KITAB INDJIL SOETJI

ANOE DIKARANG KOE JOHANNES

1:1 Dina awitna geus aja Pangandika teh, ari Pangandika teja ajana di Allah, sarta Pangandika teja nja Allah. 2 Ari eta teja dina awitna geus aja di Allah. 3 Saniskara nja koe eta didjadikeunana; ari sadjabana koe eta mah hanteu aja pisan anoe didjadikeun dina sakabehna noe geus didjadikeun. 4 Dina djĕro eta pangajana hiroep teh; ari eta hiroep teja nja tjahaja manoesa. 5 Dĕmi tjahaja teja ngagĕbjar di noe poëk; ari koe poëk teja hanteu ditarima. 6 Aja hidji djalma noe dipiwarang koe Allah, djĕnĕganana Johannes. 7 Pangsoempingna pimĕrtelakeuneun, bade mĕrtelakeun pĕrkara tjahaja teja, sangkan djadi lantaran ka sakabehna soepaja pada pĕrtjaja. 8 Lain eta noe djadi tjahaja teh; eta mah ngan soepaja mĕrtelakeun bae pĕrkara tjahaja teja. 9 Nja eta tjahaja noe saestoe-estoena, noe njaängan ka oenggal-oenggal djalma, bari soemping ka alam-doenya. 10 Ari eta pangajana di alam-doenya, kitoe deui alam-doenya nja koe eta didjadikeunana, ari alamdoenya teja teu njahoëun ka andjeunna. 11 Ari soempingna kana kagoenganana, dĕmi djalma kagoenganana teu narimaeun ka andjeunna. 12 Tatapi sakabeh noe geus narima ka andjeunna teh, eta koe andjeunna pada dipaparin kawasa djadi poetra Allah, tĕgĕsna sakoer noe pĕrtjaja kana djĕnĕnganana. 13 Nja eta djalma anoe lain ti gĕtih, atawa ti karĕp daging, atawa ti karĕp lalaki, istoening ti Allah diowokeunana. 14 Ari Pangandika teja ĕnggeus djadi daging, linggihna sasarĕngan djeung oerang, sarta koe oerang katendjo kamoeljaänana, nja kamoeljaän sakoemaha Poetra Rama noe noenggal, pinoeh koe sih-koernija djeung kajaktian. 15 Johannes mĕrtelakeun eta, sarta ngagĕro, kijeu lahirna: Nja eta noe koe kami ditjatoerkeun kijeu teja: Ari noe soemping pandeurieun kami, eta geus djadi heulaeun kami; karana ajana samemeheun kami. 16 Sarta tina kapinoehan andjeunna oerang sadaja teh geus pada nampa koernija teu eureuneureun koernija. 17 Karana i toret teh dipaparinkeunana koe Moesa; ari sih-koernija djeung kajaktian mah diajakeunana koe Jesoes Kristoes. 18 Sapapandjangna ge taja pisan noe geus nendjo ka Allah; dĕmi koe Poetra noe noenggal, anoe aja dina pangkon Rama, eta Allah ditetelakeun. 19 Sarta kijeu pĕrtelaän Johannes, mangsa oerang Jahoedi ngadjoeroengkeun panghoeloe-panghoeloe djeung ahliahli Lewi, ti Jĕroesalem, sina naroskeun ka Johannes, jen adjĕngan teh saha? 20 Tidinja ngakoe, teu kĕrsaeun salingkoeh; kijeu pangakoena: Kaoela mah lain Kristoes. 21 Seug nararos deui eta teh: Koetan saha? Adjĕngan teh Elias? Ari lahiranana: Lain kaoela mah. Naha adjĕngan nabi teja? Ari walonanana: Lain. 22 Geus kitoe pada mioendjoek: Atoeh adjĕngan teh saha? soepaja kaoela kenging ngahatoerkeun wangsoelan ka noe miwarang kaoela; adjĕngan teh nja ngalahirkeun andjeun saha? 23 Lahiranana: Kaoela teh sowara djalma noe ngagĕro di tĕgal lĕga: Geura ngalĕmpĕngkeun djalan Pangeran; sakoemaha noe dilahirkeun koe nabi Jĕsaja teja. 24 Dĕmi piwarangan teja tina lĕbah ahli parisi. 25 Toeloej nararos deui ka Johannes, kijeu pioendjoekna: Koe naon atoeh adjĕngan mana sok ngabanjoean, ari lain Kristoes, lain Elias, atawa nabi teja mah? 26 Ngawalon Johannes, kijeu lahirna: Ari kaoela mah ngabanjoean soteh koe tjai; tatapi geus aja noe ngadĕg di tĕngah maraneh, ari maraneh teh hanteu njaho ka dinja; 27 nja eta pisan anoe soemping pandeurieun kaoela, anoe geus djadi heulaeun kaoela; eta kaoela hanteu lajak ngoedaran tali taroempahua. 28 Ari pĕrkara noe tadi teja djadina di Bet-Abara, peuntaseun tji Jordan; di dinja Johannes keur ngabanjoeanana. 29 Isoekna koe Johannes katingali Jesoes soemping ka andjeunna; ladjĕng ngalahir: Toeh, tarendjo Domba Allah, anoe nanggoeng dosa saälam-doenya! 30 Nja eta pisan noe koe kami ditjatoerkeun kijeu teja: Bakal soemping pandeurieun kami sahidji djalma noe geus djadi heulaeun kami; karana ajana samemehean kami. 31 Ari tadina kami hanteu njaho ka andjeunna; tatapi soepaja ditetelakeun ka Israil, noe matak kami datang bari ngabanjoean koe tjai. 32 Dĕmi Johannes mĕrtelakeun, kijeu lahirna: Koe kami katendjo Roh loengsoer ti langit sapĕrti djapati, seug linggih di loehoer andjeunna. 33 Ari tadina kami hanteu njaho ka andjeunna; tatapi anoe geus miwarang ka kami ngabanjoean koe tjai, nja eta geus nimbalan kijeu ka kami: Tijap-tijap djalma noe katendjo koe maneh diloengsoeran koe Roh, sarta toeloej linggih di loehoerna, nja eta noe ngabanjoean koe Roh Soetji teh. 34 Eta koe kami geus katendjo, sarta geus mĕrtelakeun jen eta teh Poetra Allah. 35 Isoekna deui Johannes ngadĕg di dinja, djeung doewa moerid. 36 Barang ningali ka Jesoes, anoe keur angkat, ladjĕng ngalahir: Toeh, tarendjo Domba Allah! 37 Ari koe eta doewa moerid kadenge lahiranana, seug ngariring ka Jesoes. 38 Ladjĕng Jesoes malik, katingali eta ngariring; geus kitoe ngalahir ka dinja: 39 Nejangan naon maraneh teh? Wangsoelanana: Noen Rabi! (hartina ari disalin basana: Goeroe) di mana andjeun nja linggih? 40 Ari lahiranana ka dinja: Hijap toetoerkeun sarta tarendjo. Geus kitoe daratang sarta nendjoan ĕnggon Jesoes linggih; toeloej ngarĕrĕb di andjeunna di poë eta. Waktoe harita antara djam noe kasapoeloeh. 41 Dĕmi eta doewaän, anoe ngadenge ti Johannes sarta toeloej ngiring ka Jesoes teja, noe hidji Andreas, saderek Simon Petroes. 42 Nja eta pangheulana noe manggihan Simon saderekna, seug dipopojanan: Koela doewaän geus mĕndakan Mesias (tĕgĕsna ari disalin basana: Kristoes). 43 Geus kitoe eta dideuheuskeun ka Jesoes. Ladjĕng koe Jesoes ditingali, bari kijeu lahirna: Ari maneh teh Simon anak Jonas; ajeuna dilandi Kepas (ari disalin basana: Petroes). 44 Isoekna Jesoes kĕrsa angkat ka Galilea; ladjĕng mĕndakan Pilipoes. Geus kitoe ngalahir ka eta: Geura ngiring ka kami. 45 Ari Pilipoes teh asal ti Bet-Saida, nagara Andreas djeung Petroes. 46 Tidinja Pilipoes manggihan Natanael; seug dipopojanan kijeu: Kaoela djeung batoer geus mĕndakan anoe disĕratkeun koe Moesa dina toret, reudjeung koe para nabi teja, nja eta Jesoes poetra Joesoep, ti Nasaret. 47 Njaoer Natanael ka Pilipoes: Koetan ti Nasaret piajaeun noe hade? Ari wangsoelan Pilipoes: Geura toetoerkeun sarta tingali. 48 Geus kitoe katingali koe Jesoes, Natanael njampeurkeun ka andjeunna; ladjĕng ngalahirkeun Natanael kijeu: Geura tarendjo, ijeu geuning hidji oerang Israil anoe euweuh palsoena! 49 Mioendjoek Natanael ka Jesoes: Na ti mana andjeun teh oeninga ka simkoering? Ngawalon Jesoes, kijeu lahirna: Samemeh maneh ditjĕloekan koe Pilipoes, basa keur aja di handapeun tangkal kondang, koe kami katendjo. 50 Wangsoelan Natanael: Noen Rabi! andjeun Poetra Allah teh; nja andjeun Radja Israil. 51 Ngawalon Jesoes, kijeu lahirna ka eta teh: Sabab kami bijeu tjatjarita ka maneh, jen koe kami katendjo keur maneh aja di handapeun tangkal kondang, noe matak maneh teh pĕrtjaja; maneh mĕngke bakal nendjo pĕrkara noe aragoeng ti manan ijeu. 52 Ladjĕng ngalahir deui ka dinja : Satĕmĕn-tĕmĕnna, kami ngalahir ka maraneh: ti watĕs ajeuna maraneh bakal nendjo langit molongo, sarta para malaikat Allah oenggah-toeroen noedjoe ka Poetra manoesa.

2:1 Dina poë noe katiloe aja sidĕkah kawinan di Iĕmboer Kana bilangan Galilea; ari iboe Jesoes aja di dinja. 2 Sarta Jesoes oge diondang kana sidĕkah kawinan teja, djeung moerid-moeridna. 3 Mangsa keur kakoerangan anggoer, seug iboena ugalaliir ka Jesoes: Eta geus teu boga anggoer. 4 Ana ngalahir Jesoes ka iboena: Na njai! aja pĕrkawis naon andjeun teh ka kaoela? Tatjan nĕpi ka waktoe kaoela. 5 Iboena toeloej ngalahir ka kabajan: Naon bae eta piwaranganana ka maraneh, koedoe toeroet. 6 Ari di dinja geus diteundeunan gĕnĕp boejoeng, sakoemaha adat bĕbĕrĕsih oerang Jahoedi; hidji-hidji boejoeng pieusieunana doewa atawa tiloe takĕr. 7 Geus kitoe Jesoes ngalahir ka kabajan: Geura areusian eta boejoeng teh koe tjai. Toeloej diareusian datang ka leber. 8 Ladjĕng ngalahir deui ka darinja: Ajeuna geura sijoekan, toeloej selehkeun ka mandor kadaharan. Seug diselehkeun. 9 Sanggeus diasaän koe mandor kadaharan eta tjai noe geus djadi anggoer, (ari eta teu njahoëun ti mana datangna, tatapi kabajan anoe geus njijoekan tjai mah njarahoëun,) toeloej mandor kadaharan teh njaoer panganten lalaki, 10 bari mihatoer: Sadajana djalma ari ngahatoerkeunana anggoer, anoe sae ti heula; dimana ondangan geus rada weureu, kakara ngahatoerkeun noe meudjeuhna; koe andjeun mah noe sae disimpĕn dongkap ka ajeuna. 11 Nja eta poepoetjoekna tanda koe Jesoes didamĕl di Kana bilangan Galilea, sarta ngaboektikeun kamoeljaänana; ari moerid-moeridna djadi pĕrtjaja ka andjeunna. 12 Sanggeus kitoe Jesoes angkat ka Kapernaoem; angkatna djeung iboena, saderek-saderekna sarta moerid-moeridna; ari tjaralikna di dinja hanteu lila. 13 Ari paska oerang Jahoedi geus deukeut; ladjĕng Jesoes angkat ka Jĕroe salem. 14 Geus kitoe mĕndakan di kabah anoe ngadjaroewal sapi, domba djeung djapati; sarta aja toekang naroekeuran doewit darijoek. 15 Ladjĕng Jesoes ngadamĕl pĕtjoet koe rara; seug diboedalkeun eta sakabehna ti djĕro kabah, kitoe deui domba reudjeung sapi; ari doewit toekang naroekeuran teja dioedoel-oedoelkeun, djeung medjana dibalik-balikkeun. 16 Ladjĕng ngalahir ka noe ngadjaroewal djapati teh: Geura eta barawa ti dijeu; gĕdong Ama kami oelah didjijeun padagangan. 17 Tidinja moerid-moeridna djadi aringĕteun, jen geus dioengĕlkeun dina Kitab kijeu: Bawaning goemati ka gĕdong andjeun, noe mawi koering dongkap ka Iĕboer. 18 Geus kitoe oerang Jahoedi ngawangsoel, kijeu pioendjoekna ka Jesoes: Andjeun dek nembongkeun tanda koemaha ka simkoering, anoe mawi bisa midamĕl kitoe? 19 Ngawalon Jesoes, kijeu lahirna: Tjoba geura roewag kabah ijeu; koe kami bakal diadĕgkeun deui anggeus sadjĕro tiloe poë. 20 Oendjoekan deui oerang Jahoedi: Ijeu kabah dipidamĕlna opat poeloeh gĕnĕp taoen lamina, ari koe andjeun dek diadĕgkeun ngan tiloe poë bisa anggeus? 21 Tatapi Jesoes ngalahirkeun kabah soteh ka salirana. 22 Mangsa Jesoes geus tanghi ti noe maraot, moerid-moeridna ras aringĕteun, jen andjeunna geus milahirkeun kitoe; toeloej pada pĕrtjaja kana Kitab, djeung kana pilahir anoe dilahirkeun koe Jesoes teja. 23 Mangsa Jesoes linggih di Jĕroesalem, keur waktoe pesta paska, loba pisan anoe pĕrtjaja kana djĕnĕnganana, tina sabab narendjo tanda-tanda noe didamĕl koe andjeunna. 24 Tatapi Jesoes hanteu mĕrtjajakeun salirana ka darinja, sabab oeningaeun ka eta sakabehna. 25 Sarta andjeunna montong teuing aja noe mĕrtelakeun djalma; karana langkoeng waspaos koe andjeun ka sakoer anoe aja di djĕro hate djalma.

3:1 Aja hidji djalma ti Iĕbah ahli parisi, ngaranna Nikodemoes, hidji kapala oerang Jahoedi. 2 Eta seug ngadeuheus ka Jesoes ti peuting, sarta kijeu oendjoekanana: Noen Rabi! simkoering sadaja tĕrang andjeun teh goeroe piwarangan Allah; karana taja pisan noe bisa njijeun tanda sapĕrtos noe didamĕl koe andjeun, kadjabi lamoen disarĕngan koe Allah. 3 Ngawalon Jesoes, kijeu lahirna: Satĕmĕn-tĕmĕnna, kaoela ngabedjaän ka sampejan: lamoen djalma hauteu didjoeroekeun deui, moal bisa nendjo kana karadjaän Allah. 4 Mioendjoek deui Nikodemoes: Na koemaha djalma beunaug didjoeroekeun geus kolot? bisa asoep deui ka beuteung indoengna, seug didjoeroekeun? 5 Ngawalon Jesoes: Satĕmĕn-tĕmĕnna, kaoela ngabedjaän ka sampejan: lamoen djalma hanteu didjoeroekeun tina tjai djeung Roh, moal bisa asoep kana karadjaän Allah. 6 Sakoer noe didjoeroekeun tina daging, nja eta daging ; kitoe deui sakoer noe didjoeroekeun tina Roh, nja eta roh. 7 Sampejan oelah heran, pedah kaoela njatoerkeun, jen maraneh koedoe didjoeroekeun deui teja. 8 Angin ngahijoes ka mana bae pikarĕpeunana, koe sampejan kadenge sorana, tatapi moal njaho ti mana datangna djeung ka mana losna; nja kitoe pisan oenggal-oenggal djalma, anoe didjoeroekeun tina Roh. 9 Ngawangsoel Nikodemoes, kijeu wangsoelanana: Koemaha kengingna pidjadieun eta pĕrkawis teh? 10 Ngawalon Jesoes, kijeu lahirna: Ari sampejan teh lain goeroe oerang Israil? naha hanteu njaho ka eta pĕrkara? 11 Satĕmĕn-tĕmĕnna, kaoela ngomong ka sampejan: kaoela pada ngawoeroek- woeroekkeun anoe geus kanjahoan koe kaoela, sarta mĕrtelakeun anoe geus katendjo koe kaoela; dĕmi maraneh hanteu narima kana pĕrtelaän kaoela teh. 12 Lamoen kaoela geus njatoerkeun ka maraneh barang doenya, ari maraneh hanteu pĕrtjaja, koemaha atoeh pipĕrtjajaeunana lamoen kaoela njatoerkeun barang sawarga? 13 Hanteu aja pisan noe geus moenggah ka sawarga, ngan eta noe geus toeroen ti sawarga, tĕgĕsna Poetra manoesa, noe aja di sawarga. 14 Djeung sapĕrti Moesa ngaloehoerkeun oörajan di tĕgal Iĕga teja, nja tjara kitoe Poetra manoesa teh koedoe dika-loehoerkeun; 15 soepaja oenggal- oenggal djalma noe pĕrtjaja ka dinja hamo tjilaka, sarta meunang hiroep noe langgĕng. 16 Karana sakitoe miasihna Allah ka alam-doenya, moenggah dongkap ka maparin Poetra noe noenggal ; soepaja oenggal-oenggal djalma noe pĕrtjaja ka dinja hamo tjilaka, sarta meunang hiroep noe langgĕng. 17 Karana Allah lain miwarang Poetrana ka alam-doenya pikeun ngahoekoeman alam-doenya; estoena soepaja alam-doenya koe eta disalamĕtkeun. 18 Saha-saha noe pĕrtjaja ka eta, moal dihoekoeman; dĕmi anoe hanteu pĕrtjaja mah, eta ĕnggeus dihoekoeman, koe sabab hanteu pĕrtjaja kana djĕnĕngan Poetra Allah noe noenggal. 19 Sarta kijeu hoekoeman teja, jen tjaäng teh geus datang ka alam-doenya, ari djalma-djalma anggoer soeka kana poëk manan kana tjaäng; karana goreng pagaweanana. 20 Karana oenggal-oenggal djalma noe migawe kagorengan, eta geuleuh kana tjaäng, sarta hanteu ngadatangan kana tjaäng, soepaja oelah ditjawad pagaweanana. 21 Sabalikna noe migawe kajaktian mah, eta ngadatangan kana tjaäng teh, soepaja katara pagaweanana, da eta dipigawena tĕroes djeung pangĕrsa Allah. 22 Sanggeusing kitoe Jesoes djĕngkar ka tanah Joedea reudjeung moerid-moeridna; ladjĕng linggih di dinja djeung moeridna, bari ngabanjoean. 23 Ari Johannes oge keur ngabanjoean di Enon, deukeut Salim, pedah di dinja loba tjai; sarta pada karoempoel ka dinja, toeloej dibaranjoean. 24 Karana harita Johannes teh tatjan diasoepkeun ka pangberokan. 25 Geus kitoe moerid-moerid Johannes djadi padoe djeung oerang Jahoedi tina hal bĕbĕrĕsih. 26 Tidinja ngadareuheusan ka Johannes, bari oendjoekan kijeu: Noen Rabi! anoe sasarĕngan djeung andjeun di peuntaseun tji Jordan, anoe dipĕrtelakeun koe andjeun teja, eta geuning ngabanjoean, sarĕng ngaleut bae sadajana ka dinja. 27 Ngawalon Johannes, kijeu lahirna: Djalma teh moal bisa njabak naon-naon, lamoen hanteu dipasihan ti sawarga. 28 Nja maraneh pisan anoe djadi saksi kami, jen kami geus njatoerkeun kijeu: Kami mah lain Kristoes; ĕnjana teh kami dipiwarang heulaeun andjeunna. 29 Anoe boga panganten awewe teh nja eta panganten lalaki; tatapi ari sobat panganten lalaki, anoe nangtoeng bari ngadengekeun ka dinja, moetoeli koe soeka-boengah tina sowara panganten lalaki. Nja kitoe kaboengahan kami ajeuna mah geus toetoeg. Eta teh koedoe lod-lodan, ari kami mah beuki moerĕngkĕd. 31 Anoe soemping ti loehoer, nja eta saloehoereun sakabehna. Ari noe asal ti boemi, nja eta tina boemi bae, ngomongkeunana oge boemi bae. Ari noe soemping ti loehoer mah, nja eta saloehoereun sakabehna. 32 Sarta noe geus katingali djeung kadangoe koe andjeunna, nja eta noe dipĕrtelakeun; tatapi hanteu aja noe narima kana pĕrtelaänana. 33 Dĕmi sahasaha noe geus narima kana pĕrtelaänana, nja koe eta ditjap jen Allah saestoena. 34 Karana noe dipiwarang koe Allah, nja eta noe ngalahirkeun pangandika Allah; sabab Allah maparinkeunana Roh hanteu nganggo ditakĕran. 35 Ari Rama teh mikaäsih ka Poetra, sarta geus njĕrahkeun saniskara ka pananganana. 36 Saha-saha noe pĕrtjaja ka Poetra, nja eta boga hiroep noe langgĕng; sabalikna, saha-saha noe moengpang ka Poetra mah, moal nendjo kana hiroep, anggoer bĕndoe Allah tĕtĕp ka dinja.

