Maku An Jon Kapas Allim

1

1 Le rapin, Lokos a no, o Lokos a no ren Kot, o Lokos mi Kot. 2 I a no ren Kot le rapin. 3 I a feria ta ata monison, sor eu ata a no ia sap feria ta. 4 Manau a no ren, o manau ue mi Sarem au aramas. 5 Sarem ue asaremi rotopuak, a rotopuak sikile i. 6 Kot a kine to muan aman it an Jon. 7 Ie aramas an puere ta aman, a fai to pue a pue puere ta ojon Sarem ue, pue monison ra pue arifaua pokitan i. 8 Sap i Sarem ue; pue i mi kine to pue a epue puere ta ojon Sarem ue. 9 Ie mi Sarem enlet, mi ken asaremi aramas monison mi pue to fanufan. 10 I a no fanufan o i a feria ta fanufan, a fanufan sikile i. 11 A pue to ren na an kana, o na an kana ra sap atanaki i. 12 Mi atanaki i monison a ken feferi pue ra pue to nanai na an Kot. 13 Mi sap naikat jonai ra, sap ren okiok an aion, sap ren okiok an aramas, pue ren Kot erek. 14 Lokos ue a uili la aramas, ap nono rek re amam, (o ja utueli an lin, ojon rek lin an Alaman an Jam an;) ur an umaum ar o mi let. 15 Jon a keu puere ta ojon i, ap maliali, apasa, Ie i mi na apasa ta, I mi ken fai to murin nan, mi lap moai, pue a nono rek moai. 16 Kit monison anai jonai an pisekasek, o ron pokitan an ron. 17 Pue Moses a tina to lamalam au lom, a Jisos Kraist a ken tina to ron o mi let. 18 Semen mo utueli Kot lom nono to, a na an Alaman, a no fan maramar an Jam an, a ken puere ta i. 19 Kei an Jon a kapas lupuan Jus an Jerusalem kine to ren, epuelok samol fel o Lifait, pue ra pue aiek ren, Pue ia en? 20 A ap apasa, pue a sap amam, a ken apasa, Nan I sap Kraist. 21 Rap aiek ren, Pue ia en? En mi Ilaija? A ap apasa, Ap. En mi joufas ue? Aap paluanai, Ap. 22 Rap kapas nanai i, Pue ia en? pue ja pue puere nanai mi kine kit to; meta en apasa ojon pokin en? 23 A ken apasa, Nan maliali asosare lan fanu pan, Ami auoneuone al en Jioua, ojon kapas an Aisea joufas ue. 24 A mi kine to kana, ir mi Farisi; 25 Rap aiek ren, kapas nanai i, Limeita en papatais, are en sap Kraist, are Ilaija, are joufas ue? 26 Jon ap paluanai ir apasa, Nan I papatais ren ran; a aman a ken u ta lepet ami mi ami sikile; 27 Ie i mi fai to muri, mi ken lap moai; nan I sefir nanai amusa la jal an tikitik an pir an. 28 Kei feferi lan Petapara, pali lan Jartan, ejen Jon a ken papatais ia. 29 Masatan, Jon a uerai Jisos, a fai to ren, ap apasa, Na nanai Ran Amanau an Kot, mi ken uai la tipij an fanufan. 30 Ie i mi nan I apasa ta, Muan aman a fai to muri, mi lap moai, pue a nono rek moai. 31 Nan I sikile i; a nan I fai to papatais ami ren ran, pue ia pue puepue nanai Israel. 32 Jon ap puere ta, apasa, Nan I utueli Nen Fel a fai tu me lan, ojon lisam, a nono rek uan. 33 Nan I sikile i; a mi kine iai to pue I pue papatais ren ran, a ken kapas nan iai, Aman en utueli Nen Fel a fai tu, nono rek uan, ie i mi pue papatais ren Nen Fel. 34 Nan I utueli, I ap puere ta, pue ie Na an Kot. 35 Masatan, Jon a pual u ta o na an ran-afalafal ruoman; 36 A uerai Jisos a asauel, ap apasa, Na nanai Run Amanau an Kot. 37 Na an ran-afalafal ruoman ran an kapas, rap fai la murin Jisos. 38 Jisos a sele to, uerai ir fai to murin, ap kapas nanai ir, Meta au kitta? Rap kapas nanai i, Rapai, (mi auili la Jounpatak,) en nono rek ia? 39 A ap kapas nanai ir, Au fai to utueli. Rap fai to utueli ejen a ken nono rek ia, rap nono rek ren, pue a lepal an ial. 40 Antru, puin Saimon, mi aman ruoman koe mi ran jonai Jon, ap fai la murin. 41 A uerai lom puin Saimon, ap kapas nanai i, Ja uerai Mesaia, (mi auili la Kraist.) 42 A ap moanana to i ren Jisos. Jisos a uerai i, ap apasa, En Saimon, na an Jona; o pue it an Sifas; (mi auili la fau.) 43 Masatan, Jisos a pue fai la Kalili; a uerai Filip, ap kapas nanai i, En fai to muri. 44 Filip re Petsaita, telinim an Antru mi Piter. 45 Filip a uerai Nataniel ap kapas nanai i, Ja uerai i mi Moses o joufas kana ra maku tu lan Paipel, Jisos an Nasaret, na an Josef. 46 Nataniel ap kapas nanai i, Eu ata mi allim a to jonai Nasaret? Filip ap kapas nanai i, En fai to na nanai. 47 Jisos uerai Nataniel a fai to ren, ap apasa ta ojon i, Na nauai Jus enlet aman, mi sor inau no letip an. 48 Nataniel ap kapas nanai i, Ia ojon om kile iai? Jisos ap paluanai, kapas nanai i, Moan Filip sap asare to en, lupuan om nono fan ura fik, I na nanai en. 49 Nataniel ap paluanai, kapas nanai i, Rapai, en Na an Kot; en Kin an Israel. 50 Jisos ap paluanai, kapas nanai i, En mi arifana pokitan ai apasa nan uk, Nan I na nanai en fan ura fik ue? O pue na nanai mi lap jonai kei. 51 A ap kapas nanai i, Attuan, attuan I apasa nan kemi, Failfailo ami au pue na nanai lan a suk, o ranlan an Kot kana fafai tu, fafai ta uan Na an aramas.

2

1 Elu an ran apupuilu a feri Kena an Kalili, o asak an Jisos etei la. 2 Ra pual asare nanai apupuilu Jisos o na an ran-afalafal kana. 3 A lupuan sor ar uain, asak an Jisos ap kapas nanai i, Sor ar uain. 4 Jisos ap kapas nanai i, Rapot, ia ojon lepet at? fasoun ai a sap tare. 5 Asak an ap kapas nanai rananan kana, Eu ata a apasa nan kemi au pue feri. 6 Pokit fau lelaiar uonou nono ian sokon Jus koe ar alla. 7 Jisos ap kapas nanai ir, Ami ufi ran lan pokit kei. Rap autan aniau u. 8 A ap kapas nanai ir, Ami ufi or, ua la ren samol an fetelalap. Rap ua la. 9 Samol au fetelalap ue a sаtonai ran a uili la uain, (a sikile ka a fai to me ia; a rananan koe mi ufi ran ra kile,) samol an fetelalap ue ap asare to muan apupuilu sefa, 10 Ap kapas nanai i, Aramas monison ra ken isa ta lom uain allim; aramas ra mat, a ap isa ta mi allim kisa kisakis; en mi isana mi allim tare ikana. 11 Rapin manaman ei Jisos a feria ta Kena an Kalili, puere ta an lin; na an ran-afalafal koe rap luku i. 12 Murin, a ap fai la Kaperniom; asak an o puin kana, o na an ran-afalafal kana pual etei i, rap nono rek ia ran a semen nura. 13 Pasofer an re Jutia arep to, Jisos ap fai ta Jerusalem. 14 A uerai lan fel an Kot rankame an kau o jip o lisam, o ran-siuili moni, mat tu ia. 15 A ap feria ta uak ren lul, tapue jonai fel an Kot ir monison, o pual jip kana, o kau kana; ap asapala la moni an ran-siuili moni koe, o uilikai tepel kana; 16 A ap kapas nanai rankame lisam koe, Ami uai jonai kei; au te feri im an Jam ai im an ameame. 17 Na an ran-afalafal koe rap lenlemani a maku tu, Ai arourou nanai im om, a aniani nan. 18 Jus koe rap paluanai, kapas nanai i, Manaman fa en puere nan kemam, pue en feferi kei? 19 Jisos ap paluanai, kapas nanai ir, Ami aparasa la im ei, a lan ran elu I pue aua ta. 20 Jus koe rap kapas nanai i, Lan lefen fa mi uonou ra aua ta im ei, a o pue aua ta lan ran elu? 21 A i mi kapas ojon im an aion an. 22 A puap manaua ta jonai paian, ua an ran-afalafal rap lenlemani an kapas nanai ir ei; rap arifaua Paipel, o malial Jisos apasa пan ir. 23 Lupuan ar no Jerusalem lan fetelalap an pasofer, mi nura arifaua i, lupuan ar utueli manaman kana a feria ta. 24 Jisos a sap luku nanai ir pokin i, pue a ken kile monison; 25 Semen mo mi puere nanai i, ojon aramas; pue a ken kile okiok an aramas.

3

1 Muan Farisi aman a no, it an Nikotimos, samol an Jus koe. 2 A fai to ren Jisos lepun, ap kapas nanai i, Rapai, ja kile en jounpatak me ren Kot; pue semen mo a to nanai manaman kei mi en feferi, are Kot a sor no ren. 3 Jisos ap paluanai, kapas nanai i, Attuan, attuan, I apasa nan uk, Are aman sap up sefeli, a soto nanai uerai mueun Kot. 4 Nikotimos ap kapas nanai i, Pue ia ojon, aramas aman a to nanai up sefeli lupuan an reikoe? a to nanai pual til lan lan letip an asak an, ap up tu? 5 Jisos ap paluanai kapas nanai i, Attuan, attuan, I apasa nan uk, Are aman a sap naikat ren ran o Nen Fel, a soto nanai til lan lan mueun Kot. 6 Mi naikat jonai aramas ie aramas; a mi naikat jonai Nen Fel ie nen. 7 О te ueit feneni mi ni I apasa nan uk, Ami au pue naikat sefeli; 8 Asapual a ken anian fail, o en ran nun an, a en sikile ejen a an to me ia, o ejen a an la ia; ie ojon monison mi naikat jonai Nen Fel. 9 Nikotimos ap paluanai, kapas nanai, Pue ia ojon kei ra pue to nanai? 10 Jisos ap paluanai, kapas nanai i, En jounpatak an Israel, ap sikile kei? 11 Attuan, attuan, I apasa nan uk, Ja apasa mi ni ja kile, o puere ta mi ni ja utueli; o ami sap arifaua at kapas. 12 Are I apasa nan kemi ata an fanufan o ami sap arifaua, ia ojon ami epue arifaua are I apasa nan kemi ata au lan? 13 Semen mo ta ta lan, ie rek mi fai tu me lan, Na an aramas mi ken no lan. 14 Ojon Moses aitua ta serpent ue lan fanu pan, ie ojon Na an aramas a pue aitua ta. 15 Pue monison mi luku i ra te pait mual la, pue ra pue uerai manau samur. 16 Pue an Kot a tane fanufan mi rapur, ie mi a nanai na an Alaman, pue monison mi luku i ra te pait mual la, pue ra pue uerai manau samur. 17 Pue Kot a sap kine to Na an fanufan, pue a epue tip nanai fanufan, a pue fanufan ra pue manau ren. 18 Mi luku i a sap tip nanai; a mi sap luku i, i mi tipij, pue a sap luku Alaman an Kot. 19 A ie nipat, sarem a fai tu fanufan, a aramas ra ken tane rotopuak jonai sarem; pue ar fefer kana mi inau. 20 Pue monison mi feri mi inau a ken nimaleti sarem, o sap fai to ren sarem pue an fefer mi inau ra te apunu. 21 A mi ken feri milet a ken fai to ren sarem, pue an fefer epue puepue la mi ra fefer ren Kot. 22 Murin kei, Jisos o na an ran-afalafal koe fa la uan fanu an Jutia, ap nono rek ia re ir, o papatais. 23 Jon a pual papatais lan Inon mi arep nanai Selem, pue ran nura a no ia; rap fai to papatais la. 24 Pue Jon a sap liape la le im an fetok. 25 Epuelok na an Jon ran-afalafal, o Jus koe, ra anini fenen ojon papatais. 26 Rap fai to ren Jon, kapas nanai i, Rapai, i mi it uk palilan Jartan, mi en puere ta, i mi ken papatais, o monison fai la ren. 27 Jon ap paluanai, apasa, Aman a soto nanai eu ata are a sap nanai i, me lan. 28 Pokin ami epue puere ta mi nan I apasa, Nan sap Kraist, a nan I kine to moan. 29 Mi rapot a no ren, ie raniman; a puin muan apupuilu sefa, a ken u ta ran, i ap puapua aniau ren maliali an muan apupuilu sefa. Ie mi ai puapua a puanua ta. 30 I epue lapalap la, a nan epue kisakis la. 31 Mi fai to me uan, i mi lap moan monison. A re fanufan a ken sokon fanufan, o a ken kapas jonai fanufan; a i mi fai tu me lan a ken lap moan monison. 32 A ken puere ta mi a ken utueli o ran; o semen mo a ken ausalon an kapas. 33 Aman mi ausalon an kapas a ken akakile ta mi Kot a ken let. 34 Pue mi Kot kine to, a ken apasa ta kapas an Kot; pue Kot sap nanai i, kisakis an Nen Fel. 35 Jam an a ken tane Na an, ap nanai ata monison le pa an. 36 Mi luku Na an a uerai manau samur; a mi sap luku Na an a sap uerai manau; pue jan an Kot a no uan.

