1 Erufie tapu tatagata sefakarogoma i avisau o fakau nopena penaganea esa, eia senofoma i taretu o fakau esa iarea penaganea, sepukuma fatasiana ma fakau nofakahmana. 2 Kaie eia nokaniani i tavaga o Ihova; eia nomanatunea i tiona vaga i ao mapo. 3 Eia kafeipe i tarakau nihpura wei avai-tafe, noamoa anofua i tiona vajagara; semaroma foki tanorau: karufie anea oji neipena. 4 Fakau esa iarea penaganea sefeipera; kaie akirea feipe i ahvaonea tamtagi noeifiakea. 5 Fakau esa iarea penaganea serohtuma iei i tanohnea nofarigoina penaganea o tagata; fakau esa iarea penaganea serohtuma i tafatakina o fakau etotonu iarea penaganea. 6 Ihova mari noiroa penaganea o fakau etotonu apenaganea area: kaie kaiauiei fakau esa i apenaganea area.
1 Fakai i avaka tagata nokali iaha? fakai i afanua nomanatunea tane taru mani? 2 Afatoriki i takere nei ninage fatakina kirea, fakau sore nofakatamau fatasiana ia Ihova, ma tatagata neinage, notupe, 3 Tumusia kitea tafou oraua, katauaki ataura oraua i akitea. 4 Eia noeke i taragi kakata: Teriki kafakaopea kirea. 5 Eia kavisau ki akirea i tiona kali, kafakahlika kirea i tiona fakainina sore. 6 Kaie avau nahnage tioku Ariki i Saion, tioku aora tapu. 7 Avau kantukua tavaga: Ihova neitukuamai ki atavau pe, Akoe tuku Tariki; avau nahkamoa akoe iranei. 8 Nugia avau, avau kantufa akoe avaka tagata mou, ma anoji i takere nei pe kaniou. 9 Akoe kautafoia kirea i tafoirakau fatu; akoe kanuhnukia kirea feipe tagajanea kerehpuru. 10 Arapakau akaua iei, afatoriki nei: amoa tafakeiroa, akaua fakau sore i takere nei. 11 Faoifo akaua kia Ihova ma tamataku, kakaniani ma taviriviri. 12 Sogia akaua Tantariki pena kakali eia, akaua kahmate i taretu, kasore tiona kali mahlau. Erufie tapu fakau oji nofakarogo iateia.
Sam o Tevit tenei itanapugira eia nitere ia Absalom tantariki. 1 E Ihova, nikobkobua tapu fakau nofakahlika avau! enalupai nikomasike pe kapentowa iatavau. 2 Enalupai mari notukua i tioku nohkano pe, Teatua seropenamauri mona. 3 Kaie akoe, e Ihova, takaroa nofori iatavau; akoe tioku arufie; akoe nojikijiake tuku uru. 4 Avau nantapa Ihova i tioku areo, eia nifakarogo iatavau i tiona aora tapu. 5 Avau nimoe, ninjoiroa; avau niviri, iei te, Ihova neimatakina avau. 6 Avau seromatakuma i atagata tamakesu ninage kirea fakaforfori iatavau. 7 Masike, e Ihova; penamauri moku, e tioku Atua: akoe nauforopakia fakau esamai maku i akaufafa orea; akoe nautajia anifo o fakau esa iarea penaganea. 8 Nio Ihova tamauri: akoe kauageia iou atagata.
Ki Tesore i afakau nohgoro. Sam o Tevit 1 Fakarogo iatavau pe avau rotapa akoe, e tioku Atua rufie: akoe naupenamauri moku i tioku ahlika: sirarufiemai avau, fakarogona tioku ahmori. 2 Akaua, fakau sore nei, koameifo tioku arufie, kapena tane nofakahmana iei mei tanapugi tefe? akaua kakaniani i ane taru, ma penaganea erohkavei mei tanapugi tefe? 3 Kaie farigoina akaua pe Ihova neinagkekeina mona tatagata erufie iana penaganea: Ihova keirogona pe avau nantapa eia. 4 Kamataku akaua, kiosapenanesa: manatunea ma arotaua i apotu aua, fakahlogoana. 5 Taumafa akaua i ataumafa ma arotaua totonu, fakarogrogo ia Ihova. 6 Enalupai mari notukua pe, Akai kafakariamai ki akitea sanea rufie? E Ihova, sirarufiemai kimea i tiou afoimata marama. 7 Akoe naunage fakasore takaniani i tioku roto, sesorema takaniani orea i tanapugi nikobkobua akorn ma tavai-vain orea. 8 Avau kamoe ma tamarino, kamoiroa: iei te, sahkoe, e Ihova, nositu iatavau pe kanofo fakarufie.
Ki Tesore i afakau nohgoro. Sam o Tevit 1 Fakarogona iaku visau, e Ihova, mentua iaku amanatuga. 2 Fakarogona tioku areo, tioku Ariki, ma tioku Atua, avau mari nohrnori ki at akoe. 3 E Ihova, akoe kaurogona tioku areo i ohpo, i ohpo mari avau kahmori-katu ki at akoe, nosirakake. 4 Jikai pe akoe Teatua nokaniani i apenaganea esa: seronofoma sanea sa iatakoe. 5 Fakau nokaulevi serohnofoma weimoa iatakoe: akoe nohgeigai i afakau oji nopena penaganea faga. 6 Akoe kaiauiei fakau notukua avisau erohkavei: Ihova nosasahlua i tatagata nohta-tagata ma tatagata erohkavei. 7 Kaie avau, avau mari kohmai ki tiou afare i tiou arofa sorekage: avau kahmori ma tamataku iatakoe nosira ki tiou afare tapu. 8 Arafia avau, e Ihova, iou apenaganea totonu i afakau esamai maku; fakatotonusia tiou aretu weimoa iatavau. 9 Jikai savisau mari i afafa orea; esana arotorea: avajagareo orea tanasivari setanumiama; akirea novisau rufie ki atavau, kaie norohkavei. 10 Oria i akirea, e Teatua: kahtakakea kirea i tafakatamauga orea: segiakea kirea i apenaganea esa nalupai area; iei te, akirea nofakarogosa iatakoe. 11 Kaie kakaniani atagata oji nofakarogo iatakoe, kafeiakea kirea ahgoro segapu, iei te, akoe nauapojia kirea: kakaniani foki iatakoe fakau nokaniani i tiou eigoa. 12 Akoe mari kauageia fakau etotonu apenaganea area; akoe mari, e Ihova, kafakaforforia kirea i tiou arofa feipe i takaroa.
Ki Tesore i afakau nohgoro. Sam o Tevit 1 E Ihova, koisautukua sajina avau i tiou akali, koisotarania avau i tiou afakainina sore. 2 Sirarufiemai avau, e Ihova, avau mari nikotamoto: e Ihova, penamauri moku; nikohhka oku eivi. 3 Tioku nohkano foki nohhka fakasore: kaie, e Ihova, mei tanapugi tefe? 4 Afemai, e Ihova, veteakea tioku nohkano: penamauri moku i tiou arofa. 5 Sementua mari akoe i tahmate: akai kafafetai iatakoe i tafanua o fakau ehmate? 6 Avau kotereva i tioku atagi; tioku apotu nomanu i apo oji; esu tanohnea nomoe iei avau i oku areimata. 7 Konopauri ru oku foimata i tatagi; konofakau sore i afakau esamai maku. 8 Rokea akaua iatavau, fakau oji nopena penaganea faga; Ihova mari neirogona tareo i tioku atagi. 9 Ihova neirogona anea avau nahnugia iateia; Ihova keiamoa tioku ahmori. 10 Fakau oji esamai maku kahma, kafakainina fakasore: akirea kaafe weiwaha kahma.
Tahgoro o Tevit neifeiakea kia Ihova i avisau o Kuj, tafakai Bentiamen. 1 E Ihova, tioku Atua, avau nofakarogo iatakoe: penamauri moku i atagata oji noatagia avau, veteakea avau i akirea. 2 Pena eia keifafasia avau feipe i salaion nofafasia fakarikrikia, kaie jikai tasi pe kapenamauri moku. 3 E Ihova, tioku Atua, pe avau nanpena penei; pe apenaganea efaga noi ru oku rima; 4 Pe avau nahkoria tasa ki ateia eia ninofo marino iatavau; (avau mari nanpenamauri mo tatagata esamai maku, kaie jikai tantafito:) 5 Ehtau pe tatagata esamai maku keiatagia tioku nohkano, katotomia avau; eia katakafieifo avau ki takere, kanageifo tioku arufie i takere. 6 Masike, e Ihova, i tiou akali, tukake akoe maku i takali o fakau esamai maku: virikake akoe maku; pena tanori morea nautukua. 7 Tafatakina tagata kafakaforforia akoe iei: akoe kaafe weiluga marea. 8 Ihova neitukua tanori ma fakai i afanua: oria avau, e Ihova, ehtau ki iaku penaganea totonu, ma iaku penaganea mari. 9 Erufie pe karava apenaganea esa o fakau esa; kaie nage fakamahkeia fakau etotonu iarea penaganea: Teatua etotonu iana penaganea nojirojiroa aroto, ma amanatuga o tagata. 10 Tioku karoa no ia Teatua, eia neipenamauri mo fakau nomari arotorea. 11 Teatua nofarigoina penaganea o fakau rufie. Teatua nokali i afakau esa i anapugi oji. 12 Pa eia serotafurinia eia katara tena majira: eia neitorojia takaroji, ninanakina pe kafana. 13 Eia neipenpena foki mona akauligi i tahmate: eia neipena ano gasau feipe agasau afi. 14 Eia mari nikohmafa i apenaganea efaga, neiamoa asa, nifarere i terohkavei. 15 Eia neipena tarua, neikeria, kaie nitakakea i tarua neipena. 16 Tiana asa kaafe i tiona uru, ma iana penaganea evahkoko katakeifo i tiona eipu. 17 Avau karafaina Ihova ehtau ki iana penaganea totonu: avau kafeiakea ahgoro i teigoa o Ihova Weilugaroa.
Ki Tesore i afakau nohgoro. Sam o Tevit 1 E Ihova, Teriki orhea, erufie tapu tiou eigoa i takere nei oji! akoe naunage tiou arufie i taragi. 2 Akoe naunage tatamotua i afafa o agatama rikriki, ma agatama nou, i afakau esakatu mou, pe akoe kaupojina avisau sajina o tatagata esakatu mou, ma tatagata neioria penaganea. 3 Pe avau romojikia taragi tiou, tafijikauga iou apajo nma; ma tamrama foki, ma afetu naunage; 4 Avau notukua pe, Atagata aha, pe akoe nomentua kirea? ma agatama o tagata pe akoe nomeisireia kirea. 5 Akoe mari naupena kirea weiraro fakasisiana i agelo, akoe niburaua kirea i tarufie ma tahgana. 6 Akoe naunage kirea pe kariki i afijikauga iou arima; naunage anea oji weiraro i avae orea; 7 Ajip oji ma bulimatau, ma anemauri eiro i agamotu; 8 Ma amanu i teavavanea, meika i tatai, anea oji mari nomeiroro i aretu i tatai. 9 E Ihova, Teriki omea, erufie tapu tiou eigoa i takere nei oji!
Ki Tesore i afakau nohgoro. Sam o Tevit 1 Avail kafafetai ia Ihova ma tioku roto pakeni; avau kafakaria iou afijikauga oji nomasaro iei. 2 Karufie tioku roto, avau kakaniani iatakoe; avau kafeiakea ahgoro i tiou eigoa, e Teatua Weilugaroa. 3 Pe roafe kimuri fakau esamai maku, akirea kasiba kahmate weimoa iatakoe. 4 Akoe mari nisitu iatavau i aku penaganea totonu, nauamoa maku; akoe nieke i torona, nautukua fakatotonua tanori ma tagata. 5 Akoe nautukua sajina avaka tagata, niauiei fakau nopena penaganea esa, nifurunakea eigorea iatau matau. 6 Nikoiauiei nibuni fakau esakatu mou iatau matau; akoe niauiei foki asiti orea; ane nomentua iei kirea nikojikai fatasiana ma kirea. 7 Kaie Ihova noariki iatau matau: eia neipenpena tiona torona pe keitukua tanori ma tagata. 8 Eia notukua fakatotonua tanori ma fakai i takere nei, eia keinage tanori totonu ma tagata. 9 Ihova tanohnea kahmuni iei foki ma fakau nitomia, tanohnea kahmuni iei i anapugi nohhka iei; 10 Fakau noiroa tiou eigoa kafakarogo iatakoe; iei te, akoe Ihova, sehkoinama fakau nosara akoe. 11 Feiakea ahgoro akaua ma Ihova nonofo i Saion: tukua akaua iana penaganea ki atagata. 12 Eia mari nomentua, keioria fakau nohta-tagata: eia segaroma i tahtapa o fakau emaru aroto orea. 13 Sirarufiemai avau, e Ihova; mojikia tioku ahhka nahkamoa i afakau nohgeigai iatavau, akoe mari nojikijiake avau i tanapugi avau nitata ki tamate; 14 Pe avau kantukua anea oji nohgana iatakoe iei i afeipa i tasiti i Saion: avau kakaniani i tiou amauri. 15 Fakau pauri nikohkero i tarua akirea nikeria: nikonaua avae orea i takaupega akirea nifuna. 16 Ihova neifakaria eia, neioria fakatotonua tagata: fakau esa iarea penaganea nikonaua i tafijikauga i arima orea. 17 Kaafe kimuri fakau nopenanesa ki tafanua sa, fakai i afanua oji mari nogaro i Teatua. 18 Serogaroma mari i afakau ejikai iarea anea iatau matau: serojikaima iatau matau anea fakau ejikai iarea anea noajia. 19 Masike, e Ihova; koisatamotua tagata: tukua tanori ma fakai i eke afanua weimoa iatakoe. 20 Fakamtakujia kirea akoe, e Ihova: pe fakai i afanua kairoa pe akirea atagata ana.
1 Akoe notu ipapai iaha, e Ihova? akoe nohmuni iaha i anapugi nohhka iei akimea? 2 Fakau esa iarea penaganea noatagia fakatamotua fakau nohhka ma takaulevi orea: kaie kafakanaua kirea i tatamauga akirea nimentua. 3 Tatagata esa iana penaganea notukua fakasorea takaniani i tiona roto; tatagata nohmata sa i anea notukweina nofakaopea Ihova. 4 Tatagata esa iana penaganea notukua i takaulevi i tiona roto pe eia serokanianima iateia. Iana manatuga oji pe ejikai Teatua. 5 Emahkei iana penaganea inapugi manapugi: tanori nauoria i atagata ipapai iateia: eia nofakahpu i afakau oji esage mana. 6 Eia notukua i tiona roto pe, Avau serofeifakuama: tasa serorikofiama avau iatau matau. 7 Efonu tano fafa i tasakiri ma terohkavei, ma penaganea mahkei: asa ma penaganea faga no weiraro i tano rero. 8 Eia nopuku i anohnea nohmuni iei i amrae: eia nohtatagata i anohnea ehmuni kaie ejikai asa i akirea: eia nosirasa fakahmunia fakau tamoto. 9 Eia nohmuni i tanohnea ehmuni feipe i salaion i tiona punaga: eia nomoitawa pe katotomia fakau ejikai iarea anea: eia nototomia notorojia ki tiona kaupega. 10 Eia notorotoro, nofao; fakau tamoto nohtakakea i ana fiji etamotua. 11 Eia notukua i tiona roto pe, Teatua nikogaro: eia nofuna iona foimata; eia serosafeama iatau matau. 12 Masike, e Ihova; e Teatua, jikijiake tiou arima: koisagaro akoe i afakau emaru rotorea. 13 Tatagata esa iana penaganea nofakaopea Teatua iaha? noitukua i tiona roto pe, Akoe serofakauiama avau iei. 14 Akoe nausafea; akoe mari nomojikia tamahmafisa ma takali, pe torima kaoria: tatagata nohlika nonage eia iatakoe; akoe mari nositu i anikaso. 15 Tajia tarima o tatagata nopenanesa; sara kobuni apenanesa o tatagata esa iana penaganea. 16 Ihova noariki iatau matau: fakau pauri nikojikaikea i tiona fanua. 17 E Ihova, akoe naurogona takaniani o fakau emaru iorea roto: akoe mari kafakatamotua iorea roto, akoe kafaoifo tiou tariga pe kafakarogo: 18 Pe akoe kapena penaganea totonu ma anikaso ma fakau nitomia, pe serovahkokoma foki atagata nipena i takere.
Ki Tesore i afakau nohgoro. Sam o Tevit 1 Avau nofakarogrogo ia Ihova: akaua notupekua ki atavau pe, Tere akoe feipe i samanu ki tiou aora? 2 Fakau esa iarea penaganea nofana, nonanakina katoia tafana, ninapeage tagasau i tafana pe kafania i tapauri fakau nomari iorea roto. 3 Pe koiauiei antafito i anea, fakau etotonu iarea penaganea kapena pekua? 4 Ihova noi tiona fare tapu; noi taragi torona o Ihova; iona foimata noimojikia, noijirojiroa tagata. 5 Ihova noijirojiroa fakau etotonu iarea penaganea: kaie eia nohgeigai i afakau esa iarea penaganea, ma fakau nokaniani i apenaganea evahkoko. 6 Eia keiameifo ahlika, ma tiafi, ma tarukasi, ma tamtagi eh vera, i afakau esa iarea penaganea: tapito mari neinage morea tena. 7 Ihova etotonu mari iana penaganea; eia nokaniani i apenaganea totonu: fakau nomari iorea roto kasafea iona foimata.
Ki Tesore i afakau nohgoro. Sam o Tevit 1 Asitu iatavau, e Ihova; konojikai mari atagata rufie: konojikai atagata nomari. 2 Akirea oji novisau nanoa terohkavei ki akirea: akirea novisau i aragutu erohkavei, ma arotorea jikirua. 3 Ihova keiauiei aragutu erohkavei oji, ma arero notukua avisau kaulevi: 4 Akirea notukua pe, Akitea katamotua i arero otea; niotea ana aragutu otea: akai kariki i akitea? 5 Ihova notukua pe, Avau kamasike i apenaganea mahkei nopena i afakau ejikai iarea anea, ma tamapusaki o fakau tamoto; avau kapenamauri mo tatagata, akirea nofakahpu iateia. 6 Avisau o Ihova avisau ema; feipe silver nitaona i taumu i takere, nitaona fakafitu pe kama. 7 Akoe mari kaumatakina kirea, e Ihova, akoe kahleo i akirea i tatau tagata tenei iranei, ma iatau matau. 8 Fakau esa iarea penaganea nororo fakaforfori, pe rovahkejia kihiga fakau esa.
Ki Tesore i afakau nohgoro. Sam o Tevit> 1 Akoe kogaro iatavau, e Ihova, mei tanapugi tefe? iatau matau mo jikai? Akoe kauapojia iou afoimata iatavau mei tanapugi tefe? 2 Avau kamanatunea ma tioku nohkano, ma tioku roto, notagi i anapugi oji mei tanapugi tefe? tatagata esamai maku katamotua iatavau mei tanapugi tefe? 3 Siramai, fakarogo iatavau, e Ihova, tioku Atua: fakamarama ru oku foimata, pena avau kamoiroa kamatesapo, kamate; 4 Pena tatagata esamai maku katukua pe, Avau nikotamotua iateia; pena fakau nokali iatavau kakaniani pe avau nohlika. 5 Kaie avau nifakarogo i tiou arofa; tioku roto kakaniani i tiou amauri: 6 Avau kafeiakea ahgoro kia Ihova, iei te, eia neipena penaganea arofa maku.
Ki Tesore i afakau nohgoro. Sam o Tevit 1 Tatagata ejikai tiona finagaro notukua pe, Ejikai Teatua. Akirea esakage; akirea nipena penaganea nosasahlua iei; jikai tasi nopena penaganea rufie. 2 Ihova nisireifo i taragi i afakai i takere nei, pe keisafea pe noiei tasi nofarigoina anea, neisara Teatua mo jikai. 3 Akirea oji niafe kimuri; akirea oji egatahtasi, epakusa apenaganea area; jikai tasi kirea nopena penaganea rufie, jikai mari santasiana. 4 Jikihtae tarapakauga i afakau nopena penaganea efaga mo jikai? akirea nokaina iaku tagata feipe akai, akirea setapama Ihova. 5 Akirea nimataku fakasore i tanohnera: Teatua mari nonofo ma tatau tagata etotonu apenaganea area. 6 Akaua nofakahmana i tatamauga o tatagata nohhka, iei te, Ihova tiona nohnea nohmuni iei. 7 Avau nokaniani tapu pe kafakea i Saion tamauri mo fakai Isareel! Pe Ihova rofafekinamai iana tagata niamkea iorea, agafatumupuna o Jekob kakaniani, karufie aroto o fakai Isreel.
Sam o Tevit 1 E Ihova, akai kanofo i tiou afare? akai kanofohpiri i tiou aora tapu? 2 Tatagata mari nofano ma apenaganea totonu, noipena penaganea totonu, novisau ma tamari i tiona roto. 3 Eia sesamsamei i tano rero, sepenama sasa ki tiona nieli, sesituma i avisau erohkavei i tatagata evatata ki ateia. 4 Eia nofakaopea tatagata esa; kaie eia nohgana i afakau nomataku ia Ihova. Pe eia katukua fakamahkeia avisau, kaie kasa iei, eia seroafema iana visau. 5 Eia senagema iana mane i atagata pe kasore tanori mana, eia seamoama foki tanomata pe kasa iei fakau ejikai iarea asa. Tatagata noipena penaganea ena, eia mari serotakatakama iatau matau.
Sam o Tevit 1 Matakina avau, e Teatua: avau mari nofakarogrogo iatakoe. 2 Avau nantukage kia Ihova pe, Akoe tioku Ariki: ahkoe ana tantafito i tioku anofo rufie. 3 Kaie fakau rufie i tafanua, avau mari nokaniani fakasore i afakau rufiesa ena. 4 Kanalupai ahlika o fakau nomuri i teke atua: avau mari serotaumafama i ataumafa orea i atotonea nonumia, serantukuama eigoa atua orea i tuku ragutu. 5 Ihova tapito ninage moku, ma tagajanea noeinu iei avau: akoe naumatakina tioku nohnea ninage moku. 6 Ninage nivaea moku anohnea rufie; erufiesa mari tioku anohnea. 7 Avau karafaina Ihova, eia nitamaua moku: tioku roto foki nofagona avau i apo. 8 Avau nahnage Ihova weimoa iatavau segapu: eia nonofo wei tioku rima matau, avau serotakatakama iei. 9 Karufie tioku roto iei, tioku nohkano nokaniani: tioku noata kagapu noajia tamauri foki. 10 Akoe mari serohkoinama avau i tafanua o fakauhmate; akoe serotukweinama tiou Atagata Tapu pe kabohpopo. 11 Akoe kafakaria ki atavau taretu i tamauri: esore takaniani weimoa iatakoe; nohnofo i tiou arima matau anea nokaniani iei iatau matau.
Tahmori o Tevit. 1 Fakarogona e Ihova, tiaku penaganea totonu, fakarogo i tioku tapa; fakarogona tioku ahmori nofakea i tuku ragutu serohkaveima. 2 Kafakea iatakoe tavisau i tanori iaku penaganea, kasiramai iou afoimata apenaganea totonu. 3 Akoe naujirojiroa tioku roto; akoe nimeisireia avau i apo; akoe nausara tioku roto, kaie sesafeama sanea; tioku manatuga pe tuku fafa serotukuama sanea efaga. 4 Kaie afijikauga o tagata avau nahmatakina avau iei i tavisau i tiou afafa, pena avau kafano i aretu o tagata evahkoko. 5 Avau nonofohpiri iou aretu, sesibasibama ruoku vae. 6 Avau nantapa ki atakoe, iei te, akoe mari kafakarogo iatavau, e Teatua: faoifo tiou tariga ki atavau, fakarogona iaku visau. 7 Fakaria ki atavau tiou arofa sorekage, akoe nopenamauri mo fakau nofakarogo iatakoe i tiou arima matau i afakau esage marea. 8 Matakina avau feipe i tiou ahkano mata, funa avau i tamarumaru o ru ou apahkau, 9 I afakau nopena penaganea esa noiauiei avau, fakau nohgeigai sa iatavau, akirea nofakaforforia avau. 10 Emahkeisa iorearoto: akirea novisau kaulevi i afafa orea. 11 Akirea nikofakaforforia kimea i taroro omea: akirea nomojikia kimea i afoimatorea pe akimea kasiri i tafanua. 12 Eia feipe i salaion nokaniani i anea keikeina, feipe i salaion etamotua nomoitawa anea i anohnea ehmuni. 13 Masike akoe, e Ihova, pojina eia, tatifo eia: penamauri mo tioku nohkano i afakau esa iarea penaganea, i tiou amajira; 14 Penamam'i moku i tatagata tiou arima, e Ihova, i atagata i takere nei nonofo iarea anea ianapugi nei, akoe nautufa kirea pe kamami iou anea: kanalupai iarea agatama, akirea nohkoina anea area notoe ma agatama rikriki area. 15 Kaie avau kamojikia iou afoimata i apenaganea totonu; pe avau rovirikake karufiesa tioku roto i tiou amahmata.
Ki Tesore i afakau nohgoro. Sam o Tevit, tafiji o Ihova, eia neitukua kia Ihova avisau i tahgoro tenei i tanapugi Ihova neiamkea eia i arima o fakau oji esage mana, ma tarima o Sal: eia neitupe, 1 Avau kakaniani iatakoe, e Ihova, tioku tamotua. 2 Ihova tioku fatuhtu, ma tioku nohnea kahmuni iei, eia nopenamauri moku; tioku Atua, ma tioku tamotua, avau kafakarogo iateia; tioku karoa, ma tatamotua i tioku amauri, ma tioku afare ehgaro. 3 Avau kantapa Ihova, ehtaurufie pe kahgana iateia: avau kamauri iei i afakau esamai maku. 4 Tataura i tahmate nifori iatavau, tamotu tagata esa nifakahhka iatavau. 5 Nifori iatavau i tafanua o fakauhmate: tafou i tahmate nirikofia avau. 6 Avau nantapa kia Ihova i tioku ahhka, nantapa ki tioku Atua: eia neirogona tioku areo i tiona fare tapu, tioku tapa nirako weimoa i ateia, ki ano tariga. 7 Takere nimafuke, niviriviri, avae ora foki nihtaga, nigarue, iei te, eia nikali sa. 8 Nifenake tiousafi i tiona kali, tiafi i tano fafa nitugia anea: nihka ahkoroafi iei. 9 Eia neikumieifo taragi foki, nitoifo; tapaurihtago weiraro i ruona vae. 10 Eia nieke i tajerub, nirere: eia mari nirere weiwaha i apahkau i tamtagi. 11 Eia neipena tapauri tiona nohnea ehmuni; tavai ma apoa ematoru i taragi nifori iateia, niapojia eia. 12 Apoa matoru nihlele i tamarama weimoa i at eia, taua-fatu ma ahkoro-afi nito. 13 Nitaguruguru Ihova i taragi, Teatua Weilugaroa nivisau i tiona reo, taua-fatu mari ma tiafi. 14 Eia neitukweina foki ano gasau, nifalelekia; eia neinafikea taptapeia enalupai, neifakatamotoa kirea. 15 Nimasa ago-vai, niari avae o takere nei i tiou avisau-fago, e Ihova, i tiou akali sorekage. 16 Eia nihkaumai i taragi, neiamoa avau; eia neitorojiakea avau i avai nalupai. 17 Eia neiamkea avau i tatagata etamotua esamai maku, ma fakau nihgeigai iatavau, akirea mari etamotuasa iatavau. 18 Akirea nirikofia avau i tanapugi o tioku ahlika: kaie Ihova nipurujia avau. 19 Eia neiarafia avau ki tanohnea marama; eia neipenamauri moku, iei te, eia nikaniani iatavau. 20 Ihova neioria avau ehtau ki iaku penaganea totonu; ehtau ki ruoku rima ema eia neifamata maku. 21 Avau mari ninofohpiri i aretu o Ihova, avau sefakeama i Teatua ma tapenanesa. 22 Nohnofo weimoa iatavau apenaganea oji Teatua neipena, avau setauakima iana visau neitukua. 23 Avau nanpena penaganea totonu weimoa i ateia, nahmatakina foki avau pe koisapena penaganea faga. 24 Ihova neioria maku iei elitau ki iaku penaganea totonu, ehtau foki ki ruoku rima ema weimoa i ateia. 25 Akoe man karafaina fakau earofa; akoe kapena penaganea totonu ma fakau etotonu iarea penaganea; 26 Akoe kafakaria akoe ema ma fakau ema iarea penaganea; kaie akoe kamahmafi i afakau nomahmafi. 27 Akoe mari kapenamauri mo fakau nohlika; kaie akoe kauamoeifo fakau nokaulevi iorea roto. 28 Akoe mari katugia tioku lamp: Ihova tioku Atua kafakamarama tapauri nofori iatavau. 29 Avau mari niatagia tamotu tagata iatakoe; avau karakeia tabae i tioku Atua. 30 Kaie Teatua erufie oji iana penaganea: nikofarigoina pe nomari tavisau o Ihova; takaroa eia ma fakau oji nofakarogo iateia. 31 Akai Teatua, kaie Ihova ana? Akai tafatuhtu, sahko Teatua otea ana? 32 Teatua notakaia avau i tatamotua, neipena pe karufie oji tioku aretu. 33 Eia neipena ru oku vae feipe avae o 'tanani iro; eia novahkejia avau i oku anohnea iluga. 34 Eia neifakeiroa ru oku rima i tatowa; avau etamotua iei pe katorojia tafana bras. 35 Akoe nautufa avau takaroa pe kapenamauri moku: tiou arima matau nipurujia avau, tiou apenaganea maru nifakatamotua avau. 36 Akoe naupenpena kahlafa taretu moku, sesibasibama ru oku vae. 37 Avau katagia fakau esamai maku, karikofia kirea: avau seroafema foki mei tanapugira kaiauiei kabuni kirea. 38 Avau kantaia kirea pe akirea kataru i tamasike: akirea kahtakakea weiraro i ru oku vae. 39 Akoe mari nitakaia avau i tatamotua i tatowa; akoe nikumieifo weiraro iatavau fakau nimasike iatavau. 40 Akoe nisitu iatavau foki pe kafura iatavau fakau esamai maku, pe avau kaiauiei fakau nohgeigai iatavau. 41 Akirea nihtapa, kaie jikai tasi pe kapenamauri morea: akirea rihtapa kia Ihova, kaie eia sefakarogoma i akirea. 42 Avau nahnuknukia fakarikrikia kirea feipe i takere tamtagi namnanoa: avau nahtatukeakea kirea feipe i apenu i aretu. 43 Akoe nauveteakea avau i amahmafiga o tagata; akoe naunage avau pe kariki i afakai i eke afanua: fakau avau epuhpusi i akirea kafijikau maku. 44 Pe akirea rorogona avisau iatavau akirea kafakarogo iatavau: amavaka kafaoifo weimoa iatavau. 45 Fakai i eke afanua kajikaikea; akirea karokea i aratokoro orea, karomai noviriviri. 46 Emauri Ihova; Karufie tapu tioku fatuhtu; kahgana i Teatua i tioku amauri. 47 Teatua mari neioria tagata moku, neikumieifo fakai i eke afanua weiraro iatavau. 48 Eia neiamkea avau i afakau esamai maka: O, akoe naujikijiake avau pe avau katamotua i afakau nomasike iatavau: akoe naupenamauri moku i tatagata evahkoko. 49 Avau karafaina akoe iei, e Ihova, weimoa i afakai i eke afanua, avau kafeiakea ahgoro i tiou eigoa. 50 Teatua noipenamauri fakarufie mo tiona ariki; eia noarafaina tatagata neinage, Tevit mari, ma iona fatumupuna, iatau matau.
Ki Tesore i afakau nohgoro. Sam o Tevit 1 Taragi notukua tarufie o Teatua; tavavanea nofakaria afijikauga i tanorima. 2 Notukua tavisau iei i ao oji, nofakaria tiona rapakauga i apo oji. 3 Ejikai afafa orea, ejikai foki avisau area, serogonama tareo orea. 4 Tafarigoi i akirea nikofori i takere nei oji, ma avisau area nikorako ki tanoji i takere. Eia neinage tafare nofano iei tara, 5 Kofeipe tatane noiarafia tiana fine nofakea i tiona pito fare; eia nokaniani feipe i tatagata etamotua i tafakatafura. 6 Eia nofakea i tantafito taragi, nofano nofori ki anoji iei: sehmunima sanea i tahvera iei. 7 Erufie oji tavaga o Ihova, nofakatamotua anohkano otea: nomari tavisau o Ihova, notufa tarapakauga ki afakau epuhpusi. 8 Etotonu avisau fakeiroa o Ihova, arototea nokaniani iei: ema tavaga o Ihova, nofakamarama afoimatotea. 9 Ema avisau nomataku ia Ihova iei, nohnofo fakamahkeia iatau matau: nomari avisau fago o Ihova, etotonu oji. 10 Ehtau pe kakaniani fakasore iei, kakaniani fakasisiana ia kolt, kolt esore erufiesa: ekanorufie fakasore foki, ekanorufie fakasisiana hane, hane fou mari. 11 Nofagona tiou afiji iei: kosorekage tanomata ma fakau nofakarogo iei. 12 Akai nofarigoina iana penaganea masui? amkea iatavau apenaganea masui nihmuni. 13 Pojina tiou afiji pena eia kapena penaganea esa ma takaulevi; koisariki kirea iatavau: pe avau karufie oji, kama, serovahkejiama iatavau apenaganea esa esore. 14 Karufie avisau i tioku fafa, ma amanatuga i tioku roto, weimoa iatakoe, e Ihova, tioku tamotua, naufamata maku.
Ki Tesore i afakau nohgoro. Sam o Tevit 1 Ihova kafakarogo i tiou ahmori i tanapugi akoe nohhka iei; teigoa Teatua o Jekob keivahkejia akoe kiluga; 2 Eia kasitu iatakoe i tiona nohnea tapu, keitufa akoe tatamotua nofakea i Saion; 3 Eia kamentua foki iou ataumafa oji, keiamoa tiou ataumafa tugia; 4 Eia keitufa akoe anea tiou aroto nokaniani iei, keifakarava iou amanatuga oji. 5 Akimea kakaniani i tiou amauri, akimea kajikijiake afarigoi omea i teigoa Teatua omea: Ihova keifakarava anea oji akoe nonugia iateia. 6 Avau noiroa pe Ihova nopenamauri mo tatagata neinage; eia kafakarogo iateia i tiona fanua rufie tapu, keipenamauri mona i tatamotua i tiona rima matau. 7 Efaru nomentua aekiga orea ahors notorojia, efaru ahors area: kaie akimea katukua teigoa o Ihova Teatua omea. 8 Akirea nikokumieifo, nikohtakakea: kaie akimea nikomasike, nohtukake. 9 Penamauri momea, e Ihova: kafakarogo Teriki i akimea pe akimea rotapa eia.
Ki Tesore i afakau nohgoro. Sam o Tevit 1 Teriki kakaniani i tiou tamotua, e Ihova; eia kakaniani tapu i tamauri akoe nopena mona. 2 Akoe nautufa eia tane na tiona roto nikaniani iei, akoe sekeremoama tane na ano ragutu ninugia. 3 Akoe mari niweiwaha nautufa eia i atufa rufie: akoe niburaua eia i takorona kolt rufiesa. 4 Eia neinugia tamauri iatakoe, akoe nautufa eia, tamauri iatau matau mari. 5 Kasore mari tiona rufie i tiou amauri: akoe nivahkejia iateia tahgana ma teariki. 6 Akoe naunage pe karufie tapu atagata iateia iatau matau: akoe nautukua pe eia kakaniani fakasore weimoa i tiou afoimata. 7 Teriki mari nofakarogo ia Ihova, eia kanofo fakamahkeia i tiarofa o Teatua Weilugaroa. 8 Tiou arima karikofia atagata oji esakatu mou: tiou arima matau karikofia fakau nohgeigai iatakoe. 9 Akoe kapena kirea pe kafeipe taumu naura i tanapugi o tiou akah. Ihova keiauiei kabuni kirea i tiona kali sorekage, tiafi kaforomia kirea. 10 Akoe kaiauiei kabuni iarea agatama i takere nei, ma agafatumupunorea i atagata, 11 lei te, akirea nitamaua tasa iatakoe: akirea nimanatunea tamanatuga akirea etamoto i tapena. 12 Akoe kaukauna kirea kafura, kaafe, pe akoe ropenpena takaroji i tiou afana pe kafania kirea. 13 Katamotua akoe, e Ihova, i tiou tamotua: akimea kafeiakea ahgoro iei, nohgana i tiou tamotua.
Ki Tesore i afakau nohgoro. Sam o Tevit 1 E tioku Atua, e tioku Atua, akoe nihkoina avau iaha? Akoe no ipapai, sesituma iatavau, serogonama tioku ahvaro? 2 E tioku Atua, avau notapa i teao, kaie akoe sefakarogoma iatavau; avau sefakahlogoma i apo foki. 3 Kaie akoe erufie oji, nonofo i tanohnea tahgana o fakai Isreel nirako ki atakoe. 4 Vahtupunomea nifakarogo iatakoe: akirea mari nifakarogo, akoe nipenamauri morea. 5 Akirea nihtapa ki atakoe, akoe nipenamauri morea: akirea nifakarogo iatakoe, kaie sehma. 6 Kaie avau tanufwe ana, jikai pe tatagata; atagata nofakahmana, nofakaopea avau. 7 Atagata oji nosafea avau nofakahmana iatavau: nohpalo aragutu orea iatavau, akirea nohta auru orea, notupe, 8 Fakarogo ia Ihova; eia kapenamauri mona: eia kapenamauri mona, iei te, eia nikaniani iateia. 9 Kaie akoe nauamkea avau i tajinai o moma: akoe naumatakina avau pe kamoikage i tafafata o moma. 10 Nitukweina avau ki atakoe i tanapugi nifarere iatavau: akoe tioku Atua i tanapugi sikifarere ana iatavau mei iranei. 11 Koisanofo ipapai iatavau; tahlika mari kotata; ejikai tasi pe kasitu iatavau. 12 Abulimatau-takau enalupai nofakaforforia avau: abulimatau-takau etamotua i tafanua Bejan nofori iatavau. 13 Akirea nofakahmana iatavau, feipe i salaion nosara kai novaro. 14 Nirigia avau feipe i tavai, nikomavevai oku eivi oji: tioku roto komaru feipe atoto-rakau, notafe iroto tuku jinai. 15 Nikomatu rufie tioku tamotua feipe i tagajanea kerehpuru; tuku rero nohpiri ki ru oku kaufafa; akoe mari nauameifo avau ki tanasivari. 16 Akuli nifakaforforia avau: tamotu tagata penanesa nofori fatakina iatavau; akirea nitaroa ru oku rima ma ru oku vae. 17 Avau notaua oku eivi oji; akirea nosiramai nomojikia fakamahkeia avau. 18 Akirea novaea oku moiga morea, nojirojiroa afarigoi pe kanio kai tioku moiga notakai. 19 Koisanofo ipapai iatavau, e Ihova: akoe tioku tamotua, weiwaha pe kasitu iatavau. 20 Penamauri moku pena katia avau i tamajira, penamauri mona, eia nonofo sahkoea, i tatamotua o takuli. 21 Penamauri moku i tafafa o talaion; akoe mari nifakarogo nisitu iatavau i apaji bulimatau eiro. 22 Avau kantukua tiou eigoa ki oku soa: avau kahgana iatakoe i tafatakina o tagata. 23 Akaua fakau nomataku ia Ihova, kahgana iateia; akaua oji, agafatumupuna o Jekob, tukua tiona rufie; mataku akaua iateia, fakai Isreel oji. 24 Eia mari sefakaopea, sehgeigaima i tahhka o fakau nohlika; eia sefunama tiona- foimata iateia; kaie eia neirogona i tanapugi neitapa eia. 25 Avau kahgana iatakoe i tafatakina sore o tagata: avau kafakaria avisau nifajivisau iei weimoa i afakau nomataku iatakoe. 26 Fakau emaru rotorea kakai kamauri: fakau nosara eia kahgana ia Ihova: kamauri arotaua iatau matau. 27 Fakau oji i anoji i takere nei kamentua katafurimai kia Ihova: fakai i afanua oji kahmori iateia. 28 Nio Ihova tavaka: eia Teriki i afakai i takere nei. 29 Fakau sore oji i takere nei kakai kahmori: atagata oji nohtoifo ki tanasivari kafao weimoa i at eia, ma tatagata etamoto i teimatakina eia kamauri. 30 Tatau tagata weimuri kafijikau mana; katukua niari tavisau ia Ihova ki tatau tagata nomuri i akirea. 31 Akirea karomai katukua iana penaganea totonu ki atagata kamuri sahnofo, pe eia neipena.
