Indjil daribe fili Matthejoes

1

1 Fina soelat-fena fili Isa Elmeseh, Daud nake anat-emhana, Ibrahim nake anat-emhana. 2 Ibrahim embanat haik Jitshak, toeha Jitshak embanat haik Jakoeb, toeha Jakoeb embanat haik Jehoeda toeha rine nake nahatro. 3 Toeha Jehoeda embanat haik Fares toeha Zara fili Tamar, toeha Fares embanat haik Esrom, toeha Esrom embanat haik Aram. 4 Toeha Aram embanat haik Aminadab, toeha Aminadab embanat haik Nahason, toeha Nahason embanat haik Salmon. 5 Toeha Salmon embanat haik Boäs fili Rahab, toeha Boas embanat haik Obed fili Roet, toeha Obed embanat haik Jisaï. 6 Toeha Jisaï embanat haik Daud Leber di, toeha Leber Daud embanat haik Soleman fili Oerija nake finha. 7 Toeha Soleman embanat haik Roboäm, toeha Roboäm embanat haik Abija, toeha Abija embanat haik Asa. 8 Toeha Asa embanat haik Josafat, toeha Josafat embanat haik Joram, toeha Joram embanat haik Ozijas. 9 Toeha Ozijas embanat haik Joätam, toeha Joätam embanat haik Ahas, toeha Ahas embanat haik Ezikija. 10 Toeha Ezikija embanat haik Manase, toeha Manase embanat haik Amon, toeha Amon embanat haik Josija. 11 Toeha Josija embanat haik Jechonija toeha rine nake nahatro, la beto langa gam Babel. 12 Toeha sepo fili langa gam Babel Jechonija embanat haik Salatijal, toeha Salatijal embanat haik Zorobabel. 13 Toeha Zorobabel embanat haik Abijoed, toeha Abijoed embanat haik Eljakim, toeha Eljakim embanat haik Azor. 14 Toeha Azor embanat haik Sadok, toeha Sadok embanat haik Achim, toeha Achim embanat haik Elijoed. 15 Toeha Elijoed embanat haik Eliäzar, toeha Eliäzar embanat haik Matan, toeha Matan embanat haik Jakoeb. 16 Toeha Jakoeb embanat haik Joesoef, gebha fili Marjam, toeha Marjam na embanat haik Isa, geba falngaan rine Elmeseh. 17 Gamdi enohon-enatin paskemak fili Ibrahim eta Daud fidi enohon-enatin polo geran pa, toeha fili Daud eta langa gam Babel fidi enohon-enatin polo geran pa, toeha fili langa gam Babel eta Elmeseh fidi enohon-enatin polo geranpa. 18 Toeha Isa Elmeseh nake emlomon di iha haik gamna: wahan la beto Marjam, rine nake ina, daelfina haik toeha Joesoef, lijoek fili sira doeepsijak, gamdi dafada Marjam dagali fili Roch Ribe. 19 Toeha Joesoef, nake gebha, wahan rine geba dadofo toeha danansoeka mo la poena emgeja Marjam toeha fada, gamdi rine dananoek haik la barahaik Marjam toeha emtoro. 20 Gamdi la beto rine dabananoek ije di fidi rine nake lalen, resek Toehan nake Adija epfosik haik la rine fidi emnipin, fene: he Joesoef, Daud nake anat-emhana, bara kai emtako ego Marjam di la kai namoek finha, wahan ije di, rine sale haik di, fili Roch Ribe. 21 Toeha rine sohek embanat anat-emhana emsijan, toeha kai sohek falngaan rine Isa, wahan rine sohek salgai nake fena fili sira noenoek dosaro. 22 Toeha ije di paskemak iha haik, olik daeptaun lijenkasen, nabi prepa haik fili Toehan, fene: 23 Resek, anat-emhoeka di sohek dagali toeha embanat anatemhana emsijan, toeha geba sohek falngaan rine Immanoeel, fidi bama geba enilik di nake arti: Allah toeha kami. 24 Gamdi sepo Joesoef hosak haik fili rine nake toron, rine poena haik gamna Toehan nake Adija enahoe haik la rine, toeha sale haik nake finha fehoet. 25 Boe Joesoef dabrangen mo la rine lijoek fili rine embanat haik nake anat-emhana manggiwa di, toeha rine kalak nake ngaan Isa.

2

1 Gamdi sepo geba embanat haik Isa fidi Bethlehem, foeka Jehoeda, la beto Leber Herodes epreta fidi, resek gebaro doeemtewa fili timo date haik fidi fena Jeroesalem toeha prepa, 2 Fene: Fido gebaro Jehoeda noenoek Leber fehoet, geba embanat haik rine? Wahan kami angak haik nake tolot fidi timo toeha kami kadoek haik la seba la rine. 3 Gamdi Leber Herodes datjaan haik di, rine dadike, toeha gebaro paskemak fidi Jeroesalem tongi doedike toeha rine. 4 Gamdi rine epsijak haik imamro noenoek gebharo toeha gebaro Jehoeda noenoek gebaro eptoke fili soelatro, toeha nika fili sira: Geba sohek embanat Elmeseh fido? 5 Toeha sira prepa haik la rine: Fidi Betlehem, foeka Jehoeda, wahan gamdi nabi di soela haik: 6 He Bethlehem, foeka Jehoeda, resek kai daroijen tirin mo fidi tif-tifoen djohoero fili Jehoeda, wahan fili kai sohek soeba Ratoe emsijan dasohek eptanak jako nau fena Jisrael. 7 Sepo di Herodes kalak haik gebaro doeemtewa di emtoro toeha lesdohi resek fili sira beto teni tolot di epfosik haik la sira. 8 Toeha rine sijoek haik sira iko gam Bethlehem toeha prepa: Kimi iko beka, hama gos-gosa anat-roijen di, toeha bama kimi beta haik rine, laik hambar la jako, olik Jako tongi kadoek toeha seba la rine. 9 Sepo sira tjaan haik Leber nake penahoen, gamdi sira iko haik, toeha resek, tolot di sira angak haik fidi timo, iko lijoek fili sira eta date toeha dejak-kerek fisaka neten di anat roijen di badifo. 10 La beto sira angak haik tolot di, gamdi sira doemihi-mihi toeha enmihin dahaat. 11 To^ha sira doeöso haik fidi hoema di, sira beta haik anatroijen di toeha Marjam, nake ina, toeha sira moho seba la rine toeha sira foeka haik sira noenoek koempang-elenro toeha ephatak la rine eflawan, komnijan toeha emoer. 12 Gamdi sepo Allah efhaik haik sira fidi emnipin, olik bara sira iko sakik la Herodes, gamdi sira oli haik gam sira noenoek foeka fidi tohon dikat emsijan. 13 Toeha la beto sira iko oli sakik haik, resek, Toehan nake Adija epfosik la Joesoef fidi emnipin toeha prepa: Hosak toeha ego anat-roijen di toeha nake ina, toeha heka gam Mitsir toeha badifo fidi, eta jako laik hambar la kai, wahan Herodes hama anat-roijen di la epmata rine. 14 Gamdi rine hosak toeha ego haik anat-roijen di toeha nake ina la beto, toeha iko haik gam Mitsir. 15 Toeha rifle badifo haik fidi eta Herodes nakе enmatan, olik daeptaun ije di, nabi di prepa haik fili Toehan, fene: Jako kalak haik jako nau anat-emhana soeba fili Mitsir. 16 Gamdi, sepo Herodes kita haik gebaro doeömtewa di poena goda haik rine, gamdi rine dasefen tirin, toeha rine sijoek haik ge baro la epmata anat-emhana paskemak fidi fena Bethlehem toeha bolboli fena di eta nake waut paskemak, fili ngahit roewa toeha fi pau filidi, eflaloek beto di, rine lesdohi haik resek fili gebaro doeemtewa di. 17 Toeha la beto di daeptaun haik ije di, nabi Jirmija prepa haik, fene: 18 Fidi Rama geba tjaan haik lijen emsijan, laun, tangi toeha edoeke demen, Rachel datangi wahan nake anatro, toeha rine danansoeka mo la geba ephiboer rine, wahan nake anatro samohe. 19 Gamdi, sepo Herodes damata haik, resek, Toehan nake Adija epfosik haik la Joesoef fidi emnipin fidi foeka Mitsir, toeha prepa, 20 Fene: Hosak toeha ego anat-roijen di toeha nake ina, toeha iko gam foeka Jisrael, wahan sira, doenansoeka epmata anat-roijen di, doemata haik. 21 Gamdi rine hosak toeha ego haik anat-roijen di toeha nake ina, toeha kadoek haik oso fidi foeka Jisrael. 22 Boe la beto rine tjaan, Archilaöes keha haik Leber fidi foeka Jehoeda la enilik nake ama Herodes, rine emtako la iko oso fidi, boe sepo Allah efhaik haik rine fidi emnipin, gamdi rine iko haik oso foeka Djalila. 23 Toeha rine date badifo haik fidi lena emsijan, nake ngaan Natsirat, olik daeptaun ije di, nabiro prepa haik, fene: Geba sohek kalak rine geba Natsirat.

3

1 Toeha la betoenro di kadoek haik Jahja, geba epenfoin, daeptoke fidi mowa-ngesa fidi foeka Jehoeda. 2 Toeha prepa, fene: epleli kimi nimik lalen, wahan sorgai nake ngaat-epreta dabrangen haik. 3 Toeha rine na geba di, nabi Jesaja prepa haik fili rine, fene: Fidi mowa-ngesa iha lijen emsijan fili geba dakalak: poena matak moestari la Toehan, poena dofo nake tohonro. 4 Toeha Jahja na nake elwani fili onta-folon toeha nake enheloetawan fili hewan-okon toeha nake ijenaan fidi fatitro toeha lewengwain fili mowa. 5 La beto di soeba haik iko hama rine geba paskemak fili Jeroesalem toeha fili foeka Jehoeda toeha fili neten paskemak doebol-boli wai Jarden. 6 Gamdi rine epenfoin haik sira fidi wai Jarden, bama sira eroek noenoek dosaro. 7 Toeha la beto rine angak geba demen fili gebaro Farisi toeha Sadoeki kadoek la rine nake enfoin, gamdi rine prepa haik la sira, fene: He kimi, kaspelel-anatro, sane eptoke haik la kimi, olik kimi heka salgai kimi nimik emsikan fili sefen dasohek kadoek? 8 Wahan di epfoewan beka foewanro eflaloek toeha eplelin-lalen. 9 Toeha bara kimi nanoek la prepa fidi kimi nimik lalen: Ibrahim, rine kami namik ama, wahan jako prepa la kimi: Allah daewasa la poena anatro la Ibrahim, mase fili fatoero na. 10 Toeha gomi damatak haik fidi kauro noenoek lahenro, gamdi kau-poen emsijan-emsijan daepfoewan mo foewanro doegosa, geba sohek taha toeha hefak di fidi bana. 11 Resek, jako epenfoin kimi toeha wai la eplelin-lalen, boe geba di dasohek kadoek palmoren fili jako, rine daewasa salijak fili jako toeha jako dagosa mo la wihi rine nake tjepatoe palmoren rine; rine na sohek epenfoin kimi toeha Roch ribe tongi toeha bana. 12 Rine nake sisat fidi nake fahan toeha rine sohek tjikoek nake gendoem-isin paskemak toeha sohek taho nake gendoem fidi nake hoema-kolon, boe gendoem-lafon di rine sohek poto sepo di toeha bana dabeta mata mo. 13 Toeha la beto di Isa kadoek haik fili Djalila gam wai Jarden la Jahja, olik Jahja epënfoin rine. 14 Boe Jahja emreha haik la rine fene: Patehen kai epenfoin jako, toeha kai kadoek la jako? 15 Boe Isa dasade, prepa haik la rine: Bara beka, wahan patehen gamdi kami eptauk ije dadofo paskemak. Gamdi Jahja poena eflaloek nake enlahan. 16 Sepo Jahja epenfoin haik Isa, til-tilo Isa keha haik fili wai, toeha resek lanit dafoeka haik la rine toeha rine angak Allah nake Roch toho toeha leïn gamna manoet-rahe toeha kadoek badifo fisaka rine. 17 Toeha resek ihadi haik lijen emsijan fili lanit daprepa: Rine na jako nau Anat-emhana damihik, la rine jako mihi.

4

1 Toeha sepo fili di Roch eptanak haik Isa oso fidi mowa-ngesa, olik Iblis epreha rine. 2 Gamdi sepo rine pee haik leja polo pa toeha beto polo pa, tame rine daglada haik. 3 Toeha geba epreha di dakadoek haik la rine toeha prepa: Bama kai Allah nake Anat-emhana, sijoek fatoero na leli eta poena roti. 4 Boe Isa sade haik, fene Dasoela haik: Fili roti emsikan rahek geba beta newen mo, boe fili lijenkasen emsijan-emsijan, dasoeba fili Allah nake fifin. 5 Sepo di Iblis ego eptanak haik rine gam fena daribe toeha epkerek rine fisaka kaäbah nake foenge. 6 Toeha prepa la rine: Bama kai Allah nake Anat-emhana, hefak kai namoek emsikan gam pau, wahan da soela haik, Allah sohek enahoe nake adijaro fili kai, gamdi sira sohek saloek-slolon kai, olik bara lae kai estoefa kai namoek kadan la fatoe emsijan. 7 Isa prepa haik la rine: Dasoela haik sakik: Bara kimi epreha Toehan, kimi nimik Allah. 8 Gamdi Iblis eptanak haik Isa sakik gam saka kakoe emsijan daêmkelen tirin, sepo di rine toke haik la Isa djoenai nake ngaatepreta paskemak toeha noenoek hokmaten; 9 Toeha prepa la rine: Ije paskemak na jako sohek laik la kai, bama kai balkofok seba la jako. 10 Gamdi Isa prepa la rine: Bijak fili jako, he Setan, wahan dasoela haik: Kimi sohek seba la Toehan, kimi nimik Allah toeha poena hormat la rine rahek. 11 La beto di Iblis sehek haik fili rine toeha resek, adijaro kadoek haik la leleän la Isa. 12 Toeha la beto Isa tjaan haik Jahja beta oso pandjara haik, gamdi rine oli sakik gam Djalila. 13 Toeha rine dapeba haik Natsirat kadoek haik badifo fidi Kapernahoem, daepteja fidi wai-gilin rana, fidi wautro fili foeka Zaboelon toeha Naftalim. 14 Olik daeptaun lijenkasen di, nabi Jesaja daprepa haik fene: 15 Foeka Zaboelon toeha foeka Naftalim, dabrangen fidi rana, fidi neinkahan fili wai Jarden, Djalila gebaro hindoe. 16 Fena di daepteja fidi permiten, angak haik naan dahaat emsijan, toeha la geba paskemak doeepteja fidi enmatan-foeka toeha enmatanninoen di, la sira keha haik naan emsijan. 17 Toeha fili beto di tame Isa eptoke haik geba, fene: Epleli kimi nimik lalen, wahan sorgai nake ngaat epreta dabrangen haik. 18 Toeha la beto Isa daïko fidi wai-gilin fili rana Djalila, gamdi rine angak geba roewa, sira nahatro, katewa Simon, dafalngaan Petroes toeha Andrejas nake nahat, toeha sira tatik noenoek bidoet fidi rana, wahan sira gebaro bidoek. 19 Gamdi Isa prepa la sira: Hai jako beka, toeha jako sohek poena kimi gebaro bidoek geba. 20 Toeha til-tilo sira doepeba noenoek bidoet hai haik rine. 21 Toeha sepo rine iko haik filidi rine angak haik nahat roewa dikat, fidi Jakoeb, Zebadejoes nake anat-emhana toeha Jahja nake nahat, sira fidi waga toeha sira noenoek ama Zebadejoes, doetilik noenoek bidoetro, toeha Isa kalak haik sira. 22 Toeha til-tilo sira peba haik sira noenoek waga toeha noenoek ama, sepo di sira hai haik rine. 23 Toeha Isa iko haik bol-boli foeka Djalila paskemak daeptoke fidi sira noenoek kanisahro toeha daedohi la sira Indjil fili ngaat-epreta di, toeha dapoena gosa sakik geba demen noenoek espanen paskemak toeha empe paskemak. 24 Toeha rine nake hambar soeba haik fili di iko bol-boli eta fidi foeka Soerija paskemak, toeha geba eptanak haik la rine geba daem pe paskemak, toeha espanen toeha empe pelehet, toeha gebaro doebeta fili setan, toeha gebaro doeempe foelan, toeha gebaro eleken, toeha rine poena gosa haik sira paskemak. 25 Toeha geba demen hai haik rine fili foeka Djalila, toeha fili Dekapolis, toeha fili Jeroesalem toeha Jehoeda toeha fili wai Jarden nake neinkahan.

5

1 Toeha la beto Isa angak haik geba deraen, rine keha haik gam saka kakoe roijen emsijan, toeha sepo rine daepteja haik fidi, rine nake moeridro kadoek haik brangen la rine. 2 Toeha sepo filidi rine foeka haik nake fifin, rine eptoke haik sira, fene: 3 Eslamat doeöentoen gebaro doeepkasija fidi lalen, wahan la sira sorgai nake ngaat-epreta. 4 Eslamat doeöentoen gebaro doeedoeke, wahan sira sohek beta hiboer. 5 Eslamat doeöentoen gebaro lalen daemloeba, wahan sira sohek ka ijenein bipolo. 6 Eslamat doeöentoen gebaro doeglada toeha doemakasan la endofon, wahan sira sohek ka eta oehan. 7 Eslamat doeöentoen gebaro doemoesik, wahan sira sohek beta moesik. 8 Eslamat doeöentoen gebaro lalen daribe, wahan sira sohek angak Allah. 9 Eslamat doeöentoen gebaro doeeplalen gosa sakik, wahan geba sohek falngaan sira Allah nake anatro. 10 Eslamat doeöentoen gebaro di, fidi geba ephaga sira wahan endofon, wahan la sira sorgai nake ngaat epreta. 11 Eslamat doeöentoen kimi, bama geba eploemak kimi toeha ephaga kimi, tongi toeha dagoda prepa boho pelehet eplawan kimi wahan jako. 12 Mihi-mihi beka toeha rehek beka, wahan kimi nimik sewa sohek dahaat fidi sorgai, wahan gamdi geba ephaga haik nabiro, doebanewen haik lijoek fili kimi. 13 Kimi na djoenai nake sasi, bama sasi di dawamowa haik, toeha teni geba emtai poena di dasasi sakik? Fidi dagosa la ije emsijan samohe, moik la hefak fidi lakakoe, olik geba pehek di. 14 Kimi na djoenai naka naan; fena emsijan, geba poena haik di fisaka kakoe, beta daprefoni mo. 15 Tongi bijasa mo geba pefa palita toeha taho fipau tibi emsijan, boe fisaka palita-kadan, gamai palita dasida la geba paskemak fidi hoema di. 16 Gamdi tongi kimi, poena kimi nimik naan sida la geba pas kemak, olik sira beta angak kimi nimik poena-nei dagosa, toeha sira poena hokmaten la kimi nimik Ama fidi sorgai. 17 Bara kimi nanoek jako kadoek haik la hoedak Penahoen di toeha Nabiro noenoek soelatro; jako kadoek mo la hoedak di, boe la eptaun di. 18 Wahan resek jako prepa la kimi, eta lanit toeha bipolo doedifoek, fili Penahoen di titi emsijan mo pi hoeroef emsijan mo sohek difoek, eta ije paskemak di daeptaun haik. 19 Gamdi sane hoedak emsijan fili penahoen daroijen tirin paskemak na toeha eptoke di la geba gamdi, geba sohek kalak rine daroijen salijak fili geba dikat fidi sorgai nake ngaat epreta; boe sana sohek poena toeha eptoke eflaloek di, geba sohek kalak rine dahaat fidi sorgai nake ngaat epreta. 20 Wahan jako prepa la kimi, bama kimi nimik endofon dagidin mo salijak fili gebaro doeemtewa soelatro toeha gebaro Farisi noenoek endofon, kimi sohek oso mela beka fidi sorgai nake ngaat epreta. 21 Kimi tjaan haik lijenkasen la gebaro la beto belbalak: Bara kimi epmata, boe sane epmata patehen rine beta siksa fili boton-fisara. 22 Boe jako prepa la kimi, sane dasefen toeha dofo mo la nake nahat, patehen rine beta siksa fili boton-fisara; toeha sane prepa la nake nahat: geba wapoen bado, patehen rine beta siksa fili boton-fisara dahaat; boe sane prepa: geba lalen-boho, patehen rine beta siksa fidi naraka nake bana. 23 Wahan di la beto kai eptanak kai namoek enseban gam seba-elen; toeha fidi kai dananbeta kai namoek nahat dagosa mela toeha kai, 24 Gamdi peba beka kai namoek enseban di la seba-elen, toeha iko beka lijoek la eplalen-gosa sakik toeha kai namoek nahat, tame sepo di kai kadoek beka la ephatak kai namoek enseban. 25 Eplalen-gosa geda-geda toeha kai namoek nahas, la beto kai tongi fidi tohon toeha rine, olik lae bara nahas di renga kai la geba daprepa lalijet, toeha geba daprepa lalijet renga kai la opas, toeha opas hefak kai fidi pandjara. 26 Resek jako prepa la kai, kai sohek soeba fili di mela beka, moik kai sili haik kai namoek moetan paskemak sep-sepo eta matan geran samohe. 27 Kimi tjaan haik lijenkasen la gebaro lijoek-lijoek: Bara kimi dengbohot. 28 Boe jako prepa la kimi geba emsijan-emsijan daängak la anatfina emsijan toeha rana la rine, fidi rine nake lalen rine dengbohot haik toeha geba di. 29 Wahan di bama kai namoek raman-wana epkadoek salah la kai, siwa toeha hefak raman di fili kai, wahan dagoena salijak la kai emsijan filikai namoek fitinro difoek, fili kai namoek fatan paskemak beta oso fidi naraka. 30 Toeha bama kai namoek fahan-wana epkadoek salah la kai, fasak toeha hefak fahan di fili kai, wahan dagoena salijak la kai emsijan fili kai namoek fitinro difoek, fili kai namoek fatan paskemak beta oso fidi naraka. 31 Tongi geba prepa haik, geba emsijan-emsijan daepsamak fili rine nake finha, patehen rine laik, soelat-epsamak la anat-fina di. 32 Boe jako prepa la kimi, geba emsijan-emsijan daepsamak fili nake finha, moik rahek wahan nake finha dadengbohot haik, rine poena nake finha geba dengbohot; toeha geba emsijan-emsijan daepsijak toeha anat-fina daepsamak haik di, rine tongi dengbohot. 33 Toeha kimi tjaan haik tongi daprepa la gebaro lijoek-lijoek, bara kimi epleli mane di, boe patehen kimi gawe gos-gosa kimi nimik mane la Toehan. 34 Boe jako prepa la kimi, mane mela beka, bara toeha tanit, wahan di Allah nake lalijet-koersija. 35 Tongi bara toeha bipolo, wahan di Allah nake kadan-lapin; tongi bara toeha Jeroesalem, wahan di Leber dahaat nake fena. 36 Tongi bara kimi mane toeha kimi nimik olon, wahan kimi doeemtai mo la poena boti pi miten kimi nimik olon-folon, eta walan emsijan samohe. 37 Boe patehen kimi nimik lijenkasen: ehe, fidi ehe, toeha: mohe, fidi mohe, wahan lijenkasen salijak fili di, fidi fili Boho di. 38 Kimi tjaan haik geba prepa haik, raman epsili raman, toeha ngisin epsili ngisin. 39 Boe jako prepa la kimi, bara eplawan geba daboho, boe sane fíale kai fidi papanwana, epleli la rine papan dikat sakik. 40 Toeha bama geba emsijan nansoeka poena fisara toeha ego kai namoek laboe, laik kai namoek wagon tongi la rine. 41 Toeha bama geba emsijan nansoeka kelé kai iko breman paal emsijan, iko toeha rine paal roewa. 42 Bama geba emsijan laha fili kai, laik la rine, toeha bama geba nansoeka lahak fili kai, bara kai emreha. 43 Kimi tjaan haik geba prepa haik, patehen kimi mihik kimi nimik emroko, toeha emgihik kimi nimik nahas. 44 Boe jako prepa la kimi, mihik kimi nimik nahasro, laha berkat la gebaro doetaloek la kimi, poena gosa la gebaro doeemgihik kimi, toeha salawatoe la gebaro doepoena boho la kimi toeha doeephaga kimi. 45 Olik kimi beta iha anatro fili kimi nimik Ama fidi sorgai, wahan rine epsoeba nake leja fisaka gebaro boho toeha gebaro gosa, tongi rine laik dekat la gebaro doedofo toeha la gebaro doedofo mo. 46 Wahan bama kimi mihik gebaro doemihik kimi, teni kimi nimik sewa? Gebaro doesale beja tongi poena gamdi mohe? 47 Toeha bama kimi prepa tabeja la kimi nimik nahatro rahek, teni kimi poena salijak fili geba geran? Gebaro doesale beja tongi poena gamdi mohe? 48 Gamdita patehen kimi doeresek, gamna kimi nimik Ama fidi sorgai daresek.

