/1 Ta si Apo Shiyos, ensemek ton pasiya i totood ja dobong; isonga in-akan to ali sota saksakey bengat ta Anak to, say sota emin na memati so nontan na Anak to, eg meshosa ni ingkatod ingka, no diket may-aknan ira ni biyag ja enshiy to ngintegan. Say ka-asan ni ebadeg ga semek ni sakey ya too, sota pengitodok to ni bakdang to ja angken metey para so nonta kagajem to. Sajay i oltimon ka-asan ni kaba-deg ni semek. Sota enshiy semek to ni kait to, eg to amta si Apo Shiyos, ta si Apo Shiyos, poro semek i wara son sikato. Say amta-an tayo so ey ebadeg i semek nen Apo Shiyos son si-katejo, sajay. Inbetkag to ali sota sesakey ya Anak to shiya dobong, say mewad-an kito nonta biyag ja enshiy to engintegan, pangkep nonta inkatey tod koros. Shanshani ja manshoki sota piyasta ni Hodiyos ja kowan sha ey Paskowa, jet si Jesus, amta to ey sotan may timpo ja idekjasan to so niya dobong, ja on-oli ma so nen Ameto shi dangit. Nontan na timpo i pengipa-sas to ey enshiy kolang ni semek to so ni totoo ton wared ja dobong, ta sigod ja ensemek to ngoreshan ira.
/2 Mapteng noman nga agpayso i pamati ja inpa-amta nen Apo Shiyos son si-katejo pangkep so nen Cristo Jesus, ta si Jesus nontan, nay-anak shi too et tinongpal ton emin sota inpangitorong ni Ispirito Santo nen Apo Shiyos son si-kato, jet inon-an ira ni anghil. Jet niman, emankaitoron emin i maypangkep son si-kato shi emin na sakop ni dobong, jet eshakel iray emati. Jet nay-oli ja dimaw shi dangit ja kad-an nen Apo Shiyos. Sajay ya emin i epasemak say mayto-to-wa sota kowan ni para padto nonta bayag da ja esel nen Apo Shiyos, ja kowan to ey, Wara aliy balasang ja enshiy dakin en imaro-arol so, nem on-anak ali. Say i-anak to ali, daki jet say ingaran sha so nontan na i-anak to ali, si Emanuel. (Say olog niyay ya ngaran shi esel ira ni Hodiyos, Si Apo Shiyos, wara son si-katejo.) Nonta eg pay laeng epalsowa iya dobong, wara ngo eshan i kadwa nen Apo Shiyos, jet sotan na kadwa toy engipa-amta alid ja dobong ni maypangkep son Apo Shiyos. Jet si-kato met laeng si Apo Shiyos.