/1 Impakita to Diyus to kaugalingon no gugma din para ita, no duon no mongo makasasaya ki pad, si Kristu namatoy tongod ita. No wada pad pista to pagyaboy, no natagahan on ni Hisus no migabut on to panahon din to pagbiya dini to kalibutan pailing diya to Amoy din, nahigugma kandin to mongo natag-iya din dini to kalibutan, pighigugma din hangtod to kahamgtoran. Dow puun ki Kristu Hisus, no iyan kistigus no matinumanon hasta iyan panganoy to mongo nangkamatoy, dow panguyu to mongo hari dini to pasak; Duon kandin no nahigugma ita, dow mighugas ita puun to mongo saya ta pinaagi to kaugalingon din no yangosa. Wada yain yabow no gugma to otow, iyan da sikan gugma no igbogoy to kandin no kinabuhi para to mongo amigu din. Su pighigugma to Diyus to kalibutan, no tongod to sikan imbogoy to bugtong no Anak din, agun to inggad hintawa no ogtuu kandin kona'g kayagyag, di meduon kinabuhi no wada katapusan.
/2 Dow to wada pagyantugi, maaslag to pagkatinagu to pagkadiyusnon; To Diyus impakita duon to unud, impakamatarong duon to Ispiritu, nakita to mongo anghil, inwali duon to mongo kanasuran, pigtuuhan dini to kalibutan, pigbatun diya to yangit. Dow nahitabu tibo sii, agun ogkatuman to in-ikagi to Ginuu pinaagi to mongo prupita, no migiling, Ahaa, to tubis no bohi ogpangidam, dow og-anak to yukos, dow ogtawagon to ngadan din no Imanwil, no to hubadon, To Diyus duma ita. Duon to sinugdan iyan on to Kagi, dow to Kagi duma to Diyus, hasta Diyus to Kagi. Dow to Kagi nahinang no unud, aw migugpa ipun ita, ponu to grasya hasta kamatuuran. Siak dow to Amoy ku sobuuk koy da. Si Hisu mig-iling kandin, kayugoy on no duma a now, wada ka pad makakiyaya kanay Pilipi? To nakakita kanay nakakita to Amoy; kaling nokoy no mig-iling ka, Ipakita kanami to Amoy?. Wada ka tuu no siak duon to Amoy dow to Amoy dini kanay?.
/3 Inggad hintawa no ogsugid no si Hisus iyan to Anak to Diyus ogpabilin duon kandin, dow sikandin ogpabilin duon to Diyus. Dow migtabak to anghil no mig-iling duon kandin, To Ispiritu Santo og-anduon ikow, dow ogtodungan ka to gahom to Pinakayabow yagboy: dow tongod to siini to tubis ogka-otow no oghingadanan no Anak to Diyus. Su para ita to songo bata naotow, para ita to songo anak no yukos imbogoy: dow to panggahom in-untud duon to abaga din: dow to ngadan din ogtawagon no Kabenganan, Magsasambag, Diyus no Makagagahom, Amoy no wada katapusan, Prinsipi to Kalinow. Dow no migpakig-ikagi pad sikandin, meduon songo panganud no mahayag migtodung kandan; dow meduon songo tingog no mig-iling, Siini iyan Anak ku no hinigugma, no duon kandin meduon kalipay ku; paminogi now sikandin. Si Hisus mig-iling, nakitaan nu sikandin (to Anak to Diyus), no iyan migpakigsulti ikow.
/4 To bohi mig-iling kandin, Nataga a no og-andini to Misiyas, no og-hingadanan ki Kristu: To dinid on sikandin, ogsaysajan ki din to tibo mongo botang. Si Hisus mig-iling kandin, Siak no migpakigikagi ikow, iyan ad on. Si Hisus mig-iling kandan, Siak iyan pan to kinabuhi; to og-andini kanay kona gajod ogbontason; dow to og-tuu kanay kona gajod og-uhawon. Dow mig-iling sikandin kandan, Sikiyu mongo, taga-didayom, siakon taga-diatas; Sikiyu mongo taga-dini to siini no kalibutan; Siakon kona no tagadini to siini no kalibutan. Si Hisus mig-iling duon kandan, To Pagkatinood, to pagkatinood; Og-ikagihan ku iyu, no to wada pad kaotow si Abraham, Iyan ad on. Mintras dini a pad to kalibutan, siak to kasiga to kalibutan. Si Hisus mig-iling duon kandin, Siak iyan to pagkabanhaw hasta to kinabuhi: To ogtuu kanay inggad patoy on sikandin, ogkabuhi pad gihapun. Sikiyu oghingadan kanay no Agayon: Na hustu usab sikan; su iyan a man iyan.
/5 Dow pigsugu din to mongo kaotawan no muingkud duon to bagnot, dow pigpudut din to lima noka pan, hasta to daduwa noka isda dow no nakayanghag to yangit, migpasalamit sikandin. Dow pigpikaspikas din to mongo pan aw ibogoy duon to mongo inanad, dow imbogoy to mongo inanad duon to mongo kaotawan. Namangoon to tibo dow nangkahantoy: Pigtipun dan to mongo nangkabilin no mongo pikaspikas no migkabat to sampuyu-tag-duwa no ponu no baeknan. Dow meduon daduwa noka buta no mig-ingkud duon to daplin to dayan. Na no nadinogan dan no si Hisus migyaboy, namanawag sikandan to maagbot no mig-iling, Kayuuji koy Ginuu, no Anak ni David. Nokoy man to gustu now no oghinangon ku iyu? Mig-iling sikandan kandin, Ginuu, no mangkaabri podom to mongo mata noy. Dow si Hisus no mig-abut to kayuuy kandan, pigdampa to mongo mata dan: Dow dajon nakakita sikandan, aw pamansunud kandin.
/6 Diyus no mighinang to tibo mongo botang pinaagi ki Kristu Hisus. Su sikandin to mighinang to tibo mongo botang to yangit hasta dini to pasak, mongo botang no ogkakita dow to kona ogkakita, inggad pad to mongo trunu, ubin mongo kaginuuhan, ubin mongo kapunuanan, ubin mongo gahom: tibo mongo botang pigpanghinang pinaagi kandin dow para kandin. To tibo mongo botang pighinang din; dow to wada pa sikandin wada inggad nokoy no ogkahinang no hininang. To Diyus, siini no katapusan no mongo aedow migpakigsulti ita pinaagi to Anak din, no iyan inhindu din no ogpanunud to tibo mongo botang no tongod kandin usab pighinang to tibo mongo kalibutan. Kaling impamaan to matuud gajod to tibo bayoy to Israil, no siini no Hisus no inyansang now to kurus, pighinang to Diyus no Ginuu dow Kristu. Matinumanon to diyus no pinaagi kandin pigtawag kow diya to pagpakig-ambit duon to Anak din no si Hisu-Kristu no Ginuu ta.