6

1 Nanbeta, bara kimi laik kimi nimik enlait la gebaro noenoek poepenlalen, olik sira angak di, wahan gamdi kimi beta sewa mo fili kimi nimik Ama fidi sorgai. 2 Wahan di bama kimi laik enlait, bara sijoek geba opi folit la kai, gamna gebaro doegoda poena fidi Kanisahro toeha fidi moestariro, olik geba laik hormat la sira. Resek jako prepa la kimi, sira beta haik sira noenoek sewa. 3 Boe bama kimi laik enlait, bara kimi nimik fahan-bali tewa, kimi nimik fahan-wana poena teni. 4 Olik kimi nimik enlait ihadi prefoni, gamdi kimi nimik Ama, daängak ije paskemak fidi prefoni sohek pesnimoe ije di la kai toeha fada. 5 Toeha bama kimi salawatoe, bara kimi poena gamna gebaro doegoda, wahan sira mihi kerek fidi Kanisahro toeha fidi moestariro noenoek esloeket la salawatoe, olik geba sohek angak sira. Resek jako prepa la kimi, sira beta haik sira noenoek sewa. 6 Boe kimi na, bama kimi nansoeka salawatoe, oso fidi kimi nimik eslikoet, trego kimi nimik soeboe, toeha salawatoe la kimi nimik Ama, daïha fidi elet prefoni di, gamdi kimi nimik Ama daangak fidi elet prefoni, sohek pesnimoe di la kimi toeha fada. 7 Toeha bama kimi salawatoe, bara kimi tingidi lijenkasen demen sakik-sakik, gamna gebaro hindoe, wahan sira nanoek, sira sohek beta ije di, sira laha, wahan sira noenoek lijenkasen demen. 8 Wahan di bara kimi hai eflaloek sira noenoek bijasa, wahan kimi nimik Ama tewa ije paskemak doegoena la kimi, lijoek fili kimi salawatoe la rine. 9 Wahan di kimi salawatoe beka gamna: Kami namik Ama fidi sorgai! Geba epribe kai namoek ngaan. 10 Kai namoek ngaat epreta kadoek; geba poena kai namoek nansoeka, gamna fidi sorgai, gamdi fisaka bipolo. 11 Laik la kami kami namik ijenaan betoen emsijan-emsijan la betoen na. 12 Toeha laik ampon la kami fili kami namik salah, gamna kami tongi laik ampon la gebaro doepoena salah haik la kami. 13 Toeha bara eptanak kami fidi enrehan, boe salgai kami fili boho di; wahan kai namoek ngaat epreta toeha ewasa toeha hokmaten eta remak. Amin. 14 Wahan bama kimi laik ampon la gebaro fili sira noenoek salahro, gamdi kimi nimik Ama fidi sorgai sohek laik ampon la kimi. 15 Boe bama kimi laik ampón mo la gebaro fili sira noenoek salahro, gamdi kimi nimik Ama fidi sorgai sohek laik ampon mo la kimi fili kimi nimik salahro. 16 Toeha bama kimi peë, bara kimi poena poepenlalen damilo, gamna gebaro doegoda, wahan sira epleli poena boho sira noenoek poepenlalen, olik gebaro sohek angak la sira la beto sira pèë. Resek jako prepa la kimi, sira beta haik sira noenoek sewa. 17 Boe kimi na, bama kimi pèë, talio wain fidi kimi nimik olon toeha hobo kimi nimik poepenlalen. 18 Olik bara gebaro angak di la kimi, la beto kimi pèë, boe olik kimi nimik Ama, daïha fidi elet prefoni, angak di; gamdi kimi nimik Ama, daängak fidi elet prefoni, sohek pesnimoe di la kimi toeha fada. 19 Bara kimi epsijak koempangro la kimi nimik emsikan fisaka bipolo na, elet di soesel toeha momoltain poena potaik ije di, toeha gebaro epnakan kalik toeha epnakan. 20 Boe epsijak beka koempangro la kimi nimik emsikan fidi sorgai, elet di soesel toeha momol-tain poena potaik mo íje di, toeha gebaro epnakan kalik mo toeha epnakan mo. 21 Wahan fidi elet di kimi nimik koempangro, fidi sohek iha kimi nimik lalen. 22 Raman di fatan nake naan. Bama kimi nimik raman dagosa, gamdi kimi nimik fatan paskemak sohek danaan. 23 Boe bama kimi nimik raman daboho, gamdi kimi nimik fatan paskemak sohek damiten. Gamdi bama naan di, daïha fidi kimi, damiten haik, haat gamdo sohek iha permiten emsikan? 24 Geba emsijan samohe beta tjaan fi pau tobon roewa, wahan rine sohek emgihik la emsijan, toeha rine sohek mihik la dikat, pi rine sohek dikek la emsijan toeha rine sohek bohik la dikat. Kimi beta tjaan mo fi pau Allah toeha fi pau Mammon di. 25 Wahan di jako prepa la kimi, bara kimi doesoesah fili kimi nimik ennewen, kimi sohek ka teni, toeha kimi sohek ino teni; toeha bara fili kimi nimik fatan, kimi sohek tingidi elwani teni. Ennewen di dafoek mohe fili ijenaan, toeha fatan fili elwani? 26 Bafak la manoetro fi pau lanit, manoetro di safoek mo toeha lopo mo, tongi epsijak mo lafat fidi hoema-kolon; boe kimi nimik Ama fidi sorgai bowa manoetro di. Kimi dafoek mohe fili ma noetro di? 27 Sane fili kimi toeha nake soesah beta epfahe sikoe-kemat emsijan la rine nake ennewen nake rema? 28 Toeha gamdo kimi doesoesah fili elwani? Bafak la toetoenro bakoeng fidi mowa-ngesa, gamdo toetoenro di epsinan toeha doepoena nei mo, toeha tongi doepoena base mo; 29 Toeha jako prepa la kimi, tongi Soleiman toeha nake hokmaten paskemak tingidi elwani dagosa mo gamna emsijan fili toetoenro na. 30 Toeha bama Allah ephiboek gamdi mehet di fidi mowa-ngesa, dabanewen la betoen na toeha la soepan geba hefak di fidi banawedoe, gamdo Allah sohek laik mohe elwani la kimi, he gebaro doepertjaja roi-roijen? 31 Wahan di bara kimi doesoesah toeha prepa: Kami sohek ka teni? pi: Kami sohek ino teni? pi: Kami sohek tingidi elwani teni? 32 Wahan gebaro hindoe hama ije paskemak na; wahan kimi nimik Ama fidi sorgai tewa, kimi oesah ije paskemak di. 33 Boe kimi hama beka lijoek sorgai nake ngaat epreta toeha nake endofon, toeha ije paskemak na sohek daepfahe la kimi. 34 Wahan di bara kimi doesoesah fili betoen soepan, wahan betoen soepan di sohek tewa nake soesah emsikan, toeha betoen emsijanemsijan nake soesah eta demen.

7

1 Bara kimi prepa lalijet la geba, olik bara kimi beta lalijet. 2 Wahan gamna kimi prepa lalijet, gamdi kimi sohek beta lalijet, toeha gamna kimi nimik isbénan la gebaro, gamdi kimi sohek beta isbénan la kimi. 3 Toeha gamdo kai kita isinan fidi kai namoek nahat nake raman, boe kau-foewan di fidi kai namoek raman emsikan, kai tewa mo? 4 Pi gamdo kai daemtai prepa la kai namoek nahat gamdi: Mahek jako fai isinan di soeba fili kai namoek raman, toeha resek, fidi kai namoek raman kau-foewan emsijan? 5 He geba goda! fai lijoek kau-foewan di fili kai namoek raman emsikan, tame kai sohek reha fai isinan di fili kai namoek nahat nake raman. 6 Bara laik ije daribe la asoero, toeha bara hefak kimi nimik moetijararo la fafoero, olik bara lae fafoero pehek di toeha noenoek kadanro, toeha doeleli noenoek emsikan fegak kimi. 7 Laha, toeha Allah sohek laik la kimi, hama, toeha kimi sohek beta, pesrekak toeha Allah sohek foeka soeboe la kimi. 8 Wahan geba emsijan-emsijan dalaha, rine sale; toeha geba emsijan-emsijan dahama, rine beta; toeha geba emsijan-emsijan dapesrekak, Allah sohek foeka soeboe la rine. 9 Pi geba sane fidi tif-tifoen kimi, bama nake anat laha roti la rine, sohek laik fatoe emsijan la rine? 10 Toeha bama anat laha ethamet fili rine, sohek laik inewit la rine? 11 Wahan di bama kimi, gebaro doeboho, tewa laik enlaitro doegosa la kimi nimik anatro, gamdo pila dafoek fili di kimi nimik Ama fidi sorgai sohek laik ijero doegosa la gebaro doelaha di fili rine? 12 Wahan di ije paskemak di kimi nansoeka geba sohek poena la kimi, gamdi kimi tongi poena beka la sira, wahan gamdi teden fili Penahoen di toeha nabiro noenoek soelatro. 13 Oso beka fidi soeboe damehe; wahan daeslada soeboe di toeha dasisin tohon di daeptanak gam enpotaik, toeha geba demen oso fili di. 14 Wahan soeboe di damehe toeha tohon daëskapi daeptanak gam ennewen toeha geba roi-roijen rahek beta di. 15 Toeha nanbeta kimi fili nabiro doegoda doekadoek la kimi toeha doepoena noenoek emsikan gamna dombaro, boe fidi sira noenoek lalen sira gamna harimau dafegak. 16 Fili sira noenoek foewanro kimi sohek tewa sira. Geba beta lopo anggor-foewanro fili . laka-pangan, pi ara-foewanro fili kau-poen pangan? 17 Gamdi kau-poen dagosa emsijan-emsijan epfoewan foewanro doegosa toeha kau-poen daboho epfoewan foewanro doeboho. 18 Kau-poen dagosa emsijan beta epfoewan mo foewanro doeboho, toeha kau-poen daboho emsijan beta epfoewan mo foewanro doegosa. 19 Kau-poen emsijan-emsijan, daepfoewan mo foewanro doegosa, geba taha toeha hefak di fidi bana. 20 Gamdi kimi sohek tewa sira fili sira noenoek foewanro. 21 Mohe geba emsijan-emsijan daprepa la jako: ja Toehan, ja Toehan! sohek oso fidi sorgai nake ngaat-epreta, boe geba di dapoena jako nau Ama fidi sorgai nake nansoeka. 22 Geba demen sohek prepa la jako la betoen di: ja Toehan, ja Toehan, kami fotok haik mo toeha kai namoek ngaan? toeha kami hefak haik mo Setan pil-pila toeha kai namoek ngaan? toeha kami poena haik mo poena-nei epdone toeha kai namoek ngaan? 23 Toeha jako sohek prepa la sira toeha fada la betoen di: jako tewa haik kimi mela; bijak fili jako, kimi doepoena ije daboho di. 24 Wahan di geba emsijan-emsijan datjaan jako nau lijenkasenro na toeha hai poena eflaloek di, jako sohek epnges-ngesa rine toeha geba daemtewa emsijan dafedak nake hoema fisaka fatoe-fogo. 25 Toeha toho haik dekat esbeboe toeha wai dabai haik toeha memlawen opi haik toeha doefe haik la hoema di, boe hoema di dolak haik mo, wahan geba poena haik di fisaka fatoe-fogo. 26 Toeha geba emsijan-emsijan datjaan jako nau lijenkasenro na, toeha hai mo poena eflaloek di, jako sohek epnges-ngesa rine toeha geba dabele emsijan dafedak nake hoema fisaka ena. 27 Toeha dekat esbeboe toho haik, toeha wai dabai haik, toeha menlawen opi haik toeha doefe haik la hoema di, toeha hoema di dolak haik toeha nake endolak dahaat. 28 Gamdi sepo Isa prepa haik lijenkasenro na, geba demen di doeepdone tirin fili rine nake entoken. 29 Wahan rine eptoke sira, gamna geba daewasa toeha mo gamna gebaro eptoke fili soelatro di.

8

1 Toeha sepo Isa toho haik fili kakoe di, gamdi geba demen hai haik rine. 2 Toeha resek, geba dadehen emsijan kadoek haik toeha seba la rine toeha daprepa: ja Toehan, bama kai nansoeka, kai daemtai poena ribe jako. 3 Toeha Isa datoeke nake fahan, elauk haik rine, daprepa: Jako nansoeka kai daribe. Toeha til-tilo rine daribe fili rine nake dehen. 4 Toeha Isa prepa la rine: Matketa, bara kai prepa di la geba, boe iko beka, toke beka kai namoek emsikan la imam toeha ephatak enseban di, gamna Moesa enahoe haik la etan emsijan la sira. 5 Sepo Isa oso haik fidi fena Kafernahoem, gamdi geba-haat fili geba-eplatan oetoen kadoek la rine toeha laha la rine, 6 Fene: ja Toehan, jako nau geba lelejan dabagi fidi h'oema toeha empe-eleken, toeha rine emte pe tirin-tirin. 7 Toeha Isa prepa la rine: Jako sohek kadoek toeha poena gosa sakik rine. 8 Toeha geba haat fili geba eplatan oetoen di sade, fene: ja Toehan, jako dagosa mo kai oso fi pau jako nau hoema-atet, boe prepa beka lijenkasen emsijan rahek, gamdi jako nau geba lelejan sohek dagosa sakik. 9 Wahan jako tongi geba emsijan fi pau epreta, toeha fi pau jako gebaro eplatan; toeha jako prepa la geba emsijan: Iko, gamdi rine iko, toeha la geba dikat: Gammahek, gamdi rine kadoek; toeha la jako nau geba lelejan: Poena di, gamdi rine poena. 10 Toeha la beto Isa tjaan di, rine daepdone toeha prepa la gebaro doehai rine: resek jako prepa la kimi, jako beta haik mehede pertjaja emsijan dahaat gamdi, mase fidi tif-tifoen gebaro Jisrael. 11 Boe jako prepa la kimi: Geba demen sohek kadoek fili Timo toeha fili Fahat toeha sohek epteja nges-ngesa toeha Ibrahim, toeha Jitshak, toeha Jakoeb fidi sorgai nake ngaat epreta. 12 Toeha ngaat epreta di nake anatro (Allah) sohek hefak sira fidi lakakoe oso fidi permiten toeni, fidi sohek iha tangi toeha ngisin-riken. 13 Toeha Isa prepa la geba haat fili geba-eplatan oetoen di: Iko, oli beka, toeha kai sohek beta, gamna kai pertjaja haik. 14 Toeha la beto Isa oso haik fidi Petroes nake hoema, rine angak haik Petroes nake kete-fina dabagi rine damoti. 15 Toeha Isa gawe nake fahan, gamdi moti peba haik rine, toeha anat-fina di hosak toeha lelejan sira. 16 Toeha sepo emhawen haik, geba eptanak haik la rine geba demen, doebeta fili Setan toeha rine hefak soeba setanro toeha lijenkasen rahek, toeha poena gosa sakik geba daempe paskemak. 17 Olik sohek daeptaun haik ije di Jesaja, nabi di, prepa haik, fene: Rine ego haik kami namik espanenro, toeha rine wada haik kami namik empe paskemak. 18 Gamdi la beto Isa angak geba demen demen bol-boli rine, gamdi rine sijoek iko sobak gam neinkahan. 19 Gamdi dakadoek geba eptoke fili soelatro emsijan toeha prepa la Isa: ja Geba eptoke, jako sohek hai kai, fido-fido kai iko. 20 Boe Isa prepa la rine: la kamijohoro noenoek fefanro, toeha la manoetro noenoek pahanro, boe la Geba-Anat nake elet mo la taho nake olon. 21 Toeha geba dikat emsijan fili rine nake moeridro prepa la rine: ja Toehan, laik la jako, jako iko oli lijoek la tefak jako nau ama. 22 Boe Isa prepa la rine: Hai jako beka, toeha laik gebaro mata tefak sira noenoek gebaro mata beka. 23 Toeha la beto rine keha waga haik, gamdi rine nake moeridro hai haik rine. 24 Toeha resek, menlawen emsijan datoho poena wai-rana di daenhein, eta wafataro trego haik waga di, boe Isa dabage toron. 25 Toeha nake moeridro doekadoek, ephosak haik rine toeha prepa: Ja Toehan, sibi kami, kami potaik. 26 Toeha rine prepa la sira: Gamdo kimi emtako, gebaro doepertjaja roi-roijen? Sepo di rine hosak haik toeha efhaik enjopi toeha rana, gamdi daderen gos-gosa haik. 27 Gamdi gebaro paskemak doeepdone haik toeha prepa: Rine na gamdo eta tongi enjopi toeha rana tjaan rine? 28 Toeha la beto rine kadoek haik date fidi neinkahan fidi foeka gebaro Djadara, gamdi dobon haik toeha rine geba roewa doebeta fili setan, doesoeba fili kaunro toeha sira doesefen boho tirin, eta geba emsijan mo beta iko bijoek fidi tohon di. 29 Toeha resek, sira kalak haik, fene: he Isa, kai Allah nake anatemhana, teni kami namik ije toeha kai? Kai kadoek haik fina la poena pe la kami lijoek fili nake beto? 30 Toeha breman fili sira, fafoero wahen emsijan ihadi haik, dahama ijenaan fidi. 31 Gamdi setanro di laha fili rine, fene: Bama kai nansoeka hefak kami soeba, laik la kami, kàmi oso fidi fafoero wahen di. 32 Gamdi rine prepa la sira: Iko beka. Toeha sira doesoeba oso haik fidi fafoero wahen di. Toeha resek, fafoero paskemak di moho haik fili kakoe-geren daepkerek fidi rana toeha mata haik fidi wai. 33 Toeha gebaro doeïbik di heka haik, toeha la beto sira osa haik fiidi fena, sira laik hambar ije paskemak di, tongi fili gebaro doebeta fili setan. 34 Toeha resek, fena nake geba paskemak soeba haik la dobon toeha Isa, toeha la beto sira angak rine, sira laha olik rine nansoeka sehek soeba fili sira noenoek foeka nake wautro.

9

1 Toeha rine dakeha oso waga iko sobak gam neinkahan toeha kadoek fidi rine nake fena emsikan. 2 Toeha resek, gebaro eptanak haik la rine geba daeleken emsijan dabage fidi elet-bage emsijan; gamdi Isa daängak sira noenoek pertjaja, prepa haik la geba daeleken: poena nenek kai namoek lalen, he anat, kai beta ampon fili kai namoek dosa. 3 Toeha resek, gebaro eptoke fili soelatro pil-pila prepa haik fidi sira noenoek lalen: Geba na oegi Allah. 4 Toeha Isa daängak sira noenoek nanoekro, prepa haik: Gamdo kimi nandohi ije daboho fidi kimi nimik lalen? 5 Teni daemhama dafoek la prepa: Kai beta ampon fili kai namoek dosaro? pi la prepa: Hosak kerek toeha iko beka? 6 Boe olik kimi beta tewa, Geba-anat daewasa fisaka bipolo la laik ampon fili dosaro (la beto di Isa prepa la geba daeleken di): Hosak kerek, toek kai namoek elet-bage toeha oli beka gam kai namoek hoema. 7 Gamdi rine hosak haik toeha oli gam nake hoema. 8 Toeha la beto gebaro demen angak di, sira doeep done haik toeha rehek haik Allah, doelaik haik ewasa gamdita la gebaro. 9 Toeha sepo Isa iko haik bijoek filidi, rine angak geba emsijan, daepteja fidi hoema-beja, rine nake ngaan Matthejoes, toeha Isa prepa la rine: Hai jako beka. Gamdi rine hosak kerek haik toeha hai Isa. 10 Toeha la beto Isa epteja haik fidi hoema la ka, resek, geba demen doesale beja toeha gebaro baldosa kadoek haik toeha epteja haik nges-ngesa toeha Isa toeha nake moeridro. 11 Toeha gebaro Farisi doeängak fidi, prepa haik la nake moeridro: Gamdo kimi nimik Geba eptoke ka toeha gebaro doesale beja toeha gebaro baldosa? 12 Boe Isa datjaan di, prepa haik la sira: Geba fatan dagosa oesah mo geba emkaten, moik gebaro doeempe. 13 Boe kimi iko beka, hama tewa ije na nake arti: Jako nansoeka epemloeban toeha mela ensebanro. Wahan jako kadoek haik mo la kalak gebaro doedofo, boe gebaro baldosa la eplelin-lalen. 14 La beto di Jahja nake moeridro kadoek haik la rine, fene: Wahan teni kami toeha gebaro Farisi pée demen, moik kai namoek moeridro pèë mo? 15 Gamdi Isa prepa la sira: Gamdo, emsawan-tobon nake sabatero beta doeedoeke la beto emsawan-tobon tongi badifo toeha sira? Boe betoenro di sohek kadoek, la beto geba sohek ego emsawan-tobon fili sira, la beto di sira sohek pée. 16 Geba emsijan samohe tilik elwani danosit toeha engan dafehoet dahenek mehede, wahan nake engan daeppisnau haik fegak ije emsijan fili elwani di toeha gamdi nake enhidak dahaat dafoek. 17 Tongi geba taho mo anggor-wain dafehoet fidi kadoetro-okon doenosit, wahan eptewak dikat kadoetro-okon fola toeha anggor-wain toefak toeha kadoetro-okon potaik, boe geba taho anggor-wain dafe hoet fidi kadoetro-okon doefehoet, gamdi roewa-roewa boedifo gosa. 18 Toeha la beto Isa prepa ije paskemak na la sira, resek, geba haat emsijan kadoek haik daseba la rine, fene: Jako nau anat-fina damata haik tatagaha, boe kadoek toeha taho kai namoek fahan la line, gamdi rine sohek banewen. 19 Toeha Isa dahosak haik, hai rine toeha nake moeridro. 20 Toeha resek, fidi anat-fina emsijan daempe raha-mano ngahit polo geran roewa dakadoek la rine fili palmoren, elauk haik rine nake laboe-gilin. 21 Wahan rine prepa fidi rine nake lalen: Bama jako elauk nake laboe-gilin rahek, gamdi jako sohek gosa sakik. 22 Toeha Isa daleli nake emsikan toeha daängak rine, prepa haik: Poena nenek kai namoek lalen, he anat-fina, kai namoek pertjaja piragoet haik kai. Toeha anat-fina di dagosa sakik fili torowahe dibedi. 23 Toeha la beto Isa oso fidi geba haat di nake hoema, rine angak gebaro wantoro toeha geba demen doehejan. 24 Gamdi rine prepa la sira: Iko beka, wahan anat-fina na damata mo, boe rine bage. Gamdi sira mali rine. 26 Toeha sepo Isa pedoi haik geba demen di, rine oso haik toeha gawe nake fahan; gamdi anat-fina di hosak haik. 26 Toeha hambar na soeba haik eta fidi foeka paskemak di. 27 Toeha la beto Isa iko haik filidi, gamdi geba roewa raman per miten hai haik rine, doekalak, fene: Ja Daud nake Anat-emhana, moesik la kami. 28 Toeha sepo Isa oso haik fidi hoema, geba roewa raman permiten kadoek haik la rine. Toeha Isa prepa haik la sira: Kimi pertjaja jako daemtai la poena di? Sira prepa haik la rine: Ehe, Toehan! 29 La beto di rine elauk haik sira noenoek raman toeha prepa: Kimi beta beka, gamna kimi pertjaja. 30 Toeha sira noenoek raman doeepfoeka haik. Toeha Isa efhaik haik sira resek, fene: Nanbeta, bara geba emsijan tewa di. 31 Boe sira, doesoeba haik, laik hambar fili rine fidi foeka pas kemak di. 32 Toeha la beto sira soeba, resek, geba eptanak la rine geba em sijan dasaslijen toeha dabeta fili setan. 33 Toeha sepo Isa hefak haik soeba setan di geba dasaslijen prepa haik. Toeha geba demen doeepdone haik, fene: Lalen sa mehede geba angak haik ije gamdi fidi, tif-tifoen geba Jisrael. 34 Boe gebaro Farisi prepa haik: Rine hefak soeba setanro toeha setanro noenoek geba haat nake ewasa. 35 Toeha Isa iko haik bolboli fena paskemak toeha hoema-lolen paskemak toeha eptoke haik geba fidi sira noenoek Kanisahro toeha edohe fili Indjil fili Allah nake ngaat epreta toeha rine poena gosa sakik gebaro noenoek espanen toeha empe paskemak. 36 Toeha rine, daängak geba demen di, tjaan moesik fidi rine nake lalen, wahan sira doeemlo toeha doedilnaik, gamna dombaro doegombala samohe. 37 La beto di rine prepa haik la nake moeridro: Resek penjala dahaat, boe gebaro poena nei moik roi-roijen. 38 Wahan di salawatoe beka la Toehan, penjala-tobon, olik rine sijoek gebaro poena nei oso fidi rine nake penjala.