4

1 Jioua a kile mi Farisi kana ran mi Jisos a ran-afalafala o papatais mi nura jonai Jon. 2 (A Jisos a sap papatais, pue na an ran-afalafal erek.) 3 Ie mi ni a fai la me Jutia, luni la Kalili. 4 A ken uonetai Sameria. 5 A ap fai la eu telinim an Sameria it an Saikar, arep nanai fanu mi Jekop nanai na an muan Josef. 6 Lelip an Jekop a no ia. Jisos a mor la ren an asauel, ap mat tu uan lelip; a lelauas. 7 Rapot an Sameria a fai to ufi ran. Jisos ap kapas nanai i, Nan iai pue I pue unimi. 8 (Pue na an ran-afalafal fai la lan telinim ue ameame to mona.) 9 Rapot an Sameria ue ap kapas nanai i, Pue ia ojon en, Jus aman, tunorai ran re i, rapot an Sameria aman? pue Jus koe sap tipe eu ren re Sameria koe. 10 Jisos ap paluanai, kapas nan nanai i, Are en kile an Kot a limmol, o ia i mi ken kapas nan uk, Nan iai pue I pue unimi, o pue tunor ren, o a epue nan uk ran amanau. 11 Rapot ue ap kapas nanai i, Main, sor om lenien afia ta, o lelip mi lolepin; ia ejen o pue anai ia ran amanau? 12 En mi lap moan jam at Jekop, mi nanai kit lelip ei, o pokin i unimi jonai, o na an kana, o na an man kana? 13 Jisos ap paluanai, kapas nanai i, Aman a ken unimi jonai ran ei, a pue pual mon ran; 14 A aman a ken unimi jonai ran nan I pue nanai i, a sap mon ran failfail la rek; pue ran I pue nanai i, a pue nono lan, ran pupu eu, pupu nanai manau samur. 15 Rapot ue ap kapas nanai i, Main, en nan iai ran ue pue I te mon ran, pual te fai to ei ufi ran. 16 Jisos ap kapas nanai i, О it ue, asare to ranimam, ap fai to re i. 17 Rapot ue ap paluanai, apasa, Sor ranimai. Jisos ap kapas nanai i, Mi allim om apasa ta, Sor ranimai; 18 Pue ranimam mi limman; a mi en nono rek ren ikana a sap ranimam; enlet om kapas ei. 19 Rapot ue ap kapas nanai i, Main, nan I uerai joufas aman en. 20 Jam at kana fefel uan rukarukta ei; a ami au apasa mi Jerusalem erek ejen aramas ra pue fefel ia. 21 Jisos ap kapas nanai i, Rapot en arifaua iai; fasoun a fai to ami sap fel nanai Jam at uan rukarukta ei, sap lan Jerusalem. 22 Ami sikile mi ami fei nanai; amam kile mi imam fel nanai; pue lamalam a rapi jonai Jus kana. 23 Fasoun a fai to, puo ikana, mi lamalam enlet kana ra pue fel nanai Jam at ren nen o milet; pue Jam at a ken kitta sokon ir, pue ra pue fel nanai i. 24 Kot mi Nen eu; o mi fel nanai i, kana, ra pue fel nanai i, ren nen o milet. 25 Rapot ue ap kapas nanai i, Ja kile mi Mesaia epue fai to, (mi it an Kraist,) a puap fai to a pue aueue nan kemam ata monison. 26 Jisos ap kapas nanai i, Nan ie, mi kapas rem. 27 Ie fasoun na an ran-afalafal fai to, rap ueiti feneni au maliali ren rapot ue; a semen mo apasa, Meta en kitta? are, Limeita en maliali ren? 28 Rapot ue ap likita la an pil, fai la lan telinim ue, kapas nanai aramas kana, 29 Ami fai to na nanai muan aman mi puere nan iai ata monison I feria ta; sap i Kraist? 30 Rap fai jonai telinim ue, fai la ren. 31 Ie lupuan ran-afalafal koe tunor ren, apasa, Rapai, en mona. 32 A ap kapas nanai ir, Ai mona a no pue I pue aniani, mi ami au sikile. 33 Ran-afalafal koe ap kapas fenen le ir, San aman a uai to ren mona? 34 Jisos ap kapas nanai ir, Ai mona feferi letip an mi kine ai to, o ateri la an anan. 35 Ami san apasa, maram elu moan rak? Attuan I apasa nan kemi, Ami sara ta, utueli fanu koe, pue rak mi or. 36 O rananan kana ra anai lunir, o ion feneni ua nanai manau samur; pue i mi fetoka tu o i mi ken talu ra pue puapua fenen. 37 Pue ren kei kapas ue a ken let, Aman mi fetoka tu, aman ap talu. 38 Nan I kine la ami, an pue talu mi au sap anane ta; epuelok ra anane ta, ami ap til lan lan ar anan. 39 Re Sameria nura, ran telinim ue, ra luku i ren kapas an rapot ue, an apasa, A kapas nan iai ata monison nan I feria ta. 40 Ie mi ni re Sameria koe ra fai to ren, rap tunorai i a pue nono rek re ir; a ap nono rek ia ran ruou. 41 Pual mi nura ap arifaua ren pokin an kapas; rap kapas nanai rapot ue, 42 Ja arifaua, a sap ren om kapas, pue pokin kit ja ran, jap kile enlet ie Kraist, Ran Amanau an fanufan. 43 Murin ran ruou a fai la me ia, fai la Kalili. 44 Pue pokin Jisos apasa ta mi joufas sor auonan lan rapitan fanu an. 45 A fai la Kalili, re Kalili koe rap atanaki i, pue ra utueli monison a feria ta Jerusalem lan fetelalap ue; pue ra pual eta la fetelalap ue. 46 Jisos ap pual fai la Kena an Kalili, ejen a auilia la ran uain. Samol aman a no, mi na an muan a somau Kaperniom. 47 A ran mi Jisos a fai to jonai Jutia, fai to Kalili, a ap fai la ren, tunorai i a pue fai tu apirakil ta na an muan; pune a pue me la. 48 Jisos ap kapas nanai i, Are ami sap utueli akakilan o mamaman au sap arifaua. 49 Samol ue ap kapas пanai i, Main, en fai tu moan nai a sap me la. 50 Jisos ap kapas nanai i, О it ne; na om muan a manau. Muan ue arifaua kapas an Jisos, ap fai la. 51 Lupuan an fai la na an rananan runi i, ura nanai, apasa, Na om muan a manau. 52 A ap aiek re ir fasoun a ken allima la; rap kapas nanal i, Lelauas an nanau puerikar a fai jonai i. 53 Jam an ap kile mi fasoun ue rek Jisos kapas nanai i, Na om muan a manau. A ap arifaua, o na an ra monison. 54 Ie aruou an manaman Jisos feria ta murin a fai jonai Jutia, fai la Kalili.

5

1 Murin kei, fetelalap an Jus kоe a ken feri, Jisos ap fai la Jerusalem. 2 Ran eu a no Jerusalem aran lenien kame jip, kapas an Jus a it an Petesta; palanailako limou a no. 3 Mi somau nura iuel la lan kei, mi masapon, mi rikarik, mi somau me la, ra uetauetai ran a pue mokit. 4 Pue ranlan aman a ken fai tu lan ran eu fasoun, a mokitakit ran; aman aken til lan lom murin ran a mokitakit, a ap manau jonai an somau. 5 Muan aman nono ia mi somau lefen elik mi ualou. 6 Jisos na nanai i iuel la, a kile mi a fasoun leilai, a ap kapas nanai i, En moren pirakil ta? 7 Muan somau ue ap paluanai i, Main, sor aramas pue a pue uai iai la le ran lupuan a mokitakit, a lupuan ai fai la, aman a ken til lan moai. 8 Jisos ap kapas nanai i, U ta, puokai om kiakai, ap feta fetel. 9 Muan ue ap failakai pirakil ta, ap puokai an kiakai, fetafetel. A ran an fel ran ue. 10 Jus koe ap kapas nanai muan mi pirakil ta ue, Ran an fel ei; a sap allim nan uk puokai om kiakai. 11 A ap paluauai ir, Mi apirakil iai ta, i a ken kapas nan iai, Puokai om kiakai, o fetafetel. 12 Rap aiek ren, Ia muan ue mi kapas nan uk, Puokai om kiakai, o fetafetel? 13 Muan mi apirakil ta ue a sikile i, pue Jisos a fai jonai ia, nun aramas ra no ejen ue. 14 Murin kei Jisos a uerai i lan fel an Kot, ap kapas nanai i, En mi pirakil ta; o te feri tipij, pue eu mi inau a lap jonai a te tare uk. 15 Muan ue ap fai la, ura nanai Jus koe, mi Jisos mi ken apirakil ta i. 16 Ie mi Jus koe fare la Jisos, o satonai ni la i, pokitan an feferi kei ran an fel. 17 Jisos ap paluanai ir, Jam ai a ken anan nono to, o nan I pual anan. 18 Ie mi Jus koe pual alapa la ar satonai ni la Jisos, pue a sap auinau ran an fel erek, pue a pual apasa mi Kot Jam an, feri pokin i pokapok la ren Kot. 19 Jisos ap paluanai, kapas nanai ir, Attuan, attuan, I apasa nau kemi, Na an a soto nanai pokin feri eu ata, pue mi ni a na nanai Jam an feferi erek; pue ata monison ia ken feri, Na an a ken pual feri. 20 Pue Jam an a ken tane Na an, o asele nanai i ata monison a ken pokin feri; a pue asele nanai i fefer lap jonai kei, pue ami au pue lanafauti. 21 Pue ojon Jam an ken kapue ta paian kana, o amanaua ta, ie ojon Na au ken amanaua ta mi a ken afiriek kana. 22 Pue Jam an sap atikenlau aman, pue a nanai atikenlau monison Na an. 23 Pue monison ra pue asamolu Na an, ojon rek ra asamolu Jam an. Mi sap asamolu Na an, ra sap asamolu Jam an mi kine to i. 24 Attuan, attuan, I apasa nan kemi, Aman a ken ran ai kapas, o arifaua mi kine ai to, manau asamur a no ren; a sap fai la lan atikenlau; pue a sa jonai me la, sa la manau. 25 Attuan, attuan, I apasa nan kemi, Fasoun a fai to, pue ikana, mi paian kana ra püe ra maliali an Na an Kot, o mi ausalon kana ra pue manau. 26 Pue ojon Jam an a pokin fasa ta rek, ie ojon a nanai Na an pue a pokin fasa ta rek. 27 О a nanai i namani an, pue a epue atikenlau; pue i Na an aramas. 28 Au te ueiti feneni ei; pue fasoun a fai to mi paian monison ra pue ran maliali an, o fai ta jonai; 29 Mi feri allim kana ra pue fai la lan manau sa-uk, a mi feri mau kana lan manau an ninni. 30 Nan I soto nanai pokin feri eu ata. Ojon ai ran, I ken atikenlau; o ai atikenlau mi allim, pue I sa moren pokin feri, pue letip an Jam ai mi kine to ai. 31 Are nan I puere ta ojon pokin nan, ai puere ta a sap enlet. 32 A aman a ken puere ta ojon nan, o I kile milet mi ni a ken puere ta ojon nan. 33 Ami kine la ren Jon, o i a ken puere ta milet. 34 Nan I sa moren aramas ra pue apasa ta nan, a nan I apasa ta kei pue ami au pue manau. 35 I mi lamp pulapul linan eu, o ami afiriek puapua eu fasoun ren an sarem. 36 A eu аta mi lap jonai Jon a ken puere ta nan; pue fefer kana Jam ai nan iai pue I pue ateri la, ie mi nan I feria ta, ra ken puere ta nan, mi Jam ai a ken kine to ai. 37 О pokin Jam ai mi kine to ai, a ken puere ta ojou nan. Ami sap ran maliali an nono to, are na nanai ujun. 38 An kapas a sor no letip ami, pue mi a kine to, ami sap arifaua. 39 Ami alean firi Paipel, pue ami kikina mi ami uerai manau samur lan; o Paipel a ken puere ta ojon nan. 40 О ami uet fai to re i, pue ami au pue uerai manau. 41 I sap anai lin ren aramas. 42 Pue nan I kile ami, mi tan an Kot a sor no letip ami. 43 Nan I fai to fasinokin Jam ai, ami sap luku ai; are amau epue fai to fasinokin pokin i, ami au pue luku i. 44 Ia ojon ami epue to nanai luku, mi kitta fenen ron lepet ami, o au sap kitta ron erek mi ren Kot? 45 Au te okioki mi nan I pue tip nanai ami ren Jam ai; aman a ken tip nanai ami, Moses mi ami luku. 46 Pue are ami arifaua Moses, ami au pue arifaua nan; pue a maku tu ojon nan. 47 Are ami sap arifaua an mak kana, ia ojon ami epue arifaua ai kapas kana?