4:1 Mangsa Goesti waspaoseun ahli parisi geus pada ngadenge, jen Jesoes reja pisan midamĕlna moerid sarta ngaba- njoeanana ti batan Johannes, 2 (halta Jesoes mah hanteu ngabanjoean koe andjeun, ngan koe moerid-moeridna bae,) 3 ladjĕng djĕngkar ti Joedea, angkat deui ka Galilea. 4 Saita andjeunna koedoe djalan ka tanah Samaria. 5 Geus kitoe soemping ka hidji nagara di Samaria, anoe ngaran Sihar, deukeut ka lahan saloewoek, noe dipaparinkeun koe Jakoeb teja ka Joesoep poetrana. 6 Di dinja aja soemoer Jakoeb. Dĕmi Jesoes, doemeh angkatna geus palaj, seug linggih di Iĕbah eta soemoer. Harita antara djam noe kagĕnĕp. 7 Djĕboel hidji awewe oerang Samaria, dek nimba tjai. Ngalahir Jesoes ka eta awewe: Tjing, kami bere tjai keur nginoem. 8 Karana ari moerid-moeridna laleumpang ka djĕro nagara, keur meuli kadaharan. 9 Geus kitoe ngawangsoel awewe Samaria teh ka Jesoes: Naha andjeun moendoet piaroteun ka koering? kapan andjeun teh oerang Jahoedi, ari koering mah awewe Samaria. (Karana oerang Jahoedi mah tara reureudjeungan djeung oerang Samaria.) 10 Ngawalon Jesoes, kijeu lahirna: Oepama maneh njaho kana pasihan Allah, sarta njaho ka noe ngomong ka maneh teh: Tjing, berean tjai keur nginoem; tangtoe maneh geus menta ka dinja, seug koe eta maneh meureun dibere tjai hiroep. 11 Pioendjoek awewe teh ka Jesoes: Noen Djoeragan! andjeun teu kagoengan pikeun nimba, ari ijeu soemoer koe djĕro; na ti mana andjeun kagoengan tjai hiroep teja? 12 Andjeun teh na leuwih ti batan Jakoeb, karoehoen koering sadaja, noe geus maparinkeun ijeu soemoer ka koering sadaja? eta andjeunanana ngaleueutna ti dijeu, kitoe deui poetra-poetrana sarĕng ingon-ingonna. 13 Ngawalon Jesoes, kijeu lahirna: Oenggal- oenggal djalma anoe nginoem tjai ijeu, tangtoe halabhab deui; 14 tatapi saha-saha noe nginoem tjai anoe dibere koe kami mah, moal halabhab deui salalanggĕngna; samalah eta tjai teh, anoe rek dibikeun koe kami ka eta djalma, bakal djadi di djĕro dirina tji-njoesoe, anoe ngaboerijal nĕpi kana hiroep noe langgĕng. 15 Pioendjoek eta awewe: Noen Djoeragan! moegi-moegi simkoering dipaparin eta tjai teh, soepaja simkoering oelah halabhab deui, sarĕng montong ka dijeu deui pikeun nimba. 16 Ngalahir Jesoes ka dinja: Geura bral, tjĕloekan salaki maneh, geus kitoe ka dijeu deui. 17 Ngawangsoel awewe teh, kijeu pioendjoekna: Simkoering teu gadoeh salaki. Ari lahiran Jesoes : Bĕnĕr omongan maneh teh, jen koering teu boga salaki; 18 karana maneh geus lima nja boga salaki; aii noe ajeuna mah lain salaki; eta saĕnjana omongan maneh. 19 Pioendjoek awewe teh ka Jesoes: Noen Djoeragan! simkoering geus waspada pisan, jen andjeun teh nabi. 20 Karoehoen-karoehoen di dijeu geus pada sĕmbahijang dina goenoeng ijeu; ari salaoer oerang Jahoedi, ĕnggon sĕmbahijang anoe bakoe nja di Jĕroesalem. 21 Ngalahir Jesoes ka awewe teh: Njai! sing pĕrtjaja ka kami, pidatangeun waktoe, didinja maraneh sĕmbahijang ka Rama teh moal di goenoeng ijeu, moal di Jĕroesalem. 22 Maraneh nja sĕmbahijang ka noe teu njaho; ari pĕlĕbah kami mah pada sĕmbahijang ka noe geus kanjahoan koe kami ; kavana kasalamĕtan teh asalna ti oerang Jahoedi. 23 Tatapi pidatangeun waktoe, ajeuna ge geus beh, harita sakoer noe sĕmbahijang saĕnja-ĕnjana, eta bakal sĕmbahijang ka Rama dina soekmana sarta djeung sajaktina; karana Rama ge hojongeun nja anoe kitoe sĕmbahijangna ka andjeunna. 24 Allah teh nja Roh; ari noe sĕmbahijang ka Allah, nja eta sĕmbahijangna koedoe dina soek- mana sarta djeung sajaktina. 25 Pioendjoek awewe teh ka Jesoes: Simkoering geus tĕrang, jen Mesias rek soemping (anoe disĕboetkeun Kristoes); samangsa eta soemping, tangtoe ngawartakeun ka simkoering sadaja saniskantĕn pĕrkawis. 26 Ngalahir Jesoes ka awewe teh: Eta nja kami, anoe sasaoeran djeung maneh. 27 Ari geus kitoe daratang moerid-moeridna, sarta pada lieraneun doemeh Jesoes keur sasaoeran djeung awewe. Tatapi hanteu aja noe oendjoekan kijeu: Andjeun teh mariksakeun naon? atawa: Andjeun teh milahirkeun naon djeung eta? 28 Tidinja awewe teh ninggalkeun kĕndina, toeloej asoep ka nagara, sarta ngomong kadjalma-djalma kijeu: 29 Geura hijap, tarendjo aja hidji djalma, noe ngalahirkeun ka koela sakabehna noe geus dipilampah koe koela: eta teh lain Kristoes teja? 30 Tidinja pada raboel ti nagara, daratang ka Jesoes. 31 Sabot keur kitoe moerid-moerid hatoeran ka Jesoes, kijeu pihatoerna: Noen Rabi! mangga toewang. 32 Ari lahiranana ka moerid: Kami boga kadaharan pikeun dahareun kami, noe teu kanjahoan koe maraneh. 33 Toeloej moerid teh ngaromong djeung batoerna: Naha aja noe moepoendoetan kadaharan ka andjeunna? 34 Lahiran Jesoes ka moerid: Ari kadaharan kami mah ngestokeun pangĕrsakeun eta noe geus miwarang kami, sarta ngalampahkeun padamĕlanana tĕpi ka tjatjapna. 35 Maraneh teh lain njarĕboetkeun: Opat boelan deui pioesoemeun diboewat? Toeh geuning, kami ngalahir ka maraneh: geura tjarĕngkat, arilikan kĕbon-kĕbon, karana geus koneng, meudjeuhna dipiboewatan. 36 Ari noe diboewat pimeunangeun boeroehan, sarta ngoempoelkeun beubeunangan kana hiroep noe langgĕng; soepaja pada boengah anoe njĕbarkeun reudjeung noe diboewat. 37 Karana pĕlĕbah dijeu bĕnĕr tjĕk babasan: Sedjen noe njĕbarkeun, sedjen noe diboewat. 38 Kami geus nitah maraneh diboewat anoe lain dipigawe koe maraneh; nja dipigawena koe noe sedjen, ari maraneh geus asoep ka beunang migawe eta. 39 Ari oerang Samaria ti nagara eta loba pisan noe pĕrtjaja ka Jesoes, tina sabab omongan awewe teja, anoe mĕrtelakeun kijeu: Eta ngalahirkeun ka koela sakabehna noe geus dipilampah koe koela. 40 Sanggeus daratang oerang Samaria teh ka Jesoes, toeloej pada noenoehoen, andjeunna moegi linggih ka maranehanana; ladjĕng linggihna di dinja meunang doewa poë. 41 Loba katjida manan tadi anoe pĕrtjaja tina sabab lahiranana, 42 sarta pada ngomong ka awewe teja: Pangpĕrtjaja koela teh moal tina sabab omongan maneh deui; karana koela geus ngadarenge koe pribadi, sarta geus njaraho, jen eta teh saĕnjana Kristoes, Djoeroe-salamĕt saalam- doenya. 43 Ari geus tjatjap eta doewa poë, Jesoes djĕngkar ti dinja ka Galilea; 44 karana Jesoes koe andjeun mĕrtelakeun, jen anoe djadi nabi moal dihormatan di nagara asalna. 45 Mangsa soemping ka Galilea, diarakoe koe oerang Galilea, tina sabab geus narendjo sakabehna noe didamĕl koe Jesoes di Jĕroesalem, basa pesta teja; karana eta oge geus daratang kana pesta. 46 Ladjĕng Jesoes soemping deui ka Kana bilangan Galilea, oeroet koe andjeunna tjai didjadikeun anggoer teja. Di dinja aja hidji ponggawa, poetrana teu damang di Kapernaoem. 47 Barang ngareungeu bedja, jen Jesoes soemping ti Joedea ka Galilea, toeloej ngadeuheusan sarta noenoehoen, Jesoes moegi linggih njageurkeun poetrana, karana eta keur sakarat. 48 Ngalahir Jesoes ka dinja: Lamoen maraneh hanteu nendjo tanda djeung moedjidjat mah, maraneh teh tara pĕrtjaja. 49 Ari pioendjoek ponggawa teh ka Jesoes: Noen Goesti! geura linggih, meungpeung poen anak tatjan maot. 60 Lahiran Jesoes ka dinja: Geura moelang; anak maneh gens hiroep. Ari eta djalma pĕrtjaja ka pilahir, anoe dilahirkeun koe Jesoes teja; toeloej moelang. 51 Mangsa keur di djalan, papapag djeung badega-badegana, sarta ngoeninga, kijeu pihatoerna: Poetra andjeun geus hiroep. 52 Geus kitoe mariksakeun waktoena tjageur. Ari pihatoerna: Kamari wantji poekoel toedjoeh moerijangna leungit. 53 Tidinja ramana elingeun, nja waktoe eta pisan Jesoes ngalahir teh, jen anak maneh geus hiroep. Toeloej pĕrtjaja djeung saeusi-boemina. 54 Nja eta tanda noe kadoewa, noe didamĕl koe Jesoes mangsa soemping ti Joedea ka Galilea.

5:1 Sanggeusing kitoe aja pesta oerang Jahoedi; ladjĕng Jesoes angkat ka Jĕroesalem. 2 Demi di Jĕroesalem, deukeut lawang Domba, aja hidji pamandian, eta koe basa Ibrani disĕboetkeun Bet- Hesda, sarta aja lima pangkengna. 3 Ari di dinja galĕmpar bae loba noe gĕring, noe lolong, noe dejog, noe gĕring nangtoeng, pada ngadagoan kana obahna tjai. 4 Karana sok radjeun aja malaikat, loengsoer ka djĕro pamandian teja, ngobahkeun eta tjaina; dĕmi noe antjĕloeb pangheulana sanggeus diobahkeunana tjai, tjageur, naon bae kasakitna. 5 Ari di dinja aja hidji djalma noe boga kasakit, geus tiloe poeloeh dalapan taoen lilana. 6 Barang Jesoes ningali eta noe ngadjoprak, sarta oeningaeun jen geus lila pisan pangkitoena teh, ladjĕng ngalahir ka dinja: Eh, maneh hajang tja geur? 7 Ari wangsoelan noe gĕring teh: Noen Djoeragan! koering hanteu aja noe ngantjĕloebkeun koering kana pamandian keur waktoe diobahkeunana tjai; sarĕng mangsa koering dongkap, geus kapiheulaän manten antjĕloebna koe batoer. 8 Lahiran Jesoes ka dinja: Geura hoedang, pangkoe kasoer maneh, toeloej leumpang. 9 Sapada-harita eta djalma teh tjageur, seug mangkoe kasoerna, toeloej leumpang. Harita keur poë sabat. 10 Tidinja oerang Jahoedi ngaromong ka noe geus ditjageurkeun teh: Ajeuna keur poë sabat, maneh teh kawidian manggoel kasoer. 11 Ari wangsoelanana : Anoe njageurkeun ka koering, da geus miwarang: Geura pangkoe kasoer maneh, toeloej leumpang. 12 Geus kitoe pada mariksa ka manehanana: Na saha eta djalma noe nitah ka maneh teh: Geura pangkoe kasoer maneh, toeloej leumpang? 13 Tatapi noe geus ditjageurkeun teh teu njahoëun di saha-sahana; da Jesoes geus njoeloesoep bae, sabab loba pisan djalma dina ĕnggon eta. 14 Sanggeus kitoe eta djalma kapĕndak koe Jesoes dina kabah; ladjĕng ngalahir ka dinja kijeu: Tah, maneh geus tjageur; poma oelah migawe deui dosa, soepaja maneh oelah kataradjang koe noe bangĕt ti batan tadi. 15 Tidinja eta djalma bral leumpang, mopojankeun ka oerang Jahoedi, jen eta Jesoes, anoe njageurkeun ka manehanana teja. 16 Nja kitoe noe matak oerang Jahoedi teh uganijaja ka Jesoes, sarta nejangan djalan keur maehan, sabab midamĕl kitoe di poë sabat. 17 Ari lahiran Jesoes ka darinja: Ama kami mah barangdamĕl bae dongkap ka ajeuna; kami oge baranggawe nja kitoe deui. 18 Tina sabab eta, oerang Jahoedi beuki ngahantĕm nejangan djalan keur maehanana; karana lain woengkoel njorang sabat bae, malah ngalahirkeunana Allah Ramana pribadi, djadi njaroewakeun andjeun djeung Allah. 19 Ladjĕng Jesoes ngalahir, kijeu lahirna ka eta teh: Satĕmĕn-tĕmĕnna, kami ngalahir ka maraneh: ari Poetra teh hanteu bisa milampah naon-naon koe maneh, ngan anoe katendjo didamĕl koe Rama; karana naon bae noe didamĕl koe Rama, eta koe Poetra dipigawe nja kitoe deui. 20 Karana Rama teh langkoeng asih ka Poetra, sarta ningalikeun ka Poetra saniskara noe didamĕl koe Rama; djeung bakal ningalikeim padamĕlan noe leuwih agoeng ti manan eta, soepaja maraneh teh pada djadi heran. 21 Karana sapĕrti Rama ngahoedangkeun djalma noe paraeh sarta dihiroepanana, nja kitoe deui Poetra ngahiroepan ka noe dipikarĕp. 22 Samalahna Rama hanteu ngahoekoeman saoerang-oerang atjan; ari eta hal hoekoeman kabeh geus disĕrahkenn ka Poetra, 23 soepaja sakabehna pada ngahormatan ka Poetra, tjara ngahormatan ka Rama. Saha-saha noe teu ngahormatan ka Poetra, eta teu ngahormatan ka Rama, noe geus miwarang Poetra. 24 Satĕmĕn-tĕmĕnna, kami ngalahir ka maraneh: saha-saha noe ngadenge kana omongan kami, djeung pĕrtjaja ka noe geus miwarang kami, nja eta boga hiroep noe langgĕng, sarta moal asoep kana siksaän, ĕnjana mah geus piudah tina paeh kana hiroep. 25 Satĕmĕn- tĕmĕnna, kami ngalahir ka maraneh: pidatangeun waktoe, ajeuna ge geus beh, harita noe paraeh teh bakal pada ngadenge kana sowara Poetra Allah, ari noe ngadarenge tangtoe hiroep. 26 Karana, sapĕrti Rama kagoengan hiroep koe mantĕn, nja kitoe deui Rama teh ka Poetra geus maparin boga hiroep koe pribadi; 27 djeung geus dipaparin kawasa ngadĕgkeun hoekoeman, sabab djadi Poetra manoesa. 28 Maraneh teh oelah heran tina sabab kitoe; karana pidatangeun waktoe, harita sakoer noe aja dina koeboer bakal ngadarenge kana sowarana, 29 sarta toeloej baridjil; noe geus migawe kahadean, haroedangna kana hiroep; ari noe geus migawe kagorengan mah, haroedangna kana siksaän. 30 Kami teu bisa migawe naon-naon koe maneh. Sakoemaha noe kadenge koe kami, nja kitoe kami ngakoekoeman teh, ari hoekoeman kami adil, sabab teu mambrih karĕp sorangan, ngan pangĕrsakeun Rama bae, anoe geus miwarang kami. 31 Lamoen kami mĕrtelakeun maneh, pĕrtelaän kami teh moal sajaktina. 32 Aja noe lijan mĕrtelakeun kami; sarta kami njaho, jen saestoena pĕrtelaäna, noe dipĕrtelakeun ti hal kami. 33 Maraneh geus ngadjoeroengkeun ka Johannes, dĕmi eta gens mĕrtelakeun hal kajaktian teja. 34 Tatapi kami hanteu malar kana pĕrtelaän manoesa; noe matak kami njatoerkeun kitoe teh, ngan soepaja maraneh salamĕt. 35 Johannes teh nja damar anoe hoeroeng noe njaängan, sarta maraneh mirĕsĕp sakeudeung kana tjaängna. 36 Ari kami boga pĕrtelaän anoe leuwih ti pĕrtelaän Johannes; karana pagawean, noe dipaparinkeun ka kami koe Rama, soepaja koe kami dilampahkeun tĕpi ka tjatjapna, nja eta pisan pagawean anoe dipilampah koe kami, mĕrtelakeun kami, jen kami teh dipiwarang koe Rama. 37 Samalah Rama, noe miwarang kami teja, eta ge koe mantĕn geus mĕrtelakeun kami. Maraneh teh tatjan pisan ngadenge ka gĕntrana, narendjo ka roepana ge tatjan. 38 Djeung deui pangandikana mah hanteu matoeh di djĕro maraneh; karana maraneh teu pĕrtjaja ka noe geus dipiwarang koe andjeunna teh. 39 Maraneh sok nitik-nitik kana Kitab-Kitab, sabab pikir maraneh boga hiroep noe langgĕng di djĕro eta Kitab; malah nja eta pisan anoe mĕrtelakeun kami. 40 Emboeng maraneh teh datang ka kami, pikeun pimeunangeun hiroep. 41 Kami hanteu malar kahormatan ti manoesa. 42 Ari kami geus njaho ka maraneh, jen teu boga kanjaähan ka Allah di djĕro hate maraneh. 43 Kami teh geus datang mawa padjĕnĕngan Ama kami, ari maraneh hanteu narima ka kami; saoepama aja noe sedjen datang mawa ngaran sorangan, eta koe maraneh meureun ditarima. 44 Koemaha maraneh nja bisa pĕrtjaja, da maraneh pada mambrih kahormatan ti batoer bae, ari kahormatan anoe ti Allah woengkoel mah koe maraneh teu ditejangan? 45 Oelah aja panjana, jen kami anoe bakal ngĕlakkeun maraneh ka Rama; ari noe ngĕlakkeun maraneh teja mah Moesa, noe diarĕp-arĕp koe maraneh teh. 46 Karana oepama maraneh pĕrtjaja ka Moesa, tanwande pĕrtjaja deui ka kami; karana eta geus noeliskeum ti hal kami. 47 Tatapi lamoen maraneh hanteu pĕrtjaja kana kitab Moesa mah, koemaha nja pipĕrtjajaeun ka pilahir kami?

