Moŋin Pan Jon Roŋmau
1 Majan koti er nan moa, a Majan koti er ren Kot, a Majan me Kot. 2 I ota me iaŋ Kot kotikot nin tapi o. 3 I me tipijo karoj tapi ki tar; jota man meakot mia me kaitin i uia tar. 4 Maur mi re a; a ie Maur Marain en aramaj. 5 A Marain o me takara ta rotarot; arotarot jota liŋa la. 6 Ol amen me pakatara tor joŋ Kot, at a Jon. 7 I katete men, poto toŋ katete ki to Marain o, pue karoj en pojon pueki i. 8 Kaitik i me Marain o, a, a kin katete ki Marain o. 9 Ie Marain mealel me kin kamaraini aramaj karoj me kaparapar toŋ jappa. 10 I me koti er jappa, i me jappa tapi ki ta, a jappa me jan i. 11 A koti to oŋ utan na kan, a utan na kaŋ me jan i. 12 A karoj me an lar i, a ki oŋ irail en nain Kot la, karoj me pojon ni mmar e: 13 Me jo ipui ki ti inta, pil jo man en utuk, pil jo man en aramaj, Kot eta. 14 Majan me uia aramaj la, kotikot re atail, (a kitail ŋara tar a kalaŋan, tena kalaŋan en ieroj eu, nain Jama,) me tir en mak o mealel. 15 Jon me katete ki tar i, inta ta, kaŋ i me I inta ue, Me pan ko to mur I, me majamaj joŋ ia; pue a mo I. 16 A kitail karoj me tuŋole lar a japan, paii koko ta. 17 Pue kateik me looki ki to Mojej, a mak o mealel ki Jijoj Kraij. 18 Jota me ŋara tar Kot koko to; Na ta ieroj eu, me kin kotikot pan kupur en Jama, i ta me kajale tar. 19 A i met en Jon a katete ni men Jutia porone joŋ Jirujalem Joumaro o Lipait ka puen itok re a, Ij koa? 20 I ari inta ta, jota kamam; a inta ta, Kaitin Kraij ŋai. 21 Irail itok re a, Ari ta? Ilaija koa? A japoŋ, Jo, A ko joukop men? A japoŋ, Kaiti. 22 Irail me kalelapok re a, Ij koa? pue je en japoŋ ir me katar kit tor: ta me ko katete ki pein uk? 23 A japoŋ, Nai nil eu en me katiti jili nanauel, Kainene ta al mon Jioua, tuen Aijea kokopa tor. 24 A me pakatara tor Pariji kai. 25 Irail ap itok re a, inta ta, Ta me ko uia paptaij ki, ma ko kaitin Kraij, o kaitin Ilaija, pil kaitin joukop men! 26 Jon me japoŋ irail, inta ta, Ŋai me paptaij i ki pil: a amen kin kotikot nan poŋ omail me komail jaja; 27 Ie i, me kot koko to mur I, me joijoi joŋ ia, kijin jal en a jut I jo uar lapua ta. 28 Me pukat me uia er, Petapara pal i la joŋ Jortan, uaja Jon kin uia paptaij ia. 29 Mantan ran o Jon me nara ta Jijoj kotikot koko to oŋ re a inta ta, Ŋar Jippul en Kot, me kin tikiti raun jappa! 30 Ie me I katiti ki er, Ol amen me koko to mur I me joijoi joŋ ia: pue mo I. 31 A ŋai jo aja i: a pue a en kajanjala toŋ Ijrael, ie me I ko ki to paptaiji ki pil. 32 A Jon me katete ta, in tin ta, I ŋara ta Ŋen piri ti to joŋ nalaŋ mom en muroi, juk po a. 33 A I jo aja i: a me katar ia toŋ paptaiji ki pil, ie me majani oŋ ia, Me ko ŋar Ŋen piri ti juk po a, ie me pan paptaiji ki Ŋen Jaraui. 34 A i ŋara tar, ap katete ki, Nain Kot men et. 35 Mantan ran o, joŋ, i ioŋ a ria men; 36 Utial Jijoj kotikot koko to, ap inta ta, Ŋar Jippul en Kot! 37 A ioŋ a ria men roŋ a majani, ira ari itauen ue Jijoj. 38 Jijoj ap jope to, majani ara itauen, ap majani oŋ ira, Ta me koma rapaki? Ira japoŋ, Rapai, (me kajirauik la Joumaj) ia uaja komui kin kotikot ia? 39 A majani oŋ ira, Ko to ŋar, Ira ap ko oŋ ŋar uaja a kot ia, o iaŋ i momot ia ran o: pue a lel er iran klok ejok. 40 Amen ira me roŋ er joŋ, itauen ue, me Antru, ri en Jaimon Pita. 41 I me tiara tar ri a ol Jaimon, intai oŋ i, Je tiara ta Mejaia: me kajirauik la, Kraij. 42 I ap uk uaŋ Jijoj i, A Jijoj lao majani i, a majani on, Jaimon koa nain Jona: ko nok at anaki Jipaj; me kajirauik la, Takai eu. 43 Mantan ran o Jijoj pan taulul laŋ Kalili, ap majani ta Pilip, majani oŋ i, Itauen ia. 44 Pilip men Petjaita, kanim en Antru o Pita. 45 Pilip tiara ta Netanil, ap intai oŋ i, Je tiara tar me Mojej intiŋi ki ti oŋ, nin puk en teik, o kokop ko, Jijoj men Najaret, nain Jojep. 46 A Netanil itok re a, Ta mau kot pan para to joŋ Najaret? Pilip japoŋ, Ko to ŋar. 47 Jijoj majani Netanil koko toŋ i, ap majani oŋ i, Ŋar ol mealel men Ijrael men, me jota man uitiŋa! 48 Netanil japoŋ i, Komui me an ia joŋ ia? Jijoj japoŋ majani, I tiar uk tar, mon Pilip eker uk to, ni om mot pan tuka pik pot. 49 Netanil japoŋ i inta ta, Bapai, Nain Kot Komui; Nanmaraki en Ijrael Komui. 50 Jijoj kotin japoŋ i majani, Pueki I intai oŋ uk, me I ŋar uk ta pan tuka pik o, ie me ko pojon ki? a ko nok ŋar me lapa joŋ me pukan. 51 A majani oŋ i; Mealel, mealel, I intai oŋ uk, Katekateo, ko nok ŋar nalan a riti ta, o tounlaŋ nain Kot ka pure ta ue puro ti to poŋ Nain aramaj o.
1 A lao kajilu en ran kamatip en kapapaut ap puai ta Kena Kalili; a in en Jijoj mia. 2 A Jijoj, o a uarok ka, me ton iaŋ kamatip o. 3 Arail uain lao roja lar, in en Jijoj me intai oŋ i, Ar uain roja lar. 4 Jyoj majani oŋ i, Li, ta me I en uia re om? anjou I mot jaik. 5 A in a me patik katiti oŋ papa ka, Komail en uia ta meakot me a majani oŋ. 6 A kaur takai uonu kin puil uajao, en men Jutia ka men re en topatop loli, eu me lauti oŋ aute pirkin jilu te paiu. 7 Jijoj majani oŋ ir, Itip pil oŋ loli. A irail me katire la kaualap. 8 A a majani oŋ irail, Itipa joŋ, ua la ren me kaon konot. Еe ap ua la. 9 Men kaon konot lao jo ioŋ kij pil me uia uain la, o jo aja a itipa joŋ ia, (a papa ko me itip pil ta aja,) me kaon konot me ekera to ol kamot o, 10 Kajoi oŋ i, Maj ota aramaj karoj kin kajale ta uaiŋ mau; o irail lao meti la, re ap kin ki ta me jota mau: a koa kin nikit me mau lel met. 11 I met tapitan manaman me Jijoj uia ta Kena Kalili, ap kajale ta a manaman; o ioŋ a ka pojon la. 12 A mur et a koti ti la Keperniom, i, in a, o ioŋ a ka, o ri a ka; ir ari kotikot ia ran jo toto. 13 A Pajopa en Jutia me karen tor, a Jijoj koti ta la Jirujalem, 14 Ap majani ni tanipaj jaraui men notinot en kau, o jip, o muroi, o men not en moni, me mot ia: 15 A uia ki ta men uok kijin jal kai, ap uoki ir joŋ tanipaj jaraui, o jip ko, o kau ko, o uikitoki la joŋ tepel ka; 16 Majani oŋ ir me notin muroi ko, Ua la joŋ me pukat: ter uia ki tanipaj en Jam ai im en not eu. 17 A ioŋ a ka me taman ki ta intiŋ o, Рok oŋ im ai me nom ia la. 18 Men Jutia ap japoŋ i, inta ta, Ta me komui pan kilele kin kit, me komui uiauia me puka? 19 Jijoj japoŋ ir majani, Palaŋa pajoŋ im uet, a poŋ jili poŋ I nok kaua ta. 20 Men Jutia ko inta ta, Par pa ŋaul uoпu im uet uiauia ki ta, a poŋ jili poŋ kom pan kaua ta? 21 A im en uar a me a kajoiia ta. 22 I lao iaja tar joŋ a mata lar, ioŋ a ka me taman tar a kajoiia oŋ ir me uet; ir ari me kamealele kijilikan kan, o majan me Jijoj majania tar. 23 Ni a kotikot Jirujalem, ni Pajopa, ran en kamatip o, me ŋeter pojon lar, pueki re ŋara tar a manaman ko. 24 A Jijoj jota kin liki oŋ ir pein i, pue a me aŋia ta iren aramaj karoj. 25 O jota men meamen en katete ki aramaj, pue a me aŋia ta lol en aramaj.
1 Nan Pariji ol men, monjap en Jutia me Nikotimoj: 2 Me poto toŋ Jijoj nipoŋ o, katiti ki, Eapai, je aja jounpatak men ren Kot komui; pue jota aramaj kak nia manaman tue komui uia ta ma Kot jo iaŋ. 3 Jijoj japoŋ majani oŋ, Mealel, mealel, I katiti oŋ komui, Me jo ipui japal, jota pan kak ŋar muein Kot. 4 Nikotimoj me itok re a, Tatuen ol lauta lar pan ipui ti? a pan kak pur oŋ nan kapeti en in a, ipui ti joŋ? 5 Jijoj kotin japoŋ, Mealel, mealel, I katiti ki oŋ komui, me jo ipui ki pil, o Ŋen, a jota kak ko to oŋ muein Kot. 6 Me ipui ki utuk ie utuk: a me ipui ki Ŋen ie ŋen. 7 Ko ter puiriamui ai katiti ki oŋ komui, Komail en ipui japal. 8 Aŋ kin pein ipipir jili, a kom kin roŋ nil a, a kom jaja a u joŋ ia, o a ko oŋ ia; ie tuen karoj me ipui ki Ŋen. 9 Nikotimoj japoŋ katiti ki, Tatuen me puka kak uiaui? 10 Jijoj japoŋ majani, Joumaj en Ijrael komui, a komui pouapon ki me puka? 11 Mealel, mealel, I katiti ki oŋ komui, Me je aja tar, ie me je kin inta ta, o me je ŋara tar ie me je katiti ki; a komail jota kamealele at katete. 12 Ma I katiti ki oŋ komail men pa, a komail jo kamealele, a tatuen komail pan kamealele ma I katiti ki oŋ komail men nalaŋ. 13 Jota meamen me ko ta lar nalaŋ, me ko ti tor joŋ nalaŋ ota, me kin mimi ta nalaŋ, Nain aramaj eta. 14 Mojej me kaua tar jerpent o nauauel o, ie tuen Nain aramaj pan kaua ta: 15 Pue meamen pojon la, jota pan me la, a pan kamauri laŋ mamaur eta. 16 Pue Kot me kupura jappa ie me a ki to ki Na ieroj eu, pue me pojon la i, en ter me la, a en me maur jo tuk. 17 Pue Kot me porone toŋ jappa Na kaiti en kateika ta jappa; a, pue jappa en ka mauri la pue ki i. 18 Me peiki oŋ i jota kin pakateik: a me jo peik me pakateika tar pueki a jota peiki oŋ mmaren Nain Kot ieroj eu. 19 I met kateik eu, marain takara tar jappa, a aramaj mauki rotarot mon marain, pueki ar uiauia juit. 20 Pue me uiauia juit kin jan marain, pue a uiauia te katiaroka ta. 21 A me uiauia mau kin ko to oŋ marain, pue a uiauia kan en katiaroka ta, me a uia joŋ Kot. 22 Murin me puka Jijoj o a uarok ko jipal laŋ Jutia; ap mot oŋ irail ia, uia paptaij. 23 A Jon me uia paptaij ni Inon, jaloŋ Jelim, pue pillap mia: ir ari ko oŋ paptaij. 24 Pue Jon kaika ta loti oŋ imtoŋ. 25 Ioŋ en Jon o men Jutia kai, me akamai ki pena topatop. 26 Irail ari ko oŋ ren joŋ, intai oŋ i, Rapai, me iaŋ komui ila la joŋ Jortan, me kom katiti ki, ŋar, i me uia paptaij, a karoj me ko oŋ imp a. 27 Jon japoŋ majani, A jota kak aramaj anaki meakot, ma a jo anaki joŋ nalaŋ. 28 Komail pein katete kin ia, me I inta ta, kaitik ŋai Kraij, pue ŋai me pakatara tor mo a. 29 Ol kamot men me li kamot men: a kompok en ol kamot, kin u roŋaroŋ, peren ki ŋil en ol kamot: ie me I peren ki ta mealel. 30 I en kakaira ta, a ŋai en kakairi ti. 31 Me ko ti to joŋ poa i me poe ti karoj: o me kijan jappa i men jappa, o me kajokajoiia jappa: o me ko ti to jon nalaŋ me poe ti karoj. 32 Me a ŋara tar, o karoŋa tar, ie me a kajokajoiia; a jota me apuali a kajoi. 33 Me an lar a katete ie me kilele ki ta mealel Kot. 34 Pue me Kot katara tor i me katiti en Kot a majan: pue kaitik me leek me Kot a kot ki ta Ŋen Jaraui. 35 Jama me kupura Na, o ki oŋ er ni lim a meakaroj. 36 Me peiki oŋ Ŋa me naina ki maur jakatuk; a me jo peiki oŋ Ŋa, jota pan ŋar maur; a en Kot a aŋiaŋ mimi ta po a.
