Ul.2:24-32 10 Asa muli ma sisean na dua i.

Diida si Maria Magdalena Ibana;

11 Laos djongdjong do si Maria dibalian ni tanoman i tumatangis, djadi di partangisna i dipaunduk ma ibana dompak tanoman i. 12 Gabe diida ma hundul disi surusuruan dua, parabit na marlinangiinang; na sada tartungkan djuluon, na sada nari tar tungkan inganan ni pat ni hapeahan ni bangke ni Jesus. 13 Didok nasida ma tu ibana: Boasa tangis ho, inang? Djadi dialusi ma nasida: Dibuat na mambuat do Tuhanki; ndang huboto, manang na tudia ditaruhon. 14 Mandok songon i, humusor ma ibana dompak pudi, gabe diida ma Jesus djongdjong disi; alai ndang ditanda. 15 Dung i didok Jesus ma tu ibana: Boasa tangis ho, inang? Ise dilului ho? Djadi dirimpu rohana ma, tukang porlak i Ibana, gabe didok ma tu Ibana: Anggo hamu do mambuat Ibana, paboa hamu ma tu ahu, manang na tudia ditaruhon hamu, asa hualap Ibana! 16 Dung i didok Jesus ma tu ibana: Maria! Djadi didompakkon si Maria ma Ibana huhut mandok: Ale Guru! (Rabbuni, anggo di hata Heber). 17 Djala didok Jesus ma tu ibana: Unang djama Ahu ai ndang dope nangkok Ahu tu Ama i. Alai laho ma ho tu angka anggingki, dok ma tu nasida: Na laho nangkok ma Ahu tu Damang djala Amamuna, tu Debatangku diala Debatamuna. Heb.2:11,12 18 Dung i laho ma si Maria Magdalena, dibaritahon ma tu angka sisean i: Nunga huida Tuhan i, djala angka on do hatana tu ahu.

Dipataridahon Jesus dirina tu siseanna.

Mark.16:14-19; Luk.24:36-49 19 Djadi dung bot ari, di ari pardjolo dung salpu ari Sabat, di naung sordak angka pintu ni inganan ni angka sisean i, ala ni biar ni rohanasida mida angka Jahudi, ro ma Jesus diongdjong tu tongatonganasida, djadi didok ma tu nasida: Dame ma di hamu! 20 Djadi dung didok songon i, dipatuduhon ma tanganna dohot andorana tu nasida, gabe las ma roha ni angka sisean i, ala naung diida nasida Tuhan i. 1Joh.1:1 21 Dung i diulahi Jesus ma mandok tu nasida: Dame ma di hamu! Songon sinuru ni Ama i Ahu, suruonku hamu. 17:18 22 Djadi dung didok songon i, mangombus ma Ibana dompak nasida, huhut ma didok: Djalo hamu ma Tondi Parbadia! 23 Molo disesa hamu dosa ni manang ise, naung sesa ma i; molo dipahot hamu dosa ni manang ise, hot do i. Mat.16:19; 18:10,18

Dohot si Tomas gabe porsea.

24 Alai anggo si Tomas, sada sian na sampuludua i, na margoar Linduat, ndang rap dohot nasida, di na ro i Jesus. 11:16; 14:5 25 Gabe didok angka donganna sisean ma tu ibana: Nunga huida hami Tuhan i! Alai dialusi ma nasida: Na so tupa porsea ahu, molo so huida di tanganna i bogas ni labang i, laos didjama diaridjaringku bogas ni labang i, djala ia so didjama tanganku andoranna i. 19:34 26 Dung salpu ualu borngin, pungu ma muse angka sisean i dibagasan, rap dohot si Tomas. Dung i ro ma Jesus, di na sordak i angka pintu, djongdjong tu tongatonganasida, didok ma: Dame ma di hamu! ai.19 27 Dung i didok ma tu si Tomas: Boan tu on djaridjarimi djala ida ma tanganku! Surdukkon ma tanganmi mandjama andorangku! Unang ganggu roham; sai porsea ma ho! 28 Gabe ninna si Tomas ma mangalusi Ibana: Tuhanku djala Debatangku! 1:1 29 Djadi didok Jesus ma tu ibana: Ala diida ho Ahu, umbahen na gabe porsea ho. Martua ma angka na porsea, atik pe so diida! 1Pet.1:8 30 Godang dope tanda angka na asing na pinatupa ni Jesus didjolo ni angka siseanna, angka na so sinurat di buku on. 31 Alai umbahen na sinurat angka on, asa porsea hamu, Jesus do Kristus, Anak ni Debata; diala asa hamu angka na porsea i dapotan hangoluan marhitehite Goarna. 1Joh.5:13

Dipatandahon Jesus Ibana tu siseanna di topi tao Tiberias.

