/1 Nde, nir-e meja jugwi nap woragola-t nde, Kerisut-e nenmanggim wat jamu me, iri alat-nen Mbal Pem Nagawan-nen nit nenabuwa kaso elem mirik ninpid irir-o. O Anggul Pandok Mbiridnak jebet kagolat-nen nggulok saguwokluk nene jogolar-e, Jesus-e nggwejak ma ju me keja puruk, Eid eram mondok mbururag-e jawo-n panggo jidj-o luk, aru jidj-o; Nde, at ilirak nggwejak me ju me woragwi iri enabuwa kasolat woraidnak me, worok tak purak tarem-nen na it enabuwa kasolat woragaidj-o. Jesus Kerisut mot mot nak konggoroso nap, Ambara manggu Nderak iri-ge wat jidnak nap ennggendumu-nen uruk tak pid nap, nggwejak ma tenagaidnak nagawan nagawan na at urugwe nggwe rak inpid nagawan Jesus Kerisut eram-nen na, we wok ondoso elem min lambuksa woragwi elem min-e kit kinmin wolmag-o; Ar-e nit nenabuwa-nen at ejabi pem nit meja jidnak pem-nen wisirik nenpamu-o. Nagawan Indo at-net erepma-nen at imbiri pem nam luk-nen josolar-e: An-e woralik nalik momtak enabuwa kaso elem pem-et kabuwa kaso me, kabuwa kaso iri pem-net kabuwa kasolat woramin-o. Mbal Pem Nagawan-nen ki nap pidsa nenabuwa nggulok juruk, at Ambara misiget nderak wok nendamu-o; Inndi at ebem angin tubu juwa nab-e lak jigit lag-et, are, pem-et unlug-et woralik nalik irit tena wolma-o.

/2 Iri kwarid iri-ge Mbal Pem Nagawan ene lomboksa joso nap-nen jidnak wene na-ge Nagawan Indo-nen ndak ndak tak posolat-nen jidj-o. Ap-nen aboro mbarigit lak kwe ndugum-nen abila luk, la li ap mbi ndaguwa-o; Nde, at unu jarogolar-e, Imanuel-o luk jaruwa-o; Nde, iri jogolar-e, Mbal Pem Nagawan nit ninmin worasu-o luk jogolar-o.