1 Jioua lao maŋi me Pariji ka karoŋe tar me Jijoj ioŋana ki o paptaiji me ŋeter joŋ ioŋan Jon. 2 (Ari jota me Jijoj kin paptaiji, a uarok eta.) 3 A koti la joŋ Jutia, kotin pura lan Kalili. 4 A nan i en pean laŋ Jameria. 5 I ap koti laŋ kanim eu en Jameria, me at anaki Jaikar, jalon kijin jap me Jekop ki oŋ na Jojep. 6 Ie uaja en Jekop parer eu mia. Jijoj ari ŋir ki la a japajapal, ap kaipoki ti pon parer o; ari impan klok uonu. 7 A li en Jameria men ap ko toŋ itip pil ia: Jijoj majani oŋ i, Ki to ai kij pil en. 8 (Pue a uarok ko me ko ie laŋ kanim o notia ta kan arail moŋa ia.) 9 Li en Jameria ap intai oŋ i, Tatuen koa men Jutia pokipoki pil re I li en Jameria men? pue men Jutia kin jopar ren men Jameria. 10 Jijoj japoŋ majani oŋ i, Ma ko aja tuŋol ren Kot, o me intai oŋ uk, Ki to ai kij pil; ko pan poki re a, i ari nok ki oŋ uk pil maur. 11 Li ap intai oŋ, Maiŋ, jota om men apia ki ta, a parer mealol; a ia uaja kom pan itipa joŋ ia pil maur? 12 Ta, koa me lapa joŋ Jekop, jam at, me ki oŋ kit parer, o pein ni m kij, o na kan, o man ka? 13 Jijoj ap japoŋ i intai oŋ, Me nim pil uet, pan kin men nim pil mur: 14 A meamen me nim kij pil me I ki oŋ i pan jola men nim pil tar; pue pil me I kin ki oŋ, pan pot lol i kujakuja taŋ maur jo tuk. 15 Li ap intai oŋ i, Maiŋ, lima to kij pil uet, pue I en jolar men nim pil, o jolar ko toŋ itipa joŋ met. 16 Jijoj majani oŋ i, Ko ue uka to o m paut. 17 Li me japoŋ inta ta, Jota ai paut. Jijoj majani oŋ, Ko meit mealel inta ta, I jota papaut. 18 Pue om paut ko me lim men maj o, a kaitik om paut me ko pauta ki met: ie mealel me ko inta ta. 19 Li in tin ta, Maiŋ, I ap aja tar me joukop men komui. 20 Jam at ko kaukautok nan nana uet; a komail me inta, Jirujalem eta uaja aiamaj en kaukautok ia. 21 Jijoj majani oŋ i, Li, kamealele ia, a karen er anjoun omail pan jola kaukautok oŋ Jama nan nana uet, pil jota Jirujalem. 22 Komail kin jaja me komail kaukautok oŋ; a kit aja me je kaukautok oŋ, pue ka maur mi ren men Jutia ka. 23 A karen tor, ie me lel er, anjoun me kaukautok mealel nok kautok ki Jam ŋen o mealel: pue ie ta me Kot men toŋ iaŋ kautok oŋ i. 24 Ŋen eu Kot: a me kautok oŋ i, re en kautok ki ŋen o mealel. 25 Li me intai oŋ i, I aja Mejaia pan koti to, me mmar anaki Kraij: i lao koti tor, a nok katiti oŋ kit meakaroj. 26 Jijoj majani oŋ i, ŋar i me lokal okaia oŋ uk. 27 A uarok ko ap puro to, puiriamui ki a kajoiia ren li o; ari jota me inta ta, Ta me komui kaikaitok? Ta me komui katiti ki re a? 28 Li o me puili ki ti pil o, ko ie lan kanim, kajoi oŋ aramaj, 29 Ko to, ŋar ol men me kajale tar karoj me I uia tar koko to: kaitik i Kraij? 30 A toun kanim o ko ie la, pokopokon lan imp a. 31 I tokan a uarok ko inta ta, Maiŋ, jak. 32 A majani oŋ ir, kaŋ ai kijin moŋa mia komail jaja. 33 Ie me a uarok ko kajokajoi ki nan poŋ ar, Jo me ua jak ko to? 34 Jijoj, majani oŋ ir, Uiania kupur en me katar ia tor, ie kan ai. 35 Komail ter inta ta, Jounipoŋ paiu mi mo rak? ŋar, I intai oŋ komail, Jara ta ŋar motauel ka; pue re ma lar. 36 Me toluŋ kin puaipuai, o nanak oŋ maur jo tuk: pue me kamorok, o me toluŋ, en peren, pena. 37 Meit kajoi mealel, Meamen kamorok, a amen toluŋ. 38 I katar komail en toluŋ pena me komail jo toke: akai me toke, a komail me it anaki me irail toke tar. 39 Men Jameria kan, toun kanim o me pojon la i pueki kajoi en l i me jakara ta, I me kajale oŋ ia karoj me I uia ta koko to. 40 Men Jameria kaŋ pokon toŋ ŋitiŋiti ki i en mot oŋ irail ti: i ari kot ia poŋ ria poŋ. 41 Pil akai me ŋeter me pojon la, pueki a majan; 42 Ap kajoi oŋ li, Je pojon la jo pueki om kajoi pue je peinrona tar o neue ki i Kraij mealel, Kamaur en jappa. 43 Mur en ran riau Jijoj koti la, koti laŋ Kalili. 44 Pue Jijoj pein jakara ki ta, joukop jota kin nau i utan jap ue. 45 A lao koti toŋ Kalili, men Kalili me kajamo i, pue re iaŋ ŋara ta me a uia tar Jirujalem ni kamatip o: pue re toun iaŋ kamatip. 46 Jijoj ari kotin puro toŋ Kena Kalili, uaja a kapik ki la pil uain. A monjap mia, me na ol jomau Keperniom. 47 A lao roŋa ta me Jijoj koti toŋ Kalili joŋ Jutia, a poto oŋ re a, ŋiti ki i en koti ti, kakela ta na ol: pue a lel er iran me la. 48 Jijoj ap majani oŋ i, Komail jo kilon kilel, o manaman ka, komail jota pan pojon. 49 Monjap poki re a, Maiŋ, koti ti ue mon nai ol me la. 50 Jijoj majani oŋ i, U ko ue; nom ol me maur. Ari ol o me pojon majan en Jijoj, ap ko ie la. 51 A ni a ueit ko ti la, a litu ka me tu oŋ i, kajoi oŋ, inta ta, Nom ol me maur. 52 I ap kalelapok re irail toka ta en a pik ki ti maur. Irail me japoŋ i. Aio klok iju karakar ko joŋ. 53 Jam a ari aja anjou ta en Jijoj majani ue, Nom ol mauri ta: i ari, o na kaŋ me tuki oŋ i. 54 Iet kariau en manaman me Jijoj uia ta, ni a koti to joŋ Jutia jip Kalili.
1 Katekateo kamatip en Jutia puai ta; Jijoj ap koti ta la Jirujalem. 2 Pil pot kin mimi Jirujalem, jaloŋ im en notin jip, me at a Petejta Ipru, impal limau mia. 3 Pokon laut en me jomau kan onon loli, majkun, me jikil, me motor, majamajan pil pan mokimokit. 4 Pue tounlaŋ men kin purepure le o, kamokita ta pil: a meamen me mataŋ ti oŋ maj nan pil o ni a mokimokit, ie me kin mauri ta joŋ a jomau kan. 5 Ie ol men mia me jomau par jili naul ualu. 6 Jijoj lao majani ta a onon uarai tuetue ta, a majani oŋ i, Ko jo men kelail? 7 Ol jomau japoŋ, Maiŋ, jota ai aramaj en ua ia ti ue ni pil o, ni a mokita ta: pue ni ai koko ti amen kin mataŋ ti oŋ mo I. 8 A Jijoj majani oŋ i, U ta, ale ki om, alu. 9 Ari pitipit ol kelaila tar ki ta ki e, alu: a ran en jonti o. 10 Ie me men Jutia ka intin ta ki oŋ me kelaila tar, Jonti ranuet: jota inen om uaua jili ki om. 11 A japoŋ ir; Me kakela ia ta me patik majani oŋ ia, Ale ki om, alu. 12 Irail me kalelapok re a, Ij ol me intai oŋ uk, Ale ki om, alu? 13 Ari me kelaila tar jaja i; pue Jijoj me jipala joŋ, pue pokon mi uajao. 14 Katekateo Jijoj me tiara ta i nan im en kautok o, ap majani oŋ, Ŋar, ko kel er; ko ter pil uia juit, pue me juit kot joŋ maj te ko toŋ uk. 15 Ol ari ko ie la, kaire ki oŋ men Jutia Jijoj me kakela ta i. 16 Ie me men Jutia ko kaontonkoma Jijoj, majamajan kame la, pueki a uia ta meakan ran eu jonti. 17 Jijoj me kotin japoŋ ir, Jam ai kin totok koko to, a ŋai pil iaŋ totok. 18 Ie me men Jutia kaŋ kalapa ki ar joŋ kame la i, pueki a kaoe la ran en jonti, pil inta ta Jam a Kot, kaparoki oŋ pein i Kot. 19 Jijoj japoŋ ir majani, Mealel, mealel, I intai oŋ komail, a jota kak Na en pein uia meakot me a jo tiar Jam a uia ta: pue me i uia ta ie me Na pil uia ta. 20 Pue Jam a me poke la Na, o kajanjale oŋ i karoj me a kin pein uia ta: o a nok kapare to me lapa joŋ kan, pue komail en puiriamui ki. 21 Pue Jama kin kapikapiri ta me me la kan, kamauri ta; ie tuen Na pil kamauri ta me a mauki. 22 Pue jota me Jama kin kateika ta, pue a muet oŋ Na eu katekateik: 23 Pue aramaj karoj en kakaki Na, tue ta ar kakaki Jam a. Me jota kakaki Na, kin jota kakaki Jam a me katar i to. 24 Mealel, mealel, I intai oŋ komail, Meamen karoŋa ai kajoi, o pojon me katar ia tor, a anaki er maur jo tuk; a a jota pan kateika ta, pue a japala joŋ me la japal oŋ maur. 25 Mealel, mealel, I intai oŋ komail, Klok koko to, ie a lel er, en me me lar kaŋ nok roŋa ta ŋil en Nain Kot: a me roŋa tar nok mauri ta. 26 Pue Jama kin pein mimia ta; o ki oŋ Na en pein mimia ta; 27 A pil kauat oŋ er i en kateika ta, pueki Nain aramaj i. 28 Ter puiriamui ki me: a koko to anjou en me me lar kan pan roŋa ta ŋil a, 29 Ap mauri ta; me kin uiauia memau, ut mamaur jo tuk; o me uia juit, ut mamaur komakom. 30 Jota me I kin pein uia ta: me I roŋa tar, i me I kin kateika ta: a me inen ai kateik; pue I jota ki u uia men ai, a men en Jam ai me katar ia to. 31 Ma I pein katete ki, ai katete jota inen. 32 Meamen me katete kin ia; a I aja mealel me a katete kin ia. 33 Komail me iloka ue oŋ Jon, i ari me katete ki mealel pot. 34 A I jota kin ale ren aramaj ar katete: ari iet meakan me I inta ue pue komail en mamaur. 35 Jon me jer umpul, o marain: a komail rer peren ki a marain. 36 Kair amen nai me lapa joŋ Jon: pue tok ka me Jam ai ki oŋ ia en kanikie la, ie tok ko me I kin uiauia, me katiti kin ia, me Jam ai katar ia tor. 37 O Jam ai me katar ia tor me pein katete kin ia. Komail jota roŋa ta ŋil i, o jota kiloŋ mom ue. 38 Kaitik teun a majan re omail: pue komail jota pojon me a katara to er. 39 Kalelapok oŋ Kijilikau kan, pue loli komail lamalama omail maur jo tuk pot ia: o ie me kin katete kin ia. 40 A komail kaŋ ko to oŋ ia, pue komail en kamauri la. 41 I jota kin ale ren aramaj ar liŋan. 42 A I kin aja komail, me komail jota kin pok oŋ Kot. 43 I ko to ni mmar en Jam ai, a komail jota kin apuali ia; a ma meamen pein ko ki to, komail nok apuali i. 44 Tatuen a pan kak pa omail pojon, me kakaki pena, a jo men kakaki ren Kot eta? 45 Ter lamalama me I pan karauni kin komail ren Jam ai: amen me karauni ki komail, Mojej me komail pojon la. 46 Pue ma komail pojon lar Mojej, komail pan pojon ia; pue i me intiŋ kin ia er. 47 A komail jo kamealele a intiŋ ko, tatuen komail pan kamealele ai patak kan?
