Okai kouya ikii kii danite sembahyang tiya koyoka:

Epaawado ka Iniitai, Akiya yimubeu eka kodo ibo kayaikai gai peu. Akiya bidaidaiga niyakimakaine mei; daana makiida kiiya akiya gaaya dimi kodo kei tiyawii to, epaawado maiya kei te-tai kodo danite. Ito naago ka naiya agiyo gai peu daniiya niimai. Iniiya ka peu awe-taido kodo ipa niyayaikai, iniiya maiya peu neewe-tai bagee ipa eyaikeige koto danite. Daana gaado tapa te neewiyake peu maida make nipipikayawii. Aki ki ibo yakimake-tai mee ma, bida bokouto yago mee ma, ibo ayiipi bokouto yago mee ma kiiya, kii kidi imo to togoo. Amin.