10

1 Toeha Isa dakalak haik nake moerid polo geran roewa, rine laik haik ewasa la sira fisaka setan paskemak, la sira hefak soeba setanro di, toeha la poena gosa sakik espanen paskemak toeha empe paskemak. 2 Toeha ngaanro fili Rasoel polo geran roewa di fina: emsijan di, Simon, geba falngaan rine Petroes, toeha Andrejas nake nahat; Jakoeb, Sebedejoes nake anat, toeha Jahja nake nahat. 3 Fillippoes toeha Bartholomejoes; Thomas toeha Matthejoes, geba dasale beja; Jakoeb, Alfejoes nake anat toeha Lebejoes, geba falngaan rine Tadejoes; 4 Simon geba Kanani toeha Jehoeda Iskarijoti, rine tongi filik haik renga Isa. 5 Geba polo geran roewa na Isa sijoek haik sira, toeha enahoe haik la sira, fene: Bara kimi iko fidi gebaro hindoe noenoek tohon toeha bara kimi oso fidi gebaro Someron noenoek fena. 6 Moik dafoek fili di iko beka la hoema Jisrael nake dombaro doedifoek di. 7 Gamdi la beto kimi iko, edohe toeha prepa: Sorgai nake ngaat epreta dabrangen haik. 8 Poena gosa sakik gebaro doeempe, poena ribe gebaro doedehen, poena newen sakik gebaro mata, hefak soeba setanro. Kimi sale haik di toeha sili mo, laik di tongi toehi sili mo. 9 Bara kimi ego eflawan pi eslaka, pi was-wasa fidi kimi nimik kemping-elen. 10 Toeha bara lafat-elen fidi kimi nimik tohon, pi laboe roewa, pi tjepatoe, pi taboe, wahan geba emsijan dapoena neï patehen rine beta nake ijenaan. 11 Toeha bama kimi oso fidi fena emsijan pi hoemalolen emsijan, lesdohi sane dagosa fidi; toeha boedifo beka fidi eta kimi soeba sakik fili fena di. 12 Toeha la beto kimi oso fidi hoema di, laha eslamat la geba fidi hoema di. 13 Toeha bama geba fidi hoema di dagosa, gamdi kimi nimik dame kadoek la hoema di, boe bama dagosa mo, gamdi kimi nimik dame kadoek sakik la kami. 14 Toeha bama geba emsijan sohek sale kimi mo, toeha tjaan mo kimi nimik lijenkasenro, gamdi soeba beka fili hoema di pi fili fena di toeha fidik rahe-tain fili kimi nimik kadanro. 15 Amin, jako prepa la kimi, foeka Sedom toeha Gomora sohek beta siksa daetnhama salijak fili fena dibedi la betoen-lalijet. 16 Resek, jako sijoek kimi gamna dombaro fidi tif-tifoen harimauro; wahan di kimi doeëfriken beka gamna enewitro toeha doedofo gamna manoet-rahero. 17 Boe matketa kimi nimik emsikan fili gebaro, wahan sira sohek renga kimi fidi sira noenoek botonro fisara toeha sira sohek flale kimi toeha iwahen fidi sira noenoek kanisahro. 18 Toeha geba sohek eptanak kimi la Adipatiro toeha la Leberro wahan jako, la kimi poena saksi la sira toeha la gebaro hindoe. 19 Boe la beto sira renga kimi, bara kimi lalen-soesah gamdo pi teni kimi sohek prepa, wahan la torowahe dibedi kimi sohek sale ije di, fidi kimi sohek prepa. 20 Wahan kimi na mo doeprepa, boe kimi, nimik Ama nake Roch, daprepa fidi kimi. 21 Toeha nahat emsijan sohek renga nake nahat la enmatan, toeha ama di nake anat, toeha anatro sohek hosak eplawan nake inaama toeha poena mata sira. 22 Toeha geba paskemak sohek emgihik kimi wahan jako nau ngaan, boe sane sohek danenek eta peksepon, rine sohek beta eslamat. 23 Gamdi bama geba ephaga kimi fidi fena na, heka oso fidi fena dikat, wahan jako prepa la kimi, kimi sohek poena kimi nimik poena nei Süpo mehede fidi Jisrael nake fenaro eta Geba-Anat sohek ka doek haik. 24 Moerid dafoek mo fili geba-eptoke di, toeha hamba dafoek mo fili nake tobon. 25 Daêta la moerid di, olik rine beta iha nges-ngesa toeha nake geba eptoke, toeha hamba di rine nges-ngesa toeha nake tobon. Bama sira kalak haik hoema-tobon Baälzeboel, gamdi salijak filidi gebaro fili rine nake hoema? 26 Wahan di bara kimi emtako la sira; wahan ije emsijan samohe datrego, moik geba sohek foeka di, toeha daprefoni, moik geba sohek tewa di. 27 Ije di jako prepa la kimi fidi permiten, kimi prepa beka di fidi naan, toeha ije di kimi tjaan fidi elingan, edohe beka di fili saka hoema-atetro. 28 Toeha bara kimi emtako la gebaro, doepoena mata fatan di toeha emtai mo poena mata njawa, boe emtako salijak filidi la rine daemtai poena potaik njawa toeha fatan roewa-roewa fidi naraka. 29 Geba safe mohe manoet fifit roewa la matan geran? Toeha emsijan filidi sohek moho mo fisaka bipolo moik toeha kimi nimik. Ama nake nansoeka. 30 Toeha tongi kimi nimik olon-folon paskemak daheik haik. 31 Wahan di bara kimi emtako; kimi dafoek fili manoet fifit demen. 32 Gamdi geba emsijan-emsijan dasohek eroek jako la gebaro, jako sohek eroek tongi rine la jako nau Ama fidi sorgai. 33 Boe geba emsijan-emsijan dasohek epfoni haik jako la gebaro, jako sohek epfoni tongi rine la jako nau Ama fidi sorgai. 34 Bara kimi nanoek jako kadoek haik la ego dame fisaka bipolo; jako kadoek haik mo la ego dame, boe kehet di. 35 Wahan jako kadoek haik la epsamak geba fili nake ama, toeha anat-fina fili nake ina, toeha anat-fina emsawan fili nake kete-fina. 36 Toeha geba nake nahasro di sohek iha gebaro doebadifo toeha rine fidi nake hoema. 37 Sane mihik ama pi ina dafoek fili jako, rine dagosa mo la jako; toeha sane mihik anat-emhana pi anat-fina dafoek fili jako, rine dagosa mo la jako. 38 Toeha sane wada mo nake kau pakpele toeha hai jako, rine dagosa mo la jako. 39 Sane beta nake njawa, rine sohek difoek di; toeha sane sohek difoek nake njawa wahan jako, rine sohek beta dibedi. 40 Sane sale kimi, rine sale jako; toeha sane sale jako rine sale rine, dasijoek haik jako. 41 Sane sale nabi emsijan fidi ngaan fili nabi, rine sohek sale sewa fili nabi emsijan; toeha sane sale geba dadofo emsijan fidi ngaan fili geba dadofo, rine sohek sale sewa fili geba dadofo emsijan. 42 Toeha geba emsijan-emsijan bama rine laik wai-ino pigala emsijan rahek la geba emsijan fili gebaro doeroijen na fidi ngaan fili moerid, resek, jako prepa la kimi, rine sohek difoek mela beka nake sewa.

11

1 Toeha la beto Isa eptaun haik la enahoe nake moerid polo geran roewa, gamdi rine iko haik filidi la eptoke toeha edohe fidi sira noenoek fenaro. 2 Toeha Jahja, sepo rine tjaan haik fidi pandjara Elmeseh nake poena neï paskemak, sijoek haik geba roewa fili nake moeridro, 3 Toeha prepa haik la rine: Kai na geba di dasohek kadoek pi kami sohek geba dikat emsijan? 4 Toeha Isa sade haik toeha prepa la sira: Iko beka toeha ego hambar sakik la Jahja, ije di kimi tjaan toeha angak: 5 Gebaro raman permiten angak, toeha gebaro doeeleken iko; gebaro doedehen doeepribe, toeha gebaro doekebe tjaan; gebaro doemata hosak sakik, toeha gebaro doeepkasija tjaan Indjil. 6 Toeha eslamat daöentoen geba di dabeta lalen-soesah mo la jako. 7 Gamdi la beto sira oli, tame Isa tane haik prepa la geba demen di fili Jahja: Teni kimi soeba haik fidi mowa-ngesa la angak? Bolo enhelan emsijan, dawewa fili njopi? 8 Pi teni kimi soeba la angak? Geba emsijan, datingi di elwani daemloeba? Resek, gebaro datingidi elwani daemloeba boedifo fidi Leberro noenoek hoemaro. 9 Boe teni kimi soeba haik la angak? Geba nabi emsijan? Ehe, jako prepa la kimi: geba emsijan dafoek fili nabi. 10 Wahan rine na geba di, fili rine geba soela haik: Resek jako sijoek jako nau Adija la kai namoek poepenlalen, rine sohek poena matak kai namoek tohon la kai. 11 Resek, jako prepa la kimi: Fidi tif-tifoen geba paskemak, anat finaro embanat haik sira, geba emsijan hosak mehede dafoek fili Jahja Epenfoin; boe sane daroijen dafoek fidi sorgai nake ngaat epreta, geba di dahaat dafoek fili rine. 12 Toeha fili Jahja Epenfoin di nake betoenro eta la gamanga geba oso sorgai nake ngaat-epreta toeha kele toeha gebaro doefaran ego dibedi toeha kelé rahek. 13 Wahan nabi paskemak di toeha Penahoen di doefotok haik eta la Jahja nake beto. 14 Toeha bama kimi nansoeka sale di, rine na Elijas, dasohek kadoek haik. 15 Sane nake elingan la tjaan, dagosa rine tjaan. 16 Boe toeha teni jako sohek poena nges-ngesa fena na? Dangesngesa toeha anatro-roijen doeepteja fidi elet-filit, toeha doekalak la noenoek emrokoro, 17 Fene: Kami midi haik la wantoro la kimi, toeha kimi epkikit haik mo; kami wene haik enwenet-edoeke la kimi, toeha kimi tangi haik mo. 18 Wahan Jahja kadoek haik toeha ka mo toeha ino mo, toeha geba prepa: Rine dabeta fili setan. 19 Geba-Anat kadoek daka toeha daïno, toeha geba prepa: Angak, geba mangboho toeha emsihi emsijan, gebaro doesale beja toeha ge baro baldosa noenoek sabate. Boe entewan nake anatro poena dofo di. 20 La beto di rine tane doewek la fena paskemak, fidi noenoek lalen rine poena haik nake poena neiepdone demen dafoek, wahan sira epleli mo sira noenoek lalen. 21 Silak la kai, he Korasin! Silak la kai, he Bethsaïda! Wahan bama jako poena haik poena neï paskemak di fidi fena Tiroes toeha Sidon, gamna jako poena haik fidi kimi, la beto lijoek-lijoek sira sohek epleli haik noenoek lalen toeha tingidi elwani-kadoet toeha ogo-tain. 22 Boe jako prepa la kimi, fena: Tiroes toeha Sidon sohek beta siksa daemhama salijak fili kimi la betoen-lalijet. 23 Toeha kai, he Kafernahoem, jako epemkelen haik kai eta fisaka lanit, jako sohek hefak kai gam pau, eta fipau naraka. Wahan bama jako poena haik poena neï epdone paskemak fidi fena Sedom, gamna jako poena haik fidi kai, rine badifo haik eta la gamanga. 24 Boe jako prepa la kai, foeka Sedom sohek beta siksa daem hama salijak fili kai la betoen lalijet. 25 La beto dibedi Isa sade haik toeha prepa: Jako laha tarimakasih fili kai, ja Ama, lanit toeha bipolo-tobon, wahan kai prefoni haik ijero na fili gebaro doeemtewa toeha doeefriken, toeha kai toke haik di la anatro roijen. 26 Ja Ama, wahan gamdi iha haik kai namoek enmihin. 27 Jako nau Ama renga haik ije paskemak la jako; toeha geba emsijan samohe tewa Anat-emhana di, moik Ama di, toeha geba emsijan samohe tewa Ama di moik Anat-emhana di, toeha geba di, Anat-emhana nansoeka toke di la rine. 28 Gammahek la jako, kimi paskemak, doeemlo toeha doeleba beha-beha, toeha jako sohek laik endejak la kimi. 29 Leba beka jako nau kalebat toeha hama tewa fili jako, jako na lalen daemloeba toeha lalen darahen, gamdi kimi sohek beta ende jak la kimi nimik njawaro. 30 Wahan jako nau kalebat daemloeba toeha jako nau enlebat daemhama.

12

1 La beto di Isa iko haik la betoen sabtoe fidi tif-tifoen hawa-gendoem, toeha nake moeridro doeglada haik, gamdi sira lopo folen toeha ka di. 2 Toeha gebaro Farisi, doeangak di, prepa haik la rine: Angak, kai namoek moeridro poena ije dapatehen, mo poena di la betoen sabtoe. 3 Boe rine prepa haik la sira: Kimi basa mela Daud poena haik teni, la beto rine glada toeha geba paskemak doehai rine? 4 Gamdo rine oso haik fidi Allah nake hoema, toeha ka haik roti toke-toke, dapatehen mo rine ka, tongi mo la gebaro doehai rine, moik la imamro rahek? 5 Pi kimi basa mela fidi Penahoen di, imamro eplawan penahoen fili betoen sabtoe fidi Kaäbah la betoenro sabtoe toeha sira beta salah mo? 6 Toeha jako prepa la kimi, fina geba emsijan dafoek fili Kaäbah di ihana. 7 Boe bama kimi tewa haik teni di: Jako nansoeka la ep2mloeban toeha mo la enseban, gamdi kimi sohek prepa lalijet haik mo la gebaro doeribe fili salah. 8 Wahan Geba-Anat di tongi iha sabtoe-tobon. 9 Toeha sepo rine iko haik filidi, rine kadoek oso haik fidi sira noenoek Kanisah. 10 Toeha resek, daïha haik fidi geba emsijan, nake fahan daleha, toeha sira nika haik la Isa, fene: Dapatehen poena gosa sakik geba daempe la betoen sabtoe? (olik sira beta poena salah rine). 11 Toeha rine prepa haik la sira: Sane fidi tif-tifoen kimi, bama la rine domba emsijan toeha domba di moho fidi liboe, sohek gawe di mo toeha hesak keha dibedi? 12 Gamdo geba emsijan dahaat dafoek fili domba emsijan! Wahan di dapatehen poena gosa la betoenro sabtoe. 13 Gamdi Isa prepa haik la geba di: Toeke kai namoek fahan; toeha rine toeke haik nake fahan, toeha fahan di dagosa sakik haik gamna nake fahan dikat. 14 Toeha gebaro Farisi, doesoeba haik, poena fisara haik emsijan toeha emsijan eplawan Isa, sira sohek poena mata rine gamdo. 15 Boe Isa, datewa di, sehek haik filidi, toeha geba demen-demen hai haik, toeha rine poena gosa sakik sira paskemak. 16 Toeha rine enahoe haik sira res-resek, bara sira poena dilnaik nake hambar. 17 Olik sohek daeptaun lijenkasen di nabi Jesaja prepa haik, fene: 18 Angak jako nau hamba, jako lili haik rine, jako mihik rine, jako nau njawa mihi la rine, jako sohek taho jako nau Roch fisaka rine, toeha rine sohek edohe lalijet la fena paskemak. 19 Rine sohek pemhisin mo, toeha rine sohek hejan mo, toeha geba emsijan samohe sohek tjaan nake lijen fidi tohonro. 20 Rina sohek gesoek mo bolo dadokok haik toeha rine sohek poena mata mo soemboe daeskelen mata haik. 21 Toeha la rine nake ngaan fena paskemak sohek harak. 22 La beto di geba eptanak haik la rine geba emsijan dabeta fili setan eta poena geba di raman dapermiten toeha dasaslijen, toeha Isa poena gosa sakik rine eta geba raman permiten toeha saslijen, daprepa toeha daängak. 23 Gamdi geba demen paskemak di doeepdone tirin haik toeha prepa haik: Rine na mo Daud nake Anat-emhana? 24 Boe gebaro Farisi, doetjaan haik di, prepa haik: Rine hefak soeba setanro mo, moik toeha ewasa fili Baälzeboeb, setanro noenoek geba haat. 25 Boe Isa, datewa sira noenoek nanoekro, prepa haik la sira: Ngaat-epreta emsijan-emsijan daeplawan nake emsikan sohek potaik, toeha fena pi hoema emsijan-emsijan daöplawan nake emsikan, sohek badifo nenek mo. 26 Toeha bama setan hefak soeba setan, gamdi rine eplawan nake emsikan; gamdo sohek badifo nenek nake ngaat epreta? 27 Toeha bama jako hefak soeba setanro toeha Baälzeboeb nake ewasa, toeha ewasa fili sane kimi nimik anat-emhanaro hefak soeba sira? Wahan di sira sohek iha gebaro prepa lalijet la kimi. 28 Boe bama jako hefak soeba setanro di toeha ewasa fili Allah nake Roch, gamdi Allah nake ngaat-epreta kadoek haik la kimi. 29 Pi gamdo geba emsijan beta oso fidi geba dafaran emsijan nake hoema toeha hawi nake koempangro, moik rine hapoet haik lijoek geba dafaran di toeha gamdi rine sohek hawi fidi geba di nake hoema. 30 Sane toeha jako mo, rine eplawan jako, toeha sane epsijak mo toeha jako, rine epsamak. 31 Wahan di jako prepa la kimi: Geba sohek beta ampon fili dosa emsijan-emsijan toeha fili lijenkasen-oegi emsijan-emsijan, boe geba sohek beta ampon mo fili oegi eplawan Roch di. 32 Toeha sane daprepa haik lijenkasen emsijan-emsijan eplawan Geba-Anat, rine sohek beta ampon, boe sane prepa haik eplawan Roch Ribe, rine sohek beta ampon mo, fidi djoenai na mo, toeha fidi herate mo. 33 Pi taho: poena gosa kaupoen di, gamdi tongi nake foewan dagosa, pi poena boho kaupoen di, gamdi tongi nake foewan daboho, wahan fili nake foewan geba tewa kaupoen di. 34 Kimi kaspelel-anatro! gamdo kimi beta prepa ijero doegosa, bama kimi doeboho? Wahan fili lalen nake gidin fifin prepa. 35 Geba dagosa epsoeba ijero doegosa fili nake lalen dagosa nake koempangro, toeha gebaro doeboho epsoeba ijero doeboho. 36 Boe jako prepa la kimi, fili lijenkasen leda-leda emsijanemsijan, gebaro sohek prepa haik di, sira sohek laik snaden la betoen-lalijet. 37 Wahan eflaloek kimi nimik lijenkasenro kimi sohek iha doedofo toeha eflaloek kimi nimik lijenkasenro kimi sohek beta lalijet. 38 La beto di gebaro eptoke fili soelatro toeha gebaro Farisi pilpila sade haik la rine, fene: He Geba eptoke, kami mihi angak etan epdone emsijan fili kai. 39 Boe Isa sade toeha prepa haik la sira: Fena daboho toeha dadengbohot na laha angak etan epdone emsijan, toeha sira sohek beta angak etan emsijan mo, moik etan di fili nabi Joenoes. 40 Wahan gam na Joenoes iha haik leja telo, beto telo fidi ethamet dahaat nake foekan, gamdi Geba Anat sohek iha leja telo, beto telo fidi bipolo-lalen. 41 Gebaro Ninewe sohek hosak fidi lalijet toeha gebaro fena na toeha sohek prepa lalijet la sira, wahan sira epleli haik sira noenoek lalen wahan Joenoes nake entoken; toeha resek, geba emsijan dahaat dafoek fili Joenoes ihana. 42 Toeha Leber-fina fili kahan selatan sohek hosak fidi lalijet toeha gebaro fena na toeha sohek prepa lalijet la sira: wahan rine kadoek haik fili bipolo nake peksepon la tjaan Soleiman nake entewan, toeha resek, geba emsijan dahaat dafoek fili Soleiman ihana. 43 Toeha la beto roch dakafrakan di soeba haik fili geba, gamdi rine iko bol-boli fidi netenro doewai samohe, dahama endejak, boe beta di mo. 44 Gamdi rine prepa: Jako sohek oli sakik fidi jako nau hoema, jako soeba haik filidi. Gamdi rine date rine beta elet di dafoen, datari haik toeha daephiboek haik. 45 Gamdi rine iko toeha ego nges-ngesa toeha rine roch pitoe dikat doeboho dafoek fili rine emsikan, sepo doeöso haik sira boedifo fidi; toeha gamdi geba di nake peksepon daboho salijak fili rine nake tantanet. Gamdi tongi sohek iha toeha fena daboho na. 46 Toeha la beto Isa prepa haik tongi la geba demen di, resek, rine nake ina toeha nahatro kerek haik fidi lakakoe, doehama prepa toeha rine. 47 Toeha geba emsijan prepa haik la rine: Angak, kai namoek ina toeha nahatro sira kerek fidi lakakoe, doehama prepa toeha kai. 48 Toeha rine dasade, prepa haik la geba dalaik hambar di: Sane jako nau ina, toeha sane jako nau nahatro? 49 Toeha rine datoeke nake fahan fisaka nake moeridro, prepa haik: Angak jako nau ina toeha jako nau nahatro. 50 Wahan sane poena eflaloek jako nau Ama fidi sorgai nake nansoeka, rine jako nau nahat toeha feta toeha ina.