6:1 Sanggeusing kitoe Jesoes ladjĕng lajar, meuntas laoet Galilea, di lĕbah nagara Tiberias. 2 Sarta loba pisan djalma noe noetoerkeun, koe tina geus narendjo tanda-tanda, uoe didamĕl koe andjeunna ka noe garĕring. 3 Dĕmi Jesoes naek ka goenoeng, seug linggih di dinja djeung moerid-moeridna. 4 Ari paska, nja eta pesta oerang Jahoedi, geus deukeut. 5 Ana tjĕngkat Jesoes, ningali loba pisan djalma noe ngadareuheusan; ladjĕng ngalahir ka Pilipoes: Ti mana oerang nja meuli roti, pikeun eta dadaharan? 6 Halta pangalahirkeunana kitoe teh kĕrsa njoba ka Pilipoes; karana geus kaoeninga noe rek didamĕl koe andjeunna. 7 Ari wangsoelan Pilipoes: Ngagaleuh roti doewa ratoes dinar moal pitjĕkapeun, keur eta hidji-hidji djalma njokot saeutik. 8 Aja hidji moeridna, nja eta Andreas, saderek Simon Petroes, pok oendjoekan: 9 Di dijeu aja hidji boedak lalaki, gadoeh roti gandroeng lima siki sarĕng laoek doewa siki; nanging koemaha keur djalma sakitoe lobana? 10 Lahiran Jesoes: Tjoba eta djalma sina darijoek! Dĕmi di ĕnggon eta teja reja djoekoet. Tidinja djalma lalaki gek darijoek, bilanganana antara lima reboe. 11 Ladjĕng Jesoes njandak roti teja bari moedji soekoer; tidinja dipaparinkeun ka moerid-moerid, ari koe moerid-moerid dibagikeun ka noe darijoek; nja kitoe deui laoek teja, sabaraha bae kahajangna. 12 Dĕmi geus sareubeuheun, Jesoes ngalahir deui ka moerid- moeridna: Geura koempoelkeun sesa beunang njĕmplekan, soepaja oelah aja noe leungit. 13 Tidinja toeloej dikoempoelkeun, sarta ngareusian doewa wĕlas karandjang koe oeroet beunang njĕmplekan lima roti gandroeng teja, sesa-sesana djalma noe geus dadaharan. 14 Barangna eta djalma-djalma narendjo tanda noe didamĕl koe Jesoes teja, pok ngaromong: Nja ijeu saestoena nabi, anoe bakal soemping ka doenya teja! 15 Geus kitoe Jesoes, doemeh waspaoseun eta djalma-djalma rek daratang ngarerejang ka andjeunna, dek didjijeun radja, ladjĕng njingkah deui ka goenoeng, njalira bae. 16 Dĕmi geus boerit, moerid-moeridna bral maroedoen ka laoet. 17 Sanggeus aroenggah kana parahoe, toeloej lajar meuntas laoet, ngadjoegdjoeg ka Kapernaoem. Harita geus poëk pisan, ari Jesoes tatjan soemping ka moeridna. 18 Tidinja laoet teh ombakna ngagĕdean, bawaning katĕbak koe angin barat. 19 Ari lajarna geus meunang antara doewa poeloeh lima atawa tiloe poeloeh istadi djaoehna, toeloej pada nendjo Jesoes, keur tapak-hantjang dina laoet, soemping ka deukeut parahoe; tidinja sarijeuneun. 20 Dĕmi Jesoes ngalahir ka darinja: Ijeu teh kami; montong sarijeun. 21 Geus kitoe koe moerid dek dihatoeranan linggih ka parahoena, pada-harita parahoe teh dongkap ka tanah noe didjoeg-djoeg teja. 22 Ari isoekna, djalma-djalma noe taringgaleun di peuntaseun laoet teja, sapedah narendjo di dinja euweuh deui parahoe, ngan eta hidji noe ditaroempakan koe moerid-moerid Jesoes teja, kitoe deui jen Jesoes hanteu njarĕngan ka moerid-moeridna nitihan kana eta parahoe, ngan woengkoel moerid-moeridna bae anoe lajar 23 (tatapi daratang deui parahoe noe sedjen ti nagara Tiberias, deukeut ka ĕnggon oeroet dadaharan roti, koe lantaran Goesti moedji soekoer teja): 24 barang katarendjo koe eta djalma- djalma, jen Jesoes hanteu aja di dinja, sarta moerid-moeridna ge teu aja, toeloej eta ge aroenggah kana parahoe-parahoe teja, sarta daratang ka Kapernaoem, narejangan Jesoes. 25 Dĕmi geus kapĕndak di peuntaseun laoet, seug aroendjoekan: Noen Rabi! iraha soemping ka dijeu teh? 26 Ngawalon Jesoes ka eta djalma, kijeu lahirna: Satĕmĕn-tĕmĕnna, kami ngalahir ka maraneh: maraneh pangnejangan kami soteh, lain koe sabab geus narendjo tanda, ngan sabab dadaharan tina roti teja, sarta geus datang ka sareubeuh. 27 Oelah sok baranggawe malar kadaharan noe owah, nja koedoe malar kadaharan noe awet tĕpi kana hiroep noe langgĕng, anoe bakal dipaparinkeun ka maraneh koe Poetra manoesa; karana nja eta noe geus ditjap koe Allah Rama. 28 Geus kitoe aroendjoekan ka Jesoes: Simkoering koemaha nja pilampaheun, soepaja kenging midamĕl padamĕlan Allah? 29 Ngawalon Jesoes, kijeu lahirna ka eta djalma: Nja kijeu padamĕlan Allah teh, jen maraneh koedoe pĕrtjaja ka noe geus dipiwarang koe andjeuuna. 30 Ari aroendjoekanana deui ka Jesoes: Andjeun teh kĕrsa midamĕl tanda koemaha, soepaja simkoering pada tĕrang sarĕng pĕrtjaja ka andjeun? ngadamĕl naon andjeun teh? 31 Karoehoen simkoering geus pada dahar Manna teja di tĕgal lĕga, sapĕrtos geus disĕratkeun kijeu: Andjeunna geus maparin ka darinja roti ti sawarga keur dahareun. 32 Lahiran Jesoes ka eta djalma: Satĕmĕn-tĕmĕnna, kami ngalahir ka maraneh: lain Moesa noe maparin ka maraneh roti ti sawarga teh; ari Ama kami mah maparin ka maraneh roti noe saestoena ti sawarga. 33 Karana ari roti Allah teh nja eta noe toeroen ti sawarga, sarta matak ngahiroepkeun ka alam-doenya. 34 Ari aroendjoekanana deui ka Jesoes: Noen Goesti! moegi paparinkeun ka simkoering sadaja salalawasna eta roti teja. 35 Lahiran Jesoes ka darinja: Kami teh nja roti kahiroepan. Saha-saha noe datang ka kami, moal bakal langlajeuseun; kitoe deui saha-saha noe pĕrtjaja ka kami, moal bakal halabhab salalawasna. 36 Tapi kami geus ngalahir ka maraneh, jen maraneh teh geus narendjo ka kami, orokaja teu pĕrtjaja. 37 Sakabehna noe dipaparinkeun koe Rama ka kami, tanwande datang ka kami; ari noe datang ka kami teh koe kami moal didjongklokkeun. 38 Karana kami anoe matak toeroen ti sawarga, lain pikeun ngalampahkeun karĕp diri kami, ngan pikeun ngalampahkeun pangĕrsakeun eta noe geus miwarang kami. 39 Sarta nja kijeu pangĕrsakeun Rama noe geus miwarang kami, jen kami teh oelah kaleungitan tina eta sakabehna noe dipaparinkeun ka kami teja, malah-malah koe kami koedoe diharoedangkeun di poë panganggeusan. 40 Karana nja kijeu pangĕrsakeun eta noe geus miwarang kami teh, jen oenggal-oenggal djalma noe mĕntjrong ka Poetra, sarta bari pĕrtjaja ka dinja, boga hiroep noe langgĕng, sarta koe kami bakal dihoedangkeun di poë panganggeusan. 41 Geus kitoe oerang Jahoedi tinggĕIĕndĕng ka Jesoes, sabab ngalahirkeun, jen kami teh nja roti noe geus toeroen ti sawarga. 42 Ari aromongna: Na eta teh lain Jesoes poetra Joesoep, anoe kanjahoan iboe-ramana koe oerang? naha wĕt misaoer, jen kami geus toeroen ti sawarga? 43 Ngawalon Jesoes, kijeu lahirna ka eta djalma: Oelah sok tinggĕIĕndĕng djeung batoer. 44 Taja jaisan djalma noe bisa datang ka kami, kadjaba moen ditarik koe Rama, noe geus miwarang kami mah; sarta koe kami eta bakal dihoedangkeun di poë panganggeusan. 45 Geus dioengĕlkeun dina Kitab para nabi kijeu: Mĕngke sakabeh meunang piwoeroek ti Allah. Koe sabab eta, oenggal-oenggal djalma, noe geus ngadenge ti Rama djeung geus meunang piwoeroek, tanwande datang ka kami. 46 Lain sabab aja djalma noe geus nendjo ka Rama, kadjaba anoe asal ti Allah; nja eta noe geus nendjo ka Rama teh. 47 Satĕmĕn-tĕmĕnna, kami ngalahir ka maraneh: saha-saha noe pĕrtjaja ka kami, nja eta boga hiroep noe langgĕng. 48 Kami teh nja roti kahiroepan. 49 Ari karoehoen maraneh geus pada dahar Manna teja di tĕgal Iĕga, toeloej maraot bae. 50 Nja ijeu teh roti anoe toeroen ti sawarga, soepaja djalma noe ngahakan eta, hamo paeh. 51 Kami teh nja roti anoe hiroep, anoe toeroen ti sawarga teja. Tijap-tijap djalma ngahakan ijeu roti, tangtoe hiroep salalanggĕngna. Ari roti anoe bakal dipaparinkeun koe kami teja, nja eta daging kami, anoe bakal disĕrahkeun koe kami pikeun hiroep alam-doenya. 52 Geus kitoe oerang Jahoedi papadoean djeung batoerna, kijeu aromongna: Koemaha pĕtana eta teh pimereëun dagingna keur hakaneun oerang? 53 Ari lahiran Jesoes ka darinja: Satĕmĕn-tĕmĕnna, kami ngalahir ka maraneh: lamoen maraneh teu ngahakan daging Poetra manoesa, sarta nginoem gĕtihna, hamo boga hiroep di djĕro maraneh. 54 Saha-saha noe ngahakan daging kami, sarta nginoem gĕtih kami, nja eta boga hiroep noe langgĕng; sarta koe kami bakal dihoedangkeun di poë panganggeusan. 55 Karana daging kami saestoena kadaharan, gĕtih kami saestoena inoeman. 56 Saha-saha noe ngahakan daging kami, sarta nginoem gĕtih kami, tangtoe pitĕtĕpeun di djĕro kami, nja kitoe deui kami di djĕro eta. 57 Sapĕrti kami dipiwarang koe Rama anoe hiroep, sarta panghiroep kami teh ngan koe lantaran Rama, nja kitoe deui saha-saha noe ngahakan kami, tangtoe hiroep koe lantaran kami. 58 Nja ijeu teh roti, anoe toeroen ti sawarga teja; lain tjara karoehoen maraneh ngadalahar Manna teja, geuning maraot bae. Saha-saha noe ngahakan roti ijeu, bakal hiroep salalanggĕngna. 59 Ari pĕrkara noe tadi teja koe Jesoes dilahirkeun keur mangsa ngawoeroek di masigit, di Kapernaoem. 60 Reja pisan moerid Jesoes, barang ngadenge kitoe, seug ngaromong: Bangĕt katjida eta piwoeroek teh; saha noe kadoega ngadenge? 61 Dĕmi Jesoes, doemeh oeningaeun di djĕro manahna jen moerid-moeridna marokpokkeun eta kasaoeran teja, ladjĕng ngalahir ka dinja: Naha maraneh titadjong koe eta teh? 62 Koemaha, saoepama koe maraneh katendjo Poetra manoesa moenggah ka oeroet baheula? 63 Nja Roh teh noe ngahiroepan; daging mah euweuh gawena. Ari pilahir, anoe dilahirkeun koe kami ka maraneh teja, nja Roh nja hiroep. 64 Tatapi di pĕlĕbah maraneh noe sawareh teu pĕrtjaja. Karana geus ti mimitina pisan Jesoes langkoeng oeninga ka sakoer noe teu pĕrtjaja, kitoe deui ka eta noe bakal ngahijanat ka andjeunna. 65 Ari lahiranana: Nja kitoe sababna noe matak kami geus ngalahir ka maraneh, jen taja pisan djalma noe bisa datang ka kami, kadjaba moen dipaparinkeun mah ka dinja koe Ama kami. 66 Ti mangsa harita moerid Jesoes loba noe moendoer, teu ngariring deui ka andjeunna. 67 Geus kitoe Jesoes ngalahir ka noedoewa wĕlas teja: Koemaha ari maraneh, teu hajang leumpang oge? 68 Ngawangsoel Simon Petroes: Noen Goesti! simkoering sadaja pileumpangeun ka saha? apan nja Goesti noe kagoengan lahiran pĕrkawis hiroep noe langgĕng. 69 Sarawoeh simkoering sadaja geus pĕrtjantĕn sarĕng ngahartos pisan, jen andjeun teh Kristoes, Poetra Allah noe djoemĕnĕng. 70 Ari walonan Jesoes ka darinja: Mapan maraneh, anoe doewa wĕlas, lain beunang milih kami? tatapi ti lĕbah maraneh sahidji ngadjadi setan. 71 Ari noe dilahirkeun teh Joedas anak Simon, Iskariot teja; karana nja eta noe bakal ngahijanat ka andjeunna, sarta kaäsoep moerid noe doewa wĕlas teja.

7:1 Sanggeusing kitoe Jesoes ngadjadjah bae di Galilea; karana teu kĕrsaeun ngadjadjah di Joedea, doemeh oerang Jahoedi ngarah dek maehan ka andjeunna. 2 Ari pesta oerang Jahoedi, nja eta saoeng bĕbĕtek teja, geus deukeut. 3 Tidinja saderekna aroendjoekan ka Jesoes: Moedoe djĕngkar ti dijeu, angkat ka Joedea, moerid-moerid andjeun sina narendjo ka padamĕlan, anoe didamĕl koe andjeun. 4 Karana euweuh pisan djalma migawe naon-naon soempoet-salindoeng, malah mah pambrihna hajang dioetarakeun. Lamoen ĕnja andjeun midamĕl anoe kitoe pĕtana, moedoe nembongkeun andjeun ka doenya. 5 Karana nadjan saderekna ge hanteu pĕrtjajaeun ka andjeunna. 6 Ari lahiran Jesoes ka darinja: Tatjan datang waktoe kami; ari waktoe maraneh mah dimana bae sadija. 7 Doenya teh moal bisa geuleuh ka maraneh; ari ka kami mah geuleuheun, sabab kami sok mĕrtelakeun eta doenya, jen goreng kalakoeanana. 8 Geura arindit bae maraneh ka pesta teh; kami mah teu rek ijang ajeuua ka eta pesta, sabab waktoe kami tatjan nĕpi kana parĕngna. 9 Ari geus ngalahirkeun kitoe ka dinja, ladjĕng linggih keneh di Galilea. 10 Tatapi mangsa saderekna geus arindit, ladjĕng Jesoes oge angkat ka pesta teh, hanteu katara, nja kawas noe njamoer bae. 11 Dĕmi oerang Jahoedi narejangan Jesoes dina pesta, aromongna: Di mana andjeunanana teh? 12 Ari djalma-djalma gĕntĕr ngaharewoskeun Jesoes. Tjĕk noe sawareh: Hade eta teh; tjĕk noe sedjen deui: Moal, eta ngan njasabkeun djalma bae. 13 Tatapi teu aja noe ngomongkeun Jesoes sagĕblasna, bawaning sijeun koe oerang Jahoedi. 14 Dĕmi geus dongkap ka tĕngah poë pesta, Jesoes linggih kana kabah, ladjĕng ngawoeroek. 15 Geus kitoe oerang Jahoedi pada heraneun, ari aromongna: Naha eta mana bisaeun kana Kitabi- Kitab? kapan teu goegoeroe! 16 Ngawalon Jesoes, kijeu lahirna: Ari piwoeroek kami mah lain bobogaän kami, kagoengan eta noe geus miwarang kami. 17 Tijap-tijap djalma daek ngalampahkeun ka pangĕrsakeunana, eta tangtoe nganjahokeun moenggoehing piwoeroek tamah asal ti Allah, atawa kami ngalahir karĕp sorangan. 18 Saha-saha noe ngomong karĕp sorangan, malar kahormatan dirina; sabalikna anoe malar kahormatan eta noe geus miwarang manehanana, tĕgĕs djalma saestoena, sarta euweuh kadorakaän di noe kitoe mah. 19 Naha Moesa lain maparinkeun toret ka maraneh? padahal lĕbah maraneh euweuh noe ngalampahkeun toret. Koe naon maraneh mana ngarah maehan ka kami? 20 Ngadjawab djalma-djalma teh, kijeu pokna: Boa sampejan kaäsoepan setan; saha teja noe ngarah maehan ka sampejan? 21 Ngawalon Jesoes, kijeu lahirna: Kami geus migawe hidji padamĕlan, ari maraneh sakabeh heran. 22 Moesa geus ngadawoehkeun ka maraneh hal njoenatan teja; (ari asalna lain ti Moesa, asalna mah ti karoehoen) sarta maraneh sok njoenatan djalma di poë sabat. Lamoen djalma disoenatan di poë sabat, soepaja oelah karĕmpak toret Moesa mah: naha maraneh bĕt ngarambĕk ka kami, tina sabab kami geus njageurkeun djalma sakoedjoer di poë sabat? 24 Oelah ngahoekoeman noeroetkeun beh roepana; nja ngahoekoeman teh koedoe hoekoeman noe sabĕnĕrna. 25 Geus kitoe sawareh oerang Jĕroesalem ngomong: Lain eta noe diarah dek dipaehan teja? 26 Geuning sasaoeranana ngagĕblas bae ; anoe ngarah teu ngaromong kijeu-kijeu ka dinja. Koemaha ari kapala teh palangsijang geus pada tĕrangeun saĕnjana, jeu eta tĕgĕs Kristoes? 27 Dĕmi ijeu teh oerang geus pada njaho asalna; tatapi ari Kristoes mah, samangsana soemping moal aja noe njaho asal-asalna. 28 Ladjĕng Jesoes ngalahir sarta bĕdas, eukeur ngawoeroek dina kabah, kijeu lahirna: Maraneh geus pada wawoeh ka kami, sarta njaraho kana asal kami; toerta kami datang teh lain karĕp sorangan; dĕmi eta laugkoeng estoe anoe geus miwarang kami, noe teu kanjahoan koe maraneh. 29 Ari kami mah njaho ka andjeunna; sabab kami asal teh ti dinja, sarta nja andjeunna noe geus miwarang kami. 30 Geus kitoe pada nejangan pidjalaneun dek nangkĕp ka Jesoes; tatapi euweuh noe koengsi njĕkĕl ka andjeunna, sabab waktoe andjeunna tatjan dongkap. 31 Ari tina lĕbah djalma-djalma loba pisan noe pĕrtjajaeun ka Jesoes; aromongna: Samangsa soemping Kristoes, bakal loba nja midamĕl tanda ti batan noe didamĕl koe ijeu? 32 Dĕmi koe ahli parisi kadarenge, jen djalma-djalma kitoe ngaharewoskeunana Jesoes. Toeloej ahli-ahli parisi djeung para paughoeloe agoeng miwarangan patjalang, soepajana narangkĕp Jesoes. 33 Ladjĕng ngalahir Jesoes ka maranehanana: Sakeudeung deui waktoe kami aja di maraneh, toeloej kami ijang ka noe miwarang kami. 34 Maraneh bakal narejangan kami, tatapi moal kapanggih; sarta ka ĕnggon kami maraneh moal bisa daratang. 35 Geus kitoe oerang Jahoedi teh ngaromong djeung batoerna: Ka mana eta nja pileumpangeunana, anoe matak koe oerang moal bakal kapanggih teh? Boa dek leumpang ka noe pabalĕntjar di oerang Joenani, ngawoeroek ka oerang Joenani? 36 Omongan naon anoe dipiomong kitoe teh koe eta, jen maraneh bakal narejangan kami, tatapi moal kapanggih; sarta ka ĕnggon kami maraneh moal bisa daratang? 37 Ari di poë panoetoep pesta, nja eta poë noe panggĕdena, Jesoes ladjĕng ngadĕg, sarta ngalahir bĕdas, kijeu lahirna: Tijap-tijap aja djalma halabhab, geura datang ka kami, toeloej nginoem! 38 Saha-saha noe pĕrtjaja ka kami, sakoemaha pilahir dina Kitab, soesoekan tjai anoe hiroei bakal ngotjor tiiia djĕro beuteungna. 39 Ari noe dilahirkeun kitoe teh nja Roh, anoe bakal katampa koe sadajana noe pĕrtjaja ka andjeunna; karana Roh Soetji teh tatjan aja, doemeh Jesoes tatjan dimoeljakeun. 40 Dĕmi djalma-djalma teja noe sawareh, barang ngadarenge pilahir kitoe, pok ngaromong: Nja eta saestoena nabi teja. 41 Ari tjĕk noe sedjen: Eta mah Kristoes. Aja noe sedjen deui ngomong: Naha Kristoes teh soempingna ti Galilea? 42 Lain dilahirkeun dina Kitab, jen Kristoes teh pimĕdaleun ti toeroenan Dawoed, soempingna ti desa Bet-Lehem, oeroet Dawoed linggih? 43 Tidinja djalma-djalma teh parĕboet omongan tina sabab Jesoes. 44 Noe sawareh dek nangkĕp ka andjeunna, tatapi euweuh noe koengsi njĕkĕl. 45 Geus kitoe patjalang teja daratang deui ka para panghoeloe agoeng djeung ka ahli-ahli parisi; ari salaoema ka patjalang teh: Koe naon sababna eta djalma teu dibawa koe maraneh? 46 Wangsoelan patjalang-patjalang teh: Salawasna tatjan aja djalma ngalahir sapĕrtos eta djalma teja. 47 Ari salaoer ahli parisi ka maranehanana: Naha maraneh ge koetan kagĕndam? 48 Koemaha ti Iĕbah para kapala aja noe pĕrtjaja ka dinja, atawa ti lĕbah ahli-ahli parisi? 49 Tatapi ijeu djalma-djalma, noe teu njaho kana toret, keuna panjapa! 50 Misaoer Nikodemoes, nja eta noe ngadeuheusan ka Jesoes ti peuting teja, kaäsoep ahli parisi keneh, kijeu saoerna ka batoer- batoerna teh: 51 Naha ari toret oerang kenging ngahoekoeman djalma, lamoen tatjan dipariksa, sarta tatjan kaoeninga kalakoeanana? 52 Seug ngawarangsoel, kijeu saoerna ka Nikodemoes: Naha ari sampejan teh oerang Galilea? Geura mangga pariksa, sarĕng masing awas, moal ĕnja aja nabi bibidjilan ti Galilea mah. 53 Tidinja masing-masing maroelang ka imahna sorangan.