6

1 Murin kei, Jisos a fai la sopo lan set an Kalili. 2 Nun aramas nura fai la murin, pue ra na nanai maпaman kana mi a feri uan mi somau kana. 3 Jisos fai ta uan rukarukta eu, ap mat tu etei ua an ran-afalafal. 4 Pasofer, eu fetelalap an Jus koe, arep to. 5 Jisos sara ta, uerai nun aramas nura ra fai to ren a ap kapas nanai Filip, Ja pue ameame ia pret pue ra pue mona? 6 A ken apasa ta ei, satonai i; pue pokin ia ken kile mi a epue feri. 7 Filip ap paluanai i, Pret mi moni ruopuku lunin a sap nura nanai ir, pue monison ra pue anai ekis. 8 Aman na an ran-afalafal, Antru, puin Saimon Piter, ap kapas nanai i, 9 Alual aman a no kei mi na an apasuk fiaur an parli mi limou, o ik kisakis ruoman; a meta kei ren mi nuraia? 10 Jisos apasa, Ami amat tu aramas koe. Fetil nura no ejen ue. Aramas koe mat tu; ir mi aran limanerou. 11 Jisos ap anai apasuk koe, iotok, ap nanai ran-afalafal koe ran-afalafal koe; rap nanai mi mat tu kana; pual ojon rek ik koe, ra puap mat. 12 Ir ra mat, a ap kapas nanai na an ran-afalafal кoe, Ion feneni moramoran mi lusun, pue a te soulap la. 13 Rap ion feneni autane ta ruk enaul mi ruou ren moramoran apasuk an flaur an parli mi limou, lusun ar mona koe. 14 Aramas koe utueli manaman mi Jisos feria ta, rap apasa, Enlet iei joufas ue mi pue fai to fanufan. 15 Jisos kile mi ra pue fai to ariani i pue ra pue seika ta i kin, ie mi ni a pual fai ta uan rukarukta alao. 16 Lesautik na an ran-afalafal koe fai tu le set, 17 Rap ta ta uan jip ra pue fai la Kaperuiom, sopo lan set ue. A puni ti, Jisos a sap fai to re ir. 18 Set a na ren melamel rapur a en to. 19 Ra sai la mail elu are ruanu, rap uerai Jisos a fetafetel uan set, ap arep nanai jip ue; rap nuokus. 20 A ap kapas nanai ir, Iei nan, au te nuokus. 21 Rap puapua atua i uan jip; jip ue ap failakai tare fanu mi ra keu fai la ia. 22 Masatan, nun aramas koe nono sopo lan set ue, ra utueli sor afar jip, pue ie rek mi ran-afalafal koe ta ta uan, o mi Jisos sap etei na an ran-afalafal koe, pue na an afalafal koe ra fai la alao. 23 (A epuelok jip kisakis fai to jonai Taipirios arep nauai ejen ra mona pret ia murin Jisos a iotoki.) 24 Nun aramas koe uerai Jisos a sor no ia, pual na au ran-afalafal koe, rap pual ta ta uan jip koe, fai la Kaperniom, kitta Jisos. 25 Ra uerai i sopo ei an set ue, ap kapas nanai i, Rapai, inat en fai to? 26 Jisos ap paluanai ir, apasa, Attuan, attuan, I apasa nan kemi, ami kitta ai, sap pokitan ami uerai manaman, pue pokitan ami aniani apasuk koe o mat. 27 Au te anan nanai mona mi epue kumet la; a ami anan nanai mona mi pue nono rek tare manau sa-uk, mi Na an aramas a pue nan kemi; pue iei mi Kot, Jam an, a kilanai. 28 Rap kapas nanai i, Meta ja pue feri, pue ja pue feria ta anan an Kot kana? 29 Jisos ap paluanai, kapas nanai ir, Iei anan an Kot, mi ami luku i mi a ken kine to. 30 Rap kapas nanai i, Manaman fa en feria ta pue ja pue utueli, ap arifaua eu? meta en feria ta? 31 Jam at kana aniani mana lan fanu pan, ojon a maku tu, A nanai ir pret me lan pue ra pue aniani. 32 Jisos ap kapas nanai ir, Attuan, attuan, I apasa nan kemi, Moses a sap nan kemi pret me lan, pue Jam ai a nan kemi pret an lan milet. 33 Pue iei pret an Kot, i mi ken fai tu me la,n amanaua fanufan. 34 Rap kapas nanai i, Main, en fautau nan kemam pret ei. 35 Jisos ap kapas nanai ir, Nan monan amanau; aman a ken fai to re i, a semen epue arak; o aman a ken luku ai, a semen epue mon ran failfail la. 36 A I apasa nan kemi mi ami uerai ai, o au sap luku. 37 Monison mi Jam ai a ken nan iai ra pue fai to re i; a aman mi fai to re i, I semen epue asu la. 38 Nan I sap fai to me lan pue I pue pokin feri nan, pue letip an mi kine ai to erek. 39 A iei letip an Jam ai mi kine ai to, mi eu ata a te malet jonai monison a ken nanai iai, a pue I epue amanaua ta lan ran an ateri la. 40 О iei letip an mi kine ai to, pue monison mi uerai Na an, o luku i, ra pue uerai manau sa-uk; o nan I epue amanaua ta i lau ran an ateri la. 41 Jus koe ap puon i pue a ken apasa, Nan pret mi fai tu me lan; 42 Rap apasa, Sap iei Jisos na an Josef, mi ja kile jam an, asak an? ia ojon a ken apasa, Nan I fai tu me lan? 43 Jisos ap paluanai, kapas nanai ir, Au te puon lepet ami. 44 Semen mo a to nanai fai to re i, are Jam ai mi kine ai to a sap aselpa to i; o nan I pue amanaua ta i lan ran an ateri la. 45 A maku tu lan puk an joufas koe, Kot epue afalafala ami monison. Ie mi monison mi ken ran, o afalafala jonai Jam ai, ra pue fai to re i. 46 Semen mo na nanai Kot, iei rek me ren Kot, a ken na nanai Jam an. 47 Attuan, attuan, I apasa nan kemi, aman mi luku ai, a uerai manau sa-uk. 48 Nan monan amanau ue. 49 Jam ami kana aniani mana lan fanu pan ue, o ra me. 50 Iei mona a fai tu me lan, pue aman epue aniani a sap me la. 51 Nan mona amanau mi fai tu me lan, are aman a ken aniani mona ei, a pue manau asamur. O mona mi naп epue nanai, ie fituk ai mi na I epue nanai, amanau an fanufan. 52 Jus koe ap anini fenen lepet ar, apasa, Ia ojon muan ei a pue to nanai nan kit fituk an pue ja pue aniani? 53 Jisos ap kapas nanai ir, Attuan, attuan, I apasa nan kemi, Are ami sap aniani fituk an Na an aramas, o unimi ra an, sor ami manau. 54 Mi ken aniani fituk ai, o unimi ra ai, a uerai manau asamur; o nan I pue amanaua ta i lan ran an ateri la. 55 Pue fituk ai monan let, o ra ai ran let. 56 Mi aniani fituk ai o unimi ra ai, a ken nono rek lan nan, o a I pue nono rek lan i. 57 Ojon Jam ai Amanau a kine ai to, o nan I manau jonai Jam ai, ie ojon aman a ken aniani ai, a ken manau jon iai. 58 Iei mona ue mi fai tu me lan; a sap ojon Jam ami ra aniani mana ue, o ra me; aman a ken aniani mona ei, a pue manau failfail la rek. 50 A ken apasa ta kei lupuan an afalafal lan sinakak le Kaperniom. 60 Na an ran-falafal mi nura rann rap apasan Mi allikinau kapas ei; ia mi to nanai ausalon? 61 Jisos a pokin kile mi na an ran-afalafal ra puon kei, ap kapas nanai ir, Ami apaku reu ata kei? 62 Ia ojon are ami na nanai Na an aramas fai ta ejen a nono rek ia lom? 63 Nen mi amanaua, a aion an a sap allim nanai eu ata; kapas koe mi nan I apasa nan kemi, ir mi nen, o ir mi manau. 64 A epuelok ami sap arifaua. Pue Jisos a kile jonai lom ia re ir mi sap arifaua, o ia mi pue afaname i. 65 А ap apasa, Ie mi nan I apasa nan kemi, Semen mo to nanai fai to re i, are Jam ai sap aselpa to i. 66 Jonai fasoun ue na an ran-afalafal mi nura ra luna jonai i, ra sap eta la i. 67 Jisos ap kapas nanai mi seek ruoman koe, Ami pual epue fai la? 68 Saimon Piter ap palua nai i, Main, ia ja pue fai la ren? kapas an amanau samur nono rem; 69 O ja arifaua o kile mi en Kraist ue, Na an Kot Amanau. 70 Jisos ap paluanai ir, San nan I fili ta ami mi seek ruoman, a aman ami tefil? 71 A ken apasa ta Jutas Iskariot na an Saimon; pue ie i mi pue afaname i, a i aman seek ruoman koe.

7

1 Murin kei Jisos asauel uan Kalili, pue a uet asauel uan Jutia, pue Jus koe ra satonai ni la i. 2 A fetelalap an Jus koe, it an tapernakel, arep to. 3 Ie mi puin kana rap kapas nanai i, O fai jonai ei, fai la Jutia; pue na om ran-afalafal kana ra pue utueli fefer kana en mi feria ta. 4 Pue semen mo ml moren puepue la ken fefer le monamon la; are en ken feferi kei, en pokin puere nanai fanufan. 5 Pue puin kana ra pual sap arifaua i. 6 Jisos ap kapas nanai ir, A sap tare fasoun ai; a fasoun ami a fautan amole ta. 7 Fanufan soto nanai nimaleti ami, a ra ken nimaleti nan, pue nan I puere ta ir, mi ar fefer kana mi inau. 8 Ami fai la fetelalap ei; nan I sap fai la fetelalap ei ikana, pue fasoun ai a sap tare. 9 A ken apasa ta kei, ap nono rek Kalili. 10 A puin kana ra fai la, a ap pual fai la fetelalap ue, sap puepue la, pue ojon a monamon la. 11 Jus koe ra kitta i lan fetelalap, o apasa, Ia i? 12 Nun aramas koe ra anini fenen aniau ojon i, Pue epuelok apasa, A kin mi allim; o epuelok, Ap; pue a ken atupu aramas koe. 13 A semen mo a ken puepue la kapas ojon i, pokitan ar nuokus Jus koe. 14 Leluk an fetelalap Jisos a til lan lan fel an Kot, ap afalafala. 15 Jus koe ra ueiti feneni, apasa, Ia ojon a ken kile puk, pue semen mo afalafala i. 16 Jisos ap paluanai ir apasa, Sap ai kapas nan I apasa ta, pue kapas an mi kine ai to. 17 Are aman epue feria ta letip an, a pue kile ojon kapas, are mi ren Kot, are nan I pokin apasa. 18 Aman mi ken pokin apasa, a ken kitta pokin an ron; a aman mi kitta lin an mi kine to i, iei a ken milet, sor an mi mual. 19 Sap Moses nan kemi allik koe, a semen mo re ami ken feria ta allik koe? Limeita ami ni iai la? 20 Aramas koe ap paluanai apasa, Anu inau a no uam; ia mi satonai ni la en? 21 Jisos ap paluanai kapas nanai ir, I feria ta anan eu, ami monison ap ueiti feneni. 22 Ie mi Moses a nanai kemi sirkomsais, (sap pue mi ren Moses, pue mi ren Jam at koe,) o ami sirkomsais aramas ran an fel. 23 Are aramas a ken sirkomsais ran an fel, pue allik an Moses te pura tu; ami ap kom nan iai, pokitan ai apirakil ta aramas ran an fel? 24 Au te kine ta jonai likin, a ami au kine ta mi uonerar. 25 Epuelok re Jerusalem ap apasa, Sap ie i mi ra kitta pue ra pue ni la? 26 A attuan a ken puararo kapas, o ra sap kapas nanai i eu ata. A san milet samol kana ra ken kile mi iei Kraist enlet? 27 A ja kile ejen a fai to me ia A Kraist a puap fai to semen mo epue kile ejen а fai to me ia. 28 Jisos ap asare, lupuan an afalafal lan fel an Kot, apasa, Ami kile nan, o pual kile ejen I fai to me ia; o I sap pokin fai to, pue i mi kine ai to a ken milet, ami sikile i. 29 Nan I kile i, pue nan I me ren, o i a ken kine ai to. 30 Rap satonai liape to i; a semen mo turfi pue fasoun a sap tare. 31 Mi nura ren aramas koe arifaua i; rap apasa, Kraist a puap fai to a pue feria ta manaman lap jonai kei mi muan ei ken feria ta? 32 Farisi kana ra kile mi aramas apasa ta kei ojon i; Farisi koe o samol fel koe rap kine to ranfetok pue ra pue liape to i. 33 Jisos ap kapas nanai ir, I pue nono rek re ami fasoun kisakis, I ap fai la ren mi kine ai to. 34 Ami epue kitta ai, au sap uerai; o ejen nan I pue nono rek ia, ami an soto nanai. 35 Jus koe ap apasa lepet ar, A pue fai la ia pue kit ja soto nanai uerai i? a pue fai la ren mi no uап koe ren Jentail kana, o afalafala Jentail koe? 36 Ia ojon malial ei a ken apasa, Ami au pue kitta nan, ap soto nanai uerai; o ejen I pue nono rek ia ami au soto nanai? 37 Lan ran lapalap an fetelalap ue, ran an ateri la, Jisos a ken u ta asare, apasa, Are aman mon ran, a pue fai to re i, unimi. 38 Aman mi luku ai, ojon Paipel a ken apasa, ran pupu an ran amanau epue pupu jonai letip an. 39 (A ken apasa ta kei ojon Nen Fel, mi luku i kana ra pue anai; pue Nen Fel a sap mora tu, pue Jisos a sap lin la.) 40 Mi nura ren aramas koe ran kapas ei, rap apasa, Enlet iei joufas ue. 41 Epuelok apasa, Iei Kraist. A epuelok apasa, Kraist epue re Kalili aman? 42 Paipel a san apasa mi Kraist tuelikin Tefit, o re Petliem, telinim mi Tefit nono rek ia? 43 Iei mi aramas ainimoi sefeni pokitan i. 44 A epuelok ir ra moren liape to i, a semen mo turfi i. 45 Ranfetok koe ap fai la ren samol fel koe o Farisi koe, rap kapas nanai ir, Limeita ami sap moanana to i? 46 Ranfetok koe ap paluanai, Semen mo aramas a ken kapas ojon muau ue. 47 Farisi koe ap paluanai ir, Ami pual atupu? 48 Aman ren samol koe ken luku i, are aman ren Farisi koe? 49 A aramas koe mi sikile lamalam au Moses, ra anumamau. 50 Nikotimos, mi fai to ren lepun, pue i aman ir, a ken kapas nanai ir, 51 Ie sokon at lamalam, atikenlau aramas aman, a sap ran i lom, o kile mi a ken feri? 52 Rap paluanai, kapas nanai i, En pual re Kalili aman? En kitta, o na nanai; pue sor re Kalili aman mi joufas. 53 Rap fai la monison le im ar.

