/1 Karon sa wala pa ang piesta sang Pascua, si Jesus nga nakahibalo nga nag-abut na ang iya takna nga magtaliwan sia sining kalibutan pakadto sa Amay, sang nakahigugma sang mga iya nga yari sa kalibutan, ginhigugma niya sila tubtub sa katapusan. Kag gikan kay Jesu-Cristo nga saksi nga matutum, ang panganay sang mga patay, kag ang manugdumala sang mga hari sa duta; Sa iya nga nagahigugma sa aton kag naghugas sa aton gikan sa aton mga sala bangud sang iya dugo. Apang ang Dios nagapakilala sang iya kaugalingon nga gugma sa aton nga sang mga makasasala pa kita si Cristo napatay tungud sa aton. Kay ginhigugma gid sang Dios ang kalibutan sa bagay nga ginhatag niya ang iya bugtong nga Anak, agud nga ang bisan sin-o nga magtoo sa iya indi mawala kondi may kabuhi nga walay katapusan.

/2 Sa ginsuguran amo ang Polong, kag ang Polong kaupud sa Dios, kag ang Polong Dios. Kag ang Polong nangin-unud kag nagpuyo sa tunga naton, puno sang bugay kag kamatooran; nakita naton ang iya himaya, ang himaya nga iya sang bugtong nga Anak sang Amay.