1 Katekateo Jijoj kote ta poŋ le en Kalili, Taipirioj. 2 A pokon kalaimun me itetauen la i, pueki ar ŋara tar a manaman me a uia oŋ me jomau kan. 3 Jijoj ap koti ta la pon tol eu, mot oŋ ioŋ a kan. 4 A kamatip, Pajopa en Jutia, me karen tor. 5 Jijoj lao jara ta, majani pokon kalaimun koko to imp a, a kotin itok ren Pilip, Ia uaja je en noti joŋ ia kijin moŋa, pue me pukat en moŋa? 6 (A majani ue me uet pue en joŋ kin i; pue pein i aja me a pan uia ta.) 7 Pilip japoŋ, Tola riai jok jota tok oŋ noti iki kijin moŋa, pue me puka en tuŋol me puitikitik. 8 Antru, a uarok men, ri en Jaimon Pita, intai oŋ i, 9 Putak men mia me na lopon pret liman, o mam ria men: ari menta ren me ŋeter. 10 A Jijoj majani, En kamot oŋ irail ti. (Ari uajao me reen.) Aramaj ap monti, a uatok arail kareni lima kit. 11 Jijoj lime ta lopon ko; kapakap ki, ap neok oŋ a uarok ka, o a uarok ka ki oŋ me monti kan; o iaŋa ki mam ko, re lao meti la. 12 Irail lao meti er, Jijoj majani oŋ a uarok kan, En ki pena moramora kaŋ me lua, pue kij ter lokatoka lar. 13 Irail ap ki pena, aute ki kiam ejok riau moramora en lopon, me lua ti joŋ me iaŋ monti moŋa. 14 Aramaj ko lao ŋara ta m an am an me Jijoj uia ta, re ap inta ta, Meit mealel Joukop men me pan para to jappa. 15 Jijoj lao kajauia ta me re nok kaloe ti i, en it kaou la, a koti la keleip nin tol o. 16 Alao joutik la, a uarok ka ap ko ti oŋ nan jet, 17 Kara taŋ pou jop pot, taulul ue oŋ Keperniom. Ap rot la, a Jijoj kaik iaŋ irail la. 18 A jet me iluken ki ta melimel. 19 Irail jaijai ki la perloŋ ri ak te jili ak, re ap ŋara ta Jijoj a kotikot to poŋ jet, kareni jop: irail majaka tar. 20 A a majani oŋ ir, Ŋai; ter majak. 21 Irail peren ta kajamo i pon jop o: ari jop mi lar jap re ko oŋ ia. 22 A mantan ran o, toun jap o pokopokon toŋ oror en jet o, ŋara tar me jota apot jop, me ta pot me a uarok ka take, a Jijoj jota iaŋ a uarok ka nan jop, pue a uarok ka ko ie la keleip; 23 (Ari kijin jop kai me ko ie joŋ Taipirioj jaloŋ uaja re kaŋ pret ia, ni Jioua kapakap ki :) 24 Aramaj lao ŋara ta me Jijoj jo kotikot ia, o jo ioŋ a, irail take jop, ko to oŋ Keperniom, rapaki jili Jijoj ia. 25 Irail lao tiara ta i palilan jet, re ap intai oŋ i, Rapai, kom koti to iat? 26 Jijoj japoŋ ir majani, Mealel, mealel, I intai oŋ komail, Komail kiu rapa kin ia, kaitin me komail ŋara ki manaman ko, a pueki komail kaŋ kijin pret o, metimet. 27 Komail ter tok jak kitail, a jak uarai oŋ maur jo tuk, me Nain ol nok ki oŋ komail; pue ie me Jam ai Kot kilele tar. 28 Irail ap itok re a, Ta me kit en uia ta, pue jen uia en Kot a tok ka? 29 Jijoj japoŋ ir majani, I met en Kot a tok, komail eu pojon me a katara to. 30 Irail ari kainoma, Kilel ta me komui ki ta, pue je en ŋar, pojon komui? ta me komui uia ta? 31 Jam at ko me kaŋ lar mana nanuel o; tuen intiŋ o, A ki oŋ irail en kaŋ pret men nalaŋ. 32 Jijoj ap majani oŋ ir, Mealel, mealel, I intai oŋ komail, kaitiu Mojej me ki oŋ komail jak en nalaŋ; a Jam ai kin ki oŋ komail jak mealel joŋ nalaŋ. 33 Pue me ko ti to joŋ nalaŋ, o ki oŋ maur jappa, ie me jak ren Kot. 34 Irail ap intai oŋ i, Ki to oŋ kit jak uet, Maiŋ koko la ta. 35 Jijoj majani oŋ ir, Jak inaur ŋai: me ko to oŋ ia, pan jolar men moŋe ta; a me pojon ia, pan jolar men nimpila ta. 36 A I intai oŋ komail er, Komail ŋar ia er, a jo pojon la. 37 Karoj me Jam ai ki oŋ ia, nok ko to oŋ ia; a me ko to oŋ ia, I jota pan kaje la. 38 Pue I ko ti to joŋ nalaŋ, jo ton uia men ai, a men en me katar ia to. 39 A i met men en Jam ai me katar ia to, karoj me i ki oŋ ia er I ter kaje la amen, pue I en kamauria ta ran nik o. 40 A i met kupur en me katar ia to, karoj me kin ŋar, o tuki oŋ Na, re en anaki maur jotuk: a I nok kamauri ta i ran nik o. 41 Men Jutia ka ap lipanete ki i, pueki a in ta ta, Jak me ko ti joŋ naloŋ Ŋai. 42 Irail inta ta, Kaitin i Jijoj, nain Jojep, jam a o in aje aja? ari tatuen a inta ta, I ko ti to joŋ naloŋ? 43 Jijoj ari japoŋ ir majani, Komail ter lipanet nan poŋ omail. 44 Jota me pan kak ko to oŋ ia, ma Jam ai me katar ia to, jo kainoŋi to i: a i nok kamauri ta i, lao ran nik la. 45 A intiŋi er nan kijilikau kokop, Irail nok patapatak ren Kot. Ie me karoj me roŋa tar, o patak ren Kot, me kin ko ki to oŋ ia. 46 Ari kaitin pueki meamen ŋara tar Jam ai, me kijan Kot eta, ie me ŋara tar Jam ai. 47 Mealel, mealel, I intai oŋ komail, Me pojon ia, ie me anaki er maur jotuk. 48 Мoŋa maur nai. 49 Jam omail ko me kaŋ la mana nanuel o, ir ari me lar. 50 I met jak joŋ nalaŋ, me meamen kaŋ kij, jota pan me la. 51 Moŋa maur ŋai me ko ti joŋ nalaŋ: meamen kaŋ moŋa uet, a nok mamaur koko la: a moŋa me I ki ta utuk ai, me I pan ki oŋ kamauri ki ta jappa. 52 Men Jutia ka ari akamaik pena, intin ta, Tatuen lap pan ki oŋ kit utuk a en kaŋ. 53 Jijoj ap majani oŋ ir, Mealel, mealel, I intai oŋ komail, Komail jo kaŋ utuk en Naiu aramaj o nim int a, komail jota pan mauri la. 54 Мeamen me kaŋ utuk ai, o nim int ai, me anaki er maur jotuk; a I nok kamauri ta i lao ran nik o. 55 Pue jak mealel utuk ai, o pil mealel int ai. 56 Meamen me kaŋ utuk ai, o nim int ai, ie me poti ti oŋ ia, o ŋai poti ti oŋ i. 57 Pue Jam ai maur me katar ia, o ŋai me mauri ki Jam ai; ie tue me kaŋ ia, nok me maur kin ia. 58 I met moŋa me ko ti to jon nalaŋ: kaitin tue jam omail ko, me kaŋ la mana, o me lar: meamen me koŋ jak uet nok me maur koko la. 59 I me puka a majani ue nan im en patak o, ni a kotikot Keperniom kaueue ta. 60 Ari ioŋ a ka karoŋa, re ap inta ta, Meit patak apual: ij me kak oŋ? 61 Jijoj lao me ani nan kupur a me a uarok ko lipanete ki me, a majani oŋ ir, Komail puiriamui ki me? 62 A ma komail ŋar Nain aramaj ko ta la uaja a kaujon ia maj o? 63 Ŋen ta me kin kamakamaur; a kaitik kamau kot utuk: a patak me I patapataki oŋ komail, ie ŋen o maur. 64 A akai komail jo peik. Pue joŋ maj o Jijoj me aŋi me jo peik: o me pan paŋa la i. 65 A majani, Ie me I inta ki oŋ komail, jota me kin ko to oŋ ia, ma Jam ai jo kainoŋi to. 66 I anjou ioŋ a ŋeter me muei ue joŋ, jolar itauen i. 67 Jijoj ap kainoma ekria men ko, Komail pil pan muei ue? 68 A Jaimon Pita ap japoŋ, Maiŋ, ij me je en ko oŋ? nomui majan eta kamaur jo tuk. 69 A je pojon, o kamealele Kraij komui, nain Kot maur. 70 Jijoj japoŋ ir, Kaitik komail ekriamen me I pila tar, a amen komail me tepil? 71 A kaintin ta Jutaj Ijkariot nain Jaimon: pue i amen ekriamen ko, me pan paŋa la i.
1 Murin me pukat Jijoj me kakan Kalili: pue a jolar kakan Jutia, pueki men Jutia majamajan kame la i. 2 A en men Jutia ar kamatip en kanjap me karen tor. 3 Ie me ri a ol ka inta ki oŋ i, Kom koti la, koti ue oŋ Jutia, pue ioŋ omui en utial tok ka me komui kin uiauia. 4 Pue jota meamen kin uiauia meakot ni uaja rir, a pein i janjal, Ma komui uia me puka, en kajanjale oŋ jappa. 5 (Pue ri a ol ka kaik pojon la i.) 6 Jijoj ap majani oŋ irail, Anjou I kaik: a me potapot anjou omail. 7 Jappa jota kak kaп komail; a ŋai me a kaŋ, pue I kaire ki a uia juit. 8 Komail en ko ta ue oŋ kamatip et; I jota pan ko oŋ kamatip et; pue anjou I kaik lel kaualap. 9 A kotin majani oŋ ir majan pukat, ap kotikoti ta Kalili. 10 A ri a ol ka joma uar, i ap koti ta la kamatip, a jo janjal, tena mearir. 11 Men Jutia me rapaki i ni kamatip o, inta ta, Ia uaja a kotikot ia? 12 A aramaj me lipanete kaualap aki i: pue akai inta ta, Me mau men: a akai inta ta, Kaiti; pue a kin kotakotaue aramaj. 13 Ari jota me janjal katiti ki i, pueki ar majak men Jutia ka. 14 Lao lel ailepan kamatip o, Jijoj ap koti ta laŋ im en kautok kaueue ta. 15 A men Jutia ka me puiriamui la, inta ta, Tatuen ol men et aja intiŋ, a kaik en patak? 16 Jijoj ap majani oŋ ir kapokapoŋ, Kaitin ai patak me I kaueue ki, a en me katar ia tor. 17 Meamen uiauia kupur a, nok ueue ki a patak, ma a ren Kot, te I pein katiti ki. 18 Me pein katiti ki, ie me pein aka joumaj ki: a me aka joumaj ki me katara to i, ie me mealel, a jota man juit kot pit. 19 Kaitik Mojej me ki oŋ komail er katepa, ajota amen komail kin kataur katepa o? A ta me komail rapaki ki kamai ia la? 20 Aramaj japoŋ inta ta, Ko meit tanuaran tepil: ij me majamajan kamai uk la? 21 Jijoj majani japoŋ, tok tai eu I uia tar, a komail puiriamui la. 22 Mojej me ki oŋ komail er jirkomjaij; (kaitik aki me joŋ Mojej, a aki me joŋ jam ko;) a komail kin jirkomjaij ol men ran en jonti. 23 Ma ol jirkomjaij ran en jonti, pue katepa en Mojej en ter jo puai; a komail makara ta pa I, pue I kakela tar ol men ran en jonti? 24 Ter kateik liki, en kateik mealel. 25 Men Jirujalem ap itok, Kaiti i me re raparapaki en kame la? 26 A ŋar, a janjal katiti jili, a re jota man lokaia oŋ i; Mon jap ka aja me i Kraij mealel? 27 Ari je aja ol men et a ko joŋ ia: a Kraij lao koti to, jota me aja uaja a para to joŋ i a. 28 Jijoj ap majani kaueue ta nin im en kautok o, Komail aja ia, o uaja I ko joŋ ia: o me I jo pein ko ki to, a me katar ia tor me mealel, me komail jo aja. 29 A I aja i; pue I ko to joŋ re a, o i me katar ia tor. 30 Irail ap joŋ jaiki ti i: a jota me paruki ti i, pueki kaik anjou i. 31 A aramaj ŋeter pojon la i inta ta, Kraij lao para to, a nok uia manaman me toto joŋ me puka, me ol men et uia tar? 32 Pariji ka karove ta en aramaj ar katiti kin i mea kan; ari Pariji o joumaro ko me iloka la papa ka re en jaiki ti i. 33 Jijoj ap majani oŋ ir, I rer mot oŋ komail ekij, I ap pan pur oŋ ren me katar ia tor. 34 Komail nok rapakin ia, a jota tiar: a uaja I pan mia, komail jota pan kak oŋ. 35 Men Jutia ap kaak nan poŋ arail, A pan ko oŋ ia, pue je en jolar tiar i? a pan ko oŋ ren me jaloŋo lar nan uai kan, pataki men uai? 36 Tatuen a katiti me me a inta ta, Komail nok rapakin ia, a jota pan tiar ia: a uaja I pan mia, komail jota kak oŋ? 37 Ran en kamatip niki lar, ran potapot, Jijoj me u majani, Meamen men nimpila tar, i en ko toŋ ia nim. 38 Me pojon ia, tue Kijilikau me inta ta, joŋ nankapet i o pil maur ka nok puilipuili ta. 39 (A Ŋen Jaraui me a katiti ki me, me irail peiki oŋ i pan tuŋole: pue Ŋen Jaraui kaik pakatara tor; pueki Jijoj kaika ta torora ta.) 40 Ari akai me kajoia ta, ni ar karoŋa kajoi pot et, Mealel i Joukop men et. 41 A akai katiti ki Kraij men et. A akai me itok, Ta Kraij pan para to joŋ Kalili? 42 Kaitin Kijilikau intai er, Kraij nok joun Tepit, o men kanim Petliem, pajoŋ Tepit? 43 Ari irail me liak toror pajoŋ pueki i. 44 A akai men jaik i; a jota me paruki ti i. 45 A papa ko ap pure oŋ ren joumaro, o Pariji ko; irail ari itok re ir, Тa me komail jo ua ki to i? 46 A papa ko japoŋ, Jota man aramaj men katiti tue ta ol men et. 47 Pariji ko ap japoŋ ir, Komail pil iaka la? 48 Ta, monjap, o Pariji kai pojon lar? 49 A aramaj pukat me jo aja katepa me karia lar. 50 A amen ir me poto toŋ ren Jijoj nipoŋ me Nikotimoj kalelapok re irail, 51 Ta atail teik kin kateika ta aramaj men, me a jo karoŋe tar, o katete tar? 52 Irail japoŋ i inta ta, Ko meit pil men Kalili? Raparapaki ŋar: pue jota joukop men kin para to joŋ Kalili. 53 Irail ari ap pura laŋ teu arail amen amen.