Sam o Tevit 1 Ihova neimatakina avau feipe i tatagata nomatakina iana jip; serojikaima sanea iatavau. 2 Eia neitukua pe avau kamoe i agafari sanosomo: eia neiarafia avau pe kagapu etata ki avai. 3 Eia neifakatamotua tioku nohkano: eia neiarafia avau i aretu i apenaganea totonu, i tiona eigoa. 4 Pe avau rofano i tarauravai i tiata o tahmate avau seromatakuma i sasa; iei te, akoe nonofo iatavau: tiou afoirakau ma tiou atokatoka kafakatamotua avau. 5 Akoe naunage anea-kai maku weimoa i afakau esamai maku: akoe noama tuku uru i tavairakau; tioku agajanea efonu, nomarigi. 6 Apenaganea rufie ma tiarofa kamuri iatavau i anapugi oji o tioku amauri: avau sanofo i tamrae o Ihova iatau matau.
Sam o Tevit 1 Nio Ihova takere nei, manea oji iei; niona afanua oji ma tagata nohnofo iei. 2 Eia mari neinage tano vae weiluga i tatai; neinage fakamahkeia weiluga i avainoa. 3 Akai kafiji ki taora o Ihova? Akai katu fakamahkeia i tiona nohnea tapu? 4 Eia mari jikai sasa i ru ona rima, ema foki tiona roto; eia sementua anetaru i tiona roto, sehnapuma i avisau erohkavei. 5 Ihova keiageia eia, eia keiamoa penaganea totonu i Teatua neipenamauri mona. 6 Tatau tagata nosara eia tenei, akirea nosara iou afoimata, e Teatua o agafatumupuna o Jekob. 7 Jikijiake kaua, ekaua, afeipa: jikijiake kaua, ekaua, avehtoka nihnofo ituaisu: Teriki Rufiesa kaurumai. 8 Akai Teriki Rufiesa tenei? Ihova, mari, emahmali, etamotua, Ihova etamotua i tatowa. 9 Jikijiake kaua, ekaua, afeipa; jikijiake kaua, ekaua, avehtoka nihnofo ituaisu, pe Teriki Rufiesa kaurumai. 10 Akai Teriki Rufiesa tenei? Ihova, Teriki i amotunea. Eia mari Teriki Rufiesa.
Sam o Tevit 1 E Ihova, iaku manatuga kafijikake ki atakoe. 2 E tioku Atua, avau nifakarogrogo iatakoe; avau koisahma; koisatamotua iatavau fakau esamai maku. 3 Koisahma tasi akirea noajia akoe: kahma fakau nopena penaganea erohkavei, kaie jikai tantafito. 4 Fakaria ki atavau iou apenaganea, e Ihova; fakeiroa avau iou aretu. 5 Arafia avau i tamari, fakeiroa avau; akoe mari Teatua i tioku amauri; avau nohtari etata ki atakoe i teao kopo. 6 Mentua, e Ihova, iou apenaganea maru, ma iou apenaganea arofa; akoe mari naupena ituai mei iranei. 7 Koisomentua iaku penanesa nanpena i tanapugi avau koifou ana, ma tioku afakarogosa: mentua avau, e Ihova, feipe iou penaganea maru, ma iou penaganea rufie. 8 Erufie, etotonu, apenaganea o Ihova: eia kafakeiroa iei fakau penanesa i tiona retu. 9 Eia keiarafia fakau emaru iarea penaganea i apenaganea totonu: eia kafakeiroa fakau emaru arotorea iana penaganea. 10 Earofa, nomari, apenaganea oji o Ihova ma fakau nofakarogo i tiana fajivisau, ma tiona vaga. 11 Amkea tiaku penaganea efaga, e Ihova, i tiou eigoa, iei te, esore mari. 12 Akai nomataku ia Ihova? eia kafakeiroa eia i taretu eia kakaniani iei. 13 Tiona nohkano kanofo rufie; kanio ano agafatumupuna tafanua. 14 Tanehmuni o Ihova noi afakau nomataku iateia; eia kafakeiroa kirea i tiona vaga. 15 Ioku foimata nosira kia Ihova segapu; eia mari keivetea ru oku vae i takaupega. 16 Tafurimai ki atavau, sirarufiemai avau; avau mari nonofo sahkovau ana nohhka. 17 Nikosore ahhka i tioku roto: veteakea avau i anea nohhka iei avau, 18 Mojikiamai ahhka ma ahmae iatavau; amkea iaku penanesa oji. 19 Mojikia fakau esamai maku, akirea mari enaiupai; akirea nohgeigai iatavau, novahkoko iatavau. 20 Matakina tioku nohkano, penamauri moku: koisahma avau, iei te, avau nofakarogo iatakoe. 21 Iaku penaganea mari ma penaganea totonu kamatakina avau, iei te, avau noajia akoe. 22 Veteakea fakai Isreel, e Teatua, i ahhka oji area,
Sam o Tevit 1 Farigoina fakatotonua iaku penaganea, e Ihova, avau mari nifano ma iaku penaganea mari: avau nifakarogo foki ia Ihova, sefakafiafema. 2 Jirojiroa avau, e Ihova, farigoina avau; jirojiroa iaku manatuga ma tioku roto. 3 Tiou arofa no weimoa iatavau; avau nifano i tiou avisau mari. 4 Avau sepukuma ma fakau ejikai tanohkano iarea penaganea; serofanoma fatagtagasi ma fakau norohkavei. 5 Avau nohgeigai i tafatakina o fakau nopenanesa; avau seropukuma ma fakau esa iarea penaganea. 6 Avail kantahtaroa ru oku rima ma tioku roto rufie; avau kapurujia tiou afata iei, e Ihova: 7 Pe avau kafafetai iatakoe karogona kofori, kantukua foki iou afijikauga oji nomasaro iei. 8 E Ihova, avau nokaniani i tanohnea noiei tiou afare, ma tanohnea nonofo iei tiou arufie. 9 Koisauamkea tioku nohkano fatasiana ma fakau nopenanesa, ma tioku amauri fatasiana ma fakau nohtatagata: 10 Iorea rima nopena penaganea sa, efonu arima matau orea i tanomata i apenanesa. 11 Kaie avau, avau kafano ma iaku penaganea mari: famata maku pe avau kaniou: arafaina avau. 12 Nohtu fakamahkeia ru oku vae i tanohnea emakara, avau kahgana ia Ihova i afatakina tagata.
Sam o Tevit 1 Ihova tioku marama ma tioku amauri; avau kamataku i akai? Ihova tatamotua i tioku amauri; avau kahlika i akai? 2 I tanapugi fakau nipenanesa, fakau mari nikali iatavau, nisamai maku, niromai ki atavau pe kakaina avau, akirea nisibasiba nihtakakea. 3 Pe tamotu tagata kafatakina kafori iatavau, seromatakuma tioku roto: pe akirea kanage tatowa iatavau, kaie avau kafakarogo iateia. 4 Avau nahnugia tane tasi ia Ihova, avau mari kasara; pe avau kanofo i tamrae o Ihova i anapugi oji o tioku amauri, pe kamojikia tarufie o Ihova, kafakauia foki anea i tiona fare tapu. 5 Eia mari kafuna avau i tiona fakaruru i tanapugi nohhka iei: eia kafuna avau i tanohnea ehmuni i tiona fare namnanoa; eia keivahkejia avau i tafatuhtu. 6 Kajikijia mari tuku uru mahlau weiluga i afakau esamai maku nofori iatavau; avau kataumafa i tiona fare ataumafa i takaniani; avau kafeiakea ahgoro kia Ihova. 7 Fakarogona, e Ihova, pe avau rotapa ma tioku areo; sirarufiemai avau, oria iaku visau. 8 Akoe nautukua pe, Sara akaua tioku foimata; tioku roto neitukua ki atakoe, Avau mari kasara iou afoimata, e Ihova. 9 Koisofuna iou afoimata iatavau; koisatuhtukiakea tiou afiji ma takali: akoe mari nisitu iatavau; koisahkoina avau, koisafakea iatavau, e Teatua o tioku mauri. 10 Pe tata ma moma kahkoina avau, kaie Ihova keimatakina avau. 11 Arafia avau i tiou aretu, e Ihova; amoa avau i taretu totonu i afakau esamai maku. 12 Koisanahkea avau ki takaniani o fakau esamai maku: fakau notukua avisau erohkavei nikomasike iatavau, ma fakau notukua penaganea evahkoko. 13 Pe avau seajiama pe kansafea tiarofa o Ihova i tafanua o fakau mauri pe avau nitamoto. 14 Ajia akoe Ihova; koisatamoto, eia keifakatamotua tiou aroto: O, ajia akoe Ihova.
Sam o Tevit 1 E Ihova, avau kantapa akoe; tioku fatuhtu akoe, koisaturituri totariga iatavau: pe akoe mari kofakatemu, avau kafeipe atagata nohtoifo ki tarua. 2 Fakarogona anea avau nonugia iatakoe, pe avau rotapa akoe, pe avau rojikijiake ru oku rima ki tiou anohnea tapu. 3 Koisotorojia avau pe kanofo fatasiana ma fakau nopenanesa, ma fakau nopena penaganea faga; akirea novisau marino ki afakau evatata ki akirea, kaie tasa no iorea roto. 4 Tufa kirea tanori ehtau ki afijikauga area, ehtau ki tasa i apenaganea area: tufa kirea ehtau ki afijikauga i arima orea; tufa tanomata ehtau morea, 5 lei te, akirea sementuama afijikauga o Ihova, manea ano rima nipena, eia keitorojieifo kirea, serojikijiakema kirea. 6 Erufie tapu Ihova, eia mari neirogona anea avau nahnugia iateia. 7 Ihova tioku tamotua eia, ma tioku karoa; tioku roto nifakarogo iateia, eia nisitu iatavau: tioku roto nokaniani fakasore iei; avau kahgana iateia i tioku ahgoro. 8 Ihova tatamotua morea, tanohnea etamotua eia ma tatagata neinage. 9 Penamauri mo iou atagata, akoe kauageia fakau nauamoa mou: matakina kirea foki, soria kirea iatau matau.
Sam o Tevit 1 Agatama etamotua o Teatua, kahgana ia Ihova akaua, tukua tatamotua o Ihova. 2 Tufa Ihova tahgana ehtau ki tiona eigoa; faoifo akaua kia Ihova ma penaganea rufie aua. 3 Tareo o Ihova no weiluga i tatai: Teatua Rufie mari notukua pe kataguruguru; tareo o Ihova no weiluga i avai nalupai. 4 Etamotua tareo o Ihova; erufie fakasore tareo o Ihova. 5 Tareo o Ihova notajia asitar; Ihova mari notajia fakarikrikia asitar i taora Lebanon. 6 Eia neikauna pe kasopo feipe i satama bulimatau; taora Lebanon ma taora Sirion feipe tabulimatau fou iro. 7 Tareo o Ihova novaea ataptapeia. 8 Tareo o Ihova nofakahhka tanohva; Ihova nofakahhka tanohva Ketej. 9 Nofarere anani iro i tareo o Ihova; nomarari arakau i tatafu iei; anea oji notukua i tiona fare pe, Erufie. 10 Ihova niariki i Tavainoa; O, Ihova noeke noariki iatau matau. 11 Ihova keitufa tatamotua ma iana tagata; Ihova keiarafaina iana tagata i tamarino.
Sam o Tevit. Tahgoro nifeiakea i tanapugi ninage tafare tapu 1 Avau kahgana iatakoe, e Ihova; akoe mari nijikijiake avau, naupojina fakau esamai maku pena akirea kakaniani iatavau. 2 E Ihova, tioku Atua, avau nantapa ki atakoe, akoe naupenamauri moku. 3 E Ihova, akoe naujikijiake tioku nohkano i tarua: akoe naumatakina avau kamauri, pe avau koisatoifo ki tarua. 4 Feiakea ahgoro akaua kia Ihova, fakau rufie iana, fafetai iateia tane nomentua tiona eigoa rufie. 5 Eia nokali fakahpotoana; akitea emauri i tiona arofa: tahtagi noiei i tapo, kaie pakeao takaniani. 6 Avau nantukua i tanapugi avau ninofo fakarufie pe avau serotakatakama iatau matau. 7 E Ihova, akoe naunage fakamahkeia tioku tamotua i tiou arofa: akoe nifuna tiou afoimata, avau sahlika. 8 Avau nantapa ki atakoe, e Ihova; avau nahnugia anea ia Ihova. 9 Akoe karufie pekua i tioku mate pe avau katoifo ki tarua? tafakau mate kahgana iatakoe pekua? Eia keitukua tiou avisau mari pekua? 10 Fakarogona avau, e Ihova, sirarufiema avau, e Ihova, asitu iatavau. 11 Akoe nifurusia tioku amakuru, nipena i takaniani; akoe nauveteakea joku amoiga roga, nitakaia avau i takaniani. 12 Pe tuku rero kafeiakea ahgoro ki atakoe koisafakatemu. E Ihova, tioku Atua, avau kafafetai iatakoe iatau matau.
Ki Tesore i afakau nohgoro. Sam o Tevit. 1 E Ihova, avau nofakarogo iatakoe; avau koisahma iatau matau: penamauri moku iou apenaganea totonu. 2 Faoifo totariga ki atavau; weiwaha pe kapenamauri moku: akoe kapena i tioku fatuhtu mahkei, ma tafare nomatakina avau iei. 3 Akoe mari tioku tafuhtu ma tafare kanofo fakarufie, iei avau; arafia avau i tiou eigoa iei, purujia avau. 4 Torojiakea avau i takaupega akirea ninage fakahmunia moku; akoe mari tioku tamotua. 5 Avau konage tioku nohkano i torima: akoe naufamata maku, e Ihova Teatua mari. 6 Avau nohgeigai i afakau nofakarogo i ane taru erohkavei: kaie avau nofakarogo ia Ihova. 7 Karufie tioku roto, avau kakaniani i tiou arofa: akoe nausafea tioku ahlika; akoe nauiroa tahlika i tioku nohkano. 8 Akoe setukweinama avau ki tarima o tatagata esamai maku; akoe naunage ru oku vae i tanohnea sore. 9 Sirarufiemai avau, e Ihova, avau mari nohlika: konofakausore ru oku foimata i tatagi, tioku roto foki, ma tioku noata. 10 Kobuni tioku mauri i tafakainina, ma ioku atau i tahgu: konojikai tioku tamotua i aku penaganea efaga, kojikai oku eivi. 11 Avau nikopena i tane nofakahmana iei weimoa i afakau esamai maku, ma fakau evatata ki atavau, ioku nieh nimataku iatavau: fakau nisafea avau weitafa nifura iatavau. 12 Akirea kogaro iatavau feipe i safakau mate sementuama: avau feipe i tagajanea nitafoia. 13 Avau mari narogona avisau sa o tagata nalupai, tahhka nifori iatavau: akirea nifataki nifakatamau, nitamaua pe katia avau. 14 Kaie avau nifakarogo iatakoe, e Ihova: avau nantukua pe, Akoe tioku Atua. 15 Ioku napugi noi torima: veteakea avau i tarima o fakau esamai maku, ma fakau nopena penaganea mahkei iatavau. 16 Kamarama tiou afoimata i tiou afiji: penamauri moku i tiou arofa. 17 E Ihova, avau koisahma; iei te, avau nantapa akoe: kahma fakau esa iarea penaganea, kafakahlogo kirea i tarua. 18 Koisavisau aragutu erohkavei, akirea novisau fakatamotua, nofakaopea fakau etotonu iarea penaganea ma takaulevi. 19 Esore mari tiou arufie naunage ma fakau nomataku iatakoe, naupena ma fakau nofakarogo iatakoe weimoa i atagata. 20 Akoe kafuna kirea i tanohnea ehmuni weimoa iatakoe i tafakatamauga o tagata: akoe kaumatakina fakahmunia kirea i tiou afakaruru i tafeituga-o tagata. 21 Erufie tapu Ihova: eia mari neifakariamai kiatavau tiona arofa nomasaro fakasore iei, feipe i tasiti tamotua. 22 Kaie avau nantukua weiwaha pe nikotukweinakea avau iatakoe, kaie akoe naurogona anea avau nahnugia i tioku tapa ki atakoe. 23 Kakaniani ia Ihova, akaua oji iana tagata rufie: Ihova noimatakina atagata mari, kaie neioria fakasorea atagata nofijikau ma takaulevi. 24 Katamotua akaua, fakau oji noajia Ihova, katamotua arotaua.
Sam o Tevit 1 Erufie tapu tatagata niamkea iana penaganea efakarogosa, niapojia iana penanesa. 2 Erufie tapu tatagata Ihova sevahkejiama iana penaganea faga iateia, serohkaveima tiona roto. 3 Avau pakefakahlogoana oku eivi nifakausore i tioku avaro i teao kopo. 4 Tiou arima mari nikumieifo avau i ao mapo: nijikai tioku tamotua feipe tagau i tara sore, i tanova-mauri. 5 Avau nantukua iaku penanesa ki atakoe, avau sefeivama iaku penaganea faga: avau nantupe, Avau kantukua iaku afakarogosa kia Ihova; akoe nauamkea iaku penaganea efaga. 6 Atagata rufie oji mari kahmori ki atakoe i tane nei i tanapugi kasafea akoe: pe rosore avainoa serorakoma ki ateia. 7 Akoe tioku anohnea nohmuni iei; akoe kaumatakina avau i tahlika; akoe kafakaforforia avau i ahgoro pe naupenamauri moku. 8 Avau kafakeiroa akoe, kantukua ki atakoe taretu akoe kafano iei: avau kahmatakina akoe i tioku foimata. 9 Koisafeipe i ahors akaua, mo miul, ejikai afinagaro orea: tarakeiga orea mari apukunea i afafa orea, ma braitel pe kamatakina kirea, pe kafakarogo i akaua. 10 Kanalupai ahlika o fakau nopena penaganea sa: kaie Ihova keifakaforforia tatagata nofakarogo iateia i tiona arofa. 11 Kakaniani akaua ia Ihova, karufie arotaua, fakau rufie: kavisau kiluga ma takaniani, akaua oji nomari arotaua.
1 Kakaniani ia Ihova, akaua fakau rufie: ehtau pe fakau etotonu arotorea kahgana iateia. 2 Kahgana iateia i aharp: feiakea ahgoro akaua ki ateia i tasalteri auka taragafuru iei. 3 Feiakea tahgoro fou ki ateia; tia fakarapakaua tafago ma tareo sore. 4 Etotonu mari tavisau o Ihova; eia neifakarava iana fijikauga oji ma tamari. 5 Eia nokaniani i apenaganea totonu ma penaganea mari: efonu takere nei i tiarofa o Ihova. 6 Ihova neipena taragi i tiana visau; manea oji iei i tavisau i tiona fafa. 7 Eia neifatakina fatasiana tatai feipe i tatoma: eia neinage avae or a i anohnea nonage anea iei. 8 Kamataku atagata oji i takere nei ia Ihova: kahhka fakai i afanua oji iateia. 9 Eia nivisau, sanofo anea: eia neitukua, sanofo fakamahkeia anea. 10 Ihova neiauiei tafakatamauga o fakai i afanua: eia neipena pe kajikai amanatuga o tagata. 11 Tavisau o Ihova nonofo fakamahkeia iatau matau, ma amanatuga i tiona roto ma atau tagata oji. 12 Erufie tapu fakai i tafanua ra Teatua orea ko Ihova; ma atagata neiamoa pe kaniana. 13 Ihova noi taragi nosireifo; eia neisafea atagata oji; 14 Eia noi tiona nohnea nosiramai fakai oji i takere nei; 15 Eia neipena arotorea oji, noimojikia iarea fijikauga oji. 16 Sepenamauri mo tasi ariki i tamotu tagata enalupai: seromatakina tatagata tamotua i tiona tamotua sore. 17 Tane taru tahors pe kapenamauri mo tagata: eia seromatakina satagata i tiona tamotua sore. 18 Afoimata o Ihova nosira ki afakau nomataku iateia, fakau mari noajia tiona arofa; 19 Pe keiamkea anohkanorea i tahmate, pe keimatakina kirea kamauri i taoge. 20 Anohkanotea noajia Ihova: eia nositu i akitea, takaroa otea eia. 21 lotea roto kakaniani iateia, iei te, akitea nifakarogo i tiona eigoa tapu. 22 Sirarufiemai kimea, e Ihova, feipe akimea. niajia akoe.
Sam o Tevit, i tanapugi nike iana penaganea weimoa i Abimelek; eia neipeperia eia, Tevit nifakea iei. 1 Avau karafaina Ihova inapugi manapugi: avau kahgana iateia i tioku fafa segapu. 2 Avau kantukua tioku kaniani ia Ihova: fakau emaru iorea roto karogona, kakaniani. 3 Akitea ma kaua mari kahgana ia Ihova, akitea kajikijiake fatagtagasi tiona eigoa. 4 Avau nansara Ihova, eia neirogona avau, neiamkea iatavau anea oji avau nimataku iei. 5 Akirea nisira ki ateia nikaniani: sehmama afoimatorea. 6 Tatagata etamoto tenei nihtapa, Ihova neirogona, neipenamauri mona i anea oji nihlika iei eia. 7 Tagelo o Ihova nonofo nofori i afakau nomataku iateia, noipenamauri morea. 8 Togofia akaua, safarigoina pe erufie Ihova: erufie tapu tatagata nofakarogo iateia. 9 Kamataku akaua ia Ihova, fakau rufie: sejikaima sanea i afakau nomataku iateia. 10 Kojikai anea-kai i alaion etamotua, akirea kohmate i taoge: kaie fakau nosara Ihova serojikaima sanea rufie i akirea. 11 Romai, agatama nei, fakarogona avau:. avau kafakeiroa akaua tamataku o Ihova. 12 Tatagata akai nokaniani pe kamauri, nokaniani i anapugi nalupai, pe keisafea anea rufie? 13 Koisafakea savisau sa i tofafa, koisautukua terohkavei i toragutu. 14 Koina apenaganea esa, pena penaganea rufie; sara tamarino, muri iei. 15 Afoimata o Ihova nosira rufie fakau etotonu iarea penaganea: efakasara ano tariga ki tahtapa orea. 16 Afoimata o Ihova nosira sa fakau nopena penaganea sa, pe keiamkea ane nomentua iei kirea i takere nei. 17 Fakau rufie nihtapa, Ihova neirogona kirea, neiamkea kirea i anea oji akirea nihhka iei. 18 Ihova etatamai ki afakau ehmae arotorea i apenanesa area, eia neipenamauri mo fakau niafe arotorea i apenaganea area. 19 Enalupai ahhka norikofia atagata rufie; kaie Ihova noiamkea oji iateia. 20 Eia neimatakina ano eivi oji: sefajima tasi. 21 Asa kataia fakau nopenanesa: kaoria i tanori sa fakau nohgeigai i afakau rufie. 22 Ihova nofamata mo anohkano iana fiji: sereioriasama tasi kirea nofakarogo iateia.
Sam o Tevit 1 Amoa maku, e Ihova, i afakau nomahmafi iatavau: toa akoe i akirea, akirea nohtoa iatavau. 2 Kumia takaroa ma tane noapojia akoe, tukake pe kasitu iatavau. 3 Amoa foki tafoitao, pojina taretu i afakau noatagia avau: tukua ki tioku nohkano pe, Avau tiou amauri. 4 Kahma, kamataku fakau nosara tioku nohkano pe kaiauiei avau: kaafe, kahlika fakau notamaua pe kapenanesa iatavau. 5 Kafeipe akiri whit akirea weimoa i tamtagi, kapeperia kirea tagelo o Ihova. 6 Kapauri, kamorehmore taretu orea, keiatagia kirea tagelo o Ihova. 7 lei te, akirea nifuna moku takaupega i tarua, kaie jikai tantafito, akirea nikeria tarua ma tioku nohkano, kaie ejikai tantafito. 8 Karikofia eia tane kaiauiei eia, eia kasoposa ana iei; takaupega neifuna kasia eia, katakakea eia i tane noiauiei tagata tena. 9 Kaie tioku nohkano kakaniani ia Ihova: karufie tioku roto i tiona mauri moku. ID Oku eivi oji katukua pe, Ihova, akai feipe akoe, nauamkea fakau nohhka i tatagata etamotuakage iateia, tatagata nohhka mari, ma tatagata ejikai iana nea, nauamkea i tatagata noakiteria anea iateia? 11 Nomasike fakau evahkoko; akirea nifakauia avau i anea avau epuhpusi iei. 12 Akirea nioria iaku penaganea rufie i tasa, ehkanonea tioku nohkano iei. 13 Kaie itanapugira akirea ehmate avau nit akai i amoiga roga: avau nifakahhka iatavau i taparikai; tioku ahmori morea niafemai ki atavau. 14 Avau nifehnanoa feipe eia tioku nieh, mo tuku soa: avau nifao nimakuru, feipe i tatagata notagi ia jinana. 15 Kaie akirea nikaniani i tioku fano sa, nifatakina fatasiana: akirea nifatakina fakau nosiga iatavau, kaie avau nipuhpusi iei; akirea nigorosia avau segapuma: 16 Akirea nikajia anifo orea iatavau, akirea ma fakau nofakahmana pe kamoa anea kai. 17 E Ihova, akoe kaumojikia kirea mei tanapugi tefe? Anikea tioku nohkano i tatamauga 'sa orea, amkea avau i alaion, avau nonofo sahkovau ana. 18 Avau kafafetai iatakoe i tafatakina sore o tagata: avau kahgana iatakoe weimoa i atagata nalupai. 19 Koisakaniani iatavau fakau esamai taruana maku: koisahpoi iatavau afoirnata o fakau nohgeigai iatavau, kaie ejikai tantafito. 20 Akirea mari sevisau marinoma: kaie akirea notaniaua avisau erohkavei i afakau nohnofo fakarikiana i tafanua. 21 Akirea nifakahmana iatavau; akirea nitukua, Aha, aha, afoimatotea nisafea. 22 Akoe nausafea, e Ihova; Koisafakahlogoana; E Ihova, koisanofo ipapai iatavau. 23 Masike, virikake pe kauamoa maku, kautukua tavisau i aku penaganea, tioku Atua, ma tioku Ariki. 24 Farigoina iaku penaganea, e Ihova, tioku Atua, ehtau ki iou apenaganea totonu; koisakaniani kirea iatavau. 25 Koisatukua kirea i arotorea pe la, akitea mari nikaniani pera: koisatukua kirea pe, Akitea niforomia oji eia. 26 Erufie pe akirea kahma kahhka fatagtagasi, fakau nokaniani i tioku ahhka; kahma, kamataku fakau nokaulevi arotorea iatavau. 27 Kahgoro, kakaniani fakau noamoa maku, notukua pe etotonu iaku penaganea: katukua kirea segapu pe, Esore mari Ihova, eia nokaniani pe kanofo rufie tiana liji. 28 Tuku rero kavisau iou penaganea totonu, avau kahgana iatakoe i anapugi oji.
Ki Tesore i afakau noligoro. Sam o Tevit, tafiji o Ihova 1 Tafakarogosa o fakau esa iarea penaganea notukua i tioku roto pe, Jikihtae tamataku o Teatua weimoa i ateia. 2 Eia noresia ana eia, notupe, Teatua serosafeama, serohgeigaima iana penaganea faga. 3 Avisau i tano fafa efaga, erohkavei: eia neihkoina penaganea erapakau, ma penaganea rufie. 4 Eia nitamaua penaganea efaga i tiona potu; eia notu fakamahkeia i taretu serufiema; eia sehgeigaima i apenaganea esa. 5 E Ihova, tiou arofa noi taragi; iou apenaganea marl norako ki apoa. 6 lou penaganea totonu feipe aora o Teatua; iou penaganea naupena ma tagata feipe tavavanea elehposu sa: E Ihova, akoe naumatakina tagata ma ane-mauri. 7 Erufiekage tiou arofa, e Teatua, atagata kahmuni weiraro i tamarumaru iou apahkau. 8 Akirea kamauri fakarufie i ane nalupai i tiou afare; akoe kautufa kirea kaeinu i tavai-tafe iou anea rufie. 9 No iatakoe tantafito i tamauri: akimea kasafea tamarama i tiou amarama. 10 Arafaina segapu fakau noiroa akoe: tufa iou apenaganea totonu ma fakau nomari arotorea. 11 Koisatakafia avau tavae o fakau nokaulevi arotorea; koisapeperia avau tarima o fakau esa iarea penaganea. 12 Fakau nopena penaganea esa nikohtakakea mari pera: nihtatifo kirea, akirea etaru i tamasike.
Sam o Tevit 1 Koisafakainina akoe i afakau nopenanesa, koisahmata sa i afakau nopena penaganea faga. 2 Katujia mari kirea weiwaha, feipe i agafari, akirea kamaro feipe i agarakau sanosomo. 3 Fakarogo ia Ihova, pena penaganea rufie; nofo i tafanua, muri i apenaganea man. 4 Kakaniani akoe ia Ihova; eia keitufa akoe anea tiou aroto nokaniani iei. 5 Vahkejia ia Ihova tiou amoga; fakarogo iateia, eia kapena. 6 Eia keifakaria iou apenaganea totonu feipe i tamarama, ma iou penaganea rufie feipe i taotea. 7 Nofo fakahlogoana weimoa ia Ihova, tari fakarikiana iateia; koisafakainina akoe i tatagata enalupai iana nea, ma tatagata nofakarava iana manatuga. 8 Koina tafakainina akoe, tukweina takah: koisafakainina akoe, tasa ana nofakea iei. 9 Kaiauiei mari fakau penanesa: kaie fakau noajia Ihova, kaniorea tafanua. 10 Serohtuaima kajikai fakau penanesa; akoe kaumojikia fakarufie iorea nohnea, kai ejikai: 11 Kaie fakau emaru rotorea kaniorea tafanua; akirea kakaniani i ane rufie nalupai. 12 Tatagata nopenanesa nota i tatagata rufie, nokajia ano nifo iateia. 13 Ihova kakata iateia: iei te, eia noiroa pe konotatamai tiona napugi. 14 Fakau nopenanesa ninusiakea amajira orea, nitorojia takaroji i afana orea, pe kahtatifo fakau nohlika, ejikai iarea anea, pe kataia fakau etotonu iarea penaganea. 15 Amajira orea kasukia iorea roto, katajia foki afana orea. 16 Karufie fakasore auta eruana o tatagata etotonu iana penaganea, karufie fakasisiana auta nalupai o fakau enalupai nopenanesa. 17 Katajia arima o fakau nopenanesa: kaie Ihova nopurujiakake fakau etotonu iarea penaganea. 18 Ihova noiroa anapugi o fakau rufie: anea neinage marea kanofo iatau matau. 19 Akirea serohmama i tanapugi sa: akirea kamauri i anapugi i taoge. 20 Kaie fakau nopenanesa kahmate, fakau esage ma Ihova kafeipe agako i agatama jip: akirea kajikai, kabuni i tiousafi. 21 Fakau nopenanesa nonugia anea, kaie seoriama: kaie fakau etotonu iarea penaganea noarafaina tagata, notufana. 22 Fakau Ihova neiageia kaniorea tafanua; fakau eia ninasoia kaiauiei kabuni kirea. 23 Ihova nonage fakamahkeia tafehnanoa o tatagata rufie; eia nokaniani i tiona retu. 24 Pe eia rosiba, kaie serotakakeama pakeni: iei te, Ihova noipurujia eia i tano rima. 25 Avau nitamtane, kaie avau nikofakau sore; kaie avau sesafea niana tatagata rufie nihkoina, mo iana agatama nonugia ana anea-kai. 26 Eia noarafaina tagata inapugi manapugi, notufa tagata; karufie tapu iana agatama. 27 Koina apenanesa, pena penaganea rufie; nofo fakarufie iatau matau. 28 Ihova mari nokaniani i apenaganea totonu, sehkoinama iana tagata rufie; eia noimatakina kirea iatau matau: kaie kaiauiei mari agatama o fakau nopenanesa. 29 Fakau rufie kaniorea tafanua, akirea kahnofo iei iatau matau. 30 Tafafa o tatagata rufie notukua avisau rapakau, tano rero notukua apenaganea totonu. 31 Tavaga o Teatua noi tiona roto; eia serosirima. 32 Fakau nopenanesa nomoitawa tatagata rufie, nosara pe katia. 33 Ihova sereihkoinama eia i tano rima, eia sereioriasa ma eia pe reijirojiroa iana penaganea. 34 Tari ia Ihova akoe, nofohpiri i tiona retu, eia keijikijiake akoe pe kaniou tafanua: pe reiamkea fakau nopenanesa akoe kasafea. 35 Avau nansafea tatagata nopena penaganea esa, esore tiona tamotua, nifeipe i tarakau nomauri i tiona nohnea, enalupai anorau ma anora. 36 Kaie tasi nimeifano, kaie eia ejikai: avau nansara, kaie sesafeama. 37 Mojikia tatagata rufie, sireia tatagata nomari iana penaganea: emarino tiona nofo weimuri. 38 Kaie kaiauiei fatagtagasi fakau efakarogosa: kaiauiei tahnofo weimuri orea. 39 Kaie tamauri o fakau rufie no ia Ihova: eia tanohnea nonofo fakamahkeia iei i tanapugi nohlika iei. 40 Ihova nositu i akirea, noipenamauri morea: eia noiamkea kirea i afakau nopenanesa, noipenamauri morea, iei te, akirea nifakarogo iateia.
Sam o Tevit pe kamentua eia 1 E Ihova, koisotukua sajina avau i tiou akali: koisotarania avau i tiou afakainina sore. 2 lou agasau nohtu nohpiri fakamahkeia iatavau, tiou arima nokumieifo fakasore avau. 3 Jikai sanohnea ehmafo i tioku noata i tiou akali; semaurima oku eivi i aku penanesa. 4 Nikoburaua tuku uru iaku penaganea efaga: feipe i tamoga emafa, etaru i tansorea. 5 Ehnamu, epurau apakora iatavau, i aku penaganea etotosa. 6 Avau ehmaesa; nikotomia tapu; avau notagi i abohpo kopo. 7 Nikohvera fakasore ru oku taupuku: jikai sanohnea ehmafo i tioku noata. 8 Avau etamoto, nikotaberesia tapu: avau novaro i tahlika i tioku roto. 9 E Ihova, akoe nauiroa tioku akaniani; sehmunima tahgu oku iatakoe. 10 Nofiji tuku ate, konojikai tioku tamotua: nikopauri ru oku foimata foki. 11 Fakai ioku ma oku nieh nohnofo ipapai i tioku amate; oku soa nohtu ipapaikea. 12 Fakau nosara pe katia avau foki nonage anea pe kafakanaua avau; fakau notamaua pe kapenanesa iatavau notukua avisau sa, nomentua apenaganea erohkavei oji i abohpo kopo. 13 Kaie avau feipe tatagata eturituri ru ona tariga, serogonama; avau feipe tanoa sevisauma. 14 Avau mari feipe tatagata serogonama avisau, ejikai foki avisau sajina i tioku fafa. 15 lei te, avau mari noajia akoe, e Ihova: akoe kaurogona avau, e Ihova, tioku Atua. 16 Avau mari nantupe, Koisakaniani kirea iatavau: pe avau rosiba, akirea novisau kaulevi iatavau. 17 Avau feipe kafano sa, avau notagi segapu. 18 Avau mari kantukua iaku penaganea faga; avau katagi iaku penanesa. 19 Kaie fakau esamai maku emauri, etamotua; nikobkobua fakau nohgeigai ana iatavau. 20 Fakau foki noioria penaganea rufie i apenaganea esa nopojina avau, iei te, avau nomahmafi i apenaganea rufie. 21 Koisohkoina avau, e Ihova: e tioku Atua, koisonofo ipapai iatavau. 22 Weiwaha pe kasitu iatavau, e Ihova, tioku amauri.
Ki Tesore i afakau nohgoro, ma Jetuthun. Sam o Tevit 1 Avau nantukua pe avau kahmatakina iaku penaganea pe koisapenanesa tuku rero: avau kahmatakina tioku fafa i tane nopojina, pe ronofo fakau nopena penaganea esa weimoa iatavau. 2 Avau nifakatemu, sevisauma mari i sanea rufie; kaie nisore tioku fakainina. 3 Nihvera tioku roto; avau koimanatunea ana naura tiafi: avau savisau i tuku rero, nantupe, 4 E Ihova, fakaria ki atavau tioku napugi weimuriroa, pe karava i tanapugi tefe, pe avau kairoa tahpalo i tioku nofo iku pe taha; 5 Akoe mari naupena ioku napugi feipe tahlafa i tuku rima; ioku atau feipe ejikai weimoa iatakoe: atagata oji mari, i tatamotua orea, feipe i tamapusaki ana. 6 Atagata oji mari feipe atonea i taroro orea: iorea roto nikoruruia taruana: akirea nifeituma auta, kaie epuhpusi pe akaima kaamoa. 7 Avau nihtari i taha, e Teriki? Avau noajia akoe. 8 Veteakea iatavau iaku penaganesa oji: koisafakahmana iatavau fakau ehleva iorea finagaro. 9 Avau nifakatemu, sevisauma, iei te, akoe naupena. 10 Amkea iatavau tatarania tiou: avau etamoto pe nautia avau. 11 Pe akoe rotarania rofagona tagata i area penaganea faga, kajikaikea tarufie orea, feipe i sapepe: tamari pe ane penaha atagata oji. 12 Fakarogo i tioku ahmori, e Ihova, fakarogona tioku tapa; koisosiratarukageana i oku areimata: avau mari tamavaka weimoa iatakoe, tatagata nonofo nofano, feipe avahpua oji. 13 Sira mana ki teke anohnea akoe, pe avau katamotua mana, safakea ikunei, sajikai.