8:1 Dĕmi Jesoes angkat ka goenoeng Djetoen. 2 Isoek-isoek andjeunna soemping deui kana kabah, sarta sakabehna djalma-djalma ngadareuheusan; ladjĕng linggih, seug ngawoeroek ka eta teh. 3 Tidinja ahli-ahli kitab djeung ahli-ahli parisi ngadareuheusan ka Jesoes, mawa hidji awewe, katangkĕp keur ngaranjed; 4 disina nangtoeng di tĕngah-tĕngah; toeloej aroendjoekan ka Jesoes: Noen Goeroe! ijeu awewe ditangkĕpna jaktos pisan keur ngaranjed. 5 Dĕmi Moesa geus ngadawoehkeun ka kaoela dina toret, jen anoe kitoe pĕtana koedoe dibaledogan koe batoe; ari ajeuna koemaha pilahir andjeun? 6 Noe matak oendjoekan kitoe, dek ngadodja ka Jesoes, soepaja meunang keur ngĕlakkeun andjeunna. Tatapi Jesoes brĕk bae dongko, ladjĕng njĕrat koe tjoeroek dina taneuh. 7 Koe sabab eta djalma keukeuh bae pangnarosna teh, Jesoes ladjĕng tjĕngkat, sarta ngalahir ka darinja: Saha-saha di lĕbah maraneh noe teu boga dosa, geura pek maledog pangheulana ka awewe teh. 8 Ladjĕng dongko deui, sarta njĕrat dina taneuh. 9 Dĕmi eta djalma, barang ngadarenge kitoe, seug kaingĕtan koe boedi-rasana, toeloej noengtoet ka laloewar, mimitina kokolot- kokolotna, datang ka panganggeusanana; ari Jesoes ditinggalkeun njalira bae, sarta djeung awewe teja keur nangtoeng di tĕngah-tĕngah. 10 Geus kitoe Jesoes tjĕngkat. Doemeh teu aja noe katingali, ngan awewe teja, ladjĕng ngalahir ka dinja: Njai! di mana eta noe ngĕlakkeun maneh? Euweuh noe ngahoekoeman ka maneh? 11 Ari wangsoelanana: Noen Goesti! soemoehoen teu aja. Ngalahir deui Jesoes ka dinja: Ari kitoe mah kami ge moal ngahoekoeman ka maneh; geura balik bae, oelah migawe deui dosa! 12 Sanggeus kitoe Jesoes ngalahir deui ka oerang Jahoedi teja: Kami teh nja damar doenya; saha-saha noe anoet ka kami, moal njorang di noe poëk, sarta ngabogaän tjaäng kahiroepan. 13 Seug ahli-ahli parisi ngomong ka Jesoes: Sampejan teh mĕrtelakeun pribadi; pĕrtelaän sampejan sakitoe moal saestoena. 14 Ngawalon Jesoes, kijeu lahirna: Sanadjan kami mĕrtelakeun maneh oge, eta pĕrtelaän kami saestoena bae; karana kami teh njaho ti mana kami nja datang djeung ka mana kami nja leumpang; tatapi ari maraneh mah ten njaho ti mana kami nja datang djeung ka mana kami nja leumpang. 15 Maraneh teh ngahoekoeman noeroetkeun daging bae; ari kami mah teu ngahoekoeman hidji- hidji atjan. 16 Oepama kami ngahoekoeman ge, eta hoekoeman kami teh saestoena; karana lain kami woengkoel, nja kami reudjeung Rama, anoe geus miwarang kami. 17 Dina toret maraneh ge geus dioengĕlkeun, jen pĕrtelaän djalma doewaän saestoena. 18 Nja kami anoe mĕrtelakeun diri kami; ari Rama, noe geus miwarang kami, kitoe keneh mĕrtelakeun kami. 19 Geus kitoe pada ngomong ka Jesoes: Di mana Rama sampejan teh? Walonan Jesoes: Maraneh teu njaho ka kami, kitoe keneh ka Ama kami; saoepama maraneh njaho ka kami, tangtoe njaho deui ka Ama kami. 20 Ari pilahir noe tadi koe Jesoes dilahirkeun pĕlĕbah pĕti oewang, mangsa ngawoeroek dina kabah ; sarta hanteu aja noe nangkĕp, sabab waktoe andjeunna tatjan dongkap. 21 Geus kitoe Jesoes ngalahir deui ka oerang Jahoedi teh: Kami rek leumpang; ari maraneh bakal narejangan kami, sarta bakal paraeh mawa dosa; ari ka ĕnggon noe rek didjoegdjoeg koe kami, maraneh moal bisa daratang. 22 Pok ngaromong oerang Jahoedi: Naha eta teh boa bakal maehan maneh, anoe matak ngomong, jen ka ĕnggon noe rek didjoegdjoeg koe kami, maraneh moal bisa daratang? 23 Ari lahiranana ka dinja: Maraneh teh asal ti handap; ari kami mah ti loehoer; maraneh teh ti doenya ijeu, ari kami mah lain ti doenya ijeu. 24 Kami tadi ngalahir ka maraneh, jen bakal paraeh mawa dosa; karana lamoen teu pĕrtjaja jen kami teh nja eta teja, tangtoe bakal paraeh mawa dosa. 25 Geus kitoe pada ngomong ka Jesoes: Sampejan teh saha? Aii lahiran Jesoes ka dinja: Sakoemaha noe koe kami geus dilahirkeun ka maraneh ti mimitina. 26 Kami teh loba pisan nja pingomongkeuneun sarta pingahoekoemaneun hal maraneh; dĕmi noe geus miwarang kami teh langkoeng estoe, sarta noe geus kadenge koe kami ti andjeunna, eta noe koe kami dilahirkeun ka doenya. 27 Ari eta djalma-djalma hanteu ngahartieun, jen Jesoes ka maranehanana ngalahirkeun Rama. 28 Ladjĕng Jesoes ngalahir ka darinja: Mĕngke, dimana maraneh geus ngaloehoerkeun Poetra manoesa teh, didinja bakal ngaharti jen kami nja eta teja, kitoe deui jen kami teu milampah naon-naon koe maneh, ngan sakoemaha noe geus diwoeroekkeun ka kami koe Ama, nja kitoe kami ngalahirkeun teh. 29 Ari noe miwarang kami teja njarĕngan ka kami. Kami teh teu ditilar sorangan koe Rama; karana kami salalawasna milampah noe dipikamanah koe andjeunna. 30 Mangsa Jesoes ngalahirkeun kitoe teja, loba pisan noe pĕrtjaja ka andjeunna. 31 Geus kitoe Jesoes ngalahir ka oerang Jahoedi, anoe pĕrtjaja ka andjeunna teja: Lamoen maraneh tĕtĕp ka piwoeroek kami, saĕnja-ĕnjana djadi moerid kami; 32 sarta tangtoe nganjahokeun kana kajaktian, ari koe kajaktian teh maraneh bakal dipĕrdikakeun. 33 Seug pada ngawangsoel ka Jesoes: Kaoela teh toeroenan Ibrahim; saoemoer-oemoer tatjan ngawoela ka saha-saha; naha sampejan mana misaoer, jen maraneh teh bakal mĕrdika? 34 Walonan Jesoes ka dinja: Satĕmĕn-tĕmĕnna, kami ngalahir ka maraneh: oenggal-oenggal djalma noe migawe dosa, nja eta kawoela dosa. 35 Anoe djadi kawoela moal langgĕng tjitjingna dina imah; poetra mah langgĕng tjitjingna. 36 Koe sabab eta, lamoen maraneh dimĕrdikakeun koe Poetra mah, tangtoe mĕrdika saĕnja-ĕnjana. 37 Kami teh njaho, jen maraneh toeroenan Ibrahim; tatapi maraneh ka kami ngarah maehan, sabab piwoeroek kami di maraneh teu manggih piĕnggoneun. 38 Kami ngalahirkeun anoe geus katendjo koe kami di Ama; ari maraneh pon kitoe keneh milampah noe geus katendjo koe maraneh di bapa maraneh. 39 Seug pada ngawangsoel, kijeu pokna: Nja Ibrahim rama kaoela. Ngalahir Jesoes ka darinja: Oepama ĕnja maraneh anak Ibrahim mah, tangtoe meureun pada milampah- keun padamĕlan Ibrahim. 40 Tatapi ajeuna maraneh mah ngarah maehan ka kami, tĕgĕs djalma noe geus ngalahirkeun ka maraneh kajaktian, anoe kadenge koe kami ti Allah. Ari Ibrahim mah teu milampah kitoe pĕtana. 41 Maraneh teh nja milampahkeun pagawean bapa maraneh. Toeloej pada ngomong ka Jesoes: Kaoela lain didjoeroekeun beunang djinah, kaoela teh pada sarama, nja ela Allah. 42 Ari lahiran Jesoes ka dinja: Oepama ĕnja Allah rama maraneh mah, tangtoe meureun maraneh pada njaäh ka kami; karana kami ka loewar teh ti Allah, sarta datang ti andjeunna. Karana kami datang teh lain karĕp sorangan, nja andjeunna noe miwarang kami. 43 Koe naon maraneh noe matak teu njaho ka basa kami? Tina sabab sangeuk ngadenge ka piwoeroek kami. 44 Maraneh teh bapa ka Iblis, sarta dek milampahkeun ka pakarĕpan bapa maraneh. Eta teh toekang maehan djalma ti barangmimiti pisan, sarta teu tigin dina kajaktian, sabab taja kajaktian di djĕro manehanana. Satijap-tijap ngomongkeun bohong, eta omongna teh tĕgĕs ti dirina sorangan; karana manehanana nja pangbohongan, sarta bapa bohong teh. 45 Tatapi ari kami mah, pedah ngalahirkeun kajaktian teh, koe maraneh teu dipertjaja. 46 Saha di lĕbah maraneh anoe bisa noedoehkeun ka kami kadosaän kami? Sabalikna, ari kami ngalahirkeun kajaktian mah, naha maraneh koe naon teu pĕrtjaja ka kami? 47 Anoe ti Allah ngadengekeun pangandika Allah; nja kitoe noe matak maraneh teu ngadarenge, sabab maraneh teh lain ti Allah. 48 Ngawangsoel oerang Jahoedi teh, kijeu pokna: Ongkoh kaoela lain bĕnĕr nja ngaromongkeun, jen sampejan teh oerang Samaria, sarta kaäsoepan setan? 49 Ngawalon Jesoes: Kami teh lain kaäsoepan setan; samalah kami ngahormat ka Ama, ari maraneh mah ngahinakeun ka kami. 50 Tatapi ari kami mah hanteu nejangan kahormatan sorangan; aja noe mangnejangankeun sarta pimoetoeseun. 51 Satĕmĕn-tĕmĕnna, kami ngalahir ka maraneh: tijap-tijap djalma nĕtĕpkeun ka piwoeroek kami, eta moal pingarasaeun maot salalanggĕngna. 52 Seug oerang Jahoedi teh pada ngomong ka Jesoes: Ajeuna kaoela geus sidik pisan, jen sampejan kaäsoepan setan. Ari Ibrahim mah dongkap ka poepoes, kitoe deui para nabi; ari tjarek sampejan teh: Tijap-tijap djalma nĕtĕpkeun ka piwoeroek kami, eta moal pingarasaeun maot salalanggĕngna. 53 Naha sampejan teh i leuwih ti batan Ibrahim, karoehoen kaoela, noe geus dongkap ka poepoes? Kitoe deui para nabi geus darongkap ka poepoes. Sampejan teh ngadjadikeun diri sampejan naon? 54 Walonan Jesoes: Lamoen kami ngahormat sorangan, eta kahormatan kami teh tjoemah pisan; ari noe maparin kahormatan ka kami, nja Ama kami, anoe koe maraneh disarĕboet Allah maneh. 55 Maraneh teh hanteu njaho ka andjeunna; tatapi ari kami mah njaho ka andjeunna; saoepama kami njĕboet jen teu njaho ka andjeunna, tangtoe saroewa djeung maraneh, djadi pangbohongan; satĕgĕsna kami njaho ka andjeunna, sarta nĕtĕpkeun pangandikana. 56 Ari Ibrahim, karoehoen maraneh, soeka manahna sarta hojongeun ningali ka poëan kami; dĕmi koe andjeunna koengsi katingali, sarta boengaheun pisan. 57 Toeloej oerang Jahoedi ngomong ka Jesoes: Sampejan teh geuning tatjan oemoer lima poeloeh taoen; naha geus ningali ka Ibrahim? 58 Lahiran Jesoes ka darinja: Satĕmĕn-tĕmĕnna, kami ngalahir ka maraneh: samemehna aja Ibrahim, kami teh geus aja. 59 Geus kitoe pada njokot batoe, dek dibaledogkeun ka Jesoes. Dĕmi Jesoes teh njoempoet, ladjĕng ka loewar tina kabah, bari njĕla ka maranehanana; toeloej bae ngaliwat.

9:1 Ari mangsa Jesoes ngaliwat, ningali hidji djalma noe mĕrĕm bawa ngadjadi. 2 Toeloej moerid-moerid naros ka Jesoes, kijeu pioendjoekna: Noen Rabi! anoe mana geus migawe dosa, eta djalma atawa kolotna, noe matak manehanana mĕrĕm bawa ngadjadi? 3 Walonan Jesoes : Lain boga dosa manehanana sorangan, kolotua ge lain; ngan soepaja padamĕlan Allah diboektikeun ka dinja. 4 Kami teh koedoe milampah padamĕlan eta noe geus miwarang kami, meungpeung beurang keneh; ĕngke mah peuting, didinja euweuli noe bisa baranggawe. 5 Salilana kami aja di doenya, kami teh damar doenya. 6 Sanggeus ngalahirkeun kitoe, Jesoes ladjĕng ngaloedah kana taneuh; eta loedah dianggo ngadamĕl leutak, seug leutak teh dipopokkeun ka mata noe mĕrĕm teja, 7 bari ngalahir ka dinja: Geura bral, sibeungeut di pamandian Siloam (tĕgĕsna ari disalin basana: dipiwarang). Geus kitoe eta djalma bral leumpang, toeloej sibeungeut, ana datang deui geus nendjo. 8 Ari tatangga-tatanggana djeung sakoer noe geus narendjo ti tadina jen manehanana mĕrĕm, pok ngaromong: Naha lain eta noe dijoek bĕrmaen teja? 9 Tjĕk noe sedjen: Ĕnja geuning. Tjĕk noe sedjen deui: Eta mah sakaroepa bae djeung noe mĕrĕm. Ari tjĕk djinisna: Nja koela pisan. 10 Tidinja pada ngomong ka manehanana: Koemaha panon maneh noe matak datang ka beunta? 11 Ana ngadjawab, kijeu omongna: Aja djalma, djĕnĕnganana Jesoes, ngadamĕl leutak, ladjĕng mopokan ka mata koela, bari ngalahir ka koela: Geura bral leumpang ka pamandian Siloam, toeloej sibeungeut. Geus kitoe koela teh bral leumpang, heug sibeungeut, braj bae toeloej nendjo. 12 Tidinja ngaromong deui ka manehanana: Di mana eta teh? Ari djawabna: Doeka, ten njaho. 13 Geus kitoe koe djalma-djalma teh dibawa ka ahli-ahli parisi, nja eta noe tadina mĕrĕm teja. 14 Ari harita poë sabat, keur mangsa Jesoes ngadamĕl leutak, sarta ngabeuntakeun panonna. 15 Dĕmi ahli-ahli parisi ge nja kitoe deui pada mariksa ka manehanana, koemaha sababna mana bisa ngadeuleu. Ari pihatoerna ka darinja: Koe andjeunna panon koering diteundeunan leutak, toeloej koering teh sibeungeut, ajeuna mah nendjo. 16 Tidinja ahli parisi noe sawareh ngomong: Eta djalma lain piwarangan Allah, karana teu nĕtĕpkeun poë sabat. Tjarek noe sawareh deui: Naha djalma doraka karah bisa migawe tanda-tanda noe kitoe? Toeloej parĕboet omongan. 17 Geus kitoe ngaromong deui ka noe mĕrĕm teh: Tjik, maneh koemaha nja ngomongkeun eta djalma, pedah geus ngabeuntakeun panon maneh? Ari pihatoerna: Eta teh geus tangtos nabi. 18 Dĕmi oerang Jahoedi teh teu pĕrtjajaeun eta djalma jen tadina mĕrĕm, datang ka bisa nendjo, tĕpi ka njĕloekan kolot djalma noe datang ka bisa nendjo teja. 19 Toeloej pada mariksa ka darinja, kijeu omongna: Nja eta anak maraneh; noe disĕboetkeun koe maraneh jen mĕrĕm bawa ngadjadi teja? Koemaha noe matak ajeuna bisa ngadeuleu? 20 Ngawangsoel kolotna, kijeu pokna: Soemoehoen, koering sidik pisan, jen eta teh anak koering, kitoe deui mĕrĕmna bawa ngadjadi; 21 doepi ajeuna noe mawi bisa ngadenleu, eta mah koering teu tĕrang; kitoe deui anoe ngabeuntakeun panonna, koering teh teu tĕrang. Soemangga pariksa bae djinisna, da geus aja oemoerna; tinangtos njarijoskeun dirina koe maneh. 22 Ari eta kolotna noe matak ngomong kitoe, koe bawaning sarijeuneun koe oerang Jahoedi; karana oerang Jahoedi geus rĕrĕmpoegan djeung batoer-batoer, oepama aja noe ngakoekeun Kristoes ka Jesoes, dek ditoendoeng ti djĕro masigit. 23 Nja kitoe noe matak kolotna ngaromong: Geus aja oemoerna; soemangga pariksa bae ka djinisna. 24 Geus kitoe oerang Jahoedi kadoewa-kalina njĕloekan djalma noe tadina mĕrĕm teja, sarta ngaromong ka manehanana: Geura njanggakeun hormat ka Allah ; kami teh pada njaho, jen eta djalma doraka. 25 Ari wangsoelanana: Eta koering teu tĕrang doraka-hanteuna mah; kana hidji pĕrkara mah njaho, nja eta tadina koering mĕrĕm, ari dangĕt ajeuna nendjo. 26 Toeloej ngaromong deui ka dinja: Maneh teh dikoemahakeun koe eta djalma? Koemaha pĕtana ngabeuntakeunana panon maneh? 27 Wangsoelanana: Ongkoh koering ĕnggeus moepoelihan, ari koe aradjĕngan hanteu didangoekeun. Naha hojong ngadangoe sakali deui? Aradjĕngan teh naha hojong asoep djadi moeridna? 28 Seug pada njarekan ka eta djalma, ari omongna: Nja sija moeridna; ari kami mah moerid nabi Moesa. 29 Kami pada njaho, jen Allah geus ngandika ka Moesa; tatapi ari eta mah kami ten njaho ti mana asalna. 30 Ngawangsoel djalma teh, kijeu pihatoerna ka darinja: Eta pĕrkawis heran katjida, jen aradjĕngan teu oeninga ti mana asalna, malah geus ngabeuntakeun panon koering! 31 Oerang teh geus pada njaho, Allah moal ngamakboel ka noe doraka; nanging lamoen aja djalma noe ibadah, sarĕng ngestokeun ka pangĕrsakeunana, nja eta koe Allah dimakboel. 32 Saoemoer doenya tatjan aja noe ngadenge, jen aja noe ngabeuntakeun panon djalma noe mĕrĕm bawa ngadjadi. 33 Oepama eta teh lain piwarangan Allah mah, moal bisa midamĕl kitoe-kijeu. 34 Seug pada ngadjawab, kijeu omongna ka eta djalma: Sija teh keur didjoeroekeun woengkoel mawa dosa, ari sija teh naha dek mamatahan ka kami? Toeloej manehanana didjarongklokkeun. 35 Sanggeusing kitoe Jesoes ngadangoe warta, jen eta djalma didjongklokkeun. Mangsa kasondong, ladjĕng ngalahir ka dinja: Koemaha maneh teh pĕrtjaja ka Poetra Allah? 36 Ngawangsoel eta djalma, kijeu wangsoelanana: Noen Goesti! saha teja eta teh, soepaja simkoering pĕrtjaja ka andjeunna? 37 Lahiran Jesoes ka dinja: Ongkoh koe maneh geus katendjo; malah noe ajeuna keur sasaoeran djeung maneh, nja eta. 38 Ari oendjoekanana: Noen Groesti! simkoering teh pĕrtjaja pisan. Seug toeloej soedjoed ka Jesoes. 39 Ladjĕng Jesoes ngalahir: Kami teh noe matak datang ka doenya, keur ngahoekoem; soepaja sakoer noe teu nendjo sina djadi nendjo, kitoe deui noe nendjo sina djadi mĕrĕm. 40 Ari eta pilahir kadenge koe sawareh ahli parisi, noe keur ngadeuheusan; toeloej aroendjoekan: Ari kaoela koemaha mĕrĕm oge? 41 Lahiran Jesoes ka darinja: Oepama ĕnja mah maraneh mĕrĕm, moal boga dosa; dĕmi ajeuna tjĕk maraneh: Aing nendjo; noe matak djadi tĕtĕp dosa maraneh.

10:1 Satĕmĕn-tĕmĕnna, kami ngalahir ka maraneh: saha-saha noe asoep ka kandang domba lain ti pantona, asoepna teh naek ti ĕnggon noe sedjen, nja eta paling sarta toekang maehan. 2 Ari noe asoep tina panto mah, nja eta pangangon domba. 3 Eta dipangboekakeun koe toekang ngadjaga panto; ari domba teh ngadarengekeun kana sowarana, sarta njĕloekan dombana kana hidji-hidji ngaranna, bari dikĕntjarkeun. 4 Dĕmi geus ngĕntjarkeun dombana, toeloej leumpang ti heulaeunana, sarta domba teh naloetoerkeun, tina sabab hidĕng kana sowarana. 5 Ari ka noe sedjen mah moal daekeun noetoerkeun, anggoer laloempatan, koe tina teu-hidĕngna ka sowara noe sedjen-sedjen. 6 Eta misil koe Jesoes dilahirkeun ka djalma-djalma teja, tatapi ten ngahartieun kana pilarapeunana anoe dilahirkeun teh. 7 Geus kitoe Jesoes ngalahir deui ka darinja: Satĕmĕn-tĕmĕnna, kami ngalahir ka maraneh: Nja eta kami panto domba teh. 8 Sakabehna noe geus datang ti heulaeun kami, nja eta paling sarta toekang maehan; tatapi ari domba mah teu ngadarengeëun ka dinja. 9 Kami teh nja panto teja; lamoen aja noe asoep lantaran kami, eta tangtoe salamĕt; sarta bakal asoep-kaloewar, djeung pimanggiheun pangangonan. 10 Pangdatangna paling, taja deui ngan soepaja maling, djeung meuntjit, sarta ngaroeksak bae; ari pangdatang kami mah, soepaja mareunang hiroep sarta kadjĕmbaran. 11 Nja kami pangangon noe hade teh; ari pangangon noe hade teja nalangan pati ka domba-domba. 12 Tatapi noe boeboeroeh ngangon mah anoe lain pangangon, noe teu kalomaän koe domba-domba, beh nendjo kĕroed datang, seug ditinggalkeun domba teh bari loempat; geus kitoe kĕroedna ngarontok domba, sarta dipabalĕntjarkeun. 13 Ari noe boeboeroeh teh loempat, pedah boeboeroeh, teu boga kamĕlang ka eta domba-domba. 14 Nja kami pangangon noe hade teh, sarta njaho ka anoe kami, kitoe deui dikanjarahokeun koe anoe kami, 15 sapĕrti Rama oeningaeun ka kami, djeung kami nganjahokeun ka Rama. Sarta kami nalangan pati ka domba teh. 16 Kami boga deui domba noe sedjen, noe teu kaäsoep kana kandang ijeu; eta oge koe kami koedoe digiriugkeun deui, sarta bakal ngadareugekeun kana sowara kami; tidinja djadi sagoendoek, ari pangangonna hidji bae. 17 Kitoe noe matak Rama mikaäsih ka kami, sabab kami noenda pati, soepaja koe kami ditjokot deui. 18 Euweuh noe ngarĕboet pati kami teh; istoening ditoendana koe kami karĕp sorangan. Kami teh boga kawasa noenda eta pati, nja kitoe keneh boga kawasa njokotna deui. Kitoe timbalan, noe koe kami geus katampa ti Ama. 19 Tidinja oerang Jahoedi teh djadi parĕboet omongan deui koe tina pilahir teja. 20 Loba noe ngaromong: Eta djalma kaäsoepan setan, djeung sasar; naha maraneh ngadenge ka dinja? 21 Ari omongan noe sedjen: Eta mah lain kasaoeran noe kasoeroepan; naha ari setan karah bisa ngabeuntakeun panon noe mĕrĕm? 22 Dĕmi geus kitoe pesta ngomean kabah di Jĕroesalem; mangsa harita oesoem tiris. 23 Ari Jesoes angkat-angkatan di djĕro kabah, dina emper Soeleman. 24 Tidinja oerang Jahoedi padangalingkoeng ka Jesoes, sarta oendjoekan ka andjeunna kijeu: Sabaraha pililaeunana sampejan teh nja ngĕsĕlkeun pikir kaoela? Lamoen ĕnja sampejan Kristoes, gĕblaskeun bae ka kaoela! 25 Walonan Jesoes ka dinja: Ĕnggeus dilahirkeun koe kami ka maraneh, dĕmi maraneh teu pĕrtjaja. Ari padamĕlan, anoe dipilampah koe kami koe padjĕnĕngan Ama kami, nja eta noe djadi saksi kami. 26 Tatapi maraneh teu pĕrtjaja, sabab maraneh teu kaäsoep domba kami, sakoemaha noe geus dilahirkeun koe kami ka maraneh. 27 Ari domba kami ngadengekeun kana sowara kami, sarta kami njaho ka darinja, djeung pada anoet ka kami. 28 Sarta koe kami pada dibere hiroep noe langgĕng, djeung moal leungit salalanggĕngna; kitoe deui moal aja noe pingarĕboeteun eta domba tina leungeun kami. 29 Ari Ama kami, noe geus maparinkeun eta ka kami, langkoeng pisan ti batan sakabehna; sarta moal aja noe bisa ngarĕboet eta domba tina panangan Ama kami. 30 Ari kami reudjeung Ama nja hidji keneh. 31 Geus kitoe oerang Jahoedi teh njarokotan deui batoe, dek maledogan ka Jesoes. 32 Lahiran Jesoes ka darinja: Kami geus ngaboektikeun ka maraneh reja pisan padamĕlan Ama kami noe araheng; padamĕlan anoe mana teja noe matak maraneh maledogan ka kami? 33 Ngawangsoel oerang Jahoedi teh, kijeu pokna: Kaoela noe matak maledog ka sampejan, lain koe tina pagawean noe hade, ngan koe sabab ngagorengkeun ka Allah; kitoe deui sabab sampejan, sasama manoesa teh, ngadjadikeun maneh Allah. 34 Walonan Jesoes ka dinja: Lain geus dioengĕlkeun dina toret maraneh kijeu: Kami geus ngandika: Maraneh teh para allah? 35 Lamoen ngangarankeun para allah ka noe didaratangan pangandika Allah mah, sarta ari Kitab teu beunang dirobahkeun, 36 naha maraneh ngomong ka noe geus disoetjikeun koe Rama sarta dipiwarang ka doenya, jen: Sampejan ngagorengkeun ka Allah, pedah kami ngalahir, jen kami teh Poetra Allah? 37 Oepama kami teu milampah padamĕlan Ama kami, montong pĕrtjaja ka kami; 38 sabalikna, lamoen ĕnja koe kami dipilampah, ari maraneh teu pĕrtjaja ka kami mah, geura pĕrtjaja kana padamĕlanana; soepaja maraneh datang ka nganjahokeun djeung pĕrtjaja, jen Rama teh aja di djĕro kami, kitoe deui kami aja di djĕro Rama. 39 Tidinja pada nejangan deui djalan keur pinangkĕpeun ka Jesoes, tatapi Jesoes teh lesot tina leungeunna. 40 Geus kitoe angkat deui ka peuntaseun tji Jordan, ka ĕnggon oeroet Johannes asal ngabanjoean; ladjĕng linggih di dinja. 41 Sarta loba pisan noe ngadareuheusan, omongna: Ari Johannes mah teu midamĕl tanda; tatapi sakoer noe dilahirkeun koe Johannes tina pĕrkara Jesoes teja, eta kabeh saestoena. 42 Sarta loba pisan di dinja noe pĕrtjaja ka andjeunna.

