Bicolo Help from Above

/1 Alagad ipinamimidbid nin Dios an saiyang sadiring pagkamoot sa sato, huli ta kan kita magna parakasala pa, si Cristo nagadan dahel sato. Bago kan fiesta nin Pascua, si Jesus nakakaisi na nagdatong na an saiyang oras sa paghale digdi sa kinaban pasiring sa Ama, sia na namoot sa saiyang magna sadiri digdi sa kinaban, sia namoot sainda sagkod sa katapusan. Patin hale ki Jesu-Cristo, na iyo an maimbod na saksi, an pagnanay sa magna gadan, asin an poon nin magna hade sa daga; Sa saiya na namomoot sato, asin nagligtas sato sa satong magna kasalan huli kan saiyang dugo. Dai nin pagkamoot na omorog pa kaini, na itao nin tauo an saiyang buhay dahel sa saiyang magna katood. Huli ta an Dios namoot na gayo sa kinaban, na itinao nia an saiyang Aking bogtong, tagnaning an siisay man na minatubod sa saiya dai mapahamak, kundi magkaigua nin buhay na dai nin katapusan.

/2 Asin sa dai nin duadua, dakula an tagong-hilom nin kabanalan; Sia na nahayag sa laman, Pinapagkanigo sa espiritu, Nahiling nin magna angel, Ipinaghulit sa magna nacion, Tinubod sa kinaban, Inako sa kamurawayan. Sa kapinonan iyo an Tataramon, asin an Tataramon nasa kaibahan nin Dios, patin an Tataramon iyo an Dios. Asin an Tataramon naguin laman, asin nagerok sa tahao niato (asin nahiling ta an saiyang kamurawayan, kamurawayan na siring kan sa Aking bogtong nin Ama), pano nin biyaya asin katotoohan. Si Jesus nagsabi saiya, Haloy nang panahon na ako nasa saindo, asin dai ka tatao sako, Felipe? an nakahiling sako, nakahiling sa Ama; tadao ta nagsasabi ka, Pahilignan samo an Ama?. Dai ka minatubod na ako nasa Ama, asin an Ama nasa sako? An magna tataramon na isinasabi ko saindo, dai ko ipinagtataram hale sa sako man sana: kundi an Ama na nagdadanay sako nagguiguibo kan saiyang magna guibo.

/3 An siisay man na magpahayag na si Jesus iyo an Aki nin Dios, an Dios nagdadanay dian saiya, asin sia sa Dios. Huli ta sarong omboy na lalaki an ipinagnaki sa satuya, sarong omboy na lalaki an itinao sa satuya; asin ta yaon sa saiyang abaga an govierno aapodon: asin aapodon an saiyang gnaran na Makagnagnalas, Parahatol, Makosog na Dios, Amang daing katapusan, Principe nin katoninognan. Kan nagtataram pa sia, uya, an sarong maliwanag na pagnanoron naglindong sa sainda: asin, uya, an sarong tignog hale sa pagnanoron, na nagsasabi, Ini iyo an sakong namomotan na Aki, na sa saiya ako naoogma; hinaniogon nindo sia. Asin an angel nagsimbag asin nagsabi saiya, An Espiritu Santo madatong sa saimo, asin an kapangyarihan nin Kahorohalangkawe lilindognan ka: kaya man an banal na ipagnagnaki mo aapodon na Aki nin Dios.

/4 Si Jesus nagsabi sainda, Sa katotoohan, sa katotoohan, ako nagsasabi saindo, Dai pa namundag si Abraham, iyo na ako. Si Jesus gnani nagsabi sainda liwat, Sa katotoohan, sa katotoohan, ako nagsasabi saindo, Ako iyo an tata nin magna carnero. Mantang ako nasa kinaban, ako iyo an ilao nin kinaban. Ako inaapod nindo, Paratokdo, asin, Kagurangnan: asin marahay an pagkasabi nindo; huli ta ako iyo mannangad. Asin sia nagsabi sainda, Kamo magna taga ibaba; ako taga itaas: kamo magna taga digdi sa kinaban na ini; ako bakong taga digdi sa kinaban na ini. Si Jesus nagsabi sainda, Ako an tinapay nin buhay: an minadolok sa sako dai magogotom, asin an minatubod sa sako dai na nangad mapapaha. Si Jesus nagsabi saiya, Ako iyo an pagkabuhay liwat, asin an buhay: an minatubod sa sako, minsan magadan, mabubuhay.

/5 Asin kan mahiling nia an sarong poon nin higuera sa guilid nin dalan, dinuman nia idto; asin daing nakua sa saiya na anoman kundi magna dahon sana; asin idto sinabihan nia, Magpoon gnunian dai ka na magbugna sagkod noarin man; Asin tolos man an higuera naalang. Asin uya, an duang buta nakatukao sa guilid nin dalan, kan madagnog ninda na si Jesus nagaagui, nagkurahao, na an sabi, Kagurangnan, kaherake kami, ika na aki ni David; Asin huling nahero sa pagkaherak, dinotan ni Jesus an saindang magna mata; asin tolos man inako ninda an saindang pakahiling, asin sinda nagsonod saiya. Asin kan omontok na sia nin pagtaram, sia nagsabi ki Simon, Tulakan pa lawod, asin taktakan an saindong magna hikot. Asin si Simon nagsimbag asin nagsabi, Kagurangan, nagpagal na kami sa bilog na bangui, asin dai nakakua nin anoman: alagad sa tataramon mo itataktak ko an magna hikot. Asin kan maguibo na ninda ini, nakalaom sinda nin dakolon na sira; asin an saindang magna hikot nagguiguisi.

/6

free web site hit counter