Ki Tesore i afakau nohgoro, Sam o Tevit 1 Avau nihtari seterevama ia Ihova; eia nifaoifo ki atavau, neirogona tioku tapa. 2 Eia neiamkake avau foki i tarua esarari, i tapera esa; eia neinage ru oku vae pe avau katu i tafatuhtu, neipena fakamahkeia tioku fano. 3 Eia neinage tahgoro fou i tioku fafa, tahgana mari ma Teatua: fakau nalupai kasafea, kamataku; akirea safakarogo i Teatua. 4 Erufie tapu tatagata nofakarogo ia Ihova, sesirarufiemai fakau nokaulevi, ma fakau notafurimai ki terohkavei. 5 E Ihova, tioku Atua, enalupai mari afijikauga nomasaro iei naupena, ma iou amanatuga i akimea: etaru i tatukua ki atakoe; pe avau kantukua, kavisaua, enalupaikage, etaru i tantaua. 6 Akoe sekanianima i ataumafa ma atufa; akoe nausukia ru oku tariga: akoe senugiama ataumafa tugia ma ataumafa i apenanesa. 7 Avau nantukua pe, Siramai, avau mari kohmai: niserea tavisau iatavau i tabuk. 8 Avau nokaniani i tafakarogo i tiou avisau, e tioku Atua; tiou avaga mari noi tioku roto. 9 Avau nantukua apenaganea totonu i tafatakina sore o tagata: avau serofakatemu, e Ihova, akoe mari noiroa. 10 Avau sefunama iou apenaganea totonu i tioku roto; avau nantukua iou penaganea mari ma tiou amauri: avau sefeivama i tiou arofa ma tiou amari i tafatakina sore o tagata. 11 Koisokeremoa iou penaganea arofa iatavau, e Ihova: tiou arofa ma tiou amari kamatakina avau segapu. 12 Nifakaforforia avau asa nalupai, etaru i tantaua: nikorikofia avau iaku penaganea faga, avau etaru i tasirakake iei; enalupaikage kirea, eruana afufuru i tuku uru, nikotamoto tioku roto. 13 E Ihova, arafaina avau, penamauri moku: weiwaha akoe pe kasitu iatavau, e Ihova. 14 Kahma kirea, kahhka fatagtagasi aroto o fakau nosara pe kaiauiei tioku nohkano: peperia kirea kaafe, kahma fakau nokaniani pe kapenanesa iatavau. 15 Kahnofo kirea sahkirea ana i anea nohma iei akirea, fakau mari notukua ki at avau pe, Aha, aha. 16 Kakaniani, karufie iatakoe aroto o fakau oji nosara akoe: katukua segapu fakau nokaniani i tiou amauri pe, Kasore Ihova. 17 Kaie avau nohlika, ejikai foki anea iatavau; kaie Teriki neimentua avau: akoe nositu iatavau, nopenamauri moku: koisahtari, e tioku Atua. 44
Ki Tesore i afakau nohgoro. Sam o Tevit 1 Erufie tapu tatagata nopena penaganea ehtaurufie ma fakau ejikai iarea anea: Ihova keipenamauri mona i tiona ahlika. 2 Ihova keimatakina eia pe eia kamauri, kanofo rufie eia i tafanua; koisotukweina eia ki takaniani o fakau esage mana. 3 Ihova keimatakina i tiona potu pe eia romoe emate: akoe nopenpena tiona potu oji i tiona mate. 4 Avau nantupe, E Ihova, sirarufiemai avau: penamauri mo tioku nohkano; avau mari nanpenanesa iatakoe. 5 Fakau esamai maku notukua avisau sa iatavau, notupe, Eia kamate, kajikai tiona eigoa afia? 6 Pe eia romeisireia avau, eia keitukua terohkavei ana: eia nofeituma asa i tiona roto: pe rofakea eia kofano, keitukua. 7 Fakau oji nohgeigai iatavau nofataki nomuhmu iatavau: akirea notamaua asa iatavau. 8 Akirea notupe, Tahmate sa nohpiri fakamahkeia ki at eia: eia nomoe seromasikema foki. 9 Tuku nieli rufie foki, avau nifakarogo iateia, eia neikaina iaku akai neijikijiake tano muri vae iatavau. 10 Kaie akoe, e Ihova, sirarufiemai avau, jikijiake avau, pe avau kahkoria i akirea. 11 Avau noiroa penei pe akoe nokaniani iatavau, iei te, setamotuama iatavau tatagata esamai maku. 12 Kaie avau, akoe nopurujia avau i aku penaganea totonu, naunage avau weimoa iatakoe iatau matau. 13 Erufie tapu Ihova, Teatua o fakai Isreel, i tamtahtaki ma iatau matau foki. Emen ma Emen.
Ki Tesore i afakau nohgoro. Tavisau fakeiroa ma agafatumupuna o Kora. 1 E Teatua, tioku nohkano nokaniani iatakoe feipe tanani iro nofeinu vai i avai-tafe. 2 Avau nitagisa ma Teatua, ko Teatua mauri mari: avau kohmai afia weimoa i Teatua? 3 Oku reimata nipena i akai maku i ao mapo, kaie akirea notukua segapu ki atavau pe, Tiou Atua wafe? 4 Avau nomentua ane nei, nohmori ma tioku nohkano itanapugi avau nifano fatasiana ma tamotu tagata ki tamrae o Teatua, novisau ma takaniani nohgana iatakoe, nomentua tanapugi nofatakina iei. 5 Nikotamoto akoe iaha, e tioku nohkano? akoe nohlika iaha? ajia akoe Teatua: avau mari kahgana iateia i tamauri rofakea iateia. 6 E tioku Atua, nikotamoto tioku nohkano: avau nomentua akoe iei i tafanua wei Jortan, ma aora Hermon, ma taora Maisar. 7 Nohtapa nanoa avainoa ma vainoa i tataguru iou asiosio: iou agaru oji ma iou apeau niburaua avau. 8 Kaie Ihova keifakaria tiona arofa i ao, tiona ahgoro kanofo iatavau i apo, tahmori mari ki Teatua, avau emauri iateia. 9 Avau kantukua ki Teatua tioku fatuhtu pe, Akoe nigaro iatavau iaha? avau nomakuru nofano iaha i apenaganea mahkei o fakau esamai maku? 10 Fakau esamai maku nofakahmana iatavau feipe i tamajira i oku eivi; akirea notukua ki atavau segapu pe, Tiou Atua wafe? 11 Nikotamoto akoe iaha, e tioku nohkano? akoe nohhka iaha? Ajia akoe Teatua: avau mari kahgana iateia, tamauri o tioku afoimata eia, ma tioku Atua.
1 Oria fakatotonua avau, e Teatua, amoa maku weimoa i afakai i tafanua, akirea searafainama tagata: amkea avau i atagata erohkavei, efaga iarea penaganea. 2 Akoe mad Teatua i tioku tamotua; akoe nautukweina avau iaha? Avau nomakuru nofano iaha, i apenaganea mahkei o fakau esamai maku? 3 Kauna kafakea tiou amarama ma tiou amari pe kamokage iatavau: pe karafia avau ki tiou aora tapu ma iou afare. 4 Avau safano ki tafata o Teatua, ki Teatua mari, avau nokaniani fakasore iateia: avau kahgana iatakoe i taharp, e Teatua ko tioku Atua. 5 Nikotamoto akoe iaha, e tioku nohkano? akoe nohlika iaha? Ajia akoe Teatua: avau mari kahgana iateia, tamauri o tioku foimata eia, ma tioku Atua.
Ki Tesore i afakau nohgoro. Tavisau fakeiroa ma agafatumupuna o Kora. 1 E Teatua, akimea nirogona i atariga omea, avahtupunomea nivisaua mamea, tafijikauga ra akoe naupena i anapugi orea ituai, 2 Pe akoe nitarokea fakai i afanua i torima, naunage fakamahkeia kirea; akoe naukumieifo fakau era, kaie nikobkobua kirea. 3 Akirea seamoama tafanua morea i amajira orea, arima orea sepenamauri morea: kaie tiou arima matau, tiou arima mari, ma tamarama i tiou afoimata, iei te, akoe niarafaina kirea. 4 Akoe tioku Ariki, e Teatua: tukua pe kamauri agafatumupuna o Jekob. 5 Akimea katukieifo iatakoe fakau esamai mamea: akimea katakafieifo i tiou eigoa fakau nomasike i akimea. 6 Avau serofakarogoma i tuku fana, seropenamauri moku tioku majira; 7 Kaie akoe naupenamauri momea i afakau esamai mamea, akoe naunage pe kahma fakau nohgeigai i akimea. 8 Akimea nitukua takaniani omea i Teatua i anapugi oji, akimea kafafetai i tiou eigoa iatau matau. 9 Kaie akoe nikohkoina kimea, akimea nikohma iei: akoe searafiama amotu tagata amea. 10 Akoe nofurusia kimea pe kaafe kimuri i afakau esamai mamea, fakau nohgeigai i akimea, noakiteria anea amea, noamoa marea. 11 Akoe nitukweina kimea feipe iajip manea kai; akoe nifalelekia kimea i eke afanua. 12 Akoe nautufana iou atagata, kaie sesorema iou anea i tanomata. 13 Akoe naunage kimea pe fakau evatata i akimea katukua avisau sa i akimea, kafakahmana, kafakaopea kimea fakau nohnofo nofori i akimea. 14 Akoe naunage kimea ma tane nafakahmana iei ma fakai i avaka tagata, fakai i afanua nohta auru orea i akimea. 15 Tioku ahlika nonofo v/eimoa iatavau segapu; nikoapojia tioku foimata tane nohma iei avau, 16 I tareo tatagata notukua sajina, notukua avisau esa iatavau; tatagata esamai maku mari neioria avau. 17 Nikorikofia kimea ane nei oji; kaie akimea segaroma iatakoe, akimea serohkaveima i tiou avaga. 18 Seafema kimuri arotomea, akimea sehkoinama tiou aretu; 19 Akoe nitaberesia kimea i tanohnea nohnofo iei ane eiro, nauapojia kimea i tiata i tahmate. 20 Pe akimea nigaro i teigoa o Teatua omea, mo nifariakea arima omea ki teke atua, 21 Teatua mari keisara tapenaganea tenei, eia mari noiroa anea ehmuni i aroto o tagata. 22 Akimea mari nikotaia mau i teao kopo; notukua pe akimea feipe ajip ane kataia. 23 E Teriki, viri akoe, akoe nomoiroa iaha? Masike, koisohkoina kimea iatau matau. 24 Akoe nofuna tiou afoimata iaha, nogaro i tahlika omea, ma penaganea mahkei nopena i akimea? 25 Nikofaoifo anohkanomea ki takere: nohpiri ki takere arotomea. 26 Masike akoe pe kasitu i akimea, penamauri momea i tiou arofa.
Ki Tesore i afakau nohgoro. Sam ma agafatumupuna o Kora Tavisau fakeiroa. Tahgoro ma fakau nokaniani i Teatua. 1 Nofenake tavisauga rufie i tioku roto: avau notukua afijikauga nanpena ma Teriki; tuku rero kofeipe pen tatagata nosere pepar weiwaha. 2 Emahmata rufie iou amahmata, sefeipe akoe tagata: earofa rufie avisau iou aragutu: Teatua neiarafaina akoe iei iatau matau. 3 Fausia tiou amajira i tiou ataupuku, e Teriki etamotua, ma tiou arufie, ma tiou tamotua. 4 Eke akoe i tiou aekiga nofano ma tiou tamotua, i tamari ma penaganea maru, etotonu: tiou arima matau kafakeiroa ki atakoe anea nohlika iei. 5 Emtakei iou agasau i aroto o fakau esage ma Teriki: avaka tagata kahtakakea weiraro iatakoe. 6 E Teatua, tiou torona nonofo iatau matau: akoe noariki fakatotonua i tiou avaka. 7 Akoe nokaniani i apenaganea totonu, nihgeigai i apenaganea esa: Teatua ko tiou Atua mari, neirigia tavairakau iatakoe i takaniani pe akoe kasore i osoa. 8 Ehnamu rufie iou amoiga oji i mur, ma alos, ma kasia; akirea nikaniania akoe i afare rufiesa aivori. 9 Agatama fafine o fatoriki kahnofo ma agafafine rufie sore iou: nonofo wei tiou arima matau tafine-riki nirakei i kolt i tafanua Ofir. 10 Fakarogona, teku tama fine nei, manatunea, faoifo tiou tariga ki atavau; koisomentua foki fakai i tiou afanua, ma fakai i tamrae o tamau; u Teriki kakaniani i tiou amahmata rulie iei: tiou Ariki mari eia; faoifo akoe weimoa i ateia. 12 Fakai i Tair kahmai atufa mau; fakau enalupai anea area i tafanua foki kanugia akoe pe kasirarufie kirea. 13 Nirakei fakarufie tatama fine o Teriki i tiona fare: nisukia kolt i tatafa tiona moiga. 14 Karafia eia ki Teriki i amoiga rufiesa: karafia foki ki atakoe agatama fafine fou, anosoa nomuri iateia. 15 Karafia kirea ma takaniani ma ahgoro: akirea kauru ki tamrae rufiesa o Teriki. 16 lou agatama kaoria.avahtupunorea, akoe kaunage kirea ma fatoriki i takere nei oji. 17 Avau kahpena pe kamentua tiou eigoa i atau tagata oji: fakai i afanua kafafetai iatakoe iei iatau matau, iatau matau.
Ki Tesore i afakau nohgoro. Sam ma agafatumupuna o Kora pe akirea kafeiakea. 1 Teatua tanohnea nohmuni iei matea, ma tatamotua otea, eia nositu fakasorea i akitea i tahlika otea. 2 Akitea seromatakuma iei pe kake takere nei, pe kamkea aora iroto tatai; 3 Pe rotaguru tatai kafaji, pe kaviriviri aora i agaru iei. 4 Nonofo tasi avai-tafe, anagavai nokaniania tasiti o Teatua, tanohnea tapu mari i afare o Teatua Weilugaroa. 5 Teatua nonofo iei; serohlikama iei; Teatua kasitu iei pe roao. 6 Fakai i afanua nihlika, fakai i avaka niviriviri: eia nivisau, nivevia takere: 7 Ihova Teriki i amotunea nonofo ma kitea; Teatua o Jekob tanohnea nohmuni iei matea. 8 Romai akaua, mojikia afijikauga o Ihova eia neipena pe kagogao anohnea i takere nei. 9 Eia notukua pe karava ahtoaga mei tanoji i takere nei; eia notajia afana, notujia kamotu afoitao; eia notugia aekiga i tiafi. 10 Koina akaua, farigoina pe avail Teatua: kavahkejia avau kiluga weimoa i afakai i afanua, kavahkejia man avau i takere nei. 11 Ihova Teriki i amotunea nonofo ma kitea: Teatua o Jekob tanohnea nohmuni iei matea.
Ki Tesore i afakau nohgoro. Sam ma agalatumupuna o Kora. 1 Pohpokia arima aua, fakai oji nei i afanua; visau kiluga ki Teatua i areo aua ma takaniani. 2 Nohlika mari atagata ia Ihova Weilugaroa; Teriki Sore eia i afakai i takere nei oji. 3 Eia keikumieifo fakai i afanua weiraro i akitea, ma avaka tagata weiraro i avae otea. 4 Eia keitukua tafanua kahnofo iei akitea, tanohnea rufiesa o agafatumupuna o Jekob, eia nokaniani iateia. 5 Teatua nifijikake ma tahtapa kiluga o tagata. Ihova nifijikake mari i tagatoro o tabu. 6 Feiakea ahgoro ki Teatua, feiakea ahgoro akaua: feiakea ahgoro ki Teriki otea, feiakea ahgoro akaua. 7 Teatua otea mari Teriki i takere nei oji: feiakea ahgoro kaua ma finagaro aua. 8 Teatua noariki i afakai i afanua: Teatua noeke i tiona torona tapu. 9 Afatoriki i avaka tagata nikofatakina fatasiana ma avaka tagata o Teatua o Ebraham: noi Teatua mari atagata nomatakina takere nei: nihgana fakasore iateia.
Sam pe kahgana ia Ihova iei ma agafatumupuna o Kora 1 Esore Ihova, ehtau i tahgana fakasore iateia, i tasiti o Teatua otea, i tiona aora tapu. 2 Erufiesa tahgaro i taora Saion, fakai i takere nei oji nokaniani iei, tasiti mari o Teriki sore i tantafa north. 3 Teatua nifakaria eia i afare rufiesa iei pe tanohnea nohmuni iei matea. 4 Afatoriki mari nofatakina, akirea nimeiroro fatagtagasi. 5 Akirea nisafea, samasaro; akirea nihlika, safura. 6 Akirea niviriviri iei; akirea nihmae feipe i safine nofarere i tantama. 7 Akoe notafoia avaka i Tarjij i tamtagi taretwamlai. 8 Akimea nirogona, akimea nisafea foki feipera i tasiti o Ihova, Teriki i amotunea, i tasiti o Teatua otea: Teatua keinage fakamahkeia iatau matau. 9 Akimea nimentua tiou arofa, e Teatua, i tiou afare tapu. 10 Tahgana iatakoe norako ki anoji i takere nei, e Teatua, feipe i tiou eigoa: efonu tiou arima matau i apenaganea totonu. 11 Kakaniani fakai i taora Saion, kavisau kiluga ma takaniani afafine i Juta, iou apenaganea nofagona tagata. 12 Roro fakaforforia i Saion: taua afare ehgaro iei. 13 Mojikia fakarufie akaua abae iei, jirojiroa afare ehgaro iei; pe akaua katukua ki tatau tagata weimuri. 14 Teatua tenei ko Teatua otea iatau matau: eia keiarafia kitea mei tanapugi kahmate iei akitea.
Ki Tesore i afakau nohgoro. Sam ma agafatumupuna o Kora 1 Fakarogona nei, akaua fakai i afanua, fakarogo fakai oji i takere nei: 2 Fakau taruana, ma fakau sore, fakau enalupai anea aua, ma fakau ejikai anea aua fatagtagasi. 3 Tioku fafa kavisau i tarapakauga; amanatuga i tioku roto i tafarigoina anea. 4 Avau kafaoifo tuku tariga pe karogona tafurivisau: avau kantukua tanohkano iei i tahgoro i taharp. 5 Avau kamataku iaha i anapugi sa, pe rofori iatavau apenaganea faga o fakau nofakahlika avau. 6 Fakau nofakarogo i tatamotua orea, notukua fakasorea aula nalupai area; 7 Jikai tasi kirea etamotua i tapenamauri mo tanosoa, mo i tatufa Teatua tanomata mona. 8 (Esore mari tanomata i tamauri orea, nohkoinana iatau matau:) 9 Pe eia kamauri iatau matau, koisapohpopo. 10 Eia mari neisafea pe nohmate fakau erapakau, ma fakau ejikai iorea finagaro, ma fakau evahkoko nojikai, akirea nohkoina auta area ma faruke. 11 Tamanatuga iorea roto pe amrae orea kahnofo iatau matau, ma anohnea nohnofo iei akirea ma atau tagata oji; akirea notapa afanua orea i eigoa orea. 12 Kaie atagata serohnofo fakamahkeia tarufie orea: akirea feipe anemauri ane kahmate. 13 Tapenaganea tenei area ejikai tanohkano iei, kaie fakau nomuri i akirea kakaniani i avisau akirea notukua. 14 Akirea nororo feipe tamotu jip ki tanasivari; tahmate kamatakina kirea: fakau rufie kaweiwaha katamotua i akirea pe roao; tarufie orea kajikaikea i tanasivari, serosafeama sanohnea kahnofo iei. 15 Kaie Teatua keiamkea tioku nohkano i tatamotua i tanasivari, ei mari keiamoa avau. 16 Koisomataku akoe pe kanalupai anea o tasi, pe kasore tarufie o fakai iona. 17 Pe romate eia, sereiamoama sanea; serotoifoma tiona rufie meia. 18 Itanapugira eia nimauri eia nihgana iateia, atagata mari kahgana iatakoe pe akoe kapena penaganea rufie mau. 19 Eia kafano mari ki tatau tagata o vahtupuna; akirea serosafeama tamarama iatau matau. 20 Atagata erufie tahnofo orea, kaie epuhpusi i anea, kofeipe i anemauri ane nohmate
Sam o Esaf 1 Teatua etamotua ko Ihova nikovisau, neitapa fakai i takere nei i tanohnea nofenake tara nofano ki tanohnea nokero iei. 2 Noatata Teatua i Saion, tanohnea rufiekage. 3 Teatua otea kahmai, eia serofakahlogoma: tiafi * katugia anea weimoa iateia, kata tefa sore kafori iateia. 4 Eia keitapa fakai i taragi weiluga, ma fakai i takere nei, pe eia kajirojiroa penaganea o iana tagata. 5 Fatakina fatasiana, iaku atagata rufie ki atavau; atagata mari nifajivisau mavau i ataumafa. 6 Taragi katukua iana penaganea totonu: Teatua mari nojirojiroa apenaganea. 7 Fakarogona, iaku tagata, avau kavisau; e fakai Isreel, avau kantukua apenaganea aua, avau Teatua, Teatua aua mari. 8 Avau serantukua sajinama akaua i ataumafa aua, mo ataumafa tugia aua no weimoa iatavau segapu. 9 Avau serahkamoama sabulimatau tane i afare aua, mo sanani tane i aratokoro aua. 10 Niaku mari anemauri oji i tagamotu, ma abulimatau i aora nalupai. 11 Avau noiroa amanu oji i aora: mane mauri iro i agamotu ko niaku. 12 Pe avau nimate i taoge pe avau setukuama ki akaua: iei te, nioku takere, mane nalupai iei. 13 Avau mari serokainama anoata bulimatau, serahnumiama atoto nani. 14 Taumafa ki Teatua i tiarofa; fakarava afajivisau aua ki Teatua Weilugaroa. 15 Tapa akaua avau i tanapugi nohlika iei, avau kahpenamauri maua, akaua kahgana iatavau. 16 Kaie Teatua noitukua ki afakau nopenanesa pe, Akaua nopenaha, notukua tioku avaga, noamoa tioku avaga i afafa aua? 17 Akaua mari nohgeigai i tafakeiroa, notauaki kimuri iaku visau. 18 Itanapugira akaua nisafea tatagata jigo, akaua nifataki meia, nitahtaki foki ma fakau nojigo takau ma fafine. ij9 Akaua nitukua avisau sa i afafa aua, areo aua nitukua terohkavei. 20 Akaua nihpuku nitukua avisau sa i asoa aua; nitukua avisau erohkavei i tatama-tane o jinau. 21 Akaua nipena per a, kaie avau nifakahlogo; akaua nimentua pe avau nifeipe akaua ana: kaie avau kantukua sajina akoe, kahnage fakatauria apenanesa aua weimoa i ru ou afoimata. 22 Manatunea akaua penei, akaua fakau nogaro i Teatua, pena avau kafafasia kaua, kaie jikai tasi pe kapenamauri maua; 23 Tatagata notaumafa nofafetai iatavau eia mari nohgana iatavau; avau kafakaria tamauri o Teatua mana eia neipena penaganea rufie.
Ki Tesore i afakau nohgoro. Sam o Tevit itanapugira Nethan taprofet nifano ki ateia, Tevit nifano mana kia Bathjiba. 1 Sirarufiemai avau, e Teatua, feipe i tiou arofa: furunakea iaku penanesa feipe i tiou arofa sorekage. 2 Tahtaroa fakarufie avau i aku penaganea faga, pena kama avau i aku penanesa. 3 Avau noiroa iaku penanesa; no weimoa iatavau iaku penanesa segapu. 4 Avau nanpenanesa iatakoe, sahkoe ana, nanpena tapenanesa te weimoa iatakoe: pe katotonu iou apenaganea pe akoe ro visau, karufie oji pe akoe rotukua tanori i aku penaganea. 5 Nifarere mari iatavau i apenanesa; nisa tioku roto itanapugira moma neiamoa avau. 6 Akoe mari nokaniani i tamari i aroto tagata; akoe kafakeiroa avau tarapakauga i tioku roto. 7 Tasuna avau i ahisop pe avau kama: tahtaroa avau, avau sahkego rufie, sehkego rufie sno. 8 Asitu iatavau pe karogona takaniani, karufie tioku roto; pe kakaniani oku eivi nautajia. 9 Apojia iou afoimata i aku penanesa, furunakea iaku penaganea faga oji. 10 Penpena taroto ma iatavau, e Teatua; pena foki katotonu tioku roto. 11 Koisotarokea avau iatakoe; koisauamkea tiou Anohkano Rufie iatavau. 12 Fafekinamai ki atavau takaniani i tiou amauri; purujia fakamahkeia avau ma tioku roto efakarogo. 13 Avau safakeiroa fakau efakarogosa iou apenaganea; kaafe ki atakoe fakau nopenanesa. 14 Veteakea avau i atoto o tagata, e Teatua, akoe Teatua o tioku mauri: tuku rero kahgoro kiluga iou apenaganea totonu. t5 E Teriki, fakasara tioku fafa; iaku visau kafakaria tiou ahgana. 16 Akoe mari sekanianima i ataumafa, pe avau nantufa akoe: akoe sekanianima i ataumafa tugia. 17 Ataumafa mari ma Teatua aroto nohtagi i apenanesa amea: e Teatua, akoe sefakatafuruma i taroto nohtagi i apenanesa, noafe ki atakoe. 18 Pena penaganea rufie akoe ma Saion i tiou arofa: baea foki abae i Jeruselem. 19 Akoe sakaniani i ataumafa i apenaganea totonu, ataumafa tugia mari, ma ataumafa notugia pakeni: akirea sataumafa i abulimatau takau i tiou afata.
Ki Tesore i afakau nohgoro. Tavisau fakeiroa. Sam o Tevit itanapugira Toek, tafakai Itom, nifano kia Sal, neitukage ki ateia pe Tevit nikohmai ki tamrae o Ahimelek. 1 Tatagata etamotua nei, akoe nomahmafi nokaniani i apenaganesa mani? Tiarofa o Teatua nonofo i napugi manapugi. 2 Tiou arero notamaua asa: feipe i saresor emtakei, nohworo erohkavei. 3 Akoe nokaniani fakasore i asa, kaie fakasisiana i apenaganea rulie: akoe nokaniani i avisau erohkavei, kaie fakasisiana pe katukua apenaganea totonu. 4 Akoe nokaniani i avisau oji noforomia tagata, torero erohkavei nei. 5 Teatua keiauiei akoe foki iatau matau, eia keiamkea akoe, keitakina akoe i tiou afare namnanoa. keitakina akoe ma tantalito i tafanua o fakau mauri. 6 Fakau etotonu iarea penaganea kasafea, kamataku, akirea kahkata iateia, notupe, 7 Mojikia tatagata t.e sekanianima pe Teatua kapena i tiona tamotua; kaie eia nifakarogo i iana nea enalupai. neifakatamotua eia i iana penaganea esa. 8 Kaie avau feipe i sarakau oliv, efou anorau. i tafare o Teatua: avau nofakarogo i tiarofa o Teatua iatau matau. 9 Avau kafafetai iatakoe iatau matau, iei te, akoe naupena penei: avau kahkajia tiou eigoa, iei te, erufie weimoa iou atagata rufie.
Ki Tesore i afakau nohgoro. Sam o Tevit 1 Tatagata ejikai tiona finagaro notukua pe Ejikai Teatua. Akirea esakage', akirea nipena penaganea efaga, nosasahlua iei; jikai tasi nopena penaganea rufie. 2 Teatua nisireifo i taragi i afakai i takere nei, pe keisafea pe noiei tasi nofarigoina anea, nosara Teatua mo jikai. 3 Akirea oji niafe kimuri; akirea oji egatahtasi epaku sa apenaganea area; jikai tasi kirea nopena penaganea rufie, jikai mari santasiana. 4 Jikihtae tarapakauga i afakau nopena penaganea efaga mo jikai? Akirea nokaina iaku atagata feipe akai, akirea setapama i Teatua.. 5 Akirea nimataku fakasore i tanohnera ejikai sanea kamataku iei: Teatua mari nifalelekia eivi o fakau ninage tatowa iatakoe; akoe naupena kirea kahma, iei te, Teatua neifakaopea kirea. 6 Avau nokaniani tapu pe kafakea i Saion tamauri ma fakai Isreel! Pe Teatua rofafekinamai iana tagata niamkea iorea, agafatumupuna o Jekob kakaniani, karufie aroto o fakai Isreel.
Ki Tesore i afakau nohgoro. Sam o Tevit itanapugi fakai Sif niroro nitukage kia Sal pe, Tevit nohmuni i akimea. 1 Penamauri moku, e Teatua; i tiou eigoa, oria fakatotonua maku i tiou tamotua. 2 Fakarogona tioku ahmori, e Teatua; fakarogona avisau i tuku fafa. 3 Fakau epuhpusi iatakoe nikomasike iatavau, atagata evahkoko nosara avau pe katia avau: akirea senagema Teatua weimoa i akirea. 4 Kaie Teatua nositu iatavau: Teriki nonofo ma fakau nomatakina tioku nohkano. 5 Tasa ra kaafe ki afakau esamai maku: kaiauiei kirea iou avisau mari. 6 Avau kantaumafa ki atakoe i tataumafa kahmanatunea i tioku roto ana: avau kafafetai i tiou eigoa, e Ihova, erufie mari pera. 7 Eia neiamkea avau i anea oji avau nihlika iei; avau mari nansafea tanori nioria iei fakau esamai maku.
Ki Tesore i afakau nohgoro. Sam o Tevit 1 Fakarogona tioku ahmori, e Teatua; Koisohmuni akoe i anea avau nonugia iatakoe. 2 Fakarogona iatavau, oria iaku visau: avau notakataka i tioku atagi, nohgu; 3 I tareo o fakau esamai maku, ma penaganea mahkei o fakau penanesa; akirea novahkejia apenaganea efaga iatavau, akirea nomahmafi iatavau ma takali. 4 Ehmae tapu tioku roto: tamataku i tahmate notakeifo iatavau. 5 Tamataku ma taviriviri nikorikofia avail, tahlika nikotomia avau. 6 Avau nantupe, Pe no iatavau apahkau i sarupe, pe avau karere ipapai, kagapu. 7 Pe avau kafano ipapai, kanofo i tanohva. 8 Pe avau kaweiwaha katere i tamtagi sore ma tefa. 9 E Teriki, kaiauiei avisau area pe akirea serofarigoina nanoama iarea visau: avau mari nansafea apenaganea evahkoko ma tafeituga orea i tasiti. 10 Akirea nofori iei i ao mapo i abae iei: apenaganea efaga ma apenaganea esa noiei. 11 Apenaganea nohlika iei no weitakoro: apenaganea mahkei ma terohkavei sejikaima i ano retu. 12 Pe tatagata nisamai maku nigorosia avau, pe avau nikaramakina: pe tatagata nihgeigai iatavau nitukua pe eia kasore iatavau pe avau nihmuni iateia. 13 Kaie akoe naupena pera, tuku soa, nifeipe avau, tioku nieli. 14 Akitaua nitavanaga rufie, niroro fakahliki ki tafare o Teatua ma tamotu tagata. 15 Kasoposa kirea i tahmate, katoifo mauria kirea ki tafanua o tahmate: apenaganesa mari noi amrae orea, ma i arotorea. 16 Kaie avau kantapa Teatua; Ihova keipenamauri moku. 17 Avau kahmori, kantapa kiluga i afiafi, ma abohpo, ma i aotea: eia keirogona tioku areo. 18 Eia neipenamauri mo tioku nohkano ma tamarino i tatowa nipena iatavau: akirea mari enalupai nimahmafi iatavau. 19 Teatua keirogona, keioria i akirea, eia mari ninofo ituai su. Sikekema mari tahnofo orea, akirea sematakuma i Teatua iei. 20 Eia neifakaria ru ona rima pe katoa ma fakau nilmofo marino meia: eia neiauiei tiana fajivisau. 21 Nirufie iana visau feipe tavai ou, kaie tatowa noi tano roto: emaru iana visau feipe tavairakau, kaie nifeipe amajira. 22 Vahkejia tiou amoga ia Ihova, eia keimatakina akoe: seromaruma iateia pe kafakafiafe aroto o fakau etotonu iarea penaganea. 21 Kaie akoe, e Teatua, kauameifo kirea ki tarua i tahmate: fakau nohta-tagata seromaurima i tantafa anapugi orea, kaie avau kafakarogo iatakoe.
Ki Tesore i afakau nohgoro. Sam o Tevit itanapugira fakai Filistia niamoa eia i tasiti Kath. 1 Sirarufiemai avau, e Teatua; atagata nokaniani pe kaforomia avau: akirea nohtoa nokumieifo avau i teao kopo. 2 Fakau esamai maku nokaniani pe kaforomia avau inapugi oji: enalupai mari nohtoa iatavau ma takaulevi. 3 Pe avau romataku, avau kafakarogo iatakoe. 4 Avau kahgana i Teatua i ana visau: avau nifakarogo i Teatua, avau seromatakuma; atagata katamotua i tapena pekua avau? 5 Akirea nojikivinia iaku visau i anapugi oji: amanatuga oji area pe kapenanesa iatavau. 6 Akirea nifatakina fatasiana, akirea nohmuni nomoitawa oku tapugao, feipe akirea niajia pe katia avau. 7 Akirea nifura i apenaganea area; tatifo akoe fakai i afanua i tiou akali, e Teatua. 8 Akoe nautaua tioku fehnanoa: nage ioku reimata i tiou afoivai; nonofo mari i tiou abuk. 9 Fakau esamai maku kaafe kimuri i tanapugi avau kantapa akoe: avau noiroa pe Teatua noiamoa maku. 10 Avau kahgana i Teatua iana visau: avau kahgana ia Ihova iana visau. 11 Avau nifakarogo i Teatua, avau seromatakuma; atagata katamotua i tapena pekua avau? 12 Nonofo iatavau avisau avau nifajivisau ki atakoe: avau kantaumafa i ataumafa earofa ki atakoe. 13 Akoe mari nauveteakea tioku nohkano i tamate: naumatakina ru oku vae pena avau katakakea, pe avau kafano weimoa i Teatua i tamarama o fakau mauri.
Ki Tesore i afakau nohgoro. Sam o Tevit i tanapugi eia nitere ia Sal i tapunaga. 1 Sirarufiemai avau, e Teatua, sirarufiemai avau; tioku nohkano mari nohmuni iatakoe; avau kahmuni iatakoe i tamarumaru iou apahkau mei tanapugira karava ahlika enei. 2 Avau kantapa ki Teatua Weilugaroa; ki Teatua mari eia neipena fakarava anea maku. 3 Eia noi taragi keikauneifo pe kapenamauri moku i tatagata nokaniani pe keiforomia avau, kafakahmana iatavau. Teatua keikaunakea tiona rofa ma tiona penaganea mari. 4 Tioku nohkano nonofo ma alaion; avau nomoe ma kirea ekavakava i takali, atagata mari anifo orea feipe afoitao ma agasau, ma arero orea feipe tamajira emtakei. 5 Kajikijiake akoe, e Teatua, weiluga i taragi; kanofo tiou arufie weiluga i takere nei oji. 6 Akirea nipenpena takaupega ma ru oku vae; nikokumieifo tioku nohkano: akirea nikeria tarua weunoa iatavau; akirea nihtakakea i tano roto. 7 Tioku roto nonofo fakamahkei, e Teatua, tioku roto nonofo fakamahkeia: avau kahgoro, avau mari kafeiakea ahgoro ki atakoe. 8 Virikake tioku roto; viri salteri ma harp: avau kavirikake i tabohpo ana. 9 Avau kafafetai iatakoe, e Teriki, weimoa i afakai i avaka tagata: avau kafeiakea ahgoro ki atakoe weimoa i afakai i afanua, 10 lei te, esore tiou arofa norako ki taragi, ma iou apenaganea mari ki apoa. 11 Kajikijiak:e akoe, e Teatua, weiluga i taragi; kanofo tiou arufie weiluga i taker e nei oji.
Ki Tesore i afakau nohgoro. Sam o Tevit 1 Akaua mari nofakahlogo, fakau sore notukua apenaganea totonu mo jikai? 2 Akaua mari nopena penaganea efaga i arotaua; akaua nomahmafi nopena apenaganea mahkei i arima aua i tafanua aua. 3 Nisiri fakau nopenanesa i tanapugi nifarere i akirea: akirea noroki tafa i tanapugi nifarere i akirea, notukua avisau erohkavei. 4 Tavai etikona i akirea feipe tavai ehkona i ta gata: akirea feipe ta gata eturituri ano tariga, nopojina ano tariga; 5 Eia sefakarogoma i tareo o fakau nomuhmu-nomuhmu fakarapakaua. 6 Tafoia anifo orea, e Teatua, i afafa orea: tafoia anifo ehmaru o laion etamotua, e Ihova. 7 Kajikaikea kirea feipe i tavai notafe nofano: pe reifakapoia kirea iana agasau kafeipe nituhtujia. 8 Akirea kafeipe sanufwe konojikai, sesafea: feipe i tatama o saline nofarere sa, eia sesafeama tara. 9 Agajanea kerehpuru aua sikirogona tahvera i agarakau taratara, kaie eia kaeifiakea kirea i tasiosio, akiraua oji emahmata ma naura. 10 Tatagata etotonu iana penaganea kakaniani pe reisafea tanori i apenanesa area: eia keitahtaroa ru ona vae i tatoto o fakau nopenanesa. 11 Atagata katukua iei pe, Tamari pe noiei tanomata ma fakau etotonu iarea penaganea: tamari pe noiei Teatua neioria tagata i takere nei.
Ki Tesore i afakau nohgoro. Sam o Tevit i tanapugi Sal neikauna tagata, akirea nimoitawa tafare pe katia. 1 Veteakea avau i atagata esamai maku, e tioku Atua: vahkejia avau kiluga i afakau nomasike iatavau. 2 Veteakea avau i afakau nopena penaganea efaga; penamauri moku i atakau nohta-tagata. 3 Akirea mari nomoitawa avau pe kaiauiei avau; fakau etamotua nofatakina fatasiana iatavau: kaie jikai pe iaku penaganea efakarogosa, mo iaku penanesa, e Ihova. 4 Akirea nofura nonanakina kirea, kaie jikai iaku penanesa: viri akoe pe kasitu iatavau, mojikia kirea. 5 E Ihova, Teatua i amotunea, ko Teatua o fakai Isreel, viri akoe pe kasireia fakau pauri oji: koisarafaina fakau efakarogosa. 6 Akirea noafemai i afiafi; akirea nohvaro feipe i akuli, nofori i tasiti. 7 Nohpusa mari aragutu orea: aragutu orea fepe amajira: akirea notukua pe, Akai norogona? 8 Kaie akoe, e Ihova, kakata i akirea; akoe kafakahmana i afakau pauri oji. 9 Tioku tamotua akoe, avau kahtari iatakoe; Teatua ko tioku fare ehgaro mari. 10 Teatua arofa kafaravei iatavau: Teatua keinage pe avau kamojikia tanori i afakau esamai maku. 11 Koisataia kirea akoe, pena iaku tagata kagaro: falelekia kirea i tiou tamotua, amoeifo kirea, e Teriki, takaroa omea. 12 Kamoa kirea mari i takaulevi orea, ma apenanesa i afafa orea, ma avisau i aragutu orea, ma avisau naso, ma terohkavei akirea notukua. 13 Kaiauiei kirea i tiou akali, kaiauiei kirea kajikai: pe akirea kairoa pe Teatua noariki i agafatumupuna o Jekob, ma anoji i takere nei. 14 Kafemai kirea i afiafi, kahvaro kirea feipe i akuli, nofori i tasiti. 15 Karohnanoa kirea nosara kai, nohtari kaao, kaie akirea serobaresiama. 16 Kaie avau kahgoro i tiou tamotua: avau kahgoro iluga i tiou arofa i abohpo: iei te, akoe nipena i tioku fare ehgaro, ma tanohnea nihmuni iei i tanapugi o tioku ahlika. 17 Avau kafeiakea ahgoro ki at akoe, e tioku Tamotua: Teatua mari tioku fare ehgaro, Teatua nisirarufiemai avau.