11:1 Aja djalma noe teu damang, Lasaroes di Bet-Ania, nja eta desa Maria djeung saderekna Marta teja. 2 Ari Maria, nja eta noe ngalisahan ka Goesti koe minjak seungit, bari disoesoetan dampalna koe ramboetna teja; eta saderekna Lasaroes keur teu damang. 3 Geus kitoe noe doewa saderekna ngadjoeroengkeun ka Jesoes, ngoeninga: NoenGoesti! anoe dipikaäsih koe andjeun teja ajeuna keur gĕring. 4 Barang Jesoes ngadangoe kitoe, ladjĕng ngalahir: Eta kasakit moal matak maot; malah matak ngamoeljakeun ka Allah, soepaja Poetra Allah dimoeljakeun koe lantaran eta. 5 Dĕmi Jesoes asiheun ka Marta, djeung ka saderekna istri, sarta ka Lasaroes. 6 Sanggeusna kadangoe jen Lasaroes teu damang, Jesoes ladjĕng linggih keneh doewa poë di ĕnggon noe ditjalikan. 7 Ari geus kitoe, ladjĕng ngalahir ka moerid-moerid: Hajoe, oerang leumpang deui ka Joedea! 8 Pioendjoek moerid ka Jesoes: Noen Rabi! anjar keneh oerang Jahoedi dek maledog ka andjeun; naha andjeun rek angkat deui ka ditoe? 9 Walonan Jesoes: Di djĕro sapoë teh lain doewa wĕlas djam? Lamoen aja noe njaba ti beurang, moal solog-santog, sabab nendjo tjaäng doenya. 10 Tatapi lamoen aja noe njaba ti peuting mah, tangtoe solog-santog, sabab tjaäng teh teu aja di djĕro manehanana. 11 Nja kitoe pilahirna; ladjĕng ngalahir deui ka moerid- moerid : Lasaroes, sobat oerang, keur sare; tatapi kami rek indit, dek dihoedangkeun. 12 Ari pioendjoek moerid-moerid: Noen Goesti! oepantĕn sare mah, tinangtos bakal damang. 13 Tatapi Jesoes tadi ngalahirkeun maotna; ari panjana moerid-moerid, anoe dilahirkeun teh sare ĕnja. 14 Ladjĕng Jesoes ngalahir ka moerid sagĕblasna bae: Lasaroes geus maot; 15 sarta kami boengah tina sabab maraneh, pedah tadina kami hanteu aja di dinja, soepaja maraneh pĕrtjaja; ari ajeuna, hajoe oerang nejang. 16 Tidinja Tomas, noe katĕlah Didimoes, pok ngomong ka batoer-batoer moerid: Hajoe, oerang ge indit, soepaja oerang babarĕngan maot djeung Goesti. 17 Mangsa Jesoes soemping, eta kasondong ngalondjor dina koeboeran, geus opat poë lilana. 18 Dĕmi Bet-Ania teh deukeut ka Jĕroesalem, djaoehna antara lima wĕlas istadi. 19 Djeung reja pisan oerang Jahoedi anoe daratang ka Marta djeung ka Maria, sĕdja dek ngalilipoer pedah katinggal koe saderekna. 20 Geus kitoe Marta, barang ngareungeu Jesoes rek soemping, seug mapagkeun; tatapi Maria mah tonggoj bae tjalik di djĕro imah. 21 Tidinja Marta oendjoekan ka Jesoes: Noen Goesti! oepami andjeun tadina linggih di dijeu, doeloer simkoering moal waka maot. 22 Tatapi ajeuna ge simkoering nangtoskeun pisan, saniskantĕn anoe bade ditĕda koe andjeun ka Allah, tanwande koe Allah dipasihkeun ka andjeun. 23 Lahiran Jesoes ka Marta: Doeloer maneh teh bakal hoedang deui. 24 Ari pioendjoek Marta: Simkoering tĕrang pisan, jen bade hoedang dina kijamat, poë panganggeusan. 25 Lahiran Jesoes: Nja kami noe djadi kijamat djeung hiroep teh; saha-saha noe pĕrtjaja ka kami, tangtoe hiroep, sanadjan geus paeh oge. 26 Kitoe deui oenggal-oenggal djalma noe hiroep, sarta pĕrtjaja ka kami, moal paeh salalanggĕngna. Koemaha maneh pĕrtjaja eta teh? 27 Ari pioendjoekna ka Jesoes: Noen Goesti! soemoehoen, simkoering pĕrtjaja pisan, jen andjeun teh Kristoes, Poetra Allah, anoe bade soemping ka doenya teja. 28 Sanggeusing mioendjoek kitoe, toeloej leumpang, ngala Maria saderekna, sarta ririkipan, ari pokna: Goeroe teh geus aja di ditoe, maneh disaoer. 29 Dĕmi eta, barang ngareungeu, ngageuwat bae indit, ngadeuheusan ka Jesoes. 30 Ari Jesoes tatjan lĕbĕt ka desa teh, aja keneh dina ĕnggon Marta nĕpangan ka andjeunna teja. 31 Geus kitoe oerang Jahoedi, anoe reureudjeungan djeung Maria di djĕro imah, nja eta noe ngalilipoer teja, barang narendjo Maria ngageuwat indit ka loewar, toeloej pada noetoerkeun, bari ngaromong: Eta teh angkat ka astana, hajangeun nangis di dinja. 32 Barang dongkap Maria ka ĕnggon noe keur dilinggihan koe Jesoes, sarta katendjo andjeunna teh, toeloej brĕk mĕndĕk kana dampalna, bari oendjoekan : Noen Goesti ! oepami andjeun tadina linggih di dijeu, doeloer simkoering moal waka maot. 33 Dĕmi Jesoes, mangsa ningali Maria nangis, nja kitoe deui oerang Jahoedi anoe miloe daratang teja pada tjeurik, ladjĕng kalangkoeug nja hawatoseun di djĕro soekmana, sarta ngĕrik pisan manahna; 34 ari lahirna: Di mana diroewangna koe maraneh? Aii oendjoekanana: Noen Goesti! soemangga ka dijeu tingalian. 35 Ladjĕng Jesoes rambisak tji-sotjana. 36 Pok ngaromong oerang Jahoedi: Geura djareueung, aja sakitoe asiheunana ka dinja! 37 Ari noe sawareh ngaromong: Naha eta noe ngabeuntakeun panon noe mĕrĕm teja, karah ten bisaeun mapalangan paeh ka eta djalma? 38 Dĕmi Jesoes kahoedang deui hawatos di djĕro manahna, ladjĕng dongkap ka astana; ari astana teja goeha, sarta beunang noetoepan koe hidji batoe. 39 Ngalahir Jesoes: Eta batoe geura singkirkeun! Ari Marta, saderek noe maot teja, seug oendjoekan: Noen Goesti! ajeuna eta geus baoe, karana geus meunang opat poë lamina. 40 Lahiran Jesoes ka Marta: Naha kami lain geus ngalahir ka maneh, jen maneh lamoen përtjaja bakal nendjo kamoeljaän Allah? 41 Tidinja batoena koe djalma teh disingkirkeun tina ĕnggon noe maot teja. Geus kitoe Jesoes ningali ka loehoer, bari oendjoekan : Noen Ama! simkoering moedji soekoer, doemeh geus dikaboelkeun nja panĕda simkoering. 42 Sareng simkoering geus tĕrang, jen Ama hanteu loewang ngaboelkeun ka panĕda simkoering; nanging tina sabab djalma-djalma noe koempoel ngarijoeng, noe mawi simkoering geus mioendjoek kitoe, soepaja pada pĕrtjaja, jen Ama noe geus miwarang simkoering. 43 Sanggeusna ngoendjoekkeun kitoe, ladjĕng Jesoes ngalahir sarta bĕdas pisan gĕntrana, kijeu: Eh Lasaroes! geura ka loewar. 44 Toeloej noe maot teh ka loewar, ari leungeun djeung soekoena dibeungkeut keneh koe boëh majit, sarta rarajna beunang moengkoes keneh koe salĕmpaj. Ngalahir Jesoes ka djalma-djalma teja: Geura laänan, soepaja bisa leumpang! 45 Tidinja loba pisan tina lĕbah oerang Jahoedi, anoe geus daratang ka Maria tell, sarta narendjo ka noe didamĕl koe Jesoes teja, toeloej pĕrtjaja ka andjeunna. 46 Tatapi noe sawareh deui mah laleumpang ka ahli parisi, toeloej mopojankeun noe didamĕl koe Jesoes teja. 47 Geus kitoe para panghoeloe agoeng djeung ahli-ahli parisi ngoempoelkeun rad; geus koempoel, kijeu salaoerna: Koemaha oerang nja pipĕtaeunana? karana eta djalma teh reja migawena tanda. 48 Lamoen koe oerang diantĕp kitoe, tangtoe sakabehna ge pĕrtjaja ka dinja; geus kitoe oerang Roem bakal daratang sarta ngarĕboet nagara djeung bangsa oerang. 49 Aja hidji djalma, rad keneh, ngaranna Kajapas, dina taoen harita djĕnĕng panghoeloe agoeng, pok mihatoer ka papada rad: Sampejan teh teu aroeninga naon-naon; 50 sarta teu ngelingkeun, leuwih hade ka diri oerang, paeh djalma sahidji ngagantian bangsa, ti batan tjilaka sabangsa kabeh mah. 51 Pangmihatoerna sakitoe Kajapas teh, lain pahamna sorangan; ari dina taoen harita eta djĕnĕng panghoeloe agoeng, noe matak ngawĕdjangkeun, jen Jesoes bakal maot ngagantian ka bangsa; 52 sarta lain woengkoel ka eta bangsa bae, malah-malah soepaja poetra Allah anoe pabalĕntjar koe andjeunna dikoempoelkeun djadi hidji. 53 Tina poë harita eta rërëmpoegan djeung batoer-batoer, dek maehan ka Jesoes. 54 Tidinja Jesoes hanteu angkat-angkatan deui katara di pĕlĕbah oerang Jahoedi; ladjĕng bae djĕngkar ti dinja ka tanah noe deukeut ka tĕgal lĕga, ka nagara noe ngaran Epraim; toeloej linggih di dinja reudjeung moerid-moeridna. 55 Ari paska oerang Jahoedi geus deukeut, sarta loba djalma ti tanah eta noe laleumpang ka Jĕroesalem, samemehna paska, sĕdja dek ngabĕrĕsihan dirina. 56 Geus kitoe pada nejangan Jesoes, sarta ngaromong djeung batoer-batoerna, keur narangtoeng di kabah, kijeu pokna: Koemaha ari pamikir, eta teh moal pidatangeun kana pesta? 57 Dĕmi para panghoeloe agoeng djeung ahli-ahli parisi geus marentahkeun, oepama aja noe njaho ka ĕnggon Jesoes, eta koedoe ngoeninga, soepaja beunang ditangkĕp.

12:1 Kari gĕnĕp poë deui ka paska teh, Jesoes soemping ka Bet-Ania; di dinja aja Lasaroes, noe geus maot, anoe dihoedangkeun koe Jesoes tina paehna teja. 2 Dĕmi di dinja aja noe hadjat ti peuting, ngahormatan ka Jesoes; Marta noe ngalalajanan, ari Lasaroes miloe djeung noe ngarijoeng sarĕng Jesoes. 3 Geus kitoe Maria njandak sapon minjak nardoes noe toelen, sarta gĕde pisan hargana; seug ngaminjakan ka dampal Jesoes, bari disoesoetan dampalma koe ramboetna; dĕmi eta imah mabĕk koe seungitna minjak teja. 4 Toeloej ngomong hidji moeridna, nja eta Joedas anak Simon, Iskariot teja, anoe bakal ngahijanat ka Jesoes: 5 Koe naon eta minjak teu didjoewal harga tiloe ratoes dinar, seug toeloej disidĕkahkeun ka noe marariskin? 6 Pangomongna kitoe, lain sabab karoenjaeun ka noe marariskin; ngan sabab manehanana toekang maling, sarta mamawa kantong, djeung ngampihan anoe dibaktikeun. 7 Ari lahiran Jesoes: Ingkeun, oelah diopenan; eta beunang ngampihan manehanana keur poëan kami diroewang. 8 Karana noe mariskin teh salalawasna aja reudjeung maraneh; tatapi ari koe kami mah maraneh moal direudjeungan salawasna. 9 Geus kitoe katangen koe oerang Jahoedi loba katjida, jen Jesoes keur linggih di dinja; toeloej daratang, lain tina sabab Jesoes woengkoel, bari hajangeun narendjo ka Lasaroes, anoe dihoedangkeun koe Jesoes tina maotna teja. 10 Dĕmi para panghoeloe agoeng rĕrĕmpoegan, dek maehan ka Lasaroes ongkoh. 11 Karana tina sabab Lasaroes reja pisan oerang Jahoedi anoe nejang, sarta toeloej pĕrtjaja ka Jesoes. 12 Ari isoekna loba pisan djalma noe geus daratang kana eta pesta, mangsa ngadarenge Jesoes rek soemping ka Jĕroesalem, 13 toeloej ngabarĕtot palapah- palapah korma, geus kitoe boedal marapagkeun ka Jesoes, sarta pada soerak: Hosanna! Sing salamĕt anoe soemping koe padjĕnĕngan Pangeran, Radja Israil! 14 Ladjĕng Jesoes mĕndakan hidji kalde ngora, seug dititihan; sakoemaha noe geus dioengĕlkeun dina Kitab kijeu: 15 Maneh oelah sijeun-sijeun, eh anak Sion! masing njaho, Radja maneh rek datang, toenggang anak kalde bikang. 16 Ari eta dina mimitina ten kahartieun koe moerid- moeridna; tatapi mangsa Jesoes geus dimoeljakeun, didinja ras aringĕteun, jen geus disĕratkeun hal andjeunna kitoe, sarta djalma geus marilampahkeun ka andjeunna anoe kitoe pĕtana. 17 Dĕmi djalma-djalma noe ngadjadjapkeun Jesoes pada njaksian, jen andjeunna geus njaoer Lasaroes ka loewar ti djĕro astana, sarta dihoedangkeun tina maotna. 18 Noe matak djalma-djalma teh marapagkeun ge, sabab ngadarenge jen andjeunna midamĕl eta tanda teja. 19 Tidinja ahli parisi ngaromong djeung batoer- batoerna: Na katingali koe sarampejan, jen pimaksoedeun sarampejan teu aja pisan ladjoena? Toeh geuning, sadoenya kabeh pada noetoerkeun ka eta teh. 20 Dĕmi di pĕlĕbah djalma noe daratang dek sĕmbahijang dina pesta teja, aja oerang Joenani. 21 Eta teh toeloej njalampeurkeun ka Pilipoes, anoe asal ti Bet-Saida bilangan Galilea, sarta bari nĕnĕda, kijeu pihatoerna: Noen djoeragan! simkoering hajang pisan narendjo ka Jesoes. 22 Tidinja Pilipoes indit, seug poepoelih ka Andreas; ari koe Andreas reudjeung Pilipoes dioendjoekkeun ka Jesoes. 23 Dĕmi Jesoes ngawalon ka dinja, kijeu lahirna: Geus tĕpi ka waktoena, jen Poetra manoesa teh dimoeljakeun. 24 Satĕmĕn-tĕmĕnna, kami ngalahir ka maraneh: Oepama siki tarigoe hanteu ragrag dina taneuh sarta teu paeh, tanwande tĕtĕp bae sahidji; tatapi lamoen paeh mah, boewahan loba pisan. 25 Saha-saha noe njaäh ka njawana, bakal kaleungitan koe njawana; kitoe deui saha-saha noe iklas ka njawana di ijeu doenya, eta noe bakal nĕtĕpkeun njawana tĕpi kana hiroep noe langgĕng. 26 Lamoen aja noe dek ngawoela ka kami, eta koedoe anoet ka kami; sarta di mana kami nja aja, abdi kami ge nja di dinja piajaeunana. Djeung deui lamoen aja noe ngawoela ka kami, tangtoe dihormat koe Rama. 27 Ajeuna hate kami ngaIĕpĕr; djeung koemaha kami nja oendjoekan? Noen Ama! moegi simkoering dileupaskeun ti djĕro waktoe ijeu. Nanging nja eta sababna noe matak simkoering geus datang ka djĕro waktoe ijeu. 28 Noen Ama! moegi ngamoeljakeun padjĕnĕngan Ama. Geus kitoe aja gĕntra ti langit, kijeu: Koe kami ĕnggeus dimoeljakeun teh, sarta koe kami rek dimoeljakeun deui! 29 Dĕmi djalma-djalma noe nangtoeng di dinja sarta ngadenge, toeloej ngaromong jen aja goeloedoeg. Tjĕk sawareh deui: Aja malaikat ngalahir ka andjeunna. 30 Ngalahir Jesoes, kijeu lahirna: Lain tina sabab kami pangajana gĕntra teh, ngan sabab maraueh. 31 Ajeuna hoekoeman teh ditĕrapkeunana ka ijeu doenya; kapala ijeu doenya ajeuna bakal didjongklokkeun ka loewar. 32 Djeung deui samangsa kami geus dika-loehoerkeun ti boemi, koe kami bakal ditarik sakabehna ka kami. 33 Ngalahirkeunana kitoe teh, nawiskeun pĕtana maot, anoe bakal kasorang koe andjeunna. 34 Ngawangsoel djalma- djalma teh ka Jesoes: Simkoering geus ngaroeping tina toret, jen Kristoes teh tĕtĕp salalanggĕngna; na andjeun koemaha ngalahir, jen: Poetra manoesa teh koedoe dika-loehoerkeun? 35 Saha teja eta Poetra manoesa teh? Laliiran Jesoes ka eta djalma: Sakeudeung deui waktoe tjaäng teh aja di maraneh; geura leumpang meungpeung maraneh boga keneh tjaäng teja, soepaja oelah kaboeroe koe poëk. Ari noe leumpang di noe poëk mah, moal njahoëun noe didjoegdjoeg. 36 Meungpeung maraneh boga keneh tjaäng teja, geura pĕrtjaja kana eta tjaäng, soepaja maraneh djadi anak tjaäng. Nja kitoe pilahir Jesoes; ladjĕng angkat, njoempoet ti eta djalma-djalma. 37 Sanadjan Jesoes midamĕl tanda sakitoe rejana ge di hareupeun maranehanana, teu pĕrtjajaeun bae ka andjeunna; 38 soepaja kalaksanakeun pilahir nabi Jĕsaja, noe geus dilahirkeun kijeu: Ĕh, Pangeran! saha noe geus pĕrtjaja ka pangoewaran simkoering sadaja? sarĕng ka saha geus boekti panangan Pangeran? 39 Nja kitoe sababna noe matak teu barisaeun pĕrtjaja, pedah Jĕsaja geus ngalahir deui: 40 Koe andjeunna panon maranehanana geus dilolongkeun, sarta hatena ditareuaskeun; soepaja oelah narendjo koe panon, djeung oelah ngaharti koe hate, djeung oelah tarobat, sarta oelah ditjageurkeun koe kami. 41 Noe bijeu teh koe Jĕsaja dilahirkeun keur mangsa ningali kamoeljaän andjeunna, sarta ngalahirkeun salira andjeunna. 42 Sangkilang kitoe, tina pĕlĕbah para kapala ge reja pisan noe pĕrtjajaeun ka Jesoes; tatapi teu ngarakoekeun, bawaning sijeun koe ahli parisi, soepaja oelah ditoendoeng ti djĕro masigit. 43 Karana barogoheun kana kahormatan ti djalma, ti batan kana kahormatan ti Allah. 44 Ari Jesoes ngalahir sarta bĕdas, kijeu lahirna: Saha-saha noe pĕrtjaja ka kami, lain pĕrtjaja ka kami, ĕnjana mah ka noe miwarang kami. 45 Sarta noe nendjo ka kami, nja nendjo ka noe miwarang kami. 46 Kami teh nja damar, geus datang ka doenya, soepaja oenggal-oenggal djalma noe pĕrtjaja ka kami, oelah tjitjing di noe poëk. 47 Djeung deui lamoen aja djalma ngadenge ka pilahir kami, tatapi teu dipĕrtjaja, eta koe kami moal dihoekoeman; karana kami noe matak datang, lain dek ngahoekoeman doenya, ngan soepaja doenya koe kami disala- mĕtkeun. 48 Saha-saha noe nampik ka kami, djeung teu narima ka pilahir kami, aja noe ngahoekoeman inja; ari pilahir, anoe geus dilahirkeun koe kami, nja eta noe bakal ngahoekoeman ka dinja dina poë panganggeusan. 49 Karana kami ngalahir teja lain karĕp sorangan; ari Rama, noe miwarang kami, geus maparin timbalan ka kami, hal noe koedoe dipilahir, sarta hal noe koedoe diwoeroekkeun. 50 Sarta kami njaho, ari timbalan andjeunna teh nja eta hiroep noe langgĕng. Koe sabab eta, anoe dipilahir koe kami, nja eta koe kami dilahirkeun sakoemaha noe koe Rama geus diandikakeun ka kami.