8

1 Jisos ap fai la uan rukarukta Olifet. 2 Lesor a pual fai to lan fel an Kot, aramas monison rap fai to ren; a ap mat tu afalafala ir. 3 Joumak o Farisi koe rap moanana to ren, rapot aman ra uerai a lisou, o isa ta i lepet ar. 4 Rap kapas nanai i, Jounpatak, rapot ei a uerai lisou lupuan a ken feri; 5 A Moses allik nan kit lan allik koe, ja pue arei ojon i kana; a meta en apasa? 6 Ra apasa ta kei satonai i, pue ra pue tip nanai i, Jisos ap iruok tu, mak ren aitun lepuel. 7 Ra apeapenai i, a ap auonetai kapas nanai ir, Aman re ami mi sor an tipij, a pue arei i lom. 8 A pual iruok tu, mak lepuel. 9 Ir ran, rap mi afai ar tipij, fai la, teliek ue, rapi jonai mi lapalap kana tare mi kisakis kana; Jisos ap nono rek lao, o rapot ue u ta lerere. 10 Jisos auonetai, sap uerai aman, pue rapot ue rek, a ap kapas nanai i, Rapot, ia mi tip nan uk koe? semen mo a ken atikenlau uk? 11 A ap apasa, A sor, Main. Jisos ap kapas nanai i, Nan I sap atikenlau uk; o it ue, te pual feri mi inau. 12 Jisos ap pual kapas nanai ir, apasa, Nan sarem an fanufan; aman a ken fai to muri, a sap fetafetel lan rotopuak, pue sarem an amanau a no ren. 13 Farisi koe rap kapas nanai i, En pokin puere ta en; om kapas a sap enlet. 14 Jisos ap paluanai, kapas nanai ir, Are nan pokin puere ta ni, enlet ai kapas, pue nan I kile ejen I fai to me ia, o ejen I pue fai la ia, a ami au sikile ejen I fai to me ia, are ejen I pue fai la ia. 15 Sokon aion ami kine ta; nan I sap kine ta aman. 16 Are nan I pue kine ta, ai kine ta enlet, pue nan I sap lao; pue nan o Jam ai mi kine ai to. 17 A maku tu lan ami allik koe, mi kapas an aramas an puere ta ruoman a ken milet. 18 Nan I pokin puere ta ai, o Jam ai mi kine ai to a ken etei ai puere ta. 19 Rap kapas nanai i, Jam om a nono ia? Jisos ap paluanai, Ami sikile nan, pual Jam ai; are ami kile ai, ami kile Jam ai. 20 Jisos a ken apasa ta kapas kei le ueip an isais, lupuan an afalafal lan fel an Kot; o semen mo liape to i, pue fasoun a sap tare. 21 Jisos ap pual kapas nanai i, Nan I pue fai la, ami ap kitta nan, o me la lan ami tipij; ejen nan I pue fai la ia, ami au soto nanai. 22 Jus koe ap apasa, A pue pokin ni la i? pue a ken apasa, Ejen nan I pue fai la ia, ami au soto nanai? 23 A ap kapas nanai ir, Ami me fan, nan me uan; ami ran fanufan ei. nan I sap ran fanufan ei. 24 Ie mi nan I apasa nan kemi mi ami au pue me la lan ami tipij; pue are ami sap arifaua mi nan i, ami epue me la lan ami tipij. 25 Rap kapas nanai i, Pue ia en? Jisos ap kapas nanai ir, Ie rek nan I apasa nan kemi lom. 26 Ata nura I pue apasa ta, o kine ta, ojon ami; a milet i mi kine ai to; o nan I kapas nanai ran fanufan mi ni I a ran ren. 27 Ra sikile mi a kapas nanai ir ojon Jam an. 28 Jisos ap kapas nanai ir, Ami an puap aitua ta Na an aramas, ami au pue kile mi nan i; o nan I sa pokin feri eu ata, pue ojon Jam ai aiti nan iai, ie rek I apasa ta. 29 O mi kine ai to, a ken nono rek re i; Jam ai a sap likita la nan lao, pue nan I fautan feria ta mi a ken afiriek kana. 30 Lupuan an apasa ta kei, mi nura arifaua i. 31 Jisos ap kapas nanai Jus mi arifaua i kana, Are ami amarou ai kapas, ami au pue ai ran-afalafal enlet. 32 Ami au pue kile kapas enlet, o kapas enlet epue anas la ami. 33 Rap paluanai i, Kit tuelikin Epream; ja sap rantur ren aman nono to; ia ojon om apasa, Ami au pue uas la? 34 Jisos ap paluanai ir, Attuan, attuan, I apasa nan kemi, Monison mi feri tipij, a ken rantur ren tipij. 35 Rananan a sap nono rek le im failfail la rek; a na an a ken nono rek failfail la rek. 36 Are Na an epue anas la ami, ami au pue nas la enlet. 37 I kile mi ami tuelikin Epream; a ami satonai ni iai la, pue ai kapas a sor no letip ami. 38 I apasa ta mi nan I a uerai ren Jam ai; o ami feria ta mi ami au uerai ren jam ami. 39 Rap paluanai, kapas nanai i, Epream mi jam at. Jisos ap kapas nanai ir, Are ami na an Epream, ami au pue feria ta fefer an Epream kana. 40 A ami satonai ni la nan, muan aman mi apasa nan kemi milet, mi nan I a ran ren Kot; Epream a sap feri kei. 41 Ami au ken feria ta fefer an jam ami kana. Rap kapas nanai i, Ja sap naikat ren lisou, aman erek Jam at, Kot. 42 Jisos ap kapas nanai ir, Are Kot Jam ami, ami au pue tane iai; pue nan I fai jonai Kot, fai to; pue nan I sa pokin fai to, pue ia kine ai to. 43 Limeita ami au sap kile ai kapas? pokitan ami an soto nanai ausalon ai kapas. 44 Ami me ren jam ami, te fil ue; o morenia an jam ami, ami au pue feri; i a ken ni la aramas jonai rapin lom, o sap amarou milet, pue milet a sor no letip an. Lupuan an kapas rafana a ken pokin apasa ta; pue i mi rafana, o jam an rafana kana. 45 A pokitan ai apasa nan kemi milet ami au sap arifaua iai. 46 Ia re ami a ken tip nan iai? Are nan I apasa nan kemi milet, limeita ami au sap arifaua iai. 47 Na an Kot kana ra ken ran kapas an Kot; ie mi ni ami au sap ran, pue sap na an Kot ami. 48 Jus koe paluanai, kapas nanai i, A san allim at kapas mi re Sameria en, o anu inau a no uam? 49 Jisos ap paluanai, Sor anu inau a no uai; pue nan I alasorik Jam ai, a ami alasolap nan. 50 Nan I sap kitta pokin ai lin; aman a no mi ken kitta, o kine ta. 51 Attuan, attuan, I apasa nan kemi, Are aman epue amarou ai kapas, a sap epue uerai me la failfail la rek. 52 Jus koe ap kapas nanai i, Ie mi ja kile mi anu inau a no uam; Epream a me, o joufas kana, o en ken apasa, Are aman epue amarou ai kapas, a sap epue uerai me la failfail la rek. 53 En mi lap moan jam at Epream mi ken me la? o joufas kana ra me la; ia en pokin feri en? 54 Jisos ap paluanai, Are nan pokin alin, ai lin epue mi mual; Jam ai a ken alin iai; i mi ami apasa pue i ami Kot. 55 О ami au sikile i, a nan I kile i; are nan apasa mi nan sikile i, nan I pue rafana ojon rek ami; pue nan I kile i, o amarou an kapas. 56 Jam ami Epream puapua pue a pue utueli fasoun ai; a ken utueli, ap renel. 57 Jus koe ap kapas nanai i, Manau om a sap tare lefen lime; a en na nanai Epream? 58 Jisos ap kapas nanai ir, Attuan, attuan, I apasa nan kemi, Nan I nono rek moan Epream. 59 Rap puokai fau ra pue arei i; Jisos ap mon jonai ir, fai la lepet ar, til ue jonai fel an Kot, ap fai la.

9

1 Lupuan Jisos a fai la, a uerai muan aman mi masapon jonai an naikat. 2 Na an ran-afalafal koe ap aiekanai i, Rapai ia mi tipij, muan ei, are jam an asak an, mi a naikat masapon? 3 Jisos ap paluanai, Sap muan ei mi tipij, pual sap jam an asak an; a pue fefer an Kot epue puere ta ren. 4 Nan epue feria ta anan an mi kine ai to le ran; pue pun a fafai to, fasoun semen mo to nanai anan. 5 Leilain ai no fanufan, sarem an fanufan nan. 6 A apasa ta kei, ap atifa tu le puel, ap auilia la puel atif, ap relifi ren puel ue le mas an muan masapon ue. 7 Ap kapas nanai i, О it ue, orasi le ran an Sailoam, (mi auili, Kine:) a ap fai la orasi, ap fai to uerai moan. 8 Mi no aran kana, o mi utueli i lom lupuan an masapon kana, ra ken apasa, San ie i mi mat tu tunotunor? 9 Epuelok apasa, Ie i; a epuelok, A ojon rek i. A i mi apasa, Nan iei. 10 Rap kapas nanai i, Ia ojon mas om anonnol la? 11 A ap paluanai apasa, Muan amau it an Jisos a feria ta puel, relifi le mas ai, ap kapas nan iai, O it ue le ran an Sailoam, ap orasi; nan ap fai la orasi, ap uerai moai. 12 Rap kapas nan ai i, Pue ia i? A ken apasa, I sikile. 13 Rap moanana la ren Farisi koe i mi masapon lom. 14 A ran au fel mi Jisos feria ta puel, ap anonnol la le mas an. 15 Farisi koe rap pual aiekanai i ojon an uerai moan. A ap kapas nanai ir, A ken relifi nanai lemas ai puel, nan orasi, ap uerai moai. 16 Epuelok Farisi koe rap apasa, Muan ue a sap me ren Kot, pue a ken pura tu ran an fel. A epuelok ra ken apasa, Ia ojon muan tipij a to nanai feri manaman ojon kei? Rap ainimoi feseni lepet ar. 17 Rap pual kapas nanai muan masapon ue, Meta en apasa ojon i, pue a ken anonnol la lemas om? A ap apasa, I mi joufas aman. 18 Jus koe ra sap arifaua mi a ken masapon, ap uerai moan, tare ra asare to jam an asak an i mi mas an nonnol la. 19 Rap aiek re ir apasa, Iei na ami muan mi ami apasa a ken naikat masapon? Ia ojon a ken uerai moan ikana? 20 Jam an asak an rap paluanai ir apasa, Ja kile mi iei na at muan, o a ken naikat masapon; 21 A ojon an uerai moan ikana ja sikile; o mi anonnol la lemas an ja sikile; a ken alumau, au aiek ren; a pue pokin apasa ta i. 22 Jam an, asak an ra apasa ta kei pue ra nuokus Jus koe; pue Jus koe ra puon fenen lom, are aman epue apasa mi iei Kraist, a pue ainimoi jonai sinakak. 23 Ie mi ni jam an, asak an ra ken apasa, A ken alumau, au aiek ren. 24 Rap pual asare to muan masapon ue, kapas nanai i, En maretai Kot; ja kile mi muan ue mi tipij. 25 A ap paluauai apasa, I sikile are i mi tipij; ie mi I kile, nan I masapon lom, a ikana I uerai moai. 26 Rap pual kapas nanai i, Meta a feri nan uk? ia ojon an anonnol la mas om? 27 A ap paluanai ir, I apasa nan kemi lom, ami au sap ran; limeita ami moren pual ran? ami pual epue na an ran-afalafal. 28 Rap lal inau nanai i, apasa En na an ran-afalafal a kit an Moses ran-afalafal? 29 Ja kile mi Kot a kakapas ren Moses; a muan ue ja sikile me ia. 30 Muan ue ap paluanai, kapas nanai ir, Pue iei alanafau mi ami au sikile me ia i, o a ken anonnol la lemas ai. 31 Ja kile mi Kot a sap ausalon mi tipij kana; a are aman ken fei nanai i, o alasorik an kapas, iei a ken ausalon. 32 Jonai rapin lom ja sap ran mi aman a ken anonnol la lemas au aman a naikat masapon. 33 Are muan ei a sap me ren Kot, a soto nanai feri eu ata. 34 Rap paluanai, kapas nanai i, Eu mi naikat lan tipij unus; en ap afalafala kit? Rap ainimoi la i likin. 35 Jisos a ran mi ra ainimoi la i likiu; a uerai i, ap kapas nanai i, En mi arifaua Na an Kot? 36 A ap paluanai, apasa, Pue ia i Main, pue I pue arifaua i? 37 Jisos ap kapas nanai i, En a uerai i, pue nan mi ka kapas rem, nan i. 38 A ap apasa, Nan I arifaua, Main; a ap fel nanai i. 39 Jisos ap apasa, Pokitan atikenlau, nan I fai tu fanufan, pue mi sap uerai moar ra pue na nanai, o mi uerai moar, ra pue masapon. 40 Epuelok Farisi mi nono ren, ra ran kei, rap kapas nanai i, Kit pual masapon? 41 Jisos ap kapas nanai ir, Are ami masapon, sor ami tipij; a ami au ken apasa, Ja na nanai; ie mi ami tipij nono rek.

