9 Palujanuraya jilanyalu Mama ngarnawarrapurluka japila! 'Mama! Nyuntungan ngurra ngarnawarrapurluka, yilta Mamalampajun nyininpa. Nintijulalanyaju, nyuntulajunta marninypungkuraku. 10 Ngampurrjulanyaju kanyinma!, nyuntumili walyjakaja. Maaja majululanyaju nyuntulu nintijula!, jungalajungku nyinaraku. Mamamili waikarrukajaya junga nyininpa nyuntuku, palunyayurulajungku junga nyinaraku. 11 Yuwalanyaju mirrka!, ngalkuralaju karrpuparaku karrpungka. 12 Jamparni martu kujupalu putamalku, mirtarna puntajilu putamalku, yankurnalu wangkaku kawalyaliju nyinakuraku. Jilanyarnalu wangkaku, ka palujanu ngayulurnanta japini, kajaju warniwa! 13 Jampalanyaju muunpungku malpulu, mirtalaju kulilkuka, paki. Ngampurrjulanyaju kanyinma!, malpululanyaju kujupawana kangkujaku. Yiltan nyuntu maaja majuwartalampajun, likajaku. Nyuntun kunyjunyu, maparn majuwinti nyininpa. Wulun jilanya nyuntu nyinamalpa. Amin.' Martu Wangka Lord's Prayer