Ki Tesore i afakau nohgoro. Tavisau pe kafakeiroa tagata. Itanapugi Tevit neitarokea fakai Siria; Joab niafe neitaia fakai Itom i Tarauravai i takarkarutai takau twelv tausant. 1 E Teatua, akoe nitukweinakea kimea: akoe nivaea kimea; akoe nikali, afemai akoe ki akimea. 2 Akoe naupena takere nei pe kaviriviri; akoe nifafasia: penpena foki anohnea nifafasia, iei te, nogarue. 3 Akoe nifakaria apenaganea mahkei ki iou atagata: akoe nifakahlika nimasaroa kimea. 4 Akoe nautufa tafarigoi ma fakau nomataku iatakoe, pe kajikijiake i tiou avisau mari. 5 Pe kaveteakea agatama akoe nokaniani i akirea, penamauri momea i tiou arima matau, fakarogona kimea. 6 Teatua nikovisau, neitukua iana penaganea rufie pe, Avau kakaniani; Avau kahvaea Sikem, kafakatagtagasia tarauravai i Sukot. 7 Nioku tafanua Kiliat, Manase foki nioku; iaku tagata etamotua noi Ifreem; Noi Juta tioku ariki notukua tavaga. 8 Fakai i Moab katahtaroa ru oku vae; avau kariki i afakai Itom: Fakai Filistia kakaniani iluga akaua iatavau. 9 Akai keiarafia avau ki tasiti abae nofori iei? akai keiarafia avau ki tafanua Itom? 10 Akoe, e Teatua, nitukweina kimea, akoe semokagema, e Teatua, i amotu agatamtane amea. 11 Asitu i akimea i afakau esamai mamea: etamoto mari atagata pe kasitu i akimea. 12 Akimea kapena penaganea etamotua i Teatua: eia mari katakafieifo fakau nikali i akimea.
Ki Tesore i afakau nohgoro. Sam o Tevit 1 Fakarogona tioku tapa, e Teatua; mentua tioku ahmori. 2 Avau kantapa ki atakoe i tanoji i takere nei pe rotomieifo tioku roto: arafia avau ki tafatuhtu ehgarokake no weiluga iatavau. 3 Akoe mari tanohnea nohmuni iei maku, ma tafare etamotua i afakau esamai maku. 4 Avau mari kanofo i tiou afare namnanoa iatau matau: avau kahmuni i tamarumaru i ru ou apahkau. 5 E Teatua, akoe mari norogona iaku fajivisau: akoe nautufa avau anea rufie o fakau nomataku i tiou eigoa. 6 Akoe naunage pe kahpalo anapugi o teriki: iona atau kafeipe i atau tagata nalupai. 7 Eia kanofo weimoa i Teatua iatau matau: tufa tiarofa ma tamari mana pe kamatakina eia. 8 Avau kafeiakea ahgoro iei ki tiou eigoa iatau matau, pe avau kafakarava inapugi manapugi avisau nakfajivisaua.
Ki Tesore i afakau nohgoro: ki Jetuthun. Sam o Tevit 1 Tioku nohkano noajia Teatua ana: tioku mauri nofakea iateia. 2 Sahkoeana tioku fatuhtu ma tioku mauri: sahkoea tioku fare ehgaro; avau serotakatakama fakasore. 3 Akaua kamahmafi i tatagata mei tanapugi tefe? pe akaua katia mo jikai? Eia kofeipe i tabae notaka, feipe i takaupa nitomia. 4 Akirea nofakatamau ana pe kahtatifo eia i tiona sore; akirea nokaniani i terohkavei: akirea notukua avisau arafaina i afafa orea, kaie akirea notukua avisau naso i orea roto. 5 E tioku nohkano, ajia akoe Teatua ana; ane na avau noajia nofakea iateia ana. 6 Sahkoea tioku fatuhtu ma tioku amauri: tioku fare ehgaro eia; avau serogaruema. 7 Tioku mauri ma tioku arufie no i Teatua: tioku fatuhtu tamotua mari, ma tanohnea nohmuni iei no i Teatua. 8 Fakarogo akaua, iana tagata iateia, inapugi manapugi; rigiakea anea oji i arotaua weimoa i ateia; Teatua tanohnea nohmuni iei matea. 9 Ane penaha mari atagata taruana, atagata sore ane erohkavei ana: pe rotauria i afarigoi akirea oji emamakage feipe i tamapusaki. 10 Koisafakarogo i apenaganea mahkei, koisakaulevi i anea niakiteria: pe ronalupai auta, koisamentua i arotaua. 11 Teatua neitukua tavisau tasi, avau narogona erua mari, pe nio Teatua tatamotua; 12 Niou foki, e Teriki, tiarofa: akoe kauoria atagata oji ehtau ki iarea fijikauga jikitasi.
Sam o Tevit itanapugira eia ninofo i tanohva i Juta 1 E Teatua, akoe tioku Atua; avau kasara akoe weiwaha: tioku nohkano notagisa mau, avau noajia akoe feipe i tanohva ejikai tavai iei; 2 Pe kansafea tiou tamotua ma tiou arufie feipe nahmojikia akoe i tafare tapu. 3 Erufiekage tiou arofa, tane taruana tamauri; tuku ragutu kahgana iatakoe iei. 4 Avau kantukua avisau rufie iatakoe feipera i anapugi avau emauri: avau kajikijiake ru oku rima i tiou eigoa. 5 Tioku nohkano kamakona i anea kai rufie; tuku fafa kahgana iatakoe ma takaniani. 6 Pe avau romentua akoe i tioku potu, kamanatunea iatakoe i apo, 7 lei te, akoe nisitu iatavau, avau kakaniani i tamarumaru i ru ou apahkau. 8 Tioku nohkano nohpiri fakamahkeia ki atakoe: tiou arima matau nopurujia avau. 9 Kaie fakau nosara tioku nohkano pe kaiauiei katoifo ki anohnea weiraro i takere. 10 Katukweina mari kirea ki tatamotua i amajira: akirea kapena i akai ma akuli iro. 11 Kaie teriki kakaniani i Teatua: atagata oji notukua fakamahkeia avisau iateia kakaniani: kapojina mari afafa o fakau katukua avisau erohkavei.
Ki Tesore i afakau nohgoro. Sam o Tevit 1 Fakarogona tioku reo, e Teatua, i tioku atagi: matakina avau pena avau kamataku i afakau esamai maku. 2 Funa avau i tafakatamauga ehmuni o fakau nopenanesa; ma tatowa o fakau nopena penaganea efaga. 3 Akirea nitara arero orea feipe i tamajira, akirea nifania agasau orea, avisau ehkona mari, 4 Pe akirea kafana i anohnea ehmuni i afakau etotonu iarea penaganea: akirea noweiwaha nofania kirea, sematakuma. 5 Akirea nofakatamotua nanoa kirea i tatamauga esa: akirea nofakatamau pe kanage fakahmunia anea kafakanaua eia; akiea notupe, Akai keisafea? 6 Akirea nosara apenaganea efaga; akirea notupe, Akitea nisara fakarapakaua: epuhpusi amanatuga ehmuni ma arotorea oji jikitasi. 7 Kaie Teatua keifania kirea; akirea kasoposa, kamoa pakora i agasau. 8 Akirea kasiba iei, avisau area kaafe ki akirea: fakau oji nosafea kirea kataia auru orea. 9 Atagata oji kamataku; akirea katukua pe, Tafijikauga o Teatua tenei, kamanatunea fakarufie iana fijikauga. 10 Fakau etotonu iarea penaganea kakaniani ia Ihova, kafakarogo iateia; fakau oji nomari arotorea kakaniani.
Ki Tesore i afakau nohgoro. Tahgoro o Tevit. 1 E Teatua, kahgana mari iatakoe i Saion: kafakarava mari afajivisau nitukua ki atakoe. 2 Akoe norogona tahmori o tagata, atagata oji mari kafatakina ki atakoe. 3 Apenaganea efaga nikotamotuasa iatavau, kaie akoe kauamkea apenaganea efakarogosa amea. 4 Erufie tapu tatagata naunage pe karafia etata ki atakoe, pe eia kanofo i iou aratokoro: akimea kamauri i anea rufie i tiou afare, tanohnea tapu mari i tiou afare notaumafa iei. 5 Akoe, e Teatua i tamauri omea, kafakarogo i avisau amea i anea nohlika iei; fakai i anoji i takere ma fakau ipapai i tatai nofakarogo iatakoe: 6 Eia neinage fakamahkeia aora i tiona tamotua; nofori iateia tiona tamotua. 7 Eia neitomia tamarino i tatai, ma tataguru i apeau, ma tafetuga o tagata. 8 Fakau nohnofo i anohnea ipapai nomataku iou afarigoi: akoe naupena pe kakaniani fakau nohnofo i tanohnea nofenake tara, ma tanohnea nokero tara. 9 Akoe nomeisireia takere nei, naurigivaia, naunage anea rufie enalupai iei; tavai-tafe o Teatua efonu i tavai: akoe naunage korn marea pe akoe raupenpena takere nei iei. 10 Akoe naurigivaia anagovai, kotakohkotoa anohnea ebukebuke: naupena kamaru i taua noto iei; akoe naupena pe kasomo agarakau iei. 11 Akoe nauarafaina tanova-mauri ma tanova-mate; konalupai anea rufie i aretu akoe nofano iei. 12 Notakeifo i anohnea i agamotu: nonofo nofori takaniani i aora. 13 Amotu jip enalupai no i anohnea agafari nosomo iei; akorn noapojia arauravai; akirea novisau kiluga ma takaniani, akirea nohgoro foki.
Ki Tesore i afakau nohgoro. Tahgoro pe kahgana i Teatua. 1 Visau kiluga akaua ki Teatua, fakai i takere nei oji: 2 Kahgoro akaua i tiona eigoa rufie tapu: kahgana fakarufie i ateia. 3 Tukua ki Teatua pe, Akimea nohlika tapu iou afijikauga: fakau esamai mou kafakarogo iatakoe, kaie norohkavei, i tiou tamotua sore. 4 Fakai i takere nei oji kafaoifo ki atakoe, akirea kahgoro ki atakoe; akirea kahgoro i tiou eigoa. 5 Romai akaua, kahmata i afijikauga o Teatua; nohlika mari i apenaganea noipena ma tagata. 6 Nimasa tatai iateia, nipena i takere matu: akirea niroro ana i tavai: akitea nikaniani iateia iei. 7 Eia noariki i tiona tamotua iatau matau; iona foimata nomojikia fakai i afanua: koisakaulevi fakau efakarogosa. 8 Arafaina Teatua omea, akaua, fakai i afanua, kahgana akaua iateia, karogona etagata: 9 Eia noimatakina kamauri anohkanotea, pe koisasiba avae otea. 10 Akoe mari, e Teatua, nijirojiroa kimea: akoe naupena kama kimea, feipe nopena kama silver. 11 Akoe nauarafia kimea ki takaupega; akoe nauvahkejia tamoga sore i abua omea. 12 Akoe nautukua pe katakafia auru omea fakau noeke i ahors; akimea niroro i tiafi ma tavai; kaie akoe nauarafia kimea ki tanohnea rufiekage. 13 Avau kauru ki tiou afare noamoa ataumafa tugia, avau kafakarava avisau nantukua. 14 Avisau mari nitukua tuku ragutu, tioku fafa nifajivisau iei i tanapugi o tioku ahhka. 15 Avau kantaumafa ia ataumafa tugia, i agatama jip rufie, ma tagako i ajip takau; avau kantaumafa i abuhmatau ma anani. 16 Romai akaua, fakau oji nomataku i Teatua, fakarogona, avau kavisaua maua anea oji neipena ma tioku nohkano. 17 Avau nantapa eia i tioku fafa, avau nihgana iateia i tioku rero. 18 Pe avau nimanatunea apenaganea efaga i tioku roto, Teriki serofakarogoma iatavau: 19 Kaie tamari pe Teatua neirogona avau; eia nifakarogo i tareo o tioku ahmori. 20 Erufie tapu Teatua, eia setafuri kimuri i tioku ahmori, sesirasama iatavau.
Ki Tesore i afakau nohgoro. Sam pe kahgana i Teatua 1 E Teatua, arafaina kimea, kauageia kimea, sirarufiema kimea; 2 Pe kafarigoina iou apenaganea i takere nei, ma tamauri naupena ma fakai i afanua oji. 3 E Teatua, fakai i afanua kahgana iatakoe: kahgana iatakoe fakai oji i afanua. 4 Kakaniani fakai i afanua, kahgoro kirea ma takaniani: akoe mari kafarigoina fakatotonua apenaganea o tagata, akoe kariki i avaka tagata i takere nei. 5 Kahgana iatakoe fakai i afanua, e Teatua, kahgana iatakoe fakai i afanua oji. 6 Nikonofo afuanea i takere; Teatua, Teatua otea mari, keiageia kitea. 7 Teatua keiageia kitea; fakai i anoji i takere nei kamataku iateia.
Ki Tesore i afakau nohgoro. Sam o Tevit pe kahgana i Teatua. 1 Teatua kamasike, kafalelekia fakau esage mana; fakau nohgeigai iateia kafura weimoa iateia. 2 Akoe kasegiakea kirea feipe noeifiakea tiousafi; fakau esa iarea penaganea kajikaikea weimoa i Teatua feipe atoto rakau komaru weimoa i tiafi. 3 Kaie kakaniani fakau etotonu iarea penaganea; kakaniani kirea weimoa i Teatua: kakaniani fakasore mari kirea. 4 Feiakea ahgoro ki Teatua: kahgana i tiona eigoa: penpena taretu mona eia nofano wei tanohva; Ihova taneigoa; kakaniani akaua weimoa iateia. 5 Teatua tamana o anikaso, eia neimatakina afafine nikohmate iarea tagata, i tiona nohnea tapu. 6 Teatua neinage fakau nohnofo sahkirea pe kahnofo i afare: eia neiveteakia fakau nifausia pe kahnofo rufie: kaie fakau efakarogosa nohnofo i tanohva. 7 E Teatua, itanapugira akoe nifano weimoa iou atagata i tanapugi akoe nifano wei tanohva; 8 Takere niviriviri, nito taua sore i taragi weimoa i Teatua: Saion mari niviriviri weimoa i Teatua, ko Teatua o fakai Isreel. 9 Akoe, e Teatua, naurigieifo taua sore, akoe nifakatamotua iou atagata iei, itanapugira akirea nitamoto. 10 Iou atagata mari nihnofo iei: akoe, e Teatua, naupenpena anea i tiou arofa ma fakau ejikai iarea anea. 11 Ihova noitukua tavisau: fafine nitukua fakaforfori enalupai tapu kirea. 12 Fatoriki i amotu tagata kafura, kafura mari kirea: fakau nihnofo i amrae orea nivaea auta niamoa. 13 Pe akaua rohmoe i aratokoro aua akaua kafeipe i apahkau rupe niapojia i silver, ma fufuru pahkau orea i akolt eauraaura. 14 I tanapugi Teatua Tamotua nifalelekea afatoriki iei nifeipe itanapugi noto sno i taora Salmon. 15 Taora Bejan taora mari o Teatua; taora Bejan taora ehgaro mari. 16 Akaua aora ehgaro nomojikia ma tafakainina iaha: taora mari Teatua nokaniani pe kanofo iei? Ihova kanofo iei iatau matau. 17 Aekiga o Teatua twente tausant, iana agelo atausant ma tausant, enalupaikage: Teriki nonofo ma kirea feipe i Saine, i tanohnea tapu. 18 Akoe nikofijikake kiluga, akoe nomokage i atagata nitotomia i tatowa; akoe nauamoa atufa i atagata, i afakau efakarogosa foki mari, pe Ihova ko Teatua kanofo ma kirea. 19 Erufie tapu Teriki, neisoria inapugi oji amoga nivahkejia i akirea. Teatua noipenamauri mari motea. 20 Teatua, eia Teatua nopenamauri mo tagata: Teriki ko Ihova noivetea ahmate i akitea. 21 Tamari pe Teatua keitafoia auru o fakau esage mana, ma aeipu o fakau nomahmafi i apenanesa area. 22 Teriki neitukua pe, Avau kafafekina kirea i Bejan, kafafekina foki iaku atagata i anohnea elehposu i tatai: 23 Pe akoe katakafia atotorea, pe akuli iou kamoa apito orea i afakau esamai mau. 24 Akirea nisafea tiou afano, e Teatua, tafano o tioku Atua mari; tioku Ariki, ki tanohnea tapu. 25 Fakau nihgoro nimokage, fakau nopena fago nimuri, akirea ma agatama-fafine nitia atimbrel. 26 Fakai Isreel, kahgana akaua i Teatua ko Teriki i afatakina aua. 27 Noiei fakai Bentiamen, tamuriufi, notamotua i akirea, fakai Juta foki ma fatoriki orea, ma fatoriki i afakai Sebulon, ma fatoriki i afakai Naftali. 28 Teatua aua neitukua tatamotua aua: fakatamotua, e Teatua, anera naupena mamea. 29 Afatoriki kahmai atufa ki atakoe, i tiou afare tapu i Jerusalem. 30 Sajina akoe anemauri nohnofo i agasau wei tavai, fakau sore mari i afanua, ma agatamtane area, akirea nofao noahmai apito silver: eia nofalelekea atagata nokaniani i tatowa. 31 Afatoriki karokea i Ijipt karomai; fakai Ithiopia kafariakia arima orea ki Teatua mahlau. 32 Feiakea ahgoro ki Teatua, akaua, avaka tagata i takere nei; kahgoro nohgana i Teriki; 33 Feiakea ahgoro ki ateia eia noeke i taragi weilugaroa, ninofo ituaisu; fakahlogo, eia novisau, etamotua mari tiona reo. 34 Tukua akaua tatamotua o Teatua: eia teriki o fakai Isreel, tiona tamotua i apoa i taragi. 35 E Teatua, nohlika mari iatakoe iou anohnea tapu: Teatua o fakai Isreel notufa tatamotua ma tariki ki iana tagata. Erufie tapu Teatua.
Ki Tesore i afakau nohgoro. Sam o Tevit 1 Penamauri moku, e Teatua; nikohmai tavai ki tioku nohkano. 2 Avau nokero i tabera elehposu, ejikai sanohnea katu iei: avau nikorako ki tavai elehposu, avainoa noburaua avau iei. 3 Avau notereva i tioku atagi; nikojikai tioku areo: kopauri ruoku foimata nohtari i tioku Atua. 4 Fakau nohgeigai ana iatavau enalupai tapu, eruana oku furu uru: fakau esamai maku, ejikai tantalito, akirea etamotua: anea avau seakiteriama, akirea nitukua pe avau kafafekina. 5 E Teatua, akoe nauiroa iaku penaganea ejikai tanohkano iei; sehmunima foki iaku penanesa iatakoe. 6 E Teriki, ko Teatua i amotunea, koisahma fakau noajia akoe iatavau. Koisafakafiafe iatavau fakau nosara akoe, e Teatua o fakai Isreel. 7 Iei te, avau nahkamoa tahma iatakoe: ioku foimata mari nohma. 8 Avau nikopena i tamavaka weimoa i oku soa, ma tatagata i teke afanua weimoa i agatama o moma. 9 Avau komate i tiaku afijikauga i tiou afare; nivahkejia iatavau avisau sa o fakau notukua avisau fakahmana iatakoe nirikofia avau. 10 Itanapugi avau nitagi, nimate niparikai, akirea nifakahmana iatavau iei. 11 Avau nitakai i amoiga roga, akirea nivisau nihkata iei. 12 Fakau nohpuku i tafeipa notavanaga iatavau: fakau noeinu nokona iei nopena ahgoro iatavau. 13 Kaie avau, tioku ahmori nofenake ki atakoe, e Ihova, i tanapugi ehtau rufie iei; E Teatua, fakarogo iatavau i tiou arofa sore, ma tamari, i tamauri naupenamauri mo tagata iei. 14 Amkea avau i tapera pena avau kakero iei: penamauri moku i afakau nohgeigai iatavau, amkea avau i avai elehposu. 15 Koisoburaua avau tavainoa, koisoforomia avau tavai elehposu; koisopojina tahpono i tarua iatavau. 16 Fakarogo iatavau, e Ihova; iei te, esore tiou arofa; tafurimai ki at avau i tiou arofa rufiekage. 17 Koisofuna tiou afoimata i tiou afiji; avau mari nohhka; fakarogo weiwaha iatavau. 18 Mai kitata ki atavau, veteakea tioku nohkano: veteakea avau i afakau esamai maku. 19 Akoe nauiroa avisau fakahmana, ma tahma nokumieifo avau iei; fakau esamai maku no weimoa iatakoe oji. 20 Avau komate i avisau area nigorosia iei avau; avau nikotamotosa: avau niajia pe tasi karafaina avau, kaie ejikai; jikai tasi kafakatamotua tioku roto. 21 Akirea nitufa tanehkona ma tiaku akai; avau pakemate i tavai akirea nitufa avau vinekar kahnumia. 22 Kapena anea kai area tane nosiba iei; pe akirea nohnofo fakariki ana kapena iei tane nosia tagata. 23 Kapauri afoimatorea, pe akirea serosafeama anea; kaviriviri segapu anoatorea. 24 Rigia tiou akali i akirea, keirikofia kirea tiou akali sorekage. 25 Kagogao tanohnea nohnofo iei akirea, koisanofo tasi i amrae orea; 26 Iei te, akirea nosau-vaka iateia akoe nautia; akirea notavanaga i tahlika o fakau akoe naunage apakora i akirea. 27 Kasore tanori i apenaganea esa area: koisamoa •kirea iou apenaganea totonu. 28 Furunakea eigorea i tabuk i tamauri, koisoserea eigorea fatasiana ma fakau etotonu apenaganea area. 29 Kaie avau etamotosa, nohlika; penamauri moku, e Teatua, vahkejia avau kiluga. 30 Avau kahgana i teigoa o Teatua i tahgoro, avau kantukua fakasore eia, nofafetai iateia. 31 Karufie tapu penei, weimoa ia Ihova, tane taru bulimatau tane sore, mo tesisi, nonofo ano paji ma ano tape vae. 32 Fakau emaru rotorea nisafea, nokaniani: akaua fakau nosara Teatua, kamauri arotaua. S3 Ihova mari nofakarogo i afakau tamoto, eia sefakaopeama fakau nifausia iateia. 34 Kahgana iateia taragi ma takere nei, ma tatai, manea oji nohnofo iei. 35 Teatua mari keipenamauri mo Saion, eia keitaoa asiti i tafanua o fakai Juta: akirea kahnofo iei, kaniorea. 36 Kanio fatumupuna o iana fiji; fakau nokaniani i tiona eigoa kahnofo iei.
Ki Tesore i afakau nohgoro. Sam o Tevit pe Teatua
kamentua eia. 1 E Teatua, weiwaha pe kaupenamauri moku; weiwaha pe kasitu iatavau, e Ihova. 2 Kahma, kamataku fakau nosara avau pe kaiauiei avau; kaafe kimuri kirea kakumieifo fakau nokaniani pe avau kasa i akirea. 3 Kaafe kimuri kirea i tahma orea, akirea notukua Aha, Aha. 4 Kakaniani fakau nosara akoe; Karufie aroto o fakau nokaniani i tiou amauri, katukua kirea segapu pe, Kasore mari Teatua. 5 Kaie avau etamoto, ejikai iaku anea; mai weiwaha ki atavau, e Teatua: akoe nositu iatavau, nopenamauri moku; e Ihova, koisahtari akoe.
1 Avau nofakarogo iatakoe, e Ihova; koisahma avau iatau matau. 2 Veteakea avau i tiou apenaganea totonu, pe avau katere iei: faoifo tiou tariga ki atavau, penamauri moku. 3 Akoe kapena i tafatuhtu avau kanofo iei, avau kahmuni iei segapu: akoe nautukua pe kapenamauri moku; akoe mari tioku fatuhtu ma tioku fare etamotua. 4 Veteakea avau, e tioku Atua, i arima o fakau esa iarea penaganea, ma arima o fakau efaga, evahkoko iarea penaganea. 5 Avau mari noajia akoe, e Teatua ko Teriki: avau mari nifakarogo iatakoe i tanapugi avau tausauia mei iranei. 6 Akoe naumatakina avau i tanapugi nifarere iatavau mei iranei: akoe mari nauamkea avau i tajinai o moma: avau kahgana iatakoe segapu. 7 Atagata nalupai nomasaro iatavau; kaie akoe tanohnea etamotua avau nohmuni iei. 8 Kafonu tioku afafa i avisau nohgana iatakoe, notukua tiou arufie i teao kopo. 9 Koisotukweina avau i tioku fakau sore: koisahkoina avau pe avau rotamoto, 10 Iei te, fakau esamai maku notukua avisau iatavau; fakau nomoitawa tioku nohkano nofakatamau fakatagtagasi iatavau, 11 Notupe, Teatua nikeihkoina eia: katagia katotomia eia; jikai tasi pe kapenamauri mona. 12 E Teatua, koisanofo ipapai iatavau: e tioku Atua, weiwaha pe kasitu iatavau. 13 Kahma, kajikaikea fakau esamai ma tioku nohkano; kasore tahma ma tafakaope i afakau nokaniani pe kapenanesa iatavau. 14 Kaie avau kaajia akoe segapu, avau kahgana fakasore iatakoe foki. 15 Tioku fafa kavisaua iou apenaganea totonu, ma tiou amauri i teao kopo; avau epuhpusi i tantaua, 16 Avau kavisaua apenaganea etamotua o Teriki ko Teatua: Avau kantukua iou penaganea totonu, niou ana. 17 E Teatua, akoe nifakeiroa avau i tanapugi avau tausauia mei iranei: avau nantukua iou afijikauga nomasaro iei mei iranei. 18 Avau nikofakau sore, kosinasina, e Teatua, koisahkoina avau; kantukua mana iou afijikauga ki tatau tagata weimuri, ma tiou tamotua ma fakau oji weimuri kahnofo. 19 Ehgarokake foki iou apenaganea totonu, e Teatua; akoe naupena penaganea sore. E Teatua, akai feipe iei akoe? 20 Akoe nifakariamai ki akimea ahlika sore enalupai, akoe kafagona foki kimea kamauri, kafafekinamai kimea i anohnea elehposu i takere nei. 21 Kautukua pe kasore tioku tamotua, tafurimai akoe kapenpena tioku roto. 22 Avau foki kahgana iatakoe i tasalteri, i tiou penaganea mari, e tioku Atua: avau kafeiakea ahgoro ki atakoe i taharp, e Teatua Rufie o fakai Isreel. 2Z Tuku ragutu kakaniani fakasore pe avau rofeiakea ahgoro ki atakoe; ma tioku nohkano foki, akoe naufamata. 24 Tuku rero foki kavisaua iou apenaganea totonu i teao oji kopo: iei te, nohma, nomataku fakau nokaniani pe kapenanesa iatavau.
Sam o Solomon 1 E Teatua, tufa ki teriki tafijikauga i tafarigoina apenaganea o tagata, ma iou apenaganea totonu ki tatariki o teriki. 2 Eia kafarigoina iou atagata i apenaganea totonu, ma fakau nohlika i apenaganea rufie. 3 Kahnofo marino iou atagata i aora, ma i afakarava i ana penaganea totonu. 4 Eia kafarigoina fakatotonua penaganea o fakau nohhka, eia keipenamauri mo fakau ejikai iarca anea, eia keikumieifo fakau nopena penaganea mahkei. 5 Akirea kamataku iatakoe i tanofo o tara ma tamrama, i atau tagata oji. 6 Eia katoifomai feipe taua noto i agafari nitujia, feipe taua nomatohto norigivaia takere. 7 Katamotua fakau rufie i ona napugi; kasore tamarino mei tanapugira kajikai tamrama. 8 Eia kariki i tatafa tatai karako ki tatafa tatai tera, ma i tavai-tafe karako ki anoji i takere. 9 Fakau nohnofo i tanohva kafaoifo weimoa i ateia; fakau esage mana kamomia takere. 10 Afatoriki i Tarsis ma fakai i amotu i tatai kataumafa ki ateia: afatoriki i Jiba ma Siba kahmai atufa mana. 11 Afatoriki oji mari kafaoifo weimoa i ateia: fakai i avaka tagata oji kafijikau mana. 12 lei te, eia keipenamauri mo fakau ejikai iarea anea pe akirea rotapa eia; ma fakau nohlika, jikai tasi nositu i akirea. 13 Eia karafaina fakau nohlika, ma fakau ejikai iarea anea, eia keipenamauri mo anohkano o fakai ejikai iarea anea. 14 Eia keivetea anohkanorea i apenaganea mahkei, ma penaganea evahkoko; karufiesa mari tatoto orea weimoa i ateia; 15 Akirea kamauri, katufa eia i takolt i Jiba: atagata kahmori mona segapu; akirea kahgana iateia i abohpo kopo. 16 Pe ronofo akorn feipe noamoa i tarifi rima o tasi, i takere weiluga i aora; tanofua kasore feipe i taora Lebanon: fakai i tasiti kanalupai feipe i agafari i takere. 17 Tiona eigoa kanofo iatau matau; tiona eigoa kanofohpiri feipe i tara: atagata kahnofo rufie iateia; fakai i afanua oji katukua pe erufie tapu eia. 18 Erufie tapu Teatua ko Ihova, Teatua o fakai Isreel, sahkoea nopena afijikauga nomasaro iei: 19 Karufie tapu tiona eigoa rufie iatau matau: kafonu takere oji i tiona rufie. Emen ma Emen. 20 Nikorava ahmori o Tevit tatariki o Jesse.
Sam o Esaf 1 Tamari pe erufie apenaganea o Teatua ma fakai Isreel, marea mari ema arotorea. 2 Kaie avau nitata ki tasiba: ru oku vae nitata ki taseke, 3 lei te, avau nihmata sa i afakau nokaulevi, itanapugira nansafea pe erufie tahnofo o fakau esa iarea penaganea. 4 Akirea sehlikama i tahmate orea: kaie nonofo fakamahkeia tatamotua orea. 5 Akirea sehlikama feipe eke atagata: serikofiama kirea ahmate feipe efaru atagata: 6 Takaulevi nofakaforforia kirea feipe tane nofenuia i akaupenaua orea; tavahkoko notakaia kirea feipe i samoiga. 7 Ehpeji amarigariga orea: eakuaku anea iorea roto nokaniani iei. 8 Akirea nofakahmana, notukua penaganea mahkei: akirea novisau ma takaulevi. 9 Akirea novisau feipe nifakea i ragi avisau area, areo orea feipe nofehnanoa i takere. 10 lana tagata noafemai kiku iei: nikorigia marea tagajanea esore tahlika iei. 11 Akirea notukua pe, Teatua noiroa ane na pekua? Teatua Weilugaroa nofarigoina anea mo jikai? 12 Fakau enei mari fakau esa iarea penaganea; kaie nohnofo rufie segapu, konalupai iarea auta. 13 Tamari pe avau nantahtaroa tioku roto, kaie ejikai tanofua, nantahtaroa foki ru oku rima pena kahpena penaganea sa. 14 Kaie nifakahlika iatavau i tabohpo kopo, nitarania foki avau i ohpo oji. 15 Pe avau nantupe, Avau mari kantukua penei, pe avau nanpena pen-aganea erohkavei ma iou agatama i tatau tagata tenei. 16 Avau nimanatunea pe avau kafarigoina tane nei pekua, avau nahkamoa tafakainina iei; 17 Kaie avau nifano mana ki tanohnea tapu o Teatua, samanatunea i tanoji i akirea. 18 Akoe mari naunage kirea i anohnea emorehmore: akoe notatifo kirea pe kaiauiei kirea. 19 Kaherihni! Akirea nikoiauiei weiwaha feipe i tahpoi o foimata o tagata: akirea niauiei nijikai i anea nohlika iei. 20 Feipe tasi novirikake i tamiji: feipera, e Teriki, pe akoe rovirikake, akoe kafakaopea ata orea. 21 Tioku roto nifakainina, nisukia tioku roto: 22 Avau nijikai tioku finagaro nipuhpusi: avau nifeipe i sane nohtoro ana weimoa iatakoe. 23 Kaie avau nonofo iatakoe segapu: akoe nipurujia tuku rima matau. 24 Akoe kaumatakina avau i tiou avisau, sauamoa avau ki tiou anohnea rufie. 25 Akai foki nonofo i tafanua rufie maku, sahkoe ana? Avau sekanianima i tasi foki i takere nei, sahkoe ana. 26 Tioku noata ma tioku roto notamoto: kaie Teatua tatamotua o tioku roto, ma tioku pito iatau matau. 27 Fakau nohnofo ipapaikea iatakoe akirea mari kahmate: akoe niauiei fakau oji nohkoina akoe, nomentua eke atua. 28 Kaie ehtau rufie iatavau pe katatamai ki Teatua: avau nifakarogo i Teriki ko Teatua, tanohnea avau nohmuni iei, pe avau kantukua iou afijikauga oji.
Tavisau fago o Esaf. 1 E Teatua, akoe nautukweina kimea iatau matau iaha? kosore iaha tiou akah iou amotu jip naumatakina? 2 Mentua tiou afatakina tagata naufamata ituai, akoe nauveteakea pe akirea kapena iou atagata; ma taora Saion, akoe ninofo iei. 3 Mai akoe ki tanohnea niauiei ituai, anea oji fakau esakatu mou nipena i tanohnea tapu. 4 Fakau esakatu mou nihvaro i tafatakina o iou atagata; akirea nijikijiake afarigoi orea ma farigoi. 5 Akirea nifeipe tagata nijikijiake atoki orea pe kasaua arakau i agamotu. 6 Akirea nofafasia i atoki, nokirijia i ahamer anohnea niserea atonea iei. 7 Akirea nitugia tiou anohnea tapu; akirea niauiei tanohnea nitukua tiou eigoa iei, nituhtukieifo ki takere. 8 Akirea nitukua i arotorea pe, Akitea kaiauiei kabunihtae: akirea nitugia afarehmori oji o Teatua i tafanua. 9 Akimea sesafeama afarigoi omea: jikai tasi foki aprofet; jikai tasi kimea noiroa pe karava afia. 10 E Teatua, fakau esamai mamea kafakahmana i akimea mei tanapugi tefe? fakau esamai mamea katukua avisau sa i tiou eigoa iatau matau mo jikai? 11 Akoe nofafekina tiou arima iaha, tiou arima matau sakai? amkea i tiou afafata, kaiauiei kirea. 12 Teatua mari tioku Ariki ituai, eia nopenamauri mo tagata i takere nei. 13 Akoe nitumusia tatai i tiou tamotua: akoe nitafoia auru o eivi i tatai. 14 Akoe nitafoia fakarikrikia auru o krokotail, nautufa ma kai ma fakau nohnofo i tanohva. 15 Akoe nivaea atamtavai ma avai-tafe, nifakamasa avai-tafe sore. 16 Niou teao, niou foki tapo: akoe naupena tamarama ma tara. 17 Akoe naunage ahvae oji i takere nei: akoe naupena tanova-mauri ma tanova-mate. 18 Mentua penei, e Ihova, pe fakau esakatu mou nifakahmana iatakoe, fakau ejikai iorea finagaro nifakaopea tiou eigoa. 19 Koisotukweina tiou arupe ki ane eiro: koisogaro iatau matau i tamauri o iou atagata nohhka. 20 Mentua tiou afajivisau: nikofonu anohnea pauri i takere nei i amrae nopena iei apenaganea evahkoko. 21 Koisafemai kaie nohma fakau nitomia i apenaganea mahkei: erufie pe fakau nohlika ma fakau ejikai iarea anea kahgana iatakoe. 22 Masike, e Teatua, amoa akoe mou: mentua akoe pe fakau ejikai iorea finagaro nofakahmana iatakoe inapugi manapugi. 23 Koisagaro i tareo o fakau esakatu mou: nofenake segapu tahvaro o fakau nomasike pe kapojina akoe.
Ki Tesore i afakau nohgoro. Sam o Esaf nohgana i Teatua 1 Akimea nofafetai iatakoe, e Teatua; akimea nofafetai iatakoe, iei te, etatamai tiou eigoa: atagata notukua iou afijikauga nomasaro iei. 2 Avau kafajipogi iei, neitukua Teatua, avau kafarigoina fakatotonua penaganea o tagata. 3 Kotamoto takere ma fakau oji nohnofo iei: Avau nahnage abou iei. 4 Avau nantukua ki afakau ekaulevi pe, Koisafakatahtaku akaua: nantukua foki ki afakau esa iarea penaganea pe, Koisajikijiake kaua ekaua. 5 Koisavisau kaulevi akaua; koisavisau ekaua ma finagaro mahkei aua. 6 Sefakeima mari tanori mo tagata i tanohnea nofenake tara iei, mo i tanohnea nokero tara iei, mo i tanohva. 7 Kaie Teatua nofarigoina penaganea o tagata: eia nonageifo tasi, noijikijiake tasi. 8 No i tarima o Teatua tagajanea, nofiso iei waina: neif akafirofiroa fakarufie i anea, eia neirigiakea: fakau esa iarea penaganea oji i takere nei kahnumia kabuni ma ano tae. 9 Kaie avau kantukua inapugi manapugi, avau kafeiakea ahgoro ki Teatua o Jekob. 10 Avau kahkamkea tatamotua o fakau esa iarea penaganea; kasore tatamotua o fakau etotonu iarea penaganea.
Ki Tesore i afakau nohgoro. Sam o Esaf pe kahgana i Teatua. 1 Fakai i tafanua Juta noiroa Teatua: esore tiona eigoa i tafanua Isreel. 2 Tiona fare namnanoa no i Selem, ma tanohnea nonofo iei eia i Saion. 3 Eia neiauiei iei agasau i afana, ma takaroa, ma tamajira, ma tatowa. 4 Eatata akoe, erufiekage, i aora o fakau noakiteria anea. 5 Nikoamkea anea o tagata etamotua iorea roto; akirea nihmoiroa, nohmatesapo; sesafeama tano rima tasi i atagata etamotua. 6 E Teatua o Jekob, aekiga ma hors nikohmoiroa ehmatesapo i tiou avisau sajina. 7 Ehtau pe kamataku iatakoe, sahkoe ana: akai etamotua i tatu weimoa iatakoe pe akoe nokali? 8 Akoe nautukua pe karogona i takere nei tanomata nifakea i taragi ma tagata: fakai i takere nei nimataku, nifakahlogo ana, 9 Pake masike Teatua pe kaoria tagata, pe keipenamauri mo fakau oji i takere nei emaru rotorea. 10 Takali o tagata mari kahgana iatakoe: akoe notakai i takali o faru. n Fajivisau akaua kia Ihova, ko Teatua aua, safakarava avisau aua: fakau nohnofo nofori iateia kahmai atufa ki ateia, ehtau pe kamataku iateia. 12 Eia keitumusiakea anohkano o fatoriki: ehtau pe fatoriki i takere nei kamataku iateia.