10

1 Attuan, attuan, I apasa nan kemi, Aman a sap til lan le asaman lenien jip, pue a ken ta ta eu ejen, ie mi ransole. 2 A mi til lan le asaman, i mi ranmas an jip. 3 Ranmas an im a ken suk nanai i, o jip kana ausalon maliali an; a ken aitan nanai na an jip it ar kana, ap moanana jonai ir. 4 Lupuan an moanana jonai na an jip a ken okom la moar; o na an jip kana rap fai la murin, pue ra kile maliali an. 5 Ra sap epue fai la murin aman; pue ra pue su jonai i; pue ra sikile maliali au aramas koe. 6 Jisos mi kapas nanai ir kapas monenir ei, a ra sikile ata kei mi ni a apasa nan ir. 7 Jisos ap pual kapas nanai ir, Attuan, attuan, I apasa nan kemi, Nan asaman jip kana. 8 Monison mi fai to moai ra mi ransole; a jip kana sap ausalon ir. 9 Nan asaman; aman a ken til lan re i, a pue manau; o til lan, til ue, ap uerai mona. 10 Ransole a ken fai to pue a pue sole, o ni la, o kitater la rek; nan I fai to pue ra pue uerai manau, o uerai aniau. 11 Nan mi ranmas allim. Ranmas allim a ken peluku manau an pokitan jip koe. 12 A ranlunin aman mi sap ranmas, mi jip kana sap na an, a ken uerai uolf a fai to, ap likita la jip koe, su la; uolf ue ap turfi ir, o kupet feseni jip koe. 13 Ranlunin a ken su la pokitan i mi ranlunin erek, a sap loleilon akanai jip kana. 14 Nan I ranmas allim; o nan I kile nai kana, o nai kana ra kile iai; 15 Ojon rek Jam ai a ken kile iai, o nan I kile Jam ai; o I ken peluku manau ai pokitan jip kana. 16 Pual epuelok jip mi ai, ra sap no lenien ai; I pue pual moanaua to ir, o ra pue ausalon ai maliali, o lenien eu erek epue no, o ranmas aman erek. 17 Ie mi ni Jam ai a ken tane iaim pue nan I peluku шauau aim pue I pue pual manau ta. 18 Semen mo a ken nai jonai iai manau, pue nan I pokin peluku i. Nan I auonauonan nanai peluku i, o auonauonan nanai pual manaua ta. Jam ai a nan iai auonauonan ei. 19 Jus koe ap pual ainimoi la ren kapas kei. 20 Mi nura re ir ap apasa, Anu inau a no uan, o a ken puar; limeita ami au ken rа i? 21 A epuelok apasa, Kei sap kapas an aman anu inau a no uan; anu inau a to nanai anonnol la lemas an mi ma sapon kana? 22 Fetelalap an afinu a ken feri Jerusalem, o a lefen. 23 Jisos a asauel lan palanaitako an Solomon le fel an Kot. 24 Jus koe ra pueli faili i, ap kapas nanai i, Ia leilain om atipmaramara kit? are en Kraist, en puepue la apasa nan kemam. 25 Jisos ap paluanai ir, Nan I apasa nau kemi o ami sap arifaua. Fefer koe mi nan I feria ta fasinokin Jam ai ra ken puere ta nan; 26 A ami au sap arifaua; pue ami au sap ai jip, ojon I apasa nan kemi. 27 Ai jip kana ra ausalon ai maliali, o nan I kile ir; o ra fai la muri; 28 О nan I nanai ir manau asamur; o ra sap epue kitatere la failfail la rek, o semen mo to nanai nai jonai ir le pa i. 29 Jam ai mi nan iai ir, a ken mi lap moan monison; o semen mo a to nanai uai jonai ir le pa an Jam ai. 30 Nan o Jam ai aman erek. 31 Jus koe ap pual puokai fau pue ra pue arei i. 32 Jisos ap paluanai ir, Fefer allim mi nura nan I puere nan kemi jonai Jam ai; pokitan ia re ir ami arei nan? 33 Jus koe ap paluanai i, apasa, Ja sap arei en pokitan fefer allim, pue pokitan asaia, o pue en aramas aman, pokin feri en Kot. 34 Jisos ap paluanai ir, A san maku tu lan ami Paipel, Nan I apasa, kot kana ami? 35 Are a aitan nanai ir mi kapas an Kot no re ir kot kana, (o Paipel a soto nanai kitatere la,) 36 Ami ap apasa ojon i mi Jam an seika ta, o kine to fanufan, mi a ken asaia, pue a ken apasa, Nan Na au Kot? 37 Are nan I sap feria ta anan an Jam ai, ami au te arifaua ai. 38 A are nan I ken feri anan an Jam ai, o ami au sap arifaua ai, au pue arifaua fefer koe; pue ami au pue kile o arifaua mi Jam ai a no lan nan, o pual nan no lan i. 39 Rap pual satonai liape to i, a i a ken nas jonai le pa ar. 40 A ap pual fai la sopo lan Jartan, ejen Jon a ken papatais lom; a ap nono rek ia. 41 Mi nura fai to ren, o apasa, Jon a sap feria ta manaman eu; a аta monison Jon apasa ta ojon muan ei a ken milet. 42 O mi nura arifaua i ia.

11

1 Lasaros, re Petani aman, telinim an Meri o puiu Marta, a ken somau. 2 Ie Meri mi relifi nanai Jisos po an puo o alla pir an ren met an makeran, mi monai an Lasaros mi somau. 3 Monai an koe rap kine la ren, apasa, Main muan mi eu tane a ken somau. 4 Jisos a ran, ap apasa, Somau ei a sap nanai me la, pue nanai lin an Kot, pue Na an Kot a pue lin la ren. 5 Jisos a ken tane Marta o puin o Lasaros, 6 A ken ran mi a ken somau, a ap nono rek ejen ue rek ran ruou. 7 Murin kei a ap kapas nanai ran-afalafal koe, Ja pue pual fai la Jutia. 8 Ran-afalafal koe ap kapas nanai i, Rapai Jus koe aplan satonai arei en, a o pue pual fai la ia? 9 Jisos ap paluanai, San klok enaul mi ruou lan ran eu? Are aman asauel le ran a sap repete, pue a keu uerai sarem an fanufan; 10 A are aman asauel lepun a ken repeti, pue sarem a sor no ren. 11 A apasa ta kei, a murin a ken kapas nanai ir, Lasaros mi ja tane a ken mair; a I pue fai la fanina ta i. 12 Na an ran-afalafal koе ap kapas nanai i, Main, are a mair a pue manau la. 13 Jisos a ken kapas nanai ir ojou an me la; a ir kikina a ken kapas ojon mair asak. 14 Jisos ap kapas puepue la nanai ir, Lasaros a me. 15 О nan I puapua ai sor no ia, pokitan ami, pue ami epue luku; a ja pue fai la ren. 16 Tomas, it an Titimos, ap kapas nanai riri an ran-afalafal koe, Ja pue fai la pue ja pue me la ren. 17 Jisos ap fai la, uerai i a paiauai ran ruanu. 18 Petani arep nanai Jerusalem, aran mail ruou. 19 Jus mi nura fai to ren Marta mi Meri, pue ra pue aururu ir ojon monai ar. 20 Marta a ran Jisos a fai to, ap fai la runi i; a Meri a mat tu le im. 21 Marta ap kapas nanai Jisos, Main, are en no kei, monai ai a sap me la. 22 A ikana I kile eu ata en epue tunorai ren Kot, Kot epue nan uk. 23 Jisos ap kapas nanai i, Monai om a pue manaua ta. 24 Marta ap kapas nanai i, I kile a pue manaua ta lan amanau an ran an ateri la. 25 Jisos ap kapas nanai i, Nan I Ran Amanau, o manau ue. Aman mi luku ai, are a me la, a pue manaua ta. 26 O monison mi manau o luku ai, ra sap epue me la failfail la rek. En arifaua ei? 27 A ap kapas nanai i, Euar, Main; nan I arifaua en Kraist, Na an Kot mi pue fai tu fanufan. 28 A ken apasa ta kei ap fai la, mon la asare to puin Meri, apasa, Jounpatak ue a fai to, asare en. 29 A ran kei, ap failakai u ta, fai la ren. 30 Jisos a sap til lan lan telinim, pue a nono rek ejen ue Marta a runi i. 31 Jus koe mi nono rek ren lan im, o aururu i, ra uerai Meri a failakai u ta, fai la, rap fai la murin, apasa, A fai la uan paian, pue a pue sonisom ia. 32 Meri fai la ejen Jisos a no ia, uerai i, ap rape tu leson pir an, kapas nanai i, Main are en no kei monai ai a sap me la. 33 Jisos a na nanai i sonison, o Jus koe mi etei i sonison, nen an ap rourok aniau o letip an amokit, a ap apasa, 34 Ia ami paianai i? Rap kapas nanai i, Main, en fai to utueli. 35 Jisos a sonison. 36 Jus koe apasa, Na nanai ojon an tane i. 37 Epuelok ir ap apasa, A soto nanai i mi anonnol la lemas an mi masapon, feferi pue muan ei a te me la? 38 Jisos pual rourok nen an, ap fai la nan paian. Ie pao an fan, o faurol a no uan. 39 Jisos ap apasa, Puoka ta faurol ue. Marta, monai an mi me la ue, ap kapas nanai i, Main, a po mat la; pue aruanu an ran ikana. 40 Jisos ap kapas nanai i, I san kapas nan uk are en luku, o pue na nanai lin an Kot? 41 Rap puoka ta faurol ue jonai ejen mi me la ue a nono ia. Jisos ap sara ta, apasa, Jam ai, I maretai en om ausalon iai. 42 О nan I kile en ausalon iai fasoun monison; a pokitan muer ra pueli faili, I apasa ta, pue ra pue arifaua om kine ai to. 43 A apasa ta kei, ap asare maliali rapur, Lasaros, en fai to jonai. 44 Mi me la ue ap fai jonai, pa an o pir an tikima la tikitik an some, o lemas an tikima la manaku an alla. Jisos ap kapas nanai ir, Amusa la i, o kine la. 45 Mi nura ren Jus koe mi fai to ren Meri, ra utueli mi ni Jisos feri, rap arifaua i. 46 A epuelok ir ra ken fai la ren Farisi koe, ura nanai ir mi ni Jisos feri. 47 Ie mi samol fel kana o Farisi koe ion feneni rulap, rap apasa, Meta ja pue feri? pue muan ue a ken feri manaman nura. 48 Are ja pual jonai i, monison ra pue arifaua i; o re Rom koe ra pue fai to uai jonai kit fanu at o ainan at. 49 Aman ir, Kaiefas samol fel rapur lefen ue, ap kapas nanai ir, Ami au sap kile eu ata rek? 50 Pual sap okioki mi allim nanai kit aman epue me la pokitan aramas, pue ainan ei monison a te kitatere la? 51 A sap pokin apasa ta kei; pue i samol fel rapur lefen ue, a ken oiakenai mi Jisos epne me la pokitan ainan ue: 52 О sap pokitan ainan ue rek, pue a pue ion feneni lan eu na an Kot kana mi kupet feseni. 53 Jonai fasoun ue rek, ra kapas fenen pue ra pue ni la i. 54 Ie mi Jisos a sap puepue la asauel ren Jus koe, pue a ken fai la jonai ia uan eu fanu arep nan ai fanu pan ue, lan telinim it an Ifraim; a ap nono rek ia etei na an ran-afalafal koe. 55 Pasofer au Jus koe arep to; mi nura jonai fanu rap fai to Jerusalem moan pasofer, pue ra pue allimi pokin ir. 56 Rap kitta Jisos, o kapas fenen lepet ar lupuan ar no lan fel an Kot, Ia ojon ami okioki, a pue fai to etei fetelalap? 57 Samol fel koe o pual Farisi koe ra allik nanaim are aman a kile ejen a ken nono ia, a pue puere ta, pue ra pue liape to i.

12

1 Ran uonou moan pasofer ue, Jisos a ken fai to Petani, ejen Lasaros nono ia mi ken me la ap manaua ta jonai paian. 2 Ra ken feri nanai i fetela lap ia; o Marta ran feri an mona, a Lasaros aman ir mi etei i mat nanai tepel. 3 Meri ap anai rume an po an puo mi aure aniau, ap relif nanai pir an Jisos, pual alla pir an ren mat an makeran; im ue ap ur an po au po an puo. 4 Aman na an ran-afalafal koe Jutas Iskariot na an Saimon, mi pue afaname i, a ken apasa, 5 Limeita po an puo ue a sap ameame nanai moni elupuku, ap kisan nanai mi uoinau kana? 6 A ken apasa ta kei, sap pokitan an tane mi uoinau kana, a pokitan i ransole aman, o a ken isana ar saua, o ua la ar moni. 7 Jisos ap apasa, pual jonai i; a ken isana kei nanai ran an ai paianai. 8 Mi uoinau kana fautan nono rek re ami, a nan sor. 9 Nun Jus nura kile a no ia, rap fai to, sap pokitan Jisos erek, a pue ra pue na nanai Lasaros mi a ken amanaua ta jonai paian. 10 Samol tel koe kapas fenen le ir pue ra pue pual ni la Lasaros. 11 Pue pokitan i Jus nura ra ken fai la, ap arifaua Jisos. 12 Masatan, aramas nura mi moumou nanai fetelalap an pasofer, ra ran mi Jisos a faifai to Jerusalem, 13 Rap anai kan an ura, fai la runi i, rap mairer, Osanna; mi faiamau i mi ken fai to fasinokin Jioua, Kin an Israel. 14 Jisos a uerai apen an as aman, ap mat tu uan, ojon a maku tu, 15 O te nuokus, na an Saion lierato, pue attuan om Kin a ken fai to mat tu uan apen an as. 16 Na an ran-afalafal ra sap aueue ata kei lom; a Jisos puap lin la, rap lenlemani mi ata kei maku tu ojon i, o ar feri nanai i ata kei. 17 Aramas mi etei i lupuan an asare jonai paian Lasaros, o amanaua ta i jonai me la, rap puere ta. 18 Ie mi ni nun aramas ra runi, pue ra ran a ken feri manaman ei. 19 Farisi koe ap kapas fenen le ir, Ami au sa uerai a sap puanua ta re ami? attuan fanufan a fai la murin i. 20 A epuelok re Kris mi etei ir mi ken fai ta pue ra pue fefel lupuan fetelalap ue; 21 Ra fai to ren Filip, re Petsaita an Kalili, ap tunorai ren, apasa, Main, ja moren na nanai Jisos. 22 Filip ap fai to ura nanai Antru; Antru o Filip ura nanai Jisos. 23 Jisos ap paluanai ir, apasa, Fasoun a tare, Na an aramas epue lin la. 24 Attuan, attuan, I apasa nan kemi are uan uit eu a sap pun tu lepuel, me la, a ken nono rek lao; are a me la a ken ua aniau. 25 Mi ken tane manau an, a pue malet jonai i, o mi ken nimaleti manau an lan fanufan ei, a pue isana i tare manau sa-uk. 26 Are aman moren rananan nan iai, i a pue fai to murin nan; o ejen I pue nono rek ia, ie ejen ai rananan epue pual nono rek ia; are aman kan rananan nan iai, i a pue ron ren Jam ai. 27 Letip ai ken mokitakit ikana; a meta I pue apasa? Jam ai, en anas jonai iai fasoun ei? a ie mi ni nan I fai to tare fasoun ei. 28 Jam ai, en alina la it om. Malial ap fai tu me lan, Nan I alina la, o I pue pual alina la. 29 Nun aramas mi u ta o ran, ra apasa mi a roplap; a epuelok apasa, Ranlan aman ken kapas nanai i. 30 Jisos ap paluanai o apasa, Sap pokitan nan malial ei a feferi, pue pokitan ami. 31 Ikana atikenlau an fanufan ei; samol an fanufan ei epue asu la likin ikana. 32 Are nan I aitua ta jonai fanufan, I pue aselpa to ren pokitan nan aramas monison. 33 A ken apasa ta kei killanai sokon an epue me la. 34 Aramas koe rap paluanai i, Ja ra jonai Paipel mi Kraist epue nono rek failfail la rek, a ia ojon om apasa, Na an aramas epue aitua ta? Pue ia Na an aramas ue? 35 Jisos ap kapas nanai ir, Fasoun moramor erek sarem a nono rek re ami. Ami fetafetel lupuan sarem a no re ami, pue rotopuak a te tare ami. Aman a ken fetafetel lan rotopuak a ken sikile ejen a ken fai la ia. 36 Lupuan sarem a no re ami, ami au alasorik sarem, pue ami epue na an sarem kana. Jisos a ken apasa ta kei, ap fai la, op jonai ir. 37 A ken feri manaman kei mi nura moar, a ra sap luku i; 38 Pue kapas an Aisea, joufas ue, pue puanua ta mi a ken apasa, Main, ia mi arifaua am kapas? o ia ir mi pa an Jioua puere nanai? 39 Ie mi ra soto nanai arifaua pue Aisea a pual apasa, 40 A ken apona la lemas ar, o apero inau la letip ar, pue ra te na nanai ren lemas ar, are kile ren letip ar, o uili la pue I pue allimi la ir. 41 Aisea a ken apasa ta kei, lupuan an uerai an lin, o kapas ojon i. 42 A epuelok samol koe ra arifaua i, a pokitan Farisi koe ra sap puere ta, pue ra te ainimoi jonai sinakak, 43 Pue ra ken tane lin ren aramas lap jonai lin me ren Kot. 44 Jisos ap asare o apasa, Aman a ken arifaua ai, sap nan a ken arifaua, pue kine ai to. 45 Mi ken uerai iai, a ken uerai mi kine ai to. 46 Nan I fai to sarem an fanufan, pue monison mi arifaua ai, ra te nono rek lan rotopuak. 47 Are aman a ken ran ai kapas kana, ap sap arifaua, nan I sap atikenlau i; pue nan I sap fai to pue atikenlau fanufan, a pue I epue amanaua fanufan. 48 Mi ken kaputak nan, o sap alasorik ai kapas kana, pue uerai atikenlau; kapas mi nan apasa ta, ie mi pue atikenlau i lan ran an ateri la. 49 Pue nan I sap pokin apasa ta; pue mi kine ai to a ken allik nan iai mi ni I pue maliali, o mi ni I pue apasa ta. 50 О nan I kile mi an allik mi manau uor; monison mi nan I apasa ta I ken apasa ta ojon rek Jam ai malial nan iai.

