/1 Kio kar ran eo mokta jen Kwojkwoj in Kijone; Jesus ear jela bwe ejejjet awa eo an bwe en ilok jen lol in im ilok non ibben Jemen; Ear yokwe ro dron ilol in ien otemjej, im ear yokwe ir non jemlokin. Bwe yokwe eo elabtata an juon armij kin ro jeran enin: en lelok an mour kin ir. Im jen Jesus Christ, Ri Kennan emol, Manjien, eo ear jerkakbije, eo ej bareinwot iroij ion king ro an lol; Ej yokwe kij, im ear kotlok kij jen jerawiwi ko ad kin botoktokin. Bwe jonan an Anij yokwe lol, ear letok Nejin eo ej make wot, bwe jabdrewot eo ej tomak ilo e en jab jako, ak en mour indrio. Ak Anij ear kwalok drettan yokwe eo an elab non kij; bwe ilo ien eo ke jaar bed ilo jerawiwi Christ ar mij kin kij. Iar walok non ir jen ijo ettolok; Kom ri Israel, iar yokwe kom ien otemjej, innem ij kwalok wot non kom ao yokwe eo ejamin oktak. Wawen drein an Anij kar kwalok yokwe eo an non kij: ear jilkintok Nejin eo ej make wot non lol, bwe jen maron mour kin e.

/2 Ejjelok emaron karmijjete ke ad tomak Anij im kabun none eaurok; Ear walok ilo nememin armij, Jitob ar kalikkar bwe e eo ewanik, im enjel ron rar lo e; Ar kwalok kake e ibwiljin ri ailin ko, ri lol in rar tomak e, im ear wonlinlok non lon.