13

1 Toeha la betoen dibedi Isa dasoeba fili hoema, epteja haik fidi rana-gilin. 2 Toeha geba demen-demén kadoek haik la rine, eta rine keha haik oso waga, toeha epteja fidi, toeha geba demen paskemak kerek haik fidi wai-gilin. 3 Toeha rine prepa haik ije demen la sira toeha tingidi epngesngesanro, fene: Geba safoek emsijan soeba haik la safoek ije-kihan. 4 Gamdi la beto rine safoek, lai emsijan moho fidi tohon-gilin, sepo di manoetro kadoek haik toeha ka sepo ije-kihan di. 5 Toeha lai emsijan moho fidi elet dafatoero, fidi rahisin demen mo la ije-kihan, toeha dadoela haik geda-geda, wahan rahisin daeftelo mo. 6 Boe la beto leja dakeha haik, gamdi daemlau haik toeha wahan Iahen sa mohe la ije di, gamdi da mangen haik. 7 Toeha lai emsijan moho fidi tif-tifoen panganro, toeha panganro di doela haik toeha poena mata ije-kihan di. 8 Toeha lai emsijan moho fidi rahisin dagosa, toeha epfoewan haik, emsijan epfoewan lalen oetoen, emsijan lalen polo ne, toeha emsijan lalen polo telo. 9 Sane nake elingan la tjaan, dagosa rine tjaan. 10 Toeha rine nake moeridro kadoek haik toeha prepa la rine: Wahan teni kai prepa la sira toeha tingidi epnges-ngesanro? 11 Gamdi rine dasade, prepa haik la sira: Wahan dalaik haik la kimi la tewa ijero doeprefoni fili sorgai nake ngaat-epreta, boe dalaik haik di mo la sira. 12 Wahan geba di, nake ije ihadi, rine sohek sale, toeha rine sohek beta toeha gidin-gidin; boe geba di nake ije samohe, geba sohek ego fili rine ije di, daiha la rine. 13 Wahan di jako prepa la sira toeha tingidi epnges-ngesanro, wahan mase sira angak, boe sira kita mo, toeha mase sira tjaan, boe sira tjaan toeha tewa mo. 14 Toeha nabi Jesaja nake enfotok daeptaun la sira, daprepa: Toeha kimi nimik elingan kimi sohek tjaan toeha tewa mela beka, toeha kimi nimik raman kimi sohek angak toeha kita mela beka. 15 Wahan fena na nake lalen damina haik toeha sira noenoek elingan tjaan dabeha toeha sira kapo haik noenoek raman, olik bara lae sira angak toeha sira noenoek raman toeha tjaan toeha sira noe noek elingan toeha tjaan fidi sira noenoek lalen toeha epleli sira noe noek lalen toeha jako poena gosa sakik sira. 16 Boe kimi nimik ramanro doeeslamat, wahan sira angak, toeha kimi nimik elinganro, wahan sira tjaan. 17 Wahan resek jako prepa la kimi: Nabi demen toeha geba dadofo demen rana haik angak ijero di, kimi doeängak, toeha sira angak haik di mo, toeha tjaan ijero di, kimi doetjaan, toeha sira tjaan haik di mo. 18 Wahan di, kimi tjaan beka epnges-ngesan fili geba safoek. 19 Bama geba emsijan tjaan ngaat-epreta di nake lijenkasen, toeha tewa di mo, gamdi kadoek Boho di toeha ego sakik di, dasafoek haik fidi geba di nake lalen, rine dibedi geba di daepsafoek haik fidi tohon-gilin. 20 Toeha geba di daëpsafoek haik fidi ejet dafatoero, rine na geba di datjaan lijenkasen di toeha til-tilo sale di toeha enmihen. 21 Boe la rine Iahen mo fidi rine nake emsikan, moik rine la beto roi-roijen rahek; toeha bama kadoek enpepek toeha enëphagat wahan lijenkasen di, gamdi til-tilo rine beta lalen-soesah. 22 Toeha geba di daepsafoek haik fidi tif-tifoen panganro, fidi geba datjaan, toeha soesah wahan djoenai nake ijero toeha lomo fili koempang demen trego poena mata lijenkasen di toeha daepfoewan mo. 23 Toeha geba di daepsafoek haik fidi rahisin dagosa, rine na geba datjaan lijenkasen di toeha tewa di, tongi daepfoewan toeha laik foewan, emsijan lalen oetoen, emsijan dikat lalen polo ne, toeha dikat sakik lalen polo telo. 24 Epnges-ngesan dikat emsijan rine taho haik la sira, fene: Sorgai nake ngaat epreta nges-ngesa toeha geba emsijan dasafoek haik ijekihan dagosa fidi nake hawa. 25 Toeha le beto geba bage, kadoek haik nake nahas toeha safoek haik ije-kihan mehet fidi tif-tifoen gendocm di, sepo di rine iko. 26 Toeha la beto gendoem di daömon haik toeha daëptoetoen, gamdi tongi eptawak mehet di. 27 Gamdi hoema tobon nake hambaro kadoek haik toeha prepa la rine: ja Tobon, kai safoek haik mo ije-kihan dagosa fidi kai namoek hawa? Filido kadoek mehet di? 28 Toeha rine prepa haik la sira: Geba nahas emsijan poena haik di. Toeha hambaro di prepa haik la rine: Kai namoek nansoeka, kami iko toeha eflolik di? 29 Boe rine prepa haik: Mela, olik bama kimi emehe mehet di bara kimi hafoet nges-ngesa tongi gendoem di. 30 Laik sira roewa ephoefat eta penjala di toeha la beto-penjala jako sohek prepa la gebaro penjala: Eflolik lijoek mehet di, toeha hapoet di poena enbolit la poto dibedi, boe gendoem kimi epsijak osok fidi jako nau hoema-kolon. 31 Epnges-ngesan dikat emsijan rina taho haik la sira, fene: Sorgai nake ngaat epreta danges-ngesa toeha ije-kihan basat, geba ego haik di toeha safoek haik fidi nake hawa. 32 Resek, ije-kihan di daroijen salijak fili ije-kihan paskemak, boe la beto dahaat haik, gamdi basat di dahaat tirin fili oetan paskemak toeha iha kau-poen emsijan, eta manoetro fidi lanit kadoek toeha poena pahan fidi nake sanganro. 33 Toeha epnges-ngesan dikat emsijan rine prepa haik la sira, fene: Sorgai nake ngaat-epreta danges-ngesa toeha tepoeng damilo lolit emsijan, anat-fina emsijan ego haik di toeha aloek di toeha tepoeng oko-lalen, telo, eta tepoeng paskemak damilo haik. 34 Ije paskemak na Isa prepa haik la gebaro demen toeha tingidi epnges-ngesanro, toeha dikat fili epnges-ngesanro rine prepa mo la sira. 35 Olik sohek daeptaun haik ije di, nabi prepa haik, fene: Jako sohek foeka jako nau fifin toeha prepa epnges-ngesanro toeha jako sohek epsoeba ijero doeprefoni fili djoenai nake tantanet. 36 Toeha sepo Isa peba haik geba demen di, rine oli haik gam hoema toeha nake moeridro kadoek haik la rine toeha prepa: toke la kami arti fili epnges-ngesan fili mehet fidi hawa di. 37 Gamdi rine dasade prepa haik la sira: Geba dasafoek ije-kihan dagosa di, rine Geba anat; 38 Toeha hawa di fidi djoenai na; toeha ije-kihan dagosa di ngaatepreta nake anatro; toeha mehet di anatro fili Boho di. 39 Toeha nahas di, dasafoek haik mehet di, rine Iblis, toeha betopenjala di fidi djoenai nake peksepon toeha gebaro penjala sira adijaro. 40 Toeha gamna geba eflolik mehet di toeha poto di toeha bana, gamdi tongi sohek iha la djoenai nake peksepon. 41 Geba-anat sohek sijoek nake Adijaro toeha sira sohek epsijak fili nake ngaat-epreta epestoefan paskemak toeha geba paskemak doepoena ije dadofo mo. 42 Toeha sohek hefak sira fidi bana-wedoe toeha fidi sohek iha tangi toeha ngisin-riken. 43 La beto di gebaro doedofo sohek sida gamna leja fidi sira noenoek Ama nake ngaat-epreta. Sane nake elingan la tjaan, dagosa rine tjaan. 44 Sakik sorgai nake ngaat epreta danges-ngesa toeha koempang emsijan daprefoni fidi hawa emsijan, toeha la beto geba emsijan beta di rine prefoni di, toeha wahan rine nake enmihin rine iko filik nake ije paskemak toeha safe haik hawa dibedi. 45 Sakik sorgai nake ngaat-epreta danges-ngesa toeha geba filit emsijan, dahama moetijara dagosa. 46 Toeha la beto rine beta haik moetijara emsijan fili film dahaat, rine iko haik filik nake ije paskemak toeha safe dibedi. 47 Sakik sorgai nake ngaat-epreta danges-ngesa toeha bidoet emsijan, geba tatik haik di fidi wai-masi toeha daepsijak ethamet pelehetpelehet. 48 Toeha la beto dataun haik, geba hesak di keha gam dai, sepo di sira epteja lili ije dagosa taho fidi nake elen, toeha ije daboho sira hefak. 49 Gamdi sohek iha la djoenai nake peksepon Adijaro sohek soeba la epsamak gebaro doeboho fili tif-tifoen gebaro doedofo. 50 Toeha sohek hefak sira fidi bana-wedoe; fidi sohek iha tangi toeha ngisin-riken. 51 Gamdi Isa prepa haik la sira: Kimi tewa haik ije paskemak na nake arti? Sira sade haik: Ehe. Toehan! 52 Toeha rine prepa la sira: Wahan di geba eptoke fili soelatro emsijan-emsijan, dasale haik entoken fili sorgai nake ngaat-epreta nake ijero, rine danges-ngesa toeha hoema-tobon emsijan, daepsoeba ijero doefehoet toeha doenosit fili nake koempang-elen. 53 Toeha la beto rine poena sepo haik epnges-ngesanro na, gamdi rine iko haik filidi. 54 Toeha rine dakadoek haik fidi rine nake fena emsikan, rine eptoke haik fidi sira noenoek Kanisah, eta sira doeepdone haik toeha prepa: Filido geba na beta entewan di toeha ewasa di? 55 Rine na mo toekang-kau di nake anat-emhana? toeha nake ina nake ngaan mo Marjam? toeha nake nahatro noenoek ngaan mo Jakoeb toeha Joses toeha Simon toeha Jehoeda? 56 Toeha rine nake fetaro, sira boedifo mo toeha kami? Filido gamdi rine beta paskemak na? 57 Toeha sira ego haik epestoefan la rine. Boe Isa prepa haik la sira: Nabi emsijan sale hormat roi-roijen mo, moik fidi rine nake fena emsikan toeha fidi nake hoema. 58 Toeha rine poena haik mo etan-epdone demen fidi, wahan sira pertjaja mo.

14

1 Toeha la beto di Herodes, Ratoe dï, tjaan haik Isa nake hambar. 2 Gamdi rine prepa haik la nake hambaro: Rine na Jahja Epenfoin, rine dahosak haik fili gebaro mata, toeha wahan di rine daewasa poena poena-neï epdone na. 3 Wahan Herodes efrake haik Jahja toeha hapoet haik rine toeha taho haik rine fidi pandjara, wahan Herodijas, rine nake nahat Filippoes nake finha di. 4 Wahan Jahja prepa haik la rine: Patehen mo kai poena anat-fina di finha la kai. 5 Toeha Ratoe damihi poena mata rine, boe rine daemtako la geba demen di, wahan sira gawe haik Jahja, rine nabi emsijan. 6 Boe la beto geba poena hokmaten Herodes nake betoen-emlomon, gamdi Herodijas nake anat-fina daepkikit haik fidi tif-tifoen gebaro toeha rine daëpmihi Herodes nake lalen. 7 Wahan di Ratoe enahoe la rine toeha mane, rine sohek laik la anat-fina di teni rine sohek laha beka. 8 Toeha wahan anat-fina di fili lijoek sale haik entoken fili nake ina, gamdi rine prepa: Laik la jako fina Jahja Epënfoin nake olon fidi pigan emsijan. 9 Toeha Ratoe daedoeke haik, boe wahan rine nake mane toeha tongi wahan geba paskemak doeepteja nges-ngesa toeha rine, gamdi rine enahoe, olik geba sohek laik olon di la rine. 10 Toeha Ratoe sijoek haik geba iko fasak Jahja nake olon fidi pandjara. 11 Toeha geba eptanak haik nake olon fidi pigan emsijan toeha laik di la anat-fina di, toeha rine eptanak haik di la nake ina. 12 Gamdi kadoek haik Jahja nake moeridro toeha ego haik eptanak nake fatan toeha tefak haik di, sepo di sira iko haik laik hambar la Isa. 13 Toeha Isa datjaan haik di, sehek haik filidi toeha waga gam elet daemredan emsijan, rine emsikan-emsikan; toeha geba demen di tjaan haik di, sira iko haik rine iko kadan fili fenaro. 14 Toeha la beto Isa dasoeba, rine angak haik geba demen tirin, toeha rine moesik haik la sira toeha poena gosa sakik sira noenoek gebaro doeempe. 15 Toeha la beto emhawen haik rine nake moeridro kadoek haik la rine, fene: Elet na daemredan toeha betoen dabijoek haik, sijoek beka gebaro oli, olik sira iko fidi hoema-lolenro hama safe ijenaan. 16 Boe Isa prepa haik la sira: Daöesah mo sira iko, kimi laik beka ijenaan la sira. 17 Boe sira prepa haik la rine: Kami na ijenaan samohe, moik roti limo toeha ethamet roewa. 18 Toeha rine prepa haik: Ego di gammahek la jako fina. 19 Toeha rine sijoek haik geba demen di epteja fidi mehet toeha ego haik roti limo di toeha ethamet roewa di, toeha rine bafak gam saka gam lanit, laik berkat la ijenaan di, toeha sepo rine fakak baik di, rine doewe roti di la nake moeridro toeha moeridro la geba demen di. 20 Toeha sira paskemak ka toeha doeöehan toeha sira toek geran di fili toerenro fodo polo geran roewa dataun-taun. 21 Toeha geba paskemak doeka haik sira eblolo geba-emhana raran limo, dikat fili geba-finaro toeha anatro. 22 Toeha til-tilo Isa kelé haik nake moeridro la keha waga toeha iko lijoek fili rine sobak gam neinkahan, la beto rine sohek salgai geba demen di la sira oli sakik. 23 Toeha sepo rine salgai haik geba demen di oli sakik, gamdi rine keha kakoe emsikan la salawatoe. Toeha sepo beto haik rine ihadi haik geba emsijan rahek. 24 Toeha waga di fidi tif-tifoen rana toeha dabodito wahan wafataro, wahan njopi fili samena. 25 Boe la beto nake lai-ibik pa Isa toho haik la sira daïko kadan fisaka rana di. 26 Toeha moeridro doeängak rine iko kadan fisaka rana di, sira doedike doeemtako haik toeha prepa: Nitoe esmangen di! toeha sira hejan haik fili emtako 27 Boe til-tilo Isa efhaik haik sira, daprepa la sira: Poena nenek kimi nimik lalen, jako na, bara emtako! 28 Toeha Petroes sade haik la rine, fene: Ja Toehan, bama kai ihadi, sijoek jako kadoek la kai toeha iko fisaka wai di. 29 Toeha Isa prepa: Gammahek. Gamdi Petroes toho haik fili waga toeha iko kadan fisaka wai di la kadoek la Isa. 30 Boe rine daängak njopi dagiwe gamdi, rine daemtako haik, toeha la beto rine tane molo, rine kalak haik, fene: Ja Toehan piragoet jako! 31 Toeha Isa til-tilo datoek nake fahan gawe haik rine toeha prepa la rine: Kai geba dapertjaja roi-roijen, wahan teni kai belgoi haik? 32 Toeha la beto sira keha haik oso waga, gamdi njopi deren haik. 33 Toeha geba paskemak fidi waga kadoek haik toeha seba haik la rine, fene: Resek, kai Allah nake Anat-emhana! 34 Toeha sepo sira sobak haik gam neinkahan di, gamdi sira date haik fidi foeka Djenesaret. 35 Toeha la beto gebaro fili fena di beta tewa haik rine, gamdi sira sijoek haik fidi foeka bol-boli di, toeha gebaro eptanak haik la rine geba paskemak doeempe. 36 Toeha sira laha fili rine, olik sira beta elauk rine nake laboegilin; toeha geba demen pil-pila elauk haik di, sira doegosa sakik haik.

15

1 La beto di geba eptoke fili soelatro toeha gebaro Farisi pil-pila fili Jeroesalem kadoek haik la Isa toeha prepa: 2 Wahan teni kai namoek moeridro bijoek gebaro lijoek noenoek penahoen? Wahan sira hobo mo sira noenoek fahan la beto sira nansoeka ka. 3 Boe rine dasade, prepa haik la sira: Wahan teni sakik kimi bijoek Allah nake penahoen, fili kimi nimik penahoen? 4 Wahan Allah enahoe haik, fene: Laik horamat la kimi nimik ama toeha la kimi nimik ina; toeha: Sane sohek taloek nake ama pi ina, patehen geba poena mata rine. 5 Boe kimi prepa: Sane sohek prepa la nake ama pi ina: ije na, jako beta laik di la kimi la kimi nimik goena, fidi enseban emsijan, toeha rine laik hormat mela beka la nake ama pi nake ina, beka. 6 Gamdi kimi hoedak haik Allah nake penahoen fili kimi nimik penahoen. 7 He kimi gebaro goda toeha resek Jesaja fotok haik fili kimi, fene: 8 Fena na kadoek la jako toeha sira noenoek fifin, toeha poena horamat la jako toeha sira noenoek fifin-afan, boe sira noenoek lalen dabreman fili jako. 9 Boe sira laik horamat la jako toeha leda-leda doeeptoke entoken, daîha penahoen fili geba rahek. 10 Toeha la beto rine kalak haik geba demen di kadoek la rine, gamdi rine prepa haik la sira: Tjaan toeha tewa beka! 11 Ijero doeöso fidi fifin-lalen poena kafrakan geba mo, boe ijero doesoeba fili fifin lalen, dibedi poena kafrakan geba. 12 La beto di rine nake moeridro kadoek haik la rine toeha prepa la rine: Kai tewa, gebaro Farisi beta lalen-pe haik la beto sira tjaan kai namoek lijenkasen di? 13 Boe rine dasade, prepa haik: Ensnekan emsijan-emsijan, jako nau Ama fidi sorgai sneka mo, geba sohek hafoet di. 14 Barahaik sira, sira gebaro eta tohon raman permiten la gebaro raman permiten. Bama geba raman permiten eptanak geba raman permiten, gamdi sira roewa sohek moho fidi liboe. 15 Toeha Petroes dasade la rine, prepa haik: eptoke la kami epnges-ngesan na nake arti? 16 Boe Isa prepa haik: Eta nabena kimi tongi doebele? 17 Kimi tewa mehede, ije emsijan-emsijan daöso fidi fifin-lalen toho fidi foekan-lalen toeha geba hefak ije di fidi elet dafoni. 18 Boe ijero di, doesoeba fili fifin-lalen, kadoek soeba fili lalen di, toeha ijero di poena kafrakan geba. 19 Wahan fili lalen di kadoek soeba ennanoek daboho, enepmatan, ije dengbohot, enepnakan, ije doewek ledak, oegi. 20 Toeha ijero paskemak na poena kafrakan geba, boe ka toeha fahan dahobo mehede fidi poena mo kafraken geba. 21 Toeha Isa soeba haik filidi, sepo di rine iko haik gam lairo fili foeka Tiroes toeha Sidon. 22 Toeha resek, anat-fina Kanani emsijan kadoek haik fili lai foe ka di, kalak la rine, fene: Ja Toehan, Daud nake anat-emhana, moesik la jako, jako nau anat-fina dabeta fili setan tirin-tirin. 23 Boe Isa sade haik lijenkasen emsijan samohe la rine. Toeha nake moeridro doekadoek la rine laha haik fili rine, fene: Sijoek anat-fina na oli, wahan rine hejan palmoren kami. 24 Boe rine dasade, prepa haik: Jako beta sijoek mo, moik la hoema Jisrael nake dombaro doedifoek haik. 25 Toeha anat-fina di kadoek haik toeha seba la rine, fene: Ja Toehan sibi jako! 26 Boe Isa sade toeha prepa haik: patehen mo la ego anatro noenoek roti toeha hefak di la asoero. 27 Toeha anat-fina di prepa haik: Resek, ja Toehan, boe asoero ka tongi fili toerenro doemoho fili noenoek tobon nake eflisat. 28 La beto di Isa sade haik toeha prepa la rine: He anat-fina, kai namoek pertjaja dahaat, kai sohek beta, gamna kai nanspeka. Toeha rine nake anat-fina dagosa sakik fili torowahe dibedi. 29 Toeha Isa daïko filidi, kadoek haik fidi rana Djalila toeha keha haik fisaka kakoe emsijan toeha epteja haik fidi. 30 Toeha geba demen di kadoek haik la rine, toeha eptanak ngesngesa toeha sira: gebaro kadan leha, gebaro raman permiten, gebaro saslijen, gebaro doeeleken toeha dikat demen, toeha sira taho haik gebaro di la Isa nake kadan toeha rine poena gosa sakik sira. 31 Eta geba demen di epdone haik, doeängak gebaro doesaslijen doeprepa, gebaro doeeleken doegosa sakik, gebaro kadan leha doeïko toeha gebaro raman permiten doeängak, toeha sira poena hokmaten la Jisrael nake Allah. 32 Toeha Isa kalak haik nake moeridro kadoek la rine toeha prepa haik: Jako nau lalen damoesik la geba demen di, wahan sira boedifo haik toeha jako betoen telo, toeha sira noenoek ijenaan samohe la sira ka, toeha jako nansoeka mo sijoek sira oli toeha daglada, olik bara sira eblekon-bemsapak fidi tif-tifoen tohon. . 33 Toeha rine nake moeridro prepa haik la rine: Filido kami sohek beta roti demen gamdi fidi mowa-ngesa olik kami poena oehan geba demen tirin gamdi? 34 Toeha Isa piepa haik la sira: Roti pila la kimi? Toeha sira sade haik: Ihana roti pitoe toeha ethamet roijen daroi-roijen. 35 Toeha Isa sijoek haik geba demen di epteja fidi rahe. 36 Toeha rine ego haik roti pitoe di toeha ethametro di, sepo rine laha haik terima kaseh, rine fakak di toeha doewe di la nake moe ridro toeha nake moeridro doewe di la geba demen di. 37 Toeha sira paskemak ka toeha doeöehan haik, toeha sira repo haik geran fili toerenro fodo pitoe dataun-taun. 38 Toeha geba paskemak doeka haik geba-emhana raran pa, dikat fili geba-finaro toeha anatro. 39 Toeha sepo rine salgai haik geba demen di la sira oli, gamdi rine keha haik oso waga emsijan toeha kadoek haik fidi enwautro fili Magdala.

