Melanesian

/1 Tasol yumi stap sinman yet na Krais i dai bilong helpim yumi; Long dispela pasin God i soim yumi, em i givim bel bilong em long yumi. De holi bilong Pasova em i no kamap yet na Jisas i save, taim i kamap pinis bilong em i mas lusim dispela graun na i go long Papa; Em i sori tumas long ol manmeri bilong en ol i stap long dispela graun; Na em i sori long ol inap long em i dai. Sapos wanpela man i lusim laip bilong em yet bilong helpim ol pren bilong em, i no gat pasin bilong laikim arapela man i winim dispela pasin. Jisas Krais em i man bilong autim stret olgeta tok bilong God; Em i namba wan man i kirap bek long matmat, na em i bikpela bilong olgeta king i stap long graun; Em tu i ken givim marimari na bel isi long yupela; Em i save marimari long yumi, na em i bin tekewe olgeta sin bilong yumi long blut bilong em. God i gat wanpela Pikinini tasol i stap; Tasol God i laikim tumas olgeta manmeri bilong graun, olsem na em i givim dispela wanpela Pikinini long ol; Em i mekim olsem bilong olgeta manmeri i bilip long em ol i no ken lus; Nogat; Bai ol i kisim laip i stap gut oltaim oltaim. Bikpela i kam long longwe ples na i kamap long mi, na i tok olsem, Oltaim mi save laikim yupela tumas na mi save mekim gutpela pasin long yupela, bilong mekim yupela i kam klostu long mi.

/2 Yes, as tok bilong pasin bilong God em i bikpela moa, na man i no inap daunim dispela tok; Em i olsem: Em i kamap man tru, na i kamap ples klia; Holi Spirit is soim yumi em i stret tru; Ol ensel i lukim em; Tok bilong em i go long olgeta lain man; Ol man bilong graun i bilip long em; God i bringim em i go long heven.

free web site hit counter