13

1 Moan fetelalap an pasofer, Jisos kile a tare fasoun a epue fai jonai fanufan, fai la ren Jam an, a tane na an kana fanufan, a pual tane ir tare sopo lan. 2 Monan lesautik a feferi, Setan a nanai letip an Jutas Iskariot na an Saimon, a pue afaname i; 3 Jisos a kile mi Jam an nanai ata monison le pa an, o mi a fai to jonai Kot, o a pue fai la ren Kot, 4 A u ta jonai mona, puil ta ue an manaku, ap anai manaku an alla, pokin farok пanai: 5 A ap asera lan sapei eu ran, ap rapia ta alla piran ran-afalafal koe, o alla ren manaku a farok nanai, 6 A fai to ren Saimon Piter; mi ap kapas nanai i, Main, en epue alla pir ai? 7 Jisos ap paluanai, kapas nanai i, Mi nan I feri en sikile ikana, a o pue kile murin. 8 Piter ap kapas nanai i, О sap epue alla pir ai failfail la rek. Jisos ap paluanai i, Are nan sap alla en, sor uis om re i. 9 Saimon Piter ap kapas nanai i, Main, sap pir ai erek, pue pa i o maker ai. 10 Jisos ap kapas nanai i, Mi tutu a sap epue alla, pir an erek, pue a ken porapor la monison; o ami au ken porapor, a sap monison. 11 Pue a kile i mi pue afaname i; ie mi a ken apasa, Sap ami monison mi porapor. 12 Murin an alla pir ar a ken anai an manaku, pual mat tu, kapas nanai ir, Ami kile mi nan I feri nan kemi? 13 Ami aitan nan iai Jounpatak, o Samol; o mi pun ami kapas, pue iei nan. 14 Are nan, ami samol o jounpatak, mi alla pir ami, mi allim nan kemi, alla feneni pir ami. 15 Nan I nan kemi auomanu, pue ami au pue feri ojon rek nan I feri nan kemi. 16 Attuan, attuan, I apasa nan kemi, Rananan a sap lap moan na an samol, are rankine lap moan mi kine la i. 17 Are ami kile kei, ami au faiamau are ami feria ta. 18 I sap apasa ojon ami mi ainikin; pue I kile mi nan I fili ta; a pue mak ei epue puanua ta, Mi etei iai mona, a ken puoka ta repete nan iai pir an. 19 Nan I apasa nan moan a sap puanua ta, pue a puap puanua ta, ami ap arifaua pue nan i. 20 Attuan, attuan, I apasa nan kemi, Mi ken atanaki ai rankine aman, a ken atanaki ai; o mi atanaki ai, a ken atanaki i mi kine ai to. 21 Jisos apasa ta kei, letip an ap rourok, a ap puere ta, apasa Attuan, attuan, aman ami epue afaname iai. 22 Ran-afalafal koe ap utueli feneni, tip maramar ojon ia a ken apasa ta. 23 Aman na an ran-afalafal mi Jisos ken tane, a mat tu aran i. 24 Saimon Piter ap ale pa nanai i, a pue aiek ojon ia a ken apasa ta. 25 A ap rape nanai Jisos, kapas nanai i, Main, pue ia i? 26 Jisos ap paluanai, Ie i mi nan epue nanai kifitan pret I puap tiki le ran. A ap anai pret, tiki le ran, ap nanai Jutas Iskariot na an Saimon. 27 A murin ei Setan ap til lan letip an, Jisos ap kapas nanai i, Amuitira la mi en epue feri. 28 A semen mo re ir mi mat nanai tepel a kile meta a kapas nanai i. 29 Pue epuelok kikina pue saua a no ren Jutas, Jisos a ken kapas nanai i, En ameame to ata kana an fetelalap ue; are a pue nanai eu ata mi uoinau kana. 30 A ken anai pret ue ap failakai til ue, o a puni ti. 31 Murin an til ue, Jisos a ken apasa, Na an aramas lin la ikana, o Kot a ken lin la ren. 32 Are Kot a ken lin la ren, Kot pual epue alina la i ren pokin i, o a epue failakai alina la i. 33 Nai at ami, I pue nono rek re ami fasoun moramor. Ami epue kitta ai, o ojon ai kapas nanai Jus koe, Ejen I pue fai la ia, ami au soto nanai, ie ojon I apasa an kemi ikana. 34 Allik sefa I nan kemi, pue ami au pue tane fenen; ojon na I tane ami, ie ojon ami au tane fenen. 35 Ren kei aramas monison ra pue kile mi ami ai ran-afalafal, are ami tane fenen. 36 Saimon Piter ap kapas nanai i, Main, o pue fai la ia? Jisos ap paluanai i, Ejen I pue fai la ia, en soto nanai fai la muri ikana; a failfailo en epue fai la murin nan. 37 Piter ap kapas nanai i, Main, limeita I soto nanai fai la mur om ikana? I pue peluku manau ai pokitan en. 38 Jisos ap paluanai i, О pue peluku manau om pokitan nan? Attuan, attuan, I apasa nan uk, Malek a sap koka tare om aumaum iai fan elu.

14

1 Letip ami te rourok; ami luku Kot, ami pual luku nan. 2 Ueip nura no lan fel an Jam ai; are sor I pue ura nan kemi; I ken fai la amole ta leni ami. 3 Are nan I fai la amole ta leni ami, I pue pual fai to moanana la ami re i; pue ejen nan I nono rek ia, ami pual epue nono rek ia. 4 Ami kile ejen I pue fai la ia, o ami kile al. 5 Tomas ap kapas nanai i, Main, ja sikile ejen o pue fai la ia, o ia ojon ja pue to nanai kile al? 6 Jisos ap kapas nanai i, Nan al, o enlet, o manau; semen mo a ken fai la ren Jam ai, uon an nan erek. 7 Are ami kile nan, ami pual kile Jam ai; o ikana, failfail la ami kile i, o uerai i. 8 Filip ap kapas nanai i, Main, en asele nanai kit Jam om o ja pue kinamue. 9 Jisos ap kapas nanai i, Pue ia ojon, fasoun leilai nan I nono rek re ami, o en sikile iai Filip? Mi ken uerai nan, a ken uerai Jam ai; a ia ojon om apasa, Asele nanai kit Jam om? 10 En san arifaua mi nan I nono rek lan Jam ai, o Jam ai a nono rek lan пan? kapas mi nan I apasa nan kemi, I sap pokin apasa ta; Jam ai mi ken nono rek lan nan, i mi ken feria ta fefer koe. 11 Ami au arifaua ai, mi nan I nono rek lan Jam ai, o Jam ai a nono rek lan nan; are sor, ami au arifaua ai pokitan ai fefer kana. 12 Attuan, attuan, I apasa nan kemi, Mi ken luku ai, a pue feria ta fefer kana mi nan I feria ta, o a pual epue feri mi lap jonai kei; pue nan I pue fai la ren Jam ai. 13 Eu ata ami au pue tunorai fasinokin nan, ie I pue feria ta; pue Jam ai epue lina la ren Na an. 14 Are ami tunorai eu ata fasinokin nan, I pue feria ta. 15 Are ami tane iai, ami au amarou ai allik kana. 16 О nan I pue tunorai ren Jam ai, o a pue tina to re ami aman Ran Aururu, pue a pue nono rek re ami failfail la rek; 17 Ie Nеn enlet, mi fanufan ra soto nanai anai, pue ra sap uerai i, are kile i; a ami kile i, pue a ken nono rek re ami, o a pue nono rek lan ami. 18 I semen epue likita la ami mesan; I pue fai to re ami. 19 Murin fasoun moramor, fanufan ra sap na nanai nan; a ami au pue nana nanai nan: pue nan I manau, ami pual epue manau. 20 Lan ran ue ami epue kile mi nan no lan Jam ai, o ami no lan nan, o nan pual no lan ami. 21 Mi ken ausalon alo i, o amarou ir, iei mi ken tane ai; o Jam ai epue tane i mi ken tane ai; o nan I pue tane i o pokin puere nanai i. 22 Jutas sap Iskariot, ap kapas nanai i, Main, ia ojon en epue pokin puere nan kemam, a sap ren re fanufan? 23 Jisos ap paluanai, kapas nanai i, Are aman tane iai o amarou ai kapas, Jam ai epue tane i, o ja pue fai to ren, o nono rek ren. 24 Mi sap tane iai, a sap amarou ai kapas kana; a sap ai kapas ami au ken ran, pue kapas an Jam ai mi kine ai to. 25 Ata kei I apasa nan kemi lupuan ai nono rek re ami; 26 A Ran Aururu, Nen Fel, mi Jam ai epue kine to fasinokin nan, i a pue aiti nan kemi ata monison, o alenlemani ami ai kapas nanai ami monison. 27 I likita la ai renel re ami; ai renel I nanai ami; sap ojon fanufan ar kisan, nan I kisan nan ai ami. Letip ami te rourok, pual te nuokus. 28 Ami ran ai apasa nan kemi, I pue fai la, ap lun to re ami. Are ami tane iai, ami epue renel ren ai kapas, I pue fai la ren Jam ai; pue Jam ai mi lap moai. 29 Nan I ura nanai ami lom, pue a puap puanua ta, ami au pue arifaua. 30 Murin ikana I semen epue kapas nura re ami; pue samol an fanufan ei a fai to, o sor eu ata na an nono re i; 31 A pue fanufan ra pue kile mi nan I ken tane Jam ai o feria ta ojon rek Jam ai a ken allik nan iai. Ami u ta, ja pue fai la.

15

1 Nan ura enlet, o Jam ai rananan. 2 Ai kana monison mi sap ua, a ken ukifi jonai; o kana monison mi ken ua, a ken falai pue ra pue ua nura. 3 Ami porapor pokitan kapas nan I apasa nan kemi. 4 Ami amarou nan, o nan I pue amarou ami. Ojon kana a soto nanai pokin ua, are a nono lan ura erek; ie ojon ami au soto nanai ua, are ami au sap nono rek lan nan. 5 Nan ura, ami kana kana; aman a ken nono rek lan nan o nan nono rek lan i, i epue ua nura; pue ukifi jonai nan ami au soto nanai eu ata. 6 Are aman a sap nono rek lan nan, a ken asu la ojon rek kana, ap puas la, o ra ken ion fenen ir, ap asu tu leni ef, rap fiki. 7 Are ami nono rek lan nan, o ai kapas kana nono rek lan ami, ami epue tunorai eu ata ami afiriek, a epue puanua ta re ami. 8 Ami ua nura ie epue alina la Jam ai; pue ie ojon ami au pue ai ran-afalafal. 9 Ojon rek Jam ai ken tane iai, nan I pual tane ami; ami au nono rek lan ai tan. 10 Are ami amarou ai kapas kana ami epue nono rek lan ai tan; ojon rek nan I amarou kapas an Jam ai, ap nono rek lan an tan. 11 Ata a kei nan I apasa nаn kemi pue ai renel pue nono rek lan ami, o ami renel epue ur la. 12 Iei ai allik, Ami tane fenen, ojon rek na I tane ami. 13 Semen mo ken tane lap jonai ei, mi aman epue peluku manau an pokitan mi a ken tane kaua. 14 Ami epue ron re i, are ami feria ta mi ni I allik nanai ami. 15 I sap epue aitan nanai ami rananan, pue rananan ken sikile mi ni an samol ken feria ta; I aitan nanai ami ran-aronaron; pue monison mi nan I ran ren Jam ai, I akile nanai ami. 16 Sap ami mi fila ta nan, pue nan I fila ta ami; o seika ta ami, pue ami au pue fai la, ua o ami ua epue nono rek; pue eu ata ami epue tunorai ren Jam ai fasinokin nan, a pue nanai ami. 17 Ata kei I allik nanai ami, pue ami au tane fenen. 18 Are fanufan ra ken nimaleti ami, ami kile mi ra nimaleti nan mo ami. 19 Are ami ran fanufan, fanufan epue tane na an; a pokitan sap ran fanufan ami, pue nan I fila ta ami jonai fanufan, ie mi ni fanufan a ken nimaleti ami. 20 Ami lenlemani kapas mi nan I apasa nan kemi, Rananan a sap lap moan na an samol. Are ra ninni nan, ra pue ninni ami; are ra amarou ai kapas, ra pual epue amarou ami kapas. 21 Ata kei mouison ra pue feri nan kemi pokitan nan, pue ra sikile i mi kine ai to. 22 Are na I sap fai to kapas nanai ir, sor ar tipij; a ikina sor tikitikimual an ar tipij. 23 Mi nimaleti nan, a ken pual nimaleti Jam ai. 24 Are nan sap feria ta le ir mi semen mo ken feria ta, sor ar tipij; a ikana ra uerai, o pual nimaleti nan, o pual Jam ai. 25 A pue kapas ei a maku tu lan ar puk an ailik pue puanua ta, Ra nimaleti ai mual. 26 Ran Aururu ue mi nan I epue kine to re ami me ren Jam ai, i mi Nen an milet, mi ken fai to jonai Jam ai, a puap fai to, a pue puere nan kemi ojon nan. 27 O ami epue ai aramas an puere ta, pue ami etei ai jonai rapin.