21:1 Dung i dipatuduhon Jesus ma Ibana muse tu angka siseanna di topi tao Tiberias. Djala songon on do pangalahona: 2 Pungu ma si Simon Petrus dohot si Tomas na margoar Linduat, angkup ni i si Natanael sian Kana na di Galilea dohot angka anak ni si Sebedeus, rap dohot dua nari sian angka siseanna i. 1:45 3 Gabe ro ma hata ni si Simon Petrus tu nasida: Laho ma ahu mardengke. Djadi didok nasida ma tu ibana: Dohot ma hami! Laos borhat ma nasida, bongot ma tu prau; alai ndang dapot nasida agia aha di na saborngin i. 4 Alai di na torang ari, djongdjong ma Jesus di pasir; alai ndang ditanda angka sisean i Ibana. 20:14; Luk.24:16 5 Djadi didok Jesus ma tu nasida: Ndang adong dengkemuna, ale angka anaha, annggo saotik? Djadi ro ma alusnasida: Ndang adong! Luk.24:41 6 Dung i didok ma tu nasida: Sampakkon hamu ma djalamuna tu siamun ni prau i, asa dapotan hamu! Djala disampakkon nasida ma, gabe ndang tartait nasida be diala i dibahen godang ni dengke i. Luk.5:4-7 7 Dung i didok sisean haholongan ni roha ni Jesus i ma tu si Petrus: Tuhan i do i! D/adi dung dibege si Simon Petrus, Tuhan i do i hape, dialithon ma abitna, ai ndang marabit hian ibana; dung i ditimbung ma tu tao i. 13:23 8 Alai marprau do angka donganna sisean i sahat, huhut sumarat diala na marisi dengke i; ai ndang sadia dao nasida sian darat i, arga duaratus elak nama. 9 Diadi dung sahat nasida ro di darat, diida ma gara disi dohot dengke peak di gindiangna, angkup ni roti. 10 Dung i didok Jesus ma tu nasida: Boan hamu ma tu on deba dengke sian angka na dapot hamu nangkin! 11 Gabe manaek ma si Petrus tu prau, disarat ma diala i tu darat, gok dengke na balga, saratus limapulu tolu toropna; atik pe nasa i toropna, ndang na maribak djalai. 12 Djadi didok Jesus ma tu nasida: Ro ma hamu mangan! Alai ndang adong manang ise sian angka sisean i, na hum roha manise Ibana: Ise do Ho? Ai diboto be. Tuhan i do Ibana. 13 Asa ro ma Jesus, dibuat ma roti i, diparlehon ma tu nasida, angka dengke i pe songon i do. 6:11 14 I ma patoluhalihon dipatuduhon Jesus Ibana tu angka siseanna dung hehe Ibana sian angka na mate.

Didjangkon do si Petrus.

15 Asa dung mangan nasida, didok Jesus ma tu si Simon Petrus: Ale Simon, anak ni si Jonas, humolong do roham di Ahu sian angka on? Djadi didok ma tu Ibana: Olo, Tuhan; diboto Ho do holong ni rohangku di Ho! Djadi didok Jesus ma tu ibana: Parmahani ma anak ni birubirungku! 1:42 16 Dung i ninna muse ma paduahalihon: Simon, anak ni si Jonas, holong do roham di Ahu? Djadi didok ma tu Ibana: Olo, Tuhan; diboto Ho do holong ni rohangku di Ho! Dung i didok ma tu ibana: Parmahani ma angka birubirungku! 1Pet.5:2,4 17 Dung i didok ma patoluhalihon tu ibana: Simon, anak ni si Jonas, holong do roham di Ahu? Djadi marsak ma roha ni si Petrus, ala patoluhalihon didok tu ibana: Holong do roham di Ahu? Diadi didok ma tu Ibana: Saluhutna, ale Tuhan, diboto Ho: ditanda Ho do holong ni rohangku di Ho! Dung i didok Jesus ma tu ibana: Parmahani ma angka birubirungku! 13:38; 16:30 18 Na tutu situtu do na hudok on tu ho: Andorang umposo dope ho, ho do manghohosi dirim, laho manopot lomo ni roham; alai dung matua ho, surdukkononmu ma tanganmu, djadi hohosan ni na leban ma ho djala togihononna ma ho tu na so hinalomohon ni roham. 19 Alai marhite sian hatana ondeng dipalumba do ibana, manang songon dia parmatena laho pasangaphon Debata. Djadi dung didok songon i, ninna ma mandok ibana: Ihuthon ma Ahu! 13:36 20 Dung i humusor ma si Petrus djadi diida ma mangihut sisean haholongan ni roha ni Jesus, i ma na hundul djumonok tu Jesus di na marsipanganon i; laos ibana do na manungkun udju i: Ise do i, Tuhan, na mandjehehon Ho? 13:23 21 Asa dung diida si Petrus ibana, ninna ma mandok Jesus: Beha ma halak on, Tuhan? 22 Gabe didok Jesus ma tu ibana: Molo na lomo rohangku, naeng mian ibana, paima ro Ahu, ndang na ro di ho i; asal diihuthon ho Ahu! 23 Asa sar ma tu angka dongan hata on: Ndang mate sisean on! Alai ndang didok Jesus: Ndang mate ibana. On do tahe didok: Molo na lomo rohangku, naeng mian ibana, paima ro Ahu, ndang na ro di ho i! 24 I ma sisean i na mangkatindangkon angka on djala manurathon, djadi huboto hami, na tutu do na hinatindangkonna i. 15:27 25 Alai lan dope na asing na binahen ni Jesus; aut sinurathon i sadasada, ra ndang siat di portibi on di rohangku angka buku na sinuratan i. 20:30