16

1 Toeha gebaro Farisi toeha gebaro Sadoeki doekadoek haik la rine, toeha doeëpreha rine, laha haik fili rine, olik rine toke la sira etan emsijan fili lanit. 2 Bое rine sade haik toeha prepa la sira: Bama emhawen haik kimi prepa: lepoton dagosa, wahan lanit dameha. 3 Toeha la gahasit: leja na menlawin, wahan lanit dameha toeha dimoe. Kimi gebaro goda! lanit nake lein kimi tewa lesdohi, toeha kimi tewa di mo fili beto nake etanro? 4 Fena daboho toeha dadengbohot na laha etan emsijan, toeha sira sohek sale etan emsijan samohe, moik etan fili Joenoes, Nabi di. Toeha rine dapeba sira, iko haik. 5 Toeha sepo nake moeridro kadoek haik fidi neinkahan, sira glidoek haik ego roti. 6 Toeha Isa prepa haik la sira: Nanbeta toeha matketa kimi nimik emsikan fili gebaro Farisi toeha Sadoeki noenoek tepoeng damilo. 7 Toeha sira fisara haik emsijan toeha emsijan: ihadi wahan kami ego roti mo. 8 Toeha Isa datewa di, prepa haik la sira: He kimi, gebaro doepertjaja roi-roiien, kimi fisara teni emsijan toeha emsijan, kimi ego roti mo? 9 Kimi tewa mehede? Toeha kimi nanbeta mo la roti limo di fili geba-emhana raran limo, toeha fodo pila kimi repo haik? 10 Pi la roti pitoe di fili geba-emhana raran pa toeha fodo pila kimi repo haik? 11 Gamdo kimi tewa mo, jako prepa mela la kimi fili roti la beto jako prepa haik: Matketa kimi nimik emsikan fili gebaro Farisi toeha Sadoeki noenoek tepoeng damilo? 12 Tame sira beta tewa rine prepa haik mo, olik sira sohek mat keta noenoek emsikan fili roti nake tepoeng damilo, boe fili gebaro Farisi toeha Sadoeki noenoek entoken. 13 Gamdi la beto Isa date haik fidi lai foeka Kaisarija-Filippi, rine nika hajk nake moeridro, fene: Geba prepa jako, Geba-anat, sane? 14 Toeha sira prepa haik: Geba tifoen: Jahja Epenfoin; toeha dikat: Elijas; toeha geba dikat prepa: Jeremía pi geba dikat emsijan fili nabiro. 15 Toeha rine prepa haik la sira: Boe kimi, kimi prepa jako na sane? 16 Toeha Simon Petroes dasade, prepa haik: Kai na Elmeseh, Allah dabanewen nake Anat-emhana. 17 Toeha Isa dasade, prepa haik la rine: Esalamat daöentoon kai, he Simon, Joenoes anat-emhana, wahan isin toeha raha toke di mo la kai, boe jako nau Ama fidi sorgai. 18 Toeha jako prepa sakik la kai, kai na Petroes toeha fisaka Petra na jako sohek fedak jako nau boton, toeha naraka nake soeboero sohek beta oentoen mo laboton di. 19 Toeha jako sohek laik la kai sorgai nake ngaat epreta nake koentji-anatro, toeha ije di kai sohek hapoet fisaka bipolo di, ije di sohek daephapoet fidi sorgai di, toeha ije di kai sohek holik fisaka bipolo di, ije di sohek daepholik fidi sorgai di. 20 La beto di rine enahoe haik la nake moeridro, bara sira prepa la geba emsijan, rine iha Isa, Elmeseh di. 21 Fili beto di Isa tane haik toke la nake moeridro, patehen rine iko gam Jeroesalem toeha emte pe demen fili fena nake gebharo toeha imamro noenoek gebharo toeha gebaro eptoke fili soelatro, toeha geba sohek poena mata rine toeha la betoen telo rine hosak sakik. 22 Toeha Petroes daego haik rine toeha nake emsikan, tane haik ef haik rine fene: Ja Toehan, moesik la kai namoek emsikan, bara ije di beta kai. 23 Boe rine, daleli nake emsikan, prepa haik la Petroes: Bijak palmoren jako, he Setan, wahan kai iha epestoefan emsijan la jako, wahan kai nanoek mo ijero fili Allah nake, boe geba nake. 24 La beto di Isa prepa haik la nake moeridro: Bama geba emsijan nansoeka kadoek hai jako, patehen rine foni nake emsikan toeha toek nake kau-pakpele toeha hai jako. 25 Wahan sane nansoeka piragoet nake njawa, rine sohek difoek dibedi, boe sane sohek difoek nake njawa wahan joko, rine sohek beta dibedi. 26 Wahan oentoen teni di la geba emsijan, bama rine beta djoenai paskemak, boe rine beta lile la nake njawa? Pi teni geba emsijan sohek laik la benefoe nake njawa? 27 Wahan Geba-anat sohek kadoek fidi nake Ama nake hokmaten toeha nake Adijaro, toeha la beto di rine sohek pesnimoe la geba emsijan-emsijan eflaloek nake poena-nei. 28 Resek, jako prepa la kimi, fidi tif-tifoen gebaro doekerek fina, iha geba pil-pila, doesohek beta mata mo, lijoek fili sira sohek angak haik Geba-anat kadoek haik fidi rine nake ngaat-epreta.

17

1 Toeha sepo betoen ne Isa ego haik toeha rine Petroes, toeha Jakoeb, toeha Jahja nake nahat, toeha eptanak haik sira gam saka kakoe emsijan daemkelen emsikan-emsikan. 2 Toeha rine nake lein leli haik la sira, toeha nake poepenlalen dasida haik gamna leja di, toeha nake elwani dabot-boti gamna naan di. 3 Toeha resek, la sira epfosik haik Moesa toeha Elijas, doeprepa toeha rine. 4 Toeha Petroes dasade toeha prepa haik la Isa: Ja Toehan, dagosa kami fina; bama kai nansoeka laik la kami olik kami poena neï hoema kromon telo fina, emsijan la kai, toeha emsijan la Moesa toeha emsijan la Elijas. 5 Tocha la beto rine prepa tongi, resek lokon dasida emsijan datrego haik sira, toeha resek, lijen emsijan fili lokon-lalen di prepa haik: Rine na jako nau Anat-emhana dimihik, la rine jako nau enmihin, tjaan beka la rine! 6 Toeha moeridro doetjaan di, moho balkofok toeha doeemtako tirin. 7 Toeha Isa dakadoek la sira, elauk haik sira toeha prepa haik: Hosak beka toeha bara emtako. 8 Toeha la beto sira fedak haik sira noenoek raman, sira angak haik geba emsijan samohe, moik Isa rahek. 9 Toeha la beto sira toho fili kakoe di Isa enahoe haik la sira, fene: Bara kimi prepa la geba emsijan fili enepfosik na, eta Geba-anat di sohek hosak haik fili gebaro mata. 10 Toeha nake moeridro nika haik rine, fene: Wahan teni gebaro eptoke fili soelatro prepa gamdi, fene: Patehen Elijas kadoek lijoek? 11 Gamdi Isa dasade, prepa haik la sira: Elijas sohek kadoek lijoek resek, toena fedak sakik ije paskemak. 12 Boe jako prepa la kimi: Elijas nabena kadoek haik, boe sira tewa haik mela la rine; boe sira poena haik la rine ije paskemak sira doenansoeka haik; gamdi tongi Geba anat sohek emte pe fili sira. 13 La beto di tame moeridro di tewa haik, rine prepa haik la sira fili Jahja Epenfoin. 14 Toeha la beto sira date haik la gebaro demen di, gamdi kadoek haik la rine geba emsijan dasento seba la rine fene: 15 Ja Toehan, moesik la jako nau anat-emhana, wahan rine daempe foelan toeha emte pe haàt tirin, lalen demen rine moho fidi bana toeha lalen demen fidi wai. 16 Toeha jako eptanak haik rine la kai namoek moeridro toeha sira doeemtai mela poena gosa sakik rine. 17 Toeha Isa dasade, prepa haik: He fena dapertjaja mo toeha lalen daboho, geha gamdo jako tongi sohek badifo toeha kimi? geha gamdo jako tongi sohek lalen-rema toeha kimi? Eptanak beka rine gammahek la jako. 18 Toeha Isa efhaik haik rine, toeha setan di soeba haik fili rine toeha anat di dagosa sakik fili torowahe di. 19 La beto di moeridro kadoek haik la Isa emsikan toeha prepa haik: Wahan teni kami doeemtai mo hefak soeba setan di? 20 Toeha Isa prepa haik la sira: Wahan kimi pertjaja mo, wahan resek jako prepa la kimi: bama la kimi pertjaja emsijan gamna ijekihan basat emsijan, kimi sohek prepa la kakoe na: bijak fili na gam fiäki! toeha rine sohek bijak; toeha ije emsijan samohe sohek ihadi kimi beta poena mo. 21 Boe kimi beta hefak soeba mo fena na, moik fili salawatoe toeha pèe. 22 Toeha la beto sira boedifo fidi Djalila, Isa prepa haik la sira: Geba sohek renga Geba anat fidi gebaro noenoek fahan. 23 Toeha sira sohek poena mata rine, toeha la betoen telo rine sohek beta hosak sakik. Toeha sira doeedoeke haik tirin. 24 Toeha la beto sira oso haik fidi Kafernahoem, gamdi gebaro doesale beja la Kaäbah kadoek haik la Petroes toeha prepa haik: kimi nimik geba-eptoke, rine sili mo beja la Kaäbah? 25 Rine sade haik: Sili Toeha la beto rine oso haik fidi hoema, Isa prepa haik lijoek la rine fene: Kai nanoek teni, he Simon, djoenai nake leber paskemak, sira ego beja pi kemping-olon fili sane, fili sira noenoek anatro pi fili gebaro marakan? 26 Petroes prepa haik la rine: Fili gebaro marakan. Isa prepa haik la rine: gamdita anatro salgai fili di. 27 Boe olik bara kami laik epestoefan la sira, iko beka gam rana, kawil toeha ego ethamet di kai beta tane toeha sepo kai foeka haik nake fifin, kai sohek beta kemping istater emsijan, ego di toeha laik di la sira la jako toeha la kai.

18

1 Toeha la torowahe dibedi moeridro di kadoek haik la Isa, fene: Sane dahaat fidi sorgai nake ngaat epreta? 2 Toeha Isa, dakalak haik anat-roijen emsijan kadoek la rine, taho haik anat di fidi tif-tifoen sira. 3 Toeha prepa haik: Resek, jako prepa la kimi, bama kimi leli kimi nimik emsikan mo eta poena kimi gamna anatro roijen, kimi beta oso mela fidi sorgai nake ngaat-epreta. 4 Gamdi sane sohek poena rahen nake emsikan gamna anat roijen na, rine sohek dahaat dafoek fidi sorgai nake ngaat-epreta. 5 Toeha sane sohek sale anat roijen emsijan gamdi toeha jako nau ngaan, rine sale jako. 6 Boe sane laik epestoefan la geba emsijan fili gebaro roijen dafoek na, la rine dagosa geba hapoet haik fatoe wesak emsijan la nake wadoen toeha rine molo haik fidi wai masi dalikoen. 7 Silak la djoenai wahan epestoefan paskemak; wahan patehen epestoefanro kadoek, boe silak la geba di dapoena epestoefan kadoek. 8 Wahan di bama kai namoek fahan pi kai namoek kadan epkadoek salah la kai, fasak toeha hefak di fili kai; wahan dagosa salijak la kai oso fidi ennewen di toeha daleha pi daeptoeren fili kai beta oso fidi bana daremak toeha fahan roewa pi kadan roewa. 9 Toeha bama kai namoek raman epkadoek salah la kai, siwa toeha hefak di fili kai; wahan dagosa salijak la kai oso fidi ennewen toeha raman emsijan, fili kai beta oso fidi naraka nake bana toeha raman roewa. 10 Nanbeta olik bara kimi eklokon geba emsijan fili gebaro roijen na, wahan jako prepa la kimi, sira noenoek Adijaro angak gisgisa jako nau Ama fidi sorgai nake poepenlalen. 11 Wahan Geba-anat kadoek haik la poena eslamat la ije dadifoek haik. 12 Kimi nanoek teni? Bama la geba emsijan domba oetoen, toeha emsijan filidi dadala haik, rine sohek peba mo domba polo etjija geran etjija, toeha iko toho-keha kakoe la hama domba dadala di? 13 Toeha bama gamdi, rine beta doraba di, resek, jako prepa la kimi, rine damihi dafoek wahan emsijan di fili wahan domba polo etjija geran etjija doedala haik mehede. 14 Gamdi kimi nimik Ama nake nansoeka mela, emsijan fili gebaro doeroijen na sohek difoek. 15 Boe bama kai namoek nahat poena salah haik la kai, iko la rine efhaik rine fidi tif-tifoen kai toeha rine emsikan, toeha bama rine tjaan kai, gamdi kai oentoen kai namoek nahat. 16 Boe bama rine tjaan kai mo, gamdi ego toeha kai geba emsijan pi roewa, olik fidi fifin-teden fili geba saksi roewa pi telo lijenkasen paskemak sohek doenenek. 17 Toeha bama rine emreha tongi tjaan sira laik hambar fili di la boton; toeha bama rine emreha tongi tjaan boton di, gamdi rine sohek iha la kimi gamna geba hindoe toeha geba dasale beja. 18 Resek jako prepa la kimi: ije emsijan-emsijan kimi sohek hapoet fisaka bipolo, ije di sohek daephapoet haik fidi sorgai; toeha ije em sijan-emsijan kimi sohek holik fisaka bipolo, ije di sohek daepholik haik fidi sorgai. 19 Sakik jako prepa la kimi: bama geba roewa fili kimi doenanoek oetoek fili ije emsijan-emsijan fisaka bipolo toeha sira sohek laha ije di, sira sohek sale di fili jako nau Ama fidi sorgai. 20 Wahan bama geba roewa pi telo doeepsijak toeha jako nau ngaan, fidi jako sohek iha fidi tif-tifoen sira. 21 Toeha la beto di Petroes kadoek haik la rine, toeha prepa haik: Ja Toehan, eta lalen pila jako nau nahat sohek poena salah la jako toeha jako laik ampon la rine? eta lalen pitoe? 22 Isa prepa haik la rine: Jako prepa mo eta lalen pitoe, boe eta lalen polo pitoe lalen pitoe. 23 Wahan di sorgai nake ngaat-epreta daepnges-ngesa toeha leber tahoen emsijan, danansoeka hait toeha nake hambaro. 24 Toeha la beto rine tane hait, geba eptanak haik la rine geba emsijan, nake moetan la rine talenta raran polo. 25 Toeha wahan la rine ije emsijan samohe la sili, rine nake tobon enahoe, olik geba sohek filik rine toeha nake finha toeha anatro toeha rine nake ije paskemak la sili nake moetan di. 26 Toeha hamba di dabalkofok seba la rine, fene: Ja Tobon, toke lalen darema la jako, toeha jako sohek sili ije paskemak. 27 Toeha tobon di nake lalen damoesik haik la rine epsalgai rine toeha laik ampon la rine fili moetan di. 28 Boe hamba dibedi dasoeba, dobon haik toeha nake hamba-emroko emsijan, nake moetan la rine dinar oetoen; toeha rine gawe geba di toeha wakoe rine la nake eskehan, fene: Sili kai namoek moetan la jako. 29 Toeha nake emroko di damoho la nake kadan toeha laha fili rine, fene: toke lalen darema la jako, toeha jako sohek sili ije paskemak. 30 Boe rine danansoeka haik di mela, moik rine iko haik hefak nake emroko fidi pandjara, eta rine sohek sili haik nake moetan di. 31 La beto nake emrokoro dikat angak ije di rine poena haik, gamdi sira doeedoeke tirin, toeha sira kadoek haik laik hambar la noenoek tobon ije paskemak, sira angak haik di. 32 La beto di tobon di kalak haik hamba di kadoek la rine toeha prepa haik: He hamba daboho, jako laik haik ampon la kai fili moe tan paskemak di, wahan kai laha haik fili jako. 33 Gamdo, patehen mo kai tongi moesik la kai namoek emroko, gamna jako tongi moesik haik la kai? 34 Toeha nake tobon dasefen haik, renga haik rine la gebaro doepoena pe, eta rine sohek sili haik nake moetan paskemak sep-sepo. 35 Gamdi tongi jako nau Ama fidi sorgai sohek poena la kimi, bama kimi laik ampon mo toeha lalen paskemak geba emsijan-emsijan nake nahat nake salah.

19

1 Toeha la beto Isa poena sepo haik lijenkasen paskemak na, gamdi rine langa haik fili Djalila, toeha date haik dabijoek wai Jarden fidi foeka Jehóeda nake lai. 2 Toeha gebaro demen hai haik rine, toeha rine poena gosa sakik sira fidi. 3 Toeha gebaro Farisi kadoek haik la rine la epreha rine toeha prepa la rine: dapatehen la geba epsamak fili nake finha fili wahan pelehet? 4 Boe rine dasade, prepa haik la sira: Kimi basa haik mela, Toehan snoelat haik geba la tantanet, dasnoelat haik sira gebha toeha finha? 5 Toeha prepa haik: Wahan di geba-emhana emsijan-emsijan sohek peba nake ama toeha ina toeha sohek dikek la nake finha toeha sira roewa sohek iha gamna isin emsijan rahek. 6 Gamdi eta sira mela geba roewa tongi boe isin emsijan beka. Wahan di ije di Allah epsijak haik, bara geba epsamak di. 7 Toeha sira prepa haik la rine: Bama gamdi, wahan teni Moesa enahoe haik laik soelat-epsamak emsijan la rine toeha epsamak fili rine. 8 Rine prepa haik la sira: Wahan kimi nimik lalen dagiwe, Moesa prepa haik kimi beta epsamak fili kimi nimik finha, boe fili tantanet gamdi mela beka. 9 Boe jako prepa la kimi: Geba emsijan-emsijan daepsamak fili nake finha moik wahan ije dengbohot rahek toeha daepsijak toeha finha dikat emsijan rine geba dengbohot, toeha geba di daepsijak toeha anat-fina daepsamak haik di, rine tongi geba dengbohot. 10 Toeha nake moeridro prepa haik la rine: Bama geba nake ije gamdi toeha nake finha, bara geba epsijak. 11 Boe rine prepa haik la sira: Geba paskemak beta tewa mo lijenkasen na, moik geba dasale haik di fili Allah. 12 Wahan iha gebaro doebeta èpsijak mo, sira gamdi haik fili sira noenoek emlomon; toeha iha gebaro dikat doebeta epsijak mo, sira gamdi wahan geba poena di la sira, toeha iha gebaro dikat doebeta epsijak mo, wahan sorgai nake ngaat epreta. Sane beta tewa di, dagosa rine tewa. 13 Toeha la beto di geba eptanak haik anatro roijen la rine, olik rine sohek taho fahan fisaka sira toeha laha berkat la sira, boe nake moeridro efhaik haik sira. 14 Boe Isa prepa haik: Bara poena soesah la anatro roijen toeha bara pöbele sira kadoek la jako, wahan la gebaro gamdi sorgai nake ngaat-epreta. 15 Toeha sepo rine taho haik nake fahan fisaka sira, rine iko haik filidi. 16 Toeha resek, geba emsijan kadoek haik la rine toeha prepa la rine: He geba eptoke dagosa, ije dagosa teni patehen jako poena, olik jako beta newen remak? 17 Toeha Isa prepa haik la rine: Wahan teni kai kalak jako dagosa? Geba emsijan dagosa mo, moik emsijan rahek, katewa: Allah. Boe bama kai nansoeka oso fidi ennewen di, poena eflaloek Penahoenro di. 18 Rine prepa haik la Isa: Penahoenro teni? Isa prepa haik: Bara kai epmata, bara kai poena dengbohot, bara kai epnakan, bara kai prepa doewek ledak. 19 Laik horamat la kai namoek ama toeha ina; toeha: Kai sohek mihik kai namoek emroko gamna kai namoek emsikan. 20 Toeha geba dasofin di prepa la rinc: ije paskemak na jako poena eflaloek di haik fili jako daroijen; emgoin teni la jako? 21 Isa prepa haik la rine: bama kai nansoeka iha daresek, iko beka, filik kai namoek ije paskemak toeha laik di la gebaro doeepkasija, toeha kai sohek beta koempang emsijan fidi sorgai; sepo di gammahek hai jako. 22 La beto geba dasofin di tjaan haik Hjenkasen na, rine iko haik toeha daedoeke, wahan rine nake koempang demen. 23 Toeha Isa prepa haik la nake moeridro: Resek jako prepa la kimi, dabeha tirin geba daewasa sohek oso fidi sorgai nake ngaatepreta. 24 Toeha sakik jako prepa la kimi: daemhama salijak onta emsijan oso fidi epplaus nake koping, fili geba daewasa emsijan oso fidi sorgai nake Ngaat-epreta. 25 Toeha nake moeridro doetjaan Hjenkasen na, gamdi sira doeëpdone tirin haik, fene: Bama gamdi, sane daemtai beta eslamat? 26 Toeha Isa, daängak la sira, prepa haik la sira: Geba beta poena di mo; boe Allah beta poena ije paskemak. 27 La beto di Petroes sade haik, prepa la rine: Angak, kami peba haik ije paskemak toeha hai haik kai, gamdi kami sohek beta teni? 28 Toeha Isa prepa haik la sira: Resek, jako prepa la kimi, kimi doehai haik jako, la beto ensnoelat fehoet, la beto Geba-anat sohek epteja fisaka nake lalijet-koersi dahokmaten, gamdi kimi tongi sohek epteja fisaka lalijet-koersi polo geran roewa, toeha doeprepa lalijet fena gebaro Jisrael polo geran roewa di. 29 Toeha geba emsijan-emsijan dasohek peba haik hoemaro, pi nahatro, pi fetaro, pi ama, pi ina, pi finha, pi anatro, pi hawaro, wahan jako nau ngaan, rine sohek sale nafan oetoen, toeha ka ijenein sorgai nake ngaat-epreta tongi. 30 Boe geba demen doeïha lijoek, sira sohek iha geba palmoren; toeha geba demen doeïha palmoren sira sohek iha geba lijoek.

20

1 Wahan sorgai nake ngaat-epreta danges-ngesa toeha hoema-tobon emsijan, dasoeba la bot-boti iko hama sewa geba poena neï fidi rine nake waslale-anggor. 2 Toeha sepo rine enahoe haik toeha sira, la leja emsijan dinar emsijan, rine sijoek haik sira iko gam nake waslale-anggor. 3 Toeha rine dasoeba haik la torowahe etjija, rine angak haik gebaro dikat doekerek fidi elet-filit toeha poena neï mo. 4 Toeha rine prepa haik la sira: Kimi tongi iko beka fidi waslaleanggor, toeha jako sohek laik la kimi, gamna patehen. Gamdi sira iko haik. 5 Toeha dasoeba haik sakik la torowahe polo geran roewa toeha la torowahe telo modan, rine poena haik gamdi tongi. 6 Toeha dasoeba haik la torowahe limo emhawen rine beta haik gebaro dikat doekerek toeha poena neï mo, toeha prepa haik la sira: Wahan teni kimi kerek fina betoen paskemak toeha poena neï mo? 7 Sira prepa haik la rine: Wahan geba emsijan samohe sewa haik kami. Gamdi rine prepa haik la sira: Kimi tongi iko beka fidi waslaleanggor, toeha kimi sohek sale gamna patehen. 8 Toeha sepo beto haik, waslale-anggor-tobon prepa haik la nake geba ibik-koentji: Kalak beka geba poena nei paskemak toeha sili la sira sewa di, toeha tane la gebaro fili palmoren eta kadoek la gebaro doelijoek. 9 Gamdi kadoek haik sira fili torowahe limo emhawen, sira sale haik geba emsijan-emsijan dinar emsijan. 10 Toeha gebaro fili lijoek doekadoek, sira nanoek haik sira sohek sale demen salijak filidi, toeha sira sale tongi geba emsijan-emsijan dinar emsijan. 11 Toeha sepo sira sale haik di, sira doekasnesek haik la hoematobon, 12 Toeha prepa haik: Gebaro doekadoek fili palmoren poena neï torowahe emsijan rahek toeha kai poena haik sira nges-ngesa toeha kami, doeleba haik betoen nake enlebat toeha lepoton. 13 Toeha hoema-tobon di sade haik toeha prepa la geba emsijan fili sira: He sabate, jako poena salah mo la kai; kimi enahoe haik mo la dinar emsijan? 14 Ego beka kai namoek toeha iko oli; boe jako nansoeka laik la gebaro fili palmoren na tongi demen gamdi, gamna la kai. 15 Pi dapatehen mo la jako poena toeha jako nau ije, gamna jako nansoeka? Pi kai namoek raman daboho, wahan jako na dagosa? 16 Gamdi gebaro fili palmoren sohek iha gebaro lijoek, toeha gebaro lijoek sohek iha gebaro palmoren. Wahan geba demen beta kalak haik, boe geba roi-roijen beta lili rahek. 17 Toeha Isa, dalepa gam Jeroesalem, ego haik nake moerid polo geran roewa emsikan-emsikan fidi tohon toeha prepa haik la sira: 18 Resek, kami lepa gam Jeroesalem toeha geba sohek renga Geba-anat la Imamro noenoek gebharo toeha la gebaro eptoke fili soelatro, toeha sira sohek prepa lalijet rine la poena mata rine. 19 Toeha sira sohek renga rine la gebaro hindoe noenoek fahan la espahi toeha fíale rine toeha iwahen, toeha la pihik rine fidi kaupakpele toeha la betoen telo rine sohek hosak sakik. 20 La beto di Sebadejoes nake anat-emhanaro noenoek ina kadoek haik la Isa toeha nake anat-emhanaro daseba la rine, toeha damihi laha ije emsijen fili rine. 21 Toeha rine prepa la anat-fina di: Kai nansoeka teni? Anat-fina di prepa haik la rine: Laik olik jako nau anat-emhana roewa na beta epteja, emsijan fidi kai namoek fahan wana toeha emsijan fidi kai namoek fahan bali fidi kai namoek ngaat-epreta. 22 Boe Isa sade toeha prepa haik: Kimi tewa mo, kimi rana teni; kimi emtai ino wai-ino-elen di, jako sohek ino di, toeha sale enfoin di, jako sohek sale di? Toeha sira prepa haik la rine: kami doeemtai. 23 Toeha rine prepa haik la sira: Jako nau wai-ino-elen kimi sohek ino resek, toeha enfoin di, jako sohek sale di, kimi tongi sohek sale di, boe epteja di fidi jako nau fahan wana toeha fahan bali, jako beta laik di mo, boe jako nau Ama sohek laik di la geba di, Ama poena matak haik di la rine. 24 Toeha la beto moerid polo di tjaan haik di, gamdi sira sefen haik la nahat roewa di. 25 Boe Isa kalak haik sira paskemak kadoek la rine toeha prepa: Kimi tewa, Fenaro noenoek Ratoero gawe epreta fisaka sira toeha geba-haatro tingidi ewasa fisaka sira. 26 Boe gamdi bara fidi tif-tifoen kimi, boe geba emsijan-emsijan damihi sohek iha dahaat fidi tif-tifoen kimi, dagosa rine kimi nimik hamba. 27 Toeha geba emsijan emsijan damihi sohek iha geba epreta fidi tif-tifoen kimi, dagosa rine kimi nimik hamba. 28 Gamna Geba-anat dakadoek haik mo, la geba lelean la rine, boe olik rine lelean toeha la laik nake njawa la filin-benefoe la geba demen. 29 Toeha la beto sira soeba haik fili fena Jeriho, gamdi gebaro demen hai haik rine. 30 Toeha resek, geba roewa raman dapermiten, doeepteja fidi tohon gilin, la beto sira tjaan haik, Isa dabijoek fidi, sira kalak haik, fene: Ja Toehan, kai Daud nake anat-emhana, moesik la kami. 31 Toeha geba demen di efhaik haik sira, olik sira sohek enaboe; boe sira kalak haik salijak filidi, fene: Moesik la kami, ja Toehan, Maud nake anat-emhana! 32 Toeha Isa, dakerek, kalak haik sira toeha prepa haik: kimi nansoeka jako sohek poena teni la kimi? 33 Toeha sira prepa haik la rine: Ja Toehan, olik kai foeka kami namik raman. 34 Toeha Isa nake lalen damoesik la sira, elauk haik sira noenoek raman, toeha til-tilo sira noenoek raman doeängak haik toeha sira hai haik rine.