16

1 I apasa nan kemi ata kei, pue ami au te pun tu. 2 Ra pue ainimoi jonai sinak kana ami; pue fasoun a fai to mi monison mi ni la ami ra pue kikina ra ken feri an Kot anan. 3 Ata kei ra pue feri nan kemi pokitan ar sikile Jam ai o nan. 4 I apasa nan kemi ata kei, pue fasoun a tare ami epue lenlemani mi nan ura nanai ami; I sap apasa nan kemi kei lom pokitan ai nono rek re ami. 5 A ikana I pue fai la ren i mi kine ai to, a semen mo re ami ken aiek re i, О pue fai la ia? 6 A letip ami ur an rourok pokitan ai apasa nan kemi ata kei. 7 A enlet ai kapas nanai ami, Mi allim nan kemi ai epue fai la. Pue are nan sap fai la, Ran Aururu a sap epue fai to re ami; a are nan fai la, I pue kine to i re ami. 8 A puap fai to, a pue apunu fanufan ojon tipij; o ojon tupuel, o ojon atikenlau; 9 Ojon tipij, pokitan ar sap arifaua nan; 10 Ojon tupuel, pokitan ai epue fai la ren Jam ai, o ami au sap utueli ai; 11 Ojon atikenlau, pokitan samol an fanufan ei a pue atikenlau. 12 Ata nura I pue apasa nan kemi, a ami au soto nanai ir ikana. 13 Nen an milet a puap fai to, a epue moanana la ami lan milet monison; pue a sap pokin apasa, pue a ken apasa ta mi a ken ran, o a epue puere пan kemi ata kana mi epue puanua ta. 14 I a pue alina la nan, pue a epue anai ai kana ap puere an kemi. 15 Ata monison na an Jam ai, mi nai; ie mi I apasa, mi a epue anai ai kana, ap puere пan kemi. 16 Fasoun moramor ami ap semen utueli nan, o pual fasoun moramor ami ap uerai nan, pokitan ai fai la ren Jam ai. 17 Epuelok na an ran-afalafal koe rap kapas fenen le ir, Meta ei a ken apasa nan kemam, Fasoun moramor ami ap semen utueli nan, o pual fasoun moramor ami ap uerai nan? o, Pokitan ai fai la ren Jam ai? 18 Ie mi ni ra apasa, Meta ei a ken apasa, Fasoun moramor? Ja sikile mi a ken apasa. 19 Jisos kile mi ra moren aiek ren, ap kapas nanai ir, Ami mi aiek fenen ojon ei mi nan I apasa ta, Fasoun moramor ami ap semen utueli nan, o pual, Fasoun moramor ami ap uerai nan? 20 Attuan, attuan, I apasa an kemi, ami epue sonison o nunurok, a fanufan epue puapua; ami epue rourok, a ami rourok epue uili la renel. 21 Rapot mi naikat a ken rourok, pue a tare fasoun; a at a puap naikat, a sap lenlemani an uairok pokitan an renel pue aramas aman a naikat lan fanufan. 22 A ikana ami au ken rourok; a nan I epue pual uerai ami, o letip ami epue puapua, o ami renel semen mo epue uai jonai ami; 23 Lan ran ue ami semen epue tunorai re i eu ata. Attuan, attuan, I apasa nan kemi, Eu ata ami tunorai ren Jam ai fasinokin nan, a pue nanai ami. 24 Nono to ami sap tunorai eu ata fasinokin nan; tunorai, o ami au pue anai, pue ami puapua epue ur la. 25 Ata kei I apasa nan kemi ren kapas monenir; a fasoun a fai to mi nan semen epue kapas nanai ami ren kapas monenir; pue I pue puepue la puere nan kemi ojon Jam ai. 26 Lan fasoun ue ami epue tunorai fasinokin nan; a i sap apasa nan kemi mi nan I pue tunorai Jam ai ojon ami; 27 Pue pokin Jam ai a ken tane ami, pokitan ami tane ai, o arifaua mi nan I fai to me ren Kot. 28 Nan I fai jonai Jam ai, ap fai to fanufan; o I pual fai jonai fanufan ap fai la ren Jam ai. 29 Na an ran-afalafal koe aр kapas nanai i, Ikana en kapas puepue la, o sap apasa ta kapas monenir. 30 Ja ap kile mi en ken kile ata monison, o en sap aiek eu ata ren aman; ie mi ni ja arifaua mi en fai to jonai Kot. 31 Jisos ap paluanai ir, Ami arifaua ikana? 32 Fasoun a fai to, o a ken tаre mi ami au pue kupet sefeni, aman ren na an, o likita la nan lao; a nan I sap lao pue Jam ai a ken etei iai. 33 Ata kei I apasa nan kemi, pue ami epue renel lan nan. Lan fanufan ami epue riafau; a ami apalikalik allim, nan I puararo fanufan.

17

1 Jisos apasa ta kei ap sara ta lan, apasa, Jam ai, fasoun a tare; alina la Na om muan, pue Na om muan an alina la en; 2 Ojon om nanai i namani an aramas monison, pue a epue nanai manau uor aramas monison mi en nanai i. 3 O ie manan uor pue re pue kile aman erek Kot enlet, o Jisos Kraist mi en kine to. 4 Nan I alina la en uan fanufan; nan I ateri la anan koe mi en nan iai pue I pue feri; 5 En ap alina la nan, Jam ai, ren pokin en, ren linan mi ai rem, lom moan fanufan a sor no. 6 Nan I puere nanai it om aramas mi en nan iai jonai fanufan; ir na om, en ap nan iai ir; o ra ken amarou om kapas. 7 Ra ap kile mi ata monison en nan iai ra me rem; 8 Pue kapas kana en nan iai I a nanai ir; o rap ausalon, o kile firi mi nan I fai to jonai en, o ra arifaua om kine ai to. 9 Nan I iotok anai ir; I sap iotok anai fanufan, pue ir erek mi en nan iai, pue ir na om. 10 Nai ata monison mi na om, o na om ata monison mi nai; o nan I lina la re ir. 11 O nan I sap no fanufan, a ir nono rek fauufan, o nan I fai la rem. О Jam ai Fel, en amarou ir mi en nan iai ren uonauon om pue ra pue eu, ojon rek kit. 12 Lupuan ai nono rek re ir fanufan, nan I amarou ir fasinokin en; I ken amanimani ir mi en nan iai, o semen mo re ir malet la, na an kitater ue rek, pue Paipel pue puanua ta. 13 I fai la rem ikana, o I apasa ta kei lan fanufan, pue ai renel pue ur la re ir. 14 Nan I a nanai ir om kapas, o fanufan ra ken nimaleti ir, pue sap re fanufan ir, ojon rek nan I sap re fanufan. 15 I sap tunorai pue o pue uai jonai ir fanufan, a pue o pue amarou jonai ir mi inau. 16 Ir sap re fanufan, ojon rek nan I sap re fanufan. 17 En aporapor la ir ren om milet; om kapas a ken milet. 18 Ojon rek en kine ai to fanufan, nan I pual kine la ir fanufan. 19 Pokitan ir I ken allimia la pokin nan, pue ir pue pual allimia la ren milet. 20 I sap iotok anai ir erek, pue I pual iotok anai ir mi pue arifaua nan pokitan ar kapas. 21 Pue ir monison ra pue eu; ojon rek en, Jam ai, ken no lan nan, o nan I no lan en, pue ir ra pue eu lan kit; pue fanufan ra pue arifaua mi en kine ai to. 22 Nan I nanai ir lin mi en nan iai, pue ra pue eu, ojon rek kit mi eu. 23 Nan I pue no lan ir, o en no lan nan, pue ra pue ateri la lan eu, o fanufan ra pue kile mi en kine ai to, o pual tane ir ojon rek om tane ai. 24 О Jam ai, I moren ir mi en nan iai ra pue etei iai ejen I pue nono rek ia; pue ra pue uerai ai lin mi en nan iai, pue en mi tane ai moan rapin fanufan. 25 O Jam ai tupuel, fanufan ra sikile en, a nan I kile en, o kei ra kile mi en kine ai to; 26 Nan I puere nan ir it om, o I pue pual puere ta; pue om tan mi en tane ai a pue nono rek lan ir, o pual nan nono rek lan ir.

18

1 Jisos a ken apasa ta kei, ap etei na an ran-afalafal koe fai la sopo lan ran pupu Kitron, a ap til lan lan malemal a no ia, o pual an ran-afalafal koe. 2 Jutas mi ken afaname i, a pual kile ejen ue; pue Jisos a ken lunikis ia ren na an ran-afalafal koe. 3 Jutas mi anai nun ranfiu o ranfetok jonai samol fel kana o Farisi kana, a ap fai to ua uarasai o lamp kana o pisek an fin. 4 Jisos a kile monison mi pue feri nanai i, a ken til ue, kapas nanai ir, Ia ami kitta? 5 Rap paluanai i, Jisos an Nasaret. Jisos ap kapas nanai ir, Nan iei. Jutas mi afaname i, a pual u ta re ir. 6 Lupuan an kapas nanai ir, Nan iei, rap limaramar sakir la, turkap lepuel. 7 A ap pual aiek re ir, Ia ami kitta? Rap apasa, Jisos au Nasaret. 8 Jisos ap paluanai ir, I apasa nan kemi pue nan iei. Are ami kitta nan, au puai jonai kei pue ra pue fai la; 9 Pue a pue puanua ta kapas ue a ken apasa ta, Nan I sap amalet la aman ir mi en nan iai. 10 Na an Saimon Piter sapasap a no, a ap uasai, ukifi nanai rananan an samol fel rapur, ukiti jonai jalin an pali ifirin. It an rananan ue Malkos. 11 Jisos ap kapas nanai Piter, En aluna la om sapasap lan tikatik an; I san epue unimi mi Jam ai a ken nan iai? 12 Nun ranfiu o kapin o ranfetok an Jus koe rap liарe to Jisos, fetok anai i, 13 Rap moanana la i ren Anas lom, pue i mi jam an raniman Kaiafas, samol fel rapur lefen ue. 14 Iei Kaiafas mi kapas nanai Jus koe, Mi allim aman epue me la pokitan aramas kana. 15 Saimon Piter a fai la murin Jisos, o pual aman ran-afalafal. Samol fel rapur a kile ran-afalafal ue, a ken etei Jisos til lan lan im an samol fel ue. 16 Piter a ken no lan asaman likin. Ran-afalafal ue mi samol fel a ken kile, a ken til ue, kapas nanai ranmas an asaman, ap moanana lan Piter. 17 Fapuil aman mi mamasa asaman, ap kapas nanai Piter, San en ran-afalafal an muan ue? A ap kapas nanai i, Ap. 18 Rananan kana o ranfetok koe ra sone ta ief, pue mi afou, rap ronaron; Piter ap etei ir ronaron. 19 Samol fel ue ap aiek anai Jisos ojon an ran-afalafal kana, o an kapas kana. 20 Jisos ap paluanai i, Nan I puepue la kapas nanai ran fanufan; nan I fautan afalafal lan sinakak kana, o lan fel an Kot, ejen Jus kana moumou fenen, o I sap apasa ta eu ata le monamon. 21 Limeita en aiek re i? en aiek re ir mi ken ran, meta I apasa nan ir; pue ra kile mi ni I apasa ta. 22 A apasa ta kei, aman ranfetok a u ta aran, ap pikiri Jisos, apasa, Ie ojon om paluanai samol fel rapur? 23 Jisos ap paluanai i, Are ai kapas mi inau, en puere ta ojon ar mi inau; a kare mi allim, limeita en pikir iai? 24 Anas a kine la i, a fetok, ren Kaiafas samol fel rapur. 25 Saimon Piter u, ronaron; rap kapas nanai i, San en aman na an ran-afalafal? A ap amam, apasa, Ap. 26 Aman rananan an samol fel rapur, puin muan mi Piter ukifi jonai jalin an, ap apasa, I san uerai en lan malemal ue ren Jisos? 27 Piter ap pual amam, malek ap failakai koka. 28 Rap moanana la Jisos jonai Kaiafas lan lenien rulap, a lesor rot; pokin ir ra sap til lan lan lenien rulap, pue mi fel re ir, pue ra pue mona pasofer. 29 Pailat ap til ue re ir, apasa, Meta ami tip nanai muan ue? 30 Rap paluanai, kapas nanai i, Are a sap feri mi inau, ja sap afaname nanai en i. 31 Pailat ap kapas nanai ir, Ami anai i, atikenlau i ojon ami puk an allik ue. Jus koe ap kapas nanai i, A sefir nanai kit ni la aman. 32 Pue kapas an Jisos epue puanua ta, mi a ken apasa ta, akakile ta sokon me la a epue me la ren. 33 Pailat a pual til lan lan lenien rulap, asare to Jisos, ap kapas nanai i, En kin an Jus kana? 34 Jisos ap paluanai i, En pokin apasa ta ei, are epuelok mi ura nan uk? 35 Pailat ap paluanai, Nan Jus aman? pokin ainan om o samol fel kana afaname en re i; meta en feria ta? 36 Jisos ap paluanai, Sap mueu i fanufan; are mueu i fanufan, nai rananan kana epue fiu pue Jus koe ra te afaname nan; a sap mueu i fanufan. 37 Pailat ap kapas nanai i, Enlet en kin aman? Jisos ap paluanai, En mi apasa ta; pue iei nan. Ie mi ni nan I naikat, o ie mi ni I fai to fanufan, pue I pue puere ta milet. Aramas milet monison ra ken ran ai kapas. 38 Pailat ap kapas nanai i, Meta milet? A apasa ta kei, ap pual til ue ren Jus koe, kapas nanai ir, Nan I se uerai eu ata mi inau ren. 39 A iei sokon ami, I ken amusa nanai ami aman lupuan pasofer; ami afiriek I pue amusa la kin an Jus kana? 40 Ir monison ap mairer, apasa, Sap iei, pue Parapas. Parapas ransole aman.