1 Jijoj me koti ta la pon tol Olipet. 2 A ninjoran a puro toŋ im eu kantok, aramaj ap pokon pena imp a; i ari kaipoki ti, pataki irail. 3 A jounintiŋ o Pariji kai ua ko oŋ i li men, a neuek katiaroka tar; irail ki taŋ i nan poŋ arail, 4 Ap jakara ki oŋ i, Maiŋ, li men et a nenek katiaroka tar, ni a uiauia. 5 A Mojej kin kauat nin teikepa me tue en pakajuk: a, ta me komui inta ta? 6 Irail me pitipiti ki i inta ta me, pue re en karaun ki i meakot. Jijoj ari itioki ti, intiŋie ki nani puel jonti en lim a, tena a jo roŋ. 7 Irail me potin kalelapok re a, i ari ap u ta majani oŋ ir, Amen komail jo tip a, en tapia ta kajuk i. 8 A pil itioki ti intiŋ nani puel o. 9 Irail roŋa ta, re ap muilikia ta, tontol ue, me laut maj, lel me tikitik: Jijoj ari me keleip ta, i li mi mo a. 10 Jijoj lao jara ta, majani jota me mi mo a, li eta, ap majani oŋ i, Li, ia me karaun kin uk ko? jo me kateik uk ta? 11 A japoŋ, Jota, Maiŋ. Jijoj ap majani oŋ i, I pil jota kateik uk ta: ko ue, eter pil uia juit. 12 Jijoj ap pil majani oŋ irail, kajoia ta, Marain eu jappa ŋai: a me kin itauen ia jota pan ueit ni rotarot, pue a pan anaki marain maur. 13 Ie me Pariji ko intai oŋ ki i, Ko meit pein katete ki; om katete jota mealel. 14 Jijoj japoŋ ir majani, Ma I pein katete ki, ari mealel ai katete: pue I aja uaja I ko to joŋ ia, o uaja I koko oŋ ia; a komail jo kak inta ta uaja I ko joŋ ia, o uaja I koko oŋ ia. 15 Komail kin katekateik ki likin aramaj; a jota mea men I kin kateik. 16 A ma I kateik, ai kateik pau mealel; pue I jota metamen ta, pue ŋai o Jam ai me katar ia tor. 17 A pil intiŋi ti ni omail katepa, mealel en aramaj ria men ar katete. 18 Ŋai meamen kin pein katete ki, o J am ai me katar ia kin katete kin ia. 19 Irail ap itok re a, Ia Jam om? Jijoj japoŋ, Komail jo aja ia la, o Jam ai: ma komail aja ia, komail pil pan aja Jam ai. 20 Majan pukat Jijoj majani ue nan teunmoni, ni a kot nan im en kautok o: a jota me paruki ti i; pue anjou i jaik. 21 Jijoj pil majani oŋ ir, I koko la, a komail nok rapakin ia, o me la ni omail juit kan: a komail jota pan kak oŋ, uaja I ko oŋ ia. 22 Men Jutia ko inta ta, A pan kame la pein i? pueki a inta ta, Komail jota kak oŋ uaja, I pan ko oŋ i a. 23 A majani oŋ ir, Men pa komail; a men poa ŋai: men jappa komail; a kaitik men jappa ŋai. 24 Ie me I inta ki oŋ komail, komail nok me la ni omail juit kan: pue komail jo kamea lele ia, komail nok me la ni omail juit ka. 25 Irail ap itok re a, Ij koa? Jijoj majani oŋ ir, Me I inta ue maj o ie ta. 26 Me ŋeter me I men pataki oŋ komail o katete ta: a i me mealel me katar ia tor; a I kin kajoia oŋ komail me I karoŋe ta maj re a. 27 Irail ari jaja me a kajoia ki oŋ ir Jama o. 28 Jijoj ap majani oŋ ir, Komail lao laŋa ta Nain aramaj, komail nok aja ŋai i, o me I jota man pein uia meakot; a tuen Jam ai me pataki oŋ ia er, I kin kajoia ta me pukat. 29 Me katar ia tor kin ieiaŋ ia: Jam ai jota lokit ia la; pue I kin potin uia meakan a kupura mau ki. 30 Ni a kajoia ta me puka, me ŋeter pojon la i. 31 Jijoj ap majani oŋ men Jutia ko me pojon la, Ma komail poti ti oŋ ai patak, ai uarok mealel komail; 32 A komail nok aje la mealel, a mealel nok kamaio ue komail. 33 Irail japoŋ i, Kijan Epream kitail, jota me je litui: tatuen om inta ta, Komail nok maio ta? 34 Jijoj japoŋ ir, Mealel, mealel, I intai oŋ komail, Meamen me uiauia juit, i me litulitui juit. 35 A litu men kin jopar nan im: Ka eta koko la. 36 Ari ma Na kamaio ue ta, komail nok maio ta mealel. 37 I aja kijan Epream komail; ari komail raparapaki kamai ia la, pueki jo teun ai patak re omail. 38 Me I ŋara tar ren Jam ai, ie me I inta ue: a komail kin uiauia me komail ŋara tar ren jam omail. 39 Irail japoŋ i inta ta, Jam at Epream. Jijoj majani oŋ irail, Ma kijan Epream komail, komail pan uia en Epream a tok ka. 40 Ari komail rapaki kamai ia la, ol me kajoia ta mealel, me I roŋa tar ren Kot: kaitik ie me Epream uia tar. 41 Komail uiauia tok en jam omail. Irail japoŋ i, Kaitik kit ipuin nenek; jam at metamen, Kot. 42 Jijoj majani oŋ irail, Ma Kot Jam omail, komail pan pok oŋ ia; pue kijan Kot ŋai o ko ki to joŋ re a: kaitik ŋai me pein ko ki to, pue i me katar ia tor. 43 Ta me komail ponapon ki ai patak? pueki omail jo kak roŋ ai patak. 44 Komail kijan jam omail tepil, o norok en jam omail komail nok uia ta: nan i men kame la men joŋ maj o, o jan mealel, pue jota man mealel re a. Ni a lallal likom, a kin pein lal ki: pue me likom men i. 45 A komail jota kamealele ia, pueki ai pataki oŋ komail mealel. 46 Ij komail katete ki oŋ ia juit? A ma I inta ta mealel, ta me komail jo kamealele kin ia? 47 Me ren Kot kin kanakanai oŋ en Kot a majan ka: komail ari jota roŋ, pue kaitik kijan Kot komail. 48 Men Jutia ap japoŋ i, inta ta, Kaitik meit mealel, ko men Jameria, o tanuaran tepil? 49 Jijoj majani, kaitik tanuaran tepil ŋai: pue I kakaki Jam ai, a komail kin ki joŋ ia uau I. 50 I jota kin rapaki pein ai liŋan: ie meamen mia me raparapaki, o katekateik. 51 Mealel, mealel, I intai oŋ komail, Meamen uia ta ai patak, jota pan me la. 52 Men Jutia ko ap intai oŋ i, Je ap aje la me koa tanuaran tepil. Epream me lar, pil joukop ko; a koa me inta, Meamen poti ti oŋ ai patak, jota pan me la. 53 Ta koa me lapa joŋ Epream jam at, me me lar? pil joukop ko me me lar? ij me ko pein uia kin uk? 54 Jijoj japoŋ, Ma I pein kaka kin ia, ai kaka me mal: a Jam ai me kaka kin ia; me komail intin ta omail Kot. 55 Komail ari kaika ta aja i; a I aja i: a ma I inta ta, I jaja i, I pan me likom tue komail; a I aja i, pil uiauia a majan kan. 56 Jam omail Epream me peren ki tar a ŋar ai ran: i ari ŋara tar peren ta. 57 Men Jutia ko ap intai oŋ i, Par lima ŋaul kaik tau po om, a ko ŋara tar Epream? 58 Jijoj majani oŋ ir, Mealel, mealel, I intai oŋ komail, I mi er mon Epream. 59 Irail rik takai puen kajuk i, a Jijoj me oki joŋ pein i, koti joŋ nan im o, koti la nan poŋ ar, taulul ue ta.
1 Jijoj ari kotin taulul, ap majani ol men me majkun joŋ a naitik. 2 A uarok ko itok re a, kainoma, Maiŋ, ij me uia ta juit, ol men et, te jam a in a, me a ipui ki ue majkun? 3 Jijoj japoŋ, Kaitik i me uia ta juit, pil kaitik in a jam a: ari pue totok en Kot en kajanjal ki tar i. 4 I en uiauia totok en me katar ia tor niran: pue poŋ koko to, anjoun jolar totok. 5 Arai en ai momot jappa, marain en jappa ŋai. 6 A majani me, ap kontipi ti nani puel, uia ki ta puel matok, irij ki maj en me majkun o, 7 Majani oŋ i, U ko ue opuinok nan pil en Jailoam, (me kajirauik, Jent.) I ari ko oŋ opuinok ia, ap puro to, kiloŋa tar uaja. 8 A me imp a kan, o me iaŋ ŋara tar me- a majkun, me inta ta, Kaitik i me onon pokipoki? 9 Akai me inta, I men et: a akai, Likomata i: a, i me inta ta, Ŋai i. 10 Irail ari itok re a, Tatuen maj om kan a kapaat pajoŋ? 11 A japoŋ inta ta, Ol men me at anaki Jijoj me uia ta puel, irij ki maj ai, majani oŋ ia, Ko oŋ nan pil en Jailoam, opuinok ia: I ari ko ie oŋ opuinok er, ap kiloŋa tar uaja. 12 Irail ap itok re a, Ia i? A japoŋ, I jaja. 13 Irail ari uk ue ren Pariji ka me majkun maj o. 14 Ari ran en jonti ni Jijoj uia ta puel, kapaat pajoŋ maj a kan. 15 Pariji ko pil kainoma me a ŋara ki tar uaja. A japoŋ ir, A ki oŋ ni maj ai ka puel, I ap opuinok er, ŋai ari kiloŋa tar uaja. 16 Ie me Pariji kai inta ki, Kaitik i me ren Kot, aki a jo apuali ran en jonti. Akai inta ta, Tatuen juit men pan kak uia manaman pukat? Ari irail me liak toror pajoŋ. 17 Irail pil kalelapok ren me majkun, Ta me ko jakara ki i, a kapaat pajoŋ maj om? A japoŋ, Joukop men i. 18 Men Jutia ko ari jota kamealele, me a ipui ki ue majkun, ap kiloŋa tar uaja, lao o re ekera to me uia ta i me kiloŋa tar uaja. 19 Irail itok re ira, Nom ol men et, me koma intin ta me ipui ki ue majkun? Tatuen a ŋara tar uaja? 20 Me uia ta i japoŋ ir inta ta, Je aja me nait me men et, o me i ipui ki ue majkun: 21 A je jaja me a ŋara ki tar uaja; o me kapaat pajoŋ maj a ko: a ma lar; itok re a, a nok jakara ki i. 22 Me uia ta i inta ta me pukat, pueki ar majak men Jutia ko; pue men Jutia ko me inau ki pena, ma meamen inta ta me Kraij i, a nok jikon la joŋ im en patak. 23 Ie me uia ta i inta ki, A ma lar, itok re a. 24 Irail pil eker me majkun, intai on, En lan Kot: je aja me ol men et me juit. 25 A japoŋ ir inta ta, I jaja ma i juit te jo: iet me I aja, ŋai me majkun maj o, I ap ŋara tar uaja. 26 Irail pil itok re a, Ta me a uia oŋ uk? tatuen a kapaat pajoŋ maj om? 27 A japoŋ ir, I intai oŋ komail er, a komail jota roŋ: ta me komail men pil roŋ ki? komail pan a uarok? 28 Irail me kaurur ki i, inta ra, A uarok men koa; a kit uarok en Mojej. 29 Kit aja me Kot majani oŋ Mojej; a lap, je jaja uaja a ko joŋ ia. 30 Ol o japoŋ ir inta ta, Meit kapuiriamui, i me kapaat pajoŋ maj ai ka, a komail jaja uaja a koti joŋ ia. 31 Kitail aja me Kot jota kin me aŋi me tipan: a meamen me poŋi Kot, tataur kupur a, ie me a kin me aŋi. 32 Joŋ maj koko to jota me roŋa tar me meamen kapaat pajoŋ maj en me ipui ki ue majkun. 33 Ma ol men et jota me ren Kot, a pan jota kak uia meakot. 34 Irail japoŋ i inta ta, Koa me ipui ki ue juit, a ko ap pataki oŋ kit? Irail ari kaje la i. 35 Jijoj me aŋia tar ar kaje lar i; a lao majania ta, majani oŋ i, Ko jo peiki oŋ Nain Kot? 36 A japoŋ itok, Ij i, Maiŋ, pue I en peiki oŋ i? 37 Jijoj majani oŋ i, Koa me ŋara tar i, a iet i me kajokajoi oŋ uk. 38 A japoŋ i, Maiŋ, I peiki tar. I ari poŋi i. 39 Jijoj ari, majani Pue en kateika tar jappa me I ko ki to; pue me jo ŋar uaja en ŋara tar, a me ŋar uaja en majkun lar. 40 A Pariji kai me iaŋ karoŋa ta a majan pukat, re ap peitok re a, Ta, kit me pil iaŋ majkun? 41 Jijoj majani oŋ ir, Ma komail majkun, jota pan tip omail: a komail inta ta, Je ŋaŋar uaja; ie me komail tip ki tar.
1 Mealel, mealel, I katiti ki oŋ komail, Me jo ueit nau uanim petaloŋ teunjip, a, tau ta toror, ie men lipirap o men kuli. 2 A me kin petaloŋ pan uanim, ie me jilepan jip. 3 Ie me jilepa kin riti taŋ mo a; o jip ka roŋaroŋ ŋil a: a i me ekera ki na jip ka at ar, kare irail ue. 4 A kin katar jili na jip kan, ti oŋ mo irail, o jip ka kin itetauen ue i: pue re an lar ŋil a. 5 A re jota pan itauen me re jan, re nok taŋa joŋ; pue re jan ŋil arail. 6 Jijoj majani oŋ ir kaparok pot et; irail ari ponapon ki me pukan me a majani oŋ ir. 7 Jijoj pil majani oŋ ir, Mealel, mealel, I intai oŋ komail, uanim en jip ŋai. 8 Karoj me para tor mo I men pirap o men kuli: o jip kan jota kin apuali irail. 9 Uanim eu ŋai: a meamen petaloŋ kin ia pan kamauri lar, o tiara tar moŋa purepure. 10 Men pirap ko ton pirapa ta, o kame la, o kaokaoe: a ŋai me ko to pue irail en anaki maur, kakaire ta koko la. 11 Jilepa mau ŋai: a jilepa man kin tonmete ki na jip ka maur i. 12 A me kin puaipuai, jo jilepa, me jo na jip ko, ie me ŋaraŋar kiti lipej koko to, kin kaje la jip ko, taŋ taui; a kiti lipej me jaiki ti jip ko, kamuet ir pajoŋ. 13 Me puaipuai kin taŋ taui, aki a puaipuai, o jota injino ki jip ko. 14 Jilepa mau ŋai, o I aja me nai, re pil aja ia. 15 Jam ai me aja ia, ie tuen I aja Jam ai: o I nok ikitiki jip ka maur I. 16 Pil akai jip me nai, me jo kijan nan kel uet: me puko I en ua to, irail nok roŋ ŋil ai; a pan nan kel lai eu, o jilepa metamen. 17 Ie me Jam ai kupura mau ia, pue I ki ti maur I, pue I en pur oŋ ale. 18 Jota me kamai ia la, pue ŋai me pein me la. I pan kaк me la, I pil kak mauri ta. Kujenot pot et me I ale joŋ er Jam ai. 19 Ie me men Jutia akamai ki nan poŋ ar, pueki majan pukat. 20 Irail me ŋeter inta ta, A tanuaran tepil, me iaka la; ta me komail roŋ ki i? 21 Akai me inta ta, Kaitik patak en tanuaran tepil pukat. Ta tepil pan kak kapaat pajoŋ maj en me majkun? 22 Ie anjoun ijimaj Jirujalem, anjoun kapau. 23 A Jijoj kotikot nan im en kautok nan palank en Jolomon. 24 Men Jutia ka kapili pena i, intai oŋ, Arai ta kom pan okioki oŋ kit? Ma komui Kraij, en katete oŋ kit janjal. 25 Jijoj majani oŋ ir, I intai oŋ komail er, a komail jota pojon: tok ka me I toke ta ni mmar en Jam ai, ie me kin katete kin ia. 26 A komail jota pojon, pue kaitik kijan ai jip komail, tue me I intai on komail er. 27 Nai jip ko kin roŋ ŋil ai, a I aja ir, a re kin itauen ia: 28 A I kiki oŋ ir maur jo tuk, a re jota pan jora la, o jota me pan ki joŋ irail ni pa ai. 29 Jam ai, me ki oŋ irail ia er, me lapa joŋ karoj: jota me pan kak ki joŋ ni lim en Jam ai. 30 Jam ai o ŋai metamen. 31 Men Jutia ap pil rik takai puen kajuk i. 32 Jijoj me majani oŋ ir, Tok mau me ŋeter me I kajale oŋ komail er joŋ Jam ai; a tok eu ren me puko me komail kate kin ia? 33 Men Jutia ka japoŋ i, inta ta, Kaitik tok mau me je kate kin uk; a pueki lalaue; a pueki aramaj men koa, me uia kin pein uk Kot. 34 Jijoj majani oŋ ir, A jo intiŋi er nan omail katepa, I inta ta, Ani ka komail? 35 Ma i ui ani ki irail, me Kot majani oŋ, a Kijilikau jota kin jo poŋ; 36 Komail pan inta kin i, me Jama kajarauie lar, o katara toŋ jappa, Ko meit lalaue; pueki i inta ta, Nain Kot ŋai? 37 Ma I jo uiauia en Jam ai a tok, komail ter kamea lele ia. 38 A ma I uiauia, ma komail jo pojon ia, komail en pojon tok ko; pue komail en aja, o pojon, me Jama poti ti oŋ lol I o ŋai lol i. 39 Ie me irail pil joŋ ki jaik i; i ari piti joŋ ni pa arail, 40 Pure oŋ pali lan Jortan, uaja Jon me uia paptaij ia maj o; i ari koti ti oŋ ia. 41 A me ŋeter pokopokon toŋ i, inta ta, Kaitik manaman me Jon uia ta; a mealel te karoj me Jon kajoia ki ol men et. 42 A me ŋeter pojon la i uajao.
