/1 Mira Mrungu evonyesha lukundo lwakwe ye mwenye he uswi, ambu Kristo efwie vuntu vwetu, aho twecheri vabanu. Ingeri msi m'baha wa Pasaka wesinafika, Yesu ekimanya iti saa yakwe yafika, eyo enefumia he si ii kutonga he Vavee, naye kila evakundie vantu vakwe he si ii, akavakunda mhaka mginto. Tehena ena lukundo lubaha kuvecha ulu, lwa mntu kuinkija kuho kwakwe vuntu vwa vambwie vakwe. Kangi yefuma he Yesu Kristo, mwonwa mkitengo, mzamoghwa wa kuvoka wa vefwie, na m'baha wa vafumwa va ii si; Ula etukundie na kutuoja mabanu etu he sakame yakwe. Ula esikunda temmanyije Mrungu ambu Mrungu ni lukundo. Aho niho lukundo lwa Mrungu lwevoneke hetu, iti Mrungu emtumie Mwanawe eremmwe aha si, nesa tuvonie nkalamo heye. Ambu nivwo vuntu Mrungu ekundie si ii, mhaka akamwinkija Mwanawe ere mmwe, nesa kila mntu emwitikija asiteke, mira avone nkalamo ya kae na kae.

/2 Tehena kuganganya, mpiso ya kumfoleka Mrungu ni mbaha; Mrungu efunyirijwe he mwiri, akamanyika iti ni mwenye singisirya he kimpeho, akavonwa ni vamalaika, akabirikirwa he vaisanga, akaitikijwa he ii si, akakwejwa uko wanga he ngazo.