Ki Tesore i afakau nohgoro ma agafatumupuna o Jetuthun. Sam o Esaf 1 Avau kantapa ki Teatua i tioku areo, ki Teatua mari i tioku areo, eia kafakarogo iatavau. 2 Avau nansara Teriki i tanapugi o tioku ahhka: avau nifariakea ru oku rima i tapo, avau segapuma: nitaru i tafakatamotoa tioku roto. 3 Avau nahmentua Teatua, niruruia tioku roto: avau nimanatunea, nitamoto tioku roto. 4 Akoe nipojina avau pe koisahmoiroa: avau nohlika etaru i tavisau iei. 5 Avau nahmentua anapugi ituai, ma atau emokage. 6 Avau nahmentua tioku ahgoro i apo: avau nomanatunea m.a tioku roto; tioku nohkano nisara fakarapakaua. 7 Teriki keitukweina avau i atau matau mo jikai? eia seroarafaina ma avau foki mo jikai? 8 Nikorava tiona arofa i atau matau mo jikai? nikotamoto iana fajivisau iatau matau mo jikai? 9 Teatua nikogaro i tasirarufiemai kimea mo jikai? eia neipojina iana penaganea arofa ma takali mo jikai? 10 Avau nantupe, Tioku ahhka ana te: kaie kahmentua atau i tarima matau o Teatua Weilugaroa. 11 Avau kantukua afijikauga o Ihova: kahmentua mari iou apenaganea ituai nomasaro iei. 12 Avau kamanatunea foki iou afijikauga oji, kantukua iou apenaganea i tioku roto. 13 E Teatua, erufie tapu iou apenaganea: akai etamotua feipe Teatua omea? 14 Akoe Teatua nopena penaganea nomasaro iei: akoe naufakaria tiou tamotua i afakai i afanua. 15 Akoe nauveteakea i tiou arima iou atagata, agafatumupuna o Isreel mari, ma agafatumupuna o Josef. 16 Tatai nisafea akoe, e Teatua, tatai mari nisafea akoe, nimataku: avae or a foki niviriviri. 17 Apoa nirigia tavai; nigatoro taragi: nihlele nanoa iou agasau. 18 Nitaguru tiou avajiri i tasiosio; ataptapeia nifakamarama afanua: takere niviriviri, nigarue. 19 Tiou aretu no i tatai, ma nohnea akoe nofano iei i avai sore, sesafeama iou atapugao. 20 Akoe nauarafia iou atagata feipe i tamotu jip, i arima o Moses ma Eron.
Tavisau fago o Esaf. 1 Fakarogona, iaku atagata, i tioku avaga: faoifo atariga aua ki avisau i tioku fafa. 2 Avau kavisau i tafurivisau; avau kantukua anohkano visau i avisau ituai: 3 Avisau mari akitea nirogona, noiroa, avahtupunotea nitukuamai ki akitea. 4 Akitea serofunama i agatama area, kaie katukua ki tatau tagata nomuri, anea kahgana ia Ihova iei, ma tiona tamotua, ma iana fijikauga nomasaro iei neipena. 5 Eia mari neinage fakamahkeia tavisau i agafatumupuna o Jekob, neinage foki tavaga ma fakai Isreel, neitukua ki avahtupunotea, pe akirea katukua ki agatama area: 6 Pe tatau tagata weimuri kairoa, agatama mari akirea kamoa; akirea kamasike katukua ki agatama area. 7 Pe akirea kafakarogo i Teatua, koisagaro i afijikauga o Teatua, kaie kamentua iana visau: 8 Pe akirea koisafeipe i avahtupunorea, tatau tagata eturituri tariga orea, efakarogosa; tatau tagata mari sepenpenama arotorea, semarima arotorea ki Teatua. 9 Fakai Ifreem, niamoa akauligi i tatowa, ma afana, nitafuri niafe i tanapugi i tatowa. 10 Akirea sementuama tavaga o Teatua, akirea nifakatafuru i tafakarogo i tiona vaga. 11 Akirea nigaro iana penaganea ma iana fijikauga nomasaro iei neifakaria ki akirea. 12 Eia neipena penaganea nomasaro iei weimoa i avahtupunorea, i tafanua Ijipt, i tapito fanua Soan. 13 Eia nitumusia tatai, neipena taretu morea pe karoro i tano roto; eia neipena tatai katukake feipe i tatoma. 14 Eia neiarafia kirea i ao i tapoa nifakaturia, ma i apo oji i tiafi marama. 15 Eia neivaea afatuhtu i tanohva, neitufa kirea fakasore i tavai kaeinu iei, feipe i anamo elehposu. 16 Eia neiamkea foki tavai i tafatuhtu, neipena pe katafe tavai feipe i avai-tafe sore. 17 Kaie akirea nimahmafi nipenanesa iateia, nifakarogosa i tavisau o Teatua Weilugaroa i tanohva. 18 Akirea nireresia Teatua i aroto orea, ninugia anea kai akirea nifekaina. 19 Akirea mari nipenavisau i Teatua; akirea nitukua pe, Teatua etamotua i tapena anea kai i tanohva mo jikai? 20 Eia mari neitia tafatuhtu, tavai nisopokia iei, nitafe fakasore tavai; akirea nitukua pe, Eia etamotua i teitufa kitea takai foki mo jikai? eia keitufa iana tagata anoata i anemauri mo jikai? 21 Ihova neirogona, nikali: nihka tiafi i agafatumupuna o Jekob, sanofo foki takali ia fakai Isreel; 22 lei te, akirea sefakarogoma i Teatua, sefakarogoma iateia pe eia keipenamauri morea. 23 Kaie eia neikauna apoa weiluga, neifakasara ahpono i taragi; 24 Eia neiameifo manna i akirea pe kakaina, neitufa kirea korn i taragi. 25 Atagata nikaina bret o agelo: neitufa kirea anea kai kabaresia iei. 26 Eia neikauna pe kasau taretwamlai i taragi: neiahmai tauritoga tane i tiona tamotua. 27 Eia neiameifo amanu i akirea feipe i anea kere ma amanu nohlele enahipai feipe i aone i ataku tai: 28 Neikauna kahtoifo iroto tanohnea akirea nihnofo iei, nifori i amrae orea. 29 Akirea nikaina, nibaresia; eia neitufa kirea anea akirea nifekaina. 30 Akirea segahga i anea nifekai iei, anea kai koi afafa orea, 31 Sarikofia kirea takah o Teatua, neitaia atagata etamotua area, neitaia foki agatamtane o fakai Isreel. 32 Kaie akirea nimahmafi foki, nipena penaganea sa, akirea sefakarogoma i ana fijikauga nomasaro iei: 33 Nibuni taruana anapugi orea ma atau orea i tahlika. 34 Eia paketaia kirea, akirea nisara eia: akirea niafe nisara weiwaha Teatua. 35 Akirea nimentua pe Teatua tafatuhtu orea, Teatua Weilugaroa neipenamauri morea. 36 Kaie akirea niresia eia i afafa orea, akirea nirohkavei i arero orea ki ateia. 37 Sehnofo fakatotonua iorea roto ki ateia, akirea semarima i tiana fajivisau. 38 Kaie eia earofa fakasore, neiamkea apenaganea efaga area, seauieima kirea: eia mari neifafekina fakanalupai tiona kali i akirea, sefakatamotuama tiona kali oji. 39 Eia mari neimentua pe akirea atagata ana; feipe tamtagi nosau ana, seafemaima foki. 40 Akirea mari nifakarogosa fakanalupai iateia i tanohva, niauiei tiona roto i tanakehkesi. 41 Akirea nitafuri niafe, nireresia Teatua, niauiei taroto o Teatua Erufiekage o fakai Isreel, 42 Akirea sementuama afijikauga i tiona rima, ma tanapugi eia neiamkea kirea i afakau esage marea. 43 Pe neipena iona farigoi i Ijipt, ma iana penaganea nomasaro iei i tapito fanua Soan; 44 Neipena avai-tafe sore orea pe kapena i tatoto, ma avai-tafe rikriki orea pe akirea nitaru i taeinu iei. 45 Eia neikauna amotu rago i akirea, nimagujia kirea; afrok foki niauiei kirea. 46 Eia neitukweina afuanea orea ma anufwe-kaire ma afijikauga area ki asepe-borakau. 47 Eia neiauiei avain orea i taua-fatu, ma amajarupe orea i tamakaligi. 48 Eia neitukweina foki abulimatau area ki taua-fatu, ma amotu jip area ki taptapeia. 49 Eia neikauneifo tiona kali sorekage i akirea, takalisa mari ma tafakainina ma tahlika, tamotu fiji niauiei anea. 50 Eia neipena taretu ma tiona kali; eia setuajiama kirea pe koisahmate, kaie neitukweina kirea ki tahmate. 51 Nitaia agatama aurumatua oji i tafanua Ijipt, taurumatua i tatamotua orea i amrae o agafatumupuna o Ham. 52 Kaie eia neiarafiakea iana tagata feipe i ajip, neiarafia kirea i tanohva feipe i tamotu anemauri. 53 Eia neiarafia fakarufie kirea, akirea sematakuma iei: kaie tatai niburaua fakau nisage marea. 54 Eia neiarafia kirea ki tahvae i tiona nohnea tapu, taora tenei mari, tiona rima matau neiamoa mona. 55 Eia neipeperiakea fakai i eke afanua weimoa i akirea, neivaea i afarigoi apito fanua pe kaniorea, neikauna amtakainaga o fakai Isreel pe kahnofo i amrae orea. 56 Kaie akirea nireresia, nifakarogosa i Teatua Weilugaroa, sefakarogoma iana visau; 57 Kaie nitafuri niafe, nipena penaganea erohkavei feipe avahtupunorea: akirea nitafuri feipe i tafana erohkavei. 58 Akirea mari niauiei tiona roto i atapu area, pe eia nifua i atonea area niarajia. 59 Teatua neirogona, nikali, nisasahlua fakasore i afakai Isreel: 60 Eia neihkoina iei tafare namnanoa i Sailo, tafare namnanoa mari neinage pe kanofo ma tagata; 61 Eia neitukweina tiona tamotua pe kamoa ki teke afanua, ma tiona rufie ki tarima o fakau esage mana. 62 Eia neitufa foki iana tagata pe kataia kirea i amajira; eia nikali iana tagata i tiona fanua. 63 Tiafi nitugia nibuni agatamtane area; sikiavaga-ana ma tagata agatama-fafine area. 64 Nitaia atakau nohmori area, i amajira; sehtagima afafine area. 65 Kaie Ihova niviri feipe tasi niviri i tamoiroa, feipe i tatagata etamotua novisau kiluga i tawain. 66 Eia neitaia kimuri fakau nisage mana: eia neinage pe kahma kirea iatau matau. 67 Eia neihkoina tafare namnanoa o agafatumupuna o Josef, seamoama agafatumupuna o Ifreem; 68 Kaie neinage agafatumupuna o Juta, ma taora Saion eia nikaniani iei. 69 Eia neitaoa tiona nohnea tapu feipe anohnea ehgaro, feipe takere nei neinage fakamahkeia iatau matau. 70 Eia neinage foki Tevit tiana fiji, neiamkea eia i aratokoro jip: 71 Itanapugira neimatakina jip nifakaumia agatama area, eia neiamkea eia pe keimatakina agafatumupuna o Jekob, iana tagata, ma fakai Isreel iana. 72 Eia neimatakina kirea ma tamari i tiona roto; eia neimatakina kirea i ru ona rima erapakau.
Sam o Esaf. 1 E Teatua, fakau pauri nikoromai ki tiou amrae; akirea nitapakua tiou afare tapu; akirea nifeituma feipe i atoma Jerusalem. 2 Akirea ninage anoata o iou afiji nitaia manea kai ma amanu i tavavanea, ma anoata o iou atagata rufie ki ane iro i takere. 3 Akirea nifakatafekea atoto orea feipe i tavai nofori i Jerusalem; jikai tasi pe katanumia kirea. 4 Fakau nohnofo evatata ki akimea notukua avisau sa i akimea, fakau nohnofo nofori i akimea nofakahmana, nofakaopea kimea. 5 E Ihova, akoe kakali i akimea mei tanapugi tefe? Kahka feipe i tiafi tiou afakainina i akimea iatau matau no jikai? 6 Rigiakea tiou akali i afakau pauri epuhpusi iatakoe, ma avaka tagata setapama i tiou eigoa, 7 lei te, akirea niauiei nibuni agafatumupuna o Jekob, nipena egogao tanohnea akirea nohnofo iei. 8 Koisomentua apenaganea efaga o vahtupunomea i akimea: karikofia weiwaha kimea iou apenaganea arofa: akimea mari nikotamotosa. 9 Asitu i akimea, e Teatua i tamauri omea, pe karufie tiou eigoa: veteakea kimea, furunakea apenaganesa amea i tiou eigoa. 10 Fakau pauri katukua iaha pe, Teatua orea nowafe? kafarigoina fakau pauri weimoa i akimea pe akoe nauoria atoto iou afiji akirea nifakatafekea. 11 Karako ki atakoe tahgu o fakau nifausia; matakina i tiou tamotua sore fakau ninage morea tahmate: 12 Oria fakafitu i afakau evatata ki akimea i avisau fakahmana area akirea nifakahmana iei iatakoe, e Teriki. 13 Akimea iou atagata, ma iou amotu jip naumatakina, karafaina akoe iei iatau matau: akimea kahgana iatakoe i atau tagata ma atau tagata.
Ki Tesore i afakau nohgoro. Sam o Esaf 1 Fakarogona akoe, e Teatua nomatakina fakai Isreel, akoe nauarafia agafatumupuna o Josef feipe i tamotu jip; akoe nonofo i roto i ru jerub, kaatata fakarufie akoe. 2 Fagona tiou tamotua weimoa i afakai Ifreem ma fakai Bentiamen, ma fakai Manase, mai akoe pe kaupenamauri momea. 3 Fafekina kimea foki, e Teatua; kaatata tiou afoimata i akimea, akimea samauri. 4 E Teatua ko Ihova, Teriki i amotunea, akoe kakali mei tanapugi tefe i tahmori o iou atagata? 5 Akoe nautufa kirea areimata manea kai marea: akoe nautufa foki kirea pe kanumia fakasore areimata. 6 Akoe naunage kimea tantafito i tatowa i afakau evatata ki akimea: fakau esamai mamea nohkata i akimea. 7 Fafekina kimea foki, e Teatua i amotunea; kaatata tiou afoimata i akimea, akimea samauri. 8 Akoe nauamkea tavain i tafanua Ijipt, nauahmai: akoe naupeperiakea fakai i tafanua, sahpura iei. 9 Akoe nauofia mana, nisore anoakai, nifonu tafanua iei. 10 Niburaua aora i tamarumaru iei, anora nifeipe i asitar o Teatua. 11 Nifatehteke anora, nirako ki tatai, ma anosomo ki Tavai. 12 Akoe nifafasia akaupa iei iaha, afakau oji nororo wei taretu notoria anofua? 13 Apakasi iro i agamotu noiauiei, ane-mauri iro i agamotu nokaina. 14 Afemai foki, akimea nonugia akoe, e Teatua i amotunea; sireifo i taragi, mojikia, maisireia tiou avain tenei. 15 Matakina tavain tiou arima nihpura, ma tanora naunage fakamahkeia mau. 16 Nikotugia i tiafi, nikosaua: akirea kojikaikea pe akoe nautukua sajina kirea i tiou afoimata. 17 Vahkejia torima i tatagata wei tiou arima matau, i tatariki o tagata mari, akoe nifakatamotua eia mou. 18 Akimea seroafe kimuri iei: pfenamauri momea akoe, akimea satapa i tiou eigoa. 19 Fafekina kimea foki, e Teatua ko Ihova i amotunea; kaatata tiou afoimata i akimea, akimea samauri.
Ki Tesore i afakau nohgoro. Sam o Esaf 1 Kahgoro kiluga akaua ki Teatua, tatamotua otea: visau kiluga ma takaniani ki Teatua o Jekob. 2 Amoa akaua tahgoro, ahmai tatimbrel, ma taharp rufie, ma tasalteri. 3 Buia tabu i tamrama fou, ma tamrama nofune i tanapugi i tafatakina tapu otea. 4 Tavaga ninage ma fakai Isreel tena ninage tavisau iei Teatua o Jekob. 5 Eia neinage ma tafarigoi ma agafatumupuna o Josef, itanapugira akirea nirokea i tafanua Ijipt: akirea nirogona tavisau akirea nipuhpusi iei: 6 Avau nahkamkea tamoga i apahkau orea: nahveteakea arima orea i aborabora. 7 Akaua nitapa avau i ahlika aua, avau nanpenamauri maua; avau nifakarogo i akaua i tanohnea ehmuni nitaguru iei; avau nijirojiroa arotaua i tavai i Meriba. 8 Fakaragona akaua, iaku a tagata, avau kantukua apenaganea aua, e fakai Isreel, pe akaua kafakarogona avau. 9 Koisanofo teke atua i akaua; koisahmori akaua i satua o fakai i eke afanua. 10 Avau Teatua aua ko Ihova nahkamkea akaua i tafanua Ijipt: fakamama fakarufie akaua, avau kafakafonua afafa aua. 11 Kaie iaku atagata sefakarogoma i tioku areo: Fakai Isreel nifaktafuru iatavau. 12 Avau nagkoina kirea iei, pe kamuri i takanianisa i aroto orea, pe akirea karoro i afakatamauga orea. 13 Pe iaku atagata kafakarogo iatavau, pe fakai Isreel karoro i oku aretu! 14 Pe avau kaweiwaha kakumieifo fakau esage marea, pe avau navahkejia tioku rima i afakau nikali i akirea. 15 Pe fakau nohgeigai ia Ihova nifaoifo weimoa i ateia: pe akirea kahnofo iatau matau. 16 Pe eia keitufa kirea awit rufiesa pe kakaina: pe avau nantufa kirea hune i tafatuhtu pe akirea kamauri iei.
Sam o Esaf 1 Teatua notu i tafatakina tagata o Teatua; eia nofarigoina apenaganea o fatoriki. 2 Akaua kafarigoina sahna apenaganea mei tanapugi tefe, noarafaina fakau nopenanesa? 3 Matakina fakau etamoto, ma anikaso: pena penaganea totonu ma fakau nohlika, ma fakau ejikai iarea anea. 4 Penamauri mo fakau tamoto, ma fakau ejikai iarea anea: veteakea kirea i tarima o fakau esa iarea penaganea. 5 Akirea epuhpusi, sefarigoinama anea; akirea norohnanoa i tapauri: nikogarue avae oji o takere nei. 6 Avau nantukua pe, Akaua feipe atua; akaua oji feipe agatama o Teatua Weilugaroa. 7 Kaie akaua kahmate feipe i atagata, kahtakakea feipe tasi i afatoriki. 8 Masike, e Teatua, farigoina penaganea o fakai i takere nei: kaniou mari avaka tagata oji.
Sam o Esaf 1 Koisafakahlogo, e Teatua; koisafakatemu, koisanofo ana, e Teatua, 2 lei te, fakau nokali iatakoe nopentowa: fakau nohgeigai iatakoe nojikijiake auru orea. 3 Akirea nofakatamau ma tarapakauga iou atagata, akirea nofatakina nofakatamau i afakai iou akoe nofuna. 4 Akirea nitupe, Ita, romai kitea katumusia kirea pe akirea koisapena i tavaka tagata; pe seromentua foki teigoa o fakai Isreel. 5 Akirea mari nifatakina nifakatamau ma iorea roto egatasi: akirea nota visau iatakoe. 6 Fakai Itom i afare namnanoa orea, ma agafatumupuna o Ijmeel; ma fakai Moab ma fakai Hekar; 7 Ma fakai Kibal, ma fakai Ammon, ma fakai Amalek; ma fakai Filistia, ma fakau nohnofo i Tair; 8 Fakai Asiria foki nihpirimai ki akirea: akirea nisitu i agafatumupuna o Lot. 9 Pena akoe ki akirea apenaganea feipe naupena ma fakai Mitian, ma Sisera, ma Jebin, i tavai-tafe Kaijon: 10 Niauiei kirea i Entor; akirea nipena i tapenu nonage i takere. 11 Pena fakau sore orea kafeipe Oreb ma Sieb: ma fatoriki oji orea feipe Siba ma Salmunna: 12 Akirea nitukua pe, Akitea kaamoa matea anohnea nonofo iei Teatua. 13 E tioku Atua, pena akirea kafeipe i tasiosio, feipe i ahvaonea weimoa i tamtagi; 14 Feipe tiafi notugia tatafu, feipe taurafi notugia aora. 15 Akoe kapeperia kirea feipera i tiou afa, fakahlika kirea i tiou amtagi sore. 16 Kahma fakasore afoimatorea, pe akirea kasara tiou eigoa, e Ihova. 17 Akirea kahma, kamataku iatau matau; kahlika kirea, sahmate: 18 Pe atagata kafarigoina pe akoe, sahkoe, tiou eigoa ko Ihova, Teatua Weilugaroa i takere nei oji.
Ki Tesore i afakau nohgoro. Sam o agafatumupuna o Kora 1 Avau nokaniani fakasore i anohnea akoe nonofo iei, e Ihova i amotunea. 2 Avau nokanianisa, notagisa i aratokoro o Ihova; tioku roto ma tioku noata notapa ki Teatua mauri. 3 Tafuruseu mari nisafea tafare mona, ma tawiniwini tanohnea kafakamoia iana agatama iei, etata ki iou afata, e Ihova, Teatua i amotunea, tioku Ariki ma tioku Atua. 4 Erufie tapu fakau nohnofo i tiou afare: akirea mari nohgana iatakoe. 5 Erulie tapu atagata tatamotua orea iatakoe; akirea nokaniani iou aretu. 6 Akirea pakeroro i Tarauravai i Tahtagi nopena amtavai iei; taua emokage noto iei, noageia. 7 Akirea nororo noamoa tatamotua, akirea oji sarako weimoa i Teatua i Saion. 8 E Teatua ko Ihova i amotunea, fakarogona tioku ahmori: fakarogona, e Teatua o Jekob. 9 E Teatua, takaroa omea, sirarufiemai tafoimata o tatagata akoe naunage. 10 Tanapugi tasi i aratokoro iou erufiekage, esa anapugi wan tausant i teke anohnea. Avau nokaniani fakasore pe katu wei tavehtoka i tafare o tioku Atua, kaie sekanianima pe kanofo i amrae o fakau nopenanesa. 11 Teatua ko Ihova eia mari tara ma takaroa otea: Ihova keitufa tatamotua ma tarufie: eia serokeremoama sanea rufie i afakau etotonu apenaganea area. 12 E Ihova, Teriki i amotunea; Erufie tapu tatagata nofakarogo iatakoe. 94
Ki Tesore i afakau nohgoro. Sam ma agafatumupuna o Kora 1 E Ihova, akoe nauarafaina fakai i tiou afanua: akoe nifafekinamai agafatumupuna o Jekob niamkea i orea. 2 Akoe nauamkea apenaganea efaga o iou atagata, akoe niapojia iarea penaganea esa oji. 3 Akoe nauamkea tiou akali oji: akoe nitafuri niafe i tiou akali sorekage. 4 Fafekina kimea, e Teatua, i tamauri omea, kafakarava tiou akali i akimea. 5 Akoe kakali i akimea iatau matau mo jikai? koisahpalo tiou akali i atau tagata oji. 6 Akoe kafakatamotua kimea fold pe iou atagata kakaniani iatakoe mo jikai? 7 Sirarufiemai kimea, e Ihova, tufa kimea tiou amauri. 8 Avau kafakarogona avisau Teatua ko Ihova keitukua: eia mari keitukua avisau marino ki iana tagata, ma iana tagata rufie: kaie koisafe kirea ki apenaganea ejikai tanohkano iei. 9 Tiona mauri nikotatamai ki afakau ana nomataku iateia; pe kasore tiona rufie i tafanua otea. 10 Tearofa ma tamari nikofaravei; apenaganea totonu ma tamarino nosogia nanoa kirea. 11 Apenaganea mari karokea i takere; apenaganea totonu kasireifomai i taragi. 12 Ihova mari keitufa kitea anea rufie; kahnofo afuanea i tafanua otea. 13 Apenaganea totonu kamokage iateia; kapena ano tapugao taretu motea pe karoro iei.
Tahmori o Tevit. 1 Faoifo tiou tariga, e Ihova, fakarogona iaku visau, avau mari etamoto, nohlika. 2 Matakina tioku nohkano; erufie iaku penaganea: e tioku Atua, penamauri mo tiou afiji nofakarogo iatakoe. 3 Sirarufiemai avau, e Teriki; avau mari notapa ki atakoe i teao kopo. 4 Tukua pe kakaniani iatakoe tiou afiji; iei te, avau man nosirakatu ki atakoe, e Teriki. 5 Akoe mari, e Teriki, erufie, nokaniani pe kauamkea penanesa amea, esore mari tiou arofa ma fakau oji nohtapa akoe. 6 Fakarogona tioku ahmori, e Ihova; fakarogona anea avau nonugia iatakoe. 7 Avau kantapa akoe i tanapugi o tioku ahlika; iei te, akoe kafakarogo iatavau. 8 Ejikai tasi atua feipe akoe, e Teriki; jikai foki afijikauga feipe iou afijikauga. 9 Fakai i afanua oji naupena kafatakinamai kahmori weimoa iatakoe, e Teriki; akirea kahgana i tiou eigoa. 10 Iei te, akoe mari esore, akoe naupena penaganea nomasaro iei: akoe Teatua sahkoe. 11 Farigoina tiou aretu ki atavau, e Ihova; avau kafano i tiou avisau mari: pena pe tantasiana tioku roto pe avau kamataku i tiou eigoa. 12 Avau kahgana iatakoe, e Teriki ko tioku Atua, ma tioku roto pakeni; avau kantukua terufie i tiou eigoa iatau matau, 13 Iei te, esore mari tiou arofa maku; akoe nauamkea tioku nohkano i tarua weirarohmafi. 14 E Teatua, fakau nokaulevi nikomasike nopentowa iatavau, tafat|akina tagata evahkoko nisara tioku nohkano pe kaiauiei: akirea sementuama akoe. 15 Kaie akoe, e Teriki ko Teatua, esore tiou arofa, nosirarufiemai tagata, seweiwaha nokah, esore tiou arofa ma tamari. 16 Tafurimai akoe ki atavau, sirarufiemai avau; tufa tatamotua ki tiou afiji, penamauri mo tatama-tane o tiou afiji-fine. 17 Fakariamai tafarigoi ki atavau pe avau karufie iei; pe fakau nohgeigai iatavau kasafea, kahma, iei te, akoe, e Ihova, nisitu iatavau, nifakatamotua tioku roto.
Sam ma agafatumupuna o Kora. 1 Nonofo avae o tafare tapu i aora tapu. 2 Ihova nokaniani fakasore i afeipa i tabae i Saion, eia nokaniani fakasisiana i amrae oji o agafatumupuna o Jekob. 3 Notukua avisau rufie tapu iatakoe, e siti o Teatua. 4 Avau kantukua fakai Ijipt ma fakai Babilon pe akirea noiroa avau: mojikia foki fakai Filistia, ma fakai Tair, ma fakai Ethiopia; katukua i akirea jikitasi pe niamoa kirea iei. 5 Katukua foki i Saion pe niamoa tatagata tenei, ma tatagata tera iei; Teatua Weilugaroa keinage fakamahkeia. 6 Ihova keitaua pe reiseria eigoa tagata, pe niamoa tatagata tenei iei. 7 Fakau nohgoro ma fakau nopena fago katukua pe, Nohnofo iatakoe amtavai oji iomea.
Sam ma agafatumupuna o Kora ki Tesore i afakau nohgoro Tavisau fakeiroa o Himan, tafatumupuna o Esra. 1 E Ihova, Teatua o tioku amauri, avau nantapa akoe i ao mapo weimoa iatakoe. 2 Karako tioku ahmori weimoa iatakoe; faoifo tiou tariga ki tioku tapa, 3 Iei te, enalupai anea nohlika iei tioku nohkano, avau kotata ki tanasivari. 4 Notaua mari avau fatasiana ma fakau nohtoifo ki tarua; avau feipe i satagata ejikai tiona tamotua: 5 Ninage fatasiana ma fakau ehmate, feipe fakau nitaia nohmoe i tanasivari, akoe sementuama kirea foki; akoe niauiei kirea i torima. 6 Akoe naunage avau i tarua weirarohmafi, i anohnea pauri, ma nohnea elehposu. 7 Tiou akah nokumieifo avau iou agaru oji. Akoe nifakahlika avau. 8 Akoe naunage ioku nieli ipapaikea iatavau; akoe naunage avau pe akirea nosasahlua iatavau: nikopojina mari avau ki fare, etaru i tafakea. 9 Konotamoto ru oku foimata i tahlika: avau nantapa akoe inapugi oji, e Ihova, avau nanfariakatu ru oku rima ki atakoe. 10 Akoe mari seropenama apenaganea nomasaro iei ki afakau ehmate, anoata o fakau ehmate seromasikema pe kahgana iatakoe. 11 Serotukuama tiou arofa i tanasivari, ma iou apenaganea mari i tanohnea noauiei anea. 12 Serofarigoinama iou apenaganea nomasaro iei i tapauri, ma iou apenaganea totonu i tafanua nogaro i anea iei. 13 Kaie avau nantapa ki atakoe, e Ihova, kafenake tioku ahmori ki atakoe i abohpo. 14 E Ihova, akoe nautukweina iaha tioku nohkano? Akoe nofuna tiou afoimata iatavau iaha? 15 Avau nohhka kotata ki tahmate i tioku atamtane mei iranei: avau nohhka i anea nomataku iei, avau komate tapu iei. 16 Tiou akah sore niburaua avau; avau nikoauiei i ou apenaganea nohhka iei. 17 Nifori iatavau feipe i tavai i teao kopo: nifori fatakina iatavau. 18 Akoe naukaunakea fakau nokaniani iatavau, ma ioku nieh, ma fakai ioku, kipapai ki tapauri.
Tavisau fakeiroa o Ithan, tamupuna o Esra. 1 Avau kafeiakea ahgoro iatau matau i apenaganea arofa o Ihova: avau kantukua iou apenaganea mari i tioku fafa ki atau tagata oji. 2 Avau mari nantukua pe, Kanofo fakamahkeia tiou arofa iatau matau: akoe kanage fakamahkeia iou apenaganea mari i taragi. 3 Avau nifajivisau ki ateia nahnage, avau nihnapu kia Tevit, tioku afiji. 4 Avau kahnage fakamahkeia agafatumupu iatau matau, kahnage fakamahkeia tiou torona ki atau tagata oji. 5 Taragi kahgana iou apenaganea nomasaro iei, e Ihova; ma iou apenaganea mari i tafatakina o agelo. 6 Akai i taragi feipe Ihova? Akai feipe Ihova i agatama o Teatua tamotua. 7 Ehtau pe kamataku fakasore i Teatua i tafatakina o agelo rufie; ehtau pe kamataku iateia fakau nohnofo nofori iateia. 8 E Ihova ko Teatua i amotunea, akai etamotua feipe iei akoe, e Ihova? nofori iou apenaganea mari iatakoe. 9 Akoe noariki i tatamotua i tatai: pe rosore apeau iei, akoe nautukua pe kamarino. 10 Akoe naukumieifo fakai Ijipt, feipe fakau nitaia: akoe nifalelekea fakau esakatu mau i tiou arima etamotua. 11 Niou taragi, takere nei foki niou: akoe naunage takere nei, ma ane nalupai nohnofo iei. 12 Akoe naupena taretu arari ma tauritoga tane: taora Tebor ma taora Hermon kakaniani i tiou eigoa. 13 Etamotua tiou arima: emahmafi tiou arima, no weiluga tiou arima matau. 14 Avae i tiou torona apenaganea totonu ma tanori totonu: tiarofa ma tamari nomokage i tiou afoimata. 15 Erufie tapu atagata noiroa tiou avisau rufie: akirea nororo, e Teriki, i tamarama i tiou afoimata. 16 Akirea kakaniani i tiou eigoa i teao kopo: kahgana i akirea iou apenaganea totonu. 17 Akoe mari tarufie i tatamotua orea: kajikijia tatamotua omea i tiou arofa. 18 Nio Ihova mari takaroa omea, nio Teatua rufie o fakai Isreel Teriki- omea. 19 Akoe nivisau ki tiou atagata rufie eia nimoise, nautukua pe, Avau nahnage tasi etamotua pe kasitu i atagata; avau nakjikijiake tasi nahnage i atagata. 20 Avau nansafea Tevit tiaku afiji; avau nahkamosia eia i tioku avairakau tapu: 21 Tioku rima kanofo fakamahkeia iateia: tioku arima kafakatamotua eia. 22 Fakau esage mana seroturiturima iateia; serofakahlikama eia fakau nopena penaganea esa. 23 Avau kantakafieifo fakau esage mana weimoa iateia, kantaia fakau nohgeigai iateia. 24 Kaie iaku penaganea man ma iaku penaganea arofa kahnofo iateia; kajikijia kiluga tiona tamotua i tioku eigoa. 25 Avau kahnage foki pe karako ki tatai tiona rima, ma tano rima matau i avai-tafe. 26 Eia keitapa ki atavau pe, Akoe tioku tamana ma tioku Atua, ma tafatuhtu nopenamauri moku. 27 Avau kanage eia pe tuku tariki taurumatua, tesorekage i afatoriki i takere. 28 Avau kahmatakina tioku arofa mana iatau matau, tiaku fajivisau kanofo fakamahkeia iateia. 29 Avau kahnage fakamahkeia ano fatumupuna pe kahnofo iatau matau, ma tiona ariki pe kanofo feipe tanofo i taragi. 30 Pe iana gatama kahkoina iaku visau, serororoma i aku penaganea totonu; 31 Pe akirea kaiauiei avisau nantukua, seromentuama iaku visau, 32 Avau katarania kirea i apenaganesa area, karauraveia kirea i apenaganea efaga area. 33 Kaie avau serahkamkeama tioku arofa iateia, serohkaveima iaku fajivisau ki at eia. 34 Avau seroiauieima tiaku fajivisau, serokema avisau nitukua tioku fafa. 35 Avau nihnapu i tane tasi i tiaku penaganea rufie, avau serohkaveima kia Tevit: 36 lona agafatumupuna kahnofo iatau matau, tiona ariki kafeipe i tar a weimoa iatavau. 37 Kahnofo fakamahkeia feipe i tamrama, feipe i tafarigoi mari i taragi. 38 Kaie akoe nitukweina eia, nihgeigai iateia, akoe nikali iateia naunage, 39 Akoe niauiei tafajivisau ki tiou afiji: akoe niauiei tiona torona, nitatifo ki takere. 40 Akoe nautukieifo iona abae oji; akoe nitatifo iona fare tamotua. 41 Fakau nomeiroro i aretu noiauiei eia; fakau evatata ki ateia nofakahmana iateia. 42 Akoe nijikijiake arima matau o fakau esage mana; naukaniania fakau oji esage mana. 43 Akoe nifakatamotoa tatafa tena majira, akoe sesituma iateia pe katu fakamahkeia i tatowa. 44 Akoe nifakapauri tiona atata, nautatifo tiona torona ki takere. 45 Naunage foki pe kahpoto tiona tamtane: akoe niburaua eia i tahma. 46 E Ihova, akoe kahmuni mei tanapugi tefe? iatau matau mo jikai? kasore tiou akali, feipe i tiafi, mei tanapugi tefe? 47 Mentua akoe pe ehpoto ana tioku napugi: akoe naupena atagata oji pe kafeipe ane taruana iaha? 48 Tatagata akai kamauri, seromatema? sereiamkeama tiona mauri i tatamotua o tahmate? 49 E Teriki, no wafe iou apenaganea arofa weimokage akoe nihnapu iei kia Tevit i tiou avisau mari? 50 Mentua, e Teriki, anea nohma iei iou afiji; pe avau nahkamoa i tioku roto avisau fakahmana o fakai i afanua oji; 51 Fakau esakatu rnau, e Ihova, nifakahmana iei, akirea nifakahmana nitautaria atapugao o tatagata naunage. 52 Erufie tapu Ihova iatau matau. Emen ma Emen.
Tahmori o Moses, tatagata o Teatua. 1 E Ihova, akoe tanohnea nonofo iei omea i atau tagata oji. 2 I tanapugi sikinofoana aora, akoe sikipenana takere, ma afanua, i tamtahtaki ituaisu ma iatau matau, akoe Teatua. 3 Akoe nofurusia atagata pe kaafe ki takere: Akoe nautukua pe, Afe ki iei akaua, agafatumupuna o At am. 4 Pe robuni atau wan tausant nikofeipe inanafi weimoa iatakoe, kofeipe tapito tasi i tapo. 5 Akoe nautafea kirea feipe i tavainoa; akirea feipe tapito napugi nomoiroa iei: pe roao akirea feipe agafari nojikaikea. 6 Nomauri i tabohpo nosomokake; noserea i tefiafi, samaro. 7 Akimea kohmate kobuni i tiou afakainina, akimea nohlika i tiou akali. 8 Akoe naunage apenaganea efaga amea weimoa iatakoe, ma penanesa amea ehmuni i tamarama i iou afoimata. 9 Nikofakamuria anapugi oji omea i tiou akali: kobuni atau omea feipe tahkai notukua. 10 Anapugi i atau omea korako ki atau seventi, kaie pe karoko ki atau ete i tatamotoa o faru, kaie takaulevi orea tahlika ma tafakainina ana; iei te, koweiwaha kojikai, akimea kahlele kajikai. 11 Akai nofarigoina tatamotua i tiou akali? ma tiou akali sore, feipe i tamataku ehtau iatakoe? 12 Fakeiroa akoe kimea pe kataua anapugi omea, pe akimea kaamoa mamea aroto erapakau. 13 Afemai, e Ihova; akoe nohkoina kimea mei tanapugi tefe? kake iou apenaganea i iou afiji. 14 Kamauri i tabohpo kimea i tiou arofa; pe akimea kakaniani, karufie arotomea i anapugi oji amea. 15 Tukua pe kakaniani kimea feipe i anapugi ra akoe nifakahlika kimea, ma atau era akimea niamoa asa iei. 16 Fakaria tiou afijikauga ki iou afiji, ma tiou arufie i agatama area. 17 Kanofo tarufie o Teatua omea ko Ihova i akimea: nage pe kanofo fakamahkeia afijikauga i arinia omea i akimea; pena fakamahkeia mari afijikauga i arima omea.