1 Nan ol men jomau tar me at a Lajaroj, men Petani, kanim en Meri o ri a l i Mata. 2 (Ie Meri me keiei ki potik Jioua, limuie ki a puilipepe aluuilua, me ri a Lajaroj jomau tar.) 3 Ri a li ko ari katara ue oŋ i, kaire ki, Jioua, ŋar, me komui pok oŋ me jomau tar. 4 Jijoj me aŋi, ap majaui, Kaitik jomau en me la eu me, a pueki liŋan en Kot, pue nan ie me Nain Kot en kaliŋan ki la. 5 Jijoj me pok oŋ Mata, i, ri a li, o Lajaroj. 6 A me aŋi er me a jomau tar, i ari kotikot uajao poŋ ria poŋ. 7 A katekateo a majani oŋ a uarok ko, Kitail ko lan Jutia. 8 A uarok ko potoon oŋ," Maiŋ, men Jutia apton men kajuk komui; a komui pan pur oŋ ia? 9 Jijoj majani, Jo klok ejok riau ni ran eu? Meamen momait niran, jota pan tipakolakol, aki a ŋar marain en jappa. 10 A meamen momait nipoŋ, a kiu tipakolakol, pue jo marain re a. 11 A kajoia ta me pukat ap majani oŋ ir, Kompokepa atail Lajaroj mamair; a I koko lan, kapiri ta i joŋ a mair. 12 A uarok ko inta ta, Maiŋ, ma a mamair a pan mauri ta. 13 Ari Jijoj me kajoia ta a me la: a irail kiki oŋ me a kajoia ta a mamair en kamol. 14 Jijoj ap janjal majani oŋ ir, Lajaroj me lar. 15 A i mauki ai jo mi uajao pueki komail, pue komail en pojon la; ari kitail koko ue re a. 16 Tomaj, me Titimoj, ap potoon oŋ a uarok ko, Kitail koko la puen iaŋ i me la. 17 Jijoj lao koti to, ap me aŋia ta me a jaripi ti poŋ pa poŋ er. 18 (Petani me kareni Jirujalem, tena mail riau:) 19 A men Jutia ko me ko to oŋ Mata o Meri, puen kamait ir ta pueki ri ara. 20 Mata roŋa tar me Jijoj kotikot ko to, ap ko ie tu oŋ i: a Meri me potapota ta nan im o. 21 Mata ap jakara ki Jijoj, Jioua, ma komui kot met, ri ai jota pan me lar. 22 A I aja, meakot komui pokipoki reu Kot, Kot nok ki oŋ komui. 23 Jijoj majani oŋ i, Ri om nok kamauri ta. 24 Mata japoŋ i, I aja me a nok kamauri ta lao nituel ran nik. 25 Jijoj majani oŋ i, Men kamaur ŋai, o maur: me tuki oŋ ia, ma a me lar, a nok mauri ta: 26 A meamen me maur o tuki oŋ ia jota pan me la. Ko kamealele me? 27 A japoŋ i, Ie Jioua: I pojon komui me Kraij, Nain Kot me utan para toŋ jappa. 28 A inta ta me, ap koti laŋ Meri ri a li, intiu ta, Jioua koti tor kainoma uk. 29 I lao roŋ, ap u mataŋa ue oŋ re a. 30 A Jijoj jaik lel oŋ kanim o, pue a koti ti oŋ uaja Mata me tu oŋ i ia. 31 Men Jutia ka me toun iaŋ i nan im o, kamakamait i, ŋara tar Meri mataŋ piri ta ŋe, irail itauen i, intin ta, A ko oŋ pon joujou puen maie ia. 32 Meri lao lel uaja Jijoj kot ia, ŋar i, ap pori ti oŋ aluuilu a, inta ta, Jioua, ma komui kot re at, ri ai ol jota pan me la. 33 Jijoj lao majani i maie, o men Jutia ko me iaŋ i koko to pil maie, i me kupur ola, uairok, 34 Majani, Komail puil ia i? Irail japoŋ i, Jioua koti to majaui. 35 Jijoj tonir tar. 36 Men Jutia ko ap inta ta, Ŋar tuen a pok oŋ i! 37 A akai ir me inta ta, A jo kok pan me kapaat pajoŋ maj en iuajkun, en kola joŋ ol men et a me lar? 38 Jijoj pil kupur ola ap koti toŋ joujou. A nan por en takai, o takai eu po a. 39 Jijoj majaui, Kaje joŋ takai. Mata, en me lar ria li, inta ta, Maiŋ, a mata lar: pue a me lar poŋ pa poŋ er. 40 Jijoj majaui oŋ i, I jo iutai oŋ uk, ko peik, ko nok ŋara tar man a m an en Kot? 41 Irail ap kaje joŋ takai o uaja me me lar onon ia. А Jijoj me jara ki ta jilaŋ i kan, majani, Jam ai, I kin kapikapiŋa kiu komui me aŋi ia er. 42 A I aja komui kin me aŋi ia an j ou karoj: a pueki pokon me ututial I kin inta ta, pue irail en pojon me komui katar ia tor. 43 A majani me, ap ŋil lauti ta majani, Lajaroj, en pauri ta. 44 A me me lar ap pauri ta, pira ki likau en joujou ne o pa ka; o maj a me pira ki aukijip. A Jijoj majani oŋ ir, Lauata ta, kapiti la i. 45 Men Jutia ko me ko to oŋ Meri, o ŋara ta me pukan me Jijoj uia tar, me pojon la i. 46 A akai ir me ko ue oŋ ren Pariji ko, kaire kin ir me Jijoj uia tar. 47 Joumaro lapalap o Pariji ko ap pokon pena, peitok nan poŋ ar, Ta me kitail en uia ta? pue ol men et me kin uia manaman ŋeter. 48 Kitail jo mokit oŋ i, karoj nok pojon la; o men Bom nok ko to ki joŋ kit uei o kainok atail. 49 A amen irail, Kaiepaj, joumaro lapalap men ni par o, me potoon oŋ ir, Komail meit jalelapok. 50 O jota katakataman ki me man oŋ kitail, ol ta men en kamata ki aramaj kan, pue kainok pokon en ter lokatoka la. 51 A kaitik pein i me katiti ki me; a i me joumaro lapalap ni par o, i ari kokopa to me Jijoj pan kamata ki kainok o; 52 A kaitik kainok o ota, pue a nok kapokon pena nain Kot kaŋ me muet pajoŋ ni jap kan. 53 Joŋ ni ran o irail katikati eu kamata la i. 54 Ie me Jijoj jolar kotikot ki janjal ren men Jutia kan; a jipala ue taulul eu jap jaloŋ nanuel, ni kanim eu at a Ipreim, o iaŋ a uarok kan kotikot ia. 55 A pajopa en Jutia me karen er; a me ŋeter ko ie joŋ nan jap karoj, pokon ta ue oŋ Jirujalem mon pajopa, pue en kamaui pein irail. 56 Irail ari raparapaki Jijoj, o itetok nan poŋ ar, ni ar pokopokon nan im en kautok, Ta me komail lamalama, me ajo pan ko toŋ kamatip? 57 A Joumaro lapalap o Pariji ko me kujenote ta, meamen aja uaja a kot ia, i en kajale ta, pue re en jaiki ti i.
1 Mon pajopa poŋ uonu poŋ, Jijoj ap koti laŋ Petani, uaja Lajaroj kaujon ia me me lar, me a kamaura ta joŋ a me lar. 2 Irail me uia konota i; a Mata me papa: a Lajaroj me iaŋ ir mot oŋ tepel iaŋ i. 3 Meri ap ua potik apual, paun eu, keiei ki aluuiluan Jijoj, limuie ki a puilipepe aluuilua kan: a im me tiri ki po en a keiei. 4 Jutaj Ijkariot, a uarok men, nain Jaimon, me pan рaŋa la i, ap inta ta, 5 Ta me potik et jo notia ki to moni limai jok, o neok oŋ jamama kai? 6 Kaitik a pok oŋ me jamama ko me a itok ki me; a aki men pirap men i, o pilikit eu et, ua me touk oŋ lol i. 7 Jijoj ap majani, Ter mokit oŋ i: ran en ai pan jaripi ti me a kin kaonop ki me. 8 Pue me jamama kin potapot re omail; a ŋai jota kin potapot re omail. 9 A men Jutia ko ari aja tar me i kot uajao: ir ari ko to pueki Jijoj, o pil pue en ŋar Lajaroj, me a kamauri tar jon a me lar. 10 Joumaro lapalap ka me pil katikati kame la Lajaroj; 11 Pue aki i men Jutia ŋeter mue ue ta, pojon Jijoj lar. 12 Mantan ran o aramaj ŋeter me ton iaŋ kamatip o, lao roŋ me Jijoj koti er Jirujalem, 13 Irail pala ti ran tuka ka, ko ie la tu oŋ i, ŋijiŋiji ta, Ojana: Meit kalaŋan Kaon en Ijrael me kotikoti to ki mmaren Kot. 14 A Jijoj lao majani aj pul men, ap kaipoki ti po a; tuen a intiŋi er, 15 Ter majak, Nain Jaion li: Ŋar, omail Joupeti kotikoti to, kaipoki ti poŋ kijan aj men. I6 A ioŋ a ko jota neue ki me pukat maj o: ari Ji joj lao torora tar, irail me taman ta me pukat me intiŋ ti oŋ i, o me ir uia oŋ i me pukat. 17 Me toŋ iaŋ i ni a kapira tar Lajaroj joŋ nan joujou, o kamauri ta i joŋ me la, me katete ki i. 18 Ie me aramaj ko pokon oŋ ki i, pue irail roŋa ta me i uia ta manaman et. 19 Ie me Pariji ko katiti ki ta nan poŋ ar, Komail jo ŋar omail jota man kaloe ti i? ŋar, toun jap kan me pojon lar i. 20 A akai men Krik iaŋ ir me ko toŋ kamatip o kautok: 21 Irail ari me ko toŋ Pilip, men Petjaita Kalili, kajoia ta, inta ta. Maiŋ, je men utial Jijoj. 22 Pilip ap ko oŋ kaire ki Antru: a Pilip i Antru kaire ki oŋ Jijoj. 23 Jijoj ap japoŋ ir, majani, Anjou lel er en Nain aramaj en kaliŋan la. 24 Mealel, mealel, I intai oŋ koma, Ma uan plaua jo popi ti nani puel mairi ti, a kin mon ta: a ma a mairi ti, a nok kaparapar ua ŋeter. 25 Me pokapoka maur i nok jaloŋo joŋ; a me tonmete ki maur i pali pa nok tiara ta maur jo tuk. 26 Meamen papa ia, i en itauen ia; a uaja I mot ia, i uaja papa ia en mot ia: ma meamen papa ia, i me jam ai nok kajapuila ta. 27 I ap lol ola; a ta me I en inta ue? Jam ai en kamaio ue joŋ ia anjou uet: ari jo i me I ko ki toŋ anjou uet. 28 Jam ai, kalaute la mmar omui. Ŋil eu ap pe ti to joŋ nalaŋ, inta ta, I kalaute er, o I nok pil kalaute. 29 A aramaj ka me utial, o roŋa ta, ap inta ta, a nanjapue: a akai intin ta, Toun laŋ men me kajoia oŋ i. 30 Jijoj japoŋ majani oŋ, Kaitik pueki ŋai ŋil et, a pueki komail. 31 Metet irair en jappa; joupeti en jappa ap pan kajapoka la metet. 32 A ŋai, ma I loŋa ta joŋ jappa, nok kainoŋa toŋ ia karoj. 33 A majani me, kilele ki ta tuen a pan kamata la. 34 Aramaj potoon oŋ i, Je roŋa tar joŋ nin teik o me Kraij nok potapot eta: a tatuen om kajoia ta, Nain aramaj en loŋa ta? ij Nain aramaj men et? 35 Jijoj ap majani oŋ ir, Marain rer mimi re omail ekij. Marain mimi re omail en momait, pue a te rotarot oŋ komail: pue me kin momait nan rotarot kin jaja uaja a koko oŋ ia. 36 Marain mimi re omail, en an la marain o; pue komail en jeri en marain. Jijoj me katiti me pukat, ap koti la, karukie la pein i joŋ ir. 37 A i me uia ta manaman ŋeter mo irail, irail ari jota kamealele i: 38 Pue kokop en Aijea joukop men en puai ta, me i kokopa tor, Jioua, ij me kamealele at kajoi? a ij me manaman en Kot kajanjal oŋ? 39 Irail ari jota kak kamealele pue Aijea pil katiti ki, 40 A karotoŋe la maj arail, o kakokaluaka la kapeti rail; pue re eu jola kiloŋ ki maj arail, o aja ki nan kapeti, o uikitoki la, I en kakel ir ta. 41 Me pukat me Aijea inta ta, ni a ŋara tar a manaman, о katiti ki i. 42 Ari ren joupeti lapalap me ŋeter tuki oŋ i; a pueki Pariji ko re jota intin ta, pue re te pijikon joŋ nan im en patak: 43 Pue re mauki intin ta ren aramaj mon intin ta ren Kot. 44 Jijoj majani ta katiti, Me pojon ia, kaitin ŋai me a pojon, a me katar ia tor. 45 A me ŋar ia a pil ŋar me katar ia tor. 46 A marain eu I ko toŋ jappa, pue me kamealele ia en ter potapot nan rotarot. 47 A ma meamen roŋ ai patak ka, a jo kamealele, I jota kin kateika ta i: pue I jota ko ton kateika jappa, a puen kamauri jappa. 48 Me kaje ia la, a jo oke ai patak ko kateikepa mia: ai patak me I inta ta, i me pan kateikepa ran lao nik o. 49 Pue I jota kin pein katete ki; a Jam ai me katar ia, i me ki oŋ ia er poron pot, me I en inta ta, o katiti ki. 50 A I aja maur jo tuk a poron o: ari karoj me I inta ta, i me Jam ai majani oŋ ia, nan i me I inta ta.