19

1 Pailat ap anai Jisos, uiri ir. 2 Ranfiu koe ap feria ta maran kurakur, isa ta uan makeran, o faute nanai i manaku par, 3 Rap apasa, Kapun, en Kin an Jus kana; rap pikiri. 4 Pailat ap pual til ue kapas nanai ir, I moanana to i re ami likin, pue ami epue kile nan I sa uerai eu ata mi inau ren. 5 Jisos ap til ue, faute maran kurakur o manaku par. Pailat ap kapas nanai ir, Ami au na nanai muan ue. 6 Samol fel kana o ranfetok kana ra uerai i, ap mairer, apasa, Uraponoki i, uraponoki i. Pailat ap kapas nanai ir, Ami anai i ap uraponoki i; pue nan I sa uerai mi inau ren. 7 Jus koe ap paluanai i, Puk au allik a no re at, o ojon at allik koe, iei mi fir nanai me la, pue a pokin feri i Na an Kot. 8 Pailat a ran kapas ei, an nuokus ap lapalap la; 9 A ap pual til lan lan lenien rulap, ap kapas nanai Jisos, Pue en ia? Jisos a sap paluanai i. 10 Pailat ap kapas nanai i, En san kapas nau iai? en sikile mi nan I to nanai uraponoki en, o to nanai amusa la en? 11 Jisos ap paluanai, En soto nanai feri nan iai en ata, are a san nan uk jonai uan; ie mi ni mi afaname nan uk nan a ken tipij rapur jonai. 12 Pailat ap satonai amusa la i, a Jus koe mairer, apasa, Are en amusa la i, en sap tane Sisar. Mi ken pokin feri i kin, a ken pinai Sisar. 13 Pailat a ran kapas kei ap atil ue Jisos, i ap mat tu uan lenien apun, ejen eu it an Pefment, mi kapas an Jus Kapata: 14 A lelauas an ran an amol nanai pasofer; Pailat ap kapas nanai Jus koe, Ami na nanai ami kin. 15 Rap mairer, Ua la, ua la, uraponoki i. Pailat ap kapas nanai ir, I pue uraponoki ami kin? Samol fel koe ap paluanai, Sor at kin, pue Sisar erek. 16 A ap afaname nanai ir i, pue a pue uraponoki. Rap anai Jisos moanana la; 17 A ua la an uraponok, fai la eu asas it an Kalfari, a kapas an Jus, Kolkota: 18 Rap uraponoki i ia, o mi ruoman etei i, aman apali, aman apali, o Jisos lepet ar. 19 Pailat a maku tu akakilan, ap isa ta uan uraponok; a ie mak, JISOS AN NASARET, KIN AN JUS KANA. 20 Jus nura ap aleanai akakilan ue, pue arep nanai telinim ue ejen an ar uraponoki Jisos; o a maku tu kapas an Jus, o Kris, o Rom. 21 Samol fel an Jus kana rap kapas nanai Pailat, O te maku tu, Kin an Jus kana, pue mi a ken apasa, Nan I kin an Jus kana. 22 Pailat ap paluanai, Mi nan I maku tu, ie a maku tu. 23 Ranfiu koe anai an maпaku, murin ar uraponoki Jisos, rap ainimoi sefeni, feria ta uis ruanu, aman ranfiu uis eu, o pual an jakit. Jakit ue sor karu, pue a tarani jonai uan, tare uonekin. 24 Rap kapas fenen le ir, Ja te terani, pue ja pue satonai ia mi pue naina la; pue mak epue puanua ta mi ken apasa, Ra ainet feseni ai manaku lepet ar, o ai jakit ra satonai lepet ar. Ie mi ranfiu koe feria ta ata kei. 25 Asak an Jisos a u ta aran ura ponok, o puin asak an, Meri raniman Kliofas, o Meri Maktalin. 26 Jisos na nanai asak an, o na an ran-afalafal mi a ken tane u ta aran, а ap kapas nanai asak an, Rapot, en na nanai na om muan. 27 A ap kapas nanai ran-afalafal ue, En na nanai asak om. Jonai fasoun ue ran-afalafal ue atanaki i lan im an. 28 Murin kei Jisos kile mi ateri la monison, pue mak ue an puanua ta, a ken apasa, I mon ran. 29 Sapei ur an finekar a no ia; rap isa lan le finekar farua, ap rur nanai isop, ap amarou nanai au an. 30 Jisos a puap anai finekar a ken apasa, A teri la; a ap iruok tu makeran, tina la nen an. 31 Jus koe, pue ran an amol, pue aion ar te nono rek uan ura ponok ran an fel, (pue ie ran an fel ran lapalap,) rap tunorai ren Pailat, pir ar an apuilu, pue ra pue uai jonai. 32 Ranfiu koe ap fai to apuilu pir an aman mi etei i uraponoki, o pual aman; 33 Ra fai to ren Jisos, uerai i a me la, ra sap apuilu pir an. 34 A aman ranfiu a ken pesu ren an uak mara imannen an, ra o ran ap ser jonai. 35 O i mi ken utueli a ken puere ta, o milet an puere ta; a ken kile mi enlet an kapas, pue ami au pue arifaua. 36 Kei a feferi pue mak pue puanua ta, Sor rin epue apuilu. 37 О eu mak ken apasa, Ra pue utueli i mi ra pesu. 38 Murin kei, Josef an Arimatia, ran-afalafal an Jisos aman, a monamon la pokitan an nuokus Jus koe, a ken tunorai ren Pailat pue i epue uai jonai aion an Jisos; Pailat ap пanai i. A ap fai la, anai aion an Jisos. 39 Pual Nikotimos, (mi ken fai to ren Jisos lepun lom) a fai to ua to po an puo, mor o alos apit fenen, paun apuku. 40 Rap anai aion an Jisos, tikima la ren manaku por etei po an puo ue, sokon Jus koe ar paianai. 41 Malemal eu a no lan asas a uraponoki ia, o lan malemal ue paian sefa mi semen mo mi paianai lan. 42 Rap paianai ia Jisos pokitan amol an Jus koe, pue paian ue arep to.

20

1 Masatan fel, lesor rot, Meri Maktalin a fai la uan paian, ap uerai faurol akulu jonai paian. 2 A ap upuito la, fai la ren Saimon Piter o ran-afalafal ue mi Jisos ken tane, ap kapas пanai ir, Ra ua jonai Jisos lan paian, o ja sikile ejen ra isa tu i ia. 3 Piter o ran-afalafal ue ap fai jonai, fai la uan paian ue. 4 Ir ruoman kurum la; ran-afalafal ue ap failakai jonai Piter, fai la uan paian ue lom, 5 Ap iruok tu, uerai manaku por isa tu, a sap til lan lan. 6 Saimon Piter ap fai to murin, ap til lan lan paian, ap uerai manaku por isa tu; 7 O manaku an alla, mi tikima la makeran, a sap isa tu ren manaku por, pue mi tikimi fenen lan eu ejen. 8 Ran-afalafal ue mi tai to uan paian lom a ap til lan lan, ap uerai, o arifaua. 9 Pue nono to a ken sikile mak mi a epue manau ta jonai me la. 10 Ran-afalafal koe rap pual fai la leni ar. 11 A Meri u ta aran paian sonison; lupuan an sonison a ken iruok tu; utueli lan paian; 12 Ap uerai ranlan ruoman; faute manaku por; mat tu; aman aran makeran; aman aran pir an; ejen aion an Jisos iuel la ia. 13 Rap kapas nanai i, Rapot limeita eu sonison? A ap kapas nanai ir, Pue ra uai jonai ai Samol, o I sikile ejen ra isa tu i. 14 A apasa ta kei ap sep sefel, uerai Jisos a u ta; a ap sikile mi iei Jisos. 15 Jisos ap kapas nanai i, Rapot, limeita en sonison? Ia en kitta? A kikina mi iei ran-malemal, ap kapas nanai i, Main, are en uai jonai i, ura nan iai ejen en isa tu i; pue nan I pue uai jonai i. 16 Jisos ap kapas nanai i, Meri. A ap sele to, kapas nanai i, Rapai; mi auili la, Jounpatak. 17 Jisos ap kapas nanai i, О te suku ai; pu I sap fai ta ren Jam ai; o it ue ren pui kana, kapas nanai ir, I pue fai ta ren Jam ai o Jam ami, ai Kot o ami Kot. 18 Meri Maktalin ap fai la ura nanai ran-afalafal koe mi a uerai Jisos, o ata kei a ken kapas nanai i. 19 Lesautik an ran ue mi rapitan fel, asaman kana apuna la ejen ran-afalafal koe ionok ia, pokitan ar nuokus Jus koe, Jisos ap fai to, u ta lepet ar, ap kapas nanai ir, Ami renel. 20 A apasa ta kei, ap asele nanai ir pa an o imannen an. Ran-afalafal koe ap puapua, pue ra uerai Jisos. 21 Jisos ap pual kapas nanai ir, Ami renel; ojon Jam ai a kine ai to, ie ojon nan I kine la ami. 22 A apasa ta kei, a ap uiki nanai ir, ap kapas nanai ir, Ami anai Nen Fel. 23 Ami amusa la tipij an aman, a pue musa la; ami amarou tipij an aman, a pue nokanok. 24 Tomas, aman seek ruoman koe, mi it an Titimos a sap etei ir lupuan Jisos a fai to re ir. 25 Ran-afalafal koe ap kapas nanai i, Ja uerai Jisos. A ap kapas nanai ir, Are nan I sap na nanai kinas an maгa le pa an, o isa lan aiti lan kinas an maгa kana, o isa lan pa i lan imannen an, I sap epue arifaua. 26 Murin ran ualou, ran-afalafal koe ra pual nono lan o Tomas etei ir. Jisos ap fai to, lupuan asaman kana apuna la, ap u ta lepet ar, apasa, Ami renel. 27 A ap kapas nanai Tomas, Ati to aitum, na nanai pa i, o ati to pa om, isa lan imannen ai; o te sa luku pue arifaua. 28 Tomas ap paluanai, kapas nanai i, Ai Samol, o ai Kot. 29 Jisos ap kapas nanai i, Pokitan om utueli nan, Tomas, en mi arifaua; ra faiamau mi sap utueli, ap arifaua. 30 Pual manaman nura Jisos a feria ta moan na an ran-afalafal, mi sap maku tu lan puk ei; 31 A kei ra maku tu pue ami au pue arifaua mi Jisos Ran Amanau, Na an Kot, o pue ami arifaua, ap uerai manau pokitan i.

21

1 Murin kei Jisos ap pokin puepue nanai ran-afalafal koe arau set an Taipirios; o ie ojon an puepue la. 2 Saimon Piter, o Tomas it an Titimos, o Nataniel an Kena an Kalili, o na an Sepati koe, o pual ruoman na an ran-afalafal, ra no ia. 3 Saimon Piter ap kapas nanai ir, I pue fai la leset. Rap kapas nanai i, Ja pue it uk fai la. Rap til ue, failakai ta ta uan jip; a sor liap ar lepun ue. 4 Lesor Jisos u ta le rere; a ran-afalafal koe sikile mi iei Jisos. 5 Jisos ap kapas nanai ir, Nai kana, sor mona re ami? Rap paluanai i, Ap. 6 A ap kapas an ai ir, Atua tu ami uk pali ifirin jip, ami au pue uerai. Ie mi ra atua tu, rap soto nanai afia ta pokitan ik nuraia. 7 Ran-afalafal ue mi Jisos ken tane, ap kapas nanai Piter, Pue iei Jisos. Saimon Piter a ran mi iei Jisos, ap faute an manaku (pue a falonselen,) ap lus tu leset. 8 A ran-afalafal koe ap fai to uan poat, (pue ra sap kuku jonai fanu, pue ojon lime naf;) atakena to uk a ur an ik. 9 Ra tua jonai uan fanu, rap uerai moun an ief, o ik no uan, o pret. 10 Jisos ap kapas nanai ir, Ami ua to epuelok ik, liap ami. 11 Saimon Piter ap fai la, atakena to uk rere, a ur an ik rapur apuku lime mi ruoman; a uk a sap kitater ren ik nuraia. 12 Jisos ap kapas nanai ir, Ami fai to mona; A semen mo ren ran-afalafal koe mi lokasen nanai aiek ren, Pue ia en? pue ra kile mi iei Jisos. 13 Jisos a fai to anai pret, ap nanai ir, o pual ik. 14 Ie elu an Jisos a pue to ren na an ran-afalafal koe murin au manaua ta jonai me la. 15 Murin ar mona, Jisos ap kapas nanai Saimon Piter, Saimon na an Jona, en tane iai lap jonai kei? A ap kapas nanai i, Euar, Main; en kile mi nan I tane en. A ap kapas nanai i, En amona nai apen an jip kana. 16 A ap pual kapas anai i, Saimon na an Jona, en tane ai? A ap kapas nanai i, Euar, Main, en kile mi nan I tane en. A ap kapas nanai i, En amona nai jip kana. 17 A ap kapas nanai i fan elu, Saimon na an Jona, en tane ai? Piter a rourok pokitan an kapas nanai i fan elu, En tane iai? a ap kapas nanai i, Main, en kile ata monison; en kile mi nan I tane en. Jisos ap kapas nanai i, En amona ai jip kana. 18 Attuan, attuan, I apasa an uk, Lupuan om alual en mi pokin noku nanai lukalep om, ap asauel ejen en afiriek; a lupuan om reikoe o pue ati ue pa om, o aman epue noku nanai lukalep om, ap ua la en ejen en sap afiriek. 19 A ken apasa ta kei akakilan sokon me la a epue alina la Kot ren. A ken apasa ta kei, ap kapas nanai i, En fai to muri. 20 Piter ap sep sefel, uerai ran-afalafal ue mi Jisos a ken tane, a fai to mur ir, iei mi ken aitanok uan maramar an lupuan fetelalap ue o apasa, Main, ia mi pue afaname en? 21 Piter a uerai i, ap kapas nanai Jisos, Main, meta iei epue feri? 22 Jisos ap kapas nanai i, Are nan I afiriek i a pue nono rek tare I pue to, meta rem? en fai to muri. 23 Kapas kei ap akile faili ren joulan kana, mi ran-afalafal ue a semen epue me la; a Jisos a sap kapas nanai i, A semen epue me la; pue, Are nan I afiriek i a pue nono rek tare I pue to, meta rem? 24 Iei ran-afalafal mi ken puere ta kei, o maku tu kei; o ja kile milet an puere ta. 25 Pual mi nura Jisos a feria ta; are monison maku tu, nan I kikina puk kana mi pue maku tu ra soto nanai uan fanufan.