13:1 Dĕmi samemeh pesta paska, doemeh Jesoes waspaoseun ajeuna geus dongkap ka waktoena bakal ngalih ti ijeu doenya ka Rama, sakoemaha andjeunna geus mikaäsih ka djalma kagoenganana, noe araja di doenya, nja kitoe dipikaäsihna dongkap ka toetoegna. 2 Mangsa keur dalahar, (sanggeus Iblis kana hate Joedas anak Simon, Iskariot teja, ngasoepkeun pikir sina ngahijanat ka Jesoes,) 3 doemeh Jesoes oeningaeun, jen Rama geus mapariukeun saniskara ka pananganana, kitoe deui jen andjeunna ka loewar ti Allah, sarta rek moelih ka Allah: 4 noenda dahar, ladjĕng ngadĕg, sarta tjoetjoel-tjoetjoel panganggona; tidinja njandak lawon bodas, dianggo beulitan. 5 Geus kitoe njitjikeun tjai kana bokor, ladjĕng ngamimitian ugoembah soekoe moerid-moerid, bari disoesoetan koe lawon bodas, noe dianggo beulitan teja. 6 Tidinja dongkap ka Simon Petroes. Ari eta seug oendjoekan ka Jesoes: Noen Goesti! koemaha andjeun rek ngoembah soekoe simkoering? 7 Ngawalon Jesoes, kijeu lahirna ka Petroes: Anoe dipilampah koe kami, eta maneh ajeuna moal njaho; tatapi mĕngke ka hareup mah koe maneh tangtoe kaharti. 8 Ari pioendjoek Petroes: Salalawasna ge koe simkoering moal dirĕmpagan andjeun ngoembah soekoe simkoering. Walonan Jesoes ka dinja: Lamoen maneh koe kami teu dikoembah, moal kadoeoeman kami. 9 Pioendjoek Simon Petroes ka Jesoes: Noen Goesti! oelah soekoe woengkoel, leungeun djeung sirah koedoe oge. 10 Lahiran Jesoes ka dinja: Ari noe geus dimandian mah, teu koedoe-koedoe deui ngan soepaja dikoembah soekoe bae, da geus bĕrĕsih kabeh. Maraneh teh geus bĕrĕsih, tatapi teu sarereja. 11 Karana Jesoes langkoeng oeninga ka noe bakal ngahijanat ka salira andjeunna; nja kitoe noe matak ngalahir: Maraneh teu bĕrĕsih sarereja. 12 Ari geus parantos ngoembah soekoe moerid-moerid, sarta geus dianggo deui panganggona, ladjĕng tjalik, sarta ngalahir ka moerid: Koemaha, koe maraneh kaharti anoe bijeu koe kami dipilampah ka maraneh? 13 Ari maraneh njarĕboetkeun ka kami Goeroe djeung Goesti; eta bĕnĕr pangnjĕboetkeun maraneh kitoe teh, karana kami nja eta. 14 Ari kami, anoe djadi Goesti sarta Goeroe, geus ngoembah soekoe maraneh, nja kitoe deui maraneh koedoe silih-koembah soekoe djeung batoer-batoer. 15 Karana kami geus mere toeladan ka maraneh, soepaja maraneh ge pada migawe sakoemaha noe koe kami geus dipilampah ka maraneh. 16 Satĕmĕn-tĕmĕnna, kami ngalahir ka maraneh: ari noe djadi boedjang, moal leuwih ti djoeraganana; kitoe deui piwarangan moal leuwih ti noe miwarang. 17 Lamoen eta pĕrkara geus dikanjahokeun koe maraneh, nja salamĕt maraneh lamoen dipilampah. 18 Kami lain ngalahirkeun maraneh sakabeh; kami njaho mana noe geus dipilih koe kami ; ari eta noe matak kitoe soepaja kalaksanakeun Kitab noe kijeu teja: Noe sok dadaharan roti koering, ajeuna geus ngagagkeun soekoe ka koering. 19 Ti mangsa ajeuna koe kami dilahirkeun ka maraneh, samemeh boekti, soepaja maraneh mangsa geus boekti pada pĕrtjaja, jen kami nja eta teja. 20 Satĕmĕn-tĕmĕnna, kami ngalahir ka maraneh: lamoen aja noe dititah koe kami, saha-saha noe narima eta, nja eta narima ka kami; ari noe narima ka kami, nja eta narima ka noe geus miwarang kami. 21 Ari Jesoes geus ngalahirkeun kitoe, ladjĕng ngalĕngis di djĕro soekmana, sarta ngajaktoskeun, kijeu lahirna: Satĕmĕn- tĕmĕnna, kami ngalahir ka maraneh: aja hidji djalma batoer maraneh bakal ngahijanat ka kami. 22 Tidinja moerid silih-tendjo, sarta pada mangmang mana noe dilahirkeun teh. 23 Aja hidji moeridna, noe dipikaäsih koe Jesoes, dijoekna deukeut pangkon Jesoes. 24 Eta teh seug dikitjeupan koe Simon Petroes, soepaja naroskeun mana teja noe dilahirkeun teh. 25 Toeloej eta ngalendehan kana dada Jesoes, sarta oendjoekan: Noen Goesti! noe mana teja? 26 Ari walonan Jesoes: Mana-mana noe koe kami rek dipangnjotjolkeun sahoewapeun, sarta disodoran sakali, nja eta. Dĕmi geus ditjotjolkeun noe sahoewapeun teh, ladjĕng disodorkeun ka Joedas anak Simon, Iskariot teja. 27 Sanggeusna noe sahoewapeun teja disodorkeun, seug Setan teh njoeroep ka Joedas. Geus kitoe Jesoes ngalahir ka dinja: Anoe dek dipigawe koe maneh teja, geuwat-geuwat lampahkeun. 28 Ari noe ngarijoeng euweuh noe ngahartieun sababna noe matak Joedas dilahiran kitoe. 29 Panjanana noe sawareh, Joedas teh pedah mamawa kantong, dipiwarang koe Jesoes: Geura barangbeuli anoe koedoe dipake koe oerang dina pesta; atawa dipiwarang njidĕkahkeun naon-naon ka noe mariskin. 30 Sanggeusna noe sahoewapeun teja koe manehanana ditampanan, ngageuwat bae indit ka loewar. Harita teh ti peuting. 31 Ari geus ka loewar Joedas teh, ladjĕng Jesoes ngalahir: Ajeuna mah Poetra manoesa teh geus dimoeljakeun, sarta Allah geus dimoeljakeun di djĕro Poetra manoesa. 32 Lamoen Allah geus dimoeljakeun di djĕro Poetra manoesa, Allah ge ka eta tangtoe ngamoeljakeun deui di djĕro salira andjeunna, sarta tereh pisaii dimoeljakeunana. 33 Eh, baroedak! ngan sakeudeung deui kami aja di maraneh teh. Maraneh bakal narejangan kami, sarta sakoemaha noe koe kami dilahirkeun ka oerang Jahoedi kijeu teja: Ka ĕnggon noe rek didjoegdjoeg koe kami, maraneh moal bisa daratang: nja kitoe kami ajeuna ngalahir deui ka maraneh. 31 Kami mere ka maraneh hidji parentah noe anjar, nja eta koedoe silih-pikanjaäh; sapĕrti kami geus mikanjaähka maraneh, soepaja maraneh oge silih-pikanjaäh. 35 Tina lantaran eta bakal njarahoëun sakabeh, jen maraneh teh moerid kami, nja eta lamoen maraneh silihpikanjaäh djeung batoer-batoer. 36 Pok Simon Petroes oendjoekan ka Jesoes: Noen Goesti! andjeun teh bade angkat ka mana? Ari walonan Jesoes ka Petroes: Ka ĕnggon noe rek didjoegdjoeg koe kami, maneh ajeuna moal bisa ngiring, tatapi mĕngke ka hareup mah tangtoe ngiring ka kami. 37 Pioendjoek Petroes ka Jesoes: Noen Goesti! koemaha noe mawi simkoering ajeuna teu kenging ngiring ka andjeun? Simkoering teh soemĕdja nalangan pati ka an- 38 djeun. Ari walonan Jesoes ka dinja: Koetan maneh dek nalangan pati ka kami? Satĕmĕn-tĕmĕnna, kami ngalahir ka maneh: hajam moal waka kongkorongok, samemeh maneh nganglĕs ka kami tiloe kali.

14:1 Hate maraneh oelah kalĕlĕban; maraneh pĕrtjaja ka Allah, sing pĕrtjaja deui ka kami. 2 Dina gĕdong Ama kami reja pisan pangkeng; lamoen teu kitoe, geus tangtoe maraneh dibedjaän koe kami. Kami dek ijang, njadijakeun ĕnggon keur maraneh. 3 Mangsa kami geus ijang, sarta geus njadijakeun ĕnggon keur maraneh, kami tangtoe datang deui ngala maraneh; soepaja maraneh ge aja di ĕnggon noe diajaän koe kami. 4 Djeung deui ĕnggon noe rek didjoegdjoeg koe kami, eta maraneh geus njaho, sarta djalanna maraneh geus njaho. 5 Pok Tomas mioendjoek ka Jesoes: Noen Goesti! simkoering sadaja teu tĕrang ka ĕnggon noe rek diboedjĕng koe Goesti; sarĕng koemaha simkoering teh pibisaeun tĕrang kana djalanna? 6 Ari lahiran Jesoes ka dinja: Nja kami noe djadi djalan, djeung kajaktian, sarta hiroep. Moal aja noe datang ka Rama, ngan koedoe lantaran ti kami. 7 Tijap-tijap maraneh geus njaho ka kami, tangtoe geus njaho deui ka Ama kami; ti watĕs ajeuna maraneh njaho ka andjeunna, sarta geus narendjo ka andjeunna. 8 Pok Pilipoes mioendjoek ka Jesoes: Noen Goesti! moegi tingalikeun Rama teh ka simkoering sadaja; oepantĕn kitoe mah simkoering tjĕkap. 9 Ari lahiran Jesoes ka dinja: Eh Pilipoes! sakitoe lilana kami babarĕngan djeung maraneh, naha maneh tatjan njaho ka kami? Saha-saha noe nendjo ka kami, nja eta nendjo ka Rama; naha tjĕk maneh: tingalikeun Rama teh ka simkoering sadaja? 10 Koemaha maneh teu pĕrtjaja, jen kami teh aja di djĕro Rama, kitoe deui Rama aja di djĕro kami? Ari piwoeroek, anoe koe kami diwoeroekkeun ka maraneh, pangdiwoeroekkeunana teh koe kami lain karĕp sorangan; satĕgĕsna Rama, noe linggih di djĕro kami, nja eta noe midamĕl sakabehna padamĕlan. 11 Masing pĕrtjaja ka kami, jen kami teh aja di djĕro Rama, kitoe deui Rama aja di djĕro kami; oepama tianteu, koedoe pĕrtjaja tina sabab padamĕlanana. 12 Satĕmĕn- tĕmĕnna, kami ngalahir ka maraneh: saha-saha noe pĕrtjaja ka kami, padamĕlan anoe sok dipilampah koe kami, koe eta tangtoe dipigawe deui; sarta bakal migawe anoe leuwih ti batan eta; karana kami dek ngadeuheus ka Rama. 13 Naon bae anoe koe maraneh dek disoehoenkeun koe djĕnĕngan kami, eta koe kami tangtoe didjadikeun, soepaja Rama dimoeljakeun di djĕro Poetra. 14 Oepama aja noe koe maraneh disoehoenkeun koe djĕnĕngan kami, eta koe kami tangtoe didjadikeun. 15 Lamoen ĕnja maraneh njaäh ka kami, koedoe nĕtĕpkeun ka parentah kami. 16 Sarta kami dek njoehoenkeun ka Rama, tidinja maraneh tangtoe dipaparin Panglipoer noe sedjen deui, soepaja eta teh tĕtĕp di maraneh salalanggĕngna; 17 tĕgĕsna Roh kajaktian, noe ten beunang ditarima koe doenya, sabab koe doenya teh teu katendjoëun djeung teu kanjahoan. Ari maraneh mah njaraho ka eta, karana tĕtĕp linggihna di maraneh, sarta bakal aja di djĕro maraneh. 18 Maraneh moal diantĕp pahatoe koe kami, da kami datang deui ka maraneh. 19 Sakeudeung deui doenya teh moal nendjo ka kami; ari maraneh mah bakal narendjo ka kami, sabab kami teh hiroep, kitoe deui maraneh bakal hiroep. 20 Dina poë harita maraneh tangtoe nganjahokeun, jen kami aja di djĕro Ama, ari maraneh aja di djĕro kami, kitoe deui kami aja di djĕro maraneh. 21 Saha-saha noe ngabogaän parentah kami sarta ditĕtĕpkeun, nja eta noe njaäh ka kami; ari noe njaäh ka kami, bakal dipikaäsih deui koe Ama kami, kitoe deui kami bakal mikanjaäh ka dinja, sarta bakal ngebrehkeun diri kami ka dinja. 22 Ari Joedas; tapi lain Iskariot teja, seug mioendjoek ka Jesoes: Noen Goesti! koemaha noe mawi Goesti kĕrsa ngebrehkeun salira andjeun ka simkoering sadaja, lain ka doenya? 23 Ngawalon Jesoes, kijeu lahirna ka Joedas: Oepama aja djalma njaäh ka kami, tangtoe nĕtĕpkeun ka piwoeroek kami, sarta koe Ama bakal dipikaasih; ari kami djeung Ama bakal saroemping ka noe kitoe teh, toeloej linggih di manehanana. 24 Noe teu njaäh ka kami, moal nĕtĕpkeun ka piwoeroek kami; ari piwoeroek noe kadenge koe maraneh, lain anoe kami pribadi, satĕgĕsna kagoengan Rama, noe miwarang.kami teja. 25 Eta pĕrkara koe kami gens dilahirkeun ka maraneh teh meungpeung reureudjeungan. 26 Tatapi ari Panglipoer teja mah, nja eta Roh Soetji, anoe koe Rama rek dipiwarang koe djĕnĕngan kami, eta teh bakal ngawoeroekkeun saniskara ka maraneh, sarta bakal ngingĕtkeun ka maraneh sakoer-sakoer noe koe kami geus dilahirkeun ka maraneh. 27 Kami ninggalan kasĕnangan ka maraneh; kasĕnangan kami teh koe kami dibikeun ka maraneh; ari kami mah mere teh ka maraneh lain sapĕrti merena doenya. Hate maraneh oelah kalĕlĕban, djeung oelah geder. 28 Koe maraneh kadenge pilahir kami ka maraneh anoe kijeu teja: kami rek ijang, sarta datang deui ka maraneh. Oepama ĕnja maraneh teh njaäh ka kami, tangtoe pada boengah, pedah kami ngalahir, jen kami rek ngadeuheus ka Rama; karana Ama teh leuwih ti batan kami. 29 Ajeuna eta koe kami geus dilahirkeun ka maraneh, samemeh boekti, soepaja maraneh mangsa geus boekti pada pĕrtjaja. 30 Kami teh moal loba deui sasaoeran djeung maraneh; karana kapala ijeu doenya rek datang, dĕmi ka kami euweuh pimilikeunana. 31 Tatapi soepaja doenya teh njahoëun jen kami njaäh ka Rama, sarta ngalampahkeun sakoemaha noe koe Rama geus ditimbalkeun ka kami: geura narangtoeng, hajoe oerang indit ti dijeu!

15:1 Ijeu kami teh tangkal auggoer noe saestoe, ari Ama kami pangĕbonanana. 2 Oenggal-oenggal dahan kami anoe hanteu boewahan, koe Ama dieuweuhkeun; dĕmi oenggal-oenggal noe boewahan mah dibĕrĕsihan koe Ama, sina tambah boewahanana. 3 Ari maraneh ajeuna mah geus bĕrĕsih, tina sabab pilahir, anoe koe kami dilahirkeun ka maraneh teja. 4 Masing pada tĕtĕp di djĕro kami, djeung kami di djĕro maraneh. Sapĕrti dahau ten bisaeun boewahan koe maneh, ari ten tĕtĕp dina tangkalna anggoer mah, nja kitoe deni maraneh, ari teu tĕtĕp di djĕro kami. 5 Kami teja tangkal anggoer teh, ari maraneh dahandahanna. Saha-saha noe tĕtĕp di djĕro kami, djeung kami di djĕro manehanana, eta taugtoe leubeut boewahanana; karana lamoen teu djeung kami mah, maraneh moal bisa migawe naon-naon. 6 Oepama aja noe teu tĕtĕp di djĕro kami, eta mah dipitjeunan ka loewar, sapĕrti dahan, sarta datang ka garing; dĕmi geus kitoe dikoempoelkeun, toeloej dialoengkeun kaua seuneu, seug didoeroek. 7 Lamoen maraneh tĕtĕp di djĕro kami, kitoe deui piwoeroek kami tĕtĕp di djĕro maraneh, naon bae kahajang maraneh soehoenkeun, tanwande dikaboel. 8 Eta matak ngamoeljakeun ka Ama kami, lamoen maraneh baroewahan leubeut; sarta bakal djaradi moerid kami. 9 Sapĕrti Rama geus mikaäsih ka kami, nja kitoe deui kami geus mikanjaäh ka maraneh; masing pada tĕtĕp dina kanjaähan kami! 10 Lamoen maraneh ngestoekeun parentah kami, tangtoe tĕtĕp dina kanjaähan kami, sapĕrti kami geus ngestoekeun timbalan Ama, sarta tĕtĕp dina kaäsihanana. 11 Eta pĕrkara koe kami geus dilahirkeun ka maraneh, soepaja kaboengahan kami tĕtĕp di maraneh, kitoe deui kaboengahan maraneh masing datang ka toetoegna. 12 Nja ijeu parentah kami, maraneh teh koedoe silih-pikanjaäh, saperti kami geus mikanjaah ka maraneh. 13 Euweuh deui noe katjida njaähna, ti batan djalma noe datang ka nalangan pati ka sobat-sobatna. 14 Maraneh teh djadi sobat kami, lamoen milampah noe koe kami diparentahkeun ka maraneh. 15 Maraneh koe kami moal disarĕboet deui boedjang; karana ari boedjang mah teu njahoëun ka noe didamĕl koe djoeraganana; ari satĕgĕsna maraneh teh koe kaiui disarĕboet sobat, karana saniskara noe koe kami kadenge ti Ama, nja eta koe kami geus dibedjakeun ka maraneh. 16 Lain maraneh anoe milih kami, nja kami anoe milih maraneh, sarta koe kami geus dipastikeun soepaja laleumpang djeung baroewahan, sarta soepaja tĕtĕp boewah maraneh; sangkan maraneh koe Rama dipasihan naon bae anoe disoehoenkeun koe maraneh koe djĕnĕngan kami. 17 Nja eta koe kami diparentahkeun ka ma- raneh, soepaja silih-pikanjaäh. 18 Oepama doenya geuleuheun ka maraneh, koedoe masing njaho maraneh teh, eta geus geuleuh ka kami ti heula, samemeh ka maraneh. 19 Saoepama maraneh kaäsoep ka doenya, geus tangtoe doenya teh njaäheun kana milikna; dĕmi tina sabab maraneh teu kaäsoep ka doenya, sarta koe kami geus dipilih ti doenya, kitoe noe matak doenya geuleuheun ka maraneh. 20 Masing aringĕt ka pilahir, anoe koe kami dilahirkeun ka maraneh teja: ari noe djadi boedjang, moal leuwih ti djoeraganana. Tijap-tijap geus nganijaja ka kami, tangtoe nganijaja ka maraneh deui; tijap-tijap geus ngestoekeun piwoeroek kami, tangtoe ngestoekeun ka piwoeroek maraneh deui. 21 Ari eta sakabeh pĕrkara bakal dipigawe koe eta teja ka maraneh, tina sabab djĕnĕngan kami, pedah teu njarahoëun ka noe geus mi- warang kami. 22 Saoepama kami hanteu datang mah, sarta teu ngawoeroek ka darinja, moal barogaeun dosa; dĕmi ajeuna eta teh moal boga akal njaroempoetkeun dosana. 23 Saha-saha noe geuleuh ka kami, eta geuleuh deui ka Ama kami. 24 Saoepama kami di pĕlĕbah eta djalma hanteu milampah padamĕlan, anoe tara pisan dipigawe koe noe sedjen deui mah, moal barogaeun dosa; dĕmi ajeuna koe eta teh geus katarendjo, kilang kitoe ge gareuleuheun ka kami sarta ka Ama kami. 25 Tatapi noe matak kitoe, soepaja kalaksanakeun anoe dioengĕlkeun dina toret maranehanana kijeu: Ari eta pada migeuleuh ka koering, tapi taja sababna. 26 Dĕmi mangsa soemping Panglipoer teh, anoe koe kami rek didjoeroengkeun ka maraneh ti Rama, nja eta Roh kajaktian, anoe ka loewar ti Rama teja, eta djadi saksi mĕrtelakeun kami. 27 Ari maraneh ge pada djadi saksi, sabab reureudjeungan djeung kami ti barangmimiti pisan.