1 Mon kamatip en pajopa, ni Jijoj me aŋi a lel er iran a pan koti la joŋ jappa pur oŋ Jama, a kupura er na kan mi jappa, a kupura la ir koko la. 2 A konot niki la, tepil me ki oŋ er nan kapeti en Jutaj Ijkariot, nain Jaimon, en paŋa la i; 3 Jijoj me aŋi er me Jama ki oŋ er ni lim a meakaroj, o me a ko ki to joŋ Kot, o koko oŋ Kot; 4 A u ta joŋ konot, puili ki ti a likau ka, lime ta ankijip, pira ti pein i. 5 Ap kieli ti pil nan tal, ap pik ki ti uiten ne en a uarok ko, o limuie ki ankijip me a pira ki. 6 I ap kai oŋ Jaimon Pita: a Pita intai oŋ i, Maiŋ, kom pan uiten ne I ka? 7 Jijoj japoŋ i majani, Ko kin jaja me I uiauia metet; a eu ran ko nok aje la. 8 Pita intai oŋ i, Komui jota pan uiten ne I ka. Jijoj japoŋ i, Ma I jo uiten uk, jota om tuŋol re I. 9 Jaimon Pita ap japoŋ i, Maiŋ, kaitin ne I eta, a pa I o moŋ ai. 10 Jijoj majani oŋ i, Me topatop lar jota me en topatop ki, ne eta, pue a makolakola tar: a komail makolakola tar, ajota karoj. 11 Pue a me aŋi me pan paŋa la i; ie me a majani ki, Komail karoj jota makolakola tar. 12 A lao uiten ne ar ka, o lime tar a likau ko kaipoki ti, ap majani oŋ ir, Komail jo aja me I uiai oŋ komail er? 13 Komail me aka joumaj ki o aka Jioua kin ia: a komail meit inta mealel; pue ie ŋai. 14 Ma I, omail Jioua o Joumaj, kin uiten ne omail er; komail en uiten ne omail pena. 15 Pue I ki oŋ komail er kaalamoŋa eu, pue. komail en uiauia tuen I uiai er. 16 Mealel, mealel, I intai oŋ komail, Litu me jota lapa joŋ a joumaj; pil kaitin me pakatara to me lapa joŋ me katara to i. 17 Ma komail aje la me pukat, komail meit paii ma komail uia ta. 18 Kaitin komail karoj me I katiti ki: I aja me I pila joŋ er: a pueki kijilikau en me poŋ, Me iaŋ ia kaŋ pret me jipat ia. 19 A I ap kokop oŋ komail mon a uia ta, pue a lao uia ta, komail en pojoŋ me ŋai i. 20 Mealel, mealel, I intai oŋ komail, Meamen me kajamo me I katara ue me kin kajamo ia; a me kin kajamo ia kin kajamo me katar ia tor. 21 Jijoj lao majani ue me, ap uairoka ta ŋen i, katiti, majani, Mealel, mealel, I intai oŋ komail, amen komail nok paŋ ia la. 22 A ioŋ a ko me ŋaranar nan poŋ ar, ponapon ki me a majani ki. 23 A amen ioŋ a ko me paŋapaŋ pan kupur en Jijoj, me Jijoj pok oŋ. 24 Jaimon Pita ari ap olol oŋ i, en kainoma me a majani. 25 Me uonon pan kupur en Jijoj ap itok re a, Ij i, Maiŋ? 26 Jijoj me japoŋ, Me I pan neok oŋ I lao katui ti kijiu pret, ie i. A a lao katui ti er kijin pret, a ki oŋ Jutaj Ijkariot, nain Jaimon. 27 A murin nene Jetan ap til loŋ lol i. Jijoj ap majani oŋ, Kanaŋa ta me ko pan uia ta. 28 A jota me ton iaŋ mot impan tepel aja me a majani ko oŋ i me. 29 Pue akai lamalama, pueki Jutaj ua et, Jijoj me majani ki oŋ i, Notia ta meakan kitail en kaonopa ki kamatip o; te, a en ki oŋ meakot reu jamama ko. 30 I ari, ale er puaij a, ap matana ue joŋ; a uaja joutik penai er. 31 A ko la joŋ er, Jijoj ari majani, Nain aramaj ap liŋan lar, a Kot me kaliŋan lar pueki i. 32 Ma Kot kaliŋan lar pueki i, Kot nok kaliŋana ki i pein i, a a nok mataŋ kaliŋanai i. 33 Nai kijin jeri ko, I rer ieiaŋ komail ekij. Komail nok rapaki ia; a tuen ai katiti oŋ er men Jutia, Uaja I koko oŋ ia, komail jota kak oŋ ia; ie tuen I ap katiti oŋ komail. 34 I ap ki oŋ komail panau kap eu, Pue komail en pokapoka pena; tuen ai pok oŋ komail lar, ie tuen komail pokapoka pena. 35 Nan i me aramaj karoj nok aja ki ai uarok komail, ma komail pokapoka pena. 36 Jaimoa Pita kainoma i, Jioua, kom pan koti lai ia? Jijoj japoŋ i, Uaja I koko oŋ ia, ko jo kak itauen ia anjou uet; a ko nok itauen ia eu ran. 37 Pita kalelapok re a, Maiŋ, ta me I jo kak ki itauen komui la met? I nok mueta taŋ komui maur I. 38 Jijoj majani oŋ i, Ko pan mueta taŋ ia maur om? Mealel, mealel, I intai oŋ uk, Malek jota pan kokarot, ko lao kamama kin ia pan pak jili pak:
1 Komail ter joŋijoŋ lol: Komail kin pojon Kot, en pil pojon ia. 2 Nan tauipaj en Jam ai nan pera me ŋeter: ma jo, I pan intai oŋ komail. I koko lau kaonop teu omail. 3 Ma I ko lau kaonop teu omail, I nok puro to, uk komail ton iaŋ ia: pue uaja I kin momot ia, komail en momot ia. 4 A komail aja uaja I koko oŋ ia, o al komail aja. 5 Tomaj me intai oŋ i, Maiŋ, je jaja uaja kom pan koti lai ia; a tatuen je pan aja al o? 6 Jijoj majani oŋ i, Ŋai me al, o mealel, o maur : jota me kin ko to oŋ Jam, ma jo ŋai. 7 Ma komail aja ia er, komail pan pil aja Jam ai: a komail aja i koko la, o ŋara tar i. 8 Pilip me intai oŋ i, Maiŋ, kajale toŋ kit Jama, kit ari pan nennen la. 9 Jijoj majani oŋ i, Pilip, I ieian komail er uarai, a ko jo ueue kin ia? me ŋar ia er kin ŋara tar Jama; a tatuen om inta ta, Kajale oŋ kit Jama? 10 Ko jo kamealele me ŋai mi nin Jama, o Jama mi lol I, a ai pataki komail kaitin pein ŋai me I patapataki: a Jama me mi lol I, i me kin kauiauia tok ko. 11 Kamealele ia me I kin mi ni Jama, o Jama kin mi lol I: te kamealele ia pueki ai uiauia ko. 12 Mealel, mealel, I intai oŋ komail, Meamen tuki oŋ ia, a nok uiauia tok ka me I kin uiauia; a tok me lapa joŋ me pukat a nok uia ta; pueki I koko oŋ ren Jam ai. 13 A meakot komail poki pueki ŋai, ie I nok kapuaia ta, pue Jama en liŋana ki la Na. 14 Ma komail poki meakot pueki nai, I nok kapuaia ta. 15 Ma komail pok oŋ ia en uoke ai panau kan. 16 A I nok kapakap oŋ Jama, a i me pan katara toŋ komail amen Kapol, pue en kotikot re omail koko la ta; 17 Ŋen mealel; me men pa jo kak apuali, pne re jota ŋar i, pil jo aja i: a komail aja i; pue a kin kotikot re omail, o a nok tau loli komail. 18 I jota pan lokit komail jo popol: I pan puro toŋ komail. 19 Anjou kij, jappa pan jolar ŋar ia; a komail kin ŋaŋar ia: pueki ŋai me maur, komail pan pil me maur. 20 Lao ran o komail nok aja me I mi ni Jam ai, o komail mi nin ia, o ŋai ni komail. 21 Me ale er ai panau ka, o uoke, ie me kin pok oŋ ia: a me kin pok oŋ ia nok joijoi pan Jam ai, a I nok pok oŋ i, pil pein kajanjale oŋ i. 22 Jutaj, kaitik Ijkariot, japoŋ i, Maiŋ, tatuen komui pein kajanjale oŋ kit, a jo oŋ jappa? 23 Jijoj japoŋ i, majani, Ma meamen pok oŋ ia, a nok uoke ai patak ka: a Jam ai nok kupura i, a je pan ko oŋ re a, kaukaujon re a. 24 A meamen me jo pok oŋ ia jota kin uoke ai patak ka: a kaitik ai patak me komail roŋaroŋ, a nain Jam ai me katar ia tor. 25 Me pukat I pataki oŋ komail er, ni ai mi re omail. 26 A Kapol men, Ŋen Jaraui, me Jama nok porone ki to at ai, i me pan kaueue oŋ komail meakaroj, o kataman kin komail me I pataki oŋ komail er kan. 27 I nikit oŋ komail ai popol, ai popol me I ki oŋ komail: kaitik tuen jappa kiki ta me I ki oŋ komail. Komail ter joŋijoŋ lol, pil ter majak. 28 Komail roŋ er tuen ai intai oŋ komail, I nok ko ne, o puro toŋ komail. Ma komail pok oŋ ia, komail nok peren ki ai intin ta, I koko oŋ Jam ai: pue Jam ai mo lapa joŋ ia. 29 A I ap kokop oŋ komail er maj, pue, a lao poŋa la, komail en pojon. 30 I pan jolar kajokajoi toto oŋ komail: pue kaon jappa koko to, a jota a meakot re I. 31 A pue jappa en aja me I pok oŋ Jam; a tuen Jam majani oŋ ia er, ie tuen I uiauia. Kitail u, koko la.
1 O eu mealel ŋai, a joumot men Jam ai. 2 Ea kaŋ poti ti oŋ ia jo uaua a kin tapoŋoka joŋ: a me kin uaua, nan a kin kokok pue re en ua toto lar. 3 Komail ari makolakol ki tar patak, me I pataki oŋ komail er. 4 En poti ti oŋ ia, o ŋai komail. Ra jota kin pein ua, ma a jo poti ti oŋ o a; ie tue komail, me komail jo pot oŋ ia. 5 O eu ŋai, ra kan komail. Me pot oŋ ia, o ŋai oŋ i, ie me kin uaua toto; pue tapoŋoka joŋ ia, komail jota kak oŋ uia meakot. 6 Meamen jo poti ti oŋ ia, kin tapoŋoka ue, likoma ta ra moŋi ti; aramaj kin uaja ir pena, ir ari tuia ki kijiniai la. 7 Ma komail poti ti oŋ ia, o ai patak kaŋ poti ti oŋ komail, komail pan poki meakot komail mauki, a a nok puai oŋ komail. 8 Nan i me Jam ai kaliŋana ki la, omail uaua toto; nan ie komail nok ai uarok la. 9 Tuen Jam pok oŋ ia er, ie tuen ai pok oŋ komail: komail en poti ti oŋ ai pok. 10 Ma komail uoke ai kujenot kan, komail nok poti ti oŋ ai pok; tuen I kin uoke en Jam ai a Majan kan, o poti ti oŋ a pok. 11 Me pukat I katiti ki oŋ komail er, pue ai pol en poti ti oŋ komail, o pue pol omail en lapa la. 12 Nan i ai panau, Komail en pokapoka pena, tue I poke komail lar. 13 Jota aramaj a pok me lapa joŋ met, meamen muet oŋ kompokepa kaŋ maur i. 14 Komail me kompokepa I, ma komail uoke ai panaui oŋ komail kan. 15 I jota aka litu komail; pue litu kin jo aja me a joumaj uiauia: a I aka kompokepa komail; pue karoj me I roŋ er ren Jam ai I katiti ki oŋ komail er. 16 Kaitik komail me pila joŋ ia er, a ŋai me pila joŋ komail er, o porone komail lar, pue komail en kapakapara jili, o pue omail kapakapara en potapot; pue karoj me komail poki ren Jam ai pueki ŋai, a nok ki oŋ komail. 17 A me pukat I panaui komail, pue komail en pokapoka pena. 18 Ma jappa mejuiti komail, komail aja me a mejuiti kin ia mo mail. 19 Ma men jappa komail, jappa nok pok oŋ na; a pueki komail jo men jappa, pue I pil komail er joŋ jappa, ie me jappa kin jan ki komail. 20 En tamataman kajoi pot me I kajoi oŋ komail er, Litu jota lapa joŋ a joumaj. Ma re koma ia er, re nok koma komail; a ma irail uoke er ai patak, re pan pil uoke omail. 21 A me pukat re nok uia oŋ komail pueki ŋai, aki ar jo aja me katar ia tor. 22 Ma I jo ko toŋ pataki oŋ ir, jota pan tip arail; a met, jota pekitepan tip arail. 23 Me kin mejuiti kin ia kin pil mejuiti ki Jam ai. 24 Ma I jo uia tar nan poŋ ar tok ko me jota amen uia tar, jota pan tip arail; ari irail ŋar ia er o mejuiti kin ia er pil Jam ai. 25 A met puai tar pue kokop me intiŋi ti ni teikepa arail en poŋa la, Irail me mejuiti kin ia er ajo karepa. 26 A Kapol lao koti to, me I pan porone to joŋ Jama, Ŋen mealel, me kin koti to joŋ Jama, i me pan katete kin ia: 27 A komail nok katete ta, pueki komail ton iaŋ ia er maj koko to.