1 Tatagata nonofo i tanohnea ehmuni o Teatua Weilugaroa kanofo weiraro i tamarumaru o Teatua Etamotuasa. 2 Avau kantukua ia Ihova, pe eia tioku anohnea nohmuni iei, ma tioku fare tamotua; tioku Atua, avau nofakarogrogo iateia. 3 Eia mari keiveteakea akoe i tane nofakanaua o tatagata nosara manu, ma tahmate sa. 4 Eia keiapojia akoe i ano fufuru, akoe kahmuni weiraro i ru ona pahkau: iana visau mari takaroa ma tanea noapojia akoe. 5 Akoe seromatakuma i tahhka i apo, ma tagasau nofania i ao; 6 Ma tahmate nofano i tapauri, ma tahmate noiauiei tagata i aotea. 7 Kahtakakea tatausant wei tiou atafa, ma atagata ten tausant wei tiou arima matau; kaie tahmate serohmai kitata ki atakoe. 8 Ru ou afoimata kamojikia ana, kasafea tanomata ma fakau nopena penaganea sa. 9 Iei te, akoe Ihova tioku anohnea nohmuni iei: nautukua pe Teatua Weilugaroa tiou anohnea kanofo iei. 10 Serorikofiama akoe tasa, serohmaima sahmate ki tiou amrae. 11 Eia mari keikauna iana agelo pe kahleo iatakoe, pe kamatakina akoe iou aretu oji. 12 Akirea kasoreake akoe i arima orea, pena akoe katukia tovae i safatu. 13 Akoe katakafia talaion ma ta gat a; akoe katakafieifo ta laion etamotua ma tagaroa weiraro i ru ou avae. 14 Eia nokaniani fakasore iatavau, avau kahpenamauri mona iei: avau kavahkejia eia weiluga, iei te, eia noiroa tioku eigoa. 15 Eia keitapa avau, avau kafakarogo iateia; avau kanofo iateia i tahlika: avau kahpenam auri mona, kahgana iateia. 16 Avau kahpena kahpalo iona napugi, feipe eia nokaniani iei, avau kafakaria iaku penaganea nomauri iei ki ateia.
Sam pe kahgana i Teatua i Tanapugi Tapu 1 Erufie man pe kafafetai ia Ihova, pe kafeiakea ahgoro ki tiou eigoa, e Teatua Weilugaroa: 2 Pe katukua tiou arofa i ohpo, ma tiou avisau mari i apo oji. 3 I tafago avava taragafuru iei, ma i tasalteri, ma tareo rufie i taharp. 4 Akoe mari, e Ihova, nikaniania avau i tiou afijikauga: avau kakaniani i afijikauga iou arima. 5 Esore mari iou afijikauga, e Ihova: elehposu tapu iou amanatuga. 6 Tatagata ejikai tiona finagaro epuhpusi iei; tatagata enoa sefarigoinama tane nei. 7 Pe fakau nopenanesa rosomo feipe i agafari, pe ronalupai feipe agarakau nose fakau oji nopena penaganea faga, nofeipenei i akirea pe kaiauiei mari kirea iatau matau: 8 Kaie akoe, e Ihova, no weiluga iatau matau. 9 Atagata esakatu mou, e Ihova, tamari pe atagata esakatu mou kahmate: kafalelekea fakau oji nopena penaganea efaga. 10 Kaie akoe naujikijiake tioku tamotua feipe i tabaji bulimatau iro: naurigia tavairakau fou iatavau. 11 Ru oku foimata nisafea tane na avau noka.niani iei i afakau nimoitawa avau, ru oku tariga nirogona avisau o fakau nopena penaganea esa nimasike pe kapenanesa iatavau. 12 Fakau etotonu apenaganea area kamauri feipe i aniu: akirea kasomo feipe i asitar i Lebanon. 13 Fakau nikohpura i tafare o Ihova kamauri i aratokoro o Teatua otea. 14 Akirea kamoa afuanea i tafakau sore orea; akirea katamotua kamauri: 15 Pe katukua pe etotonu apenaganea o Ihova; tioku fatuhtu eia, jikai sapenaganea efaga iateia.
1 Ihova noariki: eia norakeia eia i tarufie; Ihova notakai, nofausia tano puku i tatamotua: nikonage fakamahkeia takere nei, pe serogaruema. 2 Ninage fakamahkeia tiou torona ituaisu: akoe ninofo iatau matau. 3 Notaguru kiluga avainoa, e Ihova, avainoa notaguru tapu; nofaji agaru i tatai. 4 Etamotua fakasisiana tataguru o avainoa enalupai, ma agaru etamotua i tatai. Kaie Ihova weiluga etamotuakage. 5 Nomari iou avisau, nomari mari: ehtau apenaganea rufie ki tiou afare, e Ihova, iatau matau.
1 E Ihova, akoe Teatua noioria apenaganea; e Teatua nauoria apenaganea sa, kaatata akoe. 2 Masike akoe, e Teatua, nauoria apenaganea o tagata i takere nei: oria i afakau kaulevi ehtau ki area penaganea. 3 E Ihova, fakau esa iarea penaganea katamotua mei tanapugi tefe? fakau esa iarea penaganea katamotua mei tanapugi tefe? 4 Akirea nomahmafi i tavisau, novisau kaulevi: fakau oji nopena penaganea faga novisau kaulevi i akirea mei tanapugi tefe? 5 Akirea nokumieifo iou atagata, e Ihova, nofakahlika fakai i tiou afanua. 6 Akirea notaia fafine nikohmate iarea tagata, ma amavaka, akirea notaia foki anikaso. 7 Kaie akirea notukua pe, Ihova serosafeama, Teatua o Jekob seromentuama. 8 Manatunea, fakau ejikai afinagaro aua, akaua nohnofo ma tagata: ma kaua, fakau epuhpusi, akaua karapakau afia? 9 Eia neinage atariga o tagata, eia mari karogona anea. Eia neipena afoimata o tagata, eia mari keisafea anea. 10 Eia neitarania fakai i eke afanua, eia mari keitarania kitea; eia nofakeiroa anea ki tagata, eia mari noiroa anea. 11 Ihova noiroa amanatuga o tagata, pe ejikai tanohkano iei. 12 Erufie tapu tatagata nautarania, e Ihova, akoe nofakeiroa eia i tiou avaga; 13 Pe akoe kautufa eia tagapu i anapugi nohlika iei, mei tanapugi kakeria tarua ma fakau esa iarea penaganea. 14 Ihova mari serotukweinama iana tagata, eia serohkoinama fakai i tiona fanua. 15 Kapena foki apenaganea totonu ma tagata: fakau oji etotonu arotorea kamauri iei. 16 Akai kamoa maku pe kapojina fakau esa iarea penaganea? akai katukake maku pe kapojina fakau nopena penaganea faga? 17 Pe Ihova sesituma iatavau pe avau niweiwaha ninofo i tafanua i tahmate. 18 Pe kantukua pe, Noseke tuku vae, pe akoe nipurujia avau, e Ihova. 19 Pe ronalupai iaku mantauga i tioku roto, iou anea rufie nokaniania tioku roto. 20 vSerotahtakima ma koe afatoriki nopena penaganea sa, notamaua tavaga sa pe kaiauiei tagata. 21 Akirea nofatakina fatasiana i anohkano o fakau etotonu apenaganea area, notukua pe kataia fakai ejikai iarea penanesa. 22 Kaie Ihova tanohnea ehgaro maku, kanofo rufie iei avau; tioku Atua tafatuhtu avau kahmuni iei. 23 Eia nofafekina i akirea apenaganea efaga area, eia keiauiei kirea i apenanesa area; Teatua otea ko Ihova mari keiauiei kirea.
1 Romai akaua, kafeiakea kitea ahgoro ma Ihova: akitea kavisau kiluga ma takaniani ki tafatuhtu nomauri iei akitea. 2 Akitea karomai weimoa i ateia nofafetai iateia, akitea kafeiakea kiluga ahgoro ki ateia ma takaniani. 3 Ihova mari Teatua sore, ma Teriki sore weiluga i atua oji. 4 Noi tano rima anohnea elehposu i takere; niona foki aora ehgaro. 5 Niona tatai, eia neipena: ru ona rima nipena tafanua matu. 6 Romai akaua, kahmori kitea, kafaoifo; kafaoifo kitea i aturi vae otea weimoa ia Ihova, eia neipena kitea: 7 Eia mari Teatua otea, iana tagata akitea, ma iana jip neimatakina i tiona rima. Erufie pe akaua kafakarogo i tiona areo iranei; 8 Koisapena kamahkei arotaua, feipe i Meriba, feipe 1 tanapugi niauiei tiona roto i Masa i tanohva: 9 Avahtupunaua nireresia avau, nifarigoina avau, akirea nisafea tiaku fijikauga. 10 Avau nifakainina i atau forti i tatau tagata tera, avau nantupe, Fakau nopenanesa iorea roto enei, akirea sefarigoinama iaku penaganea: 11 Avau nihnapu iei i tioku akah, pe akirea serororoma ki tioku agapu.
1 Feiakea akaua tahgoro fou Ida Iliova: kahgoro kia Ihova, fakai i takere nei oji. 2 Kahgoro akaua kia Ihova, kahgana i tiona eigoa; tukua inapugi manapugi tamauri nifakei iateia. 3 Tukua tiona rufie i afanua, ma iana fijikauga nomasaro iei i avaka tagata oji. 4 Esore mari Ihova, ehtau i tahgana fakasore i ateia: ehtau pe kamataku fakasore iateia, koisamataku i tasi atua. 5 Atua oji mari o fakai i afanua ane taruana: kaie Ihova neipena taragi. 6 Tahgana ma tarufie nohnofo weimoa iateia: tatamotua ma terufie no i tiona nohnea tapu. 7 Kahgana ia Ihova, akaua fakai i avaka tagata, tufa kia Ihova tiona rufie ma tiona tamotua. 8 Kahgana ia Ihova i tarufie ehtau ki tiona eigoa: ahmai tataumafa akaua, romai ki iona aratokoro. 9 Faoifo akaua kia Ihova ma penaganea rufie aua: kamataku akaua iateia, fakai i takere nei oji. 10 Tukua ki afakai i eke afanua pe Ihova noariki: nonofo fakamahkeia takere, pe serogaruema: eia keitukua fakatotonua tanori ma fakai i afanua. 11 Kakaniani taragi, kakaniani foki takere; kagatoro tatai, ma anea nalupai iei. 12 Kakaniani avere, manea oji iei; arakau oji i tagamotu kahgoro ma takaniani, 13 Weimoa ia Ihova, eia mari kohmai; eia kohmai pe kafarigoina penaganea o fakai i takere nei: eia keitukua fakatotonua tanori ma fakai i takere nei, ma fakai i avaka tagata ma tamari.
1 Ihova noariki; kakaniani fakai i takere nei; kakaniani foki fakai i amotu nalupai i tatai. 2 Nofori iateia apoa ma tapauri: nonofo fakamahkeia tiona torona i apenaganea totonu ma taoria fakatotomia tagata. 3 Tiafi noniokage iateia, notugia nofori fakau esage mana. 4 lona taptapeia nirameia takere: fakai i takere nei nisafea, niviriviri. 5 Aora nimaru feipe i atotorakau weimoa ia Ihova, weimoa i Teriki i takere nei oji mari. 6 Taragi notukua iana penaganea totonu, fakai i avaka tagata oji nisafea tiona rufie. 7 Kahleva afinagaro o fakau oji nohmori i atonea niarajia, nokaniani i ane taruana: faoifo weimoa iateia, akaua atua oji. 8 Fakai i Saion nirogona nikaniani; agatama-fafine i Juta nikaniani iou apenaganea nofagona tagata iei, e Ihova. 9 Akoe mari, e Ihova, no weilugaroa i afakai i takere nei oji: nikojikijiake akoe weiluga i atua oji. 10 Akaua, fakau nokaniani ia Ihova, kahgeigai i apenaganea esa: eia noimatakina anohkano o iana tagata rufie; eia noiveteakea kirea i arima o fakau esa iarea penaganea. 11 Kanofo fakasore tamarama ma fakau etotonu iarea penaganea, ma takaniani ma fakau nomari iorea roto. 12 Kakaniani ia Ihova, akaua etotonu apenaganea aua; fafetai iateia pe kamentua tiona eigoa rufie.
1 Feiakea akaua tahgoro fou kia Ihova; eia mari neipena penaganea nomasaro iei: tiona rima matau, tiona rima rufie, nipena afijikauga kamauri iei. 2 Ihova neifakaria tamauri neipena ma tagata: eia neifakaria iana penaganea totonu weimoa i afakai i eke afanua. 3 Eia neimentua tiona arofa, ma iana visau mari ki afakai Isreel; anoji i takere nisafea tamauri o Teatua otea. 4 Visau kiluga ma takaniani kia Ihova, akaua fakau oji i takere nei: kahgoro akaua ma takaniani, feiakea ahgoro. 5 Feiakea ahgoro akaua, nohgana ia Ihova i aharp, i aharp mari, ma areo aua. 6 Kakaniani akaua kiluga weimoa i Teriki ko Ihova, i abu ma tanabula. 7 Kagatoro tatai, manea oji iei; afanua ma fakau nohnofo iei; 8 Kapahpaki avainoa; kahgoro fatasiana ma takaniani aora, 9 Weimoa ia Ihova, eia mari konohmai pe kafarigoina apenaganea o fakai i takere nei; eia keitukua fakatotonua tanori ma fakai i takere nei; ma fakai i avaka tagata ma tamari.
1 Ihova noariki; kaviriviri fakai i avaka tagata: eia noeke weiroto i ru jerubim; kagarue takere. 2 Esore Ihova i Saion; eia no weilugaroa i avaka tagata oji. 3 Kahgana kirea i tiona eigoa sore, ehtau pe kamataku iei; erufie mari eia. 4 Etamotua Teriki, eia nokaniani pe kapena fakatotonua tanori ma tagata; Akoe naunage fakamahkeia penaganea totonu: akoe nopena penaganea totonu ma agafatumupuna o Jekob. 5 Kahgana akaua ia Ihova ko Teatua otea, faoifo weimoa i tane novahkejia ru ona vae iei: erufie mari eia. 6 Feipe Moses ma Eron nihnofo ma tagata notaumafa, ma Samuel ninofo ma fakau nitapa tiona eigoa; akiratau nihtapa Ihova, eia nifakarogo i akiratau. 7 Eia nivisau ki akiraua i tapoa nifakaturia: akiraua nimentua iana visau, ma tavaga neitufa kiraua. 8 Akoe naurogona avisau oratau, e Teatua omea ko Ihova: akoe Teatua nauamkea apenanesa area, kaie akoe nauoria apenanesa area. 9 Kahgana akaua ia Ihova ko Teatua otea, kahmori i tiona aora tapu; Teatua otea ko Ihova erufie mari eia.
Sam noarafaina Teatua iei 1 Visau kiluga ma takaniani kia Ihova, akaua fakai i takere nei oji. 2 Fijikau ma Ihova ma takaniani: Romai akaua weimoa i ateia nohgoro. 3 Kairoa akaua pe Ihova Teatua: eia mari neipena kitea, niana akitea; iana tagata akitea, ma ajip noimatakina. 4 Uru akaua i iona feipa nofafetai iateia, uru ki iona aratokoro nohgana i ateia: fafetai iateia, arafaina tiona eigoa. 5 Ihova mari erufie; tiona arofa nonofo iatau matau; ma iana visau ki atau tagata oji.
Sam o Tevit 1 Avau kahgoro i tiou arofa ma iou apenaganea totonu: avau kafeiakea ahgoro ki atakoe, e Ihova. 2 Avau kanpena penaganea erapakau, karufie oji iaku penaganea. Akoe kahmai ki atavau afia? Avau kanofo ma tioku roto totonu i tioku amrae. 3 Avau serahnagema sanea esa weimoa iatavau: avau nohgeigai i afijikauga o fakau norokitafa; serohpirima nlari ki atavau. 4 Avau kahkoina tioku roto efakarogosa: avau serahkiroama sanea sa. 5 Avau kaiauiei tatagata notukua fakahmunia avisau sa i tatagata evatata kiateia; avau serokaramakina tatagata nokaulevi, esa amanatuga i tiona roto. 6 Avau kasira ki afakau etotonu arotorea i tafanua, pe akirea kahnofo ma vau: tatagata erufie oji iana penaganea eia kafijikau maku. 7 Tatagata nofeiva iana penaganea seronofoma i tioku amrae: seronage fakamahkeia weimoa iatavau tatagata notukua avisau erohkavei. 8 Avail kaiauiei i ohpo oji fakau oji esa iarea penaganea; pe kahkamkea fakau oji efaga iarea penaganea i tasiti o Ihova.
Tahmori o tatagata nohlika, pe rotamoto eia, neitukua tiona ahlika weimoa ia Ihova. 1 Fakarogona tioku ahmori, e Ihova, karakokatu ki atakoe tioku tapa. 2 Koisofuna tiou afoimata iatavau i tanapugi o tioku ahlika: faoifo tiou tariga ki atavau; i tanapugi avail kantapa akoe fakarogo weiwaha iatavau. 3 Kobuni ioku napugi feipe i tiousafi, nohka oku eivi feipe i tiafi. 4 Nikojigia komaro tioku roto feipe i agafari; avau niari kogaro pe kakai. 5 Oku eivi nohpiri ki tuku kiri i tioku atagi. 6 Avail feipe i samanu i tanohva: avau nikofeipe i taruru i tanakehkesi. 7 Avau noara nomoitawa, avau nikofeipe i safuruseu nonofo sahkoea i taposfare. 8 Fakau esamai maku nofakahmana iatavau i teao oji kopo; fakau nokahsa iatavau novisau naso iatavau. 9 Avau mari nahkaina namulaga feipe akai, nakfirofiroa tavai inu i oku areimata, 10 I tiou afakainina ma tiou akah: akoe mari nauamoa avau, satauake avau. 11 Ioku napugi kofeipe teatonea konojikai; avau feipe agafari komaro. 12 Kaie akoe, e Ihova, kanofo iatau matau; ma tane nomentua iei akoe i atau tagata oji. 13 Akoe mari kamasike, karafaina Saion: nikohmai mari tanapugi pe karafaina, nikohmai mari tanapugi nifaji iei. 14 lou afiji mari nokaniani i afatu iei, akirea nokaniani foki i akere iei. 15 Fakai i afanua kamataku i teigoa Ihova iei, afatoriki oji i takere nei kahgana i tiou arufie: 16 lei te, Ihova mari nikeitaoa Saion, eia nikohmai ma tiona arulie; 17 Eia nifakarogo i tahmori o fakau ejikai iarea anea, eia sefakaopeama tahmori orea. 18 Kaserea mari penei ma tatau tagata weimuri: fakau Ihova kapena kahgana iateia. 19 Eia mari nisireifomai i tiona nohnea tapu weiluga; Ihova neimojikieifo takere i taragi; 20 Pe keirogona tahgu o tatagata nifausia; pe keivetia fakau ninage morea tahmate; 21 Pe atagata katukua teigoa o Ihova i Saion, kahgana iateia i Jerusalem; 22 Pe rofatakina fatasiana atagata, ma avaka tagata pe kafijikau ma Ihova. 23 Eia neifakatamotoa avau i taretu; eia neitukua pe kahpoto ioku napugi. 24 Avau nantukua pe, E tioku Atua, koisauamkea avau i tioku atamtane: iou atau nohnofo i atau tagata oji. 25 Akoe naunage avae o takere i tamtahtaki; taragi tafijikauga o tiou arima. 26 Akirea kajikai, kaie akoe kanofo: akirea oji kafakau sore feipe i samoiga; akoe kauamkea feipe i samoiga: akirea mari kake: 27 Kaie akoe serokema, serojikaima iou atau. 28 Agatama o iou afiji kahnofohpiri, agafatumupunorea kahnofo fakamahkeia weimoa i at akoe.
Sam o Tevit 1 E tioku nohkano, kahgana ia Ihova; tioku roto oji kahgana i tiona eigoa rufie. 2 Kahgana ia Ihova, e tioku nohkano, koisagaro i anea oji neiarafaina akoe iei: 3 Eia neiamkea iou apenanesa oji; neipenamauri mou i ahmate oji iou; 4 Eia neiamkea akoe i tarua; eia neiburaua akoe i tiarofa ma penaganea rufie: 5 Eia neitufa anea kai rufie nalupai mou; akoe nikofou foki iei, etamotua feipe iei ikel. 6 Ihova nopena penaganea totonu, ma penaganea rufie ma fakau oji nitomia. 7 Eia neitukua iana penaganea kia Moses, ma iana fijikauga ki afakai Isreel. 8 Esore tiarofa o Ihova, nosirarufiemai tagata, seweiwahama nokali, esorekage tiona arofa. 9 Eia seromahmafima i atagata segapu; eia serokalima iatau matau. 10 Eia sepenama penaganea i akitea ehtau ki apenaganesa atea; eia seioriama kitea ehtau ki apenaganea efaga atea. 11 Ehgaro taragi weiluga i takere, feipera foki esorekage tiona arofa ma fakau nomataku iateia. 12 Ipapai tatafa taragi ma tatafa tera i taragi, feipera eia neiamkea ipapai apenaganesa atea i akitea. 13 Feipe tamanorea noarafaina iana agatama Ihova noarafaina fakau nomataku i ateia. 14 Eia mari nofarigoina apenaganea i anoatotea; eia nomentua pe akitea akere. 15 Kaie atagata, anapugi orea feipe i agafari; akirea nose feipe i asenia i agamotu. 16 Nosau tamtagi iei, sajikai; serosafeama foki i tiona nohnea. 17 Kaie tiarofa o Ihova nonofo ituai ma iatau matau i afakau nomataku iateia, iana penaganea totonu nonofo i agafatumupunorea; 18 I afakau mari nomatakina tiona vaga, ma fakau nomentua iana visau fakeiroa pe kafakarogo iei. 19 Ihova neinage fakamahkeia tiona torona i taragi; eia noariki i anea oji. 20 Kahgana ia Ihova, akaua iana agelo: esore tatamotua aua, akaua nofakarogo iana visau, norogona tareo iana visau. 21 Kahgana ia Ihova, akaua fakau oji i taragi; iana fiji mari, akaua nopena ane na eia nokaniani iei. 22 Kahgana ia Ihova, iana fijikauga oji, i anohnea oji eia noariki iei: Kahgana ia Ihova, e tioku nohkano.
1 Kahgana ia Ihova, e tioku nohkano. E Ihova tioku Atua, akoe mari esorekage; akoe notakai i tahgana ma tarufie. 2 Akoe notakaia akoe i tamarama feipe i samoiga; akoe nofoforosia taragi feipe i tapahkaunea: 3 Eia neinage aragafare iona fare i aval; eia neipena tiona ekiga i apoa; eia nofano i apahkau i tamtagi. 4 Eia noikauna amtagi pe kapena iana agelo; ma tiafi naura pe kapena iana fiji. 5 Eia neinage avae o takere, pe serogaruema iatau matau. 6 Akoe nauapojia i tatai feipe i samoiga; avai niapojia aora. 7 Akoe nautukua sajina, akirea nifura; akirea nijikai nibuni i tareo o tiou taguruguru; 8 Avai nohfiji i aora, nohtoifo i arauravai, ki tanohnera naunage fakamahkeia morea. 9 Akoe naunage tahvae pe akirea koisafakamuria; pe koisafemai foki pe kapojia takere. 10 Eia neikauna avai pe katafe i arauravai; akirea notafe iroto i aora. 11 Noeinu iei anemauri oji i tagamotu; atogke iro noeinu komauri. 12 Amanu i tavavanea nohnofo iei, akirea nohki i ararakau. 13 Eia neirigivaia aora i ona fare weiluga: komauri takere i tarigivaia eia noipena. 14 Eia neipena kasomo agafari mane-mauri etara ma agarakau pe kahpura etagata, pe kamoa anea kai i takere: 15 Ma tavai vain nokaniani aroto o tagata iei, ma tavairakau kahkira afoimatorea iei, manea kai nofakatamotua anoata o tagata iei. 16 Komauri rufie arakau o Ihova: asitar i Lebanon mari, eia nihpura; 17 Amanu nohmoe iei: amanu sore nohmoe i arakau ehmaru. 1 8 Anani iro nohnofo i aora ehgaro; ma akimoa i aforopaki. 19 Eia neinage tamrama pe kafarigoina napugi: tara noiroa tapito napugi kakero iei. 20 Akoe naunage tapauri, nikopo; anemauri iro oji norohnanoa iei. 21 Alaion etamotua nohvaro i takai area, akirea nosara anea kai area i Teatua. 22 Pakefenake tara akirea nomavevae, sarohmoe i apunaga orea. 23 Atagata nororo ki afijikauga area, ma anea akirea nopena, mei tefiafi. 24 E Ihova, enalupai ekeke mari iou afijikauga! akoe naupena oji i tiou arapakauga: efonu takere iou anea rufie. 25 Ma tatai tenei, ehmaru ehlafa, noiei anea nohtoro, etaru i tataua, anemauri sore ma rikriki. 26 Avaka nofano iei: ma atafora, akoe naupena pe kafitakaro iei. 27 Ane na oji noajia akoe, pe kautufa kirea aneakai area i apito napugi ehtau ki iei. 28 Anea nautufa kirea, akirea nofatakina: akoe noafogiakea tiou arima, akirea kamauri i anea kai. 29 Akoe nofuna tiou afoimata, akirea sahlika; akoe nauamkea tamauri orea, akirea sahmate, koafe ki takere. 30 Akoe naukauna tiou anohkano? akirea sanofo; akoe naupenpena karufie foki takiri kere. 31 Kanofo iatau matau tarufie o Ihova; Ihova kakaniani i ana fijikauga oji: 32 Eia nosireifo i takere, saviriviri takere; eia neitofia aora, safenake tiousafi iei. 33 Avau kahgoro kia Ihova i tioku amauri oji: avau kafeiakea ahgoro ki tioku Atua i tanapugi oji avau nonofo iei: 34 Karufie iaku manatauga iateia: avau kakaniani ia Ihova. 35 Kabuni kajikai mari fakau nopena penaganea esa i takere nei, koisahnofo foki fakau esa iarea penaganea. Kahgana ia Ihova, e tioku nohkano. Kahgana akaua ia Ihova.
1 Fafetai ia Ihova akaua, tapa tiona eigoa: tukua iana penaganea ki afakai i afamia. 2 Kahgoro akaua ki ateia, feiakea ahgoro ki ateia; manatunea i iana fijikauga oji nomasaro iei. 3 Kakaniani akaua i tiona eigoa rufie: karufie aroto o fakau nosara Ihova. 4 Sara akaua Ihova ma tiona tamotua; sara akaua tiona foimata inapugi manapugi. 5 Mentua iana fijikauga nomasaro iei neipena; iana penaganea nomasaro iei, ma penaganea neitukua tano fafa; 6 Akaua, agafatumupuna o Ebraham, tiana fiji, ma kaua agafatumupuna o Jekob, neiamoa mana. 7 Ihova ko Teatua otea eia: eia nopena mari iana penaganea i takere nei oji. 8 Eia neimentua tiana fajivisau iatau matau, tavisau mari neitukua ki atau tagata ituai mei iranei; 9 Tavisau mari neifajivisaua ma Ebraham, ma tavisau eia nihnapu iei kia Aisak; 10 Eia neitukua fakamahkeia kia Jekob ma tavaga, ki afakai Isreel ma tafajivisau kanofo iatau matau: 11 Neitupe, Avau kantufa akoe tafanua Kenan, pe kaniou: 12 Itanapugira akirea efeana; eruana mari, atagata nohnofo nororo iei; 13 Akirea nirokea i tafanua tasi niroro ki tera afanua, nirokea i tasi avaka tagata, niroro ki tera avaka tagata. 14 Eia neipojina atagata oji pe koisapena sapenaganea efaga ki akirea; eia neitukua sajina mari fatoriki i akirea; 15 Neitupe, Koisatofia iaku atagata nahnage, Koisapena sapenaganea esa ki ioku aprofit. 16 Eia neitapa foki taoge i tafanua; eia neiamkea aneakai oji nopurujia anoata o tagata iei. 17 Eia neikauna tasi atagata kamokage iakirea, Josef mari, akirea nitufa eia i amane pe kapena i tafiji: 18 Nihkini ru ona vae i anea nifausia eia; ninage taus aiurn iateia: 19 Mei tanapugira nifakarava iana visau; tavisau o Ihova nijirojiroa tiona roto. 20 Teriki neikauna tagata pe kavetea; teriki mari i afanua neinahkea eia. 21 Eia neinage eia pe kariki i tiona amrae, pe keimatakina iana auta oji: 22 Pe keifausia iana fatoriki ma tiona finagaro, pe kafakeiroa iana tagata sore i tarapakauga. 23 Isreel nifano ki tafanua Ijipt; Jekob nonofo i tafanua o Ham. 24 Eia neitukua pe akirea kamoa fakasorea agatama, eia neipena pe katamotua i afakau esage marea. 25 Eia neifurusia iorea roto pe kahgeigai iana tagata, pe kapena penaganea erapakau i ana fiji. 26 Eia neikauna Moses pe kapena i tiana fiji, ma Eron eia neinage. 27 Akiraua ninage iona farigoi weimoa i akirea, ma penaganea nomasaro iei i tafanua o Ham. 28 Eia neikauna tapauri, pe kapauri; akirea sepojinama tiana visau. 29 Eia neipena i tatoto avai i tafanua orea, neitaia eika area. 30 Nifanau fakasore afrok i tafanua orea, ma afarehmoe o fatoriki orea. 31 Eia nivisau, saromai amotu rago, ma akutu i anohnea oji i tafanua orea. 32 Eia neitufa kirea taua-fatu ma taua, ma tiafi naura i tafanua orea. 33 Eia neitaia avain orea foki, ma amajarupe orea; neitajia arakau i apito fanua orea. 34 Eia nivisau, saromai asepeborakau, ma asepe, nitaru i tataua kirea. 35 Akirea nikaina agarakau oji i tafanua orea, nikaina foki afuanea i avere orea. 36 Eia neitaia foki agatama aurumatua oji i tafanua orea, temokage i tatamotua oji area. 37 Eia neiarafaina kirea, akirea niamoa silver ma kolt: senofoma tasi etamoto i amtakainaga orea. 38 Fakai Ijipt nikaniani i tarokea orea; akirea mari nimataku i akirea. 39 Eia neifoforosia tapoa tafakaruru morea; ma tiafi pe karameia kirea i tapo. 40 Akirea ninugia, eia neiahmai amanu, akirea nimauri i takai i ragi. 41 Eia neifakasara tafatuhtu, tavai nitafekea; nitafe i anohnea matu feipe i savai-tafe. 42 Eia mari neimentua tiana fajivisau kia Ebraham tiana fiji. 43 Eia neiarafiakea iana tagata ma takaniani, iana tagata neiamoa ma tahgoro. 44 Eia neitufa kirea afanua o fakai i afanua; akirea niamoa marea afijikauga o fakau nohnofo iei: 45 Pe akirea kafakarogo i ana visau, kamatakina iona vaga. Kahgana akaua ia Ihova.
1 Kahgana akaua ia Ihova. Fafetai ia lohva; erufie mari eia: tiona arofa nonofo iatau matau. 2 Akai etamotua i teitukua afijikauga etamotua o Ihova? akai etamotua i teifakaria tiona ahgana oji? 3 Erufie tapu fakau nofakarogo iana visau, ma tatagata nopena penaganea totonu ianapugi manapugi. 4 Mentua avau, e Ihova, i tiarofa akoe nauarafaina iei iou atagata; maisireia avau i tamauri naupena ma tagata: 5 Pe avau kamojikia tarufie o fakau nauamoa mou, pe avau kakaniani i takaniani o fakai i tiou afanua, pe avau kakaniani fatasiana ma iou atagata. 6 Akimea nipenanesa, akimea ma vahtupunomea, akimea, nipena penaganea efaga, akimea nipena fakamasuia. 7 Vahtupunomea sefarigoinama ion apenaganea nomasaro iei i tafanua Ijipt; akirea semen tuama iou apenaganea arofa enalupai; kaie akirea nifakarogosa i tatai, Tatai Ehmea mari. 8 Kaie eia neipenamauri morea i tiona eigoa, pe eia keifakaria tiona tamotna sore, 9 Eia neitukua sajina Tatai Ehmea foki, samatu: eia neiarafia kirea i anohnea elehposu, feipe i tanohva. ro Eia neipenamauri morea i tarima o tatagata nihgeigai i akirea, neiamkea kirea i tarima o tatagata nisage marea 11 Tatai niburaua fakau nisage marea: setoema tasi kirea. 12 Akirea safakarogo iana visau; akirea nifeiakea tahgoro pe kahgana iateia. 13 Akirea niweiwaha nigaro iana fijikauga; akirea sehtarima iana visau: 14 Kaie akirea nifekainea fakasore i tanohva, nireresia Teatua i tanakehkesi: 15 Eia neitufa kirea ane na akirea ninugia; kaie neitukua pe katuatua anohkano orea. 16 Akirea nihmata sa foki ia Moses i tanohnea nihnofo iei akirea, ma Eron, tatagata tapu o Ihova. 17 Takere nivaea nifakamama, niforomia Tethan, nitanumia tamotu tagata o Abairam. 18 Tiali nihka i tamotu tagata orea; taurafi nitugia nibuni fakau nisa iarea penaganea. 19 Akirea nipena tiata tama-buhmatau i Horeb, nihmori i tatupua kolt tera. 20 Akirea nioria pera tarufie orea ko Ihova i tiata buhmatau, tane nokaina agafari. 21 Akirea nigaro i Teatua neipenamauri morea, neipena afijikauga sore i tafanua Ijipt; 22 Apenaganea nomasaro iei i tafanua o Ham, manea nohhka iei wei Tatai Ehmea. 23 Eia neitukua iei pe eia keiauiei kirea, kaie Moses, tatagata neinage mana, nitu weimoa iateia iroto, pe keiamkea tiona kah, pena eia keiauiei kirea. 24 Akirea nifakaopea tafanua rufie ra, akirea sefakarogoma iana visau; 25 Kaie nisamsamei i afare namnanoa orea, akirea sefakarogoma i tareo o Ihova. 26 Eia nihnapu iei pe eia keitaia kirea i tanohva: 27 Pe keitaia foki agafatumupunorea i avaka tagata kafalelekea kirea i eke afanua. 28 Akirea nifataki foki ki Beal-pior, nikaina ataumafa nitaumafa iei ma atua ehmate. 29 Akirea niauiei pera tiona roto i apenaganea area; tahmate nitoifo i akirea. 30 Kaie Finihas nimasike, neioria penanesa area: tahmate nirava iei. 31 Ninage pera mana pe apenaganea totonu i atau tagata oji iatau matau. 32 Akirea niauiei foki tiona roto i tavai Meriba, nisa Moses iei i apenaganea area: 33 Iei te, akirea niauiei tiona roto, eia nivisau masui i tano fafa. 34 Akirea seauieima fakai i afanua, feipe Ihova neitukua ki akirea; 35 Kaie akirea nihnofo fakafiroa ma fakai i afanua ra, niamoa apenaganea area; 36 Akirea nifijikau ma atua area; nipena iei tane nireresia kirea; 37 Akirea mari nitaumafa i agatama-takau ma agatamafafine area ki atimon. 38 Akirea nifakatafekea atoto o fakau ejikai iarea penanesa, atoto mari o agatama-takau ma agatamafafine area, akirea nitaumafa iei ma atua o fakai Kenan; nisa tafanua iei i atoto orea. 39 Akirea niauiei kirea feipera i afijikauga area, akirea nihmori i atua akirea nipena. 40 Nisore iei takah o Ihova i iana tagata, eia nisasahhia i atagata neiamoa mana. 41 Eia neitukweina kirea ki arima o fakai i afanua; fakau nihgeigai i akirea niariki i akirea. 42 Fakau nisage marea nifakahlika kirea, nikumieifo kirea i arima orea. 43 Eia neiveteakea kirea fakanalupai; kaie akirea nifakarogosa i ateia i atamauga area, niameifo kiraro kirea i apenaganea efaga area. 44 Kaie eia neisireia tahlika orea, itanapugira neirogona tahtagi orea: 45 Eia neimentua tiana fajivisau ki akirea, niafe tiona roto feipe i tiona arofa sore. 46 Eia neinage foki pe fakau niamoa kipapai kirea karafaina kirea. 47 Penamauri momea, e Ihova ko Teatua omea, fatakinamai kimea i afanua, pe kafafetai i tiou eigoa tapu, pe kakaniani i tiou ahgana. 48 Erufie tapu Ihova, Teatua o fakai Isreel, ituai ma iatau matau. Tukua atagata oji pe Emen. Kahgana akaua ia Ihova.
1 Fafetai ia Ihova akaua; erufie mari eia: tiona arofa nonofo iatau matau. 2 Ehtau pe fakau Ihova neivetea katukua penei, eia neiveteakea kirea i tarima o tatagata nokah i akirea; 3 Neifatakina kirea i afanua, ist ma west, ma north ma south. 4 Akirea nisiri i tanohva ejikai taretu iei; akirea sesafeama sasiti pe kahnofo iei. 5 Akirea nihmate i taoge, nihmate foki i tavai, nitamoto arotorea. 6 Akirea nihtapa kia Ihova i tahhka orea, eia neiamkea kirea i anea nihhka iei akirea. 7 Eia neiarafia kirea i taretu totonu, pe akirea karoro ki tasiti pe kahnofo iei. 8 Erufie pe atagata kahgana ia Ihova i tiona arofa, ma iana fijikauga nomasaro iei neipena ma tagata! 9 Eia neitufa fakau nofeinuvai pe akirea kamauri, neitufa foki fakau nihmate i taoge i anea rufie. 10 Fakau nihpuku i tapauri ma tiata ia tahmate, nifausia i tahlika ma avava fatu; 11 Iei te, akirea nifakarogosa i avisau o Teatua, nifakaopea tatamauga o Teatua Weilugaroa: 12 Eia neiameifo iei arotorea i tahlika; akirea nisibasiba, jikai tasi pe kasitu i akirea. 13 Akirea satapa kia Ihova i tahhka orea, eia neiveteakea kirea i anea nihlika iei akirea. 14 Eia neiamkea itafa kirea i tapauri ma tiata o tahmate, nitumusia anea nifausia iei kirea. 15 Erufie pe atagata kahgana ia Ihova i tiona arofa, ma iana fijikauga nomasaro iei, neipena ma tagata! 16 Eia mari neitajia afeipa bras, neitumusia akoganea fatu. 17 Fakau ejikai iorea finagaro nofakahhka i apenaganea esa area, ma penaganea efaga area. 18 Arotorea nosasahlua i anea kai oji; akirea notata ki tahmate orea. 19 Kaie akirea nohtapa kia Ihova i tahhka orea, eia neipenamauri morea i anea nohhka iei akirea. 20 Eia neitukua iana visau, neipenamauri morea, neiveteakea kirea i anea noiauiei kirea. 21 Erufie pe atagata kahgana ia Ihova i tiona arofa, ma iana fijikauga nomasaro iei neipena ma tagata! 22 Akirea kataumafa i ataumafa nofafetai iateia, katukua iana fijikauga ma takaniani. 23 Atagata nofanifo ki tatai i avaka nosaranea i tamoana sore; 24 Akirea mari nosafea afijikauga o Ihova, ma iana penaganea nomasaro iei i tamoana. 25 Eia neitukua, sata tefa, neijikijiake apeau iei. 26 Akirea nohfiji ki taragi, nohtoifo fokikiraro: kotamoto fakasore arotorea i tahlika. 27 Akirea noroturotu, feipe i satagata nokona, kohleva afinagaro orea. 28 Akirea nohtapa kia Ihova i tahlika orea, eia neiamkea kirea i anea nohlika iei akirea. 29 Eia neitomia tamarino, apeau iei noruru. 30 Akirea kokaniani pe nikomarino; eia neiamoa kirea ki tafeiava akirea nokaniani i tatau iei. 31 Erufie pe atagata kahgana ia Ihova i tiona arofa, ma iana fijikauga nomasaro iei, neipena ma tagata! 32 Tukua kirea avisau rufie iateia i tafatakina o tagata, kahgana iateia i tafatakina o fakau sore. 33 Eia neifurusia avai-tafe pe kapena i tanohva, ma amtavai pe kapena i tanohnea ejikai tavai iei; 34 Ma takere rulie pe kapena i takere ehkona, i apenaganesa o fakau nohnofo iei. 35 Eia neitukua pe tanohva kapena i tanamo, ma tafanua matu pe kapena i amtavai. 36 Eia neinage iei fakau nohmate i taoge pe kahnofo iei, pe akirea kataoa tasiti pe kahnofo iei: 37 Akirea novere i akere iei, nohpura avain i aratakoro vain, noamoa afuanea iei marea. 38 Eia noageia kirea foki, akirea nokobkobua tapu; eia neimatakina anemauri etara area pe kanalpuai, 39 Kaie akirea nikoruana foki i apenaganea mahkei nopena i akirea, ma tahhka, ma tafakainina. 40 Eia nofakaopea afatoriki, nokauna pe karohnanoa i tanohva, ejikai taretu iei. 41 Kaie eia novahkejia kiluga fakau ejikai iarea anea, noiamakea i tahhka orea, nonage kirea i amtakainaga feipe i tamotu jip. 42 Fakau rufie kasafea, kakaniani; fakau efaga iarea penaganea kafakatemu. 43 Atagata erapakau kamentua ane nei, akirea kamanatunea apenaganea earofa o Ihova.