21

1 Toeha la beto sira kadoek haik brangen la fena Jeroesalem toeha date haik fidi Bethfage fidi kakoe Seitoen, Isa sijoek haik moerid roewa toeha prepa la sira: 2 Kimi iko beka fidi hoema lolen ihadi dabahan toeha kimi toeha til-tilo kimi sohek beta fidi kalide tina emsijan, geba hapoet haik di nges-ngesa toeha nake anat emsijan; holik beka di toeha eptanak di gammahek la jako. 3 Toeha bama geba emsijan sohek prepa ije emsijan la kimi, gamdi kimi sohek prepa: Toehan nake poena neï la kalide di, toeha til-tilo rine sohek sijoek di. 4 Toeha paskemak na iha haik, olik sohek dataun ije di, nabi prepa haik, fene: 5 Prepa beka la Sijon nake anat-fina: Angak kai namoek Leber kadoek la kai, nake lalen daemloeba toeha daepteja fisaka kalide-tina emsijan, katewa kalide dasofin, anat fili kalide daleba haik geba nake enlebat. 6 Toeha moeridro doeïko haik, toeha sira poena haik gamna Isa enahoe haik la sira. 7 Gamdi sira eptanak haik kalide-tina toeha kalide-anat di toeha sira taho haik nake elwani fisaka di, toeha Isa epteja haik fisaka kalide di. 8 Toeha geba demen dafoek foeka haik noenoek elwani fidi tohon toeha geba dikat fasak haik sanganro fili kaum toeha foeka di fidi tohon. 9 Toeha geba demen di, doeïko lijoek toeha doeïko hai, sira kalak haik, fene: Hosana la Daud nake anat-emhana! Rine beta berkat, Rine dakadoek toeha Toehan nake ngaan. Hosana fidi netenro doeSmkelen tirin-tirin. 10 Toeha la beto rine oso fidi Jeroesalem, gamdi fena paskemak isoek-lalen haik toeha prepa: Sane rine na? 11 Toeha geba demen di prepa haik: Rine na Isa, nabi di fili Natsirat, foeka Djalila. 12 Toeha Isa oso haik fidi Allah nake Kaäbah toeha pedoi soeba filidi geba paskemak doefilik-safe fidi Kaäbah, toeha rine poena leli eflisat fili gebaro doepanilik kemping toeha tongi eletro-epteja fili gebaro doefilik manoet-rahero. 13 Toeha rine prepa haik la sira: Dasoela haik: Geba sohek kalak jako nau hoema, hoema salawatoe, boe kimi poena haik di gamna eli la gebaro epmata. 14 Toeha fidi Kaäbah-lalen kadoek haik la rine gebaro raman permiten toeha kadan tanga-leha toeha rine poena gosa sakik sira. 15 Toeha la beto Imamro noenoek gebharo toeha gebaro eptoke fili soelatro angak haik poena-neiro epdone di, Isa poena haik di, toeha anatro, doekalak fidi Kaäbah, fene: Hosana la Daud nake anatemhana! gamdi sira doesefen haik, 16 Toeha prepa haik la rine: kai datjaan tongi teni anatro na prepa? Toeha Isa prepa haik la sira: Resek; kimi basa haik mehede: Fili anatro roijen toeha anatro doesoesoe nanoek fifin kai poena matak haik enrehek la kai? 17 Toeha rine peba haik sira toeha soeba haik fili fena, daïko gam Bethanija toeha badifo haik la beto fidi. 18 Toeha la soepan bot-boti, la beto rine iko haik oli sakik gam fena, rine daglada haik. 19 Toeha rine angak hailc ara-poen emsijan fidi tohon-gilin, toeha Isa iko brangen la poen di, boe rine beta foewan samohe, moik omonro rahek; toeha rine prepa la poen di: Bara geba emsijan ka foewan tongi fili kai eta remak. Toeha ara-poen di daëmlau til-tilo. 20 Toeha moeridro di doeängak di, epdone haik, fene: Gamdo ara-poen di tiltilo daemlau gamdi? 21 Boe Isa dasade haik, prepa la sira: Resek, jako prepa la kimi, bama la kimi pertjaja toeha kimi belgoi mo, kimi sohek poena mo rahek gamna la ara-poen di, boe bama kimi sohek prepa la kakoe na: datoek beka kai toeha dahefak fidi olat beka, gamdi sohek iha tongi. 22 Toeha ije paskemak di kimi sohek laha fidi salawatoe toeha pertjaja, kimi sohek sale di. 23 Toeha sepo Isa oso haik fidi Kaabah, kadoek haik la rine la beto rine eptoke Imamro noenoek gebharo toeha fena nake gebharo, fene: Toeha ewasa teni kai poena ijero na? toeha sane laik haik ewasa di la kai? 24 Toeha Isa, dasade haik prepa la sira: jako tongi sohek nika lijenkasen emsijan la kimi, toeha bama kimi sohek prepa di, gamdi jako tongi sohek prepa la kimi, toeha ewasa teni jako poena ijero na. 25 Jahja nake enfoin di filido? fili sorgai? pi fili gebaro? Toeha sira fisara haik emsijan toeha dikat, fene: Bama kami prepa. Fili sorgai, gamdi rine sohek prepa la kami: wahan teni kimi pertjaja haik mo la rine? 26 Toeha bama kami prepa: Fili gebaro, gamdi kami emtako geba demen di, wahan sira paskemak prepa Jahja di geba nabi emsijan. 27 Toeha sira doesade haik la Isa, fene: Kami tewa di mo. Toeha rine prepa haik la sira: Gamdi jako tongi prepa mo la kimi toeha ewasa teni jako poena ije na. 28 Boe kimi nanoek teni? La geba emsijan anat-emhana roewa, toeha rine daïko la emsijan prepa: He jako nau anat, iko beka poena nei la betoen 11a fidi jako nau waslale anggor. 29 Boe rine dasade, prepa haik: Jako nansoeka mo; boe sepo fili di rine dakasnesek iko haik. 30 Toeha rine kadoek haik la anat dikat di, toeha prepa gamdi haik. Gamdi rine sade haik, fene: Ehe tobon, boe rine iko haik mo. 31 Sane fili geba roewa na poena haik eflaloek ama di nake nan soeka? Sira prepa haik la rine: Geba daemsijan di. Toeha Isa prepa haik la sira: Resek, jako prepa la kimi, gebaro doesale beja toeha, anat-finaro dcngbohot sohek oso fidi Allah nake ngaat-epreta lijoek fili kimi. 32 Wahan Jahja kadoek haik la kimi fidi tohon dadofo, toeha kimi pertjaja haik rine mo, boe gebaro doesale beja toeha anat-finaro dengbohot pertjaja haik rine; boe kimi doeängak haik di, kasnesek haik mo sepo filidi, olik kimi pertjaja rine. 33 Tjaan beka epnges-ngesan dikat emsijan: Daïha haik hoematobon emsijan, dapoena haik waslale-anggor emsijan toeha taho a emsijan bol-boli di toeha kalik haik elet hagoek anggor-foewan fidi waslale-lalen toeha poena neï haik hoema daemkelen emsijan toeha laik sewa di la gebaro poena hawa, toeha iko haik gam foeka dikat. 34 Toeha la beto moesim-foewan daepak haik, rine sijoek haik nake hambaro la gebaro poena neï fidi waslale, la sale nake foewanro. 35 Gamdita gebaro efrake haik hambaro di, toeha sira flale haik emsijan, toeha epmata haik dikat, toeha dikat sakik sira fage rine toeha fatoero. 36 Sakik rine sijoek hambaro dikat dademen fili lijoek, boe gebaro waslale poena la sira tongi gamdi. 37 Toeha la peksepon rine sijoek haik anat-emhana la sira, fene: sira sohek laik hormat la jako nau anat-emhana. 38 Boe gebaro waslale di. doeängak anat-emhana di, prepa haik emsijan la emsijan: Rine na geba daka ijenein, mahek kami epmata rine, gamdi rine nake ijenein kami gawe di. 39 Toeha sira efrake haik rine, hefak soeba rine fidi lakakoe was lale toeha epmata haik rine. 40 Bama waslale-anggor-tobon di sohek kadoek, rine sohek poena teni la gebaro waslale di? 41 Sira prepa haik la rine: Rine sohek epmata gebaro boho di toeha poena pe demen la sira, toeha rine sohek laik sewa waslaleanggor di la gebaro waslale dikat, doesohek laik nake foewanro la noenoek beto. 42 Isa prepa haik la sira: Kimi basa haik mehede fidi soelatro: Fatoe di, gebaro poena neï hefak haik di, fatoe di iha haik fatoe esnekoen emsijan; Toehan poena haik ije di toeha ije di epdone la kami namik raman? 43 Wahan di jako prepa la kimi, Allah sohek ego nake ngaat-epreta fili kimi toeha sohek laik di la fena emsijan, dasohek laik nake foewanro. 44 Toeha sane moho fisaka fatoe di, rine sohek ebrarik toeha fatoe dï damoho fisaka geba, fatoe sohek besa rine. 45 Toeha imamro noenoek gebharo toeha gebaro Farisi doetjaan haik, rine nake epnges-ngesanro na, sira tewa haik, rine prepa fili sira. 46 Toeha sira hama haik la efrake rine, boe sira doeemtako geba demen di, wahan sira prepa rine geba nabi emsijan.

22

1 Toeha Isa dasade, prepa haik sakik la sira toeha tingidi epgnesngesanro, fene: 2 Sorgai nake ngaat-epreta nges-ngesa toeha Leber emsijan, dapoena haik maöha emsijan la nake anat-emhana. 3 Toeha rine sijoek haik, nake hambaro la kalak gebaro doebeta kalak haik, toeha sira nansoeka mo la kadoek. 4 Toeha rine sijoek haik sakik hambaro dikat, fene: Prepa beka la gebaro doebeta kalak: Resek, jako poena matak haik jako nau walakak, jako fasak haik jako nau lemboero toeha hewanro doemina; paskemak damatak haik, kimi gammahek beka la jako nau walakakmaöha: 5 Boe sira doehafdapon. ije di, iko haik, emsijan gam rine nake hawa, emsijan dikat gam rine nake poena neï dikat. 6 Toeha gebaro dikat efrake haik nake hambaro poena haik boho la sira toeha epmata haik sira. 7 Toeha Leber datjaan haik di, rine dasefen haik toeha rine sijoek haik nake gebaro eplatan, toeha poena potaik haik gebaro epmata di, toeha poto haik sira noenoek fena. 8 Sepo di rine prepa haik la nake hambaro: Maöha resek damatak haik, boe gebaro doebeta kalak haik, dagosa mo la ije di. 9 Wahan di iko beka fidi tohonro pakpele toeha gebaro pil-pila kimi sohek dobon toeha sira, kalak sira kadoek la maöha di. 10 Toeha hambaro di soeba haik iko fidi tohonro, doeëpsijak haik geba paskemak, doedobon toeha sira, gebaro doeboho toeha gebaro doegosa; gamdi maöha di dataun haik toeha gebaro doeka. 11 Toeha Leber di daöso haik la angak geba paskemak doeepteja, gamdi rine angak haik fidi tongi geba emsijan datingidï mo laboe maöha. 12 Toeha Leber prepa haik la rine: He sabate kai oso haik fina gamdo, toeha tingidi mo laboe-maöha? Toeha rine enaboe gamna saslijen. 13 Gamdi Leber prepa haik la nake hambaro: Hapoet nake fahan toeha nake kadan, toek beka rine, hefak rine fidi permiten-toeni; fidi sohek iha tangi toeha ngisin-riken. 14 Wahan geba demen beta kalak haik, boe geba roi-roijen beta lili rahek. 15 La beto di gebaro Farisi iko haik toeha sira poena fisara emsijan toeha emsijan, gamdo sira beta pehoel rine wahan nake entoken. 16 Toeha sira sijoek haik la rine geba pil-pila fili sira noenoek moeridro toeha gebaro Herodijani, fene: Ja geba eptoke, kami tewa kai dadofo, toeha kai eptoke Allah nake tohon toeha resek, toeha kai nika geba mo, wahan kai angak mo geba nake poepenlalen. 17 Wahan di prepa la kami: Kai nanoek teni: patehen kami laik beja la Kaisar pi mo? 18 Boe Isa, datewa haik sira noenoek enbohon, prepa haik: Gamdo kimi epreha jako, kimi gebaro goda? 19 Тoke beka kemping-beja la jako. Toeha sira ego haik kemping dinar emsijan la rine. 20 Toeha rine prepa haik la sira: Sane nake roepan di toeha sane nake soela di? 21 Sira prepa haik la rine: Kaisar nake. La beto di Isa prepa haik la sira: Gamdi laik la Kaisar, Kaisar nake, toeha la Allah, Allah nake. 22 Toeha sira doetjaan haik di, sira epdone haik toeha doepeba rine, sira iko haik. 23 Toeha la betoen dibedi, gebaro Sadoekï kadoek haik la rine; sira prepa gebaro mata sohek hosak mo, toeha nika haik rine, 24 Fene: He geba-eptoke, Moesa prepa haik: Bama geba emsijan mata, toeha rine nake anat samohe, gamdi rine nake nahat sohek ego rine nake finha toeha embanat anat la nake nahat. 25 Gamdi iha haik fidi tif-tifoen kami nahat pitoe; toeha daemsijan ego haik finha emsijan, sepo di rine mata haik, toeha wahan la rine anat-emhana mo, nake finha badifo la nake nahat. 26 Gamdita tongi nahat daroewa, toeha nahat datelo, eta dapitoe, sepo. 27 Toeha sepo fili sira paskemak anat-fina di tongi mata haik, 28 La beto geba mata sohek hosak, anat-fina di sohek iha finha la sane? Wahan rine finha haik la geba pitoe paskemak di. 29 Вoe Isa sade toeha prepa haik la sira: Kimi doedala, doetewa mo soelatro toeha Allah nake ewasa. 30 Wahan la beto geba mata sohek hosak, geba epsijak mo, toeha poena mo geba epsijak, boe sira sohek iha gamna Allah nake Adijaro fidi sorgai. 31 Toeha fili geba mata sohek hosak, kimi basa mela lijenkasen di Allah prepa haik la kimi daprepa: 32 Jako na Ibrahim nake Allah, Jitshak nake Allah toeha Jakoeb nake Allah? Allah mela gebaro mata noenoek Allah, boe fili gebaro doebanewen. 33 Toeha gebaro demen di doetjaan haik di, sira epdone tirin wahan rine nake entoken. 34 Toeha gebaro Farisi beta tjaan haik, Isa poena kapo haik gebaro Sadoeki noenoek fifin, gamdi sira epsijak haik. 35 Toeha emsijan fili sira, geba eptoke fili soelatro emsijan, nika haik rine toeha epreha rine, fene: 36 He geba eptoke, teni penahoen dahaat fidi Penahoen? 37 Toeha Isa prepa haik la rine: Kimi sohek mihik Toehan, kimi nimik Allah toeha kimi nimik lalen paskemak, toeha kimi nimik njawa paskemak, tongi toeha kimi nimik akal paskemak: 38 Ihana penahoen daemsijan toeha dahaat. 39 Toeha daroewa di, nges-ngesa toeha daemsijan: Kimi sohek mihik kimi nimik emroko gamna kimi nimik emsikan. 40 La penahoen roewa na doebadoho penahoen paskemak toeha nabi paskemak. 41 Toeha la beto gebaro Farisi doeepsijak haik, Isa nika haik sira, 42 Toeha prepa: Kimi nanoek teni fili Elmeseh? rine sane nake anat-emhana? Sira prepa haik la rine: Daud nake. 43 Toeha rine prepa haik la sira: Bama gamdi, gamdo Daud kalak rine fili Roch nake naan: Toehan, fene: 44 Toehan prepa haik la jako nau Toehan: Epteja fidi jako nau fahan-wana, eta jako taho haik kai namoek nahasro poena kadanlapin la kai. 45 Bama Daud kalak rine Toehan, gamdo rine iha Daud riake anatemhana? 46 Toeha geba emsijan samohe beta sade lijenkasen emsijan larine; toeha fili betoen di geba emsijan samohe pos-poton la nika ije emsijan, la rine.

23

1 La beto di Isa prepa haik la geba demen di toeha la nake moeridro, 2 Fene: Gebaro eptoke fili soelatro toeha gebaro Farisi doeëpteja fidi Moesa nake koersi. 3 Wahan di ije paskemak sira prepa la kimi, la kimi poena eflaloek di, gawe di toeha poena di; boe bara poena eflaloek sira noenoek poena neiro, wahan sira prepa di toeha poena di mo. 4 Wahan sira hapoet enlebatro doebeha toeha doesoesah la leba, toeha taho di fisaka geba nake malan, boe sira doenansoeka mo la gawe di toeha sira noenoek fahan-wangan. 5 Toeha sira noenoek poena nei paskemak sira poena olik geba sohek angak di; wahan sira poena sisin sira noenoek soelatro-nanbeta, toeha poena haat sira noenoek laboe nake gilinro. 6 Toeha sira mihi epteja fidi elet-epteja horamat fidi walakakro, toeha la epteja samena fidi Kanisahro. 7 Tongi sira hama la geba prepa tabeja la sira fidi elet filik-safe, toeha olik geba sohek kalak sira: Rabbi, rabbi! 8 Boe bara geba kalak kimi: Rabbi, wahan emsijan iha kimi nimik Geba-eptoke, katewa Elmeseh; toeha kimi paskemak nahatro. 9 Toeha kimi sohek kalak geba emsijan samohe kimi nimik Ama fisaka bipolo, wahan emsijan iha kimi nimik Ama, katewa daiha fidi sorgai. 10 Toeha bara geba kalak kimi Gebaro eptoke, wahan emsijan kimi nimik Geba eptoke, katewa Elmeseh. 11 Toeha geba dahaat dafoek fidi tif-tifoen kimi, rine sohek iha hamba la kami. 12 Toeha sane sohek poena haat nake emsikan, rine sohek iha rahen; toeha sane sohek poena rahen nake emsikan, rine sohek iha dahaat. 13 Boe silak la kimi, gebaro eptoke fili soelatro toeha gebaro Farisi, kimi gebaro goda, wahan kimi trego sorgai nake ngaat-epreta la gebaro, wahan kimi emsikan oso mo fidi, toeha gebaro doenansoeka oso fidi, kimi laik mo sira oso. 14 Silak la kimi, gebaro eptoke fili soelatro toeha gebaro Farisi, kimi gebaro goda, wahan kimi ka sepo anat-finaro faloe noenoek koempangro, toeha kimi poena di toeha epnijak doepoena salawatoero rema, wahan di kimi sohek beta siksa dabeha dafoek. 15 Silak la kimi, gebaro eptoke fili soelatro toeha gebaro Farisi, kimi gebaro goda, wahan kimi iko bol-boli fidi olat toeha fidai, la geba emsijan oso agama Jehoedi, toeha bama rine oso haik, kimi poena rine naraka nake anat emsijan, lalen roewa salijak nli kimi. 16 Silak la kimi, gebaro eptanak raman permiten, doeprepa gamna: Bama geba emsijan mane haik toeha Kaäbah, fidi emsijan samohe, boe sane mane haik toeha Kaäbah nake eflawan, patehen rine gawe di. 17 Kimi gebaro doebele toeha raman permiten, wahan teni dadafoek? eflawan di, pi Kaäbah, daepribe eflawan di? 18 Toeha bama geba emsijan mane haik toeha seba-elen, fidi em sijan samohe, boe sane mane haik toeha enseban daïha fisaka sebaelen, patehen rine gawe di. 19 Kimi gebaro doebele toeha raman permiten, wahan teni dadafoek? enseban di, pi seba-elen di dapoena ribe enseban di? 20 Wahan di sane mane toeha seba-elen, rine mane toeha dibedi, tongi toeha ije paskemak fisaka di. 21 Toeha sane mane toeha Kaäbah, rine mane toeha dibedi, tongi toeha Rine, daepteja fidi lalen. 22 Toeha sane mane toeha sorgai, rine mane toeha Allah nake lalijet-koersi, tongi toeha Rine, daepteja fisaka di. 23 Silak la kimi, gebaro eptoke fili soelatro toeha gebaro Farisi, kimi gebaro goda, wahan kimi sili fili polo emsijan fili emane, adis emroro toeha djintan, boe kimi poena mo eflaloek ije dabeha dafoek fidi Penahoen di, katewa endofon, epemloeban toeha pertjaja. Ijero na patehen geba poena toeha bara glidoek ijero dikat di. 2Í. Kimi gebaro eptanak raman permiten, wahan kimi tjikoek senget, toeha kimi reroe onta paskemak. 25 Silak la kimi, gebaro eptoke fili soelatro toeha gebaro Farisi, kimi gebaro goda, wahan kimi hobo poena ribe wai-ino-elenro toeha piganro noenoek lakakoe, boe fidi lalen doetaun toeha ije hawi toeha ijero doekafrakan. 26 Kai geba Farisi raman permiten, poena ribe beka lijoek waiino-elen nake isin toeha pigan nake isin, olik nake lakakoe tongi iha daribe. 27 Silak la kimi, gebaro eptoke fili soelatro toeha gebaro Farisi, kimi gebaro goda, wahan kimi roepan emsijan gamna kaunro, geba koka toeha rahisin-boti, resek fidi lakakoe dagosa, boe fidi lalen dataun toeha geba mata nake rohenro toeha ijero doekafraken. 28 Gamdi kimi tongi, fidi lakakoe kimi la gebaro gamna gebaro doedofo, boe fidi lalen kimi dataun toeha ijero goda toeha ijero boho. 29 Silak la kimi, gebaro eptoke fili soelatro toeha gebaro Farisi, kimi gebaro goda, wahan kimi poena nei nabiro noenoek kaunro toeha ephiboek gebaro doedofo noenoek karametro, 30 Toeha kimi prepa: Bama kami boenewen haik la beto fili kami namik opo-oepoe, kami sohek doenansoeka haik mo la beta lai toeha sira la Nabiro noenoek raha. 31 Gamdi kimi keha saksi eplawan kimi nimik emsikan, kimi anatro fili gebaro di doepoena mata haik nabiro. 32 Toeha gamdi kimi, poena taun beka kimi nimik amaro noenoek isbenan. 33 He kimi, inewitro toeha kaspelel-anatro! kimi sohek heka poena salgai kimi nimik emsikan gamdo fili siksa fidi naraka? 34 Wahan di resek, jako sijoek kadoek la kimi nabiro, panditaro toeha gebaro eptoke fili soelatro, toeha fili sira kimi sohek epmata geba pil-pila toeha flale toeha iwahen fidi kimi nimik Kanisahro geba pil-pila, toeha kimi sohek ephaga sira fili fena eta fidi fena dikat. 35 Olik sohek kadoek fisaka kimi raha daribe paskemak, geba toefak haik di fisaka bipolo, fili Habel daribe di nake raha eta Sacharija, Barachija nake anat-emhana, nake raha kimi epmata haik rine fidi tif-tifoen Kaäbah toeha tif-tifoen seba-elen di. 36 Resek, jako prepa la kimi, ije paskemak na sohek kadoek fisaka gebaro doebanewen la beto na. 37 He Jeroesalem, Jeroesalem! kai daepmata nabiro toeha fage toeha fatoero gebaro doebeta sijoek haik la kai, lalen demen pila jako nansoeka haik epsijak kai namoek anatro, gamna tepoet-tina emsijan epsijak nake anatro fipau nake panenro, toeha kai danansoeka mo! 38 Resek kai namoek neten-defo sohek iha emredan la kai. 39 Wahan jako prepa la kimi: Fili nabena kimi sohek angak jako mela, eta kimi sohek prepa: Daeslamat rine, dakadoek toeha Toehan nake ngaan!