1 Me pukat I katiti ki oŋ komail er, pue komail te puiriam la. 2 Irail pan kauj komail joŋ nan im en patak ko: a katekateo, meamen kame la komail a nok aka a papa Kot. 3 A me pukat re pan uia oŋ komail, pueki ar jo aja Jama, o ŋai. 4 A me pukat I kokop oŋ komail er, pue anjou lao lel, komail en taman ta me I katiti ki oŋ komail. A me pukat I jota intai oŋ komail er nin tapi o, pue I ieian komail. 5 A, I ap koko la oŋ me katar ia tor; a jota amen komail kin itok re I, Ia uaja ko koko oŋ ia? 6 A komail me joŋijoŋ lol, ki ai kokop oŋ komail er nie pukat. 7 Ari jo, I kokop oŋ komail mealel; Me mau oŋ komail I en koko la: pue ma I jo ko la, Kapol o jota pan para toŋ komail; a ma I ko la, I nok porone toŋ komail i. 8 A i lao koti tor, a pan kajaui oŋ jappa me juit, o kapoŋ, o kateik: 9 Me juit, pue irail jota pojon ia; 10 O kapoŋ, pue I koko laŋ Jam ai, a komail jo ŋar ia; 11 O kateik, pue kaon en jappa me pakateika tar. 12 Luan ai kaika ta pataki oŋ komail me ŋeter, a met komail jota kak oŋ. 13 Ari i Ŋen mealel lao para to, pan kaiuene oŋ komail mealel kan: pue a jota pan peiu katete ki; a meakot a pan roŋ, i me a pan iuta ta: a a nok kajale toŋ komail meakan me pan uiauia. 14 A nok kaliŋanai ia: pue a nok ale me nai, o kajale oŋ komail. 15 Japuilim en Jama meakaroj: ie me I katiti ki er, me a pan ale me nai, o kajale toŋ komail. 16 Anjou kij, komail pan jolar ŋar ia: a pil, anjou kij, komail nok ŋar ia, pue I koko la ren Jam ai. 17 A ioŋ a ka ap peitok nan poŋ ar, Ta me me a kajokajoia oŋ kit, Anjou kij, a komail pan jolar ŋar ia: o pil, ailjou kij, komail pan ŋar ia: Pueki I koko ue ren Jam ai? 18 Ie me re peitok ki, Ta kot et me a kajokajoia ta, Anjou kij? je ponapon ki me a kajoia ta. 19 A Jijoj me aŋi er me re men itok re a, ap majani oŋ ir, Komail jo kakaak ki nan poŋ omail me I iutai oŋ komail, Anjou kij, komail pan jolar ŋar ia: a pil, anjou kij komail nok ŋar ia? 20 Mealel, mealel, I katiti ki oŋ komail, Komail pan joŋijoŋ, o mauk, a jappa nok popol; a komail nok mauk, a omail mauk pan uikit oŋ popol. 21 Li men pan naitik kin matomatoka tar, pue a lel er anjou i, a a lao naitikia tar na jeri, ap jolar taman a matok, pueki peren ki me jeri men naitiki ti oŋ jappa. 22 Ari komail mamauka tar: a I pan pil ŋar komail, a komail pan popol lol, a jota me pan ki joŋ omail pol. 23 A lao ran o komail jota pan poki re I meakot. Mealel, mealel, I katiti ki oŋ komail, meakan komail poki ren Jam pueki ŋai, a nok puai oŋ komail. 24 Maj koko to jota meakot komail poki pueki ŋai: poki, a komail nok ale, pue pol omail en lapa la. 25 I kaparok kajokajoi oŋ komail er me pukat: a anjou koko to me I pan jolar kapakaparok oŋ komail, pue I nok kajanjal oŋ komail iren Jama. 26 Lao ran o komail nok poki pueki ŋai: a I jota in tai oŋ komail, me I pan kapakap ki komail oŋ Jama: 27 Pue Jama pein pok oŋ komail, pue komail pok oŋ ia er, o kamealele me I ko to joŋ er ren Kot. 28 I ko to joŋ er ren Jama, o ko ti toŋ jappa: I pil koko joŋ jappa, koko la ren Jama. 29 Ioŋ a ko intai oŋ i, Ŋar, komui ap janjal katiti, o jola katiti kaparok. 30 Je ap tete ki tar omni me aŋi meakaroj, o jota men meamen en kalelapok re omui: I me je kamekamealele ki omui para tor joŋ Kot. 31 Jijoj japoŋ ir, Komail ap pojon lar? 32 Ŋar, a karen tor, ie a lel er, anjoun omail pan kamueta pajoŋ, karoj toŋ teu arail, o lokit ia la keleip: ajo, I jota keleip, Jama me iaŋ ia. 33 I katiti ki oŋ komail er me pukat, pue komail en kapol oŋ ia. Ni jappa komail nok komakom: ari en popol; I kaloe ti er jappa.
1 Jijoj majani ue tar me pukat, ap jara ki ta nalaŋ jilaŋ i, majani, Jam ai, anjou er; kaliŋana ta nomui Ol, pue nomui Ol en pil kaliŋana ta komui. 2 Tue komui ki oŋ i er en kak poe ti aramaj kan, pue i en ki oŋ karoj me komui ki oŋ i er maur jakatuk. 3 Maur jakatuk me net, pue re en aja komui la Kot eta mealel, o Jijoj Kraij, me komui porone tor. 4 I kaliŋana komui tar jappa: I kanikie lar tok me komui ki toŋ ia en uia ta. 5 A met, Maiŋ Jam ai, kom kotin kaliŋana kin ia pein omui liŋan me I iaŋ komui liŋana ki er nin jappa jo mía. 6 I kajanjala tar mmar omui oŋ aramaj ko me komui ki toŋ iaer joŋ ni jappa: nomui irail, a komui me ki toŋ ia er irail; a re kin uoke omui majan. 7 A re ap aje lar me ren komui karoj komui ki oŋ ia er. 8 Pue I ki oŋ irail er majan ko me komui ki oŋ ia er: o re ale ir er, o ueue ki lar me I para to joŋ komui, o re pojon lar me komui porone ia tor. 9 I kin kapakap kin ir: I jota kin kapakap ki men jappa, aki ir me komui ki toŋ ia er; pue nomui irail. 10 Nomui karoj me nai, a nai karoj me nomui; o i ap liŋana kin ir lar. 11 I ap jola mi jappa, a me pukat mi jappa, I ari koko oŋ komui. Jam ai Jaraui, kanikit ki mmar omui me puko me komui ki oŋ ia er, pue irail en metamen, tue kita. 12 Arai en I iaŋ ir mi ni jappa, I nikit irail er ni mmar omui: I nikit er me puko komui ki oŋ ia er jota amen ir jaloŋo lar, uan kajaloŋo la men eta; pue kijilikau en poŋa la. 13 A I ap koko oŋ re omui; a I ap katiti oŋ me puka jappa, pue irail en pein popol kin ia la. 14 I ki oŋ irail er omui majan; o jappa mejuiti ki irail er, pue kaitin men jappa ir, tue ŋai jota men jappa. 15 I jota kapakap oŋ komui en ua irail joŋ jappa, a, pue komui en pera joŋ ir kajuitepa. 16 Kaitik men jappa irail, tue ŋai jo men jappa. 17 En kajaraui kin ir omui mealel: pue mealel omui majan. 18 Tuen komui poron ia toŋ jappa, ie tuen I poron ir er oŋ jappa. 19 Pueki irail I kin kajaraui pein ŋai, pue irail en kajaraui ki ta mealel. 20 A kaitin me pukat eta me I kapakap ki, a pil irail ko me pan pojon ia pueki arail patak; 21 Pue irail en metamen; tuen komui, Jam ai, poti ti oŋ ia, o ŋai oŋ komui, pue irail en pil metamen re at: pue jappa en pojon me komui poron ia tor. 22 A liŋan me komui ki oŋ ia er, I ki oŋ irail er; pue irail en metamen, tue kita metamen: 23 Ŋai oŋ ir, o komui oŋ ia, pue re en joŋ lai eu meapoŋ; pue jappa en aja me komui poron ia tor, o pok oŋ irail, tue komui pok oŋ ia er. 24 Jam ai, I men irail, me komui ki oŋ ia er, ton iaŋ ia uaja I kin pot ia; pue re en utial ai liŋan, me komui ki oŋ ia er: pue komui pok oŋ ia er mon jappa tapi tar. 25 Maiŋ Jam ai mealel, jappa kaik ta aja komui; a ŋai me aja komui la, a me pukat ajai er me komui poron ia tor. 26 A i katiti ki oŋ irail er mmar omui, o I nok pil katiti ki; pue pok eu me komui poke kin ia er en poti ti oŋ ir, o ŋai oŋ ir.
1 Jijoj lao majani ue majan pukat, ap iaŋa la a uarok ko taulul pali la joŋ pil tik Kitron, uaja motauel mia, i, o ioŋ a kai, kot ie oŋ ia. 2 A Jutaj men pana la i, aja uajao: pue Jijoj iaŋ a uarok kai kin purepure oŋ uajao. 3 Jutaj ale er pokon eu o koua ka joŋ joumaro lapalap o Pariji ka, ap ko ie ki la lamp o jer ka o kapua en pei ka. 4 Jijoj ari, me aŋi er karoj me pan pit i, kot ie oŋ, majani oŋ irail, Ij me komail rapaki? 5 Re japoŋ i, Jijoj men Najaret. Jijoj majani oŋ ir, Ŋai i, A Jutaj men pana la i, pil u iaŋ irail. 6 Jijoj majani oŋ ir, Ŋai i, re ap puioka joŋ, popi ti oŋ nani puel. 7 A pil itok re ir, Ij me komail rapaki? Re japoŋ, Jijoj men Najaret. 8 Jijoj majani, I kajoi oŋ komail er ŋai i: komail ari raparapaki ia, en katara ue me pukat: 9 Pue lepen kajoi en poŋa la, me a majani ue, jota amen ir me komui ki oŋ ia er me I kamueta tar. 10 A Jaimon Pita me na kotlaj ap uja pajoŋ, koma ki en joumaro lapalap a litu men, jara pajoŋ jaloŋ a pali maun. A litu o me at a Malkoj. 11 Jijoj ap majani oŋ Pita, Kapure oŋ om kotlaj nan ten i o: ta, tal eu me Jam ai ki oŋ ia er, I en ter nim? 12 Ari pokon o kapin o koua ko en men Jutia jaiki ti Jijoj, o jali ti i, 13 O kalua ue i ren Anaj maj; pue i me jam en Kaiepaj a paut, me it uia joumaro ni par o. 14 Ie i Kaiepaj me kaparok ki oŋ men Jutia ko, me maka ta ol tamen en kamat ki aramaj kan. 15 A Jaimon Pita itauen la Jijoj, i, o amen a uarok ko: o ie i men par joumaro lapalap, o iaŋ Jijoj koko oŋ im en joumaro lapalap. 16 A Pita me u impan uanim liki o. Ari ioŋ a me teiu, men par joumaro lapalap, ap intai oŋ me jinjila uanim, o uk toŋ Pita. 17 Jeripein o me jinjila uanim ap intai oŋ Pita, Kaitik uarok en ol men et koa? a japoŋ, I jo. 18 A litu kai o koua kai u ia, me jaun ti er kijiniai, pue a kapau; irail karoŋaroŋ ia: a Pita iaŋ ir u, karoŋaroŋ. 19 Joumaro lapalap o ap kalekalelapok ren Jijoj ioŋ a ko, o a patak. 20 Jijoj japoŋ, I kin kaueue janjal oŋ jappa er; maj koko to I kin patak nan im en patak, o im en kautok, o uaja men Jutia kaŋ kin pokon pena ia: a jota man meakot me I okiok kaueue ta. 21 Ta me kom peitok kin ia? kalelapok ren me roŋ ia er, me I pataki irail er: ŋar, re aja me I inta tar. 22 Ni tokan Jijoj mamajani ue me, amen koua ko me u imp a ap pikir ki pa a Jijoj, inta ta, Ko japoŋ joumaro lapalap mo? 23 Jijoj japoŋ i, Ma I inta ta me juit, en katete kin ia juit: a me mau, ta me ko pikir kin ia? 24 A Anaj me kataulul laŋ i jali ti ren Kaiepaj joumaro lapalap o. 25 A Jaimon Pita u, karoŋaroŋ. Irail ari kajokajoi oŋ i, Ko jo amen ioŋ a ko? A kamama ta, inta ta, I jo. 26 En joumaro lapalap a litu men, kijan me jaloŋ a Pita jara pajoŋ, inta ta, I jo ŋar uk ni motauel o? 27 Pita pil kamama ta; malek ap kakarota tar. 28 Ari irail kalua joŋ Jijoj ren Kaiepaj nan im en kateik; ari me jankanai; a irail jota petaloŋ oŋ im en kateik, pue re te kajaot; a pue re en kak oŋ tuŋole pajopa. 29 Pailot ap ko ie oŋ ir, inta ta, Ia omail pakainak kaoe ol men et? 30 Irail japoŋ i, intiu ta, Ma i jo tipau, je jota pan paŋa la oŋ komui i. 31 Pailot ap majani oŋ irail, Komail ale i, kateika ta i moŋin pan omail kateik. Men Jutia ko ari me intai oŋ i, Me jota inen kit kame la aramaj men: 32 Pue majan en Jijoj en kapoŋa la, me a majani ue, kajale ta tuen a pan kamata la. 33 A Pailot pure oŋ nan im en kateik, ekeker Jijoj, kalelapok re a, Komui Kaon en men Jutia kan? 31 Jijoj japoŋ i, Kom pein mataue ta me pot et, te akai katiti kin ia oŋ komui? 35 Pailot japoŋ, Ta men Jutia ŋai? Toun jap om o joumaro lapalap ko me paŋa laŋ uk ia: ta me ko uia tar? 36 Jijoj me japoŋ, Kaitik men jappa et mue I: ma men jappa mue I, ai litu ko pan pepei, pue I en ter loti oŋ men Jutia ko; a nan kaitik ie mue I. 37 Ie me Pailot itok re a, Ari kaon men koa? Jijoj japoŋ, Komui me inta kaon men ŋai. Ie me I ipui ki ti er, a ie me I para ki toŋ jappa, pue I en kaire ki mealel. Kijan mealel kaŋ kin roŋaroŋ ŋil ai. 38 Pailot me itok re a, Ta mealel? Ari a inta ue me pot et, ap ko ie oŋ ren men Jutia ko, kajoia oŋ ir, I jota tiar me tip a. 39 Ari a kin tue komail, I en lapua ta meamen ni pajopa: komail jo men I en lapua taŋ komail Nanmaraki en men Jutia? 40 Irail karoj pil uiriuiri ta inta a, Kaitik ol men et, a Parapaj. Ari Parapaj me lollap en pirap men.
