/1 Dapot ing Dios itatalaga na ing keang lugud dkil kekatamu, uling kanitang itamu makasalanan ta pa, i Cristo mete ya king uli tamu. Ngeni itang bayu ing pista ning pasku, inyang akilala nang Jesus king miras na ing oras a mako ne keti king yatu at ume king Ibpa, anti ning liguran nala ding kea keti king yatu, liguran nala angga king kapupusan. At manibat kang Jesucristo, a ya ing saksing tapat, ing pangane karing mete, at ing pekapun da ding ari keti sulip; Kanitang lulugud kekatamu at kelag nakatamu king kekatang kasalanan king pamamilatan ning kea mu ring daya. Uling king lugud ning Dios king yatu, binie ne ing Anak nang bugtung, bang ing ninu mang maniwala kea, e ya mate nung e mirinan yang bie alang angga. I JEHOVA pepakit ya king minuna kanaku, ngana, Wa, aku liguran dakang alang anggang lugud: inya pin linapit ku keka a ating kayubuan a lub.

/2 At king alang nanumang pamisalangsang, maragul ya ing misterio ning kabanalan; itang mipabalu king laman, mipatutuan king espiritu, meakit karing angeles, mipanaral karing bansa, mepaniwala king yatu, metanggap babo karing king ligaya.