24

1 Toeha Isa soeba haik toeha peba haik Kaäbah; toeha nake moeridro kadoek haik la rine la toke la rine Kaäbah nake poena nei paskemak. 2 Toeha Isa prepa haik la sira: kimi angak haik ije paskemak na? Resek jako prepa la kimi: fatoe emsijan sohek badifo mo ededoek fisaka fatoe dikat fina, moik paskemak sohek potaik. 3 Toeha la beto rine epteja fisaka kakoe Seitoen, moeridro kadoek haik la rine emsikan, fene: Prepa la kami la beto teni ijero na sohek iha? toeha etan teni fili Toehan nake enkadoek toeha fili djoenai nake peksepon? 4 Toeha Isa dasade, prepa haik la sira: Matketa beka! bara geba poena kimi dala. 5 Wahan geba demen sohek kadoek toeha tingidi jako nau ngaan, fene: Jako na Elmeseh, toeha sira sohek poena dala geba demen. 6 Toeha kimi sohek tjaan fili eplatanro toeha fili eplatanro noenoek hambarro, matketa beka, bara kimi emtako; wahan ije paskemak na patehen kadoek, boe peksepon daïha mehede. 7 Wahan fena emsijan sohek eplawan tena dikat; toeha ngaatepreta sohek eplawan ngaat-epreta, toeha sohek iha engladatro toeha empe-sampar toeha foeka-isoek fidi elet demen bol-boli. 8 Boe ije paskemak na tantanet rahek fili soesahro. 9 Toeha la beto di sira sohek renga kimi doepoena empe la kimi toeha epmata kimi, toeha gebaro fili fena paskemak sohek emgihik kimi wahan jako nau ngaan. 10 Toeha la beto di geba demen sohek beta lalen-soesah, toeha emsijan sohek renga geba dikat, toeha emsijan sohek emgihik la dikat. 11 Toeha nabi goda demen sohek kadoek toeha sohek poena dala geba demen. 12 Toeha wahan ijero doeboho sohek doedemen gamdi enmihik fili geba demen sohek dabridi. 13 Boe sane sohek danenek eta peksepon, rine sohek beta eslamat. 14 Toeha ngaat-epreta nake Indjil na geba sohek edohe di fidi djoenai paskemak la poena di gamna saksi emsijan la geba hindoe paskemak toeha la beto di tame sohek kadoek peksepon. 15 Toeha la beto kimi sohek angak etati epebrarik dakafraken, gamna Nabi Daniel prepa haik filidi, dakerek fidi elet daribe, (sane basa di dagosa rine nandohi ije di!) 16 Gamdi la beto di gebaro doebadifo fidi foeka Jehoeda, dagosa sira heka gam kakoero. 17 Sane fisaka nake hoema-atet, bara rine toho la ego ije emsijan fili rine nake hoema. 18 Toeha sane fidi nake waslale, bara rine oli gam nake hoema la ego nake elwani. 19 Bоe silak la anat-finaro doegali toeha doeepsoso la beto di. 20 Boe kimi salawatoe beka, olik kimi nimik heka bara iha la moesim bridi pi la betoen sabtoe. 21 Wahan la beto di sohek iha soesah dahaat emsijan, gamna daïha haik mehede fili djoenai nake tantanet eta la gamanga, toeha gamna sohek iha mela tongi. 22 Toeha bama Allah poena toeren mo betoenro di, resek geba emsijan samohe sohek banewen, boe wahan gebaro Allah lili haik sira betoenro di sohek iha toeren. 23 La beto di, bama geba emsijan sohek prepa la kimi: Angak, Elmeseh iha fina, pi fidi! bara pertjaja di. 24 Wahan sohek kadoek Elmeseh goda pil-pila toeha nabiro goda toeha sira sohek poena etanro doehaat toeha poena-neiro epdone, olik bama sira beta poena di sira sohek poena dala tongi gebaro doeeplili haik. 25 Nanbeta, jako prepa haik ije di la kimi, lijoek fili kadoek. 26 Toeha bama geba sohek prepa la kimi: angak, rine fidi mowangesa! bara kimi soeba; angak, rine fidi eslikoet-lalen! bara per tjaja di. 27 Wahan gamna filat soeba fili Timo toeha dasida eta fidi Fahat, gamdi tongi sohek iha Geba-anat nake enkadoek. 28 Boe fidi elet fatan damata ihadi fidi sohek epsijak manoet-oehanro. 29 Toeha til-tilo, sepo soesah dahaat fili betoenro di, leja sohek damiten toeha foelan sohek laik nake naan mo, toeha tolotro sohek moho fili lanit, toeha lanit nake ewasa paskemak sohek wewa. 30 Toeha la beto di Geba-anat nake etan sohek ennewak la lanit, toeha la beto di fena paskemak fisaka bipolo sohek tangi, toeha sohek angak Geba-anat dakadoek fisaka lanit nake lokonro toeha ewasa dahaat toeha hokmaten. 31 Toeha rine sohek sijoek nake Adijaro doeöpi nafiri, dahaat nake teden, toeha sira sohek epsijak rine nake gebaro doebeta eplili haik fili njopi pa, fili lanit, nake somon emsijan eta fidi somon dikat. 32 Toeha ara-poen di eptoke la kimi epnges-ngesan na: Bama nake sangan daëmloeba toeha nake kromon daepsinan, gamdi kimi tewa moesim menat dabrangen haik. 33 Gamdi kimi tongi, la beto kimi sohek angak ije paskemak na, gamdi kimi tewa ije di brangen haik, epak soeboe samena. 34 Resek, jako prepa la kimi: fena na sohek dabijoek mela beka, eta ije paskemak na sohek iha haik. 35 Lanit toeha bipolo sohek bijoek, boe jako nau lijenkasenro sohek bijoek mela beka. 36 Boe fili betoen di toeha torowahe di geba emsijan samohe tewa, tongi sorgai, nake Adijaro mo moik jako nau Ama emsikan rahek. 37 Toeha gamna Noch nake betoenro, gamdi tongi sohek iha Geba-anat nake enkadoek nake betoenro. 38 Wahan gamna sira iha haik la betoenro lijoek fili lona di, doeka toeha doeïno, doeepsijak toeha poena epsijak eta la betoen di Noch oso fidi bahtra-lalen. 39 Toeha sira doenanbeta mo eta lona kadoek haik toeha poena potaik haik sira paskemak, gamdi tongi sohek iha Geba-anat nake enkadoek. 40 La beto di geba roewa sohek iha fidi hawa, emsijan Toehan sohek sale, toeha emsijan Rine sohek barahaik. 41 Toeha anat-fina roewa sohek wesak fidi hoema wesak, emsijan Toehan sohek sale, toeha emsijan Rine sohek barahaik. 42 Wahan di matketa beka, wahan kimi tewa mo, la torowahe teni kimi nimik Toehan sohek kadoek. 43 Boe patehen kimi tewa ije na: bama hoema-tobon tewa haik la torowahe teni geba epnakan sohek kadoek, gamdi rine sohek ibik haik toeha laik mo geba epnakan kalik poena potaik nake hoema. 44 Gamdi kimi tongi, matketa olik kimi doematak, wahan la toro wahe kimi nanoek mo, Geba-anat sohek kadoek. 45 Toeha sane hamba dadofo toeha damatketa, nake tobon lepak haik rine fisaka tobon nake hamba paskemak, la laik ijenaan la sira la beto danenek? 46 Daeslamat hamba di, bama nake tobon kadoek, beta rine poena gamdi. 47 Resek jako prepa la kimi, rine sohek lepak hamba di fisaka nake koempang paskemak. 48 Boe bama hamba daboho di sohek prepa fidi nake lalen: Jako nau tobon geha kadoek mehede, 49 Toeha tane flale nake hamba-emrokoro, toeha ka toeha ino nges-ngesa toeha gebaro emsihi; 50 Gamdi hamba di nake tobon sohek kadoek la betoen hamba di dasohek rine mo, toeha la torowahe, rine tewa mo di. 51 Toeha sohek epsamak rine; toeha taho nake lai nges-ngesa toeha gebaro goda; fidi sohek iha tangi toeha ngisin-riken.

25

1 Toeha la beto di sorgai nake ngaat-epreta sohek danges-ngesa toeha anat-emhoeka polo, doeego haik sira noenoek palita toeha soeba haik la saloek emsawan-tobon. 2 Toeha limo fili sira gebaro doeemtewa, toeha limo gebaro doebele. 3 Gebaro doebele ego haik sira noenoek palita, boe sira ego haik wain samohe. 4 Boe gebaro doeemtewa ego haik wain fidi sira noenoek elen toeha sira noenoek palita. 5 Gamdi la beto emsawan-tobon dageha kadoek, sira paskemak doedoeba toeha toron haik. 6 Toeha la beto-tifoen geba tjaan lijen dakalak: Angak, emsawantobon kadoek, soeba beka, saloek eptanak rine! 7 Gamdi anat-emhoeka paskemak di hosak haik toeha poena matak sira noenoek palitaro. 8 Toeha gebaro doebele prepa haik la gebaro doeemtewa di: Laik la kami fili kimi nimik wain, wahan kami namik palitaro tiltilo mata. 9 Boe gebaro doeemtewa sade haik, fene: Bara gamdi, olik lae eta mo la kami toeha la kimi, boe dagosa kimi iko beka la gebarofilik toeha safe beka la kimi nimik emsikan. 10 Toeha la beto sira iko haik la safe, gamdi emsawan-tobon kadoek haik, toeha sane damatak haik oso toeha rine la maöha; toeha geba trego soeboe. 11 Sepo filidi kadoek haik tongi anat-emhoekaro dikat, fene: Ja tobon, ja tobon, foeka soeboe la kami! 12 Toeha rine dasade, prepa haik la sira: Resek, jako prepa la kimi, jako tevva kimi mo. 13 Wahan di matketa beka, wahan kimi tewa mo betoen di toeha torowahe di, Geba-anat sohek kadoek la dibedi. 14 Wahan (ngaat-epreta) di danges-ngesa toeha geba emsijan, daïko gam foeka dikat, dakalak haik nake hambaro toeha rine renga nake koepangro la sira 15 Toeha la geba emsijan, rine laik talenta limo, toeha la geba dikat roewa toeha la geba dikat sakik emsijan, eflaloek emsijan-emsijan nake faran; toeha til-tilo rine iko haik. 16 Toeha geba di dasale haik talenta limo, iko haik toeha epfilit toeha kemping di, toeha rine oentoen talenta limo dikat. 17 Gamdi tongi geba dasale haik roewa, rine tongi oentoen roewa dikat. 18 Boe geba di dasale haik emsijan, iko haik toeha kalik fidi rahe toeha prefoni haik rine nake tobon nake kemping. 19 Toeha sepo beto dageha emsijan hambaro di noenoek tobon kadoek sakik, toeha rine hait toeha sira. 20 Toeha geba di dasale haik talenta limo, kadoek haik toeha eptanak la rine talenta limo dikat, fene: ja Tobon, kai laik haik talenta limo la jako, angak talenta limo dikat jako oentoen haik fisaka dibedi. 21 Toeha nake tobon prepa haik la rine: Dagosa gamdi, kai hamba dagosa toeha dadofo, fisaka ije roi-roijen kai satija haik, jako sohek lepak kai fisaka ije demen; oso beka fidi kai namoek tobon nake enmihin. 22 Toeha geba di dasale haik talenta roewa kadoek haik tongi la rine toeha prepa: Ja Tobon, kai laik haik la jako talenta roewa, angak, talenta roewa dikat jako oentoen fisaka dibedi. 23 Toeha nake tobon prepa haik la rine: Dagosa gamdi; kai hamba dagosa toeha dadofo; fisaka ije roi-roijen kai satija haik, jako sohek lepak kai fisaka ije demen; oso beka fidi kai namoek tobon nake enmihin. 24 Boe geba di dasale haik talenta emsijan di, kadoek tongi toeha prepa: Ja Tobon, jako tewa kai, kai geba dagiwe emsijan, dapenjala fidi elet kai safoek mela, toeha daepsijak fidi elet kai taho mela. 25 Wahan di jako emtako haik, iko haik toeha prefoni kai namoek talenta fidi rahe, angak, fina kai namoek. 26 Boe nake tobon sade haik la rine, fene: He hamba daboho toeha damalas, kai tewa haik, jako penjala fidi elet jako safoek mela, toeha jako epsijak fidi elet jako taho mela. 27 Wahan di patehen kai taho haik jako nau kemping fidi gebaro penilik noenoek hoema, toeha la beto jako kadoek jako ego sakik jako nau kemping toeha nake toetoen. 28 Wahan di ego fili rine talenta emsijan di, toeha laik di la geba toeha talenta polo di. 29 Wahan geba emsijan nake ije iha haik, rine sohek sale beka toeha geba di nake ije toeha gidin, boe geba di nake ije samohe la rine, geba sohek ego fili rine ije daïha haik la rine. 30 Toeha hefak soeba hamba di dagoena mo fidi permiten toeni, fidi sohek iha tangi toeha ngisin-riken. 31 Toeha la beto Geba-anat sohek kadoek fidi nake hokmaten, toeha Adija daribe paskemak nges-ngesa toeha rine, la beto di rine sohek epteja fisaka nake hokmaten nake koersi. 32 Toeha fena paskemak sohek doeepsijak la rine nake poepenlalen, toeha rine sohek epsamak sira emsijan fili emsijan, gamna gombala epsamak dombaro fili bibiro. 33 Toeha rine sohek taho domba paskemak fidi nake fahan-wana, boe bibi paskemak rine sohek taho fidi nake fahan-bali. 34 La beto di Leber sohek prepa la gebaro doe kerek fidi nake fahan-wana: Gammahek kimi, gebaro doesale haik berkat fili jako nau Ama! sale beka ijenein ngaat-jpreta di, damatak haik la kimi lijoek fili djoenai nake tantanet. 35 Wahan jako daglada haik toeha kimi laik haik ijenaan la jako; jako damakasan haik toeha kimi laik haik jako ino; jako iha haik geba marakan, toeha kimi sale haik jako. 36 La beto jako tamlago haik, kimi laik haik elwani la jako; la beto jako daempe, kimi iko ela haik jako; la beto jako fidi pandjara, kimi kadoek haik la jako. 37 Gamdi gebaro doedofo di sohek sade la rine, fene: Ja Toehan, la beto teni kami angak kai daglada toeha laik ijenaan la kai? 38 Toeha la beto teni kami angak kai geba marakan toeha sale haik kai? pi tamlago toeha laik haik elwani la kai? 39 Toeha la beto teni kami angak haik kai daempe pi fidi pandjara, toeha kadoek haik la kai? 40 Toeha Leber di sohek sade toeha prepa la sira: Resek, jako prepa la kimi: kimi poena haik di demen pil-pila la geba emsijan fili jako nau nahatro doeroijen na, gamdi kimi poena haik di la jako. 41 Toeha gamdi Leber sohek prepa tongi la gebaro doekerek fidi nake fahan-bali: Sehek fili jako, kimi gebaro doebeta taloek! oso fidi bana daremak, damatak haik la Iblis toeha nake adijaro. 42 Wahan jako daglada haik toeha kimi laik ijenaan mo la jako; jako damakasan haik kimi laik ino mo la jako; 43 Jako iha haik geba marakan toeha kimi sale jako mo; tamlago, toeha kimi laik elwani mo la jako; daempe toeha fidi pandjara toeha kimi iko ela jako mo. 44 Gamdi sira tongi sohek sade la rine, fene: Ja Toehan, la beto teni kami angak kai daglada, pi damakasan, pi geba marakan, pi tamlago, pi daempe, pi fidi pandjara, toeha kami sibi haik kai mo? 45 Toeha la beto di rine sohek sade la sira toeha prepa: Resek jako prepa la kimi: demen pil-pila kimi poena haik di mo la geba emsijan fili gebaro doeroijen na, gamdi kimi poena haik di tongi mo la jako. 46 Toeha gebaro na sohek oso fidi pe daremak, boe gebaro doedofo di fidi newen daremak.