Sam o Tevit pe kahgana ia Ihova 1 E tioku Atua, tioku roto nonofo fakamahkeia; avau kahgoro, kafeiakea ahgoro, ma tioku nohkano. 2 Virikake oku salteri ma harp: avau kavirikake i tabohpoana. 3 Avail kafafetai iatakoe, e Ihova, weimoa i afakai i afanua: avau kafeiakea ahgoro ki atakoe weimoa i afakai i afanua. 4 Esore mari tiou arofa weiluga i taragi, tiou apenaganea mari norako ki apoa. 5 Kasore akoe, e Teatua, weiluga i taragi: ma tiou arufie weiluga i takere nei oji. 6 Pe kavetea iou atagata, akoe nokaniani i akirea, penamauri nomea i tiou arima matau, fakarogo i akimea. 7 Teatua nivisau i ana visau rufie; Avau kakaniani; avau kavaea Sikem, kafatagtagasia tarauravai Sukot. 8 Nioku tafanua Kiliat; nioku tafanua Manase; fakai Ifreem foki etamotua nomatakina avau; fakai Juta notukua maku avisau i tavaga. 9 Fakai Moab iaku afiji katahtaroa anea moku; fakai Itom kapena i afiji maku; avau katamotua kakaniani i afakai Filistia. 10 Akai keiarafia avau ki tasiti etamotua, abae nofori iei? akai keiarafia avau ki tafanua Itom? 11 E Teatua, akoe mari nautukweina kimea; akoe semokagema, e Teatua, i amotu tagata amea? 12 Asitu i akimea i tatagata nopojina kimea: etamoto mari atagata pe kasitu i akimea. 13 Akimea katamotua i Teatua: eia mari katakafieifo fakau esamai manea.
Ki Tesore i afakau nohgoro. Sam o Tevit 1 E Teatua, avau nohgana iatakoe, koisafakahlogoana akoe; 2 lei te, novi.sau iatavau afafa o fakau esa iarea penaganea ma afafa o fakau erohkavei: akirea notukua avisau erohkavei ki atavau. 3 Akirea nifakaforforia avau foki i avisau nohgeigai iatavau, akirea nihtoa iatavau, kaie ejikai tantafito. 4 Akirea notukua avisau nopojina avau, kori iei tioku arofa: kaie avau nohmori. 5 Akirea nioria iaku penaganoa rufie i apenaganea sa, nioria tioku akaniani i akirea nohgeigai iatavau. 6 Nage akoe tatagata esa pe kahleo iateia: katu wei tano rima matau tatagata nopojina eia. 7 Pe rojirojiroa iana penaganea, kauoria i tanori sa; kafeipe i tapenaganea sa tiona ahmori. 8 Karuana iona napugi; tiana fijikauga kamoa faruke. 9 Kapena i anikaso iana agatama, tiana fine kapena i tafine nikomate tiana tagata. 10 Karohnanoa iana agatama inapugi manapugi, nonugia ana anea marea; kasara akirea akai i anohnea egogao. 11 Keiamoa iana nea oji tatagata nopena penaganea mahkei; kakiteria afuanea i tiana fijikauga fakai i teke afanua. 12 Koisarafaina eia satagata; koisarafaina iana agatama-nikaso tasi. 13 Kabunikea ano fatumupuna; kafurunakea eigorea i tatau tagata weimuri. 14 Kamentua foki apenaganea efaga o vahtupuna weimoa ia Ihova; koisafurunakea tapenanesa o jinana. 15 Kanofo apenanesa area weimoa ia Ihova segapu, pe keiamkea eigorea i takere nei. 16 lei te, eia sementuama pe karafaina tagata, kaie neipena penaganea mahkei i tatagata nohlika, ejikai iana nea, nitamoto tiona roto, pe keitia. 17 Eia nikaniani i avisau naso, niafe pera ki at eia; eia sekanianima i tiarofa, no ipapai mari iateia. 18 Eia nitakai i avisau naso, feipe i samoiga, nihmai mari ki tiona roto feipe i tavai, feipe i tavairakau iroto ano eivi. 19 Kafeipe i tamoiga eia notakai iei, ma tahlava eia nohlava iei inapugi manapugi. 20 Kofeipera tanomata o Ihova ma fakau nopojina avau, ma fakau notukua avisau sa i tioku nohkano. 21 Kaie fijikau akoe maku, e Teatua ko Ihova, i tiou eigoa: erufie mari tiou arofa, penamauri moku. 22 Avau mari nohlika, ejikai iaku anea, nikotaroa foki tioku roto. 23 Avau nikofano feipe i tiatonea konojikai: avau nikotarokea nanoa feipe i asepeborakau. 24 Kotamoto ru oku ture-vae i taparikai; avau nikotuatua. 25 Avau nikopena i tane nofakahmana iei marea: pe akirea rosafea avau akirea notaia auru orea. 26 Asitu iatavau, e Ihova tioku Atua; penamauri moku i tiou arofa: 27 Pe akirea kairoa pe tiou arima te; pe akoe, e Ihova, naupena. 28 Akirea kanasoia avau, kaie tukua avisau arafaina akoe: pe akirea romasike akirea kahma, kaie tiou afiji kakaniani. 29 Katakai i tahma fakau esamai maku, kapojia kirea akirea i tahma orea, feipe i sapahkaunea. 30 Avau kafafetai fakasore ia Ihova i tioku fafa; avau mari kahgana iateia weimoa i tamotu tagata. 31 Eia mari katu wei tarima matau o tatagata ejikai iana anea, pe kapenamauri mona i afakau notukua tiona mate.
Sam o Tevit 1 Ihova neitukua ki tioku Ariki, Eke akoe wei tioku rima matau, mei tanapugi avau kahpena fakau esakatu mou ma tane novahkejia ru ou avae iei. 2 Ihova keikauna i Saion tafoirakau i tiona tamotua: ariki akoe i atagata esakatu mou. 3 lou atagata notufa kirea ma iorea finagaro mou, i tanapugi o tiou tamotua, i tarakeiga rufie; iou agatama kafeipe i tagou i apohpo ana. 4 Ihova nihnapu, seroafema tiona roto, neitukua pe, Akoe tatagata notaumafa iatau matau feipe i tapenaganea o Melkisetek. 5 Teriki wei tiou arima matau keitaia fatoriki i tanapugi o tiona kali! 6 Eia keioria apenaganea o fakai i afanua, eia keifakafonua iorea nohnea i anoata o fakau nitaia; eia keitaia fakau sore area i afanua nalupai. 7 Eia kaeinu i tavai-tafe i taretu: eia keijikijiake iei tiona auru.
1 Kahgana akaua ia Ihova. Avau kafafetai ia Ihova ma tioku roto oji i tafatakina o tagata etotonu iorea roto, ma i tafatakina sore o tagata. 2 Esore mari afijikauga o Ihova, atagata nokaniani iei nosara. 3 Tiana fijikauga erufie, esorekage: iana penaganea totonu nonofo iatau matau. 4 Eia neinage pe kamentua iana fijikauga: Ihova nosirarufiemai tagata, esore tiona arofa. 5 Eia neitufa anea kai ma fakau nomataku iateia: eia kamentua iatau matau tiana fajivisau. 6 Eia neifakaria tatamotua iana fijikauga ki iana tagata, pe neitufa kirea tafanua nio fakai i afanua. 7 Afijikauga i tiona rima apenaganea mari ma apenaganea totonu; nomari iana visau fakeiroa oji. 8 Nohnofo fakamahkei iana visau iatau matau, eia neipena i tamari ma penaganea totonu. 9 Eia neipenamauri mo iana tagata; eia neitukua tiana fajivisau pe kanofo iatau matau: etapu tiona eigoa, ehtau i tamataku iei. 10 Tantafito i tarapakauga eia te, pe kamataku ia Ihova; eatamai fakarufie afinagaro o fakau oji nofakarogo iateia: tahgana iateia nonofo iatau matau.
1 Kahgana akaua ia Ihova. Erufie tapu tatagata nomataku ia Ihova, nokaniani fakasore iana visau. 2 Katamotua iona fatumupuna i takere nei: karufie tapu agafatumupuna o fakau etotonu iarea penaganea. 3 No i tiona fare naga ma auta nalupai: iana penaganea totonu nohnofo iatau matau. 4 Kofenake tamarama i tapauri ma fakau etotonu iarea penaganea: eia nosirarufiemai tagata, neiarafaina kirea etotonu iana penaganea. 5 Erufie tatagata noarafaina tagata, notufa morea; eia keimatakina iana nea i apenaganea totonu. 6 Eia mari serotakatakama iatau matau: kamentua mari atagata etotonu iarea penaganea iatau matau. 7 Pe reirogona avisauga ehlika iei eia seromatakuma iei: nonofo fakamahkeia tiona roto, nofakarogo ia Ihova. 8 Tiona roto nonofo fakamahkeia, eia seromatakuma, mei tanapugi keisafea fakau esage mana nikotamoto. 9 Eia neifalelekea iana nea, neitufa ma fakau ejikai iarea anea; iana penaganea totonu nohnofo iatau matau: kahgana fakasore iateia. 10 Tatagata esa iana penaganea keisafea kafakainina; eia keikajia ano nifo, samate: kajikai tane nokaniani iei tatagata esa iana penaganea.
1 Kahgana akaua ia Ihova. Kahgana i teigoa o Ihova, akaua afiji o Ihova. 2 Karufie tapu teigoa o Ihova, iranei ma iatau matau, 3 I tanohnea nofenake tara karako ki tanohnea kokero iei kahgana i teigoa o Ihova. 4 Esorekage Ihova i avaka tagata oji, tiona rufie no weiluga i taragi. 5 Akai feipe Ihova Teatua otea, nonofo weilugaroa noariki; 6 Eia nofaoifo pe keisafea anea i ragi ma i takere nei. 7 Eia neiamkea fakau nohnofo iraro i takere, neijikijiake kirea; eia neijikijiake fakau ejikai iarea anea neiamkea i tabenu; 8 Pe keinage kirea pe kahnofo ma fatoriki, fatoriki mari i afakai i tiona fanua. 9 Eia neipena pe kafarere fafine epa kahnofo i tiona fare, kakaniani pe neiamoa agatama. Kahgana akaua ia Ihova.
1 Itanapugi fakai Isreel nirokea i tafanua Ijipt, agafatumupuna o Jekob nirokea i afakau eke iarea visau. 2 Tafanua o fakai Juta nipena i tanohnea tapu mona, tafanua Isreel nipena tafanua mona. 3 Tatai nisafea, nitere; niafe nimasa tavai Jortan. 4 Aora nisopo feipe ajip-takau, ma aora ehpoto feipe agatama jip. 5 Akoe feifakua, e tatai, pe akoe nitere? ma akoe tavai Jortan pe akoe niafe kimuri? 6 Ma akaua, aora, pe akaua nosopo feipe ajip-takau; ma akaua aora ehpoto, feipe agatama jip? 7 Viriviri akoe, takere nei, weimoa i Teriki, weimoa i Teatua o Jekob. 8 Eia neifurusia tafatuhtu, sapena i tanamo, ma tafatu uri nipena i tamtavai.
1 Koisahgana i akimea, e Ihova, koisahgana i akimea, kaie kahgana i tiou eigoa, i tiou arofa, ma tiou avisau mari. 2 Fakai i afanua katukua iaha pe, Nowafe nei Teatua orea? 3 Kaie Teatua omea no i taragi: eia neipena anea oji tiona finagaro pe kapena. 4 Atua orea silver ma kolt, tafijikauga i arima o tagata. 5 Noiei afafa orea, kaie akirea sevisauma; noiei afoimata orea, kaie akirea sesafeama anea;, 6 Noiei atariga orea, kaie akirea serogonama anea; noiei aeisu orea, kaie akirea senamuiama anea; 7 Noiei arima orea, kaie akirea setofiama anea; noiei avae orea, kaie akirea seroroma; akirea sevisauma i avajagareo orea. 8 Fakau nopena kirea kofeipe iei kirea; feipera foki atagata oji nofakarogo i akirea. 9 Fakai Isreel, fakarogo akaua ia Ihova: tasitu orea eia, ma takaroa orea. 10 Agafatumupuna o Eron, fakarogo akaua ia Ihova: tasitu orea eia, ma takaroa orea. 11 Akaua fakau nomataku ia Ihova, fakarogo ia Ihova: tasitu orea eia, ma takaroa orea. 12 Ihova neimentua kitea; eia keiageia kitea: eiakeiageia fakai Isreel; eia keiageia agafatumupuna o Eron. 13 Eia keiageia fakau nomataku ia Ihova, fakau taruana ma fakau sore. 14 Ihova keikobkobua fakasore kaua, akaua mari ma agatama aua. 15 Akaua erufie tapu ia Ihova, eia neipena taragi ma takere nei. 16 Ihova neinage taragi mana; kaie neitufa takere ki atagata. 17 Fakau ehmate sehganama ia Ihova inapuginei ma iatau matau. Kahgana akaua ia Ihova.
1 Avau nokaniani ia Ihova, iei te, eia neirogona tioku areo ma anea nahnugia iateia. 2 Eia mari nifaoifo tantariga ki atavau, avau kantapa eia iei inapugi oji o tioku amauri. 3 Tafou i tamate nifakaforforia avau; tahhka i tafanua o fakauhmate nirikofia avau: avau nifarigoina tahhka ma tafakainina. 4 Avau nantapa teigoa o Ihova; E Ihova, avau nonugia akoe pe kauveteakea tioku nohkano. 5 Ihova nosirarufiemai kitea, etotonu iana penaganea; Teatua otea earofa. 6 Ihova neimatakina fakau emaru rotorea; avau nitamoto, eia neipenamauri moku. 7 E tioku nohkano, afe ki tiou anohnea nogapu iei; Ihova mari neiarafaina fakasore akoe. 8 Akoe mari naupenamauri mo tioku nohkano i tamate, ma i areimata i ru oku foimata, ma ru oku vae pena avau kasibasiba. 9 Avau kafano weimoa ia Ihova, i tafanua o fakau mauri. 10 Avau nofakarogo, avau novisau penei iei; avau nihhka fakasore: 11 Avau nantukua i tioku mataku pe, Norohkavei atagata oji. 12 Avau kantufa taha kia Ihova i anea rufie oji neiarafaina avau iei? 13 Avau kahkamoa tagajanea i tamauri, kantapa teigoa o Ihova. 14 Avau kafakarava avisau avau nifaji iei kia Ihova, weimoa iana tagata oji. 15 Erufiesa weimoa ia Ihova tahmate o iana tagata rufie. 16 E Ihova, avau mari tiou afiji: avau tiou afiji, ma tatama-tane o tiou afiji-fine; akoe nauveteakea anea nifausia iei avau. 17 Avau kantaumafa ki atakoe tataumafa nofafetai iatakoe, kantapa teigoa o Ihova. 18 Avau kafakarava avisau avau nifaji iei kia Ihova, weimoa iana tagata oji; 19 I aratokoro i tafare o Ihova, iroto i Jerusalem mari. Kahgana akaua ia Ihova.
1 Kahgana ia Ihova akaua, fakai i avaka tagata oji; kahgana iateia, akaua fakai i afanua oji. 2 Esorekage mari tiona arofa matea; apenaganea mari o Ihova nonofo iatau matau. Kahgana akaua ia Ihova.
1 Fafetai ia Ihova akaua; erufie mari eia: tiona arofa nonofo iatau matau. 2 Erufie pe fakai Isreel katukua pe, Tiona arofa nonofo iatau matau. 3 Katukua foki agafatumupuna o Eron pe, Tiona arofa nonofo iatau matau. 4 Katukua foki fakau nomataku ia Ihova pe, Tiona arofa nonofo iatau matau. 5 Avau nantapa kia Ihova i tioku ahhka, Ihova nifakarogo iatavau, neinage avau i tanohnea ehlafa. 6 Ihova noiamoa maku; avau seromatakuma: atagata kapena pekua avau? 7 Ihova noiamoa maku fatasiana ma fakau nositu iatavau; avau kahmojikia iei fakau nohgeigai iatavau ma takaniani. 8 Erufie pe kafakarogo ia Ihova, kaie serufiema pe kafakarogo i atagata. 9 Erufie pe kafakarogo ia Ihova, kaie serufiema pe kafakarogo i afatoriki. 10 Fakau pauri oji nifakaforforia avau; kaie avau kaiauiei kirea i teigoa Ihova. 11 Akirea nifakaforforia avau; akirea mari nifakaforforia avau: kaie avau kantujiakea kirea i teigoa Ihova. 12 Akirea nifakaforforia avau feipe amotu bi; nikotamtea kirea feipe tiafi i agarakau taratara: avau kantujiakea kirea i teigoa Ihova. 13 Akoe nautukia fakasorea avau pe avau katakakea: kaie Ihova nisitu iatavau. 14 Ihova tioku tamotua ma tioku ahgoro: eia nikopena i tioku amauri. 15 Norogona tareo i takaniani ma tamauri i amrae o fakau rufie: tarima matau o Ihova nofijikau fakatamotua. 16 Ihova neijikijiake tiona rima: tarima matau o Ihova nofijikau fakatamotua. 17 Avau seromatema, kaie kamauri, kantukua afijikauga o Ihova. 18 Ihova neitarania fakasore avau: kaie eia setukweinama avau pe kamate. 19 Fakasara ki atavau afeipa i tamrae tapu: avau kauru iei, kafafetai ia Ihova. 20 Tafeipa o Ihova tenei; fakau rulie kauru iei. 21 Avau kafafetai iatakoe, iei te, akoe nifakarogo iatavau, akoe nikopena i tioku amauri. 22 Tafatu fakau noto-fare nihkoina nikopena i tafatu komauri iei taturi fare. 23 Tafijikauga o Teatua tenei; afoimatotea nomojikia nomasaro iei. 24 Tanapugi Ihova neipena tenei; akitea kakaniani iei, karufie iotea roto. 25 E Ihova, penamauri momea, akimea nonugia akoe: e Ihova, akimea nonugia akoe pe akoe kauageia kimea. 26 Erufie tapu eia kohmai i teigoa Ihova: akimea noarafaina akoe i tafare o Ihova. 27 Teatua ko Ihova neiahmai motea tamarama: fausia akaua tataumafa i ataura, i apaji tafata. 28 Tioku Atua akoe, avau kafafetai iatakoe: tioku Atua akoe, avau kahgana iatakoe. 29 Fafetai ia Ihova akaua; erufie mari eia: tiona arofa nonofo iatau matau.
1 Erufie tapu fakau erufie oji apenaganea area i taretu, akirea nororo i tavaga o Ihova. 2 Erufie tapu fakau nofakarogo iana visau, akirea nosara eia ma iorea roto oji. 3 Akirea sepenama sapenaganea faga; akirea nororo i iona aretu. 4 Akoe nautukua pe akimea kafakarogo i ou avisau fakeiroa, kamatakina fakarufie. 5 Avau mari nokaniani pe iaku penaganea nonofo fakamahkeia, pe kafakarogo i avisau naunage. 6 Avau serohma pe avau nahmentua avisau oji nautukua. 7 Avau kafafetai iatakoe ma tioku roto mari, pe avau rofarigoina iou apenaganea totonu. 8 Avau kahmatakina avisau naunage: koisahkoina oji avau. 9 Kapena pekua tatamtane pe kama iana penaganea? pe keimatakina iana penaganea ehtau ki tiou avisau. 10 Avau nansara akoe ma tioku roto pakeni; pojina avau pena kahkoina avisau nautukua. 11 Avau nakfuna tiou avisau i tioku roto, pena avau kapenanesa iatakoe. 12 Erufie tapu akoe, e Ihova: fakeiroa avau i avisau naunage. 13 Avau nantukua i tuku ragutu avisau oji i tiou afafa. 14 Avau nikaniani fakasore i taretu iou avaga, fakasisiana i auta oji. 15 Avau kamanatunea iou avisau fakeiroa, kahmojikia iou aretu. 16 Avau kakaniani iou avaga: avau serogaroma i tiou avisau, 17 Arafaina tiou afiji, pe avau kamauri; avau kafakarogo i tiou avisau iei. 18 Amkea ahpono i ru oku foimata, pe avau kahmojikia anea nomasaro iei iou avaga. 19 Avau tamavaka i takere nei: koisafuna iatavau iou avisau nautukua. 20 Kotamoto tioku roto i takaniani fakasore iou avisau nautukua i anapugi oji. 21 Akoe nautukua sajina fakau ekaulevi, nikonasoia, akirea nororo kitafa i avisau nautukua. 22 Amkea iatavau tahma ma tafakaope; avau mari nifakarogo iou avisau. 23 Fatoriki foki nihpuku nitavanaga iatavau: kaie tiou afiji nimanatunea iou avaga. 24 Avau nikaniani foki iou avisau, akirea nofagona avau. 25 Tioku nohkano nohpiri ki takere: fagona avau ehtau ki tiou afajivisau. 26 Avau nantukua iaku penaganea, akoe naurogona avau: fakeiroa avau i avisau naunage. 27 Fakaria ki atavau tanohkano i apenaganea i tiou avisau fakeiroa: avau kamanatunea iou afijikauga nomasaro iei. 28 Tioku nohkano notagi kamate: fakatamotua avau ehtau ki tiou afajivisau. 29 Amkea iatavau tapenaganea i avisau erohkavei: tufa avau tiou avaga ma tiarofa. 30 Avau nokaniani i apenaganea mari: avau nahnage weimoa iatavau iou apenaganea naupena ma tagata. 31 Avau nohpiri ki iou avisau: e Ihova, koisautukua pe avau kahma. 32 Avau kaweiwaha kafakarogo i avisau nautukua, pe akoe ropenpena tioku roto. 33 Fakariamai ki atavau, e Ihova, tapenaganea iou avisau naunage: avau kafakarogo iei segapu. 34 Asitu iatavau pe avau kafarigoina, avau kahkamoa tiou avaga; avau kafakarogo iei ma tioku roto pakeni. 35 Arafia avau pe avau kafano i taretu nautukua: avau mari nokaniani iei. 36 Torojiamai tioku roto ki iou avisau, koisotorojia ki tahmatasa i anea. 37 Furusiakea ioku foimata pe avau koisamojikia apenaganea ejikai tanohkano iei, fakatamotua avau i tiou aretu. 38 Fakarava tiou avisau ki tiou afiji nautukua ma fakau nomataku iatakoe. 39 Amkea iatavau tane na avau nohma nomataku iei; erufie mari iou apenaganea ma tagata. 40 Avau mari nitagisa iou avisau fakeiroa: fakatamotua avau iou apenaganea totonu. 41 Katoifomai ki atavau iou apenaganea arofa, e Ihova, tiou amauri mari, feipe i tiou avisau. 42 Avau kairoa iei pe kahkoria avisau o tatagata nofakahmana iatavau; iei te, avau nofakarogo i tiou avisau. 43 Koisauamkea oji tavi^au i tamari i tioku fafa; avau mari nihtari iou apenaganea kofagona tagata iei. 44 Avau kafakarogo i tiou avaga iei segapu iatau matau. 45 Avau kafehnanoa i tamarama; iei te, avau nansara iou avisau fakeiroa. 46 Avau kantukua foki iou avisau weimoa i afatoriki, kaie serohmama. 47 Avau kakaniani i avisau nautukua, erufie tioku roto iei. 48 Avau kajikijiake ru oku rima pe kafakarogo i avisau nautukua, avau nokaniani iei; avau kamanatunea i avisau naunage. 49 Mentua tiou afajivisau ki tiou afiji, iei te, akoe nautukua pe avau noajia. 50 Tane nei nopenpena tioku roto i tioku ahlika: tiou avisau nifakatamotua mari avau. 51 Fakau nokaulevi nofakahmana tapu iatavau: kaie avau setafurima iou avisau. 52 Avau nahmentua iou apenaganea naupena ituai, e Ihova, avau nifakatamotua tioku roto iei. 53 Kosorekage tioku akali i afakau nopenanesa, nohkoina tiou avaga. 54 Tiou avaga nipena ioku ahgoro i tanohnea avau tamavaka iei. 55 Avau nahmentua tiou eigoa, e Ihova, i apo, avau nifakarogo i tiou avaga. 56 Nikofeipera iatavau iei te, avau nifakarogo iou avisau fakeiroa. 57 Ihova tioku pito: avau nantukua pe avau kafakarogo iou avisau. 58 Avau nahnugia tiou arofa ma tioku aroto pakeni: sirarufiemai avau feipe i tiou afajivisau. 59 Avau nimanatunea iaku penaganea, avau nitafurimai ki tiou avaga. 60 Avau niweiwaha, sehtarima, pe kafakarogo iou avisau. 61 Tafou o fakau esa iarea penaganea nifakaforforia avau: kaie avau segaroma i tiou avaga. 62 Avau kamasike i tatuapo pe kafafetai iatakoe iou apenaganea totonu naupena. 63 Avau tasoa o fakau oji nomataku iatakoe, ma fakau nofakarogo iou avisau fakeiroa. 64 Efonu takere nei, e Ihova, i tiou arofa: fakeiroa avau iou avisau nautukua. 65 Akoe naupena penaganea rufie ki tiou afiji, e Ihova, feipe i tiou afajivisau. 66 Fakeiroa avau apenaganea rufie ma tafarigoina anea; avau mari nifakarogo i avisau nautukua. 67 Itanapugi sikihlikana avau, avau nisiri; kaie avau nofakarogo i tiou avisau inapuginei. 68 Akoe erufie, naupena penaganea rufie; fakeiroa avau i avisau naunage. 69 Fakau nokaulevi nitamaua tavisau erohkavei iatavau: avau kahmatakina iou avisau fakeiroa ma tioku rote pakeni. 70 Ehpeji iorea roto feipe agako; kaie avau nokaniani i tiou avaga. 71 Nirufie pe avau nihhka, iei te, pe avau kafarigoina avisau nautukua. 72 Tavaga nifakea i tiou afafa erufiekage maku; ane taruana kolt ma silver tamakisu. 73 lou arima nipena avau, nitamaua avau: tufa avau tarapakauga pe avau kafarigoina iou avaga. 74 Fakau nomataku iatakoe kasafea avau kakaniani, iei te, avau niajia tiou afajivisau. 75 Avau nofarigoina, e Ihova, pe etotonu apenaganea naupena, ma te foki pe akoe nifakahlika avau i apenaganea man. 76 Avau nokaniani pe karakomai ki atavau tiou arofa pe kapenpena tioku roto, feipe tiou afajivisau ki tiou afiji. 77 Katoifomai ki atavau tiou arofa rufie, pe avau kamauri: avau mari nokaniani i tiou avaga. 78 Kahma fakau nokaulevi; iei te, akirea norohkavei nipena penaganea masui iatavau: kaie avau kamanatunea iou avisau fakeiroa. 79 Katafurimai ki atavau fakau nomataku iatakoe, akirea kairoa iou avisau. 80 Karufie oji tioku roto iou avaga, pena avau kahma. 81 Kotamotosa tioku roto nohtari i tamauri iatakoe: kaie avau noajia tiou avisau. 82 Kotamoto ru oku foimata nohtari i tiou avisau, avau notukua pe, Akoe kaupenpena tioku roto afia? 83 Avau nikofeipe i tagajavai kirinea notau i tiousafi; kaie avau segaroma i avisau naunage. 84 Anapugi o tiou afiji efia? Akoe kauoria apenaganea o fakau nopena penaganea mahkei iatavau afia? 85 Fakau nokaulevi nikeria arua moku, akirea sementuama tiou avaga. 86 Nomari iou avaga oji: akirea nosauvaka iatavau, kaie ejikai tantafito; asitu iatavau akoe. 87 Akirea nitata ki tamkea oji avau i tafanua; kaie avau sehkoinama iou avisau fakeiroa. 88 Fakatamotua avau feipe i tiou arofa; avau kafakarogo i avisau i tiou afafa iei. 89 E Ihova, nonofo fakamahkeia tiou avisau i taragi iatau matau. 90 Tiou apenaganea mari nonofo ma atau tagata oji: akoe naunage fakamahkeia takere, nonofo fakamahkeia iei. 91 Nonofo inapuginei feipe i apenaganea naunage; anea oji mari iou afiji. 92 Pe avau sekanianima i tiou avaga, pe avau nimate i tioku ahhka. 93 Avau serogaroma iou avisau fakeiroa iatau matau; akoe mari nifakatamotua avau iei. 94 Avau ko niou, penamauri moku; avau mari nansara iou avisau fakeiroa. 95 Fakau nopena penaganea esa niajia avau pe kaiauiei avau; kaie avau kamanatunea iou avisau. 96 Avau nansafea tafakarava i anea rufie oji; kaie tiou avaga ejikai tanofakarava. 97 Avau mari nokaniani tapu i tiou avaga! avau nomanatunea iei i ao kopo. 98 Avau erapakau fakasore iou avaga, esisi tarapakauga i afakau esamai maku, akirea nonofo iatavau segapu; 99 Esore tarapakauga iatavau, esisi i afakau nofakeiroa avau; iei te, avau nomanatunea iou avisau. 100 Avau nofarigoina fakarufie anea, iei te, avau nofakarogo iou avisau fakeiroa, fakau ituai noiroa fakasisiana. 1 01 Avau nomatakina ru oku vae pe koisafano i aretu esa, pe avau kafakarogo i tiou avisau. 102 Avau setafurima iou apenaganea naupena ma tagata; iei te, akoe nifakeiroa avau. 103 Ekanorufie mari iou avisau, pe avau rotogofia, ekanorufie fakasisiana ahane i tioku fafa. 104 Avau nofarigoina anea iou avisau fakeiroa: avai> nohgeigai iei aretu erohkavei oji 105 Tiou avisau talamp ma ru oku vae, ma tarama ma tioku aretu. 106 Avau mari nantukua fakamahkeia pe avau kafakarava avisau, pe avau kahmentua iou apenaganea totonu ma tagata. 107 Avau nohlika fakasore: fakatamotua avau, e Ihova, feipe tiou afajivisau. 108 Amoa, avau konugia akoe, atufa nahmentua i tioku roto, nantukua i tioku fafa, e Ihova, fakeiroa avau iou apenaganea naupena. 109 Avau kotata ki tamate inapugi manapugi; kaie avau segaroma i tiou avaga. no Fakau esa iarea penaganea ninage sanea kasiba iei avau; kaie avau sehkoinama iou avisau fakeiroa. 111 Avau nahkamoa iou avisau pe kaniaku iatau matau; nokaniani tapu mari tioku roto iei. 112 Avau nifurusia tioku roto pe kafakarogo iou avisau naunage iatau matau, mei tanoji. 113 Avau nohgeigai i afakau erua arotorea; kaie avau nokaniani i tiou avaga. 114 Akoe tioku anohnea nohmuni iei, ma tioku karoa: avau noajia tiou fajivisau. 115 Rokea akaua iatavau saroro, fakau nopena penaganea sa, pe avau kafakarogo i avaga o tioku Atua. 116 Purujia avau feipe i tiou afajivisau, pe avau kamauri; koisahma avau i tane na avau noajia. 117 Purujia akoe avau, avau samauri, avau kafakarogo segapu i avisau naunage. 118 Akoe nifakaopea fakau oji nihkoina avisau naunage; tafeiva orea terohkavei ana. 119 Akoe nauamkea feipe tabenu fakau oji i takere nei esa iarea penaganea, avau nokaniani iou avisau iei. 120 Tioku noata noviriviri ma tamataku iatakoe; avau nomataku i apenaganea naupena ma tagata. 121 Avau nanpena periaganea totonu erufie ma tagata: koisanahkea avau ki afakau nopena penaganea mahkei iatavau. 122 Amoa ma tiou afiji, pe avau karufie: koisapena penaganea mahkei iatavau fakau nokaulevi. 123 Kotamoto ru oku foimata i tioku akaniani ma tiou amauri, ma tavisau i tiou apenaganea totonu. 124 Pena penaganea i tiou afiji feipe i tiou arofa, fakeiroa avau i avisau naunage. 125 Avau tiou afiji, tufa avau taroto nofarigoina anea, pe avau kafarigoina iou avisau. 126 Tanapugi pe Iliova kafijikau iei te; akirea mari noiauiei tiou avaga. 127 Avau nokaniani fakasore iei i tiou avaga, avau nokaniani fakasisiana i akolt, kolt rufie mari. 128 Avau nahmentua pe etotonu i anea oji iou avisau fakeiroa oji, avau nohgeigai i apenaganea erohkavei oji. 129 Iou avisau ane nomasaro iei: avau nomatakina ma tioku nohkano iei. 130 Tafakeiroa norameia tagata iei tiou avisau; nofarigoina anea iei fakau epuhpusi. 131 Avau nifakamama, nifiji tuku ate; iei te, avau nitagisa iou avaga. 132 Tafurimai akoe ki atavau, arafaina avau, feipe iou apenaganea ma fakau nokaniani i tiou eigoa. 133 Nage fakamahkeia oku tapugao i tiou avisau; koisatamotua sapenaganea faga iatavau. 134 Veteakea avau i apenaganea mahkei o tagata: avau kafakarogo iei iou avisau fakeiroa. 135 Kamarama tiou afoimata ki tiou afiji, fakeiroa avau iou avisau naunage. 136 Notafe ioku areimata feipe i avai-tafe, iei te, akirea sefakarogoma i tiou avaga. 137 Erufie mari akoe, e Ihova, etotonu iou penaganea ma tagata. 138 Akoe nautukua iou avisau ma penaganea totonu, ma tamari oji. 139 Avau komate i tioku kaniani iatakoe, iei te, fakau nopojina avau nigaro iou avisau. 140 Ema tapu tiou avisau; tiou afiji mari nokaniani iei. 141 Avau esisi, atagata nofakaopea avau: kaie avau segaroma iou avisau fakeiroa. 142 Iou apenaganea totonu apenaganea nonofo iatau matau, tiou avaga tane mari. 143 Tahlika ma tahmae sore nirikofia avau: kaie avau nokaniani i tiou avaga. 144 Etotonu iou avisau iatau matau: tukua akoe pe avau kairoa ane na, avau samauri, 145 Avau nantapa akoe ma tioku roto pakeni; oria iaku visau, e Ihova: avau kafakarogo i avisau naunage. 146 Avau nantapa ki atakoe: penamauri moku, avau safakarogo iou avisau. 147 Sikiaoana avau nihmai nantapa akoe: avau nahkajia iou avisau. 148 Avau sehtarima i apito apo, pe kamanatunea i tiou avisau. 149 Fakarogona tioku areo feipe i tiou arofa: fakatamotua avau, e Ihova, feipe i iou avisau. 150 Kotatamai fakau nopena penaganea esa; akirea ipapaikea i tiou avaga. 151 Akoe etatamai, e Ihova; nomari avisau oji nautukua. 152 Avau nankiroa ituai iou avisau, pe akoe naunage pe kahnofo iatau matau. 153 Mojikia tioku ahlika, penamauri moku; iei te, avau segaroma i tiou avaga. 154 Amoa akoe maku, veteakea avau: fakatamotua avau feipe i tiou avisau. 155 Ipapai tamauri i afakau nopena penaganea esa: akirea mari sesarama iou avisau naunage. 156 Esore mari iou apenaganea arofa, e Ihova: fakatamotua avau feipe iou avisau. 157 Enalupai fakau nosau-vaka iatavau, esamai maku; kaie avau sehkoinama iou avisau. 158 Avau nansafea fakau noreresia tagata, avau nifakainina iei, iei te, akirea sefakarogoma i tiou avisau. 159 Mojikia pe avau nokaniani tapu iou avisau fakeiroa: fakatamotua avau, e Ihova, feipe i tiou arofa. 160 Tanohkano i tiou avisau tamari; iou apenaganea oji totonu nohnofo iatau matau. 161 Afatoriki nosau-vaka iatavau, ejikai tantafito; kaie tioku roto nomataku iou avisau. 162 Avau nokaniani i tiou avisau, feipe tasi neisafea auta nalupai. 163 Avau nohgeigai, nosasahlua i terohkavei; kaie avau nokaniani i tiou avaga. 164 Avau nohgana iatakoe fakafitu i anapugi oji jikitasi, iou apenaganea totonu ma tagata. 165 Esore mari tamarino ma fakau nokaniani i tiou avaga; jikai sanea kasiba iei i akirea. 166 Avau niajia tiou amauri, e Ihova, avau nifakarogo i avisau nautukua. 167 Tioku nohkano nomatakina iou avisau; avau nokaniani tapu iei. 168 Avau nofakarogo iou avisau fakeiroa ma tiou avaga; iaku penaganea oji no weimoa iatakoe. 169 Karako etata ki atakoe tioku tapa, e Ihova: situ iatavau pe avau kafarigoina anea feipe i tiou avisau. 170 Karako iaku visau nonugia anea weimoa iatakoe: vetea avau feipe i tiou avisau. 171 Tuku ragutu katukua avisau nohgana iatakoe; akoe mari nofakeiroa avau i avisau naunage. 172 Tuku rero katukua tiou avisau; iei te, etotonu iou avisau oji nautukua. 173 Katatamai tiou arima pe kasitu iatavau; avau mari nahkamoa maku iou avisau fakeiroa. 174 Avau nitagisa i tiou amauri, e Ihova; avau nokanianisa i tiou avaga. 175 Kamauri tioku nohkano, pe avau kahgana iatakoe; iou apenaganea totonu kasitu iatavau. 176 Avau nisiri feipe i sajip nijikai; sara tiou afiji, iei te, avau segaroma i avisau nautukua.
Tahgoro nofeiakea i aretu nohfiji. 1 Avau nantapa kia Ihova i tioku ahlika, eia nifakarogo iatavau. 2 Vetea tioku nohkano, e Ihova, i aragutu erohkavei, ma tareo noresia tagata. 3 Katufa akoe taha, kapena pekua foki akoe tarero erohkavei nei? 4 Agasau emtakei o tatagata etamotua, ma amarara afi. 5 Jinisa ko vau, pe avau nonofo ma fakai Mejek, nonofo foki etata ki afare namnanoa i Kitar! 6 Tioku nohkano ninofo nihtuai ma atagata nohgeigai i tamarino. 7 Avau notomia tamarino: kaie pe avau rovisau akirea nokaniani i tatowa.
