/1 Bat God bin shoum wi imbin laigim wi detmatj, dumaji wen wibin stil nogudbala pipul, det taim na Jisas Krais bin deigim pleis blanga wi en dai blanga wi. Wal wen imbin gulijap taim blanga abum det Pasoba serramoni, Jisas bin sabi imbin taim blanga im blanga gowei brom dis wel en gobek langa im dedi langa hebin; Wal olawei Jisas bin laigim detlot wekinmen blanga im, en imbin shoum olabat brabliwei haumatj imbin laigim olabat. En Jisas Krais im gudbinji langa yumob du, en im garra album yumob jidan gudbalawei du; Wal Jisas Krais na bin gidap laibala brom det greibyad basdam; En im tok trubalawei blanga God, en im na det boswan blanga ola bos langa ebri kantri; En im laigim wi, en imbin weistim im blad blanga wi blanga meigim wi fri brom ol wi nogudbalawei. God bin laigim ebribodi detmatj, en imbin jandim im ronwan san blanga dai blanga olabat wulijim ebribodi hu bilib langa im garra abum det olagijawan laif en nomo dai; En mi na det san blanga im; Lagijat na Jisas bin tak.

/2 Wal lagijat imbin hepin langa det yanggel, dumaji God bin tok im garra hepin lagijat na; Longtaim wan speshalwan mesinja blanga God bin tok langa baibul blanga dis ting. Imbin tok, Wan singulwan yanggel deya garra abum beibi; Lilboiwan im garra abum, en dei garra gulum im neim Imenyuwel; Lagijat na det mesinja bin tok, en garram det Hibru langgus det neim im tok, God im iya garram wi.