26

1 Toeha la beto Isa prepa haik lijenkasen paskemak na, gamdi rine prepa haik la nake moeridro: 2 Kimi tewa, sepo betoen roewa Fasa ihadi, toeha geba sohek renga Geba-anat, la pihik rine fidi kau-pakpele. 3 La beto di Imamro noenoek gebharo toeha gebaro eptoke fili soelatro toeha fena nake, gebharo doeepsijak haik fidi hoema fili Imam dahaat, nake ngaan Kajafas. 4 Toeha sira fisara haik emsijan toeha emsijan, gamdo sira sohek efrake Isa toeha eptoton la poena mata rine. 5 Boe sira prepa haik: bara la betoen haat, olik bara pemroton fidi tif-tifoen geba demen di. 6 Toeha la beto Isa fidi Bethanija, fidi Simon geba dadehen nake hoema, 7 Gamdi kadoek haik la rine anat-fina emsijan toeha daego bottel wain faan mongit emsijan fili filin dahaat, toeha toefak wain di fisaka Isa nake olon, la beto rine epteja fidi eflisat. 8 Boe la beto rine nake moeridro angak di, gamdi sira doesefen haik, fene: Wahan teni geba poena lilé di? 9 Wain na geba beta filik toeha filin dahaat, toeha kemping di dagosa la laik la gebaro doeepkasija. 10 Boe Isa datewa di prepa haik la sira: Wahan teni kimi poena soesah la anat-fina di? Wahan rine poena haik poena-nei dagosa em sijan la jako. 11 Wahan la beto paskemak gebaro doeepkasija doeiha toeha kimi, boe jako na la beto paskemak mo toeha kimi. 12 Wahan anat-fina na toefak haik wain di fisaka jako nau fatan, rine poena haik di wahan geba sohek tefak jako. 13 Resek, jako prepa la kimi, fido-fido geba sohek edohe Indjil na fidi djoenai paskemak, fidi geba sohek prepa la nanbeta la rine, fili ije di rine poena haik. 14 Toeha la beto di geba emsijan fili geba polo geran roewa di, nake ngaan Jehoeda Iskarijot, daïko haik la Imamro noenoek gebharo. 15 Toeha prepa: Kimi nansoeka laik pila la jako, gamdi jako sohek renga rine la kimi? Toeha sira laik la rine kemping eslaka polo telo. 16 Toeha tane fili beto di rine hama beto dagosa la rine beta renga Isa. 17 Toeha la betoen emsijan fili roti daemroro moeridro kadoek haik la Isa toeha prepa la rine: Kai nansoeka kami sohek poena ma tait Fasa la kai fido? 18 Toeha rine prepa haik: Iko beka, oso fidi fena la geba tahoen emsijan toeha prepa la rine: Geba eptoke prepa: Jako nau beto dabrangen haik, fidi kai namoek hoema jako sohek ka Fasa toeha jako nau moeridro 19 Toeha moeridro di poena haik gamna Isa enahoe haik la sira toeha poena matak Fasa di. 20 Toeha sepo emhawen haik, Isa epteja haik nges-ngesa toeha geba polo geran roewa di la ka fidi eflisat. 21 Toeha la beto sira ka, rine prepa haik: Resek, jako prepa la kimi, emsijan fili kimi sohek filik-renga jako. 22 Toeha sira doeëdoeke ke tirin haik toeha geba emsijan-emsijan tane prepa la rine: Jako na di, ja Toehan? 23 Toeha rine dasade prepa haik: geba di daleboek nake fahan nges-ngesa toeha jako fidi pigan rine sohek filik-renga jako. 24 Resek, Geba-anat iko mata, gamna geba soela haik fili rine, boe silak la geba di, dafilik-renga Geba-anat! dagosa la rine, bama geba embanat haik rine mo. 25 Toeha Jehoeda, dafilik-renga haik rine, sade toeha prepa haik: Jako di, Rabbi? Toeha Isa prepa haik la rine: Kai prepa haik di. 26 Toeha la beto sira ka, Isa ego haik roti, prepa berkat fisaka di, fakak di, toeha laik di la moeridro toeha prepa: Ego, ka beka, dibedi jako nau fatan. 27 Toeha rine ego wai-ino-elen, laha tarima-kasih haik, toeha laik di la sira, fene: Kimi paskemak ino filidi. 28 Wahan fidi jako nau raha, raha fili Penahoen-fehoet, jako toefak di la geba demen noenoek goena olik beta ampon fili dosa. 29 Toeha jako prepa la kimi, fili nabena jako sohek ino mela fili anggor-poen nake foewan na, eta la betoen di, jako sohek ino di fehoet fidi jako nau Ama nake ngaat-epreta. 30 Toeha sepo sira wene haik enwenet-enrehek, sira soeba haik iko gam kakoe Seitoen. 31 Toeha Isa prepa haik la sira: Kimi paskemak sohek beta lalensoesah la jako la beto na, wahan dasoela haik: Jako sohek flale gombala toeha geba sohek epsamak domba paskemak. 32 Boe sepo jako sohek hosak haik, jako sohek iko lijoek la kimi gam Djalila. 33 Boe Petroes dasade, prepa haik la Isa: Mase sira paskemak beta lalen-soesah la kai, jako sohek beta lalen soesah mela beka. 34 Isa prepa haik la rine: Resek, jako prepa la kai, la beto na, lijoek fili tepoet-lorama sohek teho haik, kai sohek foni jako eta lalen telo. 35 Toeha Petroes prepa haik la rine: Mase patehen jako mata tongi toeha kai, jako sohek foni kai mela beka! Gamdi tongi moerid paske mak prepa haik. 36 La beto di Isa oso haik toeha sira fidi waslale emsijan, nake ngaan Djatsemane, toeha rine prepa haik la moeridro: Epteja beka fina, eta jako iko toeha salawatoe haik fidi. 37 Toeha daego toeha rine Petroes toeha Sebadejoes nake anatemhana roewa, rine tane daedoeke toeha daümtako tirin. 38 Gamdi rine prepa haik la sira: jako nau njawa daedoeke tirintirin eta gamna jako mata; kimi boedifo beka fina toeha ibik ngesngesa toeha jako. 39 Toeha rine daïko roi-roijen filidi, rine moho balkofok toeha salawatoe haik, fene: Ja jako nau Ama, bama beta poena wai-ino-elen na bijoek fili jako, boe mo gamna jako nansoeka, boe gamna kai nansoeka. 40 Toeha rine kadoek haik la moeridro toeha beta sira doedoeba, toeha prepa haik la Petroes: Gamdo kai beta ibik mo toeha jako eta torowahe emsijan rahek? 41 Matketa toeha salawatoe beka, olik bara kimi beta enrehan, resek njawa damihi beka, boe fatan daemlosi. 42 Toeha rine iko sakik la lalen roewa, rine salawatoe, fene: Ja jako nau Ama, bama wai-ino-elen na beta bijoek mo fili jako, moik jako ino di, gamna kai namoek nansoeka. 43 Toeha rine dakadoek beta sira doedoeba sakik, wahan sira noenoek raman dabeha haik. 44 Toeha rine dapeba sira, iko haik sakik toeha salawatoe la lalen telo, daprepa lijenkasenro dibedi. 45 La beto di rine kadoek haik la nake moeridro toeha prepa haik la sira: Kimi nabena mihi la doeba toeha dejak? Resek, torowahe di kadoek dabrangen haik toeha geba sohek renga Geba-anat fidi gebaro baldosa noenoek fahan. 46 Hosak beka, maiko, angak geba di dafilik-renga jako dabra ngen haik. 47 Toeha la beto rine prepa tongi, resek, Jehoeda, geba emsijan fili geba polo geran roewa di, kadoek haik, toeha nges-ngesa toeha rine geba demen toeha kehetro, tongi toeha mairo, sira beta sijoek fili Imamro noenoek gebharo toeha fena nake gebharo. 48 Toeha geba, dafilik-renga Isa, laik haik etan emsijan la sira, fene: Geba di jako sohek maho rine . rine dibedi, efrake beka rine! 49 Toeha tiltilo rine dakadoek la Isa, rine prepa haik: Tabeja Rabbi! toeha rine maho Isa. 50 Вoe Isa prepa haik la rine: He sabate, wahan teni kai fina? La beto di sira kadoek brangen, toeha taho sira noenoek fahan la Isa toeha efrake haik rine. 51 Toeha resek, geba emsijan fili sira doehai Isa, datoeke nake fahan, hafoet haik nake kehet toeha lata Imam dahaat nake hamba nake elingan. 52 La beto di isa prepa haik la rine: osok sakik kai namoek kehet fidi nake penan, wahan geba paskemak doelata toeha kehet di, sohek beta potaik fili kehet. 53 Pi kai nanoek, la betoen na jako beta salawatoe mo la jako nau Ama, toeha rine sohek sijoek la jako Adija legijon polo geran roewa? 54 Bama gamdi, gamdo sohek daeptaun soelatro, doeprepa ije paskemak patehen iha gamdi. 55 La torowahe dibedi Isa prepa haik la geba demen di: kimi soeba haik gamna eplawan geba epmata emsijan, doeego kehetro toeha mairo la efrake jako; betoen emsijan-emsijan jako epteja toeha kimi, daeptoke geba fidi Kaabah, toeha kimi efrake haik jako mela. 56 Boe ije paskemak na gamdi, olik sohek daeptaun Nabiro noenoek soelatro. La beto di moerid paskemak di heka haik, doepeba rine. 57 Gebaro di, doeefrake haik Isa, eptanak haik rine la Kajafas, Imam dahaat di; fidi nake hoema gebaro eptoke fili soelatro toeha fena nake gebharo doeepsijak haik. 58 Toeha Petroes hai haik Isa fili breman eta Imam dahaat nake hoema toeha rine oso haik fidi lalen, epteja haik toeha hambaro la angak peksepon di. 59 Toeha Imamro noenoek gebharo toeha fena nake gebharo toeha boton-fisara dahaat paskemak hama saksi ledak eplawan Isa, olik sira beta epmata rine, boe sira beta haik mela. 60 Toeha mase geba saksi ledak demen kadoek haik, sira beta haik mela. 61 Sepo filidi geba saksi ledak roewa sakik kadoek haik, doeprepa: Geba na prepa haik: jako daemtai hoedak Allah nake Kaäbah toeha sohek fedak sakik di la betoen telo. 62 Toeha Imam dahaat dahosak-kerek, prepa haik la rine: Kai sade ije samohe? gebaro na doesaksi teni eplawan kai? 63 Boe Isa daenaboe rahek, Toeha Imam dahaat dasade prepa haik la rine: Jako mane kai toeha Allah dabanewen, kai sohek prepa la kami, kai na Elmeseh, Allah nake Anat? 64 Toeha Isa prepa haik la rine: Kai prepa haik di. Boe jako prepa la kimi: Fili nabena kimi sohek angak Geba-anat daepteja la fahan-wana fili Allah nake ewasa toeha dakadoek fisaka lanit nake lokonro. 65 La beto di Imam dahaat hidak nake ebvani, daprepa: Rine oegi haik Allah; kami oesah teni tongi toeha saksiro? Resek,. kimi tjaan haik nake oegi; 66 Kimi nanoek teni? Toeha sira doesade, prepa haik: Patehen geba epmata rine. 67 Toeha sira eftoeha haik rine fidi nake poepenlalen toeha sodi haik rine. Toeha gebaro dikat srapak rine, 68 Fene: fotok beka la kami, he Elmeseh, sane di dasrapak haik kai? 69 Toeha Petroes epteja haik fidi lakakoe, fidi baranda; toeha hamba-fina emsijan kadoek haik la rine, fene: kai tongi iha haik toeha Isa, geba Djalila di, 70 Boe rine foni haik di la geba paskemak, fene: Jako tewa mo, kai prepa teni. 71 Toeha la beto rine iko haik la soeba fili soeboe-mena, gamdi hamba-fina dikat angak haik rine, toeha prepa haik la gebaro doeïha fidi: Geba na tongi badifo toeha Isa Natsiri. 72 Boe rine foni haik di sakik toeha mane, fene: Jako tewa mo geba di. 73 Toeha beto roijen sepo filidi, gebaro doekerek haik fidi, kadoek brangen haik toeha prepa la Petroes: Resek, kai tongi fili geba di, wahan kai namoek lim poena geba tewa kai. 74 La beto di rine tane taloek nake emsikan toeha mane: Jako tewa mo geba di. 75 Toeha til-tilo tepoet-lorama teho haik; toeha Petroes dananbeta haik la Isa nake lijenkasen, Isa daprepa haik la rine: Lijoek fili tepoet-lorama sohek teho haik, kai sohek foni jako eta lalen roewa. Toeha rine dasoeba haik toeha tangi empai-empai.

27

1 Toeha la bot-boti Imamro noenoek gebharo toeha fena nake gebharo doefisara haik eplawan Isa, sira sohek epmata rine. 2 Toeha sepo sira hapoet haik rine, sira eptanak rine toeha renga haik rine la Pontijoes Pilatoes, Adipati di. 3 La beto Jehoeda, dafilik-renga haik rine, angak, geba prepa lalijet haik la Isa, gamdi rine kasnesek haik la nake emsikan, toeha rine ego haik sakik kemping eslaka polo telo di la Imamro noenoek gebharo toeha fena nake gebharo. 4 Fene: Jako baldosa haik wahan jako filik-renga haik raba daribe fili salah! Boe sira prepa haik: Teni di la kami? Kai rama ije di beka. 5 Toeha sepo rine hefak kemping eslaka di fidi Kaäbah-lalen, rine soeba haik toeha iko soök nake emsikan. 6 Toeha Imamro noenoek gebharo doeëgo haik kemping eslaka di, prepa haik: Patehen mo la taho kemping na fidi enseban-boeCte, wahan kemping di raha nake filin emsijan. 7 Gamdi sepo sira fisara haik emsijan toeha emsijan, sira safe haik toeha kemping di elet emsijan fili toekang koerin la poena di djeret la gebaro marakan. 8 Wahan di geba kalak haik elet di foeka-raha, eta la betoen na. 9 La beto di daëptaun haik lijenkasen di nabi Jeremija prepa haik, fene: toeha sira ego haik kemping eslaka polo telo, daïha filin fili geba sira filik haik, sira safe haik rine wahan Jisrael nake anatro. 10 Toeha sira laik haik di la filin fili toekang koerin nake foekatoeren, eflaloek Toehan enahoe haik la jako. 11 Toeha Isa dakerek haik la Adipati, toeha Adipati nika haik rine, fene: Kai na gebaro Jehoedi noenoek Leber? Toeha Isa prepa haik la rine: kai prepa di. 12 Toeha la beto Imamro noenoek gebharo toeha fena nake geb haro doesaksi demen eplawan rine, gamdi rine sade samohe. 13 Gamdi Pilatoes prepa haik la rine: Kai tjaan mo, sira doesaksi ije demen eplawan kai? 14 Boe Isa sade haik lijenkasen emsijan samohe la rifie, eta Adipati dadpdone tirin haik. 15 Toeha Adipati bijasa haik la betoen-haat rine epsalgai geba emsijan fili pandjara la geba demen di, sane sira mihi. 16 Toeha la beto di fidi pandjara geba emsijan, geba paskemak tewa nake poena-nei boho, nake ngaan Bar-abbas. 17 Toeha la beto gebaro doeëpsijak haik, Pilatoes prepa haik la sira: Kimi nansoeka jako epsalgai sane la kimi, Bar-abbas pi Isa, dafalngaan Elmeseh? 18 Wahan rine tewa haik, sira renga haik Isa fili emgihik. 19 Toeha la beto rine epteja fidi lalijet-koersi nake finha sijoek haik la rine, fene: Bara kai poena ije emsijan la geba dadofo na,wahan la beto na jako beta haik soesah demen fidi jako nau emnipin wahan rine. 20 Boe Imamro noenoek gebharo toeha fena nake gebharo lomo haik geba demen, olik sira sohek laha Adipati epsalgai Bar-abbas toeha epmata Isa. 21 Toeha Adipati dasade, prepa haik la sira. Sane fili geba roewa na kimi nansoeka jako epsalgai la kimi? Toeha sira prepa haik: Bar-abbas. 22 Filatoes prepa haik la sira: Gamdi jako sohek poena teni toeha Isa, dafalngaan Elmeseh? Toeha sira paskemak prepa haik la rine: Dagosa geba pihik rine fidi kau pakpele. 23 Boe Adipati prepa haik: Gamdi rine poena haik boho teni? Toeha sira kalak salijak filidi, fene: Dagosa geba pihik rine fidi kau pakpele! 24 Gamdi Pilatoes angak nake lijenkasen dagoena mo tongi, boe salijak fili di, geba sohek poena pemroton, rine ego haik wai toeha hobo haik nake fahan la sira paskemak angak di, fene: Jako daribe la geba dadofo na nake raha. 25 Toeha geba demen paskemak di doesade, fene: Rine nake raha kadoek beka fisaka kami toeha fisaka kami namik anatro. 26 Gamdi rine epsalgai Bar-abbas la sira, boe sepo geba flale haik Isa toeha iwahen, Pilatoes renga haik rine la geba pihik rine fidi kaupakpele. 27 La beto di Adipati nake gebaro eplatan ego haik Isa toeha sira fidi lalijet-hoema toeha epsijak eplawan Isa sira noenoek emroko paskemak. 28 Toeha sira foeka haik nake elwani, gamdi sira eplaboek rine toeha laboe darema, nake gilan meha-meha. 29 Toeha sira pali haik makota emsijan fili panganro toeha taho haik di fisaka nake olon toeha sira laik oewa-faton emsijan fidi nake fahan-wana toeha sira sento haik la rine, espahi haik rine, fene: tabeja, he kai gebaro Jehoedi noenoek Leber! 30 Toeha sira doeeftoeha haik rine, sira ego haik oewa-faton di flale fisaka nake olon. 31 Toeha sepo sira espahi haik rine, sira foeka sakik laboe damehameha di toeha eplaboek rine sakik toeha nake elwani emsikan toeha eptanak haik rine la pihik rine fidi kau pakpele. 32 Toeha sira doesoeba, beta haik geba emsijan fili Sireni, nake ngaan Simon, sira kelé haik rine, olik rine wada nake kau-pakpele. 33 Toeha sepo sira kadoek haik fidi elet di, nake ngaan Djoldjoeta, nake arti olon-rohen-elet. 34 Sira laik haik la rine ino wai-damilo daäloek toeha péon, toeha rine datepe haik di, nansoeka mo ino di. 35 Toeha sepo geba pihik haik rine fidi kau-pakpele, sira epsamak haik nake elwani toeha fage onde, olik sohek daeptaun ije di nabi prepa haik di: sira epsamak haik jako nau elwani fidi tif-tifoen sira, toeha sira fage haik onde fisaka jako nau djoebah. 36 Toeha sira doeepteja ibik haik rine fidi. 37 Toeha sira taho haik fisaka nake olon soelat fili nake salah: Rine na Isa, gebaro Jehoedi noenoek Leber. 38 Toeha nges-ngesa toeha rine geba pihik haik fidi kaupakpele geba epmata roewa, emsijan la kahan-wana toeha emsijan la kahan-bali. 39 Toeha gebaro doebijoek fidi espahi haik rine toeha doewili noe noek olon. 40 Fene: He kai, dahoedak Kaäbah toeha fedak sakik di la betoen telo, poena salgai kai namoek emsikan; bama kai Allah nake Anat, mahek toho fili saka kau-pakpele di. 41 Gamdi tongi Imamro noenoek gebharo, toeha gebaro eptoke fili soelatro, toeha fena nake gebharo, toeha gebaro Farisi, sira doeèspahi rine, fene: 42 Gebaro dikat rine epsalgai haik, rine emtai mo la salgai nake emsikan. Bama rine gebaro Jisrael nake Leber, rine toho fili kau-pak pele, toeha kami sohek pertjaja rine. 43 Rine daharak haik la Allah gamdi nabena Allah epsalgai rine, bama Allah mihi resek la rine; wahan rine prepa haik: Jako Allah nake Anat. 44 Gamdi tongi gebaro epmata fidi kau-pakpele nges-ngesa toeha rine, espahi haik rine. 45 Toeha tane fili torowahe polo geran roewa leja-tifoen kadoek haik permiten fisaka bipolo paskemak eta torowahe telo modan. 46 Toeha la torowahe telo modan Isa kalak haik toeha lijen dahaat, fene: Eli, Eli, Lama Sabachtani? nake arti di: Ja jako nau Allah, wahan teni kai peba haik jako? 47 Toeha geba pil-pila fili gebaro doekerek fidi, doetjaan di, prepa haik: Geba na kalak Elijas. 48 Toeha til-tilo geba emsijan fili sira dakadoek brangen, ego haik fogo-toetoen emsijan toeha eptauk di toeha wai-damilo, taho di fisaka bolo emsijan, sepo di laik haik di la rine ino. 49 Boe gebaro dikat di prepa haik: Sohek penik! dagosa kami angak, Elijas kadoek la salgai rine pi mo. 50 Toeha Isa, dakalak sakik toeha lijen dahaat, delak haik nake njawa. 51 Toeha resek Kaäbah nake heset-klamboe fegak haik eta poena roewa fili saka gam pau toeha foeka daïsoek haik toeha kakoero-fatoe doefola haik. 52 Toeha kaunro doefoeka haik, toeha fatan demen fili gebaro doedofo doemata haik, doebanewen sakik. 53 Toeha sira soeba haik fili kaunro di sepo fili Isa hosak haik, toeha sira kadoek haik fidi fena daribe toeha epfosik haik la geba demen. 54 Toeha geba haat fili geba eplatan oetoen toeha gebaro doeibik Isa nges-ngesa toeha rine, doeüngak foeka-isoek toeha ijero doeïha haik fidi, doeemtako tirin toeha prepa haik: Resek, geba na Allah nake anat. 55 Toeha fidi tongi geba-fina demen, doeängak fili breman, sira hai haik Isa fili Djalila la leleän la rine. 56 Fidi tif-tifoen sira iha haik Marjam Magdalena toeha Marjam, Jakoboes toeha Joses nake ina, toeha zebadejoes nake anatro noenoek ina. 57 Toeha sepo emhawen haik, kadoek haik geba daewasa emsijan fili Arimatheja, nake ngaan Joesoef, toeha rine tongi moerid fili Isa. 58 Geba na kadoek haik la Pilatoes toeha laha Isa nake fatan. Gamdi Pilatoes enahoe geba sohek laik fatan di la rine. 59 Toeha Joesoef daego fatan di, foki haik dibedi toeha kain botboti daribe toeha emrapat. 60 Toeha rine osok taho fatan di fidi nake kaun emsikan, rine dapahat haik di fidi kakoefatoe, toeha rine'tolak fatoe haat emsijan samena soeboe kaun di, sepo di rine iko haik. 61 Toeha fidi iha haik Marjam Magdalena toeha Marjam dikat di doeepteja bahan toeha kaun di. 62 Toeha la betoen di nake soepan, katewa betoen emsijan salgai fili betoen poena matak, gamdi Imamro noenoek gebharo toeha gebaro Farisi doeepsijak haik toeha iko haik la Pilatoes. 63 Fene: Ja Tobon kami paskemak nanbeta geba goda na, la beto rine banewen, prepa haik: sepo betoen telo, jako sohek hosak. 64 Wahan di, dagosa kai enahoe olik geba ibik kaun di eta betoen 49 Boe gebaro dikat di prepa haik: Sohek penik! dagosa kami angak, Elijas kadoek la salgai rine pi mo. 50 Toeha Isa, dakalak sakik toeha lijen dahaat, delak haik nake njawa. 51 Toeha resek Kaäbah nake heset-klamboe fegak haik eta poena roewa fili saka gam pau toeha foeka daïsoek haik toeha kakoero-fatoe doefola haik. 52 Toeha kaunro doefoeka haik, toeha fatan demen fili gebaro doedofo doemata haik, doebanewen sakik. 53 Toeha sira soeba haik fili kaunro di sepo fili Isa hosak haik, toeha sira kadoek haik fidi fena daribe toeha epfosik haik la geba demen. 54 Toeha geba haat fili geba eplatan oetoen toeha gebaro doeibik Isa nges-ngesa toeha rine, doeüngak foeka-isoek toeha ijero doeïha haik fidi, doeemtako tirin toeha prepa haik: Resek, geba na Allah nake anat. 55 Toeha fidi tongi geba-fina demen, doeängak fili breman, sira hai haik Isa fili Djalila la leleän la rine. 56 Fidi tif-tifoen sira iha haik Marjam Magdalena toeha Marjam, Jakoboes toeha Joses nake ina, toeha zebadejoes nake anatro noenoek ina. 57 Toeha sepo emhawen haik, kadoek haik geba daewasa emsijan fili Arimatheja, nake ngaan Joesoef, toeha rine tongi moerid fili Isa. 58 Geba na kadoek haik la Pilatoes toeha laha Isa nake fatan. Gamdi Pilatoes enahoe geba sohek laik fatan di la rine. 59 Toeha Joesoef daego fatan di, foki haik dibedi toeha kain botboti daribe toeha emrapat. 60 Toeha rine osok taho fatan di fidi nake kaun emsikan, rine dapahat haik di fidi kakoefatoe, toeha rine tolak fatoe haat emsijan samena soeboe kaun di, sepo di rine iko haik. 61 Toeha fidi iha haik Marjam Magdalena toeha Marjam dikat di doeepteja bahan toeha kaun di. 62 Toeha la betoen di nake soepan, katewa betoen emsijan salgai fili betoen poena matak, gamdi Imamro noenoek gebharo toeha gebaro Farisi doeepsijak haik toeha iko haik la Pilatoes. 63 Fene: Ja Tobon kami paskemak nanbeta geba goda na, la beto rine banewen, prepa haik: sepo betoen telo, jako sohek hosak. 64 Wahan di, dagosa kai enahoe olik geba ibik kaun di eta betoen telo, olik bara lae nake moeridro kadoek la beto toeha epnakan rine, toeha prepa la geba demen di: Rine hosak haik fili tif-tifoen gebaro mata; toeha gamdi salah dapalraoren dahaat dafoek fili salah dalijoek. 65 Toeha Pilatoes prepa haik la sira: La kimi emsikan gebaro ibik, iko beka toeha poena gebaro ibik kann di, gamna kimi tewa. 66 Toeha sira iko haik sijoek gebaro la ibik kaun di toeha fisaka fatoe sira taho haik tjap emsijan.

28

1 Toeha la peksepon fili betoen sabtoe toeha gahasit daepak haik eta poena bot-boti la betoen emsijan fili dominggo, gamdi kadoek haik Marjam Magdalena toeha Marjam dikat di la angak kaun di. 2 Toeha resek, daïha haik foeka-isoek dahaat wahan Toehan nake Adija emsijan datoho fili sorgai kadoek brangen haik toeha tolak fatoe fili soeboe di toeha epteja fisaka dibedi. 3 Toeha nake lein gamna filat toeha nake elwani daboti gamna tsaldjoe. 4 Toeha fili emtako larine, gebaro doeïbik di doedike tirin toeha iha haik gamna gebaro doemata. 5 Boe Adija dasade, prepa haik la geba-finaro di: bara kimi em tako, wahan jako tewa, kimi hama Isa, geba pihik haik rine fidi kau-pakpele, 6 Rine mela fina, wahan rine hosak haik, gamna rine prepa haik. Gammahek, angak elet di Toehan dabage haik fidi. 7 Toeha iko beka geda-geda toeha prepa la nake moeridro, rine hosak haik fili gebaro mata, toeha resek, rine iko lijoek la kimi gara foeka Djalila, fidi kimi sohek angak rine. Resek, jako prepa haik di la kimi. 8 Toeha sira doesoeba geda-geda fili kaun di toeha emtako toeha enmihin dahaat, iko haik bitil, la edohe di la nake moeridro. 9 Toeha la beto sira iko haik la edohe la nake moeridro, resek, Isa dobon haik toeha sira, fene: Dame la kimi! Toeha sira doekadoek la rine, slokok haik nake kadan toeha seba la rine. 10 Sepo di Isa prepa haik la sira: Bara emtako, iko beka, edohe la jako nau nahatro, olik sira iko gam Djalila, toeha fidi sira sohek angak jako. 11 Toeha la beto sira iko haik, resek geba pil-pila fili gebaro ibik di kadoek haik fidi fena toeha edohe haik la Imamro noenoek gebharo ije paskemak daïha haik. 12 Toeha sira doeepsijak toeha fena nake gebharo toeha sepo sira fisara haik emsijan toeha emsijan, sira laik haik kemping demen la gebaro eplatan di. 13 Toeha prepa haik: Kimi prepa beka: Rine nake moeridro kadoek haik la beto toeha epnakan haik rine, la beto kami bagi haik. 14 Toeha bama Adipati sohek tjaan di, kami sohek lomo poena gosa rine toeha poena bara kimi beta soesah. 15 Toeha sira, doeego haik kemping di, poena haik gamna sira tjaan haik. Toeha lijen-kasen di dilnaik haik fidi tif-tifoen gebaro Jehoedi eta la gamanga. 16 Toeha moeridro polo geran emsijan di, iko haik gam Djalila, gam kakoe di, Isa enahoe haik la sira kadoek fidi. 17 Toeha la beto sira angak haik rine, sira seba haik la rine boe geba pil-pila doebelgoi haik. 18 Toeha Isa dakadoek la sira, prepa haik la sira, fene: Jako sale haik ewasa paskemak fidi sorgai toeha fisaka bipolo. 19 Wahan di iko beka, eptoke fena paskemak toeha poena enfoin sira toeha ngaan fili Ama, Anat-emhana toeha Roch-ribe toeha eptoke sira la poena eflaloek ije paskemak jako enahoe haik la kimi. 20 Toeha resek, jako iha nges-ngesa toeha kimi la betoen paskemak, eta djoenai nake peksepon. Amin.