16:1 Eta pĕrkara koe kami geus dilahirkeun ka maraneh, soepaja maraneh oelah datang ka titadjong. 2 Djalma teh bakal naroendoeng maraneh ti djĕro masigit; samalah pidatangeun waktoe, didinja teh saha-saha noe maehan ka maraneh, eta panjanana ngabakti ka Allah. 3 Anoe matak bakal migawe kitoe ka maraneh, sabab hanteu njarahoëun ka Rama sarta ka kami. 4 Ari eta pĕrkara, noe matak koe kami dilahirkeun ka maraneh teh, soepaja maraneh, dimana geus tĕpi waktoena, pada aringĕt jen koe kami geus dilahirkeun ka maraneh. Dĕmi eta pĕrkara koe kami hanteu dilahirkeun ka maraneh ti mimitina, tina sabab kami reureudjeungan djeung maraneh. 5 Ajeuna kami dek ngadeuheus ka noe geus miwarang kami; ari maraneh taja noe nanjakeun kijeu: Andjeun ka mana nja piangkateun? 6 Satĕgĕsna tina sabab kami ngalahirkeun kitoe ka maraneh, noe matak hate maraneh pinoeh koe nalangsa. 7 Ari kami ngalahir ka maraneh anoe sajaktina: pimangpaäteun ka maraneh lamoen kami ijang; karana oepama kami hanteu ijang mah, Panglipoer teja moal waka soemping ka maraneh; dĕmi samangsa kami geus ijang, koe kami rek didjoeroengkeun ka maraneh. 8 Ari eta teh, sanggeusna soemping, bakal ngawĕwĕleh ka doenya tina hal dosa, tina hal kabĕnĕran, djeung tina hal hoekoeman. 9 Ari tina hal dosa, koe sabab maranehanana hanteu pĕrtjaja ka kami; 10 tina hal kabĕnĕran, koe sabab kami ngadeuheus ka Ama kami, sarta koe maraneh hanteu katarendjo deui; 11 tina hal hoekoeman, koe sabab kapala ijeu doenya geus dihoekoeman. 12 Reja keneh kami pingalahirkeuneun ka maraneh, tatapi ari maraneh ajeuna moal koewat pinanggoengeun eta. 13 Dĕmi mangsa eta teh geus soemping, nja Roh kajaktian teja, tangtoe noejoen maraneh ka sagala kajaktian; karana moal ngalahir kahojongna koe andjeun; satĕgĕsna sakoer noe kadangoe koe andjeunna, nja eta noe bakal dilahirkeun teh, sarta bakal ngawartakeun ka maraneh pika-hareupeunana. 14 Nja eta teh bakal ngamoeljakeun ka kami; karana pinjandakeunana ti anoe kami, toeloej diwartakeun ka maraneh. 15 Saniskara kagoengan Rama, nja anoe kami. Kitoe noe matak kami ngalahir, jen pinjandakeunana teh ti anoe kami, toeloej diwartakeun ka maraneh. 16 Sakeudeung deui maraneh moal nendjo ka kami; tidinja sakeudeung deui maraneh bakal nendjo ka kami; karana kami rek ngadeuheus ka Rama. 17 Geus kitoe moeridna sawareh ngaromong djeung batoerna: Naon eta noe dilahirkeun ka oerang teh: sakeudeung deui maraneh moal nendjo ka kami, tidinja sakeudeung deui maraneh bakal nendjo ka kami; kitoe deui: karana kami rek ngadeuheus ka Rama? 18 Ari aromongna: Naon eta noe dilahirkeun sakeudeung deui teh? Hanteu ngarti oerang mah anoe dilahirkeun teh. 19 Dĕmi Jesoes waspaoseun jen harajangeun naros; ladjĕng ngalahir ka moerid: Naha maraneh silih-tanjakeun anoe dipilahir koe kami kijeu teja: sakeudeung deui maraneh moal nendjo ka kami, tidinja sakeudeung deui maraneh bakal nendjo ka kami? 20 Satĕmĕn-tĕmĕnna, kami ngalahir ka maraneh : maraneh teh bakal tjareurik sarta djĕdjĕritan, tatapi doenya mah bakal atoheun; ari maraneh teh bakal njorang nalangsa, tatapi eta kanalangsaän maraneh bakal digantian koe kaboengahan. 21 Ari awewe, mangsa keur ngadjoeroe, boga kasoesah, sabab geus tĕpi ka waktoena; dĕmi geus didjoeroekeun orokna mah, geus teu ingĕt kana kasoekĕranana bawaning kaboengahan, pedah aja hidji djalma mantas didjoeroekeun ka doenya. 22 Nja kitoe keneh maraneh ajeuna keur nalangsa; tatapi kami bakal manggihan deui ka maraneh, geus kitoe hate maraneh boengah, sarta moal aja noe ngarĕboet eta kaboengahan maraneh teh. 23 Di poë harita maraneh moal nanjakeun naon-naon deui ka kami. Satëmën- tëmënna, kami ngalahir ka maraneh: naon bae noe disoehoenkeun koe maraneh ka Rama koe djĕnĕngan kami, koe andjennna tangtoe dipasihkeun ka maraneh. 24 Datang ka ajeuna maraneh tatjan nĕnĕda naon-naon koe djĕnĕngan kami. Koedoe nĕnĕda, tangtoe dipaparin, soepaja kaboengahan maraneh datang ka toetoegna. 25 Eta pĕrkara koe kami geus dilahirkeun ka maraneh koe misil-misil. Tatapi pidatangeun waktoe, didinja teh kami moal ngalahir deui ka maraneh koe misil, tangtoe sagĕblasna bae nja ngawartakeun Rama ka maraneh. 26 Di poë harita maraneh bakal nĕnĕda koe djĕnĕngan kami; sarta kami moal ngalahir ka maraneh, jen kami bakal mangnĕdakeun maraneh ka Rama; 27 karana Rama miasih ka maraneh koe mantĕn, pedah maraneh mikanjaäh ka kami, sarta pĕrtjaja jen kami teh ka loewar ti Allah. 28 Kami ka loewar teh nja ti Rama, sarta geus datang ka doenya; kitoe deui ajeuna kami ninggalkeun doenya, rek ngadeuheus ka Rama. 29 Pok mioendjoek moerid- moeridna: Tah, ajeuna andjeun ngalahir teh sagĕblasna bae, hanteu ngalahir koe misil. 30 Ajeuna simkoering geus pada tĕrang, andjeun teh langkoeng oeninga saniskantĕn pĕrkawis, sarĕng teu koedoe-koedoe aja noe naros ka andjeun. Nja eta kitoe noe mawi simkoering pada pĕrtjaja, jen andjeun ka loewar teh ti Allah. 31 Walonan Jesoes ka moerid: Pĕrtjaja maraneh ajeuna? 32 Kanjahokeun koe maraneh, pidatangeun waktoe, ajeuna ge geus nĕpi, didinja maraneh bakal dipabalĕntjarkeun saĕnggonna- saĕnggonna, ari kami koe maraneh ditinggalkeun sorangan bae; halta kami moal sorangan, sabab Rama noe njarĕngan ka kami. 33 Eta pĕrkara koe kami geus dilahirkeun ka maraneh, soepaja maraneh boga kasĕnangan lantaran kami. Ari di doenya maraneh pimanggiheun kasoekĕran; tatapi masing gĕnah bae hate, da kami geus ngalahkeun doenya.

17:1 Nja kitoe pilahir Jesoes; ladjĕng ningali ka langit, sarta oendjoekan: Noen Ama! geus dongkap ka waktoena; moegi ngamoeljakeun ka Poetra Ama, soepaja Poetra kitoe deui ngamoeljakeun ka Ama. 2 Sapĕrtos Ama geus maparin kawasa ka Poetra ka sakabehna daging, soepaja Poetia mere hiroep noe langgĕng ka sadajana, noe koe Ama geus dipaparinkeun ka Poetra. 3 Nja kijeu hiroep noe langgĕng teh, oepami djalma nganjahokeun ka Ama, Allah noe noenggal sarĕng noe sajaktosna; kitoe deui ka Jesoes Kristoes, noe geus dipiwarang koe Ama. 4 Simkoering geus ngamoeljakeun Ama di boemi; simkoering parantos ngalampahkeun padamĕlan, anoe koe Ama ditimbalkeun ka simkoering teja. 5 Ari ajeuna, noen Ama! moegi ngamoeljakeun ka simkoering dina pangkon Ama, koe kamoeljaän gadoeh simkoering di salira Ama, ti memeh aja doenya teja. 6 Simkoering teh geus netelakeun padjĕnĕngan Ama ka djalma-djalma, noe koe Ama dipaparinkeun ka simkoering ti doenya. Ari eta awitna kagoengan Ama, koe Ama dipaparinkeun ka simkoering, sarĕng geus ngarestokeun pangandika Ama. 7 Dangĕt ajeuna pada ngahartieun, jen saniskantĕn anoe koe Ama dipaparinkeun ka simkoering, saestoena ti Ama. 8 Karantĕn ari sadajana pilahir, anoe koe Ama dipaparinkeun ka simkoering, koe simkoering geus diserenkeun ka dinja; dĕmi koe eta ditarampi, sarĕng pada ngahartieun saestoena, jen simkoering ka loewar teh nja ti Ama, kitoe deui pada pĕrtjaja jen Ama noe miwarang simkoering. 9 Simkoering mangnĕdakeun maranehanana; simkoering hanteu mangnĕdakeun doenya, mangnĕdakeun teh sadajana noe koe Ama dipaparinkeun ka simkoering; karantĕn nja kagoengan Ama. 10 Ari saniskantĕn kagadoeh simkoering, nja kagoengan Ama; kitoe deui saniskantĕn kagoengan Ama, nja kagadoeh simkoering; sarĕng simkoering geus dimoeljakeun di djĕro maranehanana. 11 Simkoering geus hauteu aja di doenya, ari eta mah araja di doenya, dĕmi simkoering teh rek marĕk ka Ama. Noen Ama noe langkoeng soetji! moegi-moegi ngaraksa ka eta teh, sangkan mantĕp ka padjĕnĕngan Ama, noe koe Ama geus dipaparinkeun ka simkoering; soepaja djadi sahidji, sapĕrtos Ama sarĕng simkoering. 12 Keur mangsa simkoering reureudjeungan keneh sarĕng eta di doenya, diraksa koe simkoering, sangkan mantĕp ka padjĕnĕngan Ama. Noe koe Ama dipaparinkeun ka simkoering, koe simkoering geus diraksa, sarĕng sabatoer eta taja noe dongkap ka leungit, kadjabi anak katjilakaän teja, soepaja kalaksanakeun Kitab. 13 Ari ajeuna simkoering rek marĕk ka Ama, sarĕng ngoendjoekkeun ijeu teh di doenya, soepaja eta pada gadoeheun kaboengahan simkoering dina dirina, sarĕng dongkap 14 ka toetoegna. Simkoering geus njerenkeun pangandika Ama ka darinja; ari doenya geuleuheun ka darinja, tina sabab teu kaäsoep ka doenya, sapĕrtos lĕbah simkoering kitoe deui teu kaäsoep ka doenya. 15 Simkoering lain nĕnĕda, moegi eta teh koe Ama ditjandak ti doenya; sajaktosna mah moegi koe Ama diraksa ti noe goreng. 16 Ari eta teh teu kaäsoep ka doenya, sapĕrtos Iĕbah simkoering kitoe deui teu kaäsoep ka doenya. 17 Moegi eta pada disoetjikeun dina kajaktosan Ama; ari paugandika Ama nja eta kajaktosan teja. 18 Sapĕrtos Ama miwarang simkoering ka doenya, nja kitoe deui eta teh koe simkoering geus pada dititah ka doenya. 19 Sarĕng simkoering njoetjikeun diri pribadi pikeun maranehanana, soepaja eta ge pada disoetjikeun dina kajaktosan. 20 Sarĕngna deui simkoering teh lain mangnĕdakeun eta woengkoel, mangnĕdakeun deui sadajana noe bakal pĕrtjaja ka simkoering koe lantaran piwoeroek maranehanana; 21 soepaja sadajana teh djadi sahidji, sapĕrtos Ama di djĕro simkoering, sarĕng simkoering di djĕro Ama, sangkan eta ge djadi sahidji di djĕro Ama sarawoeh simkoering; soepaja doenya teh pĕrtjajaeun, jen Ama noe geus mi- warang simkoering. 22 Sarĕng simkoering ka eta teh geus mere kamoeljaän, anoe koe Ama dipaparinkeun ka simkoering teja; soepaja djadi sahidji, sapĕrtos Ama sarĕng simkoering sahidji; 23 simkoering di djĕro maranehanana, ari Ama di djĕro simkoering, soepaja masing sampoerna dina kahidjianana; sangkan doenya teh nganjahokeun, jen Ama noe geus miwarang simkoering, sarĕng mikaäsih ka darinja, sakoemaha Ama mikaäsih ka simkoering. 24 Noen Ama! kahajang teh, ari noe koe Ama dipaparinkeun ka simkoering teja, moegi sina reureudjeungan sarĕng simkoering di ĕnggon noe diajaän koe simkoering; soepaja narendjo kamoeljaän, anoe koe Ama geus dipaparinkeun ka simkoering; karantĕn Ama geus mikaäsih ka simkoering ti memeh ngadĕgkeunana doenya. 25 Noen, Ama noe langkoeng adil! doenya teh teu nganjahokeun ka Ama, ari simkoering mah nganjahokeun ka Ama, sarĕng ari eta mah pada ngahartieun, jen Ama noe miwarang simkoering. 26 Sarĕng simkoering ka eta teh geus ngawartakeun padjĕnĕngan Ama, sarta bade diwartakeun deui; soepajana kaäsihan, anoe koe Ama dianggo miasih ka simkoering teja, sina aja di djäro eta; kitoe deui simkoering piajaeun di djäro eta.

18:1 Sanggeus Jesoes ngalahir kitoe, ladjĕng angkat djeung moerid-moeridna ka peuntaseun tji Kidron; di dinja aja hidji kĕbon, eta toeloej diasoepan koe Jesoes djeung moerid-moeridna. 2 Ari Joedas, anoe ngahijanat ka andjeunna teja, njahoëun oge ka eta ĕnggon, doemeh Jesoes geus mindĕng koempoelan di dinja djeung moerid-moeridna. 3 Sanggeus Joedas nampa barisan sarta patjalang-patjalang ti panghoeloe-panghoeloe agoeng djeung ti ahli-ahli parisi, toeloej datang ka dinja mawa lantera djeung obor sarta pakarang-pakarang. 4 Geus kitoe Jesoes, doemeh oeningaeun ka saniskara noe pinaradjangeun ka salira andjeunna, ladjĕng ka loewar, bari ngalahir ka eta djalma: Saha noe ditejangan koe maraneh? 5 Wangsoelanana: Jesoes, oerang Nasaret. Lahiran Jesoes ka eta: Nja ijeu kami. Malah Joedas ge, anoe ngahijanat ka andjeunna teja, nangtoeng di Iĕbah eta djalma-djalma. 6 Dĕmi keur mangsa Jesoes ngalahir ka darinja: Nja ijeu kami, seug pada maloendoer, toeloej tidjarĕngkang. 7 Ladjĕng mariksa deui ka eta djalma-djalma: Saha teja uoe ditejangan koe maraneh teh? Aromongna: Jesoes, oerang Nasaret. 8 Ari walonan Jesoes: Ongkoh kami geus ngalahir ka maraneh, jen nja ijeu kami teh. Lamoen ĕnja narejangan kami, eta mah ingkeun bae, sina laleumpang. 9 Noe matak kitoe, soepaja kalaksanakeun anoe dipilahir koe andjeunua teja: Ti sakoer noe koe Ama dipaparinkeun ka simkoering, simkoering teu kaleungitan sahidji-hidji atjan. 10 Geus kitoe Simon Petroes, anoe njoren pĕdang, seug njaboet pĕdangna, toeloej ngadek ka badega panghoeloe agoeng, rampoeng tjeulina ti katoehoe. 11 Ari ngaran badega teja Malkoes. Ladjĕng Jesoes ngalahir ka Petroes: Geura asoepkeun pĕdang maneh ka sarangkana. Ari loemoer, anoe koe Rama dipaparinkeun ka kami teh, naha eta koe kami oelah diinoem? 12 Geus kitoe eta barisan djeung koemĕndang sarta patjalang oerang Jahoedi teja narangkĕp ka Jesoes, sarta toeloej dibanda. 13 Tidinja diariringkeun ka Annas heula; karana eta teh mitoha Kajapas, anoe djĕnĕng panghoeloe agoeng dina taoen harita. 14 Ari Kajajas teh, nja eta noe mamatahan ka oerang Jahoedi teja, jen pimangpaäteun paeh hidji djalma ngagantian eta bangsa. 15 Ari Simon Petroes noetoerkeun ka Jesoes, djeung hidji moerid noe sedjen. Dĕmi eta moerid teh geus kaoeninga koe panghoeloe agoeng, sarta asoep ka boeroean panghoeloe agoeng barĕng djeung Jesoes. 16 Tatapi Petroes nangtoeng di loewar pĕlĕbah panto. Tidinja moerid noe hidji deui, anoe kaoeninga koe panghoeloe agoeng teja, seug ka loewar, toeloej pasini djeung awewe toekang ugadjaga panto, geus kitoe Petroes dibawa asoep. 17 Ari eta boedjang awewe, toekang ngadjaga panto teja, seug ngomong ka Petroes: Maneh teu kaäsoep moerid eta djalma? Ari djawabna: Hanteu koela mah. 18 Dĕmi badega djeung patjalang geus miroen seuneu koe arĕng, wantoe keur waktoe tiris; sarta narangtoeng di dinja sidoeroe. Ari Petroes nangtoeng tjampoer djeung eta, sarta sidoeroe. 19 Geus kitoe panghoeloe agoeng mariksakeun ka Jesoes hal moerid-moeridna, djeung hal piwoeroekna. 20 Ngawangsoel Jesoes ka dinja: Kaoela misaoer teh ka doenya sagĕblasna pisan; kaoela salawasna ngawoeroek di masigit sarta di kabah, ĕnggon koempoelan sakabeh oerang Jahoedi; ari di noe boeni mah kaoela teu pisan misaoer naon-naon. 21 Naha adjĕngan mariksa ka kaoela? Geura pariksakeun bae ka noe ngadarenge anoe koe kaoela dipisaoerkeun ka maranehanana; nja eta noe njarahoëun ka noe geus dipisaoerkeun koe kaoela. 22 Mangsa Jesoes ngalahir kitoe seug hidji patjalang anoe nangtoeng deukeut njabok ka Jesoes, sarta ngomong: Naha maneh ngadjawab kitoe ka panghoeloe agoeng? 23 Ngawalon Jesoes ka eta teh: Oepama salah kami nja ngomong, geura tetelakeun kasalahanana; oepama bĕnĕr, naha maneh mana njabok ka kami? 24 (Dĕmi koe Annas andjeunna geus dikirimkeun ka Kajapas, panghoeloe agoeng, sarta dibanda.) 25 Ari Simon Petroes nangtoeng sarta sidoeroe. Tidinja aja noe ngaromong ka Petroes: Maneh teu kaäsoep moerid itoe? Ari Petroes teh nganglĕs, pokna: Hanteu koela mah. 26 Aja hidji badega panghoeloe agoeng, baraja eta noe koe Petroes dikadek tjeulina teja, pok ngomong: Naha maneh lain katendjo koe koela di kĕbon reureudjeungan djeung itoe? 27 Ari Petroes nganglĕs deui. Gantjangna hajam teh kongkorongok. 28 Geus kitoe pada ngiringkeun Jesoes ti Kajapas ka gĕdong pangadilan. Sarta isoek-isoek pisan. Tatapi hanteu arasoep ka pangadilan, hajangeun oelah kanadjisan, soepaja kongang ngadalahar paska. 29 Toeloej Pilatoes ka loewar, njampeurkeun ka darinja, bari mariksa: Koemaha maraneh noe matak ngĕlakkeun eta djalma? 30 Seug pada ngawangsoel, kijeu waugsoelanana ka Pilatoes: Oepama eta lain bangsat, koe simkoering teh moal koengsi disanggakeun. 31 Ngalahir Pilatoes ka darinja: Eta teh geura bawa bae koe maraneh, seug hoekoeman noeroetkeun toret maraneh! Ari pioendjoek oerang Jahoedi ka Pilatoes: Simkoering mah teu diwidian ugahoekoem maehan. 32 Noe matak kitoe, soepaja kalaksanakeun pilahir Jesoes anoe dilahirkeun teja, nawiskeun pĕtana maotanoe bakal kasorang koe andjeunna. 33 Tidinja Pilatoes lĕbĕt deui ka pangadilan, sarta njaoer Jesoes; seug ngalahir ka andjeunna: Ĕnja maneh teh Radja oerang Jahoedi? 34 Wangsoelan Jesoes: Ari andjeun noe matak ngalahir kitoe teh nijat pribadi, atawa aja noe mopojan ka andjeun tina hal kaoela? 35 Walonan Pilatoes: Na kami teh oerang Jahoedi? Bangsa maneh djeung panghoeloe- panghoeloe agoeng geus pada njanggakeun maneh ka kami; maneh teh migawe naon? 36 Wangsoelan Jesoes: Ari karadjaan kaoela mah lain ti ijeu doenya. Saoepama karadjaän kaoela tiijeu doenya mah, geus tangtoe rahajat-rahajat kaoela manglawankeun, soepaja kaoela oelah datang ka diselehkeun ka oerang Jahoedi; ari ajeuna karadjaän kaoela teh lain ti dijeu. 37 Lahiran Pilatoes ka andjeunna: Djadi ĕnja maneh teh radja? Wangsoelan Jesoes: Lĕrĕs pilahir andjeun, kaoela teh radja. Kijeu noe matak kaoela didjoeroekeun, sarta kijeu noe matak datang ka doenya, soepaja kaoela mĕrtelakeun kajaktian. Oenggal-oenggal djalma noe ti kajaktian, tangtoe ngadengekeun sowara kaoela. 38 Lahiran Pilatoes ka andjeunna: Naon kajaktian teh? Ari geus ngalahir kitoe, toeloej ka loewar deui, njampeurkeun ka oerang Jahoedi, sarta ngalahir ka darinja: Koe kami teu kapanggih dosa eta djalma. 39 Tatapi maraneh boga adat, ari dina mangsa paska kami sok ngaleupaskeun hidji djalma adjang maraneh. Koemaha kahajang, kami koedoe ngaleupaskeun eta Radja oerang Jahoedi adjang maraneh? 40 Tidinja kabeh pada raong, kijeu pokna: Oelah eta, koedoe Barabas! Dĕmi Barabas teja dosana maehan djalma.