Tahgoro i aretu nohfiji. 1 Avau kasirakake ki aora mo likai? kafakei i tane na nositu iatavau? 2 Nofakei ia Ihova mari tane na nositu iatavau, eia neipena taragi ma takere. 3 Seromaruma iateia pe kasiba tovae: serofeimoiroama eia noim.atakina akoe. 4 Serofeimoiroama, seromoiroama eia noimatakina fakai Isreel. 5 Ihova noimatakina akoe: Ihova nofakamarumaru akoe wei tiou arima matau, 6 Tara serojigiama akoe i ao, mo tamrama i apo. 7 Ihova keimatakina akoe i asa oji; eia keimatakina tiou anohkano. 8 Ihova keimatakina tiou afano ma tiou ahmai, inapuginei m.a iatau matau.
Tahgoro i aretu nohfiji. 1 Avau nikaniani paketukuamai akirea ki atavau pe, Akitea kahfiji ki tafare o Ihova. 2 Avae omea nohtu i afeipa i abax ou, e Jeruselemi. 3 Jerusalem tasiti nitaoa fakarufie, fakamahkeia: 4 Atagata i apito vaka o fakai Isreel, avaka tagata mari o Ihova, nohfiji ki iei, feipe tavisau nitukua ki afakai Isreel, pe kafafetai i teigoa Ihova. 5 Ninage mari iei atorona nosara apenaganea o tagata iei, atorona mari o Tevit ma iona agafatumupuna. 6 'Hmori akaua, nonugia Ihova pe kanofo tamarino i Jeruselem: kanofo marino fakau nokaniani iatakoe. 7 Kanofo tamarino weitakoro i abae ou, manea rune i afare o iou afatoriki. 8 Avau kantukua ma oku soa, ma ioku nieli pe, Kanofo tamarino iatakoe. 9 Kantukua foki i tafare o Ihova Teatua otea pe, Avau kafijikau ma tiou arufie,
Tahgoro i aretu nohfiji. 1 Avau nosirakake ki atakoe, e Ihova, akoe noeke i taragi. 2 Afoimata o afiji nomojikia tarima o afatoriki orea, ma afoimata o tafiji-fine nosira ki tarima o tiona fine-riki; feipera mari afoimatotea nomojikia Ihova Teatua otea, pe eia kasirarufiemai kitea. 3 Sirarufiemai kimea, e Ihova, sirarufiemai kimea: akimea nikobaresia i tafakaope. 4 Arotomea nofakainina tapu i tafakahmana o fakau nohnofo ana, ma avisau fakaope o fakau ekaulevi.
Sam o Tevit i aretu nohfiji
1 Erufie pe fakai Isreel katukua, Pe Ihova seamoa matea; 2 Pe Ihova seamoa matea itanapugka atagata nimasike i akitea: 3 Pe akirea niforomia mauria kitea itanapugira nisore takah orea i akitea: 4 Pe niburaua kitea tavai, pe tavai-tafe niapojia kitea. 5 Pe tavai etamotua niburaua anohkanotea. 6 Erufie tapu Ihova, eia setukweinama kitea ma takai ki anifo orea. 7 Akitea nikofura, feipe i samanu i tasi-manu o fakau nosara manu: nikomotu tasi-manu, akitea nikofura. 8 Teigoa Ihova nositu i akitea, eia neipena taragi ma takere.
Tahgoro i aretu nohfiji. 1 Fakau nofakarogo ia Ihova kofeipe i taora Saion, etaru i taruruia, kaie nonofo iatau matau. 2 Aora nofori i Jeruselem, feipera Ihova nofakaforforia iana tagata, inapuginei ma iatau matau. 3 Tafoirakau i apenaganea esa serotamotuama i afakau etotonu iarea penaganea, pena fakau etotonu apenaganea area kafariakia arima orea ki apenaganea faga. 4 E Ihova, pena penaganea rulie ma fakau erufie iarea penaganea,, ma fakau nomari arorotea. 5 Kaie Ihova mari keiarafia fakau norokea nomuri i apenaganea faga area fatasiana ma fakau nopena penaganea faga. Kanofo tamarino i afakai Isreel.
Tahgoro i aretu nohfiji. 1 Itanapugira Ihova neifafekina fakau niafemai ki Saion akitea nifeipe fakau nihmiji. 2 Nifonu afafa otea i tahkata, ma arero otea i ahgoro: fakai i avaka tagata nitukua pe, Ihova mari neipena afijikauga sore marea. 3 Ihova mari neipena afijikauga sore matea; akitea nokaniani iei. 4 Fafekina kimea, e Ihova, afemai i tahnofo omea i teke afanua, feipe avai-tafe nimasa. 5 Fakau nopapura anea ma tahtagi kafatakina afuanea ma takaniani. 6 Pe akirea karokea i taretu orea nohtagi, noamoa aumaga, akirea mari kafemai ma takaniani, nosorea afuanea orea.
Tahgoro o Solomon i aretu nohfiji. 1 Pe Ihova sereitaoama tafare, serofuama tafijikauga o fakau noto-fare: pe Ihova serohleoma i tasiti tatagata nomatakina noara taruana. 2 Serofuama maua tahviri aua i apohpo ana, ma tahnofo nohtuai sarornoe, ma takaina anea kai i afijikauga sore: eia neitukua pe kahmoiroa iana agatama rufie. 3 Agatama atea tatufa mari o Ihova: tanomata neitufa ma fafine agatama area mari. 4 Akirea feipe agasau i tarima o tatagata etamotua, kofeipera agatama niarnoa koifou ana fakau sore orea. 5 Erufie tapu tatagata efonu tiona fauga-gasau i akirea: akirea serohmama pe akirea rovisau ma fakau esage marea i marae.
Tahgoro i aretu nohfiji. 1 Erufie tapu atagata oji nomataku ia Ihova, nororo i iona retu. 2 Akoe kaukaina afuanea i tafijikauga i ru ou arima: akoe karufie tapu, karufie foki tiou anofo. 3 Tiou afine kofeipe tavain nofua fakarufie i atafa i tiou afare: iou agatama kafeipe arakau oliv, nofori i tiou atebel. 4 Karufie mari feipera tatagata nomataku ia Ihova. 5 Ihova keiageia akoe i tarufie nofakea i Saion: akoe kasafea tarufie o Jerusalem i anapugi oji i tiou amauri. 6 Akoe mari kasafea agatama o iou agatama. Kanofo tamarino i afakai Isreel.
Tahgoro i aretu nohfiji. 1 Akirea nifakahlika fakanalupai kimea i arikriki omea mei iranei, erufie pe fakai Isreel katukua pe, 2 Akirea nifakahlika fakanalupai kimea i arikriki omea mei iranei: kaie akirea setamotuama i akimea. 3 Fakau nivere nivere i abua omea; nihpalo apakora nipena ekirea. 4 Etotonu apenaganea o Ihova: eia nitumusia tafou o fakau esa iarea penaganea. 5 Kahma, kafe kimuri fakau oji nohgeigai i Saion: 6 Akirea kafeipe agafari i taposfare, komaro mana kaie sikisoreana: 7 Tatagata noserea sefakafonuama tano rima iei, tatagata nofausia fauga seamoama i tano fafata. 8 Fakau nomeiroro setukuama pe, Ihova karafaina kaua: Akimea noarafaina kaua i teigoa Ihova.
Tahgoro i aretu nohfiji. 1 Avau nantapa ki atakoe i anohnea elehposu, e Ihova. 2 E Teriki fakarogona tioku reo: faoifo tiou tariga ki tareo iaku visau nonugia anea. 3 Pe akoe, e Ihova, kamojikia apenaganea efaga o tagata, e Teriki, akai katu weimoa iatakoe? 4 Kaie akoe nauamkea apenaganesa, pe atagata kamataku iatakoe. 5 Avau nohtari ia Ihova, tioku nohkano nohtari; avau noajia tiana visau. 6 Tioku nohkano noajia tapu Teriki, atagata noajia kaao noajia fakasisiana: atagata noajia kaao noajia fakasisiana mari. 7 E fakai Isreel, fakarogo ia Ihova akaua; no ia Ihova tiarofa, eia nopenamauri fakasore mo tagata. 8 Eia keiamkea fakai Isreel iarea penaganea faga oji.
Tahgoro i aretu nohfiji. 1 E Ihova, sekaulevima tioku roto, sehkonama ru oku foimata; avau semanatunea anea sore, manea etaru iatavau i tafarigoina. 2 Avau mari nitomia tamarino i tioku nohkano; feipe tatama nifakea tau nomoikage ia jinana, tioku nohkano kofeipe i tatama nifakia tau. 3 Erufie pe akaua, fakai Isreel kafakarogo ia Ihova, inapuginei ma iatau matau.
Tahgoro i aretu nohfiji. 1 E Ihova, mentua akoe Tevit i anea oji nohlika iei eia; 2 Pe eia nihnapu kia Ihova, neifajivisau ki Teatua etamotua o Jekob: 3 Neitupe, Avau mari serofanoma ki tioku afare, mo kohkava i tioku potu; 4 Seromoiroama ru oku foimata, serofoimoiroama akiri ru oku foimata, 5 Mei tanapugira kansafea tanohnea ma Ihova, tanohnea kanofo iei Teatua Etamotua o Jekob. 6 Akitea norogona avisau iei i Efrata: akimea nisafea i tapito fanua i agamotu. 7 Akitea karoro ki iona nohnea nonofo iei; akitea kafao i tane noeke iei ru ona vae. 8 Masike, e Ihova, mai ki tiou anohnea nogapu iei; akoe ma tavaka i tiou tamotua. 9 Iou atagata notaumafa katakai i apenaganea totonu; iou atagata rufie kahgoro ma takaniani. 10 Koisasira afoimata o tatagata naunage ki teke anolmea, tiou afiji Tevit mari. 11 Ihova nihnapu kia Tevit ma tamari; eia seroafema iei; Avau kahnage i tiou atorona iou agatama, ma afatumupu. 12 Pe iou agatama kafakarogo i tiaku fajivisau ma iaku visau kakfakeiroa ki akirea, agatama area ma agafatumupunorea kaeke i tiou torona iatau matau. 13 Ihova mari neinage Saion mana; eia nokaniani iei ma tanohnea kanofo iei eia. 14 Tioku anohnea nogapu iei iatau matau eia te 1 Avau kanofo iku; avau mari nikaniani iei. 15 Avau kaageia fakasore iana kai: avau kantufa fakau ejikai iarea anea iei pe kamauri i akai. 16 Avau kantakaia atagata notaumafa iei i tamauri: atagata rufie iei kahgoro iluga ma takaniani. 17 Avau kahnage kasore tatamotua o Tevit: avau nahnage tarama ma tiaku tagata nahnage. 18 Avau katakaia fakau esage mana i tahma: kaie katamotua tiona ariki.
Tahgoro o Tevit i aretu nohfiji. 1 Sirage, tane rufie tapu pe agafeisoa kahnofo ma iorea roto egatahtasi. 2 Kofeipe i tavai ehkara rufiesa i auru o tagata, nitafeifo weiraro i afuru-kumkumi, afuru-kumkumi o Eron mari, nitafe weiraro ki tatafa ano moiga. 3 Feipe tagau i taora Hermon notoifo i aora i Saion: Ihova neitukua pe katoifo iana visau noageia kirea iei tamauri iatau matau mari.
Tahgoro i aretu nohfiji. 1 Sirage, kahgana ia Ihova, akaua afiji o Ihova nohtu i tafare o Ihova i apo. 2 Jikijiake arima aua i tanohnea tapu, kahgana akaua ia Ihova. 3 Ihova keiarafaina akaua i Saion; eia mari neipena taragi ma takere.
1 Kahgana akaua ia Ihova. Kahgana akaua i teigoa Ihova; kahgana iateia, akaua, afiji o Ihova. 2 Akaua nohtu i tafare o Ihova, i aratokoro i tafare o Teatua otea. 3 Kahgana akaua ia Ihova; erufie mari Ihova: feiakea ahgoro ki tiona eigoa; erufie mari pera. 4 Ihova neiamxoa agafatumupuna o Jekob mana, ma fakai Isreel ma iana auta rufiesa. 5 Avau mari noiroa pe esore Ihova, pe Teriki otea no weiluga i atua oji. 6 Ihova neipena anea oji tiona finagaro pe kapena, i taragi, ma i takere, ma tatai, ma nohnea elehposu oji. 7 Eia neikauna pe kafenake takofu i anoji i takere; eia neipena taptapeia ma taua; eia neiamkea kitafa tamtagi iona nohnea nonage anea iei. 8 Eia neitaia agatama aurumatua i tafanua Ijipt, i atagata manemauri. 9 Eia neipena afarigoi manea nomasaro iei weimoa iatakoe, e Ijipt, ia Fero, ma iana fiji oji. 10 Eia neitaia fakai i afanua nalupai, neitaia kahmate afatoriki etamotua; 11 Pe Saihon, teriki i afakai Emor, ma Ok, teriki i Bejan, ma avaka tagata i Kenan: 12 Eia neitufa tafanua orea pe kaniorea, pe kanio fakai Isreel iana tagata. 13 Tiou eigoa, e Ihova, nonofo iatau matau; ma tane nomentua iei akoe, e Ihova, i atau tagata oji. 14 Ihova mari keioria fakatotonua apenaganea iana tagata, kaafe tiona finagaro iana tagata. 15 Atua o fakai i eke afanua silver ma kolt, tafijikauga i arima o tagata. 16 Noiei afafa orea, kaie akirea sevisauma; noiei afoimatorea, kaie akirea sesafeama anea; 17 Noiei atariga orea, kaie akirea serogonama anea; ejikai foki tamapusaki i afafa orea. 18 Fakau nipena kofeipe iei akirea, feipera foki fakau oji nofakarogo i akirea. 19 Fakai Isreel oji, kahgana akaua ia Ihova: agafatumupuna o Eron, kahgana akaua ia Ihova: 20 Agafatumupuna o Livai, kahgana akaua ia Ihova; akaua, fakau nomataku ia Ihova, kahgana akaua ia Ihova. 21 Kahgana ia Ihova, fakai i Saion, eia nonofo i Jeruselem. Kahgana akaua ia Ihova.
1 Arafaina akaua Ihova; erufie mari eia; tiona arofa nonofo iatau matau. 2 Arafaina akaua Teatua no weiluga i atua oji: tiona arofa nonofo iatau matau. 3 Arafaina akaua Teriki i afatoriki: tiona arofa nonofo iatau matau. 4 Eia sahkoea nopena penaganea sore nomasaro iei: tiona arofa nonofo iatau matau. 5 Eia neipena taragi i tiona rapakauga: tiona arofa nonofo iatau matau. 6 Eia neifoforosia takere weiluga i tatai: tiona arofa nonofo iatau matau. 7 Eia neipena amarama sore: tiona arofa nonofo iatau matau: 8 Tara pe kariki i teao: tiona arofa nonofo iatau matau: 9 Ma tamrama ma afetu pe kariki i tapo: tiona arofa nonofo iatau matau. 10 Eia neitaia agatama aurumatua o fakai Ijipt: tiona arofa nonofo iatau matau. 11 Eia neiarafiakea fakai Isreel i akirea: tiona arofa nonofo iatau matau: 12 I tano rima etamotua, ma tano rima neifariakea: tiona arofa nonofo iatau matau. 13 Eia neivaea Tatai Ehmea nihmotu: tiona arofa nonofo iatau matau: 14 Eia neiarafia fakai Isreel pe karoro i tano roto: tiona arofa nonofo iatau matau: 15 Kaie neitatifo Fero ma iana amotu tagata i Tatai Ehmea: tiona arofa nonofo iatau matau. 16 Eia neiarafia iana tagata iroto tanohva: tiona arofa nonofo iatau matau. 17 Eia neitaia afatoriki sore: tiona arofa nonofo iatau matau: 18 Neitaia afatoriki tamotua: tiona arofa nonofo iatau matau: 19 Neitia Saihon teriki o fakai Emor: tiona arofa nonofo iatau matau: 20 Ma Ok teriki i tafanua Bejan: tiona arofa nonofo iatau matau: 21 Eia neitufa tafanua orea pe kaniorea: tiona arofa nonofo iatau matau: 22 Pe kapena i tafanua mo fakai Isreel iana fiji: tiona arofa nonofo iatau matau. 23 Eia neimentua kitea i tahnofo iraro otea: tiona arofa nonofo iatau matau: 24 Eia neiveteakea kitea i afakau esamai matea: tiona arofa nonofo iatau matau. 25 Eia neitufa anea kai manea emauri oji: tiona arofa nonofo iatau matau. 26 Arafaina akaua Teatua itaragi: tiona arofa nonofo iatau matau.
1 Akimea nihpuku iraro wei avai-tafe i Babilon: akimea mari nihtagi pakenientua Saion. 2 Akimea nitauria aharp omea weiluga i arakau i roto tafanua. 3 Fakau niamoa kimea ki ei ninugia kimea pe kafeiakea ahgoro marea; fakau niauiei kimea nikauna kimea pe kakaniani, nitupe, Feiakea mamea sahgoro i Saion. 4 Akimea kafeiakea pekua tahgoro o Ihova i tafanua o eke atagata? 5 Pe avau kogaro iatakoe, e Jeruselem, erufie pe tioku arima matau kogaro i tiona rapakauga. 6 Pe avau seromentuama akoe; erufie pe kahpiri tuku rero ki tuku kiri fafa pe avau serokanianima fakasore i Jeruselem, esisi tioku akaniani i eke anohnea oji. 7 Mentua akoe, e Ihova, apenaganea o fakai Itom i tanapugi akirea niauiei Jeruselem; akirea nitukua pe, Amkea, amkea fatasiana ma ano vae. 8 Agatama o fakai i Babelon, kaiauiei mari kaua; karufie tatagata keioria kaua feipe i apenaganea akaua nipena i akimea. 9 Karufie tapu tatagata keitotomia agatama rikriki aua, keijirieifo i afatau.
1 Avau karafaina akoe ma tioku roto pakeni: avau kafeiakea ahgoro iatakoe weimoa i atua. 2 Avau kafaoifo nosira ki tiou afare tapu notaumafa iei, avau karafaina tiou eigoa, i tiou arofa ma tiou amari: akoe mari naujikijiake tiou afajivisau pe kaeke weiluga i tiou eigoa. 3 I tanapugi avau nantapa akoe, akoe nifakarogo iatavau, akoe nifakatamotua tioku nohkano. 4 Afatoriki oji i takere nei karafaina akoe, e Ihova akirea mari nirogona avisau i tiou afafa. 5 Akirea mari kahgoro i apenaganea o Ihova; iei te, esore tarufie o Ihova. 6 Ihova no weiluga kaie eia neimojikieifo fakau emaru rotorea: kaie eia noiroa ipapai fakau nokaulevi: 7 Pe avau rofano iroto tahhka, akoe kafakatamotua avau; akoe kafariakea tiou arima pe kapojina takali o fakau esamai maku, tiou arima matau kapenamauri moku. 8 Ihova keifakarava anea maku: tiou arofa, e Ihova, nonofo iatau matau; koisohkoina afijikauga iou arima.
Ki Tesore i afakau nohgoro. Sam o Tevit 1 E Ihova, akoe naujirojiroa avau, nauiroa avau. 2 Akoe nauiroa tioku apuku ma tioku amasike, akoe nofarigoina iaku amanatuga ipapaikea. 3 Akoe nosireia tioku afano ma tioku amoe, akoe nauiroa iaku penaganea oji. 4 Akoe, e Ihova, nauiroa fakarufie avisau oji i tuku rero. 5 Akoe nofori iatavau weimuri ma weimoa, nauvahkejia tiou arima iatavau. 6 Avau etamoto i tafarigoina tarapakauga tenei; no weilugaroa, avau etamoto i tasahkage ki ei. 7 Avau kafano ki pe kahmuni i tiou Anohkano? avau katere wafe i tiou afoimata? 8 Pe avau kafiji ki taragi, akoe noiei: pe avau kahpena tioku apotu i tafanua sa, akoe mari noiei. 9 Pe avau karere weiwaha feipe i tatafe teata, kanofo i anoji i tatai; 10 Tiou arima karafia avau iei, tiou arima matau kapurujia avau. 11 Pe avau kantukua pe, Tapauri kapojia avau, tamarama nofori iatavau kapauri. 12 Kaie tapauri sefunama kimea iatakoe, kaie komarama i tapo feipe i teao: tapauri ma tamarama egatahtasi ki atakoe. 13 Niou mari tioku roto: nauapojia avau i tajinai o momoa. 14 Avau kahgana iatakoe; nipena avau mari tane nomataku iei, ma tane nomasaro iei: ane nomasaro iei iou afijikauga; tioku nohkano nofarigoina fakarufie penei. 15 Sehmunima tioku noata iatakoe, itanapugira nipena avau i tanohnea ehmuni, nirakeia avau i anohnea ehmuni i takere nei. 16 Tiou afoimata nisafea tioku noata, itanapugira koipenana, niserea i tiou abuk ioku napugi oji, anapugi mari ninage, kaie sikinofoana tasi. 17 Erufiekage iou amanatuga ki atavau, e Teatua! enalupaikage mari! 18 Pe avau kantaua, kaie enalupai tapu, eruana aone: pe avau roviri, avau nonofo iatakoe. 19 Akoe mari kataia fakau esa iarea penaganea, e Teatua: rokea akaua iatavau iei, takau nohta-tagata. 20 Akirea notukua avisau sa iatakoe, fakau esakatu mou notukua fakamasuia tiou eigoa. 21 E Ihova, avau mari nohgeigai i afakau nohgeigai iatakoe: avau nofakainina foki i afakau esakatu mou. 22 Avau nohgeigai fakasore i akirea: avau notukua pe akirea fakau esamai maku. 23 Jirojiroa avau, e Teatua, farigoina tioku roto: jirojiroa avau, farigoina iaku amanatuga: 24 Akoe sausafea pe sapenaganea esa iatavau mo jikai, akoe kauarafia avau i taretu i tamauri iatau matau.
Ki Tesore i afakau nohgoro. Sam o Tevit 1 Veteakea avau, e Ihova, i atagata esa iarea penaganea; matakina avau i atagata evahkoko: 2 Akirea nomanatunea apenanesa iorea roto; akirea nofatakina segapu i tatowa. 3 Akirea nitara arero orea kafeipe i sa gata; tavai ehkona i tagaroa noi aragutu orea. 4 Matakina avau, e Ihova, i arima o fakau esa; penamauri moku i atagata evahkoko: akirea nitamaua pe katukiakea avau i tioku aretu. 5 Fakau nokaulevi nifuna tane kafakanaua avau, ma tafou; akirea nofoforosia takaupega i tatafa taretu; akirea ninage anea pe kasia avau iei. 6 Avau nantukage kia Ihova pe, Tioku Atua akoe: fakarogona tareo i anea avau nonugia iatakoe, e Ihova. 7 E Teriki ko Teatua, tatamotua i tioku amauri, akoe nauapojia tuku uru i tanapugi i tatowa. 8 Koisautufa, e Ihova, ane na nokaniani iei atagata esa iarea penaganea; koisasitu iarea tamauga, pena akirea kakaulevi. 9 Kaie kafeifakua tesore i afakau nofakaforforia avau, kapojia kirea asa i aragutu orea. 10 Katakakea i akirea ahkoro aft naura: kahtatifo kirea i tiafi, ma arua elehposu, pe akirea seromasikema foki. 11 Serohnofo fakamahkeia i takere nei tatagata notukua avisau sa: tasa katagia tatagata evahkoko pe kafurusiakea eia. 12 Avau noiroa pe Ihova keiamoa ma fakau nohhka, katotonu iana penaganea ma fakau ejikai iarea anea. 13 Kaie tatagata etotonu iana penaganea kafafetai i tiou eigoa: fakau nomari iorea roto kahnofo weimoa iatakoe.
Sam o Tevit 1 E Ihova, avau nantapa akoe; mai weiwaha ki atavau: fakarogona tioku areo, pe avau rotapa akoe. 2 Penpena tioku ahmori weimoa iatakoe feipe anea ehkara, tajikijiake ru oku rima ki atakoe kafeipe i tataumafa i tefiafi. 3 E Ihova, nage tane nohleo i tioku fafa; matakina tavehtoka i tuku ragutu. 4 Koisamoekage tioku roto ki sapenaganea esa, pe kamatanoa i apenaganea esa fatasiana ma fakau nopena penaganea faga: koisakai avau i anea kai ekanorufie area, 5 Pe tatagata etotonu iana penaganea keitia avau, tiarofa ana tena; pe reitukua sajina avau, kafeipe i tavairakau rufie i tuku uru; serofakatafuruma iei tuku uru: pe akirea romahmafi i apenanesa area, kaie avau kamahmafi i tioku ahmori, 6 Pe rotatifo fakau sore orea i atafa foropaki akirea karogona iaku visau pe ekanorufie mari. 7 Nifalelekia eivi omea i tatafa tanasivari, feipe tasi nokeria noverea takere. 8 Ru oku foimata nosirakatu ki atakoe, e Teatua ko Teriki: avau nofakarogo iatakoe; koisohkoina avau pe kamate. 9 Matakina avai i anea nofakanaua tagata iei, akirea ninage moku, ma akaupega fakau nopena penaganea faga ninage moku. 10 Kahtakakea fakau nopenanesa i akaupega orea, kaie avau katere.
Tavisau fakeiroa o Tevit. Tahmori itanapugira eia no i tapunaga. 1 Avau nantapa kia Ihova i tioku areo, avau nahnugia anea ia Ihova i tioku areo. 2 Avau nantukua tioku afakainina weimoa iateia; avau nakfakaria ki ateia tioku ahlika. 3 Pake tamotosa tioku roto, akoe nauiroa tioku aretu. Akirea ninage tane kafakanaua avau iei moku i taretu avau nofano iei. 4 Avau nisira wei tuku rima matau, pe kasireia, kaie jikai satagata noiroa avau: sesituma iatavau tasi; searafainama tioku nohkano satagata. 5 Avau nantapa ki atakoe, e Ihova; avau nantupe, Akoe tioku nohnea nohmuni iei, tioku apito i tafanua o fakau mauri. 6 Fakarogo i tioku tapa; nikotamoto tapu avau: amkea avau i afakau nopena penaganea mahkei iatavau; akirea mari etamotua iatavau. 7 Amkea tioku nohkano i tafare mahkei, pe avau kafafetai i tiou eigoa; fakau etotonu iarea penaganea kafori iatavau pe akoe ropena penaganea arofa ki atavau.
Sam o Tevit 1 Fakarogona tioku ahmori, e Ihova: faoifo tiou tariga | ki anea avau nonugia iatakoe: fakarogo iatavau i tiou | apenaganea mari, ma penaganea totonu. 2 Koisausara apenaganea o tiou afiji; setotonuma apenaganea o satagata mauri weimoa iatakoe. 3 Tatagata esamai maku mari nisau-vaka i tioku nohkano; eia neikumieifo avau ki takere: eia neipena avau pe kanofo i anohnea pauri, feipe fakau nihmate ituaisu. 4 Nikohhka tioku nohkano iei; sefakatamotuama tioku roto tasi. 5 Avau nahmentua anapugi ituai; avau nornanatunea iou apenaganea oji: avau nornanatunea afijikauga iou arima. 6 Avau nofariakea ru oku rima ki atakoe: tioku nohka- . no notagisa mau, kofeipe i tafanua ejikai tavai iei. 7 Weiwaha pe kafakarogo iatavau, e Ihova; tioku nohkano kotamoto: koisofuna tiou afoimata iatavau, pena avau kafeipe i afakau nohtoifo ki tarua. 8 Asitu iatavau pe karogona tavisau i tiou arofa i tabohpo; avau mari nofakarogo iatakoe: fakariamai ki atavau taretu avau kafano iei; tioku roto mari nofenake ki atakoe. 9 Veteakea avau, e Ihova, i afakau esamai maku: avau notere ki atakoe pe akoe kafuna avau. 10 Fakeiroa avau pe kahpena tane na akoe nokaniani iei; akoe mari tioku Atua: arafia avau i tiou anohkano rufie i taretu etakohkoto. 11 Fakatamotua avau, e Ihova, i tiou eigoa: amkea tioku nohkano i tahlika, i tiou apenaganea totonu. 12 Amkea fakau esamai maku i tiou arofa, kaiauiei fakau oji nofakahlika tioku nohkano: avau mari tiou afiji.
Sam o Tevit 1 Erufie tapu Ihova, tioku fatuhtu, eia nofakeiroa ru oku rima i tatowa, ma ioku pajo rima pe kahtoa: 2 Tioku arofa eia, ma tioku afare tamotua, tioku afare ehgaro, ma tatagata nopenamauri moku; tioku akaroa eia, avau nofakarogo iateia; eia neikumieifo iaku atagata maku. 3 E Ihova, atagata aha, pe akoe noiroa kirea? ma tatariki o tagata pe akoe nomentua eia? 4 Akirea feipe ane taruana: anapugi orea feipe atonea nojikai. 5 Nageifo tiou tariga, e Ihova, toifomai: tofia aora, safakia tiousafi iei. 6 Jiriakea taptapeia, falelekia; fania iou agasau, fakatamotoa kirea. 7 Fariamai kiraro tiou arima; penamauri moku, amkea avau i avai sore, vetea avau i arima o fakai i eke afanua; 8 Afafa orea notukua terohkavei, arima matau orea arima nopena penaganea erohkavei. 9 Avau kafeiakea tahgoro fou ki atakoe, e Teatua; avau kahgana iatakoe notia ta salteri, ano vava taragafuru. 10 Eia mari nopenamauri mo afatoriki: eia neiamkea Tevit tiana fiji i tamajira noiauiei tagata. 11 Vetea avau, amkea avau i arima o fakai i eke afanua, afafa orea notukua terohkavei, arima matau orea arima mari nopena penaganea erohkavei: 12 Pe agatama-takau amea kafeipe i agarakau nisore i agatamtane orea; agatamafafine amea kafeipe afatu i taturi-fare, nisaua feipe i tapenaganea i tafare tapu; 13 Pe afare omea nage-kai iei efonu, anea kai ekeke iei; ajip amea nofanou atausant enaiupai i apito fanua oniea; 14 Pe abulimatau-takau amea katamotua i tafijikau, serosama sanea, serojikaima sanea, jikai tahtagi i aretu omea. 15 Erufie tapu atagata kofeipera: erufie tapu mari atagata Teatua orea ko Ihova.
Taligoro o Tevit nohgana i Teatua. 1 Avau kahgana iatakbe, e Teriki ko tioku Atua; avau kahgana i tiou eigoa iatau matau. 2 Avau karafaina akoe i anapugi oji; avau kahgana i tiou eigoa iatau matau. 3 Esore mari Ihova, ehtau pe kahgana fakasore iateia; etaru i tasara tiona sore. 4 Tatau tagata tasi kahgana iou alijikauga ki teke atau tagata, notukua iou afijikauga etamotua. 5 Avau kamanatunea i tasore o tiou ariki rufiesa, ma iou afijikauga nomasaro iei. 6 Atagata kavisaua tatamotua iou afijikauga nohhka iei; avau foki kantukua iou afijikauga sore. 7 Akirea kamentua katukua tiou arofa sore, kahgoro iou apenaganea totonu. 8 Ihova nosirarufiemai tagata, noarofa fakasore; eia seweiwaha i takah, esore tiona arofa. 9 Ihova noarafaina tagata oji; nonofo tiona arofa rufie lana fijikauga oji. 10 Iou afijikauga oji nohgana iatakoe, e Ihova; iou atagata rufie notukua avisau rufie iatakoe. 11 Akirea kavisaua tarufie i tiou avaka, katavanaga i tiou tamotua; 12 Pe katukua iana fijikauga tamotua ki atagata, ma tarufie i teariki i tiona vaka. 13 Tiou avaka tagata nonofo iatau matau, ma tiou ariki nonofo i atau tagata oji. 14 Ihova nopmujia fakau oji nohtakakea, noijikijia fakau oji nikokumieifo. 15 Afoimata o anea oji noajia akoe; akoe nautufa kirea iarea anea kai i anapugi orea. 16 Akoe noafogiakea tiou arima, samauri rufie anea oji emauri. 17 Ihova etotonu iana penaganea oji, earofa iana fijikauga oji. 18 Ihova etatamai ki atagata oji nohtapa eia, atagata oji mari nohtapa eia ma tamari. 19 Eia kafakarava takaniani o fakau nomataku iateia; eia keirogona tahtapa orea, keipenamauri morea. 20 Ihova noimatakina atagata oji nokaniani iateia, kaie keiauiei atagata oji esa iarea penaganea. 21 Tioku fafa katukua tahgana o Ihova; kahgana i tiona eigoa tapu atagata oji iatau matau.
1 Kahgana akaua ia Ihova. Kahgana ia Ihova, e tioku nohkano. 2 Avau kahgana ia Ihova, i tioku mauri oji: avau kafeiakea ahgoro ki tioku Atua i tioku amauri oji. 3 Koisafakarogo akaua i afatoriki, mo i atagata', etaru i akirea i tapenamauri mo tasi. 4 lorea nohkano nomapusaki, akirea noafe ki takere: itanapugi ana ra amanatuga orea kojikai. 5 Erufie tapu tatagata Teatua o Jekob nositu iateia, eia noajia tiona Atua ko Ihova: 6 Eia neipena taragi ma takere, ma tatai, manea oji iei; eia noimatakina avisau mari iatau matau: 7 Eia noipena penaganea totonu ma fakau nitomia, neitufa anea kai ma fakau ehmate taoge: Ihova noivetea fakau nifausia; 8 Ihova nofakamarama afoimata o foimata pauri; eia neijikijiake fakau nitomieifo; Ihova nokaniani i afakau etotonu iarea penaganea; 9 Ihova noimatakina amavaka; eia noipurujia anikaso ma faline uihmate iarea tagata; kaie eia nofakafagafaga taretu o fakau nopenanesa. 10 Ihova kaariki iatau matau, Teatua aua, fakai i Saion, kariki ki atau tagata oji. Kahgana akaua ia Ihova.
1 Kahgana akaua ia Ihova: erufie pe kafeiakea ahgoro ki Teatua otea; erufie aroto iei, ehtau foki pera. 2 Ihova noitaoa Jeruselem; eia nofatakina fatasiana fakai Isreel nifalelekia. 3 Eia nopenpena kohmafo aroto tamoto, notakaia apakora i akirea. 4 Eia noitaua afetu; eia noitapa eigorea oji. 5 Esore Teriki otea, esorekage tiona tamotua; eia nofarigoina anea ejikai tanoji iei. 6 Ihova noijikijiake fakau emaru rotorea; eia neiameifo ki takere fakau esa iarea penaganea. 7 Kahgoro akaua kia Ihova nofafetai iateia; feiakea ahgoro i taharp ki Teatua otea: 8 Eia noapojia taragi i apoa, eia neipena taua ma takere, neipena agafari pe kasomo i aora. 9 Eia neitapa anemauri i akai area, ma agatama reven nohtagi. 10 Eia sekanianima i tatamotua i ahors: eia sekanianima i avae o tatagata etamotua. 11 Ihova nokaniani i afakau nomataku iateia, i afakau mari noajia tiona arofa. 12 Kahgana ia Ihova, fakai i Jeruselem; kahgana i Teatua, fakai i Saion. 13 Eia neifakatamotua ahpono i afeipa; eia neiageia iou agatama nohnofo ma kaua. 14 Eia notomia tamarino i apito fanua aua; eia neitufa akaua kamauri i awit rufiesa. 15 Eia neifalelekia iana visau i takere; iana visau notere weiwaha. 16 Eia neitufa sno feipe i afuru jip; eia nofalelekia tagau feipe namulaga. 17 Eia neinahkea tau-fatu feipe amamanea: akai etamotua i tanofo weimoa i tiona makaligi? 18 Eia neitukua iana visau, akirea sapena i tavai: eia neikauna kasau tiona amtagi, satafe aval. 19 Eia neifakaria tiana visau ki agafatumupuna o Jekob, tiona vaga ma iana penaganea totonu ki afakai Isreel. 20 Eia sepena pera i tasi foki avaka tagata: akirea epuhpusi iana penaganea totonu, Kahgana akaua ia Ihova.
1 Kahgana akaua ia Ihova. Kahgana ia Ihova akaua i taragi: kahgana iateia i anohnea weiluga. 2 Kahgana akaua iateia, iana agelo oji: kahgana akaua iateia, iana anea oji i taragi. 3 Kahgana akaua iateia, tara ma tamrama: kahgana iateia, afetu marama oji. 4 Kahgana iateia, taragi weilugaroa, ma avai weiluga i tavavanea. 5 Kahgana kirea i teigoa Ihova: eia neitukua tavisau, akirea nipena. 6 Eia neinage fakamahkeia foki iatau matau: eia neinage tahvae pe akirea koisafakamuria. 7 Kahgana ia Ihova anea i takere nei, eivi i tatai, ma atai elehposu oji. 8 Ma tiafi, ma taua-fatu, ma sno, ma takofu; ma afa, nofakarogo iana visau: 9 Ma aora, ma afakarava oji; ma arakau fanua, ma asitar oji: 10 Ma anemauri iro, ma anemauri etara; ma anea notorotoro, ma amanuhlele: 11 Afatoriki sore i takere nei, ma fakai i avaka tagata oji; ma afatoriki rikriki ma fakau sore oji i takere nei. 12 Agatamtane ma agatafafine; takau nikofakau sore ma agatama: 13 Kahgana kirea i teigoa Ihova; esorekage tiona eigoa ana: tiona rufie no weiluga i taragi ma takere nei. 14 Eia neijikijiake tatamotua o iana tagata, ma tahgana o iana fiji rufie; fakai Isreel mari, atagata nohnofo etata ki ateia. Kahgana akaua iateia.
1 Kahgana akaua ia Ihova. Feiakea tahgoro fou kia Ihova, kahgana iateia i tafatakina o iana tagata rufie. 2 Kakaniani fakai Isreel iateia eia neipena kirea: kakaniani fakai i Saion i Teriki orea. 3 Kahgana kirea i tiona eigoa i tasopo: feiakea kirea ahgoro ki ateia i tatimbrel ma taharp. 4 ihova mari nokaniani iana tagata: eia keirakeia fakau emaru rotorea i tamauri neipena morea. 5 Kakaniani iana tagata rufie i tarufie orea: kahgoro kirea weiluga i apotu orea. 6 Kanofo i afafa orea avisau nohgana i Teatua, ma tamajira emtakei tantafa ma ma tantafa i arima orea, 7 Pe kaoria apenaganea o fakai i avaka tagata, pe katarania fakai i afanua; 8 Pe kafausia afatoriki orea i aus, ma fakau sore orea i avava fatu; 9 Pe kapena tanori niserea i akirea: nonofo tahgana tenei ma iana tagata rufie oji. Kahgana akaua ia Ihova.
1 Kahgana akaua ia Ihova. Kahgana i Teatua i tiona nohnea tapu: Kahgana iateia i tavavanea esore tiona tamotua iei. 2 Kahgana iateia iana fijikauga tamotua: kahgana iateia i tiona sore rufiekage. 3 Kahgana iateia i tahva i tabu: kahgana iateia i tasalteri ma taharp. 4 Kahgana iateia i tatimbrel ma tasopo: kahgana iateia i afago vava ma afago majira. 5 Kahgana iateia i simbal, esore areo orea; Kahgana iateia i asimbal, ehgaro areo orea. 6 Kahgana ia Ihova anea oji nomapusaki. Kahgana akaua ia Ihova.