1 Pailot ari me apena Jijoj, uokia ta i. 2 A joun pei ko ira ta el en teok ka, re ap ki taŋ pon a katokenmai, o kapuata ki i likau uaitata, 3 Ŋijiŋiji ki, Komui me Nanmaraki en men Jutia ko! a re pikir ki pa rail i. 4 Pailot ari ko ie laŋ, ap iutai oŋ ir, Ŋar, I ua toŋ komail i pue komail en aja me jota tip a me I tiara ta. 5 Jijoj ap kot ie la, kapuata ki el en teok ka, o likau pup uaitata. A Pailot majani oŋ irail, Ŋar ol o! 6 Joumaro o koua ko lao utial i, re ap uiriuiri ta, inta ta, Kamata la i, kamata la i. Pailot intai oŋ ir, Komail apena i, kamata la: pue jota tip a me I tiara tar. 7 Men Jutia ko japoŋ i, Teik at pot mia, a moŋin pan teik at i en kamata la, pue a nia nain Kot ki pein i. 8 Pailot ari roŋ er katiti pot et, ap majapueka tar kaualap; 9 O pure oŋ nan im en kateik o, kalekalelapok ren Jijoj, Komni koti joŋ ia? A Jijoj jota japoŋ i. 10 Pailot ari itok re a, Ko jo japoŋ ia? Ko jo aja me I kаk oŋ lopue la uk, o kak kapiti la uk? 11 Jijoj japoŋ, Kom jota man kak kaoe ia, ma a jo muet oŋ komui joŋ poa: ie me paŋ ia laŋ komui er tip a lapalap ki la. 12 Ari Pailot ap joŋ kapiti la i: a men Jutia ko uiriuiri ta inta ta, Kaitin komui kompok en Jija, ma komui kapiti la ol men et: meamen aka nanmaraki pein i kin lallal kaoe Jija. 13 Pailot ari roŋ er katiti pot et, i ap kapare ta Jijoj, kaipokiti oŋ pon teun kateik uaja at anaki Pepment, a Ipru, Kappata. 14 Ie anjoun onop pajopa, o a kareni klok uonu: i ari majani oŋ men Jutia ko, Ŋar Nanmaraki omail! 15 A re uiriuiri ta, Jikon ue, jikon ue, kame la i. Pailot itok re ir, Ta, I en kame la omail Nanmaraki? Joumaro ko japoŋ, Jota at nanmaraki, Jija eta. 16 I ari paŋa laŋ irail i puen lopue la. Re ap koli ti Jijoj kalua ue la. 17 A pein i me ua a lopu kot ie laŋ joujou eu, me at aimki Ipru Kolkota: 18 Uaja re lopue la i, o iaŋa ki me ria men, ira ue ta, Jijoj nan poŋ ira. 19 O Pailot me intiŋie ti mmar e, kakone oŋ pon lopu o, A iet intiŋ o, JIJOJ EN NAJARET NANMAEAKI EN MEN JUTIA KAN. 20 A men Jutia ko uatok ti intiŋ en mmare uet; pue uaja Jijoj lopue la ia me jaloŋ kanim o: a a intiŋi er Ipru, o Krik, o Latin. 21 Ari joumaro ko potoon oŋ Pailot, Ter intiŋ, Nanmaraki en men Jutia kan; a me i inta ta, Nanmaraki en men Jutia kan ŋai. 22 Pailot japoŋ, Me I intiŋi ti er ie ta I intiŋi ti er. 23 Joun pei ko, lao lopue la Jijoj, re ap ale a likau kan, katora pajoŋ ni puaij paiu, puaijaij oŋ joun pei kan; o pil a jakit: ari a jakit me jo tete pena, me ira ta joŋ poa lel pa. 24 Irail ari me kajoi nan pon ar, Kitail ter kaoe pajoŋ me, a katoropua ki, me pan a: pue kijilikau en poŋa la, me intin ta, Irail me neok pajoŋ ai likau kaŋ nan poŋ ar, o katoropua ki ai jakit. Ie me joun pei ko uia ki me pukat. 25 Ni tapin lopu en Jijoj in a me u, o ri en in a, Meri en Kliopaj a paut, o Meri Maktelin. 26 Jijoj ari majani in a, o uarok men u imp a, me a pok oŋ, ap majani oŋ in a, Li, ŋar nom ol! 27 Ap majani oŋ uarok o, Ŋar in om! ari i tokan uarok o uk la i teu a o. 28 Muri, Jijoj me aŋi er aniki er me a karoj, pue kijilikau en meapon, ap majani, I men nim pil tar. 29 A kajak eu kin pot uajao me aute ki pinika: ir katui ti lim eu nan pinika, ki oŋ ni alik, ki ta laŋ ni au a. 30 Jijoj lao joŋ pinika, ap majani, A niki er: i ari kamotaui katokenmai, katara lar ŋen i. 31 Men Jutia ari, pueki kaonop, pue uar arail en ter loŋaloŋ pon lopu ran en jonti, (pue ie ran en jonti mulatok,) poki Pailot me ne arail kan en katip pajoŋ, o re en uijik joŋ. 32 Joun pei ko ap kai oŋ, kaoe la ne kaŋ en me pali et, o en me teiu me iaŋ lopue la. 33 A re kai oŋ Jijoj, tiara ta me a mata lar, re jota katip pajoŋ aluuilua kan: 34 A joun pei men toko ki kanman pot ni poŋapoŋ a, o pitipit inta o pil kujakuja ue. 35 A i me utial er kin katete ki, o a katete mealel; o a aja me a katete mealel, pue komail en pojon. 36 Pue me pukat me uiai er, pue kij ilikau en poŋa la, Jota a ti pot pan tip pajoŋ. 37 O pil eu kijilikau inta ta, Irail pan kaŋkakil me re toko ti. 38 Muri Jojep men Arimatia, ioŋ en Jijoj men, ari mearir pueki a majak men Jutia ko, poki ren Pailot pue i en ua la kalepan Jijoj: Pailot ari muet oŋ. I ari me kai oŋ ua la kalepan Jijoj. 39 Nikotimoj pil iaŋ ko oŋ er, (me poto oŋ er ren Jijoj nipoŋ,) ua potik en mor o aloj, tena paun apuki. 40 Irail ap lapua ti kalepan Jijoj, kitim ki pena likau matarok ka iaŋa ki pomau kan, moŋin paŋ men Jutia kan jaripi ti. 41 Ari uaja a mata lai ia motauel mia; o nan motauel o joujou kap, uaja jota aramaj men kin jar ia. 42 Irail ari jari ti ia Jijoj pueki kaonop en men Jutia kan; pue joujou o me karen.
1 Nin tapin uik, at en ran, ni a jaik marain pajoŋ, Meri Maktelin koko oŋ joujou o, ap tiara ta takai katapure joŋ er pon joujou o. 2 I ap taŋa ue, ko toŋ Jaimon Pita, o amen uarok me Jijoj pok oŋ, intai oŋ ira, Irail ua joŋ er Jioua nan joujou o, a je jaja uaja re ki ti oŋ ia i. 3 Pita ari ko ie la, o amen uarok o, ap koko toŋ joujou o. 4 Ira iaŋ pena taŋa ue: a amen uarok o me matan mon Pita, lel joujou maj. 5 A i me itioki ti, ŋara ta a likau matarok kan uonon; i ari jota petaloŋ. 6 Jaimon Pita ap koko to itauen, ap petaloŋ oŋ joujou o, tiara ta a likau matarok ko uonon, 7 O ankijip, me pirapa a katokenmai, me jo iaŋ likau matarok ko, a lim pena toror. 8 A amen uarok o, me ti oŋ toŋ joujou o, ap ko oŋ, i ari tiara tar, o peiki tar. 9 Pue ira kaik ueue ki kijilikau o, i en iaja ta joŋ ni a mata lar. 10 Uarok ko ap pure oŋ er teu rail. 11 A Meri me u liki o jaloŋ joujou o joŋijoŋ: o ni a joŋijoŋ, a pori ti, kiloŋ joujou loli o. 12 O ŋara tar tounlaŋ ria men momot ia, kapuata ki likau potapot, amen niman katokenmai, a amen niman aluuilua kan, uaja kalepan Jijoj kin kipikiparok ia ier, maj o. 13 Ira ari intai oŋ i, Li, ta me ko joŋijoŋ ki? A japoŋ ira, Pueki re ua la joŋ ai Jioua, a I jo aja uaja re ki ti oŋ ia i. 14 A intin ta me, ap jope ue ŋara tar Jijoj, kot ia u, o jaja me i Jijoj. 15 Jijoj majani ou i, Li, ta me ko joŋijoŋ ki? ij me ko kin raparapaki? A kiki oŋ me i joumot o ap itok re a, Maiŋ, ma kom ua joŋ er i, en intai oŋ ia uaja kom ki ti oŋ ia i, a I pan ua la joŋ i. 16 Jijoj majani oŋ i, Meri. I ari jope oŋ, intai oŋ i, Raponai; ienta, Joumaj. 17 Jijoj majani oŋ i, Ter tok ia; pue I kaika ta para la ren Jam ai: a, u ko oŋ ri ai ko, kaire kin ir, I koko ta la ren Jam ai, o Jam omail; o ren ai Kot, o omail Kot. 18 Meri Maktelin me ko oŋ kaire ki uarok ko me a ŋara tar Jioua, o me a katiti oŋ i me pukat. 19 Ie ran ota lao ninjoutik, ran en jonti, ni uanim ko me riti ti uaja ioŋ a ko pokon penai ia, pueki majak en men Jutia ko, Jijoj ap kot ie oŋ u nan poŋ ar, majani oŋ ir, Komail popol. 20 A majani ue me, ap kajale oŋ ir lim a kan, o paŋapaŋ a. Ari ioŋ a ko peren ta, ni ar ŋara tar Jioua o. 21 Jijoj ap pil majani oŋ ir; Komail, popol: Jam ai me katar ia tor, ie tuen I katar komail ue. 22 A majani me, ap ŋiti oŋ ir, majani, Komail ale Ŋen Jaraui. 23 Komail ki la tip kan en meamen, re ki lar joŋ ir; o komail katoŋe ti tip ko en meamen, re toŋatoŋ er. 24 A Tomaj, amen ekriamen, me Titimoj, jota iaŋ ir ni Jijoj para tor. 25 Uarok me teko ari intai oŋ i, Je ŋara tar Jioua o. A i me intai oŋ ir, Ma I jo ŋar lupan mata ni lim a kan, o ki loŋ oŋ ni lupan mata jonti en pa I, o ki loŋ oŋ kumut I ni paŋapaŋ a o, I jota pan tuki on. 26 Murin ran ualu a uarok ko pil pokon pena, o Tomaj iaŋ ir, uanim kan riti ti er, Jijoj koti toŋ, u nan poŋ, majani, Komail popol. 27 Ap majani oŋ Tomaj, Ki to jonti en pa om, o ŋar pa I kat; o ki to pa om, ki loŋ oŋ nan paŋapaŋ ai; o ter jo pojon, en tuki oŋ eta. 28 A Tomaj japoŋ intai oŋ i, Ai Jioua o ai Kot. 29 Jijoj majani oŋ i, Tomaj, pueki om ŋar ia er, ko tuki oŋ ki er: irail meit paii me kaik ta ŋar, tuki oŋ er. 30 A akai manaman ŋeter, me jo intiŋi ti er nan puk uet, Jijoj me uia ta nan poŋ ioŋ a ko: 31 A me pukat me intiŋi ti er, pue komail en kamealele Jijoj me Kraij, Nain Kot; o pojon komail en nainaki maur pueki mmar e.
1 Amurin me pukat Jijoj pil kajale oŋ a uarok ko pein i poŋ le en Taipiriaj; a i tuen a kajale tar. 2 Jaimon Pita, o Tomaj me Titimoj, o Netanil men Kena en Kalili, nain Jepiti ol ka, o pil a uarok ria men, me pokon pena. 3 Jaimon Pita intai oŋ ir, I koko oŋ lait. Re intai oŋ i, Je pil pan iaŋ uk. Re ko ie la, mataŋ kara taŋ kijin jop pot; a poŋ o jota jaik ar meakot. 4 A ni uaja ran ier, Jijoj ap kotikot ni oror; a a uarok ko jaja me i Jijoj. 5 Jijoj ap majani oŋ ir, Jeri kai, jo jaik omail? Re japoŋ, Jo. 6 A majani oŋ ir, Katui ti uk pali maun jop o, a komail nok tiara ta. Irail ari katui ti, re ap jola kak pa ar apia ta joŋ pueki mam ŋeter. 7 Uarok men me Jijoj роk oŋ ap intai oŋ Pita, Ie Jioua o. Jaimon Pita ari roŋ er me i Jioua, a pira oŋ a jakit en lait, pue a kilijo, ap luj ti oŋ nan jet. 8 A a uarok teko iaŋ kijin jop, (pue re jo tou joŋ jap o, tena tupoŋen pa ria puki,) urak ki to uk mam ko. 9 Irail lel er jap, re ap tiara ta kijiniai, o mam kai mi po a, o pret. 10 Jijoj aр majani oŋ ir, Ua to kijan jaik omail. 11 Jaimon Pita ap ko ta, uaik loŋ toŋ nan jap uk, tir en mam kalaimun kai, apuki limak jili men: mam ŋeter, a uk jota ola. 12 Jijoj majani oŋ ir, U ko to moŋa. A jota a uarok men kak oŋ itok re a, Ij komui? pue re aja me i Jioua. 13 Jijoj ap koti toŋ, lime ta pret, neok oŋ ir, o pil mam ko. 14 A i met kajili pak me Jijoj kajale oŋ a uarok kan pein i, murin a iaja ta joŋ a mata lar. 15 Irail moŋai er, Jijoj ap majani oŋ Jaimon Pita, Jaimon, nain Jona, ko pok oŋ ia mon me pukat? A japoŋ i, Ie, Maiŋ; komui me aŋi er me I pok oŋ komui. A majani oŋ i, Kamoŋa nai jippul kan. 16 A pil majani oŋ i karia раk, Jaimon, nain Jona, ko роk oŋ ia? A japoŋ i, Ie Maiŋ; komui me aŋi me I kin pok oŋ komui. A majani i, Kamoŋa nai jip ka. 17 A majani oŋ i kajili pak, Jaimon, nain Jona, ko pok oŋ ia? Pita me mauk ki a peitok pan jili pak, Ko pok oŋ ia? A japoŋ i, Maiŋ, komui me aŋi er meakaroj; komui me aŋi me I kin pok oŋ komui. Jijoj majani oŋ i, Kamoŋa nai jip ka. 18 Mealel, mealel, I katiti ki oŋ uk, Ni om mankap, ko pein kalikaui uk, o momait uaja ko men momait ia: a ko lao likailapa la, ko nok ki ta ue pa om kan, a amen pan pirai uk ti, o kaluaŋ uaja ko kan ko oŋ ia. 19 I me a kopa tar, kapare ta tuen a pan kapiŋa ki Kot a me la. A majaui me, ap majani oŋ i, Itauen ia. 20 Pita ap jope ue, ŋar uarok me Jijoj pok oŋ a itauen to; o me pil paŋapaŋ pan kupur a ni kamatip o, inta ta Maiŋ, ij i me pan paŋa la komui? 21 Pita ŋaŋar i intai oŋ Jijoj, A ol men et, Maiŋ? 22 Jijoj majani oŋ i, Ma I men i en maur lao o lel ai puro tor, menta re om? ko en itauen ia. 23 Ie me kajoi pot et lolooki ki nan poŋ ioŋ a, me uarok men et jota pan me la: ari Jijoj jota majani oŋ i, A jota pan me la; a, Ma I men i en mamaur I lao puro tor, menta re om? 24 I uarok men et me kin katete ki me pukat, o intiŋie ti me pukat: a je aja mealel a katete. 25 A me teko ŋeter me Jijoj kotin uia ta, ma ir karoj intiŋie ti, I patoka jappa kan jota pan itar aute puk kan me pan intiŋ.