19:1 Ari geus kitoe Jesoes ditjandak koe Pilatoes, sarta toeloej dirangket. Tidinja sĕrdadoe ngaranjam makoeta tjoetjoek, seug dipakekeun ka mastakana, sarta diharoedoeman haroedoem noe woengoe, 3 bari ngaromong: Assalam alaekoem, Radja oerang Jahoedi! Djeung pada njabokan. 4 Geus kitoe Pilatoes ka loewar deui, sarta ngalahir ka oerang Jahoedi: Geura djareueung, eta koe kami dibidjilkeun ka maraneh, soepaja maraneh pada njaho, koe kami teu kapanggih dosana. 5 Ladjĕng Jesoes bidjil, nganggo makoeta tjoetjoek djeung haroedoem woengoe teja. Ngalahir Pilatoes ka darinja: Geura tarendjokeun djalma teh! 6 Barang andjeunna katendjo koe para panghoeloe agoeng djeung koe patjalang-patjalang, toeloej pada raong, kijeu pokna: Gantoengkeun dina kai-dipalang! gantoengkeun dina kai-dipalang! Ngalahir Pilatoes ka darinja: Geura koe maraneh bae bawa, seug gantoengkeun dina kai-dipalang; karana koe kami mah teu kapanggih dosana. 7 Ari wangsoelan oerang Jahoedi ka Pilatoes: Simkoering teh gadoeh toret; ari noeroetkeun toret simkoering mah eta djalma koedoe dipaehan, sabab ngadjĕnĕngkeun maneh Poetra Allah. 8 Mangsa Pilatoes ngadangoe omongan kitoe, beuki tambah sijeuneun bae; 9 toeloej lĕbĕt deui ka pangadilan, sarta ngalahir ka Jesoes: Ari maneh ti mana nja asal? Tatapi Jesoes teu pisan ngawangsoel. 10 Tidinja Pilatoes ngalahir deui ka andjeunna: Naha maneh teh moal ngomong ka kami? Karah teu njaho, jen kami boga kawasa ngagantoengkeun maneh dina kai-dipalang, kitoe deui boga kawasa ngaleupaskeun maneh? 11 Ari wangsoelan Jesoes: Andjeun teh moal kawasa ngagorengan ka kaoela, lamoen hanteu dipaparinkeun ka andjeun ti loehoer mah. Koe sabab eta, noe geus njerenkeun kaoela ka andjeun, leuwih gĕde dosana. 12 Ti harita Pilatoes nejangan pidjalaneun keur ngaleupaskeun Jesoes. Tatapi oerang Jahoedi teh pada raong, kijeu pokna: Oepama eta djalma koe andjeun dileupaskeun mah, moal djadi sobat ka praboe. Saha-saha noe ngadjĕnĕngkeun maneh radja, ngabahaän ka praboe. 13 Sanggeus Pilatoes ngadangoe omongan kitoe, toeloej Jesoes dibidjilkeun; geus kitoe gek linggih dina korsi pangadilan, di ĕnggon noe ngaran Litostrotos, ari koe basa Ibrani Gabata. 14 Harita teh poë paragi njadijakeun paska, kira-kira djam noe kagĕnĕp. Pok Pilatoes ngalahir ka oerang Jahoedi: Geura tarendjokeun Radja maraneh! 15 Tatapi eta pada sosowak Singkirkeun! singkirkeun! gantoeugkeun dina kai-dipalang! Ari lahiran Pilatoes ka darinja: Naha kami teh koedoe ngagantoengkeun Radja maraneh dina kai-dipalang? Wangsoelan para panghoeloe agoeng: Simkoering teh teu gadoeh deui radja djaba ti praboe. 16 Dĕmi geus kitoe koe Pilatoes Jesoes diselehkeun ka oerang Jahoedi, sina digantoengkeun dina kai-dipalang. Tidinja Jesoes ditjokot, toeloej diariringkeun. 17 Ladjĕng Jesoes manggoel kai-dipalang pikeunna, seug ka loewar, angkat ka noe disĕboet ĕnggon Tangkorek, ari koe basa Ibrani disĕboet Golgota. 18 Nja di dinja digantoengkeunana dina kaidipalang; sarta aja doewa djalma noe direudjeungkeun djeung andjeunna, kentja-katoehoe, ari Jesoes di tĕngah. 19 Sarta Pilatoes njĕratkeun toelisan, seug ditĕrapkeun dina kai-dipalang; kijeu oenina noe disĕratkeun teh: JESOES, OERANG NASARET, RADJA OERANG JAHOEDI. 20 Ari eta toelisan kawatja koe oerang Jahoedi loba pisan; wantoe-wantoe ĕnggon Jesoes digantoengkeun dina kai-dipalang teh deukeut ka nagara, sarta ditoeliskeunana koe basa Ibrani, koe basa Joenani djeung koe basa Roem. 21 Tidinja para panghoeloe agoeng oerang Jahoedi aroendjoekan ka Pilatoes: Moegi oelah njĕratkeun: Radja oerang Jahoedi; saena moedoe kijeu, jen eta geus ngomong: Kami teh Radja oerang Jahoedi. 22 Ngawalon Pilatoes: Noe geus ditoeliskeun koe kami, nja eta ĕnggeus koe kami ditoeliskeun teh. 23 Dĕmi sĕrdadoe teja, sanggeus ngagantoengkeun Jesoes dina kai-dipalang, seug njarokot panganggona, sarta dibagi opat bagian, hidji sĕrdadoe sabagian sewang, sarta djeung djoebahna. Ari eta djoebah teu make kapoetan, ti loehoer tĕroes, beunang ninoen salantjar bae. 24 Toeloej ngaromong djeung batoerna: Eta koe oerang oelah disoëhkeun, anggoer lotĕrekeun, mana bae noe boga milik. Noe matak kitoe, soepaja kalaksanakeun pilahir Kitab anoe kijeu oenina: Eta geus pada ngabagikeun papakean koering sarĕng batoer-batoerna, sarĕng djoebah koering pada ngalotĕrekeun koe dadoe. Nja kitoe dipilampahkeunana koe sĕrdadoe teh. 25 Dĕmi deukeut ka kai-dipalang Jesoes ngaradĕg iboena djeung saderek iboena, nja eta Maria pamadjikan Klopas, kitoe deui Maria Magdalena. 26 Ana Jesoes ningali iboena, djeung moerid noe dipikaäsih teja nangtoeng babarĕngan, ladjĕng ngalahir ka iboena Eh njai! tingali, nja eta poetra andjeun. 27 Ladjĕng ngalahir ka moerid teh: Eh ĕnoeng! tendjo, nja eta iboe manehna. Iboena ti waktoe harita koe eta moerid ditampi ka boemina. 28 Geus kitoe Jesoes, doemeh oeningaeun ajeuna geus tjatjap sakabehna, soepaja kalaksanakeun Kitab, ladjĕng ngalahir: Lah, kami koe halabhab! 29 Ari di dinja aja hidji wadah eusina tjoeka. Toeloej djalma teh ngantjlomkeun sĕpon kana tjoeka, sarta ditiirkeun kana hoë, seug diantĕlkeun kana lambena. 30 Dĕmi Jesoes parantos ngaraosan tjoeka teh, ladjĕng ngalahir: Geus tjatjap! Tidinja ngalehek mastakana, sarta moepoetkeun soekma. 31 Sabab harita poë panjadijaän, toeloej oerang Jahoedi panoenoehoen ka Pilatoes, anoe digarantoeng teh moegi sina diparotongkeun soekoena, sarta toeloej ditoeroenkeun, soepaja majitna oelah sina aja dina kai-dipalang dina sabat; karana eta sabat teh agoeng. 32 Geus kij toe sĕrdadoe daratang, seug motongkeun soekoe noe saoerang djeung noe saoerang deui anoe digantoengkeun dina kai-dipalang barĕng djeung Jesoes teja; 33 dĕmi geus nĕpi ka Jesoes, sarta narendjo jen andjeunna geus poepoes, hanteu toeloes motongkeun sampejanana; 34 tatapi noe hidji sĕrdadoe nĕwĕk koe toembak kana gedengna; pada-harita bidjil gĕtih djeung tjai. 35 Ari noe geus nendjo eta, nja koe eta dipĕrtelakeun, djeung saestoena pisan pĕrtelaänana; sarta njahoëun jen njaritakeun anoe sajaktina, soepaja maraneh pĕrtjaja. 36 Karana eta pĕrkara teh boekti, soepaja kalaksanakeun pilahir Kitab noe kijeu Toelangna sahidji ge moal dipotong- keun. 37 Djeung aja deui pilahir Kitab noe kijeu: Djalma teh bakal narendjo ka eta noe geus ditĕwĕk koe maranehanana. 38 Sanggeusing kitoe Joesoep ti Arimatea, noe kaäsoep moerid Jesoes, tatapi njaroe koe tina sijeuneun koe oerang Jahoedi, toeloej panoenoehoen ka Pilatoes, moegi aja widi noeroenkeun majit Jesoes. Ari koe Pilatoes diwidian. Tidinja Joesoep soemping, seug ngaloengsoerkeun majit Jesoes. 39 Soemping deui Nikodemoes, anoe barangmimiti ngadeuheusan ka Jesoes basa ti peuting teja, ngabantoen moer djeung garoe, beunang njampoerkeun, watara saratoes pon. 40 Ladjäng njarandak majit Jesoes, sarta diboengkoes koe lawon bodas djeung seuseungitan teja, sakoemaha adat oerang Jahoedi ngoeboer. 41 Dĕmi deukeut ĕnggon Jesoes digantoengkeun dina kai-dipalang teja aja hidji kĕbon, sarta di djĕro eta kĕbon aja hidji koeboeran anjar, tatjan pisan aja noe diroewang di dinja. 42 Nja dina koeboeran eta Jesoes diëbogkeunana, tina keur waktoe panjadijaän oerang Jahoedi; doemeh eta koeboeran deukeut.

20:1 Ari dina poë ahad, isoek-isoek, poëk keneh, Maria Magdalena angkat ka eta koeboeran; toeloej ningali batoena geus aja noe mindahkeun inja tina koeboeran. 2 Geus kitoe moeroe, seug dongkap ka Simon Petroes djeung ka moerid noe hidji deui, anoe dipikaäsih koe Jesoes teja; ari saoerna ka dinja: Goesti teh aja noe njokot tina koeboeran, sarta kaoela djeung batoer teu njaho diteundeunna. 3 Toeloej Petroes indit ka loewar, djeung moerid noe hidji deui teja, sĕdjana rek nejang ka koeboeran. 4 Eta doewaän leumpangna ngarendeng, dĕmi moerid noe hidji deui teja miheulaän ngagantjangan ti Petroes, sarta pangheulana datangna ka koeboeran. 5 Ana nĕmpo, nendjo lawon bodas teja ngaloemboek; tatapi hanteu koengsi asoep ka djĕro. 6 Ari Simon Petroes noetoerkeun; barang datang toeloej asoep ka koeboeran, sarta nendjo lawon bodas teja ngaloemboek; 7 ari salĕmpaj, oeroet boengkoes mastakana, hanteu tjampoer ngaloemboekna ka lawon bodas teh, misah bae beunang ngagoeloengkeun, sedjen deui ĕnggonna. 8 Tidinja moerid noe hidji deui, anoe datang pangheulana ka koeboeran teja, asoep deui, seug nendjo, sarta toeloej pĕrtjaja. 9 Karana moerid-moerid tatjan tĕrangeun kana Kitab, oenina jen andjeunna koedoe tanghi ti noe maraot. 10 Geus kitoe moerid teja seug maroelang ka boemina. 11 Dĕmi Maria nangtoeng di loewar deukeut koeboeran, bari nangis. Keur nangis seug nĕmpo ka djĕro koeboeran; 12 toeloej ningali doewa malaikat, panganggona bodas, keur linggih dina oeroet majit Jesoes ebog, noe hidji mastakaeunana, noe hidji deui toendjangeunana. 13 Eta ladjĕng ngalahir ka Maria: Eh njai! naha mana tjeurik? Ari pihatoerna: Sabab Goesti koering aja noe njokot, sarta koering teu njaho diteundeunna. 14 Dĕmi geus mihatoer kitoe, Maria malik ka toekang, beh ningali Jesoes keur ngadĕg, tatapi teu njahoëun jen Jesoes. 15 Ngalahir Jesoes ka Maria: Eh njai! naha mana tjeurik? nejangan saha? Ari panjana Maria eta teh mandor kĕbon; noe matak toeloej mihatoer ka andjeunna: Noen djoeragan! oepama andjeun noe ngalihkeun, moegi koering tjarijosan di mana disimpĕnna, koe koering bade dipindahkeun deui. 16 Lahiran Jesoes ka eta teh: Eh Maria! Tidinja Maria malik, bari oendjoekan ka andjeunna: Raboeni! nja eta tĕgĕsna Goeroe. 17 Lahiran Jesoes ka Maria: Oelah njabak ka kami; karana kami tatjan moenggah ka Ama. Dĕmi ajeuna geura leumpang bae ka doeloer-doeloer kami, toeloej bebedja ka eta kijeu: Kami moenggah ka Ama kami djeuug Ama maraneh, ka Allah kami djeung Allah maraneh. 18 Bral Maria Magdaieua angkat, toeloej mopojankeun ka moerid-moerid jen geus nendjo ka Goesti, sarta koe Goesti dilahiran kitoe teja. 19 Mangsa geus boerit, di ahad harita keneh, sarta di ĕnggon moerid karoempoel pantona ditaroelakan koe bawaning sijeun koe oerang Jahoedi, ladjĕng Jesoes soemping, iigadĕg di tĕngah-tĕngah, sarta ngalahir ka dinja: Assalam alaekoem! 20 Ari geus ngalahir kitoe, ladjĕng Jesoes ka moerid-moerid nembongkeun panangan djeuug gedengna. Dĕmi moerid teh baroengaheun, mangsa narendjo ka Goesti. 21 Ngalahir deui Jesoes ka dinja: Assalam alaekoem! Sapĕrti Rama geus miwarang kami, nja kitoe deui kami nitah maraneh. 22 Sanggeus ngalahir kitoe, ladjĕng koe andjeunna pada ditijoepan, sarta dilahiran kijeu: Koe maraneh tarampa Roh Soetji! 23 Tijap-tijap noe dihampoera dosana koe maraneh, tangtoe dihampoera; kitoe deui tijap-tijap noe ditĕtĕpkeun dosana koe maraneh, tangtoe ditĕtĕpkeun. 24 Ari Tomas, kaäsoep moerid noe doewa wĕlas, anoe katĕlah Didimoes teja, hanteu miloe koempoel keur mangsa Jesoes soemping. 25 Geus kitoe batoer-batoer pada moerid moepoelihan ka dinja: Kaoela narendjo Goesti! Ari djawab Tomas: Lamoen kaoela teu nendjo tapak pakoe dina pananganana, djeung teu njolok koe tjoeroek kana tapak pakoe teja, kitoe deui njolok koe leungeun kana gedengna, kaoela mah moal pĕrtjaja bae. 26 Dĕmi geus meunang dalapan poë, moeridna karoempoel deui di djĕro, sarta Tomas ge miloe koempoel. Ladjĕng Jesoes soemping, ari panto geus ditaroelakan, sarta ngadĕg di tĕngah-tĕngah, bari ngalahir: Assalam alaekoem! 27 Sanggeusing kitoe ngalahir ka Tomas: Kadijeukeun tjoeroek maneh, sarta ilikan leungeun kami; ka-dijeukeun leungeun maneh, toeloej tjolokkeun kana gigir kami; djeung oelah koerang pĕrtjaja, masing pĕrtjaja bae! 28 Ngawangsoel Tomas, kijeu wangsoelanana: Eh, Goesti simkoering sarĕng Allah simkoering! 29 Ngalahir deui Jesoes ka dinja: Eh Tomas! sabab maneh geus nendjo ka kami, noe matak maneh teh pĕrtjaja. Salamet noe pĕrtjaja sanadjan teu nendjo oge. 30 Loba keneh pisan tanda noe didamĕl koe Jesoes di hareupeun moerid-moeridna, anoe hanteu katoeliskeun dina ijeu kitab. 31 Tatapi ijeu mah geus ditoeliskeun, soepaja maraneh pĕrtjaja Jesoes teh Kristoes, Poetra Allah; djeung deui soepaja maraneh koe lantaran kapĕrtjajaän ngabogaän hiroep teh koe djĕnĕngan andjeunna.

21:1 Sanggeusing kitoe Jesoes ngebrehkeun deui salira andjeunna ka moerid-moerid, di sisi laoet Tiberias. Ari ngebrehkeunana teh kijeu: 2 keur karoempoel Simon Petroes, djeung Tomas anoe katĕlah Didimoes, djeung Natanael anoe asal ti Kana bilangan Galilea, kitoe deui poetra-poetra Sĕbĕdeoes, djeung doewa deui moerid Jesoes. 3 Ari saoer Simon Petroes ka batoer-batoerna: Kaoela dek ngala laoek. Kabeh ngadjawab ka Petroes: Kaoela ge miloe. Geus kitoe arindit ka loewar, seug oenggah kana parahoe; dĕmi sapeuting eta taja pisan beubeunanganana. 4 Ari geus braj beurang, Jesoes ngadĕg di basisir; tatapi moerid teu njarahoëun jen Jesoes. 5 Ladjĕng Jesoes ngalahir ka dinja: Eh baroedak, koemaha maraneh boga lalawoeh? Wangsoelanana: Soemoehoen, teu gadoeh. 6 Lahiranana ka dinja: Heurap teh geura roengkoepkeun katoehoeëun parahoe, tangtoe meunang. Tidinja prak diroengkoepkeun, sarta teu kadoegaeun moeloet deui tina sabab kalobaän laoekna. 7 Geus kitoe moerid noe dipikaäsih koe Jesoes teja ngomong ka Petroes: Geuning eta Goesti! Barang ngadenge Simon Petroes jen eta Goesti, seug toeloej dibadjoe make disaboekan, (karana keur poeroetjoel,) bari ngoentjloengkeun maneh ka laoet. 8 Ari moerid noe saredjen teh datangna toempak parahoe leutik teja, (karana teu pati djaoeh ti darat, ngan kira-kira doewa ratoes asta anggangna,) sarta bari ngagoesoer heurap djeung laoekna. 9 Dĕmi geus harandjat ka darat, beh nendjo seuneu roehaj beunang miroen, djeung aja laoek keur diganggang, kitoe deui aja roti. 10 Ngalahir Jesoes ka moerid-moerid: Geura mawa laoek beunang bijeu! 11 Tidinja Simon Petroes oenggah ka parahoe; seug heurapna dipoeloet ka darat, pinoeh koe laoek galĕde, aja saratoes lima poeloeh tiloe; nadjan sakitoe lobana ge heurapna teu datang ka bĕdah. 12 Ngalahir Jesoes ka moerid-moerid: Hijap ka dijeu, dalahar! Ari moerid teh taja noe wani naros ka andjeunna kijeu: Saha andjeun teh? tina sabab geus pada tĕrangeun jen Goesti. 13 Ladjĕng Jesoes ngadeukeutan, sarta njandak roti teja, bari toeloej dipaparinkeun ka moerid- moerid; nja kitoe deui laoekna. 14 Nja ijeu noe katiloe kalina Jesoes ngebrebkeun andjeun ka moerid-moeridna, sanggeus tanghi ti noe maraot. 15 Dĕmi geus reres dalaharua, ladjĕng Jesoes ngalahir ka Simon Petroes: Eh, Simon anak Jonas! koemaha maneh nja njaäh ka kami leuwih ti batan eta sakabeh? Ari wangsoelan Petroes: Soemoehoen, Goesti; Goesti noe langkoeng waspaos, jen simkoering njaäh ka Goesti. Lahiranana ka Petroes: Geura angon anak-domba kami! 16 Jesoes ngalahir deui ka Petroes kadoewa-kalina: Eh, Simon anak Jonas! koemaba maneh teh ĕnja njaäh ka kami? Ari wangsoelan Petroes: Soemoehoen, Goesti; Goesti noe langkoeng waspaos, jen simkoering njaäh ka Goesti. Lahiranana ka Petroes: Geura oeroeskeun domba kami! 17 Jesoes ngalahir ka Petroes katiloe-kalina: Eh, Simon anak Jonas! koemaba maneh teh ĕnja njaäh ka kami? Toeloej Petroes teh nalangsa, doemeh Jesoes katiloe-kalina ngalahir ka manehna: Koemaha maneh teh njaäh ka kami? Geus kitoe ngawangsoel: Noen Goesti, nja Goesti noe langkoeng waspaos ka saniskantĕn pĕrkawis; Goesti noe langkoeng waspaos, jen simkoering njaäh ka Goesti. Lahiran Jesoes ka Petroes: Geura angon domba kami! 18 Satĕmĕn-tĕmĕnna, kami ngalahir ka maneh: mangsa maneh keur ngora keneh, disaboek koe sorangan, djeung njaba ka mana karĕp bae; dĕmi mĕngke mah, samangsa maneh geus kolot, bakal njodorkeun leungeun, toeloej disaboekan koe noe sedjen, sarta dibawa ka noe lain karĕp maneh. 19 Ari pangalahirkeunana kitoe nawiskeun tina djalan maot noe koemaha Petroes bakal ngamoeljakeun ka Allah. Sanggeusna ngalahir kitoe, ladjĕng andjeunna ngalahir deui ka Petroes: Geura ngiring ka kami! 20 Dĕmi Petroes njorejang, seug nendjo aja noe ngiring, nja moerid noe dipikaäsih koe Jesoes teja, anoe ngalendehan kana dada Jesoes mangsa keur dalahar, sarta oendjoekan: Noen Goesti! anoe mana teja noe ngahijanat ka andjeun? 21 Barang katendjo koe Petroes, toeloej oendjoekan ka Jesoes: Noen Goesti! ari eta bakal koemaha? 22 Lahiran Jesoes ka Petroes: Oepama eta koe kami dipastikeun tĕtĕp nĕpi ka kami datang deui, eta mah lain pipĕrkaraeun maneh; ari maneh teh ngiring kami bae! 23 Dĕmi pilahir bijeu teh lijar ka sadajana doeloer-doeloer, jen eta moerid moal pimaoteun. Padahal Jesoes hanteu ngalahir jen moal pimaoteun; ngan: oepama eta koe kami dipastikeun tĕtĕp nĕpi ka kami datang deui, eta mah lain pipĕrkaraeun maneh. 24 Nja eta moerid anoe mĕrtelakeun ijeu sakabeh pĕrkara, sarta geus noeliskeun ijeu sakabeh pĕrkara; ari kaoela pada njaho, jen pĕrtelaänana saestoena. 25 Masih loba keneh pisan pĕrkara, noe geus didamĕl koe Jesoes; sarta oepama ditoeliskeun hidji-hidjina, pamikir kaoela eta kitab-kitab beunang noeliskeun teja saälam-doenya ge moal asoep. Amin.